diff --git "a/iba_Latn/mala_000002_remove.jsonl" "b/iba_Latn/mala_000002_remove.jsonl"
new file mode 100644--- /dev/null
+++ "b/iba_Latn/mala_000002_remove.jsonl"
@@ -0,0 +1,502 @@
+{"url":"","collection":"madlad400","source":"CC 20220801","original_code":"iba","text":"Kaban GPS, meseti siti tim - Suara Sarawak\\n“Kitai meseti gawa nyadi siti tim iya nya GPS lalu ukai ngumbai diri ngarika parti komponen bukai.”\\nKUCHING: Semua kaban parti komponen Gempung Parti Sarawak (GPS) meseti gawa nyadi siti tim dikena ngenegapka agi serakup gempung nya.\\nSapit Kepala Menteri Tan Sri Datuk Amar James Masing madah, pekara tu beguna amat ngambi ngenegapka agi GPS maya napi Pengawa Bepilih Nengeri Ke-12 (PRN12) ila.\\n“Kitai meseti gawa nyadi siti tim iya nya GPS lalu ukai ngumbai diri ngarika parti komponen bukai,” ku Masing.\\nIya mansutka jaku nya ba aum pemberita di Kompleks Dewan Undangan Negeri (DUN) ditu, ensanus.\\nMasing ti mega Presiden Parti Rakyat Sarawak (PRS) madahka diri tepantup ati meda pemujur dijapai GPS ke diatu.\\n“GPS meseti gawa ngagai jalai ti betul. Kitai meseri mutarka penanggul ti nyadi siti diri sebilik tauka tim,” ku Masing madah nyemetak madah.\\nKenu ku iya, PRN12 tu ila bisi bida enggau pengawa bepilih sebedau tu laban semua pekara bepanggai ba media rama.\\n“Nya alai, kitai enggau naka ulih meseti bekenaka media rama nyengkaum meri penerang enggau mejah petenah ari piak penyakal,” terang iya.\\nPeranak rumah panjai dipinta meri kerejasama, anang pansut sebarang","num_words":185,"character_repetition_ratio":0.083,"word_repetition_ratio":0.068,"special_characters_ratio":0.195,"stopwords_ratio":0.146,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"16 August 2018 - Hari Empat ba Minggu Ke Sembilan Belas Musim Selama - Berita Iban Online | Laman Web Berita Kitai\\nHome \/ Injil Tuhan \/ 16 August 2018 - Hari Empat ba Minggu Ke Sembilan Belas Musim Selama\\n16 August 2018 - Hari Empat ba Minggu Ke Sembilan Belas Musim Selama\\nStaf @beritaibanMY Thursday, August 16, 2018 0\\nOrang ke dichekal iya lalu besugang, minta kasih ngagai iya, ‘Aku minta nuan sabar enggau aku. Aku deka mayar nuan!’- Matthew 18: 21 - 19: 1\\nEsekiel 12: 1 - 12\\nKu TUHAN bejaku ngagai aku, “Anak mensia, nuan diau begulai enggau orang ke seruran angkat ngelaban, ke bisi mata kena meda, tang enda meda, ke bisi pending, tang enda ninga, laban sida nya orang ke seruran angkat ngelaban.\\nNya alai, anak mensia, sikap gari nuan baka orang ke tasah, lalu mupuk sebedau hari malam. Awakka semua orang meda nuan mupuk lalu mansang ngagai endur bukai. Nyangka ukur orang ke angkat ngelaban nya ulih meda nuan.\\nLebuh hari agi siang, sikap gari ti deka dibai nuan, ngambika sida ulih meda nuan, lalu udah nya awakka sida ngemataka nuan mupuk lebuh lemai hari, indah-indah baka orang ke dibuai ngagai menua Babilon.\\nLebuh sida benung ngemataka nuan, bumbuska dinding rumah nuan, lalu bai tungkus gari nuan nengah lubang nya.\\nAwakka sida meda nuan manggaika tungkus gari nuan nya ba bau nuan, lalu meda nuan bejalai nengah petang bepampul mata, ngambika nuan enda ulih meda tunga nuan bejalai. Utai ti dikereja nuan nya deka nyadika jaku tangkan ke orang Israel.”\\nAku lalu ngereja utai ti diasuh TUHAN. Ba hari nya aku nungkus gari aku baka orang ke tasah, lalu lemai nya, lebuh hari nyau deka petang, aku lalu ngerumbak lubang ba dinding ngena jari aku, lalu pansut. Lebuh semua orang benung ngemataka aku, aku manggaika tungkus gari aku ba bau aku, lalu mupuk.\\nPagi hari siti TUHAN bejaku ngagai aku. Ku Iya, “Anak mensia, lebuh orang Israel ke angkat ngelaban nya nanyaka utai ti dikereja nuan, padahka ngagai sida utai ti disebut Aku TUHAN Allah Taala ngagai sida.\\nPesan tu diungkupka anak raja ke megai perintah di Jerusalem, enggau ke semua orang ke diau dia.\\nPadahka ngagai sida, utai ti udah dikereja nuan nya nandaka utai ti deka nyadi ba sida - sida deka tasah sereta nyadi orang tangkap.\\nAnak raja ke megai sida deka ngesan tungkus gari iya empu dalam petang, lalu rari nengah lubang ti dikerumbak sida ke iya ba dinding kuta. Iya deka mampul mata diri, lalu enda ulih meda tunga iya bejalai.”\\nMasmur 78: 56 - 57, 58 - 59, 61 - 62\\nSaut (peda 7b): Anang enda ingatka utai ti udah dikereja TUHAN.\\nTang sida angkat ngelaban Allah Taala ti Pemadu Bekuasa lalu nguji Iya.\\nSida enda ngasika adat Iya,tang ngelaban sereta enda taluk baka aki ini sida, enda tau dikarapka, baka laja ti bingkuk.\\nSaut: Anang enda ingatka utai ti udah dikereja TUHAN.\\nSida nyungkak TUHAN ringat\\nngena endur alai orang kapir nyembah petara sida, lalu nyungkak Iya pedis ati ngena engkeramba sida.\\nAllah Taala ringat lebuh Iya meda utai nya, nya alai Iya nulak semua nembiak Iya.\\nTUHAN nejuka bala munsuh kitai ngerampas Peti Lampang Batu Adat,\\nti nyadika tanda kuasa enggau mulia Iya.\\nIya ringat ngagai bala nembiak Iya Empu\\nlalu nejuka sida dibunuh munsuh.\\nAlleluia (peda Masmur 119: 135)\\nAwakka penampak mua Nuan manchar ngagai aku ke nembiak Nuan, lalu ajar aku adat Nuan.\\nUdah nya Peter datai ngagai Iya lalu bejaku, “Tuhan, enti menyadi aku bedosa ngelaban aku, berapa penyuah aku patut ngampun iya? Tujuh kali?”\\nKu Jesus madah ngagai iya, “Ukai tujuh kali, tang tujuh puluh tujuh kali.\\nNya alai Perintah serega tau dibandingka enggau siku raja ke deka meresa akaun bala orang gaji iya.\\nLebuh iya baru deka belabuh ngereja pengawa nya, siku orang gaji, ke udah nginjau bejuta-juta ringgit, dibai betemu enggau iya.\\nLaban orang gaji nya enda tebayarka utang diri, nya alai raja lalu ngasuh iya dijual, sama enggau bini enggau bala anak iya, sereta enggau semua reta tengkira iya, kena mayar utang nya.\\nUlun nya lalu besugang di mua raja, minta kasih ari raja. Ku iya, ‘Aku minta nuan sabar enggau aku. Aku deka mayar semua utang aku!’\\nLaban raja nya kasihka ulun iya nya, nya alai iya ngelepaska iya, lalu muai utang iya.\\nTang lebuh ulun nya pansut, iya betemu enggau orang siku ke sama ulun baka iya empu, ke berutang semina mimit aja ba iya. Iya nyekal orang nya, lalu bejaku, ‘Bayar utang nuan!’\\nOrang ke dichekal iya lalu besugang, minta kasih ngagai iya, ‘Aku minta nuan sabar enggau aku. Aku deka mayar nuan!’\\nTang iya enda sabar enggau orang nya. Iya lalu nutup orang nya dalam rumah jil, datai ke orang nya udah mayar utang iya.\\nLebuh orang gaji ti bukai meda nya, sida tusah amat ati, lalu madahka semua pekara nya ngagai raja.\\nRaja lalu ngangauka ulun iya nya, lalu bejaku ngagai iya, ‘Nuan tu ulun ti jai! Aku udah muai semua utang nuan, laban nuan minta aku muai utang nya.\\nKati nuan enda nemu kasihka orang ke sama ulun baka nuan empu, baka aku ke udah kasihka nuan?’\\nRaja balat amat pedis ati, lalu ngasuh ulun nya ditutup dalam rumah jil, datai ke iya udah mayar semua utang iya.\\nBaka nya meh Apai Aku ti di serega deka ngereja ngagai genap iku kita, enti kita enda ngampun menyadi kita enggau pengabis ati kita.”\\nLebuh Jesus udah badu nyebut semua utai nya, Iya mupuk ari menua Galili lalu bejalai ngagai menua Judea, di seberai Sungai Jordan.","num_words":845,"character_repetition_ratio":0.049,"word_repetition_ratio":0.023,"special_characters_ratio":0.218,"stopwords_ratio":0.394,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: 9 August 2018 - Hari Empat ba Minggu Ke Lapan Belas Musim Selama - Berita Iban Online | Laman Web Berita Kitai\\nHome \/ Injil Tuhan \/ #InjilSeharitu: 9 August 2018 - Hari Empat ba Minggu Ke Lapan Belas Musim Selama\\n#InjilSeharitu: 9 August 2018 - Hari Empat ba Minggu Ke Lapan Belas Musim Selama\\nStaf @beritaibanMY Thursday, August 09, 2018 0\\nAku deka meri nuan kunchi Perintah serega, lalu sebarang utai ditanchang nuan di dunya tu, deka ditanchang di serega, lalu sebarang utai dibuka nuan di dunya tu, deka dibuka di serega.” Matthew 16: 13 - 23\\nKu TUHAN bejaku,\\n“Maya deka datai alai Aku deka ngaga siti sempekat ti baru enggau orang Israel, sereta enggau orang Judah.\\nSempekat nya enda baka sempekat lama ti udah digaga Aku enggau bala aki ini sida lebuh Aku megai jari sida, lalu nguluka sida pansut ari menua Ejip. Taja pen Aku udah nyadi laki sida, sida ngelanggar sempekat nya.\\nTang tu sempekat ti baru ti deka digaga Aku enggau orang Israel:\\nAku deka nyimpan Adat Aku dalam sida, lalu nuliska Adat nya dalam ati sida. Aku deka nyadi Allah Taala sida, lalu sida deka nyadi nembiak Aku.\\nNadai siku sida agi ibuh ngiruh diri ngajar pangan diri ngambika sida nemu TUHAN, laban semua sida deka nemu Aku, kenyau ari sida ke pemadu mit nyentuk ngagai sida ke pemadu besai. Aku deka ngampun dosa sida, lalu Aku enda agi ingatka penyalah sida. Aku ti TUHAN udah bejaku.”\\nSaut (10a): Gaga ati aku tuchi, O Allah Taala.\\nSaut: Gaga ati aku tuchi, O Allah Taala.\\nPulaika aku baru ngagai pengaga ti datai ari pengelepas Nuan, lalu asuh aku rajin ngasika Nuan.\\nNya baru aku deka ngajar pasal pesan Nuan ngagai orang ke bedosa, lalu sida deka pulai baru ngagai Nuan.\\nNuan enda rinduka piring, nya kebuah aku enda ngenjuk sida ngagai Nuan.\\nNuan enda rinduka piring tunu. Piring aku nya ati ti baruh, O Allah Taala. Nuan enggai nulak ati ti baruh, ati ti nesal.\\nAlleluia (peda Matthew 16: 18)\\nNuan tu Peter, lalu ba batu tu Aku deka nirika gerija Aku,\\nlalu pintu neraka enda ulih ngalahka iya.\\nLebuh Jesus datai semak menua Sesaria Pilipi, Iya lalu nanya sida murid Iya,\\n“Ba penemu orang, sapa Anak Mensia?”\\nKu sida nyaut, “Sekeda ngumbai Iya John Pemaptisa. Sekeda ngumbai Iya Elijah, lalu sida ti bukai ngumbai Iya Jeremiah tauka siku ari nabi ti bukai.”\\nIya lalu nanya sida, “Sapa Aku tu ku kita?”\\nSimon Peter lalu nyaut, “Nuan tu Kristus, Anak Allah Taala ti idup.”\\nJesus lalu nyaut, “Beberekat meh nuan, Simon anak John! Laban mensia nadai madahka utai tu ngagai nuan, tang Apai Aku ti di serega.\\nLalu Aku madah ngagai nuan, nuan tu Peter lalu ba batu tu Aku deka nirika gerija Aku, lalu pintu neraka enda ulih ngalahka iya.\\nAku deka meri nuan kunchi Perintah serega, lalu sebarang utai ditanchang nuan di dunya tu, deka ditanchang di serega, lalu sebarang utai dibuka nuan di dunya tu, deka dibuka di serega.”\\nJesus lalu berat-rat enda nyagi sida murid madah ngagai orang Iya nya Kristus.\\nBerengkah ari nya, Jesus lalu belabuh madah ngagai sida murid Iya, Iya enda tau enda mansang ngagai Jerusalem lalu natka Diri diperinsaka bala tuai bansa, bala tuai imam, enggau bala pengajar Adat, lalu dibunuh, lalu diangkatka idup baru ari mati ba hari ti ketiga.\\nPeter lalu mai Iya ke tisi, lalu belabuh ngerara Iya. Ku Peter, “Allah Taala enda nyagi utai nya nyadi, Tuhan! Utai nya enda tau sekali-kali nyadi ba Nuan!”\\nTang Jesus nguing lalu bejaku ngagai Peter, “Rari ari Aku, Sitan! Nuan mempang jalai Aku, laban nuan berundingka utai mensia, ukai utai Allah Taala.”","num_words":558,"character_repetition_ratio":0.063,"word_repetition_ratio":0.08,"special_characters_ratio":0.22,"stopwords_ratio":0.409,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ubah Kabinet: 'Aku enda nemu, ku Abg Jo - Suara Sarawak\\nUbah Kabinet: ‘Aku enda nemu, ku Abg Jo\\nDulu ari tu siti surat kabar nasional jaku China bisi mantaika ripot berita bekaul enggau ubah kabinet nengeri\\n“Sapit Kepala Menteri Tan Sri James Jemut Masing diripotka bisi mansutka buah runding ngambika orang ti betul ulih dipadu ngisi pangku pengawa lepas ubah kabinet nengeri nya ila.”\\nKUCHING: “Aku enda nemu,” ku saut Kepala Menteri Datuk Patinggi Abang Johari Tun Openg bekaul enggau berita pasal ubah kabinet nengeri enda lama agi.\\nIya mega enggai meri timbal mayuh bekaul enggau pekara nya, taja senaya pekara iya udah dipantaika sekeda pemesai dalam kabinet nengeri sereta bisi diripotka dalam siti surat kabar nasional jaku China.\\n“Baka ni aku deka nerangka pekara tu. Aku empu enda nemu. Tanya ngagai sida iya empu.\\n“Anang nanya nama kebuah Kepala Menteri tau enda nemu, laban aku empu sigi enda nemu,” ku iya.\\nIya madah munyi nya pengudah iya enggau bini iya Datin Patinggi Juma’ani Tuanku Bujang ngulu Pengerami Ngelaluka Pengabang Hari Raya Aidilfitri Sapit Sekretari Perintah Nengeri Datuk Mohammad Abu Bakar Marzuki di Kampung Siol Kandis, Petra Jaya, kemari.\\nSama bisi datai Sapit Kepala Menteri Datuk Amar Douglas Uggah Embas.\\nSapit Kepala Menteri Tan Sri James Jemut Masing diripotka bisi mansutka buah runding ngambika orang ti betul ulih dipadu ngisi pangku pengawa lepas ubah kabinet nengeri nya ila.\\nKu iya, tu beduduk ari Gabungan Parti Sarawak (GPS) bisi nyimpan ‘munsuh’ dalam parti nya tang nadai madahka enggau nyemetak.\\nBerebak enggau nya, Menteri Kaunsil Kandang Menua Datuk Dr Sim Kui Hian mega nunjukka ubah kabinet nengeri dijangka deka digaga.\\nLebuh dirandau raban pemberita lebuh Pengerami Ngelaluka Pengabang Hari Raya Aidilfitri Kepala Menteri ba Palan Aum Borneo Kuching (BCCK), iya madahka Abang Johari deka mantaika ‘pekara besai’ pengudah Hari Raya tu ila.\\nAnang enda siru ke orang tusah\\nRancakkan aktiviti pelancongan tempatan\\nSMA bantu penganggur jana pendapatan\\nPemakai asal ulih ngelai identiti bansa\\nIkut saja etika pakaian sekolah awam Amerika Utara","num_words":311,"character_repetition_ratio":0.088,"word_repetition_ratio":0.113,"special_characters_ratio":0.178,"stopwords_ratio":0.174,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Muzium Sarawak pemadu besai di Malaysia - Suara Sarawak\\nNya deka nyadi siti kelai ngemegahka rayat Sarawak\\n“Enggau penembu begunan tu ila, nya deka dirintaika nyadi siti ari produk dagang temuai baru Sarawak sereta nambahka pemisi ekonomi menua.”\\nKUCHING: Kompleks Muzium Sarawak deka nyadi muzium kedua pemadu besai di Asia sereta pemadu besai ti Malaysia.\\nMenteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah muzium nya deka nyadi siti kelai ngemegahka rayat Sarawak.\\n“Aku pechaya muzium enggau pemesai 6.726 meter persegi tu deka nyendiaka mayuh perengka guna ti pemadu manah nitihka tikas entarabansa kelebih agi ngagai bala temuai.\\nMANAH…Pemanah Begunan Kompleks Muzium Sarawak ditimpai ari langit. -Gambar Ghazali Bujang\\n“Enggau penembu begunan tu ila, nya deka dirintaika nyadi siti ari produk dagang temuai baru Sarawak sereta nambahka pemisi ekonomi menua,” ku iya.\\nAbdul Karim madah munyi nya lebuh Pengerami Nyerahka Begunan Kompleks Museum Sarawak di Auditorium begunan nya ditu, kemari.\\nNangkan nya ku iya, nengah koleksi ti dipandang tauka disimpan ba begunan tu, nya deka nyadi malin dalam pansik ngagai pesaka sereta main asal Sarawak.\\n“Kitai ukai semina deka meri fokus ngagai temuai menua tu tauka ari menua luar tang mega bala pemansik ari selampur dunya ngagai Sarawak ngaga mayuh macham pansik.\\n“Tu deka ngangkatka nama Sarawak ngagai renggat dunya sereta mai bekau positif ngagai Sarawak ba ari mayuh sukut,” ku iya.\\nKelimpah ari nya, Abdul Karim madah kabinet udah ngemendarka akta The Sarawak Cultural Heritage (Managemente and Control of the Sarawak Museum) Rules 2019 ngagai Opis Muzium Sarawak.\\n“Tuju akta tu ngambika ngemuntangka Direktor ngemujur tusun atur sereta tanggungpengawa ngagai begunan nya enggau pekara bukai,” ku iya.\\nUdah nya, Abdul Karim madah ungkus dikena ngaga begunan kompleks nya mungkur belanja RM 308 juta.\\nPerintah Sarawak mega udah ngemendarka RM 15 juta dikena nambahka belanja ngaga Kompleks Muzium Sarawak, ku iya.\\nPEMADU BESAI…Kompleks Muzium Sarawak tu dirikodka pemadu besai ba Malaysia enggau kedua besai ba Asia.-Gambar Ghazali Bujang","num_words":303,"character_repetition_ratio":0.082,"word_repetition_ratio":0.068,"special_characters_ratio":0.178,"stopwords_ratio":0.185,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"20 April 2019 - Hari Enam Kudus (Malam Paska \/ Easter Vigil)\\nSida lalu nemu batu nya udah dibaringka ari mua kubur nya, tang lebuh sida tama ke dalam kubur nya, sida nadai nemu bangkai Tuhan Jesus dia. - John 24: 1 - 12\\nIya ngumbai kebung nya “Langit.” Lemai abis lalu pagi pen datai.\\nNya hari ti keempat.\\nLemai abis lalu pagi pen datai. Nya hari ti kelima.\\nKu Allah Taala bejaku, “Aku meri kita semua macham leka utai enggau semua macham buah nyadika pemakai kita; lalu ke semua bansa jelu babas ti di dunya, enggau ke semua bansa burung, Aku meri sida rumput enggau utai ti bisi daun nyadika pemakai sida.”\\nNya hari ti keenam.\\nNuan udah mintarka langit baka langkau kain\\nNyau kelama udah bekau nya, Allah Taala nguji Abraham.\\nKu Iya bejaku ngagai Abraham, “Abraham!” Abraham lalu nyaut, “Tu aku!”\\nUdah nya iya lalu bejaku ngagai orang gaji iya, “Seduai nganti ditu, ngemataka keledai.\\nAku enggau anak aku deka kin, lalu nyembah Allah Taala, lalu udah nya kami duai deka pulai baru ngagai seduai.”\\nLebuh seduai iya benung bejalai, Isak lalu bejaku, “Apai!” “Nama, anak?” ku Abraham nyaut.\\nAbraham malik, lalu tepedaka siku bedus ti lelaki tekait tanduk ba babas.\\nIya mansang lalu ngambi bedus nya, lalu nyerahka bedus nya nyadika piring tunu kena nyilih anak iya.\\nTiang mua hari nya mega mindah lalu nyeraraka bala orang Ejip ari bala orang Israel.\\nRibut nya muput semalam-malam nya, lalu ngasuh tasik nya rangkai.\\nAi nya bebagi dua, lalu orang Israel bejalai nengah tasik nya nengah tanah ti rangkai.\\nAi nya nyau bedinding ari sepiak-sepiak sida.\\nKu orang Ejip bejaku, “TUHAN ti beperang ngelaban kitai ngarika orang Israel. Aram kitai lari ari tu!”\\nOrang Ejip nguji ngelarika diri ari ai nya, tang TUHAN nikauka sida ngagai tasik nya.\\nAi tasik nya pulai baru, lalu ngelamun kerita perang, orang ke nepan kerita perang, enggau semua bala soldadu orang Ejip ti udah begagaika orang Israel ngagai tasik nya.\\nNadai siku sida idup.\\nLebuh orang Israel meda pemesai kuasa ti dikena TUHAN ngalahka orang Ejip, sida lalu nangika TUHAN.\\nSida arapka TUHAN, sereta arapka nembiak Iya, Moses.\\nUdah nya Moses enggau orang Israel lalu nyanyi lagu tu kena muji TUHAN: “Aku deka belagu muji TUHAN, laban Iya udah menang.\\nAllah Taala ti ngaga nuan deka nyadika laki nuan. Nama Iya TUHAN ti Pemadu Bekuasa.\\nAllah Taala ke disembah orang Israel ti kudus deka nebus nuan.\\nIya nya ke merintah semua dunya.\\nTang TUHAN ngangauka nuan pulai baru ngagai Iya.\\nKu iya: “Aku ninggalka nuan sekejap aja. Aku deka ngambi nuan pulai baru enggau ati ti balat rindu.\\nAku muji Nuan, O TUHAN, laban Nuan udah ngidupka aku\\nlalu enda nyagi munsuh aku ketawaka aku.\\nPendingka Aku, lalu kereja utai ti diasuh Aku, nya baru kita deka makai pemakai ti pemadu manah.\\nDiatu kita deka mesanka semua bansa ti enda ditemu kita.\\nDulu suba sida enda nemu kita, tang diatu sida deka belanda datai lalu begulai enggau kita! Aku TUHAN Allah Taala kita, Allah Taala ke disembah orang Israel ti kudus, deka ngasuh semua utai tu nyadi. Aku deka meri kita basa enggau mulia.”\\nbaka nya meh bala nembiak Allah Taala deka rami gaga\\nlebuh Iya ngelepaska sida.\\nO Israel, nama kebuah nuan ba menua munsuh? Nama kebuah nuan nyau tuai di menua orang bukai? Nama kebuah nuan ngamahka diri baka orang ke mati, lalu begulai enggau raban orang ke mati?\\nNuan baka nya laban nuan udah ninggalka pun penemu-dalam! Enti sema nuan nitihka peneka Allah Taala, tentu pengidup nuan deka bisi pemaik ke selama-lama iya.\\nSemina Allah Taala siku aja ti nemu semua utai tetemuka penemu-dalam ngena pemereti ati Iya.\\nIya ngaga dunya ti meruan belama, lalu ngisi iya enggau mayuh macham jelu.\\nIya ngangauka penampak, lalu penampak gegetar datai.\\nIya ngirumka penampak, penampak ningaka Iya, lalu mansang.\\nSemua bintang bekebelik manchar naka pemanah, penuh enggau pengaga ba endur sida.\\nLebuh Tuhan ngangau, semua bintang nyaut enggau jampat; sida bekebelik manchar, lalu ngerinduka Iya ti ngaga sida.\\nIya meh Allah Taala kitai, lalu siku pen nadai baka Iya.\\nKu TUHAN bejaku ngagai aku, “Anak mensia, lebuh orang Israel diau di menua sida empu, sida ngamahka menua nya ngena chara sida idup enggau ngereja utai.\\nKitai nemu, Kristus ke diangkatka ari mati, enda agi mati.\\nPemati nadai agi kuasa atas Iya.\\nBacha Injil: Luke 24: 1 - 12\\nTumu pagi hari Minggu, sida indu nya mansang ngagai kubur, mai rempah ti udah disediaka sida.\\nSida lalu nemu batu nya udah dibaringka ari mua kubur nya, tang lebuh sida tama ke dalam kubur nya, sida nadai nemu bangkai Tuhan Jesus dia.\\nLebuh sida agi beba ati berundingka nya, dua iku orang ke ngena gari ti beperenching, tekala nya bediri ngimbai sida.\\nSida lalu takut, lalu nyungkurka diri ke tanah, tang orang dua iku nya bejaku ngagai sida, “Nama kebuah kita begigaka orang ke idup ba bala orang ke mati? Iya nadai ditu tang udah angkat idup baru.\\nKingatka utai ti udah dipadahka Iya ngagai kita lebuh Iya agi di Galili, madahka Anak Mensia enda tau enda diserahka ngagai orang ke bedosa, lalu diregang, lalu ba hari ti ketiga, angkat idup baru.”\\nSida lalu ingatka jaku Iya, pulai ari kubur nya, lalu madahka semua utai nya ngagai murid ke sebelas iku, enggau ngagai semua sida ti bukai.\\nNyadi orang ke nusui pasal utai nya ngagai sida rasul nya Maria Magdalin enggau Joana, enggau Maria indai James enggau indu ke bukai ke sama enggau sida.\\nTang sida rasul ngumbai nya cherita ngapa, lalu sida enda arapka utai ti dipadahka sida indu nya.\\nTang Peter angkat lalu belanda ngagai kubur.\\nIya engkenduk lalu nilik ke dalam, lalu tepedaka semina kain linin aja bisi dia.\\nIya lalu pulai ke rumah, balat alit ati ke utai ti udah nyadi.","num_words":889,"character_repetition_ratio":0.053,"word_repetition_ratio":0.034,"special_characters_ratio":0.205,"stopwords_ratio":0.353,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"RM14.8 juta diberi ungkup Skim Bantu Orang Tuai - Suara Sarawak\\n“Berengkah bulan Januari enggau Februari tu tadi, urung 21,881 orang tuai bisi nerima bantu tu, lalu siku tubuh nerima bantu RM350.”\\nKUCHING: Malaysia dijangka nyadi menua mayuh orang tuai manggai taun 2030, ku Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Fatimah Abdullah.\\nIya madah nitihka pansik Opis Statistik Malaysia naka taun 2018, ari 2.8 juta rayat ba menua Malaysia 7.8 peratus sida nya berumur 65 taun ke atas.\\n“Diatu, urung 134 iku orang tuai diau ba Rumah Pengandai Tuai Sarawak ti nyengkaum 69 iku ba Rumah Pengandai Tuai Kuching, 39 iku ba Rumah Pengandai Tuai Sri Aman lalu 26 iku ba Desa Bina Diri Kuching.\\n“Enti ulih manah agi enti pemayuh sida tu dikurangka laban orang tuai endang patut begulai enggau bala anak sereta uchu ba rumah sida empu,” ku Fatimah.\\nIya madah nya lebuh bejadika Program Terapi Seni enggau Muzik (Orang Tuai enggau Papa-Gelandangan) di sebuah hotel tebilang ditu, kemari.\\nFatimah madah naka ke diatu, Opis Pengintu Pengelantang Sarawak udah meri urung RM14.8 juta ba Skim Bantu Orang Tuai.\\n“Berengkah bulan Januari enggau Februari tu tadi, urung 21,881 orang tuai bisi nerima bantu tu, lalu siku tubuh nerima bantu RM350.\\n“Pemadu mayuh nerima bantu tu ba menua Sibu enggau 3,303 iku orang nerima ditangkan enggau Kuching bisi 2,867 iku orang nerima,” ku iya nambah.\\nTuju program tu dipejalaika ngambika orang tuai enggau orang seranta ngambi ulih ngelantangka ati sereta runding sida.","num_words":225,"character_repetition_ratio":0.082,"word_repetition_ratio":0.083,"special_characters_ratio":0.223,"stopwords_ratio":0.24,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"8 April 2019 - Hari Satu ba Minggu Ke Lima Musim Lent\\nJesus lalu bejaku baru ngagai sida, “Aku tu penampak dunya. Barang sapa nitihka Aku, enda bejalai dalam pemetang, tang deka ngembuan penampak ti meri pengidup.” - John 8 : 12 - 20\\nBacha Ke Satu: Bup Susanna 1 - 9, 15 - 17, 19 - 30, 33 - 62 (Penambah ngagai Bup Daniel)\\nDi Babilon bisi siku lelaki benama Joakim.\\nIya jadi enggau Susanna, anak indu Hilkiah.\\nSusanna nya indu ke bajik sereta kering dalam pengarap.\\nApai indai iya bansa Judah ke kering ba pengarap lalu ngiring anak indu seduai nitihka Adat Moses.\\nLaki iya Joakim orang ke kaya amat. Rumah iya dikelinggi kebun ti badas, lalu orang Judah selalu begempuru baum dia laban semua sida bebasa amat ke iya.\\nTiap iku orang ke bisi chara datai ngagai rumah Joakim, ti alai dua iku akim ningaka pechara dalam kot.\\nKetuai raban bansa Judah dua iku nya empai lama udah dipadu megai pengawa nya.\\nTuhan bisi udah nyebut pasal seduai tu, ku Iya, “Di Babilon bisi penyai; akim enda ulih meri lalau ngiring orang.”\\nTiap-tiap hari maya tengah hari, lebuh semua orang nyau merarau, Susanna selalu bejalai dalam kebun. Dua iku akim nya tetarit ati amat meda Susanna.\\nNya alai, seduai nganti sereta nengkilaka iya.\\nSeduai nya ingin amat ke tubuh iya, nya alai seduai nyau enggai besembiang sereta enda ingatka tanggung jawab seduai ke nyadi akim.\\nNya alai seduai iya nganti maya ke ngena.\\nBisi sekali Susanna enggau kuli iya dua iku bejalai di kebun baka selama. Semina dua iku akim nya bisi dia, belalai nengkilaka Susanna.\\nLaban hari panas amat Susanna lalu deka mandi. Nya alai ku iya bejaku ngagai kuli iya dua iku nya, “Alai seduai ngambi minyak kena mandi enggau minyak wangi, lalu kunchi pintu pagar ngambi orang enda ulih ngachau aku.”\\nUdah kuli nya pansut, akim dua iku nya lalu tekala nya engkechit ari endur seduai ke belalai, sereta belanda ngagai Susanna, lalu bejaku ngagai iya, “Semua pintu kebun udah dikunchi. Nadai orang meda kitai. Kami duai udu ingin amat deka beleman enggau nuan, nya alai beri meh kami duai utai ti diketengukka kami.\\nEnti nuan enggai, kami duai deka mai nuan ngagai kot lalu besumpah nusi nuan ngasuh kuli nuan ke bukai ngambika nuan ulih kediri enggau siku orang bujang.”\\n“Enti baka tu nadai jalai aku,” pia ku Susanna. “Enti aku nyerahka diri ngagai seduai, aku tentu deka diukum bunuh ketegal butang.\\nEnti aku enggai, agi meh aku kena panjuk seduai.\\nTang deka agi aku dituduhka seduai ari ke bepenyalah ngelaban Tuhan.”\\nIya lalu nyerauh enggau nyawa ti naka penginggar, akim dua iku nya pen lalu meradakka nyawa nyalah iya.\\nSiku ari seduai nya belanda lalu muka pintu pagar.\\nLebuh bala kuli di rumah ninga orang nyerauh, sida tekala nya belanda ngagai kebun nengah pintu mit deka nemu nama utai ti ngachau Susanna.\\nAkim dua iku nya lalu nusi cherita seduai iya. Lebuh bala kuli ninga cherita nya, sida tekenyit amat sereta malu.\\nSida nadai kala ninga rita utai baka nya nyadi ba Susanna.\\nHari siti, lebuh orang begempuru di rumah Joakim, akim dua iku nya datai, enggau ati ti bebendar deka bejalaika atur ti jai ngambika Susanna diukum bunuh.\\nDi mua orang mayuh seduai bejaku, “Kangauka Susanna bini Joakim, anak indu Hilkiah.” Lebuh dikangau, iya datai enggau apai indai iya, bala anak iya, enggau semua kaban belayan iya.\\nBala sida sebilik enggau semua orang bukai nyau labuh ai mata.\\nUdah nya akim dua iku nya bediri di mua orang mayuh, lalu ngengkah jari seduai atas pala Susanna sereta belabuh nyalah iya.\\nIya nyabak, tang iya nengkadah ke atas ngagai serega laban iya arapka Tuhan.\\nSeduai dua nya meri penerang munyi tu: “Kami duai bejalai di kebun lebuh indu tu datai enggau dua iku indu kuli iya. Iya ngunchi pintu besai lalu ngasuh kuli iya pulai.\\nUdah nya siku orang bujang ke belalai di kebun nya pansut, lalu mansang ngagai iya. Seduai iya gali berimbai.\\nKami duai di sukut kebun nya, lalu lebuh kami meda utai ti nyadi, kami lalu belanda sereta nangkap seduai iya benung salah pengawa.\\nKami duai nguji nangkap lelaki nya, tang iya kering agi ari kami duai.\\nIya belanda muka pintu lalu rari tang kami ulih ngetanka indu tu.\\nKami duai nanya iya sapa lelaki nya tadi, tang iya enggai madahka kami.\\nKami besumpah, penerang tu endang amat.”\\nOrang dua iku nya ukai semina tuai raban bansa sida, tang mega akim, nya alai, orang arapka cherita seduai lalu ngasuh Susanna diukum bunuh.\\nUdah nya Susanna lalu ngangau enggau nyawa ti inggar, “Allah Taala ke meruan, nadai utai ulih dipelalaika ari Nuan; Nuan dulu nemu semua utai sebedau iya nyadi. Diatu aku deka mati, tang Nuan nemu aku amat nadai salah. Orang tu sigi bula. Nama kebuah aku mesti dibunuh?”\\nTuhan ningaka sembiang iya lalu ngasuh siku orang bujang benama Daniel bejaku, sebedau Susanna dibai ke bukai ngambika dibunuh.\\nDaniel bejaku enggau inggar, “Aku enggai nabakka diri ba hal pemati iya!”\\nSemua orang malik magang ngagai iya lalu nanya, “Nama reti jaku nuan?”\\nDaniel bediri di mua sida lalu bejaku, “Orang Israel, naka meh pemeli kita. Kati kita ngeletak ukum ngagai indu bansa Israel, bepanggai ba penerang ti baka nya? Kita nadai nguji ngiga penerang ti amat. Kes tu patut didingaka baru. Penerang ti disebut orang nya bula.”\\nNya alai semua orang berumban mulaika diri ngagai kot. Pemesai ke gawa dia lalu bejaku ngagai Daniel, “Allah Taala udah meri nuan penemu taja nuan agi biak, nya alai aram enggau kami lalu terangka nama reti utai ku nuan.” Ku Daniel madahka sida, “Serara akim dua iku nya. Awakka aku nanya seduai iya siko-siku.”\\nUdah nya Daniel ngangauka akim keterubah, lalu bejaku, “Nuan orang tuai ke jai, diatu nuan deka nanggung ukum semua dosa ti udah digaga nuan.\\nNuan udah meri pemutus ti enda patut.\\nNuan udah ngukum orang ke enda salah lalu ngelepaska orang ke salah, taja Tuhan udah madah, ‘Anang ngeletak ukum bunuh ngagai orang ke enda salah.’\\nEnti nuan amat bisi meda seduai iya, diatu padahka aku, ba baruh kayu ni seduai iya beleman?\\n“Ba baruh kayu ti mit,” pia ku saut iya.\\nDaniel bejaku, “Au meh! Pemula nuan nya tau munuh nyawa nuan. Melikat Allah Taala udah diasuh munuh nuan.”\\nUdah nya akim keterubah dibai ke bukai lalu akim kedua dibai betunga enggau Daniel. “Nuan tu baka orang Kanaan ukai baka orang Judah,” ku Daniel bejaku ngagai iya.\\nPemajik indu tu nyau ngelimpangka runding nuan lalu pengamah ati nuan ngasuh pikir nuan enda betul.\\nNuan udah teleba ngayahka indu orang Israel peneka ati nuan laban sida takutka nuan, tang tu indu bansa Judah, iya sigi enggai nyerahka diri. Diatu padah ngagai aku, ba baruh kayu ni nuan meda seduai iya?”\\nBa baruh kayu ti besai,” ku saut iya.\\nDaniel bejaku, “Au meh! Pemula nuan tau munuh nyawa nuan; Melikat Allah Taala udah nganti enggau pedang ba jari iya sedia deka munuh nuan. Udah nya baru seduai nadai agi.”\\nUdah nya semua orang manjung muji Allah Taala, ke nyelamatka orang ke arapka Iya.\\nSida lalu ngelaban akim dua iku nya laban Daniel udah nentuka seduai iya meri penerang ti bula enggau sumpah.\\nAdat Moses madahka, orang ke meri penerang ti bula deka nerima ukum ti sebaka enggau orang ke kena dawa. Nya alai, dua iku akim nya diukum bunuh, lalu indu ke nadai salah nya selamat.\\nTauka: Bup Susanna 41C - 62 (Penambah ngagai Bup Daniel)\\nSeduai lalu ngasuh Susanna diukum bunuh.\\nTuhan ningaka sembiang iya lalu ngasuh siku orang bujang benama Daniel bejaku, sebedau Susanna dibai ke bukai ngambika dibunuh. Daniel bejaku enggau inggar, “Aku enggai nabakka diri ba hal pemati iya!”\\nNuan udah meri pemutus ti enda patut. Nuan udah ngukum orang ke enda salah lalu ngelepaska orang ke salah, taja Tuhan udah madah, ‘Anang ngeletak ukum bunuh ngagai orang ke enda salah.’ Enti nuan amat bisi meda seduai iya, diatu padahka aku, ba baruh kayu ni seduai iya beleman?\\nUdah nya akim keterubah dibai ke bukai lalu akim kedua dibai betunga enggau Daniel. “Nuan tu baka orang Kanaan ukai baka orang Judah,” ku Daniel bejaku ngagai iya. Pemajik indu tu nyau ngelimpangka runding nuan lalu pengamah ati nuan ngasuh pikir nuan enda betul. Nuan udah teleba ngayahka indu orang Israel peneka ati nuan laban sida takutka nuan, tang tu indu bansa Judah, iya sigi enggai nyerahka diri. Diatu padah ngagai aku, ba baruh kayu ni nuan meda seduai iya?”\\nAdat Moses madahka, orang ke meri penerang ti bula deka nerima ukum ti sebaka enggau orang ke kena dawa.\\nNya alai, dua iku akim nya diukum bunuh, lalu indu ke nadai salah nya selamat.\\nMasmur Entara: Masmur 23: 1 - 3A, 3B - 4, 5, 6\\nSaut (4ab): Taja pen aku bejalai nengah darung kelemayang pemati, aku enda takut, laban Nuan bisi enggau aku.\\nSaut: Taja pen aku bejalai nengah darung kelemayang pemati, aku enda takut, laban Nuan bisi enggau aku.\\nIya ngiring aku nengah jalai ti ngena,\\nketegal nama Iya.\\nTaja pen aku bejalai nengah darung kelemayang pemati,\\naku enda takut, laban Nuan bisi enggau aku.\\nPemalu enggau tungkat Nuan ngasuh aku likun.\\nNuan nyendiaka pengerami makai besai ke aku\\ndi mua munsuh aku.\\nNuan nata pala aku ngena minyak\\nlalu ngisi jalung aku penuh.\\nAku nemu, pemanah enggau pengerindu Nuan\\ndeka meruan enggau aku sepemanjai umur aku.\\nLalu aku deka diau dalam rumah TUHAN\\nAku enda rindu meda orang ke bedosa mati, ku TUHAN;\\nAku rindu agi meda sida badu agi bedosa, lalu idup.\\nBacha Injil: John 8: 12 - 20\\nJesus lalu bejaku baru ngagai sida, “Aku tu penampak dunya. Barang sapa nitihka Aku, enda bejalai dalam pemetang, tang deka ngembuan penampak ti meri pengidup.”\\nOrang Parisi lalu bejaku ngagai Iya, “Nuan besaksika pasal Diri Empu. Saksi Nuan nadai guna.”\\nDisaut Jesus, “Enti sema Aku besaksika pasal Diri Empu, saksi Aku endang amat, laban Aku nemu ari ni Aku datai, enggau kini ke tunga Aku deka mupuk, tang kita enda nemu ari ni penatai Aku, tauka kini ke tunga Aku deka mupuk.\\nKita ngakim ngena chara mensia. Aku enda ngakim orang.\\nTang enti sema Aku ngakim orang, pemutus penemu Aku endang ngena, laban ukai semina Aku aja ke ngakim, tang Aku enggau Apai ke ngirumka Aku.\\nUtai tu endang bisi ditulis dalam Adat kita: saksi ti diguna nya saksi ari dua iku orang.\\nAku besaksika pasal Aku Empu, lalu Apai ke ngirumka Aku mega besaksika pasal Aku.”\\nSida lalu nanya Iya, “Dini alai Apai Nuan?” Jesus lalu nyaut, “Kita enda ngelala Aku tauka Apai Aku. Enti kita ngelala Aku, kita tentu ngelala Apai Aku.”\\nJesus nyebut semua jaku nya lebuh Iya benung ngajar dalam bilik sarang wang Rumah Sembiang. Tang nadai orang nangkap Iya, laban maya Iya apin datai.","num_words":1661,"character_repetition_ratio":0.05,"word_repetition_ratio":0.131,"special_characters_ratio":0.208,"stopwords_ratio":0.308,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jaku ti Ngelantangka Ati ba Maya ti Tusah\\nPengelantang ba Maya ti Tusah\\nPenusah bisi mayuh macham. Kitai tentu enda ulih nyebut tiap iti penusah nya ditu. Tang, aram kitai beratika empat iti penanggul ke udah disebut kitai tadi. Peratika baka ni orang ke napi penanggul ti bebida udah tetemuka pengelantang ti bendar ari Petara.\\nLEBUH LENYAU KEREJA\\nKu Seth * ngenang: “Aku enggau bini aku lenyau kereja ba maya ti sama. Dua taun kami duai idup enggau belanja ke diberi diri sebilik ke bukai sereta ngereja sebarang pengawa ke bisi. Ketegal tu, bini aku, Priscilla, balat tusut runding, lalu aku ngasaika diri enda beguna.”\\n“Baka ni kami duai mutarka iya? Priscilla seruran ingatka jaku Jesus ba Matthew 6:34. Jesus madahka, kitai enda patut irau pasal pagila, laban pengirau ke sehari tu chukup ke sehari tu. Lalu sampi iya ke ari ati meri iya pengering kena neruska pengidup. Tang jaku ba Masmur 55:22 ngelantangka aku. Baka pemasmur, aku nyerahka penusah diri ngagai Jehovah, lalu aku nemu Iya endang nyaga aku. Taja pan aku diatu udah bisi kereja, tang gaya pengidup kami duai mengkang penumbas iya, laban nitihka ajar Jesus ba Matthew 6:20-22. Kelebih agi, kami duai udah semak agi ngagai Petara sereta ngagai pangan diri.”\\nKu Jonathan ngaku: “Aku takut enggau utai ke deka nyadi jemah ila, laban pengawa dagang kami sebilik ke mit udah tengkerap. Ketegal penusah ba ekonomi, pengawa ke dikereja enggau bebendar pengelama 20 taun nadai reti agi. Aku enggau bini aku berengkah bekelikuh pasal duit. Kami duai indah enda ulih meli utai ngena kad kredit, laban takut enggaika kad nya enda diterima.”\\n“Tang Bup Kudus enggau roh kudus ari Petara udah nulung kami duai ngaga pemutus ti manah. Aku belajar nerima sebarang kereja, lalu kami duai kurang agi meli semua utai ke enda entu beguna. Ketegal nyadi Saksi-Saksi Jehovah, kami duai mega bulih sukung ari bala menyadi Kristian. Sida nulung kami duai andalka diri empu sereta nulung kami duai ba maya ke balat tusah.”\\nLEBUH RUMAH TANGGA PECHAH\\nKu Raquel ngenang: “Lebuh laki aku ngenyit ninggalka aku, ati aku balat tusah sereta pedis. Lalu asai ati ti tusah tu balat ngachau aku. Tang aku semak ngagai Petara, lalu Iya ngelantangka aku. Pemaik ari Petara nyaga ati aku lebuh aku bepanggai ba Iya dalam sampi ninting hari. Ba aku, Iya baka ke ngeraika ati aku ti balat tusah.”\\n“Lalu terima kasih ke Bup Kudus, laban aku ulih ngalahka asai ati ti pedis sereta ringat. Aku beratika jaku rasul Paul ba Rome 12:21: ‘Anang alah laban penyai, tang alahka penyai ngena pemadas.’”\\n“Seiku kawan ti rapat nulung aku nemu kebuah aku patut neruska pengidup. Iya nunjukka ayat ba Pengajar 3:6, lalu enggau manah madahka ngagai aku, bisi maya kitai patut “ngelenyauka utai.” Tu jaku ajar ke tusah diterima, tang nya meh utai ti diguna aku. Aku diatu bisi juluk ati ti baru ba pengidup.”\\nKu Elizabeth madahka: “Lebuh rumah tangga kitai pechah, kitai begunaka sukung. Aku bisi seiku kawan ti manah ke meri aku sukung ninting hari. Iya sama nyabak enggau aku, ngelantangka aku sereta ngasuh aku berasai dikesayauka. Aku pechaya, Jehovah udah ngena iya ngeraika asai ati aku ti telih.”\\nLEBUH ENDA BEPENGERAI TAUKA UDAH TUAI\\nLuis ke disebut ba pun artikel tu tadi, bisi penanggul ti balat ba jantung, lalu iya dua kali nyau deka mati. Diatu iya patut enseput ngena tangki oksigen pengelama 16 jam sehari. Ku iya madahka: “Aku seruran besampi ngagai Jehovah. Lalu pengudah besampi ngagai Iya, aku ngasaika roh kudus Iya ngeringka aku. Sampi meri aku pemerani kena neruska pengidup laban aku bisi pengarap ngagai Iya, lalu nemu Iya ngibun aku.”\\nKu Petra ke beumur ngelui 80 taun, madahka: “Aku deka ngereja mayuh utai, tang enda ulih. Beratika pengering diri majak kurang amat ngenusahka ati. Aku berasai lelak lalu patut bepanggai ba ubat. Aku suah berundingka chara Jesus minta Apai iya muai siti-siti penusah, enti ulih. Tang Jehovah meri Jesus pengering, lalu Iya ngeringka aku. Sampi nya ubat aku ninting hari. Aku berasai lantang agi ati pengudah besampi ngagai Jehovah.”—Matthew 26:39.\\nJulian, ke belaban enggau penyakit sclerosis nyau deka 30 taun, ngasaika utai ti sama. Ku iya madahka: “Suba aku duduk ba kerusi ke dikena ba opis, tang diatu aku duduk ba kerusi ruda. Tang pengidup aku bisi reti laban aku ngena iya gawa ke orang bukai. Pengawa meri ulih ngurangka pemerinsa, lalu Jehovah endang ngamatka semaya ke deka ngeringka kitai, lebuh kitai begunaka tulung. Baka rasul Paul, aku ulih nyebut: ‘Aku ulih ngereja semua utai ulih Iya ke meri aku pengering.’”—Pilipi 4:13.\\nLEBUH LENYAU ORANG TI DIKESAYAUKA\\nKu Antonio ngenang: “Lebuh apai aku mati belantak ba jalai raya, terubah iya aku enda pechaya. Tu amat enda patut—iya semina pejalai kaki ke enda salah. Tang, nadai utai ulih digaga aku. Iya koma pengelama lima hari sebedau iya mati. Taja pia aku nagang diri ari nyabak ba mua indai aku, tang aku nyabak lebuh aku kediri. ‘Nama kebuah? Nama kebuah?’ Ku aku majak nanya diri empu.”\\n“Ba maya ti balat tusah nya, aku majak minta Jehovah nulung aku nagang asai ati diri sereta meri aku pemaik. Lalu aku belubah-lubah berasai lantang ati. Aku agi ingat, Bup Kudus madahka “utai ti jai” tau nyadi ba genap iku orang. Ketegal Petara enda bula, aku pechaya, aku ulih betemu enggau apai aku baru pengudah iya diangkatka idup baru.”—Pengajar 9:11; John 11:25; Titus 1:2.\\n“Taja pan bilun ke labuh nya nabanka nyawa anak lelaki kami duai, kami duai agi bisi mayuh kenang ke ngelantangka ati ke ulih dikunsi kami duai.”—Robert\\nRobert ke disebut ba pun artikel tu, bisi runding ti sama. Ku iya madahka: “Aku enggau bini aku ngasaika pengelantang ba runding baka ke dipadah ba Pilipi 4:6, 7. Pengelantang nya datai ngagai kami duai nengah sampi ngagai Jehovah. Pengelantang ba runding tu ngasuh kami duai ulih bejaku pasal pengadang diangkatka idup baru enggau pemberita. Taja pan bilun ke labuh nya nabanka nyawa anak lelaki kami duai, kami duai agi bisi mayuh kenang ke ngelantangka ati ke ulih dikunsi kami duai. Kami duai nguji beratika semua utai nya.”\\n“Lebuh bala menyadi Kristian madahka ngagai kami duai pasal sida ke udah meda kami duai nerangka utai ti dipechaya diri ba TV, kami duai madahka ngagai sida, iya ke amat terima kasih ke semua sampi kita ke kami duai. Aku amat pechaya, Jehovah nyukung kami duai ngena pesan sida ti ngelantangka kami duai.”\\nSemua chunto nya nunjukka, Petara ulih meri pengelantang ngagai orang ke napi mayuh macham penanggul enggau penusah. Baka ni enggau nuan? Enda ngira nama penusah ke engka ditapi nuan ba pengidup, nuan ulih tetemuka pengelantang kena napi maya ti tusah nya. * Nya alai, nama kebuah enda ngiga tulung ari Jehovah? Iya endang ‘Petara ti pun semua pengelantang.’—2 Korint 1:3.\\n^ per. 5 Sekeda nama dalam artikel tu udah ditukar.\\n^ per. 23 Enti nuan deka bulih tulung ngambika semak ngagai Petara sereta bulih pengelantang ari Iya, giga meh Saksi-Saksi Jehovah ba kandang endur nuan diau, tauka nulis surat ngagai pampang opis ke semak nuan.","num_words":1117,"character_repetition_ratio":0.051,"word_repetition_ratio":0.027,"special_characters_ratio":0.207,"stopwords_ratio":0.33,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pengap & Atur Gawai Pangkong Tiang | Iban Cultural Heritage\\nPengap Gawai Pangkong Tiang\\nJako Penulis Asal.\\nAku meri besai terima kasih ngagai Lemambang Uju ak. Blaki di Penom, Paku, Saribas, laban iya udah enggau naka pengrajin ngator leka pengap Gawai Pangkong Tiang ke dibacha pemacha maioh dalam bup tu.\\nAri penemu ke dikarang enggau di-pansut ka aku ditu, aku arap ka iya tau meri penguntong ka samoa orang ke belajar ka pengarap bansa Iban Sarawak, dikena nambah ka penemu ka dipelajar ka sida ari pengap gawai bukai ke sama mega udah ditulis aku dalam bup bukai.\\nLate Benedict Sandin\\nNYADI GAWAI Pangkong Tiang tu datai ari ajar Puntang Raga ngagai Beji seduai menyadi iya Bada ari asoh Raja Semarugah. Nyadi tuai ke benama Beji tu kalia diau di Ketapang enda jauh ari Nanga Kayung, dalam menoa Kalimantan Barat diatu.\\nLeboh Beji jadi tuai Iban, iya kena bai kaban iya masok ugama Islam, ke diajar orang Arab ngagai mensia di menoa nya rambau nya kalia. Ari nya Beji lalu nanya ka sapa tuai dititih ka masok ugama nya. Ko saut orang madah ka, nitih ka Nabi Mohamad.\\n“Dini alai Nabi Mohamad?” ko Beji. Orang madah ngagai iya nabi nya udah pulai ka langit.\\n“Enti munyi nya, apin aku deka masok ugama nya, enti aku apin betemu enggau Nabi Mohamad empu, ” ko Beji.\\nNyadi ko saut orang, “Enti nuan enda masok ugama tu, nuan enda tau agi diau di menoa tu.”\\nBeji enda ngasoh sida beguai muru iya, laban iya deka dulu betemu enggau Nabi Mohamad empu. “Barang ko pikir nuan, enti nuan nemu jalai niki ka langit, ” ko saut orang.\\nUdah nya Beji lalu berunding, laban iya enggai sakali-kali muai ugama diri empu, enti semina ari pejal orang bukai. Nyau kapuas iya berunding, nya baru iya ngempuru ka samoa tuai-tuai Iban baum, ngiga jalai diri tau niki lalu betemu enggau Nabi Mohamad di langit. Ba aum tu tuai-tuai lban bela deka magang nulong Beji ngaga tangga tinggi betampong-tampong ari tanah nyentok ka langit kin. Apin lama iga udah aum sida putus, alai Beji nemuai ngagai menyadi iya Bada. Rambau nya bansa Iban enggau bansa Dayak bukai dalam pulau tu apin nemu berumah, tang agi diau dalam lubang batu. Sida pen apin ga maioh tuboh. Leboh iya berandau enggau Bada, iya madah ka diri deka niki ka langit, nya alai iya ngasoh Bada jadi tuai, awak ka bisi nyaga enggau ngiring pendiau bansa Iban tinggal iya ka langit.\\nLepas nya Beji enggau anembiak iya lalu angkat ari Ketapang pindah ngulu Kapuas lalu diau di Danau. Leboh diau dia iya bisi nemu enchepong sakayu bulih mesai rampa umai sabelah. Udah iya nemu kayu nya, iya lalu mai Iban maioh ngaga tangga ka langit, bedudok ari puchok enchepong nya. Tang apin iya berengkah ngaga tangga nya, iya dulu miring, kena iya minta tulong samoa jelu di menoa tu. Leboh iya ngangau ka nama jelu ke deka diberi iya makai, iya enda ingat ngangau ka beruang seduai sampok.\\nUdah tembu pengawa nya, nya baru Beji enggau Iban maioh berengkah niri ka lumpong teras tebelian betampong-tampong ari puchok enchepong nya ka langit kin.\\nNyau ka lama peninggi tangga nya pen nyau udah ngerurok remang. Kaban beruang enggau kaban sampok ke pedis ati ensepi diri enda diberi Beji makai suba lalu besempekat. Bala sampok nebok batang enchepong nya, lalu beruang ngerumbak iya, lak ka kayu nya rebah. Udah nya sida iya pen lalu berengkah ngereja pengawa nya. Sereta pun enchepong udah dikerumbak beruang, sampok lalu malut enggau makai batang kayu nya. Nyau puas sida udah ngereja pengawa nya, enchepong pen rebah, naban ka tangga Beji, ke lalu laboh salundang-luntang ninggang samoa menoa di baroh ditu, naban ka sereta lalu munoh anembiak Beji ke benong ngaga iya datas din.\\nNyadi pengawa sida Bada, menyadi Beji ke enda ngaga tangga, iya nya ngasu jelu sebelah kampong ka pemakai. Taun nya ujan lebat bendar di sebelah menoa. Nyadi hari siti, Bada enggau anembiak iya ke ngasu, balat bendar laban ujan. Leboh sida mulai ka diri ka lubang batu ke alai sida diau, ba rantu jalai, sida mampat daun kayu kena belindong ka ujan.\\nPulai ari umai lemai nya, bala me¬nyadi sida ke indu, dulu agi datai ari sida ke lelaki ba lubang batu ke alai sida diau. Meda sida Bada ke dudi datai nya rangkai, baka ke enda udah laban ujan, menyadi sida ke indu nanya ka kabuah sida enda basah. Bada madah ka sida iya belindong baroh daun kayu, nya alai sida iya enda basah.\\nAri laban bechuan ka nya, nya baru Iban kalia, enti hari ujan, nemu mampat daun dikena belindong, lalu nya ke di-kumbai sida ngaga dunju alai belindong ka ujan tauka ka panas.\\nUdah sida ngasai ka penyamai ngendoh ka ujan enggau panas baroh dunju, nya baru sida nemu ngaga langkau, ke tau alai diau, beatap ka daun kering.\\nAri udah ngasai ka penyamai diau ba langkau, nya baru sida badu agi diau dalam lubang batu, lalu ari nya mega pun sida diau ba langkau nyembuah-nyembuah.\\nLama udah diau ba langkau, runding sida pen mansang agi ari ke udah, nya alai sida nyau nemu ngaga dampa betampong panjai, awak ka tau diau begulai maioh enggau pangan diri.\\nDampa ke terubah digaga sida nya mit, lalu sida diau dia berasai sekut. Ari ke diau pedis bakanya, nya baru sida nemu ngaga penaik enggau buka dampa besai agi, ke lalu dikumbai sida iya rumah.\\nLeboh sida baru berumah, pagi sida ngentak ka tiang, lemai mulai ka diri ngagai dampa. Leboh sida datai dia baru pagi siti, peda sida tiang ke udah dientak ka sida hari siti dulu ari nya, udah rebah magang. Meda utai bakanya, sida alit bendar ati, nya alai sida ngentak ka tiang nya baru. Pagi siti leboh sida datai gawa kia, sida nemu samoa tiang ke udah dientak ka sida nya udah rebah magang. Tiga kali beturut ngentak sida iya, nemu tiang sida rebah berari-ari.\\nMeda utai nyelai bakanya, nya baru Bada ngasoh anembiak iya madah ka Beji. Beji lalu ngajar ngasoh sida ngentak ka tiang dalam agi. Sida Bada pen lalu ngentak ka tiang dalam agi ari ke udah ka dalam tanah. Lemai nya sida pulai baka salama ga ka dampa. Pagi siti leboh sida deka gawa dia, peda tiang sida tak terunjam ka dalam tanah ka magang. Iya ke enda dalam terunjam nya semina ka mimit agi bekachuit aja ari tanah.\\nLeboh sida Bada agi berunding ka penyelai penjadi tiang sida, alai temuai siko bisi datai ari kampong. Iya nanya ka pengawa sida ke begempuru dia. Bada madah ka diri berumah, tang lalu enda nyadi.\\n“Enti enda rebah, tengelam ga tiang kami,” ko saut Bada.\\n“Kati alai bakanya, iya kati ko adat dikena kita berumah?” ko temuai. Bada madah ka diri nadai adat.\\n“Patut kita tusah baka-tu,” ko temuai, “laban kita nadai adat.”\\nNinga jako temuai munyi nya, alai Bada ngasoh iya nusoi adat kena berumah, awak ka bisi dikena sida iya tiap turun menurun ari tuboh sida lalu selama jeman.\\nTemuai nya lalu bejako madah ka tanah bisi orang empu. Enti mensia bisi pengawa ba tanah, sakalika deka bumai, tauka deka berumah, sida enda tau enda meri tasih ngagai iya ke empu tanah, iya nya Raja Semarugah, mentua Raja Simpulang Gana.\\nBada lalu nanya ka jalai mayar tasih tanah nya, laban Raja Semarugah enda nyenggala enda nyerupa dipeda enggau mata. Ninga tanya Bada, temuai nya lalu ngajar iya munyi tu:\\n1. Kejang kita deka berumah tiap iko tuai bilik enda tau enda dulu ngerembang.\\n2. Tuai ke diator dulu ngentak enda tau enda ngiga tambak burong Nendak kanan lima iti, lalu tambak Nendak kiba tiga iti. Iya ke lima iti nya untong orang ke lelaki, lalu iya ke tiga iti nya, untong orang ke indu. Paung burong nya enda tau enda dianjong ngagai tanah ke deka endor ngerembang nya, lalu engkah ka ba senentang rumah orang ke dulu ngentak.\\n3. Kejang deka ngentak, indu enda tau enda dulu ngaga perengka piring.\\n4. Kejang deka ngelubang ka tiang pemun, babi tauka manok enda tau enda dibunoh, darah iya dikena ngenselan tiang enggau lubang iya.\\n5. Batu kuai enggau repik besi enda tau enda dibuai ka dalam lubang tiang.\\n6. Udah tiang dientak, pating mumban ujak ka ba pun tiang nya.\\nUdah iya ngara ka adat, nya baru temuai madah ka piring enggau darah babi tauka manok nya jadi ka tasih tanah diberi ngagai Raja Semarugah ngena sampi.\\nNyadi repik besi, batu kuai enggau pating mumban nya laban iya enda rarat laban ai baah, ngayu ka penegut enggau pengukoh rumah nya.\\nEnti ngentak ka tiang, enda tau enda dulu berengkah ba endor ke alai engkah tambak burong nya tadi. Nyadi tambak burong nya mega disimpan dalam buloh lalu diengkah ka dalam dunju mit, udah iya dibagi tiap pintu orang ke ngentak dia.\\nPia mega orang ke ngentak nya, dulu ngentak nitih ka pun ramu. Udah abis nya baru orang ke ari ujong ramu sapiak tau ngentak ka tiang sida.\\nAgi belala berandau enggau temuai, Bada seduai Beji, alai temuai madah ka diri deka pulai. lya madah ka nama diri Puntang Raga, ke datai ngajar sida, ari asoh Raja Semarugah. Udah nya iya lalu lesap.\\nNyadi enti rumah baru nya udah chukop tegap sereta manah, orang ke empu iya lalu deka niri ka gawai niat ke dikumbai Gawai Pangkong Tiang. Kabuah orang niri ka gawai nya, laban orang ke empu rumah nya beniat ka diri betuah-belimpah bulih reta, bulih tengkira, bulih pengaraja ari tulong Anda Mara Raja Tuah. Enti rumah nya enda nembu ka ati ba pengukoh enggau pemanah gamal iya, orang enda niri ka gawai nya.\\nApin gawai nyadi lelaki dua iko enggau indu dua iko dulu kena pilih. Indu dua iko nya ngaga piring enggau lalu malut tiang ngena kain ditenun ari benang mas, tauka pua kumbu, sereta lalu ngeminyak tiang ngena minyak kepayang. Nyadi lelaki dua iko nya, diasoh tama ka dalam serayong pua ke diserayong ka ba tiang. Seduai nya lalu dudok dalam serayong pua nya. Siko ari seduai mai asi pulut kena malu pangan iya ke lalu nyaut ngena jako tu:\\n1. Akai! nama nuan tak malu aku, enggau nadai penyalah, nadai\\nIya ga laban nuan enda nemu ngulih Ka reta ka pengaraja!\\n2. Ni aku nemu ngulih ka, kita nadai mesu, nadai ngadu. Kita nadai ngasoh, nadai nyuroh. Kita nadai nyumai, kita nadai meri makai.\\nTu meh kami meri nuan, awak ka nuan makai kenyang,\\nmakai lantang. Awak ka nuan tau nulong, tau nyukong kami.\\nEnti kita udah meri kami makai, nya baru kita ila bulih penyenang\\nbulih pengalantang. Bulih utai gerah, bulih utai mudah. Besai rita, besai nama.\\nBaka gawai bukai mega, leboh lemambang ke diambi mengap ka Gawai Pangkong Tiang datai di menalan luar rumab sida lalu dialu orang ke begawai ka tanah enggau ading enggau piring, enggau tuak enggau arak, enggau babi enggau basa naka ulih orang ke begawai.\\nEnti lemambang bisi burong, leboh tu ga orang ngadu ka ai burong nya. Tembu nyambut sida di tanah, orang ke pun gawai dulu nyan menira lalu ditangkan ka orang ke mai piring. Sida tu lalu ditunda-udi bala lemambang ke mengap mansang niki ka rumah, kenyau ari angkat ari menalan. Pengap sida munyi tu:\\nTerubah Lemambang nyebut leka pengap di tanah.\\nEndu Sengkilin Tali Liong,\\nEndu Setik Marik Lampong,\\nNyaga anak Petara Raja Salempetong.\\nO, nama utai ke bedidit inggar berangangong?\\nDinga ka langit munyi ke ngilah jerit langit begemuong,\\nDinga ka tanah munyi ke ngelui tingkah lubang kebong,\\nDinga ka tasik munyi ke ngilah gilik gumbang besabong.\\nO, nadai nya utai bukai,\\nNya ga bala anak Bujang Lemambang Luong,\\nKe baru datai nuntong di apan menalan jebong,\\nLaban iya kena pangkong gerunong,\\nKelapong ujong tungkat lemambang.\\nEndu Dara Pengulum Leka Pelaga Lawai,\\nEndu Setik Marik Berantai.\\nNya ga anak dara Bunsu Petara seduai Raja Selampandai.\\nO, nama utai ke bengat richah inggar berangangai?\\nNama utai ke bedidit ngilah jerit langit landai?\\nDinga ka tanah munyi ke ngilah sabayan ke danjan lama parai,\\nDinga ka tasik munyi ke ngilah gilik gumbang begagai.\\nO, nadai nya utai ditanya ka,\\nNya ga bala Bujang Lemambang Tupai,\\nKe nuntong baru datai di menalan besai orang ke begawai,\\nNya ga mandai sida ke betandai mansang nimang.\\nNgerara utai sebelah kaki tangga.\\nUji peda nuan a pan menalan jebong,\\nEnggi orang di galenggang\\nBatang Paku matong,\\nKe begamal lepong-lepong\\nBaka tempaung madang sabang.\\nUji peda nuan tuju moa nya,\\nTak nyau begamal remba-remba,\\nNya ga gantong lagu menira,\\nKe dedua tinggi begitang.\\nNya baru anak Bujang Lemambang Tupai\\nLalu bejalai belubah nyingkang.\\nO, nama rumah orang di Batang Paku raregah,\\nKe ditampai mua pemanah,\\nlya ke rami balat richah,\\nMunyi ke nunggah Raja Jagedong.\\nNyau manggai ba menalan kaki tangga,\\nNya baru anak Bujang Lemambang Puna,\\nNyau tuchum ngulum ketawa.\\nUkai enda tangga orang tu agi kalia,\\nEndang masai alai Aki Lang Menaul Rimba,\\nBema ka sega wi begantong.\\nTang ke diatu nyau alai Anda Mara Raja Muda,\\nKe gaga ria rindu ketawa\\nbema ka batu bena,\\nUlih iya nyamah di pangka Gumbang besabong.\\nNyau ketawa sedan-sedan,\\nMeh bala anak Bujang Lemambang Puan,\\nGaga ria besilih lengan,\\nEnggau sida endu teruna dara ganggam,\\nBesambut ka gelas gudang.\\nDia pangkoh tuboh enggi anak\\nBujang Lemambang Rioh,\\nNyau berasai angat peloh,\\nEnsurok baroh paan lintang.\\nNyau ketawa ngelekai kuai,\\nBala anak Bujang Lemambang Tupai,\\nBejalai nengah ruai,\\nKe udah dianchau tikai,\\nKe nadai ayan lubang.\\nLemambang Tupai nyau lelak bejalai,\\nNgiga ruai alai dudok.\\nNya baru Bujang Lemambang Rariga,\\nNyau ketawa rindu gaga,\\nNyau tepeda ka ruai orang\\nKe empu pengawa pun kereja,\\nBekelai ka ladang mija segala,\\nKe begamal manah baka,\\nAsai ke meda katil Sultan Tuan Raja,\\nKe masai alai iya bebacha ka tanda surat adat.\\nNya baru anak Bujang Lemambang Tupai,\\nDudok besarok enggau orang ke pugu pun gawai,\\nBepangkang ka rendai nyamai,\\nChukop gulai nadai kurang.\\nNote: Malam nya udah tembu pengawa bukai, nya baru ngerandang jalai. Udah nya baru lemambang berengkah mengap ka gawai munyi tu:\\nNya baru anak pelandok bejalai junok-junok,\\nGaga beperejok ka repok papong batang.\\nNya baru anak tupai sama anak tupai,\\nGaga ria rami richah,\\nKedua enggau apai\\nketiga enggau indai,\\nRindu begagai di tembawai madang pinang.\\nEnti munyi nya ruyah-ruyah betebang birah,\\nNyadoh kitai betuboh ngiga tanah,\\nKe betuah panggong beruntong.\\nDini alai tanah ke manah alai berumah,\\nKe matah sambut langgong?\\nUji giga ka Batang Igan laletu,\\nDin bisi emperan nyapan sambut munggu,\\nEnti kalia menya enda bula,\\nTang diatu udah repa,\\nKena tinggang punggu ragai nyelutong.\\nUji giga ka simpang Nanga Kalaka,\\nDia menya bisi tanah manah matah lada,\\nTang diatu udah jai kelalu repa,\\nLaban alai Laut main berimba,\\nBegaga ka rampa tiang kilong.\\nUji giga ka Nanga Layar lelanji,\\nDia pen enda ga tau alai berumah,\\nLaban iya ka mesai kemuli burit sintong.\\nUji giga ka Nanga Paku laletu,\\nDia amat manah laban tanah matah munggu,\\nTang enda chukop endor kitai gempuru,\\nLaban iya ka mesai jugu jambul Bejampong.\\nUji giga ka Nanga Paku landai,\\nDia baru bisi tanah manah chukop pemesai,\\nNampong tembawai Petara seduai Selampandai,\\nKe masai begawai begiga untong.\\nDia baru bisi tanah manah,\\nNya ga nampong tembawai Raja Tuah,\\nOrang ke betuah panggong beruntong.\\nEnti munyi nya baru kitai ngerembang Laba kijang,\\nUji tanya ngagai Apai Tempalai Bungai,\\nO, manah burong seduai uchu,\\nNgayu ka nyamai bulih pengaraja.\\nNya baru enchabut rumput laba belut,\\nTanya soh Apai Balang Saribu.\\nO, manah burong eeduai uchu,\\nNgayu ka kita nyulut bulih pengaya.\\nNya baru ngeluntang tiang raup beruang,\\nTanya soh Apai Tempalai Bungai.\\nManah burong seduai uchu,\\nNgayu ka bujang ke berundang mansang nyabong.\\nNgambi pengerat laba ingkat,\\nTanya ngagai Apai Tempalai Bungai.\\nKe jampat pegari panjong.\\nTu baru rumah mua pemanah,\\nKe raregah udah tembu.\\nTu baru rumah panjai enggi kitai,\\nTak begamal libai-libai,\\nNadai utai agi dipegai udah badu.\\nO, lapa tak perintik tisau langit burik,\\nEnggi kitai apai tak belik-belik,\\nBaka petik lachau engkarong.\\nO, lapa kerepau langit ijau,\\nEnggi kitai apai tak menawa liau-liau\\nBaka likau rimau jelu remaong.\\nTak lalu pegari mua penampak,\\nMeh petakang bintang banyak,\\nKe begamal berak-berak,\\nBaka pantak kuling labong.\\nNya nadai ditanya ka nuan,\\nPeda nuan pala tangga kitai dia,\\nNyau lindong ayong repa,\\nEntak suka sabang bakong.\\nPeda pugu tanju enggi kitai lemai tu,\\nNyau lindong ayu liu,\\nAlai orang gempuru dudok betugong.\\nNya baru tebang batang ambak dabang,\\nTu baru mulut nyangkut\\nMua meh penyuma aku tu\\nNelenga ka rasa dabong gigi,\\nNyerumba linda lemai hari.\\nTang semadi aku ngulu ka iyang aku,\\nAnak Bujang Lemambang Kesuie,\\nKe nimang sungki asi nyadi.\\nlya ga baru datai ari menoa raya iya,\\nDi Munggu Tabu Tali,\\nEnggau ari Tinting Unjam Lidi,\\nKe chemegi tanam tunsang.\\nMua meh penyuma aku nelenga,\\nKa rasa dabong landai,\\nNyerumba linda sabong lemai,\\nNimang pamping piring rendai,\\nIya ga baru datai ari menoa iya,\\nDi tatai panjai rurus belamatang.\\nTu baru mulut kami nyebut nyerayong pandong.\\nEnti bakatu mati meh keleti,\\nMata hari sabong lindong.\\nTak nyau terang meh takang bintang beranatong,\\nTak nyau pelu-pelu meh api lampu,\\nDitungkun tumu nyerumba lindong.\\nDinga tak ketawa kaung-kaung,\\nIbu Indai Mendong ngusai ka\\nBungkus saratus bali belumpong,\\nDisua iya ngagai Pungga dijapai Tutong,\\nKena iya nyerayong pamping piring tepong,\\nEnggi orang ke begawai begendang bepangkong tiang.\\nPeda tak mati keleti matahari nyerimbai lemai,\\nPeda tak nyau terang pandang petakang nyaang jurai.\\nDitungkun tumu nyerimbai lemai.\\nDinga tak lalu ketawa sentai-langgai meh ibu Indai Ngelai,\\nGaga ngusai ka bungkus saratus bali belulai.\\nDisua iya ngagai Pungga dijapai Nawang Gundai,\\nDikena orang nyerayong pamping piring rendai,\\nKe begamal libai-libai,\\nDiimbai tambai batang sabang.\\nNya alai pandong piring ketupat,\\nTu udah sikap tembu baap,\\nNgambika enda angat daang-daang.\\nEnti munyi nya tebang malingkat pampat di urat,\\nTu baru lemambang ke nimang bebai angkat.\\nO, angkat jimat-jimat meh kitai empat,\\nKo anak Bujang Lemambang Ingkat,\\nEnggai ka kitai terap kelambang singkang.\\nEnggau enggai ka kitai dikumbai orang laap,\\nKitai lemambang ke mansang nimang.\\nLalu angkat nyurong meh bala Lemambang Luong,\\nTang kitai anang kelalu sumbong,\\nEnggai ka kitai tetigong ka patong bala pengabang.\\nAngkat gadai-gadai meh bala Bujang Lemambang Tupai,\\nNunda pengangkat Tuan Sultan Raja Brunai,\\nKe bejalai betungkat ka penyambai mata pedang.\\nAngkat jimat-jimat meh bala kitai empat,\\nNunda pengangkat indu manyi lalat,\\nKe sarikat ngejang ka idang.\\nNgambika kitai nunda pengangkat Raja Sanjat,\\nBetungkat ka beruat mata ilang.\\nLalu angkat sereta meh iyang Lemambang Kengkang Laba,\\nNunda pengangkat soldadu Tuan Raja,\\nBetungkatka sentaka batang senapang,\\nLaban sida rindu gaga ka diri sagenda menang beperang.\\nNote: Kejang lemambang deka angkat mengap niti rumah, tuai sida iya dulu miau pandong ngena kain belachu ngelingi nya tiga kali, awak ka pandong nya enda angkat nganu orang. Tembu nya baru sida angkat mengap munyi tu:\\nTak nyau nangi meh tudah kami,\\nTu di ati gelong jantong,\\nNyingkang ka bulang ujong kudong.\\nNgerunding diri mansa kita ke tuai,\\nKe berintai dudok betugong.\\nDudi kita nyiri ngaga gela nama diri,\\nDulu nemu deh anak\\nBujang Lemambang Luong tu.\\nUkai enda kita nya ke digela kami,\\nAnak sengkutong tubai langkong,\\nKe udah tenchang Puntang Medang seduai Tutong,\\nKe rentang-rentang besangkalan ka galang batu anggong.\\nKe udah dikaram ka Aki Lang Menaul Buban,\\nDi menoa Kejaman Kayan Uma Lesong,\\nDin jenti iya ke dipuji balat ngasi,\\nMunoh pakali ikan adong.\\nNgasoh sida nadai agi kindong-kindong\\nNgentong sambong kaki empang.\\nEnda apa meh aku nyema ka iya kia,\\nDeh wai lalu balebu nyangkong,\\nLaban aku ngenang diri tepansa ka lamba tiang midong.\\nKeba deh pun tiang lamba bumbun,\\nTak balun-alun tambun rengun,\\nAmpa simpuli padi nibong.\\nTengan batang tiang lamba medang,\\nTu nyau genting pukang kena tanchang\\nSida ke bujang enggau gelanggang patungang manok sabong.\\nBa ringkat sangking ka sida pengerat ranggong temetong.\\nBa bungkong ngembong iya disangking ka batang rajang gemuong.\\nKeba puchok iya tak begamal lenok-lenok,\\nNyagu ka burit tibang betampong,\\nKena tentang anak Bujang Lemambang Luong.\\nO, kati alai puchok lelandi pugok,\\nTu tak rarikok mupok chundong?\\nO, ni nya enda baka nya,\\nLaban orang ditu ke begawai ngiga penguntong,\\nKe ngumbai Raja Jegedong,\\nKe bepangkong begendang tiang.\\nNya baru terai-terai jaloh nyerarai,\\nNyadoh ka tuboh bekembai tikai.\\nKembai ka tikai rutan ke beranyam maap lubang,\\nDitaap enggau sana jawa manah baka belanggah punggang,\\nDitaap enggau tikai pachar,\\nJanit leit mit lambar,\\nKe belinsar pandan bekuang.\\nLalu taap enggau tikai peradani,\\nKe dipuji manah mati,\\nDipadat bini Pengiran Amang.\\nNya baru jetu-jetu apong tematu,\\nNyadoh ka tuboh betanggong baku.\\nBantai ke jelapa baku kendi,\\nKe begamal lenggi-lenggi,\\nBaka ke tau nabi bala pengabang.\\nBantai ke jelapa baku kansat,\\nKe begamal rayap-rayap,\\nSarat ngundan sirap buah pinang.\\nNya baru bantai ka buah pinang puda,\\nKe dipakai nyamai diempa,\\nAsai ke makai untak pala undang Semarang.\\nNya baru bantai ka daun sirih sidok,\\nKe ulih nyulok di puchok tebelian ngerang.\\nNya baru bantai ka kapu abu,\\nPuput tebalu indai orang.\\nNya baru bantai ka sedi lulun,\\nDituom unggun atas bedilang.\\nNya baru bantai ka semakau Sabah,\\nUlih muka di rampa moa geranjang.\\nNya baru chukop macham kereban perengka pinang,\\nNya baru bepakai ka ganjai nyamai,\\nDi binsai salanggai ruai lalang.\\nNya baru ketap-ketap gagang emperingat,\\nNyadoh ka tuboh betibak ubat.\\nEnti ubat enda lesi laya pambu,\\nEndang udah digenggam aku enggau patangan tunjok indu,\\nUdah di sangking aku ba kuling labong belachu,\\nNabat anak Bujang Lemambang Tepong Bulu,\\nKe saru jako besebut ka ibu berada rambang.\\nUbat enda lesi laya sulai,\\nEndang udah dibinching aku dikuling labong jebai,\\nDikena anak Bujang Lemambang Tupai,\\nKe bejalai main nimang.\\nTu baru mulut kitai nyebut ngerintai tuai.\\nO sapa tuai ke dulu dikumbai diambi ngabang,\\nSapa tuai lama ke dulu ditesa bilang Lemambang?\\nNi lebih ari Semarugah nya orang ke empu tanah,\\nNemu bagi ni iya ke manah,\\nNemu ke renjan ngelala ke tingkah,\\nEnggau nemu iya ke betuah alai bumai.\\nNi lebih ari Sera Gindi ke tau ngaga ai,\\nUkai siti maioh perabeni simpang sungai.\\nNi lebih ari Sera Gindit ke tau ngaga langit,\\nAgi kalia mua pengemit\\nTang nyau puas ditarit mua pemesai.\\nNi lebih ari Sera Gindam ke tau ngaga malam,\\nKe kelam sabong lemai.\\nNya baru ngelengka ka tuai kalia,\\nAku deka ngerintai tuai bukai.\\nUji kangau ka Sera Gunting,\\nKetau nemuai ngagai gensiring Langit kuning,\\nLaban iya ke uchu Aki Lang Menaul Banda,\\nLaban iya beindai ka Endu Dara Tinchin Temaga.\\nNya baru kangau ka tuai nama Begeri ke dulu lesi,\\nLaban iya ke dulu ngajar kitai beguna ka atau babi,\\nLaban iya beindai Endu Dara Manis Muka.\\nNya baru aku mesan ka Jelenggai,\\nKe terubah ngajar nemu bumai,\\nLaban iya bebini Bunsu Bintang Banyak,\\nLalu beipar ka Bunsu Bintang Tiga.\\nSapa tuai ke dulu nemu ngaga api,\\nNi lebih ari Endu Dara Dayang Racha.\\nNya baru mesan ka Santukan Buban,\\nNya orang dulu diau ka engkeleman bulan peranama.\\nNya baru ngangau ka tuai nama Sarapoh,\\nRingku-ringku ngema benong benda menaga.\\nNya baru lengka ka tuai ke lama,\\nNya baru nyebut tuai ke kamaia.\\nNya baru ngangauka tuai nama Meling,\\nDatai ari genting Ulu Entulang.\\nNya baru ngangau ka Ambau\\nPeling lanting Tawang menang bedagang.\\nNya baru ngangau ka Mail,\\nDatai ari Rantau Langgir nyambil maang.\\nNya baru ngangau ka Sampar,\\nTuai ke mai kitai betandai mansang ngabang.\\nNyadoh ka tuboh kitai ngerintai tuai Layar.\\nNi nuan Entigar tuai Layar,\\nDulu berumpang kapar Rian Batang.\\nNi nuan Datu Patinggi Ngadan,\\nDulu mungkal Tenuan Batu Api\\nKe menyadi mau rendang.\\nNya baru riu-riu mumban di batu,\\nNyadoh kitai betuboh ngerintai tuai Paku.\\nNi nuan Temegoh betuboh maioh,\\nTigapuloh ngaum pengurang.\\nNi tuai ke benama Rusak dulu mungkal awak\\nNi nuan Entingi dulu berumpang Saban Tinggi,\\nNi nuan Entigu dulu mungkal Ulu Paku remawang.\\nNya baru tebang kempas ringgas di babas,\\nNyadoh kitai betuboh ngerintai tuai Rimbas.\\nNi Jenua tuai lama,\\nDulu lesi bebadi laya lela,\\nBerimba Pusa kampong engkerebang.\\nNi nuan Padang apai Duyah,\\nKe dulu lesi bebadi laya rebah,\\nManchak dungan ikan tapah Bejanggut mirah,\\nKe jadam mau gempanang.\\nNya baru ngangau ka Matin,\\nDatai ari ujong Tanjong Sabulin,\\nBetua ka anak kala labang.\\nNya baru ngangau ka Garrai,\\nBerumah di ujong Tanjong Tawai,\\nKe panjai rurus belamatang.\\nTu baru mulut nyebut ngerintai tuai Krian.\\nNi nuan Kanyong diau di tuchong Bukit Legong,\\nBerayan tudong basong puang.\\nNi nuan Seguat datai ari menyaung tuchong Bukit Tengalat,\\nNi nuan Abas dulu mungkal Wong Embuas,\\nKe deras numbok nerajang.\\nEnggau Sera Bungkok ketok tunjok,\\nPenebok tiang bebalang.\\nNya meh naka tuai Dayak,\\nUlih tesa bilang lemambang.\\nNya meh naka gelai sida ke tuai,\\nUlih rintai diambi ngabang.\\nDipuput ka ribut diguyang gumbang.\\nTubaru kanyebut tuaiLaut ke disebut nama Abang.\\nNi nuan Datu Temenggong,\\nKe dulu lesi bebadi laya pumpong,\\nTau nyimpong lumpong tekalong,\\nKa taja rengong-rengong,\\nMunyi sengkilong tedong tiang.\\nSakali iya kena uji orang nepan,\\nDi chawan jalong jebong,\\nKena melit Tanjong Sirit,\\nLalu ngelaung ka Pulau Burong,\\nEnda ga iya kena pangka kechimbong leka gumbang.\\nPatinggi Datu Intai pen sama kena rintai diasoh datai,\\nIya ga tau ngusai ka berau sabalansai,\\nKe gemisai jadi anak gamang sasarang.\\nSakali iya nepan di chawan singkap pinggai,\\nMelit ujong Tanjong Sirit,\\nNyelepak awak Nanga Brunai,\\nEnda ga iya kena pangka ka telesai bunga pasang.\\nNgerintal tuai orang Panggau Libau enggau orang Gelong.\\nTu baru mulut aku nyebut ngerintai tuai antu.\\nNi nuan Nading Panas Kuning,\\nDitelah aku Perenching Bunga Besi,\\nSepit Api ke bejari rangang-rangang.\\nBejalai melit tisau langit,\\nNgelong ngelingkong besabong galang.\\nNya Si Gundi apai Keling Aji,\\nNi nuan Sempun Murun Api Neraka,\\nBeliong Lajong Kamboh Maloh,\\nRentang-rentang penebang batang sana merajawa,\\nNya berada apai nuan Laja,\\nLau moa penyampu leka balang beraang.\\nNi nuan Antu Kara ke berua tayun tunsang,\\nNya ga berada apai nuan Simpurai,\\nBejulok Muntigerai simbang jerungkang.\\nNi nuan Pendawan Bemata Tajam,\\nKe ditikam mail salah,\\nNi nuan Berayang Beruit Tangang,\\nKe gelemang mandi darah.\\nNya berada apai nuan Lua Limban,\\nBejulok Balan Seligi Pinang.\\nNi nuan Tangkai Jawa Jambai,\\nTabor ka di umai mali nawang\\nNi nuan Jawa Sabaka,\\nTanam di temuda mali diperimba,\\nKe sadepa mali lapang.\\nNya berada apai nuan Pungga,\\nDigelar Bujang Si Puntang Medang.\\nUdah abis aku kangau ka tuai orang Panggau Libau,\\nTu baru aku nampong enggau tuai orang Gelong.\\nNya baru ngangau ka Lembang Tempalang Subang,\\nEntak Lelayang Bingkai Tanggi.\\nMenoa iya di geluga ai mansang,\\nBaka tibang sarang padi,\\nKadua bali nama iya di menyaung Tuchong Kenyalang,\\nPansa Kumang ke berundang ngiga laki.\\nNi nuan Patong Manok Tuntong,\\nKe disabong mali balang.\\nNi nuan Pala Manok Lia,\\nKe dilengka mali lengang.\\nDigaga ka ringka igi balang,\\nNya berada apai nuan Tutong,\\nDigelar Bujang Lemandau Gendang.\\nNi nuan Ipoh Munoh,\\nKe dikesoh jadi naning,\\nNi nuan Antu Ngasu,\\nKe beketapu bulu gading.\\nNya berada apai nuan Enting Naing,\\nEnda nyelaing ka sumping dengah orang.\\nNi nuan Parang Indu Duku,\\nNi nuan Berangai Indu Perau.\\nNya berada aya Apai Migu,\\nMangkang bedilang tegar bekindu,\\nLaban iya tembu nyampu dengah orang.\\nNi nuan Galang Indu Batu,\\nNi nuan Berayang Sangkoh Lunju,\\nKe dipuji lumor satu,\\nNgebu ka pintu kuta labang.\\nSimpurai meda ka pemaioh Pengabang.\\nKitu ka dulu nuan ambai Simpurai,\\nAku deka ngau kutu nuan,\\nMesai indu tekura umang.\\nAku deka nyara linsa nuan,\\nMesai buah entimun batang.\\nLalu angkat Simpurai jelar-jelar,\\nMechal di jungkal tusu linyang.\\nLalu angkat Simpurai,\\nTak ngerimpi ka lepi sanggul lintang.\\nO, nama dikangau kumbai nuan,\\nDeh Endu Dara Jawai,\\nEnti kelia menya munyi kangau Sada Bugau Tatai,\\nTang kamaia haritu udah lesi bebadi laya parai,\\nTunang bangkai tilan menarang.\\nO, nama dikangau nuan Endu Dara Lulong,\\nTak munyi kangau Sada Bugau Langgong,\\nTang kamaia hari tu udah lesi laya pumpong,\\nTunang tegong remaung lubang.\\nAku ngasoh nuan nentang\\nAri lemetak Tinting Kedang.\\nAku ngasoh nuan nentang Pengabang maioh,\\nLaloh ari beloh ikan ensaluang.\\nLalu bejalai Simpurai jengkak-jengkak,\\nNuju ka punggang puting setak,\\nIndah enda baka anak ketupong bagak,\\nKe beteratak di moa lubang.\\nBejalai Simpurai tak gilik-gilik,\\nBaka sampetik bidik beumpan undang.\\nMalik iya ka moa pintu,\\nMeda indu balu tigapuloh satu,\\nTak ngetu belindong tiang.\\nMalik ka tengah ruai ka Simpurai,\\nMeda ka rintai bala pengabang.\\nLalu pulai Simpurai ngagai Endu Dara Jawai,\\nKe Ensengai Dayang Kumang.\\nKati baka pemaioh pengabang deh Simpurai?\\nMaioh enda bula maioh,\\nTang enda penoh agi puang.\\nBisi enda bula bisi pengabang,\\nTang agi ga maioh kurang.\\nKati nuan bisi tetentang ka orang Ke digelar aku Galang Indu Batu?\\nKati nuan bisi tetampai ka orang tuai Ke digelar aku Tuga Indu Kayu?\\nO, enda aku nemu orang nama nya,\\nNadai aku kala nampai aku enda kala meda.\\nKati enda nemu orang nya ambai wai,\\nNya ke dikumbai aku Bujang Anda Mara,\\nNya ke digelar aku Mara Raja Betuah.\\nKadua bali nama iya Raja Ansang Rengaya,\\nKe ditelah aku raja nadai ngelimpah.\\nO ambai enda pen aku betuai ka Anda Mara,\\nEnti bumai bulih ga aku padi.\\nEnti berumah aku enda beguna ka Raja Tuah,\\nUdah meh rumah aku ke raregah lalu nyadi.\\nEnti munyi nya tegagai meh gawai kitai lalu tengetu,\\nEnti munyi nya labah meh gawai kitai baka buah merunjau ulu.\\nSapa kitai ke juring muting geraji?\\nSapa kitai ke nyaing nyemilu tisi?\\nUji gagai orang di seregu rau rangkai,\\nKe tekusai ngemulu burong.\\nDi ranggas rangkang punai,\\nKe pulas enda bepapong.\\nNya menoa Bujang Geranjang,\\nPuang pinggang gentong punggong.\\nNya menoa Semada Balu,\\nChelum ngelepu bejelir gadong.\\nKati nuan buat tau disuroh aku diasoh ngambi ngabang?\\nKati deka nuan buat tau diuji kami di ati pengering tulang?\\nO, aku enda tau buat,\\nEnti selangkoh tuboh lempong aku,\\nLeboh aku ke agi belelang ka Batang Langgai Mujong,\\nDin aku bisi bejako kelalu sumbong,\\nKe ngasoh aku sakit busong,\\nKena bejong duyong rajah pemandang.\\nEnti selangkoh tuboh lelanji aku,\\nLeboh ke dibai aku nandang ka Batang Ulu Engkari,\\nDin aku kelalu berani ati,\\nTak ngenchuri bini orang.\\nEnti agi menya leboh tuboh aku ke selangkoh benong besai,\\nLeboh aku ke agi tinggi disuli labong jebai,\\nLeboh aku ke agi ngundang sida ambai kenang aku,\\nTindok di gerunggang papan lekai,\\nLeboh aku ke agi ngumbok ambai rusok aku,\\nKe tindok di telok tibang simpai,\\nLeboh aku ke agi ngenchuba ambai mata aku,\\nTindok di duran papan pengala,\\nKe begamal remba-remba,\\nDitimbau Laja seduai Ngelai,\\nNgelui dada tuntun kerigai.\\nLeboh aku ke agi ngenchuri ambai ati aku,\\nKe tindok di lelandi papan paji,\\nDitimbau Keling Aji seduai Simpurai,\\nKe rapas jari tuntun pegai,\\nDia deh aku ke diuji sida ambai ati ngabas jeremai,\\nDi seradak silak langgai Sarikai.\\nBaru ka angkat aku ninggal ka pekedam ambai malam aku,\\nKe tindok di duran papan pengalai,\\nNyerumba kukok manok tawai,\\nJari kanan aku angkat betakan,\\nDi tandan bau landai,\\nUjong tunjok antu enggi aku,\\nGanchil udu ngetil tusu enggi ambai sulu,\\nBaka genalu tapang mikai,\\nKe taja pelu-pelu ditempa antu,\\nDitukoh Bunsu Raja Selampandai.\\nJari kiba enggi aku ngenggam beta rampang bungai,\\nTunjok puting enggi aku naban anting ruding telai.\\nNya baru aku angkat jimat-jimat,\\nBejalai aku guai-guai,\\nNgerejang penyarang rumah panjai.\\nNya baru aku bejalai laju,\\nDeras ari bekubu entis bulu burong terebai.\\nDia deh aku nyau enda berasai,\\nAlai datai di seradak Wak Langgai Sarikai,\\nDia endor aku lalu ngangkat ka pukat mantai ka jeremai.\\nPeda aku tak bulih jeliu betutu semah sungai.\\nKe tak mua pemesai-mesai,\\nPala iya disema ka aku mesai dampa langkau umai,\\nKe lalu digaga ka aku ma,\\nDikelalin ka aku lantai.\\nNya baru aku rinan dibai pulai,\\nTak enda berasai aku datai di penyarang rumah panjai enggi kitai,\\nTak lalu diempas ka aku ba idas ke merempas ninggang tikai.\\nKe ngasoh tekenyit sida pekedam dalam ambai lalai,\\nKe tindok meledai diguang Bujang tuga lelaki.\\nNya alai enti kalia enda bula ga aku,\\nLaju ari peluru leka bangkang,\\nEnti agi menya enda bula ga aku,\\nLasit ari sumpit rurus direjang.\\nNya alai ke tu ukai aku enggai,\\nDiasohkita betandai ngambi ngabang,\\nUkai tegal tulang aku lesa ke bedaya ngambi masang.\\nBujang Nendak diasoh ngambi ngabang, iya lalu nanya indai iya.\\nEnti munyi nya tebang kedemba sulur ka takang,\\nNyadoh ka tuboh kitai agi betanya,\\nKa sapa diasa diasoh nengua ngambi ngabang.\\nUji gagai menoa orang di Batu Tekup Bedaup,\\nMunyi tekup bandam betaan.\\nUji gagai menoa orang di Tanjong Betong Meletop,\\nMunyi ke masak chagak bedil meriam.\\nNya dipangkang Lungga ulu tulang lanting gerening,\\nKadua bali nama iya Sumpit Tapang Betibong Baning.\\nNya berada apai nuan Nendak Nendai berambai biring.\\nKadua bali nama iya Bujang Nendak bebulu burak ensiring kuning.\\nKati randa nuan buat tau diasa ka kami nengua ngambi ngabang?\\nKati gelai nuan buat wai tau diasoh kami nemuai ke betandai ngambi\\nAnang guai dulu nganti aku nanya indai aku guong indu\\nKe dipalu penegar nenchang.\\nNganti aku nanya indai aku satawak,\\nKe rentak tinggi sambang.\\nOrang indai ngasoh aku betuboh ngambi ngabang.\\nKati pengawa kitai dia tau aku lengka bisi hari aku limpang?\\nAu deh salantang Bujang Lempong,\\nKenyau ari aku nyera ka nuan menya anak sendia,\\nDi selangka tulang punggong,\\nLeboh nyawa aku tetengok ka jerok asam lempaong,\\nLeboh aku bepenti ka nuan anak saridi,\\nMali makai lelabi ulih ngali di dandi urat nyengkong,\\nEnggau mali makai putus angus papong tengkiong,\\nLeboh menimang nuan ke mali begayang ka belalang babi kepong.\\nNya alai ada nuan menya anak sendia,\\nNyerumba pernama bulan kembong.\\nSabak nuan menya lantang anak,\\nTak serintak didinga Guyak Manang Langgong,\\nNya alai perut enggi aku tak nyau rujut,\\nKena balut pakau tekalong,\\nKeba belakang enggi aku nyau lau laang,\\nKena diang bedilang dua bebandong.\\nRusok enggi aku nyau belingkok dudok chundong.\\nUdah nya baru nuan dianjong kami mandi ka tempiri pala wong,\\nDi ading ka kami enggau pamping piring tepong.\\nNya alai sayap manok labang digitang kami\\nEnggau benang lambar ubong,\\nLalu digitang kami ba berayang beruit atong.\\nSungga kami kulu ka nuan peda nangkap ka jeliu ikan adong,\\nSungga kami kili ka nuan peda nangkap ikan lansi,\\nBa reni pasang nyurong.\\nNya alai jari kanan enggi nuan Bujang Ganggam,\\nNyau tegenggam ka kerangan,\\nSua ka gemian ikan kulong.\\nNya ga ka ubat kering nuan jengaing,\\nKe tempuling pala patong.\\nNgambi ka nuan tau diasoh,\\nOrang nyapa Aki Raja Jegedong,\\nNya orang ke bepangkalan bisi jelatong,\\nKe ditampong jalai dagang.\\nNya baru peli-peli bunga pensi,\\nBujang Nendak ke ngambi ngabang,\\nBeguai angkat begari.\\nLalu dibelit ka iya sirat panjai,\\nMelampai di kerigai rusok marang.\\nManah ngepan tua buat ko Burong Malam,\\nBaka kelukor wan tupai,\\nKe bejalai nurun batang.\\nLalu dipasok ka Burong Malam simpai rangki,\\nKe cheli-cheli naring jani babi belang.\\nManah ngepan tua buat,\\nBaka kelukor wan belinsi,\\nKe tau nyapi gali,\\nKa melali moa lubang.\\nLalu dipasok ka Bujang Nendak unus bagus,\\nBaka kelukor wan tikus,\\nKe kerus hari petang.\\nLalu dipasok ka Burong Malam labong lalong,\\nBaka kelukor wan tiong,\\nNyapi di bungkong ubah tulang.\\nNya baru perengka tua buat,\\nUdah sedia samoa kena nengkira ngambi ngabang.\\nNya baru ngepan tua buat udah meruan,\\nNadai agi utai ketimpang.\\nNya baru Bujang Nendak lalu beguai nurun ngambi masang.\\nNya baru Burong Malam angkat betekan ngambi ngabang.\\nNya baru ngejang ka panggau pantik,\\nKe kebelik tabor bintang.\\nNya baru ngejang ka ruai besai,\\nMasai alai Lawai beparas gantang.\\nLalu meraka temetong ranggong,\\nBaka ripong nelan kenyang.\\nNya baru nengah tempuan nyapan,\\nBaka sampan mansang bekejang.\\nLalu manggai di pala tangga,\\nMeda engkeramba tak sasipa gambar orang.\\nLalu nurun tangga tampun,\\nNumpu ka pun nangka lamun,\\nBebuah bekatayun tuntun berang.\\nLalu dijengkau seduai iya kerasau buloh lalang.\\nLalu terentak di menalan redak,\\nBaka pengayak tepong Kumang.\\nBujang Nendak seduai Burong Malam di peransang ambai.\\nDinga tak lalu nyapa peraja mata ambai lalai iya,\\nAri pelangka papan lekai.\\nAu deh peruji ati ambai mata,\\nEnti nuan di-injau orang\\nnguji ka penajam ati mansang bejalai,\\nAnang nuan nikal deh wai unggal,\\nAnang nuan pulai di rantu jalai.\\nEnggai ka aku lebu nyamak nuan bujang biak,\\nEnggau belabak minyak pugai.\\nEnggai ka aku lebu mekal nuan wai unggal,\\nEnggau petual rampang bungai.\\nEnggai ka aku lebu meda pala nuan,\\nBujang bula nyau lindong ayong repa,\\nUmba lelaga langgai tajai.\\nNya ga ka bekal ati nuan sulu kunsi,\\nNgambi ka nuan endarari serantu jalai.\\nNgambi ka nuan enda buyan geli deh ambai diri,\\nNinga Antu Gambi ke serigi,\\nNgili ka ai ngulu ka sungai.\\nNgambika nuan enda takut buyan\\nninga emba sabayan,\\nKe lama udah danjan dulu parai.\\nEnti nuan rari\\nnama penyadi pengawa kami\\nke berenti lalu tebuai.\\nIsa enti iya semina naka nya,\\nEnti nuan rari enda bapai-indai,\\nEnggai ka nuan nyau abis bebaring,\\nAri genting lenggang penyedai,\\nTentu nuan merurut tengkelai pechah simpai sara ibang.\\nAgi ga aku sayau ka nuan\\nNyau abis putus sentagai dilah kendawang.\\nBujang Nendak enggau Burong Malam mupok bejalai.\\nKejang ka ari nya manggai di tanah ami,\\nBaka asi bari teda bala.\\nManggai di tanah luchak,\\nEntak kechukak baur temaga.\\nLalu nengah panti landi,\\nBepanti ka besi lumpong baja.\\nLalu mansa madang kemelang sumpah,\\nKe berandah mandong moa.\\nKejang ka ari nya manggai di tinting buloh lembut,\\nBenyut-benyut baka taut nyintak juak.\\nKadua iya manggai di munggu alai sida ke indu,\\nKe gempuru nyimpai nyemurak.\\nNya menoa Semalagah ke berumah nadai ruai,\\nNya menoa Mekam bisi tempuan nadai pemanggai.\\nNya menoa aki nuan Penimba ke tempila mali lenyau,\\nKadua iya aki Suar ke getar di kaki rantau.\\nKejangka ari nya manggai di terumbu langkau batu,\\nBaka terumbu sarang terubok.\\nKadua iya manggai di reba kapar batang,\\nKe begendang taja beka setok.\\nNya menoa baya ngereman,\\nNya menoa likau bandau ngalan.\\nKejang ka ari nya manggai di tebing ninding,\\nKena rinding pating sabang tekura.\\nKadua bali nama iya batu besenggal,\\nBaka geran lumpar tangkal tangga.\\nNya menoa Endu Ilu Pedaga Raong,\\nlyak Ringkak chengkik punggong.\\nKejang ka ari nya manggai di seraput tanah lembut,\\nBenyut-benyut baka empelesut lempedu jelu.\\nManggai di emperan entap nyapan,\\nEntak unjam enggau genteran sangkoh lunju.\\nKejang ka ari nya manggai di emperingat nyait nyayat,\\nBaka pukat sanggit jala.\\nManggai di engkelait nentang nyait,\\nBaka sanggit puntang raga.\\nNya menoa Sunggong-Unggong bedabong jarang,\\nKadua bali nama iya Sampok,\\nKe tau bedurok niti batang.\\nKejang ka ari nya manggai di melaban burok batang,\\nTinggang kelingkang randau kemedu.\\nManggai di melabah lentur patah,\\nDibalut buah rutan labu.\\nNya menoa Tupai indai jangau,\\nDipangkang Pukang abang Seliau.\\nKejang ka ari nya manggai di bungkong ngembong,\\nBaka benong tajau menaga.\\nKadua bali nama iya puchok emperawan pugok,\\nBaka tandok kendi temaga.\\nNya menoa dipangkang Endu Sudan Berinjan Bungkong,\\nKadua bali nama iya Endu Diu Tiong Menyelong.\\nKejang ka ari nya manggai di rajang sapi bedidi,\\nManggai di kara rakah ke bebuah sapi belinsi.\\nNya menoa Manang Jaban,\\nNgemeran ka pangkalan jalai ngalu.\\nKadua bali nama iya\\nManang Narang bekengkang bulu.\\nKejang ka ari nya manggai di kampong baong,\\nNadai didinga ensuong nyawa orang.\\nKadua manggai di babas tawas,\\nNadai uras mesai pemandang.\\nNya dipangkang Endu Dara Bunyi mandi pagi sentai langgai.\\nNya menoa Endu Dara Bajik ke di-pelandik kaban temuai.\\nKejang ka ari nya manggai di pun kara riong,\\nKe bebandong jadi rumah.\\nKadua nama iya pun kara raka,\\nKe bebunga jadi buah.\\nDia baru seduai ninga gugu palu taiya,\\nDia baru seduai iya ninga auh gu’u ensenga.\\nNya pangkalan lama Manang Nyara,\\nEndor iya teruba mula ada.\\nNya pangkalan besai Manang Matai,\\nKejang ka ari nya manggai\\ndi kemunting umang simbang sakali,\\nManggai di sibau melanau mansau melepi.\\nNya menoa Manang Matai,\\nBesanggol silai besintak laing.\\nNya menoa Manang Lansu,\\nMansau kuyu besiring kuning.\\nKati rumah nuan ini tau ditujah tumu pagi?\\nKati rumah panjai nuan ini tau alai kami nemuai pulai hari?\\nO, rumah pandak enggi Manang Guyak tu,\\nEnda kala dientak ka tambak pagar api.\\nRumah panjang enggi Ini Manang tu,\\nEnda kala kena tinggang bukang bangkai pemati.\\nLalu dituja Bujang Nendak tangga tunjan ditiki,\\nLalu dijengkau iya lalau purus sakali.\\nDataiba pala tangga meda tandokrusa,\\nDia iya ngetu enda lama ngait ka gari.\\nDatai di tengah ruai besai,\\nDia iya lalu beguai nudok ka diri.\\nLalu malik iya ka kaki atap,\\nMeda Manang Rechap dudok entap,\\nMakau ubat penampal abi.\\nMalik nyeling iya ka telok dinding,\\nMeda Manang Linsing makau taring ngeli babi.\\nLalu angkat Manang Jaban,\\nNgembai ka bidai tikai rutan,\\nKe beranyam maap lubang.\\nLalu angkat Manang Lansu,\\nMantai ka baku kereban pinang.\\nO uchu nama abar gembar berita?\\nO nama chap surat seduai uchu ka tanda ari Raja?\\nMeda seduai tak datai mai peloh nurun belakang,\\nBaka ke tau alai enseluang mudik betanjak.\\nMeda seduai tak datai mai peloh nurun dada,\\nBaka ketau alai baya mudik berumpak.\\nKati kita din uchu bisi tabin bebirin bunga,\\nBisi jengap kita din uchu ilap dinyawa?\\nEnti seduai datai ngambi aku belian uchu,\\nAku enda enggau,\\nLaban aku agi lemi di pati tulang punggong,\\nAku agi lembut di tuut pala patong.\\nAku ga baru datai nyerimbai lemai sabong lindong,\\nPulai belian ari Ulu Paku matong,\\nBelian bejereki kandong ke baru kelala sera.\\nEnti seduai ngambi aku betawai uchu aku enda enggau,\\nLaban aku agi lemi di pati tulang kerigai,\\nAku agi kepa di tapa kaki bejalai.\\nLaban aku baru pulai nyerumba Linda sabong lemai,\\nPulai belian ari Ulu Paku landai,\\nBelian ka Endu Dara Radai,\\nKe lama udah sakit irit enda nyamai,\\nNya alai aku lalu asoh orang betawai bepindah nama.\\nO Ini, kami dua ukai betandai ngambi nuan,\\nUkai kami datai ini ka betandai ngambi belian.\\nKami dua tu semina nanya ka seraka pampang jalai,\\nKami dua tu semina nanya ka tuju jalai penemuai.\\nKami dua tu nanya ka jalai ngagai menoa orang\\nDi tuchong Tangkong Saribu.\\nKadua bali nama iya menoa orang,\\nDi tinting Kaling Alu.\\nTak lalu malu meh Bidu Manang Matai,\\nNinga Nendak Nendai enda betandai ngambi diri.\\nNya alai iya lalu nusi penyidi jari tunjok pandai.\\nAri iya ke baru jadi Menai Manang Matai,\\nLeboh Gepi iya ke baru nemu diri,\\nBepasok ka ginti kail rawai.\\nLeboh pagun iya ke baru nemu diri,\\nBerenjun di pun sabang jurai.\\nLeboh Likup iya diugop nyiur tuai.\\nSakali aku menya uchu udah diuji orang,\\nPenyidi di jari tunjok megai,\\nLeboh aku ke diambi\\nBujang Puntang Medang seduai Simpurai Gundai,\\nBelian ka duran papan lekai,\\nEnggi Endu Kumang Dara Jawai,\\nKe lama udah tekusai terumpang tanchang.\\nNya alai lalu nurun kami Pagun,\\nAri talun papan lekai,\\nNgema lupong karong kulit menteli rangkai.\\nBaru bekejang kami manang,\\nAri penyarang rumah panjai.\\nDatai bala mepa kami di saraka simpang jalai.\\nDia alai kami bisi burong manah,\\nDianjong ka ensuong burong Beragai.\\nNya deh baru aku diuji orang penyidi,\\nDi jari tunjok pemegai,\\nDiasoh orang belian ka anak punggu rembai,\\nSataun udah mabun laya parai.\\nLalu di empuru ka aku pugu daan jurai,\\nNya baru aku nerutu iya enggau batu ju rajang gemisai,\\nNya baru kami Gepi lalu besudi dilepi arong jalai,\\nNya baru ngeleda kami\\nSada di menoa angkat beguai.\\nDia kami meda anak pugu kayu rembai,\\nAnang ka nama iya bekata laya sulai,\\nNyau ngasoh iya bebuah bakarundai nurun batang.\\nDia Gepi Manang Sada dipuji orang bisa,\\nDi gensera nyawa dabong landai.\\nNya baru kami angkat beranyat beguai-guai,\\nNya datai kami di seberai Rumah panjai,\\nDinga kami tak udah rentang-rentang\\nPuntang Medang seduai Simpurai,\\nNgelantak ka kupang paku lawang,\\nBulih sagantang begadai-gadai.\\nTang bedau ga enda nyadi papan paji,\\nJai kaki putus tekusai.\\nNya baru lalu beguai kami\\nGepi niki ka ladi rumah panjai.\\nDatai kami dia lalu bai orang tama,\\nKa penaik bilik besai,\\nKe udah dikembai ka orang\\nsalayang tikai bembai bebungai.\\nNya baru kami muboh ka\\nPengaroh mua pemaioh,\\nPenoh lelayang pinggai pemakai.\\nLalu betatap kami\\nRechap ngena ubat penchelap,\\nBatu janggat buah tangkai gemalai,\\nLalu digama kami\\nMepa ngena tapa jari megai,\\nNya baru aku bisi nemu\\npenyakit nyerak kulit ngimbai kerigai.\\nLalu dijeput kami\\nLikup kesai buai ka bukai.\\nLalu di tinjau kami\\nMengkau enggau batu ilau,\\nMeda samengat iya nyau deka lenyau,\\nKa Rantau Mandai Nyadai.\\nLalu dikerut kami\\nLikup enggau batu kukut,\\nAwak ka iya berenyut jampat pulai.\\nLalu digulu kami Lansu,\\nEnggau penyampu pugu paung tubai.\\nNya baru di ayun ka kami Pagun,\\nEngkerabun ke ditunu tuom sabong lemai.\\nNya baru Manang Lukup\\ntak tebelechut pansut ka ruai,\\nLalu didiri ka Manang Menani pagar api,\\nKa dedegi dua berimbai.\\nLalu dirarong kami enggau lumpong,\\nKulit menteli rangkai.\\nLalu dikujok kami Dembok,\\nNya baru kami Jaban belian,\\nSemalam-malam bumpai lai,\\nUdah nya tekejut luput kami\\nLikup di tengah ruai.\\nDia kami Mengkau tetemu ka samengau,\\nKe baru deka nyau\\nka Rantau Mandai Nyadai,\\nLalu ditangkap kami\\nRechap enggau penglekat,\\nLaban kami beiyang ka\\nKesindap Indai Sentawai.\\nTak lalu dirinan kami\\nJaban tuboh enam,\\nLalu ditaban dibai pulai beguai-guai,\\nKami Sada pen lalu ngeleda,\\nDi menoa ba tengah ruai.\\nDia samengat lalu dikerayap kami,\\nDisingkap pinggai pemakai,\\nDia randa iya lalu ditata kami\\ndipala di punjong gundai.\\nNya baru hari nyau\\nteringkas tawas terang ruai,\\nLalu tekenyit kami ninga sentai langgai\\nEndu Kumang Dara Jawai,\\nEnti baka tu ngasi meh sida\\nTibi Manang Matai,\\nKe belian ka duran papan lekai,\\nKe tinggi dinggai-dinggai nadai nenjang.\\nDia Jaban udah tembu belian nyau ati deka pulai,\\nLalu keluar ka orang upah,\\nTambit ka orang pegeri tajau rawai,\\nLaban kami tu gaga ka diri\\ngerai nyamai udah diumpai kaban manang.\\nAu uchu enti seduai nanya ka seraka simpang jalai,\\nEnti seduai deka nengah jalai\\nPabak muntang semak,\\nTang sapiak bulan mingkai.\\nEnti seduai deka ngena jalai\\nPaboh muntang jauh,\\nTang samalam di rantu jalai.\\nLapa nuan ini tak bebuti nyambil beduan?\\nLapa nuan ini tak bungah ngayah ka pangan?\\nAu uchu enti menoa Antu Ribut enda jauh,\\nEnti ditu seduai nginsap,\\nDin ila tak kelap asap semakau.\\nEnti ditu seduai makai pinang uchu,\\nDin ila tak chechinang pegari mansau.\\nNya baru seduai iya bejalai betambak singkang,\\nNya baru seduai iya belanda,\\nNgejang ka rumah Ini Manang.\\nLalu manggai di tatai panjai,\\nLalu manggai ai tatai Panjai\\nEndor ruai parai bebintih\\nLalu manggai di emperan entap nyapan,\\nEndor bandam ke betaan mati disemelih.\\nDia seduai berunsut ngena ubat batu kilat,\\nNgambika jampat tegar bejalai.\\nDia seduai berunsut ngena batu ngitar,\\nNgambika tegar jampat datai.\\nLalu perejok gantong Bujang Nendak,\\nBaka ke nyentok ka kebong Langit ngeruang.\\nLalu perejok atak Burong Malam,\\nBaka ke nyentok ka awak entilang remang.\\nTak enda besuri Bujang Nendak mansa ai,\\nMai batu pari tegar entachang.\\nTak merenong Burong Malam mansa kampong,\\nMai batu patong kajukan kijang.\\nDia seduai sama bejalai betambak singkang,\\nTak sama bela seduai baka ke dikalang.\\nNya baru seduai nuntong ba tuchong Tangkong Saribu,\\nEnda temu pesu jalai penatai.\\nDia sida tepeda ka rampa menoa orang,\\nDi kelibak Batu Burak,\\nKe tampak bendang-bendang.\\nLalu tepeda ka serunggu langkau batu,\\nKe bebalun mesai kajang.\\nNya menoa pangkang Lenguyan Tangga Ujan,\\nNgemeran ka tarikan tali kemudi.\\nKadua bali nama iya menoa Lunyong Angin Nyabong,\\nKering pinggang ganggam punggong,\\nNgerempong ka ujong daun api.\\nLalu ditiki seduai iya peretang rumah panjai,\\nSahari tajai burong terebang.\\nLalu ditiki seduai rumah pandak,\\nKe setak nyilup remang.\\nAu ibu, ni aya aku Bua Angin Ngesai,\\nNadai ditentang aku enggau bulang mata nampai,\\nNi iya tak nadai enggau nuan\\nDudok besarok sama berimbai?\\nNama nya aya nuan ke dedugau,\\nDudok di panggau ke begurau tuntun kerigai.\\nTak baru angkat gali iya nya tadi,\\nAri linti anchau tikai.\\nLaban iya agi lelak ikak baru pulai,\\nBekau ambi orang muput ka kadut layar tekerembai,\\nEnggi Melayu Tuanku Meresai.\\nPuput kebu ka iya dasu layar besai,\\nNganjong dagong indu berangai,\\nKe baru dipeda iya rampa Nanga Brunai.\\nLaban nya dilengka ka iya sengapa pia,\\nDibuai iya sabarang alai.\\nNya alai iya lalu pulai\\nka peretang penyarang rumah panjai,\\nKe alai iya nemu endang udah bisi\\nNganti deh Renggan seduai Ngelai,\\nNgasoh iya muput ka moahari\\nKe menyadi petang lemai,\\nEnggau ngasoh iya ngangau ka\\nKemarau awak ka nyampau mua pemanjai\\nNgambika iya bisi dikena\\nAnak mensia ke bekereja main begawai,\\nNgerekai ka umai ujong petebang.\\nPeda tak lalu kindang-kindang Angin Kenchang,\\nIndah enda baka lang nyambar manok.\\nLalu angkat ngelagua Angin Raga,\\nBaka baya pansut ari lubok.\\nLalu angkat bediri Angin nyadi,\\nBaka ke baru dani angkat tindok.\\nTak angkat dedunga Ribut Ngua,\\nLalu nunga ngimbai dudok.\\nO, nama chap surat seduai uchu ka tanda raja?\\nO, nama abar seduai uchu gembar berita?\\nO, kami dua tu minta tampong nuan aki,\\nNunda ka nampong semaliong putus pungkang.\\nKami dua tu minta ganti nuan aki,\\nNunda ka nganti titi jamban penyamerang.\\nMinta nuan madah ka Raja Tuah,\\nKe ditelah aku Anda Mara.\\nNgasoh nuan ngambi ngabang Bujang Ansang Rengaya.\\nTang ari pun jalai tu nuan\\nMansa rumah Bujang Rangkang Kirai,\\nKe dikumbai kitai Raja Simpulang Gana.\\nAri nya nuan minta tampong,\\nMadah ka Raja Durong,\\nKe ditelah aku aki Raja Sua.\\nO nama kabuah aku enggai deh uchu,\\nSeraya aku ke nubu ngerebong maang.\\nEnti menoa Raja Simpulang Gana ukai nya jauh,\\nKa satanjong sapuntang nubai,\\nKa sigi bukit sadandang umai.\\nEnti kalia agi menya menoa Simpulang Gana,\\nEndang palan aku nyala nibar ngerambang.\\nEnti agi kalia menoa Raja Jembu,\\nEndang masai endor aku ngasu jelu ngansing ka peransang.\\nEntin uan ngambi ngabang orang tuai,\\nNuan anang rindang sengapa pia,\\nBejalai beguai nuan ngambika datai enda lama.\\nEnti nuan mansa jelai ba tanah landai,\\nAnang nuan muput ngesai,\\nEnggai ka nadai ambi anak mensia\\nKa bingkai sambong sintong.\\nEnti nuan mansa danan di tanah lenggam,\\nNuan anang muput nekan,\\nKa tanggam gelong tuong.\\nEnti munyi nya tebang kempan berangan ujan,\\nNyadoh tua betuboh uchu,\\nBesilih ngajar pangan.\\nEnti seduai pulai uchu,\\nAnang rindang sengapa pia,\\nEnti seduai pulai anang ngetu sabarang alai ingga.\\nEnggai ka seduai dikumbai Kumang tesat\\nEnggai ka seduai dikumbai Kumang tepejoh\\nKa Maloh di langgai Tawang.\\nEnti seduai bisi mansa indu dara,\\nAnang seduai lina rindang bebini.\\nEnti seduai mansa indu ngandong,\\nAnang seduai randong rindang bepenti.\\nEnti seduai mansa orang bedagang,\\nAnang seduai rindang meda ka pengedang mata keti.\\nNya baru Nendak Nendai beguai pulai\\nKe betandai ngambi ngabang,\\nAntu Ribut pen lalu bepuput betulak belakang.\\nTak lalu angkat angin muat,\\nNgejang ka atap jaong jerenang.\\nTak gurong-gurong angin nyabong,\\nBetekan ari perabong pelamatang pinang.\\nTak duot-duot Antu Ribut,\\nBetekan ari rumput bejanggut kumong.\\nTak enda jena-jena angin mangka,\\nBetekan ari tuga balu betudong.\\nLalu nempekang angin kenchang,\\nBetekan ari batang kedang dayong.\\nLalu betekan angin selatan,\\nAngkat ari daan melanjan birong,\\nTak lalu berua angin ngua,\\nMansa rampa kara riong.\\nTak lalu betunjang ribut kenchang,\\nBetekan ari batang tapang betenong.\\nLalu gurong-gurong angin nyabong,\\nMangka ka tanjong sengkilong naga.\\nTak lalu ngeragensai ribut biau balai,\\nMangka ka pantai radai baya.\\nLalu mangka ka kebun Raja Simpulang Gana,\\nDipegai Pusai di-intu Mambu,\\nPemuru jelu jarin begitang.\\nLalu mangka ka kebun Bujang Rangkang Kirai,\\nKe di-intu Mambu dijaga Pusai,\\nPengirai tangkai takang engkenyang.\\nPusai ninga gu pangka rebut.\\nDia pending Pusai tak tekenyit lansik ninga\\nTak asai ke dipeda iya enggau rampa perening mata.\\nDinga iya tak bedidit tunga ka langit,\\nNadai ga meda langit tekinsit naban ka bulan.\\nLalu malik Pusai ka tanah,\\nNadai ga meda tanah ke berubah ngilah sabayan.\\nDinga iya utai tak agi gu-gu,\\nMunyi empangu gila bulan.\\nDinga iya utai agi berauh,\\nMunyi tandoh ditutoh ujan.\\nPusai rari lalu luput.\\nDia Pusai tak kesal di jungkal luak ati,\\nDia Pusai tak beguai ati ka rari.\\nJengkau Pusai tanchut tinggal ga labong,\\nJengkau iya duku tinggal ga beliong.\\nLari enda tetiki ka rumah diri,\\nTak tetiki ka rumah\\nEndu Kumang Cheremin Bintang,\\nDitelah aku Sengilang Tanggui Buloh,\\nKepai-kepai terebai di dandang danggur uma.\\nTak tekiki ka rumah\\nEndu Sudan Cheremin Bulan,\\nDigelar aku Serentam Tanah Tumboh,\\nGaras-garas tampak panas tengah menoa.\\nNya ga ambai Rangkang Kirai,\\nNya ga peraja mata Raja Simpulang Gana.\\nDia Pusai tak lalu salelai rebah luput,\\nDia Mambu tak lalu enda engkebut.\\nLalu dititik bini Bujang Rangkang Kirai enggau buok panjai,\\nBaka sentaba mulai nurun batang.\\nLalu dititik iya enggau buok pandak,\\nKe ngetak nyintak ngelagetang.\\nNya baru Pusai tekajat diketap tapa kaki,\\nDia Pusai tak ngeleda lalu tedani.\\nO, sapa nganu Jadu ulun dulu kitai tu,\\nNadai agi diasoh aku neresu jemu ambun pagi.\\nO, sapa ngagai Pusai ulun tuai kitai tu,\\nNadai agi diasoh aku ngibun umai besai tisi.\\nO tekenyit aku tadi Endu,\\nKumbai aku bala munsoh,\\nTang nadai ga aku meda chapoh bala Kayan.\\nKumbai aku bala perintah nya tadi Endu,\\nNadai ga sida negah bala tuan.\\nKada enda bula nuan Pusai bampa puang!\\nKada enda banggar nuan Pusai mambar bedilang!\\nSemadi tulang nuan kaburok ngerepok batang.\\nAku Pusai tu ke besirat mali rangkai,\\nKe bensumbar Mali Diau.\\nAku Mambu tu ibu endang masai nurun tumu,\\nNgapus ka hari enda pulai main merarau.\\nEnti nuan ngelar aku banggar mambar bedilang,\\nEnti ditiup nuan lagi peda bisi pegari api.\\nEnti nuan ngumbai aku bula ngampa puang,\\nEnti ditampi nuan lagi bisi ga pegari padi.\\nAu enti api udah aku ninga menya Endu,\\nLeboh aku ke nunu nyeru dandang umai,\\nEnggi Linggir aki Sawai,\\nDi Batang Paku landai,\\nLeboh kemarau ke nyampau mua pemanjai.\\nTak mansang aku ka dandang danggur umai,\\nLalu dikechis ka aku machis,\\nSelup ka aku ba gerempong ujong legai,\\nDia api ke menyadi mau makai,\\nMenyadi ari kaki datai ka serarai.\\nDia asap iya nyau melap\\nbaka ke nyerangkap remang landai.\\nPeda aku kelatan baka kaban pipit kechuai.\\nMalik aku ka lebak peda aku amau burak,\\nBaka lemak babi ngelampai,\\nTuga nyau nadai agi dipeda nempala kera jelu tupai.\\nNya alai pagi hari lalu disulor ka Indai Endat,\\nEnggau leka janggat gulai entekai,\\nLalu ditugal ka orang jeluan padi nubai.\\nLalu mansang meh padi bangang,\\nBaka pangka serugang pasang lemai.\\nMua peneka-neka meh padi nanga\\nNgampoh ka tuga kayu kelampai,\\nTak nyau bejait meh padi bukit\\nmanggai ka serarai.\\nDia buah iya naka pemanah,\\nSa seit pen nadai ga renchit lelai ka bukai,\\nSaleka nadai nyaya satangkai nadai lelai.\\nNya alai leboh sida nanchang mai batu benang,\\nNgambika enda kekitang ngejang ka serarai.\\nLeboh sida ngetau mai batu randau,\\nNgambika enda bekakitau ngejang ka jalai,\\nNya alai tak enda lama sida iya\\nngisi rampa tikai penyedai.\\nLeboh sida berangkut mai batu semut,\\nNgambika beka besut sebelah jalai.\\nLeboh sida ngema mai batu semada,\\nNgambika belanda jampat datai.\\nTak nyaubedunjong meh padi rabong,\\nKe betugong penoh ruai.\\nLeboh sida besimpan mai batu laletan,\\nUbat jadian jampat kembai,\\nNya alai nadai pemedis sida\\nngisi igi engkabai tibang sangindang.\\nNya baru berita sida nyau sedura jauh jelai,\\nTak nyau tumu tuai Melayu Tuanku Meresai,\\nKe lalu ngelantar ka bidar bangkong berangai.\\nTak duut-duut meh mutu bot,\\nNgundan not besukut ka Hot gambar terabai.\\nTak nyau cheit-cheit meh mutu sepit,\\nNgundan perenchit ringgit bungai.\\nTak nyau ringang-ringang\\nngelanggar gelenggang gumbang bebungai,\\nNya baru tak lendu-lendu perau tuanku,\\nMudik ka jeliu Paku landai.\\nDatai iya ba pangkalan Linggir aki Sawai,\\nLalu dilaboh ka iya sauh,\\nLalu beranyat tali rantai,\\nLalu tanchang ka orang ba likang tali panjai.\\nDulu niki Enchi Mami ngagai leladi rumah panjai,\\nO lalu udong aku Laut Lawai baru datai.\\nNya baru iya ngembai ka selayang tikai bembai,\\nO nama kereja nuan Abang Lana,\\nNama pejalai nuan udong wai?\\nAku ga bisi ninga berita nuan\\nke sedura jauh jelai,\\nBulih simpuli padi nubai.\\nNya alai aku bisi mai ka nuan\\npegeri tajau rawai,\\nEnggau gempanang tekang mau urai.\\nNya beli ulih nuan udong,\\nEnggai ka kami lebu datai.\\nO amat aku bulih padi ulih ngibai,\\nTang adat kami Dayak enda baka nya,\\nEndang pengawa kami bepantang begawai umai.\\nNya alai ke diatu saleka pen apin ga iya tau nyaya,\\nSatangkai pen apin ga iya tau lelai ka bukai.\\nO anang nuan belebu tudah aku deh udong wai,\\nUji giga ka aku padi lama enggi kita ke teda empa bekau buai.\\nO berapa rega menaga tajau rawai nuan nya deh udong wai?\\nEnda aku mar nyual iya ngagai kitai sama kitai,\\nNama iya sagantang laloh sangantai,\\nNya meh kena nuan bebeli ka guchi benda rawai.\\nTang agi ga ditambah aku enggau bendai besai,\\nKena nuan nganti penatai temuai,\\nLaban iya tau dipangkong nuan begadai-gadai,\\nKe pengumbai jalai raja.\\nBini Raja Simpulang Gana chelap bulu.\\nTak lalu chelap bulu meh bini Raja Simpulang Gana,\\nKadua nama iya Bujang Rangkang Kirai.\\n0 nama main bulu aku tak nyeru lain asai?\\nLalu pasok ka iya kepiu baju panjai,\\nLalu penyadi ka iya api ke degi tengah ruai,\\nLalu bekindu iya besampu tulong besalai.\\nDia ribut tak majak bepuput biau balai,\\nDia angin nyau majak bepusin enda ngabai-ngabai.\\nNya baru iya tekenyit ninga anak anembiak ke gaga ria rami rimai,\\nBerara ka tembawai madang rembai,\\nSayang ka iya enti iya midang laya parai,\\nKena pangka ka bua biau-balai.\\nNya baru angkat bini Bujang Rangkang Kirai,\\nLalu bejalai beguai-guai,\\nDeka meda ka ari pala tangga pun jalai,\\nNampai tembawai madang rembai.\\nO enda ga nya lesi bebadi laya sulai,\\nLaban iya semina ngugor ka daun tuai,\\nKe ngasoh madang rembai enggi kitai,\\nKe bebuah beka buchai nyila isang.\\nRibut muput ka rumah Simpulang Gana.\\nDinga tak rengong-rengong angina nyabong,\\nMunyi ke pumpong ngiku baya.\\nTak nyau deram-deram angin selatan,\\nMangka ka tembawai madang rian,\\nKe bebuah nempangan nempala kera.\\nLalu mangka ka kaki atap,\\nKe kebap baka sayap lang terebang.\\nLalu begelih enggau ripih tiang lamba medang.\\nO sapa kitai bisi ngudi tanah ngamah menoa?\\nKada enda bisi kitai ditu menawa muar kesa\\nNgena raga anyam jarang?\\nKada enda bisi kitai ditu mapap nyirat ka ingkat,\\nEnggau sirap linsing senggang?\\nLalu sayat ka sida buok Munggang pisan!\\nLalu lantar ka sida alu ari punggang paan!\\nNya baru tak lesak lesu angin nyepu,\\nNgebu ka apok baroh lubang.\\nBini Simpulang Gana nilik.\\nEnti munyi nya setik-setik daun gemarik,\\nNyadoh aku betuboh belaboh nilik.\\nLalu tilik iya ari benda pama\\nKe ketawa taja beka lekik.\\nBisi ga iya dipeda tang agi ayas rapas mata,\\nBisi ditentang tang apin ga iya terang tentu nyengala.\\nNya baru tilik iya ari saketum indu benda.\\nTentang iya manah ka ari kelawah besai moa.\\nNya baru tepeda ka Endu Dara Lenta,\\nNgaga pengawa nginta kereja.\\nNyau tepeda ka Endu Dara Telanjing,\\nNgading piring chukop perengka.\\nRibut muput ngalih ari bilik.\\nNya baru kechik-kechik lelayang tasik,\\nMuput ka telenga atap tak kebap-kebap,\\nBaka sayap lang terebang.\\nMuput ka bilik jebong angin nyabong,\\nNungkau ka benong menaga bujang.\\nNya baru mangka ka balun tenun,\\nBaka bangkai enturun rajang.\\nLalu terangkat karap,\\nBaka kaki sempada nentang.\\nO lapa aku tu tak kulup lansang kadubang?\\nNesai gajai aku enda nyadi,\\nEnti menya aku asai tu,\\nDini aku teambu ka orang,\\nKe digelar aku anak Pangkas bisa,\\nBerindik ari laba kijang melunggang.\\nEnti kalia aku asai tu,\\nKe digelar aku anak Ketupong bisu,\\nKe bejako tetak tengang.\\nUji kitu ka dulu nuan ambai wai,\\nAku nyugu kutu nuan mesai genalu buah tapang.\\nUji kitu ka dulu nuan wai,\\nAku nyara linsa nuan,\\nMesai buah kara kadubang.\\nTak enda nyaut orang tuai\\nsaleka mukut padi bangang,\\nTak enda nimbas orang tuai\\nsaleka beras pulut jentawang.\\nKati nuan tu mai aku sarak apai anak,\\nNunda ayak melaki-bini?\\nKati nuan mai aku terumpang apai bujang,\\nBaka tibang sarang padi?\\nEnti baka tu bedua ulun tua apai dom,\\nEnggi nuan ke indu enggi aku ke laki.\\nEnti baka tu bedua tajau tua apai mau,\\nEnggi nuan seragiu enggi aku guchi.\\nEnti nuan bisi salah igau,\\nBiau enggau salanjau manok lelaki.\\nKada enda bisi kenyap nuan salah mimpi?\\nLalu angkat orang tuai lalu ngimbai,\\nlya di kerigai rusok marang.\\nLalu bandong orang tuai iya,\\nEnggau serungkong denjang seringgang.\\nLalu disendi iya ngerimpi ka lepi sanggol lintang.\\nLalu bejako indai lyak ngelar apai anak iya,\\nEnggau Batang Senapang Kupak,\\nNgerumbak awak Pintu Kuta.\\nApai Kumang lalu ngelar\\nIndai Orang Belia Bandir Tapang,\\nKe taja rentang-rentang\\nmantang di punggang bali mensaga.\\nPeda nuan aku agi dudok dunga-dunga,\\nNuan anang guai nanya,\\nAku agi makau tandok pama,\\nUlih aku nyamah di reba kapar batang.\\nAku agi makau taring tupai,\\nBai kitai ke betandai mansang ngabang.\\nKati nuan orang tuai,\\nEnda ingat ka sempekat jako danji,\\nEnggau sida di Batang Paku nyeligi,\\nNama pansut bulan pegari tu ila,\\nEndang bedanji munoh serunti babi belang.\\nNama pansut bulan mingkai tu ila,\\nKitai bisi semaia jako gadai,\\nEnggau sida di Batang Paku landai,\\nKe besemaia begawai bepangkong tiang.\\nAnak Dara Simpulang Gana enggai enggau ngabang.\\nLalu bejako Endu Dara Chanda,\\nO apai aku enggai nandai ngabang kadiri.\\nAku enggai ngabang apai,\\nAku enggai makai nengali asi.\\nAku enggai enda madah ka Raja Tuah,\\nKe digelar aku Raja Anda Mara,\\nAku enggai enda madah ka Bujang Ansang Rengaya.\\nO, anak iya ukai semak,\\nEnda dipeda awak kelala mata.\\nKa ngangau ka iya,\\nEnda didinga kangau,\\nEnggau tempalau sera nyawa.\\nNyadoh ka tuboh ngaga rumbang tutong.\\nNama utai manah ka rumbang tutong,\\nNgambika iya tau nyadong nusoi berita?\\nNama utai manah ka rumbang gendang,\\nNgambika iya nerantang sebelah menoa?\\nEnti kulit enteli ka lama udah mati laya parai,\\nEnda tau ka rumbang tutong,\\nLaban iya dikena Aji ngangau ka Sigai,\\nOrang ke berumah di pasir rangkai,\\nKe begamal ludai-ludai baka kerekai tugong padi.\\nEnti batang terentang palu enda tau dikena kitai,\\nNya ga ka tutong Raja Abu,\\nKena iya ngangau ka Sigai,\\nKe berumah di Pasir Mabu,\\nKena pangka ka deru guntur bemunyi.\\nEnti kayu medang enda tau ka\\nrumbang tutong kitai,\\nNya ga kayu rumbang batang,\\nAmbi ka tensang tikong nyeruan.\\nEnti kayu temesu enda tau dikena kitai,\\nNya ga kayu taju pendam Baketan.\\nUji bantai ka pegeri tajau menanga,\\nNya baru tau kena ngangau ka Raja Anda Mara,\\nLaban iya tau nyurong ka berita,\\nNgambika sagenda didinga orang.\\nEnti pegeri tajau rawai,\\nNya baru tau dikena kitai,\\nNgambi Anda Mara Raja Pengibai,\\nNgambika iya jampat datai ka betandai mansang ngabang.\\nNya baru betebang jangit di tuchong bukit,\\nTu baru mulut kitai nyebut begiga kulit.\\nEnti kulit tupai enda tau dikena,\\nNya ga kulit tutong Manang Matai,\\nKena iya nemuai ka Batang Mandai midang.\\nEnti kulit kera enda tau dikena,\\nNya ga kulit tutong Manang Nyara,\\nKena iya ngasu samengat orang ke lama udah laya lela,\\nEnggau orang ke bedega nyarang takang.\\nUji bantai ka punggang ampang pua sungkit,\\nIya ka bebuah ngambi gambar Apai Sabit Bekait,\\nBetunga moa enggau Apai Satugan Langit.\\nEnti siang hari pua lebor api,\\nNya tau bemunyi cheit-cheit.\\nEnti malam pua bali berinjan nya,\\nTau demeram inggar sasengit.\\nMunyi ke pinta kachit ka buah pinang kunchit,\\nSaseit nulang ka batang.\\nEnti pua bali engkudu nya baru manah lumor satu,\\nBa tengah engkah ka orang gambar gajah gajai antu,\\nBetunga moa enggauApai Sempa Tebu,\\nEnti siang hari iya tau bemunyi nyaris nyeru,\\nEnti malam munyi ke demeram inggar demeru,\\nMunyi ke minta sapu ka orang empurong bebulu,\\nDatai ari ulu langgai Kayan.\\nNya baru tau ka kulit tutong,\\nNgambika iya rarengong nusoi berita.\\nNya baru tau diambi ka kulit sebang,\\nNgambika iya nerantang nyengala nyawa.\\nNya baru dua kali udi jangit di bukit,\\nSapa jari kitai tu sidi tau nyanggit?\\nTak lalu angkat anak dara Rangkang Kirai,\\nLalu matak rumbang tutong bebenong\\nka lempaong tajau rawai.\\nPeninggi iya enda anchi-anchi,\\nNgelui ngeli rapas japai.\\nBuka iya enda jena-jena,\\nRapas depa jari megai.\\nLalu batak iya punggang ampang bali belulai.\\nLalu disengkabong ka iya ba Tutong tulong dipegai.\\nEnti rambuyan sebang tu agi bisi lapang,\\nLantak ka tekang gempanang mau urai.\\nEnti mimit iya agi apin rapit,\\nSelit ka perenchit ringgit bungai.\\nLalu pasok tekal enggau senggal pelaga Lawai,\\nLalu tali enggau ragi ubong cherai.\\nNya baru ngitang iya di punggang puting pemanggai.\\nSemina dipuput ka ribut dinga udah iya,\\nDengut-dengut nyaris berangangai.\\nMunyi ke tau nyapa Anda Mara Raja Pengibai,\\nNgasoh iya jampat datai ke betandai mansang ngabang.\\nSapa kitai ke sidi jari tau mangkong tutong?\\nLalu angkat Jintan Manah,\\nKe begagah lubang mabong.\\nLalu dipangkong iya sengkabong tutong,\\nDinga tak nadai rarengong,\\nEnda ngelambong ari perabong pematang pinang.\\nNama kabuah rindu ngasoh iya ke beli?\\nIya nya tau diberi enjok soh China.\\nNama kabuah ngasoh iya ke pachal,\\nIya nya tau dijual enda berega.\\nLalu angkat anak dara Raja Jegedong,\\nMinching taring babi bindong,\\nJari kanan iya minching ubat jadian,\\nBatu letan beri Ini Andan,\\nDikena besimpan mansang nyurong.\\nJari kiba iya minching tandok rusa,\\nKe beperiga bepampang nyelundong.\\nLalu ditayok iya ngena tandok pelandok,\\nDinga Tutong tak bemunyi retok-retok,\\nMunyi ke nyentok ka rayok miga begantong.\\nLalu ninga Anda Mara ari menoa raya iya,\\nDi munggu Mara Benda tinggang bunga marau begitang,\\nLalu ninga Anda Pengibai ke beguai mansang nguang.\\nRaja Anda Mara ngerara nyawa Tutong.\\nO nama main tutong tak rarengong enda badu?\\nNama main sebang tak nerantang enda tembu?\\nNyangka nya maioh munsoh,\\nTang nadai ga aku ninga chapoh bala Kayan.\\nKa aku ngumbai bala perintah negah,\\nNadai ga aku ninga gerah padah tuan.\\nEnti nya nutong ka rumah rebah,\\nApai ga pandai landik nyukong.\\nKa aku ngumbai nya nutong ka atap lingkap,\\nApai ga pandai landik merabong.\\nAram tua ambai wai niki ka batu tinggi,\\nKe lenggi dinggai-dinggai.\\nAri nya baru tua nentang nyawa sebang,\\nKe nerantang danggai-danggai.\\nNama nya tutong tak enda badu rarengong,\\nNyerumba lindong sabong lemai.\\nNya baru nepan seduai iya ka batu intan,\\nKe bedaan rakah rimai.\\nLalu niki seduai ka batu tinggi,\\nKe kadiri giai-giai.\\nDia seduai iya nentang enggau ati lantang,\\nNgelanggar gelenggang Gumbang bebungai.\\nTang nadai ga seduai meda tutong,\\nKe rarengong nyerumba lindong sabong lemai.\\nTua tak semina tepeda ka Sultan Raja Brunai,\\nKe rami rimai ke bejalai belumba kuda.\\nRaja Anda Mara nerupong.\\nNyadoh ka tuboh Anda Mara lalu nerupong.\\nLalu angkat bini Anda Mara Raja Pengibai,\\nEndu Kumang digelar aku Takang Mau Urai.\\nLalu muka peti ke menyanyi inggar berangangai.\\nTak taing-taing peti berambing,\\nMunyi sering luching hari lemai.\\nPeda tak lalu tetukang peti rajang,\\nKe benyawa gaang-gaang.\\nIndah enda munyi nyawa Antu Tebiang,\\nNguap petang nyerimbai lemai.\\nPeda tak lalu tekebak peti pirak,\\nKe bemunyi inggar semetak.\\nIndah enda munyi batok ikan juak,\\nPengkelan buntak lekat ba unak kail rawai.\\nPeda tak dudi pegari utai bukai,\\nDulu tampak terang meh peti rajang,\\nKena pandang gempanang mau urai.\\nDulu tampak nyengenda meh peti temaga,\\nKena pandang gomala lua gajai.\\nPeda pugu peti kayu penoh di imbu,\\nBatu pupu gumbang bebungai.\\nPeda ujong peti luong tak begamal lepong-lepong,\\nKena bandong terupong buloh kirai.\\nLalu ditanggong Anda Mara\\nenggau kudong jari megai.\\nLalu diengkah iya manah-manah,\\nDi penyunggah pinggai pemakai,\\nKe udah ditaap Indai Endat,\\nEnggau sapu tangan ke besulam manah bungai.\\nPeda tak nyau ringang-ringang,\\nTerupong buloh lalang,\\nIndah enda baka burong kenyalang,\\nKe dulu ngenggang angkat terebai.\\nTak nyau linga-linga terupong buloh puda,\\nBaka gamal burong bekia,\\nInggap di janga daan landai.\\nLalu bejako deh endu bini Anda Raja Pengibai.\\nUkai terupong tu ulih sengapa pia,\\nUkai tu ulih kitai meli sapeneka ati,\\nUkai tu ulih kitai ngibai di sabarang alai,\\nTu ga ulih nguda ari menoa Pantai Panai,\\nUlih jenti apai kami leboh iya ke agi pegi,\\nPeremisi chuti nangga gigi Gumbang bebungai.\\nTu ga ulih lupu apai aku,\\nLeboh iya ke agi besulu enggau\\nraja Melayu Tuanku Meresai.\\nNya ga teda pedua iya menya enggau\\nSultan Tuan Raja tuai,\\nTang lumbi iya naka dua iti nadai agi maioh gulai,\\nLaban siti udah diempu Melayu Tuanku Meresai.\\nEnggi apai aku dibai iya pulai,\\nTang enggi Melayu Tuanku Meresai enda dibai,\\nLaban iya diasa ka jadi kapitan kapal bejalai,\\nDikena tukang Laut Abang,\\nNentang karang batu chanai,\\nDikena uman iya bejalai malam,\\nBayam paduman kena nentang\\npangkalan alai sangkai.\\nTak lalu ditanggong Anda Mara,\\nTerupong buloh laung enggau kudong jari megai,\\nBai iya niki ka sadau ke gegiau,\\nBandong kemarau bulan mingkai.\\nDatai din lalu bai iya niki ka leladi,\\nKe tinggi dinggai-dinggai.\\nLalu disiat ka Indai Endat atap putting belengkiai,\\nLalu dibuka Indai Endu dara nganta\\njenila pintu lelambai,\\nLalu dikuing ka iya terupong buloh laing,\\nAri anting puting pemanggai.\\nNya baru lalu ditentang indai orang,\\nNgagai simpang Batang Rajang landai.\\nDia seduai lalu bayam menoa\\nKejaman Kayan Uma Timai.\\nNadai ga seduai iya meda\\nsebang ke nerantang inggar didanggai,\\nNadai ga meda tutong ke inggar rarengong,\\nSemina ga tua bayam sida\\nKejaman Kayan Uma Timai,\\nEnggau lalu tepeda ka Kayan Uma Nyipa,\\nKe berasai merinsa kurang pemakai.\\nEnggau bayam Kayan Uma Lesong,\\nKe udah retong perabong punggang penyurai.\\nKe udah kena kayau Tuan Low,\\nKena tunyau bala Balau,\\nUdah dialah ka bala perintah,\\nKena gagai bala kitai.\\nNadai ga tua meda sebang,\\nKe nerantang inggar didanggai.\\nNyangka nya tak tutong manang nya,\\nDipalu orang ke laap lansang,\\nEnda ngelala simpang Batang Mandai.\\nO anang pia,\\nuji kuing ka terupong buloh laing,\\nBaka ke nguing ka lanting gerah simpai.\\nUji putar ka terupong buloh begelar,\\nNunda jeragan mutar ka luan kapal bejalai.\\nLalu tuju ka seduai terupong baru\\nnentang ulu Paku landai,\\nDia baru tandang seduai bisi nentang,\\nlya lantang-lantang begadai-gadai,\\nNya baru tinda seduai sama ngemata dudok berimbai.\\nDudi lambu seduai iya bejako nusoi utai,\\nDulu randa seduai sama ketawa ngelakai kuai.\\nO patut meh tutong tu enda badu dipangkong,\\nTak taung-taung nyerumba lindong sabong lemai.\\nTu ga tutong Raja Simpulang Gana apai Sigai,\\nMai tua nandang nurun ngabang gawai besai.\\nLaban anak mensia tu bisi kereja gaga main begawai.\\nNama nyin peretang penyarang rumah panjai,\\nEnggi sida di Batang Paku mulai,\\nEnggi sida di balun Paku landai,\\nTak lepong-lepong kena banding panggau meligai.\\nPeda tanju sida di Batang Paku leletu,\\nTak dugu-dugu langkau indu babi ngelampai,\\nBekajang ka kumbu bali belulai.\\nTak pelu-pelu tanju sida di Batang Paku lelendu,\\nKena pandang kepiu lampu kedai,\\nPeda perabong rumah belong,\\nEnggi orang di Batang Paku lelepong,\\nDitampong gantong menira panjai,\\nKe begamal kipai-kipai baka penerebai burong rindang.\\nBala Anda Mara bebai nurua ngabang.\\nLalu bejako Endu lyak Rantai Pirak,\\nKe keberak mandang moa,\\nKadua bali nama iya Endu Remias Rantai Mas,\\nKe merempas ninggang dada,\\nNya ga bini Bujang Anda Mara,\\nKadua nama iya digelar Raja Ansang Rengaya.\\nO ambai, kati ko tandang kitai tu ngabang nadai perau?\\nKa kitai tu bedarat takut ka tesat,\\nLaban kitai enda nemu pelimpat jalai betiku.\\nEnti munyi nya tebang salumbar lumpak lejar,\\nNyadoh kitai. betuboh nginjau layar.\\nUji gagai kitai Sendin-Endin,\\nKe nyarin di tengah jalai.\\nKadua bali nama iya Siba-Iba,\\nKe nyala di nanga sungai.\\nNya menoa Sugu-Ugu aki Empelawa Jawa,\\nKadua bali nama iya Bujang Gerinang Banda.\\nKati nuan aki bisi ngembuan layar,\\nKe meruan mengkang di tiang?\\nKati nuan aki bisi ngembuan layar inchong,\\nKe agi lekat dijulong ujong dugang?\\nBisi ga aku uchu ngembuan layar basi,\\nTarit di tali gantong kemirang.\\nLayar sambong aku meruan ngembuan uchu,\\nKe begantong di puchok tiang.\\nNyadoh kitai ka tuboh belaboh bebantai.\\nPerengka pen udah dibantai ka Samoa,\\nUdah sedia dibai ngabang.\\nPengaroh pen maioh ga udah dibai,\\nKa gembar tuboh nadai kekurang.\\nLagi aku ngemudi ko petara benda guchi,\\nNgulih ka aku ganggam jari nguing ka uling tandok tumpang.\\nLagi aku ngeluan ko petara benda pelawan,\\nNgulih ka aku ganggam lengan ngujak ka taman raras dikedang.\\nLagi aku nimba ko petara benda rusa,\\nNgulih ka aku ganggam tapa ngeruga ruang.\\nLagi aku ngambu menselit ko petara ringgit,\\nLaban aku mit lekat di sanggit tanchang baang.\\nLagi aku ngambu jadi kelasi ko petara benda tali,\\nNgulih ka aku berani nunjan tiang.\\nNya baru sida ngelaboh ka sengayoh,\\nBulih tujoh puloh nyari rengguang.\\nLalu ditekan ka sida dayong bulan,\\nMesai perampan tikai senggang.\\nLalu kejang ka sida ari pantai redai sengayoh,\\nKena tinggang rupoh layar setra.\\nKadua bali nama iya pun kemantan laboh,\\nTambun rupoh tali pesara.\\nNya dipangkang Raja Tandok,\\nBerumah di lambok ai nyurok numbok nerajang.\\nNya dipangkang Raja Nuyan,\\nBerumah di riam dalam belaboh nunggang.\\nNya baru kechit-kechit bangkong mit,\\nAi nyumpit melunggang sanggit belakang kajang.\\nMua pengelaju meh bangkong baru,\\nNangga selulu gigi gumbang.\\nNya baru manggai di menoa orang\\nDi gelenggang gumbang menyadi.\\nDi pasir tali tambun kerimpak guong guchi,\\nlya ke dikenyap ambi mimpi,\\nTau ngasoh tediri jadi raja.\\nManggai di gelenggang gumbang muat,\\nManggai di rantau pasir entap,\\nManggai di kerimpak guong silat,\\nNya ke dimimpi ambi kenyap,\\nNgasoh orang jampat terangkat jadi kaya.\\nNya menoa dipangkang\\nEndu Dara Kelinah,\\nKe terubah nemu pengidup.\\nEndu Dara Kaul Kawa,\\nKe penyangga tulang lembut.\\nManggai di rantau danau penguji,\\nEndor anak lelaki berani muai nyawa.\\nKa dua bali nama iya,\\nTasik begilik nanga kuala.\\nNya dipangkang orang ke bepending maioh telinga,\\nKe ditanya enda nyaut.\\nKadua bali nama iya Munti Tinggi Reruya,\\nKe bekalepong anyut ka laut.\\nBini iya Endu Ladang Papan Luan,\\nKe ditepan enda begilik.\\nKadua bali nama iya Endu Dara Lulong,\\nBegamal lepong-lepong nampong tempaung luan bilik.\\nManggai ba menoa Gomala.\\nKejang ka ari nya manggai di pun semambu ngandong,\\nKe bekandong surong buntat.\\nKadua bali nama iya pun Semambu marau,\\nKe beka liau kena tenggau beliau api sempepat.\\nNya menoa dipangkang Sultan Bungan tan puji,\\nKadua bali nama iya Merom Panggai,\\nKe diau di penyurai rapi nengeri.\\nBelaki ka Pesilar Ular Tedong,\\nRengong-rengong ngua puchong tampong gomala.\\nBelaki ka Pesilar Ular Sawa,\\nKe begamal lenga-lenga ngua sentika.\\nKejang ka ari nya manggai di tinting tebing ninding,\\nKena pandang perenching matahari.\\nManggai di semilu batu galang,\\nRendang-rendang mandang nengeri.\\nNya menoa Merom Panggai jelai berita,\\nDatu siko pemadu nama.\\nBebini ka Tarikan tuan sembah,\\nKe betuah lemambang dagang.\\nBebini ka Raja Tundok,\\nKe bejulok Wang Gudang.\\nKe rendang-rendang mandang dunya.\\nKadua bali nama iya semilu batu besi?\\nKe pegari mandang menoa.\\nManggai di sungai panjai di rintai wong.\\nKadua bali nama iya lebak pandak di punchak darong.\\nNya menoa Manggah,\\nKe berumah rapi nengeri.\\nNya menoa Raja Manggam ke beritan put ing kemudi.\\nBebini ka endun endu,\\nKe bejako mali salah.\\nKadua bali nama iya Endu Kumang,\\nKe tukang enda berubah.\\nManggai di semilu batu berasap,\\nManggai di letong ai angat ke kijap Pegari api.\\nNya dipangkang Bujang Sabok Lebang,\\nBati tunggang numbang ka menoa.\\nNya dipangkang jenawang Bujang\\nMekang, Ke pengerumpang pintu kuta.\\nBini iya enduKumangDulang Penyepoh,\\nEndu Serentum Tukol Pengamboh.\\nManggai di tanah mirah dipechik basah,\\nKe nempuah bau laang.\\nKadua bali nama iya tanah nyala,\\nNya menoa Bujang Lembut,\\nKe berani mail takut,\\nEnda kala surut malik ka belakang,\\nKadua bali nama iya Bujang Lisa,\\nKe udu berani raya,\\nPengerumpang moa pintu lawang.\\nBini iya Endu Kumang tukang beteri,\\nEndu Dara Tukang Kawa,\\nNgemata ka kuta dinding hari.\\nO nama utai ke begamal lenga-lenga nya,\\nAsai ke meda taya alam lungan?\\nNama utai ke bendang-bendang nyin,\\nBaka ke kena pandang terang bulan?\\nNya nadai ditanya ka,\\nNya ga mudor upa enda tau dipansa,\\nEnggai ka kitai buta di jangka leka mata.\\nO, kelaung ka nya ambai wai,\\nNgambika satanjong sapuntang nuba.\\nNya baru tak lendu-lendu bangkong baru,\\nMansa pulau Gemalang Biru,\\nBetenggau ka lampu tampak terang.\\nNya baru tak lanji-lanji\\nberangai panjai bangkong sakuchi,\\nLuan iya nuju pulau pasang api\\nke pegari terang rarendang.\\nNya baru lengka ka ari nya,\\nManggai di pating limau janting,\\nBepuru di pugu entemu lalang.\\nManggai di Nanga Limau Janta,\\nNumpu ka Nanga Nuyan meranggang.\\nO sapa empu pangkalan apan tu deh apai,\\nKe nyelai lain baka,\\nKe enda kala dipeda aku\\nari kalia selama jaga.\\nNya nadai ditanya ka nuan endu,\\nNya ga pangkalan lama kami kalia endor aku ada,\\nNya ga tembawai rumah panjai kami ari menya selama iya.\\nRumah Raja Simpulang Gana.\\nAlai Lawai datai bekerembai kajang.\\nNumpu ka pangkalan raja dagang.\\nNya menoa Simpulang Gana,\\nMenoa Rangkang Kirai Raja Sua.\\nDia perau Anda Mara lalu sangkai,\\nLalu dijapai iya tali panjai tanchang ka di likang.\\nLalu diturun ka iya tampun layar kemirang.\\nLalu niki ka peretang rumah chundong,\\nAnda Mara Raja jagedong,\\nNunga aki iya Raja Durong,\\nDudok nyerungkong denjang saringgang.\\nNgimbai apai iya Raja Jembu Anda Mara,\\nDudok di batu tinggi didinggai.\\nBetunga moa enggau Rangkang Kirai,\\nBerimbai kerigai rusok marang.\\nO apai nama kabuah kita mangkong tutong,\\nKe tetaung enda badu?\\nNama pengawa kita nerantang ka sebang,\\nKe bemunyi enda tembu?\\nO kati enda nuan ingat ka sempekat jako tampong,\\nKitai enggau orang di Batang Paku matong,\\nSemaia pegari bulan kembong,\\nMunoh serunti babi kepong,\\nLaban orang deka begawai bepangkong begendang tiang,\\nNya alai tu sama mai kitai betandai nurun ngabang.\\nAnak dara Anda Mara enggai ngabang.\\nLalu bejako Endu Setik Marik Perada,\\nKe beria mandang moa,\\nNya ga anak dara Anda Mara Raja jagedong.\\nAku apai enda enggau kita,\\nBetandai nurun ngabang\\nKa Batang Paku lalepong,\\nEnti ujong tunjok aku enda dibekal\\nIni Andok enggau batu periok,\\nMesai tampok pinang beradong.\\nEnti tunjok indu aku apin dibekal\\nIni Andu enggau batu tungku,\\nKe begamal letu-letu,\\nMesai telu burong ketupong.\\nUkai enda datai aku din ila,\\nDi peretang penyarang rumah panjai,\\nEnggi anak mensia ke bekereja main begawai,\\nAku kena uji Keling Aji seduai Simpurai,\\nMinching Kendi labu Brunai,\\nNyugu jelu babi ngelampai.\\nTak ginting-ginting tunjok puting,\\nAku minching pamping piring rendai.\\nNya alai lengka ka dulu rita nya,\\nNya baru aku dibandong ka orang dudok berimbai,\\nEnggau Endu Lulong seduai Jawai,\\nMangkang punggang puting meligai.\\nDia kami didenjang anak Bujang Tangga Lulai,\\nKe rejat-rejat minching tungkat mengkalat buloh kirai.\\nEnggai ka aku malu di lempedu tangkai kamai,\\nAlah imbai Endu Dara Jawai ke digelar\\nEnsengai Dayang Kumang.\\nTu enteran kedua:\\nLalu bejako Endu Setik Marik Engkerebai,\\nEndu Kumang ditelah aku Tekang Mau Urai,\\nNya ga anak dara Anda Mara Raja Pengibai.\\nAku enda enggau kita ngabang mansang nandai apai wai,\\nEnti ujong tunjok aku apin dirasok\\nKa Ini Andok batu periok entap dudok,\\nMesai tampok pinang tuai.\\nEnti tunjok indu aku apin dirasok\\nKa Ini Andu enggau batu tungku,\\nKe letu-letu mesai telu burong Beragai.\\nEnti jari kanan aku apin dibekal Ini Andan,\\nEnggau batu leletan ubat jadian,\\nDikena besimpan ka pagarian ngasoh kembai.\\nLaban datai din ila aku tentu diuji,\\nKeling Aji seduai Simpurai,\\nDikena nyugu jelu babi ngelampai.\\nUdah nya kami diasoh orang dudok,\\nDi punggang puting meligai,\\nAlai kami didenjang anak\\nBujang Lemambang Tupai,\\nKe rejat-rejat minching tungkat\\nMengkalat buloh kirai.\\nEnggai ka aku malu ila di lempedu tangkai kamai,\\nDi-imbai Endu Teruna Dara Radai,\\nNya ga unggal Simpurai ke dikumbai kitai\\nEnti munyi nya tebang kedemba kayu bejanga,\\nNyadoh kitai betuboh nurun begiga.\\nUji tanya ari jenawang Bujang Lempong,\\nNyangka iya bisi ngembuan semilu batu anggong,\\nEntak ka ba labong ke kelapong ujong lanjang.\\nO enda aku nemu utai nama nya,\\nEnda aku nemu utai dipinta kita.\\nUji tanya ari jenawang Bujang Besai,\\nNyangka iya bisi ngembuan Pengaroh ubat tuai,\\nEngkah ka ba simpai sara ibang.\\nO nadai aku nemu aku enda kala meda,\\nUji gagai Endu Teruna Dara Tinggi,\\nNyangka iya bisi ngembuan semilu batu ai,\\nBaka ke nginak terenak bunga baki,\\nNyangka iya bisi nyimpan di lepi sanggol lintang.\\nO enda aku nemu utai dipinta kita,\\nNadai aku nemu utai benama nya.\\nUji tanya ari Endu Teruna Dara Gauk,\\nNyangka iya bisi ngembuan tandok pelandok,\\nBaka ke nginak tambak bunga kusok,\\nParok ka di selok sundang menarang.\\nO aku pen nadai meh nemu enda ngelala,\\nAku enda kala meda ari salama jaga.\\nUji gagai Semutu Bunsu Semarugab,\\nKadua bali nama iya Samukau,\\nKe diau di tajur tanah.\\nNya aki nuan sempuli padi bangang,\\nNya aki nuan puli pulut jentawang.\\nNama utai ditaroh nuan aki tegoh nguan menoa?\\nNama utai dikembuan nuan aki di-simpan ka tanda raja?\\nEnti tegalan bisi aku ngembuan,\\nKe ditugal mali laang,\\nEnti umai bisi aku ngirai,\\nKa lingkar dandang,\\nEh lapa aki tu lain utai ditanya lain utai dipadah,\\nLapa aki tu lain utai dipinta lain utai dienah.\\nUji gagai kita tuai bukai\\nKe nemu ari aku,\\nTau betanya kita ari aka\\nKa sapit bunsu.\\nLalu gagai Bujang Lembut,\\nBerani takut malut merirang.\\nNya ga Bujang Berani lemambang api menila rangkang,\\nKati nuan aki bisi ngembuan batu satawak,\\nKe pematak jalai raja?\\nKati nuan aki bisi naroh batu bendai,\\nKe pengumbai jalai reta?\\nEnda aku nemu aku enda ngelala,\\nEnda aku kala meda iya ari salama jaga.\\nUji tanya ari aka aku belebih nemu,\\nUji gagai tuai bukai ke sapit bunsu.\\nUji gagai kitai Selengur Laur Kasau,\\nDuat Igat Sarechau Panau.\\nNya aki nuan Unsak Gigi Remaung,\\nRajut Tegut Sakililing Punggong.\\nNama utai disimpan nuan aki,\\nDikembuan ka Tanda raja?\\nEnti jalai kayau nemu aku uchu,\\nKena mulau bala raja.\\nEnti jalai bunoh nemu aku uchu,\\nKe ngaboh ngachau menoa.\\nNama nuan aki baka ke ukai sengkuar panjai,\\nPengaredai punggai bali belumpong?\\nNama nuan aki baka ke ukai manding guyang,\\nKe penyakang rumah chundong?\\nAki tak lain utai ditanya lain utai di-enah,\\nAki tak lain utai dipinta lain utai dipadah.\\nUji gagai sungai panjai di rintai wong,\\nNya menoa Sibal-Ibal,\\nBejulok Tangkal Lempai Pemanggai.\\nNya berada apai nuan Nendak,\\nBedada masak ngarong ka punggong.\\nNama utai ditaroh nuan tegoh ka tanda raja?\\nNama utai dikembuan nuan sajeman salama jaga?\\nEnti engkerabun jani bisi aku ngembuan,\\nKena aku meti ngelingi sepan,\\nEnti engkerabun babi bisi aku ngembuan,\\nAwak ka iya bekenji jampat nan.\\nO, lain utai ditanya lain utai dipadah,\\nLain utai dipinta lain utai dienah.\\nUji gagai menoa di empelai tinggi bandir,\\nGagai menoa orang di munggu kayu ukir.\\nNya menoa Jimbun Bulan,\\nBati berani mutus tajam.\\nNgemata ka duran jalai gambang.\\nKadua bali nama iya Bunga Sendai,\\nMalai-alai tumboh di tatai pandan bekuang.\\nNya dipangkang Aki Kelabu,\\nKe bejako sinu Papau Nyenabong.\\nKadua bali nama iya Apu Mau Nulang Perabong.\\nNama utai ditaroh nuan tegoh nguan menoa?\\nNama utai disimpan nuan sajeman ka tanda raja?\\nEnti randau malam bisi aku ngembuan,\\nKa penancham lubang idong.\\nLain utai dipinta lain utai dipadah,\\nLain utai ditanya lain utai dienah.\\nUji gagai kerapa madang ubah,\\nKe bebuah lentur nunggang.\\nNya menoa dipangkang Bujang\\nSebabang Bunga Ringkai,\\nDigelar aku Sega Selega Wi Selegai,\\nKadua bali nama iya digelar\\nSamatai Manang Burong.\\nNya berada apai nuan Beragai,\\nBejulok Simpai Rarik Lampong.\\nNama utai dikembuan nuan sajeman ka tanda raja?\\nLabu randau bisi aku ngembuan,\\nDirendam aku sabulan di Rantau Lumau.\\nNama nya aki lain utai ditanya lain utai dipadah.\\nUji gagai menoa orang di batang tengang ruji,\\nEndor dara mereti ngentun tali kelapong ruding.\\nManggai di punggang buloh lalang,\\nMunyi sida melanyi bujang mekang,\\nNempap sambang rumbang kesuling.\\nNya dipangkang Lachau Kuring,\\nLansik merening bara api,\\nDipangkang Langgong Janang,\\nNyundang ka banang mata seligi.\\nNya berada apai nuan Pangkas,\\nBejulokRemaungRaras kekebas kelili panjong.\\nNya berada apai nuan Kutok,\\nBejulok Santok Lunju Begelong.\\nEnti kayu empata bisi aku meda,\\nKe digaga bala ka sanga balang enteran.\\nEh, lain utai dipinta lain utai dienah,\\nLain utai ditanya lain utai dipadah.\\nUji gagai orang di tatai panjai,\\nBaka bingkai tanggui seraong.\\nGagai orang di tanah lengkap,\\nBaka saap moa basong.\\nNya dipangkang Raja Taka,\\nKe betelaga baroh rekong.\\nNya dipangkang Mau Menjan,\\nKe begeman nangkup dabong.\\nNya berada apai nuan Embuas,\\nBejulok jong bangkong deras,\\nKekebas dipala wong.\\nKadua bali nama iya Embuau,\\nKe bepanggau tinggi padong.\\nEnti luop bisi aku nukop,\\nAmbi ka tangkup perabong lumbong.\\nEnti batu telu tanah bisi aku ngembuan,\\nKe betingkah tinggi nempusong.\\nKati alai nuan aki lain utai ditanya lain utai dipadah,\\nLain utai dipinta lain utai dienah?\\nUji ngagai menoa orang di semilu Batu Galang,\\nMunyi Bujang mekang nempap sambang rumbang ketebong.\\nNya dipangkang Antu Mali Lebu ke bekatapu tujoh tuchong,\\nNya berada apai Ketupong Bisu ke bejako mutus rampong.\\nEnti entimun kakah bisi aku ngembuan,\\nKe bebuah mati randau.\\nEh, buban ngapa nuan aki tuai lukai,\\nLap mapap nuan aki enda nemu utai.\\nLebu kuta tinggi nuan aki ke penganti bala nyurong.\\nBaka ke ukai bunut nuan aki,\\nKe rerengut di punggang padong.\\nMenoa Kundlng (Burong Malam).\\nUji gagai orang di lembang madang senggang,\\nBaka lelanjang bulu burong.\\nNya menoa dipangkang Bujang Sakunding Mupong,\\nKadua bali nama iya Burong Malam,\\nKe faegeman nangkop dabong.\\nKati nuan aki bisi ngembuan batu unak,\\nAu nyerumba linda sabong lemai,\\nBisi aku ninga iya serintak nyabak rengai-rengai,\\nMinta rendai nyamai ke digulai lintin pisang,\\nTang deka aku madah takut ka tulah nyebut mentua,\\nDeka aku bejako agi sanggu nyelinting nama.\\nLaban kami sama sarumah satampong perabong,\\nLaban kami saum tempuan betampong temetong.\\nSemina ditunjok ka aku enggau tunjok ujong jari,\\nSemina dikuit ka aku mimit ngena kuit tapa kaki.\\nUji kitai nunda akal niang Rekaya Dana menya,\\nLeboh iya ka mudi Lawai Laut Lingga,\\nMeli guchi indu benda,\\nApin chukop datai rega,\\nSemina iya betandan ka jala apin ngerembai,\\nBudi apin ngasi enda tau dikena.\\nUji tunda akal leboh kitai ke agi jenawang bujang besai menya,\\nLeboh kitai ke agi ngundang sida endu dara mekang,\\nTindok di ladang papan lekai,\\nLeboh kitai ke belalai ka sida mengua tangkai mengandai,\\nNya alai indai iya enda nemu kitai,\\nBetandan ka ratai rampang bunga,\\nNya baru akal tau dikena.\\nUji gagai menoa orang di keresik kerangan marik,\\nKe kebelik ditabor intan,\\nGagai orang di sungai panjai pengelilih bulan.\\nNya menoa Gepi Ini Andan,\\nMenoa Samatai tuai selampor uban.\\nLalu angkat Anda Mara,\\nLalu menyadi ka api mau demeram.\\nDigempuru ka iya seku bunga tanam,\\nBuai ka iya lukai digulai menyan.\\nAu seku bunga tu parampang bunga tuang,\\nTu ukai ulih aku sengapa pia,\\nIya ga ulih leboh aku ke agi tinggi,\\nDisuli labong belantan.\\nUlih aku ngundang endu dara mekang,\\nKe tindok di penchalang papan baan.\\nUlih aku ngenchuri enggi ambai ati,\\nKe tedani tindok malam.\\nUlih aku nyagam di puting tilam,\\nLalu taroh aku tegoh-tegoh,\\nDisimpan aku dalam bungkan.\\nNya ga endang dikena aku nepok Ini Andok,\\nDikena aku ngelaban Ini Andan.\\nLalu ngelu pala meh Ini Manang Mepa,\\nDi pala punggang pepisan.\\nTak lalu rebah luput meh Ini Manang Likop,\\nLalu rebah tetungkam meh Ini Andan.\\nDinga tak nyapa meh uchu dara enggi iya,\\nAri pelangka papan baan,\\nEndu Iyak ke serindak tensang pending,\\nKe beperenching ditatah intan.\\nO…anang nuan Anda Mara\\nNgayah ka Ini lalu beduan,\\nAnang nuan nguji ka ati ke berani kelalu tajam,\\nAnang ngayah ka Gepi Ini Andan.\\nLaban kami sayang ka\\nIni Manang ke jengkarang laya padam.\\nEnggai ka iya nadai agi ngajar,\\nKami gawa mangku tangga taking ridan,\\nEnggai ka iya nadai agi nipak ka kami ai minyak,\\nNadai agi nyagam ka kami ai garam.\\nEnggai ka iya nadai agi ngelaboh ka kami\\nAi limoh nyambut tengkujoh Bulan engkeleman.\\nIndah leboh Ini Manang Mepa semina ngelu pala,\\nKami lalu belanda ngambi Nyara manang belian.\\nIndah enti iya semina lembau makai,\\nKami beguai nurun mansai,\\nNgusai ka kelakatai sarang ikan,\\nEnggai ka nyawa iya bekata laya danjan,\\nEnggai ka iya kena japai\\nNgerai seduai Raja Niram,\\nDitaban ka sida ka Batang Limban Kanan.\\nEnggai ka iya dibai sida nepan ba berangai bangkong papan,\\nKeba deh berangai bangkong papan enggi Raja Niram,\\nKe nyelai lain ensumbar,\\nBensumbar linda lindam salah baan,\\nTangkup papan santubong dulang.\\nTak nyau luput lela meh Ini Manang Nyara,\\nNgelu pala punggang pepisan,\\nLalu luput rebah meh Ini Manang Jarah lalu tetungkam.\\nNya baru Anda Mara Raja Pengibai,\\nTak lalu beguai ngambi kadiri,\\nDia sida Anda Mara lalu sereta sapeneka mai.\\nNya baru Ini Andan lalu bedanjar angkat engkebut,\\nDia baru Ini Manang Sada tak ngeleda angkat luput.\\nO nama main kita uchu baka ke deka nyapai utai tuai,\\nBaka ke deka ngerampas barang punas.\\nKati alai kita tak nguji ka pemarani ati deka ngerampas?\\nO enda pia ini, kami ga diasoh sida di Batang Paku landai,\\nNgambi pengaroh tuai kena sida begawai begendang tiang,\\nNgambika orang Paku raremba,\\nKe gawa besai kereja deka ngelala gaya dunya mansang.\\nAu Ini Andan laban nuan salah tulong agu,\\nLaban nuan nyau laap kelalu tuyu.\\nNama main nuan ngelepau ka selanjau manok kelabu?\\nEnti nuan sayau Ini Manang Mengkau kumbai kangau pulai kitu,\\nPeda nuan manok kelabu nuan siko nya,\\nUdah runggu kena palu putus iko tebantun tugang.\\nLaban selanjau manok jelayan enggi nuan,\\nUdah tepejoh jauh nepan,\\nManok labang enggi nuan Ini Manang,\\nNyau belelang jauh makan.\\nLaban babi nuan kelalu jai ati,\\nNgenchuri padi enggau macham utai ditanam.\\nBisi aku meda siko tak nyau lesi bebadi laya danjan,\\nKena tikam orang enggau pendawan mata berayang.\\nAu, enda aku bula ka seduai uchu,\\nNyangka tinggal aku manang ke belelang,\\nKa Batang Skrang langgai Enteban.\\nNyangka tinggal Manang Matai tu betawai ngulu ka Batang Layar.\\nNyangka tinggal lupu tudah aku,\\nBetanam ayu ka ulu Paku Kerangan Pinggan.\\nNyangka tinggal aku betabas ka Patang Rimbas,\\nNgumbang kerepas Nanga Inar.\\nNyangka tinggal mepa aku gawa ka Kalaka Batang Krian.\\nDin aku ninga ribut tak duot-duot,\\nKe bepuput angin selatan.\\nNinga ribut nyepu begulang galu,\\nNgebu ka pintu tekusai pagar.\\nNya alai kusai ka aku pintu lantai,\\nNgasoh iya tekusai jai tengkulan.\\nEnti aku bisi ditu,\\nNi aku deka meda iya baka nya,\\nLaban aku enggai merinsa ka anak Dayak,\\nAku enggai beduan anak Iban.\\nAku enda ngasoh babi dega aku,\\nMakai utai di umai ngachau utai ditanam.\\nEnti iya enda ulih tan ka aku,\\nTentu aku minta tulong aya kita Iram,\\nNya orang ke berani ati mutus tajam,\\nOrang ke ngembuan belati tali karan,\\nKe masai ditempalong lalu ditikam,\\nKa lubok Nanga Baram,\\nLalu bulih bekawai ikan baam,\\nLaban gasan iya bumpan Ka baringan marik empang.\\nLalu angkat Gepi Ini Manang Nyara,\\nNgenggam umpan seku muda.\\nLalu nurun Ini Manang Pagun,\\nKa tukun kaki tangga,\\nLalu nelentang ka dulang buka sadepa.\\nDinga tak chiet-chiet\\nTerinting puting dabong rapit\\nEnggi Ini Manang Disit,\\nNgangau ka samoa antu penyakit,\\nEnggau selanjau ijau manok kunchit,\\nDitambah enggau serenti babi mit.\\nPeda tak bejelangkit bunsu antu penyakit,\\nDatai ari bukit kapar reba.\\nDinga tak kiak-kiak terinting putting dabong tachak,\\nEnggi Ini Gepi Manang Gayak,\\nNgumbai selanjau ijau manok bekuak,\\nEnggau serenti babi biak.\\nPeda tak baka jengkak antu buntak,\\nDatai ari lebak rapi paya.\\nDia deh manok tawai enggi\\nIni Gepi Manang Gendai,\\nTak beguai mansang ngempa,\\nDia babi enggi Gepi Ini Manang Tibi,\\nBeguai mati mansang kia.\\nManok tuntong enggi Ini Manang Langgong,\\nDi sintak tanggong iya enggau sengkilong sintal amba.\\nLalu dikurong Ini Manang Chelong,\\nDalam pabenong tajau rusa,\\nDitutop iya enggau sengkapan pingan lama,\\nDikerabat iya enggau kawat Panjai lima.\\nDinga lalu bejako deh Ini Manang Nyara,\\nAu deh serenti babi dega,\\nEnggau selanjau ijau manok lia,\\nEnti aku nemu ati kita jai mati,\\nNgenchuri padi di tanah paya,\\nEnti aku nemu kita beduan Iban merinsa ka anak Dayak.\\nEnggau enda ngasi ka tagang Tibi Manang Nyara,\\nTentu kita aku keripit menya,\\nDalam supit belansai lempeda,\\nKe ditambah aku enggau juah mesai pala.\\nNya baru aku nempalong ka kita babi kepong,\\nEnggau selanjau manok sabong ka kebong langit lada.\\nNya baru kita laboh ka baroh,\\nNinggang telok lubok Luba Lassa.\\nNya baru nyawa kita manok banda,\\nEnggau serenti babi menoa,\\nKe besepa laya lela.\\nNya baru untak kerubong pala,\\nEnggi kita dipakai bekawai ikan belida,\\nAbis dipedua sida gerama digelar aka takar engkabang.\\nTak lalu angkat Gepi Ini Andan,\\nLalu nunyau seku ngenggam umpan.\\nLalu ditunyau Ini Manang Mengkau sadaun chapan,\\nNya baru nurun Ini Manang Pagun,\\nKa tukun tengah menalan,\\nLalu telentang ka Ini Manang dulang bandir tekam.\\nAki Ungkok lalu dudok di repok tuga tundan.\\nDinga tak chiet-chiet terinting putting dabong rapit,\\nEnggi Ini Manang Megit,\\nNgangau ngumbai antu penyakit\\nSida serenti babi mit,\\nKaki iya ke manah mati nyilup nyelit ari kanan.\\nPeda tak bunsu antu chit,\\nKe bejelangkit datai ari bukit rapi emperan.\\nTak jengkak-jengkak selanjau ijau manok bagak,\\nDatai ari lebak ngeruang langkan.\\nLalu belanda selanjau ijau manok lia,\\nEnggau serenti babi dega mansang kia datai makan.\\nSintak tanggong iya enggau sengkilong amba rutan.\\nBabi enggi Ini Manang Menani,\\nTangkap iya di kaki biau ka kanan.\\nLalu dikurong Ini Manang Langgong,\\nDalam pabenong tajau Pelawan,\\nDitutop iya enggau gerop guong bulan,\\nDikerabat iya enggau kawat Panjai enam,\\nDinga lalu bejako deh Lansu Ini Andan,\\nAu serenti babi dupan\\nEnti aku nemu kita merinsa ka Dayak,\\nBeduan anak Iban,\\nMakai utai di umai ngachau utai ditanam,\\nTelu kita menya abis aku gempuru ka empa pakan.\\nLeboh kita agi mit menya,\\nKita abis aku pichit bunoh gelam.\\nTentu kita aku keripit enggau supit belansai rutan,\\nDitambab aku enggau juah mesai lengan.\\nNya baru aku nempalong ka kita manok sabong,\\nEnggau serenti babi dupan,\\nLak ka kita kindong-kindong\\nNgelui kebong langit beriran,\\nNinggang telok lubok Nanga Baram.\\nNya baru nyawa kita Ensing Gima,\\nLalu bekata laya danjan.\\nAwak ka untak pala kita,\\nSelanjau ijau manok lia,\\nA bis tepangka ka kanan ka kiba,\\nKe lalu diempa bekawai ikan baam,\\nEnggau kena taban ka ketam\\nKe bejalan tama lubang.\\nNya baru tebang jangit di tuchong bukit,\\nNya baru sida Anda Mara deka sama mulai ka diri ari langit.\\nBaru sida ngejang ka menoa orang\\nDi keresik marik ke kebelik tabor bintang.\\nKejang ka sungai panjai,\\nKena tabor urai tekang gempanang.\\nNya pangkalan Matai Tuai selampor uban,\\nNya pangkalan Gepi Ini Andan..\\nManggai di Batu Tangkal Tangga,\\nKe dipeda tanggal ketapu.\\nNya menoa Bujang Ketapu Tunjang Tujoh Betuchong.\\nBebini ka lyak Bintang Banyak,\\nKe beberak mandang tegalan.\\nManggai di kebong langit landong,\\nBaka sengkutong tajong sarat.\\nNya menca Bujang Sabok Lebang,\\nKe rerendang mandang tegalan.\\nBebini ka Endu Endun Pengilum\\nGendum Pinang Saleka.\\nManggai di Rantau Jayau Bunga,\\nManggai di Semilu Batu Rasa,\\nMunyi kela nyawa anembiak nyabak.\\nNya menoa dipangkang Ulop Ensilup Remang,\\nMenoa Maling Jemeling Bintang.\\nKati gelai nuan aki enggau kami\\nbetandai nurun ngabang?\\nKati randa nuan aki enggau kami\\nnengua nurun masang?\\nAku enda enggau nganti ujong Bulan semilan,\\nBaru aku bayam tegalan orang ke nunu dudi.\\nNganti pun bulan sapuloh baru aku nurun ka baroh,\\nDeka meda ka pemaioh pun padi.\\nManggai di batu chanai,\\nKe dinggai-dinggai baka\\nLawai mansang besembah.\\nManggai di batu panjang,\\nBaka pedang ngena ansah.\\nNya menoa dipangkang Jingga,\\nNgemata ka pangka leka bena.\\nNya menoa dipangkang Endu Endat,\\nNgingat ka sempekat jako lama.\\nManggai di babas parai langas,\\nBaka ke dijelas daun api.\\nNya menoa dipangkang Jamut pandak seput,\\nSakejap idup sakejap mati.\\nBini iya Endu Dara Gauk tegar tindok,\\nKe tedudok jampat tedani.\\nManggai di semilu batu pambar,\\nKena pijar bedil besi.\\nKadua bali nama iya Bujang Tegar,\\nMambar ka sempiar batang tapang.\\nManggai di urat empelai pansap,\\nAlai nyamah ubat simpulai padi.\\nManggai di tanah gelenggang tarah,\\nEndor nyamah tuah menang bebeli.\\nNya menoa Durong Tuai,\\nBerumah di tatai madang getah,\\nKe berandah di belakang tinting.\\nNya menoa Raja Durong,\\nBejulok Lumpong Tibang Bebaring.\\nBebini ka Kumang Cheremin Bintang,\\nTukoh Lawang Pinggai Bekaki.\\nEndu Dara Talun Pelangka,\\nLalu nyapa Anda Mara,\\nKati nuan enggau kami betandai nurun ngabang?\\nEnsana aku endang udah ngipa,\\nDi seraka pampang jalai.\\nKemari aku endang udah nganti,\\nDi serambi langkau umai.\\nManggai di daan landai tinggi tundai,\\nNyagu ka bingkai tibang betampong.\\nManggai di emperan tasau bulan,\\nNyagu ka lenggi bunchol guong.\\nNya menoa Raja Jembu,\\nDudok di batu tinggi di dinggai.\\nNya menoa Meta Raja pengibai,\\nBini iya Endu Endat Baku Kansat,\\nNgembuan ubat simpulai umai.\\nEndu Kumang Baku Palimbang,\\nNgembuan lemambang ubat pengembai.\\nLalu nyapa Raja Anda Mara,\\nEnggau gensera jako berambai,\\nBayoh kitai aki sama betuboh nurun ngabang,\\nAram gelai kitai aki sama betandai nurun masang.\\nDi seraka rantu jalai.\\nBa serambi langkau umai,\\nSaharitu baru kita datai.\\nMenoa Chenuda Chenanum Tuai.\\nKejang ka ari nya nyau nandan,\\nDi bulan tanggar peranama.\\nNgili ka ai belimbun Jawa,\\nBerumpak enggau awak Bintang Melanau.\\nKadua iya besendi enggau ai Sungai Rangki,\\nKe kepeli bepantak sulau.\\nNya menoa Chenanum tuai,\\nNgembuan utai saribu guna,\\nBerumah di tatai lubang nyawang.\\nNya dipangkang Chenanum Raja Chenuda,\\nBerumah di tuchong Rabong Reminang.\\nBebini ka Endu Dara Jata,\\nDudok di semilu batu rasa,\\nBaka moa abi geraji.\\nLalu nyapa Anda Mara enggau gensera Jako lantang.\\nKati nuan aki enggau kami belandik ka batu lentik,\\nKe begilik merabong kajang?\\nKati nuan aki enggau kami makai ka kaung kasai,\\nNachak ka gundai galong ngelagetang?\\nKemari aku udah nganti sahari tu baru kita datai,\\nEnsana aku udah ngaga chukop kereban samoa utai.\\nMenoa Biku Bunsu Petara.\\nKejang ka ari nya manggai di bukit,\\nKe beringgit nabong mayang,\\nNyagu ka karang tangkal miga.\\nManggai di bukit enggal sigi,\\nNyagu ka lenggi moa benda\\nNya menoa Biku Bunsu Petara,\\nMenoa Pantan Inan Raja Jadia.\\nBelaki ka Bujang Pasang Pareh,\\nKe bepurih bulih benda.\\nKati randa nuan enggau kami nengua nurun ngabang?\\nKati gelai nuan orang tuai enggau kami betandai nurun masang?\\nAku enda enggau laban pengawa aku bereba nguan menoa.\\nLaban aku tu kasok nyumbok di bulu mata.\\nIndah aku semina tindok nyuntai,\\nParai niang Minggat Apai Runai,\\nDi seberai tiban Nanga Saan.\\nLeboh aku tindok telentang,\\nMati niang Balang laban petenah orang,\\nParai digayang tuan.\\nNya anak aku bai ngabang,\\nEndu Tangkong Puchong Penguji,\\nOrang ke beati sinu kasih.\\nNya anak aku nya enggau kita masang,\\nEndu Kumang Bunga Jerami,\\nKe bepurih tau ajih.\\nNya ubat penampong sukat bai ngabang,\\nMesai ketap ati lelabi,\\nMesai jari tapa rengguang.\\nNya ubat penampong seput bai ngabang,\\nNebal seraput danan idup,\\nNebal seraput danan tulang.\\nManggai di munggu gulu putan,\\nManggai di lebak tumbak nasan.\\nNya menoa dipangkang Raja Salempetoh,\\nDatai ari tengkujoh panchor wong.\\nNya menoa dipangkang Selampeta\\nKe landik betempa rentang-rentang.\\nBebini ka Endu Kumang digelar aku\\nPenampang Dulang Penyepoh.\\nnengua nurun ngabang?\\nKati gelai nuan orang tuai enggau kami\\nbetandai nurun masang?\\nAku enda laban aku kasok nyumbok di bulu mata,\\nPengawa aku nya dia tak bereba nguan menoa.\\nNya anak aku Endu Dara Jata bai kita ngabang,\\nEnti leboh aku ngamboh lampang besi kemuja,\\nlya dudok ngemata ngelala gaya bunga besi.\\nKejang ka ari nya manggai di tatai panjai,\\nKena tipas langgai ruai ransa.\\nManggai di tuchong tanah langgong,\\nEndor ngurong tuntong manok banda.\\nNya menoa Rajut Tegut sakaliling punggong,\\nNya menoa Unsak Gigi Remaung.\\nBebini ka Kaak kedendang bagak teratak,\\nBangau Labang Betugang burak .\\nDia sida meda puchong tak bekaledong dudok kalidak,\\nDia sida meda taring tak bekagaring gali kechukak.\\nDitu mai taring ka juring anang iya ke patah.\\nDitu mai tandok ke pugok giga iya ke rakah.\\nDatai ba pintu langit\\nManggai ka puchok nyiur pugok,\\nBaka rasok bentok tinchin mas.\\nNya dipangkang Manang Jaban,\\nNgemata ka tengkulan pintu langit.\\nBebini ka gelanyang Manang Matai,\\nKe enda kala bejalai sakali nginsit.\\nDia sida iya meda jalai,\\nKe ditampai nadai bepesu.\\nDia sida lalu bejamban ka daan kayu malam,\\nKe tegayam petang ngelepu.\\nManggai di babas kusi madang lalang.\\nNya menalan ari sajeman kalia iya,\\nNya palan orang ngetu salama jaga.\\nNya baru ruya-ruya raba bebunga,\\nNyadoh kitai betuboh ngerara menoa.\\nMenoa apa nyin deh apai,\\nIya ke tampak remba-remba,\\nKe kena tentang bulang leka mata?\\nNya nadai utai ditanya ka nuan selantang anak dara,\\nPeda nuan nyin tak pelu-pelu api lampu,\\nDitungkun tumu api kelita.\\nPeda nuan nyin tak lanji-lanji ril besi,\\nKena titi kaki jalai kereta.\\nPeda nuan nyin gambar nyunyah tak reregah mua pemanah,\\nLekat di luan kapal Johara.\\nPeda nuan nyin jalai tak mua pemesai,\\nKena bandong imbai menira Raja.\\nPeda nuan tali tendu nyin tak manggu-anggu,\\nKe tau bejako nusoi berita.\\nNya ke dikumbai orang nengeri Singapura,\\nDiwan Sultan tuan Raja ke dudok nunga mija,\\nTembu ngemata ka pesara tali gudi.\\nO nama nyin deh apai,\\nlya ke pegari mua penampak,\\nlya ke ayan naka penyemak,\\nlya ke belagu linsu burak,\\nApi lampu ke ditungkun tumu agi tampak?\\nNama jalai nyin deh apai entak rintai\\nMenira tambai Raja biak?\\nNyin nadai utai ditanya ka nuan anak wai,\\nNya ga rampa nengeri Sarawak,\\nOrang ke gaga ngemata ka injin minyak,\\nKe beka gutak ngenjing tebararak betiang besi.\\nManggai di lembang madang senggang,\\nBaka lelanjang tandok labong.\\nNya menoa Ingkat ke landik nempap\\nsangap rumbang ketebong.\\nLengka ka ari nya manggai di Sungai panjai,\\nKena telesai tambun miang.\\nDitu kitai mai serepak,\\nKe beka chukak seregang magang.\\nManggai di munggu enteli lelaki,\\nManggai di Lembang madang terentang padi.\\nBala Anda Mara ngerara kebun Raja Simpulang Gana.\\nPeda tanah nyin tak mirah mansau gadong,\\nBatang nyau nadai agi beluntang maioh betugong,\\nPeda tak merera ular sawa ditampong ular tedong,\\nTak reremba gamal baya ditampong remaung.\\nNya ga kebun Simpulang Gana Raja Jegedong,\\nAlai iya ngepong ka patong buntak dayong,\\nMumpong ka rekong buntak alau.\\nPeda tanah nyin tak mirah mansau jera,\\nBatang nyau nadai agi beluntang dua,\\nPeda tak merera ular sawa ditampong ular naga,\\nTak rerenjong gamal remaung di¬tampong rimau.\\nNya ga kebun Raja Simpulang Gana,\\nAlai iya ngemba saba antu empangau.\\nNya baru tak lalu manjong bala Anda Mara inggar kekaung,\\nMunyi ke nyentok ka kebong Langit ngeruang.\\nOrang ke di rumah pen lalu rami richah ngerara nyawa,\\nBala Anda Mara ke gaga pulai ngerampas.\\nO mua meh pemanah panjong bala Anda Pengibai,\\nOrang ke baru pulai ngerengai ka utai tuai,\\nOrang ke pulai ngerampas barang punas.\\nPendai Raja Simpulang Gana.\\nKejang ka ari nya datai di Nanga Jambu Ara,\\nTu pengkalan Raja Simpulang Gana,\\nPangkalan Raja Tuah ke ditelah Raja Sua.\\nLalu niki bala Anda Mara,\\nMeda rumah panjai udah sedia anchau tikai,\\nBaka ke baru pulai puang pengabang.\\nMeda rumah merundu enggi Raja Datu,\\nAgi diampar baku sarang pinang.\\nDia Anda Mara Raja Jegedong,\\nLalu ngimbai aki iya Raja Durong,\\nEnggau bandong serungkong denjang saringgang.\\nLalu betemu enggau apai iya Raja Jembu,\\nBaka penudok Melayu raja dagang.\\nLalu di-imbai iya aka iya Rangkang Kirai,\\nEnggau kerigai rusok marang.\\nNya baru ruya-ruya bunga raba,\\nNyadoh kitai betuboh nanya ka rita.\\nNama rita kita deh laki endu?\\nNama rita kita deh apai-uchu?\\nAu bulih ga kami taring uting ngeli babi,\\nEnggau tandok rusa ke beperiga bauh nyadi.\\nSatengah nya ulih kami ngenchuri ke bebudi main bebujok.\\nEnti taring uting babi menoa,\\nEnggau tandok rusa ke beperiga bepampang tiga,\\nlya ke ulih kami beseku ka kapu rampang bunga,\\nLeboh gelanyang Manang Sada ke ngeleda udah ditepok.\\nLalu angkat mengua tangkai mengandai,\\nLalu muka ma Anda Mara Raja Pengibai,\\nPeda iya taring uting babi ngelampai,\\nTak chagak-chagak dua berimbai,\\nAsai ke meda sida endu teruna dara pandai,\\nKe begulai bedurok nutok.\\nNya baru tebang menuang di Tanjong Tawang,\\nNyadoh kitai betuboh nurun ngabang.\\nO, ni hari kitai ngabang ngapa,\\nDinga nuan perepat ubat lama\\nEnggi kitai ke serintak nyabak nyida,\\nMinta wa ading di timang.\\nWa ubat lama deka di bai nurun ngabang.\\nEnti munyi nya lenga-lenga enselua muda,\\nNyadoh kita betuboh belaboh ngua.\\nTak lalu angkat Endu Sengkulas Sabit Mas Marik Merejan,\\nEndu Kumang ditelah aku Petakang Bunga Tanam,\\nNya ga bini Anda Mara Raja Jadian.\\nLalu buka iya peti ke menyanyi inggar demeram.\\nLalu dipasok ka iya perengka dara macham pekayan.\\nKe lalu disamak iya enggau belabak minyak jematan.\\nPeda tak lalu ngabang jayau pemandang,\\nPansut ari balang butol begeran.\\nLalu ditata ka Endu Dara Nganta,\\nDi pala punggang pepisan,\\nLalu dilepi ka iya sakali sanggol simpan,\\nLalu diara ka iya tumpa gelang lengan,\\nLalu pasok ka iya salampin kain anyam.\\nPeda tak mua pemisit meh tenggak lukit\\nKe bejalelangkit mangka badan,\\nPeda antin enggi iya ke bepusin belilap\\nKa cheremin bemata intan.\\nNya baru nyau chukop samoa meh\\nPekayan bini Anda Mara,\\nKe sedia chukop ngepan.\\nNya baru iye becheremin\\nDi gulin tajau pelawan,\\nLalu betentang indai orang,\\nBayam kelamayang chaya badan.\\nLalu beterupong meh indai dara lempong,\\nKa di benong menaga bulan.\\nPeda tak tampak terang panau jarang,\\nEnggi indai Kumang baka ke\\nDipandang petakang bintang beriran.\\nPeda tak nyau bekakijap panau padat,\\nEnggi indai endu dara nelap,\\nKe satempap nadai tinggal.\\nDinga tak lalu nyapa anak dara enggi iya,\\nAri pelangka panggau papan.\\nO tak agi tinggi meh indai diri,\\nKe di lepi sanggol simpan.\\nTak agi laku meh indai aku,\\nBaka seragiu ke bebulu mansau redam.\\nPatut indai aku agi kalia\\nLeboh iya ke benong bajik,\\nLeboh iya ke apin bisi\\nKumang lantang di sandik,\\nLeboh iya ke agi disema\\nKa orang ngagai kepiu lampu letrik,\\nKe taja setik-setik mandang bilik rumah tuan.\\nLalu angkat iya matak menyeti bali berinjan,\\nBai iya niki ka sadau ke begiau\\nKena pandang kamarau bulan delapan.\\nLalu disengkawit ka indai entelit langit\\nMelit di burit tibang rerentam.\\nDinga tak lalu ketawa indai dara nganta,\\nMuka pengaroh lama ke tebuka dalam keban,\\nLalu dibai iya nurun ka penaik bilik renjan,\\nNya baru iya ngebu ka bedaru pintu bandir tekam.\\nLalu dibuka indai dara jenila moa menyawan,\\nPeda tak lalu tekebak pintu pirak\\nMunyi batok ikan juak,\\nPengkelan buntak lekat diunak kail tajam.\\nPeda tak lalu tetukang pintu lawang,\\nKe bemunyi gaang-gaang\\nMunyi nyawa antu tebiang,\\nKe nguap petang sabong malam,\\nNya baru iya tetentang\\nKa tiang medang lamba dibalan.\\nLalu tuchom ngilom ketawa\\nIndai endu dara nganta,\\nMeda pesina ambai lama iya,\\nUdah deduga dudok ngentam,\\nMeda tali wa ke udah berunda putting jempayan.\\nLalu besengkawit Indai Entelit Langit,\\nBa tali lampit ke bepeit sabong beranyam,\\nDia iya lalu berua enda jena-jena chukop macham,\\nWa dinding enggi indai Kumang,\\nIndah enda munyi lagu Laut Sesang,\\nGaga ka laki iya pulai ngempang,\\nBulih semilang dikandang renggian,\\nGaga ria rindu ketawa indai teruna dara nganta,\\nIndah enda munyi lagu Laut Pusa,\\nGaga ka laki iya pulai nangga,\\nKe begela jadi tuan.\\nDinga tak kaong-kaong\\nTerinting puting ujong dabong,\\nIndah enda munyi panjong\\nNiang Linggir laki Anong\\nKe bulih mumpong di Tanjong Nanga Igan.\\nBedau ga salantang anak tu agi,\\nKiak-kiak nyabak sedan-sesedan.\\nNama main ibok nya lalu enda\\nTetunda ka ading andai\\nEndu teruna Dara Sudan,\\nKe ngading laki iya\\nKeling Aji seduai Renggan,\\nKe baru pulai belelang ari\\nGentilang remang redam,\\nKe bulih igi gemili tekang intan,\\nKe begamal melan-melan,\\nTak ayan begarenyam ka tenggau petang.\\nBedau ga ubat agi ringat mari kelabawan,\\nRingat ngeransi ngagai sida\\nBeradi karong menyimpan.\\nDinga tak agi sikok-sikok\\nTerinting puting dabong rasok,\\nEnggi Indai Kumang dara gauk,\\nNgading taring uting tandok pelandok,\\nUlih Simpurai ke bejalai pulai nyubok,\\nAri munggu entap nempekok,\\nAri tanah tinggi neladok,\\nAri baroh ai nyurok,\\nMunyi tutok lambok Wong Mutan,\\nBulih tandok telanjing burok,\\nKe tau ngachok nyimpan ka dalam.\\nDinga tak agi nyapa anak dara enggi iya,\\nAri pelangka padong papan.\\nNama pengawa nuan dia deh\\nMengua karong menyimpan?\\nKa aku ngumbai nuan gila,\\nNadai ga aku ninga nuan\\nNyambut peranama kembong bulan.\\nKa aku ngumbai nuan memandai deh wai indai,\\nNuan ga udah kelalu tuai.\\nEnda patut agi bekenang\\nKa perinyai ambai malam.\\nO anak indu,\\nNuan anang bejako nganu kelalu tajam.\\nO lupu nuan anak aku,\\nAnang nuan kelalu ngemalu tudah aku,\\nBa saribu moa Iban.\\nEnti nuan nama gensaya deh anak dara,\\nEnti saing hari nuan\\nSemina nguji ka pemandai jari,\\nNuan negi ka menyeti bali berinyan.\\nEnti hari petang nuan semina nengkebang,\\nBetenggau ka kelamayang pandang bulan.\\nEnti aku ni ka disabaka ka enggau nuan,\\nPeda nuan belakang aku nyau lelak\\nNyengkidang ka ampang bali mensuga,\\nAku ga agi ngua Endu Kumang Dara Lenta\\nAka Sentika Bintang Beriran,\\nAku ga ngua Endu Dara Lenguti Kumang Bumi,\\nDitelah aku lelendi ati bulan.\\nO enda aku nemu gentelu jako nuan,\\nLaban padah nuan agi salah lain macham.\\nO nama kabuah nuan bengat enda nemu,\\nJako mengadu karong menyimpan,\\nNya ga anak Daru’ tuai dulu,\\nKe berumah di tiku pasir mabu,\\nKena pangka ka pupu gumbang gemuan,\\nEnggau ba ulak nyintak nyimpan ka dalam.\\nNya ga gemuong gumbang besabong,\\nMangka ka ujong Tanjong Melaban.\\nAri ili tumboh batang perin daji,\\nDiambi Sera Gindi isan Sera Gindam,\\nKe penakat ai letong dalam.\\nAri ulu tumboh kayu bansu pisit perugan,\\nAri baroh tumboh buloh ngelanggai bayan.\\nBa tengah tumboh batang limau tapah,\\nKe bebuah maioh macham.\\nBa tisi tumboh batang semang besi,\\nDiambi Sera Ganti kena iya ngelala hari,\\nNemu pagi ngelala malam.\\nBuah sigi diambi Sera Gindi tikam kili,\\nKena nakat ai entara kerangan.\\nBuah tutop tikam iya ka Bugau Ulu Undop,\\nSimpan dalam bup takut\\nKe charut ngelaban pangan.\\nTiga leka diambi Biku Bunsu Petara,\\nKena iya nyapat menoa\\nEntara enggau sabayan.\\nAku agi deka nimang Endu lyak,\\nDitelah aku Kerupak Tungkol Bunga,\\nNya ga karong tanah matah rinda,\\nDibai ari nengeri Singapura,\\nKena tinggang chaya matahari mati,\\nKena pandang menira\\nChap maskuta Raja Merikan.\\nEnti siang hari iya tau besampi,\\nEnti malam iya tau bekana,\\nEnggau tau ngira utai\\nDi dunya chukop macham.\\nAgi ga aku deka nimang Endu lyak,\\nTelah aku Kerupak Tungkol Bungai,\\nKarong tanah matah landai,\\nDibai ari awak Nanga Brunai,\\nKena pegai tuai bansa Kedayan.\\nEnti malam iya tau bedungai,\\nTau ngira samoa utai di umai,\\nEnggau macham utai ditanam.\\nDitelah aku Kerupak Tunga Beta,\\nNya ga gelar aku\\nKarong tanan matah lada,\\nBa silak awak Nanga Kalaka,\\nKe begamal manah linga-linga,\\nKena banchak rampa arong Krian.\\nEnti siang hari iya tau menyanyi,\\nEnti malam iya pandai berua,\\nTau ngira utai diempa ka pemakan anak Iban.\\nAgi ga aku nimang Endu lyak,\\nDitelah aku Tambak Bunga Belitong,\\nNya ga karong tanah matah Tanjong Betong,\\nBa tiban ujong tanjong Nanga Ban.\\nEnti siang hari iya tau bemunyi,\\nEnti malam iya tau berenong,\\nNgempong paung padi rutan.\\nDitelah aku Tambak Bunga Ruku,\\nKe begamal manah papelu,\\nNya ga karong tanah matah radu,\\nBa silak awak Nanga Paku,\\nKe begamal manah lelendu,\\nKena tumpu ulu Batang Layar.\\nEnti malam iya tau belagu,\\nNya ke dipuji lumor satu nadai ngelaban.\\nDinga tak kaung-kaung Sera Ganti manjong,\\nMunyi ke nyentok ka kebong Langit beriran,\\nLaban iya gaga nerima guna ubat jadian,\\nDiberi Gepi Ini Andan\\nSiuh bungkan tetunggang sarang,\\nBaka leka ujan ke nelian laboh jarang.\\nO manah nya ko Raja Semarugah,\\nOrang ke betuah tulong tebekan.\\nNya ga deka ditandang ka kitai ngabang,\\nKa Batang Paku kanan,\\nDatai din ila iya dikerindu sida ke indu,\\nLalu dikumbu sida ngena pua bali belantan,\\nLalu dipanggai ka tuai gawai\\nKa pemanggai meligai papan,\\nKe lalu ditimang anak\\nBujang Lemambang Puan,\\nKe rejat-rejat mansang mengap,\\nNgentak ka tungkat mengkalat buloh begeran.\\nPagi hari nyau tawas teringkas merekah pajar,\\nPeda tak kayak-kindang apai orang,\\nNyan generang sangkoh tajam,\\nMansang begayang ka serenti babi dupan.\\nNyau pagi nya baru rindu ati dibai\\nMeda lempedu jelu\\nTak balat chiru nadai memacham.\\nLalu tebuka meh pandong pua,\\nLalu dikusai ka meligai papan,\\nNya baru tak letu-letu tanah munggu,\\nKa mesai jugu burong sempidan.\\nDinga tak lalu ketawa sedan-sedan\\nDeh tanah matah renjan,\\nGaga ka pemanah mimpi iya\\nWai nangi lebu nginak,\\nLeboh iya ke nepan di duran papan dilantak,\\nLeboh iya ke tindok udu jenak,\\nDia iya digerak tambak Nendak,\\nKe mua penyinak-nyinak burong bagak,\\nKe betaratak baroh penepan.\\nDinga tak ketawa lekai-lekai\\nDeh tanah matah landai,\\nGaga ka pemanah mimpi diri\\nDeh wai nangi lebu lupai,\\nLeboh iya ke nepan di duran papan lekai,\\nEnggau leboh iya ke angkat ngeragensai\\nKena imbai orang enggau tambak Beragai\\nKe nyeratai nyambil nyeritan.\\nDinga tak nyau ketawa kaung-kaung\\nDeh Bunsu Tanah Langgong,\\nGaga ka mimpi diri\\nWai nangi lebu nyangkong,\\nLeboh iya ke gali nepan\\nDi duran meligai gantong,\\nLeboh iya ke bemimpi kelia\\nTanggong Tambak Burong Ketupong,\\nPimpin Bejampong raup bajan.\\nDinga tak ketawa sikok-sikok\\nDeh Bunsu Tanah tinggi neladok,\\nGaga ga pemanah mimpi diri\\nWai nangi lebu ngumbok,\\nLeboh iya ke nepan di duran papan rasok,\\nEnggau leboh iya ke tedani angkat tindok,\\nMimpi diri digembar orang enggau\\nTambak Tuchok Burong Malam.\\nManah endar deh mimpi nuan\\nWai nangi lebu nguti,\\nLeboh nuan ke tindok\\nDi duran meligai tinggi,\\nBemimpi asai ke disendi ka orang\\nEnggau lumpar asi tiga iti manjai lengan.\\nUji peda nuan nya ila wai asa,\\nSida di Batang Paku renjan,\\nLeboh kai nugal sida ketawa sedan-sedan,\\nNerima gempanang tekang intan,\\nEnggau perepat ubat jadian,\\nDi-ulur ka Ini Andan,\\nNiti tali lubang ujan\\nKe nelian laboh perabensang.\\nLaban sida nitih ka ajar\\nTuran pejalai bintang.\\nLalu angkat Endu bini Anda Mara,\\nKadua nama iya digelar\\nBujang Ansang Rengaya.\\nLalu pasok ka iya ngepan macham dara,\\nKe disamak iya\\nEnggau belabak jayau bisa,\\nLalu dilepi ka indai diri sakali sanggol rinda.\\nPeda antin iya tak bepusin,\\nBelilap ka cheremin mandang moa,\\nPeda lukit enggi indai dara mit,\\nTak bejelangkit mangka dada.\\nNya baru chukop ngepan\\nMeh bini Anda Mara.\\nNya baru iya becheremin\\nDi gulin burit benda,\\nTak lalu nerupong\\nIndai dara lempong,\\nAri benong benda menaga.\\nTak lalu betentang Indai Kumang,\\nBayam kelamayang chaya muka.\\nPeda tak tampak terang\\nPanau jarang iya,\\nBaka ke kena pandang\\nPetakang Bintang tiga.\\nPeda tak beka kijap panau padat\\nEnggi Indai Endat,\\nBaka kijap indu selempepat nadai mentara.\\nNya baru tak lalu nyapa\\nEndu Kumang selantang anak dara enggi iya,\\nAri genturan papan pelangka.\\nAu tak agi tinggi meh indai diri,\\nKe dilepi sanggol rinda.\\nTak agi tuchi meh indai kami,\\nKe di angi panau dada.\\nTak agi begamal pelu-pelu meh indai aku,\\nBaka tajau seragiu ke bebulu mansau jara.\\nPatut leboh indai aku\\nKe agi belendu benong bajik,\\nLeboh iya ke digelar agi dipelandik,\\nLeboh tandang iya\\nKe apin bisi selantang,\\nKe ditimang anak disandik.\\nLeboh iya ke agi digelar orang\\nKepiu lampu letrik,\\nKe begamal gilik-gilik\\nmandang bilik raja China.\\nPatut leboh indai aku ke agi begamal\\nlelendu benong raringang,\\nLeboh iya ke agi tinggi\\ndilepi sanggol lintang,\\nAgi dipelandik dikenang orang,\\nSabaka enggau kepiu lampu gudang,\\nKe pegari tampak terang\\nke begamal rendang-rendang,\\nMandang gudang tuan Raja.\\nTak lalu angkat iya mantai\\nka punggai bali tengkebang,\\nLalu kebu ka indai dara nemu\\nPintu moa lawang.\\nDinga tak kiak-kiak pintu pirak,\\nKe bemunyi inggar semetak,\\nMutah ka buntak\\nlekat di unak kail temaga.\\nLalu ditentang indai Kumang\\nTiang medang lamba tetuba,\\nLalu tuchum iya senyum ngulum ketawa,\\nMeda pesina ambai lama iya\\nUdah diduga dudok besila.\\nLalu tetentang ka ambai kenang iya,\\nKe digelar aku Bujang Anda Mara,\\nEnggau lalu meda tali wa lama\\nNganti naga’ di unda sengkar menawa.\\nLalu besengkawit indai dara mit,\\nBatali lampit ke bepeit beranyam dua,\\nLalu begitang indai orang,\\nNgena jinggang kain setra.\\nNya baru iya berua enda jena-jena,\\nLagu abis ditunda samoa-moa.\\nDinga tak kaung-kaung\\nEnggi indai endu dara lempong,\\nNgua batang tebelian chundong,\\nIndah enda munyi panjong niang\\nTarang Apai Dungkong,\\nKe mantap dulu mumpong,\\nLeboh ke mekong\\ndi Tanjong Nanga Sungai Raya.\\nDinga tak ketap-ketap\\nMunyi nyawa niang Minggat laki Jara,\\nLeboh iya ke nusi ati diri\\nke berani deka bepantap,\\nBeketas ka raat pulai bebala.\\nBedau ga selantang anak diri,\\nSerintak nyabak taki-teki,\\nRingat ngeransi ngagai beradi karong berada,\\nNama ibok iya enda tetunda,\\nKa ading indai teruna Dara Ruka,\\nKe ngading aka iya Laja\\nke pulai belelang ari gentilang remang jera,\\nKe bulih igi gemili leka gomala,\\nKe begamal remba-remba\\nke segenda mandang petang.\\nDinga tak lalu jelabut sangkut mulut,\\nEnggi indai dara lembut,\\nIndah enda munyi dindang indu Laut,\\nNurut ka serunyut bunga pasang.\\nTak kaa-kaa terinting puting dabong rasa,\\nMunyi ke gaga rindu ketawa,\\nIndah enda munyi lagu Laut Kalaka,\\nGaga ka laki iya datai pegi pulai nangga,\\nBesai pala ke digelar jadi raja.\\nDinga tak sikok-sikok\\nterinting putting dabok rasok,\\nEnggi indai teruna dara gauk,\\nNgading batang tebelian pugok,\\nMunyi ke ngading taring uting babi gemok,\\nUlih Simpurai ke bejalai pulai manjok,\\nDi baroh ribut nyurok,\\nMunyi tutok lambok Wong Pila,\\nNya ga endang palan Laja nampok,\\nKeling tindok bulih tandok telanjing burok,\\nBaka ke tau ka selapok sulam setra.\\nNya ga ulih ngama di saraka ai nyurok,\\nKe mantang nebok enggau beliong chatok,\\nKe taja retok-retok mubok di keruntok pala naga.\\nO nama pengawa nuan munyi nya deh\\nmengua karong berada?\\nKa aku ngumbai nuan jukat chelap,\\nNadai ga aku ninga nuan ngambat sedap bulan peranama.\\nLapa nuan tak beli enda anchi-anchi munyi orang ke gila?\\nLapa nuan tak nyau mamau diau neraka dara?\\nAu, anang nuan ngaga aku munyi nya,\\nDeh Kumang selantang anak dara,\\nAnang nuan nganu aku enggau jako enda bebasa.\\nAnang nuan ngemalu tudah aku ba saribu moa bala.\\nEnti nuan bata’ enda mensaya!\\nEnti pagi hari nuan semina nguji ka pemandai ati,\\nNegi ka menyeti bali mensuga.\\nEnti nuan nguji ka penukang diri nengkebang,\\nNuan semina betenggau ka kelamayang bintang tiga.\\nEnti ngebat nuan semina nguji ka penyampat,\\nBetenggau ka kilat kekijap ngelambai moa.\\nEnti tua ni nya tau disebaka,\\nLain aku ke tuai lain nuan ke agi dara.\\nAku ga agi nimang batang jenti betangas,\\nBatang iya ke nyuang luar kilas,\\nKe begamal lanji-lanji nunda geturi matapanas,\\nBesakum ka mas betatah ka gomala.\\nAku ga agi nimang batang aur pugok,\\nBatang iya ke nyuang laur bepasok,\\nKe begamal lenok-lenok baka rayok\\nNunjok ka tampok tali hari.\\nKeba daun iya tepan kejatan kaban tuchok,\\nKe beukir rusok bekelingai kala,\\nNya ga numbok ati raja.\\nAku ga agi nimang galang batu penadu,\\nKe begamal manah laletu,\\nKe ditakam endu dara ganggam,\\nEnggau penganan champor telu,\\nlya ke bediri degi-degi melit nengeri\\nO enda aku kala meda utai baka nya,\\nAku enda nemu nama,\\nAku enda kala minching iya\\nEnggau tempeling jari dua.\\nAu tuai ga aku indai udah nguan menoa,\\nTang aku tak enda nemu aku enda ngelala.\\nNyangka padah nuan agi salah nyebut nama!\\nO kati alai nuan enda nemu jako aku\\ndeh selantang anak dara?\\nNya ga karong batang selangking punggu,\\nNya ga endang pesaka salama jaga ari kalia.\\nNya ga digaga ka anak mensia\\ndikedeka ka bansa Dayak,\\nNya ga udah dibagi tulong dipedua,\\nEnggau aki kitai Raja Selampeta adi Petara.\\nNya ga karong batang tebelian wi,\\nTeda pedua kitai kalia\\nenggau Raja Sera Ganti,\\nKe tau ngasoh kitai tediri jadi raja.\\nNya ga karong batang tebelian inak,\\nKe begamal manah gegayak,\\nNunjok ka serak tangkai miga.\\nDaan landai iya taja kalai-kalai,\\nLelai ka pantai tanah Sarawak,\\nDin iya dilagu linsu chat burak,\\nKe begamal mua penampak-nampak,\\nDipeda semak senentang awak\\nLindong ayong tampak kena banding geretak,\\nKe di lantak pirak lalau temaga.\\nAku ga agi ngua batang tebelian tanam.\\nKeba puchok iya nunjok ka rayok kembong bulan,\\nDaan landai iya laur nyuntai ka pantai Pulau Labuan.\\nDin ati iya ke berani mutus tajam,\\nNgenjun jamban runtoh jematan raja China.\\nAku agi nimang batang tebelian ngerang,\\nPuchok iya nunjok ka rayok takang bintang.\\nDaan landai iya laur jurai ka pantai tanah Limbang,\\nDin iya ke berani ati tulong kempang,\\nNgeruboh gudang sarang wang mau Sanggau,\\nKena pandang batang tiang menira,\\nKe lekat dibandong chap maskuta Raja.\\nAku ga agi nimang batang tebelian wi,\\nKe ngasoh kitai tediri jampat kaya.\\nNya ga deka ditandang ka kitai\\nNgabang ka Batang Paku raremba.\\nDatai din iya dikerindu sida ke indu,\\nIya dikegaga ka sida ke dara.\\nKe lalu disamak sida endu teruna dara biak,\\nEnggau belabak minyak lunda.\\nKe lalu dikumbu sida ke indu,\\nEnggau kumbu bali mensuga.\\nDikungkong sida endu teruna dara lempong,\\nEnggau kungkong leka pelaga.\\nNya baru iya tak ringang-ringang,\\nKena tentang pengabang maioh bala.\\nTak lenggi-lenggi dipalu orang\\nEnggau ruas asi tiga iti chukop bansa.\\nNantai ka rintai tajau menaga.\\nDaan diri iya taja degi-degi,\\nNantai ka simpuli padi puya.\\nBatang iya kena sakang singgang bedil temaga.\\nNya ke ngasoh sida di Batang Paku raremba,\\nKe berita nyulut raja tinggi nama,\\nDeka besekula awak ka ngelala dunya mansang.\\nLaban iya udah disimpan ka Anda Mara,\\nKe digelar Bujang Ansang Rengaya,\\nBatu saleka ke segenda pemandang\\nNaka nya meh aku berua main betimang.\\nEnti munyi nya tebang menuang ambak dabang,\\nSapa den apai kitai ke betandai tau dulu?\\nSapa kitai tau dudi ke berani nerusu jemu?\\nUji aku dulu ko jako Judah ulun tengah,\\nKe diperintah nungkun api.\\nUdah nya aku nangkan ko Mangai ulun tuai,\\nKe penguan umai besai tisi.\\nO nama main nuan tak angkat nadai anggor deh?\\nNama main nuan tak bejalai nadai ator?\\nNyadoh kitai betuboh main betangkan.\\nAku nangkan ka ulun aku empu,\\nKe jako Keling Nading Kerangan,\\nKo jako Suka Raja Rengayan.\\nAku nangkan ka aka aku empu,\\nKo Endu Selaku Kumbu Muau,\\nKe belikau tampak beria.\\nEndu Tegi Bali Berandau.\\nKa tanda anak Raja.\\nAku nangkan ka nuan endu akan,\\nKo Maga raja lama nguan menoa.\\nanak Bujang Lantang Petara.\\nAku nangkan ka laki aku empu,\\nKo jako Endu Mangkok Cherebok Padi.\\nEndu Achin Beringin Tali.\\nAku nangkan ka bini nuan buat wai,\\nKo jako Mandi ka berani tau tenong,\\nBujang Menarang Burong.\\nKo jako Tali Unan ke delapanbelas belit,\\nEndu Kumang Penukang Pintu Sabit.\\nKo jako Aji ke berani nguan menoa,\\nKadua iya menantu Simpulang Gana.\\nKo jako Endu Sandik Selang Gemian,\\nRengai-rengai ngambu diri beambai\\nKa tangkai leka sangga.\\nEndu Lilih Sintong Benih Tengah Tegalan,\\nKa Takang Bintang Tiga.\\nAku nangkan ka bini nuan buat wai\\nko jako Sigai raja besai nguan menoa,\\nLantang anak Simpulang Gana.\\nAku nangkan ka laki diri empu,\\nKo Endu Kumab ditelah\\nPetakang Bintang Biduyah,\\nDitelab orang Saripah adi tuan.\\nKadua bali nama iya Endu Lulong,\\nDitelah orang Tempukong Ati Tanah,\\nBesembah di kelasah tikai pandan.\\nKo Anda Mara,\\nKo jako Endu Remias Kumbu Mas,\\nKe merempas mandang dada,\\nEndu Setik Marik Perada,\\nAku nangkan ka bala anak aku empu,\\nKo jako Raja Simpulang Gana.\\nRangkang Kirai Raja Sua.\\nKo jako Endu Sudan Salenggam Bulan,\\nDigelar Sarentam Tanah Tumboh,\\nEndu Kumang Cheremin Bintang Subang Bekaki,\\nKepai-kepai terebai di danggur dandang uma.\\nAku nangkan ka isan aku empu,\\nKo jako Raja Tandok,\\nKadua bali nama iya Raja Nuyan,\\nAku ngentudi ka laki aku empu,\\nKo jako Endu Endat Baku Kansat,\\nNgembuan ubat ngasoh jampat jadi raja.\\nKadua bali nama iya Endu lyak Baku Pirak,\\nKe pematak jalai kaya.\\nAram tandang kitai ke ngabang mupok bejalai.\\nLalu kejang ka menoa orang,\\nBaka tempukong sarang semut,\\nMenoa orang di rajang nunggang,\\nBaka tugang manok bangkut.\\nNya menoa pengaroh lama kalia iya,\\nNya menoa pengaroh tegoh selama jaga.\\nManggai di batang kenyak-lenyang,\\nMasai endor kijang ke berundang ngiring anak.\\nKadua bali nama tuchong Sinyung-Sinyang,\\nMasai endor beruang ke berundang berumpak ikak.\\nNya dipangkang Siling-Iling,\\nKe begenturing baroh rekong.\\nNya dipangkang Situm-Itum,\\nKe bebalun mesai kibong.\\nNya orang ke ngembuan\\nDulang tapang penerima ambun,\\nDulang besi basah besemun.\\nManggai di teberu galong,\\nLentor ujor berendam tandan.\\nKadua bali nama iya Kumpai Benai,\\nKe selelai patah daan.\\nNya dipangkang Laut Munggu,\\nPengansah duku muai tumah,\\nNya dipangkang Gangga Ganggai,\\nBebini ka Endu Dara Sunti,\\nKe belaki belubah laun,\\nEndu Dara Sunta ke bekereja pun taun.\\nManggai di lebak tugong sarepak,\\nKe bekachukak penyaga uma.\\nManggai di tatai panjai,\\nKe dirintai tangkai bunga sangga.\\nNya dipangkang Manang Ayang,\\nAka Bujang Simpulang Gana.\\nNya menoa Manang Bali,\\nKe menyadi Raja Sua.\\nBelaki ka Matai,\\nKe enda kala bejalai\\nKadua bali nama iya Matai tuai,\\nKe bejalai bekaki singit.\\nKati nuan ini enda enggau kami ngabang?\\nAku enda uchu,\\nAku ngemata ka ulun aku China,\\nKe bekira landik bedagang.\\nAku ngemata ka ulun aku Laut,\\nKe betanchut bekarikang.\\nManggai di pun semambu marau,\\nNyagu ka tina pakau bentang.\\nNya menoa orang ke bepending tinggi telinga,\\nKe tebekan ngela menoa,\\nNgemata ka munti rarunya,\\nKe kebesut anyut ari Laut.\\nManggai di tinting madang bedega,\\nBaka jela daun api.\\nNya dipangkang Manang Menani,\\nKe berani rugi meli laki\\nEnggau perabeni tajau baru.\\nNya dipangkang Manang Langgong tau tenong,\\nNgemeran ka genturong sabang ayu.\\nBelaki ka gelanyang Manang Jaban,\\nPengaluntang batang kayu tebelian,\\nAmbi ka jamban punggang titi.\\nKati nuan enggau kami nandai nurun ngabang?\\nAku enggau laban laki aku Gembau,\\nPenebang timau entak ka panti.\\nKendi Aji (Jalai Simpang Tujoh)\\nManggai di jalai besai betumbok tujoh.\\nPeda urat tak nyau abis terangkat nulang raung,\\nPeda rau tak nyau selabubu mulas uchong.\\nEngkerebai tak nyau lentor sulai,\\nKena pansa sentagai sida\\nSimpurai ngempong jabong.\\nLemba tak nyau abis lela,\\nKena pansa sida Pungga,\\nDitipas lelaga bulu burong.\\nDia deh bini Anda Mara,\\nNyau kesal di jungkal luak ati,\\nNyau minta kepit ngena samit biru bambang.\\nNyau pinta simpan dalam bungkan buloh lalang.\\nNya dipangkang Semalendik,\\nBerindik di repik papong batang.\\nNya dipangkang Salenda,\\nNgipa di panga jalai penglimpang.\\nManggai di Langgong ngeruang ngebong,\\nBaka jong bangkong Belanda.\\nManggai di tanah nunggang,\\nBaka simbang pa pan pelangka.\\nNya menoa Bujang Singalang nyamai diau,\\nNya menoa Durong Biak,\\nKe ditelah Lamba Jinggau,\\nNgelembong ka burit tibong bepuncha.\\nBebini ka EnduTengkuai Tangkai Padi,\\nTumboh di tisi jalai raya.\\nEndu Chabut Rumput Kerajaai,\\nTumbu engkilili tisi entara.\\nNyau betumpu alan enggau\\nNanga Jawa Jingan,\\nEndor Lawai tekerembai kajang.\\nNyau manggai di titi kawi tebelian,\\nNya menoa Bunsu Petara,\\nSeri Baginda ngemata ka orang\\nKe raja enggau orang ke umang.\\nKati nuan enggau kami ngabang?\\nAku enda enti nyerumba hari silau,\\nAku ngemata ka anembiak nyarau,\\nEnggai ka tebiau ka sulau pala patong.\\nAku gawa ngemata ka anembiak nebas,\\nEnggai ka tepantap ka lunas ujong kudong.\\nManggai di mambong lentor ujong,\\nSangking gerunong nyaris bemunyi.\\nManggai di kemunting lentor pating,\\nSangking keliling guong besi.\\nNya dipangkang Drasit\\nBujang mit burong lempong.\\nBini iya Endu Jemalai Jawa,\\nKe lelinga di dandang uma,\\nEndu Tengkuai Tangkai Padi,\\nKe engkilili tisi entara.\\nKati nuan enggau mandai kami Ke betandai nurun ngabang?\\nAku enggau laban aku nguyang padi bangang,\\nNgambika rangang pansut kandong.\\nAku ga gawa nguyat padi lensat,\\nLak ka lebat maioh begempong.\\nManggai di batang pungga pungkang,\\nBaka bangkang leka pelaga.\\nManggai di ungkap engkuang nyadau,\\nBaka kubau Imam Molana.\\nNya menoa dipangkang Rengguang,\\nKe betimang tumu pagi.\\nNya dipangkang Raja Suka Dana,\\nKe tau bekana landik besugi.\\nBini iya Endu Ensuring bekain tating jampat dani,\\nEndu Ensirau Kerangau dini hari.\\nAku enggau ngambika ngerak dara biak,\\nNgambika engkasak tumu berapi.\\nAku enggau gelai kita nandai,\\nDeka bambai bujang surang,\\nNgambika ngeragesai angkat dani.\\nManggai di Nanga Jambu Aka,\\nNumpu ka ulu Nuyan meranggang.\\nNya menoa Menggu,\\nKe bengat udu jelai berita,\\nNya menoa Menggong,\\nJelai ngelambong dinga\\nAri sabumbong maap menoa.\\nBetumpu alan enggau menoa Kop,\\nKe penganggup papong batang,\\nBetiban enggau menoa Ku,\\nKe penuju leka gumbang.\\nNya baru betebang bu menalu nusu,\\nNyadoh ka tuboh bala Anda Mara lalu ngetu.\\nOrang Lelaki Mandi.\\nNya baru tebang beleti tundan tinggi,\\nBala maioh ke betuboh belaboh mandi.\\nTak lalu mandi nyelam meh\\nAnda Mara Raja pengibai,\\nBa pendai anak mensia\\nke bekereja main begawai.\\nNyelam iya di kerangan lansar landai,\\nJari kiba iya tegenggam\\nka batu reba agang gemurai.\\nTunjok indu enggi raja datu\\nTetemu ka batu pupu gumbang bebungai,\\nLalu dibai iya tebelechut pansut beguai-guai,\\nLalu ketawa gaga deh\\nSamengada tangkai mengandai.\\nMua meh tuah orang ke empu rumah,\\nKe ngumbai kitai nandai.\\nTu ga batu perabeni ai mulai,\\nKe endang disadang enda dibai kitai pulai,\\nLaban iya ke disadang\\ndibai ngabang mansang nandai,\\nDikena kitai ngusai ka kuta piring rendai,\\nKe meletop balat tekesai munyi api makai,\\nKe nyerarai punggang pelamatang.\\nLalu mandi Anda Mara\\nRaja Jegedong di riam pala wong,\\nBa pendai anak mensia ke bempu kereja,\\nAri baroh singka miga begelong.\\nKa batu reba agang gemurang.\\nJari kanan iya tegenggam ka batu jadian,\\nSua gemian ikan adong.\\nTak lalu ketawa gaga meh sida mengada,\\nMeda pemanah tuah orang\\nke empu pendai pun kereja,\\nOrang ke betuah mua pemanah\\nTu ukai disadang dibai kitai pulai\\nKa menoa raya kitai\\ndi baroh bingkai langit gadong.\\nIya ga endang disadang kena kitai\\nNgusai ka kuta piring tepong,\\nDitambah ka enggau ai tuak padi rabong,\\nKe begamal libong-libong\\nba benong gelas gudang.\\nOrang Indu Mandi.\\nNya baru jepu-jepu apong tematu,\\nNyadoh ka tuboh mandi sida ke indu.\\nLalu pandi tipok meh anak Raja Tandok,\\nBa riam dalam di kaki lubok,\\nMunyi ke kena tutok ujan jarang.\\nLalu pandi empas bini orang tuai,\\nMunyi empas ujan sayang.\\nNya baru iya mugar panau bangi,\\nKe sajari nadai lapang.\\nNya baru iya mugar panau padat.\\nKe rapat kerak dulang.\\nEmpeliau pen nyau ngenong ga,\\nEnda agi kuau-kuau,\\nBegitang ari randau kubal tusu.\\nMeda likau panau\\nenggi anak Raja Timau,\\nBaka beliau api kelasau enggi\\nMengkau Manang Menani.\\nLalu mandi anak dara\\nDi riam ai dalam pala ulai,\\nDia iya lalu tipok kesai\\nmunyi telesai ujan sahari.\\nOrang Lelaki Begari.\\nNyadoh ka tuboh bepasok pekayan.\\nPekayan bala Anda Mara\\nChukop samoa nadai ke kurang.\\nMua pemaioh utai dikena sida\\nBetandai mansang ngabang.\\nLalu pasok ka Anda Mara sirat belachu,\\nRega nyatu kubal tusu.\\nBelit ka iya labong engkari,\\nRega wi rutan labu.\\nLalu pasok ka iya lelaga ngena,\\nRega Lilin pala madu.\\nOrang Indu Begari.\\nNya baru depor-depor betebang nyabor,\\nSida ke indu belabor besanggol.\\nNi sanggol ke manah simpul tau ditunda?\\nNi sanggol manah ke regah di puchok pala?\\nSanggol indu Laut enda tau ditunda,\\nTak kimut-kimut balut rumput sarang lita.\\nEnti sanggol indu orang ulu enda tau ditunda,\\nKelalu luchu nandok rusa.\\nSanggol orang empu gawai baru tau ditunda,\\nNya tak dinggai-dinggai baka penerebai burong bekia.\\nSanggol orang empu kereja baru tau ditunda,\\nKe manah baka mandong moa ngumba di pala.\\nNyadoh ka tuboh betinggal gari.\\nGari kitai ke basah tinggal barumah\\nJarah Kumpang Seladang.\\nGari kitai ke jai tinggal ka ba rumah\\nIni Jambi Alang.\\nNya baru bala Anda Mara ke sereta angkat bejalai.\\nDia sida bejalai guai-guai,\\nEnsara ka tatai madang sabang.\\nNyau ngenog bala Raja Jegedong,\\nKe lepong-lepong pematang pinang.\\nNyau ngetu lama nengkadah\\nBala Anda Mara Raja Tuah,\\nNinga rumah mua pengerichah,\\nKena tegah bala pengabang.\\nO mua meh pemaioh bala\\nAnda Mara Raja Jegedong,\\nMua pengena-ngena laaga tandok rusa,\\nKe betiga mengkang di kerubong,\\nTak besimpai ka taring uting babi kepong.\\nNya baru sida di peretang Rumah chundong\\nTak ngetu lama ngenong,\\nAsai sida ke meda bala\\nSultan Tuan Ensong,\\nKe betugong beranti di arong Batang Rajang.\\nNyau ngenong enda bemunyi meh,\\nSida di peretang rumah lelanji,\\nMeda bala Anda Mara datai pagi,\\nBisi sida nyau kesal di jungkal luak ati,\\nAsai sida ke meda bala Bantin seduai Ngumbang,\\nDeka nguji ka pemerani ati beranti di Mepi ulu Seriang.\\nNya baru bala Anda Mara\\ndatai diperetang rumah chundong,\\nKelalu dianti Simpurai seduai Tutong,\\nDeka ngelanggar sida enggau tuak padi rabong,\\nKe disua ka sida ngagai Anda Mara Raja Jegedong.\\nO, anang seduai baka tu deh wai\\nunggal Simpurai seduai Tutong,\\nNganti kitai lagi udah berintai dudok bebandong.\\nEnti ditu enggai ka kami abis rebah nyerungkong,\\nEnggai ka enda nemu pengujong penyangkai gawai.\\nNya baru angkat Ngelai seduai Renggan,\\nDeka ngelanggar enggau tuak padi rutan,\\nDeka nuntong ngagai Anda Mara Raja Jadian.\\nO anang baka tu kita akan Renggan,\\nNganti kitai udah berintai dudok betipan,\\nEnti ditu enggai ka kami rebah tetungkam,\\nBaka ikan parai ditubai.\\nBejalai niti sentali arong ruai,\\nMensara ka rintai bala pengabang.\\nLalu angkat sereta bala Anda Mara,\\nKe sama-sama betambak singkang.\\nNya baru tak begusak deh\\nperetang rumah pandak,\\nKena entong bala Anda Mara\\nke mai batu unak jelai samadang.\\nOrang ke buta tak nyau tau meda,\\nLaban Anda Mara mai\\nbatu leka mata undang.\\nOrang ke kait nyau tau bejalai,\\nLaban batu bingka pugu senggang.\\nOrang ke ngandong pen nyau beranak,\\nLaban Anda Mara mai batu bingka lia samadang.\\nBala Anda Mara ke datai berengkah dudok.\\nLalu besarok dudok nyuntai\\nBerimbai enggau orang ke pugu pun gawai.\\nIndah enda baka lamba Tapang Bekumbai,\\nTumboh di keruntok Delok tebing saberai,\\nKe ditepat ruat madu nyangkai.\\nKeba deh tiap hari nyelinting lemai,\\nlya ke bemunyi rengai-rengai,\\nMesan ka pesarai tali tekang.\\nNya baru nyau berintai dudok bebandong,\\nDeh Anda Mara Raja Jegedong,\\nIndah enda baka lamba Tapang Betenong,\\nDitepat ka ruat madu nyengkong\\nKe rengai-rengai inggar rarengong,\\nMinta bejong enggau lumpong lalis belemang.\\nNyadoh kitai betuboh nanya ka berita.\\nTu baru aku nyau ka betimbang,\\nKa kita ke pengedang tat ing jala.\\nKe taja serap-serap nyerangkap\\nTu baru aku nyau deka bebandi,\\nKa kita ke lelabi indu gumba,\\nNyungkap di randu ungkap dalam.\\nTu baru aku nyau ka nugong,\\nKa kita ke remaung jelu sana,\\nNegong di tuchong Rabong Rabungan.\\nTu baru aku nyau deka bepanah,\\nKa kita ke tuai rumah,\\nPengempong perabong punggang pelabungan.\\nTu baru aku betemu ka kita\\nPenghulu tunggal raja,\\nKe di-iru dipadu tuan.\\nTu baru aku deka berimbai ka kita\\nKadua nama iya Simpulang Gana,\\nKatiga iya Raja Juntan.\\nTu baru aku nyau deka\\nnugong ka kita ke ketupong,\\nKadua iya Burong Gaga,\\nKatiga iya Aki Lang Menaul Buban.\\nTu baru aku nyau deka bepagah,\\nKa kita ke Raja Tuah,\\nKadua iya Anda Mara,\\nKatiga iya Raja Nuyan.\\nTu baru aku nyau deka berimbai\\nka Raja Selampandai,\\nKadua iya Biku Bunsu Petara,\\nKatiga iya Raja Pantan.\\nTu baru aku nyau deka besendi ka Ini Menchi,\\nKatiga iya Ini Andan.\\nTu meh samoa kita ke berimbai dudok betipan.\\nNama berita kita deh aya apai Nawa,\\nNuan ke nyulut buban di puchok pala?\\nO tumu ga kami ngejang\\nka penyarang rumah lada,\\nTang kami suah ngetu ragak lama,\\nBa tembawai rumah lama kitai dia\\nBa rampa Nanga Nuyan,\\nNya tembawai rumah panjai kitai menya,\\nLeboh kitai ke agi dipegai\\nSida mengandai karong menyimpan.\\nTang dia kitai besarara laban udah\\nbelaya ngelaban pangan,\\nBerebut ka batang kemantan bulan,\\nNyau bechara ba moa Raja nunga tuan.\\nKeba deh batang kemantan bulan,\\nNya nyelai lain macham,\\nBatang iya engkabang puchok iya tegelam,\\nDaan siti iya lekat engkeranji champor sanjan.\\nNya ga ditanam aya Apai Jangkam Bulan,\\nKe digelar orang Bujang Sungkak Ripang.\\nKo Simpulang Gana iya ga empu leka,\\nBai iya ari singka miga beriran.\\nKo Manang Guyak iya ga empu tambak,\\nBai iya ari awak langgai Kayan.\\nKo Aki Lang iya ga empu tampang,\\nBai iya ari simpang langgai Menalam.\\nKo Singalang Burong iya ga empu paung,\\nBai iya ari kebong langit beriran.\\nKo Ini Menchi iya ga dulu nyereki,\\nNgena badi besi tajam.\\nTang deb laban iya ka keih agi,\\nNyau mai ka ai main beselam.\\nKo Selampandai iya ga pun penatai,\\nUlih iya nyamah nyapai,\\nBa punggai moa putan.\\nKo Raja Tandok iya ga empu sumbok,\\nUlih iya ngerok di Lubok Nanga Nuyan.\\nKo Ini Manang Mepa iya ga empu ari kalia,\\nUlih iya bedua enggau Ini Andan.\\nKo Apai Keling iya ga dulu minching,\\nBai iya ari Tinting Aur Gangging,\\nKe teling-teling teman lengan.\\nKo Apai Tutong iya ga dulu nanggong,\\nBai iya ari Gelong Batu Nakong,\\nUlih iya nyamah nanggong di siong moa putan.\\nNya kabuah Raja Simpulang Gana,\\nRari ka tingkah tanah rata,\\nNaban ka rembia padi rutan.\\nNya pun Singalang Burong,\\nRari ka kebong langit gadong,\\nNaban ke gupong igi mudan.\\nNya pun Raja Selampandai,\\nRari ka tanah matah landai,\\nNaban ka ubat besai batu putan.\\nNya pun Manang Bidu,\\nRari ka tisi langit lelendu,\\nNaban ka gerempong ubat gayu,\\nKe beperigu pampang saribu,\\nNgasoh gayu sampai ka buban.\\nNya pun Manang Chelong,\\nRari ka tisi langit gadong,\\nNaban ka lupong kulit enteli tanam.\\nNya pun apai Keling Gerasi Nading,\\nRari ka Tinting Buloh Laing,\\nNaban ka taring uting lunchik juring,\\nKa penyelinting pengerurus tikam .\\nNya pun apai Tutong,\\nPulai ka Gelong Batu Nakong,\\nNaban ka siong raban putan.\\nNya pun Anda Mara,\\nRari ka gilik tasik raremba,\\nNaban ka pengeraja batu sengkaan.\\nNya alai semina tinggal kita mensia,\\nAgi nyaga nguan pengkalan.\\nNya alai enti begawai,\\nKitai agi semakai bambi pangan,\\nDitebah kita gendang rayah,\\nKe dipalu inggar dederam,\\nNya alai ngabang magang kami,\\nTang suah rindang beranti pangan.\\nAri nyin kami bejalai,\\nLalu manggai di belakang tinting,\\nKe alai kami lama gining-gining,\\nLama nganti Bujang Chaling,\\nKe rebah tebimbing,\\nNgema taring babi dupan.\\nUdah nya datai kami ba tanah lada’,\\nDia kami lama ngetu telengga,\\nNganti menantu aku Raja Maga,\\nBawir ka kanan rebah ka kiba,\\nNgema pampang tandok rusa,\\nUlih nyakang enggau sanga pedang tajam.\\nNyau datai kami ba temuda babas repa,\\nDia kami ninggal ka taring uting babi dega,\\nNabat sida endu teruna dara nganta,\\nBisi turun ka damun ngambi lemba,\\nKe dijila di pun daan.\\nDatai kami ba rapi tisau babas,\\nDia kami ninggal ka taring uting\\nLunchik juring ujong kilas,\\nNabat sida endu teruna dara bagas,\\nBisi paas ngelaban malam.\\nNya datai kami ba telok lubok,\\nDia baru kami ngetu dudok,\\nNabat sida endu teruna dara gauk,\\nBisi merebok ka genok labu tanam.\\nAri nya baru kami niki\\nEnggi kita ditu tadi wai,\\nKe endor kami ninggal ka ubat besai,\\nBa tikai di sebelah ruai,\\nTang enti kita nadai nampai,\\nNyangka iya agi lindong kitai\\nKe datai saribu kaban.\\nDalam pandong endor kami maioh nugong,\\nDiserayong enggau belumpong bali berinjan.\\nTang enti kita nadai nentang\\nIya enggau bulang mata kanan,\\nNyangka iya agi lindong lemambang\\nKe ninching batang temiang begeran.\\nEnti nyau lengka pengawa sangkai gawai,\\nTindok kita malam ila,\\nNya baru kita bisi mimpi\\nNyandau hari ke tedani tandok ngenggam.\\nBisi meh aku tadi mai ka nuan,\\nSaleka buah kemantan bulan,\\nNgambika anak-telesak uchu-ambu,\\nKaban-belayan enggi nuan ila,\\nLandik bejako tau ka chuan,\\nLalu sajeman lebih ari orang.\\nO enda aku busong ngelanggah gunong,\\nEnda aku laya mansa moa,\\nTu ga endang adat kami\\nanak Bujang Kengkang Laba,\\nNyangkai ka gawai nembu ka kereja.\\nUji nginsit mimit deh nuan wai\\nrarit baku temaga,\\nUkai aku enda nabi kita deh kandi,\\nMasa kita di moa,\\nEnggai ka kita kena sipat mengkalat buloh bala.\\nEnggai ka nadai jalai anak lemambang,\\nKe bejalai kayak-kindang mansang nenjang,\\nKita enggau batang temiang buloh bala.\\nUkai enda samoa kita\\nke berintai dudok besila,\\nNya berimbai enggau\\nBujang Rangkang Kirai\\nseduai Raja Anda Mara.\\nKeba deh paah enggi nuan\\ndi-imbai Raja Tuah,\\nKadua nama iya Ansang Rengaya.\\nKeba deh patong nuan ka betigong\\nenggau Singalang Burong\\nke digelar Aki Lang Menaul Banda.\\nKerigai mudai enggi nuan wai\\nDi imbai Selampandai,\\nNya ke enggau nuan besendi\\nka labong surong baya,\\nNya orang ke enggau nuan besarok dudok,\\nBepangkang ka pengedang baku jelapa.\\nAri nyin tadi lama aku udah meda kita ke bekalenggi,\\nBaka kayu sawi tumboh di tebing ai rapi mentara.\\nAri nyin tadi lama aku udah meda kita\\nKe linga-linga baka kara di ulu dia,\\nPangka ka bua angin reraga.\\nAri nyin tadi lama aku udah nentang,\\nKita aya jang ke dudok bepangkang,\\nBaka lamba tapang undang,\\nKe di-inang Bujang Raja Rembia,\\nKe masai ditepat ruat tali pesara,\\nKena pangka bara sempun mengkajang.\\nAu, enti pemanah kita nadai ngilah sama sabaka.\\nEnti bela baka barang\\nkita tak sama sagudang sabaka rega.\\nEnti baka buah\\nkita nya asai ke sakali ngekah saum leka.\\nEnti tuboh kita enda bula maioh,\\nTang asai ke siko sama sanama.\\nNya alat sayau dimbu kasih lupu meh tudah aku,\\nTu enda pandai ngadu ka gentelu nusoi berita.\\nSayau lambu meh aku tu,\\nEnda tau bejako ka utai\\nke dikerindu manah didinga.\\nTang tu tak semina nyangkai,\\nKa pengawa gawai nembu ka kereja.\\nEnti baka agi kalia menya\\nnemu ga aku nyema,\\nKa suli lepi labong enggi kita,\\nKe bepuncha dua betentang.\\nEnti baka kitai gawai gaga,\\nRindu ka pugu buloh bala,\\nEnti kitai gawai besai niri\\nka tangkai isang nyerabira,\\nNemu ga aku nyema ka kita,\\nNgagai selanjau ijau manok banda,\\nDi binching Keling di sabong Laja,\\nlya ke ditandang seduai iya\\nka simpang Rajang Nanga Melaga,\\nIya ke dibai iya melit bukit ngelingkong menoa.\\nDin alai kukok iya inggar rerauk,\\nMunyi ke nyentok ka rayok miga segala.\\nDia sayap iya balat mengkebap,\\nMunyi ke nyentok ka pesedap Bulan peranama.\\nKeba kaki iya ke di-ungki enggau taji jengku temaga,\\nKe bebulang ka benang sua Kumang Dara Charida.\\nTak ka sakali mintih balat nekan,\\nPeda tak parai lalu tetungkam manok\\nKejaman Nanga Pila.\\nTang dini nya deka nyadi disema aku tunga kia,\\nLaban tu ukai gawai Aki Lang Nyakai Menaul Banda,\\nLaban tu gawai tiang alai kitai nyapa Raja Anda Mara,\\nNya alai pesuli lepi labong surong baya enggi kita,\\nTak di sema aku ngagai jenuar kapal Johara,\\nKe bejalai abis menoa ngundan soldadu Tuan Raja,\\nNya orang ke ketawa gaga niri ka menira,\\nKa tanda dunya menang beperang.\\nNya alai lama kitai tu udah besarok dudok\\nenggau Bujang Ansang Rengaya,\\nNya alai iya nyau ka ninggal ka kita\\nperepat ubat ngasoh raja.\\nNya alai ba tapa kiba kita endor iya\\nngelengka ka batu pangka bena,\\nUlih iya nyamah di jerua pasang raya.\\nBa tunjok anak kita ditinggal ka iya batu unak,\\nKa pematak ngasoh kaya.\\nBa jari tunjok megai ditinggal ka iya semilu batu ulai,\\nNyaga ubat besai kepenatai jalai raja.\\nNya alai ngasi meh ubat kami ari Melawi gulai tuba.\\nMunoh meh tu ari ipoh lulap Memaloh ulu Melaga.\\nEnti nyau sangkai gawai abis kereja,\\nUkai enda tu diuji ka nuan Mangun pun getah pera.\\nJari kanan enggi nuan diuji\\nKa nuan nanam tambak lada,\\nKe besai jampat berega,\\nDitemu China di undang orang dagang.\\nUkai enda iya lalu ditepan ka orang\\nDiluan kapal Johara,\\nTak lalu cherit-cherit moto spit,\\nNgundan ringgit wang bunga,\\nTak danggang-danggang kapal dagang,\\nNgundan tekang gempanang mas jera,\\nNepat pangkalan enggi nuan\\ndi Batang Paku raremba.\\nNya ke ngasoh nuan jelai tampak berita,\\nKe tinggi tampak nama,\\nKe segenda lebih ari orang.\\nNya alai kita ke sama bela,\\nKe sama ketawa rindu gaga nya nyau nanya,\\nKa kabuah nuan terangkat jampat raja.\\nBadu enda meh kami ga udah begawai,\\nNgambi Raja Pengibai seduai\\nBujang Anda Mara,\\nKe alai iya meri aku ubat pematak reta,\\nUbat pemandang batu bintang.\\nLama aku udah rengkong-rengkong,\\nBepalu ka sengkutong paung tubai,\\nKe udah disamak aku\\nenggau belabak minyak pugai,\\nKena aku mansut ka sida\\nIndai endu teruna dara pandai.\\nTu baru kita nyau besarok dudok berintai\\nke berimbai dudok bedenjang.\\nUji nginsit mimit nuan rarit baku tantai,\\nUji nyeliah nuan pelabah karong buah pinang tuai.\\nEnggai ka nuan kena sipat embat\\ntungkat mengkalat buloh kirai.\\nEnggai ka nadai jalai anak Bujang\\nTangga Lulai tu,\\nMansang nenjang kita indai Kumang,\\nKe reringang dudok berimbai.\\nTang sapa deh orang ke di kedeka kita,\\nEnggau kita betunga dudok berintai,\\nEnti kita malu madah ka enggau\\npenyunggah dabong landai,\\nEnti kita deka tau ga kita ngena,\\nTang enti enggai tau ga nya di buai.\\nUkai enda moa nuan nya\\ndi-imbai bini Anda Mara,\\nKe digelar aku Bujang Anda Pengibai.\\nAri belakang nuan disendi Indai\\nKumang dara Jawai,\\nNya kita ke sama berintai dudok bedenjang.\\nNya baru tak nyau telengga aku meda kita,\\nKe lama udah aku tampai.\\nLama ga aku udah bayam kita,\\nEnggau pensingan dabong landai,\\nKita ke begamal lenggi-lenggi,\\nBaka kayu sawi tumboh di ai rapi umai.\\nAri nyin tadi lama aku udah meda kita,\\nKe berintai dudok betunga,\\nKe begamal mua pengena,\\nAsai ke meda kara dulu dia,\\nPangka ka bua biau-balai.\\nAri nyin tadi lama aku udah\\nNentang kita indai orang,\\nAsai ke meda lamba batang tapang,\\nKe begamal ringang-ringang,\\nKena tepat idang madu nyangkai.\\nNya alai enti bela baka barang,\\nKita tak asai ka sama sagudang saum kedai,\\nEnti bela baka pinang kita,\\nTak asai ke saum gagang sama satangkai.\\nEnti disema ka aku ngagai buah,\\nKita tu enda bula maioh,\\nTang asai ke siko saum apai.\\nNya alai tak sayau lupu kasih dimbu tudah aku,\\nEnda tau ngelulu ka kita enggau gentelu jako panjai,\\nEnda tau ngelulu ka kita ngena jako nyampau di rambai.\\nEnda aku nemu tunga diri nyema ka\\nanak lepi sanggol silai enggi kita wai,\\nEnti baka agi kalia leboh kitai ke agi\\nrindu ka pugu aur kirai,\\nNyau meh aku nyema ka iya,\\nNgagai rampai terabai niang Linggir aki Sawai,\\nKe putus tekusai jai rampai,\\nDikena iya begagai di sungai Sugai langkang,\\nEnggau agi ga ka dikena iya nyerang\\nBugau Batang Empanang.\\nTang iya enggain nyadi disema aku kia,\\nLaban tu ukai gawai Ketupong seduai Beragai,\\nLaban munsoh tu nadai agi bebunoh ke nyadoh menoa kitai,\\nNyau nadai alai anak lelaki agi nguji ka pemerani ati mutus makai.\\nLaban menoa diatu udah meredeka,\\nNyau betukar Raja megai kitai.\\nKadua agi laban tu gawai Anda Mara Raja Pengibai.\\nGawai Raja Tuah ke mela rumah,\\nNgambika kita mudah bulih utai.\\nNya alai ke tu nyau lama meh,\\nKitai tu udah betunga dudok berimbai,\\nEnggau bini Anda Mara Raja Pengibai,\\nTak nyau penat meh kita di rakat kaki bejalai.\\nNya alai aku nyau nyangka\\nBini Raja pengibai nyau beati deka pulai.\\nNya alai iya nyau ka ninggal ka kita,\\nUbat serangkap genap saribu gulai,\\nBatu seregang pasang mulai,\\nEnggau batu pupu gumbang bebungai.\\nNya alai ngasi meh ubat kami,\\nDatai ari Melawi tanah bukai.\\nBisa meh ubat bini Anda Mara,\\nKena matak perengka bulih penyamai.\\nMunoh meh tu ila ari ipoh digaga Maloh ulu Mandai.\\nNya alai lengka ka aku dulu jako nya,\\nEnti gawai kitai udah sangkai,\\nNya baru nuan nguji ka pengasi ubat pandai.\\nUbat enda rarat batu pukat empelawa sungai,\\nKena nuan negi ka lebor api ari pagi\\nNyentok ka lemai tebuka ari tendai.\\nDia buah iya naka pemanah.\\nBa punggang pua sungkit nuan nya,\\nEngkah ka nuan gambar gajai langit,\\nBetunga moa enggau Apai Sabit Bekait.\\nEnti siang hari pua lebor api nuan nya,\\nTau bemunyi sengit-sengit.\\nEnti malam pua bali berinjan enggi nuan\\nTau demeram inggar cha-cheit.\\nKeba alai punggang ampang pua mengkudu nuan,\\nNya ka dipuji lumor satu,\\nBa tengah engkah ka nuan gambar gajah gajai antu,\\nEnti malam iya tau demeram inggar demeru,\\nEnti siang iya tau betimang nyaris nyeru.\\nMunyi ke minta sapu ka empurong bebulu,\\nKe datai ari ulu langgai Timai.\\nNya alai ko kita ke indu ke sama begempuru,\\nGaga ria sama rindu bayam megai,\\nKati alai nuan wai tak lebih nyulut pandai?\\nPia ko tanya indu kita di sakayu antu rumah panjai.\\nUkai enda bisi kitai tu ila deka betelandan ari pua nuan,\\nIya ga laban kitai tu udah niri ka gawai besai,\\nBepangkong ka tiang rumah panjai.\\nLeboh nya aku bisi udah besarok dudok,\\nKe meri aku petatat ubat pandai,\\nNya ke ngasoh aku berupai lebih ari orang.\\nNya ke ngasoh berita aku sedura jauh jelai,\\nKeba alai pua aku nya tak luya enda berasai,\\nLaban iya udah di-injau Pungga seduai Ngelai,\\nKena sida nyerayong pamping piring rendai,\\nLeboh sida ke begawai besai begendang tiang.\\nUji nginsit mimit nuan rarit baku tanggong,\\nUji nyeliah nuan buah pinang ipong.\\nEnggai ka nuan kena embat tungkat mengkalat buloh laung,\\nEnggi anak Bujang Lemambang Kuang Kepong,\\nMansang nenjang kita ke betentang dudok bebandong.\\nLaban lama anak Bujang Lemambang Kamba,\\nTu udah meda kita endu teruna dara nganta,\\nEnggau rampa malik ngenong,\\nLama aku udah merening kita enggau jeling mata menchenong.\\nLama uman aku udah bayam kita endu teruna dara ganggam,\\nEnggau geman tengkurong rekong.\\nTang anak Bujang Lemambang Kesuie,\\nTu nyau nangi di ati arong beradong.\\nLaban lupu tu nyau mansang malu,\\nDi lempedu karong jantong.\\nLaban tinda tu nyau berasai kawa,\\nMeda kita ke bejumpa dudok betugong.\\nTang kati ko aku enda nenjang,\\nNuan deh endu Kumang Dara Lempong,\\nLaban nya endang pantang,\\nKami anak Bujang Lemambang Luong,\\nKe baru datai ari menoa raya kami\\nKe di Tanjong ngelong bekumbang.\\nNya alai sapa orang ke deka diadu ka aku,\\nDudok berimbai enggau nuan di kerigai rusok rimbong?\\nSapa orang ke di telah aku enggau dilah tengkurong rekong?\\nSapa orang ke diasoh aku enggau nuan\\nBetinggang paah betigong patong?\\nNya alai ari kanan nya engkah ka aku\\nEndu adi Renggan seduai Endu adi Tutong,\\nNya ke dikumbai orang Endu Dara Lulong,\\nIndu ke datai ari Gelong Batu Benang.\\nNya alai ari kiba nuan nya,\\nEndu adi Maga seduai uchu Raja Durong,\\nNya indu ke sama baru datai,\\nNyerumba karau betenggau ka beliau lampu gantong.\\nAri menoa raya sida iya,\\nAri Letong Jalong Temaga,\\nKe lepong-lepong nuju ka munggu,\\nKena gulu antu menteli lelaki.\\nBesambong ulu betemu nanga,\\nEnggau letong tambun miang.\\nNya ga lantang anak Raja Pengibai,\\nUchu umbong Raja Durong.\\nNyadi ari moa nuan nya imbai anak Anda Mara,\\nBaka peranama kembong begantong.\\nNya alai tak begamal melan-melan meh kita enam,\\nDudok di pandan tikai tampong.\\nTak linga-linga meh kita lima,\\nNyemela ka janga bau nyurong.\\nKita ga disema ka aku indah enda\\nBaka kara nangka ke tumboh di ulu dia,\\nWan Diba Gerasi Kamba dijarau Jimba,\\nDipangka ka bua angin nyabong.\\nTak lenggi-lenggi meh kita ke besendi,\\nBaka kayu sawi ke tumboh di ill,\\nDi rapi ai tanah bedarong.\\nTak ringang-ringang meh kita Endun Kumang,\\nBesendi ka lepi sanggol lintang,\\nIndah enda baka puchok tapang begayang,\\nTumboh di gentigis ulu Rajang,\\nPuchok iya ke nempayang ka Badang,\\nNungkam ka Kayan Uma Lesong,\\nKe lalu ditepan idang madu ranggong,\\nEnda kala ngelaong ka bulan nyelinting kembong,\\nEndor orang ngulor rintong pangka bara sempun mengkajang.\\nNya alai kasih lupu tudah aku tu,\\nEnda nemu ngadu ka perambu jako beritong,\\nLaban lambu aku enda landik bejako,\\nNgelulu ka nuan enggau serengu tengkurong rekong.\\nLaban randa aku enda nemu nyema\\nKa nuan ngena jangka serengong idong.\\nEnti sema kitai tu gawai Beragai,\\nGaga ka tangkai isang begempong,\\nEnggau gawai Aki Lang Singalang Burong,\\nGaga ria rindu ati,\\nMela igi begemi balang bedabong,\\nNemu ga nyema ka selangkoh tuboh Lempong,\\nEnggau salepi sanggol gantong enggi nuan endu,\\nNgagai perau indu bangkong,\\nEnggi Linggir laki Anong,\\nDikena iya nyerang Badang langgai Mengiong.\\nUkai enda pulai nya kitai sama ninga rita,\\nPerau Linggir laki Anong,\\nKe begamal lepong-lepong,\\nUjak gerempong isang kelakuyang.\\nTang kati ko lambu aku ngelulu ka nuan tunga kia,\\nEnggai ka tak salah sangka,\\nDidinga kitai ke sama betunga maioh betugong.\\nTang tu ga gawai gaga Raja Anda Mara,\\nKe mela rumah landong,\\nGawai besai Andai Pengibai,\\nBepangkong ka lamba tiang bumbong.\\nNya alai lengka ka aku genteran jako nya,\\nLaban aku nyau ka ngenang pengawa,\\nSida mengua karong kerubong enggi nuan,\\nAri terubah tinda iya ke baru nyera,\\nKa nuan di dada arong jantong.\\nUkai enda leboh uman iya,\\nKe tetengok ka asam maram sagupong,\\nLeboh jayak iya ke tetengok ka jerok asam kundong.\\nLeboh lumbi iya ke baru nemu diri\\nBetuboh bisi berasai ngandong.\\nNya baru gumi iya ke bepenti,\\nMali makai lelabi ulih nyintak di buli kaki wong.\\nLeboh jamat iya ke bepenti mali nakat ai rarat,\\nEnggau mali nyimpong randau begantong.\\nNyau chukop ka semilan bulan nandan kembong,\\nNya baru tinda nuan ada tak kela nyabak kekaung.\\nLalu diterantang ka orang sebang,\\nDipangkong ka orang tutong.\\nDia belakang indai nuan endu,\\nTak rendang-rendang mandang bedilang api belambuong.\\nPunggong enggi iya dibejong enggau lumpong tekalong pengerang.\\nNya baru nuan lalu disungga ka sida di pala dulang midong,\\nUdah nya baru sida ngujok nuan endu,\\nEnggau pelepok ampang belumpong.\\nNyau chukop sabulan udah nandan kena itong,\\nNya baru sida mengandai karong kerubong,\\nMari nuan mandi di tempiri Panchor wong.\\nKe lalu dipamping orang enggau piring sungki tepong,\\nChukop ranggong nadai ketimpang.\\nDatai nuan di ai lalu disampi ka Menani Manang Keliong,\\nEnggau lalu dibunoh ka orang serenti babi kepong.\\nLalu disandik orang nuan endu,\\nDinga tak taung-taung pangkong gendang sida ke bujang.\\nNya baru orang nyungga nuan ka ai,\\nBa reni pala wong.\\nDia nuan ko jako sida bisi burong,\\nJeritan Bejampong digelar Bujang Geliga Tandang.\\nNya alai lalu dikenang sida ngagai Aki Balang Saribu,\\nManah ko sida ngayu ka nuan gayu-guru,\\nSereta enggau betuah panggong beruntong.\\nNya alai pulai nya lalu digaga ka Balu Jantau nuan endu,\\nPanggau ke bekubau tuntun punggong,\\nDia nuan lalu digali ka sida ba tikai bembai kampong,\\nKe alai orang nelah nuan Saripah Dayang Anong.\\nNya ga namang bini Bah Duli Abang Kichong,\\nOrang ke tau ngelumpong tekalong\\nKe bemunyi taja rengong-rengong,\\nJadi sengkilong tedong tiang.\\nSapa orang ke patut sabaka nama,\\nEnggau iya pia ko jako sida ke gempuru,\\nDi sakayu antu rumah chundong.\\nKe tau sabaka enggau iya ga,\\nEndu Sudan Berinjan Bungkong,\\nIndu ke di kebong langit landong,\\nNya ga bini Singalang Burong,\\nKe digelar Bujang Aki Lang.\\nKeba alai genturan papan timpu enggi nuan endu,\\nLinggam seram linsu kapu,\\nKe beukir neladan liku entadu mambong.\\nNya ga dibatan tukang Laut Lundu,\\nOrang ke datai ari ujong Tanjong Datu,\\nPenyaga indu penyu melepong.\\nKeba deh genturan papan pansap,\\nEnggi nuan Endu Endat,\\nLinggam seram linsu chat,\\nBukir senagir nisik kepiat,\\nDigaga Puntang Medang seduai Bujang Sera Kempat,\\nKe datai ari tanah matah lengkap,\\nTumboh pun buloh amat buku serekat,\\nRuas ka satempap ngujong kudong.\\nGenturan papan pelangka enggi nuan endu,\\nLinggam seram linsu jera,\\nDigaga Pungga seduai Laja,\\nKe bukir senagir manah baka,\\nNelandan gambar ular naga,\\nBetegam moa nyurong ka patong.\\nNya baru tembai nuan pen nyau besai,\\nNyau enda agi tindok begulai enggau\\nSida mengandai karong kerubong.\\nDia tinda nyau dara ka raremba benong rarenjong.\\nNya alai tilam pen enggi nuan,\\nNyau nyeruran di lungan kurong kibong.\\nPenindok enggi nuan nyau besarok,\\nEnggau pesepok bunga balong.\\nNya baru rita dara nuan endu,\\nNyau sedura jauh ngelambong.\\nNya alai dulu nemu deh bujang kitai Paku,\\nNyau ati deka ngintu nuan,\\nKe tindok di perambu papan gantong.\\nNya alai lalu ninga berita,\\nBujang sida Batang Kaba,\\nLalu nyuong bujang orang Krian,\\nNgumbang tiban pala wong.\\nLalu bisi ati ngabas bujang sida Rimbas,\\nKenyau ari Mendas nyuong Rapong.\\nBujang sida Awik pen nyau beati malik,\\nAri pechik gilik wong Belayong.\\nBujang sida Sabelak pen nyau sama ka jinak.\\nSamoa ke ari ulu sebak pasang nyurong.\\nBujang sida Layar pen nyau bisi ngampar\\nari senggal urong Betong.\\nSamoa orang ke dikejako ka aku tu,\\nNya orang ke bisi pengerindu,\\nDeka ngelumu ka bunga kapu,\\nKa ngempong bunga belitong,\\nEnggau perampang bunga balong enggi nuan endu.\\nTang siko pen nadai ga sida datai,\\nLaban takut ka sa mengandai karong kerubong,\\nNuan ke endang bisi orang dianti,\\nOrang ke udah diambu sida enggau jako,\\nDalam kuyu tengkurong rekong.\\nNya alai ko jako tangkai mengandai karong kerubong,\\nEnggi nuan disema ka sida,\\nNgagai pengawa orang ke kalia,\\nEnti enda orang ke repa paah kiba lindong laban jabong,\\nEnda tau ka laki anak kami.\\nTang kamaiatu agi ga iya ngaku,\\nSemina iya enda berapa agi ngambu.\\nTang kabuah aku nyema ka iya kia,\\nLaban pengawa kitai Dayak enda agi baka nya,\\nLaban kereja kitai ke kamaia\\nTu nyau bisi bida jauh ngelaung.\\nLaban menoa kitai udah meredeka,\\nKena pegai Sultan Tuan Agong.\\nNya alai utai ke niat ka sida\\nMengindai tangkai mengimat,\\nNya orang ke landik di pesingan jari empat,\\nTau bejalai ka pensil ai dawat,\\nNulis surat ngechap adat,\\nKena ngingat ka sempekat jako kelaung.\\nNya alai orang ke ko ati sida nemu ga kami,\\nPia ko jako sida melanyi Bujang melinsa.\\nOrang ke udah ditandang ka besekula,\\nKa Ai-Rupa kilah China nengeri Hongkong,\\nNya baru tau ka laki anak kami,\\nLaban medong iya ke dikarong Singalang Burong,\\nDigelar aku Bujang Aki Lang.\\nNya alai seruran tusah ati meh\\nSida melanyi Bujang Bungah,\\nKe apin suah ninggal ka seregah rumah landong.\\nNya alai nyau malu meh bujang kitai Paku,\\nSamoa ke semina nemu nengeri Betong.\\nNya alai seruran irau ati sida Bujang Tatau,\\nDeka sida ngeregau takut kena tikau\\nSida mengandai karong kerubong enggi nuan,\\nNya alai sida semina nyema\\nka selangkoh tuboh lempong enggi nuan endu,\\nNgagai sumbu lampu bekurong,\\nKe taja renjong-renjong,\\nBaka sempayong tampak terang.\\nTang agi ga nuan disema ka sida\\nngagai runggut jejabong,\\nLekat diujong sarang pedang.\\nEnti nuan nyau penat di rakat pala patong,\\nLaban lama kitai tu udah berimbai\\ndudok di ruai anchau tikai tudong long,\\nLama kitai tu udah besendi ka lepi sanggol gantong.\\nKami nyau madah ka diri deka pulai,\\nKa menoa raya kami di kebong Langit gadong,\\nKena kurong sempayong pagar bintang.\\nNya alai ba jari kiba enggi nuan endu,\\nDitinggal ka adi Raja Maga tandok rusa,\\nKe lalu digembar iya enggau batu bena,\\nUlih iya ngambi ngama di ai nyambar mangka,\\nKe di reba pala apong.\\nNya ga ubat enda menawa,\\nKena muru ngebu ka antu penyakit pada,\\nNgambika iya rari belanda Ka rampa madang mulong.\\nBa ujong tunjok jari tigai enggi nuan endu wai,\\nDiberi Endu adi Sigai taring uting\\nLunchik juring babi ngelampai,\\nDigembar iya enggau batu pupu ai sungai,\\nNya ga ubat besai ka dikena bumai matak dandang.\\nNya alai taun ke agi tu ila badu kitai agi kudi,\\nManah kita ari taun ke udah.\\nLaban kitai tu udah bedenjang,\\nEnggau anak Bujang Lemambang Kuang Kapong,\\nNya ko jako sida ke indu,\\nDi sakayu antu’ rumah jebong.\\nLalu angkat Lulong seduai Endu adi Laja,\\nLalu ninggal ka nuan genselu batu\\nLua Bunsu Burong Gaga.\\nKe lalu digembar seduai enggau pemandang batu bunga.\\nKe lalu diterima nuan enggau tapa jari dua,\\nUkai enda batu lua Bunsu Burong Gaga tu ila,\\nKena tinda nuan ke bekereja megai ubong.\\nNya ke disua ka Endu adi Pungga ngagai nuan,\\nBatu bingka lia jerong,\\nKe diterima nuan enggau tapa ujong kudong.\\nNya alai ka jako endu adi Pungga,\\nUbat tu maioh guna besai empa,\\nEnti nuan udah chukop umor ngereja pengawa,\\nNgambika nuan tau belaba ka ai lia\\nNya alai ubat padi udah chukop kami bagi.\\nKo jako Endu bini Aji seduai Endu bini Durong.\\nUbat pandai pen wai ko jako Jawai seduai Lulong,\\nUdah ga chukop kami tinggal ka,\\nDikena nuan ngaga belulai bali belumpong.\\nUbat pemandang pen wai nya jako Mendong seduai Kumang,\\nPen udah ga ditinggal kami ka nuan batu buah pinang ipong,\\nNya ga ka pemandang pematak bujang,\\nLak ka sida kusang di lempuang arong jantong.\\nTang ubat tu anang nuan guai nyimpan,\\nPia ko jako endu adi Renggan,\\nAnang nuan guai nguan,\\nBeri nuan soh sida mengua karong kerubong.\\nSemina batu lia enggau batu buah pinang puda,\\nNya taroh nuan dulu,\\nKena nuan nyemela ka tampok lemba,\\nBaka pala impun melepong.\\nNya ga ka pengarawang ati,\\nNgambika nuan jampat mereti,\\nDikena nuan negi ka menyeti bali belumpong.\\nAwak ka nuan enda malu laban diri sama bela,\\nEnti nuan ngereja pua ngaga ubong.\\nBatu buah pinang ipong tu,\\nBaru tau kena nuan gawa besahari-sahari,\\nSeruran digenggam nuan ba tangan ujong kudong,\\nLaban iya besai empa,\\nUkai semina kena mandang kaban bujang,\\nNgambika iya bisi ngundang nuan di simbang papan simpong.\\nTang lak ka tinda nuan lalu beberita jelai ngelambong,\\nNgambika jayak nuan tampak didinga orang,\\nKe kena sintak awak Sarawak matong.\\nLak ka gumi nuan temu orang nengeri,\\nLalu tau enggau orang nyambut bini\\nTuan Menteri Datu Temenggong.\\nNgambika medong nuan enda lindong bebandong alah laban orang.\\nNya baru uman nuan tau enggau orang nabi tangan\\nSultan Tuan Agong ngena tapa jari ujong.\\nTapa kiba enggi nuan endu nyua ka pua bali belumpong,\\nNgagai bini Raja Muda ke diterima\\nIya ngena tapa jari ngempong.\\nNya alai lalu dibalas iya enggau gempanang tekang mas chura.\\nJari kanan enggi nuan,\\nLalu disua ka iya beralian intan lama.\\nNya alai nuan lalu disema ka kitai Dayak,\\nNya meh baka orang ke dikarong\\nLulong seduai Endu Dara Lenta,\\nIndu ke datai ari Sala Lansau Takang.\\nTak nyau penat pen nuan Endu Endat,\\nAnang ga nuan beguai angkat,\\nLaban tadi aku udah ninggal\\nKa nuan ubat jampat batu pukat empelawa jagang.\\nNya alai ubat padi pen udah ga\\nDitinggal kami ka nuan,\\nDikena nuan ke bebuli matah dandang.\\nUbat jadian pen udah ga aku ninggal ka nuan,\\nKe ngasoh nuan tebekan mali langkang.\\nUbat pandai pen udah ga kami ninggal ka nuan wai,\\nDikena nuan megai begajai ampang tengkebang.\\nNya baru betebang batang galau gerunggang,\\nBebayoh aku betuboh minta sabang.\\nSabang ubat padi tadi aku enda minta,\\nLaban aku nemu nuan apin kala ngaga pua ampang begajai.\\nBatu pinang saleka baru aku minta ngagai nuan endu,\\nLaban nya pun nuan dikelala raja bansa Lawai.\\nAi tuak pen aku enda minta,\\nLaban iya endang udah bisi lelidak ba tengah tikai.\\nEnti penganan pen aku enda minta,\\nLaban iya endang diengkah nuan di chawan indu pinggai.\\nNya alai duit pen aku enda minta ngagai nuan endu,\\nLaban aku endang udah bisi meda perenchit ringgit bungai.\\nTang utai ke dipinta aku nya,\\nAnak pesalin tinchin mas,\\nUlih nuan ngerampas di moa kedai.\\nEnti tinchin bemata batu endu aku enda minta,\\nLaban nuan apin bisi pebayu sulu ambai.\\nEnti nuan malu nyua ka endu enggau jari megai,\\nLak ka iya temepok ninggang mangkok,\\nAwak ka semetak ninggang chapak ke lelidak mangkang kitai.\\nEnggai ka anak Bujang Lemambang Tupai,\\nTak lebu karau nyawa nyerita ka\\nTinda nuan sapagi raya tu ba moa bala maia gawai.\\nEnggai ka tandang anak Bujang Lemambang Bengkang,\\nTu tak lebu karau raang nenjang nuan bepangkang dudok berimbai.\\nEnggai ka anak Bujang Lemambang Tepong Bulu,\\nTu lebu ngelulu ka nuan enggau jako,\\nNgumbai nuan di kerindu ka pugu orang pangkat besai.\\nNya alai enti nuan kasih,\\nNuan anang enda meri aku\\nTang pia pen ko aku enti nuan nadai,\\nEnda ga aku milih pemesai,\\nAwak ka bisi dibai anak\\nBujang Lemambang Tupai tu pulai,\\nKa menoa raya aku empu,\\nKe di Gensarai Redak Tenchang.\\nNya baru betebang pensi tundan tinggi,\\nNyadoh ka tuboh numboh ka uti,\\nBetuboh kitai maioh main betumi.\\nLalu angkat Indai Mendong numi Raja Durong,\\nEnggau jalong jebong belabong buok.\\nLalu angkat Indai Ngelai numi Anda Mara Raja Pengibai,\\nMantai ka pinggai besai pengunjor tindok.\\nLalu gurong-gurong mansa batang rekong,\\nMunyi Wong Talong numbok nerajang.\\nLalu perabeni mansa ngeli,\\nMunyi geraji ngaki geranjang.\\nLalu mutah Raja Tuah ka batu idu saribu guna,\\nMutah ka ubat serangkap genap penyangga nyawa.\\nLalu disambut Endu Dara Simbut enggau kukut jari megai,\\nLalu diterima Endu Dara Lenta enggau pua bali belulai.\\nNya baru tak riu-riu mumban di batu,\\nNyadoh ka tuboh mulai ka samengat antu,\\nSimpulang Gana pulai ngagai tanah matah radu,\\nRaja Pengibai pen pulai ngayoh ka berangai bangkong baru.\\nK eling pen pulai ka Tinting Kaling Alu,\\nTutong pen pulai ka Gelong baka pebenong tajau baru.\\nNya baru pitak tak kekebak mantang di bau,\\nTu baru kitai mulai ka samengat lemambang Antu.\\nLemambang Sampang Gading\\nPulai ka Tinting Tiang Laju.\\nLemambang Luong pen pulai\\nKa Tuchong Tangkong Saribu.\\nNya baru tak chuat-chuat bunga lensat,\\nPechal duat Lemambang Tupai.\\nTu baru kitai mulai ka samengat kitai ke mengap,\\nLak ka sama sarikat bebai pulai.\\nTang pulai jimat-jimat kitai empat,\\nAnang limpang sebarang alai.\\nLalu ngelumu ka nyatu rian belansai,\\nNya baru nyarau sibau mansau merundai.\\nNya baru kitai datai di ai,\\nKe teleba alai mandi pulai lemai.\\nLalu nepan ba jamban Bunsu Selampandai,\\nLalu betipok enggau cherebok nyiur tuai.\\nNya baru niti sentali arong jalai,\\nLaLu nuju peretang rumah panjai.\\nNya baru niki tangga laka,\\nKe bengkeramba anak kuai.\\nNya baru nyengkau lalau kerasau buloh kirai,\\nLalu ngembing dinding linsu cherai.\\nNya baru tama ka bilik baik,\\nBaka gilik tasik nanga Brunai.\\nNya baru nyimpan diri dalam Pelawan tajau rawai,\\nLalu betudong enggau guong mua pemesai,\\nNya baru ngikat iya enggau kawat panjai tigai.\\nNya baru kitai nyelapat lubang kilat,\\nKekijap ngelambai lemai.\\nNya baru kitai mampul lubang guntur,\\nNya baru nanggam lubang ujan,\\nKe nelian laboh keberai.\\nLalu niki ka lenggi lenggang telinsai,\\nNangga tuchong Rabong gigiai.\\nNya baru samengat kitai nyau sarikat sama datai,\\nGayu kitai ko Sentuku,\\nGerai-nyamai kitai ko Selampandai.\\non November 8, 2016 at 9:51 am | Reply uwa\\nIndeed gawai pangkong tiang is seeking fortune, paddy and ubat like gawai tuah. Both Sempulang Gana and Andara Mara are invited to gawai pangkong tiang as per sequence of pengap above.\\non October 12, 2016 at 9:16 am | Reply uwa\\nMaya ni mangkong tiang ngena ruas asi pulut pansok nya? Pengundah lemambang niki ke rumah ka?\\nUtai ke dipalu nyak tiang pemun rumah ti udah duunsut ngau minyak kepayang alu diserayong ngau pua kumbu tauka pangan iya?\\non October 12, 2016 at 9:23 am | Reply uwa\\nBakani bau minyak kepayang neh? Bisi bau rengut baka minyak wangi kemaya ari diatu ka? Laban enti kena ngantak, mesti ka bau rengut mimit.\\nPau (kepayang ti udah disalai rangkai) mega dikena ngunsut babi gawai ngau beras burak ngau kuning. Pau nyak bau rengut ka?\\nDulu kelia sebedau bisi minyak buk, bala indu ngunsut buk sida ngena minyak kepayang kena ngantak ka?\\nEnti minyak engkabang kala ga makai iay ngau asi angat. Endang bau rengut bau iya.\\non January 27, 2015 at 1:08 am | Reply uwa1971\\nSap nemu lemambang ti agi bisi ba genturong Meradong, Julau ngau Bintangor? Kena gawai mangkong tiang bulan 6 tu ila.\\non July 31, 2013 at 9:38 am | Reply Joseph Chon\\nAku tu Iban datai ari menua Baram Marudi, aku meri besai terima kasih ngagai nuan laban rindu amat maca main kitai Iban. Baka anembiak jam kediatu ni ulih bepenemu baka kita tu. Aku ngarap ka anembiak bala kitai Iban ke turun menurun bala ari kita tu terus mansang dalam engkabang ke adat lama ngambika enda pupus. Baka tudah diri tu nyaka petara sida aki, enek kelia nadai bi beri penemu baka kita tu. Sekali aku meri besai terima kasih.\\non October 13, 2008 at 5:53 pm | Reply eighat yoshi\\nAku tu nyembiak form 6 ti benung belajar ba siti skula di miri…\\nnyadi aku tu tadi bisi diasuh bala penganjar ari bangsa bukai di deka nemu pasal adat kitai iban..\\nlalu aku muka website nuan tu ..\\naku enggau besi ati berterima kasih ngagai nuan\\nlaban website nuan tu ti penuh enggau infomation pasal adat kitai..\\nnyadi tu beguna amat ngagai kami ti benung belajar\\ntambahan mega kami ti rebak baru ti idup dalam dunia serba moden..\\nnyadi enggau tu aku ngucap ka bebesai terima kasih ngagai nuan..\\narab ka nuan tau nambah ka agi information pasal adat iban..\\non May 29, 2007 at 7:52 pm | Reply mdkamilmohdkassim@hotmail.com\\ndi mana saya boleh dapatkan gambar “tiang pengingat”","num_words":22713,"character_repetition_ratio":0.048,"word_repetition_ratio":0.0,"special_characters_ratio":0.19,"stopwords_ratio":0.145,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Ujong minggu ti sibuk...\\nUjong minggu ti sibuk...\\nBerengkah hari enam tu tadi 29hb Nov...BA amat sibuk. Enchelak aja mata pagi nya BA udah mupok ke pasar laban ti ka ngirup enggau Aki Monte'. Kami duai makai mee ba alai ti selalu nya.\\nTembu ngirup BA alu ke kedai aksessori kereta laban ti ka masang tinted ba chermin moto Rin..dahlah moto color chelum....angat amat neh. Lama ga dia semak dua jam laban ti bisi masang utai bukai mega. Peda BA panas amat hari sari nya, anjung ga moto BA empu ke Voon & Lai Car Wash...udahnya anjung ga moto Rin kia tuchi ga tang dalam enda dituchi...agi bedau beresi.\\nLemai nya jam 2.30 lemai, kami duai Cigu Bio mupok ke Kuching laban ka bisi meeting enggau client. Datai di Batu 10 urong jam 6.30 lemai, Tcil udah bisi di rumah Uncle Stephen laban ia ti bemalam dia. Ia praktikal di CM Management ba Semenggok.\\nKami tiga lemai nya bejalai ke One TJ ti baru dibuka di Kuching tang bedau maioh kedai-kedai dia dibuka. One TJ tu tempat nyual gadget baka laptop, handphone, ipod enggau maioh macham agi utai rengka IT. BA meli ka Tcil printer canon pixma..enda entu mar..RM188.00, free siti beg sandik brand canon.Udahnya BA ulih meli handy drive 4GB rega RM16.00 aja...8GB rega RM32.00 udah sold out.\\nPansut ari nya kami tiga nganjung diri makai di Pending Seafood..enda mar lah..dalam RM90.++. Ia ka sekali tu bisi butter prawn enggau ambal...udah tembu makai ambal, moa BA gatal-gatal..he..he..tau tak ape..\\nPagi hari minggu, bala kami tiga ngirup pagi di Batu 7 begulai enggau Aunty Mary serta famili ia. Maioh amat mensia di Batu 7. Ari Batu 7, kami tiga bekejang ke Boulevard laban ti deka soping dia. BA meli gari baju baru dikena gawa dia...murah lah..bisi sales 50% - 70%...ape lagi..jom serbu...\\nBA meda jam nyau jam 12.30 tengahari lalu mai Cikgu Bio check in terus ba Harvour View..tang lama ga beranti dia laban mensia maioh mat...bisi kisah bala kami maia ti ka tama bilik...he..he..[902 kah 920?..salah lah..haaaa]\\nKami duai Cikgu Bio udah janji betemu enggau client jam 2 lemai tang enda ga ulih betemu laban client kami duai nukar jam betemu maia jam 4 lemai. Laban ti agi bisi dua jam, kami tiga lalu nemuai ke tHe Spring..semak ga alai betemu lagi.\\nDatai dia perut pan nyau lapar ga..kami tiga makai ba Kluang Station...ok ga makai dia...sedap?..boleh lah...best agi ba Secret Recipe..kan Cikgu Bio...heee...\\nJam 4 lemai..client call..ok ulih betemu...kami pan betemu ba opis kami di Kuching...he...dini neh? rahsia lah...semak dua jam meeting kami dia..enda berasai hari nyau lemai. BA alu mai client nya makai..kami makai di J&J di Tabuan..Cikgu Bio belanja...\\nUdah tembu nganjung Tcil ke Batu 10, kami duai Cikgu Bio soping rengka Christmas di Batu 4...wah meriah nye...dahnya mulai kadiri ba hotel..enda berasai jam nyau 10.00 malam.\\nBA nanya Cikgu Bio ia lelak ka enda..ia madah enda lelak..ok..kami duai sempat ga meda wayang ba Star seberai hotel...ka meda cherita Twilight..laun start..kami duai meda Quarantine..start jam 11.45 malam.\\n20 minit katerubah cherita start..terus terang..BA tindok..ngantok amat..Cikgu Bio pan madah ka ia tindok ga..he..he..udahnya part ti seram-seram nya baru meda melot sampai ke ujong cherita..Best cherita nya..takut asai ati meda..bakani neh enti dalam panggung nya mensia bisi sakit nya..abis meh kami diempa ia..\\nPulai ke hotel semak jam 2 pagi..ngantok amat..terus tindok. Pagi hari satu BA dani jam 5.30 pagi laban pagi nya bisi taklimat di Wisma Bapa Malaysia.\\nJam 4.30 lemai kami duai Ckgu Bio mupok pulai ke Betong.\\nDikarang olih NyuWynn Glen Fordza @ Bujang Astana maia jam 1:25 PM\\nMartWare 3:02 PM\\nYour Christmas Tree is so beautiful, I like it so much and merry Christmas to your family.\\nBujang Astana @ Fordza de Astana 8:07 AM\\nWell actually..It's Christmas Tree at Boulevard Shopping Mall @ Kuching.","num_words":591,"character_repetition_ratio":0.039,"word_repetition_ratio":0.0,"special_characters_ratio":0.249,"stopwords_ratio":0.132,"flagged_words_ratio":0.0,"lang_id_score":0.986,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: 16 June 2018 - Hari Enam ba Minggu Ke Sepuluh Musim Selama - Berita Iban Online | Laman Web Berita Kitai\\nHome \/ Injil Tuhan \/ #InjilSeharitu: 16 June 2018 - Hari Enam ba Minggu Ke Sepuluh Musim Selama\\n#InjilSeharitu: 16 June 2018 - Hari Enam ba Minggu Ke Sepuluh Musim Selama\\nStaf @beritaibanMY Saturday, June 16, 2018 0\\nKu Jesus bejaku ngagai bala murid Iya: “Kita udah mega ninga pasal jaku ti udah disebut ngagai orang ke dulu kelia, ‘Anang bulaka semaya, tang kereja utai ti udah disemaya kita enggau Tuhan.’\\n16 June 2018 - Hari Enam ba Minggu Ke Sepuluh Musim Selama\\n1 Raja 19: 19 - 21\\nElijah angkat lalu nemu Elisa benung ngeradu tanah ngena sepasang jelu sapi ti lelaki. Sebelas pasang jelu sapi bejalai dulu ari iya. Pasang ti dikena iya ngeradu tanah nya pasang ti penudi. Elijah muka kelambi iya, lalu ngerasukka kelambi nya ba Elisa.\\nElisa lalu ninggalka jelu sapi iya, belanda nitihka Elijah. Ku iya, “Awakka aku meri selamat tinggal ngagai apai enggau indai aku. Udah nya baru aku bejalai enggau nuan.” Disaut Elijah, “Pulai meh nuan dulu. Enda aku nagang nuan!”\\nUdah nya Elisa mansang ngagai sapi iya, munuh sapi dua iku nya, lalu manduk dagin jelu nya, ngena kungkung sapi nya empu nyadika kayu api. Iya meri dagin nya ngagai orang mayuh, lalu sida makai. Udah nya iya mupuk, lalu nitihka Elijah, lalu nyadi penulung iya.\\nMasmur 16: 1 - 2A & 5AB, 7 - 8, 9 - 10\\nSaut (peda 5a): Semina Nuan aja ke dikemisi aku, O TUHAN.\\nSaut: Semina Nuan aja ke dikemisi aku, O TUHAN.\\nAlleluia (peda Masmur 119: 36A, 29B)\\nlalu ajar aku adat Nuan.\\n“Kita udah mega ninga pasal jaku ti udah disebut ngagai orang ke dulu kelia, ‘Anang bulaka semaya, tang kereja utai ti udah disemaya kita enggau Tuhan.’\\nTang Aku madah ngagai kita: anang besumpah, nemuka atas nama serega, laban nya kerusi diraja Allah Taala, tauka atas nama dunya, laban nya pelasar ke kaki Iya, tauka atas nama Jerusalem, laban nya nengeri Raja ti besai.\\nLalu anang besumpah atas pala kita empu, laban kita enda ulih ngaga indah selambar buk kita burak tauka chelum.\\nSemina sebut aja ‘Au’ tauka ‘Enggai’. Utai ti lebih ari nya datai ari Sitan.”","num_words":329,"character_repetition_ratio":0.077,"word_repetition_ratio":0.094,"special_characters_ratio":0.246,"stopwords_ratio":0.295,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lapan suman, empat PUI baru – Suara Sarawak – Bukan Sekadar Akhbar\\nYou are here:Home-RUAI-Lapan suman, empat PUI baru\\nKUCHING: Lapan kes positif Covid-19 udah suman sereta dikemendar pansut ari Sepital Besai Sarawak (SGH) dirikod seharitu.\\nSapit Kepala Menteri ti mega Chairman Komiti Penyaga Penusah Ngenyit Nengeri (JPBN) Datuk Amar Douglas Uggah Embas madah, tu ngujungka penyampau kes suman sereta dikemendar pansut ari sepital bisi 607 iku.\\n“Bisi 52 iku agi diperubat ba wad isolasyen sepital, lalu pemati ketegal Covid-19 mengkang 19 iku.\\n“Sehari tu (kemari) Sarawak nadai ngerikod kes positif baru Covid-19.\\n“Bisi empat kes baru pesakit agi dipatau (PUI) dirikod kemari, ke alai tiga kes agi nganti peresa makmal,” ku iya.\\nUggah bejaku munyi nya ngagai pemberita nengah facebook Ukas ditu tadi.\\nBy Indun Silong|2020-08-04T18:51:50+08:00August 4th, 2020|Categories: RUAI|0 Comments","num_words":118,"character_repetition_ratio":0.063,"word_repetition_ratio":0.0,"special_characters_ratio":0.236,"stopwords_ratio":0.093,"flagged_words_ratio":0.0,"lang_id_score":0.979,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"15 April 2019 - Hari Satu ba Minggu Kudus\\nMaria lalu ngambi sebutul minyak wangi ti berega, ti digaga ari narwasti ti tulin, nata kaki Jesus, lalu ngendas kaki Jesus ngena buk iya. - John 12 : 1 - 11\\nBacha Ke Satu: Isaiah 42: 1 - 7\\nKu TUHAN bejaku, “Tu nembiak Aku, ke diberi Aku pengering, ti udah dipilih Aku, sereta dikerinduka Aku. Aku udah ngisi iya enggau Roh Aku, lalu iya deka mai atur ti lurus ngagai genap bengkah bansa. Iya enda manjung tauka merakka nyawa iya tauka bejaku enggau nyawa ti inggar ba sebelah jalai raya. Iya enggai matahka buluh ti melepi tauka madamka lampu ti kelap-kelap. Iya tetap deka mai atur ti lurus ngagai semua mensia. Iya deka mengkang andal ati sereta enda lemi semengat. Iya deka numbuhka atur ti lurus di dunya tu. Menua ti ba tebing tasik deka gagit ati nganti ajar ari iya.”\\nTUHAN Allah Taala ngaga lalu mintarka langit. Iya nempa dunya, enggau semua utai ti idup dia. Iya meri pengidup enggau seput ngagai semua mensia di dunya tu. Lalu diatu TUHAN Allah Taala bejaku ngagai nembiak Iya,\\n“Aku ti TUHAN udah ngangauka nuan lalu meri nuan kuasa nentuka atur ti lurus dipejalaika di dunya. Ulih nuan, Aku deka ngaga siti sempekat enggau semua mensia. Ulih nuan, Aku deka mai penampak ngagai semua bansa. Nuan deka menchelakka mata orang ke buta lalu ngelepaska orang ari rumah jil.”\\nMasmur Entara: Masmur 27: 1, 2, 3, 13 - 14\\nSaut (peda 1a): TUHAN meh penampak enggau pengelepas aku.\\nTUHAN meh penampak enggau pengelepas aku.\\nAku enda takut.\\nTUHAN nyadika kuta nyawa aku;\\nnya alai aku enda takut.\\nSaut: TUHAN meh penampak enggau pengelepas aku.\\nLebuh orang ke jai ngamuk aku,\\ndeka makai aku,\\niya nya bala munsuh aku,\\nsida deka tesangkut lalu rebah.\\nTaja pen semua bala soldadu ngelulung aku,\\nTaja pen munsuh nyerang aku,\\naku deka mengkang berani.\\nAku nemu diri deka idup lalu meda pemadas TUHAN dalam pengidup tu.\\nPanggaika pengarap ba TUHAN.\\nKering sereta berani;\\nAklamasi sebedau Injil:\\nTabi ka nuan, Raja kami;\\nsemina nuan aja ti bisi penyiru ke kami ti bepenyalah.\\nBacha Injil: John 12: 1 - 11\\nEnam hari sebedau Gawai Paska, Jesus datai di Betani, endur alai Lasarus diau, orang ke udah diangkatka Jesus ari mati.\\nDia sida nyendiaka makai lemai ke Jesus.\\nMarta mela pemakai, lalu Lasarus bisi enggau orang ba mija nya enggau Jesus.\\nMaria lalu ngambi sebutul minyak wangi ti berega, ti digaga ari narwasti ti tulin, nata kaki Jesus, lalu ngendas kaki Jesus ngena buk iya.\\nBau rengut minyak nya nyau bealun-alun dalam rumah nya.\\nTang Judas Iskariot, siku ari murid Iya, ke deka nyual Iya, bejaku, “Nama kebuah minyak wangi nya enda dijual ngena rega tiga ratus singkap duit pirak lalu duit nya diberi ngagai orang ke seranta?”\\nIya nyebut nya, ukai laban iya ibuhka orang ke seranta, tang laban iya penchuri.\\nIya nyaga sarang duit sida, lalu iya selalu ngenchuri duit ari sarang duit nya.\\nJesus lalu bejaku, “Anang ngachau iya! Iya meli minyak nya ngambika iya nyimpan minyak nya kena nyendiaka Aku dikubur. Kita seruran bisi orang ke seranta enggau kita, tang Aku enda seruran enggau kita.”\\nLebuh bala orang Judah ninga Jesus bisi dia, sida lalu mansang kia, ukai semina ketegal Jesus, tang laban sida deka meda Lasarus, ke udah diangkatka Iya ari mati.\\nNya alai bala tuai imam mega ngiga jalai munuh Lasarus, laban ketegal iya mayuh orang Judah ninggalka sida, lalu arapka Jesus.","num_words":520,"character_repetition_ratio":0.052,"word_repetition_ratio":0.051,"special_characters_ratio":0.214,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sarawak setuju, umur ngundi 18 taun – Suara Sarawak – Bukan Sekadar Akhbar\\nYou are here:Home-RUAI-Sarawak setuju, umur ngundi 18 taun\\nSarawak setuju, umur ngundi 18 taun\\nEnda ibuh bekelikuh, pekara nya nadai nyadika penanggul\\nKUCHING: Kepala Menteri Datuk Patinggi Abang Johari Tun Openg madah iya nadai ngasai ngundi ba umur 18 taun nya nyadi penanggul.\\nKu iya, pekara nya udah dirandau bala sida Kaban Parlimen (MP) nyadi mensia mayuh enda ibuh bekelikuh pasal pekara nya.\\n“Aku enda ngasaika pekara nya nyadi isu laban ba menua bukai mayuh udah ngemeranka atur ngundi manggai umur 18 taun.\\n“Mayuh sida bejaku madah umur 18 taun tu kelalu biak tang enti menua udah nentuka baka nya kitai patut titih aja,” ku iya.\\nNERANG….Datuk Patinggi Abang Johari Tun Openg dirandau pemberita rambau program Nyua Bantu Petronas ngagai Nembiak Sarawak ba sebuah hotel tebilang ditu, kemari.\\nAbang Johari mansut pekara nya lebuh ditanya pemberita maya nyadi temuai dipebasa ngulu program Nyua Bantu Petronas ngagai Nembiak Sarawak ba sebuah hotel tebilang ditu, kemari Kelimpah ari nya, iya madah hak ngundi enggau enda nembiak nya tepulai ngagai siku-siku nembiak laban nya ukai pejal.\\n“Nembiak ti udah manggai umur 18 taun ulih milih sekalika ngundi tauka enda.\\n“Kitai idup ba menua demokrasyen nyadi tepulai ngagai nembiak nya empu deka ngundi tauka enda asalka nama iya udah bisi dalam rikod,” ku iya madah nyemetak.\\nSentang pekara ngerejister ngundi Abang Johari madah iya rindu agi ngagai sistem automatik ngerejister ngambika enda ngiruh.\\nBa pekara bukai iya madah, sentang reti orang biak baruh ari 18 taun iya madah pekara nya deka dirandau ba Kabinet dulu.\\n“Pekara tu deka diperundingka dulu ba Aum Kaunsil Nengeri,” ku iya.\\nLalu ba pekara nyerumba jaku iya ti madah taja bebida bekaul enggau Petronas tang agi ulih bekerjasama Abang Johari nyaut bisi sekeda pekara minyak enggau gis ti agi dalam proses perunding.\\n“Kitai agi dalam proses berundingka ekuiti minyak enggau gis tang pengawa berunding tu benung dipejalai enggau manah.\\n“Diatu pemutus bedau ditemu agi, enti udah bulih pemutus ila aku deka madahka kita,” ku iya.\\nBy Indun Silong|2019-07-05T19:34:54+08:00July 5th, 2019|Categories: RUAI|0 Comments\\nARKIB Select Month January 2021 (516) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":346,"character_repetition_ratio":0.063,"word_repetition_ratio":0.03,"special_characters_ratio":0.28,"stopwords_ratio":0.197,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Projek Sakit seruran dipatau - Suara Sarawak\\nKUCHING: Perintah Sarawak seruran ngemata enggau matau semak pejalai Projek Transformasyen Menua Pesisir (RTP) nitihka timpuh udah ditetap nentuka nadai projek sakit.\\nMenteri Muda ba Opis Kepala Menteri (Undang-undang, Kaul Sarawak enggau Perintah Besai sereta Matau Projek) Datuk Sharifah Hasidah Sayeed Aman Ghazali (GPS-Semariang) madah, projek sakit deka mai mayuh penanggul bukai lalu tau ngasuh rayat nadai pengandal ngagai perintah.\\n“Kitai dekaka rayat bela ngasaika pengelantang ari semua projek dipejalai nadai ngira sekalika projek infrastruktur pemun enggau projek pemansang bukai.\\n“Ari taun 2015 nyentuk September 2019, semina dua peratus aja dikategori projek sakit seraya 98 peratus nyapai pemujur.\\n“Nitihka penerang diberi ngagai aku, naka diatu semina siti aja projek sakit bisi nyadi ba sitak Kabong iya nya projek nyeleti palan bedaja ba Simpang Nyabor.\\nSekelim Tuak MPDC laku lepas kena viral\\nMajalah SMK Subis terbaik di Sarawak\\nMutar penanggul setinggan ba pendam\\nKali ketiga operasi bot eskpress dibatalkan susulan Sibu, Kuching zon merah\\nPasar dalam kawasan DBKU dibenarkan beroperasi\\nBayaran BSH fasa 3 dibuat sebelum akhir Julai - Tengku Zafrul\\nKami begintir nyaga jalai penama ke Kpg Entanggor","num_words":167,"character_repetition_ratio":0.023,"word_repetition_ratio":0.0,"special_characters_ratio":0.172,"stopwords_ratio":0.102,"flagged_words_ratio":0.0,"lang_id_score":0.984,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sekula repuk patut diseleti lengkas - Suara Sarawak\\n“…ngarapka kerejasama entara sida deka meri pemanah ngagai Sarawak lalu danji ti digaga ulih nyadi nyata pasal mutarka isu nyeleti sekula repuk.”\\nKUCHING: Isu sentang nyeleti sekula repuk ti dipelaba Menteri Pelajar, Sains enggau Pansik Teknologi Datuk Sri Michael Manyin Jawong deka mujur dipejalai pengudah baum begulai Opis Menteri Wang dalam minggu tu nerima balas ti positif ari bala pengajar.\\nRosita Kunyo, 34 taun pengajar ba Sekula Sekondari (SMK) Simunjan No 1 madah, arapka pengawa nyeleti sekula repuk tu dipejalai enggau lengkas.\\n“Aku ngarapka pekara tu amat sereta enda ngasaka ati laban kerejasama entara Perintah Besai enggau Perintah Nengeri endang patut ngambika meri pemanah ngagai nembiak sekula.\\n“Pia mega, ngarapka kerejasama entara sida deka meri pemanah ngagai Sarawak lalu danji ti digaga ulih nyadi nyata pasal mutarka isu nyeleti sekula repuk,” ku iya.\\nRosita bejaku munyi nya lebuh dirandau Suara Sarawak, ensana.\\nKelimpah nya, Nicheal May Pinoh, 35 taun pengajar ba Sekula Primari China (SJKC) Chung Hua Tudan, Miri ngarapka isu tu deka diatur enggau meruan entara Perintah Besai enggau Perintah Sarawak laban menua Malaysia lama udah Merdeka.\\n“Endang udah tanggungpengawa perintah patut bekerejasama mutar sereta ngelengkaska isu sekula repuk enggau perengka guna sekula di Sarawak tu.\\n“Aku ngarapka agih belanja ti diberi jampat datai ngagai sekula ti repuk lalu ulih tembu nitihka timpuh ti udah ditetapka,” ku iya.\\nPia mega Nicheal ngarapka sekula repuk ti diseruri ila deka bekualiti awakka bala nembiak nyamai belajar sereta ngerapatka takah bala nembiak sekula menua pesisir sebaka enggau bala nembiak ti sekula ba mengeri.\\nNicheal May Pinoh\\nNangkan nya, Mary Marianne Norbat, 31 taun ngajar ba SMK Lundu mega ngarapka isu tu dikemujur enggau lengkas awakka bala nembiak sekula jampat agi bulih penyamai lebuh belajar.\\n“Aku gaga sereta ngarapka pekara tu jampat diatur awakka bala nembiak ti sekula ulih belajar enggau meruan.\\n“Ukai semina bala pengajar, apai indai sereta mensia mayuh dipelaba aku deka meda isu sekula repuk tu dikemujur enggau lengkas laban nembiak ba Sarawak endang lama udah nganti sekula sida diseruri,” ku iya.\\nNambah nya, Tan Boon Kim, 52 taun ngajar ba SJKC Chung Hua No 2 Kuching madah aum dikena mutarka isu nyeleti sekula repuk tu endang manah.\\n“Kira perintah endang ngambi isu nyeleti sekula repuk tu enggau serius lalu aku ngarapka penanggul ngemanahka sekula repuk tu deka diputarka enda lama agi.\\n“Menua kitai udah lama Merdeka lalu ba runding aku mayuh amai jasa orang menua pesisir dalam pemansang menua, tambah mega kitai endang bisi agih belanja nya,” ku iya.\\nEnsanus, Michael Manyin madah isu pasal nyeleti sekula repuk di Sarawak deka mujur pengudah baum sida dipejalai ti dipelaba iya ba minggu ti deka datai tu ila.\\nDiatu, iya madah benung nganti aum nya dipejalai lalu iya ngarapka isu nyeleti sekula repuk tu enda nyadi pekara politik laban nembiak sekula deka napi pemerinsa ketegal nya.\\nMary Marianne Norbat\\nTan Boon Kim","num_words":451,"character_repetition_ratio":0.095,"word_repetition_ratio":0.05,"special_characters_ratio":0.178,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Projek nyeleti SK Sebemban ditinda baru Ogos tu - Suara Sarawak\\nProjek nyeleti SK Sebemban ditinda baru Ogos tu\\nKUALA LUMPUR: Projek nyeleti Sekula Primari (SK) Sebemban, Betong deka ditinda baru dalam bulan Ogos tu.\\nEntara projek deka ditinda baru iya nya ngaga baru enam bilik kelas enggau enam rumah pengajar sereta penyikap perengkaguna bukai.\\nMenteri Pelajar, Dr Mohd Radzi Md Jidin madah, projek nya deka ditinda baru laban timpuh sah laku tinda sebedau nya udah abis timpuh.\\n“Aum Kaunsil Pemansut Asil Besai Sarawak kena 12 Februari tu tadi udah mutuska projek nya ditinda baru.\\n“Opis Kereja Raya (JKR) Sarawak ba renggat kepenudi nyendiaka tinda enggau disadang ditindu baru kena 1 Ogos tu,” ku Radzi.\\nRadzi mansutka jaku nya lebuh nyaut tanya Kaban Parlimen Betong, Datuk Robert Lawson Chuat ba Aum Dewan Rakyat, ditu tadi.\\nRentas zon tidak dibenarkan\\nCheng Ho temui dunia lama sebelum Columbus\\nSahut cabaran jadi penternak berjaya\\nPensel Pemun gelumbang besai pengidup\\nTrump gesa 'tiada keganasan' menjelang hari pelantikan Biden\\nSuksar pelasar ngiga atlit baru ungkup pekit renggat tinggi\\nJPBNS: PKPB dilanjutkan di Sarawak sehingga 15 Mac\\n852 pelajar SMK Matang Hilir cuti kecemasan","num_words":169,"character_repetition_ratio":0.082,"word_repetition_ratio":0.0,"special_characters_ratio":0.181,"stopwords_ratio":0.107,"flagged_words_ratio":0.0,"lang_id_score":0.898,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 35 BK - Moses ngempuruka semua orang Israel, - Bible Search\\nPemansut 34 Pemansut 36\\nAdat Hari Sabat\\n1Moses ngempuruka semua orang Israel, lalu bejaku enggau sida, “Tu utai ti udah diasuh TUHAN kereja kita: 2 Kita bisi enam hari alai kita gawa, tang hari ti ketujuh nya hari ti kudus, hari kita diau, hari ti diserahka kita ngagai Aku ti TUHAN. Barang sapa gawa ba hari nya, deka dibunuh. 3Indah nungkunka api dalam rumah kita deh kita enda tau lebuh Hari Sabat.”\\nPemeri Ke Langkau Kain Ti Kudus\\n4Ku Moses bejaku enggau semua orang Israel, “Tu utai ti udah dipesanka TUHAN: 5Beri pemeri ngagai TUHAN. Genap iku orang ke deka meri pemeri, enda tau enda mai pemeri emas, pirak tauka temaga; 6kain linin ti alus; bulu bedus ti biru, ungu enggau mirah; kain ti digaga ari bulu kambin; 7kulit bedus ti lelaki, ti udah dichat mirah; kulit jelu ti udah digaga alus; kayu akasia; 8minyak ke lampu; rempah kena ngaga minyak tata, enggau menyan ti bebau rengut; 9batu unam enggau batu berega ti bukai ti deka dilekatka ba epod enggau ba terabai dada Imam Besai.\\nPerengka Ke Langkau Kain TUHAN\\n10“Semua orang ari bala kita ke landik begagaka utai, enda tau enda datai, lalu ngaga semua utai ti udah diasuh TUHAN, nyengkaum: 11langkau sembiang, tudung ke Langkau sembiang nya, enggau tudung ti ari luar, pengait enggau papan ke langkar langkau nya, alang ke langkar nya, tiang, enggau pelasar ke tiang nya; 12Peti Lampang Batu Adat, kayu ti dikena ngaling iya, tudung iya, enggau kain tirai kena ninding iya; 13mija, kayu ti dikena ngaling mija nya, enggau semua pekekas ke mija nya; roti ti diberi ngagai Allah Taala; 14penuduk lampu, enggau pekekas iya; lampu enggau minyak ke lampu nya; 15alta alai nunu menyan, enggau kayu ti dikena ngaling alta nya; minyak tata; menyan ti bebau rengut; tirai kena ninding mua pintu langkau sembiang nya; 16alta alai nunu piring tunu, enggau gelegar ti digaga ari temaga, ti digantung ari alta nya, kayu ti dikena ngaling alta nya, enggau semua pekekas iya; bisin alai bebasu enggau penuduk iya; 17kain tirai kena ninding tengah laman, tiang alai ngantung tirai enggau pelasar ke tiang nya; kain tirai ke mua pintu penama ngagai tengah laman nya; 18tiang bantilka langkau sembiang nya, enggau tali ti dikena mantilka Langkau Kain nya, enggau kena mantilka kain tirai ti ninding tengah laman nya; 19enggau pekayan ti manah amat ti deka dikena bala imam lebuh sida bekereja dalam Endur ti Kudus, iya nya gari ti kuduska Imam Aron enggau bala anak lelaki iya.”\\nOrang Israel Mai Pemeri Sida\\n20Semua orang Israel lalu angkat ari endur nya, 21lalu semua orang ke deka meri pemeri, datai mai pemeri sida ngagai TUHAN kena begagaka Langkau Kain TUHAN. Sida mai semua utai ti diguna kena nyembah Allah Taala, enggau kena begagaka pekayan imam. 22Semua orang ke deka, ti lelaki enggau ti indu, mai pin tambit kain, antin, tinchin, tenggak, enggau semua macham perengka emas, lalu nyerahka semua utai nya ngagai TUHAN. 23Semua orang ke bisi ubung linin ti alus; bulu bedus ti bechura biru, ungu tauka mirah; kain ti digaga ari bulu kambin; kulit bedus ti lelaki ti udah dichat mirah; tauka kulit jelu ti udah dialuska, mai utai nya. 24Semua orang ke ulih meri pirak tauka temaga, mai pemeri sida ngagai TUHAN, lalu semua orang ke bisi kayu akasia, ti tau diguna kena begagaka utai, mai utai nya. 25Semua indu ke landik begagaka utai, mai ubung linin ti alus, enggau ubung bulu bedus ti bechura biru, ungu enggai mirah, ti udah digaga sida. 26Sida mega begagaka ubung ari bulu kambin. 27Bala tuai orang Israel lalu mai batu unam enggau batu berega ti bukai, ti deka dilekatka ba epod, enggau ba terabai dada, 28enggau rempah, enggau minyak ke lampu, minyak kena ngaga minyak tata, enggau menyan ti bebau rengut. 29Semua orang Israel ti deka, datai mai pemeri sida ngagai TUHAN, kena ngereja pengawa ti udah diasuh TUHAN kereja Moses.\\nOrang Ke Ngaga Langkau Kain TUHAN\\n30Ku Moses bejaku enggau orang Israel, “TUHAN udah milih Besalel anak Uri, uchu Hur, ari raban bansa Judah. 31Allah Taala udah ngemenuhka iya enggau kuasa Iya lalu udah meri iya penau, pengelandik, enggau penemu kena iya ngereja semua pengawa begagaka utai, 32kena iya begagaka pelan, lalu nguna pelan nya begagaka perengka emas, pirak enggau temaga; 33kena iya netak batu ti berega ti deka dilekatka; ngukir kayu; enggau pengawa bukai. 34TUHAN udah meri ngagai iya enggau ngagai Oholiap anak Ahisamak, ke ari raban bansa Dan, pengelandik ngajar orang bukai begagaka utai. 35Iya udah meri seduai iya pengelandik ngereja semua macham pengawa ti dikereja orang ke betebukka utai, nengkebang, betenun ngena ubung linin ti alus; bulu bedus ti bechura biru, ungu enggau mirah; enggau ngena kain ti bukai. Seduai iya landik ngereja semua macham pengawa, lalu seduai iya landik nengkebang.","num_words":784,"character_repetition_ratio":0.068,"word_repetition_ratio":0.036,"special_characters_ratio":0.211,"stopwords_ratio":0.337,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Yohanes 17 (IBAN)\\n1Lebuh Jesus udah nyebut nya, Iya engkadah ke langit, lalu bejaku, \"Apai, maya udah datai. Muliaka Anak Nuan, ngambika Anak ngemuliaka Nuan,\\n2laban Nuan udah meri Iya kuasa atas semua mensia, ngambika Iya ulih meri pengidup ti meruan belama iya ngagai semua orang ke udah diberi Nuan ngagai Iya.\\n3Tu pengidup ti meruan belama iya, ngambika sida ngelala Nuan, Allah Taala ti bendar, enggau Jesus Kristus, ke dikirumka Nuan.\\n4Aku udah ngemuliaka Nuan di dunya tu, laban Aku udah nembuka pengawa ti diasuh Nuan kereja Aku.\\n5Nya alai diatu, Apai, muliaka Aku di mua Nuan Empu ngena mulia ti dikemisi Aku di mua Nuan sebedau dunya digaga.\\n6\"Aku udah madahka nama Nuan ngagai orang ke udah diberi Nuan ngagai Aku ari dunya tu. Sida endang enggi Nuan, lalu Nuan udah meri sida ngagai Aku, lalu sida udah ngasika jaku Nuan.\\n7Diatu sida nemu, semua utai ti udah diberi Nuan ngagai Aku endang ari Nuan magang,\\n8laban jaku ti diberi Nuan ngagai Aku, udah diberi Aku ngagai sida, lalu sida udah nerima jaku nya, lalu nemu enggau bendar Aku amat datai ari Nuan, lalu sida udah arapka Nuan udah ngirumka Aku.\\n9Aku besampika sida. Aku ukai besampika dunya, tang ke sida ke udah diberi Nuan ngagai Aku, laban sida endang enggi Nuan.\\n10Semua utai Aku endang enggi Nuan magang, lalu semua utai Nuan endang enggi Aku magang, lalu Aku udah dimuliaka dalam sida.\\n11Lalu diatu Aku nadai agi di dunya, tang sida agi mengkang di dunya, lalu Aku mupuk ngagai Nuan. Apai ti Kudus, jaga sida ngena kuasa nama Nuan, nama ti udah diberi Nuan ngagai Aku, ngambika sida nyadi siku, baka Tua ke endang siku.\\n12Lebuh Aku agi enggau sida, Aku udah nyaga sida ngena kuasa nama Nuan, nama ti udah diberi Nuan ngagai Aku. Aku udah nyaga sida, lalu nadai siku sida lenyau, kelimpah ari siku ke endang diletak deka lenyau, ngambika Bup Kudus dikamatka.\\n13Tang diatu Aku deka datai ngagai Nuan, lalu Aku nyebut utai tu di dunya tu, ngambika pengaga Aku nyadi pemadu chukup dalam sida.\\n14Aku udah meri pesan Nuan ngagai sida, lalu dunya udah begedika sida, laban sida ukai enggi dunya, baka Aku ke ukai enggi dunya.\\n15Aku ukai minta Nuan ngambi sida ari dunya, tang minta Nuan nyaga sida ari iya ti jai.\\n16Sida ukai enggi dunya, baka Aku ke ukai enggi dunya.\\n17Kuduska sida dalam pemendar. Jaku Nuan nya pemendar.\\n18Baka Nuan ke udah ngirumka Aku ngagai dunya, baka nya mega Aku ngirumka sida ngagai dunya.\\n19Lalu ketegal sida, Aku nguduska Diri Empu, ngambika sida mega dikuduska dalam pemendar.\\n20\"Aku ukai semina besampika sida aja, tang mega besampi ke orang ke arapka Aku ulih pesan ti dibai sida,\\n21ngambika semua sida nyadi siku. Baka Nuan, Apai, ke dalam Aku, lalu Aku dalam Nuan, awakka sida mega dalam Tua, ngambika dunya arapka Nuan udah ngirumka Aku.\\n22Mulia ti udah diberi Nuan ngagai Aku, udah diberi Aku ngagai sida, ngambika sida nyadi siku, baka Tua ke endang siku,\\n23Aku dalam sida, lalu Nuan dalam Aku, ngambika sida nyadi siku, ngambika dunya nemu Nuan udah ngirumka Aku, lalu udah rinduka sida, baka Nuan ke udah rinduka Aku.\\n24Apai, Aku mega dekaka sida ke udah diberi Nuan ngagai Aku, begulai enggau Aku ba endur alai Aku diau, ngambika sida meda mulia Aku ti udah diberi Nuan ngagai Aku laban Nuan udah rinduka Aku kenyau ari sebedau dunya digaga.\\n25Apai ti lurus! Dunya enda ngelala Nuan, tang Aku ngelala Nuan, lalu sida nemu Nuan udah ngirumka Aku.\\n26Aku udah madahka nama Nuan ngagai sida, lalu Aku deka majak ngasuh sida nemu nama Nuan, ngambika pengerindu Nuan ke Aku bisi dalam sida, lalu Aku dalam sida.\"","num_words":583,"character_repetition_ratio":0.112,"word_repetition_ratio":0.01,"special_characters_ratio":0.215,"stopwords_ratio":0.484,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kati Orang ke Diiri Ngena Roh Kudus Deka Diangkat Idup-Idup ke Serega Maya Penusah ti Besai? | Ke Mudah\\nBACHA DALAM JAKU Afrikaans Cakchiquel Cambodian Chol Dangme English Ewe French Ga Garifuna Greenlandic Hmong (Putih) Iban Italian Karen (S'gaw) Kikongo Kiluba Kimbundu Kisonge Kwangali Kwanyama Laotian Lingala Maltese Mam Mazatec (Huautla) Mixe Myanmar Nahuatl (Central) Nahuatl (Huasteca) Nahuatl (Northern Puebla) Ndebele Ndonga Ngabere Nzema Otetela Portuguese Quechua (Ancash) Quechua (Ayacucho) Quechua (Cuzco) Sepedi Sesotho (Lesotho) Setswana Spanish Swahili (Congo) Swati Tahitian Tlapanec Tojolabal Totonac Tsonga Twi Umbundu Venda Wayuunaiki Xhosa Zulu\\n“Bediri lalu angkatka pala kita, laban pengelepas kita nyau semak.”—LUK. 21:28.\\nLAGU: 133, 43\\nNama utai nyadi ba taun 66 ke deka diasaika kitai enda lama da agi?\\nNama deka nyadi pengudah “Babilon ti Besai” dipunaska?\\nNama pengawa ngempuru ke dipadahka ba Matthew 24:31?\\n1. Nama utai ke nyadi ba taun 66? (Peda gambar ba pun pelajar.)\\nUJI gambarka nuan nya orang Kristian ke diau ba Jerusalem maya taun 66. Mayuh utai udah nyadi. Seiku pemesai Rome ke benama Florus udah ngenchuri 17 talenta duit seling ari sarang reta Rumah Sembiang. Tu ngasuh orang Judah ringat. Sida munuh mayuh soldadu Rome, lalu ngelepaska diri ari dipegai menua Rome. Tang, perintah Rome jampat-jampat malas. Dalam timpuh tiga bulan, 30,000 iku soldadu ke diuluka Cestius Gallus ngelingi Jerusalem. Orang Judah ke ngelaban belalai dalam Rumah Sembiang, tang soldadu Rome datai ba luar Rumah Sembiang, lalu nguji deka tama. Semua orang ke ba dalam menua nya berengkah takut. Baka ni asai ati nuan meda utai tu?\\n2. Nama patut digaga orang Kristian maya sida meda soldadu Rome ngelingi menua sida, lalu baka ni sida ulih ngereja nya?\\n2 Betaun sebedau nya, Jesus udah nangkan bala murid iya pasal utai ke deka nyadi tu, lalu ngasuh sida: “Lebuh kita meda Jerusalem dikelulung bala soldadu, nya baru kita deka nemu nengeri nya deka dirusak enda lama da agi. Lebuh maya nya, orang ke diau di Judea enda tau enda rari ngagai bukit. Lalu orang ke di nengeri enda tau enda angkat ari nengeri nya, lalu orang ke di menua pesisir enda tau tama ngagai nengeri.” (Luk. 21:20, 21) Baka ni sida ulih nitihka pesan Jesus ke ngasuh sida ninggalka Jerusalem lebuh bala soldadu ngelingi menua nya? Utai ti ngalitka ati nyadi. Enda mukai-mukai, bala soldadu Rome ninggalka Jerusalem! Baka ke dipadah Jesus, serang nya “dikurangka.” (Mat. 24:22) Lebuh bala soldadu nya udah bekejang, nya meh peluang orang Kristian ke tetap ati ngasika Jesus enggau jampat-jampat ngerarika diri ngagai bukit. * (Peda nota kaki.) Udah nya, ba taun 70, bala soldadu Rome ke baru datai baru ngagai Jerusalem. Maya nya, sida ngerusakka menua nya. Tang semua orang ke ngasika pesan Jesus selamat.\\n3. Nama utai ti sama ke deka diasaika orang Kristian enda lama da agi, lalu nama deka dikerandauka kitai ba pelajar tu?\\n3 Jaku tangkan enggau pesan Jesus nya mega dituju ngagai kitai kemaya hari tu. Enda lama da agi, penusah ti sama deka nyadi. Jesus ngena utai ke nyadi ba kurun keterubah nerangka utai ke deka nyadi maya “penusah ti besai” berengkah nyadi ngenyit. (Mat. 24:3, 21, 29) Orang Kristian ke tetap ati selamat maya Jerusalem dirusak. Pia mega, “mayuh amat orang” deka selamat lebuh penusah ti besai nyadi di serata dunya. (Bacha Pemandang 7:9, 13, 14.) Nya alai, kitai patut nemu nama utai ti dipadahka Bup Kudus pasal utai ke deka nyadi jemah ila. Nama kebuah? Laban pengidup kitai bepanggai ba penemu nya. Nya alai, aram meh kitai berandauka baka ni utai ke nyadi tu bekaul enggau kitai.\\nPENUSAH TI BESAI BERENGKAH\\n4. Baka ni penusah ti besai deka berengkah?\\n4 Baka ni penusah ti besai deka berengkah? Iya berengkah enggau pengerusak semua pengarap pelesu. Ba Bup Kudus, pengarap pelesu dikumbai “Babilon ti Besai, indai ke semua indu sundal.” (Pem. 17:5-7) Nama kebuah pengarap pelesu dikumbai indu sundal? Laban tuai pengarap sida enda tetap ati ngagai Petara. Sida enggai nyukung Jesus enggau Perintah iya. Tang sida nyukung perintah mensia, lalu enggai nitihka ajar Bup Kudus ngambika bekuasa agi. Sembah sida enda tuchi baka sembah orang ke diiri ngena roh kudus. (2 Kor. 11:2; Jas. 1:27; Pem. 14:4) Tang sapa deka ngemunaska Babilon ti Besai? Jehovah deka ngena “sepuluh iti tanduk” ba “jelu ti mirah-redam” kena “ngereja juluk ati Iya.” “Jelu ti mirah-redam” ngambarka Pertubuhan Bangsa-Bangsa Bersatu (PBB), lalu “sepuluh iti tanduk” ngambarka semua gerempung politik ke nyukung PBB.—Bacha Pemandang 17:3, 16-18.\\n5, 6. Nama kebuah kitai nemu ukai semua orang ke megai pengarap pelesu deka dipunaska maya Babilon ti Besai dirusakka?\\n5 Kati semua orang ke enggau pengarap pelesu deka dipunaska maya Babilon ti Besai dipunaska? Enda. Jehovah ngasuh nabi Sekariah nulis pasal utai ke deka nyadi. Maya nya, orang ke bisi enggau pengarap pelesu deka nyebut: “‘Aku ukai nabi. Aku tu orang bumai. Aku udah bumai tanah tu seumur idup.’ Udah nya, enti orang bisi nanya iya, ‘Nama telih ti ba dada nuan nya?’ iya deka nyaut, ‘Aku telih ba rumah pangan aku.’” (Sek. 13:4-6) Indah tuai pengarap deka pepura ngumbai diri nadai pengarap, lalu enggai ngaku bisi enggau pengarap pelesu.\\n6 Nama deka nyadi ngagai nembiak Petara maya nya? Jesus nerangka: ‘Lalu enti penyampau hari nya enda dikurangka, nadai mensia ulih diselamatka. Tang ketegal bala nembiak ke udah dipilih Petara, penyampau hari nya deka dikurangka.’ (Mat. 24:22) Ba kurun keterubah, penusah ti besai ba Jerusalem udah “dikurangka.” Tu meri awak ngagai “bala nembiak ke udah dipilih,” orang Kristian ke diiri ngena roh kudus ngerarika diri. Pia mega, begian keterubah penusah ti besai deka “dikurangka” ketegal “bala nembiak ke udah dipilih.” “Sepuluh iti tanduk” iya nya gerempung politik, enda dikemendar ngemunaska nembiak Petara. Tang pengudah serang nya, deka bisi timpuh pandak ke nadai penusah.\\nMAYA DIUJI ENGGAU DIAKIM\\n7, 8. Nama peluang ke deka diasaika kitai pengudah pengarap pelesu dirusakka, lalu baka ni nembiak Petara deka bebida ari orang bukai maya nya?\\n7 Nama deka nyadi pengudah pengarap pelesu dirusakka? Nya meh maya nunjukka nama utai ke bisi ba ati kitai. Maya nya, mayuh mensia deka minta jaga enggau tulung ari “selikap batu ba sebelah bukit,” iya nya gerempung mensia. (Pem. 6:15-17) Tang nembiak Jehovah deka minta jaga ari Iya. Lebuh serang “dikurangka” ba kurun keterubah, nya ukai maya semua orang Judah nukar pengarap masuk Kristian. Tang, nya meh maya sida ke udah nyadi orang Kristian pansut ari Jerusalem baka ke diasuh Jesus. Pia mega enda lama da agi, lebuh serang ngagai Babilon ti Besai “dikurangka,” kitai enda ngarapka mayuh orang deka nukar pengarap masuk Kristian ti bendar. Tang, nya meh peluang ke semua penyembah ti bendar nunjukka pengerindu sida ngagai Jehovah sereta nyukung sida ke diiri ngena roh kudus.—Mat. 25:34-40.\\n8 Kitai enda nemu enggau terang nama utai ke deka nyadi maya timpuh penguji nya. Tang kitai nemu pengidup enda senang, lalu kitai patut ngelengkaka sekeda utai. Ba kurun keterubah, orang Kristian ninggalka rumah sida sereta natka penusah ngambika ulih selamat. (Mrk. 13:15-18) Kitai patut nanya diri empu: ‘Kati aku sanggup ngelengkaka reta aku? Kati aku deka ngereja sebarang utai ke patut ngambika mengkang tetap ati ngagai Jehovah?’ Uji pikirka! Maya nya, semina kitai aja ke nyembah Petara kitai enda ngira nama utai ke nyadi, sama baka nabi Daniel.—Dan. 6:10, 11.\\n9, 10. (a) Nama pesan ke deka dipadahka nembiak Petara maya penusah ti besai? (b) Nama deka digaga munsuh nembiak Petara?\\n9 Penusah ti besai ukai maya ngerembaika ‘Berita Manah pasal Perintah Petara.’ Maya ngerembaika berita manah udah abis. Maya “pengujung” deka datai! (Mat. 24:14) Nembiak Petara enggau berani madahka pesan berat pasal pengujung ke deka ninggang semua orang. Pesan tu engka madahka dunya Sitan ke penuh enggau penyai deka dipunaska. Bup Kudus mandingka pesan tu baka tekang ujan batu: ‘Tekang ujan batu ti besai, pemerat sigi-sigi kira 50 kilogram, labuh ari langit lalu ninggang mensia. Mensia lalu nyumpah Petara ketegal penusah laban ujan batu nya, laban ujan batu nya amat balat.’—Pem. 16:21.\\n10 Munsuh kitai bisi ninga pesan berat tu. Jehovah ngasuh nabi Esekiel nerangka baka ni seraban mensia ke dikumbai Bup Kudus Gok ari Magok deka ngelaban: ‘Tu utai ti disebut Petara Jehovah ngagai Gok: “Lebuh maya nya ila, nuan deka berengkah berunding begagaka pelan ti jai. Nuan deka mutuska runding deka nyerang sebengkah menua ti nadai daya, endur alai orang ke diau dalam pemaik enggau pengelikun dalam nengeri ti enda bekuta, lalu nadai utai nyaga. Nuan deka ngerumpak lalu ngerampas utai ari orang ke diau dalam nengeri ti udah dirusak nyadi tembawai dulu agi ari nya. Sida udah digempuruka ari mayuh bengkah menua, lalu diatu sida bisi jelu tupi enggau reta tengkira, lalu diau ba endur alai orang ke ari mayuh bengkah bansa betemu.”’ (Esk. 38:10-12) Nembiak Petara deka bebida ari orang bukai. Sida baka ke “diau ba endur alai orang ke ari mayuh bengkah bansa betemu.” Gok tauka seraban mensia enda ulih nagang sida empu. Sida keran deka nyerang nembiak Jehovah ke diiri ngena roh kudus sereta orang ke nyukung sida.\\n11. (a) Nama patut dikingatka kitai pasal tusun utai ke deka nyadi maya penusah ti besai? (b) Baka ni gaya orang lebuh sida meda tanda nya?\\n11 Nama deka nyadi udah nya? Bup Kudus nadai madahka kitai enggau terang tusun utai ke deka nyadi, tang sekeda utai engka deka nyadi serentak. Pasal pengujung dunya tu, Jesus madahka: “Tanda deka pegari ba mata hari, ba bulan enggau ba bintang, lalu semua bansa di dunya deka tusah sereta irau ninga pemalat munyi segum tasik enggau pangka gelumbang. Orang deka luput laban takut, irauka utai ti deka ninggang dunya, laban kuasa ti di langit deka begegar. Udah nya baru sida deka meda Anak Mensia datai dalam remang ngena kuasa enggau mulia ti besai.” (Luk. 21:25-27; bacha Mark 13:24-26.) Kati tu nyengkaum tanda enggau utai ngenakutka ti deka nyadi ba langit? Kitai patut nganti. Taja pia, kitai nemu lebuh munsuh Petara meda tanda nya, sida deka irau sereta takut.\\nKitai pechaya kitai ulih diselamatka! (Peda genteran 12, 13)\\n12, 13. (a) Nama deka nyadi lebuh Jesus datai “ngena kuasa enggau mulia ti besai”? (b) Nama deka digaga nembiak Petara maya nya?\\n12 Nama deka nyadi lebuh Jesus datai “ngena kuasa enggau mulia ti besai”? Iya deka meri upah ngagai sida ke tetap ati, lalu ngukum sida ke enda tetap ati. (Mat. 24:46, 47, 50, 51; 25:19, 28-30) Jesus ngena siti sempama nerangka utai tu enggau silik agi. Ku iya: ‘Lebuh Anak Mensia datai dalam mulia iya, lalu semua melikat datai enggau iya, nya baru iya deka duduk ba kerusi diraja iya ti bemulia. Semua bansa deka digempuruka di mua iya, lalu iya deka nyeraraka sida ari pangan diri, baka pengibun bedus ke nyeraraka bedus ari kambin, lalu iya deka ngengkahka orang ke lurus muak ari kanan iya, lalu sida ti bukai, muak ari kiba iya.” (Mat. 25:31-33) Nama deka nyadi ngagai bedus enggau kambin? Sida deka diakim. Kambin tauka orang ke enda tetap ati, “deka diukum belama iya.” Tang, bedus tauka orang ke tetap ati, deka nerima pengidup belama iya.—Mat. 25:46.\\n13 Nama deka digaga sida ke enda tetap ati lebuh sida nemu sida deka dipunaska? Sida “deka ngulit.” (Mat. 24:30) Tang nama deka digaga orang ke diiri ngena roh kudus enggau orang ke nyukung sida? Sida deka ngereja utai ke dipadah Jesus: “Lebuh utai tu belabuh nyadi, bediri lalu angkatka pala kita, laban pengelepas kita nyau semak.”—Luk. 21:28.\\nMANCHAR BAKA MATA HARI DALAM PERINTAH PETARA\\n14, 15. Nama pengawa ngempuru ke deka nyadi pengudah Gok ari Magok berengkah nyerang, lalu baka ni tu deka nyadi?\\n14 Nama deka nyadi pengudah Gok ari Magok berengkah nyerang nembiak Petara? Bup Kudus madahka Anak Mensia ‘deka ngasuh bala melikat Iya bejalai, lalu sida deka ngempuruka semua orang ke udah dipilih Petara ari semua sukut dunya.’ (Mrk. 13:27; Mat. 24:31) Pengawa ngempuruka tu ukai maya orang Kristian ke diiri ngena roh kudus keterubah iya dipilih. Lalu tu mega ukai maya sida ke diiri ngena roh kudus ke agi ba dunya nerima chop ti penudi. (Mat. 13:37, 38) Chop ti penudi tu nyadi maya penusah ti besai deka berengkah. (Pem. 7:1-4) Nyadi, nama pengawa ngempuru tu? Tu meh maya sida ke diiri ngena roh kudus ke agi ba dunya deka nerima upah sida, lalu niki ke serega. (1 Tes. 4:15-17; Pem. 14:1) Utai tu deka nyadi enda lama pengudah Gok ari Magok berengkah nyerang. (Esk. 38:11) Udah nya, baka ke dipadah Jesus, “orang ke lurus deka manchar baka mata hari dalam Perintah Apai sida.”—Mat. 13:43. * (Peda nota kaki.)\\n15 Kati tu nunjukka orang ke diiri ngena roh kudus deka diangkat idup-idup ke serega? Mayuh orang ba gerija pechaya, orang Kristian deka niki ke serega ngena batang tubuh. Sida mega ngumbai sida ulih meda Jesus datai baru, lalu merintah dunya. Taja pia, Bup Kudus enggau terang nunjukka Jesus enda dipeda lebuh iya datai baru: “Tanda Anak Mensia deka pegari di langit,” lalu Jesus deka datai “ba atas remang ari serega.” (Mat. 24:30) Bup Kudus mega madahka ‘isi enggau darah enda ulih bempu Perintah Petara.’ Nya alai, sida ke deka niki ke serega patut “diubah, tekala nya, dalam sekejap mata, lebuh terumpit ti penudi disepu.” * (Peda nota kaki.) (Bacha 1 Korint 15:50-53.) Kitai enda ngena leka jaku diangkat idup-idup ke serega ditu kena nerangka utai tu laban iya bekaul enggau ajar pelesu ari gerija. Taja pia, sida ke diiri ngena roh kudus ke agi ba dunya deka digempuruka enggau jampat.\\n16, 17. Nama patut nyadi dulu sebedau pengerami tikah Anak Domba?\\n16 Lebuh kesemua 144,000 iku sida ke diiri ngena roh kudus udah ke serega, pengawa ke penudi iya nyediaka pengerami tikah Anak Domba deka berengkah. (Pem. 19:9) Tang, bisi utai bukai patut nyadi dulu sebedau pengerami nya. Kingatka, Gok deka nyerang nembiak Petara maya sekeda ari sida ke diiri ngena roh kudus agi ba dunya. (Esk. 38:16) Nama deka digaga nembiak Petara? Sida deka nitihka jaku tu: ‘Perang tu ukai perang kita. Belatur aja, lalu diau jenuh nengkilaka Jehovah menang beperang ngarika kita. . . . Anang takut tauka tusah ati.’ (2 Ban. 20:17) Enda lama pengudah perang ari Gok berengkah, semua sida ke diiri ngena roh kudus ke agi ba dunya deka niki ke serega. Udah nya, Pemandang 17:14 madahka kitai nama deka digaga sida ke ba serega bekaul enggau serang ari Gok. Bala munsuh nembiak Petara ‘deka beperang ngelaban Anak Domba, lalu Anak Domba deka ngalahka sida, laban iya Tuan ari atas semua tuan, Raja ari atas semua raja, lalu orang ke enggau iya endang udah dikangauka lalu dipilih sereta tetap ati.’ Nya alai, Jesus enggau 144,000 iku raja ke udah dipilih ke serega, deka nyelamatka nembiak Petara ba dunya.\\n17 Pengawa nyelamatka tu mai ngagai perang Armagedon, ke deka ngemuliaka nama Jehovah ti kudus. (Pem. 16:16) Semua sida ke diakim nyadi kambin tauka enda tetap ati, deka dipunaska. Udah nya, nadai agi penyai ba dunya, lalu “mayuh amat orang” deka selamat ari perang Armagedon. Pengujung iya, utai ti ngerinduka ati ba ujung bup Pemandang deka nyadi, iya nya pengerami tikah Anak Domba! (Pem. 21:1-4) * (Peda nota kaki.) Semua sida ke selamat ba dunya deka diterima Petara, lalu ngasaika pengerindu enggau pengerah ati Iya ti besai. Kitai enggau gagit ati nganti maya nya datai. Naka meh pemanah pengerami tikah nya!—Bacha 2 Peter 3:13.\\n18. Ketegal utai ti ngagitka ati deka nyadi enda lama da agi, nama patut digaga kitai?\\n18 Ketegal utai ti ngagitka ati tu deka nyadi enda lama da agi, nama patut digaga tiap iku kitai diatu? Jehovah ngasuh rasul Peter nulis: ‘Nya alai laban semua utai deka dirusak magang ngena chara nya, baka ni ku gaya kita patut idup? Kita patut diau kudus sereta nangika Petara, nganti sereta minta Hari Petara datai enggau jampat. . . . Nya alai, menyadi, lebuh kita nganti semua utai nya, kita enda tau enda enggau naka ulih diau bebaik enggau Iya, nadai bepenyalah, nadai penimpang.’ (2 Pet. 3:11, 12, 14) Aram meh kitai enggau naka ulih ngetanka sembah kitai ti tuchi, nadai kaul enggau pengarap pelesu, lalu nyukung Raja Pemaik, Jesus Kristus.\\n^ per. 2 Peda The Watchtower, 15 April 2012, lambar 25-26.\\n^ per. 14 Peda Watchtower, 15 Julai 2013, lambar 13-14.\\n^ per. 15 Tubuh sida ke diiri ngena roh kudus ke agi idup maya nya enda dibai ke serega. (1 Kor. 15:48, 49) Tubuh sida deka lenyau sama baka tubuh Jesus.\\n^ per. 17 Masmur 45 mega madahka sekeda penerang pasal tusun utai ke deka nyadi. Keterubah Raja deka beperang, udah nya pengerami tikah deka nyadi.\\nPengerami Tikah Anak Domba: Anak Domba enggau Lelaki ti Deka Ditikah ngambarka Jesus Kristus. Indu ti deka ditikah ngambarka raban orang Kristian ke diiri ngena roh kudus lebuh sida di serega. Pengerami tikah ngambarka Jesus begempung enggau semua sida ke diiri ngena roh kudus ke diangkatka niki ke serega ngambika sida ulih sama gawa. Pengerami tikah deka nyadi ba serega pengudah perang Armagedon Petara\\nGok ari Magok: Seraban mensia ke begempung nyerang nembiak Petara maya penusah ti besai","num_words":2656,"character_repetition_ratio":0.072,"word_repetition_ratio":0.009,"special_characters_ratio":0.229,"stopwords_ratio":0.318,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ali naka ulih mantu SMK Saratok - Suara Sarawak\\nSARATOK: Kaban Parlimen Saratok Ali Biju naka ulih mantu ngemanah sekula ke alai iya ngulihka pemanadai iya nya SMK Saratok.\\nKenu ku iya, endang udah nyadi juluk aku deka mai ubah ngagai sekula lama aku suba (SMK Saratok) awakka nembiak ti belajar ditu enda ngasaika pemedis baka kami suba.\\n“Endang udah nyadi juluk aku deka mai ubah ngagai sekula lama aku suba (SMK Saratok) awakka nembiak ti belajar ditu enda ngasaika pemedis baka kami suba,”ku iya.\\nIya madah munyi nya rambau pejalai nemuai ngabas perengkaguna ba SMK Saratok, apin lama ke udah.\\nAsil ari pejalai nya, dia iya madah perengkaguna ke balat rusak di sekula nya deka dikemanah ngena chara berengkat.\\nBISI BERUBAH…Ali disempulang pemantu peribit iya (Kanan sekali), Glenn, Tinggom (dua kanan) Phillip Singkek (empat kanan) enggau bala bukai rambau ngabas SMK Saratok, apin lama ke udah.\\nBa renggat keterubah, dia SMK Saratok deka nerima bantu 60 iti katil, tilam (120 iti) enggau jemari gari (120 iti).\\n“Gaga sereta temegah asai ati laban udah mujur ngamat semaiya diri iya nya mantu sekula tu, kelebih agi ari sukut perengkaguna bala nembiak.\\n“Bantu ari aku tu diberi nitihka penyampau belanja ari perintah besai ngagai sitak ke dipegai aku,” ku iya.\\nDulu ari tu, SMK Saratok bisi nerima bantu RM100, 000 ari Kaban Kunsil Nengeri (Adun) Krian nya.\\nNya alai, Ali ngarapka bala apai indai nembiak chakah agi meransang bala anak nurun sekula laban perengkaguna udah menyana.\\nUngkup penemu, SMK Saratok entata sekula ke pemadu tuai ba pelilih Saratok lalu mayuh nempa nembiak sekula ti nyulut ba pelajar.\\nSama datai Prinsipal SMK Saratok Philip Singkek, PK Hem Tinggom Jelemin enggau bala bukai.","num_words":261,"character_repetition_ratio":0.067,"word_repetition_ratio":0.119,"special_characters_ratio":0.201,"stopwords_ratio":0.222,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"ApairosaOnline: PENEMUAI AKU KE HYDRO ELECTRIC BAKUN\\nPENEMUAI AKU KE HYDRO ELECTRIC BAKUN\\nKena 08.12.2008 aku bisi nemuai ngagai site project Hydro Electric Bakun, iya nya siti ari palan hydro ke pengabis iya besai ba menua kitai tu. Ba tu kitai olih meda tekat ai nya ti digaga nyengkar ai Batang Baloi lalu rarat ngagai Belaga. Lalu bisi ba diversion ti bisi arus tiga iti ti bisi ba chat kuning nya iya nya alai ti ngerarat ke ai diatu ti tembu ditekat ba tahun 2002 suba. Nitih ke tusoi kaban aku ti gawa ba Sime Darby Holding iya nya main contractor ba project tu sida ila ka ngemenuh ke tekat ai tu sepengelama setahun setengah lalu peninggi ai nya kira ke lima kaki ari tebing tekat ke peda kitai ba gambar ke diayan ke aku tu. Lalu ke ayan baka chalet nya iya nya quarters alai bala orang ti gawa dia diau lalu bisi siti dewan badminton ti besai serta bisi mega swimming pool dia.\\nPosted by John Adam Gilbert at 6:24 AM\\nPenemuruai February 15, 2009 at 8:03 AM\\nSebandile Blog February 18, 2009 at 10:11 PM\\ntajau singa raja February 19, 2009 at 10:37 AM\\nApairosaOnline February 20, 2009 at 5:56 AM\\nAnonymous February 22, 2009 at 1:29 AM\\nmau*Bintang Ati February 26, 2009 at 8:43 PM\\nApairosaOnline February 28, 2009 at 6:48 AM\\nApairosaOnline April 27, 2009 at 10:39 AM\\naRieN's September 22, 2009 at 11:48 AM\\naRieN's September 22, 2009 at 11:50 AM\\nJohn Adam Gilbert September 24, 2009 at 6:13 AM","num_words":206,"character_repetition_ratio":0.08,"word_repetition_ratio":0.0,"special_characters_ratio":0.289,"stopwords_ratio":0.316,"flagged_words_ratio":0.0,"lang_id_score":0.995,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Indu Rumah Panjai - Ngenang Diri Sebilik, Pengidup Enggau Pengarap: Besawit\\nIgat ke ngepun. Numbuhka aku sawit nuan D, udah aku tembu belajar ila aku nyaga sawit tua, pia ku Igat. Au tau nya, pia ku Jumau. Anang, anang, pia ku Maie enggau Sudan. Seduai udah tuai, nganti ka pinchin aja, mata dadi nyu rabun ni ke dibai driba, pia dadi selalu driba laju-laju, Selangau nya jauh, ni seduai ulih ngundang belama, ukai bisi karan enggau ai din, enda tan seduai diau din, jauh klinik, macham-macham meh ku dua iku nya. Dadi berat amat, menati ke diri ke mansang tuai, enda tentu bepengerai. Nya alai iya enda besawit ari suba, kengka tanah tua iya ke setempap dua ba tisi jalai di asuh iya kereja menyadi ia apai Nyala, endur besawit. Iya sigi meransang bala menyadi iya, dipinta ka iya skim sawit ari upis Betanam Betupi sida nya ba taun 1998, nya alai bala ipar aku urang ke terubah besawit ba Jalai Dijih. Ari skim, bala ipar aku lalu nambah ke diri nanam sawit, mupuk-mupuk datai ke diatu.\\nUdah Igat nyebut, tua iya lalu ngumbuk dadi. Manage aja tua D, ngambi urang gawa, sebulan mendua kali tua ngabas kin, ila aku nyukung nuan deh, anang irau nuan, pia ku aku. Ninga anak enggau bini ngansak au ga ku tudah dadi. Seduai ke indu lalu shadap (shut up) munyi ku indai aku. Bakanya ku jerita kami menyanak berengkah besawit.\\nNya tu gamal urang ke ka besawit.\\nIla kitai meda enti iya ngamatka jaku iya. Ku ia iya ka ngiga puku kena iya muka klinik gigi ila, nya alai iya ka besawit. Mar meli perengka klinik mami, pia ku Igat, peda nuan penyanggih kereban ba klinik Dr Aziz, ku iya. Aku besampi arapka iya be amat-amat ila, nampung utai ti udah dipun ke tua dadi. Ukai semina ketegal juluk ati iya, tang kena iya ngidupka diri. Tu nah peda, rauh-rauh dua tiga minggu tu sekumbang iya ke exam, mami, mami, kemaya nuan bisi travelling ka KL nupi nyawa aku tu, deprived aku tu mami, mami, lama amat enda makai utai nyamai, pia ku iya. Iga nya Igat, ku aku, lapa kita sekaban enda nganjung diri ngagai Bukit Bintang makai kia, ku aku. Eh, bala pangan aku enggai dibai makai ngudar pemakai bakanya, sida ka makai utai simple aja. Aku enggai ga kediri dunga-dunga, pia ku Igat. Nya alai laban tua dadi ke sama bisi pengawa dipejalaika ba KL minggu tu, Igat lalu sebiru enggau kami duai. Empat malam din empat malam nganjung iya makai utai ti diketenguk ke iya. Kasih tua dadi meda tudah ke bendar amat belajar, baru tembu trial exam, dah tu bendar baru ga laban AS exam sida berengkah tengan bulan lima tu.\\nUdah makai dibai iya meda tukis Clash of the Titans, betangkup ke cheremin mata 3D. Di bai iya lepak sebelah Coffee Bean, de malam lepak ba La Bodega, endur urang nyual pemakai Sepanyol. Malam ari enam seduai meda derby (Man U vs Man C) ba Michelangelo, siti endur makai nyual pemakai Itali ba Pavilion. Tudah diri nganti seduai, nama ga pengawa, nyu ngirup kupi, makai torta cicciolata, nyudu gelato di spumoni dadi, ma aku ninga seduai memunyi, dirara aku ga, laban sepiak-sepiak kami urang ribai. Tang iya meh gul, betempap jari seduai, sebuti enda engkajat, dinga ba luar din nginggar nya ga bala ke duduk ba endur bukai betempik jari, nyerauh gaga. Aku ngambi peluang olang tengok olang. Enda rindu aku meda diatu, mayuh amat indu ke biak-biak di KL nginsap. Rusak amat. Kenu ku ba surat kabar, sida ka nginsap ngambika kurus, enda gemu.....tang ba penemu aku, pandak amat ga runding bakanya, ngereja utai ti ngenataika penyakit tubuh ketegal ka ngasuh tubuh ba luar manah dipeda...baka ke nadai chara bukai kena nguruska tubuh. Nya aku belaba ke batang ia, angka sida ngasaika diri cool bakanya kini.....you are so pretty sweetheart, why do you spoil yourself so, ku ati aku din ma aku malik kiba kanan meda sida nginsap.\\nDadi ukai bansa ke rindu ngirup kupi enggau makai kek, ta keruan nganjung indai enggau anak iya...\\nGaga amat dibai diau ba hotel. Arapka nya nyadi peransang iya bebendar belajar, ngambi ulih nyuluk pengawa ti dikedeka ke iya.\\nAku belemati, sekalika Igat bisi pengeransing enggau pengeliat ati ngamatka jaku iya ila.\\nAri langkan, Igat sigi angkun ke pengawa rumah panjai. Iya enda keji ke tanah, ari mit suba lebuh kami mula berumah panjai (taun 2000) sigi entuting tua apai iya belama iya, maya nya iya baru berumur 9 taun. Kami gagau berumah, iya melangkan mandi sebelah ai sungai Meruan, ngelunsur ba tebiang semak rumah, betarit ngena randau melebu. Ma chukup jam sida alu main bul ba padang sekula SK Dijih. Dah nya chebul-chebul baru mandi ba pendai. Ma lemai sigi ulih aku merus enggau penamat inat ma meri iya mandi, enda nemu agi daki, pia latak, pia isi nyu baka muam belaban panas. Tang enda beduli, gut-gut aku nganu, iya belagu maya aku ke merus daki. Sekali ringat amat iya enggai dibai dadi pulai ka Bintulu, laban agi ka diau ba rumah panjai, nyu belaya seduai, enda liat dadi ta diketu ka kerita, di asuh dadi pansut, nya bejalai kediri nuan pulai ke rumah ku apai iya. Peda ta enda chamang-chamang, alu angkat ari kerita, alu bejalai nikal ke rumah panjai. Lalu ngapu Apak Win enggau Mak Win ke sama enggau seduai (aku enda enggau). Nyu ulih sida nunduk mai iya pulai...maya nya iya berumur 9 taun.\\nIgat nadai kala didinga sebana ke nadai karan enggau ai, enda baka kami ke bukai. Iya enda milih makai, nama utai dibantai ke urang di menua sigi di empa iya. Berengkah ari iya nyu udah besai (Pom 4), iya sigi enggau urang bebela maya gawai, maya pengerami rumah panjai. Tumu iya dani enggau urang ngintu babi, nunu manuk, nunu ikan. Iya nemu makai perut manuk tunu, sa upak, sayur-sayur Iban, sigi utai dikerinduka iya magang. Enti di rumah panjai ni macham pengawa dibai bala aya enggau petunggal iya kereja sigi di au ka iya magang. Enda agi dadi enggau urang kin kitu. Akih ku bala petunggal iya nganggauka iya, akih ga ku iya nimbal urang. Sebiru sampai dini pagi iya enggau bala ke serebak. Iya gaga amat dibai apai iya ngabas tembawai sida di Luau, minta bai dadi kin baru, ka nyelambau, ka enggau urang nebang mulung meh iya.\\nTu ba tembawai di Luau, pulai mandi.\\nNgelamatu ma iya bisi chuti, sigi nadai beleman iya dibai pulai ke rumah. Iya pin sama enggau urang gawa, ta ni pengawa ke dibai dadi kereja ia. Ngipak ka tubuh iya ke tegap, iya sigi kering ngangkatka guni baja, enda mesa kambut 50 kg dima iya.\\nIya rindu ke menua, rindu ke pengidup di rumah panjai, iya nemu bekaling, besaum enggau urang di menua, iya kering gawa. Utai ti enda tau nadai nya pemakai ti dikerindu ke iya, ba senentang pemakai sigi sebaka seduai menyanak. Nya alai enti pulai ke rumah panjai sigi bepeluh-peluh tudah diri mela laki, mela anak, mela urang ke enggau gawa. Arapka Igat ransing ati meh ila, enda mudah leju, enda mudah ngetu nyepi bisi penanggul.\\nTu gamal urang ke beterengking enda ngasuh.\\nSeduai dua tu bedau pass diau ba rumah panjai. Enda nemu nama utai dikerandau enggau urang meh ku seduai, malu nunga urang meh seduai. Di badu enda, di mayuh amu sama amu enggau nuan berandau, ukai kami sebaka enggau di, pia ku nganu aku. Dulu agi Maie nujah kebun sawit sida Cris ari iya ke ngabas sawit kami. Sekali enggau Cris nganjung barang ke bala ke gawa, sekali dibai Cris enggau apai Cris (Alex) ngabas sawit di Batu 9. See what love does to my eldest daughter. Amat meh utai ti ku iya nganu aku, I love you mami, but I love him (Cris) more, pia ku iya wai, maya iya ka bekejang chuti ka London Christmas taun tu suba.\\nTu gamal urang ke enda tentu ka.\\nNya, peda kita gamal nya, bisi enggai nya diatu? Nyu tua Igat ke enda tetitihka iya. Enggai lubah ma ka ngereja utai. Ma pulai ke rumah, sigi udah dani iya pukul 4 pagi, biar iya meda CNN dulu nganti aku ke angkat endur nurun. Time management iya superb, iya ga urang menua enda lembau ngerah bala. Iya nyima-nyima ngerah aku, enggai ka karan sut, munyi ku bala anak menyadi iya. Nama utai ke enda ulih dikereja kitai indu di rumah, se agi ke mela pemakai, ngibun bilik, betemuai, agi lempung dikereja kitai. Ma iya ngasuh ipar aku mai urang gawa, di asuh iya milih ke kering gawa, ke enda ngular. Tang ba rumah panjai ni nya sepeneka kitai milih. Bisi ke bagas-bagas, bisi ke kurang, ke ulih urang narit belama. Kasih ga D, pia ku aku, enda tegal gawa kenyadi ke bakanya ga, kena tudah meli tusu anak, pama meh sida bisi dikenyadi ka tua. Kadang-kadang enda ngutuk ga dadi geram, laban sida nyu enda nitihka peneka kitai maya ke gawa. Kitai ka berumban, sida nge au, madahka diri ka ngereja, tang nyu minggu baru ila gawa, ukai diatu...dini kitai ulih nganti sida, ku dadi mutap.\\nTu Jumau ke nge au.\\nTang ke udah aku enda au belau. Se agi aku gerai, aku sigi nyukung dadi enggau Igat. I'll remain the woman behind the man. Ke bendar ia aku sigi lama udah ka besawit, tang dadi enda nge au ke aku. Many thanks, son.\\nKami duai melaki bini enda nyangka pengawa tua iya ke besawit nyadi peransang bala di menua. Meda kami duai besawit, kami serumah ke bedau besawit sama besawit magang, semina empat pintu ke enda besawit ketegal nadai tubuh, nyu udah tuai, kedua baru ngidupka diri. Nya meh ma dadi meli baja urea ari urang ke gawa di ABF, tauka meli deram plastik, dadi lalu nyangkung sida, gaga sida ngari baja enggau deram ari dadi. Kami duai gaga ga bisi urang enggau gawa.\\nPia mega, bala di ulu Dijih sama besawit diatu. Bisi siku petunggal apai Maie enda kebut-kebut enggau urang, enda tentu ka ke batang. Tak dibeli ke anak iya igi sawit ari MPOB, diasuh anak iya terenak, asuh iya jaga apai iya, asuh iya nebas tanah endur besawit apai iya tadi. Nama nuan ke nadai pengawa, sigi urang bumai, tau tak enggai besawit, peda di apai Maie enggau indai Maie, bekereja urang di nengeri, besawit meh urang, pia ku anak petunggal iya ngelicha apai iya. Nya, nyu besawit meh tudah petunggal iya diatu...petunggal iya nusi jaku anak iya maya kami ke nyenggai antu empai lama.\\nAku beratika enti kitai Iban besawit, ulih amat kitai angkat ba penatai pemisi. Kitai bisi tanah, kitai semina beguna ke puku kena ngaga jalai enggau meli paung sawit. Ke diatu rega paung sawit RM10 sepun. Ke mar nya nyendiaka tanah, enti bebukit mayuh amat kos laban perlu ditiris, tang enti tanah landai, semina ngaga jalai aja. Ke tebal amat kitai di rumah panjai sebana nadai puku, tang kedua ke mayuh tanah enda nemu ngena tanah ke puku, uji jual sekeda tanah ngambika rega nyadi ka puku besawit, ngambi ulih nyamin penatai pemisi dalam timpoh 20 taun ka datai. Rega sawit tau kena kitai meli tanah di bukai kena nganti tanah ke dijual, kena meli rumah di nengeri, enda pia. Tu dikumbai musin ka duit. Tu nusi utai ulih bala ke udah besawit - ari 600 pun sawit (10 ikar) tau ngasilka enda kurang ari 5 tan dalam tiga minggu. Enti rega buah sawit RM500 setan, kitai bulih RM2500 sebulan. Tang urang ke kur ngibun sawit tulihka sampai 10 tan sebulan ari 600 pun. Udah tulak kos kitai kira-kira 30-40%, bisi amat belanja kena nyungkak ke ekonomi diri sebilik. Maya rega buah sawit RM700-800 setan taun 2008 suba, sigi durian runtuh amat bala ke besawit. Mayuh bala di Niah enggau Suai ke meli rumah kedai, ari asil nanam sawit.\\nKami duai apai Maie bisi nemuai ngagai ladang endur siku Haji K (urang kaya di Bintulu, ngembuan mayuh kedai) nyemai sawit. Dia haji tu lalu bekunsi jerita enggau kami duai. Ku iya, mayuh pengawa udah dikereja aku sanu, tang nadai ngelaban besawit tu pengawa ke pengabis untung udah dikereja aku ku iya.\\nNya, enda ingin kitai ninga utai ku iya nya? Sebedau iya nanam sawit Haji K sigi udah nyadi jutawan. Belematika ayat tu. Sebedau iya nanam sawit Haji K sigi udah nyadi jutawan. AND iya madah nanam sawit pengabis untung ari semua utai bukai ti udah dikereja iya. Get it?\\nTu pemanah besawit dibanding ka enggau kitai ngiga pengidup nengah chara bukai.\\n(1) Enda perlu agi enggau urang masuk tender ngiga kontrek ke munggang mit, enda perlu regap-regap ngelaku ka servis tauka product kempeni, enda perlu keciwa munyi ku sa anak ma tender enda bulih, ma servis tauka product enda laku. Enda perlu arapka niki gaji ninting taun ke beratus dua. Ari kitai ke begaji kontrek di nengeri bulih RM1000-RM2000 sebulan, manah agi kitai besawit, mayuh agi penatai, sigi bisi setiap bulan.\\n(2) Kitai enda perlu marketing, perintah ngemasarka sawit. Amat bisi sekeda nengeri milih diatu, enggai meli sawit ari menua ke enda masa pemanah enggau pemeresi rampa menua, ke ngasuh bala jelu babas pupus ketegal ke nadai agi kampung, ke nambahka carbon emission ari peat soil ke angus, pia ku sida bejai sawit. Tang anang irau kitai ke pekebun mit, kitai di belakang urang ke gerasi nading - sa IOI, sa Sime Darby, sa KL Kepong, sa Felda, kelebih agi perintah empu, meruan menteri nyaga dagang sawit kitai. Ma nyu enda tau enda ila, mupuk ga kitai nitihka urang ngereja sawit nitihka chara ti sustainable. Ila aku ngenang RSPO (Round Table on Sustainable Palm Oil).\\n(3) Kitai nyadi bos - nyadi urang dagang. Kati enda deh, tanah sendiri punya, tanam, jaga sendiri bikin, jual sendiri dapat harga 100%, sendiri bayar gaji pekerja. Bos meh ma kitai bakanya enda pia. Urang ba rumah panjai nanya kami, nama kebuah ka besawit laban bisi kereja. Ee, bedagang nya ku aku. Tu kunchi kena muka ati urang di rumah panjai, laban sida nganggap nanam sawit pengawa ti baruh, enda aruh dikereja kitai ke pandai nyurat, kelebih agi ke bisi degree. Sida di rumah panjai begunaka paradigm shift.\\n(3) Endur nyual sigi bisi, rega sigi tetap nitihka gred, kitai enda ulih dikelakar urang ke meli\\n(4) Kitai bisi penatai ti tetap tiap bulan. Sekali dalam 3 minggu numbuk sawit.\\n(5) Kitai enda perlu bumai laban rega sawit sebulan chukup kena meli beras empa setaun (say 20 kg beras - RM90 sebulan, tauka RM1080 setaun), nya alai kitai ke ba rumah panjai bisi amat awak ditumpuka ngibun sawit. bala ipar aku udah enda bumai dalam kandang 3 taun tu, enda di asuh dadi, enggai ke sida enda meruan ngintu sawit.\\n(6) Sawit tu enda tentu bepenyakit baka lada.\\n(7) Tanah kitai nyu enda tebiar agi, nyu nyadi productive, mansutka asil ti tinggi. Pelaba aku gaga sida niang aki ini kitai ke udah nadai meda kitai ke ngereja tanah ke diperimba sida kelia. Indeed, ari ke besawit, kitai sigi masa, sigi enda ngelebu ke pemagas, penganas aki ini ke betemuda berimba kelia.\\n(8) Kitai nemu antara tanah enggau sepiak-sepiak, nya alai ngurangka penyarut, nguntungka bala anak uchu kitai dudi ari ila.\\n(9) Kitai ulih nyungkak ke pemansang menua pesisir, ngeninggika tikas pengidup diri sebilik. Ari nya kitai ulih melanja anak sekula, ulih meli bup kena sida belajar, ulih meli pemakai ti chukup ngambi sida besai enggau manah, ngambi untak sida ulih bepikir enggau tajam. Kitai ulih meli TV, nyambung ASTRO, meli komputer, ngambi anak kitai tebuka mata meda pemansang di nengeri, di menua bukai, ulih belajar jaku omputih, ulih telenga runding, enda ngembuan provincial upbringing ti ngasuh sida enda ulih besemekih enggau urang bukai ma sekula tauka gawa di nengeri. Au, ba kami ke nadai karan, ulih meli injin api enggau minyak disel...\\nSemina rega iya meh kadang-kadang niki, kadang-kadang turun. Tang ku bala betusi, seagi rega buah sawit enda turun ari RM350 setan agi bisi untung. Ba kitai ke nadai tubuh, ke enda diau mendam ba rumah panjai, siti penusah sigi ngiga urang gawa. Tusah amat. Iya ga atur baru diatu enchabar amat, atur tu netapka kitai pekebun kecil muti ulih minta permit ngambi pekerja ari luar nengeri baka bala ari Indonesia enti tanah kitai bisi pala. Dini meh tanah asal kitai ke bisi pala. Arapka atur pasal permit tu di ubah, ngambi enda nekul kitai ke ka nikika tikas pengidup diri, kelebih agi bala di menua pesisir. Taja pia arapka bala enda enggai nguji nanam sawit, ta pupuk bakanya meh, naka ni ulih dikereja. Kitai Iban peturun urang bagas, enda patut kitai ngeri ngereja sawit, nda pia? Iya ke berat dikereja nya numbuk buah, tang kitai tau beduruk enti nadai indon digaji. Utai bukai baka ke manchit rumput, maja enggau nyarau dan ulih amat dikereja kitai, nadai mesa.\\nHm, baka ke kering amat Jumau tu nyebut utai munyi nya, baka ke besai kebun sawit, ia ta ka setempap aja - tang sigi munyi, laban ati ka deh, gaga ke bala nyu udah bisi jalai ngangkatka pengidup diri di menua. Pia mega urang ke ngembuan kebun sawit ke besai enda blogging bekunsi jerita, enda meransang bala diri enggau jerita pemaju sida, nya alai aku ngambi kediri, ngunsi kengka utai ti ditemu tudah aku.\\nPosted by Indu Rumah Panjai at 10:06 AM\\nTo my precious daughter across the Java sea","num_words":2815,"character_repetition_ratio":0.035,"word_repetition_ratio":0.001,"special_characters_ratio":0.215,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PENGAJARINJIL TI DITULIS\\nInjil ti ditulis Luke nunjukka Jesus nya Penebus ti udah disemaya deka ngelepaska orang Israel, enggau semua mensia. Injil Luke* madahka Jesus udah diasuh Roh Kudus Tuhan “nusui Berita Manah ngagai orang ke seranta.” Nya alai Injil tu ngenang pasal pengasih ke orang ke begunaka mayuh macham utai. Pekara ti ngasuh ati gaga bisi mega disebut dalam Luke, lebih agi dalam bagi ti ba pun bup tu, alai penatai Jesus dikenang, enggau ba pengujung bup tu, lebuh Jesus niki ke serega. Jerita pasal pemansang pengarap orang Kristian udah bekau Jesus ke niki ke serega, bisi mega dikenang orang ke nulis Injil Luke lebuh iya nulis Surat Pasal Kereja Rasul\\nSitak 2 enggau 6 (peda Ripih Isi Bup ti disebut di baruh tu) nyebut pasal pekara ti semina ditemu dalam Injil Luke aja, baka jerita pasal pantun bala melikat, enggau penemuai orang ke pengibun bedus lebuh Jesus ada, pasal Jesus ke dalam Rumah Sembiang lebuh Iya agi biak, enggau sempama pasal Orang Samaria ke Siru, enggau pasal Anak Ke Tesat. Dalam sepemanjai Injil tu, utai ti tebal dikenang nya pasal besampi, pasal Roh Kudus, pasal pengawa sida ke indu lebuh Jesus ngereja pengawa Iya, enggau pasal Allah Taala ti ngampun dosa.\\nInjil tu ditulis kira dalam taun 75 A.D.\\nRipih Isi Injil Tu\\nPun jaku (1.1-4)\\nPengada enggau pengidup John Pemaptisa enggau Jesus lebuh seduai iya agi biak (1.5-2.52)\\nPengawa John Pemaptisa (3.1-20)\\nJesus dibaptisa, lalu diuji (3.21-4.13)\\nPengawa Jesus ti nusui Berita Manah di Galili (4.14-9.50)\\nAri Galili ngagai Jerusalem (9.51-19.27)\\nMinggu ti penudi semak Jerusalem (19.28-23.56)\\nAngkat ari mati, ngayanka Diri baru, pulai ke serega (24.1-53)\\n1 Tabi Teopilus: Laban mayuh orang udah nguji ngena jalai ti betusun nuliska cherita pasal utai ti udah nyadi ba bala kami,\\n2 nitihka cherita ti udah ditusui ngagai kami ulih orang ke meda utai nya nyadi kenyau ari pun, lalu udah nusui pesan nya,\\n3 nya alai, lebuh aku udah enggau bejimat mansik semua utai nya kenyau ari pun, aku mega berunding deka nuliska utai nya ngena chara ti betusun, ke nuan, Tuan ti dipebasaka,\\n4 ngambika nuan nemu utai ti bendar pasal semua utai ti udah diajar ngagai nuan.\\nPengada John Pemaptisa Dipadahka\\n5 Lebuh Herod nyadi raja di menua Judea,bisi siku imam benama Sekariah.Iya peturun Imam Abijah. Bini iya peturun Aron, lalu nama iya Elisabet.\\n6 Seduai iya sama lurus di mua Allah Taala, ngasika semua pesan enggau adat Tuhan.\\n7 Tang seduai iya nadai anak, laban Elisabet mandul, lalu seduai iya pen nyau tuai amat umur.\\n8 Nyadi sekali, lebuh Sekariah benung bekereja nyadi imam di mua Allah Taala, lebuh raban iya bekereja dalam Rumah Sembiang sehari nya,\\n9 iya kena pilih ngena chara bechabut undi, nitihka adat asal sida imam, lalu iya tama ngagai Rumah Sembiang Tuhan lalu nunu menyan.\\n10 Lebuh maya menyan benung ditunu, semua orang mayuh besampi di luar.\\n11 Siku melikat Tuhan lalu pegari di mua Sekariah, bediri muak ari kanan alta ti alai nunu menyan.\\n12 Lebuh Sekariah meda melikat nya, iya tekenyit sereta balat amat takut.\\n13 Tang ku melikat nya bejaku ngagai iya, “Anang takut, Sekariah, laban sampi nuan udah didinga Allah Taala,lalu bini nuan Elisabet deka ngadaka anak lelaki siku, lalu nuan deka meri iya nama John.\\n14 Nuan deka gaga sereta lantang ati, lalu mayuh orang deka rami gaga ati lebuh iya ada,\\n15 laban iya deka nyadi orang ke besai di mua Tuhan. Iya enda tau ngirup wain tauka ai ti bisa. Indah sebedau iya ada deh Iya deka dipenuhka enggau Roh Kudus.\\n16 Iya deka nguingka mayuh orang Israel ngagai Tuhan Allah Taala sida.\\n17 Ngena roh enggau kuasa Elijah iya deka bejalai dulu ari Tuhan, nguingka ati apai indai ngagai anak sida, enggau nguingka orang ke enda ngasi ngagai penemu-dalam orang ke lurus, nyendiaka bala nembiak Tuhan, ke udah disedia ke Tuhan.”\\n18 Sekariah lalu bejaku ngagai melikat nya, “Baka ni ku aku nemu utai tu deka nyadi? Laban aku nyau tuai, lalu bini aku mega nyau tuai.”\\n19 Melikat nya lalu nyaut, “Aku tu Gabriel, ke bediri di mua Allah Taala, lalu aku udah diasuh bejaku ngagai nuan, lalu mai Berita Manah tu ngagai nuan.\\n20 Tang diatu laban nuan enda arapka jaku aku, ti deka dikamatka ba maya ti patut, nuan deka bisu, enda ulih bejaku nyentuk ngagai hari semua utai nya nyadi.”\\n21 Lebuh utai nya benung nyadi, orang ke di luar nganti Sekariah, lalu sida iranka kebuah iya lama amat dalam Rumah Sembiang.\\n22 Lebuh iya pansut, iya enda ulih bejaku ngagai sida. Nya baru sida nemu iya bisi udah meda genera dalam Rumah Sembiang. Iya majak ngaga tanda ngena jari iya, lalu mengkang enda ulih bejaku.\\n23 Lebuh iya udah nembuka pengawa iya dalam Rumah Sembiang, iya pulai ke rumah.\\n24 Udah bekau nya, bini iya Elisabet lalu betubuh-bisi, lalu iya enda pansut ari rumah lima bulan. Ku Elisabet bejaku,\\n25 “Tu meh utai ti udah dikereja Tuhan ke aku, lebuh Iya kasihka aku, lalu muai pemalu ti udah ditatka aku di mua orang mayuh!”\\nPengada Jesus Dipadahka\\n26 Dalam bulan ti keenam Elisabet betubuh-bisi, Allah Taala ngasuh melikat Gabriel datai ngagai sebuah nengeri ti dikumbai Nasaret di menua Galili,\\n27 ngagai siku dara bungas ke betunang enggau lelaki siku ke benama Josep ke ari peturun David. Nama dara bungas nya Maria.\\n28 Melikat nya datai ngagai iya, lalu bejaku, “Tabi ke nuan, ke dikerinduka Allah Taala! Tuhan bisi enggau nuan!”\\n29 Tang Maria beba runding ninga jaku melikat nya, lalu belematika reti jaku tabi nya.\\n30 Lalu ku melikat nya bejaku ngagai iya, “Anang takut, Maria, laban nuan dikerinduka Allah Taala.\\n31 Lalu diatu nuan deka betubuh-bisi, lalu ngadaka anak lelaki siku, lalu nuan deka meri iya nama Jesus.\\n32 Iya deka nyadi orang ke tinggi pangkat, lalu Iya deka dikumbai Anak Allah Taala ti Pemadu Tinggi, lalu Tuhan Allah Taala deka meri Iya kerusi diraja aki Iya David.\\n33 Iya deka merintah peturun Jakop belama iya, lalu Perintah Iya enda nemu abis!”\\n34 Maria lalu bejaku ngagai melikat nya, “Baka ni ku utai tu tau nyadi, laban aku dara bungas?”\\n35 Ku melikat nya bejaku enggau iya, “Roh Kudus deka datai atas nuan, lalu kuasa Allah Taala ti Pemadu Tinggi deka ngayung nuan. Nya alai anak mit ti deka diadakanya kudus. Iya deka dikumbai Anak Allah Taala.\\n36 Lalu diatu petunggal nuan Elisabet benung betubuh-bisi taja pen iya nyau tuai. Tu keenam bulan iya betubuh-bisi, taja pen iya dikumbai mandul.\\n37 Laban nadai utai enda ulih dikereja Allah Taala.”\\n38 Maria lalu bejaku, “Aku tu nembiak Tuhan. Awakka utai nya nyadi ba aku nitihka jaku nuan.” Melikat nya lalu ninggalka iya.\\nMaria Nemuai Ngagai Elisabet\\n39 Maria angkat lalu beguai-guai mupuk ngagai sebuah nengeri di menua Judah ti bebukit,\\n40 tama ngagai rumah Sekariah, lalu meri tabi basa ngagai Elisabet.\\n41 Lebuh Elisabet ninga jaku tabi Maria, anak mit ti dalam kandung Elisabet lalu engkebut. Penuh laban Roh Kudus, Elisabet\\n42 lalu bejaku enggau nyawa ti inggar, “Beberekat meh nuan ari semua indu bukai, lalu beberekat meh anak ke dikandungka nuan!\\n43 Lalu nama kebuah utai tu nyadi ba aku, datai ke indai Tuhan aku nyau nemuai ngagai aku?\\n44 Laban lebuh aku ninga jaku tabi nuan tadi, anak mit ke dalam kandung aku engkebut gaga ati.\\n45 Beberekat meh iya ke arapka jaku Tuhan deka dikamatka!”\\nPantun Puji Maria\\n46 Maria lalu bejaku, “Semengat aku ngemesaika Tuhan,\\n47 lalu ati aku gaga ke Allah Taala ti Juruselamat aku,\\n48 laban Iya udah kasihka nembiak Iya ke baruh ati. Belabuh ari diatu semua serak deka ngumbai aku beberekat\\n49 laban Allah Taala ti bekuasa udah ngereja utai ti besai ke aku. Kudus meh nama Iya.\\n50 Iya mandangka pengasih Iya ngagai orang ke nangika Iya, ari serak siti ngagai serak siti. 51 Iya udah mandangka pengering Iya ngena lengan Iya lalu udah mambarka orang ke sumbung enggau semua pelan sida.\\n52 Iya udah muai raja ti bekuasa ari kerusi diraja sida, lalu ngeninggika orang ke baruh ati.\\n53 Iya udah ngenyangka orang ke lapar enggau utai ti manah, lalu muru sida ke kaya pulai puang.\\n54 Iya udah nulung nembiak Iya Israel, kena Iya ngingatka pengasih Iya,\\n55 nitihka semaya ti digaga Iya enggau aki ini kitai, ngagai Abraham enggau ngagai peturun iya belama iya.”\\n56 Maria lalu diau enggau Elisabet kira tiga bulan. Udah nya iya pulai ngagai rumah iya empu.\\nPengada John Pemaptisa\\n57 Maya pen datai alai Elisabet deka beranak. Iya lalu ngadaka anak lelaki siku.\\n58 Orang ke berimbai pendiau enggau iya, enggau kaban belayan iya ninga Tuhan udah ngayanka pengasih ti besai ngagai iya, lalu sida sama rami gaga ati enggau iya.\\n59 Ba hari ti kelapan sida lalu datai deka nutus anak mit nya, lalu sida deka meri iya nama Sekariah, ngangkatka nama apai iya.\\n60 Tang ku indai iya bejaku, “Ukai nya! Nama iya John.”\\n61 Sida lalu bejaku ngagai iya, “Nadai kaban belayan nuan bisi nama nya!”\\n62 Sida lalu bejaku ngena jari enggau apai iya, nanyaka nama ti deka diberi iya ngagai nembiak nya.\\n63 Sekariah lalu minta papan tulis, lalu nulis, “Nama iya John.” Semua sida lalu balat alit ati.\\n64 Tekala nya mulut Sekariah tebuka, dilah iya ulih engkebut, lalu iya belabuh bejaku muji Allah Taala.\\n65 Semua orang ke berimbai pendiau enggau sida bela takut magang. Lalu semua utai nya dikenang orang magang di serata menua ti bebukit di menua Judea.\\n66 Semua orang ninga nya lalu belematika utai nya. Ku sida, “Namaka penyadi nembiak tu ila?” Laban kuasaTuhan amat bisi enggau iya.\\n67 Apai iya Sekariah, ke penuh laban Roh Kudus, lalu benabi.\\n68 “Pujika Tuhan Allah Taala ke disembah orang Israel, laban Iya udah kasihka nembiak Iya lalu nebus sida.\\n69 Iya udah nyendiaka siku Juruselamat ti bekuasa ke kitai, ari peturun nembiak Iya David,\\n70 munyi ti disebut Iya dulu kelia ngena sida nabi Iya ti kudus\\n71 madahka kitai deka diselamatka ari munsuh kitai, enggau ari jari semua orang ke begedika kitai.\\n72 Nya meh jalai Iya udah ngayanka pengasih ti udah disemaya Iya ngagai aki ini kitai lalu udah ngingatka sempekat Iya ti kudus,\\n73 semaya ti digaga Iya ngena sumpah enggau aki kitai Abraham ngambika\\n74 ngelepaska kitai ari jari munsuh kitai, ngambika kitai betuaika Iya enggau nadai penakut,\\n75 dalam pengudus enggau pengelurus di mua Iya sepemanjai umur kitai.\\n76 Lalu nuan, anak, deka dikumbai nabi Allah Taala ti Pemadu Tinggi, laban nuan deka bejalai dulu ari Tuhan nyendiaka jalai ke Iya,\\n77 meri penemu pasal pengelepas ngagai nembiak Iya lebuh dosa sida diampun.\\n78 Ulih pengasih Allah Taala kitai, penampak ari serega deka manchar ngagai kitai,\\n79 ngambika meri penampak ngagai orang ke diau dalam pemetang enggau dalam kelemayang pemati, lalu ngiring kaki kitai ngagai jalai pemaik.”\\n80 Anak mit nya mansang besai, kering dalam tubuh enggau roh, lalu iya diau di menua puang nyentuk ngagai maya iya ngayanka diri ngagai orang Israel.\\n1 Lebuh maya nya, Raja Besai Augustus meri atur ngasuh semua orang di serata dunya ngerejister nama diri.\\n2 Tu keterubah iya pengawa ngitung tubuh dikereja. Pengawa tu dikereja lebuh Kurinius nyadi gabenor menua Siria.\\n3 Semua orang lalu mansang ngagai nengeri sida empu, ngerejister nama diri.\\n4 Josep mega bejalai ari nengeri Nasaret di menua Galili, ngagai menua Judea, ngagai nengeri David, ti dikumbai Betlehem, laban iya ari peturun David.\\n5 Iya mansang ngerejister nama diri sama enggau Maria, ke betunang enggau iya, ke benung betubuh-bisi.\\n6 Lebuh seduai iya di Betlehem, Maria pen nyau chukup bulan alai beranak.\\n7 Iya lalu ngadaka anak tuai iya, medung anak mit nya ngena kain, lalu ngalika iya dalam dulang, laban sida nadai endur dalam rumah numpang.\\nOrang Pengibun Bedus Enggau Bala Melikat\\n8 Di menua nya bisi bala pengibun bedus diau di padang, benung ngibun raban bedus sida lebuh malam hari.\\n9 Siku melikat Tuhan lalu pegari di mua sida, lalu mulia Tuhan manchar ngelingi sida, lalu sida balat amat takut.\\n10 Tang ku melikat nya bejaku ngagai sida, “Anang takut! Laban aku mai ngagai kita Berita Manah ti ngasuh ati semua mensia gaga:\\n11 sehari tu, di nengeri David, Juruselamat kita udah ada, iya nya Kristusan!\\n12 Tu tanda ti diberi ngagai kita: kita deka nemu siku anak mit dibedung ngena kain, gali dalam dulang.”\\n13 Tekala nya bala melikat ari serega lalu pegari sama enggau melikat nya, belagu muji Allah Taala. Ku sida,\\n14 “Muliaka Allah Taala di serega ti pemadu tinggi, enggau pemaik di dunya ke orang ke dikerinduka Iya!”\\n15 Lebuh bala melikat nya udah ninggalka sida lalu pulai ke serega, sida pengibun bedus nya lalu bejaku enggau pangan diri, “Aram kitai mupuk ngagai Betlehem, ngambika kitai meda utai ti udah nyadi, ti udah dipadahka Tuhan ngagai kitai.”\\n16 Nya alai sida lalu beguai-guai mupuk, lalu tetemuka Maria seduai Josep, enggau anak mit nya gali dalam dulang.\\n17 Lebuh sida meda nya, sida lalu madahka utai ti udah dipadahka melikat pasal anak mit nya,\\n18 lalu semua orang ke ninga nya balat alit ati ke utai ti dipadahka sida pengibun bedus.\\n19 Tang Maria nyimpan semua jaku nya lalu belematika jaku nya dalam ati iya.\\n20 Sida pengibun bedus lalu pulai, ngemuliaka sereta muji Allah Taala ketegal semua utai ti udah didinga enggau dipeda sida, munyi ti udah dipadahka ngagai sida.\\nJesus Diberi Nama\\n21 Lapan hari udah bekau nya, anak mit nya lalu ditutus. Iya lalu diberi nama Jesus, nama ti udah diberi melikat sebedau Iya dikandungka.\\nJesus Diserahka Dalam Rumah Sembiang\\n22 Lebuh maya nyau datai alai Josep seduai Maria patut nuchi diri nitihka Adat Moses, seduai iya mai anak mit nya ngagai Jerusalem, deka nyerahka Iya ngagai Tuhan,\\n23 (munyi ti udah ditulis dalam Adat Tuhan: “Genap iku anak tuai ti lelaki enda tau enda diserahka ngagai Tuhan.”)\\n24 Lalu seduai iya ngenjuk piring nitihka pesan ti ditulis dalam Adat Tuhan, iya nya “sepasang burung achang tauka dua iku burung puna”.\\n25 Nyadi di Jerusalem lebuh maya nya bisi siku lelaki benama Simeon Simeon nya orang ke lurus sereta angkunka Allah Taala, ke nganti pengelepas orang Israel, lalu Roh Kudus bisi enggau iya.\\n26 Roh Kudus udah madahka iya apin mati sebedau iya meda Kristus.\\n27 Nitihka iring Roh Kudus, Simeon lalu mansang ngagai Rumah Sembiang. Lalu lebuh Maria seduai Josep mai Jesus, anak mit nya ngagai Rumah Sembiang, deka ngereja utai ke Iya nitihka atur dalam Adat,\\n28 Simeon merap anak mit nya, lalu muji Allah Taala. Ku iya,\\n29 “Tuhan, awakka nembiak Nuan pulai enggau selamat, nitihka jaku Nuan,\\n30 laban mata aku udah meda pengelepas Nuan,\\n31 ti udah disediaka Nuan di mua semua mensia,\\n32 penampak ti mandangka peneka Nuan ngagai orang bansa bukai enggau ke mulia nembiak Nuan Israel.”\\n33 Apai indai anak mit nya lalu balat alit ati ke semua utai ti disebut pasal Iya.\\n34 Udah nya Simeon merekatka sida, lalu bejaku ngagai Maria, indai anak mit nya, “Anak mit tu udah dipilih ngerusak enggau ngelepaska mayuh orang di menua Israel. Lalu Iya deka nyadi tanda ti deka disakal orang,\\n35 ngambika peragam ati mayuh orang dipandangka - lalu ati nuan deka tusah asai ti direjang ngena pedang.”\\n36 Nyadi dia mega bisi siku nabi indu benama Anna anak Panuel, ari raban bansa Aser. Iya tuai amat umur. Iya semina begulai enggau laki iya tujuh taun aja,\\n37 lalu iya balu nyentuk ngagai umur iya lapan puluh empat taun. Iya enda kala ninggalka Rumah Sembiang, tang nyembah Allah Taala sereta bepasa, lalu besampi siang malam.\\n38 Lebuh maya nya iya datai, belabuh muji Allah Taala, lalu bejakuka pasal anak mit nya ngagai semua orang ke nganti penebus Jerusalem.\\nPulai Ngagai Nasaret\\n39 Lebuh Josep seduai Maria udah tembu ngereja semua utai nitihka Adat Tuhan, sida pulai ngagai menua Galili, ngagai nengeri sida empu, iya nya Nasaret.\\n40 Anak mit nya lalu mansang besai sereta kering, penuh laban penemu-dalam, sereta dikerinduka Allah Taala.\\nJesus Dalam Rumah Sembiang\\n41 Nyadi genap taun apai indai Jesus mansang ngagai Jerusalem deka ngintu Gawai Paska.\\n42 Lalu lebuh Jesus umur dua belas taun, sida mupuk ngagai Gawai nya baka selama.\\n43 Tembu Gawai nya, lebuh sida mulaika diri, Nembiak nya, iya nya Jesus, ninggalka Diri di Jerusalem, tang apai indai Iya enda nemu nya.\\n44 Seduai iya bejalai sehari nya ngumbai Iya bejalai enggau raban sida empu. Udah nya seduai iya lalu belabuh begigaka Iya ba bala kaban belayan enggau pangan sida.\\n45 Lebuh seduai iya nadai tetemuka Iya, seduai iya lalu nikal ngagai Jerusalem, ngiga Iya.\\n46 Tiga hari udah bekau nya, nya baru seduai iya tetemuka Iya dalam Rumah Sembiang, duduk enggau bala pengajar, mendingka sida, sereta betanyaka utai ngagai sida.\\n47 Lalu semua orang ke ninga Iya balat alit ati ninga penalam penemu enggau saut Iya.\\n48 Lebuh apai indai Iya meda Iya, seduai iya balat alit ati, lalu ku indai Iya bejaku enggau Iya, “Anak, nama kebuah Nuan miaka kami duai apai nuan baka tu? Peda Nuan, kami duai apai Nuan udah irau ati begigaka Nuan.”\\n49 Iya lalu nyaut, “Nama kebuah seduai begigaka Aku? Kati seduai enda nemu Aku endang enda tau enda diau dalam rumah Apai Aku?”\\n50 Tang seduai iya enda meretika utai ti disebut Iya ngagai seduai.\\n51 Iya lalu mupuk enggau seduai iya lalu datai di Nasaret. Iya ngasika seduai iya, lalu indai Iya nyimpan semua utai nya dalam ati diri.\\n52 Jesus mansang besai sereta bepenemu-dalam, lalu dikerinduka Allah Taala enggau mensia.\\nAjar John Pemaptisa\\n1 Dalam taun ti kelima belas Tiberius nyadi Raja Besai, lalu Pontius Pilate nyadi gabenor menua Judea, lalu Herod merintah di menua Galili, lalu menyadi Herod ke benama Philip merintah di menua Iturea enggau Trikonitis, lalu Laisanias merintah di Abilene,\\n2 lebuh Anas seduai Kaiapas nyadi imam besai, jaku Allah Taala datai ngagai John anak Sekariah, di menua puang.\\n3 Iya lalu bejalai nengah semua menua ti ngimbai Sungai Jordan, ngajar pasal pemaptisa nesal ati ke pengampun dosa.\\n4 Munyi ti ditulis dalam bup nabi Isaiah: “Siku orang ngangau di menua puang: ‘Sediaka jalai ke Tuhan. ‘Gaga jalai Iya rurus.\\n5 Genap lebak deka ditambun, genap bukit enggau munggu deka diruntuhka, jalai ti bingkuk deka digaga rurus, lalu jalai ti kasar deka digaga alus,\\n6 lalu semua mensia deka meda pengelepas Allah Taala!’ “\\n7 Ku John bejaku ngagai bala orang ke datai minta diri dibaptisa ulih iya, “Kita anak ular! Sapa ngasuh kita rari ari ukum ti deka datai?\\n8 Kereja utai kena nunjukka kita amat udah nesal ati, lalu anang belabuh nyebut ngagai diri empu, ‘Kami tu peturun Abraham’, laban, aku madah ngagai kita, Allah Taala ulih ngaga batu tu nyadi peturun Abraham!\\n9 Indah diatu deh kapak udah sedia deka mungga urat kayu. Semua kayu ti enda mansutka buah ti manah, deka ditebang, lalu dibuai ngagai api.”\\n10 Orang mayuh lalu nanya iya, “Enti pia, nama utai ti patut dikereja kami?”\\n11 Ku iya nyaut sida, “Barang sapa bisi dua lambar baju, enda tau enda meri ngagai orang ke nadai, lalu orang ke bisi pemakai, enda tau enda ngereja baka nya mega.”\\n12 Indah sida pengumpul chukai deh datai minta iya maptisa sida, lalu ku sida nanya iya, “Pengajar, nama utai ti patut dikereja kami?”\\n13 Ku iya nyaut sida, “Anang minta chukai lebih ari ti patut.”\\n14 Soldadu mega nanya iya, “Baka ni ku kami? Nama utai ti patut dikereja kami?” Ku iya bejaku ngagai sida, “Anang ngerampas duit orang, tauka besaksi bula ngelaban orang. Kita patut nemu puas ati ke gaji diri.”\\n15 Orang mayuh lalu belabuh andal ati, lalu betanya dalam ati diri pasal John, ngumbai iya Kristus.\\n16 John lalu nyaut semua sida, “Aku maptisa kita ngena ai, tang siku orang ke bekuasa agi ari aku deka datai. Indah muka tali selipar Iya deh aku enda tau. Iya deka maptisa kita ngena Roh Kudus enggau api.\\n17 Iya bisi utai ti deka dikena Iya nyapu endur alai nungku gandum, lalu Iya deka nyimpan gandum dalam setor Iya, tang Iya deka nunu ampa dalam api ti enda nemu padam.”\\n18 John meransang orang mayuh ngena mayuh macham jaku lebuh iya nusui Berita Manah ngagai sida.\\n19 Tang Raja Herod ke udah dirara John ketegal Herodias, bini menyadi iya, enggau ketegal semua penyai ti udah dikereja iya,\\n20 nambahka semua penyai nya lebuh iya nutup John dalam rumah jil.\\n21 Lebuh semua orang udah dibaptisa magang, lalu Jesus udah mega dibaptisa lalu besampi, langit lalu tebuka,\\n22 lalu Roh Kudus nurun atas Iya baka burung achang. Munyi nyawa lalu bejaku ari serega, “Nuan tu Anak ke dikesayauka Aku. Aku rinduka Nuan.”\\nTusut Pasal Penatai Jesus\\n23 Umur Jesus tiga puluh taun lebuh Iya belabuh ngereja pengawa Iya. Nitihka penemu orang, Iya anak Josep, anak Heli,\\n24 anak Matat, anak Lewi, anak Melki, anak Janai, anak Josep,\\n25 anak Matatias, anak Amos, anak Nahum, anak Esli, anak Naggai, 26 anak Mat, anak Matatias, anak Semein, anak Josik, anak Joda,\\n27 anak Joanan, anak Resa, anak Serubabel, anak Sealtiel, anak Neri,\\n28 anak Melki, anak Addi, anak Kosam, anak Elmadam, anak Er,\\n29 anak Josua, anak Elieser, anak Jorim, anak Matat, anak Lewi,\\n30 anak Simeon, anak Judah, anak Josep, anak Jonam, anak Eliakim.\\n31 anak Melea, anak Menna, anak Matata, anak Natan, anak David,\\n32 anak Jesi, anak Obet, anak Boas, anak Salmon, anak Nason,\\n33 anak Aminadap, anak Admin, anak Arni, anak Hesron, anak Peres, anak Judah,\\n34 anak Jakop, anak Isak, anak Abraham, anak Terah, anak Nahor,\\n35 anak Seruk, anak Reu, anak Pelek, anak Eber, anak Selah,\\n36 anak Kainan, anak Apasat, anak Sem, anak Noah, anak Lamek,\\n37 anak Metuselah, anak Enok, anak Jaret, anak Mahalalel, anak Kenan,\\n38 anak Enos, anak Set, anak Adam, anak Allah Taala\\nJesus Diuji Sitan\\n1 Jesus penuh laban Roh Kudus pulai ari Jordan, lalu Iya dibai Roh Kudus ngagai menua puang,\\n2 alai Iya ke diuji Sitan empat puluh hari. Iya nadai makai utai dalam kandang empat puluh hari nya, lalu ba ujung empat puluh hari nya, Iya lapar.\\n3 Sitan lalu bejaku ngagai Iya, “Enti Nuan amat Anak Allah Taala, asuh batu tu nyadi roti.”\\n4 Disaut Jesus, “Endang udah ditulis, ‘Mensia enda ulih idup makai roti aja.’\\n5 Sitan lalu mai Iya ngagai siti endur ti tinggi, lalu mandangka ngagai Iya dalam sekejap mata semua menua di dunya\\n6 lalu bejaku ngagai Iya, “Aku deka meri semua kuasa enggau semua pengaya nya ngagai Nuan, laban semua utai nya udah diberi ngagai aku, lalu aku deka meri utai nya ngagai sebarang orang ke dipilih aku.\\n7 Nya alai, enti Nuan deka nyembah aku, semua utai nya deka diempu Nuan magang.”\\n8 Jesus lalu nyaut iya, “Endang udah ditulis, ‘Sembah Tuhan Allah Taala nuan, lalu betuaika Iya siku aja!’“\\n9 Sitan lalu mai Jesus ngagai Jerusalem, lalu ngengkahka Iya ba legit perabung Rumah Sembiang, lalu bejaku ngagai Iya, “Enti Nuan amat Anak Allah Taala, terejun Nuan ari tu,\\n10 laban endang udah ditulis, ‘Allah Taala deka ngasuh melikat Iya nyaga Nuan.’\\n11 Lalu tu mega udah ditulis, ‘Sida deka nyambut Nuan ngena jari sida, ngambika kaki Nuan enda terempas ba batu.’ “\\n12 Ku Jesus nyaut iya, “Endang udah disebut, ‘Anang nguji Tuhan Allah Taala nuan,’ “ 13 Lebuh Sitan udah tembu nguji Jesus ngena genap macham chara, iya ninggalka Jesus, nganti maya ti manah.\\nJesus Belabuh Ngereja Pengawa Iya Di Galili\\n14 Jesus, penuh laban kuasa Roh Kudus, pulai ngagai menua Galili, lalu berita pasal Iya ngelekai di serata menua nya.\\n15 Iya lalu belabuh ngajar dalam balai gempuru, lalu semua orang bela muji Iya.\\n16 Lebuh Iya datai di Nasaret, alai Iya ke diau kenyau ari mit, Iya mansang ngagai balai gempuru baka selama lebuh hari Sabat. Iya bediri, deka macha ari Bup Kudus.\\n17 Bup nabi Isaiah lalu disuaka ngagai Iya. Iya muka bup nya, lalu tetemuka siti endur alai jaku tu ditulis,\\n18 “Roh Tuhan bisi ba Aku, laban Iya udah nata Aku ngambika Aku nusui Berita Manah ngagai orang ke seranta. Iya udah ngasuh Aku madahka pengelepas ke orang ke kena tangkap enggau pengerai ke orang ke buta, pengelepas ke orang ke kena tekan\\n19 lalu madahka maya udah datai alai Tuhan deka ngelepaska nembiak Iya.”\\n20 Iya lalu ngulungka bup nya baru, lalu nyuaka bup nya pulai baru ngagai orang ke udah nyuaka bup nya ngagai Iya. Iya lalu duduk. Semua orang dalam balai gempuru nya bela merening ngagai Iya magang.\\n21 Iya lalu madah ngagai sida, “Sehari tu ayat dalam Bup Kudus tu udah dikamatka munyi ti udah didinga kita.”\\n22 Semua sida bela bejaku muji Iya, sereta balat alit ati ke pemanah jaku Iya. Ku sida, “Ukai enda Iya tu anak Josep?”\\n23 Iya lalu bejaku ngagai sida, “Kita tentu deka nyebut jaku-dalam tu ngagai Aku, ‘Lutur, geraika diri empu.’ Llalu kita deka nyebut, ‘Kereja mega di menua Nuan Empu ditu utai ti udah didinga kami kereja Nuan di Kapernaum.’ “\\n24 Lalu ku Iya bejaku ngagai sida, “Enggau bendar Aku madah ngagai kita, nadai siku nabi kala diterima di menua iya empu.\\n25 Tang iya ti bendar: indu ke balu endang mayuh di menua Israel lebuh rambau Elijah menya, lebuh hari enda ujan tiga taun setengah, lalu lapar pungkang nyadi di serata menua tu.\\n26 Tang Elijah ukai diasuh datai ngagai sida, tang semina ngagai siku indu ke balu ke diau di Sarepat, di menua Sidon.\\n27Lalu orang ke sakit lan mega mayuh di menua Israel lebuh rambau nabi Elisa menya, tang nadai siku sida digeraika, kelimpah ari Naaman orang Siria.”\\n28 Lebuh sida ninga nya, semua sida ke dalam balai gempuru nya lalu balat amat pedis ati.\\n29 Sida angkat, lalu muru Iya ari nengeri nya, mai Iya ngagai tuchung bukit ti alai nengeri nya bediri, deka nikauka Iya ari pala tingkah.\\n30 Tang Iya enselit pansut nengah bala sida, lalu mupuk ari endur nya.\\n31 Iya lalu mupuk ngagai Kapernaum, sebuah nengeri di menua Galili, lalu ngajar orang dia lebuh hari Sabat.\\n32 Sida alit ati ninga ajar Iya, laban Iya bejaku ngena kuasa.\\n33 Dalam balai gempuru nya bisi siku lelaki ke dirasuk antu. Iya nyerauh inggar amat, ku iya,\\n34 “Nama utai ti deka dikereja Nuan ngagai kami, Jesus orang Nasaret? Kati Nuan deka ngerusak kami? Aku ngelala Nuan. Nuan tu Iya ti Kudus ari Allah Taala!”\\n35 Tang Jesus ngerara iya, “Anang bejaku; pansut nuan ari iya!” Lebuh antu nya udah ngempaska lelaki nya di mua orang mayuh, iya lalu pansut ari orang nya, tang enda ngemediska iya.\\n36 Semua orang mayuh balat alit ati, lalu bejaku enggau pangan diri, “Jaku nama tu? Iya bisi kuasa merintah sereta muru roh ti jai, lalu sida pansut!”\\n37 Berita pasal Jesus lalu ngelekai ngagai semua endur di menua nya.\\n38 Lebuh Jesus udah ninggalka balai gempuru nya, Iya tama ngagai rumah Simon. Nyadi mentua indu Simon balat amat sakit chelap angat, lalu sida nanya Jesus pasal iya.\\n39 Jesus lalu meremi ari atas indu nya, lalu muru penyakit nya. Indu nya lalu gerai. Tekala nya Iya lalu angkat, lalu mela sida.\\n40 Lebuh padam mata panas, semua orang ke bisi pangan ke sakit laban mayuh macham penyakit, mai pangan sida ngagai Jesus. Iya lalu ngengkahka jari Iya atas genap iku sida, lalu ngeraika sida.\\n41 Antu mega pansut ari mayuh orang, lalu nyerauh, “Nuan tu Anak Allah Taala!” Tang Iya ngerara sida, lalu enda nyagi sida bejaku, laban sida nemu Iya endang Kristus.\\nJesus Nusui Berita Manah Dalam Balai Gempuru (Mark 1.35-39)\\n42 Ba urung rerak tawas, Iya angkat lalu mupuk ngagai endur siti ti sunyi. Orang mayuh lalu begigaka Iya. Lebuh sida udah tetemuka Iya, sida lalu enda nyagi Iya ninggalka sida.\\n43 Tang ku Iya bejaku ngagai sida, “Aku enda tau enda mega nusui Berita Manah pasal Perintah Allah Taala ngagai nengeri bukai, laban nya kebuah Aku dikirumka.”\\n44 Nya alai Iya majak nusui Berita Manah dalam balai gempuru di serata menua Judea.\\nJesus Ngangauka Bala Murid Ti Keterubah\\n1 Nyadi sekali, lebuh Jesus bediri ba tebing Danau Genesaret, mayuh amat orang mansang ngagai Iya, deka mendingka jaku Allah Taala.\\n2 Iya tepedaka dua buah perau ba tebing danau nya, tang orang berikan udah ninggalka perau nya, benung masu jala sida.\\n3 Iya lalu nepan sebuah ari perau nya ke diempu Simon, lalu ngasuh Simon ngejangka perau nya jauh mimit ari tebing. Iya duduk, lalu ngajar orang mayuh ari perau nya.\\n4 Lebuh Iya udah tembu bejaku ngagai sida, Iya lalu bejaku ngagai Simon, “Kejangka perau tu ngagai ai ti dalam, lalu ulurka pukat nuan ngambika bulih ikan.”\\n5 Simon lalu nyaut, “Pengajar, kami udah bebendar gawa semalam-malam tu, tang nadai bulih utai. Tang laban Nuan ngasuh, aku deka ngulurka pukat.”\\n6 Lebuh sida udah ngulurka pukat sida, sida bulih mayuh amat ikan, datai ke pukat sida nyau ka charik.\\n7 Nya alai sida ngepai ngagai pangan sida ke ba perau sebuah, minta sida datai nulung sida. Sida datai lalu ngisi dua buah perau nya enggau ikan, datai ke perau nya nyau deka karam.\\n8 Tang lebuh Simon Peter meda nya, iya lalu nyungkurka diri ngagai patung Jesus, ku iya, “Rari ari aku, Tuhan, laban aku tu orang ke bedosa!”\\n9 Laban iya enggau semua orang ke enggau iya balat alit ati ke pemayuh ikan ti ulih sida,\\n10 lalu baka nya mega James seduai John, anak Sebedi, ke sama bekunsi berikan enggau Simon. Jesus lalu bejaku ngagai Simon, “Anang takut. Berengkah ari diatu nuan deka ngulihka mensia.”\\n11 Lebuh sida udah narit perau dua buah nya ke tebing, sida ninggalka semua utai, lalu nitihka Iya.\\nJesus Ngeraika Lelaki Siku\\n12 Nyadi sekali lebuh Jesus dalam sebuah nengeri, siku lelaki ke sakit lan datai. Lebuh iya meda Jesus, iya nyungkurka diri, minta Jesus nulung iya, “Tuhan, enti Nuan deka, Nuan ulih ngaga aku nyadi tuchi!”\\n13 Jesus lalu ngunjurka jari Iya, negu orang nya, lalu bejaku, “Aku deka! Tuchi meh nuan!” Tekala nya penyakit lan nya lalu nadai agi ba orang nya.\\n14 Jesus lalu enda nyagi iya madahka nya ngagai orang. Ku Iya, “Mansang ngagai imam, ngambika imam nya meresa nuan, lalu beri piring ti diasuh Moses, nyadika saksi di mua orang mayuh nuan udah gerai.”\\n15 Tang berita pasal Jesus majak balat agi ngelekai, lalu mayuh amat orang datai ningaka Iya, sereta digeraika ari penyakit sida.\\n16 Tang Iya mupuk ngagai endur ti sunyi, lalu besampi.\\nJesus Ngeraika Orang Ke Enda Ulih Engkebut\\n17 Nyadi sekali, lebuh Iya benung ngajar, orang Parisi enggau pengajar adat bisi duduk semak nya dia. Sida nya datai ari semua genturung pendiau di menua Galili enggau menua Judea, enggau ari Jerusalem. Lalu kuasa Tuhan bisi enggau Iya kena Iya ngeraika orang.\\n18 Lebuh maya nya sekeda orang datai mai siku orang ke sakit bajung atas peninduk iya. Sida nguji mai iya tama ngagai rumah nya deka ngengkahka iya di mua Jesus.\\n19 Tang lebuh sida nadai nemu jalai mai iya tama, laban orang kelalu mayuh, sida lalu mai iya ngagai perabung, lalu ngulurka iya ngena peninduk iya nengah lubang ba perabung nya ngagai tengah-tengah bala mayuh, di mua Jesus.\\n20 Lebuh Iya meda pengarap sida, Iya lalu bejaku, “Unggal, dosa nuan diampun.”\\n21 Sida pengajar adat enggau orang Parisi lalu belabuh betanya ngagai pangan diri, “Sapa orang tu ke bejaku busung baka tu? Sapa ulih ngampun dosa, kelimpah ari Allah Taala?”\\n22 Lebuh Jesus nemu runding sida, Iya lalu nyaut sida, “Nama kebuah kita betanya munyi nya dalam ati kita?\\n23 Ni ti nyamai agi disebut, ‘Dosa nuan diampun,’ tauka ‘Bediri, lalu bejalai’?\\n24 Tang ngambika kita nemu Anak Mensia bisi kuasa di dunya tu ngampun dosa,” -- Iya lalu bejaku ngagai orang ke sakit bajung nya -- “Aku bejaku ngagai nuan: bediri nuan. Bai peninduk nuan, lalu pulai!”\\n25 Tekala nya orang nya lalu bediri di mua sida, ngambi peninduk ti udah alai iya gali, lalu pulai ke rumah, ngemuliaka Allah Taala.\\n26 Semua sida bela alit ati, lalu sida ngemulia sereta nangika Allah Taala. Ku sida, “Kitai udah meda utai ti nyelai sehari tu!”\\n27 Udah bekau nya, Jesus pansut lalu tepedaka siku pengumpul chukai, ke benama Lewi, duduk dalam opis alai ngumpul chukai. Jesus lalu bejaku ngagai iya, “Titihka Aku.”\\n28 Lewi angkat, ninggalka semua utai, lalu nitihka Iya.\\n29 Lewi lalu nyendiaka pengerami makai besai dalam rumah iya ke Jesus. Mayuh amat pengumpul chukai enggau orang bukai makai enggau sida.\\n30 Orang Parisi enggau sida pengajar Adat lalu mut-mut ngagai murid Jesus. Ku sida, “Nama kebuah kita makai ngirup enggau pengumpul chukai, enggau orang ke bedosa?”\\n31 Jesus lalu nyaut, “Orang ke gerai enda begunaka lutur, tang semina orang ke sakit.\\n32 Aku datai, ukai deka ngangauka orang ke lurus, tang ngangauka orang ke bedosa ngasuh sida nesal ati.”\\n33 Udah nya sida bejaku ngagai Jesus, “Sida murid John, baka murid orang Parisi, suah bepasa sereta besampi, tang murid Nuan makai ngirup.”\\n34 Jesus lalu bejaku ngagai sida, “Kita enda ulih ngasuh bala pengabang ba gawai tikah bepasa lebuh lelaki ke ditikah agi enggau sida, ukai enda?\\n35 Hari deka datai alai lelaki ke ditikah nya deka diambi ari sida. Nya baru sida bepasa.”\\n36 Iya mega madahka siti sempama ngagai sida: “Nadai orang nyarikka chebik ari kain ti baru, lalu nampalka iya ngagai kain ti lama, enggai ke nyarikka kain ti baru, lalu chebik ti baru nya enda sebaka enggau kain ti lama.\\n37 Lalu nadai mega orang nyimpan wain ti baru dalam kambut ti lama, enggai ke wain ti baru nya mechahka kambut nya, lalu wain nya deka nyaya, lalu kambut nya rusak.\\n38 Wain ti baru enda tau enda disimpan dalam kambut ti baru!\\n39 Lalu nadai mega orang deka ngirup wain ti baru lebuh iya udah ngirup wain ti lama, laban ku iya, ‘Iya ti lama nyamai agi.’ “\\n1 Nyadi sekali lebuh Jesus bejalai nengah umai gandum kena hari Sabat, sida murid Iya ngambi tangkai gandum, ngusuk lalu makai leka gandum nya.\\n2 Tang ku sekeda orang Parisi, “Nama kebuah kita ngereja utai ti enda disagi lebuh hari Sabat?”\\n3 Jesus lalu nyaut, “Kati kita nadai udah kala macha pasal utai ti dikereja David lebuh iya enggau bala iya lapar?\\n4 Iya tama ngagai rumah Allah Taala, ngambi lalu makai roti ti udah dienjuk ngagai Allah Taala, roti ti enda tau diempa mensia, kelimpah ari sida imam, lalu meri roti nya ngagai bala iya?”\\n5 Iya lalu bejaku ngagai sida, “Anak Mensia Tuhan ke hari Sabat.”\\n6 Nyadi sekali lebuh hari Sabat ti bukai, Iya tama ngagai balai gempuru, lalu ngajar, lalu siku lelaki ke mati jari kanan, bisi dia.\\n7 Sida pengajar Adat enggau orang Parisi lalu nengkilaka Jesus, deka meda enti Iya deka ngeraika orang nya lebuh hari Sabat tauka enda, ngambika sida ulih besalahka Iya.\\n8 Taja pen nemu runding sida, tang Iya bejaku ngagai orang ke mati jari nya, “Datai kitu, lalu bediri ditu.” Orang nya angkat, lalu bediri.\\n9 Jesus lalu bejaku ngagai sida, “Aku nanya ngagai kita: Kati kitai tau ngereja utai ti manah tauka ngemedis lebuh hari Sabat, ngidupka nyawa, tauka munuh?”\\n10 Lebuh Iya udah merening ngagai semua sida, Iya lalu bejaku ngagai orang ke mati jari nya, “Unjurka jari nuan.” Orang nya lalu ngunjurka jari iya, lalu jari iya gerai.\\n11 Tang sida balat pedis ati, lalu berandau enggau pangan diri pasal utai ti deka dikereja sida ngagai Jesus.\\n12 Lebuh maya nya, Iya niki ngagai bukit sigi, deka besampi, lalu Iya besampi semalam-malam nya ngagai Allah Taala.\\n13 Ba urung rerak tawas, Iya ngangauka sida murid Iya, lalu milih dua belas iku ari bala sida, lalu Iya ngumbai sida nya rasul:\\n14 Simon (ke digelar Iya Peter) enggau menyadi iya Andrew; James seduai John, Philip enggau Bartolomew,\\n15 Matthew seduai Thomas, James anak Alpius, enggau Simon (ke digelar Bujang Berani),\\n16 Judas anak James, enggau Judas Iskariot, ke nyual Iya.\\nJesus Ngajar Sereta Ngeraika Orang\\n17 Iya lalu nurun ari bukit nya enggau sida, lalu bediri ba tanah ti rata, sama enggau mayuh sida murid Iya, sereta enggau mayuh amat orang ari semua menua Judea, Jerusalem, enggau ari Tire enggau ari Sidon ti ba tebing tasik.\\n18 Sida udah datai deka mendingka Iya, sereta minta diri digeraika ari penyakit. Lalu orang ke dikeduan antu digeraika.\\n19 Semua orang dalam bala mayuh nya nguji negu Iya, laban kuasa pansut ari Iya lalu ngeraika semua sida.\\nBerekat Enggau Penusah\\n20 Iya lalu merening ngagai sida murid Iya, lalu bejaku, “Beberekat meh kita ke seranta, laban kita deka bempu Perintah Allah Taala! 21 “Beberekat meh kita ke lapar diatu, laban kita deka dikenyangka! “Beberekat meh kita ke nyabak diatu, laban kita deka ketawa!\\n22 “Beberekat meh kita lebuh orang begedika kita, lebuh sida nulak kita, ngeleseka kita, lalu bejai kita ketegal Anak Mensia!\\n23 Rami gaga ati meh kita lebuh hari nya, lalu merejuk gaga ati, laban upah ti besai disedia ke kita di serega. Laban nya meh utai ti udah dikereja aki ini sida kelia ngagai sida nabi.\\n24 “Tang tulah meh kita ke kaya; laban kita udah nyamai diau!\\n25 “Tulah meh kita ke kenyang diatu, laban kita deka lapar! “Tulah meh kita ke ketawa diatu, laban kita deka ngulit sereta nyabak!\\n26 “Tulah meh kita lebuh semua orang muji kita, laban nya utai ti udah dikereja aki ini sida ngagai sida nabi ti pelesu. Rinduka Munsuh\\n27 “Tang Aku madah ngagai kita ke mending: Rinduka munsuh kita. Kereja utai ti manah ngagai orang ke begedika kita.\\n28 Berekatka orang ke nyumpah kita, besampika orang ke merinsaka kita.\\n29 Enti orang nampar kuyu kita sepiak, awakka iya mega nampar kuyu kita sepiak. Enti orang ngambi kelambi kita, awakka iya mega ngambi baju kita.\\n30 Beri ngagai semua orang ke minta utai ari kita, lalu lebuh orang ngambi utai kita, anang minta utai nya dipulaika baru.\\n31 Kereja ngagai orang baka ke dikedekaka kita kereja sida ngagai kita.\\n32 “Enti kita rinduka orang ke rinduka kita, baka ni ku nya tau nyadika berekat kita? Indah orang ke bedosa deh nemu rinduka orang ke rinduka sida!\\n33 Lalu enti kita manah enggau orang ke manah enggau kita, baka ni ku nya tau nyadika berekat kita? Indah orang ke bedosa deh nemu ngereja nya!\\n34 Enti kita nyali utai semina ngagai orang ke dikarapka ulih mulaika utai nya ngagai kita, baka ni ku nya tau nyadika berekat kita? Indah orang ke bedosa deh nemu nyali utai ngagai pangan diri, lalu ngarapka diri ulih nerima utai nya pulai baru!\\n35 Tang rinduka munsuh kita, lalu kereja utai ti manah ngagai sida. Jali utai ngagai orang, lalu anang ngarapka diri nerima bayar. Nya baru upah kita besai, lalu kita deka nyadi anak Allah Taala ti Pemadu Tinggi; laban Iya manah enggau orang ke enda nemu beterima kasih, sereta enggau orang ke jai.\\n36 Kasihka orang, baka Apai kita ti kasih.\\n37 “Anang ngakim, nya baru kita enda diakim. Anang ngukum, nya baru kita enda diukum. Ampun, nya baru kita diampun.\\n38 Beri, lalu kita deka diberi. Takar ti chukup, ti dienyak, digusak, ti meruap lalu lilih, deka diberi ngagai kita; laban takar ti dikena kita nakar deka dikena nakar utai ke kita.”\\n39 Jesus mega madahka sempama tu ngagai sida: “Kati orang ke buta ulih ngiring orang ke buta? Enda ka seduai iya deka sama labuh ngagai lubang kebung?\\n40 Murid endang nadai kala lebih ari pengajar iya; tang semua murid, lebuh sida udah tembu belatih, deka nyadi sebaka enggau pengajar sida.\\n41 “Nama kebuah kita betilikka empeleman ba mata pangan kita, tang enda tepedaka lumpung kayu ti ba mata kita empu?\\n42 Tauka, baka ni ku kita nyebut ngagai menyadi kita, ‘Menyadi, awakka aku muai empeleman ari mata nuan,’ tang kita enda meda lumpung kayu ti ba mata kita empu? Kita tu orang ke pura-pura ngapa Buai dulu lumpung kayu ari mata kita empu, nya baru mata kita lansik lalu kita ulih muai empeleman ari mata\\nKayu Enggau Buah Iya\\n43 “Kayu ti manah enda mansutka buah ti jai. Lalu kayu ti jai enda mansutka buah ti manah.\\n44 Laban genap batang kayu dikelala ari buah iya. Buah ara ukai diambi ari unak, lalu buah anggur ukai diambi ari madang emperingat.\\n45 Orang ke manah mansutka utai ti manah ari ati iya, lalu orang ke jai mansutka utai ti jai ari ati iya. Laban iya nyebut utai ti ngemenuhka ati iya.\\nDua Iku Tukang Rumah\\n46 “Nama kebuah kita ngumbai Aku, ‘Tuhan, Tuhan,’ tang enda ngereja utai ti diasuh Aku?\\n47 Aku deka madah ngagai kita gaya orang ke datai ngagai Aku, ke mending lalu ngasika jaku Aku.\\n48 Iya baka orang siku ke ngaga rumah. Iya numbak lubang ti dalam lalu nudukka pugu rumah iya ba atas batu. Sungai bah ngampuhka tebing, lalu mangka ngagai rumah nya, tang enda ulih nguyat rumah nya, laban rumah nya udah tegap digaga.\\n49 Tang orang ke ninga tang enda ngasika jaku Aku, nya baka orang siku ke ngaga rumah ti nadai batu pemun. Lebuh ai bah mangka ngagai rumah nya, rumah nya tumbang tekala nya. Balat amat rumah nya rusak!”\\nJesus Ngeraika Orang Gaji Pemesai Soldadu Orang Rome\\n1 Lebuh Jesus udah nyebut semua utai nya ngagai orang mayuh, Iya lalu mupuk\\n2 Siku pemesai soldadu Rome bisi siku ulun. Ulun nya balat dikesayauka iya. Nyadi ulun nya sakit lalu nyau deka mati.\\n3 Lebuh pemesai nya ninga pasal Jesus, iya lalu ngasuh sekeda tuai orang Judah betemu enggau Jesus, minta Jesus datai lalu ngeraika ulun iya.\\n4 Lebuh bala tuai orang Judah betemu enggau Jesus, sida bebendar amat minta Iya datai. Ku sida, “Orang tu patut disaup Nuan,\\n5 laban iya angkunka bansa kitai, lalu iya udah ngaga sebuah balai gempuru ke kami.”\\n6 Jesus lalu mupuk enggau sida, tang lebuh Iya nyau ka datai ba rumah nya, pemesai nya lalu ngasuh pangan iya madah ngagai Jesus, “Tuan, anang ngiruh Diri, laban aku enda chukup badas alai Nuan datai.\\n7 Nya kebuah aku enda datai ngagai Nuan. Tak sebut aja jaku, lalu geraika nembiak aku.\\n8 Laban aku empu mega bekereja di baruh pemesai, lalu aku mega bisi soldadu dipegai aku. Aku bejaku ngagai siku, ‘Mupuk nuan!’ lalu iya mupuk. Ngagai siku ti bukai aku bejaku, ‘Kitu ke nuan,’ lalu iya datai. Lalu aku bejaku ngagai ulun aku, ‘Kereja tu!’ lalu iya ngereja utai nya.”\\n9 Lebuh Jesus ninga nya, Iya balat alit ati ke pemesai nya. Jesus nguing ngagai bala orang mayuh ke nitihka Iya, lalu bejaku “Aku madah ngagai kita, Indah di menua Israel deh Aku nadai udah kala tetemuka pengarap ti baka tu.”\\n10 Lebuh orang ke udah diasuh mai pesan pulai ngagai rumah pemesai nya, sida nemu ulun nya udah gerai.\\nJesus Ngangkatka Anak Lelaki Indu Ti Balu Ari Mati\\n11 Enda lama udah bekau nya, Jesus bejalai ngagai sebuah nengeri ti dikumbai Nain, disempulang sida murid Iya, enggau orang mayuh.\\n12 Lebuh Iya datai semak pintu nengeri nya, bala orang ke nganjung siku lelaki ti udah mati, pansut ari nengeri nya. Nyadi lelaki ke mati nya anak tunggal siku indu balu. Mayuh amat orang ari nengeri nya bejalai enggau indu nya.\\n13 Lebuh Tuhan meda indu nya, Iya sinu ati ke iya, lalu bejaku ngagai iya, “Anang nyabak.”\\n14 Iya mansang lalu negu sentubung nya, lalu orang ke ngesan sentubung nya ngetu. Jesus lalu bejaku, “Bujang! Aku bejaku ngagai nuan: angkat nuan!”\\n15 Orang ke mati nya lalu duduk, lalu belabuh bejaku. Jesus lalu nyerahka iya ngagai indai iya.\\n16 Semua sida nangi lalu ngemuliaka Allah Taala. Ku sida, “Nabi ke besai udah pegari ba bala kitai! Allah Taala udah datai nulung nembiak Iya!”\\n17 Berita pasal Jesus lalu ngelekai di semua menua Judea enggau di serata menua ti ngelingi menua nya.\\nSeruan Ari John Pemaptisa\\n18 Sida murid John madahka semua utai nya ngagai John. Nya alai John ngangauka dua iku murid iya\\n19 lalu ngasuh seduai iya betemu enggau Tuhan, ngambika seduai iya nanya, “Kati Nuan tu orang ke deka datai, tauka kami nganti orang bukai?”\\n20 Lebuh seduai iya betemu enggau Jesus, seduai iya lalu bejaku, “John Pemaptisa udah ngasuh kami duai betemu enggau Nuan lalu nanya Nuan, ‘Kati Nuan tu orang ke deka datai, tauka kami nganti orang bukai?’ “\\n21 Lebuh maya nya Jesus baru udah ngeraika mayuh orang ari penyakit, ari pemedis, enggau ari keduan roh ti jai, lalu mayuh orang ke buta ulih meda.\\n22 Lalu ku Iya nyaut seduai iya, “Mupuk meh seduai, lalu padahka ngagai John pasal utai ti udah dipeda enggau didinga seduai: orang ke buta meda, orang ke lemi bejalai, orang ke sakit lan, dituchi, orang ke bengal ninga, orang ke mati diangkatka idup baru, lalu Berita Manah dipadahka ngagai orang ke seranta.\\n23 Beberekat meh orang ke enda nulak Aku.”\\n24 Lebuh seruan John udah mupuk, Jesus lalu belabuh bejaku ngagai orang mayuh pasal John: “Nama utai ti deka dipeda kita di menua puang? Buluh ti beguyat laban ribut?\\n25 Nama utai ti deka dipeda kita? Deka meda orang ke ngena gari ti manah? Orang ke ngena gari ti manah lalu diau lantang senang, diau di istana!\\n26 Nama utai ti deka dipeda kita? Siku nabi? Amat. Tang, Aku madah ngagai kita, kita meda lebih agi ari nabi.\\n27 Tu meh orang ke dikenang dalam Bup Kudus: ‘Aku ngasuh seruan Aku bejalai dulu ari Nuan, ngambika iya nyendiaka jalai ke Nuan.’\\n28 Aku madah ngagai kita, ari semua orang ke diadaka indu, nadai siku ke besai agi ari John. Tang Iya ke pemadu mit dalam Perintah Allah Taala, besai agi ari iya.”\\n29 (Semua orang ke ninga nya, nyengkaum sida pengumpul chukai, bela ngumbai Allah Taala amat lurus, laban sida udah dibaptisa ngena baptisa John.\\n30 Tang orang Parisi enggau sida pengajar Adat ke enggai dibaptisa ulih John, nulak tuju Allah Taala dalam pengidup sida.)\\n31 Ku Jesus nampung jaku Iya, “Ngagai apa Aku mandingka orang ke rebak diatu? Baka apa sida nya?\\n32 Sida nya baka bala anak mit ke duduk ba sebelah pasar, ke bekangauka pangan diri, ‘Kami nyepu kesuling, tang kita enda betanda! Kami bekeduie nyabak, tang kita enda nyabak!’\\n33 Laban John pemaptisa udah datai, nadai makai utai, nadai ngirup wain, lalu ku kita, ‘Iya dirasuk antu!’ Anak Mensia udah datai makai enggau ngirup, lalu ku kita, ‘Peda orang nya! Iya bam sereta pemabuk, pangan sida pengumpul chukai, enggau orang ke bedosa!’\\n35 Tang taja pia, penemu-dalam diayanka amat ngena, ulih orang ke nerima iya.” Jesus Ba Rumah Orang Parisi Ke Benama Simon\\n36 Siku orang Parisi mai Jesus makai enggau iya. Jesus lalu mansang ngagai rumah orang nya, lalu belatur deka makai.\\n37 Nyadi di nengeri nya bisi siku indu ke bedosa. Lebuh iya ninga Jesus bisi makai dalam rumah orang Parisi nya, iya lalu mai sebutul minyak wangi.\\n38 Iya bediri ari belakang Jesus ngimbai kaki Iya, nyabak, lalu belabuh ngemasahka kaki Jesus ngena ai mata iya. Iya lalu ngendas kaki Jesus ngena buk iya, nyium lalu nata kaki Jesus ngena minyak wangi nya.\\n39 Lebuh orang Parisi ke mai Jesus makai, meda nya, iya lalu bejaku dalam ati diri, “Enti orang tu amat nabi, Iya tentu nemu indu ke negu Iya nya orang ke bedosa.”\\n40 Jesus lalu bejaku ngagai iya, “Simon, Aku bisi utai ti deka dipadahka ngagai nuan.” Simon lalu nyaut, “Padahka ngagai aku, Pengajar.”\\n41 Jesus lalu madah ngagai iya, ku Iya, “Siku orang ke bejalika duit ngagai orang, bisi dua iku orang berutang ba iya. Siku berutang lima ratus singkap duit pirak, lalu siku berutang lima puluh singkap.\\n42 Lebuh seduai iya enda tebayarka utang diri, iya muai utang seduai iya. Sapa ari seduai nya ke deka lebih agi rinduka iya?”\\n43 Simon lalu nyaut, “Nyangka iya ke mayuh agi utang, ke enda ibuh mayar utang.” Jesus lalu nyaut, “Betul sangka nuan.”\\n44 Jesus lalu nguing ngagai indu nya, lalu bejaku ngagai Simon, “Kati nuan bisi meda indu tu? Aku tama ngagai rumah nuan, tang nuan nadai meri Aku ai kena Aku masu kaki, tang iya udah masu kaki Aku ngena ai mata iya, lalu ngendas kaki Aku ngena buk iya.\\n45 Nuan enda nyium Aku, tang kenyau ari Aku tama tadi iya enda ngetu-ngetu nyium kaki Aku.\\n46 Nuan enda nata pala Aku ngena minyak, tang iya udah nata kaki Aku ngena minyak wangi.\\n47 Nya alai, Aku madah ngagai nuan, dosa iya ti mayuh, udah diampun, nya kebuah iya balat rindu; tang orang ke diampun mimit, deka rindu mimit aja.”\\n48 Jesus lalu bejaku ngagai indu nya, “Dosa nuan diampun.”\\n49 Tang orang ke duduk makai enggau Iya ba mija nya lalu belabuh bejaku enggau pangan diri, “Sapa orang tu, datai ke Iya berani ngampun dosa?”\\n50 Lalu ku Jesus bejaku ngagai indu nya, “Pengarap nuan udah nyelamatka nuan. Pulai meh nuan enggau selamat.”\\nSida Indu Ke Nyempulang Jesus\\n1 Enda tentu lama udah bekau nya, Jesus bejalai nengah nengeri enggau genturung pendiau, nusui Berita Manah pasal Perintah Allah Taala. Murid ke dua belas iku bisi enggau Iya,\\n2 lalu pia mega sekeda indu ke udah digeraika Jesus ari antu enggau ari penyakit: Maria (ke dikumbai Magdalin) alai Jesus ke udah muru tujuh iku antu;\\n3 enggau Joana, (bini Chusa, siku pemesai dalam opis Herod), enggau Susana, enggau mayuh indu ke bukai, ke ngena duit sida empu nulung Jesus enggau sida murid Iya.\\n4 Lebuh mayuh amat orang begempuru, lalu orang ari mayuh bengkah nengeri datai ngagai Jesus, Iya bejaku ngena jaku sempama:\\n5 “Orang siku mansang naburka benih. Lebuh iya naburka benih, sekeda benih nya labuh ba jalai raya lalu kena indik kaki mensia, lalu burung makai leka benih nya.\\n6 Sekeda labuh ba batu, lalu lebuh iya tumbuh, iya layu, laban iya nadai ai.\\n7 Sekeda labuh ba madang duri. Duri nya tumbuh sama enggau leka benih nya, lalu ngalahka iya.\\n8 Lalu sekeda labuh ba tanah ti ami, lalu tumbuh, lalu bebuah seratus kali lipat.”\\nLebuh Iya udah nyebut nya, Iya lalu ngangau, “Awakka orang ke bisi pending, ninga.”\\n9 Sida murid Iya lalu nanya ngagai Iya reti jaku sempama nya,\\n10 Ku Iya, “Kita udah diberi penemu pasal misteri Perintah Allah Taala, tang ngagai sida ti bukai, Aku bejaku ngena jaku sempama, ngambika ‘sida merening, tang enda meda; mending, tang enda mereti.’\\n11 “Tu reti sempama nya: benih nya jaku Allah Taala.\\n12 Benih ti labuh ba jalai raya nya orang ke ninga. Udah nya Sitan datai lalu ngerampas pesan nya ari ati sida, ngambika sida enda arap lalu enda diselamatka.\\n13 Benih ti labuh ba batu nya orang ke ninga pesan nya, lalu nerima iya enggau ati ti gaga. Tang sida nadai urat. Sida arap enda lama, lalu lebuh penguji datai, sida badu agi arap.\\n14 Benih ti labuh ba madang duri nya orang ke ninga, tang lebuh sida mupuk ari endur nya, sida alah laban pengirau, pengaya, enggau pengelantang dunya, lalu buah sida enda mansau.\\n15 Tang benih ti labuh ba tanah ti ami nya orang ke ninga pesan, lalu ngingatka iya dalam ati ti manah sereta ngasi, lalu sida bebuah enggau ati ti liat sereta tan.\\nLampu Ti Ditangkup Ngena Bisin\\n16 “Nadai orang nungkun lampu, lalu ngerungkup iya ngena bisin, tauka ngengkahka iya di baruh katil, tang ngengkahka lampu nya ba penuduk lampu, ngambika orang ke tama ulih meda penampak nya.\\n17 “Laban nadai utai ti dilalai, enda dikebakka, lalu nadai utai ti resia, enda ditemu.\\n18 “Nya apai, pendingka enggau manah; laban orang ke bisi utai, deka diberi mayuh agi, tang orang ke nadai utai, indah utai ti mimit ti dikemisi sida, deh deka dirampas ari sida.”\\nIndai Enggau Bala Menyadi Lelaki Jesus\\n19 Udah nya indai enggau sida menyadi lelaki Jesus datai ngagai Iya, tang sida enda ulih betemu enggau Iya laban orang kelalu mayuh.\\n20 Orang lalu madah ngagai Iya, “Indai Nuan enggau sida menyadi lelaki Nuan bisi di luar, deka betemu enggau Nuan.” Tang ku Iya bejaku ngagai sida, “Indai Aku enggau menyadi lelaki Aku nya orang ke ningaka jaku Allah Taala, lalu ngereja iya.”\\n22 Nyadi sekali Iya nepan sebuah perau enggau sida murid Iya, lalu ku Iya bejaku ngagai sida, “Aram kitai ngelayang ke seberai danau tu.” Sida lalu bekejang.\\n23 Lebuh sida belayar, Jesus tinduk. Ribut biaubalai lalu mangka ba danau nya, lalu ai belabuh tama ngagai perau sida, datai ke perau sida nyau deka karam.\\n24 Sida mansang ngagai Iya lalu ngerak Iya enggau panjung, “Pengajar, Pengajar! Mati kitai tu!” Iya lalu dani, lalu ngerara ribut enggau gelumbang. Ribut enggau gelumbang lalu badu, lalu semua utai teduh magang.\\n25 Ku Iya bejaku ngagai sida, “Kini ke tunga pengarap kita?” Sida takut sereta balat alit ati, lalu bejaku enggau pangan diri, “Sapa orang tu, datai ke Iya bejaku ngagai ribut enggau ai, lalu sida ngasika Iya?”\\n26 Sida lalu datai di menua Gerasenes, di seberai Danau Galili.\\n27 Lebuh Iya niki ke tebing, siku orang ari nengeri nya ke dirasuk antu, betemu enggau Iya. Orang nya lama udah telanjai, lalu iya enda diau di rumah, tang diau ba sebelah pendam.\\n28 Lebuh iya meda Jesus, iya nyungkurka diri di mua Jesus lalu nyerauh enggau pengabis penginggar nyawa iya, “Nama utai ti deka dikereja Nuan ngagai aku, Jesus, Anak Allah Taala ti Pemadu Tinggi? Aku minta Nuan, anang merinsaka aku!”\\n29 Laban Jesus udah muru antu nya pansut ari orang nya. (Antu nya suah udah ngerasuk orang nya. Iya ditutup dalam rumah jil, lalu ditanchang ngena rantai, tang iya mutuska rantai nya, lalu dibai antu nya ngagai menua puang.)\\n30 Jesus lalu nanya iya, “Sapa nama nuan?” Iya lalu nyaut, “Nama aku Bala”; laban mayuh antu udah ngerasuk iya.\\n31 Sida antu nya lalu minta Jesus enda muai sida ngagai lubang kebung ti dalam.\\n32 Nyadi semak endur nya bisi raban babi benung makai ba munggu. Sida antu nya lalu minta Jesus ngemendarka sida tama ngagai raban babi nya. Jesus lalu ngemendarka sida.\\n33 Sida antu nya lalu pansut ari orang nya, lalu tama ngagai babi. Semua babi nya lalu belanda nurun tebiang, terejun ngagai danau nya, lalu lemas.\\n34 Lebuh bala orang ke ngibun raban babi mda utai nya, sida rari lalu madahka pasal utai nya ngagai orang ke di nengeri enggau di menua pesisir.\\n35 Orang mayuh lalu datai deka meda utai ti udah nyadi. Lebuh sida datai ngagai Jesus, sida nemu orang ke udah dilepaska ari antu nya duduk semak kaki Jesus, udah begari, lalu enda agi gila. Semua sida lalu takut.\\n36 Orang ke udah meda utai nya nyadi lalu madah ngagai sida jalai orang ke dirasuk antu nya digeraika.\\n37 Udah nya semua orang di menua nya lalu minta Jesus mupuk ari menua sida, laban sida balat takut. Jesus lalu nepan perau lalu pulai.\\n38 Orang ke udah dilepaska ari rasuk antu nya minta Jesus mai iya, ngambika iya ulih enggau Jesus. Tang Jesus ngasuh iya pulai. Ku Jesus bejaku,\\n39 “Pulai nuan ke rumah, lalu padahka utai ti udah dikereja Allah Taala ke nuan.” Orang nya mupuk lalu madah ngagai semua orang di nengeri nya pasal utai ti udah dikereja Jesus ke iya.\\n40 Lebuh Jesus udah mulaika Diri ke seberai, orang mayuh nyambut penatai Iya, laban semua sida bela nganti Iya.\\n41 Siku lelaki ke benama Jairus lalu datai. Jairus tu siku pemesai ke ngemataka balai gempuru. Iya nyungkurka diri di kaki Jesus, lalu minta Jesus datai ngagai rumah iya,\\n42 laban anak indu iya ke tunggal, ke umur dua belas taun, nyau deka mati. Lebuh Jesus benung bejalai, orang mayuh nyau besedul ngelingi Iya.\\n43 Nyadi dia bisi siku indu ke udah sakit begetah dua belas taun. Taja pen duit iya nyau abis kena iya berubat ngagai lutur, tang nadai siku orang ulih ngeraika iya.\\n44 Iya datai ari belakang Jesus lalu negu puting gari Jesus. Tekala nya iya lalu badu agi begetah.\\n45 Jesus lalu nanya, “Sapa negu Aku?” Lebuh semua orang bela madahka diri nadai negu Iya, Peter lalu bejaku, “Pengajar, semua bala orang tu nyau besedul ngelingi Nuan.”\\n46 Tang ku Jesus, “Bisi orang udah negu Aku, laban Aku ngasaika kuasa bisi udah pansut ari Aku.”\\n47 Lebuh indu nya nemu diri enda ulih ngelalaika diri, iya lalu datai getar-getar, nyungkurka diri di mua Jesus, lalu madah ngagai Jesus di mua orang mayuh, kebuah iya negu Jesus, enggau pasal iya ke udah digeraika tekala nya.\\n48 Jesus lalu bejaku ngagai iya, “Anak, pengarap nuan udah ngeraika nuan. Pulai meh nuan enggau selamat.”\\n49 Lebuh Jesus benung bejaku, siku orang datai ari rumah Jairus, lalu bejaku, “Anak indu nuan udah mati. Anang agi ngiruh Pengajar.”\\n50 Lebuh Jesus ninga nya, Iya lalu nyaut, “Anang takut. Arap aja. Iya deka idup.\\n51 Lebuh Iya datai ba rumah Jairus, Iya enda nyagi orang tama enggau Iya, kelimpah ari Peter, John, enggau James, enggau apai indai anak mit nya.\\n52 Semua orang nyau bekeduie nyabakka anak mit nya. Tang ku Jesus bejaku, “Anang nyabak, laban iya ukai mati, tang tinduk!”\\n53 Sida lalu ketawaka Iya, laban sida nemu anak mit nya endang udah mati.\\n54 Tang Jesus megai jari anak mit nya, lalu ngangau. “Anak, angkat nuan!”\\n55 Roh iya lalu pulai baru ngagai iya, lalu iya angkat tekala nya. Jesus lalu ngasuh sida meri iya utai diempa.\\n56 Apai indai indu nya balat amat alit ati, tang Jesus enda nyagi seduai iya madah ngagai orang pasal utai ti udah nyadi.\\nJesus Ngasuh Dua Belas Iku Murid Bejalai\\n1 Jesus lalu ngempuruka murid Iya ke dua belas, lalu meri sida kuasa muru semua antu, enggau ngeraika penyakit,\\n2 lalu ngasuh sida madahka berita pasal Perintah Allah Taala, sereta ngeraika orang ke sakit\\n3 Ku Iya bejaku ngagai sida, “Anang mai utai lebuh kita bejalai: anang mai tungkat, tauka kambut, tauka pemakai, tauka duit. Baju kena besilih pen enda meh tau mai.\\n4 Sebarang rumah alai kita tama, diau dia, datai ke kita mupuk ari endur nya.\\n5 Di sebarang endur orang enda nerima kita, tesai abus ari kaki kita nyadika saksi kena ngelaban sida lebuh kita angkat ari endur nya.”\\n6 Sida murid mupuk, lalu bejalai nengah semua genturung pendiau, nusui Berita Manah, sereta ngeraika orang di semua endur.\\nHerod Charut Runding\\n7 Lebuh Herod ninga pasal semua utai ti nyadi, iya beba runding, laban sekeda orang madahka John Pemaptisa udah angkat idup baru.\\n8 Sekeda madahka Elijah udah pegari, lalu sekeda madahka siku ari bala nabi ke dulu kelia udah angkat idup baru.\\n9 Ku Herod, “John udah dipumpung aku pala; tang sapa orang tu ke didinga aku tu?” Lalu iya keran deka betemu enggau Jesus.\\n10 Meri Orang Lima Ribu Iku Makai\\n11 ninga nya, sida lalu nitihka Iya. Iya lalu ngelaluka penatai sida lalu bejaku ngagai sida pasal Perintah Allah Taala, lalu ngeraika orang ke sakit.\\n12 Lebuh hari nyau udah lemai, murid ke dua belas datai ngagai Iya, lalu bejaku, “Asuh bala orang tu pulai, ngambika sida bejalai ngagai genturung pendiau enggau ngagai menua ti ngelingi tu, lalu ngiga pemakai enggau rumah alai bemalam, laban menua tu nadai mensia.”\\n13 Tang ku Jesus bejaku ngagai sida, “Kita meri sida utai diempa.” Disaut sida, “Kami semina bisi lima iti tuku roti, enggau dua iku ikan--enti kami enda mupuk lalu meli pemakai ke semua orang tu.”\\n14 Laban orang lelaki ke bisi dia kira lima ribu iku. Iya lalu bejaku ngagai sida murid Iya, “Asuh sida duduk beraban-raban, kira lima puluh iku dalam siti-siti raban.”\\n15 Sida murid lalu ngasuh semua orang dia duduk magang.\\n16 Jesus lalu ngambi lima iti tuku roti enggau dua iku ikan nya, engkadah ke langit, merekat lalu mechahka roti enggau ikan nya, lalu nyuaka utai nya ngagai sida murid ngambika sida nyadung ngagai orang mayuh.\\n17 Semua sida bela makai magang lalu kenyang. Teda pemakai nya lalu digumpul, dua belas bakul penuh.\\n18 Nyadi sekali, lebuh Jesus benung besampi keDiri, lalu semina sida murid Iya aja bisi semak Iya, Iya nanya sida, “Sapa Aku tu ku orang?”\\n19 Ku sida nyaut, “Sekeda ngumbai Nuan John Pemaptisa. Sekeda ngumbai Nuan Elijah. Lalu sekeda ti bukai ngumbai Nuan siku ari sida nabi ke dulu kelia, ke udah angkat idup baru.”\\n20 Iya lalu bejaku ngagai sida, “Tang sapa Aku tu ku kita?” Peter lalu nyaut, “Nuan tu KristusAllah Taala.”\\nJesus Ngenang Pasal Pemerinsa Enggau Pemati Iya\\n21 Iya lalu berat-rat enda nyagi sida madahka nya ngagai orang,\\n22 ku Iya, “Anak Mensia enda tau enda balat diperinsa, lalu ditulak sida tuai bansa, sida tuai imam, enggau sida pengajar Adat, lalu dibunuh, lalu ba hari ti ketiga diangkatka idup baru.”\\n23 Lalu ku Iya bejaku ngagai semua sida, “Enti orang deka nitihka Aku, awakka iya badu agi berundingka diri empu, ngesan regang iya tiap hari, lalu nitihka Aku.\\n24 Laban barang sapa deka ngidupka nyawa diri, deka ngelenyauka iya, lalu barang sapa deka ngelenyauka nyawa diri ketegal Aku, deka ngidupka iya.\\n25 Nama penguntung orang, enti iya bempu semua dunya, tang ngelenyauka nyawa diri?\\n26 Orang ke malu ke Aku, sereta malu ke ajar Aku, Anak Mensia deka mega malu ke orang nya lebuh Iya datai dalam mulia Iya, enggau dalam mulia Apai Iya, enggau dalam mulia bala melikat Iya ti kudus.\\n27 Tang enggau bendar Aku madah ngagai kita, sekeda orang ke bediri ditu apin mati sebedau sida meda Perintah Allah Taala.”\\n28 Kira lapan hari udah bekau Iya nyebut nya, Iya mai Peter, John enggau James niki ngagai bukit sigi, deka besampi.\\n29 Lebuh Iya benung besampi, mua Iya berubah, lalu gari Iya bebali beperenching burak.\\n30 Tekala nya dua iku orang bejaku enggau Iya. Seduai nya Moses enggau Elijah,\\n31 ke pegari ngena mulia lalu bejakuka pasal pemati Iya, ti baru deka dikereja Iya di Jerusalem.\\n32 Nyadi Peter enggau pangan iya jenak amat tinduk, lalu lebuh sida dani, sida meda mulia Iya, sereta meda orang ke dua iku nya bediri enggau Iya.\\n33 Lebuh orang ke dua iku nya ninggalka Jesus, Peter lalu bejaku enggau Jesus, “Pengajar, manah amat kitai diau ditu; awakka kami ngaga tiga buah langkau, sebuah ke Nuan, sebuah ke Moses, lalu sebuah ke Elijah.” (Peter enda nemu utai ti disebut diri.)\\n34 Lebuh Peter agi benung nyebut nya, siti remang datai lalu ngelindung sida, lalu sida murid takut dibalut remang nya.\\n35 Nyawa lalu bejaku ari dalam remang nya, ku iya, “Tu Anak Aku ke dipilih Aku. Pendingka Iya!”\\n36 Lebuh nyawa nya udah badu bejaku, semina Jesus aja bisi dia. Sida murid lalu enda bemunyi, lalu nadai madah ngagai orang lebuh maya nya, pasal utai ti udah dipeda sida.\\nJesus Ngeraika Nembiak Ke Dirasuk Antu\\n37 Hari siti, lebuh sida udah nurun ari bukit nya, mayuh amat orang betemu enggau Jesus.\\n38 Siku lelaki lalu ngangau ari bala mayuh, “Pengajar! Aku minta Nuan meda anak aku! Iya anak tunggal aku!\\n39 Lebuh roh ti jai nyerang iya, iya nyerauh. Roh nya lalu ngusak iya, datai ke nyawa iya nyau bepupu. Roh nya merinsaka iya, lalu enggai ninggalka iya!\\n40 Aku udah minta sida murid Nuan muru roh nya, tang sida enda ulih.”\\n41 Jesus lalu nyaut, “Kita tu orang ke enda arap sereta jai! Ni pengelama Aku enda tau enda begulai enggau kita, lalu sabar enggau kita? Bai anak nuan kitu.”\\n42 Lebuh nembiak nya mansang ngagai Jesus, antu nya lalu ngempaska iya ke tanah, lalu ngusak iya. Tang Jesus ngerara roh ti jai nya, ngeraika nembiak nya, lalu meri iya ngagai apai iya.\\n43 Semua orang balat alit ati ke pemesai kuasa Allah Taala.\\nLebuh semua orang mayuh agi alit ati ke semua utai ti udah dikereja Jesus, Iya lalu bejaku ngagai sida murid Iya,\\n44 “Kingatka jaku tu: Anak Mensia deka dijualngagai jari mensia.”\\n45 Tang sida murid enda nemu reti jaku Iya nya. Reti jaku Iya nya udah dilalaika ari sida, ngambika sida enda nemu reti utai nya. Lalu sida takut nanyaka reti jaku nya ngagai Iya.\\n46 Sida murid betalatka enggau pangan diri pasal sapa ari bala sida ke pemadu besai.\\n47 Tang Jesus nemu peragam ati sida, lalu Iya ngambi siku anak mit, ngasuh iya bediri ngimbai Iya,\\n48 lalu bejaku ngagai sida, “Barang sapa nerima anak mit tu dalam nama Aku, nerima Aku, lalu barang sapa nerima Aku, nerima Iya ke ngirumka Aku. Laban orang ke pemadu mit ba bala kita, nya meh orang ke pemadu besai.”\\nOrang Ke Enda Ngelaban Kita, Setanah Enggau Kita\\n49 John lalu nyaut, “Pengajar, kami bisi udah meda orang siku muru antu dalam nama Nuan, lalu kami nguji nagang iya, laban iya enda nitihka kitai.”\\n50 Tang ku Jesus bejaku ngagai iya, “Anang nagang iya, laban orang ke enda ngelaban kita, setanah enggau kita.”\\nSebuah Nengeri Orang Samaria Enggai Nyambut Jesus\\n51 Lebuh Jesus nyau deka dibai niki ke serega, Iya mutuska runding deka mansang ngagai Jerusalem.\\n52 Iya lalu ngasuh bala seruan bejalai dulu ari Iya. Di rantau jalai sida tama ngagai sebuah genturung pendiau di menua Samaria, deka nyendiaka semua utai ke Iya.\\n53 Tang orang dia enggai nerima Iya, laban Iya endang semina deka mansang ngagai Jerusalem.\\n54 Lebuh murid Iya, James seduai John meda nya, seduai iya lalu bejaku, “Tuhan, kati Nuan dekaka kami ngangauka api nurun ari langit lalu nganguska sida?”\\n55 Tang Iya nguing lalu ngerara seduai iya.\\n56 Sida lalu mansang ngagai siti agi genturung pendiau.\\nOrang Ke Deka Nyadi Murid Jesus\\n57 Lebuh sida benung di rantau jalai, siku orang bejaku ngagai Jesus, “Aku deka nitihka Nuan, ngagai sebarang endur Nuan bejalai.”\\n58 Jesus lalu bejaku ngagai iya, “Munsang bisi lubang, lalu burung bisi tansang, tang Anak Mensia nadai endur alai ngalika Diri.”\\n59 Ku Iya bejaku ngagai siku ti bukai, “Titihka Aku.” Tang ku orang nya bejaku, “Tuan, awakka aku pulai dulu lalu nguburka apai aku.”\\n60 Tang ku Jesus bejaku ngagai iya, “Awakka orang ke mati, nguburka bala sida empu ke mati. Tang nuan empu enda tau enda bejalai lalu nusui pasal Perintah Allah Taala.”\\n61 Siku ti bukai bejaku, “Aku deka nitihka Nuan, Tuhan, tang awakka aku meri selamat tinggal ngagai kami sebilik dulu.”\\n62 Ku Jesus bejaku ngagai iya, “Orang ke belabuh ngeradu tanah lalu malik kebelakang, enda tau nyadi nembiak Perintah Allah Taala.”\\nJesus Ngirumka Tujuh Puluh Dua Iku\\n1 Udah nya Tuhan lalu milih tujuh puluh iku sida ti bukai, lalu ngasuh sida bejalai dulu ari Iya, dua-dua iku begulai, ngagai genap buah nengeri enggau endur ti deka digusung Iya Empu.\\n2 Ku Iya bejaku ngagai sida, “Utai ti diketau mayuh, tang orang ke ngetau mimit. Nya alai besampi minta orang ke bempu umai ngirumka mayuh agi orang ngetau umai Iya.\\n3 Mupuk meh kita! Ingat, Aku ngasuh kita bejalai baka anak domba ngagai raban ukui kampung.\\n4 Anang mai kandi duit, tauka kambut, tauka selipar. Lalu anang nabi orang di rantau jalai.\\n5 Sebarang rumah alai kita tama, sebut dulu, ‘Awakka pemaik meruan dalam rumah tu.’\\n6 Enti orang ke rinduka pemaik bisi dalam rumah nya, pemaik kita deka mengkang ba orang nya. Enti enda pia, pemaik nya deka pulai baru ngagai kita.\\n7 Diau ba rumah nya, lalu empa irup sebarang utai ti diberi sida ngagai kita, laban orang ke gawa endang patut diberi gaji. Anang mindah ari rumah sebuah ngagai rumah sebuah.\\n8 Genap kali kita datai ba sebuah nengeri, lalu sida nerima kita, empa sebarang utai ti diberi ngagai kita.\\n9 Geraika orang ke sakit dalam nengeri nya, lalu sebut ngagai sida, ‘Perintah Allah Taala udah datai semak kita.’\\n10 Tang genap kali kita tama ngagai nengeri, lalu sida enda nerima kita, bejalai kita nengah jalai raya di nengeri nya lalu sebut,\\n11 ‘Indah abus ari nengeri kita empu, ti lekat ba kaki kami, deh ditesai kami, kena ngelaban kita. Tang awakka kita nemu tu: Perintah Allah Taala udah datai semak!’\\n12 Aku madah ngagai kita, lebuh Hari Pechara ila, Allah Taala deka lebih agi kasihka Sodom ari ke kasihka nengeri nya!\\nNengeri Ti Enda Arap\\n13 “Tulah meh nuan, Korasin! Tulah meh nuan, Betsaida! Laban enti kereja ajih ti dikereja dalam seduai, udah dikereja di Tire enggau di Sidon, sida tentu lama udah nesal ati, lalu ngerasuka kain guni, lalu ngerabu pala diri enggau amau.\\n14 Tang lebuh Hari Pechara ila Tire enggau Sidon deka nyamai agi ari kita.\\n15 Lalu nuan, Kapernaum! Kati nuan deka diangkat ke serega? Enda. Nuan deka dibuai ngagai neraka!\\n16 Barang sapa mendingka kita, mendingka Aku, lalu barang sapa nulak kita, nulak Aku. Lalu barang sapa nulak Aku, nulak Iya ke ngirumka Aku.”\\nPemulai Sida Ke Tujuh Puluh Dua Iku\\n17 Sida tujuh puluh iku pulai enggau ati ti gaga. Ku sida, “Tuhan, indah antu deh ngasika kami dalam nama Nuan!”\\n18 Ku Jesus bejaku ngagai sida, “Aku meda Sitan labuh ari langit baka kilat.\\n19 Dinga kita! Aku udah meri kita kuasa ngindik ular enggau kala, sereta ngalahka kuasa munsuh, lalu nadai utai ulih ngemediska kita.\\n20 Tang anang kita gaga ati ketegal antu nunduk ngagaikita, tang awakka ati kita gaga laban nama kita ditulis di serega.”\\nJesus Gaga Ati\\n21 Iya lalu gaga ati dalam roh lalu bejaku, “Aku meri terima kasih ngagai Nuan Apai, Tuhan ti bekuasa di serega enggau di dunya, laban Nuan udah ngelalaika utai nya ari orang ke bepenemu-dalam sereta bepelajar, lalu udah mandangka utai nya ngagai bala anak mit. Sigi amat, Apai, laban nya endang peneka Nuan.\\n22 Semua utai udah diserahka Apai Aku ngagai Aku, lalu nadai orang nemu sapa Anak, semina Apai aja; tauka nemu sapa Apai, tang semina Anak aja, enggau sebarang orang ke dipilih Anak alai Iya mandangka Apai.”\\n23 Jesus lalu nguing ngagai sida murid Iya, lalu bejaku ngagai sida kediri, “Beberekat meh mata ke meda utai ti dipeda kita!\\n24 Laban, Aku madah ngagai kita, mayuh nabi enggau raja udah keran deka meda utai ti dipeda kita, tang nadai meda utai nya; keran deka ninga utai ti didinga kita, tang nadai ninga utai nya.”\\nSempama Pasal Orang Samaria Ke Siru\\n25 Siku pengajar Adat lalu bediri, deka nguji Jesus. Ku iya, “Pengajar, nama utai ti enda tau enda dikereja aku ngambika aku bulih pengidup ti meruan belama iya?”\\n26 Jesus lalu nyaut iya, “Nama utai ti ditulis dalam Adat? Nama utai ti dibacha nuan dia?\\n27 Orang nya lalu nyaut, “Rinduka Tuhan Allah Taala nuan enggau pengabis ati nuan, enggau pengabis semengat nuan, enggau pengabis pengering nuan, enggau pengabis runding nuan, lalu rinduka pangan nuan baka nuan ke rinduka diri empu.”\\n28 Jesus lalu bejaku ngagai iya, “Betul saut nuan; kereja nya, nya baru nuan deka idup.”\\n29 Tang pengajar Adat nya ingin deka mandangka diri nemu utai ti disebut diri, nya alai iya lalu nanya Jesus, “Sapa pangan aku?”\\n30 Jesus lalu nyaut, “Nyadi sekali orang siku nurun ari Jerusalem mansang ngagai Jeriko. Bala penyamun ngamuk iya, nelanjaika iya, malu iya, lalu ninggalka iya setengah mati.\\n31 Seninjik bendar siku imam bejalai nengah jalai nya, lalu lebuh iya tepedaka orang nya, iya lalu ngelaung nengah tisi sepiak.\\n32 Baka nya mega siku orang Lewi, lebuh iya datai ba endur nya lalu tepedaka orang nya, iya mega ngelaung nengah tisi sepiak.\\n33 Tang lebuh siku orang Samaria bejalai nengah jalai nya, iya tepedaka orang nya, lalu kasihka iya.\\n34 Iya mansang ngagai orang nya, nuang minyak enggau wain ba bakal orang nya, lalu malut bakal iya. Udah nya iya nepanka orang nya ba jelu iya empu, mai iya ngagai rumah numpang, lalu ngintu iya.\\n35 Hari siti, iya mantaika dua singkap duit pirak, lalu meri duit nya ngagai orang ke bempu rumah numpang nya. Ku iya, ‘Intu iya. Lebuh aku pulai kitu baru, aku deka mayar nuan ungkus ti lebih ari nya ti dikena nuan ngintu iya.’ “\\n36 Dalam penemu nuan, sapa ari sida tiga nya pangan orang ke diamuk penyamun nya?”\\n37 Ku pengajar Adat nya nyaut, “Orang ke kasihka iya.” Jesus lalu bejaku ngagai iya, “Mupuk meh nuan lalu kereja baka nya.” Jesus Nemuai Ngagai Marta Seduai Maria\\n38 Lebuh Jesus enggau sida murid Iya benung di rantau jalai, Iya datai ba sebuah genturung pendiau, alai siku indu ke benama Marta ngelaluka Iya tama ngagai rumah iya.\\n39 Nyadi Marta bisi menyadi indu siku benama Maria, ke duduk semak kaki Tuhan, mendingka utai ti disebut Iya.\\n40 Tang Marta nejuka diri dikelimpangka mayuh macham pengawa. Nya alai iya mansang ngagai Jesus lalu nanya, “Tuhan, kati Nuan enda ibuhka menyadi aku ninggalka aku kediri mela utai? Asuh iya nulung aku!”\\n41 Tang ku Tuhan nyaut iya, “Marta, Marta! Nuan irau sereta nejuka diri dikelimpangka mayuh macham utai.\\n42 Semina siti aja utai ti beguna. Maria udah milih utai ti manah agi, lalu utai nya enda ulih dirampas ari iya.”\\nAjar Pasal Besampi\\n1 Nyadi sekali Jesus besampi ba endur siti. Lebuh Iya udah badu besampi, siku ari sida murid Iya lalu bejaku ngagai Iya, “Tuhan, ajar kami besampi, baka John ke ngajar bala murid iya.”\\n2 Jesus lalu bejaku ngagai sida, “Lebuh kita besampi, sebut: ‘Apai: Kudus meh nama Nuan; Datai meh Perintah Nuan.\\n3 Beri ngagai kami sehari tu pemakai umbas dipakai kami.\\n4 Ampun kami dosa kami, laban kami ke ngampun orang ke salah ngelaban kami. Lalu anang mai kami ngagai penguji.’\\n5 Lalu ku Iya bejaku ngagai sida, “Enti sema siku ari kita bisi siku pangan, lalu iya mansang ngagai pangan iya nya ba urung tengah malam lalu bejaku ngagai iya, ‘O wai, jali aku tiga iti tuku roti,\\n6 laban pangan aku ke pegi udah datai lalu aku nadai utai kena aku meri iya makai!’\\n7 Lalu pangan iya nya deka nyaut ari dalam, ‘Anang ngiruh aku! Pintu udah dikunchi, lalu kami menyanak udah beterenah tinduk. Aku enda ulih angkat meri nuan utai.’\\n8 Aku madah ngagai kita, taja pen iya enggai angkat lalu meri pangan iya utai, tang laban iya endang pangan iya, lalu laban pangan iya ituk minta, iya deka angkat lalu meri pangan iya utai ti dipeguna iya.\\n9 Nya alai Aku madah ngagai kita: Pinta, lalu kita deka nerima; giga, lalu kita deka nemu; tekung, lalu pintu deka dibuka ke kita.\\n10 Laban genap iku orang ke minta, deka nerima, lalu orang ke ngiga deka tetemu, lalu ke orang ke nekung, pintu nya deka dibuka ke sida.\\n11 Kati kita ke apai, meri anak kita batu, enti iya minta roti? Tauka meri iya ular, enti iya minta ikan?\\n12 Tauka, meri iya kala, enti iya minta telu?\\n13 Enti kita ke jai, nemu meri utai ti manah ngagai anak kita, Apai kita ti di serega tentu lebih agi nemu meri Roh Kudus ngagai orang ke minta ari Iya!”\\n14 Nyadi sekali Jesus muru antu bisu. Lebuh antu nya udah pansut, orang ke bisu nya lalu belabuh bejaku. Orang mayuh lalu balat alit ati.\\n15 Tang ku sekeda sida bejaku, “Iya muru antu ngena kuasa Belsebup, ti raja antu.”\\n16 Sida ti bukai majak minta Iya ngayanka tanda ari serega, kena sida nguji Iya\\n17 Tang Jesus nemu peragam ati sida, lalu ku Iya bejaku ngagai sida, “Semua perintah ti bepechah-belah lalu beripih ngelaban diri empu, deka rusak, lalu ruang bilik ti bepechah-belah, deka alah.\\n18 Enti Sitan bepechah-belah lalu ngelaban diri empu, baka ni ku perintah nya ulih tan? Laban kita ngumbai Aku muru antu ngena kuasa Belsebup.\\n19 Enti Aku muru antu ngena kuasa Belsebup, ngena kuasa sapa murid kita muru antu? Nya alai sida empu deka nyadi hakim kita.\\n20 Tang enti Aku muru antu ngena kuasa Allah Taala, nya nunjukka Perintah Allah Taala udah datai ba kita.\\n21 Lebuh orang ke kering, ke chukup disikap enggau senyata, nyaga rumah iya, semua reta tengkira iya likun magang.\\n22 Tang lebuh orang ke kering agi ari iya, nyerang lalu ngalahka iya, orang nya deka ngerampas senyata ti dikarapka iya, lalu magi perapasan iya.\\n23 Barang sapa enda setanah enggau Aku, ngelaban Aku, lalu barang sapa enda enggau Aku ngempuru, mambar.\\n24 “Lebuh roh ti jai udah pansut ari orang, iya bejalai segau-segau nengah menua ti rangkai, ngiga endur alai belelak. Lebuh iya nadai tetemuka endur nya, iya lalu bejaku, ‘Aku deka pulai baru ngagai rumah aku ti udah ditinggalka aku.’\\n25 Lebuh iya datai, iya nemu rumah nya udah disapu sereta dikemas.\\n26 Iya lalu pansut, lalu mai tujuh iku roh ti bukai ti lebih jai agi ari iya empu. Sida tama lalu diau dia, lalu ke pengujung iya, pendiau orang nya jai agi ari ti dulu.”\\nBerekat Ti Bendar\\n27 Lebuh Jesus benung nyebut nya, siku indu lalu bejaku enggau nyawa ti inggar ngagai Jesus ari tekang bala mayuh, “Beberekat meh indu ke udah ngandungka Nuan, enggau tusu ti udah nusuka Nuan!”\\n28 Tang ku Jesus nyaut, “Beberekat agi orang ke ninga lalu ngasika jaku Allah Taala!”\\n29 Lebuh orang nyau majak mayuh-semayuh, Jesus lalu belabuh bejaku, “Orang ke rebak diatu endang amat jai. Sida minta tanda, tang nadai tanda deka diberi ngagai sida, kelimpah ari tanda Jonah.\\n30 Laban baka Jonah ke nyadika tanda ke orang Nineweh, baka nya meh Anak Mensia deka nyadika tanda ke orang ke rebak diatu.\\n31 Lebuh Hari Pechara ila, kuin ari menua ti di Selatan deka bediri sama enggau orang ke rebak diatu, lalu besalah sida, laban iya udah datai ari tisi dunya deka mendingka penemu-dalam Solomon. Tang peda, utai ti besai agi ari Solomon bisi ditu diatu.\\n32 Lebuh Hari Pechara ila orang Nineweh deka bediri sama enggau rebak ti diatu, lalu besalah sida, laban orang Nineweh empu udah nesal ati ke dosa sida, lebuh sida mendingka jaku ti dipadahka Jonah. Tang peda, utai ti besai agi ari Jonah bisi ditu diatu!\\n33 “Nadai orang nungkun lampu, lalu ngerungkup iya ngena bisin; tang ngengkahka lampu nya ba penuduk lampu, ngambika orang ke tama ulih meda penampak nya.\\n34 Mata kita nyadika lampu tubuh kita. Enti mata kita menyana, semua tubuh kita penuh laban penampak. Tang enti mata kita enda menyana, tubuh kita penuh laban pemetang.\\n35 Nya alai, kita enda tau enda nentuka penampak ti dalam kita nya ukai pemetang.\\n36 Enti semua tubuh kita penuh laban penampak, lalu nadai siti perengka dibalut pemetang, tubuh nya deka tampak semua, baka lebuh lampu ti manchar ngagai kita lalu meri kita penampak.”\\nJesus Besalah Orang Parisi Enggau Bala Pengajar Adat\\n37 Lebuh Jesus udah tembu bejaku, siku orang Parisi lalu mai Iya makai. Nya alai Jesus tama lalu duduk ngimbai mija makai.\\n38 Orang Parisi nya balat alit ati meda Jesus enda masu jari dulu sebedau Iya makai.\\n39 Tuhan lalu bejaku ngagai iya, “Kita orang Parisi nuchi mangkuk enggau chapak kita ari luar aja, tang dalam nyin kita penuh laban pengamu enggau penyai.\\n40 Kita tu beli! Kati Allah Taala ti ngaga utai ti di luar, enda mega ngaga utai ti di dalam?\\n41 Nya alai beri utai ti dalam mangkuk kita nyadika sedekah ngagai orang ke seranta, nya baru semua utai deka nyadi tuchi ke kita.\\n42 “Tang tulah meh kita orang Pariai! Kita meri sepuluh peratus ari rempah kita, baka telasih, daun rempah, enggau semua macham rempah ti bukai, tang kita enggai ngereja pengelurus, enggau pengerindu Allah Taala. Nya utai ti patut dikereja kita, tang anang nejuka utai bukai nya enda dikereja.\\n43 “Tulah meh kita orang Parisi! Laban kita rindu duduk ba penuduk ti pemadu manah dalam balai gempuru, lalu rindu ditabi orang ba sebelah pasar.\\n44 Tulah meh kita! Laban kita tu baka kubur ti enda dikelai, lalu kena lunjak orang, lalu sida enda nemu diri udah ngelunjak nya.”\\n45 Siku pengajar adat lalu nyaut Iya, “Pengajar, lebuh Nuan nyebut nya, Nuan mega ngeleseka kami!”\\n46 Lalu ku Jesus bejaku, “Tulah meh kita pengajar Adat! Laban kita ngengkahka ma ti mar dibai ba orang, tang kita empu enggai enchukirka tunjuk nulung sida mai ma nya.\\n47 Tulah meh kita! Kita ngaga kubur ke sida nabi ke udah dibunuh aki ini kita.\\n48 Nya alai kita empu besaksi sereta besetujuka utai ti udah dikereja aki ini kita. Laban aki ini kita udah munuh sida nabi, lalu kita empu ngaga kubur ke sida.\\n49 Nya alai Penemu-dalam Allah Taala mega nyebut, ‘Aku deka ngirumka bala nabi enggau rasul ngagai sida. Sekeda deka diperinsaka sida lalu dibunuh,”\\n50 ngambika rebak ti diatu betanggungjawap ke darah semua sida nabi ke udah dibunuh kenyau ari penumbuh dunya,\\n51 berengkah ari darah Abel, nyentuk ngagai darah Sekariah ke dibunuh ba entara alta enggau langkau sembiang. Enggau bendar Aku madah ngagai kita, rebak ti diatu deka betanggungjawap ke semua utai nya!\\n52 “Tulah meh kita pengajar adat! Laban kita udah naruh kunchi penemu. Kita empu enda tama, lalu kita mempang jalai orang ke deka tama!”\\n53 Lebuh Jesus angkat ari endur nya, sida pengajar Adat enggau orang Parisi balat amat deka ngelaban Iya lalu deka nanya Iya pasal mayuh macham utai,\\n54 nganti Iya tesebutka jaku ti tau dikena besalah Iya.\\nBejaga Ari Orang Ke Pura-pura Ngapa\\n1 Lebuh beribu-ribu iku orang begempuru, datai ke sida nyau teindikka kaki pangan diri, Jesus bejaku ngagai sida murid Iya. Ku Iya, “Bejaga kita ari ragi orang Parisi, reti nya ari jaku sida ti pura-pura ngapa.\\n2 Nadai utai ti ditudung enda dikebakka, lalu nadai utai ti dilalaika, enda ditemu.\\n3 Nya alai, utai ti udah disebut kita dalam petang, deka didinga lebuh siang hari, lalu utai ti dipetelaika kita di bilik, deka disadaka ari puchuk perabung.\\nSapa Ke Patut Dikenangika\\n4 “Aku madah ngagai kita, unggal, anang takutka orang ke munuh tubuh, tang udah nya enda ulih ngereja utai lebih ari nya.\\n5 Tang Aku madahka sapa ke patut dikenangika kita: nangika Allah Taala ti bisi kuasa muai kita ngagai neraka lebuh Iya udah munuh kita. Sigi amat. Aku madah ngagai kita: nangika Iya!\\n6 Ukai enda lima iku burung pipit dijual ngena rega dua sen aja? Tang taja pia, nadai siku sida nya enda dikingatka Allah Taala.\\n7 Indah semua lambar buk ba pala kita deh udah diitung magang. Nya alai anang takut. Kita lebih agi berega ari burung pipit!\\nNgaku Enggau Nulak Kristus\\n8 “Lalu Aku madah ngagai kita, genap iku orang ke ngaku Aku di mua orang, deka diaku Anak Mensia di mua bala melikat Allah Taala.\\n9 Tang barang sapa besangkalka Aku di mua orang, deka disangkal Anak Mensia di mua bala melikat Allah Taala.\\n10 Lalu genap iku orang ke bejaku ngelaban Anak Mensia, deka diampun, tang barang sapa bejaku busung ngelaban Roh Kudus, enda diampun.\\n11 Lebuh sida mai kita ngagai balai gempuru, ngambika kita kena pechara di mua raja, di mua orang ke megai perintah, anang irauka jalai kita deka nyaut sida, tauka utai ti deka disebut kita,\\n12 laban Roh Kudus deka ngajar kita, ba jam nya, utai ti patut disebut kita.”\\nSempama Pasal Orang Kaya Ke Beli\\n13 Siku orang ari tekang bala mayuh nyebut ngagai Jesus, “Pengajar, asuh menyadi lelaki aku magi reta kami sebilik enggau aku.”\\n14 Tang ku Jesus bejaku ngagai iya, “Unggal, sapa ngasuh Aku nyadi hakim tauka bekuasa magi reta kita?”\\n15 Lalu ku Jesus bejaku ngagai semua sida, “Bejimat kita. Jaga diri ari semua macham pengamu, laban pengidup mensia ukai bepanggai ba pemayuh reta tengkira.”\\n16 Iya lalu madahka siti sempama ngagai sida. Ku Iya, “Tanah orang siku ke kaya mansutka mayuh amat asil,\\n17 lalu ku iya berunding, ‘Nama utai ti deka dikereja aku, laban aku nadai endur alai nyimpan gandum aku?’\\n18 Lalu ku iya bejaku, ‘Tu utai ti deka dikereja aku: Aku deka ngererak setor aku ti lama, lalu ngaga sebuah ti besai agi, alai nyimpan semua gandum enggau reta tengkira aku.\\n19 Lalu aku deka bejaku enggau diri empu, ‘Nuan udah besimpanka mayuh utai nyadika penabat ke berapa taun ti deka datai. Badu agi gawa, makai, ngirup lalu ngelantangka diri.’\\n20 Tang ku Allah Taala bejaku ngagai iya, ‘Nuan tu beli! Malam tu seput nuan deka diambi ari nuan, lalu sapa deka bempu semua utai ti udah disimpan nuan?’\\n21 Nya meh gaya utai ti dekaanyadi ba orang ke nugungka pengaya ke diri empu, tang enda kaya di mua Allah Taala.”\\n22 Lalu ku Iya bejaku ngagai sida murid Iya, “Nya alai Aku madah ngagai kita, anang irauka pengidup kita, utai ti deka diempa kita, tauka pasal tubuh, tauka pasal gari.\\n23 Laban pengidup beguna agi ari pemakai, lalu tubuh beguna agi ari gari.\\n24Peratika burung kak: sida nadai nanam utai, tauka ngetau, lalu sida nadai setor tauka pelabuh, tang taja pia, Allah Taala nupi sida! Kita lebih agi berega ari burung!\\n25 Kati pengirau kita ulih nambahka umur kita sejam?\\n26 Enti kita enda ulih ngereja utai ti ngemit nya, nama kebuah kita irauka utai bukai?\\n27 Peratika bungai bakung, jalai sida tumbuh. Sida enda gawa, tauka betenun. Tang Aku madah ngagai kita, indah Solomon enggau semua pengaya iya, deh nadai gari ti ngemanah sida bungai nya.\\n28 Tang enti Allah Taala meri gari ngagai rumput ti idup sehari tu, lalu pagila dibuai ngagai api, Allah Taala tentu deka lebih agi meri gari ngagai kita, O kita ke mit pengarap!\\n29 Lalu anang irauka utai ti deka diempa tauka diirup kita.\\n30 Semina orang ke enda nemu Allah Taala aja ke irauka utai nya lalu Apai kita ti di serega nemu kita begunaka utai nya.\\n31 Tang giga dulu Perintah Allah Taala, lalu semua utai nya deka mega diberi ngagai kita.\\nPengaya Ti Di Serega\\n32 “Anang takut, kita ke mimit tu, laban Apai kita endang gaga ati deka meri Perintah ngagai kita.\\n33 Jual semua reta tengkira kita, lalu beri sedekah ngagai orang ke seranta. Gaga ke diri empu kambut duit ti enda nemu luya, lalu simpan pengaya ke diri empu di serega, alai penchuri, enggau indu gegat enda ulih ngerusak.\\n34 Laban dia alai pengaya kita, dia meh ati kita.\\n35 “Seruran besedia, lalu awakka lampu kita seruran menyadi belama,\\n36 baka orang gaji ke nganti tuan sida pulai ari gawai tikah, ngambika sida ulih muka pintu ke iya, lebuh iya datai lalu nekung pintu.\\n37 Beberekat meh orang gaji ke ditemu tuan sida enda tinduk lebuh iya datai. Enggau bendar Aku madah ngagai kita, iya deka nyendiaka diri, lalu ngasuh sida belatur duduk, lalu mela sida.\\n38 Beberekat meh orang gaji nya enti tuan sida tetemuka sida udah sedia, lebuh iya datai ba urung tengah malam tauka ba urung dini hari.\\n39 Tang awakka kita nemu tu: enti orang ke bempu rumah nemu maya penchuri datai, iya tentu deka bejaga enggai ke penchuri tama ngagai rumah iya.\\n40 Kita pen enda tau enda mega besedia, laban Anak Mensia deka datai ba maya ti enda disangka kita.”\\nOrang gaji Ke Tetap Ati Enggau Ke Enda Tetap Ati\\n41 Ku Peter bejaku, “Tuhan, kati Nuan madahka sempama tu ke kami, tauka ke semua orang?”\\n42Tuhan lalu bejaku, “Sapa ulun ke tetap ati sereta pintar, ke tau diasuh tuan iya ngemataka ulun iya, meri sida pemakai ba maya ti patut?\\n43 Beberekat meh ulun nya ke ditemu tuan iya ngereja pengawa lebuh tuan iya datai!\\n44 Enggau bendar Aku madah ngagai kita, tuan iya deka ngasuh iya ngemataka semua reta tengkira iya.\\n45 Tang enti ulun nya bejaku dalam ati diri, ‘Tuan aku laun datai,’ lalu enti iya belabuh bepaluka sida ulun ti bukai, ke lelaki enggau ke indu, lalu makai ngirup lalu mabuk,\\n46 tuan iya deka datai ba hari ti enda disangka iya, enggau ba jam ti enda ditemu iya, lalu mepat iya lalu ngasuh iya begulai enggau orang ke enda tetap ati.\\n47 Ulun nya ke nemu utai ti dikedekaka tuan iya, tang enda nyendiaka diri tauka enda ngereja utai ti dikedekaka tuan iya, deka balat disipat.\\n48 Tang ulun ke enda nemu utai ti dikedekaka tuan iya, lalu ngereja utai ti ngasuh iya patut kena sipat, deka disipat enda balat. Orang ke diberi mayuh, dipinta meri mayuh, lalu orang ke dikarapka ngemataka mayuh utai, deka dikarapka meri mayuh agi.\\nOrang Beserekang Ketegal Jesus\\n49 “Aku datai laban Aku deka nyelup dunya tu ngena api. Naka meh pemanah enti sema dunya endang udah diselup!\\n50 Aku bisi siti pemaptisa ti deka dikena maptisa Aku. Naka meh pemalat pemerinsa Aku sebedau pemaptisa nya tembu!\\n51 Kati kita ngumbai Aku datai mai pemaik ngagai dunya? Ukai: Aku ukai datai mai pemaik, tang mai penyerekang.\\n52 Belabuh ari diatu, orang lima iku diri sebilik deka beserekang, tiga ngelaban dua, lalu dua ngelaban tiga.\\n53 Sida deka beserekang, apai ngelaban anak lelaki, lalu anak lelaki ngelaban apai, indai ngelaban anak indu, lalu anak indu ngelaban indai mentua indu ngelaban menantu indu, lalu menantu indu ngelaban mentua indu.”\\n54 Iya mega nyebut ngagai orang mayuh, “Lebuh kita meda mua hari ayan tunga ke barat, kita lalu tekala nya nyebut, ‘Hari deka ujan,’ lalu hari amat ujan.\\n55 Lalu lebuh ribut bepuput ari selatan, kita nyebut, ‘Angat hari sehari tu’, lalu hari amat angat.\\n56 Kita tu orang ke pura-pura ngapa Kita nemu nerangka gaya tanah enggau langit. Tang nama kebuah kita enda nemu nerangka tanda ke maya ti diatu?\\n57 “Lalu nama kebuah kita enda nemu ngelala utai ti ngena?\\n58 Lebuh kita mansang ngagai kot enggau orang ke deka bedawaka kita, kita enda tau enda, enggau naka ulih, nelesai laya kita enggau orang nya lebuh kita agi di rantau jalai, enggai ke iya ngirit kita ngagai hakim, lalu hakim nyerahka kita ngagai polis, lalu polis nutup kita dalam rumah jil.\\n59 Aku madah ngagai kita, kita enda pansut ari rumah jil nya datai ke kita udah mayar semua duit ukum kita.\\nNesal Ati Ke Dosa Tauka Mati\\n1 Lebuh maya nya sekeda orang ke bisi dia madah ngagai Jesus pasal darah orang Galili ti udah dichampurka Pilate enggau piring sida.\\n2 Jesus lalu nanya sida, “Kati kita ngumbai orang Galili nya diperinsaka baka nya laban sida balat agi bedosa ari orang Galili ti bukai?\\n3 Aku madah ngagai kita, ukai baka nya; tang enti kita enda nesal ati ke dosa kita, semua kita deka mati baka sida.\\n4 Tauka orang ke lapan belas iku ke mati lebuh Menara Siloam runtuh ninggang sida -- kati kita ngumbai sida nya udah balat agi ngereja penyalah ari semua orang bukai ke diau di Jerusalem?\\n5 Aku madah ngagai kita, ukai baka nya; tang enti kita enda nesal ati ke dosa kita, semua kita deka mati baka sida.”\\nSempama Pasal Kayu Ara Ti Rumbau\\n6 Udah nya Iya lalu madahka sempama tu: “Orang siku nanam sepun kayu ara ba kebun anggur iya. Iya datai deka ngiga buah ba kayu ara nya, tang nadai tetemuka buah dia.\\n7 Nya alai iya lalu bejaku ngagai tukang kebun, ‘Peda nuan, tu ketiga taun aku udah datai begigaka buah ba kayu ara tu, tang aku nadai kala tetemuka buah. Tebang iya! Nama guna nejuka iya masau tanah nya ngapa?’\\n8 Tukang kebun nya lalu nyaut, ‘Awakka iya dia setaun da agi, tuan. Aku deka nyangkul ngelingi pun iya, lalu meri iya baja.\\n9 Enti iya bebuah taun baru tu ila, manah meh nya. Tang enti iya enda, nuan tau nebang iya.’ “\\nJesus Ngeraika Siku Indu Lebuh Hari Sabat\\n10 Nyadi sekali, Jesus ngajar dalam sebuah balai gempuru lebuh hari Sabat.\\n11 Dalam balai gempuru nya bisi siku indu ke dikeduan roh ti jai lapan belas taun. Iya balat amat bungkuk, lalu enda ulih bediri rurus.\\n12 Lebuh Jesus meda iya, Jesus lalu ngangauka iya ke mua, lalu bejaku ngagai iya, “Endu, nuan udah dilepaska ari penyakit nuan!”\\n13 Lebuh Iya ngengkahka jari atas indu nya, indu nya lalu tekala nya bediri rurus lalu muji Allah Taala.\\n14 Tang kepala balai gempuru nya pedis ati laban Jesus udah ngeraika orang nya lebuh hari Sabat, lalu ku iya majak bejaku ngagai orang mayuh, “Kitai bisi enam hari alai kitai gawa. Datai meh kitai lebuh hari nya lalu digeraika, ukai kena hari Sabat.”\\n15 Tang Tuhan nyaut iya, “Kita tu orang ke pura-pura ngapa! * Kati kita enda muka tali jelu sapi tauka keledai kita, mai iya pansut ari bansal, lalu meri iya ngirup lebuh hari Sabat?\\n16 Kati indu tu, ke anak Abraham, ke udah ditanchang Sitan lapan belas taun, enda tau dilepaska ari tanchang nya lebuh hari Sabat?”\\n17 Lebuh Iya nyebut nya, semua orang ke nyakal Iya malu magang. Semua orang lalu rami gaga ati ke semua utai ti nyelai ti udah dikereja Iya.\\nSempama Leka Mustard\\n18 Iya lalu bejaku, “Baka ni ku gaya Perintah Allah Taala? Ngagai apa Aku mandingka iya?\\n19 Iya baka igi mustard, ti dibai orang siku lalu ditanam iya ba umai iya. Mustard nya tumbuh, lalu nyadi kayu ti besai, lalu burung begagaka tansang ba dan iya.”\\nSempama Pasal Ragi\\n20 Jesus lalu bejaku baru, “Ngagai apa Aku mandingka Perintah Allah Taala?\\n21 Iya baka ragi ti diambi siku indu lalu dichampurka iya enggau empat puluh liter tepung, datai ke semua tepung nya nyau kembai magang.”\\nPintu Ti Sempit\\n22 Jesus bejalai nengah nengeri enggau genturung pendiau, ngajar orang, lebuh Iya benung mansang ngagai Jerusalem.\\n23 Siku orang nanya Iya, “Tuan, kati semina mimit aja orang deka diselamatka?” Ku Iya bejaku ngagai sida,\\n24 “Enggau naka ulih tama nengah pintu ti sempit, laban, Aku madah ngagai kita, mayuh orang deka nguji tama, tang enda ulih.\\n25 Lebuh orang ke bempu rumah nya udah angkat lalu nikupka pintu, lalu kita belabuh bediri di luar, nekung pintu, lalu bejaku, ‘Tuan, buka pintu ke kami,’ iya deka nyaut kita, ‘Aku enda nemu ari ni penatai kita!’\\n26Udah nya kita lalu belabuh nyebut, ‘Kami udah makai ngirup enggau nuan, lalu nuan udah ngajar ba sebelah jalai raya kami!’\\n27 Tang iya deka nyebut, ‘Aku enda nemu ari ni penatai kita. Rari ari aku, semua kita ke ngereja penyai!’\\n28 Kita deka nyabak lalu begerit ngeli lebuh kita meda Abraham, enggau Isak enggau Jakop enggau semua sida nabi dalam Perintah Allah Taala, lalu kita empu dibuai ke luar.\\n29 Udah nya orang deka datai ari timur, ari barat, ari utara enggau ari selatan, lalu makai dalam Perintah Allah Taala.\\n30 Orang ke dudi deka nyadi dulu, lalu orang ke dulu, deka nyadi dudi.”\\nJesus Tusah Ati Ke Jerusalem\\n31 Lebuh maya nya, sekeda orang Parisi datai ngagai Jesus lalu bejaku ngagai Iya, “Angkat Nuan ari tu, laban Herod deka munuh Nuan.”\\n32 Jesus lalu bejaku ngagai sida, “Padahka jaku Aku tu ngagai munsang nya: ‘Dinga nuan, Aku muru antu, lalu ngeraika orang ke sakit sehari tu enggau pagila, lalu ba hari ti ketiga, Aku deka nembuka pengawa Aku.’\\n33 Tang Aku enda tau enda majakka pejalai Aku sehari tu, enggau pagila, enggau lusa, laban nadai nabi kala mati ari luar Jerusalem.\\n34 “O Jerusalem, Jerusalem, nengeri ti munuh sida nabi, lalu nuku ngena batu bala seruan ke dikirumka Allah Taala ngagai nuan! Berapa penyuah Aku udah deka ngempuruka nembiak nuan, baka indu manuk ti ngempuruka anak di baruh sayap iya, tang nuan enggai!\\n35 Peda nuan, Rumah Sembiang\\_ nuan deka ditinggalka nadai orang nguan. Lalu Aku madah ngagai nuan, nuan nadai agi meda Aku, nyentuk ngagai maya nuan nyebut, ‘Beberekat meh Iya ke datai dalam nama Tuhan!’ “\\nJesus Ngeraika Lelaki Siku Ke Sup Kaki Jari\\n1 Nyadi sekali, lebuh hari Sabat, Iya mansang makai ngagai rumah siku tuai orang Parisi, lalu sida bebendar nengkilaka Iya.\\n2 Lebuh maya nya siku lelaki ke sup kaki jari, bisi di mua Iya.\\n3 Jesus lalu nanya ngagai sida pengajar Adat enggau orang Parisi, “Kati kitai tau ngeraika orang lebuh hari Sabat, tauka enda?”\\n4 Tang sida enda bemunyi. Nya alai Jesus megai orang nya, lalu ngeraika iya. Iya lalu ngasuh orang nya pulai.\\n5 Iya lalu bejaku ngagai sida, “Enti anak kita, tauka jelu sapi kita labuh ngagai telaga lebuh hari Sabat, enda ke kita deka tekala nya narit iya pansut?”\\n6 Sida lalu enda ulih nyaut nya.\\nPasal Ngemaruhka Diri Enggau Nyambut Temuai\\n7 Lebuh Jesus meda chara sekeda bala pengabang milih endur ti pemadu manah, Iya lalu madahka sempama tu ngagai sida,\\n8 “Lebuh orang ngambi kita ngabang ngagai gawai tikah, anang duduk ba endur ti pemadu manah, enggai ke orang ke tinggi agi pangkat ari kita bisi diambi ngabang,\\n9 lalu orang ke ngambi kita ngabang, deka datai lalu nyebut enggau nuan, ‘Awakka iya duduk ditu,’ lalu nuan deka malu, lalu duduk ba endur ti pemadu baruh.\\n10 Tang lebuh kita diambi orang ngabang, mansang ngagai endur ti pemadu baruh lalu duduk dia, ngambika orang ke empu pengawa datai lalu bejaku ngagai nuan, ‘Unggal, duduk ke atas kitu ke agi.’ Nya baru nuan dibasa semua orang ke sama duduk ba mija nya enggau nuan.\\n11 Laban semua orang ke ngeninggika diri, deka dikemaruhka, lalu orang ke ngemaruhka diri, deka ditinggika.”\\n12 Lalu ku Iya bejaku ngagai orang ke mai Iya makai, “Lebuh nuan ngambi orang ngabang ngagai pengerami makai besai, anang ngambi pangan tauka menyadi lelaki, tauka kaban belayan nuan, tauka pangan nuan ke kaya, enggai ke sida ngambi nuan ngabang, lalu malas pemanah nuan.\\n13 Tang lebuh nuan nyendiaka pengerami makai besai, ambi ngabang orang ke seranta, ke kait-kupit, ke lemi, enggau ke buta.\\n14 Nya baru nuan deka bulih berekat, laban sida enda ulih malas pemanah nuan. Nuan deka dibayar lebuh orang ke lurus diangkatka ari mati.”\\nSempama Pasal Pengerami Makai Besai\\n15 Lebuh siku ari bala pengabang ninga jaku nya, iya lalu bejaku ngagai Jesus, “Beberekat meh orang ke deka makai dalam Perintah Allah Taala!”\\n16 Jesus lalu nyebut ngagai iya, “Nyadi sekali siku orang nyendiaka pengerami makai besai, lalu ngambi mayuh amat orang ngabang.\\n17 Lebuh pengerami nya baru deka belabuh, iya lalu ngasuh bala ulun iya madahka orang ke udah diambi ngabang, ‘Datai meh, laban semua utai udah sedia magang diatu.’\\n18 Tang semua sida bela belabuh begigaka tegal ngambika sida enda datai. Iya ti keterubah madah ngagai ulun nya, ‘Aku baru udah meli sebidang tanah, lalu aku enda tau enda meda tanah nya. Aku minta ampun, laban aku enda ulih datai.’\\n19 Ku siku ti bukai bejaku, ‘Aku baru udah meli lima pasang sapi, lalu aku diatu deka ngujika sida. Aku minta ampun, laban aku enda ulih datai.’\\n20 Ku siku ti bukai bejaku, ‘Aku baru udah bebini, nya alai aku enda ulih datai.’\\n21 Nya alai ulun nya pulai, lalu madah ngagai tuan iya. Tuan iya lalu pedis ati lalu bejaku ngagai ulun iya, ‘Alai nuan mansang ngagai jalai raya, enggau ngagai jalai ti mit di nengeri, lalu bai kitu orang ke seranta, ke kait-kupit, ke buta enggau ke enda ulih bejalai.’\\n22 Ulun nya lalu madah ngagai tuan iya, ‘Atur nuan udah dipejalaika aku, tuan, tang agi bisi endur.’\\n23 Tuan nya lalu bejaku ngagai ulun nya, ‘Alai nuan mansang ngagai jalai raya enggau ngagai jalai ti mit, lalu pejalka orang datai, ngambika rumah aku penuh.\\n24 Laban, aku madah ngagai kita,nadai siku orang ke diambi ngabang deka nyepi pemakai aku!’ “\\nEnti Deka Nyadi Murid\\n25 Nyadi sekali, mayuh amat orang bejalai enggau Iya. Iya nguing lalu bejaku ngagai sida,\\n26 “Barang sapa datai ngagai Aku lalu enda lebih agi rindu ke Aku ari iya ke rindu ke apai, indai, bini enggau anak, menyadi lelaki enggau menyadi indu, indah seput iya empu, enda tau nyadi murid Aku.\\n27Barang sapa enda ngesan regang diri empu lalu nitihka Aku, enda tau nyadi murid Aku.\\n28 Laban sapa ari bala kita ke deka ngaga sebuah menara, enda dulu ngira ungkus utai nya, ngambika iya nemu sekalika iya bisi duit kena nembuka pengawa nya?\\n29 Enggai ke lebuh batu pemun udah didudukka, iya enda tetembuka pengawa nya, lalu semua orang ke meda nya deka ngeleseka iya\\n30 munyi tu, ‘Ngemunka pengawa, ulih, tang nembuka pengawa, enda ulih!’\\n31 Tauka sapa raja ke deka nyerang raja siku, enda dulu duduk lalu ngira enti iya ulih ngalahka dua puluh ribu iku soldadu munsuh ngena sepuluh iku soldadu iya empu?\\n32 Enti iya enda ulih, iya deka ngasuh bala seruan iya betemu enggau raja nya lebuh iya agi jauh, lalu mai iya bebaik.”\\n33 Nya alai, baka nya mega kita: nadai siku kita tau nyadi murid Aku enti kita enda ngelengkaka semua reta tengkira kita.\\n34 “Garam endang manah, tang enti iya nadai agi masin, baka ni ku jalai ngaga iya masin baru?\\n35 Iya enda ulih dikena ngasuh tanah ami, tauka digaga nyadi baja, tang dibuai. Awakka orang ke bisi pending, ninga.”\\nBedus Ti Lenyau\\n1 Nyadi semua pengumpul chukai enggau orang ke bedosa, datai ngagai Jesus, deka mendingka Iya.\\n2 Orang Parisi enggau sida pengajar Adat lalu belabuh mut-mut. Ku sida, “Orang tu nyambut orang ke bedosa, lalu makai enggau sida!”\\n3 Nya alai Iya madahka sempama tu ngagai sida:\\n4 “Enti sema siku ari bala kita bisi seratus iku bedus, lalu siku bedus nya lenyau, enda ke iya deka ninggalka semilan puluh semilan iku bedus ti bukai ba padang, lalu ngiga siku ti lenyau, datai ke iya nyau tetemuka iya?\\n5 Lebuh iya udah tetemuka bedus nya, iya ngesan iya enggau ati ti gaga.\\n6 Lalu lebuh iya datai di rumah, iya ngangauka bala pangan iya enggau orang ke berimbai pendiau enggau iya, lalu bejaku ngagai sida, ‘Aram rami gaga enggau aku, laban aku udah tetemuka bedus aku ti lenyau.’\\n7 Nya alai Aku madah ngagai kita, orang di serega din deka lebih agi rami gaga ati lebuh siku ari orang ke bedosa tu nesal ati, ari ke gaga ke semilan puluh semilan iku orang ke lurus ke enda ibuh nesal ati.\\nDuit Ti Lenyau\\n8 “Tauka, enti sema siku indu bisi sepuluh singkap duit pirak, lalu sesingkap lenyau, enda ke iya deka nungkun lampu, nyapu rumah nya, lalu bebendar ngiga duit nya datai ke iya nyau tetemuka duit nya?\\n9 Lebuh iya udah tetemuka duit nya, iya lalu ngangauka bala pangan iya enggau orang ke berimbai pendiau enggau iya, ku iya, ‘Aram rami gaga ati enggau aku laban aku udah tetemuka duit aku ti lenyau.’\\n10 Nya alai Aku madah ngagai kita, baka nya meh bala melikat Allah Taala deka rami gaga ati ke siku orang ke bedosa ke nesal ati.”\\nAnak Ke Tesat\\n11 Lalu ku Iya bejaku, “Orang siku bisi dua iku anak lelaki.\\n12 Anak iya ke biak bejaku enggau apai iya, ku iya, ‘Apai, beri aku semua ungkup aku ari reta tengkira kitai.’ Orang nya lalu bedua reta tengkira iya ngagai anak iya ke dua iku nya.\\n13 Dua tiga hari udah bekau nya, anak iya ke biak ngempuruka semua reta tengkira iya, lalu bejalai ngagai menua ti jauh, lalu masau reta tengkira iya idup ngena chara ti enda menuku.\\n14 Lebuh semua reta iya udah abis, lapar pungkang lalu nyadi di serata menua nya, lalu iya belabuh suntuk.\\n15 Nya alai iya makai gaji ba orang siku di menua nya. Orang nya lalu ngasuh iya gawa ba umai iya, engkani babi.\\n16 Iya tetenguk amat deka ngisi perut iya ngena asi babi, tang nadai ga orang meri iya utai diempa.\\n17 Tang lebuh iya nyau sedarka pemeli diri, iya lalu bejaku, ‘Semua orang gaji apai aku diberi pemakai lebih ari chukup, tang aku ditu mati lapar!\\n18 Aku deka angkat lalu pulai ngagai apai aku, lalu bejaku ngagai iya, “Apai, aku udah bedosa ngelaban serega enggau ngelaban nuan.\\n19 Aku enda patut agi dikumbai anak nuan. Gaga aku nyadi orang gaji nuan.” ‘\\n20 Nya alai iya angkat lalu pulai ngagai apai iya. Tang lebuh iya agi jauh ari rumah, apai iya tepedaka iya, lalu sinu ati ke iya. Iya belanda lalu merap iya, lalu nyium iya.\\n21 Anak iya nya lalu bejaku ngagai iya, ‘Apai, aku udah bedosa ngelaban serega enggau ngelaban nuan. Aku enda patut agi dikumbai anak nuan.’\\n22 Tang ku apai iya bejaku ngagai bala ulun iya, ‘Bai jampat baju panjai ti pemadu manah, lalu rasukka ba iya. Rasukka tinchin ba tunjuk iya, enggau selipar ba\\n23 Ambi lalu sayat anak sapi ti pemadu gemu. Kitai deka makai selamat!\\n24 Laban anak aku tu udah mati, tang diatu iya idup baru. Iya udah lenyau, tang diatu iya udah ditemu.’ Sida lalu makai selamat.\\n25 “Lebuh maya nya, anak tuai iya agi di umai. Lebuh iya pulai ari umai, lalu datai semak rumah, iya ninga munyi musik enggau munyi orang ke betanda.\\n26 Iya lalu ngangauka siku ulun, lalu nanyaka reti utai nya.\\n27 Ku ulun nya nyaut, ‘Menyadi nuan udah datai, lalu apai nuan udah nyayat anak sapi ti pemadu gemu, laban menyadi nuan udah pulai enggau selamat.’\\n28 Iya lalu ringat lalu enggai tama. Apai iya pansut, lalu belabuh ngumbuk iya.\\n29 Tang ku iya nyaut apai iya, ‘Dinga nuan! Betaun-taun aku udah gawa ke nuan baka ulun, lalu aku nadai udah kala enda ngasika nuan. Taja pia, nuan nadai kala meri aku anak kambin, siku pen nadai, kena aku makai selamat enggau pangan aku.\\n30 Tang lebuh anak nuan tu datai ditu, ke udah masau semua reta tengkira nuan enggau indu sundal, nuan nyayat anak sapi ti gemu ke iya!’\\n31 Ku apai iya bejaku ngagai iya, ‘Anak, nuan endang seruran enggau aku, lalu semua utai ti dikemisi aku endang enggi nuan magang.\\n32 Tang kitai enda tau enda makai selamat lalu rami gaga ati, laban menyadi nuan tu udah mati, lalu diatu iya udah idup baru. Iya udah lenyau, lalu diatu iya udah ditemu.’ “\\nPemesai Ke Pintar\\n1 Jesus lalu bejaku enggau sida murid Iya, “Siku orang kaya bisi siku pemesai ke ngemataka reta iya. Orang bisi bejaku madahka pemesai nya masau duit tuan iya.\\n2 Orang kaya nya lalu ngangauka pemesai nya, lalu bejaku ngagai iya, ‘Nama utai tu ti didinga aku pasal nuan? Padahka ngagai aku jalai nuan udah ngemataka reta tengkira aku, laban nuan enda tau agi ngemataka reta tengkira aku.’\\n3 Pemesai nya lalu bejaku dalam ati diri, ‘Tuan aku deka muai aku ari pengawa. Nama utai ti patut dikereja aku? Aku enda kering nyangkul, lalu aku malu minta sedekah.\\n4 Tu utai ti deka dikereja aku, ngambika lebuh aku dibuai ari pengawa, orang deka ngelaluka aku ngagai rumah sida.’\\n5 Nya alai iya ngangauka siku-siku orang ke berutang ba tuan iya. Iya lalu bejaku enggau orang ke terubah datai, ‘Berapa utang nuan ba tuan aku?’\\n6 Orang nya lalu nyaut, ‘Seratus tung minyak kana.’ Lalu ku pemesai nya bejaku ngagai iya, ‘Ambi surat utang nuan tu, duduk, lalu tuliska lima puluh.’\\n7 Udah nya pemesai nya nanya siku ti bukai, ‘Berapa pemayuh utang nuan?’ Orang nya lalu nyaut, ‘Seribu pikul gandum.’ Pemesai nya lalu bejaku, ‘Ambi surat utang nuan tu, lalu tuliska lapan ratus.’\\n8 Tuan iya lalu muji pemesai ke enda betul ati nya ketegal pemintar iya ngereja utai, laban orang dunya tu pintar agi ngatur utai ti mai penguntung ngagai sida empu ari nembiak penampak.\\n9 Lalu Aku madah ngagai kita, gaga orang nyadika pangan kita ngena pengaya dunya, ngambika lebuh utai nya udah abis, kita deka diterima ke dalam rumah ti meruan belama iya.\\n10 Barang sapa tau dikarapka ngemataka utai ti mimit, tau mega dikarapka ngemataka mayuh utai, lalu orang ke enda tau dikarapka ngemataka pekara ti mit, enda mega tau dikarapka ngemataka pekara ti besai.\\n11 Nya alai, enti kita enda tau dikarapka ngemataka pengaya dunya, sapa deka ngarapka kita ngemataka pengaya ti bendar?\\n12 Lalu enti kita enda tau dikarapka ngemataka utai orang bukai, sapa deka meri kita utai ti endang enggi kita?\\n13 “Nadai orang ulih betuaika dua iku tuan, laban iya deka begedika siku lalu rinduka siku, tauka angkunka siku, lalu mechat siku. Kita enda ulih betuaika Allah Taala enggau duit.”\\nAdat Enggau Perintah Allah Taala\\n14 Lebuh orang Parisi, ke angkunka duit, ninga semua utai nya, sida lalu ngeleseka Jesus.\\n15 Nya alai Iya lalu bejaku ngagai sida, “Kita tu orang ke belurus diri empu di mua orang mayuh, tang Allah Taala nemu ati kita; laban utai ti dikangkunka mensia, nya utai ti dipegedika Allah Taala.\\n16 “Adat enggau jaku ti ditulis sida nabi mengkang dikena nyentuk ngagai maya John. Tang berengkah ari maya John, Berita Manah pasal Perintah Allah Taala dipadahka ngagai orang mayuh, lalu semua orang bela majakka diri tama ngagai Perintah nya.\\n17Tang mudah agi serega enggau dunya lesap, ari siti titik dalam Adat tu lenyau.\\n18 “Barang sapa muai bini, lalu jadi enggau indu bukai, butang. Lalu lelaki ke jadi enggau indu ke udah dibuai laki, butang.\\nOrang Ke Kaya Enggau Lasarus\\n19 “Nyadi dia bisi siku orang kaya. Iya bekenaka pekayan ti berega, lalu diau makai nyamai tiap hari.\\n20 LLalu ba mua pintu orang nya bisi siku orang ke seranta, ke abis dibalut rumbak. Nama iya Lasarus.\\n21 Lasarus bisi amat ati deka makai pemakai ti labuh ari mija orang kaya nya. Indah ukui deh datai lalu nilat rumbak iya.\\n22 Orang ke seranta nya mati, lalu dibai bala melikat ngambika iya diau enggau Abraham. Orang kaya nya mega mati, lalu dikuburka.\\n23 Di dunya pemati, alai iya ke balat kena perinsa, iya engkadah lalu tepedaka ari jauh Abraham duduk ngimbai Lasarus.\\n24 Orang kaya nya lalu ngangau, ‘Apai Abraham! Kasihka aku, lalu asuh Lasarus datai kitu ngambika iya nyepuhka ujung tunjuk iya ngagai ai, lalu ngenyelapka dilah aku, laban aku pedis amat merinsa dalam api tu!’\\n25 Tang ku Abraham bejaku, ‘Ingat, anak, lebuh nuan agi idup, nuan diberi semua utai ti manah, tang Lasarus diberi semua utai ti jai. Tang diatu iya lantang diau ditu, tang nuan pedis merinsa.\\n26 Nambahka nya, ba entara kitai bisi siti darung ti dalam, ngambika orang ke deka meraka ari tu ngagai kita, enda ulih, lalu orang ke deka meraka ari endur kita ngagai kami, pen enda mega ulih.’\\n27 Ku orang kaya nya bejaku, ‘Enti pia, apai, aku minta nuan ngirumka Lasarus ngagai rumah apai aku,\\n28 laban aku bisi lima iku menyadi lelaki, ngambika iya meri jaku tangkan ngagai sida, enggai ke sida datai ba endur pemerinsa tu.’\\n29 Abraham lalu nyaut, ‘Sida bisi Moses enggau sida nabi. Awakka bala menyadi nuan patut mendingka sida.’\\n30 Ku orang kaya nya bejaku, ‘Ukai baka nya, apai Abraham! Enti siku orang ke angkat ari mati mansang ngagai sida, nya baru sida deka nesal ati ke dosa sida.’\\n31 Tang ku Abraham, ‘Enti sida enggai mendingka Moses enggau sida nabi, sida pen enggai mega arap enti orang siku angkat ari mati.’ “\\n1 Lalu ku Iya bejaku ngagai sida murid Iya, “Utai ti ngasuh orang bedosa endang deka datai, tang tulah orang ke ngasuh dosa nya datai!\\n2 Manah agi enti batu kisar ditanchangka ba rekung iya, lalu iya dibuai ngagai tasik, ari ke nejuka iya ngasuh siku ari orang ke pemadu mit tu bedosa.\\n3 Bejaga kita! “Enti menyadi nuan bedosa, rara iya, lalu enti iya nesal ati, ampun iya.\\n4 Lalu enti iya bedosa ngelaban nuan tujuh kali dalam sehari, lalu datai ngagai nuan tujuh kali, lalu iya nyebut, ‘Aku nesal ati ke penyalah aku,’ nuan enda tau enda ngampun iya.”\\n5 Ku bala rasul bejaku ngagai Tuhan, “Tambahka pengarap kami.”\\n6 Tuhan lalu nyaut, “Enti kita bisi pengarap ngemesai igi ensabi, kita ulih bejaku ngagai kayu tu, ‘Awakka nuan dichabut, lalu ditanam ba tasik!’ iya deka ngasika kita.\\nPengawa Orang gaji\\n7 “Sapa ari bala kita deka bejaku ngagai ulun iya ke baru pulai ngeradu tanah tauka ngibun bedus, ‘Datai kitu enggau jampat lalu duduk makai’?\\n8 Enda ka kita deka bejaku ngagai ulun iya, ‘Sediaka pemakai ke aku. Rasukka pekayan nuan, lalu intu aku lebuh aku makai ngirup. Udah nya baru nuan tau makai’?\\n9 Kati nuan meri terima kasih ngagai ulun nya ketegal iya udah ngereja pengawa iya?\\n10 Kita pen baka nya mega. Lebuh kita udah ngereja semua utai ti diasuh kereja kita, sebut, ‘Kami tu ulun ke nadai guna. Kami semina udah ngereja pengawa ti patut dikereja kami.’ “\\nJesus Ngeraika Sepuluh Iku Orang\\n11 salem, Iya bejalai nengah menua entara menua Samaria enggau menua Galili.\\n12 Lebuh Iya tama ngagai sebuah genturung pendiau, sepuluh iku orang ke sakit lan mansang ngagai Iya. Sida bediri ari jauh\\n13 lalu ngangau enggau nyawa ti inggar. Ku sida, “Jesus! Pengajar! Kasihka kami!”\\n14 Lebuh Iya tepedaka sida, Iya lalu bejaku ngagai sida, “Mupuk kita, lalu asuh sida imam meresa kita.” Lebuh sida benung di rantau jalai, sida lalu nyadi tuchi.\\n15 Lebuh siku ari bala sida meda diri udah gerai, iya nikal, lalu muji Allah Taala enggau nyawa ti inggar.\\n16 Iya nyungkurka diri di kaki Jesus, lalu meri terima kasih ngagai Iya. Lelaki nya orang Samaria.\\n17 Jesus lalu nanya, “Ukai enda sepuluh iku digeraika? Kini ke tunga sida ke semilan iku?\\n18 Kati sida nadai nikal kitu lalu muji Allah Taala, kelimpah ari orang kampar tu?”\\n19 Iya lalu bejaku ngagai orang Samaria nya, “Angkat nuan, lalu mupuk. Pengarap nuan udah ngeraika nuan.”\\nPenatai Perintah Allah Taala\\n20 Nyadi sekali orang Parisi nanyaka kemaya Perintah Allah Taala deka datai. Iya lalu nyaut sida, “Perintah Allah Taala ukai datai ngena tanda ti ulih dipeda.\\n21 Lalu nadai mega orang nyebut, ‘Peda kita! Tu iya ditu!’ tauka, ‘Nyin iya!’, laban iya ti bendar Perintah Allah Taala bisi ba tengah-tengah kita.”\\n22 Iya lalu bejaku ngagai sida murid, “Maya deka datai alai kita keran deka meda siti ari hari Anak Mensia, tang kita enda ulih meda hari nya.\\n23 Orang deka nyebut ngagai kita, ‘Peda kita! Nyin iya!’ tauka, ‘Tu iya!’ Anang kita kia lalu anang nitihka sida.\\n24 Laban baka kilat ti nyelar, lalu langit terang ari tisi siti ngagai tisi siti, baka nya meh gaya Anak Mensia lebuh hari Iya ila.\\n25 Tang Iya enda tau enda dulu natka mayuh macham pemerinsa, lalu ditulak orang ke rebak diatu.\\n26 Baka lebuh maya Noah menya, baka nya mega utai deka nyadi lebuh hari Anak Mensia ila.\\n27 Semua orang majak makai ngirup, jadi melaki-bini, nikah, nyentuk ngagai hari Noah tama ke dalam bandung, lalu ai bah datai lalu ngerusak semua sida.\\n28 Baka lebuh maya Lot menya. Semua orang majak makai ngirup, bebeli bejual, betanam sereta begagaka utai,\\n29 tang lebuh Lot ninggalka nengeri Sodom, api enggau merirang lalu labuh ari langit lalu ngerusak semua sida.\\n30 Nya meh gaya utai ti deka nyadi ba hari Anak Mensia dipandangka.\\n31 Ba hari nya ila, orang ke ba atas perabung enda tau nurun lalu ngambi utai diri. Baka nya mega orang ke di umai: sida enda tau pulai ke rumah.\\n32 Kingatka bini Lot!\\n33 Barang sapa deka ngidupka nyawa diri, deka ngelenyauka iya, tang barang sapa ngelenyauka nyawa diri, deka ngidupka iya.\\n34 Aku madah ngagai kita, lebuh malam nya, dua iku orang deka begulai tinduk. Siku deka ditabanka, lalu siku ditinggalka.\\n35 Dua iku indu deka begulai ngisar. Siku deka ditabanka, lalu siku deka ditinggalka.”\\n36 Dua iku orang gawa di umai. Siku deka ditabanka, lalu siku deka ditinggalka.\\n37 Sida murid Iya lalu nanya Iya, “Dini, Tuhan?” Disaut Jesus, “Dia alai bangkai, dia meh endur alai burung ti bepakaika bangkai deka begempuru.”\\nSempama Pasal Indu Ke Balu Enggau Siku Hakim\\n1 Iya lalu madahka siti sempama ngagai sida kena Iya madahka sida enda tau enda seruran besampi, lalu enda lemi semengat.\\n2 Ku Iya, “Dalam sebuah nengeri bisi siku hakim ke enda nangika Allah Taala, sereta enda bebasaka orang.\\n3 Lalu dalam nengeri nya mega bisi indu balu siku, ke seruran datai lalu bejaku ngagai iya, ‘Tulung aku ngelaban munsuh aku.’\\n4 Hakim nya lama enggai nulung iya, tang udah nya iya lalu berunding, ‘Taja pen aku enda nangika Allah Taala, sereta enda bebasaka orang,\\n5 tang laban indu tu balat ngiruh aku, aku deka nulung iya, enggai ke iya seruran datai kitu lalu ngelelakka aku ngapa!’ “\\n6 Lalu ku Tuhan bejaku, “Dingaka utai ti disebut hakim ti jai nya.\\n7 Enda ka Allah Taala deka nulung bala nembiak Iya, ke nyabak ngangauka Iya siang malam? Kati Iya deka ngerindang diri datai nulung sida?\\n8 Aku madah ngagai kita, Iya deka nulung sida enggau jampat. Tang lebuh Anak Mensia datai, kati Iya deka tetemuka orang ke arap di dunya tu?”\\nSempama Pasal Orang Parisi Enggau Orang ke Pengumpul Chukai\\n9 Iya mega madahka sempama tu ngagai orang ke ngumbai diri lurus lalu mechat orang bukai.\\n10 “Dua iku orang mansang ngagai Rumah Sembiang deka besampi, siku orang Parisi, lalu siku pengumpul chukai.\\n11 Orang Parisi bediri kediri, lalu besampi munyi tu, ‘Allah Taala, aku meri terima kasih ngagai Nuan, laban aku enda baka orang bukai ke penchuri, ke jai, ke butang, tauka baka pengumpul chukai nyin.\\n12 Aku bepasa dua hari dalam seminggu. Aku meri sepuluh peratus ari semua utai ti ulih aku.’\\n13Tang pengumpul chukai nya bediri ari jauh, enda berani engkadah ke langit, tang mandam dada diri, ku iya, ‘Allah Taala, kasihka aku ke bedosa tu!’\\n14 Aku madah ngagai kita, lebuh seduai iya pulai ke rumah, ukai orang Parisi nya ke lurus, tang pengumpul chukai nya ke lurus di mua Allah Taala. Laban semua orang ke ngeninggika diri deka dikemaruhka, lalu orang ke ngemaruhka diri deka ditinggika.”\\n15 Sekeda orang mai sida ke mit ngagai Jesus ngambika Iya negu sida. Lebuh sida murid meda nya, sida lalu balat amat ngerara orang nya.\\n16 Tang Jesus ngangauka sida anak mit nya ngagai Iya, lalu bejaku, “Awakka sida anak mit datai ngagai Aku lalu anang nagang sida, laban Perintah Allah Taala diempu orang ke baka sida tu.\\n17 Enggau bendar Aku madah ngagai kita, barang sapa enda nerima Perintah Allah Taala baka anak mit, enda ulih tama ngagai Perintah nya.”\\nSiku Orang Kaya\\n18 Siku tuai orang Judah lalu nanya Iya, “Pengajar ti badas, nama utai ti enda tau enda dikereja aku ngambika aku bulih pengidup ti meruan belama iya?”\\n19 Jesus lalu bejaku ngagai iya, “Nama kebuah nuan ngumbai Aku badas? Nadai siku ti badas, kelimpah ari Allah Taala siku aja.\\n20 Nuan nemu pesan: ‘Anang butang. Anang munuh orang. Anang ngenchuri. Anang besaksi bula. Bebasaka apai enggau indai nuan.’ “\\n21 Orang nya lalu nyaut, “Aku udah nitihka semua pesan nya kenyau ari aku agi biak.”\\n22 Lebuh Jesus ninga nya, Iya lalu bejaku ngagai orang nya, “Siti agi utai apin dikereja nuan. Jual semua reta tengkira nuan, lalu beri duit nyangagai orang ke seranta. Nya baru nuan deka bisi pengaya di serega. Udah nya baru nuan datai lalu nitihka Aku.”\\n23 Tang lebuh orang nya ninga nya, iya tusah ati, laban iya kaya bendar.\\n24 Jesus merening ngagai iya, lalu bejaku, “Mar amat meh orang ke kaya tama ngagai Perintah Allah Taala!\\n25 Nyamai agi jelu unta tama nengah lubang jarum, ari orang ke kaya tama ngagai Perintah Allah Taala.”\\n26 Orang ke ninga nya lalu bejaku, “Enti pia, sapa ulih diselamatka?”\\n27 Jesus lalu nyaut, “Utai ti enda ulih dikereja mensia, ulih dikereja Allah Taala.”\\n28 Peter lalu bejaku, “Peda Nuan! Kami udah ninggalka rumah kami lalu nitihka Nuan.”\\n29 Jesus lalu bejaku ngagai sida, “Enggau bendar Aku madah ngagai kita, nadai orang ke udah ninggalka rumah, tauka bini, tauka menyadi lelaki, tauka apai indai, tauka anak, ketegal Perintah Allah Taala,\\n30 enda nerima berapa kali lipat mayuh agi di dunya tu, enggau dunya ti deka datai, pengidup ti meruan belama iya.”\\n31Jesus lalu mai murid ke dua belas iku ke tisi, lalu bejaku ngagai sida, “Dinga kita! Kitai deka mansang ngagai Jerusalem, lalu semua utai ti ditulis sida nabi pasal Anak Mensia deka dikamatka.\\n32 Laban Iya deka diserahka ngagai orang bansa bukai, lalu dikeduan, dipechat, lalu diludah.\\n33 Lebuh sida udah nyipat Iya, sida deka munuh Iya, lalu ba hari ti ketiga Iya deka angkat idup baru.”\\n34 Tang sida enda meretika utai nya. Iya ti bendar, utai ti disebut Iya udah dipelalaika ari sida, lalu sida enda nemu utai ti disebut Jesus.\\nJesus Ngeraika Orang Miskin Ke Buta\\n35 Lebuh Jesus datai semak Jeriko, siku orang ke buta bisi duduk ba tisi jalai raya, minta sedekah.\\n36 Lebuh iya ninga bala orang mansa, iya lalu nanyaka utai ti nyadi.\\n37 Sida lalu madah ngagai iya, “Jesus orang Nasaret benung mansa.”\\n38 Iya lalu manjung, “Jesus! Anak David! Kasihka aku!”\\n39 Orang ke di mua lalu balat amat ngasuh iya badu agi ragak. Tang iya manjung inggar agi, “Anak David! Kasihka aku!”\\n40 Jesus lalu ngetu, lalu ngasuh orang mai orang ke buta nya ngagai Iya. Lebuh orang ke buta nya datai semak, Jesus lalu nanya iya,\\n41 “Nama utai ti diasuh nuan kereja Aku ke nuan?”\\nIya lalu nyaut, “Tuhan, awakka aku ulih meda baru.”\\n42 esus lalu bejaku ngagai iya, “Awakka nuan ulih meda! Pengarap nuan udah ngeraika nuan.”\\n43 Orang nya lalu tekala nya ulih meda baru, lalu nitihka Jesus, ngemuliaka Allah Taala. Lebuh orang mayuh meda nya, semua sida lalu muji Allah Taala.\\nJesus Enggau Sakius\\n1 Jesus lalu datai di Jeriko, tang Iya enda bemalam dia.\\n2 Nyadi di nengeri nya bisi siku orang benama Sakius. Iya tu kepala orang ke ngumpul chukai, lalu iya orang ke kaya.\\n3 Iya nguji meda sapa orang ke benama Jesus, tang laban orang kelalu mayuh, iya enda ulih meda Jesus, laban iya baruh.\\n4 Nya alai iya lalu belanda dulu ari bala mayuh, lalu niki sepun kayu, deka meda Jesus, ke deka mansa.\\n5 Lebuh Jesus datai ba endur nya, Iya engkadah, lalu bejaku enggau Sakius, “Nurun jampat, Sakius, laban aku enda tau enda diau ba rumah nuan sehari tu.”\\n6 Nya alai Sakius lalu beguai-guai nurun, lalu gaga ati ngelaluka Jesus.\\n7 Semua orang ke meda nya lalu belabuh mut-mut. Ku sida, “Iya nyadi temuai orang ke bedosa!”\\n8 Sakius bediri lalu bejaku ngagai Tuhan, “Tuhan, aku deka meri setengah ari semua reta tengkira aku ngagai orang ke seranta, lalu enti aku bisi udah ngakal orang, aku deka mulaika utai nya empat kali lipat.”\\n9 Jesus lalu bejaku ngagai iya, “Sehari tu pengelepas udah datai ba rumah tu, laban iya mega peturun Abraham.\\n10 Laban Anak Mensia datai ngambika Iya ngiga lalu nyelamatka orang ke tesat.”\\nSempama Pasal Duit Emas\\n11 Lebuh orang mayuh agi benung mendingka Iya bejaku, Iya lalu madahka siti sempama ngagai sida, laban Iya nyau datai semak Jerusalem, enggau laban sida ngumbai Perintah Allah Taala baru deka pegari.\\n12 Nya alai ku Iya bejaku, “Siku orang ke tinggi pangkat bejalai ngagai menua ti jauh, ngambika iya dichiri nyadi raja, lalu udah nya pulai baru ngagai menua iya empu.\\n13 Iya ngangauka sepuluh iku orang gaji iya, lalu meri sida sepuluh singkap duit emas. lalu bejaku ngagai sida, ‘Aku ngasuh kita bedagang ngena duit tu nyentuk ngagai maya aku pulai kitu baru.’\\n14 Tang bala nembiak iya begedika iya, lalu sida ngasuh bala seruan nitihka iya, ku sida, ‘Kami enggai meda orang tu nyadi raja kami.’\\n15 Lebuh iya pulai, udah bekau iya ke dichiri nyadi raja, iya lalu ngasuh orang manggil orang gaji ke udah alai iya nyuaka duit, deka nemu untung ti udah ulih sida bedagang.\\n16 Iya ke terubah datai lalu bejaku, “Tuan, sesingkap duit nuan udah bulih sepuluh singkap.’\\n17 Lalu ku iya bejaku ngagai orang nya, ‘Manah pengawa nuan. Nuan tu orang gaji ti manah! Laban nuan tau dikarapka ngemataka utai ti mimit, aku deka ngasuh nuan ngemataka sepuluh buah nengeri.’\\n18 Iya ti kedua datai lalu bejaku, ‘Tuan, sesingkap duit nuan udah bulih lima singkap.’\\n19 Lalu ku tuan iya bejaku ngagai iya, ‘Nuan deka ngemataka lima buah nengeri.’\\n20 Iya ti siku datai lalu bejaku, ‘Tuan, tu duit nuan. Aku mungkus duit tu ngena perecha,\\n21 laban aku takutka nuan, laban nuan orang ke terit. Nuan ngambi utai ti ukai disimpan nuan, lalu ngetau utai ti ukai ditanam nuan.’\\n22 Ku tuan nya bejaku ngagai orang gaji nya, ‘Aku deka ngakim nuan ngena leka jaku nuan empu, nuan orang gaji ti jai! Nuan nemu aku endang terit, ngambi utai ti ukai disimpan aku, lalu ngetau utai ti ukai ditanam aku.\\n23 Nya alai nama kebuah nuan enda nyimpan duit aku dalam bank, ngambika lebuh aku pulai kitu baru, aku ulih nerima iya sama enggau bungai iya?’\\n24 Udah nya iya lalu bejaku ngagai orang ke bediri semak dia, ‘Ambi duit nya ari iya, lalu beri ngagai iya ke bisi sepuluh singkap.’\\n25 (Tang ku sida bejaku ngagai iya, ‘Tuan, iya udah bisi sepuluh singkap!’)\\n26 ‘Aku madah ngagai kita, genap iku orang ke bisi utai deka diberi mayuh agi, tang orang ke nadai utai, indah utai ti mimit ti dikemisi sida deh deka diambi ari sida.\\n27 Nyadi pasal bala munsuh aku ke enggai nerima aku nyadi raja sida, bai sida kitu, lalu bunuh sida di mua aku!’ “\\n28 Lebuh Iya udah nyebut nya, Iya lalu bejalai dulu ari sida ngagai Jerusalem.\\n29 Lebuh Iya datai semak Betpagi enggau Betani, ba bukit sigi ti dikumbai Bukit Kana, Iya ngasuh dua iku murid Iya bejalai dulu ari sida,\\n30 ku Iya, “Alai seduai bejalai ngagai nengeri ti di mua nyin. Lebuh seduai tama ngagai nengeri nya, seduai deka nemu siku anak keledai ditanchang dia, ti nadai udah kala ditepan orang. Buka tali iya, lalu bai iya kitu.\\n31 Enti orang nanya seduai, ‘Nama kebuah seduai muka tali jelu nya?’ sebut aja jaku tu, ‘Tuhan begunaka iya.’\\n32 Seduai iya mupuk, lalu nemu semua utai munyi ti udah dipadahka Jesus ngagai seduai iya.\\n33 Lebuh seduai iya muka tali anak keledai nya, orang ke bempu jelu nya lalu bejaku ngagai seduai iya, “Nama kebuah seduai muka tali anak keledai nya?”\\n34 Seduai iya lalu nyaut, “Tuhan begunaka iya.”\\n35 Seduai iya lalu mai anak keledai nya ngagai Jesus, ngelempaika serayung seduai iya ba belakang jelu nya, lalu nulung Jesus nepan ba jelu nya.\\n36 Lebuh Iya nepan keledai nya, orang mayuh lalu nganchau serayung sida ba jalai raya.\\n37 Lebuh Iya nyau datai semak jalai ti nurun ari Bukit Kana, semua bala murid Iya belabuh gaga ati muji Allah Taala enggau nyawa ti inggar ketegal semua utai ti besai ti udah dipeda sida,\\n38 ku sida, “Beberekat meh Raja ke datai dalam nama Tuhan! Pemaik di serega, enggau mulia di serega ti pemadu tinggi!”\\n39 Sekeda orang Parisi ke dalam tekang bala mayuh lalu bejaku ngagai Iya, “Pengajar, asuh murid Nuan badu agi inggar!”\\n40 Disaut Iya, “Aku madah ngagai kita, enti sida enda bemunyi, batu deka manjung.”\\nJesus Nyabakka Jerusalem\\n41 Lebuh Iya nyau datai semak lalu meda nengeri nya, Iya nyabakka nengeri nya,\\n42 ku Iya, “Naka meh pemanah, enti sehari tu nuan ngelala utai ti ulih mai pemaik ngagai nuan! Tang diatu utai nya dilalaika ari mata nuan!\\n43 Maya deka datai alai bala munsuh nuan deka ngaga kuta tanah ngelingi nuan kena ngelulung nuan, lalu mekulka nuan.\\n44 Sida deka ngerusak nuan, enggau orang ke diau dalam nuan, lalu sigi pen nadai mega batu ditejuka mengkang betusun dalam nuan, laban nuan enda ngelala maya Allah Taala datai ngagai nuan.”\\nJesus Tama Rumah Sembiang\\n45 Iya lalu tama ngagai Rumah Sembiang, lalu belabuh muru orang ke bejual dia.\\n46 Ku Iya bejaku ngagai sida, “Endang udah ditulis, ‘Rumah Aku deka nyadi rumah sembiang.’ Tang kita udah ngaga iya nyadi sarang perumpak.”\\n47 Tiap hari Iya ngajar dalam Rumah Sembiang. Sida tuai imam, sida pengajar Adat, enggau bala tuai orang Judah majak begigaka jalai munuh Iya,\\n48 tang sida nadai tetemuka jalai ngereja nya, laban semua orang mayuh majak mendingka Iya.\\n1 Nyadi sekali, lebuh Jesus benung ngajar orang mayuh dalam Rumah Sembiang sereta nusui Berita Manah, sida tuai imam enggau sida pengajar Adat enggau bala tuai orang Judah, datai\\n2 lalu bejaku ngagai Iya, “Padahka ngagai kami, nama kuasa ti dikena Nuan ngereja utai tu? Sapa meri Nuan kuasa nya?”\\n3 Iya lalu nyaut sida, “Aku deka nanya kita siti tanya. Padahka ngagai Aku,\\n4 Kati baptisa John datai ari serega tauka ari mensia?”\\n5 Sida lalu belabuh berandauka nya enggau pangan diri. Ku sida, “Enti kitai nyebut, ‘Ari serega,’ Iya deka nyebut, ‘Nama kebuah kita enda arapka iya?’\\n6 Tang enti kitai nyebut, ‘Ari mensia,’ semua orang deka nuku kitai ngena batu, laban sida arapka John nya nabi.”\\n7 Nya alai sida lalu nyaut madahka diri enda nemu penatai baptisa nya.\\n8 Jesus lalu bejaku ngagai sida, “Aku pen enggai meh madah ngagai kita kuasa ti dikena Aku ngereja utai tu.”\\n9 Iya lalu belabuh madahka sempama tu ngagai orang mayuh: “Orang siku numbuhka sebidang kebun anggur. Iya ngasuh orang nyua kebun nya, lalu udah nya iya pegi lama amat ngagai menua bukai.\\n10 Lebuh maya ngetau buah anggur, Iya ngasuh siku ari bala ulun iya mansang ngagai orang ke nyua kebun nya, deka ngambi ungkup iya ari buah anggur nya. Tang bala orang ke nyua kebun nya malu ulun nya, lalu ngasuh iya pulai puang.\\n11 Iya lalu ngirumka siku agi ulun. Tang iya mega dipalu sereta dikeleseka sida, lalu diburu sida pulai puang.\\n12 Iya lalu ngirumka ulun ti ketiga. Sida ngemakalka iya, lalu muai iya ari kebun nya.\\n13 Udah nya orang ke bempu kebun anggur nya bejaku, ‘Nama utai ti deka dikereja aku? Aku deka ngirumka anak tunggal aku. Nyangka sida deka bebasaka iya.’\\n14 Tang lebuh bala orang ke nyua kebun nya meda anak tunggal iya nya, sida lalu berandauka nya enggau pangan diri, ku sida, ‘Tu orang ke bempu waris. Aram kitai munuh iya, ngambika pesaka tu diempu kitai!’\\n15 Sida lalu muai iya ari kebun anggur nya, lalu munuh iya. Nama utai ti deka dikereja orang ke bempu kebun anggur nya ngagai bala orang ke nyua?\\n16 Iya deka datai lalu munuh sida lalu nyerahka kebun nya ngagai orang bukai.” Lebuh orang mayuh ninga nya, sida lalu bejaku, “Enda patut!”\\n17 Tang Jesus merening ngagai sida, lalu bejaku, “Enti pia, nama reti jaku ti ditulis tu: tukang rumah udah nyadi batu ti pemadu beguna.’\\n18 Genap iku orang ke labuh ninggang batu nya, deka redak, lalu batu tu deka ngeredakka orang ke ditinggangaiya.”\\n19 Lebuh sida pengajar Adat enggau sida tuai imam nemu Iya udah nyebut jaku sempama nya kena Iya ngelaban sida, sida nguji nangkap Iya tekala nya, tang sida takutka orang mayuh.\\n20 Nya alai sida nengkilaka Iya, lalu ngirumka bala pematau, ti pura-pura ngaga diri baka ke manah ati, ngambika sida ulih nangkap Iya ketegal utai ti disebut Iya, lalu nyerahka Iya ngagai tuan gabenor.\\n21 Nya alai sida nanya Iya, “Pengajar, kami nemu Nuan endang nyebut sereta ngajar utai ti ngena, lalu Nuan enda bedulika orang, tang ngajar utai ti bendar pasal jalai Allah Taala.\\n22 Kati kitai tau mayar chukai ngagai Raja Besai, tauka enda?”\\n23 Tang Iya nemu akal sida, lalu ku Iya bejaku ngagai sida,\\n24 “Pandangka sesingkap duit ngagai Aku. Gambar sapa enggau nama sapa tu?” Sida lalu nyaut, “Enggi Raja Besai.”\\n25 Ku Iya bejaku ngagai sida, “Enti pia, utai Raja Besai, beri ngagai Raja Besai, utai Allah Taala, beri ngagai Allah Taala.”\\n26 Sida lalu enda ulih manjuk Iya ngena utai ti disebut Iya di mua orang mayuh. Sida balat alit ati ke saut Iya, lalu sida enda bemunyi.\\nTanya Pasal Pengangkat Ari Mati\\n27 Udah nya sekeda orang Saduki datai ngagai Iya. Nyadi orang Saduki enda arapka pengangkat ari mati.\\n28 Sida lalu nanya Iya, “Pengajar, Moses nulis ke kitai, enti laki mati ninggalka bini, tang nadai ninggalka anak, menyadi lelaki iya enda tau enda jadi enggau balu nya, ngambika seduai iya bisi anak ngarika menyadi iya ke udah mati.\\n29 Nyadi sekali bisi tujuh iku lelaki diri menyadi. Iya ke tuai bebini, lalu mati, nadai anak.\\n30 Menyadi ke lumur dua\\n31 enggau ke lumur tiga jadi enggau indu nya, lalu baka nya mega semua tujuh iku sida bela mati nadai anak.\\n32 Ke pengujung iya, indu nya mega mati.\\n33 Lebuh pengangkat orang ari mati, sapa bempu bini nya? Laban semua sida tujuh bela udah ampit jadi enggau iya.”\\n34 Jesus lalu bejaku ngagai sida, “Orang ke rebak diatu jadi enggau pangan diri, lalu nikah,\\n35 tang orang ke dikira patut diau ba dunya ti jemah ila, sereta patut angkat ari mati, enda jadi melaki-bini tauka nikah.\\n36 Iya ti bendar sida enda ulih mati agi, laban sida baka melikat lalu nyadi anak Allah Taala, laban sida udah diangkatka ari mati.\\n37 Nyadi pasal pengangkat orang ari mati, indah Moses deh bisi nunjukka dalam cherita pasal babas ti laban api, ngumbai Tuhan nya Allah Taala Abraham, Isak, enggau Jakop.\\n38 Allah Taala ukai Allah Taala ke orang ke mati, tang ke orang ke idup, laban ba Allah Taala semua orang idup magang.”\\n39 Sekeda sida pengajar Adat lalu nyaut, “Manah saut Nuan, Pengajar!”\\n40 Laban sida nadai berani nanya iya agi.\\n41 Iya lalu bejaku ngagai sida, “Baka ni ku orang ngumbai Kristus peturun David?\\n42 Laban David empu nyebut dalam bup Masmur, ‘Ku Tuhan bejaku enggau Tuhan aku: Duduk Nuan muak ari kanan Aku,\\n43 datai ke Aku udah ngaga munsuh Nuan nyadika pelasar kaki Nuan.’\\n44 David ngumbai Iya Tuhan; nya alai baka ni ku Kristus tau nyadi peturun iya?”\\nBejaga Ari Sida Pengajar Adat\\n45 Iya lalu bejaku ngagai sida murid Iya di mua orang mayuh,\\n46 “Bejaga ari sida pengajar Adat, ke rindu bejalai ngena baju ti panjai, lalu rindu ditabi orang ba sebelah pasar lalu milih penuduk ti pemadu manah dalam balai gempuru enggau ba pengerami makai besai.\\n47 Sida ngambi ulih ba indu ke balu lalu ngerampas rumah sida, lalu pura-pura lama besampi! Sida deka nerima ukum ti besai agi!”\\nPemeri Ti Diberi Indu Ke Balu\\n1 Jesus malik lalu tepedaka bala orang ke kaya nepuka pemeri sida ngagai sarang wang Rumah Sembiang,\\n2 lalu Iya mega tepedaka siku indu ke balu sereta seranta, nepuka dua singkap duit engkeraju.\\n3 Ku Jesus bejaku, “Enggau bendar Aku madah ngagai kita, indu ke balu sereta seranta tu udah meri mayuh agi ari semua sida nya;\\n4 laban semua sida meri ari laluh utai ti dikemisi sida, tang indu ke seranta tu udah meri semua utai ti dikena iya beridup.”\\n5 Lebuh sekeda murid benung berandauka pasal Rumah Sembiang, pasal Rumah nya ti dilagu ngena batu ti berega, sereta enggau piring ti dienjuk ngagai Allah Taaa, Iya bejaku,\\n6 “Pasal utai tu ti dipeda kita, maya deka datai alai batu tu nadai agi betusun baka tu; semua deka diruntuhka magang.”\\n7 Sida lalu nanya Iya, “Pengajar, kemaya utai nya deka nyadi, lalu nama tanda ti nunjukka utai nya deka nyadi?”\\n8 Ku Iya bejaku, “Bejaga, enggai ke orang nesatka kita; laban mayuh orang deka datai dalam nama Aku, lalu nyebut, ‘Aku tu meh Iya!’ enggau, ‘Maya nyau semak!’ Anang nitihka sida.\\n9 Lebuh kita ninga pasal perang enggau pasal pengachau ngelaban perintah nyadi, anang takut; laban utai nya endang enda tau enda dulu nyadi, tang pengujung enda datai tekala nya.”\\n10 Iya lalu bejaku ngagai sida, “Bansa deka beperang ngelaban bansa bukai, lalu menua deka beperang ngelaban menua bukai.\\n11 Tanah berenyang deka balat nyadi, lalu lapar pungkang, enggau penyakit deka balat nyadi ba mayuh bengkah endur; lalu tanda ti balat ngenakutka sereta nyelai deka pegari ari langit.\\n12 Tang sebedau semua utai nya nyadi, sida deka nangkap lalu merinsaka kita; sida deka nyerahka kita ngambika kita kena pechara dalam balai gempuru, lalu ditutup dalam rumah jil, lalu kita deka dibai ngagai raja enggau gabenor ketegal nama Aku.\\n13 Tu deka meri kita peluang besaksi.Sekeda salin:\\n14 Nya alai kita enda tau enda mutuska runding enggai dulu berundingka jalai kita deka nyaut,\\n15 laban Aku deka meri kita jaku enggau penemu-dalam ti enda ulih disaut tauka disakal munsuh kita.\\n16 Kita deka diserahka ulih apai indai kita, menyadi lelaki kita, kaban belayan kita, enggau pangan kita, lalu sekeda kita deka dibunuh sida.\\n17 Kita deka dipegedika semua orang ketegal nama Aku.\\n18 Tang selambar pen nadai meh buk kita deka lenyau.\\n19 Ulih ati ti tan kita deka diselamatka.\\nJesus Bejakuka Pasal Jerusalem Ti Deka Dirusak\\n20 “Lebuh kita meda Jerusalem dikelulung bala soldadu, nya baru kita deka nemu nengeri nya deka dirusak enda lama da agi.\\n21 Lebuh maya nya, orang ke diau di Judea enda tau enda rari ngagai bukit. Lalu orang ke di nengeri enda tau enda angkat ari nengeri nya, lalu orang ke di menua pesisir enda tau tama ngagai nengeri;\\n22 laban nya ‘Hari Bebalas,’ kena ngamatka semua utai ti udah ditulis.\\n23 Naka meh penusah indu ke ngandung, enggau indu ke nusuka anak lebuh maya nya! Laban penusah ti besai deka ninggang dunya, lalu pengeringat Allah Taala deka ninggang bansa tu.\\n24 Sida deka dibunuh ngena pedang, lalu sekeda deka ditabanka nyadi orang tangkap ngagai semua menua, lalu Jerusalem deka dilunjak orang bansa bukai, nyentuk ngagai maya timpuh orang bansa bukai udah abis.\\n25 “Tanda deka pegari ba mata hari, ba bulan enggau ba bintang, lalu semua bansa di dunya deka tusah sereta irau ninga pemalat munyi segum tasik enggau pangka gelumbang.\\n26 Orang deka luput laban takut, irauka utai ti deka ninggang dunya, laban kuasa ti di langit deka begegar.\\n27 Udah nya baru sida deka meda Anak Mensia datai dalam remang ngena kuasa enggau mulia ti besai.\\n28 Lebuh utai tu belabuh nyadi, bediri lalu angkatka pala kita, laban pengelepas kita nyau semak.”\\n29 Udah nya Iya lalu madahka siti sempama ngagai sida, “Peratika kayu ara enggau semua kayu bukai.\\n30 Lebuh daun sida belabuh bekantuk, kita empu ulih meda sereta nemu musin panas nyau semak.\\n31 Baka nya mega, lebuh kita meda utai tu nyadi, kita deka nemu Perintah Allah Taala nyau semak.\\n32 “Enggau bendar Aku madah ngagai kita, rebak tu apin mati sebedau semua utai tu nyadi.\\n33 Langit enggau dunya deka lenyau, tang jaku Aku enda lenyau.\\nEnda Tau Enda Bejaga\\n34 “Tang bejaga kita, ngambika kita enda gian ngirup, lalu mabuk, lalu selalu irauka pengidup, enggai ke kita enda ngadang lebuh Hari nya ngenyit datai,\\n35 baka panjuk ti nyintak, laban Hari nya deka datai ngagai semua orang ke diau di serata dunya.\\n36 Bejaga berari, besampi minta diri kering rari ari semua utai ti deka nyadi, lalu bediri di mua Anak Mensia.”\\n37 Iya ngajar tiap hari dalam Rumah Sembiang, lalu lebuh malam hari Iya pansut ari nengeri lalu bemalam ba Bukit Kana.\\n38 Semua orang dani tumu pagi lalu mendingka Iya dalam Rumah Sembiang.\\nBepekat Deka Munuh Jesus\\n1 Maya ngintu Gawai Roti Ti Enda Beragi, ti dikumbai Gawai Paska, nyau semak.\\n2 Sida tuai imam enggau sida pengajar Adat begigaka jalai munuh Jesus, laban sida takutka orang mayuh.\\n3 Udah nya Sitan tama ngagai Judas, ke dikumbai Iskariot, siku ari sida ke dua belas.\\n4 Judas mupuk lalu berandau enggau sida tuai imam, enggau bala pemesai ke nyaga Rumah Sembiang, pasal jalai iya nyual Jesus ngagai sida.\\n5 Sida gaga amat ati, lalu besetuju deka meri iya duit.\\n6 Nya alai Judas besetuju, lalu belabuh begigaka peluang nyual Jesus ngagai sida, lebuh orang mayuh nadai dia.\\nJesus Sedia Deka Makai Pemakai Gawai Paska\\n7 Hari Gawai Roti Ti Enda Beragi pen nyau datai, alai anak domba Gawai Paska deka disayat.\\n8 Nya alai Jesus ngasuh Peter seduai John, ku Iya, “Alai seduai mupuk, lalu nyendiaka pemakai Gawai Paska ke kitai, ngambika kitai makai.”\\n9 Seduai iya lalu nanya, “Dini alai Nuan ngasuh kami duai nyendiaka nya?”\\n10 Disaut Jesus, “Dingaka tu: lebuh seduai tama ngagai nengeri, siku lelaki ke mai tepayan ai deka betemu enggau seduai. Titihka iya ngagai rumah ti alai iya tama,\\n11 lalu sebut ngagai orang ke bempu rumah nya, ‘Pengajar nanya ngagai nuan, “Dini alai bilik temuai, alai Aku deka makai pemakai Gawai Paska enggau murid Aku?” ‘\\n12 Iya deka madahka ngagai seduai siti bilik ti besai di sadau, ti udah dikemas. Sediaka semua utai dia ke kitai.”\\n13 Seduai iya mupuk, lalu nemu semua utai munyi ti udah dipadahka Jesus ngagai seduai iya. Seduai iya lalu nyendiaka pemakai Gawai Paska.\\nPemakai Tuhan Ditumbuhka\\n14 Lebuh jam nyau chukup, Iya lalu belatur duduk ba mija, sama enggau sida rasul.\\n15 Ku Iya bejaku ngagai sida, “Aku bisi amat ati deka makai pemakai Gawai Paska tu enggau kita sebedau Aku kena perinsa,\\n16 laban, Aku madah ngagai kita, Aku enda makai pemakai tu datai ke iya dikamatka dalam Perintah Allah Taala.”\\n17 Iya lalu ngambi mangkuk, lalu lebuh Iya udah meri terima kasih, Iya lalu bejaku, “Ambi tu, lalu bagi entara bala kita,\\n18 laban, Aku madah ngagai kita, belabuh ari diatu Aku enda ngirup wain tu nyentuk ngagai maya Perintah Allah Taala datai.”\\n19 Iya lalu ngambi roti, lalu lebuh Iya udah meri terima kasih, Iya mechahka roti nya, lalu nyuaka nya ngagai sida, ku Iya, “Tu tubuh Aku, ti diberi ke kita. Kereja tu kena ngingatka Aku.”\\n20 Baka nya mega, lebuh sida udah badu makai, Iya ngambi mangkuk, ku Iya, “Mangkuk tu ti dituang ke kita nya sempekat baru Allah Taala ti ditanggam ngena darah Aku.\\n21 Tang, peda kita! Orang ke nyual Aku bisi enggau Aku ba mija tu!\\n22 Laban Anak Mensia deka mati, nitihka atur Allah Taala, tang tulah orang ke nyual Iya!”\\n23 Sida lalu belabuh betanya ngagai pangan diri, sapa ari bala sida ke deka ngereja nya.\\nBekelikuhka Pasal Sapa Ke Besai Agi\\n24 Sida murid mega bekelikuhka sapa ari bala sida ke tau dikumbai pemadu besai.\\n25 Tang ku Iya bejaku ngagai sida, “Raja orang bansa bukai merintah orang ke dipegai sida, lalu orang ke megai kuasa atas sida ngumbai diri ‘Pangan Orang Mayuh’.\\n26 Tang utai nya enda baka nya ba bala kita. Orang ke pemadu besai dalam bala kita enda tau enda nyadi baka orang ke pemadu biak, lalu orang ke nyadi kepala enda tau enda nyadi orang ke mela.\\n27 Laban sapa ke besai agi? Iya ke duduk ba mija, tauka iya ke mela? Tentu orang ke duduk, ukai enda? Tang Aku begulai enggau kita nyadi orang ke mela.\\n28 “Kita udah begulai enggau Aku lebuh Aku natka semua pemerinsa Aku,\\n29 lalu Aku meri kita kuasa merintah, baka Apai ti udah meri Aku kuasa kena merintah,\\n30 ngambika kita ulih makai ngirup ba mija Aku dalam Perintah Aku, lalu kita deka duduk ba kerusi diraja, ngakim dua belas raban bansa orang Israel.\\n31 “Simon, Simon! Dinga nuan! Sitan udah minta Aku ngemendarka iya ngayak semua kita baka ke ngayak gandum,\\n32 tang Aku udah besampika nuan Peter, ngambika pengarap nuan kering, lalu lebuh nuan udah pulai baru ngagai Aku, keringka sida menyadi nuan.”\\n33 Lalu ku Peter bejaku ngagai Iya, “Tuhan, aku sedia deka ditutup dalam rumah jil lalu mati enggau Nuan!”\\n34 Jesus lalu nyebut ngagai iya, “Aku madah ngagai nuan, Peter, sebedau manuk mengkukuk sehari tu, nuan udah besangkalka Aku tiga kali.”\\nKandi Duit, Kambut, Enggau Pedang\\n35 Ku Jesus bejaku ngagai sida, “Lebuh Aku ngasuh kita bejalai, lalu enda nyagi kita mai kandi duit, tauka kambut, tauka selipar, kati kita bisi suntuk utai?” “Nadai,” ku sida nyaut.\\n36 Ku Iya bejaku ngagai sida, “Tang diatu, barang sapa bisi kandi duit, enda tau enda mai kandi nya, lalu baka nya mega orang ke bisi kambut. Lalu orang ke nadai pedang, enda tau enda nyual kelambi iya, lalu meli pedang.\\n37 Laban Aku madah ngagai kita, jaku ti disebut dalam Bup Kudus, ‘Iya deka begulai enggau orang ke jai,’ enda tau enda dikamatka ba Aku, laban utai ti ditulis pasal Aku endang benung dikamatka diatu.”\\n38 Sida murid Iya lalu bejaku, “Peda Nuan, Tuhan! Tu dua bilah pedang!” Iya lalu nyaut, “Umbas meh nya.”\\nJesus Besampi Ba Bukit Kana\\n39 Iya pansut lalu mupuk baka selama ngagai Bukit Kana, lalu sida murid nitihka Iya.\\n40Lebuh Iya datai ba endur nya, Iya lalu nyebut ngagai sida, “Besampi ngambika kita enda kena laban penguji.”\\n41 Iya lalu bejalai jauh mimit ari sida, kira sepenikau batu ari sida, besugang lalu besampi,\\n42 “Apai, enti Nuan deka, ambi mangkuk tu ari Aku; ukai nitihka peneka Aku, tang awakka peneka Nuan nyadi.”\\n43 Udah nya siku melikat ari serega pegari di mua Iya, lalu ngeringka Iya.\\n44 Enggau ati ti balat tusah, Iya bebendar agi besampi, datai ke peluh Iya nyau baka darah neritik ngagai tanah.\\n45 Lebuh Iya angkat ari endur Iya ke besampi, Iya pulai ngagai sida murid Iya, lalu nemu sida tinduk, laban sida lelak laban ati ti kelalu balat tusah.\\n46 Iya lalu bejaku ngagai sida, “Nama kebuah kita tinduk? Angkat, lalu besampi, ngambika kita enda kena laban penguji.”\\n47 Lebuh Iya agi benung bejaku, bala orang lalu ngenyit datai, diuluka Judas, siku ari sida ke dua belas. Judas mansang ngagai Jesus, deka nyium Iya.\\n48 Tang ku Jesus bejaku ngagai iya, “Judas, kati nuan nyual Anak Mensia ngena sium?”\\n49 Lebuh sida murid ke sama enggau Jesus meda utai ti deka nyadi, sida lalu nanya, “Tuhan, kati kami tau mantap sida ngena pedang?”\\n50 Siku ari bala sida lalu mantap ulun imam besai, mutuska pending kanan iya.\\n51 Tang ku Jesus bejaku, “Badu agi!” Iya lalu negu pending orang nya, lalu ngeraika iya.\\n52 Jesus lalu bejaku ngagai sida tuai imam enggau bala polis ke nyaga Rumah Sembiang, enggau sida tuai bansa ke udah datai nangkap Iya, “Kati Aku tu penyamun alai kita datai mai pedang enggau pemalu?”\\n53 Lebuh Aku begulai enggau kita tiap hari dalam Rumah Sembiang, kita enda nangkap Aku. Tang tu endang maya kita, maya kuasa pemetang merintah.”\\n54 Sida lalu nangkap Jesus lalu mai Iya ari endur nya ngagai rumah imam besai. Tang Peter nitih ari jauh.\\n55 Lebuh sida udah nungkunka api ba tengah laman nya lalu duduk, Peter mega duduk enggau sida.\\n56 Siku indu ke ulun lalu tepedaka Peter duduk nunga api. Iya lalu merening ngagai Peter, lalu bejaku, “Orang tu pen udah meh enggau Iya!”\\n57 Tang Peter besangkalka nya, ku iya, “Indu, aku enda ngelala Iya!”\\n58 Enda lama udah nya, siku agi orang meda Peter lalu bejaku, “Nuan pen siku ari bala sida!” Tang ku Peter nyaut, “Ukai!”\\n59 Kira sejam udah bekau nya, siku agi orang bejaku, “Orang tu tetap udah enggau Jesus, laban iya orang Galili!”\\n60 Tang ku Peter nyaut, “Aku enda nemu utai ti ku nuan.” Tekala nya, lebuh Peter agi benung bejaku, manuk mengkukuk.\\n61 Tuhan nguing lalu merening ngagai Peter. Peter lalu ingatka jaku Tuhan, jalai Iya nyebut ngagai Peter, “Sebedau manuk mengkukuk sehari tu, nuan udah besangkalka Aku tiga kali.”\\n62 Peter pansut lalu duie-duie nyabak.\\nJesus Dikeduan Lalu Dipalu\\n63 Orang ke nyaga Jesus beduan Iya, lalu belabuh ngelese sereta malu Iya.\\n64 Sida mega mampul mata Iya ngena kain, lalu majak nanya Iya, “Uji sangka! Sapa malu Nuan?”\\n65 Sida majak nyebut mayuh macham utai bukai kena sida ngeleseka Iya.\\n66 Lebuh hari nyau tawas, sida tuai bansa, tuai imam, enggau sida pengajar Adat begempuru, lalu sida mai Jesus ngagai Kunsil.\\n67 Ku sida, “Padahka ngagai kami, enti Nuan tu Kristus?”\\n68 lalu enti Aku nanya kita, kita enggai nyaut.\\n69 Tang belabuh ari diatu, Anak Mensia deka duduk muak ari kanan Allah Taala ti Bekuasa.”\\n70 Semua sida lalu nanya, “Enti pia, kati Nuan tu Anak Allah Taala?” Lalu ku Iya bejaku ngagai sida, “Kita ngumbai Aku Anak Allah Taala.”\\n71 Sida lalu bejaku, “Kitai enda ibuh begunaka saksi bukai. Kitai empu udah ninga nya ari mulut Iya Empu!”\\n1 Semua raban Kunsil lalu angkat sereta, lalu mai Jesus ngagai Pilate.\\n2 Sida lalu belabuh bedawaka Iya, ku sida, “Kami nemu orang tu nesatka bansa kami, nagang kami mayar chukai ngagai Raja Besai, lalu ngumbai Diri Kristus, * reti nya raja.”\\n3 Pilate lalu nanya Iya, “Kati Nuan raja orang Judah?” Jesus lalu nyaut iya, “Munyi ti ku nuan.”\\n4 Pilate lalu bejaku ngagai sida tuai imam, enggau ngagai bala orang mayuh, “Aku nadai nemu kebuah kita bedawaka orang tu.”\\n5 Tang sida bebendar agi bejaku, ku sida, “Iya megau orang mayuh, ngajar di serata menua Judea, kenyau ari Galili alai Iya ke berengkah, nyentuk ngagai\\nJesus Dibai Ngagai Herod\\n6 Lebuh Pilate ninga nya, iya lalu nanya enti Jesus nya orang Galili.\\n7 Lebuh iya ninga Jesus datai ari menua ti dipegai Herod, iya lalu ngasuh Jesus dibai ngagai Herod, ke bisi di Jerusalem lebuh maya nya.\\n8 Lebuh Herod meda Jesus, iya gaga amat ati, laban iya lama udah keran deka betemu enggau Jesus, laban iya udah ninga berita pasal Jesus, lalu ngarapka diri ulih meda Jesus ngereja kereja ajih.\\n9 Herod lalu lama nanya Jesus, tang Jesus enda nyaut iya.\\n10 Sida tuai imam enggau sida pengajar Adat bisi bediri dia, bebendar amat bedawaka Jesus.\\n11 Indah Herod enggau bala soldadu iya deh beduan sereta ngeleseka Jesus. Udah nya iya ngerasukka baju panjai ti manah ba Jesus, lalu ngirumka Jesus pulai baru ngagai Pilate.\\n12 Ba hari nya Herod seduai Pilate lalu bebaik enggau pangan diri. Sebedau nya, seduai iya endang bemunsuh enggau pangan diri.\\n13 Pilate lalu ngempuruka sida tuai imam, tuai bansa, enggau orang mayuh,\\n14 lalu bejaku ngagai sida, “Kita udah mai orang tu ngagai aku, madahka Iya udah nesatka orang mayuh. Aku udah mansik Iya di mua kita empu, lalu aku nadai nemu Iya bisi udah ngereja penyalah munyi ti ku kita.\\n15 Herod pen nadai mega nemu penyalah Iya, laban iya udah ngirumka Iya pulai baru ngagai aku. Orang tu nadai udah ngereja utai ti tau ngasuh Iya kena ukum bunuh.\\n16 Nya alai aku deka ngasuh Iya disipat, lalu ngelepaska Iya.”\\n17 Nyadi Pilate endang selalu ngelepaska siku orang jil ke orang mayuh ba genap Gawai Paska.\\n18 Semua sida lalu manjung, ku sida, “Bunuh Iya! Lepaska Barabas ke kami!” (\\n19 Nyadi Barabas udah ditutup dalam rumah jil ketegal orang begau ngelaban perintah di nengeri nya, enggau ketegal iya udah munuh orang.)\\n20 Laban Pilate endang deka ngelepaska Jesus, nya alai iya lalu bejaku baru ngagai sida.\\n21 Tang sida majak manjung, “Regang Iya! Regang Iya!”\\n22 Pilate lalu bejaku baru ketiga kali ngagai sida, ku iya, “Nama kebuah? Nama penyalah ti udah dikereja Iya? Aku nadai nemu Iya bisi udah ngereja penyalah ti tau ngasuh Iya kena ukum bunuh! Nya alai aku deka ngasuh Iya disipat, lalu ngelepaska Iya.”\\n23 Tang sida majak manjung madahka Jesus enda tau enda diregang. Ke pengujung iya, Pilate lalu nurutka sida,\\n24 lalu meri emutus penemu madahka peminta sida dikemendarka.\\n25 Pilate lalu ngelepaska orang ke dipinta sida, orang ke udah ditutup dalam rumah jil ketegal iya udah mai orang angkat ngelaban perintah lalu udah munuh orang. Pilate lalu nyerahka Jesus ngagai sida, nurutka pinta sida.\\nJesus Di Regang\\n26 Lebuh sida mai Iya ari endur nya, sida nangkap siku orang ke benama Simon orang Sairin, ke baru datai ari menua pesisir deka mansang ngagai nengeri, sida lalu manggaika regang nya ba belakang Simon, lalu mejalka iya ngesan regang nya ngentudi Jesus.\\n27 Mayuh amat orang nitihka Jesus, nyengkaum sida indu ke mandam dada diri nyabakka Iya.\\n28 Tang Jesus nguing ngagai sida, lalu bejaku, “Kita indu Jerusalem! Anang nyabakka Aku, tang nyabakka diri empu, enggau nyabakka anak kita.\\n29 Laban hari deka datai alai orang deka nyebut, ‘Beberekat meh indu ke mandul, ke nadai kala ngandung, ke nadai kala nusuka anak!’\\n30 Sida lalu belabuh bejaku ngagai bukit, ‘Tinggang kami!’ lalu bejaku ngagai munggu, ‘Lamun kami!’\\n31 Laban enti sida ngereja nya lebuh kayu agi idup, nama utai ti deka nyadi lebuh kayu nya udah rangkai?”\\n32 Dua iku orang bukai, ke udah ngereja penyalah, mega dibai ngambika seduai iya dibunuh sama enggau Iya.\\n33 Lebuh sida datai ba endur ti dikumbai “Keruntuk,” sida lalu ngeregang Iya dia sama enggau dua iku orang ke udah ngereja penyalah, siku muak ari kanan, lalu siku muak ari kiba Iya.\\n34 Udah nya Jesus bejaku, “Apai, ampun sida, laban sida enda nemu utai ti dikereja diri.”\\n35 Orang mayuh bediri dia nengkilaka Iya, tang bala tuai orang Judah ngeleseka Iya. Ku sida, “Iya ngidupka orang bukai. Awakka Iya ngidupka Diri Empu, enti Iya amat Kristus ti udah dipilih Allah Taala!”\\n36 Sida soldadu mega ngeleseka Iya. Sida mansang ngagai Iya lalu meri Iya wain ti masam,\\n37 ku sida bejaku, “Enti Nuan amat raja orang Judah, selamatka Diri Empu!”\\n38 Siti pelekat bisi mega diengkah ari atas Iya, “Tu Raja orang Judah.”\\n39 Siku orang ke udah ngereja penyalah ke diregang dia majak ngeleseka Jesus. Ku iya, “Kati Nuan ukai Kristus? Selamatka Diri Empu enggau kami duai!”\\n40 Tang iya ke siku ngerara iya, ku iya, “Kati nuan enda nangika Allah Taala, laban nuan sama kena ukum baka Iya?\\n41 Tua endang patut diukum, laban tua amat udah ngereja penyalah, tang orang tu nadai udah ngereja penyalah.”\\n42 Iya lalu bejaku ngagai Jesus, “Jesus, kingatka aku lebuh Nuan datai ngagai Perintah Nuan!”\\n43 Jesus lalu nyaut, “Enggau bendar Aku madah ngagai nuan, sehari tu nuan deka sama enggau Aku di serega.”\\n44 Ba urung tengah hari semua menua petang magang, nyentuk ngagai pukul tiga ngalih hari,\\n45 laban mata hari nadai manchar agi. Kain tirai dalam Rumah Sembiang lalu charik belah dua.\\n46 Jesus lalu ngangau enggau nyawa ti inggar, “Apai! Aku nyerahka semengat Aku ngagai jari Nuan!” Lebuh Iya udah nyebut nya, Iya lalu ngapuska seput.\\n47 Lebuh kepala soldadu meda utai ti udah nyadi, iya lalu muji Allah Taala. Ku iya, “Orang tu amat nadai penyalah!\\n48 Lebuh semua orang ke begempuru nengkila dia meda utai ti nyadi, sida lalu pulai ke rumah, mandam dada diri.\\n49 Tang semua orang ke bekelala enggau Jesus, nyengkaum sida indu ke udah nitihka Iya ari Galili, bediri nengkila ari jauh.\\n50 Nyadi dia bisi siku orang ke badas sereta lurus, benama Josep. Iya tu raban Kunsil.\\n51 Tang iya enda besetujuka pelan enggau utai ti dikereja sida. Iya datai ari nengeri Arimatea, di menua Judea lalu iya nganti Perintah Allah Taala.\\n52 Iya mansang ngagai Pilate, lalu minta bangkai Jesus.\\n53 Iya nurunka bangkai Jesus, mungkus Iya ngena kain linin, lalu ngalika Iya dalam kubur ti udah ditebuk ba batu galang, lalu nadai udah kala dikena alai nguburka orang.\\n54 Nyadi hari nya Hari Nyendiaka Gawai, lalu hari Sabat nyau deka berengkah. 55 Sida indu ke udah datai enggau Jesus ari Galili, nitihka Josep lalu sida meda kubur nya, sereta meda chara bangkai Jesus digalika dalam kubur nya.\\n56 Udah nya sida pulai, lalu nyendiaka rempah enggau minyak wangi. Lebuh hari Sabat, sida diau, nitihka pesan.\\nJesus Angkat Idup Baru\\n1 Tang tumu pagi hari Minggu, sida indu nya mansang ngagai kubur, mai rempah ti udah disediaka sida.\\n2 Sida lalu nemu batu nya udah dibaringka ari mua kubur nya,\\n3 tang lebuh sida tama ke dalam kubur nya, sida nadai nemu bangkai Tuhan Jesus dia.\\n4 Lebuh sida agi beba ati berundingka nya, dua iku orang ke ngena gari ti beperenching, tekala nya bediri ngimbai sida.\\n5 Sida lalu takut, lalu nyungkurka diri ke tanah, tang orang dua iku nya bejaku ngagai sida, “Nama kebuah kita begigaka orang ke idup ba bala orang ke mati? Iya nadai ditu tang udah angkat idup baru.\\n6 Kingatka utai ti udah dipadahka Iya ngagai kita lebuh Iya agi di Galili,\\n7 madahka Anak Mensia enda tau enda diserahka ngagai orang ke bedosa, lalu diregang, lalu ba hari ti ketiga, angkat idup baru.”\\n8 Sida lalu ingatka jaku Iya,\\n9 pulai ari kubur nya, lalu madahka semua utai nya ngagai murid ke sebelas iku, enggau ngagai semua sida ti bukai.\\n10 Nyadi orang ke nusui pasal utai nya ngagai sida rasul nya Maria Magdalin enggau Joana, enggau Maria indai James enggau indu ke bukai ke sama enggau sida.\\n11 Tang sida rasul ngumbai nya cherita ngapa, lalu sida enda arapka utai ti dipadahka sida indu nya.\\n12 Tang Peter angkat lalu belanda ngagai kubur. Iya engkenduk lalu nilik ke dalam, lalu tepedaka semina kain linin aja bisi dia. Iya lalu pulai ke rumah, balat alit ati ke utai ti udah nyadi.\\nPejalai Ngagai Emaus\\n13 Sehari nya mega dua iku murid mansang ngagai sebuah genturung pendiau ke benama Emaus, kira sebelas kilometer ari Jerusalem.\\n14 Seduai iya berandauka pasal semua utai ti udah nyadi.\\n15 Lebuh seduai iya benung berandau, Jesus Empu datai semak lalu bejalai enggau seduai iya,\\n16 tang seduai iya enda ngelala Iya.\\n17 Iya lalu bejaku ngagai seduai iya, “Nama utai ti dikerandauka seduai lebuh seduai bejalai tadi?” Seduai iya lalu ngetu sereta berupai tusah ati.\\n18 Siku ari seduai iya, ke benama Kliopas, lalu nyaut Iya, “Kati Nuan tu siku temuai di Jerusalem ke enda nemu utai ti udah nyadi dua tiga hari tu ti udah?”\\n19 Iya lalu nanya, “Utai nama?” Seduai iya lalu nyaut, “Pasal Jesus orang Nasaret, nabi ti bekuasa dalam pengawa enggau jaku di mua Allah Taala enggau di mua semua orang,\\n20 enggau chara bala tuai imam kami enggau bala tuai kami nyerahka Iya ngambika Iya diukum bunuh, lalu sida ngeregang Iya.\\n21 Tang kami udah ngarapka Iya deka ngelepaska Israel! Sigi amat, lalu nambahka nya, tu ketiga hari utai nya udah nyadi.\\n22 Nambahka nya, sekeda indu ari bala kami udah ngasuh kami balat amat alit ati. Sida mansang ngagai kubur tumu pagi tadi,\\n23 lalu lebuh sida nadai nemu bangkai Iya dia, sida pulai ari kubur lalu madahka diri udah begenera meda melikat, ke madahka Jesus idup.\\n24 Sekeda orang ke enggau kami lalu mansang ngabas kubur, lalu nemu utai dia munyi ti dipadahka sida indu, tang sida nadai meda Jesus.”\\n25 Jesus lalu bejaku ngagai seduai iya, “Kita amat beli. Lubah amat meh kita arapka semua jaku ti udah disebut sida nabi!\\n26 Kati Kristus enda patut natka semua pemerinsa nya, lalu udah nya dimuliaka?”\\n27 Jesus lalu nerangka ngagai seduai iya utai di udah disebut dalam semua Bup Kudus pasal Iya Empu, belabuh ari bup Moses enggau semua bup sida nabi.\\n28 Lebuh sida nyau datai semak genturung pendiau ti digagai seduai iya, Jesus lalu ngaga Diri baka ke deka majakka pejalai Iya.\\n29 Tang seduai iya bebendar ngumbuk Iya. Ku seduai iya bejaku, “Bemalam enggau kami duai, laban hari nyau lemai, hari nyau ka malam.” Iya lalu bemalam enggau seduai iya.\\n30 Lebuh Iya belatur deka makai enggau seduai iya, Iya ngambi roti, merekat lalu mechahka roti, lalu nyuaka roti nya ngagai seduai iya.\\n31 Nya baru mata seduai iya tebuka, lalu ngelala orang nya Jesus. Iya lalu lesap, nadai dipeda seduai iya agi.\\n32 Ku seduai iya bejaku enggau pangan diri, “Enda ka ati tua asai ke disar api lebuh Iya bejaku enggau tua ba jalai raya tadi, lebuh Iya nerangka Bup Kudus ngagai tua?”\\n33 Seduai iya lalu tekala nya angkat, lalu pulai ngagai Jerusalem, lalu nemu murid ke sebelas iku begempuru enggau sida murid ti bukai.\\n34 Ku sida bejaku, “Tuhan amat udah angkat idup baru, lalu Iya udah pegari di mua Simon!”\\n35 Udah nya seduai iya lalu madahka pasal utai ti udah nyadi di rantau jalai, enggau pasal seduai iya ke ngelala Iya lebuh Iya mechahka roti.\\nJesus Pegari Ngagai Bala Murid Iya\\n36 Lebuh seduai iya benung nusui nya, Jesus Empu lalu tekala nya bediri ba tengah-tengah sida, lalu bejaku ngagai sida, “Awakka pemaik meruan enggau kita.”\\n37 Tang sida tekenyit sereta balat takut, lalu ngumbai diri meda antu.\\n38 Iya lalu bejaku ngagai sida, “Nama kebuah kita takut? Lalu nama kebuah ati kita kakang?\\n39 Peda jari enggau kaki Aku. Aku meh tu. Tegu Aku, lalu peda, laban antu nadai isi tauka tulang baka Aku.”\\n40 Lebuh Iya udah nyebut nya, Iya lalu mandangka jari enggau kaki Iya ngagai sida.\\n41 Lebuh sida agi mengkang enda arap laban sida balat gaga sereta alit ati, Iya lalu bejaku ngagai sida, “Kati kita bisi utai diempa ditu?”\\n42 Sida lalu nyuaka ngagai Iya sekerat ikan ti udah dipanduk.\\n43 Iya ngambi lalu makai ikan nya di mua sida.\\n44 Udah nya Iya lalu bejaku ngagai sida, “Tu meh utai ti udah dipadahka Aku ngagai kita lebuh Aku agi begulai enggau kita -- madahka semua utai ti udah ditulis pasal Aku dalam Adat Moses, dalam bup sida nabi, enggau dalam Masmur, enda tau enda dikamatka.”\\n45 Udah nya Iya lalu muka runding sida, ngambika sida meretika Bup Kudus,\\n46 lalu ku Iya bejaku ngagai sida, “Tu meh utai ti udah ditulis: Kristus enda tau enda natka pemerinsa, lalu angkat ari mati ba hari ti ketiga,\\n47 lalu pesan pasal nesal ati, enggau pasal pengampun dosa dipadahka dalam nama Iya ngagai semua bansa, berengkah ari Jerusalem.\\n48 Kita tu meh orang ke besaksika semua utai tu.\\n49 Lalu Aku deka ngirumka ngagai kita utai ti udah disemaya Apai; nya alai diau kita di nengeri tu nyentuk ngagai maya kita diberi kuasa ari atas.”\\n50 Udah nya Iya mai sida pansut ngagai Betani. Dia Iya ngangkatka jari Iya lalu merekatka sida.\\n51 Lebuh Iya benung merekatka sida, Iya ninggalka sida lalu dibai niki ke serega, Sekeda salin nadai: lalu dibai niki ke serega\\n52 Sida lalu nyembah Iya, lalu pulai ngagai Jerusalem enggau ati ti gaga,\\n53 lalu sida seruran diau dalam Rumah Sembiang muji Allah Talla.”","num_words":25332,"character_repetition_ratio":0.078,"word_repetition_ratio":0.007,"special_characters_ratio":0.221,"stopwords_ratio":0.361,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pelilih Kuching diatu zon kuning - Suara Sarawak\\nKUCHING: Pelilih Menua Kuching seharitu betukar status ari zon mirah ngagai kuning pengudah penyampau kes di pelilih menua tu dirikodka semina 39 kes dalam timpuh 14 hari.\\nKomiti Penyaga Penusah Ngenyit Nengeri (JPBN) dalam siti penerang media kemari madahka nangkan bisi lima pelilih agi mengkang zon kuning iya nya pelilih menua Samarahan, Serian, Bau enggau Lundu.\\nDiatu penyampau kes positif Covid-19 di pelilih Samarahan mengkang 11 kes ditangkan Serian (3) lalu Lundu enggau Bau bela siti kes dirikod dalam timpuh 14 hari.\\nSeharitu mega, JPBN mega madahka Sarawak nadai ngerikodka kes positif Covid-19 baru ke alai penyampau kes positif Covid-19 di menua tu mengkang 678 kes.\\nTaja pia, kluster aktif Covid-19 di menua tu mengkang 10 iti iya nya Kluster Syarikat Kejuruteraaan lapan kes, Kluster Mambong (7), Kluster Pusat Perubatan (3), Kluster Jupiter (3), Kluster Pasar Stutong (7), Kluster Jeti Kuching (2), Kluster Sentosa (31), Kluster PUI Melbourne (2), kluster Syarikat Pembinaan Kuching (2) enggau kluster Pasar Satok (4).\\nNangkan nya, JPBN madahka bisi tiga kes baru udah suman sereta dikemendarka pansut ari Sepital Besai Sarawak sehari tu.\\nTu ngujungka penyampau kes udah suman sereta dikemendarka pansut ari sepital bisi 594 iku.","num_words":176,"character_repetition_ratio":0.086,"word_repetition_ratio":0.0,"special_characters_ratio":0.216,"stopwords_ratio":0.108,"flagged_words_ratio":0.0,"lang_id_score":0.972,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"285 buah sekula ditutup - Suara Sarawak\\nKUCHING: Sepenyampau 285 sekula sekondari enggau primari ba Sarawak ditutup ketegal penanggul besebun.\\nNitihka penerang ari Opis Pelajar Nengeri Sarawak (JPNS), naka pukul 8.00 pagi kemari, 26 sekula sekondari enggau 61 sekula primari ba Kuching ditutup.\\nPia mega 15 sekula sekondari enggau 86 sekula primari ba Padawan ditutup seraya di Samarahan semina dua sekula sekondari ditutup.\\nBagi Menua Sri Aman mega nutup lima sekula sekondari enggau 36 sekula primari seraya ba Serian bisi 13 sekula primari ditutup.\\nNambahka nya, lapan sekula sekondari enggau 45 sekula primari ba Betong mega ditutup.\\nTu nyengkaum 40 buah sekula primari enggau empat buah sekula sekondari ditutup di Bau.\\nKesemua nembiak manggai 157,477 nadai besekula tadi ketegal penanggul besebun.","num_words":101,"character_repetition_ratio":0.187,"word_repetition_ratio":0.0,"special_characters_ratio":0.206,"stopwords_ratio":0.129,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bebasaka Nyawa enggau Darah ti Diberi Petara\\nBACHA DALAM JAKU Abbey Abui Acholi Alur Amharic Arabic Armenian Armenian (West) Ateso Attié Aymara Azerbaijani Azerbaijani (Cyrillic) Bassa (Cameroon) Bassa(Liberia) Batak (Karo) Batak (Simalungun) Batak (Toba) Belize Kriol Biak Bislama Boulou Bété Cambodian Chavacano Chichewa Chin (Hakha) Chin (Tiddim) Chinese (Cantonese) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chopi Chuabo Cibemba Cina Kantonis (Ringkas) Cinyanja Damara Dangme Danish Douala Dusun Dutch Efik English Estonian Ewe Fante Fijian Fon French Futuna (Timur) Ga Gitonga Guarani Guarani (Bolivia) Guerze Gun Guéré Haitian Creole Hausa Herero Hindi Hungarian Hunsrik Iban Ibinda Igbo Indonesian Irish Italian Jaku Orang Bisu Amerika Jaku Orang Bisu Angola Jaku Orang Bisu Bolivia Jaku Orang Bisu Colombia Jaku Orang Bisu Cuba Jaku Orang Bisu India Jaku Orang Bisu Italy Jaku Orang Bisu Portugal Jaku Orang Bisu Spain Jaku Orang Bisu Thailand Jawa Jula Kabiye Kabuverdianu Kachin Kannada Karen (S'gaw) Khana Kikamba Kikaonde Kikongo Kikuyu Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Kpelle Krio Kurdish Kurmanji Kwangali Kwanyama Kyangonde Lamba Lhukonzo Lifu Lingala Lomwe Luganda Lugbara Lunda Luo Luvale Macua Malagasy Malayalam Maltese Mambwe-Lungu Marathi Mauritian Creole Mazahua Mbunda Meru Moore Myanmar Navajo Ndau Ndebele Ndebele (Zimbabwe) Ndonga Nengone Ngangela Nias Norwegian Nyaneka Nyungwe Nzema Okpe Oromo Otetela Pijin (Cameroon) Pijin Nigeria Ponapean Portuguese Portuguese (Portugal) Quechua (Ayacucho) Quechua (Bolivia) Quechua (Cuzco) Quichua (Imbabura) Rarotongan Romanian Romany (Greece Selatan) Romany (Macedonia) Romany (Macedonia) Cyrillic Romany (Slovakia Timur) Runyankore Russian Rutoro Samoan Sangir Sango Sena Sepedi Sesotho (Afrika Selatan) Sesotho (Lesotho) Setswana Seychelles Creole Sidama Silozi Sinhala Solomon Islands Pidgin Spanish Sranantongo Sunda Swahili Swati Swedish Tahitian Tajiki Talian Tamil Tandroy Tankarana Thai Tigrinya Tiv Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Vezo Vietnamese Wallisian Welsh Wolaita Yacouba Zande Zulu\\nBebasaka Nyawa ti Diberi Petara\\n1. Sapa ke meri kitai pengidup?\\n‘NUAN, Jehovah, endang Petara ti bendar, Nuan endang Petara ti idup.’ (Jeremiah 10:10) Iya Penempa kitai, lalu Iya udah meri kitai pengidup. Bup Kudus madahka: “Nuan udah ngaga semua utai, lalu ulih peneka Nuan, sida ditempa, lalu diberi pengidup.” (Pemandang 4:11) Amat, Jehovah deka kitai ngembuan pengidup. Pengidup nya pemeri ti berega ari Iya.—Bacha Masmur 36:9.\\n2. Baka ni kitai ulih mujur ba pengidup?\\n2 Jehovah meri kitai utai ti diguna kena idup, baka pemakai enggau ai. (Kereja Rasul 17:28) Tang lebih agi ari nya, Iya deka kitai lantang ati enggau pengidup. (Kereja Rasul 14:15-17) Ngambika mujur ba pengidup, kitai patut ngasika adat Petara.—Isaiah 48:17, 18.\\nRUNDING PETARA PASAL NYAWA\\n3. Nama digaga Jehovah pengudah Kain munuh Abel?\\n3 Bup Kudus madahka, nyawa kitai enggau nyawa orang bukai berega ba Jehovah. Ngambika chunto, lebuh Kain—anak lelaki Adam seduai Hawa—balat ringat enggau menyadi biak iya, Abel, Jehovah ngasuh Kain nagang pengeringat diri. Tang Kain enggai mending, lalu iya balat ringat nyentukka iya “ngamuk lalu munuh menyadi iya.” (Pemungkal 4:3-8) Jehovah ngukum Kain ketegal munuh Abel. (Pemungkal 4:9-13) Nya alai, pengeringat enggau pemenchi tau ngenusah laban ulah nya ulih ngasuh kitai nyadi mangah tauka jai. Orang ke baka nya enda tau bulih pengidup ti meruan belama iya. (Bacha 1 John 3:15.) Kena ngelantangka ati Jehovah, kitai enda tau enda belajar rinduka semua orang.—1 John 3:11, 12.\\n4. Nama dipelajarka kitai pasal nyawa ari siti adat ke diberi Petara ngagai orang Israel?\\n4 Beribu taun udah nya, Jehovah nunjukka nyawa berega ba Iya lebuh Iya meri Sepuluh Pesan ngagai Moses. Siti ari adat nya: “Anang munuh orang.” (Ulang Adat 5:17) Enti orang sengaja munuh orang bukai, iya deka dibunuh.\\n5. Nama runding Petara pasal bebuai anak?\\n5 Nama runding Petara pasal bebuai anak? Indah nyawa anak mit ke bedau ada berega ba Jehovah. Ba Adat ke diberi Jehovah ngagai orang Israel, Jehovah madahka, enti orang ngemakalka indai lalu ngujungka anak iya mati, orang nya deka dibunuh. “Enti orang lelaki belaya, lalu ngemediska siku indu ke ngandung, lalu anak iya ada muda, tang nadai lenyau nyawa, orang ke ngemediska iya enda tau enda diasuh mayar ukum nitihka pinta laki indu nya, sereta dikemendarka bala hakim. Tang enti bisi nyawa lenyau, ukum ti dikena nya: nyawa balas nyawa.” (Pemansut 21:​22, 23, NW; Masmur 127:⁠3) Ari tu kitai nemu, pengawa bebuai anak nya salah.—Peda Nota Penutup 28.\\n6, 7. Baka ni kitai nunjukka ngagai Jehovah kitai sayauka nyawa?\\n6 Baka ni kitai ulih nunjukka ngagai Jehovah, kitai sayauka nyawa diri sereta nyawa orang bukai? Kitai enda ngereja sebarang utai ti tau nganu nyawa diri tauka nyawa orang bukai. Nya alai kitai enda nginsap, makai buah pinang tauka salah nguna dadah, laban utai nya ulih ngemedis sereta munuh kitai.\\n7 Petara meri kitai nyawa enggau tubuh, lalu kitai patut ngena utai ke diberi Iya nya nitihka chara ti dikedekaka Iya. Nya alai kita patut nyaga tubuh diri enggau manah. Enti enda, kitai enda tuchi ba mata Petara. (Rome 6:19; 12:1; 2 Korint 7:1) Kitai enda ulih nyembah Jehovah ke meri kitai nyawa, enti kitai enda sayauka nyawa. Taja pan engka tusah deka ngelengkaka tebiat ke enda manah, tang Jehovah deka nulung kitai enti kitai bebendar muai tebiat nya ketegal kitai sayauka nyawa.\\n8. Nama deka digaga kitai kena nyaga nyawa diri tauka nyawa orang bukai?\\n8 Kitai nemu nyawa nya pemeri ti berega. Jehovah pechaya, kitai deka enggau naka ulih nyaga nyawa diri tauka nyawa orang bukai. Kitai ngereja tu enti kitai bejimat lebuh deriba kerita, motosikal, tauka perengka pengangkut ke bukai. Kitai nyeliahka lumba ti tau nganu sereta kasar. (Masmur 11:5) Kitai mega enggau naka ulih nyaga pengelikun rumah kitai. Jehovah ngasuh orang Israel: “Lebuh kita ngaga rumah baru, gaga reraga ba tisi perabung rumah nya. Nya baru kita enda betanggungjawap enti orang labuh ari perabung nya lalu mati.”—Ulang Adat 22:8.\\n9. Baka ni kitai patut ngintu jelu?\\n9 Jehovah mega beberatka chara kitai ngintu jelu. Iya ngemendarka kitai munuh jelu ke pemakai sereta ke gari, lalu Iya ngemendarka kitai munuh jelu enti jelu nya nganu nyawa kitai. (Pemungkal 3:21; 9:3; Pemansut 21:28) Tang kitai enda tau jai enggau jelu tauka munuh sida ke pemerindang.—Jaku Dalam 12:10.\\nKitai enda munuh anak mit ke bedau ada\\nKitai enda begedika orang bukai\\nKitai enda nginsap, makai buah pinang tauka salah nguna dadah\\nBEBASAKA PENGUDUS NYAWA\\n10. Baka ni kitai nemu darah ngambarka nyawa?\\n10 Darah nya kudus ba Jehovah laban darah ngambarka nyawa. Pengudah Kain munuh Abel, ku Jehovah madah ngagai Kain: “Darah menyadi nuan nyabak ngangauka Aku ari tanah.” (Pemungkal 4:10) Darah Abel ngambarka nyawa iya, lalu Jehovah ngukum Kain ketegal munuh Abel. Pengudah Bah Besai maya jeman Noah, Jehovah sekali agi nunjukka darah ngambarka nyawa. Jehovah madah ngagai Noah enggau sida sebilik: “Kita enda tau makai dagin ti agi bedarah, laban darah ngundan seput.”—Pemungkal 1:29; 9:3, 4.\\n11. Nama pesan pasal darah ke diberi Petara ngagai orang Israel?\\n11 Kira-kira 800 taun pengudah Jehovah enda ngasuh Noah makai darah, Iya agi ngingatka nembiak Iya: “Anang makai darah, tang tuang darah nya ngagai tanah baka ke nuang ai.” (Ulang Adat 12:24) Jehovah agi deka nembiak Iya ngumbai darah nya kudus. Sida tau makai dagin tang enda tau makai darah. Lebuh sida munuh jelu ke pemakai, sida nuang darah nya ke tanah.\\n12. Nama runding orang Kristian pasal darah?\\n12 Beberapa taun pengudah Jesus mati, bala rasul enggau bala tuai ba eklisia Kristian di Jerusalem baum laban deka nentuka bagi Adat ti diberi ngagai orang Israel ke agi ulih dikena orang Kristian. (Bacha Kereja Rasul 15:28, 29; 21:25.) Jehovah nulung sida nemu, darah agi berega ba Iya lalu sida agi patut ngumbai darah nya kudus. Orang Kristian ba abad keterubah enda makai tauka ngirup darah tauka makai dagin jelu ke enda dibunuh enggau manah. Enti sida ngereja nya, sida sama baka nyembah engkeramba tauka ngereja ulah seks ti kamah. Kenyau ari hari nya, orang Kristian ti bendar enda makai tauka ngirup darah. Baka ni enggau kemaya hari tu? Jehovah agi deka kitai ngumbai darah nya kudus.\\n13. Nama kebuah orang Kristian enda nerima darah?\\n13 Kati reti nya orang Kristian mega patut nulak nerima darah? Au. Jehovah enda ngasuh kitai makai tauka ngirup darah. Enti sema lutur enda ngasuh nuan ngirup ai bisa, kati nuan deka namaka ai bisa nya ngagai tubuh ngena jarum? Tentu enda! Pia mega, pesan ke enda ngasuh makai tauka ngirup darah reti nya kitai enda nerima darah.—Peda Nota Penutup 29.\\n14, 15. Nama kebuah bebasaka nyawa sereta ngasika Jehovah nya utai ti beguna ba orang Kristian?\\n14 Baka ni enti lutur madahka kitai deka mati enti enda nerima darah? Tiap iku kitai patut mutus sekalika deka ngasika adat Petara bekaul enggau darah. Orang Kristian bebasa bendar ke nyawa ti diberi Petara, lalu kitai deka ngiga chara berubat ke bukai ngambika mengkang idup; tang kitai enggai nerima darah.\\n15 Kitai bebendar deka mengkang gerai. Tang ketegal darah ngambarka nyawa lalu darah berega ba Petara, kitai enggai nerima darah. Ngasika Jehovah beguna agi ari ke nguji deka ngemanjaika nyawa diri enggau enda ngasika Iya. Jesus madahka: ‘Barang sapa deka ngidupka nyawa diri, deka ngelenyauka iya, lalu barang sapa ngelenyauka nyawa diri ketegal aku, deka tetemuka iya.’ (Matthew 16:25) Kitai deka ngasika Jehovah laban kitai rinduka Iya. Iya nemu utai ti pemadu manah ke kitai, lalu baka Jehovah, kitai ngumbai nyawa berega sereta kudus.—Hebrew 11:6.\\n16. Nama kebuah nembiak Petara ngasika Iya?\\n16 Nembiak Petara ke tetap ati keran deka ngasika adat Iya pasal darah. Sida enda makai tauka ngirup darah, lalu sida enggai nerima darah ketegal penanggul ke datai ari nerima darah. * Taja pia, sida deka nerima chara berubat ke bukai ngambika ulih nyelamatka nyawa sida. Sida pechaya, Penempa nyawa enggau darah nemu utai ti pemadu manah ke sida. Kati nuan pechaya Iya nemu utai ti pemadu manah ke nuan?\\nSEMINA SITI AJA CHARA NGENA DARAH TI DIKEMENDARKA JEHOVAH\\n17. Di menua Israel, nama siti chara ngena darah ti dikemendarka Jehovah?\\n17 Ba Adat ke diberi Jehovah ngagai Moses, Iya madah ngagai orang Israel: ‘Seput semua utai ti idup endang dalam darah. Nya kebuah Jehovah udah bejaku ngasuh semua darah dituang magang ba alta, kena muai dosa orang mayuh. Darah, iya nya nyawa, muai dosa.’ (Adat Lewi 17:11) Lebuh orang Israel bedosa, sida ulih minta Jehovah ngampun dosa sida enggau ngenjuk jelu nyadika pemeri, lalu minta iman nuang sekeda darah jelu nya ba atas alta di rumah sembiang. Semina tu aja chara ngena darah ti dikemendarka Jehovah ngagai orang Israel.\\n18. Nama peluang ke diulih kitai ari genselan Jesus?\\n18 Lebuh Jesus datai ke dunya, iya nganti adat ke meri jelu nyadika pemeri lebuh iya nyerahka nyawa, tauka darah iya, kena ngampun dosa kitai. (Matthew 20:28; Hebrew 10:1) Nyawa Jesus berega amat, nya alai Jehovah ulih meri semua mensia peluang idup belama iya bepelasarka genselan nyawa Jesus.—John 3:16; Hebrew 9:11, 12; 1 Peter 1:18, 19.\\nBaka ni nuan ulih nunjukka diri bebasaka nyawa enggau darah?\\n19. Nama patut digaga kitai ngambika “enda betanggungjawapka nyawa” orang bukai?\\n19 Kitai beterima kasih ngagai Jehovah ke nyawa ti diberi Iya! Lalu kitai deka madah ngagai orang, enti sida arapka Jesus, sida ulih idup belama iya. Kitai rinduka orang, lalu kitai deka enggau naka ulih ngajar sida chara bulih pengidup. (Esekiel 3:17-21) Lalu baka rasul Paul, kitai ulih madah: ‘Aku enda betanggungjawapka nyawa kita, laban aku nadai kala enggai madah ngagai kita semua juluk ati Petara.’ (Kereja Rasul 20:26, 27) Amat, kitai nunjukka diri bebasa bendar ke nyawa enggau darah, enti kitai madah ngagai orang bukai pasal Jehovah sereta pasal nyawa ti berega amat ba Iya.\\n^ per. 16 Kena nemu penerang pasal nerima darah, peda lambar 77-79 ba bup ‘Meruan Dalam Pengerindu Petara,’ ke dikeluarka Saksi-Saksi Jehovah.\\nPEMENDAR 1: BEBASAKA NYAWA TI DIBERI PETARA\\n“Nuan endang pun pengidup.”—Masmur 36:9\\nBaka ni kitai nunjukka diri bebasaka nyawa?\\nKereja Rasul 17:28; Pemandang 4:11\\nNyawa diberi Jehovah lalu kitai patut bebasaka nyawa.\\nPemansut 21:22, 23; Ulang Adat 5:17\\nMunuh orang sereta bebuai anak nya salah.\\nBegedika orang nya salah.\\n2 Korint 7:1\\nNyeliahka tebiat ti enda tuchi, baka nginsap sereta salah nguna dadah.\\nNyeliahka pemerindang sereta lumba ti kasar.\\nPEMENDAR 2: NYAWA ENGGAU DARAH\\n“Seput semua utai ti idup nya dalam darah sida.”—Adat Lewi 17:14\\nNama runding Petara pasal nyawa enggau darah?\\nPemungkal 4:10; Ulang Adat 12:23\\nDarah ngambarka nyawa.\\nPemungkal 9:3, 4\\nKitai tau makai dagin tang enda tau makai darah.\\nKereja Rasul 15:28, 29; 21:25\\nPetara ngasuh nyeliah ari ngena darah nyengkaum darah ke dikena maya berubat.\\nKaul enggau Jehovah nya utai ti pemadu berega ba pengidup kitai.\\nPEMENDAR 3: CHARA NGENA DARAH TI DIKEMENDARKA JEHOVAH\\n“Darah Anak Iya, Jesus, nuchi kitai ari semua dosa.”—1 John 1:7\\nNama peluang ke diulih kitai ari genselan Jesus?\\nAdat Lewi 17:11\\nMaya jeman Bup Kudus, lebuh orang Israel bedosa, sida ulih minta Jehovah ngampun dosa sida enggau ngenjuk jelu nyadika pemeri, lalu minta imam nuang sekeda darah jelu nya ba atas alta.\\nMatthew 20:28; Hebrew 9:11-14\\nLebuh Jesus datai ke dunya, iya nganti adat ke meri jelu nyadika pemeri lebuh iya nyerahka nyawa, tauka darah iya, kena ngampun dosa kitai.\\nNyawa Jesus berega amat, nya alai Jehovah ulih meri semua mensia peluang idup belama iya bepelasarka genselan nyawa Jesus.\\nKati Nuan Bebasaka Nyawa Baka Petara?","num_words":2038,"character_repetition_ratio":0.052,"word_repetition_ratio":0.03,"special_characters_ratio":0.215,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Siti kes positif baru dirikod ba Sibu sehari tu - Suara Sarawak\\nKUCHING: Siti kes positif Covid-19 diripot di pelilih Sibu seharitu ngujungka penyampau semua kes positif di Sarawak manggai 573 kes.\\nKu Sapit Kepala Menteri Datuk Amar Douglas Uggah Embas, kes ke-573 nya ngaul siku peranak Malaysia ari Sibu ti gawa nyadi injinir ba sebuah serikat minyak enggau gis di Arab Saudi lalu pulai ke menua kena 3 Julai nepan bilun Saudi Arabia nengah KLIA.\\n“Iya udah beperesa RTK Antigen Covid-19 lebuh datai ba KLIA tang pemutus negatif.\\n“Sebedau pulai ke Sibu, iya diau bemalam ba Tune Hotel KLIA kena 3 Julai lalu pulai ke Sibu kena 4 Julai sereta dibai ngagai palan kuarantin di Sibu,” ku Uggah ba aum pemberita ninting hari ripot Covid-19 di Begunan Dun Lama ditu tadi.\\nIya ti mega Chairman Komiti Penyangga Penusah Ngenyit Nengeri Sarawak (JPBNS) madah, orang nya udah beperesa swab kena 6 Julai lalu pemutus rT-PCR ari Makmal Sepital Sibu nunjukka positif Covid-19 kena 7 Julai tu tadi.\\n“Iya nadai ngayanka sebarang kelai Covid-19 lalu udah dipasuk ngagai Sepital Sibu kena Hari Dua ngambika diperubat,” ku Uggah.\\nFebruary 27, 2021Dua bot nelayan tempatan masuk zon perairan larangan ditahan\\nFebruary 27, 2021Wanita antara lima juruterbang ‘terbangkan’ vaksin Sinovac ke Malaysia\\nPetugas kesihatan direhatkan di Hotel Riverside Majestic, disediakan kenderaan\\nPemberian elaun setimpal dengan program Sasterawan\\nAnkara beli sistem peluru berpandu Rusia, AS gertak Turki\\nDron pantau pergerakan komuniti","num_words":215,"character_repetition_ratio":0.055,"word_repetition_ratio":0.0,"special_characters_ratio":0.199,"stopwords_ratio":0.14,"flagged_words_ratio":0.0,"lang_id_score":0.895,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 14 BK - Udah nya TUHAN lalu bejaku ngagai - Bible Search\\nPemansut 13 Pemansut 15\\nMeraka Tasik Mirah\\n1Udah nya TUHAN lalu bejaku ngagai Moses, 2“Asuh orang Israel nikal, lalu nirika kem sida di mua Pi-hahirot, entara Mikdol enggau Tasik Mirah, semak Baal-sepon. 3Raja menua Ejip deka ngumbai orang Israel bejalai segau-segau ngapa di menua nya, diempang menua puang. 4Aku deka ngasuh ati raja kieh, lalu iya deka begagaika kita, lalu Aku deka bulih mulia ngalahka iya enggau bala soldadu iya. Nya baru orang Ejip deka nemu Aku endang TUHAN.” Orang Israel lalu ngereja utai nitihka asuh TUHAN.\\n5Lebuh orang madahka ngagai raja menua Ejip orang Israel udah rari, iya enggau bala pemesai iya lalu ngubah runding sida. Ku sida, “Nama kebuah kitai nejuka orang Israel rari, lalu badu agi gawa ke kitai!” 6Raja lalu nyendiaka kerita perang iya, lalu ngasuh bala soldadu iya mega sedia. 7Iya lalu mupuk enggau semua kerita perang iya, nyengkaum enam ratus buah kerita perang iya ti pemadu manah, ti diuluka bala pemesai sida. 8TUHAN ngasuh ati raja kieh lalu begagaika orang Israel ti udah gaga ati pansut ari menua Ejip. 9Bala soldadu orang Ejip, enggau semua kuda, kerita perang, enggau orang ke nepan kerita perang, begagaika orang Israel lalu betemu enggau sida ba endur alai orang Israel ke nirika kem ngimbai Tasik Mirah semak Pi-hahirot enggau Baal-sepon.\\n10Lebuh orang Israel meda raja enggau bala soldadu orang Ejip mansang ngelaban sida, sida takut lalu ngangauka TUHAN, minta Iya nyaup sida. 11Ku sida bejaku enggau Moses, “Kati nuan mai kami ngagai menua puang ngambika kami mati laban menua Ejip nadai pendam? Peda nuan utai ti udah dikereja nuan, mai kami pansut ari menua Ejip! 12Ukai enda tu utai ti dipadahka kami ngagai nuan, ‘Anang ngachau kami, lalu lakka kami nyadi ulun orang Ejip’? Laban manah agi kami nyadi ulun din ari ke mati di menua puang tu.”\\n13Tang ku Moses bejaku ngagai orang mayuh, “Anang takut! Bediri tegap! Nya baru kita deka meda pengelepas ti deka dikereja TUHAN ti kita sehari tu. Nadai kita ulih meda orang Ejip nya agi. 14TUHAN deka beperang ngarika kita. Kita semina diau jenuh aja.”\\n15Ku TUHAN bejaku ngagai Moses, “Nama kebuah nuan nyabak minta saup? Asuh orang Israel bejalai. 16Angkatka tungkat nuan, lalu kedarka iya atas tasik. Ai nya deka bebagi, lalu orang Israel ulih bejalai nengah tasik nya nengah tanah ti rangkai. 17Aku deka ngasuh ati orang Ejip kieh, datai ke sida deka mansang ngagai tasik nya, begagaika sida, lalu Aku deka bulih mulia ketegal Aku menang ngelaban raja menua Ejip enggau bala soldadu iya, kerita perang iya, enggau orang ke nepan kerita perang iya. 18Lebuh Aku udah ngalahka sida, nya baru orang Ejip deka nemu Aku endang TUHAN.”\\n19Melikat TUHAN ti udah bejalai dulu ari bala soldadu orang Israel lalu mindah tunga kebelakang bala orang Israel. Tiang mua hari nya mega mindah lalu 20nyeraraka bala orang Ejip ari bala orang Israel. Pemetang mua hari nya mungkus orang Israel, tang lebuh malam hari iya meri sida penampak. Nya alai semalam-malam nya bala soldadu dua bengkah nya enda ulih datai semak ngagai pangan diri.\\n21Moses ngedarka jari iya atas tasik nya, lalu TUHAN muputka ai tasik nya ngena ribut ti deras ari timur. Ribut nya muput semalam-malam nya, lalu ngasuh tasik nya rangkai. Ai nya bebagi dua, 22 lalu orang Israel bejalai nengah tasik nya nengah tanah ti rangkai. Ai nya nyau bedinding ari sepiak-sepiak sida. 23Orang Ejip lalu begagaika sida nengah tasik nya, mai semua kuda, kerita perang, enggau bala orang ke nepan kerita perang. 24Lebuh hari nyau deka tawas, TUHAN merening ke baruh ari tiang api enggau ari gentilang remang, ngagai bala soldadu orang Ejip, lalu sida begau abis ati. 25TUHAN ngasuh kaki kerita perang sida lekat, ngambika kaki kerita perang sida enda tentu ulih bepusin. Ku orang Ejip bejaku, “TUHAN ti beperang ngelaban kitai ngarika orang Israel. Aram kitai rari ari tu!”\\n26TUHAN lalu bejaku ngagai Moses, “Kedarka jari nuan atas tasik nya, ngambika ai pulai baru lalu ngelamun orang Ejip enggau kerita perang enggau orang ke nepan kerita perang.” 27Moses lalu ngedarka jari iya atas tasik nya, lalu ba rerak tawas pagi nya, ai nya lalu pulai baru ngenalam iya ti dulu. Orang Ejip nguji ngerarika diri ari ai nya, tang TUHAN nikauka sida ngagai tasik nya. 28Ai tasik nya pulai baru, lalu ngelamun kerita perang, orang ke nepan kerita perang, enggau semua bala soldadu orang Ejip ti udah begagaika orang Israel ngagai tasik nya. Nadai siku sida idup. 29Tang orang Israel bejalai nengah tasik nya nengah tanah ti rangkai, lalu ai nyau bedinding ari sepiak-sepiak sida.\\n30Nya alai sehari nya TUHAN nyelamatka orang Israel ari orang Ejip, lalu orang Israel meda bangkai orang Ejip nyau betegaring ba sebelah tebing tasik nya. 31Lebuh orang Israel meda pemesai kuasa ti dikena TUHAN ngalahka orang Ejip, sida lalu nangika TUHAN. Sida arapka TUHAN, sereta arapka nembiak Iya, Moses.","num_words":796,"character_repetition_ratio":0.103,"word_repetition_ratio":0.003,"special_characters_ratio":0.205,"stopwords_ratio":0.359,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"pansang ke bansa kitai awak ke enda tinggal laban bansa bukai. Malu kitai bansa kitai alah laban bansa bukai.Tahniah ke kita k udah mansang. Tulung ngemansang ke agik bansa kitai………………\\nMANSANG BALA KITAI DAYAK!!!!!!!!!!!!!!\\n27\/02\/2010 at 04:38\\nrindu maca tai ke nuan nyak…biak2 dh nemu bpuchau..:)\\n08\/02\/2010 at 19:02\\nsuka asai ati meda org iban ulh maju kehadapan taniah!!!!!!!!\\nstefanie ramie says:\\n22\/01\/2010 at 03:50\\nAmat pama ak oramg julau siku tu,dudi ari ulih nyadi menteri,meri pemansang k menua julau.\\nLeave a Reply to joslasaibos Cancel reply","num_words":78,"character_repetition_ratio":0.09,"word_repetition_ratio":0.0,"special_characters_ratio":0.306,"stopwords_ratio":0.192,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bala Melikat ke Disebut dalam Bup Kudus\\n1. Nama kebuah patut belajar pasal bala melikat?\\nJEHOVAH deka kitai ngelala ruang bilik Iya. Bala melikat nya sebagi ari ruang bilik Petara. Dalam Bup Kudus, sida dikumbai ‘anak Petara.’ (Pemungkal 6:2) Nama digaga bala melikat? Baka ni sida nulung mensia menya? Lalu ulih sida nulung kitai kemaya hari tu?—Peda Nota Penutup 8.\\n2. Ari ni penatai bala melikat? Berapa penyampau sida?\\n2 Kitai patut nemu ari ni penatai bala melikat. Kolosi 1:16 madahka, “semua utai ti di serega enggau di dunya” digaga pengudah Jehovah nempa Jesus. Nya nyengkaum bala melikat. Berapa penyampau sida? Bup Kudus madahka bisi beratus juta iku melikat.—Masmur 103:20; Pemandang 5:11.\\n3 Bup Kudus mega madahka, Jehovah nempa bala melikat dulu agi ari Iya nempa dunya. Baka ni asai ati sida lebuh meda dunya? Bup Jop madahka sida gaga ati. Semua sida begulai nyembah Jehovah.—Jop 38:4-7.\\nBALA MELIKAT NULUNG NEMBIAK PETARA\\n4. Baka ni kitai nemu bala melikat sedia deka nulung mensia?\\n4 Bala melikat deka nulung orang sereta deka nemu baka ni tuju Jehovah bekaul enggau dunya sereta mensia deka dikeamatka. (Jaku Dalam 8:30, 31; 1 Peter 1:11, 12) Sida tentu balat tusah ati lebuh Adam seduai Hawa ngelaban Jehovah. Sida tentu balat agi tusah ati diatu meda mayuh mensia enda ngasika Jehovah. Tang lebuh orang nesal ati lalu pulai baru ngagai Jehovah, bala melikat gaga ati. (Luke 15:10) Bala melikat sedia deka nulung orang ke nyembah Jehovah. Jehovah ngena bala melikat nulung sereta nyaga nembiak Iya ba dunya. (Hebrew 1:7, 14) Aram kitai meda sekeda chunto.\\n5. Baka ni bala melikat nulung nembiak Petara menya?\\n5 Jehovah ngirumka dua iku melikat ngambika nulung Lot enggau sida sebilik ngelepaska diri ari pengerusak nengeri Sodom enggau Gomorah. (Pemungkal 19:15, 16) Beratus taun udah nya, nabi Daniel dibuai ngagai lubang singa, tang singa enda ngemediska iya, laban ‘Petara udah ngasuh melikat Iya nutup mulut singa.’ (Daniel 6:22) Lalu lebuh rasul Peter dijil, Jehovah ngirumka seiku melikat ngelepaska iya. (Kereja Rasul 12:6-11) Bala melikat mega nulung Jesus maya iya ba dunya. Ngambika chunto, pengudah Jesus dibaptisa, ‘bala melikat ngintu iya.’ (Mark 1:13) Sebedau Jesus dibunuh, seiku melikat ‘ngeringka iya.’—Luke 22:43.\\n6. (a) Baka ni kitai nemu bala melikat nulung nembiak Petara kemaya hari tu? (b) Nama tanya ke deka disaut kitai diatu?\\n6 Kemaya hari tu, bala melikat nadai agi pegari di mua mensia. Tang Petara agi ngena bala melikat nulung nembiak Iya. Bup Kudus madahka: ‘Melikat Jehovah nyaga orang ke ngemesaika Jehovah lalu ngelepaska sida ari utai ti tau nganu sida.’ (Masmur 34:7) Nama kebuah kitai begunaka lindung? Laban kitai bisi bala munsuh ti kering ke deka ngemediska kitai. Sapa bala munsuh nya? Ari ni penatai sida? Baka ni sida nguji ngemediska kitai? Kena nyaut tanya tu, aram kitai meda utai ke nyadi enda lama pengudah Adam seduai Hawa ditempa.\\nBALA MUNSUH KITAI KE ENDA ULIH DIPEDA\\n7. Nama digaga mensia ketegal udah ditipu Sitan?\\n7 Ba Pelajar 3, kitai udah belajar pasal seiku melikat ke angkat ngelaban Petara sereta deka merintah atas orang bukai. Bup Kudus ngumbai iya, Antu Sitan. (Pemandang 12:9) Sitan mega deka mensia angkat ngelaban Petara. Sitan mujur nipu Hawa, lalu kenyau ari nya, iya udah nipu mayuh mensia. Taja pia, sekeda mensia baka Abel, Enok, sereta Noah, mengkang tetap ati ngagai Jehovah.—Hebrew 11:4, 5, 7.\\n8. (a) Baka ni sekeda bala melikat nyadi antu? (b) Nama digaga sida ngambika selamat maya Bah Besai?\\n8 Maya jeman Noah, sekeda bala melikat ngelaban Petara lalu ninggalka rumah sida ti di serega ngambika ulih nyadi mensia sereta diau ba dunya. Nama kebuah? Bup Kudus madahka, sida deka ngembuan bini. (Bacha Pemungkal 6:2.) Tang sida enda tau ngembuan bini. (Jude 6) Baka bala melikat ke jai nya, mayuh mensia maya nya nyadi jai sereta mangah. Jehovah udah nya berunding deka ngemunaska mensia ke jai enggau ngampuhka serata dunya. Tang Iya nyelamatka nembiak Iya ke tetap ati. (Pemungkal 7:17, 23) Ngambika ulih selamat, bala melikat ke jai nya pulai ke serega. Bup Kudus ngumbai sida nya bala antu. Sida milih deka enggau Sitan ngelaban Jehovah, lalu Sitan nyadi pemerintah sida.—Matthew 9:34.\\n9. (a) Nama nyadi ngagai bala antu lebuh sida pulai ke serega? (b) Nama deka dipelajarka kitai udah tu?\\n9 Ketegal bala antu nya ngelaban, Jehovah enda nerima sida pulai baru ngagai ruang bilik Iya. (2 Peter 2:4) Bala antu enda ulih agi berubah nyadi mensia, tang sida agi “nipu semua dunya.” (Pemandang 12:9; 1 John 5:19) Aram kitai beratika chara sida ulih nipu, tauka nesatka, mayuh orang.—Bacha 2 Korint 2:11.\\nCHARA BALA ANTU NIPU ORANG\\n10. Baka ni bala antu nipu orang?\\n10 Bala antu nipu orang ngena mayuh chara. Mayuh orang ngiga bala dukun, orang ke tau keramat, sereta bala manang. Lalu sida tu orang ke bejaku enggau bala antu. Tang Bup Kudus ngasuh kitai nyeliah ari sebarang pengawa ke bekaul enggau bala antu. (Galatia 5:19-21) Nama kebuah? Baka pengasu ke ngena panjuk nangkap jelu, bala antu ngena pengawa nipu manjuk sereta bekuasa atas orang.—Peda Nota Penutup 26.\\n11. Nama reti nujum, lalu nama kebuah kitai patut nyeliahka iya?\\n11 Siti chara dikena sida nipu nya dikumbai nujum. Pengawa tu ngena kuasa ari bala antu ngambika nemu pasal jemah ila tauka utai ti enda ditemu. Orang engka nguji pengawa belian, beburung, tauka meda tapa jari. Mayuh orang ngumbai pengawa tu enda ngachau, tang tu enda amat. Pengawa tu tau nganu. Ngambika chunto, Bup Kudus nunjukka, bala antu sereta orang ke nujum sama bekereja enggau pangan diri. Ba Kereja Rasul 16:16-18, kitai macha pasal seiku “antu” ti ngasuh seiku indu nemu ngereja “pengawa nujum.” Pengudah rasul Paul muru antu nya, indu nya enda ulih nujum agi.\\n12. (a) Nama kebuah nguji deka bejaku enggau orang ke udah mati tau nganu? (b) Nama kebuah nembiak Petara enda enggau sebarang adat ke bekaul enggau bala antu?\\n12 Bala antu ngena siti agi chara nipu orang. Sida nguji ngasuh kitai pechaya, kitai ulih bejaku enggau orang ke udah mati, lalu orang ke udah mati agi idup ba endur bukai sereta ulih bejaku enggau kitai tauka ngemediska kitai. Ngambika chunto, orang ke udah mati pangan tauka kaban belayan engka ngiga manang ke ulih bejaku enggau orang ke udah mati. Manang nya engka madahka utai ti ngerinduka ati pasal pangan tauka kaban belayan ke udah mati, lalu indah nunda bunyi nyawa orang ke udah mati. (1 Samuel 28:3-19) Kitai engka ngumbai diri bejaku enggau orang ke udah mati, tang kebendar, kitai bejaku enggau bala antu. Mayuh adat nguburka orang ke udah mati baka gawai antu, meri pemakai ngagai orang ke udah mati, tauka nanam baya sama enggau orang ke udah mati digaga ketegal pechayaka orang ke udah mati agi idup ba endur bukai. Lebuh orang Kristian enggai enggau pengawa tu, diri sebilik tauka orang ke sama kampung engka ngutuk, bejai, tauka enggai begulai enggau sida. Tang orang Kristian nemu, orang ke udah mati enda idup ba endur bukai. Kitai enda ulih bejaku enggau sida, lalu sida enda ulih ngemediska kitai. (Masmur 115:17) Bejimat meh. Anang nguji deka bejaku enggau orang ke udah mati tauka enggau bala antu, lalu anang enggau sebarang adat ke bekaul enggau bala antu.—Bacha Ulang Adat 18:10, 11; Isaiah 8:19.\\n13. Nama ulih digaga orang ke kala takutka bala antu?\\n13 Bala antu ukai semina nipu orang, tang mega ngenakutka sida. Kemaya hari tu, Sitan enggau bala antu iya nemu “timpuh diri nyau deka abis” sebedau Petara muai sida ari dunya, nya alai sida balat agi mangah sereta jai ari ke udah. (Pemandang 12:12, 17) Taja pia, beribu iku orang ke kala takutka bala antu, diatu enda agi takutka sida. Baka ni sida ulih ngelepaska diri ari takutka bala antu?\\nNGELABAN SERETA NGELEPASKA DIRI ARI BALA ANTU\\n14. Baka orang Kristian ba abad keterubah, baka ni kitai ulih ngelepaska diri ari bala antu?\\n14 Bup Kudus madahka chara ngelaban bala antu sereta chara ngelepaska diri ari sida. Ngambika chunto, sekeda orang di nengeri Epesus bejaku enggau bala antu sebedau sida belajarka pemendar. Baka ni sida ngelepaska diri? Bup Kudus madahka: “Mayuh manang datai mai bup sida, lalu nunu bup nya di mua orang mayuh.” (Kereja Rasul 19:19) Ketegal sida deka nyadi orang Kristian, sida ngerusak semua bup ke dikena sida bemanang. Kitai mega patut ngereja utai ti sama kemaya hari tu. Semua orang ke deka nyembah Jehovah patut muai sereta ngerusak semua utai ke bekaul enggau bala antu. Tu nyengkaum bup, majalah, horoskop, cherita wayang, musik, main, sereta poster ke bekaul enggau magik, tauka bala antu ti baka ke ngagitka ati tauka enda ngemediska. Tu mega nyengkaum utai ke dikena orang nyaga diri ari antu tauka pengawa bemanang.—1 Korint 10:21.\\n15. Nama agi patut digaga kitai kena ngelaban Sitan enggau bala antu?\\n15 Beberapa taun pengudah orang di Epesus ngerusak bup ke bekaul enggau pengawa bemanang, rasul Paul madahka sida agi “beperang ngelaban” sereta “ngelaban kuasa roh ti jai.” (Epesus 6:12) Amat, taja pan sida udah nunu bup sida, tang bala antu agi nguji deka ngemediska sida. Nya alai, nama agi patut digaga sida? Paul ngasuh sida: “Ambi pengarap nyadika terabai kena kita madamka [tauka, nagang] semua laja ti beapi-api ti ditimbakka Sitan.” (Epesus 6:16) Baka terabai ke ngelindung soldadu lebuh beperang, pengarap ulih ngelindung kitai. Enti kitai amat arapka Jehovah ulih nyaga kitai, kitai ulih ngelaban Sitan enggau bala antu.—Matthew 17:20.\\n16. Baka ni kitai ulih ngeringka agi pengarap ba Jehovah?\\n16 Baka ni kitai ulih ngeringka agi pengarap kitai ba Jehovah? Kitai patut macha Bup Kudus ninting hari, lalu belajar bepanggai ba Iya ngambika nyaga kitai. Enti kitai amat arapka Jehovah, Sitan enggau bala antu enda ulih ngemediska kitai.—1 John 5:5.\\n17. Nama agi ulih nyaga kitai ari bala antu?\\n17 Nama agi patut digaga orang Kristian di Epesus? Sida diau ba nengeri ke penuh enggau pengawa ke bekaul enggau bala antu. Nya alai Paul ngasuh sida: “Terus besampi tiap kali bisi peluang.” (Epesus 6:18, NW) Sida patut minta Jehovah seruran nyaga sida. Baka ni enggau kitai? Kitai mega diau ba dunya ke penuh enggau pengawa ke bekaul enggau bala antu. Nya alai kitai mega patut minta Jehovah nyaga kitai, lalu kitai patut ngena nama Iya lebuh besampi. (Bacha Jaku Dalam 18:10.) Enti kitai enda ngetu minta Jehovah ngelepaska kitai ari Sitan, Jehovah deka nyaut sampi kitai.—Masmur 145:19; Matthew 6:13.\\n18, 19. (a) Baka ni kitai ulih menang ngelaban Sitan enggau bala antu? (b) Nama tanya ti deka disaut kitai pengudah pelajar tu?\\n18 Enti kitai muai semua utai ke bekaul enggau bala antu sereta bepanggai ba Jehovah ngambika nyaga kitai, kitai ulih ngelaban Sitan enggau bala antu. Kitai tau enda ibuh takutka sida. (Bacha James 4:7, 8.) Jehovah kering agi ari bala antu. Iya ngukum sida maya jeman Noah, lalu jemah ila Iya deka ngemunaska sida. (Jude 6) Anang enda ingat, kitai enda kediri ngelaban Sitan enggau bala antu. Jehovah ngena bala melikat Iya nyaga kitai. (2 Raja 6:15-17) Kitai pechaya, enggau saup ari Jehovah, kitai ulih menang ngelaban Sitan enggau bala antu.—1 Peter 5:6, 7; 2 Peter 2:9.\\n19 Tang enti Sitan enggau bala antu ngasuh mayuh pemerinsa nyadi, nama kebuah Petara bedau agi ngemunaska sida? Tanya tu deka disaut pengudah pelajar tu.\\nCHARA NGELABAN SITAN ENGGAU BALA ANTU\\nBuai semua utai ke bekaul enggau magik, tauka bala antu\\nBesampi ngagai Petara Jehovah\\nPEMENDAR 1: BALA MELIKAT NYA SEBAGI ARI RUANG BILIK PETARA\\n‘Puji meh Jehovah, kita melikat ti kering sereta bekuasa.’—Masmur 103:20\\nNama ditemu kitai pasal bala melikat?\\nJehovah nempa bala melikat dulu agi ari Iya nempa dunya.\\nBisi bejuta iku melikat.\\nBala melikat deka nulung orang sereta deka nemu baka ni tuju Jehovah dikeamatka ba dunya.\\nBala melikat sedia deka nulung orang ke nyembah Jehovah.\\nPEMENDAR 2: BALA MELIKAT NULUNG NEMBIAK PETARA\\n‘Melikat Jehovah nyaga orang ke ngemesaika Jehovah lalu ngelepaska sida ari utai ti tau nganu sida.’—Masmur 34:7\\nBaka ni kitai nemu bala melikat ulih nulung orang?\\nPemungkal 19:15, 16; Daniel 6:22; Luke 22:43; Kereja Rasul 12:6-11\\nBala melikat nulung Lot, Daniel, Jesus, sereta Peter.\\nHebrew 1:7, 14\\nJehovah ngena bala melikat Iya nulung sereta nyaga bala nembiak Iya kemaya hari tu.\\nPEMENDAR 3: BALA MELIKAT KE JAI NGUJI DEKA NGEMEDISKA KITAI\\n“Kitai ngereja nya ngambika kitai enda ulih ditipu Sitan; laban kitai ukai enda nemu pelan iya.”—2 Korint 2:11\\nSapa bala antu, lalu nama kebuah sida ulih ngemediska kitai?\\nSeiku melikat angkat ngelaban Jehovah. Iya dikumbai Sitan.\\nMaya jeman Noah, sekeda bala melikat ngelaban, lalu nurun ke dunya.\\nBala melikat nya sama enggau Sitan ngelaban Jehovah, lalu nyadi bala antu.\\nUlang Adat 18:10, 11\\nBala antu nguji nipu orang sereta ngemediska sida ngena sebarang chara.\\nPEMENDAR 4: NUAN ULIH NGELABAN SITAN ENGGAU BALA ANTU\\n“Laban meh Sitan, lalu iya deka rari ari kita.”—James 4:7\\nBaka ni nuan tau bulih tulung ari Jehovah kena ngelaban Sitan enggau bala antu?\\nKereja Rasul 19:19\\nBuai semua utai ke bekaul enggau magik, tauka bala antu ti baka ke ngagitka ati tauka enda ngemediska.\\nEpesus 6:16, 18\\nKeringka pengarap enggau belajarka Bup Kudus, sereta besampi minta jaga ari Jehovah.\\nJaku Dalam 18:10\\nNgena nama Jehovah.\\nKitai nemu Sitan bisi kuasa ti besai, tang kitai enggai ibuh ke iya. Nama kebuah?","num_words":2032,"character_repetition_ratio":0.087,"word_repetition_ratio":0.014,"special_characters_ratio":0.227,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Terenakka integriti maya gawa - Suara Sarawak\\n“Aku arapka raban komuniti di Kapit lebih chakah agi ngatur program baka tu enggau ngembuan intergriti ambika ulih diterenak dalam diri kitai dikena nagang diri ari tepejuh makai suap ba pengawa ke dikereja kitai.”\\nKAPIT: Program Kembara Merdeka Ngitauka Menira udah mujur mai semua raban bansa begempuru sama ke diatur ba Wisma Persekutuan ditu ujung minggu tu tadi.\\nProgram berambaika jaku, Sayangi Malaysiaku: Malaysia Bersih diatur raban Opis Pemadah Kapit begulai enggau ejensi opis perintah ke bukai diintu beserimbai enggau Hari Malaysia ke deka datai sereta udah dipenyadi Kaban Parlimen Julau, Larry Sng Wei Shien.\\nLarry arap bendar raban Opis Pemadah ulih ngatur pengawa ke mai reti pemanah ngagai mensia mayuh baka tu kelebih agi nyerumba Hari Malaysia tu ila.\\n“Nengah aktiviti baka tu, pengasai ati siku orang taluk enggau sayau ke menua ulih dipeda kitai.\\nCHAKAH GAWA…Larry (empat ari kanan) sedia ngelepaska bala penyereta enggau ‘konvoi’ lalu diperatika Judy (tiga ari kanan) enggau orang ke gawa ba ejensi opis perintah ke bukai.\\n“Aku arapka raban komuniti di Kapit lebih chakah agi ngatur program baka tu enggau ngembuan intergriti ambika ulih diterenak dalam diri kitai dikena nagang diri ari tepejuh makai suap ba pengawa ke dikereja kitai,”\\n“Rukun Negara patut diperati semua orang awakka ulih ngembing kitai ngagai jalai ti manah ba pengidup sehari kitai baka bebasa ke pangan diri enda ngira ari bansa bukai baka adat enggau agama, ngembuan ulah ke mereti, beserakup enggau pangan diri lalu taluk ngagai raja enggau menua kitai Malaysia,”ku iya\\nIya mega ngarapka raban nembiak kemaya hari seruran chakah ngulu program ke mai pemanah baka diatur opis perintah enggau gerempung ukai dikuasa perintah (NGO).\\nBerita sebubu ngapa ke dipansut ke orang nengah media rama baka facebook whatsapp, instagram mega enda patut dipechaya enggau beamat enti penerang ke amat apin bedau ditemu lalu patut mansik dulu pengamat berita ke dibantai ke orang nengah media rama nya ku Larry.\\nBa program tu tadi, mayuh pengawa bisi dipejalai nyerumba program tu baka senamrobik, nyadaka pelandai ari Canigia Uden siku pengajar ari SMK Kapit, nyabut tiket betuah, nyerahka menira ngagai ejensi opis perintah enggau ke bukai.\\nBeserimbai enggau program tu, pekit ngias rumah enggau opis bisi diatur ba renggat pelilih Kapit.\\nPengawa bejalai bebala mayuh tauka ‘konvoi’ udah mujur dilepaska Larry lalu mai menira meling pasar Kapit enggau sekeda endur ke udah dipilih.\\nSama bisi datai, Pemesai Opis Pelilih Kapit, Judy Henry enggau ke bukai.","num_words":389,"character_repetition_ratio":0.05,"word_repetition_ratio":0.121,"special_characters_ratio":0.174,"stopwords_ratio":0.237,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pengiran Muda Papa: December 2011\\n24 nama-nama Nabi Tuhan\\n13. Syuaib Jethro\\n23. John the Baptist\\nDikarang ulih: Pengiran Muda Papa a.k.a PMP Jam 02:55 0 Komen Temuai\\nLabels: Cerita Rasul, Gereja, kristian\\nTop 10 Gereja Paling Lama Di Dunya\\n9. Saint Catherine's Monastery, Mount Sinai\\nDikarang ulih: Pengiran Muda Papa a.k.a PMP Jam 02:07 2 Komen Temuai\\nLabels: Bekunsi, Gereja, kristian\\nRikot Dunya: Giant George Uduk ti pemadu tinggi di dunya\\nRaban Guinness World Records udah madukasiko ukui\/uduk ari purih Great Dane ba menua Amerika Syarikat (AS) nyadi ukui ti pemadu tinggi ba dunya, ketegal peninggi ia ti disukat ari kaki ngagai bahu ianya 1.09 meter. Ukui tu diberi nama Giant George tu lebih tinggi dua sentimeter ari Titan ti mega sama ari purih Great Dane ari menua San Diego.\\nBeberapa iku pemesai ari Guinness madahka maioh ripot ti bebeda bekait enggau peninggi George, ti ngujungka sida nganjung siku juri dikena ngamatka ripot nya.\\nUkui tu ngembuan pemerat 115 kilogram, lalu berumur empat taun. Ti diempu David Nasser.\\nSumber: Ohberita.net, http:\/\/www.mummynemo.com\/\\nDikarang ulih: Pengiran Muda Papa a.k.a PMP Jam 01:37 1 Komen Temuai\\nLabels: Bekunsi, Dunya, Jelu\\nLady Gaga enda bekenaka seluar dalam\\nBekenaka ngepan ti nyelai udah nyadi utai ti biasa ba penyanyi Lady Gaga. Tang ke sekali tu chukup nyelai agi. Penyanyi ti popular enggau lagu Born This Way tu nyau berani mandangka diri enda bekenaka seluar dalam. Tajapan tu dipeda baka siti style fesyen, tang Gaga baka ke enda ingat bekenaka seluar dalam. Baka ke dipadah Dailymail, Gaga dipeda ninggalka Fountain Studios ba Wembley sepengudah program X-Factor nyadi perhatian urang mayuh ke bisi dia. Tajapia, ngepan ke dikena ia nya ukai semina nyelai, tang deh enda sesuai enggau gaya ari ti celap ba London.\\nDikarang ulih: Pengiran Muda Papa a.k.a PMP Jam 01:10 0 Komen Temuai\\nLabels: Artis Antarabangsa, Bekunsi, Dunya, Penyelai\\n8 iti nama domain ti pemadu panjai di dunya\\nNama utai ke dikumbai domain? Domain tu meh nama ke siti-siti website.chunto ia, blogspot.com, rumahpanjai.com, ruaikitai.com. tu tadi entara nama domain ke pendek. Tang bisi mega nama domain ke panjai. Kati bisi kitak nemu kini?Ditu aku mantai ke kitak nama domain ti pemadu panjai di dunya.\\n*Kapa meh nama domain memanjai nya. Udah ga tusah digiga, anang gi ke deka ngigatka nama domain nya.\\nDikarang ulih: Pengiran Muda Papa a.k.a PMP Jam 17:20 0 Komen Temuai\\nLabels: Bekunsi, Dunya, Penemu\\nSeliah Bekenaka Domain CO.CC Laban Google enda Meng-index Domain tu agi!!!\\nBaka ti ditemu kitai, domain co.cc tu sigi ari domain free, tang sayau amai google enda agi meng-index semua laman web ti bekenaka domain tu. Nama kabuah??? Laban laman web ti bekenaka domain tu mayuh 'Spammy' sereta mayuh Malicious site ti berbahaya ngagai urang ti bekenaka laman web nya.\\nNitihka pansik lebih empat ribu laman web Phishing ti direjister ba baruh nama domain co.cc. Pia mega, bekenaka domaintu enda disagi laban ulih ngacau potensi SEO enggau mayuh kekurangan baka co.cc.\\nNyadi, ngagai sapa-sapa ti ngena domain co.cc tu, tau meh bepindah. Enggaika kitak lenyau trafik laban website\/blog kitak enda diindex.\\nDikarang ulih: Pengiran Muda Papa a.k.a PMP Jam 16:03 0 Komen Temuai\\nLabels: Bekunsi, Penemu, Tutorial\\nDuit RM50 Baru Taun 2012\\nBank Negara Malaysia enggau kenyataan rasmi sida deka ngeluarka siri baru duit kertas enggau duit syiling ke menua Malaysia. Siri baru tu deka dipejadika pun taun 2012 enggau ciri keselamatan ti tinggi sereta teknologi ti baru.\\nDiambi ari: http:\/\/bibie-mumui.blogspot.com\/\\nDikarang ulih: Pengiran Muda Papa a.k.a PMP Jam 20:54 0 Komen Temuai\\nLabels: Bekunsi, Penemu, Teknologi\\nTiga iku Indu telanjai ngaga promosi gel kena mandi\\nSigi syarikat ba menua China baru-baru tu ngaji tiga iku indu bebiak telanjai ngaga promosi produk gel kena mandi dalam bentuk spray. Semina tuala ti dibalut ba pala aja, indu-indu nya enda malu-malu ngalayan urang ti bisi datai ba promosi nya. Sida mega ngasuh urang ke bisi datai dia, ke maioh agi sida ke laki nulong ngunsut sereta nyeperay gel mandi nya. Teknik pegawai pemasaran nya ngaji sida gawa sementara enggau telanjai bakanya semina sekali aja, sepengudah sida sedar chara sida nya udah kelalu. Lalu enda patut kena ngaga promosi ba bala maioh kenya.\\nDikarang ulih: Pengiran Muda Papa a.k.a PMP Jam 20:05 1 Komen Temuai\\nLabels: Bekunsi, Berita, Dunya, Penyelai\\nIban Pop Music Template\\nDikarang ulih: Pengiran Muda Papa a.k.a PMP Jam 19:17 0 Komen Temuai\\nNGAGA PUN KAYU KRISMAS NGENA TROLI\\nGambar ba baruh tu nunjukka pun kayu krismas ti digaga ari Troli. Penyampau troli kena ngaga pun kayu krismas tu ianya 86 iti troli. Lalu peninggi pun kayu krismas tu ianya 33 kaki. Urang ti ngempu idea ngaga pun kayu krismas tu ianya unggal Anthony Schimitt ba Edgemar Mall, Santa Monica California.\\nDikarang ulih: Pengiran Muda Papa a.k.a PMP Jam 20:44 0 Komen Temuai\\nLabels: Bekunsi, Dunya, Krismas, pengerami\\nSekul ngajar chara beleman keterubah digaga ba Austria [Video NSFW] AISOS\\nSiku indu ari Sweden Ylva-Maria Thompson udah ngaga sereta nuduk ke sekul ti ngajar chara 'Beleman' keterubah ba dunya, ti diberi nama AISOS (The Austrian International Sex School) ba Vienna. Ylva-Maria ti lalu nyadi Kepala Pengajar (Pengetua) ba sekula nya madahka ngajar pelajaran praktikal chara Beleman enggau bayar 1400 paun ke siti Semester. Pia mega ko ia, sida ti berumur 16 taun ulih nganjung peminta belajar ba sekula tu. Lalu bala ti diterima masuk belajar ba sekula tu, enda tau enda diau ba sekula nya. Sida mega dipinta ngaga keja rumah tauka pengawa sekula sida udah ambis maia kelas tu tadi. Tu jaku kepala pengajar sekula nya\"Our core education is not theoretical, but very practical. The emphasis is how to be a better lover. Sexual positions, caressing techniques, anatomical features and we teach people hands on.\" Tajapan berita tu baru aja dipansutka, perinta menua Austria udah enda ngemendarka (Banned) iklan AISOS tu ba dipandangka ba menua sida. Kelimpah ari nya, jaku ti dikena ngajar ba AISOS tu ianya jaku Jerman aja.\\nKepala Pengajar: Ylva-Maria\\nBala raban Pengajar:\\nJaku Tangkan: Video iklan tu bisi ngembuan unsur NSFW, ianya 18sx. Admin semina deka bekunsika nama kebuah iklan tu enda dikemendarka agi. Bepanggai ba kitak empu deka meda tauka enda.\\nDikarang ulih: Pengiran Muda Papa a.k.a PMP Jam 19:27 0 Komen Temuai\\nLabels: Bekunsi, Dunya, Penyelai, Video\\nRikot Dunya: Giant George Uduk ti pemadu tinggi di...\\nSeliah Bekenaka Domain CO.CC Laban Google enda Men...\\nTiga iku Indu telanjai ngaga promosi gel kena mand...\\nSekul ngajar chara beleman keterubah digaga ba Aus...","num_words":975,"character_repetition_ratio":0.112,"word_repetition_ratio":0.014,"special_characters_ratio":0.211,"stopwords_ratio":0.201,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kontinjen Sarawak udah sedia napi Sukma 2020 – Suara Sarawak – Bukan Sekadar Akhbar\\nYou are here:Home-RUAI-Kontinjen Sarawak udah sedia napi Sukma 2020\\nKUCHING: Kontinjen Sarawak deka ngambi bagi dalam 32 lumba enggau main nyerumba Lumba Malaysia 2020 (SUKMA 2020) deka diatur kena 11 ngagai 19 Julai 2020 ba Johor Baharu, Muar enggau Kota Tinggi, Johor.\\nMenteri Nembiak enggau Lumba, Datuk Abdul Karim Rahman Hamzah madahka Sarawak udah nyikap semua tim ti bepekit ba taun 2018 tu tadi ngena bantu ari Unit Lumba Tinggi Kaunsil Lumba Nengeri Sarawak (MSN Sarawak) begulai enggau ejensi bukai sereta gerempung lumba menua.\\nKu iya, sida udah nyendiaka diri nyengkaum latih intensif berenggat ti deka berengkah taun baru ungkup Prospek Midul Lumba.\\n“Tiga kategori pekit e-lumba deka diatur iya nya DOTA 2, Mobile Legend enggau Pro Evolution Soccer (PES) ungkup SUKMA 2020 ke deka datai.\\n“Pekit e-lumba ti diatur begulai ari SSC, Gerempung E-Lumba Sarawak (SESA) enggau Opis Nembiak enggau Lumba ba City One Megamall dikena SESA ngiga penau dalam lumba ari mensia mayuh kelebih agi ngansah penau bala nembiak.\\nKarim mansutka jaku nya lebuh nyimpul jaku beserimbai enggau Aum Besai Kedua Renggat Keempat Kaunsil Nengeri ke-18, ditu kemari.\\nKarim mega madah, e-lumba udah nyadi komponen tambah kenyau bulan Januari tu tadi dikena nyendiaka diri maya SUKMA 20 di Johor ti deka diatur Kaunsil Lumba Sarawak (SSC) enggau Kaunsil Lumba Nengeri Sarawak (MSN Sarawak).\\nNangkan nya, Karim madahka program ti diatur begulai nya udah nempa sejarah dalam e-lumba ngambi terus dikemansang ba Sarawak.\\nKu iya, entara pemujur dijapai kitai naka diatu iya nya tim e-lumba Sarawak dipadu nyadi champion dalam Pekit Mobile Legend rambau Bulan Lumba Menua (BSN) 2019 di Bukit Jalil.\\nPia mega ku Karim, Lumba Sarawak tauka SUKSAR deka diatur ba Miri kena 9 ngagai 13 Disember tu.\\nSUKSAR nya lumba renggat nengeri ti mai mayuh penau baru ungkup semua lumba dikena ngemansangka penau enggau ngangkatka lumba ba Sarawak ngagai renggat ke tinggi agi.\\nkelimpah ari nya, Karim madah bisi 1,728 penyereta ari atlit enggau pemesai disadang nyereta SUKSAR Kedua ba Miri lalu kesemua zon deka bepekit 16 lumba nyengkaum lumba nyemerai, volleyball, penchak silat, e-sukan, angkat berat, hoki, petanque, lumba ensikal, badminton, memanah, sepak takraw, ragbi tujuh sepiak, basketball, olahraga, squash enggau tinju lelaki.\\nBy suaraswk|2019-11-11T20:50:45+08:00November 11th, 2019|Categories: RUAI|0 Comments\\nARKIB Select Month January 2021 (770) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":374,"character_repetition_ratio":0.055,"word_repetition_ratio":0.011,"special_characters_ratio":0.284,"stopwords_ratio":0.176,"flagged_words_ratio":0.0,"lang_id_score":0.983,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Machan Community Centre - NALAN BERITA: Ceramah Motivasi Pendidikan dan Kepimpinan Luar Bandar\\nCeramah Motivasi Pendidikan dan Kepimpinan Luar Bandar\\nSDNU Pampang Machan begulai enggau PIBG SK Machan benung berambu deka ngatur Ceramah Motivasi Pendidikan ka bala nembiak sekula serta Ceramah Kepimpinan ka bala kaban PIBG enggau kaban SDNU di SK Nanga Machan.\\nPengawa tu beserimbai enggau pengawa ti deka Bejadi SDNU Pampang Machan. Komiti begulai pengatur pengawa udah di kerandau ka komiti SDNU Pampang Machan begulai enggau PIBG serta bala Tuai-tuai Masyarakat.\\nKomiti Besai SDNU, ari Kuching udah di pinta mantu pengawa ceramahnya begiga ka Pembesai ti bejaku ka pekara - Kecemerlangan dalam Peperiksaan, Peranan Ibu Bapa, Peluang melanjutkan pelajaran dan biasiswa, Pemilihan kursus dan Peluang pekerjaan, Persediaan Ibu Bapa membiayai Persekolahan Anak-anak, dan sebagainya.\\nYang berhormat Datuk Gramong Juna serta YB Aaron Dagang deka di kangau ngulu sereta bejadi pengawa nya ila.\\nTentative Date: 19 April 2008\\n1. CERAMAH MOTIVASI PENDIDIKAN DAN KEPIMPINAN\\nTempat : Dewan SK Nanga Machan\\n8.00 am - Pendaftaran Peserta ( pelajar dan ibu bapa)\\n8.30 am - Kehadiran tetamu jemputan\\n8.15 am - Kehadiran Tetamu Kehormat\\n8.20 am - Lagu Negaraku\\n8.30 am - Ucapan Pengerusi Pengelola En. Ahba Bin Ahmad selaku Guru Besar\\n8.45 am - Ucapan Pengerusi PIBG SK Machan\\n8.55 am - Ucapan Pengerusi SDNU Cawangan Machan TR Barnabas Kadum\\n9.10 am - Ucapan Pegawai Pendidikan Kanowit\\n9.25 am - Ucapan dan Perasmian Ceramah Motisvasi Pendidikan dan Kepimpinan oleh Tetamu Kehormat YB En Aaron Dagang\\n9.45 -10.30 Rehat dan jamuan ringan bagi tetamu-tetamu jemputan bersama Tetamu Kehormat\\n10.15 - 11.00 Kertas Kerja 1: Pangka Wawasan 2020 (Mr. Martin Entamin)\\n11.00 - 11.45 Kertas Kerja 2:\\n11.45 - 12.30 Kertas Kerja 3: The Meaning of Parenting (Dr. John Brian)\\n12.30 - 1.45 pm Merarau\\n1.45 - 2.30 pm Kertas Kerja 4: Persediaan Menghadapi Peperiksaan\\n2.30 - 3.15 pm Kertas Kerja 5:\\n3.15 - 4.00 pm kerta Kerja 6:\\n1.45 - 2.30 pm kertas kerja 7: Perkembangan Kendiri\\n2.30 - 3.15 pm kertas Kerja 8: Tanggung Pengawa Apai Indai Ngamansang ka anak ba pelajar sekula\\n3.15 - 4.00 pm kertas kerja 9: Nyimpan Belanja kena Anak Nampung Pelajar (Saving for College) - Mr. Terrence Temenggong Jayang\\nPenilaian dan Resolusi (Pelajar-Pelajar & Ibubapa)\\n4.00 - 5.30 pm - Fasilitator DAM & SDNU\\n2. MAJLIS PENUTUPAN MOTIVASI DAN PERLANCARAN SDNU CAWANGAN MACHAN\\nTempat : Rh Barnabas Kadum (Tentative)\\n7.00 - 7.45 pm - Makai Lemai\\n8.30 pm - Penatai bala mayuh ( pelajar dan ibu bapa)\\n8.45 pm - Penatai VIP\\n8.50 pm - Ucapan Aluan Pengerusi Majlis TR. Barnabas Kadum Selaku Pengerusi SDNU Cawangan Machan\\n9.10 pm - Ucapan Pengerusi PIBG SK Ng Machan\\n9.20 pm - Ucapan Guru Besar SK Ng Machan\\n9.30 pm - Ucapan Pegawai Pendidkan Kanowit\\n9.45 pm - Ucapan Wakil Dayak Association of Miri (DAM)\\n9.55 pm - Ucapan Wakill SDNU Kuching\\n10.05 pm - Ucapan Ahli Parliament Kanowit YB Aaron Dagang\\n10.25pm - Ucapan dan Perasmian Penutupan Ceramah Motisvasi Pendidikan dan Kepimpinan serta Majlis Perlancaran SDNU Cawangan Machan oleh Tetamu Kehormat YB Datuk Gramong Juna Menteri Muda Pembangunan Luar Bandar Sarawak.\\n11.00 pm - Majlis Rasmi Tamat\\nBala kitai ti datai ari Machan ti jauh enggau ti semak di pinta besaup kitai mantu pengawa sida tu:-\\n1. Ngangau ka kitai mayuh nabur ka sekeda penemu, runding, langkah tindakan susulan ngagai komiti pengatur pengawa.\\n2. Nabur ka sekeda Belanja dikena Ceramah tu, insentif peresa tauka Numbuh ka Tabung Pelajar SDNU Pampang Machan.\\n3. Besaup enggau diri serumah nuju \"Siko Graduate Sepintu\" dalam taun 2015.\\nPenerang ti silik tau betanya ari:\\n1. Pengerusi SDNU Machan TR Barnabas Kadum\\n2. Pengerusi PIBG SK Ng Machan TR Petay Sibuk 084-738151\\n3. Bndahari SDNU Cawangan Machan TR Sandai Jamban 013-8174273\\n4. Guru Besar SK Nanga Machan En Ahba Bin Ahmad 019-8360694\\n5. Penyelaras Selaku Setiausaha Agung SDNU En. Anthony Banyan 082-570433\/019-8884800\\nPosted by Apaienduq at 8:57 PM\\nCeramah tu endang manah dikena ngemangsang tauka motivation sida apai indai enggau anembiak. Tang ia semina angat enda lama dalam ati sida. ''Mulut nyebut patong enda nyaut''.\\nTang manah agi ti YB kitai mai pemansang ngagai menoa machan ngambi ukai semina bala anembiak ulih napi pemansang tang apai indai mega. Nya baru sida nemu sekula tu penting kena ngidup ke diri ukai semina di negeri tang di menua Machan tu empu pin beguna ke duit ringgit. Sekeda Rumah panjai kitai di Machan nadai bekalan air & elektrik, jalai kampung sepatut ia diadu ke dulu ulih YB.\\nLaban nya meh keperluan asas mensia nuju ngagai pemansang, ukai semina pengawa YB ke bejadi tu,,,nyak,,,, for show face only.\\n''Kasih ga meda ila anak, uchu icit kitai agi ngena perau ke Pasar Machan''.\\nAu manah amat komen nuan ba senentang YB,Aku pan amat setuju ka sida YB nyedia ka kemudahan asas sereta infrastruktur ka rakyat, tang nama komen nuan sentang tanggung jawab tauka peranan kitai tu empu kena ngemansang ka menua, human capital, income diri serumah, diri semenua sereta ngemansang ka Sarawak?\\nCeramah Motivasi luar bandar tu pengawa sukarela, bala penceramah orang ti bepengalaman mayuh bengkah bidang. Tudah ke datai ke Machan pan sukarela, terima kasih ka sida.\\nArap ka orang Machan anang malu mansut ka diri meh!!!!! Nama asai sumbangan nuan ngagai ceramah tu ila deh? Saup sida SDNU Machan !!!!\\nSemua pengawa tu ulih dikereja kitai, ti semina kitai tu meh nyadi YB.\\nLaban beguna ke duit ringgit, enda ulih meh kitai orang biasa tu sponser jalai, infrastruktur e.u.b.\\nAsas ia YB meri kitai jalai. Senang meh kitai ngundang diri serumah. Lalu ulih berandau ke pemansang sekula.\\nAku udah minta Jalai bagi kami di rassan din, ianya jalai kampung. Laban kediatu nengah jalai sawit - balat amat jai kelebih agi apai & indai aku nengah jalai nya.\\nArap ke Jalai Kpg nya kediatu dalam progress.\\nTulis meh peminta ti bc terus nuju Kementerian Luar Bandar & Wilayah PUTRAJAYA, laban ti nuju sida peminta nuan bc jalai ulih diterima.\\nSumbangan aku Asoh SDNU Machan enda ulih digaga diatu, tang ti bc maia, aku tetap nemuai tiap taun meda SRK nanga Machan.\\nSiti da, Asoh YB meri FUND asoh SRK Nanga Machan. Nya sepatut ia siti ari sumbangan sida. Paling jai pin ti di KL ditu Bala YB meri bangku batu percuma endor duduk di pasar machan dia.\\nBagi aku ''YB ukai yang berhormat tang yang berkhidmat''\\nUdah manah ti rega getah majak niki bc mimit mai penatai belanja sida di rumah panjai.\\nPia mega rega Sawit (Buah tandan segar) diatu balat berega sampai RM880.00 se tan harinya di Miri (Pintu Kilang).\\nTang, ba senentang tu aku agi irau nama kebuah kitai di machan din sawit nadai mai penguntung lalu mulai ke mimit hasil ngagai landower ke udah ngewa tanah sida asoh kompeni.\\nEmmm Anak Rassan, terima kasih ka penemu nuan nya. Sigi nya meh utai ti deka kitai, tang ditu ukai alai kitai ngansak YB meri pemansang.\\nPeranan kitai nuju pemansang, besaup dulu kitai ngadu ka pemansang dalam pendidikan (ceramah tu siti ari iya)ka bala di pesisir.\\nEnti semua kitai udah enchelak (ba semua pekara) senang amat kitai ngubah runding\/mentaliti bala kitai di menua pesisir. Tang diatu kitai ga meda, chelum ko tua, ukai mehah ko sida, tanah ko tua, ukai, batu behega ko sida.\\nReti iya, bala sekeda di pesisir bedau enchelak endar.\\nEnggai nyadi enchelak kitai ti mata semina meda naka nya aja.\\nEndang baka kitai ke merau. Untung ko tua, laban enda ngena\/meli minyak petrol, laban tua ngena tulang ngayuh ke perau.\\nTang orang ngena motor ai meli minyak motor rugi ko tua, laban ngena duit meli minyak.\\nLaban ke ngenyadik, tua terus bekayuh, orang bemotor ai lenyau duit.\\nBakanya mega anak tauka uchu tua, julok ati nangka nya aja ti enda meda pemansang.\\nTang, ti bc pemansang, nya ulih ngubah sida, ngasoh sida nemu sekula tu penting kena ngidup ke diri ukai semina kena ngambi degree tang napi pemansang ke besai agi di negeri.\\nKati ti aku nanya nuan, rh panjai kitai di Machan din Berapa pintu bc bekalan api & ai.\\nBC ke sida nerima projek genset\/solar ke sepatut ia disedia ke perintah di bawah KKLB dan Wilayah - Program di bawah bahagian permodenan desa.\\nSapa patut madah ke sida projek tu ulih dipinta.\\nTu meh pengawa YB.\\nTang, minta sorry asoh nuan ti jako kasar, tang tu meh guna laman tu endor kitai berandau.\\nAku enda setuju, ke jako nuan diatu ukai maia kitai ngansak YB ngadu ke pemansang.\\nAri 1975-2008 udah 33 taun DUN.44 Machan.\\nAsoh ia befikir mimit meh bakani mai pemansang ke menoa Machan.\\nSiti cadangan aku -\\nGaga rh jamban siti di Machan, utai senang amat tu. BC ga endor bala kitai sekeda bulih pengawa nyaga jamban enda?\\nhaaaaa Anak Rasan, uji nuan call aku dulu o82-492823\\nBC maia lantang aku ngiga nuan.\\nNuan tau direct nulis asoh aku, ngena email :evebioclear@yahoo.com\\nManah agi ti kitai nulong sida anembiak ngena cara meda penusah sida dulu ari ke ngajar sida cara mujur sekula. Laban sida enda ulih mujur sekula ti penusah begulai ngau sida.\\nSigi pia meh iya, uji nuan meda program ti udah di atur.\\n(i) ka nembiak n apai indai (general)\\n(ii) Nembiak aja \/ Apai indai aja\\n(iii) Penilaian & Resolusi(Nembiak & Apai indai)\\nCeramah tu \"Nuju pemansang Pelajar\", Maya bukai kitai berandau ka pemansang \"infrstruktur\" \"Solar\/letrik\" dll.\\nOK, peda email nuan dia\\nBejako ka Pemansang Pelajar,\\nProgram tu sigi manah dipejalai ka ngambik bc muka mata bala anembiak n apai indai ba menua Machan. Program tu mujur enti bala ka enggau program tu mereti nama ka dipadah bala penceramah. Anang aja datai buta lalu enda mereti. Pia mega sida mesti ka nyanya enti enda faham nama utai ka dipadah.\\nSDNU Machan, arap ka SDNU tu nulong semua bala ba Machan ukai semina nulong Koloni-Koloni sida aja. Ka diatu maioh amai dipeda kitai bala ka mingkai pengawa semina nulong bala koloni sida aja.\\nUL, amat munyi ko nuan nya, uji ga kitai bela besaup, awak ka sida nadai peluang \"berkoloni\"\\nTusah engau runding besaup nya. Bila sida madah ka kitai enda diau dia, bakani ka bejako.\\nThinking bala din agi jauh tinggal penemu. Mimit org ka meri penemu lalu dikumbai ngachau sida ia.\\nAmat nya, ila berandau baru, nama berita kita di Miri?\\nManah rita kami ditu, bc begelumo bala kita dia, Bulan 7 engka bc aku ka miri. ka meda Rai Forest Festial.\\nSori laun meda berita nuan, tambah engka udah babo. Gelumo ngapa bisi ga.\\nnama randau seduai, lama enda nyenguk kelalu bz.\\nAku ngarap ke mata apai indai nembiak kitai dimachan dia terbuka. Aliran teknikal pan tau didipadah agai bala apai indai nembiak ba machan maia ceramah diak ilak. baka masuk ILP, IKBN, MFI ( malaysaian france institute) IKM ( institute kemahiran mara) engau maioh agik college teknikal.\\nAu meh ila bepadah ka sida !!!!\\nCeramah Motivasi Pendidikan dan Kepimpinan Luar Ba...","num_words":1604,"character_repetition_ratio":0.048,"word_repetition_ratio":0.003,"special_characters_ratio":0.227,"stopwords_ratio":0.152,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bajet 2020, berita 'sinu' ungkup Sarawak - Suara Sarawak\\nBajet 2020, berita ‘sinu’ ungkup Sarawak\\n“Enti nunda Sarawak enggau Sabah patut nerima 30 peratus ari semua penyampau bajet pemansang, nitihka manifesto Pengawa Bepilih Besai Ke-14 (PRU14).”\\nKCUHING: Bajet 2020 mai berita ‘sinu’ ngagai rayat nengeri Sarawak, pia ku Kaban Kunsil Nengeri (Adun) Tamin Ir Christopher Gira Sambang.\\nIya madah, enti nunda Sarawak enggau Sabah patut nerima 30 peratus ari semua penyampau bajet pemansang, nitihka manifesto Pengawa Bepilih Besai Ke-14 (PRU14).\\n“Tang, semina nengeri kitai semina nerima RM4.4 billion aja lalu RM5.2 billion (Sabah) tauka kedua nengeri tu diungkupka RM9.6 billion aja ari RM58 billion semua penyampau Bajet 2020, ” pia ku iya madah ngagai pengarang berita, kemari.\\nKu Gira, Sarawak nengeri ke pemadu besai di Malaysia tang nerima agih ke mimit nyengkaum enti dibida enggau negeri Sabah.\\n“Sarawak patut diungkupka mayuh agih ari semua bajet tu dikena ngaduka semua bansa pemansang ngambi titihka tikas pemansang nengeri bukai di Malaysia.\\n“Nya alai, Bajet 2020 tu berita ti sinu ke diterima rayat nengeri Sarawak,” ku iya madah baru.\\nNambahka jaku iya, Gira madahka agih ke chukup beguna dikena ngaduka pemansang menua pesisir lebih agi baka jalai alun, bekal karan, ai paip sereta ngemanah enggau ngadu sekula.","num_words":186,"character_repetition_ratio":0.065,"word_repetition_ratio":0.102,"special_characters_ratio":0.22,"stopwords_ratio":0.134,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tansang Indai Dara: July 2011\\nTajapan ekonomi seluruh dunya tu labuh, sekeda menua udah tengkerap, tang ensenis indai dara majak laku. Kenape????????, tak percaye????\\nHehehe sigi gerenti kumbai urang indai dara tu mensia pemadu bula di baruh dunya ngelekup wakakaka.Tang amat ah! enda ku bula. Sigi amat laku ensenis aku :)\\nNama ensenis ka ngelakunya???? ahaaaaaaaaa ........... ensenis meribit nya meh. Ngelama tu enti ujung minggu ti buruk gegaring ngetat kediri udah bendar meribit maia ari 1-5. Ti mata nyu kebur-kebur ka pansut meda dunya, nyau ga sida indai dara engau sadadu ia melepak belah kulumpo. Diatu nyu udah bisi kastemer maia ujung minggu nadai entu ulih memindah ngapa. Mesti ka nanya sida kastemer ( munyi ko kak lehot) kemaia kenda ia minta anjung pulai ke endur ia belajar.\\nTi nitih ka pemaioh kestemer ke danjung sigi laku ensenis indai dara tu. Arap ke ila sida kestemer bisi \"nguluq\" barang singit dua maia sida udah senang ila.\\nPosted by Indai Dara at 11:09 2 comments:\\nEeeiiiii INGGAR KU KOH KAK LEHOT\\nLelengau ka ninga bunyau seduai mujab, kak lehot pengubat rindu hehehe\\nNya meh nyu nunda kak lehot aku tu meda pengawa mensia.\\nSemua utai ke disebut ka nyadi jenaka kak lehot nya sigi realiti idup. Sigi amat nyadi dalam pengidup kitai mensia. Bakanya mega cerita ke deka dibantai ke aku, laban aku INGGARRRRRRRR tahap gaban ninga PENGAKUAN PEMADU BANGKA DI DUNIA.\\nEnti ia bejaku, akai.......................... dunya tu temu ia magang, nadai ia kiruh meda kiba kanan, bisi kenda urang jauh lebih bepenemu ari ia. Nadai utai enda ditemu. Pemandai semina pom lima nya pan nyu 2 kali ngambi baru pas. Pangkat semina atas mimit ari sida general worker aka pembantu am. Bisi kaban siko bendar nilik engau ngiga gambar engau nama ia ba upis sida ngumbai ia bepangkat mehnya tadi laban kenda nemu. Ninga ia bejaku munyi bos. Nyu lelak merening tunga katas, nemunya di baruh endur wakakakakakakakaka\\nBaruk kawu tek, nya pekerja biasa jak bah sikda pangkat. Gajinya beribu semadi tek dah sampey bar dah sikpat naik agik. Rupa sik juak kacak giney, rami agik umpuan di dunia tu kacak, walau mek sik kacak, pandey juak nanggar giney rupa urang kacak or sik kachak. Tak bukan main muji diri mpun kacak ehhhhhh, ko tek kachakkkkkkkk???? sikda nak!\\nTAPI kak lehot, mun kitak nengar pengakuan paling belukuk dipadahnya ngan urang tek\\n\"mun sik kerna nya lakinya sik akan dapat bergelar ..........(sik bole padah hehehe)\\nAieeeeeeeeeeeeeeee kenak nya sikpat mintak pangkat n gelaran datuk, tan sri pakeinya mpun??????? ibuh nunggu lakinya bergelar D nya tek menumpang gelaran D juak. Apa ka jadah?????? Yarabiiiiiiiii INGGAR ku koh kak lehot. Ngan mukanya nok eksyen nak mampusssssssh agik nya kelakar.\\nUrang puan tok tek nak ngekot style wanita pertama malaysia lah tok kononnya bluekkkkkkkkkkkkkkkkk\\noh ya kak lehot, sigik gi ceta mun kitak mok polah skrip lam redio. Pecayak kitak ada sikkah handbag ada padlock kata mek orang Iban ada KERPAU muahahaha tetak mok leput sambil begulin2 kitak nengar tok ndak???? Kitak mok tauk apa dalam ya???? bukannya takut duit ilang, atau barang kemasnya ilang tapi berkilo-kilo AZIMATnya adehhhhhhhhh cayak kitak????? siknak!\\nYang mek eran, apahal dah nak bercucuk baru dapat belaki nok berpangkat n ada gelaran. Kenak sik dari awal dolok???? kali masa iakan kak lehot zimatnya baru baruk 2-3 kati jak belum sampey 10 kilo ialah belum mujarab wakakaka.\\nBah kak lehot mek bagi kitak free skrip or ceta tok iboh bayar royalty ngan kamek. kontan Kamek INGGARRRRRRRRRRRRRRRRRRRRRRRRRRRRRRRRRRRRRR\\ngilak ngan pengakuan belukuknya\\nahhhhhhh nyamai asai udah mansut ke pemedis ati ngagai indu mapap tahan gaban tu\\nPosted by Indai Dara at 17:26 No comments:\\nUntung Anak Maia Aritu\\nLemai tadi nganjung anak kaban sama engau aku sekula suba ngagai eput. Ari entulu pagi tadi ia, nepan taxi tudah tuai agai rumah kami laban aku kenda ulih mindah ama tengah ari - schedule indai dara beri2 da tight kenot go anyway my meribit ensenis very2 da laku\\nRaun ia ke Melbourne sebulan. Ba ia nyamai anak maia aritu. Laban apai indai ke ulih nganjung raun alu kira ke kena merangsang anak dalam sekula. Result manah nya meh upah. Seraya ke kemisi panjai, bulan 9 ila masuk baru, nya ia raun.\\nKira tanda pengidup, kelebih agi kitai bansa Iban nyu jauh udah mansang meh ari 20 taun ke udah. Bisi meh kitai Iban raun kelia tang ti dikira engka semina jari 10 iti aja anak ulih raun maianya. Sak dua munyi ko niang ini ke mampu munyi ko laut raun bakanya. Diatu laban maju sebaka engau urang bukai dalam pelajar engau kereja, enda ngining urang kitai bansa deh.\\nNya meh ko tudah sales girl ke endur aku meli minyak rundar ( ekekeke sempat ga indai dara nyuping sebelah eput) kumbai ia aku ke raun, ukai ko aku nganjung anak kaban. Apu ney, bestnyerrrrrr ko ia. Aku ni bila lak mampu jalan2 cam tu ko tudah tuai. Nganti bisi jereki meh ko aku hehehe.\\nPSTTTTTTTTTTTTTT cik endun, bah nyimpan duit tua kena raun ke ostolia ekekeke\\nPosted by Indai Dara at 22:47 1 comment:\\nJaku sempama @ quote ke dambi aku ari wall FB nembiak siku.\\nMeidam kan kebahagiaan dengan memperolehinya dengan kebendaan (kereta mewah, barang kemas & baju berjenama) adalah seperti kita pergi ke kedai runcit dengan berjalan atas alat senaman , kita tidak akan kemana mana.\\nAmatnya kini?????????? Engka amat kini. Tang enti amat bisi duit nadai salah nambah ke \"happiness\" ba diri sebilek engau bebeli ke utai ke patut. Sigi nadai meh sida designer clothing, fancy cars engau expensive jewelry mai kini-kini especially ke menua serega. Tang ngasuh ati diri sebilek gaga diberi utai bansanya. Kelalu balat \"betungging\", \"betapa\", \"ngamen\" engau macam agi chara nyembah Tuhan nadai meh guna ti semina minta puji tauka ngeshow kediri. Bejaku tu nya baka dunya sida ia ngempu tauka bisi pengarap, KONONNYA.\\nNya meh dalam pengidup ba aku biarlah serba sederhana dalam semua. Biar mupuk baka tekura asal enda ngacau pengidup urang. Diatu urang balat amat BEPEKIT NGALIM KEDIRI, takut begulai engau takut semak sida tu.\\nSaje............. lama udah enda MERAPU\\nps - nuju nembiak ke ngepos utai tu ba wall pisbuk ia ti maioh duit lebih2 enda diguna derma agai aku ahhhh kena meli keta semedis keta pusei keta parari, meli bik guci , bik prada baju chinil, skaf hermes, tupi leV tinchin intan belian baka engi lusimut mansut rega 27 juta dular merika hehehe ti bangat kelalu maioh enda alah guna derma ke meli tanah ngaga gerija, sepunsa semua pengawa gerija tauka kuil tauka tepikong, ngaga esejit enda ibuh laban tulung ari perintah lebih ari cukup.\\nti aku ngena tichin tu gerenti patah tunjuk laban muahahaha - sigi alu anjung aku agai kedai pajak gadai kena meli rumah meli tanah meli saham meli keta semedis munyi ko kat lehot dan yang sewaktu dengannya hehehe raun seantero dunia, derma kin kia\\nPosted by Indai Dara at 19:58 4 comments:\\nSelamat Nyambut Ari Pengada ngagai anak indu indai dara.\\nSaritu 19\/7\/11 genap meh umur ia 18 taun.\\nNgajih ke BERKAT ALLAH TAALA meruan engau ia belama.\\nBaru ia meh tudah tuai jauh ari diri sebilek maia ke nyambut ari pengada ke taun tu. Nadai ngawa belated ga. Baik ujung minggu nyu pulai ga ke rumah.\\nUji enti ia ada nitih ke ari ke dijangka lutor 17\/07 sigi digaga ke aku nama ia LOLI (Lolly) suba hehehe nitih ke ari bulan ada 1701 enti ditebalit ke lumornya nyadi LOLI . (ngaga iklan nunda sida bunyau hehehe)\\nPosted by Indai Dara at 22:48 3 comments:\\nBulih Setepikit Nyadi Indu Misi\\nKira ke nyambung cerita ke sebedau tu :\\nKemri bendar amat diau ba spital sepi aku. SJMC diatu SDMC sigi engka tau endur aku terinig nyadi indu misi. Kati enda munyi nyu, tu kedua kali aku bendar duduk dedugau nganti bala ke berubat. Ukai sejam tang nyu bejam-jam, Sema ke jaku enti belajar nyu udah tamat nyadi indu misi hahahaha.\\nKeterubah aku ngemendarnya lebuh nganjung indai dini ari kira pukul 2 lalu kini nyu enda ingat agi (2008 suba) Ke bendar sigi ari siang udan ia ngetat ke pemedis ianya tang laban ke enda pedis kenu. Nyu dini ari enda alah tat ke ia nya nyu berumban ga agai spital. Laban dunya maioh mensia, maioh diri ga sida ka agai ward emergency. Nyu ka sebaka peda aku penyakit sida semua asuh urang ngambi sample ai kemik. Udah nya beri urang ubat ( jik kena ngetan ke kelalu pedis) Alu dasuh urang nganti pemutus ai kemiknya alu indai dasuh urang gali ngetat kediri. Nyu pukul 6 pagi baru betemu baru engau lutor, nya ia madah block ba sarang kemik - engka bisi batu. Beri urang ubat alu asuh urang follow up ti udah pulai ke Sarawak. Ubat ke beri ko lutor kira ke bisi ngambi ke ulih mecah ke batu ke ngasuh sarang kemik block. Takut aku laban kenda sedia, engka bayar mar, nadai mai cash alah enda kansar ke meh kehidit kad. Puji Tuhan, ubat engau peresa lutor sereta bayar lab ( peresa ai kemik) enda datai Rm200. Kira aku bisi datai ngelima ratus laban ke bisi peresa kemik indah. Nasit maianya ujung minggu enti enda sendat seput berumban beranjung ke anak sekul.\\nKemari bakanya baru ga aku. Laban udah bisi surat ari klinik ke endur nganjung igat terubah ( panel ING ) ngambi ulih bertemu engau othopaedic alu ngaga x-ray ( pama meh ti nadai surat tembu nganjung diri agai SDMC sigi sepiak jari nyau pala agung kena bebayar laban SDMC ukai panel klinik ING)\\nNurun meh kami duai manak, udah tembu berambi 2 indu dara pulai sekul. Kira dalam pukul 2. Datai alu agai reception counter dahnya baru niki katas agai kaunter endur register laban ke baru kia. Beri urang agai Dato Dr Anuar Onah tudah igat laban lutor 2 iku maioh dah patient nganti. Udah ke betemu asuh urang nurun ke baruh agai bilik imaging ngambi x-ray. Mensia ngemaiohnya ga taja ga private hospital. Udah tembu baru niki katas baru bertemu engau othopeadic baru. Perut kami dua manak sama geriuk. Baik igat udah makai tengahari aku lembau nda makai. Engai nyadi ga limpang ningal ka igat kediri.\\nPuji Tuhan nadai nama-nama tulang kaki ia mina balat kembai, seliuh aja ko lutor, alu diwarning enda asuh main bol dalam setaun tu. Udahnya alu asuh agai unit endur sida bisi ultrasound - urut moden ko aku. Alu asuh urang sesais kaki alu dajar keni ngena tongkat.\\nUkai nama engai enda nganjung kia, udah bisi contoh diri sebala. Nyu tempang bejalai ketegal enda berubat. Nemu meh anak lelaki maioh main, nya meh anak petungal kami siku laban ke nunjuk kediri kering main sabung pala patung udahnya salah sabung alu ngemembal ke tiang kayu tebilian ba jamatan di rumah panjai. Tembu anjung kenya aja laban nadai follow peresa sereta danjung beurut. Utai kembai bakanya ko lutor enda tau diurut ngena jari kitai, anang sekali-kali ko ia. Nya meh igat diberi sida ultrasound. engi anak petungal kami diatu tempang meh pejalai ia. Nya di disenakut ke aku. Sema ING engai cover utai bakanya enda meh aku peduli mayar kediri laban jera udah, ukai bedau. Nya meh dalam sebulan tu ia mesit ngambis ke 5 kali terapi dia. Sesais kaki engau ultrasound lalu becek baru 28\/7. Alu beri surat ga ngambi ING alu cover semua.\\nNya meh pengelama nganti ia ke ultrasound engau sesais kaki, meda maioh bala indai-indai nembiak ( sama sekul engau wie n minah) kia laban bisi terapi dia. Berubat ke patung engau punggung. Ti kitai ke diau menua ulu nadai pan utai baka tu ko ati aku din. Puas berubat ba klinik bayar nadai x-ray etc. Alu meh madah ke pedis patung nya laban di\"UBAT\" urang. Alu beubat @ \" BEGAMA\". Dini ka gerai. Enti meda gamal pendiau sida ke berubat nya nadai meda pemedis endar, tang laban urang engai ke penyakit majak pedis, sigi bendar meh ngubat diri engau besesais engau chara ke betul.\\nPia mega maia ke nganti igat tembu x-ray, dia meda maioh meh pendiau peda mata kasar kitai baka ke nadai penyakit. Tang sida tu x-ray nyendia kediri ke ka operation. Nya meh urang jampat gari ko ati aku din laban enda nganti penyakit raya amat baru ka berubat. Ti bansa kitai, udah ga sigi kurang ari sigi penemu ( kelebih agi ke diau jauh ari negeri nadai ngembuan pemandai ko aku, ukai sida ke diau negeri sereta bisi pemandai engau bisi penatai pemisi) nama enda raya sigi enda nganjung diri. Laban ke tan amat ngetat ke pemedis.\\nNya meh tau nyadi indu misi aku hehehe sekumbang ke lebih 4 jam diau ba spital. Engi urang ke sigi diau spital lain kira wai, sigi nemu meh ngenang kediri baka aku tu ko aku deh hehehe nadai tauka kurang penemu.\\nBenung ultrasound ( enda ingat ngambi gambar benung ia sesais kaki, nyu kasih meda gamal nyu ngerising ngetat ke pedis)\\nPosted by Indai Dara at 15:37 4 comments:\\nNemu Ga Ney!!!\\nSi kecik kami pama mat. Igat laban puh endar nundi ia engai mat ia ti igat ka gaga ka ia. Bau meh igat ko ia enti igat ka nyium ia. Ba anang puh nundi urang munyi ko ia nganu igat.\\nKemari igat engau urang main bol laban bisi ngari ke rumah sukan. Enda mukai-mukai maia ka nendang bul nyu semetak munyi tulang kaki. Pagi tadi enda skul laban pedis engau kembai. Tadi ngagai klinik nadai ga patah ko lutor. Nya meh pagila asuh sida xray agai sjmc. Ngambi puas ati jara, ti amat nadai apa nama ambi ati enda irau. Beri klinik cuti 3 ari ia ngambi enda maioh engkebut engau bejalai.\\nNya meh maia kami 3 ke ngetu makai tengah ari tadi ( wie enda pulai tengah ari laban bisi koko) nemu ga ia siru ka abang ia. Meda igat nyu jingka-jingka sereta enda ulih bejalai jampat, nemu ga si kecik kami nya megai jari madi ia. Aku tuchum kediri meda ia mega jari ngiring igat. Auk ti igat enda bansanya alu dikesai ke ia jari igat anang agi ka megai tudah igat. Nemu ga nya sayau engau kasih meda igat hehehe.\\nPosted by Indai Dara at 15:52 5 comments:\\nJulius Ceaser's Birthday\\nSelamat Ari Pengada Ngindang\\nTi ingat ke 16 taun ke udah saritu, tuchum kediri indai dara hahahaha. 12hb Julai ari pengada Julius Ceaser. Aribulan ke sama meh aku beranak ke anak ke lumor 2.\\nTumu pagi dani mandi laban ke tumu kereja. Bedau ngadang diri ke beranak laban ke agi seminggu dah. Udah ke mandi nyu majak asai ka kemik alu berasai pedis memimit. Alu nemu diri ka beranak, talipaun sida bos. Nganti sida sulu mandi dulu. Nyu ka pukul 8 baru nurun jalai enda ulih berumban kereta maioh urang benung ka nurun kereja. Nganjung diri ke klinik dulu ( Chin Fook) Peresa udahnya alu asuh lutor nganjung diri agai selesa. Minta ngirup n makai dulu aku perut nyu geriuk rapar. Anang makai maioh ko lutor wong.\\nNya meh udah breakfast alu nganjung diri meh tudah aku agai selesa. sida sulu bisi meh sepiak nyadi co-pilot hahaha nadai lisin maianya, aku nyepi diri agi ulih enda ga ngasuh ia driba. Nya meh dalam kereta ninga sida Dj ka nyebut sarinya ari pengada Julius Ceaser. Laban lutor ka sigi udah sedia nganti alu meh aku dicheck baru. Sigi nyu majak pedis ga. Nya meh indu tukang tuchi maianya ke nuci jamban ba bilek endur aku sempat ngerara. Apu endu manah endar perut nuan nya ahhh baka buah bul. Peiiii bendar endar ia tu berati ke perut aku hahaha.\\n13.52 ada meh bujang chelum kami hehehe. Kengka perut buah bul ke rara indai tuai tadi 3.35 kg.\\nNya meh sida indai datai lemai meda ia ba bilek sida baby - tuchum kediri laban urang beburak magang. Tudah tuai ga kediri ari hehehe engai enda murih ke bala aki ari menua india menua parika din ga kulit tudah anak akunya. Nyu enda ingat baru berapa ari enda umur ia maia tu - engai dibungkus tinduk kekasak.\\nPuas ati urang bujang\\nHero pilim Iban kami tu. Tie sama mansau laban siku die hard fan libapul siku die hard fan macista hahaha parai danu ngelagu sida anak laki\\nBaka selama kek ari pengada tudah tuai nitih ke peneka sida indu dara ke ka amat makai kek. Laban ti ngasuh ia milih, urang empu birthday sigi enda rindu makai kek. Tang tadi mami milih kek pandan aja ka agi ga ia makai. Sekali tu 3 aja sida begambar - nyu start meh enda begulai engau kitai belama.\\nSelamat Ari Pengada Igat Arap Ke Berkat Tuhan Engau Nuan Belama, Amen\\nPosted by Indai Dara at 15:21 6 comments:\\nAkaiiiiiiiiiii madai asai isi tu ah! Ti nganjung diri agai SPA nyamai mat pelaba aku.\\nUrang maioh meh pengawa indai dara, ukai nuan aja!!!!!! Ahaaaa amat ney ukai indai dara aja ke gagau kin kitu katas ke baruh kiba kanan, Urang bakanya meh. Sigi sengaja ka nusi, ka minta puji kaban menua cyber-yan RAJIN hahahaha.\\nPulai cuti gawai suba alu penuh taimtibul pengawa nganti indai dara. Alah sida menija sida luya hahahaha. Nemu aja udah pulai bejegau nyengala KASAM GARI sida bejumboh. Udah ga rumah ditinggal nyu ngenua minggu pama diri ga bekemas tajapan sebedau nurun udah di intu manah. Nemu aja rumah lama bau \"semacam\" ko laut udahnya peluang sida kecai@gerinang meh pansut sebelah sukut dunya. Laban ke tungkut gawa sereta lubah nyu ka seminggu besapu engau bebela.\\nMeda urang bujang enda sigat kami kurang amat ba pelajar ia nyu \"ngeminsi\" kediri ga begiga ka endur ia tuition, ngicha ke meh. Enda ibuh kira pengawa beranjung berambi sekula engau tuition anak ke bukai. Ia ga indu dara no 2 tiap-tiap ari ke nurun lemai ke sekula laban bisi xtra class, coco engau belatih laban ke nyu ka sports day. Udahnya gagau ga nyedia ke anak ke tuai ke deka belajar baru. Tu nya meh pengawa.\\nNyu tembu pengawa seput nyu lantang, bisi temuai ga indai dara. Engai nyadi enda melayan temuai. Tambah agi aku munyi ko laut nyu terhutang budi ba kaban aku tu maia agi kereja kelia. Ia meh endur aku nganjung anak ke no.2 sebedau nurun kereja alu sida nganjung ngambi ia sekula alu makai tengahari engau sida nganti aku ke pulai kereja. Asal meh nadai urang beruan dia meh aku nganjung anak ke no 2 suba.\\nSida manak engau petungal laki ia melaki bini deka raun ke Bali. OTW urang kin lepak di ng latak dulu. Mai aku ke Genting kin. Kakang ati ke driba katas kin laban takut enda kala nguji. Meda bisi laki ia engau ipar ia bisi engau ke pemerani aku, nya aku nyangup ga. Nama nyu enda alah tiki legi, lak ke laki kaban akunya driba. Kami ko jaku kira naka ba pangkalan cable car mai keta. Nyepi tak ok asai alu pajak ke aku datai datas sekali. Hehehe nadai ga bangat pedis tauka disenakut ke deh. Tang maia udah datai datai din, irau ati aku laban takut enda nemu keni meh gaya aku driba nurun legi. Takut ke balat main brek nyu berasap tayar ko ati ku din. Nya meh kira ngena gear 2 aja meh nurun ko seduai ga ngajar aku. Tusah ga ngelama tu semina ngena D engau R maia bejalai hahaha sida P sida N mai kenda bejalai a ditekan. PEMADU hahaha. Nama deh at last berani ga aku driba keta datai ba Genting din.\\nBinzi.... meh aku melayan tetamu, maia kenda ulih layan gagau beranjung berambi sida anak, layan diri ga sida ia hehehe buat macam rumah sendiri ko aku madah ke kaban akunya. Kami duai bekelala bepun ari kami pindah ke Limbang maia aku primary 6 kelia ( 1979) sampai diatu kami duai sigi tetap bepangan sampai ke sida apai indai kami duai, laki engau anak pan bekaban sereta ngelala pangan diri. Nya meh maia sida Noie ke belumba tinggal kediri meh sida ia di rumah. Nyu pukul 3 pm kami ke pulai ari padang.\\nTembu melayan tetamu ke datai, sida pulai 2\/7- gagau sebengka ga tudah aku. Nyendia ke sida anak ke masuk college. Mupuk bebeli ke perengka ke dikena ia laban 7\/7 sida ngerejista diri. Laban ke engai ke sida anak enda chukup perengka dikena, sida indai meh ke nyendia ke utai ke dibai. Cukup nyamai sida anak sekula diatu. Utai bisi magang disedia. Ukai madah kediri bisi, nadainya nyengala bisi tang meh ulih nyendia ke sida ia utai ke patut. Buji diri empu suba laban ke ukai urang senang pedis mat ngadu kediri sekula.\\nDatai ba ari ke ngerejista tumu kami duai manak nurun, Sida start 9.30 am. Kami duai datai kira dalam pukul 9. Engai ke enda sempat aku pulai sebedau pukul 1.30 ngambi sida 3 ke tinggal nyin pulai skul. Nasit kaunter 2 iti buka siti kena sida JPA n MARA alu siti kena sida ke sigi nganjung siri empu belajar kia. Nadai entu lama nganti laban udah ngerejista ba luar, masuk ke dalam maioh kaunter bukai dah sedia lalu munyi ko ribai very systematic. Udah tembu bebayar engau ngaga student card alu berumban kami duai manak ngerejista diri ba sida ke in charge asrama alu bebayar mega utai ke patut. Udahnya bala staff nganjung ngagai bilik engau nunjuk ke nama utai ke bisi dalam bilik. Tembunya alu berangkut ke barang kami duai manak. Nyu lalu pukul 12 baru tembu. Aku alu berumban mulai kediri engai ke laun ngambi sida 3 pulai sekula. Ia ke mit nya pulai pukul 12.30 tang asuh aku nganti akak ia ke primary 6 pulai 1.30 laban nemu diri sigi enda sempat pulai sebedau pukul 12.30.\\nLalu pukul 1 baru aku datai di rumah. Berumban ngetu ngirup engau makai ruti enda lama laban perut nyu geriuk rapar. Anak ke tuai ke tinggal ke aku ba kolej ia alu asuh aku makai tengah ari kediri meh ia din.\\nNya meh tu baru nyamai asai seput. Pengawa di rumah enda ibuh kira. Ka nganjung diri beurut aku tu legi enti sempat.\\n5 pintu sida begulai bilek mandi ( 2 iti jamban & bilek mandi ) ba mua tu main entrance pintu sida ia bekunci belama. Nya meh ko aku ngelagu sida berumah panjai5 pintu\\nbisi siti sofa - gamal tudah minah baru dani tinduk engau ngambi kakak ia pulai lemai ari 5\\nnoie posing ba atas katil kakak ia - nyu udah tembu dikemas ia bilek datai aku ari siti ngambi ia pulai baru\\nbaka barang urang ke baru ke kereja - ba nyamai2 sekula diatu nangka engai\\nbilek mandi kunsi sida 5\\nNgambi enda kiruh pansut - sedia ke perengka ngambi maia lapar malam lebuh\\nsida ubat disedia ke meh\\nPosted by Indai Dara at 17:18 4 comments:\\nSK USJ 12 2011 SPORTS DAY - 2\/7\/11\\ncheerleading ari rumah wie - no 2 sida ia\\nnerima perais@trupi best athletes bagi nembiak indu\\nlangkau rumah sida nembiak\\nbala nembiak ka engau bebaris\\nwie engau mega bendera kejohanan\\nbebaris mai bendera\\nnyu singit pala tudah anak empa pemendar\\nstidi wie bisi penyukung sepisil datai ari miri hehehe\\nquartet's relay ari rumah kuning- 4x200m n 4x100m sapu sida 4\\nahaaaaaa si kecik kami pan engau sukaneka ngari ke kelas ia\\nbulih midul perak team ia - udah menang ngirup milo\\nTudah YDP PIBG - bendar sarinya ukai semina bejaku engau nyua ke midul tang meh meri first aid ke bala nembiak laban ke tuan manang aka lutor ( wie sempat diubat tuan lutornya - empa pemendar nyu 5 kali berengkah belanda dini enda nyu kram kaki sida anak)\\nngeso ke trupi engau mudil\\nti meh midul emasnya diterima ba pajak gadak sigi belanda indai dara nganjungnya kena meli ruyal lebat hahaha\\npama meh enda ngeri uchu sida kumang ngelaban urang di malaya bisi wakil\\nPosted by Indai Dara at 21:10 6 comments:\\nSelamat Nyambut Ari Pengada ngagai anak indu inda...","num_words":3732,"character_repetition_ratio":0.036,"word_repetition_ratio":0.001,"special_characters_ratio":0.212,"stopwords_ratio":0.155,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Indu Rumah Panjai - Ngenang Diri Sebilik, Pengidup Enggau Pengarap: April 2008\\nMoses chukup setaun\\nLemai tu tadi kami ngintu ari pengada Moses ke chukup setaun. Dadi, aku & Gemi kin, Igat enda enggau laban tuition. Tu sekeda gambar kami.\\nPeda Moses meliur, sigi purih urang Dijih hi hi\\nMoses udah dulu ngeremuk kek, benung indai iya enda meda.\\nPi, Met, tu bala sida kakak Liah menyanak. Sida badu gawa ba Karatha, diatu udah pulai ke Bintulu lalu meli rumah ba Beverly. Apai Scott deka gawa ke Qatar, sida Kakak Liah tinggal ditu lalu bala anak deka di enrol ba St Anthony. Semina Scott ke agi nemu jaku Iban, Bruce enda ingat agi and of course Caddi nadai nemu jaku Iban lalu. Aku tuchum, slang sida menyadi bejaku munyi slang Aussie, laban sida sekula ba Karatha. Pama ga Bruce sekumbang sida ke udah pulai kitu tiga minggu tu, nemu ga seleka dua jaku Iban & BM. Caddie gana-gana enggau urang bemain ba luar, di emba sida Tim & Ambong, nya iya lalu rari rauh-rauh \"back to the house, back to the house, there's a monster\" with all the Aussie slang. Bajik amat neh, kenu ku apai iya, Caddi sigi Scottish name. Pi, Apai Scott nanya how you are getting on ba Glasgow, iya agi bisi aya diau ba Glasgow ku iya.\\nBekelala enggau the bonnie Scottish-Iban lass, Caddi.\\nPosted by Indu Rumah Panjai at 10:02 PM 2 comments:\\nGambar kitai serumah, for Maie & Sudan\\nChadom enggau apai iya.\\nTu Nun, anak Nyala ke lumur 3. Aku ngelar iya indu ridun, pama-pama. Iya ga manggah, ia ga udu merintah, ia ga enggai alah, iya ga bagas makai utai. Enti dani tinduk rauh-rauh nyabak minta ambi indai iya. Enti urang enda beduli didinga dik iya nginsah utai ba bilik sida. Sukat iya udah nyadi, tak banggai untak aku ninga ari bilik kitai. Singgin aku ka musir pending... indai ia sebana ba aku madahka Nun kelalu, ku aku madah ngagai iya, iya enda tau enda di disiplin, enggai ka tusah begulai enggau urang enti perangai iya dipajakka bakanya. Tu meh munyi ku uncle Peter Chiam kita, classic example of missing chapters ba upbringing?\\nAbang Lua, bujang runggu ensing, megai anak ia Bantin & Moses. Apai megai Nelson, anak Nyala ke biak.\\nKennedy Uji & Jenny, anak niang. Seduai dibai aku tama ke bilik kitai lalu digambar aku.\\nBala indu kalu Rh William Bansa, benung mendingka aum rh panjai.\\n\"Anbujtu\" rumah kitai, Randi & endu dara mit, Imas Bansa & Itrina Pawa\\nSapa bagi seduai ke bepartner ke sedadu tu, mak Win tauka mak Sira?\\nTiga Abdul, ba tiang tambai nyerumba lemai..Hj Bakhir ke berandau enggau sida iya udah pulai, diasuh Sarimah masang injin api. Apa lah daya, rumah moden kemudahan kuno.\\nPosted by Indu Rumah Panjai at 9:53 PM 4 comments:\\nNgerami bala \"Bujang Malaya\"\\nIngat kita ke lagu Bujang Malaya, enti enda salah aku dibai Pauline Linang. Nya meh kami serumah (Rh William Bansa) di Dijih bisi rami nerima penatai bala sedadu ari Kem Batu 14 ke ngatur pengawa \"Jiwa Murni\" - ia nya meresa, ngubat urang ke sakit enggau meri ubat sereta meresa, nyabut ngeli enggau nampal ngeli ke belubang. Program nya kena sida nulung rayat, di atur beserimbai enggau mass exercise sida ti endur 600 iku bala army bejalai ngenyauh 80 km, bemalam ba babas sebelah nanga jalai Sg Dijih berengkah ari ari enam ngagai ari minggu (5-6 April).Udah sida datai ba endur ke di tuju sida betempur saritu - perang olok-olok ku jaku sida nembiak maya aritu.\\nSida milih rumah panjai kami, nya alai tak umbas ia ga kami serumah kisuk laban sida ia. Sida ngaga kem ari 6 ba tanah laman kami, lalu malam nya bc 50 iku sida ke bejalaika program Jiwa Murni bemalam ba kem.Mayuh ari sida Melayu ari Malaya, nya aku lalu ngingatka lagu Bujang Malaya. Sida enggai diasuh tinduk ba ruai, laban enggai enda nitihka atur ke udah digaga pemesai. Nya malam nya sida karaoke & poco-poco. Bala kami serumah malu bepoco-poco, tambah mayuh enda nemu. Nya alai on the spot aku ngajar sida malam nya, nyau bepeluh-peluh, tang agi ga sida enda nemu. Lelak aku ngasuh sida mereti & ngingatka step dulu, tang sida majak nitihka singkang kaki aku lalu enda compute step ba untak. Dini enda lelak cikgu. Nyau pedis isi aku malam nya, iya ga udah bendar, 3 jam berunggu nyapu, ngemop bilik, muai pukat empelawa. Nasit ipar & menantu aku bc nulung nuchi cheremin, enti seduai enda nulung, sigi bc ari teduduk aku.\\nTu yours truly (in purple) ngajar poco-poco\\nTu dadi berandau enggau kepala sedadu, Major Azman.\\nLaban aku ke udah lelak, aku enggai di bai bala anak menyadi apai Maie happy hour tengah malam ba bilik sida (anak menyadi apai Maie tu bujang runggu ensing, tang gawa ba tasik semak Thailand). Apai Maie enggau urang enda lama, udah nya mulai kediri iya tinduk.\\nAri siti Brigadier General sida Datuk Shukri datai lalu kami ngambat iya ngena basa rumah panjai. Sida lalu makai, semua dipanduk bala army magang.Apai Maie enggau urang makai, aku tembu kiruk-kiruk di dapur manduk lauk angka bc bala sekaban ke datai berubat nemuai ke bilik, ngambi bc di nahka sida. Urang ke enda sembiang tumu meh urang bepanduk lauk, tudah aku laban ke sembiang dulu ke Selangau pagi nya, nyau tinggal perau.\\nTu sekeda ari 600 iku bala sedadu ke ngambi bagi ba drill, mansa rumah panjai kami.\\nTu kem ti endur sida muka klinik - kaunter register\\nLutor ngeli, Dr Faizi lelak amat sarinya, bc 70 iku bala ke nyabut & nampal ngeli.\\nTu indai Umban ngambi ubat ari paramedic\\nTu ba ruai aku, benung ngenahka bala ke datai ari rumah panjai bukai ai kupi. Periuk penuh enggau chakoi, digaga ipar aku. Ipar aku Balai naka pengelawa, ngena baju sutera..\\nAku nguan uchu Moses, benung indai iya ngenahka urang makai tengah ari. Tu ba bilik Rampai, anak menyadi apai Maie ke gawa nyadi Senior Fireman ba Bintulu Port.\\nTu Balai, menyadi apai Maie ke tuai agi (apai Rampai, Lua & TR William Bansa). Kami selalu nundi iya \"Haji Malai\" tauka \"tukay sawit\". Tiap bulan iya ngetau enda kurang ari 6 tan buah sawit. Tua iya berimbai bilik, selalu amat dianu kami maya urang rami laban iya udu ngirup ti ngujungka iya palau.Tang enti gawa makai tanah ipar aku tu, nadai aku nemu mensia bagas gawa bakatu. Tu iya baru pulai nebang mulong ari tembawai di Luau (ili Sg Dijih), bulih RM3800 rega mulong iya. Nya gamal nyau tekusai..Pemurah ati enggau urang anang ngira..\\nMalam kedua aku imun amat, enda enggau urang poco-poco, muti nyadi tukang gambar\\nTu Helnie Jemai, Emelia Nguni & Catherine Umban, enggau urang poco-poco\\nStidi Keling Temuda aku, belagu Enda Kempang Duduk Berimbai. Tu ipar aku Jelek, aka Ngalai kami serumah, benung bekaraoke. Iya Secretary JKKK & gawa ba Bintulu Port nyadi Safety Officer.\\nUntung amat kami semenua, enti pulai ke mata duit, mayuh amat nilai bantu nya kelebih agi ba rawatan pergigian. Kenu ku sida, enti ba lutor bayar, nyabut ngeli gam RM150 sigi & ngeli biasa RM80 sigi. Pia mega ubat ke diberi sida sigi ubat ke kualiti magang ku bala rumah panjai, laban sida kala meli ubat bakanya maya berubat ba lutor bayar & mar bebayar & ubat ngasi. Sida ke tuai diberi urang Vitamin B kompleks, sida ke mit di asuh urang baris ngambi ubat lundong.\\nKami pulai malam ari rumah panjai, nya meh aku bendar amat ka ngantuk. Iya enda lama rauh-rauh ga aku belagu nunda lagu ke didinga ba radio. Kena ngerak mata ba. Udah nya dadi ga di asuh aku rauh-rauh belagu, ngambi iya enda ngantuk. Ia enda lama di pandam-pandam aku ga belakang dadi. Aku respect dadi, taja pin lelak entertain temuai sari-arinya, tang enda ngantuk maya driving. Kami datai ba Bintulu jam 12.15 malam. Puji Tuhan laban nadai nama-nama.\\nPosted by Indu Rumah Panjai at 4:28 PM 5 comments:\\nAku RTM ngagai Temasek\\nDadi bisi trip ke Singapore last week, nya aku lalu minta bai iya, laban ka belelak. Ka RTM. Rehat. Tidur. Makan. Dadi nanya nama aku enda puas bejalai, ish ku aku, aku ke bejalai nya gawa, ukai RTM. Diatu aku RTM, sekumbang ke udah lelak dua bulan tu udah. Ninga bakanya di belika dadi tiket ga aku, so on 26 March, kami duai flew to Singapore, tiga malam din lalu pulai kena 29 March. Bala anak lalu sms nundi tua dadi, kumbai urang dating meh, kumbai urang lawa meh...\\nNgamatka jaku aku, aku sigi RTM. Ari keterubah tua dadi bejalai ba Orchard road, lunch ba stall semak Robinson, udah ngalih ari ngirup ba Starbucks. Aku nadai shopping laban utai mar udah pulai ngagai duit kitai. Aku semina meli sepasang kasut & dadi meli sepasang Levis. Malam nya kami duai dinner ba Clarke Quay, nyerumba bala sida Ribai ke mayuh kia. 3 dishes aja, deep fried sea bass, tom yam soup, mixed vege & pineapple fried rice, rega $111 tauka RM230 duit kitai. Tuchum kami duai, ngingatka lebuh maya bala ari Niah ke datai kami makai ba Jumbo Seafood ba Tg Batu, 10 iku kami dadi muti mayar RM166 aja and bc sweet sour fish, butter prawns, lemon chicken, sup jagung, sayur peria, taugeh & sizzling tofu. Heh, nya meh kitai patut beterima kasih diau ba Malaysia laban rega utai dempa agi murah dibandingka ba nengeri bukai.\\nPagi siti aku tumu dani enggau dadi breakfast, udah dadi nurun aku lalu macha brochure ka diengkah sida ba bilik, ngundan mayuh iklan senentang endur ke tau dilawa di Singapore. Aku enggai shopping, nya alai aku lalu ngagai Raffles Place, ngumba diri nyadi tourist, meda exhibition dia. Udah chukup maya endur makai, aku lalu mansang ngagai Maxwell Road food court, ka makai tengah ari.\\nBa dia bisi urang nyual onde-onde enggau hainan chicken rice ke tebilang, lalu Anthony Bourdain udah makai dia. Aku lalu q ka meli onde-onde dulu tang ia meh datai ba gintir aku, onde-onde abis, perasa amat aku. Aku muti meli kuih ubi kayu. Nyamai ga. Udah nya aku lalu makai mee, enggai enggau urang q meli chicken rice, panjai amat q. Udah nya aku lalu ngagai stall ke ba tengah, makai cendol. Penuh amat endur nya, aku nyau ngunsi mija amu siku laban nadai endur bukai. Aku lalu bejalai kaki mulai ke diri ngagai hotel. Datai din, nama agi, tinduk... dani pukul 4 ngirup kupi, makai kuih ke ditapau aku. Lemai nya tua dadi ngagai Lau Pat Sat, makai seafood dia. Pulai ari nya dadi ngurut kaki, aku mulaika diri ke bilik. Datai dadi mai aku ningaka urang belagu ba hotel tang aku udah ka tinduk amat, nya alai enda nyadi.\\nThe next day, udah breakfast aku lalu gali, nyau tetindukka diri. Dadi ngabas aku maya breaktime meda aku nyau luku-luku. Ish, ku dadi, ku jaku ka exercise, nama aja mai gari exercise enda exercise. Ee ku aku, kan aku sigi madahka diri ka makai tinduk aja. Taja pia, nyau ga aku ngerayap ngagai gym. Ba treadmill 40 minit, ba mesin 20 minit.\\nTang pulai puku, laban ngalih ari nya tua dadi ngagai Vivocity (the biggest shopping mall ba Singapore, dibuka 6 bulan ke udah), lalu dia manah amat food court dikumbai sida Food Republic. Mayuh amat bengkah utai di empa, nyau amu mata. So I had my main meal, snack and dessert in one sitting. 1 hour later aku ngunsi dadi ke makai bak kut teh.\\nMalam nya tua dadi ngagai Bugis Street. Udah bejalai musin sebelah nya, kami duai makai ba food court dia. Makai laksa yong tau foo. Sedap amat, umbas iya pengelemak. Dadi makai chen teng aku makai ais kachang. Pure indulgence. Now am paying for all those excesses, carrying those baggage around my waist, to be exact. Nah, enda ngawa ku jaku, ila nyau ia. Arapka meh. Nya kebuah last nite di Kuching aku enda dinner muti makai snack ba lounge.\\nPagila pulai ke rumah panjai, bendar aku muai gemuk deh, laban meresi bilik ke lama amat enda di peresi...\\nPosted by Indu Rumah Panjai at 11:56 PM 5 comments:\\nMua perenching ngundan seribu pengandal\\nDua ari ti udah aku sibuk amat laban bisi bala kami serumah datai ari Niah, bemalam ba aku dua malam. Sida iya 12 iku, apai indai enggau bala anak, nganjung 5 iku anak sida iya ke baru udah nerima pemutus peresa Pom 5 minta aduka aku ditu. Results SPM sida iya enda tentu manah - enggi dua iko diri menyadi, average results, bisi Bs, Cs enggau 7 credit; enggi siku bisi nyampau nya ga kredit tang English muti passs, enggi dua iku muti chukup 4 kredit.\\nTu seduai dua iku menyadi, Caitlin (Ngayun) duduk sepiak aku enggau Flora (Titut)duduk ngimbai ibu seduai ia Rumi\\nTu Josephine Runai (Jimin - ia ke burak) enggau Regina Senia (Jeburi - iya ke gebuk) seduai petunggal dua kali. Dorathy anak Rimbu enda enggau suba, muti enggau dua ari tu kemari\\nTu gambar sida iya datai ke dua kali, kena 1, 2 & 3 hb April. Kami baru ngirup nganti bala nunu jani.\\nSida sebana enda nemu ngadu ka bala anak, di tanya aku nama utai udah dipinta sida madah nadai udah minta nama-nama kursus, meda results enda manah. Tambah mega enti ngiga kursus ba private institution nadai belanja kena nyengulaka bala anak. Aku nanya bala sida anak petunggal aku nama utai minat sida, sida lalu nyebut minat nyadi indu misi, muti siku ke minat gawa ba hospitality industry.\\nNya meh bala petunggal aku tak ni ku tua apai Maie ngadu ku sida. Sinu aku ninga jaku sida. Sida ari dua family tu (Leo & Rimbu semadi, Rumi & Jamal semadi, indai Leo and indai Jamal diri menyadi, indai sida petunggal indai aku)sigi semak amat enggau kami sebilik. Ari aki ini, apai indai dataika ba tubuh sida iya empu nelap amat enggau kami menyadi kelebih agi aku, apai Sampai & indai Muntai ke biak agi ari sida.They are family, and nama-nama utai nyadi baik sakit, kawin kami sigi kin-kitu.\\nTua apai Maie sigi selalu mujurka bala sekaban ke betanya ngambi kursus ke dipeguna amat baka indu misi, physiotherapist, pharmacist, laboratory technician, utai ke ba medical line. Runding kami duai ngambi sida enda menggangur udah tembu kursus. Ukai mina nya, laban enti nyadi indu misi sida ulih gawa dini-dini endur nyengkaum ba menua tasik. Nitihka utai ke dibacha aku, ba taun 2020 Malayisa begunaka 170,000 iku indu misi kena ngenapka ratio 1:200 (siku misi ke 200 iku pesakit). Kediatu kitai muti bisi 32,000 aja. Ke udah udah, sida ke udah lulus nyadi misi lalu bulih kereja, baik ba spital perintah tauka spital prebet.Pia mega enti kitai meda menua New Zealand beguna amat ke misi, pengawa tu dikumbai sida iya \"short skills\", ia nya kurang urang ngisi nya alai enti ka migrate kin bc amat peluang bala indu misi. Ba Australia pia mega, aku ingat maya aku nganjung Maie foundation ngagai Perth taun 2004 suba, tak di advertise urang ba brochure ke di engkah ba hotel ngasuh bala indu misi minta pengawa din.\\nAku lalu surf internet, ngiga institusi ke ngadaka kursus nursing, lalu tetemuka Mahsa, Pantai, Gleneagles, Masterskill, antara nama ke tebilang ngadaka kursus Diploma in nursing. Chun amat Masterskill bc datai ke Bintulu kena 2 April interview bala anembiak ke minta kursus sida - nursing, pharmacy, physiotherapy, etc.. Nitihka utai ke dipansik aku, Masterskill tu sigi institiut ke paling besai di Msia ngadaka program bakanya, intake sida ia 1000 iku setaun. Semua program di recognised by Ministry of health, JPA, LAN accreditation & kampus & pekakas tak numbas iya ga gamal di peda ba website & video ke dipasang sida maya interview tu kemari. Bala pelajar ke layak ulih minta loan PTPN ti mungkur semua kos, sekumbang loan ke bedau diterima sida iya enda perlu mayar fees. Endur diau sigi disediaka 9ba condominium), pia mega uniform, kasut & transport. Ku sida iya free utai nya, tang dini ka free, sigi dibayar magang. Maya aku ke telefon ngagai sales agent sida, iya madahka course fees ka diploma of nursing (3 taun) RM47,700. Udah aku nerangka senentang kursus nya, sida sama setuju ka nguji minta.\\nSo datai lemai 1 April, they came. Indai Muntai & Apai Mit chuti sarinya nya alai seduai iya manduk lauk, manggang lalu lemai nya bala kami sekaban makai begulai, berandau lalu sida ke tuai enggai di asuh tinduk ba bilik, rindu ngarak ba sitting room begulai enggau indai aku. Enda tinduk semalam-malam sida bejerita. Aku muti tan datai tengah malam udah nya tinduk laban ke gawa ari siti.\\nTumu pagi aku nganjung sida interview. Semua ulih ngisi syarat kelayakan, tiga iku di offer nyadi misi (Caitlin, Flora & Regina) Josephine di offer Diploma in Health Care & Dorathy nerima offer Diploma in Health Informatics. Aku ngasuh semua sida berunding dulu lalu sida apai indai & bala anak semua nyemetak ka nerima offer. Udah nya aku nganjung sida blood test ngagai Gribbles laban enti sida bc hepatitis B enggau HIV, sida enda ulih ngambi program nursing. Udah nya photosate dokumen & indai Muntai mai sida ngagai upis iya, awakka magistrate certify certs sida. Malam nya semua ke tuai tumu tinduk, sida ke nembiak ngisi borang, dikemataka Indai Muntai.\\nPagi siti apai Maie ke Kuching laban bc meeting. Sida iya neruska pengawa - muka akaun dua iti, siti savings account ba CIMB and siti PTPN akaun ba CIMB mega, nitihka atur Masterskills. Lama amat muka akaun. Aku nurun ngetu tengah ari ngejung sida ba bank, lalu ngajar sida ngena ATM card sereta nukar pin number. Udah ngambi results blood test (semua nadai ngawa magang, puji Tuhan), kami lalu pulai ke rumah merarau. Kami lalu meli tiket Airasia online, kena sida iya mansang ke KL ila. Ba KLCT bc bas nganti sida, di atur Masterskills). Lemai nya sida pulai ke Niah seretai enggau aku ke nurun ke airport.\\nMayuh jaku terima kasih sida ngagai tua apai Maie, ketegalka ulih nulung, udah nunjukka jalai. Dua iku ari petunggal aku enggai tinduk semalam-malam nangika diri enda tebayarka ungkus anak ke sekula angka loan PTPN laun pansut. Maklum sida urang bekebun, muti apai Josephine ke gawa perintah. Tua apai Maie lalu meransang sida, anang irau, enti sema loan PTPN laun diterima ila ga mutar ngeloan duit ari bank. Aku lalu madahka sida bebendar ngiga belanja nyukung anak, laban muti ari pelajar ke ulih ngubah pengidup sida iya ngambika enda kusil-kusil agi.\\nDia aku meda gamal sida lima ke bulih offer gaga amat, excited amat sida. Titut reminded me so much of Sudan, she exhibited determination, energy, curiosity, ka amat betanya ngagai aku. Aku mega impressed by her older sister, Ngayun. Ngayun sebendar pass STPM, bulih 3Bs 1C. Tang enda bulih penuduk ba Universiti lalu bc setaun tu gawa nyadi salesgirl ba pasar di Niah. Ngayun nelap, very mature, exudes confidence. Aku sigi arap amat ke seduai menyadi tu, dalam ati aku, enti seduai tu bc peluang tuition, bc proper bimbingan, tulihka results ke manah agi seduai tu suba. Nya meh apai seduai irau, ka ngasuh siku aja, enda kempang ga ngelabuhka pengarap siku da, laban dua-dua sama ka sekula baru, sama ka nyadi misi. Di anjung dua-dua nangika nadai belanja. Enggai tinduk aku indai Maie ku Jamal & bini iya. Anang irau ku aku, ba kitai mayuh kaban, enda siku, siku ga ulih nulung ku aku.\\nUdah sida ke pulai, maya aku ke ba flight ke Kuching, aku meri terima kasih ngagai Allah Taala, laban ari pengasih Iya, Iya udah merekat tua apai Maie lalu ari berekat nya ulih nulung bala diri sekaban ke begunaka tulung. All along, maya aku ka ngaduka sida, aku ngingatka diri empu 28 years ago, nurun kediri ngagai UM, mai seribu pengarap, awakka bulih degree, ulih gawa lalu ulih ngangkatka pengidup aku empu, pengidup indai enggau bala menyadi aku ke agi biak agi. Aku meda pengarap ke bakanya kelebih agi ba Caitlin & Flora. And I pray for their success, I pray that God will give them wisdom, will guide and protect them. I pray that God will grace them with discernment, to discern what God's will is for them and to do things according to His will, I pray that God will give them all the help that is needed and will not allow them to be tempted beyond more than what they could bear. Above all, I pray that they will walk closely to God, so that God will hear their call. Lord graciously hear us.Amen.\\nPosted by Indu Rumah Panjai at 9:23 PM 3 comments:","num_words":3248,"character_repetition_ratio":0.032,"word_repetition_ratio":0.0,"special_characters_ratio":0.216,"stopwords_ratio":0.224,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nuan ulih nyadi pangan Allah Taala – Blog Iban&lain2\\nNuan ulih nyadi pangan Allah Taala\\nIngat ke Allah Taala belama\\nDate: 26 May 2017Author: Blog Iban&lain2 0 Comments\\nAllah Taala ngasuh nuan nyadi pangan Iya. Bisi nuan kala bepikir ka nuan ulih nyadi pangan urang ti pemadu besai dalam dunya tu? Abraham, ti bisi idup menya dikumbai pangan Allah Taala. (James2:23 – Tu ngamatka jaku ti disebut dalam Bup Kudus, “Abraham arapka Allah Taala, lalu ketegal nya Allah Taala ngumbai iya lurus, ” lalu iya dikumbai pangan Allah Taala ) Urang bukai ti disebut dalam Bup Kudus mega ngelantang bepangan enggau Allah Taala serta bisi maioh berkat. Saritu, urang ari serata dunya bisi udah nyadi pangan Allah Taala. Nuan mega ulih nyadi pangan Allah Taala.\\nNyadi pangan Allah Taala manah agi ari nyadi pangan sebarang mensia. Allah Taala nadai kala ngelebu pangan Iya ti taluk(setia). (Masmur 18:25 – O Allah Taala, Nuan endang tetap ati ngagai urang ke tetap ati ngagai Nuan. ) Nyadi pangan Allah Taala nya manah agi ari bisi pengaya. Lebuh urang ti kaya mati, duit iya pulai ngagai urang bukai. Tang, sida ti ngelantang bepangan enggau Allah Taala bisi pengaya ti enda ulih diambi urang bukai. (Matthew 6:19 – Anang nyimpan pengaya ke diri empu di dunya, alai indu gegat enggau tegar deka ngerusak, lalu perumpak tama lalu encuri ).\\nSekeda urang deka nagang nuan belajar pasal Allah Taala. Sekeda pangan nuan enggau kita diri sebilik deka ngereja tu. (Matthew 10:36,37 – Munsuh kita ke pemadu jai nya kita sebilik empu. “Urang ke rinduka apai indai sida lebih ari sida rinduka Aku, enda tau nyadi murid Aku. Lalu urang ke rinduka anak lelaki tauka anak indu lebih ari sida rinduka Aku, enda tau nyadi murid Aku. ) Enti urang bukai ketawa ke nuan tauka ngenakutka nuan, tanya diri empu, ” aku deka ngelantangka sapa? Mensia tauka Allah Taala? ” Pikir pasal tu: enti urang madah ke nuan ngetu makai, deka nuan ngasika iya? Tentu enda! Nuan begunaka pemakai kena idup. Tang Allah Taala ulih ngasuh nuan idup belama! Nya alai anang ngelak barang sapa nagang nuan belajar baka ni nuan ulih nyadi pangan Allah Taala. (John 17:3 – Tu pengidup ti meruan belama iya, ngambika sida ngelala Nuan, Allah Taala ti bendar, enggau Jesus Kristus, ke dikirumka Nuan. )\\nPublished by Blog Iban&lain2\\nView all posts by Blog Iban&lain2\\nPrevious Previous post: Nemu tauka enda??\\nNemu tauka enda??\\nPemakai ngemai pengerai\\n© 2018 Blog Iban&lain2","num_words":378,"character_repetition_ratio":0.127,"word_repetition_ratio":0.005,"special_characters_ratio":0.219,"stopwords_ratio":0.267,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penjurai Apaienduq: Kena Nasib\\nTekenyit nerima kangau talipaun, madah ka kaban kena Lucky Draw, ngelama tu puas ga nerima SMS tauka email madah ka kitai numbor HP tauka address email kena pilih nerima bepuluh ribu ngagai bejuta ringgit. Kira nadai kala ibuh ngelama tu.Nerima kangau, sekali tu ketawa-ketawa ga asai, sigi enda berapa pechaya, nyau dua tiga kali ga tudah madah \"Genuine Sir, I am calling you from Ngiu Kee Office at 2nd Flr Wisma Saberkas, please come to our office before 3.00 pm tomorrow for price presentation\"Nyau pemuas enggau Lucky draw, asai-asai, tu meh terubah bisi nyangkut. Value enda ibuh kira, asal ti kena. Arap-arap udah kena sekali, tau kena utai ke besai ila, ni nemu, bisi ga meda, ba hopoh \"Viva\", BSN \"Merz\", Petronas, Celcom sereta Shell nama kini perais?Ayos always take the opportunity to look closely at the lucky draw pricesReceiving 3rd price from the Mr. Ling Ping Tau, Ngiu Kee Marketing ManagerThank you Ngiu Kee management for displaying our image at your entranceCDA\\nbest mai kena lucky draw. amat munyi ko nuan wai, susah amat ka pecaya nti kitai ulih menang tai t baka tuk laban ia semina one in a million aja... hehehe\\nAmat munyi ko nuan nya, terima kasih. Arap ka bisi nasib baru dudi ila....ni nemu\\nDAMA Udah di Penyadi\\nSekeda Pengerami Gawai","num_words":214,"character_repetition_ratio":0.03,"word_repetition_ratio":0.0,"special_characters_ratio":0.208,"stopwords_ratio":0.089,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Belajar Ari Bala Nembiak Petara Ke Tetap Ati | Ke Mudah\\n“Nuan endang tetap ati ngagai orang ke tetap ati ngagai Nuan.”—MAS. 18:25.\\nLAGU: 63, 43\\nKitai patut tetap ati ngagai sapa?\\nNama kebuah runding Jonatan pasal David enda sama enggau enggi Abner?\\nNama kualiti ke ulih nulung kitai tetap ati ngagai Petara, lalu baka ni?\\n1, 2. Baka ni David nunjukka diri tetap ati ngagai Petara? (Peda gambar ba pun artikel.)\\nSAUL enggau 3,000 iku bala soldadu iya ngiga David ba menua puang di menua Judah laban deka munuh David. Tang bisi sekali lebuh malam hari, David enggau bala soldadu iya tetemuka endur alai Saul enggau bala soldadu iya nirika kem. Semua sida benung tinduk, nya alai David enggau Abisai bejimat bejalai mansa bala soldadu, lalu tetemuka Saul. Abisai nelai David: “Awakka aku ngentumka sangkuh iya empu ngagai iya, sekali aja, enda ibuh ditandu.” Tang David nagang iya munuh Saul. Ku iya madah ngagai Abisai: ‘Anang munuh iya, laban Jehovah deka ngukum orang ke ngenataika jari ba raja ti udah dipilih Iya.’ Udah nya David madahka: ‘Jehovah enda ngasuh aku ngenataika jari ngagai orang ke udah ditata Jehovah nyadi raja!’—1 Sam. 26:8-12.\\n2 David nemu utai ti diguna iya ngambika tetap ati ngagai Jehovah. Iya nemu iya patut bebasaka Saul, nya alai iya nadai berunding deka ngemediska Saul. Nama kebuah? Laban Petara udah milih Saul nyadi raja menua Israel. Baka menya, kemaya hari tu, Jehovah dekaka semua nembiak Iya tetap ati ngagai Iya sereta bebasaka sida ke dikemendarka Iya bekuasa.—Bacha Masmur 18:25.\\n3. Baka ni Abisai tetap ati ngagai David?\\n3 Abisai bebasaka David laban iya nemu Petara udah milih David nyadi raja. Tang pengudah nyadi raja, David ngereja dosa ti besai. Iya beleman enggau bini Uriah, lalu udah nya ngasuh Joab nentuka Uriah mati ba perang. (2 Sam. 11:2-4, 14, 15; 1 Ban. 2:16) Abisai nya menyadi tuai Joab. Nya alai iya engka bisi ninga pasal utai ti dikereja David, tang iya agi bebasaka David. Abisai mega tuai soldadu lalu iya ulih ngena kuasa iya ngeletak diri empu nyadi raja, tang iya enda ngereja tu. Iya bekereja ke David, lalu nyaga David ari munsuh.—2 Sam. 10:10; 20:6; 21:15-17.\\n4. (a) Baka ni David nyadi teladan tetap ati ngagai Petara? (b) Nama teladan bukai ke deka dikerandauka kitai?\\n4 David tetap ati ngagai Jehovah sepemanjai pengidup iya. Lebuh iya agi biak, iya munuh Goliat ti besai tinggi ke bejai Jehovah sereta orang Israel. (1 Sam. 17:23, 26, 48-51) Lebuh David nyadi raja, nabi Jehovah iya nya Natan patut ngerara David ketegal dosa ke udah dikereja iya. Tekala nya David ngaku diri udah bedosa, lalu iya nesal ati. (2 Sam. 12:1-5, 13) Udah nya, lebuh David udah tuai, iya meri mayuh utai ti berega dikena nulung ngaga Rumah Sembiang Jehovah. (1 Ban. 29:1-5) Endang amat, taja pan David ngereja penyalah ti besai ba pengidup iya, tang iya enda ngetu tetap ati ngagai Petara. (Mas. 51:4, 10; 86:2) Ba artikel tu, kitai deka berandauka teladan David enggau orang bukai ke idup maya jeman nya, lalu belajarka chara kitai ulih tetap ati ngagai Jehovah lebih agi ari orang bukai. Kitai mega deka berandauka kualiti bukai ke ulih nulung kitai tetap ati ngagai Jehovah.\\nKATI NUAN DEKA TETAP ATI NGAGAI JEHOVAH?\\n5. Nama ulih dipelajarka kitai ari penyalah Abisai?\\n5 Lebuh Abisai deka munuh Saul, iya nguji deka tetap ati ngagai David. Tang ketegal David nemu ngemediska ‘orang ke udah ditata Jehovah nyadi raja’ nya salah, iya nagang Abisai munuh raja nya. (1 Sam. 26:8-11) Tu ngajar kitai utai ti beguna: Lebuh kitai mutuska ngagai sapa kitai patut tetap ati dulu, kitai patut berundingka ni bagi prinsip Bup Kudus ke ulih dikena kitai ba pekara tu.\\nTetap ati ngagai Jehovah nya beguna agi ari tetap ati ngagai orang bukai\\n6. Taja pan kitai endang deka tetap ati ngagai diri sebilik sereta bala kawan, nama kebuah kitai anang enda bejimat?\\n6 Kitai endang deka tetap ati ngagai orang ke dikerinduka kitai, baka kawan tauka diri sebilik. Tang ketegal kitai enda sempurna, asai ati kitai ulih nipu kitai. (Jer. 17:9) Nya alai, enti orang ke dikerinduka kitai ngereja pengawa ti jai, lalu ninggalka pemendar, kitai anang enda ingat tetap ati ngagai Jehovah nya beguna agi ari tetap ati ngagai orang bukai.—Bacha Matthew 22:37.\\n7. Baka ni seiku menyadi Kristian ke indu mengkang tetap ati ngagai Petara ba maya ti tusah?\\n7 Enti seiku ari kita sebilik udah dibuai ari gempuru, nuan ulih nunjukka diri tetap ati ngagai Jehovah. Chunto, bisi sekali, indai Anne ke udah dibuai ari gempuru, betelefon ngagai Anne madahka diri deka nemuai ngagai iya.  (Peda nota penutup.) Indai Anne madahka diri enda nyamai ati, laban sida sebilik enggai bejaku enggau iya. Tu ngasuh Anne berasai tusah ati, lalu iya mutus deka nyaut indai iya ngena surat. Sebedau nulis surat, Anne belematika sekeda prinsip Bup Kudus. (1 Kor. 5:11; 2 Jhn. 9-11) Udah nya, dalam surat nya, iya nerangka enggau manah, indai iya ke ninggalka sida sebilik lebuh indai iya ngereja penyalah lalu enggai nesal ati. Anne madahka, indai iya semina ulih lantang ati enti indai iya pulai baru ngagai Jehovah.—Jas. 4:8.\\n8. Nama kualiti ke ulih nulung kitai tetap ati ngagai Petara?\\n8 Nembiak Petara ke tetap ati maya jeman David mega baruh ati, siru, sereta berani. Aram meh kitai beratika baka ni kualiti tu ulih nulung kitai tetap ati ngagai Jehovah.\\nKITAI ENDA TAU ENDA BARUH ATI\\n9. Nama kebuah Abner nguji deka munuh David?\\n9 Anak Saul, Jonatan, enggau Abner ke nyadi tuai soldadu orang Israel, meda David minching pala Goliat ngagai Raja Saul. Jonatan nyadi kawan David sereta mengkang tetap ati ngagai iya. (1 Sam. 17:57–18:3) Tang Abner enda. Udah nya, iya indah nulung Saul ke deka munuh David. (1 Sam. 26:1-5; Mas. 54:3) Jonatan seduai Abner nemu Petara dekaka David nyadi raja menua Israel ke baru. Tang pengudah Saul mati, Abner enda nyukung David. Tang iya nguji deka nyiri anak Saul, Is-boset nyadi raja. Udah nya, Abner engka deka nyiri diri empu nyadi raja, lalu engka nya meh kebuah iya beleman enggau seiku ari bini Raja Saul. (2 Sam. 2:8-10; 3:6-11) Nama kebuah Jonatan enggau Abner bisi runding ke enda sama pasal David? Laban Jonatan tetap ati ngagai Jehovah sereta baruh ati, tang Abner enda.\\n10. Nama kebuah Absalom enda tetap ati ngagai Petara?\\n10 Anak Raja David, Absalom, enda tetap ati ngagai Petara laban iya enda baruh ati. Iya deka nyadi raja, nya alai iya “nyendiaka sebuah kerita perang enggau kuda ke iya empu, enggau lima puluh iku orang nyaga iya lebuh iya bejalai.” (2 Sam. 15:1) Iya mega nguingka ati mayuh orang Israel ngambika sida tetap ati ngagai iya. Iya indah nguji deka munuh apai iya, taja pan iya nemu Jehovah udah milih David nyadi raja ba menua Israel.—2 Sam. 15:13, 14; 17:1-4.\\n11. Baka ni kitai tau bulih penguntung ari cherita Bup Kudus pasal Abner, Absalom sereta Baruk?\\n11 Lebuh orang enda baruh ati sereta dekaka mayuh agi kuasa, iya tusah deka mengkang tetap ati ngagai Petara. Endang amat, kitai rinduka Jehovah, lalu kitai enggai berundingka diri empu aja sereta jai baka Abner seduai Absalom. Tang kitai patut bejimat, ngambika enda berengkah bisi pengingin angkunka duit tauka kereja ke ngasuh kitai ngasaika diri beguna. Tu ulih ngachau kaul kitai enggau Jehovah. Sekretari Jeremiah, Baruk, udah lama inginka utai ti enda dikembuan iya, lalu enda agi lantang ati nyembah Jehovah. Udah nya Jehovah bejaku ngagai Baruk: ‘Aku ti Jehovah, deka ngeruntuhka utai ti udah digaga Aku, lalu nyabut utai ti udah ditanam Aku. Aku deka ngereja nya di serata dunya. Kati nuan minta diri dikemesaika orang? Anang.’ (Jer. 45:4, 5) Baruk mendingka Jehovah. Lalu kitai mega patut mendingka Iya, laban enda lama da agi Iya deka ngerusak dunya ti jai tu.\\nLebuh nuan ngasuh menyadi Kristian ke lelaki minta tulung ari bala tuai gempuru, nuan ngayanka diri siru enggau iya sereta tetap ati ngagai Jehovah\\n12. Padahka kebuah kitai enda ulih tetap ati ngagai Petara enti kitai berundingka diri empu aja.\\n12 Daniel, seiku menyadi Kristian ke lelaki ba menua Mexico, patut mutuska ngagai sapa iya patut tetap ati. Iya deka kawin enggau seiku indu ke enda nyembah Jehovah. Ku Daniel madahka: “Aku agi nulis surat ngagai indu nya, taja pan aku udah nyadi pengerintis.” Tang udah nya iya nemu, iya semina ngereja utai ti dikedekaka iya empu aja. Iya enda tetap ati ngagai Jehovah, lalu iya patut baruh ati. Nya alai, iya madah ngagai seiku tuai gempuru ke bepeneleba pasal indu nya. Ku Daniel nerangka: “Iya nulung aku nemu, enti deka tetap ati ngagai Petara, aku patut ngetu nulis surat ngagai indu nya. Pengudah suah besampi, aku pan ngetu nulis surat ngagai iya. Enda lama udah nya, pengaga ati aku ba pengawa nginjil nambah.” Diatu, Daniel udah bisi bini ke rinduka Jehovah, lalu iya empu nyadi tuai ti ngabas.\\nTETAP ATI NGAGAI PETARA NULUNG KITAI BISI PENYIRU\\nEnti nuan nemu kawan nuan udah ngereja dosa ti besai, kati nuan deka berandau enggau iya pasal penanggul iya, lalu nentuka iya minta tulung ari tuai gempuru? (Peda genteran 14)\\n13. Baka ni Natan mengkang tetap ati ngagai Petara sereta David taja pan David udah ngereja dosa?\\n13 Lebuh kitai tetap ati ngagai Jehovah, kitai mega ulih tetap ati ngagai orang bukai sereta enggau naka ulih nulung sida. Nabi Natan mengkang tetap ati ngagai Jehovah sereta mega ngagai David. Pengudah David ngambi bini orang bukai, lalu udah nya munuh laki indu nya, Jehovah ngasuh Natan ngerara David. Natan berani sereta ngasika Jehovah. Tang iya mega berunding dulu, sebedau iya bejaku enggau David ngena chara ti siru. Iya deka nulung David nemu dosa ke digaga David nya besai amat. Nya alai, iya nusui siti cherita pasal seiku lelaki kaya ke ngenchuri anak domba ke semina dikemisi seiku lelaki ke seranta. Lebuh David ninga nya, iya balat ringat enggau pengawa ke udah digaga lelaki ke kaya nya. Udah nya, ku Natan: “Orang nya nuan empu.” David nyau sedarka diri udah bedosa ngelaban Jehovah.—2 Sam. 12:1-7, 13.\\n14. Baka ni nuan ulih tetap ati ngagai Jehovah sereta ngagai kawan nuan tauka ngagai kaban belayan?\\n14 Nuan mega ulih tetap ati ngagai Jehovah dulu sereta tetap ati ngagai orang bukai enggau ngayanka penyiru. Chunto, nuan engka nemu seiku menyadi Kristian ke lelaki udah ngereja dosa ti besai. Nuan engka deka tetap ati ngagai iya, kelebih agi enti iya nya kawan rapat nuan tauka seiku ari kita sebilik. Tang nuan mega nemu, tetap ati ngagai Jehovah nya utai ti beguna agi. Nya alai baka Natan, ngasika Jehovah tang ngayanka penyiru ngagai menyadi Kristian ke lelaki nya. Padah ngagai iya, iya patut minta bala tuai gempuru nulung iya, lalu iya patut lengkas berandau enggau sida. Enti iya enggai, nuan empu patut madah pasal iya ngagai bala tuai gempuru. Enggau tu, nuan mengkang tetap ati ngagai Jehovah. Lalu ba maya ti sama, nuan ngayanka penyiru ngagai menyadi Kristian nya laban bala tuai gempuru ulih nulung iya bisi kaul ti manah baru enggau Jehovah. Sida deka ngajar iya enggau chara ti siru sereta nelap.—Bacha Adat Lewi 5:1; Galatia 6:1.\\nKITAI BEGUNAKA PEMERANI KENA TETAP ATI NGAGAI PETARA\\n15, 16. Nama kebuah Husai begunaka pemerani ngambika tetap ati ngagai Petara?\\n15 Husai nya seiku ari kawan Raja David ke tetap ati. Lebuh orang deka nyiri Absalom nyadi raja, Husai begunaka pemerani kena mengkang tetap ati ngagai David sereta ngagai Petara. Iya nemu Absalom enggau bala soldadu iya udah ngagai nengeri Jerusalem, lalu David patut ngerarika diri. (2 Sam. 15:13; 16:15) Tang nama digaga Husai? Kati iya ninggalka David lalu nyukung Absalom? Enda. Taja pan David udah tuai, lalu mayuh orang deka munuh iya, Husai mengkang tetap ati ngagai iya laban Jehovah udah milih David nyadi raja. Nya alai, Husai ngagai Bukit Kana betemu enggau David.—2 Sam. 15:30, 32.\\n16 David ngasuh Husai pulai baru ngagai nengeri Jerusalem, lalu pepura nyadi kawan Absalom ngambika Absalom mendingka utai ti dipadah iya, tang ukai mendingka Ahitopel. Husai berani sereta berambunka nyawa diri ngasika David sereta mengkang tetap ati ngagai Jehovah. David besampi ngambika Jehovah nulung Husai, lalu nya amat nyadi. Absalom mendingka Husai, ukai mendingka Ahitopel.—2 Sam. 15:31; 17:14.\\n17. Nama kebuah kitai begunaka pemerani ngambika ulih tetap ati?\\n17 Kitai begunaka pemerani ngambika tetap ati ngagai Jehovah sereta ngasika Iya, ukai ngereja utai ti dikedekaka diri sebilik, orang ke sama enggau bekereja tauka perintah. Ngambika chunto, Taro, seiku lelaki ari menua Jipun, kenyau ari mit enggau naka ulih ngereja semua utai ngambika apai indai iya lantang ati. Iya ngasika sereta tetap ati ngagai apai indai iya, ukai ketegal iya patut ngereja nya, tang ketegal iya sayauka seduai iya. Tang lebuh iya berengkah belajar enggau Saksi-Saksi Jehovah, apai indai iya ngasuh iya badu belajar. Tu ngasuh iya tusah ati, lalu iya pedis deka madah ngagai apai indai iya, iya deka datai ke gempuru. Ku Taro madahka: “Betaun seduai iya ringat ngagai aku sereta nagang aku datai nemuai. Aku besampi minta pemerani ngambika mengkang tetap enggau pemutus aku. Diatu seduai iya udah berubah manah, lalu aku ulih suah nemuai ngagai seduai iya.”—Bacha Jaku-Dalam 29:25.\\n18. Nama penguntung ke diulih nuan ari artikel tu?\\n18 Baka David, Jonatan, Natan sereta Husai, arapka kitai mega ngasaika ati ti puas ketegal tetap ati ngagai Jehovah. Kitai anang baka Abner enggau Absalom, ke enda tetap ati. Endang amat, kitai enda sempurna sereta ngaga penyalah. Tang aram meh kitai nunjuk ngagai Jehovah, tetap ati ngagai Iya nya utai ti pemadu beguna ba pengidup kitai.\\n^  (genteran 7) Sekeda nama udah ditukar.\\nEnti kitai tetap ati sereta baruh ati, kitai enda beratika utai ti dikedekaka kitai aja, tang kitai beratika utai ti dikedekaka Jehovah\\nEnti kitai tetap ati sereta siru, kitai nguji deka nulung orang bukai, lalu deka begulai enggau sida nitihka chara ti dikedekaka Jehovah\\nEnti kitai tetap ati sereta berani, kitai deka ngasika Jehovah, indah maya kitai bisi penusah tauka lebuh maya kitai takut","num_words":2195,"character_repetition_ratio":0.096,"word_repetition_ratio":0.002,"special_characters_ratio":0.22,"stopwords_ratio":0.35,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sempama Jesus Pasal Sepuluh Iku Indu Dara (Matthew 25) | Ke Mudah\\n“Nya alai bejaga kita, laban kita enda nemu hari tauka jam.”—MAT. 25:13.\\nNama pesan ba sempama pasal sepuluh iku indu dara?\\nBaka ni orang ke diiri ngena roh kudus nitihka jaku lalau Jesus ba sempama pasal sepuluh iku indu dara?\\nBaka ni “bedus ti bukai” bulih penguntung ari sempama pasal sepuluh iku indu dara?\\n1, 2. (a) Nama dipadahka Jesus pasal hari ti penudi? (b) Nama tanya ti deka dikerandauka kitai?\\nUJI pikirka, Jesus duduk ba Bukit Kana meda Rumah Tuhan di Jerusalem. Iya enggau empat iku rasul iya, Peter, Andrew, James, enggau John. Sida mendingka Jesus enggau manah lebuh iya madahka pasal utai ti deka nyadi jemah ila. Jesus madahka nama deka nyadi ba hari ti penudi ba dunya ti jai tu, lebuh iya merintah dalam Perintah Petara. Jesus madah maya nya ila, “ulun ke tetap ati sereta bepenemu-dalam” deka ngarika iya ba dunya, lalu sida deka nyediaka nembiak iya pemakai rohani ba maya ti patut.—Mat. 24:45-47.\\n2 Maya nya mega, Jesus madahka sempama pasal sepuluh iku indu dara. (Bacha Matthew 25:1-13.) Ba pelajar tu, kitai deka berandauka tanya tu: (1) Nama pesan sempama nya? (2) Baka ni orang ti diiri ngena roh kudus ke tetap ati nitihka jaku lalau ari sempama nya, lalu nama asil iya? (3) Baka ni genap iku kitai bulih penguntung ari sempama Jesus kemaya hari tu?\\nNAMA PESAN SEMPAMA NYA?\\n3. Suba, baka ni litaricha kitai nerangka sempama pasal sepuluh iku indu dara, lalu nama asil iya?\\n3 Baru-baru tu kitai belajar, ulun ke tetap ati udah ngubah chara jerita Bup Kudus diterangka. Diatu, sida beberat agi ke ajar ti ulih dikena ba pengidup, lalu kurang nerangka pasal reti lambang tauka jaku bala nabi. Chunto, sempama Jesus pasal sepuluh iku indu dara. Suba, litaricha kitai suah ngumbai kelita, minyak, sereta tabung minyak ngambarka utai tauka orang. Kati enti semina beratika utai ti mit, reti pesan ke mudah sereta berat ba sempama nya ulih lenyau? Saut ngagai tanya nya beguna.\\n4. Ba sempama nya, baka ni kitai nemu (a) sapa lelaki ke ditikah? (b) sapa indu dara?\\n4 Aram kitai mansik pesan ba sempama Jesus nya. Keterubah, pikirka gaya orang ba dalam sempama pasal sepuluh iku indu dara. Sapa lelaki ke ditikah? Jesus. Kitai nemu laban Jesus empu ngaku diri lelaki ke ditikah. (Luk. 5:34, 35) Sapa indu dara? Sida raban “ke mimit” orang Kristian ti diiri ngena roh kudus. Baka ni kitai nemu? Ba sempama nya, indu dara patut besedia enggau kelita sida lebuh lelaki ke ditikah nya datai. Diatu peratika nama dipadah Jesus ngagai bala murid iya ke diiri ngena roh kudus: “Seruran besedia, lalu awakka lampu kita seruran menyadi belama, baka orang gaji ke nganti tuan sida pulai ari gawai tikah.” (Luk. 12:32, 35, 36) Nambahka nya, rasul Paul enggau John sama bela mandingka bala murid Kristus ke diiri ngena roh kudus baka indu dara bungas. (2 Kor. 11:2; Pem. 14:4) Nyadi kitai ulih meda, jaku lalau enggau tangkan ba Matthew 25:1-13 nya, dituju ngagai bala murid Kristus ke diiri ngena roh kudus.\\n5. Baka ni Jesus madahka timpuh sempama iya deka nyadi?\\n5 Siti da agi, jaku lalau Jesus nya nunjukka timpuh ni? Utai dipadah Jesus ba ujung sempama nya nulung kitai nemu. Ku iya: “Lelaki ke deka ditikah pen datai.” (Mat. 25:10) Ba Menara Jaga kena 15 Julai, 2013, kitai belajar pasal Jesus “datai” lapan kali, ba Matthew bab 24 enggau 25. Lebuh Jesus bejaku pasal iya “datai,” iya madah pasal maya penusah ti besai. Maya nya, iya datai ngakim sereta ngemunaska penyai ba dunya tu. Nya alai kitai ulih nyimpulka, sempama Jesus nya nyadi ba hari ti penudi, tang iya deka “datai” maya penusah ti besai.\\n6. Nama pesan ari sempama nya?\\n6 Nama pesan dipelajarka kitai ari sempama nya? Kingatka isi jerita Bup Kudus nya. Ba Matthew bab 24, Jesus berandau pasal “ulun ke tetap ati sereta bepenemu-dalam.” Ulun nya raban ke mimit ari orang ti diiri ngena roh kudus. Sida deka ngiring bala murid Kristus ba hari ti penudi. Jesus nangkan sida ngambika terus tetap ati. Ba bab 25, Jesus ngena sempama pasal sepuluh iku indu dara kena ngelalau semua murid ke diiri ngena roh kudus ba hari ti penudi. Tuju pesan nya, awakka sida terus “bejaga” ngambika enda lenyau peluang ke serega. (Mat. 25:13) Aram kitai mansik sempama nya sereta meda baka ni orang ke diiri ngena roh kudus udah nitihka jaku lalau nya.\\nBAKA NI ORANG KE DIIRI NGENA ROH KUDUS NITIHKA JAKU LALAU ARI SEMPAMA NYA?\\n7, 8. (a) Nama kebuah indu dara ke pintar besedia? (b) Baka ni orang ke diiri ngena roh kudus besedia?\\n7 Ba sempama nya, Jesus madahka indu dara ke pintar udah sedia lebuh lelaki ke ditikah datai. Sida enda baka indu dara ke beli. Nama kebuah? Laban sida udah besedia sereta bejaga. Semua sepuluh iku indu dara patut mengkang bejaga sereta nyaga kelita ngambika enda padam lebuh malam hari. Enda baka indu dara ke beli, lima iku indu dara ke pintar udah besedia laban sida mekal minyak kelita. Baka ni orang Kristian ti diiri ngena roh kudus ke tetap ati besedia ngambat Jesus?\\n8 Orang ke diiri ngena roh kudus besedia bejalaika pengawa ti diberi ngagai sida nyentuk ke ujung. Sida nemu, gawa ke Petara reti iya sida enda angkunka pengaya ke bisi ba dunya Sitan. Sida keran nyembah Jehovah enggau taluk ukai ketegal pengujung dunya nyau semak, tang ketegal sida rinduka Iya enggau Anak Iya. Sida mengkang taluk lalu enda nejuka pengangkun ke reta, ulah ti kamah, sereta ulah ti ngira diri ngachau sida. Baka indu dara ke pintar ti udah besedia enggau kelita sida, orang ke diiri ngena roh kudus terus manchar baka bintang, enggau sabar ngambat penatai Lelaki ke Ditikah, taja pan iya baka ke laun datai.—Plp. 2:15.\\n9. (a) Nama jaku tangkan ke diberi Jesus pasal ngantuk? (b) Baka ni orang ti diiri ngena roh kudus nyaut kangau: “Tu lelaki ke deka ditikah”? (Peda nota kaki.)\\n9 Indu dara ke pintar mega besedia ngambat penatai lelaki ke ditikah laban sida bejaga. Tang ba sempama nya, semua sepuluh iku indu dara “ngantuk lalu tinduk” lebuh nganti lelaki ke ditikah baka ke laun datai. Nyadi, bisi ke enda orang Kristian ke diiri ngena roh kudus kemaya hari tu “tinduk,” iya nya limpang maya ngambat penatai Kristus? Bisi. Jesus nemu indah orang ke sanggup sereta keran ulih nyadi lemi, lalu limpang maya ngambat penatai iya. Nya alai, orang Kristian ti diiri ngena roh kudus ke tetap ati patut bebendar agi bejaga. Baka ni? Ba sempama nya, semua sepuluh iku indu dara nyaut kangau: “Tu lelaki ke deka ditikah!” Tang, semina indu dara ke pintar mengkang bejaga. (Mat. 25:5, 6; 26:41) Pia mega ba hari ti penudi, orang Kristian ke tetap ati ti diiri ngena roh kudus nyaut kangau: “Tu lelaki ke deka ditikah!” Sida udah nunjukka diri pechaya Jesus deka datai, lalu sida udah besedia ngambat iya. * (Peda nota kaki.) Aram kitai mansik pengujung sempama Jesus, ke beberatka timpuh ti udah ditetapka.\\nUPAH SIDA KE PINTAR ENGGAU UKUM SIDA KE BELI\\n10. Nama engka ditanya kitai pasal randau entara indu dara ke pintar enggau indu dara ke beli?\\n10 Ba pengujung sempama nya, indu dara ke beli minta minyak kelita ari indu dara ke pintar. Tang, indu dara ke pintar enggai nulung. (Bacha Matthew 25:8, 9.) Tang, ni maya orang Kristian ti diiri ngena roh kudus ke tetap ati enggai nulung orang ke begunaka bantu? Kingatka maya sempama nya deka nyadi. Jesus, Lelaki ke Ditikah, datai ngakim semak pengujung penusah ti besai. Nyadi, randau nya nunjukka utai ti nyadi semak pengujung penusah ti besai. Baka ni kitai nemu? Laban maya nya, orang ke diiri ngena roh kudus deka nerima chop sida ti penudi.\\n11. (a) Nama deka nyadi sebedau penusah ti besai berengkah? (b) Nama reti utai ku indu dara ke pintar lebuh sida ngasuh indu dara ke beli mupuk, lalu meli minyak?\\n11 Nyadi sebedau penusah ti besai berengkah, semua orang ti diiri ngena roh kudus ke tetap ati ba dunya deka nerima chop ti penudi. (Pem. 7:1-4) Bepun ari nya, sida endang deka ke serega. Tang, pikirka pasal taun-taun sebedau penusah ti besai. Nama deka nyadi ngagai orang ke diiri ngena roh kudus ke enda terus bejaga sereta enda tetap ati? Sida enda nerima chop ti penudi. Lebuh maya nya, orang Kristian bukai ke tetap ati deka dipilih nganti sida. Lebuh penusah ti besai berengkah, indu dara ke beli engka tekenyit meda Babilon ti Besai dipunaska. Udah nya baru sida nemu, sida enda besedia ngambat Jesus. Maya nya, nama deka nyadi enti sida minta bantu? Saut iya ba sempama nya. Indu dara ke pintar enggai meri indu dara ke beli minyak, tang ngasuh sida mupuk, lalu meli minyak. Laban nya “ba urung tengah malam,” nadai orang nyual minyak. Sida udah laun!\\n12. (a) Lebuh maya penusah ti besai, nama nyadi ngagai orang ke diiri ngena roh kudus, ke enda tetap ati sebedau nerima chop ti penudi? (b) Nama deka nyadi ngagai sida ke baka indu dara ke beli?\\n12 Lebuh maya penusah ti besai, orang ti diiri ngena roh kudus ke tetap ati enda ulih nulung orang ke enda tetap ati. Sida udah laun. Nya alai, nama deka nyadi ngagai orang ke enda tetap ati? Peratika nama nyadi ngagai indu dara ke beli ke mupuk meli minyak: “Lelaki ke deka ditikah pen datai. Indu ke endang udah sedia nya tama enggau lelaki nya ngagai pengerami gawai tikah. Pintu lalu ditutup.” Lebuh Jesus datai enggau mulia semak pengujung penusah ti besai, iya deka ngumpul orang ti diiri ngena roh kudus ke tetap ati ke serega. (Mat. 24:31; 25:10; Jhn. 14:1-3; 1 Tes. 4:17) Tang, Jesus deka nulak sida ke enda tetap ati. Baka indu dara ke beli sida engka ngangau: “Tuan, tuan! Buka pintu ke kami!” Tang, nama saut Jesus? Sayau amat, iya meri sida saut ti sama ngagai orang ke baka kambin: “Enggau bendar aku madah ngagai kita, aku enda ngelala kita.”—Mat. 7:21-23; 25:11, 12.\\n13. (a) Nama kebuah enda tau nyimpulka mayuh murid Kristus ke diiri ngena roh kudus deka enda tetap ati? (b) Nama kebuah kitai ngumbai sempama Jesus nunjukka iya bisi pengarap ba orang Kristian ke diiri ngena roh kudus? (Peda gambar ba pun pelajar.)\\n13 Kati Jesus madahka mayuh orang ke diiri ngena roh kudus deka enda tetap ati, lalu patut diganti? Enda. Ba Matthew bab 24, kitai nemu Jesus enda ngasuh ulun ke tetap ati sereta bepenemu-dalam nyadi ulun ke jai. Reti iya, Jesus enda ngarapka utai tu nyadi. Pia mega, sempama pasal sepuluh iku indu dara nya semina jaku tangkan. Baka indu dara ke beli enggau ke pintar, genap iku orang Kristian ke diiri ngena roh kudus patut besedia enggau bejaga. Enti enda, sida deka nyadi beli enggau enda tetap ati. Paul meri tangkan ti sama ngagai bala menyadi Kristian ke diiri ngena roh kudus. (Bacha Hebrew 6:4-9; banding Ulang Adat 30:19.) Tangkan iya nyemetak, tang iya pechaya sida deka bulih berekat. Tangkan ba sempama pasal sepuluh iku indu dara nunjukka Jesus bisi pengarap ti sama ba orang ke diiri ngena roh kudus. Iya nemu genap iku ari sida ulih mengkang tetap ati sereta nerima berekat ti manah!\\nBAKA NI “BEDUS TI BUKAI” KRISTUS BULIH PENGUNTUNG?\\n14. Nama kebuah bedus ti bukai mega bulih penguntung ari sempama pasal sepuluh iku indu dara?\\n14 Sempama Jesus dituju ngagai orang Kristian ke diiri ngena roh kudus. Tang, ulih “bedus ti bukai” bulih penguntung ari sempama Jesus? (Jhn. 10:16) Ulih! Pesan sempama tu mudah: “Bejaga.” Lalu Jesus kala madah: ‘Nya alai aku madah ngagai semua kita: Bejaga.’ (Mrk. 13:37) Jesus dekaka semua murid iya besedia sereta bejaga. Lalu, semua orang Kristian ulih nitih teladan manah orang ke diiri ngena roh kudus, ke ngenuluka pengawa nginjil ba pengidup sida. Kingatka, indu dara ke beli minta minyak ari indu dara ke pintar. Peminta sida enda dikibuhka. Tu ngingatka kitai, penaluk ngagai Petara, besedia, sereta terus bejaga, nya bepanggai ba kitai empu. Nadai orang ulih ngereja nya ke kitai. Genap iku kitai betanggungjawap ngagai Hakim ti lurus, Jesus Kristus, iya ke deka datai enda lama da agi. Nyadi, kitai patut sedia!\\nNadai orang ulih ngarika kitai mengkang tetap ati tauka bejaga\\n15. Nama kebuah tikah Kristus enggau indu ke ditikah iya ngagaka ati semua orang Kristian ke bendar?\\n15 Semua orang Kristian gaga ati pasal tikah ti disebut ba sempama Jesus. Jemah ila, pengudah perang Armagedon, orang Kristian ke diiri ngena roh kudus deka nyadi indu ke ditikah Kristus. (Pem. 19:7-9) Genap iku orang ba dunya deka bulih penguntung ari tikah ba serega nya. Nama kebuah? Laban nya nyamin perintah ti sempurna ke semua mensia. Sekalika kitai bisi peluang idup belama ba serega tauka ba dunya, aram meh kitai terus besedia sereta bejaga. Enggau tu, kitai tau bulih pengelantang ti disediaka Petara ke kitai jemah ila!\\n^ per. 9 Ba sempama nya bisi dipadahka maya timpuh entara kangau, “Tu lelaki ke deka ditikah!” (ayat 6) enggau penatai lelaki ke ditikah (ayat 10). Sepemanjai hari ti penudi, orang ke diiri ngena roh kudus mengkang bejaga. Sida ngelala tanda penatai Jesus. Nya alai, sida nemu iya benung merintah nyadi Raja ba Perintah Petara. Taja pia, sida patut terus bejaga nyentuk ke iya datai.","num_words":2113,"character_repetition_ratio":0.126,"word_repetition_ratio":0.006,"special_characters_ratio":0.226,"stopwords_ratio":0.301,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 22 BK - Lalu ku TUHAN bejaku ngagai Moses, - Bible Search\\nAdat Lewi 21 Adat Lewi 23\\nAdat Lewi 22\\n1Lalu ku TUHAN bejaku ngagai Moses, 2“Asuh Aron enggau bala anak lelaki iya bejimat enggau pemeri ti kudus ti diberi orang Israel ngagai Aku, ngambika sida enda mechat nama Aku ti kudus. Aku tu TUHAN. 3Sebut ngagai sida, ‘Enti siku ari peturun nuan, ba genap iti serak, datai semak ngagai pemeri ti kudus ti diserahka orang Israel ngagai Aku, lebuh iya agi mengkang enda tuchi, iya enda tau agi bekereja ba alta. Aku tu TUHAN.\\n4“Nadai siku ari peturun Aron, ke bisi penyakit kulit ti tau ngerampit, tauka bisi utai kamah pansut ari tubuh iya, tau makai pemeri ti kudus, datai ke udah nyadi tuchi baru. Imam nyadi enda tuchi enti iya negu utai ti enda tuchi, nemuka utai nya bangkai, tauka ai mani iya ti bisi pansut, 5tauka iya udah negu jelu ti enda tuchi, tauka negu orang ke enda tuchi. 6Imam ti nyadi enda tuchi, deka mengkang enda tuchi nyentuk ngagai lemai. Tang taja pen hari nyau lemai, iya enda tau makai pemeri ti kudus, enti iya apin mandi. 7Lebuh padam mata panas nya baru iya tuchi. Udah nya baru iya tau makai pemeri ti kudus, ti endang pemakai iya. 8Iya enda tau makai dagin jelu ti mati sakit tauka mati ngapa, tauka mati laban jelu babas. Utai nya deka ngasuh iya enda tuchi. Aku tu TUHAN.’\\n9Sida enda tau enda nitihka adat ti diberi Aku, enggai ke sida salah lalu mati dalam Langkau Kain TUHAN ketegal sida enda ngasika adat ti kudus. Aku tu TUHAN, ke nguduska adat nya.\\n10“Orang bukai enda tau makai pemeri ti kudus nya. Orang ke diau enggau imam, tauka orang gaji iya pen enda meh tau makai pemeri nya. 11Tang ulun imam, ke dibeli ngena duit imam nya empu, tauka ada dalam rumah imam, tau makai pemakai imam. 12Enti anak indu imam jadi enggau orang ke ukai imam, iya enda tau makai pemeri ti kudus nya. 13Tang anak indu imam, ke balu, tauka udah dibuai laki lalu nadai anak, sereta udah pulai lalu diau dalam rumah apai iya baru, lalu nyadi orang tupi apai iya, tau makai pemakai apai iya ti nyadi imam. Semina sida imam sebilik aja tau makai pemakai nya.\\n14“Enti orang ke ukai sebilik enggau imam makai piring ti kudus, enggau enda sengaja, sida enda tau enda mayar semua rega piring nya ngagai imam, ditambahka enggau dua puluh peratus. 15Imam enda tau ngamahka pemeri ti kudus ti diberi orang Israel ngagai TUHAN, 16ti tau ngasuh sida betanggungjawapka penyalah ti begunaka piring kena muai penyalah, ketegal sida makai pemeri ti kudus: laban Aku tu TUHAN ti nguduska pemeri nya.”\\n17Lalu ku TUHAN bejaku ngagai Moses, 18“Sebut ngagai Aron, enggau ngagai bala anak lelaki iya, enggau ngagai semua orang Israel: Lebuh orang Israel, tauka orang kampar ti diau begulai enggau orang Israel, ngenjuk piring tunu, nemuka piring nya kena ngamatka semaya, tauka nyadika piring ti diberi nitihka peneka ati diri, jelu nya enda tau bisi penimpang. 19Jelu nya deka diterima enti iya lelaki lalu nadai penimpang. 20 Enti kita meri jelu ti bisi penimpang, TUHAN enggai nerima jelu nya. 21Lebuh orang ngenjuk piring pemaik ngagai TUHAN, nemuka piring nya kena ngamatka semaya, tauka nyadika piring ti diberi nitihka peneka ati diri, jelu nya nadai tau bisi penimpang. Nya baru jelu nya deka diterima. 22Anang meri ngagai TUHAN jelu ti buta, tauka jelu ti enda tau bejalai, tauka bakal, tauka bisi kuris, tauka bisi kulit ti meletur, tauka kulit iya nyau penuh laban tutup kuris. Anang meri jelu ti baka nya ba alta nyadika piring ti diberi ngena api. 23Nyadi pasal piring ti diberi kita nitihka peneka ati diri, kita tau meri jelu ti tasal, tauka enda menyana gamal, tang piring nya enda diterima kena ngamatka semaya. 24Anang meri ngagai TUHAN jelu ti udah pechah pelir, tauka pelir iya bisi telih, malui, tauka udah tingkil. Utai ti baka nya enda tau dikereja di menua kita.\\n25Anang meri jelu ti diambi kita ari orang bansa bukai nyadika piring ti diberi ngena api. Jelu ti baka nya dikumbai jelu ti bisi penimpang, lalu enda diterima.\\n26Lalu ku TUHAN bejaku ngagai Moses, 27“Lebuh anak sapi tauka anak domba, tauka anak kambin ada, iya enda tau diambi ari indai iya dalam kandang tujuh hari. Ba hari ti kelapan nya baru iya diterima nyadika piring ti diberi ngena api ngagai TUHAN. 28Anang meri sapi ti indu enggau anak iya, tauka indu jelu bedus enggau anak iya, tauka jelu kambin enggau anak iya sama hari nyadika piring. 29Lebuh kita ngenjuk piring terima kasih ngagai TUHAN, titihka adat tu, ngambika kita diterima. 30Empa piring nya ba hari nya, lalu anang nejuka utai nya beteda ngagai pagi hari siti.\\n31“Nya alai kita enda tau enda ngasika, lalu ngereja pesan Aku. Aku tu TUHAN. 32Lalu kita enda tau mechat nama Aku ti kudus. Semua orang Israel enda tau enda ngumbai Aku kudus. Aku tu TUHAN ti nguduska kita, 33ti udah mai kita pansut ari menua Ejip ngambika Aku nyadi Allah Taala kita. Aku tu TUHAN.”","num_words":831,"character_repetition_ratio":0.091,"word_repetition_ratio":0.019,"special_characters_ratio":0.216,"stopwords_ratio":0.329,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tunjukka Penaluk Diri Ngagai Petara Jehovah Baka Ke Digaga David Enggau Jonatan | Ke Mudah\\nCHERITA PENGIDUP Jehovah Udah Meri Aku Pemujur Lebuh Bekereja ke Iya\\nMenara Jaga—Edisyen Dikena Belajar | Februari 2016\\nBACHA DALAM JAKU Afrikaans Aukan Baoule Bassa (Cameroon) Bislama Boulou Cakchiquel Cambodian Chitonga Chokwe Chol Cibemba Cinyanja Dangme Efik English Ewe Fon French Ga Garifuna Greenlandic Haitian Creole Hausa Hmong (Putih) Iban Igbo Isoko Italian Kabiye Karen (S'gaw) Kazakh Kikaonde Kikongo Kimbundu Kisi Kisonge Kongo Krio Kwangali Kwanyama Lamba Laotian Lifu Lingala Lunda Luvale Maltese Mam Mambwe-Lungu Mauritian Creole Mazatec (Huautla) Mbunda Mende Mizo Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndonga Ngabere Ngangela Nyaneka Nzema Otetela Pijin (Cameroon) Portuguese Quechua (Ancash) Quechua (Ayacucho) Quechua (Cuzco) Quichua (Imbabura) Saramaccan Sepedi Sesotho (Lesotho) Setswana Seychelles Creole Silozi Spanish Swahili (Congo) Swati Tahitian Tiv Tlapanec Tojolabal Totonac Tshiluba Tsonga Twi Tzeltal Umbundu Urhobo Uruund Venda Wallisian Wayuunaiki Welsh Xhosa Yoruba Zulu\\n‘Jehovah deka nentuka tua, enggau peturun tua, deka ngingatka sempekat ti udah digaga tua enggau pangan diri.’—1 SAM. 20:42.\\nLAGU: 125, 62\\nBaka ni anak Raja Saul, Jonatan taluk ngagai Jehovah?\\nBaka ni kitai ulih taluk ngagai Petara enti kitai ngasaika orang ke bekuasa enda patut nerima basa ari kitai?\\nBaka ni kitai ulih taluk ngagai Jehovah enti orang bukai bingkuk penemu tauka bechiping enggau kitai?\\n1, 2. Nama kebuah ulah Jonatan ke taluk ngagai David nyadi teladan ti manah ke kitai?\\nJONATAN tentu alit ati enggau pemerani David ke agi biak. David udah munuh Goliat lalu minching “pala Goliat” ngagai apai Jonatan, Raja Saul ari menua Israel. (1 Sam. 17:57) Jonatan pechaya bendar Petara bisi enggau David, lalu kenyau hari nya, Jonatan seduai David nyadi kawan rapat. Seduai iya besemaya deka seruran taluk ngagai pangan diri. (1 Sam. 18:1-3) Sepemanjai pengidup Jonatan, iya taluk ngagai David.\\n2 Jonatan mengkang taluk ngagai David, taja pan Jehovah udah milih David, ukai Jonatan, nyadi raja menua Israel ke baru. Lalu lebuh Saul nguji deka munuh David, Jonatan irau pasal kawan iya. Iya nemu David bisi ba menua puang semak Hores, nya alai iya mupuk kin merangsang David ngambika terus bepanggai ba Jehovah. Ku Jonatan madah ngagai David: “Anang takut. Apai aku Saul enda ulih ngemediska nuan. Iya sigi nemu nuan deka nyadi raja orang Israel, lalu aku deka nyadi lumur dua nuan.”—1 Sam. 23:16, 17.\\n3. Nama beguna agi ba Jonatan kelimpah ari taluk ngagai David, lalu baka ni kitai nemu? (Peda gambar ba pun artikel.)\\n3 Kitai suah deka rindu ngagai orang ke taluk. Tang, kati kitai semina rindu ngagai Jonatan ketegal iya taluk ngagai David? Enda. Taluk ngagai Petara nya utai ti pemadu beguna ba pengidup Jonatan. Endang amat, nya meh kebuah iya taluk ngagai David sereta enda chemburu ngagai David, taja pan David deka nyadi raja, tang ukai iya. Indah Jonatan nulung David bepanggai ba Jehovah. Seduai iya mengkang taluk ngagai Jehovah sereta ngagai pangan diri. Seduai iya ngamatka semaya ke udah digaga: ‘Jehovah deka nentuka tua, enggau peturun tua, deka ngingatka sempekat ti udah digaga tua enggau pangan diri.’—1 Sam. 20:42.\\n4. (a) Nama ulih ngasuh kitai amat lantang ati sereta puas ati? (b) Nama deka dikerandauka kitai ba artikel tu?\\n4 Kitai mega enda tau enda taluk ngagai diri sebilik, bala kawan sereta bala menyadi Kristian kitai ba gempuru. (1 Tes. 2:10, 11) Tang ke pemadu beguna, kitai enda tau enda taluk ngagai Jehovah. Iya ti meri kitai pengidup! (Pem. 4:11) Enti kitai taluk ngagai Iya, kitai amat lantang ati sereta puas ati. Tang kitai nemu, kitai patut taluk ngagai Petara indah ba maya ti tusah. Ba artikel tu, kitai deka berandauka baka ni teladan Jonatan ulih nulung kitai mengkang taluk ngagai Jehovah dalam empat pekara tu: (1) enti kitai ngasaika orang ke bekuasa enda patut nerima basa ari kitai, (2) enti kitai milih ngagai sapa kitai patut taluk, (3) enti seiku menyadi Kristian lelaki ke ngiring bingkuk penemu tauka bechiping enggau kitai, sereta (4) enti kitai ngasaika diri tusah deka ngamatka semaya.\\nENTI KITAI NGASAIKA ORANG KE BEKUASA ENDA PATUT NERIMA BASA ARI KITAI\\n5. Nama kebuah orang Israel tusah deka taluk ngagai Petara lebuh Saul nyadi raja?\\n5 Jonatan enggau orang Israel napi penusah. Raja Saul, apai Jonatan, udah enda ngasika Jehovah, nya alai Jehovah nulak iya. (1 Sam. 15:17-23) Tang Jehovah agi ngelakka Saul terus merintah beberapa taun. Nya alai, rayat tusah deka taluk ngagai Jehovah enti raja ke dipilih duduk ba “kerusi diraja” Jehovah, ngereja utai ti jai.—1 Ban. 29:23.\\n6. Nama nunjukka Jonatan mengkang taluk ngagai Jehovah?\\n6 Jonatan mengkang taluk ngagai Jehovah. Pikirka utai ti digaga Jonatan enda lama pengudah Saul berengkah enda ngasika Petara. (1 Sam. 13:13, 14) Maya nya, seraban soldadu Pilistin ti besai datai nyerang orang Israel ngena 30,000 buah kerita perang. Saul semina bisi 600 iku soldadu, lalu semina iya enggau Jonatan aja ke bisi senyata. Tang Jonatan enda takut. Iya ingatka jaku nabi Samuel: ‘Jehovah udah besumpah enggai ninggalka kita.’ (1 Sam. 12:22) Ku Jonatan madah ngagai seiku soldadu: “Nadai utai ulih nagang Iya ngasuh tua menang, enda ngira pemimit tubuh kitai.” Nya alai, iya enggau soldadu nya nyerang seraban orang Pilistin, lalu munuh kira-kira 20 iku ari sida. Jonatan bisi pengarap ngagai Jehovah, lalu Jehovah merekatka iya. Jehovah ngasuh tanah berenyang, lalu orang Pilistin pan takut. Udah nya sida nyerang sereta bebunuh enggau pangan diri, lalu orang Israel menang beperang.—1 Sam. 13:5, 15, 22; 14:1, 2, 6, 14, 15, 20.\\n7. Baka ni chara Jonatan begulai enggau apai iya?\\n7 Taja pan Saul majak enggai ngasika Jehovah, tang Jonatan enggau naka ulih ngasika apai iya. Chunto, seduai iya sama beperang ngetanka nembiak Jehovah.—1 Sam. 31:1, 2.\\n8, 9. Baka ni kitai taluk ngagai Petara enti kitai bebasaka orang ke bekuasa?\\n8 Baka Jonatan, kitai ulih taluk ngagai Jehovah enti kitai enggau naka ulih ngasika perintah ba menua ke endur alai kitai diau. Jehovah ngemendarka “perintah ti megai menua” tu bekuasa atas kitai, lalu Iya dekaka kitai ngayanka basa ngagai sida. (Bacha Rome 13:1, 2.) Nya kebuah kitai patut bebasaka pegawai perintah indah lebuh pegawai nya enda lurus, lalu kitai ngasaika iya enda patut nerima basa ari kitai. Endang amat, kitai patut bebasaka semua orang ke diberi Jehovah kuasa merintah, nyengkaum orang ke bekuasa ba ruang bilik sereta ba gempuru.—1 Kor. 11:3; Heb. 13:17.\\nSiti chara kitai mengkang taluk ngagai Jehovah iya nya enggau bebasaka laki tauka bini kitai, taja pan sida enda nyembah Jehovah (Peda genteran 9)\\n9 Olga, seiku menyadi Kristian ke indu ari menua Amerika Selatan, nunjukka penaluk iya ngagai Jehovah enggau bebasaka laki iya, taja pan laki iya enda manah enggau iya.  (Peda nota penutup.) Kekadang laki iya enggai bejaku enggau iya tauka nyebut utai ke jai ngagai iya laban iya seiku ari Saksi-Saksi Jehovah. Laki iya indah madahka diri deka ninggalka iya, lalu mai bala anak enggau iya. Tang Olga enda “malas penyai ngena penyai.” Iya enggau naka ulih nyadi bini ti manah. Iya nyediaka pemakai ke laki iya, masu gari laki iya sereta ngintu sida sebilik ke bukai. (Rom. 12:17) Lalu enti iya ulih, iya enggau laki iya nemuai ngagai mentua iya enggau bala kawan laki iya. Chunto, lebuh iya enggau laki iya pulai ketegal mentua iya ke lelaki udah nadai ba nengeri bukai, iya nyikap utai ke deka dikena sida menyanak lebuh sida din. Udah nya, maya orang besembiangka mentua iya, iya nganti laki iya ba luar gereja. Pengudah beberapa taun, laki Olga berengkah manah enggau Olga ketegal Olga sabar sereta seruran bebasaka iya. Diatu, laki iya merangsang iya datai begempuru sereta nganjung iya ke gempuru. Kekadang laki iya pan datai ke gempuru enggau iya.—1 Pet. 3:1.\\nENTI KITAI MILIH NGAGAI SAPA KITAI PATUT TALUK\\n10. Baka ni Jonatan nemu ngagai sapa iya patut taluk?\\n10 Lebuh Saul madahka diri deka munuh David, Jonatan tusah deka ngaga pemutus. Iya deka taluk ngagai apai iya, tang iya mega deka taluk ngagai David. Jonatan nemu Petara bisi enggau David, ukai enggau Saul. Nya alai iya milih deka taluk ngagai David. Iya ngasuh David belalai, lalu udah nya madah ngagai Saul kebuah Saul patut ngelakka David idup.—Bacha 1 Samuel 19:1-6.\\n11, 12. Baka ni pengerindu kitai ngagai Petara nulung kitai mutuska diri taluk ngagai Iya?\\n11 Alice, seiku menyadi Kristian ke indu ari menua Australia, patut milih ngagai sapa iya patut taluk. Lebuh iya belajarka Bup Kudus, iya madah ngagai sida sebilik pasal utai ti dipelajar iya. Iya mega madah ngagai sida, iya enda ngintu Krismas enggau sida sereta nerangka kebuah iya enda ngintu. Keterubah iya, sida diri sebilik enda nyamai ati, tang udah nya sida balat pedis ati ngagai iya. Sida ngumbai Alice enda ibuhka sida agi. Udah nya indai iya madahka diri enggai agi betemu enggau Alice. Ku Alice madahka: “Aku tekenyit ati sereta balat tusah ati laban aku balat sayauka kami sebilik. Taja pia, aku keran deka ngenuluka Jehovah enggau Anak Iya, lalu aku dibaptisa ba siti gempuru besai.”—Mat. 10:37.\\n12 Kitai enda tau ngelakka diri taluk ngagai utai bukai, baka seraban tim sukan, sekula, tauka menua, lebih agi ari taluk ngagai Jehovah. Ngambika chunto, Henry rindu bemain chatur enggau tim sekula iya, lalu deka menang ngarika sekula iya. Tang ketegal iya bemain chatur tiap ujung minggu, iya nadai entu hari enggau nginjil tauka begempuru. Henry madahka taluk ngagai sekula nyau lebih agi ari taluk ngagai Petara. Nya alai, iya mutuska diri badu agi bemain chatur ngarika sekula.—Mat. 6:33.\\n13. Baka ni taluk ngagai Petara ulih nulung kitai mutarka penanggul ba ruang bilik?\\n13 Kekadang tusah deka taluk ngagai tiap iku diri sebilik ba maya ti sama. Ngambika chunto, Ken madahka: “Aku deka ngabas indai aku ke udah tuai enggau tetap, lalu kekadang deka iya diau enggau kami duai. Tang, indai enggau bini aku enda ulih begulai.” Ku iya agi: “Aku enda ulih ngagaka ati seduai iya serentak.” Ken berundingka utai ti dipadah Bup Kudus, lalu nemu, ba pekara tu iya patut ngenyamaika ati bini iya sereta taluk ngagai bini iya. Nya alai, iya bulih chara kena mutarka pekara nya, lalu ngagaka ati bini iya. Udah nya, iya nerangka kebuah bini iya patut manah enggau indai iya. Iya mega nerangka kebuah indai iya patut bebasaka bini iya.—Bacha Pemungkal 2:24; 1 Korint 13:4, 5.\\nENTI SEIKU MENYADI KRISTIAN LELAKI KE NGIRING BINGKUK PENEMU TAUKA BECHIPING ENGGAU KITAI\\n14. Baka ni Saul nunjukka diri bechiping enggau Jonatan?\\n14 Kitai mega ulih taluk ngagai Jehovah taja pan menyadi Kristian lelaki ke ngiring bechiping enggau kitai. Raja Saul udah dipilih Petara, tang iya enda manah enggau anak iya. Iya enda meretika kebuah Jonatan rinduka David. Nya alai, lebuh Jonatan nguji nulung David, Saul balat ringat, lalu iya ngemaluka anak iya ba mua orang mayuh. Tang Jonatan agi bebasaka apai iya. Ba maya ti sama, iya mengkang taluk ngagai Jehovah sereta ngagai David, ke udah dipilih Jehovah nyadi raja menua Israel ke baru.—1 Sam. 20:30-41.\\n15. Enti menyadi Kristian ke lelaki bechiping enggau kitai, nama patut digaga kitai?\\n15 Ba gempuru kitai kemaya hari tu, bala menyadi Kristian lelaki ke ngiring nguji enda bechiping enggau semua orang. Tang sida enda sempurna. Ketegal nya, sida tusah deka meretika kebuah kitai ngereja siti-siti utai. (1 Sam. 1:13-17) Nya alai, enti sida bisi kala bingkuk penemu, aram meh kitai mengkang taluk ngagai Jehovah.\\nENTI KITAI NGASAIKA DIRI TUSAH DEKA NGAMATKA SEMAYA\\n16. Ba penanggul ke baka ni kitai enda tau enda taluk ngagai Petara sereta enda berundingka diri empu?\\n16 Saul deka Jonatan nyadi raja pengudah iya, tang ukai David. (1 Sam. 20:31) Tang Jonatan rinduka Jehovah sereta taluk ngagai Iya. Nya alai, ari ke berundingka diri empu, Jonatan nyadi kawan David sereta ngamatka semaya iya ngagai David. Endang amat, semua orang ke rinduka Jehovah sereta taluk ngagai Iya deka “seruran ngamatka semaya sida, enda ngira pemesai ungkus nya.” (Mas. 15:4) Laban kitai taluk ngagai Petara, kitai deka ngamatka semaya kitai. Chunto, enti kitai ngaga sempekat ba pengawa dagang, kitai deka ngereja utai ti disemayaka kitai, indah lebuh ba maya ti tusah. Lalu enti kitai bisi penanggul enggau laki tauka bini kitai, kitai deka nunjukka diri rinduka Jehovah enggau mengkang taluk ngagai laki tauka bini kitai.—Bacha Malaki 2:13-16.\\nEnti kitai ngaga sempekat ba pengawa dagang, kitai deka ngereja utai ti disemayaka kitai laban kitai taluk ngagai Petara (Peda genteran 16)\\n17. Baka ni artikel tu nulung nuan?\\n17 Kitai deka taluk ngagai Petara indah ba maya ti tusah, sama baka Jonatan. Nya alai, aram meh kitai mengkang taluk ngagai bala menyadi Kristian kitai taja pan sida ngasaka ati kitai. Enggau tu kitai deka ngagaka ati Jehovah, lalu tu meh ke ngasuh kitai gaga ati. (J-lam. 27:11) Kitai ulih pechaya, Iya seruran deka ngereja utai ti pemadu manah ke kitai sereta nyaga kitai. Ba artikel pengudah tu, kitai deka beratika utai ti ulih dipelajarka kitai ari sekeda orang ke taluk enggau ke enda taluk maya jeman David.\\n^  (genteran 9) Sekeda nama udah ditukar.\\nKitai mengkang taluk ngagai Jehovah: Kitai rinduka Jehovah sereta seruran ngasika Iya. Ba maya ti tusah, kitai berunding pasal utai ti dikedekaka Iya kereja kitai, lalu udah nya ngasika Iya laban kitai rinduka Iya lebih agi ari orang bukai tauka utai bukai\\n“Perintah ti megai menua”: Perintah enggau pegawai ke dikemendarka Jehovah bekuasa atas kitai. Iya deka kitai bebasaka sereta ngasika sida. Tang enti sida ngasuh kitai ngereja utai ti enda diasuh Petara, kitai tau enda ibuh nitihka utai ti diasuh\\nMENARA JAGA—EDISYEN DIKENA BELAJAR Februari 2016","num_words":2116,"character_repetition_ratio":0.079,"word_repetition_ratio":0.016,"special_characters_ratio":0.215,"stopwords_ratio":0.328,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2018-10-14 - Pengawa tu ukai semina dikena ngiga jaguh dunya, tang ulih mantu nurunka penyampau sakit raya ba komuniti\\nPengawa tu ukai semina dikena ngiga jaguh dunya, tang ulih mantu nurunka penyampau sakit raya ba komuniti\\nMIRI: Ngemeranka pengawa lumba ukai semina deka ngiga jaguh dunya aja, tang patut dikena mantu nempa rayat Malaysia ti bepengerai agi, ku Kaban Parlimen ( MP) Miri Dr Michael Teo nerang.\\nKu iya, aktiviti lumba ukai semina nyadi gaya idup regas enggau chakah, tang mega gaya pengawa mantu nurunka penyampau sakit raya ngagai bala komuniti.\\n“Kemaya hari tu, bemacham bansa penyakit ti enda berampit ditapi bala komuniti kitai baka kelalu gemuk, kemi manis enggau sakit tungkul ati.\\n“Enti kitai semina diau diri aja lalu nejuka penyakit nya majak nyadi, ke alai ungkus berubat ti deka ditanggung kitai ukai semina ngagai rayat aja, tang mega ungkus melanja perubat mensia mayuh mega deka nambah,” ku iya.\\nDr Teo mansutka jaku tu rambau pengawa ngelancharka Hari Lumba Menua 2018 Renggat Bagi Menua Miri, diatur Opis Nembiak enggau Lumba Bagi Menua Miri enggau kerejasama Kelab Berbasikal Kerbau Bull Miri bepalan ba Stadium Bandaraya Miri, kemari.\\nNya alai ku iya, aktiviti lumba enggau ulah ngemeranka gaya idup bepengerai nyadi chara dikena nyeliah enggau nagang penyakit nya.\\n“Enti kitai gerai, kitai deka berasai lantang enggau regas. Asai ati gagit enggau produktiviti tinggi ti diasaika bala kita pengudah ngaul diri ba lumba patut seruran diterenak,” ku iya.\\nRunding baka nya ku iya, enti seruran bisi diasai rayat Malaysia, ulih nyapai juluk Malaysia nyadi sebuah Menua Lumba enggau rayat bepengerai.\\nIya mega dekaka sukung enggau tanggungpengawa ari kesemua serak komuniti ba aktiviti lumba seruran bisi dikena mantu ngubah Ma- laysia nyadi Menua Lumba, kelimpah nyadi pelasar peny- erakup rayat pupu bansa enggau gempung nasional. Dr Teo udah nya ngelepaska pengawa belanda ‘Fun Run 4KM’ ti disereta 2,500 peyereta, enggau ‘Fun Ride 30KM’ ti disereta 160 penyereta ngena engsikal nyerumba Hari Lumba Menua 2018 Bagi Menua Miri.\\nBela diatur aktiviti zumba ari Kelab Kecergasan Evolution Fitness Permyjaya, Miri Streetworkout enggau Calisthenics Battle Volume 2 diiring 0Gravity Calisthenics Academy, enggau Fitness Challenge ari 911 CF Miri sereta diselang enggau chabut benasit.\\nSama bisi datai Kaban Kunsil Nengeri ( ADUN) Pujut Dr. Ting Tiong Choon, Penulung Pemesai Nembiak enggau Lumba Bagi Menua Miri Stephanie Wendy Stamford, Pemesai Nguasa Opis Dagang Temuai, Seni, Budaya, Nembiak enggau Lumba Miri Ennie Lukong, Presiden Kelab Berbasikal Kerbau Bull Miri Fadly Rusli sereta bala bukai.\\nKemaya hari tu, bemacham bansa penyakit ti enda berampit ditapi bala komuniti kitai baka kelalu gemuk, kemi manis enggau sakit tungkul ati. Dr Michael Teo MP Miri\\nBASA: Stephanie nyuaka tepa ngagai Dr Teo kelai terima kasih seraya dikemata Dr Ting, sereta bala bukai.","num_words":429,"character_repetition_ratio":0.057,"word_repetition_ratio":0.081,"special_characters_ratio":0.189,"stopwords_ratio":0.156,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2019-11-09 - Putarka penanggul rega komoditi besai ti balat nurun\\nPutarka penanggul rega komoditi besai ti balat nurun\\nRega komoditi besai baka sawit ti balat nurun nya meri empas sereta ngerugi pekebun\\nUtusan Borneo (Sarawak) - 2019-11-09 - Berita Iban - Dikarang Rengenyan Labang\\nKUCHING: Perintah besai dikearapka ulih mutar penanggul sereta ngenegapka rega komoditi besai udah ke udah jauh turun, ti udah meri empas ngagai pengemeran tauka pekebun.\\nMohammad Razi Sitam (GPS - Saribas) madahka diri sinu meda pengemeran tauka pekebun menua tu, lebuh rega komoditi besai baka sawit kelalu balat nurun rega sereta baruh ari RM270\/tan.\\nTu jauh bida enti dibandingk­a enggau pekara ti nyadi sebedau taun 2018, ke alai rega manggai RM500 nyantuk RM600 setan, ku iya.\\n“Tu (penurun rega komoditi) meri empas ti balat ti ngujungka pekebun kitai besebana laban asil sida nadai meri penguntung.\\n“Nama chara perintah besai ngenegapka pekara tu? Nyentuk ke diatu nadai ngayanka penambah. Pemadu ngenyinuka ati bisi pemesai sida ngasuh beterima kasih enggau rega ti baru tu.\\nKaban Kunsil Nengeri Saribas\\n“Sida iya enda nemu pekebun kitai kala bulih asil ti chukup manah ba komoditi sawit sebedau tu,” ku iya.\\nRazi mansutka pekara nya lebuh ti bejuraika perambu belanja nengeri 2020 ba Aum\\nKe-2 Penggal Ke-4 Kunsil Nengeri (DUN) Sarawak Ke-18 ba Kompleks DUN ditu, kemari.\\nBerebak enggau tu, iya meri perambu ngagai perintah ngambika numbuhka\\nPalan Mansik enggau Ngemansang Produk Ikan Sungai ba Kpg Mangut.\\nKu iya ,laban mayuh ikan nyengkaum ikan sungai ke tau mai pemaik ngagai ekomoni peranak menua tu, sereta ulih dikemansan­gka nyadi produk.\\n“Aku meri perambu patut ditumbuhka siti palan mansik enggau ngemansang produk ikan sungai baka ikan ke tau meri penguntung ngagai peranak menua tu. Ambika chunto di Saribas, produk ikan buntal ti pemadu tebilang kelebih agi ba Batang Saribas di Kampung Mangut Spaoh.\\n“Nya kebuah opis perintah megai Bagi menua Betong enggau YBhg Datuk Patinggi Dr Alfred Jabu Numpang ex-Sapit Kepala Menteri bejalaika inisiatif ngangakatk­a Kampung Mangut nyadi Palan Pesta Ikan buntal ti diatur ninting taun nyentuk ke diatu.\\n“Taja pia, perambu palan mansik tu ukai semina ungkup sekeda ikan aja, tang mungkur produk ikan sungai ke bukai baka ikan bulu, ikan labang, ti diatu manggai RM40\/kg. Mayuh ikan sungai bukai bemusim ke patut dikemaju nyadi produk menua tu,” ku iya.\\nNama chara perintah besai ngenegapka pekara tu? Nyentuk ke diatu nadai ngayanka penambah. Pemadu ngenyinuka ati bisi pemesai sida ngasuh beterima kasih enggau rega ti baru tu.","num_words":380,"character_repetition_ratio":0.067,"word_repetition_ratio":0.086,"special_characters_ratio":0.198,"stopwords_ratio":0.184,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kes penanggul ulah kasar ba ruang bilik nurun - Suara Sarawak\\nKes penanggul ulah kasar ba ruang bilik nurun\\nKUCHING: Bepelasarka Bacha Penyalah pemadu baru, penanggul Ulah Kasar Ba Ruang Bilik (KRT) di Sarawak nurun sekumbang timpuh Atur Tagang Pejalai (PKP) dipejalai.\\nMenteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah, madah, ari statistik, bulan Januari taunt u penanggul KRT ngerikod 106 kes, nurun ngagai 80 (Feburari) enggau 60 (March) seraya nadai kes dirikod ba bulan April naka diatu.\\nKu iya, semua kes penyalah mega nurun bepelasarka Bacha Penyalah enggau bulan Januari ngerikod 970 kes, Febuari (812), March (417) sereta nyentuk 15 April semina 117 kes.\\n“Kebuah pia laban kes pemadu mayuh baka penanggul KRT tu bepun ari salah guna dadah, ulah kasar orang ke nyamah diri sebilik.\\n“Utai ke nyata nyadi diatu, empat ari 28 kes dirikod datai ari kaul laki bini, sebagi ari penanggul KRT nyadi entara apai indai enggau anak,” ku iya ba sebengkah penerang tadi.\\nTiga wilayah membentuk Malaysia\\nRM464.9 juta bangunkan Bukit Saban\\n50 menu buka puasa di UCSI\\nLIGA PREMIER 2021: Agba bantu S’wak United pesta gol\\nTiga projek RTP untuk Tanjong Datu\\nDua projek Balingian lulus, Pusat Sehenti Anjung Usahawan RM5 juta, chalet RM10 juta\\nJambatan kedua Mukah RM60 juta\\nPelan bangunkan Balingian\\nPastikan kebajikan rakyat terjamin\\nLelaki ditahan, jual loteri tanpa lesen\\nGelar Raja Sungai Oya 2019 dipenggi 'Warisan Permata'\\nRumah musnah akibat tanah runtuh\\nSubsidi upah penyelamat majikan, pekerja\\nTikTok nafi berkongsi data pengguna India dengan kerajaan China\\nLelaki maut digilis treler di Saratok\\nTony lancar pelbagai tawaran di AirAsia.com\\nAdun Balingian Abdul Yakub Arbi mudah didekati anak-anak muda","num_words":240,"character_repetition_ratio":0.055,"word_repetition_ratio":0.0,"special_characters_ratio":0.203,"stopwords_ratio":0.087,"flagged_words_ratio":0.0,"lang_id_score":0.871,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PdP chara 'online' disukung - Suara Sarawak\\nPdP chara ‘online’ disukung\\n“Nya alai, STU ngansak perintah kediatu ngemeratka agi pengawa ngemanahka internet di Sarawak lebih agi di menua pesisir.”\\nKUCHING: Sarawak Teacher Union (STU) nimbal manah penemu Sapit Menteri Pelajar Teo Nie Ching ti dekaka pengawa ngajar enggau belajar (PdP) mengkang diteruska ngena chara ‘online’ nyema sekula ditutup ketegal gawa hari balat besebun.\\nPresiden STU Macky Joseph madah, chara ‘google classroom’ nyadi jalai muntang dikena nganti PdP dalam kelas maya sekula ditutup.\\n“Nya alai, STU ngansak perintah kediatu ngemeratka agi pengawa ngemanahka internet di Sarawak lebih agi di menua pesisir.\\n“Kitai enda ulih enda nentuka anak kitai mengkang belajar sereta enda masau jam ketegal sekula ditutup maya hari balat besebun,” pia ku iya madah ngagai pengarang berita, kemari.\\nMacky madah, sekula ulih mai semua pengajar enggau nembiak belajar ngena chara baru nya.\\n“Amat pengawa ngaduka PdP nengah chara online enda semua sebaka ba kelas tang chara tu endang pulaika penguntung ngagai nembiak sekula ari ke enda belajar,” ku iya madah baru.\\nTang taja pia, ku iya, pengelaju internet di Sarawak empai tentu ulih dikena bejadika perambu nya.\\nKetegal nya, iya madah, STU ngansak perintah ke megai diatu anang laun nyendiaka servis internet ke pemadu manah ngagai nengeri tu ti lebih agi diguna ba kandang menua pesisir kelimpah ari mengeri aja.\\nJanda jual judi online ditangkap\\nCuri tiga guni sampel tanah di Bau\\nNembiak likun agi ba palan belajar udah rejister\\nNTFP nyungkak ekonomi rayat\\nPaul dapat lampu hijau\\n23 persatuan dan kelab di Mukah terima geran RM120,000\\nPKPP ganti PKPB bermula 10 Jun hingga 31 Ogos\\nPDRM akan ambil tindakan lebih tegas ketika PKP fasa tiga - Ismail Sabri\\nBantu ungkup orang berikan diberi taun baru\\nPelbagai acara pelancongan 2021","num_words":265,"character_repetition_ratio":0.066,"word_repetition_ratio":0.055,"special_characters_ratio":0.187,"stopwords_ratio":0.125,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Andrew agi deka nyereta Pekit Golf Sarawak jemah - Suara Sarawak\\n“Tu keterubah iya nyereta pekit golf ba ditu lalu aku deka datai baru ba pekit sebaka jemah.”\\nKUCHING: Andrew Dodt siku pemain golf profesional ari Australia mujur nyadi champion Pekit Golf Sarawak 2019 ba Damai Golf and Country Club.\\nAndrew Dodt mujut mai pulai trofi enggau perais penyampau ASD 54,000.\\nLebuh bejaku, Andew meri besai terima kasih ngagai pemelanja enggau jurulatih iya.\\n“Tu keterubah iya nyereta pekit golf ba ditu lalu aku deka datai baru ba pekit sebaka jemah,” ku iya.\\nCHAMPION… Andrew Dodt pemain golf profesional Australia champion Pekit Golf Sarawak 2019 di Damai Golf and Country Club. Gambar- Nurul Fadzlyn Zamury\\nNangkan nya, Richard T.Lee bulih lumur dua mujur mai pulai perais penyampau ASD33,000 lalu lumur tiga pulai ngagai Micah Lauran nerima perais duit ASD18,900.\\nSepenyampau 156 pemai golf profesional ari 23 buah menua bepekit kenyau 15 Ogos nyentuk 18 Ogos tu tadi.\\nBa pekara ti bekaul, Chairman Kaunsil Pemansang Ekonomi Sarawak (SEDC) Tan Sri Amar Abdul Aziz Husain madahka SEDC deka ngemanah perengkaguna ba Damai Golf and Country Club enggau hotel ngambi mayuh agi pemain golf ngelawa palan nya.\\n“Hotel Riverside Majistic enggau Hotel Grand Margherita tu palan pemadu manah penemuai pemain golf ba nengeri kitai tu.\\n“Nya kebuah, kitai patut ngemanah fasiliti ke bisi ngambi bala pemain golf ari menua luar rindu nemuai nengeri kitai,” ku Aziz.\\nNambahka nya ku iya, Sarawak ulih nyadi palan pematak ari serata dunya nyadi palan main golf.\\nSarawak temegah nyadi pengatur RFF","num_words":233,"character_repetition_ratio":0.073,"word_repetition_ratio":0.054,"special_characters_ratio":0.201,"stopwords_ratio":0.167,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Yohanes 21 (IBAN)\\n1Udah nya, Jesus mandangka Diri baru ngagai sida murid Iya ba tebing Tasik Tiberias. Baka tu ku jalai Iya mandangka Diri.\\n2Nyadi Simon Peter, Thomas (ke dikumbai Besapit), Natanel (ke datai ari nengeri Kana di Galili), anak Sebedi ke dua iku, enggau dua iku murid ti bukai, begempuru.\\n3Simon Peter lalu bejaku ngagai sida, \"Aku deka berikan.\" Sida lalu nyebut, \"Kami pen ka meh enggau nuan.\" Sida mupuk lalu nepan sebuah perau, tang malam nya sida nadai bulih utai.\\n4Lebuh mata panas baru tumbuh, Jesus bediri ba tebing, tang sida murid enda ngelala orang nya Jesus.\\n5Jesus lalu bejaku ngagai sida, \"Anak, bisi bulih utai?\" Sida lalu nyaut, \"Nadai.\"\\n6Iya lalu bejaku ngagai sida, \"Tibarka jala kita ari tisi kanan perau. Nya baru kita deka bulih ikan.\" Sida lalu nibarka jala sida, lalu sida enda ulih narit jala nya, empa pemayuh ikan.\\n7Murid ke dikerinduka Jesus lalu bejaku ngagai Peter, \"Tuhan nya!\" Lebuh Simon Peter ninga orang nya Tuhan, iya lalu ngerasukka serayung iya (laban iya udah muka serayung iya) lalu terejun ke ai.\\n8Tang sida murid ti bukai mansang ke tebing ngena perau nya, narit jala ti penuh laban ikan, laban sida enda jauh ari tebing, semina kira seratus meter aja.\\n9Lebuh sida udah niki ke tebing, sida meda api endang udah menyadi lalu ikan enggau roti benung dipanggang ba api nya.\\n10Jesus lalu bejaku ngagai sida, \"Bai kitu sekeda ikan ti baru udah ulih kita nya.\"\\n11Simon Peter lalu nepan ngagai perau nya, lalu narit jala nya ke tebing, penuh laban ikan ti besai, seratus lima puluh tiga iku semua ikan nya. Tang taja pen ikan nya mayuh, jala nya enda charik.\\n12Ku Jesus bejaku ngagai sida, \"Aram makai.\" Siku pen nadai ga sida murid berani nanya Iya, \"Sapa Nuan tu?\" laban sida nemu Iya endang amat Tuhan.\\n13Jesus mansang ngagai sida, ngambi roti, lalu nyuaka roti nya ngagai sida. Iya mega nyuaka ikan ngagai sida.\\n14Tu ketiga kali Jesus udah mandangka Diri ngagai sida murid udah bekau Iya ke diangkatka ari mati.\\n15Lebuh sida udah badu makai, Jesus lalu bejaku ngagai Simon Peter, \"Simon anak John, kati nuan rinduka Aku lebih ari sida ti bukai tu rinduka Aku?\" Disaut Peter, \"Sigi amat, Tuhan. Nuan nemu aku rinduka Nuan.\" Lalu ku Jesus bejaku ngagai iya, \"Beri anak domba Aku makai.\"\\n16Jesus lalu nanya iya kedua kali, \"Simon anak John, kati nuan rinduka Aku?\" Peter lalu nyaut Iya, \"Sigi amat, Tuhan. Nuan nemu aku rinduka Nuan.\" Jesus lalu bejaku ngagai iya, \"Ibun bedus Aku.\"\\n17Jesus lalu nanya iya ketiga kali, \"Simon anak John, kati nuan rinduka Aku?\" Peter lalu tusah ati laban Jesus nanya iya ketiga kali, \"Kati nuan rinduka Aku?\" Nya alai ku iya bejaku ngagai Jesus, \"Tuhan, Nuan nemu semua utai. Nuan nemu aku rinduka Nuan!\" Jesus lalu bejaku ngagai iya, \"Beri bedus Aku makai.\\n18Enggau bendar Aku madah ngagai nuan, lebuh nuan agi biak, nuan nanchangka belulang ke diri empu, lalu nuan bejalai ngagai sebarang endur nuan deka. Tang lebuh nuan nyau tuai, nuan deka ngunjurka jari nuan, lalu orang bukai deka nanchangka belulang ba nuan, lalu mai nuan ngagai endur ti enggai digusung nuan.\"\\n19(Jesus nyebut nya kena Iya madahka gaya pemati Peter kena Peter ngemuliaka Allah Taala.) Udah nya Jesus lalu bejaku ngagai iya, \"Titihka Aku!\"\\n20Peter nguing, lalu tepedaka murid ke dikerinduka Jesus, nitihka seduai iya. Nya meh murid ke udah duduk semak Jesus lebuh sida makai, lalu udah nanya, \"Tuhan, sapa orang ke deka nyual Nuan?\"\\n21Lebuh Peter meda murid nya, iya lalu bejaku ngagai Jesus, \"Tuhan, kati ku baka iya?\"\\n22Jesus lalu nyebut ngagai Peter, \"Enti ari peneka Aku iya mengkang idup nyentuk ngagai maya Aku datai, baka ni ku nya tau ngawa nuan? Titihka Aku!\"\\n23Nya alai berita pasal nya lalu ngelekai ba bala orang ke nitihka Jesus, madahka murid nya enda nemu mati. Tang Jesus nadai madahka murid nya enda nemu mati. Utai ti ku Jesus nya, \"Enti ari peneka Aku iya mengkang idup nyentuk ngagai maya Aku datai, baka ni ku nya tau ngawa nuan?\"\\n24Iya nya meh murid ke besaksi lalu udah nuliska utai tu, lalu kami nemu, saksi iya amat magang.\\n25Tang mayuh mega utai bukai udah dikereja Jesus. Enti sema semua utai nya dituliska magang, jangka aku, dunya tu pen enda meh umbas alai nyimpan semua bup ti deka ditulis nya.","num_words":693,"character_repetition_ratio":0.088,"word_repetition_ratio":0.032,"special_characters_ratio":0.225,"stopwords_ratio":0.381,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ekspres Sibu-Kapit udah bejalai baru - Suara Sarawak\\nSIBU: Berindik ari Komiti Penyangga Penusah Ngenyit Nengeri Sarawak (JPBNS) udah ngenuku Sibu nyadi zon gadung kemari (Hari Tiga), operasyen bot ekspres pejalai Sibu-Kapit berengkah bejalai baru, sehari tu.\\nPekara nya dipadahka Sapit Kontroler Kaunsil Sungai Sarawak (LSS) Wilayah II Sibu, Hatta Morshidi lebuh dirandau, tadi.\\nKu uya, nitihka atur standard operasyen (SOP), bot ekspres ulih bejalaika operasyen ari Sibu-Kapit laban dua bagi menua nya udah dikategorika zon gadung.\\n“Piak bot ekspres ulih ngepunka operasyen pejalai sida di Sibu-Kapit berengkah seharitu,” ku iya.\\nApin lama ke udah, operasyen bot ekspres Sibu-Kapit diketuka dulu pengudah Sibu dikategorika zon kuning urung dua minggu je udah.\\nKemari, Sapit Kepala Menteri Datuk Amar Douglas Uggah Embas ti mega Chairman JPBNS madahka Sibu dikategorika zon gadung pengudah dua minggu nadai ngerikod kes positif baru.\\nApin Sibu betukar ke zon gadung, semina bot ekspres ti mai barang diguna aja dikemendar beoperasyen sereta bot ekspres ke disuwa JPBNS bagi menua dikena nganjung nembiak institusyen pelajar tinggi pulai ngagai endur diau sida di Kapit.\\nPerengka pengangkut sungai tetap nyadi perengka pengangkut ke diguna ngagai menua ulu Sungai Rajang.","num_words":179,"character_repetition_ratio":0.088,"word_repetition_ratio":0.0,"special_characters_ratio":0.174,"stopwords_ratio":0.112,"flagged_words_ratio":0.0,"lang_id_score":0.979,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Prujik Baru\\nPedis pala ngatur laman fotografi baru aku tu! Template enda entu nyadi, plugin kena mantai slideshow mayuh ulah.\\nUkai nadai blog fotografi, tang aku ka ngiga iya ka mantai gambar baka slideshow aja. Baru kemari aku tetemu ka plugin enggau template ti digiga aku ngelama tu.\\nBedau entu mayuh gambar dia, tang minta barangsapa kita ka rindu fotografi bookmark laman web aku nya, alu anang enda selalu ngabas, au!\\nDikarang Puteri kena 2\/12\/2010 12:50:00 PM","num_words":77,"character_repetition_ratio":0.03,"word_repetition_ratio":0.0,"special_characters_ratio":0.217,"stopwords_ratio":0.156,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PKPD ba dua palan rumah suwa di Bintulu - Suara Sarawak\\nKUCHING: Komiti Penyangga Penusah Nengeri (JPBN) udah ngaga pemutus neritka Atur Mindah Betagang Diterit (PKPD) ba Rumah Suwa Anong di Batu 5 enggau Rumah Sewa Beverly Hills di Taman Beverly Hills di Bintulu.\\nChairman iya, Datuk Amar Douglas Uggah Embas madahka madahka PKPD deka diterit ba dua genturung pendiau nya berengkah ari pukul 12.01 malam tu tu nyentuk pukul 11.59 malam 18 March tu.\\nUggah madahka Sarawak ngerikod kes baru positif Covid-19 pemadu tinggi iya nya 361 kes ke alai 89 kes di Miri, 73 kes di Sibu, 71 kes di Bintulu, 60 kes di Betong, 22 kes di Kuching, 11 kes di Subis enggau semilan kes di Sarikei.\\nPia mega ku Uggah, lapan kes di Mukah, enam kes di kapit, bela empat kes di Selangau enggau Serian, tiga kes di Meradong enggau siti kes di Julau.\\nUggah madahka Pelilih Kanowit mali ngagai status oren pengudah ngerikod 26 kes berampit dalam menua ba timpuh 14 hari ke udah.\\nIya mega madahka Pelilih Serian enggau Sarikei udah mali ngagai status oren pengudah ngerikod 21 kes berampit dalam menua ba timpuh 14 hari ke udah.\\nUggah madahka bisi 266 kes baru udah suman enggau dikemendar pansut ari sepital ke alai 155 kes di Sepital Sibu, 45 kes ba Sepital Besai Sarawak (SGH), 29 kes di Sepital Sarikei, 16 kes di Sepital Kapit enggau 10 kes ba Sepital Bintulu.\\nIya madahka enam kes di Sepital Sri Aman enggau lima kes ba Sepital Miri ngujungka kes suman nambah ngagai 7,7967 kes tauka 76.43 peratus.\\n“Bisi 2,337 kes agi diperubat ba wad isolasyen ke alai 889 kes di Sepital Sibu, 391 kes di Sepital Bintulu, 303 kes di SGH enggau 289 kes di Sepital Miri.\\n“170 kes di Sepital Betong, 134 kes di Sepital Sarikei enggau 132 kes di Sepital Kapit enggau 29 kes di Sepital Sri Aman.\\n“Naka tu, 25 kluster agi ngerekai di Sarawak enggau 361 PUI baru dirikodka sehari tu.","num_words":284,"character_repetition_ratio":0.093,"word_repetition_ratio":0.036,"special_characters_ratio":0.251,"stopwords_ratio":0.151,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Isabella Inchang – Suara Sarawak – Bukan Sekadar Akhbar\\nYou are here:Home-Isabella Inchang\\nAbout Isabella Inchang\\nSo far Isabella Inchang has created 98 blog entries.\\nSIMANGGANG: Pemansang enda datai kediri enti ukai ari pengeransing pengari rayat, pia ku Menteri Muda Pengintu Pengelantang Komuniti Datuk Francis Harden Hollis. Nya alai Harden ngelalau rayat ba sitak Batu Lintang, Undop lebih agi ari rumah panjai anang alah ajum penyakal. “Enti sema sitak Simanggang dipegai penyakal, konstitusyen nya deka rugi laban nadai nerima agih\\nBy Isabella Inchang|2020-11-24T15:28:30+08:00November 24th, 2020|Categories: RUAI|0 Comments\\nENGKILILI: Perintah Sarawak udah nyuaka bantu penyampau RM144,200 ngagai 18 pintu Ketuai Bilik (KIR) nitihka syarat ti udah ditetapka Opis Pengintu Pengelantang Komuniti Sarawak (JKMS). Bantu nya udah disuaka Menteri Muda Pengintu Pengelantang Komuniti, Datuk Francis Harden Hollis ngagai peranak ti tasah angus ba Rumah Naga enggau Rumah Jackson Atit, Kampung Rasau, Engkilili ba Balai\\nBy Isabella Inchang|2020-11-23T15:49:58+08:00November 23rd, 2020|Categories: RUAI|0 Comments\\nKAPIT: Kepala Pengajar enggau bala pengajar Sekula Primari (SK) Nanga Oyan, Kapit sanggup nengah jalai ai pengelama 45 minit lebuh nganjung kereja sekula ngagai bala nembiak ba rumah panjai. Berindik ari nya, Kepala Pengajar Mohammad bin Mobun udah bejalaika Program Ruai-Based Learning (RBL) sekumbang timpuh Atur Mindah Betagang Penyuman (PKPP) tu. Ba program tu, bisi\\nKAPIT: Anang bangat nagang tudah rayat menua pesisir ke deka bejualka asil kampung, pia ku Adun Bukit Goram Jefferson Jamit Unyat. Iya ngarapka raban penerit adat anang kelalu terit lebuh bejalaika atur ngagai rayat ari menua pesisir ti bejualka asil ari kampung baka jani kampung. Ku iya, asil ulih begiga dalam kampung nya nyadi penatai\\nBy Isabella Inchang|2020-11-20T22:07:27+08:00November 20th, 2020|Categories: RUAI|0 Comments\\nKUCHING: Nembiak umur dua taun entara siku ari enam kes baru kena rampit Covid-19 ngaul Kluster Besi ngujungka bisi 11 iku nyengkaum kes indeks. Naka 12 tengahari kemari, bisi 301 iku udah diperesa ke alai 11 kes ditemu positif (enam kes baru), 284 iku negatif enggau enam iku agi nganti pemutus. Sekretariat Komiti Penyangga Penusah\\nKUCHING: Pelilih Lundu diatu udah bebali ari status kuning ngagai gadung pengudah nadai ngerikod kes baru 14 hari. Komiti Penyangga Penusah Ngenyit Nengeri (JPBN) Sarawak madahka siti kes dirikodka ba Kuching nya bisi kelai tama kuman ba tubuh seraya ditemu positif Covid-19 kena 16 November tu tadi. Chairman iya, Datuk Amar Douglas Uggah Embas madahka\\nBy Isabella Inchang|2020-11-17T17:56:36+08:00November 17th, 2020|Categories: RUAI|0 Comments\\nKluster Abell di Kuching ngerikod 12 kes positif\\nKUCHING: Pelilih Kuching ngerikod siti kluster baru iya nya Kluster Abell pengudah ngerikod 10 kes baru kemari ba Pending enggau Padungan lalu Sarawak ngerikod 13 kes iya nya 12 kes ba Kuching enggau siti kes ba Lawas ngujungka nambah ngagai 1,032 kes. Kes indeks ba kluster tu ditemu positif asil diperesa ba sebuah makmal perubat\\nBy Isabella Inchang|2020-11-14T14:23:03+08:00November 14th, 2020|Categories: RUAI|0 Comments\\nKUCHING: Komiti Penyangga Penusah Ngenyit Nengeri (JPBN) Sarawak sehari tu ngaga pemutus ngetuka timpuh Atur Mindah Betagang Diterit (PKPD) ba Kampung Haji Baki laban nadai ngerikod kes baru pengudah diperesa kedua kali. Chairman iya, Datuk Amar Douglas Uggah Embas madahka pengawa ngetuka timpuh PKPD ba Kampung Haji Baki laban nadai bukti nunjukka kes nya agi\\nBy Isabella Inchang|2020-11-12T20:07:21+08:00November 12th, 2020|Categories: RUAI|0 Comments\\nKUCHING: Komiti Penyangga Penusah Ngenyit Nengeri (JPBN) Sarawak madahka Kluster Greenhill nambah lima kes seraya Kluster Wisma Saberkas nambah tiga kes. Chairman iya, Datuk Amar Douglas Uggah Embas madahka bisi 1,433 iku udah diperesa ngaul Kluster Greenhill ke alai 87 kes ditemu positif Covid-19, 1,285 iku negatif enggau 61 iku agi nganti pemutus. Pia mega\\nBy Isabella Inchang|2020-11-11T19:36:30+08:00November 11th, 2020|Categories: RUAI|0 Comments\\nKUCHING: Perintah Sarawak mantaika lima inisiatif nagang pandemik Covid-19, ku Sapit Kepala Menteri Datuk Amar Douglas Uggah Embas. Iya madahka inisiatif keterubah nambahka penyampau tubuh staf Opis Pengerai Nengeri Sarawak (JKNS) ungkup pengawa beperesa, nyendiaka kereban makmal enggau neritka atur. “Inisiatif kedua kitai deka numbuhka Tim Nyidi Kontak Dampih ngambi mantu JKNS nyidi kontak dampih\\nBy Isabella Inchang|2020-11-10T18:15:08+08:00November 10th, 2020|Categories: RUAI|0 Comments","num_words":596,"character_repetition_ratio":0.107,"word_repetition_ratio":0.007,"special_characters_ratio":0.233,"stopwords_ratio":0.128,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ajih empa antu.. -->\\nPun Laman › Berita › EngkubangPendam › Jenayah › Kes › Miri › NembiakRedak › Pendam › Sarawak › Viral\\nAjih empa antu..\\nTENAKO-NAKO: Pendiau pengudah pendam kena sengkubang orang ti enda beradat di palan penusah ke nyadi.\\nMIRI: Siku lelaki ngaga ripot polis pengudah nemu enggau meda pendam aki disengkubang orang ti nadai adat tauka chukup enda bebasaka orang ti udah parai sereta kaban belayan niang di Tanah Pendam Anglikan Riam, ditu, pagi kemari.\\nUlah ti enda menuku tauka nadai adat nya tebantai urung jam 9.30 pagi lebuh lelaki nya enggau indai iya ngabas pendam aki iya laban deka sembiangka niang aki iya, sebedau iya ngaga ripot polis.\\nKepala Polis Pampang (KPD) Miri, ACP Lim Meng Seah, madahka raban polis bisi nerima ripot bekaul enggau pendam kena sengkubang orang enggau raban polis deka mansik kes nya.\\n\"Lebuh lelaki nya enggau indai iya datai pendam aki iya, seduai iya dua sama bela tekenyit pengudah meda pendam aki iya udah kena sengkubang orang ti enda dikelala enggau mayuh keresa (baya) ba dalam pendam aki iya nya udah nadai dia agi,\" ku iya lebuh dirandau pengarang berita sehari tu tadi.\\n\"Asil peresa lelaki nya ba palan penusah ke nyadi, bisi beberapa buah pendam kebukai mega kena sengkubang enggau udah rusak dipechayaka disengkubang orang ti enda beradat nya tauka chukup enda bebasaka orang ti udah parai sereta kaban belayan niang.\\nLelaki nya madah iya minggu nyin kemari bisi mega ngabas pendam aki iya tang nadai nenama maya nya.\\nPicha bekaul enggau kes engkubang pendam tu mega viral ba media sosial bepun ari malam tadi.\\n#MIRI: Siku lelaki ngaga ripot polis pengudah nemu enggau meda pendam aki disengkubang orang ti nadai adat tauka chukup enda bebasaka orang ti udah parai sereta kaban belayan niang di Tanah Pendam Anglikan Riam, ditu, pagi kemari. . Berita penuh tau dibacha nuan ba www.beritaiban.com . #Kes #Jenayah #Pendam #Engkubang #Sarawak #Viral #Berita #News #BeritaKitai #BeritaIban #BeritaIbanOnline #beritaibanMY\\nA post shared by Berita Iban Online (@beritaibanmy) on Sep 23, 2019 at 12:30am PDT\\nAsil pansik raban Berita Iban Online, mayuh orang ke macha tauka meda post bekait enggau kes engkubang pendam nya enda ulih nerima ulah ti enda beradat nya.\\nKes nya dipansik ari baruh Seksyen 297 Kanun Keseksaan.\\nBisi pekara deka dikunsi?\\nWhatsApp aja asuh +60169989688\\nTauka email ngagai hello@beritaiban.com\\n#Berita #EngkubangPendam #Jenayah #Kes #Miri #NembiakRedak #Pendam #Sarawak #Viral","num_words":362,"character_repetition_ratio":0.079,"word_repetition_ratio":0.153,"special_characters_ratio":0.204,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Surat Ti Kedua Ari Saint Paul\\nSurat Ti Kedua Ari Saint Paul Ngagai Orang Di Korint* ditulis iya lebuh kaul iya enggau raban eklisia di Korint enda berapa rapat. Sekeda raban eklisia balat mantah Paul, tang iya ngayanka diri bisi amat ati deka bebaik, lalu iya madahka diri deka gaga ati lebuh sida udah bebaik enggau iya.\\nDalam pun surat iya, Paul ngenang pasal kaul iya enggau eklisia di Korint, nerangka kebuah iya ti udah terit ngelaban orang ke mechat iya, sereta ngelaban orang ke ngelanggar atur dalam eklisia, lalu iya madahka diri gaga ati ke sida ke udah nesal ati ketegal jaku ti terit nya, lalu bebaik enggau pangan diri. Udah nya iya lalu minta raban eklisia meri duit tulung, ngena ati ti gerah mudah, ngagai orang Kristian ke suntuk di Judea. Ba pengujung surat iya, Paul bejaku ngarika diri empu ke nyadi rasul, ngelaban dua tiga iku orang di Korint, ti udah ngumbai diri empu rasul ti bendar, lalu ngumbai Paul rasul ti pelesu.\\nSurat tu ditulis Paul kira dalam taun 50 A.D.\\nPun jaku (1.1-11)\\nPaul enggau eklisia di Korint (1.12-7.16)\\nPemeri ke orang Kristian di Judea (8.1-9.15)\\nPaul bejaku ngarika diri empu pasal kuasa ti dikena iya nyadi rasul (10.1-13.10)\\nJaku penutup (13.11-13)\\n1 Surat ari Paul, rasul Jesus Kristus ulih peneka Allah Taala, enggau ari menyadi kitai Timoti, Ditujuka ngagai eklisia Allah Taala di Korint, nyengkaum semua nembiak Tuhan di serata menua Akaia.\\nPaul Meri Terima Kasih Ngagai Allah Taala\\n3 Pujika Allah Taala ti Apai Jesus Kristus Tuhan kitai, Apai ti pun semua pengasih, Allah Taala ti pun semua pengelantang,\\n4 ke merindang kami lebuh kami dituntung semua macham penusah, ngambika kami ulih merindang orang bukai ke dituntung penusah, ngena tulung ti udah dikena Allah Taala merindang kami.\\n5 Laban lebuh kami natka semua pemerinsa Kristus, kami balat diperindang Kristus.\\n6 Enti kami diperinsa, nya ke pengelantang enggau pengelepas kita, lalu enti kami ditulung, nya ke pengelantang kita, ti diasaika kita lebuh kita, enggau ati ti liat, natka pemerinsa baka ti ditatka kami.\\n7 Pengandal kami ke kita endang enda beguyat, laban kami nemu, enti kita natka pemerinsa baka ti ditatka kami, kita deka mega diperindang baka kami.\\n8 Kami enggai ke kita enda nemu, menyadi, pasal penusah ti ditatka kami di Asia, laban kami amat balat merinsa datai ke kami nyau asai ke deka mati.\\n9 Iya ti bendar, kami asai ke kena ukum bunuh, datai ke kami nyau enda manggaika diri ba pengering kami empu agi, tang ba Allah Taala ke ngangkatka orang ari mati.\\n10 Iya udah ngelepaska kami ari penusah ti tau ngambi nyawa, lalu Iya deka majak ngelepaska kami. Kami sigi arapka Iya deka ngelepaska kami baru,\\n11 lebuh kita nyaup kami ngena sampi kita, ngambika mayuh orang deka meri terima kasih ngarika kami ketegal berekat ti udah diberi ngagai kami ari sampi mayuh orang.\\nPaul Ngubah Pelan Diri\\n12 Tu utai ti dikemegahka kami: ati kami ti beresi udah besaksi madahka kami udah idup di dunya tu, kelebih agi dalam kaul kami enggau kita, dalam pengudus sereta enggau ati ti betul ari Allah Taala. Kami udah ngereja nya ukai ngena penemu-dalam ti datai ari dunya, tang nitihka pengasih Allah Taala.\\n13 Laban kami ukai nuliska utai ti enda ulih dibacha tauka enda ditemu kita. Lalu aku ngarapka,\\n14 baka kita ke udah mereti mimit pasal kami, kita deka meretika kami enggau penuh, ngambika kita ulih temegahka kami baka kami ke temegahka kita lebuh Hari Tuhan Jesus.\\n15 Laban aku endang ngarapka tu, nya kebuah aku merambu diri nemuai ngagai kita dulu, ngambika kita lantang dua kali lipat;\\n16 Aku merambu diri nemuai ngagai kita lebuh aku mansang ngagai menua Masedonia, lalu nemuai baru ngagai kita lebuh aku pulai ari Masedonia, lalu ngasuh kita nulung aku mulaika diri ngagai menua Judea.\\n17 Lebuh aku merambu utai nya, kati runding aku kalik-kalik? Tauka aku merambu semua utai nya ngena chara mensia, ngambika aku nyebut “Au, au” lalu tekala nya nyebut “Enggai, enggai”?\\n18 Laban Allah Taala endang tau dikarapka, nya alai pesan kami ngagai kita ukai “Au” enggau “Enggai.”\\n19 Laban Anak Allah Taala, Jesus Kristus, ke udah ditusui Silas, Timoti enggau aku empu ngagai kita, ukai “Au,” enggau “Enggai,” tang dalam Iya semua utai endang seruran “Au” belama.\\n20 Laban dalam Iya semua semaya Allah Taala endang “Au” magang. Nya kebuah kitai nyebut “Amin” dalam nama Iya, kena kitai ngemuliaka Allah Taala.\\n21 Tang Allah Taala Empu udah ngasuh kami begempung enggau kita dalam Kristus, lalu udah nata kitai,\\n22 lebuh Iya udah ngelai kitai tu endang enggi Iya lalu meri Roh Iya ke dalam ati kitai kena nyamin utai ti deka datai.\\n23 Aku ngangauka Allah Taala nyadika saksi aku: Aku enda nemuai baru ngagai kita di Korint, laban aku enggai ngenusahka ati kita.\\n24 Ukai reti nya kami merintah pengarap kita, tang bekereja enggau kita ke pengaga kita, laban kita bediri tegap ulih pengarap kita.\\n1 Nya alai aku mutuska runding enggai nemuai ngagai kita baru, enggai ke aku ngenusahka ati kita.\\n2 Laban enti aku ngenusahka ati kita, sapa deh tau dikarapka aku ngasuh ati aku gaga, kelimpah ari orang ke udah tusah ati laban aku?\\n3 Aku nulis baka nya suba, ngambika lebuh aku datai, aku enda tusah ati laban orang ke patut ngasuh ati aku gaga, laban aku sigi arapka semua kita deka sama gaga ati enggau aku.\\n4 Laban aku nulis ngagai kita enggau ati ti balat tusah sereta bekeberai ai mata, ukai deka ngenusahka ati kita, tang ngambika kita nemu pemesai pengerindu aku ke kita.\\nAmpun Orang Ke Udah Salah Nya\\n5 Enti orang bisi udah ngenusahka ati orang bukai, iya ukai ngenusahka ati aku, tang ngenusahka ati semua kita, abis kurang iya, enggai ke jaku aku kelalu kasar.\\n6 Ukum ti diletak bala mayuh ngagai orang nya, udah chukup ke iya.\\n7 Nya alai diatu, kita patut ngampun sereta merindang iya, enggai ke iya enda ulih natka penusah ati diri.\\n8 Nya alai aku minta kita madah ngagai iya baru pengerindu kita ke iya.\\n9 Aku nulis surat nya suba kena aku ngabas ati kita, enti kita tan diuji lalu ngasi dalam semua utai.\\n10 Barang sapa diampun kita, mega diampun aku. Orang ke udah diampun aku, enti aku udah ngampun orang, udah diampun aku di mua Kristus, ke penguntung kita.\\n11 Lalu kitai ngereja nya ngambika kitai enda ulih ditipu Sitan; laban kitai ukai enda nemu pelan iya.\\nPengirau Ati Paul Lebuh Iya Di Troas\\n12 Lebuh aku datai di Troas nusui Berita Manah pasal Kristus, Tuhan udah muka pintu ke aku.\\n13 Tang aku seruran enda nyamai ati, laban aku nadai tetemuka menyadi kitai Titus dia. Nya alai aku lalu meri selamat tinggal ngagai sida, lalu mupuk ngagai Masedonia.\\nPemenang Ulih Kristus\\n14 Tang aku meri terima kasih ngagai Allah Taala, laban Iya seruran nguluka kami menang dalam Kristus, lalu bejaku ngena kami ngerembaika penemu pasal Kristus baka bau rengut ti nyelamar ngagai semua endur.\\n15 Laban ba Allah Taala kami tu bau rengut Kristus ke orang ti benung diselamatka, enggau ke orang ti tesat.\\n16 Ba orang ke tesat, kami tu bau but pemati, tang ba orang ke benung diselamatka, kami tu bau rengut pengidup. Sapa ulih ngereja pengawa nya?\\n17 Laban kami ukai bejualka jaku Allah Taala baka mayuh orang bukai,tang dalam Kristus kami bejaku enggau ati ti beresi di mua Allah Taala, baka orang ke dikirumka Allah Taala.\\nNyadi Ulun Ke Sempekat Ti Baru\\n1 Kati kami munyi ke muji diri baru? Kati kami begunaka surat puji ngagai kita tauka ari kita baka orang bukai?\\n2 Kita empu ke nyadi surat kami, ke ditulis ba ati kami, ngambika bisi ditemu sereta dibacha semua orang.\\n3 Kita empu ke ngayanka diri endang amat surat Kristus, ti udah disediaka kami, ukai ditulis ngena ai dawat tang ngena Roh Kudus Allah Taala ti idup, ukai ditulis ba papak batu, tang ba ati mensia.\\n4 Nya meh pemesai pengarap kami ke Allah Taala, ulih Kristus.\\n5 Ukai reti nya kami ngumbai diri landik ngereja pengawa tu ngatika diri; pengelandik nya datai ari Allah Taala,\\n6 ke udah meri kami pengelandik bekereja ke sempekat ti baru, ukai bekereja ke adat ti ditulis, tang bekereja ke Roh Kudus, laban adat ti ditulis, munuh, tang Roh Kudus meri pengidup.\\n7 Enti Adat ti mai pemati, ti ditulis ba lampang batu, pegari ngena mulia ti ngemalat nya, datai ke orang Israel nyau enda ulih merening ngagai mua Moses, empa pemalat penampak mulia nya, taja pen mulia nya majak ayas-seayas,\\n8 enda ka pengawa Roh Kudus deka lebih agi bemulia ari nya?\\n9 Laban enti pengawa ti meri ukum bisi mulia, tentu besai agi ga mulia pengawa ti mai pengelurus!\\n10 Laban utai ti bemulia suba nyau nadai agi bemulia diatu enti dibandingka enggau mulia ti lebih besai agi ari nya.\\n11 Lalu enti utai ti tau lesap pegari ngena mulia, tentu besai agi ga mulia utai ti tan belama iya!\\n12 Nya alai laban kami bisi pengadang tu, kami amat berani.\\n13 Kami enda baka Moses, ke mampul mua diri ngena kain ngambika orang Israel enda meda penampak mulia nya majak ayas-seayas.\\n14 Tang runding sida udah tumpul, laban nyentuk ngagai sehari tu, tambai mua sida agi mengkang lebuh sempekat lama dibacha. Tambai mua nya apin dibuai, laban semina Kristus aja ulih muai tambai nya.\\n15 Indah nyentuk ngagai sehari tu, genap kali Adat Moses dibacha, deh runding sida agi mengkang dipampul kain tambai;\\n16 tang lebuh orang nguingka diri ngagai Tuhan, kain tambai nya dibuai.\\n17 Tuhan endang Roh, lalu dia alai Roh Tuhan, dia meh pengelepas.\\n18 Lalu semua kitai, enggau mua ti enda dipampul sereta ngayanka mulia Tuhan, deka diubah nyadi sebaka gamal enggau Iya, enggau mulia ti nambah- menambah, laban mulia nya datai ari Tuhan ke endang Roh.\\nPengaya Roh Disimpan Dalam Periuk Tanah\\n1 Nya alai laban kami udah diberi pengawa tu ulih pengasih Allah Taala, kami enda mantul.\\n2 Kami udah ngelengkaka semua utai ti dipelalaika ti tau ngasuh malu; kami enggai nipu orang, tauka nyarutka jaku Allah Taala, tang madahka utai ti bendar enggau terang di mua Allah Taala ngambika genap iku orang, ngena pengasai ati sida siku-siku, nemu kami endang madahka utai ti bendar.\\n3 Lalu enti sema Berita Manah nya dipampul, iya semina dipampul ari orang ke tesat.\\n4 Ba pekara nya, petara dunya udah mampul runding orang ke enda arap, kena nagang sida meda penampak Berita Manah pasal mulia Kristus, ke sebaka gamal enggau Allah Taala.\\n5 Laban kami ukai nusui pasal kami empu, tang pasal Jesus Kristus ti Tuhan, lalu kami empu nyadi ulun kita, ketegal Jesus.\\n6 Laban Allah Taala, ke nyebut, “Awakka penampak manchar ari pemetang,” udah manchar dalam ati kitai, ngambika kita nemu, mulia Iya ulih dipeda ba mua Jesus Kristus.\\n7 Tang reta roh nya disimpan dalam periuk tanah kena nunjukka kuasa ti besai nya datai ari Allah Taala, ukai datai ari kami.\\n8 Kami dituntung semua macham penusah, tang kami enda alah; beba runding tang enda kelalu tusah;\\n9 kena perinsa, tang enda ditinggalka; dipalu, tang enda rusak;\\n10 seruran mai pemati Jesus dalam tubuh kami, ngambika pengidup Jesus mega diayanka ba tubuh kami.\\n11 Laban lebuh kami idup, kami endang seruran napi pemati ketegal Jesus, ngambika pengidup Jesus diayanka ba tubuh kami ke tau mati tu.\\n12 Nya alai pemati bekereja dalam kami, tang pengidup bekereja dalam kita.\\n13 Tang kami bisi roh pengarap baka ti ditulis dalam Bup Kudus, “Aku arap, nya alai aku bejaku.” Kami mega arap, nya alai kami bejaku,\\n14 laban kami nemu, Iya ke udah ngangkatka Tuhan Jesus ari mati, deka mega ngangkatka kami ari mati sama enggau Jesus, lalu deka mai kami sama enggau kita, ngagai mua Iya Empu.\\n15 Semua utai tu ke penguntung kita, ngambika pengasih ti ngelekai ngagai mayuh agi orang, ngasuh mayuh agi orang meri sampi terima kasih, kena ngemuliaka Allah Taala.\\nIdup Ngena Pengarap\\n16 Nya alai kami enda mantul. Taja pen tubuh kami majak lemi, tang roh kami digaga nyadi baru tiap hari.\\n17 Laban penusah ti mit sereta enda lama tu nyendiaka kami nerima mulia ti meruan belama iya, ti nadai banding,\\n18 laban kami ukai merening ngagai utai ti ulih dipeda, tang ngagai utai ti enda ulih dipeda; laban utai ti ulih dipeda semina tan enda lama, tang utai ti enda ulih dipeda, tan belama iya.\\n1 Laban kami nemu, enti langkau kain ti alai kitai diau tu dirubuh, kitai bisi rumah ari Allah Taala, rumah ti meruan belama iya, ti ukai digaga jari mensia.\\n2 Laban dalam langkau kain tu kitai bedemuh minta rumah ti di serega dirasukka ba kitai,\\n3 ngambika lebuh rumah nya dirasukka ba kitai, kitai enda agi telanjai.\\n4 Laban seagi-agi kitai diau dalam langkau kain tu, kitai bedemuh mai ma ti berat laban kitai enggai dilepaska ari tubuh tu, tang laban kitai keran dekaka tubuh serega dirasukka ba kitai, ngambika tubuh ti nemu mati tu ditelan pengidup.\\n5 Allah Taala Empu ke udah nyendiaka kitai ke nya, lalu Iya udah meri kitai Roh Kudus nyadika jamin.\\n6 Nya kebuah kami seruran kempang ati, lalu kami nemu, seagi-agi kami diau dalam tubuh tu, kami jauh ari Tuhan,\\n7 laban kami idup ngena pengarap, ukai ngena utai ti dipeda.\\n8 Kami sigi amat kempang ati lalu keran deka ninggalka tubuh tu, lalu diau begulai enggau Tuhan.\\n9 Nya alai, tuju ati kami endang seruran deka ngelantangka ati Iya, nemuka kami diau dalam tubuh tu tauka ninggalka tubuh tu.\\n10 Laban semua kitai enda tau enda bediri di mua Kristus lalu diakim ulih Iya, ngambika genap iku kitai nerima upah, nitihka utai ti udah dikereja kitai siku-siku ngena tubuh tu, nemuka utai nya manah tauka jai.\\nBebaik Enggau Allah Taala Ulih Kristus\\n11 Nya alai, laban kami nemu reti nangika Tuhan, kami nguji ngumbuk orang bukai. Tang Allah Taala ngelala sapa kami tu, lalu aku mega ngarapka kita ngelala sapa kami tu dalam ati kita.\\n12 Kami ukai muji diri baru di mua kita, tang meri kita peluang temegahka kami, ngambika kita ulih nyaut orang ke temegahka utai ti dipeda ba mensia lalu ukai temegahka utai ti dalam ati mensia.\\n13 Enti kami gila, kami gila ke Allah Taala. Enti kami enda gila, nya ke penguntung kita.\\n14 Laban pengerindu Kristus mejalka kami, laban kami nemu, siku orang udah mati ngarika semua mensia, nya alai, semua mensia bela udah mati magang.\\n15 Lalu Iya mati ke semua mensia, ngambika orang ke idup ukai idup ke diri empu agi, tang idup ke Iya ke udah mati lalu diangkatka idup baru ngarika sida.\\n16 Nya alai, belabuh ari diatu, kami enda agi ngira orang ngena chara dunya. Taja pen kami dulu suba udah ngira Kristus ngena chara dunya, tang kami diatu enda agi ngira Iya ngena chara nya.\\n17 Nya alai, enti orang nya dalam Kristus, iya nyadi mensia ti baru. Iya ke lama nadai agi, iya ke baru, udah datai!\\n18 Semua utai tu datai ari Allah Taala magang, ke udah mai kitai bebaik enggau Iya Empu, ulih Kristus, lalu udah meri kitai pengawa mai semua mensia bebaik enggau Iya.\\n19 Reti nya, dalam Kristus, Allah Taala udah mai semua dunya bebaik enggau Iya Empu,enda ngitung penyalah sida, lalu ngasuh kami nusui pesan pemaik tu.\\n20 Nya alai, kami nyadika pengari Kristus, laban Allah Taala bejaku ngena kami. Kami bebendar ngarika Kristus ngumbuk kita, mai kita bebaik enggau Allah Taala.\\n21 Ketegal kitai meh Allah Taala udah ngengkahka dosa kitai ba Iya ke enda bedosa, ngambika dalam Iya kitai digaga lurus di mua Allah Taala.\\n1 Nya alai, laban kami sama bekereja enggau Allah Taala, kami mega bebendar ngumbuk kita, anang masau pengasih Allah Taala.\\n2 Laban Allah Taala bisi nyebut: “Ba maya ti patut, Aku udah mendingka nuan, lalu lebuh hari pengelepas Aku udah nyaup nuan.” Dinga kita! Tu meh maya ti patut. Tu meh hari pengelepas.\\n3 Kami nadai mempang jalai orang, ngambika orang enda ulih besalahka pengawa kami,\\n4 tang dalam semua utai enggau ngena semua macham chara kami udah ngayanka diri amat ulun Allah Taala. Kami udah tan natka penusah, pemerinsa enggau penyuntuk,\\n5 dipalu, ditutup dalam rumah jil, dijamah orang ke begau, bebendar bekereja, nadai tinduk, nadai utai diempa,\\n6 ngena ulah ti tuchi, penemu, pengeliat ati, penelap, pengerindu ti bendar,\\n7 madahka utai ti amat, enggau ulih kuasa Allah Taala; ngena pengelurus nyadika senyata ba jari kanan enggau ba jari kiba kami,\\n8 dibasa orang, dikeleseka orang, dipejai orang, dipuji orang, dikumbai orang bula, taja pen kami madahka utai ti bendar;\\n9 enda dikelala orang, taja pen semua orang ngelala kami; baka ke mati, tang, baka ke dipeda kita, kami agi mengkang idup; baka ke diukum, tang enda dibunuh;\\n10 baka ke tusah ati, tang seruran rami gaga; baka ke seranta, tang ngaga mayuh orang nyadi kaya; baka ke nadai utai, tang bempu semua utai.\\n11 Kami bejaku enggau terang ngagai kita orang Korint. Kami udah nukangka ati kami ngagai kita.\\n12 Kami nadai sekat rinduka kita; kita empu ke nyekat diri rinduka kami.\\n13 Kena kitai besilih -- Aku bejaku baka ke ngagai anak mit -- tukangka ati kita ngagai kami.\\nBejaga Ari Orang Ke Enda Nemu Allah Taala\\n14 Anang besulu enggau orang ke enda arap. Laban baka ni ku pengelurus ulih begulai enggau penyai? Tauka baka ni ku penampak ulih bekaul enggau\\n15 Baka ni ku Kristus ulih besetuju enggau Sitan? Tauka orang ke arap tau sebaka enggau orang ke enda arap?\\n16 Baka ni ku rumah Allah Taala ulih besetuju enggau engkeramba? Laban kitai tu rumah Allah Taala ti idup! Munyi ti disebut Allah Taala, “Aku deka diau dalam sida lalu begulai enggau sida, lalu Aku deka nyadi Allah Taala sida, lalu sida deka nyadi nembiak Aku.\\n17 Nya alai pansut kita ari sida, lalu seraraka diri ari sida, ku Tuhan bejaku, lalu anang negu utai ti enda tuchi; nya baru Aku deka nerima kita,\\n18 lalu Aku deka nyadi Apai kita, lalu kita deka nyadi anak lelaki enggau anak indu Aku, ku Tuhan ti Pemadu Bekuasa bejaku.”\\n1 Nya alai laban kitai bisi semaya tu, menyadi, aram kitai nuchi diri empu ari semua utai ti ngamahka tubuh enggau roh kitai, lalu nyadi pemadu kudus nangika Allah Taala.\\n2 Sambut meh kami ke dalam ati kita, laban kami nadai udah ngereja utai ti salah ngagai orang, nadai udah kala jai enggau orang, tauka ngambi ulih ba orang.\\n3 Aku nyebut tu ukai laban aku deka besalahka kita, laban munyi ti udah disebut aku suba, kami sayauka kita, mati sama, idup sama enggau kita.\\n4 Aku suah temegahka kita. Aku balat gaga ati ke kita. Aku berasai diperansang. Taja pen kami dituntung mayuh macham penusah, tang ati aku lantang amat.\\n5 Indah lebuh kami datai di Masedonia, deh kami enda ulih belelak, tang dituntung penusah di semua endur, betalat enggau orang, lalu ati kami berasai takut.\\n6 Tang Allah Taala, ke meransang orang ke lemi semengat, udah meransang kami ngena penatai Titus,\\n7 lalu ukai semina ngena penatai iya aja, tang mega ngena berita pasal kita ke udah ngelantangka ati Titus, lebuh iya madahka pasal kita ke balat lelengau sereta tusah ati ke aku, pasal kita ke angkun sereta irauka aku. Nya alai, ati aku berasai lantang agi ari selama.\\n8 Laban, enti sema surat aku nya udah ngasuh ati kita enda lantang, aku enda nesal ati ke nya (taja pen aku nesal ati mimit lebuh aku meda kita tusah ati enda lama laban surat nya).\\n9 Tang diatu ati aku gaga, ukai laban aku udah ngenusahka ati kita, tang laban ati kita ti tusah udah ngasuh kita nesal ati; laban ati ti tusah nya endang nitihka peneka Allah Taala, nya alai kami nadai ngemediska kita.\\n10 Laban ati ti tusah ulih peneka Allah Taala, ngasuh kita nesal ati, lalu ati kita ti nesal mai kita ngagai pengelepas. Nya nadai ngasuh kita ngesal. Tang ati ti tusah ulih peneka mensia, mai pemati.\\n11 Peda kita utai ti udah nyadi ari ati kita ti tusah ulih peneka Allah Taala: kita enda empelita agi, kita bebendar deka ngayanka diri nadai penyalah! Peda kita pemalat kita pedis ati, pemalat kita irau, pemalat kita lelengau, pemalat kita angkun, pemalat kita seruran sedia deka ngukum penyalah! Dalam semua pekara tu kita udah mandangka diri endang nadai penyalah.\\n12 Nya alai, taja pen aku udah nulis surat nya suba ngagai kita, aku ukai nulis nya ketegal orang siku nya ke udah ngereja penyalah, lalu ukai mega ketegal orang ke udah pedis laban iya, tang ngambika, di mua Allah Taala, kita empu nemu pengangkun diri ke kami.\\n13 Nya utai ti meransang ati kami. Nambahka nya, kami balat gaga ati meda pengaga ati Titus laban semua kita bela udah ngelantangka ati iya!\\n14 Laban aku amat udah temegahka pasal kita di mua iya, lalu kita enda ngemaluka aku. Baka kami ke seruran madahka utai ti bendar ngagai kita, baka nya mega kami madahka utai ti bendar ngagai Titus lebuh kami temegahka pasal kita.\\n15 Iya lalu balat agi rinduka kita, lebuh iya ngingatka semua kita ke ngasi, enggau gaya kita ke getar-getar sereta nangi nyambut penatai iya.\\n16 Ati aku chukup gaga laban kita tau dikarapka dalam semua utai.\\nJalai Orang Kristian Meri Utai\\n1 Kami deka ke kita nemu, menyadi, pasal pengasih ti diberi Allah Taala ke mayuh bengkah eklisia di menua Masedonia.\\n2 Taja pen sida udah balat diuji mayuh macham penusah, tang sida udah meri tulung enggau ati ti amat gaga sereta gerah mudah, taja pen sida udu seranta.\\n3 Laban, aku madah ngagai kita, sida udah meri enggau naka ulih sida, enggau lebih agi ari ti ulih diberi sida. Ari peneka ati sida empu\\n4 sida minta kami meri sida peluang sama enggau meri tulung ngagai bala nembiak Tuhan.\\n5 Lalu sida ngereja nya, ukai baka ke disangka kami, tang sida dulu nyerahka diri ngagai Tuhan, lalu udah nya baru sida nyerahka diri ngagai kami, nitihka peneka Allah Taala.\\n6 Nya alai kami ngasuh Titus, ke udah ngepunka pengawa pengasih nya, mega nembuka pengawa nya ba bala kita.\\n7 Nyadi diatu baka kita ke mujur dalam semua utai--dalam pengarap, dalam jaku, dalam penemu, dalam pemendar kita ngereja utai, enggau dalam pengerindu kita ke kami--awakka kita mega mujur dalam pengawa pengasih tu.\\n8 Aku ukai nyebut tu laban aku deka meri atur ngagai kita, tang laban aku deka nemu pengamat pengerindu kita, enti dibandingka enggau pengerindu orang bukai.\\n9 Laban kita nemu pengasih Jesus Kristus Tuhan kitai: taja pen Iya kaya, tang ketegal kita, Iya nyadi seranta, ngambika ulih penyeranta Iya, kita tau nyadi kaya.\\n10 Ba pekara tu aku meri kita jaku lalau ti tau dititihka kita: Taun siti tu kemari kita tu orang ti keterubah, ukai semina meri tang mega orang ke terubah bisi ati deka meri.\\n11 Diatu tembuka pengawa nya, ngambika pengeransing kita ke merambu pengawa nya setipak enggau pengeransing kita nembuka iya, ngena utai ti dikemisi kita.\\n12 Laban enti pengeransing nya bisi, pemeri kita nya deka diterima, beduduk ba utai ti dikemisi kita, ukai beduduk ba utai ti nadai ba jari kita.\\n13 Aku ukai ngumbai kita patut ditating enggau pengawa ti berat nya, lalu orang bukai enda, tang ngambika semua bela bisi utai magang.\\n14 Diatu lebuh kita bulih mayuh utai, kita meri sida utai ti dipeguna sida, ngambika lebuh sida bulih mayuh utai, sida meri kita utai ti dipeguna kita, ngambika semua bela bisi utai magang.\\n15 Munyi ti udah ditulis, “Orang ke ngumpul mayuh, nadai bulih kelalu mayuh, lalu orang ke ngumpul mimit, nadai mega bulih kelalu mimit.”\\nTitus Enggau Orang Ke Sama Bekereja Enggau Iya\\n16 Aku meri terima kasih ngagai Allah Taala ke udah ngasuh Titus ransing ati nulung kita baka ti deka dikereja aku empu!\\n17 Laban iya ukai semina nerima peminta kami, tang laban iya empu endang majak ransing agi ati deka nulung kita, nya alai iya deka nemuai ngagai kita ari peneka ati iya empu.\\n18 Kami ngirumka enggau iya, siku menyadi ke dibasa orang dalam semua eklisia ketegal pengawa iya ke nusui Berita Manah.\\n19 Lalu ukai semina nya aja, tang iya mega udah diasuh mayuh bengkah eklisia bejalai enggau kami lebuh kami ngereja pengawa pengasih tu, ke mulia Tuhan Empu, enggau kena nunjukka pengeransing kami ke deka nulung.\\n20 Kami deka ngereja pengawa ba pasal pemeri tu enggau bejimat enggai ke orang mantah kami,\\n21 laban kami endang deka ngereja utai ti ngena, ukai semina di mua Tuhan aja, tang mega di mua mensia.\\n22 Nya alai, kami ngasuh menyadi kami tu bejalai enggau sida. Kami suah udah nguji iya, lalu kami nemu iya endang ransing dalam semua pekara. Lalu diatu iya balat agi ransing ari ke udah, laban iya arap amat ke kita.\\n23 Nyadi pasal Titus, iya endang tawing aku bekereja betulungka kita. Pasal bala menyadi bukai, sida nya pengari ari mayuh bengkah eklisia, ke nyadi mulia Kristus.\\n24 Nya alai di mua semua eklisia, ayanka pengerindu kita ke sida enggau kebuah kami ke temegahka kita di mua sida.\\nTulung Ke Orang Kristian Ke Suntuk\\n1 Aku tau enda ibuh nulis ngagai kita pasal tulung ti diberi ngagai bala nembiak Tuhan,\\n2 laban aku nemu kita endang keran deka nulung, lalu aku udah temegahka nya di mua orang Masedonia, madahka orang di menua Akaia endang udah sedia kenyau ari taun siti tu kemari, lalu pengeransing ati kita udah nyungkak nyauka semua bala sida.\\n3 Tang diatu aku ngasuh Titus enggau sida menyadi tu nemuai ngagai kita, ngambika kami enda lebu temegahka kita ba pekara tu, ngambika kita endang amat sedia, munyi ti dipadahka aku ngagai sida;\\n4 enggai ke lebuh orang Masedonia datai enggau aku, lalu nemu kita enda sedia, kami malu ke diri ke udah balat ngarapka kita! Lalu kita empu pen malu.\\n5 Nya alai aku ngira, aku patut ngasuh sida menyadi nya nemuai dulu ngagai kita, lalu nyendiaka dulu pemeri ti udah disemaya kita, ngambika pemeri nya sedia magang, ukai ari pejal, tang ari peneka ati kita empu.\\n6 Ingatka jaku tu: orang ke nanam mimit, deka ngetau mimit, lalu orang ke nanam mayuh, deka ngetau mayuh.\\n7 Genap iku kita patut meri nitihka pemutus runding diri, ukai enggau ati ti lembau, tauka ari pejal, laban Allah Taala rinduka orang ke meri enggau ati ti gaga.\\n8 Lalu Allah Taala ulih meri kita semua macham berekat ti belimpah-limpah, ngambika lebuh kita seruran chukup semua utai, kita ulih meri mayuh utai kena ngereja genap bengkah pengawa ti badas.\\n9 Munyi ti ditulis, “Iya meri enggau ati ti gerah mudah. Iya meri ngagai orang ke seranta. Pengelurus Iya meruan belama iya.”\\n10 Allah Taala, ke meri benih ngagai orang ke nanam, enggau roti ke pemakai, deka meri lalu nambahka semua utai kita, sereta nambahka asil pengelurus kita.\\n11 Kita deka digaga nyadi kaya ngena semua macham chara laban kita meri enggau ati ti gerah mudah, ti deka nyungkak orang meri terima kasih ngagai Allah Taala ketegal pemeri kita ke diterima sida ari kami,\\n12 laban pengawa ti dikereja kita tu ukai semina meri utai ti dipeguna bala nembiak Tuhan, tang mega nyungkak mayuh orang meri terima kasih ngagai Allah Taala.\\n13 Nyadi laban kita udah diuji ngena pengawa tu, kita deka ngemuliaka Allah Taala ketegal kita ngasi lalu ngaku Berita Manah pasal Kristus, enggau ketegal kita meri enggau ati ti gerah mudah ngagai sida enggau ngagai orang bukai.\\n14 Lalu enggau ati ti balat lelengau, sida deka besampika kita ketegal pemesai pengasih ti udah diberi Allah Taala ngagai kita.\\n15 Beri terima kasih ngagai Allah Taala ketegal pemeri Iya ti enda ulih ditelah!\\nPaul Bejaku Ngeringka Pengawa Diri\\n1 Aku, Paul, ulih pemaruh ati enggau penelap Kristus, minta kita--aku ti takut lebuh aku betunga mua enggau kita, tang berani lebuh aku jauh ari kita --\\n2 aku minta kita anang nyungkak aku kasar enggau kita lebuh aku begulai enggau kita, baka ti deka dikereja aku ngagai orang ke ngumbai kami gawa ngena chara mensia.\\n3 Kami endang idup ngena chara mensia, tang kami ukai beperang ngena chara mensia,\\n4 laban senyata ti dikena kami beperang ukai senyata dunya, tang kuasa Allah Taala kena ngerusak kuta.\\n5 Kami ngerusak kelikuh enggau semua utai ti ngelaban penemu pasal Allah Taala, lalu nangkap semua runding lalu ngasuh sida ngasika Kristus.\\n6 Kami sedia deka ngukum semua orang ke enda ngasi, lebuh kita empu udah chukup ngasi.\\n7 Kita semina meda gamal utai aja.Enti orang arapka diri nembiak Kristus, awakka iya berunding baru lalu ingatka kami tu mega nembiak Kristus, baka iya empu.\\n8 Laban enti aku temegah lebih ari ti patut pasal kuasa kami, ti diberi Tuhan kena nirika kita, ukai kena ngeruntuhka kita, aku enda malu ke nya.\\n9 Aku ukai baka ke ngemba kita ngena surat.\\n10 Laban ku sida, “Surat iya kasar, sereta terit, tang iya empu lemi batang tubuh, lalu jaku iya nadai guna!”\\n11 Orang ke baka nya patut nemu, utai ti ditulis kami lebuh kami enda begulai enggau kita, sigi deka mega dikereja kami lebuh kami begulai enggau kita.\\n12 Kami enda berani nyemaka tauka mandingka diri enggau orang ke muji diri baka nya. Lebuh sida nyukat lalu mandingka diri enggau pangan diri, sida nunjukka diri beli.\\n13 Tang kami enggai temegah lebih ari ti patut, tang semina deka temegahka pengawa ti udah diasuh Allah Taala kereja kami, nyengkaum bekereja ba bala kita.\\n14 Laban kami ukai ngereja lebih ari ti patut lebuh kami bekereja ba bala kita, laban kami tu orang ke terubah-rubah datai ba kita mai Berita Manah pasal Kristus.\\n15 Kami ukai temegah lebih ari ti patut, reti nya, temegahka pengawa orang bukai; tang kami ngarap, lebuh pengarap kita mansang, pengawa ti dikereja kami deka ngerembai besai agi,\\n16 ngambika kami ulih nusui Berita Manah di menua bukai ngilah menua kita, lalu enda ibuh temegahka pengawa ti dikereja ba endur alai orang bukai udah nusui Berita Manah.\\n17 “Awakka orang ke deka temegah, temegahka Tuhan.”\\n18 Laban ukai orang ke muji diri ke diterima Tuhan, tang orang ke dipuji Tuhan.\\nPaul Enggau Sida Rasul Ti Pelesu\\n1 Aku ngarapka kita deka sabar enggau aku, enti aku beli mimit. Aku minta kita sabar enggau aku!\\n2 Aku chemburuka kita, baka Allah Taala ke chemburuka kita, laban aku udah ngasuh kita betunang enggau siku laki, iya nya nyerahka kita dara bungas ngagai Kristus.\\n3 Tang aku irau enggai ke, baka ular ke ngena pemintar iya nipu Awa, runding kita dibai tesat ari ati ti tuchi ti balat angkunka Kristus.\\n4 Laban enti orang datai lalu nusui pasal Jesus ti lain agi ari Jesus ke ditusui kami, tauka kita nerima roh ti lain agi ari Roh ke diterima kita, tauka kita nerima berita manah ti lain agi ari Berita Manah ti diterima kita, kita jampat amat nunduk ngagai utai nya.\\n5 Aku ngira diri enda kurang agi ari sida rasul ke ngumbai diri lebih agi bekuasa nya!\\n6 Aku nyangka nadai udah kala belajar lanchar bejaku, tang aku bisi penemu, lalu tu udah diayanka kami ngagai kita dalam semua utai ti dikereja kami.\\n7 Kati aku bedosa lebuh aku ngemaruhka diri ngambika kita ditinggika, ketegal aku nusui Berita Manah Allah Taala ngagai kita enggau nadai minta bayar?\\n8 Aku ngerumpak eklisia bukai laban aku nerima sukung ari sida, ngambika aku ulih bekereja ke kita.\\n9 Lalu lebuh aku begulai enggau kita, lalu aku suntuk utai, aku enda nating kita, laban utai ti dipeguna aku diberi bala menyadi ke datai ari Masedonia. Nya kebuah aku enggai, lalu deka majak enggai nating kita dalam semua utai.\\n10 Laban ajar Kristus bisi dalam ati aku, nadai orang ulih madamka temegah aku tu di menua Akaia.\\n11 Nama kebuah? Laban aku enda rinduka kita? Ukai! Allah Taala nemu aku rinduka kita!\\n12 Lalu aku deka majak ngereja utai ti dikereja aku, ngambika enda meri peluang ngagai orang ke ngiga peluang temegah madahka diri bekereja baka kami.\\n13 Laban orang ke temegah baka nya, nya nabi ti pelesu, pengelakar, ke nyaru diri nyadi rasul Kristus.\\n14 Sigi aruh iya! Indah Sitan deh nemu nyaru diri nyadi melikat penampak.\\n15 Nya alai, enda nyelai enti bala ulun Sitan nemu nyaru diri nyadi ulun pengelurus. Sida deka nerima ukum ti setipak enggau utai ti udah dikereja sida.\\nPemerinsa Paul Nyadi Rasul\\n16 Aku nandu nya baru: anang orang ngumbai aku beli. Tang enti sema kita ngumbai aku beli, terima aja meh aku ke beli tu, ngambika aku tau mega temegah mimit.\\n17 Aku ke temegah tu ukai ari asuh Tuhan, tang ari pemeli aku empu.\\n18 Laban mayuh orang temegahka utai ti dikereja dunya, aku pen deka mega temegah.\\n19 Laban kita gaga ati sabar enggau orang ke beli, laban kita empu pintar!\\n20 Kita sabar lebuh orang ngaga kita nyadi ulun, tauka ngelakar kita, tauka ngambi ulih ba kita, tauka ngerigangka diri, tauka nampar mua kita.\\n21 Aku malu ngaku tu, tang kami enda ulih natka nya! Tang enti orang berani temegahka sebarang utai -- aku bejaku baka orang ke beli -- aku pen berani mega temegahka utai nya.\\n22 Kati sida nya orang Hebrew? Aku mega orang Hebrew. Kati sida nya orang Israel? Aku mega orang Israel. Kati sida nya peturun Abraham? Aku mega peturun Abraham.\\n23 Kati sida nya ulun Kristus? Aku bejaku munyi orang ke gila -- aku manah agi ari sida, aku udah bebendar agi bekereja ari sida, suah agi ari sida udah ditutup dalam rumah jil, suah agi udah disipat, lalu suah nyau deka mati.\\n24 Lima kali aku udah disipat orang Judah, empat puluh kali (kurang siti) sekali-sekali aku disipat.\\n25 Tiga kali aku dipalu ngena batang kayu; sekali aku dituku ngena batu; tiga kali ditabanka kapal karam, lalu sekali aku rarat sehari semalam ba tasik.\\n26 Aku seruran bejalai, nyau deka bebadi ba sungai, laban perumpak, laban orang ke ari bansa aku empu, laban orang bansa bukai, nyau deka bebadi dalam nengeri, nyau deka bebadi di menua puang, ba tasik, nyau deka bebadi ba jari pangan ti pelesu;\\n27 bebendar bekereja sereta merinsa, suah semalam-malam enda tinduk, lapar sereta aus, suah nadai pemakai, chelap sereta telanjai.\\n28 Lalu kelimpah ari utai bukai, tiap hari aku ngasaika diri ditekanka pengirau ke semua eklisia.\\n29 Sapa ke lemi, lalu aku enda lemi? Sapa ke dibai orang bedosa, lalu aku enda pedis ati?\\n30 Enti aku enda tau enda temegah, aku deka temegahka utai ti nunjukka pengelemi aku.\\n31 Allah Taala ti Apai Tuhan Jesus - awakka nama Iya dipuji belama iya! - nemu aku enda bula.\\n32 Lebuh aku di Damaskus, tuan gabenor ke bekereja di baruh Raja Aretas, nyaga nengeri nya laban sida deka nangkap aku.\\n33 Tang aku diulurka ngena bakul nengah lubang ba dinding kuta, lalu aku ngerarika diri ari iya.\\nGenera Enggau Pemandang Ti Dipeda Paul\\n1 Aku enda tau enda temegah taja pen aku nadai bulih penguntung ari nya, tang aku deka temegahka pasal genera enggau pemandang ari Tuhan.\\n2 Aku nemu siku orang Kristian ke udah dibai ngagai serega ba peringkat ti ketiga, empat belas taun tu ti udah. Aku enda nemu sekalika utai nya nyadi ba iya batang tubuh, tauka ukai -- semina Allah Taala aja nemu.\\n3 Lalu aku nemu -- nemuka iya dibai batang tubuh tauka ukai, aku enda nemu; Allah Taala aja nemu --\\n4 iya dibai niki ke serega,alai iya ke ninga utai ti pemadu manah, ti enda ulih ditelah ngena jaku mensia.\\n5 Aku deka temegahka orang ke baka nya, tang aku enggai temegahka diri empu, kelimpah ari temegahka pengelemi aku.\\n6 Tang enti sema aku deka temegah, aku enda beli, laban aku deka madahka utai ti bendar. Tang aku enggai temegah, ngambika nadai orang ngira aku lebih ari ke dipeda sida ba aku, tauka didinga sida ari aku.\\n7 Lalu kena nagang aku ngenyumbungka diri ketegal pemandang ti baka nya, sebengkah penyakit udah diberi ngagai tubuh aku, nyadika seruan Sitan, kena merinsaka aku.\\n8 Tiga kali aku udah besampika ngagai Tuhan minta penyakit nya dibuai ari aku,\\n9 tang ku Tuhan bejaku ngagai aku, “Pengasih Aku chukup ke nuan, laban kuasa Aku nyadi pemadu badas lebuh nuan lemi.” Nya alai aku deka lebih agi gaga ati temegahka pengelemi aku, ngambika kuasa Kristus meruan dalam aku.\\n10 Nya alai ketegal Kristus aku gaga ke pengelemi aku, dipechat, dikeduan, diperinsa, enggau dituntung mayuh macham penusah. Laban lebuh aku lemi, aku kering.\\nPengirau Ati Paul Ke Orang Ke Arap Di Korint\\n11 Aku udah beli. Kita empu ke nyungkak aku beli, laban iya ti bendar, kita patut muji aku, laban aku enda kurang agi ari sida “rasul” ke bekuasa nya, taja pen aku tu orang ke nadai guna.\\n12 Tanda ti ngelai rasul ti bendar -- kereja ajih enggau kereja ti nyelai -- udah dikereja enggau ati ti liat ba bala kita.\\n13 Baka ni ku kita kurang agi dikibuhka enti dibandingka enggau eklisia bukai, kelimpah ari aku ke enda nating kita? Ampun meh penyalah aku nya!\\n14 Tu ketiga kali aku sedia deka nemuai ngagai kita. Lalu aku enggai nating kita, laban aku ukai minta utai kita, tang deka betemu enggau kita empu; laban ukai anak ke patut besimpanka utai ke apai indai, tang apai indai ke patut besimpanka utai ke anak.\\n15 Aku gaga ati ngabiska semua utai aku, nyengkaum aku empu, kena nulung kita. Enti aku bebendar rinduka kita baka nya, kati kita deka kurang agi rinduka aku?\\n16 Nadai ku enggau, aku amat enda nating kita. Tang kita ngumbai aku pintar nipu kita.\\n17 Kati aku bisi udah kala ngambi ulih ba kita ngena bala seruan ke diasuh aku nemuai ngagai kita?\\n18 Aku udah ngansak Titus nemuai ngagai kita, lalu ngasuh siku sida ke arap nemuai enggau iya. Kati Titus bisi udah ngambi ulih ba kita? Kati juluk ati kami duai Titus enda sebaka? Kati utai ti dikereja kami duai enda sebaka?\\n19 Kati kita ngelamatu seruran ngumbai kami udah nguji bejaku ngarika diri empu di mua kita? Kami duai bejaku di mua Allah Taala dalam nama Kristus. Semua utai ti dikereja kami, menyadi, endang kena ngeringka pengarap kita.\\n20 Laban aku irau enggai ke lebuh aku datai ila, aku nemu kita ukai baka ti dikedekaka aku, lalu kita nemu aku ukai baka ti dikedekaka kita. Aku irau enggai ke aku tetemuka kita belaya, kepapas, ringat, berundingka diri empu aja, mechat pangan diri, bejakuka pangan diri, sumbung sereta charut.\\n21 Aku irau enggai ke lebuh aku nemuai baru ngagai kita ila, Allah Taala deka ngemaruhka aku di mua kita, lalu aku nyabakka mayuh orang ke udah bedosa dulu menya lalu apin nesal ati ke runding sida ke kamah, kereja kamah ti udah dikereja sida.\\nAjar Ti Penudi Enggau Jaku Tabi\\n1 Tu ketiga kali aku nemuai ngagai kita. “Semua dawa enda tau enda disukung dua tauka mayuh agi saksi.”\\n2 Aku udah meri jaku tangkan ngagai sekeda bala kita ke udah bedosa suba, enggau ngagai semua sida ti bukai, lalu diatu aku meri sida jaku tangkan lebuh aku enda begulai enggau kita. Jaku tangkan tu munyi ti udah disebut aku lebuh aku nemuai kedua kali ngagai kita suba: iya nya, lebuh aku datai baru ila, aku deka nganu sida,\\n3 laban kita minta aku ngayanka tanda kena nunjukka Kristus amat bejaku ngena aku. Kristus enda lemi lebuh Iya bekereja ba kita, tang bekuasa dalam kita.\\n4 Iya lemi lebuh Iya diregang, tang Iya idup ulih kuasa Allah Taala. Kami lemi dalam Kristus, tang lebuh kami bekereja ba bala kita, kami deka idup begulai enggau Iya ulih kuasa Allah Taala.\\n5 Peresa diri empu, kena nentuka kita amat idup ngena pengarap tauka enda. Uji diri empu. Kati kita enda nemu Jesus Kristus bisi dalam kita? Nyangka meh kita nemu diri enda mujur lebuh kita nguji diri empu!\\n6 Aku ngarapka kita deka nemu kami ukai orang ke enda tan diuji.\\n7 Tang kami besampi ngagai Allah Taala ngambika kita enda ngereja utai ti salah, ukai reti nya kami mandangka diri udah mujur lebuh kami diuji, tang ngambika kita ngereja utai ti ngena, taja pen kami baka ke enda mujur.\\n8 Laban kami enda tau ngereja utai ngelaban pemendar, tang semina bekereja ke pemendar.\\n9 Laban kami gaga lebuh kami lemi, lalu kita kering. Utai ti disampika kami nya kita nyadi pemadu badas.\\n10 Nya kebuah aku nuliska utai tu lebuh aku enda begulai enggau kita, ngambika lebuh aku datai ila, aku enda ibuh kasar enggau kita lebuh aku ngena kuasa ti udah diberi Tuhan ngagai aku, kuasa kena ngemansang, ukai kena ngeruntuh.\\n11 Ke pengujung iya, menyadi, selamat tinggal. Diau badas. Pendingka jaku aku. Besetuju enggau pangan diri. Diau bebaik enggau pangan diri, lalu Allah Taala ti pun pengerindu enggau pemaik deka meruan enggau kita.\\n12 Tabi pangan diri dalam pengerindu. Semua nembiak Tuhan bela ngirumka tabi basa ngagai kita.\\n13 Awakka pengasih Tuhan Jesus Kristus, enggau pengerindu Allah Taala, enggau kaul Roh Kudus meruan enggau kita semua.","num_words":6483,"character_repetition_ratio":0.058,"word_repetition_ratio":0.0,"special_characters_ratio":0.21,"stopwords_ratio":0.313,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"9 March 2019 - Hari Enam udah Hari Tiga Abus -->\\n9 March 2019 - Hari Enam udah Hari Tiga Abus\\nJesus pansut lalu tepedaka siku pengumpul chukai, ke benama Lewi, duduk dalam opis alai ngumpul chukai. Jesus lalu bejaku ngagai iya, “Titihka Aku.”\\nBacha Ke Satu: Isaiah 58: 9B - 14\\nKu TUHAN bejaku, “Enti kita badu agi nekanka pengidup orang, badu agi mechat orang, lalu badu agi bejaku jai; enti kita meri pemakai kita ngagai orang ke lapar, lalu ngemuaska ati orang ke suntuk, nya baru penampak kita deka manchar dalam pemetang, lalu pemetang ti ngelingi kita deka nyadi baka penampak tengah hari.\\nLalu TUHAN deka seruran ngiring kita lalu ngemuaska kita enggau utai ti manah, lalu ngasuh kita kering; lalu kita deka nyadi baka kebun ti selalu dipanjah enggau ai, baka mata ai ti nadai nemu langkang.\\nNengeri kita ke udah runtuh, deka didirika baru; Kita deka nirika iya baru ba endur asal iya; Orang deka ngumbai kita orang ke nirika dinding kuta ti udah rusak, ke ngaduka rumah ti udah rusak ngambika bisi alai diau.”\\nEnti kita bebasaka Hari Sabat lalu enda ngereja utai ti dikedekaka kita empu ba hari Aku ti kudus nya, tang gaga ati ke hari nya, lalu ngumbai hari nya hari ti patut dibasa; enti kita bebasaka hari nya lalu enda gawa, enda ngelantangka diri, lalu berandau ngapa ba hari nya, nya baru kita deka gaga ati ke TUHAN, lalu Aku deka ngasuh kita dibasa semua orang di serata dunya. Aku deka nupi kita ngena pesaka aki kita Jakop. TUHAN udah bejaku.”\\nMasmur Entara: Masmur 86: 1 - 2, 3 - 4, 5 - 6\\nSaut (peda 11ab): Ajar aku, O TUHAN, utai ti diasuh Nuan kereja aku, ngambika aku tetap ati ngasika Nuan.\\nPendingka aku, O TUHAN, lalu saut aku,\\nlaban aku nadai daya agi sereta lemi.\\nSelamatka aku ari pemati, laban aku taluk ngagai Nuan.\\nSelamatka aku, laban aku tu nembiak Nuan\\nlalu aku manggaika pengarap aku ba Nuan.\\nSaut: Ajar aku, O TUHAN, utai ti diasuh Nuan kereja aku, ngambika aku tetap ati ngasika Nuan.\\nNuan endang Allah Taala aku, nya alai kasihka aku.\\nAku besampi ngagai Nuan sepemanjai hari.\\nAsuh ati nembiak Nuan gaga, O TUHAN,\\nlaban aku besampi ngagai Nuan.\\nNuan endang manah enggau kami, sereta ngampun.\\nNuan penuh laban pengerindu ke semua orang ke besampi ngagai Nuan.\\nPendingka sampi aku, O TUHAN.\\nDingaka aku ke nyabak minta tulung.\\nAku enda rindu meda orang ke bedosa mati, ku TUHAN.\\nBacha Injil: Luke 5: 27 - 32\\nUdah bekau nya, Jesus pansut lalu tepedaka siku pengumpul chukai, ke benama Lewi, duduk dalam opis alai ngumpul chukai. Jesus lalu bejaku ngagai iya, “Titihka Aku.”\\nLewi angkat, ninggalka semua utai, lalu nitihka Iya.\\nLewi lalu nyendiaka pengerami makai besai dalam rumah iya ke Jesus. Mayuh amat pengumpul chukai enggau orang bukai makai enggau sida.\\nOrang Parisi enggau sida pengajar Adat lalu mut-mut ngagai murid Jesus.\\nKu sida, “Nama kebuah kita makai ngirup enggau pengumpul chukai, enggau orang ke bedosa?”\\nJesus lalu nyaut, “Orang ke gerai enda begunaka lutur, tang semina orang ke sakit.\\nAku datai, ukai deka ngangauka orang ke lurus, tang ngangauka orang ke bedosa ngasuh sida nesal ati.”","num_words":479,"character_repetition_ratio":0.062,"word_repetition_ratio":0.077,"special_characters_ratio":0.22,"stopwords_ratio":0.342,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"29 March 2019 - Hari Lima ba Minggu Ketiga Musim Lent\\n“Betul utai ti ku Nuan, Pengajar! Munyi ti ku Nuan, ‘Allah Taala endang siku aja, lalu nadai petara bukai. - Mark 12: 28 -34.\\nBacha Ke Satu: Hosea 14: 1 - 9\\nMasmur Entara: Masmur 81: 5C - 7A, 7BC - 8, 9 - 10AB, 13 & 16\\nSaut (peda 10 & 8a): Aku tu TUHAN Allah Taala kita: Pendingka jaku tangkan Aku.\\nAku ninga munyi nyawa ti enda dikelala bejaku,\\n“Aku ngingkaska ma ti berat ari belakang kita.\\nku ngasuh kita ngelengkaka batu bata ari jari kita.\\nLebuh kita kena laban penusah, kita ngangauka Aku,\\nlalu Aku ngelepaska kita.\\nSaut: Aku tu TUHAN Allah Taala kita: Pendingka jaku tangkan Aku.\\nAri endur alai Aku ke belalai dalam biaubalai, Aku nyaut kita.\\nAku nguji kita ba mata ai di Meribah.\\nPendingka jaku tangkan Aku, kita ke nembiak Aku.\\nIsrael, naka meh pemanah enti kita deka mendingka Aku!\\nKita enda tau sekali-kali nyembah petara bukai.\\nAku tu TUHAN Allah Taala kita,\\nti udah mai kita pansut ari menua Ejip.\\nNaka meh pemanah enti bala nembiak Aku deka mendingka Aku.\\nNaka meh pemanah enti sida deka ngasika Aku!\\nTang aku deka nupi kita ngena gandum ti pemadu manah\\nlalu ngasuh kita kenyang ngena ai manyi.”\\nNesal ati ke dosa kita, ku TUHAN:\\nBacha Injil: Mark 12: 28 - 34\\nSiku pengajar Adat datai semak lalu ninga sida bekelikuh enggau pangan diri. Lebuh iya ninga pemanah saut Jesus, iya lalu nanya Jesus, “Ni pesan ti pemadu besai?.”\\nJesus lalu nyaut, “Pesan ti pemadu besai nya, ‘Pendingka tu, O kita orang Israel! Tuhan Allah Taala kitai endang siku aja.\\nKita enda tau enda rinduka Tuhan Allah Taala kita, enggau pengabis ati kita, enggau pengabis semengat kita, enggau pengabis runding kita, enggau pengabis pengering kita.’\\nPesan ti lumur dua nya: ‘Rinduka pangan nuan, baka nuan ke rinduka diri empu.’ Nadai pesan bukai ti besai agi ari pesan dua bengkah nya.”\\nPengajar Adat nya lalu bejaku ngagai Iya, “Betul utai ti ku Nuan, Pengajar! Munyi ti ku Nuan, ‘Allah Taala endang siku aja, lalu nadai petara bukai, kelimpah ari Iya,’ lalu ‘rinduka Iya enggau pengabis ati nuan, enggau pengabis runding nuan, enggau pengabis pengering nuan,’ lalu ‘rinduka pangan diri baka nuan ke rinduka diri empu.’ Tu lebih agi beguna ari semua piring tunu enggau semua piring bukai.”\\nLebuh Jesus meda iya udah nyaut enggau betul, Iya lalu bejaku ngagai iya, “Nuan enda jauh ari Perintah Allah Taala.” Udah bekau nya, nadai orang agi berani nanyaka utai ngagai Iya.","num_words":372,"character_repetition_ratio":0.084,"word_repetition_ratio":0.05,"special_characters_ratio":0.236,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Richard Angelus' Legacy: Nadai Utai Ti Nemu Agi Ngakal Ari Ati Mensia Tang Jesus Ulih Nuchi Ati Kitai (Mark 7:14-23)\\nNadai Utai Ti Nemu Agi Ngakal Ari Ati Mensia Tang Jesus Ulih Nuchi Ati Kitai (Mark 7:14-23)\\n“Udah nya Jesus ngasoh orang mayoh datai ngagai iya sakali agi, lalu ko iya bejako enggau sida, ‘Dinga ka ulih kita, lalu pereti ka! Ukai utai ari luar ti tama ka dalam mensia ti ngasoh iya enda tuchi, tang utai ti pansut ari dalam iya ti ngasoh iya enda tuchi (Dinga ka ulih kita, enti kita bisi pending kena ninga!).’ Udah iya ninggal ka orang mayoh, iya lalu tama ke dalam rumah. Sida murid iya lalu nanya ka reti jako sempama nya ngagai iya. Ko Jesus bejako enggau sida, ‘Penemu kita mengkang enda lebih ari penemu orang bukai. Kati kita enda nemu? Nadai utai ari luar ti tama ke dalam mensia tau ngasoh iya enda tuchi, laban utai nya enda tama ke dalam ati iya, tang ngagai perut iya, udah nya lalu pansut ari tuboh iya.’ (Leboh nyebut nya, Jesus mega madah ka samoa pemakai tau dempa magang).”\\n(Mark 7:14-19, Berita Manah Ka Rebak Diatu)\\nGaga ati aku ninga Jesus madah samoa pemakai tau diempa magang! Iya meh Tuhan ti ngelepas kitai ari mayoh macham pemali enggau penti. Amat Jesus Pengelepas mensia. Ko Iya, “Ukai utai ari luar ti tama ka dalam mensia ti ngasoh iya enda tuchi, tang utai ti pansut ari dalam iya ti ngasoh iya enda tuchi.” Pemadas sekalika penyai orang ukai bepanggai ba pengawa iya ari luar tang bepanggai ba peragam enggau runding iya dalam ati. Kitai nemu pengawa ti digaga kitai semoa ya “pansut ari dalam ati” kitai. Enti ati iya manah, iya deka ngaga utai di manah; enti ati iya kamah, iya agi ulih belakon nyadi orang manah tang pengujung iya, iya deka nunjok peragam enggau runding iya ti jai lalu ngaga mayoh macham penyai.\\nNabi Jeremiah bisi nulis: “Sapa nemu ati mensia? Nadai utai ti nemu agi ngakal ari ati mensia. Iya kelalu balat sakit lalu enda ulih digeraika” (Jeremiah 17:9, Bup Kudus Baru). Baka sida orang Parisi, sida iya ngakal (‘hypocrite’, pura-pura, ngaga diri manah). Di moa orang sida manah, baka masu jari sebedau makai (Mark 7:3). Sida bepasa, meri sedekah ngau besembiang “ngambi ka genap iko orang ulih meda sida” (Matthew 6:2, 5, 16). Ko Jesus nampong jako Iya ngagai sida murid Iya tadi: “Utai ti pansut ari dalam iya, nya ti ngasoh iya enda tuchi. Laban peragam ti jai datai ari ati iya, nya ti ngujong ka iya ngereja utai jai: baka nerumpak, munoh orang, butang, amu lalu ngereja samoa macham utai ti jai; ngelakar, ngereka penyai, kepapas, nyumpah, sumbong enggau ngelusu, samoa utai nya datai ari ati mensia lalu ngasoh iya enda tuchi” (Mark 7:20-23).\\n“Nadai utai ti nemu agi ngakal ari ati mensia,” ko Jeremiah. Jesus madah: “Utai ti pansut ari dalam iya, nya ti ngasoh iya enda tuchi.” Kati ko kitai ulih nuchi ati kitai ti jai? Kati ko kitai “ngeraika” ati kitai? Enti kitai empu, enda ulih... tang Jesus ulih nuchi ati kitai! Halleluyah! Enti kitai “ngaku enggau mulut kita, ‘Jesus endang Tuhan,’ lalu arap enggau ati kita, Allah Taala udah ngangkat ka iya ari mati, kita deka idup” (Rome 10:9) lalu “ngelengka ka dosa kita” (Mark 1:4,15), lalu Roh Kudus deka diau dalam ati kitai – ati kitai dituchi ka Jesus enggau darah-Iya. Kitai ulih ngereja jako enggau pengawa Iya laban Roh Kudus Iya diau ba ati kitai: rindu ka Allah Taala enggau pengabis ati ngau rindu ka orang bukai asai rindu ka diri empu. Ati kitai deka ngemansut ka buah roh di badas: “pengerindu, pengaga, pemaik, pengeliat ati, penelap, pemadas, penalok, pemaroh ati enggau runding ti ulih nagang tuboh diri” (Galatia 5:22).\\nAku nemu, kadang-kadang pengawa kitai dipeda orang enda badas tang iya pansut ari ati ti badas. Pengawa nya enda salah, baka nuan enda besembiang Hari Minggu kebuah nuan enda tau enda ngintu orang ti sakit, tauka nuan bula laban nuan deka nyelamat ka orang lain ari kena bunoh (bacha Joshua 2). Ukai pengawa di luar ti berat agi guna (tang tu ukai alasan kitai ngaga penyalah ngau dosa), tang ati kitai dalam nyin. Nya alai anang tusah ati enti enda nuchi jari, tang minta Allah Taala nuchi ati kitai. Tuhan Jesus madah ka penemu ti bendar lalu nulak penemu ti ngakal. Kati ko gaya penemu nuan?\\nTrima kasih Tuhan Jesus laban Roh Kudus Nuan diau dalam ati aku.\\nTuchi ka ati aku ari semoa penyai. Asoh rurus awakka samoa jako\\nenggau perangai ti pansut ari ati aku rurus serta tuchi mega. Amen.\\nPosted by Richard Angelus at 11:11 PM\\nLabels: Bahasa Iban, Gospel of Mark, Holiness of God, Jesus Christ, Perubahan, Roh Allah, Sin\\nTimothy, This is How Christ Saves the Chief of Sin...\\nTimothy, the Law Is for Men who Practice Homosexua...\\nNadai Utai Ti Nemu Agi Ngakal Ari Ati Mensia Tang ...\\nTimothy, the Law of God is Very Good and Useful (1...\\nJesus' Leadership #20 With or Without Someone Else...\\nTimothy, Stay Away From Those Who Swerved from the...\\nTimothy, Sound Doctrine will Produce: Sacrificial ...\\nTimothy, Stop Those Liars Who Teach Different Doct...\\nAnang Semina Deka Dikumbai Orang Kudus Tang Ngelen...\\nTimothy, Remember These 3 Important Words: Grace, ...\\nPray for North Korea: Will Be the Next World's Gre...\\nPerintah Allah Taala Besai Agi Ari Undang-Undang, ...\\nBook Review: Let’s Quit Fighting About the Holy Sp...\\nBook Review: The Message of Judges (1992) by Micha...\\nBook Review: The Story of the Sengoi Mission (2011...\\nBook Review: Brother Andrew, God’s Undercover Agen...\\nBook Review: Secrets of Watchman Nee: His Life, Hi...\\nBook Review: Amy Carmichael, A Life Abandoned to G...\\nBook Review: I Remember John Sung (1976) by Willi...\\nBook Review: Watchman Nee, Man of Suffering (1998)...","num_words":917,"character_repetition_ratio":0.072,"word_repetition_ratio":0.057,"special_characters_ratio":0.237,"stopwords_ratio":0.317,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"21 April 2019 - Hari Minggu Paska (The Resurrection of the Lord)\\nIya engkenduk lalu nilik ke dalam kubur, lalu tepedaka kain linin ti dikena mungkus Jesus, tang iya enda tama. - John 20: 1 - 9\\nKami udah meda semua utai ti udah dikereja Iya di menua Judea enggau di Jerusalem. Udah nya sida munuh Iya ba kayu regang.\\nBuai semua ragi ti lama, ngambika kita amat tuchi. Nya baru kita deka nyadi baka tekang tepung ti enda beragi, laban aku nemu kita sigi baka nya.","num_words":77,"character_repetition_ratio":0.0,"word_repetition_ratio":0.0,"special_characters_ratio":0.239,"stopwords_ratio":0.312,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bemacham pekit ngerichah Safari Rakit Baleh 2019 - Suara Sarawak\\nBemacham pekit nyengkaum lumba rakit entara pekit ke balat ngerichahka pengerami Safari Rakit Baleh 2019.\\nAri enam bagi kategori pekit rakit ke bisi diatur dia ba kategori Rakit Buluh Tebuka Lelaki beratika tim ari Lakin Belaga udah mujur bulih lumur satu, tim ari PRS Youth 64\/61 udah bulih lumur dua enggau ba penuduk ke lumur tiga tim ari Team Anang Cabut MDT.\\nBagi kategori Rakit Buluh Tetutup dia tim ari PBB Sarawak udah mujur bulih lumur satu lalu ba penuduk kedua tim ari Raban Tekura Nyemerai enggau lumur tiga tim Dewan Suarah Kapit (DESUKA).\\nPia mega ba kategori Lelaki Ngati Kediri dia tim Bujang Banyau Pematak bulih lumur satu, Usun United bulih lumur dua enggau Kelab Sokanjaya Bahagian Kapit bulih lumur tiga.\\nEnda kurang mega, Biro Indu Rumah Ukau Bawai udah bulih lumur satu, JKK Rumah Ticho Tubau bulih lumur dua lalu ke lumur tiga tim ari Wanita Rumah Minggat ba kategori Wanita Buluh.\\nNYIKAP DIRI…Sida ke nyereta lumba bot laju nyedia diri sebedau lumba nitih ke kategori deka berengkah.\\nTim ari Lakin Belaga udah bulih penuduk lumur satu ba kategori Perau Kayuh lalu ditangkan Dewan Suarah Kapit (DESUKA) enggau PDRM.\\nBagi kategor Rakit Berias dia tim ari Oyan Warrior SK Nanga Oyan bulih penuduk ke lumur satu lalu ditangkan tim ari PIBG SK Nanga Yong enggau MIDT-LSS ba penuduk ke tiga.\\nBeserimbai enggau Safari Rakit Baleh 2019 tu tadi dia empat buah kategori lumba bot laju udh dipekit maya tu.\\nLumba bot laju baruh enjin 50 Kuasa Kuda ( HP ) Race 1 udah disereta tim ari Ferrari 78, Orion Super 21, Majau Racing Team 21, Alta Kuda Laut 46, Jaguar Murum 66, Black Sparrow 87, Orion 13 enggau Tedong Ngelanchar 69.\\nBa pekit bot laju kategori enjin 30 Kuasa Kuda (HP) udah disereta tim ari Laila Menchanai 36, John Racing 75, BGRT 55, Megamas 50, Gelima 50, Gelima Brotherhood 89, GPNB 69 enggau Seri Kelalong 10.\\nBEPEKIT…Sama belumba enggau pangan diri ngulihka penuduk keterubah ba kategori ke dipekit.\\nBagi kategori injin 18 Kuasa Kuda (HP) disereta tim ari Gerinang Racing 30, BGRT 26, Arjeega 33, Lang Banda Legacy 07, John Racing, Jaguar Murum 66, Bujang Lelayang 1, HR Speed 36, Pasaka 916 11 enggau Antu Rayau 36.\\nPia mega ba kategori Injin Pam Baruh 8 Kuasa Kuda (HP) udah disereta tim ari Majenis R.T E66, Shark R.T 07, Sago 35, Pro Fire 46, Viking 89, Labang 19, Orion Venom 99, Orion Crystal 13, Pesaka Baleh 49, LB Group 89 enggau Pesaka Baleh 59.\\nBagi kategori injin 35 Kuasa Kuda (HP) 2 Piston Race 2 udah disereta tim ari GB Group Tan 18, HR Speed 36, Athena 19, Megamas 51, BB Racing 75, Tedong Ngerantar 49 enggau HR Speed 16.\\nBagi kategori injin baruh 50 Kuasa Kuda (HP) Race 2 udah disereta Ferrari 78, Black Sparrow 87, Orion 13, Orion Super 21, Jaguar Murum 66, Alta Kuda Laut 46, Tedong Ngelanchar 69, Majau Racing Team 21, BGRT 26 enggau Song Team 19.\\nBa lumba bot laju hari kedua mega dia tim Orion 13 bulih lumur satu, kedua tim ari Ferrari 78 enggau ketiga tim ari Black Sparrow 87 ba kategori injin baruh 50 Kuasa Kuda (HP) Race 2.\\nNYUKUNG…Bala pemesai sama enggau nyukung pengerami Safari Rakit Baleh 2019 ke diatur ninting taun.\\nRevival 25, GPNB 69 enggau Megamas 50 udah mujur bulih lumur ba kategori injin 50 Kuasa Kuda (HP) ba renggat ke penudi.\\nKategori injin 35 Kuasa Kuda (HP) 2 Piston udah diulih tim ari GB Group Tan 18 ditangkan Athena 19 enggau HR Speed 36.\\nTim ari HR Speed 36 udah mujur bulih lumur lalu GB 31 udah bulih lumur dua sereta Alta Kuda Laut 46 udah bulih lumur tiga ba kategori injin 18 Kuasa Kuda (HP) renggat penudi.\\nTrofi kategori Injin Pam 8.5 Kuasa Kuda (HP) udah dibai LB Group 89, Orion Venom 99 enggau Pro Fire 46.\\nKENANG TAUN TU…Adun Pelagus, Wilson Nyabong Ijang enggau pemesai ke bukai sama ngambi gambar begulai enggau sida ke menang ba pekit bot laju nitihka kategori.\\nUkai semina lumba enggau pekit aja bisi diatur, palan endur bejual ke pemakai, utai diirup, enggau utai bukai sama bela bisi dijual ba tisi palan bemain nembiak enggau belakang bank Public Bank.\\nTu mega siti ari chara sida ke bisi enggau ngambi bagian ba Safari Rakit Baleh 2019 nambahka pemisi ruang bilik sida iya.\\nMaya pengerami tu tadi sama bisi datai Sapit Kepala Menteri Sarawak, Tan Sri Datuk Amar Dr James Jemut Masing , Menteri Pemansang Menua Pesisir enggau Luar Bandar, Datuk Alexander Nanta Linggi, Kaban Parlimen Hulu Rajang, Datuk Wilson Ugak Kumbong, Kaban Adun Bukit Goram, Jefferson Jamit Unyat, Kaban Adun Pelagus, Wilson Nyabong Ijang, Menteri Muda ba Opis Kepala Menteri, Datuk John Sikie Tayai, Kaban Adun Murum, Kennedy Chuk Pai Ugon, Walikota Kapit, Philimon Nuing, Residen Bagian Kapit, Joseph Belayong, Pemesai Opis Pelilih Kapit, Elvis Didit, Pemesai Opis Bukit Mabong, Douglas Pungga sereta temuai ke bukai.","num_words":714,"character_repetition_ratio":0.091,"word_repetition_ratio":0.0,"special_characters_ratio":0.24,"stopwords_ratio":0.148,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rh Alo, Ngemah Ili nerima bantu ngentak rumah baru - Suara Sarawak\\nRh Alo Ngemah Ili dituntung penusah angus kena malam 9 Febuari 2018 ti ngujungka 145 iku peranak rumah panjai semina tinggal gari ba batang tubuh.\\nLUBOK ANTU: Kaban Parlimen Lubok Antu Jugah Muyang ngungkupka agih belanjaRM65,000 dikena peranak Rumah Alo, Ngemah Ili, Lemanak ngentak rumah baru .\\nBeduduk ari pemeri agih belanja nya, Jugah ngarapka kaul rat entara kedua piak iya nya perintah enggau rayat terus meruan ungkup pemansang pelilih menua nya.\\n“Ngintu pengerami hari besai ba menua tu amat beguna ngagai penyerakup ba mayuh pupu bansa rayat.\\n“Penyerakup pupu bansa di menua tu mega beguna dikena kitai terus nyingkang mansang ke mua,” ku iya.\\nTERIMA KASIH…Tuai Rumah Alo (kanan) mandangka tanda puji maya nyambut penatai Kaban Parlimen Lubok Antu, Jugah Muyang (tengah) bejadi Pengerami Ngiling Bidai ba rumah panjai sida, kemari.\\nJugah madahka pekara nya rambau bejadi Pengerami Ngiling Bidai Rumah Alo, Ngemah Ili, Lemanak, kemari.\\nKelimpah ari nya, Jugah madah pemanah politik ulih digaga seriris enggau pemansang nyema mensia beserakup.\\n“Sukut tu nyadi pelasar perintah merambu enggau bejalaika pemansang ba genturung pendiau peranak kandang menua enti beserakup.\\n“Tanggungpengawa ketuai perintah besai, kerejasama enggau sukung ketuai kampung nyadi jematan ngaga kaul enggau perintah,” ku iya nerang.\\nNangkan nya, iya madah pengawa bejalaika pemansang baka jalai alun, bekal ai beresi, pemansang pelajar enggau pengelantang peranak menua pesisir endang tetap diperatika dulu.\\n“Teju ke tisi dulu runding politik kitai kena nyapai pemansang tu.\\n“Sepenemu begulai enggau semua orang ngambika semua kitai tau bulih pengelantang jemah,” ku iya seraya ngarapka bantu ti diberi deka diguna enggau manah.\\nUngkup penemu, Rh Alo Ngemah Ili dituntung penusah angus kena malam 9 Febuari 2018 ti ngujungka 145 iku peranak rumah panjai semina tinggal gari ba batang tubuh aja.\\nSama bisi datai ba pengerami nya Pemesai Opis Pelajar Pelilih Lubok Antu Jim Andrew Janggi, Tuai Rumah Alo, bala tuai rumah ke besemak pelilih menua sereta bala bukai.\\nADAT BASA…Penatai Jugah niki Rumah Alo, Ngemah Ili dikelalu ngenada adat basa.","num_words":312,"character_repetition_ratio":0.064,"word_repetition_ratio":0.073,"special_characters_ratio":0.186,"stopwords_ratio":0.141,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Persimmon\\nDiatu musin buah persimmon. Aku enda nemu nama buah tu dalam jako iban. Hari tiga tu tadi aku bisi ngagai Galt Flea Market alu bisi meli 4 pound (kira 3 kilo) buah tu. Apuuuu .. aku sigi rindu makai buah tu! :-)\\nDalam taun 2003, bendar aku makai buah persimmon, lalu taun nya mega aku ngandong! Hahaha, aku nyangka kebuah aku tau ngandong taun nya, iya nya laban aku bendar makai buah persimmon. Lebih 3 taun aku udah belaki, alu apin kala ngandong sebedau nya.\\nKami bisi nanam 2 pun buah persimmon tang taun tu, buah iya enda entu nyadi. Mina 2 iti buah ba pun siti, enggau siti buah ba pun siti da. Kasih! :-( Asa asa asai ati ka makai buah persimmon ari pun buah di tanam diri empu. Arap ka taun baru, pun buah mansang subur agi.\\nDikarang Puteri kena 10\/23\/2005 04:24:00 PM","num_words":139,"character_repetition_ratio":0.099,"word_repetition_ratio":0.0,"special_characters_ratio":0.254,"stopwords_ratio":0.209,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Batak pengundi baru masuk PBB - Suara Sarawak\\nBatak pengundi baru masuk PBB\\nKUCHING: Raban parti PBB dipinta enda diau diri tauka ngelakka 66 peratus pengundi baru ti beumur 18 ngagai 29 taun dibatak raban bukai kelebih agi parti penyakal.\\nSapit Premier Sarawak ti mega Sapit Tuai Pemegai PBB Datuk Amar Douglas Uggah Embas madahka jeman di mua raban nembiak tu enggau PBB mesti begulai lalu raban parti dipinta bejalaika mayuh program ti engkeman dikena nangkup peminta raban pengundi baru.\\n“Naka 31 Disember 2021, Sarawak ngerikodka 1,927,750 iku nembiak ti ngerejister diri ngundi iya nya niki 675,077 iku pengundi baru.\\n“Ungkup pengundi baru, kitai meda 20 peratus pengundi berejister tu beumur 19-20 taun, 45 peratus beumur 21-29 taun enggau 19.23 peratus beumur 30-39 taun,” ku iya.\\nUggah bejaku munyi nya rambau bejadika Gempuru Besai Komiti Nembiak enggau Orang Indu PBB ke-15 di Palan Aum Borneo Kuching (BCCK) ditu, kemari.\\nKu iya, nya mai reti 66 peratus pemilih berejister baru beumur 18 ngagai 29 taun ke alai 75.23 peratus orang biak beumur 18 ngagai 39 taun.\\n“Ubah tu dibungkur enggau pemansang ICT, mobiliti enggau pelajar ti lebih manah ngujungka mayuh agi raban pengundi biak ti pintar enggau pandai.\\n“Raban sida tu dikumbai generasyen Zee (Z) ti lebih mar sereta berani bejaku,” ku iya.\\nKelimpah ari nya, lebuh ditanya pemberita Uggah madahka parti deka ngubah konstitusyen ngambi Raban Orang Biak PBB ulih ditumbuhka.\\n“Deka bisi forum baru, diatu kitai udah bisi parti besai (Bapa), raban indu, raban nembiak enggau deka bisi raban orang biak PBB.\\n“Pekara nya deka diayanka dalam Aum Besai tu ke alai kitai deka meda gaya baka ni konstitusyen tu diubah,” ku iya.\\nSEMANGAT…Entara raban nembiak ke bisi ngulu Gempuru Besai Komiti Nembiak enggau Orang Indu PBB ke-15 di Palan Aum Borneo Kuching (BCCK) ditu, kemari. -Gambar GHAZALI BUJANG\\nPBB enda ibuh numbuhka sayap ‘putera’ enggau ‘puteri’ Aum besai PBB diatur 17- 19 June Politik dikearap enda ngeruga pelajar nembiak Covid-19: Anak mit beumur 12 taun ke baruh enda diasuh tama Pasar Malam enggau Panggung Wayang","num_words":300,"character_repetition_ratio":0.065,"word_repetition_ratio":0.048,"special_characters_ratio":0.225,"stopwords_ratio":0.2,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"RUU Kanun Tanah (Pindaan), 2018 mutarka isu enda ngaku sekeda adat Bumiputera bekaul NCR\\nPun Laman › Berita › Kuching › NCR › PMPG › RUU › Sarawak › Tanah\\nUggah mantaika RUU nya ba bacha kali kedua maya baum Kunsil Nengeri Ke-18 Hari Ketiga ke diatur ba Kompleks Kunsil Nengeri (DUN), seharitu.\\nKUCHING: Rang Undang-Undang Kanun Tanah (Pindaan), 2018 dipejalaika dikena mutarka isu enda ngaku sekeda adat Bumiputera ulih undang-undang Sarawak bekaul enggau hak ngagai tanah Adat Bansa Asal (NCR) ba nengeri tu.\\nSapit Kepala Menteri ti mega Menteri Betanam Betupi Moden, Tanah Adat enggau Pemansang Kandang Menua, Datuk Amar Douglas Uggah Embas madahka perambu ubah undang-undang mega dikena ngangkatka pemanah pengawa nyaga hak tanah asal.\\n“Sehari tu hari penuh sejarah ngagai peranak asal Sarawak. Nama kebuah? Laban kitai deka bulih pemutus bekaul enggau hak tanah asal lebuh Rang Undang-Undang tu dibantaika.\\n“Tuju RUU Kanun Tanah (Pindaan), 2018 dikena ngangkatka pemanah pengawa nyaga hak tanah asal enggau mutarka laya entara orang asal enggau piak bukai ti selalu disangka tama enda beradat ngagai tanah adat bansa asal,” ku iya.\\nUggah mansutka pekara nya mantaika RUU nya ba bacha kali kedua maya baum Kunsil Nengeri Ke-18 Hari Ketiga ke diatur ba Kompleks Kunsil Nengeri (DUN), seharitu.\\nPerambu ubah undang-undang tu mega deka nyadika surat pala tanah NCR belama iya dikeluarka ungkup sesebengkah kandang endur ke dikumbai ‘native territorial domain’, ku iya.\\nBejaku baru iya madahka tebal agi perintah meri hak ‘usufrukturary’ ngagai raban bansa asal ba atas tanah ke diuan kenyau ari asal.\\n“Ba Sarawak di baruh Perintah Gabungan Parti Sarawak, territorial domain diberi kuasa undang-undang sereta diaku enggau sah laban ngembuan hak belama iya.\\n“Dokumen surat pala tanah deka diberi ngagai raban bansa nya dikena nyaga territorial domain sida,” ku iya. #UtusanBorneo\\n#Berita #Kuching #NCR #PMPG #RUU #Sarawak #Tanah","num_words":277,"character_repetition_ratio":0.067,"word_repetition_ratio":0.09,"special_characters_ratio":0.198,"stopwords_ratio":0.166,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"ANAKIBAN.COM - Page 2 of 2 - Palan Bebagi Mayuh Macham Penemu\\nNyadi sekali jeman kalia leboh Tekuyong bejalai ngiga pemakai ba atas batu siti ti besai semak tebing sungai, enda mukai-mukai Pelandok ti bejalai gining-gining nengkadah puchok buan, lalu tepa ka iya ke benong nilat-nilat batu. “Oi! Sambi Tekuyong,” ko Pelandok…\\nNyadi agi jeman dulu kalia, leboh samoa jelu dalam dunya tu agi mereti ka jako pangan diri. Dia kenu ko leka ensera tu bisi siko Gajah Lelang datai ari menoa bukai ngagai menoa kitai kitu. Kitai sama nemu Gajah tu…\\nNyadi jerita tu diambi ari bup iban kalia ti ngenang penusah bansa Iban ke selalu kena ipa munsoh dalam babas leboh menoa tu agi siga munsoh. Nyadi bala munsoh ke selalu agi datai ngachau bansa iban di menoa tu kalia…\\nNyadi dulu kalia bisi orang siko ti benama Assan. Iya tu udah bebini, jadi enggau indu siko serta beranak lelaki siko ke benama Salau. Assan seduai bini iya gaga bendar ati meda diri bisi anak lelaki siko ke sigat sereta…\\nNyadi Apai Sali-Ali Saluli Tajung Pelikat tu endang orang ti pintar bejako, sereta landik nipu orang maioh dalam menoa nya. Taja iya pintar, tang suah agi iya saru pengawa dikereja. Nyadi skali, agi tumu pagi, dia Enchelegit bini Apai Sali-Ali…\\nNyadi enti nitih ka leka ensera Tekura kalia besai bendar, jauh besai ari Tekura ke diatu. Ti iya bediri bisi nyau ka ninggi kitai mensia. Diatu nadai jangka aku kitai bisi meda Tekura mesai nya, lalu kalia kerubong iya alus…\\nNyadi leboh baya ke bechakah enggau Gerama Engkabang nya ba tebing sungai dia Munsang endang tak ngunjur kediri nyuntai mending ke leka jako seduai nya ari atas dan kayu semak nya laban ke takut nurun ngerara seduai bai ati ti…\\nNyadi leboh Sawa ke benong nelan Remaung Raras serta leboh maia Pelandok ke ngajat ba atas perutSawa lalu numbit perut Sawa nya tadi dia Munsang endang tak enda engkebut serta engkeretik ngemata ke pengawa sida tiga ari atas dan kayu…\\nNyadi skali agi tumu pagi Pelandok bejalai ngiga pemakai. Kira sa-jam iya udah bejalai ngejang ke rumah, iya pan datai ba paya madang melai bechampur enggau madang buan. Pagi nya Apai Tuai Laut benama Dullah endang udah dulu datai dia.…\\nNyadi skali agi tumu pagi Pelandok bejalai ngiga pemakai. Kira sa-jam iya udah bejalai ngejang ke rumah, iya pan datai ba paya madang melai bechampur enggau madang buan. Pagi nya Apai Tuai Laut benama Dullah endang udah dulu datai dia. Pengawa Dullah nebas paya nya endor bumai. Pelandok, laban ke nyau lapar, tetengok bendar […]","num_words":412,"character_repetition_ratio":0.048,"word_repetition_ratio":0.144,"special_characters_ratio":0.195,"stopwords_ratio":0.204,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"7 January 2019 - Hari Satu udah Epiphany -->\\n7 January 2019 - Hari Satu udah Epiphany\\nAram sembiang kitai.\\nBacha Ke Satu: 1 John 3: 22 - 4: 6\\nMenyadi ke dikesayauka aku:\\nKitai nerima ari Iya sebarang utai ti dipinta kitai, laban kitai ngasika pesan Iya, lalu ngereja utai ti ngerinduka ati Iya.\\nLalu tu pesan Iya: arapka nama Anak Iya Jesus Kristus, lalu rinduka pangan diri, munyi ti udah diasuh Iya kereja kitai.\\nSemua orang ke ngasika pesan Iya, meruan dalam Iya, lalu Iya meruan dalam sida. Lalu kitai nemu Iya meruan dalam kitai ulih Roh Kudus ke udah diberi Iya ngagai kitai.\\nMenyadi, anang arapka semua roh, tang uji roh nya dulu kena nentuka roh nya datai ari Allah Taala; laban mayuh nabi ti pelesu udah pansut ngagai dunya.\\nBaka tu ku jalai kita ngelala Roh Allah Taala: semua roh ke ngaku Jesus Kristus udah datai nyadi mensia, nya roh ti datai ari Allah Taala, lalu semua roh ke enda ngaku Jesus udah datai nyadi mensia, ukai roh ti datai ari Allah Taala. Roh nya roh Munsuh Kristus, ke udah didinga kita deka datai, lalu endang udah bisi di dunya tu diatu.\\nTang kita, anak, endang enggi Allah Taala, lalu kita udah ngalahka sida, laban Iya ke dalam kita lebih agi bekuasa ari iya ke di dunya.\\nSida nya endang enggi dunya, nya alai sida nyebut utai dunya, lalu dunya mendingka sida.\\nKitai tu endang enggi Allah Taala. Barang sapa ngelala Allah Taala, mendingka kitai, lalu orang ke ukai enggi Allah Taala, enggai mendingka kitai. Tu meh jalai kitai ngelala bida entara Roh pemendar enggau roh pemula.\\nMasmur Entara: Masmur 2: 7BC - 8, 10 - 12A\\nSaut (peda 8ab): Aku deka ngaga mayuh bengkah bansa nyadika pesaka nuan.\\nKu TUHAN bejaku ngagai aku: ‘Nuan tu anak Aku. Sehari tu Aku udah nyadi Apai nuan. Pinta ari Aku, lalu Aku deka ngaga mayuh bengkah bansa\\nnyadika pesaka nuan, lalu semua dunya deka diempu nuan.’\\nSaut: Aku deka ngaga mayuh bengkah bansa nyadika pesaka nuan.\\nNya alai diatu, O kita ke raja, kita enda tau enda pintar;\\nBejaga kita, O kita ke pemerintah dunya.\\nBetuaika TUHAN enggau ati ti nangi.\\nGetar-getar nyium kaki Iya.\\nAlleluia (peda Matthew 4: 23)\\nJesus nusui Berita Manah pasal Perintah Allah Taala, sereta ngeraika orang ke kena laban semua macham penyakit enggau pemedis.\\nBacha Injil: Matthew 4: 12 - 17, 23 - 25\\nLebuh Jesus ninga John udah kena tangkap, Iya lalu mupuk ngagai menua Galili.\\nIya ninggalka Nasaret, lalu diau di Kapernaum, sebuah nengeri ti ngimbai Danau Galili, di menua Sebulun enggau Naptali. Tu ngamatka jaku ti udah disebut nabi Isaiah,\\n“Menua Sebulun enggau menua Naptali, ti tunga ngagai tasik, di seberai Sungai Jordan, Galili, menua orang bansa bukai! Orang ke diau dalam petang udah meda penampak ti besai. Penampak udah manchar ngagai sida ke diau di menua kelemayang pemati.”\\nKenyau ari nya Jesus lalu belabuh madahka pesan tu:\\n“Nesal ati ke dosa kita, laban Perintah serega nyau semak!”\\nJesus lalu bejalai di serata menua Galili, ngajar dalam balai gempuru, lalu nusui Berita Manah pasal Perintah Allah Taala, sereta ngeraika orang ke kena laban semua macham penyakit enggau pemedis.\\nNya alai berita pasal Iya ngelekai di serata menua Siria, lalu orang mai ngagai Iya semua orang ke sakit, ke merinsa laban semua macham penyakit enggau pemedis, orang ke dirasuk antu, ke sakit gila-babi, orang ke sakit bajung, lalu Iya ngeraika semua sida.\\nMayuh amat orang nitihka Iya ari menua Galili enggau ari Sepuluh Buah Nengeri, ari Jerusalem, ari Judea, enggau ari menua ti di seberai Sungai Jordan.","num_words":542,"character_repetition_ratio":0.057,"word_repetition_ratio":0.03,"special_characters_ratio":0.216,"stopwords_ratio":0.321,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Mesti ngena sengkabung idung, mulut ba palan mensia mayuh siti atur ti engkeman | Utusan Borneo Online\\nRabu, 23 September 2020 - 5:38am\\nHalaman Utama » Iban » Mesti ngena sengkabung idung, mulut ba palan mensia mayuh siti atur ti engkeman\\nMesti ngena sengkabung idung, mulut ba palan mensia mayuh siti atur ti engkeman\\nSIBU: Menteri Muda Kaunsil Kandang Menua enggau Pengawa Berumah Dr Annuar Rapaee madahka pemutus perintah menua ti netapka mesti ngena sengkabung idung enggau mulut lebuh ba palan mensia mayuh, endang siti atur ti engkeman dikena ngemunaska pengelekai COVID-19.\\nNitih ku iya, semua pekara tu chukup beguna berindik ari penerang ari Gerempung Pengerai Sedunya (WHO) ti madahka virus COVID-19 ulih ngelekai sereta berampit nengah angin.\\n“Belalauka pansik WHO, virus tu ulih tan ba angin pengelama 8 jam. Nya alai, mensia mayuh patut ngena sengkabung idung enggau mulut lebuh mindah ngagai sebarang endur. Tu siti atur ke engkeman ti udah ditetapka perintah.\\n“Mayuh entara sekeda menua ke bukai ti udah ngepunka atur tu (ngena sengkabung idung enggau mulut ba palan mensia mayuh). Kebendar, aku udah mantaika langgur tu kena 12 Julai empai lama, bekaul enggau pematut semua orang ke patut ngena sengkabung idung enggau mulut lebuh ba palan mensia mayuh.\\n“Aku deka nandu jaku gerah tu ngagai semua palan dagang sekalika restoran, kedai kopi tauka palan bebelika barang, enda tau ngemendarka sesapa aja ti enda sengkabung idung enggau mulut tama ke dalam kedai sida,” ku Dr Annuar ke mega Menteri Muda Pelajar enggau Pansik Teknologi sereta Kaban Kunsil Nengeri (ADUN) Nangka.\\n“Ungkup bala ke enda ulih meli tauka ngena sengkabung idung enggau mulut ke patut, sida tau ngaga kediri sengkabung idung enggau mulut nya.\\nDr Annuar madah munyi nya kemari lebuh ditanya bekaul enggau Sarawak nitihka pemutus perintah besai ti ngemeranka atur pematut ngena sengkabung idung enggau mulut ba palan mensia mayuh, ba nengeri tu berengkah kena 1 Ogos tu.","num_words":293,"character_repetition_ratio":0.168,"word_repetition_ratio":0.028,"special_characters_ratio":0.189,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Ke Seafood...emmm Secret Recipe\\nKe Seafood...emmm Secret Recipe\\nBujang Astana bisi kemisi pandak kena 19hb - 20hb Nov lalu nemuai ke Kuching. Kebuah ka kemisi tu laban ti nganjong Rin intibiu ba SPA Malaysia, Bangunan Sultan Iskandar (BSI), Kuching.\\nnyamai sup tu..emmm\\nCikgu Bio enggau kami duai. Tengahari 19hb angkat ke Kuching. Lemai datai din. Malam nya kami tiga nganjung diri makai di Pending..ba seafood. Lama amat udah nadai makai dia. Bisi setaun lebih tu udah.\\nNyamai makai dia..rega pan enda mar..RM50.++ aja...taja ia seafood kami tiga nadai ngoda undang tauka ambal..allergic deh..bakani lah..\\ntinggal tulang aja..\\nKami angkat ari rumah ba Jalan Ong Tiang Swee jam 7.30 pagi..krita benong maioh ba jalai..ujan pagi nya. Nasib ga rumah semak enggau alai Rin intibiu. Udah ti nganjong ia, kami duai Cikgu Bio betemu enggau Madir..kaban Bujang Astana ti gawa di Biro Bantuan Guaman..ka minta nasihat..he..he\\nKami tiga ngirup di Cilipadi...makai roti canai...laban Madir ka enda ulih lama, udah ngirup kami alu angkat pansut ari kedai. Kami duai Cikgu Bio nganti Rin ba tingkat satu, BSI..ehm nadai akon kah..panas mat dia..nyau bepeluh peluh. Udahlah parking jauh...\\nEnda lama aja Rin intibiu. Ia lalu nadai udah breakfast pagi tu tadi..kami tiga ke McD seberai Holiday Inn..ngulu ka ia mam dia.\\nTembu dia kami tiga bekejang ngiga Public Bank ba area Padungan..nyau tesat..balat ga Bank nyau betapok belakang teluk-teluk alai ia nyau pedis digiga. Udah lah urusan Bujang Astana dia lama amat amat..duit pan enda ulih keluar ga..macham-macham sida bank tu..lelak mat enggau red tape ba bank..bisi ga..\\nNyau dipandak ka cherita..udah tembu samoa pengawa di CIMB, Pasar Satok (tetemu ka AAO Rohani - ia meli ikan terubok masin), Hong Leong Bank, Taman Sukma..kami tiga soping ba tHe Spring. Cikgu Bio maioh mat barang dibeli ia neh..\\nLaban nyau lelak bejalai, kami tiga ka makai di Secret Recipe...sarinya ka kia..penuh gasak urang. Lemai tu puang nadai entu urang. Cikgu Bio baru ia makai dia. Haruzlah...memang sedaaappp! Rega pan..emmm RM110.00....telebih suda...\\nKami tiga mupok pulai baru ke Betong urung jam 9.20 malam. Dribo sekali tu aku chukup ngantok..laban Bujang Astana enggai ngirup ai kopi ais...ingat kan dah ngirup mocha ..Bujang Astana ngantok..tang datai ga di Betong jam 1.30 pagi..begadai-gadai nengah jalai..he..\\nDikarang olih NyuWynn Glen Fordza @ Bujang Astana maia jam 12:57 PM\\nLabels: AFC, Asian Foods, astana pengerindu, Makan makan, Makan-makan","num_words":370,"character_repetition_ratio":0.057,"word_repetition_ratio":0.0,"special_characters_ratio":0.23,"stopwords_ratio":0.114,"flagged_words_ratio":0.0,"lang_id_score":0.933,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kumang Sadinang: Hi-Tea and Social gathering bersama Wanita-Wanita Miri\\nHi-Tea and Social gathering bersama Wanita-Wanita Miri\\nPersatuan-Persatuan Wanita ba Miri ditu, semua raban NGOs di kangau di tesau magang enggau ngirup lemai ba hotel Dynasty dua hari sebedau bepilih besai. Endang sangkaan aku lalu endang nemu nya nadai bukai ....sigi bekimpin lalu ka nerang ngagai raban indu pasal projek pemansang enggau muji pemesai ti benong megai menua Miri tu. KS enggau raban SIDS Miri sama bisi enggau, maioh bala kami.\\nPemesai ti bisi datai maianya Datuk Sri Ng Yen Yen, Minister of Tourism Malaysia. Maia ia ti meri jako nya bisi jako English, BM enggau CH. Tang tebal agi ia bejako CH, kami tak bebengap enda nemu utai kok ia, orang nempap ke jari kadang kami enggau kadang enda...so I ask one of my friend, uji nuan niri ke jari madah ka Datuk Sri nya kitai tu enda nemu utai kok ia, asoh ia bejako English pia kok aku ngasoh ia, then, she did....after that tak datai Datuk Sri ngagai mija kami, sebedau kami bejako ia terus madah....YOU WANT ME TO SPEAK IN ENGLISH...OKEY...OKEY...I WILL keno ia.\\nNah udah ia berceramah...nyau bekaraoke...udah nya ia ngasoh genap bansa mesti belagu. Tak kangau keh ia table kami lalu asoh ia Sabugay angkat belagu...apa lagi...belagu terus bepoco-poco, hidden talent from Sabugay mai lagu BIAR MATI DI TANGAN SULU then tembu belagu, ngumba amat Datuk Sri nya ka meda Indu Iban ngajat...there you are...bala kami terus mantai keh bungai ...enda lebu bala indai-indai SIDS tu belajar ngajat udah kena uji. Datuk Sri nya landik bepoco & ia pun enggau kami ngajat.\\nDatuk Sri Ng Yen-Yen meri ceramah\\nBala ketuai NGOs\\nPoco-poco sama serta..yea ha!!!\\nKe kiri dan ke kanan, pusing ke belakang....aram bepoco\\nhissss....nya kitai ka...bala SIDS mantai ke bunga ajat...\\nudah ngajat sempat posing bala kami\\nAri DAM - Dayak Association Miri\\nMag....nama utai di pilih ba chapak nya...Mdm Serawa senyum simpul\\nPosted by Kumang Sadinang at 11:54 PM\\nEndu Tupai Engkrabak April 20, 2011 at 2:01 AM\\nish..ish..nasit kita enda ditangkap betanda poco2 haram. hehehe.........\\nIndai Dara April 20, 2011 at 12:07 PM\\nSalahnya wai EtE ukai haram tang aram meh hehehe\\nTu meh pemberi kami ka SEDUAI....1st May 2011\\nEaster Day 24\/4\/2011\\nHi-Tea and Social gathering bersama Wanita-Wanita ...\\nMalaysian Secretaries Conferences 2011\\nNanga Latak trip 1st April - 8th April 2011\\nSIDS educational trip and Bieniel General Meeting ...\\nPindah Rumah ngagai Ruai Baru...Moving House To ne...","num_words":373,"character_repetition_ratio":0.06,"word_repetition_ratio":0.0,"special_characters_ratio":0.238,"stopwords_ratio":0.129,"flagged_words_ratio":0.0,"lang_id_score":0.929,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kes positif nambah dua seharitu – Suara Sarawak – Bukan Sekadar Akhbar\\nYou are here:Home-RUAI-Kes positif nambah dua seharitu\\nKes positif nambah dua seharitu\\nKUCHING: Sarawak ngerikodka dua kes positif Covid-19 baru di Sibu enggau Miri seharitu.\\nKomiti Penyangga Penusah Ngenyit Nengeri (JPBN) dalam penerang media madahka tu ngujungka penyampau kes positif Covid-19 di menua tu nambah 1,087 kes.\\nKu JPBN, kes ke-1,086 siku rayat menua ti beperesa Covid-19 sebedau beputung ba Sepital Sibu.\\nIya diperasa kena 18 Disember lalu pemutus peresa ba hari ti sama madahka iya positif Covid-19.\\nSiti agi kes positif Covid-19, kes ke-1,087 siku pengajar ti baru pulai ari palan dirampit Covid-19 di Selangor.\\nPengawa nyidi bekaul enggau kes nya benung chakah dipejalai ungkup pansik bukai.\\nKes tu ditukuka kes Import B laban baru pulai ari palan ulih kena rampit Covid-19.\\nKelimpah ari nya, JPBN madahka Kluster Besi di Pelilih Menua Kuching ditukuka punas seharitu pengudah nadai ngerikodka kes postif baru dalam timpuh 28 hari nadai kluster agi ngerekai dirikodka ba Sarawak.\\nBy suaraswk|2020-12-19T19:05:50+08:00December 19th, 2020|Categories: RUAI|0 Comments\\nARKIB Select Month January 2021 (472) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":184,"character_repetition_ratio":0.08,"word_repetition_ratio":0.023,"special_characters_ratio":0.351,"stopwords_ratio":0.114,"flagged_words_ratio":0.0,"lang_id_score":0.444,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jasa raban pinchin polis dikeingat - Suara Sarawak\\nTaja udah badu gawa enggau PDRM, sida patut diabas ngambi nemu penanggul ke ditapi\\n“Entara raban pinchin ke bisi diabas PDRM Serian iya nya Janting Mong, 76, di Kampung Danau Melikin ke nyau enda dapat sereta sakit tuai, iya pinchin kena 31 November 1998 ba Balai Polis Serian.”\\nKUCHING: Jasa raban pinchin polis endang seruran dikeingat lebih agi beserimbai enggau Pengerami Hari Polis Ke-122 ke disambut taun ini, ku Ketuai Polis Pelilih Serian Deputi Superintenden Aswandy Anis.\\nNya alai, beserimbai enggau Hari Polis tu, raban pemesai ari Indu Opis Pelilih (IPD) Serian kemari bisi ngatur program ngabas raban pinchin ba sekeda di genturung pendiau di Pelilih Serian.\\n“Penemuai tu diatur dikena ngedut kaul enggau raban sida ke udah pinchin polis.\\nSELAMAT HARI POLIS..Raban pemesai IPD Serian begambar kenang enggau siku pinchin polis ke diabas sida beserimbai enggau Hari Polis Ke-122, kemari.\\n“Pia mega, penemuai baka tu dikena meri peluang ngagai bala sida ke udah pinchin ngenataika sebana ke ditapi bekaul enggau pengelantang pendiau udah pinchin,” ku iya nengah sebengkah penerang kemari.\\nIya madah penemui serak tu dikena nentuka sida tu diperati nitihka pematut taja udah badu gawa enggau PDRM.\\nEntara raban pinchin ke bisi diabas PDRM Serian iya nya Janting Mong, 76, di Kampung Danau Melikin ke nyau enda dapat sereta sakit tuai, iya pinchin kena 31 November 1998 ba Balai Polis Serian.\\nUdah nya, Udin Jahan, 72, ari Kampung Mujat mega udah lunggar umur, bajung sereta enda ulih bejaku, iya pinchin kena 31 Disember 2003 lalu kepenudi gawa ba Pos Polis Bunan.\\nBela bisi diabas iya nya Baguh Lagam, 76, ba Kampung Engkeroh Tebakang diatu nyau enda dapat, bajung ketegal strok kelimpah ditepan penyakit kemi manis sereta kolesterol. Iya pinchin kena 21 Disember 1999 lalu palan kepenudi endur gawa ba Balai Polis Serian.\\nEnda tinggal diabas sida iya nya Lumbon, 77, ba Kampung Tubih Behem, Tebedu bela udah ditetak kededua piak kaki ketegal kemi manis, palan kependui endur iya gawa ba Balai Polis Tebedu enggau pinchin kena 31 Disember 1997.\\nAswandy madah pemeri barang dapur dibai sida ungkup bala pinchin polis ke bisi diabas nya.\\nNGABAS… Aswandy begulai enggau bala pemesai IPD Serian nyuaka pemeri ngagai siku ari raban pinchin polis ke diabas sida kemari.","num_words":345,"character_repetition_ratio":0.083,"word_repetition_ratio":0.119,"special_characters_ratio":0.202,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Putar jampat penanggul suntuk pengajar di Bintulu - Suara Sarawak\\nKUCHING: Bintulu agi napi penanggul suntuk pengajar sekula primari enggau sekondari.\\nMenteri Muda Pelajar enggau Pansik Teknologi, Dr Annuar Rapaee madah, Opis Pelajar Nengeri Sarawak (JPNS) keran mutarka penanggul tu nengah sekeda chara dikearap ngasi dipejalai.\\n“Tu nyengkaum nganjung pengajar ke baru ngajar sekula ti suntuk pengajar sereta mindahka pengajar ke bisi ngagai sekula bukai dikena meri awak pengajar baru ngisi pangku pengawa nya.\\n“Kitai mega benung minta pemendar ari Opis Menteri Pelajar Malaysia (KPM) ngambi pengajar Interim ngajar di sekula tu,” ku iya.\\nDr Annuar nyaut tanya Adun Tanjong Batu Chiew Chiu Sing pasal berapa penyampau tubuh pengajar agi diguna dikena nangkup peminta di sekula primari enggau sekondari di Bintulu sereta chara mutar enggau ni naka penyampat sida ulih mutarka penanggul tu.\\nSeraya Chiew Chiu Sing madahka diri berasai asa sereta lebu laban JPNS enda bebendar gawa mutarka penanggul suntuk pengajar di Bintulu.\\n“JPNS patut beratka pekara pengelantang sekula enggau penanggul suntuk pengajar di menua tu.\\n“Kitai di Sarawak bisi Opis Pelajar kediri empu, nadai kebuah kitai enda ulih mutarka penanggul suntuk pengajar di sekula primari enggau sekondari,” ku iya madah nyemetak.\\nKu Chiu Sing, di Bintulu aja napi penanggul suntuk 61 iku pengajar sekula primari seraya 60 iku di sekula sekondari enda nyengkaum menua bukai.","num_words":205,"character_repetition_ratio":0.128,"word_repetition_ratio":0.0,"special_characters_ratio":0.171,"stopwords_ratio":0.102,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SARAKUP INDU DAYAK SARAWAK (SIDS), SIBU...: February 2011\\nAGM SID SIbu kena 5.3.2011 di Paramount Hotel & BGM SIDS, Kuching Kena 26.3.2011\\nSarakup Indu Dayak Sarawak, Pampang Sibu deka ngatur Aum Besai Tan kena 5.3.2011 tu di Paraount Hotel belaboh ari jam 8:00 pagi - 12 tengahari aja. Maya aum tu mega bisi ngatur bepilih ke Exco 2011\/2012.\\nSarakup Indu Dayak Sarawak deka ngatur BGM di Kuching kena 26.3.2011ari jam 7:30 pagi - 4:00 lemai tu ila di Penview Hotel, lalu malamnya bisi makai malam di Pullman Hotel.\\nBala ari Sibu bisi ngatur pejalai enggau ngulu aum lalu raun2 ke Serikin maya ujung minggu nya ila. Arap ke pengawa aum besai tu mujur serta teratur.\\nPosted by SIDS Sibu at 7:26 AM\\nSIDS Sibu ... Lawatan Sambil Belajar ke Johor Bharu & Singapura\\nTaun tu Lawatan Sambil Belajar deka diatur ke Johor Bharu & Singapura. Pejalai tu deka diatur kena 2-5 Oktober 2011. Sapa bala kaban ke ka enggau tau madah ke pengatur program, Pn. Teresa Suli, barang maya.\\nLaban diatu ke bisi MATTA Fare tauka rega tiket bilun mudah; maya tu meh kitai meli tiket. Tiket ari Sibu ke Johor Bharu diatu diantara RM20 - RM220 pulai mansang. Tang nasib ke bulih tiket ke RM10\/siti jalai laban quota iya dipelaba ke aku nyangka tak siti penuduk aja!! Bala ke bebeli ke tiket bisi bulih tiket RM20, RM160, serta RM220 ... jampat kita meli tiket, enggai ke nuh mar se-mar iya!!\\nEndor diau, benong ngiga endor diau ke mudah serta mega bala ulih tinok begulai 4 orang alam siti bilik.\\nTerima kasih ke kaban SIDS Sibu, Pn. Daisy, ke diau di JB ke nulong begiga ke endor diau serta motokar kena bejalai.\\nAram meh kitai sama-sama ke JB & Singapura!\\nPosted by SIDS Sibu at 10:11 PM\\nHari enam nyin kemari kena 12\/2\/2011, kami sebuat bisi enggau meda bala SIDS Sibu Kawasan Naman ngatur Pekit Kraftangan. Atur tu kemari begulai enggau JKKK Naman & bala sida semenoa din. Lebih kurang 50 orang ari beberapa buah rumah panjai bisi enggau ngulu pengerami. Terima kasih ke sukong sida TR, anembiak & sida ke mit.\\nBala kami mega bisi di ernak ke makai ngalih hari. Temuai bukai ke bisi enggau ianya pengari Dr. Soon Choon Teck ke bejadi pekit sida iya.\\nBakul wie ke digaga sida.\\nBakul & setan wie\\nMak anak bermanik\\nPua tampong seribu\\nPengerusi, Ir Alice nguji ke selampai manik. Sepiak kanan iya, Pn Senah, Tuai Kawasan Naman\\nBala sida ke laki di Naman nyukong pengawa sida ke indu\\nBejadi Pekit Kraftangan\\nBala anak-anak ngena ngepan ngandak kami\\nKaban ari Teku & Pasai\\nBala EXCO & kaban bukai berintai nganti niki ke dewan.\\nPosted by SIDS Sibu at 7:10 PM\\nAGM SID SIbu kena 5.3.2011 di Paramount Hotel & BG...\\nSIDS Sibu ... Lawatan Sambil Belajar ke Johor Bhar...\\nPekit Kraftangan SIDS Sibu, Kawasan Naman kena 12\/...","num_words":417,"character_repetition_ratio":0.058,"word_repetition_ratio":0.0,"special_characters_ratio":0.252,"stopwords_ratio":0.175,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 14 BK - TUHAN meri ngagai Moses adat pasal - Bible Search\\nAdat Lewi 13 Adat Lewi 15\\nAdat Lewi 14\\nNuchi Diri Udah Bekau Kena Laban Penyakit Kulit\\n1TUHAN meri ngagai Moses 2 adat pasal nuchi orang ke udah digeraika ari penyakit kulit ti tau ngerampit. Ba hari orang nya dikumbai tuchi, iya enda tau enda dibai ngagai imam, 3lalu imam deka mai orang nya ke luar ari kem nya, lalu meresa iya. Enti penyakit nya udah gerai, 4imam deka ngasuh orang nya mai dua iku burung ti tuchi, sama enggau serepik kayu sidar, siti tali ti mirah, enggau pating isop. 5Udah nya imam nya deka ngasuh siku ari burung nya dibunuh ba atas mangkuk ti digaga ari tanah, ti ngundan ai ti diambi ari mata ai. 6Iya deka ngambi burung ti kedua, lalu nyepuhka iya, sama enggau repik kayu sidar, tali ti mirah, enggau pating isop, ngagai darah burung ti dibunuh nya. 7Iya deka mechikka darah nya tujuh kali ngagai orang ke deka dituchi ari penyakit kulit nya, lalu udah nya, iya deka ngumbai orang nya tuchi. Iya deka ngelepaska burung ti agi idup nya terebai. 8Orang nya enda tau enda masu gari diri, ngukur semua buk iya, lalu mandi. Udah nya baru iya tuchi. Iya tau tama ngagai kem, tang iya enda tau enda diau ari luar langkau kain iya empu tujuh hari. 9Ba hari ti ketujuh, orang nya enda tau enda ngukur buk, ragum, bulu bansu, enggau semua bulu bukai ti ba tubuh iya. Iya enda tau enda masu gari diri, lalu mandi. Nya baru iya tuchi.\\n10Ba hari ti kelapan, orang nya enda tau enda mai dua iku anak domba ti lelaki, enggau siku anak domba ti indu ke umur setaun, ti nadai penimpang, dua kilogram tepung ti dichampur enggau minyak kana, enggau setengah butul minyak kana. 11Imam deka mai orang nya enggau semua piring nya ngagai penama Langkau Kain TUHAN. 12Udah nya, imam deka ngambi siku ari anak domba ti lelaki nya, lalu nyerahka jelu nya, sama enggau setengah butul minyak, nyadika piring kena mayar ukum penyalah. Iya deka meri utai nya nyadika pemeri ti manah ngagai TUHAN, ke imam nya. 13Iya deka nyayat anak domba nya ba endur ti kudus, ba endur alai nyayat jelu ti diberi nyadika piring pengampun dosa enggau piring tunu. Iya enda tau enda ngereja nya, laban piring ti dikena mayar ukum penyalah, baka piring ti dikena muai dosa, nya endang enggi imam, lalu piring nya kudus. 14Imam deka ngambi sekeda darah anak domba nya, lalu malitka darah nya ngagai rambing pending kanan, tunjuk indu jari kanan, enggau ngagai tunjuk indu kaki kanan orang ke deka dikumbai tuchi. 15Imam deka ngambi minyak kana mimit, lalu nuang iya ngagai tapa jari kiba iya empu, 16nechalka tunjuk jari kanan iya ngagai minyak nya, lalu mechikka minyak nya tujuh kali dia di mua TUHAN. 17Iya deka ngambi minyak ti ba tapa jari iya mimit, enggau darah anak domba nya mimit, lalu malitka utai nya ngagai rambing pending kanan, tunjuk indu jari kanan, enggau ngagai tunjuk indu kaki kanan orang ke deka dikumbai tuchi. 18Iya deka ngengkahka teda minyak ti ba tapa iya ngagai pala orang nya. Nya meh chara iya ngereja pengawa nuchi orang nya.\\n19Udah nya imam deka ngenjuk piring pengampun dosa, lalu ngereja pengawa nuchi orang nya. Udah lepas nya, iya deka nyayat jelu nya nyadika piring tunu 20lalu nyerahka piring nya sama enggau piring gandum, ba alta. Nya meh chara imam deka ngereja pengawa nuchi orang nya, lalu orang nya nyadi tuchi.\\n21Enti orang nya seranta, lalu enda ulih meri utai ti lebih ari nya, iya tau mai, kena nuchi diri, siku anak domba ti lelaki nyadika piring kena mayar ukum penyalah, pemeri ti manah ti diberi ngagai TUHAN, ke imam nya. Orang nya semina mai sekilogram tepung ti dichampur enggau minyak kana, nyadika piring gandum, enggau setengah butul minyak kana. 22Iya mega enda tau enda mai dua iku burung achang tauka dua iku burung puna, siku nyadika piring pengampun dosa, lalu siku nyadika piring tunu. 23Ba hari ti kelapan lebuh orang nya nuchi diri, iya enda tau enda mai burung nya ngagai imam, ba penama ngagai Langkau Kain TUHAN. 24Imam deka ngambi anak domba, enggau minyak kana, lalu meri utai nya nyadika pemeri ti manah ngagai TUHAN, nyadi ungkup ke imam nya. 25Iya deka nyayat anak domba nya, lalu ngambi darah iya mimit, lalu malitka darah nya ngagai rambing pending kanan, ngagai tunjuk indu jari kanan, enggau ngagai tunjuk kaki kanan orang nya. 26Imam deka nuang minyak nya mimit ngagai tapa jari kiba iya empu 27lalu ngena tunjuk ari jari kanan iya, iya deka mechikka minyak nya tujuh kali dia, di mua TUHAN. 28Iya deka ngengkahka minyak nya mimit ba endur alai iya ti udah malitka darah nya tadi ngagai rambing pending kanan, ngagai tunjuk indu jari kanan, enggau ngagai tunjuk indu kaki kanan orang nya. 29Teda minyak ti ba jari iya deka diengkahka iya ba pala orang nya. Nya meh chara imam nya ngereja pengawa nuchi orang nya. 30Udah nya, iya deka meri siku ari burung achang nya 31nyadika piring pengampun dosa, lalu siku nyadika piring tunu, sama enggau piring gandum. Nya meh chara imam deka ngereja pengawa nuchi orang nya. 32Tu adat ke orang ke bisi penyakit kulit ti tau ngerampit, ti enda ulih ngenjuk piring ti diberi baka selama, kena nuchi diri.\\nKuap Dalam Rumah\\n33TUHAN meri ngagai Moses seduai Aron 34-35adat tu ba pasal rumah ti bekuap. (Adat tu dikena lebuh orang Israel udah datai di menua Kanaan ti deka diberi TUHAN ngagai sida nyadika pesaka sida.) Enti orang nemu TUHAN udah ngasuh rumah iya bekuap, iya enda tau enda madahka utai nya ngagai imam. 36Imam deka ngasuh semua utai dipindahka ari rumah nya, sebedau iya meresa kuap nya, enggai ke semua utai dalam rumah nya dikumbai enda tuchi magang. Udah nya baru iya deka mansang ngagai rumah nya 37lalu meresa kuap nya. Enti dinding nya baka ke bisi diempa petik ti gadung, tauka mirah, 38iya deka ninggalka rumah nya, lalu ngunchi rumah nya tujuh hari. 39Ba hari ti ketujuh, iya deka datai lalu meresa rumah nya baru. Enti kuap nya udah nyelamar, 40iya deka ngasuh orang muai batu ti bekuap nya ngagai endur ti enda tuchi di luar nengeri nya. 41Udah nya, iya enda tau enda ngasuh semua dinding dalam rumah nya dikikis magang, lalu semua semin ti udah dikikis nya ditugungka ba endur siti ti enda tuchi, di luar nengeri nya. 42Udah nya, batu bukai deka dikena nganti batu ti udah dibuai, lalu dinding nya disemin baru.\\n43Enti kuap nya bisi ayan baru dalam rumah nya, udah bekau batu nya dibuai, lalu rumah nya udah dikikis, lalu disemin baru, 44imam nya deka mansang lalu meresa utai nya baru. Enti kuap nya udah nyelamar, rumah nya enda tuchi. 45Rumah nya enda tau enda dirubuh, lalu batu ari rumah nya, perengka kayu ari rumah nya, enggau semua semin iya, enda tau enda dibai pansut ari nengeri nya, ngagai siti endur ti enda tuchi. 46Barang sapa tama ngagai rumah ti udah dikunchi, deka nyadi enda tuchi nyentuk ngagai lemai. 47Barang sapa gali, tauka makai dalam rumah nya, enda tau enda masu gari diri.\\n48Lebuh imam nya datai meresa rumah nya, lalu kuap nya nadai ayan baru, udah bekau rumah nya disemin baru, iya deka ngumbai rumah nya tuchi, laban kuap nya udah abis dibuai magang. 49Kena nuchi rumah nya, iya deka ngambi dua iku burung, kayu sidar, siti tali ti mirah, enggau sepating isop. 50Iya deka munuh siku ari burung nya atas mangkuk sigi ti digaga ari tanah, ti ngundan ai. 51Udah nya iya deka ngambi kayu sidar, pating isop, tali ti mirah, enggau siku burung ti agi idup, lalu nyepuhka semua utai nya ngagai darah burung ti udah dibunuh nya tadi, enggau ngagai ai nya. Iya deka mechik rumah nya tujuh kali. 52Nya meh jalai iya nuchi rumah nya ngena darah burung, ai, burung ti agi idup, kayu sidar, pating isop, enggau tali ti mirah. 53Udah nya, iya deka ngelepaska burung ti idup nya, ba padang di luar nengeri. Nya meh chara iya deka ngereja pengawa nuchi rumah nya, lalu rumah nya nyadi tuchi.\\n54Tu adat pasal penyakit kulit ti tau ngerampit, 55-56pasal kuris, pisa, bisul, enggau pasal kuap ti bisi ba gari, tauka rumah. 57Tu meh adat kena nemu enti utai nya enda tuchi, tauka tuchi.","num_words":1368,"character_repetition_ratio":0.081,"word_repetition_ratio":0.026,"special_characters_ratio":0.216,"stopwords_ratio":0.396,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"ICT ngemansang menua pesisir - Suara Sarawak\\nKOTA SAMARAHAN: Industri dagang temuai enda ulih mansang enti nadai perengkaguna Arus Penyambung enggau Teknologi Pemadah (ICT).\\nPengelicha Fakulti Ekonomi enggau Pengawa Dagang (FEB) Universiti Malaysia Sarawak (Unimas) Prof Dr Lo May Chiun madah, agi mayuh pemar ditapi industri dagang temuai menua pesisir ngambika ngerembai baka industri bukai di Sarawak.\\n“Ba jeman Revolusyen Industri 4.0 (IR4.0), pengelebih enggau pemansang ICT meri mayuh penguntung ngagai industri tu.\\n“Nengah pengelebih ICT, kitai bisi peluang ngerembaika dagang baru lalu nyendiaka servis ngagai bala temuai ngasaika peneleba teknologi baka Augmented Reality, Virtual Reality, video interaktif enggau ke bukai,” terang iya.\\nMay Chiun madah munyi nya rambau licha keterubah iya ba pengawa ngelancharka bup Pengawa Ngatur Dagang Temuai Menua Pesisir di Sarawak di Palan Islam Tun Abang Salahuddin (Pitas) Unimas ditu, tadi.\\nDILANCHAR… Kadim (tiga kiba) nyain bup Pekara Ngatur Dagang Temuai Menua Pesisir di Sarawak (Rural Tourism Management in Sarawak) seraya dikemata Chang Kee (kiba), bini Kadim, Datin Kartini Ahmad (dua kiba), May Chiun (tiga kanan), Dekan FEB Prof Dr Micheal Tinggi (tengah) dan Timbalan Naib Canselor (Akademik) Swinburne, Profesor John Wilson (dua kanan).","num_words":179,"character_repetition_ratio":0.056,"word_repetition_ratio":0.0,"special_characters_ratio":0.185,"stopwords_ratio":0.078,"flagged_words_ratio":0.0,"lang_id_score":0.986,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: 20 June 2018 - Hari Tiga ba Minggu Ke Sebelas Musim Selama\\n“Anang ngereja pengawa agama di mua orang mayuh, minta diri dipeda sida, laban enti kita ngereja nya, kita nadai bulih upah ari Apai kita ti di serega.\\n20 June 2018 - Hari Tiga ba Minggu Ke Sebelas Musim Selama\\n2 Raja 2: 1, 6 - 14\\nMaya pen nyau datai alai TUHAN deka ngambi Elijah niki ke serega ngena ribut pulas uchung. Elijah seduai Elisa mupuk ari Gilgal.\\nUdah nya Elijah lalu bejaku enggau Elisa, “Nuan tinggal ditu. TUHAN udah ngasuh aku mansang ngagai Sungai Jordan.” Tang ku Elisa nyaut, “Aku besumpah atas nama TUHAN ti idup, enggau penaluk aku ke nuan, aku enggai ninggalka nuan.” Nya alai seduai iya majak bejalai, dititihka lima puluh iku nabi, ngagai Sungai Jordan. Elijah seduai Elisa lalu ngetu ba tebing sungai nya, lalu bala nabi nya bediri enda jauh ari seduai iya.\\nElijah lalu muka kelambi iya, ngulungka kelambi nya lalu maluka kelambi nya ngagai ai Sungai Jordan. Ai nya lalu bebagi dua, lalu seduai iya meraka ke seberai nengah tanah ti rangkai.\\nDia Elijah lalu bejaku enggau Elisa, “Padahka ngagai aku utai ti diasuh nuan kereja aku ke nuan, sebedau aku dibai ari tu.” “Beri ngagai aku dua kali lipat kuasa nuan ngambika aku ulih nganti nuan,” ko Elisa nyaut.\\n“Utai ti dipinta nuan nya mar diberi aku,” ku Elijah nyaut. “Tang nuan deka nerima utai nya, enti nuan meda aku diambi ari nuan. Enti nuan nadai meda aku, nuan enda nerima utai nya.”\\nLebuh seduai iya benung bejalai, seduai iya majak berandau. Tekala nya kerita api ti ditarit kuda api datai, ensaraka seduai iya, lalu Elijah ditabanka idup-idup ke serega ulih ribut pulas uchung.\\nElisa meda utai nya nyadi, lalu ngangauka Elijah, “Apai! Apai! Penyaga orang Israel ti bekuasa! Nadai meh nuan agi enggau aku!” Lalu iya nadai agi meda Elijah. Elisa tusah amat ati, lalu nyarikka kelambi iya belah dua.\\nIya ngambi kelambi Elijah ti udah labuh ari tubuh Elijah. Elisa pulai, lalu bediri ba tebing Sungai Jordan.\\nIya malu ai sungai nya ngena kelambi Elijah, lalu ku iya bejaku, “Dini alai TUHAN Allah Taala Elijah?” Udah nya iya lalu malu ai nya baru. Ai nya lalu bebagi dua, lalu iya bejalai ke seberai meraka sungai nya.\\nMasmur 31: 19, 20, 23\\nSaut (peda 24): Seruran kering, seruran berani, semua kita ke andal ati ke TUHAN.\\nNaka meh pemanah utai ti badas\\nti disimpan Nuan ke orang ke ngemesaika Nuan!\\nSemua orang nemu pemadas Nuan,\\npasal Nuan ke nyaga enggau likun\\norang ke manggaika pengarap sida ba Nuan.\\nSaut: Seruran kering, seruran berani, semua kita ke andal ati ke TUHAN.\\nNuan ngelalaika sida ba endur Nuan Empu\\nlalu ngibun sida likun ari akal orang bukai.\\nNuan ngelalaika sida ngambika sida likun ari jaku pechat munsuh.\\nRindu meh kita ke TUHAN, semua kita ke nembiak Iya.\\nTUHAN nyaga orang ke tetap ati,\\ntang ngukum orang ke sumbung nitihka penyumbung sida.\\nAlleluia (peda John 14: 23)\\nOrang ke rinduka Aku deka ngasika pesan Aku,\\nlalu Apai Aku deka rinduka iya,\\nlalu kami duai Apai deka datai ngagai iya.\\nNya alai, lebuh kita meri sedekah ngagai orang ke suntuk, anang mandangka diri ngereja nya baka ti dikereja orang ke pura-pura ngapa dalam balai gempuru tauka ba sebelah jalai raya, minta diri dipuji mensia. Enggau bendar Aku madah ngagai kita, sida udah nerima upah sida.\\nTang lebuh kita meri sedekah ngagai orang ke suntuk, anang nejuka jari kiba kita nemu utai ti dikereja jari kanan kita, ngambika pengawa nya dikereja kita belalai, lalu Apai kita ti meda utai ti dikereja kita belalai, deka ngupah kita.\\n“Lalu lebuh kita besampi, anang baka orang ke pura-pura ngapa, laban sida rindu bediri lalu besampi dalam balai gempuru, enggau ba sukut jalai raya, minta diri dipeda orang. Enggau bendar Aku madah ngagai kita, sida udah nerima upah sida.\\nTang lebuh kita besampi, tama ke bilik, tikupka pintu, lalu besampi ngagai Apai kita ti enda dipeda. Lalu Apai kita ti meda utai ti dikereja kita belalai, deka ngupah kita.\\n“Lalu lebuh kita bepasa, anang ngayanka mua ti tusah, baka orang ke pura-pura ngapa,laban sida ngurik mua diri ngambika orang nemu sida bepasa. Enggau bendar Aku madah ngagai kita, sida udah nerima upah sida.\\nTang lebuh kita bepasa, empungas mua kita, lalu sugu buk kita, ngambika orang enda nemu kita bepasa, tang semina dipeda Apai kita ti enda dipeda, lalu Apai kita ti meda utai ti dikereja kita belalai, deka ngupah kita.","num_words":695,"character_repetition_ratio":0.059,"word_repetition_ratio":0.057,"special_characters_ratio":0.213,"stopwords_ratio":0.334,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ulah bebasa kunchi pengelantang rayat Sarawak - Suara Sarawak\\nRayat di nengeri tu chukup betuah laban ngembuan penemu sereta ulah ti bela bebasaka pangan diri\\n100 taun kelia Sarawak bisi bemunsuh entara sekeda bansa tang penyarut nya udah jauh belinsur lalu nadai agi nyadi.\\nKUCHING: Ulah bebasa entara rayat Sarawak nyadi kunchi pemujur pengiudp enggau pengelantang rayat pupu bansa di nengeri tu.\\nTuai Pemegai Menua, (TYT) Tun Tun Abdul Taib Mahmud madah rayat di nengeri tu chukup betuah laban ngembuan penemu sereta ulah ti bela bebasaka pangan diri.\\n“Sarawak nyelai laban nadai raban bansa ti majoriti lalu semua bansa ngemeranka ulah bebakih enggau beserakup enggau pangan diri,” ku iya.\\nIya madah munyi nya rambau Pengerami Bejadika Sarawak’s Pride Project Maze bepalan ba Waterfront Kuching, kemari.\\nTandu iya, 100 taun kelia Sarawak bisi bemunsuh entara sekeda bansa tang penyarut nya udah jauh belinsur lalu nadai agi nyadi.\\nTaib ngasaika Sarawak mega nyelai laban rayat bela bebasaka penatai, adat enggau pengarap pangan diri.\\n“Kitai ngembuan kaul ke manah kenyau ari kelia laban ulah ti bela bebasaka pangan diri.\\n“Kitai nerima bida ke bisi entara komuniti,” ku tandu iya.\\nIya madah, Sarawak suah dikelala nyadi chuan penyerakup enggau pengelantang rama lalu diangkat nengah projek Sarawak Pride.\\n“Sarawak dipeda meruan taja terubah iya kitai bisi nangi ketegal takah pemansang ba mengeri enggau menua pesisir.\\n“Tu mih cherima pemansang enggau pengaga ke deka dipeda ba rayat di nengeri tu iya nya seruran bebasaka pangan diri,” ku iya.\\nIya ngarapka rayat Sarawak terus ingatka pemanah kaul baka ke diasaika sehari tu.\\n“Kitai deka terus ngemeranka pemanah kaul, pengelantang rama laban nya pemun ke ditempa ungkup Sarawak,” ku iya.\\nKu iya, beratika sigi bisi penemu ke leluba dituduh ngagai nengeri tu tang nya agi mit lalu enti kitai mujur dia kitai ulih ngalahka penemu-penemu ti mit nya.\\n“Chara pemadu manah terus nyingkang ke mua beserakup enggau manah kaul enggau pangan diri ditu,” ku Taib.\\nProgram Save 2.0 nyaup ngurang bil karan","num_words":303,"character_repetition_ratio":0.081,"word_repetition_ratio":0.088,"special_characters_ratio":0.183,"stopwords_ratio":0.175,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Projek ari Perintah Besai sigi enda disekat - Suara Sarawak\\n“Dalam nyendiaka perengkaguna ti meruan ngagai rayat Perintah Sarawak endang nerima sebarang agih belanja ti diberi Perintah Besai.”\\nKUCHING: Perintah Nengeri endang tetap andalka sebarang agih belanja ti diberi Perintah Besai ke pemaik pendiau rayat menua tu.\\nSapit Kepala Menteri ti mega Menteri Wang Kedua Datuk Amar Douglas Uggah Embas madahka Gempung Parti Sarawak (GPS) endang dekaka penguntung ungkup rayat menua tu ngasaika pemansang ti nadai penanggul.\\n“Dalam nyendiaka perengkaguna ti meruan ngagai rayat Perintah Sarawak endang nerima sebarang agih belanja ti diberi Perintah Besai.\\n“Nadai kebuah nyekat projek-projek ti manah ngagai pemansang menua nya kebuah perintah nengeri nyanggup nanggung projek ti tejanggal laban deka meri pemaik ngagai rayat,” ku iya.\\nUggah bejaku munyi nya lebuh ditanya pemberita pengudah nyadi Chairman Aum Kaunsil Pengereja Pengawa Nengeri ditu, tadi.\\nTandu iya, tegal ngira pemanah ngagai rayat nya alai GPS sanggup mutarka penanggul ti tebantai nenggah aum komiti tu.\\n“Sekeda pekara ti dipejurai ba aum nya nyengkaum agih belanja sekula repuk ngambika agih belanja nuju sekula repuk enda putus.\\n“Pia mega, pekara bukai ti dipejurai kami bekaul enggau tanah ungkup opis pengerai,” ku iya.\\nTandu Uggah, isu sentang opis pengerai tu deka diputarka nengah Menteri Kaunsil Kandang Menua enggau Pengawa Berumah Datuk Prof Sim Kui Hian ngambika seriris.\\nPedas regas bejalaika penggawa baka selama taja jarang ayan ba media rama\\nKejar kemewahan faktor terjebak sugar daddy\\nTanggam teguh penyerakup di sarawak\\nSarawak bina dua gerbang internet antarabangsa - Abang Johari\\nLiputan Internet lebih pantas tahun ini","num_words":237,"character_repetition_ratio":0.081,"word_repetition_ratio":0.061,"special_characters_ratio":0.164,"stopwords_ratio":0.143,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2018-11-11 - Perengkaguna tu endang patut di Sebauh laban bisi 13 buah sekula di pelilih nya lalu dipelaba deka tembu ba taun 2020\\nPerengkaguna tu endang patut di Sebauh laban bisi 13 buah sekula di pelilih nya lalu dipelaba deka tembu ba taun 2020\\nBINTULU: Perintah Nengeri Sarawak udah ngemendarka pengawa ngaga stadium mit ba Pelilih Sebauh ti deka berengkah digaga taun baru ( 2019) lalu dipelaba tembu ba taun 2020, pia ku Menteri Bekal Ai enggau Elekterik Menua Pesisir enggau Kaban Kunsil Nengeri (ADUN) Kemena Dato Sri Dr Stephen Rundi Utom.\\nKu iya, diatu benung ba renggat ngelangkar pelin ti dipeda nyauka sama enggau Stadium Mini Bintulu.\\n“Aku beratika perengka guna stadium tu patut laban ba Sebauh bisi 13 buah sekula enggau mensia mayuh mega begunaka perengka guna baka tu bejalaika pengawa lumba enggau ke bukai.\\n“Aku meri terima kaih ngagai Perintah Sarawak ti meri perengka guna tu lalu kitai benung merambu pemansang Pelilih Sebauh jampat agi, antara iya, ngemansangka infrastruktur ti diguna baka bekal kuasa karan, bekal ai, jalai alun sereta jematan meraka Batang Kemena ngelawa Pasar Sebauh nyentuk Ulu Pandan,” ku iya.\\nIya mansutka jaku nya lebuh dirandau pengudah Pengawa Bejadika Pekit Lumba Ninting Taun Kaunsil Lumba Sekula Primari (MSSR) Renggat Ke-15 Pelilih Sebauh 2018 ti diatur SK Labang enggau SK Kuala Kebulu disereta 237 iku nembiak enggau 103 pemesai pekit ari 13 buah sekula primari Pelilih Sebauh ba Stadium Mini Bintulu kemari.\\nSama datai Pemesai Pelajar Pelilih Sebauh Tero Bayel, Chairman MSSR Pelilih Sebauh ti nyadi Kepala Pengajar SK Bukit Balai Mangai Tugau, Kepala Pengajar SK Labang ti nyadi Chairman Pengatur I Roslan Rosli enggau Kepala Pengajar SK Kuala Kebulu ti nyadi Chariman Pengatur II Marie Bernadette Michael Inting.\\nDr Rundi madahka peminta ngaga jalai ba sitak nya ( Ulu Pandan) mega udah dipejalai tang renggat kedua udah dikemendar perintah sebedau tu, diatu agih belanja udah dibatak pulai Perintah Besai, nya kebuah kitai minta belanja ari Perintah Nengeri ngambika melanja projek ti diguna peranak Ulu Pandan.\\n“Tu aja infrastruktur `miss- ing link’ ba sitak kitai, tang aku ngarapka penyulut pelajar ba Pelilih Sebauh dikemanah, nya kebuah aku meri sukung tegut ngagai Serakup Apai Indai enggau Pengajar ( PIBG), kepala pengajar, bala pengajar enggau naka ulih taja tu di baruh bidang kuasa Perintah Besai,” ku iya nerang.\\nKu iya, ari sukut polisi Perintah Nengeri enda deka nejuka tanggungpengawa tu enggau ngarapka peranak Sarawak ulih ngasaika pelajar enggau belajar ti menyana.\\n“Kitai udah ngemendarka pengawa ngaga sekula baru SK Ulu Segan Bintulu enggau SK Meludam Betong bekenaka model baru nitihka chara Sarawak, ukai sepeneka ati.\\n“Pengudah Perintah Besai ulih meda model tu, bepanggai ba sida sekalika ulih tauka enda ngaga sekula baka tu, tang kitai dekaka standard (piawaian tinggi) baka ti digaga Sarawak,”ku iya.\\nIya madahka kitai empu ulih meda langkar Sk Ulu Segan ti canggih amat laban ti dipeda kitai diatu sekula repok, tuai ba menua pesisir, balat ngasuh sinu lalu aku nemu kepala pengajar mantaika penanggul tu ngambika diseleti nitihka pematut dikereja kenyau ari suba.\\n“Kitai ba Sarawak bisi sempekat sebedau tu, ke amat, pekara pelajar bisi bida ari polisi dipejalai ba serata menua pasal nadai tatak Sarawak bekenaka Jaku English nyadi batang jaku tang ba Semenanjung, sida nukar ngena batang Jaku Melayu enggau ke bukai,” ku iya.\\nKu iya, pengudah 10 taun kitai ti diau ba menua pesisir kena pangka polisi ti ‘flip flop’ ti suah betukar nitihka isi penemu bala menteri baru dipadu gawa.\\nPekara tu ku iya, begunaka tindakan afirmatif (positif) ari Perintah Nengeri lalu aku ngarapka polisi ti ditetap ulih dipejalai ke mua laban mayuh menua baka Singapore enggau ke bukai udah maju, tang kitai agi ba ke lama, jauh tinggal diatu laban kitai kurang pintar nangkup polisi nya, kurikulum sekula ti ulih ngangkatka kitai baka ti dipinta.\\nNgelansa pasal pejalai iya ngagai SK Bukit Mawang, iya madahka diri ngulu Lumba Ninting Taun Bukit Mawang ke alai iya dua taun tinggal, lalu taun tu ngena awak meda gaya sekula ti begunaka begunan baru ungkup kelas enggau opis pengajar diseleti.\\n“Laban tubuh pengajar enggau bala nembiak enda mayuh, nyangka kitai tau ngubah nitihka pematut. Aku mega deka beratika pengawa nyeleti sebaka digaga ba sekula bukai, antara iya, SK Sebungan enggau SK Bukit Mawang sereta bisi sekula ti mega suah dituntung penusah bah, iya nya SK Genaan enggau SK Kebulu.\\n“Nya alai kitai meseti ngiga baka ni jalai mutarka penanggul tu lalu nadai pilih bukai, sekula tu patut dipindah, kitai deka ngemai pekara ti ngagai Perintah Nengeri taja di baruh pegai Perintah Besai. Kitai beratika agih belanja enda mayuh ungkup Sarawak, iya nya RM4 biliun tang kitai empu (Perintah Sarawak) udah ngemendarka RM11.914 biliun ungkup Sarawak,” ku iya nerang silik.\\nKu iya, ba pekara asil ti baru iya nya nengah chukai korporat, komoditi enggau ke bukai, kitai deka bulih asil tambah lalu baka selama, asil diterima kitai RM5.6 nyentuk RM6 biliun enggau tambah RM3.5 biliun, nyangka kitai nerima lebih RM10 biliun, uji perati kandang lima taun kitai ulih ngereja mayuh pengawa.\\n“Nya kebuah kitai enggau semua peranak nengeri tu patut nyukung perintah nengeri ukai semina nyaga hak nengeri tang asil menua (minyak enggau gis) kitai ti ngelama tu nadai kala diperunding lalu kitai enda ibuh malik ke belakang tang patut mansang ke mua,” ku iya.\\nAri nya ku iya, kitai begunaka belanja ari Perintah Besai tang sida madah nadai belanja, nya kebuah semua projek diserah ngagai Perintah Nengeri nyengkaum projek besai ti patut dikemata perintah nengeri.\\nAku beratika perengka guna stadium tu patut laban ba Sebauh bisi 13 buah sekula enggau mensia mayuh mega begunaka perengka guna baka tu bejalaika pengawa lumba enggau ke bukai. Dato Sri Dr Stephen Rundi Utom Menteri Bekal Ai enggau Elekterik Menua Pesisir","num_words":909,"character_repetition_ratio":0.059,"word_repetition_ratio":0.058,"special_characters_ratio":0.191,"stopwords_ratio":0.232,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bebasaka Nyawa enggau Darah baka Petara (SKR 15:20) | Pengerindu Petara\\n“Nuan endang pun pengidup.” —MASMUR 36:9.\\n1, 2. Nama pemeri ari Petara ti berega kemaya hari tu, lalu nama kebuah?\\nAPAI kitai ti di serega udah meri kitai utai ti amat berega, iya nya idup nyadi mensia ke ngembuan pengelandik sereta ulih neladan kualiti Iya. (Pemungkal 1:27) Kitai beterima kasih ke pemeri tu laban iya ulih nulung kitai berunding nitihka ajar Bup Kudus. Enggau tu, nuan ulih nyadi orang ke kering ba pengarap, rinduka Jehovah, lalu “udah matihka diri ngelala bida entara utai ti badas enggau utai ti jai.”—Hebrew 5:14.\\n2 Ulih nitihka ajar Bup Kudus endang beguna kemaya hari tu, laban dunya kitai majak tusah diatur nyentuk ke ukum enda ulih mungkur tiap iti pekara ti engka deka nyadi ba pengidup. Tu ulih dipeda kitai ba ubat sereta chara berubat ti ngena darah. Nya alai, enti deka ngasika Jehovah, kitai patut nemu berunding nitihka ajar Bup Kudus pasal pekara tu. Enti kitai meretika ajar Bup Kudus, kitai ulih ngaga pemutus ti ulih ngemuaska ati sereta meruan dalam pengerindu Petara. (Jaku Dalam 2:6-11) Peratika sekeda ajar Bup Kudus tu.\\nNYAWA ENGGAU DARAH NYA TUCHI\\n3, 4. Ni maya Bup Kudus keterubah iya nunjukka darah nya tuchi, lalu tu nitihka ajar Bup Kudus siti ni?\\n3 Jehovah keterubah iya nunjukka kaul entara nyawa enggau darah, pengudah Kain munuh Abel. Jehovah nunjukka nyawa enggau darah nya tuchi. Petara bejaku enggau Kain: “Darah menyadi nuan nyabak ngangauka Aku ari tanah.” (Pemungkal 4:10) Ba mata Jehovah, darah Abel ngambarka nyawa iya, ke udah dibunuh. Darah Abel ngangau minta balas ari Petara.—Hebrew 12:24.\\n4 Pengudah Bah maya jeman Noah, Petara ngemendarka mensia makai dagin jelu, tang enda ngasuh sida makai darah. Ku Petara: “Kita enda tau makai dagin ti agi bedarah, laban darah ngundan seput. Aku deka meri ukum bunuh ngagai sebarang sapa munuh orang.” (Pemungkal 9:4, 5) Pesan tu diberi ngagai semua peturun Noah enggau semua kitai nyentuk ke diatu. Pesan tu neguhka utai ti dipadah Petara ngagai Kain, iya nya darah ngambarka nyawa semua utai idup. Pesan tu mega nunjukka Jehovah deka ngukum semua mensia ke enda bebasaka nyawa enggau darah.—Masmur 36:9.\\n5, 6. Baka ni Adat Moses nunjukka darah nya tuchi enggau berega? (Peda mega kutak “ Bebasaka Nyawa Jelu.”)\\n5 Adat Moses mega nunjukka nyawa enggau darah nya tuchi. Adat Lewi 17:10, 11 madahka: “Enti orang . . . makai dagin ti agi bedarah, TUHAN deka ngelaban sida, lalu Iya deka badu agi ngumbai sida nembiak Iya. Seput semua utai ti idup endang dalam darah. Nya kebuah TUHAN udah bejaku ngasuh semua darah dituang magang ba alta, kena muai dosa orang mayuh. Darah, iya nya nyawa, muai dosa.” *—Peda kutak “ Darah Ulih Ngampunka Dosa.”\\nDARAH ULIH NGAMPUNKA DOSA\\nBa Bup Kudus, darah disamaka enggau nyawa. Nya alai, ba jeman Israel menya, orang ke nesal ati laban udah ngelanggar perintah Jehovah, ulih meri jelu ba atas alta Petara nyadika pemeri. (Adat Lewi 4:27-31) Pemeri tu ulih ngampunka dosa iya, tang ukai belama iya.\\nBaka ke dikena ba Bup Kudus, leka jaku “ngampun” bisi kaul enggau leka jaku “tebus,” lalu reti iya “nukar” tauka “nutup,” baka penutup ti ngam kena nutup sigi kontina. Endang amat, nadai jelu ti ulih “nutup” tauka nebus dosa mensia. Tang, meri jelu kena ngampunka dosa ngambarka tebus ti sempurna ke deka dikena ngampunka dosa jemah ila.—Hebrew 10:1, 4.\\nTebus tu disediaka nengah “tubuh Jesus Kristus ti diberi sekali aja ke belama-lama iya.” (Hebrew 10:10) Nyawa Jesus ti sempurna digambarka ngena “darah Kristus ti berega, baka darah anak domba ti nadai penimpang tauka petik,” sama rega enggau nyawa ti udah dilenyauka Adam. (1 Peter 1:19) Nya alai, ngena chara ti manah, pengelurus udah dijapai, lalu kitai tau bulih “pengelepas ti meruan belama iya.”—Hebrew 9:11, 12; John 3:16; Pemandang 7:14.\\n6 Enti darah jelu ke udah dibunuh enda dikena ba alta, darah nya patut dituang ke tanah. Reti iya, nyawa pulai baru ngagai Pun pengidup. (Ulang Adat 12:16; Esekiel 18:4) Tang, orang Israel enda ibuh muai semua darah ari dagin jelu. Asal jelu nya udah dibunuh sereta darah iya pansut manah, orang Israel ulih makai iya enggau ati ti beresi, laban tu nunjukka sida bebasaka Pemeri Nyawa.\\n7. Baka ni David ngayanka diri bebasaka darah?\\n7 David, “orang ke ngerinduka ati [Petara]” meretika ukum Petara pasal darah. (Kereja Rasul 13:22) Bisi sekali lebuh iya balat aus, tiga iku soldadu iya bejalai ngerenchah kem munsuh, nyauk ai ari telaga, lalu mai ai nya ngagai iya. Nama digaga David? Ku iya: “Aku baka ke ngirup darah orang ke udah berambunka nyawa nyauk ai nya!” Ba mata David, ai nya disempama baka nyawa enggau darah soldadu iya. Taja pan aus, iya “nyiuhka ai nya” ngagai Jehovah.—2 Samuel 23:15-17.\\n8, 9. Kati runding Petara pasal nyawa enggau darah berubah pengudah gerempung Kristian didirika? Terangka.\\n8 Kira-kira 2,400 taun pengudah Jehovah meri pesan pasal darah tauka kira-kira 1,500 taun pengudah Adat Moses digaga, Iya ngasuh bala tuai gempuru Kristian ti keterubah nulis: ‘Dalam runding roh kudus enggau dalam runding kami, kami enda patut nating kita enggau utai bukai, kelimpah ari atur tu, iya nya: anang makai pemakai ti udah diberi ngagai engkeramba, anang makai darah, anang makai jelu ti mati dichekal, anang ngereja ulah ti kamah.’—Kereja Rasul 15:28, 29.\\n9 Nyadi, bala tuai Kristian ti keterubah nemu darah nya tuchi, lalu ngena darah enggau chara ti salah nya sebaka enggau penyalah besai ke nyembah engkeramba tauka ngereja ulah ti kamah. Orang Kristian ti bendar setuju enggau pekara tu. Pia mega, laban runding sida sejalai enggau ajar Bup Kudus, sida ulih ngelantangka ati Jehovah maya ngaga pemutus pasal darah.\\nCHARA BERUBAT TI BEKAUL ENGGAU DARAH\\nBaka ni aku ulih nerang ngagai lutur pasal pemutus aku bekaula enggau ngena begian darah ke mit agi?\\n10, 11. (a) Nama penemu Saksi-Saksi Jehovah pasal nerima darah enggau empat bengkah bansa darah? (b) Ni maya orang Kristian tau enda sepenemu pasal darah?\\n10 Saksi-Saksi Jehovah nemu, “anang makai darah” reti iya enda nerima darah, meri darah tauka nyimpan darah diri ngambika dikena maya begunaka iya. Ketegal bebasaka ukum Petara, sida mega enda nerima empat bengkah bansa darah: sel darah mirah, sel darah burak, platelet enggau plasma.\\n11 Kemaya hari tu, empat bengkah bansa darah tu ulih dibagi ngagai begian darah ke mit agi, ti ulih dikena enggau mayuh chara. Kati orang Kristian ulih ngena begian darah ke mit agi nya? Kati sida ngumbai iya “darah”? Kitai patut mutuska pekara tu kediri empu. Tu nyengkaum chara berubat baka nuchi buah pinggang, nganchurka darah (hemodilution), enggau nyelamatka darah (cell salvage) diri empu, asal darah nya enda pansut tauka disimpan.—Peda Penerang, “Begian Darah ke Mit Agi Enggau Chara Beputung.”\\n12. Baka ni kitai patut meda sereta mutarka pekara ti bekaul enggau ati?\\n12 Kati Jehovah ibuhka pemutus ti digaga kitai? Ya, laban Iya rindu ati deka nemu runding enggau tuju ati kitai. (Bacha Jaku Dalam 17:3; 24:12.) Pengudah besampi minta iring ari Jehovah enggau mansik bansa ubat tauka chara berubat ti deka diguna, kitai patut nitihka ati ti udah dilatih ngena Bup Kudus. (Rome 14:2, 22, 23) Endang amat, orang bukai enda patut ngansak kitai nitihka runding sida. Kitai mega enda patut nanya, “Nama deka digaga nuan enti bisi penusah ke sebaka enggau aku?” Ba pekara tu, genap iku orang Kristian patut “mai ma diri empu.”—Galatia 6:5; Rome 14:12; peda kutak “ Kati Aku Ngumbai Darah Nya Tuchi?”\\nKATI AKU NGUMBAI DARAH NYA TUCHI?\\nAjar Bup Kudus: “Enda tau makai darah.” —Kereja Rasul 15:20.\\nBaka ni aku nerangka empat bengkah bansa darah enggau begian darah ke mit agi? *\\nNama kebuah aku patut mutuska diri empu sekalika aku deka nerima tauka nulak begian darah ke mit agi, tauka nerima sekeda chara berubat ke begunaka darah aku empu?—Rome 12:2; Galatia 6:5.\\nBaka ni aku nerang ngagai lutur kebuah aku nerima tauka nulak begian darah ke mit agi?—Jaku Dalam 13:16.\\nUKUM JEHOVAH NGAYANKA PENGERINDU IYA\\n13. Nama diayanka ukum enggau ajar Jehovah pasal Iya? Terangka.\\n13 Ukum enggau ajar ba Bup Kudus ngayanka Jehovah nya, Pengaga Ukum sereta Apai ti balat ibuhka nembiak Iya. (Masmur 19:7-11) Taja pan pesan “enda tau makai darah” ukai chara nyaga pengerai, tang iya amat ngelindung kitai ari penusah ke nyadi pengudah nerima darah. (Kereja Rasul 15:20) Iya ke amat, mayuh orang ke landik ba pengawa berubat ngumbai chara beputung ke enda ngena darah, nya chara ti pemadu manah kemaya hari tu. Tu nunjukka ngagai orang Kristian ti bendar, Jehovah ngembuan pengerindu enggau penemu ti pemadu dalam.—Bacha Isaiah 55:9; John 14:21, 23.\\n14, 15. (a) Pengerindu Petara ngagai nembiak Iya diayanka ba ukum ni? (b) Baka ni nuan nitihka ajar tu ngambika nyaga pengelikun?\\n14 Pengibuh Petara ke nembiak Iya maya jeman Israel menya ulih dipeda ari ukum Iya. Chunto, Iya deka orang Israel ngaga reraga ba tisi perabung rumah sida, kena nyeliahka penusah ari nyadi maya ngereja pengawa ba perabung. (Ulang Adat 22:8; 1 Samuel 9:25, 26; Nehemiah 8:16; Kereja Rasul 10:9) Petara mega ngasuh ngurung sapi ke mangah. (Pemansut 21:28, 29) Enda nitihka pesan tu nunjukka diri enda bebasaka nyawa orang bukai, lalu ngujungka diri berutang darah.\\n15 Baka ni nuan ulih nitihka ajar ari ukum nya? Uji pikirka pasal rengka pengangkut nuan, chara nuan deriba, jelu tupi nuan, rumah enggau endur nuan bekereja sereta pemerindang ke dipilih nuan? Ba sekeda menua, mayuh orang ke biak bebadi laban sida enda nyeliahka utai ti tau ngemedis. Tang, orang biak ke deka meruan dalam pengerindu Petara bebasaka nyawa, lalu enda berantuka nyawa enggau ngereja pengawa ti tau ngemedis. Sida enda ngumbai diri enda nemu pedis. Tang sida nyaga diri enggau manah, lalu nyeliahka pengawa ti tau ngemedis.—Pengajar 11:9, 10.\\n16. Nama ajar Bup Kudus ke bekaul enggau bebuai anak? (Peda mega nota ba baruh lambar.)\\n16 Indah nyawa anak ke bedau ada pan berega ba mata Petara. Lebuh jeman Israel menya, enti orang ngemediska indu ke ngandung, lalu sekalika indu nya tauka anak dalam kandung iya mati, Petara ngumbai orang ke salah nya pemunuh, lalu pemunuh nya patut kena ukum “nyawa balas nyawa.” * (Bacha Pemansut 21:22, 23, NW.) Pikirka asai ati Jehovah maya Iya meda mayuh anak mit dibuai ari kandung ninting taun, ketegal orang berundingka diri empu tauka beberatka ati sida ti kamah.\\n17. Baka ni nuan ulih ngelantangka ati orang ke kala bebuai anak, sebedau iya nemu pemendar ari Bup Kudus?\\n17 Baka ni enti indu kala bebuai anak, sebedau iya nemu pemendar ari Bup Kudus? Ulih Petara ngampunka iya? Ulih! Jehovah ulih ngampunka iya ngena rega tebus Jesus, enti iya amat nesal ati. (Masmur 103:8-14; Epesus 1:7) Indah Jesus empu madah: “Aku datai, ukai deka ngangauka orang ke lurus, tang ngangauka orang ke bedosa ngasuh sida nesal ati.”—Luke 5:32.\\nSELIAHKA RUNDING TI TAU NGEMEDIS!\\n18. Nitihka Bup Kudus, nama ngasuh orang berutang darah?\\n18 Enda ngemediska orang bukai aja enda chukup. Jehovah deka kitai muai utai ti ngasuh kitai berutang darah, iya nya pemenchi. “Semua orang ke begedika pangan diri endang pemunuh,” tulis rasul Paul. (1 John 3:15) Orang nya ukai semina enggai meda menyadi ke sama pengarap, tang ngarapka iya mati. Pemenchi iya engka diayanka ngena pemula tauka jaku petenah, ti ulih ngasuh iya kena ukum ari Petara. (Adat Lewi 19:16; Ulang Adat 19:18-21; Matthew 5:22) Nya alai, buai meh semua penyai ke bisi ba ati kitai!—James 1:14, 15; 4:1-3.\\n19. Baka ni orang ke nitihka ajar Bup Kudus meda ayat ba Masmur 11:5 enggau Pilipi 4:8, 9?\\n19 Orang ke bebasaka nyawa baka Jehovah sereta deka meruan dalam pengerindu Iya, mega nyeliahka semua pemangah enggau pengawa ti kasar. Masmur 11:5 madahka, Jehovah “begedika orang ke mangah.” Ayat tu ukai semina madah pasal kualiti Petara; tang madah pasal ajar ti ulih ngiring ba pengidup. Tu nulung sida ke rinduka Petara nyeliahka sebarang pemerindang ti meransang pemangah enggau pengawa ti kasar. Pia mega, ketegal Jehovah nya ‘Petara ti meri pemaik,’ tu ngasuh nembiak Iya ngisi runding enggau ati sida ngena utai ti badas, menyana enggau tau dipuji, ke ulih meri pemaik.—Bacha Pilipi 4:8, 9.\\nNYELIAHKA GEREMPUNG TI BERUTANG DARAH\\n20-22. Nama penemu orang Kristian pasal dunya tu, lalu nama kebuah?\\n20 Ba mata Petara, dunya Sitan tu berutang darah. Bup Kudus ngumbai politik ba dunya tu baka jelu mangah ti udah munuh mayuh orang, nyengkaum nembiak Jehovah. (Daniel 8:3, 4, 20-22; Pemandang 13:1, 2, 7, 8) Pengawa dagang enggau penemu sains begempung enggau gerempung politik, ngasilka senyata ti ngenataika mayuh duit. Endang amat, “semua dunya di baruh kuasa Sitan”!—1 John 5:19.\\n21 Laban bala murid Jesus nya “ukai enggi dunya,” lalu mengkang enda enggau bepolitik sereta perang, sida nyeliahka utang darah ba diri empu enggau ba bala mayuh. * (John 15:19; 17:16) Sida nitihka teladan Jesus, iya nya enda ngelaban orang ke merinsaka sida. Tang, ngayanka pengerindu ngagai munsuh sida sereta besampika sida.—Matthew 5:44; Rome 12:17-21.\\n22 Kelebih agi, orang Kristian ti bendar nyeliahka kaul enggau ‘Babilon ti Besai,’ gerempung semua pengarap pelesu ba dunya. Tu gerempung ke pemadu mayuh berutang darah. Jaku Petara madah: “Darah sida nabi, darah nembiak Tuhan, enggau darah semua orang ke udah dibunuh di dunya, ditemu magang dalam nengeri nya.” Nya alai, kitai ditangkan: “Pansut ari iya, kita ke nembiak Aku.”—Pemandang 17:6; 18:2, 4, 24.\\n23. Nama reti pansut ari Babilon ti Besai?\\n23 Ninggalka Babilon ti Besai ukai semina pansut ari iya. Tu mega nyengkaum begedika pengawa jai ti diterima tauka dikemendarka pengarap pelesu, baka ngereja ulah ti kamah, enggau bepolitik sereta amuka pengaya. (Bacha Masmur 97:10; Pemandang 18:7, 9, 11-17) Pengawa tu suah ngujungka utang darah!\\n24, 25. a) Baka ni Petara nunjukka penyiru Iya ngagai orang ke berutang darah ti udah nesal ati? (b) Tu ngingatka kitai pasal atur nama maya jeman Bub Kudus?\\n24 Sebedau megai pengarap ti bendar, genap iku kitai engka bisi nyukung dunya Sitan sereta enggau berutang darah. Taja pia, laban kitai udah ngubah ulah kitai, manggaika pengarap ba tebus Jesus, lalu nyerahka diri ngagai Petara, kitai bulih pengampun enggau jaga ari Petara. (Kereja Rasul 3:19) Jaga tu ngingatka kitai pasal nengeri alai ngerarika diri maya jeman Bub Kudus.—Penyampau 35:11-15; Ulang Adat 21:1-9.\\n25 Baka ni atur tu dipejalaika? Enti orang Israel tekelanjur munuh orang, iya ulih rari ngagai nengeri alai ngerarika diri. Pengudah hakim mutuska pekara nya, orang ke tekelanjur munuh orang patut diau ba nengeri nya, nyentuk ke imam besai mati. Udah timpuh nya, iya tau diau ba sebarang endur ti dikedeka iya. Naka meh pemanah atur ti ngayanka penyiru Petara sereta nunjukka nyawa mensia berega ba mata Iya! Kemaya hari tu, nengeri alai ngerarika diri sebaka enggau atur ari Petara ke nyediaka tebus Jesus, kena nyaga kitai maya ke enda sengaja ngelanggar pesan Petara pasal nyawa enggau darah. Kati nuan beterima kasih ke atur tu? Baka ni nuan ngayanka diri beterima kasih? Siti chara nya enggau mai orang bukai nerima atur ke udah disediaka Petara tu, laban “penusah ti besai” nyau semak.—Matthew 24:21; 2 Korint 6:1, 2.\\nBEBASAKA NYAWA ENGGAU NGEREMBAIKA BERITA MANAH\\n26-28. Baka ni utai ti nyadi ba kitai kemaya hari tu sebaka enggau iya ke nyadi ba jeman nabi Esekiel, lalu baka ni kitai ulih meruan dalam pengerindu Petara?\\n26 Utai ti nyadi ba nembiak Petara kemaya hari tu, ngingatka kitai pasal nabi Esekiel ke diasuh Jehovah nyaga pengarap orang Israel. “Nuan enda tau enda madahka ngagai sida jaku tangkan ti diberi Aku ngagai nuan,” ku Petara. Enti Esekiel enda ngereja utai ti diasuh, iya deka betanggungjawapka pemati orang Israel. (Esekiel 33:7-9) Tang Esekiel ngasi, lalu enda berutang darah.\\n27 Kitai nemu dunya Sitan udah ba pengujung iya. Nya alai, Saksi-Saksi Jehovah ngumbai tanggungjawap madahka hari Petara deka bebalas nya bekaul enggau Berita Manah pasal Perintah Petara. (Isaiah 61:2; Matthew 24:14) Kati nuan bisi bebendar enggau pengawa tu? Rasul Paul beberatka pengawa nginjil. Nya alai, iya ulih madah: ‘Aku enda betanggungjawapka nyawa kita, laban aku nadai kala enggai madah ngagai kita semua juluk ati Petara.’ (Kereja Rasul 20:26, 27) Tu chunto ti patut dititihka kitai!\\n28 Enti kitai deka meruan dalam pengerindu Petara, kitai ukai semina bebasaka nyawa enggau darah aja. Kitai mega patut mengkang tuchi tauka kudus ba mata Petara, baka ke deka dipelajarka kitai ba Pelajar 8.\\n^ per. 5 Pasal Adat Lewi 17:10, 11, Scientific American madahka: “Darah dikena idup.”\\n^ per. 16 Peratika, Bup Kudus nadai madah pasal umur anak ke ba dalam kandung, kena nentuka ukum ari Jehovah.\\n^ per. 21 Peda Pelajar 5, “Baka Ni Nyeraraka Diri Ari Dunya.”\\n^ per. 69 Peda Penerang “Begian Darah ke Mit Agi Enggau Chara Beputung” kena nemu mayuh agi.\\nBEBASAKA NYAWA JELU\\nTaja pan Jehovah ngemendarka kitai munuh jelu nyadi ke pemakai enggau gari tauka ngelindung diri, kitai patut ngena kuasa ti diberi tu enggau manah. (Pemungkal 3:21; 9:3) Kitai enggai baka Nimrot, ke munuh jelu kena ngerinduka ati. (Pemungkal 10:9) Tang, kitai patut neladan Jehovah ke rindu ngintu semua jelu, nyengkaum burung pipit ke mit.—Jonah 4:11; Matthew 10:29.\\nPengerindu Petara tu diayanka ba Adat Moses. (Pemansut 23:4, 5, 12; Ulang Adat 22:10; 25:4) Sejalai enggau Adat tu, Jaku Dalam 12:10 madah: “Orang ke menyana nemu ngintu jelu tupi sida, tang orang ke jai, merinsaka jelu tupi sida.” Enda lama da agi orang ke jai tu deka dipunaska.","num_words":2658,"character_repetition_ratio":0.049,"word_repetition_ratio":0.0,"special_characters_ratio":0.234,"stopwords_ratio":0.282,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Arap mayuh nyereta kelas main asal - Mabong - Suara Sarawak\\nArap mayuh nyereta kelas main asal – Mabong\\nKelas keterubah dipungkal enggau kelas Kain Burie ti berengkah kena 23 Jun tu\\nKelas main asal bukai baka Kelas Ajat Indu Iban, Kelas Sape & Belikan, Birejang Beuh & Biroguong, Ajat Iban Lelaki, Taboh Iban, Kuntau enggau kelas ngaga tangu tauka marik empang deka dipejalai kena 1 ngagai 6 Julai di Indu Opis Sadia Kota Sentosa.\\nKUCHING: Mensia mayuh sama diperansang nyereta kelas belajarka main asal Dayak.\\nKetuai Asadia, mabong Unggang madah ba penggal kedua taun tu, Asadia mengkang chakah ngatur kelas main asal ti bepalan di Kota Sentosa enggau Batu Gong.\\nKelas tu berengkah ari 22 Jun tu tadi ngagai 6 Julai ti deka datai.\\nKelas keterubah iya nya kelas Kain Burie deka dipejalaika ba Indu Opis Sadia, Kota Sentosa kena 23 Jun tu.\\nUdah nya, kelas main asal bukai baka Kelas Ajat Indu Iban, Kelas Sape & Belikan, Birejang Beuh & Biroguong, Ajat Iban Lelaki, Taboh Iban, Kuntau enggau kelas ngaga tangu tauka marik empang deka dipejalai kena 1 ngagai 6 Julai di Indu Opis Sadia Kota Sentosa.\\nKelimpah ari nya, kelas Ajat Indu Batu Gong, Kelas Betaboh Batu Gong enggau Gendang Pampat Batu Gong deka dipejalai berengkah 1, 3 enggau 4 Julai di Batu Gong.\\nTiap bengkah kelas main asal nya tebuka ngagai mensia mayuh lalu ngarapka mayuh agi orang datai belajarka main asal bansa Dayak, ku Mabong.\\nPenerang ke silik ngagai sapa-sapa ti deka belajarka main asal tu tau telefon ngagai Mabong ba lumbur 012-6925562, kelas Main Asal Iban tau beletefon ngagai Henry Guya ba lumbur telefon 019-8884370 tauka kelas Main Asal Orang Ulu tau betanya ngagai Ngo Hawing ba lumbur telefon 011-19891420.\\nCHAKAH NGAJAR… Raban pengajar Main Asal Asadia ti meruan chakah ngajar sereta ngemeranak main asal Dayak.\\nLoji hidrogen dilancar hari ini\\nIsu NCR baka nadai pengujung - Dr Rayong","num_words":280,"character_repetition_ratio":0.082,"word_repetition_ratio":0.207,"special_characters_ratio":0.214,"stopwords_ratio":0.161,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Uncategorized | It's My Life @ Ulu Sungai Galah\\nBy MAB on 24\/10\/2015 | Leave a comment\\nBy MAB on 08\/07\/2014 | Leave a comment\\nTaja pan rumah panjai asal Ng Telik suba udah retung diempa api tang palan tu tetap ngena nama Nanga Telik Meruan di Ati. Palan tu kena kitai ngingatka rumah panjai Ng Telik. Taja pan bala kitai Ng Telik enda begulai berumah agi, laban bala kami mindah ke Ulu Sungai Galah, lalu sekeda mindah ke tembawai rumah atas kitai tetap anak-anak Ng Telik, semina rumah ka enda betampung perabung.\\nBy MAB on 07\/07\/2014 | 1 Comment\\nSepengudah ka ditinggang penusah angus, Iban Ng Tellik lalu bepechah dua. Sebengkah raban ka betuaika tuai rumah lama agi ka ngenan berumah ba alai ka angusnya. Sida iya bisi 11 pintu. Sebagi agi sida Ng Telik matak diri berumah baru ba Ulu Sungai Galah. Endur tu endang udah nyadi kebun sawit. Sida ka berumah di Ulu Sungai Galah tu betuaika Joseph Ayu anak Klanang, seiku tuai ka udah pinchin polis empat lima taun tu ka udah. Nyau nampung keujungka agi, sida Ulu Sungai Galah ngentak rumah baru kena 8 Februari 2015, tang sida 3 pintu ke ujung setak ulu lalu apin ngentak laban tanah agi tinggi.\\nMulai ke pun ke baru, ngenang sida ka agi ka berumah nambak alai ka angus, ketegal enda manah ‘feng shui’ sereta ungkus ka dikena nyungkur tembawai angus nya kelalu besai, dia deh sida iya lalu mindah berumah di Tembawai Rumah Atas, endang tembawai lama kami di Nanga Telik. Nama enda pemanah endur tu alai berumah, endang tembawai, iya ga tisi jalai sereta betapak enggau rumah orang Ulu Sungai Galah, semina antara ka jalai alun. Siti aja penanggul alai tu, laban ba ujung tembawai muak ari setak ulu udah ditagaka nyadi Pendam Besai Ng Telik. Sida tembawai tu ngentak kena 23 Mac 2015.\\nBy MAB on 07\/07\/2014 | Leave a comment\\ngambar rumah angus\\n200 penghuni rumah panjang tinggal sehelai sepinggang kebakaran di Saratok\\nSARATOK: Seramai 200 penghuni tinggal sehelai sepinggang apabila 25 pintu rumah panjang yang mereka diami, musnah dijilat api dalam kebakaran di Rumah Kayan Tarang, Nanga Telik, Ulu Krian, kira-kira 35 kilometer dari sini, hari ini.\\nDalam kejadian berlaku pada jam 10 pagi tadi, hampir semua harta-benda milik penghuninya musnah dalam kebakaran namun tiada kemalangan jiwa dilaporkan berlaku. -BH\\nementara itu, dalam kejadian kedua pada jam 10 pagi semalam, kira-kira 200 penduduk terjejas apabila Rumah Kayan Tarang, Nanga Telik, Krian dekat Saratok yang berusia 52 tahun musnah dijilat api dalam masa hanya 45 minit.\\n“Hanya warga emas dan kanak-kanak yang berada di rumah semasa kejadian. Menurut penduduk, kebakaran dipercayai bermula dari salah sebuah bilik yang terletak di tengah-tengah rumah panjang.\\n“Ketika kebakaran, saya sendiri sedang bekerja di kebun sawit saya. Apabila dimaklumkan, saya dan beberapa pekerja yang juga penduduk rumah panjang bergegas pulang.\\n“Namun setibanya di rumah panjang, separuh daripadanya sudah musnah dijilat api,” katanya.\\n“Sebaik sahaja menerima panggilan tersebut sebuah jentera bersama tujuh anggota bergegas ke lokasi kejadian yang mengambil masa lebih kurang 30 minit dari balai.\\n“Setibanya di lokasi kejadian, kita mendapati api telah memusnahkan kira-kira 85 peratus rumah panjang itu. Faktor rumah panjang yang dibina daripada kayu (bahagian atas) dan angin kencang pada waktu kejadian menyebabkan api merebak dengan cepat.\\n“Ketiadaan pili bomba juga satu cabaran kepada anggota bomba untuk mengawal dan memadam kebakaran. Kita terpaksa mendapatkan sumber air dari sungai yang terletak lebih kurang 50 meter di bahagian hadapan rumah panjang ini,” kata Mohamad sambil menambah bomba berjaya mengawal kebakaran sepenuhnya pada jam 12.15 tengah hari.\\nBy MAB on 31\/12\/2013 | 1 Comment\\nBy MAB on 09\/12\/2013 | Leave a comment\\nBaru nyenguk palan Tusunterabai aku tu. Tepedaka post aku ti penudi 23\/8\/2012. Apu ney….nadai nulis berita tauka artikel aku sepemanjai taun 2013 tu enti pia. Ukai kini kati nyau nadai tentu buah runding agi deka dikunsika enggau bala mayuh. Tang taja pia, terima kasih ngagai bala kita ka bisi bebachaka perkara ka dibantaika aku ba palan Tusunterabai tu. Ngarapka udaj tu ila aku tau teulihka biah runding ka tau dikunsika oleh kitai mayuh\\nBy MAB on 23\/08\/2012 | Leave a comment\\nGambar hiasan – seorang kanak-kanak sedang asyik menghisap rokok di Jakarta.\\nJAKARTA 20 Mei – Jolokan negara ‘Baby Smoker’ yang diberikan kepada Indonesia, mungkin bukanlah suatu pencapaian yang boleh dibanggakan buat negara ini.\\nNamun, itulah realiti yang terpaksa dihadapi oleh Indonesia apabila digelar sedemikian rupa, hanya kerana jumlah perokok teramai di negara itu terdiri daripada golongan remaja dan kanak-kanak bawah umur.\\nBerdasarkan data terbaru yang diperolehi Suruhanjaya Perlindungan Anak, sebanyak 69 peratus remaja Indonesia merupakan perokok aktif yang tinggal dalam keluarga perokok.\\nApa yang turut membimbangkan, sebanyak 89 juta kanak-kanak terdedah kepada bahaya asap rokok dan terancam kesihatan mereka.\\n“Ini jelas memalukan. Fakta ini harus kita terima kerana data jelas menunjukkan jumlah perokok terbesar di Indonesia terdiri daripada golongan remaja dan kanak-kanak bawah umur,” kata ketua suruhanjaya itu, Aris Merdeka Sirait seperti dilaporkan media-media tempatan, hari ini.\\nData yang dikeluarkan suruhanjaya itu juga menunjukkan, 230,000 kanak-kanak di bawah umur 10 tahun sudah menjadi perokok aktif.\\n“Data terakhir di Sukabumi, misalnya mendapati ada seorang kanak-kanak berusia 11 bulan sudah menjadi perokok aktif.\\n“Setiap lima minit kalau tidak merokok, anak kecil itu akan mengalami perubahan perilaku. Inilah salah satu fakta mengapa Indonesia menerima jolokan Baby Smoker kerana perkara seperti ini tidak berlaku di negara lain,” kata Aris.\\nKatanya, walaupun China mencatat jumlah perokok terbesar di dunia, namun kes perokok cilik tidak pernah dilaporkan.\\nKata Aris, di Indonesia, pemerintah mengizinkan syarikat pengeluar rokok mengiklankan produk mereka dengan bebas.\\nMenurut Aris, data yang dikeluarkan oleh pengusaha rokok Indonesia mendapati, perokok aktif di Indonesia saat ini mencapai 89 juta orang.\\n“Bayangkan jika daripada angka itu, masing-masing memiliki seorang anak, maka terdapat 89 juta anak Indonesia yang sudah terdedah atau menghisap asap rokok sebagai perokok pasif,” jelasnya.\\nApa yang membimbangkan ialah anak-anak muda berusia belasan tahun merupakan sasaran dan sangat berpotensi menjadi penjual produk rokok.\\nBy MAB on 30\/06\/2012 | 1 Comment\\nBy MAB on 14\/05\/2012 | 1 Comment\\nNama kabuah projek ka baka tu enggai enda bisi papan tanda “Projek Perintah Malaysia”. Mali tak digaga aja ka. Enti projek nyadi, enti jalai tauka jematan digaga, nadai kebuah rayat tau enda nemu tu sigi projek perintah nadai ngira perintah ni-ni meh? Tambah mega projek ‘keperluan asas’ ka baka tu sigi endang tanggung pengawa perintah. Enda patut kitai rumah panjai tegagaka projek ka baka tu? Eh… nyau teingatka PRU ke-13 ti ka datai…bisi ga angin-angin mansa ruai tu pengari BN Parlimen Saratok.\\nNaka ka diatu aku apin deka nyebut enggau dalam agi pasal pekara tu laban lalu apin temu ulu ili.\\nBy MAB on 07\/08\/2011 | 6 Comments\\nSinu ninga lagu Kaul Tua Kelia ari niang Jeffrey Nyaloi.\\nDiulang bekali-kali enda puas ninga……jauh bida ari lagu penyanyi Iban bukai ka suah ngenang entua jai enggau menantu, laki bini bisi ambai lalai, muji apai orang sigat enggau leka lagu palau sebelah pub. Lagu tu ukai semina manah ba jalai cerita sereta bisi nostalgic meaning ba siku-siku tang mega cunto lagu Iban ka betul ari segi grammar enggau tusun ayat.\\nPosted in: Uncategorized\\t| Tagged: Iban people\\nBy MAB on 20\/06\/2011 | 2 Comments\\nPengangkat Iban Nanga Telik tu endang ari Rimbas. Sampal agi sida iya peturun Maling seduai Aing iyanya peturun ke-9 ari Padang ngambi Suyah ka mungkal Batang Rimbas. Nitihka cerita Benedict Sandin dalam bup Peturun Iban Munan seduai Utong peturun Padang ti ke-5 ke penudi pindah ke Melupa. Kitai enda nemu baka ni ka pejalai pendiau sida tu kelia, laban ba tubuh Maling seduai Aing sida tu mega dikingatka orang ka tuai angkat ari Bayur. Nyangka bala sida tu nikal baru ke Bayur sekalika bebini nguai ke Bayur. Sida ka tuai kala ngenang sida Maling ka carut enggau Repun Betuah. Dalam penyarut ti dia Repun Betuah nunu rumah sida Maling, tang taja pia nadai ga orang madahka maling seduai Aing angkat ari Bauyur ketegal penyarut tu. Nyadi Repun Betuah tu endang raja berani ari Bukit Bangat di Betong, iya angkat ari Bangat lalu diau di Nanga Ulai, Rimbas. Pia mega Radin angkat ari Paku lalu nguan menua Rimbas, Meda bala anembiak Repun Betuah seduai Radin keras amat berimba enua Rimbas alai bala peturun Padang, sida Maling, sida Aing nyeliahka diri melunggang Sungai Batang lalu sempat berimba sekeda temuda di Palu, dalam Batang. Nyadi menyadi sida Maling ka benama Urie nurunka bala di Melupa, Krian, Saratok.\\nTusut ari Padang:\\n1. Ligam x Riah = Padang\\n2. Padang x Suyah = Gunggu, Duyah\\n3 Gunggu x Dayang Kacha = Garrai\\n4 Garrai x Rechak = Jana, Gumah\\n5 Jana x Lada = Baat\\n6 Baat x Lanjut = Munan, Utong\\n7 Munan x Nyangan = Jenun, Lanchang, Numpang,\\n8 Numpang x Mangku = Jar\\n9 Jar x Imbok = Buntu\\n10 Buntu x Kedemie = Maling, Aing, Urie (f)\\n11 Maling x Chandu = Ladang\\n12 Ladang x Demong = Gudom (Mati sakit muang ai maya Ngayau Lus ngelaban Bantin seduai Ngumbang di Ulu Ai 1909)\\n13 Gudom x Nawie = Gumbo, Tindin (Pindah ke Mukah)\\n14 Gumbo (Mati 1966) x Puau (Mati 1981) = (Sima anak Gumbo) Niang Indai (1930-2002)\\n15 Tubuh kami…………..\\nSerambau enggau Demong anak Beketan Entingi ka nguan Batang paku di menua Rimbas enggau Krian diuan mayuh bansa Seru. Endur sida tu tebal bendar diau di Bukit Tabujang, Ulu Awik, di Nanga Diso dalam Awik enda jauh an nanga, di Bukit Engkalat tebing ai Krian enda berapa jauh ari Nanga Melupa enggau ba Bukit Tengalat di Ulu Melupa pati Krian. Bansa Seru tu ganas bendar bejalai disebelah kampung dalam. Sida iya balat bendar bemunsuh enggau Iban. Keba tusah bendar Iban maya nya kelia, laban mayuh bendar sida parai kena bunuh Seru lebuh Iban agi berimba menua ngulu ka Paku enggau Layar.\\nNyadi serambau enggau Demong tu, Jenua angkat Langgung Bukit Kenyandang antara Ulu Sadong enggau Ulu Ketungau ngilika Sadong ngiga menua baru. Ari Sadong sida merau meraka tasik lalu nama Layar berumah di Pusa Kampung Engkerebang. Nyau kelama iya udah diau di Pusa iya pan parai tuai.\\nUdah parai Jenua iya lalu diganti Padang nyadi tuai megai anembiak. Ari Pusa Padang nguluka anembiak iya mudik Rimbas lalu berumah di Skaup. Ari Skaup iya pindah baru masuk Sungai Undai lalu berumah panjai di Letong Beluok. Lebuh iya berumah dalam Sungai Undai. Sekali leboh sida nubai, Padang parai ditabanka ikan tapah ngili ka Batang Undai ke Batang Rimbas ngilika Rimbas rembus ke Batang Layar. Dalam Batang Layar bangkai iya dibai tapah kulu ka naka Lubok Sedebu lalu kill ka naka pipi Tanjong Lilin ngalih ari ili. Nya alai laban naka nya bangkai iya ditaban ka ikan ngili enggau ngulu ka Layar, naka nya ga rampa menua agi kena pegai Rimbas dataika kemaya tu masuk Batang Layar.\\nUdah parai Padang anak iya ke benama Gunggu nganti iya nyadi tuai. Ari Letong Beluok Gunggu mai anembiak iya mansutka diri baru ke Batang Rimbas lalu mudik ke ulu lalu berumah di Nanga Jerai. Ba maya tu kelia ari Nanga Debak ke ili ka agi diuan bansa Seru. Tang sereta Iban datai di menua nya sida lalu diau ngulai bansa Iban.\\nAngkat ani Nanga Jerai Gunggu mai anembiak iya berumah di Tanjong Bakong beseberai rurnah enggau bansa Seru. Nyadi labàn sida sama besemak diau bakanya sida lalu bepangan bendar. Seru nelap lalu suah hendar meri sida tambak pisang, tebu enggau ubi ka dempa. Nyadi Gunggu mati leboh iya berumah ditu, alai iya lalu ditumbak ka ba pendam Seru di Pendam Batu ani ili Debak kemaya tu.\\nGunggu iya lalu diganti anak iya Garrai megai Iban Batang Rimbas. Angkat Garrai enggau anembiak iya an Tanjong Bakong sida berumah di seberai Nanga Tawai. Nyadi endor rumah Seru leboh tu masuk dalam Sungai Tawai. Nyadi sama sarambau enggau tuboh Gunggu dalam Batang Rimbas, bisi tuai siko benama Manggi mindah an Tisak ngilika Sungai Samudam, lalu ngulu ka Batang Layar. Nyadi dulu ari tu Manggi dulu mungkal lalu diau nguluka Batang Tisak pati kiba Batang Skrang. lya angkat ari menua nya, udah iya belaya ngelaban Gelanyang Manang Jelapi ke parai dibunuh anembiak iya jadi Batu Jelapi di Stirau, enda jauh iga ari ulu Nanga Lingga ba kaki Bukit Balau tebing kanan mudik Batang Lupar.\\nLebuh iya mudik Batang Layar Manggi dulu ngetu enda lama di Sungai Sepinang. Angkat iya ari nya, iya lalu berumah ba ujong Tanjung Orang Tuai ke dikumbai Tanjong Pendam tauka Tanjong Rangka ngalih ari ulu ba endor ke dikumbai Supa.\\nLebuh iya benung nirika rumah dia, iya ninga Batang Rimbas bisi orang udah nguan. Irau ati ka nya, alai iya lalu ngabas kin ka bedarat neresap kampung alah datai ngagai iya rembus di Nanga Debak. Apin lama udah iya datai dia, iya kena pedis perut lalu mati. Bangkai iya ditumbak ka ba pendam Batu ari ili Debak ke diatu. Nyadi laban iya ditumbak ka ditu, nya kabuah datai ka kemaya tu bisi orang ngumbai pendam nya dipungkal Manggi enggau bisi ga ngumbai dipungkal Gunggu.\\nNyadi laban pemati Manggi tu, rumah ke digaga iya di Supa tadi lalu enda tembu. Nya alai laban iya dibuai enda tembu, iya dikumibai datai ka kemaya tu Tembawai Buruk Rumah.\\nApin bangat lama udah sida Garrai berumah di Nanga Tawai alai Seru angkat an dalam Sungai Tawai pindah ka Ulu Babu, nya ngasuh sida nyau beserara bendar enggau bansa Iban.\\nNyadi ari Nanga Tawai dia Garrai enggau anembiak iya pindah ka Nanga Likap ka endur iya parai tuai. Nyadi bansa Seru tadi angkat ari Ulu Babu lalu nyeliah diau ka Ulu Asam pati Melupa simpang Batang Krian.\\nNyadi di Batang Rimbas tadi udah Garrai parai, iya lalu diganti anak iya Jana nyadi tuai. Endor rumah Jana tu di tembawai Sandong dalam Babu. Angkat Jana ari nya, baru iya berurnah di Tembawai Manding dalam Metong, Rimbas tebing kanan mudik. Angkat iya an nya baru iya berumah di Nanga Gayau, alai iya panai tuai. Udah nadai agi Jana nuai tikal iya lalu ditampong anak iya Utong seduai Munan. Nyadi Munan tau matak kayau anak. Iya berumah di tembawai Seragau. Angkat iya ari nya berumah di Nanga Luop, ari nya angkat baru lalu berurnah di Nanga Tuang ari Ili Nanga Bayor.\\nAri Nanga Tuang Munan Seduai Utong seduai nyurut ka diri baru lalu diau nguluka Babu. Ari Babu nya baru Utong seduai Munan pindah ke Melupa ke alai seduai diau nyentukka parai tuai. Semua menua alai Munan matak kayau anak ari Nanga Kalaka terus ke Nanga Oya ngelaban bansa Melanau.\\nDatai ba tubuh Laja anak Jingan tauka Aki Kayan dia iya lalu ngiring anembiak berumah di Rumah Atas ka alai Pendam Tembawai ka diatu. Nyadi rumah tu tinggi gegiau ninting tebiang. Kenu ka sida ka tuai, rumah atas tu kelia manah, ngena teras magang laban niang Laja menya suah nemuai ke Paku meda gaya rumah orang Paku ka betiangka batang tebelian besai.\\nKira ka bepuluh taun ba rumah atas, alai Tuai Rumah Laja anak Jingan lalu matak anembiak berumah baru, ka sekali tu rumah melasar tanah laban nyunto Pasar Kaki Wong. Nya alai rumah kami Nanga Telik ka diatu antara rumah panjai di Ulu Krian ka dulu ari sekeda rumah panjai bukai digaga melasar tanah. Mati Laja alai iya lalu diganti Tarang anak Laja nyadi tuai. Maya Tarang mati, anak tuai iya Kayan agi biak nya alai iya lalu di ganti Ambin. Nyau tuai Ambin nya baru diganti Tuai Rumah Kayan anak Tarang ka diatu.\\nAri tu kitai beratika orang ka tuai kelia bisi vision ka ngemajuka cara pendiau enggau pengidup. Nampung sida ka tuai, aki Laja tu kelia apin ka nyadi tuai iya endang nunjukka pengelandik ngempung anembiak redak taja pan maya nya Mujal nyadi tuai Nanga Telik, tang Mujal enggai undur ke Satratok nganjung pupu pala enggau pupu pintu. Nya alai laban Laja rajin nganjung pupu, bala anembiak lalu beserakup ka betuaika iya.\\nNyau ngenang nostaljia ka lama, kami di menua Krian, kelebih agi kami di nanga Telik tu menua dudi agi mansang ba penemu sekula enggau nanam getah nya alai agi kelia sigi dipelandikka orang ka tuai sereta juluk ati ka betampil belaki bebini enggau orang Paku, orang Layar, Rimbas baka orang Bayor laban sida tu dulu agi maju sereta beberita bulih padi enti bumai. Nya alai ba tubuh sida apai indai kami tau dikira nadai orang Nanga Telik betampil belaki bebini enggau orang tunga kin, tambah mega menua jauh. Nyau datai ba tubuh kami enggau tubuh anak kami baru bisi ga betampil enggau orang Paku enggau Rimbas.\\nBy MAB on 16\/06\/2011 | 1 Comment\\nKrian tauka Kerian kenu ka Kamus Dewan tu nama sebansa kayu, tang dalam jaku Iban leka jaku Krian tu nadai temu reti. Retinya nama Sungai Krian tu ukai datai ari jaku Iban tang datai ari jaku bansa Beketan tauka jaku bansa Seru ka dulu nguan menua Krian ari nanga nyentukka ke Ulu Krian. Enti lemambang Ngerintai Tuai Dayak Krian,\\nNya baru geman-geman sengkawan ridan,\\nNi tuai ka benama Seguat,\\nBerumah di menyaung tuchung Tengalat (Engkalat),\\nKena perepat ruap bunga pasang.\\nNya baru nyebut tuai benama Abas,\\nMungkal Wung Embuas deras nerajang.\\nNya baru nyebut tuai benama Ilun,\\nDulu mungkal aum berumpang Babang.\\nNya baru nyebut tuai benama Nyawai,\\nDulu mungkal tatai langgung Tebujang.\\nNyadi tuai ka benama Seguat ka mungkal Bukit Tengalat enggau Nyawai (Bisi mega disebut Tangai) ka nguan langgung Tebujang nya endang bansa Seru. Bansa Seru di Bukit Tenggalat enggau Ulu Melupa suah dikayau anak ulih Antau Linggang Nengeri seduai menyadi iya Gun Mangkubumi ari menua Rimbas tu endang orang ka beberita tau matak kayau anak lalu suah bendar beberita ulih ngalah ka bansa Seru di Bukit Engkalat, Bukit Legong, di Ulu Melupa enggau di sebelah Nanga Awik. Nyadi ketegal seduai iya ti selalu mujur ngalahka bansa Seru, nya alai seduai iya lalu diberi Imam Maulana tuai Laut Kabong ba nanga Batang Krian gela Rekaya. Udah alah bansa Seru ba tiga bengkah menua nya tadi dia sida bansa Seru tu tadi lalu ngelari kediri ka menua Nanga Diso masuk batang Sungai Awik mimit enda jauh ari Bukit Tebujang di menua Ulu Awik kena pegai menua Saratok. Nyadi raban sida iya sebengkah agi lalu ngelarika diri ngagai menua Tanjung Pilin dalam Batang Sebelak ari ili Nanga Roban.\\nTuai ka bukai baka Abas ka mungkal Wung Embuas aku enda nemu sekali ka iya Seru tauka Iban, tang Ilun ka mungkal Babang nya endang Iban. Nyadi tuai ka benama Isut tu angkat ari Meroh, Paku lalu melunggang ke Kabo, tang iya ninting, enda ngilika Batang Krian laban nebing ai Krian udah diwan Iban magang. Nya alai iya terengkah lalu mungkal berimba menua Lempa di Ulu Kabo.\\nDi Bukit Tebalu, Ulu Budu pati Krian bisi mega Beketan ka betuaika Guling. Nyadi asal Guling tu ari Rimbas. Nyadi tuai Beketan ka benama Guling seduai Gambang tu menyadi Entinggi di Bukit Saban Tinggi di Batang Paku. Nyadi Guling tu nyerara diri ari Entinggi di menua Bukit Saban laban ka mai bala anembiak iya pindah berumah ba menua ka dikumbai Tinting Indai Tupai. Sekumbang Guling tu enggau bala iya berumah ba menua nya, dia mentua iya ka benama Kuku pan parai lalu baka nya mega bini iya ka dikumbai sida Indai Tupai pan parai dia. Nyadi ketegal laban mentua Guling ka benama Kuku tu parai ba tembawai nya laban kena taju remaong, nya alai bisi endor siti semak menua nya dia ke lalu dikumbai orang nyentuk ka sehari tu benama Taju Kuku. Udah pemarai bini enggau mentua iya nya tadi, dia Guling lalu mai bala anembiak iya pindah melunggang ngulu ai Rimbas lalu diau ditinting Tibak Sirat ba menua enda jauh ari Ulu Gerugu ke bepati ba ai Ulu Sarikei. Nyadi Ulu Gerugu tu nya alai bepuncha ari Kampung Gerugu ke lalu nyadi satup menua Ulu Sarikei, Ulu Awik, Ulu Kabo enggau Ulu Sebelak. Pindah ari menua Tibak Sirat dia Guling lalu mai bala iya pindah baru ngagai menua Bukit Tebalu di menua Ulu Budu ka bepati ba ai Krian. Ari nya baru sida iya angkat pindah baru ngagai menua Bukit Tebujang ka alai sida iya lalu segulai pendiau enggau bansa Seru di menua Ulu Awik.\\nNyadi menyadi Entinggi ka benama Gambang tu mindah ari Bukit Saban Tinggi ke Teluk Jerai. Angkat ari nya Gambang lalu mai bala anembiak iya pindah baru ngagai menua ka dikumbai Tinting Girau ba antara menua di Krian, Saratok. Udah berumah ba menua Tinting Girau, Gambang lalu mai bala iya pindah baru ngulai bansa Seru diau di menua Bukit Tengalat enda jauh ari pasar Saratok ka diatu. Nyadi raban bala sida Guling ka diau begulai enggau bansa Seru di Bukit Tebujang nya tadi lalu pindah baru ngagai menua Sugai ka bepati ba ai Julau lalu ngidupka diri bumai betaun.\\nMenua Nanga Telik, Maras enggau Grenjang endang dulu diwan bansa Beketan sebedau Iban pindah melunggang ari Paku ngilika Krian lalu diau di nanga Grenjang. Pia mega Iban ari Bayor melunggang Tinting Batu lalu ngilika Sungai Batang enggau Grenjang lalu berimba sereta bedampa betembawai di Sungai Pilai.\\nBeketan Galah enggau Beketan Mendit\\nDulu suba di menua Nanga Telik bisi dua raban Beketan. Seraban Beketan tu betuaika siku tuai ka benama Galah lalu seraban agi betuaika Mendit. Nyadi Beketan dua raban tu enda tentu temu sekali ka Beketan Temuda ka idup bumai betaun tauka Beketan Kampung ka enda bumai betaun tang idup bepanggai ba asil kampung.\\nNyadi, kenu ka jerita Beketan dua raban tu kelia balat bendar ka belaya enggau pangan diri. Tang taja pia, nadai ga orang ka tuai tak nyemetak nyebut nama kabuah Beketan Galah enggau Beketan Mendit tu udu ka carut. Nyau pemuaska belaya, nyangka nyau beserang pangan diri alai anak Mendit lalu mati kena bunuh Beketan Galah. Nyadi bangkai anak Beketan Mendit lalu dianjung ke puak kampung enda ditumbakka tang disimpan di dalam lubang batang kayu temesu. Ari tu tadi menua nya lalu dikumbai Pulau Taju dataika sari tu laban nitihka nama Taju anak Beketan Mendit.\\nKelimpah ari tu, nama sungai ka alai Beketan tu lalu mengkang disebut sungai Mendit datai ke kemaya diatu. Nyadi Sungai Mendit tu tunga ke kanan mudik Sungai Krian. Sungai tu mit lalu benanga ba Batang Krian. Ba Sungai Mendit tu menh kami di Nanga Telik enggau Sungai Galah nekat ai kena ai paip graviti. Pia mega, nama Sungai Galah ka kemaya ari tu endang ngambi nama tuai Beketan ka benama Galah kelia. Sungai Galah tu tunga ke kiba mudik Sungai Krian lalu mega enda besai. Reti nya Beketan Mendit enggau Galah tu kelia beentaraka ai Krian. Dalam sejarah nanga Telik bisi dua kali Sungai Galah tu udah alai berumah. Keterubah iya, kira-kira 40 taun tu ka udah lalu lebuh kami Nanga Telik angkat ari Tembawai Rumah Atas dia seraban anembiak Laja lalu nyerara diri berumah di sungai Galah. Niang Megong nyadi tuai rumah sida tu kelia. Sida ka berumah di Sungai Galah tu enda lama lalu angkat mindah lalu nampung rumah panjai Nanga Telik ka diatu. Kedua kali Sungai Galah alai berumah iyanya, kira-kira 12 taun ka udah lalu lebuh seraban kami serumah bebatak pindah berumah baru di Sungai Galah ka diatu.\\nNyadi nama Telik mega dipelabaka datai ari jaku Beketan laban nadai reti dalam jaku Iban. Tang pelaba aku nyagka ukai ari nama tuai Beketan laban bisi dua iti nama Nanga Telik ngulu batang Krian. Kelimpah ari tu, nama-nama menua baka Bukit Mabuh, Dekong, Sungai Telinsai, Sungai Gerenis enggau Sungai Babai di Ulu Telik dipelabaka endang asal iya ari nama Beketan. Pia mega nama-nama menua bukai ka besemak enggau nanga Telik baka Dangap, Tatup, Dong enggau Ganjuk endang asal ari bansa Beketan.\\nKelimpah ari Beketan Mendit enggau Beketan Galah, bisi mega Beketan Pillai ka dulu nguan menua Pilai ka diatu enggau Beketang Babang ka dulu nguan menua Babang. Pia mega di ili din bisi Beketan Kabo lalu di Julau bisi Beketan Sugai.\\nNyau pulai ke pun ke baru, jerita tu ditemu aku enggau berampas sereta recau laban randau maya gawai dayak tu tadi. Penusui jerita tu enggau aku empu pan enda tentu ingatka utai laban pala ka bisi ngelu-ngelu mimit.\\nPosted in: Uncategorized\\t| Tagged: Batang Krian, Saratok\\nBy MAB on 17\/05\/2011 | Leave a comment\\nBy MAB on 14\/05\/2011 | 1 Comment\\nBy MAB on 13\/05\/2011 | Leave a comment\\nbabas mali__Tanah mali, enda tau dipumai tauka alai bekebun\\nbah tunggal__Bah ngenyit laban ujan bangat tang enda lama.\\nbaiya__Gari enggau perengka bukai ka dibai orang ka mati\\nbaka alu enggau lesung__Sama bela begunaka pangan diri\\nbaka amau di atas tuga\/tunggul (nyangka bisi kabih-kabih jaku sempama Melayu)__Enda entap pendiau\/enda tetap megai pengawa. Cunto: Menijar SALCRA nya baka amau di atas tuga laban sebarang maya iya tau diganti orang enggau orang bukai udah ka terang-terang kimpinka parti penyakal dalam pengawa bepilih tu kemari.\\nbaka api ka dipanjah ai __Padam tekala nya, badu bejaku. Cunto: Apai Igat ka bejaku kerah-kerah ba aum nya lalu ngetu tak baka api ke dipanjah ai meda Indai Igat melut-melut ka mata iya nyenguk ari mua pintu.\\nbaka bala anak impun __Bala anak agi mit ka enggai jauh indai sida. Cunto: “Balat ga bala anak Sundun nyau seruran empurit , enggai jauh baka bala anak impun.” Ka Jedun sambil beratika sida Sundun nurun mandi\\nbaka batu tungku__Duduk enda bejaku\/enda nimbal randau orang.\\nbaka baya ditegah indu.__Pinta ngenyit. (minta indu ka bini ngenyit, nadai disadang)\\nbaka beliau bedua iku __Nelap amat, mentas sereta enda sayau ka utai. Cunto: Apai Jatan nayamai enggau begulai laban iya nelap sereta mentas baka beliau bedua iku.\\nbaka buyah ka nabakka diri ke api__Ngiga pemedis kediri empu. Cunto: Sida iya serumah baka buyah ka nabakka diri ke api, deka medis diri empu, berani ka nyukung parti penyakal ka temu enda ulih mai pemansang.\\nbaka Cina ka alah bejudi__Duduk nyerungkung, baka ka tusah ati.\\nbaka Cina melut mata__Enda nemu runding agi.\\nbaka empa beketan pindah__makai semua utai ti dikemisi maya nya. (kelia enggka enggai kiruh bebai ke pemakai pindah kini)\\nbaka empa Iban begawai__Mayuh, sampaika nyau bisi tebasau ngapa, nadai betagang makai, takarka enggai tauka mutah.\\nbaka empelasi mabuk keruh, baka empalekong mabuk ambuh__ Ngetu, tebelengga enda lama.\\nbaka enseluai ka nangkap dak___Bedau abis orang bejako udah di dilampat.\\nbaka idung entara mata, baka dilah entara nyawa__Enda nyukung sapa-sapa. “Aku tu baka idung entara mata, baka dilah entara nyawa enda ngarika sepiak-sepiak endang ngaduka laya kita enggau cara ka betul”. Ka Penghulu Entingi ngagai sida iya serumah.\\nbaka ikan ka ngaban__Beraban bebala mayuh, bejalai besun-sun.\\nbaka ka baru pansut ari babas__Gamal ka enda meruan, buok, mua mata tauka gari ka dikena.\\nbaka ka deka nyuluk bulan__Kelalu besai ati, taja pan nemu utai nya mar diulih.\\nbaka ka dipanjai ai__Utai ulih ka enda meruan. Nya alai enti madamka api ngena ai, orang ka tuai enda ngasuh tak manjah ai ke api. Pemali iya, enggai ka utai ulih kitai baka ka dipanjai ai.\\nbaka ka enda diajar apai indai__Enda mereti\\nbaka ka engkadah bulan\/bintang__Bisi ati deka ka orang tauka pemisi tang enda tulikha, semina buya meda aja.\\nbaka ka mabuk kulat__balat ka ketawa\\nbaka ka meda balak mentua__Tegenung meda utai ka nyadi. Cuto: Anggat tak tegenung baka ka meda balak mentua meda bala menyadi iya ngangkatka sentubung apai iya, enda nemu nulung.\\nbaka ka meli tekang emas__Barang kelalu mar\\nbaka ka nan bubu pesuk__Sigi enda bulih penguntung. Cunto: Lama amat kami udah nyukung YB nya, nganti iya ngemai pemansang ke menua kitai lalu ga bedau, kitai tu baka ka nan bubu pesuk.\\nbaka ka nebang pisang__Nyamai diatur jadi melaki bini, tak mujur nadai betarit-tarit nguai\\nbaka ka ngerumpang para anggus__Berumban ngerja pengawa beguai ka tembu, tambah mega laun belabuh.\\nbaka ka ngisi tibang bumbus__Orang ka enda nemu kenyang\/puas makai.\\nbaka ka udah dibinsai menaul__ Gamal ka enda meruan, buok, mua mata tauka gari ka dikena.\\nbaka ka udah ditelan sawa__ Gamal ka enda diaduka, buok, mua mata tauka gari ka dikena.\\nbaka ke nanya laut bira __ Enggai nyaut lebuh ditanya. Cunto: “Nama utai dikeringatka nuan, tak enda nayut ditanya aku, nyau baka ke nanya laut bira”. Pia ka Apai Alin merak Indai Alin.\\nbaka kelita ka abis gas\/ai__ Mati, parai\\nbaka (menteri) kepayang ka ngada ka dilah __ Orang semina ngeluarka jako aja tang iya empu enda ngereja pengawa.\\nbaka kera ringas__ Lesay-lesay ngapa, ngerising ngayanka ngeli maya ditanya tauka maya berandau\\nbaka keranjai manok=baka tulis lutur__Tulis ka ja enda ulih baca. Cunto: Tulis Lutur Liman nyau baka keranjai manuk enda ulih baca. “Baka tulis lutur tulis nuan tu, ngelu pala aku maca” Pia ka Pengajar Chabu sambil empalungka bup Uchak.\\nbaka ketup lelabi mati__pengerindu ti enda mudah putus\\nbaka kilat ngelambai petang __Jampat amat ngereja pengawa. Cunto: Jampat amai Indai Endun berapi\/nyumai, baka kilat ngelambai petang, sekejap aja alai iya ngagauka kami makai.\\nbaka Kumang ke nupi ular sawa __ular sawa ditupi kumang ari mit tang nyau besai deka makai iya. Reti nya orang ke enda nemu beterima kasih ngagi orang ke udah nulung serta nupi lalu nyengulaka iya,\\nbaka landak, udah ditemu baga__Ulah enggau pendiau orang siku-siku ulih ditemu ari meda gamal tauka perangai iya\\nbaka lutur ka enda ulih ngubat diri empu__Enda ulih mutarka penusah ka nuntung diri enti enda nanya penemu orang bukai.\\nbaka manang ka enda tau ngama \/ belian ka diri empu__ Enda ulih mutarka penusah ka nuntung diri enti enda nanya penemu orang bukai.\\nbaka manuk ngerejah taji = baka buyah ka nabakka diri ke api\\nbaka mayau \/ukui ka labuh\/lenyau anak___ kasak-kasak enda jenuh\\nbaka mayau enggau ukui__Selau belaya, enda tau begulai, enda sepenemu\\nbaka mulung, __Nitihka sepeneka orang. Cunto: Dalam pengawa bepilih ka sekali tu kami serumah baka mulung, enda muai penemu Penghulu tak sebarang ka iya, dibai iya nyukung kami nyukung, dibai iya nyakal kami nyakal.\\nbaka pendiau bunsu bubut__Kamah, kutur\\nbaka perau ngantaka pengkalan – Sempama urang ke baru belaki bebini, maia ti baru datai di rumah entua, cukup pemanah, cukup rajin ngereja pengawa. Tang nadai lama aja.\\nbaka perau ngumbaka gandung, baka dampa ngumbaka langkau, baka titi ngumbaka lalau__Ulah orang siku-siku ka ngumbaka gamal enggau pendiau iya.\\nbaka pipit ka deka nelan buah embawang__Orang ka kelalu besai ati enda ngipakka pengering tauka pendiau diri. Cunto: Ujang seduai Ajom ka di ulu nya ngumba ka diri ka bediri minta pilih, baka pipit ka deka nelan buah embawang enda nemu diri tak enda kala nyanya diri semenua maya ka bepansa, jauh agi ka mai ngirup kupi.\\nbaka pitak dibuai mata__Orang ke nadai daya agi laban ditinggang penusah. Cunto: Kami serumah baka pitak dibuai mata, nadai daya agi udah projek anak manuk ditarit YB.\\nbaka rangkah__Kelalu kurus.\\nbaka sibau rumbau__Pengawa tauka semaya pengerindu ka puntan ngapa, nadai pengujung\\nbaka tapang diwan rembia, baka lubuk diwan baya__Indu\/lelaki ka udah bisi pangan\/ bisi laki tauka udah bini orang.\\nbaka tekura ke ngirit kerubung __Pengelubah orang siku-siku bejalai. Cunto: Lubah amat pejalai Indai Entiban, baka tekura ke ngirit kerubung, ni enda nyau lemai baru iya datai.\\nbaka tekura, enggai enda mantupka diri ba bandir__Enda mantul ngapa ngereja pengawa taja pan lubah sereta enda tentu mujur enti pengawa tauka juluk ati nya apin bepengujung.\\nbaka ukui ka deka beranak__ kasak-kasak enda jenuh\\nbaka ukui ka egkadah linau__Tetengok meda orang makai tauka kelalu ka ka orang.\\nbaka ular ke udah nyilui __ ular enti baru udah nyilui sigi agi pedis serta nadai pengering. Iya lembut lalu suah bendar ulih diempa jelu bukai dalam babas laban enda ulih ngerari ka diri. Kitai mensia enti disema ka orang baka ular baru udah nyilui reti nya pedis isi, baru gerai sakit serta nadai pengering.\\nbaka ular matak silui __Lubah bendar ngereja pengawa.\\nbaka pajar sumbu lampu kedai__Terang\\nbaka pesedan bulan tumbuh lemai__indu ka bajik\\nbaka petakang bintang berintai __indu bajik\\nbaka pinang dibelah dua__ lelaki sigat jadi enggau indu ka bajik mega.\\nbalang bedai – Antu Pala ti diserayung ngena pua kumbu ‘Punggang Ampang Bali Menyeti’ ba pandung lebuh Gawai Burung.\\nbalang berang__Antu pala\\nbalang__1. Tabung baka selinder. 2. Semaya tauka pengawa (projek) enda nyadi\\nbalu __ udah mati bini tauka laki\\nband semadi nadai__Grup bala penyanyi enggau pemuzik ari Ranan, Kanowit\\nbanyak tai badak, mayuh tai nyumbuh__ Mayuh lebuh ngereja pengawa tang utai ulih enda ngipak ke pemayuh tubuh.\\nbaru ngangkatka diri bujang__Lelaki beumur 14 – 17 taun\\nbaru ngembul tusu__dara biak, 12-15 taun\\nbaru ngemula__nembiak indu baru ka dara\/datai haid\\nbaruh ari__di dunya tu (universal). Ambai aku ka suba meh pengabids indu bajik, baruh ari tu\\nbatak asur__penemu enda tetap, berubah- ubah\\nbatang enteli – Munyi patah sebut ti disadang berima ba ujung ayat dalam entelian jaku tapis tauka leka main.\\nbatu tungku deh nemu besengki__Nadai mensia enda kala belaya tauka beserkang penemu enggau orang bukai.\\nbaya pandang__Gari orang ka mati ka diayankan ba sapat maya nyengai antu\\nbayar pengerusak tubuh__Mayar ukum ketegal udah ngemedis orang\\nbeambi ulih__Ngambi untung kediri meda orang ka enda nagang, tauka meda orang ka lemi tauka baruh agi status ari iya.\\nBebancak Babi__Bebaik__Bebancak Babi ti suah amai disebut ba mulut tuai-tuai kelia? Bisi kebuah aku deka mai kita bekunsika jerita tu. Keterubah nya endang kena nerang reti leka jaku tu. Lalu kedua kena kitai mulaika pengingat enggau ngambika lalu nyimpan jerita lama (Historical Even) ti bansa tu ba dalam rikod media elektronik. Reti jaku ‘Bebanchak Babi’ ti diterangka ditu ianya adat ti dikena ketuai menya besempekat, bebaik tauka adat badu bekayau, beserang pangan diri. Nyadi dulu kelia baka ti endang ditemu kitai, apin penatai Raja Kulit Putih ari England, rambau nya kelia kitai iban endang ngemeranka pengawa ngayau nyadika siti ari gaya idup (Culture) kitai. Nya alai lebuh Raja Kulit Putih (Raja James Brooke 1842-1863, Raja Charles Brooke 1868-1917, Raja Charles Vyner Brooke 1917-1946) merintah menua Sarawak, ketebal agi pengawa Raja nya nagang penyawa kitai Iban ti bekayauka pangan diri ari ti ngaga pemansang ke dipengunaka rayat. Nyadi adat Raja ti nagang lalu deka ngemunaska adat bekayau (Culture of Headhunting) ba raban bansa Iban balat bendar ngemediska ati sereta dikenggaika tuai-tuai Iban ti Tuai Kayau, Tuai Serang, Raja Berani, Bujang Berani enggau ti dikumbai Manuk Sabung, Manuk Pukung. Nya alai dikena nagang enggau ngemunaska pengawa bekayau, dia Raja suah ngatur adat Bebanchak Babi (Peace Making) dikena bebaika tuai-tuai ti keran deka bebunuh ngelaban pangan diri. Nyadi keterubah adat tu Bebanchak Babi tu diatur Raja, ianya ba tengah Kubu Lubuk Antu (Fort Arundell) kena 27 June 1888. Ianya dikena bebaikka laya entara Iban Ulu Batang Ai enggau Iban ari Kapuas Ulu, ba menua Kalimantan, Indonesia ti enggai badu bekayauka pangan diri. Nyadi kenu ku jerita ti ditusui urang ke tuai, penyarut nya kelia betumbuh ari siku iban ti benama Langgai ari Besayah, Kapuas Ulu ti mukut Belayung kitai Iban ari Ulu Batang Ai lebuh sida ti ngabang ke sepiak nyin. Nya alai ketegal laya nya, dia kitai Iban ari Ulu Batang Ai lalu nyerang rumah panjai sida Langgai di Besayah enggau sekeda rumah-rumah panjai din ti dipansa sida. Baka nya mega Iban ari sepiak nyin malas nyerang ke sepiak kitai kitu nadai milih bagi rumah ti enggau bemunsuh. Lebuh adat Bebanchak Babi nya dikereja menya, tuai-tuai ti nguluka bala Iban ari Ulu Batang Ai iya nya Pengarah Jimbun ari Jengin, Penghulu Ngali ari Delok enggau Penghulu Tembak ari Tinting Lalang. Lalu tuai-tuai ti nguluka bala Iban ari Kapuas Ulu ianya Temenggong Budit ari Lanja, Pateh Menggong ari Malai enggau Temenggong Tutong ari Ampar. Sida tu ti datai rambau nya menya endang sama-sama bisi mai Tajau Ampun sigi ari sepiak-sepiak ti lalu dipetukarka sida enggau pangan diri. Nangkanka nya adat Bebanchak Babi mega bisi diatur dua kali ba Simanggang iya nya kena 4 August 1920 enggau kena 1 February 1924 dikena bebaikka Iban ari Batang Ai Engkari muak sepiak enggau Iban ari Lemanak, Skrang enggau Layar ari sepiak. Adat Bebanchak Babi ti pemadu besai diatur Raja Charles Vyner Brooke ianya kena 16 November 1924 ti dikereja ba Kapit dikena bebaikka Kayan enggau bala Iban Ulu Batang Ai, Ulu Batang Rajang ti betuaika Penghulu Koh ari sepiak. Lalu ari sepiak bala Kayan, Kenyah ti ari Batang Rajang begulai enggau bala Kayan, kenyah ari Apoh Kayan pegai perintah Belanda di Kalimantan Indonesia betuaika Tama Kila. Pengerami nya kelia digulu lebih 4000 bala tuai-tuai kayau begulai enggau bala manuk sabung enggau bujang berani ari kedua-dua piak ti sama chukup ngena ngepan, pekayan kayau, bebai terabai enggau sangkuh, betangkin pedang, ilang tauka nyabur. Pemesai ti ngulu pengerami nya kelimpah ari Raja Charles Vyner Brooke, bisi mega datai siku Captain ari Netherlands Indies Army enggau siku Controleur Apoh Kayanti di Kalimantan. Nyadi bala Kayan enggau Kenyah ti ari Apoh datai ngena 95 buah perau pengayau ti diuluka perau Tama Kila. Perau sida nya undur empat-empat buah begandin lalu sesiti baris nya bisi kira 50 ila ngentudika pangan diri. Lebuh sida ngelimpas kapal Raja, dia meriam pan lalu diselup; Bala sida nya mega lalu sama-sama sereta nirika sengayuh dikena nyelut Raja Charles Vyner Brooke enggau pemesai-pemesai kulit putih ti ba dek kapal nya. Pengerami nya menya tebilang agi dikumbai ‘Palit mata, Sapu mua’. Dalam pengerami ‘Bebanchak Babi’ nya kelia, dia Tuan Raja lalu meri Tajau Menaga Labang (Burak) sigi siku ngagai Penghulu Koh seduai Tama Kila enggau setawak selebuan siku ngagai sapit seduai. Nya ketanda sida nya udah nulung Raja ngaluska menua. Lalu Penghulu Koh lalu dititah perintah nyadi Temenggong. Lebuh pengerami adat ‘Bebanchak Babi’ tu dikereja, dia tuai-tuai kayau sereta enggau bala manuk sabung sida lalu bertabur beras kuning, besumpah besemaia badu bekayau lalu betukar tajau tauka setawak dikena sida nanggam jaku semaya sida enggau pangan diri. Udah temu atur ti besilihka tajau enggau setawak, nya baru atur ti manchak babi enggau sangkuh lunju pen dikereja tuai ari kedua-dua piak ba mua bala mayuh sereta enggau panjung-panjung. Udah tembu manchak babi, dia sida lalu berengkah makai, ngirup sereta lalu betabi, betundi berandau enggau pangan diri. Nya alai baka nya meh tuju enggau reti jaku ‘Bebanchak Babi’ enggau cara, gaya iya dikereja urang ke tuai dulu kelia. Nyadi laban adat tu lama udah dilengkaka, nya alai sida ke rebak dudi kemaya ari tu ukai semina enda nemu reti leka jaku tu, tang mega nadai kala ninga iya disebut agi enti iya enda dirikod ngena teknologi pemadah kitai ti baka tu.\\nbebiau__ Miau ka manuk lalu besampi , baka ba pengawa belaki bebini tauka miau pengabang\\nBiau Pengabang Tuai Rumah Onggie (Rumah Gudang, Marudi, Baram.)\\nBatu gumbang, batu pasang!\\nbebuting ka menua__ ?\\nbedarup__Munyi labuh, baka pungu labuh enda bedaun.\\nbegama__Manang ka ngabas penyakit lemai sebedau belian.\\nbeganti taun__berubah taun, belinsur taun\\nbeganti tikai__peda bekalih\\nbejalai malam__ ngayap (kelia), turun ngiga lauk\\nbejirat iku__ukui rari laban takut\\nbekalih__jadi enggau ipar diri empu sepengudah mati bini tauka mati laki.\\nbekerendut dada__Meda aja lalu enda nulung. Cunto: Kami sebuat tak bekerendut dada aja ukai enggai nulung madamka api ka makai langkau Entadu laban api udah mahu bendar.\\nbekikis bulu betis, bekesai bulu gundai __Nguji bepanapat-inat, sanggup beabis reta -tengkira\/duit-ringgit\/pemisi dikena ngulihka juluk ati\\nbelabanka penemu__debate, berbahas\\nbelah pauh__Ujan kelalu bangat. Cunto: Kami sebuat badu nyala lalu berumban mulai ka diri meda ujan nyau belah pauh enggai ka tepagang laban bah besai.\\nbelah rutan__Sama penguat, sama pengering sereta enda tealahka pangan diri. Cunto: Pelaba aku maya bepilih besai ka sekali tu belah rutan YB ka tuai nya enggau pengari ka ngarika parti penyakal laban manifesto seduai iya sama bela narit ati pengundi.\\nbelakang bungkuk diasuh ngema pintu, lengan singkung diasuh ngenyan alu.__Orang ti nadai penemu nya diasuh ngereja pengawa.\\nbelega__Entara maya normal enggau datai kutur (indu), 3 bulan\\nbelelang__ Bejalai ngagai menua bukai ketegal ti deka ngiga penemu, pengeraja tauka ketegal pengeringat tauka ketegal pengasa ati.\\nbelunjakka penemu\/jaku__Ngulang jaku tau ka randau senentang siti-siti pekara.\\nbemayau gila__Jaku kena ngelaungka ‘ngayap’. Cunto: “Nyau bebajik indu dara orang di ili dia, enti ka bemayau gila anang enda mai aku” pia ka Geranding ngagai Dinggam.\\nbenda basa – Bansa benda ke diberi nyadi ke adat dikena masa orang ti benung ngulit. Chunto: mungkul, jabir, panding, etb.\\nbenda__Sebengkah tajau mit\\nbengkak jari__Bepenti laban bini benung ngandung. “Ukai enggai nulung nuan mantang gelegar nya aku tu tak bengkak jari” pia ka Kuda madahka Indai Engkai.\\nbenung manah dikayam__ Bujang sigat biak tauka dara bajik ka biak tauka baru ngangkatka diri bujang\/dara.\\nberangan balut – Mantaika leka main tauka ajat tauka kuntau ti enda nitihka atur tauka rurun ketegal ti enda tentu nemu (ngerichau).\\nberani babi__Berani enggau nadai akal. Cunto: “Nuan tak berani babi, enti enda ngena akal dini nuan tealahka Chuban, iya ga besai agi ari nuan” Pia ka Sangga naganu anak iya.\\nberani kesa__Enda tentu nyengala berani, enda mega takut. Cunto: Empeni tak ama surut ama mansang maya ka becakap enggau Lidum, berani kesa aja.\\nberat jari__Ngelusu. Cunto: Dom enda ulih dikarapka kitai ngaduka titi nya laban iya berat jari.\\nberat tulang= berat jari=lembut buku siku__Ngelusu\\nberisan, beambu isan__Bebuti enggau isan maya nikah\\nberumban baban bemalam di rantau jalai, jamah lubah tumu datai__Enti berumban ngereja pengawa bedau tentu jampat tembu, tang enti jamah lubah kerja manah sereta asil iya pan meruan.\\nbesai tai Laut__Besai tubuh tang kurang pengering ngerja pengawa.\\nbesambi sai__Sama bela kering, belah rutan\\nbesapat __ Pengawa ngaduka orang ka jadi mali\\nbesara penemu__Bejuraika penemu\\nbesaru arang__Perang antara tiga piak, perang segi tiga\\nbesemetah__Belaban ke dalam ai\\nbeserara bunga__Pengawa beserara enggau semengat orang ka udah mati, manang benyawa ngena pelian Serara Bunga\/Bungai\\nbesingka anjung_Enggai diau jenuh (anembiak mit)\\nbesudi_Manang ngabas penyakit\\nbetambit pintu, bekaling alu__Sampal nurun mindah tauka ngabang nadai siku tinggal\\nbetemu asap lia__Bisi nasit jadi melaki bini taja pan jauh ari pangan\\nbetumbuk dan kandis__Jadi melaki bini diri mipar\\nbiau – Sebengkah leka main invokasyen ti dikena ngenataika peminta ngagai Petara. Cunto: Peda bebiau\\nbidik lansik__Benasit. Bidik endar ga nuan, kengka ka enggau kami ngasu lalu bulih.\\nbilas__Besai telenga mata, baka ka juling tang ukai juling, peda tak baka ka enda fokus\\nbiley__beli, tuyu, sut\\nbilik __bilik sebuah di rumah panjai tauka rumah bagi sida ka enda berumah panjai\\nbilik tuai__bilik asal penatai aki ini\\nbingkuk batang empasa, lurus ulu lungga __Meri ukum enggau beciping. Cunto: Atur Penghulu Empati nya ka dikumbai orang bingkuk batang empasa, lurus ulu lungga, bala anak iya semina diukum manuk siku tang sida ka bukai dipinta iya mata duit RM50.00.\\nbisi buya nanam tebu dinding__Bini tauka laki ka ninding, enggai meda bini\/laki bungah tauka begulai enggau orang bukai.\\nbisi buya__Udah kala bepangan tauka kala makai tau ensepi utai diempa.\\nbisi lubang pemula__Nemu\/pandai ngemulaka orang\/ bisi lesung pipit\\nbisi ngisi keli__Udah belinsur gemu tauka perisi ari ka kurus ngelama tu.\\nbisi niki nibung, bisi niki pinang (benibung, bepinang) __Beciping. Cunto: Tuai Rumah Jugi selalu dikenang bala anembiak iya, laban iya enggai meda sida iya serumah bisi niki nibung, bisi niki pinang.\\nbisi penyelisih__Bisi pengaruh ngambika enda besatup enggau munsuh tauka penusah\\nbisi tulang datai__Pengering ti enda ngipakka gamal.\\nbisi utai ngarung__Tulung antu\/OrangP anggau\\nbisi utai ngembar__Bisi antu nulung.\\nbiuh__empias tauka munyi dauh ai\\nbuah jaku – Leka kenang tauka batang pekara ka dikenang dalam randau rama tauka dalam bejuraika penemu.\\nbuah merdeka__Pemansang dibai perintah\\nbuah penemu__Runding dalam sebengkah-sebengkah pekara.\\nbuah ubi laun dikali buruk di pun, buah empasa laun diempa lunggar taun__Enda ulih diguna laban udah lunggar maya.\\nbuai batu – i. Enda ingatka semaya, ii. Badu ngundang\/beguang agi. Iii. Enda ingat ke pangan agi. Cunto: Udah ka alah dalam pengawa bepilih tu tadi YB lalu buai batu enggau rayat Ulu Krian.\\nbujang gelau__Ngabang sari dudi ari maya pengawa ka nyadi.\\nbula enggai__Ati deka tang mulut nyebut enggai. Cunto: Sida iya serumah bula enggai projek anak manuk nya, maya YB meri tak berumban sida iya ngambi.\\nbulan begantung senduk __Maya penyuntuk ketegal enda cukup pemakai tauka belanja.\\nbulan buruk burit__Maya ngetau, enti anak manuk mecah maya tu suah enda nyadi laban buruk burit.\\nbulan tumbuh di tapa__Pekara ka ditemu enda nyadi.\\nbulu siga__Bulu manuk ka keciak\\nbuluh balang__Orang ka betesau\/Penesau-begerah tama ke bulik tauka sebelah ruai maya gawai tauka pengerami bukai.\\nbunga\/bungai lepang__Sebansa leka main dikena nimang tauka merindang anak mit. Chunto: Lepang-lepang bebunga lepang, Liut-liut daun entemut, Puputka ribut sabung petang, Lepang-lepang bebunga lepang. Lepang-lepang bebunga lepang, Aya Uman selalu bejalai malam, Ngiga pangan peransang tulang, Lepang-lepang bebunga lepang.\\nbungai jaku __Gerinek jaku ti dikena nerangka pemanah elemen munyi ti ditambahka enggau pemetul empas leka jaku dalam karya tauka lebuh maya bejaku.\\nbungkuk undang__pangkuh, bungkuk ba pun pegu.\\nbunsu bubut__Dalam jerita tauka leka Sabak Nerengka, Bunsu Bubut pengemata Pintu Tanah antara menua Sebayan enggau dunya, sebedau rembus ba Titi Rawan\/ Andau Titi Penguji\\nbunsu ribut__Legend dalam cerita lama Iban\\nbuntak pulai buntak __Pulai puku, enda untung, enda ga rugi. Cunto: Endun Endayan tak buntak pulai buntak pegi kerja 10 taun di Johor nadai meda pengidup iya berubah.\\nburit anak padi__Awak\/apak ka udah alai nanam anak padi paya.\\nburuk siku__Ngambi utai ka udah diberi pulai baru.\\nburung sinu__ Burung ka nandaka bisi orang mati.\\nburung\/beburung – Bansa burung ti nyadi peduman dalam daya idup Iban. Pengawa Iban ti belalauka burung tu disebut ’beburung’. Kelia, lebuh ngereja pengawa bansa Iban bepegai ngagai tunjuk ajar Tuai Burung. Tiap-tiap bansa burung tu enda sebaka padah; burung manah ngasuh pengawa mujur tang burung jai nagang pengawa dikereja. Bansa burung bisa ti nyadi peduman dalam daya idup Iban nya ditusun baka tu: Iban – English – Nama Saintifik i. Ketupung Rufous Piculet Sasia abnormis (alarm cry) ii. Beragai Scarlet-rumped Harpactes Trogon duvauceli iii. Papau Diard’s Trogon Harpactes diardi -(Kelabu\/Senabung) (alarm cry) iv. Bejampung Crested Jay Platylophus galericulatus v. Embuas banded Kingfisher Lacedo pulchella vi. Pangkas Maroon Woodpecker Blythipicus (Kutuk) (alarm cry) rubiginosus Vii. Nendak White-rumped Shama Copsychus Malabaricus Sekeda bansa burung enggau jelu ti tau dikena beburung iya nya: i. Burung Malam ii. Beriak iii. Raja Burung (Kung\/Kuang Kapung) iv. Tuchuk v. Kijang beburung – Beburung tu pengawa dalam daya idup Iban ti pechayaka animisme.\\nbutang antu__ Butang enggau orang ti apin diambi tebalu tauka orang ti agi ngulit.\\nbutang basah (nyentuk)__Butang nyeruga tauka terang. Pengawa salah udah nyata dipeda sereta disangkaika enggau darah manuk lalu dipansutka butang.\\nbutang besangkung __Lelaki ngelalaika identiti diri tauka madahka diri bujang lalu butang enggau bini orang. Udah tebantai pengawa dia identiti iya ditemu orang. Lelaki nya deka betimbang nyangkung indu nya setengah ari tunggu iya.\\nbutang betampik (homoseksual\/lesbian) __Butang enggau orang ti sama seks. Indu beleman enggau indu\\nbutang betumbang – Beleman enggau lelaki tauka indu ti ukai laki tauka bini diri empu. butang enggau bini diri – Tama ke kibung napatka bini ti udah dulu nindukka diri ninggalka temuai ti enggau berandau. Temuai agi dedugau nganti iya ti pansut enggau berandau baru. Pengawa ti enda manah nya tau ditunggu temuai nya. Tunggu patut diisi ngena sesingkap mangkuk batu. Mangkuk nya ditangkupka temuai ba pucuk tuga\/ tunggul tauka kayu ti entakka tuntun punggung ba tengah laman rumah pesalah nya tauka endur ti dipansa mensia mayuh agi kandang kair manuk ari rumah pesalah. Tunggu nya dikumbai Apai Salui Belabung Jalung.\\nbutang ilum__Butang ketegal ngilum pinang ke laki tauka bini orang.\\nbutang ngambu__Ngambu tauka ngaku diri bisi butang enggau bini tauka laki orang tang nadai chukup penerang. Iya ti ngambu nya aja ti ditinggang penyalah.\\nbutang ngeladang __Lelaki tauka indu kampar butang enggau laki tauka bini orang ti alai iya diau.\\nbutang perarang __Butang ti enda terang tauka nyata ti ngujungka orang melaki bini sarak. Mayuh agi beserak enggau ninding pangan diri.\\nbutang rangkai __1. Udah terang butang tang apin bulih tubuh pangan. 2. Lelaki tauka indu ti nundi bini tauka laki orang ti enggai ditundi. Iya ti nundi nya salah kediri. 2. Ngambu diri bisi beleman enggau orang, tang ka bendar nadai.\\nbutang tinchin – Butang enggau tunang orang ti udah nerima tauka dipelepa ngena tinchin.\\nbutang uduk – Butang enggau rambang diri. Rambang iya nya endang udah belaki tauka bebini baru, udah ti sarak enggau iya.","num_words":7452,"character_repetition_ratio":0.035,"word_repetition_ratio":0.001,"special_characters_ratio":0.197,"stopwords_ratio":0.165,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Guna buluh bala, buluh lalang ngau buluh bukai | Ibanology\\nGuna buluh bala, buluh lalang ngau buluh bukai\\nEdm.Rintai\\tUncategorized\\tLeave a comment\\nBuluh tu sebansa ari raban utai tumbuh ke bisi lubang dalam batang ke dikumbai ruas lalu antara sepemanjai lubang dalam batang buluh besapatka buku.\\nBisi mega utai tumbuh ke bukai ke bisi lubang dalam batang ke dikumbai enterekup. Tang ba jaku Iban enterekup tu ukai dikumbai buluh.\\nBa jaku kitai Iban raban utai tumbuh ke belubang dalam batang (ruas enggau buku) bisi maioh bengkah nama. Nama sida nya, munti, payan, buluh bala (batang bechura kuning) buluh balui, buluh aur, buluh muntat, buluh lalang, buluh aur pantang enggau buluh engkalat.\\nNyadi buluh muntat tu buluh ke nadai ruas (lubang dalam batang) lalu bisi tumbuh di menoa kitai ditu. Lalu anang kelalu alit ati enti bisi tetemuka orang ke nyual ubat ngelakuka buluh muntat tu ba kaki lima pasar.\\nNyadi utai ke dikumbai buluh lalang iya nya buluh ke tumbuh ba tinting nadai utai ngayong, ngelindong lalu kena panchar matapanas. Buluh lalang tu tan sereta kering agi ari buluh ke tumbuh ba emperan, ayong lalu lindong panchar matapanas. Iya enda dempa bubuk lalu nya kebuah orang selalu ngena buluh lalang tu ngaga engkeratong, tungkin, temilah, bungkan, jerungkan, mata peti, laja, semilu, kesuling enggau maioh utai bukai. Enti iya udah lama dikirai iya kering serta tajam enti digagaka laja, mata peti enggau jerungkan.\\nUtai ke dikumbai jerungkan nya buluh ke udah dikirai lalu dilancham, diujak ngelingi rumah lalu orang ke nerubuk ka masuk rumah enda beradat, tauka munsuh lalu kena achuk buluh nya.\\nApr 18, 2013 @ 21:27:13\\nNyadi nama utai ke dikumbai buluh bala deh?\\nApr 18, 2013 @ 21:34:58\\nUlih madahka guna setiap bengkah buluh tu:\\nmunti, payan, buluh bala (batang bechura kuning), buluh balui, buluh aur, buluh muntat, buluh lalang, buluh aur pantang enggau buluh engkalat.\\nNama buluh betong nadai disebut diak?\\nNI buluh ti ngeluar ka tubu manis?\\nSori, enda meda buluh bala udah disebut. Bulu bala tu dikena ngaga tungkat lemamabang, amat ke enda?\\nApr 18, 2013 @ 21:36:50\\nBuluh ni ka selalu diambi ka ruas kena mansuh?\\nBuluh betong selalu diambi kena ngaga bubu, engsenga ngau rumbang.\\nApr 18, 2013 @ 21:38:23\\nBuluh ni ti slalu diambi kena ngaga kalingkang tauka keresang piring?\\n← DUKU LANGGAI MANUK, NYABOR, ILANG NGAU PEDANG MAKAI ASI TACHU →","num_words":353,"character_repetition_ratio":0.087,"word_repetition_ratio":0.058,"special_characters_ratio":0.219,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Penyampau* tu madahka jerita pasal orang Israel, dalam kandang kira empat puluh taun, belabuh ari maya sida ninggalka Bukit Sinai, nyentuk ngagai maya sida datai ba timur entara menua ti udah disemaya deka diberi Allah Taala ngagai sida. Nama bup tu besangkut-paut enggau batang pengawa ti dikereja dalam jerita tu, iya nya, ngitung tubuh. Pengawa tu dikereja Moses ba Bukit Sinai, sebedau sida angkat ari endur nya. Udah nya sida ngitung tubuh baru di Moap ti muak ke timur Sungai Jordan, kira satu serak udah bekau nya. Dalam kandang entara pengawa ti ngitung tubuh ti dua kali nya, orang Israel bejalai ngagai Kades-barnea ti ba timur garis entara menua Kanaan, tang sida enda ulih tama ngagai menua ti udah disemaya, nengah jalai nya. Lebuh sida udah diau berapa taun di menua nya, sida lalu bejalai ngagai menua ti muak ke timur Sungai Jordan, alai sekeda ari bala sida lalu ngentapka diri, lalu sida ti bukai sedia deka meraka Sungai Jordan, lalu mansang ngagai menua Kanaan.\\nBup Penyampau tu jerita pasal siti bansa ti seruran lemi semengat sereta takut ditempuh penusah, orang ke seruran angkat ngelaban Allah Taala, enggau ngelaban Moses ti udah diletak Allah Taala nyadi tuai sida. Jerita tu ngenang pasal penetap ati Allah Taala ti ngemataka bala nembiak Iya, taja pen sida selalu lemi semengat, sereta enda ngasika Iya, enggau pasal pengerindu Moses ke Allah Taala enggau ke orang Israel.\\nOrang Israel sedia deka angkat ari Bukit Sinai (1.1-9.23)\\na. Ngitung tubuh ti keterubah (1.1-4.49)\\nb. Adat enggau atur (5.1-8.26)\\nc. Gawai Paska ti kedua (9.1-23)\\nAri Bukit Sinai ngagai Moap (10.1-21.35)\\nUtai ti nyadi di Moap (22.1-32.42)\\nPejalai Ari Ejip ngagai Moap disebut enggau ngelansa (33.1-49)\\nAtur diberi sebedau meraka Sungai Jordan (33.50-36.13)\\nNgitung Tubuh Ti Keterubah\\n1 Kena satu hari bulan ti kedua, kedua taun udah bekau orang Israel pansut ari menua Ejip, TUHAN bejaku ngagai Moses dalam Langkau Kain TUHAN, di menua puang Sinai. Ku Iya,\\n2 “Itung pemayuh tubuh orang Israel, nitihka ripih suku raban bansa enggau ruang bilik sida. Tuliska nama semua orang ke lelaki,\\n3 ke umur dua puluh taun ke atas, ti tau enggau beperang. Seduai Aron enda tau enda ngitung pemayuh tubuh sida, nitihka raban peturun enggau ruang bilik sida.\\n4 Bai tuai ari siti-siti raban nyaup nuan.\\n5-16 Tu nama orang ke udah dipilih nyaup nuan:\\nAri raban bansa Tuai raban bansa*\\nReuben Elisur anak Sedeur*\\nSimeon Selumil anak Jurisadai*\\nJudah Nason anak Aminadap*\\nIsakar Netanel anak Suar*\\nSebulun Eliap anak Helon*\\nEpraim Elisama anak Amihut*\\nManasi Gamaliel anak Pedasur*\\nBenjamin Abidan anak Gideoni*\\nDan Ahieser anak Amisadai*\\nAser Pagil anak Okran*\\nGat Eliasap anak Deuel*\\nNaptali Ahira anak Enan*\\n17 Moses seduai Aron lalu mai orang ke udah disebut nama nya,\\n18 lalu kena satu hari bulan ti kedua, seduai iya ngempuruka semua orang Israel, lalu nuliska nama semua orang nitihka ripih suku raban bansa enggau ruang bilik sida. Nama orang lelaki ke umur dua puluh taun ke atas lalu dituliska magang, lalu diitung,\\n19 nitihka pesan TUHAN ngagai Moses. Nya alai Moses nuliska nama orang mayuh di menua puang Sinai.\\n20-46 Lelaki ti tau enggau beperang dituliska nama magang nitihka nama suku raban bansa enggau ruang bilik sida, belabuh ari raban bansa Reuben anak tuai Jakop. Baka tu ku pemayuh tubuh sida:\\nRaban bansa Pemayuh tubuh\\nReuben 46,500 iku\\nSimeon 59,300 iku\\nGat 45,650 iku\\nJudah 74,600 iku\\nIsakar 54,400 iku\\nSebulun 57,400 iku\\nEpraim 40,500 iku\\nManasi 35,400 iku\\nDan 62,700 iku\\nAser 41,500 iku\\nNaptali 53,400 iku\\nPemayuh semua sida: 603,550 iku\\n47 Tang orang Lewi enda dituliska nama baka raban bansa ti bukai,\\n48 laban TUHAN udah nyebut ngagai Moses,\\n49 “Tang anang ngitung tubuh raban bansa Lewi. Nuan enda tau ngitung sida lebuh nuan ngitung tubuh orang Israel;\\n50 tang asuh sida ngemataka Langkau Kain Aku, enggau semua pekekas ke Langkau Kain nya. Sida deka ngesan langkau sembiang enggau semua pekekas iya, gawa dalam langkau sembiang nya, lalu nirika kem sida ngelingi langkau sembiang nya.\\n51 Genap kali kita mindah kem, orang Lewi deka ngererak langkau sembiang nya, lalu nirika iya baru ba endur ti baru. Enti orang bukai datai semak ngagai langkau sembiang nya, orang nya deka dibunuh.\\n52 Orang Israel ti bukai deka nirika kem sida beraban-raban, nitihka raban diri empu, di baruh menira sida empu.\\n53 Tang orang Lewi deka nirika kem sida ngelingi Langkau Kain TUHAN, ngambika bisi nyaga iya, nagang orang datai semak, enggai ke Aku ringat ngagai orang Israel.”\\n54 Nya alai orang Israel ngereja semua utai nitihka pesan TUHAN ngagai Moses.\\nRipih Nirika Kem\\n1 Ku TUHAN bejaku ngagai Moses seduai Aron:\\n2 “Orang Israel deka nirika kem sida nitihka raban bansa sida empu, di baruh menira raban bansa sida. Kem nya enda tau enda nunga ngagai Langkau Kain TUHAN.\\n3-9 Orang ke nirika kem ba tisi timur, muak ngagai mata hari tumbuh nya raban bansa Judah, di baruh menira sida empu. Orang ke nguluka raban bansa Judah nya:\\nRaban bansa Kepala Pemayuh tubuh*\\nJudah Nahson anak Aminadap 74,600 iku*\\nIsakar Netanel anak Suar 54,400 iku*\\nSebulun Eliap anak Helon 57,400 iku*\\nPemayuh semua sida: 186,400*\\nSida tu deka bejalai dulu.\\n10-16 Ba tisau ti muak ke selatan orang ke ari baruh menira raban bansa Reuben deka nirika kem sida, nitihka raban sida empu, diuluka kepala sida empu baka tu:\\nReuben Elisur anak Sedeur 46,500 iku*\\nSimeon Selumiel anak Surisadai 59,300 iku*\\nGat Eliasap anak Deuel 45,650 iku*\\nPemayuh semua sida: 151,450 iku*\\nSida tu raban ti lumur dua mupuk.\\n17 Langkau Kain TUHAN enggau kem orang Lewi deka didirika ba tengah-tengah kem. Sida deka mupuk nitihka ripih kem sida, di baruh menira sida empu.\\n18-24 Ba tisi ti muak ke timur, orang ke di baruh menira raban bansa Epraim deka nirika kem sida, di baruh menira sida empu:\\nEpraim Elisama anak Amihut 40,500 iku*\\nManasi Gamaliel anak Pedasur 32.200 iku*\\nBenjamin Abidan anak Gideoni 35,400 iku*\\nPemayuh semua sida: 108,100 iku*\\nSida tu nyadi lumur tiga mupuk.\\n25-31 Raban bansa Dan deka nirika kem sida muak ari tisi utara, di baruh menira sida empu:\\nDan Ahieser anak Amisadai 62,700 iku*\\nAser Pagiel anak Okran 41,500 iku*\\nNaptali Ahira anak Enan 53,400 iku*\\nPemayuh semua sida: 157,600 iku*\\nSida tu nyadi pemadu dudi mupuk.\\n32 Nya meh pemayuh tubuh orang Israel diitung nitihka raban bansa sida. Pemayuh tubuh semua sida dalam kem nya: 603,550 iku.\\n33 Tang orang Lewi enda diitung tubuh sama enggau orang Israel ti bukai, nitihka pesan TUHAN ngagai Moses.\\n34 Nya alai, orang Israel ngereja semua utai ti dipesanka TUHAN ngagai Moses. Genap iku sida bela nirika kem sida di baruh menira sida empu, lalu sida bejalai enggau raban bansa sida empu.\\nBala Anak Lelaki Aron\\n1 Tu ruang bilik Aron enggau Moses lebuh TUHAN bejaku ngagai Moses ba Bukit Sinai.\\n2 Tu nama anak lelaki Aron: Nadap anak tuai iya, Abihu, Eleasar, enggau Itamar.\\n3 Sida tu udah ditata sereta dichiri nyadi imam,\\n4 tang Nadap seduai Abihu dibunuh TUHAN, lebuh seduai iya meri api ti enda kudus ngagai TUHAN, di menua puang Sinai; lalu seduai iya nadai purih. Nya alai Eleasar seduai Itamar bekereja nyadi imam sepemanjai umur apai seduai iya Aron.\\nOrang Lewi Diletak Bekereja Ke Bala Imam\\n5 Ku TUHAN bejaku ngagai Moses,\\n6 “Bai orang Lewi ke mua, lalu letak sida bekereja ke Imam Aron.\\n7 Sida deka ngereja pengawa ke iya enggau ke semua orang Israel di mua Langkau Kain TUHAN, lebuh sida gawa dalam langkau sembiang.\\n8 Sida deka ngemataka semua pekekas ke Langkau Kain TUHAN, lalu ngereja pengawa ke semua orang Israel, lebuh sida gawa dalam langkau sembiang.\\n9 Lalu nuan enda tau enda nyerahka orang Lewi ngagai Aron enggau ngagai anak lelaki iya. Semua orang Lewi diserahka magang ngagai iya ari orang Israel.\\n10 Lalu nuan enda tau enda ngeletak Aron enggau anak lelaki iya ngereja semua pengawa imam; tang enti orang bukai datai semak ngagai Langkau Kain TUHAN, orang nya enda tau enda dibunuh.”\\n11 Ku TUHAN bejaku ngagai Moses,\\n12 “Dinga nuan, Aku udah ngambi orang Lewi ari orang Israel, kena nganti semua anak tuai orang Israel. Orang Lewi diempu Aku,\\n13 laban semua anak tuai endang enggi Aku magang; lebuh Aku munuh anak tuai orang Ejip, Aku nyeraraka semua anak tuai orang Israel nyadika enggi Aku, nyengkaum anak tuai mensia enggau anak tuai jelu. Sida endang enggi Aku: Aku tu TUHAN.”\\n14 Lalu ku TUHAN bejaku ngagai Moses di menua puang Sinai,\\n15 “Itung pemayuh tubuh orang Lewi, nitihka ruang bilik, enggau suku raban bansa sida; itung magang semua anak lelaki ari umur sebulan ke atas.”\\n16 Moses lalu ngitung sida nitihka jaku pesan TUHAN.\\n17 Baka tu ku nama anak lelaki Lewi: Gerson, Kohat enggau Merari.\\n18 Lalu nama anak lelaki Gerson: Libni seduai Simei.\\n19 Anak lelaki Kohat nitihka suku raban bansa sida: Amram, Isar, Hebron, enggau Usil.\\n20 Lalu anak lelaki Merari nitihka suku raban bansa sida: Mahli enggau Musi. Sida tu orang ke nurunka ruang bilik orang Lewi.\\n21 Gerson nurunka suku raban bansa Libni enggau Simei. Nya meh suku raban bansa ari peturun Gerson.\\n22 Pemayuh semua orang lelaki ke umur sebulan ke atas, ke dituliska nama nya 7,500 iku.\\n23 Bala suku raban bansa ari peturun Gerson diasuh nirika kem sida ari belakang langkau sembiang nya, muak ke barat,\\n24 lalu sida iya diuluka Eliasap anak Lael.\\n25 Lalu tanggungjawap peturun Gerson dalam Langkau Kain TUHAN nya ngemataka langkau sembiang, sereta enggau semua tudung ti di dalam, tudung ti di luar, kain tirai ti ba penama ngagai Langkau Kain TUHAN,\\n26 kain tirai ke tengah laman ti ngelingi langkau sembiang enggau alta, enggau kain tirai ke pintu penama ngagai tengah laman Langkau nya. Sida mega betanggungjawapka semua pengawa ti besangkut-paut enggau semua utai nya.\\n27 Kohat nurunka suku raban bansa Amram, Isar, Hebron enggau Usil. Sida tu meh suku raban bansa ti diturunka Kohat.\\n28 Pemayuh orang ke umur sebulan ke atas, ke dituliska nama nya 8,600 iku, lalu sida nya deka bekereja dalam Langkau Kain TUHAN.\\n29 Semua suku raban bansa ti diturunka Kohat deka nirika kem sida ba tisi selatan langkau sembiang,\\n30 diuluka Elisapan anak Usil.\\n31 Lalu bala sida tu betanggungjawapka Peti Lampang Batu Adat, mija, penuduk lampu, alta, enggau perengka ti dikena imam dalam Langkau Kain TUHAN, enggau kain tirai ti ba penama ngagai Endur ti Pemadu Kudus. Sida betanggungjawapka semua pengawa ti besangkut-paut enggau semua utai nya.\\n32 Tuai ke semua orang Lewi nya Eleasar anak Imam Aron. Iya nyadi tuai ke orang ke bekereja dalam Langkau Kain TUHAN.\\n33 Peturun Merari nyengkaum suku raban bansa Mahli enggau Musi. Nya meh peturun Merari.\\n34 Pemayuh orang ke lelaki ari umur sebulan ke atas, ke dituliska nama nya 6,200 iku,\\n35 lalu semua suku raban bansa tu diuluka Suril anak Abihail. Sida deka nirika kem sida ba tisi utara langkau sembiang.\\n36 Lalu peturun Merari deka betanggungjawapka langkar langkau sembiang, alang dinding, tiang, pelasar, enggau semua utai ti dikena nirika Langkau nya. Sida betanggungjawapka semua pengawa ti besangkut-paut enggau semua utai nya.\\n37 Sida mega betanggungjawapka tiang, pelasar, tiang bantil, enggau tali ti dikena ba tengah laman.\\n38 Moses seduai Aron, enggau anak lelaki Aron deka nirika kem sida di mua langkau sembiang, muak ke timur, di mua Langkau Kain TUHAN tunga ngagai mata hari tumbuh. Sida betanggungjawap ngereja pengawa dalam Langkau Kain TUHAN, ke orang Israel. Enti orang bukai datai semak ngagai Langkau Kain TUHAN, orang nya enda tau enda dibunuh.\\n39 Pemayuh semua orang Lewi ti lelaki, ke umur sebulan ke atas, ti udah diitung Moses seduai Aron nitihka pesan TUHAN, nya 22,000 iku.\\nOrang Lewi Nganti Anak Tuai Orang Israel Ke Lelaki\\n40 Lalu ku TUHAN bejaku ngagai Moses, “Itung lalu tuliska nama semua anak tuai orang Israel ti lelaki, ari umur sebulan ke atas.\\n41 Ambi orang Lewi ke Aku, kena nganti sida. Lalu ambi semua jelu tupi orang Lewi kena nganti anak tuai jelu tupi ti lelaki ti diempu orang Israel. Aku tu TUHAN.”\\n42 Moses lalu nuliska nama semua anak tuai orang Israel ti lelaki nitihka pesan TUHAN.\\n43 Lalu semua anak tuai ti lelaki ke umur sebulan ke atas dituliska nama magang, lalu pemayuh sida nya 22,273 iku.\\n44 Lalu ku TUHAN bejaku ngagai Moses,\\n45 “Ambi orang Lewi kena nganti semua anak tuai orang Israel ti lelaki, enggau jelu tupi orang Lewi, kena nganti anak tuai jelu tupi ti lelaki ari orang Israel, ngambika orang Lewi diempu Aku. Aku tu TUHAN.\\n46 Lalu kena nebus 273 iku anak tuai orang Israel ti lelaki, ke lebih ari pemayuh tubuh orang Lewi ti lelaki,\\n47 kita enda tau enda ngambi lima singkap duit pirak ke genap iku sida, nitihka rega ti udah diletak dalam Langkau Kain TUHAN,\\n48 lalu beri duit nya ngagai Aron enggau ngagai bala anak lelaki iya.”\\n49 Nya alai Moses ngambi duit tebus ke 273 iku orang Israel ke mayuh agi ari orang Lewi;\\n50 Iya ngambi duit tebus nya ari anak tuai ti lelaki orang Israel. Penyampau duit nya 1,365 singkap pirak, nitihka rega ti udah diletak dalam Langkau Kain TUHAN;\\n51 lalu meri duit tebus nya ngagai Aron enggau bala anak lelaki iya, nitihka pesan TUHAN ngagai Moses.\\n1 Ku TUHAN bejaku ngagai Moses seduai Aron,\\n2 “Itung semua orang Lewi ti lelaki ari raban peturun Kohat, nitihka nama ruang bilik sida,\\n3 ari umur tiga puluh ngagai umur lima puluh taun, ti tau bekereja dalam Langkau Kain TUHAN, ngambika sida gawa dalam Langkau Kain TUHAN.\\n4 Nya meh pengawa ke bala peturun Kohat dalam Langkau Kain TUHAN: ngemataka utai ti pemadu kudus.\\n5 Lebuh kita deka mindahka kem kita, Aron enggau bala anak lelaki iya deka tama ngagai Langkau Kain TUHAN, nurunka kain tirai ti di mua Peti Lampang Batu Adat, lalu mungkur Peti nya ngena kain tirai nya.\\n6 Sida enda tau enda map utai nya ngena kulit jelu ti alus, ngerembaika kain ti bechura biru ba atas nya, lalu udah nya, ngerasukka kayu pengaling.\\n7 Sida deka ngerembaika kain ti biru ba atas mija ti alai meri roti ngagai TUHAN, lalu ngengkahka ba atas mija nya semua pinggai, mangkuk alai engkah menyan, mangkuk alai engkah piring, enggau tepayan alai nyimpan piring wain. Roti enda tau enda seruran bisi ba mija nya.\\n8 Sida deka mungkur semua utai nya ngena kain ti mirah, ngengkahka kulit jelu ti alus ba atas utai nya, lalu udah nya ngerasukka kayu pengaling.\\n9 Sida deka ngambi kain ti biru, lalu mungkur penuduk lampu sama enggau lampu, sepit, talam, enggau semua utai ti alai nyimpan minyak kana.\\n10 Sida deka mungkus utai nya, enggau semua pekekas iya, ngena kulit ti alus, lalu ngengkahka utai nya ba langkar ti dikena ngesan iya.\\n11 Udah nya, sida deka mungkur alta emas ngena kain ti biru, ngengkahka kulit jelu ti alus ba atas alta nya, lalu udah nya, ngerasukka kayu pengaling.\\n12 Sida deka ngambi semua perengka ti dikena dalam Langkau Kain TUHAN, malut utai nya ngena kain ti biru, ngengkahka kulit jelu ti alus ba atas sida, lalu ngengkahka utai nya ba kayu pengaling.\\n13 Sida deka ngambi amau ti belemak ari alta nya, lalu mungkur utai nya ngena kain ungu.\\n14 Sida deka ngengkahka ba atas utai nya semua pekekas ti dikena ngereja pengawa ba alta: talam bara api, pengait, sandak mit, enggau bisin. Udah nya sida deka map utai nya ngena kulit jelu ti alus, lalu ngerasukka kayu pengaling.\\n15 Lebuh sida ngererak kem sida, bala raban peturun Kohat deka datai lalu ngesan utai ti kudus, lebuh Aron enggau bala anak lelaki iya udah tembu map semua utai nya sereta enggau pekekas sida. Bala raban peturun Kohat enda tau negu utai ti kudus nya, enggai ke sida mati. Nya meh tanggungjawap bala raban peturun Kohat lebuh Langkau Kain TUHAN dipindahka.\\n16 “Lalu anak lelaki Imam Aron ke benama Eleasar deka betanggungjawapka semua langkau sembiang nya, minyak lampu, menyan, piring gandum, minyak tata, enggau semua utai bukai dalam Langkau Kain nya ti udah diseraraka ngagai TUHAN.”\\n17 Ku TUHAN bejaku ngagai Moses seduai Aron,\\n18 “Anang nejuka suku raban bansa Kohat\\n19 datai semak ngagai utai ti pemadu kudus nya, enggai ke sida mati. Kena nagang sida mati, Aron enggau bala anak lelaki iya deka tama lalu ngagihka pengawa ngagai siku-siku sida, lalu madahka utai ti deka dibai sida.\\n20 Tang enti orang ari raban peturun Kohat tama ngagai Langkau Kain TUHAN, lalu tepedaka bala imam nyendiaka utai ti kudus ti deka dibai, sida deka mati.”\\n21 Ku TUHAN bejaku ngagai Moses,\\n22 “Itung pemayuh tubuh semua orang Lewi ti lelaki ari suku raban bansa Gerson, nitihka ruang bilik sida,\\n23 lalu tuliska nama sida ke umur entara tiga puluh ngagai lima puluh taun, ke nemu ngereja pengawa dalam Langkau Kain TUHAN.\\n24 Sida deka betanggungjawap mai utai tu:\\n25 Sida deka mai langkau sembiang, Langkau Kain TUHAN, tudung iya ti ari dalam, tudung iya ti ari luar, tudung iya ti digaga ari kulit jelu ti alus, tirai ke penama ngagai Langkau Kain TUHAN,\\n26 tirai enggau tali ti dikena ba tengah laman ti ngelingi langkau sembiang enggau alta, kain tirai ke pintu penama ngagai tengah laman nya, enggau semua perengka ti dikena nirika semua utai nya. Sida deka ngereja semua pengawa ti diguna ke semua utai nya.\\n27 Moses seduai Aron deka nentuka orang ari peturun Gerson ngereja semua pengawa nya, lalu mai semua utai ti diletak Aron enggau bala anak lelaki iya.\\n28 Nya meh tanggungjawap bala suku raban bansa Gerson dalam Langkau Kain TUHAN. Sida deka ngereja tanggungjawap nya dikemataka Itamar anak Imam Aron.\\n29 “Nyadi pasal peturun Merari, nuan enda tau enda ngitung tubuh sida, nitihka suku raban bansa enggau ruang bilik sida,\\n30 lalu tuliska nama semua lelaki ke umur entara tiga puluh ngagai lima puluh taun, ke nemu ngereja pengawa dalam Langkau Kain TUHAN.\\n31 Sida deka betanggungjawap mai langkar, alang dinding, tiang, enggau pelasar ke langkau sembiang,\\n32 sereta enggau tiang, pelasar, tiang bantil, enggau tali ti dikena ba tengah laman ti ngelingi Langkau Kain nya, sereta enggau semua utai ti dikena nirika utai nya. Genap iku sida deka betanggungjawap mai utai ti diletak ke sida siku-siku.\\n33 Tu meh tanggungjawap bala suku raban bansa ari peturun Merari ti ngereja pengawa dalam Langkau Kain TUHAN. Sida deka bejalaika tanggungjawap nya dikemataka Itamar anak Imam Aron.”\\n34-48 Nitihka pesan TUHAN, Moses, Aron, enggau bala tuai orang mayuh lalu ngitung tubuh suku raban bansa Kohat, Gerson enggau Merari. Sida ngitung tubuh nitihka suku raban bansa enggau ruang bilik, lalu nuliska nama semua lelaki ke umur tiga puluh ngagai lima puluh taun, ke nemu ngereja pengawa dalam Langkau Kain TUHAN. Baka tu ku pemayuh tubuh sida:\\n49 Genap iku sida nya dituliska nama magang nitihka pesan TUHAN ngagai Moses. Lalu nitihka pesan TUHAN ngagai Moses, genap iku sida nya diberi tanggungjawap bekereja, tauka mai utai.\\nOrang Ke Enda Tuchi\\n1 Ku TUHAN bejaku ngagai Moses,\\n2 “Asuh orang Israel muai ari kem semua orang ke bisi penyakit kulit ti tau ngerampit, tauka bisi utai kamah ti pansut ari tubuh sida, enggau semua orang ke enda tuchi ketegal sida udah negu bangkai.\\n3 Buru semua orang ke enda tuchi pansut, ngambika sida enda ngamahka kem ti alai Aku diau begulai enggau bala nembiak Aku.”\\n4 Orang Israel lalu ngereja nya, lalu muai semua orang nya ari kem, munyi ti disebut TUHAN ngagai Moses.\\nMayar Penyalah Ti Udah Dikereja\\n5 Lalu ku TUHAN bejaku ngagai Moses,\\n6 “Sebut ngagai orang Israel: Lebuh orang enda tetap ati ngagai TUHAN, lalu ngereja penyalah ngagai orang,\\n7 iya enda tau enda ngaku dosa diri, lalu mayar semua utai ti patut dibayar iya, ditambahka enggau dua puluh peratus, ngagai orang ke udah alai iya ngereja penyalah.\\n8 Tang enti orang nya udah mati, lalu nadai kaban belayan ti nyempil ti tau alai nyuaka bayar nya, bayar nya tau diberi ngagai TUHAN, ke guna imam. Bayar nya nambahka bedus ti lelaki ti dikena ngereja pengawa nuchi orang ke bepenyalah nya.\\n9 Semua pemeri ti kudus ti diberi orang Israel ngagai TUHAN mega diempu imam ti alai sida nyuaka utai ti diberi nya.\\n10 Imam deka bempu pemeri ti kudus ti diberi ngagai iya.”\\nPasal Bini Ke Bempu Laki Ke Ninding\\n12 “Sebut ngagai orang Israel: Enti bini nesatka diri lalu enda tetap ati ngagai laki iya;\\n13 tauka iya beleman enggau lelaki bukai, lalu laki iya enda nemu nya, lalu iya enda ditemu udah ngereja nya, lalu orang pen nadai mega meda iya ngereja nya, laban iya enda kena tangkap ngereja nya;\\n14 lalu enti laki iya ninding bini ti udah ngereja kereja ti kamah; tauka iya ninding bini iya, taja pen bini iya nadai udah ngereja kereja ti kamah;\\n15 laki indu nya enda tau enda mai bini iya ngagai imam, sereta mai piring ti diguna ari indu, iya nya, sekilogram tepung barli, tang iya enda tau nuang minyak kana tauka meri rempah ngagai tepung nya, laban nya piring kena ngenselan iya ke ninding, kena mansutka penyalah.\\n16 “Lalu imam nya deka mai indu nya ke mua, ngagai TUHAN,\\n17 lalu imam nya deka ngambi ai ti kudus ngena mangkuk tanah, lalu ngambi amauari geladak langkau sembiang, lalu nuang amau nya ngagai ai ti kudus nya.\\n18 Lalu imam nya deka ngasuh indu nya bediri di mua TUHAN, lalu muka sanggul indu nya, lalu ngengkahka ba jari indu nya piring gandum nya, iya nya piring kena ngenselan laki ke ninding. Lalu imam nya deka megai mangkuk ti ngundan ai ti dikumbai ai ti pait, ti mai sumpah.\\n19 Udah nya, imam nya deka ngasuh indu nya besumpah. Ku iya, ‘Enti nuan nadai udah butang, nuan enda kena tinggang sumpah ti dibai ai tu.\\n20 Tang enti nuan udah butang,\\n21 awakka TUHAN ngaga nama nuan nyadika leka jaku sumpah ba bansa nuan empu, lebuh TUHAN ngasuh nuan tara, lalu sarang anak nuan deka bedarah.\\n22 Awakka ai sumpah tu tama ngagai perut nuan, lalu ngasuh perut nuan gentung, lalu ngasuh sarang anak nuan bedarah, lalu nuan deka tara!” Lalu indu nya deka nyebut, “Amin. Amin.”\\n23 “Udah nya, imam nya deka nuliska leka jaku sumpah nya, lalu masu tulis nya ngagai ai ti dikumbai ai ti pait;\\n24 lalu iya deka ngasuh indu nya ngirup ai nya, lalu ai nya deka tama ngagai tubuh indu nya, lalu ngasuh iya balat pedis.\\n25 Imam nya deka ngambi piring nya ari jari indu nya, miauka piring nya di mua TUHAN, lalu mai piring nya ngagai alta;\\n26 lalu imam nya deka ngambi segenggam ari piring nya, nyadika pengingat, lalu nunu piring nya ba alta, lalu udah nya ngasuh indu nya ngirup ai nya.\\n27 Lebuh imam nya udah ngasuh indu nya ngirup ai nya, lalu enti indu nya udah ngereja kereja ti kamah, lalu udah enda tetap ati ngagai laki iya, ai ti mai jaku sumpah nya deka tama ngagai tubuh iya, lalu ngasuh iya balat pedis, lalu sarang anak iya deka bedarah, lalu iya deka tara, lalu nama iya deka nyadika leka jaku sumpah ba bansa iya empu.\\n28 Tang enti indu nya nadai udah ngereja kereja ti kamah, lalu iya mengkang tuchi, iya enda kena tinggang sumpah nya, lalu iya ulih beranak.\\n29-30 “Tu adat ti dikena ba pasal laki ke ninding, lalu besangkaka bini iya bisi udah butang. Indu nya deka diasuh bediri di mua TUHAN, lalu imam nya deka bejalaika adat nya ba indu nya.\\n31 Laki indu nya nadai penyalah, tang enti indu nya bisi penyalah, iya deka betanggungjawapka penyalah diri empu.”\\n1 Lalu ku TUHAN bejaku ngagai Moses,\\n2 “Sebut ngagai orang Israel: Lebuh lelaki tauka indu besumpah deka nyadi Nasir lalu nyerahka diri ngagai TUHAN,\\n3 iya enda tau ngirup wain tauka ai ti bisa. Iya enda tau ngirup ai ti digaga ari buah anggur, tauka makai buah anggur, tauka makai salai buah anggur.\\n4 Seagi-agi iya nyadi Nasir, iya enda tau makai utai ti datai ari batang anggur. Indah leka tauka kulit buah anggur deh enda tau diempa iya.\\n5 Seagi-agi iya mengkang ditanggam sumpah Nasir, iya enda tau beguntin, tauka bekukur. Iya kena tanggam sumpah nya sepengelama iya nyerahka diri ngagai TUHAN, lalu iya enda tau enda nejuka buk iya panjai enda diguntin.\\n6-7 Buk iya nyadika tanda iya udah nyerahka diri ngagai Allah Taala. Nya alai iya enda tau datai semak ngagai bangkai, nemuka bangkai nya bangkai apai, indai, menyadi lelaki, tauka menyadi indu iya, enggai ke iya kamah laban nya.\\n8 Seagi-agi iya nya orang Nasir, iya mengkang diserahka ngagai TUHAN.\\n9 “Enti buk ti udah diserahka ngagai TUHAN nyadi kamah laban orang ke bempu buk nya bediri semak orang ke mati ngenyit, iya enda tau enda nganti tujuh hari, lalu udah nya ngukur buk iya. Nya baru iya nyadi tuchi.\\n10 Ba hari ti kelapan, iya deka mai dua iku burung achang tauka dua iku burung puna ngagai imam ba penama ngagai Langkau Kain TUHAN.\\n11 Imam nya deka nyerahka siku ari burung nya nyadika piring pengampun dosa, lalu siku nyadika piring tunu, kena iya nuchi orang nya ketegal iya udah negu bangkai. Ba hari nya mega, orang nya deka nyerahka buk diri baru ngagai TUHAN,\\n12 lalu nyadi Nasir baru, lalu mai siku bedus ti umur setaun nyadika piring kena muai penyalah. Maya ti dulu nadai diguna agi, laban buk ti udah diserahka ngagai TUHAN, udah kamah.\\n13 “Tu adat ke orang Nasir: lebuh orang nya udah nembuka tanggungjawap iya ti nyadi Nasir, iya deka dibai ngagai penama Langkau Kain TUHAN,\\n14 lalu meri pemeri iya ngagai TUHAN, iya nya, siku anak domba ti lelaki ti umur setaun, ti nadai penimpang, nyadika piring tunu; siku anak domba ti indu ke umur setaun, ti nadai penimpang, nyadika piring pengampun dosa; enggau siku bedus ti lelaki, ti nadai penimpang, nyadika piring pemaik.\\n15 Iya deka mega meri sebakul roti ti enda beragi: iya nya tuku roti ti tebal, ti digaga ari tepung ti udah dichampur enggau minyak kana, enggau singkap roti ti mipis ti udah diunsut enggau minyak kana, lalu nambahka nya, piring ti digaga ari gandum, enggau wain.\\n16 Imam nya deka nyerahka semua utai nya ngagai TUHAN, lalu ngenjuk piring pengampun dosa, enggau piring tunu,\\n17 lalu nyerahka bedus ti lelaki nya ngagai TUHAN nyadika piring pemaik, lalu meri utai nya enggau sebakul roti. Iya deka mega nyerahka piring gandum, enggau wain.\\n18 Lalu orang Nasir nya deka ngukur buk iya ba penama ngagai Langkau Kain TUHAN, lalu nunu buk nya ba api ti alai piring pemaik benung ditunu.\\n19 Udah nya, lebuh berang anak domba nya udah dipanduk, imam deka ngambi berang nya, lalu ngengkahka iya, sama enggau siti tuku roti ti tebal, enggau sesingkap roti ti mipis ari bakul nya, ngagai jari orang Nasir nya, lebuh iya udah ngukur buk iya.\\n20 Udah nya, imam deka nyerahka utai nya nyadika piring ti manah ngagai TUHAN. Utai nya piring ti kuduska imam empu, nambahka isi dada enggau pah bedus, ti endang diempu imam nitihka letak adat. Udah nya baru orang Nasir nya tau ngirup wain.\\n21 “Nya meh adat ke orang Nasir ke ngangkatka sumpah. Piring ti diberi ngagai TUHAN deka diberi nitihka jaku sumpah orang Nasir nya, nambahka piring bukai ti ulih diberi iya.\\n22 Ku TUHAN bejaku ngagai Moses,\\n23 “Sebut ngagai Aron enggau ngagai anak lelaki iya: ‘Baka tu ku jalai kita merekatka orang Israel. Sebut ngagai sida,\\n24 TUHAN merekatka kita, lalu ngintu kita;\\n25 TUHAN gaga ati ke kita lalu kasihka kita;\\n26 TUHAN rinduka kita, lalu meri kita pemaik.’\\n27 “Nya meh jalai sida ngena nama Aku merekatka orang Israel, lalu Aku deka merekatka sida.”\\nPemeri Ari Bala Tuai Bansa\\n1 Lebuh Moses udah tembu nirika langkau sembiang, iya nata lalu nyerahka langkau nya ngagai TUHAN, sama enggau semua pekekas iya, nyengkaum alta enggau semua pekekas ti bukai.\\n2 Udah nya, bala tuai peturun ke endang tuai raban bansa orang Israel, iya nya orang ke nyadi kepala ngitung tubuh,\\n3 mai pemeri sida ngagai TUHAN: enam buah kerita enggau dua belas iku sapi ti lelaki ti udah dipeliri, sebuah kerita ke tiap-tiap dua iku tuai raban bansa, enggau siku jelu sapi ke siku-siku tuai. Sida nyerahka utai nya di mua langkau sembiang.\\n4 TUHAN lalu bejaku ngagai Moses,\\n5 “Terima utai nya ari sida kena ngereja pengawa dalam Langkau Kain TUHAN. Beri utai nya ngagai orang Lewi, nitihka bagi pengawa ti dikereja sida.”\\n6 Nya alai Moses ngambi kerita enggau jelu sapi ti lelaki ti udah dipeliri nya, lalu meri sida ngagai orang Lewi.\\n7 Iya meri dua buah kerita enggau empat iku sapi ngagai raban peturun Gerson, nitihka bagi pengawa ti dikereja sida;\\n8 iya meri empat buah kerita enggau lapan iku jelu sapi ngagai raban peturun Merari, nitihka bagi pengawa ti dikereja sida, dikemataka Itamar anak Imam Aron.\\n9 Tang Moses enda meri kerita tauka jelu sapi ngagai raban peturun Kohat, laban sida udah diasuh ngemataka utai ti kudus, ti deka disan sida.\\n10 Bala tuai raban bansa mega ngenjuk pemeri kena ngerami pengawa nyerahka alta lebuh alta nya ditata. Bala tuai lalu meri piring sida di mua alta.\\n11 Lalu ku TUHAN bejaku ngagai Moses, “Sida deka meri pemeri sida, siku tuai sehari, kena nyerahka alta.”\\n12 Orang ke meri pemeri ba hari ti keterubah nya Nason anak lelaki Aminadap, ari raban bansa Judah.\\n13 Pemeri ti dibai iya nya sesingkap pinggai pirak ti berat 1.5 kilogram, sesingkap jalung pirak ti berat 800 gram, nitihka atur timbang ti dikena dalam Langkau Kain TUHAN: utai dua singkap nya sama diisi penuh enggau tepung ti pemadu alus dichampur enggau minyak nyadika piring ti digaga ari gandum;\\n14 sesingkap chapak emas ti berat seratus sepuluh gram, ti diisi penuh enggau menyan;\\n15 siku sapi ti lelaki ti agi biak, siku bedus ti lelaki, siku anak bedus ti umur setaun, nyadika piring tunu;\\n16 siku kambin ti lelaki nyadika piring kena muai dosa;\\n17 lalu nyadika piring pemaik, dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki ti umur setaun. Nya meh pemeri ti diberi Nahson anak Aminadap.\\n18 Ba hari ti kedua Natanel anak Suar, tuai raban bansa Isakar, meri pemeri;\\n19 iya meri sesingkap pinggai temaga ti berat 1.5 kilogram, sesingkap jalung temaga ti berat 800 gram, nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;\\n20 sesingkap chapak emas berat seratus sepuluh gram, ti diisi penuh enggau menyan;\\n21 siku sapi ti lelaki ti agi biak, siku bedus ti lelaki, siku bedus ti lelaki ti umur setaun, nyadika piring tunu;\\n22 siku kambin ti lelaki nyadika piring kena muai dosa;\\n23 dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki ti umur setaun, nyadika piring pemaik. Nya pemeri ti diberi Netanel anak Suar.\\n24 Ba hari ti ketiga Eliap anak Helon, tuai raban bansa Sebulun,\\n25 meri pemeri: sesingkap pinggai pirak ti berat 1.5 kilogram, sesingkap jalung pirak ti berat 800 gram, nitihka atur timbang ti dikena dalam Langkau Kain TUHAN. Utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;\\n26 sesingkap chapak emas berat 110 gram, ti diisi penuh enggau menyan;\\n27 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n28 siku kambin ti lelaki nyadika piring kena muai dosa;\\n29 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya pemeri ti diberi Eliap anak Helon.\\n30 Ba hari ti keempat Elisur anak Sedeur, tuai raban bansa Reuben, meri pemeri:\\n31 iya meri sesingkap pinggai pirak berat 1.5 kilogram, sesingkap jalung pirak berat 800 gram, nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;\\n32 sesingkap chapak emas berat seratus sepuluh gram, ti diisi penuh enggau menyan;\\n33 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n34 siku kambin ti lelaki nyadika piring kena muai dosa;\\n35 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya pemeri ti diberi Elisur anak Sedeur.\\n36 Ba hari ti kelima Selumiel anak Surisadai, tuai raban bansa Simeon meri pemeri:\\n37 iya nya sesingkap pinggai pirak ti berat 1.5 kilogram, sesingkap jalung pirak berat 800 gram, nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;\\n38 sesingkap chapak emas ti berat 110 gram, ti diisi penuh enggau menyan;\\n39 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n40 siku kambin ti lelaki nyadika piring kena muai dosa;\\n41 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Selumiel anak Surisadai.\\n42 Ba hari ti keenam Eliasap anak Deuel, tuai raban bansa Gat meri pemeri:\\n43 iya meri sesingkap pinggai temaga ti berat 1.5 kilogram, sesingkap jalung temaga ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus dichampur enggau minyak, nyadika piring ti digaga ari gandum;\\n44 sesingap chapak pirak ti berat 110 gram, ti diisi penuh enggau menyan;\\n45 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n46 siku kambin ti lelaki nyadika piring kena mua dosa;\\n47 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Eliasap anak Deuel.\\n48 Ba hari ti ketujuh Elisama anak Amihut, tuai raban bansa Epraim meri pemeri:\\n49 iya meri sesingkap pinggai temaga ti berat 1.5 kilogram, sesingkap jalung temaga ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung gandum ti pemadu alus, dichampur enggau minyak, nyadika piring ti digaga ari gandum;\\n50 sesingkap chapak emas ti berat 110 gram, ti diisi penuh enggau menyan;\\n51 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n52 siku kambin ti lelaki nyadika piring kena muai dosa;\\n53 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki, ti umur setaun, nyadika piring pemaik. Nya meh pemeri ti diberi Elisama anak Amihut.\\n54 Ba hari ti kelapan Gamaliel anak Pedasur, tuai raban bansa Manasi meri pemeri:\\n55 iya nya sesingkap pinggai pirak ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung gandum ti pemadu alus, dichampur enggau minyak, nyadika piring ti digaga ari gandum;\\n56 sesingkap chapak emas ti berat seratus sepuluh gram, ti diisi penuh enggau menyan;\\n57 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n58 siku kambin ti lelaki nyadika piring kena muai dosa;\\n59 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Gamaliel anak Pedasur.\\n60 Ba hari ti kesemilan Abidan anak Gideoni, tuai raban bansa Benjamin meri pemeri:\\n61 iya meri sesingkap pinggai pirak ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;\\n62 sesingkap chapak emas ti berat 110 gram, ti diisi penuh enggau menyan;\\n63 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n64 siku kambin ti lelaki nyadika piring kena muai dosa;\\n65 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Abidan anak Gideoni.\\n66 Ba hari ti kesepuluh Ahieser anak Amisadai, tuai raban bansa Dan, meri pemeri:\\n67 iya meri sesingkap pinggai pirak ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;\\n68 sesingkap chapak emas ti berat 110 gram, ti diisi penuh enggau menyan;\\n69 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n70 siku kambin ti lelaki nyadika piring kena muai dosa;\\n71 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Ahieser anak Amisadai.\\n72 Ba hari ti kesebelas Pagiel anak Okran, tuai raban bansa Aser, meri pemeri:\\n73 iya meri sesingkap pinggai pirak ti berat 1.5 kilogram, sesingkap jalung ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;\\n74 sesingkap chapak emas berat seratus sepuluh gram, ti diisi penuh enggau menyan;\\n75 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n76 siku kambin ti lelaki nyadika piring kena muai dosa;\\n77 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Pagiel anak Okran.\\n78 Ba hari ti kedua belas Ahira anak Enan, tuai raban bansa Naptali, meri pemeri:\\n79 iya meri sesingkap pinggai temaga ti berat 1.5 kilogram, sesingkap jalung pirak ti berat 800 gram, ditimbang nitihka atur timbang ti dikena dalam Langkau Kain TUHAN; utai dua singkap nya sama diisi penuh enggau tepung ti pemadu alus, dichampur enggau minyak, nyadika piring ti digaga ari gandum;\\n80 sesingkap chapak emas ti berat 110 gram, ti diisi penuh enggau menyan;\\n81 siku sapi ti lelaki ti agi biak, siku bedus ti lelaki, siku anak bedus ti lelaki umur setaun, nyadika piring tunu;\\n82 siku kambin ti lelaki nyadika piring kena muai dosa;\\n83 enggau dua iku sapi ti lelaki, lima iku bedus ti lelaki, lima iku kambin ti lelaki, enggau lima iku anak bedus ti lelaki umur setaun, nyadika piring pemaik. Nya meh pemeri ti diberi Ahira anak Enan.\\n84 Nya meh pemeri ti diberi bala tuai orang Israel kena nyerahka alta, lebuh alta nya ditata: dua belas singkap pinggai pirak, dua belas singkap jalung pirak, enggau dua belas singkap chapak emas,\\n85 siti-siti pinggai pirak berat 1.5 kilogram, lalu sigi jalung berat 800 gram. Semua pemerat pirak nya dipegulaika: 27.6 kilogram, nitihka atur timbang ti dikena dalam Langkau Kain TUHAN.\\n86 Lalu pemerat semua dua belas chapak emas nya: 1.32 kilogram. Genap singkap chapak nya diisi penuh enggau menyan.\\n87 Pemayuh semua jelu ti nyadika piring tunu: dua belas iku sapi ti lelaki, dua belas iku bedus ti lelaki, dua belas iku anak bedus ti lelaki ti umur setaun, sama enggau piring ti digaga ari gandum; enggau dua belas iku kambin ti lelaki nyadika piring kena muai dosa;\\n88 lalu semua jelu ti diberi nyadika piring pemaik: dua puluh empat iku sapi ti lelaki, enam puluh iku bedus ti lelaki, enam puluh iku kambin ti lelaki, enggau enam puluh iku anak bedus ti lelaki umur setaun. Nya meh penyampau piring ti diberi kena nyerahka alta, udah bekau iya ditata.\\n89 Lebuh Moses tama ngagai Langkau Kain TUHAN deka bejaku enggau TUHAN, iya ninga munyi nyawa bejaku ngagai iya ari atas tudung Peti Lampang Batu Adat, ari entara melikat cherub ti dua iku nya. Nya meh jalai TUHAN bejaku ngagai Moses.\\n2 “Padahka ngagai Aron, lebuh iya ngelekatka tujuh iti lampu ba penuduk lampu nya, iya enda tau enda ngelekatka lampu nya ngambika sida manchar ke mua.”\\n3 Aron lalu ngereja baka nya, lalu ngelekatka lampu nya manchar ke mua.\\n4 Tiang lampu nya digaga ari emas ti ditempa, kenyau ari atas nyentuk ke baruh, nitihka pelan ti udah dipadahka TUHAN ngagai Moses.\\nNuchi Sereta Nyerahka Orang Lewi\\n6 “Seraraka orang Lewi ari orang Israel ti bukai, lalu tuchi sida\\n7 ngena chara tu: pechik sida ngena ai ti dikena nuchi orang, lalu asuh sida ngukur semua tubuh sida, sereta masu gari sida. Nya baru sida tuchi.\\n8 Udah nya, sida enda tau enda ngambi siku sapi ti lelaki ti agi biak, enggau piring gandum, iya nya tepung ti dichampur enggau minyak kana. Lalu nuan enda tau enda ngambi siku agi sapi ti lelaki nya nyadika piring pengampun dosa.\\n9 Udah nya, gempuruka semua orang Israel, lalu asuh bala orang Lewi bediri di mua Langkau Kain TUHAN.\\n10 Orang Israel deka ngengkahka jari sida ba pala orang Lewi.\\n11 Udah nya, Aron deka nyerahka orang Lewi ngagai Aku nyadi pemeri ti manah ari orang Israel, ngambika sida tau bekereja ke Aku.\\n12 Udah nya, orang Lewi deka ngengkahka jari sida ba pala sapi ti dua iku nya. Siku ari sapi nya deka diberi nyadika piring pengampun dosa, lalu siku nyadika piring tunu, kena nuchi orang Lewi.\\n13 “Serahka orang Lewi nyadika pemeri ti manah ngagai Aku, lalu asuh Aron enggau bala anak lelaki iya nyadi tuai sida.\\n14 Seraraka orang Lewi ari orang Israel ti bukai, ngambika sida diempu Aku.\\n15 Lebuh nuan udah nuchi lalu nyerahka orang Lewi, nya baru sida tau gawa dalam Langkau Kain TUHAN.\\n16 Aku udah ngambu sida kena nganti semua anak tuai orang Israel ti lelaki, lalu sida deka diempu Aku siku aja.\\n17 Lebuh Aku munuh semua anak tuai di serata menua Ejip, Aku nyeraraka anak tuai orang Israel, enggau anak tuai semua jelu, ngambika semua sida diempu Aku.\\n18 Diatu Aku ngambi orang Lewi kena nganti semua anak tuai orang Israel,\\n19 lalu Aku meri orang Lewi ngagai Aron enggau bala anak lelaki iya, nyadika pemeri ari orang Israel, ngambika sida bisi gawa dalam Langkau Kain TUHAN ngarika orang Israel, lalu nyaga orang Israel ari penusah ti deka ninggang sida, enti sida datai kelalu semak ngagai Endur ti Kudus.”\\n20 Nya alai Moses, Aron enggau semua orang Israel nyerahka orang Lewi, nitihka pesan TUHAN ngagai Moses.\\n21 Orang Lewi nuchi diri empu, lalu masu gari diri, lalu Aron nyerahka sida nyadi pemeri ti manah ngagai TUHAN. Iya mega ngereja pengawa nuchi sida.\\n22 Orang Israel ngereja semua utai nitihka pesan ti diberi TUHAN ngagai Moses, ba pasal orang Lewi. Nya alai, orang Lewi tau gawa dalam Langkau Kain TUHAN di baruh Aron enggau anak lelaki iya.\\n23 Ku TUHAN bejaku ngagai Moses,\\n24 “Kenyau ari umur sida dua puluh lima taun, genap iku orang Lewi deka ngereja pengawa diri dalam Langkau Kain TUHAN,\\n25 lalu iya badu agi bekereja lebuh umur iya lima puluh taun.\\n26 Udah lepas nya, iya tau nyaup orang Lewi ti bukai ngereja pengawa sida dalam Langkau Kain TUHAN, tang iya enda tau nengali pengawa nya kediri. Nya chara nuan ngatur pengawa ke orang Lewi.”\\nGawai Paska Ti Kedua\\n1 TUHAN lalu bejaku ngagai Moses di menua puang Sinai, dalam bulan ti kesatu, kedua taun udah bekau orang Israel ke pansut ari menua Ejip. Ku Iya,\\n2-3 “Kena empat belas hari bulan tu, belabuh ari padam mata panas, orang Israel enda tau enda ngintu Gawai Paska, nitihka semua adat enggau atur Gawai nya.”\\n4 Moses lalu ngasuh orang mayuh ngintu Gawai Paska,\\n5 lalu kena lemai empat belas hari bulan ti kesatu, sida ngintu Gawai nya di menua puang Sinai. Orang mayuh ngereja semua utai ti udah dipesanka TUHAN ngagai Moses.\\n6 Tang sekeda orang enda tuchi, laban sida udah negu bangkai, lalu sida enda ulih ngintu Gawai Paska sehari nya. Sida lalu mansang ngagai Moses seduai Aron,\\n7 lalu bejaku, “Kami tu enda tuchi laban kami udah bisi negu bangkai, tang nama kebuah kami enda tau enggau orang Israel ti bukai ngenjuk piring ngagai TUHAN ba maya ti udah diletak?”\\n8 Disaut Moses, “Nganti dulu. Aku deka ningaka atur ari TUHAN pasal kita.”\\n9 TUHAN lalu bejaku ngagai Moses,\\n10 “Sebut ngagai orang Israel: Lebuh kita, tauka peturun kita, enda tuchi laban kita udah bisi negu bangkai, tauka bejalai jauh ari menua, tang keran deka ngintu Gawai Paska,\\n11 kita tau ngintu Gawai nya sebulan udah bekau Gawai nya, kena lemai empat belas hari bulan ti kedua. Intu Gawai nya ngena roti ti enda beragi, sereta enggau sayur ti pait.\\n12 Anang nejuka pemakai nya beteda datai ngagai pagi hari siti, lalu anang matahka tulang jelu nya. Intu Gawai nya nitihka semua atur.\\n13 Tang orang ke endang tuchi, lalu enda bejalai ngagai menua bukai, enti iya enda ngintu Gawai Paska, iya deka badu agi dikumbai nembiak Aku, laban iya enda ngenjuk piring ngagai Aku ba maya ti udah diletak. Orang nya deka betanggungjawapka dosa diri empu.\\n14 “Enti orang kampar ti diau begulai enggau kita, bisi ati deka ngintu Gawai Paska, sida enda tau enda ngintu Gawai nya nitihka adat enggau atur. Adat nya deka dikena semua orang, nemuka orang nya bansa orang Israel, tauka orang kampar.”\\nMua Hari Ti Beapi-api\\n15-16 Lebuh langkau sembiang nya didirika, mua hari datai lalu ngelindung langkau sembiang, enggau Langkau Kain TUHAN. Lebuh malam hari, mua hari nya nyadi baka api.\\n17 Genap kali mua hari nya angkat ari atas Langkau Kain TUHAN, orang Israel ngererak kem, lalu nirika kem sida baru ba endur alai mua hari nya nurun.\\n18 Orang Israel ngererak kem sida nitihka asuh TUHAN, lalu sida nirika kem sida baru, nitihka pesan Iya. Seagi-agi mua hari nya mengkang ari atas langkau sembiang nya, sida mengkang diau ba kem nya.\\n19 Seagi-agi mua hari nya mengkang ari atas langkau sembiang nya, sida ngasika jaku TUHAN, lalu enda mindah ari endur nya.\\n20 Kadang-kadang mua hari nya semina mengkang ari atas langkau sembiang nya dua tiga hari aja. Tang sida mengkang dia, tauka mindah ari kem nya, nitihka asuh TUHAN.\\n21 Kadang-kadang mua hari nya semina mengkang dia ari lemai nyentuk ngagai pagi aja, lalu sida mindah lebuh mua hari nya angkat.\\n22 Nemuka dua hari, sebulan, setaun tauka lama agi, seagi-agi mua hari nya mengkang ari atas langkau sembiang nya, sida enda mindah. Tang lebuh mua hari nya angkat, sida mindah.\\n23 Sida nirika kem, tauka ngererak kem, nitihka pesan ti diberi TUHAN ngena Moses.\\n2 “Gaga dua iti terumpit ari pirak ti ditempa, kena nesau orang mayuh begempuru, enggau kena nesau sida ngererak kem.\\n3 Lebuh terumpit dua iti nya disepu panjai, semua orang Israel enda tau enda begempuru ngelingi nuan ba penama ngagai Langkau Kain TUHAN.\\n4 Tang lebuh semina siti aja terumpit disepu, semina tuai peturun aja begempuru ngelingi nuan.\\n5 Lebuh terumpit nya disepu nerachat, raban bansa ti ba kem muak ke timur deka angkat.\\n6 Lebuh terumpit nya disepu nerachat kedua kali, bala raban bansa ti diau muak ke selatan dalam kem nya deka angkat. Nya alai terumpit ti disepu nerachat nya kena ngangkatka orang ari kem,\\n7 tang sepu ti panjai deka dikena nesau orang mayuh.\\n8 Terumpit nya enda tau enda disepu bala anak lelaki Aron, iya nya bala imam. Adat tu enda tau enda dititihka belama iya.\\n9 Lalu lebuh kita beperang dalam menua kita ngelaban munsuh ke nyerang kita, sepu terumpit tu kena megau orang beperang, ngambika Aku, TUHAN Allah Taala kita, deka ingatka kita lalu nyelamatka kita ari munsuh kita.\\n10 Lebuh kita ngintu pengerami, baka Gawai Anak Bulan, enggau gawai pengarap ti bukai, kita mega enda tau enda nyepu terumpit lebuh kita ngenjuk piring tunu enggau piring pemaik. Nya baru Aku deka nyaup kita. Aku tu TUHAN Allah Taala kita.”\\nOrang Israel Angkat Ari Kem Sida\\n11 Kena dua puluh hari bulan ti kedua, kedua taun orang Israel udah pansut ari menua Ejip, mua hari ti ba atas Langkau Kain TUHAN nya angkat.\\n12 Orang Israel lalu belabuh bejalai ninggalka menua puang Sinai, lalu mua hari nya ngetu ba menua puang Paran.\\n13 Sida belabuh bejalai nitihka pesan ti udah diberi TUHAN ngena Moses,\\n14 lalu genap kali sida mindah, sida nitihka tusun nya. Orang ke bejalai di baruh menira bala ti diuluka raban bansa Judah, bejalai dulu, beraban-raban, diuluka Nason anak Aminadap.\\n15 Orang ke nyadi tuai raban bansa Isakar, nya Netanel anak Suar,\\n16 lalu orang ke nyadi tuai raban bansa Sebulun nya Eliap anak Helon.\\n17 Udah nya, langkau sembiang nya direrak, lalu bala raban peturun Gerson enggau bala raban peturun Merari, ke mai langkau sembiang nya, mupuk.\\n18 Sida lalu ditangkanka orang ke bejalai di baruh menira bala ke diuluka raban bansa Reuben. Sida deka mupuk, beraban-raban. Orang ke nyadi tuai sida nya Elisur anak Sedeur.\\n19 Orang ke nyadi tuai ke raban bansa Simeon nya Selumil anak Jurisadai.\\n20 Orang ke nyadi tuai ke raban bansa Gat nya Eliasap anak Deuel.\\n21 Udah nya bala raban peturun Kohat, ari raban bansa Lewi deka mupuk, mai utai ti kudus. Lebuh sida datai ba endur alai nirika kem baru, langkau sembiang nya sigi udah tembu didirika.\\n22 Udah nya, orang ke bejalai di baruh menira bala ke diuluka raban bansa Epraim, deka mupuk, beraban-raban. Tuai sida nya Elisama anak Amihut.\\n23 Orang ke nyadi tuai ke raban bansa Manasi nya Gamaliel anak Pedasur.\\n24 Orang ke nyadi tuai ke raban bansa Benjamin nya Abidan anak Gidioni.\\n25 Ke penudi iya bendar, orang ke bejalai di baruh menira bala ke diuluka raban bansa Dan, deka mupuk beraban-raban. Sida tu orang ke nyaga semua bala mayuh, ari belakang. Tuai sida nya Ahisir anak Amisadai.\\n26 Tuai raban bansa Aser nya Pagil anak Okran,\\n27 lalu orang ke nyadi tuai raban bansa Naptali nya Ahira anak Enan.\\n28 Nya meh gaya tusun sida bejalai, beraban-raban, genap kali orang Israel mindah ari endur siti ngagai endur siti.\\n29 Ku Moses bejaku enggau ipar lelaki iya Hobap anak Jetro, orang Midian, “Kami tu baru deka mupuk ngagai endur ti udah dipadahka TUHAN, ti deka diberi Iya ngagai kami. Iya udah besemaya deka ngasuh orang Israel nyadi kaya-raja, nya alai, aram mupuk enggau kami, lalu kami deka mai kita bekunsika pengaya kami enggau kita.”\\n30 Disaut Hobap, “Enda ibuh aku mupuk enggau kita. Aku deka mulaika diri ngagai menua aku empu.”\\n31 Ku Moses bejaku, “Anang ninggalka kami, laban nuan nemu endur alai kami tau nirika kem di menua puang tu, lalu nuan tau nyadi malin kami.\\n32 Enti nuan mupuk enggau kami, kami deka bekunsika enggau nuan semua berekat ti diberi TUHAN ngagai kami.”\\nOrang Mayuh Mupuk\\n33 Lebuh orang Israel ninggalka menua Sinai, bukit ti kudus nya, sida bejalai tiga hari. Peti Lampang Batu Adat TUHAN endang seruran dibai dulu ari bala sida, ngiga endur alai sida tau nirika kem.\\n34 Lebuh sida mindah ari endur siti ngagai endur siti, mua hari TUHAN mengkang ari atas sida lebuh siang hari.\\n35 Genap kali Peti Lampang Batu Adat nya dibai mupuk, Moses deka nyebut, “Angkat, TUHAN. Pambarka munsuh Nuan, lalu asuh orang ke begedika Nuan, rari!”\\n36 Lalu genap kali Peti Lampang Batu Adat nya ngetu, Moses nyebut, “Pulai baru, TUHAN, ngagai beribu-ribu iti ruang bilik orang Israel.”\\nEndur Ti Benama Taberah\\n1 Orang Israel lalu belabuh mutap ngagai TUHAN pasal penusah sida. Lebuh TUHAN ninga sida, Iya ringat, lalu ngasuh api nurun lalu nunu bala sida, lalu nganguska puting setak kem nya.\\n2 Orang mayuh lalu nyabak minta saup Moses. Iya lalu besampi ngagai TUHAN, lalu api nya padam.\\n3 Nya alai endur nya dikumbai Taberah, laban api TUHAN udah menyadi ngelaban bala sida.\\nMoses Milih Tujuh Puluh Iku Tuai\\n4 Orang bansa bukai bisi bejalai enggau orang Israel. Sida tu balat amat tetengukka dagin. Lalu orang Israel empu pen belabuh mutap: “Naka meh penyamai diau enti kitai bisi dagin!\\n5 Di menua Ejip suba kitai seruran makai ikan sepeneka kitai, lalu utai nya enda ibuh dibeli. Ingat kita ke buah entimun, buah semangka, sayur bawang, bawang telu, enggau bawang putih ti diempa kitai?\\n6 Tang diatu kitai nyau lembut tulang. Kitai nadai agi utai diempa kelimpah ari mana tu tiap-tiap hari!”\\n7 (Mana nya baka igi utai ti mit, ti bechura burak-kuning.\\n8-9 Utai nya labuh ngagai kem lebuh malam hari, nyerumba ambun. Pagi hari siti orang mansang begumpulka utai nya, ngisar tauka nutuk utai nya nyadi tepung, lalu udah nya manduk iya, lalu ngaga iya nyadi roti ti mipis. Utai nya asai roti ti dipanggang enggau minyak kana.)\\n10 Moses ninga orang mayuh mutap lebuh sida bediri begempuru ba mua pintu langkau kain sida. TUHAN lalu balat amat ringat, lalu Moses tusah ati laban nya,\\n11 lalu bejaku ngagai TUHAN, “Nama kebuah Nuan jai enggau aku? Nama kebuah Nuan enda lantang ati ngagai aku? Nama kebuah Nuan ngasuh aku betanggungjawapka semua orang tu?\\n12 Ukai aku ke ngaga sida, tauka ngadaka sida! Nama kebuah Nuan ngasuh aku ngibun sida, lalu nerekun sida baka ke mai anak mit sepemanjai jalai tu nyentuk ngagai menua ti udah disemaya Nuan ngagai aki ini sida?\\n13 Dini alai aku tau bulih dagin ti chukup ke semua orang tu? Sida majak datai enggau sabak ngagai aku, minta dagin.\\n14 Aku kediri enda ulih betanggungjawapka semua orang tu. Utai tu kelalu berat ke aku!\\n15 Enti Nuan majak ngaga aku baka tu, kasihka aku lalu bunuh aku, ngambika aku enda agi natka Nuan merinsaka aku.”\\n16 Ku TUHAN bejaku ngagai Moses, “Gempuruka tujuh puluh iku tuai orang mayuh ke dibasa orang. Bai sida ngagai Aku ba Langkau Kain TUHAN, lalu asuh sida bediri dia ngimbai nuan.\\n17 Aku deka nurun lalu bejaku enggau nuan dia, lalu Aku deka ngambi sekeda kuasa ti udah diberi Aku ngagai nuan, lalu meri kuasa nya ngagai sida. Nya baru sida ulih nyaup nuan betanggungjawapka orang mayuh, lalu nuan enda agi megai tanggungjawap nya kediri.\\n18 Nya alai, sebut ngagai orang mayuh, ‘Tuchi diri empu ngambika kita tuchi pagila. Kita deka makai dagin. TUHAN udah ninga sabak kita, enggau jaku kita ke madahka diri tetengukka dagin lalu kita ngumbai diri nyamai agi diau di menua Ejip. Nya alai TUHAN deka meri kita dagin, lalu kita enda tau enda makai dagin nya.\\n19 Kita enda tau enda makai dagin nya, ukai semina sehari tauka dua hari, tauka lima, tauka sepuluh, tauka dua puluh hari,\\n20 tang sebulan-bulan, datai ke utai nya nyau pansut ari pending kita, datai ke kita nyau leju makai utai nya. Pekara tu deka nyadi laban kita udah nulak TUHAN ti bisi enggau kita ditu, lalu kita udah mutap ngelaban Iya, madahka kita enda patut pansut ari menua Ejip.’ “\\n21 Ku Moses bejaku enggau TUHAN, “Peda Nuan. Aku nguluka enam ratus ribu iku orang, lalu Nuan madahka Diri deka meri sida chukup dagin diempa sida sebulan?\\n22 Kati jelu sapi enggau bedus chukup kena ngasuh sida kenyang? Kati semua ikan di tasik chukup ke sida?”\\n23 Ku TUHAN nyaut, “Kati kuasa Aku bisi sekat? Enda lama da agi, nuan deka meda enti utai ti disebut Aku nya deka nyadi tauka enda!”\\n24 Nya alai Moses pansut lalu madahka ngagai orang mayuh utai ti udah disebut TUHAN. Iya ngempuruka tujuh puluh iku bala tuai, lalu ngasuh sida bediri ngelingi Langkau Kain TUHAN.\\n25 Udah nya TUHAN nurun dalam mua hari, lalu bejaku ngagai Moses. TUHAN lalu ngambi sekeda Roh ti udah diberi Iya ngagai Moses, lalu meri Roh nya ngagai tujuh puluh iku bala tuai orang Israel. Lebuh Roh nya datai ba sida, sida lalu belabuh benabi, tang enda lama.\\n26 Dua iku ari sida ke tujuh puluh iku nya, iya nya Eldat seduai Medat, mengkang dalam kem lalu enda enggau sida ti bukai datai ngagai Langkau Kain TUHAN. Lebuh Roh nya datai ngagai seduai iya dalam kem nya, seduai iya mega belabuh benabi.\\n27 Siku orang bujang lalu belanda, madahka ngagai Moses utai ti dikereja Eldat seduai Medat.\\n28 Udah nya Josua anak Nun, ti nyadi penyaup Moses kenyau ari iya agi bujang, bejaku enggau Moses, “Tagang seduai iya, tuan!”\\n29 Disaut Moses, “Nama kebuah nuan ngiruh diri pasal aku? Naka meh pemadas enti sema TUHAN deka meri Roh Iya ngagai semua nembiak Iya, lalu ngasuh semua sida manjung baka nabi!”\\n30 Udah nya, Moses enggau tujuh puluh iku bala tuai nya lalu pulai ngagai kem.\\nTUHAN Ngirumka Burung Empitu\\n31 TUHAN lalu ngenyit ngasuh ribut muput lalu mai burung empitu ari tasik. Sida terebai enda bulih se-meter ari atas tanah. Sida inggap ba kem nya, enggau berapa kilometer ngelingi kem nya, datai ke sida nyau betugung penalam satu meter ba tanah nya.\\n32 Nya alai sehari nya, semalam-malam nya, enggau hari siti, orang mayuh betangkapka burung empitu nya. Nadai orang ngumpul mimit ari seribu kilogram siku. Sida nganchau lalu nyembui burung nya ngelingi kem nya.\\n33 Lebuh sida benung makai dagin nya, TUHAN ringat ngagai sida, lalu ngasuh penyakit nyerang sida.\\n34 Endur nya lalu dikumbai Kibrot Hatabah (reti nya “Pendam Ke Orang Ke Tetenguk Deka Makai Dagin”), laban nya endur alai sida numbakka orang ke tetengukka makai dagin.\\n35 Orang mayuh lalu angkat ari endur nya, lalu mindah ngagai Haserot, alai sida ke nirika kem baru.\\nMiriam Kena Ukum\\n1 Nyadi Moses udah jadi enggau indu orang Kus, lalu Miriam seduai Aron ngutuk iya pasal nya.\\n2 Ku seduai iya, “Kati TUHAN semina bejaku ngena Moses aja? Kati Iya nadai udah bejaku ngena kitai?” TUHAN ninga jaku seduai iya.\\n3 (Moses nya orang ke baruh ati. Nadai orang ke baruh agi ati ari iya di dunya tu.)\\n4 TUHAN lalu tekala nya bejaku ngagai Moses, Aron enggau Miriam, “Aku ngasuh kita tiga pansut lalu mansang ngagai Langkau Kain TUHAN.” Sida tiga lalu mansang ngagai Langkau Kain nya.\\n5 TUHAN lalu nurun dalam gentilang remang, bediri ba penama ngagai Langkau Kain nya, lalu ngangau, “Aron! Miriam!” Seduai iya lalu mansang ke mua,\\n6 lalu ku TUHAN bejaku, “Dingaka utai ti disebut Aku! Lebuh bala nabi kita bisi enggau kita Aku mandangka Diri ngagai sida dalam genera, lalu bejaku ngagai sida dalam mimpi.\\n7 Tang jalai Aku bejaku enggau Moses ke nembiak Aku, bisi lain mimit. Aku udah ngasuh iya nyadi tuai semua nembiak Aku orang Israel.\\n8 Nya alai, Aku bejaku ngagai iya betunga mua, enggau terang lalu enda ngena jaku sempama. Iya udah meda gamal Aku! Nya alai nama kebuah seduai berani bejaku ngelaban nembiak Aku Moses?”\\n9 TUHAN ringat ngagai seduai iya. Nya alai, lebuh Iya mupuk\\n10 lalu mua hari nya ninggalka Langkau Kain TUHAN, kulit Miriam lalu tekala nya dibalut penyakit kulit ti tau ngerampit. Kulit iya bebali burak baka seleju. Lebuh Aron malik ngagai iya, lalu meda iya dibalut penyakit nya,\\n11 iya lalu bejaku enggau Moses, “Tuan, anang ngasuh kami duai merinsa natka ukum tu ketegal pemeli kami duai.\\n12 Anang nejuka iya nyadi baka orang ke ada mati lulus, lalu lenyau setengah ari semua isi iya.”\\n13 Moses lalu nyabak ngangauka TUHAN, “O Allah Taala, geraika iya!”\\n14 Disaut TUHAN, “Enti apai iya udah ngeludah mua iya, iya enda tau enda natka pemalu diri tujuh hari. Nya alai, awakka iya ditejuka diau di luar kem seminggu. Udah nya baru iya tau dibai pulai baru ngagai kem.”\\n15 Miriam lalu diasuh diau ari luar kem tujuh hari, lalu orang mayuh enda mindah ari endur nya datai ngagai maya iya dibai pulai baru ngagai kem.\\n16 Udah nya sida lalu angkat ari Haserot, lalu nirika kem sida di menua puang Paran.\\nOrang Ke Matau Menua Kanaan\\n2 “Pilih siku tuai ari genap raban bansa orang Israel, lalu asuh sida matau menua Kanaan ti deka diberi Aku ngagai orang Israel.”\\n3-15 Moses lalu ngereja utai ti diasuh TUHAN, lalu ngasuh bala tuai bejalai ari menua puang Paran, baka tu:\\nReuben Shamua anak Sakur\\nSimeon Sapat anak Hori\\nJudah Kalep anak Jepuneh\\nIsakar Igal anak Josep\\nEpraim Hosea anak Nun\\nBenjamin Palti anak Rapu\\nSebulun Gadiel anak Sodi\\nManasi Gadi anak Susi\\nDan Amiel anak Gemali\\nAser Setur anak Mikael\\nNaptali Nahbi anak Bopsi\\nGat Geuel anak Machi.\\n16 Nya meh nama orang ke diasuh Moses matau menua Kanaan. Lalu Moses nukar nama Hosea anak Nun ngagai Josua.\\n17 Moses ngasuh sida mupuk. Ku iya bejaku enggau sida, “Bejalai kita ari tu tunga ke utara, ngagai selatan menua Kanaan, lalu udah nya bejalai ngagai menua ti bebukit.\\n18 Peratika gaya menua nya, pemayuh orang ke nguan menua nya, enggau pengering sida.\\n19 Peratika enti menua nya manah tauka enda, sekalika orang dia diau dalam nengeri ti bekuta tauka dalam nengeri ti enda bekuta.\\n20 Peratika enti tanah dia ami, lalu bisi utan tauka nadai. Lalu anang enda mai sekeda buah ti tumbuh di menua nya.” (Buah anggur nyau deka mansau lebuh maya nya.)\\n21 Sida lalu bejalai tunga ke utara, lalu meratika menua nya, belabuh ari menua puang Sin ti di selatan, nyentuk ngagai Rehob, semak Lebo-hamat di utara.\\n22 Sida bejalai ngagai selatan menua nya, lalu datai di Hebron, alai raban peturun Ahiman, Sheshai, enggau Talmai, iya nya peturun orang ke besai gamal ti dikumbai bansa Anakim, diau. (Nengeri Hebron digaga tujuh taun dulu agi ari nengeri Zoan di menua Ejip.)\\n23 Sida datai ba Lebak Eskol. Dia sida netak setangkai buah anggur ti berat amat, datai ke sida nyau ngasuh dua iku orang ngaling tangkai buah nya. Sida mega mai buah delima, enggau buah ara.\\n24 (Endur nya lalu dikumbai Lebak Eskol ketegal setangkai buah anggur ti dijarau orang Israel ba endur nya.)\\n25 Lebuh sida udah matau menua nya empat puluh hari, sida lalu pulai\\n26 ngagai Moses, Aron enggau ngagai semua orang Israel di Kades, di menua puang Paran. Sida madahka pasal utai ti udah dipeda sida, lalu mantaika buah ti dibai sida.\\n27 Ku sida madahka ngagai Moses, “Kami udah datai ba menua ti diasuh nuan patau kami. Menua nya kaya sereta ami. Tu buah ari menua nya.\\n28 Tang orang ke nguan menua nya kering, lalu nengeri sida besai amat, sereta bekuta. Nambahka nya, kami meda peturun orang Anakim diau dia.\\n29 Orang Amalek diau di sitak selatan menua nya. Orang Iti, orang Jebus, enggau orang Amor diau di menua ti bebukit, lalu orang Kanaan diau ngimbai Tasik Tengah, enggau ngimbai Sungai Jordan.”\\n30 Kalep lalu minta orang badu agi ragak, lalu ku iya bejaku, “Kitai patut nyerang sida diatu, lalu ngalahka menua nya. Kitai ulih ngalahka menua nya.”\\n31 Tang orang ke udah bejalai sama enggau Kalep lalu bejaku, “Anang! Kitai enda ulih nyerang sida, laban sida kering agi ari kitai.”\\n32 Nya alai sida lalu nusui berita ti bula ngagai orang Israel pasal menua ti udah dipatau sida. Ku sida, “Kitai nadai ulih diau likun di menua nya. Indah orang ke bempu menua nya deh nadai pengelikun diau dia. Lalu semua orang ke dipeda kami tinggi amat tubuh.\\n33 Kami bisi meda orang ke besai gamal dia. Sida tu peturun orang Anakim, lalu kami asai ke mit baka buntak. Nyangka nya gaya kami dipeda sida.”\\n1 Orang Israel lalu nyabak semalam-malam nya.\\n2 Sida mutap ngelaban Moses seduai Aron. Ku sida, “Manah agi kami mati di menua Ejip, tauka mati di menua puang tu!\\n3 Nama kebuah TUHAN mai kami ngagai menua nya? Semina ngasuh kami mati beperang, lalu bini enggau anak kami ditangkap munsuh. Enda ka manah agi enti kami nikal ngagai menua Ejip?”\\n4 Ku sida bejaku enggau diri sama diri, “Aram kitai milih siku tuai, lalu pulai baru ngagai menua Ejip!”\\n5 Moses seduai Aron lalu nyungkurka diri ke tanah di mua orang mayuh.\\n6 Josua anak Nun, enggau Kalep anak Jepuneh, iya nya dua iku ari bala pematau, nyarikka gari diri\\n7 lalu bejaku ngagai orang mayuh, “Menua ti dipatau kami nya menua ti pemadu manah.\\n8 Enti TUHAN rinduka kitai, Iya deka mai kitai kin, lalu meri menua ti kaya sereta ami nya ngagai kitai.\\n9 Anang ngelaban TUHAN, lalu anang takutka orang ke nguan menua nya. Sida ulih alah laban kitai. TUHAN bisi enggau kitai, lalu Iya udah ngalahka petara ti nyaga sida. Nya alai, anang takut.”\\n10 Tang semua orang Israel deka nuku seduai iya ngena batu, deka munuh seduai iya. Tekala nya orang Israel lalu tepedaka mulia TUHAN ayan ari atas Langkau Kain TUHAN.\\n11 Ku TUHAN bejaku ngagai Moses, “Ni pengelama orang tu agi mechat Aku? Ni pengelama sida mengkang enggai arapka Aku, taja pen Aku udah ngereja mayuh macham kereja ajih ba bala sida?\\n12 Aku deka ngerusak sida ngena penyakit, lalu Aku deka ngasuh nuan nyadi apai ke siti bansa ti besai sereta bekuasa agi ari sida tu!”\\n13 Tang ku Moses bejaku enggau TUHAN, “Nuan udah mai orang tu pansut ari menua Ejip ngena kuasa Nuan. Lebuh orang Ejip ninga pasal utai ti dikereja Nuan ngagai bala nembiak Nuan,\\n14 sida deka madahka utai nya ngagai orang ke diau di menua tu. Orang nya udah ninga pasal Nuan, TUHAN, ke bisi enggau kami, pasal Nuan ke ayan dipeda bala mayuh lebuh mua hari Nuan ngetu ba atas kami, enggau pasal Nuan ke bejalai dulu ari kami dalam gentilang remang lebuh siang hari, enggau dalam tiang api lebuh malam hari.\\n15 Nya alai, enti nuan munuh semua nembiak Nuan, semua bansa bukai ti udah ninga pasal Nuan deka ngumbai\\n16 Nuan udah munuh bala nembiak Nuan di menua puang laban Nuan enda ulih mai sida ngagai menua ti udah disemaya deka diberi Nuan ngagai sida.\\n17 Nya alai, TUHAN, Aku besampi, pandangka kuasa Nuan ngagai kami, lalu kereja utai ti udah disemaya Nuan lebuh Nuan nyebut,\\n18 ‘Aku tu TUHAN ti lubah ringat, lalu Aku ngayanka pengerindu enggau penetap ati ti besai, lalu ngampun dosa enggau pengawa ti ngelaban. Tang Aku deka ngukum anak, uchu orang ngagai ketiga enggau keempat serak ketegal dosa apai indai sida.’\\n19 Nya alai, TUHAN, nitihka pemesai pengerindu Nuan ti enda berubah, aku minta Nuan ngampun dosa bala orang tu, baka Nuan ti udah ngampun sida sekumbang sida ke udah pansut ari menua Ejip.”\\n20 TUHAN lalu nyaut, “Aku deka ngampun sida nitihka pinta nuan.\\n21 Tang laban Aku endang Allah Taala ti idup, lalu mulia Aku ngemenuhka dunya, Aku besemaya,\\n22 nadai siku ari bala orang tu deka idup lalu tama ngagai menua nya. Sida udah meda mulia Aku, enggau kereja ajih ti udah dikereja Aku di menua Ejip, enggau di menua puang, tang sida udah suah nguji pengeliat ati Aku, lalu enggai ngasika Aku.\\n23 Sida enda tau sekali-kali tama ngagai menua ti udah disemaya Aku ngagai aki ini sida. Nadai siku ari bala orang ke nulak Aku deka tama ngagai menua nya.\\n24 Tang laban nembiak Aku, Kalep, lain agi perangai ari orang bukai, lalu mengkang taluk ngagai Aku, Aku deka mai iya ngagai menua ti udah dipatau iya, lalu bala peturun iya deka bempu menua nya,\\n25 iya nya lebak ti diuan orang Amalek enggau orang Kanaan diatu. Pagila kita enda tau enda nikal, lalu bejalai ngagai menua puang, nengah jalai ti mansa Tasik Mirah.”\\nMutap TUHAN Ngukum Orang Israel Ketegal Sida\\n26 Ku TUHAN bejaku ngagai Moses seduai Aron,\\n27 “Ni pengelama orang ke jai tu agi mutap ngelaban Aku? Aku udah ninga jaku putap sida ngelaban Aku!\\n28 Nya alai, sebut ngagai sida, ‘Laban Aku idup, Aku besumpah deka ngereja utai ti udah dipinta nuan. Aku ti TUHAN, udah bejaku.\\n29 Kita deka mati, lalu bangkai kita deka ngachir ba sebelah menua puang tu. Laban kita udah mutap ngelaban Aku, nadai siku kita ke lebih ari dua puluh taun umur deka tama ngagai menua nya.\\n30 Aku udah besemaya ngasuh kita idup di menua nya, tang nadai siku kita deka diau dia, kelimpah ari Kalep anak Jepuneh enggau Josua anak Nun.\\n31 Kita udah bejaku ngumbai anak kita deka ditangkap, tang Aku deka mai sida ngagai menua ti udah ditulak kita, lalu menua nya deka nyadika menua sida.\\n32 Tang kita empu deka mati di menua puang tu.\\n33 Bala anak kita deka diau segau-segau di menua puang tu empat puluh taun, natka pemerinsa ketegal kita enda tetap ati ngagai Aku, nyentuk ngagai semua bala kita abis mati magang.\\n34 Kita deka betanggungjawapka dosa kita empu, setaun ke genap hari kita matau menua nya. Nya baru kita deka ensepi kati ku asai ngelaban Aku!\\n35 Aku besumpah deka ngereja utai tu ngagai kita ke jai, ti udah begempuru ngelaban Aku. Genap iku kita deka mati di menua puang tu. Aku ti TUHAN, udah bejaku.’ “\\n36-37 Orang ke udah diasuh Moses matau menua nya, udah pulai baru lalu mai berita ti bula, lalu nya nyungkak orang Israel mutap ngelaban TUHAN. Nya alai TUHAN ngasuh sida diserang penyakit, lalu sida mati.\\n38 Ari dua belas iku bala pematau nya, semina Josua seduai Kalep aja agi mengkang idup.\\n39 Lebuh Moses madahka ngagai orang Israel utai ti udah disebut TUHAN, sida lalu ngulit balat amat.\\n40 Tumu pagi hari siti, sida lalu mansang nyerang menua ti bebukit nya. Ku sida, “Kami diatu sedia deka bejalai ngagai menua ti udah dipadahka TUHAN ngagai kitai. Kami ngaku diri udah bedosa.”\\n41 Tang ku Moses, “Enti pia, nama kebuah kita ngelaban pesan TUHAN diatu? Kita tetap enda ulih mujur!\\n42 Anang mupuk enggai ke kita alah laban munsuh, laban TUHAN nadai enggau kita.\\n43 Lebuh kita beperang ngelaban orang Amalek enggau orang Kanaan, kita deka mati, laban TUHAN nadai enggau kita, ketegal kita enggai nitihka Iya.”\\n44 Tang sida majak ngemeranika diri mansang ngagai menua ti bebukit nya, taja pen Peti Lampang Batu Adat TUHAN enggau Moses enda angkat ari kem.\\n45 Udah nya orang Amalek enggau orang Kanaan ti diau dia nyerang lalu ngalahka sida, lalu begagaika sida nyentuk ngagai Hormah.\\n2 “Sebut ngagai orang Israel: Lebuh kita datai di menua ti deka alai kita diau, ti diberi Aku ngagai kita,\\n3 lalu kita meri ngagai TUHAN siku sapi ti lelaki, siku bedus ti lelaki, siku bedus, tauka siku kambin nyadika piring tunu, tauka nyadika piring kena ngamatka semaya, tauka nyadika piring ti diberi nitihka peneka ati diri, tauka nyadika piring ti selalu diberi kita ba gawai pengarap kita, ti bebau rengut ke TUHAN,\\n4 kita enda tau enda meri ngagai TUHAN sama enggau genap iku jelu nya, sekilogram tepung ti udah dichampur enggau seliter minyak kana nyadika piring gandum,\\n5 enggau seliter wain nyadika piring ti diirup sama enggau genap iku anak domba nya.\\n6 Enti kita meri bedus ti lelaki, beri mega dua kilogram tepung ti udah dichampur enggau satu setengah liter minyak kana nyadika piring gandum,\\n7 enggau satu setengah liter wain. Bau piring tu deka ngerinduka ati TUHAN.\\n8 Enti kita meri siku sapi ti lelaki nyadika piring tunu ngagai TUHAN, tauka nyadika piring kena ngamatka semaya, tauka nyadika piring pemaik,\\n9 kita enda tau enda meri tiga kilogram tepung ti udah dichampur enggau 2 liter minyak kana nyadika piring gandum,\\n10 enggau dua liter wain. Bau piring tu deka ngerinduka ati TUHAN.\\n11 Nya meh utai ti deka diberi sama enggau genap iku sapi, genap iku bedus ti lelaki, siku jelu bedus, tauka siku kambin.\\n12 Enti kita meri lebih ari siku jelu, piring ti diberi sama enggau jelu nya deka ditambahka nitihka pemayuh jelu.\\n13 Semua orang ke asal bansa orang Israel enda tau enda ngereja utai tu lebuh sida ngenjuk piring ti diberi ngena api. Utai nya deka bebau rengut lalu ngerinduka ati TUHAN.\\n14 Lalu enti orang kampar ti diau begulai enggau kita, nemuka iya nya diau lama tauka enda lama enggau kita, ngenjuk piring ti diberi ngena api, piring ti bebau rengut di mua TUHAN, sida enda tau enda nitihka adat tu.\\n15 Adat tu enda tau enda dititihka kita enggau orang kampar ti diau begulai enggau kita, datai ke belama iya. Ba mata TUHAN kita endang sebaka enggau sida.\\n16 Adat tu enda tau enda dititihka kita enggau sida.\\n17 Ku TUHAN bejaku ngagai Moses\\n18 “Sebut ngagai orang Israel: Lebuh kita datai ba menua ti alai Aku mai kita\\n19 lalu lebuh kita makai pemakai ti ulih kita di menua nya, kita enda tau enda ngenjuk piring ngagai TUHAN.\\n20 Lebuh kita manggang roti, kita enda tau enda meri tuku roti ti keterubah, ti digaga ari gandum ti baru, nyadika piring ngagai TUHAN. Utai tu enda tau enda diberi ngena chara ti dikena kita ngenjuk piring gandum ti ditungku kita.\\n21 Piring roti ti dipanggang kita enda tau enda diberi kita ngagai TUHAN, datai ke belama iya.\\n22 “Tang enti sema orang, enggau ukai sengaja, enda ingat nitihka sekeda ari adat tu ti udah disebut TUHAN ngagai Moses,\\n23 semua utai ti udah dipesanka TUHAN ngagai kita ngena Moses, kenyau ari maya TUHAN meri pesan nya enggau udah lepas nya, dalam semua serak orang ke dalam bansa kita,\\n24 enti penyalah nya ukai dikereja orang Israel enggau sengaja, semua sida enda tau enda meri siku sapi ti lelaki nyadika piring tunu, ti bebau rengut, ngagai TUHAN, sama enggau piring gandum enggau ari wain sida nitihka adat, enggau siku kambin ti lelaki nyadika piring pengampun dosa.\\n25 Imam deka ngereja pengawa nuchi orang Israel, lalu sida deka diampun, laban penyalah nya ukai dikereja sida enggau sengaja, lalu sida udah mai piring pengampun dosa nyadika piring ti diberi ngena api ti diberi ngagai TUHAN.\\n26 Semua orang Israel, enggau semua orang kampar ti diau begulai enggau sida, deka diampun magang, laban semua sida nya udah sama enggau ngereja penyalah nya.\\n27 “Enti kita bedosa, tang ukai enggau sengaja, kita enda tau enda meri siku kambin indu ke umur setaun nyadika piring pengampun dosa.\\n28 Imam deka ngereja pengawa nuchi kita ari dosa kita, ba alta, ngambika kita diampun.\\n29 Atur tu mega deka dititihka semua orang ke enda sengaja bedosa, nemuka sida nya asal orang Israel, tauka orang kampar ti diau begulai enggau sida.\\n30 Tang barang sapa bedosa enggau sengaja, nemuka sida nya asal orang Israel, tauka orang kampar, sida nya salah laban sida enda bebasaka TUHAN, lalu sida deka dibunuh,\\n31 laban sida udah nulak jaku TUHAN, lalu udah sengaja ngelanggar siti ari pesan Iya. Sida deka betanggungjawapka pemati diri empu.\\n32 Nyadi sekali, lebuh orang Israel agi di menua puang, sida nemu orang siku ngumpul kayu api lebuh Hari Sabat.\\n33 Iya lalu dibai ngagai Moses, Aron enggau ngagai semua orang Israel.\\n34 Orang nya lalu kena tan, laban sida enda nemu utai ti patut dikereja sida ngagai iya.\\n35 Udah nya TUHAN lalu nyebut ngagai Moses, “Orang nya enda tau enda dibunuh. Semua orang Israel enda tau enda nuku iya ngena batu di luar kem.”\\n36 Nya alai semua orang Israel mai iya ke luar ari kem, lalu nuku iya ngena batu, datai ke mati, munyi ti udah dipesanka TUHAN ngagai Moses.\\n37 Ku TUHAN bejaku ngagai Moses,\\n38 “Bejaku nuan ngagai orang Israel, lalu asuh sida ngaga rambing ba sukut gari sida, lalu ngelekatka tali ti biru ba siti-siti rambing nya. Sida enda tau enda ngereja nya ba genap serak sida.\\n39 Rambing nya deka dikena sida ngingatka semua pesan TUHAN, lalu ngereja pesan nya, lalu enda nitihka pengingin ati, tauka pengingin ti datai ari mata sida empu.\\n40 Nya alai kita deka ingat lalu ngereja semua pesan Aku, lalu nyadi kuduska Allah Taala kita.\\n41 Aku tu TUHAN Allah Taala kita, ti udah mai kita pansut ari menua Ejip, ngambika Aku nyadi Allah Taala kita. Aku tu TUHAN Allah Taala kita.”\\nKorah, Datan Enggau Abiram Angkat Ngelaban\\n1 Nyadi Korah anak Isar, ari raban peturun Kohat, ke ari raban bansa Lewi, enggau Datan, enggau Abiram anak Eliap, enggau On anak Pelet, ke ari raban bansa Reuben,\\n2 mai dua ratus lima puluh iku tuai orang Israel, orang ke udah dipilih sereta tebilang nama, lalu angkat ngelaban Moses.\\n3 Sida begempuru di mua Moses seduai Aron, lalu bejaku ngagai seduai iya, “Seduai nyau kelalu! Semua orang tu kudus magang, lalu TUHAN bisi ba tengah-tengah sida. Nya alai, nama kebuah seduai ngeninggika diri atas bala nembiak TUHAN?”\\n4 Lebuh Moses ninga jaku nya, iya lalu nyungkurka diri ke tanah,\\n5 lalu ku iya bejaku ngagai Korah enggau bala iya, “Tumu pagila TUHAN deka mandangka sapa ke nembiak Iya, iya ti kudus, iya ti tau datai semak ngagai TUHAN. Barang sapa dipilih Iya, deka diasuh Iya datai semak ngagai Iya.\\n6-7 Tumu pagila nuan enggau bala orang ke nitihka nuan mai sarang menyan, ngengkahka bara api enggau menyan ba sarang menyan nya, lalu mai utai nya ngagai TUHAN. Barang sapa dipilih TUHAN, nya meh orang ke kudus. Kita orang Lewi tu nyau kelalu!”\\n8 Ku Moses bejaku ngagai Korah. “Kita orang Lewi, pendingka aku:\\n9 kati kita ngumbai pekara tu mit? Kita udah diseraraka Allah Taala ke disembah orang Israel, ngambika Iya mai kita semak ngagai Iya Empu, bekereja dalam Langkau Kain TUHAN, lalu bediri di mua orang mayuh lalu bekereja ngarika sida. Kati pekara nya mit?\\n10 Iya udah nejuka kita enggau orang Lewi datai semak ngagai Iya; lalu kita mega minta diri bekereja nyadi imam?\\n11 Nya alai nuan enggau bala nuan udah begempuru ngelaban TUHAN. Sapa Aron alai kita mutap ngelaban iya?”\\n12 Udah nya Moses lalu mesanka Datan seduai Abiram, tang ku seduai iya, “Kami duai enggai datai!\\n13 Kati enda chukup nuan udah mai kami pansut ari menua ti ami di menua Ejip, lalu munuh kami di menua puang tu? Kati nuan enda tau enda mega merintah kami?\\n14 Nuan ukai mai kami ngagai menua ti ami, tauka meri kami umai enggau kebun anggur nyadika pesaka kami. Indah diatu deh nuan nguji nipu kami. Kami duai enggai datai!”\\n15 Moses ringat, lalu bejaku ngagai TUHAN, “Anang nyambut piring ti dibai sida. Ngambi siku keledai sida, deh aku enda kala, lalu aku nadai kala ngemediska sida.”\\n16 Ku Moses bejaku enggau Korah, “Nuan enggau orang ke nitihka nuan, enggau Aron, enda tau enda datai di mua TUHAN pagila.\\n17 Genap iku kita enda tau enda mai sarang menyan diri, ngisi sarang menyan nya enggau menyan, lalu mai sarang menyan nya ngagai TUHAN, dua ratus lima puluh iti sarang menyan nya. Nuan enggau Aron mega enda tau enda bisi siti siku sarang menyan.”\\n18 Nya alai sida mai sarang menyan sida, ngengkahka bara api enggau menyan ba sarang menyan nya, lalu bediri ba penama ngagai Langkau Kain TUHAN sama enggau Moses seduai Aron.\\n19 Udah nya Korah lalu ngempuruka semua orang Israel, lalu bediri betunga mua enggau Moses seduai Aron, ba penama ngagai Langkau Kain TUHAN. Tekala nya mulia TUHAN lalu pegari di mua semua orang Israel.\\n20 TUHAN lalu bejaku ngagai Moses seduai Aron,\\n21 “Seduai enda tau enda nyurutka diri ari orang tu, ngambika Aku munuh sida diatu.”\\n22 Tang Moses seduai Aron nyungkurka diri ke tanah, lalu bejaku, “O Allah Taala, Nuan endang pun semua pengidup. Lebuh siku ari bala kami bedosa, kati Nuan ringat ngagai semua bansa kami?”\\n24 “Asuh orang mayuh ngejangka diri jauh ari langkau kain Korah, Datan enggau Abiram.”\\n25 Udah nya Moses, disempulang bala tuai orang Israel, mansang ngagai Datan seduai Abiram.\\n26 Ku Moses bejaku enggau orang mayuh, “Anang datai semak ngagai langkau kain orang ke jai nya, lalu anang negu keresa sida, enggai ke semua kita dibunuh sama enggau sida ketegal semua dosa sida.”\\n27 Nya alai sida lalu ngejangka diri jauh ari langkau kain Korah, Datan enggau Abiram. Datan enggau Abiram udah pansut, lalu bediri ba mua pintu langkau kain seduai iya, sama enggau bini anak seduai iya.\\n28 Ku Moses bejaku enggau orang mayuh, “Tu meh jalai kita deka nemu TUHAN udah ngasuh aku ngereja semua utai tu, lalu ukai nitihka peneka ati aku empu.\\n29 Enti orang tu mati baka selama, ukai laban sida diukum Allah Taala, reti nya TUHAN nadai udah ngirumka aku.\\n30 Tang enti TUHAN ngereja utai ti nadai kala udah nyadi, lalu tanah merekah lalu nelan sida enggau sida sebilik, lalu sida labuh idup-idup ngagai dunya pemati, nya baru kita deka nemu orang tu udah nulak TUHAN.”\\n31 Lebuh iya baru udah tembu bejaku, tanah ti alai Datan enggau Abiram bediri lalu merekah\\n32 lalu nelan seduai iya sama enggau sida sebilik, enggau bala orang ke nitihka Korah, sereta enggau reta tengkira sida.\\n33 Nya alai sida labuh idup-idup ngagai dunya pemati, sama enggau reta tengkira sida. Tanah nya tikup baru, lalu semua sida lesap magang.\\n34 Semua orang Israel ke dia rari magang lebuh sida ninga bala sida Korah nyerauh. Ku orang mayuh manjung, “Rari! Enggai ke tanah nya nelan kitai!”\\n35 Udah nya TUHAN ngirumka api ti mau lalu nganguska dua ratus lima puluh iku orang ke udah meri menyan.\\n36 Udah nya, TUHAN bejaku ngagai Moses,\\n37 “Asuh Eleasar anak Imam Aron, mindahka sarang menyan ari bangkai orang ke udah angus, lalu ngachirka batu arang ari sarang menyan nya ba endur bukai, laban sarang menyan nya kudus.\\n38 Laban talam orang nya udah nyadi kudus laban sarang menyan nya udah dibeli ngena nyawa sida. Nya alai, awakka sarang menyan nya ditempa mipis kena ngelapis alta, laban sarang menyan nya udah diserahka di mua TUHAN. Nya alai sarang menyan nya kudus. Awakka orang Israel ingatka tu.”\\n39 Nya alai Imam Eleasar ngambi sarang menyan ti digaga ari temaga nya, lalu ngasuh orang nempa iya mipis kena ngelapis alta.\\n40 Utai tu nyadi kena ngajar orang Israel ke ukai ari peturun Aron, madahka sida enda tau datai semak ngagai TUHAN lalu nunu menyan di mua TUHAN, enggai ke sida mati baka Korah enggau bala iya. Semua utai tu nyadi nitihka jaku ti disebut TUHAN ngagai Eleasar ngena Moses.\\nAron Ngelepaska Orang Mayuh\\n41 Hari siti, semua orang Israel mutap magang ngelaban Moses seduai Aron. Ku sida, “Seduai udah munuh bala nembiak TUHAN.”\\n42 Lebuh sida udah begempuru deka ngelaban Moses seduai Aron, sida nguing tunga ngagai Langkau Kain TUHAN, lalu tepedaka mua hari bisi ba atas Langkau\\nnya; mulia TUHAN lalu pegari.\\n43 Moses seduai Aron mansang ke mua ngagai Langkau Kain TUHAN.\\n44 TUHAN lalu bejaku ngagai Moses,\\n45 “Seduai enda tau enda nyurutka diri ari orang mayuh tu, laban Aku deka munuh sida ba endur tu diatu!” Seduai iya lalu nyungkurka diri ke tanah,\\n46 lalu ku Moses bejaku enggau Aron, “Bai sarang menyan nuan, lalu ambi bara api ari alta lalu engkahka bara api nya ba sarang menyan nya, tuang menyan ngagai bara api nya, lalu bai utai nya enggau jampat ngagai orang mayuh, minta TUHAN ngampun sida. Laban TUHAN udah ringat, lalu penyakit udah berengkah berampit.”\\n47 Aron lalu ngereja nitihka asuh Moses, lalu belanda ngagai bala orang mayuh ke begempuru dia. Lalu iya tepedaka penyakit nya endang udah berengkah berampit ba orang mayuh. Iya lalu nuang menyan ngagai sarang menyan nya, lalu minta TUHAN ngampun orang mayuh.\\n48 Iya lalu bediri entara orang ke mati enggau orang ke idup. Penyakit nya lalu nadai agi.\\n49 Pemayuh orang ke mati ketegal penyakit nya empat belas ribu tujuh ratus iku, enda ngitung orang ke mati sama enggau Korah.\\n50 Lebuh penyakit nya nyau nadai agi, Aron pulai baru ngagai Moses ba penama ngagai Langkau Kain TUHAN.\\n2 “Asuh orang Israel meri ngagai nuan dua belas iti tungkat, siti ari siku-siku tuai raban bansa. Tuliska nama orang ba tungkat sida siku-siku,\\n3 lalu udah nya, tuliska nama Aron ba tungkat ti ngarika peturun Lewi, siti tungkat ke siku-siku tuai raban bansa.\\n4 Bai semua tungkat nya ngagai Langkau Kain TUHAN, lalu engkahka tungkat nya di mua Peti Lampang Batu Adat, ba endur alai Aku ke betemu enggau nuan.\\n5 Udah nya, tungkat orang ke dipilih Aku deka bekantuk. Nya meh jalai Aku deka madamka putap orang Israel ke seruran ngelaban nuan.”\\n6 Nya alai Moses bejaku ngagai orang Israel, lalu tiap iku bala tuai sida meri tungkat sida ngagai iya, siti tungkat ke genap raban bansa, dua belas iti semua iya, lalu tungkat Aron diengkahka begulai enggau tungkat sida.\\n7 Udah nya Moses lalu ngengkahka semua tungkat nya dalam Langkau Kain TUHAN, di mua Peti Lampang Batu Adat TUHAN.\\n8 Hari siti, lebuh Moses tama ngagai Langkau Kain TUHAN, iya meda tungkat Aron, ti ngarika raban bansa Lewi, udah bekantuk. Tungkat nya udah bekuntum, bebungai, lalu mansutka buah almon ti mansau!\\n9 Moses mai semua tungkat nya, lalu mandangka semua tungkat nya ngagai orang Israel. Sida meda utai ti udah nyadi, lalu genap iku bala tuai bela ngambi tungkat diri.\\n10 Ku TUHAN bejaku ngagai Moses, “Engkahka tungkat Aron baru di mua Peti Lampang Batu Adat. Tungkat tu deka disimpan kena nangkan orang Israel ke ngelaban TUHAN, sida deka mati enti sida enda badu mutap.”\\n11 Moses lalu ngereja nitihka pesan TUHAN.\\n12 Ku orang Israel bejaku enggau Moses, “Mati meh kami tu!\\n13 Enti orang ke datai semak ngagai langkau sembiang nya enda tau enda mati, mati magang meh kami tu!”\\nPengawa Imam Enggau Pengawa Orang Lewi\\n1 Ku TUHAN bejaku ngagai Aron, “Nuan, bala anak lelaki nuan, enggau orang Lewi deka betanggungjawapka penyalah ti besangkut-paut enggau pengawa ti dikereja dalam Langkau Kain Aku, tang semina nuan, enggau bala anak lelaki nuan aja deka betanggungjawapka penyalah ti besangkut-paut enggau pengawa imam.\\n2 Bai kaban belayan nuan, iya nya orang Lewi, bekereja sama enggau nuan, ngambika sida nyaup nuan lebuh nuan enggau bala anak lelaki nuan bekereja dalam Langkau Kain TUHAN.\\n3 Sida enda tau enda ngereja pengawa sida ke nuan, lalu betanggungjawapka semua pengawa dalam Langkau Kain nya, tang sida enda tau negu utai ti kudus dalam Endur ti Kudus, tauka negu alta. Enti sida negu utai nya, sida enggau nuan empu, deka dibunuh.\\n4 Sida enda tau enda gawa sama enggau nuan, lalu ngereja semua pengawa dalam Langkau Kain TUHAN. Tang orang bukai enda tau bekereja enggau nuan.\\n5 Semina nuan enggau bala anak lelaki nuan aja deka betanggungjawapka semua pengawa dalam Endur ti Kudus enggau ba alta, ngambika Aku enda agi ringat ngagai orang Israel.\\n6 Aku tu ti udah milih kaban belayan nuan, iya nya orang Lewi, ari semua orang Israel, nyadika pemeri ti diserahka ngagai nuan. Sida udah diserahka ngagai Aku, ngambika sida ulih ngereja pengawa sida dalam Langkau Kain TUHAN.\\n7 Tang semina nuan enggau bala anak lelaki nuan aja deka betanggungjawapka semua pengawa imam ti besangkut-paut enggau alta, sereta enggau semua utai ba Endur ti Pemadu Kudus. Semua utai tu nyadika tanggungjawap nuan magang, laban Aku udah meri ngagai nuan pengawa nyadi imam nyadika pemeri nuan. Orang bukai enda tau bekereja dia. Enti sida datai semak ngagai Endur ti Pemadu Kudus nya, sida deka dibunuh.”\\nUngkup Ke Bala Imam\\n8 Ku TUHAN bejaku ngagai Aron, “Ingat, Aku meri ngagai nuan semua piring ti enda ditunu ti diberi ngagai Aku. Aku meri utai nya ngagai nuan, enggau ngagai peturun nuan, nyadika ungkup kita belama iya.\\n9 Ari semua piring ti pemadu kudus, ti enda ditunu ba alta, tu bagi piring ti diempu nuan: piring gandum, piring pengampun dosa, enggau piring kena bebayar. Semua utai ti diberi ngagai Aku, ti nyadika piring ti kudus, diempu nuan enggau bala anak lelaki nuan.\\n10 Kita enda tau enda makai utai nya ba endur ti kudus, lalu semina orang ke lelaki aja tau makai utai nya. Kita enda tau enda ngumbai utai nya kudus.\\n11 “Nambahka nya, semua pemeri bukai ti diberi orang Israel ngagai Aku, endang enggi nuan magang. Aku meri utai nya ngagai nuan, ngagai anak lelaki nuan, enggau ngagai anak indu nuan, belama iya. Semua kita sebilik ke tuchi, tau makai utai nya.\\n12 “Aku meri ngagai nuan semua utai ti pemadu manah ari buah bungas ti diberi orang Israel ngagai Aku genap taun, iya nya, minyak kana, wain, enggau gandum.\\n13 Semua utai nya enggi nuan magang. Semua kita sebilik ke tuchi, tau makai utai nya.\\n14 “Semua utai ti udah diserahka ngagai Aku, endang enggi nuan magang.\\n15 “Semua anak tuai mensia tauka jelu ti diserahka orang Israel ngagai Aku, endang enggi nuan magang. Tang nuan enda tau enda nyambut bayar ti dikena nebus anak tuai mensia, lalu nyambut mega bayar ti dikena orang nebus genap iku anak tuai jelu ti tuchi.\\n16 Anak mensia deka dibeli pulai baru lebuh umur iya sebulan, ngena rega ti udah ditetapka, iya nya lima singkap pirak, nitihka atur ti udah diletak dalam Langkau Kain TUHAN.\\n17 Tang anak tuai jelu sapi, bedus, enggau kambin, enda tau dibeli pulai baru. Sida nya enggi Aku siku aja. Unsaika darah sida ngagai alta, lalu tunu lemak sida nyadika piring ti diberi ngagai Aku ngena api. Bau piring nya deka ngerinduka ati Aku.\\n18 Tang dagin sida nya endang enggi nuan, baka isi dada, isi kaki kanan ari piring ti manah nya.\\n19 “Aku meri ngagai nuan, ngagai anak lelaki nuan, enggau ngagai anak indu nuan, belama iya, semua piring ti diberi orang Israel ngagai Aku. Tu sempekat ti enda tau dilanggar, ti digaga Aku enggau nuan, sereta enggau bala peturun nuan.”\\n20 Ku TUHAN bejaku ngagai Aron, “Kita nadai ungkup tanah di menua Israel, lalu kita pen nadai mega diberi pesaka. Semina Aku ti TUHAN aja nyadika pesaka nuan.”\\nUngkup Ke Orang Lewi\\n21 Ku TUHAN bejaku, “Aku udah meri ngagai orang Lewi semua pemeri sepuluh peratus ti diberi orang Israel ngagai Aku, laban sida gawa dalam Langkau Kain TUHAN.\\n22 Orang Israel ti bukai enda agi tau datai semak ngagai Langkau Kain TUHAN, enggai ke sida diukum bunuh.\\n23 Belabuh ari diatu, semina orang Lewi aja deka ngintu Langkau Kain TUHAN, lalu betanggungjawapka semua pengawa dalam Langkau Kain nya. Adat tu mega deka dikena semua peturun nuan belama iya. Orang Lewi nadai tanah di menua Israel,\\n24 laban Aku udah meri ngagai sida semua pemeri sepuluh peratus ti diberi orang Israel ngagai Aku nyadika ungkup sida. Nya kebuah Aku madahka sida nadai pesaka tanah di menua Israel.”\\nOrang Lewi Mega Meri Pemeri Sepuluh Peratus\\n25 Ku TUHAN bejaku ngagai Moses,\\n26 “Nambahka nya nuan enda tau enda nyebut ngagai orang Lewi munyi tu: ‘Lebuh kita nerima ari orang Israel pemeri sepuluh peratus ti diberi TUHAN ngagai kita nyadika ungkup kita, kita enda tau enda meri sepuluh peratus ari utai nya ngagai TUHAN.\\n27 Pemeri nya deka dikira sebaka enggau pemeri ti diberi orang bumai ari gandum enggau ari wain ti baru.\\n28 Nya meh jalai kita deka meri pemeri ngagai TUHAN, ari semua pemeri sepuluh peratus ti diterima kita ari orang Israel. Kita enda tau enda meri pemeri ti diserahka ngagai TUHAN tu, ngagai Imam Aron.\\n29 Ari semua pemeri ti diberi ngagai kita, serahka pemeri ti endang enggi TUHAN; utai ti pemadu manah ari semua pemeri nya enda tau enda diberi ngagai TUHAN.\\n30 Sebut ngagai sida: Lebuh kita udah nyerahka utai ti pemadu manah nya ngagai TUHAN, nya baru kita tau nyimpan laluh ari utai nya, baka orang bumai ke nyimpan utai ti laluh lebuh iya udah meri pemeri iya.\\n31 Nuan enggau kita sebilik tau makai laluh ari utai nya di semua endur, laban utai nya nyadika upah kita ke gawa dalam Langkau Kain TUHAN.\\n32 Kita enda salah lebuh kita makai utai nya, asal ga kita udah meri utai ti pemadu manah ari utai nya ngagai TUHAN. Tang anang makai pemeri ti kudus ti diberi orang Israel, sebedau utai ti pemadu manah ari utai nya diberi ngagai TUHAN, laban nya ngamahka piring nya. Enti kita ngamahka pemeri nya, kita deka dibunuh.”\\n2 “Tu adat ti udah diberi TUHAN: Asuh orang Israel mai ngagai seduai siku sapi ti mirah, ti nadai penimpang, sereta nadai kala dikena ngereja pengawa.\\n3 Beri jelu sapi nya ngagai Imam Eleasar. Jelu nya enda tau enda dibai ke luar ari kem nya, lalu disayat di mua imam.\\n4 Udah nya, Imam Eleasar deka ngambi sekeda darah jelu nya, lalu mechikka darah nya tujuh kali ngena tunjuk iya tunga ngagai Langkau Kain TUHAN.\\n5 Semua tubuh jelu nya, nyengkaum kulit, dagin, darah, perengka perut, enda tau enda ditunu di mua imam.\\n6 Udah nya, imam nya enda tau enda ngambi kayu sidar, pating isop, enggau siti tali ti mirah, lalu nibarka semua utai nya ngagai api nya ti alai nunu jelu nya.\\n7 Udah nya, iya enda tau enda masu gari diri, lalu mandi. Udah nya baru iya tau tama ngagai kem, tang iya mengkang enda tuchi nyentuk ngagai lemai.\\n8 Orang ke nunu sapi nya mega enda tau enda masu gari diri, lalu mandi, tang iya deka mengkang enda tuchi nyentuk ngagai lemai.\\n9 Udah nya, siku orang ke tuchi deka ngumpul amau sapi nya, lalu nyimpan amau nya ba endur ti tuchi, di luar kem, ba endur alai utai nya disimpan ngambika bisi dikena orang Israel nyendiaka ai kena muai penyalah. Pengawa tu dikereja kena muai dosa.\\n10 Orang ke ngumpul amau nya enda tau enda masu gari diri, tang iya mengkang enda tuchi nyentuk ngagai lemai. Adat tu deka dititihka belama iya ulih orang Israel enggau ulih orang kampar ti diau begulai enggau sida.\\n11 Barang sapa negu bangkai deka nyadi enda tuchi tujuh hari.\\n12 Iya enda tau enda nuchi diri ngena ai ba hari ti ketiga, enggau ba hari ti ketujuh. Udah nya baru iya deka tuchi. Tang enti iya enda nuchi diri ba hari ti ketiga enggau ba hari ti ketujuh, iya enda tuchi.\\n13 Orang ke negu bangkai, lalu enda nuchi diri, deka mengkang enda tuchi, laban ai ti dikena nuchi iya apin diunsaika ngagai iya. Iya ngamahka Langkau Kain TUHAN, lalu iya enda agi dikumbai nembiak Allah Taala.\\n14 Ba pekara orang ke mati dalam langkau kain, barang sapa bisi dalam langkau kain nya lebuh orang nya ngapuska seput, tauka tama ngagai langkau kain nya, deka nyadi enda tuchi tujuh hari.\\n15 Semua tepayan enggau periuk ti enda ditudung dalam langkau kain nya, nyadi enda tuchi.\\n16 Enti orang negu orang ke udah dibunuh tauka udah mati ari luar rumah, tauka enti orang negu rangkah tulang mensia, tauka negu kubur, orang nya nyadi enda tuchi tujuh hari.\\n17 Kena muai pengamah nya, ambi amau mimit ari sapi ti mirah, ti udah ditunu kena muai dosa, simpan amau nya dalam periuk, lalu tuangka ai ngagai utai nya.\\n18 Ba pekara ti keterubah, siku orang ke tuchi deka ngambi pating isop, nyepuhka iya ngagai ai, lalu mechikka ai nya ngagai langkau kain nya, ngagai semua utai ti dalam langkau kain nya, enggau ngagai orang ke diau dalam langkau kain nya. Ba pekara ti kedua, siku orang ke tuchi deka mechikka ai nya ngagai orang ke udah negu rangkah tulang mensia, tauka negu bangkai, tauka udah negu kubur.\\n19 Ba hari ti ketiga, enggau ba hari ti ketujuh, orang ke tuchi nya deka mechikka ai nya ngagai orang ke enda tuchi nya. Ba hari ti ketujuh, iya deka nuchi orang ke udah mandi, ngambika orang nya nyadi tuchi lebuh padam mata panas.\\n20 Orang ke udah nyadi kamah, lalu enda nuchi diri, deka mengkang enda tuchi, laban ai ti dikena nuchi iya apin diunsaika ngagai iya. Iya ngamahka Langkau Kain TUHAN, lalu iya enda agi dikumbai nembiak Allah Taala.\\n21 Kita enda tau enda nitihka adat tu belama iya. Orang ke mechikka ai ti dikena nuchi orang, enda tau enda mega masu gari diri. Barang sapa udah negu ai nya deka mengkang enda tuchi nyentuk ngagai lemai.\\n22 Utai ti ditegu orang ke enda tuchi, nyadi enda tuchi, lalu barang sapa negu utai nya, deka mengkang enda tuchi nyentuk ngagai lemai.\\nUtai Ti Nyadi Di Kades\\n1 Dalam bulan ti kesatu, semua orang Israel datai di menua puang Sin, lalu nirika kem sida di Kades. Miriam mati dia, lalu dikuburka dia.\\n2 Nyadi endur alai sida ke nirika kem nya nadai ai. Nya alai orang mayuh begempuru ngelingi Moses seduai Aron\\n3 lalu ngutuk seduai iya: “Manah agi kami mati di mua Langkau Kain TUHAN sama enggau orang Israel ti bukai.\\n4 Nama kebuah seduai mai kami ngagai menua puang tu? Ngambika kami mati ditu sama enggau jelu tupi kami?\\n5 Nama kebuah seduai mai kami pansut ari menua Ejip ngagai endur ti enda manah tu? Endur tu enda manah alai nanam gandum, tauka kayu ara, tauka anggur, tauka buah delima. Indah ai irup deh nadai!”\\n6 Moses seduai Aron lalu ngejangka diri ari orang mayuh, lalu bediri ba penama ngagai Langkau Kain TUHAN. Seduai iya nyungkurka diri ke tanah, lalu mulia TUHAN pegari di mua seduai iya.\\n7 Ku TUHAN bejaku ngagai Moses,\\n8 “Ambi tungkat ti di mua Peti Lampang Batu Adat. Udah nya, nuan enggau Aron deka ngempuruka semua orang Israel. Di mua semua sida, nuan deka bejaku ngagai batu nya, lalu ai deka pansut ari batu nya. Nya chara nuan deka ngasuh ai pansut ari batu nya, ke orang mayuh, ngambika bisi diirup sida enggau jelu sida.”\\n9 Moses mansang lalu ngambi tungkat nitihka jaku TUHAN.\\n10 Iya enggau Aron lalu ngempuruka semua orang Israel semak batu nya, lalu ku Moses bejaku ngagai sida, “Pendingka aku diatu, kita ke seruran angkat ngelaban; kati kita ngasuh kami mansutka ai ari batu tu ke kita?”\\n11 Moses lalu ngedarka tungkat iya, lalu malu batu nya dua kali ngena tungkat nya. Ai lalu mayuh amat pansut ari batu nya, lalu semua orang mayuh enggau jelu sida bela ngirup magang.\\n12 Tang ku TUHAN bejaku ngagai Moses seduai Aron, “Laban seduai enda manggaika diri ba Aku, lalu enda ngaku pengudus Aku di mua orang Israel, seduai enda tau nguluka sida ngagai menua ti udah diberi Aku ngagai sida.”\\n13 Pekara tu nyadi di Meribah, alai orang Israel ke mutap ngelaban TUHAN, endur alai Iya ke ngayanka pengudus Iya.\\nRaja Menua Edom Enda Nyagi Orang Israel Nengah Menua Sida\\n14 Moses ngasuh bala seruan bejalai ari Kades ngagai raja menua Edom, “Tu jaku ari kaban belayan nuan, orang Israel: Nuan nemu pemerinsa ti udah ditatka kami,\\n15 pasal aki ini kami ke bejalai ngagai menua Ejip, alai kami ke lama diau. Orang Ejip udah merinsaka kami, enggau aki ini kami,\\n16 lalu lebuh kami nyabak ngangauka TUHAN, Iya ninga sabak kami, lalu ngasuh siku melikat nguluka kami pansut ari menua Ejip. Diatu kami udah datai di Kades, sebuah nengeri ti ba garis entara menua kita.\\n17 Kami minta kita ngemendarka kami bejalai nengah menua kita. Kami enda nengah umai tauka kebun anggur kita, lalu kami pen enda mega ngirup ai ari telaga kita. Kami semina deka bejalai nengah jalai raya aja. Kami enda limpang ke kanan tauka ke kiba, datai ke kami udah meraka menua kita.”\\n18 Tang ku orang Edom nyaut, “Kita enda tau nengah menua kami, enggai ke kami nyerang kita.”\\n19 Ku orang Israel bejaku ngagai iya, “Kami semina deka bejalai nengah jalai raya aja, lalu enti kami tauka jelu tupi kami bisi ngirup ai kita, kami deka mayar utai nya. Awakka kami bejalai kaki nengah menua kita, nadai lebih ari nya.”\\n20 Tang ku orang Edom bejaku ngagai sida, “Kita enda tau nengah menua kami.” Soldadu orang Edom lalu datai nyerang orang Israel.\\n21 Nya meh jalai orang Edom enggai ngelakka orang Israel bejalai nengah menua sida. Orang Israel lalu nguingka diri ari sida.\\n22 Semua orang Israel lalu bejalai ari Kades lalu datai ba Bukit Hor.\\n23 Lalu ku TUHAN bejaku ngagai Moses seduai Aron ba Bukit Hor, ba garis entara menua orang Edom,\\n24 “Aron deka mati, laban iya enda tau tama ngagai menua ti udah diberi Aku ngagai orang Israel, laban seduai udah ngelaban pesan Aku di Meribah.\\n25 Bai Aron enggau anak lelaki iya Eleasar niki ngagai Bukit Hor,\\n26 lalu buka pekayan Aron ari iya ba bukit nya, lalu rasukka pekayan nya ba anak iya Eleasar. Aron deka mati ba bukit nya.”\\n27 Moses lalu ngereja nitihka asuh TUHAN. Sida niki ngagai Bukit Hor, dipeda semua orang Israel.\\n28 Moses lalu muka pekayan Aron, lalu ngerasukka pekayan nya ba Eleasar. Aron lalu mati ba tuchung bukit nya, lalu Moses seduai Eleasar nurun ari bukit nya.\\n29 Lebuh semua orang Israel meda Aron udah mati, sida lalu ngulitka iya tiga puluh hari.\\nMenang Ngelaban Orang Kanaan\\n1 Lebuh raja menua Kanaan, ke merintah di Arat, di selatan menua Kanaan, ninga orang Israel deka datai nengah Atarim, iya nyerang sida, lalu nangkap sekeda orang Israel.\\n2 Orang Israel lalu besumpah enggau TUHAN, ku sida, “Enti Nuan deka nyerahka orang nya ngagai kami, kami deka ngerusak nengeri sida.”\\n3 TUHAN ninga sida, lalu nyaup sida ngalahka orang Kanaan. Nya alai orang Israel ngeluska orang Kanaan, sereta ngerusak nengeri sida, lalu ngumbai endur nya Hormah.\\n4 Orang Israel lalu angkat ari Bukit Hor, nengah jalai ti nuju ngagai Teluk Akaba, ngelaungka menua Edom. Tang di rantau jalai, orang mayuh nyau enda liat ati agi,\\n5 lalu bejaku ngelaban Allah Taala enggau ngelaban Moses, ku sida, “Nama kebuah nuan mai kami pansut ari menua Ejip lalu nejuka kami mati di menua puang tu, ba endur ti nadai pemakai, nadai ai tu? Kami nyau leju makai pemakai ti enda nyamai tu!”\\n6 Udah nya TUHAN lalu ngasuh ular ti bisa datai ngagai orang mayuh. Ular nya lalu mantuk sida, lalu mayuh amat sida mati.\\n7 Orang mayuh lalu mansang ngagai Moses, lalu bejaku, “Kami udah bedosa laban kami udah bejaku ngelaban TUHAN, enggau ngelaban nuan. Besampi ngagai TUHAN minta Iya muai ular tu.” Moses lalu besampika orang mayuh.\\n8 Udah nya, TUHAN lalu ngasuh Moses ngaga siku ular ari temaga, lalu nuatka ular nya ngena siti tiang; barang sapa kena pantuk ular, deka merening ngagai ular nya, lalu gerai.\\n9 Nya alai Moses ngaga siku ular ari temaga, lalu nuatka ular nya ngena tiang; lalu barang sapa dipantuk ular, deka merening ngagai ular temaga nya, lalu digeraika.\\nAri Bukit Hor Ngagai Emperan Menua Moap\\n10 Orang Israel lalu mindah ari endur nya, lalu nirika kem sida di Obot.\\n11 Sida angkat ari Obot, lalu nirika kem sida ba tembawai Abarim, di menua puang ti muak ke timur menua Moap.\\n12 Udah nya sida nirika kem sida ba Emperan Seret.\\n13 Ari Seret sida mindah baru, lalu nirika kem sida ba tebing utara Sungai Arnon, di menua puang ti nganchau ngagai menua orang Amor. (Nyadi Sungai Arnon nya nyadika garis entara menua orang Moap enggau orang Amor.)\\n14 Nya kebuah Bup Pasal Perang TUHAN bisi ngenang pasal “...nengeri Wahep ti dalam kandang menua Supah, enggau lebak Arnon,\\n15 enggau serimbing lebak ti nyentuk ngagai nengeri Ar, enggau ngagai garis entara menua Moap.”\\n16 Ari nya sida angkat lalu bejalai ngagai endur siti ti dikumbai Beer. Dia TUHAN bejaku ngagai Moses, “Gempuruka orang mayuh, laban Aku deka meri sida ai.”\\n17 Udah nya orang Israel nyanyi lagu tu: “Telaga, pansutka ai nuan; Nya baru kami deka nyambut iya ngena lagu:\\n18 Telaga ti udah ditumbak bala raja sereta ditumbak bala tuai orang mayuh, ditumbak ngena tungkat diraja enggau ngena tungkat sida.” Sida mindah ari menua puang nya ngagai Matanah,\\n19 lalu ari Matanah sida bejalai ngagai Nahalil, lalu ari Nahalil ngagai Bamot,\\n20 Ari Bamot ngagai lebak ti di menua Moap, di baruh tuchung Bukit Pisgah, ti ngadap ngagai menua puang.\\nMenang Ngelaban Raja Sihon Enggau Raja Og\\n21 Udah nya orang Israel lalu ngasuh bala seruan betemu enggau Sihon, raja orang Amor.\\n22 “Kami minta nuan ngemendarka kami nengah menua nuan. Kami enggau raban jelu tupi kami enda limpang ari jalai raya, lalu enda ngelunjak umai tauka kebun anggur kita, lalu kami enda mega ngirup ai ari telaga kita. Kami deka semina bejalai nengah jalai raya aja datai ke kami udah meraka garis entara menua kita.”\\n23 Tang Sihon enggai ngemendarka orang Israel bejalai nengah menua iya. Iya ngempuruka bala soldadu iya, lalu mansang ngagai Jahas di menua puang, lalu\\nnyerang orang Israel dia.\\n24 Tang orang Israel munuh mayuh amat bala soldadu Raja Sihon dalam perang nya, lalu nguan menua iya belabuh ari Sungai Arnon nyentuk ngagai Jabok di utara, iya nya, ngagai menua orang Amon, laban garis entara menua orang Amon balat amat dijaga.\\n25 Nya alai, orang Israel ngalahka semua nengeri orang Amor, nyengkaum Hesbon, enggau semua nengeri ti mit ti ngelingi nengeri nya, lalu sida nguan semua nengeri nya.\\n26 Nyadi Hesbon nya indu nengeri Raja Sihon ti nyadi raja orang Amor, ti udah beperang ngelaban raja menua Moap dulu menya, lalu udah ngalahka semua menua raja nya nyentuk ngagai Sungai Arnon.\\n27 Nya kebuah orang ke landik belagu nyanyi munyi tu, “Datai ngagai Hesbon, ngagai nengeri Raja Sihon! Kami deka meda nengeri nya digaga baru, lalu digaga baka iya ti dulu.\\n28 Dulu menya, ari nengeri tu bala soldadu Sihon udah nyelar baka api. Iya ngerusak nengeri Ar di Moap lalu makai menua ti bukit ba ulu Sungai Arnon.\\n29 Tulah kita orang Moap! Kita ti nyembah Kemos deka dirusak! Petara kita nejuka orang ke lelaki tasah. Lalu sida ke indu ditangkap raja orang bansa Amor.\\n30 Tang diatu peturun sida nya benung dirusak, di rantau jalai kenyau ari Hesbon nyentuk ngagai Dibon, kenyau ari Nasim nyentuk ngagai Nopah, ti semak Medeba.”\\n31 Nya alai orang Israel ngentapka diri di menua orang Amor,\\n32 lalu Moses ngasuh orang ngiga jalai ti pemadu nyamai ditengah mansang nyerang nengeri Joser. Orang Israel ngalahka nengeri nya, enggau nengeri ti mit ti ngelingi nengeri nya, lalu muru orang Amor ti diau dia.\\n33 Udah nya orang Israel nguing lalu bejalai nengah jalai ti nuju ngagai Basan, lalu Raja Og ti nyadi raja dia enggau bala soldadu iya angkat lalu nyerang sida di Edrei.\\n34 Ku TUHAN bejaku ngagai Moses, “Anang takutka iya laban Aku udah nyerahka iya ngagai jari nuan, sama enggau semua bala nembiak iya, sereta enggau semua menua iya. Kereja ngagai iya baka ke udah dikereja nuan ngagai Sihon, raja orang Amor ke merintah di Hesbon.”\\n35 Nya alai orang Israel munuh Og, bala anak lelaki iya, enggau semua nembiak iya. Nadai siku sida ditejuka idup. Udah nya orang Israel lalu nguan menua iya.\\nRaja Orang Moap Minta Balaam Datai\\n1 Orang Israel angkat ari endur nya lalu nirika kem sida ba emperan menua Moap, tunga ke timur Sungai Jordan, di seberai Jeriko.\\n2 Lebuh Balak anak Sipur, ti nyadi raja orang Moap, ninga pasal utai ti udah dikereja orang Israel ngagai orang Amor, enggau pasal pemayuh tubuh orang Israel,\\n3 iya enggau semua nembiak iya lalu balat amat takut.\\n4 Orang Moap lalu bejaku enggau bala tuai orang Midian, “Enda lama da agi bala orang tu deka ngerusak semua utai ti ngelingi kitai, indah-indah baka sapi ti ngulam ba padang.” Nya alai Raja Balak\\n5 lalu ngasuh seruan iya madahka Balaam anak Beor, ti diau di Petor semak Sungai Eupratis di menua Amaw. Baka tu ku pesan ti dibai sida ari Balak: “Aku madahka ngagai nuan: siti bansa udah datai ari menua Ejip. Bansa orang nya nyau ngachir di semua endur, lalu nguji ngerampas menua kami.\\n6 Sida iya mayuh agi tubuh ari kami. Nya alai, aku minta nuan datai, lalu nyumpah sida ke aku. Nyangka ukur kami ulih ngalahka sida lebuh sida udah kena sumpah, lalu muru sida ari menua kami. Aku nemu, lebuh nuan merekatka orang, orang nya bulih berekat, lalu lebuh nuan nyumpah orang, orang nya ditinggang sumpah.”\\n7 Nya alai tuai orang Moap enggau tuai orang Midian mai upah kena meli jaku sumpah nya, mansang ngagai Balaam, lalu meri pesan Balak ngagai iya.\\n8 Ku Balaam bejaku enggau sida, “Aku minta kita bemalam ditu malam tu. Pagila baru aku madahka utai ti dipadahka TUHAN ngagai aku.” Nya alai bala tuai orang Moap lalu bemalam enggau Balaam.\\n9 Allah Taala datai ngagai Balaam lalu nanya iya, “Sapa orang nya ke bemalam enggau nuan?”\\n10 Disaut Balaam, “Raja Balak orang Moap udah ngasuh sida madahka ngagai aku\\n11 pasal siti bansa ti udah datai ari menua Ejip, lalu udah ngachir di serata menua iya. Iya minta aku nyumpah orang nya, ngambika iya ulih ngelaban sida, lalu muru sida ari menua iya.”\\n12 Ku Allah Taala bejaku enggau Balaam, “Anang mupuk enggau sida, lalu anang nyumpah orang Israel, laban Aku udah merekatka sida.”\\n13 Pagi hari siti Balaam dani lalu bejaku ngagai bala seruan Balak, “Pulai meh kita. TUHAN enda ngasuh aku mupuk enggau kita.”\\n14 Nya alai sida pulai ngagai Balak, lalu madahka pasal Balaam ke enggai enggau sida.\\n15 Udah nya Balak lalu ngasuh mayuh agi bala tuai bansa, ti tinggi agi pangkat ari sida ke dulu, betemu enggau Balaam.\\n16 Sida mansang ngagai Balaam, lalu meri pesan tu ari Balak, “Anang enda datai!\\n17 Aku deka meri nuan upah ti besai, lalu ngereja sebarang utai ti dipinta nuan. Datai kitu, lalu sumpah orang nya ke aku.”\\n18 Tang disaut Balaam, “Enti sema Balak meri aku semua pirak enggau emas dalam istana iya, enggai meh aku ngelaban pesan TUHAN Allah Taala aku. Indah ba pekara ti pemadu mit deh aku enggai.\\n19 Tang aku minta kita bemalam ditu, baka sida ke dulu, ngambika aku tau nemu enti TUHAN bisi utai bukai ti deka dipadahka Iya ngagai aku.”\\n20 Malam nya Allah Taala datai ngagai Balaam, lalu bejaku, “Enti bala orang tu datai laban sida minta nuan mupuk enggau sida, sedia meh nuan, tang nuan semina ngereja utai ti diasuh Aku.”\\n21 Nya alai, pagi hari siti Balaam nyendiaka keledai iya, lalu mupuk enggau bala tuai orang Moap.\\nBalaam Enggau Keledai Iya\\n22 Tang Allah Taala ringat laban Balaam mupuk enggau sida, lalu lebuh Balaam benung mupuk ngena keledai iya, disempulang dua iku orang gaji iya, siku melikat TUHAN bediri ba tengah jalai raya nya, lalu mempang iya.\\n23 Lebuh keledai Balaam meda melikat nya bediri dia megai pedang, iya limpang ari jalai raya nya, lalu nguing ngagai padang. Balaam malu keledai iya, lalu nguingka keledai nya pulai baru ngagai jalai raya.\\n24 Udah nya, melikat nya lalu bediri ba jalai ti sempit, ba entara dua belah kebun anggur, ti bisi dinding batu ari sepiak-sepiak.\\n25 Lebuh keledai nya meda melikat nya, iya lalu bejalai ngembing dinding batu nya, lalu ngempitka kaki Balaam ngagai dinding nya. Balaam lalu malu keledai nya baru.\\n26 Udah nya, melikat nya bejalai dulu baru lalu bediri ba endur ti sempit, ti nadai alai begelih.\\n27 Nyadi sekali tu, lebuh keledai nya meda melikat nya, iya gali. Balaam ringat, lalu belabuh malu keledai nya ngena tungkat iya.\\n28 Udah nya TUHAN lalu meri keledai nya kuasa bejaku, lalu ku keledai nya bejaku ngagai Balaam, “Nama utai ti udah dikereja aku ba nuan, datai ke nuan nyau malu aku tiga kali?”\\n29 Ku Balaam nyaut keledai nya, “Laban nuan udah ngemelika aku! Enti sema aku bisi pedang, aku tetap deka munuh nuan.”\\n30 Ku keledai nya nyaut, “Kati aku tu ukai keledai ti ditepan nuan seumur idup? Kati aku bisi udah kala ngaga nuan baka tu suba?” “Nadai kala,” ku Balaam nyaut.\\n31 Udah nya, TUHAN ngasuh Balaam meda melikat ke bediri dia megai pedang iya. Balaam lalu nyungkurka diri ke tanah.\\n32 Melikat nya lalu nanya Balaam, “Nama kebuah nuan malu keledai nuan tiga kali baka nya? Aku datai laban aku deka mempang jalai nuan, laban nuan enda tau kin.\\n33 Tang keledai nuan ulih meda aku, lalu limpang ari jalai raya tiga kali. Enti iya enda limpang, aku tetap udah munuh nuan, tang enda munuh keledai nya.”\\n34 Disaut Balaam, “Aku udah bedosa. Aku enda nemu nuan bisi bediri ba jalai raya deka ngelaban aku. Tang enti nuan ngumbai aku salah ketegal aku udah mupuk, pulai meh aku.”\\n35 Tang ku melikat nya bejaku, “Mupuk meh nuan enggau sida, tang nuan semina nyebut utai ti diasuh aku sebut nuan.” Nya alai Balaam mupuk enggau sida.\\nBalak Nyambut Penatai Balaam\\n36 Lebuh Balak ninga Balaam nyau deka datai, iya mansang ngambat iya di Ar, nengeri ti ba tebing Sungai Arnon, ba entara menua enggau Moap.\\n37 Ku Balak bejaku enggau Balaam, “Nama kebuah nuan enda datai lebuh aku mesanka nuan terubah iya? Kati nuan ngumbai aku enda ulih ngupah nuan?”\\n38 Disaut Balaam, “Diatu aku udah datai, ukai enda? Tang nama kuasa aku? Aku semina ulih nyebut utai ti diasuh Allah Taala sebut aku.”\\n39 Nya alai Balaam bejalai enggau Balak ngagai nengeri Husot.\\n40 Dia Balak lalu nyayat jelu sapi enggau bedus, lalu meri sekeda dagin jelu nya ngagai Balaam, enggau ngagai bala tuai ke bejalai enggau iya.\\nJaku Benabi Ti Keterubah Ari Balaam\\n41 Pagi hari siti, Balak mai Balaam mansang ngagai Bamot-baal. Ari endur nya Balaam ulih meda sebagi ari bala orang Israel.\\n1 Ku Balaam bejaku enggau Balak, “Gaga tujuh iti alta ditu ke aku, lalu bai ngagai aku tujuh iku sapi ti lelaki, enggau tujuh iku bedus ti lelaki.”\\n2 Balak lalu ngereja utai ti diasuh Balaam gaga iya. Iya enggau Balaam lalu nyerahka siku sapi ti lelaki enggau siku bedus ti lelaki ba siti-siti alta nya.\\n3 Udah nya Balaam bejaku enggau Balak, “Bediri nuan ditu ngimbai piring tunu nuan tu. Aku deka bejalai kebukai, deka nemu enti TUHAN deka, tauka enggai betemu enggau aku. Aku deka madahka ngagai nuan utai ti dipandangka Iya ngagai aku.” Balaam lalu bejalai kediri ngagai tuchung bukit sigi,\\n4 lalu Allah Taala betemu enggau iya. Ku Balaam bejaku enggau Allah Taala, “Aku udah ngaga tujuh iti alta, lalu udah meri siku sapi ti lelaki enggau siku bedus ti lelaki ba genap iti alta nya.”\\n5 TUHAN lalu madahka ngagai Balaam utai ti patut disebut iya, lalu ngasuh Balaam pulai baru ngagai Balak, lalu meri pesan TUHAN ngagai iya.\\n6 Balaam lalu pulai, lalu nemu Balak mengkang bediri ngimbai piring tunu iya, sama enggau semua tuai orang Moap.\\n7 Balaam lalu nyebut jaku ti benabi tu: “Balak, raja orang Moap udah mai aku ari Siria, ari bukit ti di timur. ‘Datai lalu bejaku enggau aku,’ ku iya bejaku. ‘Sumpah orang Israel.’\\n8 Baka ni ku aku nyumpah utai ti enda disumpah Allah Taala, tauka bejakuka pasal ukum, enti TUHAN apin bejakuka pasal ukum?\\n9 Ari tuchung bukit ti tinggi, aku ulih meda sida. Aku ulih nengkilaka sida ari munggu. Sida tu bansa orang ke diau kediri. Sida nemu diri udah lebih agi diberekatka ari semua bansa bukai.\\n10 Bala peturun Israel nyau ngemayuh amau. Sida enda ulih diitung. Awakka aku ngapuska seput aku baka siku nembiak Allah Taala. Awakka aku mati mai ati ti lantang baka orang ke lurus.”\\n11 Udah nya Balak lalu bejaku enggau Balaam, “Nama utai tu ti udah dikereja nuan ba aku? Aku udah mai nuan kitu, ngasuh nuan nyumpah munsuh aku, tang nuan merekatka sida.”\\n12 Disaut Balaam, “Aku semina ulih nyebut utai ti diasuh TUHAN.”\\n13 Udah nya Balak bejaku enggau Balaam, “Aram bejalai enggau aku ngagai siti agi endur. Nuan ulih meda orang Israel ari endur nya. Sumpah sida ke aku ari endur nya.”\\n14 Balak lalu mai Balaam ngagai padang ti di Sopim, ti ba tuchung Bukit Pisgah. Balak mega ngaga tujuh iti alta dia, lalu nyerahka siku sapi ti lelaki enggau siku bedus ti lelaki ba genap iti alta nya.\\n15 Ku Balaam bejaku enggau Balak, “Bediri nuan ditu ngimbai piring tunu nuan. Aku deka betemu enggau Allah Taala ba endur nyin.”\\n16 TUHAN betemu enggau Balaam, madahka ngagai iya utai ti patut disebut iya, lalu ngasuh iya pulai baru ngagai Balak, lalu meri pesan TUHAN ngagai Balak.\\n17 Nya alai Balaam pulai baru ngagai Balak, lalu nemu Balak mengkang bediri ngimbai piring tunu, sama enggau bala tuai orang Moap. Balak lalu nanyaka utai ti udah disebut TUHAN.\\n18 Balaam lalu nyebut jaku ti benabi tu: “Datai kitu ke nuan Balak anak Sipor, lalu pendingka utai ti deka disebut aku.\\n19 Allah Taala ukai baka mensia ti bula. Iya ukai baka mensia ti ngubah runding diri. Utai ti disemaya Iya sigi deka dikereja Iya. Iya bejaku, lalu utai nya nyadi.\\n20 Aku udah diasuh merekat, lalu lebuh Allah Taala merekat, aku enda ulih narit berekat nya pulai baru.\\n21 Aku meda utai ti deka nyadi, lalu nemu orang Israel enda kena laban penusah tauka pengachau jemah ila. TUHAN Allah Taala sida bisi enggau sida. Sida madahka Iya endang Raja sida.\\n22 Allah Taala udah mai sida pansut ari menua Ejip. Iya belaban ngarika sida baka sapi ti lelaki ke siga.\\n23 Nadai puchau, tauka pengaruh ulih ngelaban orang Israel. Orang deka nyebut tu pasal orang Israel, ‘Peda kita utai ti udah dikereja Allah Taala!’\\n24 Bansa Israel nya baka singa. Iya enda ngetu ngapa sebedau iya nyarik lalu makai, sebedau iya ngirup darah utai ti dibunuh iya.”\\n25 Udah nya Balak lalu bejaku enggau Balaam, “Enti nuan enggai nyumpah orang Israel, anang ga nuan merekatka sida!”\\n26 Disaut Balaam, “Ukai enda aku udah madahka ngagai nuan, aku enda tau enda ngereja semua utai ti diasuh TUHAN?”\\n27 Ku Balak bejaku, “Aram bejalai enggau aku. Aku deka mai nuan ngagai siti agi endur. Kada enda Allah Taala deka ngasuh nuan nyumpah sida ke aku ari endur nya.”\\n28 Nya alai iya mai Balaam ngagai tuchung Bukit Peor di menua puang.\\n29 Ku Balaam bejaku enggau Balak, “Gaga tujuh iti alta ke aku ditu, lalu bai ngagai aku tujuh iku sapi ti lelaki enggau tujuh iku bedus ti lelaki.”\\n30 Balak ngereja nitihka asuh Balaam, lalu meri siku sapi ti lelaki enggau siku bedus ti lelaki ba genap iti alta nya.\\n1 Diatu baru Balaam nemu TUHAN udah ngasuh iya merekatka orang Israel. Nya alai iya enda agi begigaka tanda baka ke dikereja iya dulu ari nya. Iya nguing tunga ngagai menua puang\\n2 lalu tepedaka orang Israel diau ba kem sida beraban-raban. Roh Allah Taala lalu bekuasa ba iya,\\n3 lalu iya benabi: “Tu pesan Balaam anak Beor, jaku orang ke lansik meda,\\n4 ke ulih ninga utai ti disebut Allah Taala. Aku tegenung meda utai dalam genera, genera ti datai ari Allah Taala ti Pemadu Bekuasa.\\n5 Langkau kain orang Israel amat manah,\\n6 Baka rintai batang kayu engkerema tauka baka kebun ti ngimbai sungai, baka kayu garu ti ditanam TUHAN tauka baka kayu sidar ti ba tebing ai.\\n7 Hari deka ujan lebat lalu sida deka nanam benih sida ba padang ti mayuh ai. Raja sida deka kering agi ari Agak, lalu perintah Iya deka ngerembai jauh.\\n8 Allah Taala udah mai sida pansut ari menua Ejip. Iya belaban ngarika sida baka sapi ti lelaki ke siga. Sida nelan munsuh sida, ngeredakka tulang sida, matahka panah sida.\\n9 Bansa orang nya deka nyadi baka singa ti kering. Lebuh iya tinduk, nadai orang berani ngerak iya. Barang sapa merekatka orang Israel, deka nerima berekat. Lalu barang sapa nyumpah orang Israel, deka kena sumpah.”\\n10 Balak ngenggamka jari iya laban iya balat ringat, lalu bejaku enggau Balaam, “Aku mesanka nuan, ngasuh nuan nyumpah munsuh aku, tang nuan udah merekatka sida tiga kali.\\n11 Pulai nuan ngagai menua nuan empu! Aku udah besemaya deka ngupah nuan, tang TUHAN udah nagang nuan bulih upah nya.”\\n12 Disaut Balaam, “Aku udah madahka ngagai bala seruan ti diasuh nuan betemu enggau aku,\\n13 enti sema nuan meri aku semua pirak enggau emas ari istana nuan, enda meh aku ulih ngelaban pesan TUHAN lalu ngereja utai nitihka peneka ati aku empu. Aku semina deka nyebut utai ti diasuh TUHAN.”\\n14 Ku Balaam bejaku enggau Balak, “Aku diatu deka mulaika diri ngagai bala aku empu, tang sebedau aku mupuk, aku deka meri nuan jaku tangkan pasal utai ti deka dikereja orang Israel ngagai bala nembiak nuan jemah ila.”\\n15 Balaam lalu benabi munyi tu: “Pesan ari Balaam anak Beor, jaku ari orang siku ke lansik meda,\\n16 Ke ulih ninga utai ti disebut Allah Taala lalu nyambut penemu ti datai ari Iya ti Pemadu Tinggi. Aku tegenung meda utai dalam genera, genera ti datai ari Allah Taala ti Pemadu Bekuasa.\\n17 Aku ninjau ngagai maya ti jemah ila, lalu aku tepedaka bansa orang Israel. Siku raja, ke baka bintang ti terang, deka angkat ari bansa orang nya. Iya deka datai ari bansa orang Israel baka bintang ti terebai. Iya deka nyerang bala tuai orang Moap lalu ngalahka semua peturun Set.\\n18 Iya deka ngalahka munsuh iya di Edom lalu ngaga menua sida nyadika pesaka iya empu, lebuh orang Israel majak menang.\\n19 Orang Israel deka ngindik sida lalu ngeluska sida ke agi idup.”\\n20 Udah nya, dalam genera iya Balaam tepedaka orang Amalek, lalu iya benabi munyi tu: “Orang Amalek tu bansa ti pemadu kering ari semua bansa, tang ba pengujung iya, sida deka lus belama iya.”\\n21 Dalam genera iya, Balaam tepedaka bansa Ken, lalu iya benabi munyi tu: “Endur alai nuan diau endang likun, ngelikun sarang ti digaga tinggi ba tingkah batu,\\n22 Tang kita bansa Ken deka dirusak lebuh orang Asiria ngaga kita nyadi orang tangkap sida.”\\n23 Balaam lalu benabi munyi tu: “Bala sapa nya ke begempuru di utara?\\n24 Bala orang ke nyerang deka belayar ari pulau Saiprus. Sida deka ngalahka menua Asiria enggau menua Eber, tang sida, deka mega abis mati belama iya.”\\n25 Udah nya Balaam besikap lalu pulai ngagai menua iya empu. Balak pen angkat lalu mulaika diri.\\nOrang Israel Di Peor\\n1 Lebuh orang Israel agi diau ba kem sida ba Emperan Akasia, sida ke lelaki belabuh beleman enggau indu bansa Moap ti diau dia.\\n2 Sida indu tu ngambi sida ngabang ngagai gawai miring, alai petara orang Moap ke disembah. Orang Israel makai pemakai sereta nyembah petara\\n3 Baal di Peor. Nya alai TUHAN ringat ngagai sida\\n4 lalu nyebut ngagai Moses, “Tangkap semua orang Israel ti udah nguluka orang ngereja utai tu, lalu titihka jaku Aku. Bunuh sida lebuh siang hari. Nya baru Aku enda agi ringat ngagai orang Israel.”\\n5 Ku Moses bejaku enggau bala pemesai, “Genap iku kita enda tau enda munuh semua lelaki ari raban bansa kita empu ti udah nyembah Baal di Peor.”\\n6 Nyadi siku lelaki orang Israel bisi mai siku indu bansa Midian ngagai langkau kain iya, dipeda Moses enggau bala orang Israel, lebuh sida benung ngulit ba penama ngagai Langkau Kain TUHAN.\\n7 Lebuh Pinehas anak Eleasar, uchu Imam Aron, meda nya, iya lalu angkat ninggalka bala mayuh. Iya mai sangkuh,\\n8 nitihka lelaki enggau indu nya ngagai langkau kain lelaki nya, numbuk seduai iya ngena sangkuh nya lalu ngebuska tubuh seduai iya. Nya meh jalai penyakit ditagang ngerusak orang Israel.\\n9 Tang penyakit nya udah munuh dua puluh empat ribu iku orang.\\n10 Ku TUHAN bejaku ngagai Moses,\\n11 “Ketegal utai ti udah dikereja Pinehas, Aku enda agi ringat ngagai orang Israel. Iya enggai meda orang nyembah petara bukai tang semina Aku Siku aja. Nya kebuah Aku enda munuh sida lebuh Aku ringat.\\n12 Nya alai padahka ngagai Pinehas, Aku deka ngaga siti sempekat enggau iya. Sempekat nya deka meruan belama iya.\\n13 Iya enggau peturun iya deka nyadi imam belama iya, laban iya tetap ati ngagai Aku, lalu udah ngasuh dosa orang Israel diampun.”\\n14 Nama lelaki orang Israel ke dibunuh sama enggau indu orang Midian nya Sisa Imri anak Salu, tuai bilik ke raban bansa Simeon.\\n15 Nama indu nya Kosbi. Apai iya Sur, siku ari orang ke nyadi tuai suku raban bansa ke peturun orang Midian.\\n16 Ku TUHAN bejaku ngagai Moses,\\n17 “Serang orang Midian, lalu bunuh sida\\n18 ketegal penyai ti udah dikereja sida ngagai nuan, lebuh sida nipu kita di Peor, enggau ketegal Kosbi, ti udah dibunuh lebuh maya penyakit nyerang di Peor.”\\nPengawa Ngitung Tubuh Ti Kedua\\n1 Udah bekau sida ke diserang penyakit nya, TUHAN bejaku ngagai Moses seduai Eleasar anak Imam Aron,\\n2 “Itung pemayuh tubuh semua orang Israel ti lelaki, ke umur dua puluh taun ke atas, ti tau enggau beperang, ari semua ruang bilik orang Israel.”\\n3-4 Moses seduai Eleasar ngasika TUHAN, lalu mesanka semua lelaki ke dalam kandang umur nya. Sida begempuru ba emperan menua Moap, ba tebing Sungai Jordan di seberai Jeriko. Tu orang Israel ti udah pansut ari menua Ejip:\\n5 Bala raban bansa Reuben (Reuben nya anak tuai Jakop) nyengkaum suku raban bansa Hanok, Palu,\\n6 suku raban bansa Hesron, enggau suku raban bansa Karmi.\\n7 Pemayuh tubuh orang ari semua suku raban bansa tu: 43,730 iku lelaki.\\n8 Bala peturun Palu nya Eliap\\n9 enggau bala anak lelaki Eliap: Nemuel, Datan, enggau Abiram. (Datan seduai Abiram tu orang ke udah dipilih orang Israel. Seduai iya ngelaban jaku Moses seduai Aron, lalu ngalih ari orang ke nitihka Korah, lebuh sida ngelaban TUHAN.\\n10 Tanah merekah lalu nelan seduai iya, lalu seduai iya mati sama enggau Korah sereta enggau orang ke nitihka Korah lebuh maya api ti nganguska dua ratus lima puluh iku lelaki. Utai ti nyadi ba sida nya kena ngajar orang mayuh.\\n11 Tang bala anak lelaki Korah enda kena bunuh.)\\n12 Peturun Simeon nitihka suku raban bansa sida nyengkaum suku raban bansa Nemuel, Jamin, Jachin,\\n13 Serah, enggau Saul.\\n14 Pemayuh lelaki ari semua suku raban bansa tu: 22,200 iku.\\n15 Peturun Gat nyengkaum suku raban bansa Sepon, Hagi, Suni,\\n16 Osni, Eri,\\n17 Arot, enggau Areli.\\n18 Pemayuh lelaki ari semua suku raban bansa tu: 40,500 iku.\\n19-21 Peturun Judah nyengkaum suku raban bansa Selah, Peres, Serah, Hesron, enggau Hamul. (Dua iku anak lelaki Judah, Er enggau Onan, udah mati di menua Kanaan.)\\n22 Pemayuh lelaki ari semua suku raban bansa tu: 76,500 iku.\\n23 Peturun Isakar nyengkaum suku raban bansa Tola, Puah,\\n24 Jasup, enggau Simron.\\n25 Pemayuh lelaki ari semua suku raban bansa tu: 64,300 iku.\\n26 Peturun Sebulun nyengkaum suku raban bansa Seret, Elon, enggau Jahlil.\\n27 Pemayuh lelaki ari semua suku raban bansa tu: 60,500 iku.\\n28 Peturun Josep, nitihka suku raban bansa sida ke diturunka Manasi seduai Epraim.\\n29 Peturun Manasi nya baka tu: Machir anak Manasi nyadi apai Giliat, lalu Giliat nurunka\\n30 suku raban bansa Leser, Helek,\\n31 Asril, Sekem,\\n32 Semida, enggau Heper.\\n33 Selopehat anak Heper nadai anak lelaki, tang semina bisi anak indu. Nama sida nya Malah, Noah, Hoklah, Milkah enggau Tirsah.\\n34 Pemayuh lelaki ari semua suku raban bansa tu: 52,700 iku.\\n35 Peturun Epraim nyengkaum suku raban bansa Sutelah, Beker, enggau Tahan.\\n36 Suku raban bansa Eran diturunka Sutelah.\\n37 Pemayuh lelaki ari semua suku raban tu: 32,500 iku.\\nNya meh semua suku raban bansa ti diturunka Josep.\\n38 Peturun Benjamin nyengkaum suku raban bansa Bela, Asbel, Ahiram,\\n39 Sepupam, enggau Hupam.\\n40 Raban peturun Art enggau Naaman nya diturunka Bela.\\n41 Pemayuh lelaki ari semua suku raban bansa tu: 45,600 iku.\\n42 Peturun Dan nyengkaum suku raban bansa Suham,\\n43 lalu pemayuh lelaki ari suku raban bansa tu: 64,400 iku.\\n44 Peturun Aser nyengkaum suku raban bansa Imnah, Isbi, enggau Beriah.\\n45 Suku raban bansa Beriah nurunka suku raban bansa Heber enggau Malkil.\\n46 Aser bisi anak indu siku benama Serah.\\n47 Pemayuh lelaki ari semua suku raban bansa tu: 53,400 iku.\\n48 Peturun Naptali nyengkaum suku raban bansa Jahsil, Guni,\\n49 Jeser, enggau Silem.\\n50 Pemayuh lelaki ari semua suku raban bansa tu: 45,400 iku.\\n51 Pemayuh semua lelaki orang Israel: 601,730 iku.\\n52 Ku TUHAN bejaku ngagai Moses,\\n53 “Bagi menua nya ngagai semua raban bansa orang Israel, nitihka pemayuh tubuh dalam siti-siti raban bansa.\\n54-56 Bagi menua nya ngena chara bechabut undi, lalu beri ungkup ti besai agi ngagai raban bansa ti mayuh agi tubuh, enggau ungkup ti mit agi ngagai raban bansa ti mimit agi tubuh.”\\n57 Raban bansa Lewi nyengkaum suku raban bansa Gerson, Kohat, enggau Merari.\\n58 Peturun sida nya nyengkaum suku raban bansa ti diturunka Libni, Hebron, Mahli, Musi, enggau Korah. Kohat nya apai Amram,\\n59 ke jadi enggau anak dara Lewi ke benama Jokibit, ke diadaka di menua Ejip. Iya ngadaka dua iku anak lelaki, Aron seduai Moses, enggau siku anak indu ke benama Miriam.\\n60 Nyadi Aron bisi empat iku anak lelaki, Nadap, Abihu, Eleasar, enggau Itamar.\\n61 Nadap seduai Abihu mati lebuh seduai iya meri api ti enda kudus ngagai TUHAN.\\n62 Pemayuh orang Lewi ti lelaki, ke umur sebulan ke atas, nya 23,000 iku. Sida iya diitung kediri ari orang Israel ti bukai, laban sida nadai diberi pesaka di menua Israel.\\n63 Semua raban peturun tu dituliska Moses seduai Eleasar magang, lebuh seduai ngitung tubuh orang Israel ba emperan menua Moap, di seberai nengeri Jeriko, ngimbai Sungai Jordan.\\n64 Nadai siku lelaki agi idup ari orang ke udah diitung Moses seduai Aron, lebuh ngitung tubuh ti keterubah dipejalaika di menua puang Sinai.\\n65 TUHAN udah madahka semua sida nya deka mati magang di menua puang. Kelimpah ari Kalep anak Jepuneh, enggau Josua anak Nun, semua orang bukai udah mati magang.\\nAnak Indu Selopehat\\n1 Malah, Noah, Hoklah, Milkah, enggau Tirsah nya anak indu Selopehat. Selopehat nya anak Heper, anak Giliat, anak Machir, anak Manasi, anak Josep.\\n2 Sida bediri di mua Moses, Imam Eleasar, bala tuai bansa, enggau semua orang Israel ba penama ngagai Langkau Kain TUHAN. Ku sida,\\n3 “Apai kami mati di menua puang, lalu iya nadai anak lelaki. Iya nadai enggau orang nitihka Korah ngelaban TUHAN. Iya mati laban dosa iya empu.\\n4 Tang taja pen apai kami nadai anak lelaki, tang nama iya enda patut dipadamka ari suku raban bansa iya empu. Nya alai beri ngagai kami tanah ari bala kaban belayan apai kami.”\\n5 Moses lalu mantaika pekara sida nya di mua TUHAN,\\n6 lalu ku TUHAN bejaku ngagai iya,\\n7 “Utai ti dipinta bala anak indu Selopehat nya endang ngena. Beri sida tanah ari bala kaban belayan apai sida, ngambika pesaka iya diempu sida.\\n8 Padahka ngagai orang Israel, lebuh lelaki mati nadai ninggalka anak lelaki, anak indu iya tau bempu pesaka iya.\\n9 Enti iya nadai anak indu, sida menyadi lelaki iya tau bempu pesaka iya.\\n10 Enti iya nadai menyadi lelaki, sida menyadi lelaki apai iya tau bempu pesaka nya.\\n11 Enti iya nadai menyadi lelaki tauka aya, nya baru kaban belayan iya ti nyempil agi tau bempu utai nya, lalu tau ngumbai utai nya reta tengkira iya empu. Orang Israel enda tau enda nitihka adat tu, munyi ti udah dipadahka Aku ti TUHAN ngagai nuan.”\\nJosua Dipilih Nganti Moses\\n12 Ku TUHAN bejaku ngagai Moses, “Alai nuan niki ngagai Bukit Abarim, lalu tinjau menua ti deka diberi Aku ngagai orang Israel.\\n13 Lebuh nuan udah ninjau menua nya, nuan deka mati, baka menyadi nuan Aron,\\n14 laban seduai sama udah ngelaban pesan Aku di menua puang Sin. Lebuh semua orang Israel mutap ngelaban Aku di Meribah, nuan enggai ngaku Aku endang bekuasa sereta kudus di mua sida.” (Meribah nya mata ai di Kades, ti di menua puang Sin.)\\n15 Moses lalu besampi,\\n16 “TUHAN Allah Taala ti pun semua pengidup, aku besampi, minta Nuan ngeletak siku orang nguluka orang mayuh\\n17 sereta ulih nyadi tuai nguluka sida beperang, ngambika bala nembiak Nuan enda baka raban bedus ti nadai orang ngibun.”\\n18 Ku TUHAN bejaku ngagai Moses, “Ambi Josua anak Nun, orang ke landik ngereja pengawa, lalu engkahka jari nuan ba pala iya.\\n19 Asuh iya bediri di mua Imam Eleasar, enggau di mua semua orang Israel, lalu padahka ngagai orang mayuh Josua deka nganti nuan.\\n20 Beri ngagai iya sekeda kuasa nuan, ngambika semua orang Israel ngasika iya.\\n21 Tang iya deka bediri di mua Imam Eleasar; lalu Imam Eleasar deka ngarika iya betanyaka ngagai Aku ngena Urim enggau Tumim, bagi utai ti diasuh Aku kereja iya; lalu semua orang Israel deka nitihka atur iya lebuh sida tama pansut.”\\n22 Moses lalu ngereja utai ti diasuh TUHAN. Iya mai Josua lalu ngasuh iya bediri di mua Imam Eleasar, enggau di mua semua orang Israel;\\n23 ngengkahka jari iya ba pala Josua, lalu meri Josua kuasa nganti iya, munyi ti dipesanka TUHAN.\\n1 TUHAN ngasuh Moses\\n2 ngajar orang Israel chara ngenjuk piring ti diberi ngena api ngagai Allah Taala, ti ngerinduka ati Iya, ba maya ti udah diletak.\\n3 Tu bagi piring ti diberi ngena api ti enda tau enda diberi ngagai TUHAN. Ke piring tunu tiap hari: beri dua iku anak domba ti lelaki, ti umur setaun, ti nadai penimpang.\\n4 Beri anak domba ti terubah, lebuh pagi hari, lalu iya ti kedua, lemai hari.\\n5 Lalu ke genap iku jelu nya, beri piring gandum, iya nya sekilogram tepung, ti dichampur enggau seliter minyak kana ti pemadu manah.\\n6 Tu piring ti diberi tiap hari, ti ditunu, ti terubah diberi ba Bukit Sinai nyadika piring ti diberi ngena api, ti bebau rengut ke TUHAN.\\n7 Ke piring wain ti diberi sama enggau anak domba ti terubah, tuang seliter wain ba alta nya.\\n8 Lemai nya, beri anak domba ti kedua, baka chara ti ngenjuk piring lebuh pagi nya, sama enggau piring wain. Nya mega nyadika piring ti diberi ngena api ti bebau rengut ke TUHAN.\\n9 Ba Hari Sabat, beri dua iku anak domba ti lelaki, ti umur setaun, ti nadai penimpang, dua kilogram tepung ti dichampur enggau minyak kana nyadika piring gandum, sereta enggau piring wain.\\n10 Piring ti ditunu tu deka diberi genap Hari Sabat, nambahka piring ti diberi tiap hari, sereta enggau piring wain.\\n11 Beri piring tunu ngagai TUHAN ba genap pun bulan, iya nya dua iku sapi ti lelaki ti agi biak, siku bedus ti lelaki, tujuh iku anak domba ti lelaki, semua nadai penimpang magang.\\n12 Nyadi ke piring gandum, beri tepung dichampur enggau minyak kana, baka tu: ke genap iku sapi ti lelaki, beri tiga kilogram tepung. Ke siku bedus ti lelaki, beri dua kilogram tepung.\\n13 Ke siku anak domba, beri sekilogram tepung. Piring ti ditunu tu nyadika piring ti diberi ngena api, ti bebau rengut ke TUHAN.\\n14 Piring wain ti patut diberi nya dua liter wain ke genap iku sapi ti lelaki, satu setengah liter wain ke siku bedus ti lelaki, enggau seliter wain ke siku anak domba. Tu adat kena ngenjuk piring kena satu hari bulan ke tiap-tiap bulan sepemanjai taun.\\n15 Lalu nambahka piring tunu ti diberi tiap hari, sama enggau piring wain, beri mega siku kambin ti lelaki nyadika piring pengampun dosa.\\n16 Gawai Paska ti dikena ngemesaika TUHAN, enda tau enda diintu kena empat belas hari bulan ti kesatu.\\n17 Kena lima belas hari bulan ti kesatu, Gawai Roti Ti Enda Beragi deka berengkah lalu deka diintu tujuh hari. Lebuh maya nya, semina roti ti enda beragi aja tau diempa.\\n18 Ba hari ti keterubah, kita enda tau enda besembiang bebala mayuh, lalu kita enda tau gawa sehari nya.\\n19 Beri piring tunu nyadika piring ti diberi ngena api ngagai TUHAN, iya nya, dua iku sapi ti lelaki, siku bedus ti lelaki, enggau tujuh iku anak domba ti lelaki ti umur setaun, ti nadai penimpang.\\n20 Beri piring ti menyana ti digaga ari tepung dichampur enggau minyak kana baka tu: tiga kilogram ke genap iku sapi ti lelaki, dua kilogram ke siku bedus ti lelaki,\\n21 enggau sekilogram ke genap iku anak domba.\\n22 Beri mega siku kambin ti lelaki nyadika piring pengampun dosa. Nya chara kita ngereja pengawa nuchi orang mayuh.\\n23 Beri piring tu kena nambahka piring tunu, ti diberi tiap pagi.\\n24 Baka nya mega, dalam kandang tujuh hari, beri piring ti diberi ngena api ngagai TUHAN, ti bebau rengut lalu ngelantangka Iya. Beri piring tu nambahka piring tunu enggau piring wain ti diberi tiap hari.\\n25 Kita enda tau enda besembiang bebala mayuh ba hari ti ketujuh, lalu anang gawa.\\n26 Ba hari ti keterubah ke Gawai Ngetau, lebuh kita meri ngagai TUHAN piring gandum ari gandum ti baru udah diketau kita, kita enda tau enda besembiang bebala mayuh, lalu kita enda tau gawa.\\n27 Beri piring tunu nyadika piring ti bebau rengut ke TUHAN, iya nya, dua iku sapi ti lelaki ti agi biak, siku bedus ti lelaki, enggau tujuh iku anak domba ti lelaki, ti umur setaun. Semua sida tu nadai penimpang magang.\\n28 Beri piring gandum ti digaga ari tepung ti pemadu alus dichampur enggau minyak kana, iya nya, tiga kilogram ke genap iku sapi ti lelaki, dua kilogram ke siku bedus ti lelaki,\\n29 enggau sekilogram ke siku anak domba.\\n30 Beri mega siku kambin ti lelaki nyadika piring pengampun dosa. Nya meh chara kita ngereja pengawa nuchi orang mayuh.\\n31 Beri piring tu enggau piring wain, kena nambahka piring tunu ti diberi kita tiap hari, enggau piring gandum.\\nPiring Ti Diberi Lebuh Gawai Taun Baru\\n1 “Kena satu hari bulan ti ketujuh, kita enda tau enda besembiang bebala mayuh, lalu enda gawa. Ba hari nya, terumpit deka disepu.\\n2 Beri siti piring tunu, ti bebau rengut ngagai TUHAN. Piring nya nyengkaum: siku sapi ti lelaki, siku bedus ti lelaki, enggau tujuh iku anak domba ti lelaki, ti umur setaun. Semua sida nya nadai penimpang magang.\\n3 Beri piring gandum kita, iya nya tepung ti pemadu alus ti udah dichampur enggau minyak kana, baka tu: tiga kilogram tepung ke siku sapi ti lelaki, dua kilogram tepung ke siku bedus ti lelaki,\\n4 enggau sekilogram ke siku anak domba.\\n5 Beri mega siku kambin nyadika piring pengampun dosa. Nya meh chara kita ngereja pengawa nuchi orang mayuh ari dosa sida.\\n6 Beri semua piring tu nambahka piring tunu ti diberi genap satu hari bulan, sama enggau piring gandum, enggau piring wain. Piring ti diberi ngena api tu bebau rengut ke TUHAN.\\nPiring Ti Diberi Ba Hari Pengampun Dosa\\n7 “Kena sepuluh hari bulan ti ketujuh, kita enda tau enda besembiang bebala mayuh lalu bepasa; kita enda tau gawa,\\n8 tang meri siti piring ti bebau rengut ngagai TUHAN, iya nya, siku sapi ti lelaki ti agi biak, siku bedus ti lelaki, enggau tujuh iku anak domba ti lelaki, ti umur setaun. Semua sida tu nadai penimpang magang.\\n9 Beri tepung ti udah dichampur enggau minyak kana nyadika piring gandum, iya nya, tiga kilogram tepung ke siku sapi ti lelaki, dua kilogram ke siku bedus ti lelaki,\\n10 enggau sekilogram ke siku anak domba.\\n11 Beri mega siku kambin ti lelaki nyadika piring pengampun dosa, nambahka kambin ti diberi ba pengawa nuchi orang mayuh ari dosa sida, enggau piring tunu sereta enggau piring gandum, enggau piring wain.\\nPiring Ti Diberi Lebuh Gawai Belangkau\\n12 “Kena lima belas hari bulan ti ketujuh, kita enda tau enda besembiang bebala mayuh; kita enda tau gawa, lalu kita enda tau enda ngintu gawai tu ke TUHAN tujuh hari.\\n13 Ba hari ti keterubah, beri piring ti diberi ngena api, ti bebau rengut ngagai TUHAN, iya nya, tiga belas iku sapi ti lelaki ti agi biak, dua iku bedus ti lelaki, enggau empat belas iku anak domba ti lelaki ti umur setaun. Semua sida nya nadai penimpang magang.\\n14 Beri tepung ti udah dichampur enggau minyak kana nyadika piring gandum kita, iya nya, tiga kilogram ke siku sapi ti lelaki, dua kilogram ke siku bedus ti lelaki,\\n15 enggau sekilogram ke siku anak domba, sama enggau piring wain nitihka penyampau ti diguna.\\n16 Beri mega siku kambin ti lelaki nyadika piring pengampun dosa. Beri semua piring tu nambahka piring tunu enggau piring gandum, enggau piring wain, ti endang diberi tiap hari.\\n17 Ba hari ti kedua, beri dua belas iku sapi ti lelaki, dua iku bedus ti lelaki, enggau empat belas iku anak domba ti lelaki, ti umur setaun. Semua sida tu nadai penimpang magang.\\n18-19 Beri enggau jelu nya semua piring ti bukai baka ke diguna ba hari ti keterubah.\\n20 Ba hari ti ketiga, beri sebelas iku sapi ti lelaki ti agi biak, dua iku bedus ti lelaki, enggau empat belas iku anak domba ti lelaki, ti umur setaun. Semua sida tu nadai penimpang magang.\\n21-22 Beri sama enggau sida nya semua piring bukai baka ke diguna ba hari ti keterubah.\\n23 Ba hari ti keempat, beri sepuluh iku sapi ti lelaki ti agi biak, dua iku bedus ti lelaki, enggau empat belas iku anak domba ti umur setaun. Semua sida tu nadai penimpang magang.\\n24-25 Beri sama enggau sida nya semua piring bukai baka ke diguna ba hari ti keterubah.\\n26 Ba hari ti kelima, beri semilan iku sapi ti lelaki ti agi biak, dua iku bedus ti lelaki, enggau empat belas iku anak domba ti lelaki, ti umur setaun. Semua sida tu nadai penimpang magang.\\n27-28 Beri sama enggau sida nya semua piring bukai baka ke diguna ba hari ti keterubah.\\n29 Ba hari ti keenam, beri lapan iku sapi ti lelaki ti agi biak, dua iku bedus ti lelaki, enggau empat belas iku anak domba ti lelaki, ti umur setaun. Semua sida tu nadai penimpang magang.\\n30-31 Beri enggau sida nya semua piring bukai baka ke diguna ba hari ti keterubah.\\n32 Ba hari ti ketujuh, beri tujuh iku sapi ti lelaki ti agi biak, dua iku bedus ti lelaki, enggau empat belas iku anak domba ti lelaki ti umur setaun. Semua sida nya nadai penimpang magang.\\n33-34 Beri sida nya sama enggau piring bukai baka ke diguna ba hari ti keterubah.\\n35 Ba hari ti kelapan, kita enda tau enda besembiang bebala mayuh, lalu anang gawa.\\n36 Beri siti piring tunu nyadika piring ti diberi ngena api ngagai TUHAN, ti bebau rengut ke Iya, baka tu: siku sapi ti lelaki ti agi biak, siku bedus ti lelaki, enggau tujuh iku anak domba ti lelaki, ti umur setaun. Semua sida nya nadai penimpang magang.\\n37-38 Beri sama enggau sida nya semua piring bukai baka ke diguna ba hari ti keterubah.\\n39 Tu meh adat pasal ngenjuk piring tunu, piring gandum, piring wain, enggau piring pemaik, ti enda tau enda diberi kita ngagai TUHAN, ba gawai ti udah diletak. Piring tu nambahka piring ti diberi kita lebuh kita ngamatka semaya, sereta nambahka piring ti diberi kita nitihka peneka ati diri.\\n40 Moses madahka ngagai orang Israel semua utai ti udah dipesanka TUHAN ngagai iya.\\nAdat Pasal Besumpah\\n1 Moses meri atur tu ngagai bala tuai raban bansa orang Israel.\\n2 “Lebuh orang besemaya deka meri utai ngagai TUHAN, tauka ngangkatka sumpah kena ngemaduka diri makai sekeda utai, orang nya enda tau mungkir ari semaya nya, tang ngereja semua utai ti disebut iya.\\n3 Lebuh indu ke agi biak, ti agi diau dalam rumah apai iya, ngaga semaya deka meri utai ngagai TUHAN, tauka besemaya deka badu agi makai sekeda utai,\\n4 iya enda tau enda ngereja semua utai ti disemaya iya, enti apai iya enda nagang iya lebuh iya ninga pasal semaya nya.\\n5 Tang enti apai iya nagang iya ngamatka semaya iya, lebuh apai iya ninga pasal semaya nya, indu nya enda ibuh ngamatka semaya nya. TUHAN deka ngampun iya, laban apai iya nagang iya ngamatka semaya nya.\\n6 Enti indu ke apin belaki ngaga siti semaya, nemuka sengaja tauka enda sengaja, tauka besemaya deka badu agi makai sekeda utai, lalu udah nya belaki,\\n7 iya enda tau enda ngereja semua utai ti udah disemaya iya, enti laki iya enda nagang iya lebuh laki iya ninga pasal utai nya.\\n8 Tang enti laki iya nagang iya ngamatka semaya nya lebuh iya ninga pasal utai nya, indu nya enda ibuh ngamatka semaya nya. TUHAN deka ngampun iya.\\n9 Indu ke balu tauka indu ke udah sarak enda tau enda ngamatka semua semaya iya.\\n10 Enti indu ke udah belaki ngaga semaya, tauka besemaya deka badu agi makai sekeda utai,\\n11 iya enda tau enda ngereja semua utai ti udah disemaya iya, tauka udah dijanji iya, enti laki iya enda nagang iya lebuh laki iya ninga pasal utai nya.\\n12 Tang enti laki iya nagang iya ngamatka semaya nya, lebuh laki iya ninga pasal semaya nya, indu nya enda ibuh ngamatka semaya nya. TUHAN deka ngampun iya, laban laki iya udah nagang iya ngamatka semaya nya.\\n13 Laki iya bisi kuasa netapka, tauka muai, sebarang semaya tauka janji ti udah digaga bini iya.\\n14 Tang enti laki enda nagang bini iya lebuh iya ninga pasal semaya bini iya, bini iya enda tau enda ngereja semua utai ti udah disemaya tauka dijanji iya. Enti laki iya enda nagang iya lebuh laki iya ninga pasal semaya nya, reti nya iya netapka semaya nya.\\n15 Tang enti, udah lepas nya, laki iya ngetas semaya nya, laki iya deka betanggungjawapka penyalah bini iya.\\n16 Tu meh adat ti diberi TUHAN ngagai Moses ba pasal semaya ti digaga indu ke apin belaki, ti agi diau dalam rumah apai iya, tauka semaya ti digaga indu ke udah belaki.\\nBeperang Ngelaban Orang Bansa Midian\\n2 “Ukum orang Midian ketegal utai ti udah dikereja sida ngagai orang Israel. Lebuh nuan udah ngereja nya, nuan deka mati.”\\n3 Nya alai Moses lalu bejaku enggau orang mayuh, “Kita enda tau enda nyendiaka diri empu mansang beperang, ngambika kita ulih nyerang orang Midian, kena ngukum sida ketegal utai ti udah dikereja sida ngagai TUHAN.\\n4 Genap raban bansa orang Israel enda tau enda ngirumka seribu iku mansang beperang.”\\n5 Nya alai seribu iku lelaki dipilih ari siti-siti raban bansa, dua belas ribu iku lelaki ke sedia deka beperang.\\n6 Moses ngasuh sida mansang beperang diuluka Pinehas anak Imam Eleasar, ke mai utai ti kudus enggau terumpit kena megau bala.\\n7 Sida nyerang orang Midian, nitihka pesan TUHAN ngagai Moses, lalu munuh semua lelaki orang Midian,\\n8 nyengkaum lima iku raja orang Midian, iya nya Raja Ebi, Rekem, Sur, Hur, enggau Reba. Sida mega munuh Balaam anak Beor.\\n9 Orang Israel nangkap bala indu enggau anak mit orang Midian, ngerampas jelu sapi, enggau jelu bedus sida, ngerumpak semua pengaya sida,\\n10 lalu nunu semua nengeri enggau kem sida.\\n11 Sida mai semua perapasan ti dirampas sida, nyengkaum orang tangkap enggau jelu,\\n12 lalu mai sida ngagai Moses seduai Eleasar, enggau ngagai bala orang Israel, ti diau ba kem sida ba emperan menua Moap, ngimbai Sungai Jordan, di seberai nengeri Jeriko.\\nBala Soldadu Pulai Beperang\\n13 Moses, Eleasar, enggau bala tuai orang Israel ti bukai pansut ari kem sida, ngambat bala soldadu.\\n14 Moses lalu ringat ngagai bala pemesai soldadu, ngagai kepala batalion, enggau kepala kampani, ke pulai beperang.\\n15 Ku iya bejaku enggau sida, “Nama kebuah kita nejuka sida indu tu idup?\\n16 Kita tentu ingat: orang indu ke mai orang Israel enda tetap ati ngagai TUHAN, nitihka atur Balaam di Peor. Nya meh utai ti ngasuh penyakit berampit ba bala nembiak TUHAN.\\n17 Nya alai diatu, bunuh semua nembiak ti lelaki, enggau semua indu ke udah kala beleman enggau lelaki,\\n18 tang galau ke kita empu semua indu dara enggau semua indu ke dara bungas.\\n19 Nyadi semua kita ke udah munuh orang, tauka udah negu bangkai, enda tau enda diau di luar kem tujuh hari. Ba hari ti ketiga, enggau ba hari ti ketujuh, kita enda tau enda nuchi diri, sama enggau indu ke udah ditangkap kita.\\n20 Kita enda tau enda mega nuchi semua gari enggau semua utai ti digaga ari kulit jelu, ari bulu kambin, tauka ari kayu.”\\n21 Imam Eleasar lalu bejaku enggau bala orang ke baru pulai beperang, “Nya adat ti udah diberi TUHAN ngagai Moses.\\n22-23 Semua utai ti enda ulih diempa api, baka emas, pirak, temaga, besi, tauka bangkang, enda tau enda diselar ngena api kena nuchi sida. Semua utai bukai enda tau enda dituchi ngena ai ti ditaga kena nuchi utai.\\n24 Ba hari ti ketujuh, kita enda tau enda masu gari kita. Udah nya baru kita tuchi, lalu tau tama ngagai kem.”\\n26 “Nuan enggau Eleasar, enggau bala tuai orang Israel, enda tau enda ngitung semua utai ti udah dirampas, nyengkaum orang jil enggau jelu,\\n27 lalu bagi bela perapasan nya ngagai dua bengkah bagi, sebagi ke bala soldadu, lalu sebagi ke orang Israel ti bukai.\\n28 Ari bagi ti diempu bala soldadu, tan ke siku ari genap lima ratus iku orang tangkap, lalu baka nya mega jelu sapi, keledai, bedus, enggau kambin, nyadika chukai TUHAN.\\n29 Beri sida nya ngagai Imam Eleasar, nyadika pemeri ti diberi ngagai TUHAN.\\n30 Ari bagi ti diungkupka ngagai orang Israel ti bukai, ambi siku ari lima puluh iku orang tangkap, lalu baka nya mega jelu sapi, keledai, bedus, enggau kambin. Beri sida nya ngagai orang Lewi ke ngintu Langkau Kain TUHAN.”\\n31 Moses seduai Eleasar lalu ngereja nya nitihka pesan TUHAN ngagai Moses.\\n32-35 Tu rintai bagi utai ti udah kena rampas bala soldadu, nambahka utai ti disimpan sida empu: 675,000 iku bedus enggau kambin, 72,000 iku jelu sapi, 61,000 keledai, enggau 32,000 indu dara bungas.\\n36-40 Ungkup ke bala soldadu nya 337,500 iku bedus enggau kambin, lalu ari nya, 675 iku nyadika chukai TUHAN; 36,000 iku jelu sapi ke soldadu, 72 iku nyadika chukai TUHAN; 30,500 iku keledai ke soldadu, lalu 61 nyadika chukai TUHAN; enggau 16,000 iku indu dara bungas ke bala soldadu, lalu 32 iku nyadika chukai TUHAN.\\n41 Nya alai Moses meri semua chukai nya ngagai Eleasar, nyadika pemeri ti diberi ngagai TUHAN, nitihka jaku TUHAN.\\n42-46 Ungkup ke orang mayuh sama ngemayuh ungkup ke bala soldadu: 337,500 iku bedus enggau kambin, 36,000 iku jelu sapi, 30,500 iku keledai, enggau 16,000 iku indu dara bungas.\\n47 Ari ungkup ke orang mayuh tu, Moses ngambi siku ari tiap-tiap lima puluh iku orang tangkap, enggau jelu, lalu meri sida nya ngagai orang Lewi ke ngintu Langkau Kain TUHAN, nitihka pesan TUHAN.\\n48 Udah nya bala tuai soldadu mansang ngagai Moses\\n49 lalu nusui berita tu ngagai iya, “Tuan, kami udah bisi ngitung bala soldadu ke diuluka kami. Nadai siku sida lenyau.\\n50 Nya alai kami mai semua perengka emas, gelang lengan, gelang jari, tinchin, antin, tenggak ti udah kena rampas kami siku-siku. Kami meri utai nya ngagai TUHAN kena meli nyawa kami, ngambika Iya nyaga kami.”\\n51 Moses seduai Eleasar lalu nyambut emas nya. Semua emas nya endang perengka kena orang ngias diri.\\n52 Semua utai ti diberi bala soldadu nya berat 200 kilogram.\\n53 Bala soldadu ke ukai pemesai, nyimpan perapasan ti ulih sida.\\n54 Moses seduai Eleasar lalu mai emas nya ngagai Langkau Kain TUHAN, ngambika TUHAN nyaga orang Israel.\\nRaban Bansa Orang Israel Ke Diau Di Timur Sungai Jordan\\n1 Raban bansa Reuben enggau Gat mayuh amat jelu tupi. Lebuh sida meda pemanah menua Joser enggau menua Giliat alai nupi jelu,\\n2 sida mansang ngagai Moses, Eleasar enggau bala tuai orang Israel ti bukai, lalu bejaku,\\n3-4 “Menua ti udah dialahka TUHAN ti orang Israel, iya nya, nengeri Atarot, Dibon, Jaser, Nimrah, Hesbon, Elialih, Sibmah, Nebo, enggau Beon, manah alai nupi jelu, lalu jelu tupi kami pen mayuh.\\n5 Nya alai kami minta nuan meri ngagai kami menua tu nyadika pesaka kami, lalu anang mai kami meraka Sungai Jordan, lalu diau din.”\\n6 Disaut Moses, “Kati kita deka diau ditu lalu nejuka bala orang Israel ti bukai mansang beperang?\\n7 Nama kebuah kita berani ngasuh orang Israel lemi semengat lalu enggai meraka Sungai Jordan ngagai menua ti udah diberi TUHAN ngagai sida?\\n8 Nya meh utai ti udah dikereja aki ini kita kelia, lebuh aku ngasuh sida bejalai ari Kades-barnea lalu matau menua tu.\\n9 Sida bejalai naka Lebak Eskol, lalu meda menua nya, tang lebuh sida pulai, sida ngasuh orang lemi semengat ngambika sida enda mansang ngagai menua ti udah diberi TUHAN ngagai sida.\\n10 Ba hari nya TUHAN ringat, lalu Iya besumpah, ku Iya,\\n11 ‘Laban sida enda taluk ngagai Aku, nya alai Aku besumpah: nadai siku lelaki ke umur dua puluh taun ke atas, ke pansut ari menua Ejip, deka datai ba menua ti udah disemaya Aku ngagai Abraham, Isak enggau Jakop.’\\n12 Tu nyengkaum semua orang, kelimpah ari Kalep anak Jepuneh orang Kenas, enggau Josua anak Nun, ke mengkang taluk ngagai TUHAN.\\n13 TUHAN ringat ngagai orang mayuh lalu ngasuh sida bejalai segau-segau di menua puang empat puluh taun, datai ke semua orang ari serak ke ngeringatka ati TUHAN udah abis mati.\\n14 Nyadi diatu kita udah nganti aki ini kita, kita ke rebak baru, ke bedosa, ke sedia deka nyungkak TUHAN ringat baru ngagai orang Israel.\\n15 Enti kita raban bansa Reuben enggau Gat enggai nitihka TUHAN diatu, Iya deka, sekali agi, ninggalka semua orang tu di menua puang, lalu kita empu deka betanggungjawapka pemati sida.”\\n16 Sida mansang ngagai Moses, lalu bejaku, “Awakka kami dulu ngaga kandang batu ke jelu bedus kami, enggau nengeri ti bekuta ke bala bini anak kami.\\n17 Udah nya baru kami bejalai enggau bala orang Israel ti bukai mansang beperang, lalu nguluka bala nyerang, datai ke kami udah ngentapka sida di menua ti endang ungkup sida. Lebuh maya nya ila, bala anak bini kami ulih diau dalam nengeri ti bekuta ditu, likun ari serang orang ke bempu menua tu.\\n18 Kami enda pulai ngagai rumah kami empu sebedau semua orang Israel bempu menua ti diungkup ngagai sida.\\n19 Kami enda ngambu menua ti diempu sida di seberai Sungai Jordan din, laban kami udah nerima ungkup kami tunga ke timur Sungai Jordan ditu.”\\n20 Disaut Moses, “Enti kita ngereja nya, enti kita amat deka sedia di mua TUHAN lalu mansang beperang,\\n21 lalu semua bala soldadu kita meraka Sungai Jordan, nyentuk ngagai maya TUHAN udah muru semua munsuh Iya,\\n22 lalu udah ngalahka menua sida, nya baru kita tau pulai, lalu dilepaska ari semua tanggungjawap kita ngagai TUHAN, enggau ngagai orang Israel ti bukai. Nya baru TUHAN deka ngumbai menua tunga ke timur Sungai Jordan nya menua kita.\\n23 Tang enti kita enda ngereja nya, kita bedosa ngelaban TUHAN. Lalu anang saru: dosa kita deka tetemuka kita.\\n24 Gaga meh nengeri ke bala anak kita, enggau kandang jelu ke bedus kita, tang kereja utai ti udah disemaya kita!”\\n25 Ku orang ari raban bansa Gat enggau raban bansa Reuben bejaku ngagai Moses, “Tuan, kami deka ngereja nitihka asuh nuan.\\n26 Bala bini, bala anak kami enggau jelu sapi, enggau jelu bedus kami deka mengkang ditu di nengeri di menua Giliat tu;\\n27 tang semua kami deka meraka Sungai Jordan, sedia deka beperang ke TUHAN, munyi ti diasuh nuan.”\\n28 Moses lalu meri atur pasal sida ngagai Imam Eleasar, ngagai Josua anak Nun, enggau ngagai bala tuai orang Israel ti bukai:\\n29 Ku Moses bejaku ngagai sida, “Enti raban bansa Gat enggau raban bansa Reuben meraka Sungai Jordan lalu sedia deka beperang nitihka atur TUHAN, lalu enti ari saup sida, kita ulih ngalahka menua tu, kita enda tau enda meri menua Giliat nyadika pesaka sida.\\n30 Tang enti sida enda meraka Sungai Jordan, lalu enda mansang beperang enggau kita, sida enda tau enda diberi ungkup di menua Kanaan, baka kita bukai.”\\n31 Bala raban bansa Gat enggau bala raban bansa Reuben lalu nyaut, “Tuan, kami deka ngereja utai nitihka jaku TUHAN.\\n32 Kami deka meraka ngagai menua Kanaan lalu beperang di baruh atur TUHAN, tang kami deka mengkang bempu pesaka ditu muak ke timur Sungai Jordan tu.”\\n33 Nya alai Moses meri ngagai bala raban bansa Gat, ngagai bala raban bansa Reuben, enggau ngagai setengah ari raban bansa Manasi, semua menua ti udah diempu Sihon, raja orang Amor, enggau menua ti udah diempu Og, raja ke merintah di Basan, nyengkaum nengeri enggau menua ti ngelingi menua nya.\\n34 Raban bansa Gat lalu nirika baru nengeri ti bekuta ke benama Dibon, Atarot, Aroer,\\n35 Atrot, Sopan, Joser, Jogbehah,\\n36 Bet Nimrah, enggau Bet Haran.\\n37 Raban bansa Reuben nirika baru nengeri Hesbon, Elealeh, Kiriataim,\\n38 Nebo, Baal-meon (nama tu udah diubah) enggau Sibmah. Sida meri nama ti baru ngagai nengeri ti diaduka sida.\\n39 Bala raban peturun Machir anak Manasi nyerang menua Giliat, ngalahka menua nya, lalu muru orang Amor ti diau dia.\\n40 Nya alai Moses meri menua Giliat ngagai raban peturun Machir, lalu sida diau dia.\\n41 Jair, ari raban bansa Manasi, nyerang lalu ngalahka sekeda genturung pendiau, lalu ngumbai genturung pendiau nya “Tumpuk Pendiau Jair.”\\n42 Nobah nyerang lalu ngalahka Kenat enggau genturung pendiau ti ngelingi nya, lalu iya ngumbai genturung pendiau nya “Kampung Nobah”, ngangkatka nama iya empu.\\nPejalai Ari Ejip Ngagai Moap\\n1 Jerita tu madahka nama endur alai orang Israel ke nirika kem sida, udah bekau sida ke pansut ari menua Ejip, nitihka raban bansa sida empu, diuluka Moses seduai Aron.\\n2 Ari asuh TUHAN, Moses nuliska nama endur alai genap kali sida nirika kem.\\n3 Orang Israel pansut ari menua Ejip kena lima belas hari bulan ti kesatu taun nya, sehari udah bekau sida ke ngintu Gawai Paska ti keterubah iya. Sida dijaga TUHAN lebuh sida angkat ninggalka nengeri Rameses dipeda semua orang Ejip,\\n4 ke benung nguburka anak tuai sida ke lelaki, ti udah dibunuh TUHAN. TUHAN ngereja nya kena Iya mandangka Diri lebih agi bekuasa ari petara menua Ejip.\\n5 Orang Israel ninggalka nengeri Rameses, lalu nirika kem di Sukot.\\n6 Kem sida ke nangkanka nya, didirika sida di Etam, ba tisi menua puang.\\n7 Ari nya sida nikal baru ngagai Pi-hahirot, muak ke timur Baal-sepon, lalu nirika kem sida semak Mikdol.\\n8 Sida ninggalka Pi-hahirot, lalu bejalai nengah Tasik Mirah ngagai menua puang Sur. Lebuh sida udah bejalai tiga hari, sida lalu nirika kem di Marah.\\n9 Ari nya sida bejalai ngagai Elim, alai sida ke nirika kem, laban ba endur nya bisi dua belas iti mata ai, enggau tujuh puluh pun kayu engkerema.\\n10 Sida ninggalka Elim lalu nirika kem semak Teluk Suez.\\n11 Nangkanka nya, sida nirika kem di menua puang Sin.\\n12 Udah nya sida nirika kem di Dopkah,\\n13 lalu udah bekau nya, di Alus.\\n14 Udah nya sida nirika kem di Repidim, endur ti nadai ai irup.\\n15-37 Dalam pejalai sida ari Repidim ngagai Bukit Hor, sida nirika kem di menua puang Sinai, Kibrot-hataba (tauka “Kubur Alai Orang Ke Tetenguk’), Heserot, Ritmah, Rimon-peres, Libnah, Risah, Kehelatah, Bukit Seper, Haradah, Makelot, Tahat, Terah, Mitkah, Hasmonah, Moserot, Bene-jaakan, Hor-Gitgat, Jotbata, Abronah, Esion-geber, menua puang Sin (iya nya Kades), enggau Bukit Hor, ba tisi menua Edom.\\n38-39 Imam Aron lalu niki ngagai Bukit Hor, nitihka pesan TUHAN. Iya mati dia lebuh umur iya seratus dua puluh tiga taun, kena satu hari bulan ti kelima, dalam taun ti keempat puluh udah bekau orang Israel pansut ari menua Ejip.\\n40 Raja ke merintah di Arat, ti di selatan menua Kanaan, ninga berita orang Israel ti deka datai.\\n41-49 Dalam pejalai sida ari Bukit Hor ngagai emperan menua Moap, orang Israel nirika kem sida ba Salmonah, Punon, Obot, ba tembawai Abarim di menua Moap, Dibon Gat, Almon Diplataim, Bukit Abarim semak Bukit Nebo, enggau ba emperan menua Moap ngimbai Sungai Jordan, di seberai nengeri Jeriko, entara Bet-Jesimot enggau Emperan Akasia.\\nAtur Sebedau Meraka Sungai Jordan\\n50 Ba emperan menua Moap ngimbai Sungai Jordan ari seberai nengeri Jeriko, TUHAN bejaku ngagai Moses, ku Iya:\\n51 “Bejaku nuan ngagai orang Israel, lalu sebut ngagai sida: ‘Lebuh kita meraka Sungai Jordan, ngagai menua Kanaan,\\n52 kita enda tau enda muru semua orang ke nguan menua nya. Rusak semua engkeramba sida ke digaga ari batu enggau ari besi, enggau semua endur alai sida besembiang.\\n53 Ambi menua nya lalu ngentapka diri dia, laban Aku udah meri menua nya ngagai kita nyadika pesaka kita.\\n54 Bagi menua nya ngagai semua suku raban bansa orang Israel ngena chara bechabut undi, lalu beri ungkup ti besai agi ngagai suku raban bansa ti mayuh agi tubuh, enggau ungkup ti mit agi ngagai suku raban bansa ti mimit agi tubuh.\\n55 Tang enti kita enda muru orang ke nguan menua nya, sida ke agi tinggal deka ngachau kita baka empeleman ti ba mata kita enggau baka duri ti ngachuk rusuk kita; sida deka ngachau kita di menua ti diuan kita.\\n56 Lalu Aku deka ngerusak kita, baka Aku ti udah bekira deka ngerusak sida.’ “\\nGaris Entara Menua\\n1 Ku TUHAN bejaku ngagai Moses:\\n2 “Bejaku nuan ngagai orang Israel, lalu sebut ngagai sida: ‘Lebuh kita datai di menua Kanaan, menua ti diberi Aku ngagai kita, garis entara menua kita enda tau enda baka tu:\\n3 Garis entara menua di selatan deka belabuh ari menua puang Sin, niti garis entara menua enggau Edom. Di timur, garis entara menua nya deka belabuh ba ujung Tasik Mati di selatan,\\n4 nguing ke selatan ngagai Genting Akrabim, ngagai menua Sin, lalu terus ngagai Kades-barnea di selatan. Udah nya garis entara menua nya mutar tunga ke barat utara nuju ngagai Hasar Adar, terus ngagai Asmon,\\n5 nguing ngagai lebak ti ba garis entara menua enggau Ejip, lalu tepantup ba Tasik Tengah.\\n6 Garis entara menua di barat nya Tasik Tengah.\\n7 Garis entara menua di utara deka niti garis ari Tasik Tengah ngagai Bukit Hor\\n8 lalu ari nya terus ngagai Lebo-Hamat, nuju ngagai Sedat\\n9 terus ngagai Sipon, lalu tepantup ba Hasar Enan.\\n10 Garis entara menua di timur deka niti garis entara menua belabuh ari Hasar Enan nyentuk ngagai Sepam,\\n11 nuju ke selatan ngagai Habel, ti adap ke timur ari Ain, lalu nuju ngagai menua ti bebukit ba tebing timur Tasik Galili,\\n12 udah nya nuju ke selatan niti Sungai Jordan terus ngagai Tasik Mati.\\nTu meh empat iti garis entara menua kita.’ “\\n13 Nya alai Moses lalu bejaku enggau orang Israel, “Tu meh menua ti deka diterima kita ngena chara bechabut undi, menua ti udah diberi TUHAN ngagai semilan setengah raban bansa.\\n14 Raban bansa Reuben enggau raban bansa Gat, enggau setengah ari raban bansa Manasi ke di timur, udah nerima pesaka sida, dibagi nitihka ruang bilik sida,\\n15 ba tebing timur Sungai Jordan, di seberai nengeri Jeriko.”\\nBala Tuai Ke Betanggungjawap Magi Menua\\n17 “Tu nama orang ke deka magi menua ngagai orang Israel nyadika pesaka sida: Imam Eleasar seduai Josua anak Nun.\\n18 Bai siku tuai ari siti-siti raban bansa orang Israel, ngambika sida nyaup seduai iya magi menua nya.”\\n19-28 Tu nama bala tuai ti dipilih TUHAN:\\nSimeon Semuel anak Amihut\\nBenjamin Elidat anak Chislon\\nDan Buki anak Jogli\\nManasi Haniel anak Epod\\nEpraim Kemuel anak Siptan\\nSebulun Elisapan anak Parnak\\nIsakar Paltiel anak Asan\\nAser Ahihut anak Selomi\\nNaptali Pedahel anak Amihut\\n29 Nya meh orang ke diasuh TUHAN magi menua ngagai orang Israel di menua Kanaan.\\nNengeri Ti Diberi Ngagai Orang Lewi\\n1 Ku TUHAN bejaku ngagai Moses ba emperan Moap ngimbai tebing Sungai Jordan, di seberai nengeri Jeriko:\\n2 “Padahka ngagai orang Israel, sida enda tau enda meri ari pesaka ti diterima sida, nengeri alai raban bansa Lewi diau; kita mega enda tau enda meri ngagai sida padang rumput ngelingi nengeri nya.\\n3 Nengeri nya deka diempu orang Lewi, alai sida diau, lalu padang rumput nya alai sida nginang jelu sapi enggau semua jelu bukai ti diempu sida.\\n4 Padang rumput ti diberi ngagai orang Lewi enda tau enda ngerembai ke luar lima ratus meter, belabuh ari dinding kuta nengeri nya, ngelingi nengeri nya,\\n5 ngambika endur nya besegi empat, seribu meter panjai, enggau seribu meter buka, lalu nengeri nya ba tengah-tengah.\\n6 Nengeri ti diberi kita ngagai orang Lewi enda tau enda nyengkaum enam buah nengeri alai ngerarika diri, alai orang ke tekelanjur munuh orang tau ngerarika diri; lalu nambahka nengeri nya, kita enda tau enda meri sida empat puluh dua buah nengeri ti bukai.\\n7 Pemayuh semua nengeri ti diberi kita ngagai orang Lewi nya empat puluh lapan buah, lalu genap buah nengeri endang bisi padang rumput magang.\\n8 Nyadi pasal pemayuh nengeri ti diberi siti-siti raban bansa ngagai orang Lewi, baka tu ku jalai ngira iya: raban bansa ti besai agi, deka meri mayuh agi nengeri, lalu raban bansa ti mit deka meri mimit agi nengeri, nitihka pemesai menua ti diempu raban bansa nya.”\\nNengeri Alai Ngerarika Diri\\n9 Ku TUHAN bejaku ngagai Moses,\\n10 “Bejaku nuan ngagai orang Israel, lalu sebut ngagai sida: ‘Lebuh kita meraka Sungai Jordan, lalu datai di menua Kanaan,\\n11 kita enda tau enda milih nengeri alai ngerarika diri, ti tau alai kita ngerarika diri enti kita tekelanjur munuh orang.\\n12 Kita deka diau likun ba nengeri nya ari kaban belayan ke ngiga balas. Nadai orang ke dituduhka salah munuh orang, tau diukum bunuh sebedau iya kena pechara di mua orang mayuh.\\n13 Nya alai pilih enam buah nengeri,\\n14 tiga buah muak ke timur Sungai Jordan, lalu tiga buah di menua Kanaan.\\n15 Nengeri nya deka nyadika nengeri alai ngerarika diri, diungkupka orang Israel enggau ke orang kampar ti diau lama tauka enda lama di menua kita. Barang sapa tekelanjur munuh orang, tau ngerarika diri ngagai nengeri nya.\\n16-18 Tang enti kita ngena senyata besi tauka batu, tauka kayu, munuh orang nya, kita salah, lalu kita deka diukum bunuh.\\n19 Kaban belayan ti nyempil ari orang ke mati nya, deka betanggungjawap munuh pemunuh nya. Lebuh kaban belayan nya tetemuka pemunuh nya, iya enda tau enda munuh pemunuh nya.\\n20 Enti kita begedika orang, ngejuka iya, tauka nikau iya ngena utai, lalu iya mati laban nya,\\n21 tauka kita mukut iya, kita salah, lalu kita enda tau enda dibunuh. Kaban belayan ti nyempil ari orang ke kena bunuh nya bisi tanggungjawap munuh pemunuh nya. Lebuh iya nemu pemunuh nya, iya enda tau enda munuh iya.\\n22 Tang enti sema kita tekelanjur munuh orang ke ukai dipegedika kita, nemuka kita ngejuka iya, tauka nikau iya ngena utai,\\n23 tauka kita enda meda endur alai kita nikauka batu lalu tebunuhka orang nya, tang ukai laban kita deka ngemediska iya, lalu iya ukai mega munsuh kita;\\n24 ba pekara ti baka nya, orang di nengeri nya deka ngakim sereta ngarika kita enggau kaban belayan orang ke ngiga balas, lalu sida deka ngumbai kita enda salah.\\n25 Kita semina tekelanjur munuh orang nya, lalu orang di nengeri nya deka ngelepaska kita ari kuasa kaban belayan orang ke mati nya, lalu orang di nengeri nya deka mulaika kita ngagai nengeri ti alai kita ngerarika diri. Kita enda tau enda mengkang diau di nengeri nya nyentuk ngagai pemati orang ke nyadi Imam Besai lebuh utai nya nyadi.\\n26 Enti kita ninggalka nengeri ti udah alai kita ngerarika diri,\\n27 lalu enti kaban belayan orang ke mati nya tetemuka kita, lalu munuh kita, pengawa ti malas baka nya ukai penyalah munuh orang.\\n28 Barang sapa salah laban iya tekelanjur munuh orang, enda tau enda mengkang diau dalam nengeri alai iya ke ngerarika diri nyentuk ngagai maya Imam Besai mati. Udah nya baru kita tau pulai baru ngagai rumah diri empu.\\n29 Atur tu deka dikena kita enggau peturun kita di sebarang endur kita diau.\\n30 Orang ke dituduhka munuh orang tau dikumbai salah, lalu diukum bunuh beduduk ba saksi dua tauka tiga iku orang. Jaku ari siku saksi aja enda chukup kena nuduhka orang nya salah munuh orang.\\n31 Orang ke udah munuh orang enda tau enda dibunuh. Sida enda tau meri duit kena sida nyeliahka ukum nya.\\n32 Enti sida udah rari ngagai nengeri ti udah diletak alai ngerarika diri, anang ngemendarka sida nebus nyawa diri lalu pulai ngagai menua diri empu sebedau Imam Besai nya mati.\\n33 Enti kita nejuka sida ngereja nya, kita deka ngamahka menua ti alai kita diau. Pengawa bebunuhka orang ngamahka menua, lalu kita nadai jalai nuchi menua ti alai orang bisi udah dibunuh, kelimpah ari pemunuh nya empu dibunuh.\\n34 Anang ngamahka menua ti alai kita diau, laban Aku tu TUHAN, lalu Aku diau begulai enggau orang Israel.’ “\\nPesaka Indu Ke Belaki\\n1 Bala tuai bilik ari suku raban bansa ti diturunka Giliat anak Machir, uchu Manasi, ichit Josep, mansang ngagai Moses enggau bala tuai ti bukai.\\n2 Ku sida bejaku, “TUHAN udah bejaku ngasuh kita magi menua ngagai orang Israel ngena chara bechabut undi. Iya udah mega ngasuh kita meri pesaka kaban belayan kami, Selopehat, ngagai bala anak indu iya.\\n3 Tang ingat, enti sida jadi enggau lelaki ke ari raban bansa bukai, pesaka sida deka diempu raban bansa nya, lalu nya deka ngurangka penyampau pesaka ti diungkupka ngagai kami.\\n4 Dalam taun jubili, alai semua pesaka ti udah dijual, dipulaika baru ngagai orang ke asal bempu iya, pesaka bala anak indu Selopehat deka terus ditambahka ngagai pesaka raban bansa ti jadi enggau sida, lalu utai nya deka lenyau ari raban bansa kami.”\\n5 Nya alai Moses lalu meri jaku tu ari TUHAN ngagai orang Israel. Ku iya, “Utai ti disebut raban bansa Manasi sigi amat,\\n6 nya alai TUHAN madahka, bala anak indu Selopehat tau jadi enggau barang sapa ti dikedekaka sida ari suku raban bansa apai sida.\\n7 Pesaka genap iku orang Israel deka mengkang diempu raban bansa nya empu.\\n8 Genap iku indu ke nerima pesaka dalam siti-siti raban bansa orang Israel, enda tau enda jadi enggau lelaki ari suku raban bansa nya empu, ngambika orang Israel deka majak bempu pesaka ari aki ini sida empu,\\n9 lalu pesaka nya enda dipindahka ari raban bansa siti ngagai raban bansa siti. Genap raban bansa deka mengkang bempu pesaka diri empu.\\n10-11 Malah, Tirsah, Hoklah, Milkah, enggau Noah, iya nya anak indu Selopehat, lalu ngereja nitihka pesan TUHAN ngagai Moses. Sida jadi enggau petunggal sida empu.\\n12 Sida jadi enggau lelaki ari suku raban bansa ari peturun Manasi anak Josep, lalu pesaka sida mengkang diempu raban bansa apai sida.\\n13 Tu meh adat enggau atur ti diberi TUHAN ngagai orang Israel ngena Moses, ba emperan Moap ngimbai Sungai Jordan di seberai nengeri Jeriko.","num_words":26750,"character_repetition_ratio":0.098,"word_repetition_ratio":0.074,"special_characters_ratio":0.216,"stopwords_ratio":0.323,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PEMUDA UMNO BAHAGIAN JASIN: Hari ngantung nama 6 Apr, lalu muai undi kena 16 April\\n“SPR udah netapka kena 06 April 2011 endur pengawa ngantung nama dipejalaika, lalu pengawa bepilih besai (muai undi) menua Sarawak ti ke-10 deka diatur kena 16 April 2011. Enti sema bisi betanding.\\n“Lalu 23 Mac 2011 writ tauka surat ngemendarka pengawa bepilih menua Sarawak ke-10 dipejalaika (haribulan mansutka writ) lalu kena 25 Mac 2011 endur Notis Pengawa Bepilih dipansutka,” pia ku Abdul Aziz.\\n“Seraban 24,379 pemesai enggau raban pengereja pengawa maya bepilih deka dipadu kena mantu SPR bejalai sereta ngelancharka pengawa bepilih besai menua Ke-10 DUN Sarawak.\\n“Dipelaba penyampau ungkus belanja dikena bejalaika pengawa bepilih besai menua Sarawak tu iya nya sepenyampau RM50 juta,” ku iya.\\nBa pengawa bepilih besai menua Sarawak, Nama Pengundi (Daftar Pemilih) ke dikena iya nya Nama Pengundi (DPI) 2009, Nama Pengundi Tambah Suku Taun Keterubah 2010, Suku Taun Kedua 2010, Suku Taun Ketiga 2010 enggau Suku Taun Keempat 2010 ti udah ‘Diwartakan’ kena 25 Mac 2011.\\n“Penyampau Nama Pengundi iya nya 979,796 pengundi ke udah ngerijister ke nyangkaum 961,433 pengundi biasa enggau 18,363 ngundi ngena pos.\\n“Nama Pengundi Pengawa Bepilih ba pengawa bepilih besai Sarawak tu deka berengkah dijual kena 28 Mac 2011.","num_words":174,"character_repetition_ratio":0.122,"word_repetition_ratio":0.0,"special_characters_ratio":0.254,"stopwords_ratio":0.167,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rikod belanja Sarawak pemadu manah - Suara Sarawak\\nRikod belanja Sarawak pemadu manah\\n“Aku ukai semina bejaku aja tang endang bisi Rikod Besai Audit madah ka atur belanja menua kitai (Sarawak) pemadu manah.”\\nKUCHING: Sarawak sebuah nengeri ti ngempu rikod atur belanja pemadu manah kenyau berapa taun ti udah.\\nSapit Kepala Menteri Datuk Amar Haji Awang Tengah Ali Hasan madah iya ukai nempa jaku bula tang rikod tu nyemetak dipadah ba Rikod Besai Audit (General Audit Report).\\n“Nengeri Sarawak ngempu rikod atur belanja paling manah kenyau berapa taun ti udah lalu.\\n“Aku ukai semina bejaku aja tang endang bisi Rikod Besai Audit madah ka atur belanja menua kitai (Sarawak) pemadu manah,” ku iya.\\nAwang Tengah munyi nya lebuh ditanya pemberita ba Pengerami Badudun Aidilfitri Dangsanak Limbang ba Palan Konvensyen Penview Kuching (PCCK) ditu, kemari.\\nNAMA BERITA? Sapit Kepala Menteri Datuk Amar Haji Awang Tengah Ali Hasan (tengah) betabi enggau temuai ti bisi ngulu pengerami nya.\\nIya madah jaku Menteri Wang Malaysia Lim Guan Eng (LGE) ti madahka Sarawak deka bankrap dalam kandang tiga taun deka datai semina enggau tuju politik aja.\\n“Kitai orang Sarawak ukai budu. Sida semina deka nunjukka sida lebih manah ari kitai dalam ngatur ekonomi menua.\\n“Nyadi diatu kitai meda baka ni sida ulih ngatur ekonomi Malaysia. Rayat Sarawak meseti beratika enggau manah ulah sida.\\n“Kitai enggai digaga nyadi perengka politik sida aja,” ku iya.\\nApin Lama LGE ba sebuah Pengerami Makai Lemai Pengasih DAP madah Sarawak deka bankrap dalam kandang tiga taun enti agi dipegai Gabungan Parti Sarawak (GPS).\\nPekara nya mayuh ngemediska ati rayat Sarawak nyengkaum Kepala Menteri Sarawak Datuk Patinggi Abang Johari Tun Openg ti ngumbai LGE semina bejaku baka nya enggau tuju politik.\\nDarah dan air mata pejuang\\nElak hasut individu bertindak negatif di media sosial\\nLegenda Puteri Santubong tarik pelancong\\nDewan makan SK Sungai Tunoh, Kapit dilanda banjir lumpur\\nJual lada dalam talian\\nRatusan majikan banjiri Balai Polis mohon permit kebenaran beròperasi\\nLuar rumah urut, dalam bilik Karaoke","num_words":304,"character_repetition_ratio":0.064,"word_repetition_ratio":0.061,"special_characters_ratio":0.177,"stopwords_ratio":0.118,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Minggat, Awik, Krian. | It's My Life @ Ulu Sungai Galah\\nBatang Awik, Krian.\\nPemulai Linggir ngalahka rumah Beketan ka betuaika Apai Siba di Sugai alai anembiak iya ke benama Sa ke digelar Lua berunding deka pindah an Paku ka Awik. Iya nyuung isan iya Enteri apai Jara di Sungai Suri, Rimbas matau menua Awik ninga menua nya manah bendar endur pindah.\\nDatai seduai din enggau anembiak seduai, sida ngengkah ka tambak burung ba pun kara di Tanjung Itop, diatu kara nya udah mati tang lalu tunbuh rian sekayu. Udah sida ngengkah ka tambak burung dia, sida lalu mulaika diri baru ke Suri enggau ka Paku. Apin lama udah pemulai tu alai Lua apai Enchana parai di Karangan Pinggai dalam Paku, enggau Enteri apai Jara pen sama parai ga di Suri dalam Rimbas. Lua dikubur ba pendam Batu Anchau enda jauh an ili Nanga Peka enggau ari Ulu Nanga Matop, dalam Paku.\\nNyadi laban pemarai seduai nya pengawa ke deka pindah nya tebelenga tiga taun. Udah Lua diperantu, nya baru Enchana Letan anak tuai iya pindah bedarat ka Awik enggau sakeda orang bukai ari Paku.\\nLebuh sida pindah tu sida merau ngilika Krian. Lebuh luan perau sida baru masuk sintak Awik dia sida ninga jaluh kanan. Reti burung tu ku kenang tuai, utai deka bendar bulih, anak lelaki deka pegari nama, tang enggai panjai umur, indu baru gayu.\\nAngkat sida ari nya datai di Nanga Diso ka setanjung ari ulu Nanga Awik. Lebuh sida datai dia endur sida ninga kijang kanan. Reti burung tu ku penemu tuai, lelaki deka bendar pegari nama, tang umur deka pandak, indu baru gayu.\\nEnchana Letan lalu berumah ba Lubok Gamba. Nyadi menyadi iya Minggat apai Runai ke datai ari Suri, Rimbas dudi ari iya lalu diau ngulai Enchana Letan lebuh sida iya berumah di Nanga Setira. Nyadi menyadi sida ke benama Mail dudi agi angkat ari Paku, laban iya diru orang di Penom. Meda iya deka pindah tuai-tuai Paku enda ngasuh. Jarin iya pen ditan ka Laksamana Amir meh ku jerita, empa penyayau uiang ka iya pindah.\\nDatai Mail di Awik laban tanah rumah sida Letan nyau sekut nya alai iya berumah nyembuah semak nya di Setira. Nyau ka lama udah iya diau di Awik, nya baru iya ngambi reta iya ke tinggal di Penom tadi.\\nAri Nanga Setira sida angkat baru lalu berumah di Tanjung Lubok Kepayang. Ari rumah tu Minggat nurun enggau Raja ngalahka Kayan alai sida bulih bendar pala, tangkap enggau perapasan. Tangkap Minggat ke agi ulih kingat ka narna lebuh nya Jemat. Lepas kayau nya, Jemat dambi Kayan pulai baru.\\nAri Lubok Kepayang sida berumpang menua ka Diso lalu berumah di Mitas. Enchana berumah di Rantau Menukul sama etangkup tanju enggau rumah Apai Jumput ke bensumbar Bedilang Besi.\\nMaya di Nanga Mitas Minggat nguluka orang nyerang Ensiring enggau Spalim dalam Kanowit. Tu terubah Minggat matak serang, lalu serang iya tu bulih pala lapan puluh satu igi enda nyengkaum tangkap.\\nPia mega lebuh Minggat agi di Nanga Mitas, iya dibai Linggir Mali Lebu ari Paku minta nyerang Mualang ngagai Tuan Raja, kategal anembiak Linggir ka diuluka Kedit apai Enggang ngetah ke Ulu Sadung enggau ka Ulu Bayan kena bunuh Mualang.\\nLebuh iya agi di Mitas endur Minggat nirika ka gawai besai. Iya empu nirika Ranyai, Letan nirka Lemba Bumbun, menyadi sida iya Menggin niri ka Mudur Ruruh. Kabuah Menggin apai Riah ngena tiang ngernesai nya nama, laban iya bedengah empat puluh igi nadai diselat indu. Gawai tu rami bendar, laban mayuh bendar .tuai dambi ngabang baka Tarang apai Dungkung, Gayan apai Uyut, Kandau apai Limbak, Jungan apai Chaung, Adu apai Jingan enggau Doo apai Chunggat.\\nNyadi gawai nya lalu diserak Gawai Antu. Lebuh bungah nggau Tarang, dia Jara indai Runai (bini Minggat) nudok ka iya ba tikai peradani, diberi iya ai tuak samangkuk belabung ngenjing enda nitik linup apai Chulo Tarang empa penau sida ke tuai bungah. Lebuh jalung nuntung pagi, Tarang seduai Garan sama dasuh Minggat igirup ai jalung duduk, ukai ai jalung timang baka enggi tuai ukai,\\nBeserebak enggau pemindah sida Enchana seduai Minggat, Ngadi apai Iding angkat nyereta sida ar Samu. Datai iya di Awik iya lalu diau ngulai sida Minggat apai Runai ke apin lama iga udah datai di menua nya. Nyadi laban iya udah diau di Batang Awik enda lama nya alai Ngadi bisi temuda dalam Awik.\\nMinggat mega sama enggau Chulo Tarang nyadi tuai bala Raja ngalahka Iban Julau ka betuaika Ranggau seduai Janting enggau Mujah Buah Raya di Entabai, Julau. Meda diri alah Janting seduai Ranggau lalu nabanka anembiak seduai rari ka bukit. Meda nya Tuan Raja mai bala iya pulai enggai nitihka munsuh ke udah tepejuh jauh rari.\\nUdah pulai ngayau nya, Tuan Raja ngasuh Minggat apai Runai ngalahka sida ngena kayau bedarat. Endur munsuh tu betatam di Ulu Kanowit, Ulu Mujok lalu terus ka Ulu Katibas. Lepas ari endur nya mega sida bisi bekupan di Ulu Kemalih, Ulu Bayu, ngelingi Bukit Stulak.\\nDalah ka Minggat sida alah, tang meh Ranggau agi keras deka ngelaban. Endur nan baru tu bai iya di Bukit Dugan, Ulu Ensiring. Apin tembu kuta sida alai Tuan Raja ngasoh Minggat ngayau sida baru lalu ngalahka sida. Udah bekau kayau tu semua munsuh ke nunduk dasuh perintah pulai ka Ulu Entabai, lalu orang ti agi enggau Ranggau ngelaban nan baru di Bukit Dugan.\\nUdah nya Minggat ngayau baru. Lebuh kayau dudi tu iya ru ngatur Kandau apai Limbak seduai Sumbang apai Imas ari Paku nguluka orang dulu bedarat. Datai sida ba pangkalan kdi ai Ensiring, dia sida bisi nemu pcrau. Ngena nya sida lalu nguluka anembiak undur ngili Ensiring alah datai ka nanga. Datai sida dia, nya baru sida beranti, nganti Minggat mai bala besai. Kepala manuk sabung Minggat lebuh tu Luna ke beensumbar Panggau, tunggul berani Batang Sblak. Kayau Minggal tu bulih bendar ke dikumbai bulih ngapar.\\nLebuh Minggat matak anembiak iya mulaika diri, iya lalu mai Kandau seduai Sumbang sama pulai enggau iya ka Awik dulu, laban din baru iya magi dengah ka diberi ngagai siku-siku. Datai sida di rumah, rumah pan lalu enchabuh arung. Rami bendar sida nyambut pala ke ulih ngayau tu. Tiga malam beturut orang ngenjing enda tindok, tembu nyangkah enggau betaku ka antu pala.\\nUdah abis pengawa enchabuh arung, nya baru Minggat ngempuru ka semua manuk sabung iya baum. Lebuh baum tu dia iya bejaku, ku iya, “Nyadi kabuah aku ngempuru ka kita ke bedengah tu kitu ka laban aku tu nyau deka bedua anak utai ke ulih kitai bebala, baka dengah, tangkap enggau perapasan.\\nNyadi aku tu semina nusui adat ngagai kita. Nyadi adat kayau, enti orang bisi hulih pala sigi, pala nya pulai ngagai olang ke ngiring kayau. Nyadi enti orang bisi bedengah dua nya baru sigi ambi orang ke tuai kayau, sigi ga diberi ngagai orang ka empu dengah. Nyadi adat tangkap Sabahka enggau adat dengah.\\nEnti tangkap ka siku ulih dia baru tuai kayau nipak rega tangkap nya enggau utai bukai. Nyadi perapasan bukai bagi dua magang enggau tuai kayau. “Adat tu,” ku iya, “endang adat tuai kitai Paku kenyau an kelia ke ditampung kami dua Linggir ngayau. Nyadi seduai Sumbang, Kandau, pala ulih seduai ka sigi. Pala nya awkka tinggal ditu. Tang kena aku nganti iya, aku meri seduai pala sigi. Pala nya ku runding aku bai seduai pulai ngagai kitai ka Paku kin ka. Datai seduai din ila pala nya lalu asuh salai Saing bensumbar Matahari, laban pala nya endang kirum aku ka kitai Paku, awakka sida nemu seduai bisi utai ulih nitihka kayau aku.”\\nUdah iya tembu bedua semua dengah, tangkap enggau perapasan nya baru Minggat ngasuh orang pulai ngagai rumah din mai rita sida ke ngayau ka menua din ai din.\\nUdah bekau nya endur Minggat nemuai ngagai Tuan Raja ke Sarawak. Datai iya din, iya lalu nusui kayau din ngagai Tuan Raja. Ninga munsuh lalu enggai nundok dia Tuan Raja lalu bejaku, “Nuan Minggat ngayau baru, tang nuan mai Linggir Mali Lebu an Paku, Clulo Tarang ari Ulu Krian enggau Entering ari Julau enggau nuan.”\\nLebuh Minggat agi di Sarawak alai munsuh pan belabuh ga ngupas bukit Dugan baru. Kuta digaga sida batu belapis lapis, lalu ari luar kuta dipagar sida enggau kapar kayu tegap bendar. Tuai munsuh ke nguta hukit Dugan nya Ranggau enggau Janting Lang Labang.\\nNyadi bala sida ke ngayau tu dibai Minggat bedarat tang lalu nyuong Entering apai Nawai tuai orang Julau, Nyadi Linggir ari Paku lalu mai Paku enggau Rimbas, Chulo Tarang mat orang Ulu Krian. Ari rumah Entering baru sida merau mudik Batang Kanowit. Datai sida di Nanga Mujok Nya baru sida baum baru.\\nLebuh baum tu sida ngatur bala bebagi dua. Sebagi nguluka Mujok lalu Sebagi nguluka Ensiring. Tang orang Julau ka malin jalai nya anembiak Entering an Julau.\\nNyadi lebuh kayau tu Chulo Tarang apai Dungkung enda berapa lantang ati. Iya balat bendar kena kutuk Linggir sedual Minggat, laban anembiak iya ari Kabo, Dassey enggau Senulau mayuh bendar enggau orang nyadi munsuh. Ari pemayuh sida ke jadi munsuh Dau ke di Dassey enggau nan di Bukit Dugan.\\nNyadi Entering pen enda meh tentu lantang ati, laban semua munsuh ari Julau enggau ari Kanowit ke nan di Bukit Dugan kaban iya semua.\\nUdah tembu aum sahari nya, sida lalu mudik Batang Mujok ngagai Sungai Maung. Lebuh sida bemalam dia sida dibai orang ketuai baum baru berunding ka pemintas kena muntang ngagai Bukit Dugan.\\nKu saut bala malin, “Batang Mujok tu agi panjai dipudik kitai, tambah mega mayuh bendar ka wung mar ditengah. Pagila nya baru kitai datai di Nanga Sugai. Udah kitai ngelui nya baru petang lalu dijangka penumbas iya endur kitai ngenatai ka din ba wung ke enda jauh iga ari ulu nya. Dia baru kita bemalam baru.” Sida ketuai pen lalu nurut ka jaku malin.\\nPagi siti sida lalu mudik. Nyau bulih ngalih hari haru sida datai di Nanga Sugai. Datai sida dia, orang ka tuai pan lalu ngasuh orang kebaik bedarat ugabas wung, meda nyangka tak alai orang ngeram ka ipa. Nyadi orang ka tinggal diasuh sida ketuai bambi ka kayu enggau bambi ka upa kena sida nachu lemai nya. Pulai orang ke ngabas wung sida nusui din bisi nemu bekau munsuh nyadi bendar. Ninga rita nya orang ketuai lalu mai bala bemalam dia. Malam nya orang ke tuai mai baum baru. Nyadi tuai aum nya Linggir, Minggat, Tarang enggau Entering. Sida nanya ngagai malin sekalika bangkung sida agi tau dibai kulu kena nanjak wung. Saut malin madahka enda ulih kena. Sida madahka wung bangat pikul bendar nya ngasuh perau sida sukar. Naka perau panjai lima agi ga ulih bai nengah wung. Malin mega madahka Batang Mujok naka agi tau pudik perau naka Nanga Tiga kulu ka. ,“Ni penyauh Nanga Tiga an tu deh?” ka sida ketuai.\\n“Enda datai pudik kitai dua han,” ku malin.\\n“Kati U kitai bedarat an tu bisi jalai?’’ ku Linggir seduai Minggat.\\n“Bisi jalai, nyamai bendar laban nadai bukit,” ku malin.\\nNinga jaku malin, Minggat lalu mai sida diau seari di Nanga Sugai. Malam nya Minggat lalu nanya ka bagi bukit ke betampung tinting enggau Bukit Dugan ari malin. Ninga tanya Minggat nya baru malin nusui gaya tinting ngagai bala mayuh.\\n“Nyadi bukit Dugan tu,” ku sida, “renjan bendar ba antara Ulu Mujok, Ulu Ensiring, Ulu Pui enggau Ulu Dugan pati Katibas. Bukit tu semina endur munsuh nan ka indu anembiak, barang sida udah magang dilalai ka sida ka Ulu Katibas. Nyadi sida ke nan dia nya bechampur penatai, bisi an Ulu Julau, bisi ari Ulu Budu, bisi ari Ulu Layar, bisi ari Ulu Kanowit nambahka orang ka diau semak nya dia.”\\nUdah abis utai ditusui baia malin nya baru Linggir bejaku enggau Minggat tiga Tarang enggau Entering, ku iya. “Ni bagi munsuh ti deka dalah ka kitai tu Watt’?” ku iya malik ngagai Minggat.\\n“Nyadi baka aku tu mantu pengawa seduai Apai Nawai.”\\nSaut Minggat, “Nyadi jaku Tuan Raja enggau aku nadai mayuh Watt, semina munsuh ke apin nunduk dalam Batang Mujok tu enggau di Batang Ensiring nya asuh iya bunuh kitai.\\nNyadi dalam ai tu ka dua buah rumah orang baik, riya enda ya asuh iya bunuh kitai. Tang alai bala kitai tu nuju Bukit Dugan, laban nya teda kayau dulu aku suba. Nyadi semua munsuh ka udah rari ka Ulu Entabai enggau ka Ulu Katibas enda dasuh Raja bunuh kitai. Enti kitai munuh sida iya, nya kitai empu sengaja ngambi penyalah ka diri,” ku saut Minggat.\\nNinga jaku Minggat, Linggir Ialu ninga ka saut Entering. Ka Entering, “Diatu kitai udah masuk ngagai kandang menua munsuh. Kitai enda tau enda jaga laban munsuh tentu bisi nginau kitai. Sida mayuh tubuh datai ari Ulu Katibas ari Ulu Ensiring, nambahka orang empu menua Batang Mujok tu.\\nBa runding aku manah kitai anang agi merau tang bedarat ari tu terus ngagai Simpang Tiga,” Ninga jaku Entering, Minggat lalu ngatur sida tuboh enam ngerambing ari seberai-seberai ngenuluka bala besai.\\n“Ngena atur nuan nya Watt, nya meh jalai kayau kitai selama,” ka Linggar nganu Minggat.\\n“Semua sida ke datur ngerambing nya anang ngema utai,” ka tambah Linggir Mali Lebu, “tang semina mai terabai enggau sangkuh aja. Enti bisi betemu enggau munsuh anang guai ngelaban, nganti bala besai baru ngelaban enggaika sida jelungan,” ka iya.\\nNyadi Entering ngasuh Tandang ngambu dulu ka bala iya ari Julau. Minggat ngasuh Munan anak iya empu, Linggir ngasuh Garran Lembang Batu menantu iya empu. Pia mega Clulo Tarang ngasuh Kandau menantu iya empu ga ngambu dulu. Udah tembu aum nya sida lalu natka diri. Agi jauh mayam pagi siti bala, lalu berengkah berapi. Sida berapi Iaiu nyangkung ka kenalta tengah han.\\nNyau tawas ari, alai Linggir ke tuai agi umur ka sida tuai nanyaka kenyap sida ti sama tuai. Sida bukai bela madahka buah malam diri nadai nya-nya, tak nadai utai nyemia sida.\\n“Enti udah munyi nya, makai kitai, guai ka mupuk,” ku Minggat.\\nUdah tembu sida bebela alai anembiak ngenjing bekakisuh bebatak ka perau ka tebing. Udah semua utai sikap magang nya baru Minggat ngerah bala mupuk.\\nNyadi jalai sida ke ngerambing mar bendar. Puas bendar ama nengah tebiang ama niki tingkah batu. Sida suah bendar nemu bekau munsuh ke enda nyadi ngeram ka ipa deka ngipa hala sida. Nyau kira tengahari nampun matahari baru sida datai tengan jalai Simpang Tiga ari palan sida di Nanga Sugai din. Dia endur sida bemalam baru.\\nPagi siti sida mupuk baru ari Letung Tibak nguluka Mujok. Bekau munsuh seruran bisi berari-ari temu sida. Nyau ka tengan ngalih hari siti nya baru sida manggai di Simpang Tiga. Dia endur sida ngetu. Ari nya sida 12 iku, diasuh orang ka tuai ngikupka munsuh. Pulai sida ngikup, orang ketuai nanya ka berita. Orang ke ngikup nusui jalai sida bebagi tiga, empat ngena jalai siti, tang sama nadai betemu enggau munsuh.\\n“Jangka kami,” ku pengikup, “munsuh tentu nadai negah kitai ila, laban sida tentu udah begempuru nan di tuchung Bukit Dugan magang.”\\nUdah sida tembu makai Iemai nya, orang ketuai ngumbai aum baru. Endur sida baum ba tengah karangan. Udah sampal datai magang semua bala, nya baru Minggat lalu bejaku, ku iya, “Nama runding nuan Watt ni maya kitai angkat ari tu?” Ka iya nanya Linggir.\\n“Aku Watt nadai beleman jaku,” ku Linggir, “ni ku runding kita tiga Tarang enggau Entering.”\\nNyadi ka Entering, “Enti bekal kitai diadang chukup manah kitai dulu ngiga munsuh ka Ulu Mujok enggau Ulu Ensiring.”\\n“Enda bakanya ku Minggat nyaut Entering, manah kitai angkat ari tu. Hari ketiga nya baru kitai nuntung ba munsuh di tuchung Bukit Dugan.”\\n“Nyadi pun matak bala tu,” ku Minggat nganu Entering, “nya kitai tiga Linggir. Aku enda dasuh Tuan Raja mai tuai bukai, laban kayau tu bangat munuh diri semenua. Enti tuai bukai dibai orang tentu enda nitihka naka menua asuh iya kayau kitai tiga,” ka Minggat.\\nUdah tembu jaku nya, nya baru sida lalu ngatur manuk sabung ke dasuh ngambu dulu, tujuh iku an tiap iku tuai. Lebuh tu Chulo Tarang enda berapa bagak laban anembiak iya nadai ngambu dulu ari tegal sida sekaban udah enggau munsuh nanka kuta di Bukit Dugan. Bakanya mega anembiak Entering mayuh runggu laban kaban sida mayuh udah nitihka Ranggau jadi munsuh lalu enggau nan di Bukit Dugan. Semina orang ke regas enggau tuchi ati nya anembiak Minggat enggau anembiak Linggir laban kaban sida nadai enggau nyadi munsuh.\\nPagi nya, udah orang ke ngerambing engau ngambu dulu nyau angkat, nya baru orang ketuai nguluka bala besai. Sekumbang sida ke bejalai mayuh bendar munsuh dipeda sida nginau ari jauh. Sida enda berani negah bala besai. Kayu pan mayuh bendar udah ditangkal, digaga sida ka pengerebah tang nadai ga sida ngerebah kena niehal hala besai. Pelaba aku nyangka bisi ati nangi, tambah mega sida sama diri semenua ka enda kala bekayau ngelama tu, enti enda diasuh raja.\\nNyau kira tengah ari nya baru sida nuntung ba kuta munsuh di tuchung bukit. Manggai sida di tuchung bukit, udah sida niki tanah renjan bendar, nya haru sida tama ke dalam kuta, tang munsuh nadai agi temu sida dia.\\nLebuh sida dia ari pan nyau jauh bendar ngalih, nya alai sida ketuai lalu mai bala bemalam dalam kuta munsuh malam nya. Lebuh sida bemalam dia sida nadai tetemu ka beras, manuk. babi, enggau padi, laban semua perengka nya udah di anjung munsuh magang ke Ulu Katibas.\\nMalam nya bala besai berapi sebelah tanah, lebuh asi sida benung melidih alai datai kabut besai, ribut enggau ujan-ujan. Merinsa bendar bala, nya alai orang kebiak nyau terais panjung sehelah belah kandang kuta nya dia.\\nPagi siti nya baru orang ketuai ngumbai baum baru, Minggat bejaku dasuh Linggir madahka kayau nadai pengujung laban munsuh ke deka dialahka udah nadai nan di Bukit Dugan.\\n“Au, lebu meh kayau kitai tu Watt,” ka Linggir nganu Minggat. “Enti tak aku bejaku enggau Tuan Raja, nyau ga aku agi mai kitai ngansak ka munsuh ka Ulu Katibas.”\\n“Nya nadai ku tua enggau nieh Watt,” ku saut Minggat, “laban jaku Tuan Raja bangat tak nyemetak enda ngasuh kitai ngansak ka munsuh ke Ulu Katibas.” Udah abis jaku nya baru orang ketuai mai bala mulaika diri.\\nSekumbang Minggat tau kayau, tu terubah enggau pengujung bala batak Linggir seduai iya beserak. Dulu agi ari tu, Tarang seduai iya agi ka manuk sabung Linggir seduai Orang Kaya Pemancha Dana. Pia mega udah kayau tu Linggir seduai Minggat sama nadai kala matak bala agi enti enda nitihka bala Raja, laban tuai Iban enda agi dasuh perintah ngayau kediri enti enda dibai Raja.\\nNyadi Enchana Letan, menyadi Minggat mati maya betempuh ngelaban Iban Katibas ka betuaika Enjop, menyadi Balang ka angkat ngelaban perintah.\\nuwa1971 19\/03\/2014 at 6:26 pm | Reply\\nWat, ulih nusoi jerita kayau ke Katibas enggau nyentuk agi? Bakani Enchana tau parai? Sapa bedengah ia? Kati Enjop tau badu ngelaban raja alu dilantik nyadi pengulu?\\nQoute: Enchana Letan, menyadi Minggat mati maya betempuh ngelaban Iban Katibas ka betuaika Enjop, menyadi Balang ka angkat ngelaban perintah.\\nuwa1971 22\/03\/2014 at 6:48 pm | Reply\\nNama bida Ranyai ari Mudur Ruroh?\\nNama bida ai jalong duduk ari ai jalong timang? Ai garong ka?","num_words":3074,"character_repetition_ratio":0.041,"word_repetition_ratio":0.008,"special_characters_ratio":0.198,"stopwords_ratio":0.223,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Buah penemu Melissa Francis disukung KM – Suara Sarawak – Bukan Sekadar Akhbar\\nYou are here:Home-RUAI-Buah penemu Melissa Francis disukung KM\\nKUCHING: Buah penemu ari siku panel program randau beserimbai enggau Program Pematih Ketuai Orang Indu iya nya penanyi tebilang Iban Melissa Francis disukung Kepala Menteri (KM) Datuk Patinggi Abang Johari Tun Openg.\\nDulu ari nya Melissa mantaika buah penemu iya ti minta perintah nambah geran dikena numbuhka dagang beungkus RM5,000 ungkup orang indu ditambah nyadi RM10,000.\\nDalam saut randau nya, dia Abang Johari madah pekara nambahka bantu geran nya enda nyadi penanggul laban menua tetap nerima untung asil ari dagang sida.\\n“Ba penemu aku, dikena ngepunka dagang sida perintah deka meri RM5,000 dulu.\\n“Udah dagang sida maju sereta mansang ngerembai dia perintah ulih meri RM5,000 baru ngambika dagang sida terus mansang,” ku iya seraya ditimbal enggau tempik jari ari bala penyereta program.\\nBUAH PENEMU…Melissa Francis benung mantaika buah penemu bekaul enggau geran numbuhka dagang ungkup orang indu di nengeri tu.\\nAbang Johari bejaku munyi nya lebuh sesi randau beserimbai enggau Pengawa Nutup Program Pematih Ketuai Orang Indu di Palan Aum Borneo Kuching (BCCK) ditu, kemari.\\nMelissa ti mega Menijar Besai Platinum World Network Sdn Bhd enggau Melissa Beauty Salon madah bantu tu beguna amat dikena sida ngemansangka dagang kemaya hari tu.\\n“Aku pechaya tambah bantu tu deka meri pemaik ngagai raban indu ti deka ngerembaika dagang sida.\\n“Pia mega, aku ngarapka perintah ulih nyendiaka palan endur bedagang laban diatu rega sewa kedai chukup amat,” ku iya.\\nKelimpah Melissa, lima agi panel bukai ngenataika isu bekaul orang indu jeman diatu mega nerima timbal ari Abang Johari baka pekara orang indu ti ngaul diri ba politik enggau pekara bukai.\\nBy Indun Silong|2019-08-23T21:44:31+08:00August 23rd, 2019|Categories: RUAI|0 Comments\\nARKIB Select Month December 2020 (13) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":297,"character_repetition_ratio":0.071,"word_repetition_ratio":0.007,"special_characters_ratio":0.285,"stopwords_ratio":0.152,"flagged_words_ratio":0.0,"lang_id_score":0.995,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Iring pasal Gempuru Tengan Minggu\\nBACHA DALAM JAKU Abkhaz Acholi Afrikaans Ahanta Aja Albanian Altai Alur Amharic Arabic Armenian Assamese Ateso Attié Aukan Aymara Azerbaijani Azerbaijani (Cyrillic) Baoule Bashkir Basque Bassa (Cameroon) Batak (Toba) Belize Kriol Bengali Bicol Bislama Boulou Bulgarian Bété Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitumbuka Chokwe Chol Chopi Chuabo Cibemba Cina Kantonis (Ringkas) Cinamwanga Cinyanja Croatian Czech Dangme Danish Digor Douala Dutch Edo Efik English Ewe Fante Fijian Finland Fon Frafra French Ga Galician Garifuna Georgian German Greek Greenlandic Guarani Gujarati Gun Haitian Creole Hebrew Hiligaynon Hindi Hungarian Iban Ibanag Icelandic Igbo Iloko Indonesian Isoko Italian Jaku Orang Bisu Brazil Jaku Orang Bisu Colombia Jaku Orang Bisu Jerman Japanese Kabiye Kabuverdianu Kachin Karen (S'gaw) Kazakh Kekchi Kikamba Kikaonde Kikongo Kiluba Kimbundu Kirghiz Kiribati Kirundi Kisonge Kongo Korean Kurdish Kurmanji Kwangali Kwanyama Latvian Lhukonzo Lingala Lithuanian Lolo Lomwe Low German Luganda Lunda Luo Luvale Macedonian Macua Malagasy Malayalam Maltese Mam Mambwe-Lungu Manyawa Marathi Mauritian Creole Maya Mazatec (Huautla) Mbunda Melayu Miskito Mixe Mixtec (Guerrero) Mizo Mongolian Moore Myanmar Nahuatl (Central) Nahuatl (Guerrero) Nahuatl (Northern Puebla) Ndau Ndebele Ndebele (Zimbabwe) Ndonga Nepali Ngabere Ngangela Norwegian Nsenga Nyaneka Nyungwe Nzema Odia Okpe Oromo Ossetian Otetela Otomi (Lembah Mezquital) Pangasinan Papiamento (Curaçao) Persian Polish Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quiche Quichua (Chimborazo) Quichua (Imbabura) Rarotongan Romanian Romany (Serbia) Ronga Russian Samoan Sango Sena Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swedish Tahitian Tajiki Tamil Tandroy Tankarana Tarascan Tatar Telugu Tetun Dili Thai Tigrinya Tiv Tlapanec Tojolabal Tongan Totonac Tshwa Tsonga Turkish Twi Tzeltal Tzotzil Uighur (Cyrillic) Ukrainian Urdu Urhobo Uruund Uzbek Valencian Venda Vezo Vietnamese Waray-Waray Wayuunaiki Xhosa Yacouba Zande Zapotec (Isthmus) Zapotec (Lachiguiri) Zulu\\nIring pasal Gempuru Pengidup enggau Pengawa Kristian Kitai\\nPenatai Tuai ti Ngabas\\nMinggu Gempuru Besai Sehari tauka Konvensyen\\nMinggu Ngingatka Pemati Jesus\\nTuai ti Nyaga Gempuru Pengidup enggau Pengawa Kristian\\nChairman Gempuru Pengidup enggau Pengawa Kristian\\nTuai ti Ngatur Tuai Gempuru\\nPenyaup Meri Jaku Lalau\\n1. Gempuru Pengidup enggau Pengawa Kristian deka dipejalai nitihka langkar ba Bup Kereja Pengidup enggau Pengawa Kristian sereta nitihka iring ke bisi dipadah ba baruh tu. Semua penginjil patut diperansang ngambika ulih enggau ngenataika begian pemelajar. Orang ke selalu datai ngagai eklisia mega ulih enggau begian tu enti sida nerima ajar ari Bup Kudus sereta chara pengidup sida sejalai enggau prinsip Bup Kudus.—be lamb. 282.\\n2. Jaku Pemuka: 3 minit tauka kurang. Ninting minggu, pengudah lagu enggau sampi pemuka, chairman Gempuru Pengidup enggau Pengawa Kristian deka madahka tusun program, nyengkaum nyebut siti tanya ari Keretas Saut Gempuru Pengidup enggau Pengawa Kristian (lma).\\n3. Reta Ari Bup Kudus:\\nCheramah: 10 minit. Tajuk enggau langkar dua tauka tiga iti buah pekara bisi disediaka dalam Bup Kereja Pengidup enggau Pengawa Kristian. Cheramah tu deka diberi ngagai seiku tuai gempuru tauka seiku penulung gempuru ke dikemendarka. Lebuh betukar ngagai bup baru dalam Bup Kudus ke dibacha ninting minggu, siti video deka dimainka kena madahka pasal bup nya. Pencheramah ulih madahka kaul entara video enggau tema Bup Kudus. Taja pia, iya patut nentuka diri ulih ngenataika buah pekara bukai ke bisi ba bup kereja. Pia mega, enti bisi chukup awak, iya patut ngena gambar ba bup kereja enggau poin ari Bup Kudus kena nerangka utai ke deka dikerandauka ba begian nya.\\nNgulihka Penemu Bup Kudus ti Berega: 8 minit. Tu begian tanya enggau saut ke enda begunaka jaku pemuka tauka jaku penutup. Begian tu deka diiring seiku tuai gempuru tauka penulung gempuru ke dikemendarka. Iya ulih magi awak ke deka dikena lebuh berandauka empat iti buah pekara nitihka utai ke diguna ba eklisia. Taja pia, iya patut nanya semua tanya nya. Iya mega ulih milih sekalika semua ayat ba tanya 1 enggau 2 patut dibacha. Orang ke dikangau patut meri saut dalam 30 sikin tauka kurang.\\nMacha Bup Kudus: 4 minit tauka kurang. Begian tu diberi ngagai seiku menyadi Kristian lelaki. Pemelajar dipinta macha ayat ke udah diberi, tang enda ibuh meri jaku pemuka enggau jaku penutup. Chairman gempuru gaga ati deka nulung pemelajar macha enggau betul, ulih dimeretika, lanchar, ditekanka enggau betul, tiun ti ngena, ngetu ba endur ti betul, sereta enggau chara ti ukai digaga-gaga.\\n4. Ngemanahka Agi Chara Kitai Nginjil: 15 minit tauka kurang. Begian tu digaga kena meri peluang ngagai semua belatihka chara sida nginjil lalu ngemanahka agi chara sida nginjil enggau ngajar. Penginjil patut ngena chunto ari begian chara ke ulih dikena berandau ba lambar 1 Bup Kereja Pengidup enggau Pengawa Kristian lebuh ngaga keterubah datai enggau datai ngabas. Sida ulih milih sekalika deka ngena litaricha tauka video ari Perengka kena Ngajar. Kekadang, Bup Kereja Pengidup enggau Pengawa Kristian engka nyediaka iring ke silik agi kena penginjil ngenataika begian sida. Penginjil enda ibuh ngena penerang bukai ketegal deka ngena awak ke diberi. Sekeda begian ke disediaka enggau manah ulih tembu seminit tauka kurang ari nya. Tuai gempuru mega ulih enggau ba begian tu.\\nVideo Chara ke Ulih Dikena Berandau: Video chara ke ulih dikena berandau deka dimainka lalu dikerandauka ninting minggu. Video tu deka mandangka chara ngaga keterubah datai, datai ngabas keterubah kali enggau datai ngabas kali kedua. Begian tu deka dikenataika chairman Gempuru Pengidup enggau Pengawa Kristian.\\nKeterubah Datai: Tu begian pemelajar ke ulih diberi ngagai seiku menyadi Kristian lelaki tauka indu. Penulung iya patut seiku ari sida sebilik tauka sama penempa. Sida ulih duduk tauka bediri. Penginjil patut ngena jaku tabi ke ngena ba endur nya. Randau tu patut sama enggau chara ke ulih dikena berandau.\\nDatai Ngabas Keterubah Kali: Tu begian pemelajar ke ulih diberi ngagai seiku menyadi Kristian lelaki tauka indu. Penulung iya patut sama penempa. (km 5\/97 lamb. 2) Penginjil enggau penulung iya ulih duduk tauka bediri. Penginjil patut nunjukka utai ti patut disebut lebuh ngaga datai ngabas ngagai orang ke bisi minat maya iya ngaga keterubah datai. Iya patut ngena chunto ari chara ke ulih dikena berandau ba Bup Kereja Pengidup enggau Pengawa Kristian lebuh ngaga begian tu.\\nDatai Ngabas Kali Kedua: Tu begian pemelajar ke ulih diberi ngagai seiku menyadi Kristian lelaki tauka indu. Penulung iya patut sama penempa. (km 5\/97 lamb. 2) Penginjil enggau penulung iya ulih duduk tauka bediri. Penginjil patut nunjukka utai ti patut disebut lebuh ngaga datai ngabas ngagai orang ke bisi minat maya iya ngaga datai ngabas kali keterubah. Iya patut ngena chunto ari chara ke ulih dikena berandau ba Bup Kereja Pengidup enggau Pengawa Kristian lebuh ngaga begian tu.\\nBelajarka Bup Kudus: Tu begian pemelajar ke ulih diberi ngagai seiku menyadi Kristian lelaki tauka indu. Penulung iya patut sama penempa. (km 5\/97 lamb. 2) Pemelajar enggau penulung iya ulih duduk tauka bediri. Begian tu patut nunjukka lakun pasal pengawa belajarka Bup Kudus ke benung dipejalaika. Enda ibuh ngena jaku pemuka tauka jaku penutup enti poin ti dipelajar pemelajar nadai kaul enggau nya. Pemelajar ulih milih macha semua tauka sekeda genteran lebuh begian tu dikenataika. Chara ngajar ti manah patut dipandangka.\\nCheramah: Tu begian pemelajar ke ulih diberi ngagai seiku menyadi Kristian lelaki.\\n5. Pengidup Kristian: Pengudah lagu pemuka, 15 minit udah nya, deka bisi siti tauka dua iti begian ke disediaka kena nulung bala ke datai nitihka Jaku Petara. Enti nadai dipadah, begian tu diberi ngagai seiku tuai gempuru tauka seiku penulung gempuru ke dikemendarka. Tang, maya begian utai ti diguna ba eklisia, semina tuai gempuru aja ulih diberi pengawa nya.\\nGempuru Belajarka Bup Kudus: 30 minit. Tu patut diberi ngagai tuai gempuru ti dikemendarka. (Eklisia ke enda chukup tuai gempuru ulih mega ngena penulung gempuru ti dikemendarka.) Raban tuai gempuru patut milih sapa ke ulih megai begian Gempuru Belajarka Bup Kudus. Menyadi Kristian lelaki ke dipilih patut ngenataika begian tu enggau manah ngambika pengawa belajar tu nitihka jam ti udah ditetapka, ngemeratka ayat kunchi, lalu nulung semua belematika utai ke ulih dipelajar sida. Menyadi Kristian lelaki ke ngiring begian tu deka bulih jaku lalau ti beguna lebuh macha iring pasal chara ngiring Belajarka Menara Jaga. Enti ulih, menyadi Kristian lelaki ke ngiring sereta ke macha patut betukar ninting minggu. Enti chairman Gempuru Pengidup enggau Pengawa Kristian ngasuh begian tu dipandakka, menyadi ke ngenataika begian tu patut mutuska baka ni deka mandakka begian tu. Iya engka ulih milih enda macha sekeda genteran.\\n6. Jaku Penutup: 3 minit tauka kurang. Chairman Gempuru Pengidup enggau Pengawa Kristian deka ngelansa baru utai ke udah dikerandauka ba gempuru nya, lalu iya mega nyebut utai ti deka dikerandauka ba minggu ti deka datai. Iya patut madahka poin ke bisi ba Keretas Saut Gempuru Pengidup enggau Pengawa Kristian (lma). Iya ulih nyebut pasal tanya ke deka dikerandauka ba minggu ti deka datai, ngambika bala menyadi Kristian ulih berunding dulu ke tanya nya. Enti agi bisi awak, iya ulih nyebut nama pemelajar ke bisi begian ba minggu ti deka datai. Enti ulih, nama-nama jaku gerah tauka surat ke patut dibacha ke gempuru deka dibacha chairman ba jaku penutup iya. Penerang baka atur pengawa nginjil sereta jadual pemeresi enda patut dipadah ba pentas tang patut dipandangka ba papan penerang. Enti bisi jaku gerah tauka surat enda ulih dibacha dalam timpuh 3 minit tu, chairman patut minta menyadi ke megai begian Pengidup Kristian ngemandakka agi begian sida. (Peda genteran 5 enggau 9.) Gempuru deka ditutup ngena lagu enggau sampi.\\n7. Ngemanahka Agi Chara Macha enggau Ngajar: Berengkah ari minggu kena 7 Januari 2019, chairman Gempuru Pengidup enggau Pengawa Kristian patut ngena brosur Ngajar lebuh meri puji sereta jaku lalau. Tiap iku pemelajar patut ngaga poin ti dipelajar ke ayan ba ujung begian pemelajar dalam Bup Kereja Pengidup enggau Pengawa Kristian. Ba minggu keterubah tiap-tiap bulan, chairman Gempuru Pengidup enggau Pengawa Kristian deka berandauka siti poin ti dipelajar ari brosur Ngajar enggau bala ke datai. Ba begian “Tulis Pemansang Ke Udah Digaga Nuan” dalam brosur nya sigi digaga ke pemelajar, lalu chairman enda nulis utai ba begian nya.\\n8. Jaku Lalau: Pengudah genap iku pemelajar ngenataika begian sida, chairman Gempuru Pengidup enggau Pengawa Kristian bisi kira-kira seminit kena muji sereta meri jaku lalau nitihka brosur Ngajar. Lebuh chairman madahka begian pemelajar, iya enda ibuh madahka poin ti dipelajar ke deka dikereja pemelajar nya. Taja pia, pengudah begian pemelajar nya abis, sereta pengudah meri jaku puji, chairman ulih madahka poin ti dipelajar pemelajar nya, lalu madahka kebuah pemelajar nya ngereja poin ti dipelajar enggau manah tauka nerangka kebuah pemelajar nya patut ngemeratka poin ti dipelajar nya. Nitihka utai ti patut diguna tiap iku pemelajar, chairman ulih meri lalau ti meransang nitihka brosur Ngajar tauka bup Ministry School. Jaku lalau nya ulih dipadah maya iya kediri aja pengudah gempuru tauka ba maya ti bukai. Jaku lalau nya ulih bekaul enggau poin ti dipelajar ke dikereja tauka poin ti dipelajar ke bukai.—Peda genteran 13 enggau 16 kena nemu penerang bukai pasal tanggung pengawa tuai ti nyaga Gempuru Pengidup enggau Pengawa Kristian sereta tanggung pengawa penyaup meri jaku lalau.\\n9. Awak: Nadai begian patut ngelui awak ke udah diberi, tu nyengkaum begian ari chairman Gempuru Pengidup enggau Pengawa Kristian. Begian pemelajar diketuka enggau chara ti manah enti udah chukup jam. Enti begian bukai ba gempuru bisi ngelui jam, penyaup meri jaku lalau ulih meri jaku lalau maya kediri aja ngagai menyadi nya. Pengelama semua gempuru tu, nyengkaum lagu enggau sampi, iya nya 1 jam 45 minit.\\n10. Penatai Tuai ti Ngabas: Lebuh eklisia dilawa tuai ti ngabas, program patut terus dipejalai nitihka Bup Kereja Pengidup enggau Pengawa Kristian, enggau sekeda ubah: Begian Gempuru Belajarka Bup Kudus ba Pengidup Kristian deka diganti enggau cheramah 30 minit ari tuai ti ngabas. Sebedau cheramah tuai ti ngabas, chairman Gempuru Pengidup enggau Pengawa Kristian deka ngelansa program enda lama aja, nyebut program ba minggu ti deka datai, ngenataika jaku gerah ke patut aja, macha surat ke beguna aja, lalu udah nya ngelaluka penatai tuai ti ngabas. Pengudah cheramah, tuai ti ngabas deka nutup gempuru ngena lagu ke dipilih iya. Kelas tambah enda patut dipejalaika ba minggu penatai tuai ti ngabas. Raban gempuru ke ngena bansa jaku bukai ulih begempuru taja pan nya minggu tuai ti ngabas ngelawa eklisia ke megai sida. Tang, raban tu patut enggau eklisia ke megai sida lebuh cheramah tuai ti ngabas.\\n11. Minggu Gempuru Besai Sehari tauka Konvensyen: Ba minggu gempuru besai, nadai gempuru deka diatur. Semua utai ke dikerandauka ba gempuru dalam minggu nya patut dipelajarka kediri empu tauka enggau diri sebilik.\\n12. Minggu Ngingatka Pemati Jesus: Enti hari Ngingatka Pemati Jesus nya ba tengan minggu, Gempuru Pengidup enggau Pengawa Kristian enda ibuh dipejalaika. Tang gempuru sebedau nginjil patut dipejalaika ba hari Ngingatka Pemati Jesus.\\n13. Tuai ti Nyaga Gempuru Pengidup enggau Pengawa Kristian: Seiku tuai gempuru ke dipilih raban tuai gempuru deka nyadi tuai ti nyaga Gempuru Pengidup enggau Pengawa Kristian. Iya betanggungjawap nentuka gempuru tu diatur enggau manah sereta dipejalai nitihka iring ke udah disediaka ditu. Iya patut senang berandau enggau penyaup meri jaku lalau. Sepengudah eklisia nerima Bup Kereja Pengidup enggau Pengawa Kristian, tuai ti nyaga Gempuru Pengidup enggau Pengawa Kristian deka meri pemelajar begian sida ke bisi dalam bup kereja nya. (Peda genteran 4.) Tiap iti begian pemelajar, nyengkaum poin ti dipelajar pemelajar patut diberi kira-kira tiga minggu sebedau begian nya, lalu tu diberi ngena pom (S-89), Begian Gempuru Pengidup enggau Pengawa Kristian Kitai.\\n14. Chairman Gempuru Pengidup enggau Pengawa Kristian: Ninting minggu, seiku tuai gempuru deka nyadi chairman ba Gempuru Pengidup enggau Pengawa Kristian. (Eklisia ke enda chukup tuai gempuru ulih mega ngena penulung gempuru ti dikemendarka.) Iya betanggungjawap nyediaka jaku pemuka enggau jaku penutup sereta berandauka video ba begian chara ke ulih dikena berandau, nyengkaum video ke mandangka poin baru ti dipelajarka ari brosur Ngajar. Pia mega, iya deka madahka dulu semua begian ke bisi maya nya, lalu bepanggai enggau penyampau tuai gempuru ke bisi, iya engka megai begian ke bukai ba gempuru maya nya. Komen ke diberi entara tiap iti begian ba gempuru patut pandak. Raban tuai gempuru patut nentuka ni bagi tuai gempuru ke ulih megai pengawa tu. Tuai gempuru ti ulih megai pengawa tu deka besilih nyadi chairman. Bepanggai ba endur siti-siti gempuru, tuai ti nyaga Gempuru Pengidup enggau Pengawa Kristian ulih dipilih suah agi nyadi chairman ari tuai gempuru ke bukai. Enti tuai gempuru nya ulih ngiring Gempuru Belajarka Bup Kudus, iya mega ulih dipilih nyadi chairman ba gempuru. Taja pia, kingatka, tuai gempuru ke nyadi chairman patut meri jaku puji sereta jaku lalau ke ulih meransang bala penginjil ke megai begian pemelajar. Chairman mega betanggungjawap nentuka gempuru abis nitihka jam ti patut. (Peda genteran 6 enggau 9.) Enti chairman deka sereta pentas chukup pemesai, siti mikrofon bediri ulih disediaka ngambika seraya chairman madahka siti-siti begian, menyadi ke seiku da agi ulih nyediaka diri ba mikrofon pencheramah. Pia mega, chairman ulih milih duduk ba pentas lebuh pemelajar ngenataika begian Macha Bup Kudus enggau Ngemanahka Agi Chara Kitai Nginjil. Tu ulih nyeliahka jam ari dibasau.\\n15. Tuai ti Ngatur Tuai Gempuru: Kelimpah ari begian pemelajar, tuai ti ngatur tuai gempuru deka magi pengawa ke semua begian bukai ba gempuru. Tu nyengkaum nyediaka jadual sapa ke nyadi chairman ninting minggu, iya nya ari bala tuai gempuru ke udah dipilih raban tuai gempuru. Enggau kereja sama ari tuai ti nyaga Gempuru Pengidup enggau Pengawa Kristian, tuai ti ngatur tuai gempuru patut nentuka jadual pengawa ke gempuru dilekatka ba papan penerang.\\n16. Penyaup Meri Jaku Lalau: Enti ulih, pilih meh seiku tuai gempuru ke lama udah nyadi pencheramah megai tanggungjawap tu. Penyaup meri jaku lalau betanggungjawap meri jaku lalau ngagai bala tuai gempuru enggau penulung gempuru pasal semua pengawa ke dikereja sida, nyengkaum begian ba Gempuru Pengidup enggau Pengawa Kristian, cheramah ke bala mayuh, chara ngiring tauka macha maya belajarka Menara Jaga sereta maya Gempuru Belajarka Bup Kudus. Jaku lalau tu semina diberi maya kediri sereta ba maya ti patut aja. (Peda genteran 9.) Enti bisi beberapa iku bala tuai gempuru ke landik ngajar sereta landik meri cheramah, sida tau betukar megai tanggungjawap tu ninting taun. Penyaup meri jaku lalau enda ibuh meri jaku lalau tiap kali tuai tauka penulung gempuru ngaga pengawa sida.\\n17. Kelas Tambah: Bepanggai ba penyampau pemelajar, eklisia ulih ngaga kelas tambah enti begunaka iya. Tiap iti kelas tambah patut bisi pemeri jaku lalau ke layak, enti ulih seiku tuai gempuru. Enti enda, penulung gempuru ti dikemendarka mega tau megai pengawa tu. Raban tuai gempuru patut mutuska sapa ke ulih megai pengawa tu, lalu berunding sekalika orang ti ngiring kelas tu patut betukar tauka enda. Pemeri jaku lalau patut nitihka iring ke dipadah ba genteran 8. Enti kelas tambah bisi digaga, bala pemelajar patut diasuh mindah ngagai kelas tambah, pengudah Ngulihka Penemu Bup Kudus ti Berega, iya nya dalam begian Reta Ari Bup Kudus. Sida patut begulai baru enggau bala ke bukai pengudah begian Ngemanahka Agi Chara Kitai Nginjil. Enti ulih, lebuh video chara ke ulih dikena berandau dikerandauka, pemelajar ke enggau kelas tambah tu ulih meda tauka ninga randau nya ari endur kelas tambah. Enti enda, pemeri jaku lalau kelas tu ulih mandangka video ngena perengka elektronik.\\n18. Video: Sekeda video ke bekaul enggau gempuru tu deka disediaka. Video ke dikena ba gempuru tengan minggu deka disediaka ba aplikasi JW Library lalu ulih dibuka ngena mayuh macham perengka elektronik. Kekadang, video chara ke ulih dikena berandau, ke udah dimainka maya Gempuru Pengidup enggau Pengawa Kristian mega ulih dimainka baru ba gempuru sebedau nginjil.\\nText Chara download litaricha elektronik Iring pasal Gempuru Pengidup enggau Pengawa Kristian Kitai","num_words":2822,"character_repetition_ratio":0.114,"word_repetition_ratio":0.046,"special_characters_ratio":0.177,"stopwords_ratio":0.224,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nyadi Orang ke Baruh Ati lalu Ngagaka Ati Jehovah | Menara Jaga Dikena Belajar\\nARTIKEL DIPELAJAR 7\\n‘Kuingka diri ngagai Jehovah, semua kita ke baruh ati . . . diau enggau ati ti baruh.’—SEP. 2:3.\\nLAGU 80 ‘Asaika Pemadas Jehovah’\\n1-2. (a) Nama dipadah Bup Kudus pasal Moses? Nama digaga Moses? (b) Nama kebuah kitai deka ngemansangka ati ti baruh?\\nKU BUP KUDUS madah pasal Moses: “Nadai orang ke baruh agi ati ari iya di dunya tu.” (P-pau. 12:3) Kati Moses nya orang ke lemi, enda nemu ngaga pemutus, sereta takut lebuh dilaban orang? Tu meh utai ti dipadah sekeda orang pasal orang ke baruh ati. Tang penemu tu enda betul. Moses nya orang ti kering, nemu ngaga pemutus, sereta berani. Enggau saup ari Jehovah, iya berani mansang ngagai raja Ejip ti kering, nguluka kira-kira tiga juta iku orang nengah menua puang, sereta nulung bansa Israel ngalahka munsuh sida.\\n2 Kitai enda napi penanggul ti sama baka Moses. Tang, ninting hari kitai begulai enggau orang tauka napi utai ke ngasuh kitai tusah deka baruh ati. Taja pia, kitai bisi kebuah deka ngemansangka kualiti tu. Jehovah besemaya “orang ke baruh ati deka bempu menua tu.” (Mas. 37:11) Kati nuan orang ke baruh ati? Kati orang bukai ngumbai nuan baruh ati? Sebedau nyaut dua iti tanya tu, kitai patut nemu reti baruh ati.\\n3-4. (a) Kualiti baruh ati nya baka nama? (b) Nama tiga iti kualiti ke diguna enti kitai deka baruh ati? Nama kebuah begunaka kualiti nya?\\n3 Kualiti baruh ati * nya baka siti gambar ti manah. Nama kebuah kitai ngumbai baka nya? Pelukis nyampur beberapa iti chura ti manah kena ngasilka gambar. Pia mega enggau kitai. Kitai begunaka beberapa iti kualiti ngambika baruh ati. Kualiti nya baka nunduk, nelap, sereta berani. Nama kebuah kitai begunaka kualiti nya enti deka ngagaka ati Jehovah?\\n4 Orang ke baruh ati deka nunduk ngagai peneka Petara. Siti ari peneka Petara nya, Iya deka kitai nelap. (Mat. 5:5; Gal. 5:23) Lebuh kitai ngereja peneka Petara, Sitan pedis ati. Taja pan kitai baruh ati sereta nelap, mayuh orang ke enggi dunya Sitan begedika kitai. (Jhn. 15:18, 19) Nya alai, kitai patut berani ngelaban Sitan.\\n5-6. (a) Nama kebuah Sitan begedika orang ke baruh ati? (b) Nama tanya ke deka disaut kitai?\\n5 Orang ke baruh ati nya orang ke dikerinduka Jehovah. Ulah sida belaban enggau ulah Sitan ti sumbung. Jehovah begedika ulah ti sumbung. Nya alai, ulah orang ke baruh ati jauh amat bebida ari Sitan. Sida ngembuan kualiti ke tinggi agi ari enggi Sitan. Nya kebuah Sitan begedika sida. Tang kelebih agi, sida nunjukka Sitan nya bula. Nama kebuah? Laban enda ngira nama utai ke disebut tauka digaga Sitan, iya enda ulih nagang orang ke baruh ati nyembah Jehovah!—Jop 2:3-5.\\n6 Ni maya kitai tusah deka baruh ati? Nama kebuah kitai patut terus baruh ati? Kena nyaut tanya tu, kitai deka beratika chunto Moses, tiga iku orang Hebrew ke nyadi orang tangkap di menua Babilon, sereta Jesus.\\nNI MAYA TUSAH DEKA BARUH ATI?\\n7-8. Nama digaga Moses lebuh orang enda bebasaka iya?\\n7 Lebuh diberi kuasa: Orang ke ngembuan kuasa tusah deka mengkang baruh ati, kelebih agi lebuh orang ke dijaga sida enda bebasaka sida tauka ngumbai sida enda ngaga pemutus enggau manah. Kala tu nyadi ba nuan? Baka ni enti orang ke sebilik enggau nuan ngaga nuan baka nya? Nama deka digaga nuan? Peratika chara Moses mutarka penanggul nya.\\n8 Jehovah milih Moses nyadi tuai ke bansa Israel. Iya mega ngasuh Moses nulis adat ke sida. Tu nunjukka Jehovah nyukung Moses. Taja pia, menyadi iya, Miriam seduai Aron, ngutuk iya lalu madahka iya enda patut jadi enggau bini iya. Enti sema orang bukai bisi penuduk baka Moses, sida tentu ringat sereta deka malas penyai. Tang Moses enda baka nya. Iya enda jampat ringat. Iya indah minta Jehovah ngeraika Miriam ke dibalut penyakit kulit. (P-pau. 12:1-13) Nama kebuah Moses ngereja semua nya?\\nMoses minta Jehovah ngeraika Miriam ke dibalut penyakit kulit (Peda genteran 8)\\n9-10. (a) Baka ni Jehovah nulung Moses? (b) Nama ulih dipelajarka tuai bilik enggau tuai gempuru ari Moses?\\n9 Moses ngawakka diri dilatih Jehovah. Kira-kira 40 taun sebedau nya, iya ukai orang ke baruh ati lebuh agi sebilik enggau raja menua Ejip. Iya jampat ringat. Ketegal tu iya munuh seiku lelaki ke dikumbai iya ngereja utai ti enda patut. Moses ngumbai Jehovah nyukung utai ti digaga iya. Sepengelama 40 taun, Jehovah nulung Moses nemu iya ukai semina begunaka pemerani enti deka ngiring orang Israel. Tang iya mega begunaka ati ti baruh. Ngambika ulih baruh ati, Moses patut nelap sereta nunduk. Iya ngasika ajar nya lalu nyadi tuai ti badas.—P-sut. 2:11, 12; SKR. 7:21-30, 36.\\n10 Kemayaharitu, tuai bilik enggau tuai gempuru patut neladan Moses. Lebuh orang enda bebasaka kita, anang jampat ringat. Enggau baruh ati ngaku penyalah diri. (P-jar. 7:9, 20) Enggau naka ulih nitihka iring ari Jehovah bekaul enggau chara mutarka penanggul, lalu seruran nelap lebuh nyaut. (J-lam. 15:1) Tuai bilik enggau tuai gempuru ke baka nya ngagaka ati Jehovah, ngemansangka pemaik, lalu ulih nyadi teladan ti manah.\\n11-13. Nama teladan ti ditetapka tiga iku nembiak Hebrew nya?\\n11 Lebuh diperinsa: Sepemanjai sejarah, pemerintah mensia udah merinsaka nembiak Jehovah. Sida nuduh kitai ngereja bemacham “penyalah.” Tang kitai deka ‘ngasika Petara, ukai ngasika mensia.’ (SKR. 5:29) Kitai engka dikelese, dijil, tauka dipalu. Tang ketegal bantu ari Jehovah, kitai enda ngelaban lalu mengkang nelap.\\n12 Peratika utai ke nyadi ba Hananiah, Misael, enggau Asariah, tiga iku nembiak Hebrew ke dibuai ngagai menua Babilon. Sida netapka teladan ti manah ke kitai. * Lebuh raja Babilon ngasuh sida meremi nyembah engkeramba emas, sida enggau nelap nerangka kebuah sida enggai ngereja nya. Sida mengkang nunduk ngagai Jehovah, taja pan raja Babilon ngasuh sida ditunu dalam serumbung api. Tekala nya, Jehovah nyelamatka sida taja pan sida enda ngarapka Iya ngereja nya. Sida sanggup nerima sebarang utai ke deka nyadi ngagai sida. (Dan. 3:1, 8-28) Sida nunjukka orang ke baruh ati nya berani. Nadai mensia tauka utai tauka atur, ulih nagang kitai ari nyembah Jehovah seiku aja.—P-sut. 20:4, 5.\\n13 Baka ni kitai ulih neladan tiga iku nembiak Hebrew nya lebuh penaluk kitai diuji? Kitai enggau ati ti baruh arapka Jehovah deka nyaga kitai. (Mas. 118:6, 7) Kitai nyaut orang ke nuduh kitai ngereja penyalah enggau chara ti bebasa sereta nelap. (1 Pet. 3:15) Lalu kitai bebendar enggai ngerusak kaul kitai enggau Jehovah.\\nKitai nyaut orang ke nyakal kitai enggau chara ti bebasa sereta nelap (Peda genteran 13)\\n14-15. (a) Nama utai ke ulih nyadi lebuh kitai balat tusah ati? (b) Nitihka Isaiah 53:7, 10, nama kebuah Jesus ulih dikumbai teladan ti pemadu manah bekaul enggau mandangka pemaruh ati taja pan ati iya balat tusah?\\n14 Lebuh ati balat tusah: Bisi mayuh pekara ke ngasuh ati kitai balat tusah. Kitai engka ngasaika nya sebedau ngambi peresa ba sekula tauka sebedau ngereja siti-siti pengawa. Ati kitai mega balat tusah lebuh berundingka chara berubat ke patut dikena. Endang enda senang deka baruh ati lebuh ati kitai balat tusah. Pekara ke enda kala nanggul kitai, nyau nyadi penanggul ba kitai. Jaku ke disebut kitai engka kasar, lalu munyi nyawa kitai bejaku engka tinggi. Enti kitai kala berasai baka nya, peratika teladan Jesus.\\n15 Beberapa bulan sebedau Jesus mati, ati iya balat tusah. Iya nemu diri deka balat merinsa lalu dibunuh enggau chara ti amat ngemaluka. (Jhn. 3:14, 15; Gal. 3:13) Indah iya empu bisi nyebut pasal tu. (Luk. 12:50) Beberapa hari sebedau mati, ku Jesus madahka: ‘Ati aku balat tusah.’ Ari jaku ke disebut iya lebuh iya besampi, iya nunjukka diri baruh ati sereta ngasika Petara. Ku iya besampi: ‘Apai, lepaska aku ari maya tu . . . laban nya meh kebuah aku udah datai ngagai maya tu. Apai, muliaka nama Nuan!’ (Jhn. 12:27, 28) Lebuh munsuh Petara datai, Jesus enggau berani nyerahka diri empu ngagai sida. Sida munuh iya enggau chara ti amat ngemaluka sereta chukup pedis. Taja pan Jesus balat tusah ati sereta merinsa, iya enggau baruh ati ngereja peneka Petara. Nya alai, Jesus ulih dikumbai teladan ti pemadu manah bekaul enggau mandangka pemaruh ati taja pan ati iya balat tusah!—Bacha Isaiah 53:7, 10.\\nJesus nya teladan ti pemadu manah bekaul enggau baruh ati (Peda genteran 16-17) *\\n16-17. (a) Nama utai ke digaga bala rasul ke ngasuh Jesus tusah deka baruh ati? (b) Baka ni kitai ulih neladan Jesus?\\n16 Ba malam kepenudi sebedau Jesus mati, bala rasul iya ngereja utai ke ngasuh iya tusah deka baruh ati. Uji gambarka penusah ati ke diasaika Jesus malam nya. Ulih iya mengkang tetap ati nyentuk ke iya mati? Enti iya enda tetap ati, nadai seiku pan orang tau bulih peluang idup belama iya. (Rom. 5:18, 19) Lalu keberat agi, ulah ti enda tetap ati ulih ngenyaika nama Apai iya. (Jop 2:4) Lebuh kepenudi iya Jesus makai enggau bala rasul, bala rasul “bekelikuhka sapa ari bala sida ke tau dikumbai pemadu besai.” Jesus udah suah ngerara sida pasal nya. Pia mega sebedau makai lemai nya! Tang Jesus enda pedis ati. Iya enggau nelap ngerara sida. Jesus ngingatka sida baru pasal ulah ke patut dikembuan sida. Lalu iya mega muji sida ketegal taluk nyukung iya.—Luk. 22:24-28; Jhn. 13:1-5, 12-15.\\n17 Nama deka digaga nuan enti sema nuan napi utai ti sama? Kitai ulih neladan Jesus sereta mengkang nelap taja pan ati balat tusah. Enggau naka ulih ngasika pesan Jehovah ke ngasuh kitai “sabar enggau pangan diri.” (Kol. 3:13) Kitai deka ngasika pesan nya enti semua kitai nemu utai ti disebut sereta digaga kitai ulih ngemediska ati orang. (J-lam. 12:18; Jas. 3:2, 5) Lalu seruran muji pemanah ke dikembuan orang bukai.—Eps. 4:29.\\nNAMA KEBUAH PATUT TERUS BARUH ATI?\\n18. Baka ni chara Jehovah nulung orang ke baruh ati? Tang nama patut digaga sida?\\n18 Kitai deka ngaga pemutus ti manah. Lebuh kitai tusah deka nemu utai ti patut digaga, Jehovah ulih nulung kitai ngaga pemutus ti manah. Tang Iya deka ngereja nya enti kitai baruh ati. Jehovah besemaya deka mendingka “sampi orang ke baruh ati.” (Mas. 10:17) Lalu Iya ukai semina deka mendingka sampi kitai. Bup Kudus madahka: “Iya nguluka orang ke baruh ati nengah jalai ti ngena lalu ngajar sida peneka Iya.” (Mas. 25:9) Jehovah nyediaka iring dalam Bup Kudus enggau litaricha * sereta nengah program ke dikeluarka “ulun ke tetap ati sereta bepenemu-dalam.” (Mat. 24:45-47) Kitai begunaka bantu ari Jehovah lalu patut baruh ati nerima nya. Kitai ngereja tu enggau belajarka utai ti disediaka Iya, sereta nitihka utai ti dipelajarka kitai.\\n19-21. Nama penyalah ke digaga Moses lebuh ba Kades? Nama utai ke ulih dipelajarka kitai ari nya?\\n19 Kitai deka nyeliah ari ngereja utai ti salah. Pikirka baru pasal Moses. Iya bepuluh-puluh taun udah baruh ati sereta ngerinduka ati Jehovah. Tang ba pengujung 40 taun bejalai ba menua puang, Moses enda agi baruh ati. Menyadi indu iya, ke nyelamatka nyawa iya ba menua Ejip, baru udah nadai lalu dikuburka ba Kades. Lalu orang Israel mutap baru, madahka sida enda diintu enggau manah. Sekali tu sida bekelikuh enggau Moses ketegal nadai ai. Taja pan Jehovah udah meri Moses kuasa kena ngaga kereja ajih lalu Moses udah lama nguluka sida enggau manah, tang sida agi mutap. Sida ukai semina mutap ketegal nadai ai tang mega mutap pasal Moses. Sida nyalahka Moses lalu ngumbai diri aus ketegal iya.—P-pau. 20:1-5, 9-11.\\n20 Moses balat ringat, lalu ngetu baruh ati. Ari ke bejaku ngagai batu baka ke diasuh Jehovah, Moses enggau ati ti pedis bejaku ngagai orang Israel lalu madahka diri deka ngaga kereja ajih. Moses malu batu dua kali lalu ai mayuh amat pansut. Iya ngereja penyalah ti besai ketegal sumbung sereta pedis ati. (Mas. 106:32, 33) Taja pan Moses enda baruh ati maya nya aja, tang tu ngujungka iya lenyau peluang tama ngagai Menua ti Udah Disemaya.—P-pau. 20:12.\\n21 Ari tu, bisi utai ke ulih dipelajarka kitai. Kesatu, kitai patut seruran baruh ati. Enti enda, kitai engka nyadi sumbung. Lalu tu ulih ngujungka kitai nyebut sereta ngereja utai ti beli. Kedua, ati ti tusah enda ulih nulung kitai mengkang baruh ati. Nya alai, kitai patut bebendar baruh ati taja pan ba maya ti balat tusah.\\n22-23. (a) Nama kebuah kitai patut terus baruh ati? (b) Nama ulih ditemu kitai ari jaku ba Sepaniah 2:3?\\n22 Kitai deka dilindung. Enda lama agi, Jehovah deka munaska semua orang ke jai ari bumi. Semina tinggal orang ke baruh ati aja. Bumi deka penuh enggau pemaik. (Mas. 37:10, 11) Kati nuan ulih enggau sida ke baruh ati nya? Ulih, enti nuan nitihka jaku Jehovah ba Sepaniah 2:3 (Bacha).\\n23 Nama kebuah Sepaniah 2:3 madahka: “Nyangka ukur kita enda diukum”? Tu ukai reti Jehovah enda ulih ngelindung orang ke ngagaka ati Iya sereta dikerinduka Iya. Tang, nya nunjukka kitai patut ngereja siti-siti utai ngambika dilindung Iya. Kitai ulih selamat “lebuh Jehovah ngayanka pengeringat Iya” lalu idup belama iya enti kitai baruh ati sereta ngagaka ati Jehovah ari diatu.\\nNAMA ULIH DIPELAJARKA NUAN PASAL BARUH ATI ARI . . .\\nHananiah, Misael, enggau Asariah?\\nLAGU 120 Neladan Penelap Kristus\\n^ per. 5 Kitai ukai orang ke baruh ati kenyau ari ada. Nya alai, kualiti nya patut dikemansangka kitai. Kitai engka senang deka baruh ati enti begulai enggau orang ke manah. Tang kitai engka tusah deka baruh ati enti begulai enggau orang ke sumbung. Artikel tu deka berandauka sekeda penanggul ke patut diputarka kitai ngambika ulih ngemansangka ati ti baruh.\\n^ per. 3 PENERANG JAKU: Baruh ati. Orang ke baruh ati nya nelap lebuh sida begulai enggau orang bukai. Iya enda jampat ringat lebuh orang ngemediska ati iya. Iya mega enda sumbung. Iya ngumbai orang bukai pama agi ari iya. Jehovah mega baruh ati. Iya mandangka pengerindu sereta pengasih ngagai kitai ke enda sempurna.\\n^ per. 12 Orang Babilon ngangauka tiga iku nembiak Hebrew nya ngena nama Sadrak, Mesak, enggau Abednego.—Dan. 1:7.\\n^ per. 18 Ambika chunto, peda artikel ‘Buatlah Keputusan yang Menghormati Tuhan,’ ke dikeluarka kena 15 April 2011, Menara Pengawal dalam jaku Indonesia.\\n^ per. 59 PENERANG PASAL GAMBAR: Jesus enda pedis ati lalu enggau nelap ngerara bala murid iya pengudah sida bekelikuhka sapa ari bala sida ke tau dikumbai pemadu besai.","num_words":2212,"character_repetition_ratio":0.061,"word_repetition_ratio":0.008,"special_characters_ratio":0.229,"stopwords_ratio":0.345,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2019-10-10 - Puku rata 40 ke 60 kes nyadi dalam sehari lalu nyentuk 3 Oktober tu tadi, kes rabies nya udah nabanka 20 nyawa Hisham\\nPuku rata 40 ke 60 kes nyadi dalam sehari lalu nyentuk 3 Oktober tu tadi, kes rabies nya udah nabanka 20 nyawa Hisham\\n“Kenyau 1 Julai 2017 nyentuk 3 Oktober 2019, penyampau kes rabies ke nyadi ba mensia bisi nyadi ba 21 iku. Semua ke bisi kes nya udah parai magang kelimpah siku nembiak mit ke agi idup lalu diatu berumur semilan taun ti balat napi komplikasy­en neurologi ketegal rabies.\\n“Lima ari 21 kes tu mandangka sejarah diketup ukui ke diambil ari orang bukai lalu status vaksinasye­n jelu nya enda ditemu,” ku iya ba sebengkah penerang kemari.\\nKu Dr Noor Hisham, taun tu bisi lima kes ditukuka rabies ba mensia lalu tebal agi ukui enggau mayau ke ngetup mensia ditemu positif pengudah diperesara­bies.\\n“Penyadi semua kes rabies tu ulih diseliahka nyema jelu nya diintu enggau manah lalu bekau ketup nya diberi manah ngambika ulih ngelenyauk­a ai liur jelu nya. Udah nya berubat lengkas ba fasiliti pengerai,” ku iya.\\nDr Noor Hisham ngelalau pengempu jelu tupi nentuka jelu tupi sida diberi imunisasye­n rabies ninting tahn ngambika ulih diseliah ari dirampit penyakit nye kelimpah nyeliahka ari ngambi tauka nupi ukui ke enda temu gaya pengerai.\\nKetuai Direktor Opis Pengerai","num_words":203,"character_repetition_ratio":0.064,"word_repetition_ratio":0.082,"special_characters_ratio":0.215,"stopwords_ratio":0.251,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ngajar Ngena Jaku Sempama | Macha & Ngajar\\nNgajar Ngena Jaku Sempama\\nNAMA PATUT DIGAGA: Kemansangka chara nuan ngajar ngena jaku sempama ti senang sereta narit ati peninga nuan. Jaku sempama patut nulung peninga meretika poin ti patut dikemeratka.\\nKena jaku sempama ti senang. Baka Jesus, lebuh nerangka pemendar, kena meh utai ke udah ditemu orang bukai tauka utai ke nyadi ba pengidup sida besehari-hari. Anang ngena penerang ti nadai kaul laban nya ulih ngasuh jaku sempama tusah dimeretika. Tentuka jaku sempama nuan ngena enggau utai ti diajar, ngambika peninga enda dilimpangka enggau penerang ti nadai kaul enggau utai ke disebut nuan.\\nPeratika utai ti nyadi ngelingi nuan, pelajarka litaricha pasal Bup Kudus, lalu dingaka pengajar ti landik. Lebuh nuan ngereja tu, pikirka jaku sempama ke ulih dikena nuan ngemansangka agi chara nuan ngajar. Simpan jaku sempama nya dalam pail nuan.\\nPerundingka utai ti meri penguntung ngagai peninga nuan. Pilih jaku sempama ti ngerinduka ati sereta bisi kaul enggau peninga nuan. Bejimat ngambika enda ngena jaku sempama ke ulih ngasuh peninga nuan berasai malu tauka enda nyamai ati.\\nAjar poin ti patut dikemeratka. Kena jaku sempama ti nerangka poin ke patut dikemeratka. Tentuka peninga nuan ukai aja ingatka jaku sempama nya, tang mega utai ke ulih dipelajarka iya ari jaku sempama nya.\\nMacha enggau Ngajar—Ngajar Ngena Jaku Sempama","num_words":209,"character_repetition_ratio":0.117,"word_repetition_ratio":0.0,"special_characters_ratio":0.176,"stopwords_ratio":0.301,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kes baru positif pemadu tinggi dirikod - Suara Sarawak\\nKUCHING: Sarawak ngerikod 353 kes baru positif Covid-19 lalu nya kes baru positif pemadu tinggi kala dirikodka.\\nSekretariat Komiti Penyangga Penusah Nengeri (JPBN) Sarawak madahka 181 kes di Sibu, 67 kes di Meradong, 31 kes di Kuching, 22 kes di Bintulu enggau 18 kes di Kapit.\\nPia mega, bela lapan kes di Miri enggau Subis, enam kes di Betong, bela tiga kes di Bau enggau Dalat, dua kes di Samarahan sereta bela siti kes di Kanowit, Saratok, Julau enggau Serian ngujungka kes nambah ngagai 8,650 kes.\\nPelilih Meradong, Kuching, samarahan, Julau, Subis, kapit, Bintulu, Miri enggau Sibu mengkang ba status mirah pengudah ngerikod 2,319 kes berampit dalam menua ba semilan pelilih nya ba timpuh 14 hari ke udah.\\nBisi 139 kes baru udah suman enggau dikemendar pansut ari sepital ke alai 78 kes ari Sepital Sibu, 21 kes ari Sepital Miri, 18 kes ari Sepital Besai Sarawak (SGH) enggau 15 kes ari PKRC di baruh Sepital Kapit.\\nNambahka nya, lima kes ari Sepital Bintulu enggau dua kes ari PKRC di baruh Sepital Sarikei ngujungka kes suman nambah ngagai 6,238 iku.\\nKelimpah ari nya, 2,306 iku agi diperubat ba wad isolasyen ke alai 1,149 kes di Sepital Sibu, 332 kes di SGH, 240 kes di Sepital Bintulu, 234 kes di Sepital Miri, 173 kes di Sepital Kapit (PKRC Kapit), 152 kes di Sepital Sarikei enggau 26 kes di Sepital Sri Aman (PKRC Sri Aman).\\nBisi 375 PUI baru dirikodka enggau 23 PUI agi nganti pemutus peresa makmal enggau naka diatu, 25 kluster agi ngerekai di Sarawak.","num_words":229,"character_repetition_ratio":0.085,"word_repetition_ratio":0.0,"special_characters_ratio":0.252,"stopwords_ratio":0.148,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Aram makai-makai...\\nRin & Ally maia kami makai ba Nyonya tHe Spring\\nKemari kami duai Rin baru pulai pemisi di Kuching. Maia raya tu kami duai nadai ngabang, BA ba rumah aja meda tv...dahnya bejegau di tHe Spring. Maioh amat mensia dia....penoh alai parkir kereta.\\nBA sekali tu nadai berambi ka gambar...nadai utai ti ngerindu ka ati.\\nSekali tu mega BA ka engkah ka gambar-gambar makai tauka lebih agi ngagai pemakai maia bisi pengawa makai-makai minggu nyin kemari.\\nBA empu nyau lapar maia upload gambar-gambar pemakai tu. Ia katerubah, program makai lemai di rumah kuarters kami duai Rin 13hb Sept tu tadi. Kami sebilik aja makai lemai nya. Lama udah nadai makai ba kami duai. Laban ti kelalu lapar, BA semina sempat ngambar pemakai aja.\\nIkan Sultan dipandok ba periuk Velva Wedy..kari manok nya dipandok apai BA.\\nMeehun dipandok Rin\\n17hb Sept, bala kami sekali agi serumpu makai di rumah Prince. Sepatut ia minggu sebedau tu program nya diatur ba rumah ia, laban ka bisi penanggol bukai enda jadi.\\nPrince, erica luing, anta, Gedot, Coryna & adi ia\\nLemai nya bala kami bisi geng baru, Coryna saduai adi ia. Gedot ulih enggau kami ia ka sekali tu. Minta ampun agai geng Mike...BA enda ingat sms mai ia makai serumpu. \"Sorry Geng, line sik berapa bagus..ia mek lupak mauk sms ko balit...\"\\nPemakai ka dibai mega maioh endar...nyamss\\nnyamss amat...lapar lah..asai ka makai\\nAnta mai sayur rambai...emmm..best amat\\nbaka biasa, spaghetti tu digaga Rin...sos ia emmmm...\\ntelu manok masak sos dibai erica luing tu emmm...emmm..\\nLemai 19hb, kami duai Rin makai di rumah sida Boji laban wedy bisi datai ari Mukah. Rin ngaga laksa sarawak...emmm..nyamsss lah.. Ms Rachel mandok kachang ma..woowww..superb..ia empu rasa...best amat...\\nBA mandok ikan tilapia kukus...apai BA mandok lauk dagin landak...emmm, lama nadai makai dagin landak...best amat...hee..heee...diberi urang.\\nkachang ma, buah nangka enggau ikan buntal masin\\nikan tilapia, dagin landak enggau chabi gureng pusu\\nLemai nya cigu bio enda entu penggerai laban ia kena sakit champak...tauka chicken pok...pedis amat dipeda BA...merah merah...eee...mesti pedis kan. Ngarap ulih gerai jampat..Oh ya...Boji dulu kena champak...tang diatu ia udah gerai.\\nDikarang olih NyuWynn Glen Fordza @ Bujang Astana maia jam 9:55 AM","num_words":340,"character_repetition_ratio":0.049,"word_repetition_ratio":0.0,"special_characters_ratio":0.227,"stopwords_ratio":0.115,"flagged_words_ratio":0.0,"lang_id_score":0.966,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nyebut Utai ti Bendar | Dikena Belajar\\n“Sebut utai ti bendar ngagai pangan diri.”—SEK. 8:16.\\nLAGU: 56, 124\\nBaka ni Sitan nesatka orang kemayaharitu?\\nNama kebuah orang bula?\\nBaka ni kitai ulih nunjukka diri nyebut utai ti bendar ngagai pangan diri?\\n1, 2. Nama utai ti dikena Sitan ke balat ngemediska mensia?\\nSEKEDA utai ti digaga mensia baka telefon, mintul lampu segala, kerita, enggau peti ais, udah ngenyamaika pengidup mensia. Utai bukai ke digaga baka senyata, bum peti, insap segerit, enggau bum atomik, udah ngenusahka pengidup mensia. Tang ari semua utai nya bisi siti utai ke udah lama digaga lalu iya balat ngemediska mensia. Nama utai nya? Bula! Iya nya sengaja nyebut utai ti enda amat kena nipu orang. Sapa nyebut pemula ti keterubah? Sitan! Jesus Kristus ngumbai iya “apai pemula.” (Bacha John 8:44.) Ni maya Sitan nyebut pemula ti keterubah?\\n2 Iya nyebut nya beribu-ribu taun menya lebuh ba Kebun Eden. Adam seduai Hawa gaga ati enggau pengidup ti nyamai ba Paradais ke udah digaga Jehovah. Petara madahka seduai iya deka mati enti makai ‘buah ari kayu penemu ti tau ngasuh nemu semua utai.’ Taja pan Sitan nemu pasal utai tu, iya ngena seiku ular madah ngagai Hawa: “Enda seduai mati.” Nya meh jaku bula ti keterubah. Sitan mega madahka: ‘Petara nemu, lebuh seduai makai buah nya, seduai deka nyadi sebaka enggau Petara, nemu ngelala bida entara utai ti manah enggau utai ti jai.’—P-kal. 2:15-17; 3:1-5.\\n3. Nama kebuah pemula Sitan nya balat jai, lalu nama nyadi ketegal pemula nya?\\n3 Sitan bisi runding ti balat jai lebuh iya bula ke Hawa. Iya nemu Hawa deka mati enti Hawa arapka jaku iya lalu makai buah nya. Nya meh utai ke nyadi. Pengudah Hawa, Adam mega enda ngasika pesan Jehovah lalu iya pan mati. (P-kal. 3:6; 5:5) Ketegal dosa Adam, “pemati ngelekai ngagai semua mensia.” Lalu, ‘pemati udah merintah . . . , nyengkaum orang ke bempu dosa ti enda sebaka enggau penyalah Adam.’ (Rom. 5:12, 14) Nya kebuah kitai enda sempurna lalu enda ulih idup belama iya baka ti dikedekaka Petara. Kitai semina ulih idup ‘70 taun aja, lapan puluh taun, enti kitai regas,’ lalu pengidup kitai penuh “pemerinsa enggau ati ti tusah.” (Mas. 90:10) Semua utai tu nyadi ketegal pemula ti disebut Sitan!\\n4. (a) Nama sekeda tanya ke patut disaut kitai? (b) Nitihka Masmur 15:1, 2, semina sapa ke ulih nyadi pangan Jehovah?\\n4 Ku Jesus nyebut pasal Sitan: “Iya endang nadai kaul enggau pemendar, laban iya nadai pemendar dalam iya.” Sitan enda berubah. Iya agi “nipu semua dunya” ngena pemula iya. (Pem. 12:9) Tang kitai enggai nejuka Sitan nesatka kitai. Nya alai kitai patut nemu saut ngagai tiga iti tanya tu. Baka ni Sitan nesatka orang kemayaharitu? Nama kebuah orang bula? Lalu ngambika enda lenyau kaul enggau Jehovah baka Adam seduai Hawa, baka ni kitai nunjukka diri seruran nyebut utai ti bendar?—Bacha Masmur 15:1, 2.\\nBAKA NI SITAN NESATKA MENSIA\\n5. Baka ni Sitan nesatka orang kemayaharitu?\\n5 Kitai ulih nyeliah ari ditipu Sitan. Rasul Paul madahka: “Kitai ukai enda nemu pelan iya.” (2 Kor. 2:11) Kitai nemu serata dunya di baruh kuasa Sitan. Tu nyengkaum jalai pengarap pelesu, bala pemerintah ti enda lurus, enggau pengawa dagang ti amu. (1 Jhn. 5:19) Nya alai kitai enda tekenyit enti Sitan enggau bala antu ngena orang ke bekuasa nyebut utai ti “bula.” (1 Tim. 4:1, 2) Ambika chunto, sekeda orang ke bedagang nyebut utai ti bula ba iklan sida kena ngelakuka barang ti ulih ngemedis tauka nipu sereta makai duit orang.\\n6, 7. (a) Nama kebuah pemula ke disebut bala tuai pengarap balat agi ngenusahka? (b) Nama pemula ari bala tuai pengarap ke kala didinga nuan?\\n6 Pemula ke disebut bala tuai pengarap balat agi ngenusahka. Nama kebuah? Laban enti orang arapka ajar sida ti bula lalu ngereja utai ti dipegedi Petara, nya tau ngujungka orang lenyau peluang idup belama iya. (Hos. 4:9) Jesus nemu bala tuai pengarap maya jeman iya nipu orang. Nya kebuah Jesus berani madah ngagai sida: “Tulah meh kita pengajar Adat enggau kita orang Parisi! Kita tu orang ke pura-pura ngapa! Laban kita belayar meraka tasik, lalu ngelangkah mayuh bengkah menua, nguji mai siku orang ngagai agama kita, lalu kita ngaga orang nya nyadi peranak [“Gehenna,” NW],” iya nya pengerusak belama iya. (Mat. 23:15; nota kaki) Jesus madahka bala tuai pengarap ti pelesu nya baka apai sida, Sitan, ke “pemunuh.”—Jhn. 8:44.\\n7 Kemayaharitu mega bisi mayuh tuai pengarap. Sida engka dikumbai tuai sembiang, paderi, pengajar adat, sami, tauka gelar ke bukai. Baka orang Parisi, sida nadai ngajar utai ti bendar ari Jaku Petara tang udah ‘nyilih pemendar pasal Petara enggau pemula.’ (Rom. 1:18, 25) Sekeda ari pemula sida nya pasal api neraka, mensia bisi semengat ke enda nemu mati, orang ke udah mati deka ada baru nyadi mensia tauka jelu, lalu sida mega bebula madahka Petara nerima chara idup homoseksual sereta kawin sama penempa.\\n8. Nama pemula ke deka dipadahka bala tuai politik enda lama agi, lalu baka ni kitai patut nerima nya?\\n8 Raban politik mega ngena pemula nipu orang. Siti pemula ti pemadu besai ke deka dipadah sida enda lama agi iya nya sida udah mai ‘pemaik sereta pengelikun’ ngagai dunya. Tang “pengerusak deka ngenyit ninggang sida.” Nya alai kitai enda patut arapka raban politik ke madahka gaya utai ba dunya majak manah. Tang kitai “nemu, Hari Tuhan deka datai baka penchuri ke datai lebuh malam hari.”—1 Tes. 5:1-4.\\nNAMA KEBUAH ORANG BULA\\n9, 10. (a) Nama kebuah orang bula, lalu nama nyadi ketegal bula? (b) Nama patut dikingatka kitai pasal Jehovah?\\n9 Kemayaharitu, ukai semina orang ke bekuasa aja bula. Artikel “Nama Kebuah Kitai Bula,” ke ditulis Y. Bhattacharjee, madahka: “Nyebut utai ti bula nya ulah ti tusah deka dibuai.” Reti nya, orang ngumbai bula nya utai ti suah digaga. Selalu iya orang bula ketegal deka ngelindung diri empu, ngelalaika penyalah tauka penyai ke udah digaga sida. Sida mega bula ketegal deka ngulihka duit tauka ke penguntung diri empu. Artikel nya mega madahka, sekeda orang nadai penanggul ngemulaka “orang ke enda dikelala, orang ke sama enggau kereja, bala pangan, sereta orang ti dikesayau.”\\nLebuh orang bula, sida ulih nipu orang bukai tang sida enda ulih nipu Jehovah\\n10 Nama nyadi ketegal semua pemula nya? Orang enda agi arapka pangan diri, lalu kaul sida rusak. Ambika chunto, uji gambarka penusah ati seiku laki tauka bini ke tetap ati lebuh nemu pasal kaling pengidup iya bisi ambai lalai lalu bula ngambika pengawa iya enda ditemu. Tauka uji gambarka ulah seiku laki ke jai enggau anak bini ba rumah. Iya kasar jaku tauka nyamah anak bini. Orang ke baka nya ulih nipu orang bukai, tang kitai patut ingat, sida enda ulih nipu Jehovah. Bup Kudus madahka “semua deka dikebak lalu diayanka magang di mua Iya.”—Heb. 4:13.\\n11. Nama ulih dipelajarka kitai ari pengawa jai ke dikereja Ananias enggau bini iya Sapira? (Peda gambar ba pun artikel.)\\n11 Ba Bup Kudus bisi siti chunto pasal Sitan ke ngasuh sepasang laki bini ke Kristian bulaka Petara. Ananias enggau bini iya Sapira nguji nipu bala rasul. Seduai iya nyual sekeda reta lalu meri sekeda duit nya ngagai bala rasul. Ananias enggau bini iya Sapira deka dipuji orang ba eklisia, nya alai seduai iya madahka diri udah meri semua duit ngagai bala rasul. Tang Jehovah nemu seduai iya bula, nya alai Iya ngukum seduai iya.—SKR. 5:1-10.\\n12. Nama deka nyadi ngagai orang ke nyebut jaku bula ti bisi tuju deka ngemediska orang bukai sereta enggai nesal ati, lalu nama kebuah?\\n12 Baka ni asai ati Jehovah pasal orang ke bula? Sekeda orang engka bula laban sida bisi tuju deka ngemediska orang bukai. Enti sida enggai nesal ati, sida deka dibuai ngagai “danau api,” sama baka Sitan. Reti nya, sida deka dirusak belama iya. (Pem. 20:10; 21:8; Mas. 5:6) Nama kebuah? Laban ba Jehovah, semua orang ke bula nya sebaka enggau “orang ke ngereja penyai.”—Pem. 22:15, nota kaki.\\n13. Nama ditemu kitai pasal Jehovah, lalu tu meransang kitai ngereja nama?\\n13 Kitai nemu Jehovah “ukai baka mensia ti bula” lalu ‘Iya nunjukka Diri enda bula.’ (P-pau. 23:19; Heb. 6:18) ‘Utai ti dipegedika Jehovah . . . dilah ti bula.’ (J-lam. 6:16, 17) Enti kitai deka ngenyamaika ati Iya, kitai enda tau enda nyebut utai ti bendar. Nya alai “anang bulaka pangan diri.”—Kol. 3:9.\\nKITAI ‘NYEBUT UTAI TI BENDAR’\\n14. (a) Nama ngasuh orang Kristian ti bendar bebida ari orang ke enggau jalai pengarap ti pelesu? (b) Terangka prinsip ba Luke 6:45.\\n14 Ba pekara ni orang Kristian ti bendar bebida ari orang ke enggau jalai pengarap ti pelesu? Kitai ‘nyebut utai ti bendar.’ (Bacha Sekariah 8:16, 17.) Paul madahka: ‘Kami udah ngayanka diri amat ulun Petara, . . . madahka utai ti amat.’ (2 Kor. 6:4, 7) Lalu Jesus madahka orang nyebut “utai ti ngemenuhka ati” sida. (Luk. 6:45) Reti nya orang ke lurus deka nyebut utai ti bendar. Iya enda ngemulaka orang ke enda dikelala, orang ke sama enggau kereja, bala pangan, sereta orang ti dikesayau. Aram kitai berandauka sekeda chunto ke nunjukka kitai enggai bula tauka nipu ba semua pekara.\\nBisi nuan beratika utai ke enda betul ba pengidup menyadi Kristian indu tu? (Peda genteran 15, 16)\\n15. (a) Nama kebuah nya enda manah ngembuan pengidup ti pura-pura? (b) Nama ulih nulung orang ke nembiak nulak ari ditekan bala ke serambau? (Peda nota kaki.)\\n15 Enti nuan nya orang ke nembiak, nuan engka deka diterima orang ke serambau enggau nuan. Tang ketegal deka diterima, sekeda orang ke nembiak ngembuan pengidup ke pura-pura. Sida pura-pura bisi ulah ti beresi lebuh enggau diri sebilik sereta bala menyadi Kristian. Tang sida nyadi orang bukai lebuh ba media sosial tauka lebuh enggau orang ke enda nyembah Jehovah. Sida ngena jaku ti kasar, ngena gari ti enda menuku, ningaka lagu ke ngundan leka lagu ti kamah, mabuk, makai dadah, besulu belalai, tauka ngereja pengawa jai ti bukai. Sida ngemulaka apai indai, bala menyadi Kristian, sereta Jehovah. (Mas. 26:4, 5) Tang Jehovah nemu ni maya kitai bebasaka Iya sereta ni maya kitai ngereja utai ti dipegedika Iya. (Mrk. 7:6) Nya alai endang manah nitihka lalau ba jaku dalam: ‘Anang ngining orang ke bedosa, tang awakka nuan seruran nangika Jehovah.’—J-lam. 23:17. * (Peda nota kaki.)\\n16. Saut ke baka ni patut diberi kitai lebuh nyaut tanya ba pom ke dikena minta gawa penuh jam ke Jehovah?\\n16 Enti nuan deka nyadi pengerintis biasa tauka berengkah gawa nyadi pekereja spesial penuh jam baka ba Betel, nuan patut ngisi pom. Nuan enda tau bula lebuh nyaut tanya bekaul enggau pengerai, pemerindang ke dipilih sereta ulah nuan. (Heb. 13:18) Tang baka ni enti nuan udah ngereja utai ti dipegedika Jehovah tauka utai ti ngachau pengasai ati nuan lalu nuan empai berandauka utai nya enggau tuai gempuru? Minta sida nulung nuan ngambika nuan ulih gawa ke Jehovah enggau ati ti beresi.—Rom. 9:1; Gal. 6:1.\\n17. Nama patut digaga lebuh orang ke merinsaka kitai nanya pasal bala menyadi Kristian kitai?\\n17 Nama patut digaga nuan enti pengawa kitai ditagang lalu piak ti bekuasa nangkap sereta nanya nuan pasal bala menyadi Kristian kitai? Patut nuan madahka semua utai ti ditemu nuan? Nama digaga Jesus lebuh seiku gabenor Rome nanya iya? Jesus nitihka prinsip Bup Kudus, “maya enda bemunyi enggau maya bejaku,” lalu bisi maya nya iya enda nyaut! (P-jar. 3:1, 7; Mat. 27:11-14) Enti kitai napi utai ti sama, kitai patut pintar sereta bejimat ngambika bala menyadi Kristian kitai enda kena penusah.—J-lam. 10:19; 11:12.\\nBaka ni nuan nemu ni maya enda patut bejaku sereta ni maya patut nyebut utai ti bendar? (Peda genteran 17, 18)\\n18. Nama tanggungjawap kitai enti tuai gempuru nanya pasal bala menyadi Kristian kitai?\\n18 Baka ni enti bisi orang ba eklisia ngereja dosa ti besai lalu nuan nemu pasal utai nya? Bala tuai gempuru betanggungjawap nentuka eklisia mengkang tuchi ari segi ulah, nya alai sida engka nanya nuan pasal utai nya. Nama deka digaga nuan, kelebih agi enti orang nya pangan rapat tauka diri sebilik? Bup Kudus madahka: “Lebuh nuan madahka utai ti amat, nuan ngereja pengelurus.” (J-lam. 12:17; 21:28) Nya alai nuan bisi tanggungjawap madahka utai ti amat, enda ngelalaika nama-nama utai. Bala tuai gempuru patut nemu utai ke amat ngambika sida ulih nulung orang ke ngereja penyalah nya ngaduka kaul iya enggau Jehovah.—Jas. 5:14, 15.\\n19. Nama deka dikerandauka kitai ba artikel pengudah tu?\\n19 David besampi ngagai Jehovah: “Nuan begunaka pemendar enggau ati ti lurus.” (Mas. 51:6) David nemu, utai ti beguna bendar nya utai ke bisi ba ati kitai. Orang Kristian ti bendar patut seruran ‘nyebut utai ti bendar ngagai pangan diri.’ Chara bukai kena nunjukka kitai bebida ari orang ke enggau jalai pengarap ti pelesu nya kitai ngajar utai ti bendar ari Bup Kudus. Ba artikel pengudah tu, kitai deka berandauka baka ni kitai ngajar utai ti bendar ba pengawa nginjil.\\n^ per. 15 Peda pelajar 6, “Baka Ni Aku Ulih Nyeliahka Diri Ari Ditekan Bala Serambau?,” ba brosur Saut Ngagai 10 Tanya Ari Bala Nembiak enggau pasal 16, “Bermuka Dua—Haruskah Aku Mengaku?,” ba bup Pertanyaan Kaum Muda—Jawaban yang Praktis, Jilid 2, dalam jaku Indonesia.","num_words":2044,"character_repetition_ratio":0.052,"word_repetition_ratio":0.01,"special_characters_ratio":0.234,"stopwords_ratio":0.324,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Turkmenistan Ngukum Jil Saksi-Saksi Jehovah Ketegal Pengarap\\nBACHA DALAM JAKU Afrikaans Albanian Armenian Azerbaijani Chinese (Cantonese) Chinese (Simplified) Chinese (Traditional) Cibemba Croatian Czech Danish Dutch English Estonian Ewe Fijian Finland French Georgian German Greek Hiligaynon Hungarian Iban Iloko Indonesian Italian Japanese Kikaonde Kinyarwanda Kirghiz Kirundi Korean Lithuanian Malagasy Myanmar Norwegian Polish Portuguese Portuguese (Portugal) Romanian Russian Sepedi Serbian Serbian (Roman) Sinhala Slovak Slovenian Spanish Swahili Swedish Tagalog Thai Turkish Ukrainian Vietnamese Xhosa Yoruba Zulu\\nDijil Ketegal Pengarap Sida\\nAri taun 2017 ngagai pun taun 2019, menua Turkmenistan ngukum jil 13 iku nembiak lelaki Saksi-Saksi Jehovah ke enggai enggau pengawa soldadu ketegal nitihka pengarap sida. * Sida dipechara ba baruh Artikel 219(1) ari Undang-Undang Jenayah ketegal ‘nadai kebuah ari undang-undang ke ngasuh diri enda ulih enggau pengawa nyadi soldadu.’ Kot menua nya nulak semua apil ke dianjung ketegal pechara nya. Dua iku Saksi Jehovah ari 13 iku ke ditangkap nya udah dilepaska pengudah dijil sepengelama satu taun. 11 iku ke bukai agi ba rumah jil Seydi (LB-E\/12).\\nBa taun 2018, bisi kira 40 iku nembiak lelaki Saksi-Saksi Jehovah ke dikangau sama enggau pengawa nyadi soldadu. Lalu tu engka deka ngujungka mayuh agi Saksi-Saksi Jehovah diukum jil ba taun 2019 ketegal enggai enggau pengawa nyadi soldadu ketegal nitihka pengarap.\\nBahram Hemdemov Dilepaska\\nKena 13 Februari 2019, Bahram Hemdemov, ke beumur 55 taun sereta ngembuan empat iku anak, dilepaska ari jil Seydi pengudah tembu diukum jil. Iya ditangkap kena 14 Mac 2015 lebuh polis ba Turkmenabad enggau ngenyit ngabas siti pengawa sembah ba rumah iya empu. Pengawa nya endang enda ngachau orang bukai. Kot Menua Lebap ngukum jil Hemdemov sepengelama empat taun. Lalu, pengerai iya majak enda manah ketegal utai jai ke nyadi ba rumah jil Seydi. Lebuh Hemdemov dijil, iya majak dikelaungka ari bulih pengampun ke diatur presiden beberapa kali dalam setaun. Kena 15 Ogos 2016, Hemdemov nganjung kes iya ngagai Komiti Hak Mensia ari PBB (CCPR), lalu kes nya agi benung ditasat.\\nBasa ngagai Hak Bibas Pengarap, Pengasai Ati Sereta Utai ti Dipechaya Agi Benung Diputarka\\nBa taun 2015 enggau 2016, CCPR ngeluarka 10 iti pemutus ti nyukung bala Saksi Jehovah ke lelaki ti udah diukum jil enggau chara ti enda lurus laban enggai nyadi soldadu ketegal pengarap. Naka ke diatu, sida Saksi Jehovah tu ngembuan 7 iti agi kes ngelaban Turkmenistan ke empai diberi pemutus ba CCPR.\\nNitihka siti riput kena April 2012, CCPR ngasuh perintah ba Turkmenistan “nentuka undang-undang enggau pengawa ke bekaul enggau ngerejister gerempung pengarap bebasaka hak seiku-seiku orang ke bibas ngereja pengawa pengarap sida baka ke udah disediaka ba baruh International Covenant on Civil and Political Rights.” Saksi-Saksi Jehovah nguji ngerejister gerempung sida ba taun 2008, tang piak perintah enggai ngerejister sida.\\nBisi Peluang Ngemanahka Agi?\\nSaksi-Saksi Jehovah beterima kasih laban perintah ba Turkmenistan kala ngelepaska orang ke diukum jil ketegal deka mutarka ukum-ukum ti enda lurus. * Taja pia, ketegal bisi pemutus baru tu ke enda lurus, menua Turkmenistan sekali agi enggai mending ngagai utai ke diasuh kot entarabansa ke ngasuh perintah bebasaka hak sida ke enggai nyadi soldadu ketegal pengarap. Saksi-Saksi Jehovah nganti pemutus ti manah ari perintah ngagai pemutus ke diberi CCPR. Pemutus nya nyengkaum bebasaka semua hak mensia, kelebih agi hak bibas bejalaika pengarap, pengasai ati, sereta utai ti dipechaya\\nPenerang Pasal Orang ke Dijil Ketegal Pengarap\\nIsa Sayayev ada ba Konye-Urgench. Iya ke pemadu biak ari semilan iku diri menyadi. Lebuh Isa agi biak, iya bisi nupi manuk lalu gawa ba pasar kena melanja diri sebilik iya. Ari taun 2001 ngagai 2010, iya enggau sekula sekondari lalu amat dipebasa bala pengajar dia.\\nIsa bekelala enggau Saksi-Saksi Jehovah lebuh iya agi anak mit. Lebuh iya beumur 18 taun, iya belajarka Bup Kudus lalu ngaga pemutus nyadi seiku ari Saksi-Saksi Jehovah.\\nPengudah tembu sekula, Isa gawa nyadi tukang kayu sereta nusun batu bata kena ngaga rumah. Isa mega gawa nyadi tukang ukir lalu iya amat landik ngukir chura ba pintu. Iya melanja apai indai iya lalu suah nulung orang ke diau berimbai sereta bala bakih tang enda minta upah.\\nKena bulan Disember 2017, apai Isa bisi penyakit ti balat ke begunaka pengawa beputung. Isa ngintu apai iya pengudah apai iya beputung lalu terus nulung apai indai iya nyentuk ke maya iya diukum jil.\\nKena 9 Ogos 2018, Kot Menua Konye-Urgench meri ukum jil sepengelama setaun ngagai Isa ketegal enggai enggau pengawa nyadi soldadu laban nitihka pengarap. Kena 11 September 2018, Kot Pengapil nulak apil ari iya. Lalu iya agi benung ditan ba kem pengawa berat di menua Seydi.\\nKena meda lis Saksi-Saksi Jehovah ke benung dijil ketegal pengarap sida ba menua Turkmenistan, klik link ke bisi ba baruh tu.\\nDijil Ketegal Pengarap Sida—Turkmenistan (PDF)\\n11 iku Saksi-Saksi Jehovah benung dijil.\\nBahram Hemdemov dilepaska ari jil sepengudah empat taun diukum ketegal ngereja pengawa nitihka pengarap iya.\\nKerven Kakabayev dilepaska ari jil sepengudah setaun diukum ketegal enggai nyadi soldadu laban nitihka pengarap.\\nAzamatjan Narkuliyev diukum jil sepengelama setaun ketegal enggai enggau pengawa nyadi soldadu laban nitihka pengarap.\\nEziz Atabayev diukum jil sepengelama dua taun ketegal enggai enggau pengawa nyadi soldadu laban nitihka pengarap.\\nArslan Begenjov dilepaska ari jil sepengudah setaun diukum ketegal enggai nyadi soldadu laban nitihka pengarap.\\nGurbangylych Muhammetgulyyev diukum jil sepengelama setaun laban enggai nyadi soldadu ketegal pengarap.\\nKetegal Presiden bisi ngatur pengawa “ngampun” kena 24 September, pegawai ba jil madahka ngagai Kerven Kakabayev, Mekan Annayev, enggau Veniamin Genjiyev, sida deka diberi “ampun” lalu dilepaska. Taja pan nama sida bisi ba lis orang ke diampun ke dipandangka ngagai orang mayuh, sida tu enda dilepaska seretai enggau 1,722 iku ke bukai kena 25 September.\\nSerdar Atayev diukum jil sepengelama satu taun laban enggai nyadi soldadu ketegal pengarap.\\nSokhbet Agamyradov diukum jil sepengelama satu taun laban enggai nyadi soldadu ketegal pengarap.\\nRuslan Artykmuradov diukum jil sepengelama satu taun laban enggai nyadi soldadu ketegal pengarap.\\nIsa Sayayev diukum jil sepengelama satu taun laban enggai nyadi soldadu ketegal pengarap.\\nVeniamin Genjiyev enggau Maksat Jumadurdiyev diukum jil sepengelama satu taun laban enggai nyadi soldadu ketegal pengarap.\\nIhlosbek Rozmetov diukum jil sepengelama satu taun laban enggai nyadi soldadu ketegal pengarap.\\nMekan Annayev diukum jil sepengelama dua taun laban enggai nyadi soldadu ketegal pengarap.\\nKerven Kakabayev diukum jil sepengelama satu taun laban enggai nyadi soldadu ketegal pengarap.\\nArslan Begenjov diukum jil sepengelama satu taun laban enggai nyadi soldadu ketegal pengarap.\\nPiak ti bekuasa menua Turkmenistan ngelepaska Mansur Masharipov, ke ditan berengkah ari maya iya ditangkap kena 30 Jun 2016.\\nMansur Masharipov diukum jil sepengelama satu taun ketegal bukti ti pelesu ke digaga kena nuduh iya.\\nCCPR ngeluarka enam iti pemutus ti manah ke nyukung pemutus Saksi-Saksi Jehovah ke udah diukum jil laban enggai nyadi soldadu ketegal pengarap.\\nCCPR ngeluarka pemutus ti manah bekaul enggau tiga iku Saksi Jehovah ke diukum jil laban enggai nyadi soldadu ketegal pengarap. Siti agi pemutus ti manah nya dikeluarka kena 19 Mei 2015.\\nBahram Hemdemov diukum jil sepengelama empat taun ketegal ngereja pengawa ke bekaul enggau pengarap. Iya ditangkap lalu ditan dua bulan sebedau iya diukum.\\nDua iku Saksi Jehovah ke dijil laban enggai nyadi soldadu ketegal pengarap, dilepaska. CCPR ngeluarka pemutus ti manah ke bekaul enggau seiku Saksi ke benung dipechara laban iya enggai nyadi soldadu ketegal pengarap.\\n2 iku Saksi Jehovah dijil laban enggai nyadi soldadu ketegal pengarap.\\nPresiden menua Turkmenistan meri ampun ngagai lapan iku Saksi Jehovah lalu ngelepaska sida.\\nSemilan iku Saksi Jehovah diukum jil. Tujuh iku ari sida nya diukum jil laban enggai nyadi soldadu ketegal pengarap. Dua iku ke bukai nya diukum jil ketegal dipechara enggau bukti ti pelesu ke digaga ngagai pengawa pengarap sida.\\nPiak ti bekuasa menua Turkmenistan ngelepaska Bibi Rahmanova lalu ngubah ukum jil iya ari empat taun ngagai ukum siti ke bepanggai ba syarat.\\nBibi Rahmanova diukum jil sepengelama empat taun ketegal bukti ti pelesu ke digaga kena becharaka iya.\\nTujuh iku Saksi Jehovah benung dijil. Lima iku ari sida nya diukum jil laban enggai nyadi soldadu ketegal pengarap. Dua iku ke bukai nya diukum jil ketegal dipechara enggau bukti ti pelesu ke digaga ngagai pengawa pengarap sida.\\nBisi 26 iku Saksi Jehovah ditan lalu 13 iku ari sida ditangkap tang nadai bukti ke nunjukka jenayah ke udah digaga sida. 13 iku Saksi nya diukum mayar denda.\\nSemilan iku Saksi Jehovah agi benung dijil. Lapan iku ari sida nya diukum jil laban enggai nyadi soldadu ketegal pengarap. Siku ke bukai nya diukum jil ketegal dipechara enggau bukti ti pelesu ke digaga ngagai pengawa pengarap iya.\\nTiga iku Saksi Jehovah nganjung kes ngagai CCPR ngelaban Turkmenistan laban menua nya enda bebasaka hak sida ke enggai nyadi soldadu ketegal pengarap.\\nDua iku Saksi Jehovah nganjung kes ngagai CCPR ngelaban Turkmenistan laban menua nya enda bebasaka hak sida ke enggai nyadi soldadu ketegal pengarap.\\n30 iku pegawai polis enggau ngenyit datai ke rumah Navruz Nasyrlayev beberapa minggu pengudah CCPR berandau enggau perintah ba Turkmenistan. Piak polis terus malu sida sebilik enggau orang ke bisi datai ba rumah nya.\\n10 iku Saksi Jehovah nganjung kes ngagai CCPR ngelaban menua Turkmenistan laban menya nya enda bebasaka hak sida ke enggai nyadi soldadu ketegal pengarap. Navruz Nasyrlayev ke nguluka kes nya.\\nSaksi-Saksi Jehovah nguji ngerejister gerempung sida ba menua Turkmenistan.\\n^ per. 2 Seiku ari nembiak lelaki tu udah dilepaska ba bulan Disember 2018 pengudah tembu ukum jil iya.\\n^ per. 10 Peda artikel “Turkmenistan Releases Jehovah’s Witnesses Imprisoned for Their Faith” enggau “Mother Released From Prison in Turkmenistan” dalam jaku English.\\nDijil Ketegal Pengarap Sida—Turkmenistan","num_words":1454,"character_repetition_ratio":0.162,"word_repetition_ratio":0.063,"special_characters_ratio":0.182,"stopwords_ratio":0.194,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bejimat pulai ke menua, mayuh jalai empai likun - Gira - Suara Sarawak\\nBejimat pulai ke menua, mayuh jalai empai likun – Gira\\n“Agi mayuh endur ba jalai tu belubang, betiku, mayuh perengka pengangkut, bedebu kelimpah bisi mega kereban dikena ngaga jalai agi mengkang dia.”\\nSIBU: Mensia mayuh ti nengah jalai Pan Borneo maya mulai kediri ngagai menua nyambut Gawai Dayak ti deka datai ditangkan bela bejimat.\\nKaban Kunsil Nengeri (Adun) Tamin Christopher Gira Sambang madah, agi mayuh endur sepemanjai jalai nya empai likun ditengah.\\n“Semua kitai bela gagit mulai kediri ke menua maya diatu tang anang enda bejimat sereta ngira pengelikun diri sebilik maya nengah jalai Pan Borneo.\\n“Agi mayuh endur ba jalai tu belubang, betiku, mayuh perengka pengangkut, bedebu kelimpah bisi mega kereban dikena ngaga jalai agi mengkang dia.\\n“Nya alai, bejimat maya nengah jalai tu,” pia ku iya madah, kemari.\\nGira madah, naka tu jalai nya mega agi benung digaga alai mensia mayuh bela bejimat sereta anang kelalu laju mai kerita.\\n“Pia mega enti berasai lelak tauka ngantuk manah belelak dulu tisi jalai.\\n“Anang guai majakka pejalai laban kitai ukai semina ngira diri empu aja tang kira diri sebilik ke dibai,” ku iya madah baru.\\nKelimpah ari nya, Gira madah, jalai besai nyangka majak sekut ukai semina bala mayuh pulai ke menua tang mega diatu benung kemisi sekula enggau Hari Raya bela deka diintu nyauka berebak enggau Gawai Dayak.\\n“Besampi ke pemujur pejalai kitai laban diatu perengka pengangkut di jalai alun majak nambah nyerumba kemisi enggau Hari Raya kelimpah ari Gawai Dayak,” ku iya madah.\\nNgena awak tu mega, Gira ngarika sida sebilik ngenataika pengaga ati ngintu Gawai Dayak ngagai semua bansa Iban enggau Hari Raya ngagai sida ke nyambut hari besai nya.","num_words":270,"character_repetition_ratio":0.067,"word_repetition_ratio":0.084,"special_characters_ratio":0.188,"stopwords_ratio":0.152,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 25 BK - Ku TUHAN bejaku ngagai Moses ba Bukit - Bible Search\\nAdat Lewi 24 Adat Lewi 26\\nAdat Lewi 25\\n(Ulang Adat 15.1-11)\\n1 Ku TUHAN bejaku ngagai Moses ba Bukit Sinai: 2“Sebut ngagai orang Israel: Lebuh kita tama ngagai menua ti diberi TUHAN ngagai kita, kita enda tau nanam utai dalam genap taun ti ketujuh, kena kita ngemesaika Iya. 3Kita tau nanam utai ba tanah kita, nyarau anggur ba kebun kita, lalu ngetau utai ti ditanam kita dalam kandang enam taun. 4Tang dalam taun ti ketujuh kita enda tau enda nejuka tanah kita enda dipumai, taun ti diserahka ngagai TUHAN. Anang nanam utai ba tanah kita, tauka nyarau anggur kita. 5Indah gandum ti tumbuh-diri, deh enda tau diketau, lalu anang ngumpul buah anggur ari batang anggur ti enda dijarau kita. Taun nya nyadika taun alai kita nejuka tanah kita enda dipumai. 6Taja pen tanah kita enda ditanam enggau utai dalam taun nya, tanah nya deka mansutka pemakai ke kita, ti ulun kita, ke orang gaji kita, ke orang kampar ti diau begulai enggau kita, 7ke jelu tupi kita, enggau ke jelu babas ti ba tanah kita. Semua asil ari tanah kita, tau diempa magang.\\n8“Itung tujuh kali tujuh taun, empat puluh semilan taun semua iya. 9Udah nya, kena sepuluh hari bulan ti ketujuh, iya nya Hari Pengampun Dosa, asuh orang nyepu terumpit di serata menua kita. 10Nya chara kita deka nguduska taun ti kelima puluh, lalu ngelepaska semua orang ke diau di menua kita. Dalam taun nya, semua reta tengkira ti udah dijual, deka dipulaika baru ngagai orang ke asal bempu utai nya, tauka ngagai raban bansa sida, lalu orang ke udah dijual nyadi ulun, deka pulai baru ngagai ruang bilik sida empu. 11Kita enda tau nanam utai ba tanah kita, tauka ngetau gandum ti tumbuh-diri, tauka ngumpul buah anggur ba kebun anggur ti enda dijarau kita. 12Taun Jubili nya deka nyadi kudus ke kita. Kita semina tau makai utai ti tumbuh-diri ba tanah kita.\\n13Dalam Taun Jubili nya, semua reta tengkira ti udah dijual, deka dipulaika baru ngagai orang ke asal bempu iya. 14Nya alai lebuh kita nyual tanah ngagai orang Israel, tauka meli tanah, anang ngelakar. 15Rega tanah nya enda tau enda diletak nitihka berapa taun tanah nya ulih mansutka asil sebedau Taun Jubili ti deka datai. 16Enti Taun Jubili nya agi jauh, rega tanah nya mar, tang enti taun nya nyau semak, rega iya murah, laban utai ti dijual nya semina asil ari tanah nya empu. 17Anang nipu pangan diri, tang kita patut nangika Allah Taala kita; laban Aku tu TUHAN Allah Taala kita.\\n18“Nya alai kita enda tau enda ngasika semua adat enggau pesan Aku, ngambika kita tau diau likun di menua tu. 19Menua tu deka mansutka asil, lalu kita deka chukup semua utai diempa, sereta diau likun. 20Lalu enti kita nyebut, ‘Nama utai ti deka diempa kitai enti kitai nadai nanam tauka ngetau utai?’ 21Aku deka merekatka menua tu dalam taun ti keenam, ngambika menua tu mansutka pemakai chukup diempa dalam tiga taun. 22Lebuh kita nanam utai ba tanah kita dalam taun ti kelapan, kita deka mengkang makai utai ti diketau kita dalam taun ti keenam, nyentuk ngagai taun ti kesemilan, maya utai ti ditanam kita dalam taun ti kelapan nya diketau kita.\\n23“Tanah kita enda tau dijual terus, laban tanah nya enggi Aku; laban kita tu orang kampar ti diau enggau Aku. 24Lalu lebuh tanah dijual, orang ke asal bempu tanah nya bisi hak meli tanah nya pulai baru.\\n25“Enti kita orang Israel bisi suntuk, lalu ketegal nya enda tau enda nyual tanah diri, kaban belayan iya ke pemadu nyempil enda tau enda meli tanah nya pulai baru. 26Enti iya nadai kaban belayan ke ulih meli tanah nya pulai baru, lalu iya nyangka jemah ila tau nyadi kaya-raja, lalu bisi chukup duit kena iya meli tanah nya pulai baru. 27awakka iya mayar ngagai orang ke udah meli tanah nya, ngena rega ti chukup ke berapa taun ti agi tinggal sebedau Taun Jubili ti deka datai, iya nya taun alai tanah nya enda tau enda dipulaika baru ngagai iya. 28Tang enti iya nadai chukup duit kena meli tanah nya pulai baru, tanah nya mengkang diempu orang ke udah meli tanah nya, nyentuk ngagai Taun Jubili ti deka datai. Dalam taun nya, tanah nya deka dipulaika baru ngagai orang ke asal bempu iya.\\n29“Enti orang nyual rumah dalam nengeri ti bekuta, iya tau meli rumah nya pulai baru dalam setaun penuh udah bekau rumah nya dijual iya. 30Tang enti iya enda meli rumah nya pulai baru dalam setaun nya, iya nadai agi hak meli rumah nya pulai baru, lalu rumah nya deka terus nyadi pesaka orang ke meli rumah nya, enggau bala peturun iya. Rumah nya enda dipulaika baru dalam Taun Jubili. 31Tang rumah ba genturung pendiau ti enda bekuta, deka digaga nyadi baka tanah umai. Orang ke asal bempu rumah nya, bisi hak meli rumah nya pulai baru, lalu rumah nya deka dipulaika baru dalam Taun Jubili. 32Tang orang Lewi bisi hak meli pesaka sida pulai baru ba sebarang maya, dalam nengeri ti udah diungkupka ngagai sida. 33Enti rumah dalam nengeri ti baka nya dijual orang Lewi, lalu enda dibeli pulai baru, rumah nya enda tau enda dipulaika baru ngagai orang nya empu dalam Taun Jubili, laban rumah ti diempu orang Lewi dalam nengeri nya, endang pesaka sida dalam bansa orang Israel. 34Tang padang rumput ti ngelingi nengeri ti udah diungkupka ngagai orang Lewi, enda tau dijual. Padang rumput nya endang pesaka sida belama iya.\\n35 “Enti orang Israel ti diau semak kita suntuk lalu enda ulih ngidupka diri agi, kita enda tau enda meri iya utai ti dipeguna sida, baka kita ke ngaga orang gaji kita, ngambika sida ulih majak diau semak kita. 36Anang minta anak duit ari orang Israel, tang nangika Allah Taala, ngambika sida ulih diau semak kita. 37 Anang minta bayar anak duit ti dijali kita ngagai iya, tauka ngiga untung ari pemakai ti dijual kita ngagai iya. 38Aku tu TUHAN Allah Taala kita, ti udah mai kita pansut ari menua Ejip ngambika meri menua Kanaan tu ngagai kita, ngambika Aku nyadi Allah Taala kita.\\n39 “Enti orang Israel ti diau semak kita suntuk, lalu iya nyual diri nyadi ulun kita, anang ngasuh sida ngereja pengawa ulun. 40Iya deka diau enggau kita nyadi orang gaji. Iya deka bekereja ke kita nyentuk ngagai Taun Jubili ti deka datai. 41Lebuh maya nya ila, iya enggau sida menyanak deka ninggalka kita, lalu pulai baru ngagai ruang bilik sida empu, ngagai pesaka aki ini sida empu. 42Laban orang Israel endang nembiak Aku, ti udah dibai Aku pansut ari menua Ejip. Sida enda tau dijual nyadi ulun. 43Anang kasar enggau sida, tang nangika Allah Taala kita. 44Pasal ulun ti lelaki enggau ti indu ke diau enggau kita, kita tau meli ulun ari bansa bukai ke ngelingi kita. 45Kita tau mega meli anak orang bansa bukai ke diau begulai enggau kita, ke ada dalam menua kita. Sida tau nyadika pesaka kita. 46Kita tau meri sida ngagai anak uchu kita, nyadika pesaka sida belama iya; kita tau ngaga sida nyadi ulun, tang kita enda tau merintah orang Israel, lalu enda tau kasar enggau sida.\\n47“Enti sema orang bansa bukai ke diau begulai enggau kita nyadi kaya, tang orang Israel nyadi seranta, lalu nyual diri empu nyadi ulun orang bansa bukai nya, tauka nyual diri ngagai orang ke ari ruang bilik orang bansa bukai nya, 48lebuh sida udah nyual diri, sida agi tau dibeli pulai baru. Menyadi lelaki sida tau meli sida pulai baru, 49tauka aya, tauka petunggal, tauka kaban belayan ke nyempil, tau meli sida pulai baru. Tauka, enti sida udah bulih duit, sida tau nebus diri empu. 50Sida enda tau enda betanya ngagai orang ke udah meli sida, lalu sida enda tau enda ngitung pengelama sida udah nyual diri, nyentuk ngagai Taun Jubili ti deka datai, lalu ngeletak ungkus tebus sida beduduk ba gaji ti diberi ngagai orang gaji. 51-52Sida enda tau enda mulaika sekeda rega ti dikena orang meli sida, nitihka penyampau taun ti agi tinggal, 53baka reti orang gaji ke digaji ari taun siti ngagai taun siti. Tuan sida enda tau kasar enggau sida. 54Enti sida enda dilepaska ngena atur nya, sida enggau sida menyanak, enda tau enda dilepaska dalam Taun Jubili. 55Orang Israel enda tau digaga nyadi ulun belama iya, laban orang Israel endang nembiak Aku, ke dibai Aku pansut ari menua Ejip: Aku tu TUHAN Allah Taala kita.","num_words":1382,"character_repetition_ratio":0.087,"word_repetition_ratio":0.01,"special_characters_ratio":0.214,"stopwords_ratio":0.336,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Inisiatif ngintu pengelantang orang tuai – Suara Sarawak – Bukan Sekadar Akhbar\\nYou are here:Home-RUAI-Inisiatif ngintu pengelantang orang tuai\\nKUCHING: Pengelantang orang lunggar umur deka diintu meruan nengah inisiatif Kenyalang Gold Card (KGC) pengudah perambu tu dikemendar ba kabinet ujung taun tu.\\nMenteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah madahka empas ari penyampau tubuh sida ke tuai majak nambah ke alai perintah merambu deka mantu sida ba pekara servis enggau utai diguna.\\n“Bantu tu dikumbai kami Kenyalang Gold Card (KGC) ti deka nyendia mayuh bansa servis enggau utai diguna lebuh umur udah lunggar baka diskaun bayar bil ba klinik tauka sepital, diskaun tikit bilun, insuran, diskaun meli utai dikena sida enggau mayuh agi.\\n“KGC tu diperambu ngambika ulih meri pemaik ba pengidup raban diselinting, diau kantang sereta diintu meruan maya sakit dataika sida midang,” terang.\\nFatimah bejaku munyi nya ba aum pemberita beserimbai enggau Aum Kaunsil Orang Indu enggau Ruang Bilik ba sebuah hotel tebilang ditu tadi.\\nBy Indun Silong|2019-10-29T17:22:14+08:00October 29th, 2019|Categories: RUAI|0 Comments\\nARKIB Select Month November 2020 (705) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":190,"character_repetition_ratio":0.061,"word_repetition_ratio":0.0,"special_characters_ratio":0.317,"stopwords_ratio":0.189,"flagged_words_ratio":0.0,"lang_id_score":0.987,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Leka Main Adat Basa | Allen Charlie\\nCategory Archives: Leka Main Adat Basa\\nPosted in Adat Asal, Adat Belaki Bebini, Adat Iban, Leka Main Adat Basa, Main Asal Iban\\nTagged Adat Asal, Adat Iban, Bebini, Leka Main Adat Basa, Leka Main Asal Iban, Nanya Indu, Tanya Indu\\nBiau tu jaku terima kasih ngagai Petara, jaku minta pemujur enggau utai ti manah sereta jaku tabi enggau basa dikena nyambut pengabang tauka pemesai. Bisi maya Biau mega disempulangka enggau piring (Enti bisi ngundan leka sampi, lalu tu deka dikenang ba penudi pejurai Biau tu lagi) tang suah agi ke enda. Baka Sampi mega, orang ka miau semina siku aja ba siti-siti serak pengawa, lalu iya meseti megai siku manuk lelaki ti menang pilih dikena bebiau.\\nBiau begunaka manuk, tang manuk enda meseti dibunuh, enti iya biau adat basa baka pegawa ngelalu ke penatai pengabang. Manuk disayat maya bebiau enti biau nya bisi ngundan sampi – Ngangau ka bala petara. Penerang ti silik entang guna manuk dalam sampi tau dipeda ba tibak karang Sampi ti udah kala dikenang aku dulu agi ari tu.\\nLeka Main Invokasyen- Sampi\\nTuju bansa kitai Iban bebiau nya bisi tiga. Keterubah iya dikena merekat ka utai tauka orang, baka ti merekat ka orang ti belaki-bebini, meri terima kasih, tabi puji enggau ngenataika pengaga ati ngagai Petara (Disempulangka enggau piring enti Biau nya bisi ngundan Leka Sampi minta tulung ari Petara). Ambi ka chunto, Biau Makai Selamat. Kedua nya dikena ngajihka pemanah, pengelantang enggau pemujur tau nyadi, Ambika chunto, Biau Gawai Dayak (Desempulangka enggau Piring). Tuju Biau ti penudi nya dikena muai penyalah, penusah, mimpi enggau burung ti jai lebuh temuai tauka pengabang bisi datai ngulu pengerami ti bisi di-intu kitai, lalu ngelaluka penatai sida, nabi, masa sereta nyambut penatai pemesai tauka pengabang ngagai sebengkah-sebengkah pengerami tauka Gawai, Ambika chunto, Biau Ngelaluka Pengabang.\\nSemua utai ti enda manah nya tadi lalu dipanggai ka kitai ba manuk ti enggau bebiau. Udah nya manuk lalu dibunuh lalu semengat ia diasuh kitai madah ka pesan enggau sampi kitai ngagai bala Petara enggau bala aki-ini kitai ti lama udah nadai. Udah temuai tauka pengabang dibiau kitai, sida iya nyadi orang ti beresi lalu kitai ti empu gawai pan enda ditinggang burung tauka mimpi ti jai ti bisi mangka sida tadi.\\nBiau mega tau bisi ngundan Sampi (Prayer – peminta ngagai Petara) enggau Denjang (Blessing – minta berekat) kelimpah ari ke dikena muai utai ka enda manah. Tang Denjang enggau Sampi tu disebut ba ujung leka biau.\\nNgambika chunto dalam leka Biau Pengabang ti bisi diselitka aku ba baruh tu , dulu lemambang meri tabi basa lalu ngelaluka penatai bala pengabang. Iya dulu miau muai burung enggau mimpi ti enda manah. Udah nya baru sida iya meri puji ngagai bala pengabang. Ditangkan ka lemambang nyampi ngagai Petara awak ka pengawa mujur lalu pengujung iya, leka biau merekat bala pengabang enggau orang ka bempu pengawa. Reti nya, biau tu tau ngundan mayuh leka main bukai, nitih ka pengelandik orang ke Bebiau.\\nBIAU DIKENA NYAMBUT PENGABANG DITANAH:\\nSa dua tiga empat lima enam tuuuuujoh!\\nNya alai aku ke bediri kaya-kaya,\\nMegai selanjau ijau manok banda,\\nUkai laban aku bangat galak lain baka.\\nAku tu nunda adat lama kitai ke ari kalia selama iya.\\nAku tu meri kita tabi, kedua iya adat basa,\\nMeda kita ke betuboh mua pemaioh betunga mua.\\nKita tu endang datai ngena timpuh abis semaia;\\nNadai alai kitai ngintai ka mimpi tinduk lina,\\nNadai alai kitai ngintai ka igau diau di menoa.\\nBa tibak keterubah di atas, lemambang dulu meri “ Tabi Basa” lalu ngelaluka penatai bala pengabang.\\nNyangka kita bisi kena sipat mimpi ringat,\\nKena pansa mimpi bisa,\\nLeboh kita ke nepan bas niki kereta,\\nSepamanjai jalai sebelah menoa.\\nNyangka kita ke bisi laboh pimpin,\\nKe bemain ba jalai raya, Nyangka kita bisi raup ke ngelikup mansa mua.\\nEnti udah kena biau enggau selanjau ijau manok banda,\\nNadai iya apa agi ko Petara,\\nGerai nyamai ko Raja Selampandai.\\nNyangka kita bisi salah igau nyandau malam,\\nBisi igau irau begawan,\\nNyangka bisi sipat mimpi ringat kena pansa mimpi rawan,\\nNyangka leboh kita ke nait bas niki mantuka,\\nEnggau di semanjai jalai sebelah utan,\\nNyangka kita bisi salah pimpin ke bemain sabelah jalan,\\nNyangka kita ke bisi labuh raup ke ngelikup kiba-kanan\\nBa tibak kedua ba atas tu, sepengudah lemambang ngelaluka penatai pengabang, dia iya lalu miau muai burung jai.\\nEnti kita udah dibiau aku enggau selanjau ijau manok jelayan tu, Tabar iya laar buai ka bukai,\\nNya alai ke tu lengka ka aku dulu jako nya. Lebuh ngambat pengabang, piring mega bisi dibai orang nurun.\\nLalu ba tiba ti penudi dalam leka biau ba atas tu nguan Sampi, minta Petara merekat k pengawa sida.\\nPosted in Biau, Leka Main Adat Basa, Leka Main Invokasyen, Main Asal Iban\\nTagged Biau, Dayak, Denjang, Iban, Leka Main Asal Iban, Leka Main Invokasyen\\nLeka Main Asal kitai Iban dipechah ngagai tiga bansa tauka kategori bepelasarka tuju sesebengkah pengawa nya. Keterubah iya nya leka main asal Pemerindang, kedua nya leka main asal Adat Basa (Sosio Budaya), lalu iya ka penudi endar nya leka main asal Invokasyen.\\nKitai Iban ngembuan mayuh bansa main asal benyawa (Bisi Patah Nyawa tauka Tune) ke ngena tusun jaku ke setimbal sama semunyi dalam mayuh bengkah Pengap, Renung, Ganu, Sanggai, Pantun, Timang Jalung, Timang Kenyalang sereta Timang bukai, Sugi, Dungai, Jawang, Ramban, Pelandai, Sabak, Pelian enggau sekeda main asal bukai. Main asal bukai ke enda ngena nyawa nya baka Sampi, Biau, Ai Ansah, Geliga, Entelah, Ensera enggau ti bukai.\\nApin kitai nyelusur ke dalam ka agi ngagai randau kitai ngenang sesebengkah main asal, dulu aku ngenang ngelansa 3 bansa main asal kitai bansa ngambika bala ke enda nemu tau mereti ka seling bida antara main siti enggau main siti.\\nMain Asal Pemerindangnya leka main ti bekaul enggau pengawa ke digaga bala Iban lebuh maya lemai ari tauka lebuh bisi dikena merindangka pangan diri. Leka Main tu dikena merindang ngelantangka ati, bungah, muji, ngelugi enggau ngelangkung. Kelia menya apin maya bisi radio enggau tibi, tu mih chara bala kitai Iban nyerakup ka kaul enggau pangan. Bala anembiak dia maya hari nyelinting lemai, udah mandi makai semua indah, sigi begempuru duduk begelumu ba ruai nganti sida ke tuai nusi ensera. Ensera tu siti ari main asal pemerindang kitai iban, ensera ditusi pia aja enda benyawa, lalu enti iya ditusui ke ngena chara benyawa (dikana), dia ensera tu lalu dikumbai orang Pelandai (Ensera Keling enti dikanaka dukumbai orang Ensera Bujang Sugi). Leka Main Pemerindang tu nyengkum sida Ai Ansah, Denjang, Dindang, Dungai, Ensera, Entelah, Ganu, Jaku Berambai, Jaku Karung, Main anak Mit, Pantun, Pelandai Karung, Pelandai Ara, Puchau, Ramban, Renung Semain, Sugi Semain enggau ti bukai.\\nDalam kelas Main Asal Adat Basa tauka Sosio-Budaya, leka main tu dikena lebuh maya bisi pengerami gawai baka pengawa melah pinang sereta pengerami ke bukai. Adat basa nya tikas peninggi asil intelektual dalam batang pengidup tauka daya idup kitai bansa Iban laban daya idup kitai bansa suah bendar dipancharka ari penalam runding, peninggi adat, pengalus budi, pementas basa enggau pemaiulah ti manah. Chara dikena mantaika ukur tu suah dirintai tauka dikereja ngena leka main baka sida Geliga, Renung Adat, Dungai, Pantun Puji, Kujuk Panggang, Tanya Indu, Ambi Lelaki, Nan\/Muka Kuta enggau ti buai. Chunto leka main tu mandangka adat sereta basa ti tau diperatika kitai udah tu ila.\\nLalu Main Asal Invokasyen nya bekaul enggau pengarap Iban sereta ngelebihka pengawa ke bisi kaul enggau Petara baik iya maya gawai ti bekaul enggau umai, lebuh ngubat orang ke sakit tauka lebuh bisi pemati. Leka main ti disebut dalam tusun invokasyen tu ngerintaika bansa main asal ti dikena ngagauka Petara. Main asal Invokasyen nyenkaum sida Sampi, Biau, Pengap, Sabak, Pelian, Timang, Renung, Sugi Sakit, Pelandai Sakit enggau ti bukai. Enti ngesuhka main asal Invokasyen tu maya ka bisi gawa, iya meseti disempulangka enggau Piring Ading.\\nPosted in Leka Main Adat Basa, Leka Main Invokasyen, Leka Main Pemerindang, Main Asal Iban\\nTagged Main Asal Iban\\nNengkebang Dunya Mansang\\nNiat ati aku nengkebang ruai tu alai aku bekunsika cebik penemu mimit ngenang diri ka chukup pemerinsa begigaka penyanding penemu maya aku ke bejalaika pansik ngaga “Research” ti bekait enggau MAIN ASAL IBAN laban tau disebutka nadai penyanding penemu ti nyata enggau nyemetak ngenang siti-siti main asal kitai Iban dalam dunya internet ti mungkur dunya mansang tu. Terima kasih besai diberi ngagai aya Gregory Nyanggau Mawar ti enda nemu leju nyaut tanya aku ari suba nyentukka saritu, pia mega ngagai aya Rintai Edmond ti enda nemu lembau nguluka tudah aku sereta ngaturka pejalai betemu enggau sida ke tuai ti landik amai sereta dalam penemu dalam pengawa asal kitai bansa.\\nMain Asal Iban tu siti ari identiti kitai bansa ti ngasuh kitai jauh ngelui ari segi litaricha enggau pengayajaku ari raban bansa bukai. Jarang bansa bukai ke enda muji raban bansa kitai Iban laban ngembuan pengelandik ngena sereta ngaga leka jaku ke setimbal dalam main kena betundi tauka dikena dalam pengawa begawai enggau pengawa rama sereta pengerami baka melah pinang tauka pengerami bukai ba rumah panjai.\\nOrang ti selalu didinga kitai muji pemanah enggau pengaya jaku kitai nya nadai lebih agi ari bala ribai ke bisi ngadu pansik dalam main enggau adat asal bansa Iban ari kelia ngagai diatu. Enti kitai kala macha sekeda bup dalam jaku Inglis ke ditulis bala sida Prof Derek Freeman, Prof Clifford Sather, Malcolm MacDonald, Ling-Roth enggau sekeda scholar ke bukai, kitai tetap temegah ati ninga puji sida pasal jaku enggau pengaya main sereta adat asal kitai Iban.\\nFreeman madah bala kitai Iban tu ‘Master of Language‘. Ku Freeman, kita Iban pandai ngena jaku, ba jalai jaku, ngaga jaku, ngemanahka jaku, landik milih sereta ngeripih leka jaku sereta mega ngembuan mayuh bengkah main ke ngena tusun jaku setimbal munyi, baka ke dikena dalam “poems” enggau “prose” dalam jaku bansa Ribai. Nya nanda ke pemanah jaku kitai standing enggau jaku bala ribai.\\nKitai Iban ngembuan mayuh bansa main asal benyawa ke ngena tusun jaku ke setimbal sama semunyi dalam mayuh bengkah Pengap, Renung, Ganu, Sanggai, Pantun, Timang Jalung, Timang Kenyalang sereta Timang bukai, Sugi, Dungai, Jawang, Ramban, Pelandai, Sabak, Pelian enggau sekeda main asal bukai. Main asal bukai ke enda ngena nyawa nya baka Sampi, Biau, Ai Ansah, Geliga, Entelah enggau utai bukai.\\nTuat ruai tu didirika aku ngambika ulih dikena ngenang sereta ngenanka pemanah jaku kitai bansa ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang.\\nUtai ti dipantaika aku ditu endang iya enggi bala mayuh, sigi enda salah diambi tauka dikerembaika ngambika jaku kitai Iban tau ngerembai ngerekai serata dunya laban kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai pengidup ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai.\\nTaja pia, kasih-kasih mih ka tudah pangan, enti kitai amat begunaka penemu orang, enda salah kitai minta, anang te ngambi pia aja. Kenang-kenang mih tudah pangan dalam penatai penyanding penemu – Credited to Allen Charlie – www.LekaMainIban.WordPress.com\\nKepenudi bendar, aku ngarapka laman tu ulih nyadika penyanding penemu ngagai bala pengajar Iban, nembiak redak ke agi belajarka jaku Iban baikka iya di tikas sekula, institut pematih pengajar tauka universiti. Angkat kitai sereta sama pejalai tuju singkang, angkat kitai seringkat baka manyi ninggal ke idang, angkat kitai beripih betitih baka angkis tama lubang.\\n“Dikelala Damun ari Kayu,Buah ari Langgu, Dikelala Bansa ari Jaku, Dikelala Basa ari Penyiru”.\\nPosted in Leka Main Adat Basa, Leka Main Invokasyen, Leka Main Pemerindang, Leman Bukai\\nTagged Ari Mija Pengarang\\nKawin, adat ngau pengarap.\\nIban's Culture and Belief System","num_words":1900,"character_repetition_ratio":0.051,"word_repetition_ratio":0.045,"special_characters_ratio":0.187,"stopwords_ratio":0.202,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Randau Lyana: Nemuai ke Sarlat-le-Caneda\\nDikarang Lyana kena 10\/30\/2009 09:11:00 PM\\nPuteri October 30, 2009 at 10:06 PM\\nOoooiii, rindu amat aku meda gambar dibantai nuan ditu! Enda teranti ka kin baru!!\\nBegedi aku ka endar ngindik tai ukui suba!! Baka magnet kaki enggau tai ukui! Temu malik katas meda bangunan, nyu tai ukui kena indik kami duai Nicolas! heheheheh!\\nLyana October 30, 2009 at 11:22 PM\\nAnang enda nemuai kitu baru!\\nAuk, bidik endar seduai ngindik tai ukui. Enggi nuan nyu dua kali!! Ka penemu urang ditu, enti kitai ngindik tai ukui ngena kaki kiba, bisi nasip manah sari nya...hahaha nama nasip ko??? Bulih pengamah ke kasut aja!! ishhhhh","num_words":95,"character_repetition_ratio":0.087,"word_repetition_ratio":0.0,"special_characters_ratio":0.27,"stopwords_ratio":0.105,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penjurai Apaienduq: Nemuai ke Sintang & Ngabang\\nUjung minggu tu tadi, nyau segaut bala kami sebuat melaling ke sepiak nyin. Pengawa seigi nadai nyengala bebatang tang laban udah nyadi tanggung pengawa sereta pengarap orang ngagai kami sebuat, mupuk mega begaru pala.Meleka ari Kuching kira pukul 12.00 tengahari, ding dong kin, ding dong kitu, datai di Tebedu kira jam 2.00 pm. Nama deh, ba aum jam 8.00 pagi mupuk, ngicha ka sebedau jam 4.00 pm datai di Sintang, bisi alai matak seput nemuai kin kia. Sampai Sintang semak jam 9.00 ngelaban ujan lebat ba sekeda endur.Taja pan laun datai di Sintang tang bala kaban endang meruan nganti enggau penuh pengerindu. Terima kasih ngagai Pak Askiman ti nyadi Secretary General Dewan Adat Dayak Sintang, Pak Kris Lucas, ti gawa ba Kapuas Raya Post, sereta bala kaban bukai ti sama datai serumpu lemai nya.Semalam di Sintang, kami sebuat terus ke Ngabang ba hari kedua. Terima kasih ngagai Pak Agus laban ti kiruh amat, taja pan agi di Jakarta tang iya ngerumban mulai kediri ke Pontianak lalu terus ke Ngabang.Pak Agus mega orang ti ngangau ka Pak Sufendy nganti penatai kami sebuat di Hanura Hotel. Pak Sufendy lemai nya, kin kia bekangau begiga ka bala Komiti Dewan Adat Dayak Ngabang, tang maya nya ujung minggu, mayuh agi bala Komiti nadai di Ngabang.Baka di Sintang, sambut nerima penatai bala kami sebuat ari sida Pak Sufendy di Ngabang mega endang enda kurang. Seigi umbas iya ga basa kitai Dayak ngagai sapa-sapa bala temuai. Adat basa enggau pengerindu nya meh ti ngasuh kami sebuat nadai sekali-kali ngembuan penangi nemuai kin kia di Kalimantan.Au, mulai ngagai batang pejalai melaling kin, laban ti di padu ngatur pejalai Borneo Dayak Cultural Heritage Safari ti ketiga kena 27\/11\/2011 ngagai 2\/12\/2011 nyi ila. Pejalai kami sebuat kira udah mujur mega. Nya alai meri tabi basa sereta terima kasih meh ngagai bala kita ti meri pengarap ngagai kami sebuat ngatur program 3rd BDCHS 2011 tu ila.1. Bandar Ngabang Pertemuan wakil SDNU dengan DAD di Ngabang, turut hadir Pak Agus Clarus bersama Pak Sufendy Sekjen Dewan Adat Dayak NgabangWakil SDNU dan DAD bersama Pak Anyi, Pengusaha Hotel Hanura Gerbang kejayaan rumah panjang Dayak di Perkampungan Saham yang jauhnya kira 2 jam dari bandar NgabangPeristiwa yang tidak diduga, melalui laluan\/arah jalan yang salah menuju ke rumah panjang Rumah Panjang Dayak dihuni oleh 38 buah keluargaKesempatan bergambar dengan seorang nenek yang gembira menerima kehadiran kamiPara penghuni rumah panjang bersembang dan turut gembira dengan kehadiran mengejut \"orang asing\"Hiasan dindingLangkasty Narang \"kehabisan\" filem ??? Nenek tertua di Ngabang masih kuat berjalan dan mempunyai penglihatan yang luar biasa Nenek tua berumur 117 hanya menghadapi masalah pendengaran Nenek 117 tahun mempunyai 7 anak, anak bungsu sudah berumur 57 taunSelamat tinggal rumah panjang SahamBlok Hotel Hanura 2 tingkat (tingkat atas bilik, tingkat bawah tempat letak kereta) Blok Hotel Hanura 1 tingkat, bilik bersebelahan dengan tempat letak kereta 2. Bandar SintangPak Askiman, Sekjen Dewan Adat Dayak menyampaikan cendrehati kepada kamiKunjungan ke kediaman Pak Mikail Abeng dan Isteri bagi minum pagi sebelum bertolak ke NgabangRombongan SDNU bersama Pak Mikail Abeng Ketua Umum Dewan Adat Dayak SintangPejabat Promosi Hasil Tangan Masyarakat SintangHasil tangan dan kreativiti Masyarakat SintangCredit Union (CU), menjadi kekuatan ekonomi Masyarakat Dayak Kalimantan, ekonomi Masyarakat Dayak akan bertambah kokoh dengan pengokohan pentadbiran kewangan CUDiskusi rencana BDCHS antara DAD Sintang dan wakil SDNU sangat berhasilAAB\\nRindu endal aku ninga brita tu; tang meh pandak jako - aku tu ke laun amat macha serta berati ke brita tu. Taun ke dudi ila madah 5 bulan tumu; kami nguji enggau! :)\\nSelamat betemu baru Endun, lama amat ga nadai berita ari kita. Semina bebacha ka blog aja. Berita kami sebuat di Kch, nya siti ari activity besai ujung bulan tu ila. Kena 17-20\/11\/2011, kitai mega bisi dikangau Pekit Nyumpat antarabangsa di Singkawang. Nitih ka berita SDNU bisi ngirum bala penyumpit 17 lelaki enggau indu. Pasukan SDNU enda entu ngeri jangka aku, enda alah bulu.Safari 2012, bala kita ari Sibu tau plan ari diatu. Sedia nyampau meh duuuu, kena ngumpul pua kumbu & utai tenun ari Sintang....jauh murah ari kitai ditu.","num_words":647,"character_repetition_ratio":0.055,"word_repetition_ratio":0.0,"special_characters_ratio":0.196,"stopwords_ratio":0.114,"flagged_words_ratio":0.0,"lang_id_score":0.928,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sapa kala nemuai ke China sigi ditagang – Suara Sarawak – Bukan Sekadar Akhbar\\nYou are here:Home-RUAI-Sapa kala nemuai ke China sigi ditagang\\nSapa kala nemuai ke China sigi ditagang\\nKUCHING: Perintah Sarawak bejalaika sekeda Polisi Imigresyen nentuka menua tu likun ari pengerekai igi penyakit Covid-19.\\nNitihka penerang ari Seketariat Penyangga Penusah Ngenyit Nengeri (JBPN), semua peranak luar (nadai ngira peranak menua ni) ti kala nemuai ke menua China nyengkaum Hong Kong, Macau, Taiwan, Korea Selatan, Itali enggau Iran dalam kandang 14 ditagang tama ke menua tu.\\n“Semua rayat Malaysia (ukai peranak Sarawak) ti udah ngagai China nyengkaum menua Hong Kong, Macau, Taiwan, Korea Selatan, Itali enggau Iran dalam kandang 14 hari kepenudi dipinta enda nemuai ke Sarawak.\\n“Semua rayat Sarawak enggau peranak Sarawak nyengkaum pemegai pas pengereja enggau nembiak ti nemuai ke China nyengkaum Hong Kong, Macau, Taiwan, Korea Selatan, Itali enggau Iran dalam kandang 14 hari dipinta ngurung diri pengelama 14 hari,” ku iya meri penerang.\\nKu iya, sida mega deka nitihka pengawa matau bekala ari piak bekuasa bekaul.\\nTerang iya, semua temuai ari menua ti kena rampit penyakit tu baka Singapore, Indonesia enggau Jipun dikelalau nitihka atur ti dikeluarka Opis Pengerai Sarawak ba semua pintu penama.\\nAtur nya sebagi ari chara Perintah Sarawak ngurangka pengerekai igi penyakit Covid-19 ke Sarawak.\\nBy Isabella Inchang|2020-03-04T16:11:22+08:00March 4th, 2020|Categories: RUAI|0 Comments\\nPetugas barisan hadapan terima sumbangan kuih-muih Hari Raya Aidilfitri\\n26 Mei: Nadai kes baru positif Covid-19 di Sarawak\\nCari ilmu untuk didik anak autisme semasa PKPB\\nLelaki mabuk rentas daerah tanpa kebenaran\\nWillie Mongin adalah kawan di pusat tapi lawan di peringkat negeri – Abdul Karim\\nPemuda jadi wira bantu seekor biawak\\nTiada kes positif Covid-19 hari ini\\nFenomena Istiwa’ A’zam berlaku jam 5.16 petang esok\\nAmal upacara ‘miring’ di bilik masing-masing\\nPelajar IPT diseru patuh arahan kuarantin diri, tidak tanggalkan gelang elektronik\\nSayangkan keluarga, rakan dan Sarawak, jangan ingkar arahan kuarantin – Dr Sim\\nPengawa ngabang Gawai Dayak enda dikemendar\\nARKIB Select Month May 2020 (479) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":310,"character_repetition_ratio":0.064,"word_repetition_ratio":0.04,"special_characters_ratio":0.257,"stopwords_ratio":0.119,"flagged_words_ratio":0.0,"lang_id_score":0.817,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"31 March 2019 - Hari Minggu Ke-Empat Musim Lent\\nKu Jesus, “Iya ke buta nya ukai laban dosa iya tauka dosa apai indai iya, tang ngambika kereja Allah Taala dipandangka ba iya. - John 9: 1 -41\\nBacha Ke Satu: Josua 5: 9A, 10 - 12\\nKu TUHAN bejaku ngagai Josua, “Sehari tu Aku udah muai pemalu kita ke nyadi ulun di menua Ejip.”\\nLebuh orang Israel agi ba kem sida di Gilgal, ba emperan semak nengeri Jeriko, sida ngintu Gawai Paska kena lemai empat belas hari bulan nya.\\nHari siti nya hari ti keterubah iya sida makai asil ari utai ti ditanam di menua Kanaan.Pemakai nya kemping, enggau roti ti enda beragi.\\nLebuh maya nya mana nadai agi labuh ari langit, lalu orang Israel nadai agi makai mana.Berengkah ari nya sida makai pemakai ti ditanam di menua Kanaan.\\nMasmur Entara: Masmur 34: 1 - 2, 3 - 4, 5 - 6\\nSaut (peda 8a): Asaika meh lalu peda pemadas TUHAN.\\nSaut: Asaika meh lalu peda pemadas TUHAN.\\nBacha Ke Dua: 2 Korint 5: 17 - 21\\nNya alai, enti orang nya dalam Kristus, iya nyadi mensia ti baru. Iya ke lama nadai agi, iya ke baru, udah datai!\\nSemua utai tu datai ari Allah Taala magang, ke udah mai kitai bebaik enggau Iya Empu, ulih Kristus, lalu udah meri kitai pengawa mai semua mensia bebaik enggau Iya.\\nReti nya, dalam Kristus, Allah Taala udah mai semua dunya bebaik enggau Iya Empu,enda ngitung penyalah sida, lalu ngasuh kami nusui pesan pemaik tu.\\nAklamasi sebedau Injil (peda Luke 15: 18):\\nAku deka angkat lalu pulai ngagai Apai aku, lalu bejaku ngagai iya:\\nApai, aku udah bedosa ngelaban serega enggau ngelaban Nuan.\\nBacha Injil: Luke 15: 1 - 3, 11 - 31\\nNyadi semua pengumpul chukai enggau orang ke bedosa, datai ngagai Jesus, deka mendingka Iya.\\nOrang Parisi enggau sida pengajar Adat lalu belabuh mut-mut. Ku sida, “Orang tu nyambut orang ke bedosa, lalu makai enggau sida!”\\nNya alai Iya madahka sempama tu ngagai sida:\\n“Orang siku bisi dua iku anak lelaki.\\nAnak iya ke biak bejaku enggau apai iya, ku iya, ‘Apai, beri aku semua ungkup aku ari reta tengkira kitai.’\\nOrang nya lalu bedua reta tengkira iya ngagai anak iya ke dua iku nya.\\nDua tiga hari udah bekau nya, anak iya ke biak ngempuruka semua reta tengkira iya, lalu bejalai ngagai menua ti jauh, lalu masau reta tengkira iya idup ngena chara ti enda menuku.\\nLebuh semua reta iya udah abis, lapar pungkang lalu nyadi di serata menua nya, lalu iya belabuh suntuk.\\nNya alai iya makai gaji ba orang siku di menua nya. Orang nya lalu ngasuh iya gawa ba umai iya, engkani babi.\\nIya tetenguk amat deka ngisi perut iya ngena asi babi, tang nadai ga orang meri iya utai diempa.\\nTang lebuh iya nyau sedarka pemeli diri, iya lalu bejaku, ‘Semua orang gaji apai aku diberi pemakai lebih ari chukup, tang aku ditu mati lapar!\\nAku deka angkat lalu pulai ngagai apai aku, lalu bejaku ngagai iya, “Apai, aku udah bedosa ngelaban serega enggau ngelaban nuan.\\nAku enda patut agi dikumbai anak nuan. Gaga aku nyadi orang gaji nuan.”’\\nNya alai iya angkat lalu pulai ngagai apai iya. Tang lebuh iya agi jauh ari rumah, apai iya tepedaka iya, lalu sinu ati ke iya. Iya belanda lalu merap iya, lalu nyium iya.\\nAnak iya nya lalu bejaku ngagai iya, ‘Apai, aku udah bedosa ngelaban serega enggau ngelaban nuan. Aku enda patut agi dikumbai anak nuan.’\\nTang ku apai iya bejaku ngagai bala ulun iya, ‘Bai jampat baju panjai ti pemadu manah, lalu rasukka ba iya. Rasukka tinchin ba tunjuk iya, enggau selipar ba kaki iya.\\nAmbi lalu sayat anak sapi ti pemadu gemu. Kitai deka makai selamat! Laban anak aku tu udah mati, tang diatu iya idup baru. Iya udah lenyau, tang diatu iya udah ditemu.’\\nSida lalu makai selamat.\\nLebuh maya nya, anak tuai iya agi di umai. Lebuh iya pulai ari umai, lalu datai semak rumah, iya ninga munyi musik enggau munyi orang ke betanda.\\nIya lalu ngangauka siku ulun, lalu nanyaka reti utai nya.\\nKu ulun nya nyaut, ‘Menyadi nuan udah datai, lalu apai nuan udah nyayat anak sapi ti pemadu gemu, laban menyadi nuan udah pulai enggau selamat.’\\nIya lalu ringat lalu enggai tama. Apai iya pansut, lalu belabuh ngumbuk iya.\\nTang ku iya nyaut apai iya, ‘Dinga nuan! Betaun-taun aku udah gawa ke nuan baka ulun, lalu aku nadai udah kala enda ngasika nuan.\\nTaja pia, nuan nadai kala meri aku anak kambin, siku pen nadai, kena aku makai selamat enggau pangan aku.\\nTang lebuh anak nuan tu datai ditu, ke udah masau semua reta tengkira nuan enggau indu sundal, nuan nyayat anak sapi ti gemu ke iya!’\\nKu apai iya bejaku ngagai iya, ‘Anak, nuan endang seruran enggau aku, lalu semua utai ti dikemisi aku endang enggi nuan magang.\\nTang kitai enda tau enda makai selamat lalu rami gaga ati, laban menyadi nuan tu udah mati, lalu diatu iya udah idup baru. Iya udah lenyau, lalu diatu iya udah ditemu.’”\\nBacha Ke Satu: 1 Samuel 16: 1B, 6 - 7, 10 - 13A\\nKu TUHAN bejaku ngagai Samuel:\\nDiatu ambi minyak kana, lalu mansang ngagai Betlehem, ngagai orang siku ke benama Jesi, laban Aku udah milih siku ari anak lelaki iya nyadi raja.”\\nLebuh sida datai, Samuel meda anak Jesi ke benama Eliap, lalu ku iya berunding dalam ati diri, “Orang ke bediri di mua TUHAN tu tentu orang ke udah dipilih Iya.”\\nTang ku TUHAN bejaku enggau Samuel, “Anang ngira peninggi tauka penyigat gamal orang. Aku udah nulak iya, laban Aku enda ngira mensia ngena chara mensia. Mensia meda gamal, tang Aku meda ati.”\\nNya alai Jesi mai tujuh iku ari bala anak lelaki iya ngagai Samuel. Tang ku Samuel bejaku enggau Jesi, “Ukai. TUHAN enda milih bala sida tu.”\\nUdah nya Samuel lalu nanya Jesi, “Kati nuan agi bisi anak lelaki bukai?” Disaut Jesi, “Bisi. Siku ke bunsu, tang iya benung ngibun bedus.” Ku Samuel, “Asuh iya datai kitu. Kitai enda meri piring sebedau iya datai.”\\nJesi lalu mesanka anak bunsu iya. Gamal iya sigat amat, bepengerai, lalu mata iya tajam. Ku TUHAN bejaku ngagai Samuel, “Nya meh iya. Tata iya!”\\nSamuel lalu ngambi minyak kana, lalu nata David di mua bala menyadi iya. Tekala nya Roh TUHAN lalu bekuasa ba David, lalu berengkah ari nya Roh TUHAN meruan enggau iya.\\nSaut (1): TUHAN pengibun aku. Aku nadai suntuk utai.\\nBacha Ke Dua: Epesus 5: 8 - 14\\nLaban dulu menya kita nya pemetang, tang diatu, dalam Tuhan, kita nyadi penampak. Nya alai, idup baka anak penampak, laban penampak mansutka semua buah ti badas, ti ngena, ti bendar.\\nUji giga utai ti ngerinduka ati Tuhan.\\nAnang enggau orang ngereja pengawa pemetang ti nadai guna, tang pansutka penyai sida.\\nIndah nyebut utai ti dikereja sida belalai deh kitai malu.\\nTang semua utai ti diayanka penampak, deka nyata magang dipeda, laban penampak ngasuh semua utai nyata magang dipeda.\\nNya kebuah Bup Kudus nyebut: “Dani meh kita ke tinduk! Angkat ari pemati, lalu Kristus deka manchar ngagai kita.”\\nAku tu penampak dunya, ku TUHAN;\\nBacha Injil: John 9: 1 - 41\\nLebuh Jesus benung bejalai, Iya tepedaka orang siku ke buta kenyau ari ada.\\nSida murid Iya lalu nanya Iya, “Pengajar, dosa sapa ti ngasuh iya ada buta? Dosa iya empu, tauka dosa apai indai iya?”\\nDisaut Jesus, “Iya ke buta nya ukai laban dosa iya tauka dosa apai indai iya, tang ngambika kereja Allah Taala dipandangka ba iya.\\nKitai enda tau enda ngereja pengawa Iya ke ngirumka Aku, kala lebuh hari agi siang. Lebuh hari nyau malam, nadai orang ulih gawa.\\nSeagi-agi Aku di dunya tu, Aku nyadika penampak dunya.”\\nLebuh Iya udah nyebut nya, Iya ngeludah ngagai tanah lalu ngaga tanah liat ngena liur Iya, lalu ngunsutka tanah liat nya ba mata orang nya, lalu bejaku ngagai iya, “Mupuk nuan, lalu basu mua nuan ba Letung Siloam.” (Reti ‘Siloam’ nya “Dikirumka”.)\\nOrang nya mupuk, masu mua diri, lalu pulai baru sereta ulih meda.\\nBala pangan iya enggau orang ke udah meda iya minta sedekah sebedau nya, nanya, “Ukai enda iya tu ke selalu duduk minta sedekah?”\\nKu sekeda sida bejaku, “Iya meh nya.” Tang ku sida ti bukai, “Ukai, tang iya baka gamal orang nya.” Tang orang nya empu majak nyebut, “Aku meh tu.”\\nTang sida majak lalu nanya iya, “Enti pia, baka ni ku nuan diatu ulih meda?”\\nDisaut iya, “Orang ke benama Jesus ngaga tanah liat, lalu ngunsutka tanah liat nya ba mata aku, lalu bejaku ngagai aku, ‘Mupuk nuan ngagai letung Siloam, lalu basu mua nuan’. Aku lalu mupuk, masu mua aku, lalu aku ulih meda.”\\nKu sida nanya iya, “Dini alai Iya?” Iya lalu nyaut, “Entah, enda aku nemu.”\\nSida lalu mai orang ke udah buta nya ngagai orang Parisi.\\nNyadi Jesus udah ngaga tanah liat lalu ngeraika orang nya kena hari Sabat.\\nOrang Parisi mega nanya orang nya, baka ni ku iya ulih meda. Ku iya madah ngagai sida, “Iya ngengkahka tanah liat ba mata aku. Aku empungas mua aku, lalu diatu aku ulih meda.”\\nSekeda orang Parisi lalu bejaku, “Orang nya ukai ari Allah Taala, laban Iya enda ngasika adat hari Sabat.” Tang ku sida ti bukai bejaku, “Baka ni ku orang ke bedosa ulih ngereja kereja ajih baka nya?” Sida lalu beserekang penemu enggau pangan diri.\\nNya alai sida lalu nanya orang nya baru, “Nama penemu nuan pasal orang nya? Mata nuan ke udah digeraika Iya.” Iya lalu nyaut, “Iya nabi.”\\nBala tuai orang Judah enda arapka orang nya amat udah buta lalu diatu ulih meda.\\nSida lalu ngangauka apai indai orang ke nyau ulih meda nya, lalu nanya seduai iya, “Kati tu anak seduai, ke dipadahka seduai ada buta? Baka ni ku iya ulih meda diatu?”\\nDisaut apai indai iya, “Kami nemu iya endang anak kami duai, lalu kami nemu iya endang ada buta, tang kami enda nemu baka ni ku iya diatu ulih meda, lalu kami pen enda mega nemu sapa ke ngasuh iya ulih meda. Tanya iya empu. Iya udah besai tuai. Iya nemu nyaut kediri empu!”\\nApai indai iya nyebut nya laban seduai iya takutka tuai orang Judah, laban bala tuai udah besetuju deka muai ari balai gempuru barang sapa madahka diri arapka Jesus nya Kristus.\\nNya kebuah apai indai iya nyebut, “Iya udah besai tuai. Tanya iya empu!”\\nSida lalu ngangauka orang ke buta nya kedua kali, lalu bejaku ngagai iya, “Nuan enda tau enda besumpah di mua Allah Taala, deka madahka utai ti bendar!Kami nemu orang nya orang ke bedosa.”\\nIya lalu nyaut, “Aku enda nemu enti Iya nya orang ke bedosa, tang Aku nemu, aku udah buta, tang diatu aku ulih meda.”\\nKu sida bejaku ngagai iya, “Nama utai ti dikereja Iya ngagai nuan? Baka ni ku Iya ngasuh nuan ulih meda?”\\nIya lalu nyaut sida, “Aku udah madahka nya ngagai kita, tang kita enggai mending. Nama kebuah kita keran deka ninga nya baru? Kati kita deka nyadi murid Iya?”\\nSida lalu ngeleseka iya, ku sida, “Nuan tu murid Iya. Kami murid Moses. Kami nemu Allah Taala udah bejaku ngagai Moses. Tang pasal orang tu, indah penatai Iya deh kami enda nemu!”\\nOrang nya lalu nyaut, “Nyelai amat nya! Kita enda nemu ari ni penatai Iya, tang Iya udah ngasuh aku ulih meda! Kitai nemu Allah Taala enda mendingka orang ke bedosa, tang mendingka orang ke nyembah Iya lalu ngasika peneka Iya. Kenyau ari penumbuh dunya, nadai kitai udah kala ninga orang ngasuh orang ke buta kenyau ari ada, ulih meda. Enti orang tu ukai ari Allah Taala, Iya enda ulih ngereja utai.”\\nSida lalu nyaut iya, “Nuan tu bedosa kenyau ari ada. Kati nuan nguji ngajar kami?”\\nSida lalu muai iya ari balai gempuru.\\nJesus ninga sida udah muai iya, lalu lebuh Jesus udah tetemuka iya, Iya lalu nanya orang nya, “Kati nuan arapka Anak Mensia?”\\nIya lalu nyaut, “Sapa orang nya, Tuan? Padahka ngagai aku ngambika aku arapka Iya!”\\nJesus lalu bejaku ngagai iya, “Nuan udah meda Iya. Iya ke bejaku enggau nuan diatu meh Iya.”\\nOrang nya lalu bejaku, “Aku arap, Tuhan!” Iya lalu nyembah Jesus.\\nJesus lalu bejaku, “Aku datai ngagai dunya laban Aku deka ngakim, ngambika orang ke buta, meda, lalu orang ke meda, buta.”\\nSekeda orang Parisi ke semak Iya ninga nya, lalu bejaku ngagai Iya, “Kati kami tu buta?”\\nKu lalu Jesus bejaku ngagai sida, “Enti kita buta, kita tentu enda bedosa. Tang laban kita ngumbai diri ulih meda, dosa kita mengkang.”\\nTauka: John 9: 1, 6 - 9, 13 - 17, 34 - 38\\nIya ngeludah ngagai tanah lalu ngaga tanah liat ngena liur Iya, lalu ngunsutka tanah liat nya ba mata orang nya, lalu bejaku ngagai iya, “Mupuk nuan, lalu basu mua nuan ba Letung Siloam.” (Reti ‘Siloam’ nya “Dikirumka”.) Orang nya mupuk, masu mua diri, lalu pulai baru sereta ulih meda.\\nSida lalu nyaut iya, “Nuan tu bedosa kenyau ari ada. Kati nuan nguji ngajar kami?” Sida lalu muai iya ari balai gempuru.","num_words":2002,"character_repetition_ratio":0.061,"word_repetition_ratio":0.047,"special_characters_ratio":0.229,"stopwords_ratio":0.387,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Peranak Sarawak, Sabah di Johor diberi insentif nengah Bajet 2018 | DayakDaily\\nPeranak Sarawak, Sabah di Johor diberi insentif nengah Bajet 2018\\nNov 24, 2017 @ 12:01\\nJOHOR BAHRU, Nov 24: Perintah Johor meri insentif khas RM300,000 ngagai peranak ari Sarawak enggau Sabah dikena ngaga aktiviti nyengkaum ngepunka dagang mit dalam Bajet Johor 2018 ti dipejuraika ba Dewan Kunsil Negeri kemari.\\nDalam bajet lebih ti kelapan kali bejurut kenyau ari taun 2011, Menteri Besar, Datuk Seri Mohamed Khaled Nordin madah, agih belanja nya endang ke tuju dikena sida bejalaika pemansang ekonomi sereta ngatur program sereta aktiviti nyengkaum ngepunka dagang mit.\\nBajet tiberambaika leka jaku ‘Ngemansang Dekad Baru Ti Ngelantangka Ungkup Johor’ mungkur anggar asil sepenyampau RM1.504 bilion enggau anggar belanja beungkus RM1.503 bilion.\\nDiripot sebelum bisi 60,000 iku peranak Sarawak di negeri nya diatu. — DayakDaily\\nPrevious articleIsu imigresen meraka Brunei dipelaba teputar sebedau taun baru\\nNext articleSarawak deka disikap ngena ekosistem digital","num_words":135,"character_repetition_ratio":0.066,"word_repetition_ratio":0.0,"special_characters_ratio":0.21,"stopwords_ratio":0.104,"flagged_words_ratio":0.0,"lang_id_score":0.983,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tiga puluh tiga pintu rumah panjai Indang angus kena malam Hari Tiga tu tadi - pakdin.my Tiga puluh tiga pintu rumah panjai Indang angus kena malam Hari Tiga tu tadi - pakdin.my\\nTiga puluh tiga pintu rumah panjai Indang angus kena malam Hari Tiga tu tadi #pakdin.my\\nOctober 1, 2016 02:27\\nBINTULU: Tiga puluh tiga ari 41 pintu rumah panjai Indang di Labang, Sebauh urung 60 kilometer ari ditu udah angus laban api kena malam Hari Tiga tu tadi.\\nNasit amat laban lapan pintu ke agi nya enda angus, pia ku Ketuai Balai Opis Pengerara Api enggau Penyah Penusah Bintulu,Dihata Gobel.\\nLima iku raban pengerara api berumban ngagai pa­lan penusah nyadi betuaika Hambali Mohamad ngena kerita 4×4 WD pengudah nerima kangau urung pukul 9.21malam.\\nKetegal rumah panjai nya kelalu jauh, iya madahka ra­ban pengerara api bisi meraka sungai ngujungka sida datai ba palan penusah nya pukul 12.15 pagi.\\nLebuh sida datai ba endur nya, rumah panjai 33 pintu nya udah retung abis diempa api.\\nKu Dihata, nadai diripot bisi orang bakal ba penusah nya lalu api ti nganguka rumah panjai nya dipechaya bepun ari dapur sepintu ru­mah panjai nya.\\nOperasyen tembu urung pukul 3 pagi pengudah raban pengerara api mujur mad­amka api.\\nPenyampau peranak rumah panjai ti tasah ketegal penusah nya bedau ulih ditentuka.\\nPrevious articlePembangkang tiada alasan tolak akta kawal selia dana\\nNext articlePerhimpunan Agung UMNO 2016 pada 29 November – 3 Disember","num_words":208,"character_repetition_ratio":0.108,"word_repetition_ratio":0.07,"special_characters_ratio":0.206,"stopwords_ratio":0.154,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ngelala “Babilon ti Besai“-Tanda ba Bup Pemandang | Ajar Bup Kudus\\nNgelala “Babilon ti Besai”\\nBUP Pemandang bisi ngena leka jaku sempama. Chunto, iya madah pasal seiku indu sundal ke bisi nama “Babilon ti Besai” ditulis ba kening iya. Indu sundal nya duduk ba mayuh “mensia” enggau “bansa.” (Pemandang 17:1, 5, 15) Nadai orang indu ti amat ulih ngereja tu. Nya alai, Babilon ti Besai semina tanda aja. Nyadi, nama reti indu sundal ke dipadah ba ayat tu?\\nBa Pemandang 17:18, indu nya disempamaka baka “nengeri ti besai ti merintah bala raja di dunya tu.” Leka jaku “nengeri” nunjukka siti gerempung mensia. Laban “nengeri ti besai” nya udah merintah “bala raja di dunya tu,” indu ke benama Babilon ti Besai nya tentu siti gerempung ti bekuasa. Nyadi, Babilon ti Besai nya gerempung semua pengarap pelesu ba dunya tu. Aram kitai meda sekeda ayat ari bup Pemandang ti nyukung pekara tu.\\nSiti gerempung ulih dikumbai politik, pengawa bedagang, tauka pengarap. Indu ke benama Babilon ti Besai nya ukai gerempung politik laban Jaku Petara madah “bala raja di dunya tu,” tauka pengawa politik ba dunya tu, “bambai” enggau iya. Pengawa bambai nunjukka iya bisi kaul enggau bala pemerintah ba dunya tu. Nya kebuah, iya dikumbai “indu sundal ti tebilang.”—Pemandang 17:1, 2; James 4:4.\\nBabilon ti Besai ukai gerempung pengawa bedagang laban “bala sedagar dunya” ke ngambarka pengawa bedagang, deka ngulit maya iya dipunaska. Pia mega, Bup Kudus madah bala raja enggau bala sedagar meda Babilon ti Besai ari “jauh.” (Pemandang 18:3, 9, 10, 15-17) Nya alai, kitai ulih nyimpulka Babilon ti Besai ukai gerempung politik tauka gerempung pengawa bedagang, tang gerempung pengarap.\\nBabilon ti Besai endang gerempung pengarap laban Bup Kudus madah iya nipu semua bansa ngena “kereja keramat” iya. (Pemandang 18:23) Laban semua pengawa keramat iya datai ari bala antu, nya alai, Bup Kudus ngumbai Babilon ti Besai “endur alai antu diau.” (Pemandang 18:2; Ulang Adat 18:10-12) Bup Kudus mega madah gerempung tu bebendar ngelaban pengarap ti bendar, merinsa “sida nabi” enggau ‘nembiak Petara.’ (Pemandang 18:24) Babilon ti Besai begedi amat ke pengarap ti bendar nyentukka iya sanggup merinsa sereta munuh orang ti “taluk ke Jesus.” (Pemandang 17:6) Nya alai, indu ke benama Babilon ti Besai enggau terang ngambarka gerempung pengarap pelesu ba dunya tu. Tu nyengkaum semua pengarap ti nulak Petara Jehovah.","num_words":360,"character_repetition_ratio":0.125,"word_repetition_ratio":0.0,"special_characters_ratio":0.227,"stopwords_ratio":0.253,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Beri peluang ngagai anak OKU - Suara Sarawak\\n“Penau sida ba lumba enggau main ulih dikerembai ngagai tikas entarabansa baka ba lumba olahraga, badminton, chatur, nyemerai enggau ke bukai.”\\nKOTA SAMARAHAN: Urung 1,706 iku Orang Nyelai Pendiau (OKU) udah direjister ba Samarahan, ku Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Sri Fatimah Abdullah.\\nIya madah rikod tu nyengkaum sida ti bisi penanggul belajar, fizikal, buta, benggal, bisu enggau ke bukai.\\n“Enti kelia kitai nadai nemu baka ni ngemujurka sida ti OKU kelimpah nyaga sida ba rumah aja sereta nadai nerima nama-nama bantu ari perintah.\\n“Tang diatu enda baka nya agi laban taun tu aja kenyau Januari ngagai April perintah udah ngeluarka ungkus RM67.3 juta bantu ngagai OKU,” ku iya.\\nFatimah bejaku munyi nya maya ngulu Pengerami Penutup Orang Nyelai Pendiau (OKU) Got Talent ba sebuah palan bebeli barang ditu, kemari.\\nKu iya, anak OKU patut diberi peluang dalam program, lumba enggau main.\\n“Penau sida ba lumba enggau main ulih dikerembai ngagai tikas entarabansa baka ba lumba olahraga, badminton, chatur, nyemerai enggau ke bukai.\\n“Tu ulih dipeda lebuh Sarawak nyadi champion 13 kali ba Para sukma.\\n“Nya alai aku ngarapka kitai anang ngembuan ulah nutup pintu ngagai bala OKU tu laban sida mega bisi pengelebih,” ku iya.\\nFatimah ngarapka apai indai nembiak OKU seruran meri sukung sereta enda putus pengarap meransang anak sida ngulu nama-nama aktiviti ti bisi diatur.\\nSama datai Kaban Parlimen Kota Samarahan Rubiah Wang, bala komiti, bala penyereta enggau mensia mayuh.\\nLANDIK BELAGU…Datuk Sri Fatimah Abdullah meri perais ngagai champion belagu OKU Got Talent ditu, kemari.","num_words":248,"character_repetition_ratio":0.058,"word_repetition_ratio":0.084,"special_characters_ratio":0.192,"stopwords_ratio":0.222,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama Reti Baptisa?\\nBACHA DALAM JAKU Abbey Abui Acholi Afrikaans Aja Akha Altai Alur Amharic Arabic Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa(Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Cantonese) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cina Kantonis (Ringkas) Cinamwanga Cinyanja Damara Dangme Danish Dayak Ngaju Douala Dusun Dutch Efik English Estonian Ewe Fante Fijian Finland Fon French Futuna (Timur) Ga German Gitonga Gokana Greek Guadeloupean Kreol Guarani Guarani (Bolivia) Guerze Guianese Kreol Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indonesian Irish Isoko Italian Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Bolivia Jaku Orang Bisu Colombia Jaku Orang Bisu Cuba Jaku Orang Bisu Finland Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Malaysia Jaku Orang Bisu Mexico Jaku Orang Bisu Myanmar Jaku Orang Bisu Nepal Jaku Orang Bisu Portugal Jaku Orang Bisu Quebec Jaku Orang Bisu Spain Jaku Orang Bisu Thailand Jawa Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lifu Lingala Lithuanian Lomwe Luganda Lugbara Lunda Luo Luvale Macua Malagasy Malayalam Maltese Mam Mambwe-Lungu Mapudungun Marathi Mauritian Creole Mazahua Mbunda Melayu Mende Meru Mizo Mongolian Moore Myanmar Navajo Ndau Ndebele Ndebele (Zimbabwe) Ndonga Nengone Nepali Ngabere Ngangela Nias Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pijin (Afrika Barat) Pijin (Cameroon) Pijin Nigeria Polish Ponapean Portuguese Portuguese (Portugal) Punjabi (Shahmukhi) Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Tena) Rarotongan Romanian Romany (Greece Selatan) Romany (Greece Utara) Romany (Macedonia) Romany (Macedonia) Cyrillic Romany (Serbia) Romany (Slovakia Timur) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Ukrainian Umbundu Urdu Urhobo Uruund Uzbek Vezo Vietnamese Wallisian Waray-Waray Welsh Wichi Wolaita Yacouba Zande Zulu\\nPatut Aku Nyerahka Pengidup Diri Ngagai Petara Lalu Dibaptisa?\\n1. Nama engka diperunding nuan pengudah belajarka bup tu?\\nNUAN udah belajarka mayuh pemendar ari Bup Kudus lebuh nuan belajarka bup tu. Nuan belajar pasal pengidup ti belama iya ke disemaya Petara, nama nyadi ngagai orang ke udah mati, sereta pengadang diangkatka idup baru. (Pengajar 9:5; John 5:28, 29; Pemandang 21:3, 4) Nuan engka udah berengkah datai ngagai gempuru Saksi-Saksi Jehovah, lalu pechaya sida ngembuan sembah ti bendar. (John 13:35) Nuan engka udah berengkah ngemansangka kaul ti rapat enggau Jehovah, lalu engka udah mutus deka nyembah Iya. Nya alai nuan engka berunding, ‘Nama patut digaga aku diatu ngambika ulih nyembah Petara?’\\n2. Nama kebuah pemesai ari Etiopia nya deka dibaptisa?\\n2 Nya meh utai ti diperunding seiku pemesai ari Etiopia ke idup maya jeman Jesus. Enda lama pengudah Jesus diangkatka idup baru, murid Jesus ke benama Philip nginjil ngagai lelaki nya. Philip nerangka ngagai iya, Jesus nya endang Messiah. Lelaki nya berasai diperansang enggau utai ti udah dipelajarka iya, nya alai iya jejampat madahka: “Peda nuan, ditu bisi ai. Nama utai ti tau nagang aku dibaptisa?”—Kereja Rasul 8:26-36.\\n3. (a) Nama pesan ti diberi Jesus ngagai bala murid iya? (b) Baka ni orang patut dibaptisa?\\n3 Bup Kudus enggau terang madahka, enti nuan deka gawa ke Jehovah, nuan patut dibaptisa. Jesus madah ngagai bala murid iya: ‘Gaga sida nyadi murid aku, maptisa sida.’ (Matthew 28:19) Jesus mega nyadi chunto lebuh iya empu dibaptisa. Iya diselam abis dalam ai, ukai semina dipechik tauka ditata ngena ai ba atas pala. (Matthew 3:16) Kemaya hari tu, lebuh orang Kristian dibaptisa, iya mega enda tau enda diselam abis dalam ai.\\n4. Nama ditunjukka nuan ngagai orang bukai lebuh nuan baptisa?\\n4 Lebuh nuan dibaptisa, nya nunjukka ngagai orang bukai, nuan amat deka nyadi pangan Petara sereta gawa ke Iya. (Masmur 40:7, 8) Nya alai nuan engka berunding, ‘Nama patut digaga aku ngambika tau dibaptisa?’\\nKITAI PATUT NGEMBUAN PENEMU SERETA PENGARAP BA JEHOVAH\\n5. (a) Nama patut digaga nuan dulu sebedau tau dibaptisa? (b) Nama kebuah gempuru Kristian nya beguna?\\n5 Sebedau nuan tau dibaptisa, nuan enda tau enda ngelala Jehovah enggau Jesus. Nuan udah berengkah ngereja tu lebuh nuan belajarka Bup Kudus. (Bacha John 17:3.) Tang nya enda chukup. Bup Kudus madahka, nuan enda tau enda “dipenuhka enggau penemu” ti betul pasal peneka Jehovah. (Kolosi 1:9) Gempuru Saksi-Saksi Jehovah deka nulung nuan bisi kaul ti rapat agi enggau Jehovah. Tu meh siti kebuah nuan patut datai ngagai gempuru enggau bejarit.—Hebrew 10:24, 25.\\nSebedau dibaptisa, nuan enda tau enda belajarka Bup Kudus\\n6. Ni pemayuh utai dalam Bup Kudus ke patut ditemu nuan sebedau tau dibaptisa?\\n6 Endang amat, Jehovah enda ngarapka nuan nemu semua utai dalam Bup Kudus sebedau nuan dibaptisa. Iya enda ngarapka pemesai ari Etiopia nya nemu semua utai sebedau iya dibaptisa. (Kereja Rasul 8:30, 31) Lalu kitai deka terus belajar pasal Petara belama iya. (Pengajar 3:11) Tang ngambika tau dibaptisa, nuan patut nemu sereta nerima abis nadai pan batang ajar ari Bup Kudus.—Hebrew 5:12.\\n7. Baka ni belajarka Bup Kudus udah nulung nuan?\\n7 Bup Kudus madahka: ‘Nadai orang ulih ngerinduka ati Petara enti iya enda arapka Petara.’ (Hebrew 11:6) Nya alai nuan patut arapka Petara sebedau nuan tau dibaptisa. Bup Kudus madahka, sekeda orang di nengeri Korint kelia ninga utai ti diajar bala murid Jesus, lalu enggau tu sida berengkah “arap lalu dibaptisa.” (Kereja Rasul 18:8) Pia mega, belajarka Bup Kudus udah nulung nuan arapka semaya Petara sereta genselan Jesus ke ulih nyelamatka kitai ari dosa enggau pemati.—Josua 23:14; Kereja Rasul 4:12; 2 Timoti 3:16, 17.\\nMADAHKA PEMENDAR BUP KUDUS NGAGAI ORANG BUKAI\\n8. Nama deka meransang nuan madahka utai ti udah dipelajarka nuan ngagai orang bukai?\\n8 Seraya nuan belajar mayuh agi ari Bup Kudus sereta beratika baka ni Bup Kudus nulung nuan ba pengidup, pengarap nuan deka teguh agi. Nuan deka madahka utai ti dipelajarka nuan ngagai orang bukai. (Jeremiah 20:9; 2 Korint 4:13) Tang ngagai sapa kitai patut madah?\\nArapka Jehovah patut meransang nuan madahka utai ti dipechaya nuan ngagai orang bukai\\n9, 10. (a) Ngagai sapa nuan ulih berengkah bekunsi utai ti udah dipelajarka nuan? (b) Nama patut digaga nuan enti deka nginjil enggau bala menyadi Kristian?\\n9 Nuan ulih madahka utai ti dipelajarka nuan ngagai diri sebilik, bala pangan, orang ke diau berimbai enggau nuan, tauka orang ke sama kereja enggau nuan. Nya endang manah, tang seruran ngereja tu enggau chara ti nelap sereta bisi pengerindu. Nyau kelama nuan tau berengkah nginjil enggau bala menyadi Kristian. Lebuh nuan ngasaika diri sedia ngereja nya, nuan ulih bejaku enggau Saksi ke ngajar nuan Bup Kudus, lalu madah ngagai iya, nuan deka enggau bala menyadi Kristian nginjil. Enti iya ngasaika nuan udah besedia, lalu enti nuan udah idup sejalai enggau standard Bup Kudus, seduai udah nya tau betemu enggau dua iku tuai gempuru ba eklisia.\\n10 Nama deka nyadi ba aum nya? Tuai gempuru nya deka berandau enggau nuan kena nentuka nuan nemu sereta pechayaka batang ajar Bup Kudus, nuan nitihka utai ti dipadah Bup Kudus ba pengidup besehari-hari, lalu nuan amat deka nyadi Saksi Jehovah. Kingatka, tuai gempuru ibuhka semua bala menyadi Kristian, nyengkaum nuan, nya alai anang takut bejaku enggau seduai iya. (Kereja Rasul 20:28; 1 Peter 5:2, 3) Pengudah aum nya, tuai gempuru nya deka madah ngagai nuan sekalika nuan ulih berengkah nginjil enggau bala menyadi Kristian.\\n11. Nama kebuah nya beguna ngaga ubah sebedau nuan ulih nginjil enggau bala menyadi Kristian?\\n11 Tuai gempuru nya engka madahka nuan patut ngaga mayuh agi ubah sebedau nuan ulih berengkah nginjil enggau bala menyadi Kristian. Nama kebuah beguna bendar ngaga ubah nya? Laban lebuh kitai bejaku pasal Jehovah ngagai orang bukai, kitai ngarika Iya lalu enda tau enda idup enggau chara ti ngemuliaka Iya.—1 Korint 6:9, 10; Galatia 5:19-21.\\nNESAL ATI LALU PULAI BARU\\n12. Nama kebuah semua orang patut nesal ati?\\n12 Bisi utai bukai ke enda tau enda digaga sebedau nuan tau dibaptisa. Rasul Paul madahka: ‘Nesal ati meh kita lalu pulai baru ngagai Petara, ngambika dosa kita diampun.’ (Kereja Rasul 3:19) Nama reti nesal ati? Nya asai ati ti balat nesal ke penyalah ti udah digaga kitai. Ngambika chunto, enti nuan ngereja ulah seks ti kamah ba pengidup, nuan patut nesal ati. Lalu taja pan nuan udah enggau naka ulih nguji ngereja utai ti ngena, nuan mega patut nesal ati, laban semua kitai bedosa lalu patut minta ampun ari Petara.—Rome 3:23; 5:12.\\n13. Nama reti “pulai baru”?\\n13 Kati nya chukup semina nesal ati ke penyalah ti udah digaga nuan? Enda. Peter madahka, nuan mega patut “pulai baru.” Reti nya nuan patut nulak semua pendiau lama ti salah, lalu berengkah ngereja utai ti ngena. Ngambika chunto, uji gambarka nuan baru ke terubah iya ngagai siti endur. Enda lama udah nya, nuan ngasaika diri nuju ngagai endur ti salah. Nama deka digaga nuan? Nuan tentu deka ngurangka pengelaju kerita, ngetu, nikal baru, lalu udah nya nuju ngagai endur ke betul. Pia mega, lebuh belajarka Bup Kudus, nuan engka beratika tebiat tauka utai ba pengidup ti patut diubah. Nya alai, patut deka “pulai baru”—iya nya, ngaga ubah ti patut—lalu berengkah ngereja utai ti ngena.\\nNYERAHKA DIRI EMPU NGAGAI PETARA\\nKati nuan udah besemaya ngagai Jehovah, nuan deka gawa ke Iya?\\n14. Baka ni nuan nyerahka diri empu ngagai Petara?\\n14 Siti agi utai beguna ke patut digaga nuan sebedau dibaptisa, iya nya nyerahka diri empu ngagai Jehovah. Lebuh nuan ngereja tu, nuan nyebut dalam sampi, madahka diri deka nyembah Iya aja, lalu nyadika peneka Iya utai ti pemadu beguna ba pengidup nuan.—Ulang Adat 6:15.\\n15, 16. Nama meransang orang deka nyerahka diri ngagai Petara?\\n15 Besemaya semina deka gawa ke Jehovah aja sama baka besemaya deka ngena sepemanjai pengidup nuan enggau orang ti dikesayauka nuan. Uji gambarka, seiku lelaki enggau seiku indu benung bedating. Seraya lelaki nya ngelala indu nya enggau manah agi, iya belabuh sayauka indu nya lalu deka jadi enggau indu nya. Taja pan tu pemutus ti besai, lelaki nya sanggup nerima tanggung pengawa tu laban iya sayauka indu nya.\\n16 Seraya nuan belajar pasal Jehovah, nuan belabuh rinduka Iya sereta deka enggau naka ulih gawa ke Iya. Tu meransang nuan nyebut dalam sampi, madahka diri deka gawa ke Iya. Bup Kudus madahka, barang sapa ke deka nitihka Jesus enda tau enda “badu agi berundingka diri empu.” (Mark 8:34) Nama reti nya? Reti nya, nuan patut ngasika Jehovah dulu ba pengidup nuan. Utai ti dikedekaka Jehovah berat agi ari pengingin sereta juluk ati diri empu.—Bacha 1 Peter 4:2.\\nANANG TAKUT ENDA MUJUR\\n17. Nama kebuah sekeda orang enda nyerahka diri empu ngagai Jehovah?\\n17 Sekeda orang enda nyerahka diri empu ngagai Jehovah, laban sida takut enggaika diri enda ulih ngamatka semaya ti deka gawa ke Iya. Sida enggai ngelebuka Jehovah, tauka sida engka ngumbai enti sida enda nyerahka diri ngagai Iya, Jehovah enda minta sida betanggungjawapka utai ti dikereja sida.\\n18. Nama deka nulung nuan mutarka asai ati ti nangi enggai ngelebuka Iya?\\n18 Pengerindu ngagai Jehovah deka nulung nuan mutarka asai ati ti nangi enggai ngelebuka Iya. Ketegal rinduka Iya, nuan deka enggau naka ulih ngamatka semaya diri ngagai Iya. (Pengajar 5:4; Kolosi 1:10) Nuan enda ngumbai ngereja peneka Jehovah nya utai ti kelalu mar. Rasul John nulis: ‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’—1 John 5:3.\\n19. Nama kebuah nuan enda patut takut nyerahka diri empu ngagai Jehovah?\\n19 Nuan tau enda ibuh nyadi orang ti sempurna enti deka nyerahka diri empu ngagai Jehovah. Iya enda kala ngarapka kitai ngereja utai ti lebih ari ke ulih dikereja kitai. (Masmur 103:14) Iya deka nulung nuan ngereja utai ti ngena. (Isaiah 41:10) Arapka Jehovah enggau pengabis ati, lalu “Iya deka nunjukka jalai ti ngena ngagai nuan.”—Jaku Dalam 3:5, 6.\\nNGAKU NGENA MULUT, LALU DISELAMATKA\\n20. Pengudah nyerahka diri empu ngagai Jehovah, nama patut digaga nuan udah nya?\\n20 Kati nuan ngasaika diri udah sedia deka nyerahka diri empu ngagai Jehovah? Pengudah nyerahka diri empu ngagai Jehovah, nuan udah sedia ngagai pemutus ke nangkanka nya. Nuan patut dibaptisa.\\n21, 22. Baka ni nuan ulih ngaku pengarap nuan “ngena mulut”?\\n21 Awakka tuai ti ngatur tuai gempuru ba eklisia nuan nemu, nuan udah nyerahka diri empu ngagai Jehovah lalu deka dibaptisa. Udah nya iya deka ngatur beberapa iku tuai gempuru berandauka batang ajar Bup Kudus enggau nuan. Enti sida beratika nuan udah sedia, sida deka madahka nuan tau dibaptisa ba gempuru besai tauka konvensyen Saksi-Saksi Jehovah ti deka datai. Ba gempuru besai, bisi siti cheramah ke nerangka reti baptisa. Pencheramah deka nanya chalun baptisa dua iti tanya ti mudah. Enggau nyaut tanya nya, nuan ngaku pengarap nuan “ngena mulut.”—Rome 10:10.\\n22 Udah nya nuan tau dibaptisa. Nuan deka diselam abis dalam ai. Baptisa deka nunjukka ngagai semua orang, nuan udah nyerahka diri empu ngagai Jehovah lalu diatu nuan nyadi seiku ari Saksi-Saksi Jehovah.\\nUTAI TI DIGAMBARKA BAPTISA NUAN\\n23. Nama reti dibaptisa ‘dalam nama Apai, Anak enggau roh kudus’?\\n23 Jesus madahka, bala murid iya deka dibaptisa ‘dalam nama Apai, Anak enggau roh kudus.’ (Bacha Matthew 28:19.) Nama reti nya? Reti nya, nuan ngaku penuduk Jehovah sereta ungkup Jesus dalam tuju Petara nyengkaum baka ni Petara ngena roh kudus Iya ngamatka peneka Iya.—Masmur 83:18; Matthew 28:18; Galatia 5:22, 23; 2 Peter 1:21.\\nLebuh nuan dibaptisa, nuan nunjukka diri deka ngereja peneka Petara\\n24, 25. (a) Nama digambarka baptisa? (b) Nama deka dikerandauka kitai ba pelajar ke penudi?\\n24 Baptisa ngambarka utai ti besai amat reti. Lebuh nuan diselam dalam ai, reti nya nuan mati, tauka ninggalka chara pengidup ti lama. Lebuh nuan pansut ari ai, nuan deka bisi pengidup ti baru iya nya ngereja peneka Petara. Tu nunjukka, berengkah ari maya nya nuan deka gawa ke Jehovah. Kingatka, nuan ukai nyerahka diri ngagai mensia, gerempung, tauka kereja. Nuan udah nyerahka pengidup diri ngagai Jehovah.\\n25 Pengawa nyerahka diri ngagai Jehovah deka nulung nuan ngemansangka kaul ti rapat enggau Iya. (Masmur 25:14) Tu ukai reti orang deka selamat ketegal iya udah dibaptisa. Rasul Paul nulis: “Awakka kita bekereja enggau ati ti nangi sereta getar-getar ngenyukupka pengelepas kita.” (Pilipi 2:12) Baptisa nya semina pun aja. Tang baka ni nuan ulih meruan semak ngagai Jehovah? Pelajar ke penudi ba bup tu deka nyaut tanya nya.\\nPEMENDAR 1: ULIH AKU DIBAPTISA?\\n“Peda nuan, ditu bisi ai. Nama utai ti tau nagang aku dibaptisa?”—Kereja Rasul 8:36\\nNama kebuah sereta baka ni nuan patut dibaptisa?\\nBaptisa nunjukka nuan udah ninggalka chara pengidup ti lama, lalu bisi pengidup ti baru iya nya ngereja peneka Petara.\\nNuan patut dibaptisa ngambika ulih gawa ke Jehovah.\\nBaptisa nunjukka ngagai orang bukai, nuan deka gawa ke Petara.\\nNuan enda tau enda diselam abis dalam ai, sama baka Jesus.\\nPEMENDAR 2: JEHOVAH ENDA KALA NGARAPKA UTAI TI LEBIH ARI NUAN\\n‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’—1 John 5:3\\nNama kebuah nuan enda patut takut nyerahka diri ngagai Jehovah?\\nMasmur 103:14; Isaiah 41:10\\nNuan tau enda ibuh nyadi orang ti sempurna enti deka nyerahka diri empu ngagai Jehovah. Iya deka nulung nuan ngereja utai ti ngena.\\nPengerindu ngagai Jehovah deka nulung nuan mutarka asai ati ti nangi enggai ngelebuka Iya.\\nPEMENDAR 3: CHARA NGAMBIKA ULIH DIBAPTISA\\n‘Naka meh pengerindu ati aku ngereja peneka Nuan, O Petara aku! Aku nyimpan ajar Nuan dalam ati aku.’—Masmur 40:8\\nNama patut digaga nuan kena nyerahka diri empu ngagai Jehovah?\\nNgelala Jehovah enggau Jesus Kristus. Mayuh agi utai ti dipelajarka nuan pasal seduai iya, dalam agi pengerindu nuan ke seduai iya.\\nNGEMANSANGKA PENGARAP NUAN\\nEnggau pengabis ati arapka semaya Petara sereta genselan Jesus ulih nyelamatka kitai ari dosa enggau pemati.\\nKereja Rasul 3:19\\nReti nya, asai ati ti balat nesal ke semua penyalah ti udah digaga nuan.\\nReti nya, badu ngereja ulah ti salah, lalu ngereja utai ti ngena.\\nNYERAHKA PENGIDUP DIRI\\nNuan nyerahka pengidup diri ngagai Jehovah lebuh nuan besemaya dalam sampi deka nyembah Iya sereta ngereja utai ti dikedekaka Iya nyadi utai ti pemadu beguna ba pengidup nuan.","num_words":2596,"character_repetition_ratio":0.075,"word_repetition_ratio":0.016,"special_characters_ratio":0.208,"stopwords_ratio":0.302,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rinduka Petara (1 John 5:3) | Pengerindu Petara\\n‘Reti Rinduka Petara’\\n‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’ —1 JOHN 5:3.\\n1, 2. Nama kebuah nuan rinduka Petara Jehovah?\\nKATI NUAN rinduka Petara? Enti nuan udah nyerahka diri ngagai Petara Jehovah, nuan tentu deka nyaut “Ya.” Kitai endang patut rinduka Jehovah, laban tu chara kitai malas pengerindu ari Iya. Bup Kudus madah: ‘Kitai rindu laban Petara udah dulu rinduka kitai.’—1 John 4:19.\\n2 Jehovah udah dulu ngayanka pengerindu Iya. Iya meri kitai dunya ti manah endur diau. Iya nyediaka utai ti diguna kitai. (Matthew 5:43-48) Iya nyaga utai ti diguna kitai ba pengarap. Iya meri kitai Bup Kudus. Nambahka nya, Iya ngasuh kitai besampi ngagai Iya sereta besemaya deka ningaka sampi kitai, lalu deka meri roh kudus kena nulung kitai. (Masmur 65:2; Luke 11:13) Kelebih agi, Iya ngirum Anak ti pemadu dikesayau Iya nyadi Penebus ngambika kitai ulih dilepaska ari dosa enggau pemati. Naka meh pemesai pengerindu Jehovah ke kitai!—Bacha John 3:16; Rome 5:8.\\n3. (a) Nama patut digaga kitai enti deka meruan dalam pengerindu Petara? (b) Nama tanya ti patut diperundingka kitai, lalu dini kitai tau bulih saut iya?\\n3 Jehovah deka kitai meruan bulih penguntung ari pengerindu Iya. Tang, tu bepanggai ba kitai empu. Bup Kudus meransang kitai: ‘Meruan dalam pengerindu Petara . . . ti deka mai kitai ngagai pengidup ti meruan belama iya.’ (Jude 21) Leka jaku “meruan” nunjukka kitai patut terus ngereja utai. Kitai patut malas pengerindu Iya ngena chara ti patut. Tang tanya ti patut diperundingka kitai, ‘Baka ni aku nunjukka pengerindu ngagai Petara?’ Rasul John nyaut: ‘Reti rinduka Petara nya kitai ngasika pesan Iya. Lalu pesan Iya ukai utai ti mar dititihka kitai.’ (1 John 5:3) Kitai patut meratika reti ayat tu laban kitai deka ngayanka diri amat rinduka Petara.\\n4, 5. (a) Nama ‘reti rinduka Petara’? (b) Terangka baka ni nuan belabuh rinduka Jehovah.\\n4 Nama utai ku rasul John maya iya nulis ‘reti rinduka Petara’? Dia iya madah pasal pengerindu kitai ngagai Petara. Ulih nuan ingat kemaya nuan belabuh rinduka Jehovah?\\nNyerahka diri enggau baptisa nya tanda kitai berengkah ngasika Petara\\n5 Kingatka maya nuan baru belajarka pemendar pasal Jehovah enggau tuju Iya, lalu manggaika pengarap ba Iya. Ari nya nuan ulih nemu, nuan mensia ti bedosa lalu nadai kaul enggau Petara. Taja pia, Jehovah udah ngena Jesus muka jalai ngambika nuan tau bulih pengidup ti sempurna ke udah dilenyauka Adam. (Matthew 20:28; Rome 5:12, 18) Nuan tentu beterima kasih ngagai Jehovah ke udah nebus nuan ngena Anak Iya. Tu ngasuh nuan belabuh rinduka Petara ke udah ngayanka pengerindu ti dalam ngagai nuan.—Bacha 1 John 4:9, 10.\\n6. (a) Baka ni pengerindu ti bendar diayanka? (b) Pengerindu ngagai Petara nulung nuan ngereja nama?\\n6 Tang, rinduka Jehovah nya semina pun aja. Pengerindu ti bendar ukai semina asai ati tauka nyebut, “Aku rinduka Jehovah.” Baka pengarap, pengerindu ti bendar diayanka ari pengawa. (James 2:17) Reti iya, pengerindu ti diayanka ari pengawa ngagaka ati orang ti dikesayau. Pia mega, enti nuan udah balat rinduka Jehovah, nuan deka nitihka chara pengidup ti ngelantangka ati Jehovah. Kati nuan Saksi ti udah dibaptisa? Enti udah, pengerindu enggau penaluk ngagai Jehovah nulung nuan mutuska utai ti pemadu beguna ba pengidup. Nuan nyerahka diri ngagai Jehovah deka ngereja peneka Iya, lalu dibaptisa. (Bacha Rome 14:7, 8.) Baka ni nuan ulih ngamatka semaya nuan ngagai Jehovah? Peratika nama dipadah rasul John.\\n“KITAI NGASIKA PESAN IYA”\\n7. Nama sekeda ari pesan Petara, lalu ngasika pesan nya nyengkaum nama?\\n7 John nerangka reti rinduka Petara: “Kitai ngasika pesan Iya.” Nama pesan Petara? Jehovah meri kitai sekeda pesan enggau terang ba Bup Kudus. Chunto, Petara enda ngasuh orang mabuk, ngereja ulah ti kamah, nyembah engkeramba, ngenchuri enggau bula. (1 Korint 5:11; 6:18; 10:14; Epesus 4:28; Kolosi 3:9) Ngasika pesan Petara reti iya kitai idup sejalai nitihka ajar Iya ti udah dipadah enggau terang ba Bup Kudus.\\n8, 9. Baka ni kitai ulih nemu utai ti ngerinduka ati Jehovah, taja pan enda dipadahka enggau terang ba Bup Kudus? Beri chunto.\\n8 Nama patut digaga kitai ngambika ngerinduka ati Jehovah? Kitai ukai semina ngasika ukum Petara, tang patut nemu chara Iya berunding. Jehovah enda nyediaka semua ukum ti patut dikena ba pengidup kitai. Bisi maya iya, Bup Kudus enda madah enggau terang pasal sekeda pekara. Nya alai, kitai patut ngaga pemutus kediri empu. Bup Kudus enggau terang madahka chara Jehovah berunding. Lebuh belajarka Bup Kudus, kitai belajar pasal utai ti dikerindu enggau utai ti dipegedi Jehovah. (Bacha Masmur 97:10; Jaku Dalam 6:16-19) Kitai deka nemu ulah enggau pengawa ti ngerinduka ati Iya. Mayuh agi kitai belajar pasal pemanah enggau chara Jehovah ngereja pengawa, deka agi kitai nitihka chara Iya berunding. Nya alai, taja pan ukum ba Bup Kudus pasal sekeda pekara enda dipadah enggau terang, kitai ulih nemu “semua peneka Tuhan.”—Epesus 5:17.\\n9 Chunto, Bup Kudus nadai madahka kitai pasal cherita wayang tauka program TV ti ngayanka penyai tauka ulah kamah ti enda tau dipeda. Kati kitai amat begunaka ukum ti madahka enggau terang kitai enda tau meda cherita nya? Kitai nemu runding Petara pasal semua utai nya. Bup Kudus madah: “Iya [Jehovah] begedika orang ke mangah.” (Masmur 11:5) Iya mega madah: ‘Petara deka ngakim orang ke ngereja ulah ti kamah, enggau orang ke butang.’ (Hebrew 13:4) Enggau beratika ayat tu, kitai nemu utai ti dikedeka Jehovah. Nya alai, kitai anang teperindang meda cherita ba wayang, internet, TV enggau utai bukai ke ngayanka pengawa ti dipegedi Petara. Kitai ngerinduka ati Jehovah enti kitai enda meda pemerindang ti ngayanka ulah ti jai. *\\n10, 11. Nama kebuah kitai milih ngasika Jehovah, lalu baka ni kitai nunjukka diri ngasi?\\n10 Nama kebuah kitai deka nitihka pesan Petara? Nama kebuah kitai deka idup sejalai nitihka penemu Petara ninting hari? Kitai milih chara pengidup nya ukai ketegal kitai deka rari ari kena ukum tauka nyeliahka utai ti tau ngemedis. (Galatia 6:7) Tang, kitai ngasika Jehovah laban nya peluang manah dikena ngayanka pengerindu ngagai Iya. Baka seiku anak ke keran deka ngagaka ati apai iya, kitai mega keran deka ngagaka ati Jehovah. (Jaku Dalam 23:15) Iya Apai kitai, lalu kitai rinduka Iya. Nadai utai ti ulih ngelantangka tauka ngemuaska ati kitai, kelimpah ari ngasuh ‘Jehovah gaga ati.’—Jaku Dalam 12:2.\\n11 Nya alai, kitai ngasika Petara ukai ketegal dipejal. * Kitai ukai semina ngasi maya senang tauka maya bisi penanggul ti mit aja. Tang, maya bisi penanggul ti besai, kitai pan patut ngasi “enggau pengabis ati.” (Rome 6:17) Kitai ngasaika utai ti ditulis pemasmur ba Bup Kudus ke madah: “Aku gaga ati ke pesan Nuan ti dikerinduka aku.” (Masmur 119:47) Ya, kitai rindu deka ngasika Jehovah. Kitai nemu kitai endang patut ngasika Iya enggau pengabis ati, ukai ketegal dipejal. (Ulang Adat 12:32) Kitai deka Jehovah muji kitai baka Iya muji Noah ke ngasika Iya. Bup Kudus madah: ‘Noah lalu ngereja semua utai nitihka asuh Petara.’—Pemungkal 6:22.\\n12. Ni maya kitai ngagaka ati Jehovah?\\n12 Baka ni asai ati Jehovah enti kitai ngasika Iya? Bup Kudus madah kitai ngasuh Iya “lantang ati.” (Jaku Dalam 27:11) Kati kitai ke ngasi amat ngagaka ati Jehovah? Amat, lalu bisi kebuah ti manah mega! Lebuh Jehovah ngaga kitai, Iya meri kitai peluang bibas milih. Reti iya kitai ulih milih deka ngasika Petara tauka enda. (Ulang Adat 30:15, 16, 19, 20) Enti kitai ngasika Jehovah ketegal kitai balat rinduka Iya, kitai ngagaka ati Iya. (Jaku Dalam 11:20) Kitai mega milih jalai pengidup ti pemadu manah.\\n“PESAN IYA UKAI UTAI TI MAR DITITIHKA”\\n13, 14. Nama kebuah pesan Petara “ukai utai ti mar”? Beri chunto.\\n13 Pasal pesan Jehovah, rasul John nulis: “Pesan Iya ukai utai ti mar dititihka.” Leka jaku Gerika “mar” ba 1 John 5:3 reti iya “berat.” * Peneka Jehovah ulih diterima tauka enda mar dititih. Ukum Iya ulih dititihka mensia ti enda sempurna.\\n14 Chunto, kaban rapat nuan minta tulung maya iya pindah ke rumah baru. Iya bisi mayuh kutak deka diangkut. Sekeda kutak nya lempung, lalu ulih diangkat kediri. Tang bisi mega kutak ke berat, lalu patut diangkat dua iku orang. Kaban nuan milih kutak ke ulih diangkat nuan. Deka iya ngasuh nuan ngangkat kutak ke enda ulih diangkat nuan kediri? Enda. Iya nemu nya ulih ngemedis nuan. Pia mega, Petara ti bisi pengerindu enda meri pesan ti kelalu mar dititihka nuan. (Ulang Adat 30:11-14) Iya enda ngasuh kitai ngereja utai ti ngenusah. Jehovah nemu naka ni kitai ulih nitihka pesan Iya laban “Iya nemu utai ti udah dikena ngaga kitai. Iya ingatka kitai tu endang amau.”—Masmur 103:14.\\n15. Nama kebuah kitai pechaya pesan Jehovah meri penguntung ngagai kitai?\\n15 Pesan Jehovah enda mar dititih. Pesan Iya nguntungka kitai. (Bacha Isaiah 48:17.) Nya alai, Moses ulih madah ngagai orang Israel kelia menya: ‘Jehovah Petara kitai lalu ngasuh kitai ngasika semua adat nya, lalu nangika Iya. Enti kitai ngereja nya, Iya deka seruran ngemataka bansa kitai, lalu ngasuh bansa kitai seruran kaya-raja.’ (Ulang Adat 6:24) Kitai mega pechaya Jehovah meri kitai ukum ngambika kitai meruan bulih penguntung. Baka ni nya? Jehovah nya Petara ti bisi pemintar enggau penemu. (Rome 11:33) Nya alai, Iya nemu utai ti pemadu manah ke kitai. Jehovah mega endang pengerindu. (1 John 4:8) Sebarang utai ti disebut enggau digaga Iya bisi kaul enggau pengerindu. Nya alai, semua pesan ti diberi Jehovah ngagai nembiak Iya bepun ari pengerindu.\\n16. Nama kebuah kitai deka ngasika Petara, taja pan kitai enda sempurna sereta idup ba dunya ti jai?\\n16 Tang, tu ukai reti iya ngasika Petara nya utai ti senang digaga. Kitai patut ngelaban utai ti jai ba dunya tu laban “semua dunya di baruh kuasa Sitan.” (1 John 5:19) Kitai mega patut belaban enggau tubuh ti enda sempurna ke selalu deka ngelanggar ukum Petara. (Rome 7:21-25) Tang, pengerindu kitai ngagai Petara ulih ngasuh kitai menang. Jehovah merekat orang ke rindu sereta ngasika Iya. Iya meri roh kudus “ngagai orang ke ngasika Iya.” (Kereja Rasul 5:32) Roh kudus ngasilka pemanah ti ulih nulung kitai ngasika Petara.—Galatia 5:22, 23.\\n17, 18. (a) Nama deka diperatika kitai ba bup tu, lalu nama patut dikingatka kitai? (b) Nama deka dipelajarka ba Pelajar 2?\\n17 Ba bup tu, kitai deka meratika ajar Jehovah pasal utai ti patut dikereja kitai, lalu baka ni asai ati Iya pasal pemutus ke digaga kitai ba pengidup ninting hari. Enggau tu, kitai patut beratika sekeda pekara ti beguna. Kesatu, Jehovah enda kala mejal kitai ngasika ukum enggau ajar Iya; Iya deka kitai ngasika Iya ari ati. Kedua, Jehovah deka kitai idup nitihka chara ti ulih mai berekat diatu, lalu nuju pengidup belama iya. Ketiga, enti kitai ngasika Jehovah enggau pengabis ati, kitai nunjukka diri amat rinduka Iya.\\n18 Kena nulung kitai nemu utai ti betul enggau utai ti salah, Jehovah meri kitai asai ati ti beresi. Tang, asai ati ti beresi patut dilatih ngambika ulih ngiring kitai enggau manah. Ba Pelajar 2 kitai deka belajarka pekara tu.\\n^ per. 9 Peda Pelajar 6 ba bup tu, ngambika nemu baka ni chara milih pemerindang ti manah.\\n^ per. 11 Indah bala antu ke jai semadi deka ngasika Jesus. Lebuh Jesus ngasuh bala antu ke jai pansut ari sekeda orang ke dirasuk sida, bala antu nadai chara bukai tang ngaku kuasa Jesus lalu ngasika iya.—Mark 1:27; 5:7-13.\\n^ per. 13 Leka jaku Gerika ti sama dikena nyalin “berat” ba 1 John 5:3 mega dikena ba Matthew 23:4 kena ngambarka utai ti “berat,” iya nya atur sereta adat ti digaga sida pengajar Adat enggau orang Parisi ke orang mayuh.\\nBaka ni nembiak Jehovah ngasika Iya, lalu nama kebuah kitai patut beratika utai tu?—Ulang Adat 5:28-33.\\nBaka ni Jehovah meda pengawa kitai ke ngasika Iya?—1 Samuel 15:22, 23.\\nNama ulih dipelajarka kitai ari Jesus ke ngasika Petara?—John 8:29.\\nNama kebuah kitai patut ngasika Jehovah?—Pemandang 4:11.","num_words":1833,"character_repetition_ratio":0.066,"word_repetition_ratio":0.009,"special_characters_ratio":0.23,"stopwords_ratio":0.343,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"1 BANSA ISRAEL\\nBup 1 Bansa Israel* enggau 2 Bansa Israel* nandu semua cherita ti udah ditulis dalam Bup Samuel*, Bup 1 Raja*, enggau Bup 2 Raja*, tang tuju bup nya ditulis enda sebaka. Pengawa ti nusui jerita lama pasal bala raja orang Israel dalam Bup 1 Bansa Israel*, enggau 2 Bansa Israel* nya beduduk ba dua bengkah tuju:\\n1) Ngayanka Allah Taala endang mengkang ingatka pelan Iya ke bala nembiak Iya, taja pen menua Israel enggau menua Judah udah balat ditinggang penusah. Iya ngayanka Diri ingatka semaya Iya ngena sida ke diau di menua Judah. Orang ke nulis bup tu manggaika diri ba pengamat utai nya, utai ti udah dikereja David enggau Solomon, Jehosapat, Hesekiah enggau Joas, enggau orang ke mengkang tetap ati ngagai Allah Taala.\\n2) Madahka penatai atur kena nyembah Allah Taala dalam Rumah Sembiang di Jerusalem, kelebih agi atur ti enda tau enda dititihka bala imam enggau orang Lewi, ke endang ngereja pengawa besembah. Orang ke nulis bup tu madahka David nya orang ke ngemunka penemu deka ngaga Rumah Sembiang enggau ngaga atur ti deka dipejalaika dalam Rumah Sembiang nya, taja pen Rumah nya didirika Solomon.\\nTusut peturun enggau ripih (1.1-9.44)\\nPemati Saul (10.1-14)\\nPerintah ti dipegai Raja David (11.1-29.30)\\na. Penusah enggau pemujur (11.1-22.1)\\nb. Besedia deka ngaga Rumah Sembiang (22.2-29.30)\\nAri Adam Ngagai Abraham (Pemungkal 5.1-32; 10.1-32; 11.10-26)\\n2 Kenan, Mahalalel, Jaret,\\n3 Enok, Metuselah, Lamek,\\n4 Noah, Sem, Ham, enggau Japet.\\n5 Bala peturun Japet: Gomer, Magok, Madai, Jaban, Tubal, Mesek, enggau Tiras.\\n6 Bala peturun Gomer: Askenas, Ripat, enggau Togarmah.\\n7 Bala peturun Jaban: Elisah, Spain, Saiprus, enggau Rod.\\n8 Bala peturun Ham: Kus, Ejip, Libia, enggau Kanaan.\\n9 Bala peturun Kus: Seba, Habilah, Sabtah, Ramah, enggau Sabteka. Bala peturun Ramah: Sheba enggau Dedan.\\n10 (Kus bisi anak lelaki siku benama Nimrot. Nimrot tu orang ke terubah-rubah ngalahka menua di dunya tu.)\\n11 Bala peturun Ejip nya orang Lidia, Anam, Lehap, Naptuh,\\n12 Patrus, Kasluh enggau Krit (ke nurunka orang Pilistin).\\n13 Dua iku anak lelaki Kanaan - Sidon, anak tuai iya, enggau Het - nyadi aki ini bansa orang ke ngangkatka nama sida.\\n14 Kanaan mega nyadi aki ini orang Jebus, orang Amor, orang Girgas,\\n15 orang Ibi, orang Arkit, orang Sin,\\n16 orang Arbat, Semar, enggau orang Hamat.\\n17 Bala peturun Sem: Elam, Asur, Arpaksat, Lut, Aram, Us, Hul, Geter, enggau Mesek.\\n18 Arpaksat nya apai Selah, lalu Selah nya apai Eber.\\n19 Eber bisi dua iku anak lelaki. Siku benama Pelek, laban lebuh maya nya orang di dunya tu udah bepechah-belah, lalu nama siku nya Joktan.\\n20 Bala peturun Joktan nya orang Almodat, orang Selep, Hasarmabet, Jerah,\\n21 Hadoram, Usal, Diklah,\\n22 Ebal, Abimail, Sheba,\\n23 Opir, Habilah, enggau Jobap.\\n24 Purih ari Sem ngagai Abram nya baka tu: Sem, Arpaksat, Selah,\\n25 Eber, Pelek, Reu,\\n27 enggau Abram (mega dikumbai Abraham).\\nPeturun Ismail (Pemungkal 25.12-16)\\n28 Abraham bisi dua iku anak lelaki, Isak seduai Ismail.\\n29 Bala anak Ismail nyadi tuai ke dua belas raban bansa: Nebaiot (ngangkatka nama anak tuai Ismail), Kedar, Adbil, Mipsam,\\n30 Misma, Dumah, Masa, Hadat, Tema,\\n31 Jetur, Napis, enggau Kedemah.\\n32 Nyadi Abraham bisi siku indu simpan benama Keturah, ke ngadaka enam iku anak lelaki ke Abraham: Simram, Joksan, Medan, Midian, Isbak, enggau Suah. Joktan bisi dua iku anak lelaki: Sheba seduai Dedan.\\n33 Midian bisi lima iku anak lelaki: Epah, Eper, Hanok, Abida enggau Eldaah.\\nPeturun Esau (Pemungkal 36.1-19)\\n34 Anak Abraham ke benama Isak bisi dua iku anak lelaki: Esau seduai Jakop.\\n35 Anak lelaki Esau nya Elipas, Reuel, Jeus, Jalam enggau Korah.\\n36 Elipas nurunka raban bansa Teman, Omar, Sepi, Gatam, Kenas, Timna, enggau Amalek.\\n37 Lalu Reuel nurunka raban bansa Nahat, Serah, Samah, enggau Misah.\\nOrang Asal Menua Edom\\t(Pemungkal 36.20-30)\\n38-42 Orang asal menua Edom nya diturunka bala anak lelaki Seir: Lotan, ke nurunka raban peturun Hori enggau Homam. (Lotan bisi siku menyadi indu benama Timna.) Sobal nurunka raban peturun Alban, Manahat, Ebal, Sepi, enggau Onam. Sibeon bisi dua iku anak lelaki: Aiah seduai Anah. Anah nya apai Dison, lalu Dison nurunka raban peturun Hamran, Esban, Itran enggau Cheran. Eser nurunka raban peturun Bilhan, Saban, enggau Jakan. Disan nurunka raban peturun Us enggau Aran.\\nRaja Menua Edom (Pemungkal 36.31-43)\\n43-50 Tu nama bala raja ke betangkan-tangkan megai perintah di menua Edom, lebuh menua Israel apin bisi raja:\\nBela anak Beor, ari Dinhabah\\nJobap anak Serah, ari Bosrah\\nHusbam ari menua Teman\\nHadat anak Bedat, ari Abit (iya ngalahka orang Midian ba siti perang ti nyadi di menua Moap)\\nSamlah ari Masrekah\\nSaul ari Rehobot ti ba Sungai\\nBaal Hanan anak Akbor\\nHadat ari Pau (bini iya Mehetabel anak Matret, uchu Mesahap)\\n51 Orang bansa Edom dibagi ngagai suku raban bansa Timna, Albah, Jetet,\\n53 Kenas, Teman, Mipsar,\\n54 Magdil, enggau Iram.\\n1 Jakop bisi dua belas iku anak lelaki: Reuben, Simeon, Lewi, Judah, Isakar, Sebulun,\\n2 Dan, Josep, Benjamin, Naptali, Gat, enggau Aser.\\n3 Judah bisi lima iku anak lelaki. Bini iya ke benama Batsua, indu orang Kanaan, ngadaka tiga iku anak lelaki ke Judah: Er, Onan, enggau Selah. Anak tuai iya ke benama Er, jai amat ulah, datai ke TUHAN nyau munuh iya.\\n4 Menantu iya Tamar ngadaka dua iku anak lelaki ke Judah: Peres seduai Serah.\\n5 Peres bisi dua iku anak lelaki: Hesron seduai Hamul.\\n6 Menyadi iya Serah bisi lima iku anak lelaki: Simri, Etan, Heman, Kalkol, enggau Darda.\\n7 anak Karmi, siku ari peturun Serah, udah ngasuh penusah ti besai ninggang orang Israel, laban iya bisi nyimpan utai ti udah diserahka ngagai Allah Taala.\\n8 Etan bisi siku anak lelaki. Nama iya Asariah.\\nTusut Raja David\\n9 Hesron bisi tiga iku anak lelaki: Jerahmil, Ram, enggau Kalep.\\n10 Tusun purih ari Ram nyentuk ngagai Jesi nya baka tu: Ram, Aminadap, Nason (orang ke tebilang ari raban bansa Judah),\\n11 Salmon, Boas,\\n12 Obet, enggau Jesi.\\n13 Jesi bisi tujuh iku anak lelaki. Baka tu ku nama sida belabuh ari sida ke tuai ngagai sida ke biak: Eliap, Abinadap, Samah,\\n14 Netanel, Radai,\\n15 Osem, enggau David.\\n16 Iya mega bisi dua iku anak indu: Seruiah seduai Abigail. Anak indu Jesi ke benama Seruiah bisi tiga iku anak lelaki: Abisai, Joap, enggau Asahel.\\n17 Anak indu iya ke benama Abigail jadi enggau Jeter, siku orang ari peturun Ismail, lalu seduai iya bisi anak lelaki siku benama Amasa.\\n18 Anak lelaki Kalep ke benama Hesron jadi enggau Asubah, lalu bisi anak indu siku benama Jeriot. Iya bisi tiga iku anak lelaki: Jeser, Sobap, enggau Ardon.\\n19 Udah bekau pemati Asubah, Kalep lalu jadi enggau Eprat, lalu seduai iya bisi siku anak lelaki benama Hur.\\n20 Nama anak Hur nya Uri, lalu nama uchu iya Besalel.\\n21 Lebuh Hesron umur enam puluh taun, iya jadi enggau anak indu Machir, menyadi indu Giliat. Seduai iya bisi siku anak lelaki benama Segup,\\n22 lalu Segup bisi siku anak lelaki benama Jair. Jair merintah dua puluh tiga buah nengeri di menua Giliat.\\n23 Tang perintah menua Gesur enggau Aram ngalahka enam puluh buah nengeri di menua nya, nyengkaum Tumpuk Pendiau Jair enggau genturung pendiau ti ngelingi Kenat, enggau nengeri ti ngelingi nya dia. Semua orang ke diau dia endang peturun Machir apai Giliat magang.\\n24 Lebuh Hesron mati, anak iya Kalep jadi enggau Eprat, balu niang apai iya. Seduai iya bisi siku anak lelaki benama Asur. Asur tu orang ke nirika nengeri Tekoa.\\n25 Jerahmil, anak tuai Hesron, bisi lima iku anak lelaki: Ram, anak tuai iya, Bunah, Oren, Osem, enggau Ahijah.\\n26-27 Ram bisi tiga iku anak lelaki: Maas, Jamin, enggau Eker. Jerahmil bisi siku agi bini, benama Atarah, lalu seduai iya bisi siku anak lelaki benama Onam.\\n28 Onam bisi dua iku anak lelaki: Samai seduai Jada. Samai mega bisi dua iku anak lelaki: Nadap seduai Abisur.\\n29 Abisur jadi enggau siku indu ke benama Abihail, lalu seduai iya bisi dua iku anak lelaki: Aban seduai Molit.\\n30 Menyadi Abisur ke benama Nadap bisi dua iku anak lelaki: Selet seduai Apaim, tang Selet mati nadai anak lelaki.\\n31 Apaim nya apai Ihsi, Ishi nya apai Sesan, lalu Sesan nya apai Ahlai.\\n32 Jada, menyadi lelaki Samai, bisi dua iku anak lelaki: Jeter seduai Jonatan, tang Jeter mati nadai anak lelaki.\\n33 Jonatan bisi dua iku anak lelaki: Pelet seduai Sasa. Semua sida nya peturun Jerahmil magang.\\n34 Sesan nadai anak lelaki, semina anak indu aja. Iya bisi siku orang Ejip nyadika orang gaji iya, nama orang nya Jara.\\n35 Iya lalu ngasuh Jara jadi enggau siku ari bala anak indu iya. Seduai nya lalu bisi siku anak lelaki benama Atai.\\n36 Tusun purih ari Atai nyentuk ngagai Elisama nya baka tu: Atai, Natan, Sabat,\\n37 Epal, Obet,\\n38 Jehu, Asariah,\\n39 Heles, Eleasah,\\n40 Sismai, Salum,\\n41 Jekamiah, enggau Elisama.\\nPeturun Kalep Ti Bukai\\n42 Anak tuai Kalep, iya nya menyadi Jerahmil, benama Mesa. Mesa nya apai Sip. Sip nya apai Maresah, lalu Maresah nya apai Hebron.\\n43 Hebron bisi empat iku anak lelaki: Korah, Tapuah, Rekem, enggau Sema.\\n44 Sema nya apai Raham, aki Jorkeam. Menyadi lelaki Sema ke benama Rekem, nya apai Samai.\\n45 Samai nya apai Maon, lalu Maon nya apai Bet-sur.\\n46 Kalep bisi siku indu simpan benama Epah. Epah ngadaka tiga iku agi anak lelaki ke Kalep: Haran, Mosa, enggau Gases. Haran mega bisi siku anak lelaki benama Gases.\\n47 (Siku lelaki ke benama Jadai bisi enam iku anak lelaki: Regem, Jotam, Gesan, Pelet, Epah, enggau Sap.)\\n48 Kalep bisi siku agi indu simpan benama Maakah. Maakah ngadaka dua iku anak lelaki ke Kalep. Nama seduai nya Seber enggau Tiranah.\\n49 Udah nya Maakah ngadaka dua iku agi anak lelaki: Sap, ke nirika nengeri Matmanah, enggau Sebah ke nirika nengeri Makbenah enggau nengeri Gibea. Nambahka nya, Kalep bisi siku anak indu benama Aksah.\\n50 Sida tu mega peturun Kalep: Hur, anak tuai Kalep enggau bini iya Eprat. Anak Hur ke benama Sobal nirika nengeri Kiriat-jearim.\\n51 Anak lelaki iya ke lumur dua nirika nengeri Betlehem, lalu anak iya ke lumur tiga nirika nengeri Bet-gader.\\n52 Sobal, orang ke nirika nengeri Kiriat-jearim, nurunka orang Haroeh, setengah ari orang ke nguan Menuhot,\\n53 sereta nurunka raban peturun ti diau di Kiriat-jearim, iya nya orang Itri, Put, Sumat, enggau Misra. (Orang ke diau di nengeri Sorah enggau nengeri Esta-ol nya ari raban bansa tu magang.)\\n54 Salma, orang ke nirika nengeri Betlehem, nurunka orang Netopat, orang Atrot, Bet Joap, enggau orang Sori, sebengkah ari dua bengkah raban peturun ti diau di Manahat.\\n55 (Raban peturun ti landik nulis enggau landik nyalinka surat diau di nengeri Jabes. Sida nya orang Tirat, orang Simiat, enggau orang Sukat. Sida tu orang Ken ti udah jadi enggau bansa orang Rekap.)\\nBala Anak Raja David\\n1-3 Tu nama bala anak David, disebut nitihka penuai umur sida ke diadaka lebuh David diau di Hebron: Amnon: Indai iya Ahinoam ari Jesril; Daniel: Indai iya Abigail ari Karmel; Absalom: Indai iya Maakah anak Raja Talmai ari menua Gesur; Adonijah: Indai iya Hagit; Sepatiah: Indai iya Abital; Itri: Indai iya Eglah.\\n4 Semua sida enam iku tu diadaka di Hebron magang lebuh David merintah dia tujuh taun setengah. Iya merintah nyadi raja di Jerusalem tiga puluh tiga taun\\n5 lalu mayuh anak lelaki diadaka dia. Bini iya Batseba anak Amil, ngadaka empat iku anak lelaki: Simea, Sobap, Natan, enggau Solomon.\\n6 Iya bisi semilan iku anak lelaki ti bukai: Ibar, Elisua, Elpelet,\\n7 Nogah, Nepek, Japia,\\n8 Elisama, Eliada, enggau Elipelet.\\n9 Nambahka bala sida nya, David mega bisi anak lelaki ke diadaka bala indu simpan iya. Iya mega bisi siku anak indu benama Tamar.\\nPeturun Raja Solomon\\n10 Tu ripih peturun Raja Solomon, ari apai ngagai anak: Solomon, Rehoboam, Abijah, Asa, Jehosapat,\\n11 Jehoram, Ahasiah, Joas,\\n12 Amasiah, Usiah, Jotam,\\n13 Ahas, Hesekiah, Manasi,\\n14 Amon, enggau Josiah.\\n15 Josiah bisi empat iku anak lelaki: Johanan, Jehoiakim, Sedekiah, enggau Joahas.\\n16 Jehoiakim bisi dua iku anak lelaki: Jehoiakin, enggau Sedekiah.\\nPeturun Raja Jehoiakin\\n17 Tu peturun Raja Jehoiakin, iya nya raja ti udah ditabanka orang Babilon nyadi orang tangkap. Jehoiakin bisi tujuh iku anak lelaki: Sealtiel,\\n18 Malkiram, Pedaiah, Senesar, Jekamiah, Hosama, enggau Nedabiah.\\n19 Pedaiah bisi dua iku anak lelaki: Serubabel enggau Simei. Serubabel bisi dua iku anak lelaki, Mesulam enggau Hananiah, enggau siku anak indu ke benama Selomit.\\n20 Iya bisi lima iku agi anak lelaki: Hasubah, Ohel, Berekiah, Hasadiah, enggau Jusap Heset.\\n21 Hananiah bisi dua iku anak lelaki: Lepatiah seduai Jesaiah. Jesaiah nya apai Repahai. Repaiah nya apai Arnan, Arnan apai Obadiah, Obadiah apai Sekaniah.\\n22 Sekaniah bisi siku anak lelaki benama Semaiah, enggau lima iku uchu lelaki: Hatus, Igal, Bariah, Niriah, enggau Sapat.\\n23 Niriah bisi tiga iku anak lelaki: Elioenai, Hiskiah, enggau Asrikam.\\n24 Elioenai bisi tujuh iku anak lelaki: Hodabiah, Eliasip, Pelaiah, Akup, Johanan, Delaiah, enggau Anani.\\n1 Tu nama sekeda peturun Judah: Peres, Hesron, Karmi, Hur, enggau Sobal.\\n2 Sobal nya apai Reaiah, ti nyadi apai Jahat, Jahat nyadi apai Ahumai seduai Lahat, iya nyadi aki ini orang ke diau di Sorah.\\n3-4 Hur nya anak tuai bini Kalep ke benama Eprat, lalu peturun Hur nya orang ke nirika nengeri Betlehem. Hur bisi tiga iku anak lelaki: Etam, Penuel, enggau Eser. Etam bisi tiga iku anak lelaki: Jesril, Isma, enggau Itbas, enggau siku anak indu benama Haseleponi. Penuel nirika nengeri Gedor, lalu Eser nirika nengeri Husah.\\n5 Asur, orang ke nirika nengeri Tekoa, bisi dua iku bini: Helah seduai Narah.\\n6 Asur seduai Narah bisi empat iku anak lelaki: Ahusam, Heper, Temeni, enggau Hahastari.\\n7 Asur seduai Helah bisi tiga iku anak lelaki: Seret, Isar, enggau Etnan.\\n8 Kos nya apai Anup seduai Sobebah, lalu iya nyadi aki ini ke raban peturun ti diturunka Aharhel anak Harum.\\n9 Bisi orang siku benama Jabes, ke balat dibasa orang. Indai iya udah meri iya nama Jabes, laban iya mar ada.\\n10 Tang Jabes besampi ngagai Allah Taala ke disembah orang Israel. Ku iya, “Berekatka aku, Allah Taala, lalu beri aku mayuh tanah. Diau enggau aku, lalu jaga aku ari semua utai ti jai, ti tau ngemediska aku.” Lalu Allah Taala meri iya utai ti dipinta iya.\\nRipih Ruang Bilik Ti Bukai\\n11 Kalep, menyadi Suhah, bisi siku anak lelaki. Nama iya Mehir. Mehir nya apai Eston.\\n12 Eston bisi tiga iku anak lelaki: Betrapa, Pasih, enggau Tehinah. Tehinah nya orang ke nirika nengeri Nahas. Bala peturun orang tiga iku tu diau di Rekah.\\n13 Kenas bisi dua iku anak lelaki: Otnil enggau Seraiah. Otnil mega bisi dua iku anak lelaki: Hatat enggau Meonotai.\\n14 Meonotai nya apai Oprah. Seraiah nya apai Joap, lalu Joap nya apai Geharasim alai semua orang ke landik begagaka utai diau.\\n15 Kalep anak Jepuneh bisi tiga iku anak lelaki: Iru, Elah, enggau Naam. Elah nya apai Kenas.\\n16 Jehalelel bisi empat iku anak lelaki: Sip, Sipah, Tiria, enggau Asarel.\\n17-18 Esrah bisi empat iku anak lelaki: Jeter, Meret, Eper, enggau Jalon. Meret jadi enggau Bitiah anak indu raja menua Ejip, lalu seduai iya bisi siku anak indu benama Miriam, enggau dua iku anak lelaki, Samai enggau Isbah. Isbah nirika nengeri Estemoa. Meret mega jadi enggau siku indu ari raban bansa Judah, lalu seduai iya bisi tiga iku anak lelaki: Jeret, ke nirika nengeri Gedor, Heber ke nirika nengeri Soko, enggau Jekutil ke nirika nengeri Sanoah.\\n19 Hodiah jadi enggau menyadi indu Naham. Peturun seduai nya nurunka raban peturun Gam, ti diau di nengeri Keilah, enggau raban bansa Makat ti diau di nengeri Estemoa.\\n20 Simon bisi empat iku anak lelaki: Amnon, Rinah, Benhanan, enggau Tilon. Ishi bisi dua iku anak lelaki: Sohet enggau Bensohet.\\n21 Selah nya siku ari bala anak lelaki Judah. Peturun iya nyengkaum Er, ke nirika nengeri Lekah, Ladah ke nirika nengeri Maresah, raban peturun orang ke diau di nengeri Bet Asbea, ti landik nenun kain linin;\\n22 Jokim enggau orang ke diau di nengeri Koseba, enggau Joas seduai Sarap ke jadi enggau indu orang Moap, lalu udah nya ngentapka diri di Betlehem. (Tu endang jerita lama.)\\n23 Sida nya tukang periuk ke bekereja ke raja, lalu diau di nengeri Netaim enggau nengeri Gederah.\\n24 Simeon bisi lima iku anak lelaki: Nemuel, Jamin, Jarip, Serah, enggau Saul.\\n25 Nama anak lelaki Saul nya Salum. Nama uchu iya Mibsam, lalu nama ichit iya Misma.\\n26 Misma nurunka Hamuel, Sakur, enggau Simei.\\n27 Simei bisi enam belas iku anak lelaki enggau enam iku anak indu, tang kaban belayan iya nadai mayuh anak, lalu raban bansa Simeon enda mayuh tubuh baka raban bansa Judah.\\n28 Bala peturun Simeon, nyentuk ngagai maya Raja David, diau di nengeri Beer-seba, Moladah, Hasar-sual,\\n29 Bilhah, Esem, Tolat,\\n30 Betuel, Hormah, Siklak,\\n31 Bet-markabot, Hasasusim, Betbiri, enggau Saraim.\\n32 Sida mega diau ba lima bengkah endur bukai: Etam, Ain, Rimon, Token, enggau Asan,\\n33 enggau genturung pendiau ti ngelingi nya dia, nyentuk ngagai nengeri Baalat ti tunga ke selatan-barat. Tu meh cherita ti udah disimpan sida pasal ruang bilik sida, enggau nama menua ti nyadi endur alai sida diau.\\n34-38 Tu nama orang ke nyadi tuai peturun sida: Mesobap, Jamlek, Josah anak Amasiah, Joel, Jehu (anak Josibiah, uchu Seraiah, ichit Asil), Elioenai, Jakobah, Jesohaiah, Asaiah, Adil, Jesimil, Benaiah, Sisa (anak Sipi, uchu Alon, ti peturun Jedaiah, Simri, enggau Semaiah). Laban ruang bilik sida majak mayuh tubuh,\\n39 sida lalu ngelekai tunga ke barat, nyau deka nyentuk ngagai Gerar lalu nginang jelu bedus ba tebing timur lebak nya, alai nengeri nya ti bediri.\\n40 Sida bisi tetemuka tanah ti ami dia, ba menua ti nadai orang nguan, ti nadai pengachau. Orang ke nguan menua nya dulu ari sida nya orang peturun Ham.\\n41 Lebuh maya Raja Hesekiah megai perintah di menua Judah, orang ke udah disebut nama di atas dia tadi mansang ngagai Gerar lalu ngerusak langkau kain enggau langkau orang ke diau dia. Sida muru orang ari endur nya, lalu sida ngentapka diri dia, laban menua nya mayuh rumput ke jelu bedus sida.\\n42 Lima ratus agi bala ari raban bansa Simeon mansang tunga ke timur ngagai menua Edom. Sida iya diuluka bala anak Ishi: Pelatiah, Neariah, Repaiah, enggau Usil.\\n43 Dia sida lalu munuh bala orang Amalek ti agi idup, lalu sida diau dia nyentuk ngagai diatu.\\n1 Tu nama bala peturun Reuben anak tuai Jakop. (Laban iya udah beleman enggau siku ari indu simpan apai iya, iya udah ngelenyauka hak nyadi anak tuai, lalu hak nya diberi ngagai Josep.\\n2 Tang raban bansa Judah nyadi raban bansa ti pemadu kering, lalu orang ke nyadi pemerintah ke semua orang Israel datai ari raban bansa Judah.)\\n3 Reuben, anak tuai Jakop, bisi empat iku anak lelaki: Hanok, Palu, Hesron, enggau Karmi.\\n4-6 Tu nama peturun Joel ari serak siti ngagai serak siti: Semaiah, Gok, Simei, Mikah, Reaiah, Baal, enggau Birah. Raja besai menua Asiria ke benama Tiglat Pileser nangkap Birah, ti nyadi tuai raban bansa nya, lalu muai iya ari menua nya\\n7 Cherita pasal ruang bilik bisi nyebut bala tuai peturun ari raban bansa Reuben baka tu: Jeil, Sekariah,\\n8 enggau Bela, anak Asas, uchu Sema, ari raban peturun Joel. Bala raban bansa tu diau di Aroer, enggau di menua ti berengkah ari endur nya nyentuk ngagai Nebo enggau Baal-meon di utara.\\n9 Raban jelu sida nyau mayuh amat di menua Giliat. Nya alai sida nguan menua tunga ke timur nyentuk ngagai menua puang, ti mungkur nyentuk ngagai Sungai Eupratis.\\n10 Lebuh maya Raja Saul, orang ari raban bansa Reuben nyerang orang Hagri, munuh sida, lalu nguan menua orang nya di timur menua Giliat.\\n11 Raban bansa Gat diau tunga ke utara raban bansa Reuben, di menua Basan, nyentuk ngagai Salekah di timur.\\n12 Orang ke nyadi tuai ke raban peturun tu nya Joel, lalu tuai ke raban peturun ke lumur dua nya Sapam. Janai enggau Sapat nyadi tuai ke raban peturun ti bukai di Basan.\\n13 Orang bukai dalam raban bansa Gat nya orang ari suku raban bansa Mikael, Mesulam, Sheba, Jorai, Jakan, Sia, enggau Eber.\\n14 Sida tu peturun Abihail anak Huri. Baka tu ku ripih orang ke nurunka Abihail: Abihail, Huri, Jaroah, Giliat, Mikael, Jeshisai, Jahdo, Bus.\\n15 Ahi anak Abdil, uchu Guni, nyadi tuai ke suku raban bansa tu.\\n16 Sida diau dalam nengeri di menua Basan enggau di menua Giliat, enggau ba sebelah padang rumput di Saron.\\n17 (Cherita tu ditulis lebuh maya Raja Jotam megai perintah di menua Judah, enggau maya Jeroboam Ti Kedua megai perintah di menua Israel.)\\nBala Soldadu Raban Bansa Ke Di Timur Sungai Jordan\\n18 Pemayuh soldadu dalam raban bansa Reuben, Gat enggau Manasi Timur nya 44,760 iku. Semua sida tu udah chukup dilatih magang ba chara ngena terabai, pedang, enggau panah.\\n19 Sida mansang nyerang raban bansa Hagri di Jetur, Napis, enggau Nodap.\\n20 Sida manggaika pengarap sida ba Allah Taala, lalu besampi ngagai Iya minta Iya nulung sida. Allah Taala lalu nyaut sampi sida, lalu ari saup Iya sida ulih ngalahka orang Hagri enggau orang ke setanah enggau orang Hagri.\\n21 Sida ngerampas ari munsuh 50,000 iku jelu unta, 250,000 iku jelu bedus, enggau 2,000 iku keledai, sereta nangkap 100,000 iku soldadu munsuh.\\n22 Sida munuh bala munsuh, laban perang nya endang ari peneka Allah Taala. Lalu sida majak diau di menua nya nyentuk ngagai maya sida dibuai ngagai menua bukai.\\nOrang Raban Bansa Manasi Timur\\n23 Raban bansa Manasi Timur ngentapka diri di menua Basan nyentuk ngagai Baal Hermon, Senir, Bukit Hermon di utara. Lalu bala sida jampat mayuh tubuh.\\n24 Tu nama tuai suku raban bansa sida: Eper, Ishi, Elil, Asril, Jeremiah, Hadobiah, enggau Jahdil. Semua sida tu soldadu ti tebilang nama magang, sereta nyadi tuai suku raban bansa ti dikelala orang.\\nRaban Bansa Di Timur Ke Dibuai Ari Menua Sida\\n25 Tang orang Israel enda tetap ati ngagai Allah Taala aki ini sida, lalu sida ninggalka Iya, lalu nyembah petara bansa orang ke udah diburu Allah Taala ari menua nya.\\n26 Nya alai, Allah Taala lalu ngasuh Raja Besai Pul ari menua Asiria (mega dikumbai Tiglat Pileser) nyerang menua sida. Iya muai raban bansa Reuben, Gat, enggau Manasi Timur ari menua sida, lalu ngasuh sida ngentapka diri belama iya di Halah, Habor, enggau di Hara, enggau semak Sungai Gosan.\\nPeturun Imam Besai Lewi\\n1 Lewi bisi tiga iku anak lelaki: Gerson, Kohat, enggau Merari.\\n2 Kohat bisi empat iku anak lelaki: Amram, Isar, Hebron, enggau Usil.\\n3 Amram bisi dua iku anak lelaki: Aron seduai Moses, enggau anak indu siku ke benama Miriam. Aron bisi empat iku anak lelaki: Nadap, Abihu, Eleasar, enggau Itamar.\\n4 Peturun Eleasar nya baka tu: Pinehas, Abisua,\\n5 Buki, Usi,\\n6 Serahiah, Meraiot,\\n7 Amariah, Ahitup,\\n8 Sadok, Ahimas,\\n9 Asariah, Johanan,\\n10 Asariah (orang ke bekereja dalam Rumah Sembiang ti udah digaga Raja Solomon di Jerusalem),\\n11 Amariah, Ahitup,\\n12 Sadok, Salum,\\n13 Hilkiah, Asariah,\\n14 Seraiah, Jehosadak.\\n15 Nyadi Raja Nebukadnesar muai Jehosadak ari menua nya ngagai menua bukai, sama enggau orang bukai di menua Judah, enggau di Jerusalem, ti udah diasuh TUHAN kena buai ngagai menua bukai.\\nPeturun Lewi Ti Bukai\\n16 Lewi bisi tiga iku anak lelaki: Gerson, Kohat, enggau Merari.\\n17 Genap iku sida nya bisi anak lelaki magang. Gerson nya apai Libni seduai Simei.\\n18 Kohat nya apai Amram, Isar, Hebron, enggau Usil.\\n19 Lalu Merari nya apai Mahli seduai Musi.\\n20 Peturun Gerson nya suku raban bansa: Libni, Jahat, Simah,\\n21 Joah, Ido, Serah, Jiterai.\\n22 Peturun Kohat nya: Aminadap, Korah, Asir,\\n23 Elkanah, Ebiasap, Asir,\\n24 Tahat, Uril, Usiah, Saul.\\n25 Elkanah bisi dua iku anak lelaki: Amasai seduai Ahimot.\\n26 Peturun Ahimot nya: Elkanah, Sopai, Nahat,\\n27 Eliap, Jehoram, Elkanah.\\n28 Samuel bisi dua iku anak lelaki: Joel, ke tuai agi, enggau adi iya Abijah.\\n29 Peturun Merari nya: Mali, Libni, Simei, Usah,\\n30 Simea, Hagiah, Asaiah.\\nBala Orang Ke Nebah Musik Dalam Rumah Sembiang\\n31 Tu nama orang ke udah diletak Raja David nyadi tuai nebah musik ba endur alai besembiang di Jerusalem, udah bekau Peti Lampang Batu Adat nya dipindahka ngagai endur nya.\\n32 Sida begintir-gintir bekereja dalam Langkau Kain TUHAN lebuh Raja Solomon apin ngaga Rumah Sembiang.\\n33 Tu bagi peturun orang ke megai pengawa nya: Raban peturun Kohat: Heman anak Joel, ti nyadi kepala koir ti terubah. Purih sida endang beduduk ari Jakop, baka tu: Heman, Joel, Samuel,\\n34 Elkanah, Jeroham, Elil, Toah,\\n35 Sup, Elkanah, Mahat, Amasai,\\n36 Elkanah, Joel, Asariah, Sepaniah,\\n37 Tahat, Asir, Ebiasap, Korah,\\n38 Isar, Kohat, Lewi, Jakop.\\n39 Asap nyadi kepala koir ti kedua. Purih iya beduduk ari Lewi, baka tu: Asap, Berekiah, Simea,\\n40 Mikael, Baseiah, Malkijah,\\n41 Etni, Serah, Adaiah,\\n42 Etan, Simah, Simei,\\n43 Jahat, Gerson, Lewi.\\n44 Etan ari raban peturun Merari nyadi kepala koir ti ketiga. Iya peturun ari Lewi, baka tu: Etan, Kishi, Abdi, Maluk,\\n45 Hasabiah, Amasiah, Hilkiah,\\n46 Amsi, Bani, Semer,\\n47 Mahli, Musi, Merari, Lewi.\\n48 Orang peturun Lewi ti bukai udah diberi semua pengawa ti bukai ba endur alai besembiang nya.\\n49 Aron enggau peturun iya ngenjuk piring menyan enggau ngenjuk piring tunu ba alta. Sida betanggungjawapka semua pengawa besembah dalam Endur ti Pemadu Kudus, enggau betanggungjawapka piring pengampun dosa orang Israel. Sida ngereja semua pengawa nya nitihka atur ti udah diberi Moses, ke nembiak Allah Taala.\\n50 Tu tusun peturun Aron: Eleasar, Pinehas, Abisua,\\n51 Buki, Usi, Serahiah,\\n52 Meraiot, Amariah, Ahitup,\\n53 Sadok, Ahimas.\\nEndur Alai Orang Lewi Diau\\n54 Tu menua ti udah diberi ngagai raban peturun Kohat ke ari peturun Aron. Sida udah nerima ungkup ti terubah ari menua ti diberi ngagai orang Lewi.\\n55 Menua nya nyengkaum Hebron di menua Judah, enggau padang rumput ti ngelingi nengeri nya.\\n56 Tang tanah umai enggau genturung pendiau ti diempu nengeri nya udah diberi ngagai Kalep anak Jepuneh.\\n57-59 Tu nama nengeri ti udah diberi ngagai peturun Aron: Hebron, sebuah nengeri alai ngerarika diri, Jatir, enggau nengeri ti mit ke benama Libnah, Estemoa, Hilen, Debir, Asan, Bet-semes, enggau padang rumput sida.\\n60 Tu nama nengeri, sama enggau padang rumput, ti udah diberi ngagai sida dalam menua Benjamin: Geba, Alemet, enggau Anatot. Reti nya, sida bisi tiga belas buah nengeri alai semua ruang bilik sida tau diau.\\n61 Di menua Manasi Barat, semua ruang bilik raban peturun Kohat ti bukai, udah diberi sepuluh buah nengeri, ngena chara bechabut undi.\\n62 Ruang bilik raban peturun Gerson udah diberi tiga belas buah nengeri di menua Isakar, Aser, Naptali, enggau Manasi Timur di menua Basan.\\n63 Baka nya mega, dua belas buah nengeri di menua Reuben, Gat, enggau Sebulun udah diberi ngagai ruang bilik raban peturun Merari.\\n64 Nya meh chara orang Israel meri nengeri alai orang Lewi diau, sama enggau padang rumput ti ngelingi nengeri nya.\\n65 (Nengeri ti dalam menua Judah, Simeon, enggau Benjamin ti udah disebut di atas dia tadi, diberi ngagai sida ngena chara bechabut undi.)\\n66 Sekeda ruang bilik raban peturun Kohat ti udah diberi nengeri enggau padang rumput di menua Epraim nya baka tu:\\n67 Sekem, iya nya sebuah nengeri alai ngerarika diri di menua ti bebukit di menua Epraim, Geser,\\n68 Jokmin, Bet-horon,\\n69 Aijalon, enggau Gat-rimon.\\n70 Di menua Manasi Barat, sida udah diberi nengeri Aner enggau Bilim, sama enggau padang rumput ti ngelingi nengeri nya.\\n71 Tu nama nengeri, enggau padang rumput sida ke udah diberi ngagai ruang bilik raban peturun Gerson: Di menua Manasi Timur: Golan di menua Basan, enggau Astarot.\\n72 Di menua Isakar: Kedes, Daberat,\\n73 Ramot, enggau Anem.\\n74 Di menua Aser: Masal, Apdon,\\n75 Hukok, enggau Rehob.\\n76 Di menua Naptali: Kedes di Galili, Hamon, enggau Kiriataim.\\n77 Tu nama nengeri, sama enggau padang rumput sida ke udah diberi ngagai ruang bilik ti bukai ari raban peturun Merari: Di menua Sebulun: Rimono enggau Tabor.\\n78 Di menua Reuben, ti di timur Sungai Jordan, ngilah Jeriko: Beser ba emperan ti ba atas bukit, Jasah,\\n79 Kedemot, enggau Mepat.\\n80 Di menua Gat: Ramot-giliat, Mahanaim,\\n81 Hesbon, enggau Jaser.\\n1 Isakar bisi empat iku anak lelaki: Tola, Puah, Jasup, enggau Simron.\\n2 Tola bisi enam iku anak lelaki: Usi, Repaiah, Jeril, Jamai, Ipsam, enggau Shemuel. Sida tu tuai bilik ke raban peturun Tola, lalu sida nya soldadu ti tebilang nama. Lebuh maya Raja David menya, pemayuh peturun sida bisi 22,600 iku.\\n3 Usi bisi siku anak lelaki ke benama Israiah. Israiah enggau empat iku anak lelaki iya, Mikael, Obadiah, Joel, enggau Issiah, nyadi tuai bilik magang.\\n4 Sida mayuh amat bini enggau anak, datai ke peturun sida ulih nyerahka 36,000 iku orang nyadi soldadu.\\n5 Nitihka nama ti udah ditulis, ruang bilik ari raban bansa Isakar bisi 87,000 iku lelaki ti tau enggau beperang.\\nPeturun Benjamin Enggau Dan\\n6 Benjamin bisi tiga iku anak lelaki: Bela, Beker, enggau Jediael.\\n7 Bela bisi lima iku anak lelaki: Esbon, Usi, Usil, Jerimot, enggau Iri. Sida nya nyadi tuai bilik dalam raban peturun nya, lalu sida nya soldadu ti tebilang nama magang. Peturun sida nyengkaum 22,034 iku lelaki ti tau enggau beperang.\\n8 Beker bisi semilan iku anak lelaki: Semirah, Joas, Elieser, Elioenai, Omri, Jerimot, Abijah, Anatot, enggau Alemet.\\n9 Nitihka ripih nama orang ke dalam ruang bilik peturun sida, sida bisi 20,200 iku lelaki ti tau enggau beperang.\\n10 Jediael bisi siku anak lelaki ke benama Bilhan. Bilhan bisi tujuh iku anak lelaki: Jeus, Benjamin, Ehut, Kenanah, Setan, Tarsis, enggau Ahisahar.\\n11 Sida tu nyadi tuai bilik dalam raban peturun nya, lalu sida tu orang ke tebilang nama nyadi soldadu. Peturun sida nyengkaum 17,200 iku lelaki ti tau enggau beperang.\\n12 Supim enggau Hupim nya anak Ir; lalu Husim nya anak Aher.\\n13 Naptali bisi empat iku anak lelaki: Jahsil, Guni, Jeser, enggau Salum. Sida tu peturun Bilhah. Peturun Manasi\\n14 Manasi bisi dua iku anak lelaki ari indu simpan iya ti bansa orang Aram. Nama anak lelaki iya: Asril enggau Makir. Makir nya apai Giliat.\\n15 Makir lalu ngiga bini ke Hupim, enggau siku ke Supim. Nama menyadi indu Makir nya Maakah. Anak lelaki Makir ke lumur dua nya Selopehat, lalu Selopehat semina bisi anak indu.\\n16 Maakah, iya nya bini Makir, ngadaka dua iku anak lelaki, ke diberi seduai iya nama Peres enggau Seres. Peres bisi dua iku anak lelaki benama Ulam enggau Takem.\\n17 Ulam bisi siku anak lelaki benama Bedan. Nya meh peturun Giliat anak Makir, uchu Manasi.\\n18 Menyadi indu Giliat ke benama Hamoleket bisi tiga iku anak lelaki: Isot, Abieser, enggau Mahlah. (\\n19 Semida bisi empat iku anak lelaki: Ahian, Sekem, Liki, enggau Aniam.)\\n20 Baka tu ku peturun Epraim ari serak siti ngagai serak siti: Sutelah, Beret, Tahat, Eleadah, Tahat,\\n21 Sabat, Sutelah. Epraim bisi anak lelaki ti bukai kelimpah ari Sutelah: Eser enggau Eleat, ke kena bunuh lebuh seduai iya nguji ngenchuri jelu tupi orang asal ti diau di Gat.\\n22 Apai seduai iya Epraim ngulitka seduai iya lama amat, lalu bala kaban belayan iya datai merindang iya.\\n23 Udah nya iya beleman enggau bini iya baru. Bini iya ngandung lalu ngadaka anak lelaki siku. Seduai iya meri iya nama Beriah, ketegal penusah ti udah ninggang ruang bilik seduai iya.\\n24 Epraim bisi siku anak indu benama Serah. Anak indu iya tu nirika nengeri Bet-horon Ulu enggau Bet-horon Ili, enggau Usen Serah.\\n25 Epraim mega bisi siku anak lelaki benama Repah, ke nurunka Resep, Telah, Tahan\\n26 Ladan, Amihut, Elisama,\\n27 Nun, Josua.\\n28 Menua ti udah dialahka sida, lalu diuan sida nyengkaum Betel enggau nengeri ti mit ti ngelingi Betel, nyentuk ngagai Naran di timur, enggau ngagai Geser di barat enggau nengeri ti mit ngelingi Geser. Menua ti udah dialahka sida mega nyengkaum nengeri Sekem enggau Ayah, enggau nengeri ti mit ti ngelingi semua nengeri nya.\\n29 Peturun Manasi megai nengeri Bet-san, Taanak, Megido, enggau Dor, enggau nengeri ti mit ti ngelingi semua nengeri nya. Semua nengeri tu nyadi endur alai bala peturun Josep anak Jakop diau.\\n30 Tu bala peturun Aser. Iya bisi empat iku anak lelaki: Imnah, Isbah, Isbi, enggau Beriah, enggau siku anak indu benama Serah.\\n31 Beriah bisi dua iku anak lelaki: Heber enggau Malkil. (Malkil nirika nengeri Birsait.)\\n32 Heber bisi tiga iku anak lelaki: Japlet, Somer, enggau Hotam, enggau siku anak indu benama Sua.\\n33 Japlet mega bisi tiga iku anak lelaki: Pasak, Bimhal, enggau Asbat.\\n34 Menyadi lelaki iya ke benama Somer bisi tiga iku anak lelaki: Rohgah, Jehubah, enggau Aram.\\n35 Menyadi lelaki iya ke benama Hotam bisi empat iku anak lelaki: Sopah, Imna, Seles, enggau Amal.\\n36 Peturun Sopah nya Suah, Harneper, Sual, Beri, Imrah,\\n37 Beser, Hot, Sama, Silsah, Itran, enggau Bera.\\n38 Peturun Jeter nya Jepuneh, Pispa, enggau Ara,\\n39 lalu peturun Ula nya Arah, Hanil, enggau Risia.\\n40 Semua sida tu peturun Aser magang. Sida nya tuai bilik, orang ke tebilang nama nyadi soldadu, landik nyadi tuai. Peturun Aser bisi 26,000 iku lelaki ti tau enggau beperang.\\n1 Benjamin bisi lima iku anak lelaki: Bela, ke anak tuai iya, ditangkanka Asbel, Aharah,\\n2 Nohah, enggau Rapa.\\n3 Peturun Bela nya Adar, Gera, Abihut,\\n4 Abisua, Naaman, Ahoah,\\n5 Gera, Sepupan, enggau Huram.\\n6-7 Peturun Ehut nya Naaman, Ahijah, enggau Gera. Sida nya tuai bilik ti diau di Geba, tang sida diburu ari nengeri nya lalu diau di Manahat. Gera apai Usa seduai Ahihut, nya orang ke nguluka sida pindah.\\n8-9 Saharaim muai bini iya Husim seduai Bara. Udah bekau nya, lebuh iya diau di menua Moap, iya lalu jadi enggau Hodes lalu bisi tujuh iku anak lelaki: Jobap, Sibia, Mesa, Malkam,\\n10 Jeus, Sakia, enggau Mirmah. Semua anak lelaki iya nyadi tuai bilik magang.\\n11 Iya mega bisi dua iku anak lelaki ke diadaka Husim. Nama seduai nya Ahitup enggau Elpal.\\n12 Elpal bisi tiga iku anak lelaki: Eber, Misam, enggau Semet. Semet nya meh orang ke nirika nengeri Ono enggau Lod, enggau genturung pendiau ti ngelingi nya dia.\\nOrang Benjamin Di Gat Enggau Di Aijalon\\n13 Beriah enggau Sema nya tuai bilik ke ngentapka diri di nengeri Aijalon, lalu muru orang ke diau di nengeri Gat.\\n14 Peturun Beriah nyengkaum Ahio, Sasak, Jerimot,\\n15 Sebadiah, Arat, Eder,\\n16 Mikael, Ispah, enggau Joha.\\nOrang Benjamin Di Jerusalem\\n17 Peturun Elpal nyengkaum Sebadiah, Mesulam, Hiski, Heber,\\n18 Ismerai, Isliah, enggau Jobap.\\n19 Peturun Simei nyengkaum Jakim, Sikri, Sapdi,\\n20 Elienai, Siletai, Eliel,\\n21 Adaiah, Beraiah, enggau Simrat.\\n22 Peturun Sasak nyengkaum Ispan, Eber, Elil,\\n23 Apdon, Sikri, Hanan,\\n24 Hananiah. Elam, Antotijah,\\n25 Ipdiah, enggau Penuel.\\n26 Peturun Jehoram nyengkaum: Samserai, Sehariah, Ataliah,\\n27 Jarasiah, Elijah, enggau Sikri.\\n28 Tu meh bala orang ke nyadi tuai bilik, enggau bala peturun sida ke diau di Jerusalem.\\nOrang Benjamin Di Gibeon Enggau Di Jerusalem\\n29 Jeil nirika nengeri Gibeon, lalu ngentapka diri dia. Bini iya benama Maakah,\\n30 lalu anak lelaki iya ke tuai nya Abdon. Bala anak lelaki iya ti bukai nya Sur, Kis, Baal, Ner, Nadap,\\n31 Gedor, Ahio, Sekariah,\\n32 enggau Miklot, apai Simeah. Peturun sida di Jerusalem diau semak ruang bilik orang bukai ke ari raban peturun sida.\\nRuang Bilik Raja Saul\\n33 Ner nya apai Kis, lalu Kis nya apai Raja Saul. Saul bisi empat iku anak lelaki: Jonatan, Malkisua, Abinadap, enggau Esbaal.\\n34 Jonatan nya apai Meribaal, lalu Meribaal nya apai Mikah.\\n35 Mikah bisi empat iku anak lelaki: Piton, Melek, Tarea, enggau Ahas.\\n36 Ahas nya apai Jehoadah. Jehoadah bisi tiga iku anak lelaki: Alemet, Asmabet, enggau Simri. Simri nya apai Mosa,\\n37 Mosa nya apai Binea, Binea apai Rapah, Rapah apai Eleasah, lalu Eleasah nya apai Asel.\\n38 Asel bisi enam iku anak lelaki: Asrikam, Bokeru, Ismail, Seariah, Obadiah, enggau Hanan.\\n39 Menyadi lelaki Asel ke benama Esek bisi tiga iku anak lelaki: Ulam, Jeus, enggau Elipelet.\\n40 Bala anak lelaki Ulam nyadi soldadu lalu tebilang nama, sereta landik nimbakka panah. Pemayuh bala anak lelaki enggau uchu Ulam nya seratus lima puluh iku. Semua orang ke disebut nama di atas dia tadi nya datai ari raban bansa Benjamin magang.\\nOrang Tangkap Pulai Ngagai Menua Diri\\n1 Nama semua orang Israel dituliska magang nitihka ruang bilik sida, lalu nama sida tu bisi ditulis dalam Bup Raja Menua Israel. Orang Judah udah dibuai ngagai menua Babilon kena ngukum sida, ketegal sida udah bedosa.\\n2 Orang ke terubah pulai ngagai tanah sida empu dalam mayuh bengkah nengeri nyengkaum bala orang Israel, bala imam, bala orang Lewi, enggau bala orang ke bekereja dalam Rumah Sembiang.\\n3 Raban bansa Judah, Benjamin, Epraim, enggau Manasi lalu diau di Jerusalem.\\n4-6 Pemayuh ruang bilik ari raban bansa Judah ti diau di Jerusalem nya 690. Bala peturun anak lelaki Judah ke benama Peres ngasuh Utai anak Amihut, uchu Omri nyadi tuai sida. Bala aki ini iya ti bukai nyengkaum Imri enggau Bani. Bala peturun anak lelaki Judah ke benama Selah ngasuh Asaiah nyadi tuai sida, lalu iya mega nyadi tuai ke ruang bilik iya empu. Bala peturun anak lelaki Judah ke benama Serah ngasuh Jeuel nyadi tuai sida.\\n7-8 Tu nama orang ari raban bansa Benjamin ti diau di Jerusalem: Salu anak Mesulam, uchu Hodabiah, ichit Hasenuah, Ibneah anak Jeroham, Elah anak Usi, uchu Mikri, Mesulam anak Sepatiah, uchu Reuel, ichit Ibnijah\\n9 Pemayuh ruang bilik ari raban tu ti diau di Jerusalem nya 956. Semua lelaki ti udah disebut nama di atas dia tadi nyadi tuai ruang bilik magang. Bala Imam Ke Diau Di Jerusalem\\n10-12 Tu nama sida imam ti diau di Jerusalem: Jedaiah, Jehoiarip, enggau Jachin. Asariah anak Hilkiah (pemesai ti nyadi tuai dalam Rumah Sembiang). Aki ini iya nyengkaum Mesulam, Sadok, Meraiot, enggau Ahitup. Adaiah anak Jeroham. Aki ini iya nyengkaum Pasur enggau Malkijah. Masai anak Adil. Aki ini iya nyengkaum Jahserah, Mesulam, Mesilemit, enggau Imer.\\n13 Pemayuh bala imam ti nyadi tuai bilik nya seribu tujuh ratus enam puluh iku. Sida tu orang ke landik ngereja semua pengawa dalam Rumah Sembiang.\\nOrang Lewi Ke Diau Di Jerusalem\\n14-16 Tu nama orang Lewi ti diau di Jerusalem: Semaiah anak Hasup. Aki ini iya nyengkaum Asrikam enggau Hasabiah, ari raban peturun Merari. Bakbakar, Heres, enggau Galal. Mataniah anak Mika. Aki ini iya nyengkaum Sikri enggau Asap. Obadiah anak Semaiah. Aki ini iya nyengkaum Galal enggau Jedutun. Berekiah anak Asa, uchu Elkanah, ti diau di menua ti diempu nengeri Netopah.\\nBala Orang Ke Diau Di Jerusalem Lalu Nyaga Rumah Sembiang\\n17 Tu nama orang ke nyaga Rumah Sembiang lalu diau di Jerusalem: Salum, Akup, Talmon, enggau Ahiman. Orang ke nyadi tuai sida nya Salum.\\n18 Nyentuk ngagai maya nya, raban peturun sida udah diasuh nyaga ba Pintu Raja ti muak ke timur. Dulu ari nya, sida udah diasuh jaga ba penama ngagai kem orang Lewi.\\n19 Salum anak Kore, uchu Ebiasap, enggau sida bukai ke sama datai ari raban peturun Korah, betanggungjawap nyaga penama ngagai Langkau Kain TUHAN, baka aki ini sida kelia lebuh sida agi ngintu kem TUHAN.\\n20 Pinehas anak Eleasar - awakka TUHAN nyaga iya! udah kala nyadi tuai sida suba.\\n21 Sekariah anak Meselemiah udah mega kala nyadi jejaga ba penama ngagai Langkau Kain TUHAN.\\n22 Pemayuh semua orang ke udah dipilih nyaga penama enggau pintu kuta nya 212 iku. Nama sida udah dituliska magang nitihka nama genturung pendiau ti alai sida diau. Aki ini sida udah diletak Raja David enggau nabi Samuel mangku pengawa nya.\\n23 Sida enggau peturun sida mengkang nyaga pintu Rumah Sembiang.\\n24 Siti ari pintu nya nunga ngagai utara, siti nunga ngagai selatan, siti ngagai timur lalu siti nunga ngagai barat, lalu tiap-tiap iti pintu nya endang bisi siku tuai jejaga.\\n25 Bala jejaga tu disaup kaban belayan sida ke diau ba sebelah genturung pendiau sida empu, lalu ngambi gintir diri nyaga pintu nya, tujuh hari sekali.\\n26 Orang ke nyadi tuai bala jejaga nya endang orang Lewi. Sida nya orang ke betanggungjawapka pengawa nya. Sida mega betanggungjawapka semua bilik dalam Rumah Sembiang, enggau ke semua utai ti ditaruh dia.\\n27 Sida diau semak Rumah Sembiang, laban sida betanggungjawap nyaga Rumah nya, sereta muka pintu nya tiap pagi.\\nOrang Lewi Ti Bukai\\n28 Orang Lewi ti bukai betanggungjawapka pekekas ti dikena besembah. Genap kali utai nya dikena, iya enda tau enda ditulis lebuh iya dibai ke luar, lalu dituliska mega lebuh iya dipulaika baru.\\n29 Sida ke bukai ngemataka pekekas kudus ti bukai, tepung, wain, minyak kana, menyan, enggau rempah.\\n30 Tang orang ke betanggungjawap ngerakit rempah nya bala imam.\\n31 Siku orang Lewi ke benama Matitiah, anak tuai Salum, ari raban peturun Korah, betanggungjawap nyendiaka pemeri ti dipanggang.\\n32 Raban raban peturun Kohat betanggungjawap nyendiaka roti ti kudus\\n33 Sekeda ruang bilik orang Lewi betanggungjawapka musik dalam Rumah Sembiang. Bala tuai bilik tu diau dalam sekeda rumah dalam Rumah Sembiang, lalu sida iya nadai diasuh ngereja pengawa bukai, laban sida enda tau enda seruran nganti diri dikangauka siang malam.\\n34 Orang ke disebut nama di atas dia tadi nya tuai bilik orang Lewi, nitihka peturun sida. Sida nya meh orang ke nyadi tuai ke orang ke diau di Jerusalem.\\nAki ini Enggau Peturun Raja Saul (1 Bansa Israel 8.29-38)\\n35 Jeiel nirika nengeri Gibeon lalu iya ngentapka diri dia. Nama bini iya Maakah.\\n36 Anak lelaki iya ke tuai benama Abdon, lalu anak lelaki iya ti bukai nya Sur, Kis, Baal, Ner, Nadap,\\n37 Gedor, Ahio, Sekariah, enggau Miklot\\n38 apai Simeah. Peturun sida nya diau di Jerusalem semak ruang bilik ti bukai ke ari raban peturun sida.\\n39 Ner nya apai Kis, lalu Kis nya apai Saul. Saul bisi empat iku anak lelaki: Jonatan, Malkisua, Abinadap, enggau Esbaal.\\n40 Jonatan nya apai Meribaal, lalu Meribaal nya apai Mikah.\\n41 Mikah bisi empat iku anak lelaki: Piton, Melek, Tarea, enggau Ahas.\\n42 Ahas nya apai Jarah, ti nyadi apai Alemet, Asmabet, enggau Simri. Simri nya apai Mosa,\\n43 Mosa apai Binea, Binea apai Repaiah, Repaiah apai Eleasah, lalu Eleasah nya apai Asel.\\n44 Asel bisi enam iku anak lelaki: Asrikam, Bokeru, Ismail, Seariah, Obadiah, enggau Hanan.\\nPemati Raja Saul (1 Samuel 31.1-13)\\n1 Orang Pilistin beperang ngelaban orang Israel ba Bukit Gilboa. Mayuh orang Israel mati ba endur nya, lalu sida ti bukai, nyengkaum Raja Saul enggau bala anak lelaki iya, rari.\\n2 Tang orang Pilistin ulih ngagai sida, lalu munuh anak lelaki Saul ke tiga iku, iya nya Jonatan, Abinadap, enggau Malkisua.\\n3 Balat amat orang belaban ngelingi Saul. Iya lalu kena laban laja munsuh, lalu balat amat bakal.\\n4 Ku iya bejaku enggau orang bujang siku ke mai senyata ke iya, “Sintak pedang nuan, lalu bunuh aku, ngambika orang Pilistin ke kapir nya enda ngayahka aku.” Tang orang bujang nya enda berani munuh Saul. Nya alai Saul nyintak pedang iya empu, lalu ngerejang diri ngena pedang nya.\\n5 Lebuh orang bujang nya meda Saul udah mati, iya lalu ngerejang diri ngena pedang iya empu, lalu mati.\\n6 Nya alai Saul enggau tiga iku anak lelaki iya sama mati, lalu nadai siku ari peturun iya bisi kala megai perintah udah lepas nya.\\n7 Lebuh orang Israel ti diau ba Lebak Jesril ninga berita bala soldadu udah rari, lalu Saul enggau bala anak lelaki iya udah mati, sida lalu ninggalka nengeri sida, lalu rari. Udah nya orang Pilistin datai lalu nguan nengeri nya.\\n8 Sehari udah bekau perang nya, orang Pilistin lalu ngerampas utai ari bangkai, lalu tetemuka bangkai Saul enggau bangkai anak lelaki iya garing-garing ba Bukit Gilboa.\\n9 Sida mumpung pala Saul, muka semua senyata ari tubuh iya, lalu ngasuh bala seruan mai utai nya ngagai serata menua Pilistin, madahka berita manah nya ngagai engkeramba enggau ngagai bansa sida empu.\\n10 Sida nyimpan senyata Saul dalam sebuah rumah sembiang sida, lalu ngantung pala iya dalam rumah sembiang petara Dagon.\\n11 Lebuh orang Jabes di Giliat ninga pasal utai ti udah dikereja orang Pilistin ngagai Saul,\\n12 lelaki ke pemadu berani mansang lalu ngambi bangkai Saul enggau bangkai sida anak lelaki iya, lalu mai sida ngagai Jabes, lalu nguburka sida dia di baruh sebatang kayu oak, lalu bepasa tujuh hari.\\n13 Saul mati laban iya enda tetap ati ngagai TUHAN. Iya enda ngasika pesan TUHAN. Iya nguji minta jaku lalau ari semengat orang ke udah mati,\\n14 ukai betanya ngagai TUHAN. Nya alai TUHAN munuh iya, lalu nyerahka perintah iya ngagai David anak Jesi.\\nDavid Nyadi Raja Menua Israel Enggau Menua Judah (2 Samuel 5.1-10)\\n1 Semua orang Israel mansang ngagai David di Hebron, lalu bejaku enggau iya, “Kami tu kaban belayan nuan.\\n2 Dulu menya, lebuh Saul agi nyadi raja kitai, nuan endang udah nguluka orang Israel beperang, lalu TUHAN Allah Taala nuan udah besemaya enggau nuan, madahka nuan deka nguluka bala nembiak Iya, lalu nyadi raja sida.”\\n3 Nya alai semua tuai bansa orang Israel mansang ngagai Raja David di Hebron. David ngaga siti sempekat ti kudus enggau sida. Sida nyiri iya nyadi raja menua Israel, nitihka jaku ti disebut TUHAN ngena Samuel.\\n4 Raja David enggau semua orang Israel mupuk lalu nyerang nengeri Jerusalem. Lebuh maya nya menya nengeri nya dikumbai Jebus. Nyadi orang Jebus, iya nya orang asal menua nya agi diau dia.\\n5 Orang Jebus madahka ngagai David, iya enda ulih tama ngagai nengeri nya. Tang David ngalahka kuta Sion sida, lalu kenyau ari nya nengeri nya dikumbai “Nengeri David.”\\n6 Ku David, “Orang ke terubah munuh orang Jebus deka nyadi kepala soldadu!” Joap - indai iya Seruiah - nguluka bala nyerang, lalu iya nyadi tuai soldadu.\\n7 Laban David diau dalam kuta nya, nya alai kuta nya dikumbai “Nengeri David.”\\n8 Iya ngaga nengeri nya baru, berengkah ba tanah tambun ti ba tisi bukit muak ke timur. Udah nya Joap lalu ngaduka endur bukai ba nengeri nya.\\n9 David mansang kering-sekering, laban TUHAN ti Pemadu Bekuasa bisi enggau iya.\\nBala Soldadu David Ke Tebilang Nama (2 Samuel 23.8-39)\\n10 Tu nama bala soldadu David ti tebilang nama. Bala sida tu, sama enggau orang Israel ti bukai, nyiri iya nyadi raja, munyi ti udah disemaya TUHAN, lalu ngasuh perintah iya kering.\\n11 Iya ti keterubah nya Jasobim ari raban peturun Hakmon. Iya tu nyadi tuai ke Orang Ti Tiga Iku. Iya ngelaban tiga ratus iku munsuh ngena sangkuh, lalu munuh semua sida dalam sekali betempuh.\\n12 Orang ke nangkanka iya ari sida tiga ti tebilang nama nya Eleasar anak Dodo, ari raban peturun Ahoh.\\n13 Iya enggau David ngelaban orang Pilistin lebuh sida betempuh ba Pas-damim. Iya agi benung ba umai barli lebuh orang Israel belabuh rari.\\n14 Nya alai iya enggau bala iya lalu nan ba umai nya, lalu ngelaban orang Pilistin. TUHAN ngasuh iya balat amat menang.\\n15 Nyadi sekali, tiga iku ari tiga puluh iku soldadu ti tebilang nama nya mansang ngagai batu alai David ti diau semak gua Adulam. Lebuh maya nya seraban soldadu orang Pilistin bepalan ba Lebak Repaim.\\n16 Lebuh maya nya David diau ba bukit ti bekuta, lalu seraban orang Pilistin udah ngalahka nengeri Betlehem.\\n17 David nyau lelengauka menua iya empu, lalu ku iya bejaku, “Naka meh pemanah enti sema orang bisi mai ai irup ngagai aku ari telaga ti semak pintu kuta di Betlehem!”\\n18 Tiga iku soldadu ti tebilang nya lalu angkat ngerenchah kem orang Pilistin, nyauk ai ari telaga nya, lalu mai ai nya ngagai David. Tang iya enggai ngirup ai nya, lalu iya nuang ai nya nyadika piring ti diberi ngagai TUHAN.\\n19 Ku iya, “Enggai nyadi aku ngirup ai tu, laban nya baka ke ngirup darah orang ke udah berambunka nyawa!” Nya alai iya enggai ngirup ai nya. Nya meh utai ti udah dikereja orang tiga iku ti tebilang nya tadi, ti udah ngayanka pemerani diri.\\n20 Menyadi Joap ke benama Abisai nya orang ke nyadi tuai ke Tiga Puluh Iku. Iya bamuk ngena sangkuh ngelaban tiga ratus iku munsuh, lalu munuh sida, lalu iya nyadi orang ke tebilang agi ari sida ke Tiga Puluh Iku.\\n21 Abisai nya orang ke pemadu tebilang ke semua sida ke Tiga Puluh Iku lalu iya nyadi tuai sida, tang iya kurang agi tebilang ari sida ke tiga iku.\\n22 Benaiah anak Jehoiada ari Kabsil nya soldadu ti tebilang. Iya suah ngereja utai ti ngayanka pemerani iya, nyengkaum munuh dua iku raja berani orang Moap. Nyadi sekali iya tama ngagai lubang kebung lebuh hari balat amat seleju, lalu munuh siku singa.\\n23 Iya mega munuh siku orang Ejip ke besai amat gamal, ti tinggi tujuh kaki setengah, ke besenyataka siti sangkuh ti besai bendar. Benaiah ngelaban iya ngena pemalu, ngerampas sangkuh nya ari jari orang Ejip nya, lalu munuh iya ngena sangkuh nya.\\n24 Nya meh utai ti dikereja Benaiah ti ngayanka pemerani iya. Iya tu siku ari sida ke Tiga Puluh Iku.\\n25 Iya tebilang agi ari sida ke “Tiga Puluh,” tang kurang agi tebilang ari sida ke “Tiga Iku.” David milih iya nyadi jejaga iya empu.\\n26-47 Tu nama bala soldadu ti bukai ti tebilang nama:\\nAsahel, menyadi lelaki Joap\\nElhanan anak Dodo, ari Betlehem\\nSamot ari Harot\\nHeles ari Pelet\\nIra anak Ikes ari Tekoa\\nAbieser ari Anatot\\nSibichai ari Husah\\nIlai ari Ahoh\\nMaharai ari Netopah\\nHelet anak Banah ari Netopah\\nItai anak Ribai ari Gibe-ah di menua Benjamin\\nBenaiah ari Piraton\\nHurai ari lebak ti semak Gas\\nAbil ari Arbah\\nAsmabet ari Baharum\\nEliaba ari Salbon\\nHasem Jonatan anak Sagi ari Harar\\nAhiam anak Sakar ari Harar\\nElipal anak Ur\\nHeper ari Mekerah\\nAhijah ari Pelon\\nHesro ari Karmel\\nNarai anak Esbai\\nJoel menyadi lelaki Natan\\nMiphar anak Hakri\\nSelek ari Amon\\nNaharai, orang ke mai senyata ke Joap, ari Berot\\nIra seduai Garep ari Jatir\\nUriah, orang Iti\\nSabat anak Ahlai\\nAdina anak Sisa (siku orang ke tampak nama ari raban bansa Reuben, enggau tiga puluh iku bala soldadu iya empu)\\nHanan anak Maakah\\nJosapat ari Mitan\\nUsia ari Asterah\\nSama seduai Jeil, anak Hotam, ari Aroer\\nJediael seduai Joha, anak Simri, ari Tis\\nElil ari Mahabah\\nJeribai seduai Josabiah, anak Elnam\\nItmah ari Moap\\nElil, Obet, enggau Jasil ari Sobah.\\nOrang Ke Nyukung David Ari Raban Bansa Benjamin\\n1 Nyadi David diau di Siklak, udah bekau iya ke ngerarika diri ari Raja Saul. Mayuh bala soldadu ke teleba beperang, sereta tau dikarapka, datai nyukung iya dia.\\n2 Sida tu orang ari raban bansa Benjamin, iya nya raban bansa Saul empu. Sida landik nimbakka laja enggau nimbakka batu ngena pangwang ngena jari kanan tauka ngena jari kiba.\\n3-7 Sida diuluka Ahieser seduai Joas, anak Semah, ari Gibe-ah.\\nTu nama bala soldadu nya:\\nJesil seduai Pelet, anak Asmabet\\nBerakah seduai Jehu ari Anatot\\nIsmaiah ari Gibeon, siku soldadu ti tebilang, siku ari tuai sida ke “Tiga Puluh”\\nJeremiah, Jahasil, Johanan, enggau Josabat, ari Gederah\\nElusai, Jerimot, Bealiah, Semariah, enggau Sepatiah, ari Harip\\nElkanah, Isiah, Asarel, Joeser, enggau Jasobim, ari raban peturun Korah\\nJoelah seduai Sebediah, anak Jeroham, ari Gedor\\nOrang Ke Nyukung David Ari Raban Bansa Gat\\n8 Tu nama bala soldadu ti tebilang, sereta teleba beperang, ari raban bansa Gat ke enggau raban bala soldadu David, lebuh iya ba kuta di menua puang. Sida tu landik ngena terabai enggau sangkuh, lalu mangah baka singa, sereta sikar baka rusa bukit.\\n9-13 Tu nama sida ditusun nitihka ripih pangkat sida: Eser, Obadiah, Eliap, Mismanah, Jeremiah, Atai, Elil, Johanan, Elsabat, Jeremiah, enggau Makbanai.\\n14 Sekeda ari bala soldadu ke datai ari raban bansa Gat, nya pemesai ti tinggi pangkat ke nguluka seribu iku orang, lalu sida ti bukai nya baruh agi pangkat, nguluka seratus iku orang.\\n15 Dalam bulan ti kesatu, lebuh Sungai Jordan nyau bah ampuh tebing, sida meraka sungai nya. Orang ke diau ba sebelah emperan ti ba tebing timur enggau tebing barat Jordan lalu rari.\\nOrang Ari Benjamin Enggau Ari Judah Ke Nitihka David\\n16 Nyadi sekali seraban bala orang ari raban bansa Benjamin enggau ari raban bansa Judah mansang ngagai kuta ti alai David diau.\\n17 David mansang ngambat sida, lalu ku iya, “Enti kita datai mai ati ti manah laban kita deka nulung aku, kami ngelaluka penatai kita. Awakka kita enggau kami. Tang enti kita bisi ati deka nyual aku ngagai munsuh, taja pen aku nadai ati deka ngemediska kita, Allah Taala aki ini kitai deka nemu nya, lalu ngukum kita.”\\n18 Roh Allah Taala lalu bekuasa ba siku ari bala sida ke benama Amasai, ti deka nyadi tuai sida ke “Tiga Puluh”. Ku Amasai ngangau, “David anak Jesi, kami tu nembiak nuan! Awakka nuan enggau orang ke nyukung nuan mujur magang! Allah Taala setanah enggau nuan.” David lalu ngelaluka sida, lalu ngeletak sida nyadi pemesai bala soldadu iya.\\nOrang Ke Nitihka David Ari Raban Bansa Manasi\\n19 Sekeda soldadu ari raban bansa Manasi udah ninggalka Saul lalu ngalih ari David lebuh David mansang enggau orang Pilistin nyerang Raja Saul. Iya ti bendar, iya ukai nulung orang Pilistin, tang laban bala raja orang Pilistin takutka iya nyual sida ngagai tuan iya Raja Saul. Nya alai sida ngasuh David pulai baru ngagai Siklak\\n20 Tu nama bala soldadu ari Manasi ke ngalih ari David lebuh iya pulai: Adnah, Josabat, Jediael, Mikael, Josabat, Elihu enggau Siletai. Semua sida tu endang tuai ke seribu iku orang di menua Manasi.\\n21 Sida bekereja ke David nyadi pemesai soldadu iya, laban semua sida nya endang soldadu ti tebilang magang. Udah bekau nya sida lalu nyadi pemesai soldadu orang Israel.\\n22 Orang masuk nyadi soldadu David nyau deka tiap hari. Nya kebuah pemayuh bala soldadu iya jampat betambah.\\nNama Bala Soldadu David\\n23-37 Lebuh David agi di Hebron, mayuh soldadu ti udah chukup dilatih masuk nyadi soldadu iya, nyukung iya nyadi raja nganti Saul, munyi ti udah disemaya TUHAN. Pemayuh tubuh sida nya baka tu: Judah: 6,800 iku orang ke besenyataka terabai enggau sangkuh.\\nSimeon: 7,100 iku orang ke chukup dilatih;\\nLewi: 4,600 iku.\\nOrang ke nitihka Jehoiada, ari peturun Aron: 3,700 iku;\\nKaban belayan Sadok, iya nya siku orang ke landik belaban: 22 iku tuai bala;\\nBenjamin (iya nya raban bansa Saul empu): 3,000 iku. (Nyau ke semua orang Benjamin agi taluk ngagai Saul);\\nEpraim: 20,800 orang ke tebilang dalam raban peturun sida empu;\\nManasi Barat: 18,000 iku orang ke udah dipilih nyiri David nyadi raja;\\nIsakar: 200 tuai soldadu, sama enggau bala soldadu ke diuluka sida. (Bala tuai soldadu tu nemu utai ti patut dikereja orang Israel, lalu nemu mega maya ti pemadu manah alai utai nya patut dikereja);\\nSebulun: 50,000 orang ke taluk sereta tau dikarapka, ke sedia deka belaban, sereta udah dilatih bekenaka semua macham senyata;\\nNaptali: 1,000 iku tuai soldadu, sama enggau 37,000 iku orang ke besenyataka terabai enggau sangkuh;\\nDan: 28,600 iku orang ke udah dilatih;\\nAser: 40,000 iku orang ke sedia deka beperang;\\nRaban bansa ti di timur Sungai Jordan - Reuben, Gat, enggau Manasi Timur: 120,000 iku orang ke udah dilatih bekenaka semua macham senyata.\\n38 Semua bala soldadu nya sedia deka beperang magang. Lalu sida mansang ngagai Hebron, mutus ati deka nyiri David nyadi raja ke semua menua Israel. Semua orang ke bukai bela begempung ati magang deka ngulihka juluk ati nya.\\n39 Sida diau enggau David dia tiga hari, ngintu pengerami makai besai, bepakaika pemakai ti udah disediaka kaban belayan sida.\\n40 Raban bansa ti di utara, iya nya raban bansa Isakar, Sebulun enggau Naptali, datai mai keledai, unta, enggau sapi ti mai pemakai - tepung, buah ara, salai buah anggur, wain, enggau minyak kana. Sida mega mai jelu sapi enggau jelu bedus ngambika bisi dibunuh lalu diempa. Semua utai tu dikena sida ngayanka pengaga ati semua orang di serata menua nya.\\nPeti Lampang Batu Adat Dipindahka Ari Kiriat-jearim (2 Samuel 6.1-11)\\n1 Raja David lalu betanya ngagai semua pemesai ti nyadi tuai ke seribu iku, enggau ke seratus iku soldadu.\\n2 Udah nya iya lalu madahka ngagai semua orang Israel, “Enti kita ngemendar, lalu enti tu peneka TUHAN Allah Taala kitai, awakka kitai ngasuh orang mai pesan ngagai semua bansa kitai, enggau ngagai bala imam, enggau ngagai orang Lewi ti diau di nengeri kita, mai sida begempuru ditu enggau kitai.\\n3 Udah nya kitai deka ngambi Peti Lampang Batu Adat Allah Taala, ti enda kala dikibuhka Saul lebuh iya nyadi raja.”\\n4 Orang mayuh gaga ati ninga penemu nya, lalu sida besetuju.\\n5 Nya alai David ngempuruka orang Israel ari serata menua nya, kenyau ari garis entara menua enggau orang Ejip di selatan, nyentuk ngagai Genting Hamas di utara, laban sida deka mai Peti Lampang Batu Adat nya ari Kiriat-jearim ngagai Jerusalem.\\n6 David enggau orang mayuh lalu mansang ngagai nengeri Baalah, iya nya Kiriat-jearim, di menua Judah, deka ngambi Peti Lampang Batu Adat Allah Taala ti TUHAN, ke duduk ba kerusi diraja Iya atas melikat cherub ti besayap, ti dikumbai ngena nama TUHAN.\\n7 Sida lalu ngambi Peti Lampang Batu Adat nya ari rumah Abinadap, lalu mai Peti nya ngena kerita tarit ti agi baru. Usah seduai Ahio lalu ngiring kerita tarit nya,\\n8 lalu David enggau semua orang mayuh betanda enggau pengabis ati sida ngemesaika Allah Taala. Sida belagu, sereta nebah belikan, dedumbak, bebendai, enggau terumpit.\\n9 Lebuh sida datai ba endur alai orang ngindik gandum di Chidon, jelu sapi ti narit kerita tarit nya tesangkut. Usah nyapai lalu ngetanka Peti Lampang Batu Adat nya.\\n10 TUHAN lalu tekala nya ringat ngagai Usah, lalu munuh iya laban iya udah negu Peti nya. Usah lalu mati dia di mua Allah Taala.\\n11 Nya kebuah endur nya dikumbai Peres-usah nyentuk ngagai diatu. David pedis ati laban TUHAN udah ringat lalu ngukum Usah.\\n12 Udah nya David takutka Allah Taala, lalu ku iya, “Baka ni ku aku ulih mai Peti Lampang Batu Adat nya diatu?”\\n13 Nya alai David enda nyadi mai Peti Lampang Batu Adat nya ngagai Jerusalem, tang ninggalka iya ba rumah orang siku ke benama Obet-edom, ke datai ari nengeri Gat.\\n14 Peti nya mengkang dia tiga bulan, lalu TUHAN merekatka sida Obet-edom sebilik, sereta merekatka semua utai ti diempu iya.\\nUtai Ti Dikereja David Di Jerusalem (2 Samuel 5.11-16)\\n1 Raja Hiram di Tire lalu ngasuh seraban orang dagang nemuai ngagai David. Iya ngirumka ngagai David batang kayu sidar, tukang batu, tukang kayu, ngambika sida ngaga sebuah istana ke David.\\n2 Ari nya David nemu TUHAN udah ngasuh iya tegap nyadi raja menua Israel, lalu udah ngasuh menua ti diperintah iya kaya-raja, ke penguntung bala nembiak iya.\\n3 Jerusalem nya meh endur alai David ke ngambi mayuh agi bini, lalu mayuh agi anak lelaki enggau anak indu.\\n4 Tu nama bala anak iya ke ada di Jerusalem: Shamua, Sobap, Natan, Solomon,\\n5 Ibhar, Elisua, Elpelet,\\n6 Nogah, Nepek, Japia,\\n7 Elisama, Biliada, enggau Elipelet.\\nMenang Ngelaban Orang Pilistin (2 Samuel 5.17-25)\\n8 Lebuh orang Pilistin ninga David udah dichiri nyadi raja ke semua menua Israel, bala soldadu sida lalu mansang deka nangkap iya. Lebuh David ninga nya, iya lalu mansang ngelaban sida.\\n9 Orang Pilistin datai ba Lebak Repaim, lalu belabuh ngerumpak utai ari menua nya.\\n10 David lalu betanya ngagai Allah Taala, “Kati tau aku nyerang orang Pilistin? Kati Nuan deka ngasuh aku menang?” TUHAN lalu nyaut, “Serang meh sida! Aku deka ngasuh nuan menang!”\\n11 Nya alai David nyerang sida di Baal-perasim, lalu ngalahka sida. Ku iya, “Allah Taala udah ngena aku ngalahka bala soldadu munsuh baka ai bah.” Nya alai endur nya dikumbai Baal-perasim.\\n12 Orang Pilistin rari, lalu ninggalka engkeramba sida. David lalu meri atur ngasuh engkeramba nya ditunu.\\n13 Enda lama udah bekau nya orang Pilistin pulai baru ngagai emperan nya, lalu belabuh ngerumpak utai dia baru.\\n14 David lalu betanya ngagai Allah Taala baru. Allah Taala lalu nyaut, “Anang nyerang sida ari tu, tang kelulung sida, lalu serang sida ari sepiak nyin, semak kayu balsam.\\n15 Lebuh nuan ninga munyi redup kaki orang bejalai ba puchuk kayu, nya baru nuan tau belabuh nyerang, laban Aku deka bejalai dulu ari nuan lalu ngalahka bala soldadu orang Pilistin.”\\n16 David lalu ngereja nitihka jaku Allah Taala. Nya alai David muru orang Pilistin ari Gibeon nyentuk ngagai Geser.\\n17 Berita pasal David ngelekai ngagai semua endur, lalu TUHAN ngasuh semua bansa takut magang ke iya.\\nSedia Deka Mindahka Peti Lampang Batu Adat\\n1 David ngaga berapa buah rumah di Nengeri iya empu, ke guna iya empu. Iya mega nyendiaka siti endur alai nyimpan Peti Lampang Batu Adat Allah Taala, lalu nirika sebuah langkau kain ke Peti nya.\\n2 Udah nya iya bejaku, “Semina orang Lewi aja tau ngesan Peti Lampang Batu Adat nya, laban sida udah dipilih TUHAN ngesan Peti nya, sereta bekereja ke Iya belama iya.”\\n3 Nya alai David mesanka semua orang Israel datai ngagai Jerusalem, deka mai Peti Lampang Batu Adat nya ngagai endur ti udah disediaka iya.\\n4 Udah nya iya mesanka bala peturun Aron, enggau bala orang Lewi.\\n5 Uril, ari raban peturun Kohat, ari peturun Lewi, lalu datai nguluka seratus dua puluh iku kaban belayan iya.\\n6 Asaiah ari raban peturun Merari, nguluka dua ratus dua puluh iku orang.\\n7 Joel ari raban peturun Gerson, nguluka seratus tiga puluh iku orang.\\n8 Semaiah, ari raban peturun Elisapan, nguluka dua ratus iku orang.\\n9 Elil, ari raban peturun Hebron datai, nguluka lapan puluh iku orang.\\n10 Lalu Aminadap, ari raban peturun Usil mega datai, nguluka seratus dua belas iku orang.\\n11 David lalu mesanka Imam Sadok, Imam Abiatar enggau enam iku orang Lewi, iya nya Uril, Asaiah, Joel, Semaiah, Elil enggau Aminadap.\\n12 Ku iya bejaku enggau orang Lewi, “Kita tu tuai ke raban peturun orang Lewi. Tuchi diri empu, enggau orang Lewi ti bukai, ngambika kita tau mai Peti Lampang Batu Adat TUHAN Allah Taala ke disembah orang Israel ngagai endur ti udah disediaka aku ke iya.\\n13 Laban kita nadai enggau orang ngesan Peti Lampang Batu Adat nya keterubah iya menya, nya alai TUHAN Allah Taala kitai udah ngukum kitai laban kitai enda nyembah Iya ngena chara ti menyana.”\\n14 Udah nya bala imam enggau bala orang Lewi lalu nuchi diri empu, ngambika sida tau mai Peti Lampang Batu Adat TUHAN Allah Taala ke disembah orang Israel.\\n15 Orang Lewi lalu ngesan Peti Lampang Batu Adat nya ngena kayu pengaling, nitihka jaku ti udah disebut TUHAN ngena Moses.\\n16 David ngasuh bala tuai orang Lewi milih orang ari raban bansa sida empu belagu, lalu nebah musik ngena belikan enggau bebendai.\\n17-21 Orang ke dipilih nebah bebendai temaga nya datai ari raban peturun ti landik belagu. Sida nya Heman anak Joel, kaban iya Asap anak Berekiah, enggau Etan anak Kusaiah, ari raban peturun Merari. Sida lalu milih orang Lewi ti bukai nulung sida nebah belikan ti mit. Nama sida nya Sekariah, Jasil, Semiramot, Jehiel, Uni, Eliap, Maseiah, enggau Benaiah. Orang Lewi ke dipilih nebah belikan ti besai nya Matitiah, Elipelehu, Mikniah, Asasiah, enggau dua iku orang ke nyaga rumah TUHAN, iya nya Obet-edom seduai Jeiel.\\n22 Laban Chenaniah landik nebah musik nya alai iya dipilih nyadi tuai ke orang Lewi ke nebah musik.\\n23-24 Berekiah seduai Elkanah, sama enggau Obet-edom, enggau Jehiah dipilih nyaga Peti Lampang Batu Adat. Imam Sebaniah, Josapat, Netanel, Amasai, Sekariah, Benaiah, enggau Elieser dipilih nyepu terumpit di mua Peti Lampang Batu Adat.\\nMindahka Peti Lampang Batu Adat Ngagai Jerusalem (2 Samuel 6.12-22)\\n25 Nya alai Raja David, bala tuai orang Israel, enggau bala tuai soldadu, ngena pengerami ti besai, tama ngagai rumah Obet-edom lalu ngambi Peti Lampang Batu Adat.\\n26 Sida munuh tujuh iku sapi ti lelaki enggau tujuh iku bedus nyadika piring, kena nentuka Allah Taala deka nulung orang Lewi ke ngesan Peti Lampang Batu Adat nya.\\n27 David ngena baju panjai ti digaga ari linin ti pemadu alus, lalu baka nya mega bala orang ke nebah musik, Chenaniah ti nyadi tuai sida, enggau orang Lewi ke ngesan Peti Lampang Batu Adat nya. David mega ngena siti epod ti digaga ari linin.\\n28 Semua orang Israel nyempulang Peti Lampang Batu Adat nya ngagai Jerusalem enggau panjung, nebah terumpit, tanduk, bebendai, enggau belikan.\\n29 Lebuh Peti Lampang Batu Adat nya benung dibai tama ngagai nengeri nya, Mikael, anak indu Saul, nilik ari jenila, lalu tepedaka Raja David betanda sereta ngingkak gaga ati. Mikael lalu mechat iya dalam ati iya.\\n1 Sida lalu mai Peti Lampang Batu Adat nya ngagai langkau kain ti udah disediaka David ke Peti nya, lalu ngengkahka Peti nya dalam langkau kain nya. Udah nya sida lalu ngenjuk piring tunu enggau piring pemaik, ngagai Allah Taala.\\n2 Lebuh David udah tembu ngenjuk piring, iya merekatka orang mayuh dalam nama TUHAN,\\n3 lalu nyadung pemakai ngagai semua sida. Iya meri ngagai siku-siku lelaki enggau indu di menua Israel setuku roti, siti lampang dagin ti udah dipanggang, enggau salai buah anggur.\\n4 David ngeletak sekeda orang Lewi nguluka orang nyembah TUHAN Allah Taala ke disembah orang Israel, di mua Peti Lampang Batu Adat nya, belagu sereta muji TUHAN.\\n5 Asap diletak nyadi tuai sida, lalu Sekariah nyadika penulung iya. Jeil, Semiramot, Jehiel, Matitiah, Eliap, Benaiah, Obet-edom, enggau Jeil nebah belikan. Asap nebah bebendai,\\n6 lalu imam ke dua iku, iya nya Benaiah seduai Jahasil tiap hari nyepu terumpit di mua Peti Lampang Batu Adat nya.\\n7 Nya meh terubah iya David meri Asap enggau orang Lewi ti bukai tanggungjawap belagu muji TUHAN.\\nSiti Lagu Puji (Masmur 105.1-15; 96.1-13; 106.1, 47-48)\\n8 Beri terima kasih ngagai TUHAN, padahka pemesai kuasa Iya. Tusui ngagai semua bansa utai ti udah dikereja Iya.\\n9 Belagu muji TUHAN. Tusui pasal pengawa ti badas ti udah dikereja Iya.\\n10 Gaga ati meh kita ke enggi Iya.Awakka semua orang ke nyembah Iya rami gaga magang!\\n11 Mansang ngagai TUHAN minta saup, lalu seruran nyembah Iya.\\n12-13 Kita peturun Jakop ke nembiak Allah Taala, peturun Israel, ti udah dipilih Allah Taala, kingatka kereja ajih ti udah dikereja Allah Taala enggau ukum ti udah diletak Iya.\\n14 TUHAN endang Allah Taala kitai. Pesan Iya endang diberi ngagai semua dunya.\\n15 Anang enda ingatka sempekat Allah Taala, ti udah digaga Iya meruan belama iya,\\n16 sempekat ti udah digaga Iya enggau Abraham, semaya ti udah digaga Iya enggau Isak.\\n17 TUHAN ngaga sempekat enggau Jakop, sempekat ti meruan belama iya.\\n18 “Aku deka meri menua Kanaan ngagai nuan,” ku Iya bejaku. “Menua nya deka nyadika pesaka nuan.”\\n19 Nembiak Allah Taala endang enda mayuh, nyadi orang kampar di menua Kanaan.\\n20 Sida segau-segau bejalai ari menua siti ngagai menua siti, ari perintah siti ngagai perintah siti.\\n21 Tang Allah Taala enda nejuka orang nekanka pengidup sida. Kena Iya nyaga sida, Iya meri jaku tangkan ngagai bala raja.\\n22 “Anang ngemediska bala nembiak ti udah dipilih Aku. Anang negu bala nabi Aku.”\\n23 Belagu ke TUHAN, semua dunya! Padahka tiap hari berita manah pasal Iya ti udah meri kitai pengelepas.\\n24 Padahka pasal mulia Iya ngagai semua menua, enggau pasal pemesai pengawa ti udah dikereja Iya, ngagai semua bansa.\\n25 TUHAN endang besai lalu endang patut dipuji. Iya endang patut lebih agi dikenangika ari semua petara.\\n26 Petara semua bansa nya semina engkeramba aja, tang TUHAN udah ngaga langit.\\n27 Iya endang bemulia sereta bekuasa. Kuasa enggau pengaga ngemenuhka Rumah Sembiang Iya.\\n28 Puji meh TUHAN, semua kita ke diau di dunya. Puji meh mulia enggau pengering Iya.\\n29 Puji meh nama TUHAN ti bemulia. Bai meh piring lalu datai ngagai Rumah Sembiang Iya. Meremi meh kita di mua Iya ti Kudus lebuh Iya pegari.\\n30 Begetar meh kita di mua Iya, semua dunya! Dunya udah diengkahka ba endur iya, lalu enda ulih dikinsitka agi.\\n31 Gaga ati meh kita, tanah enggau langit! Padahka ngagai semua bansa TUHAN nya Raja.\\n32 Begelumbang meh nuan tasik, lalu inggar meh utai ti dalam nuan. Gaga ati meh kita umai, enggau semua utai ti dalam kita!\\n33 Kayu ti dalam utan deka manjung gaga ati lebuh TUHAN datai lalu merintah dunya.\\n34 Beri terima kasih ngagai TUHAN, laban Iya endang manah. Pengerindu Iya meruan belama iya.\\n35 Sebut ngagai Iya, “Selamatka kami, O Allah Taala ti Juruselamat kami. Gempuruka kami. Lepaska kami ari menua bukai, ngambika kami nemu meri terima kasih lalu muji nama Nuan ti kudus.”\\n36 Pujika TUHAN Allah Taala ke disembah orang Israel! Puji Iya diatu enggau ke belama iya! Udah nya semua orang mayuh nyebut, “Amin,” lalu muji TUHAN.\\nNyembah Allah Taala Di Jerusalem Enggau Di Gibeon\\n37 Raja David ngeletak Asap enggau orang Lewi ti bukai bekereja tetap nguluka orang besembiang ba endur alai Peti Lampang Batu Adat disimpan. Sida ngereja pengawa sida dia tiap hari.\\n38 Sida ditulung Obet-edom anak Jedutun enggau enam puluh lapan iku orang ari raban peturun iya empu. Hosah seduai Obet-edom nyadi tuai nyaga pintu.\\n39 Tang Imam Sadok enggau bala sida ke sama nyadi imam baka iya, nguluka orang nyembah TUHAN ba endur alai besembiang di Gibeon.\\n40 Genap pagi enggau genap lemai sida enda tau enda nunu piring segala ba alta nitihka jaku ti udah ditulis dalam Adat ti udah diberi TUHAN ngagai orang Israel.\\n41 Orang ke enggau sida dia nya Heman seduai Jedutun, enggau sida ti bukai ke endang udah dipilih belagu muji TUHAN ketegal pengerindu Iya ti meruan belama iya.\\n42 Heman seduai Jedutun mega ngemataka terumpit enggau bebendai, enggau pekekas musik ti bukai ti ditebah lebuh orang muji TUHAN. Raban raban peturun Jedutun nyadi kepala nyaga pintu.\\n43 Udah nya semua orang pulai magang, lalu David pulai ke rumah ngagai sida sebilik.\\nPesan Natan Ngagai David (2 Samuel 7.1-17)\\n1 Raja David diatu nyau diau dalam istana iya empu. Nyadi sekali iya mesanka nabi Natan, lalu bejaku enggau iya, “Aku diatu diau dalam rumah ti digaga ari kayu sidar, tang Peti Lampang Batu Adat TUHAN disimpan dalam langkau kain!”\\n2 Disaut Natan, “Kereja aja utai ti ku ati nuan, laban Allah Taala bisi enggau nuan.”\\n3 Tang malam nya Allah Taala bejaku ngagai Natan,\\n4 “Alai nuan madahka jaku Aku tu ngagai nembiak Aku David, ‘Nuan ukai orang ke diasuh Aku ngaga Rumah alai Aku diau.\\n5 Kenyau ari maya Aku ngelepaska orang Israel ari menua Ejip, nyentuk ngagai diatu, Aku nadai kala diau dalam rumah. Aku endang semampai diau dalam langkau kain, lalu mindah ari endur siti ngagai endur siti.\\n6 Sekumbang Aku ke bejalai enggau orang Israel, Aku nadai kala nanya ngagai bala tuai ti udah diletak Aku, kebuah alai sida enda ngaga rumah ari kayu sidar ke Aku.”\\n7 “Nya alai padahka ngagai nembiak Aku David, Aku TUHAN ti Pemadu Bekuasa nyebut tu ngagai iya, ‘Aku udah ngambi nuan ari pengawa nuan ke ngibun bedus, lalu ngaga nuan nyadi raja ke bala nembiak Aku Israel.\\n8 Aku endang seruran enggau nuan di sebarang endur nuan bejalai, lalu Aku udah ngalahka semua munsuh nuan, lebuh nuan majakka pejalai nuan. Aku deka ngaga nuan beberita baka bala tuai ti beberita di dunya tu.\\n9-10 Aku udah milih siti endur ke bala nembiak Aku Israel, lalu Aku udah ngasuh sida ngentapka diri dia, alai sida deka diau, lalu enda agi ditekanka orang. Kenyau ari maya sida udah tama ngagai menua tu, sida udah diserang orang ke mangah, tang utai ti baka nya nadai agi nyadi. Aku besemaya deka ngalahka semua munsuh nuan, lalu meri ngagai nuan mayuh peturun.\\n11 Lebuh nuan mati, lalu dikuburka begulai enggau bala aki ini nuan, Aku deka ngasuh siku ari bala anak lelaki nuan nyadi raja, lalu Aku deka ngasuh perintah iya kering.\\n12 Iya nya meh orang ke deka ngaga rumah Aku, lalu Aku deka nentuka perintah iya meruan belama iya.\\n13 Aku deka nyadi Apai iya, lalu Iya deka nyadi anak lelaki Aku. Aku enggai badu rinduka iya, enda baka Aku enggau Saul, ti udah dibuai Aku ngambika nuan ulih nyadi raja.\\n14 Aku deka ngasuh iya nyadi tuai ke bala nembiak Aku, enggau nyadi tuai ke perintah Aku belama iya. Perintah iya enda nemu abis.’ “\\n15 Natan lalu madahka ngagai David semua utai ti udah dipandangka Allah Taala ngagai iya.\\nDavid Meri Sampi Terima Kasih (2 Samuel 7.18-29)\\n16 Udah nya David lalu tama ngagai Langkau Kain TUHAN, duduk lalu besampi, “Aku tauka ruang bilik aku enda patut nerima semua utai ti udah dikereja Nuan ke aku, TUHAN Allah Taala.\\n17 Tang taja pia, Nuan diatu ngereja lebih agi ari nya. Nuan udah ngaga semaya pasal peturun aku jemah ila, lalu Nuan, TUHAN Allah Taala, udah ngaga aku nyadi orang ke besai.\\n18 Nama utai bukai ti tau disebut aku ngagai Nuan? Nuan amat nemu aku, tang taja pia, Nuan masa aku, ke nembiak Nuan.\\n19 Nuan ngereja nya ke aku laban nya endang peneka enggau juluk ati Nuan, kena Nuan nunjukka aku deka nyadi orang ke besai jemah ila.\\n20 TUHAN, nadai orang baka Nuan. Kami endang nemu, semina Nuan siku aja ti Allah Taala.\\n21 Nadai bansa bukai di dunya tu baka bansa orang Israel, ti udah dilepaska Nuan ari pengidup sida ke nyadi ulun, ngambika sida nyadi nembiak Nuan. Nuan udah ngereja pengawa ti besai sereta badas ke sida, lalu berita pasal Nuan ngelekai di serata dunya. Nuan udah ngelepaska bala nembiak Nuan ari menua Ejip, lalu udah muru semua bansa bukai lebuh bala nembiak Nuan nyerang.\\n22 Nuan udah ngaga Israel nyadi nembiak Nuan belama iya, lalu Nuan, TUHAN, nyadi Allah Taala sida.\\n23 “Nya alai, diatu O TUHAN, kamatka belama iya semaya ti udah digaga Nuan pasal aku enggau pasal peturun aku, lalu kereja meh utai ti ku Nuan.\\n24 Nama Nuan deka tebilang, lalu orang deka nyebut belama iya, ‘TUHAN ti Pemadu Bekuasa nya Allah Taala ke disembah orang Israel.’ Lalu Nuan deka ngasuh perintah aku meruan belama iya.\\n25 Aku berani nyebut sampi tu ngagai Nuan, Allah Taala aku, laban Nuan udah mandangka semua utai tu ngagai aku, ke nembiak Nuan, lalu udah madahka ngagai aku pasal Nuan ti deka ngasuh peturun aku nyadi raja.\\n26 Nuan, TUHAN, endang Allah Taala, lalu Nuan udah ngaga semaya ti manah tu ngagai aku.\\n27 Aku minta Nuan merekatka peturun aku, ngambika sida deka seruran gaga ati dikerinduka Nuan. Nuan, TUHAN, udah merekatka sida, lalu berekat Nuan deka meruan ba sida belama iya.”\\nDavid Menang Beperang (2 Samuel 8.1-18)\\n1 Nyau kelama udah bekau nya, Raja David nyerang orang Pilistin baru, lalu ngalahka sida. Iya ngerampas nengeri Gat enggau genturung pendiau ti ngelingi nengeri nya ari jari sida.\\n2 Iya mega ngalahka orang Moap, ke lalu nyadi nembiak iya, sereta mayar chukai ngagai iya.\\n3 Udah nya, David nyerang Raja Hadadeser sitak menua Sobah di menua Siria, semak menua Hamat, laban Hadadeser udah nguji ngerampas perintah di menua ti ngimbai ulu Sungai Eupratis.\\n4 David lalu ngerampas seribu buah kerita perang Hadadeser, tujuh ribu iku soldadu ke nepan kuda, enggau dua puluh ribu iku soldadu ke bejalai kaki. David ninggalka kuda semina chukup dikena seratus buah kerita perang, tang mutuska rakat semua kuda ti bukai.\\n5 Lebuh orang Siria ari Damaskus ngasuh bala soldadu datai nulung Raja Hadadeser, David nyerang sida lalu munuh dua puluh dua ribu iku ari bala sida.\\n6 Udah nya iya lalu nirika kem soldadu di menua sida, lalu orang Siria nyadi nembiak iya, lalu mayar chukai ngagai iya. TUHAN ngasuh David menang di semua endur.\\n7 David ngerampas terabai emas ti dibai bala pemesai Hadadeser, lalu mai terabai nya ngagai Jerusalem.\\n8 Iya mega ngambi mayuh amat perengka temaga ari Tibhat enggau ari Kun, iya nya dua buah nengeri ti dipegai Hadadeser. (Udah bekau nya, Solomon ngena temaga nya begagaka tangki, berapa iti batang tiang ti besai, enggau perengka temaga ti bukai ke Rumah Sembiang.)\\n9 Lebuh Raja Tou di Hamat ninga David udah ngalahka semua bala soldadu Hadadeser,\\n10 iya lalu ngasuh anak iya Joram meri tabi basa enggau jaku puji ngagai David ketegal iya udah ngalahka Hadadeser, ke suah udah dilaban Tou. Joram mai ngagai David pemeri ti digaga ari emas, pirak enggau temaga.\\n11 Raja David lalu nyerahka semua utai nya ngagai TUHAN, sama enggau pirak enggau emas ti udah diambi iya ari semua bansa ti udah dialahka iya, iya nya bansa Edom, Moap, Amon, Pilistin, enggau bansa Amalek.\\n12 Abisai - indai iya Seruiah - udah ngalahka orang Edom ba Lebak Garam, lalu munuh lapan belas ribu iku bala munsuh.\\n13 Iya lalu nirika kem soldadu di serata menua Edom, lalu orang Edom nyadi nembiak Raja David magang. TUHAN ngasuh David menang di semua endur.\\n14 David merintah semua menua Israel, lalu iya bejalaika atur ti lurus sereta betul ngagai semua nembiak iya.\\n15 Menyadi Abisai ke benama Joap nya tuai soldadu. Jehosapat anak Ahilut nyadi tukang tulis ke semua utai ti nyadi.\\n16 Sadok anak Ahitup enggau Ahimelek anak Abiatar nyadi imam. Seraiah nyadi kerani kot.\\n17 Benaiah anak Jehoiada nyadi tuai orang ke nyaga David, lalu bala anak Raja David megai pangkat ti tinggi dalam perintah iya.\\nDavid Ngalahka Orang Amon Enggau Orang Siria (2 Samuel 10.1-19)\\n1 Nyau kelama udah bekau nya, Nahas ti nyadi raja di Amon mati, lalu anak iya Hanun nganti iya nyadi raja.\\n2 Ku Raja David bejaku, “Aku enda tau enda taluk ngagai Hanun, baka ke udah dikereja apai iya Nahas ngagai aku.” Nya alai David ngasuh bala seruan iya mansang mai pesan penyinu ati ngagai Hanun.\\nLebuh bala sida datai di Amon, lalu meri pesan penyinu ati ngagai Raja Hanun,\\n3 bala tuai orang Amon lalu bejaku enggau raja, “Kati nuan ngumbai David ngasuh bala orang tu datai ditu mai pesan penyinu ati ngagai nuan, ketegal iya bebasaka apai nuan? Ukai! Iya ngasuh sida datai ditu ngambika sida matau lalu meresa lalu ngalahka menua tu!”\\n4 Hanun lalu nangkap bala seruan David, ngukur ragum sida, netak gari sida naka punggung, lalu ngasuh sida pulai.\\n5 Nyadi sida nya kelalu malu pulai. Lebuh David ninga berita pasal utai ti udah nyadi, iya lalu ngirumka pesan, ngasuh sida diau di Jeriko, lalu enda tau pulai sebedau ragum sida tumbuh baru.\\n6 Nya baru Raja Hanun enggau orang Amon nemu diri udah ngaga David nyadi munsuh sida. Nya alai sida lalu ngirumka nyau deka bulih 40,000 kilogram pirak ngagai menua Mesopotamia enggau ngagai menua Maakah enggau menua Sobah di menua Siria, kena sida ngaji orang ke nepan kerita perang enggau nyua kerita perang sida.\\n7 Tiga puluh dua ribu buah kerita perang ti disua sida, enggau bala soldadu raja Maakah datai lalu nirika kem semak Medeba. Orang Amon mega datai ari semua nengeri sida, lalu nyendiaka diri beperang.\\n8 Lebuh David ninga nya, iya lalu mesanka Joap enggau semua bala soldadu.\\n9 Orang Amon angkat, lalu belatur ba penama ngagai Rabah, iya nya indu nengeri sida, lalu bala raja ti udah datai deka nulung, belatur ba luar nengeri.\\n10 Joap nemu bala munsuh deka nyerang iya ari mua enggau ari belakang. Nya alai iya lalu milih bala soldadu orang Israel ke pemadu kering, lalu ngasuh sida belatur nyatup orang Siria.\\n11 Iya ngasuh menyadi iya Abisai nguluka bala soldadu ti bukai. Abisai lalu ngatur sida nyatup orang Amon.\\n12 Ku Joap bejaku enggau Abisai, “Enti nuan meda orang Siria nyau deka ulih ngalahka aku, tulung aku, lalu enti aku meda orang Amon nyau deka ulih ngalahka nuan, aku deka nulung nuan.\\n13 Kering sereta berani! Awakka kitai bebendar belaban ngarika bansa kitai, enggau ke nengeri Allah Taala. Awakka peneka TUHAN nyadi.”\\n14 Joap enggau bala iya lalu mansang nyerang. Orang Siria lalu rari.\\n15 Lebuh orang Amon meda orang Siria rari, sida lalu rari ari Abisai, lalu nyurutka diri ngagai nengeri. Udah nya Joap pulai ngagai Jerusalem.\\n16 Lebuh orang Siria nemu diri udah alah laban orang Israel, sida lalu mai bala soldadu ari menua Siria ti tunga ke timur Sungai Eupratis, lalu ngasuh sida diuluka Sobak, ti nyadi tuai soldadu Raja Hadadeser di Sobah.\\n17 Lebuh David ninga nya, iya lalu ngempuruka bala soldadu orang Israel, lalu ngasuh sida belatur nyatup orang Siria. Sida lalu bamuk.\\n18 Orang Siria lalu rari. David enggau bala iya munuh tujuh ribu iku orang ke nepan kerita perang enggau empat puluh ribu iku soldadu ke bejalai kaki. Sida mega munuh Sobak ti nyadi tuai soldadu orang Siria.\\n19 Lebuh bala raja ke nitihka Hadadeser nemu diri udah alah laban orang Israel, sida lalu bebaik enggau David, lalu nyadi nembiak iya. Kenyau ari nya, orang\\nSiria enggai agi nulung orang Amon.\\nDavid Ngalahka Rabah (2 Samuel 12.26-31)\\n1 Dalam musin bungai, iya nya maya bala raja selalu mansang ngayau, Joap nguluka bala soldadu nyerang menua Amon. Tang Raja David tinggal di Jerusalem. Sida ngelulung nengeri Rabah, nyerang, lalu ngerusak nengeri nya.\\n2 Engkeramba Molek orang Amon bisi siti makota emas ti berat kira tiga puluh empat kilogram. Dalam makota nya bisi sigi batu ti berega. Batu berega nya diambi David, lalu diengkahka iya ba makota iya empu. Iya mega ngambi mayuh amat perapasan ari nengeri nya.\\n3 Iya nabanka orang ari nengeri nya lalu mejalka sida bekereja ngena penyayat, changkul besi, enggau kapak. Iya mega ngereja baka nya ngagai orang di semua nengeri bukai di Amon. Udah nya, iya enggau bala iya lalu pulai ngagai Jerusalem.\\nPerang Ngelaban Orang Pilistin Ke Besai Gamal (2 Samuel 21.15-22)\\n4 Udah bekau nya, perang lalu nyadi baru enggau orang Pilistin di Geser. Tu meh maya Sibichai ari Husah munuh siku orang ke besai gamal ke benama Sipai, lalu orang Pilistin alah.\\n5 Siti agi perang nyadi enggau orang Pilistin. Nya meh maya Elhanan anak Jair munuh Lahmi, menyadi Goliat ke datai ari Gat, ke bempu sangkuh ti ngemesai tendai ti dikena orang betenun.\\n6 Siti agi perang nyadi di Gat, alai siku orang ke besai gamal ke bisi enam iti tunjuk ba siti-siti jari, enggau kaki. Iya tu peturun bala orang besai gamal ke dulu kelia.\\n7 Iya nyakap orang Israel, lalu Jonatan, anak lelaki menyadi David ke benama Samah, munuh iya.\\n8 Sida tiga iku tu, ke dibunuh David enggau bala iya, endang peturun orang ke besai gamal di Gat.\\nDavid Ngitung Tubuh (2 Samuel 24.1-25)\\n1 Nyadi Sitan deka ngasuh penusah ninggang orang Israel. Nya alai iya nyungkak David ngitung tubuh.\\n2 David lalu bejaku enggau Joap enggau bala pemesai ti bukai, ku iya, “Bejalai kita ngagai semua menua Israel, berengkah ari ujung siti ngagai ujung siti menua tu, lalu itung semua orang. Aku keran deka nemu pemayuh sida.”\\n3 Ku Joap nyaut, “Awakka TUHAN ngasuh orang Israel seratus kali mayuh agi ari sida ke diatu! Tuan Raja, semua sida tu nembiak nuan magang. Nama kebuah nuan deka ngereja nya, lalu ngasuh semua orang Israel salah magang?”\\n4 Tang Raja mejalka Joap ngasika atur nya. Joap lalu mupuk, bejalai nengah serata menua Israel, lalu udah nya pulai baru ngagai Jerusalem.\\n5 Iya lalu madahka ngagai Raja David pemayuh lelaki ti tau enggau beperang: 1,100,000 iku di menua Israel, enggau 470,000 di menua Judah.\\n6 Tang laban Joap enda besetuju enggau atur raja, iya enda ngitung tubuh orang Lewi enggau orang ari raban bansa Benjamin.\\n7 Allah Taala enda lantang ati ngagai pengawa nya, nya alai Iya ngukum orang Israel.\\n8 Ku David bejaku enggau Allah Taala, “Aku udah bedosa besai, laban aku udah ngereja utai tu! Aku minta nuan ngampun aku. Aku udah beli ngereja utai tu.”\\n9 Udah nya TUHAN lalu bejaku ngagai Gat, nabi ke bekereja ke David,\\n10 “Padahka ngagai David, Aku deka ngasuh iya milih siti ari tiga iti utai. Aku deka ngereja sebarang utai ti dipilih iya.”\\n11 Gat lalu mansang ngagai David, madahka utai ti udah disebut TUHAN, lalu nanya, “Ni pilih nuan?\\n12 Sekalika nuan milih tiga taun lapar pungkang? tauka tiga bulan ngerarika diri ari bala munsuh? tauka tiga hari alai TUHAN nyerang nuan ngena pedang Iya, lalu ngasuh penyakit berampit dalam menua nuan, lalu ngena melikat iya munuh orang di serata menua Israel? Nama saut ti patut diberi aku ngagai TUHAN?”\\n13 Ku David nyaut Gat, “Tusah amat aku laban tu! Tang aku enggai diukum mensia. Awakka TUHAN Empu ngukum aku, laban Iya endang ngembuan pengasih.”\\n14 Nya alai TUHAN ngasuh penyakit balat berampit ba bala orang Israel, lalu tujuh puluh ribu iku sida mati.\\n15 Udah nya Iya ngasuh siku melikat ngerusak Jerusalem, tang TUHAN ngubah runding Diri, lalu bejaku ngagai melikat nya, “Badu agi! Umbas meh nya!” Nyadi melikat nya benung bediri ngimbai endur alai orang ngindik gandum ti diempu Araunah, orang Jebus.\\n16 David bisi meda melikat nya bediri entara dunya enggau langit, megai pedang, sedia deka ngerusak Jerusalem. Udah nya David enggau bala tuai orang mayuh ke sama ngena kain guni, lalu nyungkurka diri ke tanah.\\n17 David lalu besampi, “O Allah Taala, aku empu ti udah ngereja penyalah tu. Aku tu ti udah bedosa lalu ngasuh orang ngitung tubuh. Tang nama utai ti udah dikereja sida tu? O TUHAN Allah Taala aku, ukum meh aku enggau kami sebilik, tang anang ngukum orang mayuh tu.”\\n18 Melikat TUHAN lalu ngasuh Gat bejaku enggau David ngasuh iya mupuk lalu ngaga siti alta ke TUHAN ba endur alai ngindik gandum ti diempu Araunah.\\n19 David ngasika pesan TUHAN lalu mupuk, munyi ti dipadahka Gat ngagai iya.\\n20 Nyadi Araunah enggau empat iku anak lelaki iya benung ngindik gandum ba endur nya, lalu lebuh sida meda melikat nya, bala anak iya rari lalu belalai.\\n21 Lebuh Araunah meda Raja David datai, iya ngambat raja, lalu nyungkurka diri ke tanah.\\n22 Ku David bejaku enggau iya, “Jual ngagai aku endur alai ngindik tu, ngambika aku ulih ngaga siti alta ke TUHAN, kena nagang penyakit tu berampit. Aku\\ndeka mayar semua rega utai nya.”\\n23 “Ambi aja, Tuan Raja,” ku Araunah bejaku, “lalu kereja aja utai ti deka dikereja nuan. Tu jelu sapi ti tau ditunu nyadika piring ba alta, lalu tu papan pelangka kena menyadika api, enggau gandum nyadika piring. Aku meri semua utai tu ngagai nuan.”\\n24 Tang ku raja nyaut, “Enda tau baka nya. Aku enda tau enda mayar semua rega utai nya ngagai nuan. Aku enggai meri utai nuan nyadika piring ngagai TUHAN, enti utai nya ukai utai ti dibeli aku empu.”\\n25 Iya lalu mayar Araunah enam ratus singkap duit emas kena meli endur ti alai ngindik gandum nya.\\n26 Iya lalu ngaga siti alta dia ke TUHAN, lalu ngenjuk piring tunu enggau piring pemaik. Iya besampi, lalu TUHAN nyaut iya, ngena api ti datai ari serega, ti nganguska piring ti ba alta nya.\\n27 TUHAN lalu ngasuh melikat nya nyelitka pedang iya.\\n28 Lebuh David meda TUHAN udah nyaut sampi iya, iya lalu ngenjuk piring ba alta ba endur ti ngindik gandum nya.\\n29 Langkau Kain TUHAN ti udah digaga Moses di menua puang, enggau alta ti alai nunu piring, agi bisi ba endur alai besembiang di Gibeon lebuh maya nya menya.\\n30 Tang David enda ulih bejalai kia nyembah Allah Taala, laban iya takutka pedang melikat TUHAN.\\n1 Nya alai ku David bejaku, “Tu meh endur alai Rumah Sembiang deka didirika. Tu alta alai orang Israel deka ngenjuk piring tunu.”\\nBesedia Deka Nirika Rumah Sembiang\\n2 Raja David lalu ngasuh semua orang kampar ti diau di menua Israel begempuru, lalu ngasuh sida gawa. Sekeda sida nyendiaka lampang batu kena ngaga Rumah Sembiang.\\n3 Iya meri mayuh amat besi kena ngaga paku lawang, enggau pengepit ke pintu kuta ti digaga ari kayu, enggau mayuh amat temaga, datai ke orang nyau enda ulih nimbang utai nya agi.\\n4 Iya ngasuh orang Tire enggau orang Sidon mai ngagai iya mayuh amat batang kayu sidar.\\n5 Ku pikir David, “Rumah Sembiang ti deka digaga anak aku Solomon enda tau enda chukup manah sereta beberita dalam dunya. Tang iya agi biak, lalu nadai peneleba. Nya alai aku enda tau enda dulu nyendiaka utai nya.” Nya alai David nyendiaka mayuh amat ramu sebedau iya mati.\\n6 Iya lalu mesanka anak iya Solomon, lalu ngasuh iya ngaga sebuah rumah ke TUHAN Allah Taala ke disembah orang Israel.\\n7 Ku David bejaku enggau iya, “Anak, aku amat bisi amat ati deka ngaga Rumah Sembiang kena ngemesaika TUHAN Allah Taala aku.\\n8 Tang TUHAN udah madahka ngagai aku, aku udah munuh kelalu mayuh orang, lalu kelalu suah udah beperang. Nya alai ketegal nya, Iya enda nyagi aku ngaga Rumah Sembiang nya ke Iya.\\n9 Tang Iya udah ngaga siti semaya enggau aku. Ku Iya, ‘Nuan deka bisi siku anak lelaki, ti deka merintah dalam pemaik, laban Aku deka meri iya pemaik, ngambika iya enda diserang munsuh. Nama anak nuan nya Solomon, laban lebuh iya merintah ila, Aku deka meri pemaik enggau pengelikun ngagai menua Israel.\\n10 Iya deka ngaga Rumah Sembiang nya ke Aku. Iya deka nyadi anak Aku, lalu Aku deka nyadi Apai iya. Peturun iya deka megai perintah di menua Israel belama iya.’ “\\n11 Ku David nampung jaku iya, “Nya alai, anak, awakka TUHAN Allah Taala nuan meruan enggau nuan, lalu awakka Iya ngamatka semaya Iya ti deka ngasuh nuan mujur ngaga sebuah Rumah Sembiang nya ke Iya.\\n12 Lalu awakka TUHAN Allah Taala nuan meri nuan runding ti dalam, enggau penemu-dalam, ngambika nuan ulih megai perintah di menua Israel nitihka Adat Iya.\\n13 Enti nuan ngasika semua adat ti udah diberi TUHAN ngagai Moses ke orang Israel, nuan deka mujur. Nuan enda tau enda kering sereta berani. Anang takut tauka irau ati.\\n14 Nyadi pasal Rumah Sembiang nya, aku udah, enggau naka ulih, ngempuruka nyau deka bulih 4,000 tan emas, enggau nyau deka bulih 40,000 tan pirak kena ngaga Rumah Sembiang nya. Nambahka nya, temaga enggau besi endang enda diletak pemayuh. Aku mega udah ngasuh orang nyendiaka ramu enggau batu, tang nuan enda tau enda nambahka nya.\\n15 Nuan mayuh orang gawa: orang ke betingkuhka batu, tukang batu, tukang kayu, enggau mayuh orang ke landik begagaka semua macham utai\\n16 ngena emas, pirak, temaga, enggau besi. Nya alai, awakka nuan berengkah ngereja pengawa nya, lalu awakka TUHAN meruan enggau nuan.”\\n17 David mega ngasuh semua bala tuai orang Israel nulung Solomon.\\n18 Ku iya bejaku, “TUHAN Allah Taala kita, udah seruran enggau kita, lalu udah meri kita pemaik. Iya udah ngasuh aku ngalahka semua orang ke nguan menua tu, lalu sida nya diatu udah nyadi ulun kita, enggau nyadi nembiak TUHAN.\\n19 Nya alai, awakka kita betuaika TUHAN Allah Taala kita enggau pengabis ati enggau pengabis semengat kita. Awakka kita berengkah ngaga Rumah Sembiang, ngambika kita ulih nyimpan dalam Rumah nya Peti Lampang Batu Adat TUHAN, enggau semua utai ti kudus ti dikena nyembah Iya.”\\n1 Lebuh David nyau tuai amat umur, iya lalu nyiri anak iya Solomon nyadi raja menua Israel.\\nPengawa Ti Dikereja Orang Lewi\\n2 Raja David ngempuruka semua bala tuai orang Israel, enggau semua bala imam, enggau orang Lewi.\\n3 Iya ngitung tubuh semua orang Lewi ti lelaki, ari umur tiga puluh taun ke atas. Pemayuh sida nya 38,000 iku.\\n4 Raja lalu ngeletak 24,000 iku ari bala sida nya bekereja dalam Rumah Sembiang, 6,000 iku nyadi kerani, enggau nyadi hakim, 5 4,000 iku bekereja nyadi jejaga, lalu 4,000 iku muji TUHAN ngena pekekas musik ti diberi raja kena sida ngereja pengawa nya.\\n6 David magi orang Lewi ngagai tiga bengkah raban, nitihka raban peturun sida, iya nya raban peturun Gerson, Kohat, enggau Merari.\\n7 Gerson bisi dua iku anak lelaki: Ladan seduai Simei.\\n8 Ladan bisi tiga iku anak lelaki: Jehiel, Setam, enggau Joel,\\n9 ti nyadi tuai ke raban peturun ti diturunka Ladan. (Simei bisi tiga iku anak lelaki: Selomot, Hasiel, enggau Haran.)\\n10-11 Simei bisi empat iku anak lelaki: Jahat, Sina, Jeus, enggau Beriah, nitihka ripih penuai umur sida. Jeus seduai Beriah nadai mayuh peturun. Nya alai seduai iya diitung nyadi siti aja raban peturun.\\n12 Kohat bisi empat iku anak lelaki: Amram, Isar, Hebron, enggau Usil.\\n13 Anak lelaki iya ke tuai nya Amran. Amran nya apai Aron seduai Moses. (Aron enggau peturun iya udah diseraraka ngambika sida ngibun utai ti kudus belama iya, nunu menyan lebuh nyembah TUHAN, bekereja ke TUHAN, lalu merekatka orang mayuh dalam nama Iya.\\n14 Tang anak lelaki nabi Moses disengkaumka dalam raban orang Lewi.)\\n15 Moses bisi dua iku anak lelaki, Gersom seduai Elieser.\\n16 Orang ke nyadi tuai ke bala anak Gersom nya Sebuel.\\n17 Elieser semina bisi siku aja anak lelaki, Rehabiah, tang Rehabiah mayuh peturun.\\n18 Anak lelaki Kohat ke lumur dua, Isar, bisi siku anak lelaki, benama Selomit, ti nyadi tuai ke raban peturun nya.\\n19 Anak lelaki Kohat ke lumur tiga, Hebron, bisi empat iku anak lelaki: Jeriah, Amariah, Jahasiel, enggau Jekamim.\\n20 Anak lelaki Kohat ke lumur empat, Usil, bisi dua iku anak lelaki: Mikah seduai Isiah.\\n21 Merari bisi dua iku anak lelaki: Mahli seduai Musi. Mahli mega bisi dua iku anak lelaki, Eleasar seduai Kis,\\n22 tang Eleasar mati nadai anak lelaki, semina anak indu aja. Bala anak indu iya jadi enggau bala petunggal sida empu, iya nya bala anak lelaki Kis.\\n23 Musi anak lelaki Merari ke lumur dua, bisi tiga iku anak lelaki: Mahli, Eder, enggau Jerimot.\\n24 Tu meh bala peturun Lewi, nitihka raban peturun enggau ruang bilik sida. Semua nama sida dituliska magang. Genap iku peturun iya ke umur dua puluh taun ke atas, bisi pengawa magang dalam Rumah Sembiang.\\n25 Ku David, “TUHAN Allah Taala ke disembah orang Israel udah meri pemaik ngagai bala nembiak Iya, lalu Iya Empu deka diau di Jerusalem belama iya.\\n26 Nya alai bala orang Lewi enda ibuh agi ngesan langkau sembiang nya, enggau semua pekekas ti dikena nyembah Allah Taala.”\\n27 Nitihka atur ti penudi diberi David, semua orang Lewi dituliska nama magang ngambika sida diberi pengawa lebuh umur sida manggai dua puluh taun.\\n28 Tu macham pengawa ti diberi ngagai sida: nulung bala imam ke ari peturun Aron ngereja pengawa nyembah Allah Taala dalam Rumah Sembiang, ngintu tengah laman enggau bilik dalam Rumah Sembiang, lalu nyaga utai ti kudus ngambika enda kamah,\\n29 betanggungjawapka roti ti diberi ngagai Allah Taala, tepung ti dikena ngaga piring, singkap roti ti enda beragi, piring ti dipanggang, enggau tepung ti dichampur enggau minyak kana, nimbang enggau nakar piring ti diberi ngagai Rumah Sembiang,\\n30 enggau muji sereta ngemuliaka TUHAN pagi lemai\\n31 enggau genap kali piring ditunu ke TUHAN lebuh Hari Sabat, lebuh Gawai Anak Bulan, enggau lebuh gawai bukai. Atur mega digaga kena ngeletak pemayuh tubuh orang Lewi bekereja sekali-sekali. Orang Lewi nadai diberi pengawa bukai tang semina nyembah TUHAN siku aja.\\n32 Sida diberi tanggungjawap ngintu Langkau Kain TUHAN enggau Rumah Sembiang, enggau pengawa nulung kaban belayan sida, iya nya bala imam ke ari peturun Aron, nyembah Allah Taala dalam Rumah Sembiang.\\nPengawa Ti Diberi Ngagai Bala Imam\\n1 Tu raban bala peturun Aron. Aron bisi empat iku anak lelaki: Nadap, Abihu, Eleasar, enggau Itamar.\\n2 Nadap seduai Abihu mati dulu ari apai sida, lalu nadai ninggalka purih, nya alai menyadi seduai iya Eleasar enggau Itamar nyadi imam.\\n3 Raja David ngatur bala peturun Aron ngagai mayuh bengkah raban nitihka pengawa ti dikereja sida. Iya ngereja nya ditulung Sadok, siku peturun Eleasar, sereta ditulung Ahimelek, siku peturun Itamar.\\n4 Bala peturun Eleasar dibagi ngagai enam belas bengkah raban, lalu bala peturun Itamar dibagi ngagai lapan bengkah raban. Utai nya digaga baka nya laban lelaki ti nyadi tuai bilik mayuh agi datai ari peturun Eleasar.\\n5 Nyadi laban orang ari peturun Eleasar enggau Itamar nyadi pemesai dalam Rumah Sembiang, enggau nyadi tuai pengarap, nya alai sida iya diberi pengawa ngena chara bechabut undi.\\n6 Bala peturun Eleasar enggau bala peturun Itamar begintir-gintir enchabut undi. Udah nya nama sida lalu dituliska Semaiah anak Netanel, siku orang Lewi ti nyadi kerani. Raja, bala pemesai iya, Imam Sadok, Ahimelek anak Abiatar, enggau bala tuai bilik, nyadika saksi magang.\\n7-18 Tu ripih dua puluh empat iti ruang bilik nya ti diberi pengawa: (1) Jehoiarip; (2) Jedaiah; (3) Harim; (4) Seorim; (5) Malkijah; (6) Mijamin; (7) Hakos; (8) Abijah; (9) Jesua; (10) Sekaniah; (11) Eliasip; (12) Jakim; (13) Hupah; (14) Jesebip; (15) Bilgah; (16) Imer; (17) Hesir; (18) Hapises; (19) Petahiah; (20) Jeheskil; (21) Jachin; (22) Gamul; (23) Delaiah; (24) Masiah.\\n19 Nama orang tu ditulis nitihka pengawa ti dikereja sida ke datai ngagai Rumah Sembiang lalu ngereja pengawa ti udah diletak aki sida Aron, nitihka pesan TUHAN Allah Taala ke disembah orang Israel.\\nRipih Nama Orang Lewi\\n20 Tu nama tuai bilik ti bukai ke datai ari peturun Lewi: Jehdeiah, peturun Amran nengah Sebuel;\\n21 Isiah, peturun Rehabiah;\\n22 Jahat, peturun Isar nengah Selomit;\\n23 Jeriah, Amariah, Jehazil, enggau Jekamim, anak Hebron, nitihka umur sida;\\n24 Samir, peturun Usil nengah Mikah;\\n25 Sekariah, peturun Usil nengah Isiah, menyadi Mikah;\\n26 Mahli, Musi, enggau Jasiah, peturun Merari.\\n27 Jasiah bisi tiga iku anak lelaki: Soham, Sakur, enggau Ibri.\\n28-29 Mahli bisi dua iku anak lelaki: Eleasar seduai Kis. Eleasar nadai anak lelaki, tang Kis bisi siku anak lelaki, Jerahmil.\\n30 Musi bisi tiga iku anak lelaki: Mahli, Eder, enggau Jerimot.\\nNya meh ruang bilik orang Lewi.\\n31 Tuai ke siti-siti ruang bilik enggau siku menyadi iya ke biak agi enchabut undi ke pengawa sida, baka ke udah dikereja kaban belayan sida ti bukai, iya nya bala imam ke diturunka Aron. Raja David, Sadok, Ahimelek, enggau bala tuai bilik orang imam, enggau tuai bilik orang Lewi nyadika saksi magang.\\nOrang Ke Nebah Musik Dalam Rumah Sembiang\\n1 Raja David enggau bala tuai orang Lewi lalu milih raban peturun orang Lewi nguluka pengawa besembiang: Asap, Heman, enggau Jedutun. Pengawa sida nya madahka pesan Allah Taala, diumba enggau musik ari belikan enggau bebendai. Tu ripih nama orang ke udah dipilih nguluka pengawa besembiang, enggau bagi pengawa ti dikereja siti-siti raban:\\n2 Empat iku anak lelaki Asap: Sakur, Josep, Netaniah, enggau Asarelah. Sida tu diuluka Asap, ke madahka pesan Allah Taala, genap kali raja ngasuh iya.\\n3 Enam iku anak lelaki Jedutun: Gedaliah, Seri, Jesaiah, Simei, Hasabiah, enggau Matitiah. Sida tu diuluka apai sida, madahka pesan Allah Taala, diumba enggau musik ari belikan, enggau lagu puji, enggau lagu terima kasih ngagai TUHAN.\\n4 Empat belas iku anak lelaki Heman: Bukiah, Mataniah, Usil, Sebuel, Jerimot, Hananiah, Hanani, Eliatah, Gidalti, Romanti-eser, Josbekasah, Maloti, Hotir, enggau Mahasiot.\\n5 Allah Taala udah meri ngagai Heman, ti nyadi nabi ke raja, empat belas iku anak lelaki tu, enggau tiga iku anak indu, munyi ti udah disemaya Iya, ngambika meri kuasa ngagai Heman.\\n6 Semua anak lelaki iya tu nebah bebendai enggau belikan, diuluka apai sida, kena ngumba pengawa nyembah Allah Taala dalam Rumah Sembiang.\\n7 Semua dua puluh empat iku lelaki tu orang ke landik magang. Orang Lewi ti bukai endang orang ke udah dilatih nebah musik. Pemayuh sida 288 iku.\\n8 Kena nentuka bagi pengawa sida, sida bechabut undi, nemuka sida nya agi biak tauka udah tuai, endang udah bisi pengelandik tauka semina baru deka ngujika diri.\\n9-31 Orang ke 288 iku nya dibagi, nitihka ruang bilik sida, ngagai dua puluh empat iti raban, dua belas iku dalam siti-siti raban, lalu siti-siti raban diuluka siku tuai. Tu ripih sida ke bekereja: (1) Josep ari ruang bilik Asap; (2) Gedaliah; (3) Sakur; (4) Seri; (5) Netaniah; (6) Bukiah; (7) Asarelah; (8) Jesaiah; (9) Mataniah; (10) Simei; (11) Usil; (12) Hasabiah; (13) Sebuel; (14) Matitiah; (15) Jerimot; (16) Hananiah; (17) Josbekasah; (18) Hanani; (19) Maloti; (20) Eliatah; (21) Hotir; (22) Gidalti; 923) Mahasiot; (24) Romanti-eser.\\nBala Orang Ke Nyaga Rumah Sembiang\\n1 Tu bagi pengawa ke orang Lewi ke bekereja nyadi jejaga ba Rumah Sembiang. Ari raban peturun Korah nya Meselemiah anak Kore, ari ruang bilik Asap.\\n2 Iya bisi tujuh iku anak lelaki, diripih nitihka penuai sida: Sekariah, Jediael, Sebadiah, Jatnil,\\n3 Elam, Jehohanan, enggau Eliehoenai.\\n4 Obet-edom udah diberekatka Allah Taala enggau lapan iku anak lelaki, diripih nitihka penuai sida: Semaiah, Jehosabat, Joah, Sakar, Netanel,\\n5 Amil, Isakar, enggau Peuletai.\\n6-7 Anak lelaki Obet-edom ke tuai, Semaiah, bisi enam iku anak lelaki: Othni, Repael, Obet, Elsabat, Elihu, enggau Semakiah. Sida tu orang ke bepangkat dalam raban peturun sida empu, laban sida tu landik. Dua iku ke dudi nya balat amat landik.\\n8 Ruang bilik Obet-edom mansutka enam puluh dua iku orang ke landik ngereja pengawa tu.\\n9 Ruang bilik Meselemiah mansutka lapan belas iku orang ke landik.\\n10 Hosah, ari raban peturun Merari, bisi empat iku anak lelaki: Simri (apai iya ngasuh iya nyadi tuai, taja pen iya ukai anak tuai),\\n11 Hilkiah, Tebaliah, enggau Sekariah. Semua orang ari ruang bilik Hosah ti nyadi jejaga dalam Rumah Sembiang nya tiga belas iku.\\n12 Bala orang ke nyaga Rumah Sembiang nya dibagi ngagai raban nitihka ruang bilik, lalu sida iya diberi pengawa dalam Rumah Sembiang, baka orang Lewi ti bukai.\\n13 Genap ruang bilik, enda milih pemayuh orang dalam ruang bilik nya, bechabut undi kena nentuka pintu ti dijaga sida.\\n14 Selemiah enchabut undi ke pintu ti muak ke timur, lalu anak iya Sekariah, orang ke selalu meri jaku lalau ti manah, enchabut undi ke pintu ti muak ke utara.\\n15 Obet-edom udah diberi pintu ti muak ke selatan, lalu bala anak lelaki iya diletak nyaga bilik setor.\\n16 Supim seduai Hosah diasuh nyaga pintu ti muak ke barat, enggau pintu Saleket ba jalai ti muak ke atas. Orang ke jaga endang meruan diberi jam maya sida jaga, begintir-gintir.\\n17 Muak ke timur, enam iku jejaga bekereja sehari; muak ke utara, empat; enggau muak ke selatan, empat. Empat iku jejaga nyaga bilik setor tiap hari, dua iku ba siti-siti bilik setor.\\n18 Semak balai ti besai ti muak ke barat, empat iku orang jaga ngimbai jalai raya, enggau dua iku ba balai nya empu.\\n19 Nya meh bagi pengawa jejaga ti diberi ngagai raban peturun Korah enggau ngagai raban peturun Merari.\\nPengawa Bukai Dalam Rumah Sembiang\\n20 Orang Lewi ti bukai diasuh ngemataka sarang reta Rumah Sembiang, enggau nyaga bilik setor alai nyimpan pemeri ti diserahka ngagai Allah Taala.\\n21 Ladan, siku ari bala anak lelaki Gerson, nya nurunka dua tiga ruang bilik, nyengkaum ruang bilik anak iya Jehiel.\\n22 Anak Ladan ti lelaki dua iku, Setam seduai Joel, nyadi tuai ngemataka sarang reta Rumah Sembiang enggau bilik setor.\\n23 Pengawa mega diletak ngagai peturun Amram, Isar, Hebron enggau Usil.\\n24 Sebuel, siti raban bansa ari anak Moses ke benama Gersom, nyadi tuai pemesai ke betanggungjawapka sarang reta Rumah Sembiang.\\n25 Iya bekaban enggau Selomit ari menyadi Gersom ke benama Elieser. Elieser nya apai Rehabiah, ti nyadi apai Jesaiah, apai Joram, apai Sikri, apai Selomit.\\n26 Selomit enggau sida sebilik ngemataka semua pemeri ti diserahka Raja David, bala tuai bilik, bala tuai peturun, enggau bala pemesai soldadu, ngagai Allah Taala.\\n27 Sida ngambi sekeda perapasan ti udah ulih sida lebuh sida beperang, lalu nyerahka utai nya ngambika bisi dikena dalam Rumah Sembiang.\\n28 Selomit enggau sida sebilik nyadi tuai ngemataka semua utai ti udah diserahka ngagai Allah Taala ngambika bisi dikena dalam Rumah Sembiang, nyengkaum pemeri ti dibai nabi Samuel, dibai Raja Saul, dibai Abner anak Ner, enggau dibai Joap anak Seruiah.\\nPengawa Ke Orang Lewi Ti Bukai\\n29 Chenaniah enggau bala anak lelaki iya, ari peturun Isar, diasuh ngereja pengawa opis: nyadi pemesai dalam opis, enggau nyadi hakim.\\n30 Hasabiah enggau 1,700 iku bala kaban belayan iya ti tebilang magang, ke datai ari peturun Hebron, diasuh ngatur semua pekara pengarap enggau semua pekara bukai di menua Israel di barat Sungai Jordan.\\n31 Jeriah nya orang ke nyadi tuai ke bala peturun Hebron. Dalam taun ti keempat puluh David nyadi raja, purih ari peturun Hebron bisi kena pansik, lalu bala soldadu ti tebilang nama ari ruang bilik nya bisi ditemu diau di Jaser, di menua Giliat.\\n32 Raja David milih 2,700 iku tuai bilik ti tebilang ari kaban belayan Jeriah, lalu ngasuh sida ngemataka semua pekara pengarap enggau pekara bukai di menua Israel ti di timur Sungai Jordan, iya nya di menua Reuben, Gat, enggau Manasi Timur.\\nAtur Pengawa Soldadu Enggau Pengawa Perintah\\n1 Tu list nama tuai bilik orang Israel, enggau tuai peturun, enggau bala pemesai ke bejalaika pengawa perintah. Genap bulan dalam taun siti-siti, 24,000 iku orang bekereja ari baruh tuai ke bulan nya.\\n2-15 Tu nama orang ke nyadi tuai dalam bulan siti-siti:\\nBulan Satu: Jasobim anak Sabdil (iya tu datai ari raban peturun Peres, ari raban bansa Judah)\\nBulan Dua: Dodai, ari peturun Ahohi (Orang ke lumur dua iya nya Miklot)\\nBulan Tiga: Benaiah anak Imam Jehoiada. Iya tu nyadi tuai ke “Sida Ti Tiga Puluh Iku” (iya diganti anak iya Amisabat nyadi tuai ke raban nya)\\nBulan Empat: Asahel, menyadi Joap (iya diganti anak iya Sebadiah)\\nBulan Lima: Samhut, ari peturun Isar\\nBulan Enam: Ira anak Ikes ari Tekoa\\nBulan Tujuh: Heles, ari peturun Epraim, ari Pelon\\nBulan Lapan: Sibichai ari Husah (iya tu datai ari raban peturun Serah, ari raban bansa Judah)\\nBulan Semilan: Abieser ari Anatot di menua Benjamin\\nBulan Sepuluh: Maharai ari Netopah (iya tu ari raban bansa Serah)\\nBulan Sebelas: Benaiah ari Piraton di menua raban bansa Epraim\\nBulan Dua Belas: Heldai ari Netopah (siku ari peturun Otnil)\\nNgatur Pekara Ke Raban Bansa Orang Israel\\n16-22 Baka tu ku nama orang ke nyadi kepala raban bansa orang Israel:\\nRaban bansa Kepala\\nReuben Elieser anak Sikri\\nSimeon Sepatiah anak Maakah\\nLewi Hasabiah anak Kemuel\\nJudah Elihu, siku ari menyadi David\\nIsakar Omri anak Mikael\\nSebulun Ismaiah anak Obadiah\\nNaptali Jerimot anak Asriel\\nEpraim Hosea anak Asasiah\\nManasi ke di barat Joel anak Pedaiah\\nManasi ke di Giliat Ido anak Sekariah\\nBenjamin Jaasiel anak Abner\\nDan Asarel anak Jeroham\\n23 Raja David enda ngitung orang ke baruh ari umur dua puluh taun, laban TUHAN udah besemaya deka ngasuh orang Israel ngemayuh bintang ti di langit.\\n24 Joap anak Seruiah, belabuh ngitung tubuh, tang iya enda nembuka pengawa nya, laban Allah Taala ngukum orang Israel ketegal pengawa nya. Nya alai pemayuh tubuh ti diitung nadai dituliska dalam cherita pasal Raja David.\\nOrang Ke ngemataka Reta tengkira Raja\\n25-31 Tu list nama orang ke ngemataka reta tengkira raja:\\nBilik setor raja: Asmabet anak Adil\\nBilik setor luar: Jonatan anak Usiah\\nOrang gaji ke gawa di umai: Esri anak Kelup\\nKebun anggur: Simei ari Ramah\\nSetor alai nyimpan wain: Sabdi ari Sepam\\nKayu kana enggau kayu saikamur (ba kaki bukit di barat): Baal Hanan ari Geder\\nSetor minyak kana: Joas\\nJelu sapi ti ba emperan Saron: Sitrai ari Saron\\nJelu sapi ti ba lebak: Sapat anak Adlai\\nJelu unta: Obil, orang Ismail\\nKeledai: Jehdeiah ari Meronot\\nBedus enggau kambin: Jasis, orang Hagri\\nPenyanding Penemu David\\n32 Aya Raja David ke benama Jonatan nya orang ke landik meri jaku lalau, sereta bepelajar. Iya enggau Jehiel anak Hakmoni ngemataka pelajar bala anak lelaki raja.\\n33 Ahitopel nya orang ke nyadi penyanding penemu raja, lalu Husai ari bansa Arki nyadi pangan ke alai raja betanya.\\n34 Lebuh Ahitopel mati, Abiatar enggau Jehoiada anak Benaiah nyadi penyanding penemu. Joap nyadi tuai soldadu.\\nAtur David Pasal Rumah Sembiang\\n1 Raja David mesanka semua pemesai di menua Israel begempuru di Jerusalem. Nya alai semua bala pemesai ari semua raban bansa, bala pemesai ke bejalaika pengawa perintah, bala tuai peturun, orang ke ngemataka reta tengkira enggau jelu tupi ti diempu raja enggau bala anak iya, semua bala pemesai ke bekereja dalam istana, bala tuai soldadu, enggau orang ke bepangkat, begempuru di Jerusalem.\\n2 David bediri di mua sida, lalu bejaku enggau sida, “Menyadi, unggal, pendingka aku. Aku udah bisi amat ati deka ngaga rumah ti tetap ke Peti Lampang Batu Adat, ti nyadika pelasar kaki TUHAN Allah Taala kitai. Aku udah nyendiaka utai kena ngaga sebuah Rumah Sembiang nya kena ngemesaika Iya,\\n3 tang Iya enda nyagi aku ngaga rumah nya, laban aku tu soldadu, lalu udah munuh mayuh orang.\\n4 TUHAN Allah Taala ke disembah orang Israel, udah milih aku enggau bala peturun aku megai perintah di menua Israel belama iya. Iya udah milih raban bansa Judah mansutka tuai, lalu ari Judah iya udah milih ruang bilik apai aku. Ari semua ruang bilik nya, Iya udah gaga ati ngambi aku, lalu ngasuh aku nyadi raja ke semua menua Israel.\\n5 Iya udah meri aku mayuh anak lelaki, lalu ari semua sida nya, Iya udah milih Solomon megai perintah di menua Israel, menua ti endang diperintah TUHAN.\\n6 “Ku TUHAN bejaku ngagai aku, ‘Anak nuan Solomon deka ngaga Rumah Aku. Aku udah milih iya nyadi anak Aku, lalu Aku deka nyadi Apai iya.\\n7 Aku deka ngasuh perintah iya meruan belama iya, enti iya bejimat ngasika semua adat enggau pesan Aku, baka ke dikereja iya diatu.’\\n8 “Nya alai, di mua Allah Taala, enggau di mua semua bala orang Israel tu, ke endang nembiak TUHAN, aku ngasuh kita nitihka lalu ngiga semua pesan TUHAN Allah Taala kita, ngambika kita deka majak bempu menua ti manah tu, lalu nyerahka menua tu ngagai serak ti nangkanka kita belama iya.”\\n9 Ngagai Solomon iya nyebut jaku tu, “Anak, aku ngasuh nuan ngaku Allah Taala ti disembah apai nuan, nyadika Allah Taala nuan, lalu betuaika Iya enggau enda bebagi ati, sereta enggau runding ti seruran ransing. Iya nemu semua runding enggau pengingin kitai. Enti nuan mansang ngagai Iya, Iya deka nyambut nuan, tang enti nuan ninggalka Iya, Iya deka ngelengkaka nuan belama iya.\\n10 Nuan enda tau enda nemu, TUHAN udah milih nuan ngaga Rumah Sembiang Iya ti kudus. Gaga Rumah Sembiang nya; nuan enda tau enda kering, lalu ngereja pengawa nya.”\\n11 David lalu meri ngagai Solomon semua pelan ke rumah dalam Rumah Sembiang nya, pelan ke bilik setor, enggau pelan ke semua bilik bukai, enggau pelan ke Endur ti Pemadu Kudus, alai dosa diampun.\\n12 Iya mega meri ngagai Solomon pelan ke semua utai ti udah dikira iya ke tengah laman enggau ke bilik ti ngelingi tengah laman nya, pelan ke bilik setor alai nyimpan pekekas Rumah Sembiang, enggau alai nyimpan pemeri ti diserahka ngagai TUHAN.\\n13 David mega meri ngagai iya pelan kena ngatur bala imam enggau orang Lewi ngereja pengawa sida, ngereja pengawa dalam Rumah Sembiang, sereta ngintu semua pekekas dalam Rumah Sembiang.\\n14 Iya meri atur pasal pemayuh pirak enggau emas kena begagaka pekekas nya,\\n15 kena begagaka siti-siti lampu enggau penuduk lampu,\\n16 kena begagaka mija pirak, enggau siti-siti mija emas alai engkah tuku roti ti diberi ngagai Allah Taala.\\n17 Iya mega meri atur pasal pemayuh emas ti tulin ti tau dikena begagaka serampang, mangkuk, enggau tepayan, pemayuh pirak enggau emas kena begagaka pinggai,\\n18 enggau pemayuh emas ti tulin kena begagaka alta alai nunu menyan, enggau kena begagaka kerita perang ke melikat cherub ti besayap, ti ngerembaika sayap seduai iya ari atas Peti Lampang Batu Adat TUHAN.\\n19 Ku Raja David, “Semua utai nya bisi dalam pelan ti ditulis nitihka atur ti udah diberi TUHAN Empu ngagai aku, ngambika dikereja.”\\n20 Ku Raja David bejaku ngagai anak iya Solomon, “Nuan enda tau enda kering sereta berani, lalu kereja pengawa nya. Anang takut tauka irau ati; laban TUHAN Allah Taala, ti nyadi Allah Taala aku, bisi enggau nuan. Iya enda ngelebuka nuan, tauka ninggalka nuan, nyentuk ngagai maya semua pengawa begagaka Rumah Sembiang TUHAN udah tembu magang.\\n21 Bala imam enggau bala orang Lewi udah diberi pengawa ti deka dikereja sida dalam Rumah Sembiang. Orang ke bekereja, ke bisi semua macham pengelandik gagit ati deka nulung nuan, lalu semua orang mayuh enggau bala tuai sida endang nganti atur ari nuan.”\\nPemeri Kena Ngaga Rumah Sembiang\\n1 Ku Raja David madahka ngagai semua orang ke begempuru dia, “Anak aku Solomon udah dipilih Allah Taala, tang iya agi biak lalu kurang peneleba. Utai ti deka dikereja nya pengawa ti besai, laban tu ukai istana alai mensia diau, tang Rumah Sembiang TUHAN Allah Taala.\\n2 Aku udah, enggau naka ulih nyendiaka utai kena ngaga Rumah Sembiang nya - emas, pirak, temaga, besi, ramu, batu ti berega enggau batu gem, batu kena begagaka geladak, enggau mayuh batu ti alus.\\n3 Nambahka semua utai ti udah disediaka aku, aku udah meri pirak enggau emas ari reta tengkira aku empu, ketegal pemesai pengerindu aku ke Rumah Sembiang Allah Taala.\\n4 Aku udah meri 115 tan emas ti pemadu alus enggau 265 tan pirak ti tulin kena ngelagu dinding Rumah Sembiang\\n5 enggau kena ngaga semua utai ti deka digaga orang ke landik. Kati orang bukai bisi deka meri utai ngagai TUHAN?”\\n6 Udah nya bala tuai peturun, bala pemesai ari raban bansa, bala tuai soldadu, enggau bala orang ke ngemataka reta tengkira raja lalu madahka diri deka meri\\n7 utai kena begagaka Rumah Sembiang: 190 tan emas, 380 tan pirak, 675 tan temaga, enggau 3,750 tan besi.\\n8 Orang ke bisi batu ti berega meri utai nya ngagai sarang reta Rumah Sembiang. Nyadi sarang wang tu dikemataka Jehiel, ke datai ari raban bansa Gersom ari peturun Lewi.\\n9 Orang mayuh udah meri enggau ati ti gerah mudah ngagai TUHAN, lalu sida gaga ati ke pemayuh utai ti diberi. Raja David mega balat amat gaga ati.\\nDavid Muji Allah Taala\\n10 David lalu muji Allah Taala di mua semua orang mayuh. Ku iya, “TUHAN Allah Taala aki kami Jakop, awakka Nuan dipuji belama lama iya!\\n11 Nuan endang besai sereta bekuasa, bemulia, pemadu manah, lalu endang Raja. Semua utai di serega enggau di dunya endang enggi Nuan magang, lalu Nuan endang Raja, Raja ari atas semua.\\n12 Semua pengaya enggau basa endang datai ari Nuan. Nuan merintah semua utai ngena pengering enggau kuasa Nuan, lalu Nuan ulih ngaga orang nyadi besai sereta kering.\\n13 Diatu, Allah Taala kami, kami meri terima kasih ngagai Nuan, lalu kami muji nama Nuan ti bemulia.\\n14 “Tang taja pia, aku enggau nembiak aku enda tentu ulih meri Nuan utai, laban semua utai endang pemeri ari Nuan, lalu kami semina meri pulai baru utai ti endang enggi Nuan.\\n15 Nuan nemu, O TUHAN, kami idup ditu baka orang ke udah kena buai ngagai menua bukai, baka orang kampar, baka aki ini kami menya. Seput kami semina tan sekejap aja baka ayuk, lalu kami enda ulih ngerarika diri ari pemati.\\n16 O TUHAN Allah Taala kami, kami udah ngempuruka semua pengaya tu kena ngaga Rumah Sembiang Nuan, kena ngemesaika nama Nuan ti kudus, tang semua utai tu datai ari Nuan magang, lalu semua utai tu endang enggi Nuan.\\n17 Aku nemu Nuan ngabas ati genap iku orang, lalu gaga ati ke orang ke rentang ati. Ngena ati ti bendar sereta lurus aku udah abis ati meri semua utai tu ngagai Nuan, lalu aku udah meda bala nembiak Nuan ti begempuru ditu udah lantang ati mai pemeri tu ngagai Nuan.\\n18 TUHAN Allah Taala aki ini kami Abraham, Isak enggau Jakop, awakka Nuan ngasuh pengangkun ti baka tu seruran kering belama-lama dalam ati bala nembiak Nuan, lalu awakka Nuan ngasuh sida seruran tetap ati ngagai Nuan.\\n19 Beri meh ngagai anak aku Solomon pengingin ti enda belampung ati ngasika semua pesan, adat, enggau atur Nuan, lalu ngaga Rumah Sembiang ngena utai tu ti udah disediaka aku.”\\n20 Udah nya David lalu bejaku enggau orang mayuh, “Beri puji ngagai TUHAN Allah Taala kita!” Semua orang ke begempuru lalu muji TUHAN Allah Taala aki ini sida, lalu sida nyungkurka diri ngemesaika TUHAN enggau raja.\\n21 Hari siti sida munuh jelu nyadika piring, nyerahka jelu nya ngagai TUHAN, lalu udah nya, meri utai nya ke diempa orang mayuh. Nambahka nya, sida mega meri seribu iku sapi ti lelaki, seribu iku bedus ti lelaki, enggau seribu iku anak domba nyadika piring tunu segala ba alta. Sida mega mai piring wain.\\n22 Nya alai sida gaga ati sehari nya lebuh sida makai ngirup di mua TUHAN. Sida lalu nyiri Solomon nyadi raja kedua kali. Dalam nama TUHAN sida nata iya nyadi raja, lalu Sadok nyadi imam.\\n23 Nya alai Solomon nganti apai iya nyadi raja ba kerusi diraja ti udah ditumbuhka TUHAN. Iya mujur nyadi raja, lalu semua orang Israel ngasi magang ke iya.\\n24 Semua bala pemesai enggau bala soldadu, nyengkaum bala anak lelaki David ti bukai, besemaya deka taluk ngagai Raja Solomon.\\n25 TUHAN ngasuh semua orang Israel bebasaka Solomon, lalu Iya ngaga Solomon bemulia agi ari semua raja bukai ti udah kala megai perintah di menua Israel.\\nPerintah David Ditusui Enggau Ngelansa\\n26 David anak Jesi merintah semua menua Israel\\n27 empat puluh taun. Iya merintah di Hebron tujuh taun, lalu di Jerusalem tiga puluh tiga taun.\\n28 Iya mati lebuh umur iya nyau tuai, bulih pengaya sereta dibasa orang, lalu anak iya Solomon nganti iya nyadi raja.\\n29 Cherita lama pasal Raja David, ari pun nyentuk ke ujung, bisi dituliska magang dalam cherita pasal tiga iku nabi, Samuel, Natan, enggau Gat.\\n30 Cherita nya nusui pasal chara iya merintah, pemesai kuasa iya, enggau pasal semua utai ti udah nyadi ba iya, ba orang Israel, enggau ba perintah menua bukai ti bekelingi dia.","num_words":18071,"character_repetition_ratio":0.084,"word_repetition_ratio":0.006,"special_characters_ratio":0.219,"stopwords_ratio":0.278,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rega semilan bansa barang udah ditetapka ungkup SHMMP Hari Raya, 11 barang dalam SHMMP Gawai | Utusan Borneo Online\\nRabu, 27 Mei 2020 - 9:39pm\\nHalaman Utama » Iban » Rega semilan bansa barang udah ditetapka ungkup SHMMP Hari Raya, 11 barang dalam SHMMP Gawai\\nRega semilan bansa barang udah ditetapka ungkup SHMMP Hari Raya, 11 barang dalam SHMMP Gawai\\nMATAU: Raban KPDNHEP Pampang Sarikei benung meresa rega barang ba sekeda palan di Pasar Sarikei, kemari.\\nSARIKEI: Bisi semilan bansa barang udah ditetapka rega maksimum ungkup bejalaika Skim Rega Maksimum Musin Pengerami (SHMMP) Hari Raya Puasa lalu 11 bansa barang udah ditetapka ungkup SHMMP Hari Gawai Dayak.\\nKetuai Pampang Opis Menteri Dagang Dalam Nengeri enggau Pekara Penguna (KPDNHEP) Pampang Sarikei, Mohamad Zawawi madah, berindik ari pengerami Hari Raya Puasa ti diperambu deka diintu kena 24 Mei 2020 ba selampur menua, hari bulan SHMMP nya berengkah dipejalai kena 20 Mei nyentuk 3 Jun 2020 iya nya pengelama 15 hari.\\n“Pia mega ungkup Hari Gawai Dayak ti deka diintu di Sarawak kena 1 Jun 2020, Skim Rega Maksimum Musin Pengerami (SHMMP) Hari Gawai deka dipejalai berengkah 28 Mei nyentuk 3 Jun 2020 iya nya pengelama tujuh (7) hari.\\n“Entara bansa barang ti udah dirintai ungkup SHMMP Hari Raya iya nya manuk idup (RM7.80 sekilogram), manuk ‘standard’ (RM9.00\/kg), manuk ‘super’ (RM9.50\/kg), dagin chapi import (RM27\/kg), telu manuk gred A (RM0.39 sigi), telu manuk gred B (RM0.38 sigi), telu manuk gred C (RM0.37 sigi), buah nyiur (RM1.30 ungkup rega pemurung) lalu nyiur parut (RM5\/kg).\\n“Ungkup SHMMP Hari Gawai, manuk idup (RM7.80 sekilogram), manuk ‘standard’ (RM9.00\/kg), manuk ‘super’ (RM9.50\/kg), manuk tuai idup (RM7.50\/kg), sayap manuk (RM13\/kg), telu manuk gred A (RM0.39 sigi), telu manuk gred B (RM0.38 sigi), telu manuk gred C (RM0.37 sigi) lalu dagin jani perut (RM19.50\/kg) sereta dagin jani iya nya isi enggau lemak jani (RM18.50\/kg),” ku iya ba penerang media ditu, kemari.\\nKena nentuka nadai rega ti ditikika sepeneka ati ari orang dagang ti deka beambi ulih, notis deka dipansutka ari baruh Seksyen 21, Akta Kawalan Harga dan Antipencatutan 2011 ngagai orang dagang ke nikika rega barang ketegal ti deka ngulihka untung jampat.\\nKu iya nambah, ungkup penyalah nyual barang ti dijaga rega nya ke lebih ari rega maksimum, orang siku-siku ulih ditinggang ukum ari kort nyentuk ke RM100,000 tauka dijil enda ngelui tiga (3) taun tauka kededua nya tauka nerima kompaun nyentuk RM50,000.\\n“Ungkup kompeni, sida ulih ditinggang ukum nyentuk ke RM500,000 tauka nerima kompaun nyentuk RM250,000 nyema ditemu salah.\\n“Ungkup penyalah ti enda ngengkahka tanda rega chura kalas ungkup barang ti dijaga, orang siku-siku tau ditinggang ukum nyentuk RM10,000 tauka nerima kompaun nyentuk RM5,000, lalu kompeni ti ditemu salah mega deka ditinggang ukum RM20,000 tauka nerima kompaun nyentuk RM10,000,” ku Mohamad nyemetak.\\nDikena nentuka orang dagang seruran nitihka atur, ku iya, Pemesai Penerit Adat KPDNHEP Pampang Sarikei deka bisi ba palan ti suah dilawa mensia mayuh bebelika barang.\\n“Kitai deka mekuhka ngagai pasar mensia mayuh, pasar tamu enggau palan bebelika barang dikena bejalaika pengawa meresa enggau matau.\\n“Pengawa tu mandangka pengeransing raban kami nyaga hak penguna ari orang dagang ti deka beambi ulih maya musin pengerami.\\n“Raban kitai mega deka chakah bejalaika pengawa meresa nengah Pemesai Pengawa Meresa Rega ti bejalaika pengawa meresa rega barang ti diguna besesehari ba selampur Bagi Menua Sarikei,” ku iya.\\nKu Mohamad nambah, nyema orang dagang bisi ditemu enda nitihka undang-undang ti bekaul enggau skim tu, mensia mayuh tau ngeripotka ngagai opis menteri nengah ‘hotline’ KPDNHEP ba lumur 1-800-886-800 tauka ba laman web e-Aduan KPDNHEP ba http:\/\/e-aduan.kpdnhep.gov.my tauka nengah ‘Whatsapp’ ba lumur 019-2794317 tauka datai kediri ba sebarang opis menteri ti besemak.","num_words":553,"character_repetition_ratio":0.074,"word_repetition_ratio":0.057,"special_characters_ratio":0.244,"stopwords_ratio":0.177,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Josua * nya cherita pasal orang Israel ke nyerang menua Kanaan, diuluka Josua ke nganti Moses. Pekara ti nyadi, ti ditulis dalam bup tu nyengkaum jerita pasal orang Israel ke meraka Sungai Jordan, pasal nengeri Jeriko ti alah, pasal orang Israel ti ngalahka nengeri Ai, enggau pasal sida ke ngingatka sempekat entara Allah Taala enggau sida. Siti ari ayat ti manah, ti ditemu dalam bup tu, nya munyi tu, “Pilih sehari tu sapa ti deka dititihka kita...tang aku enggau semua kami sebilik deka betuaika TUHAN” (24.15).\\nNgalahka menua Kanaan (1.1-12.24)\\nMagi menua Kanaan (13.1-21.45)\\na. Menua ti di timur Sungai Jordan (13.1-33)\\nb. Menua ti di barat Sungai Jordan (14.1-19.51)\\nc. Nengeri alai ngerarika diri (20.1-9)\\nd. Nengeri Orang Lewi (21.1-45)\\nRaban bansa ti diau di timur pulai ngagai menua Diri (22.1-34b)\\nJaku selamat tinggal ari Josua (23.1-16)\\nSempekat dikingatka baru di Sekem (24.1-33)\\nAllah Taala Ngasuh Josua Ngalahka Menua Kanaan\\n1 Udah bekau pemati Moses ke nembiak TUHAN, TUHAN lalu bejaku ngagai Josua anak Nun, penulung Moses. Ku TUHAN bejaku,\\n2 “Nembiak Aku Moses udah mati.Angkat nuan enggau semua orang Israel, bejalai meraka Sungai Jordan, lalu mansang ngagai menua ti diberi Aku ngagai sida.\\n3 Semua endur ti deka diindik kaki kita, endang udah diberi Aku ngagai kita, munyi ti udah disemaya Aku ngagai Moses.\\n4 Kenyau ari menua puang enggau menua Lebanon nyentuk ngagai sungai ti besai nya, iya nya Sungai Eupratis, semua menua orang Iti, nyentuk ngagai Tasik Tengah di barat, nyadika menua kita.\\n5 Josua, nadai orang ulih ngalahka nuan sepemanjai umur nuan.Baka Aku ti udah enggau Moses, baka nya mega Aku deka enggau nuan; Aku enda ngelengkaka nuan, tauka ninggalka nuan.\\n6 Nuan enda tau enda kering sereta berani, laban nuan deka nguluka orang tu ngambi menua ti udah disemaya Aku ngagai aki ini sida.\\n7 Tang anang enda kering sereta berani, lalu ngasika semua Adat ti diberi nembiak Aku Moses ngagai nuan; anang limpang ari Adat nya, ngambika nuan mujur di sebarang endur nuan bejalai.\\n8 Anang ngetu macha Bup Adat tu; belematika iya siang malam, ngambika nuan ngereja semua utai ti ditulis dalam Bup tu. Nya baru nuan deka nyadi kaya-raja sereta mujur di sebarang endur nuan bejalai.\\n9 Kingatka jaku Aku ti ngasuh nuan kering sereta berani: anang takut tauka lemi semengat, laban Aku, TUHAN Allah Taala nuan bisi enggau nuan di sebarang endur nuan bejalai.”\\n10 Udah nya Josua lalu ngasuh bala tuai\\n11 bejalai nengah kem nya, lalu bejaku ngagai orang mayuh, “Sediaka bekal kita, laban tiga hari da agi, kita deka bejalai meraka Sungai Jordan, mansang ngambi menua ti diberi TUHAN Allah Taala kita ngagai kita.”\\n12 Ku Josua bejaku ngagai raban bansa Reuben, Gat, enggau setengah ari raban bansa Manasi,\\n13 “Kingatka jaku ti udah disebut Moses, ke nembiak TUHAN, ngagai kita, lebuh iya nyebut, ‘TUHAN Allah Taala kita deka meri ngagai kita siti endur alai kita diau.’\\n14 Bini, anak enggau jelu tupi kita deka diau di menua ti diungkupka Moses ngagai kita ba tebing timur Sungai Jordan. Tang semua soldadu kita ke chukup disikap enggau senyata, mesti meraka Sungai Jordan lalu bejalai dulu ari bala kaban belayan kita, lalu nyaup sida.\\n15 Lebuh sida udah ngentapka diri enggau selamat ba menua ti diberi TUHAN Allah Taala kita ngagai sida adap ke barat Sungai Jordan, nya baru kita tau pulai ngagai menua ti udah diungkupka nembiak Aku Moses ngagai kita ba tebing timur Sungai Jordan.”\\n16 Sida lalu nyaut Josua, “Kami deka ngereja semua utai ti diasuh nuan kereja kami, lalu kami deka bejalai ngagai sebarang endur ti diasuh nuan.\\n17 Baka kami ke udah ngasika Moses, baka nya meh kami deka ngasika nuan. Awakka TUHAN Allah Taala nuan meruan enggau nuan, baka Iya ti udah meruan enggau Moses!\\n18 Barang sapa ngelaban nuan, tauka enda ngasika jaku nuan, deka dibunuh.Nuan mesti kering sereta berani.”\\nJosua Ngasuh Orang Matau Nengeri Jeriko\\n1 Udah nya Josua anak Nun lalu ngasuh dua iku orang belalai mupuk ari Sitim nyadi pematau.Ku iya, “Mupuk seduai, lalu peratika menua nya, kelebih agi Jeriko.”Seduai iya mupuk lalu tama rumah siku indu sundal ke benama Rahap, lalu bemalam dia.\\n2 Nyadi raja nengeri Jeriko bisi dipadahka munyi tu: “Sekeda orang Israel udah datai ditu malam tu deka matau menua tu.”\\n3 Raja nengeri Jeriko lalu ngirumka pesan ngagai Rahap, “Bai pansut orang ke udah tama ngagai rumah nuan, laban sida nya pematau.”\\n4 Tang indu nya udah ngelalaika lelaki dua iku nya.Udah nya iya lalu bejaku, “Sida amat bisi datai ngagai aku, tang aku enda nemu ari ni penatai sida.\\n5 Lalu lebuh pintu nengeri nyau deka ditutup lebuh hari nyau petang, sida mupuk. Kini ke tunga sida mupuk, aku enda? nemu. Mupuk kita enggau jampat, ngambika kita ulih tetitihka sida.”\\n6 Tang Rahap udah mai seduai iya ngagai perabung rumah, lalu ngelalaika seduai iya dalam tugung takang linin ti dijembui iya ba perabung rumah nya.\\n7 Bala soldadu raja lalu nitihka seduai iya nengah jalai ngagai Sungai Jordan, nyentuk ngagai pemeraka ba sungai nya.Lebuh bala soldadu nya udah pansut, pintu nengeri nya lalu ditutup.\\n8 Sebedau pematau dua iku nya nindukka diri, Rahap niki ngagai perabung rumah nya ngagai seduai iya\\n9 lalu bejaku, “Aku nemu TUHAN udah meri menua tu ngagai kita, lalu semua kami ke di menua tu bela takutka kita magang.\\n10 Laban kami bisi udah ninga pasal TUHAN ti ngerangkaika Tasik Mirah, lebuh kita pansut ari menua Ejip. Kami mega bisi udah ninga pasal kita ke munuh Sihon enggau Og, dua iku raja orang? Amor di timur Sungai Jordan.\\n11 Lebuh kami ninga nya, kami takut, lalu kami enda berani ngelaban kita.TUHAN Allah Taala kita endang amat Allah Taala ti bekuasa di serega enggau di dunya.\\n12 Nya alai, laban aku udah manah enggau seduai, aku minta seduai besumpah atas nama TUHAN, deka manah enggau kami sebilik. Beri siti tanda ngagai aku\\n13 kena nunjukka kita enda munuh apai enggau indai aku, menyadi lelaki enggau menyadi indu aku, enggau semua sida sebilik! Anang munuh kami!”\\n14 Ku orang dua iku nya bejaku enggau iya, “Awakka Allah Taala munuh kami enti kami enda ngereja utai nitihka semaya kami.Enti nuan enda madahka ngagai orang utai ti dikereja kami, kami deka manah enggau kita, lebuh TUHAN meri menua tu ngagai kami.”\\n15 Nyadi rumah Rahap digaga dalam dinding kuta nengeri, nya alai Rahap ngulurka seduai iya ngena tali nengah jenila.\\n16 Ku Rahap bejaku, “Mupuk seduai ngagai menua ti bebukit, ngambika bala soldadu enda tetemuka seduai.Belalai tiga hari dia, datai ke sida udah pulai.Nya baru seduai tau angkat ari endur nya.”\\n17 Ku seduai iya bejaku enggau iya, “Kami deka ngamatka semaya ti diasuh nuan gaga kami enggau nuan.\\n18 Nuan mesti ngereja tu: lebuh kami nyerang menua kita, tanchangka tali ti mirah tu ba jenila ti alai nuan ngulurka kami duai. Bai apai enggau indai nuan, bala menyadi lelaki nuan, enggau semua kita sebilik ngagai rumah tu.\\n19 Sebarang sapa pansut ari rumah tu ngagai jalai raya, deka betanggungjawapka pemati iya empu; kami enda? betanggungjawapka nya; tang enti orang ngenataika jari ba kita ke diau enggau nuan dalam rumah tu, kami deka betanggungjawapka pemati kita.\\n20 Tang enti nuan madahka ngagai orang utai ti dikereja kami duai, kami pen enggai mega ngamatka semaya kami duai enggau nuan.”\\n21 Rahap besetuju, lalu ngasuh seduai iya mupuk.Lebuh seduai iya udah mupuk, iya lalu nanchangka tali mirah ba jenila nya.\\n22 Pematau nya lalu mansang ngagai menua ti bebukit lalu belalai dia tiga hari.Bala soldadu begigaka seduai iya di semua endur, tang nadai tetemuka seduai iya. Nya alai sida mulaika diri.\\n23 Udah nya pematau dua iku nya nurun ari menua ti bebukit nya, meraka Sungai Jordan, betemu ngagai Josua, lalu madahka ngagai iya semua utai ti udah nyadi.\\n24 Ku seduai iya bejaku, “TUHAN sigi amat meri semua menua nya ngagai kitai.Nambahka nya, semua orang di menua nya bela takutka kitai.”\\nOrang Israel Meraka Sungai Jordan\\n1 Tumu pagi hari siti, Josua enggau semua orang Israel angkat, lalu mupuk ari Sitim, lalu datai ba Sungai Jordan.Dia sida lalu nirika kem sebedau sida meraka sungai nya.\\n2 Tiga hari udah bekau nya bala tuai lalu bejalai nengah kem,\\n3 madahka ngagai orang mayuh, “Lebuh kita meda Peti Lampang Batu Adat TUHAN Allah Taala kita, disan bala imam Lewi, kita mesti angkat ari endur kita. Titihka Peti Lampang Batu Adat nya,\\n4 ngambika kita nemu jalai ti patut ditengah kita, laban kita nadai udah kala nengah jalai nya. Tang anang datai semak ngagai Peti Lampang Batu Adat. Kita bejalai kira setengah batu ngentudika Peti nya.”\\n5 Josua lalu madahka ngagai orang mayuh, “Tuchi diri empu, laban pagila TUHAN deka ngereja kereja ajih ba bala kita.”\\n6 Udah nya iya lalu bejaku ngagai bala imam, “San Peti Lampang Batu Adat, lalu bejalai dulu ari orang mayuh.” Sida lalu ngesan Peti Lampang Batu Adat, lalu bejalai dulu ari orang mayuh.\\n7 Ku TUHAN bejaku ngagai Josua, “Sehari tu Aku deka belabuh ngemesaika nuan di mua orang Israel, ngambika sida nemu Aku bisi enggau nuan, baka Aku ti udah enggau Moses.\\n8 Padahka ngagai bala imam ke ngesan Peti Lampang Batu Adat, ‘Lebuh kita datai ba ai sungai nya, kita mesti bediri dia enda engkebut.’ “\\n9 Udah nya Josua bejaku ngagai orang mayuh, “Datai kitu, lalu pendingka jaku TUHAN Allah Taala kita.\\n10 Lebuh kita nyerang, Allah Taala deka muru orang Kanaan, orang Iti, orang Ibi, orang Peris, orang Girgas, orang Amor enggau orang Jebus. Nya baru kita deka nemu Allah Taala ti idup bisi ba tengah-tengah kita,\\n11 lebuh Peti Lampang Batu Adat ti enggi TUHAN ti bekuasa di serata dunya, disan dulu ari kita meraka Sungai Jordan.\\n12 Nya alai pilih dua belas iku orang, siku ari siti-siti raban bansa.\\n13 Lebuh tapa kaki bala imam ke ngesan Peti Lampang Batu Adat ti diempu TUHAN ti bekuasa di serata dunya, ngindik ai? Sungai Jordan, ai nya deka badu rarat, lalu deka nyegang ke ulu.”\\n14 Lebuh orang Israel mupuk ari kem sida deka meraka Sungai Jordan, bala imam ke ngesan Peti Lampang Batu Adat bejalai dulu ari orang mayuh.\\n15 Nyadi Sungai Jordan bah ampuh tebing sepemanjai musin ngetau. Nya alai lebuh orang ke ngesan Peti nya udah datai ba Sungai Jordan, lalu kaki bala imam ke ngesan Peti nya ngindik tisi ai sungai nya,\\n16 ai ti rarat ari ulu lalu badu anyut, lalu nyegang ke ulu nyentuk ngagai Adam, iya nya nengeri ti semak Saretan, lalu semua ai ti rarat ngagai Tasik Mati putus. Udah nya orang Israel lalu meraka ke seberai semak nengeri Jeriko.\\n17 Lebuh orang Israel meraka sungai nya nengah tanah ti rangkai, bala imam ke ngesan Peti Lampang Batu Adat TUHAN bediri ba tanah ti rangkai ba tengah-tengah sungai nya, datai ke semua orang Israel udah meraka magang ngagai tebing seberai Sungai Jordan.\\nBatu Pengingat Didirika\\n1 Lebuh semua orang Israel udah meraka Sungai Jordan, TUHAN lalu bejaku ngagai Josua,\\n2 “Pilih dua belas iku lelaki, siku ari siti-siti raban bansa,\\n3 lalu asuh sida mai dua belas igi batu ari tengah-tengah Sungai Jordan, ari endur alai bala imam ke bediri. Asuh sida mai lalu ngengkahka batu nya ba kem kita malam tu.”\\n4 Udah nya Josua lalu mesanka dua belas iku lelaki orang Israel ti udah dipilih, siku ari genap bengkah raban bansa,\\n5 lalu bejaku ngagai sida, “Alai kita bejalai dulu ari Peti Lampang Batu Adat TUHAN Allah Taala kita, ngagai tengah-tengah Sungai Jordan.Genap iku kita enda tau enda ngesan sigi batu, sigi ke genap raban bansa orang Israel.\\n6 Batu nya deka nyadika tanda ke orang mayuh. Lebuh anak kita nanya ngagai kita jemah ila reti batu nya,\\n7 kita enda tau enda madahka ngagai sida pasal ai Sungai Jordan ti badu agi rarat.Batu nya deka nyadika batu pengingat ke orang Israel belama iya.”\\n8 Bala lelaki nya lalu ngereja nitihka asuh Josua. Sida lalu mai dua belas igi batu ari tengah-tengah Sungai Jordan, sigi ke genap raban bansa orang Israel, munyi ti udah dipadahka TUHAN ngagai Josua, lalu sida mai batu nya ngagai kem sida, lalu ngengkahka batu nya dia.\\n9 (Josua lalu nusun dua belas igi batu ba tengah-tengah Sungai Jordan, ba endur alai bala imam ke ngesan Peti Lampang Batu Adat nya udah bediri; lalu batu nya mengkang dia datai ke sehari tu.)\\n10 Bala imam ke ngesan Peti nya mengkang bediri ba tengah-tengah Sungai Jordan, datai ke semua utai ti udah diasuh TUHAN padahka Josua ngagai orang mayuh, nitihka jaku Moses ngagai Josua, tembu magang dikereja sida.Orang Israel lalu beguai-guai meraka sungai nya.\\n11 Lebuh semua sida udah meraka magang, Peti Lampang Batu Adat TUHAN enggau bala sida imam lalu meraka, bejalai dulu ari bala mayuh.\\n12 Bala lelaki ari raban bansa Reuben enggau raban bansa Gat, enggau setengah ari raban bansa Manasi, ti udah nyikap diri deka beperang, lalu meraka dulu ari orang bukai, munyi ti udah diasuh Moses.\\n13 Kira empat puluh ribu iku lelaki, ke sedia deka beperang, meraka sungai nya di mua TUHAN ngagai emperan Jeriko, mansang beperang.\\n14 Nya meh hari alai TUHAN ngemesaika Josua di mua semua orang Israel, lalu sida bebasaka iya sepemanjai umur iya, baka sida ke udah bebasaka Moses.\\n15 Udah nya TUHAN lalu bejaku ngagai Josua,\\n16 “Asuh bala imam ke ngesan Peti Lampang Batu Adat nya, angkat ari Sungai Jordan.”\\n17 Josua lalu bejaku ngagai sida imam nya, “Angkat kita ari Sungai Jordan.”\\n18 Lebuh bala imam ke ngesan Peti nya angkat ari tengah-tengah Sungai Jordan, lalu tapa kaki sida terengkah ba tanah ti rangkai, ai sungai nya lalu belabuh rarat baru lalu ngampuhka tebing baru.\\n19 Orang Israel meraka Sungai Jordan kena sepuluh hari bulan ti kesatu, lalu sida nirika kem sida di Gilgal, tunga ke timur menua Jeriko.\\n20 Dua belas igi batu ti diambi ari Sungai Jordan, lalu ditusun Josua di Gilgal.\\n21 Lalu ku iya bejaku ngagai orang Israel, “Lebuh anak kita nanyaka reti batu tu ngagai kita jemah ila,\\n22 kita enda tau enda madahka ngagai sida, ‘Orang Israel bejalai meraka Sungai Jordan ba senentang tu nengah tanah ti rangkai.’\\n23 Laban TUHAN Allah Taala kita udah ngerangkaika Sungai Jordan ke kita, datai ke semua kita udah meraka magang ke seberai, baka ke udah dikereja TUHAN Allah Taala kita ba Tasik Mirahti diasuh Iya rangkai ngambika kitai ulih meraka tasik nya,\\n24 ngambika semua bansa di dunya tu nemu pemesai kuasa TUHAN, sereta ngambika kita nangika TUHAN Allah Taala kita belama iya.”\\n1 Lebuh semua raja orang Amor ke di barat Sungai Jordan, enggau semua raja orang Kanaan ti diau ba tebing Tasik Tengah, ninga TUHAN udah ngerangkaika Sungai Jordan ngambika semua orang Israel ulih meraka, sida takut lalu lemi semengat, laban orang Israel.\\nBetutus Di Gilgal\\n2 Udah nya TUHAN lalu bejaku ngagai Josua, “Gaga repik batu nyadika lungga, lalu tutus orang Israel.”\\n3 Josua lalu ngaga berapa iti repik batu nyadika lungga, lalu nutus orang Israel ba siti endur ti dikumbai Munggu Alai Betutus.\\n4-6 Lebuh orang Israel angkat ari menua Ejip, semua orang ke lelaki endang udah ditutus magang. Tang dalam empat puluh taun sida bejalai nengah menua puang, nadai siku sida ke nembiak udah ditutus. Nambahka nya, ba ujung empat puluh taun nya, semua orang ke tau enggau beperang lebuh sida angkat ari menua Ejip, udah mati magang, laban sida enda ngasika TUHAN.Munyi ti udah disemaya TUHAN, sida enda tau meda menua ti kaya sereta ami nya, ti udah disemaya Iya ngagai aki ini sida.\\n7 Nya alai anak sida, ti udah ditupi TUHAN nganti apai sida empu, ke ditutus Josua; laban sida apin ditutus lebuh sida di rantau jalai.\\n8 Lebuh pengawa nutus semua orang Israel nya udah tembu, semua sida diau dalam kem nganti abi tutus sida gerai.\\n9 Ku TUHAN bejaku ngagai Josua, “Sehari tu Aku udah muai pemalu kita ke nyadi ulun di menua Ejip.” Nya kebuah endur nya dikumbai Gilgal, lalu nama nya mengkang dikena nyentuk ngagai sehari tu.\\n10 Lebuh orang Israel agi ba kem sida di Gilgal, ba emperan semak nengeri Jeriko, sida ngintu Gawai Paska kena lemai empat belas hari bulan nya.\\n11 Hari siti nya hari ti keterubah iya sida makai asil ari utai ti ditanam di menua Kanaan.Pemakai nya kemping, enggau roti ti enda beragi.\\n12 Lebuh maya nya mana nadai agi labuh ari langit, lalu orang Israel nadai agi makai mana.Berengkah ari nya sida makai pemakai ti ditanam di menua Kanaan.\\nJosua Enggau Orang Siku Ke Besenyataka Pedang\\n13 Lebuh Josua datai semak ngagai nengeri Jeriko, iya lalu tepedaka siku lelaki bediri ari mua iya, megai pedang.Josua mansang ngagai iya, lalu nanya, “Kati nuan tu siku ari bala kami, tauka munsuh?”\\n14 “Ukai bala kita, lalu ukai mega munsuh kita,” ku lelaki nya nyaut.“Aku datai ditu nyadi tuai bala soldadu TUHAN.”\\nJosua lalu nyungkurka diri di mua iya, lalu nyembah iya.Ku Josua bejaku, “Nama utai ti diasuh nuan kereja aku ti ulun nuan tu, Tuan?”\\n15 Tuai bala soldadu TUHAN lalu bejaku ngagai iya, “Buka kasut nuan, laban nuan bediri ba tanah ti kudus.”Josua lalu muka kasut iya.\\n1 Nyadi pintu kuta nengeri Jeriko endang ditutup sereta dijaga, enggai ke orang Israel tama.Nadai orang tau tama tauka pansut ari nengeri nya.\\n2 Ku TUHAN bejaku ngagai Josua, “Aku nyerahka Jeriko, enggau raja iya enggau semua bala soldadu iya, ngagai jari nuan.\\n3 Nuan enggau bala soldadu nuan enda tau enda bejalai ngeliling nengeri nya sekali sehari.Kita ngereja nya dalam enam hari.\\n4 Tujuh iku imam ke mai tujuh iti terumpit, deka bejalai dulu ari Peti Lampang Batu Adat.Ba hari ti ketujuh, kita enda tau enda bejalai ngeliling nengeri nya tujuh kali, lalu bala imam seruran nyepu terumpit sida lebuh kita bejalai.\\n5 Udah nya sida enda tau enda nyepu terumpit sida ngena sepu ti panjai.Lebuh kita ninga nya, semua orang mayuh enda tau enda manjung enggau pengabis penginggar nyawa kita, lalu dinding kuta nengeri nya deka runtuh, lalu semua bala kita enda tau enda terus nyerang nengeri nya.”\\n6 Josua anak Nun lalu mesanka bala imam, lalu bejaku ngagai sida, “San Peti Lampang Batu Adat, lalu asuh tujuh iku imam mai tujuh iti terumpit bejalai dulu ari Peti Lampang Batu Adat TUHAN.”\\n7 Udah nya Josua lalu bejaku ngagai bala mayuh, ku iya, “Kitai deka bejalai ngeliling nengeri nya; orang ke besenyata deka bejalai dulu ari Peti Lampang Batu Adat TUHAN.”\\n8 Nitihka atur ti diberi Josua ngagai orang mayuh, tujuh iku imam ke mai tujuh iti terumpit lalu bejalai dulu ari bala imam ke ngesan Peti Lampang Batu Adat TUHAN.\\n9 Bala orang ke besenyata bejalai dulu ari sida imam ke nyepu terumpit; orang ke nyaga ari belakang, bejalai ngentudika Peti Lampang Batu Adat TUHAN.Lebuh sida bejalai, terumpit tujuh iti nya seruran disepu.\\n10 Nyadi Josua udah bejaku enda nyagi bala manjung, tauka bejaku, sebedau iya ngasuh sida.\\n11 Iya lalu ngasuh sida imam ngesan Peti Lampang Batu Adat TUHAN ngeliling nengeri nya sekali.Udah nya sida pulai ngagai kem, lalu bemalam ba kem nya.\\n12-13 Tumu pagi hari siti Josua angkat, lalu pagi nya bala imam enggau bala soldadu bejalai ngeliling nengeri nya kedua kali nitihka tusun bala baka ke ba hari ti keterubah, iya nya, bala orang ke nyaga ari mua bejalai dulu, ditangkanka tujuh iku imam ke nyepu tujuh iti terumpit, ditangkanka bala imam ke ngesan Peti Lampang Batu Adat TUHAN, lalu ditangkanka bala soldadu ke nyaga ari belakang. Lebuh sida bejalai, terumpit endang enda ngetu disepu.\\n14 Ba hari ti kedua tu, sida bejalai ngeliling nengeri nya sekali aja, lalu udah nya sida pulai ngagai kem.Sida ngereja nya enam hari.\\n15 Ba hari ti ketujuh, sida angkat ba urung rerak tawas lalu bejalai tujuh kali ngeliling nengeri nya, ngena tusun bala baka ke dulu. Tang ba hari nya sida bejalai tujuh kali ngeliling nengeri nya.\\n16 Lebuh sida udah bejalai ngeliling nengeri nya ketujuh kali sehari nya, lebuh bala imam nyepu terumpit sida, Josua lalu ngasuh orang mayuh manjung.Ku iya, “TUHAN udah nyerahka nengeri tu ngagai kita!\\n17 Nengeri nya enggau semua utai ti dalam iya enda tau enda dirusak magang nyadika piring ti diberi ngagai TUHAN.Semina indu sundal ke benama Rahap, enggau sida sebilik aja enda dibunuh, laban iya udah ngelalaika pematau kitai.\\n18 Kita enda tau ngambi utai ti deka dirusak.Enti kita ngambi utai nya, kita deka ngasuh penusah enggau pengerusak ti besai ninggang kem orang Israel.\\n19 Semua utai ti digaga ari pirak, emas, temaga, tauka besi, deka diseraraka magang ngambika sida diempu TUHAN.Utai nya enda tau enda disimpan dalam sarang wang TUHAN.”\\n20 Orang mayuh manjung, lalu terumpit disepu.Lebuh bala mayuh ninga nya, sida lalu manjung enggau naka penginggar nyawa sida.Dinding kuta nengeri nya lalu runtuh.Semua bala soldadu belanda nyerang nengeri nya, lalu ngalahka iya.\\n21 Sida mantap semua orang dalam nengeri nya, nyengkaum lelaki, indu, orang ke biak enggau ke tuai. Sida mega mantap jelu sapi, jelu bedus, enggau jelu keledai.\\n22 Udah nya Josua lalu bejaku enggau pematau ke dua iku nya, “Alai seduai mansang ngagai rumah indu sundal nya, lalu bai iya enggau sida sebilik pansut, munyi ti udah disemaya seduai enggau iya.”\\n23 Seduai iya mansang, lalu mai Rahap pansut, sama enggau apai enggau indai iya, menyadi lelaki iya, enggau sida sebilik ti bukai. Seduai iya mai semua sida, nyengkaum semua sida Rahap sebilik enggau bala ulun sida, ngagai endur ti likun semak kem orang Israel.\\n24 Udah nya sida lalu nunu nengeri nya datai ke retung, nyengkaum semua utai ti dalam nengeri nya, kelimpah ari utai ti digaga ari emas, pirak, temaga, enggau besi.Semua utai nya diambi sida magang, lalu disimpan sida dalam sarang wang rumah TUHAN.\\n25 Tang Josua enda munuh indu sundal ke benama Rahap, enggau semua kaban belayan iya, laban Rahap udah ngelalaika dua iku pematau ti udah diasuh matau nengeri Jeriko. (Bala peturun Rahap mengkang idup di menua Israel nyentuk ngagai sehari tu.)\\n26 Lebuh maya nya Josua meri jaku tangkan munyi tu: “Barang sapa nguji nirika nengeri Jeriko nya baru, deka tulah ditinggang sumpah TUHAN. Barang sapa nirika batu pemun, deka lenyau anak tuai. Barang sapa ngaga pintu kuta, deka lenyau anak bunsu.”\\n27 Nya alai TUHAN meruan enggau Josua, lalu berita pasal iya ngelekai di serata menua nya.\\n1 Tang orang Israel enda nitihka pesan TUHAN ti nagang sida ngambi utai ti deka dirusak di nengeri Jeriko.Orang siku ke benama Achan ngelanggar pesan nya.TUHAN lalu pedis ati ngagai orang Israel.(Achan nya anak Karmi, uchu Sabdi, ari raban peturun Serah, ke ari raban bansa Judah.)\\n2 Nyadi Josua udah ngasuh sekeda orang bejalai ari Jeriko ngagai Ai, iya nya nengeri ti tunga ke timur Betel, semak Bet-aben, ngasuh sida matau menua nya. Lebuh sida udah matau menua nya,\\n3 sida lalu madahka pasal menua nya ngagai Josua, “Enda ibuh semua kitai nyerang Ai.Asuh dua tauka tiga ribu iku aja orang.Anang ngasuh semua bala soldadu nyerang.Nengeri nya enda besai.”\\n4 Nya alai kira tiga ribu iku orang Israel nyerang, tang sida nyurutka diri lebuh sida dilaban munsuh.\\n5 Orang ari nengeri Ai lalu ngagai sida belabuh ari pintu kuta nengeri nya, nyentuk ngagai endur alai orang ke ngerubuh batu, lalu munuh kira tiga puluh enam iku sida di rantau jalai ti nurun munggu nya. Bala orang Israel lalu takut.\\n6 Josua enggau bala tuai orang Israel lalu nyarikka gari diri, nyungkurka diri ke tanah di mua Peti Lampang Batu Adat TUHAN, lalu mengkang dia nyentuk ngagai lemai, sereta ngerabuka amau ngagai pala sida, mandangka penusah ati diri.\\n7 Ku Josua bejaku, “TUHAN ti Pemadu Tinggi!Nama kebuah Nuan mai kami meraka Sungai Jordan?Laban Nuan deka nyerahka kami ngagai orang Amor, lalu ngerusak kami? Manah agi kami ngentapka diri di tebing timur Sungai Jordan din!\\n8 Baka ni ku jalai aku bejaku agi, O TUHAN? Orang Israel diatu udah nyurutka diri ari munsuh.\\n9 Orang Kanaan enggau semua orang bukai di menua tu deka ninga pasal tu. Sida deka ngelulung kami, lalu munuh semua kami! Lalu nama utai ti deka dikereja Nuan kena Nuan nyaga nama Nuan?”\\n10 Ku TUHAN bejaku ngagai Josua, “Angkat nuan!Nama kebuah nuan nyungkurka diri ba tanah baka nya?\\n11 Orang Israel udah bedosa! Sida udah ngelanggar sempekat ti udah diasuh Aku titihka sida.Sida udah ngambi utai ti patut dirusak.Sida udah ngenchuri utai nya, bulaka pasal utai nya, lalu nyimpan utai nya begulai enggau utai sida empu.\\n12 Nya kebuah orang Israel enda ulih ngelaban munsuh sida. Sida rari ari munsuh laban sida empu diatu udah diukum lalu deka dirusak! Aku enggai begulai enggau kita agi, enti kita enda ngerusak utai ti patut dirusak!\\n13 Angkat nuan! Tuchi orang mayuh, lalu sebut ngagai sida, ‘Tuchi diri empu ke pagila; laban TUHAN Allah Taala ke disembah orang Israel udah bejaku, “O Israel, kita bisi nyimpan utai ti patut dirusak; kita enda ulih ngelaban munsuh kita, asal utai ti patut dirusak nya enda dibuai ari bala kita.” ‘\\n14 Nya alai padahka ngagai sida, pagila sida deka mansang ke mua, nitihka raban bansa sida. Raban bansa ti dipilih Aku deka mansang ke mua, nitihka suku raban bansa sida.Suku raban bansa ti dipilih Aku deka mansang ke mua, nitihka ruang bilik sida.Orang ari ruang bilik ti dipilih Aku, deka mansang ke mua, siku-siku sekali.\\n15 Orang ke kena pilih, ke ditemu bisi nyimpan utai ti patut dirusak nya, deka diukum tunu sama enggau sida sebilik, sereta enggau semua utai ti diempu iya, laban iya udah ngelanggar sempekat TUHAN, enggau laban iya udah ngereja utai ti ngemaluka orang Israel.”\\n16 Tumu pagi hari siti, Josua lalu mai orang Israel mansang ke mua, siti-siti raban bansa sekali, lalu raban bansa Judah kena pilih.\\n17 Iya lalu mai raban bansa Judah ke mua, nitihka ripih suku raban bansa sida, lalu suku raban bansa Serah kena pilih.Udah nya iya lalu mai bala suku raban bansa Serah ke mua, nitihka ripih ruang bilik sida, lalu ruang bilik Sabdi kena pilih.\\n18 Udah nya iya lalu mai ruang bilik Sabdi ke mua, siti-siti ruang bilik sekali, lalu Achan, anak Karmi, uchu Sabdi, kena pilih.\\n19 Josua lalu bejaku enggau Achan, “Anak, beri mulia ngagai TUHAN Allah Taala ke disembah orang Israel, lalu beri puji ngagai Iya.Padahka ngagai aku utai ti udah dikereja nuan; anang ngelalaika utai nya ari aku.”\\n20 Achan lalu nyaut Josua, “Aku endang amat udah bedosa ngelaban TUHAN Allah Taala ke disembah orang Israel. Tu utai ti udah dikereja aku:\\n21 lebuh aku tepedaka siti kelambi Babilon ti manah, enggau kira dua kilogram pirak, enggau kira setengah kilogram lumpung emas, aku lalu inginka utai nya, lalu ngambi sida.Utai nya dilalaika aku dalam tanah dalam langkau kain aku, lalu pirak nya ba buntut lubang nya.”\\n22 Josua lalu ngasuh orang ngiga utai nya.Sida lalu belanda ngagai langkau kain Achan lalu nemu utai nya dilalaika iya dalam langkau kain iya, enggau pirak ba buntut lubang nya.\\n23 Sida lalu ngambi utai nya ari langkau kain Achan lalu mai utai nya ngagai Josua, enggau ngagai semua orang Israel, lalu ngengkahka utai nya di mua TUHAN.\\n24 Josua enggau semua soldadu orang Israel lalu nangkap Achan, bala anak lelaki enggau bala anak indu iya, ngerampas pirak, kelambi nya, lumpung emas, jelu sapi, keledai, jelu bedus, langkau kain iya, enggau semua utai bukai ti diempu iya, lalu mai semua utai nya, sama enggau sida empu, ngagai Lebak Penusah.\\n25 Lalu ku Josua bejaku enggau Achan, “Nama kebuah nuan ninggang kami enggau penusah ti besai tu?Sehari tu TUHAN deka ninggang nuan enggau penusah!”Semua orang Israel lalu nuku Achan ngena batu.Orang Israel nuku, lalu nunu sida sebilik enggau reta tengkira sida.\\n26 Sida lalu nirika tugung batu ti besai ba atas bangkai Achan. Tugung batu nya mengkang dia datai ke sehari tu. Nya kebuah endur nya agi dikumbai Lebak Penusah.Nya baru TUHAN badu agi ringat.\\nNengeri Ai Alah Lalu Dirusak\\n1 Ku TUHAN bejaku ngagai Josua, “Anang takut tauka lemi semengat; bai semua bala soldadu nuan, lalu mansang ngagai nengeri Ai. Aku udah nyerahka raja nengeri Ai, bala nembiak iya, nengeri iya, enggau menua iya, ngagai nuan;\\n2 lalu nuan deka ngereja ngagai Ai enggau ngagai raja iya baka ke udah dikereja nuan ngagai nengeri Jeriko enggau ngagai raja nengeri nya; tang kita tau ngambi reta tengkira, enggau jelu tupi sida ke kita empu. Kita enda tau enda ngeramka ipa ari belakang nengeri nya.”\\n3 Josua enggau semua bala soldadu iya lalu mansang ngagai nengeri Ai.Josua milih tiga puluh ribu iku orang ari bala soldadu ti pemadu kering, lalu ngasuh sida bejalai malam.\\n4 Ku iya bejaku ngagai sida, “Kita enda tau enda ngeramka ipa ari belakang nengeri nya, tang anang jauh ari nengeri nya, lalu sedia nyerang;\\n5 aku enggau bala aku deka mansang ngagai nengeri nya.Lebuh orang ari nengeri Ai pansut deka ngelaban kami, kami deka mutar lalu rari ari sida, baka ke dikereja kitai suba.\\n6 Sida deka ngagai kami, datai ke kami udah ngumpan semua sida pansut ari nengeri nya; laban sida deka ngumbai kami rari ari sida baka ke dikereja kitai suba. Baka nya ku jalai kami rari ari sida;\\n7 nya baru kita pansut ari endur alai kita ke ngeramka ipa, lalu ngalahka nengeri nya; laban TUHAN Allah Taala kita deka meri nengeri nya ngagai kita.\\n8 Lebuh kita udah ngalahka nengeri nya, tunu nengeri nya, nitihka asuh TUHAN.Nya meh atur ti diberi aku ngagai kita.”\\n9 Josua lalu ngasuh sida mupuk. Sida lalu mansang ngagai endur alai ngeramka ipa, lalu belalai entara Betel enggau Ai, tunga ke barat ari nengeri Ai; Tang malam nya Josua bemalam ba kem sida begulai enggau bala mayuh.\\n10 Tumu pagi hari siti, Josua angkat lalu ngempuruka bala soldadu, lalu bejalai sama enggau bala tuai orang Israel mansang ngagai nengeri Ai, dipeda semua orang Israel.\\n11 Bala soldadu ke enggau iya lalu mansang nuju ngagai pintu besai nengeri nya, lalu nirika kem ba tisi utara nengeri nya, diseraraka siti lebak ari nengeri Ai.\\n12 Josua lalu mai kira lima ribu iku lelaki, lalu ngasuh sida ngeramka ipa entara Betel enggau Ai, tunga ke barat ari nengeri Ai.\\n13 Nya alai sida ngasuh bala soldadu bela ngambi endur diri, iya nya semua sida ke dalam kem ti muak ari utara nengeri nya, enggau bala sida ke ngeramka ipa, muak ke barat ari nengeri nya. Malam nya Josua bemalam ba lebak nya.\\n14 Lebuh raja nengeri Ai meda nya, iya enggau semua bala iya, iya nya bala lelaki ari nengeri nya, lalu beguai-guai pansut ari nengeri nya tumu pagi hari, deka nyerang orang Israel, ba siti endur ti tunga ngagai Arabah; tang iya enda nemu diri deka diserang ari belakang.\\n15 Josua enggau bala iya lalu ngaga diri baka ke deka nyurutka diri, lalu rari tunga ngagai menua puang.\\n16 Nya alai semua lelaki ke dalam nengeri nya lalu diasuh begagaika orang Israel; lebuh sida begagaika orang Israel, sida makin jauh-sejauh ninggalka nengeri Ai.\\n17 Nengeri Ai tauka nengeri Betel nadai agi lelaki; semua sida udah enggau begagaika orang Israel; sida ninggalka nengeri Ai nadai orang nyaga, lalu sida begagaika orang Israel.\\n18 Udah nya TUHAN lalu bejaku ngagai Josua, “Kedar lalu tunjukka sangkuh nuan tunga ngagai nengeri Ai; laban Aku deka meri nengeri nya ngagai nuan.”Josua lalu ngedarka sangkuh iya tunga ngagai nengeri nya.\\n19 Bala soldadu ti udah ngeramka ipa lalu angkat tekala nya ari endur sida, lalu lebuh Josua ngedarka jari iya, sida belanda lalu tama, lalu ngalahka nengeri nya. Sida lalu beguai-guai nyelup nengeri nya ngena api.\\n20 Lebuh orang Ai malik kebelakang, sida lalu tepedaka balun asap pansut ari nengeri nya. Sida nadai jalai rari, laban orang Israel ti udah rari tunga ngagai menua puang, diatu nyau mutarka nyerang sida.\\n21 Lebuh Josua enggau semua orang Israel meda bala sida ke ngeramka ipa udah ngalahka nengeri nya, lalu meda asap bebalun pansut ari nengeri nya, sida mutar lalu munuh bala soldadu orang Ai.\\n22 Bala orang Israel ke di nengeri nya lalu nurun enggau ngelaban orang Ai.Orang ari nengeri Ai abis dikelulung orang Israel, lalu semua sida abis dibunuh.Nadai siku sida ulih ngerarika diri, tauka agi idup.\\n23 Tang orang Israel nangkap raja nengeri Ai, lalu mai iya ngagai Josua.\\n24 Lebuh orang Israel udah tembu bebunuhka orang Ai di menua puang, alai sida ke udah begagaika orang Ai, lalu semua orang Ai udah abis dibunuh sida, semua orang Israel lalu pulai ngagai nengeri Ai, lalu munuh semua orang ke diau dia.\\n25 Pemayuh orang Ai ke dibunuh sehari nya, nyengkaum lelaki enggau indu, nya dua belas ribu iku,\\n26 laban Josua enda badu ngedarka jari iya, ti dikena iya ngedarka sangkuh iya, datai ke udah munuh semua orang Ai.\\n27 Semina jelu tupi enggau barang aja dirampas orang Israel nyadika perapasan sida, nitihka pesan TUHAN ngagai Josua.\\n28 Nya alai Josua nunu nengeri Ai lalu ngaga nengeri nya nyadi tugung batu tembawai, nyentuk ngagai sehari tu.\\n29 Iya meri ukum gantung ngagai raja nengeri Ai, lalu raja nya digantung ari kayu datai ke lemai.Ba urung padam mata panas Josua lalu ngasuh orang nurunka bangkai nya, lalu muai bangkai nya ba pintu penama ngagai nengeri nya, lalu nugungka batu atas bangkai nya. Tugung batu nya agi mengkang dia nyentuk ngagai sehari tu.\\nAdat Dibacha Ba Bukit Ebal\\n30 Udah nya Josua ngaga siti alta ba Bukit Ebal ke TUHAN Allah Taala ke disembah orang Israel,\\n31 nitihka atur ti udah diberi Moses, ke nembiak TUHAN, ngagai orang Israel, munyi ti ditulis dalam Adat Moses: “Siti alta deka digaga ari batu ti enda kala dipansap ngena pekekas besi.” Sida lalu ngenjuk piring tunu ngagai TUHAN ba alta nya, lalu sida mega ngenjuk piring pemaik.\\n32 Di mua orang mayuh, Josua lalu nuliska Adat ba batu nya, neladan Adat ti udah ditulis Moses.\\n33 Semua orang Israel, enggau bala tuai sida, bala pemesai, enggau bala hakim, sereta enggau bala orang kampar ti diau enggau sida, lalu bediri ari dua piak Peti Lampang Batu Adat TUHAN, betunga mua enggau bala imam Lewi ke ngesan Peti nya. Setengah ari bala orang bediri nungaka belakang sida ngagai Bukit Gerisim, lalu setengah nungaka belakang sida ngagai Bukit Ebal, munyi ti udah diasuh Moses ti nyadi ulun TUHAN, kena sida merekatka orang Israel.\\n34 Udah nya, enggau nyawa ti inggar, Josua lalu macha semua Adat, nyengkaum jaku berekat enggau jaku sumpah, nitihka semua utai ti udah ditulis dalam Bup Adat.\\n35 Nadai seleka ari semua pesan Moses ti enda dibacha Josua di mua semua orang Israel, di mua semua indu-nembiak, enggau di mua semua orang kampar ti diau begulai enggau sida.\\nOrang Gibeon Nipu Josua\\n1 Lebuh semua raja di menua ti bebukit ti di barat Sungai Jordan, enggau sida raja ti diau ba emperan ti nebing Tasik Tengah tunga ngagai menua Lebanon, orang Iti, orang? Amor, orang Kanaan, orang Peris, orang Ibi enggau orang Jebus, ninga nya,\\n2 sida begempuru lalu berakupka ngelaban Josua enggau orang Israel.\\n3 Tang lebuh orang ke diau di Gibeon ninga pasal utai ti udah dikereja Josua ngagai nengeri Jeriko enggau nengeri Ai,\\n4 sida lalu nipu Josua: sida nyendiaka bekal, mai kain guni ti udah luya amat ke keledai sida, mai kambut wain ti lama, charik sereta abis ditampal,\\n5 ngena kasut ti abis ditampal, enggau gari ti lama udah luya, enggau roti ti nyau rangkai sereta bekuap.\\n6 Sida mansang ngagai Josua ba kem di Gilgal, lalu bejaku enggau iya sereta enggau orang Israel, “Kami tu datai ari menua jauh deka ngaga sempekat enggau kita.”\\n7 Tang ku orang Israel bejaku enggau orang Ibi nya, “Kada enda kita diau semak kami; enti pia, baka ni ku kami ngaga sempekat enggau kita?”\\n8 Ku sida bejaku enggau Josua, “Kami sedia deka bekereja ke kita.” Josua lalu nanya sida, “Sapa kita tu?Ari ni penatai kita?”\\n9 Sida lalu madahka cherita tu ngagai iya: “Tuan, kami tu datai ari menua ti jauh, laban kami udah ninga pasal TUHAN Allah Taala kita. Kami udah ninga pasal Iya, pasal semua utai ti udah dikereja Iya di menua Ejip,\\n10 enggau pasal utai ti udah dikereja Iya ngagai dua iku raja bansa Amor di timur Sungai Jordan, Raja Sihon di Hesbon enggau Raja Og menua Basan ke merintah di Astarot.\\n11 Nya alai bala tuai kami enggau semua orang ke diau di menua kami, ngasuh kami nyendiaka bekal lalu mupuk kitu lalu betemu enggau nuan. Kami udah diasuh nyerahka diri bekereja ke nuan, lalu minta nuan ngaga sempekat enggau kami.\\n12 Peda nuan roti kami tu. Lebuh kami bekejang ari menua, bekal tu agi angat, tang peda nuan tu! Roti tu nyau rangkai sereta bekuap;\\n13 kambut wain tu endang agi baru lebuh kami ngisi iya enggau wain, tang diatu kambut tu nyau charik; lalu gari kami enggau kasut kami nyau jai magang, empa pengelama kami udah bejalai.”\\n14 Orang Israel makai pemakai sida mimit, lalu sida nadai betanya ngagai TUHAN.\\n15 Josua lalu ngaga sempekat pemaik enggau sida, besemaya enda munuh sida; lalu bala tuai orang Israel besumpah atas sempekat nya.\\n16 Tiga hari udah bekau sempekat nya disain, orang Israel lalu nemu orang nya endang diau semak sida, begulai enggau sida.\\n17 Nya alai orang Israel mupuk, lalu tiga hari udah nya, sida lalu datai ba nengeri ti alai orang nya diau, iya nya nengeri Gibeon, Chepirah, Berot enggau Kiriat-jearim.\\n18 Tang orang Israel enda nyerang sida, laban bala tuai sida udah besumpah enggau bala orang nya dalam nama TUHAN Allah Taala ke disembah orang Israel. Semua orang Israel lalu mutap ngelaban bala tuai sida.\\n19 Tang ku bala tuai nyaut, “Kitai udah besumpah enggau sida dalam nama TUHAN Allah Taala ke disembah orang Israel. Diatu kitai enda tau negu sida.\\n20 Tu utai ti deka dikereja kitai ngagai sida: kita enda munuh sida, ngambika Allah Taala enda ringat ngagai kitai, laban kitai udah besumpah enggau sida.”\\n21 Ku bala tuai bejaku ngagai sida, “Awakka sida idup.” Nya alai orang nya lalu bekereja ngambi kayu enggau nyauk ai ke orang Israel, nitihka pemutus penemu bala tuai.\\n22 Josua lalu mesanka orang Gibeon datai ngagai iya, lalu ku iya bejaku ngagai sida, “Nama kebuah kita ngelakar kami, lalu madahka diri diau jauh ari kami, taja pen kita diau begulai enggau kami?\\n23 Nya alai, diatu kita kena sumpah, lalu sekeda kita deka mengkang nyadi ulun, ngambi kayu api enggau nyauk ai ke rumah Allah Taala aku.”\\n24 Ku sida nyaut Josua, “Kami deka ngereja nya, tuan, laban kami nemu, TUHAN Allah Taala kita endang amat udah ngasuh nembiak Iya Moses meri semua menua tu ngagai kita, lalu munuh semua orang ke diau dalam menua tu lebuh kita majakka pejalai kita. Nya alai kami takutka kita. Nya kebuah kami ngereja tu.\\n25 Diatu kami dipegai kita: kereja aja meh ngagai kami utai ti patut ku ati kita.”\\n26 Nya alai, tu utai ti dikereja Josua ke sida: iya nyaga sida ari orang Israel; lalu orang Israel enda munuh sida.\\n27 Tang sehari nya Josua ngeletak sida bekereja nyadi ulun ngambi kayu enggau nyauk ai ke orang Israel, enggau ke alta Allah Taala. Sida mengkang ngereja pengawa nya nyentuk ngagai sehari tu ba endur ti dipilih TUHAN.\\nBansa Amor Alah\\n1 Lebuh Adonisedek, raja nengeri Jerusalem, ninga Josua udah ngalah sereta ngeruntuhka nengeri Ai, lalu udah ngereja ngagai raja nengeri nya baka ke udah dikereja Josua ngagai nengeri enggau raja nengeri Jeriko, enggau pasal orang nengeri Gibeon ti udah bebaik enggau orang Israel, lalu diau begulai enggau sida,\\n2 iya lalu balat amat takut, laban nengeri Gibeon nya nengeri ti besai, ngemesai sebuah ari nengeri ti diraja, lalu besai agi ari nengeri Ai, lalu semua orang di Gibeon endang orang ke tau serang magang.\\n3 Nya alai Raja Adonisedek ngirumka pesan ngagai Raja Hoham di Hebron, Raja Piram di Jarmut, Raja Japia di Lakis, enggau Raja Debir di Eglon. Ku iya,\\n4 “Datai kitu lalu saup aku; awakka kita nyerang Gibeon, laban nengeri nya udah bebaik enggau Josua sereta enggau orang Israel.”\\n5 Raja orang Amor ke lima iku nya, iya nya raja nengeri Jerusalem, Hebron, Jarmut, Lakis, enggau Eglon, lalu ngempuruka semua bala soldadu sida, ngelulung lalu nyerang nengeri Gibeon.\\n6 Orang di nengeri Gibeon lalu ngirumka pesan ngagai Josua ti diau ba kem di Gilgal: “Tuan, anang ninggalka kami! Datai jampat lalu idupka kami! Tulung kami; laban semua raja orang Amor ti diau di menua ti bebukit udah beserakup deka nyerang kami!”\\n7 Josua enggau semua bala soldadu iya, nyengkaum semua soldadu ti pemadu landik beperang, lalu angkat ari Gilgal.\\n8 Ku TUHAN bejaku ngagai Josua, “Anang takutka sida, laban Aku udah nyerahka sida ngagai nuan. Nadai siku sida tan ngelaban nuan.”\\n9 Josua enggau bala iya lalu bejalai semalam-malam nya ari Gilgal ngagai Gibeon, lalu ngenyit nyerang orang Amor.\\n10 TUHAN lalu ngasuh orang Amor begau abis ati lebuh sida meda bala soldadu orang Israel.Orang Israel lalu munuh mayuh amat sida di Gibeon, lalu begagaika sida nurun genting ba bukit di Bet-horon, lalu majak nyerang sida nyentuk ngagai Asekah enggau Makedah di selatan.\\n11 Lebuh bala orang bansa Amor benung belanda nurun genting nya ngerarika diri ari bala soldadu orang Israel, TUHAN lalu ngasuh tekang ujan batu ti besai ninggang sida di rantau jalai ngagai Asekah.Mayuh agi sida mati laban ujan batu nya ari ke dibunuh orang Israel.\\n12 Ba hari TUHAN nyerahka orang Amor ngagai jari orang Israel, Josua bejaku ngagai TUHAN; lalu ku iya bejaku di mua orang Israel, “Mata panas, anang nginsit ari atas Gibeon. Bulan, ngetu nuan ba atas Emperan Aijalon.”\\n13 Mata panas lalu enda nginsit, lalu bulan enda mindah nyentuk ngagai maya orang Israel udah malas munsuh sida.Pekara tu bisi ditulis dalam Bup Jasar.Mata panas lalu enda nginsit ari kebung langit, lalu enda padam sehari penuh.\\n14 Nadai hari udah kala baka nya, sebedau tauka udah lepas nya, alai Allah Taala ngasika jaku mensia; laban TUHAN Empu ke beperang ngarika orang Israel!\\n15 Udah nya, Josua enggau bala soldadu orang Israel lalu pulai ngagai kem sida di Gilgal.\\nJosua Nangkap Lima Iku Raja Bansa Amor\\n16 Tang raja bansa Amor ke lima iku nya ulih ngerarika diri lalu belalai dalam lubang gua di Makedah.\\n17 Orang lalu madahka ngagai Josua pasal raja lima iku nya ti udah ditemu belalai dalam lubang gua di Makedah.\\n18 Lalu ku Josua bejaku, “Baringka batu ti besai ngagai mua lubang gua nya, lalu asuh orang nyaga sida,\\n19 tang kita empu enda ibuh nyaga sida; titihka munsuh kita, lalu serang sida ari belakang. Anang nejuka sida tama ngagai nengeri sida empu, laban TUHAN Allah Taala kita udah nyerahka sida ngagai jari kita.”\\n20 Lebuh Josua enggau bala iya udah munuh mayuh amat orang Amor, datai ke sida nyau deka abis lus, lalu lebuh sida ke agi idup ulih ngerarika diri ngagai nengeri sida ke bekuta,\\n21 semua bala Josua lalu pulai ngagai iya ba kem sida di Makedah. Nadai orang di menua nya berani bejaku ngelaban orang Israel.\\n22 Udah nya Josua lalu bejaku, “Buka mua lubang gua nya, lalu bai raja ke lima iku nya ngagai aku.”\\n23 Mua lubang gua nya lalu dibuka, lalu raja nengeri Jerusalem, Hebron, Jarmut, Lakis, enggau Eglon diambi pansut ari lubang gua nya,\\n24 lalu dibai ngagai Josua. Josua lalu mesanka semua lelaki orang Israel ngagai iya, lalu ngasuh bala pemesai ti udah bejalai enggau iya, ngindik rekung raja lima iku nya. Sida lalu ngereja nya.\\n25 Udah nya Josua lalu bejaku ngagai bala pemesai nya, “Anang takut tauka lemi semengat; kita enda tau enda kering sereta berani, laban tu utai ti deka dikereja TUHAN ngagai semua munsuh ke dilaban kita.”\\n26 Udah nya Josua munuh raja lima iku nya, lalu ngantung sida ari lima batang kayu, lalu bangkai sida mengkang digantung dia nyentuk ngagai lemai.\\n27 Lebuh padam mata panas lemai nya, sida nurunka bangkai sida nya, lalu muai sida ngagai lubang gua ti udah alai sida belalai. Batu ti besai lalu diengkah ba mua lubang gua nya, lalu batu nya mengkang dia datai ke sehari tu.\\nJosua Ngalahka Mayuh Agi Menua Orang Bansa Amor\\n28 Sehari nya Josua nyerang lalu ngalahka Makedah, lalu munuh semua orang enggau raja sida di nengeri nya.Nadai siku sida ditejuka idup.Iya ngereja ngagai raja nengeri Makedah baka ke udah dikereja iya ngagai raja Jeriko.\\n29 Udah nya Josua enggau semua soldadu orang Israel bejalai ari Makedah ngagai Libnah, lalu nyerang nengeri nya.\\n30 TUHAN mega nyerahka nengeri enggau raja nengeri nya ngagai jari orang Israel, lalu Josua ngalahka nengeri nya.Semua orang di nengeri nya abis dibunuh.Nadai siku ti ditejuka idup.Josua ngereja ngagai raja nengeri nya baka ke udah dikereja iya ngagai raja nengeri Jeriko.\\n31 Udah nya, Josua enggau semua soldadu orang Israel mansang ari Libnah ngagai Lakis, ngelulung lalu nyerang nengeri nya.\\n32 TUHAN nyerahka Lakis ngagai jari orang Israel, lalu Josua ngalahka nengeri nya ba hari ti kedua.Iya nyerang nengeri nya, munuh semua orang ke diau dia, baka ke udah dikereja iya ngagai Libnah.\\n33 Udah nya Raja Horam ke merintah di Geser datai nulung Lakis, tang Josua ngalahka iya enggau bala soldadu iya, ngeluska semua sida.\\n34 Udah nya, Josua enggau semua orang Israel mansang ari Lakis ngagai Eglon, ngelulung lalu nyerang nengeri nya.\\n35 Sida ngalahka nengeri nya sehari nya, lalu munuh semua orang dia, baka ke udah dikereja iya di Lakis.\\n36 Udah nya, Josua enggau semua orang Israel mansang ari Eglon ngagai Hebron, nyerang\\n37 lalu ngalahka nengeri nya.Sida munuh raja nengeri nya enggau semua orang ke diau di nengeri nya, enggau semua orang ke diau di nengeri ti mit ti semak nengeri nya.Nadai siku orang dia ditejuka idup, baka ke udah dikereja iya di Eglon, lalu iya ngerusak semua nengeri nya.\\n38 Udah nya Josua enggau semua orang Israel nikal ngagai Debir, lalu nyerang nengeri nya.\\n39 Iya ngalahka nengeri nya, sama enggau raja nengeri nya enggau semua nengeri ti mit semak dia. Sida munuh semua orang dia. Josua ngereja ngagai Debir baka ke udah dikereja iya ngagai Hebron enggau ngagai Libnah enggau ngagai raja sida.\\n40 Josua ngalahka semua menua nya, iya nya, menua ti bebukit, menua ti rangkai di selatan, menua ti emperan, enggau menua ti ba tisi bukit, enggau semua raja sida; iya enda nejuka sida idup, tang munuh semua sida, nitihka asuh TUHAN Allah Taala ke disembah orang Israel.\\n41 Josua ngalahka sida kenyau ari Kades-barnea nyentuk ngagai Gasa, enggau semua menua Gosen, nyentuk ngagai Gibeon.\\n42 Josua ngalahka semua raja enggau menua ti diperintah sida dalam siti kayau aja, laban TUHAN Allah Taala ke disembah orang Israel beperang ngarika orang Israel.\\n43 Udah nya, Josua enggau bala soldadu orang Israel pulai ngagai kem sida di Gilgal.\\nJosua Ngalahka Jabin Enggau Orang Ke Setanah Enggau Iya\\n1 Lebuh Raja Jabin di Hasor ninga nya, iya lalu mesanka Raja Jobap di Madon, enggau raja ke merintah di Simron, enggau raja ke merintah di Aksap,\\n2 enggau bala raja ke di menua ti bebukit, di menua Arabah ti tunga ke selatan ari Chinerot, enggau raja ke ba Lebak Jordan, enggau raja ke di Napot-dor di barat.\\n3 Iya mega mesanka orang Kanaan ti diau ba tebing barat enggau ba tebing timur Sungai Jordan, orang Amor, orang Iti, Peris, enggau orang Jebus ti diau di menua ti bebukit, enggau orang Ibi ti diau ba kaki Bukit Hermon di menua Mispah.\\n4 Sida datai mai semua bala soldadu sida, ngemayuh pasir ti ba tebing tasik, enggau mayuh amat kuda enggau kerita perang.\\n5 Semua bala raja nya berakupka semua bala soldadu sida, lalu nirika kem sida ba Sungai Merom, deka nyerang orang Israel.\\n6 TUHAN lalu bejaku ngagai Josua, “Anang takutka sida, laban ba urung maya tu pagila Aku deka munuh semua sida, lalu nyerahka sida ngagai orang Israel.Kita enda tau enda mutuska rakat kuda sida, lalu nunu kerita perang sida.”\\n7 Nya alai Josua enggau semua bala soldadu orang Israel lalu ngenyit nyerang sida ba Sungai Merom.\\n8 TUHAN lalu nyerahka sida ngagai jari orang Israel.Orang Israel lalu munuh sida lalu begagaika sida nyentuk ngagai Misrepot-maim enggau Sidon, lalu tunga ke timur nyentuk ngagai lebak Mispah.Orang Israel munuh sida, datai ke nadai siku sida agi idup.\\n9 Josua ngereja ngagai sida nitihka asuh TUHAN.Iya mutuska rakat kuda sida, lalu nunu kerita perang sida.\\n10 Josua nikal lalu ngalahka Hasor sereta munuh raja nengeri nya; laban Hasor nya indu nengeri menua nya.\\n11 Sida munuh semua orang ke diau dia abis lengis.Nadai orang dia ditejuka idup, lalu nengeri nya ditunu.\\n12 Josua ngalahka semua nengeri nya enggau raja sida, munuh semua orang dalam semua nengeri nya, nitihka asuh Moses ke nembiak TUHAN.\\n13 Tang orang Israel enda nunu nengeri ti digaga ba atas munggu, kelimpah ari Hasor, ti ditunu Josua.\\n14 Orang Israel ngambi semua utai ti berega enggau semua jelu tupi ari semua nengeri nya, ke sida empu. Tang sida munuh semua orang ke diau dia. Semua orang nya abis dibunuh sida.\\n15 TUHAN udah meri atur ngagai nembiak Iya Moses, nya alai Moses meri atur nya ngagai Josua, lalu Josua udah nitihka atur nya. Iya ngereja semua utai ti udah dipesanka TUHAN ngagai Moses.\\nMenua Ti Dialahka Josua\\n16 Nya alai Josua ngalahka semua menua nya, iya nya menua ti bebukit, enggau menua ti ba kaki bukit, ti di utara enggau di selatan, semua menua di Gosen, enggau menua ti rangkai tunga ke selatan menua nya, enggau Lebak Jordan.\\n17-18 Menua nya berengkah ari Bukit Halak di selatan semak Edom, nyentuk ngagai Baal-gat di utara, dalam lebak Lebanon ti tunga ke selatan Bukit Hermon. Josua lama amat beperang ngelaban bala raja di menua nya, tang iya ngalahka semua sida, lalu munuh sida.\\n19 Ka semina Gibeon aja nengeri ti bebaik enggau orang Israel, ti alai sekeda orang Ibi diau. Semua sida ti bukai alah magang dalam perang nya.\\n20 Laban TUHAN udah ngasuh sida kieh deka ngelaban orang Israel, ngambika semua sida dibunuh magang enggau nadai pengasih, munyi ti udah dipesanka TUHAN ngagai Moses.\\n21 Lebuh maya nya Josua mansang lalu ngerusak orang? Anakim, ke datai ari menua ti bebukit, iya nya ari Hebron, Debir, Anap, enggau ari semua menua ti bebukit di menua Judah, enggau ari menua ti bebukit di menua Israel. Josua ngerusak semua sida, enggau nengeri sida.\\n22 Nadai orang? Anakim agi idup di menua Israel. Semina di Gasa, di Gat, enggau di Asdot aja sekeda sida agi idup.\\n23 Josua ngalahka semua menua nya, munyi ti udah dipesanka TUHAN ngagai Moses.Josua meri menua nya ngagai orang Israel nyadika menua sida empu, lalu magi menua nya ngagai raban bansa orang Israel.\\nOrang Israel lalu ngetu beperang.\\nBala Raja Ke Udah Dialahka Moses\\n1 Orang Israel udah ngalahka, sereta nguan menua ti tunga ke timur Sungai Jordan, berengkah ari Lebak Arnon mudik Sungai Jordan nyentuk ngagai Bukit Hermon di utara.Sida udah ngalahka dua iku raja.\\n2 Siku nya Sihon, raja orang Amor ke merintah di Hesbon. Menua ti diperintah iya nyengkaum setengah ari menua Giliat: berengkah ari Aroer (ti ba tisi Lebak Arnon) enggau ari nengeri ti ba tengah lebak nya, nyentuk ngagai Sungai Jabok, ti nyadika garis entara menua Amon.\\n3 Menua nya nyengkaum Lebak Jordan berengkah ari Tasik Galili terus ke selatan ngagai Bet-jesimot (ti tunga ke timur Tasik Mati) lalu nuju terus ngagai kaki Bukit Pisgah.\\n4 Sida mega udah ngalahka Raja Og di Basan, ke pengabis iya ari bansa orang Repaim. Raja Og ti diau di Astarot enggau di Edrei.\\n5 Menua ti diperintah iya nyengkaum Bukit Hermon, Salekah, enggau semua menua Basan nyentuk ngagai garis entara menua Gesur enggau Maka, sereta enggau setengah menua Giliat, nyentuk ngagai garis entara menua Raja Sihon di Hesbon.\\n6 Raja dua iku nya udah dialahka Moses enggau orang Israel.Moses, ke nembiak TUHAN, udah meri menua nya ngagai raban bansa Reuben enggau raban bansa Gat, enggau setengah ari raban bansa Manasi, nyadika menua sida.\\nBala Raja Ke Udah Dialahka Josua\\n7 Josua enggau orang Israel udah ngalahka semua raja di menua tunga ke barat Sungai Jordan, berengkah ari Baal-gat ba lebak Lebanon nyentuk ngagai Bukit Halak di selatan semak Edom.Josua magi lalu meri menua nya ngagai raban bansa orang Israel, nyadika menua sida.\\n8 Menua ti dibagi nya nyengkaum menua ti bebukit, kaki bukit di barat, Lebak Jordan, enggau kaki bukit ti ba emperan nya, serimbing bukit ti muak ke timur sungai nya, enggau menua ti rangkai di selatan. Menua tu udah diuan orang Iti, orang Amor, orang Kanaan, orang Peris, orang Ibi enggau orang Jebus.\\n9 Orang Israel udah ngalahka raja ke megai nengeri Jeriko, Ai (semak Betel),\\n10 Jerusalem. Hebron,\\n11 Jarmut, Lakis,\\n14 Hormah, Arat,\\n15 Libnah, Adulam,\\n16 Makedah, Betel,\\n17 Tapuah, Heper,\\n18 Apek, Lasaron,\\n19 Madon, Hasor,\\n20 Simron-meron, Aksap,\\n21 Taanak, Megido,\\n22 Kedes, Joknim (di Karmel),\\n23 Dor (ba tebing tasik), Goim (di menua Galili),\\n24 enggau Tirsah - tiga puluh satu iku raja semua iya.\\nMenua Ti Deka Dialahka Orang Israel\\n1 Nyadi Josua diatu nyau udah tuai. TUHAN lalu bejaku ngagai iya, “Nuan diatu nyau tuai, tang menua ti deka diambi kita agi mayuh,\\n2 nyengkaum semua menua Pilistin enggau menua Gesur,\\n3 enggau semua menua orang Abim ti tunga ke selatan.(Menua ti berengkah ari sungai Sihor, ba entara menua Ejip, nyentuk ngagai garis entara menua Ekron di utara, nya diempu orang Kanaan.Bala raja orang Pilistin diau di Gasa, Asdot, Askelon, Gat, enggau Ekron.)\\n4 Tu mega menua ti deka dialahka orang Israel: semua menua orang Kanaan, enggau menua Mearah (ti diempu orang Sidon), nyentuk ngagai Apek, ba garis entara menua orang Amor;\\n5 semua menua orang Gebal; semua menua Lebanon ti tunga ke timur, berengkah ari Baal-gat ti tunga ke selatan Bukit Hermon, ngagai Lebo-hamat.\\n6 Tu nyengkaum semua menua ti diuan orang Sidon ti diau ba menua ti bebukit ba entara Bukit Lebanon enggau Misrepot-maim.Aku deka muru semua bansa orang nya lebuh orang Israel nyerang.Kita enda tau enda magi menua nya ngagai orang Israel, nitihka jaku Aku ngagai nuan.\\n7 Nya alai bagi diatu menua tu ngagai semilan bengkah raban bansa orang Israel enggau setengah ari raban bansa Manasi, ngambika menua nya diempu sida.”\\nBedua Menua Muak Ke Timur Sungai Jordan\\n8 Raban bansa Reuben enggau raban bansa Gat enggau setengah ari raban bansa Manasi udah nerima menua ti udah diberi Moses, ke nembiak TUHAN, ngagai sida.Menua nya di timur Sungai Jordan.\\n9 Menua sida berengkah ari Aroer (ti ba tisi Lebak Arnon) enggau nengeri ti ba tengah-tengah Lebak nya, lalu nyengkaum semua emperan ti ba atas bukit berengkah ari Medeba nyentuk ngagai Dibon.\\n10 Menua nya lalu terus ngagai garis entara menua Amon, lalu nyengkaum semua nengeri ti udah diperintah raja orang? Amor ke benama Sihon, ti udah merintah di Hesbon.\\n11 Menua nya nyengkaum Giliat, menua Gesur enggau menua Maka, semua Bukit Hermon, enggau semua menua Basan nyentuk ngagai Saleka.\\n12 Menua nya nyengkaum menua ti udah diperintah Raja Og, pengabis orang? Repaim, ti udah diau di Astarot enggau di Edrei. Moses udah ngalahka bansa orang tu lalu udah muru sida.\\n13 Tang orang Israel enda muru orang ke diau di Gesur enggau di Maka.Orang nya agi diau di menua Israel.\\n14 Moses enda meri menua ngagai raban bansa Lewi laban munyi ti udah dipadahka TUHAN ngagai Moses, sida nerima ungkup ari piring tunu ba alta ke TUHAN Allah Taala ke disembah orang Israel, nyadika pesaka sida.\\nMenua Ti Diberi Ngagai Reuben\\n15 Moses udah meri sebagi ari menua nya ngagai suku raban bansa ti ari raban bansa Reuben nyadika pesaka sida.\\n16 Menua sida nya berengkah ari Aroer (ti ba tisi Lebak Arnon) enggau nengeri ti ba tengah-tengah lebak nya, nyengkaum semua emperan ti ba atas bukit ti ngelingi Medeba.\\n17 Menua nya nyengkaum Hesbon enggau semua nengeri ti ba emperan ti ba atas bukit, iya nya, Dibon, Bamot-baal, Bet-baal-meon,\\n18 Jahas, Kedemot, Mepat,\\n19 Kiriataim, Sibmah, Seret Sahar ti ba munggu ti ba lebak nya,\\n20 Bet-peor, Serimbing bukit ba Bukit Pisgah, enggau Bet-jesimot,\\n21 enggau semua nengeri ti ba emperan ti ba atas bukit, enggau semua menua ti udah diperintah Sihon, raja orang? Amor ke merintah di Hesbon. Moses udah ngalahka iya, sereta ngalahka bala raja orang Midian, iya nya Ebi, Rekem, Sur, Hur, enggau Reba.Semua sida nya udah nyadi pemerintah ke menua ti diperintah Raja Sihon.\\n22 Siku ari orang ke dibunuh orang Israel nya tukang tilit ke benama Balaam anak Beor.\\n23 Sungai Jordan nyadika garis entara menua di barat ke raban bansa Reuben. Nya alai nya meh nengeri enggau nengeri ti mit ti udah diberi ngagai orang ke ari ruang bilik raban bansa Reuben, nyadika pesaka sida.\\nMenua Ti Diberi Ngagai Gat\\n24 Moses udah mega meri sebagi ari menua nya ngagai orang ke ari ruang bilik raban bansa Gat nyadika pesaka sida.\\n25 Menua sida nyengkaum Jaser enggau semua nengeri ti di Giliat, setengah menua Amon nyentuk ngagai Aroer, ti muak ke timur Rabah.\\n26 Menua sida berengkah ari Hesbon ngagai Ramat-mispeh enggau Betonim, ari Mahanaim ngagai garis entara menua Lo-debar.\\n27 Ba Lebak Jordan, menua nya nyengkaum Bet-haram, Bet-nimrah, Sukot, enggau Sapon, enggau teda menua ti udah diperintah Raja Sihon di Hesbon.Sungai Jordan nyadika garis entara menua sida muak ke barat, nyentuk ngagai Tasik Galili di utara.\\n28 Nya meh nengeri enggau nengeri ti mit ti udah diberi ngagai raban bansa Gat nyadika pesaka sida nitihka ripih suku raban bansa sida.\\nMenua Ti Diberi Ngagai Manasi Di Timur\\n29 Moses udah meri sebagi menua ngagai setengah ari orang ke ari ruang bilik raban bansa Manasi nyadika pesaka sida.\\n30 Menua sida berengkah ari Mahanaim, lalu nyengkaum semua menua Basan, iya nya semua menua ti udah diperintah Og, raja Basan, enggau semua enam puluh buah Tumpuk Pendiau Jair di Basan.\\n31 Menua nya nyengkaum setengah ari menua Giliat, enggau Astarot enggau Edrei, ti udah nyadi indu nengeri ke menua ti diperintah Og di Basan.Semua nya udah diberi ngagai setengah ari suku raban bansa ti diturunka Machir anak Manasi.\\n32 Nya meh jalai Moses magi menua ti di timur nengeri Jeriko, enggau di timur Sungai Jordan, lebuh iya agi bepalan ba emperan menua Moap.\\n33 Tang Moses enda meri menua ngagai raban bansa Lewi.Iya madahka pesaka sida nya ungkup ari piring ti diberi ngagai TUHAN Allah Taala ke disembah orang Israel.\\nMagi Menua Tunga Ke Barat Sungai Jordan\\n1 Utai ti deka disebut diatu nya cherita pasal jalai menua Kanaan ti tunga ke barat Sungai Jordan dibagi ngagai orang Israel.Orang ke magi menua nya ngagai orang Israel nya Imam Eleasar, Josua anak Nun, enggau bala tuai bilik ari raban bansa orang Israel.\\n2 Munyi ti udah dipesanka TUHAN ngagai Moses, menua ti diungkupka ngagai semilan setengah raban bansa di barat Sungai Jordan, deka dibagi ngena chara bechabut undi.\\n3-4 Moses udah meri menua di timur Sungai Jordan ngagai dua setengah raban bansa. (Peturun Josep dibagi ngagai dua raban bansa: Manasi enggau Epraim.) Tang Moses enda meri menua ngagai orang Lewi. Sida semina nerima nengeri alai diau, sama enggau padang ke jelu sapi enggau jelu bedus sida.\\n5 Orang Israel magi menua nya nitihka pesan TUHAN ngagai Moses.\\nHebron Diberi Ngagai Kalep\\n6 Raban bansa Judah lalu datai ngagai Josua di Gilgal.Kalep anak Jepuneh, ari raban peturun Kenas, lalu bejaku ngagai Josua, “Nuan nemu utai ti udah disebut TUHAN ngagai nabi Moses di Kades-barnea pasal tua.\\n7 Umur aku empat puluh taun lebuh Moses ke nembiak TUHAN ngasuh aku bejalai ari Kades-barnea matau menua tu. Aku mai berita ti bendar ngagai iya.\\n8 Tang orang ke bejalai enggau aku ngemba orang mayuh. Tang aku udah tetap ati deka ngasika TUHAN Allah Taala aku.\\n9 Nyadi laban aku udah tetap ati deka ngasika TUHAN, Moses besemaya, madahka aku enggau peturun aku deka nerima menua ti udah kena indik kaki aku, nyadika pesaka kami.\\n10 Tang diatu nyau deka bulih empat puluh lima taun TUHAN udah nyebut nya ngagai Moses. Iya nyebut nya lebuh orang Israel benung bejalai nengah menua puang, lalu TUHAN, nitihka semaya Iya, udah ngasuh aku meruan idup ngelamatu. Peda nuan aku diatu! Umur aku nyau lapan puluh lima taun\\n11 lalu aku diatu agi kering baka aku ke menya lebuh Moses ngasuh aku bejalai.Pengering aku diatu agi baka pengering aku menya, kena aku beperang enggau ngereja utai bukai.\\n12 Nya alai, beri ngagai aku diatu menua ti bebukit ti udah disemaya TUHAN lebuh aku enggau bala aku madahka berita nya ngagai nuan menya. Lebuh maya nya menya kami udah madahka ngagai nuan pasal bansa orang Anakim ti diau dalam nengeri ti besai sereta bekuta.TUHAN nyangka deka enggau aku, lalu aku ulih muru sida pansut, munyi ti dipadahka TUHAN.”\\n13 Josua lalu merekatka Kalep anak Jepuneh, lalu meri nengeri Hebron ngagai iya nyadika pesaka iya.\\n14 Hebron mengkang diempu peturun Kalep anak Jepuneh ke ari raban peturun Kenas, laban iya udah tetap ati ngasika TUHAN Allah Taala ke disembah orang Israel.\\n15 Sebedau nya suba, Hebron dikumbai nengeri Arba. (Arba nya orang Anakim ti pemadu kering.) Menua lalu nadai agi pengachau.\\nMenua Ti Diberi Ngagai Judah\\n1 Ruang bilik ari raban bansa Judah nerima sebagi ari menua nya baka tu:\\nMenua nya nganchau tunga ke pengabis ujung menua puang Sin di selatan, ba garis entara menua enggau Edom.\\n2 Garis entara menua di selatan berengkah ari ujung selatan Tasik Mati,\\n3 nuju ke selatan ari Genting Akrabim, terus ngagai Sin, nengah selatan Kades-barnea, mansa Hesron lalu terus ngagai Adar, nguing ngagai Karka,\\n4 terus ngagai Asmon, lalu niti sungai ti ba garis entara menua enggau orang Ejip, ngagai Tasik Tengah, alai garis entara menua nya tepantup. Nya garis entara menua Judah di selatan.\\n5 Di timur, garis entara menua nya ba Tasik Mati, terus ke atas ngagai endur alai Sungai Jordan betemu enggau Tasik Mati. Garis entara menua di utara berengkah ba endur nya,\\n6 terus ke atas ngagai Bet-hoglah, lalu nuju ke utara gerinjing bukit ti ari atas Lebak Jordan. Ari nya garis entara menua nya lalu nuju ngagai Batu Bohan (Bohan nya anak Reuben),\\n7 ari Emperan Penusah ke atas ngagai Debir, lalu nguing tunga ke utara ngagai Gilgal, ti di seberai Genting Adumim ti ba tisi selatan lebak nya. Ari nya garis entara menua nya lalu nuju ngagai mata ai ti di En-semes, terus ngagai En-rogel,\\n8 lalu mudik Lebak Hinom ba tisi bukit ari selatan alai nengeri Jerusalem ti diempu orang Jebus bediri. Garis entara menua nya lalu terus ngagai tuchung bukit ti di barat Lebak Hinom, ba ujung selatan Lebak Repaim.\\n9 Ari nya garis entara menua nya lalu nuju ngagai Mata Ai Neptoah, lalu terus ngagai genturung nengeri ti semak Bukit Epron. Dia garis entara menua nya lalu nguing tunga ngagai Baalah (iya nya, Kiriat-jearim),\\n10 alai iya ke lalu musin mansa Baalah ari barat, nuju ngagai menua ti bebukit di menua Edom, terus mansa ari selatan Bukit Jearim (tauka Kesalon), lalu nurun ngagai Bet-semes, terus mansa Timnah.\\n11 Garis entara menua nya lalu nuju ngagai bukit ti di utara Ekron, nguing tunga ngagai Sikeron, mansa Bukit Baalah, lalu terus ngagai Jabnil. Garis entara menua nya lalu tepantup ba Tasik Tengah,\\n12 ti lalu nyadi garis entara menua di barat. Nya meh menua alai ruang bilik raban bansa Judah diau.\\nKalep Ngalahka Hebron Enggau Debir\\n13 Munyi ti udah dipesanka TUHAN ngagai Josua, sebagi ari menua Judah lalu diberi ngagai Kalep anak Jepuneh, ke ari raban bansa Judah. Iya nerima Hebron, iya nya nengeri ti udah diempu Arba, orang ke nurunka bansa Anakim.\\n14 Kalep muru bala peturun Anak ari nengeri nya, iya nya bala raban peturun Sheshai, Ahinam enggau Talmai.\\n15 Iya angkat ari nya lalu mansang nyerang orang ke diau di Debir.(Nengeri nya dulu suba dikumbai Kiriat-seper.)\\n16 Ku Kalep bejaku, “Aku deka meri anak dara aku Aksah nyadika bini orang ke ulih ngalahka Kiriat-seper.”\\n17 Otnil, anak lelaki menyadi Kalep ke benama Kenas lalu ngalahka nengeri nya. Nya alai Kalep meri anak dara iya Aksah nyadika bini Otnil.\\n18 Ba hari Otnil seduai Kenas nikah, Otnil mujuk Kenas? minta sebidang tanah ari apai iya. Kenas nurun ari keledai iya.Kalep lalu nanya iya, “Nama utai ti dikedekaka nuan?”\\n19 Kenas lalu nyaut, “Aku minta dua tiga iti telaga, laban menua ti diberi nuan ngagai aku nadai ai.” Nya alai Kalep meri ngagai Kenas mata ai ti di ulu enggau di ili.\\n20 Nya meh menua ti diterima ruang bilik raban bansa Judah nyadika pesaka sida.\\n21 Nengeri ti pengabis iya jauh di selatan nya nengeri ti semak garis entara menua enggau Edom, iya nya Kabsel, Eder, Jagur,\\n22 Kinah, Dimonah, Adahah,\\n23 Kedes, Hasor, Itnan,\\n24 Sip, Telem, Bealot,\\n25 Hasor-hadata, Keriot-hesron (tauka Hasor),\\n26 Amam, Sema, Moladah,\\n27 Hasar-gadah, Hesmon, Bet-pelet,\\n28 Hasar-sual, Beer-seba, Bisiotiah,\\n29 Baalah, Im, Hormah,\\n30 Eltolat, Chesil, Hormah,\\n31 Siklak, Madmanah, Sansana,\\n32 Lebaot, Silhim, Ain, enggau Rimon - dua puluh semilan buah nengeri semua iya, nyengkaum nengeri ti mit ti ngelingi nengeri nya.\\n33 Nengeri ti ba kaki bukit nya Esta-ol, Sorah, Asnah,\\n34 Sanoah, En-ganim, Tapuah, Enam,\\n35 Jarmut, Adulam, Soko, Asekah,\\n36 Saraim, Aditaim, Gederah, enggau Gederotaim - empat belas buah nengeri semua iya, nyengkaum nengeri ti mit ti ngelingi nengeri nya.\\n37 Nengeri ti bukai nyengkaum Senan, Hadasah, Mikdal-gat,\\n38 Dilean, Mispah, Jokte-el,\\n40 Kabon, Lahmam, Chitlis,\\n41 Gederot, Bet-dagon, Namah, enggau Makedah - enam belas buah nengeri semua iya, nyengkaum nengeri ti mit ti ngelingi nengeri nya.\\n42 Nengeri ti bukai nya Libnah, Eter, Asan,\\n43 Iptah, Asnah, Nesib,\\n44 Keilah, Aksip, enggau Maresah - semilan buah nengeri semua iya, nyengkaum nengeri ti mit ti ngelingi nengeri nya,\\n45 Ekron enggau nengeri ti mit enggau genturung pendiau ti ngelingi Ekron,\\n46 enggau semua nengeri ti besai, enggau ti mit semak Asdot, berengkah ari Ekron nyentuk ngagai Tasik Tengah.\\n47 Nengeri ti bukai nya Asdot enggau Gasa, nyengkaum nengeri ti mit enggau genturung pendiau sida, nyentuk ngagai sungai ti ba garis entara menua Ejip enggau tebing Tasik Tengah.\\n48 Di menua ti bebukit, nengeri nya nyengkaum Samir, Jatir, Sokoh,\\n49 Danah, Kiriat-seper (tauka Debir),\\n50 Anap, Estemoa, Anim,\\n51 Gosen, Holon, enggau Giloh - sebelas buah nengeri semua iya, nyengkaum nengeri ti mit ti ngelingi sida.\\n52 Nengeri bukai nyengkaum Arab, Dumah, Esan,\\n53 Janim, Bet-tapuah, Apekah,\\n54 Humtah, Hebron, enggau Sior - semilan buah nengeri semua iya, nyengkaum nengeri ti mit ti ngelingi sida;\\n55 Nengeri Maon, Karmel, Sip, Jutah,\\n56 Jesril, Jokdim, Sanoah,\\n57 Kain, Gibe-ah enggau Timnah - sepuluh buah nengeri semua iya, nyengkaum nengeri ti mit ti ngelingi nengeri nya.\\n58 Nengeri Halhul, Bet-sur, Gedor,\\n59 Marat, Bet-anot enggau Eltekon - enam buah nengeri semua iya, nyengkaum nengeri ti mit ti ngelingi nengeri nya.\\n60 Nengeri Kiriat-baal (tauka Kiriat-jearim) enggau Rabah - dua buah nengeri, nyengkaum nengeri ti mit ti ngelingi nengeri nya.\\n61 Di menua puang: nengeri Bet Arabah, Midin, Sekakah,\\n62 Nibsan, nengeri Garam, enggau En-gedi - enam buah nengeri semua iya, nyengkaum nengeri ti mit ti ngelingi nengeri nya.\\n63 Tang raban bansa Judah enda ulih muru orang Jebus ti diau di Jerusalem. Orang Jebus agi mengkang diau dia begulai enggau orang Judah nyentuk ngagai\\nMenua Ti Diberi Ngagai Epraim Enggau Manasi Di Barat\\n1 Garis entara menua ari selatan menua ti diberi ngagai peturun Josep berengkah ari Sungai Jordan semak Jeriko, ba endur ti tunga ke timur mata ai Jeriko, lalu nuju tunga ngagai menua puang.Garis entara menua nya ngerejang ari Jeriko, niki ngagai menua ti bebukit nyentuk ngagai Betel.\\n2 Ari Betel, garis entara menua nya nuju ngagai Lus, terus ngagai Atarot, ti alai orang Arki diau.\\n3 Garis entara menua nya lalu nuju ke barat ngagai menua Japlet, nyentuk ngagai Bet-horon Ili.Ari nya garis entara menua nya nuju terus ngagai Geser, lalu tepantup ba Tasik Tengah.\\n4 Peturun Josep, iya nya raban bansa Epraim enggau raban bansa Manasi di barat nerima menua nya nyadika pesaka sida.\\n5 Tu menua ke raban peturun ari raban bansa Epraim. Garis entara menua sida berengkah ari Atarot nuju ke timur ngagai Bet-horon Ulu,\\n6 lalu ari nya nuju ngagai Tasik Tengah.Mikmetat nya tunga ke utara ari menua sida.Tunga ke timur, garis entara menua nya nguing ngagai Tanah Siloh, lalu terus ari nya ngagai timur nengeri Janoah.\\n7 Garis entara menua nya lalu nurun ari Janoah ngagai Atarot enggau Narah, terus ngagai Jeriko, lalu tepantup ba Sungai Jordan.\\n8 Garis entara menua nya lalu ngerejang ke barat ari Tapuah ngagai Sungai Kanah, lalu tepantup ba Tasik Tengah. Nya meh menua ti udah diberi ngagai ruang bilik raban bansa Epraim nyadika pesaka sida,\\n9 nyengkaum sekeda nengeri ti mit enggau genturung pendiau ti dalam kandang menua Manasi, tang diberi ngagai orang ari raban bansa Epraim.\\n10 Tang sida enda muru orang Kanaan ti diau di Geser. Nya alai, orang Kanaan mengkang diau begulai enggau orang ari raban Epraim nyentuk ke sehari tu, tang orang Kanaan udah dipejalka bekereja nyadi ulun.\\nMenua Manasi Di Barat\\n1 Sebagi ari menua ti di barat Sungai Jordan udah diberi ngagai sekeda ruang bilik orang ke ari peturun anak tuai Josep ke benama Manasi.Machir apai Giliat nya anak tuai Manasi, lalu iya nya orang ke tau serang. Nya alai, menua Giliat enggau Basan, ti di timur Sungai Jordan, diberi ngagai Machir.\\n2 Menua ti di barat Sungai Jordan udah diberi ngagai ruang bilik Manasi ti bukai, iya nya ngagai ruang bilik Abieser, Helek, Asril, Sekem, Heper, enggau Semida. Sida tu peturun ti lelaki ari Manasi anak Josep, lalu sida tu nyadi tuai bilik sida.\\n3 Selopehat, anak Heper, anak Giliat, anak Machir, anak Manasi, nadai anak lelaki, tang semina bisi anak indu. Nama sida nya Mahlah, Noah, Hoklah, Milkah, enggau Tirsah.\\n4 Sida mansang ngagai Imam Eleasar, enggau ngagai Josua anak Nun, enggau ngagai bala tuai bansa, ku sida, “TUHAN udah ngasuh Moses meri ngagai kami sebagi ari menua tu nyadika pesaka kami, baka kaban belayan kami ke lelaki.” Nya alai, munyi ti udah diasuh TUHAN, sida diberi menua baka kaban belayan sida ke lelaki.\\n5 Nya kebuah Manasi nerima sepuluh iti ungkup, nambahka Giliat enggau Basan di timur Sungai Jordan,\\n6 laban peturun iya ti indu enggau peturun iya ti lelaki sama diberi menua. Menua Giliat udah diberi ngagai peturun Manasi ti bukai.\\n7 Menua Manasi berengkah ari Aser ngagai Mikmetat, tunga ke timur Sekem.Garis entara menua nya lalu nuju ke selatan nyengkaum orang ke di En-tapuah.\\n8 Menua ti ngelingi Tapuah diempu Manasi, tang nengeri Tapuah, ti ba garis entara menua, diempu peturun Epraim.\\n9 Ari nya garis entara menua nya nurun ngagai sungai Kanah.Nengeri ti tunga ke selatan sungai nya, diempu Epraim, taja pen nengeri nya dalam menua Manasi.Garis entara menua Manasi lalu ngili tebing utara sungai nya, lalu tepantup ba Tasik Tengah.\\n10 Nya alai menua Epraim nya muak ke selatan, lalu menua Manasi muak ke utara sungai nya, lalu Tasik Tengah nyadika garis entara menua di barat. Menua Aser nya tunga ke barat utara, lalu menua Isakar nya tunga ke timur utara.\\n11 Tang dalam menua Isakar enggau menua Aser, Manasi bempu nengeri Bet-san enggau Iblim, nyengkaum nengeri ti mit ti ngelingi nengeri nya, enggau nengeri Dor (ti ba tebing tasik) Endor, Taanak, Megido, enggau nengeri ti ngelingi sida.\\n12 Tang orang ari raban bansa Manasi enda teburuka orang ke diau dalam nengeri nya, nya alai orang Kanaan mengkang diau dia.\\n13 Indah lebuh orang Israel nyau mansang kering agi, deh sida enda muru semua orang Kanaan, tang mejalka sida bekereja nyadi ulun sida.\\nEpraim Enggau Raban Bansa Manasi Di Barat Minta Menua Ti Besai Agi\\n14 Ku bala peturun Josep bejaku enggau Josua, “Nama kebuah nuan meri kami semina sebagi aja ari menua tu nyadika pesaka kami? Tubuh kami mayuh, laban TUHAN udah merekatka kami.”\\n15 Ku Josua nyaut, “Enti kita amat ngemayuh nya, lalu menua ti bebukit di Epraim kelalu sekut alai kita diau, kita patut mansang ngagai utan di menua orang Peris enggau menua orang Repaim, lalu berimba menua nya ke diri empu.”\\n16 Ku sida nyaut, “Menua ti bebukit nya enda chukup ke kami, tang orang Kanaan ti diau ba emperan, ti diau di Bet-san enggau dalam nengeri ti mit ti ngelingi Bet-san, enggau sida ke diau ba Lebak Jesril, bisi kerita perang ti digaga ari besi.”\\n17 Ku Josua bejaku enggau raban bansa Epraim, sereta enggau raban bansa Manasi ti di barat, “Kita endang amat mayuh tubuh, lalu kita pen kering.Kita deka diberi lebih ari siti bagi.\\n18 Menua ti bebukit deka diempu kita. Taja pen menua nya agi utan, kita enda tau enda berimba menua nya, lalu bempu iya ari ujung siti ngagai ujung siti. Nyadi pasal orang Kanaan, kita enda tau enda muru sida, taja pen sida bisi kerita perang ti digaga ari besi, lalu taja pen bansa sida kering.”\\nTeda Menua Nya Dibagi\\n1 Lebuh sida udah ngalahka menua nya, semua orang Israel lalu begempuru di Siloh, lalu nirika Langkau Kain TUHAN dia. Semua menua nya dipegai sida magang.\\n2 Tujuh bengkah raban bansa mengkang apin diberi menua.\\n3 Nya alai Josua lalu bejaku enggau orang Israel. Ku iya, “Ni pengelama kita nganti diri ngalah lalu bempu menua ti udah diberi TUHAN Allah Taala aki ini kita ngagai kita?\\n4 Beri aku tiga iku lelaki ari siti-siti raban bansa. Aku deka ngasuh sida bejalai nengah menua nya, lalu nuliska gaya menua ti deka nyadika pesaka kita. Udah nya sida enda tau enda pulai baru ngagai aku.\\n5 Menua nya deka dibagi ngagai tujuh bengkah bagi.Judah deka diau ba menua iya empu di selatan, lalu Josep deka diau ba menua iya empu di utara.\\n6 Tuliska gaya tujuh bengkah menua nya, lalu bai utai ti ditulis nya ngagai aku. Udah nya baru aku deka enchabut undi ke kita, kena betanya ngagai TUHAN Allah Taala kitai.\\n7 Tang orang Lewi enda enggau kita nerima bagi ari menua nya, laban ungkup sida nya bekereja nyadi imam TUHAN.Nyadi raban bansa Gat, Reuben, enggau raban bansa Manasi ti di timur, udah nerima menua sida di timur Sungai Jordan.Menua nya udah diberi Moses, ti nembiak TUHAN, ngagai sida.”\\n8 Nya alai bala sida mupuk, deka matau menua nya udah bekau sida ke nerima atur ari Josua munyi tu: “Teresa lalu tuliska gaya semua menua nya. Udah nya pulai kitu baru ngagai aku.Udah nya baru aku, deka enchabut undi ngarika kita betanya ngagai TUHAN di Siloh ditu.”\\n9 Sida lalu neresa semua menua nya, lalu nuliska chara sida magi menua nya ngagai tujuh bengkah bagi, sereta nuliska nama nengeri ti di menua nya. Udah nya sida pulai baru ngagai Josua ba kem sida di Siloh.\\n10 Josua lalu enchabut undi ngarika sida, kena betanya ngagai TUHAN.Iya lalu magi menua nya ngagai raban bansa orang Israel ti bukai.\\nMenua Ti Diberi Ngagai Benjamin\\n11 Benjamin nya terubah raban bansa ti diberi menua.Menua sida nya entara menua raban bansa Judah enggau Josep.\\n12 Garis entara menua sida di utara berengkah ba Sungai Jordan lalu niki ngagai bukit ti tunga ke utara Jeriko, lalu ngerejang tunga ke barat nengah menua ti bebukit nyentuk ngagai menua puang Bet-aben.\\n13 Garis entara menua nya lalu niki serimbing bukit ti ba tisi Lus ari selatan (Lus mega dikumbai Betel), lalu nurun ari nya ngagai Atarot Adar, ti ba bukit muak ke timur Bet-horon ti di baruh.\\n14 Garis entara menua nya lalu nguing tunga ke selatan ari serimbing barat bukit nya, lalu terus ngagai Kiriat-baal (tauka Kiriat-jearim), ti diempu raban bansa Judah.Nya garis entara menua di barat.\\n15 Garis entara menua di selatan berengkah ba tisi Kiriat-jearim lalu nuju ke barat ngagai mata ai ti di Neptoah.\\n16 Ari nya garis entara menua nya lalu nurun ngagai kaki bukit ti ari atas Lebak Hinom, ba ujung utara Lebak Repaim.Ari nya gari entara menua nya lalu nuju ke selatan nengah Lebak Hinom, muak ari selatan gerinjing Jebus, tunga ngagai En-rogel.\\n17 Garis entara menua nya lalu nguing ke utara ngagai En-semes, lalu terus ngagai Gelilot, di seberai Genting Adumim. Garis entara menua nya lalu nurun ngagai Batu Bohan (Bohan nya anak Reuben)\\n18 lalu nuju ke utara mansa gerinjing tanah ba atas Lebak Jordan, lalu nurun ngagai emperan nya\\n19 tunga ke utara, mansa gerinjing tanah ba Bet-hoglah, lalu tepantup ba endur alai ai Sungai Jordan tama ngagai Tasik Mati di utara. Nya meh garis entara menua ti di selatan.\\n20 Sungai Jordan nyadika garis entara menua di timur.Nya meh garis entara menua ke menua ti diterima ruang bilik ari raban bansa Benjamin nyadika pesaka sida.\\n21 Nengeri ti diempu ruang bilik raban bansa Benjamin nya Jeriko, Bet-hoglah, Emek-kesis,\\n22 Bet Arabah, Semaraim, Betel,\\n23 Abim, Parah, Oprah,\\n24 Cheparamoni, Opni, enggau Geba - dua belas buah nengeri, sama enggau nengeri ti mit ti ngelingi sida.\\n25 Nengeri ti bukai nyengkaum Gibeon, Ramah, Berot,\\n26 Mispah, Chepirah, Mosah,\\n27 Rekem, Irpil, Taralah,\\n28 Sela, Halep, Jebus (tauka Jerusalem), Gibe-ah, enggau Kiriat-jearim - empat belas buah nengeri semua iya, sama enggau nengeri ti mit ti ngelingi sida. Nya meh menua ti diterima ruang bilik raban bansa Benjamin nyadika pesaka sida.\\nMenua Ti Diberi Ngagai Simeon\\n1 Simeon nya raban bansa ti kedua diberi menua, lalu menua ti diberi ngagai sida nya berimbai enggau menua Judah.\\n2 Nengeri di menua nya nyengkaum Beer-seba, Sheba, Moladah,\\n3 Hasar-sual, Balah, Esem,\\n4 Eltolat, Betul, Hormah,\\n5 Siklak, Bet-markabot, Hasar-susah,\\n6 Bet-lebaot, enggau Saruhen - tiga belas buah nengeri semua iya, sama enggau nengeri ti mit ti ngelingi nengeri nya.\\n7 Nengeri dia mega nyengkaum Ain, Rimon, Eter, enggau Asan - empat buah nengeri semua iya, sama enggau nengeri ti mit ti ngelingi sida.\\n8 Menua Simeon mega nyengkaum semua nengeri enggau genturung pendiau nyentuk ngagai Baalat-beer (tauka Ramah), di selatan.Nya meh menua ti diterima raban bansa Simeon nyadika menua sida.\\n9 Laban Judah udah diberi menua ti besai agi ari ti diguna sida, sebagi ari menua nya lalu diberi ngagai Simeon.\\nMenua Ti Diberi Ngagai Sebulun\\n10 Sebulun nya raban bansa ti ketiga diberi menua.Menua ti diterima sida nya nganchau nyentuk ngagai Sarid.\\n11 Ari Sarid, garis entara menua nya lalu nuju ke barat ngagai Marial, mansa Dabeset enggau sungai ti muak ke timur Joknim.\\n12 Berengkah ari Sarid ari sepiak, garis entara menua nya nuju ke timur ngagai garis entara menua Kislot-tabor, udah nya nuju ke Daberat, lalu niki ngagai Japia.\\n13 Ari nya garis entara menua nya lalu majak nuju ke timur ngagai Gat-heper enggau Et-kasin, nguing tunga ke Nih ba jalai ngagai Rimon.\\n14 Di barat, garis entara menua nya nguing tunga ngagai Hanaton, lalu tepantup ba Emperan Iptah-el.\\n15 Menua nya nyengkaum Katat, Nahalal, Simron, Idalah, enggau Betlehem - dua belas buah nengeri semua iya, sama enggau nengeri ti mit ti ngelingi sida.\\n16 Nengeri enggau nengeri ti mit ti di menua ti diterima raban bansa Sebulun nyadika pesaka sida.\\nMenua Ti Diberi Ngagai Isaka\\n17 Isakar nya raban bansa ti keempat ti diberi menua.\\n18 Rampa menua nya nyengkaum Jesril, Chesulot, Sunem,\\n19 Haparaim, Sion, Anaharat,\\n20 Rabit, Kision, Ebes,\\n21 Remet, En-ganim, En-hadah, enggau Bet-pasis.\\n22 Garis entara menua nya mega mansa Tabor, Sahasumah enggau Bet-semes, lalu tepantup ba Sungai Jordan. Enam belas buah nengeri dalam menua nya semua iya, sama enggau nengeri ti mit ti ngelingi sida.\\n23 Nya meh nengeri enggau nengeri ti mit dalam menua ti diterima raban bansa Isakar nyadika pesaka sida.\\n24 Aser nya raban bansa ti kelima ti diberi menua.\\n25 Rampa menua nya nyengkaum Helkat, Hali, Beten, Aksap,\\n26 Alam Melek, Amad enggau Misal.Di barat, garis entara menua nya negu Karmel enggau Sihor-libnat.\\n27 Garis entara menua nya nguing ke timur, lalu nuju ngagai Bet-dagon, negu Sebulun enggau Emperan Iptah-el, lalu terus ke utara ngagai Bet-emek enggau Neiel. Garis entara menua nya lalu majak ke utara ngagai Chabul,\\n28 Ebron, Rehob, Hamon, enggau Kanah, nyentuk ngagai Sidon.\\n29 Garis entara menua nya nguing ngagai Ramah, lalu datai ba nengeri Tire ti bekuta.Udah nya garis entara menua nya lalu nguing ngagai Hosah, lalu tepantup ba Tasik Tengah. Menua nya nyengkaum Mahalap, Aksip,\\n30 Umah, Apek, enggau Rehob - dua puluh dua buah nengeri semua iya, sama enggau nengeri ti mit ti ngelingi sida.\\n31 Nya meh nengeri enggau nengeri ti mit dalam menua ti diterima raban bansa Aser nyadika pesaka sida.\\nMenua Ti Diberi Ngagai Naptali\\n32 Naptali nya raban bansa ti keenam diberi menua.\\n33 Garis entara menua nya berengkah ari Helep ngagai kayu oak ti di Sananim, terus ngagai Adami-nekep, enggau ngagai Jabnil, nyentuk ngagai Lakum, lalu tepantup ba Sungai Jordan.\\n34 Ari nya garis entara menua nya lalu nguing ke barat ngagai Asnot Tabor, terus ngagai Hukok, negu Sebulun di selatan, negu Aser di barat, enggau menua Judah ti di timur Sungai Jordan.\\n35 Nengeri ti bekuta nyengkaum Sidim, Ser, Hamat, Rakat, Chineret,\\n36 Adamah, Ramah, Hasor,\\n37 Kedes, Edrei, Enhasor,\\n38 Yiron, Migdalel, Horem, Bet-anat, enggau Bet-semes - semilan buah nengeri semua iya, sama enggau nengeri ti mit ti ngelingi sida.\\n39 Nya meh nengeri enggau nengeri ti mit dalam menua ti diterima raban bansa Naptali nyadika pesaka sida.\\nMenua Ti Diberi Ngagai Dan\\n40 Dan nya raban bansa ti ketujuh diberi menua.\\n41 Menua Dan nyengkaum Sorah, Esta-ol, Ir-semes,\\n42 Sa-albim, Aijalon, Itlah,\\n44 Eltekeh, Gibeton, Baalat,\\n45 Jehut, Bene-berak, Gat-rimon,\\n46 Me-jarkon enggau Rakon, sereta enggau menua ti ngelingi Jopa.\\n47 Lebuh orang ari raban bansa Dan nyau nadai agi menua, sida lalu mansang ngagai Lais, lalu nyerang nengeri nya.Sida ngalahka nengeri nya, lalu munuh orang di nengeri nya, lalu ngambu nengeri nya nyadika nengeri sida empu. Sida lalu ngentapka diri dia, lalu ngubah nama nengeri nya ari Lais ngagai Dan, ngangkatka nama aki ini sida.\\n48 Nya meh nengeri enggau nengeri ti mit ti diterima raban bansa Dan nyadika pesaka sida.\\nMagi Menua Ti Penudi\\n49 Lebuh orang Israel udah tembu magi menua, sida lalu meri Josua anak Nun sebagi ari menua nya nyadika menua iya empu.\\n50 Munyi ti udah dipesanka TUHAN, sida meri ngagai iya sebuah nengeri ti dipinta iya, iya nya Timnat-serah di menua ti bebukit di menua Epraim.Iya ngaga nengeri nya baru, lalu ngentapka diri dia.\\n51 Imam Eleasar, Josua anak Nun, enggau bala tuai bilik ari raban bansa orang Israel udah magi menua nya ngena chara bechabut undi? kena betanya ngagai TUHAN di Siloh, ba penama ngagai Langkau Kain TUHAN. Nya meh jalai sida nembuka pengawa bebagi menua.\\n1 Udah nya TUHAN lalu ngasuh Josua\\n2 bejaku ngagai orang Israel, “Pilih nengeri alai ngerarika diri ti udah dipadahka Aku ngagai kita nengah Moses.\\n3 Enti bala kita bisi tekelanjur munuh orang, iya tau ngerarika diri ngagai nengeri nya ari orang ke ngiga balas.\\n4 Orang nya tau ngerarika diri ngagai sebuah nengeri nya, mansang ngagai endur alai bechara ba pintu penama ngagai nengeri nya, lalu madahka ngagai? bala tuai nengeri nya pasal utai ti udah nyadi. Udah nya baru sida deka nejuka iya tama ngagai nengeri nya, lalu meri iya endur alai diau, ngambika iya tau diau dia.\\n5 Enti orang ke ngiga balas datai ngagai nengeri nya nitihka iya, orang di nengeri nya enda tau nyerahka iya ngagai orang? nya. Orang di nengeri nya enda tau enda nyaga iya, laban iya tekelanjur tebunuhka orang nya, lalu ukai laban iya ringat.\\n6 Orang nya enda tau enda diau di nengeri nya datai ngagai maya iya udah kena pechara di mua orang mayuh, lalu datai ngagai maya orang ke nyadi Imam Besai udah mati.Udah nya baru iya tau pulai baru ngagai nengeri iya empu, ti udah ditinggalka iya rari.”\\n7 Nya alai, di barat Sungai Jordan sida milih Kedes di menua Galili, ba menua ti bebukit di menua Naptali. Sida milih Sekem, ba menua ti bebukit di menua Epraim, enggau Hebron, di menua ti bebukit di menua Judah.\\n8 Di timur Sungai Jordan, di menua puang ti tunga ke timur nengeri Jeriko, sida milih Beser di menua Reuben, Ramot-giliat, dalam menua Gat, enggau Golan di Basan, dalam menua Manasi.\\n9 Nya meh nengeri ti udah dipilih alai semua orang Israel tauka orang kampar ti diau enggau sida, tau ngerarika diri lalu ngidupka nyawa diri. Barang sapa tekelanjur tebunuhka orang, tau diau likun di nengeri nya, ari orang ke ngiga balas.Sida nadai tau dibunuh, sebedau sida kena pechara di mua orang mayuh.\\n1 Bala tuai bilik orang Lewi mansang ngagai Imam Eleasar, Josua anak Nun, enggau ngagai tuai bilik semua raban bansa orang Israel.\\n2 Ku sida bejaku enggau sida di Siloh, dalam menua Kanaan, “TUHAN udah ngena Moses meri pesan, madahka kami deka diberi nengeri alai diau, enggau padang rumput ngelingi nengeri nya ke jelu tupi kami.”\\n3 Nya alai, orang Israel lalu meri ngagai orang Lewi sekeda nengeri enggau padang rumput dalam menua sida, nitihka pesan TUHAN.\\n4 Bala raban peturun Kohat nya terubah ruang bilik ti diberi nengeri.Ruang bilik ti diturunka Imam Aron, diberi tiga belas buah nengeri dalam menua Judah, Simeon, enggau Benjamin.\\n5 Raban peturun Kohat ti bukai diberi sepuluh buah nengeri di menua Epraim, Dan, enggau Manasi Barat.\\n6 Raban peturun Gerson diberi tiga belas buah nengeri dalam menua Isakar, Aser, Naptali, enggau Manasi Timur.\\n7 Ruang bilik raban peturun Merari diberi dua belas buah nengeri dalam menua Reuben, Gat, enggau Sebulun.\\n8 Nya alai orang Israel bechabut undi kena sida magi nengeri enggau padang ti ngelingi nengeri siti-siti ngagai orang Lewi, nitihka jaku ti udah dipesanka TUHAN ngena Moses.\\n9 Tu nama nengeri di menua Judah enggau di menua Simeon ti diberi ngagai\\n10 peturun Aron ke ari raban peturun Kohat, ke diturunka Lewi.Raban peturun Kohat nya raban bansa ti terubah iya diberi nengeri.\\n11 Sida diberi nengeri Arba (Arba nya apai Anak), ti dikumbai Hebron diatu, di menua ti bebukit di menua Judah, sama enggau padang rumput ti ngelingi nengeri nya.\\n12 Tang padang nengeri nya, enggau semua nengeri ti mit, udah diberi ngagai Kalep anak Jepuneh nyadika pesaka iya.\\n13 Nambahka Hebron (sebuah ari nengeri alai ngerarika diri), tu nama nengeri ti diberi ngagai peturun Imam Aron: Libnah,\\n16 Ain, Jutah enggau Bet-semes, sama enggau padang rumput sida - semilan buah nengeri semua iya ari menua raban bansa Judah enggau Simeon.\\n17 Ari menua Benjamin sida diberi empat buah nengeri: Gibeon, Geba,\\n18 Anatot enggau Almon, sama enggau padang rumput sida.\\n19 Tiga belas buah nengeri semua iya diberi ngagai peturun Imam Aron, sama enggau padang rumput sida.\\n20 Ruang bilik ti bukai ari peturun Lewi ti ari raban peturun Kohat, diberi sekeda nengeri di menua Epraim.\\n21 Sida diberi empat buah nengeri: Sekem, enggau padang rumput iya, di menua ti bebukit dalam menua Epraim (sebuah ari nengeri ti alai ngerarika diri), Geser,\\n22 Kibsaim, enggau Bet-horon, sama enggau padang rumput sida.\\n23 Ari menua Dan, sida diberi empat buah nengeri: Eltekeh, Gibeton,\\n24 Aijalon, enggau Gat-rimon, sama enggau padang rumput sida.\\n25 Ari menua Manasi Barat sida diberi dua buah nengeri: Taanah enggau Gat-rimon, sama enggau padang rumput sida.\\n26 Ruang bilik raban peturun Kohat nerima sepuluh buah nengeri semua iya, sama enggau padang rumput sida.\\n27 Siti agi raban bansa orang Lewi, iya nya raban peturun Gerson, nerima dua buah nengeri ari menua Manasi Timur: Golan di Basan (sebuah ari nengeri alai ngerarika diri) enggau Besterah, sama enggau padang rumput sida.\\n28 Sida nerima empat buah nengeri ari menua Isakar: Kision, Daberat,\\n29 Jarmut, enggau En-ganim, sama enggau padang rumput sida.\\n30 Ari menua Aser sida nerima empat buah nengeri: Misal, Apdon,\\n31 Helkat, enggau Rehob, sama enggau padang rumput sida.\\n32 Ari menua Naptali, sida nerima tiga buah nengeri: Kedes di Galili, sama enggau padang rumput iya (sebuah ari nengeri alai ngerarika diri), Hamot-dor, enggau Kartan, sama enggau padang rumput sida.\\n33 Semua ruang bilik raban peturun Gerson nerima tiga belas buah nengeri semua iya, sama enggau padang rumput sida.\\n34 Peturun Lewi ti bukai, iya nya bala raban peturun Merari, nerima empat buah nengeri ari menua Sebulun: Joknim, Kartah,\\n35 Dimnah, Nahalal, sama enggau padang rumput sida.\\n36 Ari menua Reuben sida nerima empat buah nengeri: Beser, Jahas,\\n37 Kedemot enggau Mepat, sama enggau padang rumput sida.\\n38 Ari raban bansa Gat sida nerima empat buah nengeri: Ramot-giliat, sama enggau padang rumput iya (sebuah ari nengeri ti alai ngerarika diri), Mahanaim,\\n39 Hesbon, enggau Jaser, sama enggau padang rumput sida.\\n40 Nya alai raban peturun Merari udah diberi dua belas buah nengeri semua iya.\\n41-42 Ari menua ti dialahka orang Israel, empat puluh lapan buah nengeri semua iya, udah diberi ngagai orang Lewi, sama enggau padang rumput ti ngelingi nengeri nya.\\nOrang Israel Ngalahka Menua Nya\\n43 Nya alai TUHAN meri ngagai orang Israel semua menua ti udah disemaya deka diberi Iya ngena sumpah ngagai aki ini sida. Lebuh sida udah ngalahka menua nya, sida lalu ngentapka diri dia.\\n44 TUHAN meri sida pengelikun di serata menua nya, munyi ti udah disemaya Iya ngagai aki ini sida.Nadai siku ari bala munsuh sida ulih ngelaban sida, laban TUHAN udah ngasuh orang Israel menang ngelaban semua munsuh sida.\\n45 TUHAN udah ngingatka genap iti semaya ti udah digaga Iya enggau orang Israel.\\nJosua Ngasuh Raban Bansa Ti Di Timur Pulai\\n1 Udah nya Josua lalu ngempuruka orang ari raban bansa Reuben, Gat, enggau Manasi Timur.\\n2? Ku iya bejaku enggau sida, “Kita udah ngereja semua utai ti udah diasuh Moses ke nembiak TUHAN, lalu kita udah ngasika semua pesan aku.\\n3 Kenyau ari menya nadai sekali kita udah ninggalka orang Israel ti bukai.Kita udah bejimat ngasika pesan TUHAN Allah Taala kita.\\n4 Diatu, munyi ti udah disemaya Iya, TUHAN Allah Taala kita udah ngasuh orang Israel ti bukai diau dalam pemaik. Nya alai pulai meh kita ngagai menua kita empu, di timur Sungai Jordan, ti udah diberi Moses, ke nembiak TUHAN, ngagai kita.\\n5 Kita enda tau enda ngasika adat ti udah diberi Moses ngagai kita, iya nya, rinduka TUHAN Allah Taala kita, ngereja utai ti dikedekaka Iya, ngasika pesan Iya, tetap ati ngagai Iya, lalu nyembah Iya enggau pengabis ati, enggau pengabis semengat kita.”\\n6 Nya alai Josua merekatka sida, lalu ngasuh sida pulai ngena jaku berekat tu: “Kita pulai kaya amat, mai mayuh jelu tupi, pirak, emas, temaga, besi, enggau kain. Bagi enggau raban bansa kita empu utai ti udah dirampas kita ari munsuh kita.”Udah nya sida pulai ngagai menua diri.\\n7 Nyadi Moses udah meri menua di timur Sungai Jordan ngagai setengah ari raban bansa Manasi. Setengah ari raban bansa Manasi ti bukai diberi iya menua di barat Sungai Jordan, sama enggau raban bansa orang Israel ti bukai. Lebuh Moses ngasuh sida pulai ngagai langkau kain sida, lalu merekatka sida,\\n8 iya bejaku ngagai sida, “Pulai kita ngagai langkau kain kita mai mayuh pengaya, mayuh jelu tupi, mai pirak, emas, temaga, enggau besi, mayuh kain; bagi perapasan kita enggau kaban belayan kita.”\\n9 Nya alai orang ari raban bansa Reuben, Gat, enggau Manasi Timur, pulai ngagai menua diri. Sida ninggalka orang Israel ti bukai di Siloh, di menua Kanaan, lalu mupuk ngagai menua sida empu, iya nya menua Giliat, ti udah dialahka sida nitihka jaku ti dipesanka TUHAN ngagai sida, ngena Moses.\\nAlta Ba Tebing Sungai Jordan\\n10 Lebuh raban bansa Reuben, Gat enggau Manasi Timur datai di Gelilot, lebuh sida agi ba tebing barat Sungai Jordan, sida lalu ngaga siti alta ti besai, sereta manah gaya ba tebing sungai nya.\\n11 Orang lalu madahka pasal nya ngagai orang Israel ti bukai, “Pendingka tu ulih kita! Raban bansa Reuben, Gat enggau Manasi Timur udah ngaga siti alta di Gelilot, ba tebing barat Sungai Jordan!”\\n12 Lebuh orang Israel ninga nya, semua sida lalu begempuru di Siloh deka nyerang raban bansa ti di timur.\\n13 Udah nya orang Israel lalu ngasuh Pinehas, anak Imam Eleasar, mansang ngagai raban bansa Reuben, Gat enggau Manasi Timur di menua Giliat.\\n14 Sepuluh iku tuai bejalai enggau Pinehas, siku ari siti-siti raban bansa ti di barat, genap iku sida nya endang tuai ke suku raban bansa sida empu.\\n15 Sida datai di menua Giliat, ngagai raban bansa Reuben, Gat, enggau Manasi Timur,\\n16 lalu bejaku ngarika semua nembiak TUHAN.Ku sida, “Nama kebuah kita ngereja utai ti jai tu lalu ngelaban Allah Taala ke disembah orang Israel? Kita udah ngelaban TUHAN, laban kita udah ngaga alta tu ke diri empu, lalu enda agi nitihka Iya!\\n17 Kingatka dosa kitai di Peor, lebuh TUHAN ngukum bala nembiak Iya ngena penyakit ti balat berampit?Kitai agi natka pemerinsa ketegal nya.Kati dosa nya enda chukup ba kita?\\n18 Kati kita diatu enggai agi nitihka Iya?Enti kita ngelaban TUHAN sehari tu, Iya deka ringat ngagai semua orang Israel pagila.\\n19 Nya alai, enti menua kita enda chukup manah alai nyembah Iya, kita tau datai ngagai menua TUHAN, alai Langkau Kain TUHAN bediri. Ambi menua ari bala kami. Tang anang ngelaban TUHAN, tauka ngaga kami nyadi orang ke angkat ngelaban ketegal kita begagaka alta nambahka alta TUHAN Allah Taala kitai.\\n20 Kingatka pasal Achan ari raban peturun Serah ti enda ngasika pesan pasal utai ti deka dirusak.Semua orang Israel udah diukum ketegal nya.Ukai semina Achan siku aja ke mati ketegal dosa iya.”\\n21 Raban bansa Reuben, Gat enggau Manasi Timur lalu nyaut bala tuai bilik ari raban bansa ti di barat:\\n22 “TUHAN nya meh Allah Taala ti ari atas semua petara! TUHAN nya meh Allah Taala ari atas semua petara! Iya sigi nemu; lalu Iya ngasuh Israel nemu! Enti kami tu udah angkat ngelaban tauka enda agi tetap ati ngagai TUHAN, anang nejuka kami idup sehari tu!\\n23 Enti kami udah enda ngasika TUHAN, lalu udah ngaga alta ke kami empu alai kami nunu piring pemaik, awakka TUHAN Empu ngukum kami.\\n24 Kami ngereja utai tu laban kami takutka peturun kita jemah ila nyebut ngagai peturun kami, ‘Kita nadai kaul enggau TUHAN Allah Taala ke disembah orang Israel!\\n25 Iya udah ngaga Sungai Jordan nyadika garis entara menua kena nyeraraka kami ari kita raban bansa Reuben enggau Gat.Kita nadai kaul enggau TUHAN.’Udah nya, kada enda peturun kita deka nagang peturun kami nyembah TUHAN.\\n26 Nya kebuah kami ngaga siti alta, ukai alai nunu piring, tauka alai ngenjuk piring,\\n27 tang nyadika tanda ke bala kami enggau ke kita, enggau ke rebak ti nangkanka kitai, pasal kami ke endang amat nyembah TUHAN di mua Langkau Kain Iya ti kudus, mai piring ti deka ditunu, sereta mai pemeri enggau piring pemaik. Alta tu kena nagang peturun kita ngumbai peturun kami nadai kaul enggau TUHAN.\\n28 Ku runding kami, enti utai baka nya nyadi, peturun kami ulih nyebut, ‘Peda kita! Aki ini kami udah ngaga siti alta sebaka enggau alta TUHAN. Alta nya ukai alai nunu pemeri tauka piring, tang nyadi tanda ke bala kami enggau ke bala kita.’\\n29 Kami tetap enggai ngelaban TUHAN, tauka badu agi nitihka Iya lalu begagaka alta alai nunu piring, tauka piring tepung, tauka pemeri. Kami enggai ngaga alta bukai kelimpah ari alta TUHAN Allah Taala kitai ti bediri di mua Langkau Kain Iya.”\\n30 Lebuh imam Pinehas enggau bala tuai orang Israel ke bejalai enggau iya, bala tuai bilik ari raban bansa ti di barat, ninga jaku orang ari raban bansa Reuben, Gat enggau Manasi Timur, sida puas ati.\\n31 Ku Pinehas anak Imam Eleasar bejaku enggau sida, “Diatu baru kami nemu TUHAN bisi enggau kitai.Kita ukai angkat ngelaban Iya, lalu ketegal nya kita udah ngelepaska orang Israel ari ukum TUHAN.”\\n32 Udah nya Pinehas enggau bala tuai lalu ninggalka raban bansa Reuben enggau Gat di menua Giliat, lalu mulaika diri ngagai menua Kanaan, ngagai orang Israel, lalu madahka berita nya ngagai sida.\\n33 Orang Israel puas ati, lalu muji Allah Taala. Sida nadai agi bejakuka pasal sida ke deka nyerang lalu ngerusak menua ti alai raban bansa Reuben enggau raban bansa Gat ngentapka diri.\\n34 Ku raban bansa Reuben enggau Gat bejaku, “Alta tu nyadika saksi ke semua kitai, pasal TUHAN ti endang Allah Taala kitai.” Nya alai sida lalu ngumbai alta nya “Saksi.”\\nJosua Meri Selamat Tinggal\\n1 Nyau ke lama udah bekau nya, TUHAN meri orang Israel pengelikun.Sida nadai agi dikachau munsuh.Lebuh maya nya Josua udah tuai amat umur.\\n2 Josua mesanka semua orang Israel, bala tuai bansa, bala kepala, bala hakim, enggau bala pemesai, lalu bejaku, “Aku diatu nyau tuai;\\n3 lalu kita udah meda semua utai ti udah dikereja TUHAN Allah Taala kita ngagai semua bansa bukai ngarika kita, laban TUHAN Allah Taala kita udah beperang ngarika kita.\\n4 Aku udah meri ngagai kita menua orang bansa bukai ke bedau dialahka aku, nyengkaum semua menua bansa orang ke udah dialahka aku, nyadika pesaka raban bansa kita, berengkah ari Sungai Jordan di timur nyentuk ngagai Tasik Tengah di barat.\\n5 TUHAN Allah Taala kita deka ngasuh munsuh kita nyurutka diri ari kita, lalu Iya deka muru sida lebuh kita nyerang.Kita deka bempu menua sida, munyi ti udah disemaya Allah Taala kita ngagai kita.\\n6 Nya alai kita mesti ngasi lalu ngereja semua utai ti ditulis dalam Bup Adat Moses. Kita mesti ngereja semua utai ti ditulis dalam bup nya,\\n7 lalu anang bekaul enggau tugau bansa bukai ti tinggal ba bala kita. Nyebut nama petara sida deh kita enda tau. Anang besumpah atas nama petara sida, tauka nyembah tauka meremi ngagai petara sida,\\n8 tang kita patut bepegai teguh ba TUHAN ti Allah Taala kita, baka ti udah dikereja kita nyentuk ngagai ke diatu.\\n9 Laban TUHAN udah muru bansa ti kering sereta bekuasa lebuh kita majakka pejalai kita, lalu nadai orang udah kala tan ngelaban kita nyentuk ngagai sehari tu.\\n10 Siku-siku kita ulih ngasuh seribu iku munsuh rari, laban TUHAN Allah Taala kita beperang ngarika kita, munyi ti udah disemaya Iya.\\n11 Nya alai, kita mesti rinduka TUHAN Allah Taala kita.\\n12 Enti kita enda taluk lalu bekaul enggau tugau orang bansa bukai ke agi tinggal, lalu jadi melaki-bini enggau sida,\\n13 TUHAN Allah Taala kita deka badu agi muru bansa orang nya lebuh kita nyerang.Sida deka ngerusak kita baka panjuk, tauka baka lubang kebung, lalu ngemediska kita baka penyipat ti disipatka ngagai belakang kita, tauka baka duri dalam mata kita.Utai tu deka nyadi datai ke semua kita nadai agi tinggal di menua ti manah tu, ti udah diberi TUHAN Allah Taala kita ngagai kita.\\n14 “Nyadi diatu, aku nyau deka mati.Genap iku kita nemu dalam ati enggau dalam semengat kita, TUHAN Allah Taala kita udah meri ngagai kita semua utai ti manah, ti udah disemaya Iya.Genap semaya ti udah digaga Iya, udah dikamatka Iya magang.Nadai siti semaya nya ti enda dikamatka Iya.\\n15 Tang baka Iya ti udah ngamatka semua semaya ti udah digaga Iya enggau kita, baka nya mega Iya deka ninggang kita enggau penusah ti besai munyi ti udah disebut Iya ngagai kita.\\n16 Enti kita ngelanggar sempekat ti udah diberi TUHAN Allah Taala kita ngagai kita, lalu kita betuaika sereta nyembah petara bukai, TUHAN deka ringat lalu ngukum kita, lalu kita deka jampat abis mati di menua ti manah ti udah diberi Iya ngagai kita.”\\nJosua Bejaku Ngagai Orang Israel Di Sekem\\n1 Josua ngasuh semua raban bansa orang Israel begempuru di Sekem.Iya mesanka semua tuai, bala kepala, bala hakim, enggau bala pemesai orang Israel.Semua sida lalu datai magang di mua Allah Taala.\\n2 Josua lalu bejaku ngagai semua orang Israel, “Ku TUHAN Allah Taala ke disembah orang Israel bejaku: ‘Dulu kelia bala aki ini kita, nyengkaum Terah, apai Abraham seduai Nahor, diau di seberai Sungai Eupratis, lalu nyembah petara bukai.\\n3 Udah nya Aku lalu ngambi aki kita Abraham, ari menua ti di seberai Sungai Eupratis, lalu mai iya nengah semua menua Kanaan.Aku meri iya mayuh peturun. Aku meri iya Isak,\\n4 lalu Aku meri Jakop seduai Esau ngagai Isak. Aku meri menua ti bebukit di Edom ngagai Esau nyadika pesaka iya, tang aki kita Jakop enggau bala anak iya nurun ngagai menua Ejip.\\n5 Udah nya Aku ngirumka Moses seduai Aron, lalu Aku ngasuh penusah ti besai ninggang menua Ejip.Tang Aku mai kita pansut.\\n6 Aku mai aki ini kita pansut ari menua Ejip, lalu orang Ejip begagaika sida ngena kerita perang enggau bala soldadu ti nepan kuda. Tang lebuh bala aki ini kita datai ba Tasik Mirah,\\n7 sida lalu ngangau minta Aku nyaup sida.Aku lalu ngengkahka pemetang entara sida enggau orang Ejip.Aku ngasuh ai tasik ngelamun lalu ngelemaska orang Ejip.Kita nemu utai ti udah dikereja Aku ngagai menua Ejip; lalu kita lama diau di menua puang.\\n8 Udah nya Aku mai kita ngagai menua orang Amor, ti diau di timur Sungai Jordan.Sida nyerang kita, tang Aku nyerahka sida ngagai jari kita.Kita ngerampas menua sida, lalu Aku ngerusak sida lebuh kita majakka pejalai kita.\\n9 Udah nya raja orang Moap, Balak anak Sipor beperang ngelaban kita.Iya mesanka Balaam anak Beor, minta iya nyumpah kita.\\n10 Tang Aku enggai mendingka Balaam. Nya alai Aku lalu merekatka kita. Nya meh jalai Aku ngelepaska kita ari Balak.\\n11 Kita meraka Sungai Jordan, lalu datai di Jeriko.Orang ari Jeriko lalu beperang ngelaban kita. Orang Amor, orang Peris, orang Kanaan, orang Iti, orang Girgas, orang Ibi enggau orang Jebus mega beperang ngelaban kita. Tang Aku nyerahka sida ngagai jari kita.\\n12 Lebuh kita majakka pejalai kita, Aku ngasuh sida begau abis ati, lalu Aku muru dua iku raja orang Amor.Ukai pedang tauka panah kita ke ngereja nya.\\n13 Aku udah meri ngagai kita menua ti nadai kala dipumai kita, enggau nengeri ti ukai digaga kita.Diatu kita diau dia, lalu makai buah anggur enggau buah kana ti ukai ditanam kita.\\n14 Nya alai, kemesaika TUHAN lalu betuaika Iya ngena ati ti betul sereta tetap. Buai semua petara ti udah disembah aki ini kita di menua Mesopotamia, enggau di menua Ejip: sembah TUHAN siku aja.\\n15 Enti kita enggai nyembah TUHAN, pilih sehari tu ni bagi petara ti deka dipetuaika kita, nemuka iya nya petara ti udah disembah aki ini kita di menua Mesopotamia, tauka petara orang Amor, ke bempu menua ti alai kita diau diatu. Tang aku enggau semua kami sebilik deka betuaika TUHAN.”\\n16 Orang mayuh lalu nyaut, “Kami enggai sekali-kali ninggalka TUHAN lalu betuaika petara bukai!\\n17 TUHAN Allah Taala kitai udah mai aki ini kitai enggau bala kitai pansut ari menua Ejip, alai kitai ti udah nyadi ulun, lalu kitai udah meda kereja ajih ti dikereja Iya. Iya udah nyaga kitai lebuh kitai nengah menua semua bansa ti ditengah kitai.\\n18 Lebuh kitai majakka pejalai kitai tama menua tu, TUHAN muru semua orang Amor ti diau ditu.Nya alai kami deka mega betuaika TUHAN, laban Iya endang Allah Taala kitai.”\\n19 Ku Josua bejaku ngagai orang Israel, “Kita enda ulih betuaika TUHAN, laban Iya Allah Taala ti kudus.Iya Allah Taala ti chemburu, lalu Iya enggai ngampun penyalah tauka dosa kita.\\n20 Enti kita ninggalka TUHAN lalu betuaika petara orang bansa bukai, Iya deka mutar ngelaban kita lalu ngukum kita.Iya deka ngerusak kita, taja pen Iya udah manah enggau kita.”\\n21 Orang mayuh lalu nyebut ngagai Josua, “Kami deka betuaika TUHAN.”\\n22 Josua lalu bejaku ngagai sida, “Kita empu besaksika diri madahka diri deka betuaika TUHAN.” Orang mayuh lalu nyaut, “Kami sigi amat besaksika nya.”\\n23 Lalu ku Josua bejaku ngagai sida, “Enti pia, buai magang semua petara orang bansa bukai ke dikembuan kita, lalu singitka pending kita ngagai TUHAN Allah Taala ke disembah orang Israel.”\\n24 Lalu ku orang mayuh bejaku ngagai Josua, “Kami deka betuaika TUHAN Allah Taala kami, lalu kami deka ngasika jaku Iya.”\\n25 Nya alai, sehari nya Josua lalu ngaga siti sempekat enggau orang mayuh, lalu meri sida adat enggau atur ti deka dititihka sida.\\n26 Josua nuliska semua jaku nya dalam Bup Adat Allah Taala. Udah nya iya lalu ngambi sigi batu ti besai, lalu ngengkahka batu nya di baruh sepun kayu oak ba endur alai TUHAN diau.\\n27 Josua lalu bejaku ngagai orang mayuh, “Batu tu deka nyadika saksi kitai; laban batu tu udah ninga semua leka jaku ti udah disebut TUHAN ngagai kitai; nya alai batu tu nyadika saksi ngelaban kita, enggai ke kita ngelaban Allah Taala kita.”\\n28 Udah nya Josua ngasuh orang mayuh pulai, lalu semua sida pulai ngagai menua diri empu.\\nJosua Seduai Eleasar Mati\\n29 Udah bekau nya, Josua anak Nun, ke nembiak TUHAN, mati lebuh umur iya seratus sepuluh taun.\\n30 Sida lalu nguburka iya ba tanah iya empu di Timnat-serah, di menua ti bebukit dalam menua Epraim, tunga ke utara Bukit Gaas.\\n31 Sekumbang Josua agi idup, orang Israel meruan betuaika TUHAN.Lebuh iya udah mati, orang Israel mengkang betuaika TUHAN, seagi-agi bala tuai bansa agi idup, ti udah meda semua pengawa ti dikereja TUHAN ti orang Israel.\\n32 Tulang Josep, ti udah dibai orang Israel ari menua Ejip, lalu dikuburka di Sekem, ba sebidang tanah ti udah dibeli Jakop ari bala anak Hamor, ti apai Sekem, ngena rega seratus singkap duit pirak. Tanah nya nyadika pesaka bala peturun Josep.\\n33 Eleasar anak Aron mati, lalu dikuburka di Gib-eah, sebuah nengeri di menua ti bebukit dalam menua Epraim. Negeri nya udah diberi ngagai anak iya Pinehas.","num_words":16593,"character_repetition_ratio":0.097,"word_repetition_ratio":0.009,"special_characters_ratio":0.209,"stopwords_ratio":0.314,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"BACHA DALAM JAKU Afrikaans Ahanta Aja Albanian Alur Amharic Arabic Armenian Assamese Attié Aukan Aymara Azerbaijani Azerbaijani (Cyrillic) Bahasa Isyarat Salvador Bambara Baoule Bashkir Basque Bassa (Cameroon) Bassa(Liberia) Batak (Dairi) Batak (Karo) Batak (Simalungun) Batak (Toba) Belize Kriol Bengali Bicol Bislama Boulou Bulgarian Cakchiquel (Tengah) Cambodian Catalan Cebuano Changana (Zimbabwe) Chavacano Chichewa Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinyanja Comorian (Ngazidja) Croatian Czech Damara Dangme Danish Digor Douala Dusun Dutch Efik Emberá (Catío) English Esan Estonian Ewe Fante Faroese Fijian Finnish Fon Frafra French Ga Galician Garifuna Georgian German Gitonga Gokana Greek Greenlandic Guadeloupean Kreol Guarani Guarani (Bolivia) Guerze Gujarati Gun Guna Guéré Haitian Creole Hausa Hebrew Herero Hiligaynon Hindi Hiri Motu Hmong (Putih) Huastec (San Luis Potosi) Hungarian Hunsrik Iban Iban Ibinda Icelandic Igbo Iloko Indonesian Irish Isoko Italian Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Australia Jaku Orang Bisu Belanda Jaku Orang Bisu Bolivia Jaku Orang Bisu Brazil Jaku Orang Bisu Britain Jaku Orang Bisu Chile Jaku Orang Bisu China Jaku Orang Bisu Colombia Jaku Orang Bisu Costa Rica Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Ghana Jaku Orang Bisu Greece Jaku Orang Bisu Guatemala Jaku Orang Bisu Honduras Jaku Orang Bisu Hungary Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Korea Jaku Orang Bisu Malaysia Jaku Orang Bisu New Zealand Jaku Orang Bisu Nicaragua Jaku Orang Bisu Panama Jaku Orang Bisu Paraguay Jaku Orang Bisu Perancis Jaku Orang Bisu Peru Jaku Orang Bisu Philippines Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Uruguay Jaku Orang Bisu Venezuela Jaku Orang Bisu Zimbabwe Japanese Jawa Jula Kabuverdianu Kabyle Kachin Kannada Karen (S'gaw) Kazakh Kekchi Khana Khasi Kikaonde Kikongo Kikuyu Kiluba Kimbundu Kinande Kinyarwanda Kipende Kirghiz Kiribati Kirundi Kisi Kisii Kisonge Kongo Korean Kpelle Kreole Bissau Guinea Krio Kurdish Kurmanji (Caucasus) Kwangali Kwanyama Kyangonde Lahu Laotian Latgalian Latvian Lenje Lhukonzo Lifu Lingala Lithuanian Lomwe Low German Luganda Lugbara Lunda Luo Luvale Macedonian Macua Malagasy Malayalam Maltese Mam Mambwe-Lungu Mangareva Maninkakan (Timur) Mapudungun Marathi Marquesian (Hiva Oa) Marquesian (Nuku Hiva) Marshallese Mauritian Creole Maya Mazahua Mazatec (Huautla) Mbukushu Melayu Mende Meru Miskito Mixe Mixtec (Guerrero) Mixtec (Huajuapan) Mizo Mongolian Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Nias Niuean Norwegian Nuer Nyaneka Nyungwe Nzema Okpe Oromo Ossetian Otomi (Lembah Mezquital) Pangasinan Papiamento (Aruba) Papiamento (Curaçao) Persian Pijin (Cameroon) Pijin Nigeria Pilagá Polish Ponapean Portuguese Pular Punjabi Punjabi (Shahmukhi) Páez Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romany (Bulgaria) Romany (Greece Selatan) Romany (Greece Utara) Romany (Macedonia) Romany (Macedonia) Cyrillic Romany (Slovakia Timur) Russian Rutoro Réunion Creole Samoan Sango Saramaccan Sarnami Sena Sepedi Serbian Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Solomon Islands Pidgin Somali Spanish Sranantongo Sunda Susu Swahili Swati Swedish Tagalog Tahitian Tajiki Talian Tamil Tandroy Tankarana Tarahumara Tarascan Tatar Telugu Tetun Dili Thai Thai (Timur Laut) Tigrinya Tiv Tlapanec Toabaite Tojolabal Tok Pisin Tokelauan Tongan Totonac Tshwa Tsonga Turkish Turkmen Turkmen (Cyrillic) Tuvaluan Twi Tzeltal Tzotzil Udmurt Uighur (Cyrillic) Ukrainian Urdu Urhobo Uzbek Uzbek (Rom) Valencian Venda Vezo Vietnamese Wallisian Waray-Waray Wayuunaiki Welsh Wichi Wolaita Xhosa Yacouba Yoruba Zapotec (Isthmus) Zapotec (Lachiguiri) Zulu\\nBegian ba gempuru\\nNgaduka Palan Gempuru\\nBup Kudus bisi nyebut pasal dua raban lelaki Kristian ke megai tanggung pengawa ba eklisia. Saksi-Saksi Jehovah nyebut sida tu “tuai gempuru” enggau “penulung gempuru.” (Pilipi 1:1, NW) Selalu iya, bisi bala tuai gempuru enggau penulung gempuru megai pengawa ba tiap iti eklisia. Nama pengawa dikereja bala penulung gempuru ke nguntungka kami?\\nSida nyaup raban tuai gempuru. Enda ngira tuai tauka biak, bala penulung gempuru bisi kaul ti rapat enggau Jehovah, lalu sida tau dikearap sereta bagas. Sida ngereja pengawa ke beguna ba eklisia enggau ba Palan Gempuru. Tu nulung bala tuai gempuru ulih betumpu ba pengawa ngajar enggau ngibun raban eklisia.\\nSida ngereja mayuh bengkah pengawa ti beguna. Sekeda ari penulung gempuru diberi pengawa ngelaluka orang ke datai begempuru. Iya ke bukai nyaga perengka audio, nyadung litaricha, nyaga akaun eklisia enggau ngatur endur nginjil ke raban ba eklisia. Sida mega nulung nyeruri tauka ngaduka Palan Gempuru. Bala tuai gempuru mega engka bisi ngasuh sida nulung orang ke udah tuai. Bala penulung gempuru patut nerima basa ari semua orang laban sida sanggup ngereja semua pengawa ke diberi ngagai sida.—1 Timoti 3:13.\\nSida lelaki Kristian ke meri teladan ti manah. Penulung gempuru dipilih ketegal pemanah kualiti Kristian sida. Lebuh sida ngereja begian sida ba gempuru, sida ngeringka pengarap kami. Lebuh sida ngulu ba pengawa nginjil, sida nambahka pengeransing kami. Laban sida bekerejasama enggau raban tuai gempuru, sida ngemansangka pengaga ati enggau penyerakup. (Epesus 4:16) Nyau kelama, sida mega ulih nyadi tuai gempuru.\\nPenulung gempuru nya orang ke baka ni?\\nBaka ni penulung gempuru nulung eklisia bejalai enggau lanchar?\\nTiap kali nuan datai ngagai Palan Gempuru, bekelala meh enggau seiku ari tuai gempuru tauka penulung gempuru nyentukka nuan ulih ngelala semua sida enggau ruang bilik sida.","num_words":872,"character_repetition_ratio":0.106,"word_repetition_ratio":0.0,"special_characters_ratio":0.17,"stopwords_ratio":0.133,"flagged_words_ratio":0.0,"lang_id_score":0.97,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"“Kami Ingin Deka Enggau Kita”—Sekariah 8:23 | Ke Mudah\\nBACHA DALAM JAKU Afrikaans Aukan Baoule Bassa (Cameroon) Bislama Boulou Cakchiquel Cambodian Chitonga Chokwe Chol Cibemba Cinyanja Dangme Efik English Ewe Fon French Ga Garifuna Greenlandic Hausa Hmong (Putih) Iban Igbo Isoko Italian Kabiye Karen (S'gaw) Kazakh Kikaonde Kikongo Kiluba Kimbundu Kisi Kisonge Kongo Krio Kwangali Kwanyama Laotian Lifu Lingala Lunda Luvale Maltese Mam Mambwe-Lungu Mauritian Creole Mazatec (Huautla) Mende Mixe Mizo Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndebele Ndonga Ngabere Ngangela Nyaneka Nzema Otetela Pijin (Cameroon) Portuguese Quechua (Ancash) Quechua (Ayacucho) Quechua (Cuzco) Quichua (Imbabura) Saramaccan Sepedi Sesotho (Lesotho) Setswana Seychelles Creole Silozi Spanish Swahili (Congo) Swati Tahitian Tiv Tlapanec Tojolabal Totonac Tshiluba Tsonga Twi Umbundu Urhobo Uruund Venda Wallisian Wayuunaiki Welsh Xhosa Yoruba Zulu\\n‘Kami ingin deka enggau kita, laban kami udah ninga Petara bisi enggau kita.’—SEK. 8:23.\\nLAGU: 65, 122\\nBaka ni Sekariah 8:23 benung dikeamatka?\\nNama patut diperundingka orang Kristian ti dipilih ke serega pasal sida empu?—1 Korint 4:6-8.\\nNama kebuah kitai enda patut irau ati pasal penyampau orang ke makai roti enggau ngirup wain maya Ngingatka Pemati Jesus?—Rome 9:11, 16.\\n1, 2. (a) Nitih ku Jehovah, nama deka nyadi ba jeman kitai? (b) Nama tanya ti deka disaut ba artikel tu? (Peda gambar ba pun artikel.)\\nJEHOVAH madahka, maya jeman kitai “sepuluh iku orang ari bansa bukai deka mansang ngagai siku orang Judah lalu bejaku, ‘Kami ingin deka enggau kita, laban kami udah ninga Petara bisi enggau kita.’” (Sek. 8:23) “Orang Judah” ngambarka sida ke udah diiri ngena roh kudus. Sida mega dikumbai ‘orang Israel ke nembiak Petara.’ (Gal. 6:16) “Sepuluh iku orang” ngambarka sida ke bisi peluang idup belama iya ba dunya. Sida nemu Jehovah udah merekatka raban orang ke dipilih tu, lalu sida ngasaika nya basa ti besai ulih enggau raban nya nyembah Jehovah.\\n2 Baka nabi Sekariah, Jesus madahka nembiak Petara deka beserakup. Iya ngumbai sida ke bisi peluang ke serega nya raban “ke mimit,” lalu ngumbai sida ke bisi peluang idup ba dunya nya “bedus ti bukai.” Tang Jesus madahka semua sida deka nyadi “siti raban” sereta deka nitihka iya, ke nyadi “siku aja pengibun.” (Luk. 12:32; Jhn. 10:16) Ketegal bisi dua raban, sekeda orang engka berunding: (1) Kati bedus ti bukai patut nemu nama semua orang ke dipilih kemaya hari tu? (2) Nama patut diperundingka orang Kristian ke dipilih pasal sida empu? (3) Enti bisi orang ba gempuru aku berengkah makai roti enggau ngirup wain maya Ngingatka Pemati Jesus, baka ni chara aku begulai enggau sida? (4) Patut aku irau ati lebuh aku meda penyampau sida ke makai roti enggau ngirup wain majak nambah? Artikel tu deka nyaut tanya tu.\\nKATI KITAI PATUT NEMU NAMA SEMUA ORANG KE DIPILIH KEMAYA HARI TU?\\n3. Nama kebuah kitai enda ulih nemu sapa ke deka disengkaum dalam 144,000 iku orang ke serega?\\n3 Kati bedus ti bukai patut nemu nama semua orang ke dipilih ke agi ba dunya kemaya hari tu? Enda. Nama kebuah? Laban nadai seiku orang ulih nemu sekalika sida deka bulih berekat sida tauka enda.  (Peda nota penutup.) Taja pan Petara udah ngangauka sida ke serega, sida semina deka bulih berekat enti sida mengkang tetap ati. Sitan nemu pasal utai tu, lalu iya nguji “nesatka” sida ngena “nabi ti pelesu.” (Mat. 24:24) Orang Kristian ke dipilih semina nemu diri deka nerima berekat, pengudah sida diakim Jehovah nyadi orang ke tetap ati. Jehovah meri chop ti penudi tu, sebedau sida mati tauka sebedau “penusah ti besai” berengkah.—Pem. 2:10; 7:3, 14.\\n4. Enti kitai enda ulih nemu nama semua orang ke dipilih ke agi ba dunya kemaya hari tu, baka ni bedus ti bukai ulih “enggau” sida?\\n4 Enti kitai enda ulih nemu nama semua orang ke dipilih ke agi ba dunya kemaya hari tu, baka ni bedus ti bukai ulih “enggau” sida? Bup Kudus madahka, “sepuluh iku orang” deka “mansang ngagai siku orang Judah lalu bejaku, ‘Kami ingin deka enggau kita, laban kami udah ninga Petara bisi enggau kita.’” Taja pan ayat Bup Kudus nyebut seiku orang Judah, tang iya ngambarka lebih ari seiku orang. Tu reti iya, orang Judah nya ukai semina seiku aja, tang ngambarka seraban orang ke dipilih. Bedus ti bukai nemu pasal utai tu, lalu sida nyembah Jehovah sama enggau raban nya. Sida tau enda ibuh nemu nama tiap iku orang ari raban nya, lalu nitihka tiap iku sida. Jesus nya Kepala kitai, lalu Bup Kudus ngasuh kitai enda tau enda nitihka iya aja.—Mat. 23:10.\\nNAMA PATUT DIPERUNDINGKA ORANG KE DIPILIH PASAL SIDA EMPU?\\n5. Nama jaku tangkan ke patut diperundingka orang ke dipilih, lalu nama kebuah?\\n5 Orang ke dipilih patut berundingka jaku tangkan ke bisi ba 1 Korint 11:27-29. (Bacha.) Baka ni orang ke dipilih engka makai roti enggau ngirup wain ngena ‘jalai ti enda bebasa’ maya Ngingatka Pemati Jesus? Enti iya enda ngetanka kaul ti manah enggau Jehovah sereta enda tetap ati ngagai Jehovah, iya nunjukka diri enda bebasa lebuh iya makai roti enggau ngirup wain. (Heb. 6:4-6; 10:26-29) Jaku tangkan tu ngingatka orang ke dipilih enda tau enda mengkang tetap ati enti sida deka nerima ‘prais, iya nya kangau Petara, ulih Jesus Kristus, ke mai [sida] ke serega.’—Plp. 3:13-16.\\n6. Nama patut diperundingka orang ke dipilih pasal sida empu?\\n6 Paul ngasuh orang Kristian ke dipilih: ‘Aku, ke nyadi orang jil Tuan, bebendar minta kita diau menyana nitihka kangau Tuhan.’ Baka ni sida patut ngereja tu? Paul nerangka: ‘Baruh ati, nelap, liat ati, sabar enggau pangan diri dalam pengerindu, lalu enggau naka ulih nyaga penyerakup dalam roh ngena pemaik ti nanggam kita semua.’ (Eps. 4:1-3) Roh kudus Jehovah nulung nembiak Iya baruh ati, ukai temegah. (Kol. 3:12) Nya alai, orang ke dipilih enda ngumbai sida manah agi ari orang bukai. Sida nemu Jehovah enda meri sida mayuh agi roh kudus ari nembiak Iya ke bukai. Lalu sida enda ngumbai diri ulih meretika pemendar Bup Kudus dalam agi ari orang bukai. Sida mega enda madah ngagai orang bukai pasal diri empu ke udah dipilih sereta patut makai roti enggau ngirup wain maya Ngingatka Pemati Jesus. Tang, sida baruh ati sereta nemu semina Jehovah aja ke ulih ngangauka orang ke serega.\\n7, 8. Orang Kristian ke dipilih enda ngarapka nama, lalu nama kebuah?\\n7 Taja pan orang ke dipilih ngasaika nya basa ti besai ulih dikangau ke serega, tang sida enda ngarapka orang bukai ngereja utai ti istimewa ngagai sida. (Eps. 1:18, 19; bacha Pilipi 2:2, 3.) Sida mega nemu lebuh Jehovah milih sida, Iya enda ngelakka semua orang nemu pasal utai tu. Nya alai, orang ke dipilih enda iran ati enti sekeda orang enda terus pechaya ke iya ti udah dipilih. Iya nemu Bup Kudus enda ngasuh kitai jampat pechayaka orang ke madahka Petara udah meri iya tanggungjawap ti istimewa. (Pem. 2:2) Ketegal orang ke dipilih enggai orang bukai kelalu beratika iya, nya alai iya enda madah pasal diri ke udah dipilih ngagai orang ke baru enggau iya betemu. Iya ke amat, iya engka enda nyebut pasal utai tu ngagai sapa-sapa. Iya mega enda temegah enggau utai manah ke deka dikereja iya di serega.—1 Kor. 1:28, 29; bacha 1 Korint 4:6-8.\\n8 Orang Kristian ke dipilih enda ngasaika diri semina patut begulai enggau orang ke dipilih aja, baka raban ari siti gerempung. Sida enda nguji ngiga orang ti dipilih ke bukai ngambika sida ulih berandau pasal nyadi orang ke udah dipilih tauka begempuru belajarka Bup Kudus. (Gal. 1:15-17) Gempuru enda ulih beserakup, enti sida ti dipilih ke serega semina begulai enggau raban sida empu aja. Sida ngelaban roh kudus, ke nulung nembiak Petara bulih pemaik enggau penyerakup.—Bacha Rome 16:17, 18.\\nBAKA NI CHARA KITAI BEGULAI ENGGAU SIDA?\\n9. Nama kebuah nuan patut bejimat enggau chara nuan begulai enggau sida ke makai roti enggau ngirup wain maya Ngingatka Pemati Jesus? (Peda kutak “Pengerindu Ukai Perangai Ti Jai.”)\\n9 Baka ni chara kitai begulai enggau bala menyadi Kristian ke dipilih? Jesus madah ngagai bala murid iya: “Semua kita tu diri menyadi magang.” Ku iya agi: “Semua orang ke ngeninggika diri, deka dikemaruhka, lalu semua orang ke ngemaruhka diri, deka ditinggika.” (Mat. 23:8-12) Nya alai salah enti kelalu ngeninggika orang, taja pan iya menyadi Kristus ke udah dipilih. Lebuh Bup Kudus nyebut pasal tuai gempuru, Bup Kudus meransang kitai nunda pengarap sida, tang Bup Kudus enda ngasuh kitai betuaika mensia. (Heb. 13:7) Endang amat, Bup Kudus madahka sekeda orang “patut diberi dua kali lipat gaji [basa].” Tang tu ketegal sida “ngereja pengawa sida enggau menyana” sereta “bebendar nusui Berita Manah enggau ngajar,” ukai ketegal sida nya orang ke dipilih. (1 Tim. 5:17) Enti kitai kelalu muji sereta beratika sida, kitai ulih ngemaluka sida. Tauka kitai ulih ngasuh sida temegah. (Rom. 12:3) Nadai seiku ari kitai deka ngereja utai ti ulih ngasuh seiku ari manyadi Kristus ke dipilih ngereja penyalah ti besai nya!—Luk. 17:2.\\nBaka ni chara kitai begulai enggau orang ke makai roti enggau ngirup wain maya Ngingatka Pemati Jesus? (Peda genteran 9-11)\\n10. Baka ni nuan ulih nunjukka diri bebasaka orang ke dipilih Jehovah?\\n10 Baka ni kitai ulih nunjukka diri bebasaka orang ke dipilih Jehovah? Kitai enda nanya baka ni sida ulih nyadi orang ke dipilih. Tu utai ti bekaul enggau iya empu, kitai enda patut nemu. (1 Tes. 4:11; 2 Tes. 3:11) Lalu kitai enda patut ngumbai laki tauka bini sida, apai indai sida, tauka sida sebilik ke bukai mega orang ke dipilih. Orang ke dipilih enda bulih peluang nya ari diri sebilik. (1 Tes. 2:12) Kitai mega patut nyeliahka diri ari nanya utai ke ulih ngemediska ati sida. Ngambika chunto, kitai enda patut nanya baka ni asai ati bini enti laki iya ke dipilih ke serega enda ulih idup belama enggau iya ba dunya baru. Agi mega, kitai pechaya ba dunya baru Jehovah deka “semua utai ti idup nadai suntuk utai.”—Mas. 145:16.\\n11. Baka ni kitai nyaga diri enti kitai nyeliahka diri ari “ngelangkungka orang”?\\n11 Enti kitai enda ngenuluka orang ke dipilih lebih agi ari orang bukai, kitai mega nyaga diri empu. Baka ni? Bup Kudus madah ngagai kitai, sekeda orang engka “nyaru diri nyadi orang Kristian” ba gempuru, lalu engka madahka diri udah dipilih. (Gal. 2:4, 5; 1 Jhn. 2:19) Sekeda sida ke dipilih tu mega engka enda mengkang tetap ati. (Mat. 25:10-12; 2 Pet. 2:20, 21) Tang enti kitai nyeliahka diri “ngelangkungka orang,” kitai tentu enda nitihka orang bukai, sekalika sida tu orang ke dipilih tauka tebilang tauka udah lama nyembah Jehovah. Enti sida enda agi tetap ati tauka ninggalka gempuru, kitai enda lenyau pengarap ba Jehovah tauka ngetu nyembah Iya.—Jud 16.\\nKATI KITAI PATUT IRAU ATI PASAL PENYAMPAU SIDA?\\n12, 13. Nama kebuah kitai enda patut irau ati pasal penyampau orang ke makai roti enggau ngirup wain maya Ngingatka Pemati Jesus?\\n12 Betaun-taun penyampau orang ke makai roti enggau ngirup wain majak kurang maya Ngingatka Pemati Jesus. Tang baru-baru tu, penyampau sida udah majak nambah ninting taun. Kati kitai patut irau ati pasal utai tu? Enda. Aram kitai meda kebuah iya.\\n13 ‘Jehovah nemu sapa ke enggi Iya.’ (2 Tim. 2:19) Enda baka Jehovah, bala menyadi lelaki ke ngira penyampau orang ke makai roti enggau ngirup wain maya Ngingatka Pemati Jesus, enda nemu sapa ke amat nyadi orang ke dipilih. Nya alai, penyampau nya nyengkaum sida ke ngumbai diri udah dipilih, tang ke bendar enda dipilih. Ngambika chunto, sekeda orang bisi enggau makai roti sereta ngirup wain, tang udah nya nadai agi. Sekeda ke bukai engka bisi penanggul ba runding tauka asai ati, lalu pechaya sida deka merintah enggau Jesus di serega. Endang amat, kitai enda nemu penyampau ke amat orang ke dipilih ke agi idup ba dunya.\\n14. Nama dipadah Bup Kudus pasal penyampau orang ke dipilih ke agi diau ba dunya lebuh penusah ti besai berengkah?\\n14 Sida ke dipilih bisi di serata dunya lebuh Jesus datai ngambi sida ke serega. Bup Kudus madahka Jesus ‘deka ngasuh bala melikat iya bejalai, lalu sida deka ngempuruka semua orang ke udah dipilih Petara ari semua sukut dunya.’ (Mat. 24:31) Bup Kudus mega madahka lebuh hari ti penudi, bisi mimit orang ke dipilih ke agi diau ba dunya. (Pem. 12:17) Tang, Bup Kudus nadai madahka penyampau sida ke agi diau ba dunya, lebuh penusah ti besai berengkah.\\n15, 16. Nama patut ditemu kitai pasal 144,000 iku orang ke dipilih Jehovah?\\n15 Jehovah mutuska ni maya Iya deka milih sida ke patut dipilih. (Rom. 8:28-30) Jehovah berengkah milih sida pengudah Jesus diangkatka idup baru. Enti pia, semua orang Kristian ba kurun keterubah nya orang ke dipilih. Beratus taun udah nya, mayuh ari sida ke ngaku diri orang Kristian nya ukai amat nitihka Kristus. Taja pia, dalam timpuh nya Jehovah bisi milih sekeda orang ke amat nitihka Kristus. Sida amat baka gandum ti sama tumbuh enggau rumput baka ke dipadah Jesus. (Mat. 13:24-30) Ba hari ti penudi, Jehovah agi terus milih orang kena ngenyukupka penyampau 144,000 iku orang ke serega.  (Peda nota penutup.) Nya alai, enti Petara mutuska deka milih sekeda ari sida sebedau pengujung datai, kitai pechaya Jehovah ngereja utai ti betul. (Isa. 45:9; Dan. 4:35; bacha Rome 9:11, 16.)  (Peda nota penutup.) Kitai patut bejimat ngambika enda baka orang gaji ke mut-mut pasal chara tuan sida ngaji orang ke datai dudi.—Bacha Matthew 20:8-15.\\n16 Ukai semua orang ke bisi peluang diau di serega deka nyadi “ulun ke tetap ati sereta bepenemu-dalam.” (Mat. 24:45-47) Baka ba kurun keterubah, kemaya hari tu Jehovah enggau Jesus ngena beberapa iku orang ngajar bala nembiak Iya. Ba kurun keterubah, semina beberapa iku aja orang Kristian ke dikena Jehovah nulis Bup Kudus Kristian jaku Gerika. Lalu kemaya hari tu, semina beberapa iku orang Kristian ke dipilih megai tanggungjawap meri nembiak Petara “pemakai ba maya ti patut.”\\n17. Nama udah dipelajarka kitai ari artikel tu?\\n17 Nama udah dipelajarka kitai ari artikel tu? Jehovah udah mutuska deka meri pengidup belama iya ba dunya ngagai mayuh ari nembiak Iya, lalu pengidup di serega ngagai orang ke deka merintah enggau Jesus. Jehovah merekatka semua nembiak Iya, “orang Judah” enggau “sepuluh iku orang,” lalu Iya dekaka sida ngasika adat ti sama sereta mengkang tetap ati. Semua enda tau enda mengkang baruh ati. Semua enda tau enda begulai nyembah Iya sereta berakup. Lalu semua enda tau enda ngetanka pemaik ba gempuru. Seraya kitai majak semak enggau pengujung dunya, aram meh kitai semua terus nyembah Jehovah sereta nitihka Jesus nyadi siti raban.\\n^  (genteran 3) Nitih ku Masmur 87:5, 6, jemah ila Petara deka mandangka nama semua orang ke merintah enggau Jesus di serega.—Rom. 8:19.\\n^  (genteran 15) Taja pan Kereja Rasul 2:33 madahka Jesus bisi enggau milih orang ke dipilih, tang Jehovah ke ngangauka orang nya.\\n^  (genteran 15) Ke penerang mayuh agi, peda “Questions From Readers” dalam The Watchtower, 1 Mei 2007, lambar 30-31.\\nPengerindu Ukai Perangai Ti Jai\\nRasul Paul nulis: “Pengerindu nya liat ati, nelap, enda kepapas, enda temegah tauka sumbung, tauka jai jaku enggau orang [ukai perangai ti jai]. Pengerindu enda berundingka diri empu, enda jampat ringat tauka bedendam.” (1 Kor. 13:4, 5) Kitai bisi perangai ti jai enti kitai enda beradat sereta enda ngayanka diri bebasaka orang bukai. Tang, lebuh kitai rinduka bala menyadi Kristian, kitai berundingka asai ati sida sebedau kitai nyebut tauka ngereja siti-siti utai.\\nKitai ulih ngayanka diri rinduka sida ti ngiring ba gerempung Jehovah ari chara kitai begulai enggau sida. Kekadang, bala menyadi Kristian ke dikelala engka datai ngagai gempuru tauka gempuru besai kitai. Sida tu engka tuai ti ngabas, orang ke gawa ba Betel, raban Komiti Pampang Opis, orang ari Raban ti Megai, tauka penulung ari Raban ti Megai. Kitai endang deka ngayanka basa ngagai sida enggau bini sida, lalu tu utai ti manah. Kitai enggai baka Diotrepes ke enda ngelaluka bala menyadi Kristian ke datai ngabas gempuru, laban iya enda bebasaka sida. (3 Jhn. 9, 10) Taja pan kitai ngelaluka bala menyadi Kristian tu, kati ulah kitai agi nunjukka kitai enda bebasaka sida? Baka ni tu tau nyadi?\\nTaja pan kitai gaga ati betemu sereta berandau enggau bala menyadi Kristian ke datai ngabas kitai, kitai engka enda bebasaka sida enti kitai ngaga sida baka selebriti. Chunto, kati kitai ngayanka diri beradat enti kitai ngambi gambar sida enggau nadai minta pemendar ari sida, tauka lebuh sida enda ngadang, engka lebuh sida benung makai tauka benung ngereja utai bukai? Kati kitai minta sida nyain bup enggau Bup Kudus kitai? Kati kitai ngansak ke mua orang bukai, lalu majak minta sida begambar enggau kitai? Nama nyadi enti sida ke baru keterubah iya datai ngagai gempuru besai kitai meda ulah kitai ke baka nya? Endang amat, enti kitai rinduka bala menyadi Kristian, kitai enda patut ngereja utai ke baka nya. Tang, kitai ngayanka basa ngagai sida laban kitai nemu kebuah sida datai ngabas kitai sereta pemagas sida gawa ke kitai.\\nNama ulih nulung kitai nemu chara begulai enggau bala menyadi Kristian? Kesatu, kingatka kitai patut ngemuliaka Jehovah. (Pem. 4:11) Kedua, endang manah kitai bebasaka sida enggau bini sida, tang kitai anang ngaga sida baka selebriti. Sida deka kitai ngaga sida baka bala menyadi Kristian ke bukai. (Mat. 23:8) Ketiga, kingatka utai ti diajar Jesus ngagai kitai: “Kereja ngagai orang baka ke dikedekaka kita kereja orang ngagai kita.” (Mat. 7:12) Enti kitai ingatka utai tu, kitai deka ngayanka pengerindu sereta enda ngembuan perangai ti jai.\\nSepuluh iku orang “enggau” orang Judah: Bedus ti bukai enggau orang ke dipilih ke serega nyembah Jehovah. Tang bedus ti bukai enda betuaika orang ke dipilih ke serega tauka kelalu muji sereta beratika sida. Bedus ti bukai rinduka sereta bebasaka orang ke dipilih, lalu ngumbai sida bala menyadi Kristian sida","num_words":2767,"character_repetition_ratio":0.083,"word_repetition_ratio":0.033,"special_characters_ratio":0.224,"stopwords_ratio":0.337,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"BACHA DALAM JAKU Abbey Afrikaans Ahanta Aja Albanian Altai Alur Amharic Arabic Armenian Assamese Attié Aukan Aymara Azerbaijani Azerbaijani (Cyrillic) Bahasa Isyarat Salvador Bambara Baoule Bashkir Basque Bassa (Cameroon) Bassa(Liberia) Batak (Dairi) Batak (Karo) Batak (Simalungun) Batak (Toba) Belize Kriol Bengali Bicol Bislama Boulou Bulgarian Bété Cambodian Carib Catalan Cebuano Changana (Zimbabwe) Chavacano Chichewa Chin (Hakha) Chin (Tiddim) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cinamwanga Cinyanja Comorian (Ngazidja) Croatian Czech Damara Dangme Danish Digor Douala Dusun Dutch Efik Emberá (Catío) English Esan Estonian Ewe Fang (Ntoumou) Fante Faroese Fijian Finland Fon Frafra French Ga Galician Garifuna Georgian German Ghomálá’ Gitonga Gokana Greek Greenlandic Guadeloupean Kreol Guarani Guarani (Bolivia) Guerze Gujarati Gun Guna Guéré Haitian Creole Hausa Hebrew Herero Hiligaynon Hindi Hiri Motu Hmong (Putih) Huastec (San Luis Potosi) Huichol Hungarian Hunsrik Iban Ibanag Ibinda Icelandic Igbo Iloko Indonesian Irish Isoko Italian Itawit Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Australia Jaku Orang Bisu Belanda Jaku Orang Bisu Bolivia Jaku Orang Bisu Brazil Jaku Orang Bisu Bulgaria Jaku Orang Bisu Chile Jaku Orang Bisu China Jaku Orang Bisu Colombia Jaku Orang Bisu Costa Rica Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Ghana Jaku Orang Bisu Greece Jaku Orang Bisu Guatemala Jaku Orang Bisu Honduras Jaku Orang Bisu Hungary Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Korea Jaku Orang Bisu Madagascar Jaku Orang Bisu Malaysia Jaku Orang Bisu Mozambique Jaku Orang Bisu Myanmar Jaku Orang Bisu Nepal Jaku Orang Bisu New Zealand Jaku Orang Bisu Nicaragua Jaku Orang Bisu Panama Jaku Orang Bisu Paraguay Jaku Orang Bisu Perancis Jaku Orang Bisu Peru Jaku Orang Bisu Philippines Jaku Orang Bisu Quebec Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Sweden Jaku Orang Bisu Taiwan Jaku Orang Bisu Thailand Jaku Orang Bisu Uruguay Jaku Orang Bisu Venezuela Jaku Orang Bisu Zimbabwe Japanese Jawa Jula Kabuverdianu Kabyle Kachin Kannada Karen (S'gaw) Kazakh Kazakh (Arabic) Kekchi Khana Khasi Kikaonde Kikongo Kikuyu Kiluba Kimbundu Kinande Kinyarwanda Kipende Kirghiz Kiribati Kirundi Kisi Kisii Kisonge Kituba Kongo Korean Kpelle Kreole Bissau Guinea Krio Kurdish Kurmanji Kurdish Kurmanji (Caucasus) Kwangali Kwanyama Kyangonde Lahu Lambya Laotian Lari Latgalian Latvian Lenje Lhukonzo Lifu Lingala Lithuanian Lolo Lomwe Low German Luganda Lugbara Lunda Luo Luvale Macedonian Macua Makhuwa-Meetto Malagasy Malayalam Maltese Mam Mambwe-Lungu Mangareva Maninkakan (Timur) Mano Mapudungun Marathi Marquesian (Hiva Oa) Marquesian (Nuku Hiva) Marshallese Mauritian Creole Maya Mayo Mazahua Mazatec (Huautla) Mbukushu Medumba Melayu Mende Meru Mingrelian Miskito Mixe Mixtec (Guerrero) Mixtec (Huajuapan) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Nahuatl (Veracruz) Navajo Ndau Ndebele Ndebele (Zimbabwe) Ndonga Nepali Ngabere Ngangela Ngiemboon Nias Niuean Norwegian Nsenga Nuer Nyaneka Nyungwe Nzema Odia Okpe Oromo Ossetian Otetela Otomi (Lembah Mezquital) Pangasinan Papiamento (Aruba) Papiamento (Curaçao) Persian Pijin (Cameroon) Pijin Nigeria Pilagá Polish Pomeranian Ponapean Portuguese Portuguese (Portugal) Pular Punjabi Punjabi (Shahmukhi) Páez Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romany (Bulgaria) Romany (Greece Selatan) Romany (Greece Utara) Romany (Macedonia) Romany (Macedonia) Cyrillic Romany (Serbia) Romany (Slovakia Timur) Ronga Russian Rutoro Réunion Creole Samoan Sango Saramaccan Sarnami Sena Senoufo (Cebaara) Sepedi Serbian Serbian (Roman) Sesotho (Lesotho) Setswana Seychelles Creole Shona Shuar Sidama Silozi Sinhala Slovak Slovenian Solomon Islands Pidgin Somali Spanish Sranantongo Sunda Susu Swahili Swati Swedish Taabwa Tagalog Tahitian Tajiki Talian Tamil Tandroy Tankarana Tarahumara Tarascan Tatar Telugu Tetun Dili Thai Thai (Timur Laut) Tigrinya Tiv Tlapanec Toabaite Tojolabal Tok Pisin Tokelauan Tongan Totonac Tshwa Tsonga Turkish Turkmen Turkmen (Cyrillic) Tuvaluan Twi Tyrewuju Tzeltal Tzotzil Udmurt Uighur (Cyrillic) Ukrainian Urdu Urhobo Uzbek Uzbek (Rumi) Valencian Venda Vezo Vietnamese Wallisian Waray-Waray Wayuunaiki Welsh Wichi Wolaita Wolof Xavante Xhosa Yacouba Yapese Yemba Yoruba Zande Zapotec (Isthmus) Zapotec (Lachiguiri) Zulu\\nKati nuan deka ngaga pansik kena nambahka penemu nuan pasal Bup Kudus? Kati nuan deka nemu pasal sekeda ayat, orang, endur, tauka utai ke dipadah ba Bup Kudus? Tauka nuan deka nemu sekalika Jaku Petara amat ulih nulung nuan mutarka penanggul ke ditapi nuan? Enti pia, datai meh ngagai librari ba Palan Gempuru.\\nLibrari tu nyediaka utai ke beguna kena ngaga pansik. Endang amat, ukai semua litaricha pasal Bup Kudus ke dikeluarka Saksi-Saksi Jehovah bisi dalam bansa jaku nuan. Tang, librari ba Palan Gempuru bisi nyediaka mayuh litaricha ke baru. Librari tu mega engka nyediaka mayuh bengkah salin Bup Kudus, kamus enggau utai bukai ke dikena ngaga pansik. Nuan ulih ngena librari sebedau tauka pengudah begempuru. Enti bisi komputer disediaka, nuan mega ulih ngena Watchtower Library. Program elektronik tu ngembuan mayuh litaricha kami, lalu senang dikena ngaga pansik. Nuan semina naip subjek, leka jaku tauka ayat Bup Kudus enti deka ngaga pansik ngena program tu.\\nLibrari tu beguna bendar ngagai pelajar ba Gempuru Pengidup enggau Pengawa Kristian. Nuan ulih ngena librari ba Palan Gempuru lebuh nuan nyediaka begian nuan. Tuai ti Nyaga Gempuru Pengidup enggau Pengawa Kristian megai pengawa nyaga librari tu. Iya betanggungjawap nentuka litaricha ke pemadu baru disimpan ba librari nya, lalu ditusun enggau manah. Iya tauka pengajar Bup Kudus nuan ulih nulung nuan baka ni ngiga utai ke diguna nuan. Taja pia, nadai bup tau dibai pansut ari Palan Gempuru. Kitai mega deka nyaga bup nya enggau manah sereta enda nulis utai ba bup nya.\\nBup Kudus madahka, kena ngulihka penemu pasal Petara, kitai enda tau enda ngiga iya baka ke ngiga reta ti dilalaika. (Jaku Dalam 2:1-5) Librari ba Palan Gempuru ulih nulung nuan berengkah ngiga penemu tu.\\nNama perengka kena ngaga pansik ke bisi ba librari Palan Gempuru?\\nSapa ulih nulung nuan ngena librari enggau pemadu manah?\\nNyema nuan deka ngaga librari kediri empu, peda meh ke utai bisi ba kaunter litaricha. Pengajar Bup Kudus nuan ulih madah ngagai nuan ni bagi litaricha ke ulih diambi nuan dulu.","num_words":997,"character_repetition_ratio":0.103,"word_repetition_ratio":0.0,"special_characters_ratio":0.171,"stopwords_ratio":0.144,"flagged_words_ratio":0.0,"lang_id_score":0.957,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 40 BK - Ku TUHAN bejaku ngagai Moses, “Kena - Bible Search\\nPemansut 39 Adat Lewi 1\\nNiri Enggau Nyerahka Langkau Kain TUHAN\\n1Ku TUHAN bejaku ngagai Moses, 2“Kena satu hari bulan ti kesatu, dirika langkau sembiang ke Langkau Kain TUHAN. 3Engkahka dalam langkau sembiang nya, Peti Lampang Batu Adat ti ngundan Sepuluh Pesan, lalu gantung kain tirai di mua Peti nya. 4Bai mija ngagai langkau sembiang nya, lalu engkahka pekekas ba atas mija nya. Bai mega penuduk lampu ngagai langkau sembiang nya, lalu lekatka lampu ba penuduk lampu nya. 5Dirika mija ti digaga ari emas, ti alai nunu menyan, di mua Peti Lampang Batu Adat, lalu gantung kain tirai di mua pintu langkau sembiang nya. 6Dirika mija ti alai nunu piring di mua langkau sembiang ke Langkau Kain TUHAN. 7Engkah bisin ti dikena bebasu ba entara Langkau Kain TUHAN enggau alta nya, lalu irika ai ngagai bisin nya. 8Dirika tirai ngelingi tengah laman nya, lalu gantung tirai ba pintu penama ngagai tengah laman nya.\\n9“Udah nya ambi minyak tata, lalu tata langkau sembiang nya, enggau semua utai ti dalam iya ngambika nyeraraka sida. Semua utai nya nyadi kudus magang. 10Udah nya, tata alta enggau semua pekekas ke mija nya kena nyerahka iya, ngambika utai nya kudus magang. 11Ngena chara nya mega, serahka bisin ti dikena bebasu enggau penuduk iya.\\n12“Bai Aron enggau bala anak lelaki iya ngagai penama Langkau Kain TUHAN, lalu asuh sida mandi dia. 13Rasukka pekayan imam ngagai Aron, tata iya. Nya meh chara nuan nyeraraka iya, ngambika iya tau gawa nyadi imam ke Aku. 14Bai bala anak lelaki iya, lalu rasukka baju ba sida. 15Udah nya, tata sida, baka chara nuan ke nata apai sida, ngambika sida tau gawa nyadi imam ke Aku. Enggau minyak tata nya, sida diserahka nyadi imam belama iya.”\\n16Moses ngereja semua utai nya nitihka asuh TUHAN. 17Nya alai, kena satu hari bulan ti kesatu, dalam taun ti kedua sida udah angkat ari menua Ejip, langkau sembiang nya didirika. 18Moses nanam pelasar ke langkau sembiang nya, nirika papan langkar iya, ngelekatka alang dinding, lalu nirika tiang ke langkau sembiang nya. 19Iya nganchau tudung ba atas langkau sembiang nya, lalu ngengkahka tudung ti ari luar amat ba atas langkau sembiang nya, betul-betul nitihka asuh TUHAN. 20Udah nya iya ngambi dua iti lampang batu Adat, lalu ngengkahka lampang batu nya dalam Peti Lampang Batu Adat. Iya ngerasukka kayu pengaling Peti ngagai chengkerung Peti, lalu ngengkahka tudung ba atas Peti nya. 21Udah nya iya ngengkahka Peti nya dalam langkau sembiang, lalu ngantung kain tirai. Nya meh chara iya ninding Peti Lampang Batu Adat nya, nitihka asuh TUHAN.\\n22Iya ngengkahka mija dalam Langkau Kain TUHAN, ba tisi utara langkau sembiang, di luar kain tirai, 23lalu ngengkahka ba atas mija nya, roti ti diserahka ngagai TUHAN, nitihka asuh TUHAN. 24Iya ngengkahka penuduk lampu dalam Langkau Kain TUHAN, ba tisi selatan, seberai ari mija nya. 25Iya lalu nungkun lampu nya di mua TUHAN, nitihka asuh TUHAN. 26Iya ngengkahka alta emas dalam Langkau Kain TUHAN, di mua kain tirai, 27lalu nunu menyan ti bebau rengut dia, nitihka asuh TUHAN. 28Iya ngantung kain tirai ba pintu penama ngagai langkau sembiang, 29lalu ngengkahka alta alai nunu piring ba mua pintu langkau sembiang ke Langkau Kain TUHAN, lalu ngenjuk piring tunu enggau piring gandum ba alta nya, nitihka asuh TUHAN. 30Iya ngengkahka bisin ti dikena bebasu ba entara Langkau Kain TUHAN enggau alta nya, lalu ngisi bisin nya enggau ai. 31Moses, Aron, enggau bala anak lelaki iya masu kaki sida dia 32genap kali sida tama ngagai Langkau Kain TUHAN, tauka mansang ngagai alta nya, nitihka asuh TUHAN. 33Moses nirika dinding ngelingi langkau sembiang enggau alta nya, lalu ngantung kain tirai ba pintu penama ngagai tengah laman. Nya meh chara iya nembuka semua pengawa nya.\\nMua Hari Ba Atas Langkau Kain TUHAN\\n34 Udah nya mua hari lalu mungkur Langkau Kain TUHAN, lalu mulia TUHAN ngisi endur nya. 35Lalu Moses enda ulih tama ngagai Langkau Kain TUHAN, laban mua hari nya diau ba atas Langkau Kain nya, lalu mulia TUHAN ngemenuhka langkau sembiang. 36Tiap kali mua hari nya angkat ari langkau sembiang nya, orang Israel mindah kem. 37Seagi-agi mua hari nya mengkang ari atas Langkau Kain nya, orang Israel mengkang enda mindah ari endur nya. 38Sekumbang sida ke mindahka kem ari endur siti ngagai endur siti, orang Israel ulih meda mua hari TUHAN ba atas langkau sembiang nya lebuh siang hari, enggau api ti menyadi ari atas langkau sembiang nya lebuh malam hari.","num_words":728,"character_repetition_ratio":0.137,"word_repetition_ratio":0.011,"special_characters_ratio":0.207,"stopwords_ratio":0.293,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Awakka Pengasai Ati Nuan ke Dilatih Ngena Bup Kudus Ngiring Nuan | Ke Mudah\\n“Tuju ke meri pesan ti baka nya, iya nya pengerindu, ti datai ari ati ti tuchi, ari ati ti beresi.”—1 TIM. 1:5.\\nLAGU: 57, 48\\nBaka ni pengasai ati ulih nulung kitai ngaga pemutus pasal . . .\\npengawa ti manah?\\n1, 2. Sapa meri kitai pengasai ati, lalu nama kebuah kitai beterima kasih ketegal bisi pengasai ati?\\nPETARA JEHOVAH ngaga mensia ngambika bisi peluang bibas milih. Kena nulung kitai milih enggau betul, Jehovah meri kitai pengiring. Pengiring tu dikumbai pengasai ati, lalu tu pengasai ke bekaul enggau utai ti betul sereta utai ti salah ba ati kitai. Pengasai ati ke dikena enggau chara ti betul ulih nulung kitai ngereja utai ti manah sereta nyeliahka utai ti jai. Pengasai ati kitai nunjukka Jehovah rinduka kitai sereta deka kitai mujur.\\n2 Sekeda orang kemaya hari tu ngereja utai ti manah sereta begedika utai ti jai taja pan sida enda nemu standard ari Bup Kudus. (Bacha Rome 2:14, 15.) Nama kebuah? Tu ketegal sida bisi pengasai ati. Pengasai ati tu nagang mayuh orang ari ngereja penyai. Uji gambarka penyai dunya tu enti orang nadai pengasai ati! Penyai tentu balat agi ari ke udah. Kitai beterima kasih ngagai Jehovah ke udah meri mensia pengasai ati!\\n3. Baka ni pengasai ati ulih nulung kitai ba gempuru?\\n3 Mayuh orang enggai ngelatih pengasai ati sida. Taja pia, nembiak Jehovah dekaka pengasai ati sida ulih dikearapka ngiring laban nya ulih ngemansangka penyerakup ba gempuru. Kitai deka pengasai ati ngingatka kitai pasal standard Bup Kudus senentang utai ti betul enggau salah, manah enggau jai. Taja pia, kena ngelatih sereta ngena pengasai ati kitai, kitai ukai semina belajarka utai ti dipadah ba Bup Kudus. Kitai mega rinduka standard Petara sereta arapka utai nya pulaika pemanah kitai. Paul nulis: “Tuju ke meri pesan ti baka nya, iya nya pengerindu, ti datai ari ati ti tuchi, ari ati ti beresi, enggau ari pengarap ti bendar.” (1 Tim. 1:5) Lebuh kitai ngelatih pengasai ati kitai sereta nitihka iya, pengerindu kitai ngagai Jehovah sereta pengarap kitai ba Iya deka nambah. Chara kitai ngena pengasai ati nunjukka naka ni pengerapat kaul kitai enggau Jehovah, lalu nunjukka naka ni kitai deka ngerinduka ati Iya. Pengasai ati kitai ngayanka sapa kitai ke bendar.\\n4. Baka ni kitai ulih ngelatih pengasai ati kitai?\\n4 Tang baka ni kitai ulih ngelatih pengasai ati kitai? Kitai patut belajarka Bup Kudus enggau tetap, berundingka enggau dalam utai ke dibacha, lalu minta Jehovah nulung kitai ngereja utai ti udah dipelajarka. Reti nya, kitai ukai semina belajarka penemu enggau ukum. Lebuh kitai belajarka Bup Kudus, juluk ati kitai iya nya deka ngelala Jehovah enggau manah agi. Kitai deka ngelala sapa Jehovah nya, utai ti dikerinduka Iya, sereta utai ti dipegedika Iya. Seraya kitai belajar mayuh agi pasal Jehovah, pengasai ati kitai deka jampat nemu utai ti betul enggau salah ba mata Iya. Enti kitai suah agi ngelatih pengasai ati kitai, kitai deka nemu agi berunding baka Jehovah.\\n5. Nama deka dikerandauka kitai ba artikel tu?\\n5 Taja pia, kitai engka nanya: Baka ni pengasai ati ke udah dilatih enggau manah ulih nulung kitai maya ngaga pemutus? Baka ni kitai ulih bebasaka pengasai ati bala menyadi Kristian? Lalu baka ni pengasai ati ulih meransang kitai ngereja utai ti manah? Aram kitai beratika tiga pekara ke ngasuh kitai patut ngena pengasai ati ke udah dilatih: (1) ngintu pengerai, (2) main, enggau (3) pengawa nginjil kitai.\\nNEMU BERUNDING BA CHARA NGINTU PENGERAI\\n6. Nama pemutus ke digaga kitai pasal ngintu pengerai?\\n6 Bup Kudus ngasuh kitai nyeliahka utai ti tau ngemediska kitai, tang nulung kitai nagang diri ba sekeda pengawa, baka makai enggau ngirup. (J-lam. 23:20; 2 Kor. 7:1) Enti kitai ngasika jaku lalau ari Bup Kudus, tu ulih nulung kitai nyaga pengerai. Tang diatu kitai agi sakit sereta mansang tuai. Nama pemutus ke engka patut digaga kitai? Ba sekeda menua, bisi bansa ubat ke biasa diempa tauka ubat ke ulih dipilih. Pampang opis suah nerima surat ari bala menyadi Kristian ke nanya pasal mayuh bengkah chara berubat. Mayuh ari sida nanya: “Ulih nembiak Jehovah nerima chara berubat tu?”\\n7. Baka ni kitai ulih ngaga pemutus pasal darah?\\n7 Pampang opis tauka tuai gempuru nadai kuasa ngaga pemutus pasal chara berubat ke orang Kristian, taja pan orang engka nanya sida nama utai ke patut digaga. (Gal. 6:5) Taja pia, tuai gempuru ulih bekunsi nama utai ke dipadah Jehovah kena nulung orang Kristian ngaga pemutus ti betul. Chunto, Petara udah ngasuh kitai nyeliahka diri ari darah. (SKR. 15:29) Pesan tu enggau terang nulung orang Kristian nemu sida enda ulih nerima chara berubat ke bekaul enggau empat bengkah bansa darah. Penerang tu ulih ngachau pengasai ati orang Kristian sekalika iya deka nerima begian darah ke mit ari empat bengkah bansa darah. * (Peda nota kaki.) Nama jaku lalau Bup Kudus ke bukai ke ulih nulung kitai ngaga pemutus pasal chara berubat?\\n8. Baka ni Pilipi 4:5 ulih nulung kitai ngaga pemutus ti betul pasal ngintu pengerai?\\n8 Jaku Dalam 14:15 madahka: “Orang ke beli deka arapka sebarang utai, tang orang ke pintar deka nyingkang enggau bejimat.” Kemaya hari tu, bisi sekeda penyakit bedau ditemu chara kena ngubat. Nyadi, kitai patut bejimat pasal chara berubat ke dikumbai ulih ngeraika siti-siti penyakit, tang bedau ditentuka mujur. Paul nulis: “Awakka semua orang nemu kita nemu berunding.” (Plp. 4:5, NW) Ulah ke nemu berunding deka nulung kitai mengkang beberatka sembah ngagai Jehovah, ukai beberatka chara ngintu pengerai. Enti pengawa ngintu pengerai nyadi utai ti pemadu dikemeratka ba pengidup kitai, kitai engka berundingka diri empu. (Plp. 2:4) Kitai nemu kitai enda ulih ngembuan pengerai ti sempurna diatu. Nya alai, tentuka sembah ngagai Jehovah nya utai ti pemadu dikemeratka ba pengidup kitai.—Bacha Pilipi 1:10.\\nKati nuan ngansak orang bukai nitihka penemu nuan? (Peda genteran 9)\\n9. Baka ni Rome 14:13, 19 nulung kitai ngaga pemutus pasal ngintu pengerai, lalu baka ni penyerakup kitai engka ulih dirusakka?\\n9 Orang Kristian ke nemu berunding enda ngansak orang bukai ngereja utai ke dikumbai iya pemadu manah. Ba siti menua, dua iku melaki-bini ngansak orang bukai nyaga pemakai sereta makai ubat vitamin. Sekeda menyadi Kristian deka nitihka utai ku seduai iya, tang bisi mega enggai. Lebuh chara pemakai enggau ubat vitamin nya nadai nunjukka asil, mayuh bala menyadi Kristian enda puas ati. Seduai iya empu ulih nguji chara nyaga pemakai sereta makai ubat vitamin nya, tang anang ngansak orang bukai. Kati patut penyerakup ba gempuru rusak ketegal chara ngintu pengerai? Maya jeman Rome menya, sekeda orang Kristian bisi runding ti enda sebaka pasal sekeda pemakai enggau pengerami. Nama jaku lalau ke diberi Paul ke sida? Ku iya: “Sekeda orang ngumbai hari siti besai agi ari hari ti bukai, lalu orang bukai ngumbai semua hari sebaka magang. Genap iku kitai patut mutuska penemu pasal nya ke diri empu.” Aram meh kitai bejimat ngambika enda ngasuh orang bukai enda nyamai ati.—Bacha Rome 14:5, 13, 15, 19, 20.\\n10. Nama kebuah kitai patut bebasaka pemutus orang bukai? (Peda gambar ba pun artikel.)\\n10 Kekadang, kitai engka enda nemu kebuah sekeda orang ba gempuru ngaga siti-siti pemutus ke bekaul enggau diri empu. Nama patut digaga kitai? Kitai enda patut jampat ngakim tauka ngansak iya ngubah chara iya berunding. Iya engka patut bebendar agi ngelatih pengasai ati iya, tauka ngaga pemutus nitihka prinsip ukai kelalu nitihka ukum. (1 Kor. 8:11, 12) Tauka engka pengasai ati kitai empu agi enda chukup latih. Lebuh ngaga pemutus pasal ngintu pengerai tauka utai bukai, tiap iku kitai patut ngaga pemutus kediri empu sereta sanggup betanggungjawap.\\nRINDU BA MAIN\\n11, 12. Baka ni Bup Kudus nulung kitai milih main?\\n11 Jehovah ngaga kitai ngambika ulih ngelantangka diri ba main sereta bulih penguntung ari nya. Solomon nulis bisi “maya gaga” enggau “maya betanda.” (P-jar. 3:4.) Taja pia, ukai semua main meri penguntung tauka muai pengelelak. Kitai mega enda patut ngena kelalu mayuh jam ba main. Baka ni pengasai ati ulih nulung kitai bulih penguntung sereta ngelantangka diri ari main ke dikemendarka Jehovah?\\n12 Bup Kudus ngasuh nyeliahka “utai ti dikereja mensia.” Utai tu nyengkaum “bambai, runding ti kamah, kereja ti kamah, besembahka engkeramba, bemanang, bemunsuh, charut enggau pangan diri, kepapas, belaya, bepechah-belah, beripih, ngining orang, pemabuk, berami enda beiga-iga, enggau utai ti baka nya.” Paul nulis, ‘orang ke ngereja utai nya enda ulih bempu Perintah Petara.’ (Gal. 5:19-21) Nyadi kitai patut nanya diri empu: ‘Kati pengasai ati aku nulung aku nyeliahka sukan ti kasar, ti bepekit, temegahka menua tauka ngemediska orang bukai? Kati pengasai ati aku nangkan aku lebuh aku bisi pengingin deka meda cherita ti ngayanka ulah ti kamah tauka meransang ngereja ulah ti kamah, pemabuk tauka pengawa bemanang?’\\n13. Baka ni jaku lalau ba 1 Timoti 4:8 enggau Jaku Dalam 13:20 ulih nulung kitai lebuh milih main?\\n13 Prinsip Bup Kudus ulih nulung kitai ngelatih pengasai ati pasal main. Chunto, Bup Kudus madahka “matihka tubuh beguna.” (1 Tim. 4:8) Mayuh orang ngasaika besenam enggau tetap ulih muai pengelelak sereta manah ke pengerai sida. Tang, baka ni enti kitai deka besenam enggau siti-siti raban? Kati kitai patut milih orang ke enggau kitai besenam? Jaku Dalam 13:20 madahka kitai: “Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida. Enti nuan bepangan enggau orang ke beli, nuan deka rusak.” Endang amat, kitai sigi begunaka pengasai ati ke udah dilatih ngena Bup Kudus lebuh milih main.\\n14. Baka ni siti ruang bilik nitihka jaku lalau ba Rome 14:2-4?\\n14 Christian enggau Daniela bisi dua iku anak indu ke agi biak. Ku Christian: “Lebuh kami Belajarka Bup Kudus ba Diri Sebilik maya lemai hari, kami berandau pasal main. Kami nemu sekeda chara ngelantangka diri ulih diterima, sekeda nya enda ulih. Sapa ke manah enggau begulai? Seiku ari anak indu kami madahka, maya rehat ba sekula, sekeda nembiak Saksi bisi ulah ke enda manah. Lalu iya ngasaika diri tusah deka nitihka ulah sida. Kami nerangka ngagai iya tiap iku kitai bisi ngembuan pengasai ati, lalu kitai patut diiring pengasai ati lebuh milih utai ke deka digaga sereta milih orang ke deka enggau begulai.”—Bacha Rome 14:2-4.\\nPengasai ati nuan ke dilatih ngena Bup Kudus ulih nulung nuan nyeliahka utai ti tau ngenusahka (Peda genteran 14)\\n15. Baka ni Matthew 6:33 ulih nulung kitai ngatur jam ba main?\\n15 Ni penyampau jam ke dikena kitai ba main? Kati kitai ngenuluka pengawa baka gempuru, nginjil, sereta belajarka Bup Kudus ba pengidup kitai, tauka ngenuluka main? Ni ke pemadu beguna ba kitai? Ku Jesus: ‘Tang giga dulu Perintah Petara enggau pengelurus Iya, lalu semua utai nya deka mega diberi ngagai kita.’ (Mat. 6:33) Lebuh mutuska baka ni kitai ngena jam, kati pengasai ati kitai ngingatka kitai pasal jaku lalau Jesus?\\nKITAI DIPERANSANG NGINJIL\\n16. Baka ni pengasai ati meransang kitai nginjil?\\n16 Pengasai ati ke dilatih ukai semina nangkan kitai ari ngereja utai ti salah, tang mega meransang kitai ngereja utai ti manah. Siti ari utai tu iya nya nginjil ari rumah ke rumah sereta nginjil ngagai orang ke ditemu kitai ba dini-dini endur. Nya meh utai ti digaga Paul. Iya nulis: “Aku endang udah diasuh ngereja pengawa nya. Tulah meh aku enti aku enda nusui Berita Manah!” (1 Kor. 9:16) Seraya kitai neladan Paul, kitai deka bisi pengasai ati ti manah, laban kitai nemu diri udah ngereja utai ke ngena. Lalu lebuh kitai nginjil ngagai orang bukai, teladan kitai ulih narit ati sida. Ku Paul: ‘Madahka utai ti bendar enggau terang di mua Petara ngambika genap iku orang, ngena pengasai ati sida siku-siku, nemu kami endang madahka utai ti bendar.’—2 Kor. 4:2.\\n17. Baka ni seiku menyadi Kristian indu ke agi biak nitihka pengasai ati iya ke dilatih ngena Bup Kudus?\\n17 Lebuh Jacqueline beumur 16 taun, iya belajar pasal biologi ba sekula. Taja pia, bala nembiak belajar pasal teori evolusi. “Pengasai ati aku enda ngasuh aku enggau berandauka teori evolusi nya ba kelas. Aku enda setuju enggau teori evolusi nya. Aku mansang ngagai cikgu, lalu nerangka runding diri. Aku enda nyangka cikgu nya deka ninga lalu meri aku peluang bejaku pasal utai ti ditempa.” Jacqueline berasai puas ati laban nemu diri mendingka sereta nitihka pengasai ati iya ke dilatih ngena Bup Kudus. Kati pengasai ati nuan meransang nuan ngereja utai ti ngena?\\n18. Nama kebuah kitai patut ngembuan pengasai ati ti manah sereta tau dikearapka?\\n18 Juluk ati kitai iya nya deka idup nitihka prinsip enggau standard ari Jehovah. Lalu pengasai ati ulih nulung kitai ngereja tu. Enti kitai enggau tetap belajar sereta belematika Jaku Petara, lalu nitihka utai ti udah dipelajarka, kitai ulih ngelatih pengasai ati kitai. Udah nya pengasai ati tu deka nyadi iring ke tau dikearapka kitai ba pengidup!\\n^ per. 7 Peda “Questions From Readers” ba Watchtower kena 15 Jun 2004, lambar 29-31.\\nPengasai ati: Pengasai pasal utai ti betul enggau salah ke bisi ba ati kitai. Tu ulih ngiring kitai ngereja utai ti manah, lalu nagang kitai ngereja utai ti jai. Enti kitai ngelatih pengasai ati kitai lalu nitihka iya, pengerindu kitai ngagai Jehovah sereta pengarap kitai ba Iya deka nambah","num_words":2070,"character_repetition_ratio":0.09,"word_repetition_ratio":0.014,"special_characters_ratio":0.21,"stopwords_ratio":0.341,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"NEMBIAK REGAS, MENUA MAJU - Suara Sarawak\\nASAJAYA: Pengeregas nembiak deka nentuka menua mega nyadi regas sereta ngujungka menua terus mansang maju ke mua.\\nKepala Menteri Datuk Patinggi Abang Johari Tun Openg madahka Perintah Sarawak ngatur mayuh pekara dalam mantu nembiak majak regas di menua tu.\\n“Pelasar baru perintah nyata dipeda lebuh mantu raban nembiak ba pekara sastera enggau seni numbuhka Palan Latih Seni enggau Main Asal di Dun Lama.\\n“Ambika chunto penanyi Hafiz ti tebilang ba seni belagu sereta nembiak bansa Kelabit ti bulih champion di Argentina,” ku iya.\\nAbang Johari bejaku munyi nya ba Pengerami Ngintu Hari Nembiak Renggat Negeri Sarawak 2020 di Kompleks Lumba Asajaya, Samarahan ditu, kemari.\\nKetua Menteri umum projek Miri Raya\\nSarawak United, Kuching City dapat lesen kelab kebangsaan\\nLebih selesa ziarah kubur\\nPangku pengawa KMKK deka diperati baru\\n26 hospital tangani novel koronavirus\\nLelaki lepak ditahan, rakan lari bertempiaran diserbu","num_words":134,"character_repetition_ratio":0.014,"word_repetition_ratio":0.0,"special_characters_ratio":0.172,"stopwords_ratio":0.082,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Orang berikan ti nyangkaika asil ba Palan Penyangkai Tanjung Bako deka diberi insentif - Berita Iban Online | Laman Web Berita Kitai\\nHome \/ Berita \/ Betanam Betupi \/ Kota Samarahan \/ Pemansang \/ Tanjung Bako \/ Orang berikan ti nyangkaika asil ba Palan Penyangkai Tanjung Bako deka diberi insentif\\nOrang berikan ti nyangkaika asil ba Palan Penyangkai Tanjung Bako deka diberi insentif\\nStaf @beritaibanMY Wednesday, October 18, 2017 0\\nKOTA SAMARAHAN: Orang berikan ti nyangkaika asil ikan ba palan penyangkai ikan diri empu, enda diberi insentif ari perintah.\\nChairman Opis Pemansang Ikan Malaysia (LKIM), Datuk Seri Dr Irmohizam Ibrahim madah, insentif nya semina diberi ngagai orang berikan di mengeri Kuching sereta ke ngelingi Tanjung Bako ke nyangkaika asil ba palan penyangkai ke udah ditetapka baka Palan Penyangkai Orang Berikan LKIM Tanjung Bako.\\n“Ditu aku deka madahka semua bot ti nyangkaika ikan ba Palan Penyangkai Orang Berikan Tanjung Bako, C2 deka diberi insentif 20 sen sekilogram ikan lalu ungkup C sereta ke baruh deka bulih insentif 10 sen sekilogram ikan.\\n“Atur tu semina dipejalaika ba Palan Penyangkai Orang Berikan LKIM Tanjung Bako tu, laban insentif tu deka diberi maya sida nyangkaika ikan ditu.\\n“Tu dikena ngenyakahka agi pengawa kitai deka nyangkaika ikan ditu seraya deka nyadika tu palan penyakai ke ulih nyimpan bekal ikan baru ngambika ila ulih nyendiaka bekal protien ke menua,” ku iya lebuh dikerandau raban pengarang berita, kemari.\\nDulu ari nya iya ngabas tikas penembu projek ngaga Palan Penyangkai Orang Berikan LKIM Tanjung Bako di disempulang bala LKIM, pemesai lopis LKIM enggau ke bukai.\\nNambahka nya, iya madahka insentif nya mega dikena meransang ngambika mayuh agi orang berikan ngena palan penyangkai ikan ti pemadu besai di Malaysia sereta di Asia Tenggara, ke disikap ngena keraban ke chukup.\\nNitih ku iya mega, Opis Menteri Dagang Dalam Negeri, Koperasi dan Pekara Bebeli Barang udah ngemendarka ngena stesyen minyak khas endur ngambi diesel kelimpah ari deka nyendiaka kilang ais ti digaga ba renggat kedua, ungkup orang berikan di mengeri Kuching sereta kandang Tanjung Bako.\\nIya madahka LKIM mega deka berandau enggai ejensi ti bekaul, dikena nyeliahka palan penyangkai nya ke disema baka ‘gajah putih’.\\nKu iya, ke pemadu beguna Palan Penyangkai Orang Berikan LKIM Tanjung Bako deka nyadi seiti ikon kelebih agi ke nengeri Sarawak sereta orang berikan ke bisi di serata nengeri kelimpah ari ngangkatka industri berikan, rantau asia tenggara enggau kelebih agi Tanjung Bako.\\n“Aku ke nyadi Chairman LKIM puas ati meda pemansang pengawa ngaga Palan Penyangkai Orang Berikan LKIM Tanjung Bako.\\n“Udah tu ila kitai deka meda baka ni penyangkai tu nyadi palan ke chukup aktif lalu udah tentu Palan Penyangkai Orang Berikan LKIM Tanjung Bako tu dipejalaika Gerempung Berikan Negeri Sarawak sereta dipatau begulai enggau LKIM.\\n“Aku melabaka dalam timpuh sebulan agi, kitai ulih meda bisi ubah berengkah ari sehari tu,” ku iya seraya madahka penemuai iya ngagai LKIM nya mega ngayanka komitmen ngagai palan penyakai nya ke nyauka tembu 100 peratus. #UtusanBorneo\\n#Berita #Betanam Betupi #Kota Samarahan #Pemansang #Tanjung Bako","num_words":465,"character_repetition_ratio":0.128,"word_repetition_ratio":0.018,"special_characters_ratio":0.179,"stopwords_ratio":0.23,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tansang Indai Dara: 2011\\nSaritu ari penudi ba taun 2011. Meri selamat taun baru 2012 agai bala kaban cyber. Ngajih sereta ngarap ke semua kitai bulih berkat ari Allah Taala meri pengerai engau pengelantang ngagai semua kitai, AMEN\\nAku Meri Puji engau terima kasih agai Tuhan ke meruan nyempulang aku dalam semua pengawa dikereja aku taja aku semina mensia ti maioh dosa sereta selalu ninggal ke diri ari Tuhan.\\nTaja pan kami sebilek ukai urang menyana ukai urang bepangkat ukai urang ka maioh reta engau pengeraja tang pengidup kami ka diberi nuan Tuhan udah cukup ba ungkup kami Terima kasih Tuhan\\nPosted by Indai Dara at 11:11 1 comment:\\nNgitung Ari-Selamat Ari Krismas\\nUrang benung gagau nyedia kediri ka nyambut ari kerismas, kami manak tu dedugau ngati kediri. Nadai sedia sedia utai pemakai tauka perengka dikena. Semina kayu kerismas aja udah bediri.\\nEnda nemu nama kebuah enda gagit nyendia ke pemakai engau perengka dikena ngintu ari kerismas taun tu. Tak seilu-ilu asai ati. Semina nganti ke ngintu sembiang malam kerismas aja meh tu.\\nPagila nyu ari 2. Ka berapa ari da agi kitai raban kristian deka ngintu ari krismas ke tanda kena ngingat ke ari pengada Jesus Kristus nyu datai ba tengah malam ari 6.\\nEngau peluang tu indai dara meri pesan ari KRISMAS ngagai bala kaban blogger ke sama ngintu ari Krismas ti deka datai.\\nPosted by Indai Dara at 01:14 3 comments:\\nKasih Ka Aku Kasih Ka Sida\\nNadai chara bukai kena malas pemanah engau pengasih agai apai indai kelebih baka aku ka nadai pengawa tu enda ulih meri sokong ari segi material semina nyerah ke pengerai engau pengelantang seduai ngagai Tuhan ti pemadu bekuasa. Nadai pemeri kerismas ti berega ulih beri ngagai seduai ia tang besampi ngambi seduai meruan nerus ka pengidup taja kelaku maioh penguji dalam pengidup seduai ia.\\nLord, when we are infants, you partner with our parents in loving and caring for us. My parents are now elderly and infirmed and I ask that you partner with me in giving them the same tender loving care. Give me the strength to be fully present for my parents and lovingly tend to their needs and the wisdom to take time out to tend to my physical, emotional and spiritual needs as i care them, AMEN\\nPosted by Indai Dara at 14:10 1 comment:\\nKrismas nyu semak.\\nMaioh bala udah nyedia kediri deka ngintu ari pengada Jesus Christ kelebih agi ba pekara ngelagu kayu krismas.\\nTaun tu sepi asai ati tak enda entu nyendia kediri ari pengawa ngelagu kayu xmas tauka ari pengawa nyendia kediri \"nunga\" Tuhan.\\nNyu lelak diri ditagih sida anak ngasuh mansut ke pun kayu xmas ari stor.\\nEntah meh nama kebuah-bai ati kelalu bingking kini. Maioh endar asai utai nanggul ati kedeka nyambut penatai ari xmas tu.\\nNyerah kediri ngagai Tuhan ngambi bulih berkat ari ya tajapan aku tu anak mensia ti cukup maioh dosa tang aku nemu Tuhan enda ngira penyalah engau penyai aku.\\nengau peluang tu indai dara ngari ke kami sebilek meri\\nngagai bala kaban ke bisi nyenguk ruai indai dara tu\\nPosted by Indai Dara at 23:26 2 comments:\\nUkai Senang Ka Senang Ukai Tusah Ka Tusah\\nSigi amat meh jaku sempama ukai senang ka senang sereta ukai tusah deka tusah.\\nAri 3 tu kemari aku ngambi kaban ka sama engau aku kereja kelia lepak agai rumah aku. Nyu sunyi ditinggal ke bala pulai nemuai nyau aku ngambi ia ke cheras kin. Nya meh maia aku ke ngambi ia dalam kerita ia madah ke diri bisi meli no, no kerita urang udah sidin. Dipau ke tudah tuai meh no nya. Nya meh ia ngasuh aku meli ga. Tang meh laban ukai rezeki kitai munyi ko laut nyu telunga-lunga bejalai sebelah Empire, pulai ke rumah alu terus ga enda ngetu endur meli numur.\\nLemai pansut numur nya kena no 1, laban ke dipau kena meh tudah tuai.\\nMALANG TIDAK BERBAU, laban enda nyangka urang ngenyai nya engau kitai dia ia meri tiket ia ngagai apai tuai laut ke driba teksi tiket ia laban ka nulong meda keno ko jaku. Aku bisi alit ati mimit ga nama kebuah apai tuainya sanggup ngambi ngagai kami sereta ia sanggup ga nyua ke tiket nya ngagai urang. Asuh aku fotostat dulu.\\nPagi apai tuai laut madah ke tiketnya enda kena keno lalu udah dibuai ia tiket nya tadi.\\nHAAAAAAAAAAAAAAAAAAAAAAAAAAAA, nama hak nuan muai tiket urang sema amat enda kena.\\nKemari maia kaban akunya call ia nyu lain jaku ia, berupai amat ia ngakal\/nipu. Ta choma-choma meh RM12500.00 nya masuk pukit bangkai apai tuainya. Kaban aku munyi ko laut nusu tunjuk aja meh. Engai nyadi bejaku.\\nUdahnya lemai kemari, udah melabur ba 2 iti endur, makai laban perut rapar tulang buruk berapi. Puas ke bekenang kediri kena tikit sereta ensera maia ke bebeli ke numur alu pansut meh numur kedeka ati sebut kaban akunya 2442 meli tua legi ko ia ba toto laban ke alu bedau meli dia. setegal pala engau ati agi pedis ditipu apai tuai maia ke nyimpang agai ndur meli kaban aku nyu nadai mood, alu madah kenda ibuh aja meh ko ia. Aku nitih aja laban ke sigi enda nemu baka nembiak ke masu tadika 1 pasal utainya hahaha.\\nSekali malam ngecek pansut ba numur toto 2442 nya tadi AKAIIIIIIIIIIIIIII. Amat ukai senang meh ka senang lalu ukai tusah meh ka tusah. ONG kaban aku nya amat manah amat seminggu tu tang nya meh laban ukai nasit.\\nPosted by Indai Dara at 16:27 2 comments:\\nSelalu endar ninga sempama madah tan 16 enti sema bisi urang sigi enda mindah tauka nginsit.Nya meh nama sebut ke tan 16 tanda urang nya cukup tan amat. Umbok nginsit tauka ngereja pengawa bukai engai meh. Munyi ko laut cukup setia.\\nAku kadang-kadang puh amat nundi ( bisi meh ka amat ) apai tuai aku ngasuh ia mindah tauka ngiga kereja bukai. Ngicha ke bisi tetemu ke pengawa ke menyana sereta besai agi gaji keno. Ukai nama deh ninga tak nyu bebesai ndar gaji bala ke mindah ke menua bukai, pengiduo urang \"nyamai\" endar dipeda. Ngining meh anak ati hahahaha. Tang ti aku bejaku munyi nya muai karan aja Show allmunyi ko jaku nembiak maia ari tu hahaha, nyampau meh urang ka ningga jaku aku tu.\\nNyu enda berasai tudah ia udah 20 taun ba kompeni endur ia kereja. Ti nitih ka bulan 4 tu kemari nerima tang laban nganti party ujung taun kompeni sida meh urang ngaga.\\nAgi betunang kami duai kelia maia sama-sama meda iklan pengawa nya ba Borneo Post 1991 sebedau kemisi taun baru cina, duduk makai laksa ba kedai Max ( ti nda salah sepil) wisma pelita.\\nNya meh minggu nyin kemari agai kertih kami manak dikangau ke kumpeni ( kala urang nambang sereta nyewa ke kitai utai ukai selalu ) . Tambah mega engai nyadi ga enda engau, tanda sokong kami menyanak agai dd sida ga ba pengawa ia. Hahaha asuh urang sepis indai dara, oh terima kasih aja meh ko aku enda berani ga ngemandai ke diri asuh urang meri petua keni ka nyaga diri sebilik laban pengawa laki sigi semampai ninggal ke anak bini.\\nBulih ga tudah tuai a token of appreciation ari kumpeni sida ia. Enti diri empu kira ka enda meh tebeli ke utai ngemarnya laban ke ukai bepangkat sereta begaji besai baka urang bukai. Puji Tuhan ketegal pengawa engau penyabar ia ba kumpeninya tudah tuai bulih ga juluk ati ngena utai bakanya. Engi kami menyanak beri urang bungai.\\nPuji & Terima Kasih Tuhan.\\npeda tudah minah nyu nadai dipeda laban bungai ke besai ari ia. Mr Sulu nerima jam hulik ari CEO\\ngaga indai dara bulih bungai & mr sulu bisi jam baru\\nPosted by Indai Dara at 20:59 3 comments:\\nMiss Little Mermaid Minah\\nNyu bebelas taun ( disember 1997 ) suba bisi nemuai ke Awana Kijal igat agi mit 3 taun lebih tu baru meda baru disember 2011. Nama agi anak duyung sigi nda tau nda berendam. Munyi ko jaku sempama laut pucuk dicita ulam mendatang nadai ia ka muai peluang.\\nPosted by Indai Dara at 11:53 No comments:\\nNyapu Pukat Empelawa\\nLama amat ruai petang enda ditungkun ke api kelita engau enda disapu, nyu penuh pukat empelawa. Nama datai virus buruk sigi gerenti penuh pukat empelawa.\\nTu nyu masuk minggu ke 2 udah nembiak kemisi sekula ujung taun. Ke batang nadai entu ensera ke menyana ditusoi ba ruai ditu ( sigi ga semampai ensera sengapa hahaha)\\nSeminggu sebedau cuti gagau keno sida indai dara menyanak. 3 ari bejurut agai sekula, enggau ngeruh ai. Ni ka engau sida anak maia ari anugerah cemerlang, ni ka engau ngambi duit ke RM100 alu ni ka engau nganti pemutus peresa UPSR sida anak.\\nPuji Tuhan. Pemutus peresa anak indai dara ke no 3 manah. Taja pan pemaioh ke bulih semua A bisi nurun mimit, ari 49 iku taun nyin kemari nurun agai 46 iku aja.\\nTerubah minggu ke kemisi sekula alu begiga ke perengka sekula sida anak engai ke berebut engau urang tambah mega nama nyu ujung pedis endar ga ngiga sais kasut engau baju sida anak.\\nMaia cuti sekula tu mega kuda tuai indai dara bisi dimakeover mimit. Nyu tuai jara nya meh nyu ngena botox tudah hahaha. Perengka seput tudah kuda tuainya nadai utai ngacau, gerai. Semina gamal tudah ke nyu enda berapa lalu bau tudah pan nyu bau ampis nemu aja meh kuda tuai. 2 iku anak indai dara ke biak ( no 3 n no 4) sigi tak berumah dalam keretanya. Ni ke nyadi jamban sida anak meh penuduk, ni kendur mutah, ni ka bau tusu\/orange\/cola entah macam ai sida anak ke nyaya. Nyu lebih 10 taun jara umur tudah.\\nNya meh penuduk tudah ditukar agai leather, ukai kitai aja ka be\"sunglass\" tudah kuda tuai pan diberi urang sunglass hahaha ( ditinted). Siling tudah diberus n dituci manah, beresi nadai bintik2\/dot2 agi. Udah diberi karpet baru meh tudah ia. Nyu udah bajik mimit meh tudah kuda tuai aku, pama meh.\\nkira bajit mimit meh ney udah penuduk baru ia nadai bau agi\\nPia mega nyu pemuas ka bejegau ngadu ke utai nyu kira ka ngisi perut ga. Laban bala bisi besebut ka ba pavillion bisi pemakai kitai menua. Alu kia kami manak laban aku tetenguk ka makai pansuh. Tepantup sera sida indai dara hahaha dah makai pansuh manuk. Mr Sulu ngudar laksa sarawak, anak dara ngudar kolo mee.\\nUdahnya untak indai dara alu \"evil mode\" hahaha laban udah kenyang, maioh idea datai. Apai tuai indai dara ukai urang ke lumintik. Sida bedei, sida anibseri sigi enda kala nerima pemeri ari ia. Enti bedei bisi ga sekali sekala bai urang makai luar engau bala anak. Enti ka anibaseri nya tak enda kala ningga ia nyebut. Nya meh indai dara nguji meraya mimit laban enda kala minta nama-nama maia anibeseri. Taun baru tu (pun taun) nyu ka datai 20 taun jadi enda kala meraya, nya meh ka nguji. Niki katas udah makai alu tepeda ke kedai jewellery. Nguji masuk HAHAHA ( ketawa urang jai lok) Eksyen2 ajak keno mula-mula. Ningga urang madah ti ka beli meh YAHOOOOOOOOOOOO nama agi hehehe datai ke pending tuchum indai dara hehehe. Nyu bujang dara anak baru mr sulu meli tinchin diamond ( enda kasih kita ningga ) lama udah nadai tinchin kawin udah ke rumah kena rumpak engau barang emas lesap 1998 kelia. Nya pan tinchin belah rutan aja hehehe kasih ninga, pia pan ia ga baru ngidup kediri, nya pan nyu ka enda alah beli. Terima kasih mr sulu. Taja pan enda tebeli ke besai baka engi urang, nya pan udah cukup. Biar urang ngumbai semina sepur tauka repik diamond aja tang ba aku nya udah cukup BESAI ke tanda kasih sayau nuan agai aku.\\nanang salah sangka ukai ngemesai tu wai tinchin indai dara, tu semina gambar paper bag kendur nyimpan ia aja hehehe\\nLabanke udah meli ka aku utai datas nya, nya meh ari minggu tu kemari puas ke sesipa ba subang parade alu nyengkau ayam ia ga. Ba ia gila gadget apai tuai indai dara, siti ari utai ke dikerindu ke ia kamiha dslr. Enda nemu bansa lens ka dikena, tang semampai meli belama, nya meh kemari nyangku utai ke digambar aku ba baruh nyin ia. Apuuuuuuu ko ati aku pama aku anang guai dulu meli tinchin ti nemu lens ngemarnya. Uji meh aku minta tinchin ka sama rega engau lens ke dibeli ianya ney . Hahaha engai alah keno ko ati, tang berani kenda minta.\\nayam baru apai dara\\nBah ila mantai ke ensera baru, gagau indai dara bepun ari 5 tu ila bisi temuai ari menua. Nyadi turisgat engau driba meh aku.\\nPosted by Indai Dara at 18:41 1 comment:\\nTerima kasih Tuhan meri pengelantang engau pengerai ngagai kami sebilek. Taja kami urang ke berdosa tang nuan semampai ngibun, ngemata sereta ninga ke sampi engau peminta kami sebilek. Puji Tuhan, Hallelujah.\\nPosted by Indai Dara at 21:53 No comments:\\nUdah Atur Petara\\nUdah nasit atur petara tauka ketegal peneka kitai empu?\\nEnda nemu meh Laban aku ukai urang ka kering ba pengarap, sebuti ke nemu bisi Tuhan aja.\\nNyamai amat meda urang bisi kuasa. Ukai semina kuasa ba pengawa tang mega ba pengidup.\\nUrang ka bisi kuasa tak sepeneka ati peda aku. Ti bejaku nyawa enda tau enda kurah-kurah engai enda minta disenakut ke urang. Mua enda tau Enda redu-redu kena ngeso ke pemangah engau kuasa.\\nPia meh engai urang baka aku tu Enda nemu baka Ni pendiau urang ka bisi kuasa bisi pengeraja engau bisi semua.\\nEnda aku isahhhhhhh tajapan aku tu urang merinsa urang nadai kuasa nadai pengeraja. Munyi ko leka lagu engkah Sigi udah selatan pengidup tudah diri datur petara baka tu, nyadi terima aja meh.\\nNi ko urang meh engau tudah diri. Semina minta Tuhan meri pengerai ngagai aku ngambi ulih ngemata sereta nyaga bala anak ka mesti dijaga engau ngibun Apai Indai aku ka nyu tuai. AMEN\\nPosted by Indai Dara at 00:57 1 comment:\\nAri minggu nyin kemari kami manak nganjung diri ke Bangsar makai mee kolok engau laksa sarawak seraya ke alu bejalai. Laban endur makainya ba belakang Bangsar Village. Nadai pejalai sigi nuci mata aja. Lama amat udah enda ngusuk leka mata meda ruyalebat, kira ke ka kia meh tuju ati.\\nAPUUUUUUUUUUU raya ga rega utainya diatu. Bisi discount 20-30% agi meh mar ari maia aku meli kelia. Aruh ga nyu dara sida anak. Tekenyit meda rega laban aku sigi amat lama nadai nuci mata agai kedainya sekumbang ke nyu enda ngiga pala agung kediri agi.\\nNyu tekenyit aku meda teapot rega ia diatu rm12++.++ siti. Aku meli kelia semina RM6++ bedau discount. Huhuhu nadai ulih meli utai tu agi ko ati aku. AMat bendar aku nelik utai dia laban indu ka nyaga kedainya friendly endar ga.\\nEnda lama udahnya datai mak latin siko pulai sesais ngetu dia ka meli wedding gifts ka anak kaban ia. Auk urang tebal lumpit nyamai meh wai. Meri perisin ke urang kawin pan beribu rega. Nya aku nundi ia laban friendly enda ga mak latinnya. Pama beri ka aku ney hahahaha ( kati kenda munyinya deh ia ga madah arap ke ia ka kawin tu sampai parai meh jadi melaki bini rugi ku meli ti 2-3 taun nyu sarak ko ia) Nya aku meda rega utai beli ia RM17++.++ udah 40% nya.\\nAkaiiiiiiiiiiiiiii kemaia meh lumpit aku tu tebal ney??????\\nPosted by Indai Dara at 22:02 4 comments:\\nKemisi Gawai Sida Ingei\\nLantang seput saritu laban ari 5 pagila ulih begulung nyadi tenggiling laun dani. Pia mega kira ke saritu mega nembiak kemisi sekula seminggu nyentuk ke minggu baru laban bala ingei poringei deka begawai lebuh ari 3 minggu baru.\\nSida anak pan nyu udah tembu peresa ujung taun mega. Panjai meh kaki maia kemisi seminggu tu. Ke bendar kami menyanak deka pulai kemisi ke menua bepun saritu tang maioh mat penanggul. Nasit ga enda nyadi sida apai engau indai maioh prugrim ga bepun ari saritu. Saritu ke menua sibau seduai ia bisi pengerami, Ko jaku enda engau nadai belanja ko tudah indai engau apai tang bos besai sida ia nganu meda enda engau. Nya seduai ngarap ke urang bisi \"nyua\" meh pama meh kena meli minyak. Lama udah enda nangkal ko indai ari ujan belama. Minggu baru asuh bos besai ke kuching ga seduai ia bisi pengerami. Nya enti kami manak pulai seduai ia nyu bara beganjuh rugi ga. Aruh bisi aja utai nanggul maia ka meli tikit kena pulai.\\nNama enda prugrim sida indai dara manak sekumbang kemisi seminggu tu ney????? Ka ngabang gawai sida ingei bala kaban nadai ga nganggau. Ti nganggau pan lembau ga laban sida ngintu ba \"kampung\" diri empu.\\nBisi misis bos besai indai dara madah diri ke ke kuching - nganti saut bos besai aja meh hahahaha gerenti kena timbak. Saja nadai utai kerandau nanya utai kenda patut.\\nNyukat suping kumplik aja meh ti nadai prugrim ka menyana.\\nSelamat begawai ngagai bala kaban ingei ke ngintu deepavali.\\nPosted by Indai Dara at 13:47 No comments:\\nBula ngumbai engai enti urang meri aku utai ke ba gambar dibaruh tu. Sigi engkecit nurun enda nengah tangga aku ngambi ia.\\nTu meh utai dalam angan minah jenin indai dara enda ibuh besai asal meh bisi ke tanda beri sida sulu keno ko ahhhh\\nEnti enda tichin perais gula batu baka kelia ga\\nPosted by Indai Dara at 19:39 3 comments:\\nEnda Ibuh Nyadi Juta Nam, Ratusan Pama Meh\\nHahahahaaaaaaaaaaaaaaa ketawa dulu.\\nNgelama tu ninga cerita tauka maca ba newspaper utai tu nyadi. Tang saritu munyi ko jaku maia aritu HARI INI DALAM SEJARAH ( mentang-mentang meh aku tu nyadi cigu sejarah kelia munya di Bethlehem)\\nJarang engau urang ngecik balance aku maia ke ngambi anak sen ba atm laban ke nemu ampau ke tinggal ( mesa ga tudah anak sen ke tinggal sebuti ke cukup datai ba ujung bulan nganti gaji bulan baru ke masuk)\\nTu tadi rajin aku ngecik, AIKKKKKKKKKKKKK peda aku ngemaiohnya balance. Kumbai salah peda mata kini merinsa ga enda entu terang tang engai kiruh ngena cermin mata. Iskkkkkkkkk salah kini peda mata ko aku.\\nNadai entu kiruh ke balance duit nya tadi, alu mansut ke duit meh aku laban berumban ari ka ujan tambah agi nyu dah geriuk perut ka makai tengah ari.\\nUdah ke mansut ke duit sigi nganti resit pansut engai ke nadai bukti duit keluar ampaunya maia BOS BESAI datai alu ngaga audit. Nadai aku kiruh ga meda balance.\\nDatai ba kerita laban ke nyimpan resitnya memanah nya aku tepeda ke balance.\\nUji peda nuan igat ko aku madah ke anak aku.\\nBah mami enda nemu maca lumur sa puluh ratus ?????\\nNyin baki ya nyu ratus hibuuuu wakakaka duit dalam akaun nya enda datai 2% ari utai ke ditulis dia.\\nUdahnya udah tembu makai sereta bebeli ke barang dapur, pulai alu meh aku ngecek baru. Ni nemu perchuma kitai kumbai urang nipu enda alah kena tangkap baka berita ke empai lama nyadi di New Zealand.\\nAkaiiiiiiiiiiiiiiiiiiiii ba urang ke kaya nadai ngasuh ka luput utai bansanya. Aja bala Iban kaya belah menua arab din gaji sida ia 1-2 bulan utai ke ampaunya. Indah bala Iban ba kulikil aka ng latak ditu bisi gaji RM100k sebulan.\\nTudah indai dara dini enda ka luput 10 generation ke ka datai kada kala meda utai ampaunya ba akaun bank. Kus semangat uji ti amat enda udah tua sebugey raun mai duit ampaunya hahahahaha\\n(ti kena tangkap urang pan sama meh kami duai)\\nLaban udah janji sapa ke tiket sigi mai pangan diri raun.\\nNya meh cerita mat jenin, indai dara version.\\nKaya 2-3 minit aja wakakakaka\\nPosted by Indai Dara at 22:08 9 comments:\\nKena Muai Ari\\nKe bendar maioh pengawa tang sigi engai ngereja. Ngumbai diri nadai pengawa nya bebeluk kena muai ari hehehe rari ari pengawa, nyu ngereja nya beari-ari buhing keno. Aram aku nusi ensera ( perasan munyi ko laut - sapa ke nemu maca jaku nuan tu indai dara hehehe adaku kesahhhhhh!!!)\\nPsttttttttt cik endun bacalah utai merapu dicerita mak dara hehehe.\\nAnang kelalu nyimpan dalam ati engai ke meletup kababooommmmm munyi ko apek. Pelaba aku amat. Enti kelalu disimpan ba ati enda dipansut sigi meletup tang kitai enda nemu maia. Bisi kaban ke nyengala begulai manah engau kitai tau endur mansut ke utai ke beserabut dalam untak din. Kebuah aku nyebut utai ketu laban bisi utai nyadi.\\nLemai kemari aku bisi betali alau agai sida indai di menua din. Lama aku nganti bala uchu ia ke bekangau, nemu nya ia lipak engau bala anak ia di ruai din. Ehhhh ngibun ruai keno ko. Ukai ga bisi urang deh. Enti enda bekerja sebelah negeri sebelah kem kayu, diau sebelah langkau kebun ga bala. Nya meh 4-5 iku aja bisi nunga ruai kedua nyu bepeda ke tv ke dalam bilek ko ia. Amat sunyi ga rumah panjai, kami manak selalu pulai ujung minggu ti malam sigi tusah meda mensia pansut ke ruai.\\nAuk nyu nampung cerita kami mindai, nya meh indai madah ke tanah ini kami ( laki ia menyadi aki ke ngada ke apai aku, lalu ia empu kira petungal ini aku ga, ukai urang bukai). Maia pulai gawai tu tadi sigi udah meda pendiau ia ti nyalaik. Bejaku kuchau-kucahu kediri engau jari-jari. Maianya agi enda entu didinga randau ia. Semadi tak nyengala duduk ngerimbai ia ulih kitai ninga nama utai dikerandau ke ia.\\nDiatu nyu majak ko indai. Nadai ngetu. Malam ari urang tinduk ia kuchau-kuchau meh kediri. Bisi petungal kami takah sepintu ari bilek ia madah. Malam lelak-lelak ninga ia mutap. Nyawa ukai mit. Enda nyamai mat ka tinduk malam ninga nyawa ia.\\nIa urang ke engau ia berandau sereta urang ke disebut ia maia ke bejakunya semua sida sebayan magang. Ni enda tudah petungal aku nyu geli maia malam ari ninga randau ia engau bala sebayan. Nadai entu randau ruai utai ke disebut ia. Semua jaku maia ke belaban tauka bechara engau urang. Nya meh indai madah tak jaku laya memagang. Belaya ketegal antara tanah, belaya ketegal laki ia bisi sekindil engau maioh macam laya bukai. Nyu majak ia diatu ko indai. Bisi anak ia siku ke sebilek engau ia nyu pemuas nyu nemu takut ninga ia enda ngetu bejaku engau bala sebayan. Auk bula ngumbai diri enda takut ninga maia malam ari. ecakkkkkkkkkkkkk\\nNyu ko aku madah agai indai. Ukai namanya, laban ia sigi ukai bansa ke nemu \"meluah\" perasaan agai kaban. Semua disimpan dalam ati memagang. Nya meh nyu tuai tu ia nyu meletup pansut lebih ari kababoooommmm bunyi ia. Maioh urang mamau enda nyebut sida sebayan. Tu sigi nadai urang ke idup ke disebut sereta berandau engau ia. Kasih meda tudah. Ukai bisi urang tuai agi di rumah panjai, kengka ia engau bisi siku menyadi aki kami ke biak endar. Tang ia meh ka tuai amat di rumah panjai din. Pemedis ka ngasuh nyawa ia bebadi nadai ga entu. Nya meh semina ka nyu mamau amat-amat.\\nPosted by Indai Dara at 22:06 2 comments:\\nKini Penungga Indai Dara Maia Kemisi Tu Ney?\\nmmmmmmmmmmm kini penunga indai dara betupi purun mansau kesumba ney :)\\nMai ga anak kandi pan sama cura mansau pheeeewittttttttt\\nApu neyyyyyyy ceremin jibing pan betangkai mansau.\\nAi bekal mansau ga\\nAmat sida indai mansau tu ney\\nKa kini nuan indai dara nyu serba mansau??????\\nKa ngiga Bunyau seduai Mujap pia????\\nEnda patut ga nitih ke seduai ia kereja ke aipo kin ukai bisi paspot legi bai sida bunyau engau mujap sepiking lundun rerengap ga nuan legi indai dara muahahahahaha legi luput seduai ia ketawa ke nuan kenut spik kuin jabit u no ekekeke.\\nSemak aja pejalai sida indai dara dibai apai dara.\\n(kala urang mai anang engai ukai suah urang mai kitai ;) )\\nAuk pama meh pansut ari rumah. Enda alah ga beperap di rumah, manah ga pansut ngiga angin luar. Ngicha ke anak indai dara ke lumor 3 ulih refresh her mind sebedau peresa upsr ( bendar endar sida tu trial exams nyu 4-5 kali)\\nIla madah enti udah pulai hehehe\\nPosted by Indai Dara at 11:37 4 comments:\\nHappy N Blessed Weekend\\nSelamat belelak maia ujung minggu\\nPeluang ngetat kediri gegaring\\nNadai entu prugrim kami menyanak. Pandak kaki sereta kumpas enda \"berfungsi\"\\nMinggu tu indai dara nyadi yang menurut perintah aja.\\nNi ko kapten nguwing ke kapal.\\nPosted by Indai Dara at 17:27 No comments:\\nMak Dara & Kestemer\\nMinggu nyin kemari nyu tetenguk ninga wai EtE ngaga laksa sarawak. Nya meh maia sida anak ke minta gaga ke laksa ngerajin kediri indai dara ari 6 tu tadi nyendia ke laksa sarawak.\\nMeda nadai ga prugrim ujung minggu tu tadi alu nganggau ke bala kaban beserumpu, lama ga udah nadai lepaking sambil makai marathon. Sigi enda nganggau ke bala maioh laban kenda kumpum ngaga laksa. Tang ninga sida anak nyu bendar ga ngudar laksa ari indai dara, nya meh pagi ari 6 alu nyendia kengka utai ke bisi di rumah.\\nlauk engau sambal\\nnganti kestemer indai dara duduk\\nkestemer indai dara benung \"ngetest\" laksa\\n(apa macam bolehe?????)\\nPosted by Indai Dara at 13:10 8 comments:\\nLama udah enda nuci mata meda utai ka ngerindu ke ati. Bendar diri nagang jari megai alu nyengkau ngelama tu.\\nKe bendar ari taun nyin aku udah ka ngelawa showroom tu alu enda nyadi, maioh penanggul. Kemari nyu pemuas ia nyadi ka pejalai aku kia. Aku enda familiar engau areanya, tang nguji aja meh. Nyu setengah jam ga delay jam ke udah dijanji laban ke mai bala anak makai dulu.\\nLaban bala anak puh endar ga mansut ke kamira ari bag nyu enda ingat bai ka tudah kamira. Datai din ka ngambar peda nadai mai kamiha. Pia mega laban ke nyau bara meda utai nyu enda entu bisi ari berambik ke gambar. Nasit ga sebedau pulai sempat ga ngambar siti ari kuliksin RA ke beri2 da yunik. Amat maioh stok baru \"endu pot mariyun\" empai lama udah datai. Nya meh asai kengai pulai meda utai dia. Ia bisi bejual ke PM, RA, Johnson brothers.\\nKo jaku enda meli, meda aja. Nadai pan tan huhuhu nyu kesit-kesit ati medo, mata nyu tepelut meh ekekeke.\\nSemina nyapai lampshade aja laban sigi lama dah keran, maia ke agai aingelan suba udah ka nyengkau mar endar ga bejalai engau bos nemu aja meh ti minta enda sama, sigi reredu mua urang bai kitai meli, engai kiruh megai kenu. Ka ngambi ruyal lebat lebat ka bisi kuliksin beterimit ngam ia begulai keno. Tang nadai, Ngambi potmariyun aja meh penyadi. Alu engau meli 2 tier cake stand miss pot ambi aku. Sekali tadi ka masang kaki enda ingat simpan dealer akai hahaha kelalu maioh randau ni enda nyu enda ingat. Ila ia nganjung ko ia ti ia ngabas rumah ia ba bkt jelutong. Auk oklah ko aku enda ga aku kiruh ngambi kin.\\ntu siti ari pattern ruyal lebat ke ekslusif. Ti diri empu agi ngiga duit sigi sanggup aku bekikis bulu betis ngumpul kuliksin tu - senorita teaset -est 1950.klasik mat. Tepaut mat ati medo tu. Tang dalam mimpi aja meh ulih meli hehehe. set 6 iti rega ia RM8k++ ni nda mata nyu tepelut ninga\\nPosted by Indai Dara at 12:13 5 comments:\\nLama udah aku tetenguk ka makai bubur pedas. Nyu baka urang ke nyera. Maia pulai tu kemari enda ga sempat begiga ke utai bansanya. Ati sigi semampai ingat ka makai. Ka manduk kediri nadai ga rempah sereta utai kena begaga kenya. Nya meh indai dara kepoh numpang sekaki hahahaha\\nEngai aku nurun tumu, laban urang ke bejual puh laun ga datai, engka utai ke dipanduk laun tembu kini. Nya meh ari keterubah kemari nyu ka pukul 5 baru ku nurun. Kereta sigi udah maioh nyentuk ka ba tisi jalai besai penuh endur urang parking.\\nBedau entu maioh ga urang bisi bejual. Aku bejalai nyentuk agai ujung kin meda utai ke bisi. Sekali tepeda ke bubur pedas. Nya ia, IDUP ISI ko asai ati din. Alu meh aku besik-sik bejako engau bala indu ke bejual dia hehehe ngeso kediri semua meh nya ekekeke. Bisi nyual mee jawa, laksa sarawak meh sida ia. Aku mina meli bubur pedas aja laban nya utai ke disera nyawa hahaha. Nya sida ia madah bisi nyual rempah bubur pedas tang bedau mai keno ko. Auk manah mehnya ko aku, sigi gerenti aku meli.\\nDatai di rumah alu nyadi mangsa meh tudah bubur pedas hahaha. Nadai nganti-nganti aku alu dipajuh. Engai meli kuih maioh engai ke enda dempa laban dd sida engau nana nadai. Mese!!!!!!!!!! ga empa kami 4. Meli karipap engau kuih pelita. Wie mesan jagung tunu. Dahnya meli lauk asam pedas engau ayam percik ke lauk lemai. Asi udah sangkung maia berapi tengah ari ga hehehe nya meh pengawa urang buruk ekekeke, ngiga utai senang aja.\\nPosted by Indai Dara at 15:12 6 comments:","num_words":4506,"character_repetition_ratio":0.044,"word_repetition_ratio":0.0,"special_characters_ratio":0.208,"stopwords_ratio":0.159,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2018-12-09 - Mayuh pekara deka diperati dalam makit kereja diatu, lalu sida patut nyikap diri enggau pengelandik sereta pemanah ulah\\nMayuh pekara deka diperati dalam makit kereja diatu, lalu sida patut nyikap diri enggau pengelandik sereta pemanah ulah\\nKUCHING: Ukai semina selambar setipikit tauka degree ti tau ngasuh raban graduet muntang bulih makit kereja ba sektor pengereja pengawa.\\nKaban Kunsil Nengeri ( ADUN) Bukit Semuja, John Ilus madah diatu mayuh pekara patut diperati enggau dikemanahka agi raban graduet ngambika sida teulihka penuduk ba sektor pengereja pengawa.\\n“Aku ngaku diatu sida chakah besemekih kelebih agi ngulihka kereja ba sektor perintah dibida jeman aku suba.\\n“Sida deka diperati nengah disiplin, kaul ba aktiviti luar, penuai runding, penemu enggau mayuh pekara bukai,” ku iya lebuh bejadi ba Penerang Nyendiaka Diri Napi Intebiu Sitak Bepilih Kunsil Nengeri (DUN) Bukit Semuja apin lama ke udah.\\nBerindik ari nya, iya endang nyukung pengawa Biro Pelajar enggau Latih Palan Servis DUN Bukit Semuja Serian ngatur program nya dikena mantu raban diselinting.\\nPenerang nya udah diatur enggau nagit bala nembiak lepas SPM, STPM, Diploma, Degre enggau Sitipikit ba DUN Bukit Semuja ti apin bulih kereja entap.\\nNengah nya ku iya ulih nyadika pelasar meri penerang ngagai ex-nembiak enggau graduet pasal chara ti betul enggau meruan maya napi intebiu serta mantu sida ngulihka kereja.\\nSida ti minta kereja mega deka belajarka chara nganjung peminta enggau intebiu ungkup kereja ba sektor perintah enggau peribit, kelimpah meretika leman peminta orang gawa ba kededua sektor sereta nyendiaka diri enggau chara nyaut tanya maya intebiu.\\nRaban sida udah ngangau beberapa pengelicha ari Komiti Opis Perintah (SPA) Malaysia, Opis Pengereja Pengawa Malaysia, Opis Pekara Wang Nengeri enggau sektor minyak enggau gis dikena ngemujurka program nya.\\nIya mega ngarapka program baka nya deka seruran dipejalai dudi hari sereta mega meri timbal dikena ngemanahka agi program ari sida ti udah ngulu iya.\\nSida deka diperati nengah disiplin, kaul ba aktiviti luar, penuai runding, penemu enggau mayuh pekara bukai. John Ilus ADUN Bukit Semuja\\nUNGKUP NUAN: Francis nerima tepa ari raban pengatur Pengerami Makai Lemai Ngerami Penatai di Sri Amana pin lama ke udah.\\nSELAMAT DATAI: Penatai Francis dikelalu enggau penuh basa lebuh datai ba Pengerami Makai Lemai Ngerami Penatai di Sri Amana pin lama ke udah.","num_words":357,"character_repetition_ratio":0.065,"word_repetition_ratio":0.086,"special_characters_ratio":0.175,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"“Bebasaka Apai Indai Nuan”\\nLebuh Jesus ba dunya, iya meri pesan ti berat: “Bebasaka apai enggau indai kita.” (P-sut. 20:12; Mat. 15:4) Jesus ulih meri pesan tu laban iya “ngasika” apai indai iya lebuh iya agi biak. (Luk. 2:51) Sebedau iya diukum mati, iya nentuka indai iya deka dijaga enggau manah.—Jhn. 19:26, 27.\\nKemayaharitu, orang Kristian ke biak ngayanka basa ngagai apai indai lebuh sida ngasi sereta bejaku manah enggau apai indai. Iya ke amat, pesan ke ngasuh bebasaka apai indai nadai tatak ba umur. Taja pan apai indai kitai nyau tuai, kitai patut terus bebasaka sida ngambika bulih penguntung ari penemu-dalam sida. (J-lam. 23:22) Kitai mega bebasaka sida enggau nyaga ati sereta utai ke diguna sida. (1 Tim. 5:8) Enda ngira biak tauka tuai, enti kitai bejaku manah enggau apai indai, nya nunjukka kitai bebasaka sida.\\nPEDA ANIMASI PAPAN PUTIH BAKA NI AKU ULIH BEJAKU ENGGAU APAI INDAI AKU? LALU SAUT TANYA TU:\\nNama kebuah nuan ngasaika tusah deka bejaku enggau apai indai nuan?\\nBaka ni nuan ulih bebasaka apai indai lebuh nuan bejaku enggau sida?\\nNama penguntung ti diulih enti nuan bejaku enggau apai indai nuan? (J-lam. 15:22)\\nBejaku enggau apai indai ulih nulung nuan mujur ba pengidup","num_words":186,"character_repetition_ratio":0.108,"word_repetition_ratio":0.0,"special_characters_ratio":0.236,"stopwords_ratio":0.323,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kes positif mayuh nambah bepun ari dua kluster - Suara Sarawak\\n0 Share 128views\\nKUCHING: Kes baru positif Covid-19 nambah datai ari Kluster Tembok di Sri Aman enggau Kluster Jalan Puncak Borneo di Kuching.\\nKomiti Penyangga Penusah Nengeri (JPBN) Sarawak madahka Kluster Jalan Puncak Borneo ngerikod 47 kes baru positif Covid-19 seraya Kluster Tembok ngerikod 76 kes.\\nJPBN madah, 51 kes baru positif ke bukai diripotka tadi nya ari kluster bukai ti agi ngerekai.\\nSarawak sehari tu ngerikod 489 kes baru positif Covid-19 ngujungka kes nambah ngagai 21,448.\\nKuching ngerikod 99 kes ditangkan 76 kes di Sri Aman, 75 kes di Sibu, 50 kes di Miri, 48 kes di Bintulu, 32 kes di Beluru, 25 kes di Samarahan enggau 17 kes di Sarikei.\\nNambahka nya, bela semilan kes di Kapit enggau Mukah, bela lapan kes di Belaga enggau Meradong, tujuh kes di Serian, enam kes di Saratok, bela lima kes di Subis enggau Marudi, tiga kes di Bau, bela dua kes di Julau, Matu sereta bela siti kes di Lubok Antu, Pakan enggau Kabong.\\nLima kes pemati dirikod ngujungka kes pemati nambah ngagai 133 kes.\\nAri 489 kes nya, 23 kes udah ditemu bisi mantaika kelai kena rampit igi penyakit Covid-19.\\nLuar Kuching dibangunkan dengan pertanian\\nNaila lebarkan sayap perniagaan spa kecantikan\\nDoakan yang terbaik untuk kami - Jackie Wong\\nSarawak catat 762 kes demam denggi\\nKPM agi nadai perambu ngaga sekula baru di Lawas\\nKKM senarai hospital kendalikan kes Koronavirus\\nCovid 19 : Peniaga jangan ambil kesempatan.- Safiee\\nPembuatan pakaian Iban lumayan\\nJadi belia berguna kepada negara\\nAnang enda bebendar nyengulaka anak\\nSukan boleh eratkan silaturahim kakitangan agensi kerajaan","num_words":230,"character_repetition_ratio":0.065,"word_repetition_ratio":0.0,"special_characters_ratio":0.218,"stopwords_ratio":0.083,"flagged_words_ratio":0.0,"lang_id_score":0.498,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Randau Lyana: Limeuil Garden Parc.\\nDikarang Lyana kena 4\/20\/2009 09:32:00 PM\\nkenergy_ichi April 21, 2009 at 2:44 AM\\nManah amai taman nya... beresi..enti kitai ditu tusah ka madah... Ceremin nya bisi ari bejuging telanggar... sigi mensul kening...\\nPuteri April 21, 2009 at 4:43 AM\\nManah ga gamal menoa nya. Ba west coast ditu mayoh endar sequoia. Nya baru besai pun kayu!\\nManah amat rampa menua din, baka selalu peda ba tv, bisia ri ku ngagai Europe ila, angan angan ari mit suba kak meda pengidup orang ke diau di Europe.\\nPala Tangga April 21, 2009 at 5:00 PM\\nPasal rumah burung - bisi aku terbaca kebuah bukai mensia ngaga rumah burung, kena sida ngulih ke \"droppings\" iya ambika baja. Asaika ba menua tunga Middle East.\\nBa menua kami ditu lain ga guna rumah burung, especially rumah burung swiftlets, kena sida business tansang lelayang (birdnest). Bisi aku tepeda ka sebuah di Lundu, sepiak kanan udah kitai nurun jematan Batang Kayan.\\nLyana April 21, 2009 at 6:17 PM\\nkenergy - hahaha ukai mesul agi kening, kada ka tan dua ari ba taman, imagine aku Reservoir Park di Kuching, lalu redak bekachir cermin gasak sida ke gatal jari !!\\nPuteri - Ditu ukai menua sequoia. Nya kebuah ma bisi bendar endar urang ngintu.\\nCath - Nemuai ke aku kitu, maya nuan udah lantang ila. Anang enda nemuai... ;-))\\nPT - Engka kala ninga bansa peranchis nguna taik burung tu ke baja tang semina nemu diguna ke dempa enggau diguna ke 'messenger'.\\nhehe strange but true ! makai kaki katak, escargot (kuyung jipun) ka sida peranchis, tang ngerik ninga kitai makai 'bird nest' soup !","num_words":235,"character_repetition_ratio":0.066,"word_repetition_ratio":0.0,"special_characters_ratio":0.253,"stopwords_ratio":0.17,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jaga pebasaka main asal kitai Dayak - Suara Sarawak\\n“Nengah chara ngena ngepan, tanda… tu meh main asal ti patut dikemegah lalu semua tu patut dipeturun ngagai rebak dudi.”\\nBETONG: Nembiak rebak baru bansa Dayak patut belajar sereta nyaga main asal ngambika pengerami Gawai Dayak nyadi siti pesaka asal awak enda rarat dilamun arus pemansang.\\nSapit Kepala Menteri Datuk Amar Douglas Uggah Embas madah, Program Bejalai Bebala Mayuh Gawai Dayak Renggat Menua Betong ti diatur ninting taun dikena nunjuk ngagai rebak baru ke diatu pasal penyelai main asal ti patut ditegap.\\n“Kitai deka rebak baru ngelala main asal komuniti Dayak.\\n“Kitai ngarap rebak tu ulih belajar, nyaaga lalu pebasa ke iya nyadi siti ari pesaka asal menua kitai tu.”\\nCHAMPION … Sapit Kepala Menteri Datuk Amar Douglas Uggah Embas nyuaka perais champion penuh ngagai kontinjen SMK Saint Augustine ba Program Bejadika Pengawa Bejalai Bebala Mayuh Gawai Dayak Renggat Bagi Menua Betong 2019 di Balai Sukan Tan Sri Datuk Amar Stephen Kalong Ningkan, kemari. Gambar OSMAN RAZALI\\n“Nengah chara ngena ngepan, tanda… tu meh main asal ti patut dikemegah lalu semua tu patut dipeturun ngagai rebak dudi,” ku iya.\\nIya ti nyadi Kaban Kaunsil Nengeri (Adun) Bukit Saban mansutka jaku rambau ngerasmika Pengawa Bejalai Bebala Mayuh Gawai Dayak Renggat Bagi Menua Betong 2019 di Balai Lumba Tan Sri Datuk Amar Stephen Kalong Ningkan, kemari.\\nUggah nyikap pengawa ngatur program bejalai bebala mayuh tu nyadi sebengkah aktiviti ti chukup manah dikena mantaika main asal komuniti Dayak sereta semengat penyerakup raban bansa.\\n“Sehari tu kitai nunjuk ngagai Malaysia senentang main asal bansa Dayak nyadi sebagi ari main asal ti narit ati, bisi ba menua tu.\\n“Kitai mantaika pemanah enggau penyelai kelimpah aspek mayuh bengkah main asal mega dibantai di Betong, pengawa bejalai bebala mayuh ukai semina disereta komuniti Dayak tang digulu mayuh bengkah raban bansa,” ku iya.\\nIya nagih semengat ‘Segulai Sejalai’ ti nyadi rambai jaku pengerami ngambika terus dikemeran awakka pemansang meruan dipejalaika.\\nJAKU PERANSANG… Datuk Amar Douglas Uggah ngarap program pengerami ti berambaika jaku Segulai Sejalai tu ulih ngangkatka menua Betong ngagai siti renggat ke lebih tinggi jemah.\\nKe dulu suba Adun Layar Gerald Rentap Jabu madah, penyerakup entara kaum di Bagi Menua Betong tu nyadi pun penegap.\\n“Ninting taun kitai meda beribu komuniti begempuru nyereta pengawa bejalai bebala mayuh ukai semina ari sida bansa Dayak tang bisi dipasuk raban bansa Melayu, China serta pupu raban bansa ke bukai.\\n“Aku arap ulih ngangkatka menua Betong ngagai siti renggat ke lebih tinggi jemah ila nengah penegap tu,” ku iya.\\nPengawa bejalai bebala mayuh tu dipegai Sekula Sekondari (SMK) Saint Augustine dipadu nyadi champion penuh lalu mai pulai perais duit RM13,000 sereta trofi begintir, trofi champion enggau setipikit.\\nBisi datai rambau program nya Kaban Parlimen Betong Datuk Robert Lawson Chuat, Residen Bagi Menua Betong ti nyadi Penyanding Penemu Komiti Induk Pengerami Friday Belik, Direktor Kolej Vokasional Betong ti nyadi Chairman Komiti Induk Pengerami Lim Ah Juan, Injinir Unit Opis Kereja Raya (JKR) Bagi Menua Betong ti nyadi Chairman Komiti Pengawa Bejalai Bebala Mayuh Chiresly Francis Kureng enggau Pemesai Pelilih Betong Sofhi Jebal sereta urung 1,500 iku peranak ti ngelingi menua nya.","num_words":495,"character_repetition_ratio":0.072,"word_repetition_ratio":0.053,"special_characters_ratio":0.178,"stopwords_ratio":0.125,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Positif Covid-19: Nambah dua kali lipat - Suara Sarawak\\nKUCHING: Sarawak ngerikod dua kali lipat kes positif Covid-19 sehari tu dibanding kemari.\\nChairman Komiti Penyangga Penusah Ngenyit Nengeri (JPBN), Datuk Amar Douglas Uggah Embas madah, bisi enam kes positif Covid-19 ba Sarawak sehari tu dibanding tiga kemari.\\n“Sehari tu (kemari) bisi enam nambah kes positif Covid-19 ba Sarawak ke alai penyampau pemadu baru bisi semilan kes.\\n“Dua kes ditemu ba Limbang seraya empat agi ba Kuching,” ku iya pengudah ngetuaika aum JPBN ditu, tadi.\\nUggah ke mega Sapit Kepala Menteri nambah, semua pesakit diatu diperubat ba Sepital Besai Sarawak (SGH) kes di Kuching seraya Sepital Miri ungkup kes ari Limbang.","num_words":104,"character_repetition_ratio":0.099,"word_repetition_ratio":0.0,"special_characters_ratio":0.203,"stopwords_ratio":0.115,"flagged_words_ratio":0.0,"lang_id_score":0.976,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"‘Pemaik Petara ti Ngelui Peragam Mensia’—Pilipi 4:7 | Dikena Belajar\\n‘Pemaik Petara, ti ngelui peragam mensia, deka nyaga ati.’—PLP. 4:7.\\nLAGU: 112, 58\\nNama dipelajarka kitai ari utai ke nyadi ba rasul Paul di Pilipi?\\nNama chunto ari Bup Kudus ke nunjukka Jehovah ulih ngereja utai ti enda disadang?\\nBaka ni kitai ulih ngembuan ‘pemaik Petara’ indah lebuh kitai napi penusah?\\n1, 2. Nama nyadi ba Paul seduai Silas di Pilipi? (Peda gambar ba pun artikel.)\\nUJI gambarka utai ke nyadi. Maya nya urung tengah malam. Dua iku pengerintis seberai tasik, Paul seduai Silas, dikurung ba endur ke dalam amat sereta petang dalam rumah jil di menua Pilipi. Kaki seduai iya enda ulih engkebut laban udah dikanchin, lalu belakang seduai iya telih udah bekau balat dipalu. (SKR. 16:23, 24) Dulu agi ba hari nya, enda mukai-mukai orang ke jai ngirit Paul seduai Silas ngagai pasar, ngagai orang ke megai perintah. Dia, sida jejampat ngakim seduai iya. Sida nyarikka gari seduai iya, lalu malu seduai iya ngena kayu. (SKR. 16:16-22) Tu pengawa ke enda patut! Paul nya peranak Rome, lalu iya patut dipechara ngena jalai ti patut. *—Peda nota kaki.\\n2 Lebuh dalam rumah jil, Paul engka berunding pasal utai ti udah nyadi ba hari nya sereta pasal orang ke diau di Pilipi. Sida indah nadai ngembuan rumah sembiang di menua sida, enda baka mayuh menua ti bukai ke udah dilawa Paul. Nya alai orang Judah nyembah Jehovah ba luar menua nya, semak sungai. (SKR. 16:13, 14) Nama kebuah nadai rumah sembiang? Kati tu ketegal penyampau orang Judah di menua nya kurang ari sepuluh iku, iya nya penyampau ke diguna ngambika tau ngembuan sebuah rumah sembiang? Orang ke diau di Pilipi temegah amat ati nyadi peranak Rome. (SKR. 16:21) Engka nya kebuah sida enda nyangka Paul seduai Silas, ke nyadi orang Judah, mega peranak Rome. Kitai enda nemu kebuah iya, tang kitai nemu Paul seduai Silas dijil ngena jalai ti enda patut.\\n3. Nama kebuah runding Paul charut lebuh iya dianjung ngagai rumah jil, tang nama ulah ti dikembuan iya?\\n3 Paul mega engka berunding pasal baka ni iya ulih datai di Pilipi. Beberapa bulan sebedau nya, Paul ba seberai Tasik Aegea, di Asia Mit. Lebuh iya din, roh kudus suah nagang iya nginjil ba sekeda endur. Baka roh kudus ti ngasuh iya ngagai endur bukai. (SKR. 16:6, 7) Tang kini? Lebuh Paul di Troas, iya nerima genera ke alai iya diasuh: “Datai ngagai menua Masedonia.” Peneka Jehovah endang terang! Nya alai Paul tekala nya mupuk ngagai Masedonia. (Bacha Kereja Rasul 16:8-10.) Tang nama nyadi udah nya? Sepengudah iya datai di Masedonia, iya dikurung dalam rumah jil! Nama kebuah Jehovah ngemendarka utai tu nyadi ba Paul? Berapa lama iya dijil? Taja pan Paul bisi berundingka utai nya, pengarap iya mengkang tegap lalu iya mengkang gaga ati. Paul seduai Silas berengkah ‘besampi sereta belagu muji Petara.’ (SKR. 16:25) Pemaik Petara ngelantangka ati sereta runding seduai iya.\\n4, 5. (a) Baka ni utai ke ditapi kitai sama baka ke ditapi Paul? (b) Baka ni utai ke ditapi Paul ngenyit berubah?\\n4 Kala nuan ngasaika utai ti sama baka Paul? Bisi maya iya, nuan engka minta Petara nulung nuan ngaga pemutus, lalu nuan ngasaika diri udah nitihka iring ari roh kudus. Tang udah nya, nuan napi mayuh pemar tauka nuan patut ngaga ubah ti besai dalam pengidup. (P-jar. 9:11) Diatu, lebuh nuan berundingka utai nya, nuan engka deka nemu kebuah Jehovah ngemendarka sekeda utai nyadi. Nama ulih nulung nuan terus tan, lalu andal bendar ngagai Jehovah? Kitai ulih nemu saut iya ari utai ke nyadi ba Paul seduai Silas udah nya.\\n5 Lebuh Paul seduai Silas benung belagu, mayuh utai ti enda disadang berengkah nyadi. Keterubah, tanah berenyang balat amat. Semua pintu rumah jil tebuka tekala nya. Lalu rantai tebelengka ari semua orang jil. Udah nya, Paul nagang jejaga rumah jil ke deka munuh diri. Jejaga nya enggau semua orang ke sebilik enggau iya dibaptisa. Tumu pagi hari siti, bala hakim di menua nya minta bala polis mai Paul seduai Silas pansut ari rumah jil lalu ngasuh seduai iya ninggalka menua nya enggau selamat. Lebuh bala hakim nya nemu Paul seduai Silas nya peranak Rome, sida nyau nemu diri udah ngereja penyalah ti besai, lalu sida empu datai mai seduai iya pansut. Tang sebedau Paul seduai Silas ninggalka menua nya, seduai iya keran deka betemu enggau Lydia, seiku menyadi Kristian indu ke baru dibaptisa. Lalu seduai iya ngena peluang nya ngeringka bala menyadi Kristian bukai di Pilipi. (SKR. 16:26-40) Semua utai jampat amat berubah!\\nUTAI KE NYADI “NGELUI PERAGAM MENSIA”\\n6. Nama deka dikerandau sereta dipeda kitai baru diatu?\\n6 Nama dipelajarka kitai ari utai ke nyadi nya? Jehovah ulih ngereja utai ti enda disadang, nya alai kitai enda patut irau lebuh napi penanggul. Kitai nemu Paul mayuh belajar ari utai ke nyadi. Nya ulih dipeda ari utai ke ditulis iya ngagai bala menyadi Kristian di Pilipi pasal pengirau sereta pemaik Petara. Ba artikel tu kitai deka berandauka jaku Paul ba Pilipi 4:6, 7. (Bacha.) Udah nya, kitai deka beratika sekeda cherita bukai dalam Bup Kudus ke alai Jehovah ngereja utai ti enda disadang. Kitai mega deka berandau pasal baka ni ‘pemaik Petara’ ulih nulung kitai tan natka penanggul lalu andal bendar ngagai Jehovah.\\nJehovah ulih ngereja utai ti enda disadang, nya alai kitai enda patut irau lebuh kitai napi penanggul\\n7. Nama diajar Paul lebuh iya nulis surat ngagai bala menyadi Kristian di Pilipi, lalu nama ulih dipelajarka kitai?\\n7 Lebuh bala menyadi Kristian di Pilipi macha surat Paul ke nuju sida, nama dipikirka sida? Mayuh ari sida engka ingatka utai ke udah nyadi ba Paul seduai Silas sereta chara ti enda disadang ke udah dikena Jehovah nulung seduai iya. Nama utai ti diajar Paul ngagai sida dalam surat nya? Iya nya: Anang irau. Besampi, lalu udah nya nuan deka nerima ‘pemaik Petara, ti ngelui peragam mensia.’ Nama reti rambai jaku nya? Sekeda Bup Kudus nyalin “ngelui ari utai ti dipikir kitai” tauka “ngelui ari utai ti diperambu mensia.” Nya alai nitih ku Paul, ‘pemaik Petara’ badas agi ari utai ti ulih digambarka kitai. Kekadang kitai enda nemu chara dikena mutarka penusah kitai, tang Jehovah nemu. Lalu Iya ulih ngereja utai ti enda disadang.—Bacha 2 Peter 2:9.\\n8, 9. (a) Taja pan Paul udah merinsa ketegal pengawa ke enda lurus di Pilipi, nama utai manah ke nyadi udah bekau pengawa nya? (b) Nama kebuah bala menyadi Kristian di Pilipi andal bendar ke jaku Paul?\\n8 Surat Paul tentu udah ngeringka bala menyadi Kristian di Pilipi seraya sida mikirka utai ti udah digaga Jehovah ke sida dalam timpuh sepuluh taun ti udah. Taja pan Jehovah udah nejuka Paul seduai Silas merinsa ketegal pengawa ti enda lurus, utai ke udah nyadi nya nulung ngetanka “sereta netapka pengamat Berita Manah.” (Plp. 1:7) Bala hakim di menua Pilipi enda berani merinsaka eklisia Kristian ti baru nya. Engka ketegal Paul udah madahka diri peranak Rome, nya alai murid ke benama Luke ulih mengkang di Pilipi pengudah Paul seduai Silas mupuk. Luke udah nya ulih meri mayuh agi bantu ngagai orang Kristian ke baru di Pilipi.\\n9 Lebuh bala menyadi Kristian di Pilipi nya macha surat Paul, sida nemu jaku iya ukai semina datai ari runding diri empu. Paul udah napi penanggul ti besai. Indah lebuh iya nulis surat ngagai sida, iya nyadi orang tangkap ba rumah iya empu di Rome. Tang iya agi ngayanka diri ngembuan ‘pemaik Petara.’—Plp. 1:12-14; 4:7, 11, 22.\\n“ANANG IRAUKA UTAI”\\n10, 11. Nama patut dikereja kitai lebuh kitai irau pasal siti-siti penusah, lalu nama ulih disadang kitai?\\n10 Nama ulih nulung kitai enda “irauka utai” tang ngembuan ‘pemaik Petara’? Jaku Paul ngagai orang Pilipi nunjukka, lebuh kitai irau pasal siti-siti penusah, kitai patut besampi. Nya alai lebuh kitai berasai irau, kitai patut nyerahka pengirau kitai ngena sampi. (Bacha 1 Peter 5:6, 7.) Lebuh nuan besampi ngagai Jehovah, nuan patut enggau pengabis ati andalka Iya ibuhka nuan. Seruran beterima kasih ngagai Iya ke tiap iti berekat ti diterima nuan. Lalu anang enda ingat, Jehovah ulih “ngereja utai lebih ari ti dipinta tauka diperagam kitai.”—Eps. 3:20.\\n11 Baka Paul seduai Silas, kitai engka tekenyit ati enggau utai ti dikereja Jehovah kena nulung kitai. Nya engka ukai utai ti ngalitka ati, tang nya deka nyadi utai ti selalu diguna kitai. (1 Kor. 10:13) Nya ukai reti kitai patut diau jenuh, nadai ngereja nama-nama utai, lalu nganti Jehovah ngaduka tauka mutarka penusah kitai. Kitai patut ngereja utai sejalai enggau sampi kitai. (Rom. 12:11) Pengawa kitai nunjukka kitai ngereja nya ari ati lalu meri Jehovah peluang merekatka kitai. Kitai patut ingat, Jehovah ulih ngereja utai lebih agi ari ke dipinta tauka disadang kitai. Kekadang Iya ngereja utai ti enda disadang kitai. Nya alai aram kitai beratika sekeda chunto ke deka ngeringka pengandal kitai ba penau Jehovah ngereja utai ti enda disadang kitai.\\nSEKEDA CHUNTO PASAL JEHOVAH KE NGEREJA UTAI TI ENDA DISADANG\\n12. (a) Nama digaga Raja Hesekiah lebuh Raja Senakerip ngemba iya? (b) Nama dipelajarka kitai ari chara Jehovah mutarka penusah nya?\\n12 Dalam Bup Kudus, kitai bisi mayuh chunto pasal Jehovah ke ngereja utai ti enda disadang. Ngambika chunto, lebuh Hesekiah nyadi raja menua Judah, Senakerip, raja menua Asiria, nyerang menua Judah lalu ngalahka mayuh bengkah nengeri ke bisi dia. Tang semina Jerusalem aja bedau diserang. (2 Raj. 18:1-3, 13) Udah nya, Senakerip datai nyerang Jerusalem. Nama digaga Raja Hesekiah? Keterubah, iya besampi minta tulung ari Jehovah sereta minta jaku ajar ari nabi Isaiah. (2 Raj. 19:5, 15-20) Udah nya, Hesekiah mandangka diri nemu berunding lebuh iya mayar chukai ke dipinta Senakerip. (2 Raj. 18:14, 15) Ke penudi, Hesekiah nyikap nengeri nya ari lama dikelulung. (2 Ban. 32:2-4) Nama nyadi? Jehovah ngirumka seiku melikat munaska 185,000 iku bala soldadu Senakerip dalam semalam aja. Indah Hesekiah enda nyangka utai nya deka nyadi!—2 Raj. 19:35.\\nNama dipelajarka kitai ari utai ke nyadi ba Josep?—Pemungkal 41:42 (Peda genteran 13)\\n13. (a) Nama dipelajarka kitai ari utai ke nyadi ba Josep? (b) Nama utai ke enda disadang nyadi ba Sarah?\\n13 Peratika utai ke nyadi ngagai seiku lelaki biak ke benama Josep. Lebuh Josep duduk dalam rumah jil di menua Ejip, iya enda tepikirka diri ulih nyadi orang lumur dua ti pemadu bekuasa di Ejip tauka Jehovah deka ngena iya nyelamatka ruang bilik iya ari mati keberuran. (P-kal. 40:15; 41:39-43; 50:20) Endang amat, pengawa Jehovah ngelui ari utai ke disadang Josep. Pikirka mega pasal Sarah, ini ichit Josep. Kati Sarah ke udah tuai ngadang Jehovah deka ngemendarka iya ngadaka anak lelaki ke diri empu, ukai semina bulih anak ari ulun indu iya? Pengada Isak ngelui ari ke disadang Sarah.—P-kal. 21:1-3, 6, 7.\\n14. Nama ulih ngasuh kitai andalka Jehovah?\\n14 Kitai enda ngarapka Jehovah deka ngena kereja ajih muai semua penusah kitai sebedau dunya baru datai. Lalu kitai enda minta Jehovah ngereja utai ti ngalitka ati ba pengidup kitai. Tang kitai nemu, Jehovah udah nulung nembiak Iya ke tetap ati menya enggau chara ti ngalitka ati. Lalu Iya enda berubah. (Bacha Isaiah 43:10-13.) Tu ngasuh kitai andalka Iya. Kitai ulih pechaya, Iya deka meri kitai kuasa ke diguna kitai kena ngereja peneka Iya. (2 Kor. 4:7-9) Nama dipelajarka kitai ari chunto Hesekiah, Josep, enggau Sarah? Jehovah ulih nulung kitai indah lebuh kitai napi penanggul ti balat amat enti kitai mengkang tetap ati ngagai Iya.\\nJehovah ulih nulung kitai indah lebuh kitai napi penanggul ti balat amat enti kitai mengkang tetap ati ngagai Iya\\n15. Nama ulih nulung kitai ngembuan ‘pemaik Petara’ indah lebuh kitai bisi penusah, lalu baka ni tu ulih nyadi?\\n15 Baka ni kitai ulih ngembuan ‘pemaik Petara’ indah lebuh kitai bisi penusah? Kitai patut ngetanka kaul ti tegap enggau Jehovah. Kaul ke baka nya semina ulih nyadi ketegal genselan tebus ari Jesus Kristus. Tebus nya siti ari pengawa Jehovah ke ngalitka ati. Ketegal tebus nya, Iya ulih ngampun dosa kitai, lalu kitai ulih ngembuan ati ti beresi sereta semak enggau Iya.—Jhn. 14:6; Jas. 4:8; 1 Pet. 3:21.\\nPEMAIK PETARA DEKA NYAGA ATI ENGGAU RUNDING KITAI\\n16. Nama deka nyadi lebuh kitai nerima ‘pemaik Petara’? Terangka.\\n16 Nama deka nyadi lebuh kitai nerima ‘pemaik Petara, ti ngelui peragam mensia’? Bup Kudus madahka pemaik nya deka “nyaga” ati enggau runding kitai. (Plp. 4:7) Leka jaku asal “nyaga” nya leka jaku ti dikena dalam soldadu ke nunjukka siti raban soldadu ke diasuh ngelindung menua. Orang ke diau di menua Pilipi dijaga raban soldadu ke baka nya. Orang ke diau dia ulih jenak tinduk maya malam hari laban nemu menua sida dilindung. Baka nya mega, lebuh kitai ngembuan ‘pemaik Petara,’ kitai enda irau lalu ati enggau runding kitai ulih lantang. Kitai nemu Jehovah ibuhka kitai lalu deka kitai idup lantang sereta puas ati. (1 Pet. 5:10) Lalu tu ngelindung kitai ari dikachau asai ati ti irau tauka asa.\\n17. Nama deka nulung kitai bepanggai ba Jehovah maya penusah ti besai?\\n17 Enda lama agi, penusah ti besai deka ninggang semua mensia. (Mat. 24:21, 22) Kitai enda nemu utai ke amat deka nyadi ba kitai empu. Taja pia, kitai anang kelalu irau pasal maya nya. Taja pan kitai enda nemu semua utai ke deka dikereja Jehovah, tang kitai ngelala Petara kitai. Kitai nemu utai ke udah dikereja Iya menya ke nembiak Iya ti tetap ati. Kitai nemu enda ngira nama utai ke nyadi, Jehovah deka nentuka tuju Iya dikeamatka. Lalu Iya ulih ngereja nya enggau chara ti enda disadang! Nya alai, tiap kali Jehovah ngereja siti-siti utai ke kitai, kitai ngasaika chara baru ‘pemaik Petara, ti ngelui peragam mensia.’\\n^ per. 1 Silas mega peranak Rome.—SKR. 16:37.","num_words":2139,"character_repetition_ratio":0.075,"word_repetition_ratio":0.011,"special_characters_ratio":0.223,"stopwords_ratio":0.326,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Casidy ditemu selamat pengudah miring - Suara Sarawak\\nCasidy ditemu selamat pengudah miring\\nApril 27, 2020April 27, 2020\\nMIRI: Operasyen nyidi enggau nyelamat (SAR) siku lelaki ti diripotka lenyau kena Hari Lima tu tadi udah temu enggau selamat, pukul 11.15 pagi tadi..\\nLelaki benama Cassidy Ali, 23 taun dipechaya lenyau pengudah nurun nginti ba Pengkalan Rembai, Sungai Melikat, Marudi ditu.\\nPengawa ngiga lelaki ti lenyau nya disambung 8.30 pagi kemari ba sepanjai endur iya nginti.\\nPengari Opis Bomba enggau Penyah Penusah Sarawak madah, lelaki tu ditemu enggau selamat urung 10.45 pagi penyauh enam kilometer (km) ari rumah panjai sida.\\n“Sebedau tetemuka lelaki tu, raban SAR (tim ketiga) datai ari sida Cassidy sebilik bisi miring ngambi ngiga chara dikena nyidi tudah tu.\\n“Maya miring, sida bisi ninga nyawa orang nyabak ngelingi endur nya sebedau tudah Cassidy ditemu sida selamat sereta dipeda lemi tulang,” ku pengari Bomba nya.\\nFebruary 26, 2021Boleh bersidang dengan nasihat PM\\nFebruary 26, 2021Perkasakan perkhidmatan pelanggan\\nFebruary 26, 2021Suntikan vaksin bermula hari ini\\nFebruary 26, 2021MYEG perkenal ujian saringan COVID-19 guna sampel air liur\\nSediakan lot cepatkan proses sukat tanah\\nMyvi Edisi S bukan produk rasmi Perodua\\nBas bawa pulang pelajar universiti disanitasi\\nPergerakan lalu lintas Pan Borneo kini semakin lengang\\nMOSTI cadang vaksin COVID-19 diberi percuma\\nKuih Takir Selalang memang terbaik\\nForkey Doe cuba nasib di Kuching FA?\\nKes pecah rumah: Dua lelaki dicekup di Miri\\nSekeda jalai alun di Dun Ngemah patut ditar\\nOperasi SAR Layang disambung semula esok\\nUsul undi tidak percaya bukan unik dalam sistem negara - Azhar\\nTidak lagi tinggal di dalam kontena kargo","num_words":225,"character_repetition_ratio":0.062,"word_repetition_ratio":0.0,"special_characters_ratio":0.205,"stopwords_ratio":0.098,"flagged_words_ratio":0.0,"lang_id_score":0.888,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 29 BK - “Tu utai ti enda tau enda dikereja - Bible Search\\nPemansut 28 Pemansut 30\\nAtur Kena Nyiri Aron Enggau Bala Anak Lelaki Iya Nyadi Imam\\n(Adat Lewi 8.1-36)\\n1“Tu utai ti enda tau enda dikereja nuan ngagai Aron enggau bala anak lelaki iya, kena nuan nyerahka sida nyadi imam ke bekereja ke Aku. Ambi siku jelu sapi ti lelaki, enggau dua iku bedus ti lelaki, ti nadai penimpang. 2Ngena tepung gandum ti pemadu alus, tang enda ngena ragi, gaga roti ngena minyak kana. Gaga mega roti enda ngena minyak, lalu sekeda digaga besingkap mipau, dipalitka enggau minyak. 3Simpan semua roti nya dalam siti bakul, lalu beri utai nya ngagai Aku lebuh nuan meri jelu sapi ti lelaki, enggau bedus ti lelaki, nyadika piring.\\n4“Bai Aron enggau bala anak lelaki iya ngagai penama Langkau Kain TUHAN, lalu asuh sida mandi dia. 5Udah nya rasukka pekayan imam ba Aron: baju, baju panjai, epod, terabai dada, enggau belulang. 6Engkahka labung ba pala iya, lalu tanchangka ba labung nya siti kelai ti kudus, alai leka jaku ‘Diserahka Ngagai TUHAN,’ udah ditulis. 7Udah nya ambi minyak tata, tuang minyak nya ba pala iya, lalu tata iya.\\n8“Bai bala anak lelaki iya, lalu rasukka baju ba sida. 9Lekatka selampai melit punggung sida, enggau selapuk ba pala sida. Nya chara nuan nyiri Aron enggau bala anak lelaki iya. Sida enggau peturun sida deka bekereja nyadi imam ke Aku belama iya.\\n10“Bai siku sapi ti lelaki ngagai mua Langkau Kain TUHAN, lalu asuh Aron enggau bala anak lelaki iya ngengkahka jari sida ba pala sapi nya. 11Sayat sapi nya di mua Aku, ba penama ngagai Langkau Kain TUHAN. 12Ambi sekeda darah sapi nya, lalu ngena tunjuk nuan, palitka darah nya ngagai tanduk alta nya. Udah nya bubuhka teda darah nya ba kaki alta. 13Udah nya, ambi semua lemak ti malut perengka dalam, atau, enggau dua iti tungkul sengayuh, sama enggau lemak ti malut perengka nya, lalu tunu utai nya ba alta, nyadika piring ti diberi ngagai Aku. 14Tang tunu isi sapi nya, kulit, enggau perengka perut iya di luar kem. Tu nyadika piring pengampun dosa ke bala imam.\\n15“Ambi siku bedus ti lelaki, lalu asuh Aron enggau bala anak lelaki iya ngengkahka jari sida ba pala bedus nya. 16Sayat bedus nya, bai darah iya, lalu unsaika darah nya ngagai semua tisi alta. 17Tetak bedus nya. Basu semua perengka dalam, enggau kaki belakang iya, lalu engkahka utai nya ba atas pala bedus enggau lampang dagin ti bukai. 18 Tunu semua isi bedus ti lelaki nya ba alta nyadika piring ti diberi ngena api. Bau piring tu ngerinduka ati Aku.\\n19“Ambi bedus ti lelaki ti siku - bedus ti lelaki ti dikena nyerahka imam - lalu asuh Aron enggau bala anak lelaki iya ngengkahka jari sida ba pala bedus nya. 20Sayat bedus nya, lalu ambi sekeda darah iya, lalu palitka darah nya ngagai rambing pending kanan Aron enggau bala anak lelaki iya, ba tunjuk indu jari kanan, enggau ba tunjuk indu kaki kanan sida. Unsaika teda darah nya ngagai semua tisi alta nya. 21Ambi sekeda darah ti ba alta, enggau sekeda minyak tata, lalu pechikka darah nya ngagai Aron enggau ngagai gari iya, enggau ngagai bala anak lelaki, enggau ngagai gari sida. Nya baru Aron, bala anak lelaki iya, enggau gari sida, diserahka ngagai Aku.\\n22“Tisil lemak bedus ti lelaki nya, lemak ti ba pun iku, lemak ti mungkur perengka dalam, isi atau ti pemadu manah, dua iti tungkul sengayuh, sereta enggau lemak ti lekat ba sida, enggau pah kanan. 23Ari roti ti dalam bakul ti udah diberi ngagai Aku, ambi siti tuku roti ari semua macham roti, iya nya, siti tuku roti ti digaga ngena minyak kana, siti ti digaga enda ngena minyak kana, enggau sesingkap roti ti mipis. 24Engkahka semua pemakai tu ba jari Aron, enggau bala anak iya, lalu asuh sida nyerahka utai nya ngagai Aku, nyadika pemeri. 25Udah nya ambi utai nya ari sida, lalu tunu utai nya ba alta, atas piring tunu, nyadika piring ti diberi ngena api ti diberi ngagai Aku. Bau piring tu deka ngerinduka ati Aku.\\n26“Ambi isi dada bedus ti lelaki nya, lalu serahka utai nya ngagai Aku, nyadika pemeri. Isi tu endang diungkupka kita.\\n27“Lebuh orang dichiri nyadi imam, isi dada enggau pah bedus ti lelaki ti dikena nyiri sida, enda tau enda diserahka ngagai Aku, nyadi pemeri ti pemadu manah, lalu digalau nyadika ungkup bala imam. 28Tu pemutus penemu Aku ti enda berubah: lebuh nembiak Aku ngaga piring pemaik, isi dada enggau pah jelu nya deka diempu bala imam. Tu meh pemeri ti dienjuk orang Israel ngagai Aku ti TUHAN.\\n29“Pekayan imam ti dikena Aron enda tau enda diserahka ngagai bala anak iya, udah bekau iya mati, ngambika bisi dikena sida, lebuh sida dichiri nyadi imam. 30Anak lelaki Aron ke nganti iya nyadi imam, ke tama ngagai Langkau Kain TUHAN, lalu gawa dalam Endur ti Kudus, enda tau enda ngena pekayan nya tujuh hari.\\n31“Ambi isi bedus ti lelaki, ti udah dikena nyiri Aron enggau bala anak lelaki iya nyadi imam, lalu panduk dagin nya ba Endur ti Kudus. 32Sida enda tau enda makai dagin nya, sama enggau teda roti ti dalam bakul nya, ba penama ngagai Langkau Kain TUHAN. 33Sida deka makai utai ti udah dikena miring minta pengampun dosa lebuh nyirika sida nyadi imam. Semina bala imam aja tau makai pemakai nya, laban pemakai nya kudus. 34Enti sekeda dagin nya, tauka sekeda roti nya enda abis diempa datai ke pagi hari siti, utai nya enda tau enda ditunu. Utai nya enda tau diempa, laban iya kudus.\\n35“Kereja pengawa nyiri Aron enggau bala anak lelaki iya nyadi imam dalam pengelama tujuh hari, nitihka chara ti udah dipadahka Aku ngagai nuan. 36Nuan enda tau enda tiap hari meri siku sapi ti lelaki nyadika piring, ngambika dosa tau diampun. Tu deka nuchi alta. Udah nya, tata alta nya ngena minyak kana, kena nguduska iya. 37Kereja tu tiap hari dalam kandang tujuh hari nya. Udah nya baru alta nya deka nyadi kudus, lalu barang sapa tauka barang utai negu alta nya, deka bebadi laban kuasa pengudus alta nya.\\nPemeri Ti Diberi Tiap Hari\\n38“Genap hari, enggau ke belama iya, beri dua iku anak domba ti umur setaun, ba alta nya, nyadika piring. 39Beri siku nyadika piring lebuh pagi hari, lalu siku lebuh lemai hari. 40Beri sama enggau anak domba nya sekilogram tepung gandum ti alus, dichampur enggau seliter minyak kana ti tulin. Tuang seliter wain nyadika piring. 41Lebuh hari nyau lemai beri anak domba ti kedua nya nyadika piring, lalu beri sama enggau anak domba nya, tepung gandum, minyak kana enggau wain, ngemayuh ti diberi lebuh pagi hari. Tu nyadika piring ti diberi ngena api ngagai Aku ti TUHAN, lalu bau utai tu deka ngerinduka ati Aku. 42Piring ti ditunu nya enda tau enda diberi di mua Aku, ba penama ngagai Langkau Kain TUHAN belama iya. Nya meh endur alai Aku deka betemu enggau bala nembiak Aku, lalu bejaku ngagai nuan. 43Dia meh endur alai Aku deka betemu enggau orang Israel, lalu mulia Aku deka nguduska endur nya. 44Aku deka nyeraraka Langkau Kain TUHAN enggau alta nya, lalu Aku deka nyeraraka Aron enggau bala anak lelaki iya, ngambika sida bekereja nyadi imam Aku. 45Aku deka diau begulai enggau orang Israel, lalu Aku deka nyadi Allah Taala sida. 46Sida deka nemu Aku endang TUHAN ti Allah Taala sida, ti udah mai sida pansut ari menua Ejip ngambika Aku diau begulai enggau sida. Aku tu TUHAN ti Allah Taala sida.","num_words":1217,"character_repetition_ratio":0.098,"word_repetition_ratio":0.018,"special_characters_ratio":0.216,"stopwords_ratio":0.37,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Jaku-dalam* ngundan ajar pasal jalai pendiau enggau ajar pasal pengarap. Ajar nya disebut ngena ‘jaku tuai’ enggau ‘jaku dalam.’ Bup tu tebal agi ngenang pasal utai ti diguna kitai dalam pengidup kitai tiap hari. Bup tu ngasuh kitai ngingatka siti ajar ti munyi tu: “Enti kitai deka bulih penemu, kitai enda tau enda dulu nangika TUHAN.” Udah nya bup tu lalu nginsit ngagai pekara pasal pengarap enggau pasal jalai pendiau, enggau ngagai penemu berunding, enggau ngagai pasal ulah ti manah. Mayuh ‘jaku tuai’ ti disebut ditu mandangka penalam runding bala pengajar orang Israel ke dulu kelia ba pasal utai ti patut dikereja kitai. Sekeda ‘jaku tuai’ nya ngajar pasal ngaduka kaul dalam ruang bilik, iya ti bukai nyebut pasal pengawa dagang, sekeda pasal adat basa lebuh kitai begulai enggau pangan diri, lalu sekeda pasal pemesai guna nagang pengingin diri. Bup tu mega meri mayuh bengkah ajar ba pasal pemaruh ati, pengeliat ati, bebasaka orang ke seranta, enggau pasal taluk ngagai pangan diri.\\nMuji penemu-dalam (1.1-9.18)\\nJaku-dalam ti disebut Solomon (10.1-29.27)\\nJaku Agur (30.1-33)\\n‘Jaku tuai’ ti bukai (31.1-31)\\n1 Jaku-dalam Solomon, anak David, raja menua Israel.\\n2 Tu jaku-dalam ti ulih nulung kita ngelala penemu-dalam enggau jaku lalau ti manah, sereta meretika ‘jaku tuai’ ti ngundan reti ti dalam.\\n3 Jaku-dalam tu ulih ngajar kita pemintar idup, enggau jalai idup ngena ati ti betul, lurus sereta patut.\\n4 Jaku-dalam tu ulih ngasuh orang ke kurang peneleba, bulih pemintar, sereta ngajar orang ke biak chakah ngereja pengawa.\\n5 Jaku-dalam tu tau nambahka penemu orang ke endang bepenemu-dalam, lalu ngelalau orang ke bepelajar,\\n6 ngambika sida ulih nemu reti utai ti dilalaika jaku-dalam, enggau pekara ti dibantaika orang ke bepenemu-dalam.\\nJaku Lalau Ke Orang Ke Biak\\n7 Nangika TUHAN nya pun penemu; orang ke beli ngeleseka penemu-dalam lalu enggai belajar.\\n8 Anak, dingaka utai ti dipadahka apai indai nuan.\\n9 Ajar ti diberi sida deka ngasuh perangai nuan manah agi, baka labung ti manah, tauka baka tenggak ti ngasuh gamal nuan sigat.\\n10 Anak, lebuh orang ke bedosa nipu nuan, anang nurutka sida.\\n11 Enti sema sida bejaku munyi tu, “Aram kitai ngiga orang ngambika bisi dibunuh kitai! Aram kitai ngamuk orang ke nadai penyalah, kena kitai ngelantangka diri!\\n12 Sida nyangka idup sereta bepengerai, lebuh kitai tetemuka sida, tang sida deka mati lebuh kitai udah ngamuk sida!\\n13 Kitai deka tetemuka mayuh macham pengaya, lalu ngisi rumah kitai enggau perapasan!\\n14 Aram mupuk enggau kami lalu bebagika utai ti ulih kitai enchuri.”\\n15 Anak, anang nitihka orang ke baka nya. Anang begulai enggau sida.\\n16 Sida enda tan nganti diri ti ngereja penyai. Sida endang seruran sedia deka munuh orang.\\n17 Nadai guna nuan nan pukat lebuh burung ti deka ditangkap nuan nengkilaka nuan,\\n18 tang orang ke baka nya semina nan panjuk kena nyintak diri empu, panjuk ti deka munuh sida.\\n19 Pengawa ngerumpak endang selalu ngambi nyawa perumpak nya empu. Nya meh utai ti nyadi ba orang ke idup ngena chara ti kasar.\\n20 Dinga! Penemu-dalam benung ngangau ba sebelah jalai raya enggau ba sebelah pasar,\\n21 ngangau ngena nyawa ti inggar ari pintu nengeri, enggau ari sebarang endur alai orang begempuru.\\n22 “Kita tu beli! Ni pengelama kita agi beli? Ni pengelama kita agi majak ngelese lalu begedika penemu?\\n23 Pendingka aku, lebuh aku nganu kita. Aku deka meri kita jaku lalau ti manah, lalu bekunsika penemu aku enggau kita.\\n24 Aku udah bebendar ngangauka kita, minta kita datai, tang kita enggai mending. Kita enggai mendingka aku.\\n25 Kita enggai mendingka semua jaku lalau aku, lalu enda kala ngelakka aku nunjukka jalai ti ngena ngagai kita.\\n26 Nya alai, lebuh kita dituntung penusah, aku deka ketawaka kita. Aku deka ngeleseka kita lebuh kita dituntung utai ti balat ngenakutka kita,\\n27 lebuh iya datai baka biaubalai, lalu kita natka diri pedis sereta merinsa.\\n28 Nya baru kita deka ngangauka penemu-dalam, tang aku enggai nyaut. Kita nyangka begigaka aku di semua endur, tang kita enda tetemuka aku.\\n29 Kita nadai kala begunaka penemu, lalu kita seruran enggai ngasika TUHAN.\\n30 Kita nadai kala begunaka jaku lalau aku, tauka mendingka aku lebuh aku madahka penyalah kita.\\n31 Nya alai, kita deka nerima utai ti endang patut diterima kita, lalu utai ti dikereja kita empu deka ngasuh kita sakit.\\n32 Orang ke nadai peneleba, mati, laban sida nulak penemu-dalam. Orang ke beli dirusak, laban sida enggai kiruh.\\n33 Tang barang sapa mendingka aku, deka bulih pengelikun. Iya deka diau likun, lalu nadai kebuah takut.”\\n1 Anak, pelajarka utai ti diajar aku ngagai nuan, lalu anang enda ingatka utai ti diasuh aku kereja nuan.\\n2 Pendingka penemu-dalam lalu uji meratika utai nya.\\n3 Pinta meh penemu. Pinta meh runding ti dalam.\\n4 Giga iya enggau naka ulih nuan baka ke ngiga pirak tauka pengaya ti dilalaika.\\n5 Nya baru nuan deka nemu reti nangika TUHAN, lalu nuan deka mujur belajarka pasal Allah Taala.\\n6 Penemu-dalam nya utai ti diberi TUHAN. Penemu enggau pemereti ati endang datai ari Iya.\\n7 Iya nulung sereta nyaga orang ke lurus sereta betul ati.\\n8 Iya nyaga orang ke manah enggau orang bukai, lalu nyaga orang ke angkunka Iya.\\n9 Enti nuan mendingka aku, nuan deka nemu utai ti ngena, lurus sereta betul. Nuan deka nemu utai ti patut dikereja nuan.\\n10 Nuan deka nyadi orang ke bepenemu-dalam, lalu penemu nuan deka ngasuh ati nuan gaga.\\n11 Pemintar runding enggau pemereti ati nuan deka nyaga nuan,\\n12 nagang nuan ngereja utai ti salah. Sida deka ngejangka nuan jauh ari orang ke numbuhka pengachau ngena utai ti disebut sida,\\n13 iya nya, sida ke udah ngelengkaka pengidup ti lurus, lalu diau dalam pemetang,\\n14 ke ngelantangka diri ngereja utai ti salah, lalu gaga ati ngereja penyai,\\n15 orang ke enda tetap ati sereta enda tau dikarapka.\\n16 Nuan ulih nulak indu ke kamah ulah, ke nguji ngulihka nuan ngena jaku ti manis,\\n17 indu ke enda tetap ati ngagai laki diri, sereta enda ingatka semaya ti kudus ti udah digaga iya.\\n18 Enti nuan mansang ngagai rumah indu nya, nuan niti jalai ti nuju ngagai pemati. Enti nuan mansang kia, nuan mansang ngagai dunya pemati.\\n19 Orang ke nemuai ngagai iya enda ulih pulai agi. Orang nya enda ulih pulai agi ngagai jalai ti nuju ngagai pengidup.\\n20 Nya alai nuan enda tau enda beteladan ba orang ke menyana, lalu diau lurus.\\n21 Orang ke lurus, orang ke rentang ati, deka diau di menua kitai.\\n22 Tang Allah Taala deka muai orang ke jai ari menua tu, lalu nyabut orang ke bedosa ari menua tu baka ke nyabut rumput ari tanah.\\nJaku Lalau Ke Sida Ke Biak\\n1 Anak, anang enda ingatka utai ti diajar aku ngagai nuan. Seruran kingatka utai ti diasuh aku kereja nuan.\\n2 Jaku ajar ti diberi aku deka ngasuh nuan gayu-guru sereta nyadi kaya-raja.\\n3 Anang ngelengkaka penaluk enggau penetap ati nuan. Tanchangka sida ba rekung nuan. Tuliska sida ba ati nuan.\\n4 Nya baru Allah Taala enggau mensia deka rinduka nuan.\\n5 Panggaika diri ba TUHAN enggau pengabis ati nuan. Anang manggaika diri ba penemu diri empu.\\n6 Awakka TUHAN seruran ngiring nuan, nya baru Iya deka nunjukka jalai ti ngena ngagai nuan.\\n7 Anang ngumbai diri pintar. Nangika TUHAN, lalu anang ngereja penyai.\\n8 Nya baru Iya deka nyadi baka ubat ti manah, ti ngeraika telih nuan, lalu ngasuh nuan kurang agi pedis.\\n9 Kemesaika TUHAN ngena piring ti pemadu manah ari asil umai nuan,\\n10 nya baru bilik setor nuan deka penuh laban gandum, lalu nuan deka bulih wain lebih ari ti ulih disimpan nuan.\\n11 Anak, lebuh TUHAN madahka penyalah nuan, dingaka Iya enggau manah, lalu ambi jaku Iya nyadika jaku tangkan.\\n12 Allah Taala madahka penyalah orang ke dikerinduka Iya, baka apai indai ke madahka penyalah anak ke dikemegahka sida.\\n13 Beberekat meh orang ke nyadi orang ke bepenemu-dalam, ke nemu meretika utai.\\n14 Penguntung ari nya besai agi ari penguntung bulih pirak. Utai nya berega agi ari emas.\\n15 Penemu-dalam berega agi ari batu ti berega. Nadai utai ti dikinginka nuan ulih dibandingka enggau nya.\\n16 Penemu-dalam meri nuan umur ti panjai, pengaya enggau basa.\\n17 Penemu-dalam tau ngasuh pendiau nuan lantang sereta likun seumur idup.\\n18 Orang ke bepegai erat ba penemu-dalam deka diau lantang senang. Penemu-dalam deka meri sida pengidup.\\n19 TUHAN ngaga dunya ngena penemu-dalam. Ngena penemu Iya, Iya ngengkahka langit ba endur iya.\\n20 Penemu-dalam ti dikembuan TUHAN ngasuh ai sungai rarat lalu ngasuh mua hari meri ai ujan ngagai tanah.\\n21 Anak, bepegai erat ba penemu-dalam enggau ba penalam runding nuan. Anang nejuka sida ninggalka nuan.\\n22 Sida deka meri nuan pengidup, pengidup ti nyamai sereta lantang.\\n23 Nuan ulih bejalai enggau likun lalu enda tesangkut.\\n24 Nuan enda takut lebuh nuan deka tinduk, lalu nuan deka tinduk jenak sepemanjai malam.\\n25 Nuan enda ibuh irau ati ke penusah besai ti datai enggau ngenyit baka kabut ti nuntung orang ke jai.\\n26 TUHAN deka nyaga nuan likun. Iya enggai nejuka nuan disintak panjuk.\\n27 Enggau naka ulih kereja utai ti manah ngagai orang ke begunaka utai nya.\\n28 Anang sekali-kali ngasuh orang ke berimbai pendiau enggau nuan, nganti ngagai pagila, enti nuan ulih nulung sida tekala nya.\\n29 Anang bekira deka ngereja utai ti tau ngemediska orang ke berimbai pendiau enggau nuan. Sida diau berimbai enggau nuan, laban sida arapka nuan.\\n30 Anang bekelikuh enggau nadai kebuah, enti orang nya nadai udah ngemediska nuan.\\n31 Anang ngining pemangah orang, lalu anang diau nitihka jalai iya,\\n32 laban TUHAN begedika orang ke ngereja penyai, tang Iya ngaga orang ke lurus nyadika pangan Iya.\\n33 TUHAN nyumpah ruang bilik orang ke jai, tang merekatka ruang bilik orang ke lurus.\\n34 Iya enda begunaka orang ke sumbung, tang Iya rinduka orang ke baruh ati.\\n35 Orang ke bepenemu-dalam deka dibasa orang, tang orang ke beli deka semina nambahka pemalu diri.\\nPenguntung Ngembuan Penemu-dalam\\n1 Anak, pendingka jaku ajar apai nuan. Pendingka ajar nya, nya baru nuan deka nyadi orang ke mereti.\\n2 Utai ti diajar aku ngagai nuan endang utai ti manah. Nya alai kingatka semua utai nya.\\n3 Lebuh aku agi mit, lalu aku anak tunggal apai aku,\\n4 iya selalu ngajar aku. Ku iya, “Kingatka utai ti disebut aku, lalu anang enda ingatka utai nya. Kereja utai ti diasuh aku, ngambika nuan idup.\\n5 Giga penemu-dalam enggau runding ti dalam! Anang enda ingat tauka enda mendingka utai ti disebut aku.\\n6 Anang ngelengkaka penemu-dalam. Nya baru iya deka nyaga nuan. Rinduka iya, nya baru iya deka ngintu nuan enggau likun.\\n7 Begigaka penemu-dalam nya utai ti pemadu beguna ti tau dikereja nuan. Enti nuan ngiga utai, giga runding ti dalam.\\n8 Rinduka penemu-dalam, nya baru iya deka ngemesaika nuan. Berap iya, nya baru orang deka masa nuan.\\n9 Iya deka nyadi makota ti bemulia ke nuan.”\\n10 Pendingka aku, anak. Peratika enggau manah utai ti dipadahka aku ngagai nuan, nya baru nuan deka panjai umur.\\n11 Aku udah ngajar nuan penemu-dalam, enggau jalai ti ngena, kena nuan idup.\\n12 Nadai utai deka mempang nuan, enti nuan belalau ba penemu-dalam, lalu nuan enda tesangkut lebuh nuan belanda.\\n13 Seruran kingatka utai ti udah dipelajarka nuan. Pelajar nuan nyadika pengidup nuan - jaga iya enggau manah.\\n14 Anang nitihka orang ke jai. Anang beteladan ba orang ke jai.\\n15 Anang ngereja nya! Kejangka diri jauh ari penyai! Tulak iya, lalu angkat ari nya.\\n16 Orang ke jai enda ulih tinduk enti sida enda dulu ngereja penyalah. Sida gali tang enda ulih tinduk, enti sida enda dulu ngemediska orang.\\n17 Ba sida, penyai enggau pemangah nya baka pemakai enggau utai ti diirup.\\n18 Jalai ti ditengah orang ke lurus nya baka penumbuh mata hari. Iya majak terang-seterang datai ke hari nyau siang.\\n19 Tang jalai ti ditengah orang ke jai nya petang baka malam. Sida teterap, tang enda nemu utai ti ngasuh sida tesangkut.\\n20 Anak, pendingka utai ti disebut aku. Pendingka leka jaku aku.\\n21 Anang nejuka sida lenyau ari nuan. Kingatka sida, lalu simpan sida dalam ati nuan.\\n22 Sida deka meri pengidup enggau pengerai ngagai barang sapa meretika sida.\\n23 Bejimat lebuh nuan berunding, laban gaya pengidup nuan ditempa runding nuan.\\n24 Anang sekali-kali nyebut utai ti bula. Anang bekaul enggau pemula, tauka enggau jaku ti nipu.\\n25 Perening terus ke mua enggau ati ti kempang sereta betul, lalu anang malu lalu kunduk-kunduk ngapa.\\n26 Perambu enggau silik utai ti deka dikereja nuan, nya baru utai ti dikereja nuan deka mujur.\\n27 Seliahka penyai, lalu bejalai lurus nuju ke mua. Anang sekali-kali limpang ari jalai ti ngena.\\nJaku Tangkan Nagang Orang Butang\\n1 Anak, perati sereta pendingka penemu-dalam enggau runding ti dalam ti diberi aku.\\n2 Nya baru nuan deka nemu chara ngatur ulah diri enggau menyana, lalu jaku nuan deka mandangka nuan bisi penemu.\\n3 Mulut bini orang bukai nyangka manis baka ai manyi, lalu sium iya nyangka lichin baka minyak kana,\\n4 tang lebuh utai nya udah lepas, iya nadai ninggalka utai bukai tang semina ati ti begedi enggau pemerinsa.\\n5 Iya deka mai nuan nurun ngagai dunya pemati. Jalai ti ditengah iya nuju ngagai pemati.\\n6 Iya enda niti jalai pengidup, tang limpang, lalu iya enda nemu utai ti nyadi.\\n7 Nya alai pendingka aku, kita ke anak lelaki, lalu anang enda ingatka utai ti disebut aku.\\n8 Kejangka diri jauh ari indu ke baka nya! Datai semak ngagai mua pintu iya deh kita enda tau!\\n9 Enti kita datai semak ngagai indu ke baka nya, kita enda dibasa orang agi lalu kita deka mati biak dibunuh orang ke nadai pengasih.\\n10 Orang kampar deka ngerampas semua pengaya kita, lalu utai ti udah ulih kita deka diempu orang bukai.\\n11 Kita deka gali bedemuh nganti diri ke mati. Isi enggau gumpal isi kita deka lupis,\\n12 lalu kita deka bejaku munyi tu, “Nama kebuah aku enggai diajar? Nama kebuah aku enggai nejuka orang madahka aku salah?\\n13 Aku enggai mendingka bala pengajar aku. Aku enggai mendingka sida.\\n14 Lalu aku tekala nya nemu diri kena pechat di mua orang mayuh.”\\n15 Irup ai ari telaga nuan empu, ai ti rarat ari letung nuan empu.\\n16 Kati mata ai nuan patut diachirka ngagai menua bukai, lalu ai sungai nuan rarat ba sebelah jalai raya?\\n17 Awakka sida diempu nuan siku aja, lalu ukai dipekunsika nuan enggau orang kampar.\\n18 Nya alai nuan patut lantang ati diau enggau bini ke enggau nuan jadi,\\n19 ti bajik sereta imun baka rusa. Awakka pemajik iya ngasuh nuan lantang. Awakka iya nyerayung nuan ngena pengerindu.\\n20 Anak, nama kebuah nuan rinduka indu bukai? Nama kebuah nuan inginka pemajik bini orang bukai?\\n21 TUHAN meda semua utai ti dikereja nuan. Iya meda nuan di sebarang endur nuan bejalai.\\n22 Dosa orang ke jai nyadi panjuk. Sida disintak jarin dosa sida empu.\\n23 Sida mati laban sida enda nemu nagang diri. Pemeli sida empu ti munuh sida.\\nJaku Tangkan Ti Bukai\\n1 Anak, kati nuan bisi udah besemaya deka betanggungjawapka utang orang bukai?\\n2 Kati nuan bisi udah kala kena sintak jaku nuan empu, tauka disintak semaya nuan empu?\\n3 Anak, enti nuan udah kala, nuan dipanjuk kuasa orang nya, tang tu jalai nuan mansutka diri ari nya: mansang nuan enggau jampat ngagai orang nya lalu minta iya ngelepaska nuan.\\n4 Anang tinduk, tauka ngetu lalu belelak.\\n5 Lepaska diri ari panjuk nya, baka burung tauka rusa ti rari ari orang ke ngasu.\\n6 Orang ke ngelusu patut beratika chara semut idup.\\n7 Sida nadai kepala, nadai pengulu, nadai raja,\\n8 tang sida besimpanka pemakai lebuh musin panas, nyendiaka bekal nyadika penabat musin chelap.\\n9 Ni pengelama orang ke ngelusu deka majak gali? Kemaya iya deka angkat?\\n10 Ku iya bejaku, “Aku deka tinduk enda lama. Aku deka bekerendut dada lalu belelak enda lama.”\\n11 Tang lebuh iya tinduk, penyeranta datai nyerang iya, baka perumpak ke besenyata.\\n12 Orang ke nadai guna, orang ke jai, bejalai segau-segau nusui pemula.\\n13 Sida ngichekka mata, lalu ngaga tanda ngagai pangan diri deka nipu nuan.\\n14 Sekumbang sida ke ngereja nya, sida berunding deka ngereja penyai, nyungkak pengachau nyadi di semua endur.\\n15 Ketegal nya, penusah ti besai deka nuntung sida lebuh sida enda ngadang, lalu sida deka bakal lalu mati.\\nUtai Ti Dipegedika TUHAN\\n16-19 Tu tujuh bengkah utai ti dipegedika TUHAN, ti enda ulih ditatka Iya: pendiau ti sumbung, dilah ti bula, jari ti munuh orang ke nadai penyalah, ati ti berundingka akal ti jai, kaki ti beguai bejalaika ngereja penyai, orang ke seruran besaksi bula enggau orang ke nyungkak pengachau nyadi entara pangan.\\nJaku Tangkan Pasal Butang\\n20 Anak, kereja utai ti diasuh apai nuan, lalu anang enda ingatka utai ti udah diajar indai nuan.\\n21 Kingatka jaku seduai iya dalam ati nuan.\\n22 Jaku ajar seduai iya deka nguluka nuan lebuh nuan bejalai, nyaga nuan lebuh malam hari, lalu meri nuan jaku lalau lebuh siang hari.\\n23 Atur ti diberi seduai iya nya penampak ti manchar. Jaku rara seduai iya ulih ngajar nuan jalai pengidup.\\n24 Jaku nya ulih nyaga nuan ari indu ke jai, ari jaku ti manis ti disebut bini orang bukai.\\n25 Anang alah diuji pemajik sida. Anang alah dipanjuk jeling mata sida.\\n26 Lelaki ulih meli indu sundal ngena setuku roti, tang pengawa butang deka ngabiska semua reta iya.\\n27 Kati nuan ulih merap bara api, lalu gari nuan enda angus?\\n28 Kati nuan ulih bejalai ngindik bara api, lalu kaki nuan enda betu?\\n29 Baka nya meh pemesai penusah enti nuan tinduk enggau bini orang. Barang sapa ngereja nya, deka dituntung penusah.\\n30 Orang enda mechat penchuri ke lapar enti iya ngenchuri pemakai.\\n31 Tang enti iya kena tangkap, iya enda tau enda mayar tujuh kali lipat utai ti dichuri iya, lalu iya enda tau enda nyerahka semua reta tengkira iya.\\n32 Tang lelaki ke butang endang sigi enda nemu berunding. Iya semina ngerusak diri empu.\\n33 Iya enda dibasa agi, lalu iya deka dipalu, lalu dipechat belama iya.\\n34 Laki pengabis udu ringat lebuh iya ninding, lalu iya malas enggau nadai besekat.\\n35 Iya enggai nerima bayar. Ngemayuh ni pen utai diberi ngagai iya, enggai meh iya badu ringat.\\n1 Anak, kingatka utai ti disebut aku, lalu anang enda ingatka utai ti diasuh aku kereja nuan.\\n2 Kereja utai ti diasuh aku, nya baru nuan deka idup. Titihka ajar aku enggau naka penyimat, baka nuan ke bejimat nyaga mata nuan.\\n3 Seruran kingatka ajar aku. Tuliska iya dalam ati nuan.\\n4 Gaga penemu-dalam nyadika menyadi indu nuan, lalu gaga runding ti dalam nyadika pangan nuan ti pemadu nyempil.\\n5 Penemu-dalam enggau runding ti dalam deka ngejangka nuan jauh ari bini orang, ari indu ke nguji ngulihka nuan ngena jaku ti manis.\\nIndu Ke Kamah\\n6 Nyadi sekali lebuh aku nilik ari mua jenila rumah aku,\\n7 aku tepedaka bala orang bujang ke apin bisi peneleba, lalu aku meda siku ari bala sida nya beli.\\n8 Iya bejalai ba jalai raya semak sukut ti alai siku indu diau. Iya bejalai mansa rumah indu nya\\n9 lebuh lemai hari, lebuh hari nyau udah petang.\\n10 Indu nya lalu betemu enggau iya. Indu nya ngena pekayan baka indu sundal ke nganta.\\n11 Indu nya berani sereta enda nemu malu, lalu iya endang seruran bejalai nengah jalai raya\\n12 tauka bediri nganti ba sukut jalai, kadang-kadang ba jalai raya, kadang-kadang di pasar.\\n13 Indu nya lalu engkauk orang bujang nya, nyium iya. Seduai iya merening ngagai mua pangan diri, lalu ku iya bejaku,\\n14 “Aku udah ngenjuk piring sehari tu tadi, lalu aku bisi dagin ari piring nya.\\n15 Nya kebuah aku pansut ngiga nuan. Aku endang keran deka ngiga nuan, lalu diatu nuan bisi ditu!\\n16 Aku udah mungkur peninduk aku ngena kain linin ti bechura, ti dibeli ari menua Ejip.\\n17 Aku udah ngerabu peninduk aku enggau mur, garu, enggau kulit kayu manis.\\n18 Aram tua beleman semalam-malam tu. Tua deka gaga ati ngimbit pangan diri.\\n19 Laki aku nadai di rumah, laban iya udah bejalai.\\n20 Iya mai mayuh duit lebuh iya mupuk, lalu iya enda pulai dalam kandang dua minggu tu.”\\n21 Nya alai indu nya nguji ngulihka lelaki nya ngena pemajik iya, lalu lelaki nya alah laban pemanis jaku indu nya.\\n22 Lelaki nya lalu tekala nya nyadi baka sapi ti lelaki ti deka disayat, baka rusa ti nempuh jarin.\\n23 Laja deka ngebuska tungkul ati iya. Iya baka burung ti terebai nuju jarin - iya enda nemu diri deka tetempuhka utai ti tau nganu nyawa.\\n24 Nya alai, kita ke anak, pendingka aku. Pendingka utai ti disebut aku.\\n25 Anang nejuka indu ke baka nya ngulihka kita. Anang segau-segau begigaka iya.\\n26 Mayuh lelaki udah rusak laban iya, lalu iya udah ngasuh mayuh lelaki mati, datai ke pemayuh sida nyau enda ulih diitung agi.\\n27 Enti kita mansang ngagai rumah iya, kita niti jalai ti nuju ngagai dunya pemati. Nya meh jalai ti muntang ngagai pemati.\\n1 Pendingka ulih kita! Penemu-dalam benung ngangauka kita. Sara-penemu minta diri didinga kita.\\n2 Iya bediri ba tuchung bukit semak jalai raya enggau ba simpang jalai raya.\\n3 Iya ngangau ari penama ngagai nengeri, ngimbai pintu ti besai.\\n4 Ku iya, “Aku ngangauka semua kita. Aku ngangauka semua orang di dunya.\\n5 Kati kita agi muda penemu? Awakka kita belajar ngansah penemu diri. Enti kita beli, awakka kita ngiga penemu.\\n6 Pendingka jaku aku ti pemadu manah tu. Semua utai ti dipadahka aku ngagai kita, endang ngena magang.\\n7 Utai ti disebut aku, endang utai ti bendar. Aku begedika pemula.\\n8 Semua utai ti disebut aku, endang amat magang. Utai nya nadai bula siti, tauka nipu.\\n9 Ba orang ke bisi runding ti dalam, semua utai nya terang magang. Ba orang ke nemu mayuh leman utai, semua utai nya endang nyata magang.\\n10 Pilih atur ti diberi aku, ukai milih pirak. Pilih penemu, ukai milih emas ti pemadu manah.\\n11 “Aku tu Penemu-dalam. Aku tu manah agi ari batu ti berega. Nadai utai ti dikinginka nuan ulih dibandingka enggau aku.\\n12 Aku tu Penemu-dalam, lalu aku bisi runding ti dalam. Aku bisi penemu, lalu aku meri atur ti menyana.\\n13 Reti nangika TUHAN nya begedika penyai. Aku begedika penyumbung, ati ti tinggi, ulah ti jai enggau jaku ti bula.\\n14 Aku ngaga pelan lalu bejalaika pelan nya. Aku meretika utai, lalu aku kering.\\n15 Aku tu ke nulung bala raja merintah, lalu nulung bala pemerintah ngaga adat ti manah.\\n16 Genap iku pemerintah di dunya tu endang merintah ari tulung aku, lalu baka nya mega bala pemesai enggau orang ke tinggi pangkat.\\n17 Aku rinduka orang ke rinduka aku. Barang sapa begigaka aku, deka tetemuka aku.\\n18 Aku bisi pengaya enggau basa pengaya enggau pemujur ti deka diberi.\\n19 Utai ti ulih kita ari aku manah agi ari emas ti pemadu manah, manah agi ari pirak ti pemadu tulin.\\n20 Aku bejalai nengah pengelurus. Aku nitihka atur ti lurus,\\n21 meri pengaya ngagai orang ke rinduka aku, ngemenuhka rumah sida enggau pengaya.\\n22 “Aku tu ti pengabis dulu digaga TUHAN, ke terubah pengawa ti dikereja Iya dulu kelia.\\n23 Aku endang digaga ba pun kelia, ke terubah iya digaga, sebedau dunya nyadi.\\n24 Aku endang udah ada sebedau tasik bisi, sebedau mata ai bisi.\\n25 Aku endang udah ada sebedau bukit digaga, sebedau munggu diengkahka ba endur sida,\\n26 sebedau Allah Taala ngaga dunya enggau padang iya, sebedau tanah bisi.\\n27 Aku endang udah bisi dia lebuh Iya ngengkahka langit ba endur iya, lebuh Iya mintarka langit atas tasik,\\n28 lebuh Iya ngengkahka mua hari di langit, lebuh Iya muka mata ai di tasik\\n29 lalu ngasuh ai tasik niki enda ngelui ikas ti diletak Iya. Aku endang udah bisi dia lebuh Iya nanam pugu dunya.\\n30 Aku bisi ngimbai Iya baka orang ke landik ngaga pelan rumah, aku tu ke ngasuh ati Iya gaga tiap hari, lalu aku seruran lantang ati begulai enggau Iya,\\n31 lantang ati ke dunya sereta gaga ati ke mensia.\\n32 “Nya alai, kita ke agi biak, pendingka aku. Kereja utai ti diasuh aku, nya baru kita deka lantang diau.\\n33 Pendingka utai ti diajar ngagai kita. Diau ngena pemintar. Anang enggai begunaka iya.\\n34 Orang ke mendingka aku, deka idup lantang, orang ke diau ba mua pintu aku tiap hari, ke nganti ba penama ngagai rumah aku.\\n35 Orang ke tetemuka aku, tetemuka pengidup, lalu TUHAN deka gaga ati ke sida.\\n36 Orang ke enda tetemuka aku, ngemediska diri empu. Semua orang ke begedika aku, rinduka pemati.”\\nPenemu-dalam Enggau Pemeli\\n1 Penemu-dalam udah ngaga rumah iya, lalu ngaga tujuh batang tiang ti besai dalam rumah nya.\\n2 Iya udah ngasuh orang munuh siku jelu kena ngintu pengerami makai besai, nyampurka rempah dalam wain, lalu ngatur pemakai ba mija.\\n3 Iya udah ngasuh bala orang gaji ti indu ngangau ari endur ti pemadu tinggi dalam nengeri nya:\\n4 “Tama meh kita ke nadai nemu utai!” Lalu ngagai sida ke beli, iya nyebut,\\n5 “Datai kitu, empa pemakai aku, lalu irup wain ti udah dichampur aku.\\n6 Lengkaka pemeli nuan, lalu idup. Titi jalai penemu.”\\n7 Enti nuan ngajar orang ke ngemesaika diri, nuan semina minta diri dipechat. Enti nuan nganu orang ke jai, nuan semina ngemediska diri.\\n8 Anang sekali-kali ngajar orang ke ngemesaika diri. Sida deka begedika nuan ketegal nya. Tang enti nuan ngajar orang ke bepenemu-dalam, sida deka masa nuan.\\n9 Enti nuan ngajar orang ke bepenemu-dalam, iya deka lebih agi bepenemu-dalam. Enti nuan ngajar orang ke lurus, penemu iya deka nambah.\\n10 Nangika TUHAN nya pun penemu-dalam. Enti nuan nemu Iya ti Kudus, nuan ulih meretika utai.\\n11 Penemu-dalam deka ngasuh nuan panjai umur.\\n12 Nuan empu deka untung enti nuan bepenemu-dalam, lalu enti nuan nulak iya, nuan deka merinsa.\\n13 Pemeli endang baka indu ke ragak, ke nadai nemu utai, sereta enda nemu malu.\\n14 Iya duduk ba mua pintu rumah iya, tauka ba penuduk ba endur ti pemadu tinggi dalam nengeri nya,\\n15 lalu ngangauka orang ke mansa, ke benung ngereja pengawa sida:\\n16 “Tama meh kita ke nadai nemu utai!” Ku iya ngangauka sida ke beli,\\n17 “Ai ti dichuri berasai manis agi. Roti ti dichuri berasai nyamai agi.”\\n18 Orang ke ditipu iya enda nemu diri mati lebuh sida tama ngagai rumah iya, lalu orang ke udah tama ngagai rumah nya, diatu diau dalam dunya pemati.\\nJaku-dalam Ti Disebut Solomon\\n1 Tu jaku-dalam ti disebut Solomon: Anak ti bepenemu-dalam ngelantangka apai iya. Tang anak ti beli ngenusahka indai iya.\\n2 Pengaya ti ulih nuan ngena chara ti jai, nadai mai penguntung ngagai nuan, tang ati ti betul ulih ngelepaska nuan ari pemati.\\n3 TUHAN enggai nejuka orang ke lurus lapar, tang Iya deka nagang orang ke jai bulih utai ti dikinginka sida.\\n4 Orang ke ngelusu deka diau seranta, tang orang ke bagas, deka nyadi kaya.\\n5 Anak ti pintar ngetau lebuh musin panas, tang anak ke tinduk lebuh maya ngetau, mai pemalu.\\n6 Orang ke lurus deka nerima berekat, tang mulut orang ke jai ngelalaika pemangah sida.\\n7 Orang ke lurus deka dikingatka nyadi berekat, tang nama orang ke jai enda dikingatka agi.\\n8 Orang ke mereti deka ngasika pesan, tang orang ke beli ke kutap-kutap ngapa, deka rusak.\\n9 Orang ke lurus ati, diau likun, tang orang ke enda betul ati deka ditemu.\\n10 Orang ke ngichekka mata, nyungkak pengachau nyadi, tang orang ke berani ngerara penyalah, mai pemaik.\\n11 Jaku orang ke lurus nyadika pun pengidup, tang jaku orang ke jai ngelalaika pemangah sida.\\n12 Ati ti begedi nyungkak pengachau nyadi, tang pengerindu ngelamun semua penyalah.\\n13 Penemu ti dalam ditemu ba mulut orang ke mereti, tang orang ke beli deka disipat.\\n14 Orang ke bepenemu-dalam nugungka penemu, tang orang ke beli, ke bejaku kutap-kutap mai pengerusak datai semak.\\n15 Pengaya nyaga orang ke kaya, tang penyeranta ngerusak orang ke miskin.\\n16 Upah orang ke lurus nya pengidup, tang upah orang ke jai nya dosa.\\n17 Orang ke mendingka ajar, nuju ngagai pengidup, tang orang ke enggai dirara, tesat.\\n18 Orang ke ngelalaika ati diri ti begedi, nya orang ke bula, lalu orang ke bejaku jai pasal orang bukai, nya orang ke beli.\\n19 Mayuh agi jaku disebut, mayuh agi penyalah, tang orang ke enda pejaku, nya orang ke pintar.\\n20 Jaku ti disebut orang ke lurus nya baka pirak ti tulin, tang runding orang ke jai, sigi nadai guna.\\n21 Jaku ti disebut orang ke lurus, mai penguntung ngagai mayuh orang, tang orang ke beli mati laban pemeli diri.\\n22 Berekat ti diberi TUHAN, ngasuh kaya, lalu TUHAN nadai nambahka ati ti tusah enggau pengaya nya.\\n23 Orang ke beli rindu ngereja penyalah, baka ke bemain, tang orang ke mereti lantang ati ke ulah ti manah.\\n24 Utai ti diketakutka orang ke beli, deka nuntung iya, tang utai ti dikinginka orang ke lurus, deka diberi ngagai iya.\\n25 Lebuh biaubalai mansa, orang ke jai nadai agi, tang orang ke lurus deka tan belama iya.\\n26 Baka asai chuka ti ba ngeli, enggau asap ba mata, baka nya mega orang ke ngelusu, ba orang ke ngasuh iya gawa.\\n27 Nangika TUHAN, ngasuh umur panjai, tang orang ke jai deka pandak umur.\\n28 Pengadang orang ke lurus, mai ngagai pengaga, tang utai ti diadang orang ke jai, deka puntan.\\n29 TUHAN nyadika kuta ke orang ke lurus, tang ngerusak orang ke ngereja penyai.\\n30 Orang ke lurus deka diau tegap, tang orang ke jai enda diau di menua tu.\\n31 Jaku orang ke lurus mai penemu-dalam, tang dilah ti nyebut utai ti jai, deka ditetak.\\n32 Orang ke lurus nemu utai ti patut disebut, tang orang ke jai nyebut utai ti jai.\\n1 TUHAN begedika orang ke ngena dachin ti enda betul, tang Iya lantang ati ke timbang ti betul.\\n2 Orang ke sumbung deka jampat dipechat. Enti nuan nemu ngemaruhka diri, nuan bepenemu-dalam.\\n3 Enti nuan orang ke menyana, nuan diiring ati ti betul. Orang ke enda tau dikarapka, dirusak ati sida ti enda betul.\\n4 Pengaya nadai pulai ke penguntung nuan lebuh nuan nyau deka mati, tang ati ti betul ulih ngelepaska nuan ari pemati.\\n5 Ati ti betul ngasuh orang ke menyana nyamai agi diau, tang orang ke jai deka ngasuh diri empu alah.\\n6 Pengelurus ngelepaska orang ke lurus ati, tang sida ke enda tau dikarapka, dipanjuk pengamu sida empu.\\n7 Lebuh orang ke jai mati, pengadang sida sama mati enggau sida. Pengadang ti dipanggaika ba pengaya, sigi nadai mai penguntung.\\n8 Orang ke lurus dilindung ari penusah, tang penusah nya deka ninggang orang ke jai.\\n9 Jaku orang ke enda nangika Allah Taala, tau ngerusak nuan, tang penemu-dalam ari orang ke lurus, ulih ngelepaska nuan.\\n10 Nengeri nyadi lantang lebuh orang ke lurus ati mujur ngereja pengawa, lalu orang manjung gaga ati lebuh orang ke jai mati.\\n11 Nengeri deka tampak nama lebuh orang ke lurus merekatka iya, tang jaku orang ke jai deka ngerusak nengeri nya.\\n12 Bejaku mechat orang nya pengawa ti beli. Enti nuan amat pintar, nuan enda bemunyi.\\n13 Orang ke chabul mulut enda tau dikarapka nyimpan resia, tang nuan tau ngarapka orang ke amat tau dikarapka.\\n14 Bansa deka alah enti iya nadai orang ngiring. Enti mayuh penyanding penemu, bansa deka diau likun.\\n15 Enti nuan besemaya deka mayar utang orang ke enda dikelala nuan, nuan deka ngesal ila. Manah agi nuan enda malut diri enggau pekara nya.\\n16 Indu ke nemu kasihka orang, patut dibasa, tang indu ke jai ulah, mai pemalu. Orang ke ngelusu enda tulihka duit, tang orang ke bagas deka nyadi kaya.\\n17 Nuan nyamai diau enti nuan nelap. Enti nuan jai enggau orang, nuan semina ngemediska diri empu.\\n18 Orang ke jai nadai bulih utai, tang enti nuan ngereja utai ti ngena, nuan tetap deka diberi upah.\\n19 Barang sapa keras deka ngereja utai ti ngena, deka idup, tang barang sapa majak ngereja utai ti salah, deka mati.\\n20 TUHAN begedika orang ke jai runding, tang rinduka orang ke ngereja utai ti ngena.\\n21 Orang ke jai tetap deka diukum, tang orang ke lurus enda diukum.\\n22 Ba indu ke enda nemu berunding, pemajik nya baka tinchin emas ti ba junggur babi.\\n23 Utai ti dikinginka orang ke menyana, seruran mai penguntung. Lebuh orang ke jai bulih utai ti dikinginka sida, semua orang pedis ati magang.\\n24 Orang siku meri enggau ati ti gerah mudah, tang iya nyadi lebih agi kaya. Siku ti bukai rangka, tang seruran suntuk.\\n25 Orang ke meri enggau ati ti gerah mudah, deka nyadi kaya-raja. Orang ke nulung orang bukai, deka bulih tulung ari orang.\\n26 Orang nyumpah orang ke besimpanka gandum nganti rega gandum niki, tang orang muji orang ke nyual gandum.\\n27 Enti juluk ati nuan manah, nuan deka dibasa orang, tang enti nuan ngiga pengachau, nuan deka bulih pengachau.\\n28 Orang ke manggaika diri ba pengaya, deka labuh baka daun lebuh musin ruruh, tang orang ke lurus deka galak baka daun lebuh musin panas.\\n29 Orang ke ngenusahka diri sebilik, deka abis semua utai.\\nOrang ke beli deka seruran nyadi kuli orang ke pintar.\\n30 Pengelurus deka meri pengidup, tang pemangah deka muai pengidup.\\n31 Orang ke menyana deka bulih upah di dunya tu. Nya alai kita patut nemu, orang ke jai sereta bedosa deka diukum.\\n1 Orang ke rinduka penemu, minta orang ngajar sida. Kitai beli enti kitai pedis ati diajar.\\n2 TUHAN gaga ati ke orang ke menyana, tang Iya ngukum orang ke bekira deka ngereja penyai.\\n3 Penyai nadai meri pengelikun, tang orang ke lurus deka bediri tegap.\\n4 Bini ke menyana deka ngasuh laki iya temegah sereta gaga, tang bini ke ngasuh laki iya malu nya baka penyakit riman ti makai tulang.\\n5 Orang ke lurus ati deka manah enggau nuan, tang orang ke jai semina deka nipu nuan.\\n6 Jaku orang ke jai, tau munuh, tang jaku orang ke lurus, deka ngelepaska orang ke diemba orang.\\n7 Orang ke jai deka alah, lalu nadai ninggalka purih, tang orang ke lurus deka seruran bisi peturun.\\n8 Enti nuan nemu berunding, nuan deka kena puji, tang enti nuan beli, orang deka mechat nuan.\\n9 Manah agi nyadi orang ke sengapa-dia, ngulihka pengidup ke diri empu, ari ke ngaga diri tinggi pangkat, tang nadai utai diempa.\\n10 Orang ke menyana nemu ngintu jelu tupi sida, tang orang ke jai, merinsaka jelu tupi sida.\\n11 Orang bumai ke bagas, mayuh utai diempa, tang kitai beli enti kitai masau jam ngereja pengawa ti enda menuku.\\n12 Orang ke jai semina deka ngiga utai ti jai ti deka dikereja sida, tang orang ke lurus deka bediri tegap.\\n13 Orang ke jai dipanjuk jaku sida empu, tang orang ke lurus ati ulih ngelepaska diri ari penusah.\\n14 Upah nuan bepanggai ba utai ti disebut nuan, enggau ba utai ti dikereja nuan. Nuan deka bulih utai ti patut diberi ngagai nuan.\\n15 Orang ke beli seruran ngumbai diri ngena, tang orang ke pintar, mendingka jaku lalau.\\n16 Lebuh orang ke beli ringat, iya lalu tekala nya mandangka pengeringat iya, tang orang ke pintar, nadai ibuhka diri dipechat.\\n17 Lebuh nuan madahka utai ti amat, nuan ngereja pengelurus, tang pemula nadai mai nuan ngagai pengelurus.\\n18 Leka jaku ti disebut enggau enda berunding, ngasuh ati balat telih baka pedang, tang jaku ti disebut enggau bejimat, ulih nyuman.\\n19 Pemula enda ulih tan lama, tang utai ti bendar deka meruan belama iya.\\n20 Orang ke bekira deka ngereja penyai, deka tekenyit ati ke penyai diri, tang orang ke bekereja ngulihka pemanah, deka bulih pengelantang.\\n21 Orang ke lurus enda kena tinggang penusah, tang orang ke jai nadai bulih utai bukai, tang semina penusah aja.\\n22 TUHAN begedika orang ke bula, tang Iya gaga ati ke orang ke ngamatka semaya diri.\\n23 Orang ke pintar nadai kerah-kerah madahka penemu diri, tang orang ke beli ngayanka diri enda nemu utai.\\n24 Enti nuan bebendar bekereja, nuan deka bulih kuasa, tang enti nuan ngelusu, nuan nyadi ulun.\\n25 Pengirau ati nuan ulih muai pengelantang, tang jaku ti siru deka ngelantangka ati nuan.\\n26 Orang ke lurus ulih ngiring pangan iya, tang jalai orang ke jai deka mai sida limpang.\\n27 Enti nuan ngelusu, nuan nadai tulihka utai, tang enti nuan bebendar gawa, nuan deka bulih pengaya.\\n28 Pengelurus nya jalai ti nuju ngagai pengidup, tang penyai nya jalai ti nuju ngagai pemati.\\n1 Anak mit ti pintar, nemu mending lebuh apai indai sida ngerara lalu ngajar sida, tang orang ke tinggi ati nadai kala ngaku diri salah.\\n2 Orang ke menyana, deka diupah ketegal utai ti disebut sida, tang orang ke penipu endang seruran ati deka mangah.\\n3 Bejimat nyebut utai, kena nyaga seput diri. Orang ke bejaku enggau enda berunding, ngerusak diri empu.\\n4 Baka ni pen pemalat orang ke ngelusu inginka utai, iya sigi enda tulihka utai nya, tang orang ke bagas deka bulih semua utai ti dikinginka iya.\\n5 Orang ke lurus ati, begedika pemula, tang jaku ti disebut orang ke jai, ngemaluka iya empu, lalu iya dipechat.\\n6 Pengelurus nyaga orang ke nadai penyalah, tang penyai ngasuh orang ke bedosa alah.\\n7 Sekeda orang pura-pura ngumbai diri kaya, tang nadai utai. Orang bukai pura-pura ngaga diri baka ke seranta, tang kaya.\\n8 Orang ke kaya enda tau enda ngena duit sida ngidupka nyawa diri, tang nadai orang ngemba orang ke seranta.\\n9 Orang ke lurus baka penampak ti manchar terang, tang orang ke jai baka api kelita ti kelap-kelap deka padam.\\n10 Ati ti tinggi semina mai ngagai penusah. Nuan amat pintar enti nuan nemu minta jaku lalau.\\n11 Enti nuan mudah bulih pengaya, jampat agi ga nuan deka ngelenyauka iya. Enti nuan mar ngulihka pengaya, mayuh agi ga pengaya deka ulih nuan.\\n12 Lebuh nuan nadai agi pengadang, ati nuan tusah, tang ati nuan gaga lebuh nuan bulih utai ti dikinginka nuan.\\n13 Enti nuan nulak jaku lalau ti manah, nuan minta penusah. Tang enti nuan nitihka jaku lalau nya, nuan likun.\\n14 Jaku ajar ari orang ke bepenemu-dalam, nya pun pengidup. Jaku ajar nya deka nulung nuan ngerarika diri lebuh nuan ditempuh utai ti tau nganu nyawa.\\n15 Orang ke pandai berunding deka bulih basa, tang orang ke enda tau dikarapka deka nuju terus ngagai pengerusak.\\n16 Orang ke nemu berunding endang selalu berunding dulu sebedau sida ngereja pengawa, tang orang ke beli ngayanka diri nadai nemu utai.\\n17 Seruan ti enda tau dikarapka, endang ngasuh penusah nyadi, tang orang ke tau dikarapka, mai pemaik.\\n18 Orang ke enggai diajar, deka diau seranta sereta dipechat, tang barang sapa mendingka jaku ajar, deka bulih basa.\\n19 Naka meh pemanah enti nuan bulih utai ti dikinginka nuan! Orang ke beli enggai ngelengkaka penyai.\\n20 Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida. Enti nuan bepangan enggau orang ke beli, nuan deka rusak.\\n21 Penusah endang nitihka orang ke bedosa ngagai semua endur, tang orang ke lurus deka diupah ngena utai ti manah.\\n22 Orang ke menyana deka ninggalka pengaya ke uchu-ambu sida, tang pengaya orang ke bedosa deka diempu orang ke lurus.\\n23 Tanah ti enda dipumai, tau mansutka mayuh pemakai ke orang ke seranta, tang orang ke enda lurus ati nagang tanah nya dipumai.\\n24 Enti nuan enda nyipat anak nuan, reti nya nuan enda rinduka sida. Enti nuan amat rinduka sida, nuan enda tau enda disiplin sida.\\n25 Orang ke lurus chukup utai diempa, tang orang ke jai endang seruran lapar.\\n1 Ruang bilik didirika ulih penemu-dalam sida ke indu, tang diruntuhka ulih pemeli.\\n2 Orang ke betul ati ngayanka diri nangika TUHAN, tang orang ke enda betul ati, ngeleseka TUHAN.\\n3 Orang ke beli sereta sumbung kelalu deka bejaku. Jaku orang ke bepenemu-dalam nyaga sida empu.\\n4 Enti nuan nadai sapi ti lelaki kena narit pengeradu tanah, bilik setor nuan puang, tang enti nuan ngena sapi ti lelaki ngeradu tanah, bilik setor nuan deka penuh laban gandum.\\n5 Saksi ti tau dikarapka, endang selalu madahka utai ti bendar, tang saksi ti enda tau dikarapka, nadai nyebut utai bukai, tang semina nyebut utai ti bula aja.\\n6 Orang ke ngenyumbungka diri, enda ulih nyadi orang ke bepenemu-dalam, tang orang ke nemu berunding, nyamai belajarka utai.\\n7 Anang bepangan enggau orang ke beli, laban sida nadai utai ti tau diajar sida ngagai nuan.\\n8 Nama kebuah orang ke pandai pintar? Laban iya nemu utai ti dikereja diri. Nama kebuah orang ke beli lap? Laban iya ngumbai diri nemu utai.\\n9 Orang ke beli nadai bedulika diri bedosa, tang orang ke menyana minta diri diampun.\\n10 Pengaga ati nuan endang enggi nuan empu. Dendam nuan endang enggi nuan empu. Nadai orang ulih bempu utai nya enggau nuan.\\n11 Rumah orang ke menyana deka mengkang bediri, tang rumah orang ke ngereja penyai dirusak.\\n12 Jalai ti dikumbai nuan jalai ti ngena, tau nuju ngagai pemati.\\n13 Ketawa tau ngelalaika ati ti tusah. Lebuh ati ti lantang nyau nadai agi, ati ti tusah deka seruran bisi.\\n14 Orang ke jai deka bulih utai ti setipak enggau penyai iya. Orang ke menyana deka diupah ketegal utai ti dikereja sida.\\n15 Orang ke beli deka arapka sebarang utai, tang orang ke pintar deka nyingkang enggau bejimat.\\n16 Orang ke mereti endang bejimat, ngambika sida enda kena laban penusah. Orang ke beli kelalu beguai-guai sereta enda berunding ngereja utai.\\n17 Orang ke lengkar ngereja utai ti beli. Orang ke bepenemu-dalam mengkang enda ringat.\\n18 Orang ke nadai nemu utai, bulih utai ti setipak enggau pemeli sida, tang orang ke pandai diupah enggau penemu.\\n19 Orang ke jai deka meremi ngagai orang ke lurus, lalu ngemaruhka diri minta kasih ari sida.\\n20 Nadai orang deka rinduka orang ke seranta. Indah orang ke berimbai pendiau enggau sida deh enda rinduka sida, tang orang ke kaya mayuh pangan.\\n21 Enti nuan deka lantang ati, nuan enda tau enda nelap enggau orang ke seranta. Nuan bedosa enti nuan ngeleseka orang.\\n22 Nuan deka dikarapka sereta dibasa orang, enti nuan ngereja utai ti manah. Enti nuan bekereja ngulihka penyai, nuan ngereja utai ti salah.\\n23 Enti nuan gawa, nuan deka bulih pengidup. Enti nuan duduk berandau ngapa, nuan deka idup seranta.\\n24 Orang ke bepenemu-dalam diupah ngena pengaya, tang orang ke beli deka dikelala ari pemeli sida.\\n25 Orang ke nyadika saksi ngidupka nyawa lebuh iya madahka utai ti bendar. Lebuh iya madahka utai ti bula, iya nyual orang.\\n26 Nangika TUHAN meri ati ti kempang enggau pengelikun ngagai orang enggau sida sebilik.\\n27 Kati nuan deka nyeliahka pemati? Ati ti nangika TUHAN nya pun pengidup.\\n28 Pemesai nama raja bepanggai ba pemayuh orang ke diperintah iya. Enti iya nadai orang diperintah, iya nadai guna.\\n29 Enti nuan enda jampat ringat, reti nya nuan orang ke bepenemu-dalam, tang enti nuan jampat ringat, nuan semina mandangka pemeli diri.\\n30 Ati ti lantang, ngasuh tubuh nuan bepengerai, tang ati ti kepapas baka penyakit riman.\\n31 Enti nuan nekanka pengidup orang ke seranta, nuan ngeleseka Allah Taala ti ngaga sida. Tang enti nuan nelap enggau orang ke seranta, reti nya nuan nyembah Allah Taala.\\n32 Orang ke jai ngasuh sida empu labuh ngena penyai ti dikereja sida, tang orang ke menyana dijaga ati sida ke rentang.\\n33 Penemu-dalam endang bisi dalam semua runding orang ke nemu berunding, tang orang ke beli nadai penemu-dalam.\\n34 Pengelurus ngemesaika nama bansa. Dosa mai pemalu ngagai bansa.\\n35 Raja gaga ati ke bala pemesai ti landik gawa, tang iya ngukum sida ke enda ngereja utai ti diasuh iya.\\n1 Saut ti nelap ngasuh orang badu agi ringat, tang jaku ti kasar ngasuh orang ringat.\\n2 Lebuh orang ke bepenemu-dalam bejaku, sida ngaga penemu manah didinga, tang orang ke beli mantaika penemu ti nadai reti.\\n3 TUHAN meda utai ti nyadi di semua endur. Iya nengkilaka kitai, nemuka kitai ngereja utai ti manah tauka ngereja utai ti jai.\\n4 Jaku ti siru mai pengidup, tang jaku ti jai ngelemika semengat.\\n5 Nuan beli enti nuan enggai mendingka ajar apai indai nuan, tang nuan bepenemu-dalam enti nuan nerima jaku rara enggau ajar ari sida.\\n6 Orang ke lurus nemu nyimpan pengaya sida, tang orang ke jai ngelenyauka pengaya sida lebuh maya suntuk.\\n7 Penemu disiburka orang ke bepenemu-dalam, ukai disiburka orang ke beli.\\n8 TUHAN gaga ati lebuh orang ke menyana besampi, tang Iya begedika piring ti dibai orang ke jai.\\n9 TUHAN begedika ulah orang ke jai, tang rinduka orang ke ngereja utai ti ngena.\\n10 Enti nuan ngereja penyalah, nuan deka balat diukum. Nuan deka mati, enti nuan enggai diajar.\\n11 Indah dunya pemati deh enda ulih nagang TUHAN nemu utai ti dalam iya. Nya alai, baka ni ku kitai ulih ngelalaika runding kitai ari Allah Taala?\\n12 Orang ke sumbung enggai ditunjukka orang penyalah. Sida nadai kala minta jaku lalau ari orang ke dalam agi penemu ari sida.\\n13 Lebuh orang lantang ati, sida tuchum, tang lebuh ati sida enda lantang, mua sida berupai tusah.\\n14 Orang ke mereti, begigaka penemu, tang mulut orang ke beli beridup ba pemeli.\\n15 Orang ke seranta endang seruran merinsa diau, tang orang ke lantang ati endang seruran nyamai diau.\\n16 Manah agi diau seranta lalu nangika TUHAN, ari ti nyadi kaya tang bisi penusah.\\n17 Manah agi makai sayur begulai enggau orang ke dikerinduka nuan, ari ke makai dagin ti pemadu nyamai tang ati seruran begedi.\\n18 Ati ti lengkar ngasuh bekelikuh, tang ati ti liat mai pemaik.\\n19 Enti nuan ngelusu, nuan deka tusah idup di semua endur, tang enti ati nuan betul, nuan nadai utai ngenusah.\\n20 Anak ti bepenemu-dalam ngelantangka apai. Tang orang ke beli nadai basa enggau indai diri.\\n21 Orang ke beli gaga ke pemeli, tang orang ke bepenemu-dalam deka ngereja utai ti ngena.\\n22 Enggau naka ulih giga semua jaku lalau, nya baru nuan deka mujur. Enti nuan nadai bulih jaku lalau, pengawa nuan deka puntan.\\n23 Naka meh pengaga tetemuka leka jaku ba maya ti ngena.\\n24 Orang ke bepenemu-dalam niti jalai ti nuju ke atas ngagai pengidup, ukai niti jalai ti nuju ke baruh ngagai pemati.\\n25 TUHAN deka ngerusak rumah orang ke sumbung, tang Iya deka nyaga reta tengkira indu ke balu.\\n26 TUHAN begedika runding ti jai, tang Iya rinduka jaku ti siru.\\n27 Enti nuan nguji ngulihka penguntung ngena jalai tipu, ruang bilik nuan empu deka rusak. Anang makai suap, nya baru umur nuan deka panjai agi.\\n28 Orang ke menyana berunding dulu sebedau sida nyaut. Orang ke jai jampat nyaut, tang saut sida mai penusah.\\n29 Lebuh orang ke menyana besampi, TUHAN mendingka sida, tang TUHAN enda mendingka orang ke jai.\\n30 Mua ti tuchum ngasuh nuan lantang ati, lalu berita ti manah ngasuh ati nuan berasai nyamai agi.\\n31 Enti nuan mending lebuh orang ngajar nuan, reti nya nuan bepenemu-dalam.\\n32 Enti nuan enggai diajar, nuan ngemediska diri empu. Enti nuan nerima jaku ti nunjukka penyalah nuan, nuan deka lebih agi bepenemu-dalam.\\n33 Bebasaka TUHAN nya pelajar ti manah. Nuan enda tau enda baruh ati, sebedau nuan bulih basa.\\n1 Mensia nyangka begagaka pelan, tang TUHAN ti meri pemutus penemu.\\n2 Nuan nyangka ngumbai semua utai ti dikereja nuan ngena magang, tang TUHAN Empu ke meresa juluk ati nuan.\\n3 Serahka utai ti dikereja nuanngagai TUHAN, nya baru pelan nuan deka mujur.\\n4 Semua utai ti udah digaga TUHAN endang bisi tuju magang, lalu tuju orang ke jai nya pengerusak.\\n5 TUHAN begedika semua orang ke sumbung. Iya enggai sekali-kali nejuka sida enda diukum.\\n6 Taluk sereta tetap ati, nya baru dosa nuan diampun. Ngasika TUHAN, nya baru nuan enda dituntung utai ti jai.\\n7 Lebuh nuan ngerinduka ati TUHAN, nuan ulih ngaga munsuh nuan nyadi pangan.\\n8 Manah agi bulih duit mimit ngena chara ti lurus, ari ke bulih mayuh duit ngena chara ti enda lurus.\\n9 Nuan nyangka ngaga pelan, tang TUHAN ti ngatur utai ti dikereja nuan.\\n10 Raja bejaku ngena kuasa ti diberi Allah Taala. Pemutus penemu iya endang seruran ngena.\\n11 TUHAN ngasuh nuan ngena dachin enggau takar ti betul, lalu anang ngelakar lebuh nuan bejual.\\n12 Raja enggai meda penyai, laban utai ti ngasuh perintah kering nya pengelurus.\\n13 Raja keran deka ningaka utai ti ngena, lalu deka rinduka orang ke nyebut utai ti ngena.\\n14 Orang ke bepenemu-dalam deka nguji ngelantangka ati raja. Enti raja ringat, orang bisi deka kena bunuh.\\n15 Pengasih raja nya baka mua hari ti mai ujan lebuh musin bungai: iya meri pengidup.\\n16 Manah agi bisi penemu-dalam enggau penemu, ari ke bisi emas enggau pirak.\\n17 Orang ke menyana, ngelaungka penyai. Nya alai bejimat - laban nya nyangka ulih ngidupka nyawa nuan.\\n18 Penyumbung nuju ngagai pengerusak, lalu ati ti tinggi ngasuh nuan rebah.\\n19 Manah agi ngembuan ati ti baruh lalu diau seranta, ari ti sumbung lalu enggau orang bekunsika perapasan.\\n20 Peratika utai ti diajar ngagai nuan, nya baru nuan deka mujur. Arapka TUHAN, nya baru nuan deka lantang.\\n21 Orang ke bepenemu-dalam sereta tuai runding, deka tampak nama laban iya nemu meretika utai. Manah agi jalai jaku iya, rindu agi ga orang nitihka iya.\\n22 Ba orang ke pintar, penemu-dalam nya pun pengidup, tang nuan semina masau jam ngapa ngajar orang ke beli.\\n23 Orang ke bepenemu-dalam, berunding dulu sebedau sida bejaku. Utai ti disebut sida dipendingka orang magang.\\n24 Jaku ti siru nya baka ai manyi - manis sereta manah ke pengerai nuan.\\n25 Jalai ti dikumbai nuan ngena, tau nuju ngagai pemati.\\n26 Perut ti lapar ngasuh orang bebendar agi gawa, laban iya keran deka bisi utai diempa.\\n27 Orang ke jai begigaka jalai ngemediska orang. Indah leka jaku ti disebut iya deh jai magang.\\n28 Orang ke jai bejakuka orang. Sida nyungkak pengachau nyadi lalu mechahka kaul entara pangan.\\n29 Orang ke mangah nipu pangan, lalu mai sida ngagai penusah.\\n30 Bejaga ari orang ke tuchum sereta ngichekka mata ngagai nuan; sida udah berundingka utai ti jai.\\n31 Upah orang ke lurus nya umur ti panjai; bulu pala ti buban nya makota ti bemulia.\\n32 Manah agi ngembuan ati ti liat, ari ke ngembuan kuasa, lalu manah agi enti nuan ulih merintah ati diri, ari nuan ti ngalahka nengeri.\\n33 Orang bechabut undi kena ngiga peneka Allah Taala, tang Allah Taala empu ke meri pemutus penemu.\\n1 Manah agi makai kerak roti tang bisi pemaik dalam ati, ari ke rami makai besai dalam rumah ti penuh laban pengachau.\\n2 Orang gaji ti pintar deka bekuasa atas anak tuan iya ti nadai guna, lalu nerima sebagi ari pesaka tuan iya.\\n3 Emas enggau pirak diuji ngena api, lalu ati orang diuji TUHAN.\\n4 Orang ke jai mendingka penemu ti jai, lalu orang ke bula mendingka pemula.\\n5 Enti nuan beduan orang ke seranta, nuan ngeleseka Allah Taala ti ngaga sida. Nuan deka diukum, enti nuan gaga meda orang kena laban penusah.\\n6 Aki temegahka uchu diri, baka anak ke temegahka apai indai sida.\\n7 Orang ke dibasa orang, enda nusui utai ti bula, lalu orang ke beli nadai nyebut utai ti menyana.\\n8 Sekeda orang ngumbai makai suap nya baka kereja ajih. Sida ngarapka diri ulih ngereja semua utai.\\n9 Enti nuan deka ngasuh orang rinduka nuan, ampun sida lebuh sida ngereja utai ti salah ngagai nuan. Enti nuan seruran ingatka penyalah sida, kaul entara kita deka rusak.\\n10 Orang ke pintar bulih agi pelajar ari jaku anu, ari orang ke beli, ke disipat seratus kali.\\n11 Pemati deka datai baka seruan ti jai, ngagai orang ke jai, ke semampai nyungkak pengachau nyadi.\\n12 Manah agi betemu enggau indu beruang ti udah lenyau anak, ari ke betemu enggau orang ke beli, ke ngiruh diri ngereja pengawa ti nadai reti.\\n13 Enti nuan malas pemanah ngena penyai, nuan enda ulih muai penyai ari rumah nuan.\\n14 Pun kelikuh nya baka tekat ai ti baru deka runtuh. Padamka kelikuh nya enggau jampat.\\n15 Ngukum orang ke nadai penyalah, tauka ngelepaska orang ke jai, nya pengawa ti sama dipegedika TUHAN.\\n16 Nadai guna orang ke beli bekenaka duit ngulihka pelajar, laban iya enda nemu berunding.\\n17 Pangan endang seruran ngayanka pengerindu sida. Nama guna bisi kaban belayan enti sida enda enggau natka penusah?\\n18 Semina orang ke enda nemu berunding aja ti deka besemaya betanggungjawapka utang orang bukai.\\n19 Reti rinduka dosa nya rindu ngaga pengachau. Enti nuan seruran temegah, reti nya nuan minta penusah.\\n20 Barang sapa berundingka utai ti jai, lalu bejakuka pasal penyai, nadai ulih ngarapka diri ulih tetemuka utai ti manah, tang semina penusah aja.\\n21 Apai indai ke bisi anak ti ngereja utai ti beli, nadai utai bukai tang semina ati ti tusah sereta sinu.\\n22 Ati ti selalu lantang ngasuh nuan bepengerai. Ati ti selalu tusah deka ngasuh nuan mupuk mati.\\n23 Hakim ti jai belalai makai suap, lalu atur ti lurus enda dipejalaika.\\n24 Tuju orang ke pintar nya ngulihka penemu-dalam, tang orang ke beli nadai meruan tuju.\\n25 Anak ke beli ngenusahka ati apai, sereta ngemaluka indai.\\n26 Kitai enda patut ngukum orang ke nadai penyalah, tauka orang ke ngereja utai ti ngena.\\n27 Orang ke mereti, enda seruran kutap-kutap. Orang ke enda bemunyi nya orang ke bepenemu-dalam.\\n28 Indah orang ke beli deh kadang-kadang dikumbai bepenemu-dalam sereta nemu berunding, enti sida enda bejaku.\\n1 Orang ke enda nemu begulai enggau orang bukai, semina berundingka diri empu aja. Sida enda besetuju enggau semua utai ti dikumbai orang bukai ngena.\\n2 Orang ke beli enda beduli sekalika iya mereti tauka enda. Iya semina keran deka ngayanka pemintar diri aja.\\n3 Dosa enggau pemalu endang begulai. Enti orang enda agi bebasaka nuan, sida ngeleseka nuan.\\n4 Jaku orang tau meri penemu, ti dalam baka tasik, sereta chiru baka ai sungai.\\n5 Kitai salah enti kitai ngeringka orang ke salah, lalu nagang orang ke nadai penyalah nerima atur ti lurus.\\n6 Lebuh orang ke beli ngepunka kelikuh, iya minta diri dipalu orang.\\n7 Lebuh orang ke beli mansutka jaku, iya ngerusak diri empu. Iya dipanjuk jaku diri empu.\\n8 Pengawa ti bejakuka orang asai ti nyamai. Naka meh pemalat ati kitai tetenguk deka nelan iya!\\n9 Orang ke ngelusu endang jai. Iya baka orang ke rindu ngerusak utai.\\n10 TUHAN baka menara ti tegap, endur alai orang ke lurus tau datai lalu diau enggau likun.\\n11 Tang orang ke kaya ngumbai pengaya sida ulih nyaga sida, baka dinding kuta ti tinggi sereta tegap, ti ngelingi nengeri.\\n12 Nadai orang tau bulih basa enti iya enda ngemaruhka diri. Orang ke sumbung endang bejalai ngagai pengerusak.\\n13 Mending dulu sebedau nuan nyaut. Enti nuan enda mending dulu, nuan beli sereta enda nemu bebasaka orang.\\n14 Pengeras nuan deka idup ulih ngasuh nuan tan lebuh nuan sakit, tang enti nuan ngelengkaka pengeras ati nuan nya, nuan nadai utai diadang agi.\\n15 Orang ke nemu berunding endang seruran gagit ati sereta sedia deka belajar.\\n16 Kati nuan deka betemu enggau orang ke tinggi pangkat? Bai pemeri, nya baru nuan nyamai betemu enggau iya.\\n17 Orang ke terubah mansutka jaku dalam kot endang munyi ti ngena belama, sebedau orang ke ngelaban iya belabuh nanya iya.\\n18 Enti dua iku orang ke sama bekuasa belaban dalam kot, seduai iya tau bechabut undi kena seduai iya mutuska pekara nya.\\n19 Tulung kaban belayan nuan, nya baru sida deka nyaga nuan baka dinding kuta nengeri ti tegap, tang enti nuan belaya enggau sida, sida deka nikupka pintu sida lalu enggai ngemendarka nuan tama.\\n20 Nuan deka betanggungjawapka utai ti deka nyadi ketegal semua jaku ti disebut nuan.\\n21 Utai ti disebut nuan tau ngidup tauka ngerusak nyawa.\\nNya alai nuan enda tau enda betanggungjawapka utai ti deka nyadi ba nuan ketegal jaku nuan empu.\\n22 Enti nuan bulih bini, nuan bulih utai ti manah. Nya ngayanka TUHAN manah enggau nuan.\\n23 Lebuh orang ke seranta bejaku, sida enda tau enda bejaku enggau penuh basa, tang lebuh orang ke kaya nyaut, sida bejaku sumbung.\\n24 Sekeda orang bepangan enda lama aja, tang sekeda pangan taluk agi ari menyadi diri.\\n1 Manah agi seranta tang ngembuan ati ti betul, ari ti beli sereta bula.\\n2 Semina ransing aja enda chukup enti kita nadai penemu. Enti kita enda liat ati, kita deka kena laban penusah.\\n3 Sekeda orang ngerusak diri empu ngereja pengawa ti beli, lalu udah nya besalah TUHAN.\\n4 Orang ke kaya endang selalu bulih pangan ti baru, tang orang ke seranta dilengkaka pangan sida empu.\\n5 Enti nuan nusui utai ti bula dalam kot, nuan deka diukum - nuan enda ulih nyeliahka ukum nya.\\n6 Semua orang nguji ngulihka ati orang ke tinggi pangkat. Semua orang deka bepangan enggau orang ke meri sida utai.\\n7 Indah kaban belayan orang ke seranta deh enda nemu begunaka iya. Nya alai patut ga iya nadai pangan. Bebendar ni pen iya ngiga pangan, nadai ga iya tetemuka orang ke deka nyadi pangan iya.\\n8 Kasihka diri empu lalu belajar enggau naka ulih. Udah nya kingatka utai ti dipelajarka nuan. Nya baru nuan deka nyadi kaya-raja.\\n9 Nadai orang ke bula dalam kot ulih nyeliahka ukum. Iya nadai penyadi agi.\\n10 Orang ke beli enda patut diau nyamai, lalu ulun enda patut merintah orang ke peturun raja.\\n11 Enti nuan orang ke mereti, nuan deka nagang diri lengkar. Lebuh orang ngereja utai ti salah ngagai nuan, nuan deka dipuji orang enti nuan enda bedulika penyalah nya.\\n12 Pengeringat raja sebaka enggau penginggar singa ti negung, tang pengasih iya baka ujan.\\n13 Anak ke beli ngerusak apai indai sida. Bini ke ituk sebaka munyi enggau ai ti enda ngetu nitik.\\n14 Orang tau bulih rumah enggau duit ari apai indai, tang semina TUHAN siku aja ke ulih meri bini ti mereti.\\n15 Awakka nuan majak ngelusu. Tinduk meh nuan, tang nuan deka lapar.\\n16 Titihka adat Allah Taala lalu nuan deka panjai agi umur. Enti nuan enda ngasika adat nya, nuan deka mati.\\n17 Lebuh nuan meri utai ngagai orang ke seranta, nuan baka ke nyali utai ngagai TUHAN, lalu TUHAN deka mayar nuan.\\n18 Disiplin anak nuan lebuh sida agi biak lalu udah nemu meretika utai. Enti nuan enda, nuan nulung sida ngerusak diri empu.\\n19 Enti orang lengkar, awakka iya betanggungjawapka utai ti nyadi ketegal pengelengkar iya empu. Enti nuan ngelepaska iya ari penusah iya sekali, nuan deka\\nngelepaska iya baru.\\n20 Pendingka jaku lalau, lalu terima jaku ajar, ngambika nuan bulih penemu-dalam kena nuan idup jemah ila.\\n21 Mensia nyangka bekiraka mayuh macham pelan, tang semina peneka TUHAN aja deka nyadi.\\n22 Kitai patut nemu malu ke pengamu diri. Orang ke seranta lantang agi diau ari orang ke bula.\\n23 Enti nuan nangika TUHAN, nuan deka panjai umur, idup puas ati sereta nadai kena laban utai ti tau ngemedis.\\n24 Sekeda orang kelalu ngelusu datai ke sida nyau enda tesuapka pemakai.\\n25 Penyumbung patut diukum, ngambika orang ke nadai nemu utai, ulih belajar ari nya. Enti nuan bepenemu-dalam, nuan deka mereti lebuh nuan diajar.\\n26 Semina orang ke enda nemu malu sereta enda nemu bebasa, deka merinsaka apai diri, tauka muru indai iya ari rumah.\\n27 Anak, lebuh nuan badu belajar, nuan deka jampat enda ingatka utai ti udah ditemu nuan.\\n28 Enti orang ke nyadika saksi keran deka ngemediska orang, atur ti lurus enda ulih dipejalaika. Orang ke jai endang rinduka penyai.\\n29 Orang ke sumbung sereta beli, tetap deka dipalu.\\n1 Enti nuan kelalu ngirup, nuan deka ragak sereta beli. Kitai beli enti kitai nejuka diri mabuk.\\n2 Takutka raja ke ringat nya baka ke takutka singa ti negung. Enti kitai nyungkak iya ringat, kitai semina munuh diri.\\n3 Orang ke beli nemu ngepunka kelikuh, tang utai ti manah dikereja nya ngejangka diri jauh ari kelikuh nya.\\n4 Orang bumai ke ngelusu lalu enda ngeradu tanah umai diri ba maya ti patut, nadai utai diketau.\\n5 Runding mensia baka ai ti ba telaga ti dalam, tang orang ke ngembuan runding ti dalam, ulih ngauk ai nya.\\n6 Semua orang bela madahka penaluk enggau penetap ati diri, tang uji giga orang ke endang amat taluk sereta tetap ati!\\n7 Bala anak amat diberekatka enti sida bisi apai ke lurus ati, sereta ngereja utai ti ngena.\\n8 Raja duduk ngakim, lalu iya ngelala penyai lebuh iya meda penyai.\\n9 Kati orang ulih ngumbai diri nadai udah ngereja penyalah, lalu ngumbai semua dosa iya udah dibuai magang?\\n10 TUHAN begedika orang ke ngena timbang enggau takar ti enda betul.\\n11 Indah anak mit deh nemu ngayanka pendiau diri ari utai ti dikereja sida. Kita nemu enti sida nya betul ati sereta manah.\\n12 TUHAN udah meri kitai mata kena meda, enggau pending kena mending.\\n13 Enti nuan selalu tinduk, nuan deka nyadi orang ke seranta. Enti nuan seruran bekereja, nya baru nuan deka mayuh utai diempa.\\n14 Orang ke meli utai endang selalu mutap madahka rega utai nya kelalu mar, tang udah nya iya mupuk lalu temegahka diri nemu betawar.\\n15 Enti nuan nemu utai ti dikejakuka nuan, nuan bisi utai ti lebih agi berega ari emas tauka batu ti berega.\\n16 Barang sapa besemaya deka betanggungjawapka utang orang kampar, patut nyerahka reta tengkira diri kena nyamin utang nya.\\n17 Utai ti ulih nuan ngena jalai tipu, tau ngasuh nuan gaga ati baka ke makai pemakai ti pemadu nyamai, tang lama laun utai nya deka baka asai pasir dalam nyawa nuan.\\n18 Giga jaku lalau ti manah, nya baru nuan deka mujur. Anang mansang beperang enti nuan apin ngaga pelan dulu.\\n19 Orang ke chabul mulut enda ulih nyimpan resia. Nya alai anang begulai enggau orang ke kelalu deka bejaku.\\n20 Enti nuan nyumpah apai indai nuan, seput nuan deka padam baka lampu ti padam dalam petang.\\n21 Makin mudah agi nuan bulih pengaya, makin kurang agi ga guna pengaya nya ba nuan.\\n22 Anang malas penyai ngena penyai. Panggaika pengarap nuan ba TUHAN, nya baru Iya deka nulung nuan.\\n23 TUHAN begedika orang ke ngena dachin enggau timbang ti enda betul.\\n24 TUHAN udah nentuka jalai ti deka ditengah kitai. Nya alai, kati ku orang ulih meretika tuju pengidup diri?\\n25 Berunding enggau manah sebedau nuan besamaya deka ngenjuk piring ngagai Allah Taala, enggai ke nuan ngesal ila.\\n26 Raja ti bepenemu-dalam deka nemu sapa ti ngereja penyalah, lalu iya deka ngukum orang nya enggau nadai pengasih.\\n27 TUHAN udah meri kitai runding enggau ati ti nemu ngelala utai ti manah enggau utai ti jai. Kitai enda ulih ngelalaika diri ari kitai empu.\\n28 Raja deka mengkang megai perintah seagi-agi iya merintah enggau ati ti betul, lurus sereta manah.\\n29 Kitai muji pengering sida ke agi biak, lalu kitai masa orang ke buban bulu pala.\\n30 Kadang-kadang kitai semina ngubah ulah diri lebuh kitai udah ngasaika pemedis.\\n1 TUHAN ngatur runding raja, ngemudah Iya ke ngatur arus sungai.\\n2 Nuan nyangka ngumbai semua utai ti dikereja nuan ngena magang, tang ingat: TUHAN meresa juluk ati nuan.\\n3 Kereja aja utai ti ngena sereta manah. Utai nya ngerinduka ati TUHAN, lebih agi ari piring ti dibai ngagai Iya.\\n4 Orang ke jai diperintah ati ti sumbung sereta tinggi. Nya dikumbai bedosa.\\n5 Bejimat lebuh nuan ngaga pelan, nya baru nuan deka bulih mayuh utai. Enti nuan kelalu beguai-guai ngereja utai, nuan nadai kala chukup utai.\\n6 Pengaya ti ulih nuan ngena jalai tipu, deka jampat lesap, tang semina lebuh iya udah mai nuan ngagai pemati.\\n7 Orang ke jai deka diukum ketegal pemangah sida, laban sida enggai ngereja utai ti ngena.\\n8 Orang ke ngereja penyalah endang bula magang, tang orang ke nadai penyalah, ngereja utai ti ngena.\\n9 Manah agi diau ba perabung rumah ari ti diau enggau bini ke ituk.\\n10 Orang ke jai endang seruran inginka penyai. Sida nadai nemu kasihka orang.\\n11 Lebuh orang ke sumbung diukum, orang ke enda nemu berunding bulih pelajar ari nya. Orang ke bepenemu-dalam deka bulih pelajar ari utai ti diajar ngagai iya.\\n12 Allah Taala ti Lurus, nemu utai ti nyadi dalam rumah orang ke jai, lalu Iya deka ngerusak orang ke jai nya.\\n13 Enti nuan enggai mendingka sabak orang ke seranta, sabak nuan empu ti minta tulung enda mega didingaka.\\n14 Enti orang ringat ngagai nuan, pemeri ti diberi nuan ngena jalai belalai deka ngasuh iya badu agi ringat.\\n15 Lebuh atur ti lurus udah dipejalaika, orang ke menyana deka gaga ati, tang orang ke jai deka tusah ati.\\n16 Pemati endang meruan nganti orang ke limpang ari runding ti manah.\\n17 Ngelantangka diri ngena pengaya, ngena wain, enggau pemakai ti manah, enda ngasuh nuan kaya.\\n18 Orang ke jai ngasuh diri ditinggang pemerinsa ti deka dikena sida merinsaka orang ke menyana.\\n19 Manah agi diau di menua puang ari ti diau begulai enggau bini ke ituk sereta selalu mutap.\\n20 Orang ke bepenemu-dalam diau kaya sereta nyamai, tang orang ke beli ngerua duit sida ngenyampat sida bulih duit nya.\\n21 Anang enda nelap sereta betul ati, nya baru nuan deka panjai umur. Orang bukai deka bebasaka nuan, lalu manah enggau nuan.\\n22 Orang ke pintar ulih ngalahka nengeri ti dijaga bala orang ke kering, lalu ngerusak kuta ti dikena sida ngetanka diri.\\n23 Enti nuan enggai ke diri kena laban penusah, nuan enda tau enda bejimat nyebut utai.\\n24 Tunjukka ngagai aku orang ke sumbung, lalu aku deka nunjuk ke nuan orang ke tinggi ati, ti sumbung, ti enda nemu berundingka orang bukai.\\n25 Orang ke ngelusu, ke enggai gawa, semina munuh diri empu.\\n26 Sida semina berundingka utai ti dikinginka sida. Tang orang ke lurus, ulih meri utai enggau ati ti gerah mudah.\\n27 TUHAN begedi lebuh orang ke jai meri Iya piring, lebih agi lebuh sida ngenjuk piring nya ngena juluk ati ti jai.\\n28 Saksi orang ke bula enda tau dikarapka, tang jaku orang ke berundingka pekara enggau silik, tau diterima.\\n29 Orang ke lurus andal ati ke diri empu, tang orang ke jai naka ulih pura-pura ngaga diri baka orang ke lurus.\\n30 Penemu-dalam, pemandai, penalam runding mensia enda ulih nulung nuan, enti TUHAN ngelaban nuan.\\n31 Nuan tau nyendiaka kuda kena beperang, tang TUHAN ti ngasuh nuan menang.\\n1 Pilih pemanah nama, ukai milih pengaya, lalu pilih pengasih, ukai milih pirak enggau emas.\\n2 Orang ke kaya enggau orang ke seranta endang sebaka: seduai iya sama digaga TUHAN.\\n3 Orang ke nemu berunding deka meda penusah datai, lalu belalai; tang orang ke enda berunding deka terus bejalai lalu tetempuhka penusah nya, lalu merinsa ketegal nya.\\n4 Upah orang ke baruh ati sereta nangika TUHAN nya pengaya, basa enggau umur ti panjai.\\n5 Enti nuan sayauka nyawa diri, seliahka panjuk ti tau nyintak orang ke jai ba jalai raya.\\n6 Ajar anak mit jalai idup, nya baru sida deka ingatka ajar nya seumur idup.\\n7 Orang ke seranta nyadi ulun orang ke kaya. Enti nuan nginjau duit, nuan nyadi ulun orang ke nyali nuan duit nya.\\n8 Enti orang nanam atur ti enda lurus, iya deka ngetau penusah, lalu iya deka badu agi nekanka pengidup orang bukai.\\n9 Orang ke gerah mudah magi pemakai sida enggau orang ke seranta, deka bulih berekat.\\n10 Buru orang ke sumbung, nya baru penyarut, laya, enggau bejai pangan diri nadai agi.\\n11 Enti nuan rinduka ati ti tuchi, enggau jaku ti siru, nuan deka nyadi pangan raja.\\n12 TUHAN deka nyaga penemu, tang Iya ngalahka jaku orang ke bula.\\n13 Orang ke ngelusu diau di rumah, laban kenu ku sida, singa deka munuh sida enti sida pansut ke luar.\\n14 Pengawa butang nya panjuk. Pengawa butang nyintak orang ke dikeringatka TUHAN.\\n15 Anak mit endang selalu ngereja utai ti beli, sereta enda berunding, tang enti sida disipat, nya baru sida nemu ngubah ulah diri.\\n16 Enti nuan meri pemeri ngagai orang ke kaya, tauka nekanka pengidup orang ke seranta kena nuan ngulihka pengaya, nuan empu deka suntuk.\\nTiga Puluh Bengkah Jaku Ajar\\n17 Pendingka aku, laban aku deka ngajar nuan utai ti udah disebut orang ke bepenemu-dalam. Peratika ajar sida,\\n18 nya baru nuan deka gaga ati lebuh nuan ingatka ajar nya, lalu ulih nyebut ajar nya baru ngagai orang bukai.\\n19 Aku ngasuh nuan manggaika pengarap nuan ba TUHAN. Nya kebuah aku ngajar utai nya ngagai nuan diatu.\\n20 Aku udah nuliska tiga puluh iti jaku ke nuan, ti ngundan penemu enggau jaku lalau ti manah,\\n21 ti deka ngajar nuan utai ti dikumbai pemendar. Udah nya lebuh nuan diasuh ngiga pemendar nya, nuan deka pulai baru mai saut ti ngena.\\n22 Anang ngambi ulih ba orang ke seranta, ketegal iya seranta, tauka ngambi ulih ba orang ke nadai daya dalam kot,\\n23 laban TUHAN deka bejaku ngarika sida, lalu deka ngambi nyawa orang ke nguji ngambi nyawa sida.\\n24 Anang bepangan enggau orang ke lengkar sereta mangah,\\n25 enggai ke nuan dirampit ulah sida, lalu disintak panjuk.\\n26 Anang besemaya deka betanggungjawapka utang orang bukai,\\n27 enggai ke nuan enda ulih mayar utang nya, lalu sida deka ngambi peninduk nuan.\\n28 Anang nginsitka entara tanah ti udah diletak aki ini nuan.\\n29 Kati nuan bisi meda orang ke landik gawa? Iya deka bekereja ke raja; iya enda bekereja ke orang ke sengapa-dia.\\n1 Lebuh nuan duduk makai enggau orang ke tinggi pangkat, peratika sapa orang nya.\\n2 Enti nuan bam makai, tagang diri.\\n3 Anang tetengukka pemakai ti dienahka iya ngagai nuan, nyangka iya nguji nipu nuan.\\n4 Anang ngelelakka diri ngiga pengaya, lalu patut nemu nagang diri.\\n5 Duit nuan tau abis dalam sekejap mata aja, baka ke bisi sayap, lalu terebai baka burung menaul.\\n6 Anang makai ba mija orang ke rangka, lalu anang tetengukka pemakai ti dienahka iya ngagai nuan.\\n7 Ku orang nya bejaku, “Anang nagang diri. Nyengkau baru.” Tang nya ukai jaku ti bendar.\\n8 Nuan deka mutahka semua utai ti udah diempa nuan, lalu semua jaku puji nuan deka tebasau ngapa.\\n9 Anang bejaku ngagai orang ke beli, laban iya deka semina ngeleseka penemu nuan.\\n10 Anang sekali-kali mindahka kelai entara tanah orang, tauka ngambi tanah orang ke nadai apai,\\n11 laban TUHAN ti bekuasa nyaga sida, lalu Iya deka bejaku ngarika sida ngelaban nuan.\\n12 Pendingka pengajar nuan, lalu pelajarka utai enggau naka ulih nuan.\\n13 Anang enda disiplin anak. Enti nuan nyipat iya, nya enda munuh iya.\\n14 Enti nuan nyipat iya, nya tau nyelamatka iya ari neraka.\\n15 Anak, enti nuan orang ke bepenemu-dalam, ati aku deka gaga amat.\\n16 Aku deka temegah ati lebuh aku ninga nuan mansutka penemu-dalam.\\n17 Anang ngining orang ke bedosa, tang awakka nuan seruran nangika TUHAN,\\n18 nya baru nuan deka diau lantang jemah ila, lalu utai ti diadang nuan, enda lenyau.\\n19 Pendingka jaku aku, anak. Anang enda bepenemu-dalam lalu berunding enggau manah ke jalai nuan idup.\\n20 Anang begulai enggau orang ke pengirup, ti bam,\\n21 laban orang ke pemabuk enggau orang ke bam deka nyadi seranta. Enti nuan semina makai tinduk, enda lama da agi nuan deka begari ngena gari ti charik.\\n22 Pendingka apai nuan ke meri nuan pengidup, lalu anang ngeleseka indai nuan lebuh iya nyau tuai.\\n23 Beli pemendar, penemu-dalam, jaku ajar, enggau ati ti mereti, lalu anang nyual sida.\\n24 Apai orang ke lurus deka gaga ati; orang ke bisi anak ti pintar, deka gaga ati ke iya.\\n25 Awakka apai enggau indai nuan gaga ati ke nuan; asuh ati indai nuan lantang.\\n26 Anak, peratika enggau manah pengidup aku ngambika iya nyadika teladan nuan.\\n27 Indu sundal enggau indu ke ngereja kereja ti kamah nya lubang kebung ti dalam sereta sempit.\\n28 Sida ngipa nuan baka perumpak, lalu ngasuh mayuh lelaki enda tetap ati ngagai bini sida.\\n29-30 Tunjukka ngagai aku orang ke pengirup, ti enda tau enda ensepi ai bisa, nya baru aku deka nunjuk ke nuan orang ke merinsa, ke tusah ati ke diri empu,\\nke selalu ngaga pengachau, lalu selalu mutap. Mata sida mirah, lalu tubuh sida malui. Utai tu patut udah diseliahka sida.\\n31 Anang nejuka wain nguji nuan, taja pen chura iya mirah-redam, lalu iya nyau beperenching dalam mangkuk, lalu nyamai diirup.\\n32 Pagi hari siti nuan asai ti udah dipantuk ular.\\n33 Mata nuan deka meda utai ti nyelai, lalu nuan enda ulih berunding tauka bejaku enggau terang.\\n34 Nuan deka asai ke ba tasik, asai ke betayun ngena tali layar.\\n35 Lalu ku nuan bejaku, “Nyangka aku udah dipalu orang. Aku tetap udah dipalu orang, tang aku enda ingat. Nama kebuah aku enda ulih dani? Aku deka ngirup baru.”\\n1 Anang ngining orang ke jai, lalu anang bepangan enggau sida,\\n2 laban sida semina berunding deka ngaga pengachau, lalu semua jaku sida ngenusahka orang.\\n3 Ulih penemu-dalam, rumah digaga, lalu ulih pemereti ati, rumah didirika.\\n4 Ulih penemu, bilik diisi enggau utai ti manah sereta berega.\\n5 Orang ke bepenemu-dalam bekuasa agi ari orang ke kering, lalu orang ke bisi penemu bekuasa agi ari orang ke bisi pengering;\\n6 laban ari iring penemu-dalam, kita ulih beperang, lalu ari iring bala penyanding penemu, kita deka menang.\\n7 Jaku-dalam enda ulih diperatika orang ke beli. Sida nadai utai disebut lebuh orang berandauka pekara ti besai.\\n8 Orang ke bekira deka ngereja penyai, deka dikumbai orang ke ngaga pengachau.\\n9 Utai ti diperundingka orang ke beli, endang dosa magang, lalu orang ke sumbung dipegedika orang.\\n10 Enti nuan lemi lebuh nuan dituntung penusah, reti nya nuan endang sigi amat lemi.\\n11 Anang kakang ati ngelepaska orang ke baru deka diukum bunuh, enti iya diakim ngena atur ti enda lurus.\\n12 Nuan nyangka ngumbai utai nya ukai pekara nuan, tang Allah Taala nemu sereta ngakim ati nuan. Iya nengkilaka nuan, nya alai Iya nemu, lalu Iya deka ngupah nuan nitihka utai ti dikereja nuan.\\n13 Anak, empa ai manyi, laban iya manah ke nuan. Ai manyi ti pansut ari idang manis ba dilah nuan.\\n14 Baka nya mega, penemu-dalam manah ke semengat nuan. Giga penemu-dalam, nya baru pengidup nuan deka lantang senang jemah ila.\\n15 Anang baka orang ke jai, ke bekira deka ngerumpak orang ke lurus ati, tauka ngerampas rumah sida.\\n16 Orang ke lurus ati nyangka rebah tujuh kali, lalu sida angkat baru; tang orang ke jai deka alah laban penusah.\\n17 Anang gaga ati lebuh munsuh kita rebah, lalu anang gaga ati lebuh sida tesangkut;\\n18 enggai ke TUHAN meda nya, lalu Iya enda lantang ati ke nya, lalu enda nyadi ngukum sida.\\n19 Anang irau ati ketegal orang ke jai, lalu anang ngining sida;\\n20 laban orang ke jai nadai penyadi, nadai utai diadang.\\n21 Anak, anang enda nangika TUHAN sereta bebasaka raja. Anang bekaul enggau orang ke angkat ngelaban sida,\\n22 laban orang ke baka nya deka dirusak enggau ngenyit, lalu nadai orang nemu gaya pengerusak ti deka datai ari TUHAN enggau ari raja.\\nJaku Lalau Ti Bukai\\n23 Tu jaku ari orang ke bepenemu-dalam:\\nAnang bepilih mata lebuh ngakim orang.\\n24 Enti sida ngumbai orang ke bepenyalah nya nadai udah ngereja utai ti salah, sida deka kena sumpah, sereta dipegedika semua orang.\\n25 Tang hakim ke ngukum orang ke salah, deka diau lantang sereta nerima berekat.\\n26 Saut ti betul nandaka orang nya endang amat pangan ti bendar.\\n27 Sediaka pengawa nuan di luar, sediaka umai nuan; udah nya baru nuan nirika rumah.\\n28 Anang besaksi ngelaban pangan diri enggau nadai kebuah, lalu anang nipu orang.\\n29 Anang nyebut, “Aku deka ngereja ngagai orang utai ti udah dikereja sida ngagai aku! Aku deka malas!”\\n30 Aku bejalai nengah umai orang ke ngelusu, lalu nengah kebun anggur orang ke beli.\\n31 Aku tepedaka umai enggau kebun nya penuh laban madang duri enggau babas. Dinding batu ti ngelingi umai enggau kebun nya udah runtuh.\\n32 Aku tepedaka utai nya, lalu berundingka iya; aku malik, lalu aku bulih pelajar ari nya.\\n33 Enti nuan tinduk bekerendut dada enda lama, lalu belelak,\\n34 penyeranta deka nyerang nuan baka perumpak ke besenyata.\\nJaku-dalam Ti Bukai Ari Solomon\\n1 Tu sekeda agi jaku-dalam ti disebut Solomon, ti ditulis bala pemesai raja Hesekiah di menua Judah.\\n2 Kitai ngemesaika Allah Taala ketegal utai ti dilalaika Iya. Kitai bebasaka raja ketegal utai ti diterangka sida.\\n3 Nuan nadai nemu utai ti diperundingka raja. Runding iya enda ulih diperagam kitai, baka peninggi langit tauka penalam tasik.\\n4 Buai utai ti kamah ari pirak, nya baru tukang pirak ulih ngaga utai ti manah ari nya.\\n5 Buai penyanding penemu raja ti jai, nya baru perintah iya deka bejalaika pengawa enggau lurus.\\n6 Lebuh nuan bediri di mua raja nuan patut ngemaruhka diri, lalu anang nguji ngaga diri baka orang ke tinggi pangkat.\\n7 Manah agi diasuh orang niki ngagai endur ti tinggi, ari ke diasuh orang angkat ari endur nya awakka endur nya diberi ngagai orang ke tinggi agi pangkat.\\n8 Anang kelalu jampat mai pekara ti dipeda nuan ngagai kot. Enti orang bukai nemu saksi nuan nya salah, nama utai ti deka dikereja nuan?\\n9 Enti nuan beserekang penemu enggau orang ke berimbai pendiau enggau nuan, atur pekara nya enggau iya, lalu anang madahka resia nya ngagai orang bukai,\\n10 enggai ke semua orang nemu nuan enda nemu nyimpan resia, lalu nuan deka malu seumur idup.\\n11 Penemu ti terang disebut sebaka enggau emas ti disangkumka enggau pirak.\\n12 Jaku tangkan ti diberi orang ke bisi peneleba ngagai orang ke deka mending, berega agi ari tinchin emas tauka ari utai ti berega ti digaga ari emas ti pemadu tulin.\\n13 Seruan ti tau dikarapka, ngerinduka ati orang ke ngasuh iya mai pesan, baka ai ti chelap lebuh hari angat lebuh maya ngetau.\\n14 Orang ke besemaya deka meri utai, tang enda, nya baka mua hari enggau ribut ti nadai ngasuh hari ujan.\\n15 Ati ti liat ulih nguingka ati penyakal ti pemadu kieh, lalu ulih nguingka ati bala orang ke merintah.\\n16 Anang sekali-kali makai ai manyi lebih ari ti patut, laban enti nuan makai kelalu mayuh, ai manyi nya tau ngasuh nuan mutah.\\n17 Anang kelalu suah nemuai ngagai orang ke berimbai pendiau enggau nuan, enggai ke sida leju meda nuan, lalu begedika nuan.\\n18 Jaku dawa ti bula nya baka pedang, baka pemalu, tauka baka laja ti tajam.\\n19 Ngarapka orang ke enda tau dikarapka lebuh maya penusah, nya baka orang ke nguji ngunyah utai ngena ngeli ti gerah, tauka bejalai ngena kaki ti enda ulih engkebut.\\n20 Enti nuan belagu di mua orang ke tusah ati nuan baka ke muka baju ari tubuh orang lebuh hari chelap, tauka baka ke nuang chuka ngagai telih iya.\\n21 Enti munsuh nuan lapar, beri sida makai. Enti sida aus, beri sida ai.\\n22 Nuan deka ngasuh sida malu, lalu TUHAN deka ngupah nuan.\\n23 Mulut ti chabul deka ngasuh orang ringat, baka ribut utara ti mai ujan.\\n24 Manah agi diau ba perabung rumah, ari ti diau dalam rumah begulai enggau bini ke ituk.\\n25 Nerima berita ari menua ti jauh nya baka ke ngirup ai chelap lebuh nuan rangkai aus.\\n26 Orang ke menyana, ti ngalahka diri lalu nurutka orang ke jai, nya baka mata ai ti kamah, tauka baka telaga ti udah diberi rachun.\\n27 Enti nuan makai kelalu mayuh ai manyi utai nya enda manah ke nuan, lalu baka nya mega enti nuan kelalu balat minta puji orang.\\n28 Enti nuan enda ulih nagang diri ringat, nuan nadai daya, baka nengeri ti nadai kuta, ti mudah diserang munsuh.\\n1 Jaku puji enggai nyadi disebut ba orang ke beli, baka seleju ti nadai kala labuh lebuh musin panas, tauka baka hari ujan lebuh maya ngetau.\\n2 Jaku sumpah enda ulih ngemediska nuan, enti nuan endang enda patut disumpah. Jaku sumpah nya baka burung ti mansa terebai lalu nadai kala inggap.\\n3 Nuan enda tau enda nyipat kuda. Nuan enda tau enda ngelekatka tali ba mulut keledai, lalu nuan enda tau enda malu orang ke beli.\\n4 Enti nuan nyaut tanya ti beli, nuan sama beli baka orang ke mantaika tanya nya.\\n5 Beri saut ti beli ngagai tanya ti beli. Nya baru orang ke mantaika tanya nya deka nemu diri enda pintar munyi ti disangka iya empu.\\n6 Enti nuan ngasuh orang ke beli mai pesan, manah agi nuan netak kaki nuan empu, laban nuan minta penusah.\\n7 Orang ke beli enda ulih ngena jaku ti dalam. Iya sebaka enggau orang ke kait-kupit ti enda ulih ngena kaki diri.\\n8 Muji orang ke beli sigi nadai reti, baka ke nanchangka batu ba pangwang.\\n9 Orang ke beli, ke besebutka jaku ti dalam reti, nya baka orang ke mabuk, ke nguji ngulihka duri ari jari diri.\\n10 Orang ke ngupah orang ke beli lalu ngasuh iya bekereja lebuh iya mansa, semina ngemediska semua orang.\\n11 Orang ke beli ti ngereja utai ti enda menuku kedua kali, nya baka ukui ti pulai ngagai mutah diri empu.\\n12 Orang ke pemadu beli nya manah agi ari orang ke ngumbai diri bepenemu-dalam, tang iya ti bendar iya ukai orang ke bepenemu-dalam.\\n13 Nama kebuah orang ke ngelusu enda pansut ari rumah? Nama utai ti tau ngerampit sida? Kati sida takutka singa?\\n14 Orang ke ngelusu singit ke kiba, singit ke kanan ba peninduk diri, baka pintu ti telenga tikup.\\n15 Sekeda orang kelalu ngelusu, datai ke sida nyau enda tesuapka pemakai ke diri empu.\\n16 Orang ke ngelusu deka ngumbai diri pintar agi ari tujuh iku orang ke nemu nerangka penemu diri.\\n17 Enti nuan bekelikuh enggau orang pasal pekara orang bukai, nuan baka orang ke bejalai nengah jalai raya lalu musil pending ukui.\\n18-19 Orang ke nipu orang bukai, lalu udah nya ngumbai diri semina betundi aja, nya baka orang ke gila ke bemain ngena senyata ti tajam.\\n20 Api padam enti nadai kayu. Enti orang nadai bejakuka pangan diri ari belakang, orang badu agi belaya.\\n21 Arang ngasuh bara api majak menyadi. Kayu ngasuh api majak menyadi, lalu orang ke ngaga pengachau ngasuh kelikuh nadai nemu abis.\\n22 Chabul mulut nyamai amat asai! Naka meh pengingin kitai nelan iya!\\n23 Jaku ti manis ti dikena nuan ngelalaika runding diri nya baka chat ti alus ti dikena ngechat periuk tanah ti murah.\\n24 Orang ke pura-pura ngapa, ngelalaika ati diri ti begedi ngena jaku ti manis.\\n25 Jaku iya munyi ti manah, tang anang arapka iya, laban ati iya penuh laban pemenchi.\\n26 Iya nyangka nguji ngelalaika ati diri ti begedi, tang semua orang deka meda utai ti jai ti dikereja iya.\\n27 Orang ke nan panjuk kena nyintak orang bukai, deka kena sintak panjuk diri empu. Orang ke ngasuh tanah tusur, deka ditinggang tanah nya.\\n28 Mulut ti bula begedika orang ke dikemulaka iya, lalu jaku ti manis semina mai pengerusak.\\n1 Anang temegah bejakuka pasal pagila, laban nuan enda nemu utai ti deka nyadi entara diatu enggau pagila.\\n2 Awakka orang bukai muji nuan. Orang kampar pen tau meh muji nuan. Anang sekali-kali muji diri.\\n3 Batu enggau pasir kurang agi berat enti dibandingka enggau penusah ti tau nyadi ketegal orang ke beli.\\n4 Pengeringat nya utai ti jai sereta ngerusak, tang iya enda ulih dibandingka enggau ati ti kepapas.\\n5 Manah agi ngerara orang enggau chara ti terang, ari ke nejuka iya ngumbai nuan enda ibuhka iya.\\n6 Pangan nganu enggau ati ti manah, taja pen nuan pedis dianu sida. Tang bejaga nuan lebuh munsuh engkauk nuan!\\n7 Lebuh nuan kenyang, nuan enggai nerima ai manyi, tang lebuh nuan lapar, indah pemakai ti pait deh asai ti manis.\\n8 Orang ke jauh ari menua diri nya baka burung ti ninggalka sarang.\\n9 Minyak wangi enggau minyak ti bebau rengut ngasuh ati nuan lantang agi, tang pengachau ngasuh ati nuan irau.\\n10 Anang enda ingatka pangan nuan, tauka pangan apai nuan. Enti nuan bisi penusah, anang minta tulung ari kaban belayan nuan. Orang ke berimbai pendiau enggau nuan ulih nulung nuan lebih agi ari kaban belayan nuan ti diau jauh ari nuan.\\n11 Nuan enda tau enda bepenemu-dalam, anak, nya baru aku deka lantang ati, lalu ulih nyaut semua orang ke nganu aku.\\n12 Orang ke mereti deka meda penusah datai, lalu nyeliahka penusah nya, tang orang ke enda berunding deka tetempuhka penusah nya, lalu ngesalka nya.\\n13 Barang sapa chukup beli lalu besemayaka betanggungjawapka utang orang bukai, patut nejuka reta tengkira sida ditan nyadika gadai.\\n14 Ngerak pangan diri enggau nyawa ti inggar lebuh pagi hari nya baka ke nyumpah iya.\\n15 Bini ke ituk nya munyi teritik ai ujan.\\n16 Baka ni ku nuan ulih nagang iya bejaku? Kati nuan bisi udah kala nagang ribut, tauka nguji ngenggam minyak?\\n17 Orang belajar ari pangan diri nya baka besi ti ngansah besi.\\n18 Enti nuan ngintu kayu ara, nya baru nuan bisi buah ara diempa. Orang gaji ke ngintu tuan sida, deka dibasa.\\n19 Baka nuan ke meda kelemayang mua diri ba ai, baka nya meh nuan meda diri empu dalam ati nuan.\\n20 Pengingin mensia nya baka dunya pemati, endang nadai sekat.\\n21 Pemanah emas enggau pirak diabas ngena api. Pemanah orang pen ulih mega diabas.\\n22 Taja pen nuan malu orang ke beli setengah mati, enda meh nuan ulih ngasuh sida badu agi beli.\\n23 Intu raban bedus enggau raban jelu sapi nuan enggau naka ulih nuan,\\n24 laban pengaya enda ulih tan belama iya. Indah bansa deh enda ulih tan belama iya.\\n25 Rumput ba umai enggau ba munggu ditebas lalu digumpul nyadika pemakai jelu tupi lalu rumput dia ditejuka tumbuh baru.\\n26 Nuan tau ngaga kain ari bulu bedus nuan empu, lalu meli tanah ngena duit ari rega kambin nuan.\\n27 Kambin ti bukai deka meri ai tusu ngagai nuan enggau ngagai kita sebilik, enggau ngagai bala orang gaji nuan ti indu.\\n1 Orang ke jai rari taja pen orang nadai begagaika sida, tang orang ke lurus ati, berani baka singa.\\n2 Lebuh siti bansa bedosa, orang ke merintah sida deka seruran betukar. Tang bansa deka nyadi kering sereta tan, lebuh bansa nya diperintah bala tuai ti landik berunding sereta mereti.\\n3 Orang ke megai kuasa, ke nekanka pengidup orang ke seranta nya baka ujan ti ngerusak utai ti ditanam.\\n4 Enti nuan enda bebasaka adat, nuan setanah enggau orang ke jai. Tang enti nuan ngasika adat, nuan ngelaban orang ke jai.\\n5 Orang ke jai enda meretika utai ti dikumbai atur ti lurus, tang orang ke nyembah TUHAN nemu reti atur nya.\\n6 Manah agi nyadi orang ke seranta sereta betul ati, ari ke nyadi orang ke kaya tang ngembuan ati ti enda betul.\\n7 Orang ke biak ke ngasika adat nya orang ke nemu berunding. Orang ke bepangan enggau orang ke nadai guna, ngemaluka apai indai sida.\\n8 Enti nuan kaya ari nuan ke bepintaka duit ba utai ti dijual nuan, lalu ngambi ulih ba orang, pengaya nuan deka pulai baru ngagai orang bukai ke nemu siru enggau orang ke seranta.\\n9 Enti nuan enda ngasika adat, Allah Taala deka ringat lalu enggai mendingka sampi nuan.\\n10 Enti nuan nipu orang ke lurus ati, lalu mai iya ngereja penyai, nuan deka kena sintak panjuk nuan empu, tang orang ke nadai penyalah deka diberi upah ti besai.\\n11 Orang ke kaya ngumbai diri bepenemu-dalam, tang orang ke seranta, ti mereti, deka nemu sapa orang nya ke bendar.\\n12 Lebuh orang ke lurus megai kuasa, semua orang lantang diau, tang lebuh orang ke jai merintah, orang belalai.\\n13 Nuan enda ulih mujur dalam pengidup nuan, enti nuan nguji ngelalaika dosa diri. Tang enti nuan ngaku dosa diri lalu badu agi bedosa, nya baru Allah Taala deka kasihka nuan.\\n14 Anang enda seruran ngasika TUHAN, nya baru nuan deka lantang diau, tang enti nuan kieh, nuan deka rusak.\\n15 Orang ke seranta nadai daya ngelaban raja ti jai, laban raja nya mangah baka singa ti negung, tauka baka beruang ti segau-segau.\\n16 Raja ti enda nemu berunding, jai enggau orang, tang raja ke begedika ati ti enda betul, deka lama merintah.\\n17 Orang ke munuh orang endang numbak kubur ke diri empu enggau naka penyampat. Anang nguji nagang iya.\\n18 Awakka ati nuan betul, nya baru nuan deka diau likun, tang enti ati nuan enda betul,nuan deka rebah enggau ngenyit.\\n19 Orang bumai ke bagas, deka mayuh utai diempa, tang orang ke masau jam, deka seruran seranta.\\n20 Orang ke lurus ati, deka idup lantang senang, tang enti nuan deka jampat kaya, nuan deka kena ukum.\\n21 Bepilih mata nya utai ti salah; tang sekeda hakim deka ngereja utai ti salah, kena sida makai suap ti pemadu mit.\\n22 Orang ke semina berundingka diri empu aja beguai-guai deka nyadi kaya datai ke sida nyau enda nemu diri deka ditinggang penyeranta.\\n23 Rara lalu ajar orang, lalu udah nya baru iya nemu begunaka jaku nya lebih agi ari jaku kelangkung.\\n24 Orang ke ngumbai diri enda salah ngenchuri utai ari apai indai diri, nya jai agi ari penchuri.\\n25 Semina berundingka diri empu aja deka nyungkak pengachau nyadi. Manah agi nuan manggaika pengarap nuan ba TUHAN.\\n26 Nuan beli enti nuan nitihka penemu diri, tang enti nuan nitihka ajar orang ke dalam agi penemu, nuan deka diau likun.\\n27 Beri utai ngagai orang ke seranta, nya baru nuan enda nemu suntuk, tang enti nuan nutup mata nuan ngagai orang ke seranta, mayuh orang deka nyumpah nuan.\\n28 Orang belalai lebuh orang ke jai angkat megai kuasa, tang lebuh sida dibuai ari kuasa, orang ke lurus deka merintah baru.\\n1 Enti nuan majak kieh genap kali orang ngajar nuan, jemah ila nuan deka rusak lalu enda ulih angkat agi.\\n2 Tunjukka siku pemerintah ke lurus, lalu aku deka nunjukka orang ke lantang diau. Tunjukka pemerintah ti jai, lalu aku deka nunjukka orang ke merinsa diau.\\n3 Enti nuan nemu begunaka penemu-dalam, apai indai nuan deka temegahka nuan. Nuan beli enti nuan masau duit ba indu sundal.\\n4 Lebuh raja keran deka ngeringka atur ti lurus, bansa deka kering, tang lebuh iya semina berundingka duit aja, iya deka ngerusak menua.\\n5 Enti nuan pura-pura ngapa bejaku manis enggau pangan nuan, nuan semina nan panjuk kena nuan nyintak diri empu.\\n6 Orang ke jai disintak dosa sida empu, tang orang ke lurus ati diau lantang senang sereta nadai utai ngawa.\\n7 Orang ke menyana nemu hak orang ke seranta, tang orang ke jai enda meretika utai nya.\\n8 Orang ke enda berundingka orang bukai, tau ngasuh nengeri kachau, tang orang ke bepenemu-dalam ulih nagang pengachau nyadi.\\n9 Lebuh orang ke pintar bechara ngelaban orang ke beli, orang ke beli nya semina ketawa aja, inggar sereta ngelese.\\n10 Orang ke selalu deka bebunuhka orang begedika orang ke lurus ati, tang orang ke lurus deka nyaga pengidup orang ke lurus ati.\\n11 Orang ke beli ngayanka pengeringat diri di mua orang mayuh, tang orang ke mereti, nemu liat ati lalu nagang diri ringat.\\n12 Enti raja mendingka berita ti bula, semua bala pemesai iya deka nyadi orang ke bula.\\n13 Orang ke seranta, enggau orang ke nekanka pengidup sida, sama diberi TUHAN mata.\\n14 Enti raja nyaga hak orang ke seranta, iya deka lama nyadi raja.\\n15 Sipat enggau jaku anumeri penemu-dalam. Indai deka malu laban anak, enti indai nejuka anak enda disipat, enda dirara.\\n16 Lebuh orang ke jai megai kuasa, pengawa ti jai deka betambah. Tang orang ke lurus deka meda orang ke jai rebah.\\n17 Disiplin anak kita, nya baru kita seruran tau temegahka sida. Sida nadai kebuah ngasuh kita malu.\\n18 Enti enda diiring Allah Taala, mensia deka charut, tang beberekat meh orang ke nitihka adat Allah Taala!\\n19 Nuan enda ulih ngerara orang gaji nuan semina ngena jaku aja. Sida nyangka meretika utai ti ku nuan, tang sida enggai mending.\\n20 Orang ke beli bisi agi pengadang ari orang ke bejaku enggau enda berunding.\\n21 Enti nuan meri semua utai ti dipinta ulun nuan kenyau ari sida agi mit, jemah ila sida deka ngerampas semua utai nuan.\\n22 Orang ke lengkar nyungkak orang balat belaya, sereta ngaga pengachau.\\n23 Ati ti sumbung deka ngasuh nuan rebah, tang enti nuan baruh ati, nuan deka dibasa orang.\\n24 Orang ke bekereja enggau penchuri, begedika diri empu. Iya deka diukum enti iya madahka utai ti bendar dalam kot, lalu enti iya enda, iya deka disumpah Allah Taala.\\n25 Enti nuan irauka jaku orang, nuan tusah diau, tang enti nuan manggaika pengarap nuan ba TUHAN, nuan deka likun.\\n26 Semua orang bela ingin minta diri nyadi pangan orang ke merintah, tang nuan semina tau bulih atur ti lurus ari TUHAN.\\n27 Orang ke lurus begedika orang ke jai, lalu orang ke jai begedika orang ke lurus.\\n1 Tu jaku Agur anak Jakeh: “Allah Taala nadai enggau aku, Allah Taala nadai enggau aku, lalu aku nadai daya agi.\\n2 Aku tu baka jelu, ukai baka mensia lalu aku enda nemu reti utai.\\n3 Aku nadai kala belajarka penemu-dalam, lalu aku nadai nemu pasal Allah Taala.\\n4 Kati orang bisi udah ulih meretika penemu ti datai ari serega? Kati orang bisi udah kala ngenggam ribut ngena jari sida? Tauka mungkus ai ngena kain? Tauka ngeletak pemesai dunya? Sapa orang nya, enti kita nemu? Sapa bala anak sida?\\n5 “Allah Taala ngamatka semua semaya ti digaga Iya. Iya baka terabai ke semua orang ke minta diri dijaga Iya.\\n6 Enti nuan ngumbai Iya bisi udah nyebut utai ti enda kala disebut Iya, Iya deka nganu nuan, lalu mandangka nuan nya orang ke bula.”\\nJaku-dalam Ti Bukai\\n7 Aku minta Nuan, Allah Taala, meri aku dua iti utai sebedau aku mati:\\n8 tagang aku bula, lalu awakka aku ukai kaya tauka seranta. Nya alai, beri ngagai aku pemakai umbas ke guna aku.\\n9 Enti aku diberi lebih ari nya, enggai ke aku ngumbai diri enda begunaka Nuan. Tang enti aku seranta, aku enggai ke diri ngenchuri, lalu ngemaluka Allah Taala\\n10 Anang sekali-kali mantah bala orang gaji di mua tuan sida. Nuan deka kena sumpah lalu merinsa ketegal nya.\\n11 Orang bisi nyumpah apai diri, lalu enda nemu gaga ati ke indai sida.\\n12 Orang bisi ngumbai diri tuchi, taja pen sida iya pemadu kamah.\\n13 Orang bisi ngumbai diri manah. Balat amat sida ngumbai diri manah!\\n14 Orang jai amat ngambi ulih ba orang ke seranta enggau ke suntuk. Nya endang jalai sida beridup.\\n15 Siku lintah bisi dua iku anak indu, lalu seduai iya sama benama “Beri aku!”\\nTu empat iti utai ti enda nemu puas:\\n16 dunya pemati, indu ke nadai anak, tanah rangkai ti begunaka ai ujan, enggau api ti enda ulih dipadamka.\\n17 Enti nuan beduan apai nuan, tauka enda bebasaka indai nuan lebuh iya nyau tuai umur, nuan patut diempa burung ti bepakaika bangkai, tauka leka mata nuan dipantuk burung kak.\\n18 Tu empat bengkah utai ti nyelai lalu enda ditemu aku reti:\\n19 Siku menaul ti terebai di langit, siku ular ti ngerayap ba atas batu, sebuah kapal ti belayar di tasik, enggau siku lelaki enggau siku indu ke rinduka pangan diri.\\n20 Baka tu ku gaya ulah bini ti enda tetap ati: iya butang, mandi, lalu bejaku, “Aku nadai udah ngereja penyalah!”\\n21 Tu empat bengkah utai ti enda ulih ditatka dunya:\\n22 ulun ti nyadi raja, orang ke beli ke bisi semua utai dipakai iya,\\n23 indu ke dipegedika, ke bulih laki, enggau orang gaji ti indu, ke ngambi laki indu ke ngaji iya gawa.\\n24 Tu empat bengkah jelu di dunya tu ti mit, tang pintar amat:\\n25 Semut: sida lemi, tang sida besimpanka pemakai lebuh musin panas.\\n26 Tikus tanah: sida tu pen enda mega kering, tang sida berumah ba sebelah batu.\\n27 Buntak: sida nadai raja, tang sida nemu mindah kia-kia begulai enggau pangan.\\n28 Tichak: nuan enda ulih nangkap sida ngena jari, tang nuan tau tetemuka sida dalam istana.\\n29 Tu empat bengkah utai ti manah gaya dipeda lebuh sida bejalai:\\n30 singa, jelu ti pemadu kering sereta enda nemu takut;\\n31 kambin enggau manuk sabung, enggau raja di mua bala nembiak iya.\\n32 Enti nuan udah beli ngeninggika diri, lalu udah bekira deka ngereja penyai, ngetu nuan dulu, lalu berunding!\\n33 Enti nuan nunyau ai tusu, nuan deka bulih tusu ti meku. Enti nuan malu idung orang, idung iya deka bedarah. Enti nuan nyungkak orang ringat, nuan deka\\nJaku Lalau Ti Diberi Ngagai Siku Raja\\n1 Tu jaku ti disebut indai Raja Lemuel ngagai iya:\\n2 “Nuan tu anak ke dikesayauka aku. Nuan tu meh saut ke sampi aku. Nama utai ti deka dipadahka aku ngagai nuan?\\n3 Anang ngabiska tulang beleman, lalu anang ngabiska duit nuan ba indu. Sida udah ngerusak bala raja.\\n4 Pendingka tu, Lemuel. Raja enda patut ngirup wain, tauka tetengukka ai ti bisa.\\n5 Lebuh sida ngirup, sida enda ingatka adat, lalu enda ibuhka hak orang ke suntuk.\\n6 Ai arak nya ungkup ke orang ke mati, ke orang ke merinsa diau.\\n7 Awakka sida ngirup, lalu enda agi ingatka penyeranta enggau ati ti enda lantang idup.\\n8 “Anang enda bejaku ngarika orang ke enda ulih ngarika diri empu. Jaga hak semua orang ke nadai daya.\\n9 Bejaku ngarika sida, lalu nyadi hakim ke lurus. Jaga hak orang ke seranta, enggau ke suntuk.”\\nBini Ke Landik Ngereja Pengawa\\n10 Naka meh pemar ngiga bini ke nemu ngereja utai! Iya berega agi ari semua batu ti berega!\\n11 Laki iya ngarapka iya, lalu laki iya enda sekali-kali seranta diau.\\n12 Seagi-agi iya idup, iya ngereja utai ti manah ke laki iya, lalu enda kala ngemediska iya.\\n13 Iya seruran bekereja begagaka kain ari bulu bedus enggau ari linin.\\n14 Iya mai pemakai ke rumah ari endur ti jauh, baka kapal ti dikena orang bedagang.\\n15 Iya angkat sebedau rerak tawas, nyendiaka pemakai ke sida sebilik, lalu madahka bagi pengawa ngagai sida indu ke orang gaji iya.\\n16 Iya meresa tanah, lalu meli tanah nya, lalu ngena duit ti ulih iya, iya numbuhka kebun anggur.\\n17 Iya indu ke bagas, kering sereta rajin.\\n18 Iya nemu rega semua utai ti digaga iya, lalu iya gawa jauh malam.\\n19 Iya ngaga ubung ke diri empu, lalu nenun kain ke diri empu.\\n20 Iya gerah ati meri utai ngagai orang ke seranta enggau orang ke suntuk.\\n21 Iya enda irau ati lebuh seleju nyadi, laban sida sebilik bisi gari kena ngintu tubuh diri angat.\\n22 Iya ngaga chadar tilam, lalu ngerasukka kain linin ti alus ti mirah-redam.\\n23 Laki iya endang dikelala orang, siku ari orang ke tinggi pangkat.\\n24 Iya ngaga gari enggau belulang, lalu nyual utai nya ngagai orang ke bedagang.\\n25 Iya regas, sereta dibasa orang, lalu iya enda takutka utai ti nyadi jemah ila.\\n26 Iya bejimat sereta pintar mansutka jaku.\\n27 Iya endang enda jenuh lalu seruran meratika utai ti dipeguna sida sebilik.\\n28 Bala anak iya beterima kasihka utai ti dikereja iya, lalu laki iya muji iya.\\n29 Ku laki iya, “Bini ti manah amat mayuh, tang nuan tu bini ke pemadu manah.”\\n30 Pemajik tau nipu, lalu pemanah gamal tau lenyau, tang indu ke nangika TUHAN patut dipuji.\\n31 Puji meh iya ketegal semua utai ti dikereja iya. Iya endang patut dibasa semua orang.","num_words":15418,"character_repetition_ratio":0.088,"word_repetition_ratio":0.001,"special_characters_ratio":0.217,"stopwords_ratio":0.383,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tim Kuching FA kuarantin 14 hari – Suara Sarawak – Bukan Sekadar Akhbar\\nYou are here:Home-RUAI-Tim Kuching FA kuarantin 14 hari\\nKUCHING: Tim main bol Kuching FA nyengkaum pemesai enggau pematih diasuh enda tau enda kuarantin pengelama 14 hari ba rumah diri pengudah siku ari pemain sida dituku positif Covid-19 ensana (Hari Lima).\\nKenu ku Pemantu Pematih Mohd Sharizan Sahari, semua sida dipinta beperesa swab Covid-19 ba Klinik Pengerai Petra Jaya kemari.\\nUngkup peresa swab sida sebilik agi bedau tang bisi pemain bukai ke positif penyakit nya.\\n“Diatu, kitai semina bejalaika peresa swab Covid-19 ungkup sida ke bisi kaul semak enggau pemain pemain nya,” ku iya madah ngagai Suara Sarawak kemari.\\nTandu iya, kitai ngarapka semua pemain, pematih enggau pemesai enda kena rampit penyakit nya.\\nKu iya mega, pemutus peresa swab Covid-19 deka ditemu dalam timpuh tiga ngagai empat hari deka datai lalu tim nya mega deka bejalaika peresa kali kedua kena 5 Ogos tu.\\nDalam penerang rasmi ba media rama Kuching FA ensana, tim nya ngenukuka siku pemain sida ke mega staf Sepital Kota Sentosa positif Covid-19 lalu dikategori kluster Sentosa.\\nTim nya mega udah ngaga atur lengkas ngetuka dulu semua latih lalu nitih atur ke udah ditetap piak bekuasa ungkup pengelikun bala pemain enggau mensia mayuh.\\nKelimpah nya, tim mega madha sida ngemeratka pengawa nitihka Atur Pengawa Standard (SOP) ke udah diletak piak perintah enggau Liga Main Bol Malaysia (MFL) bekaul enggau latih ninting hari tim.\\nTim tu mega bejalaika latih ba padang main bol kenyau sebulan ke udah dikena nyikap diri napi Liga Premier 2020 ke deka disambung baru berengkah 26 Ogos tu.\\nBy suaraswk|2020-07-26T14:05:03+08:00July 26th, 2020|Categories: RUAI|0 Comments\\nARKIB Select Month December 2020 (41) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":279,"character_repetition_ratio":0.062,"word_repetition_ratio":0.007,"special_characters_ratio":0.302,"stopwords_ratio":0.183,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Semua rayat Sarawak ti pulai ari menua luar, dikuarantin 14 hari ba rumah -->\\nPun Laman › Berita › COVID19 › Kuarantin › Kuching › MCO › PKP › Sarawak › Ukum › Undang-Undang\\nSemua rayat Sarawak ti pulai ari menua luar, dikuarantin 14 hari ba rumah\\nILLUSTRASYEN PICHA: Mensia mayuh ngena Pemampul Idung enggau Mulut (mask) enggau mai kantung gari ba dalam airpot. 📷 #Bernama\\nKUCHING: Berengkah pagila (20 April 2020), semua rayat Sarawak ti pulai ari Semenanjung, Sabah enggau Labuan deka dikuarantin pengelama 14 hari ba rumah.\\nSapit Kepala Menteri, Datuk Amar Douglas Uggah, madah taja pan dikuarantin di rumah tang deka dijaga tauka dikemataka Opis Menteri Pengerai Malaysia (KKM).\\nKu Uggah, ti nyadi Chairman Komiti Mutarka Penusah Ngenyit Nengeri Sarawak (JPBNS), ngagai sida ke nadai rumah ba endur ke sangkai (Kuching, Sibu, Bintulu enggau Miri), sida deka diasuh diau ba Palan Kuarantin ke udah bisi disediaka perintah Sarawak.\\n“Atur tu dipejalai enggau diteritka berengkah pagila (20 April 2020), semua rayat Sarawak ti pulai ari Semenanjung, Sabah enggau Labuan deka dikuarantin pengelama 14 hari ba rumah.\\n“Sebedau tu sida pulai ari menua luar Sarawak dikuarantin ba hotel.\\n“Pengudah berandau enggau pakar tadi, kitai ngemutuska sida nya dikuarantin ba rumah enggau dijaga tauka dikemataka KKM.\\n“Ambika chunto enti iya datai tauka pulai ari Kuala Lumpur ngagai Kuching tang asal ari Sri Aman enti nadai rumah di Kuching, iya deka dikuarantin ba Palan Kuarantin di Kuching ditu. Kitai enda ngemendarka pulai ke Sri Aman laban nya deka mayuh begulai enggau komuniti,” ku iya ti madah entara pekara diputuska JPBNS ba aum kemari.\\nUggah mansutka jaku tauka pekara nya ba Aum Pengarang Berita COVID-19 Sarawak ti diatur ba Wisma Bapa Malaysia ditu.\\nNambahka nya, iya mega madahka semua rayat Sarawak ti pulai ari menua luar enggau udah chukup timpuh kuarantin pengelama 14 hari di Semenanjung, sida deka diberi notis diau di rumah (Stay Home Notice) pengelama 14 hari.\\nLalu semua pejalai entara pelilih menua dalam Sarawak ti nengah darat, langit enggau sungai patut bisi permit ari polis ti nyadi dokumen sukung sebedau sida meli tikit bilun, bas, bot tauka pengangkut bukai, ku iya.\\n“Lalau tu ngagai sida ke deka bejalai tauka mindah ambika chunto ari Kuching ke Sibu, sebedau meli tikit minta permit dulu, nuan meli tikit semina enti udah bulih permit.\\n“Kitai chukup terit bekaul enggau pemindah ari kandang endur mirah ngagai kandang endur gadung, laban kitai enggaika chura nya betukar,” ku iya.\\n#Berita #COVID19 #Kuarantin #Kuching #MCO #PKP #Sarawak #Ukum #Undang-Undang","num_words":376,"character_repetition_ratio":0.09,"word_repetition_ratio":0.054,"special_characters_ratio":0.204,"stopwords_ratio":0.242,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 3 BK - Nyadi sekali, lebuh Moses benung ngibun - Bible Search\\nPemansut 2 Pemansut 4\\n1Nyadi sekali, lebuh Moses benung ngibun bedus enggau kambin mentua iya Jetro, ti nyadi imam orang Midian, iya nguluka raban jelu nya bejalai meraka menua puang, lalu datai di Sinai, iya nya bukit ti kudus. 2 Dia siku melikat TUHAN pegari di mua iya, baka api ti pansut ari babas. Moses meda babas nya mau laban api, tang babas nya enda angus. 3“Nyelai amat utai nya,” ku iya bepikir. “Nama kebuah babas nya enda angus? Uji aku meda semak agi.”\\n4Lebuh TUHAN meda Moses mansang semak agi, Iya lalu ngangauka Moses ari dalam babas nya, ku Iya, “Moses! Moses!”\\n“Tu aku,” ku Moses nyaut.\\n5Ku Allah Taala bejaku, “Anang datai semak. Buka selipar nuan, laban nuan bediri ba tanah ti kudus. 6Aku tu Allah Taala aki ini nuan, Allah Taala ke disembah Abraham, Isak, enggau Jakop.” Nya alai Moses lalu mampul mua diri, laban iya takut merening ngagai Allah Taala.\\n7Ku TUHAN bejaku, “Aku udah meda pemedis bala nembiak Aku diperinsaka orang di menua Ejip. Aku udah ninga sida ngangau minta diri dilepaska ari mandur ke ngemataka sida. Aku nemu pemalat sida kena perinsa, 8nya alai Aku nurun laban Aku deka ngelepaska sida ari jari orang Ejip, lalu mai sida pansut ari menua Ejip ngagai menua ti luas, menua ti kaya sereta ami ti diuan orang Kanaan, orang Iti, orang Amor, orang Peris, orang Ibi, enggau orang Jebus. 9Aku udah ninga sabak bala nembiak Aku, lalu Aku meda chara orang Ejip nekanka pengidup sida. 10Diatu Aku ngirumka nuan ngagai raja menua Ejip, ngambika nuan mai nembiak Aku pansut ari menua Ejip.”\\n11Tang ku Moses bejaku enggau Allah Taala, “Sapa aku tu? Baka ni ku aku ulih betemu enggau raja? Lalu baka ni ku aku ulih mai orang Israel pansut ari menua Ejip?”\\n12Ku Allah Taala nyaut, “Aku deka meruan enggau nuan, lalu lebuh nuan mai orang Israel pansut ari menua Ejip, kita deka nyembah Aku ba bukit tu. Tu nyadika tanda Aku udah ngirumka nuan.”\\n13 Tang ku Moses nyaut, “Lebuh aku betemu enggau orang Israel, lalu nyebut ngagai sida, ‘Allah Taala aki ini kita udah ngasuh aku betemu enggau kita,’ sida deka nanya ngagai aku, ‘Sapa nama Iya?’ Nama utai ti patut dipadahka aku ngagai sida?”\\n14 Ku Allah Taala nyaut Moses, “AKU TU MEH AKU. Nuan enda tau enda madahka ngagai orang Israel: ‘Iya ke dikumbai AKU TU MEH AKU udah ngirumka aku ngagai kita.’ 15Padahka ngagai orang Israel, Aku TUHAN Allah Taala aki ini sida, Allah Taala ke disembah Abraham, Isak enggau Jakop, udah ngirumka nuan ngagai sida. Tu nama Aku, lalu nama tu deka meruan belama iya. Tu meh nama ti deka dikena semua turun-menurun ngangauka Aku jemah ila. 16Mupuk meh nuan, lalu gempuruka bala tuai orang Israel, lalu padahka ngagai sida, Aku TUHAN Allah Taala aki ini sida, Allah Taala ke disembah Abraham, Isak enggau Jakop, udah pegari di mua nuan. Padahka ngagai sida, Aku udah datai ngagai sida, lalu udah meda utai ti benung dikereja orang Ejip ngagai sida. 17Aku udah mutuska runding deka mai sida pansut ari menua Ejip, alai sida ke balat kena perinsa, lalu Aku deka mai sida ngagai menua ti kaya sereta ami, menua ti diuan orang Kanaan, orang Iti, orang Amor, orang Peris, orang Ibi enggau orang Jebus.\\n18“Sida deka mendingka utai ti disebut nuan. Udah nya, nuan enda tau enda mansang enggau bala tuai orang Israel, ngagai raja menua Ejip, lalu nyebut ngagai iya, ‘TUHAN Allah Taala orang Hebrew, udah betemu enggau kami. Nya alai awakka kami bejalai ngagai menua puang dalam pejalai kira tiga hari lalu ngenjuk piring ngagai TUHAN Allah Taala kami.’ 19Aku nemu, raja menua Ejip sigi enggai ngelepaska kita, enti iya enda dipejal. 20Tang Aku deka ngena kuasa Aku, lalu deka ngukum menua Ejip, ngena utai ti balat ngenakut. Udah nya baru iya deka ngelepaska kita.\\n21 “Aku deka mejalka orang Ejip bebasaka nembiak Aku, ngambika, lebuh sida angkat ari menua nya, sida enda mupuk puang. 22Genap iku indu orang Israel deka mansang ngagai orang Ejip ke berimbai pendiau enggau sida, enggau ngagai indu orang Ejip ke serumah enggau sida, lalu deka minta gari, perengka emas enggau perengka pirak. Orang Israel deka ngerasukka utai nya ba anak lelaki enggau anak indu sida, lalu nabanka pengaya orang Ejip.”","num_words":703,"character_repetition_ratio":0.08,"word_repetition_ratio":0.035,"special_characters_ratio":0.217,"stopwords_ratio":0.403,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 6 BK - TUHAN meri adat tu ngagai Moses. - Bible Search\\nAdat Lewi 5 Adat Lewi 7\\nAdat Lewi 6\\n1 TUHAN meri adat tu ngagai Moses. 2Piring enda tau enda diberi enti orang bedosa ngelaban TUHAN, ketegal iya ke enggai mulaika gadai ti ditinggalka siku orang Israel ba iya, tauka iya ngenchuri utai ari orang nya, tauka iya nipu orang nya 3tauka iya bulaka pasal utai ti udah lenyau, lalu iya besumpah madahka diri nadai tetemuka utai nya. 4-5Lebuh orang bedosa ba sebarang utai tu, iya enda tau enda mayar utai ti udah ulih iya ngena chara ti enda manah. Lebuh iya ditemu salah, iya enda tau enda mulaika semua utai nya ngagai orang ke bempu utai nya, ditambahka enggau dua puluh peratus. 6Iya enda tau enda mai ngagai imam, siku jelu bedus ti lelaki tauka kambin ti lelaki, ti nadai penimpang, nyadika piring kena mayar ukum penyalah ngagai TUHAN. 7Imam deka ngenjuk piring nya kena muai penyalah orang nya, ngambika iya diampun.\\nPiring Ti Ditunu Segala\\n8TUHAN ngasuh Moses 9meri ngagai Aron enggau ngagai bala anak lelaki iya adat kena ngenjuk piring tunu. Piring ti ditunu nya enda tau enda ditinggalka semalam-malam nya ba alta, lalu api nya enda tau enda seruran menyadi. 10Udah nya imam nya deka ngerasukka baju panjai linin enggau tanchut pandak linin iya, lalu ngulihka amau ti belemak ti tinggal ba alta, lalu ngengkahka amau nya ba tisi alta. 11Udah nya iya deka nukar pekayan iya, lalu mai amau nya ke luar ari kem, ngagai endur ti tuchi. 12Api ti ba alta nya enda tau enda seruran menyadi, lalu enda tau sekali-kali ditejuka padam. Tiap pagi, imam nya deka ngengkahka kayu ba api nya, nusun piring tunu ba api nya, lalu nunu lemak nya retung nyadika piring pemaik. 13Api nya enda tau enda seruran menyadi ba alta nya, lalu enda tau sekali-kali ditejuka padam.\\n14Tu adat pasal ngenjuk piring gandum. Siku imam ari bala anak lelaki Aron deka ngenjuk piring gandum ngagai TUHAN, di mua alta nya. 15Udah nya, iya deka ngambi segenggam ari tepung enggau minyak nya, enggau menyan ti ba atas utai nya, lalu nunu utai nya retung ba alta, nyadika tanda semua utai nya udah diberi ngagai TUHAN. Bau piring nya deka ngerinduka ati TUHAN. 16-17Teda gandum nya deka diempa bala imam. Gandum nya deka digaga nyadi roti ti enda beragi, dipanggang lalu diempa ba endur ti tuchi, iya nya ba tengah laman Langkau Kain TUHAN. TUHAN udah meri gandum nya ngagai bala imam nyadika ungkup sida ari piring ti diberi ngena api. Piring nya amat kudus, baka piring ti dikena muai dosa, enggau piring ti dikena mayar ukum penyalah. 18Semua lelaki ke ari peturun Aron tau makai utai nya, datai ke belama iya, laban utai nya endang ungkup sida ari piring ti diberi ngena api ngagai TUHAN. Barang sapa negu utai nya deka nyadi kudus.\\n19TUHAN meri adat tu ngagai Moses 20kena nyiri anak lelaki Aron nyadi imam. Ba hari iya dichiri, iya deka meri sekilogram tepung (sebaka penyampau enggau piring ti diberi tiap hari) nyadika piring ti diberi ngagai TUHAN, setengah diberi pagi, lalu setengah diberi lemai. 21Piring nya enda tau enda ditunyau enggau minyak, lalu dipanggang ba lantai besi, lalu udah nya diperah, lalu diserahka nyadika piring gandum, ti bebau rengut ke TUHAN. 22Piring tu enda tau enda digaga genap serak peturun Aron ke bekereja nyadi Imam Besai datai ke belama iya. Utai tu enda tau enda abis ditunu retung nyadika piring ti diberi ngagai TUHAN. 23Nadai utai ari piring gandum ti digaga imam nya tau diempa. Semua piring nya enda tau enda abis ditunu retung.\\n24TUHAN ngasuh Moses 25meri ngagai Aron enggau ngagai bala anak lelaki iya adat kena ngenjuk piring ti dikena muai dosa. Jelu ti nyadika piring pengampun dosa deka disayat ba tisi utara alta, ba endur alai orang nyayat jelu ti digaga nyadika piring tunu. Piring tu pemadu kudus. 26Imam ke meri jelu nya nyadika piring, deka makai iya ba endur ti kudus, iya nya ba tengah laman Langkau Kain TUHAN. 27Barang sapa tauka sebarang utai negu isi jelu nya, deka bebadi laban kuasa pengudus utai nya. Enti gari bisi kena pechik darah jelu nya, gari nya enda tau enda dibasu ba endur ti kudus. 28Periuk tanah ti udah dikena manduk dagin nya, enda tau enda dipechahka. Enti periuk besi dikena, periuk nya enda tau enda diberus lalu dibasu enggau ai. 29Genap iku lelaki dalam ruang bilik bala imam, tau makai piring nya magang. Piring nya kudus. 30Tang enti darah nya bisi kena bai ngagai Langkau Kain TUHAN, lalu dikena ba pengawa muai dosa, jelu nya enda tau diempa. Iya enda tau enda ditunu retung.","num_words":762,"character_repetition_ratio":0.094,"word_repetition_ratio":0.016,"special_characters_ratio":0.208,"stopwords_ratio":0.378,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Surat Ngagai Orang\\nSurat Ngagai Orang Hebrew* ditulis ngagai seraban orang Kristian ke nyau deka ngelengkaka pengarap, laban sida majak disakal orang. Orang ke nulis surat tu meransang sida ngambika sida tan dalam pengarap. Iya madahka Jesus Kristus nya pemandang ti bendar, ti penudi ari Allah Taala. Ku iya, (1) Jesus nya Anak Allah Taala, ti udah belajar ngasika Apai lebuh Iya natka pemerinsa. Nyadi laban Jesus nya Anak Allah Taala, Iya lebih agi bekuasa ari sida nabi ke disebut dalam Sempekat Lama, bekuasa agi ari sida melikat, enggau ari Moses empu. (2) Allah Taala udah ngumbai Jesus nya Imam ke meruan belama iya, ke bekuasa agi ari sida imam ke disebut dalam Sempekat Lama, (3) Jesus nya meh orang ke ngelepaska sida ke arap ari dosa sida, ari penakut, enggau ari kuasa pemati. Jesus nyadi Imam Besai ke meri pengelepas ti bendar. Pengelepas nya meh utai ti dipandangka semua atur sembah enggau piring jelu dalam pengarap orang Hebrew.\\nOrang ke nulis surat tu madahka pasal pengarap sekeda orang Israel ti tebilang dulu kelia (bagi 11) kena iya meransang sida ke arap ngambika sida tegap dalam pengarap. Dalam bagi 12, iya meransang orang ke macha surat tu meruan arap datai ke ujung. Sida patut merening ngagai Jesus, lalu natka semua pemerinsa enggau penusah ti nuntung sida. Bup tu ditutup ngena jaku lalau, enggau jaku tangkan.\\nNadai orang nemu sapa ke nulis surat tu, tang dipelabaka ukai Paul, laban jalai orang ke nulis surat tu mansutka leka jaku bisi lain mimit ari chara Paul.\\nPun jaku: Kristus mandangka Allah Taala (1.1-3)\\nKristus bekuasa agi ari sida melikat (1.4-2.18)\\nKristus bekuasa agi ari Moses seduai Josua (3.1-4.13)\\nPemesai kuasa Jesus ti nyadi Imam (4.14-7.28)\\nPemesai kuasa sempekat Kristus (8.1-9.22)\\nPemesai kuasa piring Kristus (9.23-10.39)\\nPemesai kuasa pengarap (11.1-12.29)\\nNgerinduka ati Allah Taala (13.1-19)\\nSampi penutup (13.20-21)\\nJaku ti penudi (13.22-25)\\nJaku Allah Taala ti Disebut Anak Iya\\n1 Dulu kelia Allah Taala suah bendar bejaku ngagai aki ini kitai, ngena mayuh macham chara, beseruanka sida nabi,\\n2 tang ba hari ti penudi tu, Iya udah bejaku ngagai kitai ngena Anak Iya Empu, ke diletak Iya bempu semua utai. Lalu ulih Anak Iya, Iya udah mega ngaga dunya.\\n3 Anak Iya nya mandangka penampak mulia Allah Taala. Lalu gamal Iya mega betul-betul sebaka enggau gamal Allah Taala, lalu Iya ngempung semua utai di dunya enggau di dunya luar ngena jaku Iya ti bekuasa. Lebuh Iya udah ngaga chara kena muai dosa, Iya duduk muak ari kanan Allah Taala ti Pemadu Tinggi di serega.\\nPemesai Anak Allah Taala\\n4 Nya alai Iya jauh lebih agi tinggi ari sida melikat, baka nama Iya ti jauh lebih agi manah ari nama sida melikat.\\n5 Laban Allah Taala nadai kala nyebut ngagai melikat, “Nuan tu Anak Aku, sehari tu Aku udah nyadi Apai nuan.” Tauka, “Aku deka nyadi Apai iya, lalu iya deka nyadi Anak Aku.”\\n6 Lalu lebuh Allah Taala ngasuh Anak Tuai Iya datai ngagai dunya, Iya bejaku munyi tu, “Awakka semua melikat Allah Taala nyembah Iya.”\\n7 Tang ba pasal melikat, Allah Taala bejaku munyi tu, “Allah Taala ngaga melikat Iya nyadi ribut, lalu bala nembiak Iya nyadi daun api.”\\n8 Tang ba pasal Anak Iya, Iya bejaku munyi tu, “Tang kerusi diraja Nuan, O Allah Taala, deka meruan belama-lama iya! lalu Nuan deka merintah ngena pengelurus.\\n9 Nuan rinduka pengelurus, lalu begedika penyai. Nya alai Allah Taala, iya nya Allah Taala Nuan, udah nata Nuan ngena minyak pengaga lebih ari sida pangan Nuan.”\\n10 Allah Taala mega bejaku munyi tu: “Ba pun iya kelia, Tuhan, Nuan udah ngaga dunya, lalu langit digaga Nuan ngena jari Nuan.\\n11 Semua utai nya deka lesap magang, tang Nuan deka meruan belama iya. Semua utai nya deka luya baka kain.\\n12 Nuan deka ngelipatka sida baka ke ngelipatka kelambi, lalu sida deka berubah baka gari. Tang Nuan enda berubah, lalu umur Nuan enda nemu abis.”\\n13 Allah Taala nadai kala bejaku munyi tu ngagai melikat, “Duduk muak ari kanan Aku datai ke Aku udah ngaga munsuh Nuan nyadika pelasar kaki Nuan.”\\n14 Kati semua melikat ukai roh, ke diasuh Allah Taala bekereja ke orang ke deka nerima pengelepas?\\nPengelepas Ti Besai\\n1 Nya alai kitai enda tau enda bebendar agi bepegai ba ajar ti udah didinga kitai, ngambika kitai enda limpang.\\n2 Laban enti pesan ti udah dipadahka melikat nya pesan ti bendar, lalu semua orang ke ngereja penyalah, tauka enda ngasi, udah diukum nitihka pematut,\\n3 baka ni ku kitai ulih ngerarika diri enti kitai enggai ibuhka pengelepas ti besai baka nya? Pengelepas nya terubah dipadahka Tuhan Empu, lalu udah nya pengamat pesan nya dipadahka ngagai kitai ulih orang ke ninga Iya.\\n4 Lalu Allah Taala udah mega besaksika pengamat pesan nya ngena tanda enggau kereja ti nyelai, ngena mayuh macham pemeri Roh Kudus ti diberi nitihka peneka Iya Empu.\\nOrang Ke Mai Kitai Ngagai Pengelepas\\n5 Ukai melikat ke diasuh Allah Taala merintah dunya ti deka datai, ti dikenang kitai diatu.\\n6 Utai tu bisi udah disebut, “Sapa mensia, alai Nuan deka ibuhka iya? Tauka anak mensia, alai Nuan deka ngibun iya?\\n7 Nuan udah ngaga iya baruh mimit ari melikat enda lama aja. Nuan udah meri iya makota, mulia enggau basa,\\n8 lalu ngengkahka semua utai di baruh kaki iya.” Lebuh Allah Taala ngengkahka semua utai di baruh kuasa iya, Allah Taala nadai ninggalka utai ti enda\\ndiengkahka di baruh kuasa iya. Tang diatu, kitai nadai meda semua utai diengkah di baruh kaki iya.\\n9 Tang kitai meda Jesus, ke udah digaga baruh mimit ari melikat enda lama, diberi makota mulia enggau basa laban Iya udah merinsa natka pemati, ngambika, ulih pengasih Allah Taala, Iya mati ke semua mensia.\\n10 Laban Allah Taala, ke ngaga sereta bempu semua utai, endang patut ngasuh Jesus nyadi pemadu badas ulih pemerinsa, lebuh Jesus muka jalai pengelepas ke mayuh anak Allah Taala lalu mai sida bempu mulia Iya.\\n11 Laban Iya ke ngudus, enggau orang ke dikuduska Iya, sama datai ari ruang bilik siti aja. Nya kebuah Jesus enda malu ngumbai sida menyadi Iya.\\n12 “Aku deka madahka nama Nuan ngagai sida menyadi Aku. Aku deka muji Nuan lebuh bala sida begempuru.”\\n13 Iya mega nyebut, “Aku deka manggaika pengarap Aku ba Iya.” Lalu Iya mega nyebut, “Tu Aku, enggau bala anak ke udah diberi Allah Taala ngagai Aku.”\\n14 Nya alai, laban bala anak endang mensia, Jesus mega nyadi mensia baka sida, ngambika ulih pemati Iya, Iya ulih ngerusak Sitan ke megai kuasa pemati,\\n15 lalu ngelepaska semua orang ke nyadi ulun seumur idup ari penakut sida ke pemati.\\n16 Laban utai tu terang, ukai melikat ke ditulung Iya, tang peturun Abraham.\\n17 Nya alai Iya enda tau enda digaga sebaka enggau bala menyadi Iya dalam semua utai, ngambika Iya nyadi Imam Besai ti kasih, sereta tetap ati bekereja ke Allah Taala, ngambika Iya ngaga piring kena muai dosa orang mayuh.\\n18 Laban Iya Empu udah merinsa lebuh Iya diuji, nya alai Iya ulih nulung orang ke kena laban penguji.\\nJesus Besai Agi Ari Moses\\n1 Nya alai, menyadi ti kudus, ke sama udah dikangauka Allah Taala, peratika Jesus, ke nyadi Rasul sereta nyadi Imam Besai ke pengarap kitai.\\n2 Iya udah tetap ati ngagai Allah Taala ke udah milih Iya, baka Moses ke udah tetap ati diau dalam rumah Allah Taala.\\n3 Tang Jesus patut balat agi dibasa ari Moses, baka tukang rumah ke balat agi dibasa ari rumah ti digaga iya.\\n4 Laban semua rumah endang digaga orang, tang Allah Taala ngaga semua utai.\\n5 Moses udah tetap ati gawa nyadi ulun dalam rumah Allah Taala, besaksika pasal utai ti deka disebut Allah Taala jemah ila.\\n6 Tang Kristus tetap ati ngibun rumah Allah Taala laban Iya Anak. Lalu kitai tu rumah Allah Taala, enti kitai bepegai teguh ba ati ti kempang enggau ba pengadang ti dikemegahka kitai.\\nEndur Alai Nembiak Allah Taala Belelak\\n7 Nya alai, munyi ti disebut Roh Kudus, “Sehari tu, enti kita ninga nyawa Iya,\\n8 anang ngasuh ati kita kieh, baka aki ini kita ke angkat ngelaban, lebuh maya penguji di menua puang,\\n9 alai aki ini kita ke nguji Aku, taja pen sida udah meda utai ti dikereja Aku dalam kandang empat puluh taun.\\n10 Nya alai Aku ringat ngagai bala orang ke ari serak nya, lalu ku Aku nyebut, ‘Ati sida seruran limpang, lalu sida apin nemu jalai Aku.’\\n11 Aku ringat lalu besumpah: ‘Sida enda tau tama ngagai endur alai Aku belelak!’ “\\n12 Bejimat kita, menyadi, enggai ke kita ngembuan ati ti jai, ati ti enda arap, lalu ninggalka Allah Taala ti idup.\\n13 Tang peransang pangan diri tiap hari, seagi-agi hari tu dikumbai “Sehari tu,” ngambika nadai siku kita ditipu dosa lalu nyadi kieh.\\n14 Laban kitai nyadi tawing Kristus enti kitai bepegai teguh ba ati ti kempang datai ke ujung, baka ti dikembuan kitai ba pun iya suba.\\n15 Munyi ti disebut dalam Bup Kudus: “Sehari tu, enti kita ninga nyawa Iya, anang ngasuh ati kita kieh, baka sida ke angkat ngelaban.”\\n16 Sapa orang ke ninga nyawa Allah Taala, tang angkat ngelaban Iya? Ukai enda semua sida nya orang ke pansut ari menua Ejip ke diuluka Moses?\\n17 Lalu ngagai sapa Allah Taala ringat empat puluh taun? Ukai Iya enda ringat ngagai orang ke bedosa, lalu sida mati di menua puang?\\n18 Lalu ngagai sapa Allah Taala besumpah, madahka sida enda tau tama ngagai endur alai Iya belelak, enti enda ngagai sida ke enda ngasi?\\n19 Nya alai ari nya kitai meda, sida enda ulih tama ngaga endur alai Allah Taala belelak, laban sida enda arap.\\n1 Nya alai, seagi-agi semaya ti ngasuh kitai tama ngagai endur alai Allah Taala belelak nya agi meruan, kitai enda tau enda bejimat ngambika nadai siku kitai ditemu enda patut tama ngagai endur nya.\\n2 Laban Berita Manah ti didinga kitai sebaka enggau Berita Manah ti didinga sida, tang pesan ti didinga sida nadai pulai ke penguntung sida, laban sida enda nerima pesan nya ngena pengarap.\\n3 Nya alai kitai ke arap, tama ngagai endur alai Allah Taala belelak, munyi ti disebut Allah Taala, “Aku ringat lalu besumpah: ‘Sida enda tau tama ngagai endur alai Aku belelak,’ “taja pen pengawa Iya udah tembu kenyau ari penumbuh dunya.\\n4 Laban pasal hari ti ketujuh udah disebut munyi tu: “Lalu ba hari ti ketujuh Allah Taala belelak ari semua pengawa Iya.”\\n5 Lalu Iya bejaku baru: “Sida enda tau tama ngagai endur alai Aku belelak.”\\n6 Nya alai sekeda orang deka tama ngagai endur alai belelak nya, lalu orang ke udah diajar pasal Berita Manah enda tama laban sida enda ngasi.\\n7 Nya alai Allah Taala ngeletak siti agi hari, ti dikumbai Iya “Sehari tu,” ti disebut Iya lama udah bekau nya ngena David, munyi ti udah disebut tadi: “Sehari tu, enti kita ninga nyawa Iya, anang ngasuh ati kita kieh.”\\n8 Laban enti Josua udah ngasuh sida belelak, Allah Taala tentu enda ibuh bejakuka pasal hari bukai, udah bekau nya.\\n9 Nya alai bala nembiak Allah Taala agi ulih belelak lebuh hari Sabat;\\n10 laban orang ke tama ngagai endur alai Allah Taala belelak, mega ngetu ari pengawa sida, baka Allah Taala ke ngetu ari pengawa Iya.\\n11 Nya alai, aram kitai enggau naka ulih tama ngagai endur alai belelak nya, ngambika nadai siku kitai enda mujur baka sida ketegal enda ngasi.\\n12 Laban jaku Allah Taala idup sereta bekuasa, tajam agi ari pedang ti bemata dua, ti ngerejang datai ke iya nyeraraka semengat ari roh, nyeraraka buku tulang ari untak tulang; iya ulih ngakim runding enggau niat ati mensia.\\n13 Nadai utai ulih dipelalaika ari Allah Taala. Semua deka dikebak lalu diayanka magang di mua Iya. Lalu semua kitai enda tau enda madahka pasal diri empu ngagai Iya.\\nJesus Nyadi Imam Besai Ti Tinggi\\n14 Nya alai, laban kitai bisi Imam Besai ti Pemadu Tinggi, ke udah pulai ke serega, iya nya Jesus, ti Anak Allah Taala, aram kitai bepegai teguh ba pengarap kitai.\\n15 Laban Imam Besai kitai ukai enda nemu sinu ati ke pengelemi kitai. Iya udah diuji ngena semua macham chara baka kitai empu, tang Iya enda bedosa.\\n16 Nya alai, aram kitai mansang enggau ati ti kempang ngagai kerusi diraja Allah Taala ti kasih, ngambika kitai ulih nerima pengasih lalu nemu berekat, kena nulung kitai lebuh kitai begunaka iya.\\n1 Genap iku imam besai ke dipilih ari bala mensia, endang diletak bekereja ke Allah Taala ngarika mensia, meri pemeri enggau piring kena muai dosa.\\n2 Iya nemu nelap enggau orang ke nadai nemu utai, enggau orang ke enda ngasi, laban iya empu endang mayuh pengelemi.\\n3 Lalu ketegal nya, iya enda tau enda ngenjuk piring ke dosa iya empu, enggau ke dosa orang mayuh.\\n4 Nadai orang tau ngambu diri nyadi imam besai, tang semina ari kangau Allah Taala, baka Aron.\\n5 Baka nya mega Kristus. Iya enda ngemesaika Diri lalu ngaga Diri nyadi Imam Besai. Tang Allah Taala nyebut ngagai Iya, “Nuan tu Anak Aku. Sehari tu Aku udah nyadi Apai Nuan”;\\n6 munyi ti disebut Iya ba endur bukai, “Nuan nyadi Imam belama iya murihka Melkisedek.”\\n7 Lebuh Jesus idup di dunya tu, Iya besampi sereta mantaika peminta Iya ngena sabak ti inggar, sereta enggau ai mata, ngagai Allah Taala, ke ulih ngelepaska Iya ari pemati. Lalu Allah Taala ninga Iya laban Iya baruh ati sereta nunduk ngagai Allah Taala.\\n8 Tang taja pen Iya Anak Allah Taala, Iya belajar ngasi ulih pemerinsa ti ditatka Iya;\\n9 lalu laban Iya digaga nyadi pemadu badas, Iya nyadika pun pengelepas ti meruan belama iya ke semua orang ke ngasika Iya,\\n10 laban Iya udah diletak Allah Taala nyadi Imam Besai, murihka Melkisedek.\\nJaku Tangkan Nagang Ngelengkaka Pengarap\\n11 Kami mayuh utai ti patut disebut ba pekara tu, tang utai nya mar diterangka ngagai kita, laban kita lubah amat mereti.\\n12 Laban taja pen kita diatu patut udah nyadi pengajar, tang kita agi begunaka orang ngajar kita, ngulang pesan Allah Taala belabuh ari pun baru. Kita agi begunaka ai tusu, ukai asi kering,\\n13 laban genap iku orang ke beridup ba ai tusu nya orang ke enda nemu ajar pasal pengelurus, laban iya agi mit.\\n14 Tang asi kering nya ke orang ke besai tuai, ke udah matihka diri ngelala bida entara utai ti badas enggau utai ti jai.\\n1 Nya alai, aram kitai ninggalka pun pelajar pasal Kristus, lalu mansang ngagai ajar ke orang ti besai tuai, lalu enda agi ibuh bejakuka pasal nesal ati ari kereja ti ngujung ngagai pemati,\\n2 ajar pasal pemaptisa, pasal ngengkahka jari atas orang, pasal pengangkat ari mati, enggau pasal ukum ti meruan belama iya.\\n3 Lalu kitai deka ngereja nya, enti Allah Taala ngemendar.\\n4 Laban orang ke udah ngelengkaka pengarap enda ulih dibai nesal ati baru, laban sida udah meda penampak Allah Taala, udah ngasaika pemeri ari serega, lalu udah dipenuhka enggau Roh Kudus,\\n5 udah ngasaika pemadas jaku Allah Taala, lalu udah ngasaika kuasa dunya ti deka datai,\\n6 lalu udah nya sida ngelengkaka pengarap, laban lebuh sida ngereja nya sida ngeregang Anak Allah Taala baru, lalu ngeleseka Iya di mua orang mayuh.\\n7 Tanah ti nginsap ai ujan ti selalu labuh ninggang iya, lalu ngasuh utai tumbuh ke guna orang ke nanam utai dia, nerima berekat ari Allah Taala.\\n8 Tang enti tanah nya mansutka duri enggau emperingat, tanah nya nadai guna, lalu iya deka disumpah. Ke pengujung iya, iya deka ditunu.\\n9 Tang taja pen kami bejaku munyi tu, menyadi, tang ba pasal kita, kami nemu kita deka bulih utai ti manah agi, utai ti nyempulang pengelepas kita.\\n10 Laban Allah Taala ukai enda lurus. Iya deka mengkang ingatka pengawa ti udah dikereja kita, enggau pengerindu ti dipandangka kita lebuh kita bekereja nulung nembiak Tuhan, baka ti agi dikereja kita diatu.\\n11 Kami dekaka genap iku kita mengkang rajin datai ke ujung ngambika kita ulih nerima utai ti disadang kita.\\n12 Kami enggai ke kita ngelusu, tang dekaka kita nunda teladan orang ke arap sereta liat ati, ngambika kita nerima utai ti udah disemaya Allah Taala.\\nSemaya Allah Taala ti Tetap\\n13 Lebuh Allah Taala ngaga semaya enggau Abraham, Iya nadai orang ke besai agi ari Iya Empu alai Iya manggaika sumpah Iya. Nya alai Iya besumpah atas nama Iya Empu.\\n14 Ku Iya, “Aku tetap deka merekatka nuan lalu meri nuan mayuh peturun.”\\n15 Nya alai lebuh Abraham udah nganti enggau ati ti liat, iya nerima utai ti udah disemaya Allah Taala.\\n16 Mensia endang besumpah atas nama utai ti besai agi ari sida empu, lalu semua kelikuh ditelesai ngena sumpah.\\n17 Baka nya mega, lebuh Allah Taala deka ngayanka enggau terang agi ngagai orang ke deka nerima semaya, pasal juluk ati Iya ti enda berubah, Iya netapka semaya nya ngena sumpah.\\n18 Ulih jaku sumpah enggau jaku semaya ti enda ulih diubah nya, Allah Taala nunjukka Diri enda bula. Nya alai kitai ke udah belindung ba Allah Taala balat agi diperansang bepegai ba pengadang ti di mua kitai.\\n19 Pengadang kitai nya nyadika sauh ti tegap ke semengat kitai. Ulih pengadang nya kitai ngarapka diri deka tama ngagai Endur ti Pemadu Kudus ti ari belakang tirai,\\n20 alai Jesus ke udah dulu tama ngarika kitai, lebuh Iya udah nyadi Imam Besai belama iya, murihka Melkisedek.\\n1 Melkisedek nya raja menua Salem, lalu iya mega nyadi imam Allah Taala ti Pemadu Tinggi. Iya betemu enggau Abraham ke baru pulai beperang bebunuhka bala raja, lalu iya merekatka Abraham.\\n2 Lalu Abraham meri Melkisedek sepuluh peratus ari semua perapasan ti ulih iya. (Reti ti keterubah ke nama Melkisedek nya “Raja Pengelurus”, lalu iya mega raja Salem, reti nya, “Raja Pemaik.”)\\n3 Nadai orang nemu sapa apai indai iya, sapa aki ini iya. Lalu nadai mega orang nemu kemaya iya ada tauka kemaya iya mati, tang iya baka Anak Allah Taala ke nyadi imam belama iya.\\n4 Peda pemesai iya! Indah aki kitai Abraham deh meri ngagai iya sepuluh peratus ari semua perapasan ti ulih iya beperang.\\n5 Lalu bala peturun Lewi ke diletak nyadi imam, diberi pesan dalam Adat ngasuh sida ngumpul pemeri sepuluh peratus ari orang Israel, reti nya, ari bansa sida\\nempu, taja pen sida nya mega peturun Abraham.\\n6 Tang Melkisedek tu, ke ukai ari peturun Lewi, nerima pemeri sepuluh peratus ari Abraham, lalu iya merekatka Abraham ke udah nerima semaya Allah Taala.\\n7 Semua kitai ulih besetujuka tu: orang ke baruh pangkat sigi diberekatka ulih orang ke tinggi agi pangkat.\\n8 Ba pekara tu, pemeri sepuluh peratus nya diterima mensia ke tau mati, tang ba pekara Melkisedek, pemeri sepuluh peratus nya diterima orang ke idup.\\n9 Kitai tau ngumbai Lewi, ke nerima pemeri sepuluh peratus, mayar pemeri sepuluh peratus nengah Abraham,\\n10 laban Lewi agi dalam tubuh aki iya Abraham lebuh Melkisedek betemu enggau Abraham.\\n11 Enti pemadas ti pemadu menyana nya ulih diterima orang Israel nengah bala imam Lewi (laban orang Israel nerima Adat nengah sida imam Lewi), nama kebuah kitai agi begunaka siku agi imam ke murihka Melkisedek, \\_f d \\_fr 6.11 \\_ft Tauka:\\_fq baka Melkisedek \\_f* tang enda begunaka imam ke murihka Aron?\\n12 Laban lebuh atur kena milih imam diubah, Adat mega enda tau enda diubah.\\n13 Laban orang ke dikenang dalam pekara tu datai ari raban bansa bukai, lalu nadai orang ari raban bansa nya udah kala bekereja ba alta.\\n14 Laban Tuhan kitai endang terang datai ari peturun Judah, lalu Moses nadai kala nyebut pasal imam lebuh iya bejakuka pasal raban bansa tu.\\nSiku Agi Imam Ke Baka Melkisedek\\n15 Pekara tu tau nyadi terang agi lebuh siku agi imam pegari, ke baka Melkisedek,\\n16 ke nyadi imam, ukai nitihka atur mensia, tang ulih kuasa pengidup ti enda nemu abis.\\n17 Laban Bup Kudus nyebut munyi tu pasal Iya, “Nuan deka nyadi imam belama iya murihka Melkisedek.”\\n18 Nya alai Adat ti lama, nadai agi dikena laban iya lemi sereta nadai guna,\\n19 laban Adat enda ulih ngaga utai nyadi pemadu badas. Lalu diatu, pengadang ti badas agi udah disediaka, ti dikena kitai mansang semak ngagai Allah Taala.\\n20 Utai tu ditetapka ngena jaku sumpah. Orang bukai nyadi imam ukai ulih jaku sumpah,\\n21 tang Jesus nyadi imam ulih jaku sumpah, laban Allah Taala nyebut ngagai Iya, “Tuhan udah besumpah lalu Iya enda ngubah runding Diri: ‘Nuan deka nyadi imam belama iya.’ “\\n22 Jaku tu ngeletak Jesus nyadi jamin ke sempekat ti badas agi.\\n23 Nambahka nya, sida imam menya endang mayuh, laban sida mati, lalu enda ulih majakka pengawa diri ke nyadi imam.\\n24 Tang Jesus nyadi Imam belama iya, laban Iya idup belama iya.\\n25 Nya alai Iya ulih, ke diatu enggau ke belama-lama iya, nyelamatka orang ke datai ngagai Allah Taala, ulih Iya, laban Iya idup belama iya lalu bejaku ngarika sida ngagai Allah Taala.\\n26 Laban kitai endang patut bisi imam besai ti baka nya, ke kudus, nadai bepenyalah, nadai penimpang, diseraraka ari orang ke bedosa, ditinggika ari atas langit.\\n27 Iya enda baka imam besai ti bukai. Iya enda ibuh ngenjuk piring tiap hari, terubah ke dosa iya empu, lalu udah nya ke dosa orang mayuh. Tang Iya ngenjuk piring sekali aja ke belama-lama iya, lebuh Iya nyerahka Diri Empu.\\n28 Adat ngeletak orang ke lemi nyadi imam besai. Tang jaku sumpah, ti datai dudi agi ari Adat, ngeletak Anak, ke udah digaga nyadi pemadu badas belama-lama iya, nyadi Imam Besai.\\nJesus Nyadi Imam Besai Kitai\\n1 Batang penemu ti disebut kami nya baka tu: kitai bisi Imam Besai ti baka nya, ke duduk muak ari kanan kerusi diraja Allah Taala ti Pemadu Tinggi di serega.\\n2 Iya bekereja dalam langkau sembiang, iya nya, dalam langkau kain ti bendar, ti didirika Tuhan, ukai didirika mensia.\\n3 Genap iku imam besai endang diletak ngenjuk pemeri enggau piring; nya alai, Imam Besai kitai tu pen enda tau enda mega bisi utai diberi.\\n4 Enti sema Iya di dunya tu, Iya tetap enda nyadi imam, laban kitai endang bisi imam, ke ngenjuk pemeri nitihka Adat.\\n5 Sida nyembah dalam langkau kain ti semina gambar enggau ayuk Langkau Kain ti di serega. Laban lebuh Moses baru deka nirika langkau kain, Allah Taala bejaku munyi tu ngagai iya, “Nuan enda tau enda ngaga semua utai nitihka pelan ti udah ditunjukka ke nuan ba bukit nya.”\\n6 Tang diatu, Jesus udah diberi pengawa ti lebih badas agi. Iya nyadi pengari ke sempekat ti lebih agi bemulia, ti beduduk ba semaya ti badas agi.\\n7 Laban enti sempekat ti keterubah nya udah chukup badas, kitai tentu enda ibuh begunaka sempekat ti kedua.\\n8 Tang Allah Taala besalahka sempekat ti keterubah lebuh Iya nyebut, “Maya deka datai, ku Tuhan bejaku, alai Aku deka ngaga sempekat ti baru enggau orang Israel, sereta enggau orang Judah,\\n9 ti enda baka sempekat ti digaga Aku enggau aki ini sida lebuh Aku megai jari sida lalu nguluka sida pansut ari menua Ejip. Laban sida enda tetap ati ngagai sempekat Aku, nya alai Aku enggai ibuhka sida, ku Tuhan bejaku.\\n10 Tu sempekat ti deka digaga Aku enggau orang Israel jemah ila, ku Tuhan bejaku: Aku deka nyimpan Adat Aku dalam runding sida lalu nuliska Adat nya ba ati sida, lalu Aku deka nyadi Allah Taala sida, lalu sida deka nyadi nembiak Aku.\\n11 Sida enda ibuh ngajar pangan diri tauka nyebut ngagai pangan diri, ‘Kelala meh Tuhan.’ Laban semua sida deka ngelala Aku, kenyau ari sida ke pemadu mit nyentuk ngagai sida ke pemadu besai.\\n12 Laban Aku deka ngampun penyalah sida lalu enda agi ngingatka dosa sida.”\\n13 Lebuh Allah Taala bejakuka sempekat ti baru, Iya nunjukka sempekat ti keterubah nadai agi diguna, luya lalu deka jampat lesap.\\nBesembah Di Dunya Enggau Di Serega\\n1 sempekat ti keterubah deh ngundan atur kena besembah, lalu bisi langkau sembiang.\\n2 Laban sebuah langkau kain udah disediaka. Iya ti di luar nya alai nyimpan penuduk lampu enggau mija enggau roti Allah Taala. Endur tu dikumbai Endur ti Kudus.\\n3 Ari belakang tirai ti kedua bisi siti langkau kain ti dikumbai Endur ti Pemadu Kudus.\\n4 Dalam Endur ti Pemadu Kudus nya bisi alta emas alai nunu menyan, enggau Peti Lampang Batu Adat ti disampak enggau emas. Peti nya ngundan kebuk emas alai nyimpan mana, tungkat Aron ti bekantuk, enggau dua iti lampang batu ti alai sempekat ditulis.\\n5 Ari atas Peti nya bisi dua iku melikat cherub, nandaka mulia Allah Taala, ngelindung endur alai dosa diampun. Tang kitai enda ulih berandauka semua utai tu enggau silik diatu.\\n6 Lebuh semua utai nya udah disediaka magang, sida imam tama tiap hari ngagai langkau kain ti di luar, ngereja pengawa sida,\\n7 tang semina imam besai aja tau tama ngagai langkau kain ti kedua, tang semina sekali aja dalam setaun, mai darah ti dienjuk iya ngagai Allah Taala ke dosa iya empu, enggau ke dosa orang mayuh, dosa ti dikereja sida enggau enda sengaja.\\n8 Nya chara Roh Kudus nunjukka jalai ngagai Endur ti Pemadu Kudus enda dibuka seagi-agi langkau kain ti di luar nya mengkang bediri.\\n9 Tu ngambarka maya ti diatu, alai pemeri enggau piring ti dienjuk enda ulih meresi ati orang ke nyembah Allah Taala,\\n10 laban pengawa nya semina pasal pemakai enggau utai ti diirup aja, atur kena nuchi tubuh ti dipejalaika nyentuk ngagai maya Allah Taala ngaga atur ti baru.\\n11 Lebuh Kristus datai nyadi Imam Besai ke utai ti badas, ti endang udah bisi ditu diatu, Iya tama nengah langkau sembiang ti besai sereta badas agi ti ukai digaga mensia, reti nya, ukai digaga ari utai ti udah digaga Iya Empu.\\n12 Iya tama sekali aja ke belama-lama iya ngagai Endur ti Kudus, ukai ngena darah kambin tauka darah sapi, tang ngena darah Iya Empu, lalu bulih pengelepas ti meruan belama iya.\\n13 Laban enti darah kambin enggau darah sapi enggau amau sapi ti dikerabuka ngagai orang ke enda tuchi, ulih nuchi sida ngambika sida nyadi beresi,\\n14 tentu balat agi ga darah Kristus, ke udah nyerahka Diri ulih Roh Kudus nyadika piring ti nadai penimpang ngagai Allah Taala, deka nuchi ati kitai ari pengawa ti jai ti ngujung ngagai pemati, ngambika kitai ulih betuaika Allah Taala ti idup.\\n15 Nya kebuah Kristus nyadi pengari ke sempekat ti baru, ngambika orang ke dikangauka Allah Taala, ulih nerima pesaka ti meruan belama iya, ti udah disemaya Allah Taala, laban ulih pemati Iya, Iya nebus orang ari penyalah ti dikereja sida di baruh sempekat ti keterubah.\\n16 Ba pasal will, pemati orang ke ngaga will nya enda tau enda ditentuka dulu.\\n17 Laban will nya semina tau diguna lebuh orang ke bempu will nya udah mati. Atur dalam will nya enda tau dipejalaika enti orang ke ngaga will nya agi idup.\\n18 Indah sempekat ti keterubah deh enda tau enda dipejalaika ngena darah.\\n19 Laban lebuh Moses udah madahka semua pesan dalam Bup Adat ngagai semua orang Israel, iya ngambi darah sapi enggau darah kambin, ai, bulu bedus ti ungu, enggau pating isop, lalu mechikka utai nya ngagai Bup Adat, enggau ngagai semua orang mayuh,\\n20 lalu bejaku, “Tu darah sempekat ti diasuh Allah Taala titihka kita.”\\n21 Moses mega mechikka darah nya ngagai langkau sembiang, enggau ngagai semua perengka ti dikena sida nyembah Allah Taala.\\n22 Iya ti bendar, nitihka Adat, nyauka semua utai dituchi ngena darah, lalu enti nadai genselan darah, dosa enda diampun.\\nPiring Kristus Muai Dosa\\n23 Nya kebuah utai ti ngambarka utai serega enda tau enda dituchi ngena genselan nya, tang utai serega empu begunaka piring ti badas agi ari nya.\\n24 Laban Kristus ukai tama ngagai Endur ti Kudus ti digaga jari mensia, ti semina ngambarka utai serega, tang Iya tama ngagai serega empu, lalu pegari ngarika kitai di mua Allah Taala.\\n25 Lalu Iya pen enda mega suah nyerahka Diri baka imam besai ke tama ngagai Endur ti Kudus tiap taun mai darah ti ukai darah Iya empu,\\n26 laban enti Iya suah tama kia, Iya tentu enda tau enda suah natka Diri merinsa kenyau ari penumbuh dunya. Tang diatu, Iya udah ngayanka Diri sekali aja ba\\npengujung dunya, nyerahka Diri Empu nyadika piring kena muai dosa.\\n27 Genap iku mensia enda tau enda mati sekali aja, lalu udah nya diakim.\\n28 Baka nya mega Kristus. Lebuh Iya udah diserahka sekali aja ngambika Iya muai dosa orang mayuh, Iya deka pegari kedua kali, ukai muai dosa, tang deka nyelamatka orang ke nganti Iya.\\nKristus Nyadika Piring Ti Diberi Sekali Aja\\n1 Adat semina ayuk utai ti badas ti deka datai, ukai utai nya empu. Nya kebuah iya, ngena piring ti dienjuk enda ngetu-ngetu tiap taun, enda ulih ngaga orang ke datai semak ngagai Allah Taala nyadi pemadu badas.\\n2 Enti iya ulih, endaka piring nya badu agi dienjuk, laban orang ke nyembah tentu dituchi sekali aja ke belama iya, lalu nadai agi ngasaika diri agi bedosa?\\n3 Tang piring ti diberi nya ngasuh orang ngingatka dosa sida tiap-tiap taun.\\n4 Laban darah sapi enggau darah kambin enda ulih muai dosa.\\n5 Nya kebuah, lebuh Kristus datai ngagai dunya tu, Iya bejaku, “Nuan enda begunaka piring enggau pemeri, tang Nuan udah nyendiaka tubuh ke Aku.\\n6 Nuan enda rinduka piring tunu enggau piring pengampun dosa\\n7 Udah nya Aku bejaku, ‘Tu Aku, O Allah Taala sedia deka ngereja peneka Nuan, munyi ti udah ditulis pasal Aku dalam Bup Adat.’ “\\n8 Lebuh Iya nyebut, “Nuan enda beguna tauka rinduka piring enggau pemeri, tauka jelu ti ditunu ba alta, enggau piring pengampun dosa,” (taja pen Adat ngasuh utai nya diberi)\\n9 Iya lalu nyebut, “Tu Aku, sedia deka ngereja peneka Nuan.” Nya alai, Allah Taala muai atur ti keterubah ngambika Iya numbuhka atur ti kedua.\\n10 Lalu ulih peneka Iya, kitai udah dikuduska ulih piring tubuh Jesus Kristus ti diberi sekali aja ke belama-lama iya.\\n11 Tiap hari genap iku imam bediri ngereja pengawa diri, ngenjuk piring ti sebaka belama, ti enda ulih muai dosa.\\n12 Tang lebuh Kristus udah meri sekali aja ke belama-lama iya piring pengampun dosa, Iya duduk muak ari kanan Allah Taala,\\n13 nganti bala munsuh Iya nyadika pelasar kaki Iya.\\n14 Laban, ngena siti aja piring, Iya udah ngaga orang ke dikuduska Iya nyadi pemadu badas.\\n15 Lalu Roh Kudus mega besaksika pasal nya ngagai kitai, laban lebuh Iya udah nyebut,\\n16 “Tu sempekat ti deka digaga Aku enggau sida udah bekau nya ila, ku Tuhan bejaku: Aku deka nyimpan Adat Aku dalam ati sida lalu nuliska Adat nya dalam runding sida.”\\n17 Udah nya Iya mega nyebut, “Aku enda agi ngingatka dosa enggau penyalah sida.”\\n18 Lebuh semua dosa enggau penyalah udah diampun, piring pengampun dosa enda agi diguna.\\nAram Kitai Datai Ngagai Allah Taala\\n19 Nya alai, menyadi, laban kitai kempang ati tama ngagai Endur ti Pemadu Kudus ngena darah Jesus,\\n20 ngena jalai ti baru sereta idup tu, ti udah dibuka Iya ke kitai nengah kain tirai nya, iya nya, nengah tubuh Iya Empu,\\n21 lalu laban kitai bisi siku Imam ti besai, ke ngemataka rumah Allah Taala,\\n22 aram kitai datai semak ngagai Allah Taala, mai ati ti tuchi, enggau pengarap ti bendar, laban ati kitai udah dipechik lalu dituchi ari penyalah, lalu tubuh kitai udah dibasu ngena ai ti tuchi.\\n23 Aram kitai bepegai teguh ba pengadang ti diaku kitai, enda beguyat, laban Iya ke ngaga semaya nya endang tau dikarapka.\\n24 Lalu aram kitai berundingka chara kitai tau nyungkak pangan diri ngayanka pengerindu lalu ngereja pengawa ti badas,\\n25 enda ngelengkaka pengawa begempuru, baka sekeda orang, tang meransang pangan diri, lalu bebendar agi ngereja nya laban kita meda Hari Tuhan nyau semak.\\n26 Laban enti kitai sengaja majak bedosa lebuh kitai udah nerima penemu pasal pemendar, kitai nadai agi piring pengampun dosa,\\n27 tang semina ati ti takut nganti diri diakim, enggau nganti api ti mau ti deka nunu semua munsuh Allah Taala.\\n28 Orang ke udah ngelanggar Adat Moses deka diukum bunuh enggau nadai pengasih, beduduk ba saksi dua tauka tiga iku orang.\\n29 Dalam runding kita, baka ni ku pemalat ukum ti patut ditatka orang ke udah ngelunjak Anak Allah Taala, ke udah busung ngelaban darah sempekat ti udah dikena nguduska sida, lalu udah ngeleseka Roh Kudus ti meri pengasih?\\n30 Laban kitai nemu sapa ke nyebut, “Aku deka malas. Aku deka mayar.” Kitai mega nemu sapa ke nyebut, “Tuhan deka ngakim bala nembiak Iya.”\\n31 Naka meh pemalat kitai takut enti kitai labuh ngagai jari Allah Taala ti idup.\\n32 Tang kingatka gaya kita menya, lebuh kita baru udah nemu penampak. Kita natka diri balat diperinsa,\\n33 kadang-kadang dipechat sereta dikeduan di mua orang mayuh, lalu kadang-kadang kita diperinsaka sama enggau orang ke kena perinsa.\\n34 Kita kasihka orang ke ditutup dalam rumah jil, lalu kita gaga ati nejuka orang ngerampas utai kita, laban kita nemu diri bisi pesaka ti manah sereta tan agi.\\n35 Nya alai, anang ngelengkaka ati kita ti kempang, laban iya deka bulih upah ti besai.\\n36 Kita begunaka ati ti tan, ngambika lebuh kita udah ngereja peneka Allah Taala, kita nerima utai ti udah disemaya.\\n37 “Laban enda lama da agi, Iya ke deka datai, tetap datai, lalu enda betangguh;\\n38 Tang nembiak Aku ke lurus deka idup ngena pengarap. Aku enda rinduka orang ke mungkir.”\\n39 Tang kitai tu ukai orang ke mungkir lalu dirusak, tang orang ke arap, lalu diselamatka.\\n1 Reti pengarap nya arapka utai ti disadang, arapka utai ti enda dipeda.\\n2 Sida ke dulu kelia dikerinduka Allah Taala, ulih pengarap.\\n3 Ulih pengarap, kitai nemu langit enggau dunya digaga ulih jaku Allah Taala, ngambika utai ti dipeda, digaga ari utai ti enda dipeda. 4 Ulih pengarap, Abel ngenjuk piring ti lebih agi dikerinduka Allah Taala ari piring ti diberi Kain. Ulih pengarap, Abel dikumbai Allah Taala lurus, laban Allah Taala rinduka pemeri iya. Abel mati, tang ulih pengarap iya, iya agi mengkang bejaku diatu.\\n5 Ulih pengarap, Enok dibai ke atas ngambika iya enda mati, lalu nadai orang nemu endur alai iya, laban Allah Taala udah nabanka iya. Tang sebedau iya ditabanka, iya udah ngerinduka ati Allah Taala.\\n6 Nadai orang ulih ngerinduka ati Allah Taala enti iya enda arapka Allah Taala, laban barang sapa datai ngagai Allah Taala enda tau enda arapka Allah Taala endang amat bisi, lalu arapka Iya deka ngupah orang ke ngiga Iya.\\n7 Ulih pengarap, Noah, lebuh iya diberi Allah Taala jaku tangkan pasal utai ti deka nyadi, ngasi lalu ngaga sebuah bandung kena iya ngidupka sida sebilik. Nya meh jalai orang di dunya tu diukum, lalu Noah nerima ari Allah Taala pengelurus ti datai ulih pengarap.\\n8 Ulih pengarap, Abraham ngasi lebuh iya diasuh bejalai ngagai siti endur ti deka diterima iya nyadika pesaka. Iya mupuk, taja pen iya enda nemu tunga pejalai diri.\\n9 Ulih pengarap, iya diau di menua ti udah disemaya, nyadi orang kampar, diau dalam langkau kain, lalu baka nya mega Isak enggau Jakop, ke nerima semaya nya baka iya.\\n10 Laban Abraham nganti sebuah nengeri ti bisi batu pemun, ti diperambu lalu digaga Allah Taala.\\n11 Ulih pengarap, Abraham ulih nyadi apai, taja pen iya kelalu tuai umur, lalu Sarah empu pen mandul, laban iya arapka Allah Taala deka ngamatka semaya Iya.\\n12 Nya alai orang siku, ke nyau deka mati, ngadaka peturun ngemayuh bintang ti di langit, ti enda ulih diitung baka igi pasir ti ba tebing tasik.\\n13 Semua sida nya mengkang arap datai ke sida mati. Sida nadai nerima utai ti udah disemaya, tang sida udah meda lalu ngelaluka utai nya ari jauh, lalu ngaku diri orang kampar, ke tasah di dunya tu,\\n14 laban orang ke bejaku munyi nya terang madahka diri ngiga menua sida empu.\\n15 Enti sema sida berundingka menua ti udah ditinggalka sida, sida tentu bisi peluang mulaika diri.\\n16 Tang sida inginka menua ti manah agi, iya nya menua serega. Nya alai Allah Taala enda malu dikumbai sida Allah Taala sida, laban Iya udah nyendiaka sebuah nengeri ke sida.\\n17 Ulih pengarap, Abraham nyerahka anak iya Isak nyadika piring lebuh iya diuji, lalu iya tke udah nerima semaya, sedia deka nyerahka anak tunggal iya,\\n18 ke udah dikenang Allah Taala munyi tu, “Peturun nuan deka datai nengah Isak.”\\n19 Abraham ngira Allah Taala ulih ngangkatka orang ari mati, nya alai, ba reti iya, Abraham amat nerima Isak ari mati.\\n20 Ulih pengarap, Isak merekatka Jakop seduai Esau.\\n21 Ulih pengarap, Jakop, lebuh iya nyau deka mati, merekatka genap iku anak Josep, meremika diri bekering ba tungkat iya nyembah Allah Taala.\\n22 Ulih pengarap, Josep, lebuh iya nyau deka mati, bejakuka pasal orang Israel ke deka pansut ari menua Ejip, lalu meri atur pasal chara sida patut nguburka iya.\\n23 Ulih pengarap, apai indai Moses ngelalaika iya tiga bulan udah bekau iya ada, laban sida meda gamal iya sigat, lalu sida enda takutka adat raja.\\n24 Ulih pengarap, Moses enggai dikumbai uchu raja lebuh iya nyau besai tuai,\\n25 tang ingin deka natka pemerinsa sama enggau bala nembiak Allah Taala, lalu enda ngelantangka diri ngereja utai ti tau ngasuh bedosa.\\n26 Iya ngira, natka diri diperinsa ketegal Kristus nya berega agi ari semua pengaya menua Ejip, laban iya seruran merening ke mua ngagai upah ti deka diterima iya.\\n27 Ulih pengarap, iya ninggalka menua Ejip, lalu enda takutka pengeringat raja. Iya majak ngasuh ati diri tan, indah-indah baka ke meda Allah Taala ti enda ulih dipeda.\\n28 Ulih pengarap, iya ngintu Gawai Paska, lalu mechikka darah, ngambika Melikat Pemati ti munuh anak tuai, enda negu anak tuai orang Israel.\\n29 Ulih pengarap, orang Israel meraka Tasik Mirah baka ke bejalai nengah tanah ti rangkai. Tang lebuh orang Ejip nguji bejalai nengah nya, sida lemas.\\n30 Ulih pengarap, dinding kuta nengeri Jeriko runtuh, lebuh orang Israel udah bejalai ngelingi nengeri nya tujuh hari.\\n31 Ulih pengarap, indu sundal ke benama Rahap enda mati sama enggau orang ke enda ngasika Allah Taala, laban iya udah ngelaluka pematau orang Israel.\\n32 Nama utai bukai ti patut dikenang aku? Aku enda chukup jam kena aku bejakuka pasal Gideon, Barak, Samson, Jeptah, David, Samuel enggau bala sida nabi\\n33 ke ngalahka mayuh bengkah menua ulih pengarap, ke bejalaika atur ti lurus, nerima semaya, nutup mulut singa,\\n34 madamka api ti mau, ngerarika diri ari pedang, ke ngalihka pengelemi nyadi pengering, ke kering beperang, lalu ngalahka bala soldadu orang menua bukai.\\n35 Sida ke indu nerima kaban belayan sida ke udah mati, ke diangkatka idup baru. Sekeda sida ti bukai kena perinsa lalu enggai dilepaska, laban sida ngarapka diri deka bulih pengangkat ari mati ti menyana agi.\\n36 Sida ke bukai dikeleseka lalu disipat, ditanchang ngena rantai, lalu ditutup dalam rumah jil.\\n37 Sida dituku ngena batu, ditetak putus dua. Sida dibunuh ngena pedang. Sida segau-segau, begari ngena kulit bedus enggau kulit kambin, seranta, diperinsa, dikeduan.\\n38 Dunya endang amat enda chukup badas ke sida! Sida bejalai segau-segau ba sebelah menua puang enggau ba sebelah bukit, diau dalam lubang gua, enggau dalam lubang tanah.\\n39 Semua sida nadai nerima utai ti disemaya, taja pen sida dipuji ketegal pengarap sida,\\n40 laban Allah Taala udah nyendiaka utai ti badas agi, iya nya, sida deka nyadi pemadu badas enti sida begulai enggau kitai.\\nAllah Taala ti Apai Kitai\\n1 Nya alai, laban kitai dikelingi mayuh amat saksi, aram kitai mega muai semua utai ti berat ti nating kitai, enggau dosa ti balat lekat ba kitai, lalu awakka kitai belanda enggau ati ti liat dalam lumba kitai.\\n2 Aram kitai merening ngagai Jesus ke ngemunka lalu ngaga pengarap kitai nyadi pemadu badas. Iya enda malu natka Diri diregang ketegal pengaga ti deka diasaika Iya, lalu diatu Iya duduk muak ari kanan kerusi diraja Allah Taala.\\n3 Uji kita ngira pasal Iya ke natka diri dilaban orang ke bedosa, ngambika kita enda lelak tauka alah semengat.\\n4 Dalam perang kita ngelaban dosa, kita nadai udah kala belaban datai ke kita nyau pansut darah.\\n5 Lalu kita enda ingatka jaku peransang ti ngumbai kita nya anak Allah Taala -- “Anak, anang enda bedulika disiplin Tuhan, tauka lemi ati lebuh Iya nganu kita.\\n6 Laban Tuhan disiplin semua orang ke dikerinduka Iya, lalu nganu semua orang ke diterima Iya nyadi anak.”\\n7 Tatka semua pemerinsa nyadika disiplin ari Allah Taala laban Iya ngaga kita nyadi anak Iya. Laban sapa anak ke nadai kala didisiplin apai iya?\\n8 Enti Iya enda disiplin kita baka Iya ke disiplin semua anak Iya ti bukai, reti nya kita anak ampang, ukai anak ti bendar.\\n9 Nambahka nya, indah apai ada kitai deh disiplin kitai, lalu kitai bebasaka sida ketegal nya. Kati kitai enda lebih agi patut nunduk ngagai Apai Roh kitai, lalu idup?\\n10 Laban apai ada kitai semina disiplin kitai enda lama aja, nitihka pematut ku ati sida, tang Allah Taala disiplin kitai ke penguntung kitai, ngambika kitai nyadi kudus baka Iya Empu.\\n11 Lebuh kitai kena disiplin, utai nya asai ti pedis, ukai nyamai. Udah nya baru iya mai buah pengelurus ti meri pemaik ngagai orang ke dilatih ngena disiplin nya.\\nAtur Enggau Jaku Tangkan\\n12 Nya alai, kedarka jari kita ti lelak, lalu keringka patung kita ti lemi,\\n13 lalu gaga jalai kita rurus, ngambika kaki ti lemi enda selau, tang digeraika.\\nAnang Nulak Pengasih Allah Taala\\n14 Diau bebaik enggau semua orang, lalu diau kudus, laban enti kita enda, kita enda ulih meda Tuhan.\\n15 Kita enda tau enda nentuka nadai siku kita enda bulih pengasih Allah Taala; enda tau enda nentuka nadai siku kita bedendam ngagai pangan diri, ti tau ngasuh penyarut nyadi, lalu ngujungka mayuh orang enda tuchi.\\n16 Kita enda tau enda nentuka nadai siku kita baka Esau, ke nadai moral sereta enda nangika Allah Taala, lalu nyual waris iya ketegal semangkuk pemakai.\\n17 Kita nemu, udah bekau nya, lebuh iya minta berekat ari apai iya, peminta iya ditulak, laban iya nadai jalai nesal ati ke penyalah diri, taja pen iya minta berekat nya enggau ai mata.\\n18 Kita ukai datai ngagai utai ti ulih ditegu, ngagai api ti mau, ngagai mua hari ti petang, tauka ngagai kabut,\\n19 tauka ngagai munyi terumpit, tauka ngagai nyawa ti bejaku, datai ke sida ke ninga nyawa nya minta nyawa nya badu agi bejaku ngagai sida,\\n20 laban sida enda tan ninga pesan ti diberi ngagai sida, “Indah jelu ti negu bukit tu deh enda tau enda dituku ngena batu datai mati.”\\n21 Utai ti dipeda sida balat amat ngenakut, datai ke Moses empu nyau nyebut, “Aku getar-getar takut!”\\n22 Tang kita udah datai ngagai Bukit Sion, ngagai nengeri Allah Taala ti idup, ngagai nengeri Jerusalem ti di serega, enggau ngagai gempuru beribu-ribu iku melikat serega;\\n23 ngagai gempuru bala anak tuai ke bisi nama ditulis di serega. Kita udah datai ngagai Allah Taala, Hakim ke semua mensia, enggau ngagai roh orang ke lurus ke udah digaga nyadi pemadu badas,\\n24 enggau ngagai Jesus, ke nyadi pengari ke sempekat ti baru, enggau ngagai darah ti dipechikka, ti bejaku badas agi ari darah Abel.\\n25 Kita enda tau enda nentuka diri enda nulak Iya ke bejaku; laban enti sida ke dulu menya enda ulih ngerarika diri lebuh sida nulak Iya ke meri jaku tangkan ngagai sida di dunya tu, tentu lebih agi ga kitai enda ulih ngerarika diri, enti kitai nulak Iya ke meri kitai jaku tangkan ari serega!\\n26 Lebuh maya nya menya, tanah berenyang laban penginggar nyawa Iya, tang diatu Iya udah besemaya, “Aku deka sekali agi, ukai semina ngusak dunya, tang langit mega.”\\n27 Leka jaku “sekali agi” terang nunjukka utai ti ulih digusak deka dibuai, iya nya utai ti udah digaga, ngambika semina utai ti enda ulih digusak aja tinggal.\\n28 Nya alai, laban kitai nerima Perintah ti enda ulih digusak, aram kitai meri terima kasih kena kita nyembah Allah Taala, sembah ti dikerinduka Iya, ngena ati ti nangi sereta enggau basa;\\n29 laban “Allah Taala kitai api ti ngerusak.”\\nJalai Ngelantangka Ati Allah Taala\\n1 Majak rinduka diri menyadi dalam Kristus.\\n2 Anang enda ngelaluka temuai ngagai rumah kita, laban sekeda orang ke ngereja nya enda nemu diri udah ngelaluka melikat.\\n3 Kingatka orang ke dalam jil, baka ke ngasaika kita empu kena jil sama enggau sida. Kingatka orang ke kena perinsa, baka ke ngasaika kita empu kena perinsa.\\n4 Awakka adat melaki-bini dibasa semua orang, lalu awakka laki enggau bini meruan tetap ati ngagai pangan diri, laban Allah Taala deka ngakim orang ke ngereja ulah ti kamah, enggau orang ke butang.\\n5 Anang angkunka duit. Kita patut nemu puas ati ke utai ti dikemisi kita, laban Allah Taala udah nyebut, “Aku enggai sekali-kali ninggalka kita, tauka ngelengkaka kita.”\\n6 Nya alai, kitai kempang ati nyebut, “Tuhan endang penyaup aku, nya alai aku enda takut. Nama utai ulih dikereja orang ngagai aku?”\\n7 Kingatka bala tuai kita, ke nusui pesan Allah Taala ngagai kita. Peratika pengidup sida, lalu tunda pengarap sida.\\n8 Jesus Kristus enda berubah kemari, sehari tu enggau ke belama iya.\\n9 Anang nejuka diri tesat dibai semua macham jaku ajar ti nyelai. Manah agi enti ati kitai dikeringka ulih pengasih Allah Taala, ukai dikeringka ulih adat pasal pemakai, ti nadai mai penguntung ngagai orang ke nitihka adat nya.\\n10 Kitai bisi alta, lalu orang ke bekereja dalam langkau sembiang enda tau makai utai ari alta nya.\\n11 Laban jelu ti bempu darah ti dibai imam besai ngagai Endur ti Kudus nyadika piring kena muai dosa, ditunu di luar kem.\\n12 Nya alai Jesus mega mati di luar nengeri, ngambika darah Iya nuchi orang mayuh.\\n13 Nya alai, aram kitai mupuk ngagai Iya di luar kem, ngambika kitai dikeleseka sama enggau Iya.\\n14 Laban di dunya tu kitai nadai nengeri ti tan belama iya. Kitai ngiga nengeri ti deka datai.\\n15 Nya alai, ulih Iya, aram kitai seruran meri puji ngagai Allah Taala, nyadika piring kitai, iya nya piring ti diberi kitai ngena mulut ti ngaku Iya Tuhan.\\n16 Anang enda ngereja utai ti badas lalu bekunsika utai ti dikemisi kita, laban nya piring ti dikerinduka Allah Taala.\\n17 Ngasika tuai kita, lalu nunduk ngagai sida, laban sida ngemataka semengat kita, lalu sida enda tau enda madah ngagai Allah Taala pasal semua pengawa ti udah dikereja sida. Awakka sida ngereja pengawa nya enggau ati ti gaga, ukai enggau ati ti tusah laban nya nadai pulai ke penguntung kita.\\n18 Besampi ke kami, laban kami nemu ati diri beresi, ingin deka ngereja utai ti badas berari.\\n19 Aku ngasuh kita bebendar agi besampi, ngambika aku jampat agi pulai baru ngagai kita.\\n20 Awakka Allah Taala ti pun pemaik, ke udah ngangkatka Jesus Kristus Tuhan kitai ari mati, ke nyadi Pengibun ti Besai, ulih darah sempekat ti meruan belama iya,\\n21 nyikap kita enggau semua utai ti badas, ngambika kita ulih ngereja peneka Iya, ngereja dalam kami\\_f utai ti ngerinduka ati Iya, ulih Jesus Kristus, ke dipuji belama-lama iya. Amin.\\n22 Menyadi, aku minta kita sabar mendingka jaku peransang aku tu, laban surat aku tu pandak.\\n23 Aku dekaka kita nemu, menyadi kitai Timoti udah dilepaska ari rumah jil. Enti iya lengkas datai kitu, aku deka enggau iya nemuai ngagai kita.\\n24 Beri tabi basa ari kami ngagai semua tuai, enggau ngagai semua nembiak Tuhan. Sida ke datai ari Itali mega ngirumka tabi basa ngagai kita.\\n25 Awakka berekat Allah Taala meruan enggau kita semua.","num_words":7480,"character_repetition_ratio":0.066,"word_repetition_ratio":0.002,"special_characters_ratio":0.211,"stopwords_ratio":0.337,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pekit Ngarang Intergriti 2019: Meri penyedar pasal Intergriti, makai suap - Suara Sarawak\\n“Entara tuju pekit tu diatur mega uiya nya nyadi siti ari jalai kami ngulihka timbal ti pandak ari komuniti bekaul enggau intergriti sereta Ombudsman sereta nerenakka ulah intergriti ba diri empu.”\\nKUCHING: Mensia mayuh bela diperansang nyereta Pekit Ngarang Intergriti 2019 ti berengkah ari 1 Jun ngagai 30 November 2019.\\nMenteri ba Opis Kepala Menteri (Intergriti enggau Ombudsman) Datuk Talib Zulpilip madah pekit tu siti ari penyambung ngagai Pekit Ngarang enggau Ngaga Video Pandak 2018.\\n“Tuju ngatur pekit tu ngambika mensia mayuh sedar enggau pekara bekaul enggau intergriti sereta makai suap lebih agi ngagai bala nembiak.\\n“Entara tuju pekit tu diatur mega uiya nya nyadi siti ari jalai kami ngulihka timbal ti pandak ari komuniti bekaul enggau intergriti sereta Ombudsman sereta nerenakka ulah intergriti ba diri empu,” ku iya.\\nKOD QR… Talib scan Kod QR ti nyadi siti ari chara mensia mayuh ngulihka penerang bekaul enggau Pekit Ngarang Intergriti 2019.\\nTalib madah munyi nya rambau aum pemberita ti diatur di Begunan Baitulmakmur ditu, kemari.\\nNangkan nya, ku iya, bisi lima bengkah kategori pekit ti dibuka.\\n“Entara pekit nya, Pekit Ngaga Puisi, Pekit Ngarang Jerita Pandak Jaku Melayu, Pekit Ngarang Jerita Pandak Jaku Iban, Pekit Ngarang Esei Jaku Melayu enggau Pekit Ngarang Esei Jaku English.\\n“Tiap bengkah kategori tu dibuka ngagai semua anak Sarawak enda ngira alai diau, sereta bala mayuh ari nengeri lain ti diau di Sarawak,” ku iya nerang enggau silik.\\nKu Talib, tu mega kerejasama keterubah Union begulai enggau Gerempung Penulis Sarawak.\\n“Ngarapka mayuh agi orang ngerejista diri enggau pekit tu lebih agi ngagai sida nembiak ba renggat sekula.\\n“Nya deka ngemuntangka agi kami nunjukka pekara bekaul enggau intergriti lalu apai indai patut meri sukung ti penuh ngagai bala anak sida ngambika masuk pekit tu,” ku iya.\\nKelimpah ari nya, ku Talib pom enggau atur pekit tu tau digiga ngena Kod QR ngambika ngemuntangka agi pengawa ngulihka penerang bekaul enggau pekit tu.\\nPia mega, penerang ti silik tau ditanya ngagai emel penulissarawak@gmail.com, faks ba lumbur 082-646471 tauka whatsapp ba lumbur 012-8858887.\\nSama ngulu aum nya Presiden Gerempung Penulis Sarawak Zaid Zaidel Jamil enggau sapit iya, Ali Hossen Abang.","num_words":341,"character_repetition_ratio":0.088,"word_repetition_ratio":0.12,"special_characters_ratio":0.195,"stopwords_ratio":0.208,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Surat Pasal Kereja Rasul* nampung Injil ti ditulis Luke. Batang tuju surat tu nya madahka jalai orang ke nitihka Jesus, ari iring Roh Kudus, ngerembaika Berita Manah pasal Jesus Kristus “di Jerusalem, di semua menua Judea, Samaria, enggau ngagai ujung dunya” (1.8). Jerita tu madahka pasal pemun pengarap Kristian ba bansa orang Judah, lalu ngerembai nyadi pengarap ke semua mensia. Orang ke nulis surat tu mega madahka orang Kristian ukai raban politik, ukai ngelaban perintah Rome. Pengarap Kristian nya ngamatka jaku ti udah disebut dalam pengarap orang Judah.\\nSurat Pasal Kereja Rasul* tau dibagi ngagai tiga iti sitak, kena ngingatka pemesai endur ti alai Berita Manah udah dikerembaika enggau kena ngingatka penumbuh eklisia: (1) Pun pengarap orang Kristian di Jerusalem udah bekau Jesus niki ke serega; (2) Ngerembai ngagai menua bukai di Palestin; enggau (3) ngerembai ngagai menua ti ngelingi Tasik Tengah, nyentuk ngagai Rome.\\nUtai ti patut diperatika dalam Surat Pasal Kereja Rasul* nya pengawa Roh Kudus, ke datai enggau kuasa ba sida ke arap di Jerusalem lebuh hari Pentikos, lalu majak ngiring sereta ngeringka eklisia enggau bala tuai eklisia, dalam semua pekara ti ditusui dalam bup tu. Pesan orang Kristian disimpul ngena mayuh jaku ajar, lalu utai ti nyadi ti ditulis dalam Surat Pasal Kereja Rasul* ngayanka kuasa pesan nya dalam pengidup sida ke arap enggau dalam kaul raban eklisia. Surat tu ditulis Luke kira dalam taun 75 A.D.\\nNyendiaka ati orang ke macha nerima saksi tu (1.1-26)\\na. Pesan Jesus ti penudi, enggau semaya Iya (1.1-14)\\nb. Orang ke nganti Judas (1.15-26)\\nBesaksi di Jerusalem (2.1-8.8)\\nBesaksi di Judea enggau di Samaria (8.4-12.25)\\nPengawa Paul (13.1-28.31)\\na. Pejalai ti keterubah (13.1-14.28)\\nb. Aum Besai di Jerusalem (15.1-35)\\nc. Pejalai ti kedua (15.36-18.22)\\nd. Pejalai ti ketiga (18.23-21.16)\\ne. Paul ditan dalam rumah jil di Jerusalem, Siseria, enggau di Rome (21.17-28.31)\\n1 Tabi Teopilus,\\nDalam bup ti keterubah, Teopilus, aku nuliska pasal semua utai ti udah dikereja enggau diajar Jesus kenyau ari pun\\n2 nyentuk ngagai hari Iya dibai niki ke serega, lebuh Iya udah meri pesan, ulih kuasa Roh Kudus, ngagai sida rasul ke udah dipilih Iya. .\\n3 Dalam kandang empat puluh hari udah bekau Iya mati, Iya suah pegari di mua sida kena Iya nunjukka Diri amat idup. Sida meda Iya, lalu bejaku ngagai sida pasal Perintah Allah Taala.\\n4 Lebuh Iya benung diau enggau sida, Iya enda nyagi sida ninggalka Jerusalem, tang nganti pemeri ti udah disemaya Apai. Ku Iya, “Tu utai ti udah didinga kita ari Aku:\\n5 John maptisa ngena ai, tang kita deka dibaptisa ngena Roh Kudus dua tiga hari tu agi.”\\n6 Lebuh sida begempuru, sida lalu nanya Iya, “Tuhan, kati tu maya Nuan deka mulaika Perintah ngagai orang Israel?”\\n7 Iya lalu nyaut, “Kita enda ibuh nemu maya tauka musin ti udah diletak Apai ngena hak Iya Empu.\\n8 Tang kita deka nerima kuasa lebuh Roh Kudus udah nurun atas kita, lalu kita deka nyadi saksi Aku di Jerusalem, di serata menua Judea enggau Samaria, enggau ngagai ujung dunya.”\\n9 Lebuh Iya udah nyebut nya, Iya lalu dibai niki ke serega, dipeda semua sida, lalu siti remang ngelindung Iya ari sida.\\n10 Lebuh sida benung engkadah ke langit nengkilaka Iya mupuk, tekala nya dua iku orang ke ngena gari burak bediri ngimbai sida\\n11 lalu bejaku, “Kita orang Galili, nama kebuah kita bediri engkadah ke langit? Jesus tu, ke udah diambi ari kita lalu dibai niki ke serega, deka datai baru baka chara Iya ke mupuk ke serega, baka ke udah dipeda kita.”\\nMatias Dipilih Nganti Judas\\n12 Sida lalu pulai ngagai Jerusalem ari Bukit Kana kira satu kilometer ari nengeri nya.\\n13 Lebuh sida udah tama ngagai nengeri nya, sida lalu niki ke sadau, ti alai sida diau. Sida nya Peter, John, James, enggau Andrew, Philip enggau Thomas, Bartolomew enggau Matthew, James anak Alpius, Simon ke Bujang Berani, enggau Judas anakJames.\\n14 Semua sida seruran besampi, sama enggau sida ke indu, nyengkaum Maria indai Jesus, enggau sida menyadi lelaki Jesus.\\n15 Lebuh maya nya Peter lalu bediri ba tengah-tengah bala sida ke arap (pemayuh semua sida kira seratus dua puluh iku) lalu bejaku,\\n16 “Menyadi, Bup Kudus enda tau enda dikamatka, ba senentang Roh Kudus ke bejaku ngena mulut David, pasal Judas ke nyadi malin ke orang ke nangkap Jesus,\\n17 laban iya udah nyadi raban kitai, lalu udah diberi ungkup dalam pengawa tu.”\\n18 (Nyadi Judas udah meli sebidang tanah ngena duit ti ulih iya ngereja pengawa ti jai nya. Iya rebah ba tanah nya lalu perut iya pechah, lalu semua perengka dalam iya tepambur pansut.\\n19 Semua orang ke diau di Jerusalem bela udah ninga pasal nya, nya alai, dalam jaku sida empu, sida ngumbai tanah nya Akeldama, reti nya “Tanah Darah.”)\\n20 “Laban endang udah ditulis dalam bup Masmur, ‘Awakka rumah iya puang, lalu awakka orang nadai diau dalam rumah nya.’ Lalu udah mega ditulis munyi tu:\\n21-22 “Nya alai, siku orang enda tau enda enggau kitai besaksika pasal pengangkat Tuhan Jesus ari mati. Orang nya enda tau enda siku ari raban kitai ke seruran enggau kitai sekumbang kitai ke bejalai kia-kia enggau Tuhan Jesus, berengkah ari maya John ke maptisa orang, nyentuk ngagai Hari Tuhan Jesus diambi ari kitai lalu dibai niki ke serega.”\\n23 Nya alai sida lalu nuduhka dua iku orang: Josep, ke dikumbai Barsabas (ke mega dikumbai Justus), enggau Matias.\\n24 Sida lalu besampi, ku sida, “Tuhan, Nuan nemu ati semua orang. Tunjukka ngagai kami ni bagi seduai tu ke udah dipilih Nuan\\n25 bekereja dalam pengawa tu nyadi rasul nganti Judas, ke udah limpang lalu mupuk ngagai endur iya empu.”\\n26 Sida lalu bechabut undi ke seduai iya, lalu Matias kena pilih. Iya lalu ditambahka ngagai bala rasul ke sebelas iku nya.\\nPenatai Roh Kudus\\n1 Lebuh hari Pentikos udah datai, semua sida begempuru ba endur siti.\\n2 Tekala nya utai ti munyi ribut biaubalai lalu datai ari langit, lalu ngemenuhka rumah ti alai sida duduk.\\n3 Utai ti baka daun api lalu pegari ba tengah-tengah sida, ti bechabang lalu inggap ba genap iku sida.\\n4 Semua sida lalu dipenuhka enggau Roh Kudus, lalu belabuh bejaku ngena jaku orang bansa bukai nitihka penau ti diberi Roh Kudus.\\n5 Nyadi di Jerusalem lebuh maya nya bisi orang Judah ke angkunka Allah Taala, ke datai ari semua menua di dunya tu.\\n6 Lebuh sida ninga munyi utai nya, sida lalu begelumu, lalu semua sida tekenyit ati, laban genap iku sida bela ninga bala orang ke arap nya bejaku ngena jaku bansa sida.\\n7 Sida balat alit ati sereta iran, lalu nanya, “Ukai enda semua sida ke bejaku tu orang Galili magang?\\n8 Nya alai nama kebuah kitai bela ninga sida tu bejaku ngena jaku kitai empu?\\n9 Kitai tu datai ari menua Partia, Media enggau Elam, Mesopotamia, Judea, enggau Kapadosia, Pontus enggau Asia,\\n10 Prigia enggau Pampilia, Ejip enggau Libia semak Sairin, enggau temuai ari Rome, nyengkaum orang Judah enggau orang bansa bukai ke udah masuk pengarap orang Judah,\\n11 orang ari Krit enggau Arabia. Tang semua kitai bela ninga sida tu bejaku ngena jaku kitai empu, madahka pasal pemesai pengawa Allah Taala!”\\n12 Semua sida balat alit ati sereta beba penemu. Ku sida bejaku enggau pangan diri, “Nama reti utai tu?”\\n13 Tang sida ti bukai ngelese, ku sida “Sida tu mabuk!”\\nPeter Bejaku Ngagai Orang Mayuh\\n14 Tang Peter, ke bediri enggau sida ke sebelas iku, lalu bejaku enggau nyawa ti inggar ngagai orang mayuh: “Kita orang Judah, enggau semua kita ke diau di Jerusalem, awakka kita nemu utai tu, lalu pendingka utai ti disebut aku.\\n15 Iya ti bendar, orang tu ukai mabuk munyi ti disangka kita, laban jam diatu baru pukul semilan pagi.\\n16 Tu meh utai ti udah disebut nabi Joel:\\n17 ‘Ba hari ti penudi, ku Allah Taala bejaku, Aku deka nuang Roh Aku ngagai semua mensia, lalu anak lelaki enggau anak indu kita deka benabi, lalu anak bujang kita deka meda genera, lalu sida ke tuai deka bemimpi.\\n18 Sigi amat. Lebuh maya nya Aku deka nuang Roh Aku ngagai bala ulun ti indu enggau bala ulun Aku ti lelaki, lalu sida deka benabi.\\n19 Lalu Aku deka ngayanka tanda ti nyelai di langit enggau kereja ti nyelai ba dunya di baruh, darah, api enggau sebun ti baka asap.\\n20 Mata hari deka piam, lalu bulan deka bebali mirah baka darah, sebedau Hari Tuhan datai hari ti besai sereta bemulia nya.\\n21 Lalu barang sapa ngangauka nama Tuhan, deka diselamatka.’\\n22 “Kita orang Israel, dingaka jaku aku tu. Jesus orang Nasaret udah dikirumka Allah Taala ngagai kita. Utai tu nyata ari kereja ajih, enggau kereja ti nyelai ti dikereja Allah Taala, ulih Jesus, ba bala kita. Kita empu nemu utai tu, laban utai tu nyadi ba bala kita.\\n23 Jesus tu udah diserahka ngagai kita nitihka pelan enggau penemu Allah Taala. Kita ngeregang lalu munuh Iya ngena jari orang ke ari luar Adat.\\n24 Tang Allah Taala udah ngangkatka Iya lebuh Iya udah ngelepaska Iya ari pemati, laban pemati nadai kuasa atas Iya.\\n25 Laban David udah bejakuka pasal Iya munyi tu:‘Aku seruran meda Tuhan di mua aku. Laban Iya muak ari kanan aku, nya alai aku enda takut.\\n26 Nya alai ati aku gaga lalu dilah aku rami gaga, lalu aku deka diau dalam pengadang,\\n27 laban Nuan enda ninggalka aku dalam dunya pemati, tauka nejuka Nembiak Nuan Ti Kudus, but.\\n28 Nuan udah nunjukka jalai pengidup ngagai aku. Nuan deka seruran enggau aku lalu ati aku deka penuh laban pengaga.’\\n29 “Menyadi, awakka aku bejaku enggau terang ngagai kita pasal aki kitai David. Iya udah mati lalu udah dikuburka, lalu kubur iya agi bisi ditu nyentuk ngagai diatu.\\n30 Laban iya endang nabi, iya nemu Allah Taala udah ngaga semaya ngena sumpah enggau iya madahka Diri deka ngasuh siku ari peturun iya nyadi raja.\\n31 Laban David nemu utai tu deka nyadi, nya alai iya bejakuka pasal pengangkat Kristus ari mati. Ku iya, ‘Iya enda ditinggalka di dunya pemati, lalu tubuh Iya pen enda mega but.’\\n32 Jesus tu ke udah diangkatka Allah Taala ari mati, lalu semua kami tu nyadika saksi nya.\\n33 Iya udah diangkatka muak ari kanan Allah Taala lalu lebuh Iya udah nerima Roh Kudus ti udah disemaya Apai, Iya nuang Roh Kudus nya ngagai kami, baka ti dipeda enggau didinga kita.\\n34 Laban ukai David ke niki ke serega. Tang David empu nyebut:‘Ku Tuhan bejaku ngagai Tuhan aku: Duduk muak ari kanan Aku\\n35 datai ke Aku udah ngaga munsuh Nuan nyadika pelasar kaki Nuan.’\\n36 “Nya alai, awakka semua orang Israel nemu enggau terang: Jesus ke udah diregang kita, udah digaga Allah Taala nyadi Tuhan enggau Kristus!”\\nOrang Ke Terubah Nerima Kristus\\n37 Lebuh orang mayuh ninga nya, ati sida balat tusah. Sida lalu bejaku ngagai Peter enggau ngagai sida rasul ti bukai, “Menyadi, nama utai ti patut dikereja kami?”\\n38 Ku Peter bejaku ngagai sida, “Nesal ati ke dosa kita, genap iku kita, lalu dibaptisa dalam nama Jesus Kristus, ngambika dosa kita diampun, lalu kita deka nerima Roh Kudus nyadika pemeri ti diberi Allah Taala.\\n39 Semaya nya diberi ngagai kita, enggau ngagai anak kita, enggau ngagai semua orang ke jauh, iya nya semua orang ke dikangauka Tuhan Allah Taala kitai ngagai Iya.”\\n40 Peter besaksi ngagai sida ngena mayuh jaku bukai, lalu meransang sida. Ku iya, “Lepaska diri ari rebak ti jai tu!”\\n41 Sida ke arapka pesan iya, lalu dibaptisa. Kira tiga ribu iku orang ditambahka ngagai bala sida sehari nya.\\n42 Sida angkun belajar ari sida rasul, begempuru enggau sida, makai roti, sereta besampi.\\nPengidup Orang Ke Arap\\n43 Genap iku orang bela nangi laban mayuh kereja ajih enggau kereja ti nyelai dikereja sida rasul.\\n44 Semua orang ke arap begulai enggau pangan diri lalu bekunsika pemisi sida enggau pangan diri.\\n45 Sida nyual reta tengkira sida, lalu nyadung duit ti ulih sida ari nya ngagai semua bala sida, nitihka guna sida siku-siku.\\n46 Tiap hari sida begempuru dalam Rumah Sembiang. Sida makai roti dalam rumah sida. Sida beserumpu makai lalu bekunsika pemakai enggau ati ti gerah mudah sereta gaga,\\n47 muji Allah Taala sereta dikerinduka semua orang. Lalu tiap hari Tuhan nambahka orang ke diselamatka ngagai bala sida.\\nOrang Ke Bajung Digeraika\\n1 Nyadi sekali, lebuh Peter seduai John mansang ngagai Rumah Sembiang lebuh maya besembiang ba urung pukul tiga ngalih hari,\\n2 siku orang ke enda ulih bejalai kenyau ari ada dibai tama. Orang ngalika iya tiap hari ba mua pintu ti dikumbai Pintu ti Manah dalam Rumah Sembiang, ngambika iya ulih minta sedekah ari orang ke tama ngagai Rumah Sembiang nya.\\n3 Lebuh iya meda Peter seduai John baru deka tama ngagai Rumah Sembiang nya, iya lalu minta sedekah ari seduai iya.\\n4 Seduai iya lalu malik ngagai iya, lalu ku Peter bejaku, “Peda nuan kami duai tu!”\\n5 Orang nya lalu merening ngagai seduai iya, ngarapka diri deka bulih sedekah ari seduai iya.\\n6 Tang ku Peter bejaku, “Aku nadai pirak tauka emas, tang utai ti dikemisi aku, nya meh utai ti diberi aku ngagai nuan: dalam nama Jesus Kristus orang Nasaret, bediri nuan lalu bejalai!”\\n7 Peter lalu megai jari kanan iya, lalu ngangkatka iya. Tekala nya kaki enggau buku-ali orang nya lalu kering.\\n8 Iya engkejuk angkat, bediri, lalu bejalai, lalu tama ngagai Rumah Sembiang sama enggau Peter seduai John, ama bejalai, ama engkejuk, sereta muji Allah Taala.\\n9 Semua orang bela meda iya bejalai sereta muji Allah Taala,\\n10 lalu sida ngelala iya nya orang ke udah duduk minta sedekah ba mua Pintu ti Manah dalam Rumah Sembiang. Lalu sida balat alit ati sereta iranka utai ti udah nyadi ba iya.\\nPeter Dalam Serambi Solomon\\n11 Lebuh orang nya majak bepegai ba Peter seduai John, semua orang mayuh alit ati lalu belanda ngagai sida tiga ba endur ti dikumbai Serambi Solomon.\\n12 Lebuh Peter meda orang mayuh datai, iya lalu bejaku ngagai sida, “Kita orang Israel, nama kebuah kita alit ati ke tu? Nama kebuah kita merening ngagai kami? Ukai kuasa kami tauka pengudus kami ti ngasuh orang tu ulih bejalai.\\n13 Allah Taala ke disembah Abraham, Isak enggau Jakop, Allah Taala ke disembah aki ini kitai, udah ngemuliaka Nembiak Iya Jesus, ke udah diserah lalu ditulak kita di mua Pilate, taja pen Pilate udah mutuska runding deka ngelepaska Iya.\\n14 Tang kita nulak Iya ti kudus sereta lurus, lalu kita minta siku pemunuh diserahka ngagai kita,\\n15 lalu kita munuh Iya ti Pun pengidup. Tang Allah Taala udah ngangkatka Iya ari mati. Kami empu nyadika saksi nya.\\n16 Ulih pengarap ke nama Iya, ulih kuasa nama Iya, orang ke enda ulih bejalai tu, ke dipeda sereta dikelala kita empu, udah nyadi kering. Pengarap iya ke Jesus ti udah ngeraika iya, baka ke dipeda semua kita.\\n17 “Menyadi, aku nemu kita enggau bala tuai kita, udah ngereja utai nya laban kita enda nemu utai ti dikereja diri.\\n18 Tu chara Allah Taala ngamatka semua utai ti udah disebut Iya ngena semua sida nabi, madahka Kristus enda tau enda kena perinsa.\\n19 Nya alai, nesal ati meh kita lalu pulai baru ngagai Allah Taala, ngambika dosa kita diampun,\\n20 ngambika maya deka datai alai kita deka ngasaika pengering ari Tuhan, sereta ngambika Iya ngirumka Kristus ngagai kita, iya nya Jesus ke udah dipilih Iya ke kita,\\n21 ke enda tau enda diau di serega nyentuk ngagai maya Allah Taala udah ngaga semua utai nyadi baru magang, munyi ti udah dipadahka Iya ngena bala nabi Iya ti kudus dulu kelia.\\n22 Ku Moses bejaku, ‘Tuhan Allah Taala kita deka milih siku nabi ke kita, ari bala kita empu, baka Iya ke udah milih aku. Kita enda tau enda mendingka semua utai ti dipadahka iya ngagai kita.\\n23 Barang sapa enda mendingka nabi nya deka dibuai ari raban nembiak Allah Taala.’\\n24 Lalu semua nabi ke udah bejaku, berengkah ari Samuel, enggau nabi bukai ke datai dudi ari iya, udah mega madahka hari nya.\\n25 Kita tu peturun sida nabi nya enggau peturun sempekat ti udah diberi Allah Taala ngagai aki ini kita, lebuh Iya bejaku ngagai Abraham, ‘Ulih peturun nuan semua mensia di dunya tu deka diberekatka.’\\n26 Lebuh Allah Taala udah ngangkatka Nembiak Iya, Iya lalu ngirumka Iya ngagai kita dulu, ngambika Iya merekatka kita lebuh Iya nguingka genap iku kita ari penyai kita.”\\nPeter Seduai John Besaksi Di Mua Raban Kunsil\\n1 Lebuh Peter seduai John agi benung bejaku ngagai orang mayuh, sida imam, enggau kepala orang ke nyaga Rumah Sembiang, enggau orang Saduki datai ngagai seduai iya,\\n2 laban sida pedis ati ngagai seduai iya laban seduai iya ngajar orang mayuh, lalu madahka dalam Jesus bisi pengangkat ari mati.\\n3 Nya alai sida nangkap seduai iya, lalu nutup seduai iya dalam rumah jil, nyentuk ngagai hari siti, laban hari nyau lemai.\\n4 Tang mayuh orang ke ninga pesan nya, arap, lalu pemayuh tubuh sida nambah ngagai kira lima ribu iku.\\n5 Hari siti, bala orang ke megai perintah, sida tuai bansa enggau sida pengajar Adat begempuru di Jerusalem\\n6 sama enggau Imam Besai Anas, enggau Kaiapas, John, Aleksander, enggau sida ti bukai ke ari ruang bilik imam besai.\\n7 Lebuh sida udah ngasuh Peter seduai John bediri di mua sida, sida lalu nanya, “Ngena kuasa apa tauka ngena nama sapa seduai ngereja utai tu?”\\n8 Peter, ke penuh laban Roh Kudus, lalu bejaku ngagai sida, “Kita orang perintah, enggau kita ke tuai bansa:\\n9 enti kami duai sehari tu ditanyaka pasal kereja ti manah ti udah dikereja ba orang ke enda ulih bejalai, pasal jalai orang tu udah digeraika,\\n10 awakka semua kita nemu, lalu awakka semua orang Israel nemu, orang ke bediri di mua kita ditu diatu, udah digeraika ulih kuasa nama Jesus Kristus orang Nasaret, ke udah diregang kita, lalu udah diangkatka Allah Taala idup baru ari mati.\\n11 Jesus nya meh ‘batu ti ditulak kita ke tukang rumah, tang udah nyadi batu ti pemadu beguna.’\\n12 Pengelepas semina ditemu dalam orang siku aja, laban nadai nama bukai di baruh langit ti diberi ngagai mensia ti ulih nyelamatka kitai.”\\n13 Lebuh sida meda pemerani Peter seduai John, lalu nemu seduai iya ukai orang ke bepelajar, tang orang ke sengapa-dia, sida balat alit ati. Nya baru sida nemu seduai iya udah bekaling enggau Jesus.\\n14 Lebuh sida meda orang ke udah digeraika bediri ngimbai seduai iya, sida nadai nemu jalai besangkalka nya.\\n15 Nya alai sida ngasuh seduai iya pansut ari balai nya. Sida lalu berandauka pasal pekara nya enggau pangan diri.\\n16 Ku sida, “Nama utai ti patut dikereja kita ngagai orang tu? Laban semua orang ke diau di Jerusalem bela udah meda kereja ajih ti udah dikereja ulih seduai iya, lalu kitai nadai jalai besangkalka nya.\\n17 Tang kena nagang pekara tu ngelekai ba bala orang mayuh, awakka kitai nangkan seduai iya enggau jaku, enda nyagi seduai iya bejaku ngagai sebarang orang dalam nama tu.”\\n18 Nya alai sida lalu ngangauka Peter seduai John tama baru, lalu enda nyagi seduai iya bejaku tauka ngajar dalam nama Jesus.\\n19 Tang ku Peter seduai John nyaut sida, “Sekalika kami, di mua Allah Taala, patut mendingka kita, lalu enda mendingka Allah Taala, awakka kita empu berunding,\\n20 laban kami enda ulih nagang diri bejakuka pasal utai ti udah dipeda enggau didinga kami.”\\n21 Lebuh sida udah ngemba seduai iya baru, sida lalu ngelepaska seduai iya, laban sida nadai nemu jalai ngukum seduai iya ketegal orang mayuh, laban semua sida bela muji Allah Taala ketegal utai ti udah nyadi.\\n22 Laban orang ke udah digeraika ulih kereja ajih nya lebih empat puluh taun umur.\\nSida Ke Arap Besampi Minta Pemerani\\n23 Lebuh Peter seduai John udah dilepaska, seduai iya lalu pulai ngagai raban sida empu, lalu madahka jaku ti udah disebut sida tuai imam, enggau bala tuai bansa, ngagai seduai iya.\\n24 Lebuh sida ninga nya, semua sida lalu besampi enggau nyawa ti inggar ngagai Allah Taala. Ku sida, “Tuhan ti Pemadu Tinggi, ke ngaga langit, tanah, enggau tasik, enggau semua utai ti dalam sida,\\n25 ke udah bejaku ngena Roh Kudus nengah mulut nembiak Nuan David, ‘Nama kebuah orang bansa bukai pedis ati, lalu semua bansa berundingka utai ti nadai guna?\\n26 Bala raja dunya angkat bediri, lalu orang ke megai perintah udah begempuru ngelaban Tuhan enggau ngelaban KristusIya.’\\n27 Laban dalam nengeri tu, iya ti bendar, Herod seduai Pontius Pilate, enggau orang bansa bukai, enggau orang Israel, udah begempuru ngelaban Nembiak Nuan ti kudus, Jesus ke udah dipilih Nuan,\\n28 ngambika sida ngereja utai ti endang udah dulu diletak Nuan deka nyadi.\\n29 Nya alai diatu, Tuhan, peda Nuan pemalat sida ngemba kami, lalu beri pemerani ngagai nembiak nuan kena sida nusui pesan Nuan,\\n30 lebuh Nuan ngunjurka jari Nuan lalu ngeraika orang, lalu tanda ti nyelai enggau kereja ajih dikereja dalam nama Jesus, nembiak Nuan ti kudus.”\\n31 Lebuh sida udah besampi, endur alai sida ke begempuru lalu berenyang. Semua sida lalu dipenuhka enggau Roh Kudus, lalu sida berani nusui pesan Allah Taala.\\nSida Ke Arap Bekunsika Pemisi Sida\\n32 Semua sida ke arap sama seati, sama sepenemu, lalu nadai siku sida ngumbai utai ti dikemisi sida semina diempu sida kediri, tang semua sida bekunsika semua utai ti dikemisi sida enggau pangan diri.\\n33 Enggau kuasa ti besai, sida rasul besaksika pasal pengangkat Tuhan Jesus ari mati, lalu Allah Taala merekatka semua sida.\\n34 Nadai siku sida suntuk utai, laban sida ke bisi tanah tauka rumah, nyual utai nya, lalu mai\\n35 lalu ngengkahka rega utai nya semak kaki sida rasul, lalu duit nya disadung ngagai bala sida nitihka guna sida siku-siku.\\n36 Siku orang Lewi ke benama Josep, ke asal ari Saiprus, ke dikumbai bala sida rasul Barnabas (reti nya, “Anak Peransang”)\\n37 nyual tanah iya, mai duit nya, lalu ngengkahka duit nya semak kaki sida rasul.\\nAnanias Enggau Sapira\\n1 Tang siku lelaki ke benama Ananias enggau bini iya Sapira nyual sebidang tanah.\\n2 Ari aum seduai melaki-bini iya, iya naruh sebagi ari duit nya, mai teda duit nya lalu ngengkahka duit nya semak kaki sida rasul.\\n3 Peter lalu nanya iya, “Ananias, nama kebuah Sitan udah ngasuh nuan bulaka Roh Kudus, lalu ngasuh nuan naruh sebagi ari rega tanah nya?\\n4 Lebuh tanah nya apin dijual, tanah nya endang enggi nuan, ukai enda? Lalu lebuh tanah nya udah dijual, duit nya endang sebarang ku nuan enggau, ukai enda? Nya alai, nama kebuah nuan berunding deka ngereja utai tu dalam ati nuan? Nuan ukai ngemulaka kami, tang ngemulaka Allah Taala!”\\n5 Lebuh Ananias ninga jaku nya, iya rebah lalu mati. Semua orang ke ninga pekara nya bela takut magang.\\n6 Bala orang ke bujang datai, mungkus bangkai iya, ngesan iya ke luar, lalu nguburka iya.\\n7 Kira tiga jam udah bekau nya bini iya tama, enda nemu utai ti udah nyadi.\\n8 Peter lalu nanya iya, “Padahka ngagai aku, kati tu semua rega tanah ti dijual seduai laki nuan?” Iya lalu nyaut, ‘Au. Nya meh rega iya.”\\n9 Peter lalu bejaku ngagai iya, “Nama kebuah seduai besetuju deka nguji Roh Tuhan? Dinga nuan! Orang ke udah nguburka laki nuan, bisi bediri di mua pintu, lalu sida deka ngesan nuan pansut!”\\n10 Tekala nya iya lalu rebah semak kaki Peter, lalu mati. Lebuh sida ke bujang tama lalu nemu iya udah mati, sida lalu ngesan iya ke luar, lalu nguburka iya ngimbai laki iya.\\n11 Semua raban eklisia, enggau semua orang ke ninga pasal pekara nya lalu balat amat takut.\\nKereja Ajih Enggau Kereja Ti Nyelai\\n12 Mayuh kereja ti nyelai enggau kereja ajih dikereja sida rasul ba bala orang mayuh. Lalu semua sida ke arap begempuru ba Serambi Solomon.\\n13 Nadai orang bukai berani begulai enggau sida, tang orang balat muji sida.\\n14 Tang taja pia, orang ke arapka Tuhan lebih agi majak nambah-menambah, orang ke lelaki enggau orang ke indu,\\n15 datai ke orang nyau mai orang ke sakit ngagai jalai raya, lalu ngalika sida ba tilam tauka ba tikai, ngambika ayuk Peter ninggang sida lebuh iya mansa.\\n16 Mayuh amat orang mega datai begempuru ari mayuh bengkah nengeri ti ngelingi Jerusalem, mai orang ke sakit enggau orang ke dikeduan roh ti kamah, lalu semua sida digeraika magang.\\nBala Rasul Kena Perinsa\\n17 Imam besai lalu ngereja siti utai. Iya enggau semua orang ke enggau iya, ke kepepaska sida rasul,\\n18 nangkap sida rasul lalu nutup sida dalam rumah jil.\\n19 Tang malam nya siku melikat Tuhan muka pintu rumah jil nya, mai sida pansut, lalu bejaku,\\n20 “Mupuk kita, lalu bediri dalam Rumah Sembiang, lalu padahka ngagai orang mayuh semua pesan pasal pengidup tu.”\\n21 Lebuh sida ninga nya, sida tama ngagai Rumah Sembiang ba urung rerak tawas, lalu majak ngajar orang mayuh. Lebuh imam besai enggau orang ke enggau iya datai, sida ngempuruka semua raban Kunsil, enggau semua tuai bansa orang Israel, lalu ngasuh orang mai sida rasul ari rumah jil ngagai sida.\\n22 Tang lebuh sida polis ke nyaga Rumah Sembiang mansang ngagai rumah jil, sida nadai nemu sida rasul dalam rumah jil nya; nya alai sida lalu pulai baru ngagai Kunsil lalu madahka nya,\\n23 “Kami nemu semua pintu ba rumah jil nya dikunchi magang, lalu semua jejaga bediri ba mua pintu, tang lebuh kami muka pintu, kami nadai nemu orang di dalam!”\\n24 Lebuh pemesai ke nyaga Rumah Sembiang, enggau sida tuai imam ninga nya, sida beba runding lebuh sida berundingka utai ti udah nyadi.\\n25 Udah nya siku orang datai lalu madah ngagai sida, “Dinga kita, orang ke ditutup kita dalam rumah jil diatu bediri dalam Rumah Sembiang, ngajar orang mayuh!”\\n26 Pemesai nya lalu mupuk enggau bala polis ke nyaga Rumah Sembiang, lalu mai sida rasul, tang enda enggau chara ti kasar, laban sida takutka diri dituku orang mayuh ngena batu.\\n27 Lebuh sida udah mai sida rasul, sida lalu ngasuh sida rasul bediri di mua raban Kunsil. Imam besai lalu nanya sida.\\n28 Ku iya, “Kami udah meri atur ti terit, enda nyagi kita ngajar dalam nama tu, tang diatu kita udah ngisi Jerusalem ngena ajar kita, lalu kita keras deka ngasuh kami betanggungjawapka pemati Iya!”\\n29 Tang ku Peter enggau sida rasul bukai nyaut, “Kami enda tau enda ngasika Allah Taala, ukai ngasika mensia.\\n30 Allah Taala aki ini kitai udah ngangkatka Jesus ari mati, ke udah dibunuh kita ba kayu regang.\\n31 Allah Taala udah ngangkatka Iya muak ari kanan Iya nyadi Kepala enggau Juruselamat, ngambika Iya ulih meri orang Israel peluang nesal ati lalu dosa sida diampun.\\n32 Lalu kami empu nyadi saksi ke utai nya, lalu baka nya mega Roh Kudus ke udah diberi Allah Taala ngagai orang ke ngasika Iya.”\\n33 Lebuh sida ninga nya, sida balat amat pedis ati, lalu deka munuh sida rasul.\\n34 Tang siku orang Parisi ke benama Gamaliel ke dalam Kunsil nya, ke nyadi pengajar Adat sereta dibasa orang mayuh, bediri lalu ngasuh orang mai sida rasul pansut enda lama.\\n35 Udah nya iya lalu bejaku ngagai raban Kunsil, “Kita orang Israel, perundingka enggau manah utai ti deka dikereja kita ngagai orang tu.\\n36 Laban dulu suba Tadeus angkat ngelaban, ngumbai diri orang ke besai, lalu kira empat ratus iku orang nitihka iya. Tang iya dibunuh, lalu semua orang ke nitihka iya pambar lalu lesap.\\n37 Udah nya Judas ari Galili angkat ngelaban lebuh maya ngitung tubuh, lalu mai orang enggau iya. Iya mega dibunuh, lalu semua orang ke nitihka iya pambar magang.\\n38 Nya alai, ba pekara ke diatu, aku madah ngagai kita, anang ngereja sebarang utai ngagai sida. Awakka sida pia aja! Laban enti pelan tauka pengawa tu datai ari mensia, iya deka puntan.\\n39 Tang enti utai tu datai ari Allah Taala, kita enda ulih ngalahka sida, lalu kita deka ditemu ngelaban Allah Taala!” Sida lalu besetuju enggau penemu Gamaliel.\\n40 Lebuh sida udah ngasuh sida rasul tama, sida lalu ngasuh sida disipat. Udah nya sida enda nyagi sida bejaku dalam nama Jesus, lalu ngelepaska sida.\\n41 Lebuh sida rasul angkat ari balai Kunsil, sida lalu rami gaga ati ke diri ke udah dikira patut kena perinsa ketegal nama Jesus.\\n42 Lalu tiap hari, dalam Rumah Sembiang enggau dalam rumah sida empu, sida enda ngetu-ngetu ngajar sereta madahka Jesus nya Kristus.\\nTujuh Iku Penulung\\n1 Lebuh maya nya menya, lebuh bala murid nyau majak nambah-menambah, orang Judah ke bejaku ngena jaku Gerika mutap ngelaban orang Hebrew, laban indu balu sida enda dikibuhka orang lebuh orang nyadung pemakai tiap hari.\\n2 Sida rasul ke dua belas lalu ngempuruka semua orang ke arap, lalu bejaku ngagai sida, “Kami enda patut ngelengkaka pengawa nusui jaku Allah Taala, lalu meri orang makai.\\n3 Nya alai, menyadi, pilih ari bala kita empu tujuh iku orang ke manah perangai, ke penuh laban Roh Kudus sereta bepenemu-dalam, ke tau diasuh kitai ngereja pengawa tu,\\n4 lalu kami empu deka ngemeranka pengawa besampi enggau nusui Berita Manah.”\\n5 Utai ti disebut sida ngelantangka ati semua sida, lalu sida milih Stepen ke penuh laban pengarap enggau Roh Kudus, sama enggau Philip, Prokorus, Nikanor, Timon, Parmenas enggau Nikolaus, siku orang bansa bukai ke datai ari Antiok ke udah masuk pengarap orang Judah.\\n6 Sida lalu ngasuh orang nya bediri di mua sida rasul, ke besampi lalu ngengkahka jari atas sida.\\n7 Jaku Allah Taala majak ngelekai. Pemayuh murid lalu balat amat majak nambah-menambah di Jerusalem, lalu mayuh amat mega sida imam nerima pengarap nya.\\n8 Stepen, ke penuh laban berekat enggau kuasa, ngereja mayuh kereja ajih enggau kereja ti nyelai ba orang mayuh.\\n9 Udah nya sekeda orang ari raban Balai Gempuru Orang Ke Udah Dilepaska enggau orang Judah ke datai ari menua Sairin, ari Aleksandria, enggau ari menua Silisia enggau Asia, belabuh betalat enggau Stepen.\\n10 Tang sida enda ulih ngelaban penemu-dalam enggau kuasa Roh Kudus ti dikena iya bejaku.\\n11 Sida lalu belalai nyungkak orang nyebut, “Kami udah ninga iya bejaku busung ngelaban Moses, enggau ngelaban Allah Taala!”\\n12 Lalu sida nyungkak orang mayuh, enggau sida tuai bansa, enggau sida pengajar Adat. Sida lalu nangkap Stepen lalu mai iya ngagai Kunsil.\\n13 Sida ngasuh orang besaksi bula ngelaban iya, munyi tu, “Orang tu enda ngetu-ngetu bejaku ngelaban endur ti kudus tu, enggau ngelaban Adat,\\n14 laban kami udah ninga iya madahka Jesus orang Nasaret deka ngerusak endur tu, lalu ngubah semua adat asal ti diberi Moses ngagai kitai!”\\n15 Semua orang ke duduk dalam Kunsil nya bela merening magang ngagai Stepen, lalu sida meda mua iya baka mua melikat.\\nStepen Bejaku Ngagai Raban Kunsil\\n1 Imam besai lalu nanya Stepen, “Kati nya amat?”\\n2 Stepen lalu nyaut, “Bala menyadi, apai, pendingka aku! Allah Taala ti bemulia pegari di mua aki kitai Abraham, lebuh iya di menua Mesopotamia, sebedau iya diau di Haran,\\n3 lalu bejaku ngagai iya, ‘Tinggalka menua enggau kaban belayan nuan, lalu mupuk ngagai menua ti deka ditunjukka Aku ngagai nuan.’\\n4 Nya alai iya ninggalka menua Kaldea, lalu diau di Haran. Udah bekau pemati apai iya, Allah Taala ngasuh iya mindah ari menua nya ngagai menua tu, ti alai kita diau diatu.\\n5 Allah Taala enda meri iya pesaka di menua nya, sekaki pen nadai, tang besemaya deka meri menua nya nyadika pesaka iya, enggau ngagai bala peturun iya, taja pen iya nadai anak.\\n6 Allah Taala bejaku madahka peturun iya deka nyadi orang kampar di menua orang, ke deka ngaga sida nyadi ulun lalu merinsaka sida empat ratus taun.\\n7 Ku Allah Taala bejaku, ‘Tang Aku deka ngukum bansa ti beulunka sida, lalu udah bekau nya sida deka pansut ari menua nya lalu nyembah Aku ba endur tu.’\\n8 Allah Taala lalu meri iya sempekat betutus. Nya alai Abraham nutus Isak ba hari ti kelapan udah bekau Isak ada. Isak beranakka Jakop, lalu Jakop beranakka dua belas iku aki ini kitai ke nurunka bansa kitai.\\n9 Bala anak lelaki Jakop kepapaska menyadi sida Josep, nya alai sida nyual iya ngagai menua Ejip. Tang Allah Taala bisi enggau iya\\n10 lalu ngelepaska iya ari semua penusah iya. Iya meri Josep penemu-dalam lalu ngasuh iya dikerinduka Raja Pharaoh menua Ejip. Nya alai raja nya ngasuh Josep merintah menua Ejip sereta ngemataka semua ruang bilik raja.\\n11 Udah nya lapar pungkang nyadi di serata menua Ejip enggau menua Kanaan. Mensia balat amat merinsa lalu bala aki kitai nadai pemakai.\\n12 Tang lebuh Jakop ninga menua Ejip bisi gandum, iya lalu ngasuh sida aki kitai mansang kin keterubah iya.\\n13 Lebuh sida mansang kin kedua kali, Josep madahka diri ngagai bala menyadi iya, lalu raja nemu pasal sida Josep sebilik.\\n14 Josep lalu ngirumka pesan ngagai apai iya Jakop, minta Jakop enggau semua tujuh puluh lima iku sida sebilik pindah ngagai menua Ejip.\\n15 Nya alai Jakop pindah ngagai menua Ejip. Iya enggau bala anak iya mati di menua nya,\\n16 lalu bangkai sida dibai pulai ngagai Sekem, lalu dikuburka dalam kubur ti udah dibeli Abraham ari raban peturun Hamor di Sekem.\\n17 Tang lebuh timpuh nyau semak alai Allah Taala deka ngamatka semaya ti udah digaga Iya ngagai Abraham, pemayuh tubuh bansa kitai nyau nambah-menambah di menua Ejip,\\n18 nyentuk ngagai maya siku agi raja, ke enda nemu Josep, merintah menua Ejip.\\n19 Iya nipu bansa kitai lalu mejalka sida aki ini kitai muai anak sida ke baru ada, ngambika sida mati.\\n20 Nya meh maya Moses ada. Gamal iya sigat di mua Allah Taala, lalu iya diibun dalam rumah apai iya empu tiga bulan,\\n21 lalu lebuh iya dibuai, anak indu raja ngiru iya, lalu ngibun iya nyadika anak iya empu.\\n22 Nya alai Moses diajar semua penemu-dalam orang Ejip, lalu iya nyadi orang ke bekuasa dalam jaku enggau pengawa.\\n23 “Lebuh iya umur empat puluh taun, iya berunding deka nemuai ngagai bansa iya empu, iya nya orang Israel.\\n24 Lebuh iya tepedaka siku orang Ejip merinsaka siku orang Israel, iya lalu nulung orang Israel nya, bebalas ngagai orang Ejip nya, lalu munuh iya. (\\n25 Moses ngumbai bansa iya empu nemu Allah Taala deka ngena iya ngelepaska sida, tang sida enda nemu nya.)\\n26 Hari siti iya tepedaka dua iku orang Israel belaya. Iya lalu nguji ngasuh seduai iya bebaik enggau pangan diri. Ku iya, ‘Seduai sama sebansa. Nama kebuah seduai belaya baka tu?’\\n27 Tang orang ke ngelaya pangan iya, ngejuka Moses ke tisi, lalu bejaku, ‘Sapa ngasuh nuan merintah lalu nyadi hakim kami?\\n28 Kati nuan deka munuh aku, baka nuan ke munuh orang Ejip nya kemari?’\\n29 Lebuh Moses ninga nya, iya lalu rari ari menua Ejip, lalu diau ngampar di menua Midian. Dia iya bisi dua iku anak lelaki.\\n30 “Empat puluh taun udah bekau nya, siku melikat pegari di mua iya di menua puang ba Bukit Sinai, dalam api ti mau ba babas.\\n31 Lebuh Moses meda nya, iya balat alit ati, lalu lebuh iya mansang deka meda semak agi, iya lalu ninga nyawa Tuhan bejaku,\\n32 ‘Aku tu Allah Taala aki ini nuan, Allah Taala ke disembah Abraham, Isak, enggau Jakop.’ Moses lalu getar-getar takut, lalu enda berani merening agi.\\n33 Tuhan lalu bejaku ngagai iya, ‘Buka selipar nuan, laban nuan bediri ba tanah ti kudus.\\n34 Aku udah meda bala nembiak Aku balat kena perinsa di menua Ejip, lalu udah ninga demuh sida, lalu Aku udah nurun deka ngelepaska sida. Datai kitu diatu. Aku deka ngirumka nuan ngagai menua Ejip.’\\n35 “Moses nya meh orang ke ditulak orang Israel, lebuh sida bejaku, ‘Sapa ngasuh nuan merintah lalu ngakim kami?’ Iya nya meh orang ke udah diasuh Allah Taala nyadi tuai orang Israel, lalu ngelepaska sida, disaup melikat ke udah pegari di mua iya ba babas nya.\\n36 Iya nguluka sida pansut ari menua Ejip, lebuh iya udah ngereja kereja ajih, enggau kereja ti nyelai di menua Ejip, ba Tasik Mirah, enggau di menua puang dalam kandang empat puluh taun.\\n37 Moses nya meh orang ke udah bejaku ngagai orang Israel, ‘Allah Taala deka ngirumka siku nabi ngagai kita ari bansa kita empu, baka Iya ke udah ngirumka aku.’\\n38 Moses nya meh orang ke begempuru enggau bala mayuh di menua puang, enggau melikat ke bejaku ngagai iya ba Bukit Sinai, sereta enggau bala aki ini kitai. Lalu iya nerima pesan ti idup ngambika diberi ngagai kitai.\\n39 “Sida aki ini kitai enggai ngasika iya, tang nulak iya ke tisi lalu keran deka pulai baru ngagai menua Ejip.\\n40 Ku sida bejaku ngagai Aron, ‘Gaga petara ke kitai ngambika bisi nguluka kitai. Nyadi pasal Moses ke udah nguluka kitai pansut ari menua Ejip, kitai nadai nemu namaka penyadi iya.’\\n41 Lebuh maya nya sida ngaga siku engkeramba anak sapi, ngenjuk piring ngagai engkeramba nya, lalu begawai ngemesaika utai ti udah digaga jari sida empu.\\n42 Tang Allah Taala ninggalka sida, lalu nejuka sida besembahka bintang ti di langit, munyi ti ditulis dalam bup sida nabi: ‘Kita orang Israel! Kati kita bisi nyayat jelu ke Aku lalu ngenjuk piring ngagai Aku lebuh kita empat puluh taun di menua puang?\\n43 Nadai! Kita mai langkau kain petara Molek, enggau bintang petara Repan ti disembah kita, engkeramba ti udah digaga ke disembah kita. Nya alai, Aku deka muai kita ngilah Babilon.’\\n44 “Aki ini kitai bisi Langkau Kain Allah Taala di menua puang, ti udah diasuh Allah Taala gaga Moses, nitihka tukuh ti udah dipeda Moses.\\n45 Udah nya, aki ini kitai ke udah nerima Langkau Kain nya ari aki ini sida, mai Langkau Kain nya lebuh sida bejalai enggau Josua, lalu ngerampas menua tu ari bansa orang ke diburu Allah Taala, lebuh aki ini kitai nyerang. Lalu Langkau Kain nya agi meruan nyentuk ngagai maya David,\\n46 ke dikerinduka Allah Taala, ke minta Allah Taala ngemendarka iya ngaga sebuah rumah ke Allah Taala Jakop.\\n47 Tang orang ke ngaga rumah nya ke Tuhan nya Solomon.\\n48 “Tang taja pia, Allah Taala ti Pemadu Tinggi enda diau dalam rumah ti digaga jari mensia. Munyi ti disebut siku nabi,\\n49 ‘Serega nya kerusi diraja Aku, lalu dunya nya pelasar ke kaki Aku. Rumah nama ti deka digaga kita ke Aku tauka dini endur alai Aku deka diau? Ku Tuhan bejaku.\\n50 Ukai enda jari Aku Empu ti ngaga semua utai nya?’\\n51 “Kita tu orang ke kieh. Kita enda ditutus dalam ati enggau dalam pending kita. Kita seruran ngelaban Roh Kudus, baka aki ini kita.\\n52 Ni nabi ke enda diperinsaka aki ini kita? Sida udah munuh sida nabi ke madahka dulu kelia pasal penatai Iya ke Lurus, lalu diatu kita udah nyual lalu munuh Iya.\\n53 Kita tu orang ke udah nerima Adat ti diberi bala melikat, tang kita enda ngasika Adat nya!”\\nStepen Dituku Ngena Batu\\n54 Lebuh raban Kunsil ninga nya, sida pedis ati lalu kerik-kerik ngeli deka ngelaban iya.\\n55 Tang Stepen, penuh laban Roh Kudus, engkadah ke langit, lalu meda mulia Allah Taala, enggau Jesus bediri muak ari kanan Allah Taala.\\n56 Lalu ku Stepen bejaku, “Peda nyin! Aku meda serega tebuka, enggau Anak Mensia bediri muak ari kanan Allah Taala!”\\n57 Tang sida mampul pending sida, manjung lalu semua sida belanda ngagai Stepen lalu nerekam iya.\\n58 Sida lalu ngirit iya pansut ari nengeri, lalu belabuh nuku iya ngena batu. Orang ke besalah iya lalu ngengkahka serayung sida ba kaki orang bujang siku ke benama Saul.\\n59 Lebuh sida benung nuku Stepen ngena batu, iya besampi, “Tuhan Jesus, sambut semengat aku!”\\n60 Iya lalu besugang, lalu ngangau enggau nyawa ti inggar, “Tuhan! Anang besalahka sida ketegal dosa tu!” Lebuh iya udah nyebut nya, iya lalu mati.\\n1 Saul rindu meda Stepen kena bunuh.\\nSaul Merinsaka Eklisia\\n1 Berengkah ari sehari nya raban eklisia di Jerusalem balat amat kena perinsa, lalu kelimpah ari sida rasul, semua sida pambar ngagai serata menua Judea enggau Samaria.\\n2 Orang ke angkunka Allah Taala nguburka Stepen, lalu bekeduie nyabakka iya.\\n3 Tang Saul belabuh ngerusak eklisia. Iya bejalai ari rumah sebuah ngagai rumah sebuah, lalu ngirit orang ke lelaki enggau orang ke indu, lalu nutup sida dalam rumah jil.\\nBerita Manah Ditusui Di Samaria\\n4 Sida ke pambar pendiau, bejalai ari endur siti ngagai endur siti, nusui Berita Manah.\\n5 Philip mupuk ngagai nengeri Samaria, ngagai orang dia.\\n6 Lalu semua orang mayuh bela keran mendingka utai ti disebut Philip, lebuh sida ninga iya sereta meda kereja ajih ti dikereja iya,\\n7 laban roh ti jai manjung pansut ari mayuh orang ke dirasuk antu, lalu mayuh orang ke mati tubuh, tauka enda ulih bejalai, digeraika.\\n8 Nya alai orang dalam nengeri nya balat amat gaga.\\n9 Nyadi di nengeri nya bisi orang siku ke benama Simon. Iya lama udah ngereja pengawa keramat, ti ngasuh orang di Samaria balat alit ati, lalu madahka diri orang ke bekuasa.\\n10 Semua orang di nengeri nya, orang ke kaya enggau orang ke serantabela keran mendingka iya. Ku sida, “Iya tu kuasa Allah Taala, ti dikumbai ‘Kuasa Ti Besai,’“\\n11 Lalu sida keran mendingka iya laban sida lama udah balat alit ati meda kereja keramat ti digaga iya.\\n12 Tang lebuh sida arapka pesan ti ditusui Philip pasal Berita Manah Perintah Allah Taala, enggau pasal nama Jesus Kristus, sida lalu dibaptisa, nyengkaum lelaki enggau indu.\\n13 Indah Simon empu deh arap. Lebuh iya udah dibaptisa, iya nitihka Philip, lalu iya balat alit ati lebuh iya meda kereja ti nyelai enggau kereja ajih nyadi.\\n14 Lebuh sida rasul di Jerusalem ninga orang Samaria udah nerima jaku Allah Taala, sida lalu ngasuh Peter seduai John ngabas sida.\\n15 Seduai iya mupuk, lalu besampika sida ngambika sida nerima Roh Kudus,\\n16 (laban Roh Kudus apin nurun atas sida; sida semina udah dibaptisa dalam nama Tuhan Jesus).\\n17 Peter seduai John lalu ngengkahka jari atas sida, lalu sida nerima Roh Kudus.\\n18 Lebuh Simon meda Roh Kudus bisi diberi lebuh seduai iya ngengkahka jari atas sida, iya lalu nguji meri seduai iya duit,\\n19 ku iya, “Beri kuasa tu mega ngagai aku, ngambika orang ke alai aku ngengkahka jari, nerima Roh Kudus.”\\n20 Tang ku Peter bejaku ngagai iya, “Awakka duit nuan enggau nuan empu sama mati, laban nuan ngumbai diri ulih meli pemeri Allah Taala ngena duit!\\n21 Nuan nadai bagi tauka ungkup dalam utai tu, laban ati nuan salah di mua Allah Taala.\\n22 Nya alai nesal nuan ke penyai nuan tu, lalu besampi ngagai Tuhan, nyangka ukur Iya ulih ngampun nuan ari runding nuan ti jai nya.\\n23 Laban aku meda nuan tu penuh laban ati ti kepapas, sereta ditanchang dosa.”\\n24 Simon lalu bejaku ngagai Peter seduai John, “Besampi ke aku ngagai Tuhan, ngambika utai ti disebut nuan nya enda nyadi ba aku.”\\n25 Lebuh Peter seduai John udah besaksi, lalu nusui pesan Tuhan, seduai iya pulai ngagai Jerusalem, lalu nusui Berita Manah ba mayuh bengkah genturung pendiau di Samaria.\\nPhilip Enggau Pemesai Ari Etiopia\\n26 Udah nya siku melikat Tuhan bejaku ngagai Philip, “Angkat nuan, lalu bejalai tunga ke selatan ngagai jalai raya ti nuju ari Jerusalem ngagai Gasa.” (Jalai raya nya ngerenchah menua puang.)\\n27 Philip angkat lalu mupuk. Nyadi siku pemesai ari Etiopia, ke udah dipeliri, ke ngemataka sarang wang Kuin Kandas menua Etiopia, udah mansang ngagai Jerusalem deka nyembah Allah Taala.\\n28 Lalu iya diatu benung mulaika diri ngagai menua iya empu, duduk dalam kerita kuda iya, lalu macha bup nabi Isaiah.\\n31 Disaut orang nya, “Baka ni ku aku ulih mereti, enti orang nadai nerangka utai nya ngagai aku?” Iya lalu ngasuh Philip niki ngagai kerita kuda nya. Philip lalu duduk ngimbai iya.\\n32 Tu genteran dalam Bup Kudus ti dibacha iya: “Iya baka bedus ti deka disayat, baka anak domba ti enda bemunyi lebuh iya dikukur. Iya nadai bejaku seleka.\\n33 Iya dikeduan, lalu enda diberi atur ti lurus. Sapa ulih bejakuka pasal peturun Iya? Laban nyawa Iya udah diambi ari dunya tu.”\\n34 Pemesai nya lalu nanya Philip, “Padahka ngagai aku, sapa orang ke dikenang nabi nya? Pasal iya empu, tauka pasal orang bukai?”\\n35 Philip lalu belabuh bejaku bepun ari ayat nya, lalu nusui ngagai iya Berita Manah pasal Jesus.\\n36 Lebuh seduai iya benung di rantau jalai, seduai iya lalu datai ba endur siti ti bisi ai, lalu ku pemesai nya bejaku, “Peda nuan, ditu bisi ai. Nama utai ti tau nagang aku dibaptisa?”\\n37 Ku Philip bejaku ngagai iya, “Enti nuan arap enggau pengabis ati nuan, nuan tau dibaptisa.” Pemesai nya lalu nyaut, “Aku arapka Jesus Kristus nya Anak Allah Taala.”\\n38 Iya lalu ngasuh kerita kuda nya ngetu, lalu seduai iya sama nurun ngagai ai nya. Philip lalu maptisa iya.\\n39 Lebuh seduai iya pansut ari ai nya, Roh Kudus lalu nabanka Philip, lalu pemesai nya nadai agi meda Philip. Iya lalu mupuk, gaga ati.\\n40 Tang Philip nemu diri di Asotus, lalu lebuh iya bejalai nengah menua nya, iya nusui Berita Manah dalam semua nengeri, nyentukka iya nyau datai di Siseria.\\n1 Lebuh maya nya Saul, ke agi majak ngemba lalu munuh murid Tuhan, betemu enggau imam besai\\n2 lalu minta surat penerang kena iya madahka pejalai diri ngagai balai gempuru di Damaskus, ngambika, enti iya bisi tetemuka lelaki tauka indu ke nitihka Jalai Tuhan, iya tau nangkap sida, lalu mai sida ngagai Jerusalem.\\n3 Lebuh Saul benung di rantau jalai semak Damaskus, siti penampak lalu ngenyit manchar ari langit ngelingi iya.\\n4 Iya rebah ke tanah, lalu ninga nyawa bejaku ngagai iya, “Saul, Saul! Nama kebuah nuan merinsaka Aku?”\\n5 Iya lalu nanya, “Sapa nuan, Tuan?” Nyawa nya lalu nyaut, “Aku tu Jesus, ke diperinsaka nuan.”\\n6 “Tang angkat nuan, lalu tama ngagai nengeri nya, lalu nuan deka dipadahka utai ti enda tau enda dikereja nuan.”\\n7 Orang ke bejalai sama enggau Saul bediri tegir-tegir, enda bejaku, laban sida bisi ninga munyi nyawa nya bejaku, tang nadai meda orang.\\n8 Saul angkat ari tanah, tang taja pen mata iya menchelak, iya nadai meda utai. Nya alai sida megai jari iya, lalu ngiring iya ngagai Damaskus.\\n9 Dalam kandang tiga hari iya nadai meda utai, enda makai, enda ngirup.\\n10 Nyadi di Damaskus bisi siku murid benama Ananias. Tuhan bejaku ngagai iya dalam genera, “Ananias!” Ananias lalu nyaut, “Tu aku, Tuhan.”\\n11 Tuhan lalu bejaku ngagai iya, “Angkat nuan, lalu bejalai ngagai jalai ti dikumbai Rurus, lalu lebuh nuan datai ba rumah Judas, tanyaka orang siku ke benama Saul, ke asal ari Tarsus. Iya diatu benung besampi,\\n12 lalu iya udah begenera meda orang ke benama Ananias tama, lalu ngengkahka jari ba atas iya, ngambika iya ulih meda baru.”\\n13 Tang ku Ananias nyaut, “Tuhan, aku udah ninga pasal orang tu ari mayuh orang bukai, pasal iya ke udah balat merinsaka bala nembiak Nuan di Jerusalem,\\n14 lalu iya udah datai ditu ngena kuasa ari tuai imam, deka nangkap semua orang ke ngangauka nama Nuan.”\\n15 Tang ku Tuhan bejaku ngagai Ananias, “Mupuk meh nuan, laban iya udah dipilih Aku nyadika perengka kena Aku madahka nama Aku ngagai orang bansa bukai, ngagai raja, enggau ngagai orang Israel.\\n16 Aku Empu deka madah ngagai iya pemalat pemerinsa ti enda tau enda ditatka iya ketegal nama Aku.”\\n17 Ananias lalu mupuk, lalu tama rumah nya. Iya ngengkahka jari iya atas Saul, lalu bejaku. “Menyadi aku, Saul, Tuhan Jesus Kristus, ke udah pegari di mua nuan lebuh nuan di rantau jalai mansang kitu, udah ngasuh aku datai, ngambika nuan ulih meda baru, lalu dipenuhka enggau Roh Kudus.”\\n18 Tekala nya utai ti baka tisik ikan lalu labuh ari mata Saul, lalu iya ulih meda baru. Udah nya iya angkat lalu dibaptisa,\\n19 lalu lebuh iya udah makai, iya lalu berasai kering baru.\\nSaul Nusui Berita Manah Di Damaskus\\nSaul lalu diau dua tiga hari enggau sida murid di Damaskus,\\n20 lalu tekala nya belabuh nusui pasal Jesus dalam balai gempuru. Ku iya, “Iya Anak Allah Taala.”\\n21 Semua orang ke ninga iya balat alit ati. Ku sida, “Ukai enda iya tu ke udah munuh orang ke arapka Jesus di Jerusalem suba? Lalu iya udah datai ditu deka nangkap lalu mai sida ngagai bala tuai imam?”\\n22 Tang Saul majak mansang dalam kuasa, datai ke orang Judah ke diau di Damaskus nyau enda ulih mantah iya agi lebuh iya besaksi madahka Jesus nya Kristus.\\nSaul Nyau Deka Dibunuh Orang Judah\\n23 Nyau kelama udah bekau nya, orang Judah lalu bepekat deka munuh iya,\\n24 tang Saul nemu sida bepekat ngelaban iya. Sida nengkilaka mua pintu nengeri siang malam, deka munuh iya,\\n25 tang bala murid iya mai iya lebuh malam hari, lalu ngulurka iya ngena bakul ari lubang ti ba dinding kuta.\\n26 Lebuh Saul udah datai di Jerusalem, iya nguji ngulaika diri enggau bala sida murid. Tang sida takutka iya, laban sida enda arapka iya amat udah nyadi murid.\\n27 Tang Barnabas ngambi iya, lalu mai iya betemu enggau sida rasul, lalu madah ngagai sida pasal iya ke meda Tuhan lebuh iya di rantau jalai, pasal Tuhan ke udah bejaku ngagai iya, enggau pasal iya ke berani nusui Berita Manah di Damaskus dalam nama Jesus.\\n28 Nya alai Saul diau enggau sida, lalu bejalai di serata nengeri Jerusalem, lalu bejaku enggau ati ti berani dalam nama Tuhan.\\n29 Iya bejaku lalu betalat enggau orang Judah ke bejaku ngena jaku Gerika, tang sida nguji munuh iya.\\n30 Lebuh sida ke arap nemu nya, sida lalu mai iya ngagai Siseria, lalu ngasuh iya mupuk ngagai Tarsus.\\n31 Nya alai raban eklisia di serata menua Judea, Galili, enggau Samaria nadai agi pengachau sereta mansang dalam pengarap. Sida nangika Tuhan lalu ulih saup Roh Kudus, raban sida majak nambah-menambah.\\nPeter Ngeraika Aeneas\\n32 Nyadi lebuh Peter bejalai kia-kia ngagai semua orang ke arap, iya mega nemuai ngagai bala nembiak Tuhan ke diau di Lida.\\n33 Dia iya betemu enggau orang siku ke benama Anias, ke sakit bajung lapan belas taun, lalu nadai kala angkat ari peninduk iya.\\n34 Peter lalu bejaku ngagai iya, “Anias, Jesus Kristus ngeraika nuan. Angkat nuan, lalu kemas peninduk nuan.” Tekala nya Anias lalu angkat.\\n35 Semua orang ke diau di Lida enggau di Saron bela meda Anias, lalu sida nguingka diri ngagai Tuhan.\\nPeter Di Lida Enggau Di Jopa\\n36 Nyadi di Jopa bisi siku murid, ke benama Tabita. (Dalam jaku Gerika nama iya Dorkas, reti nya “Kijang.”) Iya endang seruran ngereja utai ti manah, sereta nulung orang ke seranta.\\n37 Lebuh maya nya, iya sakit, lalu mati. Lebuh sida udah meri iya mandi, sida lalu ngalika iya di sadau.\\n38 Laban Lida enda jauh ari Jopa, sida murid di Joppa ke ninga Peter bisi di Lida lalu ngasuh dua iku orang mansang ngagai Peter, minta iya datai, “Datai enggau jampat ngagai kami.”\\n39 Peter angkat, lalu mupuk enggau seduai iya. Lebuh iya datai, sida lalu mai iya ke sadau. Semua indu ke balu bediri ngimbai Peter, nyabak sereta mandangka semua baju enggau serayung ti udah digaga Dorkas lebuh iya agi begulai enggau sida.\\n40 Peter lalu ngasuh semua sida pansut. Udah nya iya besugang, lalu besampi. Iya lalu nguing nunga ngagai bangkai Dorkas, lalu bejaku, “Tabita, angkat nuan!” Tabita lalu menchelakka mata, tepedaka Peter, lalu duduk.\\n41 Peter lalu nyurungka jari ngagai iya, lalu nulung iya angkat. Udah nya Peter lalu ngangauka bala nembiak Tuhan, enggau sida indu ke balu, lalu mandangka iya amat idup.\\n42 Berita pasal nya ngelekai di serata nengeri Jopa, lalu mayuh orang arapka Tuhan.\\n43 Peter lalu diau lama di Jopa, ba rumah siku tukang samak ke benama Simon.\\nPeter Enggau Kornelius\\n1 Nyadi di Siseria bisi orang siku benama Kornelius. Iya tu pemesai dalam siti regimen soldadu Rome ti dikumbai Regimen Itali.\\n2 Iya enggau semua sida sebilik angkun sereta nangika Allah Taala. Iya meri mayuh sedekah enggau ati ti gerah mudah ngagai orang Judah ke seranta, lalu seruran besampi ngagai Allah Taala.\\n3 Nyadi sekali ba urung pukul tiga ngalih hari, iya begenera meda enggau terang siku melikat Allah Taala mansang lalu bejaku ngagai iya, “Kornelius!” 4 Kornelius balat amat takut merening ngagai melikat nya, lalu bejaku, “Nama, tuan?” Melikat nya lalu nyaut, “Sampi nuan enggau sedekah nuan udah niki ngagai Allah Taala di serega, kena ngingatka nuan.\\n5 Diatu asuh orang bejalai ngagai Jopa ngambi orang siku ke benama Simon Peter.\\n6 Iya diau ba rumah Simon, ke tukang samak. Rumah nya ngimbai tebing tasik.”\\n7 Lebuh melikat ke bejaku ngagai iya udah mupuk, Kornelius lalu ngangauka dua ulun iya, enggau siku soldadu ke angkunka Allah Taala, ari bala orang ke bekereja ke iya,\\n8 lalu lebuh iya udah madah ngagai sida semua utai ti udah nyadi, iya lalu ngasuh sida mupuk ngagai Jopa.\\n9 Hari siti, kira ba urung tengah hari sida datai semak nengeri Jopa. Ba urung maya nya mega Peter niki ngagai perabung deka besampi.\\n10 Iya berasai lapar, lalu ingin deka makai. Lebuh pemakai benung dibela, iya begenera.\\n11 Iya meda langit tebuka, lalu utai ti baka kain ti besai diulurka ngena empat iti sukut kain nya.\\n12 Utai nya ngundan semua macham jelu, ular enggau burung.\\n13 Peter lalu ninga munyi nyawa bejaku ngagai iya, “Angkat nuan Peter, bunuh lalu empa!”\\n14 Tang ku Peter bejaku, “Enggai aku, Tuhan, laban aku nadai kala makai utai ti enda tuchi tauka kamah.”\\n15 Nyawa nya lalu bejaku baru ngagai iya kedua kali, “Utai ti udah dituchi Allah Taala, anang nuan ngumbai iya enda tuchi.”\\n16 Utai nya nyadi tiga kali. Udah nya utai nya lalu tekala nya ditarit pulai ke langit.\\n17 Lebuh Peter agi iran ati berundingka reti genera nya, orang ke dikirumka Kornelius pen datai ba rumah nya. Sida bediri ba mua pintu penama ngagai rumah nya, nanyaka rumah Simon.\\n18 Sida ngangau lalu nanya enti Simon ke benama Peter bisi diau dia.\\n19 Lebuh Peter agi benung belematika reti genera nya, Roh Kudus lalu bejaku ngagai iya, “Dinga nuan, tiga iku orang diatu benung ngiga nuan.\\n20 Angkat nuan lalu nurun, lalu anang kakang ati mupuk enggau sida, laban Aku udah ngirumka sida.”\\n21 Peter lalu nurun betemu enggau sida, lalu bejaku, “Aku tu meh orang ke digiga kita. Nama kebuah kita datai kitu?”\\n22 Disaut sida, “Kornelius, siku pemesai soldadu, ke badas sereta nangika Allah Taala, lalu dibasa semua orang Judah, udah diasuh siku melikat ti kudus mesanka nuan datai ngagai rumah iya, ngambika iya ulih ningaka utai ti deka disebut nuan.”\\n23 Peter lalu mai sida tama, lalu bemalam enggau iya. Hari siti, iya angkat lalu mupuk enggau sida, lalu sekeda orang Jopa ke arap mega nyempulang iya\\n24 Sehari udah bekau nya sida datai di Siseria. Kornelius endang udah nganti penatai sida, lalu udah ngempuruka semua kaban belayan enggau pangan iya.\\n25 Lebuh Peter datai, Kornelius lalu ngambat iya, besugang lalu nyembah iya.\\n26 Tang Peter ngasuh iya angkat, ku iya bejaku, “Angkat. Aku pen mensia baka nuan.”\\n27 Lebuh iya bejaku enggau Kornilius, iya tama lalu nemu mayuh orang udah begempuru dia.\\n28 Iya lalu bejaku ngagai sida, “Kita empu nemu, orang Judah endang enda tau begulai enggau, tauka nemuai ngagai orang bansa bukai, tang Allah Taala udah nunjukka ngagai aku, aku enda tau ngumbai orang enda tuchi tauka enda beresi.\\n29 Nya alai, lebuh nuan mesanka aku, aku lalu datai, nadai nulak nya mimit. Nya alai, kati tau aku nanya ngagai nuan, kebuah nuan mesanka aku?”\\n30 Disaut Kornelius, “Empat hari tu ti udah, betul-betul ba jam diatu, ba pukul tiga ngalih hari, aku besampi dalam rumah aku. Siku orang ke ngena gari ti beperenching burak ngenyit bediri di mua aku.\\n31 Ku iya bejaku, ‘Kornelius! Sampi nuan udah didinga Allah Taala, lalu sedekah ti diberi nuan udah dikingatka Allah Taala.\\n32 Nya alai asuh orang mupuk diatu ngagai Jopa lalu nanyaka orang siku ke benama Simon ti dikumbai Peter. Iya diau ba rumah Simon ke tukang samak, ngimbai tebing tasik.’\\n33 Nya alai aku lalu tekala nya mesanka nuan, lalu nuan udah manah amat datai kitu. Nyadi semua bala kami bisi ditu magang di mua Allah Taala, deka\\nmendingka utai ti udah diasuh Tuhan sebut nuan.”\\n34 Peter lalu belabuh bejaku ngagai sida: “Aku nemu Allah Taala endang amat enda bepilih mata,\\n35 tang dalam semua bansa, barang sapa nangika Iya, lalu ngereja utai ti ngena sigi dikerinduka Iya.\\n36 Kita nemu pesan ti dikirumka Iya ngagai orang Israel, ti ngajar pemaik ulih Jesus Kristus, ke nyadi Tuhan ke semua mensia.\\n37 Pesan nya udah ngelekai di serata menua Judea, berengkah ari Galili, udah bekau John ke madahka pasal baptisa,\\n38 pasal Allah Taala ke nata Jesus orang Nasaret ngena Roh Kudus enggau kuasa, pasal Jesus ke bejalai ngagai mayuh bengkah endur ngereja pengawa ti manah, lalu ngeraika semua orang ke dirasuk antu, laban Allah Taala bisi enggau Iya.\\n39 Kami udah meda semua utai ti udah dikereja Iya di menua Judea enggau di Jerusalem. Udah nya sida munuh Iya ba kayu regang.\\n40 Tang Allah Taala ngangkatka Iya ari mati ba hari ti ketiga, lalu ngasuh Iya pegari,\\n41 ukai ngagai semua orang, tang ngagai kami ke udah dipilih Allah Taala nyadi saksi, ke udah makai ngirup enggau Iya, udah bekau Iya ke angkat ari mati.\\n42 Iya ngasuh kami ngajar orang mayuh, lalu besaksi madahka Iya nya meh orang ke udah dichiri Allah Taala nyadi Hakim ke orang ke idup enggau ke orang ke mati.\\n43 Semua nabi bela udah besaksika pasal Iya, madahka semua orang ke arapka Iya deka diampun ari dosa sida, ulih nama Iya.”\\nOrang Roh Bansa Bukai Nerima Kudus\\n44 Lebuh Peter agi benung bejaku, Roh Kudus lalu nurun atas semua orang ke mendingka pesan nya.\\n45 Orang Judah ke arap, ke datai ari Jopa enggau Peter, balat amat alit ati meda pemeri Roh Kudus udah dituang mega ngagai orang bansa bukai,\\n46 laban sida ninga orang nya bejaku ngena jaku ti nyelai, sereta ngemesaika Allah Taala. Peter lalu bejaku:\\n47 “Kati orang ulih nagang orang ke udah nerima Roh Kudus baka kitai suba, dibaptisa ngena ai?”\\n48 Iya lalu ngasuh sida dibaptisa dalam nama Jesus Kristus. Udah nya sida lalu minta Iya diau enggau sida dua tiga hari.\\nPeter Madahka Pengawa Diri Ngagai Gerija Di Jerusalem\\n1 Sida rasul enggau orang ke arap di menua Judea ninga pasal orang bansa bukai udah mega nerima jaku Allah Taala.\\n2 Nya alai lebuh Peter mansang ngagai Jerusalem, orang Judah ke udah ditutus ngutuk iya.\\n3 Ku sida, “Nama kebuah nuan nemuai ngagai orang ke enda ditutus lalu makai enggau sida?”\\n4 Peter lalu nerangka ngagai sida, berengkah ari pun. Ku iya,\\n5 “Lebuh aku besampi di nengeri Jopa, aku begenera. Dalam genera nya aku meda siti utai nurun ari langit, baka kain ti besai, ti diulurka ari langit ngena empat iti sukut iya, lalu datai semak aku.\\n6 Lebuh aku nilik ke dalam, aku tepedaka jelu tupi, enggau jelu babas, ular enggau burung dalam kain nya.\\n7 Aku mega ninga nyawa bejaku ngagai aku, ‘Angkat, Peter, bunuh lalu empa!’\\n8 Tang ku aku nyaut, ‘Enggai aku, Tuhan; laban nadai utai ti enda tuchi, tauka kamah, udah kala tama nyawa aku.’\\n9 Tang nyawa nya lalu nyaut kedua kali ari langit, ‘Utai ti udah dituchi Allah Taala, anang nuan ngumbai iya enda tuchi.’\\n10 Utai nya nyadi tiga kali. Udah nya, utai nya lalu ditarit pulai baru ke langit.\\n11 Ba urung maya nya orang tiga iku ke dikirumka ngagai aku ari Sesarea datai ba rumah ti alai kami *diau.\\n12 Roh Kudus ngasuh aku bejalai enggau sida enggau enda bepilih mata. Sida enam iku ke arap mega nyempulang aku, lalu kami tama ngagai rumah orang nya.\\n13 Orang nya lalu madahka ngagai kami pasal iya ke meda siku melikat bediri dalam rumah iya lalu bejaku, ‘Asuh orang mansang ngagai Jopa, ngambi Simon ke dikumbai Peter.\\n14 Iya deka madahka pesan ngagai nuan ti deka nyelamatka nuan enggau semua kita sebilik.’\\n15 Lebuh aku belabuh bejaku, Roh Kudus nurun atas sida, baka ti nyadi ba kitai ba pun iya suba.\\n16 Aku lalu teingatka jaku Tuhan, jalai Iya bejaku, ‘John maptisa ngena ai, tang kita deka dibaptisa ngena Roh Kudus.’\\n17 Nya alai, enti Allah Taala meri sida pemeri baka ti diberi Iya ngagai kitai lebuh kitai arapka Tuhan Jesus Kristus, baka ni ku aku ulih nagang Allah Taala?”\\n18 Lebuh sida ninga nya, sida lalu badu agi ngutuk iya. Sida lalu muji Allah Taala, ku sida, “Allah Taala udah mega meri ngagai orang bansa bukai peluang nesal ati lalu idup!”\\nGerija Di Antiok\\n19 Sekeda sida ke pambar pendiau ketegal kena perinsa udah bekau Stepen dibunuh, bejalai nyentuk ngagai Poenisia, Saiprus, enggau Antiok, nusui pesan, tang semina ngagai orang Judah aja.\\n20 Tang sekeda ari bala sida nya orang ke datai ari Saiprus enggau ari Sairin. Lebuh sida datai di Antiok, sida mega nusui Berita Manah pasal Tuhan Jesus Kristus ngagai orang bansa bukai.\\n21 Kuasa Tuhan bisi enggau sida, lalu mayuh orang arap lalu nguingka diri ngagai Tuhan.\\n22 Berita pasal tu bisi didinga eklisia di Jerusalem. Sida lalu ngasuh Barnabas ke Antiok.\\n23 Lebuh iya datai di Antiok, lalu meda berekat Allah Taala, iya gaga amat ati, lalu iya meransang semua sida meruan tetap ati ngagai Tuhan enggau pengabis ati sida,\\n24 laban iya orang ke manah, ke penuh laban Roh Kudus enggau pengarap. Mayuh amat orang dibai ngagai Tuhan.\\n25 Udah nya Barnabas mupuk ngagai Tarsus, ngiga Saul.\\n26 Lebuh iya udah tetemuka Saul, iya lalu mai Saul ngagai Antiok. Seduai iya betemu enggau raban eklisia, sereta ngajar mayuh orang setaun penuh. Antiok nya meh endur alai bala murid terubah dikumbai Kristian.\\n27 Ba urung maya nya, sida nabi bisi datai ari Jerusalem ngagai Antiok.\\n28 Siku ari sida, ke benama Agabus, bediri lalu bejaku ulih kuasa Roh Kudus, madahka lapar pungkang deka nyadi di serata dunya. (Utai nya nyadi lebuh Klaudius nyadi Raja Besai.)\\n29 Sida murid lalu meri pemutus penemu deka ngasuh genap iku orang ngirumka tulung, nitihka penyampau ti ulih diberi sida siku-siku, ngagai sida ke arap di Judea.\\n30 Sida lalu ngereja nya, lalu ngasuh Barnabas seduai Saul mai tulung nya ngagai bala tuai eklisia.\\nNembiak Tuhan Balat Agi Diperinsa\\n1 Ba urung maya nya Raja Herod belabuh merinsaka sekeda raban eklisia.\\n2 Iya ngasuh orang munuh James, menyadi John, ngena pedang.\\n3 Lebuh iya meda orang Judah rindu meda nya, iya lalu nangkap Peter. (Utai tu nyadi lebuh Gawai Roti Ti Enda Beragi.)\\n4 Lebuh iya udah nangkap Peter, iya lalu nutup Peter dalam rumah jil, lalu ngasuh empat bengkah raban soldadu nyaga iya, laban iya berunding deka nyara Peter di mua orang mayuh udah bekau Gawai Paska.\\n5 Lebuh Peter benung ditutup dalam rumah jil, raban eklisia bebendar amat besampi ke iya ngagai Allah Taala.\\nPeter Dilepaska Ari Rumah Jil\\n6 Malam sebedau Herod mai Peter ngagai orang mayuh, Peter tinduk entara dua iku soldadu, ditanchang ngena dua iti rantai. Mua pintu rumah jil nya mega dijaga soldadu.\\n7 Tekala nya siku melikat Tuhan pegari, lalu penampak ti terang manchar dalam rumah jil nya. Iya nempik rusuk Peter, lalu ngerak iya. Ku melikat nya bejaku, “Angkat jampat!” Rantai nya lalu tebelengka ari rekuan Peter.\\n8 Melikat nya lalu bejaku ngagai iya, “Begari nuan, lalu rasukka selipar nuan.” Peter lalu ngereja nya. Melikat nya lalu bejaku ngagai iya, “Rasukka serayung nuan, lalu titihka aku.”\\n9 Peter lalu pansut lalu nitihka melikat nya. Iya enda nemu sekalika utai ti nyadi ulih saup melikat nya amat tauka enda. Iya ngumbai diri begenera.\\n10 Lebuh seduai iya udah mansa jejaga ti keterubah, enggau ti kedua, seduai iya lalu datai ba pintu besi ti nuju ngagai nengeri. Pintu nya tebuka kediri empu ke seduai iya. Seduai iya pansut lalu bejalai nengah siti jalai raya, lalu melikat nya tekala nya ninggalka iya.\\n11 Nya baru Peter sedarka diri empu, lalu ku iya bejaku, “Diatu baru aku nemu Tuhan udah ngirumka melikat Iya ngambika iya ngelepaska aku ari jari Herod, enggau ari semua utai ti disadang orang Judah.”\\n12 Lebuh iya nyau sedarka nya, iya lalu mansang ngagai rumah Maria, indai John ke mega dikumbai Mark, alai mayuh orang begempuru sereta besampi.\\n13 Lebuh Peter nekung pintu penama, siku indu kuli ke benama Roda datai deka muka pintu nya.\\n14 Iya ngelala munyi nyawa Peter, lalu ati balat amat gaga, datai ke iya nyau enda muka pintu nya, tang belanda ke dalam baru lalu madahka Peter bisi ba mua pintu.\\n15 Sida lalu bejaku ngagai iya, “Gila nuan tu!” Tang iya majak madahka utai nya endang amat. Ku sida, “Nya melikat iya.”\\n16 Lebuh utai tu benung nyadi, Peter majak nekung pintu. Lebuh sida muka pintu, sida meda iya, lalu sida balat alit ati.\\n17 Tang Peter ngepaika jari enda ngasuh sida inggar, lalu madah ngagai sida jalai Tuhan udah mai iya pansut ari rumah jil. Lalu ku iya bejaku, “Padahka tu ngagai James, enggau ngagai orang bukai ke arap.” Udah nya iya mupuk lalu bejalai ngagai endur bukai.\\n18 Lebuh hari nyau tawas, bala soldadu lalu balat amat begau laban sida enda nemu penunga Peter.\\n19 Lebuh Herod udah ngiga iya, lalu enda tetemuka iya, iya lalu mansik sida jejaga, lalu ngasuh sida diukum bunuh. Udah bekau nya, Herod angkat ari menua Judea ngagai Siseria, lalu diau dia.\\n20 Nyadi Herod ringat ngagai orang Tire enggau Sidon. Nya alai sida ngaga siti raban lalu betemu enggau iya. Lebuh sida udah bejaku enggau Blastus, ke nyadi tuai nyaga istana, sida lalu mai Herod bebaik, laban menua sida bulih pemakai ari menua raja.\\n21 Ba hari ti udah diletak, Herod begari ngena gari diraja, duduk ba kerusi diraja iya, lalu bejaku ngagai sida.\\n22 Sida lalu majak manjung, “Munyi nyawa petara! Ukai munyi nyawa mensia!”\\n23 Tekala nya melikat Tuhan lalu nampar Herod, laban iya enda ngemuliaka Allah Taala. Iya diempa ulat, lalu mati.\\n24 Tang jaku Allah Taala majak ngelekai lalu mayuh orang arap.\\n25 Lebuh Barnabas seduai Saul udah nembuka pengawa seduai iya, seduai iya lalu pulai ngagai Jerusalem, mai John ke mega dikumbai Mark enggau seduai iya.\\nBarnabas Enggau Saul Dipilih Lalu Diasuh Bejalai\\n1 Nyadi eklisia di Antiok bisi nabi enggau pengajar: Barnabas, Simeon ke dikumbai Niger, Lusius ari Sairin, Manain ke pangan Herod, enggau Saul.\\n2 Lebuh sida benung nyembah Tuhan sereta bepasa, Roh Kudus bejaku ngagai sida, “Pilih ke Aku Barnabas seduai Saul ke udah dikangauka Aku ngereja pengawa ti diasuh Aku kereja seduai iya.”\\n3 Lebuh sida udah bepasa sereta besampi, sida lalu ngengkahka jari sida atas seduai iya, lalu ngasuh seduai iya mupuk Di Saiprus\\n4 Nya alai, ari asuh Roh Kudus, Barnabas seduai Saul mupuk ngagai Seleusia, lalu ari nya seduai iya belayar ngagai pulau Saiprus.\\n5 Lebuh seduai iya datai di Salamis, seduai iya lalu madahka jaku Allah Taala dalam berapa buah balai gempuru orang Judah, ditulung John Mark.\\n6 Lebuh sida udah bejalai meraka pulau nya nyentuk ngagai Papos, sida betemu enggau siku manang, siku nabi ti pelesu orang Judah, ke benama Bar-Jesus.\\n7 Bar-Jesus tu pangan Gabenor Sergius Paulus, orang ke pandai, ke mesanka Barnabas seduai Saul laban iya keran deka ningaka jaku Allah Taala.\\n8 Tang manang Elimas (laban nya reti nama iya dalam jaku Gerika) nyakal Barnabas seduai Paul lalu nguji ngelimpangka Tuan Gabenor nya ari pengarap nya.\\n9 Tang Saul, ke mega dikumbai Paul, penuh laban Roh Kudus, merening ngagai iya,\\n10 lalu bejaku, “Nuan anak Sitan! Nuan ke nyadi munsuh ke semua pengelurus, ke penuh laban semua macham akal enggau penyai, kati nuan enggai badu bejaku ngelaban jalai Tuhan ti bendar?\\n11 Nya alai diatu, dinga nuan -- jari Tuhan ngelaban nuan, lalu nuan deka buta enda lama, enda ulih meda mata hari.” Tekala nya utai ti baka ambun enggau pemetang lalu nurun atas iya, lalu iya bejalai gama-gama ngiga orang ngiring iya.\\n12 Lebuh tuan gabenor meda utai nya nyadi, iya lalu arap laban iya balat alit ati ke ajar pasal Tuhan.\\nDi Antiok Dalam Menua Pisidia\\n13 Paul enggau orang ke bekaling enggau iya belayar ari Papos, lalu datai di Perga, di menua Pampilia. Tang John Mark ninggalka seduai iya, lalu pulai ngagai Jerusalem.\\n14 Tang sida majakka pejalai ari Perga lalu datai di Antiok di menua Pisidia. Lalu lebuh hari Sabat, seduai iya tama ngagai balai gempuru, lalu duduk.\\n15 Lebuh Bup Adat enggau bup sida nabi udah dibacha, bala pemesai balai gempuru lalu mesanka seduai iya, ku sida, “Menyadi, enti seduai bisi jaku peransang ke orang mayuh, kami minta seduai bejaku.”\\n16 Paul lalu bediri, ngepaika jari lalu belabuh bejaku. “Kita orang Israel, enggau semua kita bukai ke nangika Allah Taala, pendingka aku!\\n17 Allah Taala ke disembah orang Israel udah milih aki ini kitai, lalu ngaga sida nyadi bansa ti kering lebuh sida diau di menua Ejip, lalu ngena kuasa Iya ti besai, Iya maisida pansut ari menua nya.\\n18 Lalu dalam kandang empat puluh taun Iya sabar enggau sida di menua puang.\\n19 Lalu lebuh Iya udah ngerusak tujuh bengkah bansa di menua Kanaan, Iya meri menua nya ngagai sida nyadika pesaka sida.\\n20 Semua utai nya nyadi dalam pengelama empat ratus lima puluh taun. Udah nya Iya meri sida hakim nyentuk ngagai maya nabi Samuel.\\n21 Udah nya sida minta siku raja, lalu Allah Taala meri sida Saul anak Kis, ari raban bansa Benjamin, lalu Saul merintah empat puluh taun.\\n22 Lebuh Allah Taala udah muai Saul, Iya ngasuh David nyadi raja sida. Baka tu ku jaku ti disebut Allah Taala pasal David: ‘Aku nemu David anak Jesi tu orang ke ngerinduka ati Aku, ke deka ngereja semua utai ti dikedekaka Aku.’\\n23 Ari peturun David Allah Taala udah mai ngagai orang Israel siku Juruselamat, iya nya Jesus, munyi ti udah disemaya Iya.\\n24 Sebedau Jesus datai, John endang udah dulu madahka pasal baptisa nesal ati ngagai semua orang Israel.\\n25 Lalu lebuh John nyau deka nembuka pengawa iya, iya bejaku, ‘Sapa aku tu ku kita? Aku tu ukai Iya. Ukai, tang siku orang deka datai dudi ari aku. Indah muka tali selipar ti ba kaki Iya deh aku enda tau.’\\n26 “Menyadi, kita ke peturun Abraham, enggau semua kita bukai ke nangika Allah Taala, pesan pasal pengelepas tu udah dikirumka ngagai kitai.\\n27 Laban orang ke diau di Jerusalem, enggau bala tuai sida enda ngelala Iya, tauka enda meretika jaku sida nabi ti dibacha tiap-tiap hari Sabat, sida ngamatka jaku sida nabi lebuh sida ngukum Iya.\\n28 Taja pen sida nadai tetemuka kebuah nuduhka Iya diukum bunuh, tang sida minta Pilate ngasuh Iya dibunuh.\\n29 Lebuh sida udah ngereja semua utai ti udah ditulis pasal Iya, sida nurunka Iya ari regang, lalu ngalika Iya dalam kubur.\\n30 Tang Allah Taala ngangkatka Iya ari mati,\\n31 lalu Iya pegari berapa hari di mua orang ke udah bejalai enggau Iya ari Galili ngagai Jerusalem, lalu diatu sida nya nyadika saksi Iya ngagai orang Israel.\\n32 Lalu kami madahka ngagai kita Berita Manah pasal utai ti udah disemaya Allah Taala ngagai aki ini kitai.\\n33 Iya udah ngamatka semaya ke kitai ti peturun sida, lebuh Iya ngangkatka Jesus ari mati, munyi ti udah ditulis dalam masmur ti kedua, ‘Nuan tu Anak Aku. Sehari tu Aku udah nyadi Apai Nuan.’\\n34 Nyadi ba pasal Allah Taala ti ngangkatka Jesus ari mati ngambika Iya enda but, Allah Taala udah bejaku munyi tu, ‘Aku deka meri ngagai Nuan semaya ti disebut ngagai David.’\\n35 Nya alai dalam masmur ti bukai Allah Taala mega nyebut, ‘Nuan enggai nejuka Nembiak Nuan Ti Kudus but.’\\n36 Laban David, lebuh iya udah bekereja nitihka peneka Allah Taala dalam rebak iya empu, iya mati, lalu dikuburka ngimbai sida aki ini iya, lalu iya but.\\n37 Tang Jesus ke diangkatka Allah Taala ari mati, enda but.\\n38 Nya alai, menyadi, awakka semua kita nemu, ulih Jesus pesan pasal pengampun dosa dipadahka ngagai kita,\\n39 Ulih Jesus, semua orang ke arap dilepaska ari semua dosa ti enda ulih dibuai ngena Adat Moses.\\n40 Nya alai bejaga kita, ngambika utai ti disebut sida nabi, enda nyadi ba kita:\\n41 ‘Dingaka tu ulih kita, kita ke ngeleseka Allah Taala! Awakka kita balat alit ati, lalu mati! Laban Aku ngereja utai lebuh maya kita, utai ti enda dikarapka kita, taja pen orang nerangka utai nya ngagai kita!’“\\n42 Lebuh Paul seduai Barnabas pansut ari balai gempuru nya, orang mayuh minta seduai iya bejakuka pasal utai nya baru lebuh hari Sabat ti deka datai.\\n43 Lebuh orang mayuh udah mupuk ari balai gempuru nya, mayuh orang Judah, enggau orang bansa bukai ke angkunka Allah Taala sereta udah masuk pengarap orang Judah, nitihka Paul seduai Barnabas, lalu seduai iya meransang sida majak tetap ati idup dalam pengasih Allah Taala.\\n44 Lebuh hari Sabat ti nangkanka nya, nyauka semua orang ke dalam nengeri nya datai mendingka jaku Tuhan.\\n45 Tang lebuh orang Judah meda pemayuh orang, sida kepapas. Sida lalu ngelese sereta nyakal jaku Paul.\\n46 Paul seduai Barnabas bejaku enggau berani. Ku seduai iya, “Jaku Allah Taala endang enda tau enda disebut dulu ngagai kita. Tang laban kita nulak jaku nya, lalu kita ngira diri enda patut nerima pengidup ti meruan belama iya, kami diatu deka nguingka diri ngagai orang bansa bukai.\\n47 Laban tu pesan ti udah diberi Tuhan ngagai kami, ‘Aku udah ngaga seduai nyadi penampak ke orang bansa bukai, ngambika seduai mai pengelepas nyentuk ngagai ujung dunya.’“\\n48 Lebuh orang bansa bukai ninga nya, sida gaga ati, lalu muji jaku Allah Taala, lalu sida ke udah dipilih nerima pengidup ti meruan belama iya, arap.\\n49 Jaku Tuhan lalu ngelekai ngagai semua endur di menua nya.\\n50 Tang orang Judah ngeruga ati orang indu ke tinggi pangkat ke angkunka Allah Taala, enggau sida lelaki ke tinggi pangkat di nengeri nya, lalu nyungkak sida merinsaka Paul seduai Barnabas, lalu muru seduai iya ari menua sida.\\n51 Nya alai Paul seduai Barnabas nesai abus ari kaki seduai iya, kena ngelaban sida, lalu mupuk ngagai Ikonium. 52 Sida murid lalu gaga amat ati, sereta penuh laban Roh Kudus.\\n1 Di Ikonium seduai iya, baka selama tama ngagai balai gempuru orang Judah lalu bejaku, lalu mayuh amat orang Judah enggau orang bansa bukai arap.\\n2 Tang orang Judah ke enda arap, ngeruga sereta ngerachun runding orang bansa bukai ngelaban orang ke arap.\\n3 Nya alai seduai iya lama diau di Ikonium, bejaku enggau berani ngarika Tuhan, lalu Tuhan ngamatka pesan pasal pengasih Iya ngena kereja ajih enggau kereja ti nyelai ti dikereja Iya ngena seduai iya.\\n4 Tang orang di nengeri nya beserekang penemu. Sekeda setanah enggau orang Judah, lalu sekeda setanah enggau rasul dua iku nya.\\n5 Lalu lebuh orang bansa bukai, enggau orang Judah, enggau bala tuai sida deka nguji ngemediska seduai iya, lalu deka nuku seduai iya ngena batu,\\n6 seduai iya nemu pasal nya lalu rari ngagai Listra enggau Derbe di menua Likonia, enggau ngagai menua ti ngelingi nya,\\n7 lalu majakka pengawa nusui Berita Manah dia.\\nDi Listra Enggau Di Derbe\\n8 Nyadi di Listra bisi siku lelaki ke enda ulih bejalai, ke udah lemi kenyau ari ada, lalu nadai kala bejalai.\\n9 Iya mendingka Paul bejaku. Paul lalu merening ngagai iya, lalu lebuh iya meda orang nya bisi pengarap kena ngeraika,\\n10 Paul lalu bejaku enggau nyawa ti inggar, “Bediri nuan!” Orang nya lalu engkejuk angkat, lalu belabuh bejalai.\\n11 Lebuh orang mayuh meda utai ti udah dikereja Paul, sida lalu manjung ngena jaku orang Bansa Likonia, “Bala petara udah nurun ngagai kitai baka gamal mensia!”\\n12 Sida lalu ngumbai Barnabas Seus, lalu Paul dikumbai sida Hermis, laban iya orang ke bejaku ngarika seduai iya.\\n13 Imam petara Seus, (rumah sembiang Seus enda jauh ari luar nengeri), lalu mai jelu sapi ti lelaki enggau sengkilung bunga ngagai pintu nengeri, laban iya: “enggau orang mayuh deka ngenjuk piring ngagai rasul dua iku nya.”\\n14 Tang lebuh rasul Barnabas seduai Paul ninga nya, seduai iya lalu nyarikka gari diri, lalu belanda ngagai tekang bala mayuh, lalu bejaku enggau nyawa ti inggar,\\n15 “Nama kebuah kita ngereja utai tu? Kami duai tu mensia baka kita, lalu kami mai Berita Manah ngagai kita, ngambika kita ngelengkaka utai ti nadai guna tu lalu nguingka diri ngagai Allah Taala ti idup, ke udah ngaga langit, tanah, tasik, enggau semua utai ti dalam sida.\\n16 Dulu menya Iya nejuka semua bansa idup nitihka peneka ati sida empu,\\n17 tang taja pia, Iya enda nejuka Diri nadai saksi ke utai ti manah ti dikereja Iya -- Iya meri kita ujan, ngasuh utai ti ditanam kita bebuah lebat nitihka musin, lalu ngemuaska kita ngena pemakai lalu ngemenuhka ati kita enggau pengaga.”\\n18 Tang taja pen seduai iya bejaku munyi nya, seduai iya nyauka enda ulih nagang orang mayuh meri seduai iya piring.\\n19 Tang sekeda orang Judah datai ari Antiok enggau ari Ikonium, lalu nguingka ati orang mayuh. Sida lalu nuku Paul ngena batu, lalu ngirit iya pansut ari nengeri nya, laban sida ngumbai iya udah mati.\\n20 Tang lebuh sida murid begelumu ngelingi iya, iya angkat lalu pulai baru ngagai nengeri. Hari siti, iya mupuk enggau Barnabas ngagai Derbe.\\nPulai Baru Ngagai Antiok Di Menua Siria\\n21 Lebuh seduai iya udah nusui Berita Manah ngagai orang di nengeri nya, lalu mayuh orang nyadi murid, seduai iya lalu pulai baru ngagai Listra, Ikonium, enggau ngagai Antiok.\\n22 Dia seduai iya ngeringka semengat sida murid, lalu meransang sida seruran tetap dalam pengarap. Ku seduai iya, “Kitai endang enda tau enda ngasaika mayuh macham penusah enti kitai deka tama ngagai Perintah Allah Taala.”\\n23 Lebuh seduai iya udah nuduhka orang nyadi tuai ba genap buah eklisia, seduai iya lalu nyerahka sida ngena sampi sereta bepasa ngagai Tuhan ke dikarapka sida.\\n24 Udah nya seduai iya bejalai nengah menua Pisidia, lalu datai di Pampilia.\\n25 Lebuh seduai iya udah madahka jaku Tuhan di Perga, seduai iya lalu nurun ngagai Atalia.\\n26 Ari nya seduai iya belayar ngagai Antiok, alai seduai iya ke udah diserahka ngagai ibun Allah Taala ketegal pengawa ti udah tembu dikereja seduai iya.\\n27 Lebuh seduai iya datai di Antiok, seduai iya lalu ngempuruka raban eklisia, lalu madahka semua utai ti udah dikereja Allah Taala ngena seduai iya, enggau pasal Allah Taala ke udah muka pintu pengarap ngagai orang bansa bukai.\\n28 Lalu seduai iya diau lama dia enggau bala murid.\\nAum Besai Di Jerusalem\\n1 Tang sekeda orang datai ari Judea lalu ngajar bala menyadi, ku sida, “Enti kita enda ditutus nitihka adat asal Moses, kita enda ulih diselamatka.”\\n2 Lalu lebuh Paul seduai Barnabas udah bebendar bekelikuh ngelaban sida pasal pekara nya, Paul seduai Barnabas, enggau sekeda orang bukai lalu diasuh mupuk ngagai Jerusalem ngambika sida berandauka pasal pekara tu enggau sida rasul enggau tuai eklisia. 3 Nya alai raban eklisia lalu ngasuh sida mupuk, lalu lebuh sida bejalai nengah menua Poenisia enggau Samaria, sida madahka pasal orang bansa bukai ke udah nguingka diri ngagai Allah Taala, lalu semua sida ke arap gaga amat ati ninga nya.\\n4 Lebuh sida datai di Jerusalem, sida disambut raban eklisia enggau sida rasul enggau sida tuai eklisia. Sida lalu madahka pasal semua utai ti udah dikereja Allah Taala ngena sida.\\n5 Tang sekeda orang ke arap, ke ari raban orang Parisi, bediri lalu bejaku, “Orang bansa bukai enda tau enda ditutus, lalu diasuh nitihka Adat Moses.”\\n6 Sida rasul enggau sida tuai eklisia lalu bejuraika pekara nya.\\n7 Lebuh sida udah lama belabanka penemu pasal pekara nya, Peter lalu bediri, lalu bejaku ngagai sida, ku iya, “Menyadi, kita nemu, suba Allah Taala udah milih aku ari bala kita, ngasuh aku nusui Berita Manah ngagai orang bansa bukai, ngambika sida ulih ninga, lalu arap.\\n8 Lalu Allah Taala, ke nemu ati semua mensia, udah besaksi ngagai sida, lebuh Iya meri Roh Kudus ngagai sida, baka ti udah dikereja Iya ngagai kitai,\\n9 lalu lebuh Iya udah nuchi ati sida ngena pengarap, Iya nadai ngagai sida lain ari kitai.\\n10 Nya alai diatu, nama kebuah kita nguji Allah Taala, ngengkahka tangkun ti berat ba rekung sida murid, tangkun ti enda ulih disan aki ini kitai tauka kitai empu?\\n11 Ukai baka nya, tang kitai arapka diri deka diselamatka ulih pengasih Tuhan Jesus, baka sida.”\\n12 Semua orang ke begempuru dia lalu nadai engkeretik siku, lebuh sida mendingka Barnabas seduai Paul nusui pasal semua kereja ajih enggau kereja ti nyelai ti udah dikereja Allah Taala ngena seduai iya ba orang bansa bukai.\\n13 Lebuh seduai iya udah badu bejaku, James lalu nyaut, “Menyadi, pendingka aku!\\n14 Simon udah nusui pasal jalai Allah Taala terubah nurunka pengasih Iya ngagai orang bansa bukai, lalu ngaga sekeda sida nyadi nembiak Iya.\\n15 Tu besetuju enggau jaku sida nabi, munyi ti udah ditulis,\\n16 ‘Udah bekau nya, Aku deka pulai baru, lalu ngaga baru rumah David ti udah runtuh lalu ngaga iya baru ti udah nyadi tembawai, lalu nirika iya baru,\\n17 ngambika semua bansa ngiga Tuhan, nyengkaum semua orang bansa bukai ke udah dikangauka nyadi nembiak Aku. Ku Tuhan bejaku ke udah madahka utai tu\\n18 kenyau ari dulu kelia.’\\n19 Nya alai, aku udah mutuska runding, kitai enda patut ngenusahka orang bansa bukai ke nguingka diri ngagai Allah Taala,\\n20 tang kitai patut nulis ngagai sida, madahka sida enda tau makai utai ti kamah laban engkeramba, enda tau ngereja ulah ti kamah, enda tau makai jelu ti udah mati dichekal, lalu enda tau makai darah.\\n21 Laban Adat Moses, kenyau ari berapa serak, lama udah dipadahka dalam semua nengeri, lalu dibacha tiap-tiap hari Sabat dalam balai gempuru.”\\nSurat Ti Dikirumka Ngagai Orang Bansa Bukai\\n22 Udah nya, sida rasul enggau bala tuai eklisia, disukung semua raban eklisia, lalu berunding deka milih orang ari raban sida lalu ngasuh orang nya bejalai ngagai Antiok nyempulang Paul seduai Barnabas. Sida lalu milih Judas (ke dikumbai Barsabas) seduai Silas, dua iku tuai orang ke arap,\\n23 mai surat tu: “Menyadi, kami ke rasul enggau tuai eklisia, ngirumka tabi basa ngagai semua bala kita ke orang bansa bukai, ke diau di Antiok di menua Siria enggau di Silisia.\\n24 Kami bisi udah ninga sekeda orang ari bala kami, tang ukai ari asuh kami, bisi udah nyebut utai ti ngenusahka ati kita\\n25 nya alai semua kami udah besetuju deka milih pengari lalu ngasuh sida nemuai ngagai kita, nyereta Barnabas seduai Paul, menyadi ti dikerinduka kitai,\\n26 ke udah berambunka nyawa ketegal Jesus Kristus Tuhan kitai.\\n27 Nya alai, kami udah ngasuh Judas seduai Silas nemuai ngagai kita, lalu seduai iya deka madah ngagai kita mua mata utai ti ditulis kami dalam surat tu.\\n28 Laban dalam runding Roh Kudus enggau dalam runding kami, kami enda patut nating kita enggau utai bukai, kelimpah ari atur tu, iya nya:\\n29 anang makai pemakai ti udah diberi ngagai engkeramba, anang makai darah, anang makai jelu ti mati dichekal, anang ngereja ulah ti kamah. Enti kita enda ngereja utai nya, nya manah amat. Selamat tinggal.”\\n30 Nya alai sida lalu diasuh mupuk lalu mansang ngagai Antiok. Lebuh sida udah ngempuruka semua orang ke arap, sida lalu nyuaka surat nya ngagai sida.\\n31 Lebuh raban eklisia macha surat nya, sida gaga amat ati ninga jaku peransang nya.\\n32 Judas seduai Silas, ke sama-sama nabi, bejaku lama ngagai sida meransang lalu ngeringka sida ke arap.\\n33 Lebuh seduai iya udah lama diau dia, sida ke arap lalu ngirumka seduai iya pulai baru enggau selamat ngagai orang ke udah ngirumka seduai iya.\\n35 Tang Paul seduai Barnabas mengkang di Antiok, begulai enggau mayuh orang bukai, ngajar sereta madahka jaku Tuhan.\\nPaul Seduai Barnabas Beserara\\n36 Apin tentu lama udah bekau nya, Paul lalu nyebut ngagai Barnabas, “Aram tua pulai baru lalu nemuai ngagai sida ke arap dalam semua nengeri ti udah alai tua nusui jaku Tuhan, deka nemu pasal pemansang sida.”\\n37 Nyadi Barnabas keran deka mai John Mark enggau seduai iya,\\n38 tang Paul berunding enggai mai John Mark enggau seduai iya, laban John Mark udah ninggalka seduai iya di Pampilia, lalu enda enggau seduai iya ngereja pengawa nya.\\n39 Seduai iya balat amat beserekang penemu, datai ke seduai iya nyau beserara ari pangan diri. Barnabas mai Mark enggau iya, lalu belayar ngagai Saiprus,\\n40 tang Paul milih Silas lalu mupuk, udah bekau sida ke arap nyerahka iya ngagai pengasih Tuhan.\\n41 Paul lalu bejalai nengah menua Siria enggau menua Silisia, ngeringka eklisia.\\nTimoti Bejalai Enggau Paul Seduai Silas\\n1 Paul mega bejalai ngagai Derbe enggau ngagai Listra, alai siku murid ke benama Timoti diau. Indai iya orang Judah ke udah nyadi orang ke arap, tang apai iya orang bansa Gerika.\\n2 Semua sida ke arap di Listra enggau di Ikonium bela muji Timoti.\\n3 Paul deka mai Timoti nyempulang iya. Iya lalu nutus Timoti, ketegal orang Judah ke diau ba sebelah menua nya, laban semua sida nemu apai Timoti endang orang bansa Gerika.\\n4 Lebuh seduai iya bejalai ari nengeri siti ngagai nengeri siti, seduai iya meri pemutus aum bala rasul enggau bala tuai eklisia di Jerusalem, lalu ngasuh sida nitihka nya.\\n5 Nya alai, eklisia dikeringka dalam pengarap, lalu pemayuh tubuh sida nambah-menambah tiap hari.\\nDi Troas: Genera Paul\\n6 Seduai iya bejalai nengah menua Prigia enggau Galatia, laban Roh Kudus enda nyagi seduai iya nusui pesan Tuhan di menua Asia.\\n7 Lebuh seduai iya datai ba garis entara menua Misia, seduai iya nguji mansang ngagai Bitinia, tang Roh Jesus enda nyagi seduai iya.\\n8 Nya alai, seduai iya lalu bejalai mansa menua Misia terus ngagai Troas.\\n9 Malam nya Paul bisi genera meda siku orang Masedonia bediri minta iya datai, ku iya, “Datai ngagai menua Masedonia lalu saup kami.”\\n10 Lebuh Paul udah meda genera nya, kami duai lalu tekala nya nguji mupuk ngagai menua Masedonia, laban kami duai nemu Allah Taala udah ngasuh kami duai nusui Berita Manah ngagai orang di menua nya.\\nDi Pilipi: Lidia Nyadi Orang Kristian\\n11 Kami belayar terus ari Troas ngagai Samotras, lalu hari siti terus ngagai Neapolis,\\n12 lalu ari nya ngagai Pilipi, indu nengeri pelilih menua Masedonia, ti kena pegai perintah Rome. Kami duai diau di nengeri nya dua tiga hari.\\n13 Lebuh hari Sabat, kami duai pansut ari nengeri nya ngagai tebing sungai, laban kami duai ngadang endur nya bisi palan alai orang Judah begempuru besampi. Kami duai nudukka diri dia, lalu bejaku ngagai sida indu ke begempuru dia.\\n14 Siku indu ke benama Lidia, ke nyembah Allah Taala, mendingka kami duai. Iya datai ari nengeri Tiatira, lalu iya bejualka kain ungu. Tuhan muka ati iya, ngasuh iya keran deka mendingka utai ti disebut Paul.\\n15 Lebuh Lidia enggau semua sida sebilik udah dibaptisa, iya lalu ngumbuk kami duai ku iya, “Enti seduai ngira aku tetap ati ngagai Tuhan, aram diau dalam rumah aku.” Kami duai alah diumbuk iya.\\nKena Jil Di Pilipi\\n16 Nyadi sekali, lebuh kami duai mansang ngagai siti palan alai besampi, kami duai betemu enggau siku indu ke ulun ke agi biak umur, ke dirasuk antu ti ngasuh iya nemu nujum. Indu nya bulih mayuh amat duit ari pengawa nujum nya ke orang ke bempu iya.\\n17 Lebuh iya nitihka Paul enggau bala kami, iya manjung, “Orang tu nembiak Allah Taala ti Pemadu Tinggi, ke madahka jalai pengelepas ngagai kita!”\\n18 Berapa hari iya majak ngereja nya. Tang Paul, ke nyau ringat laban indu nya, mutar lalu bejaku ngagai roh nya, “Dalam nama Jesus Kristus, Aku muru nuan pansut ari iya!” Roh nya lalu tekala nya pansut ari indu nya.\\n19 Tang lebuh orang ke bempu indu nya nemu diri nadai agi jalai bulih duit, sida lalu nangkap Paul seduai Silas, lalu ngirit seduai iya ngagai pasar, ngagai orang ke megai perintah.\\n20 Lalu lebuh sida udah mai seduai iya ngagai bala hakim, sida lalu bejaku, “Seduai tu orang Judah, lalu seduai iya ngaga pengachau di nengeri kitai tu,\\n21 ngajar adat ti enda tau diterima tauka dititihka kitai orang Rome.”\\n22 Bala orang mayuh lalu ngamuk Paul seduai Silas, lalu sida hakim ngasuh orang ngeruntun gari ari tubuh seduai iya, lalu ngasuh seduai iya disipat.\\n23 Lebuh sida udah balat amat nyipat seduai iya, sida lalu nutup seduai iya dalam rumah jil, lalu ngasuh jejaga rumah jil nya nyaga seduai iya enggau naka ulih.\\n24 Lebuh jejaga rumah jil nya udah nerima atur nya, iya lalu nutup seduai iya dalam bilik jil ti di dalam amat, lalu nganchin kaki seduai iya ngena kanchin kayu.\\n26 Tanah lalu ngenyit berenyang balat amat, datai ke pugu rumah jil nya nyau begusak. Semua pintu lalu tebuka tekala nya, lalu rantai tebelengka ari semua orang jil.\\n27 Lebuh jejaga rumah jil nya dani, lalu meda pintu rumah jil nyau abis tebuka, iya lalu nyintak pedang deka munuh diri, laban iya ngumbai orang jil udah rari.\\n28 Tang Paul ngangau enggau nyawa ti inggar, “Anang ngemediska diri, laban semua kami bisi ditu magang!”\\n29 Jejaga rumah jil nya lalu ngasuh orang mai api, belanda tama, lalu getar-getar nyungkurka diri semak kaki Paul seduai Silas.\\n30 Udah nya iya mai seduai iya pansut, lalu bejaku, “Tuan, nama utai ti enda tau enda dikereja aku, ngambika aku diselamatka?”\\n31 Ku Paul seduai Silas nyaut, “Arapka Tuhan Jesus, lalu nuan deka diselamatka--nuan enggau semua kita sebilik.”\\n32 Seduai iya lalu madahka jaku Tuhan ngagai iya, enggau ngagai semua orang ke dalam rumah iya.\\n33 Iya lalu mai seduai iya tekala nya lalu nuchi bakal seduai iya. Udah nya iya enggau semua sida sebilik lalu dibaptisa tekala nya.\\n34 Udah nya iya mai Paul seduai Silas ngagai rumah iya empu, lalu meri seduai iya makai. Iya enggau sida sebilik gaga amat ati, laban sida diatu udah arapka Allah Taala.\\n35 Tang pagi hari siti, sida hakim lalu bejaku enggau orang polis, ku sida, “Lepaska orang nya.”\\n36 Jejaga jil nya lalu madahka jaku nya ngagai Paul. Ku iya, “Sida hakim udah ngasuh seduai dilepaska. Nya alai pansut seduai, lalu mupuk enggau selamat.”\\n37 Tang ku Paul nyaut, “Sida udah nyipat kami duai di mua orang mayuh, taja pen kami duai apin diukum. Kami tu peranak Rome, lalu sida udah nutup kami duai dalam rumah jil. Patut tauka enda sida diatu ngelepaska kami ngena chara belalai? Enggai nyadi baka nya! Awakka sida hakim empu datai lalu mai kami duai pansut.”\\n38 Polis nya lalu madahka jaku nya ngagai sida hakim, lalu sida takut lebuh sida ninga Paul seduai Silas nya peranak Rome.\\n39 Nya alai sida datai lalu minta ampun ngagai seduai iya. Udah nya sida mai seduai iya pansut ari rumah jil, lalu ngasuh seduai iya angkat ari nengeri nya.\\n40 Lebuh Paul seduai Silas udah pansut ari rumah jil, seduai iya lalu mupuk ngagai rumah Lidia. Lebuh seduai iya udah betemu enggau lalu udah meransang sida ke arap, seduai iya lalu mupuk.\\nOrang Begau Di Tesalonika\\n1 Lebuh Paul seduai Silas udah bejalai nengah menua Ampipolis enggau menua Apolonia, seduai iya lalu datai di Tesalonika, ti bisi sebuah balai gempuru orang Judah.\\n2 Baka ti selalu dikereja iya, Paul lalu tama ngagai balai gempuru nya lalu dalam tiga hari Sabat beturut-turut, iya betalat enggau sida ari Bup Kudus,\\n3 madah sereta nerangka Kristusendang enda tau enda kena perinsa, lalu angkat idup baru ari mati. Ku Paul bejaku, “Jesus ke dipadahka aku ngagai kita nya meh Kristus.”\\n4 Sekeda sida arap, lalu nitihka Paul seduai Silas, lalu baka nya mega mayuh amat orang bansa Gerika ke angkunka Allah Taala lalu udah masuk pengarap orang Judah, enggau mayuh indu ke tinggi pangkat.\\n5 Tang orang Judah kepapas, lalu ari saup orang ke jai ba sebelah pasar, sida ngempuruka lalu nyungkak orang dalam nengeri nya begau. Lebuh sida begigaka Paul seduai Silas, deka mai seduai iya ngagai bala mayuh, sida nyerang rumah Jason.\\n6 Lebuh sida nadai tetemuka seduai iya, sida lalu ngirit Jason enggau sekeda sida ke arap ngagai bala pemesai di nengeri nya. Ku sida manjung, “Orang tu udah ngaga pengachau di semua endur, lalu seduai iya udah mega datai ditu,\\n7 lalu Jason udah nerima seduai iya nyadika temuai iya. Seduai iya ngelaban atur Raja Besai, madahka bisi siku agi raja ke benama Jesus.”\\n8 Orang mayuh enggau bala pemesai di nengeri nya lalu irau ati ninga nya,\\n9 lalu lebuh sida udah ngambi duit jamin ari Jason enggau ari sida ti bukai, sida lalu ngelepaska Paul seduai Silas.\\n10 Malam nya sida ke arap lalu nganjung Paul seduai Silas ngagai Beria, lalu lebuh seduai iya datai di Beria, seduai iya lalu mansang ngagai balai gempuru.\\n11 Nyadi orang Judah di Beria tebuka agi ati ari orang Judah ke di Tesalonika, laban sida ransing amat nerima pesan Tuhan, sereta mansik Bup Kudus tiap hari keran deka nemu enti jaku nya amat tauka enda.\\n12 Nya alai mayuh sida arap, nyengkaum mayuh indu enggau lelaki bansa Gerika ke tinggi pangkat.\\n13 Tang lebuh orang Judah ke di Tesalonika ninga Paul udah mega nusui jaku Allah Taala di Beria, sida lalu mansang ngagai nengeri nya mega lalu belabuh nyungkak sereta megau orang mayuh.\\n14 Sida ke arap lalu tekala nya nganjung Paul ngagai tebing tasik, tang Silas seduai Timoti tinggal di Beria.\\n15 Orang ke nganjung Paul lalu mai iya nyentuk ngagai Atens. Lebuh sida udah nerima atur ari Paul ngasuh Silas seduai Timoti datai ngagai iya di Atens enggau naka pengelengkas, sida lalu ninggalka iya.\\n16 Lebuh Paul benung nganti Silas seduai Timoti di Atens, ati iya balat tusah meda nengeri nya penuh laban engkeramba.\\n17 Nya alai iya betalat enggau orang Judah dalam balai gempuru sereta enggau orang bansa bukai ke angkunka Allah Taala, enggau sebarang orang ke enggau iya betemu tiap hari ba sebelah pasar.\\n18 Sekeda raban orang ke dikumbai Epikuria enggau raban orang ke dikumbai Stoik mega betemu enggau iya. Ku sekeda sida, “Nama utai ti disebut orang ke kutap-kutap tu?” Ku sida ti bukai bejaku, “Iya munyi ke bejakuka pasal petara orang menua bukai.” Sida nyebut nya laban Paul nusui pasal Jesus enggau pengangkat ari mati. *\\n19 Sida lalu mai Paul ngagai balai ti dikumbai Areopagus, lalu ku sida bejaku, “Kati ulih nuan madah ngagai kami ajar ti baru ti dibai nuan tu?\\n20 Ajar tu munyi ke nyelai didinga kami, nya alai kami keran deka nemu reti nya.”\\n21 (Nyadi semua orang Atens, enggau orang kampar ke diau di nengeri nya, nadai pengawa bukai tang semina madahka tauka ningaka penemu ti baru.)\\n22 Nya alai Paul bediri di mua raban Areopagus, lalu bejaku, “Kita orang Atens, aku meda kita tu orang ke kering amat ba agama.\\n23 Laban lebuh aku bejalai nengah nengeri kita, lalu meratika utai ti disembah kita, aku tetemuka siti alta ti ditulis enggau leka jaku tu, ‘Ke petara ti enda dikelala.’ Petara ti enda dikelala kita, ke disembah kita, nya meh petara ti dipadahka aku ngagai kita.\\n24 Allah Taala ke ngaga dunya enggau semua utai ti dalam dunya, nya meh Tuhan ke merintah serega enggau dunya, lalu Iya ukai diau dalam rumah sembiang ti digaga mensia.\\n25 Lalu Iya pen enda mega begunaka tulung ari mensia, laban Iya Empu ke meri pengidup enggau seput, enggau semua utai bukai, ngagai semua mensia.\\n26 Iya udah ngaga semua bansa ari siku orang, lalu Iya ngasuh sida diau di serata dunya. Iya mega ngeletak umur sida, enggau endur alai sida diau,\\n27 ngambika sida ngiga Allah Taala, nyangka begama ngiga Iya, lalu tetemuka Iya, taja pen Iya enda jauh ari kitai siku-siku.\\n28 Laban ‘Kitai idup, engkebut, sereta diau dalam Iya’ Munyi ti disebut sekeda bala kita empu ti landik bepantun, ‘Laban kitai tu mega anak Iya.’\\n29 Nya alai, laban kitai tu anak Allah Taala, kitai enda patut ngumbai Iya baka anak patung ti ditempa ari emas tauka ari pirak, tauka ari batu ulih pengelandik enggau penau mensia.\\n30 Taja pen Allah Taala enda ngingatka pemeli kitai mensia, tang diatu Iya ngasuh semua mensia di semua endur nesal ati ke dosa sida,\\n31 laban Iya udah ngeletak siti hari alai Iya deka ngakim semua dunya ngena pengelurus, ulih orang siku ke udah dipilih Iya, lalu Iya udah ngasuh semua mensia nemu utai nya deka nyadi, lebuh Iya ngangkatka orang nya ari mati!”\\n32 Lebuh sida ninga Paul bejakuka pasal pengangkat ari mati, sekeda sida ngelese. Tang ku sida ti bukai bejaku, “Kami keran deka mendingka nuan baru ba pasal pekara tu.”\\n33 Ba senentang nya Paul lalu ninggalka sida.\\n34 Tang sekeda ari bala sida nya nitihka Paul, lalu arap, nyengkaum Dionisius, ke raban Areopagus, enggau siku indu ke benama Damaris, enggau orang bukai ke enggau sida.\\n1 Udah bekau nya, Paul angkat ari Atens, lalu mupuk ngagai Korint.\\n2 Di Korint iya tetemuka siku orang Judah ke benama Akuila, ke asal ari Pontus, ke baru udah pulai ari Itali enggau bini iya Prisila, laban Klaudius udah muru semua orang Judah ari nengeri Rome. Paul lalu betemu enggau seduai iya,\\n3 lalu laban jalai Paul ngidupka diri sebaka enggau jalai pengidup Akuila seduai Prisila, iya lalu diau enggau seduai iya, lalu begulai gawa. Sida begagaka langkau kain.\\n4 Tiap hari Sabat Paul berandau dalam balai gempuru, nguji nguingka ati orang Judah enggau ati orang Gerika.\\n5 Lebuh Silas seduai Timoti datai ari Masedonia, Paul nadai ngereja pengawa bukai tang semina madahka jaku Tuhan, besaksi ngagai orang Judah madahka Jesus nya Kristus.\\n6 Lebuh sida nyakal sereta ngeleseka iya, iya lalu nesai abus ari gari iya, lalu bejaku ngagai sida, “Awakka kita empu betanggungjawapka diri empu! Aku nadai penyalah! Berengkah ari diatu, aku deka bejalai ngagai orang bansa bukai.”\\n7 Iya lalu angkat ari balai gempuru nya, lalu mansang ngagai rumah siku orang bansa bukai ke benama Titus Justus, ke nyembah Allah Taala. Rumah Titus Justus berimbai enggau balai gempuru.\\n8 Nyadi Krispus ke nyadi tuai balai gempuru, enggau sida sebilik, arapka Tuhan, lalu mayuh orang bukai di Korint ke ninga Paul bejaku, arap lalu dibaptisa.\\n9 Nyadi sekali, lebuh malam hari, Tuhan bejaku ngagai Paul dalam genera, “Anang takut, tang majak bejaku, lalu anang nejuka orang madamka jaku nuan,\\n10 laban Aku bisi enggau nuan, lalu nadai orang ulih terengkah jari ba nuan lalu ngemediska nuan, laban Aku mayuh nembiak dalam nengeri tu.”\\n11 Paul lalu diau dia setaun enam bulan, ngajar jaku Allah Taala ngagai orang.\\n12 Tang lebuh Galio dichiri nyadi gabenor menua Akaia, orang Judah besaup ngelaban Paul, lalu mai iya ngagai kot.\\n13 Ku sida, “Orang tu ngumbuk orang mayuh nyembah Allah Taala ngena jalai ti ngelanggar Adat!”\\n14 Lebuh Paul baru deka bejaku, Galio lalu bejaku ngagai orang Judah, “Enti pekara tu pasal penyalah ngelanggar adat, aku patut mendingka dawa kita orang Judah;\\n15 tang laban pekara tu semina bekaul enggau pasal leka jaku, enggau pasal nama orang, enggau pasal adat kita empu, awakka kita empu meh mutarka pekara tu. Aku enggai ngatur pekara tu!”\\n16 Iya lalu muru sida ari kot.\\n17 Semua sida lalu nangkap Sostenis ke nyadi tuai balai gempuru, lalu malu iya di mua kot. Tang Galio enda bedulika nya.\\nPulai Baru Ngagai Antiok\\n18 Lebuh Paul udah lama diau dia, iya lalu meri selamat tinggal ngagai sida ke arap, lalu belayar ngagai menua Siria, disempulang Prisila seduai Akuila. Di Kankria iya ngukur buk iya, laban iya udah ngaga sumpah.\\n19 Lebuh sida datai di Epesus, Paul ninggalka Prisila seduai Akuila, mansang ngagai balai gempuru lalu berandau enggau orang Judah.\\n20 Lebuh sida minta iya diau lama agi dia, iya enggai.\\n21 Tang lebuh iya meri selamat tinggal ngagai sida, iya bejaku, “Aku deka nemuai baru ngagai kita, enti nya peneka Allah Taala.” Udah nya iya lalu belayar ari Epesus.\\n22 Lebuh iya udah sangkai di Siseria, iya lalu mansang ngagai Jerusalem, meri tabi basa ngagai raban eklisia dia, lalu udah nya mupuk ngagai Antiok.\\n23 Lebuh iya udah lama diau di Antiok, iya angkat lalu bejalai ari endur siti ngagai endur siti di menua Galatia enggau Prigia, ngeringka semua sida murid.\\nApollos Di Epesus Enggau Di Korint\\n24 Lebuh maya nya, siku orang Judah ke benama Apollos, ke asal ari Aleksandria, datai di Epesus. Apollos tu orang ke lanchar bejaku, lalu nemu amat pasal Bup Kudus.\\n25 Iya udah diajar pasal Jalai Tuhan, lalu iya ransing amat madahka sereta ngajar enggau betul pasal Jesus, taja pen iya semina nemu pasal pemaptisa John.\\n26 Iya belabuh bejaku enggau berani dalam balai gempuru. Tang lebuh Prisila seduai Akuila ninga iya, seduai iya lalu mai iya ke tisi, lalu nerangka ngagai iya penemu ti betul agi pasal Jalai Allah Taala.\\n27 Lalu lebuh iya deka mupuk ngagai menua Akaia, sida ke arap di Epesus meransang iya, lalu nulis sepuchuk surat ngagai sida murid di Akaia, minta sida nyambut penatai iya. Lebuh iya datai di Akaia, iya bebendar amat nulung sida ke udah arap ulih pengasih Allah Taala,\\n28 laban iya balat amat ngalahka kelikuh orang Judah lebuh sida belabanka penemu enggau iya di mua orang mayuh, lebuh iya nunjukka ari Bup Kudus, Jesus nya Kristus.\\nPaul Di Epesus\\n1 Lebuh Apollos agi di Korint, Paul bejalai nengah menua atas, lalu datai di Epesus. Dia iya tetemuka sekeda murid.\\n2 Lalu ku iya nanya sida, “Kati kita bisi nerima Roh Kudus lebuh kita arap?” “Nadai,” ku sida nyaut. “Indah ninga pasal Roh Kudus deh kami enda kala.”\\n3 Iya lalu nanya sida, “Baptisa nama ti dikena maptisa kita?” “Baptisa John,” ku sida nyaut.\\n4 Paul lalu bejaku ngagai sida, “John maptisa ngena baptisa nesal ati, ngasuh orang Israel arapka orang siku ke deka datai dudi ari iya, iya nya, Jesus.”\\n5 Lebuh sida ninga nya, sida lalu dibaptisa dalam nama Tuhan Jesus.\\n6 Lebuh Paul udah ngengkahka jari iya atas sida, Roh Kudus lalu nurun atas sida. Sida lalu bejaku ngena jaku ti nyelai, lalu benabi.\\n7 Pemayuh semua sida kira dua belas iku.\\n8 Paul lalu tama ngagai balai gempuru, lalu dalam kandang tiga bulan iya bejaku enggau berani, lalu betalatka pasal Perintah Allah Taala.\\n9 Tang lebuh sekeda sida kieh ati, lalu enggai arap, sereta bejai Jalai Tuhan di mua semua raban sida, Paul ninggalka sida, lalu mai sida murid mupuk enggau iya, lalu tiap hari iya betalat enggau sida dalam balai Tiranus.\\n10 Iya ngereja nya dua taun, datai ke semua orang ke diau di menua Asia, nyengkaum orang Judah enggau orang bansa bukai, udah bela ampit magang ninga jaku Tuhan.\\nBala Anak Skeba\\n11 Allah Taala ngereja kereja ajih ti balat nyelai ngena Paul,\\n12 datai ke perecha enggau serayung ti udah negu iya dibai ngagai orang ke sakit, lalu orang nya digeraika, lalu roh ti jai pansut ari sida.\\n13 Udah nya sekeda orang Judah ke bejalai kia-kia muru roh ti jai, nguji ngena nama Tuhan Jesus muru roh ti jai, ku sida, “Aku muru nuan dalam nama Jesus ti dipadahka Paul.”\\n14 Pengawa nya dikereja tujuh iku anak lelaki imam besai orang Judah ke benama Skeba.\\n15 Tang ku roh ti jai nya bejaku ngagai sida, “Aku ngelala Jesus, lalu aku ngelala Paul, tang sapa kita tu?”\\n16 Orang ke dirasuk antu nya lalu nerekam sida, nangkap sida lalu ngalahka sida. Sida lalu rari telanjai-lanjai ari rumah nya sereta abis bakal.\\n17 Lebuh pekara tu ditemu semua orang Judah enggau orang bansa bukai ke diau di Epesus, semua sida takut magang, lalu nama Tuhan dikemesaika.\\n18 Mayuh sida ke arap datai lalu ngaku, di mua orang mayuh, kereja ti jai ti udah dikereja sida.\\n19 Mayuh manang datai mai bup sida, lalu nunu bup nya di mua orang mayuh. Lebuh rega semua bup nya diitung, rega semua utai nya nyau deka bulih lima puluh ribu singkap duit pirak.\\n20 Nya alai jaku Tuhan balat amat ngelekai sereta mansang dalam kuasa.\\nOrang Begau Di Epesus\\n21 Lebuh utai nya udah nyadi, Paul lalu berunding, ari iring Roh Kudus, deka bejalai nengah menua Masedonia enggau menua Akaia, mansang ngagai Jerusalem. Ku iya bejaku, “Lebuh aku udah nemuai kia, aku enda tau enda mega nemuai ngagai Rome.”\\n22 Nya alai iya ngirumka dua iku penulung iya, Timoti seduai Erastus, ngagai Masedonia, lalu iya empu diau lama mimit di menua Asia.\\n23 Ba urung maya nya pengachau balat amat nyadi ketegal Jalai Tuhan.\\n24 Siku tukang temaga ke benama Demetrius, ke begagaka engkeramba rumah sembiang ke petara Artemis ari pirak, meri penguntung ti besai ngagai tukang ke bekereja begagaka utai nya.\\n25 Iya ngempuruka sida, enggau orang bukai ke sebaka pengawa enggau sida, lalu bejaku ngagai sida, “Kita nemu, kitai bulih pengaya ari pengawa dagang kitai tu.\\n26 Lalu kita mega meda sereta ninga, ukai semina di Epesus tang nyau ka di serata semua menua Asia, orang ke benama Paul tu udah mujuk sereta nguingka mayuh orang arapka jaku iya lebuh iya madahka petara ti digaga ngena jari nya ukai petara.\\n27 Nya alai, dagang kitai tau jai nama, lalu rumah sembiang petara Artemis ti besai tu tau pulai nadai guna agi, lalu iya ke disembah semua orang di Asia enggau di serata dunya, nadai agi dibasa orang!”\\n28 Lebuh sida ninga nya, sida lalu pedis ati, lalu manjung, “Besai meh Artemis orang Epesus!”\\n29 Semua orang dalam nengeri nya lalu begau magang. Sida lalu belanda ngagai siti balai di nengeri nya, ngirit Gaius seduai Aristarkus, dua iku orang\\nMasedonia ke sama bejalai enggau Paul.\\n30 Paul bisi amat ati deka mansang ngagai tekang bala mayuh, tang sida murid enda nyagi iya;\\n31 indah sekeda orang perintah di menua nya, ke endang pangan Paul empu, deh ngirumka pesan ngagai iya, minta iya enda mansang ngagai balai nya.\\n32 Nyadi semua orang ke begempuru ba balai nya nyau bekerauh begau. Sekeda nyebut tu, lalu sekeda nyebut nya, laban mayuh sida enda nemu kebuah sida begempuru.\\n33 Sekeda orang Judah ngejuka Aleksander mansang ke mua, lalu madah ngagai iya utai ti patut disebut iya. Aleksander lalu ngepaika jari, minta orang badu agi ragak ngambika iya ulih bejaku ngarika diri di mua orang mayuh.\\n34 Tang lebuh sida ngelala iya nya orang Judah, semua sida lalu manjung kira dua jam, ku sida, “Besai meh Artemis orang Epesus!”\\n35 Tang lebuh kerani nengeri udah ngasuh orang badu agi ragak, iya lalu bejaku, “Orang Epesus, semua orang nemu nengeri Epesus endang bisi rumah sembiang ke petara Artemis ti besai, enggau pasal anak patung ti labuh ari langit.\\n36 Laban utai nya enda ulih disangkal, kita patut diau diri, lalu enda ngereja utai ti enda menuku.\\n37 Kita udah mai orang tu kitu, taja pen sida nadai ngerumpak rumah sembiang tauka ngeleseka petara kitai.\\n38 Nya alai, enti Demetrius enggau bala orang ke gawa ke iya deka bedawaka sapa-sapa, bilik kot endang seruran tebuka, lalu kitai bisi hakim. Awakka sida bedawaka pangan diri dia.\\n39 Enti kita bisi utai bukai ti keran deka ditemu kita, utai patut diputarka lebuh orang mayuh begempuru.\\n40 Laban kitai tau dikumbai orang salah ngaga pengachau sehari tu, laban kitai nadai kebuah begau baka tu.”\\n41 Lebuh iya udah nyebut nya, iya lalu ngasuh orang mayuh pulai.\\nNgagai Menua Masedonia Enggau Menua Akaia\\n1 Lebuh orang nyau udah badu agi begau, Paul lalu mesanka sida murid, lalu lebuh iya udah meri sida jaku peransang, lalu meri selamat tinggal, iya lalu mupuk ngagai menua Masedonia.\\n2 Lebuh iya udah bejalai nengah menua nya lalu udah meransang sida ke arap ngena mayuh macham ajar, iya datai di menua Gerika,\\n3 lalu diau dia tiga bulan. Lebuh iya baru deka belayar ngagai menua Siria, orang Judah bepekat ngelaban iya, nya alai iya mutuska runding deka mulaika diri nengah menua Masedonia.\\n4 Iya disempulang Sopater anak Pirus, ari Beria, Aristarkus seduai Sekundus, ke datai ari Tesalonika, Gaius ari Derbe; Timoti, Tikikus enggau Tropimus ari Asia.\\n5 Sida mupuk dulu ari kami, lalu nganti kami di Troas,\\n6 tang kami belayar ari Pilipi udah lepas Gawai Roti Ti Enda Beragi, lalu lima hari udah bekau nya, kami betemu enggau sida di Troas, alai kami ke diau tujuh hari.\\nPenemuai Paul Ti Penudi Ngagai Troas\\n7 Kena hari Minggu, lebuh kami begempuru deka makai, Paul berandau enggau orang mayuh laban iya deka mupuk hari siti, lalu iya majak bejaku nyentuk ngagai tengah malam.\\n8 Mayuh amat lampu ditungkun di sadau alai kami ke begempuru.\\n9 Siku orang bujang ke benama Eutikus, ke duduk ba jenila, lalu belabuh tinduk jenak amat lebuh Paul majak bejaku. Laban iya jenak tinduk, iya labuh ke tanah ari tingkat tiga. Lebuh sida nanggung iya, iya endang udah mati.\\n10 Tang Paul nurun, lalu ningkapka diri atas nembiak nya, lalu merap iya. Ku Paul, “Anang irau. Iya agi idup!”\\n11 Lebuh Paul udah pulai baru ke sadau, lalu udah mechahka roti, lalu makai, iya majak berandau enggau sida, nyentuk ngagai rerak tawas. Udah nya iya lalu mupuk.\\n12 Sida mai Eutikus ke idup nya pulai ke rumah, lalu ati sida lantang amat.\\nAri Troas Ngagai Miletus\\n13 Kami lalu bejalai dulu ngagai kapal, lalu belayar ngagai Asos, laban kami deka mai Paul nepan kapal nya dia, nitihka atur iya, laban iya deka mansang ngagai endur nya ngena jalai darat.\\n14 Lebuh iya betemu enggau kami di Asos, kami lalu mai iya nepan kapal nya, lalu mupuk ngagai Mitilin.\\n15 Kami belayar ari Mitilin, lalu hari siti kami datai di Chios. Sehari udah bekau nya, kami datai di Samos, lalu sehari udah bengkau nya, kami datai di Miletus.\\n16 Laban Paul udah berunding deka belayar mansa Epesus, ngambika iya enda ngerindang diri di menua Asia, laban iya begaut deka ngenataika diri di Jerusalem kena hari Pentikos, enti ulih.\\nPaul Bejaku Ngagai Bala Tuai Di Epesus\\n17 Ari Miletus Paul ngirumka siti pesan ngagai Epesus, minta bala tuai eklisia betemu enggau iya.\\n18 Lebuh sida betemu enggau iya, iya lalu bejaku enggau sida, “Kita empu nemu gaya pengidup aku, sekumbang aku ti diau begulai enggau kita, berengkah ari maya aku ke terubah datai di menua Asia,\\n19 bekereja ke Tuhan enggau ati ti baruh, sereta enggau ai mata, natka penusah ti nuntung aku ari pekat orang Judah.\\n20 Aku nadai kala nyurutka diri ari pengawa madahka pesan Tuhan ke penguntung kita, sereta ngajar kita di mua orang mayuh ari rumah sebuah ngagai rumah sebuah,\\n21 lebuh aku besaksi ngagai orang Judah enggau ngagai orang bansa bukai pasal nesal ati ke dosa, enggau pasal arap ke Jesus Tuhan kitai.\\n22 Nyadi diatu, laban aku tu nyadi orang tangkap Roh Kudus, aku deka mansang ngagai Jerusalem, enda nemu namaka utai ti deka nyadi ba aku din.\\n23 Aku semina nemu, ari padah Roh Kudus, aku deka ditutup dalam rumah jil, lalu dituntung mayuh macham penusah dalam genap buah nengeri.\\n24 Tang aku enda sayauka nyawa diri, asal ga aku ulih nembuka pejalai aku enggau pengawa ti udah diasuh Tuhan Jesus kereja aku, iya nya, besaksika Berita Manah pasal pengasih Allah Taala.\\n25 “Lalu diatu aku nemu, nadai siku kita, ke udah alai aku nusui pasal Perintah Allah Taala, ulih meda aku agi.\\n26 Nya alai aku madah ngagai kita sehari tu, aku enda betanggungjawapka nyawa kita,\\n27 laban aku nadai kala enggai madah ngagai kita semua juluk ati Allah Taala.\\n28 Nya alai, jaga diri empu, enggau semua raban eklisia ke udah diasuh Roh Kudus ibun kita, ngibun eklisia Allah Taala, ke udah ditebus Iya ngena darah Anak Iya Empu.\\n29 Aku nemu, lebuh aku udah mupuk, ukui kampung ti mangah deka tama ngagai bala kita, lalu munuh kita.\\n30 Lalu sekeda orang ari raban kita empu, deka madahka utai ti bula, ngambika murid tesat lalu nitihka sida.\\n31 Nya alai, bejaga, lalu kingatka aku ke udah, dalam kandang tiga taun, enggau ai mata, enda ngetu-ngetu siang malam meri kita jaku tangkan.\\n32 Nyadi diatu, aku nyerahka kita ngagai Allah Taala, enggau ngagai pesan pasal pengasih Iya, pesan ti ulih ngemansangka kita, lalu meri kita pesaka sama enggau semua orang ke udah dikuduska.\\n33 Aku nadai kala ingin ke pirak tauka emas, tauka gari orang.\\n34 Kita empu nemu, jari aku tu ti dikena aku gawa ngidupka diri, sereta nyangkung pangan ke bekaling enggau aku.\\n35 Dalam semua utai nya, aku udah meri kita teladan, ngambika ari kitai ke bebendar bekereja, kita ulih nulung nyukung orang ke lemi, laban kitai ingatka jaku Tuhan Jesus, laban Iya Empu ke nyebut, ‘Beberekat agi orang ke meri, ari orang ke nerima.’“\\n36 Lebuh iya udah badu bejaku, iya besugang enggau semua sida, lalu besampi.\\n37 Semua sida lalu nyabak magang lebuh sida merap lalu nyium iya\\n38 enggau ati ti pemadu sinu, kelebih agi laban iya udah madahka sida nadai agi meda iya. Sida lalu nganjung iya ngagai kapal.\\nPaul Mansang Ngagai Jerusalem\\n1 Lebuh kami udah ninggalka sida, lalu bekejang, kami lalu belayar terus ngagai Kos, lalu hari siti ngagai Rodes, lalu ari nya ngagai Patara.\\n2 Lebuh kami tetemuka sebuah kapal ti deka belayar ngagai Poenisia, kami lalu nepan kapal nya, lalu bekejang.\\n3 Lebuh kami meda pulau Saiprus, kami lalu belayar muak ari selatan pulau nya nuju ngagai menua Siria, lalu sangkai di Tire, laban kapal deka munggah barang dia.\\n4 Kami lalu ngiga sida murid, lalu kami diau dia tujuh hari. Nitihka iring Roh Kudus, sida nagang Paul mupuk ngagai Jerusalem.\\n5 Lebuh timpuh kami diau dia nyau abis, kami angkat lalu majakka pejalai kami. Semua sida, sama enggau bini anak sida, nganjung kami pansut ari nengeri. Kami besugang ba tebing tasik lalu besampi, l\\n6 lalu meri selamat tinggal ngagai pangan diri. Udah nya kami lalu nepan kapal; sida lalu pulai.\\n7 Lebuh kami udah belayar ari Tire, kami datai di Tolemais. Dia kami betemu enggau sida ke arap, lalu diau enggau sida sehari.\\n8 Hari siti kami mupuk, lalu datai di Siseria. Kami datai ba rumah Philip ke Penginjil, siku ari sida ke tujuh iku, lalu diau enggau iya.\\n9 Iya bisi empat iku anak indu ke apin belaki,ke bisi pemeri benabi.\\n10 Lebuh kami diau dia dua tiga hari, siku nabi ke benama Agabus datai ari Judea.\\n11 Iya datai ngagai kami, ngambi belulang Paul, lalu nanchang kaki jari iya empu ngena belulang nya, lalu bejaku, “Tu utai ti disebut Roh Kudus, ‘Baka tu ku orang Judah di Jerusalem deka nanchang orang ke bempu belulang tu, lalu nyerahka iya ngagai orang bansa bukai.”\\n12 Lebuh kami ninga nya, kami enggau sida ti bukai lalu nguji nagang Paul mupuk ngagai Jerusalem.\\n13 Paul lalu nyaut, “Nama kebuah kita nyabak lalu ngenusahka ati aku? Aku ukai semina sedia deka ditanchang jil di Jerusalem, tang sedia deka mati din ketegal nama Tuhan Jesus.”\\n14 Lebuh iya enggai dikuingka kami, kami lalu badu agi bejaku, kelimpah ari ke nyebut “Awakka peneka Tuhan nyadi.”\\n15 Udah bekau nya, kami besikap, lalu mupuk ngagai Jerusalem.\\n16 Sekeda sida murid ke ari Siseria mega bejalai enggau kami, lalu mai kami ngagai rumah Mnason ke asal ari Saiprus, ke lama udah arap, lalu kami diau enggau iya.\\nPaul Nemuai Ngagai James\\n17 Lebuh kami datai di Jerusalem, sida menyadi gaga amat nyambut penatai kami.\\n18 Hari siti Paul mupuk enggau kami deka betemu enggau James. Semua tuai eklisia bisi dia magang.\\n19 Lebuh Paul udah meri tabi basa ngagai sida, iya lalu nusui enggau silik semua utai ti udah dikereja Allah Taala ngagai orang bansa bukai, ngena pengawa ti dikereja Paul.\\n20 Lebuh sida ninga nya, sida lalu muji Allah Taala. Lalu ku sida bejaku ngagai Paul, “Dinga nuan tu, menyadi! Ditu beribu ribu iku orang Judah ke arap, lalu semua sida nya bela angkun magang ke Adat.\\n21 Sida udah dipadahka pasal nuan ke udah ngajar semua orang Judah ke diau begulai enggau orang bansa bukai, ngasuh sida ngelengkaka Adat Moses, lalu nuan madahka sida enda ibuh nutus anak sida, tauka nitihka adat asal kitai.\\n22 Nya alai, nama utai ti patut dikereja kitai? Laban sida tetap deka nemu nuan udah datai ditu.\\n23 Nya alai, kereja aja utai ti diasuh kami. Nyadi kitai bisi empat iku orang ke udah besumpah.\\n24 Bai sida tu lalu tuchi diri empu sama enggau sida, lalu bayar ungkus sida ke ngukur buk sida, ngambika semua orang nemu, utai ti udah ditusui orang pasal nuan endang nadai pengamat mimit. Nya baru sida deka nemu nuan endang amat bepegai ba Adat.\\n25 Tang ba pasal orang bansa bukai ke udah arap, kitai udah ngirumka siti surat madahka pemutus aum kitai, madahka sida enda tau makai pemakai ti udah diberi ngagai engkeramba, tauka makai darah, tauka makai jelu ti mati dichekal, lalu enda tau ngereja ulah ti kamah.”\\n26 Paul lalu mai orang empat iku nya enggau iya, lalu hari siti lebuh iya udah nuchi diri sama enggau sida, sida lalu tama ngagai Rumah Sembiang, deka nimpuh maya sida deka nembuka pengawa nuchi diri lalu ngenjuk piring ke tiap iku sida.\\nPaul Ditangkap Dalam Rumah Sembiang\\n27 Lebuh timpuh tujuh hari nya nyau deka abis, sekeda orang Judah ke datai ari Asia bisi tepedaka Paul dalam Rumah Sembiang. Sida lalu megau orang mayuh, lalu nangkap Paul\\n28 enggau panjung, “Orang Israel! Tulung! Tu orang ke ngajar di semua endur ngelaban orang Israel, ngelaban Adat, enggau ngelaban Rumah Sembiang tu. Nambahka nya, iya udah mai orang bansa bukai ngagai Rumah Sembiang lalu udah ngamahka endur ti kudus tu!”\\n29 (Sida nyebut nya laban sida udah tepedaka Tropimus ke datai ari Epesus begulai enggau Paul dalam nengeri nya, lalu sida melabaka Paul udah bisi mai iya ngagai Rumah Sembiang.)\\n30 Semua orang dalam nengeri nya lalu begau magang lalu belanda lalu nangkap Paul, lalu ngirit iya pansut ari Rumah Sembiang. Pintu Rumah Sembiang lalu tekala nya ditutup.\\n31 Lebuh sida nguji munuh iya, orang lalu madah ngagai tuai soldadu orang Rome pasal orang ke kachau di serata nengeri Jerusalem.\\n32 Tekala nya kepala soldadu nya lalu mai pemesai enggau bala soldadu, lalu belanda ngagai tekang bala mayuh. Lebuh orang mayuh meda kepala soldadu enggau bala soldadu datai, sida lalu badu agi malu Paul.\\n33 Kepala soldadu nya lalu mansang ngagai Paul, nangkap iya, lalu ngasuh iya ditanchang ngena rantai. Iya lalu nanyaka sapa orang ke ditangkap iya nya, enggau utai ti udah dikereja iya.\\n34 Sekeda orang dalam bala mayuh manjung nyebut utai sebengkah, lalu sida ti bukai nyebut utai bukai. Nyadi laban kepala soldadu nya enda nemu utai ti ku sida, laban orang kelalu inggar, iya lalu ngasuh Paul dibai ngagai berek soldadu.\\n35 Lebuh Paul datai ba tangga berek, bala soldadu lalu ngesan Paul, laban bala orang mayuh balat amat deka ngamuk iya.\\n36 Bala orang mayuh ke nitihka sida majak manjung, “Bunuh iya!”\\nPaul Bejaku Ngarika Diri Empu\\n37 Lebuh bala soldadu baru deka mai Paul tama ngagai berek, Paul lalu bejaku enggau kepala soldadu, “Kati tau aku nyebut siti utai ngagai nuan?” Kepala soldadu nya lalu nanya, “Kati nuan nemu jaku Gerika?\\n38 Enti pia, kati nuan tu ukai orang Ejip ke apin lama tu ti udah nguji mai orang ngelaban perintah lalu nguluka empat ribu iku bala penyamun ngagai menua puang?”\\n39 Paul lalu nyaut, “Aku tu orang Judah, ari Tarsus di menua Silisia, peranak sebuah nengeri ti besai. Aku minta nuan nyagi aku bejaku ngagai orang mayuh tu.”\\n40 Lebuh kepala soldadu udah meri iya pemendar bejaku, Paul lalu bediri ba tangga nya, ngepaika jari iya ngagai orang mayuh. Lebuh sida nyau jenuh, iya lalu bejaku ngagai sida ngena jaku Hebrew, ku iya,\\n1 “Bala menyadi, bala apai, pendingka aku bejaku ngarika diri empu di mua kita!”\\n2 Lebuh sida ninga iya bejaku ngagai sida ngena jaku Hebrew, sida lalu enda engkeretik. Ku Paul,\\n3 “Aku tu orang Judah, ada di Tarsus di menua Silisia, tang nyadi orang ke besai tuai di nengeri tu lalu diajar Gamaliel enggau terit nitihka Adat aki ini kitai, lalu aku angkunka Allah Taala baka semua kita bukai sehari tu.\\n4 Aku udah merinsaka orang ke nitihka Jalai Tuhan datai ke sida mati, nanchang orang ke lelaki enggau ke indu, lalu nutup sida dalam rumah jil,\\n5 lalu imam besai enggau semua raban Kunsil ulih besaksika pasal aku. Aku udah nerima ari sida surat ti ditulis sida ngagai orang Judah ke diau di Damaskus, lalu aku mansang ngagai nengeri nya deka nanchang orang ke diau dia, lalu mai sida pulai ngagai Jerusalem, ngambika sida diukum.\\nPaul Madahka Jalai Iya Arap\\n6 “Lebuh aku benung di rantau jalai semak ngagai Damaskus, kira ba urung tengah hari, siti penampak lalu ngenyit manchar ari langit ngelingi aku.\\n7 Aku lalu rebah ke tanah, lalu ninga nyawa bejaku ngagai aku, ‘Saul, Saul! Nama kebuah nuan merinsaka Aku?’\\n8 Aku lalu nyaut, ‘Sapa Nuan, Tuan?’ Iya lalu bejaku ngagai aku, ‘Aku tu Jesus orang Nasaretke diperinsaka nuan.’\\n9 Nyadi orang ke bejalai enggau aku bisi meda penampak nya, tang nadai ninga nyawa nya bejaku ngagai aku.\\n10 Aku lalu nanya, ‘Nama utai ti patut dikereja aku, Tuhan?’ Tuhan lalu bejaku ngagai aku, ‘Angkat nuan lalu mupuk ngagai Damaskus. Dia nuan deka dipadahka semua utai ti udah diasuh kereja nuan.’\\n11 Lebuh aku enda ulih meda utai ketegal penerang penampak nya, orang ke enggau aku lalu megai jari aku lalu ngiring aku ngagai Damaskus.\\n12 “Di nengeri nya bisi orang siku benama Ananias, ke angkunka Adat, sereta dibasa semua orang Judah ke diau dia.\\n13 Iya datai ngagai aku, bediri ngimbai aku, lalu bejaku, ‘Menyadi, Saul, awakka nuan ulih meda baru!’ Tekala nya aku lalu ulih meda. Aku lalu meda iya.\\n14 Iya lalu bejaku, ‘Allah Taala aki ini kitai udah milih nuan, ngambika nuan nemu peneka Iya, lalu meda Iya ti Lurus, lalu ninga nyawa Iya Empu,\\n15 laban nuan deka nyadika saksi Iya ngagai semua dunya pasal utai ti udah dipeda enggau didinga nuan.\\n16 Nya alai, anang betangguh. Angkat nuan, lalu dibaptisa, ngambika dosa nuan dibuai, lalu besampi dalam nama Iya.’\\nPaul Dikirumka Ngagai Orang Bansa Bukai\\n17 “Lebuh aku udah pulai ngagai Jerusalem, lalu lebuh aku benung besampi dalam Rumah Sembiang, aku begenera\\n18 meda Tuhan bejaku ngagai aku. Ku Iya, ‘Angkat jampat lalu mupuk nuan ari Jerusalem, laban sida enggai nerima jaku saksi nuan pasal Aku.’\\n19 Aku lalu nyaut, ‘Tuhan, sida empu nemu aku udah bejalai ari balai gempuru sebuah ngagai balai gempuru sebuah, nangkap lalu malu sida ke arapka Nuan.\\n20 Lalu lebuh saksi Nuan Stepen dibunuh, aku bisi bediri semak nya, rindu meda pengawa orang ke munuh iya, lalu ngemataka baju sida.’\\n21 Tuhan lalu bejaku ngagai aku, ‘Mupuk nuan, laban Aku deka ngasuh nuan bejalai jauh ngagai orang bansa bukai.’“\\n22 Ngagai ba senentang tu, sida agi mendingka Paul. Tang udah nya, sida lalu belabuh manjung, ku sida, “Bunuh iya! Bunuh iya! Iya enda patut idup!”\\n23 Lebuh sida manjung, sereta ngesaika serayung sida, lalu ngerabuka amau ngagai angin,\\n24 kepala soldadu lalu ngasuh Paul dibai ngagai berek, lalu ngasuh iya disipat, deka mansik kebuah orang Judah manjung baka nya ngelaban iya.\\n25 Tang lebuh sida udah nanchang iya ngena tali, Paul lalu bejaku ngagai siku pemesai soldadu ke bediri semak dia, “Kati kita tau nyipat orang ke peranak Rome, ke nadai udah diukum?”\\n26 Lebuh pemesai soldadu nya ninga nya, iya lalu mansang ngagai kepala soldadu, lalu bejaku ngagai iya, “Nama utai ti deka dikereja nuan? Orang tu peranak Rome!”\\n27 Kepala soldadu nya lalu mansang ngagai Paul, lalu nanya iya, “Padahka ngagai aku, kati nuan peranak Rome?” Paul lalu nyaut, “Au.”\\n28 Kepala soldadu nya lalu nyaut, “Mar amat rega aku meli pangkat nyadi peranak Rome.”\\nKu Paul bejaku, “Aku nyadi peranak Rome ari ada.”\\n29 Tekala nya orang ke deka mansik iya lalu nyurutka diri ari iya, lalu kepala soldadu mega takut lebuh iya nemu Paul nya peranak Rome, lalu iya udah nanchang Paul.\\nPaul Di Mua Kunsil\\n30 Laban iya ingin deka nemu kebuah orang Judah bedawaka Paul, hari siti iya lalu ngelepaska Paul, lalu ngasuh sida tuai imam enggau semua raban Kunsil begempuru. Iya lalu mai Paul tama lalu ngasuh iya bediri di mua sida.\\n1 Paul merening ngagai raban Kunsil lalu bejaku, “Menyadi! Nyentuk ngagai sehari tu aku udah idup enggau ati ti beresi di mua Allah Taala.”\\n2 Imam Besai Ananias lalu ngasuh orang ke bediri semak Paul nampar mulut Paul.\\n3 Paul lalu bejaku ngagai iya, “Allah Taala deka nampar nuan, nuan ti pura-pura ngapa! Kati nuan ngakim aku nitihka Adat, tang nuan empu ngelanggar Adat ngasuh orang nampar aku?”\\n4 Orang ke semak Paul lalu bejaku, “Berani amat nuan mechat imam besai Allah Taala!”\\n5 Paul lalu bejaku, “Menyadi, aku enda nemu iya imam besai. Laban endang udah ditulis, ‘Anang bejaku jai pasal kepala bansa kita.’“\\n6 Lebuh Paul nemu sekeda orang ke dia nya orang Saduki, lalu sekeda ti bukai orang Parisi, iya lalu bejaku enggau nyawa ti inggar dalam balai Kunsil nya, “Menyadi, aku tu orang Parisi, anak orang Parisi. Aku kena pechara laban aku arapka orang deka diangkatka ari mati!”\\n7 Lebuh iya udah nyebut nya, orang Parisi enggau orang Saduki lalu belabuh bekelikuh, lalu raban Kunsil beserekang penemu,\\n8 (laban orang Saduki madahka nadai utai ti dikumbai pengangkat ari mati, tauka melikat, tauka roh, tang orang Parisi ngumbai semua utai nya bisi magang.)\\n9 Sida lalu inggar amat. Sekeda pengajar Adat ke orang Parisi bediri lalu bejaku, “Kami nadai nemu penyalah orang tu! Kada enda roh tauka melikat udah bejaku ngagai iya.”\\n10 Lebuh sida majak balat agi bekelikuh, kepala soldadu lalu irau ati enggai ke Paul abis dipecharikka sida. Nya alai iya lalu ngasuh bala soldadu nurun lalu ngerampas Paul ari jari sida, lalu mai iya ngagai berek.\\n11 Malam nya Tuhan bediri ngimbai Paul, lalu bejaku, “Anang takut! Baka nuan ke udah besaksika pasal Aku di Jerusalem, baka nya mega nuan deka besaksika pasal Aku di Rome.”\\nOrang Bepekat Deka Munuh Paul\\n12 Pagi hari siti, orang Judah lalu bepekat. Sida besumpah enda makai, enda ngirup, datai ke sida udah munuh Paul.\\n13 Lebih empat puluh iku sida ke bepekat nya.\\n14 Sida lalu mansang ngagai sida tuai imam, enggau tuai bansa, lalu bejaku, “Kami udah besumpah enda makai, enda ngirup, datai ke kami udah munuh Paul.\\n15 Nya alai kita enggau raban Kunsil enda tau enda ngirumka pesan ngagai kepala soldadu, minta iya mai Paul betemu enggau kita, lalu kita ngaga diri baka ke deka mansik pekara pasal iya enggau silik agi. Lalu kami deka sedia munuh iya sebedau iya datai ditu.”\\n16 Tang anak menyadi indu Paul bisi ninga pasal sida ke deka ngipa Paul. Nya alai iya mansang ngagai berek lalu dikemendarka tama, lalu madah ngagai Paul.\\n17 Paul lalu ngangauka siku pemesai soldadu, lalu bejaku ngagai iya, “Bai orang bujang tu ngagai kepala soldadu, laban iya bisi utai ti deka dipadahka iya ngagai iya.”\\n18 Nya alai pemesai soldadu nya lalu mai orang bujang nya betemu enggau kepala soldadu. Ku iya, “Orang jil ke benama Paul udah ngangauka aku, lalu minta aku mai orang bujang tu ngagai nuan, laban iya bisi utai ti deka dipadahka iya ngagai nuan.”\\n19 Tuai soldadu nya lalu megai jari orang bujang nya lalu mai iya ke tisi, lalu nanya iya, “Nama utai ti deka dipadahka nuan ngagai aku?”\\n20 Orang bujang nya lalu nyaut, “Orang Judah udah besetuju deka minta nuan mai Paul ngagai Kunsil pagila, pura-pura baka ke deka mansik pekara pasal Paul silik agi.\\n21 Tang anang nurutka peminta sida, laban lebih empat puluh iku orang deka ngipa Paul. Sida udah besumpah enda makai, enda ngirup datai ke sida udah munuh iya. Sida diatu udah sedia, lalu nganti saut ari nuan.”\\n22 Kepala soldadu nya ngasuh orang bujang nya pulai, lalu bejaku ngagai iya, “Anang madahka diri udah nusui tu ngagai aku.”\\nPaul Dianjung Ngagai Gabenor Peliks\\n23 Kepala soldadu nya lalu ngangauka dua iku pemesai, lalu bejaku, “Aku ngasuh kita besedia mupuk ngagai Sisarea pukul semilan malam tu, enggau dua ratus iku soldadu enggau tujuh puluh iku soldadu ke nepan kuda, enggau dua ratus iku soldadu ke besenyataka sangkuh.\\n24 Sediaka mega dua tiga iku kuda ke Paul, lalu bai iya enggau likun ngagai Gabenor Peliks.”\\n25 Iya lalu nulis sepuchuk surat ti munyi tu:\\n26 “Ari Klaudius Lisias, ngagai Iya Ke Dipebasaka Tuan Gabenor Peliks: Tabi.\\n27 Orang tu udah ditangkap orang Judah, lalu baru deka dibunuh sida, tang lebuh aku tetemuka iya nya peranak Rome, aku lalu mai bala jejaga, lalu\\n28 Laban aku keran deka nemu penyalah ti dikena sida bedawaka iya, aku lalu mai iya ngagai Kunsil.\\n29 Aku lalu tetemuka iya udah kena dawa ketegal Adat sida empu, lalu ukai patut tau ngasuh iya diukum bunuh, tauka ditutup dalam rumah jil.\\n30 Lebuh orang madah ngagai aku pasal orang Judah ke bepekat deka munuh iya, aku lalu tekala nya ngirumka iya ngagai nuan, lalu ngasuh orang ke\\nbedawaka iya mantaika dawa sida di mua nuan.”\\n31 Nya alai bala soldadu lalu nitihka atur kepala soldadu lalu ngambi Paul, lalu mai iya malam nya ngagai Antipatris.\\n32 Hari siti bala soldadu ke bejalai kaki, pulai ngagai berek sida, ninggalka bala soldadu ke nepan kuda bejalai enggau Paul.\\n33 Lebuh sida datai di Siseria lalu nyuaka surat nya ngagai gabenor, sida lalu nyerahka Paul ngagai iya.\\n34 Lebuh tuan gabenor udah macha surat nya, iya lalu nanyaka menua asal Paul. Lebuh iya ninga Paul datai ari menua Silisia,\\n35 iya lalu bejaku, “Aku deka mendingka nuan lebuh orang ke bedawaka nuan datai.” Iya lalu ngasuh Paul dijaga dalam istana Herod.\\nPaul Kena Dawa Di Mua Peliks\\n1 Lima hari udah bekau nya Imam Besai Ananias lalu datai enggau bala tuai orang Judah enggau siku lawyer ke benama Tertulus. Sida lalu mantaika dawa sida ngelaban Paul di mua gabenor.\\n2 Lebuh Paul udah dikangauka tama, Tertulus lalu belabuh bedawaka Paul munyi tu: “Tuan ti Dipebasaka! Nuan endang lama udah mai pemaik ngagai menua kami, lalu ulih pengelandik nuan, mayuh bengkah ubah ti manah udah digaga nuan ke bansa kami.\\n3 Kami meri terima kasih ke semua utai ti udah dikereja nuan ke kami.\\n4 Tang ngambika aku enda masau jam nuan, aku minta nuan mendingka kami enda lama.\\n5 Kami nemu orang tu mai pengachau, ke ngachau semua orang Judah di serata dunya, sereta nyadi tuai ke siti raban ti dikumbai Raban Orang Nasaret.\\n6 Iya mega bejaku jai ngelaban Rumah Sembiang. Nya alai kami nangkap iya,\\n7 lalu deka ngakim iya nitihka Adat kami empu. Tang kepala soldadu ke benama Lisias datai lalu ngerampas iya ari jari kami lalu ngasuh orang ke bedawaka orang tu betemu enggau nuan.\\n8 Lebuh nuan mansik orang tu, nuan deka nemu ari iya empu semua penyalah iya ti dikena kami bedawaka iya.”\\n9 Orang Judah mega bedawaka iya, madahka semua utai nya endang amat magang.\\nPaul Bejaku Ngarika Diri Empu Di Mua Peliks\\n10 Lebuh tuan gabenor ngepaika jari ngasuh Paul bejaku, Paul lalu nyaut, “Aku gaga ati bejaku ngarika diri empu, laban aku nemu nuan endang lama udah nyadi hakim di menua tu.\\n11 Tuan empu ulih mansik utai tu. Kira dua belas hari tu ti udah aku mansang ngagai Jerusalem deka nyembah Allah Taala.\\n12 Orang Judah nadai nemu aku bekelikuh enggau orang, tauka nyungkak orang mayuh ngaga pengachau, nemuka dalam balai gempuru, tauka ba sebelah nengeri.\\n13 Lalu sida pen enda mega ulih nunjukka enggau terang ngagai nuan kebuah sida bedawaka aku diatu.\\n14 Tang aku ngaku tu di mua nuan: aku nyembah Allah Taala aki ini kami nitihka Jalai Tuhan ti dikumbai sida siti raban, lalu aku arapka semua utai ti ditulis dalam Adat, tauka dalam bup sida nabi.\\n15 Aku bisi siti pengadang baka ti diterima sida empu, iya nya semua orang ke lurus enggau ke enda lurus deka diangkatka ari mati.\\n16 Nya kebuah aku enggau naka ulih ngintu ati diri beresi di mua Allah Taala enggau di mua mensia.\\n17 “Lebuh aku udah ninggalka Jerusalem dua tiga taun, aku lalu pulai baru ngagai nengeri nya, mai duit sedekah ngagai bansa aku empu, sereta meri piring.\\n18 Lebuh aku benung ngereja nya, sida lalu nemu aku dalam Rumah Sembiang, benung nembuka pengawa aku ke nuchi diri. Nadai mayuh orang enggau aku, lalu aku mega nadai ngaga pengachau.\\n19 Tang sekeda orang Judah ari menua Asia -- sida patut bisi ditu bedawaka aku di mua nuan, enti sida amat bisi utai kena bedawaka aku.\\n20 Tauka, awakka bala sida tu madahka penyalah aku ti ditemu sida lebuh aku bediri di mua Kunsil.\\n21 Nyangka meh sida besalah aku laban aku udah nyebut di mua sida, ‘Aku kena pechara sehari tu laban aku arapka orang ke mati deka diangkatka idup baru.’“\\n22 Tang Peliks, ke endang nemu pasal Jalai Tuhan, nutup pechara nya. Ku iya, “Lebuh kepala soldadu Lisias datai, nya baru aku meri pemutus penemu pasal pekara kita tu.”\\n23 Iya lalu ngasuh pemesai soldadu nyaga Paul, tang tau ngasuh Paul mindah kia-kia, lalu enda tau nagang bala pangan Paul meri iya utai ti dipeguna iya.\\nPaul Di Mua Peliks Seduai Drusila\\n24 Kira dua tiga hari udah bekau nya, Peliks datai enggau bini iya Drusila, ke bansa orang Judah. Iya lalu mesanka Paul, lalu mendingka Paul bejakuka pasal pengarap ke Jesus Kristus.\\n25 Lebuh Paul bejakuka pasal pengelurus, pasal nagang diri, enggau pasal Hari Pechara ti deka datai, Peliks lalu takut. Ku iya, “Nuan tau mupuk diatu. Lebuh aku bisi peluang ila, aku mesanka nuan.”\\n26 Lebuh maya nya, iya ngarapka Paul deka meri iya duit. Nya kebuah iya suah mesanka Paul lalu berandau enggau iya.\\n27 Dua taun udah lepas nya, Peliks lalu diganti Porkius Pestus nyadi gabenor. Kena Peliks ngenyamaika ati orang Judah, iya nejuka Paul mengkang ditan dalam rumah jil.\\nPaul Ngapil Ngagai Raja Besai\\n1 Tiga hari udah bekau Pestus datai di menua nya, iya lalu mansang ari Siseria ngagai Jerusalem.\\n2 Sida tuai imam, enggau bala tuai orang Judah lalu mantaika dawa ti dikena sida ngelaban Paul. Lalu sida minta Pestus\\n3 ngasuh orang mai Paul ngagai Jerusalem, laban sida deka ngipa lalu munuh iya di rantau jalai.\\n4 Pestus lalu nyaut, madahka Paul agi ditanka dalam rumah jil di Siseria, lalu Pestus empu deka mansang kin enda lama da agi.\\n5 “ Nya alai,” ku iya bejaku, “awakka bala tuai kita mupuk enggau aku ngagai Siseria, lalu enti orang nya bisi udah ngereja penyalah, awakka sida bedawaka iya.”\\n6 Lebuh iya udah diau enggau sida lapan ngagai sepuluh hari, iya lalu mupuk ngagai Siseria. Hari siti iya lalu duduk ba penuduk hakim, lalu ngasuh orang mai Paul tama.\\n7 Lebuh Paul datai, bala orang Judah ke udah datai ari Jerusalem, bediri ngelingi iya, mantaika dawa ti berat ngelaban iya. Tang sida enda ulih nunjukka pengamat dawa nya.\\n8 Paul lalu bejaku ngarika diri empu. Ku iya, “Aku nadai kala ngelanggar Adat orang Judah tauka ngelaban Rumah Sembiang, tauka ngelaban Raja Besai.”\\n9 Tang Pestus minta diri dikerinduka orang Judah, nya alai iya nanya Paul, “Kati nuan deka mupuk ngagai Jerusalem lalu kena pechara din ba pasal semua pekara tu di mua aku empu?”\\n10 Paul lalu nyaut, “Aku diatu bediri dalam kot Raja Besai, alai aku ke endang patut kena pechara. Lalu nuan empu nemu, aku nadai kala ngereja utai ti salah ngagai orang Judah.\\n11 Nya alai, enti aku bisi udah ngereja penyalah lalu udah ngereja utai ti tau ngasuh aku patut kena ukum bunuh, aku ukai minta diri enda diukum mati. Tang enti sida nadai kebuah bedawaka aku, nadai orang ulih nyerahka aku ngagai sida. Aku ngapil ngagai Raja Besai.”\\n12 Lebuh Pestus udah berunding enggau bala penyanding penemu iya, iya lalu nyaut, “Nuan udah ngapil ngagai Raja Besai. Ngagai Raja Besai meh nuan deka mupuk.”\\nPaul Di Mua Agripa Seduai Bernis\\n13 Dua tiga hari udah bekau nya, Raja Agripa enggau Bernis datai di Siseria, deka ngelaluka penatai Pestus.\\n14 Lebuh Raja Agripa enggau Bernis diau dia dua tiga hari, Pestus lalu mantaika pekara Paul di mua raja. Ku iya, “Aku bisi siku orang tutup ke udah ditinggalka Peliks.\\n15 Lebuh aku di Jerusalem, sida tuai imam enggau bala tuai orang Judah madahka pasal iya ngagai aku, minta aku ngukum iya.\\n16 Aku madah ngagai sida, kami orang Rome nadai adat nyerahka orang ke kena dawa, sebedau iya betemu betunga mua enggau orang ke bedawaka iya, lalu apin diberi peluang bejaku ngarika diri empu ngelaban dawa nya.\\n17 Nya alai, lebuh sida datai ditu suba, aku enda betangguh tang hari siti duduk ba penuduk hakim, lalu ngasuh orang mai iya tama.\\n18 Lebuh bala orang ke bedawaka iya bediri, sida nadai madahka iya bisi udah ngereja penyalah baka ke disangka aku.\\n19 Tang sida semina bekelikuh enggau iya pasal agama sida empu, enggau pasal orang siku ke benama Jesus, ke udah mati, tang Paul majak madahka orang nya idup.\\n20 Laban aku enda nemu baka ni ku chara mansik pekara nya, nya alai aku lalu nanya iya enti iya deka mupuk ngagai Jerusalem, lalu dipecharaka din ba semua pekara nya.\\n21 Tang lebuh Paul udah ngapil minta diri mengkang ditan dalam rumah jil, lalu minta pekara nya diatur Raja Besai, aku lalu ngasuh iya ditan nyentuk ngagai maya aku ulih ngirumka iya ngagai Raja Besai.”\\n22 Ku Agripa bejaku enggau Pestus, “Aku bisi ati deka mendingka orang nya.”\\nPestus lalu nyaut iya, “Pagila nuan deka mendingka iya.”\\n23 Hari siti Agripa seduai Bernis lalu datai enggau chukup gaya, lalu tama ngagai balai, disempulang sida tuai soldadu, enggau orang ke tinggi pangkat dalam nengeri nya. Pestus lalu ngasuh orang mai Paul tama.\\n24 Ku Pestus bejaku, “Raja Agripa, enggau semua kita ke bisi enggau kami ditu diatu, tu meh orang ke didawaka semua orang Judah ngagai aku, ukai semina ditu tang mega di Jerusalem, lalu manjung madahka iya enda tau ditejuka idup agi.\\n25 Tang aku nadai nemu iya bisi udah ngereja utai ti tau ngasuh iya diukum bunuh. Lalu lebuh iya ngapil ngagai Raja Besai, aku lalu mutuska runding deka ngirumka iya.\\n26 Tang aku nadai utai nyemetak ti tau ditulis aku pasal iya ngagai Raja Besai. Nya kebuah aku mai iya kitu ngagai semua kita, kelebih agi ngagai nuan Raja Agripa, ngambika lebuh kitai udah meresa iya, aku bisi utai ditulis--\\n27 laban ba penemu aku, enda manah enti aku ngirumka orang jil, tang enda madahka dawa ti dikena ngelaban iya.”\\nPaul Bejaku Ngarika Diri Empu Di Mua Agripa\\n1 Agripa lalu bejaku ngagai Paul, “Nuan tau bejaku ngarika diri empu.” Paul lalu ngangkatka jari iya, lalu bejaku ngarika diri empu munyi tu:\\n2 “Raja Agripa, aku gaga amat ati laban sehari tu aku diberi peluang bejaku ngarika diri empu di mua nuan, ngelaban semua dawa orang Judah,\\n3 laban nuan nemu semua adat asal enggau pasal semua kelikuh orang Judah ti ngasuh sida beserekang penemu. Nya alai, aku minta nuan liat ati mendingka aku.\\n4 “Semua orang Judah nemu gaya pengidup aku kenyau ari aku agi bujang, begulai enggau orang ari bansa aku empu enggau di Jerusalem.\\n5 Sida endang lama udah nemu, enti sida deka besaksika pasal aku ke nyadi raban orang ke pemadu terit dalam agama kitai, lalu idup nyadi orang Parisi.\\n6 Nyadi diatu aku bediri ditu kena pechara ketegal aku andal ati ke semaya ti udah digaga Allah Taala enggau aki ini kitai,\\n7 semaya ti dikarapka dua belas raban bansa kitai tau ulih sida, lebuh sida bebendar nyembah Allah Taala siang malam. Ketegal pengadang nya meh aku kena dawa orang Judah, Tuan Raja.\\n8 Nama kebuah kita enda arapka Allah Taala ulih ngangkatka orang ari mati?\\n9 “Aku menya udah ngumbai diri patut ngereja mayuh macham utai kena ngelaban nama Jesus orang Nasaret.\\n10 Lalu nya meh utai ti dikereja aku di Jerusalem. Ngena kuasa ari sida tuai imam, aku ukai semina nutup bala nembiak Tuhan dalam rumah jil, tang aku mega ngundi ngelaban sida lebuh sida diberi ukum bunuh. 11 Aku suah udah merinsaka sida dalam semua balai gempuru, laban aku nguji mejalka sida bejaku busung; nyadi laban aku balat pedis ati ngagai sida, aku\\nlalu begagaika sida nyentuk ngagai nengeri di menua bukai.\\n12 Nya meh utai ti dalam runding aku lebuh aku bejalai ngagai Damaskus ngena kuasa enggau atur ti diberi sida tuai imam.\\n13 Ba urung tengah hari, Tuan Raja, lebuh aku di rantau jalai, aku meda siti penampak manchar ari langit, ti terang agi ari mata hari, ti manchar ngelingi aku enggau ngelingi orang ke bejalai enggau aku.\\n14 Lebuh semua kami udah rebah ke tanah, aku lalu ninga nyawa bejaku ngagai aku ngena jaku Hebrew, ‘Saul, Saul! Nama kebuah nuan merinsaka Aku? Nuan semina ngemediska diri empu ngapa ngelaban aku.’\\n15 Aku lalu bejaku, ‘Sapa Nuan, Tuan?’ Tuhan lalu nyaut, “Aku tu Jesus ke diperinsaka nuan.\\n16 Tang angkat nuan, lalu bediri, laban tuju Aku ke pegari di mua nuan nya ngasuh nuan bekereja ke Aku lalu besaksika pasal utai ti udah dipeda nuan pasal Aku, enggau besaksika utai ti deka dipandangka Aku ngagai nuan ila.\\n17 Aku deka ngelepaska nuan ari bansa nuan empu, enggau ari orang bansa bukai ke alai Aku deka ngirumka nuan,\\n18 ngambika muka mata sida, ngambika sida nguingka diri ari pemetang ngagai penampak, enggau ari kuasa Sitan ngagai Allah Taala, ngambika dosa sida diampun, lalu sida nyadi raban orang ke dikuduska ulih pengarap sida ke Aku.’\\nPaul Madahka Pengawa Ti Dikereja Iya\\n19 “Udah bekau nya, Raja Agripa, aku enda kala enda ngasika genera ti datai ari serega,\\n20 tang madahka, keterubah iya, ngagai sida ke diau di Damaskus, lalu udah nya ngagai sida ke diau di Jerusalem, enggau di serata menua Judea, lalu mega ngagai orang bansa bukai, madahka sida enda tau enda nesal ati ke dosa sida lalu nguing ngagai Allah Taala, lalu ngereja utai ti nunjukka sida amat udah nesal ati.\\n21 Nya meh kebuah orang Judah nangkap aku dalam Rumah Sembiang, lalu nguji munuh aku.\\n22 Tang aku disaup Allah Taala nyentuk ngagai sehari tu. Nya alai aku diatu bediri ditu besaksi ngagai semua orang ke mit enggau ke besai, nyebut utai ti udah dipadahka sida nabi enggau Moses deka nyadi:\\n23 iya nya Kristus endang enda tau enda kena perinsa, lalu ari Iya ke nyadi orang ke terubah-rubah angkat ari mati, Iya madahka penampak ngagai orang Judah enggau ngagai orang bansa bukai.”\\n24 Lebuh Paul agi benung bejaku ngarika diri empu munyi nya, Pestus lalu merak iya, “Paul, nuan tu gila! Nuan kelalu mayuh penemu. Nya utai ti ngasuh nuan gila!”\\n25 Tang ku Paul nyaut, “Aku ukai gila, Tuan Gabenor, tang nyebut utai ti bendar.\\n26 Raja empu nemu pasal utai nya, lalu aku bejaku enggau terang ngagai iya, laban aku nemu, nadai siti ari utai tu ti enda ditemu iya, laban utai nya ukai dikereja ba sebelah teluk.\\n27 Raja Agripa, kati nuan arapka sida nabi? Aku nemu nuan arap!”\\n28 Agripa lalu bejaku enggau Paul, “Kati nuan ngenyampat nya ngumbuk aku nyadi orang Kristian?”\\n29 Paul lalu nyaut, “Nemuka jampat, tauka enda, aku besampi ngagai Allah Taala ngambika nuan enggau semua kita bukai ke mendingka aku sehari tu, tau nyadi baka aku, tang anang ga kita ditanchang ngena rantai baka aku.”\\n30 Raja lalu angkat, lalu gabenor, Bernis, enggau semua orang ke duduk enggau sida mega angkat,\\n31 lalu lebuh sida mupuk ari endur nya, sida lalu bejaku enggau pangan diri, “Orang tu nadai udah ngereja utai ti tau ngasuh iya kena ukum bunuh, tauka ditan dalam rumah jil.”\\n32 Agripa lalu bejaku ngagai Pestus, “Orang tu patut udah dilepaska, enti iya enda udah ngapil ngagai Raja Besai.”\\nPaul Belayar Ngagai Rome\\n1 Lebuh kami udah diatur belayar ngagai menua Itali, sida lalu nyerahka Paul enggau sekeda orang tutup ti bukai ngagai Julius, siku pemesai ari regimen ti dikumbai “Regimen Raja Besai.”\\n2 Kami lalu nepan sebuah kapal ti datai ari Adramitium, ti baru deka belayar ngagai mayuh bengkah penyangkai kapal ba sebelah tebing menua Asia, lalu bekejang, disempulang Aristarkus, orang Masedonia ke datai ari Tesalonika.\\n3 Hari siti kami sangkai di Sidon. Nyadi Julius manah amat enggau Paul, lalu ngemendarka iya betemu enggau pangan iya, ngambika sida ngintu iya.\\n4 Kami bekejang ari Sidon lalu laban kami nanjak ribut, kami lalu belayar mansa Pulau Saiprus nengah endur ti kurang agi ribut.\\n5 Lebuh kami udah belayar meraka tasik semak Silisia enggau Pampilia, kami datai di Mira di menua Lisia.\\n6 Dia pemesai soldadu tetemuka sebuah kapal ti datai ari Aleksandria, ti deka belayar ngagai menua Itali. Iya lalu ngengkahka kami ba kapal nya.\\n7 Kami belayar lubah amat dalam berapa hari, lalu nyau ka enda ulih datai semak nengeri Nidus. Lalu laban kami nanjak ribut, nya alai kami belayar belindung ba pulau Krit semak Salmoni.\\n8 Kami belayar lubah amat, lalu datai ba endur siti ti dikumbai Pengkalan ti Likun, ti semak nengeri Lasea.\\n9 Laban mayuh jam udah tebasau, lalu belayar pen tau mega ngasuh bebadi, laban Hari Pengampun Dosa udah ngelebus, nya alai Paul ngelalau sida enggau jaku.\\n10 Ku iya, “Tuan, asai sepi aku, pejalai kitai tu tau ngasuh kitai bebadi sereta mayuh rugi, ukai semina rugi barang enggau kapal, tang nyawa kitai mega.”\\n11 Tang pemesai soldadu bechaya agi ke juragan kapal, enggau orang ke bempu kapal nya, ari ke arapka jaku Paul.\\n12 Laban penyangkai kapal nya enda manah alai ngenduh lebuh musin chelap, mayuh sida mai belayar ari endur nya, ngarapka diri ulih datai di Poeniks, lalu ngenduh dia lebuh musin chelap. Poeniks nya penyangkai kapal ti nunga ngagai selatan-barat enggau utara-barat pulau nya.\\nDipangkaka Kabut Besai Ba Tasik\\n13 Lebuh ribut ti enda balat belabuh muput ari selatan, sida ngumbai diri ulih ngereja utai ti deka dikereja sida, nya alai sida narit sauh, lalu belayar nebing pulau Krit.\\n14 Tang enda lama udah nya kabut besai, ti dikumbai “Ribut Utara Timur” lalu mangka ari pulau Krit.\\n15 Laban kapal kami balat dipuputka ribut nya, lalu enda ulih dikuingka ngambika nanjak ribut nya, kami lalu nejuka kapal nya anyut dibai ribut.\\n16 Lebuh kami belindung mansa pulau siti ti mit, ti dikumbai Kauda, kami nyau ka enda ulih nanchangka perau ti dibai kapal.\\n17 Lebuh sida udah narit perau nya ngagai kapal, sida lalu melit kapal nya erat ngena tali. Laban sida enggai ke kapal nya tepanggai ba pasir Sirtis, sida lalu ngulurka sauh lalu kapal nya anyut laban ribut.\\n18 Kami balat amat dipangkaka kabut nya, nya alai hari siti sida belabuh muai barang ari kapal nya.\\n19 Ba hari ti ketiga, sida muai sekeda perengka kapal.\\n20 Lebuh kami nyau lama nadai meda mata hari, tauka bintang, lalu kabut nya majak balat mangka, kami nadai ngadang diri ulih idup.\\n21 Laban sida lama udah enda makai, nya alai Paul mansang ngagai sida, lalu bejaku. “Kita patut udah mendingka aku, lalu enda bekejang ari Krit. Nya baru pengerusak enggau pengerugi tu ulih diseliahka.\\n22 Tang anang takut, laban nadai siku kita deka mati. Semina kapal aja deka rusak,\\n23 laban malam tadi siku melikat Allah Taala, iya nya Allah Taala ke dipetuaika sereta disembah aku, bisi bediri ngimbai aku,\\n24 lalu bejaku, ‘Anang takut, Paul. Nuan enda tau enda bediri di mua Raja Besai. Lalu Allah Taala deka nyelamatka semua orang ke belayar enggau nuan.’\\n25 Nya alai, anang takut, laban aku arapka Allah Taala deka ngereja utai munyi ti udah dipadahka Iya ngagai aku.\\n26 Tang kitai deka tepanggai ba tebing pulau siti.”\\n27 Ba malam ti keempat belas, lebuh kami anyut nengah Tasik Adria, kira ba urung tengah malam, sida kelasi ngumbai kami datai semak tebing.\\n28 Nya alai sida lalu ngabas penalam ai, lalu nemu penalam ai nya kira empat puluh meter. Enda lama udah nya sida ngabas penalam ai nya baru, lalu nemu penalam ai nya tiga puluh meter.\\n29 Laban sida takut enggai ke kapal nya terempas ba batu, nya alai sida ngulurka empat iti sauh ari kemudi kapal nya, lalu besampi nganti hari siang.\\n30 Tang lebuh sida kelasi nguji ngerarika diri ari kapal nya, lalu udah ngulurka perau ngagai tasik, lalu ngaga diri baka ke deka ngulurka sauh ari luan kapal nya,\\n31 Paul lalu bejaku ngagai pemesai enggau ngagai bala soldadu. Ku iya, “Enti sida kelasi nya ninggalka kapal tu, kita enda ulih idup.”\\n32 Sida soldadu lalu netak tali perau nya, lalu nejuka perau nya labuh.\\n33 Sebedau dini hari, Paul lalu ngansak sida makai. Ku iya, “Tu keempat belas hari kita udah abis irau ati lalu nadai makai utai.\\n34 Nya alai aku ngasuh kita makai utai, ngambika kita ulih ngidupka diri. Selambar pen nadai meh buk kita deka lenyau ari pala kita.”\\n35 Lebuh Paul udah nyebut nya, iya ngambi roti, meri terima kasih ngagai Allah Taala di mua semua sida, mechahka roti nya, lalu belabuh makai.\\n36 Semua sida lalu berasai diperansang magang, lalu sida empu mega makai.\\n37 (Pemayuh kami ke dalam kapal nya 276 iku.)\\n38 Lebuh sida udah kenyang magang, sida lalu muai semua gandum ke tasik ngambika kapal nya lempung agi.\\n39 Pagi hari nya, sida enda ngelala menua nya, tang sida tepedaka siti teluk ti bisi tebing pasir. Sida lalu bekira deka ngelanggarka kapal nya ngagai tebing pasir nya, enti sida ulih.\\n40 Nya alai sida netak tali sauh, lalu ninggalka sauh nya di tasik, muka tali ti dikena nanchang tumpang kapal nya, nuatka layar ti ba luan kapal nya lalu nuju ngagai tebing.\\n41 Tang kapal nya telanggarka betin, lalu tepanggai. Luan kapal nya lekat enda beguyat, lalu kemudi pechah dipangkaka gelumbang.\\n42 Bala soldadu lalu bekira deka munuh semua orang tutup, enggai ke sida nyemerai ke tebing lalu rari.\\n43 Tang pemesai soldadu ingin deka ngidupka Paul. Nya alai iya nagang sida munuh orang tutup. Iya lalu ngasuh semua orang ke tau nyemerai, terejun ari kapal nya, lalu nyemerai ke tebing.\\n44 Sida ti bukai nitih ka sida, sekeda belatung ngena papan, tauka ngena perengka ari kapal nya. Nya meh jalai semua sida datai enggau likun ba tebing.\\n1 Lebuh semua kami udah datai ba tebing, nya baru kami nemu pulau nya dikumbai Malta.\\n2 Orang ba pulau nya manah amat enggau kami. Laban hari nyau belabuh ujan sereta chelap, sida lalu nungkun api lalu ngelaluka penatai semua kami.\\n3 Paul ngeraup tugung rangkang, lalu lebuh iya nabakka kayu nya ngagai api, siku ular pansut ari tugung rangkang nya laban angat, mantuk lalu lekat ba jari iya.\\n4 Lebuh orang ba pulau nya meda ular nya kating-kating lekat ba jari Paul, sida lalu bejaku enggau pangan diri, “Orang tu tentu pemunuh. Taja pen iya enda mati di tasik, tang petara enggai nejuka iya idup.”\\n5 Tang Paul ngetikka ular nya ngagai api, lalu nadai apa nama laban ular nya.\\n6 Sida ngumbai tubuh iya deka sup, tauka iya ngenyit rebah lalu mati, tang lebuh sida udah lama nganti, lalu nadai meda utai ti nyelai nyadi ba iya, sida lalu ngubah runding diri, lalu ngumbai iya petara.\\n7 Enda jauh ari endur nya bisi tanah ti diempu Publius, ke nyadi tuai ba pulau nya. Iya ngelaluka penatai kami, lalu ngintu kami tiga hari.\\n8 Nyadi apai Publius gali sakit chelap angat sereta pedis perut. Paul mansang ngagai iya lalu besampi, ngengkahka jari iya atas apai Publius, lalu ngeraika iya.\\n9 Lebuh utai nya udah nyadi, semua orang ke sakit ba pulau nya, datai lalu digeraika magang.\\n10 Sida balat amat masa kami, lalu lebuh kami deka belayar, sida mai ngagai kapal nya semua utai ti dipeguna kami.\\nAri Malta Ngagai Rome\\n11 Tiga bulan udah bekau nya kami lalu belayar ngena sebuah kapal ti datai ari Aleksandria, ti dikumbai “Menyadi Lelaki Ti Besapit,” ti udah ngenduh ba pulau nya lebuh musin chelap nya.\\n12 Kami sangkai di Sairakuse, lalu diau dia tiga hari.\\n13 Ari nya kami lalu majak belayar, lalu datai di Regium. Hari siti ribut belabuh muput ari selatan, lalu ba hari ti kedua kami datai di Puteoli.\\n14 Dia kami tetemuka sekeda sida ke arap, lalu kami dibai diau enggau sida tujuh hari. Udah nya kami datai di Rome.\\n15 Lebuh sida ke arap di Rome ninga pasal kami, sida datai nyentuk ngagai Pasar Apius enggau Tiga Buah Rumah Numpang, deka ngambat kami. Lebuh Paul meda sida, iya meri terima kasih ngagai Allah Taala, lalu berasai diperansang.\\n16 Lebuh kami datai di Rome, Paul disagi diau kediri, dijaga siku soldadu.\\n17 Tiga hari udah bekau kami datai, Paul lalu ngempuruka bala tuai orang Judah di nengeri nya. Lebuh sida udah begempuru magang, iya lalu bejaku ngagai sida, “Menyadi, taja pen aku nadai ngereja utai ngelaban bansa kitai, tauka ngelaban adat asal aki ini kitai, tang aku udah ditangkap di Jerusalem, lalu diserahka ngagai orang Rome.\\n18 Lebuh sida udah tembu mansik aku, sida berunding deka ngelepaska aku, laban sida nadai nemu kebuah alai aku patut kena ukum bunuh.\\n19 Tang lebuh orang Judah nyakal penemu nya, aku lalu ngasaika diri enda tau enda ngapil ngagai Raja Besai, taja pen aku nadai ati deka bedawaka bansa kitai.\\n20 Nya meh kebuah aku minta diri betemu lalu bejaku enggau kita, laban aku ditanchang ngena rantai baka tu, ketegal pengadang kitai orang Israel.”\\n21 Sida lalu nyaut iya, “Kami nadai udah nerima surat ari Judea pasal nuan, lalu bala kitai ke datai ditu pen nadai mega madahka berita, tauka bejaku jai pasal nuan.\\n22 Tang kami keran deka ningaka penemu nuan, laban kami nemu, semua orang di semua endur bela bejaku ngelaban raban tu.”\\n23 Lebuh sida udah nimpuh hari alai betemu enggau Paul, sida datai ngagai endur alai iya ke diau. Iya lalu nerangka pekara nya ngagai sida kenyau ari pagi nyentuk ngagai lemai, besaksika pasal Perintah Allah Taala, lalu nguji nguingka sida ngagai Jesus ngena jaku ari Adat Moses enggau ngena jaku sida nabi.\\n24 Sekeda sida arapka utai ti disebut iya, tang sida ti bukai enggai arap.\\n25 Nya sida enda besetuju enggau pangan diri. Lebuh sida mupuk, Paul lalu nyebut jaku tu: “Betul amat utai ti disebut Roh Kudus lebuh Iya bejaku ngena nabi Isaiah ngagai sida aki ini kitai,\\n26 ‘Bejalai ngagai orang tu, lalu sebut, Kita amat mending, tang enda mereti, lalu kita amat merening, tang enda meda,\\n27 laban orang tu enda tajam runding, lalu pending sida bengal, lalu sida udah nutup mata sida, ngambika sida enda meda ngena mata sida, lalu ninga ngena pending sida, lalu mereti ngena ati sida, lalu nguing ngagai Aku, lalu Aku ngeraika sida.’\\n28 Nya alai, awakka kita nemu, pesan pasal pengelepas Allah Taala udah dikirumka ngagai orang bansa bukai. Sida deka mending!”\\n29 Lebuh Paul udah nyebut nya, orang Judah angkat ari endur nya, lalu bekelikuh balat amat enggau pangan diri.\\n30 Paul diau dua taun ba endur ti disua iya empu, lalu iya ngelaluka semua orang ke datai ngagai iya,\\n31 lalu nusui pasal Perintah Allah Taala, lalu ngajar pasal Tuhan Jesus Kristus enggau nadai belalai, sereta nadai utai nekul.","num_words":24424,"character_repetition_ratio":0.076,"word_repetition_ratio":0.0,"special_characters_ratio":0.213,"stopwords_ratio":0.351,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Atur sarak nitihka adat Iban - Suara Sarawak\\n“Entara sarak ti tau dikemendarka Kort Penghulu iya nya sarak manis, kena tinggalka laki tauka bini, tegal gila tauka sakit lan, tegal kena jil, tegal ngidap penyakit, sarak ketegal butang enggau sarak ketegal kebuah bukai. ”\\nSIBU: Tuju Adat Iban dikena nanggam pendiau enggau ulah begulai enggau pangan diri sama diri awakka mai penyelap, pengerai enggau pengelantang diri serumah nyengkaum adat sarak.\\nNitih ku Tuai Rumah Akul Dagang ari Sungai Belalang, Salim di Sibu, ulah enggau pendiau ke manah nitihka adat ukai semina nanggam diri sebansa enda belah tauka pambar aja, tang mupuk matih pendiau ke menyana di mua Petara ngambika tau diau chelap lindap nguan menua.\\n“Taja pengawa sarak tu ukai pekara dikedeka kitai, tang bisi adat udah ditetap sida ke tuai dulu dikena mutarka iya nentuka kededua piak bela lantang ati sereta enda lalu mutuska kaul, kelebih agi kaul anak enggau apai indai sida ke sarak.\\n“Mayuh amat kes sarak udah dipechara ba Kort Bumiputera kitai, tebal agi kes tu bepun ari laya, saru penemu tauka kelalu ninding, enda seati agi, terumpang pechaya enggau mayuh pekara bukai ngujungka kaul sida puntan.\\nBEJALAIKA ADAT… Tuai Rumah Akul Dagang (bediri, enam kiba) begulai enggau bala bukai ti dipadu gawa megai adat ba opis Servis Sivil Sarawak.\\n“Entara sarak ti tau dikemendarka Kort Penghulu iya nya sarak manis, kena tinggalka laki tauka bini, tegal gila tauka sakit lan, tegal kena jil, tegal ngidap penyakit, sarak ketegal butang enggau sarak ketegal kebuah bukai.\\n“Dalam Undang-Undang Tikah (Marriage and Divorce Act) ke diubah baru dalam taun 1976 nadai nagang peranak asal Sarawak jadi belaki bebini enggau sarak nitihka adat asal. Nya alai, bansa Iban di menua Sarawak tau jadi belaki bebini tauka ngatur sarak sida nitihka Adat Iban,” ku iya ngelansa.\\nIya ti udah dipadu mangku pengawa nyadi Assessor ba Kort Bumiputera di Sibu madah, atur sarak enggau pekara belanja anak udah ditusun baru nitihka pemansang pendiau kemaya hari.\\nAnak ke enda nemu utai ulu-ili ketegal apai indai udah terumpang ruang bilik patut disikap enggau belanja enggaika sida tu idup napi pemerinsa, suntuk belanja lalu keberuran enda makai.\\n���Ngenang pasal atur bebagi barang enggau lanting lebuh sarak. Nyadi barang ke kena bagi nya dikumbai barang lama, barang ulih begulai enggau asil ari pengawa pemansang ba ruang bilik seduai ke sarak.\\nPENGINGAT… Tuai Rumah Akul (tengah) begulai enggau menyadi iya, gambar dalam taun 1960-an.\\n“Reti barang lama tu iya nya barang ke diulih apin begulai lalu barang ulih begulai iya nya barang diulih sekumbang begulai melaki bini. Semua asil tauka pemisi diulih ari pengawa pemansang bepukuka barang lama deka dibagi bela entara diri sebilik.\\n“Barang dikumbai lanting diatu nyengkaum pesaka baka kebun getah tauka tanah, sekalika barang bukai ke berega baka keresa lama baka tawak, bebendai, bedil enggau ke bukai datai ari bilik lama,” ku iya ngelansa silik ti kala mangku pengawa kaunsilor.\\nNangkan nya ku iya, enti orang sarak baru udah melah pinang, sekalika lelaki tauka indu enggaika pangan agi enggau nadai tentu tegal, sapa seduai muai pangan deka kena tinggang penyalah nitihka pemesai ukum di menua nya.\\n“Enti sema lelaki muai indu, penyalah iya besai agi ari enggi indu. Ditambah enggau ukum Perintah, iya mega dipinta mayar pemalu ngagai iya ti dibuai, nitihka pemesai adat ti selalu dikena di menua nya.\\n“Bisi mega sekeda lalu apin begulai, enda teantika nyundang pinang alai muai pangan, tang jarang amat utai baka tu nyadi lalu suah agi nyadi enti ati barang sapa seduai ke jadi nya endang enggai, sekalika enggai ka gamal, bisi orang bukai dikedeka tauka tegal bukai, tang alai nyadi melah pinang ari pejal apai indai.\\nTELADAN… Peneguh kaul sida ke tuai dulu menya patut diteladan rebak diatu, anang muntang nyarak pangan diri. Gambar diambi ari adatbansaiban.blogspot.com.\\n“Kebuah alai minta pemalu ngagai iya ke muai, laban tu dikumbai semina ngabas ruang bilik orang, nya kabuah apai indai napi pemalu enggau ngamahka nama sida sebilik,” ku iya.\\nKelimpah ari nya, pengawa baka tu endang jai amat lalu tau dikumbai semina deka beduan, ngayah, ngasa sereta ngemalu orang aja. Suah mega apai indai iya ti dibuai minta bayar pengerugi ti udah dikena beterang tauka melah pinang.\\nNya kebuah kitai bisi adat dikumbai Tunggu, jalai sida ke tuai ngemadamka laya tauka pengachau. Bisi dua Tunggu dalam ngatur sarak tu iya nya Tunggu Luya enggau Tunggu Tinggal.\\nTunggu Luya tu ku iya, adat dibayar laki ke muai bini ti udah beranak siku tauka mayuh ari nya, tang anak seduai parai magang lalu Tunggu Tinggal iya nya adat dikeluarka orang ti muai bini tauka laki.\\n“Enti sema sarak nyau udah entara bulan entara taun taja nadai tentu tegal lempung agi mega penyalah lalu pemalu nadai dipinta apai indai lalu enti sema sarak maya nyau bisi anak lain agi mega adat iya.\\nLANTING… Entara keresa ti patut dibagi bela, enti sema bisi, maya adat sarak udah diputuska ketuai ti megai adat.\\n“Temu aku jarang orang ke sarak enti nyau udah bisi anak enti nadai tegal ti besai laban ati nyau lebih agi ngerunding anak enggau empas ngagai ruang bilik ti udah lama didiri kelimpah berundingka pemedis ngepunka idup baru,” ku iya seraya nambah, ke diatu adat Iban muai pangan kelalu lempung, nya alai orang muntang amat ngelengkaka pangan, nadai berunding panjai empas pengawa sida nya.\\n“Bisi mega aku nemu runding sekeda orang endang rindu mayuh rambang, laban nya manah dipeda ku anak ati sida. Kebuah alai manah ku sida laban mayuh orang deka, lalu sida ngemenangka diri tampak bebini tampak belaki.\\n“Pelaba aku nyangka mayuh orang setuju enggau aku ngumbai ati enggau runding ti bakanya salah bendar lalu enda tau enda diubah. Jangka aku mega, neladan sida ke tuai menya, orang ke jadi enggau jalai beterang manah ba mua apai indai enggau melah pinang lubah agi sarak enti chukup jaku, chukup aum apai indai enggau seduai ke jadi, laban ngenang pengerugi enggau pengiruh diri empu enggau kaban belayan kulu kili ti udah besaup ngemujurka pengawa sida sebilik ngatur pengerami nya.\\n“Nya alai enti ulih anang ngudahka diri bebini belaki laban enda lebu asai bisi pengiruh enggau pengerugi. Sida ke jadi ari bepangan, nitihka pengeran ati tebal agi sarak kelebih agi sida ke nembiak, bedau bau lia udah belaki bebini lalu apin nemu ngidupka diri ngujungka sida sarak sereta besalah pangan diri,” ku iya nangkan.\\nKENANG… Tuai Rumah Akul begambar ungkup kenang ba mua DUN Lama lebuh nerima pingat Ahli Bintang Kenyalang (A.B.K) taun nyin kemari.\\nTEMEGAH… Pingat Ahli Bintang Kenyalang (A.B.K) diterima Tuai Rumah Akul Dagang.","num_words":1043,"character_repetition_ratio":0.045,"word_repetition_ratio":0.046,"special_characters_ratio":0.187,"stopwords_ratio":0.209,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: Hari Lima, 8 June 2018 ba Minggu Kesembilan Musim Selama - Berita Iban Online | Laman Web Berita Kitai\\nHome \/ Injil Tuhan \/ #InjilSeharitu: Hari Lima, 8 June 2018 ba Minggu Kesembilan Musim Selama\\n#InjilSeharitu: Hari Lima, 8 June 2018 ba Minggu Kesembilan Musim Selama\\nTang siku soldadu ngerejang rusuk Jesus ngena sangkuh. Tekala nya darah enggau ai lalu ensambur pansut.\\n8 June 2018 - Hari Lima ba Minggu Kesembilan Musim Selama (Solemnity of Most Sacred Heart of Jesus).\\nHosea 11: 1, 3 - 4, 8C - 9\\nLebuh Israel agi mit, Aku rinduka iya lalu Aku ngangauka anak Aku pansut ari menua Ejip.\\nAku udah ngiring lalu ngajar orang Israel bejalai. Aku udah merap bala nembiak Aku tang sida enda ngaku Aku udah ngeraika sida.\\n4 Aku nguluka sida enggau penelap sereta enggau pengerindu. Aku ngangkatka sida ngagai kuyu Aku. Aku ngenduk lalu nyapi sida.\\nAti Aku kelalu balat rinduka kita.\\nAku enggai ngukum kita lebuh Aku ringat.\\nAku enggai agi ngerusak Israel, laban Aku tu Allah Taala, ukai mensia, Aku ti kudus, ke meruan enggau kita. Aku enggai datai ngagai kita lebuh Aku ringat.\\nIsaiah 12: 2 - 3, 4, 5 - 6\\nSaut (peda 3): Baka ai ti ngasuh orang ke aus gaga, baka nya meh bala nembiak Allah Taala deka rami gaga lebuh Iya ngelepaska sida.\\nSaut: Baka ai ti ngasuh orang ke aus gaga, baka nya meh bala nembiak Allah Taala deka rami gaga lebuh Iya ngelepaska sida.\\nBeri terima kasih ngagai TUHAN!\\nlalu Iya diau enggau bala nembiak Iya.\\nEpesus 3: 8 - 12, 14 - 19\\nTaja pen aku tu orang ke pemadu mit ari semua nembiak Tuhan, pengasih tu udah diberi ngagai aku, iya nya nusui ngagai orang bansa bukai pasal pemesai pengaya Kristus, lalu mai semua bansa nemu misteri Iya ti dilalaika sejeman-jeman tu dalam Allah Taala ke ngaga semua utai;\\nngambika diatu, ulih eklisia, semua penemu-dalam Allah Taala dipadahka ngagai bala pemerintah, enggau kuasa ti di langit, nitihka juluk ati Iya ti meruan belama iya, ti udah dipejalaika Iya dalam Jesus Kristus Tuhan kitai.\\nDalam Iya enggau ulih pengarap kitai ke Iya, kitai berani sereta kempang ati datai ngagai Allah Taala.\\nAlleluia (peda Matthew 11: 29AB)\\nAmbi lalu san tangkun Aku, ku TUHAN;\\nlalu belajar ari Aku, laban Aku nelap sereta baruh ati.\\nTauka (1 John 4: 10B)\\nAllah Taala udah rinduka kitai,\\nlalu udah ngirumka Anak Iya nyadika piring kena muai dosa kitai.\\nLaban hari nya Hari Alai Nyendiaka Gawai, orang Judah enggai nejuka bangkai Jesus mengkang ba kayu regang lebuh hari Sabat (kelebih agi laban hari Sabat nya amat kudus). Nya alai sida lalu minta Pilate ngasuh orang matahka kaki orang ke diregang, ngambika bangkai sida tau diambi ari regang nya.\\nSida soldadu mansang lalu matahka kaki orang ke terubah, enggau kaki siku ti bukai ke diregang sama enggau Jesus.\\nTang lebuh sida datai ngagai Jesus, lalu meda Iya endang udah mati, sida enda matahka kaki Iya.\\nSiku orang ke meda nya, udah besaksika pasal utai nya, ngambika kita mega arap. Jaku saksi iya endang amat, lalu iya nemu diri endang madahka utai ti bendar.\\nUtai tu nyadi ngambika Bup Kudus dikamatka, “Nadai siti tulang Iya dipatahka.”\\nSiti agi genteran dalam Bup Kudus bisi mega nyebut, “Orang deka merening ngagai Iya ti udah direjang sida.”","num_words":482,"character_repetition_ratio":0.065,"word_repetition_ratio":0.051,"special_characters_ratio":0.221,"stopwords_ratio":0.313,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kitai Enggi Jehovah | Dikena Belajar\\n‘Lantang meh bansa ti ngaku Jehovah nyadika Petara sida. Beberekat meh orang ke udah dipilih Jehovah nyadika nembiak Iya!’—MAS. 33:12.\\nNama ditunjukka kitai lebuh nyerahka diri ngagai Jehovah sereta dibaptisa?\\nBaka ni orang ulih nemu kitai semina nyembah Jehovah seiku aja?\\nNama kebuah kitai patut nyambut, gerah jari, deka ngampun, sereta manah ati enggau bala menyadi Kristian kitai?\\n1. Nama kebuah kitai ulih ngumbai semua utai enggi Jehovah magang? (Peda gambar ba pun artikel.)\\nSEMUA utai endang enggi Jehovah magang! Iya bempu ‘langit enggau serega, enggau dunya sereta enggau semua utai ti di dunya.’ (U-dat. 10:14; Pem. 4:11) Ketegal Jehovah nempa mensia, nya alai semua kitai nyadi pesaka Iya. (Mas. 100:3) Tang ari semua mensia, Jehovah semina milih sekeda orang ngambika diempu Iya.\\n2. Nitih ku Bup Kudus, sapa udah diempu Jehovah?\\n2 Ambika chunto, Masmur 135 madahka bala penyembah Jehovah ke tetap ati maya jeman Israel kelia nya “pesaka Iya.” (Mas. 135:4) Hosia mega madahka sekeda orang ke ukai orang Israel deka nyadi nembiak Jehovah. (Hos. 2:23) Jaku Hosia nya dikeamatka lebuh Jehovah belabuh milih sida ke ukai orang Israel merintah enggau Kristus di serega. (SKR. 10:45; Rom. 9:23-26) Sida ti dipilih ke serega nya dikumbai “bansa ti kudus.” Sida diempu Jehovah. (1 Pet. 2:9, 10) Tang baka ni enggau semua orang Kristian ke tetap ati kemayaharitu ke bisi peluang idup belama iya ba dunya? Jehovah mega ngumbai sida “nembiak Aku” sereta nembiak ke dipilih Iya.—Isa. 65:22.\\n3. (a) Sapa ke bisi kaul ti spesial enggau Jehovah kemayaharitu? (b) Nama deka dipejuraika kitai ba artikel tu?\\n3 Kemayaharitu, raban ke ‘mit,’ ke bisi peluang idup belama iya di serega, sereta “bedus ti bukai,” ke bisi peluang idup belama iya ba dunya, sama begulai nyembah Jehovah nyadi “siti raban.” (Luk. 12:32; Jhn. 10:16) Kitai deka ngayanka diri beterima kasih ngagai Jehovah laban bisi kaul ti spesial enggau Iya. Ba artikel tu, kitai deka bejuraika chara kitai ulih ngayanka terima kasih ngagai Jehovah laban udah meri berekat ti manah nya.\\nKITAI NYERAHKA PENGIDUP DIRI NGAGAI JEHOVAH\\n4. Baka ni kitai ulih beterima kasih ngagai Jehovah ketegal ngemendarka kitai bisi kaul enggau Iya, lalu baka ni Jesus ngereja utai ti sama?\\n4 Kitai ngayanka diri beterima kasih ngagai Jehovah lebuh kitai nyerahka diri ngagai Iya sereta dibaptisa. Udah nya semua orang ulih meda kitai enggi Jehovah lalu deka ngasika Iya. (Heb. 12:9) Jesus ngereja utai ti sama lebuh iya dibaptisa. Taja pan iya udah nyadi bansa ke diserahka ngagai Jehovah, iya nyerahka diri ngagai Jehovah. Jesus baka ke nyebut: ‘Naka meh pengerindu ati aku ngereja peneka Nuan, O Petara aku!’—Mas. 40:7, 8.\\n5, 6. (a) Nama dipadah Jehovah pengudah Jesus dibaptisa? (b) Nama sempama ke ulih nulung kitai meretika asai ati Jehovah pasal pengawa kitai ke nyerahka diri ngagai Iya?\\n5 Baka ni asai ati Jehovah lebuh Jesus dibaptisa? Bup Kudus madahka: “Lebuh Jesus udah dibaptisa, iya pansut ari dalam ai. Langit lalu tebuka. Iya lalu meda roh kudus Petara nurun lalu inggap ba iya baka burung achang. Siti nyawa lalu bejaku ari serega, ‘Tu Anak ke dikesayauka Aku. Aku rinduka iya.’” (Mat. 3:16, 17) Jesus endang udah diempu Jehovah. Tang Jehovah gaga ati lebuh meda Jesus deka ngena pengidup diri nyembah Iya seiku aja. Jehovah mega gaga ati lebuh kitai nyerahka pengidup diri ngagai Iya, lalu Iya deka merekat kitai.—Mas. 149:4.\\n6 Tang Jehovah endang udah bempu semua utai! Nama ulih diberi kitai ngagai Iya? Uji gambarka, seiku lelaki bisi bungai ti manah ba taman. Anak indu iya ke agi mit ngambi siti bungai lalu meri ngagai iya. Taja pan bungai nya enggi apai, tang apai gaga ati nerima pemeri nya. Nya nunjukka anak sayauka iya. Bungai ke diberi anak nya berega agi ari semua bungai ke bisi ba taman iya. Pia mega, Jehovah gaga ati lebuh kitai deka nyerahka pengidup diri ngagai Iya.—P-sut. 34:14.\\n7. Baka ni Malaki nulung kitai meretika asai ati Jehovah pasal orang ke sanggup nyembah Iya?\\n7 Bacha Malaki 3:16 ari nota kaki. * Nama kebuah nya beguna nyerahka pengidup diri ngagai Jehovah sereta dibaptisa? Kenyau ari kandung, kitai endang udah diempu Penempa kitai, Jehovah. Tang uji pikirka pengaga ati ti deka diasaika Jehovah lebuh kitai nerima Iya nyadika Pemerintah sereta nyerahka diri ngagai Iya! (J-lam. 23:15) Jehovah nemu bagi orang ke deka nyembah Iya, lalu Iya nuliska nama sida dalam “bup pengingat” Iya.\\n8, 9. Nama diguna Jehovah ba orang ke bisi nama ditulis dalam “bup pengingat”?\\n8 Enti deka ngetanka nama kitai dalam “bup pengingat” Jehovah, bisi utai ke patut dikereja kitai. Malaki madahka kitai patut nangika Jehovah sereta belematika nama Iya. Enti kitai nyembah mensia tauka utai bukai, nama kitai deka dibuai ari bup Jehovah nya!—P-sut. 32:33; Mas. 69:28.\\nSeagi-agi kitai idup, kitai deka nunjukka diri ngasika Jehovah ari utai ti dikereja kitai\\n9 Nya alai semina besemaya deka ngereja peneka Jehovah sereta dibaptisa enda chukup. Utai nya digaga kitai sekali aja, tang nyembah Jehovah nya jalai pengidup kitai. Seagi-agi kitai idup, kitai patut nunjukka diri ngasika Jehovah ari utai ti dikereja kitai.—1 Pet. 4:1, 2.\\nKITAI NULAK PENGINGIN DUNYA\\n10. Nama bida nyata entara orang ke nyembah enggau orang ke enda nyembah Jehovah?\\n10 Ba artikel sebedau tu, kitai udah belajar pasal Kain, Solomon, enggau orang Israel ke ngumbai diri nyembah Jehovah tang sida enda taluk ngagai Iya. Ari chunto sida kitai belajar, semina ngumbai diri nyembah Jehovah aja enda chukup. Kitai patut begedika utai ti jai lalu rinduka utai ti badas. (Rom. 12:9) Jehovah madahka bisi bida ti nyata ‘entara orang ke lurus enggau orang ke jai, entara orang ke betuaika Petara enggau orang ke enda betuaika Iya.’—Mal. 3:18.\\n11. Baka ni orang ulih nemu kitai semina nyembah Jehovah seiku aja?\\n11 Kitai beterima kasih ngagai Jehovah laban udah milih kitai nyadika nembiak Iya! Semua orang ulih meda sekalika kitai setanah enggau Jehovah tauka enda. (Mat. 5:16; 1 Tim. 4:15) Tanya diri empu: ‘Kati orang ulih meda aku amat taluk ngagai Jehovah? Kati aku gaga ati ulih madahka diri Saksi Jehovah?’ Uji gambarka penusah ati ti diasaika Jehovah lebuh kitai malu madahka diri enggi Iya ngagai orang.—Mas. 119:46; bacha Mark 8:38.\\nKati chara pengidup nuan enggau terang nunjukka nuan nya Saksi Jehovah? (Peda genteran 12, 13)\\n12, 13. Nama kebuah sekeda bala menyadi Kristian kitai ngasuh orang tusah deka ngelala sekalika sida nya Saksi-Saksi Jehovah tauka ukai?\\n12 Tang sayau amat, indah sekeda bala Saksi nunda “roh dunya.” Ketegal tu, sida nadai tentu bebida ari orang ke enda nyembah Jehovah. (1 Kor. 2:12) “Roh dunya” ngasuh orang beberatka pengingin sida empu aja. (Eps. 2:3) Ambika chunto, taja pan kitai udah suah ditangkan, sekeda nya agi enda begari enggau penumbas iya. Sida ngena gari ke sendat sereta ngayanka tubuh, indah lebuh datai begempuru. Tauka sida milih stail buk ti kelalu. (1 Tim. 2:9, 10) Ketegal tu, bala menyadi Kristian ke bukai tusah deka nemu sekalika sida nya Saksi-Saksi Jehovah tauka ukai.—Jas. 4:4.\\n13 Bisi utai bukai ke ngasuh bala Saksi enda tentu bebida ari orang ba dunya. Ambika chunto, sekeda sida betanda sereta ngembuan ulah ke enda patut ba orang Kristian lebuh ba siti-siti pengerami. Sekeda nya ngengkahka gambar sida ba media sosial lalu meri komen ke mantaika runding mensia. Sida engka enda ngereja dosa ti besai lalu agi enggau eklisia, tang sida ulih ngachau bala menyadi Kristian bukai ke bebendar deka bebida ari orang ba dunya.—Bacha 1 Peter 2:11, 12.\\nAnang dikelimpangka sida ti enda amat setanah enggau Jehovah\\n14. Nama patut digaga kitai ngambika ulih nyaga kaul ti spesial enggau Jehovah?\\n14 Semua utai ba dunya endang digaga kena ngasuh kitai beberatka “utai ti dikinginka tubuh, utai ti dikinginka mata, temegahka pengaya.” (1 Jhn. 2:16) Kitai enggi Jehovah, nya alai kitai bebida. Kitai ‘nulak semua ulah ti jai, enggau semua pengingin dunya,’ lalu kitai ‘nemu nagang diri, diau lurus, sereta nangika Petara dalam dunya tu.’ (Tit. 2:12) Semua chara pengidup kitai, nyengkaum chara kitai bejaku, makai, ngirup, begari, enggau gawa, patut enggau terang nunjukka kitai endang enggi Jehovah.—Bacha 1 Korint 10:31, 32.\\nKITAI “SERURAN RINDUKA PANGAN DIRI”\\n15. Nama kebuah kitai patut rindu sereta manah enggau bala menyadi Kristian ke bukai?\\n15 Kitai nunjukka kaul kitai enggau Jehovah nya berega ari chara kitai begulai enggau bala menyadi Kristian. Sida enggi Jehovah, sama baka kitai. Enti kitai ingatka tu, kitai deka seruran rindu sereta manah enggau sida. (1 Tes. 5:15) Nama kebuah tu beguna? Ku Jesus madah ngagai bala murid iya: ‘Enti kita rinduka pangan diri, nya baru semua orang deka nemu kita murid aku.’—Jhn.13:35.\\n16. Nama ulih dipelajarka kitai ari Adat Moses pasal pengerindu Jehovah ngagai nembiak Iya?\\n16 Siti chunto ari Adat Moses ulih nulung kitai meretika chara kitai patut begulai enggau bala menyadi Kristian. Ba rumah sembiang Jehovah, bisi perengka ke diungkupka kena nyembah Jehovah. Adat nya enggau terang madahka baka ni orang Lewi patut ngintu perengka nya, lalu barang sapa ke enda nitihka iring nya deka dibunuh. (P-pau. 1:50, 51) Enti Jehovah ibuhka chara orang ngintu perengka ke dikena dalam sembah ngagai Iya, Iya tentu ibuh agi ke chara orang patut begulai enggau bala penyembah Iya ke udah nyerahka diri ngagai Iya sereta taluk! Iya deka kitai nemu kitai berega ba Iya lebuh Iya madahka: “Barang sapa nyerang kita, nyerang orang ke pemadu dikesayauka Aku.”—Sek. 2:8.\\n17. Nama utai ti ‘dipeda sereta dipendingka’ Jehovah?\\n17 Malaki madahka Jehovah “meda sereta mendingka enggau bejimat” baka ni nembiak Iya begulai enggau pangan diri. (Mal. 3:16) Jehovah “nemu sapa ke enggi Iya.” (2 Tim. 2:19) Iya nemu semua utai ti dikereja sereta disebut kitai. (Heb. 4:13) Iya ulih meda enti kitai enda manah enggau bala menyadi Kristian. Tang kitai pechaya Jehovah mega meda enti kitai nyambut, gerah jari, deka ngampun, sereta manah ati.—Heb. 13:16; 1 Pet. 4:8, 9.\\n‘JEHOVAH ENGGAI NINGGALKA BALA NEMBIAK IYA’\\n18. Baka ni kitai ulih beterima kasih ngagai Jehovah ketegal udah milih kitai nyadi nembiak Iya?\\n18 Ketegal kitai ulih nyadi nembiak ke diempu Jehovah, kitai deka ngayanka diri beterima kasih ngagai Iya. Kitai nemu lebuh kitai nyerahka pengidup diri ngagai Iya, kitai ngaga pemutus ti manah. Taja pan kitai diau “begulai enggau orang ke jai sereta bedosa,” kitai agi ulih nyadi orang ke “nadai bepenyalah, tuchi” lalu manchar “baka bintang di dunya tu.” (Plp. 2:15) Nya alai kitai keran deka nyeliah ari ngereja sebarang utai ti dipegedika Jehovah. (Jas. 4:7) Lalu kitai rindu sereta bebasaka bala menyadi Kristian kitai laban sida mega enggi Jehovah.—Rom. 12:10.\\n19. Nama upah ke diberi Jehovah ngagai orang ke diempu Iya?\\n19 Bup Kudus madahka: ‘Jehovah enggai ninggalka bala nembiak Iya.’ (Mas. 94:14) Tu endang amat. Enda ngira nama nyadi, Jehovah deka enggau kitai. Taja pan kitai mati, Iya deka ingatka kitai. (Rom. 8:38, 39) ‘Enti kitai idup, kitai idup ke Jehovah, lalu enti kitai mati, kitai mati ke Jehovah. Nya alai, nemuka kitai idup tauka mati, kitai endang enggi Jehovah.’ (Rom. 14:8) Kitai nganti maya Jehovah deka ngidupka baru semua pangan Iya ti taluk ke udah mati. (Mat. 22:32) Indah diatu kitai bulih mayuh pemeri ti badas ari Apai kitai. Baka ke dipadah Bup Kudus, ‘lantang meh bansa ti ngaku Jehovah nyadika Petara sida. Beberekat meh orang ke udah dipilih Jehovah nyadika nembiak Iya!’—Mas. 33:12.\\n^ per. 7 Malaki 3:16, NW: “Maya nya orang ke nangika Jehovah bejaku enggau pangan diri, lalu Jehovah meda sereta mendingka enggau bejimat. Di mua Jehovah, siti bup pengingat ditulis. Nama genap iku orang ke nangika Iya sereta belematika nama Iya ditulis dalam bup nya.”\\nJehovah mega meda enti kitai nyambut, gerah jari, deka ngampun, sereta manah ati\\nKitai enggi Jehovah: Jehovah meri kitai nyawa, nya alai kitai endang enggi Iya kenyau ari kandung. Tang siti agi chara kitai nyadi enggi Jehovah, iya nya lebuh kitai nyerahka pengidup diri ngagai Iya, dibaptisa, lalu udah nya ngena pengidup kitai nyembah Iya","num_words":1838,"character_repetition_ratio":0.069,"word_repetition_ratio":0.012,"special_characters_ratio":0.23,"stopwords_ratio":0.323,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ekspo Pelajar dikearap meri empas positif – Suara Sarawak – Bukan Sekadar Akhbar\\nYou are here:Home-RUAI-Ekspo Pelajar dikearap meri empas positif\\nEkspo Pelajar dikearap meri empas positif\\nKUCHING: Gerempung Bansa Dayak Sarawak (SDNU) pampang Kuching terus chakah dalam ngerembaika penerang nyemetak pasal palan pelajar tinggi (IPT) kelebih agi ungkup bansa Dayak.\\nChairman SDNU pampang Kuching Thadeus Ling Allu madahka, program Ekspo Pelajar keterubah tu diatur sida dikearap ulih meri empas positif ngagai apai indai enggau nembiak sekula.\\n“Tu keterubah kami ngatur aktiviti baka tu laban deka muka runding enggau besaup mantu bala nembiak Bansa Dayak ti diau ba mengeri nemu pasal pemesai guna pekara pelajar kelebih agi kitai Iban.\\n“Kami andalka penemu pasal pelajar tinggi tu ulih datai ngagai nembiak kitai Dayak ti diau ba Kuching, Kota Samarahan enggau Serian,” ku iya.\\nThadeus bejaku munyi nya lebuh bejadika Ekspo Pelajar ti diatur ba Balai Siol Kandis, Petra Jaya ditu, kemari.\\nPENGAWA MANAH…Thadeus (kanan) nyuaka setipikit ngagai siku penyereta program Ekspo Pelajar ti diatur ba Balai Siol Kandis, Petra Jaya ditu, kemari.\\nTandu iya, enggau ekspo tu bala nembiak ti datai ari menua pesisir ti nitihka apai indai sida bekuli di mengeri endang diasuh sereta bekunsika penemu ngambi ulih seikas bala nembiak bukai ti endang diau ba mengeri.\\n“Program ti baka tu beguna amat ngagai anak-anak kitai ngulihka penemu sentang pekara nyambung pelajar sida ngagai renggat pelajar tinggi tauka universiti.\\n“Fokus kami endang ngagai nembiak ti baru tauka deka tembu Sijil Pelajaran Malaysia (SPM) enggau Sijil Tinggi Persekolahan Malaysia (STPM).\\n“Aku arapka apai indai ngambi peluang tu sereta bekunsi pekara pasal pelajar sekula ngagai anak sida,” ku iya.\\nKelimpah ari nya, iya mega nerangka SDNU endang deka meri kerejasama dalam mantu Bansa Dayak ari menua pesisir ti seranta pengudah mindah ngagai mengeri.\\n“Kami gerempung ukai dikuasa perintah ti ditumbuh dikena mantu Bansa Dayak ngulihka pengidup meruan lebuh ti mindah ngagai mengeri.\\n“Pia mega, kami sedia bekerjasama enggau Gerempung Ketuai Raban Bansa enggau Tuai Rumah Bansa Iban Bagi Menua Kuching dalam napi penanggul ti ditapi bansa kitai ba mengeri tu,” ku iya.\\nSama bisi datai ba pengerami nya kemari Ketuai SDNU pampang Siol Pani Igoh, bala komiti enggau mensia mayuh.\\nEntara aktiviti ti digaga kemari licha pelajar ari siku Pensyarah Akedemik Palan Pematih Pengajar (IPG) Kampus Tun Abdul Razak Dr Stanley Abang sereta palan mandangka pekara pelajar ari 13 buah ejensi pelajar tinggi enggau vokasional.\\nBy Indun Silong|2019-09-22T14:20:04+08:00September 22nd, 2019|Categories: RUAI|0 Comments\\nARKIB Select Month December 2020 (102) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":406,"character_repetition_ratio":0.063,"word_repetition_ratio":0.015,"special_characters_ratio":0.252,"stopwords_ratio":0.172,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 19 BK - Ku TUHAN bejaku ngagai Moses seduai - Bible Search\\nPenyampau 18 Penyampau 20\\nAmau Sapi Ti Mirah\\n1Ku TUHAN bejaku ngagai Moses seduai Aron, 2“Tu adat ti udah diberi TUHAN: Asuh orang Israel mai ngagai seduai siku sapi ti mirah, ti nadai penimpang, sereta nadai kala dikena ngereja pengawa. 3Beri jelu sapi nya ngagai Imam Eleasar. Jelu nya enda tau enda dibai ke luar ari kem nya, lalu disayat di mua imam. 4Udah nya, Imam Eleasar deka ngambi sekeda darah jelu nya, lalu mechikka darah nya tujuh kali ngena tunjuk iya tunga ngagai Langkau Kain TUHAN. 5Semua tubuh jelu nya, nyengkaum kulit, dagin, darah, perengka perut, enda tau enda ditunu di mua imam. 6Udah nya, imam nya enda tau enda ngambi kayu sidar, pating isop, enggau siti tali ti mirah, lalu nibarka semua utai nya ngagai api nya ti alai nunu jelu nya. 7Udah nya, iya enda tau enda masu gari diri, lalu mandi. Udah nya baru iya tau tama ngagai kem, tang iya mengkang enda tuchi nyentuk ngagai lemai. 8Orang ke nunu sapi nya mega enda tau enda masu gari diri, lalu mandi, tang iya deka mengkang enda tuchi nyentuk ngagai lemai. 9 Udah nya, siku orang ke tuchi deka ngumpul amau sapi nya, lalu nyimpan amau nya ba endur ti tuchi, di luar kem, ba endur alai utai nya disimpan ngambika bisi dikena orang Israel nyendiaka ai kena muai penyalah. Pengawa tu dikereja kena muai dosa. 10Orang ke ngumpul amau nya enda tau enda masu gari diri, tang iya mengkang enda tuchi nyentuk ngagai lemai. Adat tu deka dititihka belama iya ulih orang Israel enggau ulih orang kampar ti diau begulai enggau sida.\\n11Barang sapa negu bangkai deka nyadi enda tuchi tujuh hari. 12Iya enda tau enda nuchi diri ngena ai ba hari ti ketiga, enggau ba hari ti ketujuh. Udah nya baru iya deka tuchi. Tang enti iya enda nuchi diri ba hari ti ketiga enggau ba hari ti ketujuh, iya enda tuchi. 13Orang ke negu bangkai, lalu enda nuchi diri, deka mengkang enda tuchi, laban ai ti dikena nuchi iya apin diunsaika ngagai iya. Iya ngamahka Langkau Kain TUHAN, lalu iya enda agi dikumbai nembiak Allah Taala.\\n14Ba pekara orang ke mati dalam langkau kain, barang sapa bisi dalam langkau kain nya lebuh orang nya ngapuska seput, tauka tama ngagai langkau kain nya, deka nyadi enda tuchi tujuh hari. 15Semua tepayan enggau periuk ti enda ditudung dalam langkau kain nya, nyadi enda tuchi. 16Enti orang negu orang ke udah dibunuh tauka udah mati ari luar rumah, tauka enti orang negu rangkah tulang mensia, tauka negu kubur, orang nya nyadi enda tuchi tujuh hari.\\n17Kena muai pengamah nya, ambi amau mimit ari sapi ti mirah, ti udah ditunu kena muai dosa, simpan amau nya dalam periuk, lalu tuangka ai ngagai utai nya. 18Ba pekara ti keterubah, siku orang ke tuchi deka ngambi pating isop, nyepuhka iya ngagai ai, lalu mechikka ai nya ngagai langkau kain nya, ngagai semua utai ti dalam langkau kain nya, enggau ngagai orang ke diau dalam langkau kain nya. Ba pekara ti kedua, siku orang ke tuchi deka mechikka ai nya ngagai orang ke udah negu rangkah tulang mensia, tauka negu bangkai, tauka udah negu kubur. 19Ba hari ti ketiga, enggau ba hari ti ketujuh, orang ke tuchi nya deka mechikka ai nya ngagai orang ke enda tuchi nya. Ba hari ti ketujuh, iya deka nuchi orang ke udah mandi, ngambika orang nya nyadi tuchi lebuh padam mata panas.\\n20Orang ke udah nyadi kamah, lalu enda nuchi diri, deka mengkang enda tuchi, laban ai ti dikena nuchi iya apin diunsaika ngagai iya. Iya ngamahka Langkau Kain TUHAN, lalu iya enda agi dikumbai nembiak Allah Taala. 21Kita enda tau enda nitihka adat tu belama iya. Orang ke mechikka ai ti dikena nuchi orang, enda tau enda mega masu gari diri. Barang sapa udah negu ai nya deka mengkang enda tuchi nyentuk ngagai lemai. 22Utai ti ditegu orang ke enda tuchi, nyadi enda tuchi, lalu barang sapa negu utai nya, deka mengkang enda tuchi nyentuk ngagai lemai.","num_words":664,"character_repetition_ratio":0.093,"word_repetition_ratio":0.064,"special_characters_ratio":0.213,"stopwords_ratio":0.402,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lina Soo nerima tanggi Pandikar Amin belaban penemu bejurai pasal MA63 - Berita Iban Online | Laman Web Berita Kitai\\nHome \/ Berita \/ Hak Sarawak \/ Kuala Lumpur \/ Kuching \/ MA1963 \/ MA63 \/ NGO \/ Parti Reformasi Sarawak \/ Persatuan Aspirasi Rakyat Sarawak \/ politik \/ SAPA \/ Sempekat Malaysia \/ STAR \/ Lina Soo nerima tanggi Pandikar Amin belaban penemu bejurai pasal MA63\\nLina Soo nerima tanggi Pandikar Amin belaban penemu bejurai pasal MA63\\nNERIMA TANGGI: Lina (kanan) begulai enggau ke bukai ngayanka surat ti dikenataika ngagai Pandikar ba aum pengarang berita ditu, kemari.\\nKUCHING: Pejurai Penemu pasal Sempekat Malaysia 1963 (MA63) dipelabaka nyadi, enti Yang Dipertua Dewan Rakyat, Tan Sri Pandikar Amin Mulia nerima pinta Presiden Parti Reformasi Sarawak (STAR), Lina Soo.\\nPekara nya pengudah Lina ngenataika surat dikena nyaut tanggi Pandikar kemari, ti bejuraika penemu ba mua mensia mayuh bekaul enggau isu penumbuh Malaysia kelebih agi bekaul enggau hak Sarawak enggau Sabah.\\n“Kami muji pemerani iya (Pandikar) ti nyau deka nadai ba enda ngira kaban politik Malaysia sehari tu.\\n“Nya alai, aku enggau lantang ati nyambut pinta sereta nerima tanggi iya tu,” ku Lina ba aum pengarang berita ditu, kemari.\\nIya mega meri perambu bejuraika penemu nya diatur kena Hari Enam iya nya 13, 20 enggau 27 Januari taun baru pukul 2.30 lemai, lalu endur diatur nitihku Pandikar di Kuala Lumpur.\\nLina mega milih bejuraika penemu ngena jaku Inggeris laban MA63 nya sempekat antarabansa dalam jaku Inggeris ti disediaka Bristish, disain sereta disain di London.\\nLina ti kala nyadi presiden gerempung ukai dikuasa perintah (NGO) hak asasi manusia Sarawak, Persatuan Aspirasi Rakyat Sarawak (SAPA) ba tau 2014 udah ditukuka nyadi pengeruga ngagai pengelikun enggau pengelantang mensia mayuh, lebuh nya ti keterubah di menua tu ngepunka runding enggau ‘forum umum’ pasal MA63 di serata Sarawak.\\nPandikar apin lama diripot nanggi enda ngira sesapa ke deka belaban bejuraika penemu ba mua mensia mayuh bekaul enggau isu penumbuh Malaysia lebih agi bekaul enggau hak Sarawak enggau Sabah.\\n“Aku sedia datai enda ngira maya kelebih agi nerangka pasal fakta bekaul enggau MA ti diputar belit sekeda piak,” ku iya. #UtusanBorneo\\n#Berita #Hak Sarawak #Kuala Lumpur #Kuching #MA1963 #MA63 #NGO #Parti Reformasi Sarawak #Persatuan Aspirasi Rakyat Sarawak #politik #SAPA #Sempekat Malaysia #STAR","num_words":338,"character_repetition_ratio":0.076,"word_repetition_ratio":0.085,"special_characters_ratio":0.205,"stopwords_ratio":0.145,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Gawai Antu diintu maya bisi pemati (dikena ngintu urang ti udah parai). Gawai Burung diintu maya bisi jai mimpi tauka salah burung. Gawai Besimpan diintu pengudah tembu musim ngetau. Gawai Mangkung Tiang diintu maya nepan rumah baru. Gawai Kenyalang diintu kena ninding diri lalu Gawai Sakit dikena maya pengawa bedukun tauka bemanang. Gawai Sandau Hari diintu maya bulih dengah. Gawai Lelabi diintu maya pengerami melah pinang. Gawai Kelingkang siti ari ripih Gawai Kenyalang lalu Gawai Tuah diintu maya bulih tuah.\\nRead more: http:\/\/www.theborneopost.com\/2012\/05\/25\/sukut-dayaidup-iban-atur-pengawa-ngintu-hari-gawai\/#ixzz2RJjdj4ue\\n← Adat Muai Tebalu Bida ngiling tikai ari ngiling bidai →","num_words":91,"character_repetition_ratio":0.102,"word_repetition_ratio":0.0,"special_characters_ratio":0.193,"stopwords_ratio":0.066,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ansah pengelandik bejaku - Suara Sarawak\\n“Sigi amat endang mayuh orang landik sereta pintar bejaku. Tang majak mayuh sida bejaku, makin mayuh mega sida ngemedis ati orang ti mendingka utai disebut sida.”\\nEnti nuan deka nyadi orang tebilang, dikerinduka mensi mayuh sereta dipuji, siti ari pengelandik ke enda tau enda dikembuan iya nya pengelandik bejaku sereta berandau enggau orang bukai.\\nMayuh orang diperati jereki sida bepanggai naka sida ngembuan pengelandik ke bansa tu.\\nRaban orang politik, Dj radio, penyual barang, pemerindang, pelakun, pakar motivasyen enggau mayuh agi ke bukai, semua sida tu idup penuh enggau pengelandik bejaku sereta berandau enggau sebarang aja orang. Pia mega sida bisi disempulang enggau pengelandik-pengelandik bukai.\\nSigi amat endang mayuh orang landik sereta pintar bejaku. Tang majak mayuh sida bejaku, makin mayuh mega sida ngemedis ati orang ti mendingka utai disebut sida.\\nMayuh orang ngumbai, asal aja kitai bejaku nya mih dikumbai komunikasyen.\\nNyadi, sida nyangka enti kitai pandai bejaku. Reti nya tentu kitai tu pandai bekomunikasyen.\\nNya kebendar enda amat. Munyiku penerang dalam bup ‘Seni Bercakap-cakap dan Berbual-bual’ ditulis Prof Emeritus Abdullah Hassan enggau Ainon Mohd.\\nSeduai madah, bejaku tu sebansa penau. Bisi orang ari mit udah landik bejaku. Tang bekomunikasyen ukai semina bejaku. Enda bejaku pan kitai ulih bekomunikasyen.\\nAmbika chunto, kitai diau diri pan nya tau dikumbai sebansa komunikasyen.\\nSebaka enggau lebuh kitai bejaku, kitai kebendar deka madah sesebengkah utai. Maya kitai diau diri pan kitai kebendar bisi utai deka dipadah.\\nPengelandik komunikasyen endang bepelasarka penemu dipelajar. Nya alai, ansah mih pengelandik bejaku sereta berandau baka kitai ti belajarka penemu-penemu bukai.\\nNitihka penemu orang ti landik ba sentang psikologi, mayuh pekara nentuka pengelantang pengidup mensia, tang entara pekara-pekara ti meri pengelantang nya lumur satu iya nya pemanah kaul enggau orang bukai.\\nPemanah kaul nya ulih digiga nengah chara kitai bejaku sereta berandau enggau pangan diri.\\nBejaku enggau berandau ti bebasa entara dua iku orang ti enda kala ngelala pangan diri sebedau tu, tau nyadi manah sereta kemerah.\\nNya mandangka pengelandik bejaku ulih nyikap semua pekara ti ngujungka pemanah kaul sereta ngelantangka ati mensia.\\nKesatu, kitai begunaka pengelandik bejaku sereta berandau enggau orang bukai laban ari pemanah kaul nya mih ulih muai ati ti seilu-ilu, runggu ensing sereta sunyi nyema kitai nadai orang enggau berandau.\\nKedua, kitai mensia meseti bejaku sereta berandau enggau orang bukai laban kitai begunaka peransang baik nya ungkup batang tubuh tauka ba sukut runding.\\nNya alai, anang sanggu bejaku, berandau, muji, merindang tauka bebuti enggau pangan diri laban nya entara pekara ke chukup beguna dalam pengidup.\\nKetiga, mensia patut bejaku laban ari jaku mega kitai tau bulih batang pengawa, pangkat, basa, pengaya, pengeraja enggau ke bukai.\\nKeempat, nengah pengawa bejaku sereta berandau mega kitai ulih bekunsi semua pekara ke manah enggau nasip jai ke kala nuntung kitai.\\nNya alai, giga pansik penemu pasal pengelandik bejaku enggau berandau ngambika utai disebut kitai tau ngerindu, meransang sebarang orang ti mending, ukai sengapa sembur munyiku sempama tuai kelia ‘nibarka jala enda betating.’","num_words":467,"character_repetition_ratio":0.096,"word_repetition_ratio":0.066,"special_characters_ratio":0.171,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama penyadi sekula repuk di Sarawak? - Suara Sarawak\\n“Sida (perintah besai) sebedau tu udah setuju ngena chara bayar kontra RM1 bilion, tang enda ngamatka semaya nya pengudah beratika pekara tu nadai pemaik ari sukut politik sida.”\\nKUCHING: Sepenyampau 1,020 sekula repuk di Sarawak ngandalka bantu belanja disemaya perintah.\\nMenteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah, agi tubah sekula repuk di Sarawak.\\nKu iya, penanggul tu nyadi tanggungpengawa Perintah Besai nengah Opis Menteri Pelajar Malaysia (KPM) nambahka penyikap perengka guna enggau nyeleti begunan sekula nya.\\n“Ulah KPM ngasuh alit ati lalu nama niat Perintah Besai ba pengawa deka nyeleti sekula repuk di Sarawak.\\n“Sida (perintah besai) sebedau tu udah setuju ngena chara bayar kontra RM1 bilion, tang enda ngamatka semaya nya pengudah beratika pekara tu nadai pemaik ari sukut politik sida,” ku iya pengudah aum pengarang berita Pengerami Jazz Waterfront Kuching (KWJF) 2019, kemari.\\nIya madahka diri asa ngagai bala MP Pakatan Harapan ti diau diri di Kabinet lebuh KPM mantaika penerang nulak chara bayar kontra RM1 bilion dikena mutar isu sekula repuk di nengeri tu.\\n“Ulah sida tu ngachau pemansang sekula ditu taja sida nemu agi tubah sekula betapi enggau penanggul tu.\\n“Aku mega udah ngena belanja diri empu ungkup dua buah sekula ba sitak aku, penyampau lebih RM2,000,000 genap sekula nya,” ku iya nambah.\\nKu iya, sebedau tu sida madah nadai belanja lebuh peminta agih belanja mutarka isu nya dibantai.\\n“Diatu, udah datai ba jam kitai bisi belanja ti chukup, sida enda setujuka chara kontra nya,” ku iya.\\nTudah Nicholas begunaka saup mayar laluh ungkus beputung","num_words":251,"character_repetition_ratio":0.079,"word_repetition_ratio":0.14,"special_characters_ratio":0.196,"stopwords_ratio":0.175,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"ADAT BANSA IBAN: ADAT MELAH PINANG\\nNyadi cherita ka ditulis sekali tu nusoi adat lama kitai Iban pasal jalai belaki bebini ke dikumbai Melah Pinang. Adat tu di tusoi beripih-ripih berengkah ari pun nyentuk ka ujong.nitih ka sekeda kenang ti kala ditulis niang Alli Majang bekaul enggau Adat Melah Pinang kena 23 March, 1962 lalu ditambah ka aku nitih ka gaya pendiau kitai Iban kemai tu hari kena 24 September, 2012.\\nLalu julok ati ka nulis cherita tu awak ka bala anembaik rebak baru ka dudi agi ari rambau ka diatu enggau ka jemah ila nemu bagi ripih adat asal bansa diri empu ba senentang pengawa Melah Pinang. Endang ari peda mata aku empu, pengerami belaki bebini ngena adat Melah Pinang kamaia hari tu nyau mupok berubah ari kalia, laban nitih ka singkang pemansang dunya, ke maioh agi ngena jako ngemuntang ka pengawa nya ari adat asal bansa kitai Iban nyau majak belinsur limping ari atur pengawa.\\nNyadi bengkah ripih pengawa ke nyengala agi ba mata kitai maioh, baka pengerami ngajat enggau bepenchaa sigi endang main kitai Iban ari kalia, tang kemaia tu hari suah diganti enggau betanda, belagu, poco-poco, karaoke nunda main bansa bukai kemaia tu hari. Ukai kitai ngumbai nya salah, lalu enda mega kitai ulih nagang nya, laban nya nitih ka ni bagi iya ti dikerindu ka bala mensia maioh ka lebih agi tauka ni bagi ka muntang agi ba penemu siko-siko. Tang laban bansa kitai Iban endang bisi adat lama, adat asal ari aki ini kitai kalia, nya alai asai ti manah agi ga kitai ngingat ka nya, lalu nemu ni bagi sekeda ari adat nya.\\nNyadi baka tu kenu ko asai dalam ati aku, enti cherita kitai udah ditulis dalam endor pengerembai penemu baka ba internet diatu, nya baru iya tegoh ditaruh, nadai tau lenyau agi, lalu sebarang orang deka nemu, deka belajar tauka macha iya dalam surat tauka pengerembai penemu ka bukai. Nambah ka nya mega, diatu nyau maioh mega bansa kitai nyau masuk megai pengarap bukai, lalu adat enggau pengerami melah pinang mansang enda dikena, lalu diganti enggau pengerami baru nitih ka gaya singkang pemansang kemaia hari tu. Nya alai dalam penemu aku siko, asai ka nadai tau pulai ka penyalah tauka penyai enti kitai mupok belajar ka adat lama bansa diri empu, laban nya endang pesaka bansa asal kitai Iban.\\nSemua cherita ka ditulis aku ditu nitih ka gaya pengerami Melah Pinang ti selalu dikena kitai Iban ba pelilih menoa Kalaka, dalam menua kena pegai Betong. Dalam pia jako kenang aku tu nyerangkong semoa menoa kena pegai ai Batang Krian tauka dalam menoa Saratok, ukai mega adat enggau ator dalam rumah panjai sebuah-sebuah di menoa nya bengat nadai besibil enggau pangan diri, laban atur enggau adat enda ulih digaga semua sama sebaka. Tang iya ka ditulis aku dalam ditu ka tebal agi dikena dalam menoa nya. Nya alai nyangka bisi sekeda utai ditulis aku ditu enda selubang enda senentang enggau penemu ka kala dikena di menoa kita tauka enggau pengingat kita, semua utai nya ukai ari ati aku deka ngelimpang ka adat nya, tang tu nitih ka utai ti dikingat ka aku empu sereta ari bacha aku ari bup bukai.\\nSemoa cherita ke ditulis aku ditu endang tebal agi pengingat aku empu didinga enggau dipeda aku leboh maia pengerami melah pinang. Nambah ka nya bisi ga nya ulih aku betanya ari orang tuai ti endang bepenemu bekaul enggau pasal adat nya, tang nama sida enda ulih dirintai ka aku ditu magang. Lalu apin aku ngelengka ka genteran pun jako tu, dulu aku enda tau enda ngenang niang Benedict Sandin seduai A. Alli Majang ke udah kala besaup berurus ka cherita adat tu lalu kala mega udah nulis cherita nya ba bup ka bukai ka sama bisi nyebut ripih adat Melah Pinang.\\nKETERUBAH KITAI IBAN DITEMU BEPENYALAH “JADI MALI”\\nNyadi terubah Iban nemu mantang orang jadi salah serak ari ajar Sengalang Burong leboh Sera Gunting beleman enggau ibu iya, menydi iya empu ka benama Dayang Langit ke digelar Dara Chempaka Tempurong Alang.\\nNyadi ko Sengalang Burong nganu Sera Gunting. “Nuan enda tau enda kena ukum bunoh lalu diukum pantang, laban nuan udah ditemu beleman enggau ibu nuan empu.”\\nTang ko kaban menantu Sengalang Burong, “Nya amat aya, laban Sera Gunting sigi endang amat uchu nuan, tang iya ke diau ba nuan ditu tak naka semina datai nemuai aja. Nya alai enti iya lalu diukum bunoh, kesatu iya lalu nadai mai berita tu pulai ka menoa iya empu, enggau kedua enti iya dibunoh kitai ditu, apai indai iya din tentu enda nemu kini ka penunga iya nadai. Tang dalam pia kitai enda nyadi mantang seduai iya, adat bukai tau mega diadu ka kitai, awak ka seduai iya tau betimbang. Nyadi pemesai adat nya ni barang ko penemu nuan empu ngator.”\\nNya alai ninga runding bala kaban menantu iya munyi nya, Sengalang Burong lalu bejako, ko iya. “Enti munyi tu bunoh ka babi lapan iko, ka ganti darah seduai. Nyabor lapan iti ka tungkat dunya ngambi ka enda beguyat. Nyadi pelasi menoa enggi lelaki nya sigi rusa, lalu enggi indu nya sigi alas ngerang, tang anak seduai dibunoh, enggai ka ngachau ngudi menoa.”\\nUdah nya Sengalang Burong lalu ngasoh Sera Gunting ngingat ka adat kena betimbang, kena ngadu ka menoa sida din enti sida bisi ditemu beleman ngemesai tu penyalah :\\nEnti beleman enggau anak (ukai jadi) kena pantang;\\nEnti jadi enggau mentua, indai bini tauka apai laki, kena pantang;\\nEnti beleman enggau anak diri empu, anak iru, anak tiri ke udah nyadi anak kitai, kena pantang;\\nEnti beleman enggau mentua, menyadi indai bini tauka apai laki kitai, lelaki ka kena tunggu babi siko, lalu ka sangkar babi nya tujoh igi jabir. Seduai tau jadi salah serak. Lalu besapat mandi di ai,\\nEnti serak satu enggau serak dua, babi siko ari lelaki, lalu ka benda semilan igi jabir; enggi indu babi siko, lalu ka benda tujoh igi jabir. Seduai tau jadi lalu babi nya dibunoh ngena nyabor. Lalu besapat mandi di ai.\\nNyadi enti serak dua enggau serak tiga, ari lelaki babi siko, lalu ka benda sigi alas ngerang; enggi indu babi siko, lalu ka benda sigi panding. Babi lalu dibunoh ngena nyabor. Lalu besapat mandi di ai.\\nEnti serak tiga enggau serak empat, lelaki babi siko, lalu ka benda sigi panding, tu ka dikumbai “besapat di darat” tauka “ bekalih di darat”. Babi dibunoh enggau duku tauka nyabor tang mesti bebutoh kunding ka beliong.\\nNyadi adat tu dikena tujoh serak. Nya alai datai ba tuboh Beti ka digelar Bujang Berauh Ngumbang, dia lalu bisi baru orang ditemu sida beleman, seduai nya Abang enggau Dayang Tali Bunga. Nyadi Dayang Tali Bunga nya anak petunggal Abang empu. Seduai tu patut disapat, tang seduai ga bepenyuntok lalu enda ulih ngisi adat nya, nya alai lalu ka diukom dibunoh pantang ngena aur oleh Beti. Kejang leboh sida deka mantang seduai iya, dia sida meda antu ka benama Puntang Raga bejalai mansa sida, lalu ngangau nanya ka nama pengawa sida Beti dia. Beti lalu madah ka diri deka mantang Abang seduai Dayang Tali Bunga, laban seduai jadi salah serak satu nangga dua. Ninga munyi nya antu Puntang Raga lalu bejako.\\n“Enti baka tu jalai nuan ngator mensia Beti, tak abis semua mensia mati.” Ninga munyi nya dia Beti lalu nanya ngagai antu Puntang Raga nama adat ke patut dikena. “Adat,” ko antu Puntang Raga, “Babi dua iko bunoh kita; siko bunoh di ai lalu siko agi dibunoh di darat kena kitai nasih ai enggau tanah, Nyadi benda enggi lelaki semilan igi jabir, lalu enggi indu iya nya benda tujoh igi jabir, laban Abang jadi enggau anak petunggal iya empu ka baru naka sekali petunggal enggau iya empu.”\\nAntu Puntang Raga lalu enda agi ngasoh ngena adat dibunoh bepantang ngena aur. Enti orang beleman enggau serak ari atas tu endang enda sekali-kali tau jadi. Kemaia tu enti pengawa ke baka tu nyadi lalu dipedakwa ka ngagai perintah dia orang ke ngereja pengawa nya ka kena ukom jil lalu enda sekali-kali tau diasoh jadi. Enti beleman ari serak tu ka baroh, dia seduai ka diasoh “besapat ka ai” magang baka adat ka udah disebut tu tadi.\\nGAYA UKOM PENYALAH JADI MALI\\nNyadi jeman dulu kalia kitai Iban enti jadi mali baka anak jadi enggau apai tauka indai, tauka jadi enggau aya enggau ibu, tauka mentua jadi enggau menantu, tauka menantu jadi enggau mentua indu tuaka lelaki, dia seduai iya ka kena ukum bunoh kedua-dua iko seduai ti udah ditemu ngereja penyalah nya. Nyadi jalai orang ngukum bunoh seduai nya, iya nya ngena buloh aur ke udah dilancham orang tajam bendar ba putting ke lalu dipantang ka ba tuboh seduai ti begembar-gembar dalam lubang tanah, indu digalika ari baroh lalu lelaki nya ditingkap ka ari atas. Lalu dia mega seduai iya lalu ditumbak ka idup-idup, serta lalu buloh aur ke ditanam ba atas bangkai seduai nya lalu dikena orang ngingat ka alai bangkai seduai ke udah parai dipantang. Nya alai di sebelah menoa kitai bisi buloh ka dikumbai orang buloh aur pantang, lalu ulih dipeda turun menurun kitai Iban nyentuk ka kemaia hari tu datai ka belama-lama iya ila.\\nKebuah alai kitai Iban badu agi ngena ukum bunoh dipantang ngena buloh aur, bepun ari jerita indu siko ka benama Simbah, ka dulu kalia nambah ka ajar Sengalang Burong ti baru di tusoi ba pun cherita dulu tu tadi. Laban cherita tu enda bepun ari tusut, nya alai kitai enda nemu ni pengamat tauka pemula cherita tu ke kala nyadi kalia.\\nNyadi Simbah tu siko indu dara, tang nyau kelama dia iya bisi dipeda orang ngandong. Meda iya ngandong baka nya, dia iya lalu ditanya orang sapa bagi orang ke bisi datai ngayap ngagai iya ti tau ngasoh iya betuboh bisi baka nya. Tang laban Simbah ke digayap menyadi iya empu, nya alai iya enggai madah ka orang sapa bagi orang ka enggau iya beleman nya. Laban enggai ka diri di ukum bunoh dipantang orang ngena buloh aur. Dia kandong iya pan nyau chukup bulan, dia iya pan lalu beranak. Nyadi leboh iya ka beranak dia menoa lalu balat bendar kudi, hari nyau siang malam ujan belama sereta enggau kabut ke nadai nemu ngetu. Tanah mega balat bendar tusor di maioh bengkah endor, lalu mensia pan nadai ulih nurun gawa ka tanah laban hari semampai selalu jai.\\nMeda hari enda badu kudi, dia apai indai iya enggau orang maioh lalu minta iya enda tau enda madah ka sapa bagi lelaki ka udah enggau iya beleman nya. Lalu enti Simbah tu enggai madah dia orang maioh lalu besemaia deka munoh iya, meda hari kudi bengat enda nemu badu. Nyau hari siti apin orang deka munoh iya, dia Simbah lalu berua nimang anak iya di ruai, lalu didinga orang maioh munyi tu:\\n“Adu-adu anak aku ukai nadai apai,\\nEndang bisi orang ngayap,\\nTakut ka adat berat,\\nEnti aku salah tau betimbang,\\nBesapat di ai besapat di darat,\\nBunoh ka babi siko di darat,\\nLalu siko di ai, babi emperingat,\\nAmbi ka duku siti dikena mantap urat lensat,\\nJalong jebong kena nundong,\\nTekuyong baroh ungkap,\\nPua kumbu muau kena kitai miau,\\nMoa hari balat betakat,\\nSumpit tapang kena ngerejang lubang kilat,\\nUdah nya baru ukum benda rusa,\\nKena besapat ngambi ka kena muai pemali.”\\nNinga leka timang iya munyi nya dia sida serumah lalu berunding tekala nya. Lalu sida madah ka sida enda nyadi munoh iya enti iya madah ka sapa bagi lelaki ka enggau iya ngereja penyalah beleman nya, tang sida ka ngukum iya nitih ka sebut iya dalam leka timang iya nya. Dia Simbah lalu madah ka lelaki ti enggau iya beleman nya benama Lamit, menyadi iya empu betampung pala, ti ngayap iya lalu ngasoh iya ngandong.\\nUdah nemu nya, orang maioh lalu ngereja nitih ka semua adat ti udah disebut Simbah nunda ba leka buah timang iya nya tadi. Sereta sida udah tembu ngereja nya, hari pan lalu manah baik baka ka dibuai empeleman. Simbah seduai Lamit enda jadi, laban seduai tak diri menyadi betampong pala. Nyadi pengudi hari nyau tedoh udah bekau penyalah seduai ka beleman udah diadu ka bala maioh ngena adat betimbang munyi ko leka timang Simbah ke berua nimang anak iya diruai.\\nNyadi adat Simbah seduai Lamit tu lalu ditampong kitai Iban nyentuk ka kemaia tu hari . Enti orang bisi jadi belaki bebini salah serak tauka butang betumbang enggau pangkat anak tauka apai, tauka indai, tauka mentua enda tau enda diukum ngena adat lama kitai Iban tu, bunoh ka babi kena besapat ngambi ka enda ngudi menoa.\\nUkum perintah nya siti ga jalai ke baru kemaia hari tu, lalu enda tau enda di tinggang. Enti orang ke salah nadai utai kena betimbang dia iya deka dijil perintah ba rumah tutup. Satu nangga dua nya anak salah tauka jadi enggau aya lalu disapat didarat enggau di ai. Enti nitih ka cherita tu anak tau jadi enggau aya, tauka ibu menyadi apai tauka menyadi indai.\\nTang adat perintah diatu seduai enda tau jadi. Dua nangga tiga, reti nya anak jadi enggau petunggal apai tauka petunggal indai lalu besapat di darat aja ngena babi sesepa sereta ukum benda sigi alas. Adat perintah, lelaki ka kena ukum tiga puloh keti, lalu indu dua puloh keti pulai ka perintah tang seduai tu tau jadi.\\nAri cherita tu alai kitai kemaia tu hari badu agi ngukum bunoh mantang orang ngena buloh aur ka ditemu jadi tauka beleman enggau pangan diri ntih ka salah serak. Agi mega iya ka bendar bepun ari ajar Sengalang Burong ngagai Sera Gunting leboh Sera Gunting enggau ibu iya empu, iya nya menyadi indai iya empu ke benama Dayang Langit ke digelar Dara Chempaka Tempurong Alang ti udah di kenang dulu ari tu tadi.\\nAgi mega ba tusut Sengalang Burong ke ka dikenang kitai dulu agi ari tu tadi, dia kitai ka ngena jerita antu ke benama Puntang Raga ka ngajar Beti enda ngasoh iya mantang Abang ka deka jadi salah serak enggau Dayang Tali Bunga laban ka tegal seduai ti suntok nadai utai ka dikena seduai betimbang.\\nNyadi penyampau rega Benda Tunggu enti dipulai ka ngagai nyawa mata duit ka dikena dalam menoa Bagi Kedua kena pegai Saribas enggau Kalaka iya nya baka tu :\\nBenda Sigi Menukul pulai ngagai nyawa duit iya nya RM00.50 (Lima puloh sen)\\nBenda Sigi Jabir pulai ngagai nyawa duit iya nya RM01.00 (Satu Ringgit)\\nBenda Sigi Panding pulai ngagai nyawa duit iya nya RM02.00 (Dua Ringgit)\\nBenda Sigi Alas Muda pulai ngagai nyawa duit iya nya RM04.00 (Empat Ringgit)\\nBenda Sigi Alas Ngerang pulai ngagai nyawa duit iya nya RM05.00 (Lima Ringgit)\\nBenda Sigi Rusa pulai ngagai nyawa duit iya nya RM08.00 (Lapan Ringgit)\\nKabuah alai madah ka pemesai sekeda adat tunggu benda dipulai ka ngagai nyawa duit diatu laban cherita tu bisi mansa sekeda ari utai tu. Kenu ko cherita dulu kalia tunggu kitai Iban nadai disebut ngagai nyawa mata duit, laban nyangka rambau nya bedau bisi perintah megai menoa kitai tu tauka orang bedau bisi nemu bekena ka duit maia nya kalia. Nyadi rintai tunggu tu nya semina diteba ka ba tengah aja, bisi ka mit agi ari nya nyentuk ka ngagai sigi Mangkok Batu lalu bisi mega ka besai agi nyentuk ngagai Rusa Lelaki, tauka Menaga. Tang iya ka selalu dikena kemaia tu hari nya ka disebut ditu tadi.\\nTunggu endang sigi nitih ka baka gaya enggau pemesai penyalah ti dikereja orang nya. Bisi penyalah baka tunggu pemalu, ka semina tunggu benda aja lalu nadai enggau manok enggau babi. Bisi mega enggau manok tauka babi aja enda bebenda lalu bisi mega tunggu enggau manok tauka babi seretaa enggau benda baka ka udah disebut tadi ka dikumbai sangkar. Ka tambah nya nitih ka gaya penyalah bisi mega ditambah ka besi, lungga, duku tauka nyabor, nyadi ka kering samengat enggau benda mega nyadi ka kurong samengat. Disebut ngena jako pandak duit nya tauka ganti benda diatu nitih ka pemesai nyawa sida ngagai mata duit baka ke udah diatur di atas dia tadi. Taja diatu enggau duit, tang nama benda agi bisi disebut, enti enda nya nyau ukum perintah disebut baka keti tauka pikul. Tang nitih ka dalam tusun Adat Iban 1993 dia jako Tusun Tunggu nyau disebut kitai ngagai Mungkol.\\nNitih ka adat Iban ukai siti jalai orang tau jadi melaki bini, bisi rami lalu bisi ga enda nitih ka peneka ati, ni ti deka dikena. Tang baik ka rami tauka enda enti orang jadi enda tau enda beterang ngagai tuai rumah tauka enggau apai indai. Umor alai tau bebini, belaki enda tentu temu nitih ka peneka, amat ga nitih ka adat Perintah abis biak alai tau belaki bebini umor mesti limabelas taun. Tang nadai orang ke bebini belaki udah kena salah laban jadi apin chukop umur, agi mega maioh enda nemu umor diri ke betul. Kenu ko orang rebak ke tuai agi sida laun agi bebini belaki ari rebak ka diatu, tang aku enggai nusoi kebuah alai pia.\\nSemina ditu aku deka nusoi maioh macham orang ka tau jadi belaki bebini ;\\n( a ) Melah Pinang – Enti melah pinang orang ka jadi belaki bebini enda tau enda rami. Nyadi tu meh pengawa ka pemadu besai dalam adat kitai Iban belaki bebini.\\n( b ) Anjong Lelaki – Enti lelaki dianjong ngagai rumah indu, pengawa belaki bebini tu kurang agi ari pengerami melah pinang, lalu jalai chara ngitu pengerami nya pan bebida mega. Bisi mega nya bebala maioh, lalu mai orang ari rumah panjai bukai lalu suah mega sida tu semina betuboh empat lima iko aja orang ke nganjong lelaki, nitih ka gaya pengelantang pemisi sida ka empu pengawa enggau peneka ati diri.\\n( c ) Lelaki nama kadiri ngagai bilik indu sama ari ator apai indai – Pengawa baka tu nadai pengerami, semina sida iya beterang ngagai tuai rumah aja, lalu enti sida iya deka dia sida tau ngempuru ka sida serumah nya aja, lalu enti sida enggai pengawa tu tau ga enda iboh dikereja.\\n( d ) Lelaki nama kadiri ngagai bilik indu ari ator enggau pengeras ati iya empu, lalu nadai penerang ari apai indai iya. Nadai pengerami, tang semina beterang aja ngagai tuai rumah enti apai indai sama nadai nagang. Lalu enti apai indai bisi enda ngasoh dia pengawa nya tau pulai nyadi ka pengachau ka dudi hari ila.\\n( e ) Indu nama kadiri ngagai bilik lelaki betuboh puang. Enti lelaki enggau apai indai iya nerima, lalu apai indai indu mega nadai nagang, dia seduai iya semina beterang ngagai tuai rumah aja, seduai lalu jadi diri melaki bini. Enti apai indai seduai bisi nagang pengawa seduai nya, dia pengachau bisi ka nyadi ba kaul seduai tu.\\n( f ) Indu nuntong ka kandong. Enti kandong indu nya bedau dipansut sereta bedau kala dibunoh ka manok nyadi ka genselan kena mansut ka kandong, dia indu nya enda tau dianjong ngagai rumah lelaki. Enti manok udah mati kena ngenselan kandong, nya baru tau nganjong indu nya ngagai lelaki ka diambu iya nya nyadi ka laki. Mansut ka butang pan sama sebaka jalai enggau atur baka tu. Mansut ka kandong enggau butang enda tau sekali-kali ba rumah orang bukai tang ba rumah seduai ke beempu tuboh nya empu.\\nNyadi nya gaya semoa macham jalai bansa kitai Iban tau jadi diri melaki bini. Pengawa Melah Pinang nya endang siti ari pengawa ka pemadu manah ari semua atur dikena kitai bansa Iban belaki bebini, tang taja pia maioh ga orang ke ka jadi keran tauka jadi betaban, tau begulai melaki bini sepemanjai umor sida nguan menoa tu. Lalu orang ke Melah Pinang nya mega sama bisi sarak tauka beranak telesak. Diatu aku deka nusoi baka ni gaya ripih pengerami pengawa melah pinang bepun ari pengawa nanya indu nyentok ka ngagai pengawa seduai iya sarak sepengudah seduai ti begulai sejalai selepas pengawa melah pinang nya tadi.\\nNyadi pengawa orang ke nanya bini tu bisi tiga bengkah penumboh iya.\\n( 1 ) Sabengkah nya, indu endang sigi deka jadi ka lelaki nya laban seduai udah kala bekelala tauka indu nya kala udah digayap lelaki tu tadi. Lalu apai indai indu nya pan endang sigi deka mega nerima lelaki nya nyadi ka menantu sida. Sekali ka udah ditinggal ka iya utai baka tinchin tauka tanda bukai, laban seduai iya sigi amat keran deka jadi diri melaki bini.\\n( 2 ) Nyadi sabengkah agi penumboh nya berengkah ari pun jako bungah enggau jako sabong apai indai indu enggau lelaki tauka kaban belayan seduai empu. Nyau mansau jako bungah apai indai lelaki nya tadi dia sida iya lalu nanya ka peneka ati anak bujang seduai iya bebini ka indu dara nya. Enti iya udah nyangup deka, dia sida apai indai iya lalu nurun betemu enggau apai indai indu nya tadi beribut ka jako tauka lalu nganjong orang bukai nyadi ka seruan madah ka ni maia timpoh hari bala sida ka deka datai mansang nanya indu nya tadi.\\n( 3 ) Nyadi sabengkah agi chara nya dikumbai kitai ngerambang, laban indu enggau apai indai iya nya apin tentu temu deka tauka enggai, laban nadai kala beribut ka jako dulu agi ari nya, lalu anak lelaki nya pan nadai ga kala ditemu mansang ngayap indu nya tadi.\\nApin nurun nanya bini, dia apai indai lelaki nya tadi dulu agi ngempuru ka bala kaban belayan ti di keberat ka seduai iya apai indai lelaki nya tadi. Lalu sama mega semoa sida serumah digempuru ka magang madah ka pengawa diri ti deka mansang nanya bini. Enti kaban belayan ka ditesau nya nadai nagang nya baru nimpoh maia hari sida nurun. Tang sebedau nurun dia sida dulu agi nganjung orang ka seruan ngagai apai indai indu nya awak ka sida ngadang nerima penaatai sida ila lalu enda mindah ka bukai maia hari ka ditimpoh nya. Nyadi penyampau pemaioh tuboh orang ka enggau nurun nanya indu nya, sigi nadai beletak, tang jarang kala kurang ari lima iko, lalu kemaia hari tu mega kala lebih ari dua puloh iko.\\nDulu kalia nadai tentu beleman oraang ka nurun nanya bini, tang kemaia tu hari nyau nitih ka gaya pemisi sida ka empu pengawa. Bisi nya nyau bebai ka arak enggau kopi roti mega. Enti Tanya nya ukai ngerambang semoa utai ka dibai sida ka mansang nanya indu nya sigi dibai tama ngagai bilik indu leboh sida ka datai. Tang bisi mega sida ke datai ngerambang nanya indu nya, semoa utai ke dibai sida baka arak dilalai ka ba sebelah tanah tauka diengkah ba sebelaah bilik orang bukai dulu. Kabuah pia, enti jako sida nya enda diterima dia utai ka dibai sida nya lalu enda diserungkai tang ka dibai sida pulai. Bisi mega orang ka enda mujor nanya indu tak lalu mulai kadiri malam nya enti sema rumah sida enda tentu bengat tak jauh iga. Nya kebuah sida nya tak lalu pulai malam laban kelalu malu kadiri enda mujor nanya bini.\\nLeboh bala sida ke nanya bini tu tadi datai ba ruai indu ti deka ditanya sida, dia sida lalu dilalu ka baka ti enggau temuai maioh. Udah sida badu makai lemai nya, dia apai indai indu lalu nesau ngumbai sida serumah sama datai begempuru ba ruai sida. Sida ka indu pan lalu sama dipinta pansut ari bilik sama enggau dudok ba ruai nunga temuai. Udah semoa orang sampal dudok, nya baru apai indai indu bejako nanya ka pejalai ngagai bala sida ke datai. Enti sema apai indai indu nya enda tentu tak nemu bejako dia iya tau ngasoh orang bukai bejako ngari ka iya. Enti bisi penemu, lalu leboh maia tu dia sida selalu bekena ka jako karong panjai kena nimbal penemu pangan diri ari sepiak sepiak. Enti apai indai indu nya tadi udah putus nerima jako sida ke datai ba ruai lemai nya, nya baru sida iya ngasoh dua tiga iko bala indu ka bukai mansang nanya batang tuboh indu nya empu di bilik, laban deka pan apai indai enti indu ka empu batang tuboh madah kadiri enggai, dia pengawa nya tau enda ulih dipenyadi..\\nLalu enti indu nya empu udah nyaut madah kadiri deka, nya baru pengawa nya terus dipenyadi ka. Leboh maia nya mega dia sida lalu bejako mutus ka sapa bagi seduai ti deka dipenyadi nya nguai ka pangan diri. Kebuah enggai enda nyebut jako nguai laban enggai ka seduai ti udah diatur jadi melaki bini tu jemah ila tau nadai bilik alai datai nyadi ka pemulai ka penyangkai,. Leboh maia bisi pengawa lantang tuaka maia kena tuntung penusah lesi bebadi. Enggai ka kaban belayan tau berebut ka bangkai iya ti udah parai nya ila. Udah putus jako apai indai lelaki ka mansang nanya indu ka bini nya dia sida lalu bisi ninggal ka utai nyadi ka tanda baka tinchin, lampit tauka utai bukai ti nyadi ka pengamat sida bendar nitih ka semaia jako sida ka malam nya. Lalu berengkah ari malam nya dia indu ka udah ditanya ka bini nya enda tau digayap orang lelaki ka bukai agi..Udah nya baru sida iya nimpoh ni maia hari sida alai deka ngereja pengawa rami melah pinang. Enti sema ka sida lantang lalu utai ke ka dibela pan bisi udah disedia ka magang, dia sida lalu deka ngaga timpoh ka lebih serekat agi, kira ka chukup alai timpoh sida ngemansau ka tuak, itong ari kira ka dua tauka tiga minggu baka nya, tang selalu dikereja ngintai ka bulan mansang.\\nUdah tawas hari, lalu tembu sida iya makai pagi, bala sida ka datai nanya bini nya tadi pan lalu mulai kadiri magang enggau ati gaga laban pejalai sida udah mujor. Leboh sida udah datai ba rumah sida empu, dia bala sida serumah pan lalu datai ngulu sida ke pulai nya.laban deka nemu berita pejalai sida. Dia apai indai lelaki nya tadi lalu enggau naka pengaga ati nusoi semoa berita sida lalu pia mega iya lalu madah ka timpoh ngagai bala maioh ni maia timpoh sida ke deka nurun ngambi indu awak ka semoa sida ngadang ngering diri ka pengerami nya ila.\\nLalu semoa kaban belayan ke diau ba rumah bukai ti diau ngejang jauh agi sereta dikeberat deka dipadah ka magang tauka lalu dikirum ka temuku tali semaia tauka surat padah. Semua penyampau buah rumah ti deka kena padah ka endang udah dipesetuju nitih ka aum leboh malam ka nanya bini nya. Rumah panjai ka semak enggau rumah indu nya deka dipadah ka apai indai indu , lalu sama enggau nganti penatai bala pengabang. Lalu semoa rumah panjai ka dipadah ka lelaki sama ka bela nyadi pengabang nambah ka semua orang ka empu rumah ke sigi endang pun alai ngereja pengawa. Dalam timpoh empat lima hari sebedau ka nurun dia orang ka indu lalu betutok ka tepung sereta begaga ka penganan jala ka dibai sida mansang ngabang. Ba rumah panjai indu nya anang disebut ka agi laban ka endang alai ngereja pengawa, ukai semina sida ka batang ngereja pengawa nya tang semua sida serumah-rumah nya ka sama rugi ka lebih agi enti pengawa besai lalu orang mega maioh dipadah ka datai ngulu pengerami nya.\\nMANSANG NGAMBI INDU\\nSehari apin sida nurun mansang ngambi indu, dia semua kaban belayan lelaki ari rumah tauka menoa bukai pan lalu dulu datai ngagai rumah lelaki begempuru dia. Leboh semua sida nya udah datai, dia sida lalu nyua ka tulong ngagai apai indai lelaki baka arak tauka tuak sereta enggau utai bukai ke ka diberi sida. Lalu leboh malam nya sebedau sida ka nurun hari siti, dia apai indai lelaki lalu ngempuru ka bala maioh enggau sida serumah nya berunding ka baka ni gaya atur pengawa sida ke ka nurun pagila nya dulu. Baka ngatur sapa ke patut dipadu ka ngari ka bala sida bejako enggau ngereja pengawa ka bukai mega. Udah meh tembu berandau nya tadi dia sida lalu nampong enggau pengerami bukai kena merindang malam, semalam-malam nya, baka ngirup ai bisa, ngajat, berenong enggau maioh macham main bukai ke nyadi ka uti sida nitih ka peneka ati diri..\\nLeboh hari nyau ka tebererak tawas tauka dini hari dia bala orang ka indu dara enggau sida ka bujang lalu nurun ka tanah belulun ka asi pulut, ngambi ka bisi ka bekal sida ti nurun mansang ngambi indu enggau dibai sida ngagai rumah indu nya mega. Leboh maia sida ka ngelulun asi nya dia sida ka bujang enggau dara tepantup bendar ati bungah enggau pangan diri. Sida ka indu nya besimpan ka beras ka dalam buloh ruas, lalu sida ka lelaki nya lalu menyadi ka api ba raran sereta lalu ngemata ka ruas asi ka dilulun sida nya.Udah meh tembu mansau semua asi lulun nya tadi, semua sida lalu mulai kadiri ka rumah magang laban beguai kadiri ka bekemas nurun mansang enggau orang ngambi indu. Lalu pengawa ka ngelulun asi tu tembu kira ka leboh hari nyau tampak tawas.\\nUdah semoa orang badu makai pagi, dia semoa orang ka enggau lalu beradu magang ngena ngepan gari ka pengabis manah kena sida nurun ngagai rumah indu. Lalu bala sida ka bukai pan lalu berengkah begendang, betaboh dikena ngumba ngelagu orang ka benung beradu dibilik. Nyadi semua orang ka biak, mit, besai tuai lalu semoa nyikap ngepan diri empu magang. Lalu ngepan ka naka iya pemanah, lalu duku ilang pan lalu ditangkin, lalu sapa ka bisi senapang lalu nurun nyan senapang diri empu. Enti sida iya nurun ngena perau dia bala orang ka indu ti bengepan Iban lalu begari di rumah. Tang enti sema sida ka nurun nya bedarat bejalai kaki dia sida iya ka begari leboh nyau ka datai semak rumah indu. Perau ka alai bala indu nya ka digaga ka kajang lalu ditutup ngena pua kumbu sereta dilagu ngena menira nyadi ka setunggol sereta enggau utai bukai. Lalu ba perau nya mega alai sida iya begendang sepemanjai jalai datai ka sida nyau sangkai ba pendaie rumah indu.\\nLalu ditu aku ka ngelansa sekeda pengerami orang ka ngambi indu mansang bedarat ke naka pengumbas iya penyaoh. Leboh semoa orang udah sedia magang, nya baru tuai kayau begerah bebai nurun. Orang ke nyadi tuai kayau ba pengawa mansang ngambi indu tu iya nya apai indai lelaki ke empu bini ka deka diambi sida nya tadi. Laban pengawa ngambi indu tu disema ka enggau pengawa ngayau. Sida ka biak lalu begendang bejalai niti rumah kena ngansak orang ke beradu dibilik, lalu mega meransang barang bagi sapa sida ka lembau enggau nurun awak ka sama ka enggau sida.\\nUdah tuai kayau begerah ke setak-kasetak niti rumah dia iya lalu nurun dulu ngulu ka bala ti nyan menira tauka setunggol. Sereta sida ka nangkin pedang tauka ilang, tauka malat enggau ni bagi rengka ka bisi dibai sida. Udah nya lalu ditangkan ka orang bukai enggau sida ka begendang nya tadi. Orang ka begendang nya endang selalu ba tengah-tengah rintai tugong bala maioh ka bejalai nya tadi. Lalu barang bagi sida ka begendang nya nyau lelak dia sida lalu minta silih bala pangan sida ka bukai, lalu sida iya besilih-silih ba sepemanjai jalai nya tadi. Sida begendang tu bisi nya ngena gendang ajat tauka gendang gungong. Kebuah sida ka begendang nya tadi laban ukai semina ka pengerami aja, tang enggai ka sida ninga burong jai. Tambah mega, awak ka antu babas, antu keranggas mindah nyeliah ninga munyi sida nya tadi begendang.\\nEnti menoa numbas iya penyauh lalu kira ka pejalai dua tiga jam lalu datai kira ba tengan jalai ba endor ka bisi ai sereta manah nyadi ka alai sida ngetu dia tuai kayau lalu mai sida nya ngetu merarau. Utai kena sida merarau iya nya asi pulut ti endang udah dilulun sida dirumah tumu pagi nya tadi enggau lauk babi, manok enggau lauk ka bukai. Tang chapak mangkok endang nadai kala mai iya ke udah kala dipeda aku. Nya alai semina naka daun meh ka dikena sida nyadong pemakai ngagai pangan diri. Lalu enti menua nya jauh kira pejalai sehari, lalu suah agi bala sida nya ngetu belelak lalu merarau bechuan ka gaya mata hari kena sida ngelai hari nya udah tengah hari.Tuai kayau tau enda iboh meri bala merarau enti menoa nya kelalu semak lalu nadai alai nyebut gaya penyauh. Udah bala badu makai dia sida lalu mupok baru nampong pejalai sereta enggau munyi gendang nyentok ka bala sida nyau datai.\\nLeboh bala nyau datai semak rumah indu, maia ba pangkalan tauka ba batang ai tunga ka ngagai jalai muak ari penatai tauka pala tangga, sida lalu dulu ngetu mandi enggau belelak. Badu sida nya mandi dia sida lalu beradu masok ka semua ngepan manah, lalu sida ke bengepan Iban lama, ka lama agi ngemas diri enda baka bala sida ka ngena pakaian ngepan kemaia tu hari ke jampat agi tembu. Kalebih agi bala sida ka indu, laban maioh agi macham rengka dirasok nyadi ka ngepan sida. Ukai main pengerindu enggau pengeransing ati leboh maia tu laban gendang enggau pengerami orang ka dirumah nyau udah didinga, ka lebih agi bala sida ka bujang enggau dara ngemata ka gaya pangan diri ti beradu.\\nLeboh maia sida ka datai nya ngetu enggau beradu, dia pengari orang ka empu rumah lalu datai ngulu ngelalu ka sida ka pengabang ngagai endor alai sida ka beradu mai manok, piring, menira enggau gendang. Dia mega sida ngasoh sebarang bagi sida ka tuai miring kena ninggal ka burong enggau semoa utai ka jai awak ka enda datai ka rumah. Udah semoa orang tembu beradu , dia pengari orang ari rumah indu nya tadi lalu angkat bejalai dulu ngulu ka bala pengabang ti datai ditangkan ba tuai kayau, udah nya baru sida iya bejalai betangkan-tangkan nitih ka ripih, tuai agi umur dulu agi mupok nitih ka belakang tuai kayau. Lalu udah pupus tuboh bala ka lelaki dia lalu ditangkan ka tuboh bala sida ka indu. Lalu orang ka begendang nya mengkang bejalai ba tengah-tengah tugong rintai bala nya tadi. Sida nya nadai ngetu begendang betimbal-timbal enggau enggi orang ka begendang ari rumah. Gaya singkang pejalai sida pan belubah-lubah nitih ka gendang lalu orang ka bengepan indu enggau lelaki nyau dipeda ngelingut ka pejalai diri mandang ka pemanah gamal. Semoa ma tauka bag gari sida enggau utai bukai ke dibai sida ka datai nya tadi lalu diangkut orang ka empu rumah nya dibai ngagai bilik indu ke ka diambi sida nya tadi.\\nLeboh bala pengabang nyau datai ba tengah laman, orang ka empu rumah lalu nimbak ka senapang, bedil tauka merchun ba pala tangga. Lalu pia mega bala ka nandang kadiri datai ngalah, semoa ka bisi mai senapang lalu ditimbak ka magang nuju ka langit nimbal enggi orang ka bempu rumah nya tadi. Enti bedil maioh, nyau berenyang munyi ke ka runtoh langit laban pengingar iya. Niang Benedict Sandin empu kala nyebut madah kadiri udah meda orang nyelup lebih dua puloh batang bedil besai enggau mit ditimbak ka, sereta enggau senapang ukai ka empaat lima puloh batang leboh maia ngambi indu nya. Nyadi iya enda mega nemu nama batang kebuah bukai alai orang tua tak ka betimbak ka bedil enggau senapang leboh maia rami melah pinang, tang nyangka nadai kebuah bukai kalebih agi ari semina naka ngerindu ka ati aja. Laban pengawa rami melah pinang tu nyau disema ka baka pengawa ngayau kalia.\\nLalu ba kaki tangga peniki nya lalu dipelintang ka siko babi ti numbas iya pemesai. Nyadi babi nya tadi lalu digayang kena pengabang niki enggau bedil sebatang dipelintang ka sida ba pala tangga. Lalu ba pala tangga nya mega diengkah ka sida siti dulang ka dikena orang ngembun ke udah bisi ai enggau batu perunsut. Semoa pengabang ka niki lalu nyepoh ka kaki sida dia magang ka dalam dulang nya leboh sida ka nyingkang ari pala tangga. Ba penama nya dia orang ka empu rumah lalu miau pala pengabang enggau manok kena masa sida, tang enda mega tiap iko pengabang dibiau magang. Berengkah ari kaki tangga nyentok ka pala tangga, ari punggang setak nyetok ka punggang setak sepemanjai rumah lalu dikajang ngena pua kumbu magang. Lalu semoa pengabang ka bejalai niki lalu ngensurok nya sepemanjai ruai rumah nya. Baka nya mega pantar lalu diredai ka pua kumbu sapemanjai rumah enti pengabang chukup maioh. Lalu ba penyandih pan diredai ka pua kumbu ka alai pengabang nyandih. Enti enda chukup pua sepengapus rumah bulong ka semina naka pantar orang ka bempu pengawa aja enggau sepintu dua ka ngapit ruai sida nya.\\nBala pengabang lalu diwong, dilanggar ngena arak tauka tuak leboh bala sida ka bejalai dibai orang ka bempu rumah niti ruai nyentok datai ka dua tiga iko indu dara enggau lelaki bujang ti nyua ka changkir arak tauka tuak ngagai setiap iko pengabang. Lalu ba sepemanjai-manjai rumha nya dua tiga iko orang ka ngipa ba sepintu bilik sigi udah nganti nyua ka changkir arak tauka tuak. Kadang-kadang mega bisi telaga di tengah rumah, reti nya pasu tauka tajau alai tuak enda tau enda di irup bala pengabang ka niki nya tadi sereta ditakar ngena mangkok ka besai baka jalong. Leboh diwong dia bala pengabang enda tentu ulih nyeliah ngirup arak datai ka sida nyau mutah, nya ka udu ngamah ka dinding enggau tempuan maia sida nya ka niki. Tang laban nya sigi endang udah adat dikerindu ka kitai Iban ti empu rumah.\\nEnti rumah orang nya panjai, nyau berasai ngelu pala ngirup baru rumah nya ulih diapus ka. Ukai main agi pengerichah enggau pengerami leboh maia pengabang nya baru niki, nyau nadai didinga utai kiba kanan baka munyi alun gelombang ba tasik besai, lalu diumba munyi ngepan bala sida ka indu. Udah apus ruai, nya baru badu nguwong ngelanggar pengabang. Tang agi ga bala pengabang dibai bejalai niti panggau rumah abis kurang tiga kali besundang lalu diulu ka bala orang ka begendang sereta bisi bala orang nya ngajat tauka bepencha kena ngelagu pejalai bala sida nya tadi.\\nKabuah alai ngasoh bala pengabang nya tadi bejalai besundang niti rumah kena masa bala sida ka datai, agi mega enggai ka sida nya lebu ngena ngepan, ngena gari manah awak ka semoa orang meda pemanah gaya bala sida ke bisi enggau datai. Udah chukop sida nya tadi bejalai besundang niti rumah nya baru orang ka empu rumah lalu ngasoh semoa sida pengabang nya dudok berengkah ari pantar orang ka empu pengawa ngagai enggi orang bukai datai ka ba penyukop iya alai semoa pengabang nya terenah dudok nat kadiri.\\nOrang ka tuai enggau orang ka belambar agi lalu diasoh dudok ba pantar orang ka pun pengawa, lalu bala sida ka biak agi lalu diasoh dudok ngejang ka agi ari ruai nya, endang nitih ripih ba adat basa kitai Iban ba rumah panjai. Lalu semoa bala pengabang indu, lalu dibai tama ngagai bilik indu ka deka diambi sida nya. Dibilik din pan baka nya ga gaya, baka ba ruai tadi ga gaya atur sida ngeredai pua kumbu enggau macham utai bukai dikena ngerias bilik baka bungai kertas enggau utai bukai. Lalu leboh maia tu bala ti lelaki lalu ngintu peniki sida ka lelaki di ruai, lalu sida ka indu pan ngadu ka semoa pengabang indu di bilik. Tang semina indu ke ka diambi ka bini nya nadai dibilik laban endang gaya adat iya udah dilalai ka orang ti empu rumah dulu agi ba sabelah bilik orang bukai ti ngejang ari nya leboh maia pengabang ke ngambi iya nya baru datai.\\nUdah semoa pengabang terenah dudok magang nya baru orang ka empu rumah ngasoh sida pengabang ka tuai agi bedara. Udah nya baru meri sida iya ai basu kaki tauka ai aus. Ai ka diberi tu ukai nya ai amat, tang ai arak tauka tuak. Udah pupus semoa pengabang diberi ngirup ai basu kaki tauka ai aus, nya baru orang ka empu rumah nya betanggong ka maioh macham utai empa ari bilik ka ruai. Semoa macham utai diempa maia begawai mega baka penganan, penyaran, pulut, letup enggau lauk babi, manok, chapi tauka utai bukai nitih ka gaya pemisi orang ka empu pengawa. Nyadi semua utai empa nya disedia ka dalam chapak, dalam mangkok, atas tabak tauka atas talam magang. Naka ulih meh orang ka empu rumah ngadu ka pemakai nya di moa pengabang kena masa penatai sida. Bisi nya nanggong ari bilik lalu bisi nya ngator di ruai engkah pemakai ba mua pengabang. Dia pengabang endang udah sedia dudok berintai nganti orang ka empu rumah tembu ngadu ka pemakai ba tengah ruai.\\nBenda rumbang tuak endang udah sedia ditanchang ngelingi tiang ruai lalu dikelingi enggau mangkok tauka jalong takar, bisi nya besai lalu bisi nya mit. Lalu dia bisi siti jalong ka pengabis besai bendar kira umbas tau dikena nangkup pala pemesai moa iya, lalu nya dikumbai orang indu jalong. Bisi mega empat lima iti jalong ka mit agi ngelingi iya, lalu nya dikumbai orang anak jalong. Orang ka tuai enggau orang ka belambar agi enda tau enda ngirup indu sereta enggau anak jalong nya nitih ka pematut ungkop sida iya. Orang ka diasoh megai takar nya endang orang ka teleba sereta berekat laban tuak tau lubah abis dipegai iya, kenu ko orang. Udah nya baru orang ka empu rumah nyambut pengabang nanya ka burong sida ngena jako karong panjai tauka jako pandak.\\nEnti ngena jako panjai iya didinga kitai munyi tu :\\nOrang ke bejako nya lalu nyua ka jari nabi manok sabong pengabang enggau semoa orang katuai ti dudok ari atas,\\n“Ai buah tu aya \/ unggal apong beguyah ke bebuah selampor tuai,\\nAi tangkai apong nyelelai ka ngererai tekusai bungai,\\nNya alai perenchit ka aku mimit dalam chubit changkir bebungai,\\nLalu disua ka aku enggau tapa jari megai,\\nNya alai nyangka kita bisi ditanya Pungga aya kitai,\\nBisi ditentang Puntang Medang ari pengerang rapi umai,\\nNyangka Apai Sebalu Jantau bisi ngangau kita ari pulau rapi serarai,\\nNya alai nyangka kita bisi betangga ka berayang ke dikumbai kitai mata gansai,”\\nNyadi baka tu mega munyi leka jako ti dikena nanya ka burong ngena ai tuak, orang ke bejako lalu dulu nabi jari sida ka tuai dudok ari atas.\\n“Ai buah melanjan manjah ka bebuah selampor mansau,\\nAi sempuli tanah nyadi diberi Sempeti Apai Raja Petara,\\nLalu dituang Endun Kumang dalam baling jebul segala,\\nNya alai diatu lalu diperenchit ka aku mimit dalam chubit chawan bebunga,\\nLalu disua ka aku ngagai kita enggau tapa jari dua,\\nNya alai tu, nyangka kita bisi ditanya aya kitai Pungga,\\nAri temuda rapi pulau, nyangka kita bisi ditentang Puntang Medang,\\nBatang bisi melintang tuntun atau,\\nNya alai tu nyangka kita ke betangga ka isau ganjau dikumbai kitai Nyabor Panjai.”\\nTuak tauka arak nya tadi lalu di irup orang ke nyaut, iya nya endang orang ti udah dipadu ka tuai kayau ti datai enggau bala pengabang. Tang orang ke nyaut leboh tu suah agi ngena jako pandak, kabuah pia enggai ka laun makai utai tauka laun makai lemai. Enti bisi burong semoa dipadah ka iya dia, lalu ari nya orang ka empu rumah lalu berunding ka reti burong lalu ngiga berapa iko manok ti kena miau bala pengabang nitih ka baka burong. Enti bisi burong bias, pengabang lalu diasoh ngirup ai takar atas lesong dikena nabar ka burong. Udah manok sedia orang ke diasoh miau pengabang lalu bediri megai kaki manok lalu semoa orang maioh diau jenoh enda ragak mending ka leka biau iya nya tadi.\\nTu munyi leka biau iya ;\\nIya lalu bediri nunga ka moa ngagai orang ka tuai lalu dulu nyua ka jari nabi sida.\\n“Sa, dua, tiga, empat, lima, enam, tuuuu-joh !\\nHoooha ! Hoooha ! Hooooha !\\nNya alai aku ka bediri chegit-chegit,\\nNyingkang ka kaki nginsit ka tumbit,\\nNengakh kelasah tikai lampit,\\nUkai aku mai ati jai ati kudi,\\nDiasoh orang ka empu kerja pun pengawa,\\nBebelah ka jeragang pinang sa-siet,\\nAri belakang mulai ka tumbit,\\nNgambi ka yang ganggam kita,\\nEnda mai ati tajam,\\nBaka balan mata benit,\\nYang tinggi kita,\\nEnda mai ati jai ngeransi ngenyit,\\nEnda bumai enda kala nadai alai,\\nNgisi mengkabai tibang sengepit,\\nJari sepiak enggi kita teleba matak setawak,\\nJari chawit kita lanchat bulih duit,\\nEnti berumah kita aya endang teleba,\\nPanggau kita enda kala pungkang,\\nMalam enda kala padam dian lampu pichit,\\nTu ga nunda biau Apai Sabit Bekait,\\nAka Bujang Beruang Langit,\\nDikumbai kitai sapit Raja Petra.”\\nDia iya ke bebiau tu tadi lalu bejalai baru lalu bediri nungga ngagai orang katuai ti ngejang agi ari ka dulu tadi.\\n“Nya alai aku tu bediri giai-giai,\\nMansa moa kita ti kemunchak dudok berintai,\\nNengah kalasah anchau tikai,\\nUkai aku mai ati,jai ati kudi,\\nTang aku mai ati gaga rindu amai,\\nMiau kita enggau selanjau manok tawai,\\nNya alai nasit tu bisi mimit,\\nTuah mua pemesai,\\nDada bekaka iko kelabu panjai merundai,\\nMiau semang ari belakang mulai ka gundai,\\nYang tinggi kita enda mai,\\nAti kudi ngeransi besai,\\nNya alai laban meda kita,\\nKa endang tuga tunggul tuai,\\nEnti berumah endang teleba,\\nMalam kita enda kala padam dian lampu kedai,\\nEnti bumai enda kala alai enda berasai,\\nNgisi tibang sapengindang penoh engkabai,\\nMeda jari sapiak kita endang teleba,\\nJari chawit kita teleba nyerepit duit ringgit bebungai,\\nLau bau kita teleba nyan kuntu bedil besai,\\nPengaga semoa kitai,\\nKa dikumbai kitai Allah Taala.”\\nUdah nya tadi orang ka bebiau lalu bediri nunga ngagai orang katuai dudok ngejang agi ari ka dulu tadi.\\n“Aku ka bediri jendam-jendam,\\nNengah kelasah tikai rotan,\\nTang mai ati gaga rindu ka pangan,\\nLaban diasoh orang ka empu kereja,\\nBebelah ka jeragang pinang kejekan,\\nAku miau kita enggau selanjau manok jelayan,\\nBulu manah udu Jelayan Enseriban,\\nTu kena aku miau yang,\\nMiau semang kita,\\nAri belakang mulai ka pisan,\\nNgambi ka yang tinggi kita,\\nEnda mai ati jai ngeransi kebawan\\nYang ganggam kita enda mai ati tajam,\\nLaban meda kita,\\nEndang tuga tunggul tebelian,\\nKepala bansa Dayak tuai bansa Iban,\\nEnti berumah kita endang teleba,\\nNiri ka kah lamba tebelian,\\nPanggau enda kala pungkang,\\nApi kita enda kala padam,\\nEnda berasai ngisi mengkabai,\\nJari chawit endang teleba,\\nNyerepit duit ringgit kujam,\\nBau kita teleba nyan,\\nKuntu bedil meriam,\\nNya alau tu ukai biau ngapa bia pia,\\nTu ga nunda biau,\\nInan Petara Jagia Biku Bunsu Petara.”\\nOrang ka bebiau nya lalu agi mengkang bediri nungga ngagai sida ka biak agi.\\n“Aku ka bediri duga-duga,\\nBejalai mansa kita kemumok dudok betungga,\\nNengah kelasah tikai anyam lima,\\nMiau kita enggau selanjau manok lia,\\nAri asoh orang ka tuai gawai empu pengawa,\\nNya alai aku miau yang, Miau semang kita,\\nAri belakang mulai ka pala,\\nNya alai meda kita,\\nPagila lusa kita tau nyadi tuai raban bansa kitai,\\nKepala bansa Dayak,\\nSekeda kita ke besekula pandai tinggi tangga,\\nLalu tau gawa ngintu kubu buku lima,\\nSadepa delapan belas sirang,\\nNya alai sayat manok tu.’\\nNyadi semoa manok ke udah dikena bebiau nya tadi lalu disayat sereta lalu dichabut empat lima lambar bulu sayap digelut enggau darah kena ngenselan semoa pengabang. Ba pengawa melah pinang genselan lalu diendal ka ba tapa jari.\\nUdah tembu begenselan dia lalu bengkeraroh munyi utai kiba kanan laban semoa pengabang lalu belaboh makai semua utai ke sigi udah lama diayan ka ba moa sida nya tadi. Nyau ba pengujong sida ka makai utai, nya baru sida iya belaboh ngirup ai takar. Orang ka empu rumah lalu matak pengabang, udah siko, siko ga nitih ka gaya penuai umor ngagai endor ke betakar. Indu takar jalong samoa ngirup, tang anak bisi kena tiga bisi kena lima nitih ka pematut enggau penuai umor. Orang ka anembiak bendar enda iboh ngirup ai anak takar lalu dudi mega sida ngirup diberi ngirup ai nya.\\nUkai mudah pengerami leboh maia ngirup takar ti kena sida nya niki, tikai dikelanit ka awak ka bisi alai orang mutah. Orang ka tuai ditulong bala anak, bala menantu iya, ke bediri ari belakang iya, sedia deka nyaup iya ngirup. Enti orang maioh menantu enggau anak suah tak baru ditumpil ka mulut iya ngagai mangkok takar lalu dipesambut ka kaban sida menantu anak iya ke bediri ari belakang. Balat pengerami leboh ngirup ai takar kena niki. Nya alai disema ka kitai Iban enti orang inggar ragak , dia sida nya lalu dikumbai orang “Munyi ka betakar”.\\nNama agi pengerichah munyi nyawa bala pengabang muak ka setak-setak rumah panjai nya laban sida ka ngirup ai bisa. Lalu bisi nya bala sida mabok lalu ngelu pala, bisi nya ngerijat mengkasak mabak pemanggai, sereta ngusok tikai mega bala sida nya. Lalu sida ke nakal agi enda mabok, lalu sida nya meh ka masong orang ke mengkasak nya tadi, lalu ngintu pangan sida enggai ka bulih pemedis sereta enggai ka utai orang ba rumah panjai nya jai laban sida. Maioh agi bala pengabang nya mabok, rindu agi ga ati orang ka empu rumah ke alai datai. Pemakai enda nemu enda abis, laban apin pemakai nya abis dia sida enda nemu badu makai semua utai ka dikemisi ti udah diayan ka maia nya.\\nOrang ka meri ngirup endang nadai betagang, lalu orang ke ngirup ai bisa sigi ka betapat nguji ka penakal pangan diri enda mabok. Nyadi orang ka tegar ngirup ka bendar muji diri, lalu orang bukai mega muji penakal iya enda mabok. Orang ka nyambut penatai pengabang sigi nadai betagang meri orang utai di empa enggau utai di irup datai ka semua utai nya nyau udah abis ba bilik sida, ka lebih agi baka ai bisa iya nya tuak enggau arak. Sida berasai malu enti ruai diri empu enda basah nadai pengerami laban bala pengabang ka datai. Nya alai jako ka kala didinga leboh maia pengabang pulai iya nya munyi tu, “Ngabis ka ai.’\\nNya alai adat bansa Iban enda ulih disebaka ka enggau enggi orang bansa bukai di dunya tu ba makai enggau ngirup leboh maia gawai. Utai ke naka pemanah ko kitai Ibann tang dikumbai jai ko bansa bukai. Udah badu makai utai enggau ngirup ai takar ke kena niki, semoa teda utai enggau chapak mangkok lalu ditanggung orang ka empu bilik nya pulai ka bilik lalu dikena orang ka indu din magang. Baka nya mega bala pengabang indu ka diau di bilik pan udah tembu ditiki ka enggau naka pengerami oleh bala sida.\\nLepas nya sida ka biak agi, barang ke manchal agi sereta ngelu pala lalu numboh ka bungah madah jari diri lekat laban badu makai bedau bebasu, nya alai sida iya minta diri dibasu orang ka indu tauka orang ka dara. Sereta ninga nya orange ka empu ruai lalu ngiga indu dara tauka bini orang lalu mai sida pansut minching sarang tuak tauka arak. Datai sida di ruai, bala sida ka ngumbai diri lekat jari lalu manjong nanda ka semoa sida nya tadi gaga ati. Lelaki ka empu rumah mai indu lalu megai sarang tuak tauka arak lalu nyalin ka ai nya ngagai gelas tauka changkir ti ba jari indu, lalu disua ka ngagai bala pengabang nya ba ruai. Enti sida madah kadiri enggai tauka lembau ngirup, dia jari lalu dibantil. Dia maioh macam jako bungah dikena sida bekelakar ngalah ka pangan diri awk ke ka ngirup ai bisa. Bisi nya mega ari penumboh dia sida lalu ulih berengkah bepantun, bejawang, besanggai enggau pangan diri. Lalu pia mega pengabang bukai muak ka setak-setak pan rami diri bebuti sambil ka nganti maia makai lemai.\\nEnda bengat lama udah nya, orang ka empu rumah lalu betanggung ka asi enggau utai empa bukai ka ruai lalu meri bala pengabang makai. Tang makai lemai leboh maia tu ka beguai mimit laban enggai ka suntok jam alai ngatur pengerami bukai. Sakeda pengabang maioh enda makai laban nyau ngelu pala, lalu agi mega nat kadiri kenyang laban ka baru udah makai leboh sida ka niki tadi. Badu makai dia semoa pemakai lalu ditanggung orang ka empu bilik nya pulai baru ngagai bilik sida empu.lalu disikap sida ka indu. Pengabang indu mega makai dibilik sereta enggau maia sida ka lelaki makai diruai, lalu dibela orang ka indu ti empu rumah.\\nMASA ORANG TI EMPU RUMAH\\nEnda lama udah badu makai, tembu nginsap enggau makai pinang dia bala pengabang lalu belaboh ngatur orang ka empu rumah dudok, laban deka bebalas ngintu tauka dikumbai niki ka sida ti empu rumah. Samoa utai baka tuak, arak enggau pemakai bukai dibai pengabang magang lalu digempuru ka sida sereta lalu disedia ka ba bilik orang ka empu pengawa. Udah utai sedia magang, nya baru bala sida betanggung ka pemakai nya ka ruai baka ator orang ka udah ngintu sida dulu tadi. Tang nitih ka peneleba dipeda ba rumah panjai, orang ka empu rumah nadai dibiau ngena manok baka ka niki ka pengabang. Enti hari nyau lemai dia orang ka ngereja pengawa tu ka berumban mimit enggai ka suntok jam alai ngator pengawa ke bukai. Enti menoa jauh lalu penatai sida nya nyau malam hari, dia pengawa ke baka tu tau enda iboh disebut laban maioh agi pengawa bukai ke patut dikereja lalu dikelaung kategal ti udah suntok jam enda ulih dirintai nitih ka ripih magang. Tang enti menoa lalu jarang ngereja pengawa rami besai baka tu laban orang enda tentu ka tauka enda rajin enggau nurun ngabang.\\nUdah pemakai disedia ka magang dia siko ari bala pengabang ti dikarap ka sida lalu bejako enggau orang ka empu rumah lalu ngasoh sida berengkah makai utai ke udah diayan ka dia. Udah nya baru iya ngasoh sida ngirup ai takar ti dikena niki ka sida mega nitih ka gaya ator niki ka pengabang. Tang selalu iya dikereja, iya nya pengawa tu kurang agi rami ari gaya pemaioh pemakai enggau pengerami enti dibanding ka enggau pengawa leboh ti niki ka pengabang ti datai, tang enda tau enda dikereja nitih ka ripih Adat Melah Pinang. Badu makai utai enggau ngirup ai takar, dia semua pemakai lalu ditanggung pulai ka bilik baru, alai iya lalu dikemas orang ka indu nganti maia sida mansut ka baru udah nya lagi nitih ka gaya ripih pengawa ti udah nya.\\nUdah tembu pengawa niki ka orang ti empu rumah sereta ditangkan ka enggau nyibur tauka dikumbai masu pengabang dia orang lalu ngereja pengawa ngiring orang ka indu. Reti pengawa tu iya nya bala orang ka indu kalebih agi bala sida ka dara ti bengepan asal kitai Iban lalu bejalai nitih rumah disempulang ka enggau gendang sereta sida tu lalu dilanggar orang diberi ngirup ai arak tauka tuak. Sida tu ke bejalai dikenulu ka orang ti ngajat tauka bepencha enggau orang ke begendang nadai nemu badu leboh pengawa tu, lalu dientudi ka bala indu dara enggau lelaki ti bengepan nya sereta bejalai belubah-lubah beselat-selat enggau pangan diri. Bala sida ka indu nya tadi diasoh minching gelas mit tauka changkir, lalu lelaki ka ngimbai iya nya diasoh minching botol arak tauka tuak, tauka kendi ti nyadi ka sarang ai tuak. Datai ba tiap-tiap iko orang, lelaki nya lalu nyalin ka ai tuak tauka arak ngagai gelas mit ti dipegai indu nya tadi, lalu indu nya pan nyua ka ai nya ngagai orang ti diberi iya tiap-tiap iko. Orang maioh lalu duduk berintai-rintai muak ari atas lalu enda tau enda ngirup datai ka sebarang naka ti ulih enti indu ke nyadong nya kelalu maioh. Barang ka lembau ngirup abis lalu dipanjah orang k indu nya datai ka sida ti lelaki nya nyau abis basah. Tang kemaia tu hari pengawa ke baka tu nadai agi dikereja laban bebasa ka pangan diri lalu nadai tentu tau mejal ngasoh orang ngirup ai bisa baka rambau nya kalia.\\nTerubah orang ka empu rumah masu pengabang, udah nya baru pengabang malas masu orang ka empu rumah enggau bala indu sida. Tang enti hari udah kelalu suntok tau ga sereta dipegulai ka sekali. Ukai main pengerami agi leboh tu, nyau nyeregu kenu ko asai bulu lalu idup asai isi ninga gendang sereta enggaau ngepan orang ka indu ti nyau bekasering dibai bejalai sereta enggau ketawa diumba enggau panjong orang maioh mega meransang lalu ngumba pangan diri.. Lalu umba pengerami nya ke ngasoh orang enda nemu lembau ngirup datai ka pala nyau ngelu diri. Ka lebih agi orang ka bujang leboh sida iya meda pemajik gamal enggau umba gaya ngepan sida ka dara leboh ke mansa sida.\\nEnti baka menoa jauh lalu lelaki enggau indu jarang tauka enda kala bepeda ka pangan diri, leboh pemulai pengerami tu dia lelaki ke bujang nya lalu selalu ngingat ka pemajik gamal indu tu, lalu enti iya udu keran enda ulih nat ka ati diri leboh maia pemulai pengerami nya dia iya lalu ngundang indu nya tadi nyadi ka ambai. Lalu ari pengerami ka baka nya tau numboh ka pengawa jadi melaki bini lalu nya meh pemanah iya adat kitai Iban ba pengawa ke baka tu. Udah serap samoa orang diberi ngirup, dia bala sida ka indu lalu mulai kadiri ka bilik ka alai ditapat ka sida dulu nya tadi diau.\\nLeboh sida nya tadi badu nyibur lalu hari pan nyau lemai, lalu api dalam rumah panjai nya pan udah dipasang magang. Leboh kalia rindu bendar meda ruai terang laban lampu gas ke digantong orang ba ruai tang diatu nyau terang laban rumah panjai kitai Iban nyau udah bisi karan lalu maioh agi macham bansa lampu ke manah dipeda dipsang orang dia. Leboh maia perang Jepun taun 1941 dia rumah panjai kitai Iban udah maioh bendar bisi ngena lampu gas, tang diatu nyau majak nadai agi dipeda tauka dijual ba pasar. Nyadi kalia leboh maia kitai Iban bedau nemu ngena lampu gas lalu tusah ka bulih minyak gas dia sida kalia ngena kelasau tauka dikumbai kitai dambar nya ditungkun ka sida iya ba bedilang baroh antu pala ka disalai ba tampun. Lalu ngena chara tu tusah bendar sida ka nyaga api enti sema bisi bala sida nya mengkasak mabuk maia bisi pengawa rami, lalu rumah sida pan mudah bendar chelum laban along asap api ke baka nya tadi.\\nSereta udah badu nyibur nya tadi, dua tiga iko orang ka empu rumah endang udah dipadu ka nyadi bulu balang jaga jam alai sida iya patut makai lemai lalu meresa pemansau enggau pengapin utai ka dipandok orang ka indu ba tiap-tiap pintu ba rumah panjai nya. Sida tu bejalai lalu ngerah orang ka indu ngasoh sida besungkit enti semoa utai empa udah mansau. Udah nya sida lalu begerah ngasoh ngator semoa orang duduk bedijir besedia ka berengkah makai. Udah samoa orang terenah dudok magang ba ruai nitih ka gaya bagi bala bulu balang, nya baru orang ka lelaki betanggung ka pemakai ari bilik lalu diatur naka pemanah ba mua bala pengabang ka bisi datai. Enti pemakai udah disedia ka magang, dia samoa orang lalu belabuh makai sereta sekali.\\nApin makai samoa pengabang dipedua ka dulu awak ka tiap-tiap pintu bilik bela sama ampit pengabang ka diberi makai. Samoa lelaki diberi makai diruai lalu orang ka indu diberi makai dibilik. Bala indu ti empu rumah lalu ngiga bala indu pengabang ba sebelah bilik orang bukai laban ka mai sida begulai berumpu makai ba bilik sida empu. Udah badu makai dia semua teda pemakai enggau chapak mangkok lalu ditanggung orang pulai ka bilik magang lalu disikap bala sida ka indu.\\nJAKO LEBOH MAIA MELAH PINANG\\nUdah badu makai lalu hari pan nyau lama lemai dia orang ka empu rumah lalu begerah nesau ngasoh semoa orang ke datai betugong ngagai ruai orang ka empu pengawa melah pinang awak ka meda sereta ninga pengerami enggau jako orang ka melah pinang, laban nya endang pun pengawa ke sehari nya. Orang ke bungah ngirup ai bisa enti enggai badu lalu diasoh mindah ngagai ruai bukai ti ngejang agi ari ruai ke ka alai melah pinang.\\nLalu pia mega enti bisi orang ke anembiak ka bepencha, ngajat tauka betanda sigi diasoh mindah ka punggang setak rumah enggai ka kelalu ragak semak sida nya. Tang enti rumah pandak dia pengawa rama ke baka nya tak diasoh orang ke bempu pengawa ngetu sekali bala sida ke begendang nya tadi. Udah semoa orang sampal magang dudok ba ruai dia sida ka indu lalu pansut ari bilik lalu sama-sama dudok ba ruai magang. Lalu semua macam utai empa baka penganan, penyaram, tuak enggau arak enggau pemkai bukai lalu ditanggong ngena talam enggau tabak pansut ka ruai ngambi ka bisi ditungga enggau diempa orang ka dudok ba ruai sekumbang sida ka ninga ka orang bejako melah pinang.\\nOrang ke sigi udah dipadu ka bejako ngari ka bala lelaki lalu diasoh dudok muak ari atas lalu iya ti dipadu ka bejako ngari ka bala ari indu lalu dudok nunga ba sida nya ari baroh mangkang tuak enggau arak. Leboh maia udah chukop alai berengkah bejako ka pengawa melah pinang dia semoa orang lalu ngetu ka randau bukai. Iya ti ngari ka indu enggau orang ti empu rumah lalu dulu bejako nanya ka pejalai sida ka datai mai bala besai ngemaioh nya. Sebedau iya berengkah bejako dia orang siko lalu dulu ngansah iya ngena ai tuak tauka arak. Udah iya bejako nanya ka pejalai, tauka kabuah sida ti datai, iya ngiri ka tuak tauka arak dalam changkir kena ngansah awak ka iya ke bejako nya madah ka pejalai enda kakang mansut ka jako lalu enda mega malu. Ai tu dikumbai iya ai kena ngansah. Nya alai tu munyi sekeda ari leka ai ansah nya didinga kitai :\\n“Nya alai tu aya \/ unggal,\\nAi telesai ti datai ari sungai,\\nPandi indai Raja Petara,\\nAi sempulia tanah nyadi,\\nDiberi Sempeti Api,\\nDikumbai kitai Allah Taala,\\nNya alai lalu dipie dara tinggi,\\nLalu diserap dara nelap,\\nEnggau lipat kain kesumba,\\nUdah nya lalu dituang,\\nSida Endun Kumang,\\nLalu diperenchit ka aku mimit,\\nKe dalam chubit chawan bebunga,\\nNya alai, dipeda tak lejah-lejah,\\nNgensara ka moa kita,\\nNgensara ka tugong bala,\\nAi kedua ayam raja,\\nMunyi ka ngekah leka buah bindang,\\nNya alai tu ga endang teleba kena aku,\\nEnggi Keling seduai Laja,\\nTang ke lemai tu kena aku,\\nEnggi nuan aya \/ unggal,\\nNgambi ka nuan bejako,\\nAwak ka munyi geruda,\\nIrup ai tu aya \/ unggal.”\\nIya lalu ngirup, orang maioh lalu chapoh nempap ka jari laban gaga ati: lalu meransang iya. Enda lama udah nya, iya ke baru udah ngirup ai ansah nya tadi lalu bejako ngari ka lelaki lalu nyaut. Tang ai tuak tauka arak lalu dulu disalin ka iya dalam changkir kena iya malas meri iya ke baru udah bejako nya tadi ba pengabis genteran jako saut iya lagi. Nya alai kira ka munyi tu ko gaya jako iya belaboh dulu :\\n(a) “Nya alai nyerumba buli,\\nKami ka bisi datai kitu,\\nNganjong telinsu langu buah binjai,\\nNya alai diengkah ka kami di kelsah,\\nAnchau tikai enda sengapa alai,\\nLalu disua ka kami ngagai kita,\\nKemumok dudok berintai ditengah ruai,\\nTerima kita enggau tapa jari pemegai,\\nNya alai lalu ditaroh kita tegoh-tegoh,\\nEnda sengapa alai,\\nNya meh ka sengkeram jako tuai,\\nKa ngasoh kami datai,\\nMai bala datai nitih ka semaia.”\\n(b) “ Nya alai nyerumba buli ka cheli-cheli,\\nBisi kami datai ditu suba,\\nNganjong telinsu langgu buah kemantan,\\nDibai kami ari batang Sebelak tebing kanan,\\nDatai kami ditu lalu disua ka ngagai kita,\\nKa kemumok dudok betipan,\\nPenuh ruai datai di tempuan,\\nUdah nya, lalu disambut kita,\\nEnggau kukut jari kanan,\\nLalu ditaroh tegoh-tegoh,\\nDisimpan dalam tempayan,\\nNya alai nya meh ka sengkeram jako tuai,\\nAlai kami ke datai sehari tu,\\nMai bala sampal enggau anak,\\nNebah setawak nerantang ka gendang.”\\n( c ) “ Deka besulu ka resu garu melitan,\\nDeka begulai ka peratai bungai bungai tanam,\\nNyemaka ka lunda jayau Kedayan,\\nNya alai pagila deka dibai kami pulai,\\nKa batang Sebelak tebing kanan,\\nDatai din ila lalu dibiau kami\\nDigayang ka kami belalang babi dupan.”\\n( d ) “ Deka begulai ka peratai bungai beta,\\nDeka besulu ka resu garu baga,\\nNya alai pagila dibai kami pulai,\\nKa batang Sabelak tebing kiba,\\nDatai din ila digayang ka kami,\\nBabi belalang babi mesai pala,\\nLalu dibiau enggau selanjau manok lia.”\\nUdah nya baru iya ka ngari ka orang empu rumah bejako baru, lalu disaut siko, udah siko lalu siko mega seduai iya betimbal-timbal belaban ngena jako karong panjai. Orang maioh tak jenuh mending ka pengelandik seduai tu bejako. Enti pangan bukai bisi nemu tau mega nyaup pangan bejako. Enti lelaki nguai lain agi mega jalai jako dikena, lalu lain mega enti iya nya ka matak indu nguai. Nya alai, nyau ka pengujong jako seduai nya baru iya ke ngari ka lelaki bejako ngiring adat belaki bebini ari kalia menya ti ditampong kitai turun menurun datai ka kemaia hari tu. Ditu aku semina nusoi pun jako kena ngiring adat, ngujong ka iya penau diri empu ngerintai nitih ka aki ini diri empu. Dalam jako ngiring adat samoa pengudi orang katuai dulu kalia ti dikingat ka kitai diatu lalu disebut magang.\\nKebuah alai sida kalia bisi pengudi kenu ko cherita tuai laban sida apin nemu reti adat belaki bebini. Nya alai tu munyi pun jako iya ti ngiring adat :\\n“Deka nyimpong semambu ngandong,\\nSengkilong tedong ular naga,\\nNya alai pala tak kunda-kunda,\\nNyua ka jangka tampok adat,\\nNya alai nampong kenang burong achang,\\nBungkok belakang ngeruang dada,\\nNampong jako burong apu,\\nKa dulu meda menoa,\\nNampong telah burung idah,\\nSiti dilah tiga lubang nyawa,\\nNya alai nampong adat aki kitai,\\nRekaya Lengidi ka buyan,\\nTakut mati parai betu,\\nMangkang tisi antara menoa,\\nNampong adat aki kitai,\\nSagu ka langit tinggi sepuloh,\\nKe benama Rekaya Limping,\\nBerumah di tuchong,\\nMenyuang Bukit Banting.”\\nUdah nya lalu beripih-ripih nyentok ka datai ba tuai menoa ti alai melah pinang.\\nAbis jako panjai nya baru tampong pengawa betusut. Betusut enda tau enda awak ka nemu penyauh enggau penyemak kaul seduai ka deka jadi melaki bini, sekali ka bisi bebelit tauka nadai. Enti sema bisi bebelit dia orang katuai ngadu ka enggau adat kena muai pemali. Enti seduai ka jadi nya endang ditemu ukai orang bukai enggau paangan, lalu enda bebelit nadai tentu guna betusut kelalu dalam, tang semina nusut ari ni iya serara awak ka orang maioh nemu penyauh enggau penyemak seduai. Enti sema orang jadi enggau petunggal diri menyadi orang nadai nyebut betusut. Tusut dalam maioh penatai, tang semoa pun ari antu magang, baka ari Sengalang Burong, ari Kumpang Bedarah, ari Beji enggau ari maioh pun bukai. Tang ditu aku deka nusoi tusut ari Sengalang Burong ari pun ngagai tuboh Beti. Ari Beti ngujong ka ngagai aki ini kitai empu.\\nAbu datai ari munggu tinggang guntur beranak ka Nising datai ari perenching pandang lambor. Nising beranak ka Bedali bejulok tiang balang besegi sarat muat balang belabong bebini ngambi Antok Nyinok Langgong Tibilong, Dayang Kumang gasing merengong beranak ka Beda’am ngembuan perugan danan gelong ka bengkong bebini ngambi Jawai Mupong bepadong tujoh ringkat, Mau ka tinjau bekabelap beranak ka Beda’ang bejulok api mandang sundang surong, bebini ngambi Dara Saut pengukor mata isau pengundor bala nyerang beranak ka Aki Lang Sengalang Burong, Aki Jagu Menaul Tuntong bebini ngambi Indai Kechendai bepantak jerak, Dara Entaba balun kupak. Tang iya tabin birin enda pengerai, sakit lengit enda nyamai, pedera renga nadai asai. Dipesaut ka Manang Likup, dipelian ka Jaban, dipetawai ka Gendai, mindah ka nama disebut orang Endu Sudan Berinjan Bungkong, Endu Diu Tiong Menyelong beranak ka Dara Tinchin Temaga, Endu Cherebok Mangkok China belaki diambi Menggin beranak ka Sera Gunting bebini ngambi Ranjau beranak ka Riboh datai ari buloh bauh rejang belambang belaki di ambi Bada beranak ka Gupi anak umbong, belaki diambi Belang Pinggang Antu Gerasi, beranak ka Geraman bebini ngambi Tebari beranak ka Chundau bebini ngambi Beragai beranak ka Beti digelar Bujang Berauh Ngumbang bebini ngambi Duri. Beti tujoh kali bebini, tujoh kali balu.\\nLalu Beti ke diajar Puntang Raga enda agi ngasoh mantang orang ke beleman salah serak. Ari ajar Puntang Raga tu nya kebuah Beti enda nyadi mantang Abang ke deka jadi salah serak enggau Dayang Tali Bunga.\\nNaka tu tusoi aku lalu ari tu iya mechah kia-kia nabor sebelah menoa. Tusut beserara laban orang kalia baka kitai ka diatu maioh diri menyadi. Nya alai orang ti nemu tusut nyamai bendar nemu kaban diri. Asai sepi aku, patut semoa kitai ngajar anak uchu kitai betusut, enda iboh tusut daalam, amat ga nemu nusun aki ini diri empu ngagai empat lima serak. Enti oraang ke biak enda diajar nama aki enggau ini ti ngada ka apai enggau indai pan enda ga sida nemu. Lebih agi anak kitai ti diau di nengri lalu begulai enggau bansa bukai, indah jako diri empu deh enda tentu terus agi sekeda ti udah dipeda aku empu. Umbas aku ngenang pemanah betusut, nya alai diatu kitai pulai baru ngagai pengerami melah pinang.\\nUdah orang tembu betusut, lalu enti bisi salah ripih, bisi bebelit lalu terus diaduka enggau adat awak ka nadai agi pemali. Enti sema ukum penyalah nya bisi pulai ka ngagai ukum ngena mata duit lalu dipedua ka semoa bala orang katuai ti bisi enggau dia ti ngatur adat nya, tang enti pemali nya tak mimit aja bebelit dia adat iya tak semina naka lungga bebelit aja dipinta ngagai iya ti melit. Udah nya baru apai indai indu tauka orang ti dikarap ka iya bejako madah ka gaya adat diri empu baka derian enggau bunga pinang. Enti apai indai lelaki nya udah besetuju nerima adat nitih ka dipinta apai indai indu, dia sida lalu besua ka semoa utai nya tekala nya. Udah nya baru ari lelaki malas madah ka gaya pemesai adat ti dipinta sida ari lelaki nitih ka pemesai adat aki ini diri, baka penudok, penyandih enggau utai bukai enti bisi. lalu apai indai indu mega nyau ka semoa adat ti dipinta tekala nya enti sida udah setuju nerima nya.\\nEnti adat indu enggau lelaki nya enda dipadah ka dulu dia pengawa melah pinang apin tau dipenyadi ka. Enggai ka iya tau numboh ka pengachau enggau laya ka dudi hari ila. Udah nya baru ngator pengawa melah pinang. Keterubah sida lalu milih indu siko enggau lelaki siko ti endang orang ka pemulih utai, chukop iya penuai umor, maioh anak telesak, sereta ripih seduai pan ngena, reti nya enti ulih tak kena pangkat unggal. Udah mutus ka berapa sirap pinang enggi lelaki enggau enggi indu, nya baru seduai dibai tama ka bilik lalu miring din.\\nPiring nya tadi disimpan begulai dalam selok tauka sintong bebuah ti dibelit ngena lampit enggau sengkiling laban endang asal bansa Iban keran ka anak tuai iya nya indu. Nya kebuah ngelagu selok nya nitih ka gaya pakayan orang ka indu. Udah chukup nya diadu ka dipeda nunda pendiau anak mit, selok tauka sintong nya lalu disandik indu ti udah dipilih nya tadi ngena pua kumbu tauka belantan lalu begadai –gadai mansut kadiri ka ruai. Nyadi lelaki ke tangkup iya nya tadi sigi udah nganti dudok ba ruai nganti diri ti deka nyambut anak nya. Nyadi leboh indu nya ka nyandik selok tauka sintong bebuah udah pansut ka ruai, dia iya lalu ngelulu ka diri nyabak munyi anak mit ti baru ada, lalu ditimang iya mega ngambi ka badu nyabak. Bala indu ka bukai mega lalu besaup nulong iya ngaga diri nyabak munyi anak mit. Lalu semoa orang maioh leboh maia pengawa tu dikereja endang chapoh begau ketawa geli ati ka iya ti dipeda tak ngena bendar gaya. Udah datai di ruai anak nya lalu disambut apai iya, iya nya lelaki ti udah dipilih nya tadi. Apai iya lalu naka penau ulih iya ngelulu kadiri ngaum lalu betimang ka anak mit nya ngambi ka bala orang maioh ketawa. Udah nya, anak nya tadi lalu di kujok orang ngena pua kumbu di tengah ruai.\\nRipih pengawa udah nya, orang lalu ngiga orang ka landik nimang diasoh nindok enggau ngerak anak nya tadi. Udah bulih orang ti diasoh nimang, semoa pengabang maioh lalu diau jenoh enda inggar mending ka pemanah nyawa enggau leka timang lemambang nya tadi. Iya ke nimang nya tadi lalu diasoh duduk ba wa nunga kujok anak nya.\\nNyadi munyi tu leka timang iya :\\nNINDOK KA ANAK\\nNyerumba petang penyarang,\\nPasang gitang lampu dian,\\nKa tempalau dabong lancham,\\nNaka pemalu tudah aku,\\nDi lempedu kandang dalam,\\nLaban penemu enggi aku,\\nNadai temu tuku kiba kanan,\\nAgi ga nyawa aku nadai didinga,\\nEnda nyaris nekis inggar daderam,\\nTang semadi tu ukai lambu aku,\\nNgelulu ka sida sanu ibu uman,\\nUkai jawang aku nimang,\\nSulu tunang ambai dalam,\\nTang semadi gumi aku,\\nDiasoh sida ke empu pengerami,\\nDiasoh jayok nindok ka selok,\\nKa bebuah ngambi gambar miga dudok,\\nKa belingkok ngelong besimpan,\\nSemadi lumbi aku diasoh kita,\\nNgambi gambar reni baya ngereman,\\nNya alai ditindok ka aku,\\nNunda orang nindok,\\nKa Endu Kumang Subang Betandok,\\nEndu Achin Cheremin Burit Mangkok,\\nAmbai Beragai Bini Tuchok,\\nJalai Laja nampok,\\nKa Endu Buku Kandong,\\nSemambu Buntat Gemala,\\nEndu Kumang Kajang Menoa,\\nAntu kelalu raja ke enda,\\nBalat jedian kejekan,\\nNya alai gali galai,\\nNuan selantang anak tuai,\\nDikujok enggau pelepok,\\nBepanggal ka intan,\\nBula limpan tekang la-gempanang wai------,\\nNGERAK ANAK (Lebu Nangi)\\nBebungkor enggau menyetor,\\nSerayong indai Mendong,\\nEnggau tajong batik betawi,\\nKemilai sida indai di kerigai rusok tisi,\\nMandi pentali panchor ulak bebuli,\\nTang enti tinda nun deh endun dara,\\nNyau udah jementa dra mereti,\\nGaya nadai saga enda betanya,\\nNgagai sida mengua karong beridi,\\nPanau belakang nuan Endun Kumang,\\nNyau udah terang,\\nMandang bujang anak lelaki,\\nNya alai nuan digela sida,\\nMengua karong beridi,\\nNgagai sumbu lampu api,\\nKe pegari tampak terang.”\\nNGERAK ANAK (Lebu Ngambat)\\n“Nya alai enti tinda nuan,\\nNyau udah jementa dara memetat,\\nPanau bangi sejari nadai rarat,\\nGawa enda saga nadai betanya,\\nNgagai sida mengua karong Menyimat,\\nNya alai digela sida mengua karong menyimat,\\nNgagai jerumat jarum kawat,\\nTak rejat-rejat nancham lipat ara tajong.”\\nNGERAK ANAK (Lebu Nyangkong)\\nDeh kau lantang anak sendia,\\nNyau udah jementa dara lempong,\\nPandai dichunggai ujong kudong,\\nBisa di penyura nyawa ujong dabong,\\nGawa pan nuan nadai saga,\\nEnda betanya ngagai sida,\\nMengua karong kerubong,\\nNya alai nuan disebaka ka orang,\\nBini Bayang Indai Tiong,\\nPandai di chunggai jari ujong,\\nLandik ngama ai lia,\\nLandik nyagam ai garam,\\nBengaran ka delapan buloh laung,\\nNya alai semoa kita digela ka orang,\\nNgagai jenuar kapal lambong,\\nMunyi sayap burong,\\nNya alai agi ga kita disema ka orang,\\nAri sepiak gulu karak batu anggong,\\nPunggang setak tumboh bunga ketula raung,\\nDinang Kumang seduai Lulong,\\nIndu sida di Liu Nyatu Padi,\\nKo aku----lah---sanggo lintang-----wai,\\nNaka penyuma aku nelenga,\\nKa rasa dabong gigi,\\nTang ukai jawing aku,\\nKa nimang sulu tunang ambai ati,\\nUkai lambu aku ngelulu,\\nKa sida sanu ibu kedi,\\nTang semadi tinda aku,\\nUdah alah asoh sida ke empu kereja,\\nBebelah ka jeragang pinang penguji,\\nNya alai sit pinang kunchit,\\nLeka pinang segala dibelah dara Juata,\\nDi baroh singka miga ngeledi,\\nLalu disimpan sida ibu uman,\\nDalam jelanan tanggam demam resam ransi,\\nUdah nya baru tembai bejalai pansut ka ruai,\\nNgiga apai tangkai mengadi,\\nLalu besangin indai mempulu lilin,\\nLalu muchau indai burong bangau,\\nMunyi Melananu nimbau tukau Tanjong Keladi,\\nOh ! Ni kita deh Sempungga, Sapuntang Medang,\\nKe udah ngundang aku disimbang papan paji,\\nEnda ninga kita anak tua endun dara,\\nNebah nyawa nyabak berari,\\nOh ! Nama kebuah enda ninga deh indai dara,\\nUji surong kitu deh indai endu bini kami,\\nTak lalu disua ka indai puna bangka,\\nLalu sambut apai sempidan bangkut,\\nEnggau kukut ujong jari,\\nLalu betimang apai Kumang,\\nAnak aku tak lalendu,\\nBaka lamba batang kayu peru,\\nTumboh di Ulu Sebelak menchegi,\\nLinga-linga kera lantang anak randa,\\nBaka lamba batang kayu ara,\\nKe tumboh di ulu dia,\\nPumpong sadepa rarah jelenga,\\nPangka ka bua pusin bebuli,\\nMelam melan salantang anak pinan,\\nBaka lamba batang kayu tekam,\\nTundan delapan semilan begulor tali,\\nLengi-lengi anak diri indah enda baka,\\nLamba batang kayu tuwi,\\nKemah ko timang sida menimang karong beridi,\\nNya alai diatu deh Endun Dara,\\nKe agi meraya nebah nyawa nyabak beraie,\\nTang enti tinda iya,\\nUkai enda iya digela kitai,\\nKaban mengua karong beridi,\\nNgagai anak pekaban,\\nBetanjak di kaki ko aku,\\nSereta udah badu nimang anak semoa orang lalu richah laban berisan, ngirup ai bisa enggau bepakai ka semua utai ke endang udah lama bisi ayan dia. Semoa sida ke kena pangkat apai indai, pangkat aya enggau ibu seduai ke dibelah pinang lalu begempuru duduk berintai betungga enggau pangan diri laban deka belaban berisan. Bebalas-balas sida iya tu tadi meri pangan diri ngirup, beripih semoa kaban ari lelaki ngelaban kaban ari indu. Balat bendar munyi pengerami, nambah ka sida ke berisan nya tadi dia bala orang maioh lalu numboh ka bungah bukai kelimpah ari ngirup ai bisa baka ngajat, bepencha enggau betanda.\\nSekeda pengabang barang ke bisi mai ai tuak tauka arak lalu beguai ngambi ai nya ka dikena sida iya bebalas meri orang ka empu rumah. Laban pengerami tak naka pemalat dia pengawa nya ngasoh orang enda berasai ngelu pala lalu mabok. Enti pala udah ngelu, barang ke bisi mantai ka ubat enda mabok, lalu meri pangan diri ke nadai. Barang orang ti gali diangkat ka baru lalu diberi ngirup. Sekeda bala ke mabok lalu di intu kaban iya empu enggai ka iya bulih pemedis.\\nBarang ka minta indu enggau minta bungai lalu diasoh enggau diperansang orang ka empu rumah. Enti leboh orang balat bungah sereta begagai, suah mega dipeda kitai kalia orang ka empu rumah, empu ruai lalu ngulu ka pengabang mabak pemanggai enggau dinding iya empu ukai kategal ati ti pedis, tang labaan empa pemalat pengerindu ati bunggah enggau pangan diri enggai ka alah uti. Tang nyau kemaia tu hari, pengawa bunggah kasar baka tu nadai agi dikereja laban rumah nyau udah kukoh, udah tegoh, rumah papan, rumah tebelian, rumah batu, rumah menuku lalu nadai agi kitai meda bisi pemanggai ba sebelah ruai ka ulih dibabak. Nya alai orang rebak baru diatu, laban enda teleba tauka enda kala meda bunggah bansa nya lalu ka jampat pedis ati ti ngujong ka tau belaya laban sida enggai meda bunggah ke baka kera ti nadai pulai ka pemanah ulah bansa kitai Iban.\\nSiti ari pemaioh macham pemunggah ti enda agi dikena bansa kita Iban kemaia tu hari iya nya ngetas pintu. Bala orang bejalai niti rumah lalu beketas ka pintu. Udah sida iya ngetas pintu, sida lalu dudok ba tempuan nganti orang ka empu bilik nya meri sida arak tauka tuak enggau penganan. Lalu siti agi pengawa ke nadai dikereja kitai Iban leboh melah pinang iya nya manjok, Pengabang nan ka panjok ba moa pintu lalu orang ke empu bilik meri sida nya ai tuak tauka arak enggau manok nya ke ulih sintak panjok sida. Barang ka enda nakal ngirup sigi lembau bendar ka enggau orang bunggah maioh macham laban enggai kadiri mabok.\\nNGIRUP KOPI ENGGAU MAKAI ASI\\nUdah jam chukop maia alai ngirup kopi, orang ti nyadi bulu balang jaga jam maia makai utai lalu betesau begerah niti rumah ngasoh orang ka empu rumah betanggong enti utai udah di sedia. Semoa pengabang lalu diatur sida duduk lalu orang ke bunggah ngirup ai bisa diasoh ngetu dulu. Tang bisi mega sekeda ti enda ulih diasoh ngetu majak kadiri bebuti ngena ai bisa laban pala nyau udah ngelu. Kitai sama nemu enti pala nyau udah ngelu tentu enggai tentu ngasi ka jako rara orang.\\nUdah utai ditaanggong ka ruai dia semoa orang lalu sama-sama ngirup kopi magang. Bala orang ke indu ngirup kopi enggau makai roti di bilik sebaka enggau orang ka lelaki di ruai.\\nUdah orang badu ngirup kopi dia semua rengka nya lalu ditanggong pulai baru ka bilik magang. Enda lama takah udah nya orang lalu belaboh baru bunggah enggau pangan diri, ngirup arak enggau tuak lalu baka nya mega orang ke ngajat, bepencha enggau betanda sereta bepantun, lalu bisi mega nya nimang tauka berenong.\\nOrang ti nyadi bulu balang jaga jam maia makai lalu bejalai tama bilik tiap-tiap pintu begerah ngasoh orang ka indu berapi di dapor. Kira ka pengumbas iya pengelama udah nya sida lalu bejalai baru meresa pemansau semoa utai ti dipandok. Enti semoa utai udah mansau magang, nya baru sida begerah ngasoh orang ka indu besungkit. Udah nya baru orang ka lelaki betanggong ka utai dempa nya ka ruai, lalu hari maia rambau nya pan nyau ka tekerebak tawas.\\nSemoa orang ka ngirup enggau main bukai lalu diasoh ngetu magang ngambi ka limpang sama-sama enggau makai enggai ka pulai lapar. Udah semoa pengabang diatur duduk magang baka ke udah sereta pemakai pan udah mega dienah dia sida lalu diasoh berengkah makai belubah-lubah. Udah tembu makai dia semoa pemakai nya lalu ditanggong baru pulai ka bilik. Nyadi semua pengabang ke makai pan tak naka iya pengeyang laban nangi enggai ka diri lapar ba rantu jalai leboh ka pulai siang lagi.\\nBadu makai dia sida ke agi ka ngirup ai bisa lalu belaboh baru laban ka ngabis ka semua ai ke agi bisi ayan. Maioh bendar ruai alai orang ka nudok ka takar, bisi nya mit lalu bisi meh nya ka besai takar, pia mega gaya asai ai ke bisi nya nyamai lalu asai pan enda mega sebaka enggau ba ruai siti-siti. Ukai main agi pengerami leboh orang ke betakar ka ngabis ka ai tuak.\\n(Nya alai kitai Iban bisi jako munyi tu : “Munyi ke ngabis ka ai” tauka “Ngalah ka takar” enti orang nya kelalu ragak.)\\nOrang ke empu rumah pan naka ulih meransang pengabang ngirup awak ka sida mabok lalu enda ulih mulai kadiri agi. Enti orang nya mabok, tak naka iya pengaga ati orang ka empu rumah. Tang pengabang mega naka ulih nguji ka ubat enda mabuk barang sapa ka bisi ngembuan nya. Enti hari nyau udah tawas lalu ai pan agi mega maioh, suah lalu dipelintang ka orang ti empu rumah alu ba pala tangga laban enggai ngasoh pengabang pulai.\\nNyau tawas hari, semoa pengabang pan besikap enggau ati gaga laban ka mulai kadiri mai indu ti udah di tikah nya. Sida ke biak pan lalu begendang niti rumah ari setak ka setak ngerah semoa pengabang bebai pulai lalu ngansak sida ka indu beradu masuk ka ngepan. Sepagi-pagi nya indu ke diambi enggau bala indu pengabang bukai ke bengepan lalu beradu magang. Udah semua sida tembu beradu, dia sida lalu dibai bejalai niti rumah dua kali besundang disereta ka enggau gendang awak ka semoa orang meda pemanah gamal sida enggau pemanah ngepan. Badu bejalai niti rumah sida pan lalu nurun ka tanah begadai-gadai nitih ka munyi pangkong gendang. Semoa pengabang pulai magang enggau ati rindu mai indu enggau panjong enggau ketawa. Barang pangan ti agi mabok di ma pangan iya lalu sebarang ke ngelu pala lalu pulai ngirit diri di iring bala pangan iya nama nya rebah lalu nama meh nya iya tetrap. Nya ti ngerami bala sida ba sebelah rantu jalai.\\nEnda jauh udah ngejang ka rumah panjai indu nya tadi dia bala sida lalu ngetu, awak ka bala indu ke bengepan lalu ngetu muka ngepan sida enggai ka jai lalu begari ngena gari kena bejalai baka orang maioh. Tang enti leboh sida nya merau nengah ai dia bala sida ke indu ti bengepan nya tau enda iboh bebuka ka ngepan nyentok ka pemulai sida nyau datai ba pengkalan rumah lelaki. Udah kemas sida tembu bebuka ka ngepan dia bala sida lalu ,upok bejalai baru begadai-gadai datai ka pengumbas iya alai bala sida iya ngetu belelak tauka ngetu merarau.\\nBala sida ke begendang nadai ngetu betaboh sepemanjai jalai, udah siko-siko ga sida besilih-silih nebah gendang nya tadi. Nyau datai ba semak rumah lelaki tauka nyau ka sangkai ba pendaie pemandi tangka pangkaalan perau sida, dia bala sida dulu ngetu magang limping mandi enggau begari ngena gari manah. Orang ke enda enggau sida ngambi indu tauka orang ke endang mengkang tinggal di rumah endang udah sedia nganti penatai bala sida. Nyadi rumah sekumbang ke ditinggal ka orang ngambi indu sigi udah disikap kenyaau ari tumu pagi hari nya.\\nTempuan, ruai, pantar enggau bilik endang udah selampur dianchau ka tikai magang lalu tempuan semua dikajang pua kumbu magang sepemanjai rumah. Pia mega bilik, endang udah dipadu ka alai indu tama dulu enggau bilik laki iya udah mega dilagu sereta dianchau pua kumbu naka pemanah. Dulang enggau batu pengunsut udah disedia ka ba pala tangga enggau babi ke kaa digayang nyadi ka babi panjap ba kaki tangga kena niki ka bala ti datai endang udah garing-garing ba kaki tangga.\\nUdah tembu mandi, semoa orang lalu beradu nyendia kadiri deka niki. Semoa ngepan lalu dipasok ka baru. Orang ke beradu pan nyau besak ati laban gendang bala sida pan nyau betimbal-timbal enggau munyi gendang bala ke nganti di rumah. Tembu beradu bala sida lalu bejalai belubah-lubah nitih ka munyi gendang, dikenulu ka orang ka tuai udah nya lalu ditangkan orang bukai nitih ka penuai umor enggau pangkat ba menua nya. Leboh datai ba kaki tangga, dia apai indai indu tauka orang bukai ti dipadu ka patut sama enggau datai ari rumah indu lalu diasoh ngayang babi panjap ke lama udah garing-garing dia.\\nUdah babi panjap mati, nya baru semua bala sida niki magang tang enda diwong tauka dilanggar baka atur orang ke lelaki niki ba rumah indu maia ti mansang melah pinang. Sida iya semina dibai bejalai besundang niti rumah awak ka orang maioh sama meda pemanah gamal indu ti diambi enggau pemanah gamal bala indu bukai ti sama sampal bisi enggau datai mega bengepan kia. Udah meh chukup sundang dua tiga kali dia semua bala indu lalu dibai tama ka bilik orang bukai dulu ti endang udah disedia ka orang alai sida tama.\\nNyau kelama bala sida nya udah ngirup indah ba bilik ke alai sida tama nya, dia bala indu bukai lalu mai indu ke di ambi nya mansang tama ngagai bilik laki iya. Indu ti di ambi endang selalu di peda malu moa iya, tang ati iya di dalam nyin enda meh kitai nemu. Udah meh sida iya duduk indah, nya baru iya diasoh muka ngepan iya sereta lalu begari ngena kain enggau baju ke manah baka indu bukai.\\nEndang sigi adat leboh indu baru datai ba rumah laki iya, iya lalu dulu dibai tama ngagai bilik orang bukai. Baka nya mega endang sigi udah adat lelaki ti empu bini ke di ambi enda tau di rumah leboh bini iya niki, tang iya diasoh orang belalai ba sebelah babas tauka diau ba langkau ti semak ari rumah panjai sida nya. Kebuah alai pia, orang ka tuai nadai madah ka kabuah enggau pemali sida ngereja pengawa ke baka tu.\\nNyau udah malam hari nya baru lelaki nya datai niki ka rumah ngena gari ke naka pemanah ti dikemisi ka iya. Udah hari nyau petang, orang ke indu di bilik lalu nyerungkai sarang gari indu ke di ambi lalu ngeredai semoa gari iya dalam bilik awak ka semoa orang meda laban tu endang sigi adat.\\nLemai nya semoa orang ke lelaki makai di ruai lalu indu makai di bilik. Nya tanggong orang ti bempu pengawa. Udah babi panjap ti di kena orang niki tadi tembu dibela lalu asi pan udah mega mansau, orang pan lalu betesau bekumbai bebai makai. Semoa orang ti dudok di ruai lalu asi enggau lauk ditanggong ka ruai, lalu chapak mangkok disadong nyelinting tuboh. Diatu semoa orang makai majak kadiri. Badu makai enti agi bisi ai tuak enggau arak, dia orang lalu belaboh ngirup. Pengerami orang ka pulai ngambi indu nitih ka gaya pemisi utai enggau peneka orang ti bempu pengawa.\\nUdah sida tembu makai lemai kira ka jam nyau pukul sembilan tauka pukul sepuloh malam, indu ti diambi enggau dua tiga iko indu orang ka empu rumah lalu beradu masok ka ngepan lalu nyendiaa ka deka bebiau. Pia mega lelaki ti empu bini enggau dua tiga iko lelaki bujang bukai lalu beradu ngias diri. Udah sida semua udah tembu magang dia orang lalu ngumbai lelaki nya tama ka bilik. Leboh iya tama ka enggau sida ti ngulu ka iya lalu semua sida enggau indu mega lalu diasoh dudok ba atas setawak ti dibap ngena pua kumbu nitih ka genap tuboh semua sida.\\nTau mega dudok ba atas kerusi ti dibungkor ngena pua kumbu enti bisi kerusi chukop nitih ka genap tuboh sida. Dia sida dudok betunga moa tauka berimbai-rimbai nitih ka ator orang ti ngator sida. Malu bendar moa indu dipeda kitai, ama mirah, ama puchat gamal moa iya dipeda, lalu lelaki nya pan sama baka nya mega. Orang maioh bendar nyau dedat ngemenuh ka bilik, lalu bisi sekeda nya nilik ari sadau, lalu bisi sekeda nya bediri ari ruai enggau nyengok ari lubang penyengok ti ngimbai bilik nya laban berebut deka meda. Enti rumah nya enda tegap, tentu enda pan tan laban pemaioh orang ke begelumu dia. Dia orang rami bendar, barang ke bungah, bungah, barang ke ketawa, ketawa, sama mai ati gaga.\\nEnda lama udah nya orang ke udah dipadu asoh miau seduai lalu datai. Orang lalu nyua ka manok ti ka dikena bebiau nya ngagai iya lalu degerempong ka iya kaki manok nya tadi. Udah nya iya lalu bediri nyebut leka biau, orang maioh semua diau magang jenoh enda ragak agi laban deka mending ka munyi leka biau iya nya tadi. Nya alai pun biau iya munyi pun biau bukai mega :\\n“Sa, dua, tiga, empat, lima, enam, tu-u-u-joh !\\nAku ngangau ka petara aki, petara ini,\\nSempandai ka ngaga kitai,\\nMinta iching, minta perening\\nAwak ka bekebong baka langkit,\\nBetuchong baka bukit,\\nBetuchong baka Lingga,\\nBulih mudah, bulih gerah,\\nBaka pisang lulong anak,\\nNadai apa ko petara.”\\nPengabis leka biau dia manok nya tadi lalu disayat, orang pan lalu begau nempap ka jari laban gaga ati. Udah nya darah manok nya tadi lalu dikena ngenselan seduai ti jadi melaki bini. Lepas nya orang lalu belaboh baru ngirup ai bisa, bungah enggau makai utai naka pemisi utai ke bisi diayan ka dia. Lelaki ti dibiau tadi lalu pansut ka ruai, lalu indu nya bedau meruan mengkang diau di bilik nya mega. Nyau jauh malam dia orang serumah nya pan nyau pulai tindok ngagai bilik diri empu magang laban nat ka pengelelak diri ti udah dua tiga hari udah. Tang lelaki ke bebini nya apin patut tau begulai tindok enggau bini iya malam nya.\\nGenap tiga malam ka empat hari indu nya udah datai ba rumah lelaki ke alai seduai melaki bini pan nyau ka nurun nyundang pinang ngagai rumah indu. Bisi siko dua orang ke bujang sama enggau ngulu ka seduai lalu nulong seduai mai gari, penganan tauka utai bukai ngambi ka bisi ditemu orang leboh ti ngulu penatai seduai ba rumah indu. Taja pan timpoh endang genap tiga malam alai nyundang pinang, tang enti sema ka sida bisi enda lantang tauka jai mimpi, bisi ninga burong jai tauka ninga orang bisi parai, apin ga sida nyadi sehari nya, tang nganti leboh maia hari bukai ke lantang agi.\\nEnti bisi orang parai di dinga rita sekumbang seduai ka apin nemuai, nya enda manah. Tang udah nya seduai tau belega enda begulai sebulan dua. Pia mega enti bisi mimpi enggau burong jai dalam kandang pemali, seduai diasoh belega dulu tauka diasoh empa orang ke sigi ditemu tau makai burong, makai mimpi awak ka tabar nadai pulai ke apa nama. Lalu pia mega enti sema ka burong tauka mimpi nya tak balat jai diabas enggau atau babi kena nyenaga iya. Enti atau babi nya jai seduai enda tau jadi melaki bini. Tang utai ke baka tu jarang bendar nyadi laban enti burong balat jai datai ka dua tiga iko orang diasoh makai awak ka iya tabar lalu enda pulai ka penusah.\\nTang tau mega nyadi enti lelaki tauka indu nya madah kadiri bisi mimpi jai ditempa ka iya ngapa kategal laban enggai agi jadi tang takut ka betimbang mai sarak. Tang utai baka nya mar bendar kitai ka nyagam. Nyangka laban endang enda tentu deka bebendar jadi enggau pangan diri, tang laban ke alah dipejal ari ator apai indai tauka oaring bukai.\\nLalu limping pulai baru ngagai penurun seduai ti ka mansang nyundang pinang nya tadi. Leboh ba serantu jalai sida iya sama-sama mending lalu berati ka gaya munyi burong. Enti lelaki nya endang orang ka nemu burong sida manah, iya enggai nusoi ngagai orang bukai laban ending ditemu iya manah tang enggai ka kabau. Leboh datai di rumah dia sida lalu niki baka temuai ke bukai mega. Udah begari udah dudok indah dia orang serumah nya lalu datai ngulu penatai sida. Orang ke indu begulu dibilik lalu orang ke lelaki begulu di ruai.\\nSemoa utai di empa ti di bai sida lalu diserungkai ngambi ka bisi di empa orang ka ngulu sida. Sarang gari lelaki lalu diserungkai, lalu semoa gari iya lalu diredai orang di ruai awak ka orang maioh meda gaya pemanah laban nya endang gaya adat. Maioh pan gari lelaki nya iya sigi enda taau nginjau selambar dua gari ari orang bukai enti nitih ka adat orang kalia. Tiga hari, tiga malam semoa gari nya ari meruan mengkang diredai di ruai.\\nSekumbang tiga malam nya, lelaki nya patut tindok di ruai. Enti iya nemu reti adat orang ke belaki bebini, iya sepatut iya anang guai tindok dulu ari orang ka empu rumah tang naka ulih tiga lemai nya nat kadiri bejaga leboh orang ke datai nungga iya. Kabuah pia, laban enti semoa orang udah tindok magang, iya bisi ninga rusa, kijang, pelandok, punggu laboh tauka burong bukai enti orang bukai serumah nya nadai ninga, tang semina iya aja ke nemu. Nya manah bendar burong ngasoh kitai tau kaya, ngasoh kitai tau raja, tauk ngasoh kitai panjai umor tauka berani nyadi tuai orang maioh. Tang enti orang bukai serumah nya bisi ninga lalu bisi nyebut pagi siti, burong nya enda dikumbai manah lalu enda tau enda diasoh iya empa orang, tauka seduai iya belega dulu enda lama.\\nEnti lantang udah lepas tiga malam seduai iya pan lalu mulai kadiri ngagai rumah lelaki. Seduai ke enggau nganjong iya nyundang sigi endang udah pulai dulu laban naka semina semalam aja. Udah seduai angkat, semanjai jalai seduai bejalai enggau lantang mending ka munyi burong engka seduai iya bidik bisi ninga burong manah nyentok ka seduai iya datai ba rumah sida empu. Enti semua ka seduai bisi ninga burong enda manah tauka jai dia seduai iya lalu ngasoh orang makai burong nya awak ka tabar nadai pulai ke apa nama dudi hari ila.\\nUdah seduai datai dirumah pulai ke nyundang pinang, lalu naka nya meh ka pengaabis adat kitai Iban ba pengawa Melah Pinang lalu seduai iya tau begulai sejalai melaki bini nadai penti pemali agi lalu nadai betimpoh alai tau nemuai. Udah nya seduai iya tau nemuai lantang ati, nitih ka pengelantang enggau peneka ati seduai melaki bini. Enti baka lelaki nguai ka indu, udah lepas nyundang pinang nya baru seduai tau mulai ka diri nitih ka pengelantang ngagai rumah indu. Ator ka manah setaun nya seduai datai gawa kia-kia ngagai rumah apai indai lelaki, enggau rumah apai indai indu. Reti nya sama ngelama nya ba bilik lelaki , lalu ngelama nya mega ba bilik indu sekumbang seduai iyaa ke gai rumpas bedau bisi anak enti sema ka menua nya bengat tak enda jauh. Pisit agi seduai datai nemuai lalu manah agi ga setaun nya tang ukai belama iya. Siti kebuah manah enti pisit nemuai sekumbang taun baru jadi melaki bini laban semoa diri sebilik ti ditinggal ka seduai belaki tauka bebini endang enda lantang ati, lalu enti seduai iya bejarit nemuai enda tentu balat berasai ati sunyi sereta lelenggau kaa pangan diri. Leboh menantu enggau anak baru datai nemuai dia bala mentua sigi naka iya pengaga ati nyambut penatai seduai, ukai ba siko aja tang ba semua kaban belayan ke ngelala seduai ke udah begulai jadi melaki bini sigi endang ngembuan ati baka nya magang.\\nEnti orang nya lalu sarak baru udah melah pinang, sekali ka lelaki tauka indu nya enggai agi ka pangan enggau nadai tentu meruan tegal ti tau ngasoh sarak. Dia barang sapa bagi seduai ti ditemu dulu muai pangan ka kena tinggang penyalah nitih ka pemesai ukum ba menoa nya. Enti sema lelaki muai indu, penyalah nya besai agi ari enggi indu. Nambah ka ukum Perintah iya mega di pinta mayar pemalu ngagai orang ti dibuai, nitih ka gaya pemesai adat ti selalu di kena ba menoa nya. Bisi mega sekeda lalu apin sempat begulai melaki bini takua enda tanti ka nyundang pinang alai seduai iya lalu muai pangan diri, tang pengawa ke baka tu jarang bendar kala nyadi.\\nUtai ke baka tu selalu nyadi enti barang sapa ari seduai ka jadi nya ending sigi enggai ka pangan, sekali ka enggai kategal gamal tauka endang udah bisi orang bukai ti udah di kedeka ka ati, tauka maioh tegal bukai, tang kebuah alai ke enggai enda nyadi melah pinang laban ari jako pejal apai indai. Kebuah alai enggai enda minta adat pemalu ngagai iya ke muai nya, laban tu meh pengawa ke dikumbai orang semina ngabas ruang bilik orang, nya kebuah ke ngasoh apai indai malu. Pengawa ka bansa nya endang naka penyai ba adat kitai Iban ke belaki bebini, semina beduan, ngayah, ngasa, ngemalu lalu ngerugi orang ba menoa nya. Suah mega apai indai iya ti dibuai nya lalu minta bayar ganti pengerugi belanja ti udah dikena sida iya ngerami pengawa melah pinang.\\nEnti sema ka seduai iya nya nyau sarak udah antara bulan tauka antara taun, taja pan nyau nadai tentu tegal lempong agi ga penyalah lalu pemalu nya nadai dipinta apai indai seduai ke di buai. Tang enti sema ka seduai iya nya sarak leboh seduai iya nyau udah bisi anak, dia iya ka lain agi ga gaya adat di pinta. Iya ke di temu kitai jarang bendar orang ti udah bisi anak ka sarak enti nadai kebuah tegal ti besai, laban leboh maia nya kitai nyau nemu berunding, laban ati nyau lebih agi ngerunding anak. Iya ke diatu adat Iban muai pangan kelalu balat lempong, nya alai orang mudah bendar ngelengka muai pangan.\\nBisi mega kitai kala ninga runding orang ti endang rindu ka diri dikumbai orang maioh rambang, laban pengawa baka nya manah ko ati sida. Kebuah alai pengawa nya manah ba ati sida laban maioh orang ke deka jadi enggau sida, lalu sida ngemenang ka diri di dinga orang tampak rita suah bebini suah belaki sereta maioh anak telesak kin kitu. Pelaba ka aku maioh kitai ditu enda tentu setuju enggau aku ti nyebut, ngumbai ati enggau runding ti baka nya sigi salah bendar sereta enda tau enda diketu tauka diubah.\\nJangka aku orang ke jadi melaki bini ngena atur Adat Melah Pinang deka lubah agi ngereja pengawa sarak enti leboh sida ngereja pengawa ke ngatur nya chukop jako, chukop aum bala apai indai enggau seduai ke jadi melaki bini nya tadi. Laban sida iya bisi ngenang baka ni ko gaya pengerugi enggau pengiroh sida empu enggau kaban belayan kulu kili ti sama udah enggau besaup ngereja pengawa leboh ti rami nya. Nya alai enti ulih anang meh ngudah kadiri bebini belaki laban enda lebu ko asai kitai jadi enggau pangan diri bisi pengiroh enggau pengerugi.\\nPosted by John Adam Gilbert at 12:45 AM","num_words":15757,"character_repetition_ratio":0.053,"word_repetition_ratio":0.0,"special_characters_ratio":0.193,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 20 BK - Ku TUHAN bejaku ngagai Moses, “Sebut - Bible Search\\nAdat Lewi 19 Adat Lewi 21\\nAdat Lewi 20\\nUkum Ketegal Enda Ngasi\\n1Ku TUHAN bejaku ngagai Moses, 2“Sebut ngagai orang Israel: Enti kita orang Israel, tauka orang kampar ti diau begulai enggau kita, nyerahka anak diri ngagai petara Molek, orang nya deka dituku semua orang Israel ngena batu datai ke iya mati. 3Enti orang nyerahka anak iya ngagai Molek, lalu ngamahka Langkau Kain Aku ti kudus, sereta mechat nama Aku ti kudus, Aku deka ngelaban iya, lalu enggai agi ngumbai iya nembiak Aku. 4Lalu enti orang Israel enda bedulika utai ti udah dikereja iya, lalu enda munuh iya, 5Aku Empu deka ngelaban iya, sereta ngelaban semua sida sebilik, enggau ngelaban semua orang ke sama enggau iya enda tetap ati ngagai Aku, lalu nyembah Molek. Aku enggai agi ngumbai sida nembiak Aku.\\n6“Enti orang betanya ngagai orang ke bejaku enggau semengat orang ke udah mati, tauka betanya ngagai manang, Aku deka ngelaban iya lalu enda agi ngumbai iya nembiak Aku. 7Kita enda tau enda kudus, laban Aku tu TUHAN Allah Taala kita. 8Kita enda tau enda ngasika adat Aku, laban Aku tu TUHAN ti nguduska kita.\\n9 “Barang sapa nyumpah apai tauka indai diri, deka dibunuh. Kita empu deka betanggungjawapka pemati diri.\\n10 “Enti lelaki butang enggau bini orang Israel, lelaki enggau indu nya deka sama dibunuh. 11 Lelaki ke beleman enggau siku ari bala bini apai iya, ngemaluka apai iya, lalu iya enggau indu nya deka sama dibunuh. Seduai iya deka betanggungjawapka pemati diri. 12 Enti lelaki beleman enggau menantu indu iya, seduai iya deka sama dibunuh. Seduai iya udah ngereja seks ti salah, lalu seduai iya deka betanggungjawapka pemati diri. 13 Enti lelaki beleman enggau lelaki, seduai iya udah ngereja utai ti jai, lalu seduai iya deka sama dibunuh. Seduai iya deka betanggungjawapka pemati diri. 14 Enti lelaki jadi enggau indu, lalu jadi mega enggau indai indu nya, semua sida tiga nya deka ditunu datai ke mati, ketegal utai ti balat ngemalu ti udah dikereja sida. Utai ti baka nya enda tau ditejuka nyadi ba bala kita. 15 Enti lelaki beleman enggau jelu, iya enggau jelu nya deka sama dibunuh. 16Enti indu nguji beleman enggau jelu, iya enggau jelu nya deka sama dibunuh. Seduai iya deka betanggungjawapka pemati diri.\\n17 Enti lelaki jadi enggau menyadi indu diri, tauka menyadi-tiri diri, seduai iya deka dipechat di mua orang mayuh, lalu dibuai ari bansa orang Israel. Lelaki nya udah beleman enggau menyadi indu diri, lalu iya deka betanggungjawapka penyalah nya. 18 Enti lelaki beleman enggau indu ke datai kain, seduai iya deka sama dibuai ari bansa orang Israel, laban seduai iya udah ngelanggar adat pasal utai ti enda tuchi.\\n19 Enti lelaki beleman enggau ibu iya empu, seduai iya deka sama betanggungjawapka penyalah nya laban seduai iya udah ngereja seks ti salah. 20Enti lelaki beleman enggau bini aya iya, iya ngemaluka aya iya, lalu iya enggau indu nya deka sama kena ukum. Seduai iya deka sama punas. 21 Enti lelaki ngambi bini menyadi diri, seduai nya deka mati punas. Lelaki nya udah ngereja utai ti enda tuchi, lalu udah ngemaluka menyadi iya empu.\\n22Ku TUHAN bejaku, “Titihka semua adat enggau pesan Aku, ngambika kita enda ditulak menua Kanaan, alai Aku ti deka mai kita. 23Anang nitihka adat asal orang ke diau di menua nya. Aku udah muru orang bansa bukai ari menua nya, ngambika kita tau tama ngagai menua nya. Sida udah ngasuh Aku keji laban semua penyai ti udah dikereja sida. 24Tang Aku udah besemaya deka meri menua ti kaya sereta ami nya nyadika pesaka kita, lalu Aku deka meri menua nya ngagai kita. Aku tu TUHAN Allah Taala kita, lalu Aku udah nyeraraka kita ari semua bansa bukai. 25Nya alai, kita enda tau enda ngaga bida entara jelu enggau burung ti tuchi ari sida ke enda tuchi. Anang makai jelu enggau burung ti enda tuchi. Aku udah ngumbai sida enda tuchi, lalu enti kita makai sida, utai nya deka ngasuh kita enda tuchi. 26Kita deka nyadi kudus lalu diempu Aku siku aja, laban Aku tu TUHAN, lalu Aku tu kudus. Aku udah nyeraraka kita ari bansa bukai, ngambika kita diempu Aku siku aja.\\n27“Lelaki tauka indu ke bejaku enggau semengat orang ke udah mati, deka dituku ngena batu datai ke mati. Barang sapa ngereja utai nya, deka betanggungjawapka pemati diri.”","num_words":704,"character_repetition_ratio":0.107,"word_repetition_ratio":0.012,"special_characters_ratio":0.209,"stopwords_ratio":0.408,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2017-09-17 - Semaya TPM deka lengkas mutarka penanggul sekula rusak disukung\\nSemaya TPM deka lengkas mutarka penanggul sekula rusak disukung\\nEndang patut laban penanggul nya udah lama, suah dikenataika ngagai KPM\\nUtusan Borneo (Sarawak) - 2017-09-17 - Berita Iban - Dikarang Rengenyan Labang\\nKUCHING: Pengawa enggau semaya Sapit Menteri Besai Datuk Seri Dr Ahmad Zahid Hamidi ke deka lengkas mutarka penanggul sekula rusak di Sarawak, nerima sukung penuh ari Kesatuan Guru Bumiputera Sarawak (KGBS).\\nPresiden KGBS, Ahmad Malie madahka pekara nya endang patut berindik ari penanggul nya ti udah lama sereta suah dikenataika ngagai Opis Menteri Pelajar Malaysia (KPM).\\nIya ti ngarika gerempung nya ngarapka udah tu atur pengawa nya amat bejalai enggau lanchar sereta ulih nyadi nyata.\\n“KGBS nyukung penuh pengawa sereta semaya YAB Sapit Menteri Besai Datuk Seri Dr Ahmad Zahid ti deka mutarka penanggul sekula rusak di Sarawak enggau jampat.\\n“Kebuah KGBS madahka diri amat nyukung tu laban penanggul sekula rusak di Sarawak udah lama sereta suah dikenataika ngagai KPM sebedau tu, tang atur mutarka penanggul nya bisi lubah mimit taja pan bisi ungkup ungkup belanja udah dikemendarka dalam bajet sebedau tu, dikena ngemanahka sekula rusak nya.\\n“Ba penemu KGBS, semaya enggau penerang ti dibantaika nya patut disempulang enggau timpuh ke udah ditetap lalu dipadah ngagai mensia mayuh dikena ngenukuka semaya nya dikeamatka,” ku iya lebuh ditanya Utusan Borneo.\\nAhmad meri penerang iya lebuh dipinta meri saut bekaul enggau penerang ke dibantaika Sapit Menteri Besai nya ti besemaya deka neruska pengawa ngemanah tauka ngaga baru sekula ke udah rusak di Sarawak.\\nNgenang pekara nya baru, KGBS bepenemu enti nadai dipadah sereta ditetapka timpuh nya dipejalaika, ulih disema baka semaya aja lalu pengujung iya rayat nganti projek ke udah dipadahka tang nadai nyadi.\\n“Nya alai KGBS ngasai sereta netapka udah datai ba maya iya tetiap semaya enggau pekara ti bekaul ke udah dipadah, patut dikeamatka enggau lengkas ke pemaik enggau pengelantang semua piak kelebih agi bala nembiak ke nyadi klien ba sekula ke udah rusak sereta patut dikemanahka,” ku iya.\\nApin lama di Sibu, Ahmad Zahid meri perambu pakej belanja dikena mutarka isu sekularusak di nengeri tu seraya madahka semina urung 29.8 peratus ari penyampau semua sekula di Sarawak dalam kategori datai ba tikas lantang tauka likun endur belajar lalu ke laluh iya ba tikas sekula rusak.\\n“Seiti ari chara mutarka sekula jai di nengeri tu iya nya nengah pakej belanja. Nya alai perintah deka terus mekuh sereta meri komitmen tinggi ngemansangka baru semua sekula rusak Sarawak ke nyadi seiti agenda besai menua,” ku Zahid, di Sibu apin lama.\\nPenyampau semua sekula di Sarawak bisi 1,454 buah lalu ari penyampau nya 1,020 sekula dalam tiga kategori rusak ti nyengkaum sekula jai kategori tiga bisi 415, sekula rusak kategori dua (210) enggau sekula daif kategori satu bisi 395 buah.\\nNitihku Zahid, kategori tiga ba tikas lebih ari 75 peratus rusak lalu tebal agi udah manggai lebih 70 taun sereta deka dulu diganti enggau dikemanah.\\nKategori dua ku iya, sekula ba tikas kurang ari 70 peratus sereta begunan nya urung 40 taun sereta patut dikemanahka sereta ketegori satu iya nya sekula ti ba tikas diguna urung 70 peratus.\\nDikena mutarka isu nya Zahid madahka, perintah besai nengah Langgur Pemansang Malaysia Lumpar Ke- 11 ( RMK11) udah ngemendarka 30 projek pemansang baru sekula ti dipejalaika di nengeri tu.\\nKebuah KGBS madahka diri amat nyukung tu laban penanggul sekula rusak di Sarawak udah lama sereta suah dikenataika ngagai KPM sebedau tu, tang atur mutarka penanggul nya bisi lubah mimit taja pan bisi ungkup ungkup belanja udah dikemendarka dalam bajet sebedau tu, dikena ngemanahka sekula rusak nya. Ahmad Malie Presiden KGBS","num_words":563,"character_repetition_ratio":0.082,"word_repetition_ratio":0.13,"special_characters_ratio":0.189,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Peminta menyadi soldadu ti lenyau deka diperunding - Suara Sarawak\\nKUCHING: Morni Edmund Rapi, 44 menyadi Koperal David Edmund Rapi soldadu ti lenyau maya operasyen di Pulau Perak minta pemendar ngambi barang menyadi iya di Semenanjung din.\\nMenteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Sri Fatimah Abdullah madah Morni bisi betelefon enggau iya ensanus mantaika pengingin ati ngambi barang menyadi sida pulai.\\n“Morni bisi betelefon enggau minta bantu perintah ngambi barang menyadi iya pulai ke Sarawak.\\n“Dia iya (Morni) minta bantu meli tambang bilun enggau palan endur diau din,” ku iya.\\nFatimah bejaku munyi nya lebuh ditanya pemberita maya Program Nyadung Dagin Lembu ngagai Anak Patu Balu enggau Indai Tunggal ba Surau Darul Muallimin Taman Desa Guru ditu, kemari.\\nNERANG…Datuk Sri Fatimah Abdullah lebuh ditanya pemberita maya Program Nyadung Dagin Lembu ngagai Anak Patu Balu enggau Indai Tunggal ba Surau Darul Muallimin Taman Desa Guru ditu, kemari.\\nKu iya, pekara ti dipinta Morni nya deka dipadah ngagai Raban Soldadu Malaysia (ATM) awakka kaban David ulih ngambi barang iya ba dalam kem.\\n“Aku madah ngagai Morni kami deka berati dulu laban deka netapka jam penerebai bilun ari Kuching ngagai Langkawi sereta timbal ari ATM laban orang luar enda ulih sengapa masuk kem.\\n“Ba Semenanjung din kitai minta bantu ari Rumah Sarawak ngatur palan endur sida diau.\\n“Aku ngarapka piak ATM meratika peminta kaban belayan kekedua soldadu tu,” ku iya.\\nApin lama kaban Koperal David Edmund Rapi enggau Koperal Moses Logers bisi betemu enggau Fatimah ba opis iya di Begunan Baitul Makmur madah deka betemu enggau orang ti ngempu tanggungpengawa ngiga dua iku ti lenyau nya tauka operasyen SAR.\\nKelimpah ari nya, kekedua kaban belayan dua iku soldadu nya mega minta pemendar enggau ngiga seduai tang nyentuk diatu sida lalu bedau bulih sebarang timbal ari piak ATM sentang nya.","num_words":289,"character_repetition_ratio":0.058,"word_repetition_ratio":0.1,"special_characters_ratio":0.175,"stopwords_ratio":0.208,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ulu Paku MTB Jamboree 2018 diatur baru kena Okt 6-7 | DayakDaily\\nUlu Paku MTB Jamboree 2018 diatur baru kena Okt 6-7\\nOct 2, 2018 @ 13:47\\nPoster Ulu Paku MTB Jamboree 2018\\nKUCHING, Okt 2: Ulu Paku Jamboree 2018 deka diatur baru kena Okt 6-7 ti deka datai tu.\\nNitihka penerang, pekit nya ke diatur taun tu berambaika leka jaku ‘Cycle Into Adventure’ benung nesau mensia mayuh ngambika ngerejista diri nyereta pekit nya.\\nPekit nya dibuka ngagai beberapa kategori baka Lelaki Tebuka, Veteran, Nembiak (junior), Tetutup Betong enggau Tebuka Indu.\\nBa kategori Lelaki Tebuka, pekit nya bisi nyendiaka perais mata duit RM1,800 ungkup champion, RM1,400 (lumur dua), RM1,000 (lumur tiga), RM500 (lumur empat), RM300 (lumur lima), RM200 (lumur 6 dan 7) lalu RM150 ngagai ti ba penuduk lumur lapan ngagai sepuluh.\\nUngkup kategori Veteran, bisi nyendiaka perais mata duit RM 900 ke champion, RM 600 (lumur dua) RM 400 (lumur tiga), RM300 (lumur empat), RM200 (lumur lima), RM100 (lumur enam), RM70 ungkup lumur tujuh ngagai lumur sepuluh.\\nNgagai kategori Nembiak (Junior) champion deka mai pulai perais mata duit RM700, RM500 (lumur dua), RM300 (lumur tiga), RM200 (lumur empat), RM150 (lumur lima), RM100 (lumur enam), RM70 (lumur 7 ngagai lumur 10).\\nBa kategori Tetutup Betong, champion deka nerima perais mata duit RM600, RM 400 (lumur dua) RM200 (lumur tiga), RM150 (lumur empat) RM 100 (5 dan 6) lalu RM 100 ngagai pesereta ke ba penuduk lumur tujuh ngagai lumur sepuluh.\\nUngkup kategori Tebuka Indu, champion deka mai pulai perais mata duit RM600, RM400 (lumur dua) RM200 (lumur tiga), RM150 (lumur empat) RM100 (5 dan 6) lalu RM100 ngagai pesereta ke ba lumur tujuh ngagai lumur sepuluh.\\nPesereta ke deka masuk pekit nya dipinta mayar bayar masuk RM60 siku.\\nPekit tu diatur pampang Parti Pesaka Bumiputera Bersatu (PBB) Betong nengah kerejasama enggau Majlis Perbandaran Betong sereta disukung beberapa ejensi perintah enggau NGO baka Opis Polis Betong, Opis Perengka Pengangkut Darat Betong,\\nPekit tu deka ditutup kena Oktober 6, 2018.\\nPenerang ke silik agi tau ditanya ngagai Amy ba lumur 103 800 6109, Douglas (019 836 8676) enggau Nazri (012 725 5537). — DayakDaily\\nPrevious articlePolis cekup dua penjenayah curi motosikal\\nNext articleNothing new if I am challenged in next state polls — Masing\\nLumba ‘Ulu Paku Mountain Bike’ Ke-2 mujur diatur","num_words":327,"character_repetition_ratio":0.094,"word_repetition_ratio":0.179,"special_characters_ratio":0.287,"stopwords_ratio":0.135,"flagged_words_ratio":0.0,"lang_id_score":0.973,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tansang Indai Dara: February 2011\\nKala Agi Bisi Peluang\\nTadi maia ke bepisbuk sempat berandau engau kaban. Nya meh ia madah \"sanu nemu nuan cerita skandal sanu nyin\" Enda ah ko aku laban nadai kuntik engau sida. Ia kebendar semenua lalu maia sekula primary suba sekelas ari primary 1 - 6 udahnya aku pindah sekula. Maia nyambung pom 6 begulai baru sereta sekelas.\\nTi maia pulai ke menua asai aku enda kala betemu laban nama pulai sigi alu sangkai di rumah panjai diri empu jarang ngetu di pasar.\\nNyu pulai ke cerita skandal ia nya tadi kaban aku madah ia udah dipindah ke endur kereja laban bini ia bisi ngereput pengawa ia kenda betul ngagai upis endur ia kereja. Tambah mega ia udah ditendang indu ke engau ia skandalnya ko cerita. Nyadi kaban aku ke nusi ke cerita tu nemu laban bini ia besadu ba kaban ia.\\nUji nuan ngecek ba pisbuk indu ke skandal engau kaban tua J nya nuan - diberi ia meh nama alu meh aku tu meda meh gambar maia urang memadu asmara kuang-kuanggggggggggggggg. Kaban aku J tu ukai bansa ke jelas-jelas pendiau tauka jegak sengapa. Kira mereti mimit ga pendiau ia. Nya meh ko aku sigi gaya pengidup maia aritu, enda milih laki urang, bini urang tauka bujang dara sama aja ngereja pengawa bakatu. Nya meh sempama jaku laut ikut hati mati ikut rasa binasa. Kelalu ka ngiga jalai muntang muai masalah. Nya ko ia sigi enda ulih percaya 100% - Auk ahhhh ko aku ga nyaut. Asai ati engau runding aku - aku sigi baka bateri jenama eveready nya aku semampai sedia laban utai nyadi puh enda disandang. Ko asai ati mehnya enda nemu keni ti utainya udah nyadi ba diri empu ga.\\nMaioh meh cerita skandal kaban kami duai J nya di cerita ke kaban aku maia berandau ba pisbuk tadi. Nyentuk ke hp sida lelaki ke ngena no 010 ditusi ke bini ia ngagai kawan kepada kawan akunya meh. Keno ko bini ia laban nyu cukup pedis ati meda pengawa J nya tadi dia meh entua ia ngereja ke hp no 010 J nya enda ulih engkebut keno. Enda \"IDUP\" meh 010 nya muahahahaaaaaa . tusah urang laki wai nama ti nadai line 010 sida 012, 013.014.016, 017 ukai ulih kena wakakakaka, nama penyadi????\\nKeno ko cerita bini J nya tadi ngampun diri meh ia agai bini ia . Laban bini ia sigi enda ka sara tang meh ngajar ia mimit ngambi nemu langit tinggi enda ulih jengkau\\nUkai ga binsi budi tang ngambi ke lalau kitai semua.\\nPosted by Indai Dara at 22:49 2 comments:\\nNyu pemuas nyadi ga prugrim sida indai dara ke nyadi mudil enda bebayar. Engai enda nunda urang keno. Tang baru perasan ke back ground enda berapa. Pia pan\\nPosted by Indai Dara at 19:51 13 comments:\\nSelamat Ujung Minggu ngagai kaban blogger\\nAram ngelantang ke ati benyamai diri maia ujung minggu tu ngicha ke Tuhan meri berkat engau pengelantang ngagai kitai semua. Amen\\nPosted by Indai Dara at 11:58 3 comments:\\nKadang-kadang ti maioh maca cerita ti sinu engau tusah ati nyu ngasuh maioh agi utai nyu beserabut dalam untak. Ti maca status ba FB, posting ba blog meda cerita ba TV maca berita ba newspaper engau macam agi ke maioh cerita pasal penusah.\\nDiatu nyu udah berumur lain amat sepi aku tajapan ukai penusah engau penanggul ba diri empu, tang penusah kaban belayan tauka urang dikelala nemu ngasuh untak beserabut alu enda ulih tinduk ngenang penusah sida. Ia ga sigi bansa urang ke pedis amat ninduk ke leka mata. Nyu ka siang ari baru ka tinduk, udah ka mesti tumu dani beranjung bala anak sekula.\\nPengidup aku tu enda ga merinsa tang ukai ga urang ke senang tauka kaya. Munyi ko jaku urang maia ari tu sedang-sedang aja. Ngarap ke laki nupi laban kenda kereja. Pia mega laki semina makai gaji aja. Urang ke ditupi tudah laki kiba kanan atas baruh. Kadang-kadang meda kitai nyamai mimit pengidup ari bala menyadi, ipar, kaban belayan alu deka kitai magang nulong sida ia. Sekali tua nulong alu kitai belama endur bepangai. Ko jaku nginjau tang ALU NYADI LESUNG. Agi 6-7 kali agi tua ulih nulong, tang enti nyu ngambi peluang ba kitai engai nyadi ga.\\nAku ka engka laki aku engai kelebih agi enti baka aku ke nadai kereja ngarap ke laki nupi , pia mega laki aku ka nulong engka aku ga enda setuju. Kati ko nya dehhhhh???? Idup kemaia ari tu pedis amat, diri menyadi, diri mipar sangup meh bejai kitai kulu kili laban nyu enda sangup nulong tauka endur minjau duit tauka endur meri duit. Enda ibuh kira kaban belayan ke jauh mimit nadai kira agi pemanah kitai ngelama tu sigi alu di langit din endur penyaie tua ke enda ulih nulong sida belama.\\nBa ya nama runding nyu tusut, ati pan enda meh berapa senang. Nuan idup sedang pan tusah enti idup tusah enda ibuh kira agi penusah. Nya meh petara meri untak kena berunding tang meh kitai mensia buruk amat ke berunding ngiga pengidup, semua ka utai mudah magang. Enti ulih semua ka nelentang ke tapa aja minta tulong.\\nNya meh pengidup mensia sigi enda ulih rari ari penusah. Munyi ko urang serah aja meh pengidup ngagai Tuhan ngambi meri pengelantang dalam pengidup tuai. Penguji ba kitai siku-siku enda sama. Tang nadai mensia dalam dunya tu ulih rari ari penguji.\\nNesal Dudi Nadai Reti\\nSigi enda kala datai dulu tesal kitai mensia sigi dudi belama.\\nti kitai nemu utainya enda manah tauka jai madah manah anang ngauk ngapa laban ke nyaga ati kenu\\nlaban bisi urang jampat enda ingat tauka enda peduli bisi urang ingat sampai ke parai\\nti nemu nadai sangkut paut ba ia anang kiruh nanya - pajak ke ajak laban ti ia meri anak jaku diguna kenu tang udahnya madah enda manah engau maioh macam utai bukai.\\nTi ulih ngelesap kediri baka urang ke silap mata @ magic sigi meh ka asai lesap terus nadai dipeda agi\\nPosted by Indai Dara at 23:03 2 comments:\\nKelab Kurang Calcium Indai Urang\\nAku ari minggu nyin kemari ng\"update\" status ba FB \" KEBURUKAN TULANG\" - hahaha maioh bala indai-indai nyaut .Nya meh indai lani @ Valentina alu madah sigi gaya nama udah umur 40an keno laban calcium nyu kurang nya meh lembau\\nBetty Inyau, Marisa Jo Omar, Medeline Prada Mansom and 2 others like this.\\nSharon Jawai Alexander ku ngelusu meh\\nSunday at 10:22 · LikeUnlike\\nRamuni Buda Jom kita sama2 'buruk' ....am nyepa, nyalon :;\\nSunday at 10:29 · LikeUnlike\\nJenny Jeli aku rajin..baru abis vacuuming lantai...Enhanced by Smiley Central\\nSunday at 11:06 · LikeUnlike · 1 personLoading...\\nSylvia Thomas Salang Ku baru abis masu pinggai Enhanced by Smiley Central))\\nSunday at 13:22 · LikeUnlike\\nSJA - akaiiii aku tu makai pusu belama - \"ngelusu mode\"\\nRB - hehehe kemari dah nyalon - nyepa lama dah nda muncung mulut bos musaiiii\\nJJ - pewitttttttt nye bisi urang nyangkung bikium\\nSTS - ti engi nuan dah abis, kitu nulong aku ahaaaaaSee more\\nSunday at 13:56 · LikeUnlike\\nMedeline Prada Mansom Gari empai tuchi\\nSunday at 14:04 · LikeUnlike\\nLily Spegie mac - benung engi aku dia hehehe baru kedua sekali da agi baru tembu, kemari enda bebasu, ti suba sigi dikumbai urang \"Laila\" bisi lagu iban kelia nama indu buruk ba leka lagunya laila. Suba ringat kumbai urang buruk diatu nadai ku kisah hehehe sigi ga amat ngelusu Enhanced by Smiley Central\\nSunday at 14:16 · LikeUnlike · 1 personLoading...\\nShafiyyah Dolly Hillary Mama Nana- munyi ko kaban aku nyamai nitih jadual diri empu. ka besapu nyapu enggai enda. ha..ha... suka hati aku la labu. suah ngelusu mode nya enggi aku.\\nSunday at 17:26 · LikeUnlike\\nLily Spegie Hahaha makin tuai makin balat ngelusu mode nyerang - Ba ya maia ka gawa maia engai alu meh nama urang majak bejaku alu urg ke bejakunya asuh ku ngereja hahaha baik punya bini\\nSunday at 17:49 · LikeUnlike · 1 personLoading...\\nSylvia Thomas Salang Apu maioh amai bala mummies tu ka join club nuan Ly, Enhanced by Smiley Central) tugas yg tak habis2 sampai ke tinduk malam.. ngelipat gari minat ku Ly masu pinggai enda ulih nulong nuan pedis mat jejari tu kena umo! Haaaa\\nSunday at 19:11 · LikeUnlike\\nValentina John sigi gaya pama bini udah manggai 40an neh Ly munyi nya meh saut, tulang udah kurang calcium.\\nSunday at 19:26 · LikeUnlike · 1 personLoading...\\nSTS - keni enda nama kelab tu ila ney \"The <>\\nVJ - hehehe amatnya w... ai parai ti beli ke sida laki tusu betin-tin ngambi maioh calcium kenoEnhanced by Smiley Central nama enda kedalih sida labu labi Enhanced by Smiley CentralSee more\\nSunday at 21:58 · LikeUnlike · 1 personLoading...\\nSylvia Thomas Salang Hahahahaa kurang calcium VJ sigi nemu.. Enhanced by Smiley Central) pedis tulang rang ketawa haaa kurang calcium mehnya kini Val! Enhanced by Smiley Central))\\nSunday at 22:58 · LikeUnlike\\nBetty Inyau hahaha aku ketawa kediri meh Syl, sigi nemu kawan kitai VJ n LS enti udah cerita.\\nYesterday at 00:40 · LikeUnlike\\nLily Spegie Nya lapa deh nyu pansut olang ostilia ninga kitai chapuh..... Nama brita wai? Lama nadai ninga rita aeduai Rosyta\\nYesterday at 07:27 · LikeUnlike\\nBetty Inyau hehehe bendar ku ketawa ke kelab Calsium Mummies nya wai! Nemu endar bala mummies ngasoh chapuh ketawa. Manah berita kami cda Rosyta d2 bc ia baru udah pulai bejalai ari aku tadi.\\nLily Spegie hehehe kena ngemandak ka ari randau sida mami calcium nya. Padah agai rosyta kirim salam lelengau, nuan baik selalu agi ba FB n selalu bisi gambar ba FB mega. Bisi aku msg ia engka nadai nyenguk FB ga ia. Ti pala agung enda pedis bisi nyenguk baru agai seduai kin taun baru kini\\nNya meh leka randau bala indai-indai. Aku tu makin ari nyu makin majak pemuruk. Nadai utai ngemuruknya. Mulut kutap-kutap enda ngetu bejaku nama bala anak laki nemera ke utai di rumah\\nPosted by Indai Dara at 17:24 No comments:\\nLawa SIda Ibu\\nahaaaa nye ukai anak dara ibu aja ka lawa, engau sida ibu-ibu empu ka meh. Munyi ke udah dipadah sebedau tu, ujung minggu sigi ka nganjung diri ngaga salon sida indai dara, ngecuk buk.\\nSingin ati ka nunda pisin buk indu ribai atas nyin tang meh engai nyadi ga, enda alah kumbai urang enda nemu nyeremin pendiau diri empu hahahaha pemadu!\\nTouch up aja meh nadai pan tan ngedai buk belama ukai bala nachey ka minta mimit bayar, indah touch up ke mimit aja nya pan udah engai belala sida minta bayar.\\nPun bulan 4 ila ka nguji kaler baru keno ko ati. Ka nguji kaler mansau tang ukai mansau kesumba ahhhh pahai kitai ti nyu kesumba nya baru mansau amai.\\nDONEeeeeeeeeeee badu ninga anak ngumplin buk sida indai dalam kandang sebulan tu. Ukai nama aku tu buruk mat duduk ngetat kediri nganti ke tembu.\\nPosted by Indai Dara at 16:57 3 comments:\\nKALAS U - Mykid\\nNyamai diatu mindah enda ibuh bebai ke file endur nyimpan surat peranak sida anak. Nyu pemuas ke ka ngaga baru tegaga ke mykid minah. Nya pan semadi ngaga ke wie mykad.\\nKiruh amat bebai ke surat peranak ngelama tu laban buruk ngaga mykid. Ukai nama lembau besekut engau bebaris. Tang sayau nadai gambar uji gaga bisi gambar baka ngaga mykad.\\nAku bendar tuchum nganti endur aku ke ngambi mykad noie engau mykid minah. Diatu upis pendaftaran ba Puchong alu bisi kaunter imigresen. Baru dibuka. Bulan nyin kemari maia ke ngaga mykad noie bedau bisi.\\nAuk ti kitai madah penatai ari menua Sarawak alu lain runding urang menua. Alu nanya kitai agi diau ba atas kayu ( ala-ala tree house gitu) udahnya bisi letrik ke nadai engau maioh macam utai kenda patut ditanya ba era millenium tu\\nNadai enda ga penemu sida ke diau ba negeri kenu. Kati enda deh ka ngaga surat peranak tauka mykad nyu ngagai kaunter imigresen hahahaha. Nadai kala meda meda sida pendaftaran bisi nipum aku tu muahahaha. Nadai nyangka kitai sida nya nadai endar penemu meda gamal ukai main gap keno heheheheeeee.\\nBisi agi apai tuai siku (bedau tuai endar deh 50an kenya) udah urang ba kaunter imigresennya madah sida ukai endur ngaga ic alu nyaut urang empu ohhh kastam ye!!!!!!! lawak-lawakkkkkkkkkkk. Nyeeeeeeeeeeeee nya meh anang alu ngumbai urang sarawak enda nemu utai tauka agi diau atas pucuk kayu enti penemu kita ke ngumbai diri pandai sereta diau di negeri nya nadai endar ga\\nnyaaaaa tu meh gambar ic sida minah. sama pemesai enda kiruh nyandik file agi endur engkah surat peranak seduai ia noie. semina engi ia sepisil pink karer @ kalas uuuuuuuuuu\\nPosted by Indai Dara at 17:31 9 comments:\\nOh!I've been tag by Cik Endun,\\nfour show you watch\\nadehhhh bab-bab meda TV kah, wayangkah indai dara kurenglahhh time ka meda bisi aja urang nukar chinil tang enti maia bisi peluang rajin ga nuci mata n melaparkan perut meda\\nrindu enda meda chinil masak memasak baka sida AFC, LI, TLC n yang sewaktu dengannya tang bangat enda nemu manduk utai nyamai ga kasih tudah aku\\nti bisi ari engau bisi peluang meda ga cerita korea ba KBS engau One nyu nitih ke prugrim ke dipeda sida anak\\nmunyi ko laut maklumlah chegu sejarah kelia menya di Bethlehem rindu ga meda chinil History engau National Geografi\\nanang ketawa kita- indai dara rindu mega mega katun hahahaha panjung ke bisi anak 4 iku ka pan engai nyu ka meh meda cerita katun baka sida rugrat, spongebob, pheneas n ferb etc\\nehemmmm gila ngumpul pingai mangkuk ( biasalah ubi sida indai-indai - tang aku tu kenyau ari dara kelia gila meda utai baka tu. My first collection pingai arcopal \"Victoria\" beli maia nemuai agai langkawi 1988 kelia)\\nrindu ngumpul utai decor ke beterimit ari menua ke udah endur bejalai\\nka amat bejalai meda menua huhuhu tang kaki selalu pandak ti maia kaki panjai yehaaaaa selonoknyaaaaa\\nnama agi neyyyyyyyyy rindu meda ( ukai maca ahhh) magazine hehehe\\ngasak dia meh\\nfour thing you've learned from the past\\nanang kelalu ngemaruh kediri engai ke di indik sereta dikemeli ke urang\\nbelajar appreciate diri empu\\neasy to forgive n hard to forget\\nbejalai sebelah dunya cyber\\nbegiga ke barang ka kena nurun ngasu bulan 4 ilo\\nngajih ke result spm anak bulih semua A ( tajapan semina \"harapan\" )\\nngarap ke pejalai engau semua utai ke udah diplan bejalai manah nadai maioh penanggul\\nnemuai nyenguk apai indai kaban belayan engau bedango sebelah langkau umai\\nbetemu engau bala kaban sekula reunion keno\\nMs Squirrel - http:\/\/www.endutupaiengkrabak.blogspot.com\\nGna - http:\/\/www.09onestepattime.blogspot.com\\nmami ethan - http:\/\/www.mmariakd.blogspot.com\\nPosted by Indai Dara at 12:17 6 comments:\\nHappy Chap Goh Mei @ Chinese Valentine Day\\nAhaaaaa nyambut ari ka bisi sangkut paut engau kasih sayau. Orang ke engai anang ngiruh diri ahhhhh ngelak ke kami ke rajin tu.\\nSaritu penutup tauka ari pengabis ia urang cina ngintu taun baru dikumbai chap goh mei. Pia mega saritu tu tau mega dikumbai urang chinese valentine day. Enti di Pulau Pinang din lemai tu maioh mat bujang dara betikau ke buah limau agai ai. Endur ngiga jodoh keno hehehe Selamat ngintu Chap Goh Mei - 1 Malaysia\\nPosted by Indai Dara at 11:40 7 comments:\\nTukang Kumin Indai\\nAram tuchum enda lama kitai. Pama indai dara maioh amat tukang kumin. Maioh utai dikumin engau dirara. Sida artis nyu ngaji sida PA tauka image consultant, ti indai dara enda ibuh muai duit ngaji sidanya. Nyu lelak ninga 4 iku PA indai dara meri kumin.\\nKelebih agi ba senentang buk tauka baju tauka kasut engau macam utai ti enda ngam ba mata sida ia meh. Seminggu-minggu tu nadai pengawa bukai 4 iku PA indai dara, enda ngetu-ngetu ngerara buk. \" apu mami balat mat buk mami nyu burak\" ko munyi utai. \"Nama mami alu enda ngedai buk maminya, balat amat\" Ti sida apai nyampau ka kiruh, nadainya ngawa deh ko apai nyaut bala anak. Ukai nama ngumbai enda ngawa laban takut pala agung ia terebai kena bini ngedai buk. Enda patut engai meda bini lawa enda pia????? Tang meh alah laban balat amat rindu ke sida haji bakhil @ aji kedekut.\\nNya tadi igat madah apu balat endar buk mami ba tisinya burak ko ia. Nya kumbai enda pama PA indai dara. Nganti ujung minggu nurun ngecuk buk. Ari 1-5 enda ulih limpang pengawa sida bibik cum supir. Aruh ga nyu 2 bulan ni enda mr uban balat amat gauk ke buk indai dara. Jaga sida apai dara rari bajet minggu tu. Tat ke wai sigi asai bini enda kereja sigi tukang ngambis ke duit laki meh. Ba kita ke laki ti engai rua melanja bini, bini kereja anang ngasuh badu. Ngagai bala kaban belayan urang ke begelar laki urang anang engai meda bini urang ngena duit laki ia. Nya meh urang ka belaki ngambi bisi urang nupi. Enda patut udah belaki agi ditupi apai indai ga. Hehehe sajeeeeeeeeeeeeee munyi ko laut - laban bansa kitai sigi udu engai meda mensia ke benama \"bini\" laban ke ngambis tauka ngerua duit madi\/petungal\/anak\/anak madi etc. Tang sida ke bejakunya enda nemu diri pan ditupi laki sida ia mega baka aku tu gaaaaaaaaaaa. Cakap tak serupa bikin hampehhhhhh. Tuhan merekat kitanya wai ko jaku urang ke kuat agama.\\n\"Berunding ngiga kala chuk buk ke ngam ba diri\"\\nPosted by Indai Dara at 15:11 4 comments:\\nSunyi ruai cyber 2-3 ari tu. Nadai cerita valentine, engkanya dah bendar dikerandau ke seminggu tu kini nya meh nyu SUNYI. Saritu kemisi sekula ga tang bala anak kedua bisi pengawa ga ba skul tumu beranjung asai kenda kemisi ga.\\nKa bejalai saritu nuci mata, pala sebingau ga. Agi gegaring ngetat kediri bedau temu tuju pengawa engau pejalai.\\nPuas bejegau belah ruai FB kaban ngerajin kediri nulis beluk tajapan gegaring engau nadai cerita.\\nPosted by Indai Dara at 11:33 No comments:\\nRindu bekunsi engau kaban blogger pengerindu engau pangan diri\\nPosted by Indai Dara at 16:37 No comments:\\nMinah N Mungai\\nKasih tudah mungai nadai pasu endur engkah ka pan enda jug ai meh endur engkah. Sunyi FB bala sanu enda meri jaku ari kasih sayau takut malu hahaha tang kedai bungai nyu nadai stok mungai wai-waiiiiiiiiii tadi indai dara ngerepas bungai belah taipan dia - enda patut kitai-kitai aja ngintu. Nadai alah tagang indu mamau urang ka ngintu ukainya pulai ke penyaie. Ia ke bejai agama urang baru pulai ke pengawa ti pemadu jaie di dunya tu. Patut ia ke alim maioh penemu senentang agama ngaga FITNAH JAKU MUNYI TU ;\"Maksiat, pub, disko, bersunyi-sunyian TRADISI ORANG KRISTINA\" - dilaknati pengidup ia dunya engau akhirat . Asoh baca ia kitab INJIL LAMA engau BARU bisi enda ia tetemu ke MAKSIAT, PUB, DISKO, BERSUNYI_SUNYIAN nya nyadi ke jalai pengidup urang Kristiankah???? untak nama bejaku bakanya??????????\\nPosted by Indai Dara at 15:31 7 comments:\\nSelamat Ari Kasih Sayau\\nKapa peduli ke jaku indu ke sut nya - pengawa ka nyambut ari tu nadai penyaie. Untak engau ati mensia ke jai. Ada ku kesahhhhhhhhhh?????? Tak ari-ari ninga sida ke MANAH mat agamanya ngereja pengawa ke jai ba TV ba niyuskipa enda kira utai kenda temu kitai tang Ari Valentine ga ke disalah ke sida. Tusah-tusah mensia nyu nadai mudal kena bejaku. Ti kitai bejaku bakanya kada enda alu masuk ISA tauka sigi alu ngaga demonstrasi bala kambing gurun mantah ngasuh minta maaf secara terbuka kenu. HAMPEH si SNBM lak ka nyadi umpan rimau engau jera ia.\\nNgagai bala ke nyambut ari Valentine tu - selamat ari Valentine. Nama utai ulih kita wai????? Aku tu lama udah enda ngintu, kala ga tang nyu enda ingat kemaia, kelia munya maia urang agi nunduk ke kitai. Ka meli mungai ros pagila present ari diri empu ngagai diri empu ahahaaaaa\\nPosted by Indai Dara at 22:44 6 comments:\\nAri pengada tudah Noie bulan satu nyin suba. Tang baru kemari datai pemeri ari pengada ari mami datai. Sigi udah madah agai ia ti ia ka ke utai tu ia mesti nganti sebulan baru datai. Nadai tudah tuai minta deh tang kala utai kenda dibeli alu ngambi peluang indai dara.\\nAuk ko ia laban ke ni utai ke diberi urang jara. Anang milih anak asal bisi, engi kami kelia laban apai indai ke idup merinsa nadai nemu utai ke pemeri ari pengada. Ia ke bendar aku ka meri ia utai tu kena christmas present ujung taun tu tadi tang engai nyadi ga nya meh nyadi ke pemeri ari pengada.\\nIa ke bendar aku bulih tu laban ka ngena point ba bup 555 aku. Sayau ga enda dikena, bisi ati ka nukar point tu kena aku ngambi beg coach tang ngalah kediri ga aku meda ia ka ke \"ayam\" tu. PSP tudah tuai puh dikena igat ga engi ia empu model lama kenu enda entu dikena ga. Minah empu game boy - enda ga ia entu rindu ke games ke dikerindu ke minah.\\nKemari datai diselalai ke engai ke bos mit engai alah. Alu bisi siti main free diberi sida. Ila bisi ari ngisi main baru ga.\\nPosted by Indai Dara at 14:59 1 comment:\\nSebdau Lady D parai accident enda dikelala urang maioh tudah tuai. Nyu udah Lady Diana nadai baru semua urang ngelala Jimmy Choo urang ka ngaga ke kasut ke Lady Diana. Alu cukup besai meh bisnis ia. Alu dikelala seluruh dunya kasut \"Jimmy Choo\". Diatu nyu nadai agi ia engau ngempu bisnis nya nyu kira baka freelance designer meh ia ( iskkkk pandai2 aku ney ngenemu kediri)\\nMula meda ia semak pun bulan satu tu tadi laban ke ka begambar diri sebilek ba boutique kaban ia. Ia arinya bisi kia laban anak murid ia (Julie Yeo) nyual kasut ia ba boutique endur kami ka ngambi gambarnya.\\nTu tadi kami ngabas asuh urang meda gambar ke ka digaga besai. Bisi baru ga ia dia laban saritu anak murid ia nya bisi ngaga promosi nyual kasut. Maioh diri ga bala kia saritu. Aku nyu musu-musu anak gamal baka ringin pulai mansai laban ke ngetu enda lama ko jako otw pulai nganjung anak sport training ba skul.\\nAmat nyamai dikena sepi aku kasut digaga anak murid Dato Jimmy Choo nya. Rega ia sedang ga jauh mar agi rega kasut guess. Suba bisi meli siti aku. Tu tadi nyangkau meh siti baru, nadai maioh choice bagi aku laban ke engai ngena kasut tinggi. Ambis tinggi ka kena aku 2-3 in lebih arinya enda aku sanggup ngena hehehe biasale orang kampung. Engi bala sida indul mudil tadi nama agi dehhhh maioh meh beli urang.\\nNya ko aku nundi anak murid Dato Jimmy Choo, ti ngaga baru ngaga anang kelalu tinggi kena kami \"bibik\" kediau di rumah hahaha ketawa Dato ninga, nya ko iya dinga jaku customer.\\nSempat kami manak begambar engau ia. Suba meda ia \"malu-malu mayau\" indai dara ka mai ia begambar tu ka pan enda ngeso ke mua memusu on aja meh kala Dato ka amat berandau. Very2 humble apai tu tu. Betemu baru ila ko ia ehemmmm nemu mat ngambi ati customer dahnya alu meh anak murid ia madah nganti design baru kena urang baka nuan ke engai ngena heel ko iya ahaaaaa ( enda tan tapa kaki sida indai dara laban enda teleba hehehe)\\nGambar Dato Jimmy engau anak murid ia Julie Yeo ka ngaga promosi kasut ba endur kami manak ke ngaga gambar\\nKa ga apai dara engau kami bergambar hehehe\\nPosted by Indai Dara at 20:43 8 comments:\\nMaioh endar macam kena bejalai ba menua cyber. Macam-macam udah ga diuji. Manah ga maioh macam ngambi sida ke nyedia ke utai bansanya betapat ngemaju ke jalai ba menua cyber ngambi pejalai kitai mujur enda tesangkut sebelahnya.\\nEngi kami sebilek maioh udah diuji - sida bos musai malar aja nguji. AKu tu barang ko orang aja tang legi tudah aku ga ke kiruh laban utai tu.\\nSaritu nukar jalai ke menua cyber ngena yunipai ( Unifi ) benung ngadu wiring meh sida dibelakang dia. Laju gi keno. Streamyx ka dikena ngelama tu ok ga sepi aku laju nadai problem. Nama nyu engkecit pejalai ke menua cyber ngena yunipai tu ila umbas meh nya hahahaha. Ba ia munyi ko iklan astro macam-macam ada.\\nPosted by Indai Dara at 15:03 5 comments:\\nAikkkkkkkkk bedau ambis cerita pingai mangkuk pia indai dara?????? Ehemmm sambung baru part 2 keno.\\nKira 6-7 taun ke udah lalu bisi kaban besebut. Ia baru ka engau begumpul ke fine china bone. Sebedau tu ia gila ke crystal utai decor, gelas etc. Udahnya laban geng baru ia bala tokey nio maioh bisi kuliksin RA ia pan nyu rindu ga tambah agi katan kena meli pan bisi maklummmm munyi ko sida nembiak maia ari tu nyu dah nyadi ensenis wumin.\\nMaia ke raun ke ng latak nyau meh sida nurun klcc ( maianya sigi bisi siti kedai nyual RA - Royal Doulton dah nadai agi nyu ba bangsal aja bisi) Ka ngambi ros biru ia. Sekali maia ka nilik pingai mangkuk nya anak ia terbaca ke RA nya made in indon.\\nAPUUUUUUUUUUUUU ko ia engai aku meli nya. Gaga bala sida mas joko. Nya meh ia enda nyadi meli kuliksin RA alu meli Royal Doulton(RD) - sida sebilek nya tadi ga tang tu digaga ba ai ngelan din.\\nOhhhh ko aku kumbai aku nemu nuan sida RD udah muka kilang ba menua china engau indon. Lama udah early 90's ti enda salah aku. Ba stoke on trent maioh udah tutup kilang endur ngaga fine china bone. Ngulih ke kos murah keno nya mindah ke kilang kin. Tang meh rega nadai ga turun. Ukai seminar RD n RA maioh kumpeni bukai nyu pindah ke menua china. Sunyi menua stoke nya diatu keno ko.\\nBeli di ai ngelan din RA nya ba china meh urang ngaga - taja bisi tulis ai ngelan tang ukai tulis made in ai ngelan. Semadi meh meli ke sikin hin bisi meh ia ori gaga ba ai ngelan din. Maioh urang nyual kuliksin sida ke lama-lama. Nya anang perasa\\nTang nyu ka semua utai ba ai ngelan din datai ari menua nachey meh, anang beleman hehehee. Engi aku maioh mat ke made in china kelebih agi RA engu decor item. Nadai beza peda mata aku. Indah cup n saucer ke bisi beli baru aku 2 iti ti enda salah aku made in menua nachey meh. Ka nyukup ke selunsin kenu sida cup n saucer tang saritu alu meh bedau chukup(nyu lebih 10 taun alu meh nya). Ti kutak endur nyimpan RA nya kaler baka merah n purple - entah keni nganu kaler nya sereta kering gamal kutaknya nya tanda ia made in china\/indon. Ti kutak ia nipis burak bisi garis2 kaler merah nya ori ari ai ngelan. ( ewahhhh ngemandai ke diri indai dara tu- ukai pandai pia semina nemu mimit)\\nBaka nya ga miss pot nyu udah bisi meh made in china laban udah bisi kilang din. Tang rega nadai pan berubah - utai semua bisi quality control jara ukainya main antam sebarang deh.\\nPosted by Indai Dara at 18:55 4 comments:\\nKa muPuk BaRU\\nUdah ke badu gawa alu muka ensenis CuCi-CuCi Pte Limited alu bekuap hobi indai dara. Kati ko enda bekuap deh sida awang matusin nyu pulai ke behunei kin memagang. Nama kena ti sida awang matusin nadai. Nya meh ngelama tu dedugau nunga litup meh indai dara nuci leka mata meda utai ke dikerindu ba menua cyber. Pama meh kena mantup ke penenguk ati.\\nTang taun tu nyu asai ke malas dendam indai dara. Laban sida apai dara ngemendarnya ngemuas ka ati ba hobi ia. Tang engai entu nyadi bejaku ga tudah diri laban ke enda ngiga $$$$ semina nyadi embuk@bibik aja di rumah. Nyeeeeeeeee sapa ngasuh nyadi \"mak turut\" enti enda pia lantang ati huhuhuhu. Ti apai dara nganu bisi kena aku malas muahahahahahaha \"ketawa ala sarip dol samseng kg pinang sebatang\"\\nKa mupuk nambah ke collection V n B aku. Tang meh sayau amat laban bungai engi aku nyu udah discontinue keno. Nya meh bepun ari taun tu bendar indai dara meda bungai baru. Sayau nyu nadai kaban rapat diau menua ke semak endur meli Madam V n B agi. Enti nadai kaban pelaba aku sigi gerenti enda aku tebeli ke V n B ngemaiohnya sekali taja pan agi kereja maia nya suba. Terima kasih agai kaban aku tu laban sanggup mansut ke duit dulu, udahnya nurun meli sereta udahnya mai kutaknya agai menua kitai. Enda ulih malas pemanah kaban aku tu ni ke endur diau sereta meri makai free agi maia nemuai agai ia suba.\\nAzam taun baru - enda ibuh maioh sekali meli - siti dua pama meh. Tang ukai ditu -ti ditu enda alah beli mar amat. Dinner plate ia udah sekian sama rega engau sida RA n wedgwood nganti bisi kaban rembus kin baru ulih mesan.\\nTu gamal bungai baru madam V n B ke di ining indai dara\\nNya gamal koleksi lama indai dara - florea nyu nadai agi ga. Benasit amat aku semina RM3000++ (12 iti 26cm flat\/dinner plate, 13 iti deep\/ soup plate, 12 iti mug, vege cover, soup tureen, set endur engkah creamer n sugar engau covered butterdish sereta 2 iti oval platter) dia kitai nemu pemurah ia enti meli ba endur ia empu. Maia nya dinner plate ia aja udah RM250++ ti meli di menua kitai. Soup tureen ia nya aja udah lebih RM1k ti meli ditu) ni enda sampai ke diatu indai dara tuchum lelegup udah bisi selusin set madam V n B. Agi suba bisi ba parkson klcc diatu nyu enda berapa peda aku - nadai pan alah beli. Tea set ungkup 4 iku peda aku nyu ka RM2k bedau sida pingai mangkuk. Nya meh alu enda betambah collection indai dara laban pama mat rega. Udah ga ensenis indai dara tengkerap belama adai pan tan.\\nbisi ga ati ka ke bungai siti tu nyu ka baka florea aku nyin tang tu terang agi ( iskkkk mungai-mungai aja pilih indai dara )\\nbajik gamal mungai nya ahhhh\\nMesti sida indai nanya namanya ngemaiohnya legi enda ga dikena huhuhuhu - murih ke indai meh sida indai ko anak ga nyaut. Kati ko enda nyaut deh engi ia bisi meh koliksin pirik (pyrex) taja nadai entu penatai (asil ari bejual beras engau sayur n buah ke ditanam nyau meh sida sekaban ia ke behunei kelia bebeli ke sida pirik. Aku tu tukang beribun ke bala anak kawan ia ke bisi anak beterimit tingal ke sida lipak ke behunei kin. Suba disema ke suping kin.\\nNya meh baik urang indu tauka urang lelaki sigi bisi pengerindu ati kediri empu. Ngegegehhhhhhhhhhhh jaga nuan apai dara - time membalas dendam. Enda ulih malas 100% , 5% nyadi meh\\nPosted by Indai Dara at 16:16 8 comments:\\nAgi mit kelia selalu amat ninga bala betundi pangan diri maia nginti, tauka maia mukat engau nyala. Ti pulai nadai bulih utai maia urang nanya bulih tauka enda alu dikemeli ke urang ke nanya engau saut munyi tu \" bulih ahhhh sida empurau sida belabau\" kenu ko nyaut.\\nNya meh nyu nemu nunda jaku tundi munyi nya start ari mit kelia munya. Ukai main agi nunda jaku urang tuai. Urang tuai enda ngawa engka amat kala meda sereta kala makai ikan empurau. ENti diri nyampauuuuuuuuuu meh.\\nNya meh nyu 40an udah umur baru meh sari tu meh meda secara \"live\" ikan empurau sereta baru meh tudah diri ensepi keni asai ikan ke semampai di kesema ka. Terima kasih agai kaban aku Ramuni ketegal ke nyu kiruh sereta munyi ko laut terpaksa bekunsi ka ikannya engau kami menyanak. Bagi bam nya mau ko ia ka 4 kerat. Ukainya kerat mit ka dikirum tudah tuai. Nyu bisi di ulam( ipung) ikannya tadi. Seduai melaki bini nyamai endar bisi nemu urang mai sereta nyual ikan empurau tu ari Bakun. Mudah mimit ti meli terus ari sida . Mudah ia meh kenu hehehe (RM85 sekilo)\\nnya meh gamal ikan udah dibela kirum kaban - semina ka manduk n dipakai aja\\npuas berunding keni ko chara manduk - ujung2 distim aja. nya meh ngasuh sida sulu ke benung diet nyu makai asi empa seminggu belauk empurau\\nPosted by Indai Dara at 22:22 5 comments:\\nNeyy nyu udah 1\/2\/2011. Bisi ati ka meli B & R ngulih ke bisi 31% diskaun ti meli maia 31hb. Udah ka nurun tadi taja ari ujan, enda ga. Bos mit kami batuk. Legi ti dibeli, ia nemu ngiga endur, makai belalai. Nyamai ga enda ibuh sekali. Ila meh nganti kira 2 bulan da agi bisi offer 31% baru.\\npama meh 31% - enda ulih selalu pama mat rega\\nmeda gambar aja ga\\nPosted by Indai Dara at 00:03 8 comments:\\nSelamat Ujung Minggu ngagai kaban blogger Aram n...\\nOh!I've been tag by Cik Endun, Here we go... fou...","num_words":5061,"character_repetition_ratio":0.044,"word_repetition_ratio":0.0,"special_characters_ratio":0.214,"stopwords_ratio":0.159,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"24 March 2019 - Hari Minggu Ketiga Musim Lent -->\\n24 March 2019 - Hari Minggu Ketiga Musim Lent\\nBacha Ke Satu: Pemansut 3: 1 - 8A, 13 - 15\\nNyadi sekali, lebuh Moses benung ngibun bedus enggau kambin mentua iya Jetro, ti nyadi imam orang Midian, iya nguluka raban jelu nya bejalai meraka menua puang, lalu datai di Sinai, iya nya bukit ti kudus.\\nDia siku melikat TUHAN pegari di mua iya, baka api ti pansut ari babas.\\nMoses meda babas nya mau laban api, tang babas nya enda angus.\\n“Nyelai amat utai nya,” ku iya bepikir. “Nama kebuah babas nya enda angus? Uji aku meda semak agi.”\\nLebuh TUHAN meda Moses mansang semak agi, Iya lalu ngangauka Moses ari dalam babas nya, ku Iya, “Moses! Moses!” “Tu aku,” ku Moses nyaut.\\nKu Allah Taala bejaku, “Anang datai semak. Buka selipar nuan, laban nuan bediri ba tanah ti kudus.\\nAku tu Allah Taala aki ini nuan, Allah Taala ke disembah Abraham, Isak, enggau Jakop.”\\nNya alai Moses lalu mampul mua diri, laban iya takut merening ngagai Allah Taala.\\nKu TUHAN bejaku, “Aku udah meda pemedis bala nembiak Aku diperinsaka orang di menua Ejip.\\nAku udah ninga sida ngangau minta diri dilepaska ari mandur ke ngemataka sida.\\nAku nemu pemalat sida kena perinsa, nya alai Aku nurun laban Aku deka ngelepaska sida ari jari orang Ejip, lalu mai sida pansut ari menua Ejip ngagai menua ti luas, menua ti kaya sereta ami.”\\nTang ku Moses nyaut, “Lebuh aku betemu enggau orang Israel, lalu nyebut ngagai sida, ‘Allah Taala aki ini kita udah ngasuh aku betemu enggau kita,’ sida deka nanya ngagai aku, ‘Sapa nama Iya?’ Nama utai ti patut dipadahka aku ngagai sida?”\\nKu Allah Taala nyaut Moses, “AKU TU MEH AKU. Nuan enda tau enda madahka ngagai orang Israel: ‘Iya ke dikumbai AKU TU MEH AKU udah ngirumka aku ngagai kita.��\\nPadahka ngagai orang Israel, Aku TUHAN Allah Taala aki ini sida, Allah Taala ke disembah Abraham, Isak enggau Jakop, udah ngirumka nuan ngagai sida.\\nTu nama Aku, lalu nama tu deka meruan belama iya.\\nTu meh nama ti deka dikena semua turun-menurun ngangauka Aku jemah ila.\\nMasmur Entara: Masmur 103: 1 - 2, 3 - 4, 6 - 7, 8 & 11\\nPuji meh TUHAN, O semengat aku! Semua semengat,\\nroh enggau tubuh aku, puji meh nama Iya ti kudus!\\nTUHAN ngeringka orang ke kena tekan lebuh Iya ngakim\\nlalu meri sida atur ti lurus.\\nIya mandangka pelan Iya ngagai Moses\\nlalu ngasuh orang Israel meda pengawa ti besai ti dikereja Iya.\\nTUHAN endang kasih sereta rindu,\\nlubah ringat, sereta penuh laban pengerindu ti meruan belama iya.\\nBaka langit ti tinggi ari atas dunya,\\nbaka nya meh pemesai pengerindu Iya ke orang ke nangika Iya.\\nBacha Ke Dua: 1 Korint 10: 1 - 6, 10 - 12\\nAku enggai ke kita enda nemu, menyadi, semua aki ini kitai di baruh remang magang, lalu semua sida bejalai nengah tasik,lalu semua sida dibaptisa magang nyadi nembiak Moses dalam remang enggau dalam tasik nya, lalu semua sida makai roti roh nya lalu ngirup siti aja ai roh, laban sida ngirup ari sigi batu roh ti nitihka sida, lalu batu nya Kristus.\\nTang taja pia, Allah Taala enda lantang ati ngagai nyau ka semua bala sida, lalu bangkai sida ngachir ba sebelah menua puang\\nSemua utai tu nyadi chunto ke kitai, ngambika kitai enda inginka utai ti jai, baka sida.\\nLalu anang mutap, baka sekeda sida, lalu sida dibunuh Melikat Pemati.\\nSemua utai tu nyadi ba sida ngambika nyadika chunto ke kitai, lalu utai nya dituliska kena ngajar kitai, laban pengujung dunya udah datai ba kitai.\\nNya alai enti kita ngumbai diri bediri tegap, bejaga kita ngambika kita enda rebah.\\nBacha Injil: Luke 13: 1 - 9\\nLebuh maya nya sekeda orang ke bisi dia madah ngagai Jesus pasal darah orang Galili ti udah dichampurka Pilate enggau piring sida.\\nJesus lalu nanya sida, “Kati kita ngumbai orang Galili nya diperinsaka baka nya laban sida balat agi bedosa ari orang Galili ti bukai?\\nAku madah ngagai kita, ukai baka nya; tang enti kita enda nesal ati ke dosa kita, semua kita deka mati baka sida.\\nTauka orang ke lapan belas iku ke mati lebuh Menara Siloam runtuh ninggang sida -- kati kita ngumbai sida nya udah balat agi ngereja penyalah ari semua orang bukai ke diau di Jerusalem?\\nAku madah ngagai kita, ukai baka nya; tang enti kita enda nesal ati ke dosa kita, semua kita deka mati baka sida.”\\nUdah nya Iya lalu madahka sempama tu:\\n“Orang siku nanam sepun kayu ara ba kebun anggur iya. Iya datai deka ngiga buah ba kayu ara nya, tang nadai tetemuka buah dia.\\nNya alai iya lalu bejaku ngagai tukang kebun, ‘Peda nuan, tu ketiga taun aku udah datai begigaka buah ba kayu ara tu, tang aku nadai kala tetemuka buah.\\nTebang iya! Nama guna nejuka iya masau tanah nya ngapa?’\\nTukang kebun nya lalu nyaut, ‘Awakka iya dia setaun da agi, tuan. Aku deka nyangkul ngelingi pun iya, lalu meri iya baja.\\nEnti iya bebuah taun baru tu ila, manah meh nya. Tang enti iya enda, nuan tau nebang iya.’”\\nBacha Ari Taun A mega tau dikena:\\nBacha Ke Satu: Pemansut 17: 3 - 7\\nTang orang Israel balat amat aus, lalu sida majak mutap ngagai Moses. Ku sida, “Nama kebuah nuan mai kami pansut ari menua Ejip? Kati nuan deka ngasuh kami, anak kami enggau jelu tupi kami mati aus?”\\nMoses lalu bebendar besampi ngagai TUHAN. Ku iya, “Nama utai ti ulih dikereja aku ke sida tu? Sida nyau sedia deka nuku aku ngena batu.”\\nTUHAN lalu bejaku ngagai Moses, “Bai sekeda tuai orang Israel enggau nuan, lalu bejalai dulu ari bala mayuh. Bai tungkat ti udah dikena nuan malu ai Sungai Nile.\\nAku deka bediri di mua nuan ba sigi batu ba Bukit Sinai. Palu batu nya, lalu ai deka pansut ari batu nya, ngambika bisi diirup orang mayuh.”\\nMoses lalu malu batu nya di mua bala tuai orang Israel.\\nEndur nya lalu dikumbai Masah enggau Meribah, laban orang Israel mutap sereta nguji TUHAN, lebuh sida nanya, “Kati TUHAN bisi enggau kitai, tauka nadai?”\\nMasmur Entara: Masmur 95: 1 - 2, 6 - 7B, 7C - 9\\nSaut (peda 7c & 8a): Sehari tu dingaka utai ti disebut Iya: Anang kieh.\\nAram kitai muji TUHAN!\\nAram kitai belagu gaga ati ke Allah Taala ti nyaga kitai!\\nAram kitai datai ngagai Iya mai lagu terima kasih\\nlalu nyanyi pantun puji enggau ati ti gaga.\\nSaut: Sehari tu dingaka utai ti disebut Iya: Anang kieh.\\nAram kitai meremi lalu nyembah Iya.\\nAram kitai besugang di mua TUHAN ti udah ngaga kitai!\\nIya endang Allah Taala kitai.\\nKitai tu orang ke diibun Iya, raban ke ditupi Iya.\\n“Anang kieh, baka aki ini kita di Meribah,\\nbaka sida sehari nya di menua puang di Masah.\\nDia meh alai sida ke ngabas ati Aku sereta nguji Aku,\\ntaja pen sida udah meda utai ti udah dikereja Aku.\\nBacha Ke Dua: Rome 5: 1 - 2, 5 - 8\\nNya alai, laban kitai digaga lurus ulih pengarap, kitai diau dalam pemaik enggau Allah Taala ulih Jesus Kristus Tuhan kitai.\\nUlih Iya kitai udah ulih datai ngagai pengasih ti alai kitai bediri diatu, lalu kitai deka temegahka pengadang kitai ke deka enggau bempu mulia Allah Taala.\\nLalu pengadang enda ngelebuka kitai, laban pengerindu Allah Taala udah dituang ke dalam ati kitai ulih Roh Kudus ke udah diberi ngagai kitai.\\nLaban lebuh kitai agi lemi, ba maya ti patut, Kristus mati ke orang ke jai.\\nIya ti bendar, jarang orang deka mati ngarika orang ke lurus. Nyangka orang berani mati ngarika orang ke manah.\\nTang Allah Taala udah ngayanka pengerindu Iya ke kitai, iya nya lebuh kitai agi nyadi orang ke bedosa, Kristus mati ngarika kitai!\\nAklamasi sebedau Injil (peda John 4: 42, 15):\\nTUHAN, Nuan endang amat Juruselamat dunya;\\nberi aku ai pengidup, ngambika aku enda agi aus.\\nBacha Injil: John 4: 5 - 42\\nNya alai Jesus datai ba sebuah nengeri ti dikumbai Saikar di menua Samaria, semak tanah ti udah diberi Jakop ngagai anak iya Josep.\\nTelaga Jakop bisi dia, lalu Jesus, ke udah lelak bejalai, duduk semak telaga nya. Jam lebuh maya nya kira urung tengah hari.\\nSiku indu orang Samaria datai nyauk. Jesus lalu bejaku ngagai iya, “Beri Aku ngirup.”\\nNyadi sida murid Iya udah ke pasar, mansang meli pemakai.\\nIndu orang Samaria nya lalu bejaku ngagai Iya, “Baka ni ku Nuan ke orang Judah, minta ai irup ari aku ke orang Samaria?” Orang Judah enggai begulai enggau orang Samaria.\\nJesus lalu nyaut iya, “Enti nuan nemu pemeri Allah Taala, lalu ngelala sapa ke nyebut ngagai nuan, ‘Beri Aku ngirup,’ nuan tentu deka minta ari Iya, lalu Iya deka meri nuan ai ti idup.”\\nIndu nya bejaku, “Tuan, Nuan nadai beledi, lalu telaga nya dalam. Dini alai Nuan bulih ai ti idup nya?\\nKati Nuan besai agi ari aki kami Jakop, ke meri kami telaga tu, lalu iya, bala anak iya enggau jelu tupi sida bela ngirup ari telaga tu?”\\nKu Jesus nyaut iya, “Semua orang ke ngirup ai tu, deka aus baru, tang orang ke ngirup ai ti deka diberi Aku, enda agi aus. Ai ti deka diberi Aku deka nyadi, dalam sida, mata ai ti mansutka ai ti meri pengidup ti meruan belama iya.”\\nKu indu nya bejaku ngagai Iya, “Tuan, beri aku ai nya, ngambika aku enda agi aus, lalu enda agi ibuh nyauk.”\\nKu Jesus bejaku ngagai iya, “Alai nuan madahka laki nuan; udah nya pulai kitu baru.”\\nIndu nya lalu nyaut Iya, “Aku nadai laki.”\\nDisaut Jesus, “Betul jaku nuan ke madahka diri nadai laki, laban nuan lima kali udah belaki, lalu lelaki ke enggau nuan begulai diatu, ukai laki nuan. Betul jaku nuan.”\\nIndu nya lalu bejaku, “Tuan, diatu baru aku nemu nuan tu nabi.\\nAki ini kami nyembah Allah Taala ba bukit tu, tang kita ngumbai orang enda tau enda nyembah Allah Taala di Jerusalem.”\\nJesus lalu bejaku ngagai iya, “Arapka Aku, Indu, maya deka datai alai orang nyembah Apai ukai ba bukit tu, tauka di Jerusalem.\\nKita nyembah utai ti enda dikelala kita.\\nKami nyembah utai ti dikelala kami, laban pengelepas datai ari orang Judah.\\nTang maya deka datai, lalu endang udah datai diatu, alai orang ke amat nyembah Apai, deka nyembah Iya dalam Roh enggau pemendar, laban nya gaya orang ke dikedekaka Apai nyembah Iya.\\nAllah Taala endang Roh, lalu orang ke nyembah Iya enda tau enda nyembah Iya dalam Roh enggau pemendar.”\\nKu indu nya bejaku ngagai Iya, “Aku nemu Messiah” ke dikumbai Kristus “deka datai. Lebuh Iya datai, Iya deka madahka semua utai ngagai kitai.”\\nDisaut Jesus, “Aku tu meh Iya, ke bejaku enggau nuan diatu.”\\nLebuh maya nya sida murid Iya pen datai.\\nSida tekenyit ati meda Iya bejaku enggau indu nya. Tang nadai siku sida nanya indu nya, “Nama utai dipinta nuan?” tauka nanya Jesus, “Nama kebuah Nuan bejaku enggau iya?”\\nIndu nya lalu ninggalka tepayan ai iya, lalu pulai ngagai nengeri.\\nKu iya bejaku ngagai orang, “Aram kitai meda orang ke udah madah ngagai aku semua utai ti udah dikereja aku. Kada enda Iya nya Messiah.”\\nSida pansut ari nengeri nya, lalu mansang ngagai Jesus.\\nLebuh utai nya benung nyadi, sida murid Iya mai Jesus makai, “Pengajar, aram makai!”\\nTang ku Iya bejaku ngagai sida, “Aku bisi pemakai ti enda ditemu kita.”\\nSida murid lalu bejaku enggau pangan diri, “Nadai patut orang udah bisi meri iya pemakai.”\\nKu Jesus bejaku ngagai sida, “Pemakai Aku nya ngereja peneka Iya ke ngirumka Aku, lalu nembuka pengawa Iya.\\nUkai enda kita nyebut, ‘Empat bulan da agi, nya baru maya ngetau’? Tang Aku madah ngagai kita, perening kiba kanan ngelingi kita. Nya baru kita meda umai nyau mansau, sedia deka diketau.\\nOrang ke ngetau diatu udah nerima gaji, lalu ngumpul buah ke pengidup ti meruan belama iya, ngambika orang ke nanam enggau orang ke ngetau deka sama rami gaga.\\nTu ngamatka jaku siti, ‘Siku nanam, siku ngetau.’\\nAku ngasuh kita ngetau utai ti ukai ditanam kita. Orang bukai udah gawa, lalu kita bulih penguntung ari utai ti dikereja sida.”\\nMayuh orang Samaria di nengeri nya arapka Iya, laban saksi indu nya, “Iya madahka semua utai ti udah dikereja aku.”\\nNya alai lebuh orang Samaria datai ngagai Iya, sida minta Iya diau enggau sida, lalu Iya diau dia dua hari.\\nLalu mayuh agi orang arap ketegal jaku Iya.\\nKu sida bejaku ngagai indu nya, “Kami arap, ukai laban jaku nuan, tang laban kami empu udah ninga, lalu kami nemu Iya amat Juruselamat dunya.”","num_words":1911,"character_repetition_ratio":0.053,"word_repetition_ratio":0.013,"special_characters_ratio":0.223,"stopwords_ratio":0.367,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penan di Apau Nyaring, Long Liaw patut diperati - Suara Sarawak\\nHope Place Kuching bisi ngabas peranak menua nya seraya nyuaka bantu\\n“Ketegal nadai perengka pengangkut mayuh nembiak genturung pendiau nya nadai besekula, nya kebuah Gerija St. Paul Long San ngaga kelas belajar ungkup nembiak dia ti dikumbai ‘Amai Medai’ lalu dibantu tiga iku nembiak ti baru abis sekula Pom Lima.”\\nKUCHING: Gerempung Pengelantang Pendiau Hope Place Kuching (Hope Place) bisi ngelawa sereta meri bantu ngagai peranak Penan di Kampung Apau Nyaring enggau peranak Kampung Long Liaw di Baram.\\nKu Pemungkal Hope Place, Kelvin Wan serak tu sida dibantu Gerempung Pengasih Nadai Betatak (CWB).\\n“Pengawa tu mega disereta Kelab 4×4 Bintulu ti mai barang pemakai, barang ubat, perengka ngubat ngeli, lampu solar enggau perengka sekula ngagai peranak Penan dia.\\n“Kami ngepunka pejalai kena pagi 20 Julai ari Bintulu ti ngambi 10 jam pejalai lalu datai ba Sungai Tinjar nuju ngagai Kampung Apau Nyaring,” ku iya.\\nKelvin bejaku munyi nya ba siti penerang media, apin lama.\\nMUDIK SUNGAI…Dua jam pejalai ari Kampung Apau Nyaring ngagai Long Liaw ditambah enggau sejam setengah bebatak nengah ai ti langkang.\\nKu iya, Kampung Apau Nyaring tu diuan 100 peratus bansa Penan ari 43 buah pintu lalu mayuh ari sida nadai bisi kad pengelala.\\n“Sebaka enggau kampung bukai sida dia nadai karan enggau bekal ai beresi lalu lutur terebai semina ngelawa sekali dalam timpuh dua bulan.\\n“Ketegal nadai perengka pengangkut mayuh nembiak genturung pendiau nya nadai besekula, nya kebuah Gerija St. Paul Long San ngaga kelas belajar ungkup nembiak dia ti dikumbai ‘Amai Medai’ lalu dibantu tiga iku nembiak ti baru abis sekula Pom Lima,” ku iya.\\nTambah Kelvin, bisi 24 iku nembiak ti besekula dia tang sida begunaka mija, bangku, papan belajar enggau perengka sekula ti bukai dikena belajar.\\nPALAN BELAJAR…Tuai Rumah ari Long Liaw nusuika chara nembiak belajar di menua nya.\\n“Udah nya, kami lalu nyambung pejalai ngagai Long Liaw mudik nengah jalai ai dua jam nengah jalai darat sereta sejam setengah bebatak nengah jalai ai ti langkang.\\n“Long Liaw bisi 35 buah pintu ruang bilik iya nya lebih 100 iku peranak ti sama nadai karan enggau bekal ai beresi.\\n“Ku Ketuai Kampung dia Bitang Sakai 10 peratus ari peranak kampung nya nadai ngembuan kad pengelala,” ku iya.\\nKelimpah ari nya, ku iya peranak kampung nya mega begunaka ‘kerusi roda’ laban napi penyakit strok.\\n“Sebaka enggau Kampung Apau Nyaring, Long Liaw mega agi kurang palan endur besekula sereta nadai perengka dikena belajar.\\n“Sida semina bepanggai ngagai anak indu Bitang iya nya Angel Jeli ti baru abis sekula Pom Lima ngajar ba kampung.\\n“Ku Angel, iya merambu deka nyambung sekula ngagai tikas ti tinggi agi udah tu seraya ngerunding bala nembiak ti deka belajar ba kampung nya,” ku iya.\\nKelvin nambah, CWB lalu mantu barang pemakai baka berau, minyak makai, gula, mi, kuie, ai irup, perengka sekula enggau ‘kerusi roda’ ngagai peranak kampung nya.\\nBarang sapa deka mantu gerempung tu tau meri bantu nengah Maybank ba lumur 5112-8900-1160.\\nLAMPU KELITA…Semina lampu kelita ti meri penampak maya malam hari.\\n449 kes kebakaran terbuka pada lima bulan pertama 2021","num_words":477,"character_repetition_ratio":0.063,"word_repetition_ratio":0.12,"special_characters_ratio":0.199,"stopwords_ratio":0.172,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Umpan’ projek bejuta, enda ngasi – Suara Sarawak – Bukan Sekadar Akhbar\\nYou are here:Home-RUAI-Umpan’ projek bejuta, enda ngasi\\nUmpan’ projek bejuta, enda ngasi\\n“Taja perintah Pakatan Harapan (PH) penapat bekimpin, nyentuk besemaya ngaga projek bejuta-juta, tang ‘umpan’ nya agi enda ngasi.”\\nKUCHING: Semua udah ngadang, chalun Barisan Nasional ba Pengawa Bepilih Mit (PRK) Tanjung Piai, Johor, Datuk Sri Wee Jeck Seng menang tang penyampau majoriti undi enda baka disangka.\\nBa penemu Kaban Kunsil Nengeri (Adun) Engkilili Dr Johnical Rayong Ngipa, pemutus nya enda datai ba runding baik nya pemerati politik tauka bala pemesai parti BN.\\n“Taja perintah Pakatan Harapan (PH) penapat bekimpin, nyentuk besemaya ngaga projek bejuta-juta, tang ‘umpan’ nya agi enda ngasi,” pia ku iya madah meri banding pemutus PRK nya, kemari.\\nDr Rayong ke mega Ketuai Nembiak Parti Sarawak Bersatu (PSB) madah, pemutus nya mandangka ‘chura’ politik diatu udah jauh berinsur laban ku iya, bala pengundi diatu udah jera ninga semaya bemacham bengkah projek tauka bantu.\\nSemua nya ku iya, ukai nyadika terabai matak undi rayat.\\n“Pia mega, mayuh pekara bukai ngasuh pemutus tu nyadi lebih agi rayat lama nganti bemacham danji tauka manifesto PH alu empai dipenyadi.\\n“Ukai semina nya, rayat udah meda baka ni chara PH nyadi perintah diatu,” ku iya madah baru.\\nIya madah, nama ke nyadi ba PRK Tanjung Piai nya tau bendar betandu baru ba Pengawa Bepilih Nengeri (PRN) ditu nangkan ke tu ila.\\n“Pekara tu bepun ari kuing ‘Tsunami’ politik ti benung nyadi diatu,” ku iya madah nyemetak.\\nBy Rachel J|2019-11-18T19:09:56+08:00November 18th, 2019|Categories: RUAI|0 Comments","num_words":239,"character_repetition_ratio":0.071,"word_repetition_ratio":0.061,"special_characters_ratio":0.218,"stopwords_ratio":0.155,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PBDSB agi nganti BNBBC nimbal pasal ngatur forum begulai | DayakDaily\\nPBDSB agi nganti BNBBC nimbal pasal ngatur forum begulai\\nJan 1, 2018 @ 11:49\\nKUCHING, Jan 1: Parti Bansa Dayak Sarawak Baru (PBDSB) agi nganti respon Kelab Penyukung Barisan Nasional (BNBBC) Sarawak ngulu forum sentang isu-isu ti bekaul enggau polisi perintah BN Sarawak.\\n“Kami nadai menerima sebarang timbal ari (Chairman BNBBC) Paulus Palu Gumbang,\\n“Tu ketiga kami mai iya ngatur forum tu” ku Ketuai Nembiak PBDSB Rapelson Hamit.\\nTu berindik ari penerang lBNBBC Sarawak ke nyukung pemutus BN negeri ti enda nerima mosyen ngubah Seksyen 5 Undang-Undang Tanah Sarawak ti dipejurai ADUN Ba’Kelalan Baru Bian maya aum Kunsil Negeri Sarawak bulan siti nyin tadi.\\n“Kami mai BNBBC Sarawak betemu mua ngatur forum nya ngambika semua rayat Sarawak sama nemu pekara ke amat enggau resolusi mutarka penanggul nya,” ku Rapelson.\\nKu iya madah nengah forum isu-isu baka Sempekat Malaysia 1963 (MA63), Jabatan Perkhidmatan Awam (JPA), sekula tuai enggau bida fiskal penatai pemisi peranak menua pesisir ulih sama dikerandau. — DayakDaily\\nPrevious articleLelaki maut selepas pulang sambut ambang tahun baharu\\nNext articleBeribu iku peranak Kuching begulai enggau KM nyambut penatai 2018 demalam","num_words":172,"character_repetition_ratio":0.065,"word_repetition_ratio":0.0,"special_characters_ratio":0.195,"stopwords_ratio":0.105,"flagged_words_ratio":0.0,"lang_id_score":0.965,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemati nya belaban enggau pengidup. Pemati nya baka kitai ke tinduk jenak. (John 11:11-14) Orang ke udah mati enda ulih ninga, meda, bejaku, tauka berunding agi. (Pengajar 9:5, 10) Pengarap ti pelesu ngajar semengat orang ke udah mati ngagai dunya siti da agi, lalu begulai enggau aki ini sida ke udah lama mati. Nya ukai ajar ari Bup Kudus.\\nSida ke udah mati enda ulih nulung tauka ngemediska kitai. Mayuh orang ngereja pengawa ngintu tauka meri pemeri ngagai orang ke udah mati laban sida ngumbai nya ulih ngelantangka orang ke udah mati. Tu enda ngenyamaika ati Petara laban tu siti ari pemula Sitan. Tu mega enda ulih ngelantangka orang ti udah mati, laban sida enda nemu utai agi. Kitai enda patut takut tauka nyembah orang ke udah mati. Sembah kitai patut diberi ngagai Petara aja.—Matthew 4:10.\\nOrang ke udah mati deka diangkatka idup baru. Jehovah deka ngerak orang ti udah mati idup baru ba dunya Paradais. Nya meh utai ke deka nyadi jemah ila. (John 5:28, 29; SKR. 24:15) Petara ulih ngerak orang ke udah mati baka nuan ke ulih ngerak orang ti tinduk.—Mark 5:22, 23, 41, 42.\\nPenemu ke madahka pasal kitai enda mati nya siti ari pemula Sitan. Sitan enggau bala antu iya deka orang berunding semengat orang ke udah mati agi idup lalu ulih ngasuh orang bukai sakit tauka kena penusah ti bukai. Sitan nipu orang nengah mimpi tauka genera. Jehovah deka ngukum orang ke nguji bejaku ngagai orang ti udah mati.—Ulang Adat 18:10-12.\\nNama penyadi maya kitai mati? Ulih kitai meda orang ti disayauka kitai idup baru?\\nSaut ari Bup Kudus ngagai tanya tu ngelantangka ati sereta meri pengadang.","num_words":259,"character_repetition_ratio":0.106,"word_repetition_ratio":0.0,"special_characters_ratio":0.228,"stopwords_ratio":0.44,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ayanka Pengarap​—Gaga Pemutus Enggau Manah! | Dikena Belajar\\n“Pinta ngena pengarap, enggau ati ti enda kakang.”—JAS. 1:6.\\nNama kebuah nya manah ngaga pemutus?\\nNama kebuah orang bukai enda patut ngaga pemutus ke kitai?\\nNama kebuah kekadang kitai engka patut ngubah siti-siti pemutus ke udah digaga kitai?\\n1. Nama ke ngasuh Kain ngaga pemutus ti salah, lalu nama nyadi?\\nKAIN bisi pemutus ti besai ke patut digaga. Iya ulih milih sekalika deka nagang asai ati iya ti bedosa ke ulih pulaika pemanah ngagai iya, tauka ngelakka asai ati iya bekuasa atas ulah iya ke ulih ngujungka utai ti enda manah. Bup Kudus madahka Kain ngaga pemutus ti salah. Pemutus ke digaga Kain ngujungka pemati menyadi iya, Abel, lalu ngerusak kaul iya enggau Penempa iya.​​—P-kal. 4:​3-​16.\\n2. Nama kebuah nya beguna ngaga pemutus ti manah?\\n2 Semua kitai mega patut milih sereta ngaga pemutus ba pengidup. Sekeda pemutus nya besai, lalu sekeda nya enda. Tang, mayuh ari pemutus ke digaga kitai ulih meri empas ti besai ba pengidup kitai. Enti kitai ngaga pemutus ti manah, pengidup kitai deka lantang, lalu kurang agi penanggul. Tang enti kitai ngaga pemutus ti enda manah, pengidup kitai deka penuh enggau penanggul sereta asai ati ti lebu.​​—J-lam. 14:⁠8.\\n3. (a) Kena ngaga pemutus ti manah, kitai patut arapka nama? (b) Nama tanya ke deka dikerandauka kitai?\\n3 Nama deka nulung kitai ngaga pemutus ti manah? Kitai patut arapka Petara, iya nya pechaya Iya deka nulung sereta meri kitai pe nemu-dalam ti diguna kitai kena ngaga pemutus ti manah. Kitai mega patut arapka Jaku Iya, iya nya pechayaka jaku ajar ari Iya. (Bacha James 1:​5-8.) Seraya kitai semak ngagai Jehovah sereta majak rinduka Jaku Iya, tu nulung kitai pechaya Iya nemu utai ti pemadu manah ke kitai. Udah nya, kitai deka ngiga iring ari Jaku Iya sebedau kitai ngaga pemutus. Tang baka ni kitai ulih ngemansangka pengelandik ngaga pemutus ti manah? Lalu patut kitai ngubah pemutus ke udah digaga kitai?\\nSEMUA KITAI PATUT NGAGA PEMUTUS\\n4. Nama pemutus ti digaga Adam, lalu nama nyadi?\\n4 Orang patut ngaga pemutus ti besai kenyau ari sejarah mensia berengkah. Mensia ti keterubah, Adam, patut mutus sekalika iya deka mendingka Penempa iya, Jehovah, tauka mendingka bini iya, Hawa. Adam milih deka mendingka Hawa, ke ngasuh iya ngaga pemutus ti amat enda manah. Ketegal nya, Jehovah muru Adam ari Kebun Eden, lalu nyau kelama iya mati. Kemaya hari tu, kitai mega merinsa ketegal pemutus enda manah ke digaga Adam.\\n5. Nama runding kitai pasal tanggung pengawa ngaga pemutus?\\n5 Sekeda orang engka ngumbai pengidup deka senang agi enti sida enda ibuh ngaga pemutus. Nuan engka ngasaika utai ti sama. Tang kitai anang enda ingat, Jehovah enda nempa mensia baka robot, ke enda ulih berunding tauka milih. Jehovah udah meri kitai Jaku Iya, ke ngajar kitai chara ngaga pemutus ti manah. Jehovah deka kitai ngaga pemutus, lalu tanggung pengawa tu ulih nulung kitai. Pikirka sekeda chunto.\\n6, 7. Nama pemutus ke patut digaga orang Israel, lalu nama kebuah sida tusah ngaga pemutus nya? (Peda gambar ba pun artikel.)\\n6 Lebuh orang Israel diau ba Menua ti Udah Disemaya, sida patut milih sekalika deka nyembah Jehovah tauka petara bukai. (Bacha Josua 24:15.) Ngaga pemutus ba pekara tu baka ke senang. Taja pia, pemutus ke digaga nentuka sida idup tauka mati. Maya jeman Pengulu, orang Israel majak ngaga pilih ti enda manah. Sida badu nyembah Jehovah, lalu berengkah nyembah petara pelesu. (P-ulu. 2:​3, 11-​23) Udah nya, maya jeman nabi Elijah, nembiak Petara patut mutus sekalika sida deka nyembah Jehovah tauka petara pelesu Baal. (1 Raj. 18:21) Ngaga pemutus ba pekara tu baka ke senang laban nyembah Jehovah nya seruran badas. Orang ke nemu berunding enggai nyembah petara ke enda idup. Tang orang Israel enda ulih ngaga pemutus. Bup Kudus madahka, orang Israel agi bebagi ati “deka ngaga pemutus.” Nya kebuah, Elijah meransang sida nyembah Petara ti bendar, Jehovah.\\n7 Nama kebuah orang Israel tusah ngaga pemutus ti manah? Kesatu, sida enda arapka Jehovah, lalu sida enggai mendingka Iya. Sida enda pechayaka Jehovah, lalu enda ngena awak belajar pasal Iya tauka penemu-dalam Iya. Enti sida belajar pasal Jehovah, utai ti dipelajar tentu ulih nulung sida ngaga pemutus ti manah. (Mas. 25:12) Kedua, orang Israel dikuingka orang ari bansa bukai. Sida nguingka runding orang Israel, lalu indah ngaga pemutus ke sida. Ketegal tu, orang Israel berengkah nitihka orang bansa bukai nya, lalu nyembah petara sida ti pelesu. Jehovah udah lama nangkan orang Israel pasal pekara tu.​​—P-sut. 23:⁠2.\\nPATUT ORANG BUKAI NGAGA PEMUTUS KE KITAI?\\n8. Nama utai ti beguna ke dipelajarka kitai ari orang Israel?\\n8 Chunto orang Israel ngajar kitai siti utai ti manah. Enti kitai deka ngaga pemutus ti manah, kitai patut ngena Jaku Petara. Gala tia 6:5 ngingatka kitai, tiap iku orang betanggungjawap ke pemutus ti digaga diri empu. Amat, kitai enda patut meri orang bukai tanggung pengawa ngaga pemutus ke kitai. Tang, tiap iku kitai patut belajarka utai ti dikumbai Petara ngena lalu ngereja utai nya.\\n9. Nama kebuah ngelakka orang bukai ngaga pemutus ke kitai ulih ngenusahka?\\n9 Baka ni kitai engka ngelakka orang bukai ngaga pemutus ke kitai? Enti kitai ngelakka sida ngansak kitai ngaga pemutus ti enda manah. (J-lam. 1:​10, 15) Tu ulih ngenusahka. Endang tanggung pengawa kitai nitihka pengasai ati ti dilatih ngena Bup Kudus. Enti kitai ngelakka orang bukai ngaga pemutus ke kitai, tu reti iya kitai mutus deka nitihka sida. Pemutus nya ulih ngujungka penusah.\\n10. Nama jaku tangkan ke diberi Paul ngagai orang ba Galatia?\\n10 Rasul Paul nangkan orang Galatia ngambika enda ngelakka orang bukai ngaga pemutus ke sida. (Bacha Galatia 4:​17.) Sekeda bala menyadi Kristian lelaki ba Galatia nguji ngaga pemutus ke orang bukai ba eklisia. Nama tuju sida? Sida ke lelaki ti berundingka diri empu nya deka bala menyadi Kristian lelaki nitihka sida, ukai nitihka bala rasul. Sida enda baruh ati, lalu sida enda bebasaka hak bala menyadi Kristian lelaki ke patut ngaga pemutus ke diri empu.\\n11. Baka ni kitai ulih nulung orang bukai lebuh sida patut ngaga pemutus?\\n11 Semua kitai ulih belajar ari teladan manah rasul Paul. Iya nemu, bala menyadi Kristian lelaki bisi hak ngaga pemutus ke diri empu, lalu iya bebasaka hak nya. (Bacha 2 Korint 1:​24.) Kemaya hari tu, bala tuai gempuru ulih nitihka teladan tu lebuh sida meri jaku lalau pasal pekara ke bekaul enggau utai ke dipilih diri empu. Sida gaga ati bekunsika penerang ti bepelasarka Jaku Petara enggau bala menyadi Kristian. Tang, bala tuai gempuru bejimat lebuh ngelakka tiap iku menyadi Kristian ngaga pemutus ke diri empu laban tiap iku sida deka betanggungjawap ke pemutus ti udah digaga diri empu. Utai ke ulih dipelajarka: Kitai ulih nulung orang bukai meretika jaku lalau Bup Kudus ke ulih mutarka penanggul sida. Tang, bala menyadi Kristian kitai bisi hak sereta tanggung pengawa ngaga pemutus ke diri empu. Enti sida ngaga pemutus ti manah ke diri empu, sida deka bulih penguntung. Amat, kitai enda patut ngumbai diri bisi kuasa mutuska bagi utai ti patut digaga bala menyadi Kristian ke bukai.\\nBala tuai gempuru ti bisi pengerindu nulung orang bukai chara ngaga pemutus ke diri empu (Peda genteran 11)\\nANANG NGELAKKA ASAI ATI NUAN BEKUASA ATAS PEMUTUS NUAN\\n12, 13. Nama kebuah ngaga pemutus lebuh kitai benung pedis ati tauka lemi semengat ulih ngenusahka?\\n12 Kemaya hari tu, mayuh orang ngaga pemutus nitihka ati diri empu. Tang tu ulih ngenusahka. Bup Kudus nangkan kitai ngambika enda ngaga pemutus nitihka ati tauka asai ati kitai ti enda sempurna. (J-lam. 28:26) Kitai enda tau arapka ati kitai laban “nadai utai ti nemu agi ngakal ari ati mensia. Iya kelalu balat sakit lalu enda ulih digeraika.” (Jer. 17:⁠9) Bisi mayuh chunto ba Bup Kudus ke nunjukka pengujung ti enda manah ketegal bepanggai ba ati ti enda sempurna. (1 Raj. 11:9; Jer. 3:​17; 13:10) Nya alai, nama ulih nyadi enti kitai nitihka ati lebuh ngaga pemutus?\\n13 Jehovah udah ngasuh kitai rinduka Iya enggau pengabis ati sereta rinduka orang bukai baka kitai ke rinduka diri empu. (Mat. 22:​37-​39) Tang kitai patut bejimat. Ayat Bup Kudus ba genteran sebedau tu madahka, kitai deka napi penusah enti ngelakka asai ati kitai bekuasa atas runding sereta ulah kitai. Ngambika chunto, orang ke pedis ati tusah ngaga pemutus ti manah. (J-lam. 14:17; 29:22) Orang ke lemi semengat mega tusah deka milih enggau manah. (P-pau. 32:​6-​12; J-lam. 24:10) Kitai patut ngawakka adat Petara ngiring runding kitai. (Rom. 7:​25) Lebuh kitai ngaga pemutus ti besai, kitai enda patut ngelakka asai ati kitai bekuasa atas utai ti digaga kitai.\\nNI MAYA NGUBAH PEMUTUS KE UDAH DIGAGA\\n14. Baka ni kitai nemu enda salah ngubah sekeda pemutus ke udah digaga?\\n14 Kitai patut ngaga pemutus ti manah. Tang orang ti pintar nemu, kekadang iya patut mikirka baru pemutus ke udah digaga lalu engka ngubah pemutus nya. Petara Jehovah netapka teladan ti pemadu manah ke kitai. Peratika utai ti digaga Iya ke orang Nineweh maya jeman Jonah: ‘Petara meda utai ti dikereja sida. Iya meda sida udah ngelengkaka ulah sida ke jai. Nya alai Iya ngubah runding Diri, lalu enda nyadi ngukum sida.’ (Jon. 3:​10) Lebuh Jehovah meda orang Nineweh udah berubah sereta badu ngereja utai ti jai, Iya ngubah pemutus ke udah digaga Iya. Tu nunjukka Jehovah nya nemu berunding, baruh ati sereta kasih. Enda baka mensia, Jehovah enda ngaga pemutus enggau enda berunding, indah lebuh Iya pedis ati.\\n15. Nama kebuah kitai engka patut ngubah siti-siti pemutus ke udah digaga?\\n15 Bisi maya iya kitai patut mikirka baru pemutus ke udah digaga kitai, ngambika chunto lebuh gaya siti-siti utai udah berubah. Kingatka, kekadang Jehovah ngubah pemutus ke udah digaga Iya. (1 Raj. 21:​20, 21, 27-​29; 2 Raj. 20:​1-5) Kelimpah ari nya, kitai mega engka deka ngubah pemutus ti udah digaga lebuh kitai nerima penerang ke baru. Pikirka chunto Raja David. Iya ngaga pemutus pasal uchu lelaki Saul ke benama Mepiboset bepelasarka penerang ti salah ke diberi ngagai iya. Udah nya, lebuh David nerima penerang ti betul, iya ngubah pemutus ke udah digaga iya. (2 Sam. 19:​24-​29) Kekadang, endang manah enti kitai ulih baka nya.\\n16. (a) Nama chara ke ulih nulung lebuh ngaga pemutus? (b) Nama kebuah kitai patut mikirka baru pemutus ke udah digaga, lalu baka ni kitai ulih ngereja nya?\\n16 Bup Kudus madahka, kitai enda patut beguai lebuh ngaga pemutus ti besai. (J-lam. 21:⁠5) Kitai patut ngiga awak berundingka semua fakta enggau manah ngambika ulih ngaga pemutus ti manah. (1 Tes. 5:​21) Sebedau mutuska bagi utai ti deka digaga, tuai bilik patut ngiga awak mansik Bup Kudus sereta litaricha Kristian. Endang manah mega mendingka runding tauka penemu diri sebilik ke bukai. Kingatka, Petara ngasuh Abraham mendingka bini iya. (P-kal. 21:​9-​12) Bala tuai gempuru mega patut ngiga awak mansik. Lebuh bala tuai gempuru tetemuka mayuh agi penerang ba litaricha, sida enda takut ngubah pemutus ti udah digaga tauka takut enda dibasa orang bukai. Bala tuai gempuru ke nemu berunding sereta baruh ati patut sedia ngubah runding sereta pemutus sida lebuh sida patut ngereja nya. Lalu endang manah enti semua kitai nitihka chunto sida. Tu ulih nulung eklisia bisi pemaik sereta mengkang beserakup.​​—SKR. 6:​1-4.\\nKEREJA UTAI TI UDAH DIPUTUSKA NUAN\\n17. Nama ulih nulung kitai mujur ngaga pemutus?\\n17 Sekeda pemutus deka besai agi ari ke bukai. Ngambika chunto, mutus sekalika deka kawin tauka sapa ke deka enggau kawin nya pemutus ti besai. Siti agi pemutus ti besai, iya nya kemaya deka berengkah gawa penuh jam ke Jehovah. Sebedau ngaga pemutus ti besai, kitai patut berundingka pekara nya enggau manah sereta besampi minta tulung ari Jehovah. Tu begunaka awak. Tang enti kitai deka ngaga pemutus ti manah, kitai enda tau enda arapka Jehovah, mendingka atur ari Iya, sereta nitihka iring ari Iya. (J-lam. 1:⁠5) Jehovah udah meri kitai jaku ajar ti pemadu manah ba Bup Kudus. Nya alai, endang manah enti kitai ngaga pansik sereta besampi minta iring ari Jehovah. Iya ulih meri kitai kualiti ke diguna kitai kena ngaga pemutus ti sejalai enggau peneka Iya. Sebedau ngaga pemutus ti besai, kitai patut seruran nanya diri empu: ‘Kati pemutus tu nunjukka aku rinduka Jehovah? Kati pemutus nya mai pengelantang sereta pemaik ngagai ruang bilik aku? Lalu kati pemutus nya nunjukka aku sabar sereta manah ati?’\\n18. Nama kebuah Jehovah ngarapka kitai ngaga pemutus ke diri empu?\\n18 Jehovah enda mejal kitai rindu sereta nyembah Iya. Tang, Iya udah meri kitai pengelepas kena milih. Iya masa tanggung pengawa sereta hak kitai milih sekalika deka nyembah Iya tauka enggai. (Jos. 24:15; P-jar. 5:⁠4) Tang Iya ngarapka kitai ngereja utai ti udah diputuska kitai bepelasarka Jaku Iya. Lebuh kitai arapka iring ari Jehovah sereta nitihka prinsip ke udah diberi Iya ngagai kitai, kitai ulih ngaga pemutus ti manah. Lalu kitai deka nunjukka diri tegap dalam semua pekara.​​—Jam. 1:​5-8; 4:⁠8.\\nEnti nuan nitihka ati nuan, nuan ngaga pemutus bepelasarka asai ati tauka utai ti dikedekaka nuan. Tu ulih ngenusahka. Kitai ulih ngaga pemutus ti manah enti kitai ngawakka Jehovah enggau Jaku Iya meri kitai penemu-dalam ke diguna kitai","num_words":2058,"character_repetition_ratio":0.107,"word_repetition_ratio":0.0,"special_characters_ratio":0.217,"stopwords_ratio":0.338,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Li Jane champion bowling S’wak - Suara Sarawak\\nKUCHING: Perais mata duit RM20,000 dipenggi Sin Li Jane pengudah dipadu menggi gelar champion kategori tebuka Pekit Tenpin Bowling Tebuka Entarabansa Sarawak 2019.\\nBa renggat kepenudi diatur kemari, Li Jane mujur ngalahka tiga pemain bukai ti mega ari tim Malaysia.\\nKelimpah nerima perais mata duit, iya mega mai pulai trofi burung kenyalang sereta perais ari Sharp.\\nPenuduk lumur dua dipenggi Radin Nur Najwa ti mai pulai perais mata duit RM10,000 enggau trofi.\\nSemina siku aja penyereta lelaki ba kategori tu ulih datai ba renggat kepenudi Muhammad Shafiy Zaim ba penuduk lumur tiga.\\nIya nerima perais mata duit RM5,000 enggau trofi.\\nPenuduk lumur empat Nora Lyana Natasia Norkamal nerima perais mata duit RM2,500 enggau trofi.\\nPerais pekit disuaka Menteri Nembiak enggau Lumba Datuk Abdul Karim Rahman Hamzah ti sama meda pekit kepenudi sehari tu, di palan main bowling Emart Batu Kawa.\\nCHAMPION… Sin Li Jane (tiga kiba) begambar enggau Abdul Karim (empat kiba) pengudah nerima perais, tadi.","num_words":154,"character_repetition_ratio":0.108,"word_repetition_ratio":0.0,"special_characters_ratio":0.2,"stopwords_ratio":0.11,"flagged_words_ratio":0.0,"lang_id_score":0.977,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pintu Dunya GerubiTuai: 06\/2006\\nAri Simanggang Mai Pengerindu..\\nPengawa begulai enggau pengerawan mega ti di asai laban nemu diri naka penyauh ari menua. Ukai nya ulih gusung baka kitai ti ulih berundang kasang ke Kuching- Simanggang. Enti enda berebutka penuduk beminggu sebedau berangkat sigi tau enda ampit penuduk deh. Ukai baka kitai bekerita betumpangka bas! Enti bejalai ngusung menua di kumbai urang menua dikeliling tanjung telaga minyak be tung tung benama Miri tu enggai enggai pan numpang kapal nadai layar besayap enda engkebab, kapal ti tau terebai baka geruna ngerenchah menua suah ngelantak gempung tugung gempuru anak remang. Nama deh, iya ga udah bisi penuduk ..engka tu meh ku munyi ensera didinga dibacha ti tau dikumbai urang betepanka daun limba limbi nyerang menua munsuh terengkah nadai bepenti! Tu meh kali ke terubah iya nemu enggau urang engketut duduk betuntut berentung siku, bediri besengki berimbas bau. Nadai ga rawan asai iya deh..enda baka ti engkining merening gulung tengiling ari puchuk rian. Ahhh enda lama agi datai meh tu di menua baru, menua injau igat bujang malu. Tak nyelai ga ulah, tak ka kemi enda alah tat..hmmm ..ku jaku.nguji kemi ari atas remang biru ngichaka manching ngerami kengka kampung buah ti di kelambung pansa..ngichaka tau galak agi bisi ga ditiki bala anak mensia! Ahh masuk gerempung kemi di atas remang meh tu, ku jaku..deka ninggalka bekau jari nanda utai ba jamban MAS tak nadai mai arang ga tu dehhh apai.\\nBisi ga runding tak nikal ke menua laban ngenang bala kaban bukai enti nadai diberi tempat enda sempat enggau berami. Nadai ku enggau meh nya laban kitai sama udah datai ba simpang bepampang baka kerigai tulang keli belukang. Aram meh sama mansang. Melelat meh runding baka sempepat ngacha nerangka petang sinu ngenang bala dara bujang di Simanggang. Bah kemaia meh kitai ulih betemu baru nyurut besepu asap insap raja menuku? Tu meh gaya nasit aku ti ngenang diri sunyi nadai sulu mansang ngusung deka bekalala enggau menua baru. Asai ti baru udah angkat terebai ari palan landai Boeing besai di Kuching nyau ga datai terengkah betumpu enggau tanah menua ti suah dikenang ti selalu nyadi buah mulut endur kitai sebansa lenyau lesap belelang laban tebilang nama enggau pengeraja minyak enda kurang tambah mega laban siti sekula ti di kumbai Tanjung Lobang.. ahhh ila meh nilik mansik bakani ku menua tau bulih nama Tanjung Lobang..maioh lubang kini menua tu!\\nNadai ga tudah aku terus niki nuju sekula baru laban ti di ambat serta di ambi tudah kaban, tanah petunggal aku Ambrose Buntu..terima kasih Minan laban ti bisi datai nganti penatai. I owe you one buddy! Ila meh enti tua bisi maya bisi masa nyuluk mesit buah rian ari puchuk sikup di menua belalai nyau ka di temu ini Ima!..Ila aku niki iya sekali deh..kapa belelai..agi rumpah agi regah tu deh! Udah semaya sida indai, aku lalu di bai iya ngusung lalu diau enggau siku tanah aki ti bisi ampit enggau urang bekerja polis di Miri. Ohhhh ku jaku..tak megai serta nyaga menua nyadi polis magang sida tu! Sgt. Sinyap, aki..terima kasih laban nyendiaka diri nyelitka aku ba bilik kita seminggu dua. Ahhh. ..sapa nya? Nya meh ku munyi tanya kangau indai tuai siku ari sepiak...\"Sanu, Anak endu sanu ari Simanggang,\" ku tudah aki . \"Apooooo agi ngelala aku nuan sanu...hmmm of course aku agi ingat..bala sida Jerry enggau Margaret ti udah enggau betemu di Simanggang, the Dusuns! Bala sida aunties , Nancy, Julianna, enggau Shirley pan naka pemanah. Ke biak sekali..ti dikumbai 'boy' tak agi mit amai..Bakani meh malas budi kita? Ngajihka umur panjai kitai tau ulih betemu baru jemah ila. Bala sida tu meh ti mai aku bekelala enggau pasar Miri. Ahhh tak lalu bedau ngusung Tanjung Lobang meh tu..nadai nya lari deh. Nya iya..nyau semak amai..ulih di sium pemanis pemasam angin Laut China Selatan!\\nTeritik perechik ai dawat GerubiTuai hari Thursday, June 29, 2006 9 comments: Links to this post\\nBelelang Mansang Bejalai\\nBaru udah entap asai diri nyau ga ngira diri mindah. Asai ti deka nyabak kisi kisi laban penyinu ati ngenang semua utai ti ditinggalka. Deka nyabak duie duie sebelah kaki lima alai diri ti suah selalu betanda tak malu enggai diketawaka bala sida endu endun indu dara ga! Nyabak ketawa andal tusah meh asai ati laban endang ngadang diri ngejang pegi belelang bedunju belangkau ba emperan baru. Ahh ku kenang ati ga..enti di anjung urang ngagai SMK Simanggang kedua kali nama Tiang Laju nadai ga bangat sunyi laban bisi kaban dikelala tambah mega Tuansipul sida dia tanah aya kaban diri! Apuuu enti di tikauka nuju St. Thomas aduhhh berasai betabi bekelala enggau menua Kuching ila, ku jaku ga. Perambu atur ti deka ngejangka menua Merika Utara kedua bali nama kumbai mensia Kanada udah mega digaga tang jangka aku semina nyadi mimpi tengahari aja meh dulu laban tudah indai berat rat enda nyagi..engka icha tau mujur tau nyadi di menua dulu. Siti meh utai ti udah nyengala deka nyadi; ninggalka bedau diri ba Munggu Sabun, St. Luke's Secondary School menua Simanggang. Nganti penentu enggau pemutus tu meh ti ngirauka ati laban pusin kuing penunga bedau temu!\\nEnda mukai mukai pemutus randang jalai datai di simpang betemu punggang! Ahhh nyamai mimit ga ati tajapan beraie ati ngenang bala pangan ti tinggal enda ulih enggau bekaling dudi hari. Beraie ka ambai sigi nadai laban sapa ti ka ke kitai ukai anak mensia, ukai anak tau ajih tau bulih petara apai sida iya, ti jai gamal makai rangka mati enggai, kitai ti ukai anak lansik anak bidik tau tilik...ohhh jara anak timpang anak ampang madu midang ku urang di menua deh! Hmm bula enggai nya wai ambai! Semadi ngenang pelaling tunjing sepatu chap bata bekau meragau di menua Melayu, Iban enggau China benama Simanggang bagi kedua ahhh. Mayuh kami sebala di engkah urang nampung pelajar ba Tiang Laju, laban sekula tu maya tu bisi Pom empat, lima enggau enam. Bisi ga ati deka nitihka bala, tang kati ku baka deh laban udah nasit udah selatan kitai! Engka ngelantangka ati tudah indai meh tu laban engka nadai agi duduk sebelah baruh kayu sepiak panggung wayang nundi urang mansa agi. Nadai meh tu agi belalai nginsap dalam seperis mensia ari Lingga deh. Nadai meh tu agi enggau bala anak mensia nyepan melangkan ba padang BLDC. Nitihka berita padah bala pengajar tak kami duai endun Jennifer Janang aja meh deka di anjung urang naka penyauh bakanya. Nyendiaka diri betabi enggau menua baru beserara enggau menua lama meh tu. Selamat pagi Miri, selamat petang Simanggang. Tu meh maya sekula ti kumbai urang Tun Datu Taunku Haji Bujang College endang agi beberita tebilang nama alai nembiak ari serata menua Sarawak ti bidik bulih result ti manah ba peringkat LCE enggau MCE nampung pelajar. Diri empu tak nadai kala ngasai diri lebih, enda mega bangat kurang ari urang...nadai nama nama deh. Nadai mayuh kelukih deh laban udah nasit , enda pia? And Tanjung Lobang....here I come. Ngarapka nuan nyambut penatai anak mit mesai tating lukit dara tuai; anak kurus lurus tengkering baka batang jinggau paya umai.\\nTeritik perechik ai dawat GerubiTuai hari Tuesday, June 27, 2006 11 comments: Links to this post\\nNgesal Dudi Nadai Reti?!?\\nEnti nitihka penuai umur, nembiak ti udah nyengkau 15 taun tu udah nemu berunding kediri empu; ditagaka udah ngelala ngena enggau salah, tau enggau enda, manah enggau jai serta enggau utai bukai ti selalu mai bibat belaban enggau pengelurus pengidup. Udah ngelala reti jaku 'ngesal' tang laban pendiau enggau pengidup siku siku serta pengangkat ari rumah ti enda sebaka; nyelai baka seruri atap mulong atap apung ku sema kitai, bisi nemu ngesal lalu bisi nya majakka pengagit ati ti deka, ku jaku, 'ngelantangka pendiau merindang ati' baka anak ti baru nemu meragau. Enggi diri empu, laban pengidup enggau pendiau ti udah di sepi di tumi jauh nyelai ari nembiak serambau umur bisi nyelai mimit mega kengka igi leka runding di terenakka dalam kerubung untak kusung engkurak begirau ulak ransi ngelambung. Ah enti kitai mensia tu nemu ngesal sebedau ngereja pengawa ti enda patut, enda baka ti diatu ga pengidup kitai, enda pia? Nya meh sampai dikelagu mensia 'ngesal dudi nadai reti' tu deh. Ari ngelala serta ngasaika reti jaku ngesal tu meh kitai belajar sama nyingkang sama mansang baka urang. afterall life is a learning process.\\nNgesal ngasaika diri meri penusah ngagai kaban ti sama sama deka peresa LCE enggau aku. Endang nyamai kitai muntangka jaku ngumbai ahhh life goes on but...I have to live with that sampai seput padam laban ukai semina udah nyadi tak sengapa nyadi tekala nya lalu ulih dilengkaka tekala nya mega. Utai ti udah nyadi bakatu ngerampit nyerarai ngagai anak, uchu ichit urang deh! Endang nyamai kitai madahka..oohhh nadai nuan ngepai nuan ngelambai nyuruh iya jengkak jengkak baka engkatak ngiga daun pemanggai bungai keladi; nadai nuan mulaska lengan ngirit matak ngansak iya bemain lemai nya..Something I learned ari bemain bol..bah enti nadai gagit bemain bol ulih aku ngasai penyiru ,pengasih enggau pengeransi ati? Utai ti nyadi petanda tajapan enda kala disebut ngagai bala nembiak ti dilatih serta di iring bemain diatu!\\nNgesal laban seruran enda medingka enda ngasika ajar tudah indai. Sapa agi deka meri jaku ajar enti enda indai, apai ga nadai enggau begulai. Heesss nyin iya nyau benganjuh bisi ambai baru..entah berapa iku ambai lalai iya enda meh kitai ulih ngitung leka mata urang deh! Nya meh, laban tudah indai endang kasak kasak ngemataka pengawa sekula diri deh. Lain ga laban tudah ti bisi pemandai mimit. I guess jaku tanggar leka kelakar 'mummy knows better' nya endang amai. Akai daii tu meh kali penudi iya aku di gagai tudah indai with rotan in her hand..akai dai tudah tuai.engkechit melunggang engkerarin semin rumah perintah ala Marina Chin( pelumba merejuk pagar ti tebilang di menua Malaysia maia tu) ngagai aki gerubi laban ti enggai nginsit ari padang mit anak polis! Endang patut urang bakanya enggau kitai laban penyayau urang ka kitai. Penyenang enggau penyamai ukai pulaika sida ti ngajar, pulai ka kitai. Peresa LCE endang nadai beleman deh..Entah nama meh kebuah aku tak seruran madahka kami sebilik LCE would be a piece of cake! \"Enda belajar pass meh ila,\" ku jaku diri madahka sida. Chara belajar pan ngelaban enggi urang, but it worked well maia tu ba aku. Mesti meda TV dulu udah makai baru belajar lalu nindukka diri udah nya. Hmmm udah abis peresa LCE ..asai ti ngetanka diri ari deka kentut!! Kentut.... hmm relieved asai iya..Junuk junuk meh kami duai Giles Kamar ngabas pengudah penentu peresa tu niki ka Munggu Sabun kin. Engka tu meh pengujung meda Munggu Sabun ku jaku diri dalam ati ga! Pass meh kami duai iya deh. Apoooo meda penentu result peresa akai daiii enti belajar baka nembiak bukai enda ka....bla bla bla. Udah tekelanjur ukai ulih ditikalka ....pengajar ga mayuh bisi ngelalau; indai besari sari meri jaku ajar nyuruh belajar, kaban belayan pan enda kurang mega meri jaku lalau..nama agi deh..asi ga udah nyadi bubur, enda pia? Enda mega bangat jai deh tang engka ulih manah agi enti belajar baka urang bukai. Nganti meh tu, nganti ka penunga tuju penerengkah diri udah nembuka pelajar ba Munggu Sabun Saint Luke Secondary School, Simanggang. I still refuse to call it Sri Aman, laban there wasn't any aman to it! Damnnnnn how could I be so hard headed!?!\\nNgesal laban ti balat deka bemain enda nemu nagang diri baka ti nadai pagila; seruran nyukat pemesai kaki lima tajapan pemesai pemanjai kaki lima tak enda berubah ari hari siti ngagai hari siti. Ari pengesal tu aku ngalihka diri, ngubah diri..enti enda diri empu sapa deh nemu ngubah kitai laban tangga pengidup tu mangkin sari mangkin renjan ditiki. Tang enda gaya kitai niki meh nya, salah singkang tau labuh deh..enti labuh katas nyamai meh kitai enda nyingkang udah datai...tang meh seruran labuh ke baruh! Tiap tiap batang pengidup tu ukai bepanggai ba penyuah kitai labuh deh; bepanggai ba bakani kitai ngangkatka diri. Tumu agi teterap tumu agi ga ngasaika pemedis; tumu agi ga kitai ngelala isi buku lali ti nyau bedemaram mengkul kembai nyuruh kitai kejingka enggai. Tu meh seruri pengidup ngesal dudi nadai reti serbana leka lagu tudah aya Christopher Kelly. Terima kasih Simanggang laban meri aku peluang bekelala enggau nuan serta tabi basa ti meruan aku simpan sampai ka saritu.\\nTeritik perechik ai dawat GerubiTuai hari Saturday, June 24, 2006 2 comments: Links to this post\\nUbah Randang Pendiau..Udah Nasit.\\nPom tiga ku jaku esss nama aja pom tiga, but that's the way it was! Ninggalka kaban serambau sekelas laban di pasukka bala pengajar begulai enggau bala ti baru. Engka penyayau Mr. Nicholas Ansi and colleague meh tu. Folks, you guys just don't know how appreciative I am today! Tu meh bala pengajar ti tau dikumbai kitai 'champions' tajapan champions tu selalu dikena kitai mensia ngelar pemenang besai ba pengawa lumba enggau main. Aku, meranika diri ngerembaika reti jaku 'champion' tu ngagai pengawa ngajar! Mereti meh aku kebuah kita selalu ngeriput aku ngagai tudah indai maya kita betemu bebelika sayur tumu pagi ehh. I did what I wasn't supposed to do! Endang amat ngereja pengawa ti enda nitihka adat nemibiak sekula, tang kita pengajar meh ulih ngalih nukar pengawa kami nembiak ti dipegai kita ba sekula enggau chara ti betul. Meri besai terima kasih nuju Mr. Nicholas Ansi, Mr. Stephen Landong, Mr. Lagat Langi, Mdm. Leong, Miss Roselind Adam, Mr. Chai, Mr. Tay Jik Kaw, and Mr. Davy Nyelambau. Nabi basa proactiveness kita sebala. Enti enda pia, what could have been enggau what would have been..enda meh kitai nemu.\\nTang meh maya tu udah nemu begulai enggau bansa bukai lebih agi bansa China laban udah sekelas enggau bala sida Kuek Ping, Law Eng Chai, Siew Khing, enggau sida bukai mega! Bahlah sekali tu kami dikurung begulai enggau kaban sekelas ti baru.Mimit aja kami ti Iban nyelat bala China pom tiga sekali tu..to the best of recollection..Jeffery Sigai(keri), Giles Kamar, Geoffery Stephen, Emlyn Jimbai, Veronica Suntai, myself, enggau Norela Marin. bala nembiak China ti agi dikingatka nama..Yew Teck, Sing Ting, Jin Soon. Bendar deka nikalka diri nguji ngeransingka tulang bejako berandau enggau bup geography enggau history, enda meh ulih laban ti alah laban pengagit ati deka bemain..tried just about anything, any game sampai nemu bemain bandat nya lapa!!!Haha..bendar mega kami bekeretukka gitar nguji kerepau key kunchi a-f maia tu. Empat iti utai di meruan ngerembang mansa kerubung pala maia sekula pom tiga ti bisi nyadi serta bisi ngubah pendiau anak timpang anak ampang siku tu.\\nKesatu:\"Enti nuan pil peresa pom tiga tu, peda nuan mua pintu kitai nya...blah blah bling..dia meh alai aku ngantung nuan enggau tali temeran,\" ku seradak nyawa kinggar bedenggar munyi ribut matahka layar perau bangkung besuar. Apoooo..sepiak aku tudah auntie Nora Tuang ketuchum laban nemu nya ukai bum sebarang bum, bum besai ukum meletup ninggang tanah berenyang. Aku tak nukung aja ba kerusi bangku gaga China deh..engkijap engkesap endang enda laban igi mata tak lekat nunga talibisin chelum putih nadai warna! Hahh..dalam ati din..enti aku di anjung ke Ai Ngelan ila nya meh aku..sigi ulih nitih bekau kaki bala sida nya ! Ukai nama deh nya, di anu urang tuai laban enggai belajar ditangkanka enggai tinduk laban nganti Siaran Langsung Mangkuk FA...Arsenal ngelaban Manchester United bulan lima ari Wembley. Tau di pasukka dalam bup kenang meh tu..laban siku Liam Brady ulih merunsaika Man U..Arsenal 2-0 tinggal sepuluh sebedau nyaguka mangkuk. Man U equalised with two quick goals..Lou Macari ti nyamaka iya 2-2 deh ahhh until Frank Stapleton scored the winning goal for Arsenal a minute later! Woowwwwwwwww!\\nKedua: Temuai ti datai ngusung tak enda itung enggau tunjik kaki tunjuk jari deh. Kaban belayan enda ga ngira sida laban begusung bejenguk tu endang adat pengerindu enggau pengelengau kitai siku siku ke bala kaban. Lemai tu tudah indai bisi temuai jauh penatai-ari menua tasik nyemerai pasipik ku sida tuai kelia. Ehh tudah aku nama ti dikibuhka..junuk junuk masuk jempuk basah dibalut tanah luchak pulai melangkan\\nari padang bol! Tama nuju bilik mandi assssapai ka meradakka nyawa nguji bakat tak enda nyamai asai laban bisi temuai- enti baka selama tu ehhh..enti bisi perais belagu ba bilik mandi endang bulih deh! Dalam ati din tak ngenang diri meh tudah aku- one step closer ngamatka renung tenung niang aki kelia! Di tanya urang bakani gaya enti belajar di menua Kenada? Ahhh nyau belalai nyerungkai bup geography nyilakka kar dunya ngiga menua nya? Kati asai menua nya? Ahh bakani meh gaya sida indu mem ti ku urang neh? Tudah indai mati idup ngetanka aku ngabiska pelajar din? What was so special? Why me, lapa enda anak urang bukai deh? Engka urang kasihka kitai kini! Runding nyau belanggar baka akar engkelait ti nyengkung melit baka sanggit empang raga!\\nKetiga: Engka udah nasit laban nyawa digenggam petara. Ahh nyau melaling melunggang tinting mega runding. Nama kebuah tiap kali deka peresa ditinggang penusah bakatu? Tudah ini, laban ti nadai bepengerai, nitihka niang aki. Ngajihka seduai begulai baru meh ba menua tetap din.\\nKe-empat: Ningaka ajar urang tuai pan kitai tau ditinggang penusah; anang agi enti kitai enda ninga. Urang tuai tuai, laban ti dulu makai garam ari kitai knew better tu endang bisi pengamat mega. Tiga hari sebedau peresa pom tiga..ahhh semina LCE aja nya deh ku bala ga. Nadai nama nama..enda ibuh belajar pass meh ila! Pama semengat kami sebala, tau amai di sabung ! One young lady really cared ngerara kami enda nyuruh kelalu balat bemain laban ti nyau deka peresa. Tudah Mildred puas ngajar\/nganu kami ti kelalu deka bemain for a good reason. Sampaika udah semilan-sebelas(9\/11) nyadi tu tadi bisi mukul talipaun irau ka aku! Thank you Mil. Only if you knew how much I value utai ti bakatu! Asss apai nadai ngawa nya ku bala mega..nurun nyenguk padang sekula peribit di belakang rumah Tuansipol din. Brandon Nicholas Ansi, aku, Giles Kamar, Geoffrey Stephen, Jarit Rajit, Amin Libau, Jilom Langga, Phillip Romeo, and Ninsin Tukang(joy) enggau bala bukai mega besipakka buah bol bemain ngelaban pangan diri! Lapan puluh peratus kami pom tiga, deka peresa, anak Iban ga agi, assssapaii.. Jampat baka kilat pambar tegar baka nitar utai ti tau nyadi; unggal Jilom besatup besengki betis enggau unggal Amin ngujungka unggal seduai iya nyau garing garing ngeliat engkakai betarit seput. Kaki unggal Amin patah! Sampai ke diatu aku ngesan ngema pengesal laban enti aku nadai numbit bol nya nyelepit alang alang bakanya engka enda tudah Amin patah kaki ngujungka iya dipasukka di sepital enda ulih tentu belajar maya deka peresa LCE;ngujungka iya beperesa ari sepital! He could have easily made it if it wasn't for that! My fault tajapan kitai ngumbai tu sigi gaya-endang adat bemain...endang amai bekechiping meh pengidup!\\nTeritik perechik ai dawat GerubiTuai hari Thursday, June 22, 2006 4 comments: Links to this post\\nUmur nyau mega mangkin sari mangkin tuai pemabu pikir mengkang agi ulih keruk kerebuk dijapai-meruan bedau nemu utai! Nama diri di beri maia ada enda anchi anchi naka pemanjai.ahh kati meh deka ngerubak ngemandakka nama ti udah diberi orang tuai deh. Anak runding sigi deka ngetanka nama for future dealings tang pengeransi endang mengkang meruan. Jangka aku, engka maioh meh nembiak ti dikenggaika apai tauka indai berunding bakatu. Benasit mega bisi menyadi tuai tajapan kami duai enda saum kandung saum kerubung, but we are brothers! Nasit iya pan enda mega nyelai ari enggi aku. Maia bisi permisi sekula nyau mega tudah aku nyeliahka semalam dua ngusung iya laban iya ti udah semak bakanya. Ahh lapa enda minta permission belama laban nundukka orang tuai ngichaka keretas bepala agung nambah selambar dua! Nyau ga berani nepan express pukul lapan neresa menua Lachau Balai Ringin Serian laban dini bisi bilun engkabang ditumpang! One way in;one way out , the so-called Kuching-Simanggang forever bumpy highway! Lapa meh jalai menua bangat enda dikibuhka JKR bah. What for? Jangan Kerja Rajin ku jaku--Jabatan Kurang Ringgit or whatever..Puas beretanka kanda enggaika tekemi laban jengkak jalai nemuaika Kuching. Ahhh ku jaku, ditu nadai urang ngelala, engka tau meh ngujika nasit ngijapka mata sekali dua ngichaka dibalas indu dara. Enti di Simanggang sigi nadai jalai sekali..patah andau! Nyampau meh enti dibalas orang deh, dipalikka urang ga enda. Or was I just third world ugly????Never mind lah bedau maya kitai pengindu! Bendar mega tudah menyadi meri tunga bejalai..nyau baka kar lanun borneo kelia. At times, di suruh iya ngetu ba Badruddin lalu niki ngusung upis tang suah mega aku tak lanjur ka pasar lalu niki bas semak rumah elektra ti mansa Central Road! Nyau ga nemu di bai urang kin kitu tajapan selalu ditinggalka nguan rumah aja..din rumah ti di tisi, pengujung jarit sekali. Ka pan enda nguan rumah sida iya, 'ngachau daun' ku urang ga hahahah..bedau tau di bai kin kitu . Nadai bemunyi tudah kaban..asai bisi newspapers enggau shoots, aku senang ati deh. Mannnn it's hard to imagine kebuah nembiak kelalu deka macha suratkhabar tu! Tu meh kini bisi ngajar, if nothing else, meratika urang ngerintai jaku ribai!Ditu meh aku beratika penyamai pengidup mensia ti bisi pemintar enggau pemandai mimit. Tudah kaban menyadi aku, an Inspector then..diatu enda nemu meh..Boris Jarup was good to me..nice gentleman..meruan dikingatka. Diau ba rintai jarit rumah sepiak pan Iban mega..kerja ba Radio Malaysia Sarawak..good guy too. Ari tu meh aku bekelala enggau menua ti di kumbai Kuching laban ti suah berundang kasang ari Simanggang. My Iban-minded guess, until today, tu meh one of the many ways sida iya ngelarika aku ari angin chelap angat enggau pengelimpang menua di Simanggang.\\nNyau ka tiap tiap hari ninga ajar urang tuai. Enti urang enda sayauka kitai dini urang deka meri jaku ajar deh? I understood that much tang meh selalu tama pending kiba labuh beterayan ari pending kanan or vice versa. Ns ti selalu ngasuh nembiak lemi tulang betepelai tumbang udah maioh ga ngerampit nyadi penyakit..kati ku baka? Ns as in Nginsap, Ngirup, Ngindu\/Ngayap!!, Ngelaban, Ngenchuri, Ngelusu, Ngelakar, Ngedar, Ngachau, Nyerungkai, Nyamah, Nothing, enggau bala N ti bukai mega. Tajapan enda semua inggap ba diri, those few ti bisi inggap sigi tau medih amai. Nya meh kebuah urang ngajar kitai, enda pia? Laban diri ti sigi nadai apai..endang maioh mega apai maia tu akai daiii..tak enda ulih nyingkang limpang alai ninga jaku ajar bala kaban belayan. Tajapan maioh urang nemu ngajar kasihka kitai, endang maioh nya ga bala mensia ti ngelala ti nemu ngemelika, ngemaruhka serta ngasut kitai...lebih agi sida ti bisi anak serambau tauka tuai tauka biak ari kitai? Envious???? It hurts a little enti urang betelai ngumbai kitai enda ulih nyadi mensia. Enti dipadahka ba mua mata diri, nadai ga ngawa? Enti belalai betelai? Bah what? A coward? Hmmm enda tau sekali kali ngerigang enggang engkebap terebang , pagila lusa kitai enda nemu, antu di baruh dagu deh..udah nasit ku kitai.\\nTeritik perechik ai dawat GerubiTuai hari Friday, June 16, 2006 7 comments: Links to this post\\nPenatau nitihka pengerindu ati.....\\n\"Belajar enggai; bemain lumor satu,\" seru serebana bala mensia ti ngelala. \"Kalat kulu kalat kili, baka apek bayat ti nadai pendiau,\" ku tudah boss ga! \"Your \"blother\" was so good, why you so bad, so naughty huh!\" munyi sembur ludah penilur tudah Mr. Tay Jik. Kaw. \"Apa kitak mauk jadi samseng kah? Cuba melawan aku di luar kelak..kitak tok macam orang mencari lawan, mencari gaduh jak,\" ku Cikgu Zainal ngamang deka nuchul tudah kaban siku ngena insap! Poohhh ukai nama pengajar nganu munyi nya..laban bala kami ti enda dibai pengajar bemain bol ngarika sekula lalu begempung bemain numbuhka team bukai lalu belaban enggau sekula ba padang BLDC! Nadai salah ga urang nganu kitai bakanya laban ti nadai nyukung sekula! Katika urang ngambi kitai bemain deh, tubuh ga baruh ari bala maioh, gamal ga mit mesai kerengit nyerungkai nyerungkap lemai! Ahhh nadai ngachau nya....asai bala kami seraban menang aja! Indeed we did..no problemo..semina nembiak \"Pemuda Barisan\" , bala anak melayu ari Kampung Tengah aja bisi meri pengeliat ngelaban mimit. Pengujung iya, nyau berani bemain enggau urang tuai besai hmmmmm ngenang diri good , elusive dribbler but never a powerful kicker!!! Nya meh siti utai ti seruran nyadi pengelemi diri maia tu deh! Or maybe my pair of boots tu too small or too big for me! Not an excuse ku orang putih! Pandai pandai pan kitai maioh agi urang lebih pemandai, enda pia? Tu meh siti utai ti bangat dikemendarka diri maia tu. Enti deka ngiga aku..enti nadai di sekula..endang di padang bol. Hahahah ..nyau puas ngemataka gaya Mickey Thomas enggau Steve Coppell, both ex-Man.U maia tu kelia, ngelepaska diri ari penyaga garis rintai maia tu..betarit asur ka buah bol! I had the speed alright tang enda kala di anjung kebukai. Ahh endang gaya singkang kitai deka mansang sejengkal kamba meh nya. Di tumbit enda nginsit, disimbang endang tumbang, ditajar enda pambar, disimpung enda pumpung, munyi ku jaku sema kitai pengeliat ati ti deka ngukir nama diri ba pengawa main, pengawa pelajar enggau pengawa pengidup bukai mega. Nothing matters laban sapa ngelala aku lebih ari aku empu?\\nNgenang diri maia malam hari bejalai kaki enggau Ajin Balong ( don't have a clue where is now..engka nyadi misi kini..only knew she was from Sg. Rian, Sarikei)pulai melakun ngarika kelab drama sekula ari Tiang Laju..ngenang pengawa belajar. Rumour had it..aku deka di ambi orang ari menua the great white north! Nya meh gaya laban tudah indai sayauka kitai tang kitai enda ngasai diri menyati pendiau diri bakatu. I had no idea!! Di gusung orang deka di bai orang.. \"Anang guai,\" ku saut indai...pie..boleh tahan orang tuai sepiking ahhh. \"Nganti result pom tiga..meda baka dulu,\" ku iya. Bisi ga aku madahka pangan injau ti diau di Pulau Pinang ,di Yugoslavia(then) enggau di Kanada...siti jalai kitai belajar nulis surat meh tu! Kitai baru pom dua udah ditagaka bakanya..apoooo sigi lain asai. Pengaga begulai enggau penangi ti maioh suah di asai. Tang meh tudah diri ahhh akai dai..gila bemain bol..nya baru iya baka chuan ruti danan enti di anjung ka Ai Ngelan ko kenang mega..but I knew that would never happen laban udah bisi chuntu peniru bala kaban! Pesan tudah Ajin, \"Anang enda ingat ka kami ila.\" ...Meruan dikenang belama nya kaban! Tusah kitai maia udah datai ba simpang laban kelalu maioh pampang jalai ti tau ditengah..which one lalu bedau temu..ni jalai ti nadai pengerembus deh? Aku being aku..mangkin sari mangkin irau tudah indai, bala kaban disemak bukai mega, enggau menyadi aku Chom laban orang ti enggau aku begulai, pemanchal aku, penatau aku, penyelai aku, pemerani aku, pengerindu aku, penimpang aku, ahh abis P's ba diksinari kitai Iban alai besema ka utai dek apai. Diatu nemu meh aku utai di suah ngalun penemu nembiak bukai, bisi apai, nadai apai..maia umur maya tu, umur penguji. Nadai utai dikenggai apooo merinsa kitai ku jaku..belaya nadai enggai, rari ari rumah, ari sekula, ngachau utai urang hmmm bisi ampit..semua utai dikerja tak ngelaban pengelurus jalai mensia idup di dunya magang. What do you expect? Son to husbandless mother, adulterous father!!!\\nTeritik perechik ai dawat GerubiTuai hari Tuesday, June 13, 2006 11 comments: Links to this post\\nDi kena merindang ati ngenang pengawa maia agi duduk di bangku sekula kelia. Esss kechik kechik dah pandei main cinta!!!\\nEnti berani muka serta deka meda ukai nya tusah deh..tak tekanka kachin segala ti ngeliling lambang besegi tiga ba tengah nya..\\nTeritik perechik ai dawat GerubiTuai hari Friday, June 09, 2006 13 comments: Links to this post\\n\"Anang ngemalu kami. Udah ga dikenggaika apai, agi ga nuan deka menyati diri maioh penumbuh nadai anchi anchi bakanya,\" ku seradak nyawa tudah indai ari dapur maia aku agi dalam bilik mandi akai daii semadi ngenataika kensung lagu 'widuri' aja meh laban udah nyadi habit belagu maia ti ngunsut tubuh diri muai peluh muai daki ba bilik mandi. Orang tuai bejaku ukai milih jam milih maya deh..nya meh dikesemaka bala diri sebilik 'bom gerinit' deh!!! Pom dua nyau deka masuk pom tiga ga tudah aku. Sigi ga gaya orang tuai nganu laban endang ngasaika diri kelalu balat bemain, ngelusu belajar..utai bukai nyau alah laban untak begirau mai bemain. Biar enda makai enti bala ngangau nyebut main bol ari luar, sigi engkechit baka anak kijang ditegah kumpang..mansang dua tiga kerat isi sema ku jaku. Tudah auntie aku, indai lumor dua aku, nyaga bala anak diri empu lalu nyaga aku..tudah indai aku, nyaga aku nyaga anak auntie aku..besaup meh seduai bejagaka kami sepetunggal tu deh ..nya meh kelimpah ari nyaga tudah ini ti mangkin sari mangkin runggu ditinggang penyakit.\\nPom dua ba St. Luke's Secondary School maia tu pan nyau bisi berubah . Bala kami nyau diserara dibagi pengajar begulai enggau bala nembiak China. Penangi enggau penakut ka orang ahhh nyin udah jauh aku tinggalka ba pom satu kelia! Tajapan udah bebagi bakanya , bala kami ti udah rat rapat enggau pangan diri sigi enda bedua tiga, sigi rat rapat kering baka kah ensurai tebing. Bala kami ti udah betabi puni nginsap tu akai daii bendar belalai sebelah nya deh apai..sebelah baruh pun rian dibelakang rumah aya Enchai(Mr. Sampai) di baruh rumah nembiak bemalam, enggau tempat bukai mega..tempat ti nadai di temu orang kelia nya meh.sebelah kerapa sungai Stawang, which is now called Taman Paderi..ahh bendar bala kami bejelangkit enggaika basah tudah kasut bata..Bujang(Nanta) Kana, Geoffery Stephen, Jarit Rajit, Amin Libau, Mathew Chuma, Bennett Bengali, Giles Kamar, aku, Simon Labun enggau Gandak. Tak bebagi peda aku bala nembiak sekula, bala China pan bebagi meh. Enti nyemaka aku pengajar, engka ulih aku nyeliah magi sapa sapa sida tu! There were groups of four, five!!! Sida ti indu pan bakatu..tudah aku , selalu di bai unggal Geoffery enggau Mildred Stephen ngetu ba rumah sida di baruh din.\\nTumu pagi saritu, aku, Bennett enggau Bujang tak mayuh penumbuh mega..ngusung bala ba rumah bemalam sekula..tak enda mukai mukai..dup..dup dup..munyi redup entak sepatu tudah tuai. \"What are you doing here?\" ku tanya tudah iya. Akai dai..engka nya meh kini dikumbai \"tangkap basah\" deh apai. Tak enggai nyadi ga nelan asap, enda enseput pan enggai ga nyadi. Udah meh nya di tangkap Mr. Lagat nginsap ba boarding which we didn't belong in the first place anyway! Di suruh iya betemu enggau sapit kepala pengajar..akai daii..sigi udah disium bau diriput urang ngagai indai udahnya! Nadai dilengkaka ari pengingat saritu laban udah betemu enggau Mr. Stephen Landong , diajar iya, lalu disuruh iya betemu enggau kepala pengajar sekula. \"Bah, ngambika kita nembiak ti bisi ngelanggar adat sekula betemu enggau Tuansipol meh,\" uttered sapit kepala pengajar. Mr. Nicholas Ansi meh kepala pengajar diatu nganti Mr. Robert Yong. Ngambika pandak cherita..udah meh aku diriput Mr. Ansi ngagai indai deh..hmmm utai bukai semina ditinggalka nyadi kenang enggau peransang aja. I realized later penyayau enggau pengasih kepala pengajar enggau pengajar bukai ka nembiak sekula dipegai sida iya. Akai dai berita aku ti kena tangkap nginsap pan nyau datai ba menyadi di Kuching...sapa mai berita aku sampaika saritu enda nemu..not that it's of any significance ko kitai..but if I were to place my bet I would alah besai panjai! Manchal, tatau, jai, enggau ti bukai mega, nadai tentu diperundingka laban, ku orang, \"nadai nyuruh iya enda bakanya, laban nadai apai\". Why did it have to be known to the community that way? What's the difference? Bisi apai, nadai apai shouldn't be nyadi tangguh pengiruh tenggau pendiau orang!! Benung runggi runggi dalam jamban..pphinyiiiiikkk ko munyi rinyik pintu jamban di buka indai..ahh nama deh dikena ngipas asap..semina Sarawak Tribune aja ti bai 'bira'. Asss apai nadai ulih dipelalaika agi meh pendiau penginsap tu deh...Marlboro\/Dunhill\/Winston enggau aku became one soul! Habitual offender meh aku tu dipeda mata maioh..lapa enda ulih buai remains a mystery sampaika saritu. Siti utai di pemadu terang ari ulah nembiak ti bakatu..stereotyping..or must I say jaku simpul tempa sedandang sekali bepansa..nembiak jai ku orang. Pun diri nemu ngelaban? Sangka aku meh. Nemu berunding? maybe..Pun nemu ngelala penau diri? yes, no, maybe..but the truth remains... Naka pemaioh utai ti narit, ti ngemba, ti ngepai mai bekaling agi biak bakatu. Ngajar diri empu dudi hari anang sekali sekali ngemaruhka, nyelingkapka sebarang utai di baruh tikai, enti betemu bekalala enggau nembiak ti peda machal, tuyu, tatau, bilau, maioh penumbuh ngereja utai. Udah nasit aku...\\nTeritik perechik ai dawat GerubiTuai hari Thursday, June 08, 2006 2 comments: Links to this post\\nBekelala enggau insap & main bol..\\nMunyi letup leka senapang rekau kangau bala sida bunsu bulan menyimbang ngumbai bala anak mensia tu raya tau ngamang, antu tau tepang ..the beast in me finally came out! Reti pemanchal, penyai enggau pemanah udah mega di ubah , enda nitihka bup diksiniri dunya. Naka pemaioh utai ti ngeruga anak pikir, utai ti ngumbai ngepai mai begulai, utai ti nyuruh limpang nyadi kenang, utai ti mai lali nyuruh beli, enggau pengerindang bukai mega. Engka nya meh di kumbai orang tuai anyut darah muda, darah engkurak anak biak kini. Ngelama udah bekelala begulai enggau bala anak mensia di nengeri nyau ga diri berani nguji buah penguji pemali antu raya. Ahh nama mula! Nyau nemu enggau orang chuit chuit nungkunka semakau Sumatra semakau Jawa rukuk kritik ti bebau rengut disium. Esss nyau nemu nginsap! Nyau nemu bejelangkit baka empeliau arang enda di kandang. Nyau nemu meda wayang enggau orang nadai be-wang meh bala deh! Simanggang ohh Simanggang nama lama nuan meruan mengkang laban aku mati idup enggai ngumbai nuan Sri Aman nitihka jaku Jakub Deraman nya. Enti bala ari Munggu Sabun nurun ujung minggu sigi beranti dibaruh kayu sepiak Hoover Hotel deh which is now a supermarket..or at least it was when I was there good five years ago! Bisi ga sempat madahka bala anak the good, the bad, and the ugly..my stomping ground! Bala ari Kampung Resak pan bakanya..tang meh dua iku menyadi ti bangat suah dalam ati , tajapan jauh tuai ari aku, laban ti suah enggau betawing bekaling ngeliling pasar lebih agi Gilbert(bujang) Peter. Menyadi iya Will semina ba padang bol aja. Nyau ka tiap tiap pagi ujung minggu meh tudah kaling serambau aku siko ngejung ngusung aku..Giles Kamar. Ahhh kelalu maioh bala mensia enggau begulai, Iban, Laut enggau China ..nadai kala ngasaika diri kediri udah nya. Tu meh pun aku enggau bala mensia nginsap..belalai meh dulu deh udah nya hmmm baka tupai meh kitai, pandai lanchat bakani pan kitai merejuk sigi endang bisi maia kitai labuh ka tanah deh!..Kati ko kitai- smart smart squirrel jump, at last fall to the ground! Kadang kadang belalai meh bala sebelah perau seperes ti ngetu ba pengkalan di tebing sungai Batang Lupar. Kedai Amin dibaruh panggung dia sigi alai belalai nginsap nya. Nadai ga lekat tudah gam basikal nya ba aku kelia..I have seen it all..ahh ko jaku nama kebuah bala mensia deka amai ngechup gam tu..kati asai? Dah nguji dua kali meh tudah aki gerubi..tak nadai asai sekali..udahnya kapa deh agi negu utai bakanya! Makai pil nya kelia sigi enda aku laban ti nemunya ngemediska diri..suah mega meda bala kaban bukai betelanka pil! But insap, akai dai tak lalu lekat! Bendar ngelalaika diri ari orang tuai. Ngirup ai bisa mimit mimit aja. Nya meh tudah indai akai daiii baka ti nyaga telu di ujung tunjuk! Penyayau orang ka kitai meh nya. Suah amai di perak orang tuai laban gari baju ti bebau asap insap winston enggau benson maia nya kelia. Nya meh bala sekeda bisi ditagaka enda nyadi mensia. These were my buddies, my friends..part of the process of my growing up! Akai dai neh endang tebilang meh \"better late than never\" enti utai bukai..enggi aku, \"better now than later\" deh. Pengindu endang nadai kala di uji bendar bendar, bisi ga enggau orang ngeruh ai..tak baka ujan labuh ka pasir deh pengarap laban dikelala ulah baka tuai kambuh ti ngelala duku ari sepuh! Esss ngemediska kuyu ngapa ngensung enda tentu sengapa, enda pia? Empai maia ko bala kami ari Batang Rajang.!!!\\nNadai pengerindang bukai enti hari udah ngalih lemai. Main bol main bol laban ka main bukai jarang dibai orang..semadi ngaminka ngechukupka tubuh ko orang ti udah besai besai ga. Enti nadai bemain meda orang tuai bemain bol..pengujung iya begulai bemain enggau orang tuai ngelaban luchak ..nyau baka babi bandam nadai betaring udah nyepan gamal bala sekeda! Sigi nyukung team polis laban ti ngelala bala sida iya baka David Sait(penyaga garis belakang), Benson Ugap(pemain tengah padang), Mupit (pemain tengah padang),Bada(pemain sayap),Jagan(penyaga garis belakang), Phillip Aron(gulikipa), Anthony Belon(pemain atas),Gaung(gulikipa), Kuyah(pemain atas), Zarwawi Hamdan Sirat(pemain atas),bala pemain ari seberai Malaysia barat, etc..sida ti bukai enda dikelala but names mengkang ingat..Wynsless Dana, Ensimau..outstation players . They were good players of their times! Team Serakup pan selalu nguing narit ati laban bala sida Dalton, Davy Nyelambau, Gilbert Peter, William Ulik, James Janting..etc..Barisan tu team kampung melayu..bala sida Long enggau Jali. Ahh bala sida David Sambang ari Landas enggau bala sida Reggie Tersan ari Tiang Laju(SMK) Willam Peter enggau Terrence Landong ..orang bukai enda ingat.. Kawi ari Landas tu meh mai nama main Simanggang tebilang nama laban ti selalu marang tiang gol. Ari ngemataka orang tu meh pengerindu bemain bol mangkin sari mangkin nambah! Kami ti agi nembiak pan rindu begulai bemain enggau pangan diri ..begulai enggau bala anak ari medical dia bemain ba tisi flat polis laban ti nadai padang bukai..I remember well, too very well bala nembiak along with orang tuai begulai bemain dia. Bala kami nembiak ti kelalu ngembuan ati bemain..bala anak Thomas Tanju(Reggie, Iloi, Inchi enggau gambi), bala anak Thomas Salon(John, Andrew enggau Time) John Kalom, Lewis Manjan, Simon Labun, Kinchang, bala anak Sigai(Frankie, Jeffrey, enggau Tindi) Hudson Miton, Dolah, Udin, bala anak aki Kana( Chek, Musa, Bujang enggau Uchap) anak Datu(Singke, Wally , Johnson) , Lipo anak George Jim, bala anak Sgt. Giri(Anil enggau Wik-Valentine)anak Bengali(Bennet, Jerry, Job, enggau Joseph),Peter Bishop, Inggu enggau Semilan Agot, myself..akai daiii penuh padang laban nembiak..bala sida ari sepiak, Rofino Jimbai, Edwin Jinggan, 'Muk' Jinggang, Gerald Templer Dundang, Dom Dundang, Perry Nyangan, Amut Lajan, Lipih Lajan, Martin Biju, Glen Biju, Oliver Janting..ah nyau tuai tu ni ulih dikingatka magang nama kita deh!!!Tu meh rengkah terubah aku rinduka main bol lalu sampaika saritu mega. Maioh meh utai udah serta tau dipelajarka ari bemain bol tu. Ari begulai enggau sida tu meh aku dipasukka bemain enggau team Sentosa bala anak Iban under 16 deh..Laban ti agi biak, mit tuboh, ahhh enda dibai nadai meh ngachau ko aku ga..but they must have seen something I didn't know or realize! Belaya serta beterekam enggau bala bukai tu sigi adat bemain, asi enggau ai bala maia tu kelia. Nya meh tiap tiap utai ti manah endang bisi ditangkanka penyai. Part of the game kids played! Enti nitihka sangka jaku diatu, sapa sapa ti tau nyadi pemain benama ba padang bol..I would have to pick quite few of them! I would have to pick Hudson Miton, John Kalom, Joseph Bengali, Peter Bishop, Oliver Janting, Dom Dundang enggau Gerald Dundang .\\nTeritik perechik ai dawat GerubiTuai hari Wednesday, June 07, 2006 No comments: Links to this post\\nMunggu Sabun-Pom Satu\\nUdah dua tiga bulan nerengkahka diri ba palan baru nyau ga bekalala enggau pangan ti bukai. Laban ti endang datai ari menua ulu berasai tinggal mega tudah diri aku. Di tangkan tudah indai enggau jaku ajar belama, akai daii..tiap tiap lemai enda beberi endur..semadi meh tudah indai enda ulih nitihka kitai ka jamban enggau bilik mandi! Berani mega aku madah ka pengelemi enggau pengurang diri ngagai tudah indai. Jaku ajar ari bala sida uncles enggau aunties bukai nya enda ngira agi..enti nya dipesemaka baka bungai, enda chukup pasar Simanggang alai nerenak nanam iya! Lagging behind ba jaku ribai, aku lalu enrolled ngambi courses antara menua..enda ingat agi nama utai nya..Enti nurun ka pasar begaut bebelika magazines..fanfare, shoots, hehehe enggau gila gila kelia. Belanja kuchik tanchut weekend sigi dibagi kia belama deh. Udah pulai sekula maia hari satu-lima sigi bendar ngelatih diri ngusung library Simanggang dia..not much actually semina macha News ti dikeluarka ngena English belama. Nyau kepuas puas iya nyau ga pengawa tu lekat ba diri empu. Tu meh siti utai ti endang dikemeranka ati udah ngasai diri tinggal bakanya. Tu meh asai baru pom satu deh...agi gining gining baka rusa masuk kampung.\\nNyau ga ngelala bala seniors, tang siku ti endang udah dikelala laban Nora Tuang(pom Tiga) tu tanah cousin aku. I do remember some of your names tajapan status whereabout kita diatu meruan unknown..baka sida Bentley Thomas Tanju(Iloi) Balen(labe')Maxmillan Malong, Nancy Tan, Diana Mawar?, John Kennedy Janang, Jinggan, Rait, Lipih Lajan, Marilyn Adam. Sida pom dua pan maioh dikelala, agi dikingatka baka bala sida Easter Noel, Katherine Jinggan, Norhuda Daud, Mildred Stephen Landong enggau Ajin Balong laban ti selalu ngemataka aku, ngerara at the same time selalu nundi hahaha engka kitai ti mit kelikit dipeda orang tak cute gamal kini hahaha. Selalu ngenang dalam ati sida tu, injil aku! Selalu enda nyuruh serta nagang aku bemain bol!\"Mit amai nuan nya, pedis nagapa nuan lagi,\" ko bala ga. Engka orang sayauka kitai kini. Tang meh pengeran ati deka enggau bemain bol enda alah tagang ..bendar begalun enggau pasir ba padang di baruh gerija dia lebih agi enti Balin bisi bemain laban peneka ia masung numbangka aku enti aku ngenchuri bol serta ulih ngelichik iya !!Tu meh pengangkat aku meranika diri bemain begulai enggau orang tuai besai kelimpah ari diri serambau. Must admit, I wasn't good at all but determined to do better! Ukai nya beleman deh..buka kasut tak bekaki ayam enggau orang bemain..peneka ati meh nya.\\nDalam kelas nya akai dai..endang suah amai bediri atas bangku and eventually atas mija di suruh Mr. Davy Nyelambau. Thanks to him!! I must admit History was one of best subjects! Sekali dua aja dipusil ia dipending ukai enda nemu nyaut tanya iya tang bemimpi tengahari ngenang padang bol maia kelas History!\\nAhh enda mukai mukai nama aku pansut ba papan pengelalau ngimbai bilik pengajar dia hmmmm kati tu lagi ku aku ga. Jinggan, Nancy Tan, Norhuda Daud, enggau aku dipilih ngarika Munggu Sabun berebut belaban besekang penemu ba SMK Engkilili per Mr. Jefferson! Aduhh..enda kala nemuai ngenyauh nya kediri diri. Kami duai Jinggan disuruh tinduk dalam kelas ba SMK Engkilili..ngalahka SMK Engkilili first evening...next up (final)pemenang ari group siti , which was St Augustine, Betong. Final ngelaban St. Augustine was good..Munggu Sabun menang!! Terima kasih Mr. Jefferson laban ngembuan ati beresi ngelengka pengarap ba dada bala kami. Terima kasih sekali agi laban nuan meh muka jendila merangapka nyawa aku bejaku ba mua bala maioh..public speaking to be precise. Masuk ga tudah aku nitihka Mr. Davy enggau Mr. Lee nyadi sekaut ..nyadi anak sekaut tu enda lama laban udah kami bemalam..berapa malam neh?..ba Wong Padong, akai dai..Again it was Balin ti nyadi tuai kami..he was damn nice though. Colin Suji enggau John Su aja ti agi ingat aku ba group kami..Balin..how could I forget! kelalu deka nundi but nice in million of ways! A year after that..hmmm bisi enda sama singkang enggau nembiak ari kampung ketegal bemain bol..Balin was the first one there..nyinnnn nya lapa nyau digagai iya ke tebing ai Batang Lupar! Ari bemalam ba Wong Padong nyadi nembiak sekaut meh aku bekelala enggau penyakit asthma! I didn't even realized penyakit tu udah bisi inggap ba tubuh aku nyuruh tudah indai nyau kasak kasak baka ukoi labuh anak . Big deal then; small matter now. Enggau ngujungka pom satu..ahh laban ti ngembuan ati deka betapat enggau orang..nothing was good enough for me. Bakani pan utai, di luar, dalam kelas, ba padang deka ari atas belama tajapan enda ulih dikerja semua sekali. Siti utai for sure, dalam kelas, reputation being on top endang mengkang meruan belama. Penumbuh aku siku ..'baka ti ngansak ukoi kedal' ko orang deh..laban ti enggai belajar. I loved reading but hated studying! Ka aku madah, enggai ga nyadi..di anu orang ngapa..but I could almost repeat what teachers were saying udah sekula abis that day! Tak di simpang dalam ati aja meh nya! Nasit aku meh nya...Meri selamat tinggal nuju pom satu..selamat datai pom dua.\\nTeritik perechik ai dawat GerubiTuai hari Sunday, June 04, 2006 3 comments: Links to this post\\nEnti kitai bejalai belalai belindung dibaruh pun kayu ti rinda nengah luchak nitihka bekau kaki anak mensia nurun ke umai enggau kebun di menua ulu, di menua ili tu kitai bejalai nengah jalai semin besepatu nitihka bekau bala raja nurun pagi pulai lemai ari upis perintah belindung ngelalaika kulit dibaruh churung chundung kaki lima anak china. Enti kitai nyemerai begagai sebelah sungai ai chiru mabu ayan kerangan di menua ulu, di menua ili ahhh enti di Simanggang dini meh alai nyemerai bakanya enti enda ba telaga gaga mensia BLDC ai chiru kelurin biru begenilung ngapa enda anyut dia deh! Ka pan kitai nyemerai negelayang ai sungai Batang Lupar enggaika di panggum bala anak baya ti nganti merangap nyawa ga. Pengawa bukai pan nyau mega nyelai. Nama meh pengerindang anak mensia enti diau di Simanggang dia maya aku benung mansang se-inchi dua kelia?Tu meh gaya iya.\\nLaban ti beratus pengerindang beribu pengelimpang pengawa pan nyau maioh penumbuh mega. Laban ti kelalu ngitung batu bata, batu lantai besegi empat sebelah pasar nyukat pemanjai kaki lima ahhhh bala apai orang, laki orang ti niki util embih meh ditemu bala! Pengidup kitai mensia meh nya..udah nasit udah selatan ko jako kitai. Enti ujung minggu nya sigi di anti mata panas tumbuh mansangka diri deh. Penyelai menua tu kelia, enti pagi hari akai dai nyau berimbas bau betuntung siku bala mensia sebelah kaki lima dia. Udah ngalih hari pechah taya besikal nyau munyi meriam raja didinga laban tak puang nadai orang sekali. Gali ngelelapka mata, sema jako, melintang ba tengah jalai tau meh laban kerita ulih itung sejam siti mansa..nya pan enti bisi! Blame it on the weather, backwardness, least favourable, and whatever...but that's the way it was..enti udah ngalih hari sigi nyadi pasar antu! Pemaioh bala kamba enda meh nemu laban orang nya enda dipeda..hahahha.\\nBala kami sekaling endang naka tebilang laban naka pengelandik ngereja utai enda menuku maioh macham. Duduk sebelah engkararin pagar panggung wayang enggau bangku pengacha menua BLDC di baruh pun kayu -semadi nginsit ngelarika diri ari tai lelayang. Tu meh palan bala anak Iban di sekayu menua Simanggang begempuru, berantika pangan, betundi begagai merindang ati, ngensung nadai pengujung meda indu dara mansa. Ari bukit Temuduk ngagai kerapa Kejatau datai ke Peruan, ari ulu ari ili ari menua tanah ke menua ai bisi pengari magang. Tang iya ti tebilang nama nyadi buah mulut dipesemaka orang maia tu kelia endang bala anak polis enggau anak medical. Tu meh pun nemu kin kia din ditu enggau orang. Mangkin sari mangkin berani bala. Pengujung iya dikumbai orang ti tuai tuai 'enda nyadi mensia' deh ukai ketegal nadai pemandai di anjung tang ari pemanchal enggau penatau. Somebody apai indai hated to love; loved to hate! I was blessed laban bisi bekelala serta begulai enggau sida tu for many reasons. Tajapan enda manah dipeda mata orang, siti utai enti nadai bukai dikelala serta digenggam begulai bebala maioh bakatu- serakup besaup ngemataka pangan diri! Nyangkaka orang tuai nemu ngelala jaku serakup begulai enggau pangan lebih agi diri sebansa. I learned 'unity and trust', sense of belonging, informal group sharing, etc..at a tender age. Pengawa ke bukai nya semina nyadi buah mulut dikenang maia duduk begempuru ngirup kupi deh. Nya meh, ketegalnya kitai nemu serta ulih berunding utai ti patut enggau enda patut. Diri empu ahhh baru pom satu nama deh nampung belakang orang belama meh! Utai bakatu meh tau ngajar kitai how stereotyping came about..aku..jai manchal beleman ulah nadai meh ngawa laban ti nadai apai! Udah nasit aku meh nya......Enti kitai mensia tu sebaka magang naka penyelap ga dunya, enda pia?\\nTeritik perechik ai dawat GerubiTuai hari Saturday, June 03, 2006 No comments: Links to this post","num_words":7777,"character_repetition_ratio":0.038,"word_repetition_ratio":0.002,"special_characters_ratio":0.198,"stopwords_ratio":0.158,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"aCiapAi...: Isu Hani Tarmizi a.k.a Farhani Tarmizi di Facebook\\nPosted by Aciapai at 10:48\\nudah mayuh urang nyumpah ia enda lama gik parai ia ha3 cali mai indunya..\\nnya la duhal...gara2 mulut enda zip tusah diri..peda aja meh to kemaya bala sarawak sejuk ati ngau indu bakanya...huhu\\n'Ain Merrowz Da'O G said...\\nkmk nak pinjam ayat ktk nak post lam FB kmk...TQ...\\nokies....Tineeee..hehehe..salam satu borneo!\\nindu bansanya kak nyadi mangsa headhunter...\\nyea..amai ko nn nya Angel...empai nemu ia keni gasak bala headhunter enti dah ka....tp ku sure indu nya tengah tension mai time tok...sapa ngasuh, ia empu meh nya..heeeee..go sa'wak!\\nempaiku tarit enggau bra ia.\\nermm nya meh... kitai udah manah2 bebasa ke sida ia...\\ntumbuh sida ia ngaga ulah bangsanya...\\nia gak sigi udah lama bangsa sida ngaga kitai bakanya...\\nsigi nda ngutuk aku...\\nlaban ia nadai adat...\\nutai udah kelanjur baru deka minta ampun...\\nmanah ia ba tanah malaya... nti ia ba menua kitai... bakani gaya ia..? nda ku nemu agi... ngai ku cakap agi...\\nPengenrindu.com: Nya ia bulih!..ahaha nya lagi la ia suka kot Mr.J. gerenti ia share pengalaman kena tarit nuan bra ba FB..hehe..\\nMel: Nya la Mel amai tusah ka madah aku indu nya,..enti ia ta ba menua kitai dia..bc ari bulih laban bala...agi idup agi ngelaban munyi ko bala iban dey...=)\\n30 December 2018 at 20:09\\n26 December 2019 at 22:07","num_words":204,"character_repetition_ratio":0.028,"word_repetition_ratio":0.0,"special_characters_ratio":0.273,"stopwords_ratio":0.142,"flagged_words_ratio":0.0,"lang_id_score":0.966,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Roh Kudus Ke Besaksi Ngagai Roh Kitai (Rome 8:16) | Ke Mudah\\n‘Roh kudus empu ke besaksi ngagai roh kitai, madahka kitai tu anak Petara.’—ROM. 8:16.\\nNAMA DIPELAJARKA KITAI ARI AYAT TU PASAL ORANG TI DIPILIH KE SEREGA?\\n2 Korint 1:21, 22; 2 Peter 1:10, 11\\n1-3. Nama utai ke ngasuh hari Pentikos nya istimewa, lalu baka ni utai nya ngamatka utai ti udah dipadah ba Bup Kudus? (Peda gambar ba pun artikel.)\\nMAYA nya pagi Hari Minggu ba nengeri Jerusalem. Orang benung ngintu hari Pentikos, hari ke diintu lebuh orang belabuh ngetau gandum. Nya hari ti istimewa sereta ngagitka ati. Pagi nya ba Rumah Sembiang, imam besai ngenjuk pemeri baka ke selama. Udah nya kira-kira pukul semilan, iya ngenjuk dua tuku roti beragi ke digaga ari gandum keterubah diketau, tauka gandum ti baru diketau. Imam besai miauka tuku roti nya ari sepiak ke sepiak ke dienjuk ngagai Jehovah. Nya meh hari Pentikos taun 33.—Lew. 23:15-20.\\n2 Beratus taun imam besai ngereja pengawa tu ninting taun. Pemeri nya bekaul enggau utai ti besai ke nyadi ba hari Pentikos taun 33. Lalu utai nya nyadi ba 120 iku murid Jesus ke besampi enggau pangan diri ba sadau rumah di nengeri Jerusalem. (SKR. 1:13-15) Nabi Joel udah nulis pasal utai tu, lapan ratus taun dulu menya. (Jol. 2:28-32; SKR. 2:16-21) Nama utai ke nyadi ti ngasuh iya beguna bendar?\\n3 Bacha Kereja Rasul 2:2-4. Kena hari Pentikos taun 33, Petara meri bala murid Jesus roh kudus Iya, lalu sida nyadi orang ti dipilih ke serega. (SKR. 1:8) Udah nya, orang mayuh berengkah begempuru ngelingi sida, lalu bala murid Jesus berengkah bejaku pasal utai manah ke baru udah dipeda sereta didinga sida. Rasul Peter nerangka utai ke baru udah nyadi, lalu kebuah iya beguna bendar. Udah nya, iya madah ngagai orang mayuh: ‘Nesal ati ke dosa kita, genap iku kita, lalu dibaptisa dalam nama Jesus Kristus, ngambika dosa kita diampun, lalu kita deka nerima roh kudus nyadika pemeri ti diberi Petara.’ Sehari nya, kira-kira 3,000 iku orang dibaptisa, lalu sida mega nerima roh kudus.—SKR. 2:37, 38, 41.\\n4. (a) Nama kebuah kitai patut nemu utai ke nyadi ba hari Pentikos? (b) Nama utai besai bukai ke engka udah nyadi ba hari ti sama betaun-taun dulu menya? (Peda nota penutup.)\\n4 Imam besai enggau tuku roti ke dienjuk iya maya hari Pentikos ngambarka nama? Imam besai ngambarka Jesus. Tuku roti ngambarka bala murid Jesus ti dipilih ke serega. Bala murid Jesus nya udah dipilih ari entara mensia ke bedosa sereta dikumbai “lumur satu.” (Jas. 1:18) Petara udah nerima sida nyadika anak Iya, lalu udah milih sida merintah nyadi raja enggau Jesus ba Perintah Petara ti di serega. (1 Pet. 2:9) Jehovah deka ngena Perintah Iya merekatka semua mensia ke ngasi. Nya alai, sekalika kitai deka diau di serega enggau Jesus tauka ba dunya paradais, hari Pentikos taun 33 nya endang amat beguna ba kitai.  —Peda nota penutup.\\nNAMA NYADI LEBUH ORANG DIPILIH?\\n5. Baka ni kitai nemu ukai semua sida ti dipilih nerima roh kudus enggau chara ti sama?\\n5 Bala murid Jesus ke ba sadau rumah seruran ingatka hari nya. Tiap iku sida bisi utai ti baka daun api ba atas pala sida. Jehovah meri sida penau bejaku ngena jaku bansa bukai. Sida pechaya bendar sida udah diiri ngena roh kudus. (SKR. 2:6-12) Tang, utai ti ngalitka ati tu enda nyadi ba semua orang Kristian lebuh sida dipilih. Chunto, Bup Kudus nadai nyebut pasal utai ti baka daun api ayan ba atas pala beribu iku orang di nengeri Jerusalem ke dipilih dudi agi ba hari nya. Sida diiri ngena roh kudus lebuh sida dibaptisa. (SKR. 2:38) Pia mega, enda semua orang Kristian diiri ngena roh kudus lebuh sida dibaptisa. Orang Samaria diiri ngena roh kudus nyau kelama pengudah sida dibaptisa. (SKR. 8:14-17) Lalu iya ke ngalitka ati, Kornelius enggau sida sebilik diiri ngena roh kudus sebedau sida dibaptisa.—SKR. 10:44-48.\\n6. Nama deka diterima semua orang ke dipilih, lalu baka ni tu bekaul enggau sida?\\n6 Endang amat, orang Kristian nemu sida dipilih enggau chara ti enda sama. Sekeda engka tekala nya nemu Jehovah milih sida. Sekeda da agi nemu pengudah siti timpuh. Tang rasul Paul nerangka utai ke nyadi ba tiap iku sida. Ku iya: ‘Lebuh kita udah arapka Iya, kita lalu ditanda ngena roh kudus ti udah disemaya. Roh kudus nya nyadika jamin kitai deka nerima pesaka.’ (Eps. 1:13, 14) Nya alai, Jehovah ngena roh kudus Iya madah ngagai orang Kristian nya, sida udah dipilih Iya ke serega. Enggau tu, roh kudus nya “nyadika jamin,” tauka bukti ngagai sida, jemah ila sida deka idup belama iya di serega, ukai ba dunya.—Bacha 2 Korint 1:21, 22; 5:5.\\n7. Nama patut digaga tiap iku orang Kristian ke dipilih ngambika nerima berekat di serega?\\n7 Lebuh orang Kristian dipilih, kati tu nunjukka iya tetap deka bulih berekat iya? Enda. Iya nemu, iya udah dikangau ke serega. Tang iya semina deka bulih berekat nya, enti iya mengkang tetap ati ngagai Jehovah. Ku Peter nerangka: ‘Nya alai, menyadi, awakka kita lebih agi ransing netapka diri amat udah dikangauka sereta udah dipilih, laban enti kita ngereja nya, kita enda ngelengkaka pengarap kita. Laban nya meh jalai kita deka diberi hak enggau penuh kena kitai tama ngagai Perintah ti meruan belama-lama iya, ti diempu Jesus Kristus ti Tuan enggau Juruselamat kitai.’ (2 Pet. 1:10, 11) Nya alai, tiap iku orang Kristian ke udah dipilih enda tau ngelakka sebarang utai nagang iya ari nyembah Jehovah. Taja pan iya udah dikangau ke serega, tang enti iya enda mengkang tetap ati, iya enda ulih bempu berekat nya.—Heb. 3:1; Pem. 2:10.\\nBAKA NI IYA NEMU?\\n8, 9. (a) Nama kebuah mayuh orang tusah deka meretika utai ke nyadi lebuh orang nya dipilih? (b) Baka ni orang nya ulih nemu iya udah dikangau ke serega?\\n8 Mayuh ari nembiak Petara kemaya hari tu engka tusah deka meretika utai ke nyadi ba orang lebuh Petara milih orang nya. Tu endang amat, laban sida empu bedau dipilih. Petara ngaga mensia ngambika idup belama iya ba dunya, ukai di serega. (P-kal. 1:28; Mas. 37:29) Tang, Jehovah udah milih sekeda orang nyadi raja enggau imam di serega. Nya alai lebuh Iya milih sida, pengadang enggau chara sida berunding deka berubah, ngambika sida tau bulih pengidup di serega.—Bacha Epesus 1:18.\\n9 Tang, baka ni orang nya ulih nemu iya udah dikangau ke serega? Peratika utai ti dipadah Paul ngagai bala menyadi Kristian ke udah dipilih di menua Rome, ke “udah dikangauka nyadi nembiak Tuhan.” Ku iya madah ngagai sida: ‘Kita ukai nerima roh ti ngasuh kita nyadi ulun penakut baru, tang kita udah nerima roh ti ngiru kita nyadi anak Petara. Lebuh kitai ngangau, “Abba! Apai!” iya nya roh kudus empu ke besaksi ngagai roh kitai, madahka kitai tu anak Petara.’ (Rom. 1:7; 8:15, 16) Petara ngena roh kudus Iya madah ngagai orang nya pasal iya ke dikangau nyadi raja enggau Jesus di serega.—1 Tes. 2:12\\n10. Nama reti jaku ba 1 John 2:27 lebuh jaku nya madahka orang Kristian ke dipilih enda begunaka orang bukai ngajar iya?\\n10 Sida ke nerima kangau ari Petara enda begunaka orang bukai madah ngagai sida pasal sida ke udah dipilih. Jehovah ngasuh sida pechaya. Rasul John madah ngagai orang Kristian ke dipilih: ‘Kita udah ditata Iya ti kudus, lalu semua kita bisi penemu.’ Iya mega madahka: ‘Tang ba pasal kita empu, roh ti udah diterima kita ari Iya meruan dalam kita. Nya alai kita enda begunaka orang ngajar kita.’ (1 Jhn. 2:20, 27) Orang Kristian ke dipilih patut nerima ajar ari Jehovah baka sida ke bukai. Tang sida enda begunaka orang bukai madahka sida nya orang ke udah dipilih. Jehovah udah ngena roh kudus Iya madah ngagai sida ngambika sida nemu sida udah dipilih!\\nSIDA “DIADAKA BARU”\\n11, 12. Nama engka diperundingka orang Kristian ke dipilih, lalu nama kebuah iya pechaya?\\n11 Lebuh orang Kristian diiri ngena roh kudus, sida balat berubah. Iya ke amat, Jesus ngumbai sida “diadaka baru.” (Jhn. 3:3, 5) Udah nya iya nerangka: ‘Anang alit ati lebuh aku madah ngagai kita, “Kita enda tau enda diadaka baru.” Ribut bepuput ngagai sebarang endur iya deka. Kita ninga munyi iya, tang kita enda nemu ari ni penatai iya, tauka kini ke tunga iya bepuput. Baka nya mega orang ke diadaka roh kudus.’ (Jhn. 3:7, 8) Endang amat, tusah deka nerangka enggau nyentuk baka ni asai ati nyadi orang ke dipilih enti orang nya bedau kala dipilih.  —Peda nota penutup.\\n12 Orang ke udah dipilih engka berunding, ‘Nama kebuah Jehovah milih aku tang enda milih orang bukai?’ Indah iya engka berunding sekalika iya ulih megai tanggungjawap nya tauka enda. Tang iya pechaya Jehovah udah milih iya. Iya balat gaga ati sereta amat beterima kasih ke pemeri nya. Semua orang ke dipilih ke serega ngasaika utai ti diasaika Peter lebuh iya madahka: ‘Pujika Petara ti Apai Jesus Kristus Tuan kitai! Ulih pengasih Iya ti besai, Iya udah meri kitai pengada ti baru ngagai pengadang ti idup ulih pengangkat Jesus Kristus ari mati, enggau ngagai pesaka ti enda nemu buruk, ti tuchi sereta enda nemu abis, ti ditaruh di serega ke kita.’ (1 Pet. 1:3, 4) Lebuh sida macha ayat tu, sida amat pechaya Apai sida bejaku enggau sida.\\n13. Baka ni chara orang nya berunding berubah lebuh iya diiri ngena roh kudus, lalu nama ngasuh orang nya berubah?\\n13 Sebedau Jehovah ngangauka sida ke serega, sida bisi peluang idup belama iya ba dunya. Sida nganti maya endur Jehovah deka ngaga dunya nyadi paradais sereta muai semua penyai. Sida engka ngambarka diri ngelaluka diri sebilik tauka kawan ke diangkatka idup baru. Sida deka ngaga rumah lalu diau dia, tauka nanam pun buah lalu makai buah iya. (Isa. 65:21-23) Nama kebuah runding sida berengkah berubah? Kati sida berubah ketegal sida balat tusah ati tauka balat merinsa? Kati sida berengkah ngumbai idup belama iya ba dunya tu enda ngerinduka ati sereta ngumbai diri enda lantang ati diau ba dunya tu? Tauka kati sida deka ngasaika baka ni gaya pengidup di serega? Enda. Tang, Petara ti mutuska utai tu ke sida. Lebuh Iya ngangauka sida, Iya ngena roh kudus Iya ngubah chara sida berunding sereta berekat ke deka diterima sida.\\n14. Baka ni asai ati orang ke dipilih pasal pengidup sida ba dunya tu?\\n14 Nya alai, kati reti nya sida ke dipilih tu enggai agi idup? Paul ngambarka baka ni asai ati orang ke dipilih nya. Iya mandingka tubuh mensia sida enggau “langkau kain,” lalu ku iya madahka: “Laban seagi-agi kitai diau dalam langkau kain tu, kitai bedemuh mai ma ti berat laban kitai enggai dilepaska ari tubuh tu, tang laban kitai keran dekaka tubuh serega dirasukka ba kitai, ngambika tubuh ti nemu mati tu ditelan pengidup.” (2 Kor. 5:4) Sida ke dipilih nya enggai mati. Sida rindu enggau pengidup sida sereta deka nyembah Jehovah ninting hari enggau diri sebilik sereta bala kawan. Tang enda ngira nama digaga sida, sida ingatka berekat ti udah disemayaka Petara ngagai sida ke jemah ila.—1 Kor. 15:53; 2 Pet. 1:4; 1 Jhn. 3:2, 3; Pem. 20:6.\\nKATI JEHOVAH UDAH NGANGAUKA NUAN?\\n15. Nama nunjukka orang nya enda diiri ngena roh kudus?\\n15 Nuan engka berunding sekalika Jehovah udah ngangauka nuan ke serega tauka bedau. Enti nuan ngasaika diri udah, pikirka sekeda tanya ti beguna tu: Kati nuan ngasaika diri balat ransing ba pengawa nginjil? Kati nuan balat rindu belajarka Bup Kudus sereta belajarka ‘utai ti dalam buntut runding Petara’? (1 Kor. 2:10) Kati nuan ngasaika Jehovah udah meri asil ke manah ngagai nuan ba pengawa nginjil? Kati nuan deka ngereja utai ti dikedekaka Jehovah lebih agi ari utai bukai? Kati nuan bisi pengerindu ti dalam ngagai orang bukai sereta ngasaika diri bisi tanggungjawap ti besai nulung sida nyembah Jehovah? Kati nuan bisi meda, Jehovah udah nulung nuan ngena mayuh chara ti nyemetak ba pengidup? Enti nuan nyaut “Au” ngagai semua tanya tu, kati tu nunjukka nuan udah dikangau ke serega? Enda. Nama kebuah? Laban semua nembiak Petara ulih ngasaika utai tu, sekalika sida dipilih tauka enda. Jehovah ulih meri kuasa ti sama ngagai tiap iku nembiak Iya, enda ngira nama bansa berekat ti deka diterima sida ngena roh kudus Iya. Iya ke amat, enti nuan berunding sekalika nuan deka ke serega tauka enda, tu reti iya nuan enda dikangauka kin. Sida ti dipilih Jehovah nemu sida amat deka ke serega!\\n16. Baka ni kitai nemu ukai semua orang ke nerima roh kudus Petara udah dikangau ke serega?\\n16 Dalam Bup Kudus, kitai bisi mayuh chunto pasal orang ke tetap ati ke nerima roh kudus Jehovah, tang sida enda ke serega. Ngambika chunto iya nya John Pemaptisa. Jesus madahka, nadai seiku orang ke besai agi ari John, tang udah nya Jesus madahka, John enda ulih merintah nyadi raja di serega. (Mat. 11:10, 11) David mega diiring roh kudus. (1 Sam. 16:13) Roh kudus nulung iya meretika penemu ti dalam pasal Jehovah sereta ngiring iya nulis sebegian ari Bup Kudus. (Mrk. 12:36) Taja pia, rasul Peter madahka David enda “niki ke serega.” (SKR. 2:34) Jehovah meri sida roh kudus Iya kena ngereja pengawa ti ngalitka ati, tang Iya enda ngena roh kudus Iya ngangauka sida diau di serega. Kati tu reti iya sida enda chukup tetap ati tauka enda ulih merintah di serega? Enda. Ditu reti iya Jehovah deka ngangkatka sida idup baru di Paradais ba dunya.—Jhn. 5:28, 29; SKR. 24:15.\\n17, 18. (a) Nama berekat ke dianti mayuh ari nembiak Petara kemaya hari tu? (b) Nama tanya ke deka dikerandauka kitai ba artikel pengudah tu?\\n17 Mayuh ari nembiak Petara kemaya hari tu enda ke serega. Baka Abraham, David, John Pemaptisa enggau mayuh agi sida ke lelaki sereta ke indu maya jeman Bup Kudus, sida nganti maya diau ba dunya lebuh perintah Petara deka merintah atas sida. (Heb. 11:10) Bisi 144,000 iku orang deka merintah enggau Jesus di serega. Tang, Bup Kudus nyebut pasal “bala peturun” sida ke dipilih ke agi diau ba dunya ba maya ti penudi. (Pem. 12:17) Nya alai, mayuh ari 144,000 iku orang tu udah mati, lalu diau di serega.\\n18 Tang enti orang bisi madahka iya udah dipilih, nama patut digaga sida ke bisi peluang idup belama iya ba dunya? Enti orang ba gempuru nuan berengkah makai roti sereta ngirup wain maya Ngingatka Pemati Jesus, baka ni chara kitai begulai enggau sida? Lalu baka ni enti penyampau sida ke madahka diri udah dipilih majak nambah? Patut nuan irau ati? Kitai deka nyaut tanya tu ba artikel pengudah tu.\\n^  (genteran 4) Hari Pentikos engka diintu ba maya ti sama ninting taun, lebuh Adat diberi ngagai Moses ba menua Sinai. (P-sut. 19:1) Nya alai, Moses engka mai bansa Israel ngena Adat ba maya ti sama ninting taun, lebuh Jesus ngaga sempekat baru enggau orang ti dipilih ke serega.\\n^  (genteran 11) Ke penerang mayuh agi pasal nama reti diadaka baru, peda The Watchtower, 1 April 2009, lambar 3-11.\\nDiiri ngena roh kudus: JJehovah ngena roh kudus Iya ngangauka orang merintah enggau Jesus di serega. Iya ngena roh kudus Iya meri jamin ngagai orang nya pasal semaya ke jemah ila. Orang Kristian ke dipilih nya ulih ngumbai roh kudus “besaksi” ngagai sida madahka berekat sida nya di serega","num_words":2389,"character_repetition_ratio":0.067,"word_repetition_ratio":0.003,"special_characters_ratio":0.232,"stopwords_ratio":0.336,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Revolusyen ekonomi digital narit ati raban nembiak – Suara Sarawak – Bukan Sekadar Akhbar\\nYou are here:Home-RUAI-Revolusyen ekonomi digital narit ati raban nembiak\\nRevolusyen ekonomi digital narit ati raban nembiak\\nKUCHING: Kemaya hari tu, pengawa main dalam video ukai semina nyadi pengawa dikena ngisi maya lepa, tang mega udah diangkat nyadi sebengkah ari main elektronik ke pemadu dikerinduka raban nembiak ba dunya.\\nKaban Kunsil Nengeri (Adun) Demak Laut Dr Hazland Abang Hipni madah, tu mih sebengkah ubah ke nyadi beduduk ari revolusyen ekonomi digital ke majak mansang ba pengidup ke maya hari.\\n“Pengidup diatu nyau majak ngalih ngagai pekara teknologi digital.\\n“Siti ari nya baka main dalam video terubah iya suba semina dikena bemain rindu ati aja, tang diatu nyadi sebagi ari bansa main enggau penatai ekonomi,” ku iya.\\nDr Hazland madah munyi nya maya bejadika Pekit E-Sport Saberkas Kampung Tabuan Drahman, ditu apin lama ke udah.\\nKu Tandu Dr Hazland, main dalam video baka Mobile Lagend, PUBG, FIFA enggau ke bukai diatu nyau nyadi main elektronik ke bisi dipekitka ba renggat ke tinggi nyentukka mujur narit mayuh orang masuk pekit nyengkaum raban nembiak.\\nBerebak enggau nya, Dr Hazland mega madah aplikasyen ba main dalam video tu mega kebendar begunaka pengelandik bala pemain ngatur strategi baka ni ulih menang.\\nNya alai ari main dalam video tu iya ulih ngansah pengelandik bala pemain ngambika berunding panjai dikena menang, ku iya.\\nBy @news|2020-12-28T14:09:44+08:00December 28th, 2020|Categories: RUAI|0 Comments\\nTerakhir Kali sentuhan terbaharu Kadey\\nPeranak Rh Trisy besaup sanitasyen rumah\\nJematan Gantung Semin Batang Undop laun digaga laban tinda kelalu tinggi\\nPatuhi SOP, jangan sebar khabar angin\\nARKIB Select Month January 2021 (571) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":274,"character_repetition_ratio":0.082,"word_repetition_ratio":0.015,"special_characters_ratio":0.288,"stopwords_ratio":0.139,"flagged_words_ratio":0.0,"lang_id_score":0.954,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama Reti Perintah Petara? Nama Kebuah Besampika Perintah Nya?\\nBACHA DALAM JAKU Abbey Abkhaz Abui Acholi Afrikaans Aja Akha Altai Alur Amharic Arabic Armenian Armenian (West) Ateso Attié Aymara Azerbaijani Azerbaijani (Cyrillic) Bashkir Bassa (Cameroon) Bassa(Liberia) Batak (Karo) Batak (Simalungun) Batak (Toba) Belize Kriol Biak Bicol Bislama Boulou Bété Cambodian Cebuano Changana (Zimbabwe) Chavacano Chichewa Chiga Chin (Hakha) Chin (Tiddim) Chin (Zotung) Chinese (Cantonese) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cina Kantonis (Ringkas) Cinamwanga Cinyanja Damara Dangme Danish Dayak Ngaju Douala Dusun Dutch Efik Emberá (Catío) English Estonian Ewe Fante Fijian Finland Fon French Futuna (Timur) Ga German Gitonga Gokana Greek Guadeloupean Kreol Guarani Guarani (Bolivia) Guerze Guianese Kreol Gun Guéré Haitian Creole Hausa Herero Hiligaynon Hindi Hungarian Hunsrik Iban Ibanag Ibinda Igbo Iloko Indonesian Irish Isoko Italian Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Bolivia Jaku Orang Bisu Colombia Jaku Orang Bisu Cuba Jaku Orang Bisu Finland Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Malaysia Jaku Orang Bisu Mexico Jaku Orang Bisu Myanmar Jaku Orang Bisu Nepal Jaku Orang Bisu Poland Jaku Orang Bisu Portugal Jaku Orang Bisu Quebec Jaku Orang Bisu Romania Jaku Orang Bisu Spain Jaku Orang Bisu Thailand Jawa Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisii Kisonge Kongo Korean Kpelle Krio Kurdish Kurmanji Kwangali Kwanyama Kyangonde Lahu Lamba Lambya Lari Lhukonzo Lifu Lingala Lithuanian Lomwe Luganda Lugbara Lunda Luo Luvale Macua Malagasy Malayalam Maltese Mam Mambwe-Lungu Mapudungun Marathi Mauritian Creole Mazahua Mbunda Melayu Mende Meru Mizo Mongolian Moore Myanmar Navajo Ndau Ndebele Ndebele (Zimbabwe) Ndonga Nengone Nepali Ngabere Ngangela Nias Niuean Norwegian Nsenga Nyaneka Nyungwe Nzema Odia Okpe Oromo Ossetian Otetela Pangasinan Pijin (Afrika Barat) Pijin (Cameroon) Pijin Nigeria Polish Ponapean Portuguese Portuguese (Portugal) Punjabi (Shahmukhi) Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romany (Greece Selatan) Romany (Greece Utara) Romany (Macedonia) Romany (Macedonia) Cyrillic Romany (Serbia) Romany (Slovakia Timur) Ronga Runyankore Russian Rutoro Réunion Creole Samoan Sangir Sango Sena Sepedi Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tatar Tetun Dili Thai Tigrinya Tiv Tojolabal Tok Pisin Tongan Tshiluba Tshwa Tsonga Turkish Tuvaluan Twi Uighur (Cyrillic) Ukrainian Umbundu Urdu Urhobo Uruund Uzbek Vezo Vietnamese Wallisian Waray-Waray Welsh Wichi Wolaita Yacouba Zande Zulu\\n1. Nama sampi ti tebilang ke deka dikerandauka kitai?\\nBEJUTA iku orang nemu pasal sampi Apai Kami ti tebilang. Jesus ngena sampi tu ngajar bala murid iya chara besampi. Nama utai ti disampika iya? Lalu nama kebuah sampi tu beguna ba kitai kemaya hari tu?\\n2. Nama tiga iti pekara ti beguna ke diasuh Jesus sampika kitai?\\n2 Jesus madahka: ‘Nya alai, baka tu ku chara kita patut besampi: “Apai kami ti di serega: Kudus meh nama Nuan. Datai meh Perintah Nuan. Nyadi meh peneka Nuan di dunya enggau di serega.”’ (Bacha Matthew 6:9-13.) Nama kebuah Jesus ngajar kitai besampika tiga iti pekara tu?—Peda Nota Penutup 20.\\n3. Nama patut ditemu kitai pasal Perintah Petara?\\n3 Kitai udah belajar, nama Petara nya Jehovah. Lalu kitai udah berandau pasal peneka Petara bekaul enggau mensia sereta dunya. Tang nama reti utai ku Jesus lebuh iya nyebut: “Datai meh Perintah Nuan”? Kitai deka belajarka reti Perintah Petara, nama deka digaga Perintah nya, lalu baka ni Perintah nya deka nguduska nama Petara.\\n4. Nama reti Perintah Petara, lalu sapa Raja ba Perintah nya?\\n4 Jehovah numbuhka siti Perintah di serega, lalu Bup Kudus ngumbai Perintah nya, Perintah Petara. Jehovah milih Jesus nyadi Raja ba Perintah nya. Jesus nya ‘Tuan ari atas semua tuan, Raja ari atas semua raja.’ (Pemandang 17:14) Jesus ulih ngereja mayuh agi utai manah ari ke kala digaga semua pemerintah mensia, lalu iya bekuasa agi ari semua pemerintah nya.\\n5. Dini alai Perintah Petara merintah? Perintah nya deka merintah atas nama?\\n5 Empat puluh hari pengudah Jesus diangkatka idup baru, iya pulai ke serega. (Kereja Rasul 2:33) Nyau kelama, Jehovah nyiri iya nyadi Raja ba Perintah Petara. Perintah nya deka merintah atas dunya ari serega. (Pemandang 11:15) Nya kebuah Bup Kudus ngumbai Perintah Petara nya “di serega.”—2 Timoti 4:18.\\n6, 7. Nama ke ngasuh Jesus manah agi ari semua raja mensia?\\n6 Bup Kudus madahka, Jesus tinggi agi ari semua raja mensia laban iya “siku aja ke enda nemu mati.” (1 Timoti 6:16) Semua pemerintah mensia ulih mati, tang Jesus enda. Semua utai manah ti dikereja Jesus ke kitai deka meruan belama iya.\\n7 Bup Kudus madahka, Jesus deka nyadi Raja ti lurus sereta ngembuan penyinu: ‘Roh Jehovah deka meri iya penemu-dalam, penemu enggau pengelandik kena merintah bala nembiak iya. Iya deka nemu peneka Jehovah, lalu deka ngemesaika Jehovah, sereta deka lantang ati nangika Iya. Iya enda ngakim beduduk ba utai ti dipeda iya, tauka ba utai ti ditusui orang ngagai iya. Iya deka ngakim orang ke seranta ngena atur ti lurus.’ (Isaiah 11:2-4) Kati nuan deka raja nuan baka nya?\\n8. Baka ni kitai nemu Jesus enda kediri merintah?\\n8 Petara udah milih sekeda mensia merintah enggau Jesus ba Perintah ti di serega. Ngambika chunto, rasul Paul madah ngagai Timoti: ‘Enti kitai tan, kitai deka mega merintah enggau iya.’ (2 Timoti 2:12) Ni penyampau orang ke deka merintah nyadi raja enggau Jesus?\\n9. Ni penyampau orang ke deka merintah enggau Jesus? Kemaya Petara belabuh milih sida?\\n9 Baka ke udah dipelajarka kitai ba Pelajar 7, rasul John nerima siti genera ke alai iya meda Jesus nyadi Raja di serega enggau 144,000 iku raja ti bukai. Sapa 144,000 iku nya? John madahka, sida ‘bisi nama Anak Domba [Jesus] enggau nama Apai iya ditulis ba kening sida.’ (Bacha Pemandang 14:1.) Ku iya agi: ‘Sida nya meh orang ke nitihka Anak Domba [Jesus] ngagai sebarang endur iya bejalai. Sida udah ditebus ari semua bansa mensia.’ (Pemandang 14:4) Petara milih 144,000 iku orang Kristian ke tetap ati “merintah” enggau Jesus atas dunya. Lebuh sida mati, sida diangkatka idup baru ke serega. (Pemandang 5:10) Kenyau ari abad keterubah, Jehovah udah belabuh milih orang Kristian ke tetap ati nyadi raban 144,000 iku raja.\\n10. Nama kebuah kitai ngumbai Jehovah bisi pengerindu lebuh Iya milih Jesus enggau 144,000 iku merintah atas mensia?\\n10 Jehovah balat ibuhka kitai, nya alai Iya milih mensia sama merintah enggau Jesus. Jesus deka nyadi pemerintah ti manah laban iya nemu gaya kitai. Iya nemu baka ni asai nyadi mensia sereta ngasaika pemerinsa. Paul madahka, Jesus nemu asai ati kitai, iya nemu “sinu ati ke pengelemi kitai,” lalu iya “udah diuji ngena semua macham chara baka kitai empu.” (Hebrew 4:15; 5:8) Sida ke 144,000 iku nya mega nemu, baka ni asai nyadi mensia. Lalu sida udah belaban enggau tubuh ti enda sempurna sereta penyakit. Nya alai kitai tau arap, Jesus enggau 144,000 iku nya nemu asai ati sereta penusah ke ditapi kitai.\\n11. Nama kebuah Jesus ngajar bala murid iya besampi ngambika peneka Petara nyadi di serega enggau di dunya?\\n11 Jesus ngajar bala murid iya besampi ngambika peneka Petara nyadi di serega enggau di dunya. Nama kebuah Jesus minta peneka Petara nyadi di serega? Kitai udah belajar ba Pelajar 3 pasal Antu Sitan ke angkat ngelaban Jehovah. Pengudah Sitan ngelaban, Jehovah agi ngemendarka iya enggau bala melikat ke enda tetap ati, tauka bala antu, mengkang diau di serega enda lama. Nya alai, ukai semua melikat ti di serega ngereja peneka Petara. Ba Pelajar 10, kitai deka belajar mayuh agi pasal Sitan enggau bala antu iya.\\n12. Nama dua iti pekara besai ke dipadah ba Pemandang 12:10?\\n12 Bup Kudus madahka, enda lama pengudah Jesus dichiri nyadi Raja ba Perintah Petara, iya beperang ngelaban Sitan. (Bacha Pemandang 12:7-10.) Ayat 10 madah pasal dua iti pekara ti besai. Perintah Petara berengkah merintah lebuh Jesus Kristus nyadi Raja, lalu Sitan dibuai ari serega ke dunya. Baka ke deka dipelajarka kitai, dua iti pekara nya udah nyadi.\\n13. Nama nyadi di serega pengudah Sitan dibuai ari serega?\\n13 Bup Kudus ngambarka pengaga ati bala melikat ke tetap ati pengudah Sitan enggau bala antu iya dibuai ari serega. Kitai macha: “Rami gaga ati meh kita serega, enggau semua kita ke diau dia!” (Pemandang 12:12) Diatu bisi pemaik sereta penyerakup di serega laban semua melikat ngereja peneka Petara.\\nPengudah Sitan enggau bala antu iya dibuai ari serega, pemerinsa majak nambah ba dunya. Enda lama agi pemerinsa tu deka nadai agi\\n14. Nama nyadi ba dunya pengudah Sitan dibuai ari serega?\\n14 Tang pengidup ba dunya balat tusah. Utai jai nyadi ba mensia “laban Sitan udah nurun,” lalu iya “balat pedis ati, laban iya nemu timpuh diri nyau deka abis.” (Pemandang 12:12) Sitan balat pedis ati. Iya udah dibuai ari serega, lalu iya nemu diri deka dipunaska enda lama da agi. Iya enggau naka ulih ngenataika pengachau, pemedis, sereta pemerinsa di serata dunya.\\n15. Nama peneka Petara bekaul enggau dunya?\\n15 Tang peneka Petara bekaul enggau dunya enda berubah. Iya agi dekaka mensia ti sempurna idup belama iya ba paradais di dunya. (Masmur 37:29) Tang, baka ni Perintah Petara deka ngamatka utai tu?\\n16, 17. Nama dipadah Daniel 2:44 pasal Perintah Petara?\\n16 Ayat ba Daniel 2:44 madahka: ‘Lebuh bala raja nya megai perintah, Petara ti di serega deka numbuhka siti perintah ti enda nemu abis. Perintah nya ila enda ulih dialahka, tang iya deka ngerusak semua perintah bukai, lalu udah nya iya deka meruan belama iya.’ Nama dipadahka ayat tu pasal Perintah Petara?\\n17 Kesatu, ayat nya madahka Perintah Petara deka berengkah merintah “lebuh bala raja nya megai perintah.” Reti nya, perintah ti bukai agi mengkang bisi ba dunya lebuh Perintah Petara berengkah merintah. Kedua, ayat nya madahka, Perintah Petara deka meruan belama iya, lalu iya enda diganti enggau perintah ti bukai. Lalu ketiga, deka bisi perang entara Perintah Petara enggau semua perintah ba dunya tu. Perintah Petara deka menang, lalu semina Perintah nya aja ti deka merintah serata dunya. Lalu mensia deka bisi Perintah ti pemadu badas.\\n18. Perang ti penudi entara Perintah Petara enggau semua perintah ba dunya dikumbai nama?\\n18 Nama deka nyadi sebedau perang entara Perintah Petara enggau semua perintah ba dunya tu berengkah? Bala antu deka nesatka ‘semua raja di dunya tu, lalu ngempuruka sida beperang lebuh Hari Besai Petara ti Pemadu Bekuasa.’ Amat, perintah mensia deka angkat ngelaban Perintah Petara, tang Perintah Petara deka menang. Perang ti penudi tu dikumbai Armagedon.—Pemandang 16:14, 16; peda Nota Penutup 10.\\n19, 20. Nama kebuah kitai begunaka Perintah Petara merintah atas dunya?\\n19 Nama kebuah kitai begunaka Perintah Petara? Bisi tiga iti kebuah. Kesatu, kitai bedosa, nya alai kitai ulih sakit sereta mati. Tang Bup Kudus madahka, di baruh Perintah Petara, kitai deka idup belama iya. Indah John 3:16 madahka: ‘Petara balat rinduka dunya, nya alai Iya meri Anak Tunggal Iya, ngambika genap iku orang ke arapka iya enda mati tang bulih pengidup ti meruan belama iya.’\\n20 Kedua, kitai dikelingi orang ke jai. Mayuh orang bula, nipu, sereta ngereja ulah ti kamah. Kitai enda ulih muai semua penyai nya, tang Petara ulih. Orang ke majak ngereja utai ti jai deka dipunaska maya Armagedon. (Bacha Masmur 37:10.) Ketiga, perintah mensia jai, makai suap, sereta nadai kuasa mutarka penusah. Sida nadai ati nulung orang ngasika Petara. Bup Kudus madahka, “orang bukai ke natka diri merinsa dipegai sida.”—Pengajar 8:9.\\n21. Baka ni Perintah Petara deka nentuka peneka Petara dikereja ba dunya?\\n21 Pengudah Armagedon, Perintah Petara deka nentuka peneka Petara dikereja ba dunya. Ngambika chunto, Perintah nya deka muai Sitan enggau bala antu iya. (Pemandang 20:1-3) Orang enda agi sakit tauka mati. Ketegal tebus, semua mensia ke tetap ati ulih idup belama iya ba Paradais. (Pemandang 22:1-3) Perintah nya deka nguduska nama Petara. Nama reti tu? Reti iya, lebuh Perintah Petara merintah dunya, semua mensia deka ngemuliaka nama Jehovah.—Peda Nota Penutup 21.\\nNI MAYA JESUS NYADI RAJA?\\n22. Baka ni kitai nemu Jesus enda nyadi Raja lebuh iya ba dunya tauka sepengudah iya diangkatka idup baru?\\n22 Jesus ngajar bala murid iya besampi: “Datai meh Perintah Nuan.” Nya alai, Perintah Petara amat deka datai jemah ila. Jehovah deka numbuhka Perintah Iya dulu, lalu nyiri Jesus nyadi Raja. Kati Jesus terus nyadi Raja lebuh iya pulai ke serega? Enda, iya patut nganti. Nyau kelama pengudah Jesus diangkatka idup baru, Peter seduai Paul enggau terang nunjukka jaku Petara ke disebut ba Masmur 110:1 nyadi ba Jesus. Ba ayat nya Jehovah madahka: ‘Duduk muak ari kanan Aku datai ke Aku udah ngaga munsuh nuan nyadika pelasar kaki nuan.’—Kereja Rasul 2:32-35; Hebrew 10:12, 13.\\nPerintah Petara deka nentuka peneka Petara dikereja ba dunya\\n23. (a) Ni maya Jesus berengkah merintah nyadi Raja ba Perintah Petara? (b) Nama deka dipelajarka kitai pengudah pelajar tu?\\n23 Ni maya Jesus berengkah merintah? Ba taun 1914. Betaun sebedau 1914, seraban orang Kristian ti ngembuan ati ti bendar nemu, nya taun ti besai reti ba Bup Kudus. Utai ke nyadi ba dunya kenyau taun 1914 udah nunjukka utai ku sida nya amat. Jesus berengkah merintah nyadi Raja ba taun nya. (Masmur 110:2) Enda lama udah nya, Sitan dibuai ke dunya, lalu diatu “iya nemu timpuh diri nyau deka abis.” (Pemandang 12:12) Pengudah pelajar tu, kitai deka meda mayuh agi bukti ke nunjukka kitai benung idup ba hari ti penudi. Kitai mega deka belajar, enda lama da agi Perintah Petara deka nentuka peneka Petara dikereja ba dunya.—Peda Nota Penutup 22.\\nPEMENDAR 1: PERINTAH PETARA ENDANG NYATA\\n“Datai meh Perintah Nuan. Nyadi meh peneka Nuan di dunya enggau di serega.”—Matthew 6:9-13\\nPerintah Petara ti di serega deka merintah atas dunya.\\n144,000 iku mensia deka merintah enggau Jesus ari serega.\\nJesus enggau 144,000 iku mensia nya nemu asai ati sereta penusah ke ditapi kitai.\\nPEMENDAR 2: JESUS DEKA NYADI PEMERINTAH TI PEMADU MANAH\\n“Iya deka ngakim orang ke seranta ngena atur ti lurus.”—Isaiah 11:4\\nNama kebuah nya manah milih Jesus nyadi Raja ba Perintah Petara?\\nSemua pemerintah mensia ulih mati, tang Jesus enda. Semua utai manah ti dikereja Jesus ke kitai deka meruan belama iya.\\nJesus ulih ngereja mayuh agi utai manah ari ke kala digaga semua pemerintah mensia, lalu iya bekuasa agi ari semua pemerintah mensia. Iya lurus sereta ngembuan penyinu.\\nPEMENDAR 3: PERINTAH PETARA DEKA NENTUKA PENEKA PETARA DIKEAMATKA\\n‘Petara ti di serega deka numbuhka siti perintah ti enda nemu abis.’—Daniel 2:44\\nNama udah digaga Perintah Petara? Nama deka digaga Perintah nya jemah ila?\\nPengudah Jesus nyadi Raja ba taun 1914, iya muai Sitan ari serega ke dunya. Nya kebuah bisi mayuh pengachau, pemedis, sereta pemerinsa di serata dunya.\\nPengajar 8:9; Pemandang 16:16\\nMaya Armagedon, Perintah Petara deka ngerusak semua perintah mensia ke jai sereta makai suap.\\nOrang ke majak ngereja utai ti jai deka dipunaska.\\nLebuh Perintah Petara merintah dunya, orang enda agi sakit tauka mati, lalu semua mensia deka ngemuliaka nama Petara.","num_words":2360,"character_repetition_ratio":0.081,"word_repetition_ratio":0.025,"special_characters_ratio":0.213,"stopwords_ratio":0.236,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"13 September 2018 - Hari Empat ba Minggu Ke Dua Puluh Tiga Musim Selama - Berita Iban Online | Laman Web Berita Kitai\\nHome \/ Injil Tuhan \/ 13 September 2018 - Hari Empat ba Minggu Ke Dua Puluh Tiga Musim Selama\\n13 September 2018 - Hari Empat ba Minggu Ke Dua Puluh Tiga Musim Selama\\nStaf @beritaibanMY Thursday, September 13, 2018 0\\nKu Jesus bejaku ngagai sida murid Iya: “Tang Aku madah ngagai kita ke mending: Rinduka munsuh kita. Kereja utai ti manah ngagai orang ke begedika kita.\\n1 Korint 8: 1B - 7, 11 - 13\\nPenemu ngasuh orang ngerigangka diri, tang pengerindu ngemansangka orang.\\nBarang sapa ngumbai diri nemu utai, apin bisi penemu ti patut dikembuan iya; tang orang ke rinduka Allah Taala, dikelala Allah Taala.\\nNya alai, ba pasal pemakai ti udah diberi ngagai engkeramba, kitai sama nemu, “engkeramba endang ukai utai ti idup”, lalu “Allah Taala endang siku aja.”\\nLaban enti sema utai ti dikumbai petara bisi di langit tauka di dunya--laban utai ti dikumbai “petara” enggau dikumbai “tuhan” endang amat mayuh.\\nTang ba kitai, kitai semina bisi siku aja Allah Taala, Apai ke pun semua utai, lalu kitai idup ke Iya; lalu kitai semina bisi siku aja Tuhan, iya nya Jesus Kristus. Ulih Iya semua utai udah digaga, lalu ulih Iya kitai idup.\\nTang ukai semua orang ngembuan penemu tu. Laban sekeda orang udah teleba enggau engkeramba nyentuk ngagai diatu, nya alai sida agi ngumbai pemakai ti diempa sida nya pemakai ti udah diberi ngagai engkeramba, lalu laban ati sida agi lemi, sida lalu ngumbai diri bedosa lebuh sida makai pemakai nya.\\nNya alai, menyadi ke lemi nya, ke udah ditebus Kristus, deka rusak laban penemu kita.\\nTang lebuh kita bedosa ngelaban orang Kristian lalu nelihka ati sida ti agi lemi, kita bedosa ngelaban Kristus.\\nNya alai, enti pemakai ngasuh orang Kristian bedosa, aku enggai sekali-kali makai dagin, enggai ke aku ngasuh sida bedosa.\\nMasmur 139: 1 - 3, 13 - 14AB, 23 - 24\\nSaut (peda 24b): Iring aku TUHAN, niti jalai ti meruan belama iya.\\nO TUHAN, Nuan udah meresa lalu nemu aku. Nuan nemu semua utai ti dikereja aku; Ari jauh Nuan meda semua runding aku. Nuan meda aku lebuh aku gawa tauka belelak, lalu Nuan nemu semua utai ti dikereja aku.\\nSaut: Iring aku TUHAN, niti jalai ti meruan belama iya.\\nLaban Nuan udah nempa semua perengka tubuh aku; Lalu bejantilka aku dalam kandung indai aku. Aku muji Nuan laban Nuan endang patut dikenangika, laban semua utai ti dikereja Nuan endang nyelai sereta manah magang.\\nPeresa meh aku, O Allah Taala, ngambika Nuan nemu ati aku. Uji meh ati aku, ngambika Nuan nemu runding aku. Giga meh ulah ti jai dalam aku lalu iring aku niti jalai ti meruan belama iya.\\nAlleluia (peda 1 St. John 4: 12)\\nEnti kitai rinduka pangan diri, Allah Taala meruan dalam kitai, lalu pengerindu Iya digaga nyadi pemadu badas dalam kitai.\\nBerekatka orang ke nyumpah kita, besampika orang ke merinsaka kita.\\nEnti orang nampar kuyu kita sepiak, awakka iya mega nampar kuyu kita sepiak. Enti orang ngambi kelambi kita, awakka iya mega ngambi baju kita.\\nBeri ngagai semua orang ke minta utai ari kita, lalu lebuh orang ngambi utai kita, anang minta utai nya dipulaika baru.\\nKereja ngagai orang baka ke dikedekaka kita kereja sida ngagai kita.\\nEnti kita rinduka orang ke rinduka kita, baka ni ku nya tau nyadika berekat kita? Indah orang ke bedosa deh nemu rinduka orang ke rinduka sida!\\nLalu enti kita manah enggau orang ke manah enggau kita, baka ni ku nya tau nyadika berekat kita? Indah orang ke bedosa deh nemu ngereja nya!\\nEnti kita nyali utai semina ngagai orang ke dikarapka ulih mulaika utai nya ngagai kita, baka ni ku nya tau nyadika berekat kita? Indah orang ke bedosa deh nemu nyali utai ngagai pangan diri, lalu ngarapka diri ulih nerima utai nya pulai baru!\\nTang rinduka munsuh kita, lalu kereja utai ti manah ngagai sida. Jali utai ngagai orang, lalu anang ngarapka diri nerima bayar. Nya baru upah kita besai, lalu kita deka nyadi anak Allah Taala ti Pemadu Tinggi; laban Iya manah enggau orang ke enda nemu beterima kasih, sereta enggau orang ke jai.\\nKasihka orang, baka Apai kita ti kasih.\\n“Anang ngakim, nya baru kita enda diakim. Anang ngukum, nya baru kita enda diukum. Ampun, nya baru kita diampun.\\nBeri, lalu kita deka diberi. Takar ti chukup, ti dienyak, digusak, ti meruap lalu lilih, deka diberi ngagai kita; laban takar ti dikena kita nakar deka dikena nakar utai ke kita.”","num_words":694,"character_repetition_ratio":0.053,"word_repetition_ratio":0.031,"special_characters_ratio":0.218,"stopwords_ratio":0.341,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Petara Rinduka Sida ke “Bebuah Enggau Ati ti Liat Sereta Tan” | Dikena Belajar\\nMenara Jaga—Edisyen Dikena Belajar | Mei 2018\\nJehovah Rinduka Sida ke “Bebuah Enggau Ati ti Liat Sereta Tan”\\n“Tang benih ti labuh ba tanah ti ami nya orang ke . . . bebuah enggau ati ti liat sereta tan.”—LUK. 8:15.\\nLAGU: 68, 72\\nNama kebuah kitai berasai lemi lebuh nginjil ba endur ke mayuh orang enggai ninga?\\nNama kebuah semua kitai ulih mujur ba pengawa nginjil?\\nNama ulih nulung kitai seruran bebuah enggau ati ti liat sereta tan?\\n1, 2. (a) Nama kebuah kitai berasai diperansang ulih bala menyadi Kristian ke terus nginjil ba endur ke mayuh orang enggai ninga? (Peda gambar ba pun artikel.) (b) Nama dipadah Jesus pasal nginjil ba ‘menua diri empu’? (Peda nota kaki.)\\nSERGIO SEDUAI OLINDA nya melaki-bini ke nyadi pengerintis di Amerika Serikat. Seduai iya bela beumur lebih 80 taun. Apin lama ti udah, seduai iya tusah deka bejalai ketegal pedis kaki. Tang baka ke suah digaga seduai iya betaun-taun, pukul tujuh pagi seduai iya bejalai ngagai padang ba nengeri nya, ke selalu bisi mayuh orang. Seduai iya semak endur alai nganti bas lalu nyadung litaricha kitai ngagai orang ke mansa. Mayuh orang enda bedulika Sergio seduai Olinda, tang seduai iya tetap dia lalu tuchum ngagai orang ke malik ngagai seduai iya. Maya tengah hari, seduai iya belubah-lubah bejalai pulai. Pagi siti, pukul tujuh pagi, seduai iya napatka endur nya baru. Seduai iya nginjil ba endur nya ninting pagi, enam kali seminggu. Lalu ngereja nya sepemanjai taun.\\n2 Baka Sergio seduai Olinda, bisi mayuh bala menyadi Kristian ke tetap ati udah nginjil ba menua diri bepuluh taun, taja pan mayuh orang enggai ninga. Nuan mega engka nginjil ba endur ke baka nya. Enti pia, kami muji nuan laban nuan ulih liat ati sereta tan lalu terus nginjil taja pan nya tusah. * (Peda nota kaki.) Teladan nuan meransang mayuh bala menyadi Kristian, nyengkaum sida ke udah lama nginjil. Peratika utai ti dipadah sekeda tuai ti ngabas: “Lebuh aku gawa enggau bala menyadi Kristian ke tetap ati nya ba pengawa nginjil, aku berasai dikeringka ulih teladan sida.” “Penetap ati sida meransang aku tan sereta berani ba pengawa nginjil aku empu.” “Teladan sida ngagaka ati aku.”\\n3. Nama tiga iti tanya ke deka dikerandauka kitai, lalu nama kebuah?\\n3 Ba artikel tu kitai deka nyaut tiga iti tanya: Nama kebuah kitai kadang-kadang berasai lemi? Nama reti bebuah? Nama ulih nulung kitai seruran bebuah enggau ati ti liat sereta tan? Nemu saut ngagai semua tanya tu ulih meransang kitai terus ngereja pengawa nginjil ke diberi Jesus.\\nNAMA KEBUAH KITAI BERASAI LEMI?\\n4. (a) Baka ni asai ati Paul lebuh mayuh orang Judah enggai ninga? (b) Nama kebuah Paul berasai baka nya?\\n4 Kati nuan kala berasai lemi ketegal orang di menua nuan enggai ningaka pesan pasal Perintah Petara? Enti kala, nuan ulih nemu baka ni asai ati rasul Paul. Iya udah nginjil kira-kira 30 taun, lalu nulung mayuh orang nyadi murid Kristus. (SKR. 14:21; 2 Kor. 3:2, 3) Taja pia, iya enda ulih nulung mayuh orang Judah nyadi penyembah ti bendar. Mayuh ari sida enggai ningaka Paul, lalu sekeda nya indah merinsaka iya. (SKR. 14:19; 17:1, 4, 5, 13) Baka ni asai ati Paul? Iya berasai ‘sinu enggau tusah ati.’ (Rom. 9:1-3) Nama kebuah? Laban iya rindu nginjil. Paul nginjil ngagai orang Judah ketegal iya ibuhka sida. Nya alai iya berasai tusah ati lebuh sida nulak pengasih Petara.\\n5. (a) Nama meransang kitai nginjil? (b) Nama kebuah kitai kadang-kadang berasai lemi?\\n5 Baka Paul, kitai nginjil ngagai orang laban kitai ibuhka sida sereta deka nulung sida. (Mat. 22:39; 1 Kor. 11:1) Ari peneleba diri, kitai nemu gawa ke Jehovah nya chara pengidup ti pemadu manah. Lalu kitai deka nulung orang nemu pengidup sida ulih meruan agi! Nya kebuah kitai majak meransang sida belajarka pemendar pasal Jehovah sereta tuju Iya ke mensia. Kitai baka ke mai pemeri ti manah lalu ngumbuk sida: ‘Terima meh pemeri tu.’ Nya alai lebuh sida nulak pemeri nya, kitai berasai ‘tusah ati,’ baka ke diasai Paul. Kitai ngasaika penusah ati tu, ukai ketegal kitai kurang pengarap tang ketegal kitai balat rinduka orang. Nya alai taja pan kitai kadang-kadang berasai lemi, kitai terus nginjil. Kitai setuju enggau utai ke disebut Elena, ke udah ngerintis lebih 25 taun: “Aku ngasaika pengawa nginjil nya tusah. Tang, nadai pengawa bukai ke ka digaga aku kelimpah ari nginjil.”\\nNAMA RETI BEBUAH?\\n6. Nama tanya ti deka disaut kitai?\\n6 Nama kebuah kitai pechaya kitai ulih mujur ba pengawa nginjil enda ngira dini alai? Kena nyaut tanya tu, aram kitai berandauka dua iti sempama ke alai Jesus bisi nyebut pasal kebuah patut “bebuah.” (Mat. 13:23) Sempama ti keterubah nya pasal pun anggur.\\n7. (a) Dalam sempama Jesus, “tukang kebun,” “pun anggur,” enggau “dan” ngambarka sapa? (b) Nama tanya ti patut disaut kitai?\\n7 Bacha John 15:1-5, 8. Dalam sempama tu, Jesus madahka Jehovah nya “tukang kebun,” Jesus empu nya “pun anggur,” lalu bala murid iya nya “dan.” * (Peda nota kaki.) Udah nya Jesus ngasuh bala murid iya: ‘Apai aku dimuliaka, enti kita bebuah lebat lalu nyadi murid aku.’ Nyadi, nama reti bebuah? Dalam sempama tu, Jesus nadai madah enggau nyemetak bansa buah nya, tang iya meri kelai ke ulih nulung kitai nemu saut ngagai tanya nya.\\n8. (a) Dalam sempama Jesus, nama kebuah ulih “bebuah” ukai reti nya ngaga orang nyadi murid? (b) Utai ke baka ni diasuh Jehovah kereja kitai?\\n8 Ku Jesus madah pasal Apai iya: ‘Iya muai ari aku genap iti dan ti enda bebuah.’ Reti nya kitai ulih nyadi nembiak Jehovah enti kitai bebuah. (Mat. 13:23; 21:43) Nya alai dalam sempama tu, bebuah ukai reti kitai ngaga orang nyadi murid. (Mat. 28:19) Enti baka nya, bala Saksi ke tetap ati ti enda nulung orang nyadi murid Jesus deka baka dan ke enda bebuah. Tang tu ukai baka nya! Nama kebuah? Laban kitai enda ulih ngansak orang nyadi murid. Jehovah ngembuan pengerindu. Iya semina ngasuh kitai ngereja utai ke ulih dikereja kitai, ukai ngereja utai ke enda ulih dikereja kitai.—U-dat. 30:11-14.\\n9. (a) Baka ni kitai bebuah? (b) Nama sempama ke deka dikerandauka kitai?\\n9 Tang nama reti bebuah? Nya tentu utai ke ulih dikereja semua kitai. Nama pengawa ke udah diberi Jehovah ngagai semua nembiak Iya? Pengawa nya nusui berita manah pasal Perintah Petara. * (Peda nota kaki.) (Mat. 24:14) Pekara tu nyata dipeda ari sempama Jesus pasal orang ke naburka benih. Aram kitai berandauka sempama nya.\\n10. (a) Nama reti benih enggau tanah ke dikena dalam sempama Jesus? (b) Nama diasilka setangkai gandum?\\n10 Bacha Luke 8:5-8, 11-15. Dalam sempama pasal orang ke naburka benih, Jesus madahka benih nya ‘jaku Petara’ tauka pesan pasal Perintah Petara. Tanah nya ati seiku-seiku orang. Benih ti labuh ba tanah ti ami tumbuh urat, matuk, lalu nyadi utai tumbuh. Udah nya, utai tumbuh nya “bebuah seratus kali lipat.” Enti utai tumbuh nya tangkai gandum, buah ke baka ni deka diasilka iya? Tangkai gandum ti mit? Ukai, iya deka ngasilka leka benih, ti deka tumbuh lalu nyadi tangkai gandum. Dalam sempama tu, seleka benih ngasilka 100 leka benih. Nama ulih dipelajarka kitai pasal pengawa nginjil ari sempama tu?\\nBaka ni kitai “bebuah enggau ati ti liat sereta tan”? (Peda genteran 11)\\n11. (a) Nama ulih dipelajarka kitai pasal pengawa nginjil ari sempama pasal orang ke naburka benih? (b) Baka ni kitai ngasilka benih ti baru?\\n11 Lebuh apai indai kitai ke Kristian tauka bala Saksi bukai berengkah ngajar kitai pasal Perintah Petara, sida baka ke nanam benih ba tanah ti ami. Sida gaga lebuh meda kitai nerima pesan nya. Benih nya majak tumbuh nyentuk ke iya bebuah. Lalu baka tangkai gandum ke enda ngasilka tangkai ti baru tang ngasilka benih ti baru, kitai enda ngaga orang nyadi murid ke baru tang ngaga benih ke baru. * (Peda nota kaki.) Baka ni kitai ngereja nya? Tiap kali kitai madah ngagai orang pasal Perintah Petara, kitai baka ke mayuh bebuah lalu naburka benih ti sama ke udah ditanam ba ati kitai. (Luk. 6:45; 8:1) Nya alai, seagi-agi kitai terus nusui pesan pasal Perintah Petara, kitai “bebuah enggau ati ti liat sereta tan.”\\n12. (a) Nama ulih dipelajarka kitai ari sempama Jesus pasal pun anggur enggau orang ke naburka benih? (b) Baka ni asai ati nuan pasal utai ti ditemu ari sempama nya?\\n12 Nama ulih dipelajarka kitai ari sempama Jesus pasal pun anggur enggau orang ke naburka benih? Kitai nemu, “bebuah” ukai bepanggai ba sekalika orang ningaka pesan tauka enda. Nya bepanggai ba sekalika kitai terus nginjil tauka enda. Paul nyebut utai ti sama lebuh iya nerangka: “Genap iku deka diupah nitihka pengawa ti dikereja siku-siku orang.” (1 Kor. 3:8) Jehovah meri upah ketegal pengawa ti dikereja kitai, ukai ketegal asil pengawa ti dikereja kitai. Matilda, ke udah ngerintis 20 taun, madahka, “Aku berasai gaga laban nemu Jehovah meri upah ketegal kitai bebendar ngereja pengawa ke Iya.”\\nBAKA NI KITAI ULIH BEBUAH ENGGAU ATI TI LIAT SERETA TAN?\\n13, 14. Nitih ku Rome 10:1, 2, nama kebuah Paul enda ngetu nginjil?\\n13 Nama deka nulung kitai “bebuah enggau ati ti liat sereta tan”? Aram kitai meda teladan Paul enggau mayuh agi. Kitai nemu Paul berasai lemi laban orang Judah nulak pesan pasal Perintah Petara. Taja pia, Paul enda ngetu nginjil ngagai sida. Iya madahka asai ati diri pasal orang Judah: ‘Utai ti dikinginka ati aku, enggau sampi aku ngagai Petara ke sida, iya nya, minta sida diselamatka. Aku berani besaksi madahka sida balat angkunka Petara, tang pengangkun sida ke Iya ukai beduduk ba penemu ti bendar.’ (Rom. 10:1, 2) Nya alai, nama kebuah Paul terus nginjil?\\n14 Kesatu, Paul madahka iya deka nginjil ngagai orang Judah laban nya ‘utai ti dikinginka ati iya.’ Iya amat deka sida diselamatka. (Rom. 11:13, 14) Kedua, iya ngenataika ‘sampi iya ngagai Petara ke sida.’ Paul minta Jehovah nulung tiap iku orang Judah nerima pesan pasal Perintah Petara. Ketiga, Paul madahka: ‘Sida balat angkunka Petara.’ Paul beratika pemanah ke bisi ba orang, lalu pechaya sida ulih gawa ke Jehovah dudi hari. Iya nemu orang Judah ke angkun nya ulih nyadi murid Kristus ke ransing, baka Kristus empu.\\n15. Baka ni kitai ulih neladan Paul? Padahka sekeda chunto.\\n15 Baka ni kitai ulih neladan Paul? Kesatu, kitai keran deka ngiga orang ke “udah dipilih nerima pengidup ti meruan belama iya.” Kedua, kitai minta Jehovah nulung orang ke lurus ati ninga lebuh kitai nginjil ngagai sida. (SKR. 13:48; 16:14) Nya meh utai ti udah digaga Silvana, ke udah ngerintis nyau deka 30 taun. Ku iya madahka, “Sebedau mupuk nginjil ari rumah ke rumah, aku besampi minta Jehovah meri aku runding ti positif.” Kitai mega besampi ngambika bala melikat nulung kitai tetemuka orang ke deka ninga. (Mat. 10:11-13; Pem. 14:6) Robert, ke udah nginjil lebih 30 taun, madahka, “Begulai gawa enggau bala melikat ke nemu pasal utai ti nyadi ba pengidup orang ke bempu rumah endang ngagitka ati.” Ketiga, kitai nguji beratika pemanah ke bisi ba orang, lalu pechaya sida ulih gawa ke Jehovah dudi hari. Carl, seiku tuai gempuru ke udah dibaptisa lebih ari 50 taun, madahka, “Aku beratika utai ke nunjukka orang nya amat-amat deka nemu, baka ari tuchum, manah mua, tauka bisi tanya ke datai ari ati.” Enti kitai ngereja semua utai nya, kitai ulih “bebuah enggau ati ti liat sereta tan” baka Paul.\\n16, 17. (a) Nama ulih dipelajarka kitai ari Pengajar 11:6? (b) Baka ni pengawa nginjil kitai ulih meri ubah ngagai orang ke beratika kitai?\\n16 Kitai patut ingat pengawa nginjil kitai ulih meri ubah ti besai ba orang, taja pan orang nya baka ke enggai ninga. (Bacha Pengajar 11:6 ari nota kaki.) * Orang beratika kitai. Sida meda kitai begari enggau kemas, kitai bisi basa sereta deka begulai enggau orang. Tu ulih narit ati sida, lalu nyau kelama, indah orang ke kala bisi runding ti enda manah pasal kitai nyau bisi runding ti manah. Sergio seduai Olinda ngasaika tu amat.\\n17 Ku Sergio madahka: “Sekumbang ke enda tentu dapat, kami duai nadai ngagai padang enda lama. Lebuh kami duai nginjil baru, orang ke mansa nanya, ‘Kini penunga seduai. Kami lelengauka seduai.’” Olinda nyaut enggau tuchum: “Bala ke deriba bas ngepaika jari ngagai kami duai lalu sekeda nya nyebut enggau nyawa ti inggar ari endur sida deriba. ‘Gaga ati meda seduai datai baru!’ Sida mega minta majalah kitai.” Sergio seduai Olinda amat tekenyit lebuh seiku lelaki datai ngagai troli pemandang litaricha seduai iya, meri bungai, lalu beterima kasih ke pengawa seduai iya.\\n18. Nama kebuah nuan keran deka “bebuah enggau ati ti liat sereta tan”?\\n18 Seagi-agi nuan ‘enda belelak’ madah pasal Perintah Petara ngagai orang, nuan bisi ungkup ti besai dalam meri “saksi ngagai semua bansa.” (Mat. 24:14) Kelebih agi, nuan deka bulih pengaga ti besai laban nemu diri ngagaka ati Jehovah. Iya rinduka semua orang ke “bebuah enggau ati ti liat sereta tan”!\\n^ per. 2 Indah Jesus madahka nginjil ba ‘menua diri empu’ nya tusah. Tu bisi dipadah ba empat iti bup Injil.—Mat. 13:57; Mrk. 6:4; Luk. 4:24; Jhn. 4:44.\\n^ per. 7 Taja pan dan dalam sempama tu dituju ngagai orang Kristian ti deka ke serega, semua nembiak Petara ulih belajar ari sempama tu.\\n^ per. 9 Leka jaku “bebuah” mega tau dikumbai ngasilka ‘buah roh kudus.’ Taja pia, artikel tu enggau artikel ke nangkanka iya deka berandau pasal pemeri “ti diberi kitai ngena mulut” tauka nusui pasal Perintah Petara.—Gal. 5:22, 23; Heb. 13:15.\\n^ per. 11 Ba maya bukai, Jesus ngena chunto pasal pengawa naburka benih enggau ngetau kena ngambarka pengawa ngaga orang nyadi murid.—Mat. 9:37; Jhn. 4:35-38.\\n^ per. 16 Pengajar 11:6, NW: “Taburka benih nuan lebuh pagi hari, lalu anang belelak nyentuk ke lemai hari laban nuan enda nemu ni bagi benih ti deka tumbuh, benih ke siti tu tauka benih ke siti nyin, tauka kedua-dua benih nya tumbuh enggau manah.”\\nDalam sempama Jesus pasal pun anggur enggau orang ke naburka benih, bebuah reti iya nusui berita manah, ukai ngaga orang nyadi murid. Kitai “bebuah enggau ati ti liat sereta tan” lebuh kitai terus nginjil enda ngira orang deka ninga tauka enggai\\nNama Kebuah Kitai Terus “Bebuah Lebat”\\nKelala Meh Munsuh Nuan\\nKita ke Biak—Kita Ulih Ngelaban Sitan\\nCHERITA PENGIDUP Terubah-rubah Seranta—Pengujung Iya Mayuh Berekat\\nText Chara download litaricha elektronik MENARA JAGA—EDISYEN DIKENA BELAJAR Mei 2018\\nMENARA JAGA—EDISYEN DIKENA BELAJAR Mei 2018","num_words":2251,"character_repetition_ratio":0.068,"word_repetition_ratio":0.012,"special_characters_ratio":0.231,"stopwords_ratio":0.325,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pengereja kunterik parai ngelantak treler sawit - Suara Sarawak\\nPengereja kunterik parai ngelantak treler sawit\\nROBAN: Siku pengereja kunterik ari Sri Aman bebadi nyawa pengudah motosikal iya ensuruk baruh treler sawit tadi.\\nPenusah bebadi urung pukul 2.05 lemai ba tiku jalai semak Kampung Mundu di KM1, Jalai Roban – Saratok.\\nNiang benama Nur Alif Aidil Roslan, 26 taun, dipadah mengkang ba mua treler nya lalu dipirit.\\nKetuai Polis Pelilih Saratok, Deputi Superintendan Mordani Tanin, madah, adres rumah niang ba Taman Gamang, Jalai Brayun ditukuka parai tekala nya ba endur penusah nyadi ari raban perubat Klinik Pengerai Roban.\\n“Asil pansik tumu polis, niang dipelaba tama ngagai jalai sepiak berindik ari bekau tayar ba atas jalai lebuh nengah tiku kiba,” ku iya ba penerang nya.\\nKu Mordani, niang ti balat bakal ba kaki, dada enggau pala benung ba rantau jalai ari simpang Roban nuju pasar Roban.\\nMordani madah, bangkai niang udah dibai ngagai Rumah Bangkai Sepital Saratok ungkup atur bukai lalu buntas pansik deka dipejalai pagila, Hari Empat.\\nPemeresi bazar Ramadan dijaga meruan\\nProjek RTP di Kampung Segedup sudah siap\\nKGBS: Pebasaka pemutus KPM\\nPelancongan hidupkan Pantai Belawai\\n40 kanak-kanak gunting rambut percuma\\nHuang hulur bantuan segera baiki jambatan rosak dihempap pokok tumbang\\nLif terhempas dari tingkat lima, kanak-kanak patah kaki\\nSarawak perlu elak dijangkiti penyakit bandar besar - Taib\\nPKP: Rakyat semakin menerima norma 'kehidupan baharu'","num_words":203,"character_repetition_ratio":0.059,"word_repetition_ratio":0.0,"special_characters_ratio":0.179,"stopwords_ratio":0.118,"flagged_words_ratio":0.0,"lang_id_score":0.94,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Menua ti likun ulih nyungkak sektor dagang temuai di Malaysia | Utusan Borneo Online\\nSelasa, 7 Julai 2020 - 7:57pm\\nHalaman Utama » Iban » Menua ti likun ulih nyungkak sektor dagang temuai di Malaysia\\nMenua ti likun ulih nyungkak sektor dagang temuai di Malaysia\\nMERI PENERANG: Nancy disempulang Abdul Karim ba aum pengarang berita ‘Sesi Libat Urus YB Menteri Pelancongan, Seni dan Budaya Malaysia & YB Menteri Pelancongan, Kesenian dan Kebudayaan Sarawak’ ti diatur ba BCCK ditu, kemari. — Gambar Muhamad Rais Sanusi\\nKUCHING: Menua likun alai datai nemuai tauka dilawa iya nya pekara ti pemadu dikemeratka ba atur pengawa muka baru sektor dagang temuai renggat antarabansa.\\nMenteri Dagang Temuai, Seni enggau Main Asal Malaysia, Datuk Seri Nancy Shukri madahka, nya dikena ngenukuka rayat Malaysia likun sereta ulih diseliahka ari pandemik COVID-19 ke nyadi ba serata dunya.\\nMalaysia ku iya, bekaul enggau sektor tauka industri dagang temuai kebendar udah ngemendar sereta muka garis entara menua antarabansa ke Singapura enggau Brunei tang mega pekara nya patut dipesetuju kededua raban ti bekaul (bilateral).\\n“Dalam pekara tu sida (baka Singapura tauka Brunei) patut bisi penetap sida empu, lalu kitai mega ngaga penetap kitai empu.\\n“Lalu udah tentu pekara ti pemadu dikemeratka kitai iya nya nentuka menua nya menua ti likun alai rayat kitai nemuai tauka datai.\\n“Kitai bepanggai ngagai lalau ari Opis Menteri Pengerai Malaysia (KKM) enggau Organisasyen Pengerai Dunya (WHO). Kitai udah nemu bagi menua ke udah Zon Gadung,” ku iya.\\nNancy ti mega Kaban Parlimen (MP) Batang Sadong ditanya pekara nya ba aum pengarang berita ‘Sesi Libat Urus YB Menteri Pelancongan, Seni dan Budaya Malaysia & YB Menteri Pelancongan, Kesenian dan Kebudayaan Sarawak’, ti diatur ba BCCK ditu, kemari.\\n“Nambahka nya, kitai udah nemu chara pemadu jampat kitai mulaika pemanah baru ekonomi nengah dagang temuai iya nya ngena chara muka garis entara menua,” ku iya.\\nNambahka nya lebuh ditanya sekalika timpuh kemisi ujung taun sekula ti udah diubah pandak agi ulih ngeruga sektor dagang temuai, Nancy madahka; “Aku ngasaika enda tentu ngeruga sektor dagang temuai laban diatu udah mayuh temuai sereta kemisi dalam menua tu empu.”\\nLebuh ke bejaku ba pengerami nya, Nancy madahka Opis Menteri nya melabaka pengerugi industri dagang temuai enggau budaya dalam timpuh enam bulan keterubah taun 2020 (Januari ngagai Jun) iya nya dalam RM45 bilion.\\nNya alai ku iya, perambu mulaika pemanah dagang temuai enggau main asal pasca-PKP (Atur Nagang Pemindah) patut chakah dipejalaika ngambika ekonomi menua ulih lengkas pulai manah baru.\\nNyema enda lengkas dipejalaika, sektor dagang temuai enggau main asal menua deka mayuh rugi, ngelubahka pengawa mulaika pemanah industri enggau ekonomi lebuh igi penyakit tu majak nadai, ku iya.\\nIya madahka, opis menteri udah ngelala mayuh strategi dalam ngelanggur mulaika pemanah industri dagang temuai enggau main asal menua.\\n“Nengah ejensi dagang temuai Malaysia, kitai ngenegapka inisiatif dagang temuai domestik nengah ‘Kempen Cuit-Cuti Malaysia’, ngenegapka aktiviti kaul enggau mensia mayuh sereta ngelakuka nengah media rama nyengkaum kerejasama ngena chara online enggau kompeni korporat, Key Opinion Leaders (KOL) enggau kebukai.\\n“Kitai mega deka ngemanahka kualiti produk enggau servis dagang temuai ngena chara idup baru kena nambahka pengarapka temuai datai kitu baru, nyentuk sida temuai deka lama agi diau ditu sereta ngelawa mayuh palan di menua tu.\\n“Dalam pekara tu, aku deka meransang menua enggau pengemeran industri ari kededua sektor dagang temuai enggau main asal nentuka servis enggau produk ti disediaka bekualiti tinggi lebih agi bekaul enggau pengelikun, pemeresi enggau pengerai,” ku iya.\\nDulu ari nya Nancy berandau enggau sekeda pengemeran industri dagang temuai ba nengeri tu.\\nIya disempulang Menteri Dagang Temuai, Seni enggau Main Asal Datuk Abdul Karim Rahman Hamzah enggau sida ke bukai.","num_words":566,"character_repetition_ratio":0.087,"word_repetition_ratio":0.061,"special_characters_ratio":0.18,"stopwords_ratio":0.194,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sarawak sedia meri kerejasama - Suara Sarawak\\nPresiden Indonesia ngaga pemutus mindahka palan pengatur pengawa ari Jakarta ke Kalimantan\\nKUCHING: Sarawak semina ngemata pemutus Presiden Widodo tauka Jokowi ti deka mindahka palan pengatur pengawa menua Indonesia ke Kalimantan.\\nKepala Menteri, Datuk Patinggi Abang Johari Tun Openg madah, Sarawak semina ngemataka pemutus presiden nya ti deka mindahka palan pengatur pengawa menua nya ke Kalimantan.\\n“Nya pengawa menua Indonesia lalu kitai semina ulih ngemata aja.\\n“Lalu enti nyema diguna, kitai (Sarawak) deka meri kerejasama,” ku iya.\\nIya madah munyi nya maya dirandau pemberita rambau Program Korban Perdana Kaunsil Islam Sarawak beserimbai enggau Hari Raya Aidiladha ditu ensanus.\\nNengah portal berita nasional kena 6 Ogos tu tadi, Jokowi madahka deka neruska perambu mindahka palan pengatur pengawa Indonesia ke Kalimantan.\\nJokowi madah iya udah ngatur randau enggau sekeda piak bekaul dikena nentuka pelilih menua ke dipilih nyadi palan pengatur pengawa baru Indonesia nukar Jakarta.\\nIya mega madah pejalai ngagai palan nya udah digaga lalu pemutus udah ditetap iya nya milih menua Kalimantan nyadi palan pengatur pengawa ke baru.","num_words":163,"character_repetition_ratio":0.133,"word_repetition_ratio":0.0,"special_characters_ratio":0.162,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"12 January 2019 - Hari Enam udah Epiphany\\nKita empu nyadika saksi aku lebuh aku nyebut, ‘Aku ukai Kristus, tang aku udah diasuh datai dulu ari Iya.’ - John 3: 22 - 30\\nBacha Ke Satu: 1 John 5: 14 - 21\\nMenyadi ti dikesayauka aku:\\nBaka tu ku pemerani kitai di mua Allah Taala, iya nya enti kitai minta sebarang utai nitihka peneka Iya, Iya ninga kitai.\\nLalu enti kitai nemu Iya ningaka kitai genap kali kitai minta sebarang utai ari Iya, kitai nemu diri udah bulih utai ti dipinta kitai ari Iya.\\nEnti kita meda menyadi kita bedosa, tang dosa nya enda ngujung ngagai pemati, kita patut besampi ngagai Allah Taala, lalu Allah Taala deka meri pengidup ngagai iya, enti dosa nya enda ngujung ngagai pemati. Bisi siti dosa ti ngujung ngagai pemati; aku ukai madahka kita patut besampika nya.\\nSemua penyalah endang dosa magang, tang bisi dosa ti enda ngujung ngagai pemati.\\nKitai nemu, orang ke diadaka Allah Taala, enda agi bedosa tang dijaga Anak Allah Taala, lalu Sitan enda ulih negu iya.\\nKitai nemu diri anak Allah Taala, lalu kitai mega nemu semua dunya di baruh kuasa Sitan.\\nLalu kitai nemu Anak Allah Taala udah datai lalu udah meri kitai penemu, ngambika kitai nemu Allah Taala ti bendar. Lalu kitai meruan dalam Allah Taala ti bendar, dalam Anak Iya Jesus Kristus. Iya nya meh Allah Taala ti bendar, enggau pengidup ti meruan belama iya.\\nAnak, kejangka diri jauh ari engkeramba!\\nMasmur Entara: Masmur 149: 1B - 2, 3 - 4, 5 - 6A & 9B\\nSaut (peda 4a): TUHAN gaga ati ke nembiak Iya.\\nBelagu ngena lagu ti baru ke TUHAN. Puji Iya lebuh bala nembiak Iya begempuru!Awakka ati kita gaga, Israel, laban Iya udah ngaga kita. Rami gaga ati meh kita orang Sion, ke Raja kita!\\nSaut: TUHAN gaga ati ke nembiak Iya.\\nBetanda muji nama Iya meh kita, belagu muji Iya ngena dedumbak enggau belikan. Laban TUHAN gaga ati ke nembiak Iya; Iya meri pemenang ngagai orang ke baruh ati.\\nAwakka bala nembiak Allah Taala rami gaga ke pemenang sida, lalu belagu gaga ati lebuh sida gali ba kerusi-panjai sida. Awakka sida manjung muji Allah Taala, Tu meh pemenang ti diberi Allah Taala ngagai bala nembiak Iya. Puji TUHAN!\\nAlleluia (peda Matthew 4: 16)\\nOrang ke diau dalam petang udah meda penampak ti besai.\\nPenampak udah manchar ngagai sida ke diau di menua kelemayang pemati.\\nBacha Injil: John 3: 22 - 30\\nUdah bekau nya, Jesus enggau sida murid Iya bejalai ngagai menua pesisir di menua Judea, lalu Iya diau lama mimit dia enggau sida, lalu maptisa orang.\\nJohn mega maptisa orang di Anon, semak Salim, laban menua nya mayuh ai. Orang lalu majak datai, lalu dibaptisa.\\nLebuh maya nya John apin ditutup dalam rumah jil.\\nNyadi sekali bala murid John bekelikuh enggau siku orang Judah pasal adat nuchi diri.\\nSida datai ngagai John lalu bejaku ngagai iya, “Pengajar, Iya ke bisi enggau nuan di seberai Sungai Jordan, ke dikenang nuan, bisi ditu maptisa orang, lalu semua orang bela datai ngagai Iya.”\\nDisaut John, “Nadai orang ulih nerima utai, enti Allah Taala enda meri utai nya.\\nKita empu nyadika saksi aku lebuh aku nyebut, ‘Aku ukai Kristus, tang aku udah diasuh datai dulu ari Iya.’\\nLelaki ke ditikah nya meh orang ke bempu bini. Pangan lelaki ke ditikah, ke bediri semak iya lalu ninga iya, gaga ati ninga munyi nyawa iya. Nya kebuah ati aku pemadu gaga.\\nIya enda tau enda nyadi besai, tang aku nyadi mit.”","num_words":529,"character_repetition_ratio":0.07,"word_repetition_ratio":0.031,"special_characters_ratio":0.221,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Mayuh bedau bulih status peranak menua - Suara Sarawak\\nIsu tu mayuh nyadi ba Lubok Antu ketegal nikah enggau peranak menua luar\\n“Bisi sida nya tusah laban rumah jauh ba menua ulu tusah deka ngerejista pengada anak enggau lengkas ba Opis Pengerejista Bansa.”\\nKUCHING: Opis Menteri Dalam Menua (KDN) patut beratika nasip mayuh peranak Sarawak bedau bulih status peranak menua ba menua diri.\\nKaban Parlimen Lubok Antu, Jugah Muyang madah ketegal status peranak menua bedau diaku, pengidup sida nyadi tusah.\\n“Anang mih pilih kasih. Agi mayuh rayat Sarawak bedau bulih status peranak menua di nengeri tu.\\n“Tu ngujungka sida enda ulih minta Bantu Nupi Pengidup (BSH),” ku iya nengah sebengkah penerang, kemari.\\nIya madah mayuh raban sida kena pangka penusah ba pekara pelajar baka orang bukai, lebih agi maya minta Skim Nginjau Bup Teks.\\nPia mega, ku iya semina sebagi ari sida ulih masuk universiti perintah laban sida patut bebayar baka nembiak menua lyar lalu enda ulih ngaga pinjau pelajar ari perintah.\\nKenu ku Jugah, agi mayuh anak Sarawak bedau bulih status peranak menua taja apai indai sida udah ngembuan status peranak menua.\\nIya madah isu nya mayuh nyadi ba Lubok Antu ketegal nikah enggau peranak menua luar laun ngerijster surat nikah sereta isu bekaul enggau pengarap.\\n“Bisi sida nya tusah laban rumah jauh ba menua ulu tusah deka ngerejista pengada anak enggau lengkas ba Opis Pengerejista Bansa.\\n“Bisi nya mega agi enda nemu sentang pemesai guna peranak menua ngujungka sida laun ngerejista diri nyadi peranak menua,” ku iya.\\nBerebak enggau nya, Jugah mega ngansak perintah patut ngemuntang peminta status nyadi peranak menua mendam ungkup peranak luar ke nikah enggau peranak menua tu ke udah lama diau di Malaysia.","num_words":265,"character_repetition_ratio":0.114,"word_repetition_ratio":0.086,"special_characters_ratio":0.181,"stopwords_ratio":0.185,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Aram berapi\\nbuah terong mas\\nikan buntal ti udah digoreng\\nSari tu giliran BA gawa di Bilik Gerakan Banjir Bahagian Betong. Dipeda BA ari report dipinta ari manoa ti dipegai Betong, banjir udah bisi surut tang di manoa Maludam bedau agi surut.\\nLemai kemari pulai ari kereja, BA terus ke dapur laban ti ka berapi. Lama udah enda makai di rumah...selalu agi ka makai di luar.\\nLemai nya BA mandok lauk ikan buntal masin goreng, ikan buntal masak enggau buah terong, udahnya sosej... Lama udah enda makai utai pandok diri empu...Rin tengah ngenat ka diri lelak pulai gawa. BA aja meh masak lemai tu.\\nBA ia ka bendar enda nemu memasak..ha..ha..ha..tu aja ditemu BA..enti ka ngasoh BA memasak maioh macham stail..ayam masak merah kah, butter prawn kah...sweet and sour fish fillet kah...mintak maaf...nyamai ngasoh Hajah Balqis aja memasak...he..he\\nikan buntal dipandok begulai enggau terong mas\\nDikarang olih NyuWynn Glen Fordza @ Bujang Astana maia jam 4:34 PM","num_words":152,"character_repetition_ratio":0.067,"word_repetition_ratio":0.0,"special_characters_ratio":0.215,"stopwords_ratio":0.164,"flagged_words_ratio":0.0,"lang_id_score":0.909,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"'Upah' ngerusak entukar orang, diukum RM2700 - Suara Sarawak\\n‘Upah’ ngerusak entukar orang, diukum RM2700\\nKUCHING: Siku lelaki ari Kampung Selabat, Bako diukum RM2,700 tauka dijil tiga bulan pengudah ngaku salah ngerusak sebuah entukar kemari.\\nKort Majistret kemari merintahka Rizal Mostapar diukum pengudah ngaku salah nitihka Seksyen 427 Kanun Keseksaan.\\nRizal ngaku salah ngerusak entukar Abduk Rahim Abdulrasid pengudah iya nganu Rizal ngena entukar nadai pemendar.\\nRizal ngerusak entukar nya ngujungka iya rugi RM1,000.\\nTetuduh didawa ngereja penyalah nitihka Seksyen 427 Kanun Keseksaan pukul 5.15 lemai ba tisi jalai Kampung Selabat, Jalai Bako ditu kena 14 November tu tadi.\\nBa kes bukai, siku lelaki ari Jalai Ajibah Abol kena tinggang ukum RM2,000 tauka dijil dua bulan.\\nHarris Ilias, 44 taun diukum pengudah ngaku salah ngerusak pintu besi sebuah kedai ba Jalai Ajibah Abol diempu Tan Siow Yek.\\nTetuduh ngereja penyalah nya pukul 2.14 pagi ba sebuah kedai runcit di Jalai Ajibah Abol kena 4 Disember tu tadi.","num_words":140,"character_repetition_ratio":0.099,"word_repetition_ratio":0.0,"special_characters_ratio":0.212,"stopwords_ratio":0.093,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SK Bukit Balai, SK Ulu Segan berengkah dibuka, SK Sg Genaan agi ampuh -->\\nPun Laman › Berita › Penusah Ngenyit › Sekula › SK Bukit Balai › SK Sg Genaan › SK Ulu Segan\\nSK Bukit Balai, SK Ulu Segan berengkah dibuka, SK Sg Genaan agi ampuh\\nDITUTUP: Laman SK Sg Genaan agi ampuh.\\nBINTULU: Sekula Primari (SK) Bukit Balai enggau SK Sg Genaan di Pelilih Sebauh antara 24 buah sekula primari kena penusah ampuh bah di nengeri tu.\\nPenerang baru ari Opis Pelajar Pelilih Sebauh (PPD) madahka pengawa meresi kelas benung dipejalai di SK Bukit Balai kemari. Sekula bisi 348 iku nembiak, 27 iku pengajar sereta 13 iku staf ukai akademik.\\nAmpuh bah diripot udah surut kemari lalu pengawa ngajar enggau belajar ungkup Primari 6 udah dipejalai baka selama.\\nTaja pia, kelas ungkup Primari 1 ngagai 5 enda ulih dipejalai lalu bala nembiak dipinta mulaika diri ke rumah seraya nganti gerah udah tu ila.\\nBerebak enggau nya, SK Sg Genaan bisi 25 iku nembiak, 11 iku pengajar enggau enam iku staf ukai akademik agi ditutup laban laman sekula agi ampuh penalam empat kaki.\\nSK Ulu Segan ke mega dituntung penusah ampuh bah agi beoperasyen baka selama.\\nSekretariat Komiti Mutarka Penusah Ngenyit Nengeri dalam penerang berita madahka naka pukul 12 tengahari, lima buah sekula ditutup iya nya SK Sg Bong (Baram), SK Kuala Bok (Baram), SK Ng Bon (Sibu), SK Kuala Kenyana (Mukah), enggau SK Sg Genaan (Sebauh).\\nBerebak enggau nya, Raban Nyaga Pengelikun Mensia Mayuh Malaysia (APM) Bintulu matau penyadi tanah tusur di belakang Rumah Benet KM 3 1\/2 Jalai Sepaduk Sg Tisang. Rumah panjai ti diuan tujuh ruang bilik ti mungkur 31 iku peranak. #UtusanBorneo\\n#Berita #Penusah Ngenyit #Sekula #SK Bukit Balai #SK Sg Genaan #SK Ulu Segan","num_words":260,"character_repetition_ratio":0.092,"word_repetition_ratio":0.032,"special_characters_ratio":0.217,"stopwords_ratio":0.092,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Dua MP minta bajet 2021 Sabah, Sarawak ditambah – Suara Sarawak – Bukan Sekadar Akhbar\\nYou are here:Home-RUAI-Dua MP minta bajet 2021 Sabah, Sarawak ditambah\\nKUALA LUMPUR: Dua Kaban Parlimen (MP) ari Sabah enggau Sarawak sehari tu minta agih belanja besai agi diberi ngagai kededua nengeri nya dalam Bajet 2021 ngambi ngerapitka takah pemansang enggau Semenanjung Malaysia.\\nBa jurai Perambu Undang-undang Perbekalan 2021 ba Aum Parlimen ditu, Datuk Seri Mohd Shafie Apdal (Warisan- Semporna) madahka Sabah mesti nerima agih belanja ke besai agi nitihka pematut dalam bajet nya beduduk ari mayuh rayat seranta taja nengeri nya ngundan mayuh pengeraja asal.\\nKu iya, pengelebih Sabah enggau Sarawak ti ngembuan mayuh tanah ami sereta pemayuh pengeraja asal mesti dikemansang nentuka menua makin maju kelimpah ulih besemekih enggau menua ba rantau Asia sereta dunya.\\n“Ari semua agih belanja penyampau RM322.5 bilion dalam Bajet 2021, Sabah semina nerima RM5 billion tauka RM9 bilion lalu pekara nya mesti dikemerat ngambi pemansang ba selampur menua sebela agi.\\n“Nitih ku penerang, sistem perengka pengangkut ba Semenanjung mega moden agi dibanding Sabah enggau Sarawak ti agi jauh tinggal,” ku iya nyemetak madah.\\nIya mega merambu pengempu bas mit ba menua ulu tauka genturung pendiau dibantu lebuh disuwa enggau nyadi bas mit mai pesakit menua pesisir ngagai sepital.\\nPenemu tu mega ulih mantu pengempu bas mit nambahka penatai pemisi sida diatu.\\nNangkanka nya, Larry Sng (PH-Julau) madahka Sabah enggau Sarawak begunaka agih belanja tambah ngambi ngerapit takah entara dua nengeri nya enggau Semenanjung Malaysia.\\nKu Laryy Sng, perengkaguna pemun ba Sabah enggau Sarawak agi jauh tinggal\\n“Ambika banding ba kandang menua Julau, Sarawak pemesai nengeri perlis enggau Melaka nadai stesyen minyak tauka balai bomba.\\n“Ari sukut pengerai, ba Sabah semina bisi sebuah klinik ungkup 13,129 iku seraya sebuah klinik ungkup 11,682 iku peranak ba Sarawak iya nya dua kali lipat tinggi agi ari Pahang (1: 5,048),” ku Larry Sng nerang.\\nIya mega madahka inisiatif ngerapit takah digital enggau penanggul arus penyambung dirumban nyengkaum ngemanah 2,041 tiang pemanchar ba Sarawak ngagai arus 4G laban arus penyambung nya beguna amat maya nelebaka diri enggau chara baru tu.- BERNAMA.\\nBy Bernama|2020-11-16T19:09:39+08:00November 16th, 2020|Categories: RUAI|0 Comments\\nTiga pemain Kuching City dikuarantin empat hari lagi\\nJAKU TESAU! Sapa udah ngusung rumah panjai ba Sungai Liam enggau Bakong dipinta lengkas beperesa pengerai\\nARKIB Select Month January 2021 (483) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":377,"character_repetition_ratio":0.06,"word_repetition_ratio":0.011,"special_characters_ratio":0.273,"stopwords_ratio":0.138,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Strategi baru dipansik nagang pengerekai Covid-19 – Suara Sarawak – Bukan Sekadar Akhbar\\nYou are here:Home-RUAI-Strategi baru dipansik nagang pengerekai Covid-19\\nStrategi baru dipansik nagang pengerekai Covid-19\\nPUTRAJAYA: Opis Menteri Pengerai Malaysia (KKM) benung mansik strategi baru ngambi dibantai ngagai Kaunsil Pengelikun Menua (MKN) dikena nagang pengerekai kes Covid-19 ti niki ninting hari.\\nKetuai Direktor Pengerai, Tan Sri Dr Noor Hisham Abdullah madah, entara strategi ti benung diserenih iya nya bejalaika atur bebida entara nengeri zon mirah enggau gadung sereta neritka atur adan menua entara nengeri.\\n“Ba nengeri dalam zon mirah, atur ke terit agi deka dipejalai nitihka kluster ba nengeri nya.\\n“Kami mega deka neritka atur ba adan menua ngambi nagang sida bejalai ngagai nengeri enggau pelilih bukai.\\n“Kami mega deka nyekat pejalai ngambi nagang enggau ngurangka penyampau kes ari 2,000 ngagai 200 sebedau ngatur pekara tu enggau manah agi,” ku iya ba aum pemberita Covid-19, ditu ensanus.\\nDr Noor Hisham madahka KKM benung mansik model dikena Sarawak nagang pengerekai Covid-19 ba nengeri nya lebuh ngasuh semua pengusung tauka sida ti pulai kia mesti swab test enggau dikuarantin dulu.\\n“Strategi kitai deka berubah lalu kitai deka bejalaika inisiatif ba sebengkah endur dibanding bejalaika atur ba selampur menua.\\n“Pekara tu agi dikerandau lalu KKM deka meri sanding penemu tang perintah mesti pintar ngaga pemutus,” ku iya seraya madahka KMM ngadang kes ninting hari deka nambah dalam timpuh dua minggu kelebih agi pengudah Taun Baru.\\nIya mega madahka atur ti diterit kenyau ari 14 Oktober tu tadi mujur nagang kes niki ngenyit tang apin mujur nurunka kes berampit ti agi ba tikas R-naught 1.1 ngagai 0.5.\\nNambahka nya, Dr Noor Hisham madahka KKM benung berundingka pematut engkah kes positif nadai kelai enggau bisi kelai ke enda balat ba palan kuarantin ti dikena temuai ari menua luar seraya pengereja menua luar diperubat ba Palan Kuarantin enggau Berubat Covid-19 Lubah Dirampit (PKRC).\\nDr Noor Hisham madahka naka tu nadai kluster baru ditemu seraya Pesakit Agi Dipatau (PUS) enggau Peskait Agi Dipansik (PUI) ukai entara sida ti napi penusah bah tu.\\nIya madah munyi nya lebuh ditanya bekaul pengirau ati Covid-19 ulih ngerekai ba palan ngenduh (PPS) beduduk ari penusah bah ba lima nengeri iya nya Selangor, Perak, Terengganu, Pahang enggau Johor, -BERNAMA\\nBy suaraswk|2021-01-08T14:14:16+08:00January 8th, 2021|Categories: RUAI|0 Comments\\nARKIB Select Month January 2021 (815) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":382,"character_repetition_ratio":0.068,"word_repetition_ratio":0.011,"special_characters_ratio":0.273,"stopwords_ratio":0.175,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"1 May 2020 - Hari Lima ba Minggu Ke-Tiga Musim Paska -->\\n1 May 2020 - Hari Lima ba Minggu Ke-Tiga Musim Paska\\n“Enggau bendar Aku madah ngagai kita, enti kita enda makai tubuh Anak Mensia, lalu enda ngirup darah Iya, kita nadai pengidup dalam kita.” John 6:53\\nSelamat pagi, Hari Lima ba Minggu Ke-Tiga Musim Paska ngagai semua bala menyadi dalam kristus.. 😇\\nNgarapka kitai mujur ngereja semua pengawa nitihka pelin ti udah digaga kitai. Tuhan merekat semua 🙏\\nBacha Ke Satu: Surat Pasal Kereja Rasul 9: 1 - 20\\nLebuh maya nya Saul, ke agi majak ngemba lalu munuh murid Tuhan, betemu enggau imam besai lalu minta surat penerang kena iya madahka pejalai diri ngagai balai gempuru di Damaskus, ngambika, enti iya bisi tetemuka lelaki tauka indu ke nitihka Jalai Tuhan, iya tau nangkap sida, lalu mai sida ngagai Jerusalem.\\nLebuh Saul benung di rantau jalai semak Damaskus, siti penampak lalu ngenyit manchar ari langit ngelingi iya.\\nIya rebah ke tanah, lalu ninga nyawa bejaku ngagai iya, “Saul, Saul! Nama kebuah nuan merinsaka Aku?”\\nIya lalu nanya, “Sapa nuan, Tuan?”\\nNyawa nya lalu nyaut, “Aku tu Jesus, ke diperinsaka nuan.”\\n“Tang angkat nuan, lalu tama ngagai nengeri nya, lalu nuan deka dipadahka utai ti enda tau enda dikereja nuan.”\\nOrang ke bejalai sama enggau Saul bediri tegir-tegir, enda bejaku, laban sida bisi ninga munyi nyawa nya bejaku, tang nadai meda orang.\\nSaul angkat ari tanah, tang taja pen mata iya menchelak, iya nadai meda utai.\\nNya alai sida megai jari iya, lalu ngiring iya ngagai Damaskus.\\nDalam kandang tiga hari iya nadai meda utai, enda makai, enda ngirup.\\nNyadi di Damaskus bisi siku murid benama Ananias.\\nTuhan bejaku ngagai iya dalam genera, “Ananias!”\\nAnanias lalu nyaut, “Tu aku, Tuhan.”\\nTuhan lalu bejaku ngagai iya, “Angkat nuan, lalu bejalai ngagai jalai ti dikumbai Rurus, lalu lebuh nuan datai ba rumah Judas, tanyaka orang siku ke benama Saul, ke asal ari Tarsus.\\nIya diatu benung besampi, lalu iya udah begenera meda orang ke benama Ananias tama, lalu ngengkahka jari ba atas iya, ngambika iya ulih meda baru.”\\nTang ku Ananias nyaut, “Tuhan, aku udah ninga pasal orang tu ari mayuh orang bukai, pasal iya ke udah balat merinsaka bala nembiak Nuan di Jerusalem, lalu iya udah datai ditu ngena kuasa ari tuai imam, deka nangkap semua orang ke ngangauka nama Nuan.”\\nTang ku Tuhan bejaku ngagai Ananias, “Mupuk meh nuan, laban iya udah dipilih Aku nyadika perengka kena Aku madahka nama Aku ngagai orang bansa bukai, ngagai raja, enggau ngagai orang Israel.\\nAku Empu deka madah ngagai iya pemalat pemerinsa ti enda tau enda ditatka iya ketegal nama Aku.”\\nAnanias lalu mupuk, lalu tama rumah nya.\\nIya ngengkahka jari iya atas Saul, lalu bejaku,\\n“Menyadi aku, Saul, Tuhan Jesus Kristus, ke udah pegari di mua nuan lebuh nuan di rantau jalai mansang kitu, udah ngasuh aku datai, ngambika nuan ulih meda baru, lalu dipenuhka enggau Roh Kudus.”\\nTekala nya utai ti baka tisik ikan lalu labuh ari mata Saul, lalu iya ulih meda baru.\\nUdah nya iya angkat lalu dibaptisa, lalu lebuh iya udah makai, iya lalu berasai kering baru.\\nSaul lalu diau dua tiga hari enggau sida murid di Damaskus, lalu tekala nya belabuh nusui pasal Jesus dalam balai gempuru. Ku iya, “Iya Anak Allah Taala.”\\nMasmur Entara: Masmur 117: 1, 2\\nSaut (peda Mark 16: 15): Bejalai kita ngagai serata dunya, lalu tusui Berita Manah.\\nPuji meh TUHAN, O kita semua bansa!\\nPuji meh Iya, semua kita mensia!\\nSaut: Bejalai kita ngagai serata dunya, lalu tusui Berita Manah.\\nLaban pengerindu Iya ke kitai endang besai sereta meruan belama iya,\\nlalu penetap ati TUHAN endang meruan belama iya.\\nAlleluia (peda John 6: 56)\\nOrang ke makai tubuh Aku, lalu ngirup darah Aku,\\nmeruan dalam Aku, lalu Aku meruan dalam sida, ku TUHAN.\\nBacha Injil: John 6: 52 - 59\\nOrang Judah lalu bekelikuh enggau pangan diri. Ku sida, “Baka ni ku orang tu ulih meri isi Diri ke diempa kitai?”\\nJesus lalu bejaku ngagai sida, “Enggau bendar Aku madah ngagai kita, enti kita enda makai tubuh Anak Mensia, lalu enda ngirup darah Iya, kita nadai pengidup dalam kita.\\nOrang ke makai tubuh Aku, lalu ngirup darah Aku, bisi pengidup ti meruan belama iya, lalu Aku deka ngangkatka sida ba hari ti penudi, laban tubuh Aku nya pemakai ti bendar, lalu darah Aku nya ai irup ti bendar.\\nOrang ke makai tubuh Aku, lalu ngirup darah Aku, meruan dalam Aku, lalu Aku meruan dalam sida.\\nBaka Apai ti idup udah ngirumka Aku, lalu Aku idup laban Apai, baka nya mega orang ke makai Aku deka idup laban Aku.\\nTu meh roti ti nurun ari serega, ukai baka roti ti diempa aki ini kita, tang sida mati.\\nTang orang ke makai roti tu deka idup belama iya.”\\nIya nyebut nya lebuh Iya ngajar dalam balai gempuru di Kapernaum.","num_words":743,"character_repetition_ratio":0.055,"word_repetition_ratio":0.033,"special_characters_ratio":0.219,"stopwords_ratio":0.342,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Injil ti ditulis Saint John madahka Jesus nya Leka Jaku Allah Taala ti meruan belama iya, ke “nyadi mensia lalu diau enggau kitai.” Munyi ti disebut bup nya empu, Injil tu ditulis ngambika orang ke macha tau arapka Jesus nya Juruselamat ti udah disemaya Allah Taala, ti Anak Allah Taala, lalu bulih pengidup ulih pengarap sida ke Iya (20.31).\\nNunda-udi jaku pemuka ti madahka Jesus nya Leka Jaku Allah Taala ti meruan belama iya, sitak ti keterubah dalam Injil tu lalu madahka mayuh macham kereja ajih, ti nunjukka Jesus nya Juruselamat ke udah disemaya Allah Taala, ti Anak Allah Taala. Jerita nya lalu dientudika enggau jaku ajar ti nerangka utai ti dipandangka kereja ajih nya. Bup ba senentang tu madahka jalai sekeda orang arapka Jesus, lalu nyadi nembiak Iya, lalu sekeda ti bukai ngelaban Iya, lalu enggai arap. Bagi 13 ngagai bagi 17 madahka pengerapat kaul Jesus enggau sida murid Iya malam Iya ditangkap, enggau jaku ti dikena Iya meransang sereta nyendiaka sida lemai nya lebuh Iya nyau deka diregang. Bagi ti penudi nusui pasal Jesus ditangkap, kena pechara, diregang, pengangkat Iya ari mati, enggau pasal Iya ke pegari di mua sida murid Iya, udah bekau Iya ke angkat ari mati.\\nInjil Saint John* ngemeratka siti pemeri Roh, iya nya pengidup ti meruan belama iya, ti semina ulih diempu mensia ulih pengarap sida ke Jesus Kristus. Pemeri nya diberi berengkah ari diatu, lalu diberi ngagai orang ke ngaku Jesus nya Jalai, Pemendar enggau Pengidup. John ngena utai dunya tu, baka ai, roti, penampak, pengibun bedus, bedus, pun anggur, enggau buah anggur, kena iya nunjukka pekara roh.\\nInjil tu ditulis kira ba entara 90-100 A.D.\\nPun jaku (1.1-18)\\nJohn Pemaptisa enggau sida murid Jesus ti keterubah (1.19-51)\\nPengawa Jesus (2.1-12.50)\\nHari ti penudi di Jerusalem, enggau semak Jerusalem (13.1-19.42)\\nPengangkat ari mati, enggau pasal Tuhan ti ngayanka Diri (20.1-31)\\nPenutup jaku: Ngayanka Diri di Galili (21.1-25)\\n1 Ba pun iya kelia, Jaku endang udah bisi. Jaku nya enggau Allah Taala, lalu Jaku nya endang Allah Taala.\\n2 Iya endang enggau Allah Taala kenyau ari pun.\\n3 Semua utai digaga ulih Iya; enti nadai Iya, nadai utai ti udah digaga ulih digaga.\\n4 Dalam Iya bisi pengidup lalu pengidup nya meri penampak ngagai semua mensia.\\n5 Penampak nya manchar dalam pemetang, lalu pemetang enda ulih ngalahka iya.\\n6 Siku orang dikirumka Allah Taala. Nama iya John.\\n7 John datai besaksika pasal penampak nya ngambika, ulih iya, semua orang tau arap.\\n8 John empu ukai penampak, tang iya datai ngambika iya besaksika pasal penampak nya.\\n9 Penampak ti bendar ti meri penampak ngagai genap iku mensia, bisi datai ngagai dunya.\\n10 Iya bisi di dunya, lalu dunya digaga ulih Iya. Tang taja pia, dunya enda ngelala Iya.\\n11 Iya datai ngagai menua Iya Empu, tang bansa Iya Empu enda nerima Iya.\\n12 Tang semua orang ke nerima Iya, ke arapka nama Iya, diberi Iya kuasa nyadi anak Allah Taala,\\n13 ke diadaka Allah Taala, ukai diadaka mensia, tauka ulih peneka mensia.\\n14 Jaku nya nyadi mensia, lalu diau begulai enggau kitai, lalu kami udah meda mulia Iya, mulia Iya ke nyadi Anak Tunggal Apai, ke penuh laban pengasih enggau pemendar.\\n15 (John besaksika pasal Iya. Ku John ngangau, “Tu meh orang ke dikenang aku lebuh aku nyebut: ‘Iya ke datai dudi ari aku, besai agi ari aku, laban Iya endang udah bisi sebedau aku ada.’“)\\n16 Ulih pemesai pengasih Iya, semua kitai udah nerima pengasih ti nambah-menambah.\\n17 Adat amat udah diberi ulih Moses, tang pengasih enggau pemendar datai ulih Jesus Kristus.\\n18 Nadai orang udah kala meda Allah Taala. Semina Anak Tunggal Allah Taala, ke begulai enggau Apai, ke madahka pasal Apai.\\n19 Tu saksi John, lebuh orang Judah ngirumka sida imam enggau orang Lewi ari Jerusalem lalu nanya iya, “Sapa nuan tu?”\\n20 John lalu ngaku, ukai besangkal, tang ngaku, “Aku ukai Kristus.”\\n21 Sida lalu nanya iya, “Enti pia, kati nuan tu Elijah?” “Ukai,” ku John nyaut. “Kati nuan tu nabi nya?” ku sida nanya. “Ukai,” ku iya nyaut.\\n22 Sida lalu nanya iya, “Sapa nuan tu deh? Padahka ngagai kami, ngambika kami bisi saut dibai ngagai orang ke ngirumka kami. Baka ni ku nuan madahka pasal diri empu?”\\n23 Ku John bejaku, “Aku tu orang ke ngangau di menua puang: ‘Gaga jalai Tuhan rurus!’ munyi ti disebut nabi Isaiah.”\\n24 Nyadi bala seruan nya udah dikirumka orang Parisi.\\n25 Sida lalu nanya iya, “Enti pia, nama kebuah nuan maptisa orang, enti nuan ukai Kristus,tauka ukai Elijah, tauka ukai nabi nya?”\\n26 John lalu nyaut sida, “Aku maptisa ngena ai, tang ba bala kita bisi siku ke enda dikelala kita,\\n27 ke datai dudi ari aku. Indah muka tali kasut Iya deh aku enda tau.”\\n28 Pekara tu nyadi di Betani, di seberai Sungai Jordan, alai John ke maptisa orang.\\n29 Hari siti John tepedaka Jesus mansang ngagai iya, lalu ku John bejaku, “Peda kita, nyin Anak Domba Allah Taala, ke muai dosa dunya!\\n30 Nya meh orang ke dikenang aku, ‘Siku orang deka datai dudi ari aku, ke besai agi ari aku, laban Iya endang udah bisi sebedau aku ada.’\\n31 Aku empu enda ngelala Iya, tang tu meh kebuah aku datai lalu maptisa orang ngena ai, ngambika Iya dipandangka ngagai orang Israel.”\\n32 John lalu besaksi: “Aku meda Roh Kudus nurun ari seregabaka burung achang lalu meruan ba Iya.\\n33 Aku empu enda ngelala Iya; tang Allah Taalati ngasuh aku maptisa orang ngena ai, udah madahka ngagai aku, ‘Nuan deka meda Roh Kudus nurun lalu meruan ba orang siku; nya meh orang ke deka maptisa ngena Roh Kudus.’\\n34 Lalu aku empu udah meda Iya lalu aku besaksi madahka Iya nya Anak Allah Taala.”\\n35 Hari siti John bediri baru enggau dua iku ari sida murid iya,\\n36 lalu lebuh iya ngemataka Jesus mansa, iya lalu bejaku inggar, “Peda seduai! Nyin Anak Domba Allah Taala!”\\n37 Lebuh seduai iya ninga John nyebut nya, seduai iya lalu nitihka Jesus.\\n38 Lebuh Jesus nguing lalu tepedaka seduai iya nitihka Iya, Iya lalu bejaku ngagai seduai iya, “Nama utai digiga seduai?” Seduai iya lalu nyaut, “Rabbi,” (reti nya, Pengajar,) “dini alai Nuan diau?”\\n39 Jesus lalu nyaut seduai iya, “Aram kitai meda.” Sida datai ba endur alai Iya diau, lalu seduai iya diau enggau Iya sehari nya. Hari nyau udah pukul empat lemai.\\n40 Siku ari seduai ke ninga John bejaku, lalu nitihka Jesus, nya Andrew, menyadi lelaki Simon Peter.\\n41 Andrew lalu ngiga menyadi lelaki iya Simon, lalu madah ngagai iya, “Kami udah tetemuka Messiah.” (Reti nya: Iya ke udah ditata; tauka Kristus).\\n42 Andrew lalu mai Simon ngagai Jesus. Jesus malik ngagai Simon, lalu bejaku, “Nama nuan Simon anak John, tang nuan deka dikumbai Kephas.” (Reti nya Peter)\\n43 Hari siti Jesus mutuska runding deka mupuk ngagai Galili. Iya tetemuka Philip, lalu bejaku ngagai iya, “Titihka Aku!”\\n44 Penatai asal Philip nya ari Betsaida, nengeri Andrew seduai Peter.\\n45 Philip tetemuka Natanel, lalu madah ngagai iya, “Kami udah tetemuka orang siku ke dikenang Moses dalam Bup Adat enggau ditulis sida nabi, Jesus anak Josep, ari Nasaret.”\\n46 Natanel lalu bejaku enggau Philip, “Kati utai ti badas ulih datai ari Nasaret?” Philip lalu nyaut, “Aram tua meda.”\\n47 Lebuh Jesus meda Natanel mansang ngagai Iya, Iya lalu bejakuka pasal Natanel, “Tu baru orang Israel ke bendar, ke nadai nemu ngelakar!”\\n48 Natanel lalu nanya Iya, “Baka ni ku Nuan ngelala aku?” Disaut Jesus, “Aku endang udah meda nuan di baruh kayu ara nya tadi, sebedau Philip ngangauka nuan.”\\n49 Natanel lalu nyaut Iya, “Pengajar, Nuan amat Anak Allah Taala! Nuan tu meh Raja orang Israel!”\\n50 Disaut Jesus, “Kati nuan arap laban Aku udah madahka Diri meda nuan di baruh kayu ara nya tadi? Nuan deka meda utai ti besai agi ari nya!”\\n51 Lalu ku Iya bejaku ngagai Natanel, “Enggau bendar Aku madah ngagai kita: kita deka meda langit tebuka, lalu meda bala melikat Allah Taala nurun-niki ngagai Anak Mensia.”\\n1 Dua hari udah bekau nya, orang bisi nikah di nengeri Kana, di menua Galili, lalu indai Jesus bisi dia.\\n2 Jesus enggau sida murid Iya udah mega diambi ngabang ngagai gawai nya.\\n3 Lebuh wain nyau abis, indai Jesus lalu bejaku enggau Iya, “Wain sida udah abis.”\\n4 Jesus lalu bejaku ngagai iya, “Indu, nya ukai pekara nuan tauka pekara Aku. Maya Aku apin datai.”\\n5 Indai Iya lalu bejaku ngagai bala orang gaji, “Kereja aja sebarang utai ti diasuh Iya.”\\n6 Nyadi ba endur nya bisi enam igi benda alai nyimpan ai kena orang Judah nuchi diri. Sigi-sigi benda nya ulih ngundan kira 100 liter ai.\\n7 Jesus lalu bejaku ngagai sida, “Isi semua benda nya enggau ai.” Sida lalu ngisi semua benda nya penuh enggau ai.\\n8 Ku Iya bejaku ngagai sida, “Kauk ai nya, lalu bai ngagai tuai gawai.” Sida lalu mai ai nya ngagai tuai gawai.\\n9 Lebuh tuai gawai nyepi ai nya, ti udah bebali nyadi wain, lalu enda nemu ari ni penatai wain nya (taja pen orang gaji ke ngauk ai nya nemu), tuai gawai nya lalu ngangauka lelaki ke benung ditikah,\\n10 lalu bejaku ngagai iya, “Semua orang mantaika wain ti manah dulu, udah nya baru mantaika wain ti kurang agi nyamai, lebuh bala pengabang udah mabuk. Tang nuan udah naruh wain ti nyamai datai ke diatu!”\\n11 Jesus ngereja kereja ajih ti keterubah nya di Kana, di menua Galili, alai Iya ke mandangka mulia Iya. Sida murid Iya lalu arapka Iya.\\n12 Udah bekau nya, Iya enggau indai Iya, sida menyadi lelaki Iya, enggau sida murid Iya mupuk ngagai Kapernaum, lalu diau dia dua tiga hari.\\n13 Hari Gawai Paska orang Judah pen nyau semak, lalu Jesus mupuk ngagai Jerusalem.\\n14 Dalam Rumah Sembiang Iya tetemuka orang ke bejualka sapi, bedus, burung achang, enggau orang penukar wang duduk ba mija sida.\\n15 Iya lalu ngaga siti penyipat ari tali, lalu muru semua sida, enggau jelu bedus enggau jelu sapi ari Rumah Sembiang. Iya mubuhka duit sida penukar wang, lalu nungkupka mija sida.\\n16 Lalu ku Iya bejaku enggau orang ke nyual burung achang, “Bai utai tu ke luar! Badu agi ngaga rumah Apai Aku nyadi rumah kedai!”\\n17 Sida murid Iya lalu ingatka utai ti udah ditulis, “Pengangkun Aku ke rumah Nuan, deka mau baka api dalam ati Aku.”\\n18 Bala tuai orang Judah lalu bejaku ngagai Iya, “Nama kereja ajih ti deka dikereja Nuan, kena nunjukka Nuan bisi hak ngereja utai tu?”\\n19 Disaut Jesus, “Rubuh Rumah Sembiang tu, lalu dalam tiga hari Aku deka nirika iya baru.”\\n20 Orang Judah lalu bejaku ngagai Iya, “Empat puluh taun orang ngaga Rumah Sembiang tu, lalu Nuan deka nirika iya baru dalam tiga hari?”\\n21 Tang Rumah Sembiang ti ku Jesus nya tubuh Iya Empu.\\n22 Nya alai, lebuh Iya diangkatka ari mati, sida murid Iya ingatka Iya ke udah nyebut nya. Sida lalu arapka Bup Kudus, sereta arapka jaku ti udah disebut Jesus.\\n23 Lebuh Jesus benung di Jerusalem lebuh Gawai Paska, mayuh orang arapka Iya lebuh sida meda kereja ajih ti dikereja Iya.\\n24 Tang Jesus enda arapka sida, laban Iya nemu semua mensia,\\n25 lalu Iya enda begunaka orang besaksika pasal mensia, laban Iya Empu nemu utai ti dalam ati semua mensia.\\nJesus Enggau Nikodimus\\n1 Nyadi sekali siku orang Parisi, ke benama Nikodimus, ke ari raban tuai orang Judah,\\n2 mansang ngagai Jesus lebuh malam hari, lalu bejaku enggau Iya, “Pengajar, kami nemu Nuan endang pengajar ke datai ari Allah Taala, laban nadai orang ulih ngereja kereja ajih baka ti dikereja Nuan, enti Allah Taala nadai enggau iya.”\\n3 Jesus lalu nyaut iya, “Enggau bendar Aku madah ngagai nuan, nadai orang ulih meda Perintah Allah Taala enti iya enda diadaka baru.\\n4 Ku Nikodimus bejaku ngagai Iya, “Baka ni ku orang ulih diadaka baru lebuh iya udah besai tuai? Kati iya ulih tama ke dalam kandung indai iya baru, lalu diadaka kedua kali?”\\n5 Disaut Jesus, “Enggau bendar Aku madah ngagai nuan, nadai orang ulih tama ngagai Perintah Allah Taala enti iya enda diadaka ulih ai enggau Roh Kudus.\\n6 Mensia ngadaka mensia, Roh ngadaka roh.\\n7 Anang alit ati lebuh Aku madah ngagai kita,‘Kita enda tau enda diadaka baru.’\\n8 Ribut bepuput ngagai sebarang endur iya deka. Kita ninga munyi iya, tang kita enda nemu ari ni penatai iya, tauka kini ke tunga iya bepuput. Baka nya mega orang ke diadaka Roh Kudus.”\\n9 Ku Nikodimus bejaku enggau Iya, “Baka ni ku utai tu tau nyadi?”\\n10 Disaut Jesus, “Nuan pengajar orang Israel, lalu nuan enda meretika utai tu?\\n11 Enggau bendar Aku madah ngagai nuan, kami bejakuka pasal utai ti ditemu kami, lalu besaksika pasal utai ti udah dipeda kami, tang kita enggai nerima saksi kami.\\n12 Enti Aku udah madah ngagai kita pasal utai dunya, lalu kita enda arap, baka ni ku kita deka arap enti Aku madah ngagai kita pasal utai serega?\\n13 Nadai orang udah kala niki ke serega, kelimpah ari Iya ke nurun ari serega, iya nya Anak Mensia.”\\n14 Baka Moses ke nuatka ular temaga di menua puang, baka nya meh Anak Mensia deka dituatka,\\n15 ngambika barang sapa arapka Iya bulih pengidup ti meruan belama iya.\\n16 “Laban Allah Taala balat rinduka dunya, nya alai Iya meri Anak Tunggal Iya, ngambika genap iku orang ke arapka Iya enda mati tang bulih pengidup ti meruan belama iya.\\n17 “Laban Allah Taala ukai ngirumka Anak Iya ngagai dunya ngambika Iya ngakim dunya, tang ngambika Iya nyelamatka dunya.\\n18 Orang ke arapka Iya enda diukum; tang orang ke enda arap, endang udah diukum, laban sida enda arapka nama Anak Tunggal Allah Taala.\\n19 Baka tu ku ukum dipejalaika: penampak udah datai ngagai dunya, tang mensia rinduka pemetang lalu enda rinduka penampak laban pengawa sida jai.\\n20 Laban semua orang ke ngereja penyai begedika penampak, lalu enggai datai ngagai penampak, enggai ke pengawa sida ti jai diayanka.\\n21 Tang orang ke ngereja utai ti bendar, datai ngagai penampak, ngambika pengawa ti dikereja sida nyata nitihka peneka Allah Taala.\\nJesus Enggau John Pemaptisa\\n22 Udah bekau nya, Jesus enggau sida murid Iya bejalai ngagai menua pesisir di menua Judea, lalu Iya diau lama mimit dia enggau sida, lalu maptisa orang.\\n23 John mega maptisa orang di Anon, semak Salim, laban menua nya mayuh ai. Orang lalu majak datai, lalu dibaptisa.\\n24 Lebuh maya nya John apin ditutup dalam rumah jil.\\n25 Nyadi sekali bala murid John bekelikuh enggau siku orang Judahpasal adat nuchi diri.\\n26 Sida datai ngagai John lalu bejaku ngagai iya, “Pengajar, Iya ke bisi enggau nuan di seberai Sungai Jordan, ke dikenang nuan, bisi ditu maptisa orang, lalu semua orang bela datai ngagai Iya.”\\n27 Disaut John, “Nadai orang ulih nerima utai, enti Allah Taala enda meri utai nya.\\n28 Kita empu nyadika saksi aku lebuh aku nyebut, ‘Aku ukai Kristus, tang aku udah diasuh datai dulu ari Iya.’\\n29 Lelaki ke ditikah nya meh orang ke bempu bini. Pangan lelaki ke ditikah, ke bediri semak iya lalu ninga iya, gaga ati ninga munyi nyawa iya. Nya kebuah ati aku pemadu gaga.\\n30 Iya enda tau enda nyadi besai, tang aku nyadi mit.”\\nIya Ke Datai Ari Serega\\n31 Iya ke datai ari serega bekuasa atas semua. Iya ke datai ari dunya, endang enggi dunya, lalu iya bejakuka pasal utai dunya. Iya ke datai ari serega, bekuasa atas semua.\\n32 Iya besaksika utai ti udah dipeda enggau didinga Iya, tang nadai orang nerima saksi Iya.\\n33 Barang sapa nerima saksi Iya, nunjukka Allah Taala endang bendar.\\n34 Iya ke dikirumka Allah Taala, nyebut jaku Allah Taala, laban Allah Taala udah meri Iya Roh Kudus enggau penuh.\\n35 Apai rinduka Anak, lalu udah nyerahka semua utai ngagai jari Iya.\\n36 Barang sapa arapka Anak, bulih pengidup ti meruan belama iya. Barang sapa enda ngasika Anak, nadai bulih pengidup, tang deka natka pengeringat Allah Taala.\\nJesus Enggau Indu Orang Samaria\\n1 Lebuh Jesus nemu orang Parisi udah ninga Iya bulih mayuh agi murid ari John, lalu maptisa sida (\\n2 taja pen ukai Jesus Empu ke maptisa orang, tang sida murid Iya ti ngereja nya),\\n3 Iya ninggalka menua Judea, lalu mulaika Diri baru ngagai menua Galili.\\n4 Tang Iya enda tau enda nengah menua Samaria.\\n5 Nya alai Iya datai ba sebuah nengeri ti dikumbai Saikar di menua Samaria, semak tanah ti udah diberi Jakop ngagai anak iya Josep.\\n6 Telaga Jakop bisi dia, lalu Jesus, ke udah lelak bejalai, duduk semak telaga nya. Jam lebuh maya nya kira urung tengah hari.\\n7 Siku indu orang Samaria datai nyauk. Jesus lalu bejaku ngagai iya, “Beri Aku ngirup.”\\n8 (Nyadi sida murid Iya udah ke pasar, mansang meli pemakai.)\\n9 Indu orang Samaria nya lalu bejaku ngagai Iya, “Baka ni ku Nuan ke orang Judah, minta ai irup ari aku ke orang Samaria?” (Orang Judah enggai begulai enggau orang Samaria.)\\n10 Jesus lalu nyaut iya, “Enti nuan nemu pemeri Allah Taala, lalu ngelala sapa ke nyebut ngagai nuan, ‘Beri Aku ngirup,’ nuan tentu deka minta ari Iya, lalu Iya deka meri nuan ai ti idup.”\\n11 Indu nya bejaku, “Tuan, Nuan nadai beledi, lalu telaga nya dalam. Dini alai Nuan bulih ai ti idup nya?\\n12 Kati Nuan besai agi ari aki kami Jakop, ke meri kami telaga tu, lalu iya, bala anak iya enggau jelu tupi sida bela ngirup ari telaga tu?”\\n13 Ku Jesus nyaut iya, “Semua orang ke ngirup ai tu, deka aus baru,\\n14 tang orang ke ngirup ai ti deka diberi Aku, enda agi aus. Ai ti deka diberi Aku deka nyadi, dalam sida, mata ai ti mansutka ai ti meri pengidup ti meruan belama iya.”\\n15 Ku indu nya bejaku ngagai Iya, “Tuan, beri aku ai nya, ngambika aku enda agi aus, lalu enda agi ibuh nyauk.”\\n16 Ku Jesus bejaku ngagai iya, “Alai nuan madahka laki nuan; udah nya pulai kitu baru.”\\n17 Indu nya lalu nyaut Iya, “Aku nadai laki.”\\nDisaut Jesus, “Betul jaku nuan ke madahka diri nadai laki,\\n18 laban nuan lima kali udah belaki, lalu lelaki ke enggau nuan begulai diatu, ukai laki nuan. Betul jaku nuan.”\\n19 Indu nya lalu bejaku, “Tuan, diatu baru aku nemu nuan tu nabi.\\n20 Aki ini kami nyembah Allah Taala ba bukit tu, tang kita ngumbai orang enda tau enda nyembah Allah Taala di Jerusalem.”\\n21 Jesus lalu bejaku ngagai iya, “Arapka Aku, Indu, maya deka datai alai orang nyembah Apai ukai ba bukit tu, tauka di Jerusalem.\\n22 Kita nyembah utai ti enda dikelala kita. Kami nyembah utai ti dikelala kami, laban pengelepas datai ari orang Judah.\\n23 Tang maya deka datai, lalu endang udah datai diatu, alai orang ke amat nyembah Apai, deka nyembah Iya dalam Roh enggau pemendar, laban nya gaya orang ke dikedekaka Apai nyembah Iya.\\n24 Allah Taala endang Roh, lalu orang ke nyembah Iya enda tau enda nyembah Iya dalam Roh enggau pemendar.”\\n25 Ku indu nya bejaku ngagai Iya, “Aku nemu Messiah” (ke dikumbai Kristus) “deka datai. Lebuh Iya datai, Iya deka madahka semua utai ngagai kitai.”\\n26 Disaut Jesus, “Aku tu meh Iya, ke bejaku enggau nuan diatu.”\\n27 Lebuh maya nya sida murid Iya pen datai. Sida tekenyit ati meda Iya bejaku enggau indu nya. Tang nadai siku sida nanya indu nya, “Nama utai dipinta nuan?” tauka nanya Jesus, “Nama kebuah Nuan bejaku enggau iya?”\\n28 Indu nya lalu ninggalka tepayan ai iya, lalu pulai ngagai nengeri. Ku iya bejaku ngagai orang,\\n29 “Aram kitai meda orang ke udah madah ngagai aku semua utai ti udah dikereja aku. Kada enda Iya nya Messiah.”\\n30 Sida pansut ari nengeri nya, lalu mansang ngagai Jesus.\\n31 Lebuh utai nya benung nyadi, sida murid Iya mai Jesus makai, “Pengajar, aram makai!”\\n32 Tang ku Iya bejaku ngagai sida, “Aku bisi pemakai ti enda ditemu kita.”\\n33 Sida murid lalu bejaku enggau pangan diri, “Nadai patut orang udah bisi meri iya pemakai.”\\n34 Ku Jesus bejaku ngagai sida, “Pemakai Aku nya ngereja peneka Iya ke ngirumka Aku, lalu nembuka pengawa Iya.\\n35 Ukai enda kita nyebut, ‘Empat bulan da agi, nya baru maya ngetau’? Tang Aku madah ngagai kita, perening kiba kanan ngelingi kita. Nya baru kita meda umai nyau mansau, sedia deka diketau.\\n36 Orang ke ngetau diatu udah nerima gaji, lalu ngumpul buah ke pengidup ti meruan belama iya, ngambika orang ke nanam enggau orang ke ngetau deka sama rami gaga.\\n37 Tu ngamatka jaku siti, ‘Siku nanam, siku ngetau.’\\n38 Aku ngasuh kita ngetau utai ti ukai ditanam kita. Orang bukai udah gawa, lalu kita bulih penguntung ari utai ti dikereja sida.”\\n39 Mayuh orang Samaria di nengeri nya arapka Iya, laban saksi indu nya, “Iya madahka semua utai ti udah dikereja aku.”\\n40 Nya alai lebuh orang Samaria datai ngagai Iya, sida minta Iya diau enggau sida, lalu Iya diau dia dua hari.\\n41 Lalu mayuh agi orang arap ketegal jaku Iya.\\n42 Ku sida bejaku ngagai indu nya, “Kami arap, ukai laban jaku nuan, tang laban kami empu udah ninga, lalu kami nemu Iya amat Juruselamat dunya.”\\nJesus Ngeraika Siku Anak Pemesai\\n43 Lebuh Jesus udah diau dia dua hari, Iya lalu mupuk ari endur nya ngagai Galili\\n44 (laban Jesus Empu udah madah, nabi endang enda dibasa orang di menua iya empu.)\\n45 Lebuh Iya datai di Galili, orang di menua nya lalu nyambut penatai Iya, laban sida udah meda semua utai ti udah dikereja Iya di Jerusalem, laban sida empu udah datai ngagai Gawai nya.\\n46 Udah nya Iya pulai baru ngagai nengeri Kana, di menua Galili, alai Iya ti udah ngasuh ai bebali nyadi wain. Nyadi di Kapernaum bisi siku pemesai. Anak lelaki pemesai nya sakit.\\n47 Lebuh iya ninga Jesus bisi udah datai ari Judea, iya mansang ngagai Jesus, minta Jesus datai lalu ngeraika anak iya, laban anak iya nyau ka mati.\\n48 Jesus lalu bejaku ngagai iya, “Enti kita enda meda kereja ajih enggau kereja ti nyelai, kita enggai arap.”\\n49 Pemesai nya lalu bejaku ngagai Iya, “Tuan, aram mupuk sebedau anak aku mati.”\\n50 Jesus lalu bejaku ngagai iya, “Mupuk meh nuan. Anak nuan deka idup!” Orang nya arapka jaku Jesus, lalu mupuk.\\n51 Lebuh iya benung di rantau jalai, bala ulun iya ngambat iya, madahka anak iya idup.\\n52 Iya lalu nanyaka kemaya anak iya belinsur gerai. Sida lalu madah ngagai iya, “Pukul satu ngalih hari kemari. Nya maya pemedis nya nadai agi.”\\n53 Orang nya lalu nemu, nya meh maya Jesus madah ngagai iya, “Anak nuan deka idup.” Iya empu lalu arap, sama enggau sida sebilik.\\n54 Tu kereja ajih ti kedua ti dikereja Jesus udah bekau Iya ke pulai ari menua Judea ngagai menua Galili.\\nNgeraika Orang Ba Letung\\n1 Udah bekau nya, Jesus mupuk ngagai siti agi gawai orang Judah di Jerusalem.\\n2 Nyadi di Jerusalem, ba semak Pintu Bedus, bisi siti letung ti dikumbai Betsata, ti bisi lima buah serambi.\\n3 Mayuh amat orang ke sakit, ke buta, ke lemi, enggau ke sakit bajung gali dalam serambi nya.\\n4 Sida nganti ai ba letung nya beriak, laban lebuh melikat Tuhan nurun ngagai letung nya, ai dia beriak. Orang ke sakit, ke dulu nurun ngagai letung nya lebuh ai nya beriak, digeraika ari sebarang penyakit iya.\\n5 Nyadi ba endur nya bisi siku orang ke udah sakit tiga puluh lapan taun.\\n6 Lebuh Jesus meda iya, lalu nemu iya endang lama udah gali dia, Iya lalu bejaku ngagai orang nya, “Kati nuan ingin digeraika?”\\n7 Ku orang ke sakit nya nyaut Iya, “Tuan, aku nadai orang ngulurka aku ngagai letung nya, lebuh ai nya beriak. Lebuh aku benung nguji nurun, orang bukai ga dulu agi nurun ari aku.”\\n8 Jesus lalu bejaku ngagai iya, “Angkat nuan. Bai tikai nuan, lalu bejalai.”\\n9 Tekala nya orang nya lalu gerai. Iya ngambi tikai iya, lalu bejalai. Utai tu nyadi lebuh hari Sabat.\\n10 Nya alai bala tuai orang Judah lalu bejaku ngagai orang ke udah digeraika nya, “Tu hari Sabat. Nuan ngelanggar Adat ngesan tikai nuan.”\\n11 Tang ku orang nya nyaut sida, “Orang ke ngeraika aku bejaku ngagai aku, ngasuh aku ngambi tikai aku, lalu bejalai.’“\\n12 Sida lalu nanya iya, “Sapa orang nya ke ngasuh nuan ngambi tikai nuan, lalu ngasuh nuan bejalai?”\\n13 Nyadi orang ke udah digeraika nya enda nemu sapa orang nya, laban Jesus udah melesitka Diri ngagai tekang bala mayuh dia.\\n14 Udah nya Jesus betemu enggau orang nya dalam Rumah Sembiang, lalu bejaku ngagai iya, “Nuan diatu udah gerai. Anang agi bedosa, enggai ke utai ti jai agi ari nya nyadi ba nuan.”\\n15 Orang nya mupuk lalu madah ngagai bala tuai orang Judah, Jesus nya meh orang ke udah ngeraika iya.\\n16 Nya alai orang Judah belabuh ngenusahka Jesus, laban Iya ngereja utai nya lebuh hari Sabat.\\n17 Tang ku Jesus nyaut sida, “Apai Aku seruran gawa. Lalu Aku Empu mega gawa.”\\n18 Ketegal nya orang Judah bebendar agi deka munuh Iya, laban Iya ukai semina ngelanggar adat hari Sabat, tang mega ngumbai Allah Taala Apai Iya, lalu ari nya ngaga Diri sebaka enggau Allah Taala.\\n19 Ku Jesus bejaku ngagai sida, “Enggau bendar Aku madah ngagai kita, Anak enda ulih ngereja utai ngatika Diri, tang semina utai ti dipeda Iya kereja Apai, laban sebarang utai dikereja Apai nya mega dikereja Anak.\\n20 Apai rinduka Anak, lalu ngayanka ngagai Anak semua utai ti dikereja Iya. Lalu Iya deka ngereja pengawa ti besai agi ari nya, ngambika kita alit ati.\\n21 Baka Apai ke ngangkatka orang ari mati, lalu meri sida pengidup, baka nya mega Anak meri pengidup ngagai sebarang orang ke dikedekaka Iya.\\n22 Apai enda ngakim orang, tang udah meri semua kuasa ngakim ngagai Anak,\\n23 ngambika semua orang ngemesaika Anak, baka sida ke ngemesaika Apai. Barang sapa enda ngemesaika Anak, enda ngemesaika Apai ke ngirumka Iya.\\n24 “Enggau bendar Aku madah ngagai kita, orang ke ninga jaku Aku lalu arapka Iya ti udah ngirumka Aku, bulih pengidup ti meruan belama iya, lalu enda diakim, tang udah meraka ari pemati ngagai pengidup.\\n25 Enggau bendar Aku madah ngagai kita, maya deka datai, lalu endang udah datai diatu, alai orang ke mati deka ninga nyawa Anak Allah Taala, lalu orang ke ninga nyawa nya deka idup.\\n26 Laban baka Apai ke pun pengidup, baka nya mega Iya udah ngeletak Anak nyadika pun pengidup,\\n27 lalu udah meri Iya kuasa ngakim, laban Iya Anak Mensia.\\n28 Anang tekenyit ati ketegal utai tu, laban maya deka datai alai semua orang ke udah mati deka ninga nyawa Iya,\\n29 lalu deka pansut ari kubur: orang ke udah ngereja utai ti badas, diangkatka idup baru ngagai pengidup, lalu orang ke udah ngereja penyai, diangkatka idup baru lalu diukum.\\n30 “Aku enda ulih ngereja utai ngatika Diri. Aku semina ngakim nitihka asuh Allah Taala, lalu pemutus penemu Aku lurus, laban Aku ukai ngereja utai nitihka peneka Aku Empu, tang nitihka peneka Iya ke ngirumka Aku.\\n31 “Enti Aku besaksika pasal Diri Empu, saksi Aku ukai saksi ti bendar.\\n32 Bisi siku orang ke besaksika Aku, lalu Aku nemu, saksi iya pasal Aku endang amat.\\n33 Kita ngirumka seruan ngagai John, lalu iya madahka utai ti bendar.\\n34 Ukai reti nya Aku begunaka saksi mensia, tang Aku nyebut utai tu ngambika kita diselamatka.\\n35 John nya lampu ti menyadi lalu manchar, lalu kita gaga ati enda lama ngasaika penampak iya.\\n36 Tang saksi Aku besai agi ari saksi John. Pengawa ti udah diasuh Apai tembuka Aku, iya nya pengawa ti dikereja Aku diatu, besaksi ngarika Aku nunjukka Apai udah ngirumka Aku.\\n37 Lalu Apai, ke ngirumka Aku, udah mega besaksika pasal Aku. Kita nadai udah kala ninga nyawa Iya tauka meda Iya,\\n38 lalu jaku Iya nadai dalam kita, laban kita enda arapka Iya ke dikirumka Apai.\\n39 Kita mansik Bup Kudus, laban kita ngumbai diri ulih tetemuka pengidup ti meruan belama iya dalam Bup Kudus. Bup Kudus nya ti besaksika pasal Aku!\\n40 Tang kita enggai datai ngagai Aku lalu bulih pengidup.\\n41 Aku ukai minta Diri dipuji mensia.\\n42 Tang Aku nemu kita nadai pengerindu Allah Taala dalam kita.\\n43 Aku udah datai dalam nama Apai Aku, lalu kita enda nerima Aku. Tang enti orang datai dalam nama iya empu, kita nerima iya.\\n44 Baka ni ku kita ulih arap, enti kita minta puji pangan diri, lalu enda minta puji ari Allah Taala siku aja?\\n45 Anang ngumbai Aku deka bedawaka kita di mua Apai. Orang ke deka bedawaka kita nya Moses, ke alai kita manggaika pengadang kita.\\n46 Enti kita arapka Moses, kita tentu nemu arapka Aku, laban iya nuliska pasal Aku.\\n47 Tang enti kita enda arapka utai ti ditulis iya, baka ni ku kita ulih arapka jaku Aku?”\\n1 Udah bekau nya Jesus lalu ngelayang ke seberai Danau Galili (mega dikumbai Tasik Tiberias).\\n2 Mayuh amat orang majak nitihka Iya, laban sida udah meda kereja ajih ti dikereja Iya ba orang ke sakit.\\n3 Jesus niki ngagai bukit sigi, lalu duduk enggau sida murid Iya.\\n4 Nyadi Gawai Paska, iya nya gawai orang Judah, nyau semak.\\n5 Lebuh Iya malik lalu tepedaka mayuh amat orang mansang ngagai Iya, Iya lalu bejaku ngagai Philip, “Dini alai kitai meli pemakai chukup ke semua orang tu?”\\n6 Iya nyebut nya kena Iya nguji Philip, laban Iya nemu utai ti deka dikereja Diri.\\n7 Philip lalu nyaut Iya, “Gaji enam bulanpen enda meh chukup kena meli roti ke sida tu datai ke semua sida ampit mimit siku-siku.”\\n8 Siku ari murid Iya, Andrew, menyadi Simon Peter, lalu bejaku ngagai Iya,\\n9 “Siku nembiak ditu bisi lima iti tuku roti barli, enggau dua iku ikan. Tang baka ni ku nya tau chukup ke orang ke ngemayuh tu?”\\n10 Jesus lalu bejaku, “Asuh orang mayuhduduk.” Nyadi ba endur nya mayuh rumput. Nya alai semua orang mayuh duduk. Pemayuh sida kira lima ribu iku.\\n11 Jesus lalu ngambi tuku roti nya, lalu lebuh Iya udah meri terima kasih, Iya nyadung roti nya ngagai sida ke duduk. Baka nya mega ikan, nitihka penyampau ti dikedekaka sida.\\n12 Lebuh sida udah kenyang magang, Iya lalu bejaku ngagai sida murid Iya, “Gumpul semua teda pemakai nya, ngambika enda tebasau ngapa.”\\n13 Nya alai sida ngumpul dua belas bakul penuh teda ari lima iti tuku roti barli ti udah diempa orang mayuh.\\n14 Lebuh orang mayuh meda kereja ajih ti udah dikereja Jesus, sida lalu belabuh bejaku, “Orang tu amat nabi ke dianti datai ngagai dunya!”\\n15 Lebuh Jesus nemu sida baru deka datai lalu mejalka Iya nyadi raja, Iya niki ngagai bukit baru, keDiri Iya aja.\\n16 Lebuh hari nyau lemai, sida murid Iya lalu nurun ngagai danau,\\n17 nepan sebuah perau, lalu ngelayang ke seberai ngagai Kapernaum. Hari nyau udah petang, lalu Jesus mengkang apin datai ngagai sida.\\n18 Tasik lalu begelumbang, laban ribut balat amat nyadi.\\n19 Lebuh sida udah bedayung kira tiga tauka empat batu, sida tepedaka Jesus bejalai ba atas ai, mansang semak ngagai perau sida. Sida lalu balat amat takut.\\n20 Tang ku Iya bejaku ngagai sida, “Aku tu. Anang takut.”\\n21 Sida lalu deka mai Iya nepan perau. Tekala nya perau nya lalu sangkai ba tebing ti digagai sida.\\nOrang Mayuh Begigaka Jesus\\n22 Hari siti, bala orang ke tinggal di seberai danau nya, meda semina sebuah aja perau bisi dia. Sida mega nemu Jesus enda nepan perau nya enggau sida murid Iya, tang sida udah mupuk kediri.\\n23 Udah nya perau ari Tiberias datai semak endur alai sida ke makai roti udah bekau Tuhan ke meri terima kasih.\\n24 Nya alai lebuh orang mayuh nemu Jesus enggau bala murid Iya sama nadai dia, sida lalu nepan perau, lalu mupuk ngagai Kapernaum, ngiga Jesus.\\nJesus Nya Roti Pengidup\\n25 Lebuh sida nemu Jesus di seberai danau nya, sida lalu bejaku ngagai iya, “Pengajar, kemaya Nuan datai ditu?”\\n26 Ku Jesus nyaut sida, “Enggau bendar Aku madah ngagai kita, kita ngiga Aku, ukai laban kita udah meda kereja ajih, tang laban kita udah kenyang makai roti.\\n27 Anang bekereja ngulihka pemakai ti nemu buruk, tang bekereja ngulihka pemakai ti tan, ti meri pengidup ti meruan belama iya. Pemakai nya deka diberi Anak Mensia ngagai kita, laban Allah Taala ti Apai udah ngasuh Iya ngereja nya.”\\n28 Sida lalu nanya Iya, “Nama utai ti patut dikereja kami ngambika kami ngereja peneka Allah Taala?”\\n29 Ku Jesus nyaut, “Tu utai ti diasuh Allah Taala kereja kita: arapka Iya ke udah dikirumka Iya.”\\n30 Sida lalu bejaku ngagai Iya, “Enti pia, nama tanda ti deka diberi Nuan ngambika kami meda lalu arapka Nuan? Nama utai ti deka dikereja Nuan?\\n31 Aki ini kami makai mana di menua puang. Munyi ti udah ditulis, ‘Iya meri sida roti ari serega ke diempa sida.’“\\n32 Jesus lalu bejaku ngagai sida, “Enggau bendar Aku madah ngagai kita, ukai Moses ke meri kita roti ari serega, tang Apai Aku ke meri kita roti ti bendar ari serega.\\n33 Laban roti Allah Taala nya Iya ke nurun ari serega, lalu meri pengidup ngagai dunya.”\\n34 Ku sida bejaku ngagai Iya, “Tuhan, beri roti nya ngagai kami berari.”\\n35 Ku Jesus bejaku ngagai sida, “Aku tu meh roti pengidup. Barang sapa datai ngagai Aku, enda agi lapar, lalu barang sapa arapka Aku, enda agi aus.\\n36 Tang munyi ti udah disebut Aku ngagai kita, kita udah meda Aku tang agi ga kita mengkang enda arap.\\n37 Semua utai ti diberi Apai ngagai Aku, deka datai ngagai Aku, lalu barang sapa datai ngagai Aku sigi enda ditulak Aku,\\n38 laban Aku udah datai ari serega, ukai deka ngereja peneka Aku Empu, tang ngereja peneka Iya ke ngirumka Aku.\\n39 Lalu tu peneka Iya ke ngirumka Aku: Aku enda tau ngelenyauka indah siku ari semua orang ke udah diberi Iya ngagai Aku, tang ngangkatka iya ba hari ti penudi.\\n40 Tu meh peneka Apai Aku, iya nya, semua orang ke meda Anak, lalu arapka Iya, bulih pengidup ti meruan belama iya, lalu Aku deka ngangkatka iya ba hari ti penudi.”\\n41 Orang Judah lalu mutap pasal Iya, laban Iya udah nyebut, “Aku tu meh roti ti nurun ari serega.”\\n42 Ku sida bejaku, “Ukai enda Iya tu Jesus anak Josep, lalu kitai ngelala apai indai Iya? Baka ni ku Iya diatu nyebut, ‘Aku udah nurun ari serega’?”\\n43 Jesus lalu nyaut sida, “Anang mutap.\\n44 Nadai orang ulih datai ngagai Aku enti Apai ke udah ngirumka Aku, enda ngasuh iya, lalu Aku deka ngangkatka iya ba hari ti penudi.\\n45 Endang udah ditulis dalam bup sida nabi, ‘Lalu semua sida deka diajar Allah Taala.’ Genap iku orang ke udah ninga lalu belajar ari Apai, datai ngagai Aku.\\n46 Ukai reti nya orang bisi udah meda Apai, kelimpah ari Iya ke datai ari Allah Taala. Semina Iya aja ke udah meda Apai.\\n47 Enggau bendar Aku madah ngagai kita, barang sapa arap deka bulih pengidup ti meruan belama iya.\\n48 Aku tu meh roti pengidup.\\n49 Aki ini kita makai mana di menua puang, tang sida mati.\\n50 Tu roti ti nurun ari serega, ngambika orang makai iya lalu enda mati.\\n51 Aku tu roti ti idup, ke nurun ari serega. Barang sapa makai roti tu deka idup belama iya, lalu roti ti deka diberi Aku kena ngidupka dunya nya tubuh Aku Empu.”\\n52 Orang Judah lalu bekelikuh enggau pangan diri. Ku sida, “Baka ni ku orang tu ulih meri isi Diri ke diempa kitai?”\\n53 Jesus lalu bejaku ngagai sida, “Enggau bendar Aku madah ngagai kita, enti kita enda makai tubuh Anak Mensia, lalu enda ngirup darah Iya, kita nadai pengidup dalam kita.\\n54 Orang ke makai tubuh Aku, lalu ngirup darah Aku, bisi pengidup ti meruan belama iya, lalu Aku deka ngangkatka sida ba hari ti penudi,\\n55 laban tubuh Aku nya pemakai ti bendar, lalu darah Aku nya ai irup ti bendar.\\n56 Orang ke makai tubuh Aku, lalu ngirup darah Aku, meruan dalam Aku, lalu Aku meruan dalam sida.\\n57 Baka Apai ti idup udah ngirumka Aku, lalu Aku idup laban Apai, baka nya mega orang ke makai Aku deka idup laban Aku.\\n58 Tu meh roti ti nurun ari serega, ukai baka roti ti diempa aki ini kita, tang sida mati. Tang orang ke makai roti tu deka idup belama iya.”\\n59 Iya nyebut nya lebuh Iya ngajar dalam balai gempuru di Kapernaum.\\nJaku Ti Meri Pengidup Ti Meruan Belama Iya\\n60 Lebuh mayuh ari bala sida murid Iya ninga nya, sida lalu bejaku, “Ajar tu kelalu mar. Sapa ulih nerima ajar tu?”\\n61 Tang Jesus nemu sida murid Iya mutapka ajar nya, lalu ku Iya bejaku ngagai sida, “Kati kita enda nyamai ati ninga jaku nya?\\n62 Enti pia, kati enti kita meda Anak Mensia niki ngagai endur Iya ti suba?\\n63 Roh aja ke meri pengidup; kuasa mensia enda ulih ngereja utai. Jaku ti udah disebut Aku ngagai kita, nya Roh enggau pengidup.\\n64 Tang sekeda kita enda arap.” Laban Jesus nemu kenyau ari pun, sapa ke enda arap, lalu sapa ke deka nyual Iya.\\n65 Lalu ku Iya bejaku, “Nya meh kebuah Aku udah madah ngagai kita, nadai orang ulih datai ngagai Aku, enti Apai enda ngeletak iya.”\\n66 Ketegal nya, mayuh murid Jesus ninggalka Iya, lalu enggai agi bejalai enggau Iya.\\n67 Nya alai Iya lalu bejaku ngagai sida ke dua belas, “Kati kita deka mega ninggalka Aku?”\\n68 Simon Peter lalu nyaut Iya, “Tuhan, sapa patut digagai kami? Nuan ngembuan jaku ti meri pengidup ti meruan belama iya.\\n69 Kami udah arap lalu nemu, Nuan tu meh Anak Allah Taala ti kudus.”\\n70 Ku Jesus nyaut sida, “Aku udah milih kita ke dua belas, ukai enda? Tang taja pia, siku ari kita nya sitan?”\\n71 Iya bejakuka pasal Judas anak Simon Iskariot, laban Judas, siku ari sida ke dua belas, deka nyual Iya.\\nBala Menyadi Lelaki Jesus Enda Arapka Iya\\n1 Udah bekau nya Jesus bejalai ba sebelah menua Galili. Iya enggai bejalai di menua Judea, laban bala tuai orang Judah dia ngiga peluang deka munuh Iya.\\n2 Gawai Belangkau nyau deka nyadi.\\n3 Nya alai sida menyadi Iya lalu bejaku ngagai Iya, “Angkat ari tu lalu mansang ngagai menua Judea, ngambika sida murid Nuan mega meda pengawa ti dikereja Nuan;\\n4 laban nadai orang ngelalaika pengawa diri, enti iya deka minta diri ditemu orang. Enti Nuan ngereja utai nya, pandangka Diri ngagai dunya!”\\n5 (Indah sida menyadi Iya deh enda arapka Iya.)\\n6 Ku lalu bejaku ngagai sida, “Maya Aku apin datai. Tang maya kita endang seruran bisi.\\n7 Dunya enda ulih begedika kita, tang iya begedika Aku, laban Aku besaksi ngelaban iya, madahka pengawa iya jai.\\n8 Awakka kita aja meh mupuk ngagai gawai nya; Aku enda , laban maya Aku apin datai.”\\n9 Lebuh Iya udah nyebut nya, Iya lalu ninggalka Diri di Galili.\\nJesus Ba Gawai Belangkau\\n10 Tang lebuh sida menyadi lelaki Iya udah mupuk ngagai gawai nya, nya baru Iya Empu mupuk, ukai ngayanka Diri, tang belalai.\\n11 Bala tuai orang Judah begigaka Iya ba gawai nya. Ku sida, “Dini alai Iya?”\\n12 Mayuh orang mut-mut bejakuka pasal Iya. Tang ku sekeda sida, “Iya orang ke badas.” Kenu ku sekeda sida ti bukai, “Ukai. Iya nipu orang mayuh.”\\n13 Tang nadai siku orang berani bejaku inggar pasal Iya, laban sida takutka tuai orang Judah.\\n14 Kira ba setengan gawai nya, Jesus mansang ngagai Rumah Sembiang lalu belabuh ngajar.\\n15 Bala tuai orang Judah balat amat alit ati. Ku sida, “Baka ni ku orang ke nadai kala besekula tu ngemayuh nya penemu?”\\n16 Jesus lalu nyaut sida, “Ajar ti dibai Aku ukai enggi Aku, tang enggi Iya ke ngirumka Aku.\\n17 Barang sapa bebendar deka ngereja peneka Allah Taala, deka nemu sekalika jaku ajar nya datai ari Allah Taala, tauka Aku bejaku ngatika Diri\\n18 Orang ke bejaku ngatika diri, semina ngemuliaka diri empu. Tang orang ke keran deka ngemuliaka Iya ke ngirumka Iya, nya meh orang ke lurus ati, lalu iya nadai utai ti bula dalam iya.\\n19 Ukai enda Moses ke meri kita Adat? Tang taja pia, nadai siku kita ngasika Adat. Nama kebuah kita begigaka peluang munuh Aku?”\\n20 Orang mayuh lalu nyaut, “Nuan tu dirasuk antu! Sapa nguji munuh Nuan?”\\n21 Ku Jesus nyaut sida, “Aku ngereja siti kereja ajih, lalu semua kita balat amat alit ati.\\n22 Moses meri kita adat betutus (iya ti bendar, ukai Moses tang aki ini kita ke meri adat nya), lalu kita nutus orang lebuh hari Sabat.\\n23 Enti orang ditutus lebuh hari Sabat, ngambika kita enda ngelanggar adat Moses, nama kebuah kita pedis ati ngagai Aku ketegal Aku ngeraika semua tubuh orang nya lebuh hari Sabat?\\n24 Anang ngakim beduduk ba utai ti dipeda, tang ngakim ngena pengelurus.\\nKati Jesus Nya Kristus?\\n25 Sekeda orang Jerusalem bejaku, “Ukai enda Iya tu orang ke deka dibunuh sida?\\n26 Lalu Iya bisi ditu, bejaku di mua orang mayuh, tang sida nadai nyebut utai ngagai Iya! Kada enda bala tuai nemu Iya endang Kristus.\\n27 Tang kitai nemu ari ni penatai Iya; tang lebuh Kristusndatai, nadai orang nemu ari ni penatai Iya.”\\n28 Jesus lalu bejaku enggau nyawa ti inggar lebuh Iya ngajar dalam Rumah Sembiang, “Kita ngelala Aku, lalu kita nemu ari ni penatai Aku. Aku ukai datai ari peneka Aku Empu, tang Iya ke ngirumka Aku endang tau dikarapka, lalu kita enda ngelala Iya.\\n29 Aku ngelala Iya, laban Aku datai ari Iya, lalu Iya udah ngirumka Aku.”\\n30 Sida lalu nguji nangkap Iya, tang nadai siku sida terengkah jari ba Iya, laban maya Iya apin datai.\\n31 Tang taja pia, mayuh orang arapka Iya. Ku sida, “Lebuh Kristusdatai, kati Iya deka ngereja mayuh agi kereja ajih ari ti udah dikereja orang tu?”\\nBala Jejaga Diasuh Nangkap Jesus\\n32 Lebuh orang Parisi ninga orang mayuh betegut bejakuka pasal Jesus, sida tuai imam enggau orang Parisi lalu ngasuh bala pemesai nangkap Iya.\\n33 Ku Jesus bejaku, “Aku semina begulai enggau kita enda lama da agi. Udah nya Aku deka mupuk ngagai Iya ti udah ngirumka Aku.\\n34 Kita deka ngiga Aku, tang kita enda tetemuka Aku. Lalu kita enda ulih datai ngagai endur alai Aku.”\\n35 Ku bala tuai orang Judah bejaku enggau pangan diri, “Kini ke tunga Iya deka mupuk alai kitai enda tetemuka Iya? Kati Iya deka mupuk ngagai mayuh bengkah nengeri orang Gerika, alai bansa kitai ke pambar, lalu ngajar orang Gerika?\\n36 Nama reti utai ti ku Iya lebuh Iya nyebut, ‘Kita deka ngiga Aku, tang kita enda tetemuka Aku,’ enggau ‘Kita enda ulih datai ngagai endur alai Aku’?”\\nSungai Ai Ti Idup\\n37 Ba hari ti penudi dalam gawai nya, iya nya hari ti pemadu besai, Jesus bediri, lalu bejaku enggau nyawa ti inggar, “Awakka semua orang ke aus datai ngagai Aku,\\n38 lalu awakka orang ke arapka Aku, ngirup. Munyi ti disebut Bup Kudus, ‘Ari ati orang ke arap deka pansut ai ti meri pengidup.’“\\n39 Jesus bejaku ngenang pasal Roh Kudus ti deka diterima orang ke arapka Iya. Laban lebuh maya nya, Roh Kudus apin diberi, laban Jesus apin dimuliaka.\\nBala Orang Mayuh Enda Sebaka Penemu\\n40 Lebuh sida ninga jaku nya, sekeda sida ke dalam tekang bala mayuh nya lalu bejaku, “Iya tu amat nabi nya!”\\n41 Ku sida ti bukai, “Iya tu Kristus!” Tang ku sekeda orang bukai, “Nadai patut Kristus datai ari Galili?\\n42 Ukai enda Bup Kudus madahka Kristus nya peturun David, lalu datai ari Betlehem, nengeri ti udah alai David diau kelia?”\\n43 Nya alai orang mayuh beserekang penemu pasal Iya.\\n44 Sekeda sida deka nangkap Iya, tang nadai siku sida terengkah jari ba Iya.\\nTuai orang Judah Enda Arap\\n45 Bala pemesai pulai baru ngagai bala tuai imam enggau orang Parisi, ke lalu nanya sida, “Nama kebuah kita enda nangkap Iya?”\\n46 Ku bala pemesai nyaut, “Nadai orang udah kala bejaku baka nya!”\\n47 Orang Parisi lalu nyaut sida, “Kati kita empu udah mega kena tipu Iya?\\n48 Kati bala tuai tauka orang Parisi bisi udah arapka Iya?\\n49 Tang bala sida tu, ke enda nemu Adat Moses, ditinggang sumpah.”\\n50 Nikodimus, ke udah betemu enggau Jesus dulu ari nya, siku ari raban sida, lalu nanya sida,\\n51 “Kati Adat kitai ngasuh kitai ngakim orang sebedau kitai mendingka iya lalu mansik utai ti dikereja iya?”\\n52 Sida lalu nyaut iya, “Kati nuan datai ari Galili baka Iya? Pansik dalam Bup Kudus, nya baru nuan nemu, nadai nabi deka datai ari Galili.”\\n53 Sida lalu pulai,\\nIndu Ke Ditangkap Butang\\n1 Jesus lalu mupuk ngagai Bukit Kana.\\n2 Tumu pagi hari siti, Iya datai baru ba Rumah Sembiang. Semua orang datai ngagai Iya. Iya lalu duduk, lalu belabuh ngajar sida.\\n3 Sida pengajar Adat, enggau sida orang Parisi lalu mai siku indu ke udah ditangkap butang, lalu ngasuh indu nya bediri di mua semua sida,\\n4 lalu bejaku ngagai Jesus, “Pengajar, indu tu udah ditangkap butang.\\n5 Nyadi dalam Adat, Moses ngasuh kitai nuku orang ke baka tu ngena batu. Baka ni ku penemu Nuan?”\\n6 Sida nyebut nya kena sida nguji Iya, ngambika sida ulih bedawaka Iya. Jesus meremi, lalu nulis ba tanah ngena tunjuk Iya.\\n7 Ninga sida ituk nanya Iya, Iya bediri lalu bejaku ngagai sida, “Awakka orang ke enda kala bedosa ari bala kita, dulu nuku iya ngena batu.”\\n8 Iya lalu meremi baru, lalu nulis ba tanah ngena tunjuk Iya.\\n9 Lebuh sida ninga nya, siku-siku sida lalu mupuk ari endur nya, berengkah ari sida ke tuai. Semina Jesus aja agi tinggal, enggau indu ke bediri di mua Iya.\\n10 Jesus bediri lalu bejaku enggau indu nya, “Indu, ni bala sida nya tadi? Kati orang nadai udah ngukum nuan?”\\n11 Indu nya lalu nyaut, “Nadai, Tuhan.” Lalu ku Jesus bejaku, “Aku pen enda meh ngukum nuan. Mupuk meh nuan, tang anang agi bedosa.”\\nJesus Nyadika Penampak Dunya\\n12 Jesus lalu bejaku baru ngagai sida, “Aku tu penampak dunya. Barang sapa nitihka Aku, enda bejalai dalam pemetang, tang deka ngembuan penampak ti meri pengidup.”\\n13 Orang Parisi lalu bejaku ngagai Iya, “Nuan besaksika pasal Diri Empu. Saksi Nuan nadai guna.”\\n14 Disaut Jesus, “Enti sema Aku besaksika pasal Diri Empu, saksi Aku endang amat, laban Aku nemu ari ni Aku datai, enggau kini ke tunga Aku deka mupuk, tang kita enda nemu ari ni penatai Aku, tauka kini ke tunga Aku deka mupuk.\\n15 Kita ngakim ngena chara mensia. Aku enda ngakim orang.\\n16 Tang enti sema Aku ngakim orang, pemutus penemu Aku endang ngena, laban ukai semina Aku aja ke ngakim, tang Aku enggau Apai ke ngirumka Aku.\\n17 Utai tu endang bisi ditulis dalam Adat kita: saksi ti diguna nya saksi ari dua iku orang.\\n18 Aku besaksika pasal Aku Empu, lalu Apai ke ngirumka Aku mega besaksika pasal Aku.”\\n19 Sida lalu nanya Iya, “Dini alai Apai Nuan?” Jesus lalu nyaut, “Kita enda ngelala Aku tauka Apai Aku. Enti kita ngelala Aku, kita tentu ngelala Apai Aku.”\\n20 Jesus nyebut semua jaku nya lebuh Iya benung ngajar dalam bilik sarang wang Rumah Sembiang. Tang nadai orang nangkap Iya, laban maya Iya apin datai.\\nKita Enda Ulih Datai Ngagai Endur Ti Digagai Aku\\n21 Jesus lalu bejaku baru ngagai sida, “Aku deka mupuk, lalu kita deka ngiga Aku, tang kita deka mati dalam dosa kita. Kita enda ulih datai ngagai endur ti deka digagai Aku.”\\n22 Bala tuai orang Judah lalu bejaku, “Kati Iya deka munuh Diri? Kati nya kebuah Iya nyebut, ‘Endur ti deka digagai Aku, enda ulih digagai kita’?”\\n23 Ku Iya bejaku ngagai sida, “Kita datai ari baruh, Aku datai ari atas. Kita endang orang dunya, Aku ukai orang dunya.\\n24 Aku udah madahka kita deka mati dalam dosa kita, laban kita deka mati dalam dosa kita enti kita enda arapka ‘Aku tu meh Aku.’“\\n25 Ku sida bejaku ngagai Iya, “Sapa Nuan?” Jesus lalu nyaut, “Orang ke udah dipadahka Aku ngagai kita kenyau ari pun.\\n26 Aku mayuh utai ti deka disebut pasal kita, mayuh utai ti deka diukum. Tang Iya ke ngirumka Aku endang tau dikarapka, lalu Aku madah ngagai dunya utai ti udah didinga Aku ari Iya.”\\n27 Sida enda nemu Iya bejakuka pasal Apai ngagai sida.\\n28 Nya alai ku Iya bejaku, “Lebuh kita udah nuatka Anak Mensia, nya baru kita deka nemu Aku tu meh Iya, lalu nemu Aku ukai ngereja utai nitihka peneka Aku Empu, tang semina bejaku nitihka ajar Apai.\\n29 Lalu Iya ke ngirumka Aku bisi enggau Aku. Iya nadai kala ninggalka Aku keDiri, laban Aku seruran ngereja utai ti ngerinduka ati Iya.”\\n30 Lebuh Iya nyebut utai nya, mayuh orang arapka Iya.\\nPemendar Deka Ngelepaska Kita\\n31 Jesus lalu madah ngagai orang Judah ke udah arapka Iya, “Enti kita bepegai ba jaku Aku, kita amat murid Aku,\\n32 lalu kita deka nemu pemendar, lalu pemendar deka ngelepaska kita.”\\n33 Sida lalu nyaut Iya, “Kami tu peturun Abraham, lalu nadai udah kala nyadi ulun orang. Nama reti, ‘Kita deka dilepaska’?”\\n34 Ku Jesus nyaut sida, “Enggau bendar Aku madah ngagai kita, genap iku orang ke ngereja dosa, nyadi ulun dosa.\\n35 Ulun enda diau tetap dalam rumah nya belama iya; tang anak diau dalam rumah nya belama iya.\\n36 Nya alai, enti Anak ngelepaska kita, kita amat dilepaska.\\n37 Aku nemu kita endang peturun Abraham; tang taja pia, kita ngiga peluang munuh Aku, laban kita enggai nerima jaku Aku.\\n38 Aku madahka pasal utai ti udah dipadahka Apai ngagai Aku, baka kita ke ngereja utai ti didinga kita ari apai kita.”\\n39 Ku sida nyaut Iya, “Kami anak Abraham.” Disaut Jesus, “Enti kita amat anak Abraham, kita tentu deka ngereja utai ti udah dikereja Abraham,\\n40 tang diatu kita nguji munuh Aku, ke udah madahka utai ti bendar ti didinga Aku ari Allah Taala. Nya ukai utai ti dikereja Abraham.\\n41 Kita ngereja utai ti udah dikereja apai kita.” Ku sida bejaku ngagai Iya, “Kami ukai anak ampang. Kami bisi apai. Allah Taala meh Apai kami.”\\n42 Ku Jesus bejaku ngagai sida, “Enti Allah Taala amat Apai kita, kita tentu rinduka Aku, laban Aku datai ari Allah Taala, lalu diatu Aku bisi ditu. Aku ukai datai nitihka peneka ati7 Aku Empu, tang Allah Taala ke ngirumka Aku.\\n43 Nama kebuah kita enda meretika utai ti disebut Aku? Laban kita enda ulih nerima jaku Aku.\\n44 Kita tu anak Sitan, lalu kita keran deka ngereja utai ti dikedekaka apai kita. Iya endang pemunuh kenyau ari pun, lalu iya endang nadai kaul enggau pemendar, laban iya nadai pemendar dalam iya. Lebuh iya nyebut utai ti bula, iya endang bejaku nitihka perangai iya empu laban iya endang pemula, lalu iya endang apai pemula.\\n45 Tang laban Aku madahka utai ti bendar, kita enggai arapka Aku.\\n46 Sapa ari bala kita ngumbai Aku udah bedosa? Enti Aku madahka utai ti bendar, nama kebuah kita enda arapka Aku?\\n47 Nembiak Allah Taala ninga jaku Allah Taala. Kebuah kita enda ninga jaku Allah Taala nya laban kita ukai nembiak Allah Taala.”\\nJesus Enggau Abraham\\n48 Orang Judah lalu nyaut Iya, “Kati kami enda ngena enti kami ngumbai Nuan orang Samaria lalu Nuan dirasuk antu?”\\n49 Disaut Jesus, “Aku ukai dirasuk antu, tang Aku ngemesaika Apai Aku, lalu kita ngeleseka Aku.\\n50 Tang Aku ukai ngemesaika Diri Empu. Bisi siku ke patut dikemesaika, lalu Iya nyadi Hakim.\\n51 Enggau bendar Aku madah ngagai kita, barang sapa ngasika jaku Aku, enda mati.”\\n52 Ku orang Judah bejaku ngagai Iya, “Diatu baru kami nemu Nuan endang amat dirasuk antu! Abraham mati, lalu baka nya mega sida nabi, lalu ku Nuan, ‘Barang sapa ngasika jaku Nuan, enda mati.’\\n53 Kati Nuan besai agi ari apai kami Abraham, ke udah mati? Sida nabi mega mati! Sapa Nuan tu ku Nuan?”\\n54 Disaut Jesus, “Enti Aku ngemesaika Diri Empu, utai nya nadai guna. Apai Aku ke ngemesaika Aku, Iya ke dikumbai kita Allah Taala kita,\\n55 taja pen kita enda ngelala Iya. Tang Aku ngelala Iya. Enti Aku madahka Diri enda ngelala Iya, Aku bula baka kita. Tang Aku amat ngelala Iya, lalu Aku ngasika jaku Iya.\\n56 Aki kita Abraham gaga ati deka meda hari Aku. Iya meda hari nya, lalu iya gaga.”\\n57 Orang Judah lalu bejaku ngagai iya, “Umur Nuan deh apin bulih lima puluh taun, lalu Nuan udah meda Abraham?”\\n58 Ku Jesus bejaku ngagai sida, “Enggau bendar Aku madah ngagai kita, sebedau Abraham ada, Aku endang udah bisi.”\\n59 Sida lalu ngambi batu deka nuku Iya, tang Jesus belalai lalu pansut ari Rumah Sembiang.\\nJesus Ngeraika Orang Ke Buta Kenyau Ari Ada\\n1 Lebuh Jesus benung bejalai, Iya tepedaka orang siku ke buta kenyau ari ada.\\n2 Sida murid Iya lalu nanya Iya, “Pengajar, dosa sapa ti ngasuh iya ada buta? Dosa iya empu, tauka dosa apai indai iya?”\\n3 Disaut Jesus, “Iya ke buta nya ukai laban dosa iya tauka dosa apai indai iya, tang ngambika kereja Allah Taala dipandangka ba iya.\\n4 Kitai enda tau enda ngereja pengawa Iya ke ngirumka Aku, kala lebuh hari agi siang. Lebuh hari nyau malam, nadai orang ulih gawa.\\n5 Seagi-agi Aku di dunya tu, Aku nyadika penampak dunya.”\\n6 Lebuh Iya udah nyebut nya, Iya ngeludah ngagai tanah lalu ngaga tanah liat ngena liur Iya, lalu ngunsutka tanah liat nya ba mata orang nya,\\n7 lalu bejaku ngagai iya, “Mupuk nuan, lalu basu mua nuan ba Letung Siloam.” (Reti ‘Siloam’ nya “Dikirumka”.) Orang nya mupuk, masu mua diri, lalu pulai baru sereta ulih meda.\\n8 Bala pangan iya enggau orang ke udah meda iya minta sedekah sebedau nya, nanya, “Ukai enda iya tu ke selalu duduk minta sedekah?”\\n9 Ku sekeda sida bejaku, “Iya meh nya.” Tang ku sida ti bukai, “Ukai, tang iya baka gamal orang nya.” Tang orang nya empu majak nyebut, “Aku meh tu.”\\n10 Tang sida majak lalu nanya iya, “Enti pia, baka ni ku nuan diatu ulih meda?”\\n11 Disaut iya, “Orang ke benama Jesus ngaga tanah liat, lalu ngunsutka tanah liat nya ba mata aku, lalu bejaku ngagai aku, ‘Mupuk nuan ngagai letung Siloam, lalu basu mua nuan’. Aku lalu mupuk, masu mua aku, lalu aku ulih meda.”\\n12 Ku sida nanya iya, “Dini alai Iya?” Iya lalu nyaut, “Entah, enda aku nemu.”\\nOrang Parisi Mansik Pengawa Ngeraika Orang Ke Buta Nya\\n13 Sida lalu mai orang ke udah buta nya ngagai orang Parisi.\\n14 Nyadi Jesus udah ngaga tanah liat lalu ngeraika orang nya kena hari Sabat.\\n15 Orang Parisi mega nanya orang nya, baka ni ku iya ulih meda. Ku iya madah ngagai sida, “Iya ngengkahka tanah liat ba mata aku. Aku empungas mua aku, lalu diatu aku ulih meda.”\\n16 Sekeda orang Parisi lalu bejaku, “Orang nya ukai ari Allah Taala, laban Iya enda ngasika adat hari Sabat.” Tang ku sida ti bukai bejaku, “Baka ni ku orang ke bedosa ulih ngereja kereja ajih baka nya?” Sida lalu beserekang penemu enggau pangan diri.\\n17 Nya alai sida lalu nanya orang nya baru, “Nama penemu nuan pasal orang nya? Mata nuan ke udah digeraika Iya.” Iya lalu nyaut, “Iya nabi.”\\n18 Bala tuai orang Judah enda arapka orang nya amat udah buta lalu diatu ulih meda. Sida lalu ngangauka apai indai orang ke nyau ulih meda nya,\\n19 lalu nanya seduai iya, “Kati tu anak seduai, ke dipadahka seduai ada buta? Baka ni ku iya ulih meda diatu?”\\n20 Disaut apai indai iya, “Kami nemu iya endang anak kami duai, lalu kami nemu iya endang ada buta,\\n21 tang kami enda nemu baka ni ku iya diatu ulih meda, lalu kami pen enda mega nemu sapa ke ngasuh iya ulih meda. Tanya iya empu. Iya udah besai tuai. Iya nemu nyaut kediri empu!”\\n22 Apai indai iya nyebut nya laban seduai iya takutka tuai orang Judah, laban bala tuai udah besetuju deka muai ari balai gempuru barang sapa madahka diri arapka Jesus nya Kristus.\\n23 Nya kebuah apai indai iya nyebut, “Iya udah besai tuai. Tanya iya empu!”\\n24 Sida lalu ngangauka orang ke buta nya kedua kali, lalu bejaku ngagai iya, “Nuan enda tau enda besumpah di mua Allah Taala, deka madahka utai ti bendar!Kami nemu orang nya orang ke bedosa.”\\n25 Iya lalu nyaut, “Aku enda nemu enti Iya nya orang ke bedosa, tang Aku nemu, aku udah buta, tang diatu aku ulih meda.”\\n26 Ku sida bejaku ngagai iya, “Nama utai ti dikereja Iya ngagai nuan? Baka ni ku Iya ngasuh nuan ulih meda?”\\n27 Iya lalu nyaut sida, “Aku udah madahka nya ngagai kita, tang kita enggai mending. Nama kebuah kita keran deka ninga nya baru? Kati kita deka nyadi murid Iya?”\\n28 Sida lalu ngeleseka iya, ku sida, “Nuan tu murid Iya. Kami murid Moses.\\n29 Kami nemu Allah Taala udah bejaku ngagai Moses. Tang pasal orang tu, indah penatai Iya deh kami enda nemu!”\\n30 Orang nya lalu nyaut, “Nyelai amat nya! Kita enda nemu ari ni penatai Iya, tang Iya udah ngasuh aku ulih meda!\\n31 Kitai nemu Allah Taala enda mendingka orang ke bedosa, tang mendingka orang ke nyembah Iya lalu ngasika peneka Iya.\\n32 Kenyau ari penumbuh dunya, nadai kitai udah kala ninga orang ngasuh orang ke buta kenyau ari ada, ulih meda.\\n33 Enti orang tu ukai ari Allah Taala, Iya enda ulih ngereja utai.”\\n34 Sida lalu nyaut iya, “Nuan tu bedosa kenyau ari ada. Kati nuan nguji ngajar kami?” Sida lalu muai iya ari balai gempuru.\\nButa Dalam Roh\\n35 Jesus ninga sida udah muai iya, lalu lebuh Jesus udah tetemuka iya, Iya lalu nanya orang nya, “Kati nuan arapka Anak Mensia?”\\n36 Iya lalu nyaut, “Sapa orang nya, Tuan? Padahka ngagai aku ngambika aku arapka Iya!”\\n37 Jesus lalu bejaku ngagai iya, “Nuan udah meda Iya. Iya ke bejaku enggau nuan diatu meh Iya.”\\n38 Orang nya lalu bejaku, “Aku arap, Tuhan!” Iya lalu nyembah Jesus.\\n39 Jesus lalu bejaku, “Aku datai ngagai dunya laban Aku deka ngakim, ngambika orang ke buta, meda, lalu orang ke meda, buta.”\\n40 Sekeda orang Parisi ke semak Iya ninga nya, lalu bejaku ngagai Iya, “Kati kami tu buta?”\\n41 Ku lalu Jesus bejaku ngagai sida, “Enti kita buta, kita tentu enda bedosa. Tang laban kita ngumbai diri ulih meda, dosa kita mengkang.”\\nJaku Sempama Pasal Pengibun Bedus\\n1 “Enggau bendar Aku madah ngagai kita, orang ke enda tama ngagai kandang bedus nengah pintu, tang niki nengah jalai bukai, nya penchuri enggau perumpak.\\n2 Tang orang ke tama nengah pintu nya pengibun bedus.\\n3 Orang ke nyaga pintu, muka pintu ke iya. Raban bedus ninga nyawa iya, lalu iya ngangauka nama sida siku-siku, lalu nguluka sida pansut.\\n4 Lebuh iya udah mai semua bedus iya pansut, iya lalu bejalai dulu ari sida, lalu sida nitihka iya, laban sida ngelala munyi nyawa iya.\\n5 Sida enggai nitihka orang bukai, tang deka rari ari orang nya, laban sida enda ngelala munyi nyawa orang nya.”\\n6 Jesus nyebut sempama tu ngagai sida, tang sida enda meretika utai ti disebut Iya ngagai sida.\\nJesus Nya Pengibun Bedus Ti Badas\\n7 Nya alai Jesus lalu bejaku baru ngagai sida, “Enggau bendar Aku madah ngagai kita: Aku tu pintu ke raban bedus.\\n8 Semua orang ke udah datai dulu ari Aku nya penchuri enggau perumpak, tang bedus enda mendingka sida.\\n9 Aku tu pintu. Barang sapa tama nengah Aku, deka diselamatka, lalu iya deka tama, lalu pansut, lalu nemu padang rumput.\\n10 Penchuri datai laban iya semina deka ngenchuri, munuh enggau ngerusak. Aku datai ngambika sida bulih pengidup, pengidup ti belipat-lipat.\\n11 “Aku tu pengibun bedus ti badas. Pengibun bedus ti badas nyerahka nyawa diri ke bedus.\\n12 Orang gaji ke ukai pengibun bedus sereta ukai bempu bedus, ninggalka bedus lebuh iya meda ukui kampung datai, lalu ukui kampung nerekam raban bedus lalu mambarka sida.\\n13 Orang gaji nya rari laban orang gaji endang enggai ibuhka bedus nya.\\n14 Aku tu pengibun bedus ti badas. Aku ngelala bedus Aku, lalu bedus Aku ngelala Aku,\\n15 baka Apai ke ngelala Aku, lalu Aku ngelala Apai; lalu Aku nyerahka nyawa Aku ketegal sida.\\n16 Aku bisi bedus ti bukai, ti ukai ari raban tu. Aku enda tau enda mega mai sida, lalu sida deka mendingka nyawa Aku. Nya alai sida deka nyadi siti raban, enggau siku aja pengibun.\\n17 Nya meh kebuah Apai rinduka Aku, laban Aku nyerahka nyawa Diri, lalu ngambi nyawa nya pulai baru.\\n18 Nadai orang ulih ngambi nyawa Aku ari Aku. Aku nyerahka nyawa Aku ari peneka Aku Empu. Aku bisi kuasa nyerahka iya, lalu Aku bisi kuasa ngambi iya pulai baru. Aku udah nerima pesan tu ari Apai Aku.”\\n19 Orang Judah lalu beserekang penemu baru ketegal jaku nya.\\n20 Mayuh sida nyebut, “Iya dirasuk antu, lalu udah gila! Nama kebuah kita mendingka Iya?”\\n21 Ku sida ti bukai bejaku, “Tu ukai jaku orang ke dirasuk antu. Kati antu ulih ngasuh orang ke buta meda?”\\nJesus Enda Diterima Orang Judah\\n22 Lebuh maya nya Gawai Penyerah benung nyadi di Jerusalem. Musin lebuh maya nya endang musin chelap,\\n23 lalu Jesus bejalai dalam Rumah Sembiang, dalam Serambi Solomon.\\n24 Nya alai orang Judah lalu begelumu ngelingi Iya, lalu bejaku ngagai Iya, “Ni pengelama Nuan mengkang enggai madah ngagai kami? Enti Nuan amat Kristus, padahka ngagai kami enggau terang.”\\n25 Disaut Jesus, “Aku udah madah ngagai kita, tang kita enda arap. Pengawa ti dikereja Aku dalam nama Apai Aku, besaksika pasal Aku,\\n26 tang kita enda arap, laban kita ukai bedus Aku.\\n27 Bedus Aku mendingka nyawa Aku. Aku ngelala sida, lalu sida nitihka Aku.\\n28 Aku meri sida pengidup ti meruan belama iya, lalu sida enda mati. Nadai orang ulih ngerampas sida ari jari Aku.\\n29 Utai ti udah diberi Apai ngagai Aku besai agi ari semua utai bukai, lalu nadai orang ulih ngerampas sida ari jari Apai.\\n30 Kami Duai Apai endang siku.”\\n31 Orang Judah lalu ngambi batu baru, deka nuku Iya.\\n32 Jesus lalu nyaut sida, “Aku udah ngayanka mayuh bengkah kereja ti badas di mua kita ari Apai. Kereja ni ti ngasuh kita keran deka nuku Aku ngena batu?”\\n33 Disaut sida, “Kami ukai deka nuku Nuan ngena batu ketegal pengawa ti badas ti dikereja Nuan, tang laban Nuan bejaku busung, laban Nuan, ke semina mensia aja, ngumbai Diri Allah Taala!”\\n34 Disaut Jesus, “Kati jaku tu nadai ditulis dalam Adat kita: Ku Allah Taala bejaku, ‘Kita tu petara’?\\n35 Enti orang ke nerima jaku Allah Taala nya dikumbai ‘petara’ -- lalu jaku Bup Kudus endang enda ulih dibuai\\n36 baka ni ku kita ngumbai Aku, ke udah dipilih lalu dikirumka Apai ngagai dunya, bejaku busung ketegal Aku madahka Diri Anak Allah Taala?\\n37 Enti Aku enda ngereja pengawa Apai Aku, anang meh kita arapka Aku.\\n38 Tang enti Aku ngereja pengawa Apai Aku, taja pen kita enda arapka Aku, kita patut arapka pengawa ti dikereja Aku, ngambika kita nemu sereta\\nmeretikaApai bisi dalam Aku, lalu Aku dalam Apai.”\\n39 Sida lalu sekali agi nguji nangkap Iya, tang Iya ngelechut ari jari sida.\\n40 Iya lalu pulai baru meraka Sungai Jordan, ngagai endur alai John ke terubah maptisa orang, lalu diau dia.\\n41 Mayuh orang datai ngagai Iya. Ku sida, “John nadai ngereja kereja ajih, tang semua utai ti disebut John pasal orang tu, amat magang.”\\n42 Lalu mayuh orang dia arapka Iya.\\n1 Siku orang ke benama Lasarus sakit di Betani, genturung pendiau ti alai Maria enggau menyadi indu iya Marta diau. (\\n2 Maria nya meh indu ke udah nata Tuhan ngena minyak wangi lalu ngendas kaki Tuhan ngena buk iya. Menyadi lelaki iya ke benama Lasarus sakit.)\\n3 Nya alai Maria seduai Marta mesanka Jesus. Ku seduai iya, “Tuhan, iya ke dikesayauka Nuan, sakit.”\\n4 Tang lebuh Jesus nerima pesan nya, Iya bejaku, “Penyakit tu enda ngujung ngagai pemati. Utai tu nyadi kena ngemuliaka Allah Taala, ngambika Anak Allah Taala dimuliaka ulih nya.”\\n5 Nya alai, taja pen Jesus rinduka Marta, Maria enggau Lasarus,\\n6 lebuh Iya ninga Lasarus sakit, Iya mengkang diau dua hari da agi ba endur ti alai Iya diau.\\n7 Udah lepas nya Iya lalu bejaku ngagai sida murid, “Aram kitai pulai baru ngagai Judea.”\\n8 Ku sida murid bejaku enggau Iya, “Pengajar, baru apin lama tu ti udah orang Judah deka nuku Nuan ngena batu, lalu Nuan deka kin ke baru?”\\n9 Disaut Jesus, “Kitai semina bisi dua belas jam aja hari siang, ukai enda? Orang ke bejalai lebuh siang hari, enda tesangkut, laban sida meda penampak dunya tu.\\n10 Tang orang ke bejalai lebuh malam hari tesangkut, laban penampak nadai dalam sida.”\\n11 Lebuh Iya udah nyebut nya Iya lalu madah ngagai sida, “Pangan kitai Lasarus udah tinduk, tang Aku deka kin lalu ngerak iya.”\\n12 Ku sida murid bejaku ngagai Iya, “Tuhan, enti iya tinduk, iya deka gerai.”\\n13 Tang Jesus bejakuka pasal pemati Lasarus, tang sida ngumbai Iya madahka Lasarus tinduk.\\n14 Jesus lalu bejaku enggau terang ngagai sida, “Lasarus udah mati.\\n15 Aku gaga ke Diri nadai dia enggau iya, ngambika kita arap, ke penguntung kita. Tang aram kitai mupuk ngagai iya.”\\n16 Thomas, ke digelar Besapit,lalu bejaku ngagai murid ti bukai, “Aram kitai mupuk, ngambika kitai mati sama enggau iya.”\\nJesus Nya Pengangkat Enggau Pengidup\\n17 Lebuh Jesus datai, Iya nemu Lasarus empat hari udah dikuburka.\\n18 Nyadi Betani nya kira tiga kilometer ari Jerusalem,\\n19 lalu mayuh orang Judah udah nemuai ngagai Marta seduai Maria, deka merindang seduai iya ketegal pemati menyadi lelaki seduai iya.\\n20 Lebuh Marta ninga Jesus baru deka datai, iya lalu ngambat Jesus, tang Maria tinggal di rumah.\\n21 Marta lalu bejaku ngagai Jesus, “Tuhan, enti Nuan bisi ditu lebuh maya nya, menyadi aku tentu enda mati!\\n22 Tang indah diatu deh aku nemu Allah Taala deka meri Nuan sebarang utai ti dipinta Nuan ari Iya.”\\n23 Jesus lalu bejaku ngagai iya, “Menyadi nuan deka angkat idup baru.”\\n24 Ku Marta bejaku ngagai Iya, “Aku nemu iya deka angkat idup baru lebuh pengangkat orang ari mati ba pengujung dunya.”\\n25 Jesus lalu bejaku ngagai iya, “Aku tu meh pengangkat enggau pengidup. Orang ke arapka Aku, deka idup taja pen sida mati,\\n26 lalu semua orang ke idup lalu arapka Aku, enda mati. Kati nuan arapka nya?”\\n27 Maria lalu nyaut Iya, “Aku arap, Tuhan! Aku arapka Nuan tu Kristus, Anak Allah Taala, ke datai ngagai dunya.”\\n28 Lebuh Marta udah nyebut nya, iya pulai ke rumah, lalu betelai enggau menyadi iya Maria. Ku iya, “Pengajar bisi ditu, lalu Iya ngangauka nuan.”\\n29 Lebuh Maria ninga nya, iya lalu beguai-guai angkat lalu mansang ngagai Jesus.\\n30 Nyadi lebuh maya nya Jesus apin datai ba genturung pendiau nya, tang agi ba endur alai Marta ke betemu enggau Iya.\\n31 Lebuh orang Judah ke merindang Maria di rumah meda iya beguai-guai angkat lalu pansut, sida lalu nitihka iya, laban sida ngumbai iya deka mansang ngagai kubur lalu nyabak dia.\\n32 Lebuh Maria datai ba endur alai Jesus, lalu meda Iya, iya lalu nyungkurka diri di kaki Jesus, lalu bejaku ngagai Iya, “Tuhan, enti Nuan bisi ditu lebuh maya nya, menyadi aku tentu enda mati!”\\n33 Lebuh Jesus meda Maria nyabak, lalu meda orang Judah ke enggau iya mega nyabak, ati Iya balat sinu sereta tusah.\\n34 Lalu ku Iya nanya sida, “Dini alai kita nguburka iya?” Sida lalu nyaut Iya, “Tuhan, aram kitai meda.”\\n35 Jesus nyabak.\\n36 Orang Judah lalu bejaku, “Peda pemalat Iya rinduka iya!”\\n37 Tang ku sekeda bala sida bejaku, “Kati Iya ke ulih ngeraika orang ke buta, enda ulih nagang orang tu mati?”\\nLasarus Diangkatka Idup Baru\\n38 Jesus balat amat sinu ati baru, lalu datai ba kubur. Nyadi kubur nya lubang gua, ti ditutup ngena sigi batu.\\n39 Jesus lalu bejaku, “Baringka batu nya ke tisi!” Marta, menyadi orang ke mati nya, lalu bejaku, “Tuhan, iya tentu udah bau but, laban iya empat hari udah mati!”\\n40 Jesus lalu bejaku ngagai Marta, “Kati Aku nadai udah madah ngagai nuan, enti nuan arap, nuan deka meda mulia Allah Taala?”\\n41 Nya alai sida lalu maringka batu nya ke tisi. Jesus engkadah lalu bejaku, “Apai, Aku meri terima kasih ngagai Nuan, laban Nuan udah ninga Aku.\\n42 Aku nemu Nuan endang seruran ninga Aku, tang Aku udah nyebut tu ke penguntung sida ke bediri ditu, ngambika sida nemu arapka Nuan udah ngirumka Aku.”\\n43 Lebuh Iya udah nyebut nya, Iya lalu ngangau enggau nyawa ti inggar, “Lasarus, pansut nuan!”\\n44 Orang ke mati nya lalu pansut. Kaki jari iya ditanchang ngena urik kain, lalu mua iya dibalut ngena kain. Jesus lalu bejaku ngagai sida, “Buka kain nya ari iya, ngambika iya ulih bejalai.”\\n45 Naya alai, mayuh orang Judah ke udah datai enggau Maria, lalu udah meda utai ti dikereja Jesus, arapka Iya.\\n46 Tang sekeda sida mansang ngagai orang Parisi, lalu madahka utai ti udah dikereja Iya.\\n47 Nya alai sida tuai imam enggau orang Parisi lalu mai raban Kunsil baum, lalu bejaku, “Nama utai ti patut dikereja kitai? Orang tu ngereja mayuh kereja ajih.\\n48 Enti kitai nejuka Iya majak ngereja nya, semua orang deka arapka Iya, lalu orang Rome deka datai lalu ngerusak Rumah Sembiang enggau bansa kitai.”\\n49 Tang siku ari bala sida, ke benama Kaiapas, ke nyadi imam besai taun nya, lalu bejaku ngagai sida, “Kita nadai nemu utai!\\n50 Kita enda nemu, manah agi enti siku orang mati ngarika orang mayuh, ari ke nejuka semua bansa kitai dirusak.”\\n51 Kaiapas ukai nyebut nya ari peneka iya empu, tang laban iya nyadi imam besai taun nya, iya benabi madahka Jesus deka mati ngarika bansa orang Judah,\\n52 lalu ukai semina ke bansa orang Judah aja, tang kena ngempuruka semua nembiak Allah Taala ke ngachir pendiau.\\n53 Nya alai berengkah ari nya, sida lalu bekira deka munuh Iya.\\n54 Nya alai Jesus enda agi ngayanka Diri begulai enggau orang Judah, tang mupuk ari nya ngagai nengeri Epraim ba menua ti semak menua puang, lalu diau dia enggau sida murid Iya.\\n55 Nyadi Gawai Paska nyau semak, lalu mayuh orang datai ari menua pesisir ngagai Jerusalem, deka nuchi diri sebedau Gawai Paska.\\n56 Sida begigaka Jesus, lalu bejaku enggau pangan diri lebuh sida bediri dalam Rumah Sembiang, “Nama pikir kita? Kati Iya deka datai ngagai Gawai tu?”\\n57 Nyadi sida tuai imam enggau orang Parisi udah meri atur: barang sapa nemu endur alai Jesus, patut madah ngagai sida, ngambika sida nangkap Iya.\\nMaria Nata Jesus\\n1 Enam hari sebedau Gawai Paska, Jesus datai di Betani, endur alai Lasarus diau, orang ke udah diangkatka Jesus ari mati.\\n2 Dia sida nyendiaka makai lemai ke Jesus. Marta mela pemakai, lalu Lasarus bisi enggau orang ba mija nya enggau Jesus.\\n3 Maria lalu ngambi sebutul minyak wangi ti berega, ti digaga ari narwasti ti tulin, nata kaki Jesus, lalu ngendas kaki Jesus ngena buk iya. Bau rengut minyak nya nyau bealun-alun dalam rumah nya.\\n4 Tang Judas Iskariot, siku ari murid Iya, ke deka nyual Iya, bejaku,\\n5 “Nama kebuah minyak wangi nya enda dijual ngena rega tiga ratus singkap duit pirak lalu duit nya diberi ngagai orang ke seranta?”\\n6 (Iya nyebut nya, ukai laban iya ibuhka orang ke seranta, tang laban iya penchuri. Iya nyaga sarang duit sida, lalu iya selalu ngenchuri duit ari sarang duit nya.)\\n7 Jesus lalu bejaku, “Anang ngachau iya! Iya meli minyak nya ngambika iya nyimpan minyak nya kena nyendiaka Aku dikubur.\\n8 Kita seruran bisi orang ke seranta enggau kita, tang Aku enda seruran enggau kita.”\\nBepekat Deka Munuh Lasarus\\n9 Lebuh bala orang Judah ninga Jesus bisi dia, sida lalu mansang kia, ukai semina ketegal Jesus, tang laban sida deka meda Lasarus, ke udah diangkatka Iya ari mati.\\n10 Nya alai bala tuai imam mega ngiga jalai munuh Lasarus,\\n11 laban ketegal iya mayuh orang Judah ninggalka sida, lalu arapka Jesus.\\nJesus Tama Nengeri Jerusalem\\n12 Hari siti, bala orang mayuh ke udah datai ngagai Gawai nya, ninga Jesus deka datai di Jerusalem.\\n13 Nya alai sida lalu ngambi dan kayu engkerema, lalu mansang ngambat Iya enggau panjung, “Hosanna! Beberekat meh Iya ke datai dalam nama Tuhan, ke Raja orang Israel!”\\n14 Jesus tetemuka siku keledai lalu nepan jelu nya. Munyi ti udah ditulis:\\n15 “Anang takut, kita anak indu Sion! Peda kita, Raja kita datai, nepan anak keledai!”\\n16 Sida murid Iya enda meretika utai nya lebuh maya nya, tang lebuh Jesus udah dimuliaka, nya baru sida ingatka utai tu udah ditulis pasal Iya, enggau utai ti udah dikereja ngagai Iya.\\n17 Nya alai bala orang ke udah enggau Jesus lebuh Iya ngangauka Lasarus pansut ari kubur lalu ngangkatka Lasarus ari mati, majak besaksika pasal nya.\\n18 Orang mayuh betemu enggau Jesus laban sida ninga Iya udah ngereja kereja ajih nya.\\n19 Orang Parisi lalu bejaku enggau pangan diri, “Kitai enda ulih ngereja utai. Peda kita, semua dunya bela nitihka Iya!”\\nSekeda Orang Gerika Deka Betemu Enggau Jesus\\n20 Sekeda orang Gerika bisi mega datai enggau nyembah Allah Taala lebuh gawai nya.\\n21 Sida datai ngagai Philip, ke berasal ari Betsaida di menua Galili, lalu bejaku ngagai iya, “Tuan, kami keran deka betemu enggau Jesus.”\\n22 Philip lalu madah ngagai Andrew. Seduai iya lalu madah ngagai Jesus.\\n23 Jesus lalu nyaut seduai iya, “Maya udah datai alai Anak Mensia deka dimuliaka.\\n24 Enggau bendar Aku madah ngagai seduai, enti leka gandum enda labuh ke tanah lalu mati, iya deka mengkang semina leka aja. Tang enti iya mati, iya deka bebuah lebat.\\n25 Orang ke sayauka nyawa diri, deka ngelenyauka iya, lalu orang ke begedika nyawa diri di dunya tu, deka bulih pengidup ti meruan belama iya.\\n26 Barang sapa deka betuaika Aku, enda tau enda nitihka Aku, lalu dia alai Aku, dia meh endur alai orang ke betuaika Aku. Apai deka ngemesaika orang ke betuaika Aku.\\nJesus Bejakuka Pasal Pemati Diri\\n27 “Diatu ati Aku balat tusah. Kati Aku patut nyebut -- ‘Apai, lepaska Aku ari maya tu’? Enda patut, laban nya meh kebuah Aku udah datai ngagai maya tu.\\n28 Apai, muliaka nama Nuan!” Nyawa lalu bejaku ari serega, “Aku udah ngemuliaka iya, lalu Aku deka ngemuliaka iya baru.”\\n29 Bala orang ke bediri dia bisi ninga munyi nyawa nya, lalu ngumbai nya guntur. Ku sida ti bukai bejaku, “Siku melikat udah bejaku ngagai Iya!”\\n30 Jesus lalu nyaut, “Nyawa nya bejaku ke penguntung kita, ukai ke penguntung Aku.\\n31 Tu meh maya dunya deka diakim. Diatu iya ke merintah dunya tu deka diburu.\\n32 Lalu lebuh Aku diangkatka ari dunya, Aku deka ngaul semua orang ngagai Aku Empu.”\\n33 Iya nyebut nya kena Iya nunjukka gaya chara Iya deka mati.\\n34 Orang mayuh lalu nyaut Iya, “Kami udah ninga ari Adat, madahka Kristus deka idup belama iya. Nya alai, kati ku Nuan madahka Anak Mensia enda tau enda diangkatka? Sapa Anak Mensia nya?”\\n35 Disaut Jesus, “Penampak deka begulai enggau kita semina enda lama da agi. Bejalai meh kita kala lebuh kita agi bisi penampak, ngambika pemetang enda ulih nitihka kita. Enti kita bejalai dalam petang, kita enda nemu tunga kita deka bejalai.\\n36 Arapka penampak, kala lebuh kita agi bisi penampak, ngambika kita nyadi anak penampak.”\\nOrang mayuh Enda Arap\\nLebuh Jesus udah nyebut nya, Iya mupuk lalu belalai ari sida.\\n37 Taja pen Iya udah ngereja mayuh macham kereja ajih di mua sida, sida mengkang enda arapka Iya.\\n38 Tu kena ngamatka jaku ti udah disebut nabi Isaiah: “Tuhan, sapa udah arapka pesan ti ditusui kami, lalu ngagai sapa kuasa Tuhan udah dipandangka?”\\n39 Nya alai, sida enda ulih arap, laban Isaiah mega nyebut,\\n40 “Iya udah ngasuh mata sida buta lalu ngasuh ati sida kieh, ngambika sida enda ulih meda ngena mata sida, lalu enda ulih mereti ngena ati sida lalu nguing -- lalu Aku ngeraika sida.”\\n41 Isaiah nyebut nya laban iya meda mulia Jesus, lalu bejakuka pasal Jesus.\\n42 Taja pia, mayuh tuai orang Judah arapka Jesus. Tang sida enda ngaku nya laban sida takutka orang Parisi, laban sida takutka diri dibuai ari balai gempuru,\\n43 laban sida rindu agi dipuji mensia, ari ke dipuji Allah Taala.\\n44 Jesus lalu bejaku enggau nyawa ti inggar, “Barang sapa arapka Aku, ukai arapka Aku, tang arapka Iya ke ngirumka Aku.\\n45 Lalu barang sapa meda Aku, meda Iya ke ngirumka Aku.\\n46 Aku udah datai nyadika penampak dunya, ngambika semua orang ke arapka Aku enda agi diau dalam pemetang.\\n47 Aku enda ngakim orang ke ningaka pesan Aku, lalu enda ngasika pesan nya, laban Aku ukai datai ngakim dunya, tang nyelamatka dunya.\\n48 Orang ke nulak Aku, lalu enda nerima pesan Aku, bisi siku hakim. Ba pengujung dunya, jaku ti udah disebut Aku deka nyadi hakim sida,\\n49 laban Aku ukai bejaku ari peneka Aku Empu, tang Apai ke ngirumka Aku udah meri Aku pesan pasal utai ti enda tau enda disebut Aku.\\n50 Lalu Aku nemu, pesan Iya meri pengidup ti meruan belama iya. Nya alai, Aku semina nyebut utai ti diasuh Apai.”\\nJesus Masu Kaki Bala Murid Iya\\n1 Sebedau Gawai Paska berengkah, Jesus nemu maya endang udah datai alai Iya deka ninggalka dunya tu, lalu mupuk ngagai Apai. Iya endang seruran rinduka nembiak Iya ke di dunya tu, lalu Iya rinduka sida datai ke ujung.\\n2 Sebedau sida makai lemai, Sitan endang udah nepu ke dalam ati Judas anak Iskariot runding ti deka nyual Jesus.\\n3 Jesus nemu Apai udah meri semua kuasa ngagai Iya. Iya mega nemu Diri endang datai ari Allah Taala, lalu deka pulai ngagai Allah Taala.\\n4 Iya angkat ari mija, muka serayung Iya, lalu nanchangka kain mandi ba punggung Iya.\\n5 Udah nya Iya nuang ai ke dalam bisin, lalu belabuh masu kaki sida murid, lalu ngendas kaki sida ngena kain mandi ti udah ditanchangka Iya ba punggung Iya.\\n6 Iya datai ngagai Simon Peter. Peter lalu bejaku enggau Iya, “Tuhan, kati Nuan deka masu kaki aku?”\\n7 Jesus lalu bejaku ngagai iya, “Diatu Nuan enda nemu utai ti dikereja Aku, tang ila baru nuan nemu.”\\n8 Peter lalu bejaku ngagai Iya, “Nuan enda tau sekali-kali masu kaki Aku!” Jesus lalu nyaut iya, “Enti Aku enda masu nuan, nuan nadai ungkup ba Aku.”\\n9 Simon Peter lalu bejaku, “Tuhan, enti pia, anang semina masu kaki aku! Basu mega jari enggau pala aku!”\\n10 Ku Jesus bejaku ngagai iya, “Orang ke udah mandi, enda ibuh masu diri, kelimpah ari masu kaki iya. Lalu kita tu tuchi, tang ukai semua kita tuchi.”\\n11 Laban Iya nemu sapa ke deka nyual Iya. Nya kebuah Iya nyebut, “Ukai semua kita tuchi.”\\n12 Lebuh Iya udah masu kaki sida, lalu udah ngerasukka serayung Iya baru, lalu pulai baru ngagai endur Iya ba mija nya, Iya lalu bejaku ngagai sida, “Kati kita nemu utai ti udah dikereja Aku ngagai kita?\\n13 Kita ngumbai Aku Pengajar enggau Tuhan. Nya endang amat, laban Aku endang amat Pengajar enggau Tuhan.\\n14 Nya alai, enti Aku ti Tuhan enggau Pengajar kita udah masu kaki kita, kita patut mega masu kaki pangan diri.\\n15 Laban Aku udah meri kita siti teladan, ngambika kita mega ngereja utai ti udah dikereja Aku ngagai kita.\\n16 Enggau bendar Aku madah ngagai kita, ulun nadai kala besai agi ari tuan sida, lalu orang ke dikirumka nadai kala besai agi ari orang ke ngirumka sida.\\n17 Enti kita nemu utai tu, kita bulih berekat enti kita ngereja sida.\\n18 Aku ukai bejakuka pasal semua kita. Aku nemu sapa ke udah dipilih Aku. Tang tu kena ngamatka Bup Kudus, ‘Orang ke makai roti Aku, udah ngangkatka tumbit iya deka ngelaban Aku.’\\n19 Aku madahka tu ngagai kita diatu, sebedau utai nya nyadi, ngambika, lebuh iya nyadi ila, kita deka arapka ‘Aku tu meh Iya.’\\n20 Enggau bendar Aku madah ngagai kita: barang sapa nerima orang ke dikirumka Aku, nerima Aku, lalu barang sapa nerima Aku, nerima Iya ke ngirumka Aku.”\\nJesus Madahka Diri Deka Dijual\\n21 Lebuh Jesus udah nyebut nya, ati Iya balat tusah, lalu ku Iya bejaku, “Enggau bendar Aku madah ngagai kita, siku ari bala kita deka nyual Aku.”\\n22 Sida murid lalu beperening ngagai pangan diri, enda nemu sapa ti ku Iya.\\n23 Siku ari sida murid, iya ke dikerinduka Jesus, bisi duduk ngimbai Jesus.\\n24 Simon Peter lalu ngepaika jari ngagai murid nya, minta iya nanya ngagai Jesus sapa ti ku Iya.\\n25 Murid nya lalu nyingitka diri ngagai Jesus, lalu nanya Iya, “Tuhan, sapa orang nya?”\\n26 Jesus lalu nyaut, “Orang ke deka diberi Aku roti tu, lebuh Aku udah nyepuhka roti tu ke dalam mangkuk.” Lebuh Iya udah nyepuhka roti nya, Iya lalu meri roti nya ngagai Judas anak Simon Iskariot.\\n27 Lebuh Judas udah nerima roti nya, Sitan lalu tama ngagai iya. Ku Jesus bejaku ngagai Judas, “Kereja jampat utai ti deka dikereja nuan!”\\n28 Nadai siku sida ke ba mija nya nemu kebuah Jesus nyebut nya ngagai Judas.\\n29 Sekeda sida ngumbai Jesus ngasuh Judas meli roti kena ngintu gawai, tauka meri duit ngagai orang ke seranta, laban Judas ngemataka sarang duit sida.\\n30 Nya alai lebuh Judas udah nerima roti nya, iya lalu pansut tekala nya. Hari endang udah malam.\\n31 Lebuh Judas udah mupuk, Jesus lalu bejaku, “Diatu Anak Mensia udah dimuliaka, lalu Allah Taala udah dimuliakabdalam Iya.\\n32 Enti Allah Taala dimuliaka dalam Iya, Allah Taala deka mega ngemuliaka Iya dalam Iya Empu, lalu ngemuliaka Iya diatu.\\n33 Anak, Aku semina enda lama aja agi enggau kita. Kita deka ngiga Aku. Lalu munyi ti udah dipadahka Aku ngagai orang Judah, baka nya mega Aku madah ngagai kita, ‘Kita enda ulih datai ngagai endur ti deka digagai Aku.’\\n34 Aku meri kita pesan ti baru: rinduka pangan diri. Baka Aku ke udah rinduka kita, baka nya meh kita patut rinduka pangan diri.\\n35 Enti kita rinduka pangan diri, nya baru semua orang deka nemu kita murid Aku.”\\n36 Simon Peter lalu bejaku ngagai Iya, “Tuhan, ka kini ke Nuan?” Jesus lalu nyaut, “Diatu nuan enda ulih nitihka Aku ngagai endur ti deka digagai Aku, tang ila baru nuan nitihka Aku.”\\n37 Peter lalu bejaku ngagai Iya, “Tuhan, nama kebuah aku enda ulih nitihka Nuan diatu? Aku sedia deka nyerahka nyawa aku ketegal Nuan!”\\n38 Disaut Jesus, “Kati nuan amat sedia deka nyerahka nyawa diri ketegal Aku? Enggau bendar Aku madah ngagai nuan, sebedau manuk mengkukuk nuan udah besangkalka Aku tiga kali.”\\nJesus Nya Jalai Ngagai Apai\\n1 “Anang tusah ati. Arapka Allah Taala, lalu arap mega ke Aku.\\n2 Dalam rumah Apai Aku mayuh bilik. Enti iya enda baka nya, Aku enda madah ngagai kita Aku deka kin lalu nyendiaka endur ke kita.\\n3 Lalu enti Aku mupuk lalu nyendiaka endur ke kita, Aku deka pulai kitu baru, lalu mai kita ngagai Aku Empu, ngambika dia endur alai Aku, dia mega endur alai kita.\\n4 Kita nemu jalai ngagai endur ti deka digagai Aku.”\\n5 Thomas lalu bejaku ngagai Iya, “Tuhan, kami enda nemu kini ke Nuan deka mupuk. Baka ni ku kami nemu jalai kin?”\\n6 Jesus lalu bejaku ngagai iya, “Aku tu meh jalai, pemendar, enggau pengidup. Nadai orang ulih datai ngagai Apai enti enda nengah Aku.\\n7 Enti kita ngelala Aku, kita deka mega ngelala Apai Aku. Berengkah ari diatu kita ngelala Iya, lalu udah meda Iya.”\\n8 Philip lalu bejaku ngagai Iya, “Tuhan, pandangka Apai ngagai kami, ngambika kami puas ati.”\\n9 Jesus lalu bejaku ngagai iya, “Aku lama udah begulai enggau kita, Philip, lalu nuan mengkang enda ngelala Aku? Barang sapa udah meda Aku, udah meda Apai. Nya alai nama kebuah nuan nyebut, ‘Pandangka Apai ngagai kami’?\\n10 Kati nuan enda arapka Aku dalam Apai, lalu Apai dalam Aku? Jaku ti disebut Aku ngagai kita ukai disebut Aku ari peneka Aku Empu, tang Apai ke dalam Aku ti ngereja pengawa Iya.\\n11 Arapka Aku lebuh Aku madahka Diri dalam Apai, lalu Apai dalam Aku. Tang enti kita enda arapka nya, kita patut arapka Aku ketegal utai ti udah dikereja Aku.\\n12 Enggau bendar Aku madah ngagai kita, orang ke arapka Aku, deka mega ngereja pengawa ti dikereja Aku. Indah pengawa ti besai agi ari nya deh deka dikereja sida, laban Aku mupuk ngagai Apai.\\n13 Aku deka ngereja sebarang utai ti dipinta kita dalam nama Aku, ngambika Apai dimuliaka dalam Anak.\\n14 Enti kita minta sebarang utai dalam nama Aku, Aku deka ngereja nya.\\nJesus Besemaya Deka Meri Roh Kudus\\n15 “Enti kita rinduka Aku, kita deka ngasika pesan Aku,\\n16 Lalu Aku deka minta ari Apai, lalu Iya deka meri kita siku Penyaup, ke deka diau enggau kita belama iya.\\n17 Iya nya Roh pemendar, ke enda ulih diterima dunya, laban dunya enda meda tauka ngelala Iya. Kita ngelala Iya, laban Iya diau enggau kita, lalu deka meruan dalam kita.\\n18 “Aku enda ninggalka kita baka anak patu; Aku deka datai ngagai kita.\\n19 Enda lama da agi, dunya nadai agi meda Aku, tang kita deka meda Aku. Laban Aku idup, kita deka mega idup.\\n20 Lebuh maya nya ila, kita deka nemu Aku endang dalam Apai, lalu kita dalam Aku, lalu Aku dalam kita.\\n21 “Orang ke nerima lalu ngasika pesan Aku, nya meh orang ke rinduka Aku. Lalu orang ke rinduka Aku deka dikerinduka Apai Aku, lalu Aku deka rinduka sida, lalu mandangka Diri ngagai sida.”\\n22 Judas, (ukai Judas Iskariot) lalu bejaku ngagai Iya, “Tuhan, nama kebuah Nuan deka mandangka Diri ngagai kami, lalu enda ngagai dunya?”\\n23 Ku Jesus nyaut iya, “Orang ke rinduka Aku deka ngasika pesan Aku, lalu Apai Aku deka rinduka iya, lalu kami duai Apai deka datai ngagai iya, lalu diau enggau iya.\\n24 Barang sapa enda rinduka Aku, enggai ngasika jaku Aku. Lalu jaku ti didinga kita nya ukai jaku Aku, tang jaku Apai ke ngirumka Aku.\\n25 “Aku udah nyebut utai tu lebuh Aku agi enggau kita.\\n26 Tang Penyaup, iya nya Roh Kudus, ke deka dikirumka Apai dalam nama Aku, deka ngajar kita semua utai, lalu ngasuh kita ingatka semua utai ti udah disebut Aku ngagai kita.\\n27 “Aku ninggalka pemaik ba kita. Pemaik Aku diberi Aku ngagai kita. Aku ukai meri ngena chara dunya. Anang tusah ati, lalu anang takut.\\n28 Kita udah ninga Aku nyebut ngagai kita, ‘Aku deka mupuk, lalu Aku deka datai baru ngagai kita.’ Enti kita rinduka Aku, kita deka gaga ati ninga Aku deka mupuk ngagai Apai, laban Apai besai agi ari Aku.\\n29 Diatu Aku udah madahka tu ngagai kita sebedau iya nyadi, ngambika lebuh iya nyadi, kita deka arap.\\n30 Aku enda bejaku lama agi enggau kita, laban pemerintah dunya tu deka datai. Iya nadai kuasa atas Aku,\\n31 tang Aku ngereja utai ti diasuh Apai, ngambika dunya nemu Aku rinduka Apai. Angkat. Aram kitai mupuk.”\\nJesus Nya Pun Anggur Ti Bendar\\n1 “Aku tu pun anggur ti bendar, lalu Apai Aku tukang kebun.\\n2 Iya muai ari Aku genap iti dan ti enda bebuah. Genap iti dan ti bebuah, dijarauIya, ngambika dan nya bebuah lebat agi.\\n3 Kita udah dituchi ulih jaku ti disebut Aku ngagai kita.\\n4 Meruan dalam Aku, lalu Aku deka meruan dalam kita. Dan enda ulih bebuah ngatika diri enti iya enda meruan begempung enggau pun. Baka nya mega kita; kita enda ulih bebuah enti kita enda meruan dalam Aku.\\n5 Aku tu pun anggur, kita nya dan. Orang ke meruan dalam Aku, lalu Aku meruan dalam sida, deka bebuah lebat, laban enti nadai Aku, kita enda ulih ngereja sebarang utai.\\n6 Barang sapa enda meruan dalam Aku, deka dibuai baka dan lalu layu. Dan ti baka nya deka digumpul, ditikauka ngagai api, lalu ditunu.\\n7 Enti kita meruan dalam Aku, lalu jaku Aku meruan dalam kita, pinta sebarang utai ti dikedekaka kita, lalu utai nya deka dikereja ke kita.\\n8 Apai Aku dimuliaka, enti kita bebuah lebat lalu nyadi murid Aku.\\n9 Baka Apai ke udah rinduka Aku, baka nya mega Aku udah rinduka kita. Meruan dalam pengerindu Aku.\\n10 Enti kita ngasika pesan Aku, kita deka meruan dalam pengerindu Aku, baka Aku ke udah ngasika pesan Apai, lalu meruan dalam pengerindu Iya.\\n11 Aku udah madahka utai tu ngagai kita, ngambika pengaga Aku bisi dalam kita, ngambika ati kita chukup gaga.\\n12 Tu pesan Aku: rinduka pangan diri, baka Aku ke udah rinduka kita.\\n13 Nadai orang ngembuan pengerindu ti besai agi ari tu, datai ke iya nyerahka nyawa diri ke pangan iya.\\n14 Kita pangan Aku enti kita ngasika pesan Aku.\\n15 Aku enda agi ngumbai kita ulun, laban ulun enda nemu utai ti dikereja tuan iya. Tang Aku udah ngumbai kita pangan, laban Aku udah madah ngagai kita semua utai ti didinga Aku ari Apai.\\n16 Ukai kita ke milih Aku, tang Aku ke milih kita, lalu ngasuh kita bejalai lalu bebuah lebat, buah ti tan. Nya baru Apai deka meri ngagai kita sebarang utai ti dipinta kita ari Iya dalam nama Aku.\\n17 Tu pesan ti diberi Aku ngagai kita: rinduka pangan diri.\\n18 “Enti dunya begedika kita, ingat, iya endang udah dulu begedika Aku sebedau iya begedika kita.\\n19 Enti kita enggi dunya, dunya deka rinduka kita nyadika enggi iya empu. Tang laban kita ukai enggi dunya, labanAku udah milih kita ari dunya, nya alai dunya begedika kita.\\n20 Kingatka jaku ti udah disebut Aku ngagai kita, ‘Ulun enda besai agi ari tuan iya.’ Enti sida merinsaka Aku, sida deka mega merinsaka kita. Enti sida ngasika jaku Aku, sida deka mega ngasika jaku kita.\\n21 Tang sida deka ngereja semua utai tu ngagai kita ketegal nama Aku, laban sida enda ngelala Iya ke ngirumka Aku.\\n22 Enti Aku nadai udah datai lalu bejaku ngagai sida, sida tentu enda bedosa. Tang diatu sida nadai kebuah bedosa.\\n23 Barang sapa begedika Aku, begedi mega ke Apai Aku.\\n24 Enti Aku nadai udah ngereja ba bala sida kereja ti nadai udah kala dikereja orang bukai, sida tentu enda bedosa. Tang diatu sida udah meda kereja ajih ti dikereja Aku, lalu sida begedika Kami Duai Apai.\\n25 Tu ngamatka jaku ti ditulis dalam Adat sida, ‘Sida begedika Aku enggau nadai kebuah.’\\n26 Lebuh Penyaup datai, ke deka dikirumka Aku ngagai kita ari Apai, iya nya Roh pemendar, ke datai ari Apai, Iya deka besaksika pasal Aku.\\n27 Lalu kita mega enda tau enda besaksika, laban kita udah enggau Aku kenyau ari pun.\\n1 “Aku udah madahka tu ngagai kita, ngambika kita enda ngelengkaka pengarap kita.\\n2 Sida deka muai kita ari balai gempuru. Iya ti bendar, maya deka datai alai orang ke munuh kita deka ngumbai diri ngereja nya ke Allah Taala.\\n3 Lalu sida deka ngereja nya laban sida enda ngelala Apai tauka Aku.\\n4 Tang Aku udah madahka tu ngagai kita, ngambika lebuh maya nya datai, kita ingatka utai ti dipadahka Aku ngagai kita pasal sida.\\nAku enda madahka utai tu ngagai kita ba pun iya suba, laban Aku bisi enggau kita.\\nPengawa Roh Kudus\\n5 Tang diatu Aku deka mupuk ngagai Iya ke udah ngirumka Aku. Tang taja pia, nadai siku kita nanya Aku, ‘Ka kini ke Nuan?’\\n6 Tang laban Aku udah madahka nya ngagai kita, ati kita balat tusah.\\n7 Tang enggau bendar Aku madah ngagai kita: kita untung enti aku mupuk, laban enti Aku enda mupuk, Penyaup enda datai ngagai kita. Tang enti Aku mupuk, Aku deka ngirumka Iya ngagai kita.\\n8 Lalu lebuh Iya datai, Iya deka ngayanka dunya amat salah ba pasal dosa, ba pasal pengelurus, enggau ba pasal ukum:\\n9 ba pasal dosa, laban sida enda arapka Aku;\\n10 ba pasal pengelurus, laban Aku deka mupuk ngagai Apai, lalu kita nadai meda Aku agi;\\n11 ba pasal ukum, laban iya ke merintah dunya tu udah diukum.\\n12 “Aku mayuh utai ti deka dipadahka ngagai kita, tang kita enda ulih nerima utai nya diatu.\\n13 Tang lebuh Roh pemendar datai, Iya deka ngiring kita ngagai semua pemendar, laban Iya ukai bejaku nitihka peneka Iya Empu, tang deka nyebut semua utai ti didinga Iya, lalu Iya deka madah ngagai kita semua utai ti deka nyadi.\\n14 Iya deka ngemuliaka Aku, laban Iya deka ngambi utai Aku, lalu madahka utai nya ngagai kita.\\n15 Semua utai ti dikemisi Apai endang enggi Aku magang. Nya kebuah Aku madahka Roh Kudus deka ngambi utai Aku, lalu madahka utai nya ngagai kita.\\nAti Ti Tusah Nyadi Pengaga\\n16 “Enda lama da agi, kita nadai agi meda Aku, lalu enda lama udah nya, kita deka meda Aku.”\\n17 Sekeda sida murid Iya lalu bejaku enggau pangan diri, “Nama reti utai ti dipadahka Iya ngagai kitai, ‘Enda lama da agi kita nadai agi meda Iya, lalu enda lama udah nya, kita deka meda Iya’? Lalu nama reti, ‘laban Aku mupuk ngagai Apai’?”\\n18 Ku sida, “Nama reti ‘enda lama da agi’? Nadai kitai nemu utai ti ku Iya.”\\n19 Jesus nemu sida bisi ati deka nanya Iya, nya alai Iya lalu bejaku ngagai sida, “Kati kita berandau enggau pangan diri pasal utai ti ku Aku lebuh Aku nyebut, ‘Enda lama da agi, kita nadai agi meda Aku, lalu enda lama udah nya, kita deka meda Aku’?\\n20 Enggau bendar Aku madah ngagai kita: kita deka nyabak, sereta ngulit, tang dunya deka rami gaga ati. Ati kita deka tusah ati, tang ati kita ti tusah deka bebali nyadi pengaga.\\n21 Lebuh indu radai deka beranak, iya pedis, laban maya iya udah datai. Tang lebuh iya udah ngadaka anak iya, iya enda agi ingatka pemedis nya, laban ati iya gaga ke anak ke udah diadaka ngagai dunya.\\n22 Nya alai diatu ati kita tusah, tang Aku deka betemu enggau kita baru, lalu ati kita deka gaga, lalu nadai orang ulih ngerampas pengaga nya ari kita.\\n23 Ba hari nya, kita enda agi minta utai ari Aku. Enggau bendar Aku madah ngagai kita, enti kita minta sebarang utai ari Apai dalam nama Aku, Iya deka meri utai nya ngagai kita.\\n24 Nyentuk ngagai diatu, kita nadai udah minta utai dalam nama Aku. Pinta lalu kita deka nerima, ngambika ati kita chukup gaga.\\nMenang Ngelaban Dunya\\n25 “Aku udah nyebut utai tu ngagai kita ngena jaku sempama. Tang maya deka datai alai Aku enda agi bejaku ngagai kita ngena jaku sempama, tang bejaku enggau terang pasal Apai.\\n26 Lebuh maya nya ila, kita deka minta utai dalam nama Aku. Aku ukai madahka Diri deka minta ngagai Apai ngarika kita,\\n27 laban Apai Empu rinduka kita, laban kita udah rinduka Aku lalu udah arapka Aku datai ari Allah Taala.\\n28 Aku datai ari Apai, lalu Aku udah datai ngagai dunya. Lalu diatu Aku deka ninggalka dunya lalu mupuk ngagai Apai.”\\n29 Ku sida murid Iya bejaku ngagai Iya, “Diatu baru Nuan bejaku enggau terang, ukai ngena jaku sempama.\\n30 Diatu baru kami nemu Nuan nemu semua utai, lalu Nuan enda begunaka orang betanyaka utai ngagai Nuan. Ari nya kami arapka Nuan amat datai ari Allah Taala.”\\n31 Ku Jesus nyaut sida, “Kati kita arap diatu?\\n32 Maya deka datai, lalu endang udah datai diatu, alai semua kita deka pambar, lalu genap iku kita deka pulai ngagai rumah diri empu, lalu ninggalka Aku keDiri. Tang Aku ukai keDiri, laban Apai bisi enggau Aku.\\n33 Aku udah madahka tu ngagai kita, ngambika dalam Aku kita bisi pemaik. Di dunya tu kita kena perinsa. Tang anang tusah; Aku udah ngalahka dunya.”\\nJesus Besampi Ke Sida Murid Iya\\n1 Lebuh Jesus udah nyebut nya, Iya engkadah ke langit, lalu bejaku, “Apai, maya udah datai. Muliaka Anak Nuan, ngambika Anak ngemuliaka Nuan,\\n2 laban Nuan udah meri Iya kuasa atas semua mensia, ngambika Iya ulih meri pengidup ti meruan belama iya ngagai semua orang ke udah diberi Nuan ngagai Iya.\\n3 Tu pengidup ti meruan belama iya, ngambika sida ngelala Nuan, Allah Taala ti bendar, enggau Jesus Kristus, ke dikirumka Nuan.\\n4 Aku udah ngemuliaka Nuan di dunya tu, laban Aku udah nembuka pengawa ti diasuh Nuan kereja Aku.\\n5 Nya alai diatu, Apai, muliaka Aku di mua Nuan Empu ngena mulia ti dikemisi Aku di mua Nuan sebedau dunya digaga.\\n6 “Aku udah madahka nama Nuan ngagai orang ke udah diberi Nuan ngagai Aku ari dunya tu. Sida endang enggi Nuan, lalu Nuan udah meri sida ngagai Aku, lalu sida udah ngasika jaku Nuan.\\n7 Diatu sida nemu, semua utai ti udah diberi Nuan ngagai Aku endang ari Nuan magang,\\n8 laban jaku ti diberi Nuan ngagai Aku, udah diberi Aku ngagai sida, lalu sida udah nerima jaku nya, lalu nemu enggau bendar Aku amat datai ari Nuan, lalu sida udah arapka Nuan udah ngirumka Aku.\\n9 Aku besampika sida. Aku ukai besampika dunya, tang ke sida ke udah diberi Nuan ngagai Aku, laban sida endang enggi Nuan.\\n10 Semua utai Aku endang enggi Nuan magang, lalu semua utai Nuan endang enggi Aku magang, lalu Aku udah dimuliaka dalam sida.\\n11 Lalu diatu Aku nadai agi di dunya, tang sida agi mengkang di dunya, lalu Aku mupuk ngagai Nuan. Apai ti Kudus, jaga sida ngena kuasa nama Nuan, nama ti udah diberi Nuan ngagai Aku, ngambika sida nyadi siku, baka Tua ke endang siku.\\n12 Lebuh Aku agi enggau sida, Aku udah nyaga sida ngena kuasa nama Nuan, nama ti udah diberi Nuan ngagai Aku. Aku udah nyaga sida, lalu nadai siku sida lenyau, kelimpah ari siku ke endang diletak deka lenyau, ngambika Bup Kudus dikamatka.\\n13 Tang diatu Aku deka datai ngagai Nuan, lalu Aku nyebut utai tu di dunya tu, ngambika pengaga Aku nyadi pemadu chukup dalam sida.\\n14 Aku udah meri pesan Nuan ngagai sida, lalu dunya udah begedika sida, laban sida ukai enggi dunya, baka Aku ke ukai enggi dunya.\\n15 Aku ukai minta Nuan ngambi sida ari dunya, tang minta Nuan nyaga sida ari iya ti jai.\\n16 Sida ukai enggi dunya, baka Aku ke ukai enggi dunya.\\n17 Kuduska sida dalam pemendar. Jaku Nuan nya pemendar.\\n18 Baka Nuan ke udah ngirumka Aku ngagai dunya, baka nya mega Aku ngirumka sida ngagai dunya.\\n19 Lalu ketegal sida, Aku nguduska Diri Empu, ngambika sida mega dikuduska dalam pemendar.\\n20 “Aku ukai semina besampika sida aja, tang mega besampi ke orang ke arapka Aku ulih pesan ti dibai sida,\\n21 ngambika semua sida nyadi siku. Baka Nuan, Apai, ke dalam Aku, lalu Aku dalam Nuan, awakka sida mega dalam Tua, ngambika dunya arapka Nuan udah ngirumka Aku.\\n22 Mulia ti udah diberi Nuan ngagai Aku, udah diberi Aku ngagai sida, ngambika sida nyadi siku, baka Tua ke endang siku,\\n23 Aku dalam sida, lalu Nuan dalam Aku, ngambika sida nyadi siku, ngambika dunya nemu Nuan udah ngirumka Aku, lalu udah rinduka sida, baka Nuan ke udah rinduka Aku.\\n24 Apai, Aku mega dekaka sida ke udah diberi Nuan ngagai Aku, begulai enggau Aku ba endur alai Aku diau, ngambika sida meda mulia Aku ti udah diberi Nuan ngagai Aku laban Nuan udah rinduka Aku kenyau ari sebedau dunya digaga.\\n25 Apai ti lurus! Dunya enda ngelala Nuan, tang Aku ngelala Nuan, lalu sida nemu Nuan udah ngirumka Aku.\\n26 Aku udah madahka nama Nuan ngagai sida, lalu Aku deka majak ngasuh sida nemu nama Nuan, ngambika pengerindu Nuan ke Aku bisi dalam sida, lalu Aku dalam sida.”\\n1 Lebuh Jesus udah badu besampi, Iya enggau sida murid Iya lalu meraka Lebak Kidron, ngagai siti endur ti bisi sebidang kebun. Jesus enggau murid Iya lalu tama ngagai kebun nya.\\n2 Nyadi Judas, ke udah nyual Iya, mega nemu endur nya, laban Jesus udah suah begempuru dia enggau sida murid Iya.\\n3 Nya alai Judas mai seraban soldadu, enggau bala polis ari sida tuai imam enggau orang Parisi, lalu sida datai dia bebaika lampu, sempun enggau senyata.\\n4 Udah nya Jesus, ke nemu semua utai ti deka nyadi ba Iya, mansang ke mua lalu nanya sida, “Sapa orang ke digiga kita?”\\n5 Sida lalu nyaut, “Jesus orang Nasaret.” Jesus lalu nyaut, “Aku meh tu.” Judas, ke nyual Iya, bisi bediri dia enggau sida.\\n6 Lebuh Jesus nyebut ngagai sida, “Aku meh tu,” sida nyurutka diri lalu rebah ke tanah.\\n7 Iya lalu nanya sida baru, “Sapa orang ke digiga kita?” Sida lalu nyaut Iya, “Jesus orang Nasaret.”\\n8 Jesus lalu nyaut sida, “Aku udah madahka Diri ngagai kita. Nya alai, enti kita ngiga Aku, lepaska sida tu.”\\n9 Tu ngamatka jaku ti udah disebut Iya, “Nadai siku sida ke udah diberi Nuan ngagai Aku, lenyau.”\\n10 Simon Peter, ke bisi mai pedang, lalu nyintak pedang iya, lalu mantap ulun imam besai, mutuska pending kanan iya. Nama ulun nya Malkus.\\nJesus Dibai Ngagai Anas\\n12 Bala soldadu enggau kepala sida, enggau bala polis orang Judah nangkap Jesus, lalu nanchang Iya.\\n13 Terubah, sida mai Iya ngagai Anas, mentua lelaki Kaiapas ke nyadi imam besai ke taun nya.\\n14 Kaiapas nya meh orang ke udah meri jaku lalau ngagai orang Judah, madahka manah agi enti siku orang mati ngarika semua orang mayuh.\\n15 Simon Peter enggau siku murid ti bukai nitihka Jesus. Laban murid ke siku nya dikelala imam besai, iya tama enggau Jesus ngagai tengah laman rumah imam besai,\\n16 tang Peter bediri di luar, ba mua pintu. Nya alai murid ke siku nya, ke dikelala imam besai, pansut lalu bejaku enggau indu ke nyaga mua pintu, lalu mai Peter tama.\\n17 Indu ke nyaga mua pintu nya lalu bejaku ngagai Peter, “Nuan tu siku ari murid orang nya, ukai enda?” “Ukai,” ku Peter nyaut.\\n18 Nyadi bala orang gaji enggau orang polis udah nungkun api, laban hari chelap, lalu sida bediri bekindu ngelingi api nya. Peter mega bediri bekindu enggau sida.\\nImam Besai Nanya Jesus\\n19 Imam besai lalu nanya Jesus pasal sida murid Iya, enggau pasal ajar Iya.\\n20 Disaut Jesus, “Aku udah bejaku enggau terang di mua semua orang. Aku udah seruran ngajar dalam balai gempuru enggau dalam Rumah Sembiang, alai orang Judah ke begempuru. Aku nadai kala belalai bejaku.\\n21 Nama kebuah nuan nanya Aku? Tanya orang ke udah ninga Aku pasal jaku ti disebut Aku ngagai sida. Sida nemu utai ti udah disebut Aku.”\\n22 Lebuh Jesus udah nyebut nya, siku polis lalu nampar mua Iya, ku polis nya bejaku, “Kati nya jalai Nuan nyaut imam besai?”\\n23 Jesus lalu nyaut iya, “Enti Aku udah salah jaku, padahka penyalah nya ngagai Aku. Tang enti Aku nadai udah salah jaku, nama kebuah nuan nampar Aku?”\\n24 Anas lalu ngasuh orang mai Jesus, ke mengkang ditanchang, ngagai Imam Besai Kaiapas.\\nPeter Besangkal Baru Ke Jesus\\n25 Nyadi Peter benung bediri bekindu. Sida lalu nanya iya, “Nuan tu siku ari murid orang nya, ukai enda?” Peter lalu besangkal. “Ukai.”\\n26 Siku ulun imam besai, kaban belayan orang ke udah putus pending dipantap Peter, lalu nanya, “Ukai enda nuan tu ke dipeda aku dalam kebun nya tadi?”\\n27 Peter lalu besangkal baru. Lebuh maya nya manuk lalu mengkukuk.\\n28 Sida lalu mai Jesus ari rumah Kaiapas, ngagai istana gabenor. Hari lebuh maya nya agi tumu pagi. Sida enda tama ngagai istana, enggai ke sida enda tuchi lalu enda ulih makai pemakai Gawai Paska.\\n29 Nya alai Pilate pansut ke luar ngagai sida, lalu nanya, “Nama dawa kena kita ngelaban orang tu?”\\n30 Disaut sida. “Enti orang tu nadai udah ngereja penyalah, kami tentu enda nyerahka Iya kitu ngagai nuan.”\\n31 Pilate lalu bejaku ngagai sida, “Bai Iya ari tu ulih kita, lalu akim Iya nitihka adat kita empu.”\\nSida orang Judah lalu nyaut, “Kami enda tau munuh orang.” (\\n32 Tu ngamatka jaku Jesus Empu, lebuh Iya madahka gaya pemati ti deka ditatka Iya.)\\n33 Pilate lalu pulai baru ke dalam istana, ngangauka Jesus, lalu nanya Iya, “Kati Nuan Raja orang Judah?”\\n34 Disaut Jesus, “Kati nuan nyebut nya ari ati nuan empu, tauka orang bukai bisi udah madah ngagai nuan pasal Aku?”\\n35 Pilate lalu nyaut, “Kati aku tu orang Judah? Bansa Nuan Empu enggau sida tuai imam udah nyerahka Nuan ngagai aku. Nama utai ti udah dikereja Nuan?”\\n36 Disaut Jesus, “Perintah Aku ukai ari dunya tu. Enti perintah Aku ari dunya tu, bala orang ke nitihka Aku tentu deka ngelaban ngambika Aku enda diserahka ngagai orang Judah. Tang perintah Aku ukai ari dunya tu.”\\n37 Pilate lalu nanya Iya, “Reti nya Nuan tu Raja?” Disaut Jesus, “Nuan ngumbai Aku Raja. Nya meh kebuah Aku ada, lalu ketegal nya meh Aku udah datai ngagai dunya, ngambika Aku besaksika pasal\\npemendar. Semua nembiak pemendar mendingka nyawa Aku.”\\n38 Pilate lalu nanya Iya, “Nama utai ti dikumbai pemendar?”\\nLebuh Pilate udah nyebut nya, iya pansut baru ke luar ngagai orang Judah, lalu madah ngagai sida, “Aku nadai nemu penyalah Iya.\\n39 Tang kita bisi siti adat asal ti ngasuh aku ngelepaska siku orang tutup ke kita lebuh Gawai Paska. Kati kita dekaka Aku ngelepaska Raja orang Judah tu ke kita?”\\n40 Sida lalu manjung nyaut iya, “Ukai Iya, tang Barabas!” Nyadi Barabas nya siku perumpak.\\n1 Udah nya Pilate mai Jesus lalu ngasuh Iya disipat.\\n2 Sida soldadu lalu ngaga siti makota duri, lalu ngengkahka makota nya ba pala Iya, lalu ngerasukka baju panjai ti ungu ba Iya.\\n3 Udah nya sida majak mansang ngagai Iya, ku sida, “Tabi, Raja orang Judah!” lalu nampar mua Iya.\\n4 Pilate pansut baru, lalu bejaku ngagai sida, “Peda kita, aku mai Iya pansut ngagai kita, ngambika kita nemu aku nadai nemu penyalah Iya.”\\n5 Nya alai Jesus pansut, ngena makota duri, enggau baju panjai ti ungu. Pilate lalu bejaku ngagai sida, “Tu Iya!”\\n6 Lebuh sida tuai imam enggau bala polis meda Iya, sida manjung, “Regang Iya! Regang Iya!”\\nPilate lalu bejaku ngagai sida, “Bai Iya enggau kita, lalu regang Iya. Aku nadai nemu penyalah Iya.”\\n7 Orang Judah lalu nyaut iya, “Kami bisi adat, lalu nitihka adat nya, Iya enda tau enda mati, laban Iya udah ngumbai Diri Anak Allah Taala.”\\n8 Lebuh Pilate ninga nya, iya lalu balat agi takut.\\n9 Iya tama baru ke dalam istana,lalu nanya Jesus, “Ari ni penatai Nuan?” Tang Jesus enda nyaut.\\n10 Nya alai ku Pilate bejaku ngagai Iya, “Kati Nuan enggai bejaku enggau aku? Kati Nuan enda nemu aku bisi kuasa ngelepaska Nuan, enggau kuasa ngeregang Nuan?”\\n11 Jesus lalu nyaut iya, “Nuan nadai kuasa atas Aku enti kuasa nya enda diberi ari atas. Nya alai orang ke nyerahka Aku ngagai nuan besai agi dosa ari nuan.”\\n12 Berengkah ari nya Pilate lalu nguji ngiga jalai ngelepaska Iya. Tang ku orang Judah manjung, “Enti nuan ngelepaska orang tu, nuan ukai pangan Raja Besai! Barang sapa ngumbai diri raja, sigi ngelaban Raja Besai!”\\n13 Lebuh Pilate ninga nya, iya lalu mai Jesus pansut, lalu duduk ba penuduk hakim, ba endur ti dikumbai “Geladak Batu” (reti nya “Gabata” dalam Hebrew.)\\n14 Hari nya Hari Alai Nyendiaka Gawai Paska. Hari lebuh maya nya nyau kira ba urung tengah hari. Pilate lalu bejaku ngagai orang Judah, “Tu Raja kita!”\\n15 Sida lalu manjung, “Bunuh Iya! Bunuh Iya! Regang Iya!” Pilate lalu nanya sida, “Kati kita ngasuh Aku ngeregang Raja kita?” Sida tuai imam lalu nyaut, “Kami nadai raja bukai, kelimpah ari Raja Besai!”\\n16 Pilate lalu nyerahka Jesus ngagai sida, ngambika Iya diregang.\\nSida lalu mai Jesus.\\n17 Jesus lalu bejalai, ngesan regang Iya Empu, ngagai siti endur ti dikumbai “Endur Keruntuk,” ti dikumbai Golgota dalam Hebrew.\\n18 Dia sida lalu ngeregang Iya, enggau dua iku orang bukai, siku ari sepiak-sepiak Iya, lalu Jesus ba entara seduai iya.\\n19 Pilate mega nulis siti pelekat, lalu ngelekatka pelekat nya ba regang nya. Tu jaku ti ditulis ba pelekat nya: “Jesus orang Nasaret, Raja orang Judah.”\\n20 Mayuh orang Judah macha pelekat nya, laban endur alai Jesus ke diregang nya semak nengeri, lalu pelekat nya ditulis dalam jaku Hebrew, Latin enggau Gerika.\\n21 Sida tuai imam lalu bejaku ngagai Pilate, “Anang nulis ‘Raja orang Judah,’ tang tulis aja, ‘Orang tu ngumbai Diri Raja orang Judah.’“\\n22 Disaut Pilate, “Utai ti udah ditulis aku, mengkang ditulis.”\\n23 Lebuh bala soldadu udah ngeregang Jesus, sida ngambi gari Iya, lalu bedua gari nya ngagai empat iti bagi, sebagi ke siku-siku soldadu. Sida mega ngambi baju panjai iya, ti ditenun selajur enda dijait kenyau ari atas nyentuk ke baruh.\\n24 Nya alai ku sida bejaku enggau pangan diri, “Anang nyarikka tu, tang awakka kitai bechabut undi ke baju tu.” Tu ngamatka Bup Kudus: “Sida bedua gari Aku entara bala sida lalu bechabut undi ke baju panjai Aku.”\\n25 Llalu nya utai ti dikereja sida soldadu. Lebuh semua utai nya benung nyadi, indai Jesus, menyadi indai Iya, iya nya Maria bini Klopas, enggau Maria Magdalin bediri semak regang Jesus.\\n26 Lebuh Jesus meda indai Iya, enggau murid ke dikerinduka Iya bediri ngimbai iya, Iya lalu bejaku ngagai indai Iya, “Indu, tu anak nuan.”\\n27 Iya lalu bejaku ngagai murid nya, “Tu indai nuan.” Berengkah ari nya murid nya lalu mai indai Jesus ngagai rumah iya empu.\\n28 Udah bekau nya, lebuh Jesus nemu semua utai udah tembu magang, Iya lalu bejaku, “Aku aus.” Tu ngamatka Bup Kudus.\\n29 Ba endur nya bisi sigi kebuk ti penuh laban wain ti masam. Nya alai sida ngengkahka siti bungai karang ti penuh laban wain ti masam nya ba pating isop, lalu nuatka utai nya ngagai mulut Iya.\\n30 Lebuh Jesus udah nerima wain nya, Iya lalu bejaku, “Udah tembu!” Iya lalu ngendukka pala, lalu ngapuska seput.\\nRusuk Jesus Direjang\\n31 Laban hari nya Hari Alai Nyendiaka Gawai, orang Judah enggai nejuka bangkai Jesus mengkang ba kayu regang lebuh hari Sabat (kelebih agi laban hari Sabat nya amat kudus). Nya alai sida lalu minta Pilate ngasuh orang matahka kaki orang ke diregang, ngambika bangkai sida tau diambi ari regang nya.\\n32 Sida soldadu mansang lalu matahka kaki orang ke terubah, enggau kaki siku ti bukai ke diregang sama enggau Jesus.\\n33 Tang lebuh sida datai ngagai Jesus, lalu meda Iya endang udah mati, sida enda matahka kaki Iya.\\n34 Tang siku soldadu ngerejang rusuk Jesus ngena sangkuh. Tekala nya darah enggau ai lalu ensambur pansut.\\n35 Siku orang ke meda nya, udah besaksika pasal utai nya, ngambika kita mega arap. Jaku saksi iya endang amat, lalu iya nemu diri endang madahka utai ti bendar.\\n36 Utai tu nyadi ngambika Bup Kudus dikamatka, “Nadai siti tulang Iya dipatahka.”\\n37 Siti agi genteran dalam Bup Kudus bisi mega nyebut, “Orang deka merening ngagai Iya ti udah direjang sida.”\\n38 Udah nya, Josep ke datai ari nengeri Arimatea, ke udah nyadi murid Jesus ngena chara belalai laban iya takutka orang Judah, minta Pilate ngemendarka iya ngambi bangkai Jesus. Pilate lalu ngemendarka nya. Nya alai Josep mansang lalu ngambi bangkai Jesus.\\n39 Nyadi Nikodimus, ke dulu ari nya udah datai ngagai Jesus lebuh malam hari, mega datai mai kira 35 kilogram mur bechampur enggau garu.\\n40 Seduai iya ngambi bangkai Jesus, lalu mungkus Iya ngena kain linin, sama enggau rempah nya, nitihka adat asal orang Judah kena nyendiaka bangkai sebedau iya dikubur.\\n41 Nyadi ba endur alai Jesus ke diregang bisi sebidang kebun, lalu ba kebun nya bisi siti kubur ti baru udah tembu digaga, ti nadai udah kala dikena alai nguburka orang.\\n42 Nya alai laban hari nya Hari Alai Nyendiaka Gawai, lalu kubur nya semak dia, seduai iya lalu ngalika Jesus dia.\\n1 Tumu pagi hari Minggu, lebuh hari agi petang, Maria Magdalin mansang ngagai kubur, lalu meda batu nya endang udah dibaringka ari mua kubur nya.\\n2 Iya lalu belanda mansang ngagai Simon Peter, enggau ngagai siku murid ke dikerinduka Jesus, lalu madah ngagai seduai iya, “Sida udah ngambi Tuhan ari kubur, lalu kami enda nemu endur alai sida udah ngengkahka Iya!”\\n3 Peter enggau murid nya mupuk lalu mansang ngagai kubur.\\n4 Seduai iya sama belanda, tang murid ti siku nya laju agi ari Peter, lalu dulu agi datai ba kubur.\\n5 Iya engkenduk lalu nilik ke dalam kubur, lalu tepedaka kain linin ti dikena mungkus Jesus, tang iya enda tama.\\n6 Udah nya Peter, ke datai dudi ari iya, tama ke dalam kubur nya, lalu tepedaka kain linin nya dia,\\n7 enggau kain ti udah dikena mungkus pala Jesus. Kain nya digulungka kediri, enda digulungka sama enggau kain linin.\\n8 Udah nya murid ti siku nya, ke dulu agi datai ba kubur nya, mega tama. Iya meda, lalu arap,\\n9 laban nyentuk ngagai maya nya, seduai iya apin meretika Bup Kudus ti madahka Jesus enda tau enda angkat ari mati.\\n10 Udah nya murid ke dua iku nya lalu pulai.\\n11 Tang Maria bediri nyabak di luar kubur. Lebuh iya nyabak, iya engkenduk lalu nilik ke dalam kubur.\\n12 Iya lalu tepedaka dua iku melikat ke ngena gari burak, duduk ba endur alai bangkai Jesus udah digalika, siku muak ari pala, lalu siku muak ari kaki.\\n13 Ku seduai iya bejaku ngagai Maria, “Indu, nama kebuah nuan nyabak?”\\nMaria lalu bejaku ngagai seduai iya, “Sida udah ngambi Tuhan aku, lalu aku enda nemu dini alai sida udah engkah Iya!”\\n14 Lebuh Maria udah nyebut nya, iya nguing, lalu tepedaka Jesus bediri dia, tang iya enda ngelala orang nya Jesus.\\n15 Jesus lalu bejaku ngagai iya, “Indu, nama kebuah nuan nyabak? Sapa digiga nuan?” Maria ngumbai orang nya tukang kebun, nya alai ku iya bejaku, “Tuan, enti nuan udah mai Iya kebukai, padahka ngagai aku endur alai nuan udah ngengkahka Iya, ngambika aku ngambi Iya.”\\n16 Jesus lalu bejaku ngagai iya, “Maria!” Maria nguing lalu bejaku ngagai Iya ngena jaku orang Hebrew, “Rabbouni!” (Reti nya “Pengajar.”)\\n17 Ku Jesus bejaku ngagai iya, “Anang megai Aku, laban Aku apin niki ngagai Apai. Tang mupuk nuan ngagai sida menyadi Aku, lalu padahka ngagai sida, Aku niki ngagai Apai Aku enggau Apai kita, ngagai Allah Taala Aku enggau Allah Taala kita.”\\n18 Maria Magdalin mupuk lalu madah ngagai sida murid, “Aku udah meda Tuhan.” Iya lalu madah ngagai sida utai ti udah disebut Tuhan ngagai iya.\\n19 Lemai hari Minggu nya, lebuh pintu udah ditutup ba endur alai sida murid begempuru laban sida takutka orang Judah, Jesus datai, lalu bediri ba tengah-tengah sida, lalu bejaku ngagai sida, “Awakka pemaik meruan enggau kita.”\\n20 Lebuh Iya udah nyebut nya, Iya mandangka jari enggau rusuk Iya ngagai sida. Sida murid lalu gaga ati meda Tuhan.\\n21 Jesus lalu bejaku baru ngagai sida, “Awakka pemaik meruan enggau kita. Baka Apai ke udah ngirumka Aku, baka nya mega Aku ngirumka kita.”\\n22 Lebuh Iya udah nyebut nya, Iya ngesuhka seput ngagai sida, lalu bejaku enggau sida “Terima meh Roh Kudus.\\n23 Enti kita ngampun dosa orang, orang nya diampun ari dosa sida. Enti kita enda ngampun dosa orang, sida enda diampun.”\\nJesus Enggau Thomas\\n24 Tang Thomas (ke dikumbai Besapit), siku ari sida ke dua belas, nadai enggau sida lebuh Jesus datai.\\n25 Nya alai sida murid ti bukai madah ngagai iya, “Kami udah meda Tuhan!” Tang ku Thomas bejaku ngagai sida, “Enti aku enda meda abi paku lawang ba jari Iya, lalu ngachukka tunjuk aku ngagai abi paku lawang nya, lalu ngengkahka jari aku ba rusuk Iya, aku enggai arap.”\\n26 Seminggu udah bekau nya, sida murid Iya begempuru baru ba rumah nya, lalu Thomas bisi enggau sida. Taja pen pintu udah ditutup, tang Jesus datai lalu bediri ba tengah-tengah sida, lalu bejaku, “Awakka pemaik meruan enggau kita.”\\n27 Iya lalu bejaku ngagai Thomas, “Engkahka tunjuk nuan ditu, lalu peda jari Aku. Unjur lalu engkahka jari nuan ba rusuk Aku. Anang kakang ati, tang arap!”\\n28 Thomas lalu nyaut Iya, “Tuhan aku, Allah Taala aku!”\\n29 Jesus lalu nyebut ngagai iya, “Kati nuan arap laban nuan udah meda Aku? Beberekat meh orang ke arap, taja pen sida enda meda Aku!”\\nTuju Bup Tu\\n30 Jesus ngereja mayuh kereja ajih ti bukai di mua sida murid Iya, ti enda dituliska dalam bup tu.\\n31 Tang utai tu ditulis ngambika kita arapka nya Kristus, Anak Allah Taala, lalu ulih pengarap kita ke Iya, kita tau bulih pengidup dalam nama Iya.\\nJesus Pegari Ngagai Tujuh Iku Murid\\n1 Udah nya, Jesus mandangka Diri baru ngagai sida murid Iya ba tebing Tasik Tiberias. Baka tu ku jalai Iya mandangka Diri.\\n2 Nyadi Simon Peter, Thomas (ke dikumbai Besapit), Natanel (ke datai ari nengeri Kana di Galili), anak Sebedi ke dua iku, enggau dua iku murid ti bukai, begempuru.\\n3 Simon Peter lalu bejaku ngagai sida, “Aku deka berikan.” Sida lalu nyebut, “Kami pen ka meh enggau nuan.” Sida mupuk lalu nepan sebuah perau, tang malam nya sida nadai bulih utai.\\n4 Lebuh mata panas baru tumbuh, Jesus bediri ba tebing, tang sida murid enda ngelala orang nya Jesus.\\n5 Jesus lalu bejaku ngagai sida, “Anak, bisi bulih utai?” Sida lalu nyaut, “Nadai.”\\n6 Iya lalu bejaku ngagai sida, “Tibarka jala kita ari tisi kanan perau. Nya baru kita deka bulih ikan.” Sida lalu nibarka jala sida, lalu sida enda ulih narit jala nya, empa pemayuh ikan.\\n7 Murid ke dikerinduka Jesus lalu bejaku ngagai Peter, “Tuhan nya!” Lebuh Simon Peter ninga orang nya Tuhan, iya lalu ngerasukka serayung iya (laban iya udah muka serayung iya) lalu terejun ke ai.\\n8 Tang sida murid ti bukai mansang ke tebing ngena perau nya, narit jala ti penuh laban ikan, laban sida enda jauh ari tebing, semina kira seratus meter aja.\\n9 Lebuh sida udah niki ke tebing, sida meda api endang udah menyadi lalu ikan enggau roti benung dipanggang ba api nya.\\n10 Jesus lalu bejaku ngagai sida, “Bai kitu sekeda ikan ti baru udah ulih kita nya.”\\n11 Simon Peter lalu nepan ngagai perau nya, lalu narit jala nya ke tebing, penuh laban ikan ti besai, seratus lima puluh tiga iku semua ikan nya. Tang taja pen ikan nya mayuh, jala nya enda charik.\\n12 Ku Jesus bejaku ngagai sida, “Aram makai.” Siku pen nadai ga sida murid berani nanya Iya, “Sapa Nuan tu?” laban sida nemu Iya endang amat Tuan.\\n13 Jesus mansang ngagai sida, ngambi roti, lalu nyuaka roti nya ngagai sida. Iya mega nyuaka ikan ngagai sida.\\n14 Tu ketiga kali Jesus udah mandangka Diri ngagai sida murid udah bekau Iya ke diangkatka ari mati.\\nJesus Enggau Peter\\n15 Lebuh sida udah badu makai, Jesus lalu bejaku ngagai Simon Peter, “Simon anak John, kati nuan rinduka Aku lebih ari sida ti bukai tu rinduka Aku?” Disaut Peter, “Sigi amat, Tuhan. Nuan nemu aku rinduka Nuan.” Lalu ku Jesus bejaku ngagai iya, “Beri anak domba Aku makai.”\\n16 Jesus lalu nanya iya kedua kali, “Simon anak John, kati nuan rinduka Aku?” Peter lalu nyaut Iya, “Sigi amat, Tuhan. Nuan nemu aku rinduka Nuan.” Jesus lalu bejaku ngagai iya, “Ibun bedus Aku.”\\n17 Jesus lalu nanya iya ketiga kali, “Simon anak John, kati nuan rinduka Aku?” Peter lalu tusah ati laban Jesus nanya iya ketiga kali, “Kati nuan rinduka Aku?” Nya alai ku iya bejaku ngagai Jesus, “Tuhan, Nuan nemu semua utai. Nuan nemu aku rinduka Nuan!” Jesus lalu bejaku ngagai iya, “Beri bedus Aku makai.\\n18 Enggau bendar Aku madah ngagai nuan, lebuh nuan agi biak, nuan nanchangka belulang ke diri empu, lalu nuan bejalai ngagai sebarang endur nuan deka. Tang lebuh nuan nyau tuai, nuan deka ngunjurka jari nuan, lalu orang bukai deka nanchangka belulang ba nuan, lalu mai nuan ngagai endur ti enggai digusung nuan.”\\n19 (Jesus nyebut nya kena Iya madahka gaya pemati Peter kena Peter ngemuliaka Allah Taala.) Udah nya Jesus lalu bejaku ngagai iya, “Titihka Aku!”\\nJesus Enggau Murid Ke Dikerinduka Iya\\n20 Peter nguing, lalu tepedaka murid ke dikerinduka Jesus, nitihka seduai iya. Nya meh murid ke udah duduk semak Jesus lebuh sida makai, lalu udah nanya, “Tuhan, sapa orang ke deka nyual Nuan?”\\n21 Lebuh Peter meda murid nya, iya lalu bejaku ngagai Jesus, “Tuhan, kati ku baka iya?”\\n22 Jesus lalu nyebut ngagai Peter, “Enti ari peneka Aku iya mengkang idup nyentuk ngagai maya Aku datai, baka ni ku nya tau ngawa nuan? Titihka Aku!”\\n23 Nya alai berita pasal nya lalu ngelekai ba bala orang ke nitihka Jesus, madahka murid nya enda nemu mati. Tang Jesus nadai madahka murid nya enda nemu mati. Utai ti ku Jesus nya, “Enti ari peneka Aku iya mengkang idup nyentuk ngagai maya Aku datai, baka ni ku nya tau ngawa nuan?”\\n24 Iya nya meh murid ke besaksi lalu udah nuliska utai tu, lalu kami nemu, saksi iya amat magang.\\n25 Tang mayuh mega utai bukai udah dikereja Jesus. Enti sema semua utai nya dituliska magang, jangka aku, dunya tu pen enda meh umbas alai nyimpan semua bup ti deka ditulis nya.","num_words":18946,"character_repetition_ratio":0.082,"word_repetition_ratio":0.004,"special_characters_ratio":0.227,"stopwords_ratio":0.379,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"MACEOS chakah mantu anak Penan – Suara Sarawak – Bukan Sekadar Akhbar\\nYou are here:Home-RUAI-MACEOS chakah mantu anak Penan\\nMACEOS chakah mantu anak Penan\\n“Taun tu kami ngarapka sebagi ari rega tikit nyereta TGRZ deka diberi ngagai raban Penan dikena ngemansangka pelajar nembiak enggau kualiti pengidup sida.”\\nKUCHING: Great Rimba Zumbathon (TGRZ) ti diatur Gerempung Pengatur Konvensyen enggau Mandangka Barang Malaysia (MACEOS) Sarawak ngandalka bulih urung RM2,000 dikena mantu anak Penan ba pekara pelajar.\\nChairperson MACEOS Gracie Geikie madah tu sebengkah tanggungpengawa rama koporat (CSR) sida dikena nyukung nembiak Penan ba menua pesisir awakka bulih pelajar sekula ti meruan.\\n“Taun tu kami ngarapka sebagi ari rega tikit nyereta TGRZ deka diberi ngagai raban Penan dikena ngemansangka pelajar nembiak enggau kualiti pengidup sida.\\n“Kelimpah mantu raban Penan, raban penyereta mega bulih pemaik ari aktiviti bepengerai baka tanda zumba,” ku iya.\\nGracie bejaku munyi nya maya bejadi TGRZ di Balai Gerempung Dayak Bidayuh Nasional ditu, kemari.\\nTandu iya, urung 250 iku mensia mayuh ti ngambi bagi dalam nyereta tanda zumba kemari.\\n“Kami mega ngagauka ‘Pakar’ Pelajar Zumba Seon Young Moon tauka Zes Nana ari Korea Selatan ngambika ngajar bala penyereta betanda zumba kelimpah ngerami sida.\\n“Mensia mayuh mega ulih sedar pemadu guna nyaga pengerai ari ‘besenam’ sereta ngurangka gemuk kelebih agi nembiak di Sarawak,” ku iya.\\nKu iya kelimpah TGRZ sida mega bisi ngatur pekara ngelakuka barang baka bejual marik Bansa Bidayuh, beperesa pengerai ari Opis Pengerai, bazar pemakai, chabut tikit benasip sereta licha peransang ngagai nembiak sekula.\\n“Kami seruran ngatur TGRZ tiap bulan ngambika ulih mantu sida ti beguna bantu kelebih agi ba pekara pelajar,” ku iya.\\nGracie Geikie (empat kiba) begulai engga bala bukai nekan terumpet kelai bejadi TGRZ di Balai Gerempung Dayak Bidayuh Nasional ditu, kemari. -Gambar RAMIDI SUBARI\\nBy Indun Silong|2019-08-11T15:12:03+08:00August 11th, 2019|Categories: RUAI|0 Comments","num_words":279,"character_repetition_ratio":0.06,"word_repetition_ratio":0.089,"special_characters_ratio":0.192,"stopwords_ratio":0.115,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penerang | Program Konvensyen 2019​—“Pengerindu Enda Nemu Abis”!\\nProgram Konvensyen 2019\\nBACHA DALAM JAKU Abbey Afrikaans Ahanta Aja Albanian Alur Amharic Amis Arabic Armenian Attié Aukan Azerbaijani Azerbaijani (Cyrillic) Bambara Baoule Bassa (Cameroon) Batak (Karo) Batak (Toba) Belize Kriol Bengali Bicol Boulou Bulgarian Bété Cambodian Cebuano Changana (Mozambique) Chavacano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Cibemba Cina Kantonis (Ringkas) Cinamwanga Cinyanja Croatian Czech Dagaare Dangme Danish Douala Dutch Efik English Estonian Ewe Fante Fijian Finland Fon Frafra French Ga Garifuna Georgian German Greek Greenlandic Guadeloupean Kreol Guarani Guianese Kreol Gujarati Gun Haitian Creole Hausa Hebrew Hiligaynon Hindi Hiri Motu Hmong (Putih) Huastec (San Luis Potosi) Hungarian Hunsrik Iban Ibanag Ibinda Icelandic Igbo Iloko Indonesian Isoko Italian Jaku Orang Bisu Amerika Jaku Orang Bisu Australia Jaku Orang Bisu Brazil Jaku Orang Bisu Britain Jaku Orang Bisu Colombia Jaku Orang Bisu Czech Jaku Orang Bisu Denmark Jaku Orang Bisu Ecuador Jaku Orang Bisu Finland Jaku Orang Bisu Hungary Jaku Orang Bisu Indonesia Jaku Orang Bisu Ireland Jaku Orang Bisu Italy Jaku Orang Bisu Jerman Jaku Orang Bisu Korea Jaku Orang Bisu Madagascar Jaku Orang Bisu Malaysia Jaku Orang Bisu Philippines Jaku Orang Bisu Poland Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Sweden Jaku Orang Bisu Taiwan Jaku Orang Bisu Thailand Jaku Orang Bisu Venezuela Jaku Orang Bisu Zimbabwe Japanese Jawa Jula Kabiye Kabuverdianu Kabyle Kachin Kannada Karen (S'gaw) Kazakh Kekchi Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kongo Korean Kreole Bissau Guinea Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lifu Lingala Lithuanian Lolo Lomwe Luganda Lunda Luo Luvale Macedonian Macua Mahorian (Roman) Makhuwa-Meetto Malagasy Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mayo Mazahua Mbunda Melayu Min Nan (Taiwan) Mixtec (Guerrero) Mizo Mongolian Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Nahuatl (Veracruz) Navajo Ndau Ndebele Ndebele (Zimbabwe) Nepali Ngabere Ngangela Nias Norwegian Nsenga Nsenga (Mozambique) Nyaneka Nyungwe Nzema Odia Okpe Oromo Ossetian Otomi (Lembah Mezquital) Otomi (Mexico) Pangasinan Papiamento (Aruba) Papiamento (Curaçao) Persian Phimbi Pijin (Afrika Barat) Polish Ponapean Portuguese Portuguese (Portugal) Punjabi Punjabi (Shahmukhi) Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Tena) Romanian Romany (Greece Selatan) Romany (Macedonia) Cyrillic Romany (Serbia) Romany (Slovakia Timur) Ronga Russian Réunion Creole Samoan Sango Saramaccan Sena Sepedi Sepulana Serbian Serbian (Roman) Sesotho (Afrika Selatan) Setswana Seychelles Creole Shona Shuar Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tajiki Talian Tamil Tandroy Tankarana Tarahumara Tarascan Tatar Telugu Tetun Dili Tewe Thai Tigrinya Tlapanec Tojolabal Tok Pisin Tongan Totonac Tshiluba Tshwa Tsonga Turkish Tuvaluan Twi Tzeltal Tzotzil Ukrainian Umbundu Urdu Urhobo Uruund Uzbek Venda Vezo Vietnamese Wallisian Waray-Waray Wayuunaiki Welsh Wolaita Wolof Xhosa Yacouba Yapese Yoruba Zande Zapotec (Isthmus) Zapotec (Lachiguiri) Zapotec (Villa Alta) Zulu\\nPenerang ngagai Orang ke Datai\\nATENDAN Atendan diatur ngambika nulung nuan. Bekerejasama meh enggau sida lebuh nuan ngiga endur parking, ngiga penuduk, lebuh sida ngatur pejalai bala mayuh, sereta utai bukai.\\nBAPTISA Penuduk chalun baptisa udah disediaka ba mua pentas di diwan besai. Chalun baptisa patut udah duduk ba dia sebedau cheramah baptisa berengkah kena pagi Hari Enam. Sida patut mai kain mandi enggau gari ke ngena.\\nPEMERI Mayuh belanja udah dikena nyediaka penuduk ti chukup, perengka audio enggau video, sereta utai bukai ngambika konvensyen tu ngerinduka ati sereta nulung kitai semak agi ngagai Petara Jehovah. Pemeri ari nuan ulih nyukung pengawa tu sereta nyukung pengawa nginjil di serata dunya. Kutak pemeri ke udah ditandaka bisi diengkah ba diwan konvensyen tu. Kami beterima kasih ke semua pemeri ari kita. Raban ti Ngiring mega beterima kasih ke pengerah jari kita ke nyukung Perintah Petara.\\nKUTAK UBAT Kingatka, bantu tu semina dikena maya PEDIS NGENYIT AJA (EMERGENCY).\\nLENYAU ENGGAU TEMU Barang ke enda temu sapa ngempu patut diberi ngagai Begian Lenyau enggau Temu. Enti nuan bisi lenyau nama-nama utai, datai meh ngagai begian tu lalu giga barang nuan ke lenyau nya. Anak mit ke tesat ari apai indai patut dianjung ngagai begian tu. Kena ngurangka penanggul, jaga meh anak nuan empu, lalu tentuka sida seruran semak nuan.\\nPENUDUK Berunding meh pasal orang bukai lebuh ngiga penuduk. Kingatka, nuan patut semina ngalau penuduk ke diri sebilik, orang ke nepan kerita ti sama enggau nuan, orang ke sama diau enggau nuan, tauka orang ke belajar Bup Kudus enggau nuan. Anang ngengkahka barang ba penuduk ke enda digalau nuan.\\nMERI TULUNG SUKARELA Enti nuan deka nulung ba sekeda pengawa maya konvensyen, nuan ulih madahka diri ngagai Begian Sukarela.\\nSEKULA PENGINJIL PERINTAH PETARA Pengerintis ke beumur entara 23 ngagai 65 taun, ke bisi ati deka ngemansangka pengawa nginjil sida, ulih datai ngagai aum peminta Sekula Penginjil Perintah Petara, kena lemai Hari Minggu. Endur enggau jam aum tu deka dipadahka.\\nDiatur Raban ti Ngiring Saksi-Saksi Jehovah\\nText Chara download litaricha elektronik Program Konvensyen 2019","num_words":821,"character_repetition_ratio":0.073,"word_repetition_ratio":0.0,"special_characters_ratio":0.171,"stopwords_ratio":0.151,"flagged_words_ratio":0.0,"lang_id_score":0.961,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lima sekula entarabansa ungkup nembiak pintar - Suara Sarawak\\n“Naka diatu, kitai deka ngaga lima buah dulu ngena silibus subjek entarabansa baka ba Universiti Cambridge.” – Abang Johari\\nSARATOK: Perintah Sarawak deka ngaga lima buah sekula seikas entarabansa dikena ngangkatka tikas pemanah pelajar ngagai bala nembiak menua tu.\\nKepala Menteri Datuk Patinggi Abang Johari Tun Openg madah, inisiatif tu sebagi ari strategi perintah nempa mayuh agi orang ke pintar runding ba Sarawak dudi hari.\\nKu Abang Johari, sekula nya deka disikap perengkaguna pemadu baru nyengkaum buding ungkup bala nembiak.\\n“Naka diatu, kitai deka ngaga lima buah dulu ngena silibus subjek entarabansa baka ba Universiti Cambridge.\\n“Anak orang berikan enggau orang bukai ke pandai dalam pelajar mega deka dipindah belajar ba sekula tu lalu semua bayar rejister deka ditanggung Perintah Sarawak,” ku iya.\\nAbang Johari mansutka jaku nya rambau bejadika Pengawa Ngintu 100 Taun SK Abang Leman Kabong, ditu tadi.","num_words":139,"character_repetition_ratio":0.086,"word_repetition_ratio":0.077,"special_characters_ratio":0.174,"stopwords_ratio":0.18,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ex-Adun Tamin meri sebidang tanah ngagai SDNU Selangau – Suara Sarawak – Bukan Sekadar Akhbar\\nYou are here:Home-RUAI-Ex-Adun Tamin meri sebidang tanah ngagai SDNU Selangau\\nSELANGAU: Gerempung Bansa Dayak Sarawak (SDNU) Pampang Selangau udah nerima sebidang tanah pemesai tiga ikar diberi ex- Adun Tamin Datuk Joseph Mauh Ikeh ke guna serakup nya.\\nNya alai, Kaban Kunsil Nengeri (Adun) Tamin Ir Christopher Gira Sambang ngelalau raban SDNU chakah agi ngatur aktiviti komuniti ba pampang sida ngambi bejalaika tanggung pengawa ngagai komuniti Dayak empu.\\nTerang iya, SDNU nya nyadi terabai komuniti Dayak.\\n“Teruska tuju SDNU ngambi iya mengkang diguna enggau dikemansang nipakka pemansang kemaya hari.\\n“Pia mega, tanka serakup kitai tu ngambi ulih mantu komuniti Dayak di menua tu.\\n“Aku ngarapka bantu nya ulih nyaup pampang tu bejalaika mayuh pengawa mantu komuniti Dayak,” ku Gira.\\nBa pengawa nya, bisi 200 iku udah datai ngagai pengawa diatur SDNU Selangau.\\nBy suaraswk|2020-12-22T15:12:25+08:00December 22nd, 2020|Categories: RUAI|0 Comments\\nARKIB Select Month January 2021 (462) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":168,"character_repetition_ratio":0.077,"word_repetition_ratio":0.025,"special_characters_ratio":0.345,"stopwords_ratio":0.119,"flagged_words_ratio":0.0,"lang_id_score":0.817,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pelandai Solomon* tu pantun pengerindu. Pantun tu tebal agi ditujuka lelaki ngagai indu dara, enggau ari indu dara ngagai lelaki. Bu tu dikumbai Pelandai Solomon, laban iya dipelabaka ditulis Solomon, nitihka tajuk dalam Hebrew.\\nPelandai tu suah dikumbai orang Judah ngambarka kaul Allah Taala enggau nembiak Iya, lalu dikumbai orang Kristian ngambarka kaul Kristus enggau gerija.\\nRiih Isi Bu Tu\\nLagu ti keterubah (1.1-2.7)\\nLagu ti kedua (2.8-3.5)\\nLagu ti ketiga (3.6-5.1)\\nLagu ti keemat (5.2-6.3)\\nLagu ti kelima (6.4-8.4)\\nLagu ti keenam (8.5-14)\\n1 Pelandai ti pemadu manah, ulih Solomon.\\nLagu Ti Keterubah\\nKu Indu Dara\\n2 Mulut nuan nyium aku. Pengerindu nuan manah agi ari wain.\\n3 Nuan ngaba bau rengut. Nama nuan madahka nya.Nadai indu ulih nagang diri rinduka nuan.\\n4 Bai aku enggau nuan, lalu tua deka rari. Awakka nuan meh nyadi raja aku, lalu mai aku ngagai bilik nuan. Tua deka lantang begulai bebendar ngirup, lalu rinduka pangan diri. Diatu baru aku nemu kebuah semua indu rinduka nuan!\\n5 Indu Jerusalem, aku amat chelum tang bajik, chelum baka langkau kain Kedar, tang bajik baka kain tirai ti di istana Solomon.\\n6 Anang ngemaruhka aku ketegal chura kulit aku, laban mata hari udah ngasuh kulit aku chelum. Bala menyadi lelaki aku ringat ngagai aku lalu mejalka aku gawa dalam kebun anggur, datai ke aku nyau nadai hari ngintu tubuh diri emu.\\n7 Padahka ngagai aku, O ambai, ngagai ni nuan deka nguluka raban bedus nuan ngulam? Ngagai ni alai sida deka ngerarika diri ari panchar mata panas lebuh tengah hari? Nama kebuah aku enda tau enda begigaka nuan ba raban bedus orang bukai?\\n8 Kati nuan enda nemu endur alai nya, nuan indu ke pemadu bajik? Mupuk meh nuan, lalu titihka raban bedus nya. Giga padang rumput ke raban kambin nuan semak langkau kain bala pengibun bedus.\\n9 Nuan, ambai, nyau ngasuh lelaki gila laban pengingin baka kuda ti indu ke ngasuh kuda ti lelaki ti narit kerita raja Eji nyau gila laban pengingin.\\n10 Buk nuan manah gaya mungkur kuyu nuan lalu merundai ba rekung nuan baka batu ti berega.\\n11 Tang kami deka ngaga ke nuan rantai emas ti diias enggau pirak.\\n12 Lebuh raja aku benung gali ba kerusi-panjai iya, lalu minyak wangi aku ngaba bau rengut.\\n13 Ambai aku bebau mur lebuh iya ningkaka diri ba tusu aku.\\n14 Ambai aku baka bungai babas ti bebungai dalam kebun anggur di En-gedi.\\n15 Naka meh emajik nuan, O ambai. Mata nuan jelik-jelik laban pengerindu!\\n16 Naka meh penyigat gamal nuan, O sulu aku. Nuan ngasuh ati aku udu gaga! Rumut ti gadung tu meh nyadika peninduk tua.\\n17 Kayu sidar deka nyadika tiang rumah tua, lalu kayu sairis deka nyadika atap rumah tua.\\n1 Aku tu bungai ros di Saron, bungai bakung ti ba lebak.\\n2 Baka bungai bakung ti tumbuh ba madang duri, baka nya meh ambai aku begulai enggau indu bukai.\\n3 Baka kayu epal ti tumbuh dalam babas,baka nya meh ambai aku dibandingka enggau lelaki bukai. Aku rindu duduk belindung ba iya, lalu buah iya manis diempa.\\n4 Iya mai aku ngagai balai pengerami makai besai lalu nuatka menira pengerindu atas aku.\\n5 Keringka aku baru ngena salai buah anggur lalu asuh aku badu agi aus ngena buah epal! Aku nyau lembut tulang laban aku balat tetengukka iya.\\n6 Jari kiba iya di baruh pala aku, lalu jari kanan iya murus aku.\\n7 Besemaya ngagai aku, kita indu Jerusalem. Besumpah meh kita atas rusa ti laju, enggau kijang madahka diri enda ngachau kami duai lebuh kami duai benung rinduka pangan.\\nLagu Ti Kedua\\n8 Aku bisi ninga nyawa ambai aku. Iya datai belanda nengah bukit, belanda nengah munggu mansang ngagai aku.\\n9 Ambai aku baka kijang, baka anak rusa ti lelaki. Nyin iya bediri ngimbai dinding. Iya nilik ke dalam ari jenila lalu nyeling ngeramas ari seling dinding.\\n10 Ambai aku bejaku enggau aku.\\nDatai kitu, ambai aku. O sulu, aram mupuk enggau aku.\\n11 Musin chelap nyau abis.Ujan udah badu.\\n12 Di menua pesisir, bungai nyau ngerembai. Tu meh maya belagu. Lalu munyi burung achang bisi didinga di padang.\\n13 Buah ara nyau deka mansau. Angin nyau bebau rengut laban bau bungai anggur. Nya alai, datai meh nuan ambai. Sulu, aram mupuk enggau aku.\\n14 Nuan baka burung achang ti belalai ba selikap batu. Awakka aku meda pemajik mua nuan lalu ninga munyi pemanah nyawa nuan.\\n15 Tangkap jelu munsang, enggau anak sida sebedau sida ngerusak kebun anggur kitai ti benung bebungai.\\n16 Ambai aku endang enggi aku, lalu aku endang enggi iya. Iya ngasuh raban bedus iya ngulam ba madang bungai bakung\\n17 datai ke ribut muput pagi hari lalu hari enda agi petang. Pulai kitu, sulu, baka kijang, baka anak rusa ti lelaki ba bukit Beter.\\n1 Lebuh aku tinduk ba peninduk aku tiap malam, aku bemimpika ambai aku. Aku ngiga iya, tang nadai tetemuka iya.\\n2 Aku bejalai segau-segau nengah nengeri, nengah jalai raya nengeri nya, enggau nengah jalai ti sempit. Aku ngiga ambai aku. Aku ngiga iya, tang nadai tetemuka iya.\\n3 Bala orang ke jaga ba jalai raya di nengeri bisi tepedaka aku. Aku lalu nanya sida, “Kati kita bisi tetemuka ambai aku?”\\n4 Lebuh aku ninggalka sida, aku lalu tetemuka iya. Aku merap iya, lalu enggai ngelengkaka iya datai ke aku nyau mai iya ngagai rumah indai aku, ngagai bilik ti alai aku ada.\\n5 Besemaya enggau aku, kita indu Jerusalem. Besumpah kita atas nama rusa enggau kijang ti laju belanda madahka diri enda ngachau kami duai lebuh kami duai benung rinduka pangan diri.\\nLagu Ti Ketiga\\n6 Nama utai nya ti datai ari menua puang baka tiang asap, ti bebau rengut laban menyan enggau mur, menyan ti dijual orang ke bedagang?\\n7 Solomon bisi datai, dibai atas kerusi diraja iya, dijaga enam puluh iku soldadu, soldadu ke pemadu kering di menua Israel.\\n8 Semua sida endang landik magang ngena pedang, ke suah udah beperang. Genap iku sida besenyataka pedang, nyaga ari orang ke nyerang lebuh malam hari.\\n9 Raja Solomon dibai ngena kerusi diraja ti digaga ari kayu ti pemadu manah.\\n10 Tiang kerusi nya disampak enggau pirak, lalu dibalut enggau kain ti disulam enggau emas. Selap penuduk kerusi nya dibap ngena kain ti bechura mirah-redam,ti disulam indu orang Jerusalem enggau abis pengerindu ati.\\n11 Kita indu Sion, datai kitu lalu peda Raja Solomon. Iya ngena makota ti udah diengkah indai iya ba pala iya lebuh iya ditikah, lebuh maya iya lantang sereta gaga.\\n1 Naka meh pemajik nuan, O ambai aku! Mata nuan nyau beperenching laban pengerindu merening ari belakang tambai mua nuan. Buk nuan kepai-kepai baka raban kambin ti belanda nurun bukit Giliat.\\n2 Ngeli nuan burak baka jelu bedus ti baru udah dikukur sereta diberi mandi.Sigi pen nadai ga ngeli nuan rabang. Semua ngeli nuan nadai timpang.\\n3 Mulut nuan baka kain ti mirah-redam. Naka meh pemanah mulut nuan lebuh nuan bejaku. Kuyu nuan nyau pelu-pelu dibap tambai mua nuan.\\n4 Rekung nuan baka menara David, segala sereta alus, lalu tenggak baka seribu iti terabai ba rekung nuan.\\n5 Tusu nuan baka kijang, rusa ti besapit ti ngulam ba madang bungai bakung.\\n6 Aku deka majak diau ba bukit mur, ba bukit menyan, datai ngagai maya ribut muput pagi hari lalu hari enda agi petang.\\n7 Naka meh pemajik nuan, O ambai aku! Naka meh pemajik nuan!\\n8 Aram mupuk enggau aku ari Bukit Lebanon, O bini. Mupuk enggau aku ari menua Lebanon. Nurun ari tuchung Bukit Amana, ari Bukit Senir enggau Bukit Hermon, alai singa enggau engkuli diau.\\n9 Jelik mata nuan, O ambai enggau bini aku, enggau tenggak ti dikena nuan udah ngasuh ati aku balat berai.\\n10 Pengerindu nuan ngasuh ati aku gaga, O ambai enggau bini aku. Pengerindu nuan manah agi ari wain. Minyak wangi nuan lebih agi bebau rengut ari remah.\\n11 Mulut nuan manis asai ai manyi, O sulu aku.Dilah nuan asai ai tusu enggau ai manyi. Gari nuan bebau rengut baka Bukit Lebanon.\\n12 Ambai aku, bini aku, nya kebun ti resia, kebun ti dipagar, mata ai ti diempu aku siku aja.\\n13 Dia meh endur alai utai ti ditanam tumbuh enggau galak. Sida tumbuh baka kebun buah delima lalu mansutka buah ti pemadu manah. Bungai inai enggau kayu remah,\\n14 kunyit, tebu, kayu manis, enggau semua macham menyan bisi dia magang. Kayu mur enggau garu bisi tumbuh dia sama enggau semua kayu rempah ti pemadu bebau rengut.\\n15 Ai ti engkeching sungai ti rarat, anak sungai ti pansut ari Bukit Lebanon mai ai ngagai kebun nya.\\n16 Dani meh nuan, Ribut Utara. Ribut Selatan, puputka kebun aku. Awakka angin ngaba bau rengut. Awakka ambai aku datai ngagai kebun tu lalu makai buah ti emadu manah ari kebun tu.\\n1 Aku udah tama ngagai kebun aku, O ambai enggau bini aku. Aku benung ngumpul rempah enggau mur aku. Aku benung makai ai manyi enggau idang manyi. Aku benung ngirup wain enggau ai tusu.\\nKu Bala Indu Ti Bukai\\nMakai meh kita, O bala ambai, lalu ngirup datai ke kita nyau mabuk laban pengerindu!\\nLagu Ti Keemat\\n2 Lebuh aku tinduk, ati aku mengkang dani. Aku bemimip ninga ambai aku nekung pintu.\\nAwakka aku tama, O wai sulu ambai aku, burung achang aku. Pala aku nyau basah laban ambun, lalu buk aku nyau basah laban bias ujan.\\n3 Aku baru udah muka gari aku, nya alai nama kebuah aku enda tau enda begari baru? Aku udah masu kaki aku, nya alai nama kebuah aku enda tau enda ngamahka kaki aku baru?\\n4 Ambai aku megai pintu, lalu ati aku gaga laban iya nyau semak.\\n5 Aku sedia deka ngasuh iya tama. Jari aku dibalut mur tunjuk aku dibalut ai mur, lebuh aku megai gagang pintu.\\n6 Aku muka intu ke ambai aku, tang iya udah nadai agi dia. Naka meh pengingin aku deka ninga nyawa iya! Aku ngiga iya, tang nadai tetemuka iya. Aku ngangauka iya, tang nadai ninga iya nyaut.\\n7 Orang ke nyaga nengeri tetemuka aku. Sida malu aku, lalu tubuh aku rajai. Bala jejaga ke ba kuta nengeri ngerampas tungguk pala aku.\\n8 Besemaya meh kita enggau aku, kita indu Jerusalem, enti kita tetemuka ambai aku, padahka ngagai iya, aku nyau lembut tulang inginka iya.\\nKu Bala Indu\\n9 Nuan indu ke emadu bajik, kati ambai nuan lain agi ari semua orang bukai? Nama utai ti manah ba iya ti ngasuh kami patut besemaya enggau nuan?\\n10 Ambai aku sigat sereta kering. Ari sepuluh ribu iku lelaki, ka semina siku aja ti baka iya.\\n11 Mua iya baka emas tulin, lalu buk iya ngelegetang, chelum baka bulu burung kak.\\n12 Mata iya manah baka burung achang ti ba tebing sungai, burung achang ti dibasu ngena ai tusu, ti bediri ba tebing sungai.\\n13 Kuyu iya manah baka kebun ti penuh laban sayur enggau rempah. Mulut iya baka bungai bakung, basah laban ai mur.\\n14 Jari iya manah raras, lalu iya ngena tinchin ti nyangkum batu ti berega. Tubuh iya baka gading ti alus, ti nyangkum batu nilam.\\n15 Pah iya baka tiang batu marmar ti burak ti diengkah dalam sangkum emas. Iya baka raja, baka Bukit Lebanon ti ngundan kayu sidar ti tinggi.\\n16 Mulut iya manis disium. Semua utai ba iya narit ati aku magang. Nya meh gaya ambai aku, indu Jerusalem.\\n1 Indu ke pemadu bajik, kini ke tunga ambai nuan bejalai? Padahka ngagai kami kini ke ambai nuan bejalai, ngambika kami ulih nulung nuan ngiga iya.\\n2 Ambai aku udah bejalai ngagai kebun iya, alai kayu balsam ti tumbuh. Iya meri raban jelu tupi iya makai ba kebun nya lalu ngumul bungai bakung.\\n3 Ambai aku endang enggi aku, lalu aku endang enggi iya. Iya ngasuh raban bedus iya ngulam ba madang bungai bakung.\\nLagu Ti Kelima\\n4 Ambai aku, nuan bajik baka Jerusalem, manah baka nengeri Tirsah, manah baka nengeri ti besai.\\n5 Anang malik ngagai aku, laban perening nuan ngasuh aku lemi. Buk nuan kepai-kepai baka raban kambin ti belanda nurun bukit di Giliat.\\n6 Ngeli nuan burak baka raban bedus ti udah diberi mandi. Sigi pen nadai ga ngeli nuan rabang. Semua ngeli nuan nadai timpang.\\n7 Kuyu nuan pelu-pelu di belakang tambai mua nuan.\\n8 Awakka raja bisi enam puluh iku kuin, lapan puluh iku indu simpan, indu ke biak ti enda ulih diitung!\\n9 Tang aku rinduka siku indu aja, lalu iya bajik baka burung achang. Iya anak tunggal indai iya, anak ke dikerinduka indai iya. Semua indu bela merening ngagai iya magang, lalu muji iya. Kuin enggau indu simpan belagu muji iya.\\n10 Sapa orang tu ke nyeling baka merekah pajar? Iya bajik sereta terang mua, beperenching baka mata hari tauka baka bulan.\\n11 Aku udah datai ba madang kayu almon deka meda anak kayu ba lebak nya, deka meda daun ti muda ba batang anggur enggau bungai ba kayu delima.\\n12 Aku getar-getar laban nuan udah ngasuh aku balat gagit ati deka rindu baka orang ke nepan kerita perang ke ransing deka beperang.\\n13 Betanda, betanda, meh nuan indu dara orang Sulam. Awakka kami meda nuan betanda.\\nNama kebuah kita keran deka meda aku betanda ba entara rintai orang ke ngemata?\\n1 Naka meh pemanah gaya kaki nuan bekasut, O indu ke udu bajik! Pah nuan baka batu ti berega ti ditempa orang ke landik engkebang.\\n2 Pusat nuan baka mangkuk ti nadai kala enda ngundan wain ti udah dichampur. Perut nuan baka tugung gandum ti dikelingi bungai bakung.\\n3 Tusu nuan baka dua iku anak rusa, baka dua iku kijang.\\n4 Rekung nuan baka menara ti digaga ari gading. Mata nuan baka letung ti di nengeri Hesbon, semak pintu Batrabim. Idung nuan baka menara Lebanon ti ngayung nengeri Damaskus.\\n5 Pala nuan baka Bukit Karmel lalu buk nuan kepai-kepai baka kain ungu ti narit ati raja.\\n6 Naka meh pemanah enggau pemajik gamal nuan O ambai ke emadu bajik!\\n7 Raras tubuh nuan manah baka batang kayu engkerema, lalu tusu nuan baka tangkai buah iya.\\n8 Aku deka niki kayu engkerema nya lalu ngambi buah iya. Dipeda aku tusu nuan baka tangkai buah anggur, lalu kesuh seput nuan bebau rengut baka buah epal,\\n9 lalu mulut nuan baka wain ti pemadu manah.\\nEnti pia awakka wain nya rarat terus ngagai ambai aku, rarat ngagai mulut enggau ngeli iya.\\n10 Aku endang enggi ambai aku, lalu iya endang inginka aku.\\n11 Datai kitu meh nuan O sulu aku. Aram tua mupuk ngagai menua pesisir lalu bemalam ba sebelah genturung pendiau.\\n12 Tua deka dani tumu pagi lalu meresa batang anggur, deka meda enti sida udah belabuh bekantuk deka meda enti bungai anggur udah ngerembai lalu kayu\\ndelima udah bebungai. Dia ila baru aku deka ngayanka pengerindu aku ke nuan.\\n13 Nuan ulih ensium bau jayau, lalu semua buah ti manah bisi semak mua pintu tua. O wai sulu, aku udah nyimpan ke nuan pengerindu ti lama enggau pengerindu ti baru.\\n1 Naka meh pemanah enti sema nuan tak menyadi lelaki aku, ti udah ditusuka indai aku. Nya baru, enti aku betemu enggau nuan ba jalai raya, aku ulih nyium nuan, lalu nadai orang deka ibuhka nya.\\n2 Aku deka mai nuan ngagai rumah indai aku, alai nuan tau ngajar aku pasal pengerindu. Aku deka meri ngagai nuan wain ti udah dirempah, wain ti digaga ari buah delima, ngambika bisi diirup nuan.\\n3 Jari kiba nuan di baruh pala aku, lalu jari kanan nuan murus aku.\\n4 Besemaya meh kita enggau aku, kita indu Jerusalem, madahka diri enggai ngachau lebuh kami duai benung rinduka ngan diri.\\nLagu Ti Keenam\\n5 Sapa orang nya ke datai ari menua puang, bepegai jari enggau ambai iya?\\nAku ngerak nuan di baruh pun kayu epal, ba endur alai nuan ke ada.\\n6 Anang rinduka orang bukai tang semina siku aku aja. Anang merap orang bukai, tang semina aku siku aja. Pengerindu endang bekuasa baka pemati. Pengingin bekuasa baka pemati. Iya mau lalu ngangus baka daun api.\\n7 Ai enda ulih madamka iya. Ai bah enda ulih ngelamun iya. Tang enti orang nguji meli pengerindu ngena pengaya sida, sida deka dikeleseka orang.\\nKu Menyadi Lelaki Indu Nya\\n8 Kami bisi siku menyadi indu ke agi biak, ti agi mit tusu. Kati ku kami enggau iya lebuh orang ke bujang datai ngagai iya?\\n9 Enti sema iya nya dinding kami deka ngaga ke iya siti menara ari pirak. Tang enti sema iya nya pintu ti besai, kami deka nyaga iya ngena papan kayu sidar.\\n10 Aku tu dinding, lalu tusu aku menara iya. Ambai aku nemu, lebuh aku begulai enggau iya aku puas ati sereta bisi pemaik.\\n11 Solomon bisi sebidang kebun anggur ba endur siti ti dikumbai Baal Hamon. Bala orang bumai nyua kebun nya ari iya. Genap iku sida mayar seribu singkap duit pirak.\\n12 Solomon nerima seribu singkap duit iya, lalu bala orang bumai bulih dua ratus singkap nyadika ungkup sida. Aku endang bisi kebun anggur aku empu!\\n13 Awakka aku ninga munyi nyawa nuan ari kebun nya, O ambai. Bala pangan aku nganti, keran deka ninga nuan bejaku.\\n14 Datai ngagai aku, O ambai, baka kijang, baka anak rusa lelaki ba bukit ti endur alai kayu rempah tumbuh.","num_words":2703,"character_repetition_ratio":0.044,"word_repetition_ratio":0.011,"special_characters_ratio":0.216,"stopwords_ratio":0.299,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Aset APM S’wak betambah napi musin landas - Suara Sarawak\\nAset APM S’wak betambah napi musin landas\\nKUCHING: Angkatan Pertahanan Awam Malaysia (APM) Sarawak nerima 45 bot ngambika diagih ngagai selampur menua dikena nyikal diri napi musim landas tauka Monsun Timur Laut (MTL).\\nSapit direktor iya, Leftenan Kolonel (PA) Cuthbert John Martin Quadra madah, APM Sarawak diatu bisi 116 bot ari aset ke ditambah baru nya.\\nKenu ku iya, semua bot nya deka diagih enggau jampat ngagai semua bagi menua.\\n“Bot fiber glass ti diterima kitai tu setipak endar enggau operasyen ngiga enggau nyelamat (SAR) enggau mindahka sida ke tasah bah,” ku iya.\\nIya mansutka jaku nya lebuh ngabas pengawa nyikap diri MTL ba Palan Latih APM Sarawak ditu, tadi.\\nPenganggur dicekup miliki syabu di Bintulu\\nBelia hancur negara hancur\\nKempen larangan guna penyedut plastik disambung\\nSejarah Kanang meruan dikenang\\nKos Haji: Kerajaan cari jalan tidak beban jemaah\\nTujuh kluster masih aktif di Kuching","num_words":139,"character_repetition_ratio":0.063,"word_repetition_ratio":0.0,"special_characters_ratio":0.187,"stopwords_ratio":0.137,"flagged_words_ratio":0.0,"lang_id_score":0.957,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"ngagai Saint John\\nPemandang* ti diberi ngagai Saint John ditulis lebuh maya orang Kristian benung kena perinsa ketegal pengarap sida ke Jesus Kristus ti Tuhan sida. Tuju orang ke nulis surat tu nya meransang sereta ngansak bala orang ke macha meruan tetap ati ngagai Tuhan lebuh sida kena perinsa.\\nBup tu tebal agi ngundan pasal pemandang, enggau genera ti dipadahka ngena jaku sempama ti ditemu orang Kristian reti lebuh maya nya kelia, tang mengkang enda ditemu orang bukai reti. Batang jaku ti dalam bup tu suah ditandu ngena genera. Mayuh orang enda sebaka penemu ba pasal reti utai ti ditulis dalam bup tu, tang rambai jaku ditu terang, iya nya ba pengujung iya, Allah Taala, ulih Kristus ti Tuhan, deka ngalahka semua munsuh Iya, nyengkaum Sitan, lalu deka meri serega ti baru enggau dunya ti baru ngagai bala nembiak Iya ke tetap ati ngagai Iya.\\nSurat tu ditulis dalam taun 90 A.D. tauka 96 A.D.\\nPun jaku (1.1-8)\\nGenera pasal surat ngagai tujuh buah eklisia (1.9-3.22)\\nGulung surat enggau tujuh iti chop tambit (4.1-8.1)\\nTujuh iti terumpit (8.2-11.19)\\nNaga enggau jelu ti dua iku (12.1-13.18)\\nMayuh macham genera (14.1-15.8)\\nTujuh igi mangkuk pengeringat Allah Taala (16.1-21)\\nBabilon dirusak, jelu, nabi ti pelesu enggau Sitan alah (17.1-20.10)\\nUkum ti penudi (20.11-15)\\nSerega ti baru, dunya ti baru, Jerusalem ti baru (21.1-22.5)\\nJaku penutup (22.6-21)\\n1 Tu pemandang ari Jesus Kristus, ti diberi Allah Taala ngagai Iya, ngambika Iya ngayanka ngagai bala nembiak Iya utai ti enda tau enda nyadi enda lama da agi. Iya madahka utai nya ngagai nembiak Iya John, ngena siku melikat Iya.\\n2 Lalu John besaksika pasal utai ti dipeda iya, iya nya, jaku Allah Taala, enggau saksi Jesus Kristus, madahka semua utai ti dipeda iya.\\n3 Beberekat meh orang ke macha jaku ti benabi tu ngena nyawa ti inggar, lalu beberekat meh orang ke ninga sereta ngasika utai ti ditulis dalam bup tu, laban maya nyau semak.\\nJaku Tabi Ngagai Tujuh Buah Gerija\\n4 Ari John ngagai tujuh buah eklisia di Asia:\\nAwakka berekat enggau pemaik diberi ngagai kita ari Allah Taala ti bisi diatu, ti udah bisi, enggau ti deka datai, enggau ari tujuh iku roh ke di mua kerusi diraja Iya,\\n5 enggau ari Jesus Kristus, Saksi ke tetap ati, ke terubah diangkatka ari mati, ke merintah semua raja di dunya. Ngagai Iya ke rinduka kitai, lalu udah ngelepaska kitai ari dosa, ulih darah Iya,\\n6 lalu udah ngaga kitai nyadi perintah imam ti bekereja ke Allah Taala Iya, ti Apai Iya, beri meh mulia enggau kuasa ngagai Iya belama-lama iya! Amin.\\n7 Peda! Iya datai dalam remang, lalu semua orang deka meda Iya, nyengkaum orang ke udah ngerejang Iya. Lalu semua bansa di dunya tu deka bekeduie nyabak ketegal Iya. Awakka utai nya nyadi! Amin.\\n8 “Aku tu Pun enggau Pengujung, ku Tuhan Allah Taala ti Pemadu Bekuasa bejaku, Iya ti diatu, ti udah, enggau ti deka datai.\\nGenera Pasal Kristus\\n9 Aku, John, menyadi kita, ke sama enggau kita natka pemerinsa, bempu Perintah, enggau ngembuan ati ti liat sereta tan, ti endang enggi kitai dalam Jesus,\\nudah dibuai ngagai pulau Patmos ketegal jaku Allah Taala enggau ketegal saksi Jesus.\\n10 Roh Kudus bekuasa ba aku lebuh Hari Tuhan, lalu aku ninga nyawa ti inggar bejaku ari belakang aku munyi terumpit.\\n11 Ku iya, “Tuliska dalam siti bup utai ti dipeda nuan, lalu kirumka bup nya ngagai tujuh buah eklisia: ngagai Epesus, Smirna, Pergamum, Tiatira, Sardis, Piladelpia, enggau Laudisia.”\\n12 Aku lalu nguing deka meda orang ke bejaku ngagai aku, lalu lebuh aku nguing, aku tepedaka tujuh iti penuduk lampu ti digaga ari emas.\\n13 Ba tengah-tengah penuduk lampu nya bisi utai ti baka anak mensia ke ngena baju ti panjai, lalu dada Iya dibelit siti selampai emas.\\n14 Pala enggau buk Iya burak baka bulu bedus, ngemurak seleju, lalu mata Iya baka daun api.\\n15 Kaki Iya beperenching baka temaga ti udah dipugar, baka ti udah dituchi ngena api, lalu nyawa Iya munyi guru ai wung.\\n16 Jari kanan Iya megai tujuh igi bintang, lalu ari nyawa Iya pansut siti pedang ti bemata dua, lalu mua Iya beperenching baka penerang mata hari ti manchar tengah hari.\\n17 Lebuh aku meda Iya, aku rebah di kaki Iya baka ke mati. Tang Iya ngengkahka jari kanan Iya ba aku, lalu bejaku, “Anang takut! Aku tu Pun enggau Pengujung,\\n18 Iya ke idup! Aku udah mati, tang peda, Aku idup belama-lama iya, lalu Aku megai kunchi Pemati enggau Dunya pemati.\\n19 Nya alai, tuliska utai ti dipeda nuan, utai ti diatu enggau utai ti deka nyadi udah bekau tu ila.\\n20 Misteri pasal tujuh igi bintang ti dipeda nuan ba jari kanan Aku, enggau pasal tujuh iti penuduk lampu ti digaga ari emas nya: tujuh igi bintang nya tujuh iku melikat ke tujuh buah eklisia, lalu tujuh iti penuduk lampu nya tujuh buah eklisia.\\nPesan Ngagai Epesus\\n1 “Tuliska tu ngagai melikat eklisia di Epesus: ‘Tu jaku ari Iya ke megai tujuh igi bintang ba jari kanan Iya, ke bejalai ba tengah-tengah tujuh iti penuduk lampu.\\n2 Aku nemu utai ti dikereja nuan, pemendar nuan bekereja, pasal ati nuan ti liat sereta tan. Aku nemu nuan enggai meda orang ke jai. Nuan udah nguji orang ke ngumbai diri rasul, tang ukai, lalu nuan udah nemu sida nya orang ke bula.\\n3 Aku mega nemu nuan liat ati natka pemerinsa ketegal nama Aku, lalu nuan enda kala mantul.\\n4 Tang Aku bisi jaku ngelaban nuan: nuan udah ngelengkaka pengerindu nuan ti keterubah.\\n5 Nya alai kingatka penyauh nuan udah labuh. Nesal ati ke dosa nuan, lalu kereja pengawa ti terubah dikereja nuan suba. Enti nuan enda, Aku deka datai ngagai nuan, lalu enchabut penuduk lampu nuan ari endur iya, enti nuan enda nesal ati ke dosa nuan.\\n6 Tang tu utai ti manah pasal nuan: nuan begedika utai ti dikereja orang Nikolaitan. Aku mega begedika utai nya.\\n7 “Awakka orang ke bisi pending, ningaka jaku ti disebut Roh Allah Taala ngagai eklisia! Aku deka ngemendarka orang ke menang makai buah ari kayu pengidup ti tumbuh ba Kebun Allah Taala.’\\nPesan Ngagai Smirna\\n8 “Tuliska tu ngagai melikat eklisia di Smirna: ‘Tu jaku ari Iya ti Pun enggau Pengujung, ke udah mati lalu udah angkat idup baru.\\n9 “ ‘Aku nemu penusah nuan enggau penyeranta nuan (tang nuan kaya). Aku nemu orang ke ngumbai diri orang Judah, tang ukai, ke bejai nuan. Sida nya balai gempuru Sitan.\\n10 Anang takutka pemerinsa ti baru deka ditatka nuan. Aku madah ngagai nuan, Sitan baru deka muai sekeda bala kita ngagai rumah jil, ngambika kita diuji, lalu kita deka kena perinsa sepuluh hari. Kita enda tau enda tetap ati datai ke mati, lalu Aku deka meri kita makota pengidup.\\n11 “Awakka orang ke bisi pending, ningaka jaku ti disebut Roh Kudus ngagai semua eklisia. Orang ke menang enda kena laban pemati ti kedua.’\\nPesan Ngagai Pergamum\\n12 “Tuliska tu ngagai melikat eklisia di Pergamum: ‘Tu jaku ari Iya ke bisi pedang ti bemata dua.\\n13 “ ‘Aku nemu endur alai nuan diau, iya nya ba endur alai kerusi diraja Sitan. Tang nuan bepegai teguh ba nama Aku, lalu nuan enda besangkalka pengarap nuan ke Aku. Indah lebuh maya Antipas, saksi Aku ke tetap ati, dibunuh ba tengah-tengah bala kita, ba endur alai Sitan diau, deh nuan enda besangkalka pengarap nuan ke Aku.\\n14 Tang Aku bisi dua tiga iti utai disebut ngelaban nuan: sekeda kita nitihka ajar Balaam, ke ngajar Balak chara nguluka orang Israel bedosa, ngambika sida makai pemakai ti diberi ngagai engkeramba, sereta ngereja ulah ti kamah.\\n15 Sekeda kita mega nitihka ajar raban Nikolaitan.\\n16 Nya alai, nesal ati ke dosa kita. Enti kita enda, Aku deka lengkas datai ngagai kita, lalu nyerang sida ngena pedang ti pansut ari nyawa Aku.\\n17 Awakka orang ke bisi pending, ningaka jaku ti disebut Roh Kudus ngagai semua eklisia. Aku deka meri mana ti resia ngagai orang ke menang, lalu Aku deka meri ngagai iya sigi batu ti burak, ti udah ditulis enggau siti nama ti baru, ti enda ditemu orang reti, kelimpah ari orang ke nerima batu nya.’\\nPesan Ngagai Tiatira\\n18 “Tuliska tu ngagai melikat eklisia di Tiatira: ‘Tu jaku Anak Allah Taala ti bisi mata ti baka daun api, enggau kaki ti baka temaga ti udah dipugar.\\n19 “ ‘Aku nemu utai ti dikereja nuan, pengerindu nuan, pengarap nuan, pengawa ti dikereja nuan, pasal ati nuan ti liat sereta tan. Aku nemu utai ti dikereja nuan diatu besai agi ari utai ti udah dikereja nuan terubah iya suba.\\n20 Tang tu jaku Aku ngelaban nuan: nuan enda ngerara indu ke benama Jesebel, ke ngumbai diri nabi lalu ngajar sereta nipu bala nembiak Aku lalu mai sida ngereja ulah ti kamah, sereta makai pemakai ti diberi ngagai engkeramba.\\n21 Aku udah meri iya peluang nesal ati, tang iya enggai nesal ati ke kereja iya ti kamah.\\n22 Nya alai Aku deka nikauka iya ngagai katil, lalu Aku deka ngasuh orang ke butang enggau Iya ditinggang penusah ti besai, enti sida enda nesal ati ke pengawa ti dikereja iya;\\n23 lalu Aku deka munuh semua anak iya. Lalu semua eklisia deka nemu, Aku mansik runding enggau ati semua mensia. Lalu Aku deka meri ngagai genap iku kita nitihka utai ti udah dikereja kita.\\n24 Tang ngagai kita ke bukai di Tiatira, ke nadai udah nitihka ajar indu nya, ke nadai udah belajarka utai ti dikumbai sekeda orang ‘resia ti dalam ti datai ari Sitan,’ Aku madah ngagai kita, Aku enda nambahka pemerat tanggungjawab kita;\\n25 tang kita enda tau enda bepegai teguh ba utai ti dikemisi kita, nyentuk ngagai maya Aku datai.\\n26 Orang ke menang, ke majak ngereja pengawa Aku nyentuk ke ujung, deka diberi Aku kuasa atas semua bansa;\\n27 lalu iya deka merintah sida ngena sebatang besi, baka ke ngeredakka periuk tanah, baka Aku ke udah nerima kuasa ari Apai;\\n28 Lalu Aku deka meri ngagai iya bintang pagi.\\n29 Awakka orang ke bisi pending, ningaka jaku ti disebut Roh Kudus ngagai semua eklisia.’\\nPesan Ngagai Sardis\\n1 “Tuliska tu ngagai melikat eklisia di Sardis: ‘Tu jaku Iya ke bisi tujuh iku Roh Allah Taala, enggau tujuh igi bintang. Aku nemu utai ti dikereja nuan. Orang ngumbai nuan idup, tang nuan mati!\\n2 Dani lalu keringka teda utai ti agi dikemisi nuan, ti nyau deka mati, laban Aku nadai udah kala nemu pengawa nuan pemadu menyana di mua Allah Taala Aku.\\n3 Nya alai, kingatka utai ti udah diterima enggau didinga nuan. Nuan enda tau enda ngasika semua utai nya, lalu nesal ati ke dosa nuan. Enti nuan enda dani, Aku deka datai baka penchuri, lalu nuan enda nemu maya Aku deka datai ngagai nuan.\\n4 Tang nuan agi bisi dua tiga iku orang di Sardis, ke nadai udah ngamahka gari diri. Sida deka bejalai enggau Aku ngena pekayan ti burak, laban sida endang patut.\\n5 ke menang deka ngena gari ti burak baka nya, lalu Aku enda muai nama sida ari bup pengidup. Aku deka ngaku sida endang enggi Aku di mua Apai Aku enggau di mua bala melikat Iya.\\n6 Awakka orang ke bisi pending, ningaka jaku ti disebut Roh Allah Taala ngagai semua eklisia!’\\nPesan Ngagai Piladelpia\\n7 “Tuliska tu ngagai melikat eklisia di Piladelpia: ‘Tu jaku ari Iya ti kudus sereta bendar, ke bisi kunchi David, ke muka pintu lalu nadai orang ulih nikupka pintu nya, ke nikupka pintu, lalu nadai orang ulih nukangka pintu nya.\\n8 “ ‘Aku nemu utai ti dikereja nuan. Peda nuan, Aku udah ngengkahka di mua nuan siti pintu ti tetukang, ti enda ulih ditikupka orang. Aku nemu nuan endang enda kering, tang taja pia, nuan udah nitihka ajar Aku, lalu enda besangkalka nama Aku.\\n9 Aku deka ngasuh balai gempuru Sitan, ke ngumbai diri orang Judah, tang ukai, sereta bula---Aku deka ngasuh sida datai lalu meremi di kaki nuan, lalu sida deka nemu Aku udah rinduka nuan.\\n10 Laban nuan udah nitihka pesan Aku ti ngasuh nuan liat ati sereta tan, Aku deka ngintu nuan likun lebuh maya penusah ti deka ninggang dunya, lebuh semua mensia ke diau di dunya tu diuji.\\n11 Aku deka datai enda lama da agi. Pegai teguh utai ti dikemisi nuan, ngambika nadai orang ulih ngerampas makota nuan.\\n12 Orang ke menang deka digaga Aku nyadi tiang ti besai dalam Rumah Sembiang Allah Taala Aku, lalu iya deka diau dia belama-lama iya, lalu Aku deka nuliska nama Allah Taala Aku ba iya, enggau nama nengeri Allah Taala Aku, iya nya Jerusalem ti baru, ti nurun ari Allah Taala, ti pansut ari serega, enggau nama Aku Empu ti baru.\\n13 Awakka orang ke bisi pending, ningaka jaku ti disebut Roh Kudus ngagai semua eklisia!’\\nPesan Ngagai Laudisia\\n14 “Tuliska tu ngagai melikat eklisia di Laudisia: ‘Tu jaku Iya ke benama Amin, ke tetap ati, Saksi ti bendar, ti pun semua utai ti udah digaga Allah Taala.\\n15 “ ‘Aku nemu utai ti dikereja nuan. Nuan enda chelap enda angat. Naka meh pemanah enti nuan tak angat, tauka chelap!\\n16 Nya alai, laban nuan semina nyilu kuku aja, enda angat enda chelap, Aku deka nyemburka nuan ari nyawa Aku!\\n17 Laban nuan nyebut, “Aku kaya, bisi semua utai, lalu nadai suntuk utai,” tang nuan enda nemu diri merinsa, tusah, seranta, buta sereta telanjai.\\n18 Nya alai, Aku ngajar nuan meli emas ari Aku, emas ti udah dituchi ngena api, ngambika nuan nyadi kaya, lalu meli gari ti burak kena nuan mungkur tubuh nuan ti telanjai, sereta meli minyak kena nuan ngunsut mata nuan, ngambika nuan ulih meda.\\n19 Aku nganu sereta disiplin semua orang ke dikerinduka Aku. Nya alai, diau menyana, lalu nesal ati ke dosa nuan.\\n20 Dinga nuan, Aku bediri di mua pintu lalu nekung. Enti orang ninga nyawa Aku lalu muka pintu, Aku deka tama lalu makai enggau iya, lalu iya deka makai enggau Aku.\\n21 Orang ke menang deka dibai Aku duduk enggau Aku ba kerusi diraja Aku, baka Aku ke udah menang lalu duduk enggau Apai Aku ba kerusi diraja Iya.\\n22 Awakka orang ke bisi pending, ningaka jaku ti disebut Roh Kudus ngagai semua eklisia!’ “\\nBesembah Di Serega\\n1 Udah nya aku malik, lalu tepedaka siti pintu tebuka di serega. Nyawa ti terubah bejaku munyi terumpit lalu bejaku ngagai aku, “Niki ke atas kitu. Aku deka nunjuk ke nuan utai ti enda tau enda nyadi udah lepas tu.”\\n2 Tekala nya Roh Kudus lalu bekuasa ba aku, lalu aku tepedaka siti kerusi diraja di serega, enggau siku orang duduk ba kerusi diraja nya!\\n3 Orang ke duduk ba kerusi diraja nya baka batu asija enggau batu akek mirah, lalu ngelingi kerusi diraja nya bisi anakraja ti bechura baka batu samerut.\\n4 Ngelingi kerusi diraja nya bisi dua puluh empat iti kerusi diraja ti bukai, lalu duduk ba kerusi diraja nya bisi dua puluh empat iku tuai, ke ngena gari burak, enggau makota emas ba pala sida.\\n5 Ari kerusi diraja nya pansut kilat, enggau munyi guru enggau letup guntur, lalu di mua kerusi diraja nya bisi tujuh iti sempun ti mau, iya nya tujuh iku roh Allah Taala.\\n6 Lalu di mua kerusi diraja nya bisi siti utai ti baka tasik ti digaga ari cheremin, ti baka batu kristal. Lalu ngelingi kerusi diraja nya, ari sepiak-sepiak, bisi empat iku utai ti idup, ti penuh laban mata ari mua enggau ari belakang.\\n7 Iya ti keterubah nya baka gamal singa. Iya ti kedua, baka gamal sapi. Iya ti ketiga baka mua mensia, lalu iya ti keempat baka menaul ti terebai.\\n8 Lalu genap iku utai ti idup nya bisi enam iti sayap, lalu genap iku sida penuh laban mata di dalam enggau di luar, lalu sida belagu siang malam, ku sida: “Kudus, kudus, kudus meh Tuhan Allah Taala ti Pemadu Bekuasa, ti udah bisi, ti bisi diatu enggau ti deka datai.”\\n9 Lalu genap kali empat iku utai ti idup nya belagu ngemuliaka sereta meri basa enggau terima kasih ngagai Iya ke duduk ba kerusi diraja nya, ke idup belama-lama iya.\\n10 Bala tuai ke dua puluh empat iku nya lalu nyungkurka diri di mua Iya ke duduk ba kerusi diraja nya, lalu nyembah Iya ke idup belama-lama iya. Sida ngengkahka makota sida di mua kerusi diraja nya, lalu belagu,\\n11 “O Tuhan Allah Taala kami, Nuan endang patut nerima mulia, basa enggau kuasa, laban Nuan udah ngaga semua utai, lalu ulih peneka Nuan, sida ditempa, lalu diberi pengidup.”\\nGulung Surat Enggau Anak Domba\\n1 Aku lalu tepedaka siti gulung surat ti mit ba jari kanan Iya ke duduk ba kerusi diraja nya. Gulung surat nya ditulis ari belakang enggau ari mua, lalu ditambit ngena tujuh iti chop tambit.\\n2 Lalu aku tepedaka siku melikat ti kering, ngangau enggau nyawa ti inggar, “Sapa patut muka gulung surat nya lalu mechahka chop tambit nya?”\\n3 Tang nadai orang di serega tauka di dunya, tauka di dunya ti di baruh ditemu tau muka lalu meda utai ti di dalam gulung surat nya.\\n4 Aku lalu duie-duie nyabak, laban nadai siku orang ditemu patut muka gulung surat nya, tauka meda utai ti di dalam surat nya.\\n5 Udah nya siku ari bala tuai lalu bejaku ngagai aku, “Anang nyabak. Peda nuan! Singa raban bansa Judah, Peturun David, udah menang. Iya ulih muka gulung surat enggau tujuh iti chop tambit nya.”\\n6 Lalu ba entara kerusi diraja enggau empat iku utai ti idup, enggau ba tengah-tengah bala tuai nya aku tepedaka siku Anak Domba bediri. Iya baka ke udah disayat. Iya bisi tujuh iti tanduk enggau tujuh igi mata, iya nya tujuh iku roh ari Allah Taala, ti dikirumka ngagai dunya.\\n7 Anak Domba nya datai lalu ngambi gulung surat nya ari jari kanan Iya ke duduk ba kerusi diraja.\\n8 Lalu lebuh Anak Domba nya ngambi gulung surat nya, empat iku utai ti idup nya enggau dua puluh empat iku bala tuai nya lalu nyungkurka diri di mua Anak Domba nya. Genap iku sida bela bisi belikan enggau mangkuk emas ti penuh laban menyan, iya nya sampi bala nembiak Tuhan.\\n9 Sida bepantun ngena lagu ti baru, ku sida: “Nuan endang patut ngambi gulung surat lalu muka chop tambit nya, laban Nuan udah dibunuh, lalu ulih darah Nuan, Nuan udah meli ke Allah Taala mensia ari semua raban bansa, jaku, menua enggau bansa,\\n10 lalu Nuan udah ngaga sida nyadi perintah imam ke bekereja ke Allah Taala kami lalu sida deka merintah di dunya.”\\n11 Aku lalu malik, lalu ninga ngelingi kerusi diraja nya enggau ngelingi utai ti idup enggau ngelingi bala tuai nya, munyi nyawa beribu-ribu, bejuta-juta iku melikat!\\n12 Sida belagu enggau nyawa ti inggar: “Anak Domba ti udah dibunuh endang patut nerima kuasa, pengaya, penemu-dalam, enggau pengering, basa, mulia enggau puji!”\\n13 Aku lalu ninga munyi semua utai ti idup di serega, di dunya enggau di baruh dunya, enggau dalam tasik, iya nya semua utai ti idup dalam sida, belagu: “Beri meh puji enggau basa, mulia enggau kuasa ngagai Iya ke duduk ba kerusi diraja, enggau ngagai Anak Domba, belama-lama iya!”\\n14 Empat iku utai ti idup nya lalu nyaut, “Amin!” Bala tuai lalu nyungkurka diri nyembah Allah Taala sereta nyembah Anak Domba.\\nTujuh Iti Chop Tambit\\n1 Aku lalu tepedaka Anak Domba muka siti ari tujuh iti chop tambit nya, lalu ninga siku utai ti idup nya ngangau ngena nyawa ti meletup munyi guntur, “Datai kitu!”\\n2 Aku malik, lalu tepedaka siku kuda ti burak. Orang ke nepan kuda nya bisi siti panah, lalu iya diberi siti makota, lalu iya pansut ari serega ngagai dunya, iya ke menang ke ingin deka menang suah agi.\\n3 Lebuh Anak Domba nya muka chop tambit ti kedua, aku lalu ninga utai ti idup ti kedua nya bejaku, “Datai kitu!”\\n4 Siku kuda ti bechura mirah lalu pansut. Orang ke nepan iya udah diberi kuasa muai pemaik ari dunya, ngambika orang bebunuhka pangan diri. Lalu iya diberi siti pedang ti besai.\\n5 Lebuh Anak Domba nya muka chop tambit ti ketiga, aku lalu ninga utai ti idup ti ketiga bejaku, “Datai kitu!” Aku lalu tepedaka siku kuda ti chelum. Orang ke nepan kuda nya megai siti dachin.\\n6 Aku lalu ninga utai ti munyi nyawa mensia ba tengah-tengah empat iku utai ti idup nya bejaku, “Satu kilogram gandum ke gaji sehari, enggau 3 kilogram barli ke gaji sehari. Tang anang ngerusak minyak kana enggau wain!”\\n7 Lebuh Anak Domba nya muka chop tambit ti keempat, aku lalu ninga utai ti idup ti keempat bejaku, “Datai kitu!”\\n8 Aku malik, lalu tepedaka siku kuda ti bechura pudar. Orang ke nepan kuda nya benama Pemati, dititihka Dunya Pemati Seduai iya diberi kuasa merintah sebagi ari empat bagi dunya, ngambika seduai iya munuh mensia ngena pedang, ngena lapar pungkang, ngena penyakit, enggau ngena jelu babas.\\n9 Lebuh Anak Domba muka chop tambit ti kelima, aku lalu tepedaka di baruh alta, semengat orang ke udah dibunuh ketegal sida udah madahka jaku Allah Taala, lalu udah besaksika pasal Iya.\\n10 Sida ngangau enggau nyawa ti inggar, “O Tuhan ti Pemadu Bekuasa, ti kudus sereta bendar! Ni pengelama baru Nuan deka ngakim lalu ngukum orang ke diau di dunya tu ke udah munuh kami?”\\n11 Udah nya genap iku sida lalu diberi baju panjai ti burak, lalu sida diasuh belelak lama agi, datai ke semua orang ke udah nyadi ulun Kristus baka sida empu, enggau sida ke arap, udah dibunuh magang baka sida empu, kena ngenyukupka pemayuh sida.\\n12 Lebuh Anak Domba muka chop tambit ti keenam, aku malik lalu aku meda tanah balat amat berenyang, mata hari bebali chelum baka kain guni ti chelum, bulan bebali mirah baka darah,\\n13 lalu bintang labuh ari langit ngagai dunya, baka buah ara ti apin mansau ti digusak kabut.\\n14 Langit lesap baka surat ti digulung, lalu semua bukit enggau pulau dipindahka ari endur sida.\\n15 Udah nya bala raja dunya, bala pemerintah enggau bala tuai soldadu, orang ke kaya enggau ke bekuasa, enggau semua orang bukai, ti ulun enggau ti ukai ulun, lalu belalai dalam lubang gua, enggau ba selikap batu ba sebelah bukit.\\n16 Sida ngangauka bukit, enggau ngangauka batu, “Tinggang kami lalu lalaika kami ari Iya ke duduk ba kerusi diraja, enggau ari pengeringat Anak Domba;\\n17 laban hari pengeringat udah datai. Sapa ulih tan laban nya?”\\nChop Tambit Ti Ketujuh\\n1 Lebuh Anak Domba muka chop tambit ti ketujuh, semua utai di serega lalu enda engkeretik kira setengah jam.\\n2 Udah nya aku lalu tepedaka melikat tujuh iku nya bediri di mua Allah Taala, lalu diberi tujuh iti terumpit\\n3 Siku agi melikat datai, lalu bediri ngimbai alta, mai sarang menyan ti digaga ari emas. Iya lalu diberi mayuh amat menyan, enggau sampi semua nembiak Tuhan ba alta emas ti di mua kerusi diraja nya.\\n4 Asap ari menyan nya lalu niki sama enggau sampi bala nembiak Tuhan, ari jari melikat ke bediri di mua Allah Taala.\\n5 Udah nya melikat nya ngambi sarang menyan nya, ngisi sarang menyan nya enggau bara api ari alta, lalu nikauka sarang menyan nya ngagai dunya. Guntur meletup lalu beguru, kilat nyelar lalu tanah berenyang.\\n6 Tujuh iku melikat ke bisi tujuh iti terumpit, lalu sedia deka nyepu terumpit sida.\\n7 Melikat ti keterubah lalu nyepu terumpit iya. Ujan batu enggau api, bechampur enggau darah lalu labuh ninggang dunya. Sebagi ari tiga bagi dunya lalu angus. Sebagi ari tiga bagi kayu, enggau semua rumput angus.\\n8 Udah nya melikat ti kedua nyepu terumpit iya. Utai ti baka bukit ti besai, ti mau laban api, lalu ditikauka ngagai tasik.\\n9 Sebagi ari tiga bagi tasik lalu bebali nyadi darah. Lalu sebagi ari tiga bagi utai ti idup dalam tasik mati; sebagi ari tiga bagi ari semua kapal rusak.\\n10 Melikat ti ketiga lalu nyepu terumpit iya. Sigi bintang ti besai, ti mau baka sempun, labuh ari langit, lalu ninggang sebagi ari tiga bagi sungai, enggau mata ai.\\n11 Nama bintang nya “Pait.” Sebagi ari tiga bagi ai lalu bebali pait, lalu mayuh orang mati laban ai nya, laban ai nya udah nyadi pait.\\n12 Melikat ti keempat lalu nyepu terumpit iya. Sebagi ari tiga bagi mata hari, sebagi ari tiga bagi bulan, enggau sebagi ari tiga bagi bintang lalu lenyau sebagi ari tiga bagi penampak sida. Ketegal nya sebagi ari tiga bagi penampak siang hari lenyau, lalu baka nya mega penampak malam hari.\\n13 Udah nya aku malik, lalu aku ninga munyi siku menaul ti terebai ba tengan langit bejaku enggau nyawa ti inggar, “Tulah! Tulah! Tulah meh orang ke diau di dunya, lebuh terumpit ti bukai nya disepu melikat tiga iku nya!”\\n1 Melikat ti kelima lalu nyepu terumpit iya. Aku lalu tepedaka sigi bintang ti udah labuh ari langit ngagai dunya. Bintang nya lalu diberi siti kunchi kena muka lubang kebung ti nadai buntut.\\n2 Bintang nya lalu muka lubang kebung nya. Asap lalu pansut ari lubang kebung nya, baka asap ti pansut ari serumbung api ti besai. Mata hari enggau angin lalu petang laban asap ti pansut ari lubang kebung nya.\\n3 Bala buntak lalu pansut ari asap nya lalu nurun ngagai dunya. Sida diberi kuasa baka kuasa kala.\\n4 Sida ditagang ngemediska rumput tauka kayu, tauka utai bukai ti tumbuh, tang semina ngemediska orang ke nadai chop Allah Taala ba kening sida.\\n5 Buntak nya tau merinsaka sida lima bulan, tang enda tau munuh sida. Pedis amat sida diperinsa, asai ti disengat kala.\\n6 Dalam kandang lima bulan nya, sida deka ngiga pemati, tang enda tetemuka pemati. Sida ingin deka mati, tang pemati deka rari ari sida.\\n7 Buntak nya baka gamal kuda ti udah disediaka kena beperang. Ba pala sida bisi utai ti baka makota ti digaga ari emas, lalu mua sida baka mua mensia.\\n8 Buk sida baka buk indu, lalu ngeli sida baka ngeli singa.\\n9 Sida bisi tisik ti baka terabai dada, lalu sayap sida engkebap munyi kerita perang ti laju mansang beperang.\\n10 Iku sida baka iku kala, lalu sida bisi perengka kena nyengat, lalu kuasa ti dikena sida ngemediska mensia dalam kandang lima bulan nya, bisi ba iku sida.\\n11 Sida bisi siku raja, iya nya melikat ke bekuasa atas lubang kebung ti nadai buntut nya. Dalam Hebrew nama melikat nya Abadon. Dalam jaku Gerika, nama iya Apolion (reti nya “Pengerusak”).\\n12 Penusah ti keterubah udah lepas. Dua bengkah agi penusah deka datai.\\n13 Udah nya melikat ti keenam lalu nyepu terumpit iya, lalu aku ninga munyi siti nyawa datai ari empat iti sukut alta emas ti di mua Allah Taala,\\n14 bejaku ngagai melikat ti keenam, “Lepaska empat iku melikat ke ditanchang ba Sungai Eupratis ti besai!”\\n15 Melikat ti empat iku nya lalu dilepaska. Sida endang udah disediaka ngambika ba jam, hari, bulan enggau taun nya, sida munuh sebagi ari tiga bagi mensia.\\n16 Pemayuh soldadu ke nepan kuda: dua ratus juta. Aku bisi ninga pemayuh bala sida.\\n17 Baka tu ku gaya bala kuda ti dipeda aku dalam genera nya: bala orang ke nepan kuda nya bisi terabai dada ti mirah baka api, biru baka batu nilam, kuning baka merirang, lalu pala bala kuda nya baka pala singa, lalu ari nyawa bala kuda nya pansut api, asap enggau merirang.\\n18 Sebagi ari tiga bagi mensia mati laban tiga bengkah penusah ti besai nya, iya nya api, asap, enggau merirang ti pansut ari nyawa bala kuda nya,\\n19 laban kuasa kuda nya dalam nyawa sida, enggau ba iku sida. Iku sida baka ular, lalu bisi pala kena sida ngemakalka orang.\\n20 Mensia ti bukai, ke enda mati laban penusah ti besai nya, enggai nesal ati ke pengawa sida ke begagaka engkeramba, lalu enggai badu besembahka antu enggau engkeramba ti digaga ari emas, pirak, temaga, batu enggau ari kayu, ti enda ulih meda, tauka ninga, tauka bejalai.\\n21 Sida mega enggai nesal ati ke diri ke udah munuh orang, udah bedukun, udah ngereja pengawa ti kamah, udah ngenchuri.\\nMelikat Enggau Gulung Surat Ti Mit\\n1 Udah nya aku lalu tepedaka siku agi melikat ti kering, nurun ari serega. Iya dibalut remang, lalu ari atas puchuk pala iya bisi anakraja. Mua iya baka mata hari, lalu kaki iya baka tiang api.\\n2 Iya megai siti gulung surat ti mit, ti tebuka ba jari iya. Iya nanam kaki kanan iya ba tasik, lalu kaki kiba iya ditanam iya ba tanah.\\n3 Iya lalu ngangau enggau nyawa ti inggar, munyi singa ti negung. Lebuh iya ngangau, tujuh bengkah guntur lalu meletup.\\n4 Lebuh guntur tujuh bengkah nya udah meletup, aku baru deka belabuh nulis. Tang aku ninga nyawa bejaku ari serega, “Awakka utai ti udah disebut tujuh bengkah guntur nya nyadika resia. Anang nuliska utai nya!”\\n5 Udah nya, melikat ke dipeda aku bediri ba tasik enggau ba tanah, ngedarka jari kanan iya ke langit.\\n6 Iya lalu besumpah atas nama Allah Taala ti idup belama-lama iya, ti udah ngaga langit, tanah, enggau tasik enggau semua utai ti dalam sida. Ku melikat nya bejaku, “Enda lama agi nganti.\\n7 Lebuh melikat ti ketujuh nyepu terumpit iya, misteri Allah Taala deka dikamatka, munyi ti udah dipadahka Iya ngagai bala ulun Iya, iya nya sida bala nabi.”\\n8 Udah nya nyawa ti udah didinga aku bejaku ari serega lalu bejaku baru ngagai aku. Ku iya, “Ambi gulung surat ti tebuka nya ari jari melikat ke bediri ba tasik enggau ba tanah.”\\n9 Aku lalu mansang ngagai melikat nya, lalu minta iya meri gulung surat ti mit nya ngagai aku. Lalu ku iya bejaku ngagai aku, “Ambi tu, lalu empa. Iya deka berasai pait dalam perut nuan, tang manis asai ai manyi dalam nyawa nuan.”\\n10 Aku lalu ngambi gulung surat ti mit nya ari jari iya, lalu aku makai gulung surat nya. Lalu gulung surat nya manis asai ai manyi dalam nyawa aku. Tang lebuh aku udah nelan iya, iya lalu nyadi pait dalam perut aku.\\n11 Aku lalu diberi pesan tu: “Nuan enda tau enda, sekali agi, benabika pasal mayuh bengkah menua, bansa, jaku enggau raja.”\\nDua Iku Saksi\\n1 Udah nya aku lalu diberi siti penyukat ti baka tungkat. Aku lalu diasuh nyukat: “Angkat nuan lalu sukat Rumah Sembiang Allah Taala, enggau alta nya, lalu itung orang ke besembiang dia,\\n2 tang anang nyukat tengah laman ti ari luar Rumah Sembiang. Awakka iya enda disukat, laban endur nya diungkup ke orang kapir, lalu sida deka ngelunjak nengeri ti kudus dalam kandang empat puluh dua bulan.\\n3 Lalu Aku deka meri ngagai saksi aku ke dua iku nya kuasa kena benabi dalam kandang seribu dua ratus enam puluh hari, begari ngena kain guni.”\\n4 Saksi ke dua iku nya dua batang kayu kana, enggau dua iti penuduk lampu ti bediri di mua Tuhan ke merintah dunya.\\n5 Enti orang deka ngemediska seduai iya, api deka pansut ari nyawa seduai iya, lalu ngerusak munsuh nya. Barang sapa deka ngemediska seduai iya, deka dibunuh ngena chara nya.\\n6 Seduai iya bisi kuasa nutup langit ngambika hari enda ujan sekumbang seduai iya ke benabi, lalu seduai iya bisi kuasa atas semua ai, ngasuh ai bebali nyadi darah, enggau kuasa ngemediska dunya ngena semua macham penusah nitihka penyuah ti dikedekaka seduai iya.\\n7 Lalu lebuh seduai iya udah tembu nusui pesan seduai iya, jelu ti niki ari lubang kebung ti nadai buntut nya deka ngelaban seduai iya, ngalah lalu munuh seduai iya,\\n8 lalu bangkai seduai iya deka ditejuka garing-garing ba jalai raya di nengeri ti besai nya, alai Tuhan ti udah diregang. Nengeri nya ngelambangka Sodom, tauka Ejip.\\n9 Dalam pengelama tiga hari setengah orang ari semua menua, raban bansa, jaku enggau bansa deka meda bangkai seduai iya, lalu enda nyagi orang nguburka seduai iya.\\n10 Lalu orang ke diau di dunya deka gaga ati, begawai lalu bekirumka pemeri ngagai pangan diri, ketegal utai ti udah nyadi ba nabi dua iku nya, ti udah balat merinsaka semua orang ke diau di dunya.\\n11 Tang udah lepas tiga hari setengah, seput pengidup datai ari Allah Taala, lalu tama ngagai seduai iya, lalu seduai iya bediri, lalu semua orang ke meda seduai iya, bela takut magang.\\n12 Udah nya seduai iya lalu ninga nyawa ti inggar bejaku ngagai seduai iya ari serega, “Niki ke atas kitu!” Seduai iya lalu niki ke serega dalam remang, dikemataka bala munsuh seduai iya.\\n13 Tekala nya tanah lalu balat amat berenyang lalu sebagi ari sepuluh bagi nengeri runtuh. Tujuh ribu iku orang mati laban tanah ti berenyang nya, lalu sida ti bukai takut lalu ngemuliaka Allah Taala ti di serega.\\n14 Penusah ti kedua udah lepas, tang penusah ti ketiga deka datai enda lama da agi!\\nTerumpit Ti Ketujuh\\n15 Udah nya melikat ti ketujuh lalu nyepu terumpit iya. Siti nyawa lalu bejaku inggar di serega, “Perintah dunya diatu udah nyadi Perintah Tuhan kitai enggau Perintah Kristus Iya, lalu Iya deka merintah belama-lama iya!”\\n16 Bala tuai ke dua puluh empat iku, ke duduk ba kerusi diraja sida di mua Allah Taala, lalu nyungkurka diri nyembah Allah Taala,\\n17 ku sida, “Kami meri terima kasih ngagai Nuan, Tuhan Allah Taala ti Pemadu Bekuasa, Iya ke diatu, enggau ti udah! laban Nuan udah ngambi kuasa Nuan ti besai lalu udah belabuh merintah!\\n18 Orang kapir balat ringat, tang pengeringat Nuan datai alai orang ke mati deka diakim, alai Nuan deka meri upah ngagai bala nembiak Nuan, iya nya bala sida nabi, enggau semua nembiak Tuhan, enggau semua orang ke nangika nama Nuan, sida ke mit enggau ke besai, maya alai ngerusak sida ke nyadi pengerusak dunya!”\\n19 Rumah Sembiang Allah Taala di serega lalu dibuka, lalu Peti Lampang Batu Adat bisi dipeda dalam Rumah Sembiang nya. Kilat nyelar, munyi letup enggau guru guntur bisi didinga, tanah berenyang, ujan batu balat amat nyadi.\\nIndu Enggau Naga\\n1 Udah nya siti tanda ti besai lalu pegari di langit, iya nya siku indu ke begari ngena mata hari, lalu kaki iya bepelasarka bulan, lalu ba pala iya bisi siti makota ti digaga ari dua belas igi bintang.\\n2 Iya ngandung lalu nyabak laban iya radai deka beranak.\\n3 Siti agi tanda pegari di langit, iya nya siku naga ti besai ti bechura mirah, ti bisi tujuh igi pala enggau sepuluh iti tanduk, enggau tujuh iti makota ba pala iya.\\n4 Iya narit sebagi ari tiga bagi bintang ti di langit ngena iku iya, lalu nikauka sida ke baruh ngagai dunya. Naga nya lalu bediri di mua indu ke baru deka beranak nya, deka makai anak indu nya lebuh anak mit nya ada.\\n5 Indu nya lalu ngadaka anak lelaki siku, ti deka merintah semua bansa ngena sebatang besi. Tang anak iya dirampas lalu dibai ngagai Allah Taala enggau ngagai kerusi diraja Iya.\\n6 Indu nya lalu rari ngagai menua puang, ngagai siti endur ti udah disedia Allah Taala ke iya, alai iya deka ditupi dalam pengelama seribu dua ratus enam puluh hari.\\nPerang Di Serega\\n7 Perang lalu nyadi di serega. Mikael enggau bala melikat iya beperang ngelaban naga nya, lalu naga nya enggau bala melikat iya beperang ngelaban Mikael enggau bala melikat iya.\\n8 Tang naga enggau bala melikat iya alah, lalu sida nadai agi endur di serega.\\n9 Naga ti besai nya, iya nya ular ti tuai, ti dikumbai Antu tauka Sitan ke nipu semua dunya, lalu dibuai ari serega. Iya enggau semua bala melikat iya dibuai ke baruh ngagai dunya.\\n10 Aku lalu ninga nyawa ti inggar bejaku di serega, “Diatu pengelepas, kuasa enggau Perintah Allah Taala kitai, enggau kuasa Kristus Iya, udah datai, laban iya ke bedawaka bala menyadi kitai di mua Allah Taala kitai siang malam, udah dibuai ke baruh.\\n11 Lalu sida udah ngalahka iya ngena darah Anak Domba, enggau ngena jaku saksi sida, laban sida enda sayauka nyawa diri datai ke mati.\\n12 Nya alai, rami gaga ati meh kita serega, enggau semua kita ke diau dia! Tang naka meh penusah tanah enggau tasik, laban Sitan udah nurun ngagai kita, balat pedis ati, laban iya nemu timpuh diri nyau deka abis.”\\nNaga Nya Nyerang Baru Di Dunya\\n13 Lebuh naga nya nemu diri udah dibuai ke baruh ngagai dunya, iya lalu begagaika indu ke udah ngadaka anak lelaki nya.\\n14 Tang indu nya diberi dua iti sayap menaul ti besai, ngambika iya ulih terebai lalu rari ari naga nya, ngagai menua puang, ngagai endur alai iya deka ditupi tiga taun setengah.\\n15 Naga nya lalu nyemburka ai baka ai bah ari nyawa iya, kena iya ngagai indu nya, ngambika indu nya ditabanka ai nya.\\n16 Tang tanah nulung indu nya. Tanah merangapka nyawa lalu nelan ai ti pansut ari nyawa naga nya.\\n17 Naga nya pedis amat ati ngagai indu nya, lalu nyerang bala peturun iya ti bukai, iya nya semua orang ke ngasika pesan Allah Taala, sereta besaksika Jesus.\\n18 Iya lalu bediri atas pasir ba tebing tasik.\\nDua Iku Jelu\\n1 Aku lalu tepedaka siku jelu pansut ari tasik. Iya bisi sepuluh iti tanduk enggau tujuh igi pala, enggau sepuluh iti makota ba tanduk iya, enggau nama ti mechat Allah Taala ba pala iya.\\n2 Jelu ti dipeda aku nya baka engkuli. Kaki iya baka kaki beruang, lalu nyawa iya baka nyawa singa. Naga nya meri pengering, enggau kerusi diraja, enggau kuasa iya ti besai, ngagai jelu nya.\\n3 Sigi ari pala jelu nya baka ke udah balat bakal, tang bakal nya udah gerai, lalu semua orang di dunya tu bela nitihka jelu nya sereta alit ati.\\n4 Semua orang bela nyembah naga nya, laban iya udah meri kuasa iya ngagai jelu nya, lalu sida nyembah jelu nya, ku sida, “Sapa orang ke sebaka enggau jelu tu, lalu sapa ulih ngelaban iya?”\\n5 Jelu nya lalu diberi kuasa bejaku sumbung sereta bejaku busung ngelaban Allah Taala, lalu iya dikemendarka ngena kuasa nya dalam pengelama empat puluh dua bulan.\\n6 Iya muka nyawa iya lalu bejaku busung ngelaban Allah Taala, ngeleseka nama Allah Taala, enggau endur alai Allah Taala diau, iya nya semua orang ke diau di serega.\\n7 Iya mega dikemendarka nyerang bala nembiak Tuhan, lalu ngalahka sida, lalu iya diberi kuasa atas semua raban bansa, menua, jaku enggau bansa,\\n8 lalu semua orang ke diau di dunya deka nyembah iya, iya nya semua orang, kenyau ari sebedau penumbuh dunya, ti nadai nama ditulis dalam bup pengidup Anak Domba ti udah dibunuh.\\n9 Enti orang bisi pending, awakka iya ninga:\\n10 Enti orang deka ditangkap, iya tetap deka ditangkap. Enti orang deka dibunuh ngena pedang, iya tetap dibunuh ngena pedang. Tu begunaka ati ti tan enggau pengarap ari bala nembiak Tuhan.\\n11 Udah nya aku tepedaka siku agi jelu pansut ari dalam tanah. Iya bisi dua iti tanduk baka anak domba, lalu iya bejaku munyi naga.\\n12 Iya bejalaika semua kuasa jelu ti keterubah, ngarika jelu nya empu, lalu iya mejalka dunya enggau semua orang ke diau dalam dunya, nyembah jelu ti keterubah, ti bisi bakal ti udah gerai.\\n13 Iya ngereja kereja ajih, nyengkaum ngasuh api nurun ari langit ngagai dunya, dipeda semua orang mayuh.\\n14 Lalu iya nipu mensia ti diau di dunya ngena kereja ajih ti diasuh kereja iya ngarika jelu nya, ngasuh sida ngaga siku anak patung neladan gamal jelu ti udah bakal laban pedang, tang agi idup;\\n15 lalu iya dikemendarka ngesuhka seput ke dalam anak patung jelu nya, ngambika anak patung nya nemu bejaku enggau munuh semua orang ke enggai nyembah anak patung jelu nya.\\n16 Iya mega mejalka semua orang ke mit, ke besai, ke kaya enggau ke seranta, ti ulun enggau ti ukai ulun, dikelai ngena siti tanda ba jari kanan tauka ba kening sida,\\n17 ngambika nadai orang ulih bebeli tauka bejualka utai enti sida nadai kelai nya, iya nya, nama jelu nya, tauka lumur nama nya.\\n18 Tu begunaka penemu-dalam. Awakka orang ke pintar, ngira lumur jelu nya, laban nya lumur mensia. Lumur nya 666.\\nAnak Domba Enggau Sida Ti 144,000 Iku\\n1 Udah nya aku malik, lalu tepedaka Anak Domba bediri ba Bukit Sion. Lalu sama bediri enggau Iya mega 144,000 iku orang ke bisi nama Anak Domba enggau nama Apai Iya ditulis ba kening sida.\\n2 Aku lalu ninga nyawa bejaku ari serega, munyi guru ai wung, munyi letup guntur, munyi belikan.\\n3 Sida bepantun ngena lagu ti baru di mua kerusi diraja, di mua empat iku utai ti idup, enggau di mua bala tuai. Nadai orang ulih belajarka lagu nya, kelimpah ari sida 144,000 iku nya ti udah ditebus ari dunya.\\n4 Sida nya meh orang ke nadai udah kala beleman enggau indu, laban sida udah diau tuchi. Sida nya meh orang ke nitihka Anak Domba ngagai sebarang endur Iya bejalai. Sida udah ditebus ari semua bansa mensia nyadi orang ke terubah-rubah iya diserahka ngagai Allah Taala enggau ngagai Anak Domba,\\n5 lalu sida nadai kala bula. Sida nadai penyalah.\\nTiga Iku Melikat\\n6 Udah nya aku tepedaka siku agi melikat terebai ba tengan langit, mai Berita Manah ti meruan belama iya ti deka ditusui ngagai orang ke diau di dunya, ngagai semua bansa, raban bansa, jaku enggau menua.\\n7 Ku iya bejaku enggau nyawa ti inggar, “Nangika Allah Taala, lalu pujika mulia Iya, laban maya udah datai alai Iya deka ngakim. Sembah meh Iya ti udah ngaga serega, tanah, tasik enggau mata ai!” 8 Melikat ti kedua lalu bejaku nangkanka melikat ti keterubah, ku iya, “Udah alah! Alah meh Babilon ti besai nya ti udah mejalka semua bansa ngirup wain pengingin iya ti kamah!”\\n9 Melikat ti ketiga lalu bejaku enggau nyawa ti inggar nangkanka seduai ti dulu, “Enti orang nyembah jelu enggau anak patung iya, lalu nerima kelai ba kening tauka ba jari sida,\\n10 orang nya deka mega ngirup wain pengeringat Allah Taala, ti dituang enda ditaku ngagai mangkuk pengeringat Allah Taala, lalu orang nya deka diperinsaka ngena api enggau merirang di mua bala melikat ti kudus enggau di mua Anak Domba.\\n11 Lalu asap ari api ti dikena merinsaka sida deka pansut ke atas belama-lama iya, lalu sida enda ulih belelak siang malam, iya nya sida ke nyembah jelu nya enggau nyembah anak patung iya, lalu nerima tanda nama iya.”\\n12 Tu begunaka ati ti tan ari bala nembiak Tuhan, iya nya sida ke ngasika pesan Allah Taala, sereta tetap ati arapka Jesus.\\n13 Aku lalu ninga nyawa bejaku ari serega, ku iya, “Tuliska tu: belabuh ari diatu, beberekat meh orang ke mati dalam Tuhan!” “Sigi amat beberekat,” ku Roh Allah Taala nyaut, “ngambika sida belelak ari pengawa sida, laban utai ti udah dikereja sida, nitihka sida.”\\nNgetau Di Dunya\\n14 Udah nya aku malik, lalu tepedaka siti remang ti burak, lalu duduk ba atas remang nya bisi siku orang ke baka gamal Anak Mensia. Ba pala iya bisi makota emas, lalu ba jari iya bisi siti bikung ti tajam.\\n15 Siku melikat pansut ari Rumah Sembiang, lalu ngangau enggau nyawa ti inggar ngagai iya ke duduk ba atas remang, “Biauka bikung nuan, lalu ngetau, laban maya ngetau udah datai, laban dunya udah mansau!”\\n16 Iya ke duduk ba atas remang nya lalu miauka bikung iya ngagai dunya, lalu dunya diketau.\\n17 Udah nya siku agi melikat pansut ari Rumah Sembiang di serega, lalu iya mega bisi bikung ti tajam.\\n18 Udah nya siku agi melikat pansut ari alta. Melikat tu bekuasa atas api, lalu iya ngangau enggau nyawa ti inggar ngagai melikat ke bisi bikung ti tajam nya, ku iya, “Biauka bikung nuan, lalu ketau tangkai buah anggur dunya, laban buah anggur udah mansau!”\\n19 Melikat nya lalu miauka bikung iya ngagai dunya, lalu ngetau buah anggur ari dunya, lalu nibarka buah anggur nya ngagai pitan pengeringat Allah Taala.\\n20 Buah anggur nya lalu diindik ari luar nengeri. Darah lalu pansut ari pitan anggur nya lalu rarat 300 kilometer, enggau kira 2 meter penalam.\\nMelikat Enggau Penusah Besai Ti Penudi\\n1 Udah nya aku tepedaka siti agi tanda di langit, tanda ti besai sereta manah, iya nya tujuh iku melikat ke mai tujuh bengkah penusah, iya nya penusah ti penudi, laban udah bekau penusah tu nyadi, Allah Taala badu agi ringat.\\n2 Aku lalu tepedaka utai ti baka tasik cheremin ti bechampur enggau api, enggau orang ke udah ngalahka jelu enggau anak patung iya, enggau lumur nama iya, bediri ba tebing tasik cheremin nya, megai belikan Allah Taala ba jari sida.\\n3 Lalu sida bepantun ngena lagu Moses, ulun Allah Taala ti kudus, enggau lagu Anak Domba, ku sida, “Naka meh pemesai enggau pemanah kereja Nuan, O Tuhan Allah Taala ti Pemadu Bekuasa! Jalai Nuan endang lurus sereta betul, O Raja ke belama-lama iya!\\n4 Sapa enda nangi lalu muji nama Nuan, O Tuhan? Laban semina Nuan siku aja ti kudus. Semua bansa deka datai lalu nyembah Nuan, laban ukum ti diberi Nuan udah dipandangka.”\\n5 Udah nya aku malik, lalu tepedaka langkau sembiang ti dalam Rumah Sembiang di serega tebuka,\\n6 lalu tujuh iku melikat, ke mai tujuh bengkah penusah ti besai, pansut ari Rumah Sembiang nya. Sida bepekayan ngena kain linin ti beperenching, lalu dada sida dibelit ngena selampai emas.\\n7 Siku ari empat iku utai ti idup nya lalu meri ngagai tujuh iku melikat nya tujuh igi mangkuk emas ti penuh laban pengeringat Allah Taala ti idup belama-lama iya.\\n8 Rumah Sembiang nya lalu penuh laban asap ti pansut ari mulia enggau ari kuasa Allah Taala, lalu nadai orang ulih tama ngagai Rumah Sembiang nya sebedau penusah besai tujuh bengkah ti dibai tujuh iku melikat nya, abis.\\nMangkuk Pengeringat Allah Taala\\n1 Udah nya aku ninga nyawa ti inggar bejaku ari Rumah Sembiang nya ngagai melikat ke tujuh iku nya, “Mupuk meh kita lalu tuang tujuh igi mangkuk pengeringat Allah Taala nya ngagai dunya!”\\n2 Melikat ti keterubah lalu mupuk, lalu nuang mangkuk iya ngagai dunya. Penyakit rumbak ti balat sereta bebau lalu pegari ba orang ke bisi kelai jelu, ti nyembah anak patung jelu nya.\\n3 Udah nya melikat ti kedua lalu nuang mangkuk iya ngagai tasik. Ai tasik lalu bebali nyadi baka darah orang ke mati, lalu semua utai ti idup dalam tasik nya, mati magang.\\n4 Udah nya melikat ti ketiga nuang mangkuk iya ngagai sungai, enggau ngagai mata ai, lalu ai sungai enggau mata ai bebali nyadi darah.\\n5 Aku lalu ninga melikat ke ngibun ai bejaku, “Ukum ti diberi Nuan endang lurus, O Allah Taala ti Kudus, Nuan ke diatu enggau ti udah!\\n6 Laban mensia udah munuh bala nembiak Tuhan enggau sida nabi, lalu diatu Nuan udah meri sida darah ke diirup sida. Sida endang patut ngirup nya!”\\n7 Aku lalu ninga nyawa bejaku ari alta, “Sigi amat, Tuhan Allah Taala ti Pemadu Bekuasa! Ukum ti diberi Nuan endang bendar sereta lurus!”\\n8 Udah nya melikat ti keempat nuang mangkuk iya ngagai mata hari, lalu mata hari dikemendarka nganguska mensia ngena api.\\n9 Mensia lalu angus laban pengangat ti balat, lalu sida nyumpah nama Allah Taala ti bisi kuasa atas semua penusah ti besai nya, tang sida enggai nesal ati ke dosa sida, sereta enggai ngemuliaka Iya.\\n10 Melikat ti kelima lalu nuang mangkuk iya ngagai kerusi diraja jelu nya, lalu semua perintah jelu nya dibalut pemetang. Orang nyau ngigit dilah diri laban balat tusah,\\n11 lalu nyumpah Allah Taala ti di serega ketegal pemedis enggau rumbak sida. Tang sida enggai nesal ati ke utai ti udah dikereja sida.\\n12 Melikat ti keenam lalu nuang mangkuk iya ba Sungai Eupratis. Sungai nya lalu rangkai, nyendiaka jalai ti deka ditengah bala raja ke datai ari timur.\\n13 Aku lalu tepedaka tiga iku roh ti kamah, ti baka gamal engkatak, pansut ari nyawa naga nya, enggau ari nyawa jelu nya, enggau ari nyawa nabi ti pelesu nya.\\n14 Sida nya roh antu ti ngereja kereja ajih, ke bejalai ngagai semua raja di dunya tu, lalu ngempuruka sida beperang lebuh Hari Besai Allah Taala ti Pemadu Bekuasa.\\n15 “Peda nuan, Aku datai baka penchuri! Beberekat meh orang ke dani, ke mengkang ngena gari diri, ngambika iya enda bejalai telanjai ngayanka tubuh diri!”\\n16 Sida roh antu nya lalu ngempuruka bala raja nya ba siti endur ti dikumbai Armagedon dalam Hebrew.\\n17 Melikat ti ketujuh lalu nuang mangkuk iya ngagai angin, lalu nyawa ti inggar bejaku ari kerusi diraja ti dalam Rumah Sembiang nya, ku iya, “Udah tembu!”\\n18 Kilat lalu nyelar, guntur meletup lalu beguru, tanah balat amat berenyang. Nadai tanah udah kala ngemalat nya berenyang kenyau ari mensia terubah diau di dunya tu.\\n19 Nengeri ti besai nya lalu pechah tiga, lalu semua nengeri dalam semua menua runtuh magang, lalu Allah Taala ingatka Babilon ti besai, lalu mejalka nengeri nya ngirup ari mangkuk pengeringat Allah Taala.\\n20 Semua pulau di tasik rari magang, lalu semua bukit nadai agi ditemu.\\n21 Tekang ujan batu ti besai, pemerat sigi-sigi kira 50 kilogram, labuh ari langit lalu ninggang mensia. Mensia lalu nyumpah Allah Taala ketegal penusah laban ujan batu nya, laban ujan batu nya amat balat.\\n1 Udah nya siku ari tujuh iku melikat ke bisi tujuh igi mangkuk nya datai, lalu bejaku ngagai aku, “Aram tua mupuk. Aku deka nunjuk ke nuan jalai indu sundal ti tebilang nya deka diukum, iya ke duduk atas mayuh bengkah sungai,\\n2 ti udah bambai enggau bala raja dunya, ti udah mabuk bambai enggau iya.”\\n3 Melikat nya lalu mai aku dalam roh ngagai menua puang, lalu aku tepedaka siku indu duduk ba atas jelu ti mirah-redam, ti penuh laban nama ti mechat Allah Taala. Jelu nya bisi tujuh igi pala, enggau sepuluh iti tanduk.\\n4 Indu nya bepekayan ngena gari ti ungu enggau mirah-redam, lalu diias ngena perengka emas, batu ti berega enggau batu mutiara. Iya megai sigi mangkuk emas ti penuh laban utai ti jai sereta kamah, ti datai ari kereja iya ti bambai;\\n5 lalu ba kening iya bisi dituliska siti nama ti misteri: “Babilon ti Besai, indai ke semua indu sundal, enggau ke semua utai ti jai di dunya tu.”\\n6 Aku lalu meda indu nya mabuk laban darah bala nembiak Tuhan, enggau laban darah orang ke dibunuh ketegal sida udah taluk ke Jesus.\\nLebuh aku meda iya, aku balat alit ati.\\n7 Tang ku melikat nya bejaku ngagai aku, “Nama kebuah nuan balat alit ati baka nya? Aku deka madahka ngagai nuan misteri pasal indu enggau pasal jelu ti bisi tujuh igi pala enggau sepuluh iti tanduk, ti ditepan iya.\\n8 Jelu ti dipeda nuan nya endang idup dulu menya, tang iya enda agi idup diatu. Iya baru deka niki ari lubang kebung ti dalam, lalu iya deka dirusak. Semua orang ke diau di dunya, ke apin bisi nama ditulis dalam bup pengidup kenyau ari penumbuh dunya, deka balat alit ati lebuh sida meda jelu nya, laban dulu menya iya idup, tang diatu iya enda agi idup, lalu iya deka pegari baru.\\n9 Tu begunaka penemu-dalam enggau pemintar: tujuh igi pala nya tujuh igi bukit, ti alai indu nya duduk.\\n10 Sida nya mega tujuh iku raja. Lima ari sida nya udah alah, siku agi merintah, lalu siku ti bukai apin datai, lalu lebuh iya datai ila, iya enda tau enda merintah enda lama.\\n11 Nyadi pasal jelu ti udah idup dulu menya, tang enda agi idup diatu, nya raja ti kelapan, tang iya nya siku ari sida ke tujuh iku nya, lalu iya deka dirusak.\\n12 Lalu sepuluh iti tanduk ti dipeda nuan, nya sepuluh iku raja ke apin berengkah merintah, tang sida deka diberi kuasa merintah nyadi raja sejam aja, sama enggau jelu nya.\\n13 Sida ke sepuluh iku nya endang seati enggau pangan diri, lalu sida meri pengering enggau kuasa sida ngagai jelu nya.\\n14 Sida deka beperang ngelaban Anak Domba, lalu Anak Domba deka ngalahka sida, laban Iya Tuhan ari atas semua tuhan, Raja ari atas semua raja, lalu orang ke enggau Iya endang udah dikangauka lalu dipilih sereta tetap ati.”\\n15 Lalu ku melikat nya madah ngagai aku, “Sungai ti dipeda nuan nya, ti alai indu sundal nya duduk, nya mayuh bengkah menua, mensia, bansa, enggau jaku.\\n16 Lalu sepuluh iti tanduk ti dipeda nuan nya, enggau jelu nya, deka begedika indu sundal nya. Sida deka ngerampas semua utai iya, lalu nelanjaika iya, lalu makai isi iya, lalu nunu iya,\\n17 laban Allah Taala udah ngasuh sida raja nya seati ngereja juluk ati Iya, lalu berunding deka nyerahka kuasa diraja sida ngagai jelu nya, nyentuk ngagai maya jaku Allah Taala dikamatka.\\n18 Indu ke dipeda nuan nya, nya meh nengeri ti besai ti merintah bala raja di dunya tu.”\\n1 Udah nya aku tepedaka siku agi melikat nurun ari serega. Kuasa iya besai, lalu dunya nyau tampak terang laban mulia iya.\\n2 Lalu iya ngangau enggau nyawa ti inggar, “Udah alah! Babilon ti besai udah alah! Iya udah nyadika endur alai antu diau, nyadika endur alai roh ti kamah, nyadika endur alai semua burung ti kamah sereta dipegedika, diau.\\n3 Laban semua bansa bela udah ngirup wain pengingin iya ti kamah, lalu sida raja dunya tu udah bambai enggau iya, lalu bala sedagar dunya nyadi kaya laban pengaya ti datai ari pengamah ulah iya.”\\n4 Udah nya aku ninga siti agi nyawa bejaku ari serega, “Pansut ari iya, kita ke nembiak Aku, enggai ke kita bedosa enggau iya, enggai ke kita sama enggau iya natka penusah ti besai;\\n5 laban dosa iya nyau betugung ngeninggi langit, lalu Allah Taala udah ngingatka penyai iya.\\n6 Kereja ngagai iya baka ke udah dikereja iya ngagai kita. Bayar iya dua kali lipat ke semua utai ti udah dikereja iya. Iri mangkuk iya enggau ai ti dua kali bisa agi ari ai ti udah disediaka iya ke kita.\\n7 Baka iya ti udah ngemuliaka diri empu sereta nyamai diau, baka nya meh beri ngagai iya pemerinsa enggau ati ti tusah. Laban iya udah bejaku dalam ati diri, ‘Aku duduk ditu nyadi kuin! Aku ukai indu ke balu. Aku enda tusah ati,’\\n8 baka nya meh penusah ti besai deka nuntung iya dalam sehari aja, penyakit, ati ti tusah, enggau lapar pungkang, lalu iya deka ditunu ngena api, laban Tuhan Allah Taala, ke ngakim iya, endang bekuasa.”\\n9 Lalu bala raja dunya ti bambai enggau iya, lalu ngereja ulah ti kamah enggau iya, deka bekeduie nyabakka iya, lebuh sida meda asap pansut ari api ti nganguska iya.\\n10 Sida deka bediri ari jauh, laban sida takut meda pemerinsa iya. Ku sida, “Naka meh pemalat penusah nuan! Naka meh pemalat penusah nuan nengeri Babilon ti besai, nuan nengeri ti kering, Babilon! Dalam sejam aja ukum nuan datai.”\\n11 Bala sedagar dunya mega nyabak sereta ngulitka iya, laban nadai orang agi meli barang sida,\\n12 barang ti digaga ari emas, pirak, batu ti berega, batu mutiara, barang ti digaga ari linin, kain ungu, sutera, kain ti mirah-redam, semua macham kayu ti jarang dipeda, enggau semua macham utai ti digaga ari gading, enggau ari kayu ti berega, utai ti digaga ari temaga, ari besi enggau ari batu burak,\\n13 kulit kayu manis, rempah, menyan, mur, enggau minyak tata ti berega, wain enggau minyak, tepung enggau gandum, jelu sapi enggau jelu bedus, kuda enggau kerita kuda, enggau ulun, iya nya semengat mensia.\\n14 Ku bala sedagar nya bejaku ngagai iya, “Semua utai ti manah ti dikinginka nuan, udah lesap magang, lalu semua pengaya enggau pemajik nuan udah lenyau magang, lalu nadai ditemu agi!” 15 Bala orang sedagar, ti nyadi kaya bedagang dalam nengeri nya, deka bediri ari jauh, laban sida takut meda pemerinsa iya,\\nlalu sida deka bekeduie nyabak sereta ngulit.\\n16 Ku sida, “Naka meh pemalat penusah nya! Naka meh pemalat penusah nengeri ti besai nya ti ngena kain linin, kain ungu, kain ti mirah-redam, ti diias ngena perengka emas, batu ti berega enggau batu mutiara!\\n17 Lalu dalam sejam aja semua pengaya iya abis dirusak.” Lalu semua juragan kapal, orang tambang ke belayar ngena kapal, kelasi, enggau semua orang ke bedagang di tasik, bediri ari jauh,\\n18 lalu nyerauh lebuh sida meda asap ti pansut ari api ti nganguska iya. Ku sida, “Kati nengeri bukai bisi udah baka nengeri ti besai nya?”\\n19 Sida lalu ngerabu pala diri enggau amau, duie-duie nyabak sereta ngulit. Ku sida, “Naka meh pemalat penusah nya! Naka meh pemalat penusah nengeri ti besai nya, alai semua orang ke bisi kapal ti belayar di tasik, nyadi kaya laban pengaya iya! Lalu dalam sejam aja semua utai iya abis dirusak!\\n20 Rami gaga ati meh nuan ke iya, O serega, kita nembiak Tuhan, enggau kita rasul enggau kita nabi, laban Allah Taala udah ngukum iya ke kita!”\\n21 Udah nya, siku melikat ti kering lalu ngambi sigi batu ti mesai batu kisar, lalu nikauka batu nya ngagai tasik. Ku iya, “Baka tu ku pemalat nengeri Babilon ti besai nya deka ditikau ke baruh, lalu nadai ditemu agi;\\n22 Munyi belikan enggau munyi nyawa orang ke belagu, munyi nyawa orang ke nebah kesuling enggau terumpit, nadai agi didinga dalam nuan; lalu orang ke landik begagaka utai nadai agi ditemu dalam nuan; Lalu munyi batu kisar nadai agi didinga dalam nuan;\\n23 Penampak lampu nadai agi manchar dalam nuan; Lalu munyi nyawa indu enggau nyawa lelaki ke ditikah nadai agi didinga dalam nuan; Laban bala sedagar nuan endang orang ke pemadu bekuasa dalam dunya, lalu semua bansa udah ditipu kereja keramat nuan.\\n24 Darah sida nabi, darah nembiak Tuhan, enggau darah semua orang ke udah dibunuh di dunya, ditemu magang dalam nengeri nya.”\\n1 Udah nya aku lalu ninga utai ti munyi nyawa bala mayuh di serega. Ku sida, “Aliluya! Pengelepas, mulia enggau kuasa endang enggi Allah Taala kitai,\\n2 laban Iya ngakim ngena pemendar enggau pengelurus! Iya udah ngukum indu sundal nya ti udah ngamahka dunya ngena pengawa iya ti bambai, lalu Allah Taala udah malas iya laban iya udah munuh bala nembiak Allah Taala.”\\n3 Sida lalu manjung baru, “Aliluya! Asap ari api ti nganguska nengeri ti besai nya deka niki ke atas belama-lama iya!”\\n4 Bala tuai ti dua puluh empat iku nya, enggau empat iku utai ti idup lalu nyungkurka diri nyembah Allah Taala, ke duduk ba kerusi diraja nya. Ku sida, “Amin! Aliluya!”\\nGawai Tikah Anak Domba\\n5 Lalu ari kerusi diraja nya pansut munyi siti nyawa. Ku iya, “Beri puji ngagai Allah Taala, semua kita ke nembiak Iya, kita ke nangika Iya, ke besai enggau ke mit.”\\n6 Udah nya aku lalu ninga utai ti munyi nyawa bala mayuh, munyi guru ai wung, enggau munyi letup guntur. Ku sida, “Aliluya! Laban Tuhan kitai, Allah Taala ti Pemadu Bekuasa, endang merintah.\\n7 Aram kitai rami gaga ati sereta lantang ngemesaika nama Iya, Laban gawai tikah Anak Domba udah datai lalu tunang Iya udah nyendiaka diri.\\n8 Tunang Iya udah diberi kain linin ti tuchi ti beperenching nyadika pekayan iya.” (Kain linin nya pengawa ti lurus ti dikereja bala nembiak Tuhan.)\\n9 Melikat nya lalu bejaku ngagai aku, “Tuliska tu: Beberekat meh orang ke udah diambi ngabang ngagai gawai tikah Anak Domba.” Lalu ku iya bejaku ngagai aku, “Tu jaku ti bendar ari Allah Taala.”\\n10 Aku lalu nyungkurka diri di kaki iya, deka nyembah iya, tang ku iya bejaku ngagai aku, “Anang nyembah aku! Aku tu pen ulun baka nuan, baka semua orang bukai ke arapka pemendar ti dipandangka Jesus. Sembah Allah Taala!” Laban pemendar ti dipandangka Jesus nya roh ti benabi.\\nOrang Ke Nepan Kuda Ti Burak\\n11 Udah nya aku meda serega tebuka. Siku kuda ti burak lalu pegari. Orang ke nepan iya nya benama Tetap Ati Sereta Bendar. Iya ngakim tauka beperang ngena pengelurus.\\n12 Mata Iya baka daun api, lalu ba pala Iya mayuh bengkah makota. Lalu Iya bisi nama ti ditulis ba Iya, ti enda ditemu orang, tang semina ditemu Iya Empu aja.\\n13 Baju panjai Iya udah disepuhka ngagai darah. Nama Iya “Jaku Allah Taala.”\\n14 Lalu bala soldadu serega, ke bepekayan ngena kain linin ti burak sereta tuchi, nitihka Iya, nepan kuda ti burak.\\n15 Ari nyawa Iya pansut siti pedang ti tajam, ti dikena Iya ngalahka semua bansa, lalu Iya deka merintah sida ngena sebatang besi. Iya deka ngindik buah anggur dalam pitan pengeringat Allah Taala ti pemadu Bekuasa.\\n16 Ba baju panjai Iya enggau ba pah Iya bisi dituliska nama tu, “Raja ke semua raja, enggau Tuhan ke semua tuhan.”\\n17 Udah nya aku tepedaka siku melikat bediri atas mata hari. Iya ngangau enggau nyawa ti inggar ngagai semua burung ti terebai ba tengan langit, “Datai lalu begempuru ngagai pengerami makai besai Allah Taala.\\n18 Datai meh kita lalu empa meh isi bala raja, isi bala tuai soldadu, isi bala orang ke bekuasa, isi kuda enggau isi orang ke nepan kuda, enggau isi semua mensia ti ulun enggau ti ukai ulun, ke besai enggau ke mit!”\\n19 Udah nya aku tepedaka jelu nya enggau bala raja dunya, enggau bala soldadu sida begempuru deka beperang ngelaban Iya ke nepan kuda nya, enggau ngelaban bala soldadu Iya.\\n20 Jelu nya lalu ditangkap, sama enggau nabi ti pelesu nya, ti udah ngereja kereja ajih di mua jelu nya kena iya nipu orang ke bisi kelai jelu nya, enggau orang ke udah nyembah anak patung jelu nya. Jelu nya enggau nabi ti pelesu nya lalu dibuai idup-idup ngagai danau api ti mau laban merirang.\\n21 Sida ke bukai dibunuh ngena pedang ti pansut ari nyawa Iya ke nepan kuda nya, lalu semua burung bebendar amat makai isi sida.\\n1 Udah nya aku tepedaka siku melikat nurun ari serega, megai kunchi lubang kebung ti nadai buntut nya, enggau siti rantai ti besai.\\n2 Iya lalu nangkap naga nya, iya nya ular ti tuai nya, iya nya Antu tauka Sitan, lalu nanchang iya seribu taun.\\n3 Melikat nya lalu nikauka iya ngagai lubang kebung nya, ngunchi pintu lubang kebung nya, lalu nanggam pintu nya, ngambika iya enda agi nipu mensia, datai ke pengujung seribu taun nya. Udah nya iya enda tau enda dilepaska enda lama.\\n4 Udah nya aku tepedaka mayuh kerusi diraja, lalu duduk ba kerusi diraja nya bala orang ke udah diberi kuasa ngakim. Aku mega tepedaka semengat orang ke udah dipumpung pala ketegal sida udah besaksika pasal Jesus, sereta udah madahka jaku Allah Taala, orang ke nadai udah nyembah jelu nya tauka nyembah anak patung iya, sereta nadai udah nerima kelai jelu nya ba kening tauka ba jari sida. Sida angkat idup baru lalu merintah enggau Kristus seribu taun.\\n5 Orang bukai ke udah mati, enda angkat idup baru, datai ke seribu taun nya udah abis. Tu pengangkat ari mati ti keterubah.\\n6 Beberekat sereta kudus meh orang ke diangkatka ari mati ti keterubah tu! Pemati ti kedua nadai kuasa atas sida, tang sida deka nyadi imam Allah Taala, enggau imam Kristus, lalu sida deka merintah enggau Iya seribu taun.\\n7 Ba pengujung seribu taun nya, Sitan deka dilepaska ari rumah jil iya,\\n8 lalu iya deka pansut lalu nipu semua bansa ba empat iti sukut dunya, iya nya, Gok enggau Magok, ngempuru lalu nyendiaka sida beperang. Pemayuh sida nya nyau ngemayuh igi pasir ti ba tebing tasik.\\n9 Sida lalu bejalai ngagai semua endur di serata dunya, lalu ngelulung kem bala nembiak Tuhan, enggau nengeri ti dikerinduka Allah Taala. Tang api nurun ari serega, lalu ngerusak sida.\\n10 Sitan ti udah nipu sida lalu ditikauka ngagai danau api enggau merirang, alai jelu enggau nabi ti pelesu nya udah dibuai, lalu sida deka diperinsaka siang malam belama-lama iya.\\nUkum Ti Penudi\\n11 Udah nya aku tepedaka siti kerusi diraja ti besai sereta burak, enggau siku orang ke duduk ba kerusi diraja nya. Dunya enggau langit rari ari Iya, lalu nadai ditemu agi.\\n12 Aku lalu tepedaka orang ke udah mati, ke besai enggau ke mit, bediri di mua kerusi diraja nya, lalu mayuh bengkah bup dibuka. Siti agi bup dibuka, iya nya bup pengidup. Lalu orang ke udah mati diakim nitihka utai ti udah dikereja sida, munyi ti ditulis dalam bup nya.\\n13 Tasik lalu nyerahka orang ke mati dalam iya. Pemati enggau Dunya pemati nyerahka orang ke mati dalam seduai iya, lalu semua orang nya diakim nitihka utai ti udah dikereja sida.\\n14 Udah nya Pemati enggau Dunya pemati dibuai ngagai danau api. Danau api nya pemati ti kedua.\\n15 Orang ke nadai nama ditulis dalam bup pengidup, dibuai ngagai danau api nya.\\nSerega Ti Baru Enggau Dunya Ti Baru\\n1 Udah nya aku tepedaka langit ti baru enggau dunya ti baru; laban langit ti dulu enggau dunya ti dulu udah lesap, lalu tasik nadai agi.\\n2 Aku lalu tepedaka nengeri ti kudus, iya nya Jerusalem ti baru, nurun ari serega, ari Allah Taala, dikemas baka indu ke deka ditikah enggau laki iya;\\n3 aku lalu ninga nyawa ti inggar bejaku ari kerusi diraja nya, “Diatu Allah Taala deka diau enggau nembiak Iya! Iya deka diau enggau sida, lalu sida deka nyadika nembiak Iya, lalu Allah Taala Empu deka begulai enggau sida, lalu nyadi Allah Taala sida.\\n4 Iya deka ngendas semua ai mata ari mata sida, lalu pemati nadai agi, nadai agi ngulit, nadai agi nyabak, nadai agi pedis, laban utai ti lama nyau nadai agi.”\\n5 Udah nya Iya ke duduk ba kerusi diraja bejaku, “Peda nuan, diatu Aku ngaga semua utai nyadi baru magang!” Iya mega bejaku ngagai aku, “Tuliska tu, laban leka jaku tu bendar sereta tau dikarapka.”\\n6 Lalu ku Iya bejaku ngagai aku, “Udah tembu! Aku tu Pun enggau Pengujung. Ngagai orang ke aus, Aku deka meri sida ai ari mata ai pengidup nyadika pemeri.\\n7 Orang ke menang deka nerima pesaka tu ari Aku, lalu Aku deka nyadi Allah Taala sida, lalu sida deka nyadi anak Aku.\\n8 Tang orang ke penakut, ke aum juak, ke ngereja penyai, ke pemunuh, ke bambai, ke bemanang, ke nyembah engkeramba, enggau semua orang ke bula, endur alai sida nya danau api enggau merirang. Nya pemati ti kedua.”\\nJerusalem Ti Baru\\n9 Siku ari tujuh iku melikat nya, ke bisi tujuh igi mangkuk ti penuh laban tujuh bengkah penusah besai ti penudi, datai lalu bejaku ngagai aku, “Datai kitu, laban aku deka nunjuk ke nuan Tunang, iya nya bini Anak Domba.”\\n10 Melikat nya lalu mai aku dalam roh ngagai tuchung bukit sigi ti besai sereta tinggi, lalu mandangka ngagai aku nengeri Jerusalem ti kudus, ti nurun ari serega, ari Allah Taala,\\n11 ti beperenching laban mulia Allah Taala, beperenching baka batu ti berega, baka batu asija, chiru baka batu kristal.\\n12 Nengeri nya bisi dinding kuta ti besai sereta tinggi, enggau dua belas iti pintu, lalu ba genap iti pintu nya bisi siku melikat, lalu ba semua pintu kuta nya bisi dituliska nama dua belas raban bansa orang Israel;\\n13 tiga iti pintu ba dinding kuta ti muak ke timur, tiga muak ke utara, tiga muak ke selatan, lalu tiga muak ke barat.\\n14 Lalu dinding kuta nengeri nya didirika ba atas dua belas igi batu pemun, lalu ba dua belas igi batu pemun nya bisi dituliska nama dua belas iku rasul Anak Domba.\\n15 Melikat ke bejaku ngagai aku bisi sebatang penyukat ti digaga ari emas, kena nyukat nengeri, pintu, enggau dinding kuta nengeri nya.\\n16 Nengeri nya besegi empat. Buka iya sebaka enggau pemanjai iya. Melikat nya nyukat nengeri nya ngena penyukat nya. Pemanjai iya, buka iya sebaka enggau peninggi iya, iya nya dua ribu empat ratus kilometer.\\n17 Melikat nya mega nyukat dinding nengeri nya, lalu penebal iya enam puluh meter, nitihka penyukat mensia ti dikena iya.\\n18 Dinding nya digaga ari batu asija, lalu nengeri nya empu digaga ari emas ti tulin, ti senayau baka gelas.\\n19 Batu pemun ke dinding nengeri nya dilagu ngena semua macham batu ti berega. Batu pemun ti keterubah nya batu asija, iya ti kedua batu nilam, ti ketiga batu sejabu, ti keempat batu samerut,\\n20 ti kelima batu unam, ti keenam batu akek mirah, ti ketujuh batu ratna chempaka, ti kelapan batu pirus, ti kesemilan batu jakut kuning, ti kesepuluh batu akek gadung, ti kesebelas batu kuning, ti kedua belas batu kechubung.\\n21 Lalu pintu ti dua belas iti nya digaga ari dua belas igi batu mutiara, siti-siti pintu digaga ari sigi batu mutiara, lalu jalai raya di nengeri nya digaga ari emas ti tulin, ti senayau baka gelas.\\n22 Aku nadai meda Rumah Sembiang dalam nengeri nya, laban Tuhan Allah Taala ti Pemadu Bekuasa Empu enggau Anak Domba nyadika Rumah Sembiang dalam nengeri nya.\\n23 Lalu nengeri nya enda begunaka mata hari tauka bulan manchar ngagai iya, laban mulia Allah Taala manchar ngagai iya, lalu Anak Domba nyadika lampu iya.\\n24 Semua bansa deka bejalai dalam penampak nya, lalu bala raja dunya deka mai mulia sida ngagai nengeri nya,\\n25 lalu pintu nengeri nya deka tebuka belama, laban dia nadai malam.\\n26 Orang deka mai ngagai nengeri nya semua mulia enggau pengaya ari semua bansa.\\n27 Tang nadai utai ti enda tuchi, tauka orang ke ngereja penyai, tauka orang ke bula, tau tama ngagai nengeri nya, tang semina orang ke bisi nama ditulis dalam bup pengidup Anak Domba.\\n1 Udah nya melikat nya mandangka ngagai aku sungai ai pengidup, ti bekilat baka batu kristal, ti rarat ari kerusi diraja Allah Taala enggau ari kerusi diraja Anak Domba\\n2 nengah tengah-tengah jalai raya nengeri nya. Ba tebing sungai nya ari sepiak-sepiak bisi kayu pengidup, ti bebuah dua belas kali setaun, sekali tiap-tiap bulan, lalu daun kayu nya dikena ngeraika bansa.\\n3 Utai ti disumpah Allah Taala nadai ditemu dalam nengeri nya, tang kerusi diraja Allah Taala enggau kerusi diraja Anak Domba bisi di nengeri nya, lalu bala nembiak Iya deka nyembah Iya;\\n4 lalu sida deka meda mua Iya, lalu nama Iya bisi ba kening sida.\\n5 Malam nadai agi, lalu sida enda begunaka lampu tauka penampak mata hari, laban Tuhan Allah Taala Empu deka nyadika penampak sida, lalu sida deka merintah belama-lama iya.\\n6 Lalu ku melikat nya bejaku ngagai aku, “Jaku tu amat, sereta tau dikarapka. Lalu Tuhan, Allah Taala ti meri roh benabi, udah ngirumka melikat Iya ngambika nunjukka ngagai bala nembiak Iya utai ti enda tau enda nyadi enda lama da agi.”\\n7 “Dinga kita, Aku deka datai enda lama da agi. Beberekat meh orang ke ngasika jaku ti benabi dalam bup tu.”\\n8 Aku, John, udah ninga sereta meda semua utai tu. Lalu lebuh aku ninga sereta meda sida, aku lalu nyungkurka diri nyembah melikat ke udah nunjukka utai nya ngagai aku.\\n9 Tang ku iya bejaku ngagai aku, “Anang nyembah aku! Aku pen ulun baka nuan, baka bala nabi ke menyadi nuan, baka semua orang ke ngasika jaku ti dalam bup tu. Sembah Allah Taala!”\\n10 Lalu ku iya bejaku ngagai aku, “Anang ngelalaika jaku ti benabi ti disebut dalam bup tu, laban maya nyau semak.\\n11 Awakka orang ke ngereja penyai, majak ngereja penyai, lalu awakka orang ke kamah, majak ngereja ulah ti kamah, lalu orang ke lurus, majak ngereja pengelurus, lalu orang ke kudus, majak kudus.”\\n12 “Dinga, Aku deka datai enda lama da agi, mai upah ngagai genap iku orang, kena mayar iya nitihka utai ti udah dikereja iya.\\n13 Aku tu Alpa enggau Omega,Iya ti pemadu dulu enggau pengabis dudi, ti Pun enggau Pengujung.”\\n14 Beberekat meh orang ke masu baju panjai sida, ngambika sida bulih hak makai buah ari kayu pengidup, lalu tau tama ngagai nengeri nya nengah pintu nengeri.\\n15 Tang orang ke ngereja penyai, orang ke bemanang, ke bambai, ke pemunuh, ke nyembah engkeramba enggau semua orang ke bula, enda tau tama ngagai nengeri nya.\\n16 “Aku, Jesus, udah ngasuh melikat Aku madahka utai tu ngagai kita ke dalam eklisia. Aku tu urat enggau peturun David, bintang pagi ti manchar terang.”\\n17 Roh enggau Tunang lalu nyebut, “Datai kitu!” Lalu awakka semua orang ke ninga, nyebut, “Datai kitu!” Lalu awakka semua orang ke aus, datai. Awakka barang sapa deka, ngambi ai pengidup nyadika pemeri.\\n18 Aku meri jaku tangkan ngagai semua orang ke ninga jaku ti benabi dalam bup tu: enti orang nambahka jaku ngagai jaku tu, Allah Taala deka nambahka ngagai sida semua penusah ti dipadahka dalam bup tu,\\n19 lalu enti orang muai utai ari jaku ti benabi dalam bup tu, Allah Taala deka muai ungkup sida ari kayu pengidup, enggau ungkup sida ari Nengeri Ti Kudus, ti dipadahka dalam bup tu.\\n20 Iya ke besaksika semua utai tu, nyebut, “Aku endang deka datai enda lama da agi!” Amin. Datai meh Nuan Tuhan Jesus!\\n21 Awakka pengasih Tuhan Jesus Kristus meruan enggau semua nembiak Tuhan. Amin.","num_words":11523,"character_repetition_ratio":0.065,"word_repetition_ratio":0.005,"special_characters_ratio":0.215,"stopwords_ratio":0.363,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jerita Orang Kaya Pemancha Dana “Bayang” | Iban Cultural Heritage\\nNyadi O.K.P. Dana “Bayang” di Padeh tu anak biak Orang Kaya Betie biak ke bejulok “Tajai Ngindang” seduai Endau. Menyadi bukai OK Dana “Bayang” tu iya nya Senaang, Isik, Nawi, Kitang, Suma enggau Mandah. Sida, leboh maia tu agi diau dalam ai Padeh, pati Batang Layar. Sanentang rumah sida maia tu, ari ulu rumah orang Nanga Lawing kediatu (1975 – source Mr. Bediman Anak Ketit – great, great, great grandson of OKD Bayang)\\nLeboh maia Endau ngandong ka Dana, dia seduai melaki bini bisi nemuai ngagai sida Nyuin ke bensumbar “Muntigerai” ba rumah sida di Tanu, ba tebing Batang Layar ari Ili Nanga Padeh. Udah tembu makai lemai, orang sepiak-sepiak pan datai mega ngulu temuai ke bisi datai. Nyau udah pulai tindok magang orang ke datai ngulu seduai iya, dia Endau tak enggai tentu tindok. Leboh iya ka agi dani kediri diri, dia iya ninga nyawa orang indu batimang anak, “ba adu-adu, ba adi-adi” keno ko dinga iya. Lama iya jenuh mending ka timang orang nya. Nyadi tunga bunyi orang nya asai ka ba saberai pengkalan ba urong julut Lubok Tanu muak ka ulu pengkalan sida Tanu.\\nUdah nyawa nya ngetu didinga iya, Endau pan enda berasai lalu lela mata deka tindok. Leboh ka tindok tu, dia iya lalu bemimpi tapeda ka indu siko. Indu nya lalu bejako enggau Endau, ko iya, “Ninga nuan nyawa aku ke betimang tadi Endau”? ko indu nya nanya iya.\\n“Ninga aku nyawa, tang jako enda tentu dadinga, mina ninga orang ti munyi ke nimang anak,” ko Endau nyaut.\\n“Eh, aku nya tadi Endau. Aku ga nimang anak ke ba kandong nuan nya. Nya ga anak aku ke mati lulus, tang nyadi iya ti da kandong ka nuan nya,” ko indu nya bejako enggau Endau. “Ila iya Endau, enti nuan beranak, lelaki anak nuan nya, lalu gaga ka nuan nama Dana. Iya ada mai ngeli sigi tumboh ari atas. Bunoh ka babi ila Endau, enti nuan udah beranak. Enggai ka nuan enda ngelala aku, aku tu meh Kumang bini Keling, indu orang ari Panggau Libau,” pia ko indu nya. Iya pan lalu ayas ari peda Endau. Endau pan lalu tedani, tang iya lalu enda nusoi mimpi diri ngagai orang leboh ke nya.\\nSahari dua udah nya, seduai melaki bini pan lalu mulai ka diri ka Padeh. Nyau datai ba maia ke beranak, beranak meh ga Endau. Amat munyi ti ko mimpi iya ga utai ke nyadi. Anak iya lelaki lalu ada mai ngeli sigi tumboh ari atas. Meda bakanya, bala sida ke tuai-tuai bela madah ka diri nadai kala meda penyelai utai ti nyadi. Sida sama satuju runding ngasoh munoh babi siko kena ngintu Dana ti baru ada nya tadi.\\nLeboh umur iya baru ngangkat ka diri bujang, dia menyadi tuai iya Senaang seduai Isik mai Dana enggau seduai iya nebas umai enda jauh ari ulu rumah sida. Nyadi Senaang seduai Isik, laban ke tuai agi, endang udah bisi ruang bilik ka diri empu maia nya menya. Seduai mega siru sereta nelap bendar enggau adi bunsu seduai iya. Seduai mega endang diasoh apai sida ngiring serta ngajar Dana dalam semua pengawa. Leboh ka bumai kali tu, sida tiga menyadi bemalam ba langkau umai. Ari langkau nya tadi, tiap-tiap pagi, sida iya nadai ngetu turun nebas dandang umai sida.\\nBisi sakali, leboh maia deka turun, dia Dana tak lalu apin dani tindok. “Lapa Dom tu tak lalu enda angkat,” pia ko Isik bejako enggau Senaang.\\n“Nyangka nya lelak meh Dom nya. Nadai iya kala bakanya. Awak ka iya tindok, lagi iya nemu nitih ka tua. Mupok meh tua,” pia ko saut Senaang. Seduai pan lalu nurun ga nebas pagi nya.\\nNyau ngetu ngansah seduai iya, pulai ga seduai iya ka langkau. Datai di langkau, peda Dana endang agi tindok. “Eh, anang negu iya tua, nyangka iya bisi mimpi kini,” ko seduai iya bejako. Seduai iya pan lalu mupok ga nebas baru udah ke tembu ngansah.\\nNyau maia ke ngetu tengah hari, pulai meh ga seduai menyadi ka langkau. Datai di langkau, peda seduai Dana endang udah dudok dani. Seduai iya lalu nanya kabuah iya bangat tindok ngelama nya. Dana lalu madah ka diri bisi mimpi. Ninga nya, seduai iya pan lalu ngetu ga nanya iya maia nya.\\nNyau udah tembu pengawa sahari nya, udah sida tiga makai malam nya, nya baru Dana nusoi mimpi diri ngagai menyadi iya Senaang seduai Isik. Sapengelama iya ke tindok nya tadi dia Dana asai ka diau tiga malam begulai enggau orang di langit landai baka bingkai gelong tibang. Iya asai ka betemu enggau Endu Dara Tinchin Temaga ke gaga bendar ati, baka ka nyambut anak iya empu ke baru datai. Di langit din, Dana asai ka agi mit lalu tindok begulai enggau Endu Dara Tincin Tenaga, baka ke begulai enggau indai iya empu di menoa. Leboh ka diau din, dia iya asai ka diasoh Dara Tinchin Temaga nesa penyampau panau ba dada iya ari kiba ka kanan. Ditesa Dana ari kiba mansang ka tengah dada. Baru deka nyemerai ka kanan, lalu ditanya Dara Tinchin Temaga berapa udah kena tesa Dana.\\n“Baru ka lapan udah tesa aku, alai nuan lalu nanya aku. Aku pan lalu enda ingat agi,” ko Dana.\\nUdah nya lalu diasoh Dara Tinchin Temaga nya nesa panau iya baru ga Dana nya tadi. Bakanya ga Dara Tinchin Temaga nya enggau Dana. Baru deka nyemerai ka kiba tesa Dana, Dara Tinchin Temaga pan lalu nanya Dana berapa udah ditesa iya. Baka ke dulu tadi ga padah ka Dana.\\n“Nya alai Dana, “ ko Dara Tinchin Temaga, “Bisi Ribai deka datai ari tasik besai linggang gumbang ila. Anang ngelaban orang nya nuan Dana nyentuk ka lapan peturun, laban orang nya tau nyaup kita, tau mai pemansang ka kaban kita, tau ngasoh kita tampak rita tampak nama,” pia ko Dara Tinchin Temaga bejako enggau Dana.\\n“Nya alai, enti nuan ngayau, nyerang menoa, anang nyemerai ka tebing kanan undor Batang Saribas nuan, laban nuan enda tatesa ka panau ari kanan dada aku. Nyadi samoa ti ari kiba undor nya dana, nyamai nuan ngelaban, nadai munsoh tetan ka nuan, enti nuan nyerang sida jemah ila,” pia ko Dara Tinchin Temaga bejako enggau Dana.\\nSenaang seduai Isik pan ngenong ga ninga mimpi ditusoi Dana. Seduai iya lalu enda ngasoh Dana nusoi mimpi iya ngagai orang bukai dulu laban iya apin besai serta agi biak maia nya kelia. Nganti udah tembu nebas ila, nya baru mela mimpi Dana, pia ko jako sida tiga dia.\\nNyau maia Dana angkat bujang, iya endang baka orang bukai ga pendiau iya. Semoa pengawa umai, ngasu beburu bela diasai ka iya magang. Laban nya ke batang pengidup bansa Iban kelia. Pengawa ngayau mulau nitih ka tuai-tuai bukai menya pan bisi ga iya kala enggau orang. Tambah ka mega apai iya empu, Orang Kaya Betie “Tajai Ngindang”, endang orang ke tau kayau tau mulau, tau serang tau pandang, teleba ngulu ka orang mindah ngalus ka menoa.\\nApin iya nyadi tuai tau serang leboh iya benong ngangkat ka diri bujang, Dana bisi mimpi. Dalam mimpi iya, asai ka betemu enggau Kumang ti diau di tuchong Bukit Santubong. Dalam mimpi iya tu, Kumang enda ngasoh iya munoh sebarang orang ka diau sanebing Batang Saribas terus ngagai Luba Santubong enggau menoa ari kanan undor Nanga Saribas. Nya alai kategal mimpi iya tu, sepamanjai umor iya endang nadai kala ngalah ka Bansa Melanau ti diau sabelah luba Nanga Rajang enggau ngilah nya kin.\\nNya alai ari mimpi iya nya tadi, tiap-tiap kali mansa Luba Santubong dalam pejalai iya mansang nyerang ngagai menoa ari luar nya, iya enda tau enda ngetu dua-tiga malam dia, awak ka ulih niki ka Bukit Santubong, deka nanya ngagai Kumang pasal pemujur serang sida.\\nTasah Di Tanjong Kauk.\\nNyadi sakali, maia udah lepa pengawa umai, bala Iban Saribas ari Layar enggau Padeh undor ka Tanjong Kauk, ba menoa ili di Supa, ari ulu Nanga rimbas, enggau orang betanggok ngulih ka ikan buntal. Nyadi ikan buntal tu endang bisi datai ngaban sakali sataun nganjong diri betelu sabelah batang sungai dalam Batang Saribas. Nyau baka kijap api perau mensia ba sabelah sungai enti leboh maia ikan buntal tu datai ngaban. Iban Balau enggau Lundu endang nemu Iban Saribas maioh undor nanggok buntal maia nya menya.\\nLeboh maia tu mega, Dana enggau menyadi tuai iya Senaang seduai Isik, sama bisi enggau orang betanggok ka buntal di Tanjong Kauk. Sida tiga mai sabuah perau lalu belabuh begulai enggau kaban bukai ka bisi datai dia. Enda mukai-mukai, leboh sida benong betanggok malam nya, dia deh bala Balau bisi datai ari ili mansang ngayau ka menoa Saribas. Bala ari Saribas endang nadai sedia ka perengka dikena ngelaban munsoh, semina duku ti dikena sida berikan aja dikena sida nan ka diri. Orang bukai ke sempat ngelari ka diri, bela lari ka tebing magang. Maia nya, Dana agi dudok ba luan perau mela ikan buntal ke ulih sida. Senaang seduai Isik baru udah pulai ka dalam perau. Leboh bala Balau datai ba perau sida tiga menyadi, dia deh Dana ke dudok ba luan perau, lalu kena tikau munsoh enggau perambut ti lalu lekat ba perut iya. Iya lalu muai ka diri ka ai lalu bapegai ba burit perau ari kemudi. Laban ari ke malam serta petang, dia deh iya enda dipeda munsoh agi. Ninga orang begau, Senaang seduai Isik lalu pansut ari perau. Meda Dana tak udah nadai agi peda seduai menyadi, seduai iya lalu bebai diri menyadi ngansak niki ngagai perau munsoh ngiga Dana. Perau sida tiga nya tadi lalu rarat mai Dana ke agi bepagut ba kemudi perau. Leboh ka beranyut nya, Dana semampai mending ka seduai iya menyadi belaban enggau munsoh, sampai ke seduai iya nadai da dinga agi. Berai mata tudah Dana ngingat ka penyiru seduai menyadi enggau iya kenyau ari iya agi mit menya. Tang meh iya nadai chara nulong seduai menyadi laban ke udah balat bakal bakanya.\\nUdah mati Senaang seduai Isik, dia deh bala Balau bisi ninga utai munyi gugu guntor datai ari ulu. Bala sida pan lalu nadai ati mansang agi laban takut ka bala besai ari Saribas datai begau mantu bala sida ke tasah. Sida lalu beguai nguing bekayuh rari pulai ngagai menoa sida iya empu.\\nNyau tampak mimit hari, dia Dana lalu nyemerai ka tebing. Datai iya ditebing, iya lalu ngerayap niki ka tebing. Perambut ke lekat ba perut iya mengkang dia. Iya semina ngenatai ka diri ditebing, alai iya pan lalu luput. Leboh iya ke luput tu tadi, tak asai ka bisi indu siko datai semak iya dia.\\n“Eh, nadai nya ngapa deh Dana, tu aku Indai Abang datai ngubat nuan,” ko indu nya dinga iya. Udah nya lalu chabut iya perambut ari perut Dana lalu disembor iya enggau entemut. “Anang irau nuan Dana, gerai nuan lagi. Nuan pulai nebing ai tu. Aku pan mupuk dulu,” ko Indai Abang bejako enggau Dana. Peda Dana tak lalu lesap indu nya tadi. Iya pan ngeleda ari ke luput. Peda iya tak madang apong ngelingi iya dia. Iya pan berasai kering lalu mupok mulai ka diri ngulu ka Batang Ai Saribas. Datai iya di kampong laut ba Supa, iya lalu minta tulong laut dia nganjong iya pulai ka Padeh.\\nSerambau enggau maia tu kelia, bala sida Mullok seduai Luta ari Entanak, endang udah puas bekayau ka menoa ili ari tebing kiba undor Batang Saribas nyentok ka menoa Muara Tuang. Samoa menoa ke bisi diwan orang nebing kiba jalai undor ka Sarawak (Kuching), nadai enda udah dikayau seduai iya magang, ngulu ka bala ari Saribas.\\nLaban ke puas dikayau Iban ari Saribas, dia orang ke diau ba menoa ari nanga Saribas ngagai Tanjong Datu minta ulu ka bala pengari Sultan Brunei ke diau di Sarawak bebalas serang ngagai menoa Saribas. Sida iya lalu nyerang menoa Laut di Supa. Nya kabuah menoa nya datai ka saharitu pan dikumbai “Burok Rumah”. Rumah Laut ke enda kena tunu nyau burok diri, empa pengelama sida ke diau di menoa ulu sabelah Nanga Padeh udah bekau serang tu. Tang sida ke datai nyerang Saribas tu enda berani datai ba menoa Iban di Entanak, Padeh, Ulu Layar, Ulu Rimbas enggau Ulu Paku, ke endang deka dibalas sida. Nya alai semina kaban kitai bansa Laut aja ke tasah laban serang sida tu. Tembawai buah sida agi dipeda sampai ka diatu di Nanga Padeh.\\nDana Bemimpi Diasoh Sempurai Jadi Enggau Mengan.\\nNyau lama udah ke tasah di Tanjong Kauk, Dana pan nyau datai ba maia iya ti chukup umur niri ka ruang bilik kadiri empu. Malam siti, dia iya bisi mimpi asai ka betemu enggau Sempurai Munti Gerai Lancham Disimbang, Bungai Nuing Manok Biring Disabong Mali Lengang. Dalam mimpi iya ke tu, asai ka diasoh Bungai Nuing bebini indu benama Mengan. Lama iya berunding ka dini tunga menoa ke bisi indu benama Mengan, laban menoa semak Layar enggau Padeh dia nadai indu ti benama nya. Iya lalu nusoi mimpi iya ngagai indai iya Endau. Indai iya pan nadai jako, lalu nyendia ka iya ti deka nurun bejalai. Iya lalu angkat bejalai ngiga indu ka benama Mengan ngagai menoa Paku enggau Rimbas.\\nDatai iya di menoa orang Luban, dalam menoa pegai Paku ili, dia iya bemalam dia. Malam nya leboh ka berandau enggau orang ke empu bilik endor iya bemalam, dia iya nanya orang ke biak, enti bisi indu ke benama Mengan ba urong menoa nya. Sida pan madah ka bisi indu sida sarumah benama nya. Malam nya, orang ke biak lalu nganjong Dana ngagai pintu indu dara ka benama Mengan, ke tindok di sadau bilik sida. Leboh iya deka niki ka sadau nengah tiang, sepi iya tak lekat iko sirat iya.\\n“Ukai indu tu,” ko jako orang ke megai iko sirat iya. “Agi jaoh Mengan ti ko aku, ukai Mengan tu,” pia ko Bungai Nuing. Iya pan lalu merubus nurun ka ruai nikal ngagai endor iya ka bemalam. Nyadi Bungai Nuing nya tadi enda dipeda iya, semina jako iya aja didinga Dana. Nyau siang hari, udah makai apa indah pagi nya, alai iya madah ka diri mupok ngagai orang ke endor iya bemalam, agi deka bejalai ka bukai.\\nAngkat ari nya, Dana pan lalu bejalai nuju menoa orang Suri dalam menoa pegai Rimbas ili. Datai iya di Suri, iya pan lalu bemalam dia. Puas ka berandau jaoh malam, iya pan nanya ngagai pangan endor iya diau enti bisi Indu benama Mengan ba urong menoa nya dia. Bisi ga ko orang madah ngagai Dana. Udah orang nyau tegram tindok magang, angkat ga iya minta anjong anembiak ngayap. Leboh ka deka niki tiang ngagai sadau endor orang indu tindok, bisi ga Bungai Nuing narit iko sirat iya madah ka ukai Mengan ke nya ti diasoh iya ambi Dana ka bini. Enda ga Dana nyadi ngayap malam nya.\\nNyau pagi siti, udah tembu dibela orang makai, Dana pan madah ka diri mupok baru ga bejalai, nuju menoa orang Rapong, dalam menoa pegai Rimbas Tengah. Nyau lemai ga hari, baru iya datai di Rapong. Iya pan lalu niki ga napat ka ruai orang ke ba pun penatai iya ke niki. Nyau udah pulai tindok orang bukai ke bisi ngulu berandau enggau iya malam nya, Dana lalu nanya orang ke empu bilik endor iya bemalam enti bisi indu ke benama Mengan ba rumah sida dia.\\n“Bisi kami ditu indu benama Mengan,” ko orang nya bejako enggau Dana, “tang iya udah belaki. Nama laki iya Luta bensumbar “Tangkong Engkabang”. Laki iya tu sakit, enda tau mindah serta lembut samoa tubuh.” Ninga nya, diau diri ga Dana. “Nyangka ukai Mengan tu ke diasoh orang ambi aku ka bini,” ko ati iya dalam din.\\nUdah nya, iya pan lalu nindok ka diri. Tak baru pejam keno ko mata iya, dia iya tak asai ka da tegu orang ba kaki. “Dani nuan Dana,” ko Bungai Nuing, “Mengan nya meh indu ti da asoh aku ambi nuan ka bini. Dini hari lagi, tumu iya nurun nyaok,” ko Bungai Nuing dinga iya.\\nNinga Bungai Nuing munyi nya, Dana lalu dudok baru ga, nganti maia Mengan ke nurun nyaok dini hari nya. Nyau maia Mengan ke nurun nyauk, Dana pan lalu nurun ka pendai sida lalu nganti Mengai dia. Enda lama udah iya nganti ba pendai, peda iya datai indu siko minching labu nurun nyaok. Datai Mengan ba pendai sida, dia iya lalu tapeda ka Dana.\\n“Oh, bisi temuai datai?” ko Mengan nanya.\\n“Bisi, … datai lemai kemari,” ko Dana nyaut.\\n“Nama pejalai deh? ….. Pejalai lantang? tauka ka endang mansa enda lama?” ko Mengan ga nanya baru.\\n“Lantang pejalai aku tu Endun. Endang deka betemu enggau nuan.” Ko Dana nyaut.\\n“Ooh pia? … Nama igau nuan diau, nama mimpi nuan bangat tak nemu datai nyelinting aku?” ko Mengan ga nanya baru.\\nDana lalu nusoi ngagai Mengan madah ka kabuah diri ke datai da Rapong dia. Mengan pan madah ka diri bisi ga mimpi diasoh Bungai Nuing jadi enggau orang ke benama Dana. Mengan mega madah ka diri udah belaki, tang laki iya lama udah sakit, enda tau engkebut, enda tau mindah. Mengan mega madah ka laki iya Luta endang udah nemu pasal mimpi Mengan ke diasoh antu jadi enggau orang ke benama Dana.\\nNinga jako Mengan munyi nya, Dana lalu madah ka Mengan, iya deka batemu enggau apai-indai Mengan nya empu bejako ka pengawa seduai iya.\\n“Enti munyi nya, aku pulai dulu madah ka sida apai, ngasoh sida ngempuru ka orang pagi nya. Ari nya lagi baru tua nemu bakani ko runding enggau atur sida apai ba pengawa ke bakatu. Enti aku tu tak bedau belaki, nyangka nadai baleman sida iya ngadu ka aku, tang aku tu tak mengkang bisi laki, enda nemu kati ko chara sida apai ngadu ka utai baka tu. Nuan lagi lalu nitih ka aku lalu dudok nunga apai aku ke bekindu ba ruai kami din lagi.” ko Mengan bejako enggau Dana.\\nPulai nyauk nya tadi, Dana lalu nitih ka Mengan, ngagai ruai sida apai Mengan empu. Datai iya ba ruai sida Apai Mengan, Dana pan diasoh apai iya lalu, dudok nunga bedilang ba tengah ruai sida dia. Mengan pan lalu tama ka bilik sida iya empu. Maia makai pagi nya, Mengan pan lalu ngangau ka apai iya enggau Dana sama tama makai. Leboh ka makai pagi nya, apai Mengan pan lalu nanya ka pejalai Dana. Dana pan lalu terus nusoi pejalai diri ke diasoh Bungai Nuing ngiga indu ka benama Mengan jadi ka bini iya.\\nNinga saut Dana, laki Mengan ke sama bisi makai dia pagi nya pan lalu mansut ka jako iya. “Aku tu pan bakanya meh aya, unggal, enda nagang seduai iya jadi, laban aku empu endang udah dulu nemu, ari padah ka bunsu antu, bisi orang ke benama Dana deka ngambi endun ka bini. Nya alai, amat meh ko jako bunsu antu. Nya deh Dom udah datai ba kitai ditu. Kami duai endun endang udah ngadang utai ti baka tu deka nyadi,” ko Luta bejako.\\n“Enti munyi nya, nganti aku udah ngempuru ka bala maioh lagi, nanya ka panemu bala maioh ba sanentang pengawa ke bakatu. Nya deh endu nya tak mengkang bisi laki, kati ka chara nyara ka adat ba utai ke baka nya. Enti iya taka apin belaki, nyamai meh kitai belurus ka pengawa,” ko apai Mengan bejako enggau Dana seduai Luta.\\nUdah tembu makai pagi nya, apai Mengan pan lalu nesau bala sida sarumah, ngasoh sida gempuru ba ruai iya. Udah orang sampal datai, Apai Mengan pan lalu bejako nusoi kabuah iya ke ngangau ka sida sarumah nya ngagai ruai iya pagi nya. Semoa jako ke ditusoi Dana ngagai iya disebut iya magang ngagai bala sida sarumah. Udah abis jako iya, iya pan lalu nanya ka runding tuai-tuai ke bisi datai dia pagi nya. Orang bukai bela madah ka diri nadai panemu, lalu ngasoh Apai Mengan empu mutus ka runding laban iya empu endang tuai sida dia.\\n“Nyadi, laban endun tu endang meruan bisi laki, bisi ruang bilik ka diri empu, tang ruang bilik seduai iya tu direrak rumpang laban ari atur sida Petara, sida bunsu antu, munyi ko tusoi sida tiga ke empu tubuh. Ba sanentang tu, pemali ti pansut ari pengawa ke bakatu, enda tau enda dulu diaduka kitai. Kabuah pia, enti enda diadu ka kitai, utai tu dikumbai butang ngeladang, naka iya mali, tau mai menoa kudi bebali, ngasoh rumah kitai angat. Enti nya amat ari atur sida Petara, sida bunsu antu, Endun seduai Dom Dana tu enda tau enda jadi, awak ka adat kena nasih pemali bakatu ngena antu pala empat igi, agi bedarah. Nya alai enti Dom Dana tu satuju ka adat nya, tau meh iya jadi enggau Endun Mengan kitai tu, nadai pulai ka penusah, nadai pulai ka penanggul kitai di menoa tu. Adat bukai nya disebut dudi, udah pemali seduai iya tu da pensiang kitai dulu,” ko apai Mengan bejako ngagai bala maioh ke bisi dia. Orang bukai nyau enda engkertik ninga adat dipinta apai Mengan.\\nUdah nya Dana lalu nyaut madah ka diri deka ngisi adat nya, laban iya endang mutus ati deka jadi enggau Mengan. Iya lalu nimpoh diri datai baru hari siti nganjong adat ti dipinta apai Mengan.\\nLemai nya Dana lalu nurun bejalai baru nuju antara menoa ke diwan bansa Iban enggau bansa bukai ngili sungai Melupa, pati Batang Awik. Maia nya menya, Iban endang bedau udah berumpang menoa sabelah nya dia. Semina menoa nya udah endor apai iya ngulu ka bala ngayau ngalah ka bansa Seru, lalu iya empu pan bisi ga udah enggau orang kia, nyadi ka bala apai iya empu. Nya alai, enda bangat lama iya udah bejalai sabelah menoa nya dia, alai iya lalu bulih empat igi leka balang berang. Iya lalu mulai ka diri ka Rapong. Datai iya di Rapong, antu pala nya lalu disambut bala enggau gawai enchaboh arong serta lalu bejadi ka Dana seduai Mengan nya melaki bini.\\nUdah abis pengawa nya, Dana pan lalu mai Mengan pulai ka Padeh. Seduai iya bedarat nengah menoa Rimbas, mansa menoa Paku ili, udah nya rembus di Layar ili. Datai seduai iya di Bebangai kanan, seduai iya lalu ngetu ba pangkalan orang Bebangai, berunding ka jalai mai Mengan nyemerai, laban menoa sida di batang Padeh mati’ ari kanan mudik Batang Layar. Dia seduai iya dudok nukung nat ka diri. Sakumbang ka nya, Dana lalu lela tindok, laban ke udah lelak bejalai jaoh. Leboh ka tindok, iya lalu bemimpi ninga orang ngangau ka iya.\\n“Oh Dana, nama nuan tak tindok deh?” ko orang nya dinga iya.\\n“Oh, aku tu berunding ka jalai kami duai Mengan meraka sungai Layar tu. Kami duai nadai perau dikena,” ko Dana nyaut kangau orang nya.\\n“Nadai nya da ketusah ka nuan deh. Nya jalai seduai meraka,” ko nyawa orang nya dinga iya.\\nMalik Dana, peda iya tak bisi jalai ba moa iya, bajembatan ka baya betemu moa, jagu batemu iko, terus ka saberai. Jambatan nya bekajang ka pua kumbu, belalau ka sumpit tapang. Seduai iya lalu meraka sungai Layar, bajembatan ka baya.\\nDatai seduai iya di saberai, Dana lalu ninga orang nya bejako baru, “Nya alai Dana, enti anak uchu nuan ila belaki bebini, tu meh adat dikena nuan enti iya jauh meraka menoa orang. Pua kumbu ambi ka kajang, sumpit tapang ambi ka lalau, babendai sajengkal papan sambang iya ambi ka pengangkat burit enggau ketawak ambi ka penudok iya datai ba bilik lelaki.” Orang nya tadi lalu madah ka diri Raja Baya. Udah nya tadi, peda iya tak lalu lesap jalai endor seduai iya meraka Batang Layar tadi.\\nDatai seduai iya da rumah sida, seduai iya lalu disambut Indai iya Endau enggau bala sida sarumah. Nyau berami meh orang dia nyelamat Dom Dana ke udah pulai mai bini, bebiau baka orang bukai ke pulai ngambi indu maia melah pinang.\\nNyau berapa taun udah diau di Purau, sida Dana lalu pindah ka Buluh Lachau. Diatu, endor nya dikumbai orang Buloh Antu. Dana seduai Mengan maioh anak. Sida iya baka tu:\\nKumang Badong tauka Indun\\nPengangkat Nama Dana Nyadi Tuai Kayau.\\nKira dalam taun 1819, menoa Sambas, Pontianak enggau Mempawa dipegai Perintah Belanda. Maia tu mega sida Dana diau di Buloh Lachau. Leboh ke diau dia, Dana barengkah bisi ati deka nguji ka diri memendu ayam ka kusun kangan saluntang, babujang jagong ka teluk kampong puang. Iya deka nguji mai bala iya ngunja menoa jauh, ka tasik linggang gumbang, laban menoa dalam Sarawak udah puas di kayau bala sida Unggang “Lebor Menoa”, sida Mullok seduai Luta enggau sida Linggi ari Semambu Bangkit orang ari Paku ili enggau sida Ijau Gima ari Skrang. Nya alai Dana enda ati nandu kayau sida nya. Iya mai bala iya ngalah ka menoa pegai perintah Belanda sapiak ka Sambas.\\nBala sida Dana pan lalu begaga ka perau pengayau ti chukup iya besai kena sida meraka tasik ngelaban umbak besai. Pengawa tu dikerja sida enggau jalai beburong, serta piring ading chukup dikerja orang magang. Perau kayau sida tu muat saratus lima puloh iko tuboh, mesai perau sida Unggang “Lebor Menoa” dikena sida ngipa munsoh di nanga Sarawak ke dulu agi ari nya menya. Nyadi perau sida Dana tu digaga ka sida nama “Ketam Batu”. Langkau perau nya ba pangkalan lama sida di Buloh Antu, tang diatu nyau udah burok dilamun tanah.\\nNyau udah tembu perau, serta maia ngetau udah ga abis, sida pan lalu ngadu ka diri deka undor nurun ngayau. Sida lalu batesau kulu-kili nyelinting bala ke endang tau dikarap ka ngerja pengawa ke baka nya. Iya mega nesau bala tuai-tuai batang ai bukai, baka tuai Batang Paku, Rimbas, Layar enggau Skrang ti bisi ati deka enggau iya nurun ngayau. Udah bala maioh nyanggup, sida lalu nimpoh hari beranti ba julut menoa antara Batang Saribas enggau Batang Lupar. Bisi dua puloh buah perau pengayau sama deka enggau nurun ngayau. Udah chukup pengawa beburong enggau bepiring, sida Dana lalu undor ngili Padeh, pansut ka Batang Layar, ngili Layar datai ka Nanga Saribas. Perau sida ari Layar, Rimbas, Paku enggau Skrang pan endang udah nganti dia. Ari semua perau ke bisi dia, perau Dana ti pemadu iya besai sakali, lalu ulih ngundan saratus lima puloh iko bala pengayau. Perau orang bukai endang mit agi laban semina digaga kena ngayau sabelah tebing tasik menoa Sarawak aja. Sida iya selalu nebing nyemerai Batang Lupar, lalu nebing kiba nyemerai baru ga di Batang Sadong lalu nebing berari. Enti leboh malam, ngetu ga sida bekayoh, nyau siang mupok ga bekayoh baru. Datai ba Nanga Sarawak, ngintai ka ai ke tedoh, nya baru sida nyemerai Nanga Sarawak, lalu nengah luba nuju ka Bukit Santubong.\\nDi Santubong, sida diau dia tiga malam, laban Dana deka niki ka tuchong Bukit Santubong nya kediri. Bala maioh diasoh iya nganti di perau, belelak ke udah jaoh bekaioh ari menoa sida iya da Ulu Padeh. Tiga malam Dana da tuchong Bukit Santubong, baru iya nurun ka diri pulai ngagai bala maioh ti nganti iya ba perau. Gaga bendar bala maioh meda iya bisi pulai. Angkat ari nya, sida bekayuh baru nyemerai Batang Lundu, lalu nebing berari, melunggang Tanjong Datu lalu terus nuju Nanga Sungai Sambas, pegai menoa Kalimantan Barat. Datai sida ari ili Pasar Sambas, sida lalu ngetu bemalam dia. Manok sabong iya ke benama Sabok “Gila Berani” seduai Akun “Bedindang” enggau sakeda bala bukai lalu diasoh iya niki ngabas pendiau bala munsoh ba pasar Sambas. Sida bukai nganti ba perau magang. Pulai sida iya malam nya, Sabok seduai Akun lalu nyerita ka gaya pasar Sambas ka deka da serang sida. Seduai iya madah ka bisi sabuah kapal dagang Belanda (Schooner Haai) belaboh ba puak sungai betungga enggau pasar Sambas. Nyadi kapal nya nadai maioh orang nyaga, laban kelasi bukai udah pulai ka darat.\\nNinga munyi nya, Dana lalu ngasoh sakeda bala iya ngalah ka kapal nya malam nya, lalu bala besai nyerang pasar Sambas dini hari nya. Nyau deka tengah malam, bala manok sabong lalu niki ngagai kapal Belanda ke belaboh ba puak ai. Sida nadai beleman ngalah ka kapal nya lalu munuh tiga puluh tujuh kelasi bansa Belanda. Dia sida lalu berumban naban ka bedil besai sigi enggau perapasan bukai ke ulih diambi sida ari kapal nya. Sida iya pan lalu beguai mulai ka diri ngagai tugong bala maioh. Nyadi bedil nya tadi digelar sida iya “Bujang Timpang Berang” laban lengan bedil nya udah patah sapiak.\\nNyau dini hari dalam, bala sida lalu nyendia ka diri betiki nyerang munsoh. Nyau baru tawas hari, sida lalu nyerang munsoh. Enda lama udah bamok, munsoh pan lalu alah, laban endang enda ngadang sida datai. Iya ke lari endang enda da kiboh ka sida laban munsoh ke nan endang sigi maioh. Leboh ka bamok tu, maioh bendar bansa China ti nan ka diri ngelaban ngena parang bingkok ti dikumbai “Tat” di bunoh sida. Barang sida ti ulih ngelari ka diri lalu lari ngagai nengeri Singkawang, Pontianak enggau Mentrado. Sida pan bulih bendar perpasan, tangkap enggau pala. Sida lalu beguai mulai ka diri ka perau enggai ka bala besai ari Istana Sultan Sambas begau. Nyau udah datai sida ba nanga sungai Sambas, dia sida lalu meda kapal besai bala Sultan Sambas nitih ka sida ari belakang. Sida lalu beguai bekayoh ngelari ka diri nuju Tanjong Datu. Meda perau Sultan Sambas nya naka sabuah aja ke nitih ka sida, Dana lalu ngasoh perau sida Skrang ke betuai ka Libau “Rentap” niki lalu nyerang perau Sultan Sambas.\\nNyau semak perau Sultan Sambas, perau bala Libau “Rentap” lalu mutar ka diri nuju perau munsoh. Bala sida ari Skrang pan lalu niki bamok enggau bala Sultan Sambas. Bala ba perau bukai sama nganti semak sida dia, ngemata ka bala Libau “Rentap” bepantap enggau bala Sultan Sambas. Enda bangat lama sida udah bamok, bala Sultan Sambas pan alah. Leboh kayau tu Libau “Rentap” bulih keris sabilah ba-ulu emas.\\nMaya tu mega surat khabar, The Indian Archipelago, bisi ngenang bala Dayak ari Saribas enggau Skrang nyerang kapal perang perintah Belanda ti benama Schooner Haai lalu munuh tiga puluh tujuh iko kelasi bansa Belanda. Sida OKP Dana Bayang mega nyerang mensia ba sabelah tebing tasik menua Pontianak enggau menua Mempawa dalam kayau taun 1819.\\n(The war schooner Haai, stationed at Sambas, in Borneo, suffered considerably from a flotilla of thirty ” Dyak prahus,” which attacked her, in the year 1819. At the same time the coasts of Pontianak were much infested by Dyak pirates. At Mampawa an action took place with them. The chief of the place having learned that there were nine of their prahus at the mouth of the river, each manned by from thirty to forty of these notorious sea-banditti, resolved to attack them, though with a small force. They fought at close quarters, no other weapon being used than the klewang, a heavy sword or cutlass.)\\n(Mr. J. Bondriot – The Dutch Resident of Western Borneo, not of Sambas only. He certified that on one raid the Saribas and Sekrangs killed four hundred people on the Dutch coast. Referred to bv Earl in his Eastern Seas, he relates that the Dayaks swept the whole coast from Sekrang to Sambas, killing the entire population of Selakau. As far back as 1825, the Resident of Sambas and his secretary were killed on their way to Pontianak in a small vessel. Keppel tells us the Saribas once laid in wait for the Dutch man-of-war schooner Haai, and in one engagement killed thirty-seven of the Dutch, losing eighty of their own force.)\\nSama taun OKP Dana Bayang ti ngalah ka Sambas, OK Rabong ari Skrang ngayau ngalah ka Balau Iban enggau Melayu ba Bukit Banting di Batang Lingga bebalas ka bala Balau ti udah nyerang Iban Skrang di Nanga Skrang.\\n“Chelap bendar kayau Dana, siko pan nadai ga bala gugor bulu,” pia ko jako bala maioh.\\nDatai di menoa, orang pan nyau rami mega besambut ka utai ulih orang pulai ngayau. Nyau begawai meh sida da Buloh Lachau dia. Udah abis gawai, orang ke enggau iya ngayau pan mulai ka diri.\\nOKP Dana “Bayang” Nyerang Banting\\nMeda pemujur kayau iya ke dulu nya, kira dalam taun 1820, dia deh Dana lalu ngempuru ka bala baru, mai bala ngayau ka Batang Lupar, ngagai menoa Lingga, nguji nyerang menoa Balau. Kebuah pia, laban iya saruran ingat ka pemarai menyadi iya Senaang seduai Isik, diserang bala Balau leboh ka nanggok Ikan buntal di Tanjong Kauk, agi iya biak menya. Nyau udah datai magang bala sida pan lalu ngadu ka piring enggau tambak burong dikena orang ngayau. Bini iya Mengan endang selalu ka tuai indu merengka piring ka dikena bala maioh. Datai ka sida iya nurun pan Mengan meh ngenulu ka bala sida indu nabur ka letup awak ka bala gerai nyamai, lempong tuboh leboh ka bamok enggau munsoh. Serak ka tu, sida iya undor bebai ka parengka gendang.\\nBala sida ke undor ari Padeh nya endang enda berapa maioh, tang datai sida di Batang Layar, nya baru maioh agi bala ngisi perau sida iya. Sida ari Ulu Layar nganti ba menoa sida Tanu, lalu ka ili agi, bala ari Pasa, Luban, Bebuling endang udah nganti ba menoa sida Gima bensumbar “Remang Berarat” di Salulap. Ari nya tadi, sida ngejang ka diri undor ngili Layar datai di Stambak. Dia ngetu ga sida ngambi bala sida Sabok, sida Saang, sida Maang. Nyau maioh meh bala nambah udah datai dia.\\nUdah nya baru sida iya undor nuju Nanga Saribas. Leboh sida datai di Nanga Saribas, dia sida lalu tapeda ka perau bandong munsoh sabuah. Perau banding nya endang kena orang ngipa orang ari Saribas ti deka pansut mindah ka tasik besai. Dana lalu mai bala iya ngerapat perau banding nya. Sida lalu nebah gendang ke dikumbai sida iya “Raja Berangkat” tauka “Raja Beradu”, kena sida ngerapat perau bandong orang nya. Datai sida semak perau orang nya, sida lalu ngangau nanya ka sapa bempu perau bandong nya.\\nOrang ke ba perau bandong nya lalu pansut, nyaut sida,”Nadai utai ditanaya ka kita perau aku tu, tu meh perau Panglima Munang enggau Panglima Johari. Bandong kami duai menyadi tu. Lama kita udah ninga rita kami duai menyadi ngerumpak di menoa Sarawak tu. Niki meh bala kita, enti berani,” ko orang nya nyaut sida.\\n“Au, niki meh kami tu, lama bendar udah deka batemu enggau Panglima Munang,” ko saut sida Dana.\\nGendin seduai Geraman lalu ngambu niki dulu ngagai perau bandong Panglima Munang. Seduai lalu tama ngagai bandong nya lalu bepantap sama betengali alan enggau Panglima Munang seduai menyadi iya Panglima Johari. Lama sida bukai ngemata ka sida empat nya belaban, laban orang bukai endang enda di asoh Dana niki dulu. Tak di teju ka iya belaban siko sama siko sida empat nya tadi. Bala sida Panglima Munang seduai Panglima Johari pan baka nya mega, tak ngemata ka sida empat nya belaban, baka orang ke nyabong manok. Nyau kelama, nya baru Panglima Johari alah laban Geraman, pala iya pan lalu dipumpong Geraman dia. Enda lama udah nya, Panglima Munang pan alah ga laban Gendin, lalu dipumpong iya dia. Bala lanun bukai endang enda ati ngelaban seduai iya, enggai ka bala Dana ngalun ka sida ngagai bandong sida. Sabedau bakejang enggau bandong Penglima Munang, Dana lalu ninggal ka jako enda ngasoh sida Lanun nya ngipa ba tasik Nanga Saribas agi. Berengkah ari nya, bala lanun lalu enda berani ngipa da tasik Nanga Saribas nya agi.\\nUdah kemas pengawa ngalah ka Penglima Munang nya tadi, sida Dana lalu nyemerai ka Nanga Batang Lupar, laban tuju sida endang deka ngalah ka menoa Banting. Datai di Lingga, sida pan ngetu ga dia. Udah nya baru sida mudik ka Banting. Datai di Banting, dia sida meda kuta orang Banting tegap bendar. Orang dia endang udah nemu munsoh bisi datai lalu nganti bala munsoh ba luar kuta, enggai neju ka bala munsoh tama. Bala Dana lalu niki, lalu batempoh enggau bala sida Banting ba moa kuta . Sapagi-pagi nya sida enda ngetu bamok, tang lalu enda talah ka pangan. Bisi mega bala munsoh bakal, tang lalu enda ulih da pumpong sida Dana.\\nNyau tengan matahari niki, bisi siko sida ari Banting niki atas dinding kuta. Iya lalu ngangau ka bala maioh, ngasoh sida ngetu bepantap.\\n“Oh Dom!,” ko orang nya ngangau, “badu agi kita belaban. Lama bendar kita udah belaban, enda ga talah ka pangan. Umbas nya deh. Kita ga sama sakaban, sama sabala.”\\nOrang nya lalu nurun ari dinding kuta lalu bejalai nuju Dana. “Tu aku, aya kita Manang Insing, menyadi apai nuan. Badu agi kita belaya,” ko iya bejako enggau Dana.\\nBala sida ke bepantap tadi lalu ngenong ninga kangau orang tuai nya. Sida pan sama ngetu ga bamok, lalu satuju badu agi ngelaban pangan. Duku, pedang, ilang pan sama ga diselit ka sida pulai ka sarang. Dana pan lalu betemu enggau aya iya Manang Insing. Udah sida nemu nya diri sabala, sida pan nyau betabi, baberap pangan diri. Bala sida Dana pan lalu dibai orang niki ka rumah orang Banting, bekelala enggau kaban iya ari Banting. Leboh ke berandau dia, nya baru iya berunding ka jako Kumang ke enda ngasoh iya munoh orang ari kiba nanga Saribas terus ngagai Luba Santubong.\\nNyadi Manang Insing seduai Kalabu tu menyadi Betie “Tajak Ngindang”, apai Dana. Sida diri menyadi nya bakatu:\\n3. OK Betie “Tajak Ngindang”\\n6. Manang Insing\\nNyadi Manang Insing seduai Kelabu tu bebini ka Banting. Nya ke bisi nurun ka kaban ari Banting. Udah pengawa bebaik di kerja sida di Banting, Dana “Bayang” nadai agi mai bala nyerang orang Batang Lupar agi. Iya semina nyerang menoa kilah Nanga Batang Lupar ngagai menoa Kalimantan Indonesia. Bala sida Dana pan lalu pulai ka Padeh, mai pala Panglima Munang seduai Panglima Johari aja.\\nNama Dana “Bayang” pan lalu barengkah pegari dalam menoa Saribas enggau Batang Lupar. Manok sabong ti pemadu di karap ka iya bendar nya : Sabok “Gila Berani” ari Stambak, Uyu apai Ikom ari Julau, Unal “Bulan” ari Ulu Layar, Linggir “Mali Lebu” ari Paku, Igoh apai Lamban, O.K. Akun (Bedindang). Laban pemerani sida manok sabong tu, semua kayau O.K.P. Dana Bayang nadai kala enda mujor. Sakeda manok sabong Dana mega nyadi orang tau serang, tau pandang, tau kayau, tau mulau baka iya empu. Sida tu Unal “Bulan” ari Ulu Layar seduai Linggir “Mali Lebu” ari Paku.\\nRambau tu menya, laban ka disukong tuai-tuai Batang Layar, Batang Paku enggau Batang Skrang, serta dibantu bala manok sabong ti endang nyadi ka sintong dudok iya, OK Dana “Bayang” nyadi tuai ti pemadu iya bekuasa, serta dikarap ka semua tuai Iban dalam menoa bagi kedua. Munsoh bukai nadai berani datai nyerang menoa Saribas maia nya menya.\\nDana “Bayang” Ngalah Ka Undup\\nKira dalam taun 1822, dedau lama ke udah pulai ari Banting, bisi temuai tuboh tiga iko datai ari Skrang, Kumpang enggau Lemanak nemuai nepat ka sida Dana “Bayang” di Buloh Lachau, Padeh. Sida tiga tu betuai ka tuai siko ti benama “Lang Labang” ari Skrang. Leboh ka berandau malam nya, Dana “Bayang” lalu nanya ka pejalai sida tiga.\\nNyaut meh ga Lang Labang madah ka pejalai diri. “Nyadi, bisi pejalai meh kami tiga tu, Apai Tiong,” ko iya bejako. “Pejalai tu berat bendar. Ngelamatu kami ari Skrang, Kumpang enggau Lemanak nyin selalu belaya enggau bala kitai ari Undup enggau Bansa Dau. Pendiau bala kami da tiga bengkah menoa nya selalu tasah laban ke selalu diserang bala sida tu. Leboh kami nyerang malas sida, kami enda ta alah ka sida, laban Kuta sida tegap bendar, tak enda ulih alai kami tama. Tambah mega sida selalu dibantu bala Balau ari menoa ili nyin. Maioh bendar bala sida Undup nya dia,” ko Lang Labang bejako. “Nya alai, ngasai ka pemerinsa selalu kena kachau bakatu, penemuai kami tiga tu minta bantu nuan bebalas nyerang Iban Undup, Iban Dau enggau bala Balau ke bisi mantu sida. Minta nuan mai bala kitai ari Saribas tu nyah bala kami ari Skrang enggau Batang Ai nyin, ambi ka tuboh kitai maioh agi.” ko Lang Labang nya nampong jako iya.\\nLama Dana “Bayang” enda nyaut. Orang bukai ke bisi ngulu temuai dia nadai engkeretik siko. Udah nya baru iya bejako. “Iban Undup, Iban Dau enggau Balau ukai munsoh aku, nya alai enggai bendar aku ngemasok ka diri ngagai laya tu,” ko iya.\\nTak ngenong sida tiga ninga saut Dana “Bayang” munyi nya. Udah nya, Lang Labang lalu bejako baru. “Aku tu tak keras bendar minta bantu nuan, Apai Tiong. Tak nadai runding agi kami tiga bengkah menoa nya dia. Enti semina kami aja ngelaban munsoh nya, tentu kami enda ulih ngalah ka sida nya. Kami endang suah udah alah laban munsoh tu dalam kandang berapa taun ti ka udah. Nya alai tak suntok bendar runding kami ba utai tu. Tak sabarang ko nuan ngadu ka penusah kami. Kami ke tu tak sanurut aja meh nya,” ko Lang Labang.\\nOKP Dana Bayang lalu nanya sida tiga, “Sapa orang ti deka di padu ka kita nyadi tuai kayau ngelaban munsoh tu deh akan?” ko iya..\\n“Kami datai kitu endang udah mutus runding, endang ngambi nuan nyadi ka tuai kayau,” ko Lang Labang nyaut.\\nNinga sida tak berat bendar minta bantu iya, OKP Dana Bayang pan sinu serta deka berunding ka peminta sida. Iya lalu madah ka sida, sabedau iya nyanggup ngulu ka sida ngayau, iya dulu deka nanya semua bala Manok Sabong iya dulu serta enggau semua Tuai Kayau bukai di Saribas laban deka nemu paneka sida enggau iya ngayau ka sekali tu. Orang seruan ari Skrang, Lemanak enggau Kumpang nya tadi lalu diasoh OKP Dana Bayang nganti berita ari Manok Sabong serta enggau Tuai Kayau ari Batang Ai bukai dalam kandang dua tiga hari nya.\\nDalam kandang dua tiga hari nya, tuai sida ari Ulu Layar, iya nya Unal “Bulan” enggau manok sabong iya Igoh apai Lamban enggau Uyu apai Ikum, datai madah ka sida sama setuju deka enggau ngayau. Linggir “Mali Lebu” ari Paku pan madah ka diri enggau bala manok sabong iya deka enggau, tang sida iya apin sempat mindah nama apin abis nugal umai bukit.\\nSerta OKP Dana Bayang udah nemu runding semua Tuai Kayau Saribas bukai enggau Manok Sabong sida ti setuju deka enggau ngalah ka Undup, iya pan lalu ngasoh bala seruan ari Skrang, Lemanak enggau Kumpang nya pulai awak ka madah ngagai bala sida din, iya enggau bala manok sabong iya ari Padeh, Layar enggau Paku deka datai enda lama agi ka Skrang.\\n“Nya alai, bakatu ko semaia kitai,” ko Dana “Bayang” bejako enggau sida tiga, “Nama bulan tu peranama ila, kitai beranti di Skrang. Bala aku tetap datai bedarat melunggang ka Skrang. Ari nya ila kitai melunggang ka Nanga Lemanak. Bala kita ari Lemanak nganti penatai kami dia. Ari nya kitai lalu melunggang ka Kumpang, nyuong bala sida ari menoa nya dia. Ba rumah sida Kumpang dia ila kitai beranti ka bala “Mali Lebu” ari Paku.”\\n“Enti munyi nya panemu nuan, besedia meh kami. Pulai tu ila, kami tiga ngasoh bala kami batesau, milih orang ke tau enggau bebala maioh,” ko Lang Labang gaga ati nyaut Dana “Bayang”.\\nNyau udah diadu ka Indai Tiong makai sida pagi nya, serta disediaka bekal, sida tiga pan lalu mulai ka diri enggau ati ti andal bendar, mai berita ngagai bala diri empu di Skrang, Lemanak enggau Kumpang. Menoa, amat nya enda sabaka Batang Ai ke endor diau, tang menoa sigi enda jauh ari pangan enti melunggang ari ulu langgai sungai. Enti ditusut ka, semua orang sabelah menoa nya enggau orang Undup, Dau enggau Balau, endang sigi sama diri sakaban. Tang laban orang kelia tau sapeneka ati bebunoh ka pangan diri nama enda lantang ati, nya kabuah nyau nyadi ka laya besai bebalas ka pangan diri.\\nOKP Dana Bayang pan lalu milih manok sabong iya empu nambah ka enggi sida Unal “Bulan” ari Ulu Layar enggau sida Linggir “Mali Lebu” ari Paku. Manok sabong iya ka di bai OKP Dana Bayang iya nya Sabok “Gila Berani”, Akun “Bedindang” enggau anak iya empu ke benama Nanang seduai Luyoh. Manok sabong Unal “Bulan” ari Ulu Layar nya Igoh Apai Lamban seduai Uyu apai Ikom. Nyadi manok sabong Linggir “Mali Lebu” ka enggau ngayau tu di ketuai ka Enchana “Letan Pulas Mas”, Birai “Jawa Jambai”, Minggat Apai Runai enggau Chulo “Tarang Bulan”.\\nLeboh semua pengawa ke nyendia ka kayau udah tembu diator, sida OKP Dana Bayang enggau beratus-ratus bala iya lalu angkat ari Padeh. Sida melunggang ka Skrang lalu terus bejalai nuju Nanga Lemanak. Dia sida meda endang udah maioh bala orang Lemanak nganti penatai sida Dana. Ari Nanga Lemanak, sida lalu bejalai nuju menoa orang Kumpang. Leboh sida datai dia, sida meda nyau beribu-ribu bala endang udah nganti penatai sida. Bala ari Lemanak enggau Kumpang sampal bendar datai, laban sida balat bendar siga dikayau orang ari Undup.\\nMalam nya leboh ka berandau enggau tuai-tuai bukai, OKP Dana lalu nanya ngagai sida berapa penyampau sida ari Skrang, Lemanak, Saramat, Belambang enggau Kumpang udah sedia deka enggau bala. Sida madah ka iya bisi dua tiga ribu iko ti endang udah datai, lalu enda temu pemaioh ti agi deka datai. Udah ninga tu OKP Dana Bayang nanya sida baru sekali ka sida amat milih iya ngulu ka bala. Tuai sida lalu nyaut endang agi nitih ka semaia dulu, sigi ngambi iya jadi ka tuai ngulu ka bala. OKP Bayang pan lalu madah ka sida enda ngasoh sida angkat dulu, laban agi nganti penatai Linggir “Mali Lebu” enggau bala iya ari Paku ka agi nembu ka tugal umai sida. Nya alai sida Kumpang kiroh bendar ngintu bala pengayau dalam kandang dua minggu leboh ka nganti penatai Linggir “Mali Lebu” enggau bala iya ari Batang Paku.\\nBerapa hari udah nya, baru bala Linggir “Mali Lebu” datai. Malam nya OKP Dana Bayang pan lalu mai orang barengkah baum ka pasal kayau. Dalam aum nya, iya lalu nusoi ngagai Linggir “Mali Lebu” pasal pemutus runding sida Batang Lupar ti udah niri ka iya jadi ka tuai ngulu ka bala ngalah ka Undup. Linggir “Mali Lebu” pan lalu setuju serta madah ka atur nya betul bendar laban ko iya, ” nadai tuai bukai ditu bisi lebih agi ari nuan ti udah suah agi ngulu ka bala ngerja pengawa bebala besai baka tu. Enti ukai nuan, OKP Dana “Bayang”, di padu nyadi ka tuai bala kitai, aku enggau bala manok sabong aku nyangka enda enggau bebala tang lalu pulai ngintu pengawa umai di menoa din,” ko Linggir “Mali Lebu” nampong jako iya tadi.\\nUdah ninga saut Linggir “Mali Lebu” nya tadi, OKP Dana “Bayang” pan lantang bendar ati. Iya pan lalu madah ngagai semua tuai bukai utai ti enda tau enda di kerja dulu dikena nyendia ka Kayau. Iya ngatur dua iko ari tuai ka dia ngiga tambak burong deka di bai sida ngayau jadi ka tanda burong sida. Tumu pagi hari siti, seduai pan lalu nurun ngiga tambak burong. Apin lama udah nurun, siko ari seduai lalu ninga Ketupong Kanan, lalu tuai ka siko agi lalu ninga Beragai Kiba.\\nUdah nya, pagi siti OKP Dana Bayang agi ngasoh tuai dua iko bejalai ka babas ngiga tambak burung baru nambah iya ka udah. Siko ari seduai iya ninga Pangkas Kanan, lalu enchabut anak kayu ka tambak burong. Iya ka siko agi lalu ninga Embuas Kiba. Udah tembu nya tadi, seduai lalu bejalai sama ngiga tambak Kelabu Papau Kiba.\\nLalu enggau tambak burung nya tadi, OKP Dana Bayang lalu madah ngagai bala tuai ka dia, “laban kitai bisi semua tambak burong tu, nama-nama pan burong bukai bisi didinga kitai leboh kitai mansang nurun ngayau ila, nadai tau pulai ka pengachau kitai,” ko iya.\\nMalam udah tembu pengawa ngiga tambak burung, sida pan lalu ngadu ka piring ading dikena sida miring ngagai Petara awak ka sida ulih nulong ngalah ka munsoh enggau lantang. Udah tembu pengawa miring, lemambang dua iko lalu diasoh barenong kayau ngangau ka orang Panggau Libau enggau Gelong datai nulong serta enggau sida iya ngayau ngalah ka munsoh. Lemambang ka barenong tu tadi endang mangkang mahligai pengaroh enggau senjata ti udah diengkah dalam mahligai awak ka orang ka bujang berani ari Panggau Libau enggau Gelong nyumpah samoa perengka perang pulai bisa lalu mujur dikena sida. Leboh lemambang udah badu barenong dinihari nya, sida pan lalu makai pagi. Tembu makai, tuai kayau pan lalu ngempuru ka orang baum laban deka nanya ka mimpi siko-siko malam nya.\\nUdah samoa bala penguang nusoi mimpi diri, OKP Dana Bayang pan lalu nanya ka mimpi tuai rumah empu. Saut tuai rumah, “mimpi aku malam nya asai ka munoh kaban beruang, udah nya aku lalu malik serta meda maioh bendar bangkai kaban beruang mati nyau baka garing kiba-kanan. Udah nya mega, aku asai ka ngalah ka kaban nyumboh, lalu leboh aku malik udah nya, peda aku bangkai nyumboh nyau baka garing sabelah tanah ngelingi aku dia.”\\nUdah ninga ka mimpi Tuai rumah nya tadi, OKP Dana Bayang pan lalu ngasoh orang ti manah buah mimpi mupok nurun mansang nyerang enggau iya. Sida pan lalu mupok bejalai nuju menoa orang Undup. Leboh sida bejalai nengah jalai nuju menoa Undop, OKP Dana Bayang ngasoh bala ngetu enda lama, laban deka barengkah ngusok ka burong ka didinga sida serantau jalai sepagi nya. Reti ngusok, ngetu enda lama kena bebasa ka burong ke bisi didinga sida sahari nya. Udah tembu ngusok, sida lalu majak ka pejalai sida, sampai ka sida datai ba endor sabengkah ti endor sida ngetu. Dia sida bemalam tiga malam beburong ka nyawa Ketupong kanan ka didinga leboh ka ngambi tambak burong nya suba. Tembu tiga malam sida beburong ba endor nya, sida lalu majak ka pejalai sida baru sampai ngagai tengah hari ka endor sida ngetu samalam ngibun tambak burong Beragai Kiba.\\nTumu pagi siti, OKP Dana Bayang lalu ngerah bala bejalai baru ngagai antara menua enggau munsoh. Ba rantu jalai sida lalu ngetu samalam baru laban deka ngibun tambak burong Pangkas kiba. Hari siti sida lalu bejalai baru, lalu datai ba entara menoa enggau munsoh, maia tengah hari rapas. Dia sida lalu bedampa awak ka bisi endor sida diau. Leboh orang ka biak agi tu benong bedampa, OKP Dana Bayang lalu ngasoh Sabuk “Gila Berani” seduai Bedindang ngulu ka bala dua belas iko bejalai ka dalam babas ngikup ka bala pengayau sabelah menoa nya dia ngagai jauh malam enggai ka dilanggar munsoh enggau ngenyit.\\nPulai sida ngikup malam nya, OKP Dana Bayang lalu nanya ka berita sida. Bedindang lalu madah ka bala sida bejalai begadai-gadai dalam babas enda nengah arong jalai, lalu masok ngagai menoa munsoh. Sakeda sida niki puchok mengeris awak ka tampak endor sida meda ka endor rumah munsoh. Sida meda rumah panjai munsoh ari jauh. Udah tembu berati ka gaya rumah munsoh nya, sida lalu mulai ka diri ngagai tugong bala malam nya.\\nOKP Dana Bayang lalu nanya Bedindang, “enti kitai angkat tumu ari tu, ni ka maia kitai datai nuntong ba rumah munsoh?”. Bedindang lalu madah ka OKP Dana Bayang “Kitai tentu ulih datai din apin tengah hari. Kitai tau berapi dulu pagi nya enti kitai deka datai din maia tengah hari rapas.” Ninga nya OKP Dana Bayang lalu ngerah bala berapi udah tengah malam awak ka ulih bakejang ari nya rerak tawas.\\nTumu pagi siti sida lalu angkat bejalai nuju antara menoa ka semak rumah munsoh nya tadi. Datai sida ba pun kayu mengeris ti endor bala pematau ngila ka gaya rumah panjai munsoh dulu agi ari nya, OKP Dana Bayang lalu mai bala diau dia malam nya awak ka berandau ka atur deka negah munsoh.\\nLemai nya, OKP Dana Bayang lalu ngangau bala pamesai tuai kayau iya baum. Dalam aum nya, iya ngasoh Sabuk “Gila Berani” seduai Bedindang mai dua iko bala bukai nengkilun ka pemindah munsoh semak ka agi. Sakeda pengayau bukau diasoh iya jaga ngelingi dampa arau sida enggai ka dialah ka munsoh enda ngadang.\\nPagi siti, Sabuk “Gila Berani” seduai Bedindang enggau dua iko sida bukai lalu nyau nurun mansang nengkilun ka bala munsoh. Sida empat pulai ngagai dampa arau endang udah jauh lemai. Lemai nya OKP Dana Bayang lalu nanya rita sida empat ka nengkilun ka pendiau munsoh. Ko Bedindang, sida bejalai nengah jalai tang nadai batemu enggau munsoh. Semadi leboh sida udah datai nyau semak bendar enggau rumah panjai munsoh, sida bisi ngemata ka ari puchok kayu. Pemanjai rumah dipeda sida bisi tiga-puloh pintu. Rumah panjai tu betuai ka siko tuai Iban Undup ke benama Jarub, kedua bali nama iya, Penglima Unjar.\\nNinga rita nya, OKP Dana Bayang lalu ngasoh bala pengayau mengkang diau dia sahari da agi. Malam nya iya lalu ngerah bala tumu tindok ngiga mimpi. Bala ti ngambi kayu kena berapi diasoh ngambi kayu ti udah chukup mati serta rangkai bendar awak ka enda berasap enti dikena berapi laban sida udah semak bendar ari rumah munsoh.\\nHari siti leboh bala pengayau ke biak nyau ngambi kayu api ka babas, tuai-tuai kayau serta enggau bala pengayau ti endang tau dikarap landik serta berani, lalu berunding ngiga jalai dikena ngalah ka rumah panjai munsoh nya. Sida ke berandau dia diulu ka OKP Dana Bayang empu, ditangkan ka Linggir “Mali Lebu” enggau Unal “Bulan”. Semua atur udah putus magang ba aum malam nya, semina nganti ka barengkah agi. Dalam aum nya, OKP Dana Bayang mega nanya ka pemaioh rumah munsoh dalam Batang Undup ngagai orang Kumpang. Sida madah ka ngagai iya, rumah munsoh di Batang Undup maioh lalu sakeda nya bisi udah dialah ka enggau jalai Kayau Anak.\\nNinga tusoi sida ari Kumpang munyi nya, OKP Dana Bayang lalu madah ngagai bala maioh, “Nyadi pejalai kitai ke bebala maioh tu baka tu. Laban aku udah minta bantu ari semua tuai kayau ari Batang Saribas ti berani serta bisi bendar paneleba dalam pengawa tu, aku enggai ngetu ngapa ngalah serta nyerang rumah munsoh datai ka semua sida alah magang nitih ka penembu ati aku. Aku ukai semina deka ngalah ka sabuah rumah munsoh aja, tang samoa rumah panjai munsoh sekayu Batang Undup. Nya alai udah kitai ngalah ka sabuah rumah panjai munsoh ka tarubah iya tu, kitai lalu bepalan ari rumah nya ngalah ka rumah panjai bukai,” ko iya madah ka sida. Bala tuai maioh pan nadai bantah, amat ga munsoh nadai ngachau menoa kitai agi.\\nUdah badu makai pagi nya, OKP Dana Bayang lalu ngerah semua tuai kayau nusoi mimpi diri malam nya ba moa maioh. Udah abis bala maioh betusoi ka mimpi diri, OKP Dana Bayang lalu nanya ka mimpi bala tuai kayau ari Padeh, Paku enggau Layar. Sida bela madah ka ngagai iya , semua lantang magang dalam mimpi.\\nUdah ninga ka semua utai tu, OKP Dana lalu bejako enda ngasoh sida ke jai mimpi enggau nurun bebala, tang pulai ngagai rumah ara diri empu. Iya lalu ngatur tuai-tuai kayau nyengkaum Linggir “Mali Lebu” seduai Unal “Bulan” ngulu ka bala mansang nyerang Rumah Jarub nengah tiga batang jalai baka tu:\\nTuai kayau iya empu ari Padeh bejalai ari tengah jalai.\\nManok sabong Linggir “Mali Lebu” nengah jalai kanan.\\nManok sabong Unal “Bulan” nengah jalai ari kiba.\\nManok sabong orang ari Kumpang, Skrang, Lemanak, Seremat enggau Belembang diasoh diasoh bejalai ari belakang sida tu magang bebagi-bagi.\\nSabuk “Gila Berani” seduai Bedindang bejalai dulu ka bala ba jalai tengah. OKP Dana nyemetak bendar jako madah ka bala ti ngena jalai tengah enda sekali-kali diasoh masok ka dalam rumah munsoh. Sida semina ngipa munsoh ti pansut ari rumah.\\nSerta hari terbak tawas, benong munsoh makai pagi, sida lalu ngenyit ngelanggar rumah munsoh ke benama Jarub. Dalam serang tu, maioh bendar bala munsoh parai, semina mimit aja ti bakal. Barang ti ulih lari, lalu ngelari ka diri. Perapasan maioh bendar ulih sida, baka tajau lama, bedil temaga, bendai enggau setawak.\\nUdah OKP Dana ditusoi ka Bedindang pasal serang sida tu, iya lalu ngasoh sida nguan rumah nya serta lalu dijaga enggau tegap awak ka likun ari langgar munsoh. Bedindang, Sabuk “Gila Berani”, Nanang enggau Luyoh lalu nyau ngulu ka manok sabong bukai bejalai nuju antara menoa nya enggau rumah panjai sabuah agi berati ka bala munsoh enggai ka bala munsoh ngenyit malas lalu ngelanggar bala sida. Sida bukai ti tinggal lalu napok perapasan sida sabelah babas ngelinggi rumah ti udah alah lalu diwan sida jadi ka palan.\\nUdah badu babela makai lemai lemai nya, OKP Dana lalu ngagau tuai-tuai kayau serta tuai bala bukai baum ba palan iya dalam rumah panjai nya. Sida bukai ka enda enggau baum diasoh iya jaga rumah ngelinggi nya dia. Dalam aum serak tu, iya ngasoh semua manok sabong enggau bala bukai sama ngingat ka jalai enggau akal sida ka nyerang lalu ngalah ka rumah panjai nya tadi lalu ngena atur nya nyerang rumah bukai ka deka diserang sida dia. OKP Dana lalu ngasoh Sabuk seduai Bedindang bejalai serta nengkilun ka pendiau munsoh hari siti, apin sida barengkah nyerang.\\nDatai ba maia hari siti Sabuk seduai Bedindang lalu mai bala dua tiga iko nengkilun ka bala munsoh ba rumah panjai ka ari ulu sida. Datai sida dia sida nadai meda orang siko laban orang dia udah lari dua tiga hari dulu ari nya.\\nLeboh sida pulai, sida lalu nusoi berita sida ka matau munsoh nya ngagai OKP Dana. Ninga rumah panjai munsoh nya nadai orang agi, iya pan lalu ngerah bala ngalah ka rumah nya pagi siti. Sida angkat ari nya nyerumba rerak tawas. Atur sida bejalai baka atur ka pejalai ka dulu agi ari nya. Leboh ka belangar tu, ka dua iko aja munsoh dibunoh sida. Rumah panjai tu alah enggau mudah laban munsoh udah ninggal ka rumah nya dulu ari nya. Bala sida lalu nguan rumah nya.\\nLeboh sida udah nguan rumah nya, bala manok sabong lalu belatur nyaga rumah nya. Sabuk seduai Bedindang lalu bejalai jauh ka dalam babas berati ka bala munsoh enggai ka bisi nginau sabelah menoa nya lalu ngenyit nyerang bala sida. Leboh seduai rembus ba umai orang, seduai lalu batemu enggau dua iko orang melaki bini ti mansang deka mantu munsoh. Leboh tapeda ka seduai, bini lelaki nya nyau getar-getar takut. Sabuk seduai Bedindang lalu nanya ka penunga seduai. Seduai melaki bini madah ka diri datai ari Merakai, Kalimantan Indonesia laban bisi ninga berita Rumah Jarup di Ulu Undup dialah ka orang Kumpang. Sabuk seduai Bedindang pan bisi ninga berita nya lalu deka nemu berita nya terang agi ari orang ka empu rumah nya. Orang melaki bini nya tadi lalu madah ka ngagai Sabuk seduai Bedindang, orang ti agi ulih ngelari ka diri ari langgar munsoh lalu lari ngagai rumah panjai Suring di Ulu Undup lalu diau serta belindung dia. Sida mega udah minta bantu bala Kantu ari Merakai nulong sida nan ka rumah ngelaban penyerang ari Kumpang.\\nUdah ninga semua rita tu, Bedindang seduai Sabuk pan madah ka diri deka pulai lengkas dulu awak ka ulih mantu bala Sureng nan ka diri ari langgar munsoh. Seduai pan lalu mulai ka diri ngagai bala sida lalu nusoi rita ti ulih seduai ngagai OKP Dana.\\nUdah ninga berita tu OKP Dana lalu bejako nunga tuai orang Kumpang, lalu nanya ka runding sida pasal ka deka ngalah ka rumah Sureng. Sida bela nyaut enda ulih meri penemu laban udah arap enggau penuh ka OKP Dana serta samua tuai bukai ari Saribas enggau bala manok sabong sida nulong munas serta ngalah ka sida ti selalu nyerang orang Kumpang dalam kandang empat lima taun ti udah lalu.\\nOKP Dana pan lalu nanya ka tuai sida ari Lemanak, Skrang, Seremat enggau Belembang pasal ti deka ngalah ka rumag suring. Sida bela nyaut madah ka diri endang nitih ka kayau OKP Dana ngagai sebarang kayau ti diulu ka iya.\\nUdah mending ka runding tuai kayau ari Batang Lupar, OKP Dana lalu nanya ka penemu Linggir “Mali Lebu” ari Paku serta Unal “Bulan” ari Layar. Linggir seduai Unal lalu mansut ka jako. “Kami tu ga udah nitih ka kayau serta mantu bala OKP Dana ngelaban Undup, Kami duai enggai ninggal ka nuan sa-agi-agi nuan ngerja pengawa tu.”\\nUdah ninga runding bala maioh, OKP Dana pan lalu bejako, “Enti semua runding udah sagala munyi nya, kitai patut majak ka pengawa ti deka ngalah ka Iban Undup. Kitai anang kakang ngulu ka bala ngelanggar rumah Sureng, ti endor bala munsoh udah nguta diri ari bantu bala Kantu enggau orang bukai ari menoa Indonesia.”\\nMalam nya OKP Dana ngasoh sakeda bala manok sabong iya bejaga jauh dalam babas ngelingi endor nya enggai ka bala munsoh bisi belalai matau bala sida. Iya mega ngelalau bala iya enda ngasoh munoh bala munsoh ti bisi meda bala munsoh dalam babas. Sida ka bejaga tu diulu ka Sabuk “Gila Berang seduai Uyu Apai Ikum. Sakeda sida ngaga kuta ngelinggi nya kena nagang pemudah tempoh munsoh enti munsoh bisi datai. Sida mega lalu nan beribu-ribu tukak digaga ari batang nibong serta buloh temiang.\\nHari siti Bedindang seduai Uyu Apai Ikum bejalai ngagai umai orang ti endor Sabuk seduai iya betemu enggau munsoh melaki bini dua hari dulu agi ari nya. Kebuah seduai bejalai kia nyangka munsoh enggau bini iya mengkang agi dia nganti bala Kantu bukai ti datai mantu bala Sureng di Ulu Undup. Datai dia seduai nadai agi meda munsoh nya dia. Nya alai seduai lalu majak ka pejalai seduai jauh agi sampai ngagai seduai rembus ba pendai semak rumah panjai Sureng.\\nLeboh seduai benong bejalai sabelah menoa semak rumah munsoh nya, seduai lalu tapeda ka orang dua iko benong mungga kayu api ba tebing sungai. Seduai lalu nanya ka penatai sida tak bebala maioh baka nya. Sida madah ka Bedindang seduai Uyu, sida datai ari Merakai sama enggau pangan sida ti benong mandi dibaroh ba sungai. Bedindang lalu nanya ka pemaioh sida udah datai nguang Sureng. Siko ari munsoh nya tadi lalu lalu madah ka orang ari maioh buah rumah di Merakai bisi datai tiap-tiap hari nulong nan ka rumah Sureng.\\nUyu pan lalu nanya, sekali ka bala ari Merakai enggau bala Sureng semina deka nan ka rumah ari langgar munsoh aja tauka nyerang munsoh dulu. Orangnya lalu bejako madah ka semua parengka ti dikena bamok udah tembu magang, lalu Sureng deka ngulu ka bala nempoh bala munsoh ba palan munsoh empu pagi pagila. Ninga tu Uyu seduai Bedindang pan lalu madah ka diri deka mandi enggau pangan sida ba pendai di ili dia sabedau niki ka rumah Sureng. Seduai lalu beguai-guai mulai ka diri ngagai bala sida.\\nUdah datai ba langkau palan, OKP Dana enggau bala tuai bukai lalu ngulu Uyu seduai Bedindang nanya ka berita seduai ti udah pulai matau munsoh. Seduai lalu nerang ka sida pasal pejalai seduai ke datai ba pendai rumah Sureng ka endor seduai betemu serta berandau enggau orang dua iko ti madah ka seduai iya bala Sureng dibantu bala penguang Kantu deka datai nyerang sida pagila lalu enda nan di rumah Sureng empu. “Nya alai kitai enda tau enda nyendia ka diri ngelanggar sida ba rumah sida empu tauka kitai nan ditu pagila,” ko Uyu nusoi berita ngagai OKP Dana enggau tuai-tuai ke bisi dia.\\nNya alai tak sahari-hari nya sida majak nguta palan sida enggau chukop tegap serta lalu nambah ka pemaioh tukak ditanam sida ba samoa endor ari luar kuta sida.\\nUdah badu makai lemai nya, OKP Dana lalu ngangau ka baum baru ba endor iya, awak ka mutus ka semua kerja ka nyendia ka diri. Dalam aum nya iya ngator lapan iko manok sabong ti dikarap ka iya bendar diulu ka Bedindang seduai Uyu Apai Ikom negah bala munsoh enggau ngenyit, tang nganti kira dua puloh iko udah masok kandang antara enggau rumah panjai sida iya empu. Pia mega iya ngelalau bala maioh enda ngasoh sida ngamok dulu, sebedau sida ti diasoh ngipa negah munsoh, baik ka munsoh nitih ka sida tau ka enda.\\nTumu pagi siti Uyu, Bedindang sama enggau orang bukai ti udah diator nyempulang seduai lalu nyau ngagai endor sida ti negah, enda tentu jauh ari endor kuta sida. Udah tembu sida belatur, sida lalu barengkah ngeram ka ipa ba tisau jalai. Enda bangat lama udah sida ngeram ka ipa, nya baru bala besai munsoh datai mansa jalai sanentang sida ka ngeram ka ipa. Sida lalu angkat ari ti ngipa lalu negah bala munsoh serta nachah ka munsoh ti udu bendar tekenyit. Sida udu bendar bamok enggau panjong-panjong. Leboh ninga panjong sida, bala ka tinggal ba kuta lalu ngadang serta ngatur diri ba endor ti manah, nan ka rumah enggau kuta ari dalam pagar kuta. Sida bamok udu bendar.\\nBala munsoh nyau enda nemu utai asai nya agi diansak ka bala pengipa. Enti sida surut, sida dijamah orang ka ba kuta. Sida nyau baka rauh, lebih agi leboh sida kena tebak tukak apin sida datai ba senentang rumah panjai ti udah tegap bendar kena kuta sida OKP Dana. Bala munsoh maioh bendar parai lalu iya ka bakal mega ditangkap sida.\\nUdah pukas sida ka bamok tu tadi, OKP Dana lalu meda ka pemaioh bala iya ka bisi bakal. Bala sida ari Kumpang enggau Belambang bisi parai. Tang laban sida ka bamok tu tumu tembu, nya alai bisi bendar hari sida numbak ka bangkai bala sida ti bisi parai udah tengah hari nya.\\nNyau udah makai lemai nya, OKP Dana lalu ngangau ka baum baru. Dalam aum tu iya bejako mai bala ngalah ka rumah Sureng tumu pagi siti. Iya lalu ngasoh semua manok sabong ti landik serta taleba nyendia ka diri lamai nya. Orang bukai ka enda ulih enggau nyerang diasoh nyaga kuta enggau orang ka bakal. Sabuk lalu bejako madah ka nya bebuai dadu bendar ninggal ka sida baka nya laban enti munsoh datai baru nyerang kuta tu, tentu sida ka bakal serta sida bukai enda ulih enggau nyerang tu nadai penyadi. Tang ko OKP Dana, “munsoh tentu enda datai agi udah ka rusak bendar kena alah ka kitai pagi tadi. Udah sida alah bendar baka nya, samoa penguang Sureng tentu pulai ngagai menoa sida empu di Kalimantan Barat.”\\nOKP Dana lalu bejako mai bala ngelanggar rumah munsoh ngintai ka maia sida makai pagi rerak tawas. Malam nya semua sida diasoh nat ka diri enggau chukop serta tindok tumu ngintai ka mimpi. Agi dinihari dalam, OKP Dana lalu nanya ka mimpi bala sida. Iya lalu ngasoh bala sida ka enda manah mimpi tinggal lalu nyaga bala sida ti bakal enggau sida ti enda enggau tadi. Iya samina mai semua sida ti manah mimpi enggau iya.\\nLeboh sida datai ba rumah panjai Sureng leboh maia rerak tawas, OKP Dana lalu ngulu ka bala iya masok ngagai rumah Sureng. Iya lalu dientudi ka Linggir “Mali Lebu” seduai Unal “Bulan”. Leboh sida bejalai nengah ruai nyandang nyabur ba jari sida, sida nemu ka dua-tiga iko aja munsoh bisi diau ba rumah nya. Leboh bamok sida nyau ka munoh semua munsoh enggau nadai penangul. Sida lalu pulai ngagai palan sida enggau lantang laban nadai bisi siko bakal. Sida bulih bendar tajau lama, setawak, bendai, chapak lama enggau utai bukai jadi ka perapasan dibai sida pulai.\\nKena nanda pamenang iya ti ngalah ka Undop, OKP Dana Bayang semina mai benda Guchi sigi ti agi mengkang disimpan peturun iya di Lubok Nibong, Baram, nambah ka benda menaga enggau benda rusa. Linggir “Mali Lebu” beperapasan ka benda menaga sigi ti diintu bala ichit iya di Matop, Paku. Bala manok sabong ti bukai sama bela bulih perapasan magang, baka tajau lama enggau bedil temaga enggau parengka temaga bukai.\\nUdah bekau tasah diserang bala OKP Dana Bayang enggau orang ari Kumpang, orang Undup lalu lari ngagai dua bengkah bagi menoa. Maioh agi sida ngagai Salimbau dalam Kalimantan Barat, lalu ti bukai nya lari ngagai Ulu Lingga lalu diau enggau bala Balau.\\nNyau kelama udah nya menya, leboh Mr. Brereton megai kubau Skrang, sida diasoh pulai baru ka Undop, tang leboh sida datai dia sida nemu menoa Skrang Ili udah diwan orang ari Skrang, lalu di Ulu Undop udah diwan orang Kumpang.\\nResearch note on OKP Dana Bayang Raids as recorded by western writers:\\nDalam taun 1810, iya ngulu ka bala besai Iban ari Saribas enggau Iban ari Skrang ngalah ka China di pasar Sengkawang. Maioh mega sida ditangkap lalu dibai pulai, lalu turun sida bedau diau di menoa Saribas datai ka diatu.\\nKategal maioh bendar munsoh udah lari ngagai menoa Mentrado leboh iya ka ngalah ka Sengkawang, OKP Dana Bayang lalu ngalah ka Mentrado dalam taun 1814, ngena perau pangayau 180 buah ari Saribas enggau Skrang. Leboh bamok ka sekali tu, nyau beratus-ratus china mati di dengah sida, lalu ka mimit aja tangkap olih sida lalu di bai sida pulai. Diatu turun sida mega agi mengkang diau di menoa Saribas enggau Skrang, lalu sakeda bisi mega dijual ngagai tuai Melayu.\\nUdah iya ka mujor bendar ngalah ka Mentrado, OKP Dana Bayang mai tuai Melayu Saribas enggau Iban ari Skrang ngalah ka nengeri Sungai Raya dalam taun 1815. Sida babendar amat bamok, serta maioh bendar bulih dengah nyengkaum munoh bansa Selakau enggau Dayak Lara ti diau nisau menoa nya.\\nLima taun udah bekau ka ngalah ka China Mentrado, dalam taun 1819, OKP Dana Bayang ngulu ka lebih 100 buah perau pengayau Melayu enggau Iban ari Saribas serta Skrang mansang ngalah ka Sambas, Nengeri Pontianak enggau Mampawa. Sida bamok babendar amat ngalah ka kandang nengeri. Sida besatup enggau bala munsoh ti tegap bendar, lalu munsoh agi nitih sida ka tasik ngena perau. Leboh kayau tu, manok sabong OKP Dana Bayang diulu ka Libau “Rentap” enggau bala iya ti badengah bulih sabuah perau pala Melayu Pontianak, serta bulih perapasan keris sabilah ti beulu ka mas.\\nDalam taun 1825, OKP Dana Bayang mai 120 buah perau ari Batang Saribas enggau Skrang ngalah ka bansa Dayak Selakau enggau Kampong Melayu ti diau dalam garis menoa Sambas dalam menua pegai Kalimantan Barat. Sida Selakau enggau bansa Melayu tu mega di bantu bala Iban Lundu ti di betuai ka OK Temenggong Jugah, anak lelaki Nyambong ti udah pindah enggau bala iya ngagai endor nya. Kebuah Iban Lundu masok ka diri ngagai laya Iban Saribas enggau Dayak Selakau ari dendam lama antara Sebuyau enggau Saribas. Lebih 100 dengah ulih bala sida OKP Dana Bayang leboh ka tu. Pia mega bala sida pan bisi mega kena bunoh munsoh dalam serang ka sekali tu.\\nMaya tu mega bisi siko penulis bansa Belanda ke benama Mr. J. Bondriot, bisi nyebut pekara tu dalam surat berita Indian Archipelago, “The Dutch Resident of Western Borneo, not of Sambas only. He certified that on one raid the Saribas and Sekrangs killed four hundred people on the Dutch coast. He relates that the Dayaks swept the whole coast from Sekrang to Sambas, killing the entire population of Selakau. As far back as 1825, the Resident of Sambas and his secretary were killed on their way to Pontianak in a small vessel. Keppel tells us the Saribas once laid in wait for the Dutch man-of-war schooner Haai, and in one engagement killed thirty-seven of the Dutch, losing eighty of their own force.\\nThe Indian Archipelago mentioned:\\nThe war schooner Haai, stationed at Sambas, in Borneo, suffered considerably from a flotilla of thirty ” Dyak prahus,” which attacked her, in the year 1819. At the same time the coasts of Pontianak were much infested by Dyak pirates. At Mampawa an action took place with them. The chief of the place having learned that there were nine of their prahus at the mouth of the river, each manned by from thirty to forty of these notorious sea-banditti, resolved to attack them, though with a small force. They fought at close quarters, no other weapon being used than the klewang, a heavy sword or cutlass.\\nMr. J. Bondriot – The Dutch Resident of Western Borneo, not of Sambas only. He certified that on one raid the Saribas and Sekrangs killed four hundred people on the Dutch coast. Referred to bv Earl in his Eastern Seas, he relates that the Dayaks swept the whole coast from Sekrang to Sambas, killing the entire population of Selakau. As far back as 1825, the Resident of Sambas and his secretary were killed on their way to Pontianak in a small vessel. Keppel tells us the Saribas once laid in wait for the Dutch man-of-war schooner Haai, and in one engagement killed thirty-seven of the Dutch, losing eighty of their own force.\\nDalam taun 1843 (11\/6\/43) leboh Sir James Brooke seduai Admiral Keppel ngalah ka Saribas ba Nanga Padeh. Udah ti alah belanggar di Nanga Padeh tu nya ngujong ka OKP Dana Bayang enggau Linggir “Mali Lebu” dikangau ka Rajah James Brooke ngagai kapal iya di Tanjong Sabuloh dalam kandang Saribas Ili ngasoh seduai iya nyerah ka diri nundok ka Parintah. Tang iya enggai nyain surat ti ngasoh iya nyerah laban iya agi enggai nundok tau ka ngelala Perintah ti di pegai Rajah Brooke. Lalu maia nya mega Rajah James Brooke bisi nulis pasal seduai ti munyi tu:\\n“Orang Kaya Pemancha Dana Bayang ari Saribas diatu bisi lalu ngagai aku …iya tu orang ti pemadu iya diketakut ka serta mega mutus berani. Iya enda besai gamal lalu pendiau iya likun serta umur iya nyau tuai. Lengan kanan iya singkong lalu tuboh iya penuh laban litan abi pantap serta abi tumbok sangkoh. Aku deka bendar berati serta merening gamal iya, lalu ari semua tuai bukai dalam batang ai nya, ba runding aku, iya siko tuai ti pemadu pandai serta lurus ngiring bala anembiak iya.”\\n“Siko agi tuai bansa asal ti sama bisi lalu ngagai kapal aku iya nya Linggir. Tubuh iya baruh, manah bendar di peda. Mata iya gining-gining baka perening mata ular bisa leboh iya duduk atas deck kapal. Aku enggai badu merening ulah iya ti likun laban ari perening mata iya ti tajam bisi pangering, pemintar lalu nemu beparagam ka utai dudi hari ila. Silak mata iya mit serta tajam indah baka jarum kompas.”\\nSerta udah pukas kayau tu, maioh bendar tuai-tuai Saribas baka sida OK Antau “Linggang Negeri” seduai menyadi iya OK Gun “Mangku Bumi” ari Rimbas ngalah ka Iban Sebuyau enggau bala ti enda besai, bebalas ka tegal Iban Sebuyau ti mantu bala balau ti barengkah ngelaban Iban Saribas ba menoa sida iya empu di Rimbas, Paku enggau Padeh.\\nOKP Dana Bayang kena jangkit penyakit Tampok Buah lalu parai ditambah ka penyakit bukai dalam taun 1854 lalu ditumbak ka di pendam Terusu dalam Padeh. Anak iya ti benama Umpu mega parai sama kena jangkit penyakit dalam taun nya.\\nUdah parai OKP Dana Bayang, iya lalu diganti anak lelaki iya ti benama Aji tauka Saji nyadi ka tuai di Padeh enggau Ulu Layar nyengkaum Spak. Taja Aji biak agi ari Nanang seduai Luyoh, tang iya berani serta landik agi megai orang ari aka tuai iya dua iko nya. Iya nyadi tuai enda lama, engka empat taun aja, laban iya parai leboh ka betachah enggau munsoh ba Sungai Langit dalam bulan April, 1858. Iya lalu diganti menyadi iya OKP Nanang jadi ka tuai.\\nOKP Nanang mai bala iya bebaik enggau perintah Brooke dalam taun 1861 ba kaki Bukit Sadok udah Raja James Brooke besemaia mayar 400 igi rusa dikena nundok serta bebaik. Iya lalu dibai Perintah Raja Brooke ngalah ka Kayan di ulu Rajang dalam taun 1863. Laban pemerani iya serta enggau penaluk iya ka perintah Raja Brooke, iya diberi Rajah Brooke pangkat Orang Kaya Pemancha ba moa tuai-tuai bukai ke begempuru di Fort Alice, Simanggang dalam taun 1886.\\nNote on Bujang Timpang Berang:\\nCape Sirik (Tanjong Sirik), a point which is continually advancing seaward, that some forty to fifty years ago the remains of a wreck were discovered a considerable distance from the sea, and so must have belonged to a ship wrecked many years before. When Rentap’s stronghold in the Saribas was captured by the present Rajah in 1861, an old iron cannon dated 1515 was found there. Traditions exist pointing to wrecks and to the existence of hidden treasure at two or three places along the coast.\\nNote on Buda and Christainity: (as extracted from a book “Sketches of Our Life at Sarawak” written By Harriette McDougall)\\nThe Rev. Walter Chambers lived at Sakarran for some time, but gathered no converts. He then settled himself among the Balows of the Batang Lupar and Linga, and when there was a community of Christians from these rivers, at Banting, where Mr. Chambers had built his church and house, a Sarebas chief, Buda by name, the son of a notorious old pirate, happened to meet some of these Christian Dyaks, and came himself to be taught. He brought his wife, sister, and child. They walked upwards of eighty miles, partly through the mud of the sea-shore, carrying their mats and cooking-pots with them, and established themselves in the mission-house, where they were kindly welcomed, and stayed six weeks, during which time they were so diligent that they learnt to read and made some progress in writing. This was in the rainy season, when all farming operations are in abeyance. The next year they returned at the same time, but, meanwhile, they had not been idle, but had taught all they knew to their countrymen. Shortly afterwards Buda was made a catechist, and he excited so much interest, that in 1867 Mr Chambers baptized one hundred and eighty of these people, who were once the most dangerous enemies of the English an d the most notorious pirates of Borneo.\\nThen Buda proceeded to the village of Seruai, and Mr. Chambers had soon to visit there, for the people were so earnest they would scarcely let him sleep, nor seemed to require any sleep themselves, but day and night learnt the hymns and catechism, which they must know by heart to be baptized. Nearly two hundred were baptized on the Kryan River. A catechist had been placed there, called Belabut. He married Buda’s sister (Kumang Badong or Indun), who walked to Banting for instruction. She had much influence over the women of the tribe, and Mr. Chambers said it was delightful to hear her read “her beloved gospel” with the correct pronunciation of an English lady.\\nThe Christians of the Kryan did not keep the good news to themselves, but proceeded to teach the next village of Sinambo. In these villages there are now school-chapels, built by the Dyaks themselves. In 1873, Mr. Chambers, who was then bishop, wrote: “These Sea Dyaks have made the greatest advances in civilization and Christianity. Looking back even five years, there is a great difference. They have abandoned superstitious habits.” “They no longer listen to the voices of birds to tell them when to sow their seeds, undertake a journey, or build a house; they never consult a manang [Heathen doctor.] in sickness or difficulty; above all, they set no store by the blackened skulls which used to hang from their roofs, but which they have either buried or given away to any people from a distance who cared for them, assuring them at the same time that they ‘were no use.'”\\nNote pasal Jerita Uyu Apai Ikom:\\nUYU TU siko ari tuai kitai Iban dalam Sungai Julau ke teleba nyadi ke manuk sabong OKP Dana Bayang. Iya mega bisi ampit enggau Libau ‘Rentap’ nan di Bukit Sadok ngelaban perintah Rajah Brooke. Kenu ko kenang orang ke tuai menya, Uyu ditulong Bunsu Remaung. Lalu kejang iya deka mati menya dia orang bisi meda utai nyelai, meda tuboh iya bisi bebali belikau baka remaung. Tang laban orang bisi ngerara nya alai iya en da lalu bebali nyadi remaung. Leboh nya mega orang bisi ninga remaung negong dua iko betimbal ba seberai rumah sida Uyu. Udah nya orang bisi ngambi Uyu mimpi, ke endor iya madah ka diri nyadi remaung.\\nBangkai Uyu menya enda ditumbak ka dalam tanah, tang dilumbong. Reti nya, iya semina diengkah orang dalam sentubong lalu digaga ka rumah endor engkah sentubong nya. Lumbong Uyu tu betul bendar ba antara menoa Bagi Kedua enggau Bagi Ketiga, di ulu Julau. Lumbong nya agi meraun manah datai ka diatu.\\nNyadi pengangkat Uyu nyadi berani, ke ngasoh iya tulih ka nama tulih ka rita menya baka tu: Nyadi sakali Uyu bemimpi asai ke digagai remaung tujoh iko. Nyau kepuas asai iya ke rari ka siko agi remaung nya tegagai ka iya, enam iko asai ke enda tetitih ka iya agi. Dia remaung siko ke agi ngagai Uyu nya asai ke didinga iya bejako:\\n“Eh, Uyu, nadai reti nuan rari ka aku, laban aku datai deka nulong nuan, ” kenu ko remaung nya didinga Uyu.\\nUyu pen lalu ngetu, enda rari agi. Remaung nya tak bebali dipeda iya, bebali nyadi indu. Nyadi ko indu nya bejako enggau Uyu, “Aku datai ditu laban deka meri nuan tinchin empelias enggau pemerani, tau ka pemeransang ati awak ka nuan enda takut leboh belaban enggau munsoh.”\\nIndu nya lalu nyua ka tinchin sabentok ngagai Uyu. Sereta Uyu asai ke nyambut tinchin nya hari kilat, Uyu pen lalu tedani. Malik ngagai tunjuk peda iya bisi tinchin dia.\\nKetiga kali Rajah ngalah ka Rentap enggau bala iya di Bukit Sadok dia Uyu bisi niki ka atas puchok kuta. Tang siko pen nadai meh orang tekena ka Uyu leboh ke nimbak iya ngena senapang. Uyu menya endang empelias sereta enggau kebal. Iya madah ka semadi meh orang taselinting ka lubang jarum baru taselinting ka iya, Nyadi pengaroh Uyu nya agi meruan ditaroh kaban-belayan iya di Julau.\\nUyu mati tuai ba rumah sida di Julau. Lalu munyi ke di pun tadi, bangkai Uyu dilumbong, enda ditumabak ka dalam tanah. Rumah lumbong Uyu diukir manah bendar, lalu agi tegap datai ka diatu. Ari baroh lumbong nya diengkah ka baiya ke dibai Uyu.\\nNya meh pengujong siko ari manok pungka laki kitai Iban menya. Uyu endang beberita bendar rambau nya menya, tang enti enda dilekat ka ngagai tulis, berita nya kurang agi ditemu kitai ke anembiak kemaia hari tu, tambah mega tau abis. Nya alai tulis ka cherita lama awak ka bisi nyadi ka pesaka anak-uchu kitai. (Source jerita Uyu Apai Ikom tu ari Bup Nendak)\\nGambar: Burong Beragai\\nResearch & written by Gregory Nyanggau Mawar (great-great-great-great grandson of OK Dana “Bayang”\\non July 23, 2019 at 3:50 am | Reply uwa\\nAmat ke enda bini OKP Dana “Bayang” semadi tapong pala ngau bini Rentap?\\non April 19, 2016 at 10:12 am | Reply Jaya\\nTusah ga endu…laban tudah diri nadai diau di menoa..slu mindah..nadai aru ga ngereja pngawa nya.ti bc pluang pli ila ga aku nanya org tuai2.\\non April 18, 2016 at 8:54 am | Reply Jaya\\nAi Sg KOTA..mati (benanga) ari sepiak kanan ti kitai mudik ai Julau betul2 ba sekula Srk Ng Kota.\\non April 18, 2016 at 8:09 am | Reply endu\\nBisi ga urang putih empua mdahke pala Tuan Lee tu enda putus alu enda ulih bala Rentap sebedau sida ngebu kediri ke ulu ketungkak ke betachak ba Lintang Batang. Tu engka ulih diconfirm enti pendam Tuan Lee diperesa baru ulih bala researchers.\\non April 18, 2016 at 8:06 am | Reply endu\\nKa nyidek jerita Rentap tu ngau silik agi. Bisi urang madahke urang ti bedengah\/mumpong pala Tuan Lee nyak benama Atong, ukai Layang menantu Rentap tang Atong endang sigi bala Rentap mega, engka ngau bekuta ba Bukit Sadok. Sida madahke antu pala Tuan Lee tu penuh ngeli mas alu dibai bala peturun Atong pindahke ulu Sungai Kemena ba Balingian. Amat kini jerita tu? Ulih nuan confirm sapa mumpong pala Tuan Lee.\\non April 19, 2016 at 9:23 am | Reply endu\\nJaya, ulih de nukuke jerita sapa kebendar bedengah Tuan Lee alu sapa ngibun antu pala Tuan Lee diatu?\\non April 18, 2016 at 7:18 am | Reply Jaya\\nAi kota nya..sg ke dua pemadu entigis mati ari Sg Julau..sebedau sg Abau ke pemadu entigis ulu Julau ke di wan org rmh Bayir suba.Ba Ng Sg Kota nya diwan org Rmh Law.Dia mega bc sekula Sk Ng Kota..\\non April 18, 2016 at 8:42 am | Reply endu\\nAi SG Kuta nyak sepiak kanan tauka kiba enti mudik ke entigis ai Julau?\\non April 15, 2016 at 8:39 pm | Reply dom dana\\nUdah brapa serak ari niang OKP Dayang Bayang kini? Munyike amat amat prophesy mimpi OKP Dana Bayang tu. Diatu nadai ribai gi tang bala Iban agi dipegai bansa bukai ketegal ari atur bala ribai mega kini alu ulah bala Iban bepecah enda beserakup baka bedurok ba rumah panjai.\\nQuote: “Nya alai Dana, “ ko Dara Tinchin Temaga, “Bisi Ribai deka datai ari tasik besai linggang gumbang ila. Anang ngelaban orang nya nuan Dana nyentuk ka lapan peturun, laban orang nya tau nyaup kita, tau mai pemansang ka kaban kita, tau ngasoh kita tampak rita tampak nama,” pia ko Dara Tinchin Temaga bejako enggau Dana.\\non April 15, 2016 at 8:48 pm | Reply dom dana\\nAri Tusut OKP Dana Bayang ari Sempulang gana, semina bary 4 serak. Amat tu?\\n13 OKP Dana “Bayang” x Mengan (from Rapong) = Tiong (f), OKP Nanang, Luyoh, Unting, Buda, Umpu, Landan (f), Kumang Badung (f)}, Ajie\\n14 Ajie x Dimah (f) = Mindu (f)\\n15 Mindu x Panglima Budin “Gerasi” = Mengan (f)\\n16 Mengan x Ketit = Isah (f)\\n17 Isah x Enau = Roselyne Petry (f) x Lionel Frederick Mawar = Gregory Nyanggau (Author\\non April 19, 2016 at 9:24 am endu\\nAgi bisa kini mimpi OKP Dana Bayang nyak diatu?\\non April 19, 2016 at 9:32 am endu\\nAmat Uyu Apai Ikom ngau bala sida Nanang & Luyoh nyerah diri\/nundok agai Raja Brooke?\\non April 14, 2016 at 11:02 am | Reply Jaya\\nKota nya ba ai kota empu..nadai entu ,inggal baka kota asal laban udah bebali laban KUDI kelia.Sekali dulu tauka dudi ari kota Bukit Sadok nya aku nda nemu laban nda kala nanya org ke tuai..Tusut nya pan aku nda kala nusut laban mar ga orang kebiak baka kemaia ari tu..tambah mega org ke tuai2 nyau abis laya sulai magang..Arap ke nn Admin ulih mansik ngau silik agi …TQ\\non April 15, 2016 at 8:32 pm | Reply pakan\\nAi tauka sungai nyak mati ba sungai ni?\\non April 8, 2016 at 2:40 pm | Reply Jaya Anak Tupai\\nMinta ampun ngagai nn “jelu jangkit”..aku tu org Ulu Kota..ke nguan menoa nya..aku tekenyit ati ninga nn madah ke””” LUMBONG UYU”””nadai diintu..mar mh nn nda meda kin…..Alai aku bc komen ditu ianya ketegal aku mansik pasal RAJA BERANI ke benama UYU…Tang aku nda nmu sekali ke UYU tu ea ke dilumbong kami ba BUKIT BULI ke ko nn nyaADMIN.Awak ke kita maioh nemu..Lumbong nya suah udah diadu ke kami semenoa ke besemak dia,,,sereta yb Mawan pan bc udah datai datas din..Bukit Buli tu tinggi,nya mh kebuah kami menoa nya nda ulih ngintu Lumbong nya tiap taun..enti bc jerita ke silik tau bantai2 ke mh awak kitai sama bekunsi.Nyema sapa ka meda gaya lumbong UYU tu tau ngiga aku ba no tu;0148849878.\\non April 8, 2016 at 3:29 pm | Reply gnmawar\\nTerima Kasih Jaya Anak Tupai.\\nBisi Jerita Uyu Apai Ikom udah di tampong aku da atas dia. Enti bisi jerita ke silik agi, tau mega nambah ka enggi aku dia.\\non April 11, 2016 at 8:17 am | Reply Swk\\nAmbi gambar lumbong nyak alu ayanke ditu ngambi bala mayuh sama meda. Nama menteri Mawan anak Ikum nyak ucu Uyu kini?\\non April 11, 2016 at 8:20 am | Reply Swk\\nUlih nuan masik ngau sida ke tuai, sapa empu lumbong nyak? Nama jerita pengidup iya ti ngasoh iya dilumbongke urang? Lumbong tu dikena urang masa urang ke parai nyak. Urang biasa meti ditumbak terus ke dalam tanah.\\non April 12, 2016 at 11:35 am Jaya\\nTerima kasih..nyadi,Lumbong UYU ke disebut aku tu segi siko bujang berani kelia ke bisi sangkut nggau RAJA BERANI (RENTAP) kitai Iban kelia,,ba lumbong nya mega bc beberapa iko bala ea ke bukai.siko antara sida nya ke di kingat ke aku ari tusi org tuai ianya RINGGIT,,ke di simpan org dlm tajau..Lalu enggi Uyu empu disimpan org dalan sentubung kayu tebelia bebentuk segala serta diukir ngena ukir naga,,nda salah2 baka siko naga genap ngau pala serta iko.Mawan nya aku nda nemu tang kami semenoa sg bc peturun Uyu,,pengaruh (ke manah ukai kena munuh) ea pan agi bc diibun kami serumah sampai kediatu.Minta ampun laban gambar lumbong nya nadai temu,,nda ingat dini ndor aku nyimpan,,,ti bc temu ila ga aku ngayan ke.\\non April 13, 2016 at 9:31 am pakan\\nAmat Uyu Apai Ikom tu ti nganjung tajau 30 puluh igi ke nyadi cagar tauka deposit dikena bala Nanang ngau Luyoh nundokka\/nyerahke diri agai Raja Brooke sebedau bala raja ngalahka kubu Rentap ba Bukit Sadok kali ke3? Nama Ringgit endang bsi disebut dalam jerita Rentap. Tau side dalam ke agi jerita bala Uyu tu enggai ke jeirta tu lenyau laban kitai Iban enggai nusoii\\_ jerita bekayau suba enggaike bala munsoh bebalas tang daitu udah lama alu bisi undang2.\\non April 15, 2016 at 8:53 pm pkn\\nO, Ringgit nyak madi Rentap ka, ti nitihke tusut tu?\\nNote: Tusut penatai Berenggang bini Jilan. Ningkan x Imbong (f) = Libau “Rentap” of Sadok, Jarop, Ringgit, Lepo, Serini. Libau “Rentap” x Sawai (f) = Tambong (f), Berenggang (f).\\nSourceL Tusut ari Sempulang Gana\\non April 13, 2016 at 9:32 am | Reply pakan\\nNama kabuah menoa kitak diak dikumbai Ulu Kota?\\non April 14, 2016 at 8:42 am Jaya\\nKe dedinga aku ari org ke tuai2 sereta ke dibaca aku ngelama tu….Uyu sg bc mansut ke Tajau tang nda nmu nya kena nunduk tauka nyerah..laban bala Rentap segi nadai kala nyerah ngagai BERUK..datai ke EA enseput kali ke penudi.Lalu,,kebuah menoa kami digagak ke org kelia ULU KOTA laban dia mh ndor sida ngaga kota,,datai kediatu agi bc bekau kota nya ba ai kota.Tang nadai tentu baka kota asal laban ketegal KUDI maianya kelia.Bekau kota nya ukai tusi orang tang aku empu agi mit suba segi selalu bemain dia……Segi amat munyi ko nn “pakan”..amat pan nadai bekayau agi tang org menoa kami sg nda entu ka nusi jerita tu ketegal ti takut ke utai ti bakanya mh…tusah ga ka mansik mar ga “nangkal” bekuli ngau org..ti bc ari ila ga aku nguji nyidi.TQ\\non April 14, 2016 at 9:53 am pakan\\nNama nama endur kuta nyak? Kuta tu digaga udah lari ari Bukit Saduk tauka dulu ari nyak? Nuan nemu tust Uyu apai Ikom tu?\\non November 11, 2014 at 4:38 pm | Reply Igoh\\nnyadi Igoh tu penghulu tuai di menua Layar, nama iya tu diangkat ke nama aku ke diatu, nyadi kami ending peturun Igoh, kelebih agi enti kita kala ninga nama Penghulu Unjie aki kami tu ti mai Bedil Bujang Timpang Berang ari bukit sadok udah Niang Rentap alah, lalu bai iya ke kerapa sebedau diengkah ba Kubau di Betong. Mayuh bala ketuai Iban Spak nadai ditulis laban nadai orang ti mansik, aki kami Daing suba bisi gambar iya ba Muzeum Sarawak tang diatu udah nadai agi dipeda aku. Niang Penghulu Igoh tauka Apai Lamban tu suba maya orang nganjung iya ke pendam dia orang Betabuh. Penghulu Unjie dilumbung ba Lempaong Spak lalu Penghulu Chaing pen sama bela dilumbung, Penghulu Seli ditumbak baka selama. Lungun Penghulu Chaing agi meruan datai ke diatu, Pun bulan 10 aku bc ngabas lalu mensiang lumbung iya. Penghulu Ulin ti matak Iban Spak pindah ke Jelalung iya mati lalu dilumbung ba Jelalung.\\non November 12, 2014 at 4:52 am | Reply uwa1971\\nNama kabuah urang bataboh nganjong Igoh Apia Lamban ka pendam? Laban enti nitihka ia, bataboh tu reti gaga ati ti enda patut maya ngulit. Ulih meri tusut Igoh tu? Ulih nusi samoa kayau Igoh?\\non March 19, 2014 at 2:17 am | Reply uwa1971\\nOKP Dana Bayang pan lalu milih manuk sabung iya empu nambah ka enggi sida Unal “Bulan” ari Ulu Layar enggau sida Linggir “Mali Lebu” ari Paku. Manuk sabung iya ka di bai OKP Dana Bayang iya nya Sabok “Gila Berani”, Bedindang enggau menyadi iya Isik seduai Senaang. Manuk sabung Unal “Bulan” ari Ulu Layar nya Igoh Apai Lamban seduai Uyu apai Ikum. Nyadi manuk sabung Linggir “Mali Lebu” ka enggau ngayau tu di ketuai ka Enchana “Letan Pulas Mas”, Birai “Jawa Jambai”, Minggat Apai Runai enggau Chulo “Tarang Bulan”.\\non March 19, 2014 at 2:20 am | Reply uwa1971\\nSapa ulih nusi jerita Unal “Bulan” ngau silik agi?\\non January 3, 2014 at 3:31 am | Reply uwa1971\\nUpload gambar OKP Danan ngau Insol, anak OKP Nanang ia?\\non January 2, 2014 at 3:35 pm | Reply Joseph Bobby Japang Insoll\\naku bc siti gambar ke dplaba ka ku enggi aki OKP dana tu lau mega gambar Insol.\\non September 14, 2013 at 12:54 am | Reply js\\nUlih meda gambar begian prau ijau nyak?\\nBakani Unal Bulan tau ngalahke bala Ijau Lang?\\non September 14, 2013 at 12:43 am | Reply js\\nBisi bala ulih nerangka bida antara Gawai Burong ngau Gawai Kenyalang?\\non May 16, 2014 at 2:44 am | Reply uwa1971\\nGawai Kenyalang tu siti tikas dalam bansa Gawai Amat.\\non September 12, 2013 at 1:03 am | Reply uwa1971\\nNama Unal “Bulan” kala rari ari menoa asal iya sebedau parai?\\non September 11, 2013 at 9:24 pm | Reply Uchumanangberangka Bpl\\nUnting, bilik Unal Bulan ditampung sida Chagik anak Gagat di Rumah Daw, Temedak Spak…orang bukai nadai nemu cherita Unal ke bendar laban cherita Unal lalu nadai kala ditulis orang ba bup, cherita iya semina bisi kena pansa orang aja, laban niang Benedict Sandin kelia semina nulis cherita tuai-tuai Iban ari Paku enggau Layar ili aja, tang orang ke ditulis niang Benedict Sandin nya orang ti nunduk ngagai raja laban alah laban ka ngulihka pangkat enggau darjat tang niang aki kitai Unal kelia sigi enda nunduk ke raja sampai ke iya parai lalu ditumbak ke ba pendam Kemiding, Spak. Sama enggau Rentap, bela kih sigi enda nunduk ngagai raja nyentukka iya parai. Enti nuan ka nemu siti ari perpasan ulih sida Unal maya sida ke belanggar enggau Ijau ba Pelasan, diatu agi dikembuan kami iya nya perau pengayau Ijau lalu ditukup bala mayuh lalu dipebagika sida lalu ungkup Unal agi dikembuan kami nyentuk ke sehari tu. Tau ke penchelap rumah.\\non September 13, 2013 at 7:39 am | Reply kijang_malik\\nmanah cherita tok unggal.. cherita lansa Unal bisi ditulis dlm bup niang Benedict Sandin..The Sea Dayaks of Borneo: Before White Rajah Rule\\non September 14, 2013 at 12:42 am js\\nBisi bup nyak dek ngal? Library ditu nadai bup nyak.\\non May 16, 2014 at 1:57 am | Reply uwa1971\\nUji tusoi jerita Unal Bulan Genaya” tu ngal?\\non June 27, 2013 at 11:25 pm | Reply uwa1971\\nCan someone tell the reasons why OKP Dana “Bayang” chose to attack Sambas in Kalimantan?\\non June 12, 2013 at 3:48 am | Reply uwa1971\\nJerita OKP Dana “bayang” dalam jaku Iban bisi dalam website datas nyak.\\non September 28, 2011 at 11:12 am | Reply alekjayan@yahoo.com\\nTerima kasih ngagai urang ke ngaga jerita tu, nama kebuah nadai gambar bala tuai-tuai Iban dulu suba ngambi cutuh Orang kaya pemancha dana Bayang\\nNama kitai Iban nadai Raja dulu suba?\\nEnti bc sapa Raja kita?\\non October 4, 2011 at 7:57 am | Reply gnmawar\\nBansa orang bukai ke peturun Raja bisi nampil kitai Iban …\\non October 26, 2012 at 7:37 pm Jayan\\ngnmawar enti baka tu kitai bc Raja tang ni peturun raja dia tu?\\non November 1, 2012 at 8:30 pm gnmawar\\nBansa kitai Iban menya bisi udah enggau orang nyadi Raja, tang Raja nya ukai semina Raja bansa kitai aja, tang iya mega nyadi Raja bansa orang bukai. Kitai nadai agi Raja, laban Raja kitai enggai enggau kitai pindah ngagai menua baru. Ba menua baru, bansa kitai nadai nirika Raja ti baru.\\non October 5, 2012 at 8:25 pm | Reply butak\\norg kelia bdau bc camera.bc pun bala cdak james brook aja ke bc.\\non February 11, 2011 at 1:10 am | Reply pasun mangah\\nPajak ka meh pengawa d aya, kapa peduli ka orang ka ngupi keja jari kitai.ti kitai amat rindu enggau bebendar ngereja pengawa.nadai utai ti tau nangul. Arap mat ku peturun kitai iban pansut bujang berani ba taun ti berwawasan tu.ngemaju ka bansa kitai enda kira ari segi nama pengawa. amat nya aya.\\non October 8, 2010 at 3:02 pm | Reply Gubar Rantai Besi\\nTabi Basa Aya.\\nAku ka nanya nama reti ‘tambak burong’??\\non October 28, 2010 at 11:23 am | Reply gnmawar\\nTambak burong nya anak kayu ti dichabut kitai leboh ninga bunyi burong ti digiga. Tambak burong tu mayuh guna ba pengawa lama kitai Iban.\\non October 5, 2010 at 9:11 am | Reply Jelu Jangkit\\nKati Uyu apai Ikom ke disebut ditu nya orang ke bempu lumbong ba tuchung bukit antara menua Ulu Kota enggau ulu Abau di Julau. Enti nya ia kasih meh meda lumbung nya enda di intu.Nampung cerita sida apai ke kala bumai ba kaki bukit nya sepiak ulu sungai kepayang ba menua Ulu Abau nya ke madah ke nya lumbong Uyu.\\non July 8, 2010 at 9:15 am | Reply Unting\\nEnti ulih semua jerita kitai Iban enggau artikel tentang kitai Iban ke udah digumpul serta bisi dikembuan nuan tau disusun nuan nyadi ke buku, ngambika ke bisi dibeli serta disimpan kitai Iban laban semua utai tu segi chukup berega ngagai bansa kitai…..kadang-kadang aku bisi tepeda\/tebacha artikal urang bukai ke ‘menciplak’ artikal nuan.\\non July 9, 2010 at 10:06 pm | Reply GNMawar\\nMayuh amai udah peda aku orang “Menciplak” article aku tu. Tang ka diatu aku benong nulis bup pasal “Penatai Jaku, Adat enggau Pengarap Iban”.\\non January 3, 2014 at 3:33 am uwa1971\\nUdah dijual bup nyak?\\non July 7, 2010 at 10:03 am | Reply Unting\\nAu, terima kasih ngagai nuan GNMawar. Aku arapka nuan ulih publish ke jerita Uyu Apai Ikom enggau jampat, laban bala bujang berani ke nguan menua Saribas maia nya segi maiuh endar tampak rita jelai nama maia nya menya..\\non April 8, 2016 at 2:48 pm | Reply Jaya\\nUdah tembu jerita uyu nn Aya..mar ga aku tu baru mansa ruai kita…\\non June 23, 2010 at 10:37 am | Reply Unting\\nBisi nemu pasal penatai serta tusut bala sida Unal “Bulab” nuan? Kati Unal “Bulan” tu, ukai datai ari Ulu Spak? Minta nuan mantai berita sida Unal, Igoh & Uyu, enti sema nuan bisi cerita pasal sida ia.\\non June 24, 2010 at 8:21 pm | Reply GNMawar\\nAku nadai tentu jerita silik agi pasal tuai Kitai ke benama Unal “Bulan”. Sayau bendar jerita sida nya nadai orang mansik enggau silik. Jerita Uyu Apai Ikom apin di publish aku ditu.\\non April 5, 2010 at 8:35 pm | Reply uchu manang baji btu.\\nTabi ngagai Nuan Aya GNM,\\nNyadi Aku sekali tu ka nanya nuan pasal jerita OKP Dana Bayang tu. Dini ia bulih pangkat nya (OKP). sekali nya nyambung pangkat apai ia Beti tauka ulih ia empu. baka anak ia OKP Nanang bulih pan diberi Rajah Brooke.\\non June 24, 2010 at 8:18 pm | Reply GNMawar\\nPangkat OKP tu diberi Sheriff Mashor ari Mukah.\\non June 21, 2009 at 4:56 pm | Reply GNMawar\\nThis is an Iban Blog. Some articles are in English. The English version of OKP Dana Bayang is available on my article “Early Iban Migration – Part 2. You should be able to peep into alot of information on Iban culture and history from these articles. Regards.\\non June 21, 2009 at 1:09 pm | Reply kimora\\ni think this blog is very interesting, unfortunately i dont understand the language. if possible, boleh tak diubah kepada bahasa Malaysia? i’m sure that most people would love to read this article but we have problem to understand the language..\\non July 31, 2008 at 6:06 pm | Reply bulanpegari\\nTerima kasih aya, aku pan enda arap ke bansa bukai tang aku lalu bedau ketemu ensera nya ari bansa kitai ga aya. Tambah mega jarang bisi meda ensera ti di kerindu aku nadai ditulis lalu di jual ba kedai.\\non July 31, 2008 at 1:18 pm | Reply gnmawar\\nAku nadai udah macha ensera nya. Enti iya ditulis bansa kitai, deka ga aku meli iya. Aku enda tentu arap ka tulisan bansa bukai. Dalam jerita OKP Dana Bayang bisi ngelansa mimit pasal Senaang menyadi OKP Dana ke parai nyadi baya.\\non February 14, 2013 at 4:32 pm | Reply Kesindap\\nEnti nitih ke sumpah, Bujang Senang tuk g idup…ia cg nda mati nt munsuh ia bdau abis dbunuh…aku cg ketawa nt urg mdh ia udah mati..hahaha…\\non July 30, 2008 at 2:16 pm | Reply bulanpegari\\nAya, aku bisi ga maca pasal ensera Bujang Senang tang ukai di tulis kitai iban. Nyau berunding ga aku ke jalai ensera nya, nemu nya amai tauka enda, tang ia madah ia mayoh nanya urang tuai lalu ngelalie amai ga batang ensera nya. Aku nadai ga ulih ia salah laban enda kala ninga ensera tok ari bansa kitai iban empu. Nma runding nuan aya?\\non July 30, 2008 at 12:00 pm | Reply gnmawar\\nIchit Ijau Berani,\\nAmai munyi ko Fr. Dennis Gimang pun kabuah bansa Iban-Balau belaya enggau pangan diri. Arap ka bala peturun kitai jemah ila ngelala pengawa ti tau ngasoh kitai bersarekang pendiau. Ari pengarap enggau culture, kitai Iban tau kering begulai sajalai enggau pangan diri. TQ.\\non July 30, 2008 at 11:40 am | Reply Ichit Ijau Berani\\nAku mega bisi macha ba article ke ti tulis Fr. Dennis Gimang ba senentang Rara Brunei. Article tu nyebut nama kebuah Iban Balau enggau Iban Saribas bisi bemunsuh enggau pangan diri. Bisi siku tuai Melayu ke benama Bandar Lela ti ngemata ke Batang Lupar, nyarut ka orang Saribas enggau Balau ngena pemula enggau petenah. Sida nyadi batu api, iya ke bendar maya ngayau sida empu perapasan, Iban empu pala. Balau enggau Saribas endang anak tuai enggau anak biak Sendi. Nyadi Sendi, keterubah iya belaki ngambi Gelungan (nurun ke Balau). Udah mati Gelungan, dia iya belaki baru ke Enteban ngambi Guang ke nurun ka bala Saribas. Leboh ke nepat Guang iya mai ulun lapan-belas iko ngayuh ke iya ari Batang Sadong. Udah datai James Brooke, ator perintah iya pan kurang lebih enggau atur Brunei ke ngasoh Dayak agi belaya enggau pangan diri.\\non July 30, 2008 at 11:16 am | Reply Ichit Ijau Berani\\nKeterubah Iban Saribas masuk pengarap kristian ianya Buda anak OK Dana Bayang, leboh iya agi di Banting Lingga, lalu ditangkan ke Chulo ti besumbar Tarang, Menyadi Buda Unting lalu enggau ipar seduai Belabut. Nitih ke di tulis Fr. Dennis Gimang pasal Buda tu munyi tu. Met koch in kuching in 1858 and received some instruction. After marriage moved to Sebetan from padeh. Later went to Banting and visited the school there. He learn how to read and write. He tookfurther Christian instructions. He also brought his wife and daughter to Banting. Was baptised on Christmas eve 1863. He travelled through Saribas and Saratok spreading the Gospel. Requests for priest come from the new converts. In Aug. and Sept. 1867, Chambers baptised 180 candidates in areas Buda had evangelised. Buda concentrated his work as a catechist as Sebetan where he built a church (St. Augustine’s 1872-Perham visited Sebetan and found over 200 faithful Christians there. Buda moved further north to Sedi in Nyabor where he won many more converts. Replaced by catechist Esau in Sebetan. (Esau was rescued by McDougall and Captain brooke during their engagement with pirates off the coast of Sarawak in 1862\\nLeave a Reply to uchu manang baji btu. Cancel reply","num_words":16427,"character_repetition_ratio":0.048,"word_repetition_ratio":0.037,"special_characters_ratio":0.212,"stopwords_ratio":0.211,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Aaron Ago ngabas taba Klinik Pengerai Kemalih - Suara Sarawak\\nAaron Ago ngabas taba Klinik Pengerai Kemalih\\nJULAU: Sapit Menteri Pengerai II, Datuk Aaron Ago Dagang disempulang bala temuai bukai udah ngabas taba Klinik Pengerai Kemalih.\\nBa pejalai ngabas nya, Aaron udah mendingka penerang ari raban Opis Kereja Raya (JKR) Sarikei pasal pejalai projek Klinik Pengerai Kemalih nya.\\nAaron udah ngabas taba projek nya rambau bejadika Program Malaysia Prihatin di Rh. Sang, Rantau Chire, Ulu Entabai, Julau, lemai kemari.\\nBa lansa sama, Aaron ngelalau komuniti ba menua ulu nyukung Program Betuchuk Vaksin Covid-19 Nasional lalu anang takut betuchuk vaksin laban nya udah ditemu likun sereta ulih nyaga semua kitai ari kena rampit igi penyakit Covid-19.\\nAaron ti mega Kaban Parlimen Kanowit ngelalau mensia mayuh ngemaru aplikasyen MySejahtera enggau rejister betuchuk vaksin Covid-19.","num_words":125,"character_repetition_ratio":0.115,"word_repetition_ratio":0.0,"special_characters_ratio":0.177,"stopwords_ratio":0.12,"flagged_words_ratio":0.0,"lang_id_score":0.989,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"9 April 2019 - Hari Dua ba Minggu Ke Lima Musim Lent\\nPun Laman › InjilSehariTu\\nKu Iya bejaku ngagai sida, “Kita datai ari baruh, Aku datai ari atas. Kita endang orang dunya, Aku ukai orang dunya. Aku udah madahka kita deka mati dalam dosa kita, laban kita deka mati dalam dosa kita enti kita enda arapka ‘Aku tu meh Aku.’” - John 8 : 21 - 30\\nBacha Ke Satu: Penyampau 21: 4 - 9\\nOrang Israel lalu angkat ari Bukit Hor, nengah jalai ti nuju ngagai Teluk Akaba, ngelaungka menua Edom.\\nTang di rantau jalai, orang mayuh nyau enda liat ati agi, lalu bejaku ngelaban Allah Taala enggau ngelaban Moses, ku sida, “Nama kebuah nuan mai kami pansut ari menua Ejip lalu nejuka kami mati di menua puang tu, ba endur ti nadai pemakai, nadai ai tu? Kami nyau leju makai pemakai ti enda nyamai tu!”\\nUdah nya TUHAN lalu ngasuh ular ti bisa datai ngagai orang mayuh.\\nUlar nya lalu mantuk sida, lalu mayuh amat sida mati.\\nOrang mayuh lalu mansang ngagai Moses, lalu bejaku, “Kami udah bedosa laban kami udah bejaku ngelaban TUHAN, enggau ngelaban nuan. Besampi ngagai TUHAN minta Iya muai ular tu.” Moses lalu besampika orang mayuh.\\nUdah nya, TUHAN lalu ngasuh Moses ngaga siku ular ari temaga, lalu nuatka ular nya ngena siti tiang; barang sapa kena pantuk ular, deka merening ngagai ular nya, lalu gerai.\\nNya alai Moses ngaga siku ular ari temaga, lalu nuatka ular nya ngena tiang; lalu barang sapa dipantuk ular, deka merening ngagai ular temaga nya, lalu digeraika.\\nMasmur Entara: Masmur 102: 1 - 2, 15 - 17, 18 - 20\\nSaut (peda 1): Pendingka sampi aku, O TUHAN, lalu dingaka sabak aku ke minta tulung.\\nPendingka sampi aku, O TUHAN,\\nlalu dingaka sabak aku ke minta tulung!\\nLebuh aku dituntung penusah, anang ninggalka aku!\\nPendingka aku, lalu saut aku enggau jampat, lebuh aku ngangau!\\nSaut: Pendingka sampi aku, O TUHAN, lalu dingaka sabak aku ke minta tulung.\\nSemua bansa deka nangika TUHAN.\\nSemua raja di dunya deka nangika kuasa Iya.\\nLebuh TUHAN ngaga Sion baru,\\nIya deka mandangka pemesai kuasa Iya.\\nIya deka ningaka bala nembiak Iya ti udah ditinggalka Iya,\\nlalu mendingka sampi sida.\\nTuliska utai ti udah dikereja TUHAN ke rebak ti dudi,\\nngambika orang ke apin ada diatu, deka muji Iya.\\nTUHAN nilik ke baruh ari endur Iya ti kudus ba endur ti tinggi,\\nIya nilik ke baruh ari serega ngagai dunya.\\nIya ninga demuh orang jil\\nlalu ngelepaska orang ke kena ukum bunuh.\\nAklamasi sebedau Injil (peda Esekiel 33: 11):\\nJaku Allah Taala nya benih, lalu Kristus nya penabur benih;\\nsemua orang ti datai ngagai Iya deka idup belama iya.\\nBacha Injil: John 8: 21 - 30\\nJesus lalu bejaku baru ngagai sida orang Parisi, “Aku deka mupuk, lalu kita deka ngiga Aku, tang kita deka mati dalam dosa kita. Kita enda ulih datai ngagai endur ti deka digagai Aku.”\\nBala tuai orang Judah lalu bejaku, “Kati Iya deka munuh Diri? Kati nya kebuah Iya nyebut, ‘Endur ti deka digagai Aku, enda ulih digagai kita?.’”\\nKu Iya bejaku ngagai sida, “Kita datai ari baruh, Aku datai ari atas. Kita endang orang dunya, Aku ukai orang dunya. Aku udah madahka kita deka mati dalam dosa kita, laban kita deka mati dalam dosa kita enti kita enda arapka ‘Aku tu meh Aku.’”\\nKu sida bejaku ngagai Iya, “Sapa Nuan?” Jesus lalu nyaut, “Orang ke udah dipadahka Aku ngagai kita kenyau ari pun.\\nAku mayuh utai ti deka disebut pasal kita, mayuh utai ti deka diukum.\\nTang Iya ke ngirumka Aku endang tau dikarapka, lalu Aku madah ngagai dunya utai ti udah didinga Aku ari Iya.”\\nSida enda nemu Iya bejakuka pasal Apai ngagai sida.\\nNya alai ku Iya bejaku, “Lebuh kita udah nuatka Anak Mensia, nya baru kita deka nemu Aku tu meh Iya, lalu nemu Aku ukai ngereja utai nitihka peneka Aku Empu, tang semina bejaku nitihka ajar Apai. Lalu Iya ke ngirumka Aku bisi enggau Aku. Iya nadai kala ninggalka Aku keDiri, laban Aku seruran ngereja utai ti ngerinduka ati Iya.”\\nLebuh Iya nyebut utai nya, mayuh orang arapka Iya.","num_words":619,"character_repetition_ratio":0.064,"word_repetition_ratio":0.125,"special_characters_ratio":0.226,"stopwords_ratio":0.373,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"3 April 2019 - Hari Tiga ba Minggu Ke-Empat Musim Lent\\nKu Jesus bejaku ngagai sida, “Enggau bendar Aku madah ngagai kita, Anak enda ulih ngereja utai ngatika Diri, tang semina utai ti dipeda Iya kereja Apai, laban sebarang utai dikereja Apai nya mega dikereja Anak. - John 5: 17 - 30\\nBacha Ke Satu: Isaiah 49: 8 - 15\\nKu TUHAN bejaku ngagai bala nembiak Iya, “Lebuh maya Aku deka nyelamatka kita, Aku deka kasihka kita lalu nyaut sabak kita ke minta tulung.\\nAku deka nyaga sereta ngelindung kita lalu nengah kita Aku deka ngaga siti sempekat enggau semua bansa.\\nAku deka ngasuh kita ngentapka diri, sekali agi, di menua kita empu ti nadai orang nguan diatu.\\nAku deka nyebut ngagai orang tangkap, ‘Kita diatu dilepaska!’ lalu ngagai sida ke diau dalam petang, ‘Pansut ngagai penampak!’ Sida deka nyadi baka jelu bedus ti ngulam ba munggu.\\nSida nadai agi lapar tauka aus. Pengangat panchar mata hari enggau pengangat menua puang enda agi ngemediska sida, laban sida deka diuluka siku ti rinduka sida. Iya deka nguluka sida ngagai mata ai.\\n“Lalu Aku deka ngaga jalai raya ngerenchah bukit lalu nyendiaka jalai ti deka ditengah bala nembiak Aku.\\nBala nembiak Aku deka datai ari jauh, ari utara enggau ari barat, enggau ari Aswan di selatan.”\\nBelagu meh nuan langit! Manjung gaga ati meh nuan dunya! Awakka bukit belagu! TUHAN deka merindang bala nembiak Iya.\\nIya deka sinu ati ke bala nembiak Iya ke merinsa.\\nTang ku orang Jerusalem bejaku, “TUHAN udah ninggalka kitai! Iya enda agi ingatka kitai.”\\nNya alai TUHAN nyaut, “Kati indu enda ingatka anak diri lalu enda rinduka anak ke diadaka iya empu? Enti sema indai enda ingatka anak diri, Aku deka seruran ingatka kita.”\\nMasmur Entara: Masmur 145: 8 - 9, 13CD - 14, 17 - 18\\nSaut (8a): TUHAN endang rindu sereta kasih.\\nTUHAN endang rindu sereta kasih,\\nlubah ringat sereta penuh laban pengerindu ti meruan belama iya.\\nIya manah enggau semua orang\\nlalu siru enggau semua utai ti udah digaga Iya.\\nSaut: TUHAN endang rindu sereta kasih.\\nTUHAN endang deka ngamatka semaya Iya.\\nIya endang ngayanka pengasih dalam semua pengawa Iya.\\nIya nulung orang ke dituntung penusah.\\nIya ngangkatka orang ke udah rebah.\\nTUHAN endang lurus dalam semua utai ti dikereja Iya,\\nngayanka pengasih dalam semua pengawa Iya.\\nIya diau semak sida ke ngangauka Iya,\\nke ngangauka Iya enggau ati ti bendar.\\nAklamasi sebedau Injil (peda John 11: 25A, 26):\\nAku tu meh pengangkat enggau pengidup, ku TUHAN;\\nBarang sapa ti arapka Aku, enda mati.\\nBacha Injil: John 5: 17 - 30\\nTang ku Jesus nyaut orang Parisi, “Apai Aku seruran gawa. Lalu Aku Empu mega gawa.”\\nKetegal nya orang Judah bebendar agi deka munuh Iya, laban Iya ukai semina ngelanggar adat hari Sabat, tang mega ngumbai Allah Taala Apai Iya, lalu ari nya ngaga Diri sebaka enggau Allah Taala.\\nKu Jesus bejaku ngagai sida, “Enggau bendar Aku madah ngagai kita, Anak enda ulih ngereja utai ngatika Diri, tang semina utai ti dipeda Iya kereja Apai, laban sebarang utai dikereja Apai nya mega dikereja Anak.\\nApai rinduka Anak, lalu ngayanka ngagai Anak semua utai ti dikereja Iya.\\nLalu Iya deka ngereja pengawa ti besai agi ari nya, ngambika kita alit ati.\\nBaka Apai ke ngangkatka orang ari mati, lalu meri sida pengidup, baka nya mega Anak meri pengidup ngagai sebarang orang ke dikedekaka Iya.\\nApai enda ngakim orang, tang udah meri semua kuasa ngakim ngagai Anak, ngambika semua orang ngemesaika Anak, baka sida ke ngemesaika Apai.\\nBarang sapa enda ngemesaika Anak, enda ngemesaika Apai ke ngirumka Iya.\\n“Enggau bendar Aku madah ngagai kita, orang ke ninga jaku Aku lalu arapka Iya ti udah ngirumka Aku, bulih pengidup ti meruan belama iya, lalu enda diakim, tang udah meraka ari pemati ngagai pengidup.\\nEnggau bendar Aku madah ngagai kita, maya deka datai, lalu endang udah datai diatu, alai orang ke mati deka ninga nyawa Anak Allah Taala, lalu orang ke ninga nyawa nya deka idup.\\nLaban baka Apai ke pun pengidup, baka nya mega Iya udah ngeletak Anak nyadika pun pengidup, lalu udah meri Iya kuasa ngakim, laban Iya Anak Mensia.\\nAnang tekenyit ati ketegal utai tu, laban maya deka datai alai semua orang ke udah mati deka ninga nyawa Iya, lalu deka pansut ari kubur: orang ke udah ngereja utai ti badas, diangkatka idup baru ngagai pengidup, lalu orang ke udah ngereja penyai, diangkatka idup baru lalu diukum.\\n“Aku enda ulih ngereja utai ngatika Diri.\\nAku semina ngakim nitihka asuh Allah Taala, lalu pemutus penemu Aku lurus, laban Aku ukai ngereja utai nitihka peneka Aku Empu, tang nitihka peneka Iya ke ngirumka Aku.","num_words":699,"character_repetition_ratio":0.059,"word_repetition_ratio":0.07,"special_characters_ratio":0.211,"stopwords_ratio":0.345,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Diocese of Miri: Jalai Regang\\n\"Laku ko iya bejako ngagai samoa orang, Barang sapa ti deka\\nnitih ka aku, iya enda tau berat ka diri empu, ngesan regang iya\\ngenap hari lau nitih ka aku.\" (Luke9:23)\\nSembiang Jalai Regang\\nSembiang nyendia ka Diri ( bediri)\\nPaderi: Dalam nama Apai, enggau Anak enggau Roh Kudus.\\nSembiang Ngesal Ati\\nO Allah Taala, kami rindu ka nuan enggau pengabis ati kami sereta ari atas semua utai. Kami ngesal amat ati ketegal udah ngaga penyalah ngelaban nuan.\\nAsoh kami anang agi ngaga penyalah ngelaban nuan. Asoh ati kami rindu ka nuan enda nemu leju sereta asoh kami gaga ngereja semua utai nitih peneka nuan ti amat Kudus\\nPaderi: O Tuhan Jesus, Penebus kami, kami nyerugang di moa nuan, minta nuan kasih ka kami tu. Kami ka bekenang ka pemerinsa enggau pemarai nuan laban nuan udah nyadi Penebus kami kelia menya. Asoh kami ngesal ati ke penyalah kami empu, lalu tulong kami diau rurus ati kenyau ari diatu lalu nyentok ka kami parai ita. Amin\\nSemoa: O Tuhan Jeus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi ka kami selalu rindu ka nuan, nitih ka samoa pengasoh nuan\\nKa Satu - Pontius Pilate Ngeletak Tuhan Jesus Kena Ukum Bunoh|\\nPaderi: Kami nyembah nuan, O Jesus Kristus, lalu muji nuan.\\nSamoa: Olih regang nuan ti kudus, nuan nebus dunya.\\nPaderi: Udah orang Judah ngelunsin Tuhan Jesus, sida ngenyak ka tapu duri di pala iya. Udah nya, sida mai Iya ngadap Pilate, ngambi ka iya ngadu ka pechara. Pilate nemu Tuhan Jesus nadai penyalah, tang olih iya takut ka orang mayoh, iya ngasoh Tuhan Jesus kena ukum bunoh ba regang.\\nO Tuhan Jesus Kristus, nuan udah merinsa olih kami tu. Ari peneka nuan empu nuan kena ukum Pilate ngambi ngisi ukum penyalah kami. Kami minta nuan mai ati kami begedi ka penyalah, lalu asoh ati kami ngesal bendar ka penyalah ti udah digaga kami, ngambi ka kami di-ampun nuan.\\nSamoa: O Tuhan Jesus, kami rindu ka nuan lebih ari samoa utai bukai; ati kami tusah bendar olih penyalah kami ngelaban nuan. Asoh kami enda besalah agi ngambi kami selalu rindu ka nuan, nitih ka samoa pengasoh nuan.\\nPaderi: O Tuhan, kasih ka kami.\\nSamoa: Tuhan, kasih ka kami.\\nPaderi: Awak ka samengat orang ti udah parai manah.\\nolih pengasih Allah Taala, idup dalam pemaik.\\nDi regang palan iya b'diri\\nIndai ti tusah nyabak\\nDatai ka pengujong.\\nKa Dua - Tuhan Jesus Ngesan Regang\\nPaderi: Orang ngasoh Tuhan Jesus ngesan regang. Regang nya lalu disambut iya enggau ati gaga, olih enggau regang nya iya deka ngelepas ka kitai ari ukum ti meruan.\\nO Tuhan Jesus asoh ati kami selalu keran besembah nuan. Meda nuan udah meri nyawa diri, kami mega ka nyerah diri ngagai nuan.\\nNengah penusah bela dikunsi\\nSemoa p'rinsa bela diasai\\nDirejang mata pedang.\\nKa Tiga - Olih Kayu Regang Udu Berat Disan, Tuhan Jesus Rebah\\nPaderi: Tuhan Jesus belaboh mansang ngagai Bukit Kalvari, endor orang ka munoh iya. Laban kayu regan berat, laban telih iya mayoh, iya nyau lemi tulang lalu rebah ka tanah.\\nO Tuhan Jesus, Tuhan Kami, nuan udah ngesan kayu regang lalu rebah ka tanah, laban penyalah kami berat amat. Asoh kami selalu ingat ka pemerinsa nuan, ngambi ka kami badu ngaga penyalah.\\nOh nangka meh p'nusah iya\\nIndah ti pemadu berekat\\nBelemati anak tunggal iya.\\nKe Empat - Tuhan Jesus betemu Enggau Indai Iya\\nPaderi: Tuhan Jesus angkat lalu mansang baru ngesan regang iya. Telih iya nyau majak pedis laban iya rebah tadi. Leboh nya, iya betemu enggau Indai iya lalu ati seduai sama balat tusah. Maria nyau abis ati meda Anak iya balat merinsa baka nya.\\nO Maria, laban penyalah kami, Anak nuan balat merinsa, Anak nuan parai. Tang kami diatu ngesal ati bendar ka penyalah kami lalu kami minta tulong nuan ngambi ka kami tau di-ampun olih Allah Taala.\\nIya nyabaks'reta sebana\\nIndai iya meda iya m'rinsa\\nM'rinsa amat anak iya.\\nKa Lima - Simon di-asoh nulong Tuhan Jesus ngesan regang\\nPaderi: Kami nyembah nuan, Jesus Kristus, lalu muji nuan.\\nPaderi: Leboh orang Juda meda Tuhan Jesus nyau enda\\ndapat, sida lalu ngasoh Simon ari Sairin nulong iya ngesan regang. Terubah iya Simon enggai tang udah iya megai regang.ati iya nyau berubah, lalu gaga iya nulong Tulong Jesus.\\nO Tuhan Jesus Kristus, asoh kami selalu rindu ka kayu regang. Awak ke regang nyadi ka tanda enggau ka menira kami, kena nulong kami diau rurus ati enggau ngibun kami ari bujok sitan.\\nOrang ni ti enda sinu\\nNgenang p'nusah indai Jesus\\nP'nusah ti udu besai.\\nKa Enam - Veronica ngendas moa Tuhan Jesus\\nPaderi: Tuhan Jesus agi mansang nengah jalai, lalu moa iya, ambis bebalut engau darah. Indu siko ti rurus ati sinu amat meda iya merinsa baka nya. Iya mantai ka perecha lalu ngendas moa iya. Udah nya, ati iya berasai gaga bendar meda gambar moa Tuhan Jesus lekat ba perecha nya di-ajih ka Allah Taala. Tuhan Jesus Kristus, kami kasih bendar meda nuan merinsa. Asoh kami begedi ka penyalah, begedi ka samoa kereja ti jai ti mai nuan tusah baka nya.\\nO Tuhan Jesus Kristus, kami kasih bendar meda nuan merinsa. Asoh kami begedi ka penyalah, begedi ka samoa kereja ti jai ti mai nuan tusah baka nya.\\nOlih ati mensia tan\\nSaum dalam pemedis iya\\nPedis enda olih banding.\\nKa Tujoh - Tuhan Jesus Rebah Ka Dua Kali\\nPaderi: Laban abi telih iya menais seruran pedis, lalu mayoh darah iya nyau dibai iya bejalai, sekali da Tuhan Jesus nyau enda dapat lalu iya rebah baru.\\nO Tuhan Jesus, penyalah kami ti besai ngasoh nuan merinsa, ngasoh nuan rebah. Suah kami udah ngaga penyalah kami, kami enggai ngelaban nuan agi.\\nAbi telih s'ruran pedis\\nIndai anak saum pemedis\\nGenselan darah abi telih.\\nKa Lapan - Orang Indu Menda Jerusalem Nyabak Kasih Meda Tuhan Jesus\\nPaderi: Leboh indu ti rurus di menoa Jerusalem meda Tuhan Jesus merinsa bakanya sida nyau sinu ati lalu nyabak ka iya. Tang Tuhan Jesus nagang sida, ko iya, \"Endu, anang kita nyabak ka aku, tang sabak ka penyalah kita empu enggau ka penyalah anak kita.\"\\nO Tuhan Jesus, Tuhan kami, kami ngesal ati bendar meda nuan merinsa laban penyalah kami tu. Asoh kami berubah pendiau enggai ka kami kena umkum Allah Taala dalam Api Neraka.\\nK'tegal dosa nembiak iya\\nMeda iya b'gitang ba regang\\nDatai nyawa diserah.\\nKa Semilan - Tuhan Jesus Rebah Ka Tiga Kali\\nPaderi: Tuhan Jesus nyau ka datai di tuchong Bukit Kalvari.\\nTang laban nyau kelalu lemi tulang, iya rebah baru.\\nO Tuhan Jesus, olih pemerinsa nuan tu, ampun penyalah kami ti bangat mayoh. Kenyau ari tu nyemtok ka kami parai ila, kami ka diau rurus ati.\\nO nuan indai pun p'gerindu\\nTegu roh ku ari atas\\nGaga ati ku neladan nuan.\\na Sapuloh - Orang Muka Baju Tuhan Jesus\\nPaderi: Udah Tuhan Jesus datai ba endor orang ka munoh iya.\\nsida lalu ngadu ka regang. Baju Tuhan Jesus nyau lekat ba abi telih iya ti sabelah tuboh iya. Orang ngeruntun muka baju iya kasar udu; telih iya lalu bedarah baru.\\nO Tuhan Jesus, nuan malu di moa orang olih kereja jai kami tu. Awak ka kami diau rurus ati selalu, ngambi kami enda malu di moa nuan, datai nuan ngabas kami ila.\\nBai ku ngasai ka pengasai nuan\\nRoh ku p'renching lalu lela\\nNggau p'gerindu kristus Tuhan.\\nKa Sapuloh - Orang Muka Baju Tuhan Jesus\\nNggau p'gerindu kristus Tuhan\\nKa Sabelas - Orang Mantang Kaki Jari Tuhan Enggau Paku Lawang.\\nPaderi: Orang ngengkah regang ba tanah, lalu ngasoh Tuhan Jesus gali atas iya. Iya ngunjor jari iya ngambi ka sida mantang iya enggau paku lawang. Dipantang sida, lalu nyau engkeching darah iya.\\nO Tuhan Jesus, nuan meri nyawa diri, kena nanggong ukum penyalah kami. Darah nuan ambis nyau kena nebus kami. Tegal nya kami deka meruan rindu ka nuan, meda nuan udah rindu ka kami lebih ari nyawa diri empu.\\nIndai Kudus tempa aku\\nAti ti telih disuman\\nK'tegal p'nyelamat diregang.\\nKa Duabelas - Tuhan Jesus Parai Di Regang\\nPaderi:Tiga jam Tuhan Jesus begitang ba regang. Leboh nya darah iya seruran nichir nengah tuboh tya nurun ka tanah. Tang sekumbang iya merinsa baka nya, iya minta Apai iya ngampun penyalah orang jai ti munoh iya. Udah nya iya ngasoh rasul John ngibun Maria, Indai iya. Tembu nya, iya bejako enggau nyawa nyaris, ko iya, \"kereja aku di dunya udah tembu.\" lalu apus seput iya.\\nO Jesus Tuhan kami, leboh kami deka parai ila, awak ka nuan semak kami lalu mai kami niki ka menoa serega.\\nBai aku saum pemedis nuan\\nTegal dosa ku nuan m'rinsa\\nNuan mati nganti aku.\\nKa Tiga-Belas - Orang Ngingkas Bangkai Tuhan Jesus Ari Kayu Regang\\nPaderi:Udah nyawa Tuhan Jesus apus, samoa orang lalu pulai, tang rasul John enggau indu ti rurus ati tinggal dikaki kayu regang, ngibun Maria ti bangat tusah ati meda Anak iya parai. Josep Arimatia enggau Nicodemus ngingkas bangkai Tuhan Jesus ari kayu regang, lalu nyua iya ka Maria, Indai iya.\\nO Maria, ari menya nadai indai orang udah tekelalu tusah ati baka nuan, meda Anak nuan merinsa, meda iya parai. Kami tu tusah ati mega. Kasih ka kami lalu ibun kami berari-rari baka anak nuan empu.\\n\"Wak ka aku nyabak nggau nuan\\nNgulit ka iya ti ngulit ka aku\\nSapemanjai umor ku.\\nKa Empat-Belas - Orang Nganjong Bangkai Tuhan Jesus Ka Pendam\\nPaderi:Udah Maria ngadu ka bangkai Tuhan, orang ti rurus nganjong iya ngagai pendam. Pendam nya ditutup lalu sida pulai.\\nO Tuhan Allah Taala, kami mega parai ila lalu di anjong orang ngagai pendam. Nya sigi patut laban penyalah kami mayoh. Tang kami minta nuan ngibun nuan datai ke belama-lama.\\nLeboh tuboh udah anchor\\nBai samangat ngambi mujor\\nMenoa serega ti mulia.\\nPaderi: Tuhan Jesus, nuan parai olih penyalah kami, tang udah tiga hari nuan angkat idup baru olih kuasa Apai nuan.\\nKeba pemarai ti meruan d'alah ka nuan serega udah tebuka. Nya alai kami andal nuan ka ngiring kami ngagai pengidup baru enggau nuan selalu-lalu.\\nSembiang ka julok ati Pope Kami\\nApai Kami, - Tabi ka Nuan Maria, - Puji ka Apai","num_words":1560,"character_repetition_ratio":0.077,"word_repetition_ratio":0.04,"special_characters_ratio":0.204,"stopwords_ratio":0.221,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Apai Indai Ke “Orang Kampar” Tulung Meh Bala Anak Kita | Dikena Belajar\\nNulung “Orang Kampar” Ngambika ‘Nyembah Jehovah Enggau Ati ti Gaga’\\nApai Indai Ke “Orang Kampar” Tulung Meh Bala Anak Kita\\nAnang Ngelakka Pengerindu Nuan Majak Kurang\\n“Kati Nuan Rinduka Aku Lebih Ari Utai Tu?”\\nIdup Enggau Pengumbas Iya Ngagaka Ati\\nLIFE STORY Nyadi Orang Ke Bengal-Bisu Enda Nekul Aku Ngajar Orang Bukai\\nMenara Jaga—Edisyen Dikena Belajar | Mei 2017\\nBACHA DALAM JAKU Acholi Aukan Baoule Batak (Karo) Batak (Simalungun) Batak (Toba) Biak Bislama Cakchiquel Cambodian Chin (Hakha) Chokwe Chol Chopi Chuabo Dayak Ngaju Digor English French Garifuna Greenlandic Hmong (Putih) Iban Italian Jawa Karen (S'gaw) Kazakh Kikongo Kimbundu Kisi Krio Laotian Lhukonzo Lifu Lomwe Macua Maltese Mam Mapudungun Mauritian Creole Mazatec (Huautla) Mixe Mizo Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ngabere Ngangela Nias Niuean Nyaneka Nyungwe Portuguese Quechua (Ancash) Quechua (Ayacucho) Quechua (Cuzco) Quichua (Chimborazo) Quichua (Imbabura) Romany (Greece Selatan) Romany (Macedonia) Romany (Macedonia) Cyrillic Runyankore Rutoro Sangir Saramaccan Sena Seychelles Creole Spanish Sunda Tahitian Tlapanec Tojolabal Totonac Tshwa Tzeltal Uighur (Cyrillic) Umbundu Urdu Uruund Wallisian Wayuunaiki\\n“Nadai utai bukai ulih ngasuh ati aku lebih agi gaga ari ke ninga bala anak aku diau dalam pemendar.”—3 JHN. 4.\\nLAGU: 88, 41\\nBaka ni apai indai ulih netapka chunto ti manah ke bala anak sida?\\nBaka ni tuai bilik ulih nentuka bagi jaku eklisia ke patut alai sida sebilik datai?\\nBaka ni orang bukai ulih nulung apai indai enggau bala anak sida ke datai ari menua bukai?\\n1, 2. (a) Nama penanggul ke ditapi bala anak ke datai ari menua bukai? (b) Nama tanya ti deka dikerandau ba artikel tu?\\nJOSHUA madahka: “Kenyau ari mit, aku ngena jaku ke dikena apai indai aku ke datai ari menua bukai ba rumah sereta ba eklisia. Tang pengudah berengkah besekula, aku rindu agi ngena jaku di menua nya. Dalam beberapa taun, aku semina bejaku ngena jaku di menua nya. Aku enda ulih meretika utai ke dikerandau ba gempuru, lalu aku ngasaika gaya pengidup aku enda sebaka enggau enggi apai indai aku.” Peneleba Joshua nya ukai utai ti baru.\\n2 Kemaya hari tu, lebih ari 240,000,000 iku orang enda diau di menua asal sida. Enti nuan nya apai indai ke datai ari menua bukai, baka ni nuan ulih meri bala anak nuan peluang ti pemadu manah belajar rinduka Jehovah sereta “diau dalam pemendar”? (3 Jhn. 4) Lalu baka ni orang bukai ulih nulung?\\nAPAI INDAI, TETAPKA CHUNTO TI MANAH\\n3, 4. (a) Baka ni apai indai ulih netapka chunto ti manah ke bala anak? (b) Nama utai ke enda patut dikearapka apai indai ari bala anak?\\n3 Apai indai, chunto nuan endang beguna bendar enti deka bala anak nuan bisi kaul ti rapat enggau Jehovah, lalu idup belama iya. Lebuh bala anak meda nuan ‘ngiga dulu Perintah Petara,’ sida belajar bepanggai ba Jehovah bekaul enggau utai ke diguna sida besehari-hari. (Mat. 6:33, 34) Kemeratka pengawa nuan ke Jehovah, ukai ngiga mayuh agi reta. Idup enggau pengumbas iya lalu nguji nyeliah ari berutang. Giga “pengaya di serega,” iya nya deka diterima Jehovah, ukai ngiga duit tauka deka “dipuji mensia.”—Bacha Mark 10:21, 22; Jhn. 12:43.\\n4 Anang kelalu kisuk nyentukka nuan nadai awak ke bala anak. Awakka sida nemu nuan temegah ati ke sida lebuh sida mutus deka ngenuluka Jehovah, ukai ngiga nama tauka duit ke sida empu tauka ke nuan. Seliahka penemu ti salah ke ngumbai bala anak patut nyediaka utai ke ngasuh apai indai idup lantang. Kingatka, “ukai anak ke patut besimpanka utai ke apai indai, tang apai indai ke patut besimpanka utai ke anak.”—2 Kor. 12:14.\\nAPAI INDAI, UJI PUTARKA PENANGGUL BA JAKU\\n5. Nama kebuah apai indai enda tau enda betanduka pesan pasal Jehovah?\\n5 Baka ke dipadah, orang “ari bansa bukai” datai ngagai gerempung Jehovah. (Sek. 8:23) Tang enti bala anak enda entu nemu jaku ke dikena nuan, nuan tusah deka ngajar sida pemendar. Sida nya pelajar Bup Kudus nuan ti pemadu berega, lalu enti sida “ngelala” Jehovah, sida deka bulih pengidup ti meruan belama iya. (Jhn. 17:3) Ngambika anak nemu utai ti diajar Jehovah, nuan enda tau enda “betanduka pesan nya.”—Bacha Ulang Adat 6:6, 7.\\nBala anak nuan nya pelajar Bup Kudus nuan ti pemadu berega\\n6. Baka ni bala anak tau bulih penguntung ari belajarka jaku ke dikena nuan? (Peda gambar ba pun artikel.)\\n6 Bala anak nuan tentu belajarka jaku di menua nya ba sekula sereta ari orang bukai. Tang sida belajarka jaku nuan lebuh nuan suah bejaku enggau sida. Lebuh sida bejaku ngena jaku ke dikena nuan, sida deka senang agi bejaku sereta madahka asai ati diri. Lalu bisi penguntung ti bukai. Enti bala anak bejaku ngena lebih ari siti jaku, tu ngemansangka penau sida berunding sereta nulung sida meretika runding orang bukai. Tu mega meri sida peluang ngereja mayuh agi ba pengawa nginjil. Ku Carolina, ke bisi apai indai ti datai ari menua bukai: “Enggau eklisia ke ngena jaku ari menua bukai ngerinduka ati. Lalu ngagitka ati ulih nulung ba endur ke begunaka mayuh agi penginjil.”\\n7. Nama ulih digaga nuan enti jaku nyadi penanggul ba kita sebilik?\\n7 Tang, seraya bala anak ke datai ari menua bukai belajarka adat sereta jaku di menua nya, sekeda ari sida engka lenyau pengingin sereta penau bejaku ngena jaku apai indai sida. Apai indai, enti tu nyadi ba bala anak nuan, ulih nuan belajar mimit jaku ke dikena di menua nya? Nuan deka senang agi ngemesaika bala anak nyadi orang Kristian enti nuan nemu randau, pemerindang, sereta kereja sekula sida, tauka enti nuan ulih betemu sereta bejaku enggau bala pengajar sida. Amat, belajarka jaku ti baru begunaka awak, pengeran, sereta ati ti baruh. Tang tu meri asil ti manah. Ngambika chunto, enti sema anak nuan nya bengal, endaka nuan deka nguji belajarka jaku bengal-bisu ngambika ulih bejaku enggau iya? Anak ke landik bejaku ngena jaku bukai mega patut dikeibuhka, endaka nuan setuju? *—Peda nota kaki.\\n8. Baka ni nuan ulih nulung bala anak enti nuan enda entu nemu bejaku ngena jaku di menua nya?\\n8 Sekeda apai indai ke datai ari menua bukai engka tusah deka landik ba jaku baru ke dikena bala anak. Tu tau ngasuh apai indai tusah deka nulung bala anak nemu “Bup Kudus.” (2 Tim. 3:15) Enti nuan napi penanggul tu, nuan agi ulih nulung bala anak ngelala sereta rinduka Jehovah. Seiku tuai gempuru ke benama Shan madahka: “Indai kami ke nyadi indai tunggal semina nemu mimit aja jaku ke dikena kami, lalu aku enggau bala menyadi indu aku enda entu nemu bejaku ngena jaku ke dikena indai kami. Tang lebuh kami meda iya belajar, besampi, sereta enggau naka ulih ngiring ba pengawa belajarka Bup Kudus ba diri sebilik ninting minggu, kami nemu, ngelala Jehovah nya utai ti beguna bendar.”\\n9. Baka ni apai indai ulih nulung bala anak ke patut belajar ngena dua bengkah jaku?\\n9 Sekeda bala anak engka patut belajar pasal Jehovah ngena dua bengkah jaku. Nama kebuah? Laban sida ngena sebengkah jaku ba sekula, lalu sebengkah agi dikena ba rumah. Ketegal nya, sekeda apai indai ngena litaricha, audio ke dirikut, sereta video dalam dua bengkah jaku. Amat, apai indai ke datai ari menua bukai patut bebendar ngambika ulih nulung bala anak semak ngagai Jehovah.\\nNI BAGI JAKU EKLISIA KE PATUT ALAI NUAN DATAI?\\n10. (a) Sapa ke patut milih bagi jaku eklisia ke patut alai datai? (b) Nama patut digaga tuai bilik sebedau ngaga pemutus?\\n10 Lebuh “orang kampar” diau jauh ari bala Saksi bukai ke ngena jaku ti sama enggau sida, sida patut enggau eklisia ke ngena jaku di menua nya. (Mas. 146:9) Tang enti bisi eklisia ti semak ke ngena jaku asal sida empu, tuai bilik patut nentuka bagi jaku eklisia ti pemadu manah ke sida sebilik. Sebedau ngaga pemutus, iya patut berunding enggau dalam sereta besampi pasal utai nya. Iya mega patut bejaku enggau bini sereta bala anak pasal utai nya. (1 Kor. 11:3) Nama deka diperundingka iya? Nama prinsip Bup Kudus ke ulih nulung iya ngaga pemutus?\\nTuai bilik patut nentuka bagi jaku eklisia ti pemadu manah ke sida sebilik\\n11, 12. (a) Baka ni jaku bekaul enggau penguntung ke diulih anak ari gempuru? (b) Nama kebuah sekeda bala anak enggai belajarka jaku ke dikena apai indai?\\n11 Apai indai patut berundingka utai ti amat diguna bala anak. Ngambika ulih meretika pemendar Bup Kudus enggau manah, belajarka Bup Kudus beberapa jam aja ba gempuru ninting minggu enda chukup ba bala anak. Tang perundingka tu: Ba gempuru ke dipejalaika ngena jaku ke ulih dimereti, bala anak deka bulih mayuh agi penguntung, lalu engka belajar mayuh agi ari ke dijangka apai indai. Tang bala anak nadai bulih penguntung enti sida enda entu nemu jaku nya. (Bacha 1 Korint 14:9, 11.) Lalu jaku asal ke dikena anak engka enda seruran nyadi jaku ke ulih ngubah chara berunding sereta asai ati sida. Amat, sekeda bala anak ulih belajar meri komen, lakun, sereta cheramah dalam jaku ke dikena apai indai, tang enda entu ulih mansutka runding sereta asai ati diri.\\n12 Pia mega, ati anak ulih dikuingka lebih ari sebengkah jaku. Nya meh utai ke nyadi ba Joshua ke disebut ba pun tadi. Menyadi indu iya, Esther, madahka: “Enti bala anak bejaku ngena jaku apai indai, sida mega deka rinduka adat sereta jalai pengarap apai indai.” Enti bala anak enda ngasaika diri sama enggau gaya pengidup apai indai, sida engka enggai belajarka jaku sereta jalai pengarap apai indai. Nama ulih digaga apai indai ke datai ari menua bukai?\\n13, 14. (a) Nama kebuah sepasang laki bini ke datai ari menua bukai mai sida sebilik pindah ngagai eklisia ke ngena jaku di menua nya? (b) Baka ni apai indai ngetanka kaul ti teguh enggau Jehovah?\\n13 Apai indai ke Kristian ngenuluka utai ti diguna bala anak lebih agi ari enggi sida empu. (1 Kor. 10:24) Samuel, apai Joshua seduai Esther, madahka: “Aku enggau bini aku beratika bagi jaku ke ulih negu ati bala anak lebuh belajarka pemendar, lalu kami duai besampi minta penemu-dalam. Saut ngagai sampi nya ukai utai ti senang diterima. Tang lebuh meda bala anak enda entu bulih mayuh penguntung ari gempuru dalam jaku ke dikena kami, kami duai mutuska runding deka pindah ngagai eklisia ke ngena jaku di menua nya. Kami sebilik bejarit datai begempuru sereta nginjil. Kami mega mai bala pangan ke diau mendam enggau kami beserumpu makai sereta bemain. Semua tu udah nulung bala anak kami duai ngelala bala menyadi Kristian sereta ngelala Jehovah nya ukai semina nyadi Petara sida, tang mega nyadi Apai sereta Pangan sida. Kami duai beratika tu beguna agi ari ke ngasuh sida landik ba jaku ke dikena kami duai.”\\n14 Samuel nambah: “Ngambika aku enggau bini aku bisi kaul ti teguh enggau Jehovah, kami duai mega datai ngagai gempuru ke ngena jaku kami duai empu. Pengidup kami duai amat kisuk, lalu kami duai berasai lelak. Tang kami duai beterima kasih ngagai Jehovah laban merekatka pengeran sereta utai ke dilengkaka kami duai. Kesemua tiga iku anak kami duai gawa penuh jam ke Jehovah.”\\nUTAI TI ULIH DIKEREJA ORANG KE NEMBIAK\\n15. Nama kebuah seiku menyadi Kristian indu ke benama Kristina ngasaika diri ulih ngaga pemansang ba eklisia ke ngena jaku di menua nya?\\n15 Lebuh bala anak mansang besai, sida nemu sida ulih nyembah Jehovah enggau manah agi ba eklisia ke ngena jaku ti ditemu sida enggau manah. Enti pia, apai indai enda patut ngumbai bala anak enda sayauka sida. Ku Kristina ngenang: “Aku nemu mimit aja jaku ke dikena apai indai aku, tang jaku ke dikena bagempuru kelalu tusah ba aku. Lebuh aku beumur 12 taun, aku datai ngagai konvensyen ke ngena jaku ti dipelajarka aku ba sekula. Baru terubah iya, aku meretika utai ti didinga aku nya pemendar! Bisi utai manah ke nyadi lebuh aku berengkah besampi ngena jaku ke dipelajarka aku ba sekula. Aku ulih bejaku enggau Jehovah ari ati!” (SKR. 2:11, 41) Lebuh Kristina beumur 18 taun, iya berandauka pekara nya enggau apai indai iya, lalu mutus deka pindah ngagai eklisia ke ngena jaku di menua nya. Ku iya madahka: “Belajar pasal Jehovah ngena jaku ke dipelajarka aku ba sekula meransang aku ngereja pengawa ke patut.” Enda lama udah nya, Kristina nyadi pengerintis biasa lalu iya gaga amat ati.\\n16. Nama kebuah Nadia berasai gaga ati ulih mengkang ba eklisia ke ngena jaku ari menua bukai?\\n16 Kita ke nembiak, kati kita ngasaika diri deka agi enggau eklisia ke ngena jaku di menua nya? Enti ka, tanya diri empu kebuah iya. Kati nya ketegal pindah ngagai eklisia nya deka nulung nuan semak agi ngagai Jehovah? (Jas. 4:8) Tauka kati nya ketegal nuan enggaika apai indai beratika tiap iti pengawa ke dikereja nuan tauka ketegal nuan enggai bebendar ngaga pemansang? Ku Nadia, ke gawa ba Betel diatu, madahka: “Lebuh aku enggau bala menyadi aku manggai umur bebelas taun, kami deka pindah ngagai eklisia ke ngena jaku di menua nya.” Tang apai indai Nadia nemu, pindah ngagai eklisia nya ulih ngachau kaul bala anak seduai iya enggau Jehovah. “Diatu kami berasai beterima kasih laban apai indai kami bebendar ngajar kami ngena jaku ke dikena seduai iya sereta ngasuh kami mengkang ba eklisia ke ngena jaku ari menua bukai. Nya udah ngelantangka pengidup kami sereta meri peluang ti besai agi ngagai kami kena nulung orang bukai ngelala Jehovah.”\\nCHARA ORANG BUKAI ULIH NULUNG\\n17. (a) Ngagai sapa Jehovah meri tanggung pengawa ngemesaika bala anak? (b) Baka ni apai indai ulih minta bantu ba pengawa ngajar bala anak pasal pemendar?\\n17 Jehovah udah meri apai indai tanggung pengawa ngajar bala anak sida pemendar. Iya enda meri tanggung pengawa nya ngagai aki ini tauka orang bukai. (Bacha Jaku Dalam 1:8; 31:10, 27, 28.) Tang, apai indai ke enda nemu jaku di menua nya engka begunaka bantu ba pengawa ngajar Bup Kudus kena negu ati bala anak sida. Lebuh apai indai nya minta bantu, tu ukai reti sida nguji deka nyeliahka tanggung pengawa ngemesaika bala anak. Tang, tu siti ari chara ngemesaika bala anak ‘dalam disiplin enggau ajar Jehovah.’ (Eps. 6:4) Ngambika chunto, apai indai engka minta penemu ari bala tuai gempuru ba eklisia pasal chara ngiring pengawa belajarka Bup Kudus ba diri sebilik sereta minta bantu ngiga bala bakih ti manah ke bala anak.\\nApai indai enggau bala anak bela bulih penguntung lebuh begulai enggau bala menyadi Kristian (Peda genteran 18, 19)\\n18, 19. (a) Baka ni bala menyadi Kristian ke bukai ulih nulung bala nembiak? (b) Nama pengawa ke patut diteruska apai indai?\\n18 Kena nulung bala anak, kekadang apai indai ulih mai ruang bilik ke bukai sama enggau belajarka Bup Kudus ba diri sebilik. Pia mega, mayuh orang ke nembiak belajar ari menyadi Kristian ke bukai lebuh sida sama nginjil sereta ngereja pengawa bukai. (J-lam. 27:17) Ku Shan madahka: “Aku agi ingatka bala menyadi Kristian lelaki ke ibuhka aku. Lebuh sida nulung aku ngaduka cheramah pelajar ke dikena ba gempuru, aku seruran belajarka mayuh utai. Lalu aku rindu enggau pengawa ti merindang ati ke digaga kami begulai.”\\n19 Amat, sida ke dipilih apai indai kena nulung bala anak patut seruran meransang bala anak nya bebasaka apai indai. Sida ulih ngereja tu enggau nyebut pemanah ke dikembuan apai indai ngagai bala anak nya, lalu enda ngerebut tanggung pengawa ngemesaika bala anak ari apai indai. Pia mega, sida ke nulung patut nyeliahka sebarang ulah ke tau ngasuh sekeda orang ba dalam tauka ba luar eklisia ngumbai ulah nya enda bemoral. (1 Pet. 2:12) Taja pan apai indai engka minta bantu ari orang bukai, tang ngajar pemendar ngagai bala anak agi nyadi tanggung pengawa apai indai. Sida patut beratika bantu ti diberi bala menyadi Kristian ke bukai.\\n20. Baka ni apai indai ulih nulung bala anak nyadi nembiak ke tetap ati ngagai Jehovah?\\n20 Apai indai, besampi meh minta tulung ngagai Jehovah lalu bebendar meh nulung bala anak. (Bacha 2 Bansa Israel 15:7.) Kenuluka kaul anak nuan enggau Jehovah lebih ari utai ti diguna nuan empu. Enggau naka ulih nentuka Jaku Petara tama ba ati anak nuan. Terus pechayaka anak nuan ulih nyadi nembiak Jehovah. Lebuh bala anak nitihka Jaku Petara sereta chunto manah nuan, nuan deka ngasaika utai ti diasaika rasul John lebuh iya nulung orang bukai: “Nadai utai bukai ulih ngasuh ati aku lebih agi gaga ari ke ninga bala anak aku diau dalam pemendar.”—3 Jhn. 4.\\n^ per. 7 Peda artikel “Anda Pasti Bisa Belajar Bahasa Lain!”-IN ba Sedarlah! kena Mac 2007, lambar 10-12.\\nMENARA JAGA—EDISYEN DIKENA BELAJAR Mei 2017","num_words":2619,"character_repetition_ratio":0.088,"word_repetition_ratio":0.012,"special_characters_ratio":0.212,"stopwords_ratio":0.26,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"AI pengelebih mantu ekonomi S'wak - Suara Sarawak\\nAI pengelebih mantu ekonomi S’wak\\n“AI sebagi ari proses beguna dikena nambahka rega ngagai penatai pemisi kami enggau ngelimat penatai pemisi seriris program transformasyen kami dalam nyapai ekonomi digital.”\\nKUCHING: Sarawak ngempu kapasiti dikena ngubah ekonomi ari konvensional ngagai digital laban ngempu semua pengulih ti dikena baka Artificial Intelligence (AI), Bioteknologi dan Nanoteknologi.\\nKepala Menteri Datuk Patinggi Abang Johari Tun Openg madah ari sukut AI, Sarawak benung bekoloborasyen enggau orang pandai ba pemansang teknologi nyengkaum Huawei dikena ngemansutka penau intelektual napi teknologi.\\n“AI sebagi ari proses beguna dikena nambahka rega ngagai penatai pemisi kami enggau ngelimat penatai pemisi seriris program transformasyen kami dalam nyapai ekonomi digital.\\n“Aku ngasai kami diatu ba palan ti patut ngemansutka raban bepenau ti bisi pengidup ti tampak enggau ulih ngubah ekonomi,” ku iya.\\nIya bejaku munyi nya lebuh bejadi ‘Sarawak Beyond Paradigm Summit 2019’ ba sebuah hotel tebilang ditu, kemari.\\nAri sukut bioteknologi, Abang Johari madah Sarawak ngempu biodiversiti ti ulih ngeluarka mayuh produk baru.\\n“Kami bisi mayuh sumber ubat ari biodiversiti ditu,” ku iya.\\nKelimpah nya, ba sukut nanoteknologi iya madah Sarawak mayuh perengka baka arang ti ulih mansutka kuasa kayu.\\nNangkan nya, ku iya perintah Sarawak udah bekerejasama enggau Shell nanam baru kayu ti udah ditebang enggau numbuhka spesis kayu baru.\\n“Tu meh chara dikena maju enggau kami nadai jalai bukai ari ngena teknologi jeman diatu,” ku iya.\\n‘Sarawak Beyond Paradigm Summit 2019’ diatur dikena mantaika penyedar mensia mayuh pasal guna teknologi enggau Revolusyen Industri 4.0 (IR4.0).\\nPengawa tu diatur Serba Dinamik Holdings enggau kerejasama Kunsil Pemansang Beranakka Puku Malaysia (MIDA), Opis Ekonomi Digital Malaysia (MDEC), Microsoft Malaysia, Palan Penyulut Teknikal Sarawak, Huawei enggau TM One lalu disukung Kunsil Multimedia Sarawak (SMA).\\nSama datai Menteri ba Opis Kepala Menteri Datuk Talib Zulphilip, Menteri Muda Pemansang Dagang Mit enggau Jelan Pemesai (PKS) Datuk Mohd Naroden Majais, Chairman Serba Dinamik Abdul Kadier Sahib enggau Penyanding Penemu Sains Sarawak Datuk Patinggi Tan Sri Dr George Chan.","num_words":309,"character_repetition_ratio":0.05,"word_repetition_ratio":0.087,"special_characters_ratio":0.174,"stopwords_ratio":0.149,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ukum RM10,000 siku, ‘upah’ ngelanggar PKPB - Suara Sarawak\\n0 Share 589.9views\\nKAPIT: Lapan iku lelaki diukum RM10,000 siku laban ditemu nyabung manuk enggau ngelanggar Atur Mindah Betagang Belebas (PKPB) kena Hari Minggu tu tadi.\\nKetuai Polis Pelilih Kapit, DSP Freddy Bian madahka seraban polis ari Opis Pansik Penyalah (JSJ) Kapit udah bejalaika operasyen nya.\\nKu iya, sida bejalaika operasyen urung pukul 2.45 lemai ba kelang belakang sebuah rumah di Taman Country Height pengudah nerima penerang pasal pengawa nyabung manuk nya.\\n“Ba operasyen nya, raban JSJ Kapit mujur nangkap lapan iku lelaki beumur entara 45 ngagai 54 taun.\\n“Sida mega mujur ngerampas 10 iku manuk sabung idup, tujuh iku manuk sabung udah mati enggau dachin,” terang Freddy.\\nKu iya, semua saspek dibai ngagai balai polis ngambi mantu pengawa mansik nengah Seksyen 3(1) Langkah-Langkah Pencegahan dan Penganiayaan Terhadap Binatang 1963.\\nIya mega madahka genap saspek dikompaun RM10,000 laban ngereja penyalah di baruh Peraturan 9 Pencegahan dan Pengendalian Penyakit Berjangkit (Langkah-langkah Dalam Jangkitan Kawasan Tempatan) Peraturan 2020.","num_words":149,"character_repetition_ratio":0.061,"word_repetition_ratio":0.0,"special_characters_ratio":0.213,"stopwords_ratio":0.087,"flagged_words_ratio":0.0,"lang_id_score":0.988,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"2 September 2018 - Hari Minggu Ke Dua Puluh Dua Musim Selama\\n‘Orang tu ngemesaika Aku ngena mulut sida, tang ati sida jauh ari Aku. Sida ngelebuka diri nyembah Aku, laban sida meri ajar mensia lalu ngumbai nya adat Aku.’ Kita ngelengkaka pesan Allah Taala, lalu bepegai ba ajar mensia.”\\nUlang Adat 4: 1 - 2, 6 - 8\\nAnang nambahka utai ngagai pesan ti diberi aku ngagai kita, lalu anang muai utai ari pesan nya. Kita enda tau enda ngasika pesan TUHAN Allah Taala kita, ti diberi aku ngagai kita.\\nLalu nadai bansa bukai bisi adat ti lurus baka adat ti diajar aku ngagai kita sehari tu.”\\nMasmur 15: 2 - 3A, 3B - 4B, 5\\nSaut: Orang ti ngereja utai ti lurus, deka diau begulai enggau TUHAN.\\nSemina orang ke ngasika Allah Taala dalam semua utai lalu seruran ngereja utai ti ngena, ke nyebut utai ti amat sereta tau dikarapka, lalu enda betenahka orang.\\nSida nadai ngereja penyalah ngagai pangan diri lalu sida enda mega nusui berita ngapa pasal pangan diri. Sida begedika orang ke ditulak Allah Taala, tang masa orang ke nangika TUHAN.\\nSida nyali orang duit, lalu enda minta anak duit nya, lalu sida enda ulih diumpan makai suap nyadika saksi ngelaban orang ke nadai penyalah. Barang sapa ngereja utai tu, deka diau likun berari.\\nSt. James 1: 17 - 18, 21B - 22, 27\\nMenyadi ti dikerindu: Semua pemeri ti menyana, ti pemadu badas endang datai ari atas magang, nurun ari Apai penampak ke enda berubah, ke enda mindah kin kitu baka ayuk.\\nAri peneka Iya Empu Iya udah ngadaka kitai, ulih jaku pemendar, ngambika kitai nyadi lumur satu ari semua utai ti idup ti digaga Iya.\\nTerima enggau ati ti baruh jaku ti ditanam, ti bisi kuasa nyelamatka semengat kita.\\nTang anang semina mendingka jaku nya, lalu nipu diri empu. Kereja utai ti diasuh jaku nya.\\nPengarap ti tuchi, ti bendar di mua Allah Taala ti Apai nya: ngintu orang ke patu balu, ke merinsa, sereta ngintu diri tuchi ari penyai dunya.\\nAlleluia (peda St. James 1: 18)\\nAri peneka Iya Empu, Apai udah ngadaka kitai, ulih jaku pemendar, ngambika kitai nyadi lumur satu ari semua utai ti idup ti digaga Iya.\\nLebuh orang Parisi enggau sekeda pengajar Adat ke datai ari Jerusalem begelumu ngelingi Iya, sida meda sekeda murid Jesus makai ngena jari ti enda tuchi, reti nya, enda dibasu.\\n(Laban orang Parisi, enggau semua orang Judah, enda makai enti sida apin masu jari sida nitihka ajar aki ini sida; lalu sida enda makai utai ti udah dibeli ari pasar, enti utai nya apin dibasu. Lalu sida mayuh adat asal ti bukai ti dititihka sida, baka bebasuka mangkuk, periuk enggau pekekas bukai ti digaga ari temaga.)\\nNya alai orang Parisi enggau sida pengajar Adat lalu nanya Iya, “Nama kebuah murid Nuan enda nitihka adat sida ke tuai, tang makai ngena jari ti enda tuchi?”\\nJesus lalu nyaut sida, “Betul jaku nabi Isaiah lebuh iya benabika pasal kita ke pura-pura ngapa tu, munyi ti udah ditulis:\\nIya lalu ngangauka orang mayuh ngagai Iya baru, lalu bejaku ngagai sida, “Pendingka Aku, semua kita, lalu mereti: Nadai utai ti tama ngagai mensia tau ngasuh iya enda tuchi. Utai ti ngasuh mensia enda tuchi nya utai ti pansut ari mensia.”\\n“Laban ari dalam mensia, ari ati mensia pansut runding ti jai: bambai, ngenchuri, munuh orang, butang, amu, ulah ti jai, nipu orang, ulah ti kamah, kepapas, bejakuka orang, sumbung, enggau pemeli. Semua utai ti jai nya pansut ari ati mensia; nya utai ti ngasuh iya enda tuchi.”","num_words":547,"character_repetition_ratio":0.052,"word_repetition_ratio":0.033,"special_characters_ratio":0.221,"stopwords_ratio":0.386,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"COVID-19: Dua kes pemati,133 kes baru positif di Sarawak kemari | Utusan Borneo Online\\nAhad, 28 Februari 2021 - 6:22pm\\nHalaman Utama » Iban » COVID-19: Dua kes pemati,133 kes baru positif di Sarawak kemari\\nCOVID-19: Dua kes pemati,133 kes baru positif di Sarawak kemari\\nKUCHING: Bisi 133 kes baru positif COVID-19 enggau dua kes pemati ketegal COVID-19 diripotka di Sarawak, kemari.\\nSekretariat Komiti Mutarka Penusah Ngenyit Nengeri Sarawak (JPBNS) nengah penerang berita madah nya ngujungka penyampau semua kes positif COVID-19 nambah nyadi 8,164 kes enggau 76 kes pemati naka kemari.\\n“Sehari tu bisi 133 kes baru COVID-19 ditemu ba Sarawak. Pelilih Menua ti ngeripotka kes baru nya nyengkaum Pelilih Menua Meradong (36), Sibu (28), Betong (17), Samarahan (13), Kuching (12), Bintulu (8), Julau (6), Subis (6), Miri (3), Saratok (1), Kanowit (1), Beluru (1) enggau Dalat (1).\\n“Bekaul enggau kes pemati, sehari tu bisi dua kes baru ti bekaul enggau rampit COVID-19. Tu ngujungka penyampau semua kes pemati nambah nyadi 76 iku tauka sepenyampau 0.92 peratus ari semua kes positif ti diripotka ba Sarawak,” ku JPBNS.\\nBepelasarka penerang JPBNS, bisi 17 (ba Pelilih Menua Betong) ari semua 133 kes baru COVID-19 iya nya bekaul enggau kluster baru ti ditemu ba nengeri tu iya nya Kluster Jalai Muhibbah, Betong.\\nNitihku penerang ari JPBNS, kes pemati ke-75 iya nya kes ke-5,850 siku lelaki peranak menua (Sarawak) beumur 41 taun ti udah diperubatka ba Sepital Sibu.\\nKes ti asal ari menua Sibu bisi tanda baka tabin enggau batuk beberapa hari sebedau berubat enggau diperesa COVID-19, sereta pemutus ujian rT-PCR ditemu positif kena 8 Februari 2021.\\nTikas pengerai kes majak enda manah sereta ditetapka udah nadai kena 22 Februari 2021, ku JPBNS.\\nLalu kes pemati ke-76 iya nya kes ke-6,668 siku lelaki peranak menua (Sarawak) beumur 74 taun ti udah dipasukka ba Sepital Sibu lebuh pemutus peresa rT-PCR nyadi kontak semak iya nya psotif COVID-19.\\nKes sebedau nya nadai ngayanka sebarang kelai dirampit COVID-19 lalu tikas pengerai majak enda madah enggau ditetapka udah nadai kena 23 Februari 2021.\\n“Kes (ke-76) bisi ko-morbid Parkinson. Kes tu asal ari Pelilih Menua Sibu enggau bisi kaul dalam Kluster Geronggang,” ku JPBNS.\\nKelimpah ari nya JPBNS neripotka bisi 214 kes baru udah gerai sereta dikemendarka pansut ari sepital kemari iya nya Sepital Sibu (149), PKRC Sepital Kapit (34), Sepital Besai Sarawak (15), Sepital Miri (8), Sepital Sarikei (5),Sepital Bintulu (2) enggau PKRC Sepital Sri Aman (1).\\n“Tu ngujungka penyampau semua kes positif COVID-19 ke udah gerai tauka dikemendarka pansut ari sepital naka sehari tu (kemari) bisi 6,099 iku tauka 73.51% ari penyampau semua kes COVID-19 ba Sarawak,” ku JPBNS.\\nKemari mega bisi 162 PUI baru diripotka enggai 11 PUI agi nganti pemutus peresa makmal.","num_words":388,"character_repetition_ratio":0.079,"word_repetition_ratio":0.037,"special_characters_ratio":0.262,"stopwords_ratio":0.183,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"19 April 2020 - Hari Minggu Kedua Musim Paska (Hari Minggu Pengasih - Octave Paska \/ Divine Mercy) -->\\nPun Laman › BupKudus › Catholic › Injil › JakuTuhanNintingHari › Prayer › RomanKatolik › SembiangKitai\\n19 April 2020 - Hari Minggu Kedua Musim Paska (Hari Minggu Pengasih - Octave Paska \/ Divine Mercy)\\n“Awakka pemaik meruan enggau kita. Baka Apai ke udah ngirumka Aku, baka nya mega Aku ngirumka kita.” -John 20:21\\nSelamat pagi, Hari Minggu Kedua Musim Paska (Hari Minggu Pengasih - Octave Paska \/ Divine Mercy) ngagai semua bala menyadi dalam kristus. Aram kitai sama nyendiaka diri lalu belabuh besembiang:\\nBacha Ke Satu: Kereja Rasul 2: 42 - 47\\nSida angkun belajar ari sida rasul, begempuru enggau sida, makai roti, sereta besampi.\\nGenap iku orang bela nangi laban mayuh kereja ajih enggau kereja ti nyelai dikereja sida rasul.\\nSemua orang ke arap begulai enggau pangan diri lalu bekunsika pemisi sida enggau pangan diri.\\nSida nyual reta tengkira sida, lalu nyadung duit ti ulih sida ari nya ngagai semua bala sida, nitihka guna sida siku-siku.\\nTiap hari sida begempuru dalam Rumah Sembiang.\\nSida makai roti dalam rumah sida.\\nSida beserumpu makai lalu bekunsika pemakai enggau ati ti gerah mudah sereta gaga, muji Allah Taala sereta dikerinduka semua orang.\\nLalu tiap hari Tuhan nambahka orang ke diselamatka ngagai bala sida.\\nMasmur Entara: Masmur 118: 2 - 4, 13 - 15AB, 22 - 24\\nSaut (peda 1): Beri meh terima kasih ngagai TUHAN, laban Iya endang badas; pengerindu Iya meruan belama iya.\\nAwakka ruang bilik imam Aron nyebut,\\nSaut: Beri meh terima kasih ngagai TUHAN, laban Iya endang badas; pengerindu Iya meruan belama iya.\\nAku balat amat diserang sida lalu aku nyau deka alah\\ntang TUHAN nulung aku.\\nTUHAN nyadika pengering enggau lagu aku;\\nIya udah nyelamatka aku.\\nPendingka bala nembiak Allah Taala manjung gaga ati\\ndalam langkau kain sida laban sida udah menang.\\nBacha Ke Dua: 1 Peter 1: 3 - 9\\nPujika Allah Taala ti Apai Jesus Kristus Tuhan kitai! Ulih pengasih Iya ti besai, Iya udah meri kitai pengada ti baru ngagai pengadang ti idup ulih pengangkat Jesus Kristus ari mati, enggau ngagai pesaka ti enda nemu buruk, ti tuchi sereta enda nemu abis, ti ditaruh di serega ke kita ke benung dijaga kuasa Allah Taala, ulih pengarap, ngambika kita bulih pengelepas ti sedia deka dipandangka ba pengujung dunya.\\nKita rami gaga ati ke tu, taja pen kita diatu merinsa enda lama natka mayuh macham penguji, ngambika pengamat pengarap kita - ti berega agi ari emas ti diuji ngena api, taja pen emas nya nemu rusak - tau nerima puji, mulia enggau basa lebuh Jesus Kristus dipandangka.\\nTaja pen kita nadai udah meda Iya, kita rinduka Iya. Lalu taja pen kita nadai meda Iya diatu, kita arapka Iya, lalu ati kita gaga laban pengelantang ti enda ulih ditelah, laban kita nerima utai ti dituju pengarap kita, iya nya pengelepas ke semengat kita.\\nAlleluia (peda John 20: 29):\\nNuan arap ka Aku, Thomas, laban nuan udah meda Aku, ku TUHAN;\\nBeberekat meh orang ke arap, taja pen sida enda meda Aku.\\nBacha Injil: John 20: 19 - 31\\nLemai hari Minggu nya, lebuh pintu udah ditutup ba endur alai sida murid begempuru laban sida takutka orang Judah,\\nJesus datai, lalu bediri ba tengah-tengah sida, lalu bejaku ngagai sida, “Awakka pemaik meruan enggau kita.”\\nLebuh Iya udah nyebut nya, Iya mandangka jari enggau rusuk Iya ngagai sida.\\nSida murid lalu gaga ati meda Tuhan.\\nJesus lalu bejaku baru ngagai sida, “Awakka pemaik meruan enggau kita. Baka Apai ke udah ngirumka Aku, baka nya mega Aku ngirumka kita.”\\nLebuh Iya udah nyebut nya, Iya ngesuhka seput ngagai sida, lalu bejaku enggau sida “Terima meh Roh Kudus. Enti kita ngampun dosa orang, orang nya diampun ari dosa sida. Enti kita enda ngampun dosa orang, sida enda diampun.”\\nTang Thomas (ke dikumbai Besapit), siku ari sida ke dua belas, nadai enggau sida lebuh Jesus datai.\\nNya alai sida murid ti bukai madah ngagai iya, “Kami udah meda Tuhan!”\\nTang ku Thomas bejaku ngagai sida, “Enti aku enda meda abi paku lawang ba jari Iya, lalu ngachukka tunjuk aku ngagai abi paku lawang nya, lalu ngengkahka jari aku ba rusuk Iya, aku enggai arap.”\\nSeminggu udah bekau nya, sida murid Iya begempuru baru ba rumah nya, lalu Thomas bisi enggau sida.\\nTaja pen pintu udah ditutup, tang Jesus datai lalu bediri ba tengah-tengah sida, lalu bejaku, “Awakka pemaik meruan enggau kita.”\\nIya lalu bejaku ngagai Thomas, “Engkahka tunjuk nuan ditu, lalu peda jari Aku. Unjur lalu engkahka jari nuan ba rusuk Aku. Anang kakang ati, tang arap!”\\nThomas lalu nyaut Iya, “Tuhan aku, Allah Taala aku!”\\nJesus lalu nyebut ngagai iya, “Kati nuan arap laban nuan udah meda Aku? Beberekat meh orang ke arap, taja pen sida enda meda Aku!”\\nJesus ngereja mayuh kereja ajih ti bukai di mua sida murid Iya, ti enda dituliska dalam bup tu.\\nTang utai tu ditulis ngambika kita arapka nya Kristus, Anak Allah Taala, lalu ulih pengarap kita ke Iya, kita tau bulih pengidup dalam nama Iya.\\n#BupKudus #Catholic #Injil #JakuTuhanNintingHari #Prayer #RomanKatolik #SembiangKitai","num_words":758,"character_repetition_ratio":0.054,"word_repetition_ratio":0.043,"special_characters_ratio":0.217,"stopwords_ratio":0.319,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"29 April 2019 - Hari Satu ba Minggu Kedua Musim Paska -->\\n29 April 2019 - Hari Satu ba Minggu Kedua Musim Paska\\nNyadi sekali siku orang Parisi, ke benama Nikodimus, ke ari raban tuai orang Judah, mansang ngagai Jesus lebuh malam hari, lalu bejaku enggau Iya, “Pengajar, kami nemu Nuan endang pengajar ke datai ari Allah Taala, laban nadai orang ulih ngereja kereja ajih baka ti dikereja Nuan, enti Allah Taala nadai enggau iya.” - John 3: 1 - 8\\nBacha Ke Satu: Surat Pasal Kereja Rasul 4: 23 - 31\\nLebuh Peter seduai John udah dilepaska, seduai iya lalu pulai ngagai raban sida empu, lalu madahka jaku ti udah disebut sida tuai imam, enggau bala tuai bansa, ngagai seduai iya.\\nLebuh sida ninga nya, semua sida lalu besampi enggau nyawa ti inggar ngagai Allah Taala.\\nKu sida, “Tuhan ti Pemadu Tinggi, ke ngaga langit, tanah, enggau tasik, enggau semua utai ti dalam sida, ke udah bejaku ngena Roh Kudus nengah mulut nembiak Nuan David,\\n‘Nama kebuah orang bansa bukai pedis ati, lalu semua bansa berundingka utai ti nadai guna?\\nBala raja dunya angkat bediri, lalu orang ke megai perintah udah begempuru ngelaban Tuhan enggau ngelaban Kristus Iya.’\\nLaban dalam nengeri tu, iya ti bendar, Herod seduai Pontius Pilate, enggau orang bansa bukai, enggau orang Israel, udah begempuru ngelaban Nembiak Nuan ti kudus, Jesus ke udah dipilih Nuan, ngambika sida ngereja utai ti endang udah dulu diletak Nuan deka nyadi.\\nNya alai diatu, Tuhan, peda Nuan pemalat sida ngemba kami, lalu beri pemerani ngagai nembiak nuan kena sida nusui pesan Nuan, lebuh Nuan ngunjurka jari Nuan lalu ngeraika orang, lalu tanda ti nyelai enggau kereja ajih dikereja dalam nama Jesus, nembiak Nuan ti kudus.”\\nLebuh sida udah besampi, endur alai sida ke begempuru lalu berenyang. Semua sida lalu dipenuhka enggau Roh Kudus, lalu sida berani nusui pesan Allah Taala.\\nMasmur Entara: Masmur 2: 1 - 3, 4 - 7A, 7B - 9\\nSaut (peda 11d): Beberekat meh orang ke betuaika TUHAN.\\nNama kebuah orang bansa bukai bepekat\\nlalu bekira deka ngereja utai ti nadai guna?\\nBala raja sida angkat ngelaban,\\nlalu bala pemerintah sida sama bepekat ngelaban TUHAN\\nenggau ngelaban raja ti udah dipilih Iya.\\nKu sida, “Aram kitai nganchurka kuasa sida.\\nAram kitai muai perintah sida.”\\nSaut: Beberekat meh orang ke betuaika TUHAN.\\nTUHAN ti duduk di serega ketawa;\\nIya ngeleseka sida.\\nUdah nya Iya deka bejaku ngagai sida enggau pengeringat,\\nsereta ngenakutka sida ngena pengeringat Iya.\\n“Aku udah nyiri raja Aku, ba bukit Aku ti kudus di Sion,” ku TUHAN bejaku.\\nKu raja nya bejaku, “Aku deka madahka adat ti udah diberi TUHAN.\\nKu TUHAN bejaku ngagai aku: ‘Nuan tu anak Aku.\\nSehari tu Aku udah nyadi Apai nuan.\\nPinta ari Aku, lalu Aku deka ngaga mayuh bengkah bansa\\nnyadika pesaka nuan, lalu semua dunya deka diempu nuan.\\nNuan deka mechahka sida ngena tungkat besi,\\nlalu ngeredakka sida baka ke ngeredakka periuk tanah.’”\\nAlleluia: (peda Kolosi 3: 1):\\nNya alai enti kita udah diangkatka idup baru enggau Kristus,\\ntumpuka ati kita ngagai utai ti di serega,\\nalai Kristus ke duduk muak ari kanan Allah Taala.\\nBacha Injil: John 3: 1 - 8\\nNyadi sekali siku orang Parisi, ke benama Nikodimus, ke ari raban tuai orang Judah, mansang ngagai Jesus lebuh malam hari, lalu bejaku enggau Iya, “Pengajar, kami nemu Nuan endang pengajar ke datai ari Allah Taala, laban nadai orang ulih ngereja kereja ajih baka ti dikereja Nuan, enti Allah Taala nadai enggau iya.”\\nJesus lalu nyaut iya, “Enggau bendar Aku madah ngagai nuan, nadai orang ulih meda Perintah Allah Taala enti iya enda diadaka baru.\\nKu Nikodimus bejaku ngagai Iya, “Baka ni ku orang ulih diadaka baru lebuh iya udah besai tuai? Kati iya ulih tama ke dalam kandung indai iya baru, lalu diadaka kedua kali?”\\nDisaut Jesus, “Enggau bendar Aku madah ngagai nuan, nadai orang ulih tama ngagai Perintah Allah Taala enti iya enda diadaka ulih ai enggau Roh Kudus.\\nMensia ngadaka mensia, Roh ngadaka roh.\\nAnang alit ati lebuh Aku madah ngagai kita, ‘Kita enda tau enda diadaka baru.’\\nRibut bepuput ngagai sebarang endur iya deka.\\nKita ninga munyi iya, tang kita enda nemu ari ni penatai iya, tauka kini ke tunga iya bepuput.\\nBaka nya mega orang ke diadaka Roh Kudus.”","num_words":638,"character_repetition_ratio":0.051,"word_repetition_ratio":0.13,"special_characters_ratio":0.214,"stopwords_ratio":0.361,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Pengawa BA jam 02.00 pagi..hee..hee\\nPengawa BA jam 02.00 pagi..hee..hee\\nPagi 1hb tumu kami duai Rin dani...jam 02.00 pagi...lembau amat ka dani...tang bakani lah..kami duai mesti ga...\\nPagi tu kami tiga Ms Rachel deka mupok ke Kuching jam 03.00 pagi. Saduai mesti datai di Kuching jam 08.00 pagi laban ti bisi kursus..di Matang. Kan ka develop diri empu...so, dini bisi kursus mesti enggau.\\nSekali tu saduai ia enggau kursus basic facial enggau gubahan bungai. BA enggau ga tang ngambi gambar bala sida ia.\\nProgram kami abis jam 05.00 lemai. Lelak ga...bisi berasai ngantok ga laban kelalu tumu dani. Pagi 2hb pan kami dani tumu baru laban ka mupok ke Betong baru...Rin gawa sari tu.\\nSebedau mupok kami tiga singgah ba McD di Central Park...24 jam buka...tang enda buka lah..TUTUP...nama kabuah neh?? Lalu BA bebeli ai kupi segera ba & Eleven aja.\\nJam 03.00 pagi kami tiga mupok ke Betong. Datai di Betong jam 6.30 pagi. Nasib pagi tu enda ngantok...hee..hee. Lelak meh Rin saduai Ms Rachel ninga BA belagu lagu-lagu Imran Ajmain. Kena ngasoh enda ngantok bah...\\nTu gambar-gambar sida ia ti kursus nya:\\nbenong ninga ka jako ajar\\nninga penerang ba herba\\nngaga gubahan bungai...basic\\nabis nya bulih sijil ga...\\nDikarang olih NyuWynn Glen Fordza @ Bujang Astana maia jam 5:11 PM","num_words":194,"character_repetition_ratio":0.062,"word_repetition_ratio":0.0,"special_characters_ratio":0.261,"stopwords_ratio":0.139,"flagged_words_ratio":0.0,"lang_id_score":0.983,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"7 March 2019 - Hari Empat udah Hari Tiga Abus\\nPun Laman › Injil Tuhan › InjilSehariTu\\n“Enti orang deka nitihka Aku, awakka iya badu agi berundingka diri empu, ngesan regang iya tiap hari, lalu nitihka Aku.\\nBacha Ke Satu: Ulang Adat 30: 15 - 20\\nKu Moses bejaku, “Sehari tu aku ngasuh kita milih entara pemadas enggau penyai, entara pengidup enggau pemati.\\nEnti kita ngasika pesan TUHAN Allah Taala kita, ti diberi aku ngagai kita sehari tu, enti kita rinduka Iya, ngasika Iya, lalu nitihka semua adat Iya, nya baru kita deka bulih pengaya lalu nyadi bansa ti kering. TUHAN Allah Taala kita deka merekatka kita di menua ti baru deka diempu kita.\\nTang enti kita enda ngasi, lalu enggai mending, lalu dibai limpang besembahka petara bukai, kita deka dirusak. Aku meri jaku tangkan tu ngagai kita diatu: kita enda panjai umur nguan menua ti di seberai Sungai Jordan din, ti baru deka diempu kita.\\nAku diatu ngasuh kita milih entara pengidup enggau pemati, entara berekat enggau sumpah, lalu aku ngangauka langit enggau tanah nyadika saksi utai ti dipilih kita. Pilih pengidup.\\nRinduka TUHAN Allah Taala kita. Titihka Iya, lalu tetap ati arapka Iya. Nya baru kita enggau peturun kita deka gayu-guru nguan menua ti udah disemaya deka diberi Iya ngagai aki ini kita, Abraham, Isak, enggau Jakop.”\\nMasmur Entara: Masmur 1: 1 - 2, 3, 4 & 6\\nSaut (peda Masmur 40: 4a): Beberekat meh orang ke manggaika pengarap ba TUHAN.\\nBeberekat meh orang ti enda nitihka penemu orang ke jai,\\nlalu enda nitihka teladan orang ke bedosa\\nti enda begulai enggau orang ke ngeleseka Allah Taala,\\ntang gaga ati ke Adat TUHAN,\\nlalu belematika Adat nya siang malam.\\nSaut: Beberekat meh orang ke manggaika pengarap ba TUHAN.\\nOrang nya baka kayu ti ditanam ba tebing sungai,\\nti bebuah ninting musin lalu daun iya nadai kala layu.\\nIya mujur dalam semua utai ti dikereja iya.\\nTang orang ke jai enda baka nya.\\nIya baka rumput ti rangkai ti dikebuka ribut.\\nlaban TUHAN deka ngintu orang ke lurus,\\ntang jalai pengidup orang ke jai deka dirusak.\\nAklamasi sebedau Injil (peda Matthew 4: 17):\\nNesal ati ke dosa kita, ku TUHAN;\\nlaban Perintah serega nyau semak!\\nBacha Injil: Luke 9: 22 - 25\\nKu Jesus bejaku ngagai sida murid Iya: “Anak Mensia enda tau enda balat diperinsa, lalu ditulak sida tuai bansa, sida tuai imam, enggau sida pengajar Adat, lalu dibunuh, lalu ba hari ti ketiga diangkatka idup baru.”\\nLalu ku Iya bejaku ngagai semua sida, “Enti orang deka nitihka Aku, awakka iya badu agi berundingka diri empu, ngesan regang iya tiap hari, lalu nitihka Aku.\\nLaban barang sapa deka ngidupka nyawa diri, deka ngelenyauka iya, lalu barang sapa deka ngelenyauka nyawa diri ketegal Aku, deka ngidupka iya.\\nNama penguntung orang, enti iya bempu semua dunya, tang ngelenyauka nyawa diri?\\n#Injil Tuhan #InjilSehariTu","num_words":421,"character_repetition_ratio":0.057,"word_repetition_ratio":0.044,"special_characters_ratio":0.214,"stopwords_ratio":0.311,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Anang lembau betanya enggau LKM – Suara Sarawak – Bukan Sekadar Akhbar\\nYou are here:Home-RUAI-Anang lembau betanya enggau LKM\\nAnang lembau betanya enggau LKM\\nKOTA SAMARAHAN: Pedagang koko ti deka ngeluarka produk mata diperansang anang lembau betemu enggau Kaunsil Koko Malaysia (LKM) ngambi ngulihka sanding penemu enggau bantu.\\nSapit Menteri Pengawa Bekebun enggau Komoditi, Willie Mongin madahka pedagang ba Sarawak tau betemu enggau pegawai ba LKM Kota Samarahan ngambi berandauka pekara tu.\\n“Pengawa baka tu mega mantu kitai ngelala pedagang ngambi sama ngemansangka industri koko ba menua tu enggau di Malaysia,” terang iya.\\nWillie mansutka jaku nya ba aum pemberita pengudah bejadika sebengkah pengawa di Palan Pemansik enggau Pemansang Koko, LKM Kota Samarahan, ditu ensanus.\\nNambahka nya ku iya, Perintah Besai udah ngemendarka agih belanja RM21 juta dalam Langgur Pemansang Malaysia Lumpar Ke-12 (RMK-12) ungkup sekeda program nanam koko ngaul pekebun baru enggau bantu kereban betanam betupi.\\n“Aku mega minta semua rayat Sarawak ti bisi tanah puang dalam kluster koko baka Padawan, Serian, Tebedu Asajaya enggau Kuching ngaul sitak Bau tau datai kitu ngambi kami mantu enggau skim ti udah disedia,” terang iya.\\nIya madahka pengawa tu deka mantu pedagang koko ba renggat produk udah tembu ngambi ngerembaika produk enggau nambahka pemansut produk koko.\\nBerebak enggau nya, Willie madahka kualiti koko di Sarawak entara koko pemadu manah ba dunya dataika iya kala ngempu dua anugerah.\\nKe rikod, pemansut koko ba Sarawak dalam taun 2019 nya urung 148 ngagai 150 tan lalu bisi 14 iku pedagang coklat di Sarawak.\\nSama datai Direktor Teknologi Huluan Koko LKM ti mega Pengatur Palan Pemansik enggau Pemansang Koko, Kota Samarahan Haya Ramba enggau Pegawai Pekara Ekonomi LKM, Kota Samarahan Abdul Karim Che Hamid.\\nBy suaraswk|2020-12-23T13:48:55+08:00December 23rd, 2020|Categories: RUAI|0 Comments\\nARKIB Select Month January 2021 (453) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":293,"character_repetition_ratio":0.065,"word_repetition_ratio":0.014,"special_characters_ratio":0.286,"stopwords_ratio":0.154,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Dua kes pemati, siti kluster baru di Betong - Suara Sarawak\\nKUCHING: Opis Pengerai Nengeri Sarawak (JKNS) ngenukuka siti kluster baru di Pelilih Betong nya Kluster Jalan Muhibbah.\\nPia mega, Kluster Jalan Muhibbah nya kluster komuniti ba sebuah rumah di jalai Muhibbah nengah pengawa gempuru kediri kena 10 Februari tu tadi.\\nIndeks kes ngagai kluster nya kes ke-7,407 iya nya siku lelaki beumur 50 taun ditemu nengah pengawa beperesa orang ti bisi kelai kena 16 Februari tu tadi tang iya udah bisi kelai kena 14 Februari tu tadi.\\nNaka diatu, bisi 110 iku udah diperesa ke alai 18 kes udah ditemu positif Covid-19 nyengkaum indeks kes, 45 iku negatif enggau 47 iku agi nganti pemutus.\\nBetong udah bebali ngagai status oren pengudah ngerikod 22 kes berampit dalam menua ba timpuh 14 hari ke udah seraya Kluster Bah Sayap di Miri udah punas kemari pengudah nadai ngerikod kes baru dalam timpuh 28 hari ke udah.\\nPelilih Meradong bebali ngagai status mirah pengudah ngerikod 67 kes berampit dalam menua ba timpuh 14 hari ke udah seraya Pelilih Kanowit bebali status oren pengudah ngerikod 37 kes berampit dalam menua.\\nDua kes pemati dirikodka di Sibu ngujungka bisi 76 iku tauka 0.92 peratus ari kes positif diripotka ba Sarawak ke alai kes pemati ke-75 nya kes ke-5,850 ngaul siku lelaki peranak menua beumur 41 taun ti udah diperubat di Sibu.\\nIya mega bisi kelai renga enggau tabin berapa hari ke udah sebedau diperubat enggau beperesa Covid-19 lalu ditemu positif Covid-19 kena 8 Februari tu tadi enggau bebadi nyawa kena 22 Februari tu tadi.\\nKes pemati ke-76 nya kes ke-6,668 ngaul siku lelaki peranak menua beumur 74 taun ti dipasuk ngagai Sepital Sibu pengudah ditemu positif Covid-19 lalu iya bebadi nyawa kena 23 Februari tu tadi sereta penyakit Parkinson lalu bisi kaul enggau Kluster Geronggang.\\nNambahka nya, Sarawak ngerikod 133 kes baru positif Covid-19 ke alai 36 kes di Meradong, 28 kes di Sibu, 17 kes di Betong, 13 kes di Samarahan, 12 kes di Kuching, lapan kes di Bintulu sereta bela enam kes di Julau enggau Subis.\\nNangkan nya, tiga kes di Miri sereta bela siti kes di Saratok, Kanowit, Beluru enggau Dalat.","num_words":320,"character_repetition_ratio":0.079,"word_repetition_ratio":0.045,"special_characters_ratio":0.226,"stopwords_ratio":0.191,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 18 BK - Ku TUHAN bejaku ngagai Aron, “Nuan, - Bible Search\\nPenyampau 17 Penyampau 19\\n1Ku TUHAN bejaku ngagai Aron, “Nuan, bala anak lelaki nuan, enggau orang Lewi deka betanggungjawapka penyalah ti besangkut-paut enggau pengawa ti dikereja dalam Langkau Kain Aku, tang semina nuan, enggau bala anak lelaki nuan aja deka betanggungjawapka penyalah ti besangkut-paut enggau pengawa imam. 2Bai kaban belayan nuan, iya nya orang Lewi, bekereja sama enggau nuan, ngambika sida nyaup nuan lebuh nuan enggau bala anak lelaki nuan bekereja dalam Langkau Kain TUHAN. 3Sida enda tau enda ngereja pengawa sida ke nuan, lalu betanggungjawapka semua pengawa dalam Langkau Kain nya, tang sida enda tau negu utai ti kudus dalam Endur ti Kudus, tauka negu alta. Enti sida negu utai nya, sida enggau nuan empu, deka dibunuh. 4Sida enda tau enda gawa sama enggau nuan, lalu ngereja semua pengawa dalam Langkau Kain TUHAN. Tang orang bukai enda tau bekereja enggau nuan. 5Semina nuan enggau bala anak lelaki nuan aja deka betanggungjawapka semua pengawa dalam Endur ti Kudus enggau ba alta, ngambika Aku enda agi ringat ngagai orang Israel. 6Aku tu ti udah milih kaban belayan nuan, iya nya orang Lewi, ari semua orang Israel, nyadika pemeri ti diserahka ngagai nuan. Sida udah diserahka ngagai Aku, ngambika sida ulih ngereja pengawa sida dalam Langkau Kain TUHAN. 7Tang semina nuan enggau bala anak lelaki nuan aja deka betanggungjawapka semua pengawa imam ti besangkut-paut enggau alta, sereta enggau semua utai ba Endur ti Pemadu Kudus. Semua utai tu nyadika tanggungjawap nuan magang, laban Aku udah meri ngagai nuan pengawa nyadi imam nyadika pemeri nuan. Orang bukai enda tau bekereja dia. Enti sida datai semak ngagai Endur ti Pemadu Kudus nya, sida deka dibunuh.”\\n8Ku TUHAN bejaku ngagai Aron, “Ingat, Aku meri ngagai nuan semua piring ti enda ditunu ti diberi ngagai Aku. Aku meri utai nya ngagai nuan, enggau ngagai peturun nuan, nyadika ungkup kita belama iya. 9Ari semua piring ti pemadu kudus, ti enda ditunu ba alta, tu bagi piring ti diempu nuan: piring gandum, piring pengampun dosa, enggau piring kena bebayar. Semua utai ti diberi ngagai Aku, ti nyadika piring ti kudus, diempu nuan enggau bala anak lelaki nuan. 10Kita enda tau enda makai utai nya ba endur ti kudus, lalu semina orang ke lelaki aja tau makai utai nya. Kita enda tau enda ngumbai utai nya kudus.\\n11“Nambahka nya, semua pemeri bukai ti diberi orang Israel ngagai Aku, endang enggi nuan magang. Aku meri utai nya ngagai nuan, ngagai anak lelaki nuan, enggau ngagai anak indu nuan, belama iya. Semua kita sebilik ke tuchi, tau makai utai nya.\\n12“Aku meri ngagai nuan semua utai ti pemadu manah ari buah bungas ti diberi orang Israel ngagai Aku genap taun, iya nya, minyak kana, wain, enggau gandum. 13Semua utai nya enggi nuan magang. Semua kita sebilik ke tuchi, tau makai utai nya.\\n15“Semua anak tuai mensia tauka jelu ti diserahka orang Israel ngagai Aku, endang enggi nuan magang. Tang nuan enda tau enda nyambut bayar ti dikena nebus anak tuai mensia, lalu nyambut mega bayar ti dikena orang nebus genap iku anak tuai jelu ti tuchi. 16Anak mensia deka dibeli pulai baru lebuh umur iya sebulan, ngena rega ti udah ditetapka, iya nya lima singkap pirak, nitihka atur ti udah diletak dalam Langkau Kain TUHAN. 17Tang anak tuai jelu sapi, bedus, enggau kambin, enda tau dibeli pulai baru. Sida nya enggi Aku siku aja. Unsaika darah sida ngagai alta, lalu tunu lemak sida nyadika piring ti diberi ngagai Aku ngena api. Bau piring nya deka ngerinduka ati Aku. 18Tang dagin sida nya endang enggi nuan, baka isi dada, isi kaki kanan ari piring ti manah nya.\\n19“Aku meri ngagai nuan, ngagai anak lelaki nuan, enggau ngagai anak indu nuan, belama iya, semua piring ti diberi orang Israel ngagai Aku. Tu sempekat ti enda tau dilanggar, ti digaga Aku enggau nuan, sereta enggau bala peturun nuan.”\\n20Ku TUHAN bejaku ngagai Aron, “Kita nadai ungkup tanah di menua Israel, lalu kita pen nadai mega diberi pesaka. Semina Aku ti TUHAN aja nyadika pesaka nuan.”\\n21 Ku TUHAN bejaku, “Aku udah meri ngagai orang Lewi semua pemeri sepuluh peratus ti diberi orang Israel ngagai Aku, laban sida gawa dalam Langkau Kain TUHAN. 22Orang Israel ti bukai enda agi tau datai semak ngagai Langkau Kain TUHAN, enggai ke sida diukum bunuh. 23Belabuh ari diatu, semina orang Lewi aja deka ngintu Langkau Kain TUHAN, lalu betanggungjawapka semua pengawa dalam Langkau Kain nya. Adat tu mega deka dikena semua peturun nuan belama iya. Orang Lewi nadai tanah di menua Israel, 24laban Aku udah meri ngagai sida semua pemeri sepuluh peratus ti diberi orang Israel ngagai Aku nyadika ungkup sida. Nya kebuah Aku madahka sida nadai pesaka tanah di menua Israel.”\\n25Ku TUHAN bejaku ngagai Moses, 26“Nambahka nya nuan enda tau enda nyebut ngagai orang Lewi munyi tu: ‘Lebuh kita nerima ari orang Israel pemeri sepuluh peratus ti diberi TUHAN ngagai kita nyadika ungkup kita, kita enda tau enda meri sepuluh peratus ari utai nya ngagai TUHAN. 27Pemeri nya deka dikira sebaka enggau pemeri ti diberi orang bumai ari gandum enggau ari wain ti baru. 28Nya meh jalai kita deka meri pemeri ngagai TUHAN, ari semua pemeri sepuluh peratus ti diterima kita ari orang Israel. Kita enda tau enda meri pemeri ti diserahka ngagai TUHAN tu, ngagai Imam Aron. 29Ari semua pemeri ti diberi ngagai kita, serahka pemeri ti endang enggi TUHAN; utai ti pemadu manah ari semua pemeri nya enda tau enda diberi ngagai TUHAN. 30Sebut ngagai sida: Lebuh kita udah nyerahka utai ti pemadu manah nya ngagai TUHAN, nya baru kita tau nyimpan laluh ari utai nya, baka orang bumai ke nyimpan utai ti laluh lebuh iya udah meri pemeri iya. 31Nuan enggau kita sebilik tau makai laluh ari utai nya di semua endur, laban utai nya nyadika upah kita ke gawa dalam Langkau Kain TUHAN. 32Kita enda salah lebuh kita makai utai nya, asal ga kita udah meri utai ti pemadu manah ari utai nya ngagai TUHAN. Tang anang makai pemeri ti kudus ti diberi orang Israel, sebedau utai ti pemadu manah ari utai nya diberi ngagai TUHAN, laban nya ngamahka piring nya. Enti kita ngamahka pemeri nya, kita deka dibunuh.”","num_words":1015,"character_repetition_ratio":0.092,"word_repetition_ratio":0.021,"special_characters_ratio":0.204,"stopwords_ratio":0.4,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SimpanSimpan Jaku Kelaung Untuk Nanti\\nHSP Bahasa Iban T4\\nBibb3093 Pengayaan Dan Pemulihan\\nSempama nya sebengkah ari gaya jaku ti dikena mantaika buah runding. Bansa Iban besempama kena belapikka jaku ngambika iya tau mangka pemaiulah enggau pendiau siku-siku mensia ngena chara ensuruk tang nyemetak. Nambahka nya sempama mega dikena ngambika orang ti kena empas jaku rara tauka sindir enda berasai ensiban. Nitihka jurai David Singleton (2000) sempama datai dalam tukuh leka jaku tauka frasa ti sukar disagam ngena chara literal ari dijir leka jaku. Taja pia, sempama ulih dikena nerangka reti sechara figuratif nitihka kreativiti sereta peneleba ti diserangkap rampa daya idup. Dalam penemu linguistik sempama ulih dikena enggau rentang dalam jalai jaku tang iya bisi besakal mimit enggau prinsip dijir leka jaku. Pansik John Saeed (2003) madahka sempama nya rentayan leka jaku ti bekolokasyen, tegap sereta entap. Ambika chunto, mipis bekolokasyen enggau pending lalu dianggap nyadi siti leksikal ti bediri kediri. Nya alai, reti mipis pending dalam sempama ditemu bebida enggau reti tiap-tiap leka jaku ti bisi dalam dijir nya. Ari segi semantik iya manggum siti reti ti disempamaka ngagai pendiau orang ti jampat ringat. Dijir leka jaku angkat engkerawai, ambika chunto, enti orang ti ninga leka jaku nya enda beratika rampa pekara ti disebut, iya enda nemu reti ti panggum frasa nya nuju ngagai raban orang ti angkat sereta lalu enda bepadah. Taja pen sechara literal iya mai reti indu engkerawai nya angkat sereta tang orang ti endang asal bejaku Iban enda ngena leka jaku nya semina naka nya aja. Ba kaul tu, sempama tau dikumbai renggat metafora ti besangkut enggau peneleba dalam daya idup sesebengkah bansa ti bekunsika gentilang pengidup ti sama. Sempama mega entap agi dikumbai cheremin daya idup laban suah bendar iya sechara tipikal nerangka pekara tauka konteks nitihka endur enggau maya dalam pengidup mensia ba jeman nya empu. Nambahka nya, sempama mega ulih diterima sechara universal lebuh sekeda renggat metafora ti dipanggum iya mudah diperatika taja pen iya meruan ditanggam daya idup bansa Iban. Mintar kenang tu dalam ke agi, bisi sekeda sempama nya bepelasar ba renggat metafora sechara konseptual. Ambika chunto, bungai pengerindu, nerangka pengerindu antara dua iku orang iya nya bujang enggau dara ti benung bepadu. Reti ti dibai dijir leka jaku sempama tu sechara konseptual ulih dipeda enggau nyata. Orang ulih nemu, ngasai sereta belabaka kaul ti tegap, ditambahka enggau geregayak ati nitihka peneleba tauka kaul kognitif ti diperagamka dalam rentayan leka jaku sempama nya. Berindik ari tujah pengerindu ti benung besabung dia peneleba ti besaum, ati ti besakum enggau kaul fizikal ti ngereduas regas sigi ditanggam enggau semaya ti deka idup sekunsi mati pen serata. Nya mih ringkat emosyen ti ulih dipansutka ngagai pikir enggau baris ayat ti sebut dalam leka jaku bungai pengerindu. Kelimpah ari nya sempama mega tau ditemu bepelasar ba renggat metafora dalam. Nitihka pansik George Lakoff enggau Mark Johnson (1980), metafora nudukka kaul ti dalam lalu ngena jaku sema, ambika chunto, baka ruding ti putus kelapung. Kaul ti ditanggam sempama tu iya nya ruding enggau kelapung, dua elemen ti mai reti sechara praktikal enti dibai ngagai rampa daya\\nidup. Enggau terang sempama tu besemaka pendiau lelaki ti nadai ulih ngereja pengawa udah iya kena tinggalka bini. Lanjar agi ari nya, sempama mega tau ditentuka ari tukuh pemaiulah enggau rapat jalai pengidup. Ambika chunto, enda ulih tebang tapang enggau lungga, ti mai reti bebandingka tukuh pengawa mensia enggau kereban kena ngereja pengawa. Ba chunto tu, reti ti nyerapung nya terang bendar nunjukka sesebengkah pengawa enda ulih dikereja enti nadai ngembuan kereban ti chukup. Lebuh dipeda nitihka konteks pengelandik individu nyata bendar orang nya enda tetangkupka pemar pengawa ketegal nadai pemandai. Sagam ti dalam agi ari tu, nunjukka perangai sereta pemaiulah ulih nyadika komplemen dikena nentuka reti ti deka diterangka. Ketegal leka jaku ti dipilih ngayanka perangai enggau rapat jalai pengidup mensia nya alai silik bendar banding pengawa enti iya ditui ngena jaku sempama. Taja pen alus tang nyeriri enggau tajam. Iya tau nyadika ajar tauka gembar jalai pengidup. Pengidup mensia lebuh ditui enggau leka jaku sereta ditanggam enggau pengelikun pendiau sereta adat basa ti tinggi tau diambi nyadika penyuran kena ngukur sereta negika bansa Iban nyadi peranak menua ti dipebasaka. Nya alai enti kitai beratika Turai Pelajar enggau Kerembai Turai Pelajar Jaku Iban sekula primari enggau sekondari dia, dalam aspek Pengisi Kurikulum terang bendar waris daya idup bansa Iban patut bepelasar ba bup Adat Iban 1993. Sempama dalam pengidup bansa Iban tau nyadi siti ari gembar jalai jaku ti ulih nambahka pengaya leka jaku. Pengelanchar bejaku ngena jalai besempama ukai semina tau nambahka pemanah enggau pengelentur jaku tang ulih mantaika reti enggau nyemetak. Iya patut diserap ngagai pelajar ngambika tukuh asal jaku Iban baka besema, besilup enggau bekelaung enda padam. Peninggi jaku Iban endang telempai ba pengidup bansa Iban empu ti seruran bebasa, nyemetak siru sereta kur bejimat lebuh ngena leka jaku. Strategi Ngajar & Belajar Sempama Bup sempama tu ditusun nitihka lumpar. Iya digaga baka nya ngambika pengajar nyamai nyitak, milih lalu ngajar nitihka pengulih enggau pengeregas nembiak. Pengajar diperansang mutuska ubah enggau tikas ti patut dikauk nembiak iya empu ngambika sida enda berasai ditekan tauka diansak. Nembiak patut bendar seruran gagit sereta rindu belajarka jaku sempama. Sempama ti dipilih sereta ditusun dalam bup tu, disadang tau dipelajarka nembiak kena nyikap sida enggau pengelandik guna jaku ba jaku Iban. Pengajar enggau nembiak mega diperansang ngerembaika pengelandik sida nitihka konsep tauka penerang ti udah dikenang ba pemuka jaku di atas tadi. Dalam pengawa ngajar enggau belajar, pengajar patut bendar mansik naka ni tikas pengelandik nembiak. Ngena chara ti bakatu pengajar ulih nentuka kaul peneleba enggau penemu ti udah bisi dikembuan sida iya. Pengajar mega ulih sikar agi ngatur langkar pengawa ngajar enggau belajar berindik ari pansik tauka seridi diagnostik ti dipejalaika iya ba nembiak. Pengajar mega diperansang milih rapatchara, teknik enggau strategi ti nemban sereta entap agi dikena ba nembiak iya empu. Ba tikas ti tinggi pengajar patut bendar nerenakka pengerindu nembiak ngusaika reti sempama lalu nulis karang beturuska sempama.\\nFormat tusun jaku sempama Ba tiap-tiap lumpar, tusun jaku sempama tu diatur nitihka tusun urup. Kebuah alai iya diatur bakanya, ngambika pengajar enggau nembiak nyamai nentuka tikas ti ulih ditangkup maya sida ngajar enggau belajar. Nembiak patut ulih beratika reti sempama lalu kaul iya enggau rampa pengidup mensia besahari-sahari. Ngena chara ti bakanya sida ulih belajar lalu ngasaika peneleba ti disebut tauka diterangka dalam sempama nya tadi berindik ari chunto ayat ti diberi.\\nTukuh leka jaku Leka jaku sempama ti ditusun tu ketebal agi ngena leka jaku pengawa, jaku nama, jaku adjektif enggau jaku tugas. Iya ditusun bakanya laban sempama endang bekaul enggau jalai pengidup. Leka jaku ti nyadi leka jaku sempama datai ari leka jaku ti dikena besahari-sahari lalu bisi mega sekeda leka jaku ti nyadi terminologi.\\nTukuh sempama ti dipilih Sekeda leka jaku sempama ti udah ditusun dalam lumpar nya bisi mudah lalu bisi mega mar. Pengajar patut milih sereta nentuka bagi jaku sempama ti patut diajar. Nembiak ulih belajar ngena tikas ti bebida. Lebuh belajarka sempama nembiak patut beratika kaul reti leka jaku enggau rampa pendiau sereta peneleba nembiak. Reti leka jaku ulih mudah agi ditemu enti iya dikaitka enggau rampa menua nembiak.\\nLeka jaku baru ti dipekunsika ngagai nembiak enda tau enda diterangka enggau silik ngambika iya meruan kaul ari segi tukuh, konsep, tauka idea. Ngena rapatchara beriranka reti enggau rampa pendiau dia nembiak ulih nemu enggau silik nitihka peragam tauka konteks. Ambika chunto; leka jaku sempama abis ati bisi dua panga reti. Keterubah iya nya, balat kesal tauka takut lalu reti kedua iya nya kelalu ingin rinduka orang dara tauka bujang . Ari nya pemaiulah enggau emosyen kena nerangka reti leka jaku tu mega deka berubah nitihka empas reti enggau konteks ti panggum leka jaku sempama nya tadi. Ngajar enggau belajarka jaku sempama patut bendar besangkut paut enggau aktiviti mending, bejaku, macha enggau nulis nitihka langgur tauka konteks. Kebuah pia, laban leka jaku sempama endang ditaga kena nyukung pengelandik ngena jaku lalu aktiviti ti dipejalaika nyendiaka konteks leka jaku sempama dipelajar nitihka chara ti betul. Pengajar endang diperansang ngiga chara ti semitan kena ngajar jaku sempama. Munyi ti udah disebut dulu tadi, belajarka jaku sempama enda tau enda berindik ari konteks. Ari nya pengajar patut ulih nyendiaka nembiak napi konteks nya ngambika sida ulih ngelala, mereti lalu nerangka enggau nyemetak reti sempama. Nembiak dikelala udah ulih ngena jaku sempama enti sida ulih mantaika buah runding ngena chara besempama.\\nabis ati i. Kesal tauka takut ii. Kelalu ingin rinduka orang dara tauka bujang Chunto: i. Aku abis ati lebuh kerita kami kena langgar lori ari belakang. ii. Endun abis amat ati meda penyigat anak temuai ti duduk di ruai sida. abis akal Udah nadai agi daya tauka runding kena mutarka penusah. Chunto: Kami sebuat abis akal ngiga chara kena mantu orang ti ditabanka tanah tusur laban mayuh sida tepekul kena tinggang tanah enggau ramu rumah. achuk rangkang Pantuk ular Chunto: Kedu kena achuk rangkang pulai iya ari umai lemai kemari. angat ati Ringat. Chunto: Iya jampat angat ati enti orang kasar jaku enggau iya. angat dan Buya pedis ati. Chunto: Aku bisi buya angat dan ninga jaku iya tak kelalu bejai kitai serumah. ati hari Jampat berubah ati tauka penemu Chunto: Kami sebuat pedis amat nitihka jaku iya laban iya suah ati hari. bah Bula. Chunto: Igat suah bah enti nusui utai nya alai iya nadai tentu orang enggau begulai. bebela Makai Chunto: Kitai bisi baum udah badu bebela lemai tu lagi.\\nbelah batu Panas ti pemadu bisa. Chunto: Sehari tu amat tak belah batu panas, nadai ulih alai ngereja pengawa. berita angin Berita ti selebubu ngapa tauka apin temu pengamat. Chunto: Berita pasal iya ti kena buai sekula nya berita angin nya alai anang ngarapka berita nya kita. betubuh bisi Ngandung. Chunto: Lebuh betubuh bisi Endu tetengukka salai ikan. bisi baju Naruh sakang tauka dinding bulu. Chunto: Iya bisi baju nya alai iya enda rawan mindah ngagai menua orang. buai batu Nadai ingatka pangan agi. Chunto: Sekumbang udah belidar kereja ke Limbang Dom lalu buai batu enggau bala bakih iya ti tinggal di menua. buah lemba Perut (dikena nyebut perut anak mit) Chunto: Adi Igat rerenggik nyabak nyangka nya semun buah lemba nembiak nya. jai jari Penchuri. Chunto: Kelia jarang amat kita ninga bisi orang ti jai jari di menua kitai tang diatu nyau tiap-tiap minggu bisi orang serebanaka utai lenyau. kaki butul Pemabuk tauka pengirup ai bisa. Chunto: Orang ti kaki butul semina bisi pangan lebuh iya mabuk tang enti lebuh iya tusah nadai orang ibuhka iya.\\nkaki judi Penjudi. Chunto: Iya nya kaki judi nya alai keresa dalam bilik sida mayuh amat udah dijual iya kena mayar utang judi. kenyap Mimpi. Kenu ku cherita sida serumah Jayum endang bisi kenyap nya alai jereki iya majak nambah-senambah ninting taun. kedil pending Enda ngasi sereta enda maluka pengawa diri ti salah. Chunto: Aku ukai enggai ngerara nembiak nya laban iya nya balat kedil pending, semina muai jaku enti ngerara iya. kera Manchal sereta enda ulih rara. Chunto: Jingan nya endang baka kera lebuh agi mit menya tang diatu nadai nembiak kami serumah tu mereti ari iya. lawa kerubung Bisi seregah tang nadai penemu tauka pengelandik. Chunto: Igat Makam nya lawa kerubung laban besandih ba orang ngereja pengawa enti diasuh ngatika diri nadai penunga-nunga iya nya. mai diri Merindang ati Chunto: Udah ti tebunsa ditinggalka laki iya Endat mai diri ke Kuala Lumpur. main ular Pelinte tauka enggai bebendar ngereja pengawa. Chunto: Wat udah ditemu bala mayuh deka main ular enti ngereja pengawa nya alai sekalitu iya dikelaungka bala komiti enggaika pengawa enda nyadi enti bisi iya. makai suap Nerima tauka meri pampas ari ti nyukung pengawa salah ba undang-undang. Chunto: Iya udah ditasat ketegal bisi besangkut paut enggau pengawa makai suap ba kompeni sida.\\nmasam Ngayanka pengeringat tauka enda rindu. Chunto: Aku berasai malu laban sida sebilik ti alai kitai datai demalam bisi masam mua meda bala kitai. malu tekuyung Bisi nyambil malu. Endun malu-malu tekuyung lebuh diasuh bala bakih iya ngajat merindang bala temuai. nguyum Pedis ati ti dipelam. Chunto: Iya endang lama udah nguyum ngagai Igat udah bekau seduai ti bisi bechakahka entara damun sida. nyaya Mati. Chunto: Aki kami ti benama Gurang lama udah nyaya. pait Berat (dikena madahka pemerat anak mit) Chunto: Uchu Ini Endun pait amat umba gamal iya sigi ganggam. pulai hari Jai tekalanya tauka seharinya. Chunto: Ayam iya nadai enda pulai hari magang laban nembiak nya udu enggai jenuh enggau utai. pedua badak Ungkup lebuh bebagika utai nitihka pemesai tubuh. Chunto: Enggau sida ti mit anang sekali-kali pedua badak laban sida iya ingatka ulah kitai ti enda manah nya datai ke jemah ila. pulai ke sepiak Mati Chunto: Semua sida aki menyadi ke bukai udah pulai ke sepiak magang semina iya aja ti agi nyadika ubat antu kami.\\nribat Ngandung Chunto: Iya benung ribat lima bulan lebuh sida iya nemuai kitu suba. sarat Ngandung ti udah chukup bulan. Chunto: Endu benung sarat, endang nganti hari ti mechah. tajam i. Jampat ngelala pemanah tauka penyai ii. Pandai tauka pintar berunding iii. Nyawa ti nadai milih utai diempa. Chunto: i. Amat baru bekelala enggau bala sida tang Igat sigi tajam ngelala sapa bagi ti tau dikarapka. ii. Ba aum besai Gerempung kitai anang ngelaungka Ujang laban iya tajam berundingka utai. iii. Dom amat tajam enti sebutka makai utai mata, sigi nadai diseliahka iya utai. tating kain Nembiak ti engai jauh indai Chunto: Umang endang kenyau ari mit nyadi tating kain indai iya. tebal pending Tan ngenatka jaku bantah orang. Chunto: Enti kitai deka nyadi tuai kitai mesti tebal pending laban ukai semua utai dikereja kitai ulih ngemuaska ati semua orang. tungkus Bekal ti dibungkus enggau upih dibai turun ke babas. Chunto: Kami sebuat bela mai tungkus laban enda nemu maya pengawa tembu. urat kayu i. Belut ti diambi nyadika umpan ginti ii. Tubai Chunto: i. Sida beumpaka urat kayu. ii. Urat kayu ti dikena sida nya enda tebunuhka ikan laban sida mayuh mulut.\\nabi jari Pengawa manah ti nyadika kenang. Chunto: Abi jari Pengajar Gumi meruan nyadika teladan nembiak ba sekula kami. abis tulang Penapat inat tauka nadai begantung tulang ngereja pengawa. Chunto: Kami sebuat abis tulang ngangkut ramu dikena nirika dampa. adat asal Daya idup ti nyadi lalau pendiau bansa. Chunto: Kitai anang sekali-kali ngelengkaka adapt asal enggaika kita lenyau bansa. agi bau lia Nembiak ti apin bisi peneleba ngidupka diri. Chunto: Kitai anang kelalu arapka bala nembiak ti agi bau lia nya ngereja pengawa. angkut semut Angkut pupuk sereta betulung ngereja pengawa. Chunto: Kami serumah ngena chara angkut semut ngangkut ramu laban endur beramu jauh ari rumah. ama dunya Orang ti nadai menuku pendiau. Chunto: Kitai ti apai indai anang enda bejaga-jaga enggaika bala anak kitai begulai enggau bala ama dunya ti bekedayau ba sebelah kaki lima. aum juak Orang ti ngemulaka dua iku orang kena ngulihka penguntung ari nyabung orang nya belaya. Chunto: Kita mesti bejimat begulai enggau Wat enggaika kita perasa lalu belaya ngapa diri sama diri, iya suah aum juak. batu api Ngelakika laya orang ngambika laya nya nyadi senyadi. Chunto: Igat sama-sama kena ukum Tuai Rumah laban iya nyadi batu api sida ti belaya.\\nbedarat Makai nadai utai ke lauk Chunto: Kami sebuat bedarat makai tengah hari tu tadi. belah batu Panas chukup bisa. Chunto: Kami lama enda nurun tengah hari tadi laban panas nyau belah batu, nadai ulih laban. belah rutan Seri tauka nadai ulih ngalahka pangan. Chunto: Seduai iya belah rutan bepancha laban sama-sama bela kering. beganti Bebini tauka belaki baru. Chunto: Aruh patut alai Aya Dom beganti baru laban bini iya lama udah ninggalka iya. bengkak jari Bepentika bini ngandung. Chunto: Apai Jang pedis dibai begiga diatu laban iya benung bengkak jari. bengal beruang Enda tentu ninga. Chunto: Anang nanya Aya Agum ari belakang laban iya nya bengal beruang. bekuah Bula. Chunto: Empagul balat bekuah nusui utai, pedis dikarapka iya nya. bentut tulang Ngelusu tauka buruk gawa. Chunto: Pedis ditulung orang ti bentut tulang laban enti sekali udah ditulung endang nganti orang nulung belama-lama. bekedar lengan Belaya lalu bebukut Chunto: Aku rawan begulai enggau iya laban udu deka bekedar lengan ngelaban orang.\\nbuah jari Tepa tauka pemeri Chunto: Kepala Opis kami meri buah jari ngagai kami sebuat rambau Hari Gawai. Chabi padi Gamal mit tang pintar mutarka pengawa diri. Chunto: Anggat nya chabi padi enti ngereja pengawa iya endang enda suntuk akal. dara empelasi Jegit tauka enda milih orang. Bala sida ke bujang beambi ulih magang ba dara empelasi nya. dara mangging Dara ti likun, bajik sereta mereti. Chunto: Adi Igat nya sigi dara mangging ba rumah kami ditu. dara tampun puji. Dara ti nyadi buah mulut orang ketegal pemanah enggau pemereti iya. Chunto: Endu Sudan nya endang dara tampun puji kami di Batang Lemayung tu. dulu ngetup garam Dulu bisi peneleba tauka pengelandik. Chunto: Aki Dom endang nyadi teladan kami ke biak laban iya udah dulu ngetup garam ba pengawa besekula anak uchu. enda ke kuche Enda dikasika orang jaku. Chunto: Ini Rinta nya enda ke kuche bala uchu iya laban tak seruran kutap-kutap. gatal mulut Galak betusuika cherita tauka enda tau nyimpan resia. Chunto: Kita anang minta dinga Umang enti nyebut utai, iya nya gatal mulut enggaika ila lain cherita ditampung iya. gari orang Orang ti kelalu nadai penemu tauka nadai pengelandik. Chunto: Igap nya gari orang endang tak nadai utai ditemu-temu kena ngidupka diri.\\ngauk i. Ganchil jari tauka penchuri. ii. Deka ngachau bini tauka laki orang. Chunto: i. Indai Ligap endang gauk amat nadai tau mansa utai tanam orang. ii. Kami serumah tu udah nemu perangai iya ti gauk enggau bini orang. gerah mata undang Gamal baka ti mudah tang mar diulih. Chunto: Anang perasa meda bala dara ti kemerah enggau temuai nya, sida nya gerah mata undang magang enda ulih ditundi ngapa. idup manuk Ulih sehari empa sehari, nadai utai ditaruh. Chunto: Sida menyadi naka tak idup manuk sekumbang udah ditinggalka apai enggau indai sida. injau kara Orang ti enda mulaika utai ti diinjau. Chunto: Aku jera nyali iya bup laban iya nya injau kara, enda jerih bup aku abis laban iya. jai adat Nadai basa sereta nadai pemalu. Chunto: Anang sekali-kali kita ti nembiak jai adat enggau orang tuai. jai ati Kepapas, begedi tauka nyimpan dengki. Chunto: Aku nangi begulai enggau iya laban iya endang udah ditemu jai ati enggau orang. jai burung Ninga burung jai ti tau mai penusah. Chunto: Iya nikal, enda nyadi turun ke umai laban jai burung di serantau jalai tadi. jaku ketupung Jaku ti nyemetak. Chunto: Aya Jagum endang nyadika sema bala ti datai baum laban jaku iya jaku ketupung, endang nadai begantung jaku.\\njalai anak Jalai mit tauka simpang jalai ti mati ba jalai besai. Chunto: Aku enda tentu nemu putar jalai ba endur nya laban kelalu mayuh jalai anak. kabau Pengaruh tauka ubat ti nadai pemisa agi. Chunto: Pengaruh iya udah kabau laban suah amat udah dipeletuka iya. kair pantuk Pengidup orang ti semina ulih sehari empa sehari. Chunto: Sida menyadi idup kair pantuk sekumbang ini iya udah nadai. kamah mulut Lanchat nyebut tauka betusuika berita jai. Chunto: Aku pedis ati ninga sida nya ti kamah mulut, nadai ngira ati orang bukai ti ninga. kanji Jegit tauka jegak ti kelalu balat. Chunto: Orang enggai begulai enggau iya laban iya kanji amat. kalu Tuai orang. Chunto: Ini Along nya endang kalu indu ba rumah panjai kami. keru ati Lengkar tauka jampat ringat. Chunto: Igat tebangkar agi biak sereta tinggi pemandai amat landik ngereja pengawa tang iya enda tentu dikerinduka bala pekereja bukai laban suah keru ati. labu banggar Bula. Chunto: Jawan nya labu banggar, nadai tau dikarap nusui utai. labang apai labang anak Penyai apai dipurihka anak. Chunto: Igat ke pemabuk nya endang ukai utai dipungkal laban apai iya endang bisi endur betarak, labang apai labang anak.\\nlumpak Jampat ringat tauka nyabak. Chunto: Iya enggai enggau orang bungah laban nemu diri empu endang lumpak. mabu tugui Jampat medah ngereja pengawa tauka jampat pansut pemuyan. Chunto: Jamuh mar dikarap ngereja pengawa laban nembiak nya mabu tugui. makai angin Raun ngelantangka ati. Chunto: Sida sebilik makai angin ngagai Pulau Langkawi. makai bulu Chukup tajam tauka menang Chunto: Iya makai amat bulu beduan Igat laban iya nya nadai nemu ringat. malu tekuyung Malu tang agi ulih pansal. Chunto: Endun malu tekuyung lebuh diasuh ngajat merindang bala temuai. mata runding Apin chukup penemu tauka peneleba. Chunto: Laban agi mata runding nya alai jaku pen apin ga nemu nusun enggau manah. mansau anu Seruran diperujan enggau jaku anu. Chunto: Anak seduai iya nadai ngasika jaku laban nyau mansau anu. masin Balat bagas. Chunto: Aki Geluma sigi kenyau ari biak endang masin ngereja pengawa matahka lengan Makai Chunto: Kami sebuat matahka lengan ba kerangan ari ili pendai sida Gurang.\\nmedah Nadai pengeliat ngereja pengawa. Chunto: Umang jampat medah ngereja pengawa nya alai iya nadai tentu utai ulih. mensiang diri Belian ketegal jai mimpi tauka enda nyamai pendiau. Chunto: Sida Aguk deka mensiang diri malam tu lagi. nadai nama-nama Nadai utai ngachau. Chunto: Udah ti berubat iya nadai nama-nama agi. ngalih Udah setengah umur. Chunto: Iya enda tentu regas ngereja pengawa umba umur nyau udah ngalih. nyawa ikan Nyau deka mati. Chunto: Polis nya nyau nyawa ikan kena timbak penyamun demalam. nyilu bulu Berasai tabin. Chunto: Indai Endu nyilu bulu udah bekau ditempuh ujan pulai ari umai lemai kemari. orang babas Orang tauka gerempung ti ngelaban perintah. Chunto: Rayat Malaysia nyakal penemu orang babas ti deka numbangka perintah. orang periman Rayat mayuh. Chunto: Orang periman endang serakup nyukung projek pemansang ekonomi ti dilanggur perintah ba menua tu. orang kubu Orang ti bekereja perintah. Chunto: Orang kubu patut datai ba endur bekereja nitihka jam ti udah diletak.\\nrarat (enggai) Enggai ditawar rega. Chunto: Ah Chong sigi bingking, sesen pen enggai meh iya rarat enti kitai nawar rega barang ba kedai iya. rawak pagar Rabang, nadai ngeli. Chunto: Aku, enti makai semina tak ngulum-ngulum laban nyau pagar rawak diatu. sedampar Selampur tauka udah sampal. Chunto: Padi ba umai aku udah sedampar murai diatu. seliah Tangkai padi ti agi mata dikelaungka lebuh maya ngetau tang diambi dudi. Chunto: Dara enggau indai iya ngumpul seliah pagi tadi. sigat anak uduk Begaya sereta sigat lebuh agi mit. Chunto: Wat nya sigat anak uduk nya alai iya diperibitka bala sida ti indu gaga meda iya. setengah tiang Orang ti nadai menuku pendiau tauka nadai pemalu. Chunto: Umba endang setengah tiang, iya nadai malu ngereja pengawa ti salah. tansang Sarang pemula. Chunto: Anang perasa ninga utai sebut iya, iya nya sigi tansang penemu kami ditu. titik peluh Asil ulih ari pengawa ti dikereja. Chunto: Iya besekulaka bala anak iya ngena asil titik peluh iya empu. tubuh puang Gendai-gendai tauka nadai utai dibai. Chunto: Kami duai Melana datai tubuh puang ngagai sida ti Gawing ti sandau hari.\\ntundi ukui Kasar tundi. Chunto: Aku enggai betundi enggau Igat laban iya suah tundi ukui nyau kepuas-puas. tunjuk sebelas Orang ti bisi pemandai, pengelandik tauka bekereja perintah. Chunto: Menua kitai balat begunaka orang ti ngembuan tunjuk sebelas kena ngemansangka ekonomi. tunjuk sepuluh Bepurus jari tauka datai nadai utai dibai-bai. Chunto: Kami duai Migang mai tunujk sepuluh ngagai sida ti melah pinang. tulang lelumi Nadai pengering Chunto: Iya nya gamal besai tang tulang lelumi, nadai kala meda iya bebendar mai utai. utai bebau Empangau. Padi aku balat rusak kena kachau utai ke bebau. utai dipuchuk kayu. Kera tauka jelu jangkit bukai ti ngachau umai. Chunto: Sekumbang jagung udah nangkin tu utai dipuchuk kayu nyau baka kerah ba tisi serarai. utai malam Tikus Chunto: Umai kami serumah balata mat kudi laban utai malam. utai terebai i. Burung pipit ii. Pulung iii. Burung geruna Chunto: i. Umai aku balat dikachau utai terebai taun tu. ii. Ba mata aku Igam kena laban utai terebai. iii. Nembiak mit nya diayahka utai terebai kenu ku Manang Jembu.\\nLUMPAR KETIGA abis jaku Berat-rat ngingat tauka mesanka orang. Chunto: Aku udah abis jaku ngajar iya enggaika mayuh ulah ba sekula. abis padi abis beras Suntuk pemakai enggau belanja Chunto: Kami menyanak amat tak abis padi abis beras taun tu laban mayuh bendar penusah nuntung. Angat i. Malu ii. Ringat iii. Ngakal iv. Bejarit mati v. Rua vi. Terit adat vii. sial Chunto: i. Angat mua aku ninga jaku sindir ti dipansutka iya. ii. Iya jampat angat ninga jaku orang. iii. Dachin Ah Ngong angat amat bebanding enggau enggi orang bukai. iv. Rumah sida di Ng. Nyala angat amat taun tu. v. Jari iya angat enggau belanja. vi. Angat endar pegai kepala pengajar baru ba sekula kami. vi. Pengidup iya angat laban bisi ngembuan pengaruh. arang abis besi enda mansau Abis jaku tauka chara kena ngajar orang tang lalu enda berubah perangai. Chunto: Amat-amat tak arang abis besi enda mansau meh aku ngajar Igat laban iya lalu enda berubah. baju Sakang tauka puchau kena nyaga tubuh diri. Chunto: Igat bisi baju nya alai iya nadai nangi bejalai ngagai menua orang. bah tunggal Nadai anggur tauka semaya deka ngereja pengawa. Chunto: Iya nya suah bah tunggal enti ngereja pengawa nya alai anang enda ngadang.\\nBebara Bedendam Chunto: Taja pan laya seduai iya udah diatur tuai tang sama agi bebara meda pangan. batuk (jala\/pukat\/bubu) Kereban kena berikan enti lama enda diturunka tau enggai bulih. Chunto: Jala Aya Dom batuk laban lama udah enda diturunka iya. baru ngelancham tugal Baru ngangkatka diri bujang. Chunto: Anak aku ke pengkuan nya baru ngelancham tugal. berani babi Berani tang nadai akal. Chunto: Enti diasuh ngereja pengawa anang berani babi, enggaika bulih penusah. beranchau Bechara Chunto: Kena tuai rumah mutarka penyarut seduai iya, lemai tu sida beranchau. berat mulut Malu tauka enggai didinga orang nyebut pekara ti enda manah. Chunto: Berat mulut deka nyebut penyalah Igat tang sekali tu enda ulih diseliahka. bisa mulut Orang ti tau tepang. Chunto: Kampar nya bisa mulut nya alai kami serumah nangi amat meda iya. bisi utai mandung Orang ti bisi ditulung kuasa roh tauka antu Chunto: Igat ukai semina berani tang bisi utai mandung nya alai iya nadai nangi bejalai kediri ke menua orang. bubus tapa Rua enggau belanja tauka utai empa Chunto: Adi aku baka orang ti bubus tapa ngena duit nya alai iya diketuka sekula.\\nchelap i. Cheremat tauka tebekan ii. Bepengerai iii. Lama udah enda begulai enggau laki tauka bini Chunto: i. Dara chelap bendar enggau duit taja pen gaji iya enda besai. ii. Sekumbang pegai Tuai Rumah Kunjan rumah sida chelap amat. iii. Bajik lama udah chelap sekumbang laki iya ti pegi ke Berunai. dalam kuah Bisi lauk ti manah. Chunto: Kami sebuat dalam kuah belaukka ikan semah lemai tu tadi. dinding bulu Sakang pengaruh. Chunto: Aki Agum magi kami dinding bulu lebuh bala kami nandangka diri bemain bol ngagai menua sida di Emperan Danjang. diau diri Nadai sigau tauka nadai utai ngachau. Chunto: Udah bekau sida menyanak ti ngayanka asi sida pen diau diri. enda nyamai i. enda pengerai ii. alah Chunto: i. Aku berasai enda nyamai udah bekau ti ngelaban ujan nyala kemari. ii. Team kami enda nyamai laban team sida ari Sg. Mirah. enggai engkachau Buruk gawa tauka ngelusu Chunto: Sida menyanak ti dipeda kita seranta nya ketegal ti enggai engkachau. ensiban Pedis ati Chunto: Enti sema kita bisi ensiban aku ngarika Igat nya minta ampun ngagai kita. gerah jari Mentas, nelap sereta enda sayauka utai. Chunto: Apai Ulas endang siku orang kaya ti udu gerah jari.\\ngetah darah Kaban nyempil lalu nadai ulih nusut Chunto: Iya nadai kebuah tau jai enggau kita laban endang agi bedau getah darah. ingat lalat Umur ti baru ingat-ingatka pekara ti bisi nyadi. Chunto: Aku baru ingat lalat lebuh Apai Migu nurun pegi ke Sandakan menya. jai jari Penchuri Chunto: Kita anang perasa ninga jaku iya manah tang ke bendar iya nya jai jari. jai isi i. berupai kurus ketegal enda pengerai. ii. bepenyakit kulit Chunto: i. Alam jai amat isi peda aku nyangka bisi kena pansa bulu babas. ii. Iya berupai jai isi udah bekau iya kena dujuh ubat getah suba. jaku ngelambung langit Tinggi jaku tauka sumbung lebuh mansutka jaku. Chunto: Kami enggai bebakih enggau iya laban jaku iya ngelambung langit. kakah Bumai temuda sebelah beturut taun. Chunto: Meda tanah ti agi ami dia jerami aku taun nyin kemari dikakah aku baru. kayu alah Ngalahka pengidup orang Chunto: Enggai nyadi kitai semina nyadi kayu alah lebuh ngidupka diri. kedil belayan Madahka pemanah penumbuh padi Chunto: Aku berasai ransing nurun ke umai meda penumbuh padi tak kedil belayan. kembai tali i. bisi ngembuan pemula ii. dipeda bisi nginsur gemu iii. baru bisi ngasaika penyamai\\nChunto: i. Jamuh mar dikarap laban suah kembai tali lebuh nusui utai. ii. Yak bisi berupai kembai tali udah bekau iya ti sakit sakit suba. iii. Jang enggau bini iya baru-baru kembai tali sekumbang udah nyerara diri ari entua iya. kijang dalam babas (nganti) Nganti ngapa tauka pengawa ti enda temu untung tauka rugi. Chunto: Kami duai Ibu nuan nya baka ti nganti kijang dalam babas laban sida Igat ti besekula lalu apin temu pengujung. layu Sakit laban empa pengaruh orang Chunto: Peda mata aku iya nya layu, nyangka bisi kena laban utai orang. latak Agi bepenyalah Chunto: Iya agi latak nya alai gaji iya diketak setengah. lela di dilah Agi belala makai utai Chunto: Aku lama udah enda ensepi sarang lelayang, semangkuk mit nya amat tak lela didilah. lela di jari Abis kemaya nya Chunto: Enggi aku gaji tak lela dijari nama udah terima. lekat jari Minta tumi orang ke indu enggau ai tuak Chunto: Bala pengabang nyau lekat jari agi nganti diberi ngirup tuak. lemak jaku Manis tauka manah jaku Chunto: Laban jaku iya lemak nya alai orang nadai pedis ati ninga penemu iya.\\nlintah Penipu Chunto: Raban orang ti bejalaika skim jampat kaya nya lintah magang. liat i. kebal ii. tan ngereja pengawa iii. tegalan ti enggai abis-abis tugal Chunto: i. Manuk sabung Aya Tungku endang sigi liat amat ngelama tu. ii. Aki Agam sigi kenyau ari biak liat ngereja pengawa. iii. Riris kami sebuat lalu enda sangkai laban tegalan liat amat pagi tu. labuh dipanggung lesung Udah berat kena penyalah lalu ditambah enggau penusah bukai. Chunto: Chukup jai nasit Igat, udah ga kena saman, kerita iya lalu pesuk tayar lebuh meraka jematan tadi. Udah ga labuh dipanggung lesung mih iya nya. luchuk purih Nadai anak nganti. Chunto: Nadai penyadi Aya enggau Ibu Jang, luchuk purih mih sedua nya, dataika tuai lalu nadai anak. makai di dalam Nyimpan ati Chunto: Endun endang sigi makai di dalam taja dipeda tak imun pendiau. mandi darah Bebunuh Chunto: Lebuh ngetanka menua dulu kelia mayuh pungka lelaki kitai Iban mandi darah ngelaban munsuh. mata engkudu Rambang mata sereta mayuh orang deka diambika ambai Chunto: Endu nya mata engkudu nya alai sampai ke diatu apin bulih laki. mara diau Lantang pendiau Chunto: Sida menyanak nya mara diau laban endang cheremat sereta likun ngidupka diri.\\nmeram penyalah Ngelalaika penyalah Chunto: Iya rurus ati nya alai iya enggai meram penyalah sida, laban lama laun pen ditemu orang. mayuh kuah Pemula Chunto: Berita ti ditusui iya nya mar dikarap laban iya sigi mayuh kauh. munsang bebulu manuk Ngelalaika perangai diri ketegal bisi tuju enda manah Chunto: Sekeda orang ke nyadi munsang bebulu manuk nya endang deka ngulihka penguntung kediri empu lebuh dipaduka ngereja pengawa ke orang mayuh. ngaru i. enda tentu pechaya ii. gatal Chunto: i. Ati aku agi ngaru ninga jaku iya tak apin entap madahka diri nguai. ii. Keladi ti dipanduk Indai Umang tak agi bisi ngaru sepi aku. ngiling tikai\/bidai Nutup pengerami Chunto: Pengerami ngiling tikai gawai taun tu diaduka sida gerempung indu. nindang babas ninding keranggas Ninding sengapa Chunto: Kitai anang ninding babas ninding keranggas enggaika pulaika pemedis diri empu ditinggang adat enti nyangka ngapa. nyual mata i. bejalai neruju sengapa enda beratika singkang ii. semina meda tang nadai duit kena meli Chunto: i. Enti bejalai di nengeri anang nyual mata enggaika kena lantak kerita. ii. Kami duai semina nyual mata laban enda chukup belanja kena meli gari.\\npala menua Menua ti pengabis ulu diwan mensia Chunto: Di pala menua din agi mayuh ikan semah enggau jelu. pala pasang Menua ti pengabis ulu datai pasang Chunto: Rumah panjai sida betul-betul ba pala pasang. pala tanah Geran tanah ti dikeluarka perintah. Chunto: Semua temuda kami serumah apin bisi pala tanah magang-magang. pampas bayar kena nipak pengerugi tauka pengelelak tang ukai dikumbai gaji tauka bayar ti chukup Chunto: Kami dipampas RM100.00 siku-siku ketegal udah nyaup orang mayuh ti tasah ampuh bah seminggu-seminggu ti udah. pansa utai Dianu tauka diayahka antu Chunto: Manang Jaban belabaka Aki Atuk kena pansa utai udah iya begama demalam. patah ati Putus pengarap. Chunto: Adi aku patah ati deka besekula laban enda chukup belanja. patah lauk Nadai utai ke lauk. Sekumbang sungai ti balat keruh laban telusur jalai raya dia kami serumah patah lauk. patah pemanggai Ditinggang penusah, sereta mati apai enggau indai Sida menyadi patah pemanggai udah bekau apai enggau indai sida danjan bebadi ba jalai raya. patah tusu Nembiak mit ti nadai indai alai nusu. Chunto: Yak patah tusu udah indai iya ti ninggal bulan sigi nyin kemari.\\nperidi Mayuh anak. Chunto: Ibu Jang peridi amat endang nyau bilang taun betubuh bisi. penyakit raja Penyakit miang buah tauka lanji. Chunto: Penyakit raja nya semina sekali aja seumur idup nuntung orang siku-siku. rian tingkar Penguntung ti datai enda tentu disadang. Chunto: Gaga bendar Apai Imang ke kena tiket kuda tu tadi, enda nyalah-nyalah asaika nemu rian tingkar. rumbau i. Nadai bulih. ii. Asa, enda jadi tauka balang semaya. iii. Nadai anak . Chunto: i. Kami sebuat ti begiga ke menua Ulu Ai rumbau laban sungai bah tunggal. ii. Taja pen rumbau tang nya nadai ngasuh seduai nyima ngagai pangan diri. Iii. Ibu Duya sangka aku rumbau laban umur nyau manggai 50 taun lalu apin ga bisi telesak. sapu menalan Nadai orang ngalah. Chunto: Enti nanjak bukit endang sapu menalan magang kitai tu laban Jang. sinu ngenang Gelar ular kengkang tebu. Chunto: Ukui kami endang tak nadai benyawa udah ke dipantuk sinu ngenang. sigau i. Genera kena kachau antu ii. Charut sereta ngembuan penakut laban munsuh Chunto: i. Sekumbang Aki Along udah nadai rumah sida udu sigau lebuh malam. ii. Menua Kalimantan Barat balat sigau laban bala Dayak charut enggau bansa Madura.\\nsilam Malu sereta enggai besabung perening enggau orang ti udah dilaban belaya. Chunto: Dara agi silam meda aku nyangka iya agi ingatka diri ti ngelaya aku suba. tau mulut Orang ti landik muchau. Chunto: Kami serumah nadai lebih ari Aya Jangun tau mulut. tau jari Orang ti landik bekuntau. Chunto: Amat Igat tau jari iya sigi likun sereta enggai sekali-kali belaya enggau orang. temati kutu Kesal lalu enda nemu utai dikereja agi. Chunto: Indai Yak temati kutu meda kerita ti belantak ba mua rumah iya lemai kemari. timpang Nadai agi bini tauka laki Chunto: Tuai rumah kami udah timpang nya alai pedis amat iya nyambut bala temuai. tuai bulu Mayuh peneleba ketegal mayuh pengawa udah dikereja tauka dulu ngasaika macham-macham pulas pengidup. Chunto: Panjungka Aya Jangan tuai bulu iya diasuh bala mayuh dulu megai piring. tugil penuduk Seranta tauka pengidup ti enda stabil. Chunto: Sida menyadi berupai bendar tugil penuduk sekumbang apai sida udah nadai. turun dan Chirit Chunto: Igat amat tak kemaya nya turun dan enti teempaka lauk ti pedas. ubat antu Ari semua sida menyadi iya aja ti agi meruan idup.(Orang bukai udah parai magang). Chunto: Ini nya mih ubat antu kami sebilik laban menyadi bukai iya udah pulai magang.\\nalah ayu Sakit ketegal ngereja pengawa ti ukai ungkup diri. Chunto: Sida ke nembiak anang enggau orang duduk mangkang pun sabang enggaika alah ayu. aruk Bulih penyai tauka pemalu ketegal ulah diri ti enda manah. Chunto: Iya udah aruk laban kelalu enda likun enggau pendiau diri empu. badak ngiga resa Minta utai ti disadang enda ulih beri orang. Chunto: Sida ti minta gagaka perintah jalai raya nya indah enda baka badak ngiga resa, laban menua sida nadai mayuh mensia sereta kurang asil tanah. balang bedai Antu pala (disebut dalam leka main) Chunto: Dalam leka main Iban balang bedai suah disebut bala lelambang. basah jari Orang ti udah bedengah. Chunto: Semua sida ti berayah nya orang ti udah basah jari magang. basu kaki Upah orang ti mutuska pechara. Chunto: Basu kaki mandal tuai rumah nya lalu apin disuaka sida ti ditinggang ukum. bengal isi Enda tentu masuk besi tauka bisi pengebal. Chunto: Agum endang tebilang bengal isi nya alai iya enda takut encharikka sida ti belaya ngena taji. bekain buluh Miskin, semina bisi gari kena ngelamun tubuh. Chunto: Udah ti kena tinggang penusah angus rumah sida sebuat semina bekain buluh.\\nbekasai langkang Ngendas diri ngambika rangkai. Chunto: Udah bekau terejun ke sungai sida sebuat lalu beguai-guai bekasai langkang. begantung randu i. Lapar ii. Laki enggau bini ti lama udah enda begulai Chunto: i. Aruh nyau begantung randu kitai sebuat, hari nyau tengan ngalih diatu. ii. Kira setaun tu Igat enggau bini iya udah begantung randu. belampung ati Bisi ngembuan penangi tauka enda mutus ati. Chunto: Bala pengajar disadang enda belampung ati lebuh ngajar anak bansa diri. belah rutan Seri. Sama-sama enda tealahka pangan diri dalam pekit tauka lumba. Chunto: Garan seduai Damu belah rutan bebatak lampung kemari. berangkat antu Bebini tauka belakika orang ti agi ngulit. Chunto: Igat kena ukum laban iya berangkat antu enggau Endun. berumahka ati orang Nyangkung runding orang bukai ari belakang Chunto: Lebuh baum kitai anang berumahka ati orang enggaika bulih penusah. bintih lanjau Ngereja pengawa sebarang. Chunto: Sida ke nembiak suah tak bintih lanjau ngereja pengawa, enda tentu berundingka penusah ti tau nyadi dudi hari. bulan begantung senduk Bulan enda chukup pemakai iya nya maya sebedau padi tau disumba. Chunto: Maya bulan begantung senduk sida sebuat meringga mulung kena nampung taun.\\nbutang ngeladang Butang enggau bini orang ti alai diau. Chunto: Laban ke sama-sama miang, nya alai seduai iya butang ngeladang. bulu babas Pengaruh ti tau munuh mensia. Chunto: Peda mata aku iya nya kena pansa bulu babas nya alai enda temu penyakit enti diperesa ba hospital. ditabanka hari i. Umur nyau tuai tang apin belaki tauka bebini ii. Runding ti lalu nadai berubah Chunto: i. Endun nya nyau ditabanka hari taja iya begaji sereta bepangkat besai. ii. Enti nitihka pemandai besekula ukai patut nyau ditabanka hari Igat nya!. engkadah hari Mai anak mit meda matahari udah bekau meri iya mandi. Chunto: Ini Indun mai uchu iya engkadah matahari udah ti disunggaka iya di sungai. enselan tikai Adat bedua tauka bebagi pemai. Chunto: Endun enselan tikai kala apai enggau indai iya agi idup ngambika pemisi bisi dipeda bala anak enggau uchu ambu iya ke jemah ila. entua matahari Menyadi tampung pala entua indu tauka entua lelaki. Chunto: Aya tu entua matahari aku tang alai ke jarang enggau begulai laban iya enda serumah enggau kami. ganchil jari Orang ti deka enchuri Chunto: Kita anang enda bejimat enggau pemisi diri laban sekeda nembiak dia bisi ganchil jari, enggai meda utai ayan. geraji mata dua ( jerepang mata dua) Dua pengambi tauka sama-sama bulih ; ngauk dilubuk nyengkau dirantau. Chunto: Perintah ngena strategi geraji mata dua lebuh muka tanah kebun bedandang besai endur nanam sawit iya nya rayat nyamai perintah pen bulih penguntung.\\ngerah mata undang Indu dara ti kemerah tang ukai reti iya deka ditundi. Chunto: Anang perasa kita meda dara sida serumah nya taja tak lumpak berandau tang sida nya gerah mata undang. gigit chit Pemadu pemendar ngereja pengawa. Chunto: Sida Ibu Jang sebilik aruh bulih padi taun tu laban endang tak begigit chit gawa. igau bangah Baru belabuh ngelu pala. Chunto: Sida sebuat ke betumika pangan diri ba ruai tuai rumah baru igau bangah nya alai sida nyau richah. jinak burung achang Semina dipeda jinak tang enda ulih ditundi ngapa. Chunto: Endun nya jinak burung achang, anang jegak-jegak nunga iya enggaika bulih pemalu ngapa. kaki jari Orang ti dikarapka ngereja pengawa ngarika kitai Chunto: Bala nembiak kami serumah tu mih nyadi kaki jari aku ngereja pengawa lebuh nirika gawai tu kemari. karam dagang Bankrap, abis mudal Chunto: Sekeda orang ti baru ngujika diri bedagang bisi karam dagang ketegal enda bejimat ngena duit. karam di darat Angus rumah Chunto: Udah kami serumah ti karam di darat, bisi sekeda enggai agi betampung enggau pangan diri. kendak Indu simpan. Chunto: Ari cherita ti dibai angin, Jang nya bisi kendak di Kuching din.\\nkelanjur kaki Udah tekerejaka penyalah. Chunto: Iya minta ampun ngagai tuai rumah laban udah kelanjur kaki. ketup lelabi mati Masin ngereja pengawa, enda ngudah-ngudahka pengawa ngapa. Chunto: Kami sebilik nadai rawan ati meda Wat Renggan magi diri laban iya sigi udah ditemu ketup lelabi mati enti udah ngereja pengawa. kering semengat i. Besi ti diketup orang ke berubat ngambika enda alah ayu. ii. Duku ti nyadika pesindang lebuh turun ke tanah. Chunto: i. Asal bisi kering semengat jadi mih ke upah aku ngubat nuan. ii. Berasai lantang ati aku laban bisi kering semengat dibai turun ke babas. kuda belang Indu sundal tauka indu sempit. Chunto: Dia alai mensia mayuh betugung, dia mih alai bala kuda belang tu besarang. kurang kukuk Nadai tentu penemu dikembuan. Chunto: Taja udah lama nyadi tuai tang iya agi kurang amat kukuk enti maya baum. kurus keretum Bujang ti udu pengayap. Chunto: Agi ke biak menya Dom nya mih dikumbai orang kurus keretum. kurung semengat Kebuk ti nyadika upah orang ke berubat. Chunto: Kurung semengat nya diberi sida Jang ngagai Manang Jimbau ti belianka ini iya. lapik jaku Jaku alus ti nyadika sidir jaku. Chunto: Pengajar Jaya nemu amat ngatur lapik jaku nya alai semua orang rindu sereta ngasika penemu iya.\\nluya Udah berambang tauka udah sarak enggau laki. Chunto: Amat umur Endun agi biak, tang iya udah luya ketegal ti dipansal sida indai iya belaki tumu. makai tebu dinding Ninding laki tauka bini Chunto: Seduai melaki bini sama-sama enda enggau orang berami laban ti bela makai tebu dinding. mabuk sangkar i. Manuk ti jarang ditanchang ke tanah. ii. Orang ti jarang-jarang pansut ari rumah. Chunto: i. Manuk sabung Aki Agam udah lunggung laban mabuk sangkar. ii. Umang mabuk sangkar udah bekau kena tinggang penusah. masu kaki Meri pengabang ti baru datai ngirup tuak. Chunto: Bala sida ke nembiak benung masu kaki bala pengabang ti baru niki. nambak tembawai Beambai enggau indu ti udah dilengkaka sulu dulu iya. Chunto: Taja iya tak nambak tembawai orang tang peda aku enda rugi laban indu nya chukup likun sereta bagas gawa. nawang Benih ti enggai tumbuh agi laban taun udah lunggar. Chunto: Benih kami nawang ketegal laun ditanam lalu diumbaka hari ti lunggur ujan. ngabas bubu Ngabas pemansau ai tuak. Chunto: Kami sebuat ngabas bubu sida Indai Igat lemai kemari. ngabas tampun Ngabas antu pala. Chunto: Apai Sibat ngabas tampun sida Ngumbang di Nanga Kedang.\\nngelakika laya Nyungkak tauka ngasuh laya nyadi-senyadi. Chunto: Kita anag ngelakika laya orang enggaika kita kena tinggang adat. ngeruh ai Enggai enda enggau orang nguji. Chunto: Iya ti enggau orang belumba nya semina ngeruh ai ngapa. ngembul tada Agi biak. Baru ngangkatka diri bujang. Chunto: Anak lelaki aku ti pengkuan nya baru ngembul tada diatu. nikal i. Bemalam semalam di umai udah badu berangkut dikena mulaika semengat. ii. Mulaika diri ngagai tempat asal ketegal jai burung. Chunto: i. Sida menyanak udah nikal ke umai udah padi abis angkut. ii. Juan nikal dulu laban bisi burung serantau jalai iya ti pegi ke Kuala Belait. nyilup tuduh Ngelap tinduk enda lama. Chunto: Udah badu merarau kami bela nylup tuduh. pagar Puchau kena nyaga diri ari empa pengaruh orang. Chunto: Iya belajarka pagar ba apai iya empu. pachal orang Orang ti enda menuku pendiau ketegal ngelusu. Chunto: Iya nya nyadi pachal orang laban iya balat enggai gawa. panjuk tating Diri sebilik ti semina nambahka penusah tauka pemerat pemerinsa ti diidap. Chunto: Kasih aku meda Igat laban bala ipar iya nyau nyadi panjuk tating ngagai seduai melaki bini.\\npansut darah Bebadi tauka telih laban pengilap orang bukai. Chunto: Igat pansut darah ketegal dom ti enda bejimat nyuaka duku ngagai iya pemandang i. Pengaruh ti tau ngenampakka nama tauka rita orang. ii. Barang kena ngumba tauka ngias. Chunto: i. Dara bisi pemandang nya alai iya tampak ba orang ti besai pangkat. ii. Tajau baru ti dibeli indai nyadika pemandang ba bilik kami. pemampul bedil Pengaruh ti ngasuh senapang tauka bedil enda meletup. Chunto: Pemampul bedil ti dikembuan iya agi ngasi datai ke sahari tu. pemalu Utai ti dilalaika orang lelaki enggau indu Chunto: Kita ke dara anang empayaka diri duduk enggaika pemalu kitai dipeda orang. pemanis Jayau dikena ngasuh orang ngemungaika pengerindu tauka tetarit ati. Chunto: Enti pemanis bisa orang ti ukai ipak diri pen tetarit mih ati meda kitai. pemenchi Pengaruh kena ngasuh orang begedi. Chunto: Iya nyangka udah kena pemenchi nya alai enggai meda kami agi. peransang tulang Ambai ati tauka sulu. Chunto: Asaika nadai utai enda ulih kereja nama udah meda kenaya peransang tulang. pesindang Kereban ti dibai lebuh bejalai, ditaga kena napi penanggul ti bisi nuntung. Chunto: Nabatka ari ujan, aku bepesindangka payung lebuh nurun ari rumah tadi . puni taju remaung Udah tekelanjur jaku. Chunto: Kami sebuat tu udah puni taju remaung nya alai nadai jalai matak jaku agi.\\npusat senggang Tusut Chunto: Orang ke tuai menya endang seruran ingatka pusat senggang diri empu. pilih antah Bisi dikerindu bisi dipegedi Chunto: Lebuh ngajar nembiak pengajar enda tau pilih antah enggau nembiak. rangkai reban Rangka tauka rindu nengali. Chunto: Igat udu rangkai reban nya alai bilik iya enda kala alai orang begelumu maya bisi pengawa ba rumah panjai tu. rua jaku Orang ti pejaku lalu bisi buya ngembuan pemula. Chunto: Dom sigi bisi-bisi rua jaku nya alai pedis amat deka arapka utai tusi iya. rumpas i. Lusing tauka mit gamal ii. Agi bujang tauka agi dara Chunto: i. Igat nya amat tak rumpas gamal tang iya kering amat. ii. Sekumbang ti agi rumpas iya naka ulih bejimat ngena duit. sabang Pemeri tauka upah ti diberi ngagai beliau ti alai berubat. Chunto: Enti sabang enda diberi ubat tau nyadi enda semitan. sandih ai Pekara ti diambi nyadika tegal enda ngereja pengawa. Chunto: Iya ti madahka bini iya sakit nya sandih ai iya laban enggai enggau kita ngasu. sadung kelaung Bisi diberi bisi enda. Chunto: Lebuh nyibur ai anang sadung kelaung enggaika pengabang enda nyamai ati.\\nseling kain (nadai) Enda nemu kuing tauka endang nadai mereti mimit. Chunto: Aku amat tak nadai seling kain keterubah belajarka tulis Jipun menya. sendat penyan Rapas belanja tauka suntuk nadai duit. Chunto: Kami duai Indai Jang amat-amat tak sendat penyan udah ti nganjung bala anak pulai ke sekula. setaun jagung Pengawa ti baru dikereja. Chunto: Aruh apin bulih pemisi laban seduai ti nirika ruang bilik baru setaun jagung. tembawai lama Ambai ati tauka sulu dulu suba. Chunto: Sanu agi silam lebuh besatup enggau tembawai lama iya. tebak sengkilu diri Bulih penusah ketegal penemu tauka jaku diri empu ti enda manah. Chunto: Iya nya gatal mulut nya alai mudah bendar tebak sengkilu diri empu. tepagang Lunggar umur lalu enda belaki tauka bebini. Chunto: Sekeda bala kami sebuat agi tepagang lalu apin ngentapka pendiau diri. telih Padi ti balat amat diempa tikus. Chunto: Kada nya bisi diketau umai kami taun tu laban padi balat telih di umai din. temu baga Udah ditemu beperangai enda manah. Chunto: Iya endang udah temu baga nya alai nadai orang deka begulai enggau iya. terebai kubung enda besayap Bejaku ngapa lalu diumbaka sigi nadai penemu. Chunto: Iya ti dikarapka sida bejaku indah enda baka terebai kubung enda besayap.\\ntibar jala enda betating Bejaku nadai belapik tauka enda berurun, seneka mansut. Chunto: Anang tak tibar jala enda betating mansutka jaku enggaika diketawaka orang ngapa. timbau Nyadika sukung tauka pemantu orang. Chunto: Bala kami ke nembiak tu nyadika langkan nyangka apin tau tang ambika timbau. tinggi tungku (ringgung) i. Rangka lalu enggai berapika temuai. ii. Enda mudah teputar nempara di dapur. Chunto: i. Ibu nya sigi tinggi tungku, anang ngumbai iya gagit berapi enti salah hari. ii. Sida Endu sigi tinggi tungku laban enda berunchah nempara di dapur. tutuh pauh Ujan bangat Chunto: Aruh bah ai pagi tu, sigi nyau tutuh pauh ujan dini hari tadi. tuga berani (pugu berani) Pemadu berani tauka tuai kayau (serang). Chunto: Taja iya tuga berani tang bisi maya ga iya tau alah laban munsuh. tulang belakang Pungka lelaki ke nyadi pengering ba sesebuah rumah panjai. Chunto: Bala sida ke nembiak nya mih nyadi tulang belakang kami serumah nama bisi pengerami tauka pengawa berat ba rumah tu. udah nadai Udah mati Chunto: Aki aku udah nadai tiga taun ti udah. uduk ke penyalak enda ngetup Orang ti inggar jaku lubah datai jari nganu orang. Chunto: Aki aku nya indah enda baka uduk ke penyalak enda ngetup, anang irau ke iya.\\nujung mulut Pekara tauka utai ti selalu disebut. Chunto: Pemanah bup ti dikarang iya endang ba ujung mulut semua sida serumah. ukum selipi Enda rurus ngatur adat, pechara tauka pengawa. Chunto: Pemutus ti diletak hakim nya bisi ukum selipi nya alai luyar iya enda puas ati. Iya deka ngapil pechara nya ngagai kort ti tinggi agi.\\nbaka ai betemu nanga, baka kain betemu puncha Orang ke setipak enggau pangan diri ba pengering, pemandai, tauka pengaya. Chunto: Seduai iya ti begulai nya endang ngena laban baka ai betemu nanga baka kain betemu puncha, nadai alai mantah. baka apung balu Nyemaka orang ti udah tinggang penusah lalu nadai meruan pengidup. Chunto: Sekumbang laki iya udah nadai Endun tau disebut baka apung balu. baka apung ti lunggar tasa Nyemaka pengelebih pengawa bejudi, nyabung tauka ngirup arak ti mai pengerusak ngagai diri empu sereta enggau diri sebilik. Chunto: Apai Wat nya baka apung ti lunggar tasa nya ngujungka bala anak iya endang nadai panjai besekula ketegal penyuntuk digaga iya empu. baka amau dipuchuk tuga Pengidup ti enda entap tauka nadai penegap. Chunto: Pengidup Dom indah enda baka amau dipuchuk tuga udah aki iya nadai. baka antu Nyemaka penyai ulah tauka perangai Chunto: Iya nya baka antu enti udah ngelu pala, enti lebuh ke suman tu naka pemanahmanah mensia. baka bangkai Gali bejur-bejur sereta enda engkebut. Chunto: Jang baka bangkai gali besahari-sahari, enggai engkachau. baka batang tapang Nyemaka orang ti besai gamal, bepengerai sereta sigat. Chunto: Baru betemu enggau Igat nya amat enda pechaya meda gamal iya diatu nyau baka batang tapang meda agi mit menya tak lusing amat.\\nbaka bayak ditangkal iku Udah temu beperangai enda manah. Chunto: Nadai utai ditanya enti Igat nya udah temu empa sigi baka bayak ditangkal iku, ni-ni maya pen sigi nyelai ari orang mih ulah iya. baka bedajaka budu buruk Abis menua endur ngiga indu ke bini tauka lelaki ke laki tang lalu nadai ga bulih. Chunto: Sinu meda Ini Itok, baka bedajaka budu buruk ngiga orang ke laki uchu iya apin ga bulih nyangka apin bisi nasit ukai nya jai ga gamal tudah. baka belangkas Indu enggau lelaki tauka orang melaki bini ti enggai jauh pangan. Chunto: Dara enggau Ujang enda ulih enda dikejakuka bala mayuh laban seduai majak baka belangkas, enggaika tak bulih pemalu ngapa. baka belia Nyemaka pemanah buah betis indu dara Chunto: Betis enggi Endu Kumbau baka belia bandir tapang naka pemanah-manah raras tubuh dara mansang. baka berumbanka para angus Nyemaka orang ti beguai-guai ngereja pengawa. Chunto: Jala nya enda manah kerembai laban Ujang ti ngaga kukun iya suba baka berumbanka para angus. baka buk besimpul mati. Pengerindu tauka semaya ti udah mutus. Chunto: Danji seduai deka idup sekunsi endang baka buk besimpul mati, semina ajal letak petara aja mih ti ulih nyeraraka seduai. baka buyah nabak diri ke api Sengaja ngereja pengawa ti endang udah ditemu tau mai penusah. Chunto: Igat baka buyah nabak diri ke api enggau orang bebelika saham skim jampat kaya nya.\\nbaka bunsu bubut Nyemaka orang ti berumah kediri-diri. Chunto: Sigi pedis deka betemu enggau Aya Jang laban iya nya baka bunsu bubut enggai berumah betampung perabung enggau orang mayuh. baka dilah antara nyawa, baka idung antara mata Enda ngarika sepiak-sepiak. Tengah hari. Chunto: Ba laya seduai iya aku baka dilah antara nyawa , baka idung antara mata laban seduai iya endang sama-sama pangan aku. baka ditebas (baka dijarau\/ baka ditasa) Madahka pengerusak utai tanam diayahka jelu siga. (Suah kena madahka pengerusak padi, jagung, rampu etb) Chunto: Balat kudi taun tu, baka ditebas padi di umai laban utai malam. baka disumpit Nyemaka peneras ai bah. Chunto: Ai bah besai pagi tu amat baka disumpit lalu ditambahka reba anyut ari ulu. baka ginti ke ingkas pelampung Nyemaka pengeraja ruang bilik ti jampat abis laban penyalah pengawa orang ti nampung bilik nya. Chunto: Bilik sida Igat nyau puang baka ginti ke ingkas pelampung laban adi sida ke pengkuan nya udu rua enggau duit. baka indai kera rai Indu tauka indai orang ti begamal musu-musu laban enda ngemas diri. Chunto: Sekumbang ke ngulitka laki iya Ibu Iyak nyau baka indai kera rai, amat tak teberunsai gamal iya. baka juak di kaki rantau, napatka riak tampun bubu, kenyali di Ulu Kanyau, napatka kembayau mansau ngabu Apai indai lelaki berani bejaku nanya indu laban nyidi semayau seduai ti sepenemu deka jadi melaki-bini Chunto: Kami sebuat tu baka juak di kaki rantau napatka riak tampun bubu, kenyali di Ulu Kanyau napatka kembayau mansau ngabu laban pengerindu Igat enggau Endu endang udah terang bendar ba mata kami serumah.\\nbaka kapal nadai peduman (jeragan) Nyemaka ruang bilik ti nadai orang tuai agi ngiring. Chunto: Sekumbang apai enggau indai udah nadai kami menyadi tu baka kapal nadai peduman. baka ke buai empeleman Gerai tauka suman kemaya nya Chunto: Baka ke buai empeleman pedis perut aku udah kena sakal ubat diberi Igat. baka ke dijayau Merampau pendiau lalu enggai tentu gawa. Chunto : Enda nemu nama kebuah Dom tak baka ke dijayau sekumbang udah pulai pegi ari Berunai dua bulan ke udah. baka ke dijembui Betegaring gali diruai udah buntau lempus pengawa ti beapuska malam. Chunto : Kami serumah baka ke dijembui bela ngenatka diri udah ke rami melah pinang anak tuai rumah demalam. baka ke enggau ai Nyemaka orang ti betimbah ayah enggau utai tauka enda nemu ngenyadi. Chunto: Takut meda sida sebilik nya ngena duit amat tak baka ke enggau ai, enda nemu ni penatai duit bangat enda tau abis dikena. baka ke enggau kaban Ngemanahka diri nulung orang ti ukai kaban belayan. Chunto: Senaka ulih iya nulung baka ke enggau kaban lebuh kerita kami rusak. baka ke ukai kaban Enda manah tauka enggai nulung kaban Chunto: Iya tak baka ke ukai kaban, semadi tusah nya alai kami ke minta tulung. baka ke enggau tanah Nyemaka orang ti bebuaika tampui asi sengapa endur. Chunto: Sida ke nembiak patut dilatih siru enggau pemakai, enti sema asi belaluh anang baka ke enggau tanah laban nya mali ku jaku tuai.\\nbaka ke dipipis Ngalika diri ketegal mabuk tauka rebah magang-magang. Chunto: Sida sebuat baka ke dipipis pagi tu, nadai angkat siku udah ti ditumi sida ke dara demalam. baka ke ditepas Abis lengis endang nadai tinggal tauka nadai beteda agi. Chunto: Sida serumah baka ke ditepas undur ngambi subsidi baja ti diberi perintah. baka ke makai tebu, abis manis rampang dilua Udah leju, bansu tauka nadai rega agi ditinggalka sengapa. Chunto: Berasai penyai lelaki nya enggau pangan iya, amat-amat tak baka ke makai tebu, abis manis rampang dilua nadai berunding sinu sekali-kali. baka kera (baka ulah kera) Udu manchal tauka tuyu, udu ngayahka utai. Sida ke serambau nyangka nadai baka Igat, amat tak baka kera, sigi enda ninga rara naka ke sekali bejaku. baka kera diberi bungai Meri utai ngagai orang ti enda nemu nguna iya. Chunto: Raban sida nya indah enda baka kera diberi bungai enti diberi bup laban siku pen nadai mih sida nemu macha. baka kukut enggau isi Meruan megai kaul ti tegap. Chunto: Seduai menyadi amat suah dipeda ngereja pengawa ngatika diri tang ba pengawa sida sebilik seduai begempung endang baka kukut enggau isi. baka entimau Enda tetitihka orang bukai ngereja pengawa laban sigi lembau tauka endang purih orang ti buruk. Chunto: Bala kita anang bechuanka sanu nya laban iya nya baka entimau, landik bejaku nyeliahka pengawa. baka keling Nyemaka penyigat gamal lelaki. Chunto: Gurang amat tak baka keling lebuh udah masukka ngepan pungka lelaki Iban.\\nbaka kepayang ngadaka dilah Semina bejaku aja tang ngereja pengawa ngarapka orang. Chunto: Apai Wat nya baka kepayang semina ngadaka dilah, ukai ketegal tudah enggai ngereja pengawa tang laban ti udah tachat pendiau. baka kesa (baka kesa nanka buah) Berani nanka pemisi orang bukai ukai ari tuduh. Chunto: Aku belabaka iya nya nadai kaul enggau sida ti beempu temuda nya enti nitihka tusut tang iya tak berani baka kesa nanka buah. baka kumang Nyemaka pemajik gamal indu. Chunto: Sudan amat tak baka kumang lebuh udah masukka ngepan indu Iban. baka kumang ke nupi sawa Nyeridika orang ti endang diadang tau mai pengerusak ngagai diri empu. Chunto: Pengajar Jingan indah enda baka kumang nupi sawa nyengulaka anak menyadi iya nya, laban nembiak nya endang sigi melisa kenyau ari mit diatu udah pandai nadai ibuhka iya agi. baka ke dilempis Sakit magang-magang Chunto: Kami serumah amat-amat tak baka ke dilempis udah abis gawai nya suba. baka ke disepu Nyemaka penyampat nembiak besai tauka mansang. Chunto: Tekenyit aku meda adi pengkuan sida Igat, baka ke disepu penyampat-nyampat iya nya besai. baka ke tau ditelan Nyemaka pemajik indu. Chunto: Dara ti begelar Kumang Sarawak tahun tu amat tak baka ke tau ditelan peda mata aku, nadai endur mantah. baka langau nutu but Dia bisi peluang alai ngambi ulih orang mayuh sigi berebut-rebut mansang kia magang-magang. Chunto: Amat nyau baka langau nutu but mensia bebelika barang ti dilelong sida Ah Jin.\\nbaka mulung ke udah merangau Indu ti udah lunggar umur nadai alai ngaduka diri nirika ruang bilik agi. Chunto: Endu nya baka mulung ke udah merangau taja gamal tak agi tubah nya alai iya tak nadai ati ditundi-tundi bala sida ke bujang. baka munsang bebulu manuk Nemu ngelamun perangai ti jai. Chunto: Igat nya baka munsang bebulu manuk ngerit dagang orang ngena jaku nunduk kena ngulihka untung ke sesen dua , ukai nya bisi kaul enggau orang nya iya. baka munsuh Orang ti enda manah adat enggau begulai. Chunto: Kami ukai enggai bebakih enggau iya laban lagi iya baka enggau munsuh meda kami. baka ngelakuka tajau belah. Indu ti udah bepenyai kalat-kalat ngiga orang deka ngambika bini. Chunto: Lebuh ke agi rumpas suba sumbung kepuas-puas bulih pemalu, diatu nyau baka ngelakuka tajau belah ngiga orang enggau betupi. baka landak udah temu baga Udah temu empa tauka perangai. Chunto: Iya ke nyakal pemutus aum orang nya sigi baka landak udah temu baga, nama nyelai nadai orang bukai sigi sida nya belama. baka lelabu enda ninggalka peputan, baka tukul enda bulaka tempan Sigi mutus ngingatka semaya. Enda bula. Chunto: Aku nadai irau bedanji enggau Igat, sigi enda balang ngapa laban iya udah ditemu baka lelabu enda ninggalka peputan, baka tukul enda bulaka tempan. baka lang dipala rimba Orang ti tau diambika teladan. Chunto: Ijau nya baka lang dipala rimba antara semua sida ke nembiak rebak baru ba rumah panjai tu.\\nbaka lubang sumpit Lurus geginting. Chunto: Jalai urung orang ke bagas bebadi nya sigi baka lubang sumpit nya alai endang seruran laju kerita nengah jalai nya. baka manuk, kair pantuk Mupuk begadai-gadai ngidupka diri Chunto: Kami menyanak tau disebut baka manuk kair pantuk mih tu laban naka ke diatu apin teulihka puku kena ngangkatka dagang tu besai ke agi. baka manuk mabuk sangkar Orang ti teleba gawa berupai runggu pendiau ketegal ngenyit enda ulih mindah ari rumah laban bisi pemedis tauka penanggul bukai. Chunto: Aki Agum baka manuk mabuk sangkar udah bekau beputung riman perut, iya nadai ulih turun ke tanah agi. baka mata keli i. Mata ti mit silak tauka chipit. ii. Mata chudur ketegal kelalu ngantuk tauka udah kelalu mabuk. Chunto: i. Mata Aya Duma ke baka mata keli nya endang asal ukai ketegal menawa. ii. Laban udah kelalu mabuk mata Igat nyau baka mata keli enggai tentu enchelak manah agi. baka mayau ngelamun tai diri Ngelalaika penyalah, pengelemi, pengawa ti ngemalu tauka pengurang diri empu. Chunto: Igat sigi landik nikung pengawa iya, nya ga baka mayau ngelamun tai diri enggai ke bala kitai mayuh nemu baga iya. baka menaul ke ngibun tai Rungguk-rungguk diau di rumah besahari-sahari. Chunto: Ukai utai ditunda ulah Enchalup nya ti baka menaul ngibun tai, nadai pengujung pengidup baka nya. baka ke nyeliahka babas repa, baka ke ngelaungka menua siga Enda meri peluang ngagai orang ti bepenemu ngereja pengawa ketegal enda nemu iya bisi pengelandik tauka endang sengaja enda ngasuh iya.\\nChunto: Komiti ti ngatur pengerami nya nadai meri awak ngagai lemambang nya bejaku baka ke nyeliahka babas repa, baka ke ngelaungka menua siga laban sida enda ngelala iya, orang bukai pen nadai madah. baka pagar makai umai Orang ti dikarapka nya ti ngereja pengawa jai, ngelakar tauka ngambi penguntung ari kaul nya tadi. Chunto: Kami ti ngarapka Lingan megai duit gerempung perasa magang laban iya, indah enda baka pagar makai umai iya ngelakar bala kami. baka pagi ngepunka siang, baka lambur nurunka nyang Mungkal tauka bejadika pengawa ngambika rurus. Chunto: Aya Tuai Rumah dipaduka bala mayuh dulu bejaku ngambika baka pagi ngepunka siang, baka lambur nurunka nyang. baka pelangkan Nyemaka pengamah tauka pengeruh ai. Chunto: Aku enda rajin mandi ke sungai sekumbang hari belunggur ujan tu, amat tak baka pelangkan ai dia. baka pitak dibuai mata (baka pitak buai di mata) Kapa-kapa tauka abis akal sereta nadai temu penunga agi ketegal enda nemu nagang diri ngereja pengawa ti tau mai pengerusak. Chunto: Udah ti alah bejudi seduai iya sama-sama baka pitak dibuai mata, ambi ke tambang pulai pen nadai mih agi duit. baka pinang pulai ke mayang, baka sirih pulai ke takang Pulai ngagai asal tauka pun penatai diri. Chunto: Pengelandik Jilum bemain perengka muzik nya endang enda nyalah-nyalah baka pinang pulai ke mayang, baka sirih pulai ke takang, laban niang apai iya menya endang pemerindang ti tebilang ba menua kitai ditu. baka pinang dibelah dua Setipak . Indu bajik, lelaki pen sigat. Chunto: Dara enggau Bujang endang baka pinang dibelah dua pemajik enggau penyigat seduai lebuh duduk bebandung atas tawak rambau melah pinang seduai demalam.\\nbaka rangki Nyemaka pemurak ngeli mensia Chunto: Manah amat ngeli iya dipeda aku nyau baka rangki. baka ke rarika munsuh Berumban nurun ti ngujungka sekeda perengka ti dipeguna enda ingat bai. Chunto: Aku sigi belabaka bisi utai tinggal laban seduai iya baka ke rarika munsuh ngejangka rumah pagi tadi. baka reba rarat Nyemaka pemayuh keresa ti dikena ngidup diri bumai betaun baka raga, lanji, chapan, timpa, periuk, genuk etb temera, nadai dikemas enggau manah. Chunto: Indai benung ngemaska sadau kami laban keresa kena seduai iya apai di umai taun tu nyau baka reba rarat nya dia. baka ridun tinggang tai Pengidup ti seruran kena tating pemedis, baru-baru deka gerai alai sakit baru. Chunto: Aya Jang tau disebut baka ridun tinggang tai udah bekau iya ti kena bebadi ba jalai alun taun siti nyin kemari. baka ridun nyungkangka sembuak. Pedis ngidupka diri laban nadai puku tauka reta tengkira ditampung ari apai indai. Chunto: Aku tu nyemaka diri baka ridun nyungkangka sembuak laban endang tak senaka utai ulih tulang urat diri empu mih kena ngidupka diri. baka sapi ke ditancham idung Senurut tauka enda mantah ni atur tauka pengawa di asuh orang. Chunto: Aku berasai gidan meda Genam amat tak baka sapi ke ditancham idung nurutka semua utai ku bini baru iya nya. baka sebayan Nyemaka orang ti ngaga diri kisuk gawa lebuh malam tang diau maya siang hari Chunto: Ukai orang ke burung sanu nya, baka sebayan, dunya iya enda sebaka enggau enggi kitai.\\nbaka semut Nyemaka pemayuh mensia begelumu ba siti tempat. Chunto: Balat ga pemayuh mensia ngulu regata taun tu, nyau baka semut ba sebelah tebing sungai Batang Lupar kenyau ari Pengkalan Ulu nyentuk ke Kubu Alice. baka sempulut i. Nyemaka pengelandik tauka penyikar jari nangkap. ii. Nyemaka pemisa jayau Chunto: i. Penyaga gol sida amat tak baka sempulut jari iya nangkap bul. ii. Kenu ku sida ke serambau tak baka sempulut jayau Ini Ina nya kelia. baka sengayuh ngelengka bangkung, baka penimba ngejangka gendung Mutus ati nyerara diri ari apai indai ketegal deka nirika ruang bilik diri tauka ngepunka pengidup baru. Chunto: Lika seduai laki iya berengkah mih nya baka sengayuh ngejangka bangkung, baka penimba ngejangka gendung laban meda bala adi iya udah nemu ngidup diri magang-magang. baka sungai enda beulu Enda temu penatai tuaka endang tak nganti ngapa. Chunto: Kami ke ngarapka perintah ngaga jalai raya ngagai menua kami di Ulu Sungai Menua tu baka sungai enda beulu, kada enda tak puni ngapa. baka tangga ngumbaka lalau, baka dampa ngumbaka langkau Pendiau individu bepanggai ba gaya latar pengidup enggau rampa menua iya empu Chunto : Kampar ke diasuh sida mansuh nya enda ulih dikarapka bebendar iya ga baka tangga ngumba ke lalau, baka dampa ngumba ke langkau, dini enda mata utai. baka ti udah digelintum Nyemaka penyelum ngeli orang ti dibalut getah semakau tauka dakah pinang Chunto: Ngeli Ini Ayok baka ti udah digelintum laban kenyau ari biak iya makai pinang. baka terempas di batu Nyemaka penyampat abis tauka pengelaku barang Chunto: Ensabi ti dijual kami duai di pasar tamu amat tak baka terempas di batu pagi tadi.\\nbaka ubung nitihka jerumat\/ jarum Betuaika orang ngereja pengawa Chunto: Aku tu ukai enggai diinjau kita tang mar laban baka ubung nitihka jerumat, enti tuai nadai nuduhka jaku enggai nyadi ngatika diri. baka udat nganjung diri ngagai gayung Indu ti namaka diri ngagai lelaki. Chunto: Dara nya baka udat nganjung diri ngagai gayung nyadi buah mulut orang. baka ke takutka diempa ukui Berumban ngatur anak belaki Chunto: Sinu meda Umang laban agi besekula tang sida apai indai iya berumban baka ke takutka dempa ukui ngasuh iya beruang bilik. baka ukui\/uduk (baka ulah ukui) Nyemaka indu enggau lelaki ti enda malu dipeda orang mayuh betundi nyentuk tauka beleman enggau pangan. Chunto: Kemaya hari tu sekeda mensia ti nadai empedu malu dipeda orang bebuti nyentuk baka ukui sebelah tempat orang mayuh di nengeri. baka bangkai ukui (uduk). Bangkai mensia ditejuka melangui ngapa, nadai kaban belayan ngapuh . Chunto: Iya ti parai bebadi nya baka bangkai ukui diempayaka ba tisi jalai raya. baka ukui betu peransang Berani, mangah sereta mutus ati. Chunto: Bala rekrut soldadu ti dianjung perintah nginau pulau di Sabah sigi baka ukui betu peransang magang-magang. baka undang ke dipanuk Nyemaka pemirah mua tauka tubuh orang dataika nyau mirah baka kulit undang ti dipanduk. Chunto: Balat ga mua Endun nyau baka undang ke dipanduk kena jembui panas saharihari tu.\\nbaka udun ke ditunu tisik Nyemaka lelaki ti balat enda begamal tauka endang tak nadai penyigat. Chunto: Kasih meda tudah Dom ti deka nyerumba sida ke sama serambau enggau iya ngemujangka diri tang gamal tudah amat tak baka udun ke ditunu tisik. baka ukui enggau mayau Enda tau bekampir, seruran deka belaya Chunto: Seduai diri menyadi nya baka ukui enggau mayau endang enda tau betemu seruran deka betangkap. baka ukui ke labuh anak Nyemaka orang ti enda entap duduk tauka seruran kasak-kasak pendiau nadai temu kebuah. Chunto: Endu nya baka ukui ke labuh anak selemai-lemai tu nadai meruan ngereja pengawa di dapur. baka ular kena palu Jalai ti belingkuk liuk. Chunto: Jalai lama ari Kuching ke Bau enda nyalah-nyalah baka ular kena palu. baka ular matak silui Lubah ngereja pengawa sereta diumbaka lembau tauka dulu betagai enti diasuh. Chunto: Dom nya baka ular matak silui enti diasuh ngereja pengawa suma angkat. baka ular mantaika sima Begah-begah ngayanka pengelandik, pemandai tauka penemu diri. Chunto: Amat baka ular mantaika sima Uchak nya ti diasuh bejaku, udu penyumbung. baka ulun Dipejal ngereja pengawa Chunto: Kasih meda kampar nya digaga sida baka ulun, nadai diberi duit makai dih suma tudah. baka ungkap batu Madahka pengeraja bilik orang penuh laban tajau, tawak enggau utai bukai. Chunto: Bilik sida Dom amat ku jaku sema orang nyau baka ungkap batu pengeraja sida.\\nmunyi ai (munyi ti mubuhka ai) Muang ai tauka chirit. Chunto: Aku nadai nemu diri idup laban pedis perut bira asai nya, sigi munyi ti mubuhka ai semalam-malam tu. munyi bejampung Gemetar inggar, mantik didinga sereta bejarit. Chunto: Aku ngeri amat bulu betemu enggau menijar baru tu laban iya munyi bejampung enti udah bejaku. munyi bilun Munyi ti inggar sereta deras. Chunto: Balat laju perahu baru Jamuh lalu diumbaka injin 25 kuda iya, endang munyi bilun dinga sida ari rumah. munyi burung (semalau) Jaku ti kelalu jampat lalu diumbaka enda putus-putus bejaku. Chunto: Kami enda meretika pekara ti disebut iya laban jaku iya nyau munyi burung. munyi burung makai buah kara Richah sereta nadai mendingka utai ti disebut pangan diri. Chunto: Keterubah pengabang baru niki tadi amat tak munyi burung makai buah kara mensia ti betabu ba ruai tuai rumah. munyi empeliau Munyi nyawa ti perebubuk lebuh ngangauka leka main baka Renung, Pengap etb. Chunto: Amat tak munyi empeliau nyawa Lelambang Biju lebuh iya matak jalai nimang. munyi empulu pasang Munyi nyawa ti bekelukau enda putus-putus nyerumba orang bukai ti bejaku. Chunto: Bala sida ke indu-indu amat tak munyi empulu pasang bejaku nyerumba sida ke lelaki ti berundingka atur nyambut pengabang pagila.\\nmunyi indu manyi Munyi ti bekerengung. Chunto: Balat ga pemayuh nyamuk lemai tu nyau munyi indu manyi sebelah bilik. munyi ketupung. Bejaku seleka-leka aja tauka nadai berambai-rambai bejaku. Chunto: Penghulu Jugul nya munyi ketupung sigi dipelandikka orang enda mayuh bungkan jaku, enti mutuska pechara endang tak nyemetak enggi iya. munyi ke begawai Richah nadai temu kebuah. Chunto: Bala nembiak munyi ti begawai ba kelas nya tang bisi ga pengajar dia. munyi ke betelai Mit nyawa tauka enda inggar lebuh bejaku. Chunto: Pengajar Sunta munyi ke betelai ngajar nembaiak, sida ke duduk dibelakang nadai ninga utai ku iya. munyi ke dalam tajau Munyi jaku ti balat jerung. Chunto: Berasai jaku ribai punggal nya, munyi ke dalam tajau utai sebut iya. munyi ke dikirah (munyi ke direndai) Jaku ti inggar, enda putus-putus sereta enda ngelakka orang bukai nimbal. Chunto: Aku enda nemu berandau enggau Endun laban iya enti udah bejaku amat tak munyi ke dikirah endang nadai alai kitai nyelepak. munyi ke malu bandir Nyemaka munyi ti bekesegum tauka betemekup dalam Chunto: Aku berasai geli ninga munyi utai ti bekesegum munyi ke malu bandir ngelingi langkau kami sebuat semalam-malam tu tadi. munyi ke mandam tampin mulung Nyemaka munyi utai ti tibu. Chunto: Pelaba aku balat pedis belakang Nuyan dipalu Iba, amat tak munyi ke mandam tampin mulung belakang siku nya dipalu iya.\\nmunyi ke mabuk kulat tenggar (munyi ke ditichik) Ketawa enda beketu-beketu Chunto: Endun seduai Duma munyi ke mabuk kulat tenggar kenyau ari tadi, nyangka bisi utai nyelai dikenang seduai. munyi ke matak rutan (munyi ke narit wi) Nyemaka munyi seput tauka kuruh orang ti inggar amat. Chunto: Jera apai aku tinduk begulai enggau sanu, apin maya-maya udah munyi ke matak rutan iya. munyi ke maringka batu Nyemaka munyi ti beduru tauka bebelat inggar. Chunto: Guntur enggau kudi demalam amat tak munyi ke maringka batu ti ngujungka semua sungai bah ngampuhka emperan pagi tu. munyi mulut indu Mayuh mulut tauka sebarang sebut enda ngira salah tauka ngena. Chunto: Mar dipending penemu bala mayuh laban mayuh agi ke munyi mulut indu lebuh bejaku ke utai. munyi ke nanjak wung Berandau ngena entak sebut ti inggar tauka merak tang ukai ransi. Chunto: Anang tekenyit enti kita ninga sida ti diau dipala menua lebuh berandau diri pen munyi ke nanjak wung mih sida laban endang udah pengelabuh jaku sida. munyi ti ngenang perau anyut Ngenang pemanah orang ti dikesayauka. Chunto: Igat munyi ti ngenang perau anyut ngingatka pemanah Endun enggau iya. munyi ke ngirit pitan atap Munyi sabut tauka antu ti ngenakutka orang. Chunto: Kami sebuat sama-sama nadai ngelapka bulu mata semalam-malam tu laban seruran ninga utai munyi ti ngirit pitan atap mansa dunju kami. munyi ngitar\/ guntur Berengangung tauka munyi dalam betigung. Chunto: Kami sekelas mupuk nangi enti pengajar Rimong tama kelas laban nyawa iya amat tak munyi ngitar enti udah bejaku.\\nmunyi nyumbuh bujang Tunggal jaku tang inggar sereta mantang didinga. Chunto: Igat nya enti berandau enggau kitai sigi munyi nyumbuh bujang, endang kenyau ari menya iya sigi enda mayuh jaku enggau orang munyi terantang begau Terantang tawak ti bejarit pisit Chunto: Munyi terantang begau pangkung tawak sida ke belatih betabuh, lalu bedau bisi seranyut pangkung ti betul. munyi perebuk labu Madahka pemanah munyi nyawa lelambang ti perebubuk lebuh ngangauka leka main Chunto: Nyawa Lelambang Ligau munyi perebuk labu lebuh ngangauka segenteran leka renung demalam. munyi senapang (meriam) Nyemaka munyi nyawa ti inggar Chunto: Nyawa Ini Umang munyi senapang ngerara iya niki tang agi mih enda ngasi. munyi sintak peputan Nyemaka munyi seput tauka kuruh orang ti tinduk Chunto: Pama munyi sintak peputan enggi Aya Agum enti enda tan pending enda ulih nindukka diri ninga enggi iya.\\nasai ai Nyemaka penyelap kaki jari orang ti tabin tauka sakit. Chunto: Kaki jari iya agi mengkang asai ai taja udah diberi makai ubat. asai api Nyemaka pengangat isi ketegal tabin. Chunto: Tubuh anak mit nya asai api nya alai bala misi ngisi tubuh iya enggau ai. asai batang pisang Nyemaka penyelap isi. Chunto: Tubuh iya asai batang pisang udah ke berujan nembuka tebang sahari-hari tu. asai empedu Naka pemait-mait Lauk nya enda ulih empa laban nyau asai empedu, enda nemu nama rempah kena iya ngulai. asai idung ukui Pemakai ti udah lama chelap semina apin bari. Chunto: Aku enda tentu masuk makai tengah hari tu tadi laban lauk kami sebuat asai idung ukui semadi perut udah kelalu lapar. asai garam Naka pemasin-masin Chunto: Lauk panduk Endun sigi nyau asai garam, bakani kati deka makai nya enda mih ulih. asai gari pua (ubut) Nyemaka penadai asai. Chunto: Naka pengerugi-rugi makai ba kedai Ah Bun, lauk ti dinahka iya sigi nyau asai gari pua. asai ke betemu enggau petara Tepantup lelengau ke bakih lama lalu umba tekenyit enda nyadang tau betemu. Chunto: Amat tak asai ke betemu enggau petara lebuh besatup enggau bakih aku maya agi sekula menya ba stesyen bas pagi tadi.\\nasai ke bubus bubun Chelap mantik puas kena pangkaka ribut enggau ujan Chunto: Aku asai ke bubus bubun laban pangkaka ribut enggau ujan sahari-hari tu. asai ke deka tama perut indai Balat takut dataika labuh ai mata sereta bisi bemua-mua ke apai indai. Chunto: Bebaru nyadi kelasi menya enti dipangkaka kabut enggau umbak besai lebuh belayar di tasik luar din amat tak asai ke deka tama perut indai sepi aku. asai ke diau dibaruh punggu Seruran nangi ke penusah tau nyadi. Chunto: Sekumbang operasyen kami seruran asai ke diau dibaruh punggu laban jalai ti diteresa kami mayuh periuk api ti tau meletup sebarang maya. asai ke lepas ari nyawa baya Berasai lantang ati udah lepas ari penusah tauka pemesak pengawa Chunto: Kami sebuat asai ke lepas ari nyawa baya laban lebuh projek kami udah tembu dia semua barang pen niki rega magang-magang. asai ke nganti menteri Ngibun enda besemaya, baik tumu tauka laun penatai mesti dianti. Chunto: Kami tu asai ke nganti menteri laban semaya enda nyentuk maya pengabang niki. asai ke dipandam dada Balat kesal tauka takut Chunto: Aku amat tak asai ke dipandam dada ninga rita iya kena rumpak bala bayat. asai ke dirandang dada Berasai angat dada kena runtu ai bisa. Chunto: Suma ulih telan, amat tak asai ke dirandang dada ngirup arak ti dibai sida Dom ari Berunai. asai ti empelan miang padi Enda ulih tinduk laban seruran bisi pengirau\/ penusah ati. Chunto: Sekumbang pechara salah trafik nya bedau putus kemari mata asai ti empelan miang padi nangi enggaika diri tinggang penyalah.\\nasai ke diau dalam gua Petang tegayam, enda peda achuk mata. Chunto: Janggal makai lemai tu tadi laban putus karan, nya mih asai ke diau dalam gua pemetang-metang iya. asai ke digigit kesa Semina bisi-bisi berasai pedis ba kulit ari. Chunto: Terubah misi nachamka jarum bisi ga asai ke gigit kesa, enda tak pedis sepi aku. . asai ke labuh ari puchuk chekur Balat tekenyit tauka rawan Chunto: Aku asai ke labuh ari puchuk chekur lebuh meraka andau ti digaga sida Igat nya. asai ke ngenggam telu Chukup penangi enggaika penusah tau nyadi sebarang maya. Chunto: Sekumbang bala anak agi mit menya amat tak asai ke ngenggam telu lebuh sida ti rengga pedera. asai ke pansut ari nyawa baya Berasai lantang udah lepas ari pulas pemerinsa tauka penangi. Chunto: Asai ke pansut ari nyawa baya lebuh kami sebuat udah nuntung di garis menua sereta betemu enggau soldadu kitai, baru nemu diri idup, laban bala lanun sigi empurit kami belama kenyau ari kami ngejangka gentilang tasik entarabansa. asai ke dipansuh Nyemaka pengangat, bekum, lisak sereta enda chukup angin datai ke enseput dih tusah. Chunto: Amat-amat tak asai ke dipansuh duduk di ruai sekumbang nganti sida lemambang ti bejakuka kujuk. asai ke disayat semilu Entung ati ti kelalu tusah, sinu sereta bisi besambil ngeransi ketegal ti dikeduan ambai ati. Chunto: Yak madahka ati diri asai ke disayat semilu ngagai aku ketegal John ti bebini enda madah.\\nasai ke ketup semada Berasai mantik nyengat ba kulit ari. Chunto: Aku ti teindikka jerumat nya, terubah semina asai ke ketup semada enda ngadang tak ngemalat-malat nya nancham ngagai tapa kaki aku. asai ke dituchul bara api Nyar pedis tauka asai ke betu. Chunto: Jera apai berubat enggau beliau nya, asai ke dituchul bara api laban ubat ti dikena iya beburah anang ke gerai, rangkai dih enda kuris aku. asai ke nganti indai pulai ari umai Ngibun enggau pengabis pengandal ati laban arapka orang ti dianti nya bisi mai buah jari. Chunto: Kami sebuat asai ke nganti indai pulai ari umai ngarapka wakil rayat mutarka penusah kami ti lalu apin bisi jalai raya ngerenchah menua kami di Ulu Senibong. asai ke ngenyadika anak mata Pemadu penyayau-nyayau. Seduai melaki bini asai ke ngenyadika anak mata nyeridika Igat, iya ga anak iru, ngarapka iya nya ngasi lalu mujur dalam sekula. asai ke tingkil atau Balat pengesal-ngesal ati. Chunto: Asai ke tingkil atau ninga berita Jang Luang ti bebadi tabanka bilun pechah lemai kemari, nasit ga iya idup. asai repuk kayu Balat nadai asai. Chunto: Asai repuk kayu dekayu panduk Umang baru ti belajar berapi menya, diatu nama enda penyamai dih laban nyau selalu berapi. asai telu gerama Jaku ayah lebuh nyepi pemakai ti ditunu tang jarang diempa. Chunto: Igat Bunyau ngasuh bala ketawa nyemaka tunu ikan nya asai telu gerama. asai tichak Tubuh orang ti berasai chelap. Chunto: Gelesi bulu aku ensepi tubuh iya nyau asai tichak, enda nyangka iya ngerayaraya nya sakit.\\nambi ke asi bari orang Nganjung diri dikeleseka orang kelebih agi dalam pekit tauka lumba. Chunto: Dom nya ambi ke asi bari orang, semata enggai enda ngambi bagi ba lumba nya, iya endang nemu diri enda laju belanda. ambi ke empa tunu Indu dara ti diambi nyadika sulu semina semalam aja. Chunto: Igat nya ukai ati bendar nundi sida ke dara semina ambi ke empa tunu iya aja enti bala sida nya bisi deka ke iya lagi. ambi ke pemakai orang Ngambi diri dikemelika orang ketegal nadai pemandai Chunto: Iya nya nabak kediri kia ambi ke pemakai orang enda nemu diri nadai pengelandik ngelaban orang. ambi ke ulun orang Nganjung diri diperinsaka orang ngereja pengawa. Chunto: Iya nya ambi ke ulun orang enti bebini nguai ngagai bilik sida nya laban sida sebilik bela enggai gawa magang-magang. ambi ke umpan alir Ngereja pengawa ti tau nganu nyawa tang endang nadai pulai ke penguntung ngagai diri empu. Chunto: Makam nya ambi ke umpan alir bala Along aja, dini nya bisi penguntung iya gawa enggau sida. ambi ke sempun (lumpung tenggau) orang Nguluka orang ngayap tang iya empu ngenatka diri nempukul sebelah ruai nganti orang ti pulai. Chunto: Kasih tudah Ajong semina ambi ke sempun orang tudah, enda datai ba sida ke dara. anang ngerabu jelu di puchuk kayu Anang ngiruh diri ngereja pengawa ti apin temu pengujung. Chunto: Anang guai enggau orang ngerabu jelu di puchuk kayu dulu mih enti pengawa bedau bebatang, ila tak rugi ngapa abis duit abis tulang.\\nanang bejai jani meda iya mandi ba ai pelangkan belang anang ketawa ke puna meda sarang iya rangkang magang. Anang ketawa tauka bejai gamal orang laban kitai enda nemu pengelandik, pemandai tauka pangkat orang siku-siku. Chunto: Kita ke nembiak anang enggau orang bejai jani meda iya mandi di ai pelangkan belang, anang ketawa ke puna meda sarang iya rangkang magang, laban kita enda nemu latar pengidup orang siku-siku. anang manjung di pala wung, anang ngangau di kaki rantau. Anang guai gaga enti utai apin ulih tauka pengawa apin tembu. Chunto: Ba peresa SPM tu, anang guai manjung di pala wung, anang guai ngangau di kaki rantau seagi-agi pemutus peresa nya apin ditemu kitai. datai kair manuk Penyauh tauka seraka endur ti ulih datai manuk bemain. Chunto: Semua tanah ke enda datai kair manuk ari rumah kitai tu deka alai muka kebun sayur magang. datai kain Maya sida ke indu ti udah chukup umur betukar sumbuk muai darah kutur dalam tubuh sida. Chunto: Endu baru datai kain nya alai indai iya kiruh amat nyeridika iya. datai tikau Penyauh tauka seraka endur ti ulih datai tikau. Langkau Aya Damu datai tikau ari jalai besai semina ke lindung madang buah alai enda dipeda ari jalai. dinga kukuk manuk Penyauh tauka seraka endur ti ulih didinga kukuk manuk. Chunto: Dini nya bisi jauh ngagai kebun sida Jang dinga kukuk manuk enda berasai alai datai kita ba pendai sida. dinga kangau Penyauh tauka seraka endur ti ulih didinga kangau Chunto: Dunju endur kami bemalam ngibun rian kira-kira didinga kangau ari enggi pangan diri, nya ngasuh nadai berasai takut.\\ndinga panjung Penyauh tauka seraka endur ti ulih didinga panjung. Chunto: Kebun aku enggau umai Aki Igat kira dinga panjung mih nya. enda alah i. Enda ulih kereja laban pengawa nya kelalu berat. ii. Enda abis empa laban kelalu mayuh. iii. Penyampau utai ngelui ari jangka. Chunto: i. Enda alah kereja seminggu pengawa di umai din baka ke nadai mayuh. ii. Pemakai ti disediaka sida enda alah empa laban tubuh kami nadai mayuh. iii. Selama sigi dua rian labuh tang pagi tu enda alah ke dua puluh igi. enda ampit kemarau Laun ngatur diri belaki tauka bebini. Chunto: Sida nya menyadi bela tak enda ampit kemarau nya alai tak berupai puang bilik sida tiap-tiap kali maya gawai. enda anchi-anchi Kelalu mayuh, lunggar, nadai betagang tauka nadai betatak. Chunto: Bala nembiak ti kereja ke menua tasik amat bulih tang tak enda anchi-anchi pengerua enggau duit, ukai semara siku nyau deka semua ti bakanya. enda angkat kaki Manuk sabung ti enda tebalaska diri lebuh bebintih. Chunto: Manuk Aya Igam enda angkat kaki ngelaban enggi Janggu. enda ati Nadai betati deka. Chunto: Aku sigi enda ati enggau sida Igat begiga ke Ulu Batang Ai tadi. enda bebah-bah Nadai betimpuh tauka ngenyit ngereja pengawa. Chunto: Suntuk amat pengawa kami sebuat laban tuai rumah tak enda bebah-bah mai bala mayuh nirika rumah baru.\\nenda jejena Ukai mimit-mimit, ukai alang-alang tauka nadai alai nyema. Chunto: Aku baru meda pengerami regatta di Marudi, amat enda jejena mensia ti datai kia enda ngipak ke menua ngemit nya. enda jurus Jai burung. Chunto: Kami enda nyadi bumai di Sg. Ridan laban lebuh nganjung panggul suba aku bisi enda jurus. enda kungang Enda tedaya ngereja pengawa ketegal enda pengerai tauka enda chukup tubuh. Chunto: Kami duai ibu nuan nyau enda kungang ngereja pengawa agi laban tating pemedis diatu. enda lantang Jai mimpi. Chunto: Indai enda turun sahari tu laban iya enda lantang demalam. enda menchelak mata Apin nemu pemansang. Chunto: Sida serumah lalu apin menchelak mata meda anak orang rumah bukai besekula tinggi datai ngagai universiti. enda nemu langit runtuh Rindang majakka pengawa diri, nadai ibuhka pengawa orang. Chunto: Igat nya endang enda nemu langit runtuh laban enti iya udah gawa sigi nadai berundingka utai bukai agi. enda nyamai ati Irau tauka bisi belabaka pekara ti enda manah tau nyadi. Chunto: Kami bisi enda nyamai ati meda iya lalu enda datai-datai laban udah jauh ngelebus jam semaya enggau kami. enda nyamai isi Tabin. Chunto: Aki Ikul enda nyamai isi nya alai iya nadai dipeda duduk di ruai lemai tu.\\nenda ninga beduk Enda ninga gerah tauka rita orang. Chunto: Laban ke diau di ulu sungai kami serumah tu suah enda ninga beduk nya alai suah bendar enda ampit berita pemansang dunya. enda tiris tapa jari Orang ke cheremat enggau duit (belanja) Indai Dara sigi enda tiris tapa jari nya alai iya bisi duit simpan kena bala anak iya besekula datai ngagai universiti.\\nSanding Penemu Asmah Hj. Omar(1981). The Iban Language of Sarawak: A Grammatical Description. Kuala Lumpur: Dewan Bahasa dan Pustaka Bennedict Sandin (1964) Raja Durong. Borneo Literature Bureau: Kuching Sarawak Curtis W. Hayes, Jacob Ornstein, William W Gage (1977). ABCs of Languages and Linguistics. Maryland, Silver Spring: Institute of Modern Languages, Inc. David Singleton (2000). Language and the Lexicon, An Introduction . Oxford University Press New York. Hussein Jamil & Henry Gana Ngadi (1989) Kamus Bahasa Iban- Bahasa Malaysia. Kuala Lumpur: Dewan Bahasa dan Pustaka. George Lakoff and Mark Johnson (1980). Metaphors We Live By. University of Chicago Press. Gonzales, A (1987). Discourses Across Cultures. Englewood Cliffs, NJ:Prentice Hall. Janang Ensiring and Robert Menua (2006). Jaku Dalam. Tun Jugah Foundation: Kuching Sarawak John Saeed (2003) Semantics. Wiley Blackwell Press. Lambert, W. (1974) Culture Factors in Learning . Bellingham: Western Washington State College Otto Steinmayer (1999) Jalai Jako Iban. Klasik Publishing House: Kuching Sarawak. Pusat Perkembangan Kurikulum (2007). Sistem Jaku Iban di Sekula: Kementerian Pelajaran Malaysia. Richards, Anthony (1966). Leka Main Iban. Borneo Literature Bureau Kuching Sarawak. Richards, Anthony (1981). An Iban-English Dictianary. Oxford University Press. Scott, N.C. (1956) A Dictionary of Sea Dayak. School of Oriental Studies, University of London.\\nDokumen Serupa dengan Jaku Kelaung","num_words":14069,"character_repetition_ratio":0.056,"word_repetition_ratio":0.002,"special_characters_ratio":0.188,"stopwords_ratio":0.199,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"29 August 2018 - Hari Tiga ba Minggu Ke Dua Puluh Satu Musim Selama - Berita Iban Online | Laman Web Berita Kitai\\nHome \/ Injil Tuhan \/ 29 August 2018 - Hari Tiga ba Minggu Ke Dua Puluh Satu Musim Selama\\n29 August 2018 - Hari Tiga ba Minggu Ke Dua Puluh Satu Musim Selama\\nStaf @beritaibanMY Wednesday, August 29, 2018 0\\nLaban Herod udah ngasuh orang nangkap John, lalu nanchang iya dalam rumah jil, ketegal Herodias, bini menyadi iya Philip, laban Herod udah ngambi Herodias nyadika bini iya empu. -Mark 6: 17 - 29\\n29 August 2018 - Hari Tiga ba Minggu Ke Dua Puluh Satu Musim Selama (Memorial of the Passion of Saint John the Baptist)\\n2 Tesalonika 3: 6 - 10, 16 - 18\\nDalam nama Jesus Kristus Tuhan kitai, menyadi, kami ngasuh kita ngejangka diri ari menyadi ke ngelusu, ke enda nitihka ajar ti diterima kita ari kami.\\nLaban kita empu nemu jalai kita patut nunda teladan kami; kami enda ngelusu lebuh kami begulai enggau kita, lalu kami enda makai utai orang enti kami enda mayar utai nya; tang kami bebendar gawa siang malam, ngambika kami enda nating kita.\\nKami ngereja nya ukai laban kami nadai hak nating kita, tang ngambika kami nyadika teladan ti tau ditunda kita.\\nIndah lebuh kami begulai enggau kita suba, deh kami meri atur tu ngagai kita: Barang sapa enggai gawa, awakka iya enda makai.\\nAwakka Tuhan Empu, ke pun pemaik, seruran meri kita pemaik ngena semua macham chara. Awakka Tuhan meruan enggau kita semua.\\nAku, Paul, ke nulis leka jaku tabi basa tu ngena jari aku empu. Tu endang jalai aku nyain semua surat aku. Tu endang jalai aku nulis.\\nAwakka pengasih Jesus Kristus Tuhan kitai meruan enggau kita semua.\\nMasmur 128: 1 - 2, 4 - 5\\nSaut (peda 1): Beberekat meh orang ke nangika TUHAN.\\nBeberekat meh orang ke nangika TUHAN, ke ngasika adat Iya. Nuan deka makai utai ti ulih jari nuan empu; Nuan deka gaga sereta nyadi kaya-raja.\\nSaut: Beberekat meh orang ke nangika TUHAN.\\nBaka nya meh orang ke ngasika TUHAN\\ndeka diberi berekat. TUHAN deka merekatka nuan ari Sion! Awakka nuan meda Jerusalem nyadi kaya-raja sepemanjai umur nuan!\\nAlleluia (peda Matthew 5: 10)\\nBeberekat meh orang ke kena perinsa ketegal pengelurus, laban sida deka bempu Perintah serega.\\nLaban Herod udah ngasuh orang nangkap John, lalu nanchang iya dalam rumah jil, ketegal Herodias, bini menyadi iya Philip, laban Herod udah ngambi Herodias nyadika bini iya empu.\\nLaban John udah bejaku ngagai Herod, “Nuan enda tau ngambi bini menyadi nuan!”\\nDiatu Herodias bedendam ngagai John, lalu keran deka munuh iya, tang enda ulih laban Herod takutka John, laban iya nemu John endang orang ke lurus sereta kudus.\\nLebuh iya mendingka John, ati iya beba, tang taja pia iya rindu mendingka John.\\nTang siti peluang datai lebuh Herod, kena hari pengada iya, meri pengerami makai besai ke orang ke orang ke gawa dalam istana, bala pemesai enggau bala tuai bansa di menua Galili.\\nLebuh anak dara Herodias tama lalu betanda, Herod enggau bala pengabang rindu meda iya.Raja lalu bejaku ngagai indu nya, “Pinta ari aku sebarang utai ti dikedekaka nuan, lalu aku deka meri utai nya ngagai nuan.”\\nHerod lalu besemaya ngena jaku sumpah ngagai indu nya, “Aku deka meri ngagai nuan sebarang utai ti dipinta nuan.Indah setengah ari menua ti dipegai aku deh deka aku beri ngagai nuan!”\\nIndu nya pansut, lalu bejaku enggau indai iya, “Nama utai ti patut dipinta aku?” Indai iya lalu nyaut, “Pala John Pemaptisa.”\\nIndu nya lalu tekala nya beguai-guai pulai baru ngagai raja, lalu bejaku, “Aku minta nuan meri ngagai aku diatu pala John Pemaptisa ba atas pinggai!”\\nRaja lalu balat tusah ati; tang laban iya udah besumpah di mua bala pengabang, iya enggai nulak peminta indu nya.\\nIya lalu tekala nya ngangauka siku jejaga, lalu ngasuh iya ngambi pala John. Jejaga nya mupuk lalu mumpung pala John dalam rumah jil, mai pala John ngena pinggai, lalu meri pala nya ngagai indu nya. Indu nya lalu meri pala nya ngagai indai iya.\\nLebuh sida murid John ninga pasal nya, sida datai lalu ngambi bangkai John, lalu nguburka iya.","num_words":623,"character_repetition_ratio":0.06,"word_repetition_ratio":0.065,"special_characters_ratio":0.219,"stopwords_ratio":0.295,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SPiRit Of IBaNeSe: 9\/7\/08 - 9\/14\/08\\nDrunken Finalist 2008\\nDrunken finalist Grammy award 2008...........\\nhahahaaaaaa....sapa ke bisi gambar maya mabuk tau meh anjung kitu enti ka enggau pencalonan taun baru ila...\\nPosted by J~i~H~i~E at 12:30 PM 0 comments Links to this post\\nTu Baru ia.....MERDEKA!!!\\nHuhhhh...nya meh gamal utai ke digaga aku dua tiga ari tu, ngasuh untak nyau bening-ning bepusin. 3 kali ngagai site laban bisi salah ba lakaran asal aku suba nya baru tembu. Enti semina tembu pia aja, empai entu ulih ngasuh senang ati endar...dah dianjung ngagai boss sereta dah bisi approval baru lantang ti...\\nPagi tu nya baru tau dikumbai Merdeka.semua dah siap magang, nganti ke nganjung ngagai client aja lerrrr. Tang kami ba upis ditu sigi dah nemu perangai enda menuku aku ga.....Enti pengawa empai tembu sigi enda bemunyiiii...makai pan kadang-kadang laun ari orang, pulai lemai pan bakanya meh, udah nganjung mem pulai nikal baru ga ngangai upis...tang enti kereja udah\\ntembu jaga meh....abis orang sebelah opis ditundi....ambis belaya enggau bala amoi kerani..nasib ga boss manah...Hehhh pagila senang ati ga cuti, nadai utai kerunding ke agi. wahhhh pagi tu dah meli KFC bala bos,,,, melanja sempena perayaan kuih bulan, tang tua kaban aku sabah (kadazan dusun) ke duduk sepiak aku ukai entu ngining manuk nya..tang ai ke dalam botol segiempat ke dalam plastik siti...manah endar gamal ai nya ga...udah ga nanya bos tadi nganti dah ambis gawa peneka ngirup.....haaaaaa nya meh utai ke manah endar dinga aku.... Lemai legi meh ensepi ia....pama nyau kuning magang utai peda cukup meh nya.......\\nPosted by J~i~H~i~E at 11:00 AM 0 comments Links to this post\\nPosted by J~i~H~i~E at 3:29 PM 0 comments Links to this post\\nPosted by J~i~H~i~E at 7:56 AM 0 comments Links to this post\\nHidden Truth About The American Landing On The Moon\\nPosted by J~i~H~i~E at 12:55 PM 0 comments Links to this post","num_words":287,"character_repetition_ratio":0.105,"word_repetition_ratio":0.0,"special_characters_ratio":0.256,"stopwords_ratio":0.146,"flagged_words_ratio":0.0,"lang_id_score":0.953,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"RM413,378.17 dadah dirampas dalam bulan Oktober 2020 di serata Sarawak - PressReader\\n2020-11-25 - Sarawak · Kyrgyzstan · Malaysia · Asian Development Bank\\nKUCHING: Sepenyampa­u 20,138.82 gram (gm)(tauka 20.13 kilogram (kg) bemacham bansa dadah enggau bisi 432 igi dadah bansa pil dirampas lalu penyampau semua ke dirampas dipelaba berega RM413,378.17 dalam bulan Oktober 2020 di serata Sarawak.\\nMenteri Pengintu Pengelanta­ng Pendiau, Pengelanta­ng Raban Bansa, Orang Indu, Ruang Bilik enggau Pemansang Nembiak Mit, Dato Sri Fatimah Abdullah madah, semua nya dirampas Opis Mansik Pengawa Jai Narkotik (JSJN), PDRM Sarawak enggau Opis Kastam DiRaja Malaysia Sarawak.\\n“Dalam timpuh 1 ngagai 30 Oktober 2020,sepenyampa­u 20,138.82 gm(tauka 20.13 kg) bemacham bansa dadah dirampas. Tu nyengkaum dadah bansa baka daun ketum ke sepenyampa­u15,000 gm (tauka 15kg); 3,023.15 gm (3.0 kg) ganja; 304.34 gm(0.3 kg) syabu\/methamphet­amine; 278.47 gm(0.27 kg) ketamis enggau 1,532.68 gm repu estasy.\\n“Penyampau dadah ti dirampas ke dirikod ngayanka penurun 46.89 peratus enti dibandingk­a enggau bulan September 2020 (37.9 kg).\\n“Dadah bansa pil sepenyampa­u 432 igi udah dirampas di Sarawak. Ari penyampau nya 32 igi iya nya pil Eramin, 166 igi pil ecstasy enggau 208 igi iya nya Nospan,” ku iya ba aum pengarang berita ‘Laporan Berkala One Stop Committee Menangani Isu Dadah Dan Substance (OSC MIDS)’ ungkup Bulan Oktober 2020 ti diatur ba Bilik Media KWPKP Begunan Baitulmakm­ur 2 ditu, kemari.\\n“Penyampau semua ke dirampas dipelabaka berega RM413,378.17,” ku iya ti ngeripotka penyulut MIDS dalam Bulan Oktober 2020.\\nIya madah, dikena mutarka isu dadah enggau substance di Sarawak, OSC MIDS Nengeri majak mekuh ngagai pengawa bejalaika eksyen enggau intervensy­en sekalika nengah bejalaika pengawa neritaka adat tauka ukai neritaka adat.\\nLebuh ti ngenang bekaul enggau neritka adat, iya madah, dalam timpuh 1 ngagai 30 Oktober 2020, Sarawak ngerikodka 692 iti kes ti mungkur 742 nangkap bekaul enggau penerit adat, aktiviti salah nguna dadah enggau substance asil ari 758 operasyen ti dipejalaik­a JSJN, PDRM Sarawak, Agensi Anti Dadah Kebangsaan (AADK) Sarawak enggau Opis Kastam DiRaja Malaysia.\\n“Penyampau kes ti dirikod ngayanka penurun sepenyampa­u 27.51 peratus dibandingk­a enggau bulan September 2020 (1,087 kes),” ku iya.\\nNambahka nya, lebuh ti ngenang Kategori Kes Bekal Dadah, iya madahka bisi 22 kes ti mungkur 43 pengawa nangkap, iya nya penyalah mekal enggau nyadung dadah enggau substance.\\nAri penyampau nya ku iya, bisi enam kes mungkur semilan ke ditangkap ari baruh Seksyen 39B Akta Dadah Berbahaya 1952, lalu enti ditemu salah ulih ditinggang ukum gantung sampai mati tauka ukum jil seumur idup enggau sipat enda lebih 15 kali.\\nKategori Kes Ngempu ku iya, bisi 111 kes ti mungkur 146 ditangkap laban ti salah ngembuan dadah enggau substance.\\n“Kategori Kes Positif Urin, bekaul enggau penyalah tu ari baruh Seksyen 15(1)(a), Akta Dadah Berbahaya (ADB) 1952, bisi 559 kes ti mungkur 553 iku ditangkap udah dirikotka di Sarawak.\\n“Penyampau ke ditangkap sereta dirikod ngayanka penurun (4.63 peratus) dibandingk­a enggau bulan September 2020 (778 iku ditangkap).\\n“Lalu ari baruh Akta Penagih Dadah (Ngubat enggau Mulaika Pemanah Ulah ) 1983 (Ubah1998), Sarawak ngerikodka 96 kes ti mungkur 235 iku ditangkap asil ari 60 operasyen ti dipejalaik­a AADK Sarawak,” ku iya.\\nKelimpah ari nya, lebuh ti ngenang Orang Ke Dikemata (OKP), iya madahka naka 30 Oktober 2020 bisi 1,904 OKP ti dipatau AADK ba Sarawak.\\nPenyampau OKP ti dirikodka ngayanka penurun (3.2 peratus) dibandingk­a enggau bulan September 2020 (1,967 kes).\\n“Ari penyampau OKP nya, peratus ti mujur ngetanka tikas mulaika pemanah ulah sida nitihka sesi perubat enggau gerai ari dadah dalam bulan Oktober 2020 iya nya 84.4 peratus,” ku iya.\\nSama bisi ba aum pengarang berita nya kemari, Menteri Muda Pengelanta­ng Pendiau Raban Bansa Datuk Francis Harden Hollis, Menteri Muda Orang Indu, Ruang Bilik enggau Pemansang Nembiak Mit Datuk Rosey Yunus enggau sida ke bukai.\\nGambar Roystein Emmor RIPOT BEKAUL ENGGAU DADAH: Fatimah ngayanka Lalau Ngintu OSC MIDS Renggat Nengeri Sarawak enggau Renggat Pelilih Menua Di Sarawak pengudah aum pengarang berita ‘Laporan Berkala One Stop Committee Menangani Isu Dadah Dan Substance (OSC MIDS)’ ungkup bulan Oktober 2020, seraya disempulan­g Rosey (kiba) enggau Harden (kanan), kemari.—","num_words":577,"character_repetition_ratio":0.064,"word_repetition_ratio":0.032,"special_characters_ratio":0.251,"stopwords_ratio":0.179,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemutus PKR dipeda baka deka ngelaya PBDSB - Berita Iban Online | Laman Web Berita Kitai\\nHome \/ Berita \/ Bintulu \/ Kuching \/ Parti Bansa Dayak Sarawak Baru \/ Parti Keadilan Rakyat \/ Parti Rakyat Sarawak \/ PBDSB \/ PKR \/ politik \/ PRS \/ PRU \/ PRU14 \/ SADIA \/ Sri Aman \/ Pemutus PKR dipeda baka deka ngelaya PBDSB\\nPemutus PKR dipeda baka deka ngelaya PBDSB\\nKUCHING: Pemutus Parti Keadilan Rakyat (PKR) Sarawak ti netapka Nicholas Mujah Ason nyadi chalun potensial ngarika PKR di sitak Parlimen P.202 Sri Aman baka ke deka ngelaya Parti Bansa Dayak Sarawak Baru (PBDSB).\\nTekenyit enggau berita ke dipansutka nya, Sapit Presiden PBDSB Patrick Anek Uren melabaka Nicholas ke mega Sekretari Besai SADIA enda nemu sentang pekara nya.\\nMandal Chairman PKR Sarawak, See Chee How ba aum pengarang berita di Kuching ensanus bisi mantaika rintai chalun potensial PKR ungkup PRU14.\\nNicholas nitihka penerang See dirintai nyadi chalun potensial ngarika parti di Sri Aman.\\n“Mujah tu chalun potensial kami, nya alai penerang See tu ngasuh kami alit ati.\\nAku melaba Mujah empu enda nemu pekara tu.\\n“Jaku ti dipansutka See tu semina propaganda politik aja dikena narit ati mensia mayuh lalu siti ari chara PKR ngelabuhka populariti Cobbold John ba sitak parlimen Sri Aman,’ku iya nengah surat penerang berita kemari.\\nAnek nambah, Cobbold dulu ari tu udah madah iya deka nyatup chalun PRS Masir Kujat ba parlimen Sri Aman.\\n“Berindik enggau nya, Cobbold ngelengka niat ati deka nyatup chalun PDP Datuk Tiong King Sing di parlimen Bintulu laban meri awak ngagai Dr.\\nJohn Brian betenggali alan,’ku Anek.\\nCobbold ke mega presiden PBDS dipeda regas sereta berani amat bejakuka hak Dayak enggau Sarawak sekumbang ti udah megai pangku pengawa presiden parti ari protem presiden Louis Jarau.\\nPatrick ngasai ulah PKR tu enda jauh bida enggau BN ti sama bela enchadika undi Dayak dikena ngulihka pemujur.\\nKami (Dayak) deka nuju penyerakup politik”, ku Patrick.\\nBa Pengawa Bepilih Nengeri Ke-11 ti diatur ba bulan Mei 2016, Nicholas kala bediri ngarika PKR ba sitak DUN Balai Ringin.\\nNgenang kaul bukai, Anek mega madah bisi ninga berita Masir engka deka diganti enggau Doris Brodie ba parlimen Sri Aman ba PRU14 tu ila. #UtusanBorneo\\n#Berita #Bintulu #Kuching #Parti Bansa Dayak Sarawak Baru #Parti Keadilan Rakyat #Parti Rakyat Sarawak #PBDSB #PKR #politik #PRS #PRU #PRU14 #SADIA #Sri Aman","num_words":352,"character_repetition_ratio":0.064,"word_repetition_ratio":0.076,"special_characters_ratio":0.2,"stopwords_ratio":0.151,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Projek ngaga jalai tebing tasik dipelaba tembu ba taun 2023 - Berita Iban Online | Laman Web Berita Kitai\\nHome \/ Berita \/ Bintulu \/ Jalai Alun \/ Kabong \/ Kelaka \/ KKLW \/ Kuching \/ Meludam \/ Miri \/ Mukah \/ pasar Sematan \/ Projek \/ RMK11 \/ Sadong Jaya \/ Saratok \/ Sebuyau \/ Projek ngaga jalai tebing tasik dipelaba tembu ba taun 2023\\nProjek ngaga jalai tebing tasik dipelaba tembu ba taun 2023\\nStaf @beritaibanMY Saturday, November 11, 2017 0\\nDatuk Julaihi Narawi\\nKUCHING: Perambu projek jematan enggau projek jalai tebing tasik sereta bungkur jalai alun ke putus dipelaba ulih ditembuka dalam taun 2023.\\nMenteri Muda Jalai Tebing Tasik Datuk Julaihi Narawi madah, perintah bebendar beratika peminta guna rayat Sarawak ke diau ba tebing tasik nyengkaum pasar Sematan, Asajaya, Sadong Jaya, Sebuyau, Meludam, Kabong, Mukah, Bintulu nyentuk ke Miri.\\nPerintah nengeri ku iya, benung bebendar deka ngemujurka jalai tebing tasik dikena ngenyampatka pemansang ekonomi ba kandang nya senipak enggau juluk perintah deka ngemayuhka pemansang menua pesisir.\\n“Perambu perintah diatu ngaga sereta nembuka jematan ba jalai tebing lebih agi ke agi ngena servis feri sereta nembuka bungkur jalai alun ke putus.\\n“Perambu maya nembuka semua projek jematan di semanjai jalai tebing tasik nyengkaum bungkur jalai alun ke putus dipelaba ulih ditembuka lebuh manggai ba taun 2023 lalu ungkus belanja naka ke diatu RM4.27 bilion.\\n“Jematan Batang Paloh enggau Muara Lassa dipelaba berengkah digaga ba taun 2019. Anggar belanja iya nya RM520 juta ungkup jematan Batang Paloh lalu jematan Muara Lassa RM660 juta,” ku iya lebuh ke nyaut tanya ari Safiee Ahmad (BN-Daro).\\nJulaihi mansutka pekara nya maya sesi tanya saut Aum Kedua Penggal Kedua Aum Kunsil Nengeri (DUN) Sarawak Ke-18 ba Kompleks DUN ditu, kemari.\\nPerintah udah ngemendarka pengawa ngaga jematan baka jematan Batang Rambungan, Jematan Batang Lupar, Jematan Saribas, Jematan Sg Krian, Jematan Batang Rajang nyengkaum bungkur jalai alun ke putus, Jematan Batang paloh , Jematan Muara Lassa , Jematan Kemena enggau ke bukai, ku iya.\\nKelimpah ari nya perintah mega bisi perambu ngemanahka jalai ari Tanjung Kidurung ke Samalaju nyadi jalai empat lurung dua tunga, ke diatu majak sekut.\\n“Jematan ke udah tembu sereta benung digaga di semanjai jalai tebing tasik ku Julaihi baka Jematan Batang Sadong enggau Jematan Kuala Tatau udah tembu digaga. Jematan Batang Samarahan agi benung digaga, diatu 85 peratus tembu,” ku iya.\\nKelimpah ari nya lebuh ke nyaut tanya ari Datuk Abdul Wahab Aziz (BN-Kelaka), Julaihi madahka projek ngemanahka Jalai Bajau\/kampung Kupang enggau jematan meraka ari pasar Saratok ngagai Kampung Kupang dipelaba deka dipejalaika dalam empat pakej.\\nIya madahka projek nya udah dikemendarka nengah petengah penggal 2 RMK11, Opis Menteri Pemansang menua Pesisir enggau Kandang Menua.\\n“Dikena ngemanahka agi jalai di Kampung Kupang ke pasar Saratok iya nya ngena ungkus belanja urung RM32juta .\\n“Opis Kereja Raya nganti pemutus ari KKLW sekalika projek tu ulih dipejalaika dalam empat pakej tauka enda.\\n“Empat pakej tauka empat renggat skop pengawa ngemanahka projek nya keterubah, perambu ngemanahka agi jalai semanjai 9 kilometer ari Kampung Kupang ngagai pasar Saratok, kedua perambu ngaga jematan Sg Krian Saratok semanjai 300 meter sereta ngaga jalai baru nuju jematan semanjai 1.5 kilometer.\\n“Pakej ketiga, mungkur perambu ngemanahka Jalan Bajau ke simpang Kupang semanjai 11 kilometer enggau pakej keempat, perambu ngemanahka jalai pandak ari Kampung Kupang ngagai jalai Pusa ti semanjai 6 kilometer,” ku iya. #UtusanBorneo\\n#Berita #Bintulu #Jalai Alun #Kabong #Kelaka #KKLW #Kuching #Meludam #Miri #Mukah #pasar Sematan #Projek #RMK11 #Sadong Jaya #Saratok #Sebuyau","num_words":520,"character_repetition_ratio":0.085,"word_repetition_ratio":0.035,"special_characters_ratio":0.199,"stopwords_ratio":0.14,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Bemain\\nLemai kemari. Bemain ai enggau bemain gudi ba Luak Esplanade.\\nPagi tadi bemain ai ba kolam renang di Miri ditu. Aku nadai enggau orang tama ka ai, mina ngemata dudok baruh payung. Enggai ngelaban panas!\\nDikarang Puteri kena 8\/05\/2009 04:15:00 AM\\nLyana 9:52 PM\\napuuu nyamai endar sida berendam ba pool nya !!!! nuan enda gak nyepuh ke kaki dalam pool?? hehe\\nPuteri 8:14 AM\\nHehe, nyepuh kaki pen enda!","num_words":65,"character_repetition_ratio":0.013,"word_repetition_ratio":0.0,"special_characters_ratio":0.257,"stopwords_ratio":0.2,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 4 BK - Lalu ku Moses nyaut TUHAN, “Tang, kati - Bible Search\\nPemansut 3 Pemansut 5\\n1Lalu ku Moses nyaut TUHAN, “Tang, kati enti orang Israel enda arapka aku, lalu enggai mendingka utai ti disebut aku; nama utai ti tau dikereja aku, enti sida ngumbai Nuan nadai udah kala pegari di mua aku?”\\n2TUHAN lalu nanya Moses, “Nama utai ba jari nuan nya?”\\n“Tungkat,” ku Moses nyaut.\\n3Ku TUHAN bejaku, “Tikauka tungkat nya ke tanah.” Lebuh Moses nikauka tungkat nya ke tanah, tungkat nya lalu bebali nyadi ular. Iya lalu surut ari ular nya. 4Udah nya TUHAN lalu bejaku baru enggau Moses, “Jengkau lalu ambi ular nya ari iku.” Moses nyengkau lalu nangkap ular nya, lalu ular nya bebali nyadi tungkat baru. 5Ku TUHAN bejaku enggau iya, “Kereja nya kena nunjukka ngagai orang Israel TUHAN Allah Taala aki ini sida, Allah Taala ke disembah Abraham, Isak enggau Jakop, sigi amat udah pegari di mua nuan.”\\n6TUHAN lalu bejaku baru ngagai Moses, “Simpan jari nuan ke dalam baju panjai nuan.” Moses lalu ngereja nya. Lebuh iya narit jari iya pansut, jari iya bisi penyakit, bepetik burak, baka seleju. 7Udah nya TUHAN lalu bejaku, “Simpan jari nuan baru ke dalam baju panjai nuan.” Moses lalu ngereja nya. Lebuh iya narit jari iya pansut baru, jari iya udah pulai suman baru baka perengka tubuh iya ti bukai. 8Ku TUHAN bejaku, “Enti sida enggai arapka nuan, tauka enda arapka kereja ajih ti terubah, utai tu deka ngasuh sida arap. 9Enti sida enda arapka nuan lebuh sida meda kereja ajih dua bengkah tu, lalu enti sida enggai mendingka utai ti disebut nuan, ambi ai ari Sungai Nile, lalu bubuhka ai nya ngagai tanah. Ai nya deka bebali nyadi darah.”\\n10Tang ku Moses, “Enggai aku, TUHAN. Anang ngasuh aku. Aku enda lanchar bejaku, lalu aku apin nyadi orang ke lanchar bejaku sekumbang Nuan ti udah bejaku ngagai aku. Aku enda lanchar bejaku, lubah sereta kat-kat.”\\n11Ku TUHAN bejaku ngagai iya, “Sapa meri mensia mulut? Sapa ngasuh iya bengal tauka bisu? Sapa ngasuh iya ulih meda, tauka buta? Aku ti TUHAN. 12Nya alai, mupuk nuan! Aku deka nulung nuan bejaku, lalu Aku deka madahka utai ti patut disebut nuan.”\\n13Tang ku Moses nyaut, “Enggai aku, TUHAN. Asuh orang bukai.”\\n14TUHAN lalu ringat ngagai Moses. Ku Iya, “Kati ku baka menyadi nuan, Aron, ke ari peturun Lewi? Aku nemu iya lanchar bejaku. Iya diatu baru deka datai betemu enggau nuan, lalu iya deka gaga ati lebuh iya meda nuan. 15Nuan tau bejaku enggau iya, lalu madahka ngagai iya utai ti disebut Aku. Aku deka nyaup seduai bejaku, lalu Aku deka madahka utai ti patut dikereja seduai. 16Iya deka bejaku ngagai orang mayuh ngarika nuan. Nya baru nuan deka nyadi baka Allah Taala, madahka ngagai Aron utai ti patut disebut iya. 17Bai tungkat tu, laban nuan deka ngereja kereja ajih ngena tungkat tu.”\\n18Udah nya Moses pulai ngagai mentua iya ti lelaki, Jetro, lalu ku iya bejaku enggau Jetro, “Aku minta nuan ngawakka aku pulai ngagai kaban belayan aku di menua Ejip, deka nemu enti sida agi meruan.” Jetro besetuju lalu meri selamat tinggal ngagai iya.\\n19Lebuh Moses agi di Midian, TUHAN bejaku ngagai iya, “Alai nuan pulai baru ngagai menua Ejip, laban semua orang ke deka munuh nuan suba, udah mati magang.” 20Moses lalu mai bini iya, enggau sida anak lelaki iya, nepanka sida ba siku keledai, lalu mupuk sama enggau sida ngagai menua Ejip, mai tungkat ti udah diasuh Allah Taala bai iya.\\n21TUHAN lalu bejaku baru ngagai Moses, “Laban nuan diatu pulai baru ngagai menua Ejip, nuan enda tau enda ngereja di mua raja, semua kereja ajih ngena kuasa ti udah diberi Aku ngagai nuan. Tang Aku deka ngasuh ati raja kieh, ngambika iya enggai nyagi orang Israel angkat ari menua nya. 22Udah nya, nuan enda tau enda madahka ngagai iya, pasal Aku ti TUHAN, ti udah nyebut, ‘Israel nya anak lelaki Aku ti tuai. 23 Aku udah ngasuh nuan ngelepaska anak lelaki Aku, ngambika iya ulih nyembah Aku, tang nuan enggai. Diatu Aku deka munuh anak lelaki nuan ke tuai.’ ”\\n24Ba endur alai sida ke bemalam di rantau jalai ngagai menua Ejip, TUHAN betemu enggau Moses, deka munuh iya. 25-26Tang bini iya Sipora lalu ngambi siti batu ti tajam, netak kulit ujung butuh anak lelaki iya, lalu negu kaki Moses ngena batu nya. Laban pengawa nya pengawa betutus, nya alai iya nyebut ngagai Moses, “Ngena darah tu aku ngaku nuan nyadika laki aku.” Nya alai TUHAN enda nyadi munuh Moses.\\n27Lebuh maya nya mega, TUHAN bejaku ngagai Aron, “Alai nuan mansang ngagai menua puang lalu betemu enggau Moses.” Aron lalu mupuk deka betemu enggau Moses ba bukit ti kudus. Lebuh iya betemu enggau Moses, iya nyium Moses. 28Udah nya Moses lalu madahka ngagai Aron semua utai ti udah disebut TUHAN, lebuh TUHAN madahka ngagai iya pasal kereja ajih ti udah diasuh TUHAN kereja iya. 29Moses seduai Aron lalu bejalai ngagai menua Ejip, lalu ngelumuka semua tuai bansa orang Israel. 30Aron lalu madahka semua utai ti udah disebut TUHAN ngagai Moses. Udah nya Moses lalu ngereja semua kereja ajih di mua orang mayuh. 31Sida arap, lalu lebuh sida ninga TUHAN udah datai ngagai sida, lalu udah meda pemalat sida kena perinsa, sida meremi lalu nyembah Iya.","num_words":853,"character_repetition_ratio":0.068,"word_repetition_ratio":0.014,"special_characters_ratio":0.22,"stopwords_ratio":0.393,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Amos nya nabi ti keterubah nulis pesan ti chukup silik dalam Bup Kudus. Iya datai ari sebuah nengeri di menua Judah, tang iya mai pesan TUHAN ngagai orang ke diau di menua Israel di utara, kira ba tengah abad ti kelapan sebedau pengada Jesus. Lebuh maya nya menya, menua Israel kaya, lalu orang pen nangika Allah Taala, lalu menua nadai pengachau. Tang Amos meda sida semina kaya ba reta tengkira aja, lalu pengaya nya datai ari atur ti enda lurus, enggau ari pengawa ti nekanka pengidup orang ke seranta. Sida amat ngintu pengarap sida, tang ukai ari ati ti betul. Lalu sida semina ngaga diri baka ke diau dalam pemaik. Enggau ati ti keras sereta berani, Amos bejaku madahka Allah Taala deka ngukum bansa sida. Iya minta pengelurus “ti bepanchur baka ai sungai,” pansut ari sida lalu ku iya, “Nyangka ukur TUHAN deka kasihka orang ari bansa kitai ti agi idup” (5.15).\\nBansa ti ngelingi menua Israel diukum (1.1-2.5)\\nIsrael diukum (2.6-6.14)\\nLima bengkah genera (7.1-9.15)\\n1 Tu jaku Amos, siku pengibun bedus ari nengeri Tekoa. Dua taun sebedau tanah berenyang nyadi, lebuh Usiah nyadi raja menua Judah lalu Jeroboam anak Jehoas nyadi raja menua Israel, Allah Taala mandangka semua utai tu ngagai Amos pasal Israel.\\n2 Ku Amos bejaku, “TUHAN bejaku enggau nyawa ti inggar ari Bukit Sion. Nyawa Iya meletup ari Jerusalem. Padang rumput lalu rangkai, lalu rumput ba Bukit Karmel layu.”\\nAllah Taala Ngeletak Ukum Atas Bansa Ti Semak Menua Israel\\n3 Ku TUHAN bejaku, “Orang Damaskus enda ngetu-ngetu bedosa, lalu ketegal nya Aku tetap deka ngukum sida. Sida balat amat merinsaka orang Giliat.\\n4 Nya alai Aku deka ngirumka api ngagai istana ti udah digaga Raja Hasael, lalu Aku deka nunu semua kuta Raja Benhadat.\\n5 Aku deka mechahka pintu nengeri Damaskus, lalu muai orang ke diau ba Lebak Aben, enggau pemerintah ke di Beteden. Orang Siria deka ditabanka nyadi orang tangkap ngagai menua Kir.”\\n6 Ku TUHAN bejaku, “Orang Gasa enda ngetu-ngetu bedosa, lalu ketegal nya Aku tetap deka ngukum sida. Sida udah nabanka semua orang ari siti bansa, lalu nyual sida nyadi ulun ngagai orang Edom.\\n7 Nya alai Aku deka ngirumka api ngagai dinding nengeri Gasa, lalu nunu semua kuta nengeri nya.\\n8 Aku deka muai orang ke merintah di nengeri Asdot enggau Eskelon. Aku deka ngukum nengeri Ekron, lalu semua orang Pilistin ti agi idup deka mati magang.\\n9 Ku TUHAN bejaku, “Orang Tire enda ngetu-ngetu bedosa, lalu ketegal nya Aku tetap deka ngukum sida. Sida udah nabanka semua orang ari siti bansa ngagai menua Edom, lalu sida udah mungkir ari sempekat pemaik ti udah digaga sida.\\n10 Nya alai Aku deka ngirumka api ngagai dinding kuta nengeri Tire, lalu nunu semua kuta iya.”\\n11 Ku TUHAN bejaku, “Orang Edom enda ngetu-ngetu bedosa, lalu ketegal nya Aku tetap deka ngukum sida. Sida udah begagaika kaban belayan sida empu,\\_f a \\_fr 1.11 \\_ft kaban belayan sida empu; \\_fq Jakop nurunka orang Israel, lalu menyadi iya Esau nurunka orang Edom\\_f* iya nya orang Israel, lalu nadai nemu kasihka sida. Pengeringat sida nadai besekat, lalu sida enda nemu badu ringat.\\n12 Nya alai Aku deka ngirumka api ngagai nengeri Teman, lalu nunu semua kuta di Bosrah.”\\n13 Ku TUHAN bejaku, “Orang Amon enda ngetu-ngetu bedosa, lalu ketegal nya Aku tetap deka ngukum sida, laban sida udah meruti perut indu ke ngandung di Giliat, lebuh sida beperang kena sida nambahka pemesai rampa menua sida.\\n14 Nya alai Aku deka nyelup dinding kuta nengeri Rabah, lalu api nya deka makai kuta nengeri nya. Udah nya, orang deka manjung lebuh sida beperang, lalu bamuk baka kabut.\\n15 Raja sida enggau bala pemesai iya deka dibuai ngagai menua bukai.”\\n1 Ku TUHAN bejaku, “Orang Moap enda ngetu-ngetu bedosa, lalu ketegal nya Aku tetap deka ngukum sida. Sida enda bebasaka tulang raja menua Edom tang nunu tulang nya nyadi amau.\\n2 Aku deka ngirumka api ngagai menua Moap lalu nunu semua kuta di Keriot. Orang Moap deka mati ninga munyi orang ke beperang, lebuh bala soldadu manjung lalu terumpit disepu.\\n3 Aku deka munuh pemerintah ke di menua Moap enggau semua tuai menua nya.”\\n4 Ku TUHAN bejaku, “Orang Judah enda ngetu-ngetu bedosa, lalu ketegal nya Aku tetap deka ngukum sida. Sida udah mechat ajar Aku, lalu enda nitihka pesan Aku. Sida udah dibai tesat ulih petara ti pelesu ke dipetuaika bala aki ini sida.\\n5 Nya alai Aku deka ngirumka api ngagai menua Judah, lalu nunu kuta nengeri Jerusalem.”\\nAllah Taala Ngukum Israel\\n6 Ku TUHAN bejaku, “Orang Israel enda ngetu-ngetu bedosa, lalu ketegal nya Aku tetap deka ngukum sida, laban sida nyual orang ke lurus kena meli pirak, enggau nyual orang ke seranta kena meli sepasang selipar, nyadi ulun orang bukai.\\n7 Sida ngindik orang ke lemi, enggau orang ke nadai daya, lalu ngejuka orang ke seranta. Anak enggau apai sama beleman enggau siku indu ke ulun, lalu ngamahka nama Aku ti kudus.\\n8 Sida gali ngimbai alta belapikka kain ti nyadika gadai utang orang ke seranta, lalu dalam Rumah Sembiang Allah Taala sida ngirup wain ti udah dibeli ngena duit ukum orang ke berutang ba sida.\\n9 “Tang taja pia, kita ke nembiak Aku, ketegal kita meh Aku udah ngeluska orang Amor, ti tinggi baka kayu sidar, sereta kering baka kayu oak.\\n10 Aku udah mai kita pansut ari menua Ejip, nguluka kita nengah menua puang empat puluh taun, lalu meri kita menua orang Amor nyadika menua kita.\\n11 Aku udah milih sekeda anak kita nyadi nabi, lalu sekeda nembiak kita nyadi Nasir. Kati nya enda pia, orang Israel? Aku ti TUHAN udah bejaku.\\n12 Tang kita mejalka orang Nasir ngirup wain, lalu enda nyagi sida nabi madahka pesan Aku.\\n13 Diatu Aku deka ngenyakka kita ke tanah, lalu kita deka bedemuh munyi kerita tarit ti sarat laban gandum.\\n14 Indah orang ke laju belanda deh enda ulih ngerarika diri. Orang ke kering deka lembut tulang, lalu bala soldadu enda ulih ngidupka nyawa diri.\\n15 Orang ke landik ngena panah deh enda ulih nanka diri. Orang ke laju belanda, enda ulih rari, lalu orang ke nepan kuda enda ulih rari ngidupka nyawa diri.\\n16 Ba hari nya, indah soldadu ke pemadu berani deh deka ngelengkaka senyata sida, lalu rari.” TUHAN udah bejaku.\\n1 Orang Israel, pendingka pesan tu ti udah disebut TUHAN ngelaban kita, ngelaban semua orang Israel ti udah dibai Iya pansut ari menua Ejip.\\n2 “Ari semua bansa di dunya tu, semina kita aja ti udah dipilih Aku. Nya kebuah Aku deka ngukum kita ketegal semua penyai kita.”\\n3 Kati dua iku orang ulih begulai bejalai enti seduai iya enda besemaya dulu?\\n4 Kati singa negung sebedau iya bulih jelu?\\nKati anak singa merengung dalam lubang iya, enti iya apin nangkap utai?\\n5 Kati burung ulih disintak panjuk, enti panjuk nya apin ditan?\\nKati panjuk ulih ingkas ngapa, enti utai nadai ngingkaska iya?\\n6 Kati orang ke di nengeri enda takut lebuh terumpit begau disepu?\\nKati penusah ti besai ulih nyadi dalam nengeri, enti enda ari asuh TUHAN?\\n7 TUHAN ti Pemadu Tinggi nadai kala ngereja utai ngapa enti Iya empai mandangka resia Iya dulu ngagai bala nembiak Iya, iya nya sida nabi.\\n8 Lebuh singa negung, sapa enda takut?\\nLebuh TUHAN ti Pemadu Tinggi udah bejaku, sapa ulih nagang diri benabi?\\n9 Bejaku ngagai sida ke diau di istana menua Ejip enggau di Asdot: “Begempuru ba munggu ngelingi Samaria, lalu peda pemalat penyarut enggau penyalah ti dikereja orang dia.”\\n10 Ku TUHAN bejaku, “Orang tu ngisi rumah sida enggau utai ti dirampas enggau dirumpak sida. Sida enda nemu jalai idup enggau ati ti betul.\\n11 Nya alai munsuh deka ngelulung menua sida, ngerusak kuta sida, lalu ngerumpak utai ari rumah sida.”\\n12 Ku TUHAN bejaku, “Baka pengibun bedus ke semina ulih ngelepaska dua iti kaki, tauka siti pending bedus ari nyawa singa, baka nya meh gaya orang Israel, ke nyandih ba kerusi-panjai sida di Samaria, deka dilepaska.\\n13 Ku TUHAN ti Pemadu Bekuasa bejaku, “Pendingka diatu, lalu beri jaku tangkan ngagai bala peturun Jakop:\\n14 Lebuh Aku ngukum orang Israel ketegal dosa sida, Aku deka ngerusak semua alta di Betel. Sukut semua alta deka dipatahka, lalu labuh ke tanah.\\n15 Aku deka ngerusak rumah ti dikena orang lebuh musin chelap enggau lebuh musin panas. Rumah ti dilagu enggau gading, deka nyadi tembawai. Semua rumah ti besai, deka dirusak magang.”\\n1 Dingaka tu, kita indu Samaria ke baka sapi ti gemu di Basan, ke nekanka pengidup orang ke seranta, ke merinsaka orang ke suntuk, ke bejaku ngagai laki kita, ‘Bai utai irup kitu!’\\n2 Laban TUHAN ti Pemadu Tinggi endang kudus, nya alai Iya udah besemaya, “Maya deka datai alai sida deka ngirit kita ngena ginti. Genap iku kita deka nyadi baka ikan ti dikait ginti.\\n3 Kita deka diirit ngagai lubang ti ba dinding kuta lalu dibuai ari nya ngagai Harmon,” ku TUHAN bejaku.\\nIsrael Enggai Belajar\\n4 “Datai ngagai Betel, lalu bedosa dia, ngagai Gilgal lalu tambahka dosa kita dia. Bai piring kita tiap pagi, enggau pemeri sepuluh peratus kita genap tiga hari.\\n5 Beri piring terima kasih ari roti ti beragi, lalu padahka ngagai orang mayuh pasal diri ke ngenjuk piring ti diberi nitihka peneka ati diri, tuliska utai nya, laban nya utai ti dikerinduka kita orang Israel!”\\n6 “Aku udah ngasuh lapar pungkang nyadi ba semua nengeri kita, tang taja pia, kita mengkang enggai mulaika diri ngagai Aku.\\n7 Aku udah nagang hari ujan lebuh utai ti ditanam kita begunaka ai. Aku udah ngasuh hari ujan ba sebuah nengeri, tang nagang hari ujan ba nengeri ti bukai. Ujan labuh ba tanah umai sebelah, tang tanah umai ti bukai rangkai.\\n8 Orang dalam berapa buah nengeri nyau lembut tulang laban aus, nya alai sida mansang ngagai nengeri bukai, ngarapka diri ulih tetemuka ai, tang ai dia enda chukup. Tang taja pia, kita mengkang enggai mulaika diri ngagai Aku.\\n9 “Aku udah ngasuh ribut ti angat ngerangkaika utai ti ditanam kita. Buntak makai semua kebun enggau kebun anggur kita, kayu ara, enggau kayu kana kita. Tang taja pia, kita mengkang enggai mulaika diri ngagai Aku.\\n10 “Aku udah ngasuh penyakit ti udu berampit nyerang kita, baka ke diasuh Aku nyadi di menua Ejip. Aku udah munuh anak bujang kita lebuh maya perang, lalu nabanka kuda kita. Aku udah ngisi idung kita enggau bau bangkai orang ke udah mati dalam kem kita. Tang taja pia, kita mengkang enggai mulaika diri ngagai Aku.\\n11 “Aku udah ngerusak sekeda bala kita, baka Aku ti udah ngerusak Sodom enggau Gomorah. Kita ke mengkang idup nyau baka papung unggat ti ditarit ari api. Tang taja pia, kita mengkang enggai mulaika diri ngagai Aku,” ku TUHAN bejaku.\\n12 “Nya alai, orang Israel, Aku deka ngukum kita. Lalu laban Aku deka ngukum kita, kita enda tau enda besedia betunga mua enggau Allah Taala kita, O Israel!”\\n13 Allah Taala ngaga bukit lalu ngaga ribut. Iya ngasuh runding Iya ditemu mensia. Iya ngubah siang nyadi malam. Iya bejalai ba tuchung bukit di dunya tu. TUHAN Allah Taala ti Pemadu Bekuasa meh nama Iya!\\nDiasuh Nesal Ati\\n1 Orang Israel, pendingka leka sabak ti dikena aku ngenang pasal kita:\\n2 Israel ti dara bungas, udah rebah, lalu enda angkat agi! Iya ditinggalka garing-garing ba tanah, lalu nadai orang ngangkatka iya.\\n3 Laban ku TUHAN ti Pemadu Tinggi bejaku, “Sebuah nengeri di menua Israel ngirumka seribu iku soldadu, tang ka semina seratus iku aja ulih mulaika diri. Sebuah agi nengeri ngirumka seratus iku, tang ka semina sepuluh iku aja ulih mulaika diri.”\\n4 Laban ku TUHAN bejaku ngagai orang Israel, “Datai ngagai Aku, nya baru kita idup.\\n5 Anang besembah di Beer-seba. Anang nguji ngiga Aku di Betel, laban Betel deka lesap. Anang mansang ngagai Gilgal, laban orang ke diau dia deka diukum lalu dibuai ngagai menua bukai.”\\n6 Datai ngagai TUHAN, nya baru kita idup. Enti kita enda datai ngagai Iya, Iya deka nurun baka api ngagai orang Israel. Api nya deka nganguska orang di Betel, lalu nadai orang ulih madamka iya.\\n7 Tulah meh kita ke meri atur ti enda lurus, lalu enda begunaka pengelurus di dunya tu!\\n8 TUHAN udah ngaga bintang, Bintang Tujuh enggau Bintang Banyak. Iya ngubah pemetang nyadi penampak siang hari lalu siang hari nyadi malam. Iya ngangauka ai tasik lalu mubuhka ai nya ngagai dunya. Nama Iya TUHAN.\\n9 Iya ngerusak orang ke kering lalu ngerusak kuta sida.\\n10 Kita begedika orang ke mantah atur ti enda lurus, lalu madahka utai ti bendar dalam kot.\\n11 Kita udah nekanka pengidup orang ke seranta, lalu ngerumpak gandum ari sida. Nya alai kita enda ulih diau dalam rumah batu ti digaga kita, tauka ngirup wain ari kebun anggur ti ditanam kita.\\n12 Aku nemu penyai dosa kita, enggau pemayuh penyalah ti udah dikereja kita. Kita merinsaka orang ke manah, makai suap, lalu nagang orang ke seranta bulih atur ti lurus dalam kot.\\n13 Nya alai, orang ke pintar enda bemunyi lebuh maya ti baka nya!\\n14 Kita patut ngereja utai ti ngena, ukai ngereja penyai, ngambika kita ulih idup. Nya baru TUHAN Allah Taala ti Pemadu Bekuasa deka meruan enggau kita, munyi ti ku kita.\\n15 Begedika utai ti jai, rinduka utai ti ngena, lalu beri atur ti lurus dalam kot. Nyangka ukur TUHAN deka kasihka orang Israel ti agi idup.\\n16 Nya alai ku TUHAN ti Pemadu Bekuasa bejaku, “Orang deka beterauh nyabak tusah ati ba sebelah jalai raya di nengeri. Indah orang bumai deh deka dibai, sama enggau orang ke tukang sabak, ngulitka orang ke mati.\\n17 Orang deka beterauh nyabak ba semua kebun anggur. Semua utai tu deka nyadi, laban Aku deka datai ngukum kita.” TUHAN udah bejaku.\\n18 Tulah meh kita ke nganti Hari TUHAN! Nama guna hari nya ba kita? Ba kita, hari nya deka nyadi hari pemetang, ukai hari penampak.\\n19 Hari nya deka nyadi baka orang ke ngerarika diri ari singa, lalu besatup enggau beruang! Tauka, baka orang ke pulai ke rumah, bepegai ba dinding, lalu dipantuk ular!\\n20 Hari TUHAN deka mai pemetang, ukai mai penampak. Hari nya deka piam lalu nadai penampak.\\n21 Ku TUHAN bejaku, “Aku begedika gawai pengarap kita. Aku enggai meda utai nya!\\n22 Lebuh kita mai piring tunu, enggau piring tepung ngagai Aku, Aku enggai nerima utai nya. Aku enggai nerima jelu ti gemu ti dienjuk kita ngagai Aku nyadika piring kita.\\n23 Badu agi kita belagu. Aku enggai ninga musik belikan kita.\\n24 Tang awakka atur ti lurus rarat baka ai sungai, lalu awakka pengelurus baka sungai ti enda nemu langkang.\\n25 “Orang Israel, Aku nadai minta piring enggau pemeri dalam kandang empat puluh taun Aku ke nguluka kita nengah menua puang.\\n26 Tang diatu, laban kita udah nyembah engkeramba Sakut, ti dikumbai kita raja, enggau Kaiwan ti petara bintang kita, kita enda tau enda mai sida\\n27 lebuh Aku muai kita ngagai menua ti ngilah Damaskus,” ku TUHAN ke benama Allah Taala ti Pemadu Bekuasa bejaku.\\n1 Tulah meh kita ke udah ngelantangka diri diau di Sion, enggau kita ke ngasaika diri diau likun di Samaria, kita ke tuai bansa ti besai tu, kita ke digusung orang Israel lebuh sida minta saup!\\n2 Mupuk meh kita lalu peda nengeri Kalneh. Udah nya mupuk ngagai nengeri Hamat, lalu terus ngagai nengeri Gat di menua Pilistin. Kati semua nengeri nya manah agi ari menua Judah enggau menua Israel? Kati menua sida besai agi ari menua kita?\\n3 Kita enda arapka hari pengerusak deka datai, tang utai ti dikereja kita semina ngasuh hari nya datai semak agi.\\n4 Tulah kita, kita ke gali ngunjurka diri ba peninduk kita, bepakaika dagin rusa enggau dagin anak domba!\\n5 Kita rindu ngarang lagu, baka David, lalu nebah lagu nya ngena belikan.\\n6 Kita ngirup wain penuh mangkuk, lalu ngena minyak wangi ti pemadu manah bau, tang kita enda ngulitka menua Israel ti nyadi tembawai.\\n7 Nya alai kita deka nyadi orang ke terubah-rubah dibuai ngagai menua bukai. Gawai enggau pengerami makai besai kita deka padam.\\n8 TUHAN Allah Taala ti Pemadu Bekuasa udah meri jaku tangkan tu: “Aku begedika penyumbung orang Israel. Aku pedis ati ngagai rumah limas sida. Aku deka nyerahka indu nengeri sida, enggau semua utai dalam nengeri nya, ngagai bala munsuh.”\\n9 Enti sepuluh iku lelaki agi tinggal dalam siti ruang bilik, sida deka mati.\\n10 Kaban belayan orang ke mati nya, orang ke ngatur pengawa nyenggai iya, deka mai bangkai iya pansut ari rumah nya. Kaban belayan nya deka ngangauka orang ke agi idup dalam rumah nya, “Kati bisi orang enggau nuan dia?” Orang ke dalam rumah deka nyaut, “Nadai!” Udah nya kaban iya nya deka nyebut, “Anang ragak! Kitai enda tau enda bejimat. Nyebut nama TUHAN pen enda meh tau.”\\n11 Lebuh TUHAN bejaku meri atur, rumah ti besai enggau ti mit deka diredakka.\\n12 Kati kuda belanda ba atas batu? Kati orang kala ngeradu tasik ngena jelu sapi? Tang taja pia, kita udah nunsangka atur ti lurus lalu ngaga iya nyadi rachun, lalu utai ti ngena nyadi utai ti salah.\\n13 Kita temegah madahka diri udah ngalahka nengeri Lo-debar. Ku kita temegah bejaku, “Kitai chukup kering ngalahka Karnaim.”\\n14 Ku TUHAN Allah Taala ti Pemadu Bekuasa bejaku, “Kita orang Israel, Aku deka ngasuh bala soldadu ari menua bukai nguan menua kita. Sida deka nekanka pengidup kita kenyau ari Lebo-hamat di utara nyentuk ngagai Sungai Arabah di selatan.”\\nGenera Meda Bala Buntak\\n1 Aku bisi siti genera ari TUHAN ti Pemadu Tinggi. Dalam genera nya aku tepedaka TUHAN nempa bala buntak lebuh rumput ti diempu raja udah dikempat, lalu rumput nya belabuh nyumbuk baru.\\n2 Dalam genera nya aku tepedaka buntak makai semua utai ti tumbuh di menua nya, lalu ku aku bejaku, “TUHAN ti Pemadu Tinggi, ampun bala nembiak Nuan! Baka ni ku jalai sida ulih idup? Sida iya mit amat sereta lemi!”\\n3 TUHAN lalu ngubah runding Diri, lalu bejaku, “Utai ti dipeda nuan nya, enda nyadi.”\\nBegenera Meda Api\\n4 Aku lalu bisi siti agi genera ari TUHAN ti Pemadu Tinggi. Dalam genera nya aku tepedaka TUHAN nyendiaka Diri ngukum bala nembiak Iya ngena api. Api nya nganguska tasik ti besai di baruh dunya, lalu belabuh nganguska tanah.\\n5 Udah nya aku lalu bejaku, “Badu agi, O TUHAN ti Pemadu Tinggi! Baka ni ku bala Nuan ulih idup? Sida iya mit amat sereta lemi!”\\n6 TUHAN lalu ngubah runding Diri baru, lalu bejaku, “Utai tu pen enda mega nyadi.”\\n7 Aku bisi siti agi genera ari TUHAN. Dalam genera nya aku tepedaka TUHAN bediri ngimbai siti dinding ti udah digaga belalauka tali penyukat, lalu ba jari Iya bisi siti tali penyukat.\\n8 Ku Iya nanya aku, “Amos, nama utai ti dipeda nuan?” “Tali penyukat,” ku aku nyaut. Udah nya Iya lalu bejaku, “Enggau tali tu Aku nunjukka nembiak Aku bingkuk baka dinding. Aku enggai agi ngubah runding Diri ti deka ngukum sida.\\n9 Endur alai peturun Isak besembah, deka dirusak. Endur ti kuduska orang Israel, deka nyadi tembawai. Aku deka madamka peturun Raja Jeroboam.\\nAmos Enggau Amasiah\\n10 Udah nya Amasiah, ti nyadi imam di Betel, lalu madahka ngagai Jeroboam, raja menua Israel: “Amos benung bepekat enggau orang mayuh deka angkat ngelaban nuan. Utai ti disebut iya deka ngerusak menua tu.\\n11 Tu utai ti disebut iya: ‘Jeroboam deka mati beperang, lalu orang Israel deka dibuai ari menua sida ngagai menua bukai.’ “\\n12 Udah nya Amasiah lalu bejaku enggau Amos, “Badu agi nuan benabi ditu! Pulai nuan ngagai menua Judah, lalu bantaika jaku ajar nuan din. Awakka sida ngupah nuan nyadi nabi.\\n13 Anang agi benabi di Betel ditu. Tu palan alai raja besembah, rumah sembiang bansa.”\\n14 Disaut Amos, “Aku ukai benabi ngiga upah. Aku tu pengibun bedus, lalu aku ngintu kayu ara.\\n15 Tang TUHAN udah ngambi aku ari pengawa aku ke ngibun bedus, lalu ngasuh aku datai lalu benabi ngagai nembiak Iya Israel.\\n16 Nya alai, diatu pendingka utai ti disebut TUHAN. Nuan ngasuh aku badu agi benabi, ngasuh aku ngetu bejaku ngelaban orang Israel.\\n17 Nya alai, Amasiah, tu utai ti disebut TUHAN ngagai nuan, ‘Bini nuan deka nyadi indu sundal di nengeri tu, lalu bala anak nuan deka mati beperang. Menua nuan deka dibagi lalu diberi ngagai orang kapir, lalu nuan empu deka mati di menua orang kapir. Lalu orang Israel tetap deka dibuai ngagai menua bukai.’ “\\nGenera Meda Bakul Buah\\n1 Aku bisi siti agi genera ari TUHAN ti Pemadu Tinggi. Dalam genera nya aku tepedaka sebakul buah.\\n2 Ku TUHAN nanya, “Amos, nama utai ti dipeda nuan?” “Sebakul buah,” ku aku nyaut. Ku TUHAN bejaku ngagai aku, “Pengujung udah datai ba bala nembiak Aku Israel. Aku enggai agi ngubah runding Diri ti deka ngukum sida.\\n3 Ba hari nya lagu dalam istana deka bebali nyadi sabak orang ke ngulit. Bangkai mensia deka ngachir di semua endur, lalu orang enda bemunyi muai bangkai nya.”\\nIsrael Deka Diukum\\n4 Pendingka tu, kita ke ngindik orang ke suntuk, lalu nguji ngerusak orang ke seranta di menua tu.\\n5 Ku kita bejaku dalam ati diri, “Lama amat ga kitai nganti hari ti kudus tu abis, ngambika kitai ulih nyual gandum. Kemaya Hari Sabat deka abis, ngambika kitai ulih belabuh bejual baru? Nya baru kitai nyual gandum kitai ngena rega ti tinggi, ngena takar ti enda betul, lalu nginsur dachin kena ngakal orang ke meli utai.\\n6 Kitai tau nyual gandum ti jai, ngena rega ti tinggi. Kitai deka ngiga orang ke seranta, ti enda ulih mayar utang diri, ti enda ulih mayar rega sepasang selipar. Udah nya kitai deka meli iya nyadika ulun kita.”\\n7 TUHAN Allah Taala ke disembah orang Israel udah besumpah, “Aku deka seruran ingatka kereja sida ti jai.\\n8 Nya alai tanah deka berenyang, lalu semua orang di menua tu deka tusah. Semua menua tu deka berenyang. Menua tu deka begelumbang baka Sungai Nile\\n9 Maya deka datai alai Aku deka ngasuh mata hari padam lebuh tengah hari, lalu dunya petang lebuh siang hari. Aku TUHAN ti Pemadu Tinggi, udah bejaku.\\n10 Aku deka ngubah gawai kita nyadi ulit, lalu ngubah lagu kita nyadi sabak tusah ati. Aku deka ngasuh kita ngukur pala diri, lalu ngasuh kita begari ngena kain guni, lalu kita deka nyadi baka apai indai ke ngulitka anak tunggal sida. Hari nya deka penuh laban penusah datai ke ujung.\\n11 “Maya deka datai alai Aku deka ngasuh lapar pungkang nyadi di menua tu. Mensia deka lapar, tang ukai lapar ke pemakai. Sida deka aus, tang ukai aus ke ai. Sida deka lapar enggau aus ke pesan TUHAN. Aku TUHAN ti Pemadu Tinggi, udah bejaku.\\n12 Mensia deka bejalai segau-segau ari Tasik Mati ngagai Tasik Tengah, lalu udah nya mutar ari utara ngagai timur. Sida deka ngiga pesan TUHAN di semua endur, tang sida enda tetemuka pesan nya.\\n13 Lebuh hari nya, indah orang ke bujang enggau sida indu ke agi biak sereta bepengerai, deh deka luput laban aus.\\n14 Sida ke besumpah atas nama engkeramba menua Samaria, lalu nyebut, ‘Dalam nama petara Dan’ tauka ‘Dalam nama petara Beer-seba’ - sida nya deka rebah lalu enda angkat agi.”\\nTUHAN Ngeletak Ukum\\n1 Aku meda TUHAN bediri ngimbai alta. Iya meri atur tu: “Palu semua puchuk tiang Rumah Sembiang enggau naka pemalat ngambika pugu tiang berenyang. Patahka tiang nya, lalu awakka sida rebah ninggang pala mensia. Aku deka munuh sida ti bukai lebuh maya perang. Nadai siku sida ulih ngerarika diri. Nadai siku sida ulih ngidupka nyawa diri.\\n2 Enti sida numbak lubang ngagai dunya pemati, Aku deka nangkap sida. Enti sida niki ke langit, Aku deka nurunka sida ari nya.\\n3 Enti sida belalai ba tuchung Bukit Karmel, Aku deka ngiga sida, lalu nangkap sida. Enti sida belalai ari Aku ba buntut tasik, Aku deka ngasuh naga tasik ngigit sida.\\n4 Enti sida ditangkap lalu ditabanka munsuh, Aku deka ngeletak sida dibunuh. Aku udah mutuska runding deka ngerusak sida, ukai deka nulung sida.”\\n5 TUHAN ti Pemadu Bekuasa negu tanah, lalu tanah berenyang. Semua orang ke diau dia ngulit magang. Semua dunya deka begelumbang baka Sungai Nile.\\n6 TUHAN ngaga rumah Iya di langit, lalu ari atas dunya Iya ngengkahka kebung langit. Iya ngangauka ai tasik lalu mubuhka sida ngagai dunya. Nama Iya TUHAN!\\n7 Ku TUHAN bejaku, “Orang Israel, Aku berundingka kita baka Aku ke berundingka orang Etiopia Aku udah mai orang Pilistin ari Krit, enggau orang Siria ari Kir, baka Aku ti udah mai kita ari menua Ejip.\\n8 Aku TUHAN ti Pemadu Tinggi, benung ngemataka perintah Israel ti bedosa tu, lalu Aku deka muai iya ari dunya tu. Tang Aku enda ngerusak semua peturun Jakop.\\n9 “Aku deka meri atur, lalu ngusak orang Israel baka ke ngusak gandum dalam pengayak. Aku deka ngusak sida di semua bansa kena muai semua sida ke nadai guna.\\n10 Bala nembiak Aku ke bedosa deka dibunuh lebuh beperang, iya nya semua sida ke nyebut, ‘Allah Taala enggai nejuka kitai bebadi.’ “\\nIsrael Deka Didirika Baru\\n11 Ku TUHAN bejaku, “Hari deka datai alai Aku deka nirika perintah David baru, ti baka rumah ti udah tembawai. Aku deka ngaduka dinding iya, lalu ngaga iya baru. Aku deka ngaga iya baru baka gaya iya ti dulu kelia.\\n12 Udah nya orang Israel deka ngambi teda menua Edom, enggau semua menua ti endang enggi Aku dulu menya,” ku TUHAN ti deka ngasuh utai tu nyadi bejaku.\\n13 “Hari deka datai,” ku TUHAN bejaku, “alai gandum deka tumbuh jampat agi ari iya sempat diketau, lalu buah anggur deka jampat agi mansang ari iya sempat digaga nyadi wain. Wain ti manis deka beteritik ari bukit, lalu rarat ba sebelah munggu.\\n14 Aku deka mai bala nembiak Aku pulai baru ngagai menua sida empu. Sida deka nirika baru nengeri sida ke udah nyadi tembawai, lalu diau dia. Sida deka nanam kebun anggur, lalu ngirup wain. Sida deka bekebun, lalu makai utai ti ditanam sida empu.\\n15 Aku deka nanam bala nembiak Aku ba menua ti udah diberi Aku ngagai sida, lalu sida enda dichabut agi.” TUHAN Allah Taala kita udah bejaku.","num_words":4138,"character_repetition_ratio":0.065,"word_repetition_ratio":0.02,"special_characters_ratio":0.213,"stopwords_ratio":0.337,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 37 BK - Besalel ngaga Peti Lampang Batu Adat - Bible Search\\nPemansut 36 Pemansut 38\\nNgaga Peti Lampang Batu Adat\\n1Besalel ngaga Peti Lampang Batu Adat nya ari kayu akasia. Pemanjai iya 110 sentimeter; buka iya 66 sentimeter, lalu peninggi iya 66 sentimeter. 2Besalel nyampak Peti Lampang Batu Adat nya enggau emas ti tulin, ari luar enggau ari dalam, lalu ngelekatka lilit emas ngelingi Peti nya. 3Iya ngaga empat iti chengkerung emas kena ngesan Peti nya, lalu ngelekatka chengkerung nya ngagai empat iti kaki ke Peti nya, dua iti chengkerung ba tisi siti-siti. 4Iya ngaga kayu kena ngesan Peti nya ari kayu akasia, ti disampak iya enggau emas, 5lalu dirasukka iya ngagai chengkerung ti ba siti-siti tisi Peti nya. 6Iya ngaga tudung ke Peti nya ari emas ti tulin. Pemanjai tudung nya 110 sentimeter, lalu buka iya 66 sentimeter. 7Besalel nempa dua iku melikat cherub ti besayap, ari emas, 8siku ke tiap iti puting tudung nya. Iya ngaga melikat dua iku nya selajur enggau emas ti dikena ngaga tudung nya empu. 9Melikat cherub ti besayap nya betunga mua enggau pangan diri ba atas tudung nya, lalu sayap seduai iya ngerembai mungkur tudung nya.\\nNgaga Mija Alai Engkah Roti Ti Diberi Ngagai Allah Taala\\n10Besalel ngaga mija nya ari kayu akasia. Pemanjai mija nya 88 sentimeter. Buka iya 44 sentimeter, lalu peninggi iya 66 sentimeter. 11Besalel nyampak mija nya enggau emas ti tulin, lalu ngaga lilit emas ngelingi mija nya. 12Iya ngaga bingkai, buka 7.5 sentimeter, ngelingi mija nya, lalu ngaga lilit ba semua tisi bingkai nya. 13Iya ngaga empat iti chengkerung emas kena ngaling mija nya, lalu ngelekatka chengkerung nya ba empat iti kaki ti ba sukut mija nya. 14Chengkerung emas ti dikena ngaling mija nya diengkah semak bingkai mija nya. 15Iya ngaga kayu pengaling ke mija nya ari kayu akasia, ti disampak iya enggau emas. 16Iya ngaga semua chapak ke mija nya ari emas ti tulin: nyengkaum pinggai, mangkuk, tepayan, enggau mangkuk ti dikena ngenjuk piring wain.\\nNgaga Tiang Lampu\\n17Besalel ngaga penuduk lampu ari emas ti tulin, lalu ngaga penuduk enggau batang penuduk lampu nya ari emas ti ditempa. Bungai ti dikena ngias penuduk lampu nya, nyengkaum kuntum enggau serindak bungai, ditempa selajur ari emas ti dikena ngaga penuduk lampu nya empu. 18Enam iti dan pansut ari tisi penuduk lampu nya, tiga iti ari sepiak-sepiak. 19Genap iti dan nya bisi tiga iti bungai kena ngias iya, digaga baka gamal bungai almon, ti bisi kuntum enggau serindak. 20Batang penuduk lampu nya bisi empat iti bungai kena ngias iya. Bungai nya baka gamal bungai almon, lalu bisi kuntum enggau serindak. 21Siti kuntum digaga ari baruh siti gerempung dan. 22Kuntum bungai nya, dan iya, enggau penuduk lampu nya ditempa selajur ari siti lumpung emas. 23Iya ngaga tujuh iti lampu ke penuduk lampu nya, lalu iya ngaga sepit enggau talam ari emas ti tulin. 24Iya ngena 34 kilogram emas ti tulin begagaka penuduk lampu, enggau semua pekekas ke penuduk lampu nya.\\nNgaga Alta Alai Nunu Menyan\\n25Besalel ngaga siti alta ari kayu akasia, alai nunu menyan. Mija nya besegi empat. Pemanjai iya 45 sentimeter; buka iya 45 sentimeter, lalu peninggi iya 90 sentimeter. Tanduk mija nya, ti ba empat iti sukut mija nya, digaga selajur enggau isi mija nya empu. 26Iya nyampak puchuk, semua empat iti tisi, enggau tanduk mija nya enggau emas ti tulin, lalu ngelekatka lilit emas ngelingi mija nya. 27Iya ngaga dua iti chengkerung emas kena ngaling mija nya, lalu ngelekatka chengkerung nya ari baruh lilit ti ba tisi dua iti, alai ngerasukka kayu ti dikena ngaling mija nya. 28Iya ngaga kayu pengaling ke mija nya ari kayu akasia, ti disampak iya enggau emas.\\nNgaga Minyak Tata Enggau Ngaga Menyan\\n29 Iya mega ngaga minyak tata ti kudus, enggau menyan ti bebau rengut, dichampur enggau minyak wangi.","num_words":602,"character_repetition_ratio":0.099,"word_repetition_ratio":0.037,"special_characters_ratio":0.212,"stopwords_ratio":0.307,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ensera Jubang | Iban Cultural Heritage\\nDitulis Niang Lionel Frederick Mawar\\nNYADI PUN jerita tu bedudok ari Keling ke sakit laban iya merampau deka betemu enggau Satik kelandik bala nyerang, Sudan kelindan lambar benang; bunsu Jubang Betengelang Bulu Burong, Jali datai ari kaki ujan ngerunong.\\nUdah nya sakit meh Keling kenu, nadai utai ngemalat nya. Deka diberi sida Endu Rikok Papan Pelangka makai, enggai ga iya makai. Tak ngenying enggai meda asi enggau lank. Deka dibai sida Simpurai bengkerebap pan enggai ga iya. Udah nya deka dibai sida Laja bekesuling enggai ga iya. Dibai sida Pungga beruding pan enggai ga iya; tak dikenggai ka iya magang samoa main enggau pengawa sida ke sama berambau angkat bujang.\\nNyadi iya semina tak seruran gali lading-lading baka tinting maring muang, seruran tak gali lengau-lengau baka pintu kamarau langkang. Seruran tak gali betunjur apus baka batang mulong lamus udah dibunang. Nyadi gamal iya nyau kurus sakurus laban ke lama udah enda makai; semina tinggal kulit ngelamun tulang agi dipeda. Ditanya ka orang pemedis nadai ga pemedis ko iya.\\nMeda iya bakanya, dia deh Buat Simpurai Muntigerai lancham disimbang, Patu Buloh Antu lanting tekejang, Bunga Nuing manok Biring ke disabong mali lenyang mai samoa sida sarumah ngaga tuak sarumbang sapintu. Udah mansau kenu tuak sida tadi, dia kenu Simpurai lalu ngasoh orang ngambi ngabang, ngambi samoa sida ke sama samakai gawai.\\nNgambi Orang Gelong Batu Nakong Nyingit Nyengong Ngelentik Punggang; lalu ka Merau Nyagu nyabong ka ulu Sikop Bengkang; lalu ka Lempa Merawa Lama munyi ke berimba buong nebang, lalu ngambi sida Engkeranji Padi Richah rami munyi nengeri maioh orang. Ngambi sida di Jeludong Kandis baka dara lis bentemu lalang, lalu ngambi sida di Selaku Tinggi ka gelong bingkai tibang. Udah nya baru ngambi sida Sanggol Labong di tuchong Biru Nakong taja demuong munyi tempukong sarang gamang; lalu ngambi sida Unggal Renggan ka Melaban Mipau Umbang. Udah nya lalu ngambi sida Balu Gawa di keresik Ngua lantar sinia ular kendawang; lalu ngambi Balu Mudoh ka menoa sida di Buloh bauh Rejang Belambang, lalu ngambi sida Balu Juntan ka menoa sida di munggu madang Ruan Puntang Kenyalang. Udah nya lalu ngambi sida Sampang Gading di menoa sida di tinting madang Manding ke beduri juring nancham ka batang, lalu ngambi sida Balu Juntik di Batu Ngelentik Merabong Kajang.\\nNyadi Simpurai ngajar samoa sida ke ngambi ngabang. “Kita ke diasoh ngambi ngabang, samoa indu dara kitai ke samakai gawai tu enda tau enda enggau ngabang magang.”\\nUdah nya nyau datai ba timpoh ke ngabang, lalu ngabang meh samoa orang, lalu samoa sida ke dara pan sama ngabang abis, sama ngabang lengis nitih ka jako orang ke ngambi ngabang, ngagai sida Simpurai di Panggau Libau menoa ke sigi luchak lunyau kena biau jila isang. Udah samoa bala pengabang datai magang di Panggau Libau, nya baru Buat Simpurai lalu bejako ngasoh samoa indu dara pansut ka ruai ka magang samoa ke datai ngabang. Udah nya lalu pansut kenu samoa indu dara ka ruai ka magang nitih ka jako Simpurai; sereta lalu dudok bedijir baka tingkil maram samadang, bulih tiga belah ruai rintai indu dara tu tadi.\\nSereta udah tembu sida ke ngadu ka penudok sida ke dara tu tadi, lalu malik kenu Duat Bulan Menyimbang, sereta lalu meda adi Simpurai tak nadai enggau orang dudok dia.\\n“Bah ni adi nuan deh Buat Simpurai? Adi kami udah dudok ditu magang,” ko iya.\\n“Eh! Enda iboh pansut pan Endu, ukai iya baka ke bisi pengawa dikereja enggau orang, deh iya,” ko Simpurai.\\n“Adi kami pan nadai meh pengawa enggau orang,” ko Bulan Menyimbang.\\n“Hah deh! Lagi aku ngambi adi Buat ka bilik,” ko Bulan Menyimbang.\\n“Eh! Enda iboh nuan ngambi iya Buat, lak ka aku ngambi iya ka bilik. Nuan dini nya nemu ngambi iya,” ko Simpurai.\\nUdah nya lalu nyau kenu Simpurai mansang ngambi adi iya ka bilik. Datai iya di bilik, dia iya lalu bejako enggau adi iya Endu Perepau Patu Umat, Endu Perunu Tating Sirat, Endu Menyeti long sarat, Dayang Ketupang Bungai Lensat.\\n“Nyadi aku tu diasoh orang ngambi nuan pansut ka ruai ka Endu,” ko Simpurai bejako enggau adi iya, “laban enda tau enda ga ko orang,” ko iya.\\n“Ti iya enda tau enda ko jako kita, nya pansut ga meh aku,” ko saut adi iya.\\nUdah nya Adi Simpurai lalu beradu mansang deka pansut ka ruai, lalu dipasok ka iya kain anyam bepakan ka jadam mau gempanang, dipasok ka kain kebaraya ke bebunga jera mansau benyang. Udah nya baru iya ngadu ka rawai mua pemanah nya utai nyimpai di kerigai rusok marang, lalu ngadu ka tumpa mau ke taja liau-liau baka rerai nibong bemayang. Udah nya iya lalu ngadu ka antin ke bemain dua betentang, ngadu ka tensang pending baka kaling ngambi perenching matahari bekalih tumbang. Di-tanggam iya enggau peit sabit lampit baka ke dirarit tukang dagang. Lalu ngadu ka rupoh sabit piuh gaga Memaloh Langgai Tawang. Udah nya lalu diserak iya enggau tampang pirak ke beberak tampak bebendang. Udah nya baru iya ngadu ka tali una delapan belas kali bekumbang, sereta lalu dikaki iya enggau sabit runti baka kaki rajang nunggang. Udah nya Ialu dilepi ka iya sakali sanggol gantung ke begamal renjong-renjong baka tangkong burong kenyalang. Lalu dilepi ka iya sakali sanggol silai baka penerebai burong rindang, Ialu dilepi ka iya sakali sanggol simpan tak begamal melan-melan beburai ka jadam mau gempanang. Udah nya baru iya ngadu ka sanggol sadak endor iya ngujak ka tisir pirak ke begamal berak-berak baka ke baru ulih ngupak ari serak batu arang, sereta lalu ngadu ka selampai palang panggai limar besebang.\\nUdah iya ke tembu ngadu ka samoa ngepan iya nya tadi, dia iya lalu ngunsut ka samoa chendawan macham pemandang. Berunsut enggau pemandang batu gula ulih sida mengua karong berada nemu di pugu apong jemilang, berunsut enggau pemandang ai mata duyong enggau ai rajah kasih sakampong ke bensumbar bujang lempong mensul patong runggut jejabong bulu kuda. Udah nya lalu berunsut enggau pemandang ai pugai ke digelar sida melanyi bujang besai begiling tikai buai ka lubang. Udah nya lalu berunsut enggau pemandang batu lemak ulih ngupak ari serak nyiur undang.\\nNyadi udah badu Adi Simpurai ke beradu, dia iya lalu pansut ka ruai. Lalu negu pintu kayu tak begugu munyi deru guntur betinggang, lalu tekebak kenu pintu tasak ke bemunyi kiak-kiak munyi sabak anak munsang di rajang, lalu temekong gong baroh lawang, lalu rerengai bebendai baroh lubang, sereta lalu gemerit sabit genggam meranggang, lalu tekesai pintu bedaru bandir mikai belambai ka gansai gembar generang. Udah nya Adi Simpurai pan lalu pansut ka ruai. Datai iya di ruai lalu diasoh Simpurai dudok ba tempuan.\\n“Eh! Dia pan nuan dudok Endu, ba lesong, enda iboh enggau orang dudok di tengah din, ukai nuan baka ke bisi kereja enggau orang,” ko Simpurai.\\n“Dini nya bakanya Buat, adi kami pan nadai meh pengawa, tang awak ka sama dudok di tengah” ko Bulan Menyimbang. Udah nya lalu deka angkat Buat Bulan Menyimbang deka ngambi Adi Simpurai dudok ka tengah.\\n“Eh! Enda iboh nuan Buat. Lak ka aku mai iya ka tengah” ko Simpurai.\\nUdah nya lalu angkat Simpurai mansang mai adi iya dudok ka tengah sama enggau indu dara bukai. Udah nya baru Simpurai lalu bejako ngagai orang maioh ke datai ngabang.\\n“Aku tu bakanya ga bejako, tak sangkal, tak sabal meh aku tu ke bejako ngagai kita maioh tu. Tang ti jako aku kelalu pandak lagi aku ngasoh kita matak ngambi ka iya panjai, ti jako aku mit lagi aku ngasoh kita narit ngambi ka iya besai, lalu ti jako aku rapas lagi aku ngasoh kita ngupas ngambi ka iya datai. Bakanya meh tu, alai kami sabuat ke ngempuru ka kita maioh lebih agi baka kita ke dara, laban aku meda Buat Keling tu sakit, lalu penyakit iya dipeda raya bendar. Deka diberi sida Endu makai, enggai ga iya makai. Anang ka iya deka makai, meda asi enggau lauk pan enggai meh iya. Tak sabulan nandan di langit, tak sataun nampun di bukit tu iya udah sakit. Dibai kami bekesuling, dibai kami bengkerebap enggau dibai kami beruding pan enggai ga iya; anang ka iya bisi ati deka, nyaut pan enggai meh iya ti leboh kami ke mai,” ko Simpurai.\\n“Ditanya ka pemedis, nadai ga pemedis,” ko iya, “tang tak seruran gali lengau-lengau baka pintu kamarau langkang, tak seruran gali lading-lading baka tinting maring muang, seruran gali betunjur apus baka batang mulong lamus udah dibunang. Nya alai meda diri ke nyau nadai agi nemu chara bukai, dia aku lalu berunding ngempuru ka samoa indu dara ke sama samakai gawai tu datai ditu saharitu, nyangka Buat Keling tu bisi ati deka bebini,” ko Simpurai.\\nSamoa bala pengabang ngenying nadai bemunyi sereta nadai bisi engkeretik siko ninga ka jako Simpurai. Udah nya baru Buat Keling empu bejako ari iya ke gali lading-lading baka tinting maring muang, ari iya ke gali lengau-lengau baka pintu kamarau langkang, ari iya ke betunjur apus baka batang mulong lamus udah dibunang.\\n“Ti iya munyi ko nuan nya Buat, ukai nya kabuah aku ke sakit; tang laban aku deka nemuai ka langit, deka nemuai ngagai sida Jubang ke Betangelang bulu burong, deka nemuai ngagai sida Jali ke di kaki ujan ngerunong,” ko Buat Keling. “Lalu kita enda tau enggau aku kin,” ko iya ga.\\n“Oh pia Buat,” ko Simpurai, “ti nuan deka nemuai ngagai sida Jubang, aku pan enggau nuan meh, dini aku deka neju ka nuan siko nemuai ngagai menoa munsoh,” ko Simpurai.\\n“Enda nuan tau enggau aku Buat, aku ukai baka ke ngayau deh. Nya alai nadai ga kabuah mai bala maioh,” ko iya.\\n“Ni tau enda enggau Buat, ti nuan mantap din ila aku pan mantap, kitai ga sama ngering nya, tambah agi ukai nya baka ke di-iring, kitai ga sama bejalai kadiri” ko Simpurai.\\n“Enda nuan tau enggau aku Buat. Aku ukai ngayau, nya alai nadai bepantap,” ko Keling.\\nUdah nya Keling lalu angkat ari iya ke gali lalu deka beradu masok ka ngepan iya. Udah nya lalu diadu ka iya engkerimok tusok kantuk demam pengerang, lalu ditempala iya enggau unus lebus baka Bukitan tapus pulai belelang. Udah nya lalu dipasok ka iya simpai rangki sapiak siti, sapiak siti ke nyelai landai penyulang. Udah nya lalu dipasok ka iya ga tumpa bala, sapiak lima sapiak lima, nanggam tapa lengan ngengkang. Udah nya baru Keling lalu melit ka sirat mengkari sungkit ke beringgit nabong mayang, lalu melit ka sirat sigai melempai di kerigai rusok marang.\\n“Naka meh pemanah punggong nyadong nuan deh Buat kena bandong lumpong kanggan saluntang,” ko sida.\\nUdah nya iya lalu nyuli ka labong pakau ke taja baka liau ngambi likau nabau sawa samenang, lalu disuli ka iya ga labong lalong baka sengkilong tedong jalih kendawang, labong pantak kechendai mua pemanah utai betabor ka urai mau gempanang.\\n“Nadai utai ngemanah nya gamal nuan Buat kena umba labong bekulat ke beperenching baka kijap neladan sempepat ke inggap di putat pedada nunggang,” ko sida bejako ngila ka iya ti beradu.\\nUdah tembu iya ke beradu, dia iya lalu nangkin sanga nyabur chudor ke taja nyembor ka juor darah lang, lalu ditangkin iya sanga nyabur lama enda kala besia makai tulang, lalu ditangkin iya nyabur panjai ke bagas kena iya bemain kelakendai di bangkai laya midang. Udah nya baru iya nangkin dajap tajam ke delapan belas rambang. Peda tak begupong buok galong bauh ngelagetang, peda tak jam-jam bejabong ka buok uban magang. Udah nya lalu disan iya sumpit tapang betengelang mas ke diberi bunsu mayas berua di raras kubal arang. Udah nya baru iya nyan sumpit tapang betengelang mau, iya ke diberi Bunsu Buau, orang ke mandi di rantau sintak pedang; lalu nyan sumpitan sumpit tapang ke begamal ligong-ligong betibong ka jadong mau gempanang.\\nUdah nya iya lalu pansut ka tanju baka ke deka ngalu Jugu Aki Lang. Datai iya di tanju landong teleba endor orang nembong ka durong kampong sabang. Dinga tak lalu besengki guntor sigi inggar betinggang, peda kilat jampat ngelambai petang, sereta ujan lalu nelian laboh jarang. Ari nya deh Keling lalu nyidi lubang ai ke perabeni deras mansang, ari nya iya negi matahari baka bunga besi redak ditenchang, ari nya iya lalu menselit pintu langit baka tambit peti belulang, ari nya iya lalu nyelapat lubang kilat baka kempat kanggan dagang. Angkat deh Simpurai, laban iya ke bangat keras deka enggau, lalu beguai-guai begari lalu belanda ka tanju lalu empakap ba punggong Keling enggai ka tinggal iya; tang laban Keling ke endang enggai mai iya, dia iya lalu merubus baru sereta lalu laboh ka baroh leboh seduai apin bangat tinggi. Udah nya Keling tu tadi lalu betangga ka ujan nyala nata laboh jarang. Lama agi tinggi agi ga iya dipeda, datai ka iya nyau nadai dipeda ari baroh, semina ka mesai tipah lang terebang, nyau begantong nengan remang. Jari kiba Keling kenu nyau ngensara ka mura tangkai bintang, lalu jari kanan nyau udah bekerantam di bulan tumboh mandang, nyau udah menselit dipintu langit singkom rapit nadai meranggang. Udah nya, iya nyau nadai agi dipeda sida enggau sula mata nentang.\\nApin bengat lama iga udah nya, dia Keling lalu datai ba pendai orang ke di ai tansang kenyalang, ai nanga ke perua bunga pasang. Ba pendai nya, dia iya lalu betemu enggau indu dara siko benong mandi. Nyadi indu ke benong mandi tu tadi kenu, adi Jambi bechelok isi, Keling Bediging Buku Ali. Leboh indu nya meda iya, lalu bejako enggau iya.\\n“Lalu meh ambai aku enggai muai, laki dikerindu ati, tunang tuju lempuang, lalu enggau aku mandi,” ko Adi Jambi. “Ari ni penatai nuan deh Ambai?” ko iya ga.\\n“Datai ari menoa kami meh aku ambai, ari menoa kami di Panggau Libau Luchak Lunyau kena biau jila isang, endang deka nepat nuan kitu ka aku,” ko Keling.\\n“Enda nuan deka nepat aku, tang ngetu meh ga nuan ditu. Lama rampang bungai Satik udah mansa kami ditu,” ko saut Adi Jambi.\\nUdah nya seduai pan badu ga agi mandi. Seduai lalu sama-sama niki ka rumah. Datai di rumah dia deh Adi Jambi tu tadi lalu berapi. Sereta asi iya udah mansau, dia iya nyungkit asi deka meri Keling makai.\\n“Oi makai aka ke bedamai nimang lantang,” ko iya ngangau ka Aka iya seduai Keling makai.\\nUdah iya ke ngangau ka makai, dia iya lalu niki ka sadau. Udah nya lalu tama meh Jambi Bechelok Isi, Keling Bediging Buku Ali seduai Labong Panggai ka sakai jako nyerang, Datu Siko ke pemadu nama mansang, Bujang Jelingau ke nadai kala lenyau enggau orang ka teku tikal kajang sereta lalu berengkah makai ke bedamai nimang lantang. Nyadi leboh Keling baru udah berengkah makai, tak enda mukai-mukai lalu sendat, balat bendar iya sendat nyau sikok-sikok kenu iya.\\n“Eh tak irup ka ai enggau Amang. Ni alah nuan tak enda masok makai laban ke sendat bakanya,” ko Jambi bejako enggau Keling. Udah nya lalu di-irup ka iya ga ai, enda ga badu sendat.\\n“Ukai pia tu Amang, laban nadai dara mangkang aku ke makai, nya alai aku tu sendat,” ko Keling. “Aku makai enda tau enda dipangkang orang ke dara,” ko iya.\\n“Eh! Lagi, anang guai. Aku madah ka Endu ka sadau ka dulu nih. Ni alah nuan tak enda masok makai laban sendat,” ko Jambi.\\nUdah nya iya lalu nyau niki ka sadau mansang madah ka Adi iya. Datai iya di sadau. “Ni nuan dia Endu. Amang aku tak lalu enda masok makai laban sendat, uji nurun dulu nuan ka baroh,” ko Jambi bejako enggau Adi iya.\\nUdah nya lalu nurun kenu Adi Jambi ka baroh, datai iya ba seduai ke benong makai dia, lalu dudok ninggang pah Keling. Udah nya lalu padam sedu Keling ke sendat makai, badu agi sendat. Udah seduai iya badu makai, lalu pansut ka ruai. Leboh nya isau unding pan nyau beranaing dalam serangan, tisi langit nyau bebali besiring kuning, matahari lesi terunjam padam, nyau lemai kenu hari. Nyau lama malam leboh sida udah tindok, dia Keling lalu nganyap ngagai Adi Jambi nya tadi, sereta lalu tindok dia.\\nNyadi tawas kenu hari siti leboh sida udah badu makai ke bedemai nimang lantang, Keling pan lalu bejalai ga angkat ari rumah sida Jambi Bechelok Isi, Keling Bediging Buku Ali. Nyau ka lama iya udah ninggal ka rumah sida Jambi nya tadi, dia iya lalu bejalai lubah bepegai ba tipah lang terebang, nyau bejalai subok bepegai ba tandok rusa lalang, nyau bejalai tegar enda besempiar beunsak tulang, nyau bejalai laju baka peluru leka senapang. Udah nya lalu bejalai perejok gantong kenu Keling baka ke ngebus ka kebong langit ngeruang. Nyau bejalai perejok atak kenu iya baka ke nyelepak ba awak dan tapang, nyau bejalai perejok singit kenu iya baka ke menselit ba pintu langit singkom rapit nadai meranggang, nyau bejalai deras lebih ari upas naban ka pematang, nyau bejalai jelai lebih ari pemungai laja puang. Dia Keling nyau lelak ikak lembut tulang, nyau bal dilah nadai ngunyah gelanyah buah pinang. Nyau kalama iya udah bejalai, sungai nyau abis di-ulu, sungai nyau abis di-ili, bukit nyau abis diturun, bukit nyau abis ditiki, napat ka menasan jalai jani, dia iya pan lalu laboh ba pendai orang.\\nNYADI PENDAI tu tadi enggi sida Jubang ke Betengelang Bulu Burong, enggi sida Jali ke datai ari tisi ujan ngerunong. Datai iya ba pendai ili ke di ai tansang kenyalang, di pendai nanga ke perua bunga pasang, dia iya lalu mandi kadiri saorang-orang. Udah tembu iya mandi, lalu beradu baru ga masok ka samoa ngepan iya. Udah nya baru iya mupok bejalai ari nya nengah jalai pendai sida Jubang. Udah nya lalu nengah jalai raya badas baka, indah enda baka dada gana mati telentang, lalu nengah jalai tawas udai pensiang. Udah nya lalu nengah panti tarah ke betingkah atas tebiang, lalu nengah panti luar ka mesai kelaya tikai senggang, nyau nengah panti entak baka chagak bedil berang. Nyau nengah panti batu ke begerugu galang melintang. Nyau datai ba panti tegoh ke betukoh paku lawang. Nya baru iya manggai ba jalai pikul entas endor bujang ajul bejagul ka mulut tusu linyang. Nengah madang kemelang sumpah ke berendah mansau jera, ke berendah mansau benyang. Udah nya baru iya ngensurok jelunok kampong sabang, lalu nengah kampong sabang inak rapas setawak pangkong terantang. Udah nya iya lalu nengah kampong sabang upa rapas peda enggau sula mata nentang. Nyau nengah madang sabang bakong rapas tutong pang¬kong penguang. Nya baru iya lalu nengah kampong sabang api, pejalai sahari ari pagi nyentok ka petang. Udah nya baru iya man¬ggai ba pun mulong merangau ke taja giau-giau baru bedudok nyari lang. Datai ba tiang Chandi lelaki ke bediri gedang-gedang. Datai ba tiang Chandi urik ke taja jentik-jentik ngelilik ka tasik linggang gumbang. Nya baru iya datai ba pun tiang Ranyai ke taja giai-giai murai ka tangkai jila isang, lalu datai ba tiang Gajah Meram ke taja singam-singam nungkam ka menalan balu rajang; lalu mansa tiang balan ke delapan belas betentang, sereta lalu mansa tiang lemba bumbon ke bakatayun gantong kelingkang. Lalu datai ba pun tiang sandong betong bebungkong ka benong tajau bujang. Datai ba menalan redah entak ka tambak takang kelakuyang.\\nDia iya lalu ngangau, “Hoi jadi rumah kita tu!” pia ko iya.\\n“Eh jadi, anak, jadi,” pia ko saut Indai Tuai orang ke ba pala tangga.\\nLalu niki meh ga iya ka rumah. Datai iya di rumah, ba ruai Indai Tuai orang nya tadi, lalu dianchau ka Indai Tuai orang nya tikai. Nyadi rumah puang bendar peda iya, tak nadai meda lelaki siko ayan di ruai. Udah nya iya lalu ngait ka sanga ulu tulang ba tandok rusa ringkang, lalu diengaran ka iya sumpitan sumpit tapang.\\n“Dudok Unggal,” ko Indai Tuai orang nya tadi.\\nDibatak iya jelapa baku pirak ke belupak maioh ruang, baku kansat penoh laban sirap buah pinang, baku mau ke taja liau-liau dilansau tinggi penyulang, jelapa baku mau raung kc taja renjong-renjong mandong serungkong kaban bujang.\\n“Ari ni penatai nuan tu deh Unggal?” ko Indai Tuai orang nya nanya iya.\\nNyadi Keling tu tadi tak lalu enda nyaut saleka mukut padi mayang, lalu enda nimbas saleka beras padi bangang. Ditanya Indai Tuai orang nya baru ga iya munyi nya tadi, nyangka iya enda ninga laban lelak, tang iya tak enda nyaut.\\n“Oh! Lapa meh iya tu tak enda tau nyaut. Bisu iya tu, nama tadi tau ga nanya ka penyadi rumah, datai di rumah tu lalu enda tau bejako agi,” ko Indai Tuai orang nya tadi.\\n“Gamal iya tu tak ukai orang enda tau bejako, ukai gamal orang tuyu, ukai gamal orang agu. Tak mua pemanah gamal iya tu tang enda tau bejako. Naka meh penyayau gamal iya ngemanah tu enda tau bejako deh,” ko Indai Tuai orang nya.\\nUdah nya orang lalu betugong baka lempaong ngambong ka batang, nyau dudok besarok baka tapang pugok nyempayang batang, nyau dudok bedijir baka tingkil maram pengerang, datai ngulu iya kia.\\n“Ari ni penatai nuan tu deh Unggal ?” ko sida nanya iya.\\nNyadi iya tu tadi tak lalu enda nyaut saleka mukut padi mayang, lalu enda nimbas saleka beras padi bangang.\\n“Woo! Naka meh penyai iya tu deh. Nanya ka rumah tau, tang enda tau nyaut tanya kitai,” ko sida.\\n“Mua meh nuan tu deh Unggal, tak enda tau nyaut kami. Kati deka nuan jadi enggau sebarang kami tu Unggal?” ko sida ke dara, tang iya tak enda nyaut.\\n“Hah lagi Wai ! Uji aram kitai ngilum ka iya pinang, lalu engkah ba jari sereta lalu surong ka ngagai iya. Ti iya deka makai pinang ilum kitai lagi Wai, deka iya bebini kitai,” ko sida ke dara ke jemanta benong mansang.\\nUdah nya lalu di-ilum ka sida pinang sereta lalu diengkah ka sida ba jari, lalu disurong ka sida ngagai iya. Diengkah sida ba tapa iya. Peda sida iya lalu nungkop ka tapa iya.\\n“Oh! Enggai iya ka kitai Wai. Nama iya tak nungkop ka tapa iya deh,” ko sida.\\nUdah nya nyau abis beduju kenu sida ke dara jemanta benong mansang dia.\\n“Uji aram Wai kitai madah ka Ini Indai Jubang,” ko sida.\\nUdah nya lalu nyau kenu sida ka setak madah ka Indai Jubang. Datai sida di setak din, sida lalu bejako enggau Indai Jubang.\\n“Eh Ini! Bisi temuai di setak din, nanya ka penyadi rumah tau iya tadi, tang datai di rumah sereta lalu ditanya kami tak enda tau bejako, enda tau nyaut,” ko sida ke madah ka iya. “Aram nuan enggau kami setak, nyangka nuan tau nanya sereta lalu bejako enggau iya,” ko sida.\\n“Au meh anak,” ko Indai Jubang. “Lagi aku kin, laban kami duai Endu tu agi mekang pengawa, lagi kin,” ko Indai Jubang.\\nNyadi Satik seduai Indai iya agi gawa muntang, lalu apin tembu. Udah nya sida ke madah ka iya pan lalu pulai ga ka setak ka baru ngagai temuai ke baru datai.\\n“Au Indai! Kin ka meh nuan. Keling nya Indai, Keling Aji ke berani tau serang. Dato siko nya Indai, ke pemadu nama mansang, Bujang Jelingai nya Indai nadai kala lenyau enggau orang ka teku tikal kajang, Labong Panggai nya Indai ka sakai jako nyerang,” ko jako Satik kelandik bala nyerang, ko Sudan Kelindan lambar benang, bejako enggau Indai iya.\\nUdah nya lalu nyau meh Indai Jubang mansang deka nanya temuai ka setak kin. Datai iya din.\\n“Nya Ibu tanya enggau iya nya ulih nuan. Kami enda tetanya ka iya,” ko sida.\\n“Ni temuai ti ko kita,” ko Indai Jubang.\\n“Nya meh iya, ke dudok ba panggau nya,” ko sida.\\n“Oh, lalu meh Dom! Lalu ngagai kami ka setak,” ko Indai Jubang.\\n“Au Ibu, legai kayu bansu aku datai endang deka ngambu lalu. Nama kabuah aku enda lalu deh Ibu,” ko iya.\\n“Aram meh tua,” ko iya ga.\\n“Oh! Nyangka iya tu enggai enda nganti Ini,” ko sida, “nya baru iya deka bejako.”\\nUdah nya iya lalu angkat sereta lalu dipelawik ka iya sap basong melintang, lalu ditangkin iya berangin pedang panjang, lalu nyan sumpitan sumpit tapang, laja ligong-ligong betibong ka jadong mau gempanang. Udah nya seduai pan lalu nyau ga mansang ngagai sida Indai Jubang, sama sakaki tambak singkang, niti sentali rumah panjang. Datai seduai di setak.\\n“Dudok Dom! Dudok di ruai,” ko jako Indai Jubang.\\n“Au Ibu. Legai kayu pendok, keba aku datai endang ngambu dudok,” ko iya.\\nIndai Jubang lalu tama ka bilik baik sida baka tasik linggang gumbang, tama ka bilik besai baka tempalai umai nawang, tama ka bilik jebong baka padong remaung lubang. Datai iya di bilik, iya lalu ngasoh Satik berapi. Udah nya Satik lalu berapi. Keling lalu madah ka diri deka mandi.\\n“Dini endor kita mandi ditu deh Ibu?” ko iya.\\n“Eh lagi meh,” ko Indai Jubang, “aku nganjong nuan mandi. Nya ai kami tunga kia,” ko Indai Jubang.\\nUdah nya seduai pan lalu nurun ga mansang mandi ka ai. Benong seduai datai ba tengan jalai pendai, dia iya meda ujong kayu rebah ninggang jalai.\\n“Nama ujong kayu tu ditu deh Ibu?” ko iya.\\n“Eh ujong kayu bekau orang udah beban terabai,” ko indai Jubang. “Sida nurun ngayau, ukai enda beban terabai ditu,” ko iya.\\nUdah nya kenu iya lalu limpang ga kia ngagai endor orang ke udah beban terabai.\\n“Eh lagi aku deka limpang kia, deka meda ka gamal utai kia,” ko iya.\\nNyadi Indai Jubang lain nyau dulu ka ai tansang kenyalang. Enda bengat lama iya ke limpang enda bulih sasempa makai pinang, peda datai ga iya di pendai nitih ka Indai Jubang. Indai Jubang tak baru merebok ka labu. Peda Indai Jubang iya datai, tak mai terabai endang udah tembu gaga, manah bendar gaya terabai ke dibai iya. Endang udah jabong buok galong bauh ngelagetang. Tisap rimbong tak mua pemanah utai, ngambi bulu remaung lubang, tisap tisi mua pemanah utai baka moahari bekalih tumbang.\\n“Oh! Dini nuan bulih tu tadi deh anak?” ko Indai Jubang.\\n“Nya dia tadi, ba aku ke udah limpang ngagai bekau orang ke beban tadi,” ko iya nyaut Indai Jubang. “Meda tak bisi teda ban orang ke dulu, nya ke digaga aku enda lama tadi,” ko iya.\\nNyadi Indai Jubang tu tadi tak alit ati meda utai bakanya, bengat ngenyampat nya. Udah seduai sama tembu mandi, lalu pulai meh ga seduai ka rumah ka baru. Datai di rumah kira ka baru tembu begari, dia deh Satik lalu ngangau ka makai ke bedamai nimang lantang. Tembu makai, dia langit pan nyau bebali besiring kuning, matahari lesi terunjam padam, hari pan nyau malam ga. Nyadi leboh sida ke indu datai ngulu iya, dia iya lalu bejako.\\n“Kati ko alai rumah kita tu tak nyau malam agi ga puang, tak nadai meda sida ke lelaki, bisi tunga pemindah sida tu?” ko iya.\\n“Eh anak, badu enda bisi meh pemindah sida tu,” ko saut Indai Jubang. “Udah nyau memendu ayun sida tu, ka kuson kanggan saluntang. Udah nyau bebujang jangong ka telok kampong puang, udah nyau memeran ka bulan tuang-tuang. Udah nyau ngayau sida tu ka ulu langgai Sentang.”\\n“Kini ka tunga bala sida deh ibu?”ko iya.\\n“Udah nyau ngayau ngagai sida bangkai anak Memaloh telok kampong puang, tang sida tu lalu ka melunggang ngagai sida Banggai ke di Penyurai Remang Pisit, deka ngagai sida Nading ka di Genturing Pintu Langit,” ko Indai Jubang.\\n“Lama sida tu udah nyau Ibu?” ko iya.\\n“Lama ga udah anak. Kada enda nyau ka datai sida dalam dua-tiga hari tu ila,” ko Indai Jubang.\\nUdah nya, lalu malam meh kenu hari. Nyadi malam nya, dia kenu Keling tu tadi ngayap ngagai Satik, sereta lalu jadi enggau Satik kelandik bala Nyerang, Sudan Kalindan lambar benang. Kira dua-tiga hari lepas nya, dinga tak gemerak panjong sida Jubang pulai ngayau di pengkalan, mangka ka rumah.\\n“Oh! Dinga panjong Aya pulai ngayau,” ko sida ke anembiak papak perenggang, ko sida ke mit lelachit angkat mansang.\\n“Nama utai ulih sida Aya, alai panjong bengat ngenyadi nya,” ko sida.\\n“Uji aram wai kitai sama nurun ngambat bala sida Aya ka ai kai,” ko sida ke biak enggau sida ke Indu.\\nUdah nya lalu nurun kenu samoa orang. Nyau abis kenu sarumah-rumah nurun ka ai ngambat sida Jubang ke baru pulai ngayau. Datai bala sida ke mit di ai.\\n“Oh Aya,” ko sida ke anembiak papak perenggang, ko sida ke lelachit angkat mansang, “Ibu Satik udah belaki Aya.”\\n“Hees! Mapap! Orang ni ka laki iya ko kita, tu kami udah nyau ngayau magang. Sapa orang ka laki iya ko kita, ukai bisi lelaki agi tinggal,” ko Jubang.\\n“Kati ko enda udah belaki deh Aya. Jadi enggau Keling ke di Panggau Libau. Keling Aji ke berani ati tau serang, jadi enggau Keling manok biring Sempidan Arang,” ko bala sida anembiak papak perenggang, ko sida ke mit benong lelachit berambau mansang.\\n“Es! Mapap kita tu! Kati ko kita ngarap ka diri jadi enggau Keling. Ti iya Keling, Keling lachau, Keling engkarong nya,” ko Jubang. “Ti iya nya Keling ke di Panggau Libau, iya udah bau ruom kita disalai iya. Dini iya deka meda kitai. Keling Panggau nya munsoh kitai nyah! Munsoh! Munsoh! Ninga kita, mereti kita,” ko Jubang nganu sida ke biak.\\nBenong Jubang bejako enggau sida bala anembiak, dia deh lalu datai kenu Endu Sudan Keleman bulan perenching, Dayang Ketupang bungai Manding, Adi Arau Timbau Berakit, Enturan Papan Singit, lalu bejako enggau Arau.\\n“Nuan Aka! Anang pedis ati ngagai laki Satik. Keling nya Aka, Keling Aji ke berani tau serang. Keling ke di Panggau Libau, datai ari menoa sida di Panggau Libau luchak lunyau kena biau jila isang.”\\nNyadi Arau Timbau Berakit, Enturan Papan Singit semaia deka jadi enggau Satik Kelandik Bala Nyerang, Sudan Kelindan Lambar Benang pemulai sida ke ngayau tu.\\n“Enda nya ulih laban nuan Aka,” ko Endu Sudan Kelam Bulan Perenching bejako enggau Arau.\\n“Nama kabuah aku tau pedis ati, nya keba manah iya belaki Keling awak ka bisi enggau kitai ditu,” ko Arau.\\n“ARAM KELING tua ngambat sida Aka ke baru pulai ngayau ka pendai,” ko Satik bejako enggau Keling.\\n“Aram meh meda ka gamal utai ulih orang ke pulai ngayau,” ko Keling.\\nUdah nya lalu ditangkin iya nyabur chudor ke teleba nyembor ka juor darah lang, nangkin sanga nyabur lama enda besia makai tulang, jabong buok galong bauh ngelagetang. Udah nya seduai pan lalu nurun ga ari rumah sama betunda udi sama sakaki saum singkang, niti sentali jalai ulang. Udah nya sereta nampak bala sida Jubang ke ba pendai, dinga kenu pengaroh ke ditangkin Keling tak lalu bemunyi nyampau pengeragak. Batu ketupong kenu nyau bemunyi baka setak. Batu burong Malam nyau bemunyi beansak-ansak. Batu beragai kenu nyau bemunyi lekak-lekak. Batu Papau taja bem¬unyi rangau-rangau munyi tempalau kangau sabak.\\n“Eh Aya! Nuan ti udah ngumbai kami bula, peda nuan nyin Ibu kami Satik enggau laki iya nurun ari rumah,” ko sida anembiak papak perenggang.\\n“Hees! Enda Keling lachau, Keling engkarong nyin,” ko saut Jubang.\\nUdah nya seduai pan datai ga ba tugong bala maioh. Nyadi orang maioh tak ngenong meda Keling, meda pemanah gamal iya.\\nKeling lalu bejako enggau sida, “kati ko pejalai kita deh, ni naka pejalai kita?”\\nUdah nya Arau lalu nyaut, “rumbau kayau kami tu baka buah merunjau ulu, chungak lalu chungu. Asa kami tu Unggal lalu lebu, enda datai din kami sabuat, enda datai ba menoa sida Banggai ke di penyurai remang pisit, enda datai ba menoa sida Nading ke digenturing pintu langit. Datai bala kami ba rantu jalai adi, kami lalu kena tegah orang, sereta bala kami lalu mati dua iko. Meda gaya bala kami tak kelalu salah ulu’ bakanya, dia kami lalu bebai nikal, pulai. Udah nya kami pulai beguai-guai,” ko Arau.\\nUdah nya samoa bala orang ke pulai ngayau lalu niki ka rumah. Datai di rumah Indai Jubang lalu beguai-guai berapi. Udah mansau iya ke berapi, dia iya lalu nyendia ka orang makai. Udah nya Jubang lalu tama ka bilik sereta lalu ngarak Indai iya berapi.\\n“Jampat ka nuan berapi Indai lapar endar perut aku tu,” ko iya.\\nUdah nya iya lalu ngumpol sangkoh, ngambi mata duku, mata kapak, ngumpol mata lungga, geraji enggau samoa macham utai ke tajam, lalu ditan iya ba baroh tikai ke deka endor Keling dudok makai, awak ka Keling abis telih tauka lalu mati laban tukak ke ditan iya nya. Udah tembu iya ke nan utai nya tadi, dia iya lalu ngangau ka Keling makai.\\n“Makai, Adi,” ko iya.\\nKeling lalu angkat mansang tama makai ka bilik. Datai iya di bilik, dia iya lalu ninga utai tak nyau bekasetak kena indik iya ari baroh tikai.\\n“Nama utai ti bekasetak tu deh Aka?” ko iya.\\n“Eh! Nyangka gelegar tekinsit. Nama iboh ka nya,” ko saut Jubang.\\nUdah iya seduai pan lalu berengkah ga makai. Udah seduai tembu makai, tisi langit pan bebali besiring kuning, matahari lesi terunjam padam, lalu hari pan nyau malam ga.\\n“Bakanya pagila Endu,” ko Jubang bejako enggau Satik, “Tumu ka nuan berapi. Nama kitai tak nadai bisi kayu sarepik di para, awak ka kami duai Adi tu ngambi kayu. Ni alah kitai tak nadai kayu,” ko iya.\\nNyadi pagi hari siti, sida lalu makai. “Udah tembu makai tua ngambi kayu lagi Adi. Nama kitai tak nadai kayu,” ko Jubang bejako enggau Keling.\\n“Au meh Aka,” ko Keling, “amat munyi ko nuan, ni alah kitai tak nadai kayu.”\\nUdah nya seduai iya lalu besikap deka ngambi kayu. Nurun seduai ari rumah, kira penumbas iya pengelama seduai udah bejalai, dia seduai lalu datai ba madang kayu, madang bantas, madang mengilas, madang tekam madang keladan.\\n��Naka meh pemanah kayu ditu deh Aka. Dini endor tua ngambi kayu deh Aka, tau tua ngambi kayu ditu?” ko Keling.\\n“Heh! Dini nya kayu diambi, ke bakatu. Din lagi baru maioh kayu, dia tua ngambi kayu lagi,” ko Jubang. “Kami nadai kala ngena kayu bakatu,” ko iya.\\nUdah nya bejalai ga seduai ari nya. Nyau kalama seduai ke udah bejalai, nya baru seduai datai ba pun tapang sakayu. Peda tak nyau petang kenu puchok tapang ditepan manyi, ditepan singut.\\n“Nya, tu baru kayu tau diambi ka kayu api. Tu baru endang kayu kami,” ko Jubang.\\n“Nama tu tak maioh bendar manyi ba puchok tu deh Aka,” ko Keling.\\n“Nya meh tebang,” ko Jubang.\\nUdah nya lalu ditebang Keling kenu tapang nya tadi. Nyadi leboh tapang nya nyau ka rebah, dia Jubang lalu bejako enggau Keling.\\n“Eh Adi! Lelak nuan, lak ka aku ngerebah ka tapang nya ka tua, lalu nuan nyambut ujong nyin lagi,” ko iya.\\nUdah nya lalu ditebang iya nampong abi enggi Keling tadi. Nyadi Keling tu tadi lalu bejalai ngagai kira ba ujong puchok ta¬pang.\\n“Jampat ka nuan Aka, enggai ka nuan kena tinggang puchok nya terempas lagi,” ko Jubang.\\nUdah nya lalu belanda kenu Keling meda tapang nyau ka rebah. Leboh tapang nya rebah lalu disambut Keling puchok tapang enggai ka terempas.\\n“Oh….lalu meh laki dikerindu ati, tuning tuju lempuang,” pia deh ko jako Endu Samban ke nguan dan tapang undang. “Mua meh nuan deh wai tak nebang rumah kami,” ko Rembia tapang nya bejako enggau Keling.\\n“Eh! Aku ga dibai orang,” ko Keling.\\nUdah nya lalu beranchau ka tikai Bunsu tapang nya tadi. Di kembai ka iya tikai besai anyam Beredai Indai Ngelai indu orang di Meligai Pungga Pungkang. Udah nya lalu diberi iya makai kenu Keling dia.\\n“Makai nuan ambai ke bedamai nimang lantang.” Udah nya lalu diberi iya makai pinang ga Keling.\\n“Empa pinang tu ambai ulih nuan, lua ka di rampang.”\\nUdah badu Keling ke makai bedamai nimang lantang enggau ngunyah selabah buah pinang, dia Bunsu Rembia lalu meri iya pengaroh ka gembar tuboh, meri iya ubat serangkap genap. Nyadi Jubang tu tadi lalu pulai beguai-guai ka rumah, laban Keling tu tadi udah mati kenu ko iya.\\n“Kita lagi sama enggau aku,” ko Keling bejako enggau Bunsu Rembia. “Enggau aku samoa kita lagi.”\\n“Au meh,” ko Rembia Bunsu Tapang.\\nUdah nya lalu dibai iya sakayu tapang tu tadi enggau manyi-manyi. Datai kenu Keling tu tadi di rumah peda tak mai kayu tapang sama enggau buah-buah. Tak ngenying chelom batang tapang laban manyi. Udah nya lalu diengkah ka iya ba tengah ruai. Keling lalu dikangau ka Satik makai bedamai nimang lantang. Udah badu makai, iya lalu pansut ka ruai. Datai iya di ruai dinga tak gemerak panjong Jubang pulai ngambi kayu.\\n“Nama utai dipanjong ka Aya pulai ngambi kayu,” ko jako sida ke anembiak papak perenggang, ko sida ke agi mit lelachit baru mansang.\\n“Aram kitai ngabas iya,” ko sida.\\nUdah nya sida ke biak lalu nurun ka pendai. Datai sida di pendai, “Nama utai dipanjong ka nuan deh Aya?” ko sida.\\n“Hees! Kati ko enda manjong, manjong ka laki Satik udah mati,” ko iya.\\n“Dini nya bisi udah mati, udah pulai iya Aya, baru udah diberi Ibu makai bedamai nimang lantang,” ko sida.\\n“Hees! Kati ko nya makai, aku meda iya mati ditinggang kayu. Kita tu besai tuboh besai pemula. Tuboh kita enda tundan ka pemula diri,” ko Jubang.\\nUdah nya lalu niki meh ga iya ka rumah. Datai iya di rumah, dia iya lalu deka niki ngagai panggau iya mansang ka begari. Benong iya baru deka nyengkau gari, dia manyi lalu angkat malut iya. Dia iya betepas ka kiba, tepas ka kanan ngena anak gari sirat, tang tak baka ke ngasoh indu manyi balat agi malut tuboh. Nyau nadai dipeda agi datai ka leka mata Jubang dibalut manyi. Tak ngenying chelum indu manyi malut iya. Dia iya kaong-kaong madah ka diri mati, laban indu manyi.\\n“Mati aku tu laban manyi tu Adi. Ukai nya kayu dipeguna tua adi, buai enggau nya,” ko iya enggau sabak-sabak bejako enggau Keling.\\n“Kati ko tua muai nya deh Aka, nya ga kengka kayu ulih tua, tambah agi nya endang kayu ke manah ko nuan nganu aku din tadi,” ko Keling.\\nDia iya kenu nyau luput di balut manyi. Nyau enda tau madah ka diri mati agi. Udah nya Satik pan lalu pansut ga ari bilik, lalu bejako enggau Keling.\\n“Eh anang nuan nunda Aka, Keling,” ko iya. “Asoh pulai enggau kayu nya ulih nuan.”\\n“Tu ga endang kayu ke dikena kita ko iya nganu aku din tadi. Nya alai aku mai tu pulai ka rumah,” ko saut Keling.\\n“Kami din nadai kala bekayu ka kayu bansa tu,” ko Keling.\\nDia Jubang tu tadi nyau beseput jarang, semina resu nyawa iya agi bisi didinga madah ka diri mati. “Ubat aku tu Adi. Mati aku tu laban manyi,” ko iya.\\nUdah nya lalu diasoh Keling pulai meh ga batang tapang tu tadi. “Pulai nuan manyi, pulai ka dan, pulai nuan tapang, pulai ka emperan,” ko iya.\\nPeda udah nya kenu lalu pulai meh batang tapang sama enggau manyi-manyi. Udah nya baru Keling lalu ngubat iya. Ditepas Keling enggau labong lalung baka sengkilong tedong jalih kendawang, ditepas iya enggau labong bekulat ke baka kijap neladan sempepat inggap di putat pedada nunggang. Tak ngenying burak tuboh Ju¬bang laban butoh manyi. Udah nya lalu semboh enda belitan, sereta gerai lalu suman meh ga Jubang. Udah nya hari bebali besiring kuning,\\nmatahari lesi terunjam padam, dia sida pan lalu makai. Sereta udah badu sida makai, dia Jubang lalu bejako enggau Endu Sudan Kelindan lambar benang, bejako enggau Satik Kelandik bala nyerang.\\n“Pagila tumu ka nuan berapi Endu, laban kami duai Adi tu deka nyala. Ni alah kitai makai enda belauk,” ko iya.\\nNYADI LABAN Jubang agi keras deka nguji Keling, dia iya sereta tawas pagi hari siti lalu mai Keling nurun, laban enggai nadai lauk ko jako. Udah tembu makai pagi.\\n“Nurun tua Adi, nyala tua saharitu,” ko iya. “Ni alah kitai tak rangkai makai enda belauk.”\\n“Nya nyala ga meh, sabarang bai nuan,” ko Keling.\\nUdah nya seduai lalu nurun nyala. Datai seduai ba pengkalan, udah kemas enggau perau.\\n“Nuan nibar, lalu aku ngemudi ka tua,” ko Jubang.\\nUdah nya seduai lalu bekayuh begadai-gadai endang baka kayuh kitai ke nyala. Leboh seduai bekayuh, dia seduai lalu mansa kaban ikan maioh bendar.\\n“Naka meh pemaioh ikan ditu deh Aka,” ko Keling, “Ditu tua nibar Aka. Sakali tua nibar pan umbas meh dibai pulai.”\\n“Heeh! Aku enggai makai ikan anak. Din lagi meda ikan besai, nya baru tua nibar ka jala,” ko iya nyaut Keling. Udah nya bekayuh ga seduai ari nya. Enda lama udah nya, dia seduai lalu datai ba lubok siti, nadai utai ngemesai nya, tak ngenying chelum ai dia. Udah nya seduai lalu meda baya nyau bejeloh empa pemaioh. Jagu nyau betemu iko, baya nyau betemu mua, rabing nyau betemu pending.\\n“Ditu baru tua tau nibar ka jala tua,” ko Jubang, “Nya baru ikan ke endang diempa kami menoa tu.”\\nUdah nya lalu diasoh iya tibar Keling. Udah nya lalu ditibar ka Keling jala ngagai lubok. Jala nya bulih panjai lima pemanjai. Sereta udah laboh jala ka ai, sepi tak gegetar kiba-kanan.\\n“Nya Adi, nuan nyelam ka tua awak ka aku megai jala,” ko iya.\\n“Au meh,” ko Keling.\\nUdah nya lalu diselam Keling ka dalam ai ka jala nya tadi. Datai iya dalam ai din, angkat deh jala tu tadi lalu dibatak Jubang, lalu ditaban ka iya pulai beguai-guai. Nyadi Keling tu tadi lalu laboh ba tanju Endu Ensong Lua Genali, Endu Berenai Tabor Sugi, Bunsu Beriak Bujang Sapucha Benang. Laboh ba tanju Endu Pupu Anyut Beranatong, Endu Kumpai ke Berenai Pala Wong, Bunsu Serit Amit Pengibun Kepit Pintu Bebuli, Raja Genali Berumah Di Kaki Riam Nunggang.\\n“Lalu meh ambai aku enggai muai, laki dikerindu ati. Lalu tunang tuju lempuang. Kamaia nuan datai ditu deh ambai?” ko nya nanya iya.\\n“Apin ga aku lama udah datai. Aku datai enggau Jubang ke Betengelang Bulu Burong, Jali ke datai ari kaki Ujan Ngerunong,” ko iya.\\n“Oh! Nya ka bini nuan kau deh Ambai, Adi Jubang. Kumang udah dibuai nuan diatu,” ko seduai.\\n“Eh! Enda ga aku muai Kumang, tang ga leboh aku ke diau ditu Satik ga ka bini aku.”\\n“Dini nuan tau muai Kumang deh Ambai,” ko seduai nganu iya. “Kenyau ari sera menya Kumang endang udah diambu indai nuan ka bini nuan. Nya alai nuan enda tau muai iya,” ko jako Bunsu Baya bejako enggau iya, “ingat ka nuan, anang nuan muai Kumang enggai ka nuan busong ngelangkah gunong, enggai ka nuan tulah ngelangkah tanah.”\\nUdah nya iya lalu diberi seduai ubat serangkap genap, seduai meri iya pengaroh ka kamboh tuboh. Udah nya iya lalu madah ka diri deka pulai.\\n“Aku deka pulai ambai, tang aku minta ubong indai burong tiong,” ko Keling. Lalu disua ka seduai idong sakali nempah lalu.\\n“Minta tinchin aku indai empulu Lilin,” ko Keling ga bejako baru. Lalu disua ka seduai jungkal mulut tusu.\\nUdah nya diseradak ka iya di moa tampak baka senayak bulan mandang. Lalu dirimpi ka iya sakali di lepi sanggol lintang, sereta lalu dipechal iya di jungkal tusu linyang. Udah nya iya lalu mulai ka diri ari rumah Bunsu Baya. Iya lalu matak sakayu sega rutan enseluang.\\n“Nyadi aku ke pulai tu deka lalu mai kita dua iko”, ko Keling.\\n“Bai meh,” ko saut seduai enggau Keling, “Awak ka Aya seduai Ibu nya enggau nuan.”\\nUdah nya iya lalu nusok sakepai semah Skrang, mua pemaioh utai bulih sakayu sega rutan enseluang, lalu dibai iya pulai.\\nNyadi baya dua iko nya tadi lalu rayap-rayap nitih ka iya pulai ka rumah. Datai iya di rumah, sereta orang tepeda ka baya dua iko, lalu nadai berani engkeretik siko. Nyadi siko lalu diengkah iya ba panggau Jubang, lalu siko diengkah ka iya ba moa pintu.\\n“Nama kabuah nuan mai utai bengat baka tu deh Keling?” ko Satik. “Dini Aka tau idup laban utai bakatu deh,” ko iya.\\n“Nama kabuah iya enda idup, iya ga endang ikan kita ditu, ko iya nganu aku din tadi,” ko saut Keling, “Kami din baru nadai kala makai utai baka tu.”\\nUdah nya Keling lalu dibela Satik makai. Sereta udah badu iya ke makai bedamai nimang lantang, iya lalu pansut ka ruai. Datai iya di ruai dinga tak rais-rais panjong Jubang pulai nyala di pendai.\\n“Oh, nama utai dipanjong ka Aya di pendai. Nama utai ulih iya nyala, alai iya nyau manjong?” ko bala sida ke anernbiak papak perenggang, sida ke mit lelachit angkat mansang. “Aram kitai sama nurun ka pendai, ngabas utai ulih iya,” ko sida.\\nUdah nya sida lalu nurun ka pendai. Datai sida di pendai, “nama utai ulih nuan deh Aya alai panjong nuan bengat ngemalatnya,” ko sida ke anembiak.\\n“Hee! Nama kabuah enda manjong, manjong ka laki Satik udah mati tangkap baya din tadi,” ko iya.\\n“Oh! Lapa Aya tu,” ko sida. “Nama iya tak udah datai di rumah deh Aya,” ko sida.\\n“Hee kita! Kita ukai meda deh! Aku tak meda enggau mata aku empu baya ngerias ka iya tadi. Kita tu besai tuboh besai pemula, tuboh kita enda tundan ka pemula kita,” ko Jubang.\\nUdah nya iya lalu datai di rumah pulai ke nyala. Leboh iya baru ka niki ngagai panggau iya mansang begari, dia iya lalu dipanggom baya ba patong. Udah nya, iya lalu tegali. Angkat iya ari tegali nya tadi, lalu deka lari ka bilik. Datai iya ba moa pintu, lalu ditangkap siko ga iya dia, sereta lalu direkak baya kenu iya dia.\\n“Mati aku tu Adi! Mati! Ukai tu ikan diempa ke ulih tua tu Adi. Nadai kitai makai ikan bakanya, asoh lari enggau tu Adi,” ko iya.\\nJubang nyau enda tau mengkebut agi kena rekak baya dua iko nya tadi. Udah nya baru Satik lalu pansut ari bilik, lalu ngasoh Keling muru baya nya.\\n“Buru enggau baya nya ulih nuan Keling. Enda Aka tau tan laban utai bakanya.” Udah nya lalu diburu Keling kenu baya dua iko nya tadi.\\n“Lari seduai baya! Lari ka telok. Pulai seduai baya, pulai ka lubok,” ko jako Keling.\\nUdah nya tak enda betanggoh-tanggoh ga baya dua iko lalu pulai betunda-udi.\\n“Mati aku tu Adi. Ubat enggau aku tu ulih nuan,” ko Jubang.\\nUdah nya lalu angkat Keling, lalu nepas iya enggau labong lalung baka sengkilong tedong jalih kendawang. Ditepas iya enggau labong pantak kechendai betabor ka burai mau magang. Sereta udah kena tepas Keling enggau labong, dia deh lalu alit enda belitan, sereta semboh enda betuman. Udah nya langit pan nyau bebali besiring kuning, matahari lesi terunjam padam, hari pan nyau lemai ga, sida lalu makai.\\n“Pagila tumu ka nuan berapi Endu,” ko Jubang bejako enggau Satik, “laban kami duai Adi deka ngasu.”\\nSERETA tawas pagi hari siti, sida lalu makai bedamai nimang lantang. Udah tembu sida makai, dia Jubang lalu bejako enggau Keling.\\n“Besikap Adi, ngasu tua saharitu. Ni alah kitai makai tak nadai utai ka lauk.”\\n“Nya ngasu ga meh, ti nuan mai aku ngasu,” ko saut Keling. Udah nya seduai lalu besikap deka nurun ngasu.\\nNyau kalama seduai udah nurun bejalai nengah jalai, lalu nyalak babi kenu ukoi. Mansa Keling lalu ditumbok iya lalu ulih. Udah nya nyalak rusa ga ukoi, mansa Keling sereta lalu ditumbok iya, ulih ga rusa. Maioh bendar babi, rusa udah ulih seduai.\\n“Maioh bendar jelu udah ulih aku Aka, kada ulih bai tua pulai tu lagi,” ko Keling.\\n“Eh! Rindu ngiroh diri enggau utai bakanya. Enggai aku mai jelu anak. Nya ukai jelu diempa kami,” ko Jubang, “din lagi baru bisi jelu besai ba tuchong bukit.”\\nBejalai seduai ari nya mansang deka nepat bukit ke ko Jubang. Datai seduai ba tuchong bukit lalu meda remaung tak dugau-dugau benong nusu ka anak. Nyadi liur remaung nyau entali nurun dagu iya empa pemangah. Bulu pala remaung nyau ngerenjang kasak-kasak meda seduai.\\n“Nyin baru jelu endang ka lauk kami,” ko Jubang, “alai nuan kin ngagai iya.”\\n“Au meh Aka,” ko Keling.\\nUdah nya Keling bejalai mansang kin. Sereta meda iya, remaung tu tadi lalu tama ka dalam lubang.\\n“Titih ka iya ulih nuan enggai ka tua puntan baka menasan jalai jelu, enggai ka tua labah baka buah merunjau ulu, enggai ka tua chungak lalu chungu, enggai ka asa lalu lebu,” ko Jubang.\\nUdah nya lalu nyau Keling tama ka dalam lubang remaung. Nyadi moa lubang Jalu dialit ka Jubang, awak ka Keling enda tau pansut agi lalu mati diempa remaung.\\n“Tu baru iya mati, ukai baka ke bisi jalai iya pansut agi,” ko iya bejako kadiri.\\nNyadi Keling lalu tama ka dalam ka agi nitih ka remaung. Datai iya di dalam lubang din lalu betemu enggau Endu Bentuk Tinchin bepayung, Endu Dara Rinta bedayung, Bunsu Remaung ke Bekungkong baroh raang. Bunsu Remaung lalu nanya iya.\\n“Iya ari ni penatai nuan deh ambai aku enggai muai, laki kerindu ati, tunang tuju lempuang?”\\n“Eh Ambai! Aku ga enggau Jubang ke betengelang bulu burong, enggau Jali datai ari kaki ujan ngerunong, enggau iya ngasu,” ko Keling.\\n“Au Ambai. Nuan ga udah jadi enggau adi Jubang. Nama kabuah nuan muai Kumang deh?” ko Bunsu Remaung.\\n“Enda aku muai iya, tang leboh aku ke mansa lalu bebini ditu ga aku,” ko Keling.\\n“Anang nuan muai Kumang. Endang kenyau ari sera menya Kumang diambu indai nuan ka bini nuan. Baka kami endang ngetau jambai, tang Kumang ngetau padi, kami semina empu ambai, iya endang bempu laki,” ko jako Bunsu Remaung.\\n“Tak anang sakali-kali nuan muai iya. Ti nuan muai iya, enggai ka nuan busong ngelangkah gunong, enggai ka nuan tulah ngelangkah tanah. Semina Kumang ke ngasoh nuan jadi berani,” ko Bunsu Remaung bejako enggau Keling.\\nUdah nya iya lalu diberi bunsu Remaung makai ke bedamai nimang lantang. Udah badu makai asi, lalu diberi iya makai pinang. Udah nya iya lalu madah ka diri deka pulai.\\n“Deka pulai aku ambai, tang aku enggai enda minta ubong indai burong tiong,” ko Keling. Lalu disua ka iya idong nempuah lalu.\\n“Minta tinchin aku indai empulu Lilin,” ko Keling. Lalu disua ka iya jungkal mulut tusu.\\nUdah nya lalu diseradak ka iya moa tampak baka senayak bulan mandang, lalu dirimpi ka iya sakali di lepi sanggol lintang, lalu ditekan ka iya di tandan bau nukang, lalu dipechal iya di jungkal mulut tusu linyang.\\nNyadi aku ke pulai tu deka mai kita dua iko,” ko Keling.\\n“Bai meh, nya Aya seduai Ibu enggau nuan,” ko Bunsu Remaung.\\nUdah nya iya lalu nyau pulai, seduai dua iko nya tadi lalu dibai enggau iya. Enda lama udah nya Keling pan lalu datai ga di. rumah sama betunda-udi enggau remaung. Nyadi remaung siko lalu diengkah ka iya ba panggau Jubang, lalu siko diengkah ka iya ba moa pintu bilik. Nyadi samoa orang maioh nadai utai ngenakut nya meda remaung. Meda liur seduai nyau entali nurun dagu.\\nUdah nya Keling lalu dikangau ka Satik tama makai ke bedamai nimang lantang. Sereta udah badu makai iya lalu pansut ka ruai, lalu dudok nyandih ba tiang. Udah nya dinga tak rais-rais panjong Jubang pulai ngasu ba pendai.\\n“Nama utai dipanjong ka Aya? Balat ga Aya tu dua-tiga hari tu tak manjong berari-ari. Aram Wai kitai ngabas iya ka pendai kai,” ko sida anembiak papak perenggang, sida ke mit lelachit benong mansang.\\nUdah nya bala sida lalu nurun. Datai sida di pendai sida lalu nanya, “Nama utai dipanjong ka nuan Aya?” ko sida.\\n“Eh! Manjong meh! Manjong ka laki Satik udah mati diempa remaung,” ko Jubang.\\n“Nama iya tak bisi di rumah deh Aya,” ko sida ke biak.\\n“Eh! Badu enda meh pagi tadi, tang diatu udah mati. Aku tak terang-terang meda remaung makai iya dalam lubang batu din tadi,” ko iya.\\n“Eh, Aya. Tak baru udah badu makai iya diberi Ibu dia tadi,” ko sida ke biak.\\n“Eh banggar kita tu. Besai tuboh besai ga pemula kita, tuboh kita enda tundan ka pemula,” ko iya nyaut bala anembiak papak perenggang.\\nUdah nya iya pan lalu niki ga ka rumah. Datai iya di rumah, lalu deka niki ka panggau mansang deka begari, lalu ditangkap remaung ba pala patong, lalu disilat iya enggau bunga chekak, tang laban remaung bengat sikar, dia iya lalu rebah. Angkat iya ari ti rebah lalu engkechit mansang deka lari ka bilik lalu ditangkap siko ke ba moa pintu, lalu ditendang iya enggau bunga kuntau. Angkat deh laban salah tendang lalu lekat ngeli remaung ba pala patong iya, lalu direkak remaung dua iko tadi iya dia, tak nyau rauh-rauh madah ka diri mati.\\n“Parai aku, luput aku tu, mati aku tu Adi,” ko iya. Nyadi iya tu tadi tak nyau garing-garing direkak remaung. Nyau telanjai ganjang kenu iya di ansar ka remaung. “Ukai nya jelu diempa, asoh pulai enggau nya ulih nuan Adi,” ko Jubang.\\n“Aku endang enggai mai, tang ga nuan keras bendar ngasoh aku mai din tadi,” ko Keling, “laban nya endang jelu ka diempa kita ko nuan nganu aku din tadi. Nya alai aku lalu mai nitih ka jako nuan. Nya meh jelu ulih tua ngasu,” ko Keling. “Kati tua agi ngasu bai nuan Aka ?” ko Keling.\\n“Oh hoh! Oh hoh! Oh hoh! Enda aku dapat ngasu agi, pedis bendar tuboh aku tu, idup ka aku tu ulih nuan Adi,” ko iya dekut-dekut nat ka pemedis iya nyaut Keling.\\nUdah nya Keling lalu ngasoh Remaung dua iko nya pulai. Ninga Keling ke ngasoh seduai iya pulai, lalu enda betanggoh agi seduai lalu pulai kamaia nya.\\n“Ubat aku tu Adi. Tu baru aku parai ti nuan enda ngubat aku,” ko iya bejako enggau Keling. Tuboh iya nyau mirah laban darah iya ke dikuyas ka remaung. Udah nya lalu ditepas Keling enggau labung lalong baka sengkilong tedong jalih kendawang. Di ubat iya enggau labong bekulat bakakijap neladan sempepat inggap di putat pedada nunggang. Peda kenu lalu alit enda belitan, lalu semboh enda betuman meh ga tudah Jubang.\\nNYADI DUA tiga hari udah nya, peda kenu Jubang tak ngansah nyabur iya, samalam-malam, sadini-dinihari. Udah nya dipantap ka iya ngagai tiang, putus ga tiang. Pantap ka iya ngagai sukong, putus ga sukong. “Tajam nyabur aku tu,” ko ati iya.\\nUdah nya tawas meh ga hari, dia sida lalu makai pagi baka selama. Udah badu makai pagi, dia iya lalu bejako enggau Keling.\\n“Pia tu Adi. Manah tua senganjap saharitu,” ko Jubang.\\n“Besenganjap nama nya deh Aka?” ko Keling nanya iya.\\n“Eh, besenganjap tuboh,” ko Jubang.\\n“Aku nyangka tak besenganjap batang tapang,” ko Keling. “Barang ko nuan meh Aka,” ko Keling ga.\\n“Dini endor tua sengan¬jap lagi deh Aka?” ko Keling.\\n“Din meh Adi ba tengah menalan, tingkap di paras lesong talentang.”\\nNyadi sida sarumah nyau nadai deka ayan agi ninga seduai deka senganjap. Datai seduai ba tengah menalan.\\n“Sapa tua dulu mantap pangan deh?” ko iya nganu Keling.\\n“Eh, awak ka nuan meh dulu mantap aku, iya ga nuan tuai,” ko Keling.\\nUdah nya Keling lalu tingkap ba lesong, sereta lalu bejako. “Uji simpul aku ambai enggau sanggol lepi sakali. Uji tikal aku ambai enggau kain bebuah sigi.”\\nUdah nya lalu dipantap Jubang, peda lalu begiling mata nyabur iya baka tating jala besi, betikal baka udi.\\n“Jai bendar nyabur aku tu,” ko iya. “Lagi Adi aku limpang ngansah dulu, ti tau ko nuan.”\\n“Nama kabuah enda tau, alai meh nuan,” ko Keling.\\nUdah nya lalu nyau iya limpang ngansah nyabur iya baru. Udah nya lalu diuji ka iya ngagai tiang, putus ga tiang, embal ka iya ngagai sukong, putus ga sukong.\\n“Hah tajam tu!” ko ati iya.\\nSereta udah tembu iya ke ngansah nyabur, iya lalu pulai ga kin ka baru. Datai iya din lalu dipantap ka iya ngagai belakang Keling. Peda bakanya ga begiling baka tating jala besi, nyau betikal baka udi, sereta rabang mesai jari, simpak mesai kaki. Udah nya lalu deka malas meh ga Keling.\\n“Tu aku ga empu idar mantap pangan Aka,” ko Keling.\\n“Kati ko deh Adi, tau ditinggang enggau alu aku tu?” ko Jubang.\\n“Tau,” ko Keling.\\n“Ti bakanya nganti dulu nuan Adi, nganti aku udah ngiga alu,” ko iya.\\nIya lalu nyau mansang ngiga alu sereta lalu ngambi tali.\\n“Nya, tanchang enggau aku ulih nuan,” ko Jubang. “Alu ari atas, lalu aku ari baroh,” ko iya.\\nUdah nya lalu ditanchang Keling alu enggai ka abis bebaring. Nyau nadai agi dipeda tuboh iya ditambun tugong alu ke kena ninggang iya. Udah nya Keling nyau bemoa mirah nekang jerenang, nyau bemoa mansau nyedaun sabang undang, nyau bedada nyala baka ke kena teritik darah nyerang. Udah nya lalu dipantap Keling meh iya. Putus alu tu tadi lalu ngerampit Jubang. Udah nya putus ga Jubang lalu mutus ka lesong ke endor iya tingkap. Putus lesong lalu ngerampit tanah, tak nyau pesok teling-teling mandang ka tebiang sebayan nabang. Mati meh Jubang tu tadi.\\nAngkat udah nya tak lalu mengkasak kenu deh nyabur Keling. Deka diselit ka iya, enda ga ulih selit.\\n“Naka meh tu deh, tak agi belala meh sanga nyabur lama aku tu enda besia makai tulang. Ti tu tak diengkah ka ba mata tak enda berasa empeleman miang.”\\nNyadi nyabur Keling lalu enda ulih pasong, sereta lalu niki ka rumah lalu mantap Antu Malam seduai Antu Siang, lalu mati ga seduai nya nyenggai hari, parai nyenggai lemai. Udah nya baru nyabur iya ulih tan iya, sereta lalu ulih selit ka iya ngagai sarang.\\nUdah nya Keling lalu tenjik-tenjik bejalai di tanju. Meda iya lalu enda pulai ari tanju, dia deh Endu Sudan Keleman bulan perenching, Kumang Takang Bintang Beranaing, Adi Arau Timbau Berakit, Adi Enturun Papan Singit lalu nilik ari telenga atap di panggau gantung iya di sadau, lalu ngangau ka Keling.\\nEh pulai kitu ka nuan dulu Datu Siko pemadu nama mansang. Pulai nuan Labong Panggai ka sakai jako nyerang, pulai ka sadau ka nuan Bujang Jelingau nadai kala lenyau enggau orang ka teku tikal kajang, ngagai aku kitu ka dulu,” ko Adi Arau.\\nUdah nya lalu engkechit Keling niki ka sadau lalu tama ka panggau gantung Endu Sudan. Dia iya diau bulih tiga hari. Udah nya baru bini iya datai ngambi iya pulai ngagai bilik sida Satik ka setak, awak ka ngidup ka Aka iya.\\n“Aku Wai Sulu, alai aku ngangau ka iya ukai tegal aku jai ati, tang meda kita tak enda ngangau ka iya, enggai ka iya tak enda lantang ati,” ko Endu Sudan.\\n“Eh, Wai Sulu! Kapa nuan enda ngangau ka iya, kapa deh iya enda ditu, nya keba manah nuan nemu ngangau ka iya. Nyadi aku alai ti enda ngangau ka iya laban rindang abis ati ka Aka,” ko Satik\\nUdah nya lalu pulai meh ga Keling enggau bini iya ka setak ka baru. Datai seduai iya din, nya baru seduai nurun ngagai endor bangkai Jubang. Datai iya ba Jubang lalu diunsut iya enggau ubat penyangga nyawa, ngasoh nyawa anak mensia enda laya nyadi tumbang. Sereta udah diunsut iya enggau ubat, peda tak lalu angkat Jubang ari iya ti udah mati.\\n“Akai-rai Adi! Nadai utai ngenyenak nya aku tindok, nya baru tindok, datai ka nyau asai kai bemimpi sida Apai,” ko Jubang.\\nUdah nya baru iya ngubat Antu Siang seduai Antu Malam, lalu idup baru ga seduai nya. Samoa sida ke udah mati nyau pulai idup baru diubat Keling Manok Biring Sempidan Arang, Keling Aji ke Berani ati mutus parang.\\nNEMUAI KA PANGGAU LIBAU\\nKIRA KA lenggang dua tiga hari lepas nya tadi, dia deh Jubang tu lalu minta anjong Keling ngayau ngagai sida Banggai di penyurai remang pisit, ngayau ngagai Nading di Genturing pintu langit, laban iya udah arap bendar ka Keling nya amat Keling Pan¬ggau ke ko orang.\\n“Nyadi aku tu bakanya ga ipar,” ko iya. “Minta anjong nuan ngayau ngagai sida Banggai di penyurai remang pisit, ngayau ngagai sida Nading di Genturing pintu langit, laban ati tak agi ensiban bendar laban bala kami udah kena tegah sida Banggai re-kutai,” ko Jubang.\\n“Aku tu enda kala ngulu ka orang ipar, amat ga aku berani, sida Simpurai sida Laja baru endang ngulu ka orang, tang nama orang ngayau enggau ga aku ka bala orang,” ko Keling.\\n“Eh, bula nuan ipar! Nama tak nuan ke selalu didinga kami ari tu deh,” ko Jubang. “Orang nyin manok sabong nuan,” ko Jubang.\\n“Eh, enda aku tu ngulu ka kita, tambah agi ga aku tu deka nemuai ngagai kami kin,” ko Keling.\\nTi nuan tak deka nemuai, nya nemuai dulu ga meh, pulai nuan nemuai ila, nya baru ngulu ka kami,” ko Jubang.\\nUdah nya Keiing lalu besikap nemuai, mai bini iya nemuai ka menoa sida di Panggau Libau luchak lunyau lendat dibiau jila isang. Bini iya pan lalu besikap\\n“Datai din ila Endu, peda manah-manah ka ulih nuan tiap-tiap bengkah pengawa orang. Ti tiang ranyai iya tinggi ari enggi orang din ila, tuai orang meh iya din. Enti jangkang enggi iya maioh ari samoa enggi sida bukai peda nuan, tuai orang meh iya. Ni nya ulih dipelalai ka iya ditu,” ko Jubang bejako enggau adi iya Satik.\\n“Au, meh Aka. Nama kabuah aku enda berati ka pengawa iya din ila deh,” ko Satik.\\nUdah tembu seduai ke beradu, dia Keling seduai bini iya lalu mupok bejalai ari rumah sida, sereta lalu niti sentali jalai ulang. Nengah tinting dua kali tinting, meraka genting dua kali genting. Udah nya baru seduai nurun nengah tebing rapas tutong pangkong penguang. Udah nya seduai iya manggai ba lebak madang unak rutan enseluang, lalu niki ngagai bukit enda perait mata pedang. Nyau kalama seduai ke udah bejalai, sungai nyau abis di-ulu, sungai abis di-ili, bukit abis diturun, bukit abis ditiki, nyidi menasan jalai jani. Nya baru seduai lalu manggai ba tanah gelenggang tarah, lalu ngetu ga seduai ngambi mimit ka ubat pemurah penyangga nyawa. Datai seduai ba urat gelenggang pantap ngetu ga seduai ngambi mimit, ka ubat pemandang raja. Enda lama udah nya, baru seduai datai ba pintu langit singkong rapit baka tambit peti belulang. Datai ba pintu langit landai baka bingkai moa tibang. Datai ba batu galang baka ladang lapis taya. Datai ba batu besai ke nyeringgai mesai dampa.\\n“Ditu tua nilik menoa, Satik,” ko Keling. “Nyin, batang tiang balan, enggi sida Unggal aku Renggan enggau enggi Unggal aku Balu Juntan di menoa sida di munggu madang ruan Puntang kenyalang, sida Renggan di menoa sida di Melaban Mipau Umbang. Nyin, tiang Sandong Betong, enggi sida Unggal aku Sanggol Labong di tuchong Biru nakong taja gemuong munyi tempukong sarang gamang, enggau enggi sida Unggal aku Tutong, nya ga tuai sida Gelong batu nakong nyingit nyingong ngelentik punggang. Nyin, tiang chandi nya enggi sida Unggal aku Kumpang Pali, di menoa sida dipun teras penguji nadai kala ruji teman abi beliong kabang. Nyadi nyin, tiang ranyai, iya ke taja giai-giai murai ka tangkai jila isang nya enggi sida Unggal aku Simpurai Muntigerai Lancham disimbang, enggi Patu Buloh Antu Lanting tekejang, enggi sida Unggal aku Bunga Nuing manok biring disabong mali lenyang, di menoa sida di Panggau Libau luchak lunyau lendat dibiau jila isang.”\\nUdah nya baru iya madah ka kukok manok ngagai Satik. “Dinga nuan ambai, taja tempap manok kepiat munyi sangap tutong pengu¬ang, taja betesai langgai manok tawai aku munyi serunai ayam dagang. Dinga taja kebas-kebas kenu petugang manok bangkas dileka ka di idas badas pakan uyas tekalong kangkang. Taja raok-raok nya ambai, kukok manok duan imbok madah ka diri pulai tindok ari puchok nyior undang, taja lenga-lenga kukok jagok manok bangka aku nya ambai, keba punggong nya ambai sematung jelayan muda, keba dada banda pipit sepua, iko iya tak lalu tasau mata, belakang iya lang chelum chala, bulu sua iya tak mua pengena-ngena bisi ngambi pala tekura umang.”\\n“Mua meh pemanah petugang manok tawai aku nyin deh ambai Wai, iko silai gerunjong manang. Keba punggong iya sematung tuntong engkerawai, dada iya tak banda pipit kechuai, iko iya layu tasau meratai, bulu sua iya mua pengena-ngena bisi ngambi anak engkerawai bintang.”\\n“Mua pemanah petugang manok kapiat aku nyin deh ambai Wai, keba punggong iya ke sematung tuntong kulat, dada iya banda burik lekap, bau iya ke bebulu asu rapat, belakang iya lang chelum bekilat, lalu bulu sua iya tak mua pengena, bisi ngambi anak belalat umbang.”\\n“Naka meh pemanah petugang manok sidu aku nyin deh ambai i, ke bebulu nansang ka belakang, keba patong iya bisi tuntong semada balu, lalu punggung iya bisi sematung bangkut sentuku. Dada iya banda pipit antu, belakang iya lang chelum kelepu, bulu bau iya mua penyiru-nyiru besemut panggang.”\\nUdah abis seduai iya ti nyara bulu manok, nya baru seduai lalu nurun nengah pintu langit singkom rapit nadai meranggang. Tak enda lama ka sasempa makai pinang seduai pan datai ga ba pendai orang Panggau Libau luchak lunyau lendat di biau jila isang. Ba pendai di ai tansang kenyalang, datai ba pendai nanga di perua bunga pasang. Udah nya seduai pan lalu sama-sama mandi di ai nyandau langkang, sama nyelam di unggam papong batang. Mandi di pendai ulu ke bangat chiru baka madu minyak kepayang. Ai bekerangan ka marik untak undang, bebatu ka rangki landai penyulang.\\nDATAI DI PANGGAU LIBAU\\nUDAH SEDUAI sama badu mandi, peda datai orang ngambat seduai, bala sida ke anembiak papak perenggang, bala sida Upi pengambi ai dalam ruang, bala sida Abak kerimpak baroh rajang. Udah nya lalu nikal ga sida ka rumah madah ka orang di rumah.\\n“Oh, Hoi! Bisi Aya datai mai bini iya,” ko sida.\\nNinga munyi nya lalu nurun sida Indai Keling ka pendai, sama enggau adi iya Endu Rikok Papan Pelangka, Endu Sudan Bulan Perenama. Datai sida di ai, nya baru mai seduai sama niki ka rumah. Datai sida di rumah lalu gaga meh ga orang maioh meda Keling datai mai bini.\\n“Hah deh! Mua ga pemanah gamal bini nuan Buat. Bidik bendar nuan nemu indu ngemanah tu,” ko Simpurai. “Agi bisi pangan iya din Buat?” ko Simpurai.\\n“Oh! Bisi meh pangan iya din deh Buat,” ko Keling.\\n“Sapa nama iya deh Buat?” ko Simpurai.\\n“Endu Sudan Keleman bulan perenching, Endu takang bintang beranaing, iya Adi Arau, Buat, timbau berakit, Adi Enturan papan singit.”\\n“Ti nuan pulai ila Buat, aku deka bekirum ka utai ari tu,” ko iya bejako enggau Keling.\\nLepas nya, dia kenu Buat Simpurai lalu ngiga tulang rasa, laban iya deka ngaga sulat, lalu ngasoh Laja ngaga utai nya, ngaga sugu enggau ruding. Udah tembu utai nya digaga Laja, lalu ngasoh Laja ngaga bungkan ga iya, ka dikirum iya kalangit kin ngagai Adi Arau. Udah tembu samoa utai nya tadi digaga Laja lalu dianjong iya ngagai Keling, ngasoh Keling mai utai nya ngagai Adi Arau.\\nApin bengat lama iga Keling seduai bini iya udah datai, dia deh Endu Lulong di Gelong Batu Nakong nyingit nyengong ngelentik Pinggang, Lemok ke bejulok Lulong Bintang lalu bejako enggau Endu di Liu Nyatu Tapang, Endu Lenta di Sala lasau takang, Kumbau di Balau belaie langkang, bejako enggau Endu Dara Jawai ke Ensangai Dayang Kumang.\\n“Oh Wai Sulu mentipu lebu nagai, asa bula enggai, bisi Keling datai mai bini iya dia.”\\n“Sapa nama bini iya deh Wai Sulu mentipu lebu nagai, asa bula enggai?”\\n“Eh Wai Sulu, Endu Sudan Kelindan lambar benang, Satik kelandik bala nyerang.”\\n“Manah gamal bini iya Wai Sulu?” ko Kumang.\\n“Manah ga Wai Sulu, tang ni iya telaban ka gamal nuan deh.”\\n“Kati lama seduai iya dia ila Wai Sulu?” ko Kumang.\\n“Enda ga bengat lama,” ko Saut Lulong.\\nKIRA UDAH chukop pengelama seduai udah nemuai ka Panggau Libau, dia Keling lalu madah ka ngagai sida indai iya, deka pulai baru ka langit. Ninga iya madah ka diri deka pulai, dia orang lalu belulun ka asi, ngaga letup sereta bepandok ka telu dibai seduai iya pulai.\\nUdah nya seduai lalu nyau pulai. Datai seduai di langit lalu mua pengaga meh sida Jubang meda seduai iya datai, enda pedis ati baka ke dulu agi. Sereta udah diengkah ka Keling ma iya lalu beguai-guai Jubang mansang nyerungkai utai dibai seduai baru pulai nemuai ari Panggau Libau luchak lunyau lendat di biau jila isang.\\n“Anang guai meh Adi. Aku tu deka betemu enggau Endu ka bilik ka dulu,” ko iya, “lagi baru berandau enggau nuan.”\\nDatai iya di bilik, dia iya lalu bejako enggau Satik. “Kati ko deh Endu, sapa tiang ranyai sida tinggi agi dipeda nuan din?” ko Jubang.\\n“Enggi Keling meh ga tinggi agi ari enggi sida bukai,” ko Satik.\\n“Sapa jangkang sida maioh agi dipeda nuan din deh Endu?”\\n“Nya pan enggi iya meh maioh agi ari enggi sida bukai. Samoa utai enggi iya magang lebih ari enggi sida bukai,” ko Satik.\\n“Ti munyi nya, iya meh tuai orang din. Iya ke ngumbai diri ukai tuai orang ba kitai ditu. Ti bakanya, iya meh tuai orang,” ko Jubang.\\nUdah nya Jubang lalu pansut ka ruai mai tungkus asi, mai ruas, mai telu madah ka ngagai orang di ruai. Madah ka nya agi angat ngagai orang, empa penyemak menoa, nya alai tak enda lama endor datai.\\n“Oh, tak bedau angat tu,” ko iya, “semak meh menoa sida tu, patut orang tak nyamai mindah kin-kitu.”\\nUdah nya orang lalu bepakai ka asi, bepakai ka telu dibai seduai baru pulai nemuai ari Panggau Libau luchak lunyau lendat dibiau jila isang.\\nUdah tembu sida ke makai utai nya tadi, dia hari pan nyau malam ga, matahari lesi terunjam padam. Udah nya Satik lalu ngangau ka Jubang seduai Keling makai ke bedamai nimang lantang. Udah badu makai laiu pansut ka ruai ka ga seduai mipar-ipar.\\nUdah samoa sida sarumah kemas badu makai, dia Jubang lain ngempuru ka sida sarumah pengerang. Udah sama dudok berintai baka tangkai asam samadang, sama udah betugong baka lempaong ngambong ka batang, dia Jubang lalu bejako enggau sida sarumah madah ka diri minta anjong Keling ngayau ngagai sida Banggai di Penyurai Remang Pisit, ngagai Nading ke di Genturing pintu langit.\\n“Aku enda kala ngulu ka orang ngayau,” ko Keling. Sida Unggal aku Simpurai, sida Laja, nya baru endang ngulu ka orang.”\\n“Eh dini nya bakanya deh Adi,” ko Jubang. “Nama tiang landong betong, tiang ranyai nuan tinggi agi ari enggi sida Simpurai enggau enggi Laja deh, ko Endu. Baka jangkang enggi nuan ga lebih agi, nya alai nuan meh ngulu ka kami.”\\n“Deka ga aku ngulu ka kita ditu, ga sida nya nadai,” ko Keling. “Ti baka sida nya bisi, sida ngulu ka kita,” ko iya.\\nUdah nya lalu gaga meh orang ninga Keling deka ngulu ka sida ngayau. Sida ngayau ngagai sida Banggai di Penyurai Remang Pisit, ngagai sida Nading di Genturing pintu langit. Tak samalam-malam nya sida baum. Aum sida tembu hari pan tawas teringkas siang.\\nUdah nya sida Ialu besikap, laban lalu deka nurun.\\n“Kita dulu”, ko Keling, “ila baru aku nitih ka kita, kira ba maia kita ke baru deka datai din ila, nya baru aku nurun ari tu,” ko iya.\\nUdah tembu sida besikap, lalu nyau samoa orang bukai nurun mansang nyerang. Nyadi Keling tu tadi apin. Kira bisi empat hari orang bukai udah nyau dulu, dia Jubang lalu bejako enggau bala maioh.\\n“Nama utai digaga laki Satik tu lalu enda datai nitih ka kitai, kada enda ngelanjor ka kitai iya tu. Manah ga abas enggau iya tu ulih kitai,” ko Jubang bejako enggau Arau Timbau berakit, Enturan Papan Singit.\\n“Kitai tu tak nyau enda bengat jauh agi ari menoa munsoh. Ni alah kitai tak kena tegah orang baru ila,” ko iya. “Awak ka seduai ngabas iya kin, seduai ga deras,” ko Jubang bejako enggau Arau seduai Lengkar Bemban Bediri.\\nUdah nya lalu nyau seduai ngabas Keling nikal ka rumah. Samalam seduai di rantau jalai, nya baru datai di rumah. Datai seduai di rumah, dia seduai meda Keling baru udah besikap, baru deka nurun nitih ka orang. Seduai lalu madah ka diri diasoh Jubang ngambi Keling, meda iya lalu nadai datai.\\nNyau pagi hari siti, nya baru sida tiga lalu mupok bejalai nitih ka bala Jubang endang udah nyurong lima hari dulu ari nya. Apin sida tiga nurun, sida dulu ngelulun asi, mandok telu ka bekal. Udah nya baru sida lalu bejalai ari nya. Enda bengat lama asai sida tiga udah bejalai, dia sida tiga lalu datai ba endor sida ke dulu ngetu ngupa.\\n“Nama tu tak endor kitai ngetu ngupa ensanus deh,” ko Arau bejako enggau Lengkar Bemban Bediri.\\n“Kitai tiga tak apin lama udah berengkah bejalai,” iko seduai.\\n“Apia lama bendar kitai tiga udah ngejang ka rumah, tak lalu apin peloh udah bejalai,” ko Arau.\\n“Iya meh tu, endor kitai ke ngupa ensanus,” ko saut Lengkar Bemban Bediri.\\n“Kati penyauh langkau kita agi ari tu deh?” ko Keling.\\n“Enda jauh agi,” ko seduai.\\n“Kitai tiga tu tak apin lelak bejalai ngejang ka pendai din tadi,” ko Keling.\\nUdah nya kenu dinga nyawa orang richah di langkau. Sida tiga pan lalu datai ga ba pendai sida Jubang ti dulu. Datai sida tiga ba pendai. “Pendai kitai meh tu,” ko seduai. “Nyadi langkau enda bengat jaoh agi ari tu,” ko seduai.\\n“Dulu seduai niki alai. Aku deka mandi dulu,” ko Keling.\\nDatai seduai di langkau, orang lalu nanya seduai, “Kati ko seduai kamaia seduai angkat ari nyin. Tak pagi kamari seduai angkat ari tu mansang kin?” ko bala sida bukai.\\n“Tadi meh kami tiga angkat ari nyin,” ko seduai.\\n“Bah, ni laki Satik deh?” ko Jubang.\\n“Iya agi mandi di pendai,” ko seduai.\\n“Ni maia hari kita tiga angkat ari nyin tadi deh?” ko bala sida nanya baru.\\n“Enda ga bengat tumu, pemanah iya meh hari pagi tadi kami tiga ke bejalai,” ko seduai. “Udah mansau asi pagi tadi, nya baru kami tiga mupok bejalai.”\\nUdah nya lalu angkat kenu Jubang lalu nyerungkai asi. Telu lalu diembal ka iya ngagai siko-siko madah ka nya agi angat.\\n“Naka meh deh. Patut orang nyamai ngayau ngagai kitai. Tu deh baka penyemak menoa ba orang,” ko Jubang bejako enggau bala iya.\\nUdah nya baru Keling datai ari iya ti ngetu mandi, iya lalu madah ka diri bisi utai ulih, bulih babi, rusa enggau ikan di pendai, lalu ngasoh orang ngambi sereta emparu utai nya tadi ka ai. Nyadi tusok ikan nyau baka garing ba pendai.\\nUdah nya orang lalu nurun mansang emparu babi, rusa enggau ikan ka pendai. Datai di pendai, dia sida lalu meda rusa, meda babi, meda ikan nyau baka garing. Tak sama ngenong mensia, baka empelekong mabok amboh, sama tak ngetu baka puyu mabok keroh.\\n“Oh naka meh deh! Penyamai orang! Patut orang nyamai leboh ka bisi pengawa baka tu, laban orang tak mudah ngereja samoa utai. Nyadi kitai kenu nyau abis upa sebelah babas digumpol ka diempa!” ko Jubang bejako.\\nUdah nya lalu diemparu sida samoa utai nya tadi. Tembu sida emparu, lalu dibai sida pulai ka langkau. Datai sida di langkau, dia sida lalu berengkah mansoh samoa utai nya tadi. Udah tembu sida mansoh lauk nya tadi, dia sida pan lalu berengkah ga makai.\\nUdah tembu makai, nya baru Keling lalu mai sida baum. “Kati penyauh menoa munsoh ti deka digagai kitai agi ari tu deh?” ko Keling.\\n“Eh, tak enda nemu kami, laban kami endang enda kala datai din. Nama datai ba tengah jalai lalu kena tegah orang ga bala kami. Nya alai kami tak enda nemu penyauh agi ari tu, jauh ka, enda kini, tang dijangka ka enda bengat jauh agi, nama sida tak datai negah deh,” ko bala sida nyaut Keling. Udah nya bala sida lalu tindok, laban hari nyau jauh malam.\\nNyadi hari siti orang lalu ngeja jantau pulut jantawang. Udah mansau asi, dia bala lalu makai bedamai nimang lantang. Udah tembu makai sida pan lalu besikap deka bejalai ari nya. Udah tembu beradu sida lalu angkat bejalai ngejang ka nya. Kira iya umbas penyauh ari nya sida pan lalu datai ga ba endor sida ke udah kena tegah bala Banggai. Dia sida lalu ngetu.\\n“Ditu kami kena tegah orang leboh kami ke mansang dulu suba,” ko sida.\\n“Kati penyauh menoa rnunsoh agi ari tu deh?” ko Keling.\\n“Enda nemu penyauh meh, kami ga enda kala datai din, enda kala ngelui tu,” ko sida.\\nUdah nya lalu bejalai ga sida ari nya. Nyau kalama sida udah bejalai, angkat deh tak nyau enggai nyingkang agi kenu tudah Jubang, laban nyau takut ka munsoh.\\n“Kati alai kitai tu tak lalu enda mindah-mindah deh? Nama kabuah kitai tu tak nyau enggai nyingkang agi deh?” ko Keling.\\n“Enti Buat Simpurai datai ba tisau serarai, tak rengai-rengai iya nimang ambai peransang tulang. Nya, aku ngunsut kita enggau pengaroh dulu,” ko Keling bejako baru.\\nUdah nya lalu dibantai ka rajut tanggam kelukut danan ngerang, lalu ditanggong iya batu ketupong bemunyi setak-setak, dibantai ka iya batu beragai bemunyi lekak-lekak, lalu digenggam iya batu burong malam bemunyi bansak-ansak, lalu dijengkau iya batu papau bemunyi rangau-rangau munyi tempalau kangau sabak.\\n“Aku meri kita pengaroh tu ngasoh kita ngirup, meri kita peransang ati, awak ka ati kita berani nungkol pisang,” ko Keling\\nUdah nya sida lalu berasai berani. Nyau bemua mirah ngembuah sabang undang, nyau bedada nyala baka ke kena teritik darah nyerang. Maioh nyau bekakerik gerit ngeli sida, laban pengaroh Keling nya tadi. Tuboh sida nyau berasai regas, lalu bejalai pan nyau tegar, laban nyau nadai ati takut agi, tak nyau digiga betemu enggau munsoh.\\nAngkat deh Jubang tu tadi tak lalu enda tegar, lalu enda masok peransang. Tak nyau bekelansat kenu iya ke bejalai. Ti di rumah raok-raok Jubang munyi kukok manok menang, di tanah tak nyau nadai bemunyi baka bangkai babi mati di gayang. Nyau abis kenu iko sirat iya laban iya bekelansat ngena burit.\\n“Lapa nuan tu tak enda mindah deh Aka?” ko Keling.\\n“Kami bukai tu nyau berani laban peransang. Dalam kami tu tak nyau berasai tajam pegereman mata besi, tak nyau berasai ransing ati kami juring muting geraji, tak nyau tinggi asai kami di suli labong betawi,” ko bala sida.\\n“Eh enda ulih bai ati aku tu. Ti bisi munsoh lagi, kita naban ka aku enggai ka aku tak ulih munsoh ngapa,” ko Jubang.\\nUdah nya lalu bejalai kenu sida ari nya, lalu menoa munsoh pan nyau semak kasemak. Nyau kalama udah nya, baru sida datai semak rumah sida Banggai di Penyurai Remang Pisit, menoa Nading di Genturing pintu langit. Datai sida ba seberai rumah panjai sida Banggai, dia sida lalu diau ba langkau panjai orang. Nyadi dalam langkau nya tak chukop utai di kemisi, samoa macham utai diempa bela bisi magang dia. Baka asi, pansoh enggau ikan, endang udah sedia nganti makai. Ari langkau nya sida meda indu dara dua iko benong mandi ba pendai sida Banggai.\\n“Manah bendar gamal indu nya. Nyadi aku deka nanya ka berita ngagai indu nyin. Sapa bagi kita enggau aku deh?” ko Keling.\\n“Eh awak ka Arau seduai Lengkar Bemban Bediri nya enggau nuan kin,” ko bala sida.\\n“Nyadi samoa kita bukai tinggal ditu” ko Keling.\\n“Kita ke tinggal tau bemain, sebarang main ko kita, baka betaboh enggau begendang, tauka main bukai. Nyadi kami tiga tu enda nikal agi,” ko Keling. “Samoa kita nitih ka kami dinihari ila, laban kami enda pulai agi.”\\nUdah nya lalu nyau sida tiga mansang ngagai indu ke mandi. Datai kenu sida tiga ba indu ke mandi, indu dua iko nya lalu nanya sida.\\n“Oh, ari ni penatai nuan deh ambai aku enggai muai, laki kerindu ati, tunang tuju lempuang?”\\n“Eh, Ambai Wai. Aku datai ari sida Jubang,” ko saut Keling, nganu Bunsu Banggai seduai Bunsu Nading.\\n“Oh, ti bakatu mati meh kami nengali hari, tumbang kami nengali bintang, parai kami nengali lemai, tu nuan ga enggau bala sida Jubang. Enti nuan enda enggau sida Ambai Wai, enda sida telaban ka kami. Sida ngelamatu enda kala talah ka kami. Ti bakatu mati meh kami, luos kami laban kita ila,” ko seduai nya bejako enggau Keling.\\n“Nadai ko, meh Ambai Wai,” ko Keling. “Aku ga dibai sida Jubang.”\\n“Ti baka tu lalu meh kita, niki ka rumah. Begawai kami dia, begawai niki ka pala bala sida Jubang ulih kami leboh sida ke mansang dulu suba. Nya dipegawai ka kami,” ko seduai nya.\\nUdah nya lalu niki meh sida tiga ka rumah sama nyereta indu dua iko ti mandi nya tadi.\\n“Oh!” ko Jubang, bejako ari langkau, “naka meh sida tiga nya tak lalu nyau enggau indu. Nya tentu madah ka bala kitai ngagai munsoh di rumah. Tu baru kitai tu abis mati dipadah ka iya ngagai munsoh.”\\n“Eh, dini nya munyi ko nuan nya deh Aka, tang endang ga ka baka pengawa orang din, dini nya bengat deka munoh kitai,” ko sida bukai.\\nDatai sida tiga di rumah, lalu meda meh Banggai. “Naka meh pemanah gamal sida tu deh. Ari ni penatai kita tu deh Unggal?” ko Banggai.\\n“Datai ari menoa jauh kami tiga tu, laban ninga kita begawai, deka ngabang ngagai kita,” ko sida tiga.\\nUdah nya lalu dibela orang kenu sida tiga. Diberi orang makai, beri orang ngirup dia. Udah nya sida tiga lalu mabok. Meda sida nyau mabok lalu dianjong orang ka pelaboh awak ka tindok din enggai ka dikachau orang kin-kitu. Udah nya kenu lalu mabok ga Keling.\\n“Eh, nya Endu! Asoh bai orang ka sadau, awak ka iya gali di sadau, enggai ka kena kachau orang,” ko Banggai bejako enggau Adi iya.\\nUdah nya lalu dianjong orang ka sadau ka Keling. Udah nya sebarang sapa mabok anjong sida ka pelaboh. Datai di pelaboh lalu dibunoh seduai dua iko ke din, lalu orang ke nganjong pan sama dibunoh. Arau seduai Lengkar Bemban Bediri tak ngenying nadai pengawa bukai samalam nya semina mumpong pala berari-ari.\\n“Nadai kala umor ngemendar tu, suah ga udah ngayau apin kala merentak tu jari. Tu baru orang dititih ka ngayau baka laki Satik tu,” ko seduai. “Nya kitai ngelamatu suah agi pulai lebu nadai utai ulih, Semina utai temu kitai, lari dibai orang ke ngulu,” ko seduai.\\nNama datai di pelaboh pantap seduai ga orang ke mabok. Orang ke nganjong pan dibunoh seduai dia lalu nadai pulai agi. Nyau ka tawas kenu hari dia sida lalu berengkah bepantap ngalun ka orang ka ruai. Nama seduai udah bulih anjong seduai ga pala ngagai langkau di seberai ba endor sida Jubang ke nganti.\\n“Oh!” ko Jubang, “Enda meh aku kala meda utai bengat ngemaioh tu deh. Anang agi, umbas nya enggai ka enda ulih bai kitai pulai,” ko Jubang.\\n“Kati ko kitai tak ninggal ka laki Satik deh. Benong bamok iya din,” ko Arau seduai Lengkar Bemban Bediri.\\n“Iya ga aku tak enda kala meda utai bengat ngemaioh nya deh,” ko Jubang. “Aku enda enggau kita kin, awak ka aku ngibun tu ditu,” ko iya.\\nUdah nya lalu nyau samoa sida bukai mansang kin nitih ka laki Satik. Nya baru sida lalu berengkah bamok enggau bala Banggai. Dinga tumbok sida kenu nyau munyi tutok leka ujan, pantap sida nyau munyi ke nesap asam kemantan. Pantap ka kiba peda nyau baka tugong reba nanga Paku, pantap ka kanan nyau sabaka enggau reban nganti nunu.\\n“Alun ka Unggal alun. Mati kitai tu Apai, mati kitai tu anak, mati kitai tu indai,” ko utai dia dinga sida.\\nPantap Keling ka kiba rawai lima, pantap iya ka kanan rawai enam, pantap iya ka moa mati tiga, pantap iya ka belakang abis magang. Peda kenu di baroh rumah nyau mirah kena dujah darah lang. Udah nya baru munsoh lalu abis. Bala sida Keling pan nyau berasai puas ga bepantap. Tapa kiba nyau lasa asai ke lelak berimba buong nebang, pala patong nyau singkong lelak nyingkang, jari kanan nyau tegisan lelak magang.\\nUdah abis munsoh tu tadi, nya baru sida lalu dibai Keling pulai. Nyadi bunsu Banggai seduai bunsu Nading ke udah ditangkap Keling, lalu dilepas ka iya baru. Seduai nya tadi sama diengkah ka iya dalam temilah sekumbang sida ke bamok. Udah nya baru bala besai Keling lalu pulai. Enda bengat lama sida udah bejalai, asai ka sasempa makai pinang, sida pan lalu datai ga ba pendai sida Jubang betengelang bulu burong, datai ba pendai sida Jali di kaki ujan ngerunong.\\nMeda sida udah datai ba pendai, dia sida ke tinggal orang ngayau lalu begau datai ari rumah mansang ngambat orang ke baru pulai ngayau. Begau meh kenu samoa-moa orang enggau indu enggau anak enggau tuai enggau biak. Datai sida ba pendai lalu tekenyit meda pemaioh antu pala ulih orang ke ngayau, tak enda jena-jena bulih salabuan dampa rumah balang, begau kenu sida sarumah-rumah, laban nadai kala meda utai bengat ngemaioh nya udah ngelamatu. Suah ga ngayau endang tak nadai bulih pala sigi.\\n“Balat meh kitai tu laban laki Satik tu deh,” ko sida dia.\\nUdah tembu sida ke begau, nya baru sida mai antu pala niki ka rumah. Gaga ria rindu meh sida indai kelabu runggu nyandik pugu buloh pengerindu enggau pugu balang berang. Gaga ria rami meh sida indai burong pagi, gaga nyandik pugu buloh beteri enggau tengkebang ampang menyeti sama enggau leka begumba balang bedai udah ulih sida perinyai ambai ati pulai negi matahari baka bunga besi redak ditenchang. Gaga besentai langgai meh sida indai burong ruai, gaga nyandik pugu buloh kitai enggau menyeti bali belulai ulih sida perinyai ambai lalai, pulai pegi ari bingkai langit landai baka bingkai tibang terentang. Udah nya lalu disandik sida ke indu meh antu pala pulai ka rumah. Udah nya langit pan nyau bebali besiring kuning matahari lesi terunjam padam.\\nMALAM NYA lalu nganchau tikai ba ruai sida laban deka ngempuru ka sida sarumah mai baum deka niri ka Ranyai. Dianchau iya tikai besai anyam Beredai indu orang di Meligai Pungga Pungkang lalu ditap iya enggau tikai pachal mit lambar karong leit tikai bekuang. Udah nya lalu ditap iya enggau tikai belukor anyam bini Serit Mansor seduai bini Pengiran Amang. Udah nya sida lalu ngempuru ka sida sarumah ngagai ruai Jubang magang. Dia kenu bala besai lalu dudok begempuru baka rampu rutan jerenang, dudok betugong baka lempaong ngambong ka batang, dudok bedijir baka tingkil maram pengerang, lalu dudok berintai baka tangkai asam samadang. Udah nya baru Jubang lalu bejako.\\n“Aku tu bakanya ga,” ko iya, “mai kitai sarumah tu begawai besai, enggai nyadi enda begawai peda pemaioh antu pala ulih kitai. Nadai kala kitai sarumah ngemulih tu pala. Begawai niri ka tiang Ranyai murai ka tangkai jila isang. Begawai burong niri ka tiang Sandong Betong bebungkong ka benong tajau bujang. Mai niri ka tiang Gajah Meram taja singam-singam nungkam ka menalan balu rajang, niri ka tiang chandi urik taja jentik-jentik ngelilik ka tasik linggang gumbang, enggau niri ka tiang balan delapan belas betentang.”\\nNinga Jubang mai sida begawai, lalu gaga meh sida samoa sarumah, sama bela deka begawai magang. Udah nya lalu nyadi kenu pengawa sida ke begawai besai. Nyau bepakai ka ganjai nyamai ulih ngerekai mua tibang. Nyau bempa ka saba samakau lama ulih sida mengua ka saraka tumpok lintang, nyau bekachit ka buah pinang kunchit baru alit burit nelaga langkang, nyau bechebik ka sirik siduk ulih nyulok di puchok ragai menuang. Dia lambu sida sakayu antu rumah merundu lama udah betiu ka jako enggau antu bala pengabang.\\nNYADI NYAU ka pengabis gawai sereta samoa antu pala pan udah ga abis ditiki ka magang, dia deh Keling lalu madah ka diri nyau deka pulai ngagai menoa sida di Panggau Libau luchak lunyau lendat dibiau jila isang.\\n“Nyadi aku tu enda tau nguai, nya alai aku enda tau begulai enggau kita lama, tang aku deka pulai,” ko Keling.\\n“Eh, ti nuan pulai, kami tu enggai tinggal nuan, ti nuan deka mai kami pulai ngagai menoa kita kin,” pia deh ko jako sida Jubang.\\n“Deka enggau nuan pulai meh kami, deka mindah enggau samoa utai ngagai menoa nuan kin.” ko sida.\\n“Oh! Ti kita deka pulai enggau aku kin tau ga, tang nyangka kita datai din ila tak enda tan laban jako Buat Simpurai. Jako Sim¬purai bengat rangkai lebih ari bilai besi ditenchang. Jako Buat Sim¬purai bengat renjan lebih ari suran pedang disandang. Jako Buat Simpurai bengat bisa lebih ari tuba tubai benang. Jako Buat Sim¬purai bengat kering munyi ke nganting puting beliong kabang. Jako Buat Simpurai bengat munoh ari ipoh sumpit kesoh anak Memaloh Langgai Tawang.”\\n“Eh kami enda iboh ka jako iya, nanya kami tak nundok ka iya, amat ga nuan deka mai kami pulai kin, nadai penyadi kami diau kadiri ditu,” ko Jubang.\\n“Au, ti munyi nya, samoa utai ti dikesayau ka kita sebelah umai, sebelah temuda, baka tengkenyang, chekor, kunyit enggau samoa utai bukai tambak magang ulih kita.”\\nNinga munyi nya lalu dikali magang samoa utai nya tadi, samoa utai ti dikesayau sebelah umai enggau temuda. Nyadi nyau hari siti, nya baru Keling ngasoh sida ngurong babi enggau manok sereta lalu digempuru ka dia magang. Malam nya samoa sida enda diasoh Keling mindah ka bukai, tang diau di rumah magang. Nyau tengah malam kenu hari, samoa orang udah tindok magang, dia Keling lalu angkat pansut ka tanju. Di tanju, dia iya lalu bejako munyi Sebaru dulu ujong. Ngangau munyi Buau dalam kampong, mutap munyi kedadap beketebong bungkong, lalu besangin munyi Bukitan Palin ngua lilin madu ranggong. Ngangau ka Selepang puang pinggang lempong besempayang pala patong. Ngangau ka Raja Jatan ganggam Lengan penyan payan betong. Ngangau ka apai Bandar Lila ngebong moa baka singkap jalong jebong. Ti iya be¬jalai kili nemu ai bepulas uchong, ti iya bejalai kulu nemu batu tekuyong mabong. Nya ga bunsu selatan angin nyabong taja renjong-renjong mumpong ka gerempong puchok tapang.\\nUdah nya dinga ribut tak lalu bepuput besundang surong, dinga bua tak lalu bepangka bepulas uchong, mangka ka rumah sida Jubang. Nyau kapuas udah ribut ke mangka rumah sida Jubang dia deh rumah sida lalu berunyut nurun ka baroh. Datai di baroh lalu nenjang rumah panjai orang Panggau Libau muak ka ujong tanju, tak nyau besabong tanju enggau orang Panggau Libau, sereta sama ngemanjai nya. Udah nya kira nyau dinihari, lalu dani kenu Buat Pungga Bujang Puntang Medang lalu pansut ka tanju mansang deka kemi. Datai iya di tanju, dia iya lalu meda rumah orang ba ujong tanju sida tak sama ngemanjai nya peda iya. Iya tekenyit bendar ati, laban utai nya nyelai amat peda iya. Deka ati iya ngum¬bai nya mimpi enda ga iya tindok. Sagam iya panggau iya, enggi iya ga sepi iya, lalu disagam iya samoa utai iya bisi magang ga dia, lalu enggi iya magang ga sepi iya.\\n“Deka ngumbai aku tu ngayap, enda ga aku ngayap, nadai bisi mindah kia-kia,” ko ati iya.\\nUdah nya iya lalu ngangau ka sida indai iya di bilik.\\n“Oh Indai! Bisi dia nuan?” ko iya.\\n“Bisi aku ditu anak,” ko saut indai iya ari bilik.\\n“Ni Endu deh, bisi ga dia?” ko iya.\\n“Endu pan bisi meh anak,” ko indai iya.\\n“Anang iboh pansut,” ko iya.\\n“Nama deh kabuah kami tak pansut, ga hari lalu apin tawas.”\\nUdah nya lalu angkat ga Laja lalu pansut ga ka tanju. Bakanya ga Laja, sama meda utai tak nyelai baka ke dipeda Pungga tadi.\\nUdah Laja pansut, lalu pansut ga Buat Simpurai Muntigerai Lancham disimbang, Patu Buloh Antu Lanting Tekejang, Bunga Nuing manok Biring ke disabong mali Lenyang. Datai iya di tanju, dia iya lalu tekenyit meda rumah orang tak mandong enggi sida lalu sama manjai nya.\\n“Oh, nama utai nya kau, ukai munsoh kini?” ko ati iya.\\n“Ho Buat!” ko iya ngangau ka Pungga. “Nama rumah orang nya dia?”\\n“Nya meh peda aku tadi Buat,” ko Pungga.\\n“Hees! Bula nuan. Nadai nuan meda utai. Ti nuan bisi meda, nama kabuah nuan enda madah ka kami,” ko iya nganu Pungga.\\n“Nya meh ga dipeda aku tadi Buat,” ko Laja ga bejako enggau seduai dalam petang.\\n“Hees! Bula seduai ngumbai diri meda. Tu aku meda nadai enda lalu madah ka seduai deh,” ko iya.\\n“Aram Buat tua nurun kin lalu meresa rumah orang nya.”\\nUdah nya seduai lalu nyau kin mansang meresa rumah orang nya. Datai seduai din lalu ditiap seduai samoa lelaki ke tindok di ruai, abis tiap seduai. Udah nya lalu diangkut seduai ga samoa sangkoh sereta lalu ditugong ka seduai di tanju magang. Udah nya peda seduai kenu antu pala tak agi bebau.\\n“Oh! Baru amat antu pala orang tu, dini endor orang tu ngayau alai antu pala bengat ngemaru tu, sereta enggau enda jena-jena pemaioh,” ko seduai.\\n“Enda kitai nemu penatai orang tu ditu,” ko seduai bejako enggau diri sama diri. “Ditu tua ngibun Buat, ba pugu tanju tu.”\\nUdah nya lalu dikemata ka seduai dia sarebak tawas, nadai ga meda utai bisi engkebut. Udah nya nyau tawas kenu hari, apin ga orang bisi udah dani dipeda seduai. Nyau kalama seduai udah ngemata ka ari nya, baru seduai bisi meda orang nurun ari sadau. Dipeda Simpurai ayan betis.\\n“Oh, nyin betis orang Buat. Nama nya tak betis Buat Keling deh,” ko iya.\\nUdah nya nyau datai ba pah. “Oh, iya nyin pah Buat! Aram tua kin ngagai iya,” ko Simpurai.\\nLeboh seduai datai dia, Keling pan datai ga ba seduai, lalu diberap seduai iya Keling empa pengabis ati seduai betemu enggau Keling.\\n“Rumah kita tu Buat?” ko seduai, “ni utai ke dikirum aku rekutai udah diberi nuan ngagai indu?” ko Simpurai.\\n“Udah,” ko Keling. “Aram nuan nganjong aku kin,” ko Sim¬purai.\\n“Aram meh,” ko Keling. Udah nya lalu nyau seduai mansang ngagai indu ti udah dikirum ka iya utai dibai Keling. Datai seduai din, dia iya lalu tinggal sahari-hari nya dia.\\nNyau pagi nya, dia orang mandi nengah jalai pendai sama berimbai-rimbai. Sama mandi meh orang dua buah rumah nya sapagi nya, sereta sama tak ngenong meda pangan, nadai nanya pangan, tang tak sama mandi. Udah nya nemu meh deh orang, laban meda Keling bisi dia, pia mega Buat Simpurai pan lalu bebini ga dia. Nyadi bini iya dibai iya nguai ka iya lalu pulai ngagai bilik sida. Dia meh bala sida Jubang kenu sama begulai enggau orang Panggau Libau. Datai ba maia orang ke bumai sama enggau orang bumai ga sida. Nyadi nyau maia ke udah badu ngetau, sida nyau nadai tentu pengawa agi, dia sida bemain enggau pangan diri. Bekesuling, beruding, bengkerebap, sereta lalu begaga ka sarang nyabur, sarang ilang samoa sida.\\n“Eh! Ti pia manah kitai nyabong,” ko sida.\\nUdah nya lalu nyabong meh sida Simpurai ngelaban sida Ke¬ling, sida Jubang. Nyadi sida nyabong di tanju, lalu sida ti indu meda ka orang nyabong ari sadau. Nyabong kenu orang. Angkat deh lalu alah sida Simpurai. Nyabong sakali alah ga, nyabong sakali alah ga, lalu enda menang. Seruran alah berari-ari muak ari sida Simpurai. Nyau udah nya, nadai manok agi kenu sida Simpurai. Udah nya disabong ga manok lanjau, alah ga. Abis manok lanjau, lalu disabong ga manok indu, alah ga, alah magang-magang.\\n“Oh, abis manok kitai Buat. Kini ka tunga tua ngiga manok Buat? “ ko Simpurai. “Samoa bekelingi ditu udah abis samoa endor tua ngiga manok. Uji aram tua ngiga manok ka Gelong,” ko seduai. “Ti nadai manok lelaki bulong ka manok indu,” ko seduai.\\nUdah nya seduai lalu nyau ga mansang ngiga manok ka Gelong. Datai seduai di Gelong lalu nangkap manok orang di baroh rumah.\\nNinga manok mengkiok lalu nilik deh Kumang seduai Lulong ari rumah, ari telenga atap.\\n“Eh! Nama utai digaga seduai dia deh?” ko Kumang seduai Lulong nyapa seduai.\\n“Eh! Nangkap manok kami duai tu Endu” ko seduai.\\n“Kapa guna seduai manok deh?” ko Kumang seduai Lulong.\\n“Ka disabong,” ko seduai, “nyabong ngelaban sida Buat, tang kami alah, lalu nadai manok agi,” ko seduai nyaut Kumang seduai Lulong.\\n“Ngetu dulu,” ko Kumang.\\n“Eh! Enda kami duai tu ngetu, laban orang nganti kami duai din,” ko Laja seduai Simpurai.\\n“Nya pan ngetu meh, nganti pan orang din ngetu meh seduai dulu,” ko Kumang seduai Lulong. Udah nya baru seduai lalu ngetu dulu ka rumah.\\n“Dini seduai nyabong lalu sapa orang ti dilaban kita deh?” ko Kumang.\\n“Eh ngelaban sida Jubang, ngelaban sida Buat, alah kami laban Buat,” ko seduai.\\n“Ti tak sida Jubang, nama deh peleman kita ngelaban. Ti diengkah ka ba mata, tak enda berasa empleman miang. Tu manok kami tu bai seduai, lalu manok ke ulih seduai nangkap nya tinggal,” ko Kumang seduai Lulong.\\nUdah nya Kumang lalu mai telu dua igi, lalu diberi Kumang seduai Lulong telu dua igi nya ngagai seduai. Udah nya telu nya tadi lalu ditanchang ka seduai ba puting suli labong. Sereta udah diberi Kumang seduai Lulong telu dua igi nya tadi, dia seduai lalu pulai baru, laban endang ngarau ngiga manok. Datai seduai di Panggau Libau dia seduai meda orang endang udah beranchau tikai, beran¬chau idas di tanju deka nyabong baru, tang laban agi nganti seduai datai. Udah nya leboh seduai datai, dia Buat Simpurai lalu nangkin nyabur sereta lalu pansut ka tanju, lalu manjong.\\n“Kebat meh manok kitai. Udah datai kami duai Buat tu,” ko iya mantai ka penyegak iya.\\n“Kebat meh Buat. Aku tu nyabong amat ga nyabong, tang aku tu semina deka ngemata ka kita,” ko Keling.\\nUdah nya lalu ditatok seduai telu dua igi tu tadi, peda manok lalu pansut ari nya, sereta lalu mengkukok. Udah nya baru orang ngebat manok Simpurai seduai Pungga. Udah tembu ngebat lalu dilengka ka sida, enda bengat lama bebintih lalu menang enggi Sim¬purai. Udah nya enggi Pungga pan menang ga disabong sida. Enggi sida Jubang tak lalu alah magang-magang. Kebat siko alah ga, kebat ga siko alah ga. Tak alah magang-magang enggi sida Ju¬bang laban enggi sida Simpurai ari sapiak. Datai ka manok indu kebat sida Jubang, laban ke nyau rapas manok, alah ga. Nyau abis samoa manok sida Jubang ari sapiak. Siko pan nadai ga menang dilaban sida Simpurai.\\n“Nadai agi manok kami ari sapiak tu Unggal,” ko Jubang.\\n“Au Unggal, tang Buat Keling ari kita. Enti enda laban Buat Keling Unggal, dini kita tau menang, kita ga endang munsoh lama kami ka tuga teda serang, kita tu Unggal endang munsoh kayau kami ka lembau atau ngenang. Kita nya Unggal ti diengkah ka ba mata tak enda berasa empeleman miang, lalu enti kita nya diengkah ka ba lengan Unggal, enda lentor belayan bulu menang,” ko Sim¬purai.\\nUdah nya lalu pedis ati kaban sida Jubang ninga jako Simpurai ke bengat juring baka ke nganting puting beliong kabang, ninga jako Simpurai bengat renjan ari balan besi saluntang, ninga jako Simpurai bengat bisa ari tuba tubai benang.\\nNyadi lemai nya Jubang lalu bejako enggau Keling, minta anjong iya pulai ka langit ka baru.\\n“Nganjong ga meh aku, ti kita tak deka pulai, tang samoa utai kita sikap magang dulu,” ko Keling.\\nUdah nya samoa sida lalu besikap deka pulai ka langit ka baru. Nyau malam kenu hari, dia Simpurai lalu tindok di tanju sida Ju¬bang, lalu tuboh iya ba tanju sida empu. Nyau maia tengah malam, sepi iya tak lalu berunyut asai tanju, lalu angkat Simpurai ari iya ti gali, lalu taung-taung manjong, tak munyi ke ngebus ka kebong langit ngeruang.\\n“Ukai manjong gaga ukai manjong sayau, tang gaga ka sida Jubang angkat ari menoa kitai tu,” ko Simpurai Muntigerai Lancham disimbang, ko Patu Buloh Antu Lanting Tekejang, ko Bunga Nuing Manok Biring ke disabong mali Lenyang.\\nUdah nya lalu nyau meh sida Jubang tu tadi pulai ka langit ka baru ngagai menoa sida iya empu di langit pisit pejelapang remang, pulai ngagai langit landai baka bingkai moa tibang, pulai ngagai sida di langit lada di jela pandang nyang. Sida Simpurai tu tadi pan lalu tinggal ga di Panggau Libau menoa sigi luchak lunyau lendat dibiau jila Isang.\\nNyadi Keling tu tadi, kira antara sebuol peti udah nya, lalu nyau ga bejalai ka Gelong Batu Nakong Nyingit Nyingong Ngelentik Punggang, mansang ngambi bini iya Endu ke di Liu nyatu tapang, bini iya Kumbau ke di balau belai langkang, ngambi bini iya Jawai ke Ensangai Dayang Kumang, mai iya pulai ka Panggau Libau ka baru. Udah nya Kumang pan lalu diau di Panggau Libau nitih ka laki iya Keling. Nyadi Kumang tu indu pemadu manah keingkah baroh hari, indu bajik kelandik tambun puji, sigi indu pemadu pandai di chunggai ujong jari, diambu indai Keling kenyau ari sera iya menya endang ka bini Keling, sereta endang diator nguai ka Keling ka Panggau Libau.\\nNyadi Keling pan pia mega endang sigi beati juring muting geraji, endang sigi beati tajam pegereman mata besi. Nadai orang ngering sereta merani iya samoa ke di baroh hari. Ti ngavau ka tasik tauka langit endang nadai kala sabu sereta lebu, nadai kala chungak sereta chungu. Samoa bunsu antu ka ambai iya magang, lalu orang nya ga ke meri iya pengaroh ka gembar tuboh enggau ubat serangkap genap. Ari iya ke bengat berantu bakanya, nya ke ngasoh iya berani sereta kering. Tu pengabis jerita Jubang, ke Betengelang bulu Burong, Jali datai ari kaki ujan ngerunong.\\non March 5, 2011 at 7:25 pm | Reply james\\nbisi cerita ayor ayak?\\non January 20, 2011 at 4:24 pm | Reply MONICA\\naku ka cerita pasal brung bubut gaw keling..\\non January 15, 2010 at 9:18 pm | Reply leonard\\nmanah endar jerita tu aya..berapa iti jerita digaga niang apai nn mnya?\\non January 21, 2011 at 2:25 pm | Reply GNMawar\\nDua iti aja. Engkeratong Ayam Raja enggau Jubang.\\non January 15, 2010 at 9:17 pm | Reply leonard\\nmanah endar jerita tu aya..berapa iti jerita digaga niang aki apai nn mnya?\\non January 15, 2010 at 9:15 pm | Reply leonard\\nni cerita tekura enggau pelanduk bisi aya?enti bisi manah endar engkah nuan ditu aya.","num_words":16082,"character_repetition_ratio":0.064,"word_repetition_ratio":0.008,"special_characters_ratio":0.21,"stopwords_ratio":0.243,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Khere Chiang muji pemujur Perintah Sarawak bulih bayar chukai SST - Suara Sarawak\\nKhere Chiang muji pemujur Perintah Sarawak bulih bayar chukai SST\\nKUCHING: Adun Batu Kitang, Lo Khere Chiang muji pemujur perintah nengeri ti betuaika Kepala Menteri Datuk Patinggi Abang Johari Tun Openg laban Petroliam Nasional Berhad (Petronas) enggau anak serikat iya udah mayar Chukai Jual enggau Servis (SST) ba produk petroleum ungkup taun nyin kemari ngagai Sarawak.\\nKu Khere Chiang, iya mujur pemujur Kepala Menteri lebuh bebendar nagih hak ti udah lenyau lalu entara iya, SST tu.\\n“Meri besai terima kasih ngagai Abang Johari laban Petronas udah mayar chukai SST penyampau RM2.9 bilion ngagai Sarawak.\\nNitihka penerang, Petronas udah nyuaka chek SST RM2.9 bilion nya ngagai Perintah Sarawak kena Hari Empat tu tadi.\\nDulu ari nya, Abang Johari madahka chukai SST ti dibayar Petronas enggau anak serikat nya asil randau entara serikat nya, Perintah Besai enggau Perintah Sarawak.\\n“Petronas enggau anak serikat iya udah mayar chukai SST penyampau RM 2,956,671,407.36.\\n“Chukai SST taun tu deka dibayar bepelasarka rega enggau penyampau produk petroleum ti dijual,” terang Khere Chiang.\\nKes positif Covid-19 di Sarawak majak nambah\\nBacaan IPU Kuching, Samarahan melebihi 200\\nPendaftaran vaksinasi COVID-19 dibuka untuk orang awam mulai 1 Mac ini\\nUnimas tangguh kemasukan pelajar Sabah\\nBiro Indu Rh Tama ngepunka Projek Lia Fertigasyen dipuji\\nToleransi Sarawak kekal unik\\nLapan CPPC ditumbuh nangkup peminta makit eksport\\nLaluan baru Pusingan 'U' dibina di Kota Sentosa\\nBangunkan hutan tani\\nProjek Agropolitan ditampung baru","num_words":223,"character_repetition_ratio":0.084,"word_repetition_ratio":0.0,"special_characters_ratio":0.185,"stopwords_ratio":0.152,"flagged_words_ratio":0.0,"lang_id_score":0.971,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"17 August 2018 - Hari Lima ba Minggu Ke Sembilan Belas Musim Selama -->\\n17 August 2018 - Hari Lima ba Minggu Ke Sembilan Belas Musim Selama\\nKu Iya bejaku, ‘Ketegal nya, lelaki deka ninggalka apai enggau indai iya, lalu begulai enggau bini iya, lalu seduai iya deka nyadi setubuh’?. Seduai iya ukai dua iku agi, tang siku. -Matthew 19: 3 - 12\\nEsekiel 16: 1 - 15, 60, 63\\nKu TUHAN bejaku baru ngagai aku,\\n“Anak mensia, padahka ngagai Jerusalem penyai iya, lalu padahka ngagai iya utai ti disebut TUHAN Allah Taala ngagai iya: ‘Nuan diadaka di menua Kanaan. Apai nuan orang Amor, lalu indai nuan orang Iti.\\nLebuh nuan ada, nadai orang ngetas tali entemuni nuan, tauka meri nuan mandi, tauka ngunsut nuan ngena garam, tauka medung nuan.\\nNadai orang kasihka nuan lalu ngereja utai nya ke nuan. Lebuh nuan ada, nadai orang rinduka nuan. Nuan dibuai ba padang.\\n‘Udah nya aku mansa, lalu meda nuan kual-kual malai darah nuan empu. Nuan dibalut darah, tang Aku enggai nejuka nuan mati.\\nAku ngasuh nuan mansang besai baka kayu ti galak. Nuan nyadi kering sereta tinggi, lalu nyadi indu ke biak. Tusu nuan manah gaya, lalu buk nuan udah tumbuh, tang nuan telanjai nadai utai mungkur.\\nLebuh Aku mansa baru, Aku nemu nuan nyau deka bisi ambai. Aku nyerayung tubuh nuan ti telanjai ngena baju luar Aku, lalu besemaya deka rinduka nuan. Endang sigi amat, Aku ngaga sempekat deka jadi enggau nuan, lalu nuan deka diempu Aku, ku TUHAN Allah Taala bejaku.\\nUdah nya Aku ngambi ai lalu masu darah nya ari nuan. Aku ngunsut nuan ngena minyak kana.\\nAku ngerasukka ba nuan baju panjai ti udah disulam, lalu meri nuan kasut ti digaga ari kulit ti pemadu manah, meri nuan tanchang buk ti digaga ari kain linin, enggau baju luar ti digaga ari sutera.\\nAku ngelekatka batu ti berega gelang enggau tenggak ba nuan.\\nAku meri nuan tinchin idung, enggau antin, enggau siti makota ti manah gaya.\\nNuan bisi perengka emas enggau pirak, lalu gari nuan digaga ari kain linin enggau kain sutera ti udah disulam. Roti ti digaga ari tepung ti pemadu alus, ai manyi enggau minyak kana nyadika pemakai nuan. Pemajik nuan nyau beperenching, baka ke tau nyadi kuin.\\nNama nuan tebilang ba semua bansa ketegal pemajik nuan, laban Aku udah ngaga nuan ngemajik nya, ku TUHAN Allah Taala bejaku.\\n‘Tang nuan ngambi ulih ba pemajik nuan, enggau ba nama nuan ti tebilang, lalu nuan tinduk enggau semua orang ke datai ngagai nuan.\\n‘Tang Aku deka ngamatka sempekat ti udah digaga Aku enggau nuan lebuh nuan agi biak suba, lalu Aku deka ngaga siti sempekat ti deka meruan belama iya enggau nuan.\\nAku deka ngampun semua penyalah ti udah dikereja nuan, tang nuan deka ingatka sida, lalu malu bejaku.’ TUHAN Allah Taala udah bejaku.\\nEsekiel 16: 59 - 63\\nKu TUHAN Allah Taala bejaku, “Aku deka ngukum nuan nitihka utai ti udah dikereja nuan, laban nuan udah enda bebasaka semaya diri, lalu mungkir ari sempekat.\\nTang Aku deka ngamatka sempekat ti udah digaga Aku enggau nuan lebuh nuan agi biak suba, lalu Aku deka ngaga siti sempekat ti deka meruan belama iya enggau nuan.\\nNya baru nuan deka ingatka ulah nuan suba, lalu malu ke ulah nya lebuh Aku ngambi menyadi indu nuan ke tuai enggau ke biak lalu meri seduai iya ngagai nuan baru nyadika anak indu nuan, taja ukai ketegal sempekat Aku enggau nuan.\\nAku deka ngaga sempekat enggau nuan. Nya baru nuan deka nemu Aku endang TUHAN.\\nAku deka ngampun semua penyalah ti udah dikereja nuan, tang nuan deka ingatka sida, lalu malu bejaku.” TUHAN Allah Taala udah bejaku.\\nIsaiah 12: 2 - 3, 4BCD, 5 - 6\\nSaut (peda 1c): Nuan udah ringat ngagai aku, tang diatu Nuan ngaum aku lalu enda agi ringat.\\nAku deka manggaika pengarap aku ba Iya lalu enda takut. TUHAN meri aku kuasa enggau pengering. Iya endang Juruselamat aku. Baka ai ti ngasuh orang ke aus gaga, baka nya meh bala nembiak Allah Taala deka rami gaga lebuh Iya ngelepaska sida.\\nSaut: Nuan udah ringat ngagai aku, tang diatu Nuan ngaum aku lalu enda agi ringat.\\nPadahka ngagai semua bansa utai ti udah dikereja Iya! Padahka ngagai sida pasal pemesai kuasa Iya!\\nBelagu muji TUHAN, ketegal utai ti besai ti udah dikereja Iya. Awakka semua dunya ninga berita nya. Awakka semua orang ke diau di Sion manjung lalu belagu! Allah Taala ke disembah orang Israel ti kudus endang besai kuasa, lalu Iya diau enggau bala nembiak Iya.\\nAlleluia (peda 1 Tesalonika 2: 13)\\nTerima jaku Allah Taala ukai baka ke nerima jaku mensia, tang laban iya endang amat jaku Allah Taala.\\nSekeda orang Parisi lalu datai ngagai Iya, deka nguji Iya. Ku sida, “Kati laki tau muai bini atas sebarang tegal?.”\\nDisaut Jesus, “Kati kita nadai udah kala macha pasal Allah Taala ti ngaga mensia lelaki enggau indu kenyau ari pun kelia?.\\nKu Iya bejaku, ‘Ketegal nya, lelaki deka ninggalka apai enggau indai iya, lalu begulai enggau bini iya, lalu seduai iya deka nyadi setubuh’?. Seduai iya ukai dua iku agi, tang siku.\\nNya alai, nadai orang tau nyeraraka utai ti udah ditampilka Allah Taala.”\\nKu orang Parisi nanya Iya, “Enti pia, nama kebuah Moses ngasuh laki meri surat sarak lalu muru bini diri?”\\nDisaut Jesus, “Moses ngemendarka kita muai bini kita, laban kita kieh. Tang utai tu ukai baka nya kenyau ari pun.\\nNya alai, Aku madah ngagai kita, barang sapa muai bini, kelimpah ari bini iya butang, lalu orang nya bebini baru, iya butang.”\\nKu sida murid bejaku enggau Iya,\\n“Enti nya adat entara laki enggau bini, manah agi enda bebini.”\\nTang ku Jesus bejaku ngagai sida, “Ukai semua orang ulih nerima ajar tu, tang semina orang ke diberi ajar tu.\\nLaban sekeda orang ada nadai perengka tubuh kena bebini. Bisi mega orang nadai perengka nya ari asuh mensia. Bisi mega orang ke sengaja muai perengka tubuh diri ketegal Perintah serega. Awakka orang ke ulih nerima ajar tu, nerima iya.”","num_words":926,"character_repetition_ratio":0.064,"word_repetition_ratio":0.116,"special_characters_ratio":0.215,"stopwords_ratio":0.387,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kemari 191 kes positif baru, siti kes pemati - Suara Sarawak\\nKUCHING: Sarawak ngerikodka siti agi kes pemati baru di Pelilih Menua Song kemari.\\nKomiti Penyangga Penusah Ngenyit Nengeri (JPBN) dalam siti penerang media kemari madahka, nya ngujungka kes pemati di Sarawak nambah 37 kes.\\nNangkan nya, bisi 191 kes positif baru Covid-19 dirikodka kemari ba Pelilih Menua Sibu bisi 81 kes, Kanowit (38), Bintulu (16), Matu (12), Song (8), Kapit (7), Sarikei (5), Samarahan (5), Miri (4), Bukit Mabong (4), Kuching (2), Beluru (2), Dalat (2), Bau (1), Daro (1), Belaga (1), Selangau (1) enggau Meradong (1).\\nTu ngujungka penyampau kes positif Covid-19 di menua tu bisi 4,315 kes.\\nNgelansa kes pemati ti ke-37, iya siku indu rayat menua ke beumur 41 taun.\\nKes diperubat ba Sepital Kapit kena 23 Januari ketegal sendat seput.\\nPeresa rT-PCR kes lebuh ba Sepital Kapit madahka iya positif Covid-19.\\nTaja pia, kes tu siku orang nyelai pendiau (OKU) sereta ngembuan penyakit bukai baka darah tinggi, penyakit ampus enggau obesiti.","num_words":134,"character_repetition_ratio":0.069,"word_repetition_ratio":0.0,"special_characters_ratio":0.28,"stopwords_ratio":0.112,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"sulu-leka sebana – Iban2U\\n25\/07\/2009 Timberland J\\npost by bujang mereti..\\nLapa meh nuan sanggup ngaga aku bakatu? Nama penyalah aku digaga nuan bakatu? Lapa nuan enda ingat ke semaia tua suba\\nPrevious Lapa nuan nadai tawing, ambai tauka sulu ati ??\\nNext jerita Ranggong ditulong burung tiong\\n03\/04\/2010 at 05:33\\ncerita ttg aku agik la terok… erm… pengerindu mai ati ku pedis ka nerima urg bukai… aku jd trauma setelah aku diperinsa olih lelaki nyak… 😦 petara jak nemu..\\n03\/04\/2010 at 05:27\\nsinu ninga sebana nn…. erm….\\nsinu ati neh y..\\nukai ditempa aku empu..\\nhehe..laban aku enda kala ditinggal sulu..hehe..\\nlaban sigi nadai sulu..","num_words":91,"character_repetition_ratio":0.041,"word_repetition_ratio":0.0,"special_characters_ratio":0.276,"stopwords_ratio":0.187,"flagged_words_ratio":0.0,"lang_id_score":0.992,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Anang ngelak isu rumah ngenusah peranak Bintulu - Suara Sarawak\\nProgram RMM patut diperunding ba empat sitak ke balat dedat laban mensia\\n“Pangka pemansang industri enggau proses urbanisasyen mai mengeri Bintulu dedat laban mensia lalu ngujungka tebantai penanggul nyengkaum isu rumah baka rega suwa ti kelalu mar.”\\nKUCHING: Opis Menteri Pengawa Berumah diansak lengkas mutar penanggul bekaul enggau isu rumah ke ditapi peranak Bintulu.\\nAdun Samalaju- PRS Majang Renggi madah program nyendia rumah baka rumah ulih dibeli (RMM), program rumah rayat enggau ke bukai patut diperunding ba sitak Kidurong, Jalai Tebing Pantai Bintulu- Samalaju, Jalai Bintulu-Miri enggau Taman Eko Samalaju.\\n“Pangka pemansang industri enggau proses urbanisasyen mai mengeri Bintulu dedat laban mensia lalu ngujungka tebantai penanggul nyengkaum isu rumah baka rega suwa ti kelalu mar.\\n“Nembiak rebak baru ti baru bulih pengawa tauka sida ti gawa kurang ari tujuh taun sereta penatai pemisi kurang RM4000 chukup ngasaika penanggul tu,” ku iya.\\nIya madah munyi nya maya bejakuka mosyen meri basa nimbal Jaku TYT Sarawak Tun Abdul Taib maya Pengerami Bejadika Aum Dun Ke-18 Renggat Keempat ditu, pagi kemari.\\nBerebak enggau nya, Majang madah penanggul tu balat diasai sida ke gawa enggau serikat-serikat ba Taman Industri Samalaju.\\n“Ketegal nadai rumah ngujungka sida berundang ninting ari penyauh 120 kilometer. Tu nambahka agi penusah sida ari sukut ungkus minyak, pengelikun enggau masau jam lama ba rantau jalai,” ku iya.\\nMajang mega minta perintah nengeri bebendar nyapai tagit ulih meresi isu setinggan manggai taun 2020.\\n“Isu setinggan di sepanjai Jalai Kidurong, Jalai Tebing Pantai Bintulu-Samalaju enggau Sungai Plan meseti diputar.\\n“Sida ti diau setinggan ditu betapi enggau mayuh penanggul baka nadai perengka guna, pengerai, ulih kena angus enggau ke bukai.\\n“Ambika banding dalam timpuh enam bulan sebedau tu bisi tiga kali penusah angus nyadi ba sitak nya,” ku iya.\\nNya alai, piak menteri bekaul meseti berundingka pekara tu enggau manah. Bala anak sida ke diau setinggan tentu inginka pelajar ke menyana baka orang bukai.\\n“Kitai meseti berunding, bala anak sida tu mega nyangka nyadi ketuai ke ngiring nengeri enggau menua jemah.\\n“Beduduk ari nya, aku minta piak opis menteri bekaul nyendiaka palan pengentap baru tauka rumah ungkus murah dikena mutar penanggul tu,” ku iya.","num_words":342,"character_repetition_ratio":0.058,"word_repetition_ratio":0.084,"special_characters_ratio":0.18,"stopwords_ratio":0.178,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Pengajar * ngundan runding siku orang ke bepenemu-dalam, ke belematika pemandak umur mensia ti penuh laban pemanah enggau penyai, pemingkuk enggau pemuntan. Lalu ku iya nyimpul jaku diri “Pengidup sigi nadai guna.” Iya enda meretika jalai Allah Taala ngatur penatai enggau pengujung seput mensia. Tang, taja pia, iya meri jaku lalau ngasuh orang bebendar gawa, lalu enggau naka ulih ngelantangka diri ngena pemeri ti diberi Allah Taala.\\nMayuh runding orang ke bepenemu-dalam tu baka ke enda manah, lalu baka ke ngasuh ati tusah. Tang ari Bup Pengajar tu bisi ditulis dalam Bup Kudus, dia kitai nemu pengarap kitai amat besai rampa, laban iya mega ulih ngira utai ti ngasuh ati tusah enggau ngasuh ati kakang. Mayuh orang udah berasai lantang ati lebuh sida nyeremin diri ngena Bup Pengajar. Sida nemu, Bup Kudus ti ngayanka runding ti baka nya, mega Bup Kudus ti meri pengadang ti besai agi reti ngagai pengidup mensia.\\nIsi Bup Tu\\nKati pengidup bisi meruan tuju? (1.1-2.26)\\nJaku pasal pengidup (3.1-11.8)\\nJaku lalau ti penudi (11.9-12.8)\\nJaku simpul (12.9-14)\\nPengidup Nadai Guna\\n1 Tu jaku orang siku ti bepenemu-dalam, anak lelaki David ti nyadi raja di Jerusalem.\\n2 Pengidup nadai guna, sigi nadai guna, ku orang ke bepenemu-dalam nya bejaku.Pengidup endang nadai guna, nadai guna semua.\\n3 Nuan bekereja seumur idup, tang nama utai ulih nuan ari nya?\\n4 Serak siti diganti serak siti, tang dunya mengkang enda berubah.\\n5 Mata panas semampai tumbuh semampai padam, pulai belubah-lubah ngagai endur alai iya ti deka berengkah baru.\\n6 Ribut muput ke selatan, muput ke utara, bepusin-pusin lalu pulai baru.\\n7 Semua ai sungai rarat ngagai tasik, tang tasik enda nemu penuh. Ai pulai baru ngagai endur alai sungai belabuh, lalu rarat baru.\\n8 Semua utai ngujung ngagai pengelelak magang, pengelelak ti enda ulih ditelah.Mata kitai enda nemu puas meda utai.Pending kitai enda nemu puas ninga utai.\\n9 Utai ti udah nyadi suba, deka nyadi baru.Utai ti udah dikereja suba, deka dikereja baru. Nadai utai ti nyengala baru di serata dunya tu.\\n10 Ku orang, “Peda kita, tu utai ti baru!” Tang utai nya ukai utai ti baru, laban utai nya endang udah nyadi kelia, lama sebedau kitai ada.\\n11 Nadai orang ingatka utai ti nyadi dulu kelia, lalu nadai orang jemah ila deka ingatka utai ti deka nyadi ari kenyau diatu nyentuk ngagai jemah ila.\\nUtai Ti Udah Diasaika Orang Ke Bepenemu-dalam\\n12 Aku ti bepenemu-dalam tu, udah nyadi raja menua Israel di Jerusalem.\\n13 Aku udah mutuska runding deka meresa lalu belajarka semua utai ti dikereja di bap langit.\\nAllah Taala udah ngeletak kitai ditinggang pemerinsa ti berat.\\n14 Aku udah meda semua utai ti dikereja di dunya tu, lalu aku madahka ngagai kita semua utai nya endang nadai guna magang baka ke begagaika ribut.\\n15 Nuan enda ulih beruruska utai ti bingkuk.Nuan enda ulih ngitung utai, enti utai nya nadai.\\n16 Ku aku madahka ngagai diri empu, “Aku udah nyadi orang ke tinggi pangkat, ke dalam agi penemu ari sebarang orang bukai ti udah merintah Jerusalem dulu agi ari aku. Aku nemu utai ti dikumbai penemu-dalam enggau penemu.”\\n17 Aku mutus ati deka nemu bida entara utai ti dikumbai penemu enggau utai ti dikumbai pemeli, entara penemu-dalam enggau penemu orang ke gila. Tang aku nemu, pengawa nya baka ke begagaika ribut.\\n18 Dalam agi penemu nuan, mayuh agi ga pengirau nuan.Mayuh agi utai ditemu nuan, balat agi ga iya ngemediska nuan.\\n1 Aku lalu bekira deka ngelantangka diri, laban aku keran deka nemu utai ti dikumbai pengelantang. Tang aku nemu utai nya pen nadai mega guna.\\n2 Aku nemu, ketawa nya utai ti beli, lalu ngelantangka diri endang nadai mai penguntung.\\n3 Ketegal aku keras deka ngembuan penemu-dalam, aku lalu bekira deka merindang lalu ngelantangka diri ngena wain.Ba penemu aku, tu jalai ti pemadu manah kena kitai idup sekumbang kitai ti diau sementara aja di bap langit.\\n4 Aku udah ngereja pengawa ti besai.Aku udah ngaga berapa buah rumah enggau kebun anggur ke diri empu.\\n5 Aku udah numbuhka mayuh macham kebun enggau kebun buah, lalu nanam semua macham kayu buah dalam kebun nya.\\n6 Aku udah numbak pegung alai aku ngambi ai kena aku manjah kebun nya.\\n7 Aku udah meli mayuh ulun, lalu aku mega bisi ulun ke endang ada dalam ruang bilik aku. Aku bempu mayuh agi jelu tupi ari semua orang bukai ti udah kala\\ndiau di Jerusalem.\\n8 Aku mega nugungka pirak enggau emas ari pesaka bala raja dalam menua ti dipegai aku.Lelaki enggau indu belagu merindang aku, lalu aku bisi semua indu ke dikedekaka aku.\\n9 Aku endang amat tinggi agi pangkat ari orang bukai ti udah kala diau di Jerusalem, lalu penemu-dalam ti dikembuan aku nadai kala ngelebuka aku.\\n10 Utai ti dikinginka aku, sigi ulih aku magang.Aku endang enda betagang ngelantangka diri.Aku temegahka semua utai ti udah ulih aku, lalu semua utai nya endang upah aku magang.\\n11 Udah nya aku lalu berundingka semua utai ti udah dikereja aku, enggau pemendar aku gawa ngereja utai nya.Nya baru aku nemu, utai nya nadai reti sekali-kali, baka ke begagaika ribut, sigi nadai guna sekali-kali.\\n12 Laban tiap iku raja semina ulih ngereja utai ti udah dikereja raja ke dulu agi ari iya.\\nNya alai aku lalu belabuh berundingka reti utai ti dikumbai bepenemu-dalam, tauka diau baka orang ke gila, tauka beli.\\n13 Aku nemu, “Penemu-dalam endang manah agi ari pemeli, baka penampak ti manah agi ari pemetang.\\n14 Orang ke bepenemu-dalam nemu tunga pejalai diri, tang orang ke beli enda.” Tang aku mega nemu, pengujung kitai endang sebaka magang.\\n15 Ku aku berunding dalam ati diri, “Utai ti deka nyadi ba orang ke beli, deka mega nyadi ba aku.Nya alai, nama penguntung aku nyadi orang ke bepenemu-dalam?”Aku lalu nyaut, “Nadai.”\\n16 Nadai orang ingatka orang ke bepenemu-dalam, lalu nadai mega orang deka ingatka orang ke beli. Jemah ila, semua kitai tu nadai agi dikingatka magang. Semua kitai tu, orang ke beli enggau orang ke bepenemu-dalam, deka mati magang.\\n17 Nya alai ba aku siku, pengidup nya nadai reti, laban semua utai dalam pengidup tu nadai meri aku utai bukai, tang semina penusah aja. Utai nya sigi nadai guna sekali-kali, baka ke begagaika ribut.\\n18 Utai ti udah digaga, enggau utai ti udah ulih aku, sigi nadai reti ba aku, laban aku nemu, aku deka ninggalka utai nya ke orang ke ngentudika aku,\\n19 lalu iya nyangka bepenemu-dalam, tauka beli.Nadai kitai nemu. Tang taja pia, iya deka bempu semua utai ti udah ulih aku, semua utai ti udah ulih aku di dunya tu ngena penemu-dalam aku. Semua utai nya nadai guna magang.\\n20 Nya alai aku ngesal ati ke diri ti udah bebendar gawa.\\n21 Nuan ngulihka utai ngena semua penemu-dalam, ngena penemu, enggau ngena pengelandik nuan, lalu udah nya nuan ninggalka semua utai nya ke orang ke nadai kala ngulihka utai nya.Sigi nadai guna sekali-kali. Enda betul sekali-kali!\\n22 Nuan bekereja lalu nuan ngembuan pengirau seumur idup, lalu nama utai ti ulih nuan ari nya?\\n23 Seagi-agi nuan mengkang idup, semua utai ti dikereja nuan nadai mai penguntung, tang semina pengirau enggau ati ti tusah.Indah lebuh malam hari deh nuan enda badu berunding.Semua utai nya nadai guna magang.\\n24 Utai ti pemadu manah ti tau dikereja kitai nya makai, ngirup lalu ngelantangka diri ngena utai ti udah ulih kitai. Tang aku nemu, utai nya mega diberi Allah Taala.\\n25 Baka ni ku kitai tau bisi utai diempa, tauka ulih ngelantangka diri enti nadai Allah Taala?\\n26 Allah Taala meri penemu-dalam, penemu, enggau pengelantang ngagai orang ke ngerinduka ati Iya, tang Iya ngasuh orang ke bedosa bekereja ngulihka utai, besimpanka utai, ngambika sida bisi utai diberi ngagai orang ke ngerinduka ati Allah Taala. Semua utai nya sigi nadai guna magang, baka ke begagaika ribut.\\nSemua Utai Endang Bisi Maya Ke Diri Empu\\n1 Semua utai ti nyadi di dunya ti endang nyadi ba maya ti diletak Allah Taala.\\n2 Iya ngeletak maya ada, enggau maya mati,maya betanam, enggau maya ngetau,\\n3 maya bebunuh, enggau maya nyuman, maya ngeruntuh, enggau maya niri enggau negi.\\n4 Iya ngeletak maya sinu, enggau maya gaga, maya ngulit, enggau maya betanda,\\n5 maya beleman, enggau maya enda beleman, maya besium, enggau maya enda besium.\\n6 Iya ngeletak maya tetemuka utai, enggau maya ngelenyauka utai, maya besimpanka utai, enggau maya bebuaika utai,\\n7 maya nyarik, enggau maya nyait, maya enda bemunyi enggau maya bejaku.\\n8 Iya ngeletak maya rinduka orang, enggau maya begedi, maya beperang, enggau maya bebaik.\\n9 Nama penguntung ulih kitai ari semua pengawa kitai?\\n10 Aku nemu pemerat utai ti udah ditepanka Allah Taala ba kitai.\\n11 Iya udah ngeletak maya ti ngena ke semua utai. Iya udah meri kitai ati ti keran deka nemu utai ti deka nyadi jemah ila, tang Iya nadai kala ngasuh kitai\\npuas ati nemu utai ti dikereja Iya.\\n12 Nya kebuah aku nemu, kitai semina ulih ngelantangka diri aja, lalu ngasaika penyamai idup sepemanjai umur kitai.\\n13 Semua kitai patut makai, ngirup lalu ngelantangka diri ngena utai ti udah ulih kitai, laban semua utai nya endang pemeri ari Allah Taala magang.\\n14 Aku nemu, semua utai ti dikereja Allah Taala deka meruan belama iya.Nuan enda ulih nambah tauka ngurangka utai nya.Lalu siti utai ti dikereja Allah Taala nya ngasuh kitai nangika Iya.\\n15 Semua utai ti nyadi, enggau ti ulih nyadi, endang udah nyadi magang suba.Utai ti nyadi diulang Allah Taala belama.\\nAtur Ti Enda Lurus Di Dunya\\n16 Nambahka nya, aku bisi mega udah meda, di dunya tu, penyai udah nganti pengelurus.\\n17 Ku aku berunding dalam ati diri, “Allah Taala deka ngakim orang ke lurus enggau orang ke jai, laban semua utai, semua pengawa, deka nyadi magang ba maya ti endang udah diletak Allah Taala ke siti-siti utai.”\\n18 Aku lalu berunding: Allah Taala nguji kitai, kena Iya madahka ngagai kitai, kitai tu nadai lebih ari jelu,\\n19 laban pengujung kitai mensia enggau pengujung jelu, endang sebaka.Siku mati baka siku.Sida endang sebaka magang.Mensia nadai lebih agi ari jelu, laban pengidup bela nadai reti ba sida.\\n20 Sida sama pulai ngagai siti endur, iya nya amau. Sida sama datai ari nya, lalu sida sama deka pulai ngagai utai nya.\\n21 Baka ni ku orang nemu semengat mensia deka niki ke atas, lalu semengat jelu nurun ngagai tanah?\\n22 Nya alai, aku nemu, utai ti pemadu manah ti patut dikereja kitai nya, kitai patut ngelantangka diri ngena utai ti udah ulih kitai. Nadai utai bukai ulih dikereja kitai. Kitai enda nemu utai ti deka nyadi ila, lebuh kitai udah mati.\\n1 Udah nya aku lalu merening baru ngagai semua atur ti enda lurus ti nyadi di dunya tu. Orang ke kena tekan, nyabak lalu nadai orang deka nulung sida.Orang nadai nulung sida, laban orang ke nekanka pengidup sida bisi kuasa.\\n2 Aku ngining orang ke udah mati lalu nadai agi, laban sida lantang agi ari orang ke agi idup.\\n3 Tang orang ke enda kala ada, ti nadai kala meda pemingkuk atur ti nyadi di dunya tu, lantang agi ari orang ke agi idup enggau ari orang ke udah mati.\\n4 Aku nemu, orang bebendar sereta landik gawa, laban sida ngining pangan diri.Utai nya mega nadai guna, baka ke begagaika ribut.\\n5 Kenu ku sida, kitai beli enti kitai enda gawa lalu nejuka diri mati keberuran.\\n6 Utai nya nyangka amat, tang manah agi ngembuan mimit aja utai tang enda irau ati, ari ke seruran bebendar gawa ngena jari dua piak, nguji nangkap ribut.\\n7 Aku bisi mega meda utai bukai ti nadai guna dalam pengidup tu,\\n8 iya nya siku mensia ti diau kediri-diri. Iya nadai anak, nadai menyadi, tang iya seruran gawa, enda nemu puas ati ke pengaya ti dikemisi iya. Sapa orang ke disangkung iya alai iya bebendar amat gawa baka nya, datai ke nyau enda nemu ngelantangka diri? Tu pen nadai mega guna, semina merinsaka diri idup.\\n9 Dua iku manah agi ari siku, laban enti seduai iya begulai, seduai iya bulih agi gawa.\\n10 Enti sema siku ari seduai iya teterap, siku ga bisi ngangkatka iya. Tang enti orang diau kediri-diri, lalu iya teterap, nya amat tusah, laban orang nadai nulung iya.\\n11 Lebuh chelap, dua iku tau bekimbit tinduk, lalu ngangatka isi pangan diri, tang baka ni ku kitai ulih ngangatka diri enti kitai tinduk kediri-diri?\\n12 Dua iku ulih ngelaban orang ke nyerang, tang enti iya ngelaban kediri-diri, iya alah. Tali begembar tiga, mar diputuska.\\n13-14 Sekeda orang tau angkat ari penyeranta lalu nyadi raja di menua iya empu, tauka pansut ari rumah jil lalu nyadi raja, tang lebuh iya nyau tuai lalu kelalu beli lalu enggai ningaka jaku lalau, iya deka tusah agi ari orang bujang ke seranta tang nemu berunding.\\n15 Aku berundingka semua orang ke diau di dunya, lalu aku nemu, ari bala sida nya bisi siku orang bujang ti deka ngambi penuduk raja.\\n16 Pemayuh orang ke dipegai raja nyangka nadai sekat, tang lebuh iya nyau nadai agi, nadai orang deka meri terima kasihka utai ti udah dikereja iya. Nya alai, utai nya nadai guna, baka ke begagaika ribut.\\nAnang Beguai Ngaga Semaya\\n1 Bejimat lebuh nuan mansang ngagai Rumah Sembiang.Manah agi nuan kin mai ati ti keran deka belajar, ari ti keran deka ngenjuk piring baka orang ke beli, ti enda nemu bida entara utai ti ngena enggau utai ti salah.\\n2 Berunding dulu sebedau nuan mansutka jaku, lalu anang enda berunding enggau manah sebedau nuan ngaga semaya enggau Allah Taala.Iya di serega din, lalu nuan di dunya ditu. Nya alai, anang nyebut utai lebih ari ti patut.\\n3 Balat agi nuan irau ati, balat agi ga nuan deka jai mimpi.Mayuh agi jaku nuan, besai agi ga peluang nuan nyebut utai ti beli.\\n4 alai, lebuh nuan ngaga semaya enggau Allah Taala, nuan enda tau enda enggau naka pengelengkas ngamatka semaya nya. Allah Taala enda begunaka orang ke beli.Kereja aja utai ti disemaya nuan.\\n5 Manah agi enda ngaga semaya, ari ke ngaga semaya, lalu udah nya enda ngamatka semaya nya.\\n6 Anang nejuka jaku nuan empu ngasuh nuan bedosa ngambika nuan enda ibuh madahka ngagai imam Allah Taala, nuan ukai sengaja nyebut utai nya.Nama kebuah nuan nyungkak Allah Taala ringat ngagai nuan?Nama kebuah nuan nyungkak Iya ngerusak utai ti udah ulih nuan?\\n7 Nuan nyangka suah bemimpi, nyangka ngereja mayuh bengkah pengawa ti nadai guna, tauka kutap-kutap bejaku, tang nuan enda tau enda mengkang nangika Allah Taala.\\nPengidup Ti Nadai Reti\\n8 Anang tekenyit ati lebuh nuan meda perintah nekanka pengidup orang ke seranta, lalu enggai meri sida atur ti lurus, sereta enggai meri sida hak ti endang enggi sida. Genap iku pemesai endang dijaga siku orang ke tinggi agi pangkat ari iya, lalu seduai iya pen sama mega dijaga pemesai ti tinggi agi pangkat ari seduai iya.\\n9 Indah pengidup raja deh bepanggai ba utai ti diketau.\\n10 Enti nuan angkunka duit, nuan enda nemu puas ati.Enti nuan ingin deka kaya, nuan enda ulih ngulihka semua utai ti dikinginka nuan.Utai nya nadai guna.\\n11 Makin kaya agi nuan, makin mayuh agi ga orang ditupi nuan.Semina utai ti ulih nuan, nuan nemu diri kaya.\\n12 Bala orang ke gawa nyangka chukup tauka enda chukup utai diempa, tang sida tentu ulih tinduk jenak lebuh malam hari. Tang orang ke kaya sigi amat mayuh reta, datai ke sida nyau enda ulih tinduk laban sida irau ati.\\n13 Tu utai ti jai ti udah dipeda aku dalam dunya tu: orang besimpanka duit nyadika penabat lebuh maya sida begunaka duit nya,\\n14 lalu udah nya ngelenyauka semua duit nya ngereja pengawa ti enda menuku, lalu sida nadai agi utai ditinggalka bala anak sida.\\n15 Kitai ninggalka dunya tu baka kitai ke datai - telanjai. Taja pen kitai bebendar gawa, tang nadai meh utai ulih dibai kitai.\\n16 Utai tu enda betul! Kitai mupuk baka kitai ke datai. Kitai bekereja, nguji nangkap ribut, tang nama utai ti ulih kitai?\\n17 Kitai semina idup dalam pemetang enggau penusah, irau ati, ringat, sereta sakit.\\n18 Tu utai ti udah ditemu aku: utai ti pemadu manah, ti tau dikereja kitai nya makai, ngirup lalu ngelantangka diri ngena utai ti udah ulih kitai dalam umur ti pandak tu, ti diberi Allah Taala ngagai kitai. Tu endang ungkup kitai.\\n19 Enti Allah Taala meri kitai pengaya enggau reta tengkira, lalu nejuka kitai ngelantangka diri, kitai patut beterima kasih, lalu ngelantangka diri ngena utai ti udah ulih kitai, laban utai nya endang pemeri ari Allah Taala.\\n20 Nya alai laban Allah Taala udah ngasuh kitai diau lantang, kitai enggai kelalu irau ati ke pemandak umur kitai.\\n1 Aku udah meda atur ti enda lurus dipejalaika orang di dunya tu.\\n2 Allah Taala deka meri kitai pengaya, basa, enggau reta tengkira, nyengkaum semua utai ti dikinginka kitai, tang Iya enggai nejuka kitai ngelantangka diri ngena utai nya. Tang sekeda orang kampar deka ngelantangka diri ngena utai nya. Tu nadai guna, sereta enda patut.\\n3 Kitai nyangka bisi seratus iku anak, lalu panjai umur, tang panjai naka ni pen umur kitai, nadai meh kitai ulih ngelantangka diri, lalu bangkai kitai pen enda mega dikuburka enggau menyana. Aku madahka ngagai nuan, indah anak mit ke mati lulus deh diintu orang manah agi ari nya.\\n4 Nadai guna anak mit nya ada, laban iya lesap ke dalam pemetang, alai iya ke lalu enda dikingatka orang agi.\\n5 Iya nadai kala meda penampak siang hari, tauka nemu utai ti dikumbai pengidup, tang iya udah tetemuka endur alai belelak,\\n6 lebih agi ari orang ke nadai kala ngelantangka diri, taja pen iya nyangka idup dua ribu taun, laban seduai iya sama mansang ngagai endur siti nya aja.\\n7 Kitai ngereja pengawa semina kena ngulihka utai diempa, tang kitai nadai kala bulih pemakai ti chukup.\\n8 Baka ni ku orang ke bepenemu-dalam tau nyamai agi diau ari orang ke beli? Nama penguntung ulih orang ke seranta enti iya nemu ngatur ulah diri di dunya tu?\\n9 Utai nya nadai guna, baka ke begagaika ribut.Manah agi enti kitai nemu puas ati ke utai ti dikemisi diri, ari ke seruran inginka utai bukai.\\n10 Semua utai ti nyadi endang udah diletak dulu kelia, lalu semua kitai bela nemu, nuanenda tau bekelikuh enggau orang ke kering agi ari nuan.\\n11 Lama agi seduai bekelikuh enggau pangan diri, balat agi ga kelikuh nya nadai guna, lalu seduai pen nadai mega bulih penguntung ari nya.\\n12 Baka ni ku orang ulih nemu utai ti tau mai penguntung dalam pengidup ti pandak sereta nadai guna tu, pengidup ti ngelansa baka ayuk? Baka ni ku kitai ulih nemu utai ti deka nyadi di dunya tu, lebuh kitai udah mati?\\nRunding Pasal Pengidup\\n1 Tampak nama nya manah agi ari minyak wangi ti berega, lalu hari nuan mati nya manah agi ari hari nuan ada.\\n2 Manah agi mansang ngagai rumah orang ke ngulit, ari ke mansang ngagai rumah alai orang ke rami, laban orang ke idup seruran ingatka pemati endang nganti semua kitai.\\n3 Sinu ati manah agi ari ke ketawa, taja pen iya mandangka mua nuan tusah, tang iya ngansah nuan ngambika nuan tajam agi meretika utai.\\n4 Orang ke selalu berundingka pasal pengelantang nya orang ke beli.Orang ke bepenemu-dalam berundingka pasal pemati.\\n5 Manah agi enti nuan dianu orang ke bepenemu-dalam, ari ke dipuji orang ke beli ngena lagu.\\n6 Lebuh orang ke beli ketawa, iya munyi duri ti meretih diempa api. Ketawa sigi nadai reti.\\n7 Nuan nyangka bepenemu-dalam, tang enti nuan ngakal orang, nuan baka orang ke beli. Enti nuan makai suap, nuan ngerusak diri empu.\\n8 Pengujung utai endang manah agi ari pun iya.Ati ti liat manah agi ari penyumbung.\\n9 Anang lengkar.Nuan beli enti nuan bedendam.\\n10 Anang sekali-kali nanya, “Nama kebuah utai menya manah agi ari utai ti diatu?” Nya ukai tanya ti dipansutka orang ke nemu berunding.\\n11 Semua orang ke idup patut bepenemu-dalam, laban penemu-dalam nya baka pesaka,\\n12 lalu iya deka meri kitai pengelikun baka duit.Penemu-dalam deka ngasuh nuan likun.Nya meh penguntung bisi penemu.\\n13 Peratika utai ti udah digaga Allah Taala. Enti Iya ngaga utai bingkuk, baka ni ku mensia ulih beruruska utai nya?\\n14 Lebuh nuan mujur, nuan patut gaga ati, lalu lebuh penusah nuntung, ingatka tu: Allah Taala empu ke ngasuh pengelantang enggau penusah nyadi. Nadai nuan nemu utai ti deka nyadi.\\n15 Dulu suba pengidup aku nadai guna, tang dalam pengidup nya, aku udah meda semua utai. Sekeda orang ke manah nyangka mati, tang sekeda sida deka majak idup taja pen sida nya orang ke jai.\\n16 Nya alai, anang kelalu manah tauka kelalu bepenemu-dalam; anang munuh diri\\n17 tang anang mega kelalu jai tauka kelalu beli. Nama kebuah mati tumu?\\n18 Seliahka pekara dua iti nya tadi.Enti nuan nangika Allah Taala, nuan tetap deka mujur dalam pekara nya.\\n19 Penemu-dalam mai pengering ngagai orang ke pintar, lebih ari pengering ti dibai sepuluh iku raja ngagai sebuah nengeri.\\n20 Nadai orang di dunya tu ti nadai kala ngereja utai ti salah.\\n21 Anang ibuhka semua utai ti disebut orang, enggai ke nuan ninga orang gaji nuan mechat nuan.\\n22 Nuan empu endang nemu diri udah suah mechat orang.\\n23 Semua utai tu udah diuji aku magang ngena penemu-dalam. Ku aku, “Aku mutus ati deka nyadi orang ke bepenemu-dalam,” tang aku enda tulihka nya.\\n24 Baka ni ku orang ulih tetemuka reti pengidup? Pekara tu kelalu dalam ke kitai, kelalu mar diperatika kitai.\\n25 Tang aku angkun deka belajar ngiga penemu. Aku mutus ati deka ngiga penemu-dalam, enggau saut ngagai semua tanya aku, lalu nguji nemu pemeli utai ti jai sereta mapap.\\n26 Aku udah tetemuka utai ti lebih agi tau ngerusak ari pemati, iya nya indu ke baka panjuk. Pengerindu iya ke nuan nyadi baka reti jala kena iya nangkap nuan, lalu lengan iya ti engkauk nuan, deka nanchang nuan baka rantai. Orang ke ngereja utai ti ngerinduka ati Allah Taala, ulih ngerarika diri ari indu nya, tang indu nya deka nyintak orang ke bedosa.\\n27 Tu endang amat, ku pengajar nya bejaku, aku udah tetemuka utai tu mimit-mimit lebuh aku begigaka saut.\\n28 Aku udah begigaka saut bukai, tang aku nadai tetemuka iya. Aku bisi tetemuka siku ari seribu iku lelaki ke ulih dibasa aku, tang siku indu pen nadai.\\n29 Tu meh semua utai ti udah dipelajarka aku: Allah Taala ngaga kitai lurus, tang kitai udah ngaga ulah diri mayuh macham.\\n1 Semina orang ke bepenemu-dalam aja ke nemu reti utai.Penemu-dalam ngasuh sida tuchum, lalu ngasuh mua sida terang.\\n2 Kereja utai ti diasuh raja, lalu anang ngaga semaya enggau Allah Taala enggau enda berunding.\\n3 Raja tau ngereja sebarang utai ti dikedekaka iya, nya alai kejangka diri jauh ari iya. Anang diau ba endur ti tau meri penusah baka nya.\\n4 Raja ngereja utai laban iya bisi kuasa, lalu nadai orang tau mantah utai ti dikereja iya.\\n5 Seagi-agi nuan ngasika jaku iya, nuan likun, lalu orang ke bepenemu-dalam endang nemu jalai enggau maya sida patut ngasika jaku raja.\\n6 Kitai endang bisi maya ti ngena, enggau chara ti ngena kena kitai ngereja utai, tang kitai semina nemu mimit aja!\\n7 Nadai siku kitai nemu utai ti deka nyadi, lalu orang pen nadai mega madahka nya ngagai kitai.\\n8 Nadai orang ulih nagang diri mati, tauka betangguhka pemati diri.Nya meh perang ti enda ulih diseliahka kitai.Ngena jalai akal pen enda meh ulih.\\nOrang Ke Jai Enggau Orang Ke Lurus\\n9 Aku meda semua utai tu lebuh aku berundingka utai ti dikereja di dunya tu, dunya alai sekeda orang ke bisi kuasa diau, alai orang bukai ke natka diri merinsa dipegai sida.\\n10 Endang amat, aku bisi udah meda orang ke jai disimpan dalam kubur sida, tang lebuh orang pulai ari pendam, orang muji sida dalam nengeri ti udah nyadi endur alai sida ngereja penyai. Utai tu nadai guna.\\n11 Nama kebuah orang kelalu ingin deka ngereja penyalah?Laban penyalah enda diukum enggau chukup penyampat.\\n12 Orang ke bedosa nyangka ngereja seratus bengkah penyalah, lalu agi mengkang idup. Aku nemu utai ti disebut sida: “Enti nuan ngasika Allah Taala, semua utai nadai nama-nama,\\n13 tang sida ke jai enda ulih mujur. Pengidup sida baka ayuk, lalu sida deka mati biak, laban sida enda ngasika Allah Taala.”\\n14 Tang nya jaku mapap. Peda nuan utai ti nyadi di dunya tu: kadang-kadang orang ke lurus bulih ukum ti patut diterima orang ke jai, lalu orang ke jai bulih upah ti patut diterima orang ke lurus. Aku madahka ngagai nuan, utai tu sigi nadai guna.\\n15 Nya alai, dalam penemu aku, kitai patut ngelantangka diri, laban dalam pengidup kitai tu, kitai semina ulih ngelantangka diri ngena pengawa bepakai enggau beirupka utai. Abis kurang iya, kitai ulih ngereja utai nya lebuh kitai bebendar gawa dalam pengidup ti udah diberi Allah Taala ngagai kitai di dunya tu.\\n16 Genap kali aku nguji nyadi orang ke bepenemu-dalam, lalu meratika utai ti nyadi di dunya tu, aku nemu kitai ulih natka diri enda tinduk siang malam\\n17 tang kitai enda ulih meretika utai ti dikereja Allah Taala. Taja pen kitai bebendar nguji, tang enda meh kitai ulih meretika utai nya. Orang ke bepenemu-dalam nyangka ngumbai diri nemu, tang sida enda.\\n1 Aku lama udah belematika semua utai tu, lalu aku nemu, Allah Taala empu ke ngatur semua utai ti dikereja orang ke bepenemu-dalam, enggau orang ke lurus, nyengkaum pengerindu enggau pemenchi sida. Nadai orang nemu utai ti deka nyadi jemah ila,\\n2 tang nya nadai ngawa. Orang ke lurus enggau orang ke bepenyalah, orang ke badas enggau orang ke jai, orang ke arap enggau orang ke enda arap, orang ke ngenjuk piring enggau orang ke enda ngenjuk piring, endang saum pengujung magang. Orang ke badas enda lebih badas agi ari orang ke bedosa.Lalu orang ke nyumpah enda lebih badas agi ari orang ke enda nyumpah.\\n3 Pengujung siti nya aja nuntung semua mensia. Tu meh utai ti pengabis jai nyadi di dunya tu. Seagi-agi mensia idup, runding sida penuh laban penyai enggau penemu ti enda menuku, lalu udah nya sida mati ngenyit.\\n4 Tang barang sapa idup dalam dunya orang ke idup tu, bisi pengadang.Indah ukui ti idup deh nyamai agi diau, ari singa ti mati.\\n5 Sigi amat, orang ke idup nemu diri deka mati, tang orang ke mati nadai nemu utai.Sida nadai agi upah dianti.Sida enda dikingatka agi.\\n6 Pengerindu sida, pemenchi sida, pengingin sida, semua dibai sida mati. Sida nadai agi enggau orang ngereja utai di dunya tu.\\n7 Empa meh pemakai nuan, lalu ngelantangka diri.Irup meh wain nuan, lalu gaga ati.Utai nya nadai ngawa Allah Taala.\\n8 Seruran pandangka mua ti lantang sereta gaga.\\n9 Diau lantang ati enggau orang ke dikerinduka nuan seagi nuan idup dalam pengidup ti nadai guna tu, ti udah diberi Allah Taala ngagai nuan di dunya tu. Awakka nuan ngelantangka diri tiap hari ba hari ti nadai guna tu, laban semina nya aja utai ti ulih nuan ari pengiruh nuan.\\n10 Kereja enggau bebendar sebarang pengawa ti dikereja nuan, laban di dunya pemati ila endang nadai pengawa, nadai runding, nadai penemu, nadai penemu-dalam. Kia ke meh nuan deka mupuk.\\n11 Aku bisi udah tetemuka siti agi utai, iya nya, orang ke laju belanda di dunya tu enda selalu menang belumba, lalu orang ke berani enda selalu menang beperang.Orang ke bepenemu-dalam enda selalu bulih pengidup, orang ke nemu berunding enda selalu nyadi kaya, lalu orang ke nemu ngereja utai enda selalu niki pangkat, laban utai ti jai endang tau nyadi ba genap iku orang.\\n12 Nadai nuan nemu maya diri deka ditinggang penusah.Baka burung ti ngenyit disintak panjuk, baka ikan ti dibalut pukat, baka nya meh kitai mensia deka ditinggang penusah lebuh kitai enda ngadang.\\nRunding Pasal Penemu-dalam Enggau Pemeli\\n13 Aku bisi mega udah meda utai bukai, iya nya teladan ti manah pasal jalai mensia berundingka penemu-dalam di dunya tu.\\n14 Bisi sebuah nengeri ti mit, ti nadai mayuh orang.Siku raja ti kering nyerang nengeri nya.Iya ngelulung nengeri nya, lalu sedia deka mumbuska dinding kuta nengeri nya.\\n15 Di nengeri nya bisi siku orang ke seranta, tang pintar, ke ulih nyelamatka nengeri nya. Tang nadai orang ingatka iya.\\n16 Aku endang selalu ngumbai penemu-dalam nya manah agi ari pengering, tang orang nadai kala ngumbai orang ke seranta nya orang ke bepenemu-dalam, tauka mendingka utai ti disebut iya.\\n17 Manah agi mendingka siku orang ke bepenemu-dalam bejaku enggau nyawa ti enda inggar, ari ke mendingka siku orang perintah bejaku enggau nyawa ti inggar ba aum bala orang ke beli.\\n18 Penemu-dalam beguna agi ari senyata, tang siku orang ke bedosa ulih ngerusak utai ti manah.\\n1 Bangkai lalat tau ngasuh sebutul minyak wangi bau but, lalu pemeli ti mit ngelamun penemu-dalam.\\n2 Orang ke bepenemu-dalam endang seruran ngereja utai ti ngena, lalu orang ke beli endang seruran ngereja utai ti salah.\\n3 Pemeli sida nyata dipeda orang kampar ke enggau sida betemu ba sebelah jalai.Sida endang ngayanka diri amat beli.\\n4 Enti orang ke merintah kita ringat ngagai kita, anang muai pengawa kita, laban penyalah ti besai ulih diampun, enti kita enda bemunyi.\\n5 Tu atur ti enda lurus ti udah dipeda aku di dunya tu, ti dikereja bala orang ke megai perintah.\\n6 Orang ke beli diberi pangkat megai kuasa, tang orang ke kaya enda dikibuhka.\\n7 Aku bisi udah tepedaka ulun nepan kuda, tang orang ke tinggi pangkat bejalai kaki baka ulun.\\n8 Enti nuan numbak lubang kebung, nuan empu deka labuh ngagai lubang kebung nya.Enti nuan mumbuska dinding, ular deka mantuk nuan.\\n9 Enti nuan bekereja ba endur alai orang ke ngulihka batu, nuan deka bebadi laban batu. Enti nuan melah kayu, nuan deka bebadi ngereja pengawa nya.\\n10 Enti kapak nuan tumpul lalu nuan enda ngansah iya, nuan deka bebendar agi mantapka iya.Nuan pintar enti nuan dulu ngaga pelan.\\n11 Nadai guna nuan nemu chara bemain enggau ular, enti nuan nejuka ular mantuk nuan dulu.\\n12 Utai ti disebut orang ke bepenemu-dalam, mai basa ngagai sida, tang orang ke beli dirusak jaku sida empu.\\n13 Sida berengkah ngena jaku ti beli, lalu ngujungka jaku diri munyi orang ke gila.\\n14 Orang ke beli enda nemu ngetu bejaku.\\nNadai orang nemu bagi utai ti deka nyadi udah bekau nya, lalu nadai orang ulih madahka ngagai kitai utai ti deka nyadi lebuh kitai udah mati.\\n15 Semina orang ke kelalu beli lalu enda nemu jalai pulai ke rumah, ke ngelelakka diri gawa.\\n16 Tulah meh nuan, o menua, lebuh raja agi biak umur, lalu bala tuai rami makai besai sepemanjai malam.\\n17 Tang menua deka bulih berekat enti iya bisi raja ke nemu mutuska penemu ke diri empu, lalu bala tuai makai ba maya ti patut, lalu nemu nagang pengingin diri lalu enda mabuk.\\n18 Lebuh nuan kelalu ngelusu lalu enggai nyeruri atap rumah diri, atap nya deka tuduh, lalu rumah nya deka runtuh.\\n19 Pengerami makai besai ngasuh nuan gaga, lalu wain ngelantangka nuan, tang nuan enda ulih meli utai dua bengkah nya enti nuan nadai duit.\\n20 Anang nyumpah raja. Nyumpah dalam ati pen enda meh tau, lalu anang nyumpah orang ke kaya.Nyumpah sida ari bilik peninduk nuan empu pen enda meh tau, enggai ke burung mai pesan lalu madahka ngagai sida utai ti disebut nuan.\\nUtai Ti Dikereja Orang Ke Bepenemu-dalam\\n1 Kena meh duit nuan bejalaika pengawa dagang di menua orang, ngambika jemah ila nuan bulih untung.\\n2 Simpan duit nuan ba mayuh bengkah endur - mayuh agi endur, manah agi - laban nuan enda nemu bagi utai ti jai ti deka nuntung nuan di dunya tu.\\n3 Enda milih tunga kayu deka rebah, iya deka mengkang ba endur alai iya ti rebah. Lebuh mua hari nyau sarat, hari lalu ujan.\\n4 Enti nuan nganti hari enggau ribut ti ngena, nuan enda tetanamka utai, lalu nuan nadai utai diketau.\\n5 Allah Taala ngaga semua utai, lalu nuan enda ulih meretika utai ti dikereja Iya, baka nuan ti enda meretika chara mensia nyadi dalam kandung indai iya.\\n6 Taburka benih nuan lebuh pagi hari enggau lebuh lemai hari.Nadai nuan nemu bagi iya ti deka tumbuh, iya ti ditanam pagi tauka iya ti ditanam lebuh lemai hari.\\n7 Manah amat enti kitai ulih ngelantangka diri ngasaika penampak siang hari.\\n8 Kita patut beterima kasihka genap taun kita idup. Gayu pen kitai nguan menua, kitai patut ingatka diri lama agi mati ari kitai ke idup. Kitai nadai utai bukai dianti.\\nAjar Ngagai Sida Ke Biak\\n9 Kita ke biak, awakka kita ngelantangka diri kala lebuh kita agi biak. Awakka kita gaga kala lebuh kita agi biak. Kereja aja utai ti dikedekaka kita, lalu turutka pengingin ati kita. Tang ingat: Allah Taala deka ngakim kita ketegal semua utai ti dikereja kita.\\n10 Anang nejuka sebarang utai ngasuh ati kita irau, tauka ngemediska kita. Kita enda lama mengkang biak.\\n1 Nya alai, kingatka Allah Taala ti udah ngaga nuan kala lebuh nuan agi biak, sebedau nuan merampau diau dalam hari enggau taun ti deka datai, lalu nuan nyebut, “Aku nadai kala lantang diau.”\\n2 Nya meh maya penampak mata hari, bulan enggau bintang deka majak silam ba mata nuan, lalu mua hari nadai kala lesap.\\n3 Nya baru lengan nuan, ti udah nyaga nuan, deka getar-getar, lalu kaki nuan ti kering diatu, deka nyadi lemi.Ngeli nuan nyau nadai mayuh agi kena ngunyah pemakai, lalu mata nuan nyau rabun lalu enda lansik agi.\\n4 Pending nuan nyau enda ulih ningaka munyi utai ti ba jalai raya.Nuan nyau deka enda ulih ninga munyi injin padi, tauka ninga munyi musik ti ditebah orang. Tang munyi burung chukup kena ngerak nuan ke tinduk.\\n5 Nuan deka rawan bediri ba endur ti tinggi, lalu bejalai pen tau ngasuh nuan bebadi.Buk nuan buban.Nuan nyau deka enda ulih bejalai, lalu semua pengingin nuan nyau nadai agi.\\nKitai deka mansang ngagai dunya pemati, lalu orang deka ngulit ba sebelah jalai raya.\\n6 Rantai pirak deka putus, lalu lampu emas deka labuh lalu pechah.Tali ba telaga deka putus, lalu tepayan ai deka pechah.\\n7 Tubuh kitai deka pulai baru ngagai amau, lalu seput pengidup ti diberi Allah Taala ngagai kitai deka pulai baru ngagai Iya.\\n8 Nadai guna, nadai guna, ku orang ke bepenemu-dalam nya bejaku.Semua utai nya nadai guna magang.\\n9 Tang laban orang ke bepenemu-dalam nya endang pintar, iya majak ngajar orang utai ti ditemu iya.Iya belajarka jaku-dalam, lalu mansik pengamat jaku nya.\\n10 Orang ke bepenemu-dalam nya nguji ngiga jaku ti tau ngenyamaika ati, tang leka jaku ti ditulis iya endang jaku ti datai ari ati.\\n11 Jaku ti disebut orang ke bepenemu-dalam nya baka tungkat ti tajam ti dikena pengibun bedus nguluka bedus sida, lalu jaku-dalam ti udah dikarang tan baka paku lawang ti dipantang.Semua jaku-dalam nya udah diberi Allah Taala ti Pengibun kitai semua.\\n12 Anak, bejaga nuan ari siti agi utai.Pengawa betuliska bup endang enda nemu abis, lalu enti nuan kelalu bebendar belajar, nuan deka lelak.\\n13 Semua utai nya udah disebut magang, tang siti agi utai deka disebut: Nangika Allah Taala, lalu ngasika pesan Iya, laban nya endang kebuah kitai mensia digaga.\\n14 Allah Taala deka ngakim semua utai ti dikereja kitai, nemuka utai nya manah tauka jai, nyengkaum utai ti dikereja kitai enggau chara belalai.","num_words":5564,"character_repetition_ratio":0.086,"word_repetition_ratio":0.005,"special_characters_ratio":0.209,"stopwords_ratio":0.369,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"IBAN - Romans\\n1 Surat ari Paul, ulun Jesus Kristus, ke dikangauka nyadi rasul, lalu dipilih nusui Berita Manah Allah Taala, 2 ti udah disemaya Allah Taala dulu kelia nengah sida nabi Iya, dalam Bup Kudus, 3 iya nya Berita Manah pasal Anak Iya, ke ada nyadi mensia ari peturun David; 4 lalu dikumbai Anak Allah Taala ulih Roh pengudus, laban pengangkat Jesus Kristus Tuhan kitai ari mati. 5 Ulih Iya, Allah Taala udah meri kami pengasih enggau pengawa nyadi rasul mai semua orang bansa bukai arap sereta ngasika nama Iya, 6 nyengkaum kita ke dikangauka nyadi nembiak Jesus Kristus. 7 Ngagai semua kita ke dikerinduka Allah Taala di Rome, ke udah dikangauka nyadi nembiak Tuhan: Awakka Allah Taala ti Apai kitai enggau Tuhan Jesus Kristus meri kita pengasih enggau pemaik. 8 Tang aku enda tau enda dulu meri terima kasih ngagai Allah Taala aku dalam nama Jesus Kristus, ke semua bala kita, laban pengarap kita benung ditusui di serata dunya. 9 Laban Allah Taala, ke dipetuaika aku enggau pengabis ati aku lebuh aku nusui Berita Manah pasal Anak Iya, nemu aku endang enda ngetu ingatka kita dalam sampi aku, 10 minta Allah Taala, ari peneka Iya Empu, ngasuh aku ulih nemuai ngagai kita, 11 laban aku balat lelengauka kita, ngambika aku ulih bekunsika berekat Roh enggau kita, kena ngeringka kita. 12 Utai ti ku aku nya, ngambika kitai sama diperansang ulih pengarap pangan diri, iya nya pengarap kita, enggau pengarap aku. 13 Aku dekaka kita nemu, menyadi, aku suah udah deka nemuai ngagai kita ngambika aku ulih mai orang ari bala kita arap, baka ti udah dikereja aku ba orang bansa bukai. Tang aku seruran bisi utai nanggul. 14 Aku bisi tanggungjawap atas semua orang, orang ke udah mansang, enggau orang ke apin mansang, orang ke bisi pelajar, enggau orang ke nadai pelajar. 15 Nya kebuah aku keran mega deka nusui Berita Manah ngagai kita ke diau di Rome. 16 Laban aku enda malu ke Berita Manah, laban nya kuasa Allah Taala kena nyelamatka genap iku orang ke arap, keterubah orang Judah, lalu mega orang bansa bukai. 17 Laban Berita Manah mandangka chara Allah Taala ngasuh orang bebaik enggau Iya, iya nya nengah pengarap kenyau ari pun datai ke ujung. Munyi ti ditulis, \"Orang ke lurus deka idup ngena pengarap. 18 Laban pengeringat Allah Taala dipandangka ari serega ngelaban semua dosa enggau penyai mensia ti nagang sida nemu pemendar. 19 Laban utai ti patut ditemu sida pasal Allah Taala, endang nyata ba sida, laban Allah Taala udah ngayanka utai nya ngagai sida. 20 Kenyau ari penumbuh dunya, kuasa Allah Taala ti meruan belama iya enggau kualiti Iya ti enda ulih dipeda, udah ditemu sereta dipeda mensia ari utai ti digaga Iya. Nya alai sida nadai kebuah enda nemu; 21 laban taja pen sida nemu Allah Taala, tang sida enda ngemesaika Iya nyadika Allah Taala sida, tauka meri terima kasih ngagai Iya, tang sida berundingka utai ti nadai guna, lalu runding sida mapap sereta penuh laban pemetang. 22 Sida ngumbai diri bepenemu-dalam, tang sida beli, 23 lalu sida nyilih mulia Allah Taala ti idup belama iya, enggau engkeramba ti digaga neladan gamal mensia ti enda ulih idup belama iya, tauka neladan gamal burung, tauka jelu, tauka ular. 24 Nya alai, Allah Taala nejuka sida ngereja ulah ti kamah ti dikinginka sida, ngambika sida ngamahka tubuh diri enggau pangan diri, 25 laban sida nyilih pemendar pasal Allah Taala enggau pemula, lalu nyembah sereta betuaika utai ti digaga Allah Taala, ukai nyembah Allah Taala Empu ke ngaga semua utai lalu patut dipuji belama iya! Amin. 26 Nya kebuah Allah Taala nejuka sida nurutka pengingin sida ti jai. Indu beleman enggau indu; 27 lalu baka nya mega lelaki enggai beleman enggau indu. Lelaki tetengukka lelaki, lalu sida enda nemu malu beleman enggau orang ke sama lelaki baka sida empu, lalu sida nerima ukum ba tubuh sida empu ketegal penyalah sida. 28 Nyadi laban sida ngumbai diri tau enda ibuh nemu Allah Taala, nya alai Iya nejuka sida diperintah runding ti jai, ngambika sida ngereja utai ti enda patut dikereja sida. 29 Sida penuh laban genap macham penyalah, penyai, pengamu, ati ti begedika orang. Sida kepapas, munuh orang, belaya, ngelakar, bedendam, bejakuka orang, 30 bejai orang, begedika Allah Taala, nadai nemu bebasaka orang, sumbung, temegah, ngaga penyai, ngelaban apai indai, 31 beli, enda tetap ati, nadai nemu berundingka orang, nadai nemu kasihka orang. 32 Sida nemu adat Allah Taala endang madahka orang ke ngereja utai nya patut dibunuh, tang sida ukai semina ngereja utai nya aja, tang sida mega meransang orang bukai ngereja utai nya.\\n1 Nya alai, enda milih sapa-sapa kita nya, kita nadai kebuah ngakim pangan diri, laban lebuh kita ngakim orang, kita ngukum diri empu, laban kita ke ngakim orang, mega ngereja utai ti dikereja sida. 2 Ku kita, \"Kitai endang nemu, ukum ti diberi Allah Taala ngagai orang ke ngereja utai nya, endang beduduk ba pemendar.\" 3 Enda milih sapa-sapa kita nya, kati kita ngumbai diri ulih nyeliahka ukum Allah Taala ketegal kita ngakim orang ke ngereja utai nya, tang kita empu ngereja utai nya baka sida? 4 Tauka kita ngeleseka pemesai penelap Allah Taala, pengetan enggau pengeliat ati Iya? Kati kita enda nemu, Iya nelap enggau kita laban Iya dekaka kita nesal ati ke dosa kita? 5 Tang laban kita kieh lalu enggai nesal ati, kita nugungka ukum ke diri empu lebuh Hari Pechara, lebuh pengelurus ukum Allah Taala dipandangka. 6 Laban Iya deka ngupah orang nitihka utai ti dikereja sida siku-siku. 7 Orang ke liat ati ngereja pemadas, lalu ngiga mulia, basa enggau pengidup ti meruan, deka diberi Iya pengidup ti meruan belama iya. 8 Tang orang ke semina berundingka diri empu aja, lalu enda ngasika pemendar, tang ngasika penyai, deka natka pengeringat enggau pemedis ati Allah Taala. 9 Pemerinsa enggau penusah deka ditatka semua orang ke ngereja penyai, keterubah orang Judah, lalu mega orang bansa bukai, 10 tang mulia, basa enggau pemaik deka diberi ngagai genap iku orang ke ngereja pemadas, keterubah orang Judah, lalu mega orang bansa bukai. 11 Laban Allah Taala enda bepilih mata. 12 Semua orang ke bedosa ari luar Adat, deka mati ari luar Adat, lalu semua orang ke bedosa di baruh Adat, deka diakim Adat. 13 Laban ukai orang ke mendingka Adat ke dikumbai Allah Taala lurus, tang orang ke ngasika Adat. 14 Orang bansa bukai nadai ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat. 15 Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah 16 lebuh hari nya datai, nitihka Berita Manah ti ditusui aku, lebuh Allah Taala, ulih Jesus Kristus, ngakim resia runding semua mensia. 17 Tang enti kita ngumbai diri orang Judah, lalu manggaika diri ba Adat, lalu temegahka kaul kita enggau Allah Taala 18 lalu nemu peneka Iya, lalu nemu ngira utai ti manah laban kita diajar pasal Adat, 19 lalu enti kita nemu diri nyadi malin ke orang ke buta, nyadi penampak ke orang ke diau dalam pemetang, 20 nyadi pengajar ke orang ke beli, enggau nyadi pengajar ke orang ke mit, laban Adat kita ngembuan semua penemu enggau pemendar, 21 lalu udah nya kita ngajar orang bukai, kati kita enda ngajar diri empu? Kita ngajar orang, enda nyagi orang ngenchuri, kati kita ngenchuri? 22 Kita ke enda nyagi orang butang, kati kita butang? Kita ke begedika engkeramba, kati kita ngerumpak rumah sembiang engkeramba? 23 Kita ke temegahka Adat, kati kita ngelanggar Adat lalu ngeleseka Allah Taala? 24 Laban endang udah ditulis, \"Nama Allah Taala dikeleseka orang bansa bukai laban kita.\" 25 Betutus endang bisi reti ba kita enti kita ngasika Adat, tang enti kita ngelanggar Adat, tutus nya nadai guna. 26 Nya alai, enti orang bansa bukai ke enda ditutus, ngasika Adat, enda ka Allah Taala deka ngira iya sebaka enggau orang ke udah ditutus? 27 Nya alai orang bansa bukai ke ngasika Adat deka ngumbai kita orang Judah, ke bisi Adat sereta udah ditutus, salah laban kita ngelanggar Adat. 28 Laban sapa orang Judah ke bendar, ke amat udah ditutus? Orang Judah ke bendar nya ukai orang ke semina ditutus ba batang tubuh. 29 Orang Judah ke bendar nya orang ke ngaku diri orang Judah dalam ati iya. Lalu tutus ti bendar nya tutus dalam ati ukai ba batang tubuh. Tu pekara roh, ukai pekara tubuh. Orang ke baka nya ukai nerima puji ari mensia, tang ari Allah Taala.\\n1 Enti pia, nama penguntung ke orang Judah? Tauka, nama guna betutus? 2 Mayuh penguntung! Kesatu, orang Judah udah diberi pesan Allah Taala. 3 Tang kati enti sekeda orang Judah enda tetap ati? Kati nya tau ngasuh Allah Taala enda tetap ati? 4 Enda! Taja pen semua mensia bula, tang Allah Taala enda bula, munyi ti ditulis, \"Ngambika Nuan ditemu lurus lebuh Nuan bejaku, lalu menang lebuh Nuan diakim.\" 5 Tang enti penyai kitai nunjukka pengelurus Allah Taala, baka ni ku jalai kitai bejaku? Kati kitai tau ngumbai Allah Taala enda lurus laban Iya ringat ngagai kitai? (Aku bejaku ngena chara mensia.) 6 Enda tau! Laban enti Iya enda lurus, baka ni ku Iya ulih ngakim dunya? 7 Tang enti pemula aku ngasuh pemendar pasal Allah Taala nyata agi, ke mulia nama Iya, nama kebuah aku agi dikumbai bedosa? 8 Lalu nama kebuah enda nyebut -- sekeda orang betenah ngumbai kami bisi nyebut tu -- \"Aram kitai ngereja penyai ngambika pemadas datai\"? Awakka sida diukum. 9 Nama deh? Kati kitai manah agi? Enda! Laban aku udah madah, orang Judah enggau orang bansa bukai endang di baruh kuasa dosa, 10 munyi ti udah ditulis: \"Nadai siku ke lurus, siku pen nadai. 11 nadai siku ke mereti, nadai siku ke ngiga Allah Taala. 12 Semua bela udah limpang magang. Semua sida nadai guna magang. Nadai siku ke ngereja utai ti badas, siku pen nadai. 13 Nyawa sida merangap baka lubang kubur ti enda ditutup. Sida nipu orang ngena dilah sida. Rachun liur ular ti bisa di baruh bibir mulut sida. 14 Nyawa sida penuh laban jaku sumpah enggau pemenchi. 15 Sida jampat deka munuh. 16 Sida ngerusak sereta ngemerinsa, 17 lalu sida nadai nemu jalai pemaik. 18 Sida enda nangika Allah Taala.\" 19 Diatu baru kitai nemu, semua utai ti disebut Adat endang ditujuka magang ngagai orang ke di baruh Adat, ngambika semua mulut badu agi bejaku, lalu semua dunya diakim Allah Taala. 20 Laban nadai siku ke lurus di mua Allah Taala ketegal nitihka Adat, laban Adat semina ngasuh kitai nemu pasal dosa. 21 Tang diatu pengelurus Allah Taala udah dipandangka, ari luar Adat, lalu Adat enggau sida nabi besaksika pasal pengelurus nya. 22 Pengelurus ti ari Allah Taala nya datai ulih pengarap ke Jesus Kristus, ngagai semua orang ke arap. Laban semua mensia nadai bida ari pangan diri, 23 laban semua bela udah bedosa magang lalu jauh ari mulia Allah Taala. 24 Diatu sida digaga lurus ulih pengasih ti diberi Iya pechuma, lebuh sida ditebus Jesus Kristus. 25 Allah Taala nyerahka Iya nyadika genselan kena muai dosa, ulih darah Iya, ti diterima ngena pengarap. Allah Taala ngereja nya kena Iya mandangka pengelurus Iya, laban ulih pengeliat ati Iya, Iya enda ngukum dosa ti udah dikereja dulu ari nya. 26 Iya ngereja nya diatu kena Iya nunjukka Diri amat lurus, lalu ngaga orang ke arapka Jesus Kristus, nyadi lurus. 27 Enti pia, nama utai dikemegahka kitai? Nadai! Laban kitai ngasika Adat? Ukai, tang laban adat pengarap. 28 Laban kitai nemu, orang digaga lurus ulih pengarap, ukai laban iya ngasika Adat. 29 Kati Allah Taala nya semina ke orang Judah aja? Kati Iya ukai Allah Taala ke orang bansa bukai mega? Iya mega Allah Taala ke orang bansa bukai, 30 laban Allah Taala semina siku aja, lalu Iya deka ngaga orang Judah enggau orang bansa bukai lurus, ulih pengarap siti nya aja. 31 Enti pia, kati kitai muai Adat laban kitai bisi pengarap tu? Enda! Kitai ngeringka Adat.\\n1 Enti pia, baka ni ku kitai bejakuka pasal Abraham ke nurunka bansa kitai? 2 Laban enti Abraham udah digaga lurus ulih pengawa ti dikereja iya, iya bisi utai ti tau dikemegahka iya, tang ukai di mua Allah Taala. 3 Laban nama utai ti disebut Bup Kudus? \"Abraham arapka Allah Taala, lalu ketegal nya, Allah Taala ngumbai iya lurus.\" 4 Ba orang ke bekereja, gaji ukai dikumbai pemeri, tang upah. 5 Tang orang ke enda ngereja pengawa, tang manggaika pengarap iya ba Allah Taala ke ngaga orang ke jai nyadi lurus, orang nya deka dikumbai lurus ketegal pengarap iya. 6 Nya meh gaya utai ti disebut David lebuh iya merekatka orang ke dikumbai Allah Taala lurus, enda ngira utai ti dikereja orang nya. Ku iya, 7 \"Beberekat meh orang ke udah diampun ari penyalah sida, lalu dosa sida dilamun. 8 Beberekat meh orang ke bempu dosa ti enda dikingatka Tuhan!\" 9 Kati berekat nya semina diberi ngagai orang ke udah ditutus, tauka diberi mega ngagai orang ke enda ditutus? Kami udah madahka Abraham dikumbai lurus ketegal pengarap iya. 10 Kemaya Abraham dikumbai lurus? Sebedau tauka udah bekau iya ditutus? Iya dikumbai lurus ukai lebuh iya udah ditutus, tang sebedau iya ditutus. 11 Iya ditutus dudi agi ari nya, lalu tutus nya kena nanggam pengelurus iya ketegal pengarap iya lebuh iya apin ditutus. Nya alai Abraham nyadika apai semua orang ke arap, ke dikumbai Allah Taala lurus ketegal pengarap, taja pen sida enda ditutus. 12 Lalu Abraham mega nyadi apai ke orang ke ditutus, ke ukai semina ditutus aja, tang idup neladan pengarap ti dikembuan apai kitai Abraham sebedau iya ditutus. 13 Laban semaya ti madahka Abraham deka bempu dunya ukai datai ngagai iya tauka ngagai peturun iya ulih Adat, tang ulih pengelurus ti datai ulih pengarap. 14 Laban enti waris nya diberi ngagai orang ke nitihka Adat, reti nya, pengarap nadai reti, lalu semaya nya mega nadai guna. 15 Laban Adat mai pengeringat Allah Taala. Tang enti Adat nadai, penyalah mega nadai. 16 Nya alai semaya nya bepanggai ba pengarap, ngambika semaya nya beduduk ba pengasih lalu dijamin deka diberi ngagai semua peturun Abraham, ukai semina ngagai orang ke nitihka Adat, tang mega ngagai orang ke bisi pengarap baka enggi Abraham, laban iya apai semua kitai, 17 munyi ti udah ditulis, \"Aku udah ngaga nuan nyadi apai ke mayuh bengkah bansa.\" Nya meh jalai Allah Taala ti dikarapka Abraham ngaga semaya Iya enggau Abraham. Iya nya meh Allah Taala ke ngangkatka orang ari mati, ke ngasuh semua utai ti nadai, nyadi bisi. 18 Abraham arap lalu andal ati, lalu iya nyadi Apai ke mayuh bengkah bansa, munyi ti udah dipadahka ngagai iya, \"Baka nya meh pemayuh peturun nuan.\" 19 Pengarap iya enda lemi lebuh iya berundingka tubuh diri ti nyau deka mati, (laban umur iya kira seratus taun), tauka lebuh iya berundingka Sarah ke mandul. 20 Iya nadai kakang mimit arapka semaya Allah Taala, tang mansang kering sekering dalam pengarap lalu ngemuliaka Allah Taala, 21 laban iya nemu Allah Taala ulih ngereja utai ti udah disemaya Iya. 22 Nya alai ketegal pengarap iya, \"Abraham dikumbai lurus.\" 23 Nyadi leka jaku \"dikumbai lurus\" ukai semina ditulis ke Abraham aja, 24 tang ke kitai mega. Kitai deka dikumbai lurus enti kitai arapka Allah Taala udah ngangkatka Jesus Tuhan kitai ari mati. 25 Iya udah dibunuh ketegal dosa kitai, lalu udah diangkatka ari mati ngambika kitai digaga lurus di mua Allah Taala.\\n1 Nya alai, laban kitai digaga lurus ulih pengarap, kitai diau dalam pemaik enggau Allah Taala ulih Jesus Kristus Tuhan kitai. 2 Ulih Iya kitai udah ulih datai ngagai pengasih ti alai kitai bediri diatu, lalu kitai deka temegahka pengadang kitai ke deka enggau bempu mulia Allah Taala. 3 Lalu ukai semina nya aja, tang kitai mega deka temegahka diri ke natka pemerinsa, laban kitai nemu pemerinsa deka ngadaka ati ti tan, 4 lalu ati ti tan deka ngadaka perangai ti manah, lalu perangai ti manah deka ngadaka pengadang, 5 lalu pengadang enda ngelebuka kitai, laban pengerindu Allah Taala udah dituang ke dalam ati kitai ulih Roh Kudus ke udah diberi ngagai kitai. 6 Laban lebuh kitai agi lemi, ba maya ti patut, Kristus mati ke orang ke jai. 7 Iya ti bendar, jarang orang deka mati ngarika orang ke lurus. Nyangka orang berani mati ngarika orang ke manah. 8 Tang Allah Taala udah ngayanka pengerindu Iya ke kitai, iya nya lebuh kitai agi nyadi orang ke bedosa, Kristus mati ngarika kitai! 9 Nya alai, laban kitai diatu udah digaga lurus ulih darah Kristus, tentu lebih agi ga kitai deka diselamatka ulih Iya ari pengeringat Allah Taala! 10 Laban enti kitai, lebuh kitai agi nyadi munsuh Allah Taala, dibai bebaik enggau Iya ulih pemati Anak Iya, tentu lebih agi ga kitai deka diselamatka ulih nyawa Iya lebuh kitai udah dibai bebaik enggau Iya. 11 Tang ukai semina nya aja; tang kitai mega rami gaga ati ke utai ti udah dikereja Allah Taala ulih Jesus Kristus Tuhan kitai, laban Iya udah mai kitai bebaik enggau Allah Taala. 12 Nya alai, baka dosa ti datai ngagai dunya nengah orang siku, lalu pemati datai laban dosa, nya alai pemati ngelekai ngagai semua mensia, laban semua bela udah bedosa. 13 Iya ti bendar, dosa endang udah bisi di dunya sebedau Adat diberi, tang dosa nadai kena itung laban Adat apin bisi. 14 Tang taja pia, pemati endang udah merintah kenyau ari Adam nyentuk ngagai maya Moses, nyengkaum orang ke bempu dosa ti enda sebaka enggau penyalah Adam, ti ngambarka gaya orang siku ke deka datai. 15 Tang pemeri ti diberi pechuma nya enda baka dosa Adam. Laban enti mayuh orang mati ketegal dosa orang siku nya, tentu mayuh agi ga pengasih Allah Taala enggau pemeri ti diberi pechuma deka diberi ngagai orang mayuh, ulih orang siku, iya nya Jesus Kristus. 16 Lalu pemeri ti diberi pechuma nya enda baka dosa orang siku nya. Laban atur ti diberi udah bekau dosa siti nya nyadi, mai ukum, tang pemeri ti diberi pechuma udah bekau mayuh dosa nyadi, mai pengelurus. 17 Enti ketegal dosa orang siku, pemati merintah ulih orang siku nya, tentu lebih agi ga orang ke nerima pengasih enggau pengelurus ti diberi pechuma deka merintah dalam pengidup tu, ulih orang siku, iya nya Jesus Kristus. 18 Nya alai, baka dosa orang siku ti mai ukum ngagai semua mensia, baka nya mega pengawa ti lurus ti dikereja orang siku deka mai pengelurus enggau pengidup ngagai semua mensia. 19 Laban baka orang siku ke enda ngasi nya mai mayuh orang bedosa, baka nya mega mayuh orang deka digaga lurus laban orang siku ngasi. 20 Tang Adat datai, lalu tu ngasuh penyalah betambah; tang lebuh dosa betambah, pengasih Allah Taala betambah mayuh agi, 21 ngambika, baka dosa ti merintah ngena pemati, baka nya mega pengasih merintah ngena pengelurus lalu mai ngagai pengidup ti meruan belama iya, ulih Jesus Kristus Tuhan kitai.\\n1 Nya alai, baka ni ku jalai kitai bejaku? Kati kitai majak bedosa, ngambika pengasih nambah-menambah? 2 Enda! Baka ni ku kitai ke udah mati ke dosa, tau majak diau dalam dosa? 3 Kati kita enda nemu, semua kitai ke udah dibaptisa ke dalam Jesus Kristus, udah mega dibaptisa ke dalam pemati Iya? 4 Nya alai, kitai udah dikuburka sama enggau Iya laban kitai udah dibaptisa ke dalam pemati Iya, ngambika baka Kristus ke diangkatka ari pemati ulih mulia Apai, baka nya mega kitai deka idup dalam pengidup ti baru. 5 Laban enti kitai udah begempung enggau Iya dalam pemati Iya, kitai tetap mega deka begempung enggau Iya dalam pengangkat Iya ari mati. 6 Kitai nemu, pendiau kitai ti lama udah diregang sama enggau Iya, ngambika tubuh ti bedosa dirusak, lalu kitai enda agi nyadi ulun dosa. 7 Laban barang sapa mati, dilepaska ari dosa. 8 Tang enti kitai udah mati enggau Kristus, kitai mega arapka diri deka idup enggau Iya. 9 Kitai nemu, Kristus ke diangkatka ari mati, enda agi mati. Pemati nadai agi kuasa atas Iya. 10 Pemati ti ditatka Iya nya pemati ke dosa, sekali aja, tang pengidup ti diasaika Iya diatu nya pengidup Iya ke Allah Taala. 11 Nya alai kita enda tau enda ngumbai diri mati ke dosa, lalu idup ke Allah Taala dalam Jesus Kristus. 12 Nya alai, anang nejuka dosa merintah tubuh kita, ti ngasuh kita ngasika pengingin tubuh. 13 Anang agi nyerahka tubuh kita ngagai dosa, nyadika senyata kena ngereja penyai, tang serahka diri ngagai Allah Taala baka orang ke udah dibai ari pemati ngagai pengidup, lalu serahka tubuh kita ngagai Allah Taala nyadika senyata kena ngereja pengelurus. 14 Laban dosa nadai agi merintah kita, laban kita ukai di baruh Adat, tang di baruh pengasih. 15 Nama deh? Kati patut kitai bedosa laban kitai ukai di baruh Adat, tang di baruh pengasih? Enda tau sekali-kali! 16 Kati kita enda nemu, enti kita nyerahka diri ngagai orang ngambika kita ngasika iya baka ulun, kita nyadi ulun orang ke dikasika kita, nemuka kita nyadi ulun dosa ti mai ngagai pemati, tauka ngasika Allah Taala ti mai ngagai pengelurus? 17 Tang terima kasih ngagai Allah Taala, laban taja pen kita suba udah nyadi ulun dosa, tang kita, enggau pengabis ati kita, udah ngasika ajar ti bendar ti udah diberi ngagai kita, 18 lalu laban kita udah dilepaska ari dosa, kita diatu udah nyadi ulun pengelurus. 19 Aku bejaku ngena penemu mensia, laban kita lemi. Laban baka kita suba ke udah nyerahka tubuh kita nyadika ulun pengamah, sereta majak balat-sebalat nyadika ulun penyai, baka nya mega kita diatu enda tau enda nyerahka tubuh kita nyadika ulun pengelurus, ngambika kita nyadi kudus. 20 Lebuh kita nyadi ulun dosa, kita enda diperintah pengelurus. 21 Tang nama penguntung kita suba, lebuh kita ngereja utai ti dikemaluka kita diatu? Semua utai nya ngujung ngagai pemati magang! 22 Tang laban kita diatu udah dilepaska ari dosa, lalu nyadi ulun Allah Taala, penguntung kita nya pengudus, ti ngujung ngagai pengidup ti meruan belama iya. 23 Laban upah dosa nya pemati, tang pemeri ti diberi Allah Taala pechuma nya pengidup ti meruan belama iya dalam Jesus Kristus Tuhan kitai.\\n1 Kati kita enda nemu, menyadi--aku bejaku ngagai orang ke nemu Adat--Adat semina bekuasa atas orang lebuh orang nya agi idup? 2 Ambika banding, indu ke bisi laki, ditanchang adat ngagai laki iya, seagi-agi laki iya idup; tang enti laki iya mati, iya dilepaska ari adat ti nanchang iya ngagai laki iya. 3 Lalu iya deka dikumbai butang enti iya diau enggau lelaki bukai lebuh laki iya empu agi idup. Tang enti laki iya mati, iya dilepaska ari tanchang adat nya, lalu enti iya belaki baru, iya enda butang. 4 Baka nya mega kita, menyadi. Kita udah mati ke Adat, laban kita diatu udah nyadi raban tubuh Kristus, ngambika kita seraban enggau pangan diri, diempu Iya ke udah diangkatka idup baru ari mati, ngambika kitai bebuah ke Allah Taala. 5 Lebuh kitai idup dalam tubuh kitai tu, pengingin kitai ti bedosa, ti disungkak Adat, mengkang bekereja dalam tubuh kitai, lalu ngeluarka buah ke pemati. 6 Tang diatu kitai udah dilepaska ari Adat, mati ari utai ti udah nanchang kitai suba, ngambika kitai enda agi nyadi ulun Adat ti lama udah ditulis, tang nitihka jalai ti baru ti diberi Roh Kudus. 7 Enti pia, baka ni ku jalai kitai bejaku? Kati kitai ngumbai Adat nya dosa? Enda! Enti nadai Adat, aku tentu enda nemu utai ti dikumbai dosa. Aku tentu enda nemu reti utai ti dikumbai inginka utai orang, enti Adat nadai udah nyebut, \"Anang inginka utai orang.\" 8 Tang dosa udah tetemuka peluang dalam Adat, lalu ngaga semua macham pengingin ke utai orang dalam ati aku. Enti nadai Adat, dosa mati. 9 Aku menya udah idup ari luar Adat, tang lebuh pesan datai, dosa idup baru 10 lalu aku mati, lalu pesan ti besemaya deka meri pengidup, udah munuh aku. 11 Laban dosa, lebuh iya udah tetemuka peluang dalam pesan nya, nipu aku lalu munuh aku ngena peluang nya. 12 Nya alai, Adat endang kudus, lalu pesan endang kudus, lurus, sereta badas. 13 Enti pia, kati utai ti badas mai pemati ngagai aku? Enda! Dosa ti mai pemati ngagai aku, ngena utai ti badas, ngambika dosa dipandangka endang amat dosa, lalu ulih pesan, dosa nya dipandangka amat utai ti pemadu jai. 14 Laban kitai nemu, Adat endang asal ari Roh Allah Taala, tang asal aku ari mensia ke dijual nyadika ulun dosa. 15 Aku enda nemu utai ti dikereja diri, laban aku enda ngereja utai ti dikedekaka aku, tang ngereja utai ti dipegedika aku. 16 Nyadi enti aku ngereja utai ti dikenggaika aku, reti nya aku besetuju ngumbai Adat nya badas. 17 Nya alai, ukai aku ke ngereja utai nya, tang dosa ti diau dalam aku. 18 Laban aku nemu, nadai utai ti badas diau dalam aku, reti nya, dalam tubuh aku. Aku keran deka ngereja utai ti ngena, tang aku enda ulih ngereja utai nya. 19 Laban aku ukai ngereja utai ti badas ti dikedekaka aku, tang ngereja utai ti jai ti dikenggaika aku. 20 Enti aku ngereja utai ti dikenggaika aku, ukai aku ke ngereja utai nya, tang dosa ti diau dalam aku. 21 Nya alai, aku nemu, tu amat adat ba aku: lebuh aku deka ngereja utai ti badas, aku lalu milih penyai. 22 Laban dalam ati aku, aku endang rinduka adat Allah Taala, 23 tang aku meda dalam tubuh aku, adat bukai beperang ngelaban Adat ti dalam ati aku lalu nanchang aku ngena adat dosa, ti diau dalam tubuh aku. 24 Naka meh penusah aku tu! Sapa deka ngelepaska aku ari tubuh tu ti mai aku ngagai pemati? 25 Aku meri terima kasih ngagai Allah Taala ulih Jesus Kristus Tuhan kitai! Nya alai, ngena runding aku, aku nyadi ulun adat Allah Taala, tang ngena tubuh aku, aku nyadi ulun adat dosa.\\n1 Nya alai diatu orang ke dalam Jesus Kristus nadai kena ukum agi, 2 laban adat Roh ti meri pengidup dalam Jesus Kristus, udah ngelepaska aku ari adat dosa enggau pemati. 3 Laban Allah Taala udah ngereja utai ti enda ulih dikereja Adat laban mensia lemi. Nya alai Iya ngirumka Anak Iya Empu ngena gamal mensia ti bedosa, ngambika Iya muai dosa, ngukum dosa dalam tubuh mensia 4 ngambika atur ti lurus ti dibai Adat dikamatka dalam kitai ke idup nitihka peneka Roh Kudus, ukai nitihka peneka mensia. 5 Laban orang ke idup nitihka peneka mensia berundingka utai ti dikinginka mensia, tang orang ke idup nitihka peneka Roh Kudus berundingka utai ti dikedekaka Roh Kudus. 6 Runding ti ditumpuka ngagai peneka mensia, nuju ngagai pemati, tang runding ti ditumpuka ngagai peneka Roh Kudus, nuju ngagai pengidup enggau pemaik. 7 Nya kebuah runding ti ditumpuka ngagai peneka mensia, bemunsuh ngelaban Allah Taala. Iya enda nunduk ngagai adat Allah Taala, laban iya ti bendar, iya endang enda ulih nunduk ngagai Adat nya, 8 lalu orang ke nurutka peneka mensia, enda ulih ngerinduka ati Allah Taala. 9 Tang kita ukai idup nitihka peneka mensia. Kita idup nitihka peneka Roh, laban Roh Allah Taala diau dalam kita. Barang sapa nadai Roh Kristus, ukai nembiak Kristus. 10 Tang enti Kristus diau dalam kita, taja pen tubuh kita mati laban dosa, Roh Allah Taala meri kita pengidup laban pengelurus. 11 Enti Roh Iya ke udah ngangkatka Jesus ari mati, diau dalam kita, Iya ke udah ngangkatka Kristus ari mati, deka mega meri pengidup ngagai tubuh kita ti nemu mati, ulih Roh Iya ke diau dalam kita. 12 Nya alai, menyadi, kitai berutang, tang ukai ba mensia lalu idup nitihka peneka mensia, 13 laban enti kita idup nitihka peneka mensia, kita deka mati, tang enti, ulih Roh Kudus, kita munuh pengawa ti bedosa ti dikereja tubuh kita, kita deka idup. 14 Laban semua orang ke diiring Roh Allah Taala endang anak Allah Taala. 15 Laban kita ukai nerima roh ti ngasuh kita nyadi ulun penakut baru, tang kita udah nerima Roh ti ngiru kita nyadi anak Allah Taala. Lebuh kitai ngangau, \"Abba! Apai!\" 16 iya nya Roh Kudus Empu ke besaksi ngagai roh kitai, madahka kitai tu anak Allah Taala, 17 lalu enti kitai tu anak Allah Taala, kitai bempu waris Allah Taala, sama bempu waris enggau Kristus, laban enti kitai amat merinsa sama enggau Kristus, kitai deka mega dimuliaka sama enggau Iya. 18 Aku ngira, pemerinsa ti ditatka kitai diatu, enda ulih dibandingka enggau mulia ti deka dipandangka ngagai kitai. 19 Laban semua utai ti udah digaga Allah Taala endang balat lelengau nganti Allah Taala mandangka bala anak Iya, 20 laban semua utai ti udah digaga Allah Taala endang ditaga nadai reti agi, ukai ulih peneka sida empu, tang ulih peneka Allah Taala ke ngaga iya baka nya, ngarapka 21 semua utai ti udah digaga Allah Taala dilepaska ari tubuh sida ti nemu buruk, lalu bulih pengelepas ti bemulia ti endang enggi bala anak Allah Taala. 22 Kitai nemu, semua utai ti digaga Allah Taala, bedemuh magang natka diri pedis nyentuk ngagai diatu, baka indu ke radai deka beranak. 23 Lalu ukai semina nya aja, tang kitai empu ke terubah diberi Roh Kudus mega bedemuh dalam ati kitai nganti diri diiru nyadi anak, reti nya tubuh kitai ditebus. 24 Kitai diselamatka laban pengadang. Utai ti dikumbai pengadang nya ukai utai ti dipeda kitai. Laban sapa ngadangka utai ti udah dipeda iya? 25 Tang enti kitai ngadangka utai ti apin dipeda kitai, kitai nganti iya enggau ati ti liat. 26 Baka nya meh chara Roh Kudus nulung kitai lebuh kitai lemi. Kitai enda nemu chara kitai patut besampi, tang Roh Kudus minta ngagai Allah Taala ngarika kitai ngena demuh ti enda ulih ditelah. 27 Lalu Allah Taala, ke mansik ati kitai, nemu runding Roh Kudus, laban Roh Kudus minta ngarika nembiak Tuhan nitihka peneka Allah Taala. 28 Kitai nemu, dalam semua utai, Allah Taala endang bekereja ke penguntung orang ke rinduka Iya, ke dikangauka Iya nitihka juluk ati Iya. 29 Laban orang ke udah dikelala Allah Taala kenyau ari pun, mega diletak Iya nyadi sebaka enggau Anak Iya, ngambika Anak Iya nyadi Aka Tuai ke sida menyadi Iya dalam ruang bilik ti besai nya. 30 Lalu orang ke udah diletak Iya nyadi sebaka enggau Anak Iya, mega dikangauka Iya; lalu orang ke dikangauka Iya mega digaga Iya lurus; lalu orang ke digaga Iya lurus, mega diberi Iya mulia. 31 Enti pia, baka ni ku jalai kitai bejakuka pasal utai tu? Enti Allah Taala setanah enggau kitai, sapa ulih ngelaban kitai? 32 Allah Taala enda ngalau Anak Iya Empu, tang nyerahka Iya ke kitai semua. Enda ka Iya enggau Jesus Kristus deka mega meri kitai semua utai bukai? 33 Sapa ulih bedawaka orang ke udah dipilih Allah Taala? Allah Taala Empu ke ngumbai kitai nadai penyalah! 34 Sapa ulih ngukum kitai? Jesus Kristus ke udah mati, ke udah diangkatka idup baru, ke duduk muak ari kanan Allah Taala, ke deka bejaku ngarika kitai. 35 Sapa ulih nyeraraka kitai ari pengerindu Kristus? Kati penusah, tauka pemedis, tauka pemerinsa, tauka lapar pungkang, tauka penyeranta, tauka utai ti tau nganu nyawa, tauka pedang, ulih nyeraraka kitai ari pengerindu Kristus? 36 Munyi ti udah ditulis, \"Ketegal Nuan meh kami dibunuh sepemanjai hari. Kami tu baka bedus ti deka disayat.\" 37 Nadai! Dalam semua utai nya kitai lebih ari pemenang, ulih Iya ke rinduka kitai! 38 Laban aku nemu, nadai utai, nemuka pemati, tauka pengidup, tauka melikat, tauka bala pemerintah, tauka utai ti diatu, tauka utai ti jemah ila, tauka kuasa, 39 tauka dunya ti di atas enggau dunya ti di baruh, tauka semua utai bukai ti udah digaga Allah Taala, ulih nyeraraka kitai ari pengerindu Allah Taala dalam Jesus Kristus Tuhan kitai.\\n1 Aku bejakuka pasal utai ti bendar dalam Kristus. Aku enda bula. Ati aku ti beresi diiring Roh Kudus lebuh aku besaksi 2 madahka penyinu enggau penusah ati aku. 3 Laban manah agi aku kena sumpah lalu diseraraka ari Kristus, ketegal bansa aku empu, ketegal kaban belayan aku empu. 4 Sida nya orang Israel, ke diiru nyadi anak Allah Taala, ke bempu mulia, sempekat, ke diberi Adat, diberi hak nyembah Allah Taala, enggau diberi semaya. 5 Sida nya peturun orang Hebrew ke tebilang nama, ke nyadi aki ini Kristus lebuh Iya nyadi mensia, ke endang Allah Taala ti bekuasa atas semua. Awakka Allah Taala dipuji belama iya. Amin. 6 Ukai reti nya semaya Allah Taala udah puntan. Laban ukai semua orang Israel nya orang Israel ti bendar. 7 Lalu ukai semua peturun Abraham nya peturun Abraham ti bendar; tang \"Semina peturun ari Isak aja deka dikumbai peturun nuan.\" 8 Reti nya, ukai anak ke diadaka mensia ke deka nyadi nembiak Allah Taala, tang anak ke datai ari semaya aja ke deka nyadi peturun Abraham ti bendar. 9 Laban baka tu ku utai ti disebut semaya nya: \"Ba urung maya tu Aku deka datai baru, lalu Sarah deka ngadaka anak lelaki siku.\" 10 Lalu ukai semina nya aja. Utai ti sebaka enggau nya mega nyadi ba Rebekah, lebuh iya ngandungka anak iya ke besapit dua, ke aki kitai Isak. 11 Taja pen seduai iya apin ada, tauka apin ngereja sebarang utai, nemuka utai ti badas tauka jai (ngambika juluk ati Allah Taala ti milih seduai iya, dikamatka, 12 ukai nitihka pengawa ti dikereja mensia, tang nitihka kangau Allah Taala), Rebekah udah dipadahka munyi tu: \"Iya ke tuai deka bekereja ke iya ti biak.\" 13 Munyi ti ditulis, \"Aku rinduka Jakop, tang Aku begedika Esau.\" 14 Enti pia, baka ni ku jalai kitai bejaku? Kati Allah Taala enda lurus? Ukai! 15 Laban ku Iya nyebut ngagai Moses, \"Aku deka kasihka orang ke dikasihka Aku, lalu Aku deka sinu ati ke orang ke dikesinuka Aku.\" 16 Nya alai, utai nya ukai bepanggai ba peneka tauka ba pengawa mensia, tang bepanggai ba pengasih Allah Taala. 17 Laban ku Bup Kudus nyebut ngagai raja menua Ejip, \"Aku udah ngaga nuan nyadi raja kena Aku mandangka kuasa Aku, ngambika nama Aku dipadahka di serata dunya.\" 18 Nya alai, Allah Taala kasihka sebarang orang ke dikedekaka Iya, lalu Iya ngasuh orang kieh ati, sebarang orang ti patut ku Iya. 19 Kita nyangka deka nyebut ngagai aku, \"Enti pia, nama kebuah Allah Taala agi begigaka penyalah kitai? Laban sapa ulih nyakal peneka Iya?\" 20 Tang sapa nuan nya, ke semina mensia aja, ke berani bekelikuh ngelaban Allah Taala? Kati utai ti ditempa deka bejaku ngagai orang ke nempa iya, \"Nama kebuah nuan ngaga aku baka tu?\" 21 Kati tukang periuk nadai kuasa atas tanah liat, lalu ngaga ari tanah liat nya sigi periuk ti dikena lebuh maya rami, lalu sigi dikena tiap hari? 22 Kati enti Allah Taala, ke lama udah sabar enggau utai ti digaga Iya, deka mandangka pengeringat Iya lalu ngayanka kuasa Iya, ngagai utai ti nyungkak Iya ringat, ti deka dirusak Iya? 23 Lalu kati enti Iya ngereja nya kena Iya mandangka pemesai mulia Iya ngagai orang ke dikasihka Iya, ke udah disediaka Iya nerima mulia ari Iya, 24 nyengkaum kitai ke udah dikangauka Iya, ukai semina ari bansa orang Judah aja, tang mega ari orang bansa bukai? 25 Munyi ti disebut Iya dalam bup Hosea: \"Orang ke ukai nembiak Aku deka dikumbai Aku 'Nembiak Aku.' Lalu orang ke enda dikerinduka Aku deka dikumbai Aku 'Orang ke dikerinduka Aku.' 26 \"Lalu ba endur alai orang dipadahka, 'Kita ukai nembiak Aku,' dia sida deka dikumbai 'anak Allah Taala ti idup.' \" 27 Lalu ku Isaiah bejaku enggau nyawa ti inggar pasal orang Israel: \"Taja pen orang Israel ngemayuh pasir ti ba tebing tasik, semina teda sida aja deka diselamatka, 28 laban Tuhan deka lengkas ngukum dunya.\" 29 Munyi ti udah dipadahka Isaiah, \"Enti Tuhan ti Pemadu Bekuasa enda ngalau sekeda peturun ke kitai, kitai tentu udah nyadi baka Sodom enggau Gomorah.\" 30 Enti pia, baka ni ku jalai kitai bejaku? Orang bansa bukai ke enda begigaka pengelurus, udah bulih pengelurus ulih pengarap; 31 tang orang Israel ke begigaka pengelurus beduduk ba Adat, enda ulih nitihka Adat nya. 32 Nama kebuah? Laban sida enda ngiga pengelurus beduduk ba pengarap, tang beduduk ba utai ti dikereja sida. Sida udah tesangkut ba \"batu ti ngasuh tesangkut,\" 33 munyi ti udah ditulis, \"Peda kita, Aku ngengkahka sigi batu di Sion, batu ti deka ngasuh orang tesangkut, batu ti besai ti deka ngasuh sida rebah, lalu barang sapa arapka Iya, enda malu.\"\\n1 Menyadi, utai ti dikinginka ati aku, enggau sampi aku ngagai Allah Taala ke sida, iya nya, minta sida diselamatka. 2 Aku berani besaksi madahka sida balat angkunka Allah Taala, tang pengangkun sida ke Iya ukai beduduk ba penemu ti bendar, 3 laban sida enda nemu pengelurus ti datai ari Allah Taala. Nya alai sida numbuhka penemu ke diri empu lalu enda nunduk ngagai pengelurus Allah Taala. 4 Laban Kristus mai pengujung ngagai Adat, ngambika genap iku orang digaga lurus ulih pengarap sida ke Iya. 5 Moses bisi nuliska pasal pengelurus ti datai ari Adat, ku iya, \"Orang ke ngiga pengelurus beduduk ba Adat, enda tau enda idup nitihka Adat.\" 6 Tang pengelurus ti datai ari pengarap madah: \"Anang nyebut dalam ati kita, 'Sapa deka niki ke serega?' (reti nya, mai Kristus nurun). 7 \"Tauka 'Sapa deka nurun ngagai dunya ti di baruh?' \" (reti nya, ngangkatka Kristus ari mati). 8 Utai ti disebut Bup Kudus nya munyi tu: \"Jaku nya semak kita, ba mulut kita enggau dalam ati kita.\" Nya meh pesan pengarap ti dipadahka kami, 9 laban enti kita ngaku ngena mulut kita Jesus nya Tuhan, lalu dalam ati kita arapka Allah Taala udah ngangkatka Iya ari mati, kita deka diselamatka. 10 Laban kita arap ngena ati kita, lalu digaga lurus, lalu kita ngaku ngena mulut kita, lalu diselamatka. 11 Munyi ti disebut Bup Kudus, \"Orang ke arapka Iya sigi enda asa ngapa.\" 12 Laban orang Judah enggau orang bansa bukai sigi nadai bida ari pangan diri; Tuhan siku nya aja ke nyadi Tuhan ke semua mensia, lalu Iya gerah mudah meri berekat ngagai semua orang ke ngangauka Iya. 13 Laban, \"Genap iku orang ke ngangauka nama Tuhan, deka diselamatka.\" 14 Tang baka ni ku orang ulih ngangauka Iya, enti sida apin arap? Lalu baka ni ku sida ulih arapka Iya, enti sida apin ninga pasal Iya? Lalu baka ni ku sida ulih ninga, enti orang nadai madahka pasal Iya ngagai sida? 15 Lalu baka ni ku orang ulih madahka pasal Iya, enti orang nya enda diasuh? Munyi ti ditulis, \"Naka meh pemanah kaki orang ke nusui Berita Manah!\" 16 Tang ukai semua sida nya udah ngasika Berita Manah, laban Isaiah bisi nyebut, \"Tuhan, sapa udah arapka pesan kami?\" 17 Nya alai, pengarap datai ari ke ningaka pesan, lalu pesan didinga ari berita pasal Kristus. 18 Tang aku nanya: kati sida nadai udah ninga? Sida endang udah ninga, laban Bup Kudus bisi nyebut, \"Munyi nyawa sida udah ngelekai di serata dunya, lalu leka jaku sida udah ngelekai nyentuk ngagai ujung dunya.\" 19 Aku nanya baru: Kati orang Israel enda mereti? Orang ke terubah bejaku nya Moses, \"Aku deka ngasuh kita kepapaska orang ke ukai dikumbai bansa. Aku deka ngasuh kita ringat ngena siti bansa ti beli.\" 20 Udah nya Isaiah bejaku berani agi ari nya lebuh iya nyebut, \"Aku udah ditemu orang ke enda ngiga Aku. Aku udah mandangka Diri ngagai orang ke enda nanyaka Aku.\" 21 Tang ba pasal orang Israel, Iya nyebut, \"Sepemanjai hari Aku ngangkatka jari Aku ngagai orang ke enda ngasi sereta ngelaban.\"\\n1 Nya alai aku nanya: Kati Allah Taala udah nulak nembiak Iya? Enda! Aku empu tu orang Israel, peturun Abraham, ari raban bansa Benjamin. 2 Allah Taala enda nulak nembiak Iya, ke udah dipilih Iya kenyau ari pun. Kati kita enda nemu utai ti disebut Bup Kudus pasal Elijah, pasal iya ke bebendar besampi ngagai Allah Taala ngelaban orang Israel? Ku iya: 3 \"Tuhan, sida udah munuh bala nabi Nuan, sida udah ngeruntuhka alta Nuan. Semina aku siku aja agi tinggal, lalu sida nguji munuh aku.\" 4 Tang nama saut Allah Taala ngagai iya? \"Aku udah ngalau ke Aku Empu tujuh ribu iku orang ke nadai udah besugang ngagai Baal.\" 5 Nya alai baka nya mega diatu: semina mimit aja orang agi tinggal, ke udah dipilih ulih pengasih. 6 Tang enti sida udah dipilih ulih pengasih, reti nya sida ukai dipilih beduduk ba pengawa ti dikereja sida, laban enti sida dipilih beduduk ba pengawa ti dikereja sida, reti nya pengasih ukai pengasih. 7 Nama deh? Orang Israel nadai bulih utai ti digiga sida. Orang ke dipilih Allah Taala bulih utai nya, tang sida ti bukai kieh, 8 munyi ti ditulis, \"Allah Taala udah meri sida roh luput, mata ti enda meda enggau pending ti enda ninga, nyentuk ngagai sehari tu.\" 9 Lalu ku David nyebut, \"Awakka mija sida nyadika panjuk, nyadika perangkap, enggau nyadika ukum sida. 10 Awakka mata sida buta, ngambika sida enda ulih meda. Lalu awakka sida bungkuk belama iya.\" 11 Nya alai aku nanya: kati sida udah tesangkut ngambika sida enda ulih angkat agi? Ukai! Tang ari penyalah sida, pengelepas udah datai ngagai orang bansa bukai, ngambika orang Israel kepapas. 12 Enti penyalah orang Israel udah mai berekat ti besai ngagai dunya, lalu penyeranta sida dalam roh, udah mai berekat ti besai ngagai orang bansa bukai, tentu besai agi ga berekat deka datai lebuh semua orang Israel dibai magang ngagai Tuhan! 13 Aku diatu bejaku ngagai kita ke orang bansa bukai. Seagi-agi aku nyadi rasul ke orang bansa bukai, aku deka temegahka pengawa aku, 14 ngambika bansa aku empu kepapas, lalu ari nya, nyelamatka sekeda sida. 15 Laban enti ari sida ke ditulak, semua dunya dibai bebaik enggau Allah Taala, namaka utai ti deka nyadi, lebuh semua sida diterima magang? Tentu pengidup ke orang ke mati! 16 Enti roti ti keterubah nya kudus, semua tuku roti nya mega kudus. Lalu enti urat kayu nya kudus, dan kayu nya mega kudus. 17 Tang enti sekeda dan kayu kana nya ditetak, lalu kita ke dan kayu kana ti tumbuh-diri dalam babas, dikawinka ngagai batang kana nya, ba endur alai dan nya, lalu bulih pengidup ari kayu nya, 18 anang temegahka diri ti udah ngambi endur sida. Enti kita temegah, kingatka tu: ukai kita ke meri urat makai, tang urat ti meri kita makai. 19 Tang kita nyangka deka nyebut, \"Dan nya udah ditetak ngambika aku ulih dikawinka ngagai batang kana nya.\" 20 Nya amat. Sida udah dibuai laban sida enda arap, tang kita mengkang ba endur kita, laban kita arap. Nya alai anang sumbung ketegal nya, tang semina nangi aja. 21 Laban enti Allah Taala enda ngalau dan ti asal, Iya pen enda mega ngalau kita. 22 Nya alai, peratika penelap enggau penerit Allah Taala. Iya terit enggau orang ke udah rebah, tang Iya nelap enggau kita, enti kita meruan dalam penelap Iya. Tang enti kita enda, kita deka mega dibuai ari batang. 23 Lalu enti orang Israel ngelengkaka ati sida ti enda arap, sida deka dikawinka baru ngagai endur asal sida, laban Allah Taala bisi kuasa ngawinka sida baru. 24 Laban enti kita udah ditetak ari kayu kana ti tumbuh-diri dalam babas, lalu dikawinka ngagai batang kayu kana ti ditanam, ti enda patut ulih nyadi, tentu nyamai agi dan asal dikawinka baru ngagai batang asal sida. 25 Aku enggai ke kita enda nemu misteri tu, menyadi, ngambika kita enda sumbung: sekeda orang Israel deka mengkang kieh datai ke semua orang bansa bukai udah sampal magang datai ngagai Allah Taala. 26 Nya alai semua orang Israel deka diselamatka magang, munyi ti udah ditulis, \"Juruselamat deka datai ari Sion Iya deka muai semua penyai ari peturun Jakop. 27 Tu meh sempekat Aku enggau sida lebuh Aku muai dosa sida.\" 28 Ba pasal Berita Manah, orang Israel nyadi munsuh Allah Taala, ke penguntung kita. Tang ba pasal nyadi orang ke dipilih Allah Taala, sida iya dikerinduka Allah Taala, ketegal aki ini sida. 29 Laban pemeri enggau kangau Allah Taala enda ulih diubah. 30 Baka kita ke enda ngasi dulu menya, tang diatu kita udah bulih pengasih laban sida enda ngasi, 31 baka nya mega sida diatu enda ngasi, ngambika ulih pengasih ti udah diayanka ngagai kita, sida mega tau nerima pengasih. 32 Laban Allah Taala udah ngasuh semua mensia enda ngasi, ngambika Iya ulih ngayanka pengasih ngagai semua. 33 Naka meh pemesai pengaya Allah Taala! Naka meh pemintar enggau penalam penemu Iya! Nadai orang tetemuka atur enggau jalai Iya! 34 \"Laban sapa nemu runding Tuhan? Sapa ulih ngajar Iya? 35 \"Sapa udah kala meri Iya utai, datai ke Iya nyau enda tau enda mayar utai nya?\" 36 Laban semua utai endang datai ari Iya, digaga ulih Iya, nyadika enggi Iya. Puji meh Iya belama iya! Amin.\\n1 Nya alai, menyadi, ulih pengasih Allah Taala, aku minta kita nyerahka tubuh kita nyadi piring ti idup, ti kudus, ti dikerinduka Allah Taala. Nya meh jalai kita patut nyembah Iya. 2 Anang nitihka chara dunya, tang awakka Allah Taala ngubah chara kita berunding, ngambika kita nemu peneka Iya--iya nya utai ti badas, ti ngerinduka ati Iya, ti pemadu menyana. 3 Laban ulih pengasih ti diberi Allah Taala ngagai aku, aku bejaku ngagai genap iku kita: anang ngumbai diri pama agi ari ti patut, tang enggau ati ti baruh, peresa diri empu nitihka pemesai pengarap ti diberi Allah Taala ngagai kita siku-siku. 4 Laban baka tubuh kitai ti mayuh perengka, lalu pengawa ti dikereja sida siti-siti endang enda sebaka, 5 baka nya mega kitai; taja pen kitai tu mayuh, tang kitai tu nyadi siti tubuh dalam Kristus, seraban enggau pangan diri. 6 Kitai bisi pemeri ti enda sebaka, tang nitihka pengasih ti udah diberi ngagai kitai. Enti kitai bisi pemeri kena benabi, awakka kitai benabi nitihka pemesai pengarap kitai; 7 enti kitai bisi pemeri mela orang, awakka kitai mela orang; enti kitai bisi pemeri ngajar orang, awakka kitai ngajar orang; 8 enti kitai bisi pemeri meransang orang, awakka kitai meransang orang; enti kitai bisi pemeri ngenjuk utai ngagai orang, awakka kitai ngenjuk utai ngagai orang enggau ati ti gerah mudah; enti kitai bisi pemeri nulung orang, awakka kitai nulung orang enggau ati ti ransing; enti kitai bisi pemeri ngayanka pengasih ngagai orang, awakka kitai ngereja nya enggau ati ti gaga. 9 Rindu enggau pengabis ati; begedika penyai; bepegai teguh ba utai ti badas; 10 rinduka pangan diri enggau ati ti angkun laban kita diri menyadi enggau pangan diri; awakka kita berebut ngayanka basa ngagai pangan diri. 11 Anang lembau, seruran rajin nitihka Roh Kudus, bekereja ke Tuhan. 12 Gaga ati ke pengadang kita, liat ati natka pemerinsa, majak besampi. 13 Beri utai ngagai nembiak Tuhan ke suntuk, lalu sambut temuai ngagai rumah kita. 14 Berekatka orang ke merinsaka kita; berekatka sida, anang nyumpah sida. 15 Rami gaga enggau orang ke rami gaga, nyabak enggau orang ke nyabak. 16 Diau bepangan enggau diri sama diri; anang ngeninggika diri, tang begulai enggau orang ke baruh ati; anang sumbung. 17 Anang malas penyai ngena penyai, tang kereja utai ti ngena dipeda semua orang. 18 Enti ulih, seagi-agi utai nya bepanggai ba kita, diau bebaik enggau semua orang. 19 Menyadi, anang malas, tang awakka Allah Taala ngayanka pengeringat Iya; laban endang udah ditulis, \"Aku ke malas, Aku deka mayar, ku Tuhan bejaku.\" 20 Anang. \"Enti munsuh kita lapar, beri iya makai. Enti iya aus, beri iya ngirup, laban lebuh kita ngereja nya, kita nugungka bara api ba puchuk pala iya.\" 21 Anang alah laban penyai, tang alahka penyai ngena pemadas.\\n1 Awakka semua orang nunduk ngagai perintah ti megai menua; laban perintah nadai tau bisi enti enda ari Allah Taala, lalu perintah ti bisi nya didudukka Allah Taala. 2 Nya alai barang sapa ngelaban perintah, ngelaban utai ti udah didudukka Allah Taala, lalu orang ke ngelaban perintah deka diukum. 3 Laban orang ke megai perintah ukai ngenakutka orang ke manah ulah, tang ngenakutka orang ke jai. Kati kita enggai ke diri takutka orang ke megai perintah? Enti pia, kereja utai ti badas. Nya baru kita deka nerima puji, 4 laban orang ke megai perintah nya ulun Allah Taala, bekereja ke penguntung kita. Tang enti kita ngereja penyalah, kita patut takut, laban iya ukai bisi kuasa ngapa. Iya ulun Allah Taala ke bejalaika ukum Allah Taala ba orang ke ngereja penyalah. 5 Nya alai, kita enda tau enda nunduk ngagai perintah, ukai semina laban kita deka nyeliahka pengeringat Allah Taala, tang laban kita beresi ati. 6 Nya mega kebuah kita mayar chukai, laban orang ke megai perintah bekereja ke Allah Taala, bejalaika pengawa nya. 7 Bayar ngagai sida utai ti patut dibayar kita. Bayar chukai ngagai orang ke patut alai kita mayar chukai, duit pupu ngagai orang ke patut alai kita mayar duit pupu, lalu beri basa ngagai orang ke patut dibasa kita. 8 Anang berutang ba orang, kelimpah ari berutang pengerindu ba pangan diri, laban orang ke rinduka pangan diri, udah ngamatka Adat. 9 Pesan ti nyebut, \"Anang butang; anang munuh orang; anang ngenchuri; anang inginka utai orang,\" enggau semua pesan bukai, tau disimpul ngena jaku tu, \"Rinduka pangan diri baka nuan ke rinduka diri empu.\" 10 Pengerindu enda ngemediska orang. Nya alai pengerindu ngamatka Adat. 11 Kelimpah ari nya, kita nemu, tu meh maya alai kita enda tau enda dani. Laban pengelepas diatu nyau datai semak agi ngagai kitai ari lebuh kita ke terubah arap suba. 12 Hari nyau udah jauh malam, lalu nyau deka siang. Nya alai aram kitai muai semua pengawa pemetang, lalu ngerasukka senyata penampak; 13 aram kitai diau menyana baka ke diau lebuh siang hari, ukai berami enda beiga-iga, ukai mabuk, ukai ngereja ulah ti kamah, ukai jai ulah, ukai belaya, ukai kepapas. 14 Tang rasukka Tuhan Jesus Kristus, lalu anang berundingka jalai ngemuaska pengingin dosa.\\n1 Sambut orang ke lemi pengarap, tang ukai laban kita deka bekelikuhka pasal runding sida. 2 Sekeda orang ngumbai diri tau makai sebarang utai, tang orang ke lemi pengarap semina makai sayur aja. 3 Orang ke makai sebarang utai, enda tau mechat orang ke enda, lalu orang ke enda makai sebarang utai, enda tau ngakim orang ke makai sebarang utai, laban Allah Taala udah nerima orang nya. 4 Sapa kita nya, alai kita berani ngakim ulun orang bukai? Tuan sida empu ke deka mutuska penemu sekalika orang nya rebah tauka bediri. Lalu iya deka bediri, laban Tuhan ulih ngasuh iya bediri. 5 Sekeda orang ngumbai hari siti besai agi ari hari ti bukai, lalu orang bukai ngumbai semua hari sebaka magang. Genap iku kitai patut mutuska penemu pasal nya ke diri empu. 6 Orang ke ngintu hari nya, ngereja nya kena iya ngemesaika Tuhan. Orang ke makai utai, ngereja nya kena iya ngemesaika Tuhan, laban iya meri terima kasih ngagai Allah Taala; lalu orang ke enggai makai, ngereja nya kena iya ngemesaika Tuhan, lalu meri terima kasih ngagai Allah Taala. 7 Kitai ukai idup ke diri empu, lalu kitai ukai mati ke diri empu. 8 Enti kitai idup, kitai idup ke Tuhan, lalu enti kitai mati, kitai mati ke Tuhan. Nya alai, nemuka kitai idup tauka mati, kitai endang enggi Tuhan. 9 Nya kebuah Kristus mati lalu angkat idup baru, ngambika Iya nyadi Tuhan ke orang ke idup enggau ke orang ke mati. 10 Nama kebuah kita ngakim orang bukai? Lalu nama kebuah kita mechat menyadi kita? Laban semua kitai deka bediri di mua Allah Taala, lalu diakim Iya. 11 Laban endang udah ditulis, \"Laban Aku endang idup, ku Tuhan bejaku, genap iku orang deka besugang di mua Aku, lalu genap iku orang deka muji Allah Taala.\" 12 Nya alai, genap iku kitai deka madahka pasal diri empu ngagai Allah Taala. 13 Nya alai, aram kitai badu agi ngakim pangan diri, tang mutus ati enggai sekali-kali ngereja utai ti tau ngasuh orang bukai tesangkut tauka bedosa. 14 Laban aku diau dalam Tuhan Jesus, aku nemu, nadai pemakai ti enda tuchi. Tang pemakai nya nyadi enda tuchi ke orang, enti orang nya ngumbai iya enda tuchi. 15 Enti menyadi nuan enda nyamai ati ketegal utai ti diempa nuan, reti nya nuan ukai ngereja utai nya beduduk ba pengerindu. Anang nejuka utai ti diempa nuan ngerusak orang, laban Kristus udah mati ngarika iya. 16 Nya alai, anang nejuka utai ti dikumbai nuan manah, dipejai orang. 17 Laban Perintah Allah Taala ukai pasal pemakai enggau utai ti diirup, tang pasal pengelurus, pemaik enggau pengaga dalam Roh Kudus. 18 Orang ke bekereja ke Kristus baka nya dikerinduka Allah Taala, sereta dikerinduka mensia. 19 Nya alai, aram kitai ngereja utai ti mai pemaik, enggau utai ti tau ngeringka pangan diri. 20 Anang ngerusak utai ti udah dikereja Allah Taala ketegal pemakai. Semua pemakai tuchi magang, tang kitai salah enti kitai ngereja utai ti tau ngasuh orang bukai bedosa. 21 Kitai ngereja utai ti ngena enti kitai enda makai dagin, tauka enda ngirup wain, tauka enda ngereja utai ti tau ngasuh menyadi kita bedosa. 22 Utai ti dikarapka kita ba pasal pekara tu, nya semina entara kita enggau Allah Taala. Beberekat meh orang ke enda besalah diri empu, lebuh sida ngereja utai ti ngena ba ati sida empu! 23 Tang orang ke kakang ati deka diukum enti sida makai, laban sida ukai ngereja nya ari pengarap, laban semua utai ti ukai datai ari pengarap, nya dosa magang.\\n1 Kitai ke kering patut sabar enggau orang ke lemi, lalu ukai deka ngelantangka diri empu aja. 2 Genap iku kitai patut ngelantangka ati pangan kitai, kena nulung sida mansang. 3 Laban Kristus ukai datai ngelantangka Diri tang, munyi ti udah ditulis, \"Jaku orang ke mechat kita, udah ninggang Aku.\" 4 Laban semua utai ti udah ditulis dulu kelia endang ditulis kena ngajar kitai, ngambika ulih pengeliat ati kitai enggau ulih peransang ari Bup Kudus, kitai bisi pengadang. 5 Awakka Allah Taala, ke pun pengeliat ati enggau peransang, ngiring kita idup seati enggau pangan diri, nitihka teladan Jesus Kristus, 6 ngambika semua kita ngemuliaka Allah Taala ti Apai Jesus Kristus Tuhan kitai. 7 Nya alai, sambut pangan diri, baka Kristus ke udah nyambut kita, kena ngemuliaka Allah Taala. 8 Laban, aku madah ngagai kita, Kristus bekereja ke orang Judah, kena mandangka Allah Taala endang tau dikarapka, ngambika Iya ngamatka semaya ti udah digaga Iya enggau aki ini sida, 9 sereta ngambika orang bansa bukai ulih ngemuliaka Allah Taala ketegal pengasih Iya. Munyi ti udah ditulis, \"Nya alai aku deka ngaku Nuan di mua orang bansa bukai, lalu belagu muji nama Nuan.\" 10 Bup Kudus mega bisi nyebut, \"Rami gaga ati meh kita orang bansa bukai, sama enggau bala nembiak Tuhan!\" 11 Lalu Bup Kudus mega nyebut, \"Puji meh Tuhan, semua kita orang bansa bukai, lalu awakka semua mensia muji Iya!\" 12 Lalu Isaiah mega nyebut, \"Siku peturun Jesi deka datai. Iya ke angkat lalu merintah orang bansa bukai. Sida deka manggaika pengadang sida ba Iya. 13 Awakka Allah Taala, ti pun pengadang, ngemenuhka kita enggau semua pengaga enggau pemaik ketegal pengarap kita, ngambika ulih kuasa Roh Kudus kita penuh laban pengadang. 14 Menyadi, aku nemu kita penuh laban pemadas, ngembuan semua penemu, lalu ulih ngajar pangan diri. 15 Tang ba pasal sekeda pekara, aku bisi udah nulis ngagai kita enggau nadai bepampul penemu, ngambika kita ingat, laban pengasih ti udah diberi Allah Taala ngagai aku, 16 ngasuh aku bekereja ke Kristus ba orang bansa bukai, ngereja pengawa imam betusuika Berita Manah Allah Taala, ngambika orang bansa bukai nyadi pemeri ti dikerinduka Allah Taala, ti dituchi Roh Kudus. 17 Nya alai, dalam Jesus Kristus, aku bisi kebuah temegahka pengawa ti dikereja aku ke Allah Taala. 18 Laban aku enggai bejakuka pasal utai bukai tang semina pasal utai ti udah dikereja Kristus ngena aku, kena mai orang bansa bukai ngasika Iya, ulih jaku enggau ulih utai ti dikereja Iya, 19 ulih kuasa kereja ajih enggau kereja ti nyelai, enggau ulih kuasa Roh Kudus. Nya alai aku udah nusui semua Berita Manah pasal Kristus berengkah ari Jerusalem nyentuk ngagai Ilirikum. 20 Nya alai juluk ati aku endang seruran deka nusui Berita Manah, ukai ba endur alai orang bukai udah madahka pasal Kristus, enggai ke aku nirika eklisia ba pugu ti didudukka orang bukai, 21 tang, munyi ti udah ditulis, \"Orang ke nadai udah kala dipadahka pasal Iya, deka meda lalu orang ke apin kala ninga pasal Iya, deka mereti.\" 22 Nya kebuah aku suah enda ulih nemuai ngagai kita. 23 Tang diatu, laban aku nadai agi utai dikereja di menua nya, lalu laban aku lama udah lelengauka kita, aku deka nemuai ngagai kita 24 lebuh aku mupuk ngagai menua Spain. Laban aku endang ngarapka diri betemu enggau kita lebuh aku mansang kin, ngambika kita ulih nulung aku mupuk kin, lebuh aku udah ngelantangka diri begulai enggau kita enda lama. 25 Tang diatu, aku deka mupuk ngagai Jerusalem, ngereja pengawa ke bala nembiak Tuhan din; 26 laban Masedonia enggau Akaia udah gaga ati magi pemisi sida ngagai bala nembiak Tuhan ke suntuk di Jerusalem. 27 Sida gaga ati ngereja nya. Iya ti bendar, sida berutang-budi ba orang Judah, laban enti orang Judah udah magi berekat Roh ngagai orang bansa bukai, orang bansa bukai patut mega ngena pengaya sida merekatka orang Judah. 28 Nya alai lebuh aku udah nembuka pengawa tu, lalu udah nganjung ngagai sida semua duit ti udah digumpul, aku deka nemuai ngagai kita lebuh aku mansang ngagai menua Spain; 29 lalu aku nemu, lebuh aku betemu enggau kita, aku deka mai semua berekat Kristus. 30 Dalam nama Jesus Kristus, enggau ulih pengerindu Roh Kudus, aku minta kita, menyadi, sama bebendar besampi enggau aku ngagai Allah Taala, ke aku empu, 31 ngambika aku dilepaska ari jari orang ke enda arap di menua Judea, sereta ngambika pengawa ti dikereja aku di Jerusalem diterima bala nembiak Tuhan din, 32 ngambika, ulih peneka Allah Taala, aku ulih betemu enggau kita enggau ati ti gaga, lalu ngelantangka diri begulai enggau kita. 33 Awakka Allah Taala, ke pun pemaik, meruan enggau kita semua. Amin.\\n1 Aku ngasuh kita bekelala enggau menyadi indu kitai, Poebe, ke bekereja nyadi dikon ke eklisia di Kenkria, 2 ngambika kita nyambut iya dalam nama Tuhan, baka ti patut dikereja ke nembiak Tuhan, lalu nulung iya enggau sebarang utai ti dipeguna iya ari kita, laban iya udah nulung mayuh orang, nyengkaum nulung aku empu. 3 Aku ngirumka tabi basa ngagai Prisila seduai Akuila, ke sama bekereja enggau aku ke Jesus Kristus, 4 ke udah berambunka nyawa ketegal aku. Aku enggau semua eklisia orang bansa bukai bela meri terima kasih ngagai seduai iya. 5 Aku ngirumka tabi basa ngagai raban eklisia ke begempuru dalam rumah seduai iya. Aku meri tabi basa ngagai pangan aku Epinetus, orang ke terubah-rubah arapka Kristus di menua Asia. 6 Aku ngirumka tabi basa ngagai Maria, ke udah bebendar amat bekereja ba bala kita. 7 Aku ngirumka tabi basa ngagai Andronikus seduai Junia, ti kaban belayan aku empu, lalu udah sama kena jil enggau aku. Seduai tu orang ke dikelala sida rasul, lalu seduai iya dulu agi ari aku nyadi orang Kristian. 8 Aku ngirumka tabi basa ngagai Ampliatus, pangan ke dikerinduka aku dalam Tuhan. 9 Aku meri tabi basa mega ngagai Urbanus, ke sama gawa enggau kitai ke Kristus, enggau ngagai Stakis pangan ke dikerinduka aku. 10 Tabi basa mega ngagai Apeles, ke udah ditemu taluk ke Kristus. Aku mega ngirumka tabi basa ngagai bala sida Aristobulus sebilik. 11 Tabi basa mega ngagai Herodion, ke sama sebansa enggau aku empu, enggau ngagai orang Kristian ke dalam ruang bilik Narsisus. 12 Aku ngirumka tabi basa ngagai Tripina seduai Triposa, ke bekereja ke Tuhan, enggau ngagai Persis, pangan ke dikerinduka aku, ke udah bebendar bekereja ke Tuhan. 13 Aku ngirumka tabi basa ngagai Rupus ke landik bekereja ke Tuhan, enggau ngagai indai iya ke seruran ngintu aku baka ke ngintu anak iya empu. 14 Aku mega ngirumka tabi basa ngagai Asinkritus, Plegon, Hermes, Patrobas, Hermas, enggau semua orang Kristian ke begulai enggau sida. 15 Tabi basa mega ngagai Pilologus enggau Julia, ngagai Nereus enggau menyadi indu iya, ngagai Olimpas enggau ngagai semua nembiak Tuhan ke begulai enggau sida. 16 Beri tabi pengerindu ngagai pangan diri. Semua eklisia Kristus bela ngirumka tabi basa ngagai kita. 17 Menyadi, aku minta kita bejaga ari orang ke mai penyerekang lalu mechahka gerija, ke ngelaban ajar ti udah diajar ngagai kita. Anang begulai enggau sida! 18 Laban orang ke baka nya ukai bekereja ke Kristus Tuhan kitai, tang bekereja nitihka pengingin sida empu. Ngena jaku ti manis enggau jaku kelangkung sida nipu orang ke enda nemu berunding. 19 Laban taja pen semua orang udah bela ninga kita udah ngasi, datai ke ati aku empu nyau gaga ati ketegal kita, aku dekaka kita nyadi orang ke bepenemu-dalam ba pasal utai ti badas, sereta diau tuchi ba pasal utai ti jai; 20 nya baru Allah Taala, ke pun pemaik, deka ngeredakka Sitan di baruh kaki kita enda lama da agi. Awakka pengasih Tuhan Jesus meruan enggau kita. 21 Timoti, ke sama bekereja enggau aku, ngirumka tabi basa ngagai kita, lalu pia mega Lusius, Jason, enggau Sosipater, ke kaban belayan aku. 22 Aku, Tertius, ke nyadi tukang tulis ke surat tu, ngirumka tabi basa ngagai kita dalam Tuhan. 23 Gaius, ke bempu rumah ti alai aku diau enggau alai raban eklisia begempuru, ngirumka tabi basa ngagai kita. Erastus, ke nyadi tukang wang ke nengeri tu, enggau menyadi kitai Kuartus, ngirumka tabi basa ngagai kita. 24 Awakka pengasih Jesus Kristus Tuhan kitai meruan enggau kita semua. Amin. 25 Aram kitai ngemuliaka Allah Taala ke ulih ngeringka kita, nitihka Berita Manah ti ditusui aku enggau nitihka ajar Jesus Kristus, nitihka pemandang pasal misteri ti lama udah dilalaika dulu kelia 26 tang diatu, ari asuh Allah Taala ti meruan belama iya, udah diayanka, lalu ulih jaku ti ditulis sida nabi, dipadahka ngagai semua orang bansa bukai ngambika semua orang tau arap lalu ngasi. 27 Ngagai Allah Taala ti siku aja, ke nemu semua utai, beri meh mulia belama-lama iya, ulih Jesus Kristus! Amin.","num_words":9790,"character_repetition_ratio":0.079,"word_repetition_ratio":0.001,"special_characters_ratio":0.212,"stopwords_ratio":0.345,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sepital Kapit nerima lima buah mesin ventilator ari SSM - Suara Sarawak\\nSepital Kapit nerima lima buah mesin ventilator ari SSM\\nKAPIT: Opis Menteri Dagang Dalam Menua enggau Pekara Penguna (KPDNHEP) nyuaka lima buah mesin ventilator (High Flow Nasal Cannula) ngagai Sepital Kapit.\\nSemua mesin ventilator berega RM125,000 nya bantu nengah belanja zakat korporat Komiti Besai Serikat Malaysia (SSM).\\nPengawa nyuaka mesin nya udah dipenyadi Kaban Parlimen Kapit ke mega Menteri KPDNHEP, Datuk Seri Alexander Nanta Linggi beserimbai enggau Program Bantu Pemakai di baruh inisiatif Pemulih ungkup sitak Parlimen Kapit, ditu kemari.\\nKu Nanta, bantu mesin ventilator nya sebagi ari inisiatif SSM ngena manah belanja zakat korporat di baruh kategori fisabilillah.\\n“Mesin ventilator tu deka nyadi kereban sukung ungkup pesakit ti begunaka kereban kena enseput kelimpah mesin tu muntang dikena,” terang iya.\\nNangkan nya, iya madahka bantu pemakai ungkup sitak Parlimen Kapit nyengkaum penerima ari ketetiga sitak Dun baka Katibas, Pelagus enggau Bukit Goram.\\nKu Nanta, iya udah ngagihka belanja RM100,000 ungkup tiap sitak Dun di baruh sitak Parlimen Kapit enggau 3,000 ruang bilik deka nerima bantu nya.\\nAdun Ba'kelalan ensiban, rayat enda divaksin tegal nadai tingki\\n350, 000 vaksin Sinovac udah datai di Kuching\\nRM1 juta tambah baik Taman Bulatan Miri\\nAram nempa sejarah baru Sarawak","num_words":192,"character_repetition_ratio":0.096,"word_repetition_ratio":0.0,"special_characters_ratio":0.187,"stopwords_ratio":0.13,"flagged_words_ratio":0.0,"lang_id_score":0.975,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sekula repuk: Projek ditanggung penuh - Suara Sarawak\\nTaja pekara tu dikuasa Perintah Besai tang Perintah Nengeri sanggup nanggung ke pemaik anak Sarawak\\n“Pemadu baru, bisi dua buah sekula benung digaga baru iya nya SK Ulu Segan Bintulu enggau SK Meludam Betong ke beungkus lebih RM65 juta.”\\nKUCHING: Perintah Sarawak naka ulih mutar penanggul sekula repuk di Sarawak.\\nMenteri Muda Pelajar enggau Pansik Teknologi Dr Annuar Rapaee madah, projek bekaul enggau pelajar baka ngemanah enggau ngaga baru sekula baru ditanggung penuh Perintah Sarawak taja pekara pelajar kebendar dibaruh kuasa Perintah Besai.\\n“Pemadu baru, bisi dua buah sekula benung digaga baru iya nya SK Ulu Segan Bintulu enggau SK Meludam Betong ke beungkus lebih RM65 juta.\\n“Kelimpah nya, nengah ‘Rural Transformation Innesiatif’ iya nya berengkah ari taun 2018-2020 udah mungkur 63 buah sekula enggau penyampau nya lebih kurang RM20 juta.\\n“Enda kurang 90 buah sekula bulih pemaik nengah ‘Chief Minister Special Development Allocation’ (STAA) ke bepenyampau urung RM120 juta,” ku iya maya nyaut tanya ari Paulus Palu Gumbang (Batu Danau-PBB), Fazzruddin Abdul Rahman (Tupong-PBB), Miro Simuh (Serembu-PBB) enggau Abdul Yakub Arbi (Balingian-PBB) di Dun Sarawak, kemari.\\nAnnuar mega madah Perintah Besai semina meri belanja RM100 juta ungkup pekara pelajar di Sarawak, tang kebendar penyampau ke diguna udah ngelui ari pemeri agih belanja nya.\\n“Ngemanah tauka ngaga baru sekula benung dipejalai tauka deka dipejalai udah meri pemaik ngagai lebih 100 buah sekula di Sarawak.\\n“Penyampau belanja ke diguna ke disebut aku bedau nyengkaum perengka guna bukai baka masang sambung karan ke beungkus RM50 juta,” ku iya.\\nKenu ku iya mega, Perintah Sarawak udah sedia meri jali RM1 bilion ngagai Perintah Besai nengah kontra bayar ungkup ngemanah enggau ngaga baru sekula repuk di Sarawak.\\nTuju deka meri jali nya dikena ngelengkas pemansang enggau ngemanah sekula ke patut.\\nTang, Perintah Besai ngubah runding iya nya enda setuju enggau jali nya diberi chara kontra bayar utang Sarawak.\\nIsu tu agi diperunding enggau Perintah Besai lalu kami ngarap ulih nyapai pemutus ke manah enda lama agi.","num_words":311,"character_repetition_ratio":0.077,"word_repetition_ratio":0.086,"special_characters_ratio":0.192,"stopwords_ratio":0.174,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ambi baru premium tanah sebedau 31 Disember – Suara Sarawak – Bukan Sekadar Akhbar\\nYou are here:Home-RUAI-Ambi baru premium tanah sebedau 31 Disember\\nAmbi baru premium tanah sebedau 31 Disember\\nKUCHING: Bisi 291 iku peranak di kandang menua SPS Batu Kawa Fasa 1, 2 enggau 3, SPS Stampin sereta Sungai Apong ti kala mayar premium tanah RM5,000 tauka lebih dipinta ngambi pulai sebagi ari premium tanah nya sebedau 31 Disember tu.\\nMenteri Kaunsil Kandang Menua enggau Pengawa Berumah Datuk Seri Prof Dr Sim Kui Hian madahka pemadu mimit sida mayar premium tanah nya suba RM5,000 tang bisi mega sida mayar mayuh agi ari nya.\\n“Nyin kemari, kami meri timpuh nyentuk 31 Oktober endur sida ngambi pulai duit premium tanah nya, tang laban agi mayuh sida bedau ngambi kami ngelanjarka timpuh ngagai 31 Disember taun tu.\\n“Bisi 161 iku peranak SPS Batu Kawa Fasa 1, 2 enggau 3, 97 iku ari SPS Stampin enggau 33 iku ari Sungai Apong bedau ngambi pulai premium tanah ti kala dibayar sida,” ku iya.\\nKui Hian bejaku munyi nya ba aum pemberita di Palan Servis Presiden Parti Sa’Ati Rayat Sarawak (SUPP) Batu Kawa ditu, pagi tadi.\\nKu iya, sida ti bedau ngambi premium tanah nya dipinta datai ngagai palan servis sitak diri empu lalu mai dokumen ti patut.\\n“Ngagai peranak Batu Kawa empu, sida tau datai kitu (Palan Servis SUPP Batu Kawa enda jauh ari Jematan Batu Kawa) lalu mai kad pengelala, risit bayar premium tanah nya suba, buku chukai tanah, buku bank enggau surat pemati enti orang ti mayar nya udah nadai (ungkup waris).\\n“Ngagai SPS Stampin ngau Sungai Apong sida tau nuju palan servis sitak sida empu tauka betanya ngagai ketuai kampung,” ku iya.\\nDia iya ngelalau mensia mayuh sama betesau madah pasal pekara tu laban timpuh endur ngaga peminta semina dibuka ngagai ujung taun tu aja.\\nTandu iya, sebedau tu perintah netapka premium tanah dibayar pemadu mimit RM5,000.\\nEmpas ari perintah ngerunding rayat ti mimit penatai pemisi dia perintah ngeletak premium tanah semina dibayar RM2,500 aja ke alai sida ti dulu mayar RM5,000 suba diasuh ngambi baru RM2,500 agi.\\nKenyau peminta tu dibuka urung 467 iku peranak di SPS Batu Kawa Fasa 1, 2 enggau 3 udah ngambi bagi premium tanah sida.\\nBarang sapa deka nemu enggau silik tau betanya ngagai lumur 082528932 (Palan Servis SUPP Batu Kawa).\\nBy Indun Silong|2019-11-22T17:31:54+08:00November 22nd, 2019|Categories: RUAI|0 Comments\\nARKIB Select Month January 2021 (560) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":382,"character_repetition_ratio":0.085,"word_repetition_ratio":0.011,"special_characters_ratio":0.301,"stopwords_ratio":0.152,"flagged_words_ratio":0.0,"lang_id_score":0.995,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama Deka Nadai Agi Lebuh Perintah Petara Datai? | Dikena Belajar\\n‘Dunya enggau pengingin iya deka lenyau, tang orang ke ngereja peneka Petara deka idup belama iya.’—1 JHN. 2:17.\\nLAGU: 134, 24\\nNama deka digaga Jehovah ba orang ke jai enggau gerempung ke makai suap?\\nNama deka digaga Jehovah bekaul enggau pengawa ti salah sereta gaya utai ti jai?\\nBaka ni nuan ulih nentuka diri deka mengkang idup lebuh dunya ti jai tu deka lenyau?\\n1, 2. (a) Baka ni dunya ti jai tu sebaka enggau seiku orang jai ti deka diukum bunuh? (Peda gambar ba pun artikel.) (b) Baka ni asai ati genap iku sida ke di serega enggau ke ba dunya pengudah dunya ti jai tu dirusak?\\nUJI gambarka. Seiku orang ke jai udah diletak ukum bunuh. Diatu iya benung dibai sida jejaga ngagai endur ke alai iya deka diukum bunuh. Taja pan orang ke jai nya agi idup sereta bepengerai, tang iya nyauka mati.\\n2 Dunya ti jai ke alai kitai diau sama baka orang jai ke deka diukum bunuh nya. Bup Kudus madahka: “Dunya . . . deka lenyau.” (1 Jhn. 2:17) Jehovah udah netapka dunya ti jai tu deka dirusak enda lama da agi, nya alai kitai tau pechaya dunya ti jai tu deka nadai agi. Tang bisi bida ti besai entara pengujung dunya ti jai tu enggau pengawa ngukum orang ke jai nya. Sekeda orang engka ngasaika, ukum ke diletak ngagai orang ke jai nya enda patut, lalu engka deka mantah, ngarapka orang ke jai nya enda diukum bunuh. Taja pia, Jehovah nya hakim ti sempurna, lalu pemutus Iya ke deka ngerusak dunya ti jai tu endang patut. (U-dat. 32:4) Pengawa ngerusak dunya ti jai tu enda betangguh. Pengudah dunya ti jai tu dirusak, genap iku sida ke di serega enggau ke ba dunya deka setuju, ukum ari Jehovah nya patut. Deka bisi pengelantang ti besai!\\n3. Nama empat bengkah penusah ke deka nadai agi pengudah Perintah Petara datai?\\n3 “Dunya” ke “deka lenyau” nyengkaum nama? Iya nyengkaum utai jai ke bisi ba pengidup kemaya hari tu. Semua utai nya deka nadai agi. Kebendar, tu sebagi ari ‘Berita Manah pasal Perintah Petara.’ (Mat. 24:14) Ba artikel tu kitai deka berandauka empat bengkah penusah ke deka nadai agi lebuh Perintah Petara datai: orang ke jai, gerempung ti makai suap, pengawa ti salah, sereta gaya utai ti enda manah. Bekaul enggau tiap bengkah penusah tu, kitai deka belajar (1) baka ni penusah nya ngachau kitai diatu, (2) nama deka digaga Jehovah ngagai semua penusah nya, lalu (3) nama deka dikena Iya nganti penusah nya.\\nORANG KE JAI\\n4. Baka ni orang ke jai ngachau kitai diatu?\\n4 Baka ni orang ke jai ngachau kitai diatu? Rasul Paul madahka, ba hari ti penudi “mayuh macham penusah deka nyadi.” Udah nya, ku iya agi: “Orang ke jai, enggau orang ke pura-pura ngapa, deka majak jai se-jai.” (2 Tim. 3:1-5, 13) Bisi nuan ngasaika tu? Mayuh ari kitai kala nyadi mansa orang ke jai baka orang ke beduan enggau kasar, balat begedika bansa bukai, sereta orang ke jai nadai penyinu. Sekeda ari sida enda ngelalai pengawa jai ti dikereja sida. Sekeda da agi pepura nulung orang, tang kebendar sida jai. Taja pan kitai enda nyadi mansa pengawa ti jai, tang kitai mega ngasaika penusah ke digaga orang jai. Kitai pedis ati lebuh ninga pasal penyai ti digaga sida ba anak mit, orang ke tuai sereta orang bukai ke enda ulih ngetanka diri. Orang ke jai tu nunjukka ulah baka jelu siga tauka bala antu. (Jas. 3:15) Tang kitai berasai lantang laban Jaku Jehovah meri kitai pengadang.\\n5. (a) Nama peluang ke agi dikemisi orang ke jai? (b) Nama deka nyadi ngagai orang ke enggai berubah?\\n5 Nama deka digaga Jehovah? Diatu Jehovah meri orang ke jai peluang berubah. (Isa. 55:7) Taja pan dunya ti jai tu enda lama da agi deka dirusak, sida bedau agi diakim. Tang nama deka nyadi ngagai orang ke enggai berubah sereta ke nyukung dunya ti jai tu nyentuk ngagai maya penusah ti besai? Jehovah udah besemaya deka muai semua orang ke jai ari dunya tu. (Bacha Masmur 37:10.) Kemaya hari tu, mayuh orang ngelalaika pengawa jai ti dikereja sida, lalu kesuah agi sida enda diukum. (Jop 21:7, 9) Tang Bup Kudus ngingatka kitai: ‘Petara nengkilaka semua ulah kitai, lalu meda semua singkang kitai. Nadai pemetang ulih ngelalaika orang ke bedosa ari Petara.’ (Jop 34:21, 22) Nya alai, nadai utai ulih dipelalaika ari Jehovah. Iya ulih meda semua utai ti dikereja orang ke jai. Pengudah Armagedon, kitai engka deka ngiga sida, tang nadai tetemuka sida. Sida deka nadai agi belama iya!—Mas. 37:12-15.\\n6. Sapa deka meruan bisi lebuh orang ke jai nadai agi, lalu nama kebuah nya berita ti manah?\\n6 Sapa deka meruan bisi lebuh orang ke jai nadai agi? Jehovah besemaya: “Orang ke baruh ati deka bempu menua tu lalu diau lantang [‘penuh enggau pemaik,’ NW].” Udah nya, ba masmur ti sama kitai macha: “Orang ke lurus deka bempu menua tu lalu diau ditu belama iya.” (Mas. 37:11, 29) Sapa “orang ke baruh ati” sereta “orang ke lurus”? Orang ke baruh ati nya orang ke belajar ari Jehovah sereta ngasika Iya. Orang ke lurus nya orang ke rindu ngereja utai ti dikumbai Petara ngena. Ba dunya kemaya hari tu, bisi mayuh agi orang ke jai ari orang ke lurus. Tang ba dunya baru, semina bisi orang ke baruh ati enggau orang ke lurus, lalu sida deka ngaga dunya nyadi paradais!\\nGEREMPUNG TI MAKAI SUAP\\n7. Baka ni gerempung ti makai suap ngachau kitai kemaya hari tu?\\n7 Baka ni gerempung ti makai suap ngachau kitai diatu? Mayuh ari penyai ke bisi ba dunya kemaya hari tu ukai datai ari seiku-seiku orang, tang datai ari gerempung. Gerempung pengarap nipu bejuta iku orang. Ngambika chunto, sida bebula pasal sapa Petara, sida madahka Bup Kudus enda tau dikearapka, lalu sida nipu orang pasal pengadang dunya sereta mensia ke jemah ila. Perintah ti makai suap nyukung perang sereta penyai ke bekaul enggau bansa sereta nekan orang ke merinsa sereta orang ke nadai daya. Perintah nya majak kaya sereta bekuasa enggau nunjukka ulah ti bepilih mata tauka nerima suap. Kompeni ti amu ngamahka menua, ngerusak asil bumi, sereta ngambi ulih ari orang ngambika sekeda kompeni nya ulih nyadi kaya. Amat, gerempung ti makai suap ke ngasuh mayuh pemerinsa nyadi ba dunya kemaya hari tu.\\n8. Nitihka Bup Kudus, nama deka nyadi ngagai gerempung ti baka ke kering ba mayuh orang kemaya hari tu?\\n8 Nama deka digaga Jehovah? Penusah ti besai deka berengkah lebuh kuasa politik nyerang semua gerempung pengarap pelesu, ke disema Bup Kudus indu sundal ke benama Babilon ti Besai. (Pem. 17:1, 2, 16; 18:1-4) Semua gerempung pengarap nya deka abis lus. Tang nama deka nyadi ngagai semua gerempung bukai ke makai suap? Bup Kudus mandingka sida baka bukit enggau pulau laban sida baka ke kering sereta tegap. (Bacha Pemandang 6:14.) Tang Bup Kudus madahka, perintah enggau semua gerempung bukai ke enda nyukung Perintah Petara deka dirusak. Tu deka nyadi begian ti penudi ari penusah ti besai. (Jer. 25:31-33) Udah nya, gerempung ke makai suap deka nadai agi!\\n9. Nama kebuah kitai pechaya dunya ti baru deka diatur enggau manah?\\n9 Nama deka nganti gerempung ti makai suap? Pengudah Armagedon, kati bisi gerempung bukai ba dunya? Bup Kudus madahka: ‘Nitihka semaya Petara, kitai nganti langit ti baru enggau dunya ti baru, endur alai pengelurus diau.’ (2 Pet. 3:13) Langit enggau dunya ti lama nya perintah ti makai suap sereta orang ke enda lurus ti dipegai sida. Pengudah sida nadai agi, nama deka nganti sida? “Langit ti baru enggau dunya ti baru.” Langit baru nya perintah ti baru, Perintah Petara ke dipegai Jesus Kristus enggau 144,000 iku orang ke sama enggau iya merintah. Dunya baru nya orang ke di baruh Perintah Petara. Jesus enggau sida ke sama enggau iya merintah deka enggau pengabis manah neladan Petara Jehovah, Petara ti teratur. (1 Kor. 14:33) Nya alai, “dunya ti baru” deka teratur. Dia deka bisi bala lelaki ke manah ke ngatur semua pekara. (Mas. 45:16) Sida deka diiring Jesus enggau 144,000 iku orang ke sama enggau iya merintah. Maya nya ila semua gerempung ti makai suap deka diganti enggau siti aja gerempung, gerempung ti beserakup sereta ke enda ulih diberi suap!\\nPENGAWA TI SALAH\\n10. Nama bansa pengawa salah ti suah nyadi ba endur alai nuan diau, lalu baka ni tu bekaul enggau nuan sereta diri sebilik?\\n10 Baka ni pengawa ti salah ngachau kitai diatu? Kitai idup ba dunya ke alai ulah ti kamah, pengawa ti enda lurus, enggau pemangah ti balat suah nyadi. Pemerindang ba dunya ngasuh pengawa jai tu ngerinduka ati seraya ngeleseka standard Jehovah pasal utai ti betul tauka salah. (Isa. 5:20) Apai indai kelebih agi patut bebendar nyaga bala anak sida ari pengawa ti jai nya. Amat, semua orang Kristian ke bendar patut bebendar nyaga kaul sida enggau Jehovah ba dunya ke enda masa standard Iya.\\n11. Nama dipelajarka kitai ari ukum ke dikenataika Jehovah ngagai Sodom enggau Gomorah?\\n11 Nama deka digaga Jehovah bekaul enggau pengawa ti salah? Uji pikirka utai ti digaga Jehovah ngagai utai jai ke nyadi ba nengeri Sodom enggau Gomorah. (Bacha 2 Peter 2:6-8.) Lot nya orang ke lurus, lalu iya enggau diri sebilik balat merinsa ketegal semua utai jai ke dikereja orang ti ngelingi sida. Jehovah ngerusak semua nengeri nya kena ngujungka utai jai ke nyadi dia. Tang Iya mega ngena tu nyadika tangkan ngagai orang ke jai kemaya hari tu. Sama baka Jehovah ke muai semua pengawa ti kamah menya, Iya mega deka muai pengawa ti kamah kemaya hari tu lebuh Iya ngerusak dunya ti jai tu.\\n12. Nama sekeda pengawa ke deka dikereja nuan pengudah dunya ti jai tu nadai agi?\\n12 Nama deka nganti pengawa ti salah? Ba dunya baru, kitai deka kisuk enggau mayuh pengawa ti ngelantangka ati. Ngambika chunto, kitai deka ngaga dunya nyadi paradais sereta nirika rumah ke diri empu sereta ke bala orang ti dikesayauka kitai. Kitai mega deka ngelaluka bejuta iku orang ke diangkatka idup baru, lalu ngajar sida pasal Jehovah sereta pasal semua utai ti udah dikereja Iya ke mensia. (Isa. 65:21, 22; SKR. 24:15) Maya nya, kitai deka kisuk enggau pengawa ke ngasuh kitai lantang sereta ngenataika puji ngagai Jehovah!\\nGAYA UTAI TI ENDA MANAH\\n13. Nama nyadi ketegal pengawa ngelaban ba Kebun Eden?\\n13 Baka ni gaya utai ke enda manah ngachau kitai diatu? Dunya ti penuh enggau orang ke jai, gerempung ti makai suap, sereta pengawa ti salah udah ngasuh pengidup tusah. Semua kitai merinsa ketegal perang, penyuntuk, ulah ti begedika bansa bukai, penyakit, sereta pemati. Gaya utai ke enda manah tu berengkah ketegal Sitan, Adam, enggau Hawa angkat ngelaban Jehovah. Lalu semua kitai merinsa ketegal pengawa sida ke ngelaban.\\n14. Nama deka digaga Jehovah bekaul enggau gaya utai ti enda manah?\\n14 Nama deka digaga Jehovah bekaul enggau gaya utai ti enda manah? Peratika sekeda chunto. Jehovah besemaya deka ngujungka semua perang. (Bacha Masmur 46:8, 9.) Iya deka muai penyakit. (Isa. 33:24) Iya deka ngerusak pemati belama iya. (Isa. 25:8) Iya deka muai penyuntuk. (Mas. 72:12-16) Lalu Jehovah deka muai semua utai ti enda manah ke ngasuh pengidup merinsa kemaya hari tu. Iya indah deka muai runding ti jai ke datai ari Sitan enggau bala antu iya!—Eps. 2:2.\\nUji gambarka dunya ti nadai perang, penyakit tauka pemati! (Peda genteran 15)\\n15. Nama sekeda utai ke deka nadai agi belama iya pengudah Armagedon?\\n15 Uji gambarka baka ni gaya pengidup ba dunya baru ke nadai perang, penyakit tauka pemati! Dia nadai agi soldadu, senyata, tauka tugu pengingat orang ti mati beperang. Kitai enda agi begunaka sepital, bala lutur, bala misi, rumah bangkai, tauka kubur. Dia nadai penyai, nya alai kitai enda agi begunaka polis, alarm sekuriti, tauka indah kerepau tauka kunchi! Semua gaya utai ti enda manah tu ke ngasuh kitai balat irau deka nadai agi belama iya.\\n16, 17. (a) Baka ni asai ati orang ke selamat ari Armagedon? Gambarka. (b) Baka ni kitai nemu diri deka selamat pengudah dunya ti jai tu nadai agi?\\n16 Baka ni gaya pengidup pengudah utai ti enda manah nya nadai agi? Tu enda senang digambarka. Kitai udah lama napi gaya utai ti enda manah, lalu kitai enda sedar utai nya udah balat ngasuh kitai merinsa. Ngambika chunto, orang ke diau semak stesen kerita api ke kisuk enda agi ngasaika endur nya inggar. Lalu orang ke diau semak palan muai sampah enda agi ngasaika endur nya bau. Tang lebuh Jehovah muai semua gaya utai ti enda manah nya, tu amat ngelantangka ati!\\n17 Nama deka nganti semua pengirau ke diasaika kitai diatu? Masmur 37:11, madahka: “Orang ke baruh ati deka . . . diau lantang [‘penuh enggau pemaik,’ NW].” Endang ngelantangka ati nemu tu utai ti dikedekaka Jehovah ba kitai! Ba maya ti tusah tu, enggau naka ulih meh mengkang semak ngagai Jehovah sereta gerempung Iya. Pengadang nuan ke jemah ila endang berega, nya alai berundingka enggau dalam pasal pengadang nya, tentuka pengadang nya amat ba nuan, lalu kunsi pengadang nya enggau orang bukai. (1 Tim. 4:15, 16; 1 Pet. 3:15) Enggau chara nya nuan ulih nemu, lebuh dunya ti jai tu nadai agi, nuan deka meruan idup sereta lantang ati belama iya!","num_words":2093,"character_repetition_ratio":0.079,"word_repetition_ratio":0.003,"special_characters_ratio":0.226,"stopwords_ratio":0.36,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"COVID-19: Sarawak ngerikod 607 kes positif, empat pemati | Utusan Borneo Online\\nSelasa, 18 Mei 2021 - 10:24pm\\nHalaman Utama » Iban » COVID-19: Sarawak ngerikod 607 kes positif, empat pemati\\nCOVID-19: Sarawak ngerikod 607 kes positif, empat pemati\\nKUCHING: Sarawak kemari ngerikodka kes baru ninting hari COVID-19 ti pemadu tinggi, iya nya 607 kes enggau empat kes pemati baru.\\nKomiti Mutarka Penusah Ngenyit Nengeri Sarawak (JPBNS), madahka Pelilih Menua Bintulu majak ngerikod pemadu mayuh kes positif kemari iya nya 130 kes, ditangkanka Kuching enggau Sibu ti sama ngerikod 106 kes.\\nNambahka nya Pelilih Menua Mukah (52), Miri (49), Kapit (33), Meradong (29), Saratok (23), Samarahan (14), Sarikei (14), Betong (8), Bukit Mabong (8), Selangau (8), Subis (8), Dalat (5), Kanowit (3), Matu (3), Julau (2), Serian (2), Sri Aman (2), Asajaya (1) enggau Beluru (1) ti ngujungka penyampau semua kes COVID-19 di Sarawak nambah nyadi 20,959 kes, ku JPBNS.\\nNitihku JPBNS enggau penambah empat kes pemati ketegal rampit COVID-19 kemari ngujungka semua penyampau kes pemati ketegal rampit virus tu di Sarawak nambah nyadi 128 iku.\\n“Penyampau kes sehari tu (kemari) iya nya pemadu mayuh diripotka di Sarawak. Tu ketegal bisi kes diripotka ba Palan Pematih Polis Sarawak (PULAPOL), iya nya 61 kes. Sida tu diengkah dalam palan pematih sereta dijaga,” ku JPBNS nengah penerang berita, kemari.\\nBekaul enggau kes pemati ku JPBNS, empat kes baru nya nyengkaum dua iku indu enggau dua iku lelaki peranak menua Sarawak.\\nKes pemati ke-125 bekaul enggau kes ke-19,731 bekaul enggau siku indu peranak menua (Sarawak) beumur 36 taun ti udah dipasukka ba Sepital Miri laban ti deka bebuntas elektif.\\n“Kes ditemu positif COVID-19 kena 10 April 2021 nengah peresa rT-PCR. Tikas pengerai kes majak enda manah sereta ditukuka udah nadai kena 10 April 2021. Kes tu bisi ko-morbid penyakit systemic lupus erythematosus,” ku JPBNS.\\nKes pemati kes-126 bekaul enggau kes ke-16,377 siku indu peranak menua (Sarawak) beumur 67 taun, ti dipasukka ba Sepital Sibu laban betapi penanggul bedarah dalam perut.\\nKes-126 diperesa ngena rT-PCR lalu ditemu positif COVID-19 kena 31 Mac 2021 sereta tikas pengerai kes majak enda manah enggau ditukuka udah nadai kena 12 April 2021, ku JPBNS.\\nNitihku JPBNS mega, kes-126 bisi ko-morbid penyakit darah tinggi, kemi manis, penyakit Hepatitis enggau penyakit tukul sengayuh (ikas ke penudi).\\nNambahka nya kes pemati ke-127 bekaul enggau kes ke-10,032 siku lelaki peranak menua (Sarawak) beumur 67 taun ti dipasukka ba Sepital Sibu laban sendat seput.\\n“Kes bisi tanda tabin, batuk enggau lemi tubuh beberapa hari ke udah. Beperesa ngena rT-PCR sereta ditemu positif COVID-19 kena 2 Mac 2021.\\n“Tikas pengerai kes majak enda manah sereta ditukuka udah nadai kena 12 April 2021. Kes tu bisi ko-morbid penyakit darah tinggi, kemi manis, dislipidemia, penyakit tungkul ati enggau penyakit tungkul sengayuh kronik.\\n“Baka ke dipadah kes tu (ke-127) ari Kluster Kiba,” ku JPBNS.\\nKelimpah ari nya, kes pemati ke-128 bekaul enggau kes ke-18,416 siku lelaki peranak menua (Sarawak) beumur 42 taun ti dipesukka ba Sepital Sibu laban sendat seput.\\n“Kes mega bisi tanda batuk enggau enda masuk makai beberapa hari ke udah. Beperesa ngena rT-PCR sereta ditemu positif COVID-19 kena 16 April 2021.\\n“Tikas pengerai kes majak enda manah sereta ditukuka udah nadai kena 12 April 2021. Kes tu bisi ko-morbid penyakit darah tinggi enggau strok,” ku JPBNS seraya meri penyinu ati ngagai semua orang ke sebilik enggau kes pemati.\\nKelimpah ari nya JPBNS kemari ngeripotka 189 kes baru gerai sereta dikemendarka pansut ari Sepital Sarikei enggau PKRC Sepital Sarikei (66), Sepital Bintulu (45), Sepital Sibu enggau PKRC Sepital Sibu (31), Sepital Miri (24), Sepital Besai Sarawak (9), PKRC Sepital Kapit (7), PKRC Serian (4), PKRC Lawas (1), PKRC Mukah (1) enggau PKRC Betong (1).\\nTu ngujungka penyampau semua kes positif COVID-19 udah gerai sereta dikemendarka pansut ari sepitak naka kemari bisi 16,639 iku tauka 79.39 peratus ari penyampau semua kes COVID-19dia Sarawak.\\nKemari mega bisi 607 PUI baru diripotka sereta nadai PUI nganti pemutus peresa makmal.","num_words":562,"character_repetition_ratio":0.071,"word_repetition_ratio":0.092,"special_characters_ratio":0.259,"stopwords_ratio":0.167,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nyeraraka Diri Ari Dunya | Pengerindu Petara\\nBaka Ni Nyeraraka Diri Ari Dunya\\n1. Nama dipadahka Jesus lebuh malam ke penudi iya nyadi mensia ba dunya tu?\\nLEBUH malam ke penudi Jesus nyadi mensia ba dunya tu, iya madahka pengirau diri pasal utai ke deka nyadi ngagai murid iya jemah ila. Iya mega besampi pasal pekara nya ngagai Apai iya: ‘Aku ukai minta Nuan ngambi sida ari dunya, tang minta Nuan nyaga sida ari iya ti jai. Sida ukai enggi dunya, baka aku ke ukai enggi dunya.’ (John 17:15, 16) Dalam sampi tu, Jesus ngayanka penalam pengerindu ngagai murid iya, lalu nunjukka jaku ke dipadah iya sebedau nya beguna bendar: “Kita ukai enggi dunya.” (John 15:19) Nyadi, Jesus enggau terang nunjukka bala murid iya patut nyeraraka diri ari dunya!\\n2. Nitihka Jesus, “dunya” nunjukka nama?\\n2 Nitihka Jesus, “dunya” nunjukka semua mensia ke nadai kaul enggau Petara. Sida diperintah Sitan, berundingka diri empu aja sereta sumbung. (John 14:30; Epesus 2:2; 1 John 5:19) Endang amat, ‘bepangan enggau dunya, deka nyadi munsuh Petara.’ (James 4:4) Baka ni kitai ulih nyeraraka diri ari dunya, lalu meruan dalam pengerindu Petara? Kitai ulih ngereja tu enti: (1) mengkang taluk ngagai Perintah Petara ke dipegai Jesus sereta enda enggau politik ba dunya tu, (2) ngelaban roh dunya, (3) ngintu diri sereta begari enggau chara ti patut, (4) puas ati enggau pemisi diri, lalu (5) ngerasukka semua senyata Petara. Aram kitai berandauka lima pekara tu.\\nMENGKANG TALUK SERETA ENDA ENGGAU BEPOLITIK\\n3. (a) Nama runding Jesus pasal politik? (b) Nama kebuah kitai ngumbai bala murid Jesus ke diiri ngena roh kudus nya pengari? (Nyengkaum nota ba baruh lambar.)\\n3 Jesus enda enggau bepolitik, tang iya madahka pasal Perintah Petara ti di serega, ke deka endur iya nyadi Raja. (Daniel 7:13, 14; Luke 4:43; 17:20, 21) Nya alai, lebuh Jesus ba mua Pontius Pilate ke nyadi Gabenor Rome, Jesus ulih madah: “Perintah aku ukai ari dunya tu.” (John 18:36) Bala murid Jesus nitihka teladan iya, talukka iya enggau Perintah iya, lalu madahka orang pasal Perintah nya. (Matthew 24:14) Rasul Paul nulis: ‘Nya alai, kami nyadika pengari Kristus, laban Petara bejaku ngena kami. Kami bebendar ngarika Kristus ngumbuk kita, mai kita bebaik enggau Petara.’ *—2 Korint 5:20.\\n4. Baka ni orang Kristian ti bendar ngayanka penaluk ngagai Perintah Petara? (Peda kutak “ Orang Kristian Keterubah Enda Enggau Bepolitik”.)\\n4 Laban pengari ngarika menua bukai, sida enda masuk champur tauka nyukung parti politik ba menua ti endur sida nyadi pengari. Sida nyukung perintah ke diarika sida. Pia mega enggau bala murid Jesus ke udah dipilih nyadi “peranak serega.” (Pilipi 3:20) Kitai beterima kasih ke sida ketegal ransing ngerembaika injil pasal Perintah Petara. Sida nulung bejuta iku “bedus ti bukai” ke enggi Jesus, ngambika ‘bebaik enggau Petara.’ (John 10:16; Matthew 25:31-40) “Bedus ti bukai” tu mega nyadi pengari Jesus, lalu nyukung sida ke diiri ngena roh kudus. Kedua-dua raban tu begempung nyukung Perintah Petara, lalu enda nyukung politik ba dunya tu.—Bacha Isaiah 2:2-4.\\n5. Nama kebuah orang Kristian kemaya hari tu bebida ari orang Israel menya, lalu nama patut digaga sida?\\n5 Orang Kristian ti bendar enda nyukung politik ba dunya tu ukai ketegal sida taluk ke Jesus aja. Orang Israel menya diau ba siti menua aja, tang kemaya hari tu, orang Kristian diau ba serata dunya tu. (Matthew 28:19; 1 Peter 2:9) Nya alai, enti kitai nyukung parti politik, pengawa nginjil pasal Perintah Petara enggau penyerakup kitai deka rusak. (1 Korint 1:10) Pia mega, maya perang kitai engka belaban enggau bala sama pengarap iya ke patut dikerinduka kitai. (John 13:34, 35; 1 John 3:10-12) Nya alai, Jesus bisi kebuah ti manah ngasuh bala murid iya enda enggau beperang. Lalu, iya mega ngasuh sida rinduka munsuh sida.—Matthew 5:44; 26:52; peda kutak “ Kati Aku Tetap Enda Enggau Bepolitik?”\\n6. Nama runding nuan pasal Raja Besai pengudah nuan nyerahka diri ngagai Petara?\\n6 Orang Kristian ti bendar nyerahka diri ngagai Petara, ukai ngagai mensia, gerempung mensia tauka bansa. Ku 1 Korint 6:19, 20: “Kita ukai enggi kita empu. Laban kita udah dibeli ngena rega ti besai.” Nya alai, taja pan “Raja Besai [pemerintah mensia]” patut nerima basa, chukai, sereta tunduk ti dikemendarka Petara, tang bala murid Jesus meri utai enggi Petara, ngagai Petara. (Mark 12:17; Rome 13:1-7) Tu nyengkaum sembah, pengerindu ti pengabis ati sereta penaluk ari sida. Sida mega sanggup nyerahka nyawa diri ketegal Petara.—Luke 4:8; 10:27; bacha Kereja Rasul 5:29; Rome 14:8.\\nORANG KRISTIAN KETERUBAH ENDA ENGGAU BEPOLITIK\\nSejarah nunjukka orang Kristian keterubah enda enggau bepolitik sereta enda enggau beperang. Bup The Beginnings of Christianity madah: “Orang ke ngepunka pengarap Kristian bejaga-jaga ngambika enda ngembuan pengingin deka enggau bepolitik.” Pia mega, bup On the Road to Civilization madah: “Orang saru penemu pasal orang Kristian keterubah, lalu pemerintah ke enda arapka Petara enda rinduka sida. . . . Orang Kristian enggai ngereja sekeda pengawa ti diberi ngagai rayat Rome. . . . Sida enggai megai pengawa politik.”\\nPasal orang Kristian keterubah sereta pengawa ke bekaul enggau perang, Peter Meinhold teoloji ari Jereman madah: “Orang Kristian ke nyadi soldadu dikumbai ngereja utai ti enda patut.” Dalam karang iya pasal perang enggau pengarap Kristian, Jonathan Dymond, seiku penulis pasal pengarap madahka, ba siti timpuh pengudah Jesus mati, bala murid Jesus “enggai enggau [beperang]; enda ngira nama utai nyadi, sekalika sida dikemaluka, tauka dijil, tauka dibunuh.” Dymond mega madah: “Pekara tu enda ulih disakal.” Seiku agi penulis madahka, enti “pengarap Kristian enda tuchi agi,” nya baru orang Kristian nyadi soldadu.\\nNGELABAN “ROH DUNYA”\\n7, 8. Nama reti “roh dunya,” lalu baka ni roh tu “bekereja” ba orang ke enda ngasika Petara?\\n7 Siti agi chara orang Kristian nyeraraka diri ari dunya iya nya ngelaban roh ti jai. Paul nulis, ‘Kitai udah nerima, ukai roh dunya, tang roh ti datai ari Petara.’ (1 Korint 2:12) Ngagai orang di Epesus, iya nyebut: ‘Kita agi diau nurutka . . . chara dunya, nitihka pemerintah ti merintah kuasa ti di langit, iya nya roh ti benung bekereja ba orang ke enda ngasika Petara.’—Epesus 2:2, 3.\\n8 “Roh” dunya nya kuasa ti enda ulih dipeda, ngasuh orang enda ngasika Petara sereta nitih “utai ti dikinginka tubuh, utai ti dikinginka mata.” (1 Timoti 6:9, 10; 1 John 2:16) “Kuasa” roh tu bisi ba tubuh ti enda sempurna. Iya enda ngetu nyerang kitai, lalu iya mega baka angin ke bisi ba dini-dini endur. Iya mega “bekereja” belubah-lubah ngasuh orang ngereja ulah ti enda manah baka berundingka diri empu aja, sumbung, amu, deka idup bibas sereta udu ngelaban. * Reti iya, roh dunya belubah-lubah ngasuh ulah Sitan tumbuh ba ati mensia.—John 8:44; Kereja Rasul 13:10; 1 John 3:8, 10.\\n9. Baka ni roh dunya ulih tama ngagai runding enggau ati kitai?\\n9 Kati ulih roh dunya tumbuh ba runding enggau ba ati nuan? Ulih, enti nuan enda bejimat. (Bacha Jaku Dalam 4:23.) Tu engka belubah-lubah datai ari kaul nuan enggau orang baka ke manah, tang iya enda rinduka Jehovah. (Jaku Dalam 13:20; 1 Korint 15:33) Nuan mega ulih nerima roh ti jai tu ari litaricha ke enda manah, pornografi tauka laman web orang ke nulak Jehovah, pemerindang ti enda manah enggau main ti bepekit. Reti iya, roh dunya ulih datai ari sapa-sapa tauka sebarang utai ti ngayanka runding Sitan.\\n10. Baka ni kitai ulih ngelaban roh dunya ti jai?\\n10 Baka ni kitai ulih ngelaban roh dunya ti jai tu, lalu meruan dalam pengerindu Petara? Enggau ngena semua utai ti disediaka Jehovah ba pengarap sereta seruran besampi minta bantu ari roh kudus Iya. Jehovah bekuasa agi ari Sitan tauka dunya Sitan ti jai tu. (James 4:7) Nya alai, kitai patut semak ngagai Jehovah dalam sampi!\\nKATI AKU TETAP ENDA ENGGAU BEPOLITIK?\\nAjar Bup Kudus: ‘Perintah aku ukai ari dunya tu.’—John 18:36.\\nBaka ni aku nerangka nabi bendira nya bekaul enggau nyembah engkeramba? *—Pemansut 20:4, 5; 1 John 5:21.\\nLebuh nerangka kebuah enda enggau ngintu hari besai ti bekaul enggau menua, baka ni aku nunjukka basa maya bekunsi enggau orang bukai pasal pengarap aku?—1 Peter 3:15.\\nNama kebuah aku enda nyukung parti politik tauka enggau ngereja pengawa ti bekaul enggau perang?—John 13:34; 1 John 3:10-12.\\nNGINTU DIRI SERETA BEGARI ENGGAU CHARA TI PATUT\\n11. Baka ni roh dunya ngubah chara orang begari?\\n11 Chara ngintu diri, begari enggau nyaga pemeresi ulih nunjukka sapa orang nya. Nitihka seiku orang ke bejaku ba TV, chara begari ba mayuh menua majak enda manah, diatu nadai bida chara begari entara indu sundal enggau indu ke bukai. Indah nembiak indu ke agi mit “enda mereti begari sereta ngayanka tubuh,” nitihka siti riput ari surat kabar. Bisi mega orang enda kemas begari. Tu ngayanka ulah ti ngelaban, enda mereti enggau enda bebasaka diri.\\n12, 13. Nama ajar Bup Kudus pasal chara kitai ngintu diri sereta begari?\\n12 Nembiak Jehovah begari enggau kemas, beresi, manah dipeda, lalu betempat. Kitai “ngena gari ti patut,” enggau “ngereja pengawa ti badas” ke ngam enggau orang indu tauka orang lelaki iya ke ‘nangika Petara.’ Endang amat, tuju kitai ukai deka minta puji, tang ngambika ‘meruan dalam pengerindu Petara.’ (1 Timoti 2:9, 10; Jude 21) Ya, kitai deka bajik tauka sigat ‘ari ati . . . , ti pemadu berega di mua Petara.’—1 Peter 3:3, 4.\\n13 Kingatka, chara kitai ngintu diri sereta begari ulih ngubah chara orang meda pengarap ti bendar. Leka jaku Gerika “patut” reti iya bebasaka asai ati tauka runding orang bukai. Nya alai, kitai patut berundingka ati orang bukai, ukai peneka diri empu pasal chara ngintu diri sereta begari. Kelebih agi, kitai deka ngenataika basa ngagai Jehovah enggau nembiak Iya, lalu ngayanka diri nyadi nembiak Petara ngereja ‘semua utai nya ke mulia Petara.’—1 Korint 4:9; 10:31; 2 Korint 6:3, 4; 7:1.\\nKati chara aku ngintu diri, begari enggau nyaga pemeresi ngenataika basa ngagai Jehovah?\\n14. Pasal nyaga pemeresi enggau chara kitai begari, nama tanya ti patut ditanya kitai empu?\\n14 Chara ngintu diri, begari enggau nyaga pemeresi beguna bendar maya kitai nginjil tauka datai ngagai gempuru Kristian. Tanya diri empu: ‘Kati pemeresi enggau chara aku begari ngasuh orang udu beratika aku? Kati chara aku begari ngasuh orang enda nyamai ati? Kati aku ngira peneka diri empu pasal chara ngintu diri enggau begari, lebih agi ari utai ti ulih ngasuh aku megai pengawa ba endur gempuru?’—Pilipi 4:5; 1 Peter 5:6.\\n15. Nama kebuah Bup Kudus enda madahka enggau terang chara ngintu diri, begari enggau nyaga pemeresi?\\n15 Bup Kudus enda madahka enggau terang chara ngintu diri, begari enggau nyaga pemeresi ngagai orang Kristian. Jehovah enda nyekat kitai milih tauka chara kitai berunding. Tang Iya deka kitai nitihka ajar Bup Kudus, iya nya “matihka diri ngelala bida entara utai ti badas enggau utai ti jai.” (Hebrew 5:14) Kelebih agi, Jehovah deka kitai ngayanka pengerindu ngagai Iya enggau orang bukai. (Bacha Mark 12:30, 31.) Taja pan bisi lalau ke baka tu, kitai agi bisi peluang milih mayuh macham chara ngintu diri enggau begari. Tu ulih dipeda kitai maya nembiak Jehovah ngena mayuh macham chura gari ba endur gempuru sida di serata dunya tu.\\nPUAS ATI ENGGAU PEMISI DIRI\\n16. Baka ni roh dunya limpang ari ajar Jesus, lalu nama tanya ti patut ditanya kitai empu?\\n16 Roh dunya ulih nipu sereta ngasuh bejuta iku orang ngumbai duit enggau reta, utai ti mai pengelantang. Tang Jesus madah: “Pengidup mensia ukai bepanggai ba pemayuh reta tengkira.” (Luke 12:15) Jesus nadai madah kitai enda begunaka duit tauka reta. Tang iya ngajar, pengelantang ba pengidup deka diulih orang ke “seranta dalam roh” sereta puas ati enggau pemisi diri. Reti iya, sida ngenuluka kaul enggau Petara ba pengidup sida. (Matthew 5:3; 6:22, 23) Tanya diri empu: ‘Kati aku amat pechayaka ajar Jesus tu, tauka aku ditesatka “apai pemula”? (John 8:44) Nama diayanka ari jaku, tuju ati, utai ti dikemeratka, enggau chara pengidup aku?’—Luke 6:45; 21:34-36; 2 John 6.\\n17. Padahka sekeda penguntung ke diulih sida ke meruan puas ati enggau pemisi diri.\\n17 Bup Kudus madahka kitai, “kereja utai ti diasuh.” (James 1:22) Peratika sekeda penguntung ke diulih sida ke meruan puas ati enggau pemisi diri. Sida bulih pengelantang ti bendar maya ngereja peneka Petara. (Matthew 11:29, 30) Sida nyeliahka pengingin ati ti ulih ngemedis. (Bacha 1 Timoti 6:9, 10.) Puas ati enggau utai ti dikemisi nulung sida bisi mayuh agi awak enggau diri sebilik sereta bala menyadi Kristian. Sida ulih tinduk jenak. (Pengajar 5:12) Sida ngasaika pengaga ati ketegal ulih meri enggau naka ulih sida. (Kereja Rasul 20:35) Lalu, sida “penuh laban pengadang” sereta bisi pengelantang ba ati enggau runding. (Rome 15:13; Matthew 6:31, 32) Berekat tu amat berega!\\nRASUKKA ‘SEMUA SENYATA PETARA’\\n18. Baka ni Bup Kudus nerangka pasal munsuh kitai, chara iya nyerang kitai enggau chara kitai ngelaban iya?\\n18 Sida ke meruan dalam pengerindu Petara mega dijaga ari Sitan, ke enggai meda orang Kristian bulih pengelantang enggau pengidup belama iya. (1 Peter 5:8) Paul madah: “Kitai ukai beperang ngelaban isi enggau darah, tang ngelaban bala pemerintah, ngelaban perintah, ngelaban kuasa dunya ti petang tu, enggau ngelaban kuasa roh ti jai di langit.” (Epesus 6:12) Leka jaku “ngelaban” nunjukka kitai belaban ukai ari jauh, tang semak. Pia mega, leka jaku “pemerintah,” “perintah,” enggau “kuasa dunya” nunjukka roh ti jai udah ngatur pelan nyerang kitai.\\n19. Terangka senyata ari Petara.\\n19 Taja pan kitai bisi pengelemi enggau pengurang, kitai ulih menang. Baka ni? Enggau ngerasukka ‘semua senyata Petara.’ (Epesus 6:13) Pasal senyata tu, Epesus 6:14-18 madahka: ‘Nya alai bediri kita, lalu tanchangka pemendar nyadika belulang ba punggung kita, enggau pengelurus nyadika terabai dada kita, enggau ati ti seruran sedia deka nusui Berita Manah pasal pemaik, nyadika kasut kita. Nambahka nya, ambi pengarap nyadika terabai kena kita madamka semua laja ti beapi-api ti ditimbakka Sitan. Lalu ambi pengelepas nyadika selapuk kebal kita, enggau jaku Petara nyadika pedang roh. Besampi dalam roh tiap kali kita besampi, ngena semua macham sampi enggau peminta.’\\n20. Nama kebuah perang kitai enda sebaka enggau perang soldadu amat?\\n20 Laban senyata tu disediaka Petara, kitai deka dijaga enti seruran ngena iya. Enda baka soldadu ke amat, ke engka bisi ngetu beperang, orang Kristian enda ngetu beperang nyentuk ke Petara ngemunaska dunya Sitan enggau muai bala antu ke dalam Lubang ti pemadu dalam. (Pemandang 12:17; 20:1-3) Nya alai, anang alah maya nuan ngelaban pengelemi diri tauka pengingin ti salah, laban semua kitai patut “mandam” diri empu ngambika mengkang tetap ati ngagai Jehovah. (1 Korint 9:27) Endang amat, kitai patut irau ati enti enda belaban!\\n21. Baka ni kitai ulih menang ba perang rohani?\\n21 Kelimpah ari nya, kitai enda ulih menang enti bepanggai ba diri empu aja. Nya alai, Paul ngasuh kitai “seruran” besampi ngagai Jehovah. Kitai mega patut mendingka Jehovah enggau belajarka Bup Kudus sereta selalu begulai enggau bala “soldadu” Iya, laban kitai enda kediri aja ba perang rohani! (Pilimon 2; Hebrew 10:24, 25) Orang ke tetap ati ba pekara tu ukai aja deka menang, tang mega deka kering ba pengarap maya sida dilaban.\\nBESEDIA NGETANKA PENGARAP NUAN\\n22, 23. (a) Nama kebuah kitai patut selalu besedia ngetanka pengarap kitai, lalu nama tanya ti patut ditanya kitai? (b) Nama deka dipelajarka kitai ba Pelajar 6?\\n22 “Laban kita ukai enggi dunya,” ku Jesus, “nya alai dunya begedika kita.” (John 15:19) Nyadi, kitai patut selalu besedia ngetanka pengarap kitai. (Bacha 1 Peter 3:15.) Tanya diri empu: ‘Kati aku nemu nama kebuah Saksi-Saksi Jehovah kekadang enda sepenemu enggau orang mayuh? Lebuh aku ditekan ba penemu, kati aku amat pechayaka nama utai ti dipadah Bup Kudus enggau Orang ti Megai nya betul? (Matthew 24:45; John 17:17) Lalu, maya ngereja utai ti betul ba mata Jehovah, kati aku ukai semina besedia deka bebida, tang mega gaga ati ketegal bebida?’—Masmur 34:2; Matthew 10:32, 33.\\n23 Kesuah agi, pengeran kitai ke deka nyeraraka diri ari dunya deka diuji ngena chara ti enda dipeda. Chunto, baka ke udah dipadah, Sitan nguji nembiak Jehovah ngena pemerindang ba dunya tu. Baka ni kitai ulih milih pemerindang ti manah ke ulih ngasuh kitai lantang ati sereta bisi ati ti beresi? Pekara tu deka dipelajarka kitai ba Pelajar 6.\\n^ per. 3 Kenyau ari Pentikos 33 M., Jesus nyadi Raja atas murid iya ke diiri ngena roh kudus ba dunya tu. (Kolosi 1:13) Ba taun 1914, Jesus nerima kuasa merintah atas “perintah dunya.” Nya alai, diatu orang Kristian ke diiri ngena roh kudus nyadi pengari Perintah Petara.—Pemandang 11:15.\\n^ per. 8 Peda Reasoning From the Scriptures, lambar 389-393, dikeluarka Saksi-Saksi Jehovah.\\n^ per. 65 Peda Penerang “Nabi Bendira, Ngundi, Sereta Pengawa Bekaul Enggau Soldadu.”\\nCherita ti Nyadika Tangkan ke Kitai Kemaya Hari tu","num_words":2521,"character_repetition_ratio":0.05,"word_repetition_ratio":0.004,"special_characters_ratio":0.236,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Injil Matthew* nusui Berita Manah pasal Jesus ti nyadi Juruselamat ti udah disemaya Allah Taala. Ulih Iya Allah Taala ngamatka semaya ti udah digaga Iya enggau bala nembiak Iya dalam Sempekat Lama. Berita Manah tu ukai semina ke orang Judah aja, iya nya siti bansa ti alai Jesus ada lalu idup, tang ke semua dunya.\\nInjil Matthew* tu ditusun enggau bejimat. Injil tu berengkah ba pasal pengada Jesus, pasal pemaptisa Iya, enggau pasal Iya ke kena laban penguji, ditampung enggau berita pasal Iya ti ngereja pengawa Iya ti mai Berita Manah, ngajar, sereta ngeraika orang di menua Galili. Udah nya bup tu madahka pasal pejalai Iya ari Galili ngagai Jerusalem, enggau pasal utai ti nyadi ba Iya dalam minggu ti penudi di dunya tu, enggau pasal Iya ke diregang enggau pengangkat Iya ari mati.\\nBup tu madahka pasal Jesus ti nyadi Pengajar ti landik, ke bisi kuasa nerangka adat Allah Taala, sereta ngajar pasal Perintah Allah Taala.\\nAjar Iya tau dibagi ngagai lima iti sitak: (1) Jaku ajar ti diberi Iya ba bukit, ti madahka pasal perangai, pengawa, kuasa enggau penyadi nembiak Perintah serega (Bagi 5 ngagai bagi 7); (2) Atur ti diberi Jesus ngagai dua belas iku murid Iya sebedau sida nginjil (Bagi 10); (3) Jaku sempama pasal Perintah serega (Bagi 13); (4) Ajar pasal reti nyadi murid (Bagi 18); enggau (5) Ajar pasal pengujung dunya, enggau pasal penatai Perintah Allah Taala (Bagi 24 ngagai bagi 25)\\nInjil tu tembu ditulis kira dalam taun 85 A.D.\\nTusut pasal asal enggau pengada Jesus (1.1-2.23)\\nPengawa ti dikereja John Pemaptisa (3.1-12)\\nJesus dibaptisa lalu diuji Sitan (3.13-4.11)\\nJesus ngereja pengawa Iya di menua Galili (4.12-18.35)\\nMansang ari Galili ngagai Jerusalem (19.1-20.34)\\nMinggu ti penudi ba siti endur semak Jerusalem enggau di Jerusalem empu (21.1-27.66)\\nPengangkat Jesus ari mati. Ngayanka Diri udah angkat idup baru (28.1-20)\\nTusut Pasal Penatai Jesus Kristus\\n1 Tu tusut pasal Jesus Kristus, ke peturun David, ke peturun Abraham.\\n2-6a Baka tu ku ripih nama aki ini Iya berengkah ari Abraham nyentuk ngagai Raja David: Abraham, Isak, Jakop, Judah enggau sida menyadi lelaki iya; udah nya Peres enggau Serah (indai seduai iya Tamar), Hesron, Ram, Aminadap, Nason, Salmon, Boas (indai iya Rahap), Obet (indai iya Rut), Jesi enggau Raja David.\\n6b-11 Ari David nyentuk ngagai maya orang Israel dibuai ngagai menua Babilon, baka tu ku ripih nama aki ini Iya: David, Solomon (indai iya udah nyadi bini Uriah), Reheboam, Abijah, Asa, Jehosapat, Joram, Usiah, Jotam, Ahas, Hesekiah, Manasi, Amon, Josiah, enggau Jehoiakin enggau bala menyadi iya.\\n12-16 Ari maya sida dibuai ngagai menua Babilon nyentuk ngagai pengada Jesus, baka tu ku ripih nama aki ini Iya: Jehoiakin, Sealtiel, Serubabel, Abiut, Eliakim, Asor, Sadok, Akim, Eliut, Eleasar, Matan, Jakop, enggau Josep, ke jadi enggau Maria, indai Jesus ke dikumbai Kristus.\\n17 Nya alai, ari Abraham nyentuk ngagai David, empat belas serak; ari David ngagai maya orang Israel dibuai ngagai menua Babilon, empat belas serak, lalu ari maya nya ngagai pengada Kristus, empat belas serak.\\nPengada Jesus Kristus\\n18 Baka tu ku gaya pengada Jesus Kristus. Indai Iya Maria udah betunang enggau Josep, tang sebedau seduai iya jadi melaki-bini, iya betubuh-bisi ulih kuasa Roh Kudus.\\n19 Laban tunang iya, Josep, endang orang ke lurus, lalu enggai ngemaluka Maria di mua orang mayuh, nya alai iya berunding deka muai Maria ngena chara belalai.\\n20 Tang lebuh Josep benung berundingka nya, siku melikat Tuhan pegari di mua iya dalam mimpi, lalu bejaku, “Josep, anak David, anang takut ngambi Maria nyadika bini nuan, laban iya betubuh-bisi ulih kuasa Roh Kudus.\\n21 Iya deka ngadaka anak lelaki siku, lalu nuan deka meri Iya nama Jesus, laban Iya deka nyelamatka nembiak Iya ari dosa sida.”\\n22 Semua utai tu nyadi kena ngamatka jaku ti udah disebut Tuhan beseruanka siku nabi,\\n23 “Siku dara bungas deka betubuh-bisi, lalu ngadaka anak lelaki siku, lalu iya deka dikumbai Imanuel” (reti nya, “Allah Taala enggau kitai”).\\n24 Lebuh Josep dani, iya lalu nitihka jaku melikat Tuhan. Iya jadi enggau Maria,\\n25 tang iya enda beleman enggau Maria sebedau Maria ngadaka anak iya. Josep lalu meri anak mit nya nama Jesus.\\nTemuai Ke Datai Ari Timur\\n1 Lebuh Jesus ada di nengeri Betlehem, dalam menua Judea, lebuh rambau Herod nyadi raja, orang ke pandai pasal bintang datai ari Timur ngagai Jerusalem.\\n2 Ku sida nanya, “Dini alai anak mit ke deka nyadi raja orang Judah ada? Kami bisi meda bintang Iya pegari di timur, lalu kami datai deka nyembah Iya.”\\n3 Lebuh Raja Herod ninga nya, iya enggau semua orang di Jerusalem lalu irau ati.\\n4 Iya lalu ngempuruka semua tuai imam enggau sida pengajar Adat, lalu nanya ngagai sida endur alai Kristus ada.\\n5 Ku sida madah ngagai iya, “Di nengeri Betlehem dalam menua Judea, laban utai tu udah ditulis siku nabi:\\n6 ‘Nuan Betlehem ti di menua Judah, nuan ukai nengeri ti pemadu mit enti dibandingka enggau pemerintah ti bukai di menua Judah, laban ari nuan deka datai siku pemerintah ti deka nyadi pengibun nembiak Aku Israel.’ “\\n7 Herod lalu mesanka orang ke pandai pasal bintang nya, lalu nemu ari sida maya bintang nya pegari.\\n8 Iya lalu ngasuh sida mupuk ngagai Betlehem. Ku iya, “Mupuk meh kita, lalu giga enggau bebendar endur alai anak mit nya, lalu lebuh kita udah tetemuka Iya, padahka ngagai aku, ngambika aku ulih mega datai lalu nyembah Iya.”\\n9 Sida lalu mupuk, lalu bintang ti udah dipeda sida di Timur bejalai dulu ari sida datai ke iya nyau ngetu ari atas endur alai anak mit nya.\\n10 Lebuh sida meda bintang nya, sida gaga amat ati.\\n11 Sida tama ngagai rumah nya, lalu meda anak mit nya, enggau indai Iya Maria. Sida besugang lalu nyembah Iya. Udah nya sida muka ma sida, lalu meri ngagai Iya emas, menyan, enggau mur.\\n12 Sida lalu pulai ngagai menua sida empu nengah jalai bukai laban sida udah diberi jaku tangkan dalam mimpi, enda nyagi sida pulai ngagai Herod.\\nRari Ngagai Menua Ejip\\n13 Lebuh sida udah mupuk, siku melikat Tuhan pegari di mua Josep dalam mimpi, lalu bejaku ngagai iya, “Angkat nuan. Bai anak mit nya enggau indai Iya rari ngagai menua Ejip. Diau dia nyentuk ngagai maya aku ngasuh nuan ninggalka menua nya, laban Herod baru deka ngiga anak mit nya, lalu munuh Iya.”\\n14 Josep lalu angkat, mai anak mit nya enggau indai Iya malam nya, lalu mupuk ngagai menua Ejip.\\n15 Sida diau di menua nya nyentuk ngagai maya pemati Herod. Tu ngamatka jaku ti udah disebut Tuhan beseruanka siku nabi, “Aku ngangauka Anak Aku pansut ari menua Ejip.”\\nSemua Anak Mit Dibunuh\\n16 Lebuh Herod nemu diri udah ditipu orang ke pandai pasal bintang nya, iya pedis ati. Iya lalu meri atur ngasuh semua anak mit ke lelaki, ke umur dua taun ke baruh, di Betlehem enggau di menua ti ngelingi nengeri nya, dibunuh magang, nitihka maya ti udah ditemu iya ari orang ke pandai pasal bintang nya.\\n17 Nya meh jalai jaku Tuhan ti disebut nabi Jeremiah dikamatka:\\n18 “Munyi nyawa bisi didinga di Ramah, munyi orang ke bekeduie nyabak. Rachel nyabakka bala anak iya. Iya enggai diperindang, laban sida nadai agi.”\\nPulai Ari Menua Ejip\\n19 Lebuh Herod udah mati, siku melikat Tuhan pegari dalam mimpi ngagai Josep di menua Ejip, lalu bejaku,\\n20 “Angkat. Bai anak mit nya enggau indai Iya, lalu pulai ngagai menua Israel, laban orang ke deka munuh Iya, udah mati.”\\n21 Josep lalu angkat, mai anak mit nya enggau indai Iya, lalu pulai ngagai menua Israel.\\n22 Tang lebuh Josep ninga Arkelaus udah nganti apai iya Herod nyadi raja menua Judea, iya takut mansang ngagai menua nya, lalu lebuh iya udah diberi jaku tangkan dalam mimpi, iya lalu mupuk ngagai pelilih menua Galili,\\n23 Iya lalu diau ba sebuah nengeri ti dikumbai Nasaret. Tu ngamatka jaku ti udah disebut Tuhan beseruanka sida nabi: “Iya deka dikumbai Orang Nasaret.”\\n1 Lebuh maya nya, John Pemaptisa datai lalu belabuh ngajar di menua puang Judea.\\n2 Ku iya, “Nesal ati ke dosa kita, laban Perintah serega nyau semak!”\\n3 John nya meh orang ke dikenang nabi Isaiah lebuh iya nyebut, “Siku orang ngangau di menua puang: ‘Sediaka jalai ke Tuhan. Gaga jalai Iya rurus!’ “\\n4 Gari John digaga ari bulu unta. Belulang ti melit punggung iya digaga ari kulit jelu, lalu iya beridup makai buntak enggau ai manyi.\\n5 Orang ari Jerusalem, ari serata menua Judea, enggau ari serata menua ti semak Sungai Jordan datai ngagai iya.\\n6 Sida ngaku dosa sida, lalu iya maptisa sida ba Sungai Jordan.\\n7 Tang lebuh John meda mayuh orang Parisi enggau orang Saduki datai minta iya maptisa sida, iya lalu bejaku ngagai sida, “Kita anak ular! Sapa ngasuh kita rari ari pengeringat ti deka datai?\\n8 Bebuah meh kita kena nunjukka kita amat udah nesal ati,\\n9 lalu anang nyebut ngagai diri empu, ‘Kami tu peturun Abraham,’ laban aku madah ngagai kita, Allah Taala ulih ngaga batu tu nyadi peturun Abraham!\\n10 Indah diatu deh kapak udah sedia deka mungga urat kayu. Semua kayu ti enda mansutka buah ti manah, deka ditebang, lalu dibuai ngagai api.\\n11 “Aku maptisa kita ngena ai, kena nunjukka kita udah nesal ati, tang Iya ke datai dudi ari aku, bekuasa agi ari aku. Indah minching selipar Iya deh aku enda tau. Iya deka maptisa kita ngena Roh Kudus enggau api.\\n12 Pekekas ti dikena Iya nampi bisi ba jari Iya. Iya deka nampi lalu nyimpan gandum dalam setor Iya, tang Iya deka nunu ampa dalam api ti enda nemu padam.”\\n13 Udah bekau nya Jesus datai ari Galili ngagai John di Sungai Jordan ngambika Iya dibaptisa ulih John.\\n14 John nguji nagang Iya. Ku John, “Aku baru patut dibaptisa ulih Nuan, lalu Nuan datai ngagai aku?”\\n15 Tang ku Jesus nyaut iya, “Awakka baka nya aja diatu. Laban kitai enda tau enda ngereja semua utai ti lurus.” John lalu besetuju.\\n16 Lebuh Jesus udah dibaptisa, Iya pansut ari dalam ai. Langit lalu tebuka. Iya lalu meda Roh Allah Taala nurun lalu inggap ba Iya baka burung achang.\\n17 Siti nyawa lalu bejaku ari serega, “Tu Anak ke dikesayauka Aku. Aku rinduka Iya.”\\n1 Udah nya Roh Kudus lalu mai Jesus ngagai menua puang, ngambika Iya diuji Sitan.\\n2 Lebuh Iya udah bepasa empat puluh hari empat puluh malam, Iya lapar.\\n3 Penguji datai lalu bejaku ngagai Iya, “Enti Nuan amat Anak Allah Taala, asuh batu tu nyadi roti.”\\n4 Tang ku Jesus nyaut, “Endang udah ditulis, ‘Mensia enda ulih idup makai roti aja, tang beridup ba genap leka jaku ti pansut ari mulut Allah Taala.’ “\\n5 Udah nya Sitan mai Jesus ngagai Jerusalem, nengeri ti kudus, ngengkahka Iya ba legit perabung Rumah Sembiang,\\n6 lalu bejaku ngagai Iya, “Enti Nuan amat Anak Allah Taala, terejun Nuan ari tu, laban endang udah ditulis, ‘Allah Taala deka ngasuh bala melikat Iya nyaga Nuan. Sida deka nyambut Nuan ngena jari sida, ngambika kaki Nuan enda terempas ba batu.’ “\\n7 Ku Jesus bejaku ngagai Sitan, “Munyi ti udah ditulis, ‘Anang nguji Tuhan Allah Taala nuan.’ “\\n8 Sitan lalu mai Jesus ngagai bukit sigi ti tinggi, lalu mandangka ngagai Iya semua perintah di dunya tu, enggau semua pengaya sida,\\n9 lalu bejaku ngagai Iya, “Semua utai tu deka diberi aku ngagai Nuan, enti Nuan deka besugang lalu nyembah aku.”\\n10 Jesus lalu bejaku ngagai iya, “Rari nuan Sitan! Laban endang udah ditulis, ‘Sembah Tuhan Allah Taala nuan, lalu betuaika Iya siku aja!’ “\\n11 Udah nya Sitan ninggalka Iya, lalu bala melikat datai lalu ngintu Iya. Jesus Belabuh Ngereja Pengawa Iya Di Menua Galili\\n12 Lebuh Jesus ninga John udah kena tangkap, Iya lalu mupuk ngagai menua Galili.\\n13 Iya ninggalka Nasaret, lalu diau di Kapernaum, sebuah nengeri ti ngimbai Danau Galili, di menua Sebulun enggau Naptali.\\n14 Tu ngamatka jaku ti udah disebut nabi Isaiah,\\n15 “Menua Sebulun enggau menua Naptali, ti tunga ngagai tasik, di seberai Sungai Jordan, Galili, menua orang bansa bukai!\\n16 Orang ke diau dalam petang udah meda penampak ti besai. Penampak udah manchar ngagai sida ke diau di menua kelemayang pemati.”\\n17 Kenyau ari nya Jesus lalu belabuh madahka pesan tu: “Nesal ati ke dosa kita, laban Perintah serega nyau semak!”\\n18 Lebuh Jesus bejalai ba tebing Danau Galili, Iya tepedaka dua iku orang diri menyadi, Simon ke dikumbai Peter, enggau menyadi iya Andrew, benung nyala, laban seduai iya orang berikan.\\n19 Ku Jesus bejaku ngagai seduai iya, “Titihka Aku. Aku deka ngajar seduai jalai ngulihka mensia.”\\n20 Tekala nya seduai iya lalu ninggalka jala seduai, lalu nitihka Jesus.\\n21 Lebuh Iya mupuk ari endur nya, Iya tepedaka dua iku agi orang diri menyadi, James seduai John, anak Sebedi, dalam perau sama enggau apai seduai iya Sebedi, benung nyeruri jala sida. Jesus lalu ngangauka seduai iya.\\n22 Tekala nya seduai iya lalu ninggalka perau enggau apai seduai iya, lalu nitihka Jesus.\\nJesus Ngajar, Nginjil, Enggau Nyuman\\n23 Jesus lalu bejalai di serata menua Galili, ngajar dalam balai gempuru, lalu nusui Berita Manah pasal Perintah Allah Taala, sereta ngeraika orang ke kena laban semua macham penyakit enggau pemedis.\\n24 Nya alai berita pasal Iya ngelekai di serata menua Siria, lalu orang mai ngagai Iya semua orang ke sakit, ke merinsa laban semua macham penyakit enggau pemedis, orang ke dirasuk antu, ke sakit gila-babi, orang ke sakit bajung, lalu Iya ngeraika semua sida.\\n25 Mayuh amat orang nitihka Iya ari menua Galili enggau ari Sepuluh Buah Nengeri, ari Jerusalem, ari Judea, enggau ari menua ti di seberai Sungai Jordan.\\n1 Lebuh Jesus meda bala orang mayuh, Iya niki ngagai bukit sigi, lalu lebuh Iya nudukka Diri, sida murid Iya lalu datai ngagai Iya.\\n2 Iya lalu belabuh ngajar sida, ku Iya:\\n3 “Beberekat meh orang ke seranta dalam roh, laban Perintah serega endang enggi sida.\\n4 “Beberekat meh orang ke ngulit, laban sida deka diperindang.\\n5 “Beberekat meh orang ke baruh ati, laban sida deka bempu dunya.\\n6 “Beberekat meh orang ke lapar sereta auska pengelurus, laban Allah Taala deka ngemuaska sida.\\n7 “Beberekat meh orang ke kasihka orang, laban sida deka nerima pengasih.\\n8 “Beberekat meh orang ke tuchi ati, laban sida deka meda Allah Taala.\\n9 “Beberekat meh orang ke bekereja ke pemaik, laban sida deka dikumbai anak Allah Taala.\\n10 “Beberekat meh orang ke kena perinsa ketegal pengelurus, laban sida deka bempu Perintah serega.\\n11 “Beberekat meh kita lebuh orang mechat kita lalu merinsaka kita, lalu nyebut semua macham utai ti bula ngelaban kita ketegal Aku.\\n12 Lantang sereta gaga meh kita, laban upah ti besai udah disedia ke kita di serega, laban nya mega chara orang merinsaka sida nabi ke dulu ari kita.\\nGaram Enggau Penampak\\n13 “Kita tu garam dunya. Tang enti garam nadai agi masin, baka ni ku jalai ngaga iya masin baru? Iya nadai guna agi, tang dibuai lalu diindik kaki mensia.\\n14 “Kita tu penampak dunya. Nengeri ti didirika ba atas munggu, enda ulih dilalaika.\\n15 Nadai mega orang nungkun lampu, lalu ngerungkup iya ngena bisin, tang ngengkahka lampu nya ba penuduk lampu, lalu lampu nya deka meri penampak ngagai semua orang dalam rumah nya.\\n16 Baka nya mega kita; awakka penampak kita manchar ngagai orang, ngambika sida meda pemadas pengawa kita lalu ngemuliaka Apai kita ti di serega.\\n17 “Anang ngumbai Aku datai deka muai Adat, tauka muai ajar sida nabi. Aku ukai datai deka muai Adat, tang deka ngamatka iya.\\n18 Laban, enggau bendar Aku madah ngagai kita, sebedau langit enggau dunya lesap, nadai leka jaku tauka titik ti pemadu mit deka lenyau ari Adat, sebedau semua utai dikamatka.\\n19 Nya alai, barang sapa ngelanggar pesan ti pemadu mit tu, lalu ngajar orang ngelanggar iya, deka dikumbai pemadu mit dalam Perintah serega, tang barang sapa ngasika pesan, lalu ngajar orang ngasika iya, deka dikumbai besai dalam Perintah serega.\\n20 Laban, Aku madah ngagai kita, enti kita enda lebih agi lurus ari sida pengajar Adat enggau orang Parisi, kita enda ulih tama Perintah serega.\\n21 Kita udah ninga pasal utai ti udah dipadahka ngagai orang ke dulu kelia, ‘Anang munuh orang; barang sapa munuh orang deka kena pechara.’\\n22 Tang Aku madah ngagai kita, enti kita ringat ngagai menyadi lelaki tauka menyadi indu kita enggau nadai kebuah-buah, kita deka kena pechara; lalu enti kita ngeleseka menyadi kita, kita deka dibai ngagai Kunsil; lalu enti kita nyebut, ‘Nuan tu beli’, kita deka dibuai ngagai api neraka.\\n23 Nya alai lebuh kita deka meri pemeri kita ba alta, lalu teingatka menyadi lelaki tauka menyadi indu kita bisi enda nyamai ati ngagai kita,\\n24 tinggalka pemeri kita dia di mua alta, bebaik dulu enggau iya, udah nya baru kita mansang lalu meri pemeri kita.\\n25 “Bebaik enggau naka penyampat enggau orang ke bedawaka kita, lebuh kita benung mansang ngagai kot, enggai ke iya nyerahka kita ngagai hakim, lalu hakim nyerahka kita ngagai jejaga, lalu kita ditutup dalam rumah jil.\\n26 Enggau bendar Aku madah ngagai kita, kita enda ulih pansut ari rumah jil nya datai ke kita udah mayar semua utang kita.\\n27 “Kita udah ninga jaku ti munyi tu, ‘Anang butang.’\\n28 Tang Aku madah ngagai kita, barang sapa merening ngagai indu enggau ati ti kamah, udah butang enggau indu nya dalam ati iya.\\n29 Enti mata kanan nuan mai nuan bedosa, keruk lalu buai iya! Manah agi nuan lenyau sebagi ari perengka tubuh nuan, ari ke nejuka semua tubuh nuan dibuai ngagai neraka.\\n30 Lalu enti jari kanan nuan mai nuan bedosa, tetak lalu buai iya! Manah agi nuan lenyau jari sepiak, ari ke nejuka semua tubuh nuan dibuai ngagai neraka.\\n31 “Jaku tu udah mega disebut, ‘Barang sapa muai bini, enda tau enda meri bini iya surat sarak.’\\n32 Tang Aku madah ngagai kita, genap iku orang ke muai bini, kelimpah ari bini iya butang, deka ngujungka bini iya butang, lalu barang sapa jadi enggau indu ke udah sarak, butang.\\nPasal Ngaga Semaya\\n33 “Kita udah mega ninga pasal jaku ti udah disebut ngagai orang ke dulu kelia, ‘Anang bulaka semaya, tang kereja utai ti udah disemaya kita enggau Tuhan.’\\n34 Tang Aku madah ngagai kita: anang besumpah, nemuka atas nama serega, laban nya kerusi diraja Allah Taala,\\n35 tauka atas nama dunya, laban nya pelasar ke kaki Iya, tauka atas nama Jerusalem, laban nya nengeri Raja ti besai.\\n36 Lalu anang besumpah atas pala kita empu, laban kita enda ulih ngaga indah selambar buk kita burak tauka chelum.\\n37 Semina sebut aja ‘Au’ tauka ‘Enggai’. Utai ti lebih ari nya datai ari Sitan.\\n38 “Kita udah ninga orang nyebut jaku tu, “Mata balas mata, ngeli balas ngeli.’\\n39 Tang Aku madah ngagai kita: Anang ngelaban orang ke jai. Enti orang nampar kuyu kanan kita, awakka iya mega nampar kuyu kiba kita.\\n40 Lalu enti orang deka nyara kita laban iya deka ngambi baju kita, awakka iya mega ngambi kelambi kita.\\n41 Lalu enti orang mejalka kita bejalai sekilometer, bejalai dua kilometer.\\n42 Beri ngagai orang ke minta ari kita, lalu jali ngagai orang ke nginjau ari kita.\\n43 “Kita udah ninga pasal jaku ti udah disebut, ‘Rinduka pangan kita, lalu begedika munsuh kita.’\\n44 Tang Aku madah ngagai kita: rinduka munsuh kita, lalu besampika orang ke merinsaka kita,\\n45 ngambika kita nyadi anak Apai kita ti di serega, laban Iya ngasuh mata panas manchar ngagai orang ke jai enggau ngagai orang ke manah, lalu ngasuh hari\\nujan ke orang ke lurus enggau ke orang ke jai.\\n46 Enti kita semina rinduka orang ke rinduka kita, nama upah kita? Indah sida pengumpul chukai deh nemu ngereja nya.\\n47 Lalu enti kita semina nabi pangan kita, baka ni ku nya tau lebih ari utai ti dikereja orang bansa bukai? Indah orang bansa bukai deh nemu ngereja nya.\\n48 Nya alai kita enda tau enda nyadi pemadu badas, baka Apai kita ti di serega.\\nPasal Meri Utai\\n1 “Anang ngereja pengawa agama di mua orang mayuh, minta diri dipeda sida, laban enti kita ngereja nya, kita nadai bulih upah ari Apai kita ti di serega.\\n2 “Nya alai, lebuh kita meri sedekah ngagai orang ke suntuk, anang mandangka diri ngereja nya baka ti dikereja orang ke pura-pura ngapa dalam balai gempuru tauka ba sebelah jalai raya, minta diri dipuji mensia. Enggau bendar Aku madah ngagai kita, sida udah nerima upah sida.\\n3 Tang lebuh kita meri sedekah ngagai orang ke suntuk, anang nejuka jari kiba kita nemu utai ti dikereja jari kanan kita,\\n4 ngambika pengawa nya dikereja kita belalai, lalu Apai kita ti meda utai ti dikereja kita belalai, deka ngupah kita.\\n5 “Lalu lebuh kita besampi, anang baka orang ke pura-pura ngapa, laban sida rindu bediri lalu besampi dalam balai gempuru, enggau ba sukut jalai raya, minta diri dipeda orang. Enggau bendar Aku madah ngagai kita, sida udah nerima upah sida.\\n6 Tang lebuh kita besampi, tama ke bilik, tikupka pintu, lalu besampi ngagai Apai kita ti enda dipeda. Lalu Apai kita ti meda utai ti dikereja kita belalai, deka ngupah kita.\\n7 Lebuh kita besampi, anang besebutka mayuh macham leka jaku ti nadai reti baka orang bansa bukai, ke ngumbai sampi sida didinga laban sampi sida panjai.\\n8 Anang baka nya, laban Apai kita nemu utai ti dipeguna kita sebedau kita minta ari Iya.\\n9 Nya alai, baka tu ku chara kita patut besampi: ‘Apai kami ti di serega: Kudus meh nama Nuan.\\n10 Datai meh Perintah Nuan. Nyadi meh peneka Nuan di dunya enggau di serega.\\n11 Beri ngagai kami sehari tu pemakai umbas dipakai kami.\\n12 Ampun kami penyalah kami, baka kami ke ngampun orang ke salah enggau kami.\\n13 Lalu anang mai kami ngagai penguji, tang lepaska kami ari penyai.\\n14 “Laban enti kita ngampun orang ke salah enggau kita, Apai kita ti di serega deka mega ngampun penyalah kita.\\n15 Tang enti kita enggai ngampun orang ke salah enggau kita, Apai kita pen enggai mega ngampun penyalah kita.\\n16 “Lalu lebuh kita bepasa, anang ngayanka mua ti tusah, baka orang ke pura-pura ngapa,laban sida ngurik mua diri ngambika orang nemu sida bepasa. Enggau bendar Aku madah ngagai kita, sida udah nerima upah sida.\\n17 Tang lebuh kita bepasa, empungas mua kita, lalu sugu buk kita,\\n18 ngambika orang enda nemu kita bepasa, tang semina dipeda Apai kita ti enda dipeda, lalu Apai kita ti meda utai ti dikereja kita belalai, deka ngupah kita.\\nPengaya Di Serega\\n19 “Anang nyimpan pengaya ke diri empu di dunya, alai indu gegat enggau tegar deka ngerusak, lalu perumpak tama lalu ngenchuri,\\n20 tang simpan pengaya ke diri empu di serega, alai indu gegat, enggau tegar enda ngerusak, lalu perumpak enda tama lalu ngenchuri.\\n21 Laban dia alai pengaya kita, dia meh alai ati kita.\\n22 “Mata nyadika lampu tubuh. Nya alai, enti mata kita menyana, semua tubuh kita penuh laban penampak,\\n23 tang enti mata kita enda menyana, semua tubuh kita penuh laban pemetang. Nya alai, enti penampak ti dalam kita nya pemetang, naka meh pemalat pemetang nya!\\nAllah Taala Enggau Reta tengkira\\n24 “Nadai orang ulih betuaika dua iku tuan, laban iya deka begedika siku, lalu rinduka siku, tauka angkunka siku, lalu mechat siku. Kita enda ulih betuaika Allah Taala enggau duit.\\n25 “Nya alai Aku madah ngagai kita: anang irauka pasal pengidup kita, tauka utai ti deka diempa tauka diirup kita, tauka pasal tubuh enggau gari kita. Ukai enda pengidup beguna agi ari pemakai, lalu tubuh beguna agi ari gari?\\n26 Peda kita burung. Sida nadai betanamka utai, nadai ngetau, tauka besimpanka utai dalam setor, tang taja pia, Apai kita ti di serega nupi sida! Kati kita enda berega agi ari burung?\\n27 Kati kita ulih nginsur umur diri panjai agi ngena pengirau kita?\\n28 “Lalu nama kebuah kita irauka gari? Peda kita penumbuh bungai babas. Sida enda gawa, tauka ngaga gari ke diri empu,\\n29 tang taja pia, Aku madah ngagai kita, indah Raja Solomon enggau semua pengaya iya, deh nadai gari ngemanah siti ari bungai nya.\\n30 Tang enti Allah Taala ngari rumput ti di babas, ti idup sehari tu lalu dibuai pagila ngagai api, enda ke Iya deka ngari kita? Naka meh pengemit pengarap kita.\\n31 “Nya alai, anang irau lalu nyebut: ‘Nama utai ti deka diempa kitai? tauka, ‘Nama utai ti deka diirup kitai?’ tauka ‘Nama gari ti deka dikena kitai?’\\n32 Laban nya utai ti ngirauka ati orang kapir, lalu Apai kita ti di serega nemu kita begunaka semua utai nya.\\n33 Tang giga dulu Perintah Allah Taala enggau pengelurus Iya, lalu semua utai nya deka mega diberi ngagai kita.\\n34 Nya alai, anang irauka pasal pagila, laban pagila chukup pengirau ke diri empu. Penusah ke sehari tu chukup ke sehari tu.\\n1 “Anang ngakim, ngambika kita enda diakim.\\n2 Laban chara kita ngakim, deka dikena ngakim kita, lalu takar ti dikena kita nakar deka dikena nakar utai ke kita.\\n3 Nama kebuah kita betilikka empeleman ba mata menyadi kita, tang enda bedulika lumpung kayu ti ba mata kita empu?\\n4 Tauka, baka ni ku kita nyebut ngagai menyadi kita, ‘Awakka aku muai empeleman ari mata nuan,’ tang kita bisi lumpung kayu dalam mata kita empu?\\n5 Kita tu orang ke pura-pura ngapa! Buai dulu lumpung kayu ari mata kita empu. Nya baru mata kita lansik, lalu kita ulih muai empeleman ari mata menyadi kita.\\n6 “Anang meri utai ti kudus ngagai ukui, lalu anang nibarka batu mutiara ngagai babi, enggai ke sida ngelunjak utai nya, lalu mutar ngamuk kita.\\nPinta, Giga, Tekung\\n7 “Pinta, lalu kita deka nerima. Giga, lalu kita deka nemu. Tekung, lalu utai nya deka dibuka ke kita.\\n8 Laban genap iku orang ke minta, deka nerima, lalu orang ke ngiga, deka nemu, lalu ke orang ke nekung, utai nya deka dibuka ke sida.\\n9 Kati kita ke apai meri batu ngagai anak kita enti iya minta roti?\\n10 Tauka meri iya ular, enti iya minta ikan?\\n11 Enti kita ke jai nemu meri utai ti manah ngagai anak kita, Apai kita ti di serega tentu nemu agi meri utai ti manah ngagai orang ke minta ari Iya!\\n12 “Kereja ngagai orang baka ke dikedekaka kita kereja orang ngagai kita, laban nya reti Adat, enggau ajar sida nabi.\\n13 “Tama nengah pintu ti sempit, laban pintu ti besai enggau jalai ti luas nuju ngagai pengerusak, lalu mayuh orang nengah jalai nya.\\n14 Tang pintu ti sempit, enggau jalai ti mar, nuju ngagai pengidup, lalu semina mimit aja orang tetemuka iya.\\n15 “Bejaga ari nabi ti pelesu, ke datai ngagai kita baka bedus, tang iya ti bendar sida nya ukui kampung.\\n16 Kita deka ngelala sida ari buah sida. Kati buah anggur diambi ari madang duri, tauka buah ara ari madang emperingat?\\n17 Baka nya mega kayu, semua kayu ti galak mansutka buah ti manah, tang kayu ti enda galak mansutka buah ti enda manah.\\n18 Kayu ti galak enda ulih mansutka buah ti enda manah, lalu kayu ti enda galak enda ulih mansutka buah ti manah.\\n19 Kayu ti enda mansutka buah ti manah deka ditebang, lalu dibuai ngagai api.\\n20 Nya alai, kita deka ngelala sida ari buah sida.\\nAku Enda Ngelala Kita\\n1 “Ukai semua orang ke ngangauka Aku ‘Tuhan, Tuhan’ deka tama ngagai Perintah serega, tang semina orang ke ngereja peneka Apai Aku ti di serega.\\n22 Lebuh Hari nya ila mayuh orang deka nyebut ngagai Aku ‘Tuhan, Tuhan! Kati kami nadai udah nusui pesan Allah Taala dalam nama Nuan, lalu muru antu dalam nama Nuan, lalu ngereja mayuh kereja ajih dalam nama Nuan?’\\n23 Udah nya Aku deka bejaku ngagai sida, ‘Aku enda ngelala kita. Rari ari Aku, kita ke ngereja penyai.’\\n24 “Nya alai, orang ke ninga jaku Aku lalu ngasi nya baka orang siku ke pintar, ke nirika rumah iya ba atas batu.\\n25 Hari ujan, ai bah, lalu ribut bepuput lalu mangka ngagai rumah nya, tang rumah nya enda tumbang, laban iya didirika ba atas batu.\\n26 “Tang orang ke ninga jaku Aku, lalu enda ngasi, nya baka orang ke beli, ke nirika rumah iya ba pasir.\\n27 Hari ujan, ai bah, lalu ribut bepuput lalu mangka ngagai rumah nya, lalu rumah nya tumbang. Balat amat rumah nya tumbang.”\\n28 Lebuh Jesus udah nyebut jaku nya, orang mayuh alit ati ke ajar Iya,\\n29 laban Iya ngajar sida baka orang ke bisi kuasa, lalu enda baka sida pengajar Adat.\\nJesus Ngeraika Orang Ke Sakit Lan\\n1 Lebuh Jesus nurun ari bukit nya, mayuh amat orang nitihka Iya.\\n2 Siku lelaki ke sakit lan datai ngagai Iya, besugang di mua Iya, lalu bejaku, “Tuhan, enti Nuan deka, Nuan ulih ngasuh aku tuchi.”\\n3 Jesus ngunjurka jari, negu orang nya, lalu bejaku, “Aku deka. Tuchi meh nuan.” Orang nya lalu gerai tekala nya.\\n4 Lalu ku Jesus bejaku ngagai iya, “Anang madahka tu ngagai orang, tang mansang nuan ngagai imam, minta iya meresa nuan, lalu beri piring ti diasuh Moses, kena mandangka ngagai orang mayuh, nuan udah gerai.”\\nJesus Ngeraika Siku Kuli Pemesai Orang Rome\\n5 Lebuh Jesus tama ngagai nengeri Kapernaum, siku pemesai soldadu Rome betemu enggau Iya, minta saup Iya.\\n6 Ku iya, “Tuan, nembiak aku sakit, gali di rumah, enda ulih engkebut, lalu merinsa amat.”\\n7 Ku Jesus bejaku ngagai iya, “Aku deka kin lalu ngeraika iya.”\\n8 Tang ku pemesai nya bejaku, “Tuan, rumah aku enda patut alai Nuan datai. Tak bejaku aja, lalu nembiak aku deka gerai.\\n9 Laban aku empu bekereja di baruh orang, lalu aku mega bisi soldadu dipegai aku. Aku bejaku ngagai siku, ‘Mupuk nuan!’ lalu iya mupuk. Aku bejaku ngagai siku, ‘Datai kitu!” lalu iya datai. Aku bejaku ngagai ulun aku, ‘Kereja tu!” iya lalu ngereja.”\\n10 Lebuh Jesus ninga nya, Iya balat alit ati, lalu bejaku ngagai orang ke nitihka Iya, “Enggau bendar Aku madah ngagai kita, indah di menua Israel deh Aku nadai udah kala tetemuka pengarap ti baka tu.\\n11 Aku madah ngagai kita, mayuh orang deka datai ari timur enggau ari barat, lalu duduk makai enggau Abraham, Isak enggau Jakop dalam Perintah serega,\\n12 tang orang ke patut bempu Perintah nya deka dibuai ngagai endur ti petang, alai sida deka nyabak sereta begerit ngeli.”\\n13 Jesus lalu bejaku ngagai pemesai soldadu nya, “Mupuk meh nuan. Utai ti dikarapka nuan, deka nyadi.” Nembiak pemesai nya lalu gerai betul-betul ba maya nya.\\n14 Lebuh Jesus tama ngagai rumah Peter, Iya meda mentua indu Peter gali ba peninduk iya, sakit chelap angat.\\n15 Jesus negu jari iya, lalu iya gerai. Iya angkat, lalu mela Jesus.\\n16 Lemai nya mayuh orang ke dirasuk antu dibai ngagai Jesus, lalu Iya muru roh antu ngena seleka aja jaku, lalu ngeraika semua sida ke sakit.\\n17 Tu ngamatka jaku ti udah disebut Tuhan ngena nabi Isaiah, “Iya nanggung pemedis kitai lalu muai penyakit kitai.”\\nOrang Ke Deka Nitihka Jesus\\n18 Lebuh Jesus meda pemayuh orang begelumu ngelingi Iya, Iya lalu ngasuh sida murid Iya ngelayang ke seberai danau nya.\\n19 Siku pengajar Adat datai ngagai Iya, lalu bejaku, “Pengajar, aku deka bejalai enggau Nuan ngagai sebarang endur Nuan bejalai.”\\n20 Ku Jesus bejaku ngagai iya, “Munsang bisi lubang, lalu burung bisi tansang, tang Anak Mensia nadai endur alai ngalika Diri.”\\n21 Siku ari sida murid Iya bejaku ngagai Iya, “Tuhan, awakka aku pulai dulu lalu nguburka apai aku.”\\n22 Tang ku Jesus bejaku ngagai iya, “Titihka Aku. Awakka orang ke mati nguburka bala sida empu ke mati.”\\n23 Lebuh Jesus nepan ngagai perau, sida murid Iya lalu mupuk enggau Iya.\\n24 Tekala nya kabut lalu mangka ba danau nya, lalu perau sida nyau deka karam. Tang Jesus tinduk.\\n25 Sida mansang ngagai iya lalu ngerak Iya. Ku sida, “Selamatka kitai, Tuhan! Mati kitai tu!”\\n26 Ku Iya bejaku ngagai sida, “Nama kebuah kita takut? Mit amat meh pengarap kita.” Iya angkat lalu ngerara ribut enggau gelumbang. Semua utai lalu teduh magang.\\n27 Sida balat alit ati, ku sida, “Sapa orang tu, datai ke ribut enggau gelumbang ngasika Iya?”\\nJesus Ngeraika Dua Iku Orang Ke Dirasuk Antu\\n28 Lebuh Jesus datai di menua Gadara, di seberai danau nya, dua iku lelaki ke dirasuk antu pansut ari pendam lalu mansang ngagai Iya. Seduai tu mangah amat, datai ke orang nyau nadai berani bejalai nengah jalai nya.\\n29 Tekala nya seduai iya lalu merakka nyawa bejaku, “Nama guna Nuan enggau kami, Nuan Anak Allah Taala? Kati Nuan datai deka merinsaka kami sebedau maya ti patut?”\\n30 Nyadi enda jauh ari endur nya bisi raban babi, benung makai.\\n31 Lalu ku bala antu nya bejaku ngagai Jesus, “Enti Nuan muru kami, awakka kami tama ngagai raban babi nya.”\\n32 Lalu ku Iya bejaku ngagai sida, “Mupuk meh kita!” Sida mupuk, lalu tama ngagai raban babi nya. Semua babi nya lalu belanda nurun tebiang, terejun ngagai danau, lalu mati lemas.\\n33 Orang ke ngibun raban babi nya lalu rari, tama ngagai nengeri, lalu madahka semua utai nya, enggau pasal utai ti udah nyadi ba orang ke dirasuk antu nya.\\n34 Genap iku orang lalu pansut ari nengeri nya deka betemu enggau Jesus, lalu lebuh sida meda Iya, sida lalu minta Iya mupuk ari menua sida.\\nJesus Ngeraika Lelaki Ke Sakit Bajung\\n1 Jesus nepan ngagai perau, ngelayang danau nya ke seberai, lalu datai ba nengeri Iya Empu.\\n2 Orang lalu mai ngagai Iya siku lelaki ke sakit bajung, gali ba peninduk. Lebuh Jesus meda pengarap sida, Iya lalu bejaku enggau orang ke sakit bajung nya, “Anang takut, anak! Dosa nuan diampun.”\\n3 Sekeda pengajar Adat lalu bejaku enggau pangan diri, “Orang tu bejaku busung!”\\n4 Tang Jesus nemu peragam ati sida, lalu ku Iya bejaku, “Nama kebuah kita berunding jai baka nya dalam ati kita?\\n5 Ni ti nyamai agi disebut, ‘Dosa nuan diampun,’ tauka ‘Angkat nuan, lalu pulai ke rumah’?\\n6 Tang ngambika kita nemu Anak Mensia bisi kuasa ngampun dosa di dunya tu” -- Iya lalu bejaku ngagai orang ke sakit bajung nya -- “Angkat nuan, bai peninduk nuan, lalu pulai ke rumah.”\\n7 Lelaki nya angkat, lalu pulai ke rumah.\\n8 Lebuh orang mayuh meda nya, sida takut, lalu muji Allah Taala ti udah meri kuasa ti besai baka nya ngagai mensia.\\nJesus Ngangauka Matthew\\n9 Lebuh Jesus bejalai ari endur nya, Iya tepedaka siku pengumpul chukai ke benama Matthew, duduk dalam opis iya. Ku Jesus bejaku ngagai iya, “Titihka Aku.” Matthew angkat, lalu nitihka Iya.\\n10 Lebuh Jesus benung makai dalam rumah Matthew,mayuh pengumpul chukai enggau orang ke bedosa datai lalu makai enggau Iya sereta enggau sida murid Iya.\\n11 Lebuh orang Parisi meda nya, sida lalu bejaku ngagai murid Iya, “Nama kebuah pengajar kita begulai makai enggau pengumpul chukai sereta enggau orang ke bedosa?”\\n12 Lebuh Jesus ninga nya, Iya lalu bejaku, “Orang ke gerai enda begunaka lutur, tang semina orang ke sakit.\\n13 Mupuk kita lalu giga reti jaku tu: ‘Aku begunaka pengasih, ukai piring.’ Laban Aku datai ukai ngangauka orang ke lurus, tang ngangauka orang ke bedosa.”\\n14 Udah nya sida murid John Pemaptisa datai ngagai Jesus, lalu nanya Iya, “Nama kebuah kami enggau orang Parisi selalu bepasa, tang murid Nuan enda?”\\n15 Ku Jesus bejaku ngagai sida, “Kati bala pengabang ba gawai tikah ngulit seagi-agi lelaki ke ditikah nya meruan enggau sida? Maya deka datai alai lelaki ke ditikah nya deka diambi ari sida. Nya baru sida deka bepasa.\\n16 Nadai orang nampal baju ti lama ngena chebik kain ti baru, laban chebik kain ti baru deka kesat, lalu ngasuh baju nya balat agi charik.\\n17 Lalu nadai mega orang nyimpan wain ti baru dalam kambut wain ti lama, enggai ke kambut nya pechah, lalu wain nya deka nyaya, lalu kambut nya rusak, tang wain ti baru disimpan dalam kambut ti baru. Nya baru wain enggau kambut nya enda rusak.”\\nAnak Indu Siku Pemesai Enggau Siku Indu Ke Negu Baju Jesus\\n18 Lebuh Jesus agi benung bejaku ngagai sida, siku pemesai orang Judah datai, besugang di mua Iya, lalu bejaku, “Anak indu aku baru udah mati. Tang aku minta Nuan datai lalu ngengkahka jari Nuan ba atas iya, ngambika iya idup baru.”\\n19 Jesus angkat lalu nitihka iya, sama enggau sida murid Iya.\\n20 Siku indu ke sakit begetah dua belas taun datai ari belakang, lalu negu puting kelambi Jesus,\\n21 laban ku indu nya bejaku dalam ati diri, “Enti aku negu gari Iya, aku deka gerai.”\\n22 Jesus nguing, tepedaka indu nya, lalu bejaku, “Anak, anang takut! Pengarap nuan udah ngeraika nuan.” Indu nya lalu gerai tekala nya.\\n23 Lebuh Jesus datai ba rumah pemesai nya, lalu tepedaka bala orang ke besepuka kesuling, enggau orang ke begau,\\n24 Iya lalu bejaku, “Pansut kita ari tu! Laban anak mit tu ukai mati, tang tinduk!” Sida lalu ketawaka Iya.\\n25 Tang lebuh semua orang udah diburu pansut, Jesus tama, lalu megai jari anak mit nya. Anak mit nya lalu angkat.\\n26 Berita pasal nya ngelekai di serata menua nya.\\nJesus Ngeraika Dua Iku Orang Ke Buta\\n27 Lebuh Jesus bejalai ari endur nya, dua iku orang ke buta nitihka Iya, lalu ngangau, “Anak David, kasihka kami!”\\n28 Lebuh Jesus tama ngagai rumah nya, orang buta ke dua iku nya lalu datai ngagai Iya. Iya lalu bejaku ngagai seduai iya, “Kati seduai arapka Aku ulih ngeraika seduai?” “Kami arap, Tuhan!” ku seduai iya nyaut.\\n29 Jesus lalu negu mata seduai iya, lalu bejaku, “Awakka utai ti dikarapka seduai nyadi!”\\n30 Mata seduai iya lalu tebuka. Jesus lalu berat-rat nangkan seduai iya enggau jaku, “Anang madahka utai tu ngagai orang!”\\n31 Tang seduai iya angkat ari endur nya, lalu madahka berita pasal Jesus di serata menua nya.\\nJesus Ngeraika Siku Lelaki Ke Bisu\\n32 Lebuh orang dua iku nya mupuk ari endur nya, siku lelaki ke bisu laban antu dibai ngagai Jesus.\\n33 Lebuh antu nya udah diburu, orang nya lalu bejaku, lalu semua orang balat alit ati, ku sida, “Nadai utai baka tu udah kala dipeda di menua Israel!”\\n34 Tang ku orang Parisi bejaku, “Iya muru antu ngena kuasa raja antu.”\\nJesus Sinu Ati Ke Orang Mayuh\\n35 Jesus bejalai ngagai semua nengeri enggau genturung pendiau, ngajar dalam balai gempuru, nusui Berita Manah pasal Perintah Allah Taala, lalu ngeraika orang ari semua macham pemedis enggau penyakit.\\n36 Lebuh Iya meda bala orang mayuh, Iya kasihka sida laban sida irau ati sereta nadai daya, baka bedus ti nadai orang ngibun.\\n37 Iya lalu bejaku ngagai sida murid Iya, “Utai ti diketau mayuh, tang orang ke ngetau mimit.\\n38 Nya alai besampi minta orang ke bempu umai ngirumka mayuh agi orang ngetau.”\\nRasul Ke Dua Belas Iku\\n1 Jesus lalu ngangauka dua belas iku murid ngagai Iya, lalu meri sida kuasa muru roh ti jai, sereta ngeraika semua macham pemedis enggau penyakit.\\n2 Tu nama sida ke dua belas iku nya: Simon, ke dikumbai Peter, enggau menyadi iya Andrew; James anak Sebedi, enggau menyadi iya John;\\n3 Philip enggau Bartolomew; Thomas enggau Matthew ke pengumpul chukai, James anak Alpius enggau Tadeus;\\n4 Simon ke digelar bujang berani, enggau Judas Iskariot, ke nyual Jesus.\\nPengawa Ti Deka Dikereja Sida Ke Dua Belas\\n5 Sida ke dua belas iku nya lalu diasuh Jesus bejalai. Ku Iya, “Anang bejalai ngagai orang bansa bukai, tauka ngagai nengeri orang Samaria,\\n6 tang bejalai ngagai orang Israel ke tesat baka bedus.\\n7 Lebuh kita bejalai, padahka Berita Manah tu: ‘Perintah serega nyau semak!’\\n8 Geraika orang ke sakit, angkatka orang ke mati pulai idup baru, geraika orang ke sakit lan, buru antu. Kita udah nerima ngena chara pechuma, nya alai beri ngena chara pechuma.\\n9 Anang mai duit emas tauka pirak tauka duit engkeraju.\\n10 Anang mai kambut lebuh kita bejalai, tauka baju kena besilih, tauka selipar, tauka tungkat, laban orang ke bekereja endang patut diberi utai ti dipeguna iya.\\n11 “Lebuh kita datai ba nengeri tauka genturung pendiau, giga orang ke deka nerima kita, lalu diau enggau iya datai ke kita angkat ari endur nya.\\n12 Lebuh kita tama ngagai rumah orang, beri jaku tabi ngagai rumah nya.\\n13 Enti orang dalam rumah nya nerima kita, awakka jaku tabi kita mengkang dia. Tang enti sida enggai nerima kita, ambi pulai baru jaku tabi kita nya.\\n14 Lalu enti orang enggai nerima kita tauka enggai mendingka kita, tesai abus ari kaki kita lebuh kita angkat ari rumah tauka ari nengeri nya.\\n15 Enggau bendar Aku madah ngagai kita, lebuh Hari Pechara ila, Allah Taala deka lebih agi kasihka orang Sodom enggau orang Gomorah, ari ke kasihka orang ke di nengeri nya!\\nPenusah Besai Ti Deka Nyadi\\n16 “Aku ngasuh kita bejalai baka bedus ngagai raban ukui kampung. Nya alai kita enda tau enda pintar baka ular, sereta nelap baka burung achang.\\n17 Bejaga kita ari sida, laban sida deka nangkap kita, lalu ngirit kita ngagai kot, lalu nyipat kita dalam balai gempuru sida.\\n18 Kita deka kena pechara di mua gabenor enggau raja ketegal Aku, ngambika kita besaksika pasal Aku ngagai sida enggau ngagai orang bansa bukai.\\n19 Lebuh sida nyerahka kita ngambika kita kena pechara, anang irauka jalai kita deka bejaku tauka utai ti deka disebut kita, laban kita deka diberi utai ti deka disebut kita lebuh maya nya,\\n20 laban ukai kita ke bejaku, tang Roh Apai kita ti bejaku ngena kita.\\n21 “Menyadi deka nyerahka menyadi ngambika sida dibunuh, lalu apai deka nyerahka anak. Anak deka angkat ngelaban apai indai, lalu ngasuh sida dibunuh.\\n22 Lalu semua orang deka begedika kita ketegal nama Aku. Tang orang ke tan datai ke ujung, deka diselamatka.\\n23 Lebuh sida merinsaka kita ba nengeri siti, rari ngagai nengeri siti, laban enggau bendar Aku madah ngagai kita, kita enda ulih nembuka pengawa kita dalam semua nengeri di menua Israel sebedau Anak Mensia datai.\\n24 “Murid nadai kala lebih ari pengajar iya, lalu ulun nadai kala lebih ari tuan iya.\\n25 Nya alai, murid patut nemu puas ati enti iya sebaka enggau pengajar iya, lalu ulun sebaka enggau tuan iya. Enti tuai bilik dikumbai Belsebup, sida sebilik tentu deka dikumbai ngena nama ti jai agi ari nya!\\n26 “Nya alai, anang takutka sida, laban nadai utai ti ditudung enda dikebakka, tauka dilalaika lalu enda ditemu.\\n27 Utai ti dipadahka Aku ngagai kita dalam petang, enda tau enda ditusui kita lebuh siang hari, lalu utai ti dipetelaika Aku ngagai kita, enda tau enda disadaka kita ari puchuk perabung.\\n28 Anang takutka sida ke munuh tubuh, tang enda ulih munuh semengat. Tang kita patut nangika Allah Taala ti ulih ngerusak tubuh enggau semengat kita di neraka.\\n29 Ukai enda rega burung pipit ka semina satu sen aja? Taja pia, nadai siku sida deka labuh ke tanah, enti Apai kita enda ngemendarka nya.\\n30 Indah semua lambar buk ba pala kita deh udah diitung magang.\\n31 Nya alai, anang takut. Kita berega agi ari burung pipit!\\nNgaku Enggau Besangkalka Kristus\\n32 “Nya alai genap iku orang ke ngaku diri nembiak Aku di mua orang, deka diaku Aku di mua Apai Aku di serega.\\n33 Tang barang sapa besangkalka Aku di mua orang, deka disangkalka Aku di mua Apai Aku di serega.\\nUkai Pemaik, Tang Pedang\\n34 “Anang ngumbai Aku datai mai pemaik ngagai dunya. Aku ukai datai mai pemaik, tang mai pedang.\\n35 Aku datai laban Aku deka nyabung anak lelaki ngelaban apai, anak indu ngelaban indai, menantu indu ngelaban mentua indu.\\n36 Munsuh kita ke pemadu jai nya kita sebilik empu.\\n37 “Orang ke rinduka apai, tauka indai sida lebih agi ari sida ke rinduka Aku, enda tau nyadi murid Aku. Lalu orang ke rinduka anak lelaki tauka anak indu sida lebih ari sida ke rinduka Aku, enda tau nyadi murid Aku.\\n38 Lalu orang ke enda ngesan regang diri empu lalu nitihka Aku, enda tau nyadi murid Aku.\\n39 Orang ke ngidupka nyawa diri, deka ngelenyauka iya, lalu orang ke ngelenyauka nyawa diri ketegal Aku, deka ngidupka iya.\\n40 “Barang sapa nerima kita, nerima Aku. Lalu barang sapa nerima Aku, nerima Iya ke ngirumka Aku.\\n41 Barang sapa nerima seruan Allah Taala, laban iya seruan Allah Taala, deka sama enggau seruan nya bempu upah iya. Lalu barang sapa nerima orang ke manah, laban iya nya orang ke manah, deka sama enggau orang ke manah nya bempu upah iya.\\n42 Lalu barang sapa meri ai irup ngagai murid Aku ke pemadu mit tu, laban iya murid Aku, enggau bendar Aku madah ngagai kita, sida deka nerima upah sida.”\\nBala Seruan John Pemaptisa\\n1 Lebuh Jesus udah tembu ngajar murid Iya ke dua belas iku nya, Iya angkat ari endur nya lalu ngajar sereta nusui Berita Manah dalam nengeri di menua nya.\\n2 Lebuh John Pemaptisa, ke ditutup dalam rumah jil, ninga pasal utai ti dikereja Jesus, iya lalu ngasuh sekeda murid iya mai pesan tu ngagai Jesus,\\n3 ku iya, “Kati Nuan tu orang ke deka datai, tauka kami nganti orang bukai?”\\n4 Disaut Jesus, “Pulai kita lalu padahka ngagai John utai ti didinga enggau dipeda kita:\\n5 orang ke buta, meda; orang ke kait-kupit, bejalai; orang ke sakit lan, dituchi, orang ke bengal, ninga; orang ke mati, diangkatka idup baru, lalu Berita Manah ditusui ngagai orang ke seranta.\\n6 Beberekat meh orang ke enda nulak Aku!”\\nJesus Muji Johm Pemaptisa\\n7 Lebuh sida murid John mupuk, Jesus lalu belabuh bejaku ngagai orang mayuh pasal John: “Nama utai ti deka dipeda kita lebuh kita bejalai di menua puang? Buluh ti beguyat laban ribut?\\n8 Nama kebuah kita bejalai ngagai menua puang? Deka meda orang ke ngena gari ti manah? Orang ke ngena gari ti manah diau dalam istana!\\n9 Nama utai ti deka dipeda kita? Deka meda siku nabi? Sigi amat, tang lebih ari nabi.\\n10 Nya meh orang ke dikenang dalam Bup Kudus: ‘Aku deka ngasuh seruan Aku bejalai dulu ari Nuan, ti deka nyendiaka jalai ke Nuan.’\\n11 Enggau bendar Aku madah ngagai kita, ari semua orang ke udah diadaka, nadai siku ke besai agi ari John Pemaptisa. Tang Iya ke pemadu mit dalam Perintah serega, lebih agi besai ari iya.\\n12 Kenyau ari maya John Pemaptisa, nyentuk ngagai diatu, Perintah serega udah balat diserang, lalu orang ke mangah nguji ngerampas Perintah nya ngena chara ti kasar.\\n13 Laban semua sida nabi enggau Adat Moses udah benabi nyentuk ngagai maya John datai,\\n14 lalu enti kita deka nerima pesan sida, John nya meh Elijah ke deka datai.\\n15 Awakka orang ke bisi pending, ninga.\\n16 “Tang baka ni ku Aku mandingka rebak ti diatu? Sida nya baka bala anak mit ke duduk di pasar, lalu bekangauka pangan diri,\\n17 ‘Kami nyepu kesuling ke kita, tang kita enggai betanda! Kami bekeduie nyabak, tang kita enda ngulit!’\\n18 Laban John datai ukai deka makai ngirup; tang ku sida, ‘Iya dirasuk antu!’\\n19 Anak Mensia datai, makai ngirup, tang ku sida, ‘Peda orang nya, bam, sereta pemabuk, bepangan enggau orang ke pengumpul chukai, enggau orang ke bedosa!’ Tang penemu-dalam Allah Taala dikamatka ulih utai ti dikereja penemu-dalam nya empu.”\\n20 Jesus lalu belabuh nganu nengeri ti udah alai Iya ngereja mayuh kereja ajih, laban orang dia enda nesal ati ke dosa sida.\\n21 “Tulah meh nuan, Korasin! Tulah meh nuan, Betsaida! Laban enti kereja ajih ti dikereja dalam seduai, udah dikereja di Tire enggau di Sidon, orang dia tentu lama udah nesal ati lalu ngerasukka kain guni, lalu ngerabu diri enggau amau.\\n22 Tang enggau bendar Aku madah ngagai kita, lebuh Hari Pechara ila, Allah Taala deka lebih agi kasihka orang Tire enggau orang Sidon, ari ti kasihka kita!\\n23 Lalu nuan, Kapernaum! Kati nuan deka diangkatka ke serega? Laban enti kereja ajih ti dikereja dalam nuan, udah dikereja di Sodom, nengeri nya tentu agi meruan nyentuk ngagai sehari tu!\\n24 Tang Aku madah ngagai nuan, lebuh Hari Pechara ila, Allah Taala deka lebih agi kasihka Sodom, ari ti kasihka nuan!”\\nDatai Ngagai Aku Lalu Belelak\\n25 Lebuh maya nya Jesus bejaku, “Aku meri terima kasih ngagai Nuan Apai, Tuhan ke bekuasa di serega enggau di dunya, laban Nuan udah ngelalaika utai nyaari orang ke bepenemu-dalam sereta pandai, lalu udah mandangka sida ngagai bala anak mit.\\n26 Sigi amat Apai, laban nya endang peneka Nuan.\\n27 “Semua utai udah diberi Apai ngagai Aku. Nadai orang ngelala Anak, semina Apai aja, lalu nadai orang ngelala Apai, semina Anak aja, enggau orang ke dipilih Anak alai Iya mandangka Apai.\\n28 “Datai ngagai Aku semua kita ke lelak ngema utai ti berat, lalu Aku deka ngasuh kita belelak.\\n29 Ambi lalu san tangkun Aku, lalu belajar ari Aku, laban Aku nelap sereta baruh ati, lalu belelakka semengat kita.\\n30 Laban tangkun Aku mudah, lalu ma Aku lempung.”\\n1 Lebuh maya nya, kena hari Sabat, Jesus bejalai nengah umai gandum. Sida murid Iya lapar lalu belabuh ngerurut tangkai gandum, lalu bepakaika igi gandum.\\n2 Tang lebuh orang Parisi meda nya, sida lalu bejaku ngagai Jesus, “Peda Nuan, sida murid Nuan ngereja utai ti enda disagi Adat lebuh hari Sabat!”\\n3 Ku Jesus bejaku ngagai sida, “Kati kita nadai udah kala macha pasal utai ti dikereja David lebuh iya enggau bala iya lapar,\\n4 pasal iya ke tama ngagai rumah Allah Taala, lalu makai roti ti udah diberi ngagai Allah Taala, ti enda tau diempa iya, nitihka Adat, tauka diempa orang ke enggau iya, tang semina tau diempa imam aja?\\n5 Kati kita nadai udah kala macha dalam Adat, pasal sida imam ke sengaja ngelanggar Adat hari Sabat dalam Rumah Sembiang genap hari Sabat, tang enda dikumbai salah?\\n6 Aku madah ngagai kita, utai ti besai agi ari Rumah Sembiang bisi ditu.\\n7 Lalu enti kita nemu reti jaku, ‘Aku begunaka pengasih, ukai piring’, kita tentu enda ngukum orang ke nadai penyalah,\\n8 laban Anak Mensia Tuhan ke hari Sabat.”\\n9 Jesus lalu mupuk ari endur nya, lalu tama ngagai sebuah balai gempuru.\\n10 Dalam balai gempuru nya bisi siku lelaki ke mati jari sepiak. Lalu sida nanya Jesus, “Kati kitai ngelanggar Adat enti kitai ngeraika orang lebuh hari Sabat?” Sida nanya munyi nya ngambika sida ulih bedawaka Iya.\\n11 Ku Jesus bejaku ngagai sida, “Baka ni enti siku ari bala kita bisi siku jelu bedus, lalu jelu nya labuh ngagai lubang kebung lebuh hari Sabat, enda ke iya deka ngulihka jelu nya ari lubang nya?\\n12 Mensia berega agi ari bedus! Nya alai kitai enda ngelanggar Adat enti kitai ngereja pengawa ti manah lebuh hari Sabat.”\\n13 Udah nya Iya lalu bejaku ngagai orang ke mati jari nya, “Unjurka jari nuan.”\\nOrang nya lalu ngunjurka jari iya, lalu jari iya gerai, baka jari iya ti sepiak.\\n14 Tang orang Parisi pansut lalu baum ngiga jalai munuh Jesus.\\nUlun Ke Dipilih Allah Taala\\n15 Lebuh Jesus nemu sida bepekat ngelaban Iya, Iya lalu mupuk ari endur nya. Mayuh amat orang nitihka Iya, lalu Iya ngeraika semua sida,\\n16 lalu nagang sida madahka pasal Iya ngagai orang bukai.\\n17 Tu ngamatka jaku ti udah disebut Tuhan ngena nabi Isaiah:\\n18 “Tu Nembiak Aku ti udah dipilih Aku. Aku rindu sereta gaga ati ke Iya. Aku deka nuang Roh Aku ba Iya, lalu Iya deka madahka atur ti lurus ngagai orang bansa bukai.\\n19 Iya enda bekelikuh tauka merakka nyawa, lalu Iya enda bejaku inggar ba sebelah jalai raya.\\n20 Iya enggai matahka buluh ti pechah, tauka madamka kelita ti kelap-kelap, datai ke Iya udah ngasuh atur ti lurus menang,\\n21 lalu semua orang bansa bukai deka andal ati ke Iya.”\\n22 Siku lelaki ke buta sereta bisu laban iya dirasuk antu, dibai ngagai Jesus, lalu Iya ngeraika orang nya. Orang nya lalu ulih bejaku sereta meda.\\n23 Lalu semua orang mayuh balat alit ati, ku sida, “Kati Iya amat Anak David?”\\n24 Tang lebuh orang Parisi ninga nya, sida lalu bejaku, “Iya muru antu ngena kuasa Belsebup ti nyadi raja antu.”\\n25 Jesus nemu peragam ati sida, lalu ku Iya bejaku ngagai sida, “Genap bengkah menua ti bepechah-belah lalu beripih ngelaban diri empu, deka rusak, lalu nadai nengeri tauka ruang bilik ti bepechah-belah lalu beripih ngelaban diri empu, ulih tan.\\n26 Lalu enti Sitan muru Sitan, iya beripih ngelaban diri empu. Nya alai baka ni ku perintah iya ulih tan?\\n27 Lalu enti Aku muru antu ngena kuasa Belsebup, kuasa sapa dikena bala nembiak kita muru antu? Nya alai sida empu deka nyadi hakim kita.\\n28 Tang enti Aku muru antu ngena kuasa Roh Allah Taala, reti nya Perintah Allah Taala udah datai ba kita.\\n29 Tauka, baka ni ku orang ulih tama ngagai rumah orang ke kering lalu ngerumpak utai iya, enti iya enda dulu nanchang orang ke kering nya? Udah nya baru iya ulih ngerumpak utai ari rumah orang nya.\\n30 “Orang ke enda setanah enggau Aku, ngelaban Aku, lalu orang ke enda enggau Aku ngempuru, mambar.\\n31 Nya alai Aku madah ngagai kita: semua dosa ti dikereja mensia enggau jaku busung sida, deka diampun, tang barang sapa bejaku busung ngelaban Roh Kudus, enda diampun.\\n32 Barang sapa bejaku ngelaban Anak Mensia, deka diampun, tang barang sapa bejaku ngelaban Roh Kudus, enda diampun, nemuka diatu tauka di dunya ti deka datai.\\n33 “Intu kayu galak, lalu iya deka mansutka buah ti manah. Enti kitai nejuka kayu ringgas, iya deka mansutka buah ti jai. Kitai ngelala kayu ari buah iya.\\n34 Kita anak ular! Baka ni ku kita ulih nyebut utai ti manah, enti kita empu endang jai? Laban mulut kita nyebut utai ti ngemenuhka ati kita.\\n35 Orang ke manah mansutka utai ti manah ari ati iya ti manah, lalu orang ke jai mansutka utai ti jai ari ati iya ti jai.\\n36 “Aku madah ngagai kita, lebuh Hari Pechara ila, orang enda tau enda madahka semua leka jaku ti enda menyana ti udah disebut sida,\\n37 laban ulih jaku kita empu kita deka dikumbai lurus, lalu ulih jaku kita empu kita deka diukum.”\\nMinta Kereja Ajih\\n38 Udah nya sekeda pengajar Adat enggau orang Parisi bejaku enggau Iya, “Pengajar, kami keran deka meda tanda ari Nuan.”\\n39 Tang ku Iya nyaut sida, “Rebak ti jai sereta butang tu begigaka tanda, tang nadai tanda deka diberi ngagai sida kelimpah ari tanda nabi Jonah.\\n40 Baka Jonah ke dalam perut ikan paus tiga hari tiga malam, baka nya meh Anak Mensia deka mengkang dalam tanah tiga hari tiga malam.\\n41 Orang Nineweh deka angkat sama enggau orang ke ari rebak ti diatu lebuh Hari Pechara ila lalu besalahka sida, laban sida orang Nineweh udah nesal ati ke dosa sida lebuh sida ninga jaku ajar Jonah, lalu diatu utai ti besai agi ari Jonah bisi ditu!\\n42 Kuin menua Sheba deka angkat sama enggau orang ke ari rebak ti diatu lebuh Hari Pechara lalu besalahka sida, laban iya udah datai ari ujung dunya deka mendingka penalam penemu Solomon, lalu diatu utai ti besai agi ari Solomon bisi ditu!\\nRoh Ti Jai Pulai Baru\\n43 “Lebuh roh ti jai pansut ari orang, iya bejalai nengah menua ti rangkai ngiga endur alai belelak, tang iya nadai tetemuka endur nya.\\n44 Udah nya iya bejaku, ‘Aku deka pulai baru ngagai rumah ti udah ditinggalka aku.’ Lebuh iya datai ba rumah nya, iya nemu rumah nya puang, udah disapu sereta dikemas.\\n45 Udah nya iya pansut, lalu mai tujuh iku roh ti bukai, ti jai agi ari iya empu, lalu sida tama lalu diau dia. Lalu pendiau orang nya jai agi ari ti keterubah. Baka nya meh utai ti deka nyadi ba rebak ti jai tu.”\\nIndai Enggau Bala Menyadi Jesus\\n46 Lebuh Jesus agi benung bejaku ngagai orang mayuh, indai enggau sida menyadi lelaki Iya bediri di luar, deka bejaku enggau Iya.\\n47 Siku orang lalu madah ngagai Iya, “Indai enggau sida menyadi lelaki Nuan bisi di luar, deka bejaku enggau Nuan.”\\n48 Tang ku Jesus nyaut orang nya, “Sapa indai Aku, lalu sapa menyadi lelaki Aku?”\\n49 Iya lalu nunjuk ngagai sida murid Iya, lalu bejaku, “Tu indai Aku, enggau menyadi lelaki Aku!\\n50 Laban barang sapa ngereja utai ti dikedekaka Apai Aku ti di serega, nya meh menyadi lelaki, menyadi indu, enggau indai Aku.”\\nJaku Sempama Pasal Penabur Benih\\n1 Ba hari nya mega Jesus pansut ari rumah lalu duduk ba tebing danau.\\n2 Mayuh amat orang begelumu ngelingi Iya. Nya alai Iya nepan sebuah perau, lalu nudukka Diri dia, lalu bala orang mayuh bediri ba tebing.\\n3 Iya lalu madahka mayuh macham utai ngagai sida ngena jaku sempama. Ku Iya, “Orang siku naburka benih.\\n4 Lebuh iya naburka benih, sekeda leka benih nya labuh ba jalai raya. Burung datai, lalu makai benih nya.\\n5 Sekeda labuh ba tanah ti bebatu ti nadai mayuh tanah, lalu leka benih nya matuk tekala nya, laban tanah dia mabu,\\n6 tang lebuh mata panas niki, sida kena panchar mata panas nya lalu layu laban sida nadai urat.\\n7 Leka benih ti bukai labuh ba madang duri, lalu duri nya tumbuh lalu ngalahka sida.\\n8 Benih ti bukai labuh ba tanah ti ami, lalu bebuah, sekeda mansutka seratus, sekeda enam puluh, lalu sekeda tiga puluh.\\n9 Awakka orang ke bisi pending, ninga.”\\nTuju Ngena Jaku Sempama\\n10 Udah nya sida murid datai lalu bejaku enggau Iya, “Nama kebuah Nuan bejaku ngagai sida ngena jaku sempama?”\\n11 Ku Iya nyaut sida, “Kita udah diberi penemu pasal misteri Perintah serega, tang penemu nya apin diberi ngagai sida.\\n12 Laban orang ke bisi utai, deka diberi mayuh agi, lalu iya deka ngembuan mayuh agi utai, tang orang ke nadai utai, indah utai ti mimit ti dikemisi iya deh deka dirampas ari iya.\\n13 Nya kebuah Aku bejaku ngagai sida ngena jaku sempama, ngambika sida merening, tang enda meda, mending, tang enda ninga tauka mereti.\\n14 Ba sida tu meh jaku nabi Isaiah dikamatka: ‘Kita amat deka mending, tang enda mereti, lalu kita amat merening, tang enda meda.\\n15 Laban sida enda nemu berunding, lalu pending sida bengal, lalu sida udah nutup mata sida, enggai ke sida meda ngena mata sida, lalu ninga ngena pending sida, lalu mereti ngena ati sida, lalu nguingka diri ngagai Aku, lalu Aku ngeraika sida.’\\n16 “Tang beberekat meh mata kita, laban sida meda, enggau pending kita, laban sida ninga.\\n17 Enggau bendar Aku madah ngagai kita, mayuh nabi enggau orang ke lurus ingin deka meda utai ti dipeda kita, tang nadai meda utai nya, lalu ingin deka mendingka utai ti dipendingka kita, tang nadai ninga utai nya.\\nJesus Nerangka Reti Jaku Sempama Penabur Benih\\n18 “Nya alai pendingka sempama penabur benih.\\n19 Lebuh orang ninga pesan pasal Perintah Allah Taala, lalu enda meretika pesan nya, Sitan datai lalu ngerampas utai ti udah ditaburka ngagai ati orang nya. Nya meh leka benih ti labuh ba jalai raya.\\n20 Nyadi benih ti labuh ba tanah ti bebatu nya orang ke ninga pesan nya lalu tekala nya nerima iya enggau ati ti gaga.\\n21 Tang iya nadai urat, lalu semina tan enda lama aja. Lebuh iya dituntung penusah tauka pemerinsa ketegal pesan nya, iya lalu tekala nya mungkir.\\n22 Benih ti labuh ba madang duri nya orang ke ninga pesan nya, tang pengangkun iya ke dunya, enggau ke pengaya ngalahka pesan nya, lalu pesan nya enda ulih bebuah.\\n23 Nyadi benih ti labuh ba tanah ti ami nya orang ke ninga pesan nya, lalu meretika iya. Iya lalu bebuah, siku seratus leka, siku enam puluh, lalu siku tiga puluh.”\\nSempama Pasal Rumput\\n24 Jesus madahka siti agi jaku sempama ngagai sida. Ku Iya, “Perintah Allah Taala tau dibandingka enggau orang siku ke nanam leka benih ti manah ba umai iya.\\n25 Tang lebuh iya tinduk, munsuh datai lalu nanam leka rumput ba madang gandum nya, lalu mupuk ari endur nya.\\n26 Nya alai lebuh gandum nya tumbuh, lalu murai, rumput mega pegari.\\n27 Bala orang gaji iya datai lalu bejaku ngagai iya, ‘Tuan, ukai enda nuan naburka benih ti manah ba umai nya? Nama kebuah umai nya bisi rumput?’\\n28 Ku tuan nya nyaut, ‘Nya utai dikereja munsuh.’ Lalu ku sida bejaku ngagai iya, ‘Kati nuan deka ngasuh kami nyabut rumput nya?’\\n29 Tang ku iya nyaut, ‘Anang, enggai ke kita techabutka gandum lebuh kita nyabut rumput.\\n30 Awakka gandum enggau rumput nya sama tumbuh nyentuk ngagai maya ngetau. Lebuh maya ngetau ila aku deka bejaku enggau orang ke ngetau, ngasuh sida ngumpul rumput nya dulu, nanchang lalu nunu rumput nya, lalu nyimpan gandum dalam setor aku.’ “\\nJaku Sempama Pasal Leka Mustard\\n31 Jesus madahka siti agi jaku sempama ngagai sida. Ku Iya, “Perintah serega nya baka igi mustard ti dibai orang siku, lalu ditanam iya ba umai iya.\\n32 Igi mustard nya leka ti pemadu mit ari semua leka utai, tang lebuh iya udah tumbuh, puchuk iya besai, lalu iya nyadi kayu, datai ke burung nyau begagaka tansang ba sebelah dan iya.”\\nJaku Sempama Pasal Ragi\\n33 Jesus madahka siti agi jaku sempama ngagai sida. “Perintah serega nya baka ragi ti diambi siku indu lalu dichampurka iya enggau empat puluh liter tepung, datai ke semua tepung nya nyau kembai magang.”\\nJesus Bejaku Ngena Jaku Sempama\\n34 Semua utai nya dipadahka Jesus ngagai orang mayuh ngena jaku sempama. Iya enda nyebut utai ngagai sida enti enda ngena jaku sempama.\\n35 Tu ngamatka jaku ti udah disebut beseruanka siku nabi: “Aku deka bejaku ngena jaku sempama, Aku deka nyebut pasal utai ti udah dilalaika kenyau ari penumbuh dunya.”\\nJesus Nerangka Jaku Sempama Pasal Rumput\\n36 Udah nya Iya ninggalka orang mayuh, lalu pulai ke rumah. Sida murid Iya lalu datai ngagai Iya, ku sida, “Padahka ngagai kami reti sempama pasal rumput ti ba umai nya.”\\n37 Ku Jesus nyaut, “Orang ke naburka benih ti manah nya Anak Mensia.\\n38 Umai nya dunya tu, lalu benih ti manah nya nembiak Perintah Allah Taala. Rumput nya nembiak Sitan,\\n39 lalu munsuh ke nanam leka rumput nya Sitan. Maya ngetau nya pengujung dunya, lalu orang ke ngetau nya bala melikat.\\n40 Baka rumput ti digumpul lalu ditunu, baka nya meh gaya utai ti deka nyadi lebuh pengujung dunya:\\n41 Anak Mensia deka ngirumka bala melikat Iya, lalu sida deka muai ari Perintah Iya semua utai ti ngasuh bedosa, enggau semua orang ke ngereja penyai,\\n42 lalu nikauka sida ngagai serumbung api, alai orang deka nyabak sereta begerit ngeli.\\n43 Udah nya baru orang ke lurus deka manchar baka mata hari dalam Perintah Apai sida. Awakka orang ke bisi pending, ninga\\nJaku Sempama Pasal Reta Ti Dilalaika\\n44 “Perintah serega mega baka reta ti berega ti dilalaika dalam sebidang tanah, ti ditemu orang siku lalu dilamun iya baru. Enggau ati ti gaga iya mupuk lalu nyual semua reta iya, lalu meli tanah nya.”\\nJaku Sempama Pasal Batu Ti Berega\\n45 “Perintah serega mega baka siku orang dagang ke begigaka batu mutiara ti manah.\\n46 Iya tetemuka sigi batu mutiara ti berega amat, mupuk lalu nyual semua reta iya, lalu meli batu mutiara nya.\\nJaku Sempama Pasal Jala\\n47 “Perintah serega mega baka jala ti ditibarka ngagai danau, lalu bulih semua macham ikan.\\n48 Lebuh jala nya nyau penuh laban ikan, orang lalu narit jala nya ke tebing, duduk lalu nyimpan ikan ti manah dalam bakul, tang muai ikan ti enda manah.\\n49 Baka nya meh gaya utai ti deka nyadi lebuh pengujung dunya. Bala melikat deka datai lalu nyeraraka orang ke jai ari orang ke lurus,\\n50 lalu nikauka sida ke jai ngagai serumbung api, alai sida deka nyabak sereta begerit ngeli.\\n51 “Kati kita meretika semua utai tu?” “Mereti,” ku sida nyaut.\\n52 Lalu ku Iya bejaku ngagai sida, “Nya alai semua pengajar Adat ti udah dilatih bekereja ke Perintah serega nya baka orang ke bempu rumah, ke mansutka ari setor iya utai ti baru, enggau utai ti lama.”\\n53 Lebuh Jesus udah tembu madahka semua jaku sempama nya, Iya lalu mupuk ari endur nya.\\n54 Lebuh Iya datai ba menua Iya Empu, Iya ngajar orang mayuh dalam balai gempuru. Sida alit ati ke Iya lalu ku sida bejaku, “Dini alai orang tu bulih penemu-dalam tu, enggau kereja ajih tu?\\n55 Ukai enda Iya tu anak tukang kayu? Ukai enda indai Iya benama Maria? Lalu ukai enda Iya tu menyadi James, Josep, Simon enggau Judas?\\n56 Ukai enda semua menyadi indu Iya bisi ditu enggau kitai? Nya alai dini alai Iya bulih semua utai tu?”\\n57 Nya alai sida nulak Iya. Tang ku Jesus bejaku ngagai sida, “Nabi endang dibasa orang, kelimpah ari di menua enggau dalam ruang bilik iya empu.”\\n58 Lalu Iya nadai ngereja mayuh kereja ajih dia, laban sida enda arap.\\nJohn Pemaptisa Dibunuh\\n1 Lebuh maya nya Herod Antipas ke merintah di menua Galili, ninga pasal Jesus,\\n2 lalu ku iya bejaku enggau bala pemesai iya, “Iya tu John Pemaptisa. Iya udah diangkatka ari mati. Nya kebuah kuasa nya bekereja dalam iya.”\\n3 Laban Herod udah nangkap John, lalu nanchang iya, lalu nutup iya dalam rumah jil, ketegal Herodias, bini menyadi iya Philip,\\n4 laban John udah bejaku ngagai Herod, “Nuan salah jadi enggau iya!”\\n5 Tang taja pen Herod bisi ati deka munuh John, iya takutka orang mayuh, laban sida ngumbai John nabi.\\n6 Tang lebuh Herod ngintu hari pengada iya empu, anak indu Herodias betanda di mua bala pengabang, lalu Herod gaga amat ati\\n7 datai ke iya nyau besemaya ngena sumpah deka meri ngagai indu nya sebarang utai ti dipinta iya.\\n8 Ari asuh indai iya, indu nya lalu bejaku, “Beri ngagai aku ditu pala John Pemaptisa ba atas pinggai!”\\n9 Raja lalu tusah ati, tang laban iya udah besemaya di mua semua bala pengabang, iya lalu ngasuh orang ngereja utai ti dipinta indu nya.\\n10 Iya ngasuh orang mumpung pala John dalam rumah jil,\\n11 lalu pala nya dibai ngena pinggai, lalu disuaka ngagai indu nya. Indu nya lalu mai pala nya ngagai indai iya.\\n12 Sida murid John datai, ngambi bangkai John, lalu nguburka iya. Udah nya sida mupuk lalu madah ngagai Jesus.\\n13 Lebuh Jesus ninga nya, Iya mupuk keDiri ari endur nya ngena perau ngagai endur ti sunyi. Tang lebuh orang mayuh ninga nya, sida bedarat nitihka Iya ari nengeri sida empu.\\n14 Lebuh Jesus angkat ari perau, Iya meda mayuh amat orang, lalu Iya sinu ati ke sida, lalu ngeraika sida ke sakit.\\n15 Lebuh hari nyau lemai, sida murid datai ngagai Iya, lalu bejaku, “Endur tu nadai mensia, lalu hari pen nyau lemai. Asuh orang mayuh tu mupuk, ngambika sida bejalai ngagai genturung pendiau lalu meli pemakai ke diri empu.”\\n16 Ku Jesus bejaku, “Sida enda ibuh mupuk. Kita empu meri sida utai diempa!”\\n17 Ku sida bejaku enggau Iya, “Kami semina bisi lima iti tuku roti, enggau dua iku ikan.”\\n18 Lalu ku Jesus bejaku, “Bai utai nya kitu ngagai Aku.”\\n19 Iya lalu ngasuh orang mayuh duduk ba rumput. Iya ngambi lima iti tuku roti enggau dua iku ikan nya, engkadah ke langit, meri terima kasih ke roti enggau ikan nya, mechahka roti nya, lalu nyuaka roti nya ngagai sida murid, lalu sida nyadung roti nya ngagai orang mayuh.\\n20 Lalu semua orang bela makai lalu kenyang magang. Udah nya, sida murid ngumpul dua belas bakul penuh teda pemakai nya.\\n21 Pemayuh orang ke makai nya kira lima ribu iku lelaki, enda ngitung sida ke indu enggau anak mit.\\n22 Udah nya Jesus ngasuh sida murid nepan perau lalu mupuk dulu ke seberai danau nya, lalu Iya Empu ngasuh orang mayuh pulai.\\n23 Lebuh Iya udah ngasuh orang mayuh pulai, Iya lalu niki ngagai bukit sigi, deka besampi. Lebuh hari nyau lemai, semina Jesus aja bisi dia.\\n24 Tang ba urung maya nya, perau ti ditepan sida murid nyau udah jauh ari tebing lalu dipangkaka gelumbang, laban sida nanjak ribut.\\n25 Ba entara pukul tiga enggau pukul enam pagi, Jesus mansang ngagai sida, bejalai ba atas ai.\\n26 Tang lebuh sida meda Iya bejalai ba atas ai, sida balat amat takut, lalu nyerauh, “Antu!”\\n27 Tang Jesus lalu tekala nya bejaku enggau sida. Ku Iya, “Anang takut! Aku tu. Anang takut!”\\n28 Peter lalu nyaut Iya. “Tuhan, enti nya amat Nuan, asuh aku bejalai ba atas ai ngagai Nuan.”\\n29 Ku Jesus, “Kitu ke nuan!” Peter lalu angkat ari perau lalu bejalai ba atas ai mansang ngagai Jesus.\\n30 Tang lebuh iya meda pemalat ribut, iya takut, lalu lebuh iya baru deka belabuh tengelam, iya lalu nyerauh, “Tuhan, selamatka aku!”\\n31 Jesus lalu tekala nya nyapai iya, lalu bejaku, “Mit amat meh pengarap nuan! Nama kebuah nuan kakang?”\\n32 Lebuh seduai iya nepan ngagai perau, ribut lalu teduh.\\n33 Sida ke dalam perau nya lalu nyembah Iya. Ku sida, “Nuan amat Anak Allah Taala!”\\nJesus Ngeraika Orang Ke Sakit Di Genesaret\\n34 Lebuh sida udah ngelayang ke seberai, sida lalu sangkai di Genesaret.\\n35 Lalu lebuh orang ke di menua nya ngelala Jesus, sida lalu mesanka orang ari serata menua nya, lalu sida mai ngagai Jesus semua orang ke sakit,\\n36 minta Iya nejuka sida negu puting kelambi Iya, lalu semua orang ke negu puting kelambi Iya, gerai magang.\\n1 Udah nya orang Parisi enggau sida pengajar Adat datai ari Jerusalem ngagai Jesus, lalu bejaku,\\n2 “Nama kebuah sida murid Nuan ngelanggar adat asal aki ini kitai, enda masu jari sida sebedau sida makai!”\\n3 Ku Jesus nyaut sida, “Lalu nama kebuah kita ngelanggar pesan Allah Taala ketegal adat asal kita?\\n4 Laban Allah Taala udah meri pesan, ‘Bebasaka apai enggau indai nuan.’ Lalu Allah Taala udah mega bejaku ‘Orang ke bejai apai indai diri, enda tau enda bunuh.’\\n5 Tang ku kita, enti orang madah ngagai apai tauka indai iya: ‘Utai ti dipinta nuan ari aku, udah diberi ngagai Allah Taala,’ iya enda ibuh bebasaka apai indai iya.\\n6 Nya alai, kita udah nulak jaku Allah Taala ketegal adat asal kita.\\n7 Kita tu orang ke pura-pura ngapa! Betul amat jaku Isaiah lebuh iya benabika pasal kita!\\n8 ‘Orang tu ngemesaika Aku ngena mulut sida aja, tang ati sida jauh ari Aku.\\n9 Sida ngelebuka diri nyembah Aku, laban sida ngajar adat mensia.’ “\\n10 Jesus lalu ngangauka orang mayuh ngagai Iya, lalu bejaku ngagai sida, “Pendingka tu ulih kita, ngambika kita mereti!\\n11 Utai ti tama ngagai nyawa orang, nadai ngasuh iya enda tuchi, tang utai ti pansut ari nyawa iya, nya utai ti ngasuh iya enda tuchi.”\\n12 Udah nya, sida murid Iya datai lalu bejaku enggau Iya, “Kati Nuan nemu orang Parisi pedis ati ninga utai ti disebut Nuan?”\\n13 Disaut Jesus, “Semua utai ti tumbuh, ti ukai ditanam Apai Aku ti di serega, deka dichabut magang.\\n14 Anang ibuhka sida. Sida nya malin ke buta. Lalu enti malin ke buta ngiring orang ke buta, seduai iya deka sama labuh ngagai lubang kebung.”\\n15 Tang ku Peter bejaku ngagai Iya, “Padahka reti jaku sempama nya ngagai kami.”\\n16 Ku Jesus bejaku, “Kati kita empu agi mengkang enda mereti baka sida?\\n17 Kati kita enda nemu? Utai ti tama ngagai nyawa, tama ngagai perut, lalu udah nya pansut ari tubuh.\\n18 Tang utai ti pansut ari nyawa, datai ari ati. Nya utai ti ngamahka mensia.\\n19 Laban ari ati pansut runding ti jai, munuh orang, butang, bambai, ngenchuri, besaksi bula, enggau bejakuka orang.\\n20 Nya utai ti ngamahka mensia. Tang makai ngena jari ti enda dibasu, enda ngamahka mensia.”\\nPengarap Indu Siku\\n21 Jesus angkat ari endur nya lalu mupuk ngagai menua semak nengeri Tire enggau Sidon.\\n22 Siku indu orang Kanaan ari menua nya mansang ngagai Jesus, lalu ngangau, “Kasihka aku, O Tuhan, Anak David! Anak indu aku balat amat diperinsaka antu.”\\n23 Tang Jesus enda nyaut iya. Sida murid datai lalu bejaku enggau Iya, “Buru indu nya, laban iya rauh-rauh betitihka kitai!”\\n24 Jesus lalu nyaut, “Aku udah diasuh datai semina ngagai bedus orang Israel ke tesat.”\\n25 Tang indu nya datai lalu besugang di mua Jesus, lalu bejaku, “Saup aku, Tuhan!”\\n26 Ku Jesus nyaut, “Aku enda patut ngambi pemakai ari anak mit, lalu nibarka nya ngagai ukui.”\\n27 Indu nya lalu nyaut, “Nya endang amat, Tuhan, tang indah ukui deh makai teda pemakai ti labuh ari mija tuan iya.”\\n28 Jesus lalu nyaut iya, “Endu, besai pengarap nuan! Utai ti dikedekaka nuan, deka nyadi.” Anak indu iya lalu gerai tekala nya.\\n29 Jesus lalu mupuk ari endur nya, lalu bejalai ba tebing Danau Galili. Iya lalu niki ngagai bukit sigi, lalu nudukka Diri.\\n30 Mayuh amat orang datai ngagai Iya, mai orang ke kait-kupit, orang ke bisi penimpang, ke buta, ke bisu, enggau mayuh orang bukai ke sakit. Sida ngengkahka sida ke sakit semak kaki Jesus, lalu Iya ngeraika sida.\\n31 Orang mayuh balat alit ati meda orang ke bisu, bejaku, orang ke kait-kupit, bejalai, orang ke timpang pendiau, digeraika, lalu orang ke buta, meda; lalu sida muji Allah Taala orang Israel.\\nJesus Meri Empat Ribu Iku Orang Makai\\n32 Jesus ngangauka sida murid Iya ngagai Iya, lalu bejaku, “Aku sinu ati ke sida, laban sida udah enggau Aku tiga hari, lalu nadai utai diempa. Aku enggai ngasuh sida pulai lapar, enggai ke sida lepi di rantau jalai.”\\n33 Lalu ku sida murid Iya bejaku enggau Iya, “Dini alai kami di menua puang tu ulih nemu pemakai ti chukup kena meri sida makai?”\\n34 Jesus lalu nanya sida, “Berapa iti tuku roti dikemisi kita?” “Tujuh iti, enggau dua tiga iku ikan ti mit,” ku sida nyaut.\\n35 Jesus lalu ngasuh orang mayuh duduk ba tanah,\\n36 ngambi tujuh iti tuku roti enggau ikan nya. Lebuh Iya udah meri terima kasih, Iya mechahka roti enggau ikan nya, lalu meri roti nya ngagai sida murid; sida lalu nyadung utai nya ngagai bala mayuh.\\n37 Semua sida bela makai magang, lalu kenyang. Udah nya sida murid lalu ngumpul tujuh bakul penuh teda pemakai nya.\\n38 Pemayuh orang ke makai nya empat ribu iku lelaki, enda ngitung sida ke indu enggau anak mit.\\n39 Lebuh Jesus udah ngasuh orang mayuh mupuk, Iya nepan perau, lalu mansang ngagai menua Magadan.\\nOrang Minta Kereja Ajih\\n1 Orang Parisi enggau orang Saduki lalu datai ngagai Jesus, deka nguji Iya. Sida minta Iya ngayanka ngagai sida siti tanda ari serega.\\n2 Ku Jesus nyaut sida, “Lebuh hari nyau lemai, kita nyebut, ‘Manah hari pagila, laban langit mirah.’\\n3 Lalu lebuh pagi hari kita nyebut, ‘Kabut hari sehari tu lagi, laban langit mirah sereta mambam.’ Kita nemu madahka gaya hari ari utai ti dipeda kita di langit, tang kita enda nemu macha tanda utai ti nyadi diatu!\\n4 Rebak ti jai sereta enda tetap ati tu begigaka tanda, tang tanda enda diberi, kelimpah ari tanda Jonah.” Iya ninggalka sida, lalu mupuk ari endur nya.\\nRagi Orang Parisi Enggau Orang Saduki\\n5 Lebuh sida murid datai di seberai danau nya, sida enda ingat mai roti.\\n6 Ku Jesus bejaku enggau sida, “Bejimat sereta bejaga ari ragi orang Parisi enggau ragi orang Saduki.”\\n7 Sida lalu berandau enggau pangan diri. Ku sida, “Kitai nadai mai roti.”\\n8 Tang Jesus nemu utai ti disebut sida, lalu ku Iya, “Mit amat meh pengarap kita. Nama kebuah kita berandauka pasal nadai roti?\\n9 Kati kita lalu apin mereti? Kati kita enda ingatka lima iti roti ke lima ribu iku lelaki? Berapa bakul teda digumpul kita?\\n10 Tauka tujuh iti tuku roti ke empat ribu iku orang? Berapa bakul teda digumpul kita?\\n11 Nama kebuah kita lalu enda mereti? Aku ukai bejakuka pasal roti. Bejaga kita ari ragi orang Parisi enggau ragi orang Saduki!”\\n12 Nya baru sida nemu Iya ukai ngasuh sida bejaga ari ragi ti dikena ngaga roti, tang bejaga ari ajar orang Parisi enggau ari ajar orang Saduki.\\n13 Lebuh Jesus datai semak menua Sesaria Pilipi, Iya lalu nanya sida murid Iya, “Ba penemu orang, sapa Anak Mensia?”\\n14 Ku sida nyaut, “Sekeda ngumbai Iya John Pemaptisa. Sekeda ngumbai Iya Elijah, lalu sida ti bukai ngumbai Iya Jeremiah tauka siku ari nabi ti bukai.”\\n15 Iya lalu nanya sida, “Sapa Aku tu ku kita?”\\n16 Simon Peter lalu nyaut, “Nuan tu Kristus, Anak Allah Taala ti idup.”\\n17 Jesus lalu nyaut, “Beberekat meh nuan, Simon anak John! Laban mensia nadai madahka utai tu ngagai nuan, tang Apai Aku ti di serega.\\n18 Lalu Aku madah ngagai nuan, nuan tu Peter lalu ba batu tu Aku deka nirika gerija Aku, lalu pintu neraka enda ulih ngalahka iya.\\n19 Aku deka meri nuan kunchi Perintah serega, lalu sebarang utai ditanchang nuan di dunya tu, deka ditanchang di serega, lalu sebarang utai dibuka nuan di dunya tu, deka dibuka di serega.”\\n20 Jesus lalu berat-rat enda nyagi sida murid madah ngagai orang Iya nya Kristus.\\n21 Berengkah ari nya, Jesus lalu belabuh madah ngagai sida murid Iya, Iya enda tau enda mansang ngagai Jerusalem lalu natka Diri diperinsaka bala tuai bansa, bala tuai imam, enggau bala pengajar Adat, lalu dibunuh, lalu diangkatka idup baru ari mati ba hari ti ketiga.\\n22 Peter lalu mai Iya ke tisi, lalu belabuh ngerara Iya. Ku Peter, “Allah Taala enda nyagi utai nya nyadi, Tuhan! Utai nya enda tau sekali-kali nyadi ba Nuan!”\\n23 Tang Jesus nguing lalu bejaku ngagai Peter, “Rari ari Aku, Sitan! Nuan mempang jalai Aku, laban nuan berundingka utai mensia, ukai utai Allah Taala.”\\n24 Jesus lalu madah ngagai sida murid Iya, “Enti orang deka nitihka Aku, awakka iya badu agi berundingka diri empu, ngesan regang iya, lalu nitihka Aku.\\n25 Laban barang sapa deka ngidupka nyawa diri, deka ngelenyauka iya, lalu barang sapa ngelenyauka nyawa diri ketegal Aku, deka tetemuka iya.\\n26 Laban nama penguntung orang, enti iya bempu semua dunya, tang ngelenyauka nyawa diri? Tauka, nama utai ti patut diberi orang kena iya nyilih nyawa diri?\\n27 Laban Anak Mensia enggau bala melikat Iya deka datai dalam mulia Apai Iya, lalu ngupah genap iku orang nitihka utai ti udah dikereja sida siku-siku.\\n28 Enggau bendar Aku madah ngagai kita, sekeda orang ke bediri ditu diatu apin mati sebedau sida meda Anak Mensia datai enggau Perintah Iya.”\\n1 Enam hari udah bekau nya, Jesus mai enggau Iya Peter, James enggau menyadi James ke benama John, niki ngagai bukit sigi ti tinggi, kediri sida aja.\\n2 Sida lalu meda gamal Iya berubah. Mua Iya manchar baka mata hari, lalu gari Iya bebali beperenching burak.\\n3 Sida lalu tekala nya meda Moses seduai Elijah pegari lalu bejaku enggau Iya.\\n4 Lalu ku Peter bejaku ngagai Jesus, “Tuhan, manah kitai diau ditu! Enti Nuan deka, awakka aku ngaga tiga buah langkau kain ditu, sebuah ke Nuan, sebuah ke Moses, lalu sebuah ke Elijah.”\\n5 Lebuh Peter agi benung bejaku, siti remang ti terang ngayung sida, lalu nyawa bisi didinga bejaku ari dalam remang nya, “Tu Anak ke dikesayauka Aku. Aku rinduka Iya. Pendingka Iya!”\\n6 Lebuh sida murid ninga nya, sida lalu nyungkurka diri ke tanah, laban sida kelalu balat takut.\\n7 Tang Jesus datai lalu negu sida. Ku Iya, “Angkat. Anang takut!”\\n8 Lebuh sida tiga engkadah, sida nadai meda orang bukai, semina Jesus aja.\\n9 Lebuh sida nurun ari bukit nya, Jesus nangkan sida tiga enggau jaku, ku Iya, “Anang madahka pasal genera nya ngagai orang, nyentuk ngagai maya Anak Mensia udah diangkatka idup baru ari mati.”\\n10 Sida murid lalu nanya Iya, “Nama kebuah sida pengajar Adat madahka Elijah deka dulu datai?”\\n11 Disaut Jesus, “Elijah endang amat dulu datai, lalu nyendiaka semua utai.\\n12 Tang, Aku madah ngagai kita, Elijah udah datai, lalu sida enda ngelala iya, tang merinsaka Iya sepeneka ati sida. Baka nya mega sida deka merinsaka Anak Mensia.”\\n13 Nya baru sida murid nemu Iya bejaku ngagai sida pasal John Pemaptisa.\\n14 Lebuh sida datai ba bala mayuh, siku orang datai ngagai Jesus, besugang di mua Iya, lalu bejaku,\\n15 “Tuhan, kasihka anak aku, laban iya sakit gila-babi, lalu balat amat merinsa. Iya suah udah rebah ngagai api, tauka ngagai ai.\\n16 Aku udah mai iya ngagai sida murid Nuan, tang sida enda ulih ngeraika iya.”\\n17 Jesus lalu nyaut, “Kita tu orang ke enda tetap ati sereta jai! Ni pengelama Aku enda tau enda begulai enggau kita? Ni pengelama Aku enda tau enda sabar enggau kita? Bai iya kitu ngagai Aku!”\\n18 Jesus lalu ngerara antu nya, lalu antu nya pansut ari nembiak nya, lalu nembiak nya gerai tekala nya.\\n19 Udah nya sida murid datai kediri ngagai Jesus, lalu bejaku, “Nama kebuah kami enda ulih muru antu nya?”\\n20 Disaut Iya, “Laban kita mit pengarap. Laban, enggau bendar Aku madah ngagai kita, enti kita bisi pengarap ngemesai igi ensabi, kita ulih bejaku ngagai bukit tu, ‘Mindah ari tu ngagai nyin!’ lalu bukit nya deka mindah. Nadai utai enda ulih dikereja kita!\\n21 Tang utai bansa tu semina ulih diburu ngena sampi enggau bepasa.”\\n22 Lebuh semua murid begempuru di Galili, Jesus bejaku ngagai sida, “Anak Mensia deka diserahka ngagai orang\\n23 lalu sidai deka munuh Iya, lalu Iya deka diangkatka idup baru ari mati ba hari ti ketiga.” Ati sida lalu balat tusah.\\nMayar Duit Pupu Rumah Sembiang\\n24 Lebuh sida datai di Kapernaum, orang ke ngumpul duit pupu ke Rumah Sembiang mansang ngagai Peter, lalu nanya, “Kati pengajar kita enda mayar duit pupu Rumah Sembiang?”\\n25 “Mayar,” ku Peter nyaut. Lebuh Peter pulai ke rumah, Jesus lalu bejaku dulu enggau iya. Ku Iya, “Baka ni ku penemu nuan, Simon? Ari sapa raja dunya ngambi chukai tauka pupu? Ari peranak menua nya empu, tauka ari orang bukai?”\\n26 “Ari orang bukai,” ku Peter nyaut. Lalu ku Jesus, “Enti pia, peranak menua enda ibuh mayar chukai.\\n27 Tang ngambika sida enda pedis ati, alai nuan mupuk ngagai danau, lalu ulurka ginti. Dalam nyawa ikan ti terubah diejut nuan, nuan deka tetemuka sesingkap duit.nya lalu beri ngagai sida, ke Aku enggau ke nuan.”\\n1 Lebuh maya nya, sida murid datai ngagai Jesus, lalu nanya, “Sapa orang ke pemadu besai dalam Perintah serega?”\\n2 Iya lalu ngangauka siku anak mit, lalu ngasuh iya bediri ba tengah-tengah sida.\\n3 Iya lalu bejaku, “Enggau bendar Aku madah ngagai kita, enti kita enda berubah lalu nyadi baka anak mit, kita enda ulih tama ngagai Perintah serega.\\n4 Barang sapa ngemaruhka diri baka anak mit tu, deka nyadi orang ke pemadu besai dalam Perintah serega.\\n5 Barang sapa nerima anak mit baka tu dalam nama Aku, nerima Aku.\\n6 Enti kita ngasuh siku ari sida ke mit ke arapka Aku, bedosa, manah agi enti batu kisar ti besai ditanchangka ba rekung orang nya, lalu iya dibuai ngagai tasik ti dalam.\\n7 Tulah meh dunya laban utai ti ngasuh mensia bedosa! Penguji endang enda tau enda datai, tang tulah orang ke ngasuh penguji nya datai!\\n8 Lalu enti jari tauka kaki nuan mai nuan bedosa, tetak lalu buai iya! Manah agi nuan tama ngagai pengidup nadai jari tauka kaki sepiak, ari ke bisi dua piak jari tauka kaki, tang nuan dibuai ngagai api ti enda nemu padam.\\n9 Lalu enti mata nuan mai nuan bedosa, keruk lalu buai iya! Manah agi nuan tama ngagai pengidup mai sigi aja leka mata, ari ke bisi dua igi leka mata, tang nuan dibuai ngagai api neraka.\\nSempama Pasal Bedus Ti Lenyau\\n10 “Bejimat kita, enggai ke kita mechat sida ke mit tu. Laban, Aku madah ngagai kita, di serega din melikat sida endang seruran bediri di mua Apai Aku di serega.\\n11 Laban Anak Mensia datai ngambika Iya nyelamatka orang ke tesat.\\n12 “Baka ni ku pikir kita? Enti orang siku bisi seratus iku bedus, lalu siku bedus nya lenyau, enda ke iya deka ninggalka sida ke semilan puluh semilan iku ba bukit, lalu bejalai ngiga siku ti lenyau nya?\\n13 Lalu lebuh iya udah tetemuka bedus nya, enggau bendar Aku madah ngagai kita, iya deka lebih agi gaga ati ke bedus siku nya ari ke sida ke semilan puluh semilan iku ti enda lenyau.\\n14 Baka nya meh Apai kita ti di serega enggai nejuka indah siku ari sida ke mit tu lenyau.\\nLebuh Orang Bedosa\\n15 “Enti menyadi nuan bedosa ngelaban nuan, mansang nuan ngagai iya, lalu padahka penyalah iya ngagai iya, entara seduai aja. Enti iya mendingka nuan, reti nya nuan udah ulih nguingka ati iya.\\n16 Tang enti iya enggai mendingka nuan, bai siku tauka dua iku orang enggau nuan, ngambika ‘genap leka jaku ditetapka beduduk ba saksi dua tauka tiga iku orang.’\\n17 Enti iya enggai mendingka sida, padahka ngagai gerija. Lalu enti iya enggai mendingka gerija, gaga iya baka ke ngaga orang bansa bukai, tauka pengumpul chukai.\\nUtai Ti Ditanchang Enggau Dibuka\\n18 “Enggau bendar Aku madah ngagai kita: sebarang utai ditanchang kita di dunya tu, deka ditanchang di serega, lalu sebarang utai dibuka kita di dunya tu, deka dibuka di serega.\\n19 “Aku madah ngagai kita baru: enti dua iku kita di dunya tu besetujuka utai ti dipinta kita, utai nya deka dikereja ke kita ulih Apai Aku ti di serega.\\n20 Laban lebuh dua tauka tiga iku orang begempuru dalam nama Aku, Aku bisi dia enggau sida.”\\nSempama Pasal Orang Gaji Ke Enda Nemu Ngampun\\n21 Udah nya Peter datai ngagai Iya lalu bejaku, “Tuhan, enti menyadi aku bedosa ngelaban aku, berapa penyuah aku patut ngampun iya? Tujuh kali?”\\n22 Ku Jesus madah ngagai iya, “Ukai tujuh kali, tang tujuh puluh kali tujuh.\\n23 Nya alai Perintah serega tau dibandingka enggau siku raja ke deka meresa akaun bala orang gaji iya.\\n24 Lebuh iya baru deka belabuh ngereja pengawa nya, siku orang gaji, ke udah nginjau bejuta-juta ringgit, dibai betemu enggau iya.\\n25 Laban orang gaji nya enda tebayarka utang diri, nya alai raja lalu ngasuh iya dijual, sama enggau bini enggau bala anak iya, sereta enggau semua reta tengkira iya, kena mayar utang nya.\\n26 Ulun nya lalu besugang di mua raja, minta kasih ari raja. Ku iya, ‘Aku minta nuan sabar enggau aku. Aku deka mayar semua utang aku!’\\n27 Laban raja nya kasihka ulun iya nya, nya alai iya ngelepaska iya, lalu muai utang iya.\\n28 Tang lebuh ulun nya pansut, iya betemu enggau orang siku ke sama ulun baka iya empu, ke berutang semina mimit aja ba iya. Iya nyekal orang nya, lalu bejaku, ‘Bayar utang nuan!’\\n29 Orang ke dichekal iya lalu besugang, minta kasih ngagai iya, ‘Aku minta nuan sabar enggau aku. Aku deka mayar nuan!’\\n30 Tang iya enda sabar enggau orang nya. Iya lalu nutup orang nya dalam rumah jil, datai ke orang nya udah mayar utang iya.\\n31 Lebuh orang gaji ti bukai meda nya, sida tusah amat ati, lalu madahka semua pekara nya ngagai raja.\\n32 Raja lalu ngangauka ulun iya nya, lalu bejaku ngagai iya, ‘Nuan tu ulun ti jai! Aku udah muai semua utang nuan, laban nuan minta aku muai utang nya.\\n33 Kati nuan enda nemu kasihka orang ke sama ulun baka nuan empu, baka aku ke udah kasihka nuan?’\\n34 Raja balat amat pedis ati, lalu ngasuh ulun nya ditutup dalam rumah jil, datai ke iya udah mayar semua utang iya.\\n35 Baka nya meh Apai Aku ti di serega deka ngereja ngagai genap iku kita, enti kita enda ngampun menyadi kita enggau pengabis ati kita.”\\nAjar Pasal Sarak\\n1 Lebuh Jesus udah badu nyebut semua utai nya, Iya mupuk ari menua Galili lalu bejalai ngagai menua Judea, di seberai Sungai Jordan.\\n2 Mayuh amat orang nitihka Iya, lalu Iya ngeraika sida dia.\\n3 Sekeda orang Parisi lalu datai ngagai Iya, deka nguji Iya. Ku sida, “Kati laki tau muai bini atas sebarang tegal?”\\n4 Disaut Jesus, “Kati kita nadai udah kala macha pasal Allah Taala ti ngaga mensia lelaki enggau indu kenyau ari pun kelia?\\n5 Ku Iya bejaku, ‘Ketegal nya, lelaki deka ninggalka apai enggau indai iya, lalu begulai enggau bini iya, lalu seduai iya deka nyadi setubuh’?\\n6 Seduai iya ukai dua iku agi, tang siku. Nya alai, nadai orang tau nyeraraka utai ti udah ditampilka Allah Taala.”\\n7 Ku orang Parisi nanya Iya, “Enti pia, nama kebuah Moses ngasuh laki meri surat sarak lalu muru bini diri?”\\n8 Disaut Jesus, “Moses ngemendarka kita muai bini kita, laban kita kieh. Tang utai tu ukai baka nya kenyau ari pun.\\n9 Nya alai, Aku madah ngagai kita, barang sapa muai bini, kelimpah ari bini iya butang, lalu orang nya bebini baru, iya butang.”\\n10 Ku sida murid bejaku enggau Iya, “Enti nya adat entara laki enggau bini, manah agi enda bebini.”\\n11 Tang ku Jesus bejaku ngagai sida, “Ukai semua orang ulih nerima ajar tu, tang semina orang ke diberi ajar tu.\\n12 Laban sekeda orang ada nadai perengka tubuh kena bebini. Bisi mega orang nadai perengka nya ari asuh mensia. Bisi mega orang ke sengaja muai perengka tubuh diri ketegal Perintah serega. Awakka orang ke ulih nerima ajar tu, nerima iya.”\\nJesus Merekatka anak mit\\n13 Anak mit lalu dibai ngagai Iya, ngambika Iya ngengkahka jari Iya atas sida, lalu besampika sida. Tang murid Iya balat amat ngerara orang ke mai sida anak mit nya.\\n14 Tang ku Jesus bejaku, “Awakka anak mit datai ngagai Aku, lalu anang nagang sida, laban Perintah serega diempu orang ke baka sida tu.”\\n15 Iya lalu ngengkahka jari Iya atas sida, lalu mupuk ari endur nya.\\nOrang Bujang Ke Kaya\\n16 Nyadi sekali, siku orang datai ngagai Jesus, lalu nanya, “Pengajar, nama pengawa ti manah ti enda tau enda dikereja aku ngambika aku tau bulih pengidup ti meruan belama iya?”\\n17 Ku Jesus bejaku ngagai iya, “Nama kebuah nuan nanyaka utai ti manah ngagai Aku? Ka semina siku aja ti manah. Enti nuan keran deka tama ngagai pengidup ti meruan belama iya, titihka pesan.”\\n18 Orang nya lalu nanya, “Pesan ni?” Disaut Jesus, “Anang munuh orang. Anang butang. Anang ngenchuri. Anang besaksi bula.\\n19 Bebasaka apai enggau indai nuan, lalu rinduka pangan nuan baka nuan ti rinduka diri empu.”\\n20 Ku orang bujang nya nyaut, “Semua pesan nya udah dititihka Aku magang. Nama utai bukai ti enda tau enda dikereja aku?”\\n21 Ku Jesus bejaku ngagai iya, “Enti nuan deka nyadi pemadu badas, mupuk nuan lalu jual semua reta tengkira nuan, lalu beri duit nya ngagai orang ke seranta, lalu nuan deka bisi pengaya di serega. Udah nya datai lalu titihka Aku.”\\n22 Lebuh orang bujang nya ninga nya, iya angkat ari endur nya tusah ati laban iya orang ke kaya bendar.\\n23 Jesus lalu bejaku enggau sida murid Iya, “Enggau bendar Aku madah ngagai kita, mar amat meh orang ke kaya tama ngagai Perintah serega.\\n24 Aku nandu nya baru: nyamai agi jelu unta tama nengah lubang jarum ari orang ke kaya tama ngagai Perintah Allah Taala.”\\n25 Lebuh sida murid ninga nya, sida alit ati, lalu nanya, “Enti pia, sapa ulih diselamatka?”\\n26 Jesus merening ngagai sida, lalu bejaku, “Ba mensia, utai tu enda ulih, tang ba Allah Taala semua utai ulih magang.”\\n27 Peter lalu bejaku, “Peda Nuan, kami udah ninggalka semua utai lalu nitihka Nuan. Nama utai ulih kami?”\\n28 Ku Jesus bejaku ngagai sida, “Enggau bendar Aku madah ngagai kita, lebuh Anak Mensia duduk ba kerusi diraja Iya ti bemulia ba dunya ti baru, kita ke udah nitihka Aku deka mega duduk ba dua belas iti kerusi diraja, ngakim dua belas raban bansa orang Israel.\\n29 Lalu genap iku orang ke udah ninggalka rumah, tauka menyadi lelaki, tauka menyadi indu, tauka apai, tauka indai, tauka anak, tauka umai, ketegal nama Aku, deka nerima seratus kali mayuh agi, lalu deka diberi pengidup ti meruan belama iya.\\n30 Tang mayuh ke dulu deka nyadi dudi, lalu orang ke dudi deka nyadi dulu.\\nOrang Ke Gawa Dalam Kebun Anggur\\n1 “Laban Perintah serega nya baka orang siku ke mupuk tumu pagi ngiga orang ke tau digaji iya gawa ba kebun anggur iya.\\n2 Lebuh iya udah besetuju deka meri gaji sesingkap duit piraksehari ngagai siku-siku sida, iya lalu ngasuh sida bekereja ba kebun anggur iya.\\n3 Iya mupuk baru ke pasar ba urung pukul semilan, lalu tepedaka sekeda orang ke lelaki beketegir ngapa enda gawa.\\n4 Iya lalu bejaku ngagai sida, ‘Alai kita gawa ba kebun anggur. Aku deka meri kita gaji ti patut.’ Sida lalu mupuk.\\n5 Iya ngereja baka nya baru ba urung pukul dua belas, enggau ba urung pukul tiga.\\n6 Ba urung pukul lima, iya bejalai ke pasar, lalu tepedaka sekeda lelaki ti bukai mengkang beketegir enda gawa. Lalu ku iya bejaku ngagai sida, ‘Nama kebuah kita masau jam sehari-hari tu enda gawa?’\\n7 Sida lalu nyaut, ‘Laban orang nadai ngasuh kami gawa.’ Ku iya bejaku ngagai sida, ‘Alai kita gawa ba kebun anggur.’\\n8 “Lebuh hari nyau lemai, orang ke bempu kebun nya lalu madah ngagai mandur, ‘Kangauka bala orang gaji lalu bayar gaji sida, belabuh ari sida ke pemadu dudi, nyentuk ngagai sida ke pemadu dulu.’\\n9 Lebuh orang gaji ke berengkah gawa ari pukul lima datai, sida lalu dibayar sesingkap duit pirak siku.\\n10 Lebuh orang ke pemadu dulu gawa datai, sida ngumbai diri deka nerima gaji ti besai agi. Tang sida mega diberi sesingkap duit pirak siku.\\n11 Lebuh sida nerima gaji nya, sida lalu mut-mut ngagai orang ke ngaji sida.\\n12 Ku sida, ‘Orang ke pemadu dudi semina bekereja sejam aja, lalu nuan udah ngaga gaji sida sebaka enggau gaji kami ke udah bekereja sehari-hari tu natka diri laban panas.’\\n13 Tang ku iya nyaut sida, ‘Unggal, nadai aku ngakal nuan. Ukai enda nuan empu ke besetujuka gaji sesingap duit pirak?\\n14 Ambi gaji nuan, lalu pulai. Aku empu ke meri gaji ngagai orang ke pemadu dudi tu ngenyampau ti diberi aku ngagai nuan.\\n15 Kati aku enda tau ngena duit aku sepeneka ati aku? Tauka nuan kepapas meda aku gerah mudah meri utai ngagai orang?’\\n16 Nya alai, orang ke dudi deka nyadi dulu, lalu orang ke dulu deka nyadi dudi.”\\n17 Lebuh Jesus mansang ngagai Jerusalem, Iya mai murid ke dua belas iku ke tisi lebuh sida benung di rantau jalai, lalu bejaku ngagai sida,\\n18 “Dinga kita, kitai deka mupuk ngagai Jerusalem, lalu Anak Mensia deka diserahka ngagai bala tuai imam, enggau ngagai bala pengajar Adat, lalu sida deka ngasuh Iya diukum bunuh.\\n19 Sida deka nyerahka Iya ngagai orang bansa bukai, ti deka beduan Iya, nyipat Iya, lalu ngeregang Iya. Tang ba hari ti ketiga Iya deka diangkatka idup baru.”\\nPeminta Siku Indai\\n20 Udah nya bini Sebedi datai ngagai Jesus, mai anak lelaki iya ke dua iku. Iya besugang di mua Jesus, lalu minta Iya ngereja siti utai.\\n21 Jesus lalu nanya iya, “Nama utai dipinta nuan?” Ku bini Sebedi nyaut, “Awakka anak aku dua iku tu duduk muak ari kanan enggau ari kiba Nuan dalam Perintah Nuan.”\\n22 Tang ku Jesus nyaut iya, “Kita enda nemu utai ti dipinta kita. Kati seduai ulih ngirup ari mangkuk ti deka diirup Aku?” Seduai iya lalu nyaut, “Ulih.”\\n23 Ku Jesus bejaku ngagai seduai iya, “Seduai deka ngirup ari mangkuk Aku, tang pasal duduk muak ari kanan enggau ari kiba Aku, Aku nadai kuasa ngeletak nya. Penuduk nya udah disediaka Apai Aku ke orang ke bempu kerusi nya.”\\n24 Lebuh murid ke sepuluh iku ninga nya, sida lalu pedis ati ngagai seduai menyadi nya.\\n25 Tang Jesus ngangauka sida, lalu bejaku, “Kita nemu, orang ke merintah orang bansa bukai, nekanka pengidup orang ke dipegai sida, lalu bala tuai sida merinsaka sida.\\n26 “Tang ba kita utai nya enda baka nya. Barang sapa deka nyadi orang ke besai ba bala kita, enda tau enda nyadi kuli semua kita,\\n27 lalu barang sapa deka nyadi dulu ba bala kita, enda tau enda nyadi ulun kita,\\n28 baka Anak Mensia ke datai ukai minta Diri dibela, tang laban Iya deka mela, lalu nyerahka nyawa Diri kena nebus orang mayuh.”\\nJesus Ngeraika Dua Iku Orang Buta\\n29 Lebuh sida mupuk ari Jeriko, mayuh amat orang nitihka Iya.\\n30 Nyadi ba endur nya bisi dua iku orang buta duduk ba tisi jalai. Lebuh seduai iya ninga Jesus mansa, seduai iya lalu ngangau, “Kasihka kami, Anak David!”\\n31 Bala orang mayuh lalu balat amat ngerara seduai iya, ngasuh seduai iya badu agi ragak. Tang seduai iya ngangau inggar agi, “Tuhan, Anak David, kasihka kami!”\\n32 Jesus ngetu, lalu ngangauka seduai iya. Ku Iya, “Nama utai ti diasuh seduai kereja Aku ke seduai?”\\n33 Ku seduai iya bejaku, “Tuhan, awakka kami duai ulih meda!”\\n34 Jesus sinu ati ke seduai iya. Iya negu mata seduai iya, lalu tekala nya seduai iya ulih meda. Seduai iya lalu nitihka Jesus.\\nTama Nengeri Jerusalem\\n1 Lebuh Jesus enggau sida murid Iya nyau datai semak Jerusalem, lalu udah datai di Betpagi ba Bukit Kana, Jesus bejaku enggau dua iku murid.\\n2 Ku Iya, “Alai seduai mupuk ngagai nengeri ti di mua nyin. Din seduai deka nemu siku keledai ditanchang, enggau anak iya ngimbai iya. Buka tali jelu dua iku nya, lalu bai seduai iya ngagai Aku.\\n3 Enti orang bisi bejaku ngagai seduai, sebut aja munyi tu, ‘Tuhan begunaka seduai iya.’ Lalu iya deka ngasuh seduai mai jelu nya tekala nya.”\\n4 Utai tu nyadi kena ngamatka jaku ti udah disebut Tuhan beseruanka siku nabi:\\n5 “Padahka ngagai anak indu Sion, Peda kita, Raja kita datai ngagai kita. Iya baruh ati, lalu nepan keledai enggau nepan keledai ti agi biak, ti anak keledai.”\\n6 Murid ke dua iku nya mupuk, lalu ngereja utai ti diasuh Jesus.\\n7 Seduai iya mai keledai enggau anak keledai nya, lalu ngelempaika serayung seduai iya ba belakang jelu dua iku nya, lalu Jesus nepan ba jelu nya.\\n8 Mayuh amat orang nganchau serayung sida ba jalai raya, lalu sida ti bukai nyarau lalu nganchau dan kayu ba jalai raya nya.\\n9 Lalu bala orang ke bejalai dulu ari Iya enggau ke ngentudika Iya manjung: “Hosanna ke Anak David! Beberekat meh Iya ke datai dalam nama Tuhan! Hosanna ba serega ti pemadu tinggi!”\\n10 Lalu lebuh Iya tama ngagai Jerusalem, semua orang dalam nengeri nya begau magang. Ku sida nanya, “Sapa orang nya?”\\n11 Lalu ku orang mayuh nyaut, “Iya nya nabi Jesus ke datai ari Nasaret di menua Galili.”\\n12 Udah nya Jesus tama ngagai Rumah Sembiang lalu muru semua orang ke bejual-bebeli dalam Rumah Sembiang nya. Iya nungkupka mija orang ke penukar wang, enggau bangku orang ke nyual burung achang.\\n13 Ku Iya bejaku ngagai sida, “Endang udah ditulis, ‘Rumah Aku deka dikumbai rumah sembiang.’ Tang kita ngaga iya nyadi sarang perumpak!”\\n14 Orang ke buta, enggau orang ke kait-kupit datai ngagai Iya dalam Rumah Sembiang, lalu Iya ngeraika sida.\\n15 Tang lebuh sida tuai imam enggau sida pengajar Adat meda utai ti badas ti dikereja Iya, sereta meda bala anak mit manjung dalam Rumah Sembiang, “Hosanna ke Anak David!” sida pedis ati\\n16 lalu bejaku ngagai Iya, “Kati Nuan bisi ninga utai ti disebut sida?” Jesus lalu nyaut sida, “Bisi. Kati kita nadai udah kala macha: ‘Nuan udah ngasuh pantun puji ti pemadu badas pansut ari mulut bala anak mit, enggau anak mit ke benung nusu.’ “\\n17 Jesus ninggalka sida, pansut ari nengeri nya, mansang ngagai Betani, lalu bemalam dia.\\n18 Lebuh Iya mulaika Diri ngagai nengeri tumu pagi hari siti, Iya lapar.\\n19 Iya tepedaka sepun kayu ara ba tisi jalai. Iya lalu mansang ngagai kayu nya. Tang Iya nadai nemu utai dia, semina daun aja. Lalu ku Iya bejaku ngagai kayu nya, “Awakka nuan enda agi bebuah!” Kayu ara nya lalu layu tekala nya.\\n20 Lebuh sida murid meda nya, sida balat alit ati. Ku sida, “Baka ni ku kayu ara nya tak layu tekala nya?”\\n21 Lalu ku Jesus nyaut sida, “Enggau bendar Aku madah ngagai kita, enti kita arap lalu enda kakang ati, kita ulih ngereja utai ti udah dikereja Aku ngagai kayu ara tu. Lalu ukai semina nya aja, tang kita ulih bejaku ngagai bukit tu, ‘Angkat nuan lalu buai diri empu ngagai tasik,’ lalu utai nya deka nyadi.\\n22 Enti kita arap, kita deka nerima sebarang utai ti dipinta kita dalam sampi.”\\n23 Lebuh Jesus tama ngagai Rumah Sembiang, sida tuai imam, enggau sida tuai bansa datai ngagai Iya lebuh Iya benung ngajar, lalu nanya Iya, “Kuasa apa kena Nuan ngereja utai tu, lalu sapa meri Nuan kuasa nya?”\\n24 Disaut Jesus, “Aku pen deka mega nanya kita siti tanya. Enti kita tesautka Aku, nya baru Aku deka madah ngagai kita kuasa ti dikena Aku ngereja utai tu.\\n25 Kati pemaptisa John datai ari serega tauka ari mensia?” Sida lalu bekelikuh enggau pangan diri. Ku sida, “Enti kitai nyebut, ‘Ari serega,’ Iya deka nyebut ngagai kitai, ‘Enti pia, nama kebuah kita enda arapka iya?’\\n26 Tang enti kitai nyebut, ‘Ari mensia,’ kitai takutka orang mayuh, laban semua sida ngumbai John nabi.”\\n27 Nya alai sida lalu nyaut Jesus, “Enda kami nemu.” Lalu ku Iya bejaku enggau sida, “Aku pen enggai meh madah ngagai kita kuasa ti dikena Aku ngereja utai tu.”\\nSempama Pasal Dua Iku Anak Lelaki\\n28 “Baka ni ku runding kita? Orang siku bisi dua iku anak lelaki. Iya mansang ngagai anak iya ke tuai agi, lalu bejaku, ‘Anak, alai nuan gawa ba kebun anggur sehari tu.’\\n29 Lalu ku anak tuai iya nyaut, ‘Enggai.’ Tang udah nya, iya ngubah runding diri, lalu nurun gawa.\\n30 Udah nya apai iya mansang ngagai anak iya ke biak agi, lalu bejaku munyi nya mega enggau iya. ‘Au, tuan,’ ku anak iya nya nyaut, tang iya enda nurun gawa.\\n31 Ni bagi seduai nya ke ngereja utai ti dikedekaka apai seduai iya?” “Iya ke tuai agi,” ku sida nyaut. Jesus lalu bejaku ngagai sida, “Enggau bendar Aku madah ngagai kita, bala pengumpul chukai enggau bala indu sundal deka tama dulu agi ari kita ke dalam Perintah Allah Taala.\\n32 Laban John Pemaptisa udah datai ngagai kita nunjukka jalai ngagai pengelurus, lalu kita enda arapka iya, tang sida pengumpul chukai enggau bala indu sundal arapka iya. Indah lebuh kita meda utai nya nyadi deh kita enda nesal ati ke dosa kita lalu arapka iya.\\n33 “Pendingka jaku sempama siti tu. Orang siku bisi sebidang tanah. Iya numbuhka kebun anggur ba tanah nya, nirika pagar ngelingi kebun nya, numbak lubang alai ngaga pitan anggur, lalu ngaga sebuah menara. Udah nya iya nyua kebun anggur nya ngagai orang, lalu bejalai ngagai menua bukai.\\n34 Lebuh maya ngetau, iya ngasuh bala ulun iya mansang ngagai orang ke nyua kebun anggur nya, deka ngambi buah.\\n35 Bala orang ke nyua kebun nya lalu nangkap bala ulun iya, malu siku, munuh siku, lalu nuku siku ti bukai ngena batu.\\n36 Orang nya lalu ngasuh mayuh agi ulun iya ti bukai mansang ngagai kebun nya. Bala orang ke nyua kebun nya lalu ngereja ngagai sida baka ti udah dikereja sida ngagai bala ulun ke dulu.\\n37 Udah nya iya ngasuh anak lelaki iya empu, ku iya, ‘Sida tentu deka bebasaka anak lelaki aku.’\\n38 Tang lebuh bala orang ke nyua kebun anggur nya meda anak lelaki iya datai, sida lalu bejaku enggau pangan diri, ‘Tu orang ke bempu waris. Aram kitai munuh iya lalu ngerampas pesaka iya!’\\n39 Nya alai sida nangkap iya, muai iya ari kebun anggur nya, lalu munuh iya.\\n40 “Nya alai lebuh orang ke bempu kebun anggur nya datai, nama utai ti deka dikereja iya ngagai orang ke nyua kebun anggur nya?”\\n41 Disaut sida, “Iya deka munuh orang ke jai nya, lalu ngasuh orang bukai nyua kebun nya, iya nya orang ke deka meri iya buah lebuh maya ngetau.”\\n42 Ku Jesus bejaku enggau sida, “Kati kita nadai udah kala macha dalam Bup Kudus: ‘Batu ti enda diguna tukang rumah udah nyadi batu ti pemadu beguna. Tu utai ti udah dikereja Tuhan, lalu ba mata kami, utai nya manah’?\\n43 Nya alai, Aku madah ngagai kita, Perintah Allah Taala deka diambi ari kita, lalu diberi ngagai orang ke deka mansutka buah Perintah nya.\\n44 Orang ke labuh ninggang batu nya, deka redak, lalu iya deka ngeredakka orang ke labuh ninggang iya.”\\n45 Lebuh sida tuai imam enggau orang Parisi ninga jaku sempama Jesus, sida nemu Iya bejakuka pasal sida.\\n46 Sida bisi amat ati deka nangkap Iya, tang sida takutka orang mayuh laban sida ngumbai Jesus nabi.\\nSempama Pasal Gawai Tikah\\n1 Jesus lalu bejaku baru ngena jaku sempama ngagai orang mayuh. Ku Iya,\\n2 “Perintah serega tau dibandingka enggau siku raja ke nyendiaka gawai tikah ke anak lelaki iya.\\n3 Iya ngasuh bala orang gaji iya ngangauka orang ke udah diambi ngabang datai ngagai gawai tikah nya. Tang sida enggai datai.\\n4 Iya lalu ngasuh bala orang gaji iya ti bukai, ku iya, ‘Padahka ngagai orang ke udah diambi ngabang: Dinga kita, aku udah nyendiaka pengerami makai besai. Jelu sapi aku, enggau anak sapi aku ti gemu udah disayat, lalu semua utai udah sedia magang. Datai meh kita ngagai gawai tikah!’\\n5 Tang sida enda tentu ibuhka tesau nya lalu mupuk ngagai endur bukai, siku ke umai, siku ngagai pengawa dagang iya,\\n6 lalu sida ti bukai nangkap bala orang gaji raja nya, beduan lalu munuh sida.\\n7 Raja nya lalu ringat. Iya ngirumka bala soldadu iya, munuh bala pemunuh nya, lalu nunu nengeri sida.\\n8 Udah nya iya bejaku ngagai bala ulun iya, ‘Gawai tikah udah sedia, tang orang ke udah diambi ngabang enda tau datai.\\n9 Nya alai bejalai kita ngagai jalai raya lalu ambi ngabang ngagai gawai tikah tu semua orang ke ditemu kita.’\\n10 Bala ulun iya lalu mansang ngagai semua jalai raya, lalu ngempuruka semua orang ke ditemu sida, orang ke manah enggau orang ke jai. Nya alai balai tikah nya nyau penuh laban bala pengabang.\\n11 “Tang lebuh raja tama, deka meda bala pengabang, iya tepedaka siku lelaki ke enda ngena pekayan tikah.\\n12 Iya lalu bejaku ngagai orang nya, ‘Unggal, baka ni ku nuan tama kitu enda ngena pekayan tikah?’ Orang nya lalu nadai nemu jalai bejaku.\\n13 Udah nya raja lalu bejaku ngagai bala ulun iya, ‘Berekas kaki jari iya, lalu buai iya ke luar ngagai endur ti petang, alai orang deka nyabak sereta begerit ngeli.’\\n14 Laban mayuh dikangau, tang mimit aja dipilih.”\\n15 Udah nya sida orang Parisi mupuk lalu baum deka manjuk Jesus ngena jaku Iya Empu.\\n16 Sida lalu ngasuh bala murid sida enggau bala nembiak Herod mansang ngagai Jesus. Ku sida, “Pengajar, kami nemu Nuan endang madahka utai ti bendar, lalu ngajar utai ti bendar pasal jalai Allah Taala, lalu Nuan enda bedulika orang, laban Nuan endang enda bedulika sapa-sapa.\\n17 Nya alai padahka runding Nuan ngagai kami. Kati kitai tau mayar chukai ngagai Raja Besai, tauka enda?”\\n18 Tang Jesus nemu ati sida endang jai. Nya alai Iya bejaku, “Nama kebuah kita nguji Aku? Kita tu orang ke pura-pura ngapa?\\n19 Pandangka ngagai Aku duit kena mayar chukai!” Sida lalu mai sesingkap duit ngagai Iya.\\n20 Iya lalu nanya sida, “Gambar sapa enggau nama sapa tu?”\\n21 Sida lalu nyaut, “Enggi Raja Besai.” Iya lalu bejaku ngagai sida, “Utai Raja Besai, beri ngagai Raja Besai, utai Allah Taala, beri ngagai Allah Taala.”\\n22 Lebuh sida ninga nya, sida balat alit ati. Sida lalu ninggalka Iya, lalu mupuk ari endur nya.\\n23 Sehari nya mega, sekeda orang Saduki datai ngagai Iya. Sida nya orang ke ngumbai nadai pengangkat ari mati. Lalu sida nanya Iya,\\n24 “Pengajar, Moses madahka, ‘Enti lelaki mati nadai anak, menyadi lelaki iya enda tau enda jadi enggau balu nya, ngambika seduai iya bisi anak ngarika menyadi iya.’\\n25 Nyadi sekali ba bala kami bisi tujuh iku orang diri menyadi. Iya ke tuai bebini, lalu mati nadai anak, lalu ninggalka balu iya ke menyadi lelaki iya.\\n26 Baka nya mega menyadi iya ti kedua, ti ketiga, nyentuk ngagai menyadi iya ti ketujuh.\\n27 Ke penudi iya, indu nya mega mati.\\n28 Lebuh pengangkat orang ari mati, sapa ari sida tujuh iku nya ke bempu bini nya? Laban semua sida bela udah ampit jadi enggau iya.”\\n29 Tang ku Jesus nyaut sida, “Salah penemu kita, laban kita enda nemu Bup Kudus, tauka kuasa Allah Taala.\\n30 Laban, lebuh pengangkat orang ari mati, sida nadai jadi melaki-bini, tauka nikah, tang nyadi baka melikat ti di serega.\\n31 Nyadi pasal pengangkat orang ari mati: kati kita nadai udah kala macha utai ti udah dipadahka Allah Taala ngagai kita,\\n32 ‘Aku tu Allah Taala ke disembah Abraham, Isak, enggau Jakop?’ Iya ukai Allah Taala ke orang ke mati, tang Allah Taala ke orang ke idup.”\\n33 Lebuh orang mayuh ninga nya, sida balat amat alit ati ke ajar Iya.\\nPesan Ti Besai\\n34 Lebuh orang Parisi ninga Jesus udah madamka penemu orang Saduki, sida lalu begempuru.\\n35 lawyer ari bala sida lalu mantaika siti tanya ngagai Jesus, deka nguji Iya.\\n36 “Pengajar, ni pesan ti pemadu besai dalam Adat?”\\n37 Ku Jesus bejaku ngagai iya, “ ‘Rinduka Tuhan Allah Taala nuan enggau pengabis ati nuan, enggau pengabis semengat nuan, enggau pengabis runding nuan.’\\n38 Tu pesan ti keterubah sereta pemadu besai.\\n39 Lalu pesan ti kedua nya sebaka enggau nya: ‘Rinduka pangan nuan baka nuan ke rinduka diri empu.’\\n40 Semua Adat enggau ajar sida nabi beduduk ba pesan dua iti tu.”\\n41 Lebuh orang Parisi begempuru, Jesus nanya sida,\\n42 ku Iya, “Baka ni ku penemu kita pasal Kristus? Peturun sapa Iya nya?” Sida lalu nyaut, “Peturun David.”\\n43 Iya lalu nanya sida, “Enti pia, baka ni ku David, ari iring Roh Kudus, ngumbai Kristus ‘Tuhan’? Laban David empu nyebut,\\n44 ‘Ku Tuhan bejaku enggau Tuhan aku: Duduk muak ari kanan Aku datai ke Aku udah ngengkahka bala munsuh Nuan di baruh kaki Nuan.’\\n45 Enti David ngumbai Iya ‘Tuhan,’ baka ni ku Iya tau nyadi peturun David?”\\n46 Nadai siku orang tesautka Iya, lalu kenyau ari nya, nadai agi orang berani betanyaka utai ngagai Iya.\\nBejaga Ari Bala Pengajar Adat Enggau Bala Orang Parisi\\n1 Udah nya Jesus lalu bejaku ngagai orang mayuh enggau ngagai sida murid Iya.\\n2 “Sida pengajar Adat enggau orang Parisi udah diberi kuasa nerangka Adat Moses.\\n3 Nya alai, kereja sebarang utai ti diajar sida ngagai kita, lalu titihka ajar nya, tang anang ngereja utai ti dikereja sida, laban sida enda ngereja utai ti diajar sida empu.\\n4 Sida nanchangka ma ti berat, ti mar dibai, ba bau orang bukai, tang sida empu enggai enchukirka tunjuk mai ma nya.\\n5 Sida minta diri dipeda orang mayuh lebuh sida ngereja semua pengawa sida. Sida ngaga papak kain ti besai alai sida nuliska jaku ari Bup Kudus, lalu dilekatka sida ba kening enggau ba lengan sida, lalu rambing puting gari sida panjai.\\n6 Sida rindu duduk ba penuduk ti di atas lebuh pengerami makai besai, enggau duduk ba penuduk ti pemadu manah dalam balai gempuru,\\n7 lalu sida rindu ditabi orang ba sebelah pasar, lalu rindu dikumbai orang ‘Pengajar.’\\n8 Tang kita enda tau dikumbai Pengajar, laban kita semina bisi siku aja Pengajar, lalu semua kita tu diri menyadi magang.\\n9 Lalu anang ngumbai orang di dunya tu Apai, laban kita semina bisi siku aja Apai, Iya ke di serega.\\n10 Lalu kita pen enda mega tau dikumbai kepala, laban kita semina bisi siku aja kepala, iya nya Kristus.\\n11 Orang ke pemadu besai ba bala kita deka nyadi kuli kita.\\n12 Semua orang ke ngeninggika diri, deka dikemaruhka, lalu semua orang ke ngemaruhka diri, deka ditinggika.\\nJesus Ngakim Orang Ke Pura-pura\\n13 “Tulah meh kita pengajar Adat, kita orang Parisi, kita ke pura-pura ngapa! Kita nutup pintu Perintah serega di mua orang mayuh, tang kita empu enda tama, lalu kita nagang orang bukai tama!\\n14 Tulah meh kita pengajar Adat enggau kita orang Parisi! Kita tu orang ke pura-pura ngapa!Kita ngerampas rumah indu ke balu, lalu kita pura-pura ngayanka\\ndiri lama besampi! Nya alai kita deka diberi ukum ti pemadu berat!\\n15 “Tulah meh kita pengajar Adat enggau kita orang Parisi! Kita tu orang ke pura-pura ngapa! Laban kita belayar meraka tasik, lalu ngelangkah mayuh bengkah menua, nguji mai siku orang ngagai agama kita, lalu kita ngaga orang nya nyadi peranak neraka dua kali lipat jai agi ari kita empu!\\n16 “Tulah meh kita malin ke buta, ke nyebut, ‘Enti orang besumpah atas nama Rumah Sembiang, utai nya nadai ngawa, tang enti iya besumpah ngena nama\\nemas ti dalam Rumah Sembiang, iya kena tanchang sumpah nya.’\\n17 Kita tu buta sereta beli! Laban ni ti besai agi, emas tauka Rumah Sembiang ti ngasuh emas nya kudus?\\n18 Lalu ku kita, ‘Enti orang besumpah atas nama alta, utai nya nadai ngawa, tang enti iya besumpah atas nama pemeri ti ba alta nya, iya kena tanchang sumpah\\n19 Kita tu buta! Laban ni ti besai agi, pemeri tauka alta ti ngasuh pemeri nya kudus?\\n20 Nya alai orang ke besumpah atas nama alta, besumpah mega atas nama alta nya enggau atas nama semua pemeri ti ba alta nya,\\n21 lalu orang ke besumpah atas nama Rumah Sembiang, besumpah mega atas nama Rumah Sembiang nya enggau atas nama Allah Taala ti diau dalam Rumah\\n22 lalu orang ke besumpah atas nama serega, besumpah mega atas nama kerusi diraja Allah Taala enggau atas nama Iya ke duduk ba kerusi diraja nya.\\n23 “Tulah meh kita pengajar Adat, enggau kita orang Parisi! Kita tu orang ke pura-pura ngapa! Laban kita meri sepuluh peratus ari rempah kita, baka telasih, adas manis, enggau jintan, tang kita enggai ngereja utai ti beguna agi dalam Adat, baka pengelurus, pengasih enggau pengarap. Semua utai nya patut dikereja kita, tang anang nejuka utai bukai nya enda dikereja.\\n24 Kita tu malin ke buta! Kita muai lalat ari ai irup kita, tang kita nelan unta!\\n25 “Tulah meh kita pengajar Adat, enggau kita orang Parisi! Kita tu orang ke pura-pura ngapa! Laban kita nuchi mangkuk enggau chapak kita ari luar, tang\\ndalam nyin sida penuh laban pengamu enggau ati ti semina berundingka diri empu aja.\\n26 Kita orang Parisi endang amat buta! Tuchi dulu mangkuk enggau chapak kita ari dalam, ngambika sida mega tuchi ari luar!\\n27 “Tulah meh kita pengajar Adat, enggau kita orang Parisi! Kita tu orang ke pura-pura ngapa! Laban kita tu baka kubur ti udah dichat burak, ti manah gaya dipeda ari luar, tang dalam nyin kita penuh laban tulang enggau semua macham utai ti kamah.\\n28 Nya alai, di luar gamal kita baka ke lurus, tang dalam nyin kita penuh laban ati ti pura-pura ngapa enggau penyai.\\nJesus Madahka Ukum Sida\\n29 “Tulah meh kita pengajar Adat enggau kita orang Parisi! Kita tu orang ke pura-pura ngapa! Laban kita begagaka kubur ti manah ke sida nabi, lalu ngelagu tiang pengingat ke orang ke lurus,\\n30 lalu ku kita, ‘Enti sema kami idup lebuh maya aki ini kami kelia, kami tentu enggai enggau sida munuh bala sida nabi!’\\n31 Nya meh jalai kita besaksi ngelaban diri empu, laban kita madahka diri peturun orang ke udah munuh sida nabi.\\n32 Nya alai tembuka meh pengawa ti udah ditumbuhka bala aki ini kita!\\n33 Kita ular, kita anak ular! Baka ni ku kita ulih nagang diri dibuai ngagai neraka?\\n34 Nya alai, Aku ngirumka ngagai kita bala sida nabi, enggau orang ke bepenemu-dalam, enggau sida pengajar Adat. Sekeda sida deka dibunuh kita, lalu\\ndiregang, sekeda disipat kita dalam balai gempuru kita, lalu diperinsaka kita ari nengeri sebuah ngagai nengeri sebuah,\\n35 ngambika kita ditinggang darah orang ke lurus ke udah dibunuh kita di dunya tu, belabuh ari darah Abel ke nadai penyalah, nyentuk ngagai darah Sekariah anak Berekiah ke dibunuh kita ba entara Endur ti Kudus enggau alta.\\n36 Enggau bendar Aku madah ngagai kita, semua utai nya deka ninggang rebak ti diatu!\\nJesus Nyabak Ke Jerusalem\\n37 “O Jerusalem, Jerusalem! Nuan munuh sida nabi lalu nuku ngena batu bala seruan ke dikirumka Allah Taala ngagai nuan! Aku suah udah deka ngaul semua\\nnembiak nuan, baka indu manuk ti ngempuruka anak di baruh sayap iya, tang nuan enggai nejuka Aku!\\n38 Nya alai rumah nuan deka ditinggalka puang nadai orang nguan.\\n39 Laban, Aku madah ngagai nuan, berengkah ari diatu, nuan nadai agi meda Aku nyentuk ngagai maya nuan nyebut, ‘Beberekat meh Iya ke datai dalam nama Tuhan.’ “\\nRumah Sembiang Ti Deka Dirusak\\n1 Jesus pansut ari Rumah Sembiang, lalu lebuh Iya benung bejalai ninggalka rumah nya, sida murid Iya datai lalu nunjukka ngagai Iya semua rumah ti dalam Rumah Sembiang nya.\\n2 Tang ku Iya nyaut sida, “Kita meda semua utai tu. Tang enggau bendar Aku madah ngagai kita, nadai sigi batu nya deka mengkang betusun ditu, tang semua deka diruntuhka magang.”\\n3 Lebuh Jesus duduk ba Bukit Kana, sida murid datai ngagai Iya kediri, lalu bejaku, “Padahka ngagai kami, kemaya semua utai tu deka nyadi, lalu nama tanda ti nunjukka Nuan deka datai baru, enggau pengujung dunya?”\\n4 Disaut Jesus, “Bejaga kita, enggai ke orang nesatka kita.\\n5 Laban mayuh orang deka datai dalam nama Aku, ku sida, ‘Aku tu Kristus!’ lalu sida deka nesatka mayuh orang.\\n6 Lalu kita deka ninga munyi perang, enggau berita pasal perang. Tang anang takut, laban utai nya enda tau enda nyadi, tang pengujung apin datai.\\n7 Laban bansa siti deka beperang ngelaban bansa siti, lalu menua siti deka beperang ngelaban menua siti, lalu lapar pungkang enggau tanah berenyang deka nyadi ba mayuh bengkah endur.\\n8 Semua utai tu deka nyadi baka indu ke radai deka beranak.\\n9 “Udah nya sida deka nangkap kita, merinsaka kita, lalu munuh kita, lalu semua bansa deka begedika kita ketegal nama Aku.\\n10 Udah nya mayuh orang deka ngelengkaka pengarap, lalu nyual pangan diri, sereta begedika pangan diri.\\n11 Lalu mayuh nabi ti pelesu deka pegari, lalu nesatka mayuh orang.\\n12 Lalu laban penyai deka nambah-menambah, mayuh orang enda agi rinduka pangan diri.\\n13 Tang orang ke tan datai ke ujung, deka diselamatka.\\n14 Lalu Berita Manah pasal Perintah Allah Taala deka ditusui di serata dunya, nyadika saksi ngagai semua bansa. Udah nya baru pengujung datai.\\n15 “Nya alai lebuh kita meda utai ti jai, ti balat ngenakutka, ti dikenang nabi Daniel, bediri ba endur ti kudus (awakka orang ke macha meretika utai tu),\\n16 awakka orang ke diau di Judea rari ngagai bukit.\\n17 Awakka orang ke ba atas perabung enda nurun ngambi utai ari rumah iya,\\n18 lalu awakka orang ke di umai, enda nikal lalu ngambi serayung iya.\\n19 Naka meh penusah indu ke ngandung enggau sida indai ke nusuka anak lebuh maya nya!\\n20 Besampi kita, ngambika kita ukai rari lebuh musin chelap, tauka lebuh hari Sabat!\\n22 Lalu enti penyampau hari nya enda dikurangka, nadai mensia ulih diselamatka. Tang ketegal bala nembiak ke udah dipilih Allah Taala, penyampau hari nya\\n23 “Udah nya, enti orang nyebut ngagai kita, ‘Peda kita! Nyin Kristus!’ tauka ‘Nyin Iya!’ anang arapka nya.\\n24 Laban Kristus ti pelesu, enggau nabi ti pelesu endang deka pegari, lalu ngereja kereja ajih, enggau kereja ti nyelai, kena sida nesatka nembiak ti udah dipilih Allah Taala, enti ulih.\\n25 Dinga kita! Aku udah madahka utai tu sebedau iya nyadi.\\n26 “Nya alai, enti orang madah ngagai kita, ‘Peda kita! Nyin Iya di menua puang din,’ anang kita kia. Tauka enti sida nyebut ngagai kita, ‘Peda kita! Iya bisi di bilik!’ anang kita arapka nya.\\n27 Laban Anak Mensia deka datai baka kilat ti nyelar ari timur ngagai barat.\\n28 Dia alai bangkai, dia meh endur alai burung ti bepakaika bangkai deka begelumu.”\\n29 “Enda lama udah bekau penusah ti besai nya nyadi, mata hari deka piam, lalu bulan nadai agi manchar, lalu bintang deka labuh ari langit, lalu kuasa ti di langit deka begegar.\\n30 Udah nya tanda Anak Mensia deka pegari di langit, lalu semua mensia di dunya deka ngulit, lalu sida deka meda Anak Mensia datai ba atas remang ari serega, ngena kuasa enggau mulia ti besai.\\n31 Terumpit ti besai deka disepu, lalu Anak Mensia deka ngasuh bala melikat Iya bejalai, lalu sida deka ngempuruka semua orang ke udah dipilih Allah Taala ari semua sukut dunya.\\n32 “Pelajarka ari kayu ara. Lebuh dan iya nyau geduk, lalu belabuh bekantuk, kita nemu musin panas nyau semak.\\n33 Baka nya mega lebuh kita meda semua utai tu, kita nemu Iya nyau semak, udah datai ba mua pintu.\\n34 Enggau bendar Aku madah ngagai kita, rebak ti diatu apin mati sebedau semua utai tu udah nyadi magang.\\n35 Langit enggau dunya deka lenyau, tang leka jaku Aku enda lenyau.\\nNadai Orang Nemu Hari Tauka Maya\\n36 “Tang nadai orang nemu hari tauka jam utai tu deka nyadi. Melikat ke di serega enda nemu, lalu Anak Mensia pen enda mega nemu. Semina Apai aja nemu.\\n37 Baka lebuh maya Noah menya, baka nya meh gaya penatai Anak Mensia.\\n38 Laban berapa hari sebedau bah besai nyadi, orang majak makai ngirup, jadi melaki-bini, nikah, nyentuk ngagai hari Noah tama ke dalam bandung,\\n39 lalu sida nadai nemu utai, nyentuk ngagai maya ai bah datai lalu nabanka semua sida. Baka nya meh gaya penatai Anak Mensia.\\n40 Lebuh maya nya ila, dua iku orang deka gawa di umai: siku ditabanka, lalu siku ditinggalka.\\n41 Dua iku indu deka ngisar: siku ditabanka, lalu siku ditinggalka.\\n42 Nya alai, bejaga kita, laban kita enda nemu hari Tuhan kita deka datai.\\n43 Tang kita enda tau enda nemu tu, enti orang ke bempu rumah nemu kemaya penchuri deka datai, iya tentu deka bejaga lalu enda nejuka rumah iya dirumpak.\\n44 Nya alai kita enda tau enda sedia, laban Anak Mensia deka datai ba jam ti enda disangka kita.\\n45 “Nya alai, sapa ulun ke tetap ati sereta bepenemu-dalam, ke udah diasuh tuan iya ngemataka semua ulun ti bukai, ngambika bisi meri sida pemakai ba maya ti patut.\\n46 Beberekat meh ulun nya ke ditemu tuan iya ngereja pengawa nya, lebuh tuan iya datai!\\n47 Enggau bendar Aku madah ngagai kita, tuan iya deka ngasuh ulun nya ngemataka semua reta tengkira iya.\\n48 Tang enti ulun nya jai, iya deka bejaku dalam ati diri, ‘Tuan aku laun datai’\\n49 lalu iya belabuh bepaluka ulun ti bukai, lalu makai ngirup enggau orang ke pemabuk.\\n50 Lebuh tuan iya datai ba hari enggau jam ti enda disangka iya, tauka ditemu iya,\\n51 tuan iya deka mepat iya, lalu muai iya sama enggau orang ke pura-pura ngapa,\\_f x \\_fr 24.51 \\_ft orang ke pura-pura ngapa; \\_fq Tauka: \\_ft orang ke hipokrit\\_f* ngagai endur alai orang deka nyabak sereta begerit ngeli.\\nSempama Pasal Sepuluh Iku Indu Dara\\n1 “Lebuh maya nya ila, Perintah serega tau dibandingka enggau sepuluh iku indu dara, ke mai kelita mansang ngambat lelaki ke deka ditikah.\\n2 Lima iku ari bala sida nya beli, lalu lima iku pintar.\\n3 Lebuh sida ke beli mai kelita sida, sida nadai mekal diri enggau minyak,\\n4 tang sida ke pintar mekal diri enggau minyak ke kelita sida.\\n5 Lebuh lelaki ke deka ditikah nya laun datai, semua sida ngantuk lalu tinduk.\\n6 Tang ba urung tengah malam, orang ngangau, ‘Dinga kita! Tu lelaki ke deka ditikah! Pansut kita lalu ambat iya.’\\n7 Indu dara ke sepuluh iku nya angkat lalu nginsur sumbu kelita sida.\\n8 Sida ke beli lalu bejaku ngagai sida ke pintar, ‘Beri kami minyak, laban kelita kami nyau deka padam.’\\n9 Tang ku sida ke pintar nyaut, ‘Enggai kami! Enggai ke minyak kami enda chukup dibagi enggau kita. Manah kita mansang ngagai kedai lalu meli minyak ke diri empu.’\\n10 Lebuh sida benung mansang meli minyak, lelaki ke deka ditikah pen datai. Indu ke endang udah sedia nya tama enggau lelaki nya ngagai pengerami gawai tikah. Pintu lalu ditutup.\\n11 “Udah nya sida ti bukai datai, lalu bejaku, ‘Tuan, tuan! Buka pintu ke kami!’\\n12 Tang ku lelaki nya nyaut, ‘Enggau bendar aku madah ngagai kita, aku enda ngelala kita.’\\n13 Nya alai bejaga kita, laban kita enda nemu hari tauka jam.”\\nSempama Pasal Tiga Iku Orang gaji\\n14 “Laban Perintah serega nya baka orang siku ke baru deka bejalai ngagai menua bukai. Iya ngangauka bala orang gaji iya, lalu ngasuh sida ngemataka reta tengkira iya.\\n15 Ngagai siku iya nyerahka lima ribu singkap duit emas, ngagai siku ti bukai dua ribu singkap, lalu ngagai siku, seribu singkap, nitihka pengelandik sida siku-siku. Udah nya iya mupuk.\\n16 Orang gaji ke nerima lima ribu singkap lalu tekala nya bedagang ngena duit nya, lalu bulih untung lima ribu singkap.\\n17 Baka nya mega orang gaji ke nerima dua ribu singkap. Iya bulih untung dua ribu singkap.\\n18 Tang orang gaji ke nerima seribu singkap mupuk, numbak lubang ba tanah lalu ngelalaika duit tuan iya dalam lubang tanah nya.\\n19 “Nyau kelama udah bekau nya, tuan sida datai, lalu ngira akaun enggau sida.\\n20 Lalu orang gaji ke nerima lima ribu singkap datai, mai lima ribu singkap nambahka nya. Ku iya, ‘Tuan, nuan udah nyerahka ngagai aku lima ribu singkap duit. Tu lima ribu singkap untung ti udah ulih aku.’\\n21 Ku tuan iya bejaku ngagai iya, ‘Manah pengawa nuan! Nuan tu orang gaji ke manah sereta tetap ati. Nuan tau dikarapka ngemataka utai ti mimit, nya alai aku deka ngasuh nuan ngemataka utai ti mayuh. Tama ke dalam lalu sama gaga ati enggau aku!’\\n22 Udah nya orang gaji ke udah nerima dua ribu singkap duit datai, lalu bejaku, ‘Tuan, nuan udah nyerahka ngagai aku dua ribu singkap duit. Tu dua ribu singkap untung ti ulih aku.’\\n23 Ku tuan iya bejaku ngagai iya, ‘Manah pengawa nuan! Nuan tu orang gaji ke manah sereta tetap ati! Nuan udah tau dikarapka ngemataka utai ti mimit, nya alai aku deka ngasuh nuan ngemataka mayuh utai. Tama ke dalam lalu sama gaga ati enggau aku!’\\n24 Udah nya, orang gaji ke nerima seribu singkap datai lalu bejaku, ‘Tuan, aku nemu nuan endang orang ke terit, ngetau utai ti ukai ditanam nuan, lalu ngumpul utai ti ukai ditaburka nuan,\\n25 nya alai aku takut, lalu ngelalaika duit nuan dalam tanah. Tu duit nuan.’\\n26 Tang ku tuan iya nyaut iya, ‘Nuan tu orang gaji ke jai sereta ngelusu! Nuan nemu aku ngetau utai ti ukai ditanam aku, lalu ngumpul utai ti ukai ditaburka aku,\\n27 Enti nuan nemu nya, nuan patut udah beranakka duit aku dalam bank, ngambika lebuh aku datai, aku ulih nerima duit nya enggau bungai iya.\\n28 Nya alai ambi duit nya ari iya, lalu beri ngagai iya ke bisi sepuluh ribu singkap.\\n29 Laban, genap iku orang ke bisi utai, deka diberi mayuh agi, lalu iya deka ngembuan mayuh agi utai. Tang orang ke nadai utai, indah utai ti dikemisi iya deh deka dirampas ari iya.\\n30 Lalu buai orang gaji ke nadai guna nya ke luar ngagai endur ti petang, alai iya deka nyabak sereta begerit ngeli.’\\nPengawa Ngakim Ti Penudi\\n31 “Lebuh Anak Mensia datai dalam mulia Iya, lalu semua melikat datai enggau Iya, nya baru Iya deka duduk ba kerusi diraja Iya ti bemulia.\\n32 Semua bansa deka digempuruka di mua Iya, lalu Iya deka nyeraraka sida ari pangan diri, baka pengibun bedus ke nyeraraka bedus ari kambin,\\n33 lalu Iya deka ngengkahka orang ke lurus muak ari kanan Iya, lalu sida ti bukai, muak ari kiba Iya.\\n34 Udah nya Raja deka bejaku ngagai orang ke muak ari kanan Iya, ‘Datai kitu, kita ke udah diberekatka Apai Aku, awakka kita bempu Perintah ti udah disedia ke kita kenyau ari penumbuh dunya,\\n35 laban lebuh Aku lapar, kita meri Aku makai. Lebuh Aku aus, kita meri Aku ngirup. Lebuh Aku nyadi orang kampar, kita ngelaluka Aku ngagai rumah kita.\\n36 Aku telanjai, lalu kita meri Aku gari. Aku sakit, lalu kita ngintu Aku. Aku ditutup dalam rumah jil, lalu kita ngabas Aku.’\\n37 Udah nya sida ke lurus deka nyaut Iya, ‘Tuhan, kemaya kami meda Nuan lapar, lalu meri Nuan makai, tauka meda Nuan aus, lalu meri Nuan ngirup?\\n38 Lalu kemaya kami meda Nuan nyadi orang kampar, lalu ngelaluka Nuan ngagai rumah kami, tauka meda Nuan telanjai, lalu meri Nuan gari?\\n39 Lalu kemaya kami meda Nuan sakit, tauka meda Nuan dalam rumah jil, lalu ngabas Nuan?’\\n40 Lalu Raja nya deka nyaut sida, ‘Enggau bendar Aku madah ngagai kita, lebuh kita ngereja utai tu ngagai siku ari menyadi Aku ti pemadu mit tu, kita ngereja nya ngagai Aku!’\\n41 “Udah nya Iya deka bejaku ngagai sida ke muak ari kiba Iya, ‘Rari ari Aku, kita ke kena sumpah, ngagai api ti enda nemu padam, ti udah disedia Allah Taala ke Sitan enggau ke bala melikat iya!\\n42 Laban lebuh Aku lapar, kita enda meri Aku makai. Lebuh Aku aus, kita enda meri Aku ngirup.\\n43 Aku orang kampar, tang kita enda ngelaluka Aku ngagai rumah kita. Aku telanjai, tang kita enda meri Aku gari. Aku sakit enggau ditan dalam rumah jil, tang kita enda ngabas Aku.’\\n44 Udah nya sida deka nyaut Iya, ‘Tuhan, kemaya kami meda Nuan lapar tauka aus, tauka ngampar, tauka telanjai, tauka sakit, tauka ditan dalam rumah jil, lalu enda ngintu Nuan?’\\n45 Udah nya Iya deka nyaut sida, “Enggau bendar Aku madah ngagai kita, genap kali kita enda nulung siku ari sida ke pemadu mit tu, kita enda nulung Aku.’\\n46 Lalu sida deka diukum belama iya, tang sida ke lurus deka tama ngagai pengidup ti meruan belama iya.”\\nOrang Bepekat Deka Munuh Jesus\\n1 Lebuh Jesus udah nyebut semua utai nya, Iya lalu bejaku ngagai sida murid Iya,\\n2 “Kita nemu, Gawai Paska deka belabuh dua hari da agi, lalu Anak Mensia deka diserahka ngambika Iya diregang.”\\n3 Sida tuai imam enggau sida tuai bansa lalu baum dalam istana imam besai ke benama Kaiapas,\\n4 bekiraka jalai nangkap Jesus ngena chara belalai, lalu munuh Iya.\\n5 Tang ku sida, “Ukai lebuh maya gawai, enggai ke orang begau.”\\nJesus Ditata Ngena Minyak Wangi Di Betani\\n6 Nyadi lebuh Jesus di Betani, ba rumah Simon ke udah sakit lan,\\n7 siku indu datai ngagai Iya mai sebutul minyak wangi ti berega, lalu nuang minyak wangi nya ba pala Jesus, lebuh Jesus benung makai.\\n8 Tang lebuh sida murid meda nya, sida pedis ati, lalu bejaku, “Nama kebuah masau minyak wangi nya baka nya?\\n9 Minyak nya tau dijual ngena rega ti besai, lalu duit nya diberi ngagai orang ke seranta!”\\n10 Tang Jesus nemu utai ti disebut sida, lalu bejaku ngagai sida, “Nama kebuah kita ngachau indu tu? Iya udah ngereja utai ti manah ke Aku.\\n11 Laban kita deka seruran bisi orang ke seranta begulai enggau kita, tang Aku enda seruran begulai enggau kita.\\n12 Lebuh iya nuang minyak wangi nya ba tubuh Aku, iya nyendiaka Aku dikubur.\\n13 Enggau bendar Aku madah ngagai kita, di semua endur alai Berita Manah tu ditusui di serata dunya, utai ti udah dikereja iya deka ditusui, kena ngingatka iya.”\\n14 Udah nya siku ari sida ke dua belas, ke benama Judas Iskariot, mansang ngagai sida tuai imam\\n15 lalu bejaku, “Nama utai ti deka diberi kita ngagai aku enti aku nyerahka Jesus ngagai kita?” Sida lalu meri iya tiga puluh singkap duit pirak.\\n16 Berengkah ari nya Judas belabuh begigaka peluang kena nyerahka Jesus ngagai sida.\\nJesus Makai Pemakai Gawai Paska Enggau Bala Murid Iya\\n17 Nyadi ba hari ti keterubah ke Gawai Roti Ti Enda Beragi, sida murid datai ngagai Jesus, lalu bejaku, “Dini endur alai Nuan deka ngasuh kami nyendiaka pemakai Gawai Paska ke Nuan?”\\n18 Ku Iya bejaku, “Mansang kita ngagai orang siku di nengeri, lalu sebut ngagai iya: ‘Ku Pengajar, Maya Aku nyau semak. Aku enggau bala murid Aku deka ngintu Gawai Paska ba rumah nuan.’ “\\n19 Sida murid lalu ngereja nitihka asuh Jesus lalu nyendiaka pemakai Gawai Paska.\\n20 Lebuh hari nyau lemai, Iya duduk enggau sida dua belas iku.\\n21 Lebuh sida benung makai, Jesus bejaku, “Enggau bendar Aku madah ngagai kita, siku ari kita deka nyual Aku.”\\n22 Sida lalu tusah amat ati, lalu belabuh nanya Iya, udah siku-siku, “Ukai aku ti ku Nuan, Tuhan?”\\n23 Disaut Iya, “Orang ke nyepuhka roti ke dalam mangkuk nyereta Aku, nya meh orang ke deka nyual Aku.\\n24 Anak Mensia endang deka mati munyi ti disebut dalam Bup Kudus, tang naka meh penusah orang ke nyual Anak Mensia! Manah agi enti iya enda ada!”\\n25 Judas, ke nyual Iya, lalu bejaku, “Ukai aku ti ku Nuan, Pengajar?” Disaut Jesus, “Nuan empu udah madahka diri.”\\n26 Lebuh sida benung makai, Jesus ngambi roti, merekat lalu mechahka roti nya, nyuaka roti nya ngagai sida murid Iya, lalu bejaku, “Ambi, empa; tu tubuh Aku.”\\n27 Udah nya Iya ngambi mangkuk, lalu lebuh Iya udah meri terima kasih, Iya nyuaka mangkuk nya ngagai sida murid, ku Iya, “Irup tu, semua kita,\\n28 laban tu darah Aku kena nanggam sempekat baru Allah Taala, ti dituang ke orang mayuh ke pengampun dosa.\\n29 Aku madah ngagai kita, Aku enda agi ngirup wain tu datai ngagai maya Aku ngirup iya baru enggau kita dalam Perintah Apai Aku.”\\n30 Lebuh sida udah belagu siti pantun, sida lalu mupuk ngagai Bukit Kana.\\n31 Jesus lalu madah ngagai sida, “Malam tu semua kita deka rari magang ketegal Aku, laban endang udah ditulis, ‘Aku deka munuh pengibun bedus, lalu raban bedus deka pambar.’\\n32 Tang lebuh Aku udah diangkatka idup baru, Aku deka mupuk dulu ari kita ngagai Galili.”\\n33 Peter lalu bejaku ngagai Iya, “Enti sema semua orang rari ketegal Nuan, aku meh enda.”\\n34 Ku Jesus bejaku ngagai Peter, “Enggau bendar Aku madah ngagai nuan: malam tu, sebedau manuk mengkukuk, nuan udah besangkalka Aku tiga kali.”\\n35 Ku Peter bejaku ngagai Iya, “Enti sema aku mati enggau Nuan, enda meh aku besangkalka Nuan!” Semua murid ti bukai bela bejaku munyi nya magang.\\n36 Udah nya Jesus mupuk enggau sida ngagai endur siti ti dikumbai Getsemani, lalu ku Iya bejaku ngagai sida, “Duduk ditu. Aku deka kin lalu besampi.”\\n37 Iya lalu mai enggau Iya Peter enggau anak Sebedi ke dua iku. Ati Iya balat tusah sereta sinu.\\n38 Udah nya Iya bejaku ngagai sida, “Ati Aku balat tusah, asai ke deka mati. Diau ditu, lalu bejaga enggau Aku.”\\n39 Iya bejalai jauh mimit, nyungkurka Diri ke tanah, lalu besampi, “Apai, enti ulih, awakka mangkuk tu diambi ari Aku! Tang ukai nitihka peneka Aku, tang nitihka peneka Nuan.”\\n40 Iya lalu pulai baru ngagai sida murid, lalu nemu sida tinduk, lalu ku Iya bejaku ngagai Peter, “Kati kita enda ulih bejaga enggau Aku sejam?\\n41 Bejaga sereta besampi ngambika kita enda kena laban penguji. Ati amat deka, tang tubuh lemi.”\\n42 Iya mupuk baru kedua kali, lalu besampi, “Apai, enti mangkuk tu enda tau diambi ari Aku, lalu Aku enda tau enda ngirup iya, awakka peneka Nuan nyadi.”\\n43 Iya pulai baru, lalu nemu sida murid tinduk, laban sida nyau kelalu deka tinduk.\\n44 Nya alai Iya ninggalka sida baru, mupuk, lalu besampi ketiga kali, munyi ti dulu.\\n45 Udah nya Iya pulai baru ngagai sida, lalu bejaku, “Kati kita agi tinduk sereta belelak? Peda kita! Jam udah chukup, lalu Anak Mensia deka dijual ngagai orang ke bedosa.\\n46 Angkat, aram kitai mupuk. Peda kita, orang ke nyual Aku udah datai!”\\n47 Lebuh Jesus agi benung bejaku, Judas datai, iya nya siku ari sida ke dua belas. Mayuh amat orang ke betangkinka pedang enggau bebaika pemalu datai enggau iya ari asuh sida tuai imam enggau sida tuai bansa.\\n48 Nyadi orang ke nyual Iya udah meri siti tanda ngagai sida, ku iya, “Orang ke disium aku, nya meh Iya. Tangkap Iya!”\\n49 Judas mansang ngagai Jesus, lalu bejaku, “Tabi, Pengajar,” lalu nyium Iya.\\n50 Ku Jesus bejaku ngagai iya, “Unggal, kereja enggau jampat utai ti deka dikereja nuan.\\nSida mansang, megai Iya, lalu nangkap Iya.\\n51 Siku orang ke enggau Jesus lalu tekala nya nyintak pedang iya, lalu mantap ulun imam besai, mutuska pending iya.\\n52 Jesus lalu bejaku ngagai iya, “Selitka pedang nuan. Semua orang ke ngena pedang deka mati laban pedang.\\n53 Kati kita ngumbai Aku enda ulih ngangauka Apai Aku, lalu Iya tekala nya ngirumka lebih dua belas raban soldadu melikat?\\n54 Tang enti baka nya, baka ni ku Bup Kudus dikamatka, ti madahka utai tu enda tau enda nyadi baka tu?”\\n55 Jesus lalu bejaku ngagai orang mayuh, “Kati Aku tu perumpak alai kita bebaika pedang enggau pemalu mansang nangkap Aku? Tiap hari Aku duduk ngajar dalam Rumah Sembiang, lalu kita enda nangkap Aku.\\n56 Tang semua utai tu nyadi kena ngamatka jaku ti udah ditulis sida nabi dalam Bup Kudus.” Udah nya semua murid ninggalka Iya, lalu rari.\\nJesus Dibai Ngagai Imam Besai\\n57 Udah nya orang ke nangkap Jesus lalu mai Iya ngagai rumah imam besai Kaiapas alai sida pengajar Adat enggau sida tuai bansa udah begempuru.\\n58 Tang Peter nitihka Iya ari jauh, nyentuk ngagai tengah laman rumah imam besai. Iya tama lalu nudukka diri enggau bala jejaga, deka nengkilaka semua utai ti nyadi.\\n59 Nyadi sida tuai imam enggau semua raban Kunsil nguji ngiga saksi ti bula kena ngelaban Jesus, ngambika sida ulih munuh Iya,\\n60 tang sida nadai tetemuka saksi ke baka nya, taja pen mayuh orang mansang ke mua lalu nyebut utai ti bula pasal Iya. Ke pengujung iya, dua iku orang mansang ke mua\\n61 lalu bejaku, “Orang tu udah nyebut, ‘Aku ulih ngerubuh Rumah Sembiang Allah Taala, lalu nirika iya baru dalam tiga hari.’ “\\n62 Imam besai bediri, lalu bejaku, “Kati Nuan enda nyaut nya? Nama utai ti disebut orang tu ngelaban Nuan?”\\n63 Tang Jesus mengkang enda bemunyi. Imam besai lalu bejaku baru ngagai Iya, “Dalam nama Allah Taala ti idup, aku ngasuh nuan madah ngagai kami enti Nuan tu Kristus, Anak Allah Taala.”\\n64 Ku Jesus bejaku ngagai iya, “Nuan empu udah nyebut nya. Tang Aku madah ngagai kita, berengkah ari diatu kita deka meda Anak Mensia duduk muak ari kanan Allah Taala ti Pemadu Bekuasa, lalu datai atas remang ari serega!”\\n65 Imam besai lalu nyarikka gari diri, lalu bejaku, “Iya udah bejaku busung! Nama kebuah kitai begunaka saksi bukai? Kita empu baru udah ninga Iya bejaku busung!\\n66 Baka ni ku penemu kita?” Sida lalu nyaut, “Iya patut dibunuh.”\\n67 Sida lalu ngeludah mua Iya, lalu malu Iya. Lalu ku sekeda orang ke nampar Iya bejaku,\\n68 “Benabi Nuan, Kristus! Sapa nampar Nuan!”\\n69 Nyadi Peter duduk di luar, ba tengah laman. Siku indu ke nyadi kuli imam besai datai lalu bejaku ngagai Peter, “Nuan tu pen sama enggau Jesus orang Galili.”\\n70 Tang Peter besangkal di mua semua bala sida, ku iya, “Nadai aku nemu utai ti ku nuan.”\\n71 Lebuh Peter pansut ngagai mua pintu penama, siku agi kuli indu meda iya, lalu bejaku ngagai bala orang ke bediri semak dia, “Orang tu udah enggau Jesus orang Nasaret.”\\n72 Peter lalu besangkal baru, “Aku besumpah, aku enda nemu orang nya!”\\n73 Enda lama udah nya, sida lelaki ke bediri dia datai lalu bejaku ngagai Peter, “Nuan tu siku ari bala sida, ari chara nuan bejaku!”\\n74 Ku Peter, “Aku besumpah, aku madahka utai ti amat! Awakka Allah Taala ngukum aku enti aku enda! Aku enda ngelala orang nya!” Tekala nya manuk lalu mengkukuk.\\n75 Peter lalu ingatka utai ti udah dipadahka Jesus ngagai iya: ‘Sebedau manuk mengkukuk, nuan deka udah besangkalka Aku tiga kali.” Peter pansut lalu duie-duie nyabak.\\n1 Pagi nya, semua tuai imam enggau sida tuai bansa lalu begigaka chara munuh Jesus.\\n2 Sida nanchang Iya, mai Iya pansut, lalu nyerahka Iya ngagai Gabenor Pilate.\\n3 Lebuh Judas, ke udah nyual Iya, ninga Jesus udah diukum, iya nesal ati lalu mulaika tiga puluh singkap duit pirak nya ngagai sida tuai imam, enggau tuai bansa.\\n4 Ku iya, “Aku udah bedosa nyual orang ke nadai penyalah!”\\nTang ku sida nyaut iya, “Kapa kami ka ibuhka nya? Nya pekara nuan empu!”\\n5 Judas lalu ngempaska duit nya dalam Rumah Sembiang, mupuk ari endur nya, lalu ngantung diri.\\n6 Sida tuai imam lalu ngumpul duit nya, lalu ku sida, “Kitai ngelanggar Adat enti kitai nyimpan duit tu dalam sarang reta Rumah Sembiang, laban tu duit darah.”\\n7 Nya alai sida berandauka nya, lalu meli, ngena duit nya, sebidang tanah ari tukang periuk, nyadika endur alai nguburka orang kampar.\\n8 Nya kebuah tanah nya dikumbai, “Tanah Darah” nyentuk ngagai sehari tu.\\n9 Utai tu nyadi kena ngamatka jaku ti udah disebut beseruanka nabi Jeremiah: “Lalu sida ngambi tiga puluh singkap duit pirak nya, penyampau ti udah dipesetujuka orang Israel kena sida meli Iya,\\n10 lalu ngena duit nya sida meli tanah tukang periuk, nitihka pesan Tuhan ngagai aku.”\\nPilate Nanya Jesus\\n11 Jesus bediri di mua gabenor, lalu gabenor nanya Iya: “Kati Nuan raja orang Judah?” Disaut Jesus, “Munyi ti disebut nuan.”\\n12 Tang lebuh sida tuai imam enggau sida tuai bansa besalahka Iya, Iya enda nyaut.\\n13 Udah nya Pilate bejaku ngagai iya, “Kati Nuan nadai ninga pemayuh utai ti disebut sida ngelaban Nuan?”\\n14 Tang Jesus enda nyaut, seleka jaku pen enda, lalu tuan gabenor balat amat alit ati.\\n15 Nyadi ba tiap Gawai Paska, tuan gabenor endang selalu ngelepaska siku orang tutup nitihka pinta orang mayuh.\\n16 Nyadi lebuh maya nya bisi siku orang tutup ti tebilang, ke benama Jesus Barabas.\\n17 Nya alai lebuh orang mayuh udah begempuru, Pilate lalu bejaku ngagai sida, “Sapa patut dilepaska aku ke kita? Jesus Barabas, tauka Jesus ke dikumbai Kristus?”\\n18 Laban Pilate endang nemu bala tuai orang Judah nyerahka Jesus ngagai iya, laban sida kepapas.\\n19 Lebuh Pilate benung ngakim pekara nya, bini iya ngirumka pesan ngagai iya munyi tu: “Anang ngereja utai nama-nama ngagai orang ke lurus nya, laban aku udah tusah amat ati pasal Iya dalam mimpi aku sehari tu.”\\n20 Nyadi sida tuai imam enggau sida tuai bansa nyungkak orang mayuh minta Pilate ngelepaska Barabas, lalu munuh Jesus.\\n21 Tuan gabenor lalu bejaku baru ngagai orang mayuh, “Sapa ari seduai tu ke dilepaska aku ke kita?” Sida lalu nyaut, “Barabas!”\\n22 Pilate lalu bejaku, “Enti pia, nama utai ti patut dikereja aku ngagai Jesus ke dikumbai Kristus?” Semua sida lalu nyaut, “Regang Iya!”\\n23 Pilate lalu nanya, “Nama kebuah? Nama penyalah Iya?” Tang sida manjung inggar agi, “Regang Iya!”\\nPilate Nyerahka Jesus Ngambika Iya Diregang\\n24 Lebuh Pilate nemu diri nadai ulih ngereja utai nama-nama, laban orang mayuh nyau deka begau, iya ngambi ai, lalu masu jari diri di mua orang mayuh, lalu bejaku, “Aku enda tanggung pemati orang tu! Kita empu tanggung nya!”\\n25 Semua orang mayuh lalu nyaut, “Awakka darah Iya ninggang kami enggau anak kami!”\\n26 Nya alai Pilate ngelepaska Barabas ke sida. Iya ngasuh Jesus disipat, lalu nyerahka Iya ngambika Iya diregang.\\n27 Udah nya bala soldadu Pilate mai Jesus ngagai istana gabenor, lalu semua bala soldadu bekelingika Iya\\n28 Sida lalu muka gari ari tubuh Iya, lalu ngerasukka baju panjai ti ungu ba Iya.\\n29 Sida lalu ngaga makota duri, ngengkahka makota nya ba pala Iya, lalu ngengkahka siti tungkat ba jari kanan Iya. Sida lalu besugang di mua Iya, lalu ngeleseka Iya. Ku sida, “Tabi ke Nuan Raja orang Judah!”\\n30 Sida lalu ngeludah Iya, ngambi tungkat ari Iya, lalu malu pala Iya.\\n31 Lebuh sida udah tembu beduan Iya, sida muka baju panjai ti ungu nya ari Iya, lalu ngerasukka gari Iya Empu baru ba Iya, lalu mai Iya pansut, deka\\n32 Lebuh sida pansut, sida betemu enggau siku lelaki ke benama Simon, ari Sairin. Sida lalu mejalka orang nya ngesan regang Jesus.\\n33 Lebuh sida datai ba endur siti ti dikumbai Golgota (reti nya, “Endur Alai Keruntuk”)\\n34 sida meri Iya wain dichampur enggau empedu, tang lebuh Jesus ensepi utai nya, Iya enggai ngirup.\\n35 Lebuh sida udah ngeregang Iya, sida lalu bechabut undi ke gari Iya.\\n36 Udah nya sida duduk nengkilaka Iya.\\n37 Ba atas pala Iya sida ngengkahka siti pelekat ti madahka penyalah Iya. Baka tu ku jaku ti ditulis ba pelekat nya, “Tu Jesus, Raja orang Judah.”\\n38 Dua iku penyamun lalu diregang sama enggau Iya, siku muak ari kanan, lalu siku muak ari kiba.\\n39 Orang ke mansa ngeleseka Jesus, ngilikka pala sida\\n40 lalu bejaku, “Nuan ke deka ngerubuh Rumah Sembiang, lalu nirika iya baru dalam tiga hari, idupka diri empu lalu nurun nuan ari regang nya!”\\n41 Sida tuai imam enggau sida pengajar Adat, enggau sida tuai bansa mega ngeleseka Iya. Ku sida,\\n42 “Iya ngidupka orang bukai, tang Iya enda ulih ngidupka Diri Empu! Enti Iya amat Raja orang Israel, awakka Iya nurun ari regang nya, ngambika kitai arapka Iya!\\n43 ngarapka Allah Taala. Awakka Allah Taala meh ngelepaska Iya, enti Allah Taala deka, laban Iya udah nyebut, ‘Aku tu Anak Allah Taala.’ “\\n44 Perumpak ke diregang sama enggau Iya mega ngeleseka Iya.\\n45 Ba urung tengah hari, semua menua petang magang nyentuk ngagai pukul tiga ngalih hari.\\n46 Ba urung pukul tiga, Jesus ngangau enggau nyawa ti inggar, “Eli, Eli, lama sabaktani?” reti nya, “Allah Taala Aku, Allah Taala Aku, nama kebuah Nuan ninggalka Aku?”\\n47 Lebuh orang ke bediri dia ninga Iya manjung, sida lalu bejaku, “Iya ngangauka Elijah!”\\n48 Siku ari bala sida lalu belanda tekala nya, ngambi siti bungai karang, nyepuhka bungai karang nya ngagai ai wain ti masam, nuatka bungai karang nya ngena kayu, lalu nguji ngasuh Jesus ngirup.\\n49 Tang ku sida ti bukai bejaku, “Anang guai dulu! Nyangka Elijah bisi datai nyelamatka Iya!”\\n50 Jesus ngangau baru enggau nyawa ti inggar, lalu ngapuska seput.\\n51 Kain tirai ti digantung dalam Rumah Sembiang lalu charik belah dua ari atas ke baruh. Tanah berenyang, lalu batu belah.\\n52 Kubur mega tebuka, lalu mayuh nembiak Tuhan ke udah mati, diangkatka idup baru.\\n53 Sida pansut ari kubur lebuh Jesus udah diangkatka ari mati. Sida tama ngagai Nengeri ti Kudus, lalu mayuh orang meda sida.\\n54 Lebuh pemesai soldadu enggau bala soldadu ke sama enggau iya nengkilaka Jesus, meda tanah berenyang, enggau semua utai bukai ti nyadi, sida takut, lalu ku sida, “Iya amat Anak Allah Taala!”\\n55 Sida ke indu pen mayuh mega dia, nengkilaka Iya ari jauh. Sida tu udah nitihka Iya ari Galili, lalu ngintu Iya.\\n56 Bala sida nya nyengkaum Maria Magdalin, Maria indai James seduai Josep, enggau bini Sebedi.\\n57 Lebuh hari nyau lemai, siku orang ke kaya ari Arimatea datai. Nama iya Josep. Iya tu mega murid Jesus.\\n58 Iya betemu enggau Pilate, lalu minta bangkai Jesus. Pilate lalu ngasuh orang nyerahka bangkai Jesus ngagai Josep.\\n59 Josep lalu ngambi bangkai Jesus, lalu mungkus bangkai nya ngena kain linin ti baru.\\n60 Iya ngengkahka bangkai nya dalam kubur Josep empu, ti udah ditebuk iya ba batu galang. Iya lalu maringka sigi batu ti besai ngagai mua lubang kubur nya, lalu mupuk ari endur nya.\\n61 Maria Magdalin enggau Maria ti siku nya bisi dia, duduk nunga ngagai kubur nya.\\nBala Jejaga Ba Kubur\\n62 Hari siti, iya nya hari Sabat, sida tuai imam enggau sida orang Parisi betemu enggau Pilate.\\n63 Ku sida, “Tuan, kami ingatka utai ti udah disebut orang ke bula nya, lebuh Iya agi idup. Ku Iya, ‘Udah bekau tiga hari, Aku deka angkat idup baru.’\\n64 Nya alai, asuh orang nyaga kubur nya nyentuk ngagai hari ti ketiga, enggai ke sida murid Iya datai lalu ngenchuri bangkai Iya, lalu madah ngagai orang mayuh, ‘Iya udah angkat idup baru ari mati,’ lalu pemula ti penudi tu deka jai agi ari pemula ti keterubah.”\\n65 Ku Pilate bejaku enggau sida, “Bai seraban jejaga, lalu mupuk. Jaga kubur nya likun enggau naka ulih kita.”\\n66 Sida mupuk lalu ngelekatka chop tambit ba batu ti dikena nutup kubur nya lalu ngasuh jejaga nyaga kubur nya.\\nPengangkat Jesus Ari Mati\\nBerita Ti Ditusui Bala Jejaga\\n11 Lebuh indu dua iku nya benung di rantau jalai, sekeda soldadu ke nyaga kubur nya mansang ngagai nengeri, lalu madah ngagai sida tuai imam pasal semua utai ti udah nyadi.\\n12 Lebuh sida tuai imam udah baum enggau sida tuai bansa, sida lalu meri duit ngagai sida soldadu nya.\\n13 Ku sida, “Padahka ngagai orang mayuh, ‘Sida murid Iya datai lebuh malam hari, lalu ngenchuri bangkai Iya, lebuh kami tinduk.’\\n14 Lalu enti tuan gabenor ninga pasal pekara tu, kami deka bejaku ngagai iya, ngambika kita enda kena penusah laban nya.”\\n15 Bala soldadu lalu ngambi duit nya, lalu ngereja nitihka asuh sida, lalu jerita nya ditaburka ngagai orang Judah nyentuk ngagai sehari tu.\\n16 Murid ke sebelas iku lalu mupuk ngagai menua Galili, ngagai bukit sigi ti udah dipadahka Jesus ngagai sida.\\n17 Lebuh sida meda Iya, sida lalu nyembah Iya, tang sekeda sida kakang ati.\\n18 Jesus mansang ngagai sida lalu bejaku, “Semua kuasa di serega enggau di dunya udah diberi magang ngagai Aku.\\n19 Nya alai, bejalai kita ngagai semua bansa lalu gaga sida nyadi murid Aku, maptisa sida dalam nama Apai, Anak enggau Roh Kudus,\\n20 lalu ajar sida ngasika semua pesan ti udah diberi Aku ngagai kita. Lalu ingat, Aku deka seruran enggau kita nyentuk ngagai pengujung dunya.”","num_words":23371,"character_repetition_ratio":0.073,"word_repetition_ratio":0.01,"special_characters_ratio":0.223,"stopwords_ratio":0.353,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kompeni ti ngereja pengawa nanam baru kampung anang sepeneka tama ke tanah PMPG | Utusan Borneo Online\\nIsnin, 13 Julai 2020 - 7:41am\\nHalaman Utama » Iban » Kompeni ti ngereja pengawa nanam baru kampung anang sepeneka tama ke tanah PMPG\\nKompeni ti ngereja pengawa nanam baru kampung anang sepeneka tama ke tanah PMPG\\nSIBU: Sarawak Workers Party (SWP) minta kompeni ti ngereja pengawa nanam baru kampung enda sepeneka tama tanah Pemakai Menua enggau Pulau Galau (PMPG) enggi rayat Sungai Bangkit\/Kabitas Tengah di Song.\\nPresiden parti tu, Munan Laja madah, enti kompeni nya diberi lisin nanam baru kampung, sida semina ulih nanam ba Tanah Nengeri aja tang enda ulih ba PMPG lebih agi enti orang ngempu menua nya enda setuju.\\n“Atur ti udah ditetapka ngagai kompeni ke nanam baru kampung tu iya nya sida semina nanam ba Tanah Nengeri aja.\\n“Tang ba kes di Song, sida nyau ngereja kampung tauka nebang kayu ba PMPG rayat Sungai Bangkit\/Kabitas Tengah dikena nanam baru kampung enggau pun ‘akasia’.\\n“Enti sida ngereja kampung ba Tanah Nengeri, nadai dia orang ka kiruh,” pia ku iya madah ngagai pengarang berita, kemari.\\n“Nya alai, kompeni meseti bebasaka pekara tu kelimpah piak ti bekaul enda ulih enda neritka adat PMPG,” ku iya nerang.\\n“Enti PMPG enggau NCR rayat nyau disengkaum ba projek tu, iya meseti bisi polisi tang polisi nya diatu enda dikena taja kompeni majak ngereja,” pia ku iya.\\n“Kami ba SWP enggau SADIA deka semampai beratika projek nanam baru kampung tu nengah kuasa kami dikena nentuka undang-undang dipejalai nitih pematut ngambika hak rayat ke beempu tanah ulih dijaga,” ku iya ti mega peranak asal pelilih Song.","num_words":253,"character_repetition_ratio":0.116,"word_repetition_ratio":0.033,"special_characters_ratio":0.198,"stopwords_ratio":0.229,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"16 April 2019 - Hari Dua ba Minggu Kudus -->\\n16 April 2019 - Hari Dua ba Minggu Kudus\\nJesus lalu nyaut, “Orang ke deka diberi Aku roti tu, lebuh Aku udah nyepuhka roti tu ke dalam mangkuk.” - John 13: 21 - 33, 36 - 38\\nBacha Ke Satu: Isaiah 49: 1 - 6\\nPendingka aku, kita menua ti ba tebing tasik, kita ke diau jauh! Sebedau aku ada, TUHAN endang udah milih aku lalu ngeletak aku nyadika nembiak Iya.\\nIya ngasuh leka jaku aku tajam baka pedang. Iya nyaga aku ngena jari Iya Empu Iya ngaga aku baka laja, tajam sereta sedia deka dikena.\\nKu TUHAN bejaku ngagai aku, “Israel, nuan tu nembiak Aku. Ketegal nuan, orang deka muji Aku.”\\nKu aku bejaku, “Aku udah gawa, tang pengawa nya nadai reti! Aku udah ngansingka pengering aku, tang nadai bulih utai. Tang taja pia, aku arapka TUHAN deka bejaku ngarika aku. Iya deka ngupah aku ketegal pengawa ti dikereja aku. Sebedau aku ada, TUHAN endang udah ngeletak aku mai bala nembiak Iya pulai baru, mai orang Israel ti udah pambar pendiau pulai baru. TUHAN meri aku basa. Iya meh nyadika pun pengering aku.”\\nKu TUHAN bejaku ngagai aku, “Nembiak Aku, Aku bisi pengawa ti besai agi ti diasuh Aku kereja nuan. Nuan ukai semina deka mulaika kuasa ngagai orang Israel ti agi idup, tang Aku deka mega ngaga nuan nyadika penampak ke semua bansa, ngambika semua dunya diselamatka.”\\nMasmur Entara: Masmur 71: 1 - 2, 3 - 4A, 5 - 6AB, 15 & 17\\nSaut (peda 15b): Aku deka bejakuka pasal pengelepas Nuan.\\nTUHAN, aku datai ngagai Nuan minta Nuan nyaga aku.\\nAnang nejuka aku alah!\\nLaban Nuan lurus, nya alai tulung meh aku lalu lepaska aku.\\nPendingka aku, lalu selamatka aku!\\nSaut: Aku deka bejakuka pasal pengelepas Nuan.\\nAwakka Nuan nyadi pengelindung aku sereta nyadi kuta ti tegap nyaga aku,\\nlaban Nuan nyadika batu enggau kuta aku.\\nO Allah Taala aku, lepaska aku ari orang ke jai,\\nari kuasa orang ke merinsaka orang, enggau ari orang ke jai ati.\\nTUHAN ti Pemadu Tinggi, aku manggaika pengandal ati aku ba Nuan.\\nAku endang udah manggaika diri ba Nuan kenyau ari aku agi biak.\\nAku udah ngarapka Nuan seumur idup.\\nNuan udah nyaga aku kenyau ari aku ada.\\nAku deka nusui pasal pemadas Nuan.\\nAku deka bejakuka pasal pengelepas Nuan sepemanjai hari,\\ntaja pen aku enda nemu semua utai nya.\\nNuan udah ngajar aku kenyau ari aku agi biak,\\nlalu aku mengkang madahka pemadas pengawa Nuan.\\nTabi ka nuan, Raja kami, ti ngasi ka Apai;\\nnuan di-iring ngagai regang nuan,\\nbaka domba ti jinak ti deka disayat.\\nBacha Injil: John 13: 21 - 33, 36 - 38\\nLebuh Jesus udah nyebut nya, ati Iya balat tusah, lalu ku Iya bejaku, “Enggau bendar Aku madah ngagai kita, siku ari bala kita deka nyual Aku.”\\nSida murid lalu beperening ngagai pangan diri, enda nemu sapa ti ku Iya.\\nSiku ari sida murid, iya ke dikerinduka Jesus, bisi duduk ngimbai Jesus.\\nSimon Peter lalu ngepaika jari ngagai murid nya, minta iya nanya ngagai Jesus sapa ti ku Iya.\\nMurid nya lalu nyingitka diri ngagai Jesus, lalu nanya Iya, “Tuhan, sapa orang nya?”\\nJesus lalu nyaut, “Orang ke deka diberi Aku roti tu, lebuh Aku udah nyepuhka roti tu ke dalam mangkuk.”\\nLebuh Iya udah nyepuhka roti nya, Iya lalu meri roti nya ngagai Judas anak Simon Iskariot.\\nLebuh Judas udah nerima roti nya, Sitan lalu tama ngagai iya.\\nKu Jesus bejaku ngagai Judas, “Kereja jampat utai ti deka dikereja nuan!”\\nNadai siku sida ke ba mija nya nemu kebuah Jesus nyebut nya ngagai Judas.\\nSekeda sida ngumbai Jesus ngasuh Judas meli roti kena ngintu gawai, tauka meri duit ngagai orang ke seranta, laban Judas ngemataka sarang duit sida.\\nNya alai lebuh Judas udah nerima roti nya, iya lalu pansut tekala nya. Hari endang udah malam.\\nLebuh Judas udah mupuk, Jesus lalu bejaku, “Diatu Anak Mensia udah dimuliaka, lalu Allah Taala udah dimuliakabdalam Iya.\\nEnti Allah Taala dimuliaka dalam Iya, Allah Taala deka mega ngemuliaka Iya dalam Iya Empu, lalu ngemuliaka Iya diatu.\\nAnak, Aku semina enda lama aja agi enggau kita. Kita deka ngiga Aku. Lalu munyi ti udah dipadahka Aku ngagai orang Judah, baka nya mega Aku madah ngagai kita, ‘Kita enda ulih datai ngagai endur ti deka digagai Aku.’\\nSimon Peter lalu bejaku ngagai Iya, “Tuhan, ka kini ke Nuan?”\\nJesus lalu nyaut, “Diatu nuan enda ulih nitihka Aku ngagai endur ti deka digagai Aku, tang ila baru nuan nitihka Aku.”\\nPeter lalu bejaku ngagai Iya, “Tuhan, nama kebuah aku enda ulih nitihka Nuan diatu? Aku sedia deka nyerahka nyawa aku ketegal Nuan!”\\nDisaut Jesus, “Kati nuan amat sedia deka nyerahka nyawa diri ketegal Aku? Enggau bendar Aku madah ngagai nuan, sebedau manuk mengkukuk nuan udah besangkalka Aku tiga kali.”","num_words":717,"character_repetition_ratio":0.048,"word_repetition_ratio":0.023,"special_characters_ratio":0.226,"stopwords_ratio":0.391,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penjurai Apaienduq: Sekeda Pekara ti nyadi\\n1. Sebulan udah nyaUmbas ga penanggul kandang seminggu \"kaban\" aku mula masuk sepital (workshop). Ukai nama, tak senenjik tekena ka maya taun baru China, tudah kaban aku \"ngerising\" tak seminggu di teju pia aja. Seminggu nya nadai kena nganti, nurun kelang kelut ke opis, ke sekul ke opis pekara biasa dalam sehari. Akai dai ni bisi produktif enti lama baka nya.Tang amat nasib ga seminggu udah nya bisi \"anak pelanduk\" 1591, di injau kandang sebulan, baru di anjung pagi 8.3.2009. Pama meh nadai agi kelang kelut kaban jamah iya.Mua baru, tang enda \"asai\" sebedau sebulan nyin subaSebulan nginjau, nasib amat kena sangkung dalam insuran2. Ngabas Bungai BuahKena mansut ka peluh, nemuai enda lama ngabas sebatang dua pun rian. Enda ibuh megai duku, bejalai aja ngulu lebak, niki bukit mimit pan udah chukup mansut ka sengah, sema jaku bedau pansut peluh. Umbas ga pengujung, baju baka kena tinggang ujang kemi kak nya meh iya.Ha ha ha andal ga ati, tang sigi bedau ga arap endar laban sigi ukai maya rian bebungai maya tu.Buah bukai baka asam sigi dulu belama. Ukai nama, bangat ransing ka meda rian diri empu bebuah laban mango masuk 6 taun pan lalu nadai mansut asil taja pan ninting taun bebungai kenyau ari umur iya 3 taun. Mula suba asai asai amat ransing ngintu mango tang diatu apu kala nadai ngabas sampai 4 bulan, bula nusi, batang melai mesai \"batang tapang\" - kati enda tapang baru 4 kaki tinggi deh!!!!Ayos, ka nguji niki batang rianSiti ari pun rian ti semak penataiNgetu belelak ba Rumah Kebun Apai Lee Lek (tengah)","num_words":259,"character_repetition_ratio":0.029,"word_repetition_ratio":0.0,"special_characters_ratio":0.214,"stopwords_ratio":0.089,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Main pistol..\\npistol amat meh tu\\nLemai tu tadi bala kami bisi kena kangau bala kaban ti gawa ba Opis PDRM enggau pengawa main pistol...hee..hee..latih nimbak...\\nPengawa nimbak tu diator bala raban PDRM Betong di Padang Sasar, Bukit Saban. Lebih 30 pegawai ari tiap agensi perintah enggau swasta bisi nurun agai program lemai tu.\\nKPD benong ngajar chara ngena pistol\\nBA enggai enggau tang laban tuan Residen ti keran amat mai...BA nurun ga. BA nurun enggau AO Hayati. Ia ransing sereta gagit amat ka enggau nimbak. Tahun nyin kemari pan ia bisi enggau.\\nwah..asai ka dalam cherita csi ko...\\nDatai di padang sasar...BA nyadi takut ninga munyi seterum ditembak ka. BA phobia sereta takut. Selemai tu BA semina ngambi gambar aja...BA enggai nguji...nya meh nyau tekaung nyawa Cif Inspektor Halim ngasoh nguji...tang BA enggai. BA takut ka megai pistol amat-amat sereta nimbak ngena seterum idup.\\nTuan Residen, Romie Sigan Daniel landik amat nimbak...baka pro\\nMr Chiew & Mr Friday...dah tu sign kontrak melakon dalam Gerak Khas...\\nIr Jamesy ala-ala James Bond\\nSelemai tu ati BA enda nyamai asai aja...beg mit BA nyau ka tinggal di rumah tadi...nikal ga ngambi ia..BA asai enda nyamai ati...nya alai lalu takut ka nguji nimbak...tahun baru ga nguji ila. Biar sekali tu BA ngambi gambar aja...\\nDikarang olih NyuWynn Glen Fordza @ Bujang Astana maia jam 12:28 AM\\nCoKeLaT-RaWkZ 2:33 PM\\nEnggai aku eh.... takut ku eeiicahhhhkkkk...\\nBujang Astana @ Fordza de Astana 3:39 PM\\nEhhh..eee aku takut gak....eeee","num_words":226,"character_repetition_ratio":0.045,"word_repetition_ratio":0.0,"special_characters_ratio":0.23,"stopwords_ratio":0.128,"flagged_words_ratio":0.0,"lang_id_score":0.987,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kerejasama nyungkak ekonomi - Suara Sarawak\\nKerejasama nyungkak ekonomi\\nPenumbuh Opis Dagang enggau Dagang Temuai nyadi pelasar kerejasama Sarawak-Singapore\\n“Siti ari pekara diperati iya nya dalam pengawa mansutka pemakai ari pengawa betanam betupi alai ulih meri penguntung ngagai dua bengkah menua tu.”\\nKUCHING: Kerejasama Sarawak enggau Singapore dikeandal ulih nyungkak agi pengerembai ekonomi nengeri tu.\\nMenteri Pengawa Dagang enggau Industri ti mega nyadi Menteri Pelajar Singapore, Chee Hong Tat madahka penumbuh Opis Dagang enggau Dagang Temuai di Singapore ulih nyadi siti pelasar kerejasama nya.\\n“Aku enggau Kepala Menteri Datuk Patinggi Abang Johari Tun Openg berandau bekaul enggau sebengkah ari pekara ti ulih meransang ekonomi dua bengkah menua tu.\\n“Siti ari pekara diperati iya nya dalam pengawa mansutka pemakai ari pengawa betanam betupi alai ulih meri penguntung ngagai dua bengkah menua tu,” ku iya.\\nHong Tat madah munyi nya pengudah pejalai nemuai meri basa ngagai Abang Johari ba opis iya di Wisma Bapa Malaysia ditu, kemari.\\nNEMUAI MERI BASA… Hong Tat (tiga kiba) sereta raban deligit ari Singapore ngaga pejalai meri basa ngagai Abang Johari ditu, kemari.-GAMBAR NURUL FAZLYN\\nNangkan nya ku iya, Sarawak ngembuan penau ti chukup tinggi dalam nyadi menua pemansut pemakai ti bekualiti.\\n“Beduduk ari pekara tu, sebengkah ari kompeni menua kami nyangka bisi juluk ati deka beranakka puku ba menua tu.\\n“Tu kelebih agi ba pengawa ngaga pemakai, ekport pemakai ngagai menua luar sereta ke bukai,” ku iya.\\nKelimpah ari nya mega ku Hong Tat, sebagi agi pekara nyadi perati iya nya ba pengawa dagang temuai.\\n“Kami mega berandau bekaul enggau pengawa nampil makit dagang temuai entarabansa kelebih agi dalam ngelakuka dagang temuai dua bengkah menua ngagai menua luar ke bukai,” ku iya.\\nSeraya ku Hong Tat pekara ti pemadu beguna dalam kerejasama tu iya nya chara deka nerenakka kaul dalam tiga renggat.\\n“Tu nyengkaum antara perintah, entara dagang enggau antara mensia mayuh.\\n“Nengah kaul tiga pekara tu, kitai ulih nerenak mayuh agi pengeraja, muka mayuh peluang sereta penguntung dalam dagang ngagai rayat menua kitai,” ku iya.\\nLubok Antu, Telang Usan kembali hijau\\nBantu ibu bapa beli pakaian sekolah\\nPenduduk Sebauh bakal nikmati bekalan air bersih lebih baik hujung tahun ini\\nSRB: Besaup nyaga pemeresi sungai\\nJangan nodai kebebasan bersuara\\nSambut Gawai Dayak dengan patuhi SOP yang ditetapkan kerajaan\\nDaki tembok lahir remaja sihat\\nKontraktor binaan rogol dua beradik\\nAlibaba hilang, khuatir dibaham buaya","num_words":360,"character_repetition_ratio":0.064,"word_repetition_ratio":0.068,"special_characters_ratio":0.171,"stopwords_ratio":0.175,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Aram sampal datai meri darah - Suara Sarawak\\nKUCHING: Mensia mayuh diperansang datai meri darah ngagai Tabung Darah Sepital Besai Sarawak (SGH).\\nBa sebengkah penerang, Tabung Darah SGH meransang mensia mayuh datai meri darah nentuka Tabung Darah enda suntuk bekal darah ungkup pesakit.\\nKena 23 Februari tu, Tabung Darah SGH deka ngatur kimpin meri darah berengkah ari pukul 9 pagi nyentuk 1 ngalihari ba Lobi Menara Pelita.\\nPia mega, Hock lee Hotel & Residences deka ngatur kimpin meri darah kena 25 Februari tu berengkah ari pukul 10 pagi nyentuk 2 lemai ba Lobi Hock Lee Centre, Jalai Datuk Abang Abdul Rahim.\\nKena 27 Februari tu, Kuching Love Book Association deka ngatur kimpin meri darah nya di Dewan Masyarakat MBKS, Jalai Padungan berengkah ari pukul 9 pagi nyentuk 2 lemai.\\nBa hari kepenudi kena 28 Februari tu, Federation of Chinese Youth (FOCY) deka ngatur kimpin nya ba Ringkat Dua, Kuching Sentral berengkah ari pukul 9 pagi nyentuk 2.30 lemai.\\nNya alai, mensia mayuh dipinta meri kerejasama nentuka Tabung Darah SGH enda suntuk bekal darah ungkup bala pesakit.\\nPenerang silik tauka tanya bukai tau telefon nuju lumur opis, 082276795 tauka ngagai Borhan ba lumur, 0108578909.","num_words":169,"character_repetition_ratio":0.11,"word_repetition_ratio":0.0,"special_characters_ratio":0.215,"stopwords_ratio":0.13,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"2,657 pengajar deka dipatih ngajar ngena Jaku English - Suara Sarawak\\nKUCHING: Sepenyampau 2,657 pengajar deka dipatih ngajar Subjek Sains enggau Matematik ngena Jaku English datai ba taun 2020.\\nMenteri Pelajar, Sains enggau Pansik Teknologi Datuk Sri Michael Manyin Jawong madah, pengawa matih bala pengajar tu deka dirumban opis menteri nya.\\n“Bisi 1,005 pengajar deka dipatih ngajar Subjek Sains enggau 1,275 ngajar Subjek Matematik ngena Jaku English.\\n“Seraya 377 pengajar deka dipatih ngajar Jaku English ba kededua subjek lalu kesemua penyampau tubuh sida tu bisi 2,657,” ku Manyin nerang.\\nIya mansutka penerang rambau aum pengarang berita di Begunan Baitulmakmur ditu, kemari.\\nPia mega ku Manyin, enam taun nangkan nya, sida deka matih 7,508 pengajar ngajar subjek ngena Jaku English.\\n“Ari penyampau sida nya, 2,823 dipatih ngajar Subjek Sains enggau 3,978 ngajar Subjek Matematik ngena Jaku English.\\n“Seraya 707 iku deka dipatih ngajar kededua subjek ngena Jaku English,” ku iya nandu.\\nKelimpah ari nya, modul matih pengajar tu deka diubah mimit ari modul asal lalu sida mega deka mendingka penemu bala pengajar, ku Manyin nampung.\\nManyin madahka pengawa matih pengajar Subjek Sains enggau Matematik ngajar ngena Jaku English tu begunaka belanja manggai RM9 juta.","num_words":172,"character_repetition_ratio":0.149,"word_repetition_ratio":0.025,"special_characters_ratio":0.212,"stopwords_ratio":0.186,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"What Can the Bible Teach Us?—Baka ni Chara Ngena Iya\\nBACHA DALAM JAKU Abbey Abui Acholi Afrikaans Albanian Altai Alur Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Basque Bassa (Cameroon) Batak (Karo) Batak (Simalungun) Batak (Toba) Bengali Biak Bicol Bislama Boulou Bulgarian Bété Cambodian Catalan Cebuano Chavacano Chichewa Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuvash Cibemba Cinyanja Croatian Czech Dangme Danish Dayak Ngaju Digor Dutch Edo Efik English Esan Estonian Ewe Faroese Fijian Finland Fon French Ga Galician Garifuna Georgian German Gokana Greek Greenlandic Guarani Guerze Gujarati Gun Haitian Creole Hausa Hebrew Herero Hiligaynon Hindi Hmong (Putih) Hungarian Iban Ibanag Ibinda Icelandic Igbo Iloko Indonesian Isoko Italian Jaku Orang Bisu Brazil Japanese Jawa Jula Kabiye Kabuverdianu Kachin Kannada Karen (S'gaw) Kazakh Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Kpelle Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lamba Laotian Latvian Lenje Lhukonzo Lifu Lingala Lithuanian Low German Luganda Lunda Luo Macedonian Macua Malagasy Malayalam Maltese Mam Mapudungun Marathi Mauritian Creole Maya Mazatec (Huautla) Mbunda Melayu Mende Mixe Mixtec (Guerrero) Mizo Mongolian Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Norwegian Nsenga Nyaneka Nyungwe Nzema Okpe Oromo Ossetian Otetela Otomi (Lembah Mezquital) Pangasinan Papiamento (Curaçao) Persian Pijin (Cameroon) Pijin Nigeria Polish Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Greece Selatan) Romany (Macedonia) Romany (Macedonia) Cyrillic Rotuman Runyankore Russian Rutoro Samoan Sangir Sango Saramaccan Sena Sepedi Serbian Serbian (Roman) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Soli Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tandroy Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uruund Uzbek Valencian Venda Vezo Vietnamese Wallisian Waray-Waray Wayuunaiki Welsh Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\nBup Teach Us enggau Ajar Bup Kudus nya sebaka. Dua iti bup tu perengka kena ngajar lalu ngayanka pemendar ba tusun ti sebaka. Taja pia, bup Teach Us ngena leka jaku ti mudah sereta ngembuan runding ti ngena. Bup tu ditulis kena orang ke tusah deka meretika bup Ajar Bup Kudus. Ari ke ngena Penerang, bup Teach Us ngena nota penutup ti meri penerang ke mudah kena nerangka sekeda leka jaku enggau penemu ba genteran. Tiap iti pelajar nadai tanya pemuka tauka kutak ulang kaji. Tang ba ujung tiap pelajar bisi lambar penerang ke ngelansa pemendar Bup Kudus ke ditemu ba pelajar nya. Baka bup Ajar Bup Kudus, bup Teach Us ulih disadung ba sebarang maya, taja pan ukai litaricha ke disadung ba bulan nya. (Kingatka, bup Teach Us bedau bisi ba jaku Iban.) Baka ni kitai ngena utai ti manah ba bup Teach Us lebuh ngajar Bup Kudus?\\nPENERANG: Ba mayuh orang, chara ke selalu dikena ngajar iya nya macha genteran ari bup Ajar Bup Kudus sereta ngena tanya udah chukup manah. Tang, baka ni enti pelajar Bup Kudus nya enda teleba enggau bansa jaku ke dikena belajar tauka enda entu nemu macha? Enti pia, nuan ulih milih ngena bup Teach Us. Udah nya, lambar penerang ulih dikena belajar lalu iya engka ulih diperansang macha genteran pelajar kediri empu. Tiap iti pemendar Bup Kudus ulih diajar pengelama 15 minit. Ketegal lambar penerang nya nadai penerang ke lebih agi, pengajar patut nyediaka diri enggau manah, berundingka utai ti diguna pelajar iya. Enti iya ngajar ngena genteran, lambar penerang ba ujung pelajar tau dikena lebuh ulang kaji.\\nNOTA PENUTUP: Leka jaku tauka penemu ba nota penutup ditusun nitihka ripih pelajar. Pengajar Bup Kudus ulih milih enti deka berandauka nota penutup ba bup Teach Us maya ngajar.","num_words":641,"character_repetition_ratio":0.053,"word_repetition_ratio":0.0,"special_characters_ratio":0.172,"stopwords_ratio":0.105,"flagged_words_ratio":0.0,"lang_id_score":0.846,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Petara Nya Meh Pangan ke Pemadu Manah ke Nuan\\nBACHA DALAM JAKU Abkhaz Adhola Afrikaans Albanian Amharic Arabic Armenia Armenian (West) Ateso Aukan Azerbaijani Azerbaijani (Cyrillic) Baoule Bassa (Cameroon) Bassa(Liberia) Batak (Karo) Batak (Simalungun) Batak (Toba) Bicol Blackfoot Boulou Cambodian Carib Cebuano Chichewa Chinese (Simplified) Chinese (Traditional) Chitonga Croatian Czech Danish Duala Dutch Efik English Estonian Ewe Faroese Fijian Finland Frafra French Futuna (Timur) Ga Garifuna Georgian Greek Greenlandic Guarani Haitian Creole Hausa Hebrew Hiligaynon Hmong (Putih) Hungarian Iban Igbo Iloko Indonesian Isoko Italian Jaku Orang Bisu Argentina Jaku Orang Bisu Austria Jaku Orang Bisu Belanda Jaku Orang Bisu Chile Jaku Orang Bisu China Jaku Orang Bisu Costa Rica Jaku Orang Bisu Croatia Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Greece Jaku Orang Bisu Guatemala Jaku Orang Bisu Hungary Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Kenya Jaku Orang Bisu Madagascar Jaku Orang Bisu Mexico Jaku Orang Bisu Mozambique Jaku Orang Bisu New Zealand Jaku Orang Bisu Norway Jaku Orang Bisu Panama Jaku Orang Bisu Paraguay Jaku Orang Bisu Peru Jaku Orang Bisu Philippines Jaku Orang Bisu Portugal Jaku Orang Bisu Romania Jaku Orang Bisu Russia Jaku Orang Bisu Spain Jaku Orang Bisu Sweden Jaku Orang Bisu Thailand Japanese Kiluba Kinyarwanda Kirghiz Kisi Korean Krio Kwanyama Laotian Latvian Lhukonzo Lithuanian Luganda Luo Malagasy Mam Mapudungun Mauritian Creole Mbunda Medumba Mizo Nahuatl (Guerrero) Navajo Ndebele (Zimbabwe) Nengone Nepali Nias Niuean Norwegian Nzema Oromo Ossetian Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Rarotongan Romanian Romany (Greece Selatan) Romany (Greece Utara) Runyankore Russian Rutoro Sarnami Serbian Serbian (Roman) Setswana Seychelles Creole Shona Shuar Sidama Sinhala Slovak Slovenian Solomon Islands Pidgin Spanish Swahili Swedish Tagalog Tahitian Tatar Thai Tigrinya Tojolabal Tongan Totonac Tsonga Turkmen Tuvaluan Twi Tzotzil Ukrainian Urdu Urhobo Uzbek Uzbek (Rumi) Venda Wallisian Wayuunaiki Wolaita Wolof Xhosa Yoruba Zande Zapotec (Lachiguiri) Zulu\\nPetara Nya Meh Pangan ti Pemadu Manah ke Nuan\\nNyadi pangan Petara nya meh utai ti pemadu manah ke kala nyadi ba nuan. Petara deka ngajar nuan baka ni tau bulih pengelantang sereta pengelikun; Iya deka ngelepaska nuan ari mayuh macham pengarap ti salah enggau pengawa ti tau ngemediska. Iya deka ningaka sampi nuan. Iya deka nulung nuan bisi pemaik dalam ati sereta bisi pengarap. (Masmur 71:5; 73:28) Petara deka nyukung nuan lebuh bisi penusah. (Masmur 18:18) Lalu Petara deka meri nuan pemeri, iya nya pengidup ti belama iya.—Rome 6:23.\\nLebuh nuan semak ngagai Petara, nuan mega ulih semak ngagai bala pangan Petara. Sida mega ulih nyadi pangan nuan. Kebendar iya, sida baka menyadi nuan. Sida gaga ngajar nuan pasal Petara lalu deka nulung nuan sereta meransang nuan.\\nKitai enda setipak enggau Petara. Lebuh nuan deka bepangan enggau Petara, nuan patut meretika siti utai ti amat beguna. Bepangan enggau Petara nya ukai utai ti setipak. Iya jauh lebih tuai enggau pintar sereta lebih bekuasa ari kitai. Iya nya meh Pemerintah kitai. Nya kebuah, enti kitai deka nyadi pangan Iya, kitai patut ninga enggau ngereja utai ke diasuh Iya. Semua utai tu pulai ke pemanah kitai.—Isaiah 48:18.","num_words":516,"character_repetition_ratio":0.118,"word_repetition_ratio":0.0,"special_characters_ratio":0.179,"stopwords_ratio":0.227,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 28 BK - TUHAN ngasuh Moses ngajar orang - Bible Search\\nPenyampau 27 Penyampau 29\\n1TUHAN ngasuh Moses 2ngajar orang Israel chara ngenjuk piring ti diberi ngena api ngagai Allah Taala, ti ngerinduka ati Iya, ba maya ti udah diletak.\\n3Tu bagi piring ti diberi ngena api ti enda tau enda diberi ngagai TUHAN. Ke piring tunu tiap hari: beri dua iku anak domba ti lelaki, ti umur setaun, ti nadai penimpang. 4Beri anak domba ti terubah, lebuh pagi hari, lalu iya ti kedua, lemai hari. 5Lalu ke genap iku jelu nya, beri piring gandum, iya nya sekilogram tepung, ti dichampur enggau seliter minyak kana ti pemadu manah. 6Tu piring ti diberi tiap hari, ti ditunu, ti terubah diberi ba Bukit Sinai nyadika piring ti diberi ngena api, ti bebau rengut ke TUHAN. 7Ke piring wain ti diberi sama enggau anak domba ti terubah, tuang seliter wain ba alta nya. 8Lemai nya, beri anak domba ti kedua, baka chara ti ngenjuk piring lebuh pagi nya, sama enggau piring wain. Nya mega nyadika piring ti diberi ngena api ti bebau rengut ke TUHAN.\\nPiring Hari Sabat\\n9Ba Hari Sabat, beri dua iku anak domba ti lelaki, ti umur setaun, ti nadai penimpang, dua kilogram tepung ti dichampur enggau minyak kana nyadika piring gandum, sereta enggau piring wain. 10Piring ti ditunu tu deka diberi genap Hari Sabat, nambahka piring ti diberi tiap hari, sereta enggau piring wain.\\nPiring Ti Dienjuk Kena Satu Hari Bulan\\n11Beri piring tunu ngagai TUHAN ba genap pun bulan, iya nya dua iku sapi ti lelaki ti agi biak, siku bedus ti lelaki, tujuh iku anak domba ti lelaki, semua nadai penimpang magang. 12Nyadi ke piring gandum, beri tepung dichampur enggau minyak kana, baka tu: ke genap iku sapi ti lelaki, beri tiga kilogram tepung. Ke siku bedus ti lelaki, beri dua kilogram tepung. 13Ke siku anak domba, beri sekilogram tepung. Piring ti ditunu tu nyadika piring ti diberi ngena api, ti bebau rengut ke TUHAN. 14Piring wain ti patut diberi nya dua liter wain ke genap iku sapi ti lelaki, satu setengah liter wain ke siku bedus ti lelaki, enggau seliter wain ke siku anak domba. Tu adat kena ngenjuk piring kena satu hari bulan ke tiap-tiap bulan sepemanjai taun. 15Lalu nambahka piring tunu ti diberi tiap hari, sama enggau piring wain, beri mega siku kambin ti lelaki nyadika piring pengampun dosa.\\nPiring Ti Diberi Lebuh Gawai Roti Ti Enda Beragi\\n(Adat Lewi 23.5-14)\\n16 Gawai Paska ti dikena ngemesaika TUHAN, enda tau enda diintu kena empat belas hari bulan ti kesatu. 17 Kena lima belas hari bulan ti kesatu, Gawai Roti Ti Enda Beragi deka berengkah lalu deka diintu tujuh hari. Lebuh maya nya, semina roti ti enda beragi aja tau diempa. 18Ba hari ti keterubah, kita enda tau enda besembiang bebala mayuh, lalu kita enda tau gawa sehari nya. 19Beri piring tunu nyadika piring ti diberi ngena api ngagai TUHAN, iya nya, dua iku sapi ti lelaki, siku bedus ti lelaki, enggau tujuh iku anak domba ti lelaki ti umur setaun, ti nadai penimpang. 20Beri piring ti menyana ti digaga ari tepung dichampur enggau minyak kana baka tu: tiga kilogram ke genap iku sapi ti lelaki, dua kilogram ke siku bedus ti lelaki, 21enggau sekilogram ke genap iku anak domba. 22Beri mega siku kambin ti lelaki nyadika piring pengampun dosa. Nya chara kita ngereja pengawa nuchi orang mayuh. 23Beri piring tu kena nambahka piring tunu, ti diberi tiap pagi. 24Baka nya mega, dalam kandang tujuh hari, beri piring ti diberi ngena api ngagai TUHAN, ti bebau rengut lalu ngelantangka Iya. Beri piring tu nambahka piring tunu enggau piring wain ti diberi tiap hari. 25Kita enda tau enda besembiang bebala mayuh ba hari ti ketujuh, lalu anang gawa.\\nPiring Ti Diberi Lebuh Gawai Ngetau\\n(Adat Lewi 23.15-22)\\n26 Ba hari ti keterubah ke Gawai Ngetau, lebuh kita meri ngagai TUHAN piring gandum ari gandum ti baru udah diketau kita, kita enda tau enda besembiang bebala mayuh, lalu kita enda tau gawa. 27Beri piring tunu nyadika piring ti bebau rengut ke TUHAN, iya nya, dua iku sapi ti lelaki ti agi biak, siku bedus ti lelaki, enggau tujuh iku anak domba ti lelaki, ti umur setaun. Semua sida tu nadai penimpang magang. 28Beri piring gandum ti digaga ari tepung ti pemadu alus dichampur enggau minyak kana, iya nya, tiga kilogram ke genap iku sapi ti lelaki, dua kilogram ke siku bedus ti lelaki, 29enggau sekilogram ke siku anak domba. 30Beri mega siku kambin ti lelaki nyadika piring pengampun dosa. Nya meh chara kita ngereja pengawa nuchi orang mayuh. 31Beri piring tu enggau piring wain, kena nambahka piring tunu ti diberi kita tiap hari, enggau piring gandum.","num_words":762,"character_repetition_ratio":0.108,"word_repetition_ratio":0.094,"special_characters_ratio":0.215,"stopwords_ratio":0.272,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2018-11-11 - KM deka minta Menteri bekaul nyendia implikasyen belanja, urung RM30 juta dikena ngemujur perambu\\nKM deka minta Menteri bekaul nyendia implikasyen belanja, urung RM30 juta dikena ngemujur perambu\\nUtusan Borneo (Sarawak) - 2018-11-11 - Berita Iban - Dikarang Chris Bishop\\nKUCHING: Kepala Menteri (KM) Datuk Patinggi Abang Johari Tun Openg madah Sarawak deka ngaga ubah ba sentang pekara pelajar nembiak pra-sekula.\\nTajapan pekara pelajar nyadi tanggungpengawa Perintah Besai, iya madah pra-sekula enda disengkaum dalam korikulum pelajar menua.\\n“Ketegal nya aku deka ngaga ubah, pra-sekula enda disengkaum dalam korikulum pelajar menua alai kitai deka ngaga atur pra-sekula baka atur ke digaga kitai (Sarawak) ba bengkah pelajar tinggi ditu,” ku iya.\\nAbang Johari mansutka jaku nya ba pengerami Anugerah ‘ Khas’ Kepala Menteri Sarawak ke-26 di Begunan Dewan Undangan Nengeri (DUN) ditu, malam ensanus.\\nIya nambah pekara wang ukai nyadika penanggul ungkup Sarawak ngemujur pekara pelajar pra-sekula.\\nKu iya, aku deka minta Datuk Fatimah ( Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit) nyendia impli- kasyen belanja, engka urung RM20 juta nyentuk ngagai RM30 juta chukup.\\nNgenang sentang pendiau pra-sekula tauka tadika di Sarawak, Abang Johari madah pekara nya balat ngirau kelebih agi tadika di menua pesisir.\\n“Kitai bisi tadika tang pendiau tadika kitai tu baka ke mati pan enggai.\\n“Di kandang menua pesisir kitai bepanggai enggau tadika Kemas, tang Kemas tu udah dikemanah lalu ketegal nya pekara ke bekait enggau pelajar tumu tu udah nadai,” ku iya.\\nManding tadika peribit di kandang mengeri, iya madah nembiak ke belajar diak manah alai sida nemu mayuh bengkah jaku sereta meretika pelajar.\\nEnti pekara tu nyadi ku iya nambah, deka bisi bida entara orang kaya enggau orang umang ketegal sida ke kaya ulih nganjung anak sida belajar di tadika pribit.\\nAnugerah ‘Khas’ Kepala Menteri Sarawak diatur Yayasan Sarawak lalu serak tu nyendia perais manggai RM93,000 ti deka nyadi insentif ngagai penerima ba 19 kategori.\\nBela datai bini Abang Johari, Datin Patinggi Datuk Amar Juma’ani Tuanku Bujang, Speaker DUN Datuk Amar Mohamad Asfia Awang Nassar, Menteri Dagang Entarabangsa enggau E-Dagang Dato Sri Wong Soon Koh, Menteri Kaunsil Kandang Menua enggau Berumah Datuk Dr Sim Kui Huan enggau Direktor Yayasan Sarawak Azmi Bujang.\\nKetegal nya aku deka ngaga ubah, pra-sekula enda disengkaum dalam korikulum pelajar menua alai kitai deka ngaga atur pra-sekula baka atur ke digaga kitai (Sarawak) ba bengkah pelajar tinggi ditu. Datuk Patinggi Abang Johari Tun Openg Kepala Menteri Sarawak","num_words":381,"character_repetition_ratio":0.065,"word_repetition_ratio":0.124,"special_characters_ratio":0.193,"stopwords_ratio":0.178,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 11 BK - TUHAN meri adat tu ngagai Moses - Bible Search\\nAdat Lewi 10 Adat Lewi 12\\nAdat Lewi 11\\n(Ulang Adat 14.3-21)\\n1TUHAN meri adat tu ngagai Moses seduai Aron 2ke orang Israel. Kita tau makai jelu ti idup di darat 3ti belah tunjing, sereta ngunyah pemakai ti udah diluaka iya baru ari perut raya iya, 4-6tang kita enda tau makai jelu unta, jelu badger batu, tauka tikus belanda. Sida tu enda tau dikumbai tuchi. Sida amat ngunyah pemakai ti diluaka baru ari perut raya sida, tang tunjing sida enda belah. 7Anang makai babi. Sida tu enda tau dikumbai tuchi. Tunjing sida amat belah, tang sida nadai ngunyah pemakai ti diluaka baru ari perut raya sida. 8Anang makai jelu nya, tauka negu bangkai sida. Jelu nya enda tuchi.\\n9Kita tau makai semua ikan ti bisi pidin enggau tisik, 10tang semua utai ti idup dalam ai, ti nadai pidin, enggau nadai tisik, enda tau diempa. 11Ikan ti baka nya dikumbai enda tuchi. Kita enda tau makai sida, tauka negu bangkai sida. 12Kita enda tau makai utai ti idup dalam ai, ti nadai pidin enggau nadai tisik.\\n13-19Tu burung ti enda tau diempa kita: lang, burung puk, menaul pipit, menaul punggu, kempat tiang, menaul rimba, kak; burung unta; burung tasik, burung undan, burung gurun, burung raya, burung ti makai but; sengayan tauka kusing.\\n20Semua indu utai ti bisi sayap enda tuchi magang, 21kelimpah ari sida ke nemu engkechit. 22Kita tau makai buntak kaban, buntak malam, tauka buntak endar. 23Tang semua utai ti mit, ti bisi sayap sereta ngerayap, enda tuchi magang.\\n24-28Enti kita negu bangkai utai nya, kita enda tuchi nyentuk ngagai lemai: semua jelu ti betunjing, semadi meh tunjing sida bebagi, lalu sida ngunyah pemakai ti diluaka sida ari perut raya sida, enggau semua jelu ti bekaki empat ti bisi tapa. Enti kita ngesan bangkai jelu nya, kita enda tau enda masu gari kita, tang kita deka mengkang enda tuchi nyentuk ngagai lemai.\\n29-30Chuik, tikus, chit, enggau tichak, sigi enda tuchi. 31Barang sapa negu sida, tauka negu bangkai sida, deka nyadi enda tuchi nyentuk ngagai lemai. 32Lalu enti bangkai sida labuh ninggang utai, utai nya nyadi enda tuchi. Utai nya nyengkaum utai ti digaga ari kayu, gari, kulit jelu, tauka guni, enda milih nama guna utai nya. Utai nya enda tau enda disepuhka ngagai ai, tang iya mengkang enda tuchi nyentuk ngagai lemai. 33Lalu enti bangkai sida labuh ngagai periuk tanah, semua utai ti dalam periuk tanah nya enda tuchi magang, lalu kita enda tau enda mechahka periuk nya. 34Pemakai ti endang tau diempa, tang udah kena laban ai ti dibubuhka ari periuk nya, nyadi enda tuchi, lalu sebarang utai irup dalam periuk nya, nyadi enda tuchi. 35Semua utai ti ditinggang bangkai, nyadi enda tuchi. Dapur tanah, tauka dapur besi, enda tau enda dipechahka, 36tang mata ai, tauka tangki ai, deka mengkang tuchi, taja pen semua utai bukai ti negu bangkai sida nyadi enda tuchi. 37Enti bangkai sida labuh ngagai leka benih ti deka ditanam, leka benih nya mengkang tuchi. 38Tang enti leka benih nya benung direndam dalam ai, lalu bangkai utai nya labuh ngagai leka benih nya, leka benih nya nyadi enda tuchi.\\n39Enti jelu ti tau diempa mati, orang ke negu bangkai jelu nya nyadi enda tuchi nyentuk ngagai lemai. 40Lalu enti kita bisi makai sebarang perengka tubuh jelu nya, kita enda tau enda masu gari kita, tang kita deka mengkang enda tuchi nyentuk ngagai lemai. Kita ti udah mai bangkai utai nya enda tau enda masu gari kita, tang kita deka mengkang enda tuchi nyentuk ngagai lemai.\\n41Kita enda tau makai jelu ti mit ti bejalai ba tanah, 42nemuka sida nya ngerayap, tauka bejalai ngena kaki empat, tauka mayuh kaki. 43Anang makai utai nya laban nya ngasuh kita enda tuchi. 44 Aku tu TUHAN Allah Taala kita, lalu kita enda tau enda kudus, laban Aku kudus. 45Aku tu TUHAN ti mai kita pansut ari menua Ejip, ngambika Aku nyadi Allah Taala kita. Kita enda tau enda kudus, laban Aku kudus.\\n46Nya alai, tu meh adat pasal jelu enggau burung, pasal semua utai ti idup dalam ai, enggau semua utai ti bejalai ba tanah. 47Kita enda tau enda ngelala bagi utai ti tuchi enggau utai ti enda tuchi, bagi jelu ti tau diempa enggau ti enda tau diempa.","num_words":696,"character_repetition_ratio":0.109,"word_repetition_ratio":0.036,"special_characters_ratio":0.225,"stopwords_ratio":0.325,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Mimpi manah enggau mimpi jai - Suara Sarawak\\nSekeda gaya mimpi ti suah disebut sida ke tuai iya nya mimpi ringat, mimpi enda gayu, mimpi ditulung antu enggau mimpi ngulit\\n“Kala mega ninga sida ke tuai nusi dalam bup Sempekat Lama madahka kitai mensia arapka mimpi tang pengarap bemimpi tu nadai ditampung nyentuk sehari tu.”\\nSRI AMAN: Semua mensia idup ba dunya tu nadai enda bemimpi tang bisi penyelai ba bansa kitai Dayak kelebih agi bansa Iban laban bisi ngembuan pengarap ke mimpi.\\nKenu ku peranak Batu Lintang di Undop Sri Aman, Insol Harry, 47 taun, sekalika nya mimpi igau tauka bemimpi tegal mayuh runding, kitai bansa endang pechaya enggau arap amat mimpi mai reti enggau empas besai ba pengidup kitai besehari sehari.\\n“Kala mega ninga sida ke tuai nusi dalam bup Sempekat Lama madahka kitai mensia arapka mimpi tang pengarap bemimpi tu nadai ditampung nyentuk sehari tu.\\nANAK IBAN… Insol (bediri, empat kiba) disempulang bala bukai lebuh bejalai matau menua, belelang ngiga penemu enggau peneleba.\\n“Taja pia, kitai endang agi arapka reti mimpi tauka kenyap sereta ngasika lalau ari mimpi nya lebuh tauka sebedau ngereja pengawa ke tanah, bemain ba ai, nurun begiga enggau ke bukai nyengkaum ngintu gintir pengawa bumai betaun,” ku Insol.\\nNya alai ku Insol, sebedau ngereja pengawa ba babas baka nubai, maku, ngasu, bumai betaun, tauka mindah jauh enggau mayuh pengawa ke bukai, kitai suah agi ngedang kenyap malam nya sebedau ngereja pengawa hari siti.\\nKitai deka dulu nanya pemanah kenyap maya dani ari peninduk tumu pagi nya dikena nentuka penyadi enggau pengenda pengawa ti deka dikereja ngambika nyamai nyikap diri nurun ngereja.\\n“Belebuh mega kitai nanya reti kenyap ngagai sida ke tuai enti orang ke ngempu kenyap agi rapas penemu sentang pekara nya lalu minta lalau baka ni gaya ngintu kenyap.\\n“Enti kenyap nya bisi nyangkut dia pengawa enda tau enda ditangguh dulu ngagai hari bukai ti ditimpuh baru orang ke ngempu kenyap tauka pun bilik ngatur pengawa.\\nDAYA IDUP… Pengawa bumai betaun mega begunaka kenyap nentuka idar pengawa meruan sereta diberekat petara.\\n“Taja ba pengarap baru dipegai bansa Iban sekeda enda tentu arapka kenyap agi laban ba penemu sida nya semina mimpi igau main maya tinduk aja, tang aku meruan nali pengarap sida ke tuai nyentuk diatu,” ku iya madah nyemetak.\\nNangkan nya ku iya, sekeda gaya mimpi ti suah disebut sida ke tuai iya nya mimpi ringat, mimpi enda gayu, mimpi ditulung antu enggau mimpi ngulit.\\n“Mimpi baka tu enda nganu nyawa tang tau diambika manang ngambika besudi tauka belian dikena ngenyamaika ati diri, badu agi rawan sereta enda nangika semengat diri riar.\\n“Mimpi enda gayu kenu ku sida ke tuai iya nya mimpi ti beserak dalam semalam nya tau ngasuh pandak umur tauka mimpi meda bulan dua iti berebak.\\n“Pesan sida ke tuai enti enda nyamai ati ketegal mimpi nya tau ngambi manang tauka begawai besai ke tanju tauka berunsut enggau ubat penabar mimpi ngichaka mimpi nya tau rumbau enda bisa agi,” ku iya nerang.\\nBEDUA… Sekeda ari pengawa ngirah enggau bebagika pengaruh ba gawai besai ti didiri kitai bansa di menua.\\nMimpi ditulung antu tau mega dikumbai sumpah antu tu pemadu manah ku sida ke tuai lalu suah agi diberi mayuh macham pengaruh kebal kena bekayau enggau nyadi kaya raja.\\nOrang Panggau ti diambi mimpi nya endang Petara dalam pengarap bansa Iban ti nentuka nasit enggau pengidup anak mensia anak uda di dunya tu, ku Insol.\\n“Bebida enggau mimpi ngulit ti suah nyadi, kenyap ti enda manah, ngemai rita bisi penusah nuntung kitai sebilik tauka kaban belayan semak.\\n“Mimpi ti ngayanka kitai bekenaka ngepan, beminyak, besugu sereta nebah nyawa baka besanggai, bepantun enggau berenung tauka begawai besai tu ngayuka penusah besai deka datai.\\n“Taja pia, bisi sekeda mimpi ngulit tu tau mega tunsang lalu bemimpika orang ke diulitka sida tau ngasuh orang nya panjai umur tauka gayu,” ku Insol bekunsika penyelai reti kenyap kitai Iban.\\nNYELAI… Mimpi ngulit, berami besai ti suah ngemai berita enda manah ngagai kitai diri sebilik enggau kaban belayan jauh tauka semak.\\nKu iya, baka sekeda mimpi tingkil ngeli, mimpi sarak, mimpi begulai enggau sanu-sanu, mimpi terebai enggau macham mimpi ke bukai nya semina igau kitai aja empa pengelelak enggau pemayuh utai dirunding.\\nNya alai ku iya, genap iku kitai mensia jarang enda bemimpi ti dikumbai mimpi igau lalu mimpi baka tu enda dikemanaka sida laban beteladanka pendiau enggau ulah ti suah nyadi ba sida besehari sehari.\\n“Baka pengawa kami ti bekuntau enggau nampuk penemu, maya begigaka tulung tauka sukung ari petara tauka antu, orang ti enda ulih dipeda enggau maya nyeruga, suah agi deka dipadah nengah kenyap tauka dalam mimpi.\\n“Kelimpah ari piring ti dibai maya nampuk penemu ba menua ti bisi orang nguan tauka bukit ti beberita, endur orang beniat sekalika minta pengerai, minta pengaruh, minta diri bidik lansik sereta macham utai bukai, mega beguna kenyap sebedau nurun kia,” tandu Insol.\\nNALI PENGARAP TUAI… Insol Harry.\\nSepital Kalbar, Indonesia deka meli bekal oksigen ari Sarawak","num_words":789,"character_repetition_ratio":0.051,"word_repetition_ratio":0.064,"special_characters_ratio":0.184,"stopwords_ratio":0.226,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Serata kandang pesisir Sarawak deka dibekal kuasa karan magang | DayakDaily\\nSerata kandang pesisir Sarawak deka dibekal kuasa karan magang\\nAug 13, 2018 @ 18:59\\nLIMBANG, Ogos 13: Dalam kandang setaun lebih agi, serata Sarawak kelebih ari kandang menua pesisir deka dibekal enggau kuasa karan magang.\\nTagit perintah ari baruh iring Kepala Menteri Datuk Patinggi Abang Johari Tun Openg nya ngelui enam taun ari perambu tu nitihka tagit keterubah.\\nMenteri Muda Elektrik Menua Pesisir Dr Abdul Rahman Junaidi lebuh bejadi Projek Bekal Elektrik Luar Bandar (RES) di Rh Tajing, Sungai Puru, Lubai, Batu Danau, Limbang madah naka ke diatu bungkur karan nya udah manggai urung 91 peratus isi rumah peranak menua pesisir nengah program RES, RPSS, Hibrid enggau SARES.\\nKu ADUN Pantai Damai itu, rumah panjai Tajing 15 pintu entara palan pengentap enggau genturung oendiau ti bulih pemaik ari Program BELB ti dipejalaika Sarawak Energy ari baruh Opis Menteri Utiliti Sarawak. — DayakDaily\\nPrevious articleSukung pengundi Melayu\/Melanau ngagai PH maya PRU14 bisi nambah\\nNext articleDefinisi sekula repuk deka diserenih baru\\nSolar LED street lighting pilot projects underway at two villages in Lawas\\nSarawak Water Supply Grid Masterplan expected to start next year\\nBaru on challenges and policy options to close development gaps in Sabah, Sarawak","num_words":186,"character_repetition_ratio":0.064,"word_repetition_ratio":0.0,"special_characters_ratio":0.182,"stopwords_ratio":0.108,"flagged_words_ratio":0.0,"lang_id_score":0.883,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"429,945 iku ke nginjau duit ari PTPTN dikeluarka ari rintai tagang pejalai | DayakDaily\\n429,945 iku ke nginjau duit ari PTPTN dikeluarka ari rintai tagang pejalai\\nJun 27, 2018 @ 16:41\\nKUALA LUMPUR, Jun 27: Bisi 429,945 iku nginjau duit ari Perbadanan Tabung Pendidikan Tinggi Nasional (PTPTN) dikeluarka ari rintai chelum tagang pejalai Opis Imigresen Malaysia kenyau ari Mei 24 tu tadi.\\nChairman PTPTN Wan Saiful Wan Jan madah proses ‘pemutihan’ nama orang ke nginjau nya diputarka magang kena Jun 8 tu tadi, tumu ari ke ditimpuh iya nya Jun 15.\\nTaja pia, iya minta sida ke dikeluarka ari rintai chelum ngambika terus mayar utang pinjau pelajar sida.\\n“Atur nya dikena ngisi pinta manifesto 100 hari perintah Pakatan Harapan (PH) maya Pengawa Bepilih Besai Ke-14 (PRU14) iya nya madamka polisi (tagang pejalai nya),” ku iya ba aum media sehari tu tadi.\\nBerindik ari nya ku iya, kaunter PTPTN ba Padang Bilun Antarabansa Kuala Lumpur 2 (KLIA2) ditutup berengkah ari Julai 1 tu. — DayakDaily\\nPrevious articleAgi bisi RM4.13 juta agih belanja ungkup pengarap bukai tau dipinta ari Unifor\\nNext articleFestival Jazz Waterfront Kuching deka diatur dalam bulan September\\nCovid-19 relief measures: EPF contributors allowed to withdraw RM500 monthly\\nSarawak bantu pelajar negeri selesaikan hutang PTPTN","num_words":181,"character_repetition_ratio":0.093,"word_repetition_ratio":0.012,"special_characters_ratio":0.225,"stopwords_ratio":0.21,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Richard Angelus' Legacy: Jesus Nanya Nama Kebuah Kitai Mengkang Enda Mereti ka Pengawa Iya (Mark 8:14-21)\\nJesus Nanya Nama Kebuah Kitai Mengkang Enda Mereti ka Pengawa Iya (Mark 8:14-21)\\n“Sida murid Iya enda ingat mai roti mayoh agi, semina satuko aja, ka bekal sida dalam perau. ‘Peda lalu bejaga kita,’ ko Jesus ngelalau sida, ‘enggai ka kita kena laban ragi orang Parisi enggau ragi Herod.’ Ko sida bejako enggau pangan diri, ‘Iya nyebut jako nya laban kitai nadai roti.’ Jesus nemu utai ti dikerandau sida, nya alai Iya nanya sida, ‘Nama kebuah kita berandau ka diri nadai roti? Kati kita lalu enda nemu tauka apin mereti? Kati ko ati kita bangat muntat? Kita bisi mata - kati kita enda meda? Kita bisi pending - kati kita enda ninga?”\\n(Mark 8:14-18, Berita Manah Ka Rebak Diatu)\\nSebedau tu, Jesus baru udah bejako enggau orang Parisi (baca Mark 8:11-13). Sida orang Parisi udah meda mayoh macam kereja ajih ti udah digaga Iya tang sida mengkang mega kieh ati lalu enda pechaya enggau Iya. Nya alai Jesus madah, “Peda lalu bejaga kita enggai ka kita kena laban ragi orang Parisi enggau ragi Herod.” Nama reti nya? ‘Ragi’ ba Bup Kudus eti iya ‘penyaik’ tauka ‘ajar ti jai.’ Ragi dikena maya ngaga roti awakka roti tau kembai ngau berubah ukur nyadi besai. Pia mega ajar orang Parisi ti jai tau nyadi besai enti kitai pechaya ka jako sida (besai tang kusong). Kitai ulih alit ngau kieh ati lalu runding kitai berubah. Tu ti nyadi ngagai sida murid Jesus. Ukai semina orang Parisi enda arap ka Jesus tang bala murid Iya empu mega buta ati enda ngelala Iya. “Kati kita lalu enda nemu tauka apin mereti?,” ko Jesus. “Kati ko ati kita bangat muntat? Kita bisi mata - kati kita enda meda? Kita bisi pending - kati kita enda ninga?”\\nJesus udah ngaga mayoh macam kereja ajih ba mua sida. “Kati kita enda ingat, leboh Aku mechah ka roti ka dempa lima ribu iko orang? Berapa bakol laloh roti ti dibai kita?’ ‘Dua belas iti bakol,’ pia ko sida nyaut. ‘Leboh aku mechah ka tujoh tuko roti ka dempa empat ribu orang, berapa bakol laloh roti ti dibai kita?’ ‘Tujoh,’ pia ko sida. Ko Iya nanya sida, ‘Nama kebuah kita mengkang enda mereti ka utai nya?’” (Mark 8:18-21). Semoa jako ajar enggau kereja ajih ti digaga Jesus nunjok ka sida - ngau kitai mega - Berita Manah pasal Jesus Kristus empu ti “Anak Allah Taala” (Mark 1:1). Tang apa ti di ati sida ngau semoa orang mayoh ti ngiga Jesus? Sida iya nitih Jesus laban “udah makai roti datai ka kenyang” ukai kategal sida udah “mereti ka kuasa” Iya (John 6:26); sida iya kiroh ketegal enda ingat mai roti tang enda nemu Jesus nya meh “Roti Pengidup” ti datai ari serega (John 6:32-35); sida irau enggau pemakai ngau tuboh tang Jesus udah madah barang siapa ti ngasi ka pengawa Iya ba kayu regang sida deka “bisi pengidup ti meruan… meruan idup belama” (John 6:52-58). Tu tanyak Jesus ngagai kitai semoa: Nuan udah nemu siapa Aku ti amai tauka nuan mengkang enda mereti? Am bersampi:\\nO Tuhan Jesus Kristus, beri aku ati ti terang nemu siapa Nuan lalu nulak ka ajar orang Parisi ti enda arap ka Nuan. Buka ka mata aku awakka aku ulih meda pemendar Nuan ngau buka mega pending aku awakka aku bisi ninga ka jako Nuan. Amen.\\nLabels: Anak Allah, Bahasa Iban, Berita Manah, Bup Kudus, Kuasa, Pengarap, Roti Pengidup, Yesus Kristus\\nTiga (3) Prinsip Bersedekah berdasarkan Matius 6:2-4\\nApabila Bersedekah, Jangan Ambil Selfie (Matius 6:...\\nKenapa Yesus Harus Mati? Sempena Jumaat Agung (Goo...\\nJesus Nanya Kitai Samoa, \"Bisi Nuan Meda Utai?\" (M...\\nJesus Nanya Nama Kebuah Kitai Mengkang Enda Mereti...","num_words":593,"character_repetition_ratio":0.057,"word_repetition_ratio":0.048,"special_characters_ratio":0.238,"stopwords_ratio":0.263,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Akaiiii kak put ❂ www.pengeRindu.com\\nAkaiiii kak put\\nPosted by MR.J Posted on Isnin, Februari 02, 2009\\nAkaiiii kak put.. pahai kasak Motosikal aku. benung syok2 terima gaji, udah tolak kin kitu tinggal alu RM100 aja kena idup Sebulan2 tuk.. Nda alah makai Magge berlama yau gentung pehut..\\nTusah mai ati tuk.. tat keh sigi gaya ambik nakar. peii.. Tuk kok jako deka nyimpan duit kena kawin ilak ambik bisi kena ngambik sulu aku. Nti baka ba menua din ambis puak kampung endur aku lepak , nti lapar jala ney.. nti nya giga Ulat Mulung bisi ga kelauk .\\nBah, Taun tuk pedis deka ngiga pengawa kok Perintah madah , nyak ngasuh runding ku tusut agik laban planning kak pulai menua dlm kandang ujung bulan 8 tuk . Benung kak start yimpan duit gaji kok jako saritu ambik bisi kena BBQ pulai menua ila..\\nok cauz kak parai saritu,","num_words":138,"character_repetition_ratio":0.066,"word_repetition_ratio":0.0,"special_characters_ratio":0.229,"stopwords_ratio":0.065,"flagged_words_ratio":0.0,"lang_id_score":0.663,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tibang Jerpan (website_PPK) | Website_Bahasa iban\\nDalam page aku deka bekunsi artikel ti digumpul ari kereban N&B ari website Pusat Perkembangan Kurikulum. Semua pengajar ulih download tu dikena kereban nengkebang tanya Peresa Bahasa Iban. Arapka ulih nulung bala kita. TQ\\n“Aku endang seruran ingat malam nya malam hari Enam, keterubah tua betemu, ati aku berasai bendar gaga laban nuan orang ti keterubah bekelala enggau aku. Maya nya tua betemu ba pengerami betunang pangan aku ke benama Lina Lee enggau petunggal nuan. Pengerami nya mih ti meri peluang ngujungka tua ulih bekelala enggau pangan diri. Tua betukar lumur talipaun binching. Lebuh nuan ti nanyaka nama aku, malu-malu aku madahka nama diri Rennee. Kangau aja Reen pia ku aku. Nuan pan madahka nama diri Abel. Laban ti agi biak sigi meruan aku kenang pengingat tua ti besulu suba. Laban bai ati ti sama bela keran ke pangan diri asaika dunya tu semina tua aja ti empu.\\nTang enda disangka pengerindu tua diketuka enda lama ketegal aku anak orang ti kurang reta tengkira sereta enda tebilang. Meruan aku ingatka jaku bala kaban belayan nuan lebih agi ari bala petunggal sepiak indai nuan madahka tua enda patut begulai sejalai laban aku indu ti enda tentu menuku. Tua disemaka sida baka pipit enggau kenyalang. Naka mih pemalu asai ati aku ditempayaka orang baka nya nyentukka sida sanggup begigaka beliau ti bisi penemu menchi orang, ambika nuan enda ingatka aku agi. Nama penyalah aku? Tang maya nya nuan sigi enda bedulika jaku tagang apai indai nuan. Nuan sanggup ninggalka rumah ari ti beserara enggau aku. Ku nuan biar mati ditanggam sulu lalu sanggup nujah api penguji enggau aku. Tang taja pia, laban ke ngasika jaku apai indai, tua enda betemu agi. Ati ke lelengau ditatka pia aja. Tang nuan sigi seruran di ati belama…”\\nEnda berasai pengingat lama ngundang baru. Setengah taun udah nya, asaika diambi mimpi. Maya nya lemai hari minggu, aku meda iya datai ngagai rumah kami. Enda disangka iya datai laban nadai madah dulu ke penatai diri. Aku nyangka apai ti ngasuh iya datai laban aku agi ingat bisi meri lumur talipaun iya ngagai apai. Tekenyit aku meda iya datai. Kiruh indai nyendia ai sirap rian belanda. Dinahka iya kachang guring chukup pemanah, chukup pemansau enda retung. Aku ngambi sebutul ai mineral chelap, changkir dua iti laban nemu iya enda ulih tinggal air irup.\\n“Duduk ke atas tu Jang. Nya mih bedau lama udah datai ari kebun kami dua indai iya tadi. Ambika nuan nemu nama kebuah aku ti mai nuan betunga mua baka tu, perundingka manah tanya aku tu. Ngelama tu aku meda seduai Endu Reen nyau baka belangkas. Aku deka nanya kati baka runding nuan pasal kaul seduai tu?” ku apai sambil ngelangak ai sirap rian belanda. Jelan pemanis gaga indai. Abel nyintak seput panjai sebedau nimbal apai. Bepeluh mimit kening iya taja hari enda ga kelalu angat .Aku duduk nyendi indai enda bemunyi. Indai pan nadai mansutka jaku. Tambah mega iya endang orang ke enda tentu pejaku. Sebedau betemu enggau apai, iya diambi orang ngajar ba sekula besai tuai. Ketawa aku ninga mayuh cherita iya maya ke gawa menya. Sekeda enda nemu megai pinsil. Bisi mega tunsang pegai. Pengawa nyadi pengajar kelas malam nya semina tiga taun aja. Semadi enggau kami sebilik indai bisi didinga bejaku tang enti temuai datai jarang bendar ninga nyawa iya. Apai kami ti pejaku agi engka laban pengawa iya ke nyadi pengajar. Diatu taja pan udah pinsin gawa nyau deka lima taun udah, apai agi regas amat. Iya pinsin lima puluh lima taun. Dikena iya ngambiska hari, pengawa iya ngemansangka tanah tiga ekar dibeli iya suba ari pengajar Dominic. Apai endang bisi ngembuan pengerindu ba pengawa betanam ari menya. Diatu enti musin buah nadai meli ari pasar. Buah mutan, buah empelam nadai ulih empa kami sebilik rindu meda bala anak petunggal bejulukka buah enti maya musin. Dominic tu bansa Bidayuh ari jalai Puncak Borneo. Iya bakih amat enggau apai. Enti orang bukai pelaba aku enggai iya nyual tanah nya.\\nNyau kelama baru Abel nimbal jaku apai. Abel duduk betunga mua enggau apai. Keketap ati aku . Kati enda ku saut iya lagi. Baka orang ke benung interview ulah seduai, ketawa mimit ga ati aku . Perening aku mua iya. Sekali tu tak baka orang ke macha bup aku meratika gamal iya. Sekumbang begulai enggau aku, enda kala iya ngena jaku bebunga. Nama nya ku ati, endang terus nya mih disebut iya.\\n“Aya, ibu aku meri terima kasih laban ulih betemu mua enggau seduai. Nyadi pasal kami duai Reen endang lama udah bepangan . Patut seduai ibu irau pasal kami duai. Aku sayau amat ke Reen tang maya ke diatu bedau bisi berundingka maya ti patut kami duai ngikat tali semaya. Aku diatu ibu ,aya benung negapka pengawa bisnes ke baru ditumbuhka pun taun tu, tang taja pia aku besemaya enda beduan iya,” ku Abel.\\nNinga jaku Abel munyi nya, tak enda berasai aku angkat ari penuduk aku lalu nyilakka daun pintu bilik peninduk. Tup ! Semetup pintu ditambit baru. Diempaska anak tubuh diri atas katil. Ai mata pansut. Duduk . Mutap kediri. Ba peragam ati aku, Abel enda bebendar naburka leka bungai semaya iya ba laman ati aku. Enda berasai aku kekisi nyabak sedan-sedan. Benung sempuling runding aku tusut, aku ngasaika tandan bau aku dipegai jari orang. Berumban aku malik ke belakang. Entah kemaya Abel datai ngimbai bediri tegir-tegir ba tisi aku.\\n“ Lapa dek Reen. Did I say anything wrong?”\\n“Anything wrong ku nuan! Ngaga diri enda nemu nuan, nih! Nama jaku dek lain amat ba mua apai. Aku meda enda lantang amai gamal indai ninga jaku nuan nya. Nama dek enda sayau ke aku?” Tajam perening aku ngagai mua iya. Tachar perening mata iya berasai angat sangkai ba mua ba mua aku. Lama kami duai besabung perening. Abel duduk ngimbai aku lalu megai jari aku.\\n“Reen…! Sekumbang tua ti bela muai hari muar madu pengerindu, nadai kala arus pengerindu aku jauh tepejuh ke bukai. Ngelama tu nuan aja mih intan sereta emas dalam pengidup aku. Nuan mih senawah bulan ti seruran nampakka ruang ati aku. Nuan mih pemantup runding enggau penyayau aku. Nadai ati aku ngayahka nuan, Reen!”\\n“Eeeee…., gidan aku meda nuan tu! Ngesalka ati aku nuan.” Aku angkat ngenyit lalu tuchum lelegup meratika mua Abel. Enda berasai ai mata aku labuh laban kelalu gaga. Tempap aku iya lalu beberap mih kami duai lalu besemaya enda ngayahka pangan diri. “Asaika bemimpi ga aku ninga sada leka semaya nuan nya, Bel. Badas mih nya. Aku arapka pengerindu tua ila enda puntan baka menasan jalai jelu, enda labah baka buah merunjau ulu.”\\n“Sama besampi ngagai Petara mih tua, Reen. Minta Iya ngemataka pejalai perau pengerindu tua. Anang nangi tua nengah umbak tasik api penguji.”\\nUdah ninga pengeran ati Abel, aku enda irau agi, taja aku nemu apai indai enggau kaban belayan iya enda setuju enggau penemu ti mutus ati deka ngambi aku nyadi bini. Ketungkah ti deka mupuk, apai bisi nibarka jaku lalau.\\n“Jang diatu udah mih aku nemu runding nuan. Tang anang kelalu laun ga nuan meri jaku pemutus. Laban kaban belayan kitai sama bela mayuh. Enda manah ga dipeda orang bukai seduai begulai kiba kanan tang nadai tali pengikat. Aku arapka nuan ulih madah ngagai apai indai nuan lalu nanyaka runding ari seduai iya,” ku apai sambil ngiring Jang ngagai pintu pagar rumah kami laban kerita Abel ke parking ba luar. Ujan memesi ba luar lalu lemai pan berengkah besabung petang besiring kuning.\\nTiga bulan udah nya kami duai netapka hari maya kami duai deka nirika ruang bilik idup selawang ba ujung taun nyerumba hari krismas. Naka mih pengaga ati aku laban nadai utai ti dikenangi agi.\\nKami duai ditikah ba gerija. Lemai nya pengerami melah pinang kami duai diintu ba rumah kami aja. Agi ingat bendar ke jaku apai sebedau iya ngaga kad kangau tikah suba.\\n“ Kitai mayuh kaban. Enti ba hotel nyangka mayuh bala kitai ari menua enda datai.”\\nLebuh maya pengerami nikah Ben menyadi tuai kami suba mayuh mija puang. Nya ti ngasuh apai jera. Nyau hari ke pengabis nya baru madah enda ulih datai madah benung kiruh. Tang ke bendar jangka aku nya ukai ketegal sida enda ulih datai.\\nApai nesau semua kaban belayan iya ke jauh enggau ke semak . Iya ke jauh ngena talipaun, bala ke semak disadung enggau kad. Sinu aku meda tudah apai enggau aya Ringkai bejalai besadung ka kad enggau nyendia utai bukai ti patut .\\n“ Enti sida ari sepiak Jang enda kiruh ke pengawa seduai tu, enda ngawa ga Endu. Nyangka nadai hari mih sida. Kitai enda tau mejal orang ngereja pengawa. ” pia ku apai.\\nApai, endang siku orang ti chukup penyabar. Nelap. Enti bejaku ngena chara subuk. Ba pengawa gerija iya endang taluk bendar. Nya mih Ben selalu nundi apai ngela iya paderi. Tuchum apai. Nya kebuah lebuh nyadi kepala pengajar sayau amat bala staf ke iya. Iya puh ngereja utai. Enda sebarang.\\nMaya makai lemai, bala ari sepiak sida Abel enda mayuh datai mina dua buah kerita nya pan muti sida sebilik aja. Penatai apai indai iya enda dipeda gaga. Sebedau mupuk pagi nya aku meda apai Abel nyuaka kunchi ngagai Abel. Randau seduai enda mega aku ninga enggau silik laban nyau tengelam laban nyawa bala orang ke agi duduk berami. Nya baru aku nemu Abel diberi kunchi sebuah rumah dua tingkat lalu diberi jaku lalau enda ngasuh mai aku pulai ke rumah. Iya mega mesan enda ngasuh diau ba rumah kami. Nama kebuah enda mih aku nemu.\\nKira seminggu udah nya kami duai pan lalu pindah ngagai rumah kami duai empu. Rumah corner dua tingkat chat mirah jambu manding bendar dipeda ari luar. Rengka dalam rumah nadai ke nadai . Airkon, peti ais, rengka dapur bisi magang. Kami duai muti pindah mai beg aja. Nadai pemedis ba apai iya meri sebuah rumah ngagai kami duai. Apai Abel kelimpah ari ti bempu GTG Company sebuah kompeni ngaga rumah, serikat nyual motor RZ Enterprise sebuah budget hotel D Farm enggau sebuah pusat ngelantangka ati Rozelo Pub n Lounge. Indai Abel siku ari orang indu kitai bansa ke udah maju dalam pengawa dagang . Kelimpah ari ti bempu sebuah butik iya mega lalu bisi sebuah restoran pemakai. Kelia tusah amat pengidup sida.\\nTaja pan apai indai iya bakanya Abel endang tetap anak sida iya kelimpah ti udah dianjung belajar di menua tasik dalam pelajar Bachelor in Accountancy enggau Master in Businnes Administration. Abel tu endang diasi apai iya ngambi ulih nulung dalam dagang iya. Dikena meri peneleba ngambika jinak enggau dunya bedagang iya diberi apai megai sebuah kompeni ti nyadung rengka opis baka keretas, pinsil enggau ti bukai ngagai mayuh bengkah sekula enggau opis perintah di menua tu.\\nAku agi gawa ba Anna beauty saloon taja pan udah jadi enggau Abel. Pengawa tu dikembuan aku udah ke tembu form 5. Dikena aku ngenalamka agi pelajar dalam bidang ngias diri aku meranika diri empu belatih ba Clara Insitute di kuala Lumpur. Institut tu tebilang bendar alai orang ke ngembuan pengerindu dalam pengawa tu. Kira dua bulan udah kami duai niri ruang bilik, Abel enda ngasuh aku kereja agi laban ku iya duit ti diulih iya chukup di kena kami duai ngidupka diri. Laban ti enggai beserekang penemu enggau Abel dia aku lalu ngetu ari pengawa aku nya taja pan pengawa nya chukup ngerinduka ati. Kelimpah ari ulih betemu enggau mayuh leman orang, mayuh mega peneleba ti diulih ari randau sereta perati orang indu tau ngemajikka gamal diri meri pengeransing ngagai sida ke bempu tubuh. Tang taja pia, penanggul sekumbang ti kereja endang bisi. Enda semua orang puas ati enggau servis ti diberi. Bisi sekali siku indu enda puas ati lalu ngejemika mua ngagai aku. Nyau deka mantul asai anak ati.\\n“Sabar ajalah Reen. Dalam dunia kecantikan memang banyak cabaran,” ku Fifah, pangan sama kereja lama udah bekelala enggau aku. Iya mih balat meransang aku ngambi latih di Kuala Lumpur taja pan aku jauh ari sida apai indai.\\nKira setaun setengah udah kami duai ti begulai melaki bini, perangai Abel nyau jauh bisi berubah ari ke dulu. Iya suah pansut malam nyau lalu enda tentu ibuh ke ruang bilik kami duai agi. Enti pansut malam suah enda nemu maya mulaika diri, nyau deka engkukuk manuk baru ayas iya bisi dipeda ba rumah. Bisi mega dua tiga kali iya enda pulai ke rumah. Aku enggai malu didinga orang selalu belaya lalu diau diri aja. Ku ati aku, dini bisi ruang bilik ke enda kala pansa biau balai. Kenu ku orang, indah batu tungku ga nemu besengki. Maya aku nanyaka penunga iya, iya semina diau diri lalu ngaga diri enda ninga. Aku semampai rungguk-rungguk kediri aja diau ba rumah. Nyau tuyu asai nadai mensia enggau bejaku. Mamau pendiau nadai orang enggau berandau.\\n.”Nama nanyaka pejalai penunga aku? Enda chukup pemakai perengka rumah? Nama agi utai ke nadai tua?” ku iya mutap pagi nya sebedau nurun ngagai tempat kereja.\\n“Nuan ga laki aku. Enti nuan orang bukai kapa aku kiruh,” ku timbal aku nyau enda ulih tat ka ati. Tegal ti alah laban pengerindu enggau penyayau ke Abel aku balat nyabar diri ambika ati iya chelap.Tang nyangka nya mih ngasuh perangai iya nyau majak balat agi. Iya selalu ringat. Ketegal penanggul nya aku nyau ngenyemakka diri ngagai jalai Allah Taala. Abel enda mantah aku ninting minggu ngagai gereja minta Allah Taala nyaup aku ngasuh pengidup kami likun. Menya jarang amat kaki tu ngindik utai ti nama gereja anang ke agi besebutka nama Allah Taala.\\nLebuh aku benung betubuh bisi Abel enda tentu ibuhka aku. Pemerinsa ditanggung aku kediri. Nasit ga, tegal ari sukung apai indai aku enggau bala bakih ari gerija, aku mujur nujah duri penguji nya. Bala kaban belayan sereta bakih sinu amat meda aku. Mua amat baka ti gaga tang makai belaukka ai mata.\\n“ Pulai ke rumah sida apai nuan. Ditu merinsa amat aku meda nuan,” ku ibu Chamik. Aku enda nimbal tang semina tak ninga aja.\\nChukup bulan maya beranak, aku ngadaka anak indu ti naka pemajik gamal.\\n“Mua mata iya bekabih bendar enggau jang Abel,” ku indai.\\nAnak indu nya diberi aku nama Emelia. Maya betal indai mih ngibun aku. Bisi mega sekali dua Abel ngayanka pengerindu iya ngagai anak kami duai. Rengka enggau pekakas anak mit endang chukup, enda pungkang diberi Abel. Tegal ti seruran kiruh enggau anak, enda ga aku kelalu udu berundingka penyinu ati diri. Tang maya umur anak kami duai manggai tiga bulan nya baru aku nemu pengawa Abel ba belakang aku ngelama tu.\\nMaya nya aku enggau orang gaji ti benama Sopia ari Pontianak deka bebelika rengka anak aku, enda mukai-mukai aku tepedaka ayas Abel pansut ari kerita enggau siku indu bebuk panjai bechuk mirah redam. Umbas amai ga pemajik gamal iya. Silik perening sereta perati aku ngagai mua indu nya, enggaika tak salah sangka ngapa. Tusah enggaika saru orang laban ba nengeri besai mayuh orang sebaka gamal. Endang enda salah peda aku, kerita kami duai Toyota Rush bechura chelum belakang tekura.\\nSapa mih indu nya kini ? Petunggal iya kini? Seketari iya kini? Klien iya kini? . Lama aku berunding ke pekara tu. Enda aku arap laki aku ngereja pengawa baka nya. Nyau temati kutu aku . Enda aku sangka penguji datai ngagai pengidup aku balat bakatu.Enda berasai kaki aku tak lalu nyingkang belanda nuju pintu mini supermarket Top Sprint.Tubuh aku penat magang,runding aku majak tusut.Pintu tebuka Aku belanda ukui nuju jalai besai. Aku bediri tegi-tegi,nadai runding agi.Tup..! Kerita Toyota Rav4 ti dipejalaika siku orang ti gawa pasal computer grafik, ngelantak aku. Udah nya aku enda nemu nama penyadi. Sekali aku menchelakka mata peda aku apai .Apai enda tentu bemunyi . Ben enggau bini iya bediri nyendi apai. Harren menyadi biak aku ke belajar ba form tiga sikuk –sikuk nyabak semak katil muak ari kanan aku ti gali.\\n“ Dini aku tu dih? Nama kebuah kita ngelingi aku? Dini Emi?” tanya aku enggau sabak-sabak.\\n“ Bisi ba rumah, selamat diibun indai,” pia ku apai. Apai lalu nusui semua pekara enggau silik nama ti nyadi ba aku sehari nya. Apai sambil ti nyerita seruran ngendas ai mata iya.\\nPerening aku nachar ngagai Abel ke bediri ba punggang katil. Pala iya nensam enda bejaku. Mua iya nyau puchat-kelat, nyangka kesal sereta takut. Ati aku balat telih sereta enseriban meda ulah iya ngeyai nya. Dalam ati aku din, nyamai agi mati ari neruska pengidup ti penaggul enggau penguji. Siku pan nadai mih bala kaban entua ngabas aku taja pan sida iya nemu rita aku ti bebadi.\\nUdah nya sida apai lalu ninggalka aku kediri enggau Abel. Abel nyabak megai jari aku. “Honey, I’m so.. sorry”. Bendar amat iya minta ampun ketegal penyalah diri ti udah balat beduan aku. Aku enda nemu bejaku mayuh agi tang madahka iya pengidup aku udah diserah ngagai petara ti ngatur. Laban endang nadai dua tiga, aku nadai penanggul ngampun semua penyalah ti udah tekelanjur dikereja Abel. “Ngagarapka petara ngampunka penyalah nuan sulu,” ku aku sambil megai jari Abel.\\nEnti enggau kuasa diri empu endang enda ulih aku nerima Abel pulai baru laban ati aku chukup telih. Nyau pandak cherita kitai udah penusah ti balat nuntung ruang bilik kami duai pengidup kami duai Abel jauh berubah manah ari selama. Abel mega badau agi segau-segau.Iya Abel baka keterubah betemu enggau aku suba .Asaika baru tedani ari mimpi rawan. Maya pengerami ngintu pengada anak kami duai Emilia chukup tiga taun,chukup betuah-belimpah.Tak enda aku sangka bala entua aku bisi sampal datai taja pan ngelama tu sida ngelaungka kami sebilik. Rami amat kami nya. Enda berasai ai mata aku pansut nelusur kuyu lalu labuh beteritik ninggang selepak luak dada enggi aku.Aku nyabak sekali tu ukai ketegal penusah…tang nyabak ketegal ati ti kelalu gaga . Sida entua aku diatu nyau rindu lalu ulih nerima aku nyadi menantu. Aku endang nadai bisi ati dua tiga enggau sida.Entua aku ke indu mega nyau enggai jauh ari uchu iya… Emil.Nya baru aku nemu pemesai kuasa Petara ti nentuka semua pengidup mensia.Terima kasih…Petara .\\n4 thoughts on “Tibang Jerpan (website_PPK)”\\nPengajar Sidi Aji\\nBisi mih sepil dalam teks di atas enda nitihka sistem sepil : bala pengajar tau nyeruri iya baru enti nyema deka ngena teks tu dikena ngajar nembiak\/peresa\\nJelai ak Jilom\\ntwrima kasih ngagai nuan peengajar , baka aku baru muka kelang pmr taun tu….bahasa kita di sekula kami…..\\nmayuh sepil ti enda nitihka sestem sepil ke baru.. tang manah lalu ulih ngerembaika penemu dalam bidang jerpan tu. terima kasih,\\nJerpan ti bisi dalam website tu diambi aku terus ari website PPK baka ke dipadah aku ditu. Endang sigi amat munyi ku nuan pengajar. Bala nembiak ulih belajar ngena kereban jerpan tu; lalu dikena dalam pengawa pelajar ari sukut ”’ngedit sepil…nya baru. Terima kasih laban nemuai ngagai website sekula kami.","num_words":3044,"character_repetition_ratio":0.031,"word_repetition_ratio":0.0,"special_characters_ratio":0.195,"stopwords_ratio":0.263,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"3,000 volunteer disadang ngujika vaksin keterubah di M’sia – Suara Sarawak – Bukan Sekadar Akhbar\\nYou are here:Home-RUAI-3,000 volunteer disadang ngujika vaksin keterubah di M’sia\\nKUCHING: Pansik Klinikal Renggat Ketiga vaksin Covid-19 deka berengkah dipejalai kena 21 Januari tu ba semilan buah sepital Opis Menteri Pengerai Malaysia (KKM) nengah Palan Pansik Klinikal (CRC).\\nMenteri Besai Tan Sri Muhyiddin Yassin madahka disadang 3,000 iku volunteer deka ngaul diri dalam pansik klinikal keterubah dipejalai ba Malaysia tu.\\nKu iya, Malaysia deka nyadi menua keterubah ba luar menua China ungkup pansik inactivated Covid-19 vaccine digaga Institute of Medical Biology Chinese Academy of Medical Sciences, China (IMBCAMS).\\n“Semua perengka regulatori nyengkaum pemendar etika ari Medical Review & Ethics Committee (MREC) lalu kepenudi, Clinical Trial Import License (CTIL) ari NPRA udah diambi kena 8 Januari tu tadi,” terang Muhyiddin.\\nPia mega, Muhyiddin madahka Unit Regulatori Farmasi Menua (NRPA) mega udah ngemendarka pengawa rejister vaksin Covid-19 ti diasilka serikat farmaseutikal, Pfizer.\\nNya alai ku iya, Malaysia disadang deka nerima bekal vaksin Pfizer ungkup renggat keterubah dalam ujung bulan Februari.\\nBy suaraswk|2021-01-13T11:53:52+08:00January 13th, 2021|Categories: RUAI|0 Comments","num_words":164,"character_repetition_ratio":0.066,"word_repetition_ratio":0.0,"special_characters_ratio":0.211,"stopwords_ratio":0.104,"flagged_words_ratio":0.0,"lang_id_score":0.876,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bekunsi penemu enggau pengelandik awakka ulih negi sereta ngemansang ke bansa. 'nemukita.blogspot.my\" nguji mai berita dunya pemansang kitai iban nitih ke tengau penemu kemaya.\\nChara Mesan Barang\\nRaun ke Indon-Batang Mandai\\nDiatu pejalai raun ke Batang Mandai udah diperambuka kena ka;\\nHaribulan: 27 - 29 October 2017\\nBayar: RM550 per pax\\nTransport: NGENA MOTO KEDIRI\/TANGGUNG KE DIRI EMPU\\nNgusung bala sapa ke berminat tau kontek Mr Embat Lala ba Lumor telepon binching tu, ianya\\nRaun ke Batang Mandai Indonesia (Kalimantan) enggau Cikgu Embat Lala\\nTrip ke Batang Mandai, Kalimantan Indonesia di perambuka sereta deka di adu kena 27-31 October 2017. Nyadi gaya atur pejalai tauka destinasi ianya berengkah ari LUBOK ANTU ke BADAU ke LANJAK ke DANAU SENTARUM ke SUNGAI UTIK ke BATANG MANDAI ke MELAPI ke BANUA TENGAH pulai baru BADAU ambis ba LUBUK ANTU.\\nEnti kita bisi hati deka enggau trip tu tau nganjung mesej kita ngagai cikgu Embat ba no hp 019-8256022 ngambika ia ngemasuk ka kita ba whatsapp Raun ke Indon Btg Mandai.\\nRengka ke patut di kemisi' enti deka enggau ianya bakaka dibaruh ditu:-\\n1. Mesti bisi passport ti agi bedau ambis timpuh\/agi idup; enti udah mati idupka baru. Bayar ngidupka baru RM200.00 aja tang enti ngaga baru RM300.00,\\n2. Enti mai kereta kediri empu, anang endai mai geran kereta (green card) ti original, anang photostat. Enti agi bisi loan minta ari Bank ke endur ngaga loan,\\n3. Lesen kereta (Driving License) bagi kita ke deka mai kereta kediri,\\n4. Tukar mata duit ngagai Rupiah dulu nyangka nyema kita deka bebeli ka utai ke bai pulai ke menua,\\n5. Ubat anang enda ingat enti nyema udah bisi di sangking penyakit nundaka pesan doktor, chunto ubat gout, ubat darah tinggi, jantung enggau ti ke bukai,\\n6. Mai gari (pakaian) ti chukup, kena mandi tauka kena ba perau. Mai towel\/sabun-laban bisi diau ba rumah panjai, enggau\\n7. Mai tingki (IC)\\nPasal kos (cost) tauka bayar kena trip tu agi nganti pemutus ari sida ka empu menua ngelangurka penyampau belanja ke dikena kin. Enti penyampau udah engkeman nya baru kami madah ditu.\\nArapka bansa raban kitai iban ke rindu tauka lama udah ngelanggur deka nemuai ngagai Batang Mandai idup, ambi meh peluang tu kena kitai sama-sama neresa sereta meda pemanah rampa menua ke agi bedau di keruga dunya pemansang.\\nKITA TAU NILIK BA YOUTUBE DI ATAS DIA PEMANAH RAMPA MENUA ENGGAU SAMBUT ORANG KA EMPU MENUA LEBUH PENATAI RABAN KITAI ARI SARAWAK NGELAWA MENUA DI KALIMANTAN. KITA TAU NILIK SEMUA LINK VIDEO KA BISI NGAYAN KE PEMANAH RAMPA MENUA BATANG KEPUAS ENGGAU ENDUR BUKAI MEGA. ANANG ENDA INGAT KLIK VIDEO DIATAS.\\nAndau Titi Rawan ba Bukit Semujan\\nPejalai ngena perau nengah Batang Mandai\\nSkeda gaya ai Sungai Batang Mandai Idup\\nRumah Panjai Sg. Utik\\nGelegar pan ngena kayu tebelian ba ruai tu\\nCikgu Embat Lala bayam pemanah dumbak\\nSemua gambar tu di kunsi ka aku ari tengau lensa kemera Cikgu Embat lebuh ke bejalai meda Batang Mandai. Tu meh sekeda endur ka deka di tengah ba trip tu ila.\\nGawai Nyi Semak\\nEndang ka bakaa kitai lebuh maya tengah tahun ianya 1 June bulan ribai tauka bulan enam kitai iban, nya meh maya pengerami gawai ka alai bansa kitai dayak ngambi peluang betemu sereta berami enggau pangan diri.\\nPenganan Jala (Gambar Pengias Aja)\\nLebuh pengawa ke berami enggau pangan diri kitai sigi beambi peluang nangkap gambar tauka moments ngambika bisi nyadika pengigat maya ke begulai enggau pangan diri serumah tauka diri sebilik. Tambah mega enggau pemansang dunya teknologi pemadah ke nyau udah semak rumah panjai kitai di ulu ai. Dini endur kitai diau pan kitai ulih bekunsi enggau pangan diri takala nya pengerindu sereta gaya pengawa ke nyadi ngagai pangan ti jauh.\\nNya alai ketegal nya tadi kitai mega anang enda nemu milih telco ka tau meri penguntung ke mayuh agi sereta tau ngurangka belanja kena bebelika data. Laban enti kitai mayuh bekunsi ka gambar dia ia begunaka data plan ti besai. Ti enda pia utaika deka dianjung tauka dikunsi tua pan lubah datai sereta di terima. Nya alai aku ngena peluang tu mega ngasuh kita nilik plan ke dibai telco tu ngambika kitai sama-sama ulih bejimat ka belanja maya gawai tu ba senetang ngena telekomunikasi. Enti kita milih telco ke udah cukup tebilang pakej data plan sida ia nyangka bisi mar agi sereta tau jadi beban belanja ba kitai. Laban aku nemu mayuh ari antara kitai loyal ke telco nya ngasaika nombor nya udah sebati ba kitai sereta udah di temu bala kaban belayan. Taja pan tua nemu kos tua ngena ia udah majak mar. Nya alai kaban semua ditu aku deka bekunsi enggau kita siti telco ke tau dipilih kitai ianya telco ONEXOX.\\nTELCO TU KITA TAU NGENA LUMUR ASAL (kekalkan nombor lama). Anang irau ka pasal lumur kita nya enda ulih dikena agi.\\nMayuh penguntung bukai mega kelimpah ari kita ka tau ngetan lumor ka udah bisi di kembuan kita diatu. Nadai salah nguji laban ba gambar nya kita tau meda kati rega simkad ia mega.\\nKita tau klik ba link dia enti deka nguji ngena line tu tauka kita tau betelepon ngagai aku.\\nArapka ka Gawai taun tu kitai sama-sama bekunsi ke moments enggau pangan diri ngena chara ti jampat sereta kos ti murah.\\nBejalai Ngeregau Menua - Lance Court Pasir Panjai\\nBetemu baru kitai ba dunya nadai sempadan nengah sauh komunikasi & teknologi. Kenang pejalai kami sebilik ngusung menua Pasir Panjai iyanya Lance Court, D'Cove Family Park ti\\nBala indai benung posing\\nEnggau Miss Zety Unge\\nenda jauh ari Sentubung ke alai warga menua Kuching bejalai lebuh maya kemisi tauka ujung minggu. Kami sebilik pan enggau nguji neresa menua tu ngichaka kena ngelari ke diri ari pengerichah Bandaraya Kuching.\\nPenyauh endur tu ari bandaraya Kuching kiraka 40 minit pejalai. Sepemanjai jalai kitai tau bayam pemanah rampa menua ke agi gadung ari kiba kanan jalai. Kitai mega tumpok kenturung pendiau benung digaga rumah ke tau dibeli warga bandaraya.\\nEndur tu bisi nyediaka alai ba Beque enti kitai deka ngaduka endur kena ngerindang malam. Kitai mega tau mai perengka kena berapi kediri empu. Bilik endur bemalam ba rega RM100 - RM150 semalam bisi disediaka ngusung kitai ke deka bemalam. Endur alai nembiak bemain bisi, tang enda ulih endur bemain laban enda chukup dijaga ngujungka endur nya rusak.\\nKami sebuat datai dia lalu ngaduka barbeque alai Apai Elly ngintu pangang sambil kami duai ke ngirup mimit malam nya.\\nApai Elly benung Q\\nMalam nya mega chukup sporting laban ti enda ujan sereta angin ke bepuput chukup ngelantang ke bala kami ke duduk ba ruai bepandukka utai pakai ke kena makai lemai. Bala sida ke indai nyi bekachapuh betundi enggau pangan diri. Aktivity tu tau dikumbai family get together ko urang agi pan nyerumba pengawa Hari Wesak ke disambut hari siti ia.\\nMuak ke hari siti tumu pagi bala nembiak udah dani laban ti deka bemain ba pantai. Bala ka deka begambar laban ti rindu bayam pemanah rampa gunung sentubung lebuh dipeda tumu pagi sigi enda muai peluang.\\nAlex enggau HP enda tau jauh\\nZety beperindang ba pantai\\nKira jam 8.00am penatai mensia mayuh nyi nambah dipeda laban endur tu sigi tebuka ngagai orang mayuh. Urang ke bebaika anak mit sida ke bujang enggau dara sama mega bisi dipeda merindang diri bayam pemanah rampa menua.\\nEndur ti nitih ka sida ti bisi berandau enggau kami di empu SEDC lalu di urus ke syarikat ke dilantik sida ia. Endur manah endur datai bemalam enti kitai deka ngelarika diri ari pengingar bandaraya. Ulih tinduk jenak nadai dikachau munyi ingar. Kitai tau milih bilik ke nungga ngagai tasik ngambi ke dikerindangka munyi pangka ai tasik. Kami sebuat nembu ke pengawa merindang hati ba tempat tu kira jam 3.00pm lalu mulai ke diri ke Kuching. Ngantika ngatur pengawa family day baru komen aku ke endur tu sigi tau endar dilawa. Arapka pihak pengurusan endur tu ianya Lance Court ngemansangka endur tu lalu repair semua kemudahan ke bisi ditu.\\nBala indai ka bisi datai lebuh tu tadi\\n1 Rumah Panjai 1 Agent Reload\\nTaun 2017 diperatika raban 'economist' taun ti ngenataika pangka ke tau ngirauka penatai pemisi ruang bilik. Nama kebuah ba taun 2017 tu, kitai sama meda semua rega utai dipasar niki nyau deka lebih ari 20% ditambahka mega enggau caj GST 6% ke udah dipejalai ke perintah menua Malaysia diatu. Nya alai kitai mega patut ngiga jalai ngurangka pangka tu ba ruang bilik tiap iku kitai di rumah panjai enggau ba dini endur diau mega.\\nPemasang dunya pemadah pan udah datai semak tauka udah nuntung rumah panjai enggau kitai ke diau di menua pesisir kelebih agi di ulu ai. Diatu kitai sama meda nyi deka tiap iku dalam ruang bilik bisi ngembuan telepon binching (hand phone). Reti nya kitai sekurang-kurang ia 'reload' hand phone RM10 dalam seminggu. Sida ke rebak baru rata-rata nemu ngena aplikasi Whatsapp, Face Book & ia kebukai mega. Nyadi tu semua begunaka 'line internet'. Lebuh ke deka ngisi reload telepon kitai enda tau enda ngiga kedai tauka egent reload ngambika ia ulih dikena. Sema ke leka jaku ti begunaka reload tengah malam pan kasak meh kitai deka ngiga endur ti ulih reload.\\nEnti kitai bisi siku Agent reload ba setiap rumah panjai tauka ba genturung pendiau bansa kitai dayak kitai enda ibuh begigaka ke reload ngagai kedai cina. Tambah mega kitai sama nulung bansa diri, taja pan untung enda besai, begantung ba pemayuh peminta orang mayuh ke reload telepon, tambah mega kitai enda ibuh bejalai jauh meli reload nya tadi.\\nPia mega dalam siti ruang bilik kitai endang ngembuan siti siku hand phone. Enti bisi 5 iku dalam sebilik 5 meh hand phone ba bilik nya. Deh anak mit pan di beli kitai. Siku ari ke tuai tauka ia nyadi pugu ngiga belanja pan tau register diri nyadi agent. Sekurang ia lebuhka reload tua pan bisi diskaun. Nyema ka jaku sekali reload RM10 kitai bisi diskaun 3% pan udah pama ari tua ka nadai diskaun terus. Enti 5 iku reti nya tua udah bisi diskaun RM1.50 seminggu. Ti sebulan reti ia RM6.00.\\nBila kitai belematika angka nya amat ia mit agi meh tua meli ngena dikaun. Belanja kitai ke nurun tauka bejalai ngagai endur reload pan ulih di kurangka. Kitai mesti deka ngingatka pemedis napi rega minyak ke selalu betukar ninting bulan.\\nNya alai aku deka bekunsi enggau kita kati chara kitai tau ngerejister diri nyadi agent reload. Ti kita meda ba internet tauka google mayuh. Tang kitai enda nemu kati chara sida nya bekerja. Kadang dalam masa setaun tau udah nadai agi. Nya kebuah kitai mesti bekaul enggau urang ka bisi penemu enggau pengelandik ba pengawa tu. Penerang mesti deka di temu enggau betul ngambika kitai enda kalat-kalat ngereja ia. Aku pecaya mayuh bansa kitai enda ngambi peluang ba pengawa reload telepon tu. Kelebih agi kitai enda berundingka ulih tauka enda urang kediri nyadi agen kena reload diri sebilik ngambika bisi diskaun? Utai tu nadai begunaka modal beratus tauka beribu.\\nNama Kebuah kitai enda ulih.\\nPost ke nangkan ka tu aku bekunsi enggau kitai chara jadi agent reload tu. Kita tau kuntek aku nengah nombor HP 016-8885743 enti deka betanya sereta jadi agent.\\nMeri selamat hari Malaysia ngagai semua rakyat Sarawak, Sabah & Tanah Malaya. Arapka penyarakup mengkang tegap sereta kering ba kitai ke nguan menua Malaysia. Tajapan mayuh macham peyerekang enggau penemu ke enda tentu ulih dikamatka ke udah di bantai parti politik di menua kitai, arapka nya enda nekul pemansang ke rebak dudi hari ila. Buai meh hati ti kepapaska bansa diri mansang lalu tanamka hati ke sama-sama bebai ngemanah sereta mansang ke mua. Maju iban mansang Dayak sereta semua bansa di Sarawak & Malaysia. SELAMAT HARI MALAYSIA\\nDunya Kemaya ari Tengau Kelita Nemukita\\nGambar pengias Pemakai di Kedai Cina\\nKitai selalu ninga mensia mayuh berandau ke pasal nurun niki mata duit ringgit, rega minyak, isu GST, 1MDB, isu politik, enggau rega barang makai ke majak niki ari sari ke sari. Ditu aku deka ngenang lalu mai kitai rayat di Sarawak ditu berundingka kuasa ke bisi ba kitai ti tau kena kitai mesak rega barang makai enda kelalu balat niki.\\nBala pakar ekonomi selalu nyebut utai ke dikumbai \"Demand\" enggau \"Supply\". Dalam pengidup kitai besari-sari kitai enda ulih lari ari meli pemakai tauka utai ke di empa ari pasar kedai cina. Reti nya utai ke diguna kitai ia ke enda tau enda besari-sari \"Keperluan Asas\/basic needs\". Ketegal peminta ti tinggi tang sida ke ngeluarka utai ti kedeka kitainya kurang ngasuh rega utai nya mar.\\nKitai bansa bisi tanah ke endur tau alai kitai betanam sereta betupi ke jelu, ulih ngetanka rega pemakai ari terus di tiki ke peneka ati ulih sida ke bejual.\\nMayuh jaku ke semuba didinga ba arus internet tauka 'social network' diatu ngasut kitai ngasuh nganu sida ke merintah menua, kelebih agi sida pati politik ngaduka chara nagang sida ke bejual barang ari nyual rega ti mar sereta nekan rayat. Utai tu utai ke mar di adu enti kitai rayat mayuh enda ngambi bagi enggau perintah menua nagang ia ari terus ngelakai lalu nyadi ke penyakit ekonomi ba kitai ke rayat.\\nNama kebuah pia enti rega utai bedau ba takat ke menya, kati ko sida ke betanam betupi deka ngelaku sereta nyual hasil sida ia? Ditu meh perintah menua tau ngambi bagi ngaga atur ba takat ni pemayuh untung ke tau di adu tauka anang ngena orang ketiga masar hasil sida tu. Ari nya tadi bala rayat ulih meli ba rega ke patut ba tiap iku sida tu.\\nNya tadi ba rega utai tanam enggau tupi ke dikeluarka menua kitai empu. Bah kati ko ia di datai tauka di import ari menua luar? Ditu baru kitai ngenang mata duit ringgit kitai ke udah jauh nurun enti dibandingka enggau mata duit US. Ba maya aku ke nulis tu US1 lebih kurang RM4.17 duit kitai. Enda semua utai pakai ke diguna kitai begunaka stok ari luar. Ditu kitai ulih bejimat tauka ke nyeliah ari meli utai ke ari menua luar.\\nUtai ke balat di asaika kitai diatu lebuh kitai ke ngirup ba kedai kopi (Cafe) regi ai segelas rata-rata RM1.80. Bah kat ko nya enda berasai mar ba kita? Ba aku mar tu. Ditu meh kitai mayuh, rayat ulih ngena kuasa kitai ngambika rega utai tu enda terus niki. Minyak pan udah nurun rega tang utai irup sereta pakai kitai ba kedai kopi enda nemu nurun-nurun. Deka madah kopi, gula, tusu, milo enggau macham ai bukai ke di irup kitai nya ukai di beli ari menua luar. Nama kebuah ia terus niki?\\nKena meh kuasa kitai ke nyadi \"Pengguna\" ngurangka bebelanja ba kedai kopi. Enti sida ngasaika orang majak kurang ngirup ba kedai ia, nya baru sida nemu lalu sigi deka nurun ke rega utai ke dijual ngagai orang mayuh. Indah ke dua tiga bulan ia kurang penguntung pan tau ngemediska sida mayar sewa enggau pekerja sida.\\nPerundingka meh ngambika ke rega utai enda terus mejal kitai mayuh. Agi mayuh utai bukai ke deka beguna belanja sereta duit besari-sari.\\nDiatu pejalai raun ke Batang Mandai udah diperambuka kena ka; Haribulan: 27 - 29 October 2017 Bayar: RM550 per pax Transport: NGENA MOTO ...\\nTrip ke Batang Mandai, Kalimantan Indonesia di perambuka sereta deka di adu kena 27-31 October 2017. Nyadi gaya atur pejalai tauka destina...\\nMeransang Iban belandik ke JAKU IBAN\\nKitai iban anang enda meransang diri bejaku ngena leka jaku kitai empu dalam semua pengawa ke dikereja kitai ninting hari. Kelebih agi ...\\nPengingat Hari Gawai Rh. Sengalang Debak 2009\\nGawai Dayak siti ari kebuah orang ke mindah ke nengeri tauka belelang ngagai menua bukai disarata dunya tu pulai ke rumah panjai betemu engg...\\nONE XOX (Kair ba Gambar di baruh)\\nDATA TI MAYUH SERETA MURAH\\nLalu kaban ngelawa bilik penaik mua tangga blog aku tu. Nadai penti' pemali, aku enggau hati ti baruh ngelaluka semua kita. Betemu kitai ba mua komputer nitih ke pemansang arus pemadah enggau komunikasi kemaya hari tu, taja pan jauh tang nyadi semak laban baka ti betungga mua duduk berimbai kerigai marang. Aku nguji bekongsi enggau kita sekeda utai ti nyadi diserata menua kitai di Kuching, Sarawak ditu enggau menua kita Malaysia ke lebih agi. Kelimpah ari nya, sekeda berita ke nyadi di menua luar mega deka dikunsika aku enggau kita. Semua berita tu ila deka diambi aku ari surat khabar lama enggau majalah ti bisi dimenua kitai. Blog tu ila mega kena aku madangka koleksi bup kitai iban enggau bup bansa bukai ke bisi dijual di Book Store ba Bandaraya Kuching ditu ambika nyadi pesaka penemu ngena rega ti patut sereta ulih dibeli kita.\\nTentu kita bisi saru penemu tauka saru runding ni penatai enggau nama kebuah blog aku tu ngena nama nemukita? Kati kala kita mendingka radio WaiFM 101.3 program ti dikumbai Nemu Kita dikeluarka Aya Thomas S.T. Laka. Nya meh meri idea enggau runding ngambika iya enda semina ditemu sereta didinga ari radio aja tang awakka Nemu Kita tu mega bisi ba dunya Internet. Tang jalai enggau chara pengawa blog aku tu enda mantaika utai ti dikeluarka dalam program Nemu Kita bakaka ba WaiFM nya. Aku ukai ngiru ukai ga ngechuri tang aku deka ngerembai leka jaku kitai iban Nemu Kita tu ngambi ka iya ulih di peda urang ti nguan dunya injau kitai tu.Aku arapka kitai sama ulih bekunsi penemu lalu besaup ngerembaika jaku bansa kitai iban. Majak ngemansang ke jaku kitai iban awakka besulur baka randau makin lama makin pajai, betuchung baka bukit.\\nKereban Main Dart-Kair Ditu\\nNgagai kita ke rindu ke main DART tau nilik website tu kena begigaka kereban ke dikena betanding. Ditu bisi bemacham perengka ke diguna kita ke bisi pengelandik main dart. Kair meh ditu ngelawa ruai business sida tu. Diatu kereban tu dijual ngena rega diskaun.\\nKAIR DIBARUH TU NUNDAKA PENGERINDU HATI\\nBUP SEREBA RETI JAKU IBAN\\nDitusun ulih Janang Anak Ensiring, Jantan Umbat & Dr. Robert Menua Saleh\\nBeli diatu - bup ke terubah nerangka reti jaku iban ngagai iban\/sereba reti jaku iban. Stok nadai mayuh. Sapa dulu iya meh bulih.\\nRichard Isau Omar\\nAum Gerempung Graduan Dayak Sarawak (SDGA)\\nBaum Ngaga Centre Gereja St. Mary\\nBaum YB Tuan Hj Fadillah Hj Yusof\\nCentre St. Mary Matang Jaya\\nJalai Matang Caroling\\nMy Longhouse Ng. Derau Saratok\\nPanggau Buluh Pengerindu Sdn.Bhd\\nAktiviti Artis PBP - Malam ke dua nyanyian solo sekolah rendah karnival ASAT peringkat Negeri Sarawak di SMK luar Bandar Sibu.\\nLET SHARE THE HAPPENING NO MATTER WHERE WE ARE AND WHAT WE DID","num_words":2925,"character_repetition_ratio":0.035,"word_repetition_ratio":0.006,"special_characters_ratio":0.196,"stopwords_ratio":0.232,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tansang Indai Dara: 2009\\nSR Sri Mawar Concert 2009\\nMalam ari 5 tu kemari sekula Noie bisi Concert n Prize Giving Nite. Tumu amat sida stat nyu enda sempat meda sida anak betanda laban ke laun datai (7.30 pm). Engi sida Noie welcoming dance kenu nya meh tumu start. Kami datai nyu abis ga tanda sida ia.\\n7.15 malam urang start dini enda nyu enda sempat meda tudah anak perform. Tumu kami manak pulai (9.30 malam) enda tanti ke abis 9 (maioh amat ga acara laban ke nitih ke kelas ni ka nyua ke perais sida ke bulih lumur ba kelas agi)\\nTu bisi gambar mimit dambi malam nya. Gambar sida Noie bejugit nadai laban munyi ko aku tadi nyu enda sempat.\\nPama amat nembiak tu peda aku - landik ia ngajat\\nGambar Top 3 (sida Noie sekelas )\\nNoie -ngambi perais ia ( bulih no 2 tudah tuai)\\nNyadi tukang megai talam Noie engau classmate ia\\npsssssssst Sebugey (ti beguna nembiak tukang megai talam - tau disewa amoi aku nya hehehe gaji ia kena tua ngirup kupi )\\nBegambar dulu sebedau mupuk\\nPosted by Indai Dara at 13:24 2 comments:\\nPengidup - Uji Ulih Ni Ko Kitai Ngatur\\nTi baka pengidup baka kitai ngaga baju tauka ngaga kuih nyamai amat pelaba aku, Tak ni ko kitai ngaga sereta ngadu ke cura. Nyampau meh tua ulih ngaga pengidup baka nya tang enti ulih apu nehhhhh keni enda dunya kitai tu????????????????????\\nTi kitai ke bisi pengarap - nemu meh kitai pegidup tu udah datur Tuhan tang meh kitai mensia selalu ga sua nanya agai diri empu nama meh pengidup aku bansa tu nehhhhh?????\\nSelalu kitai nanya diri empu- nama meh pengidup aku enda baka sida sanu nyin neh? Nyamai amat meda pengidup sida sanu nyin uji meh pengidup aku bakanya, pia ko ati kitai.\\nEnti nitih munyi ko laut bersyukur meh ke pengidup diri tusah senang nya sigi udah ungkup diri sereta udah atur petara. Tang nya meh munyi ko aku ari pun tadi mensia sigi enda kala puas ati engau pengidup diri empu.\\nNyaaaaaaa surut mansang pulai kia baru ga........ ( nyu nadai modal agi)\\nPosted by Indai Dara at 02:33 1 comment:\\nLama ruai enda ditungkun ke api kelita - buruk amat ini andan diatu.\\nBisi maia nyu lembau ga aku nurun ngirup pagi kediri dugau maca newskipa (munyi ko ini aku) kediri. Minggu tu lain mimit pengawa aku maia pagi, udah nganjung anak agai tadika alu nyau kin aku bejalai agai Bt 1 Kuala Baram meda urang bejual ikan.\\nUkai semina ulih meli ikan ka baru (fresh from the ocean to the kitchen) tang mega rindu meda bala ke bebeli ke ikan mega. Rindu ninga bala indai tuai kedayan ke latah bejual.\\nLaban bala sida ke berikan enda sama datai - dia meh nama bisi sida datai ari tasik alu begelumu ga bala ke bebeli ke ikan nitih ke sida ia, datai baru bala raban sebengkah alu begelumu baru ke bala ka meda alu ke meli ikan ke baru datai. Hehehehe tuchum kediri aku bediri ngemata ke sida ia ( udahnya alu engau aku empu meh nitih ke bala sida begelumu meda ikan ke baru datai)\\nMaia bisi ikan ti kedeka ati alu meli meh ti enda nganti engka bisi sida ke dudi bulih ikan ke di kedeka.\\nDah bulih nyau bala beterudus pulai mai sida ikan engau undang ke udah dibeli.\\nAku ????? pan sama ga mupuk kediri.\\nNama pengawa dah datai di rumah??????????????? alu ngereja ke sida ikan engau undang meh aku ( ikan nyamai laban dah dibela manah sida ke bejual tadi - dah buai tisik engau perut) Hehehe alu diguring aku meh sida ikan dehhhhhhhhhhhh! kenama tumu mat beguring ikan?????????????????????? Ahaaaaaaaaaaaa kena aku ngirup kupi hahahaha. Ikan ga baru ni enda nyu asai kerupuk nyu kerup-kerup. Blurrrrrrrrrrrrrrrrrrrrrppppppp kenyang ngetat kediri dahnya\\nNya meh pengawa aku 2-3 ari tu\\nPosted by Indai Dara at 10:06 5 comments:\\nKemisi oooooo Kemisi\\nAgi kereja kelia menya di Bethelehem ama nyu ka ujung taun 2 iti utai danti. Siti nganti perintah mansut ke bajet taun baru ( laban nganti perintah meri bonus ) lalu siti agi nganti kementerian pelajaran mansut ke kelinda sekula( laban ka nemu pemaioh kemisi)\\nMingu nyin kemari (ari 4 @ 11\/9) udah dipansut ke kelinda sekula. Nyu juling leka mata aku meda kemisi sekula taun baru nyin ila (2010) kelebih agi maia kemisi sekula ba tengan taun.\\nNyamai udah nemu maia kemisi - ulih ngaga prugrim. Kami menyanak nadai entu ulih ngaga maioh prugrim taun baru (2010) 2 manuk ka disabung. Siku pasang ba kelang PMR alu siku agi ka dipasang ba kelang SPM. Kita ke nadai anak disabung taun tu gaga meh plining kelebih agi ti ka bejalai. Pama meh ulih ngelimat mimit ti tumu plining.\\nHari Persekolahan 04.01.2010 - 29.01.2010 ( 20 )\\nHari Persekolahan 01.02.2010 - 26.02.2010 ( 20 )\\nHari Persekolahan 01.03.2010 - 12.03.2010 ( 10)\\nCuti Pertengahan Penggal 13.03.2010 - 21.03.2010 ( 9 )\\nHari Persekolahan 22.03.2010 - 31.03.2010 ( 8 )\\nHari Persekolahan 01.04.2010 - 30.04.2010 ( 22 )\\nHari Persekolahan 03.05.2010 - 31.05.2010 ( 21 )\\nHari Persekolahan 01.06.2010 - 04.06.2010 ( 4 )\\nCuti Pertengahan Tahun 05.06.2010 - 20.06.2010 ( 16 )\\nHari Persekolahan 21.06.2010 - 30.06.2010 ( 8 )\\nHari Persekolahan 01.07.2010 - 30.07.2010 ( 22)\\nHari Persekolahan 02.08.2010 - 31.08.2010 ( 22)\\nHari Persekolahan 01.09.2010 - 03.09.2010 ( 3 )\\nCuti Pertengahan Penggal 04.09.2010 - 12.09.2010 ( 9 )\\nHari Persekolahan 13.09.2010 - 30.09.2010 ( 14 )\\nHari Persekolahan 01.10.2010 - 29.10.2010 ( 21 )\\nHari Persekolahan 01.11.2010 - 19.11.2010 (15 )\\nCuti Akhir Tahun 20.11.2010 - 02.01.2011 ( 44 )\\nPosted by Indai Dara at 15:17 3 comments:\\nEnti Diberi Peluang - Ka Betemu Engau Sapa Kita????\\nEnti bisi urang nanya kita - sapa meh ka dibai betemu (esp urang ke benama, berita di dunya tu) Pelaba aku maioh urang ka dibai betemu. Engi aku enda aku kiruh ka betemu urang urang \"penting\" nya laban sida ukai ngelala kitai enda pia ( hehehe jai akal) manah agi betemu engau kaban belayan ti lama udah enda engau betemu ( ni ko diri empu meh hahaha -ia ke bendar urang ke ka dibai betemu sida gerenti nadai ari betemu engau diri ti baka aku tu hehehe. Buang karan aja ko urang nya pelaba aku ti aku mai ia betemu hehehe)\\nSayau Lidi D umur enda gayu - bisi kebuah mehnya ko Tuhan\\nGrup Da Bitel - dalam mimpi nyadi back up singer kakaka\\nPuuuu- mit amat ga sais Midam Tusut neh\\nGandhi - Kasih tudah tuai nyu enda dapat bejalai nya aku ngiring ia pama meh ngicha ka diintroduce ke ia agai producer pilim Buliwut ulih ga belakun engau sida sarukan\\nKuin Jabit n Prin Cair - hu r u, suri i enda ngelala u ko kuin jabit nganu aku\\nKasih tudah Pikacu hehehe Picaso kumbai Nstain (Ukai nama deh nyu enda ingat kediri megai ucu Picaso -pama urang ke dipegai aku nya ka amat painting kenu setiap lemai sigi nyunting meh ia enda lama drawing book abis\\nNyampau meh ia ka kiruh engau aku buang karan layan minah takde kelas ni ko ia bejaku laut hahaha\\nHahaha nya gamal tudah Nstain - pecoma tudah Picaso kumbai Nstain hehehe (TQ Chris n Lyana sigi baka nyu tuai )\\nNyu nadai utai dikunsi nya deh nyu tebatai gamal kelia munya- Pama meh kuchau-kuchau kena update blog. Laban ukai nyengala mensia - nama pan dah di Ibankan hehehe (nama Iban magang engi sida ia tu)\\nPosted by Indai Dara at 10:34 10 comments:\\nThursday, 3 September 2009\\nNgerichau @ Kutap-kutap @ Mucau @ Mut-Mut Kuchau-Kuchau Nyu Baka Burung Semalau\\nPengawa aku sepagi tu nyu baka burung semalau nyu ngerichau @ kutap-kutap @ mut-mut bejaku kediri ngenang utai ti nyadi :\\n1 - Kami serumah siku mati laban H1N1\\n-pagi ari 2 tu kemari tumu petungal aku talipaun madah ke bisi bala kami serumah parai di Sibu. Nama penyakit ku aku, enda nemu ko ia ga. Dahnya nyu ari siti aku talipaun agai sida inda di rumah panjai nya baru nemu nama pemarai tudah tuai. Agi biak amat tudah baru 20-an, baru beranak 2 lalu benung bisi ia ke 3. Akai daiiiiiiii kasih mat. Dadak-dadak sida klinik di Betong din. Kati ko enda ngumbai dadak deh. Ia bisi tanda penyakit H1N1 nama kebuah enda refer kes ia tu ke sibu tauka ke kuching. Tembu teju kenya aja ( 2 minggu ia sakit - 2 ari ke pemudi sebedau ia parai) nya laki ia nganjung ia kediri ke Sibu meda ia nyu getar-getar. Masuk ICU dah nya 2 ari alu nadai.\\nPemadu dadak sida ke kereja dia (klinik Betong) dadak sedadaknya. Merinsa mat ga kitai di menua sarawak tu deh nadai perengka ka ngecik penyakit bansanya. Rauh-rauh sida perintah ngumbai menua sarawak \/ malaysia maju puiiiiiiiiiiiiiii maju kepala otak korang yang botak sebab kaya raya kerana duit rakyatttttttttttttt.\\nDasuh urang anjung terus tudah tuai tang bala ia minta tanguh laban ke dibai ke entulu nganti penatai apai ia kereja kayu di menua Brazil din. Maia aku ke nulis post tu (3\/9) apai ia datai.\\nKasih ninga cerita tudah laki ia - maia lutor madah ke bini ia udah nadai sigi alu enda meda gamal bini ia munyi ko jaku nembiak maia ari tu \"buat kali terakhir\" laban alu diberi urang mandi dahnya alu di \"seal\" urang ngena plastik . Enda tau dipeda ko lutor engai ke virus ngerampit. Ambulan nganjung agai rumah mayat ba spital entulu. Dahnya datai di entulu dilapis urang baru ga ngena plastik entah berapa lapis. Nadai tau disengaie ko lutor.\\n2) Nyamai ngambi utai urang\\nApai kami rajin amat betanam ke buah nyentuk ke tanah ba luar rumah (tisi pagar) ambis ditanam ke ia nyiur, pisang, tubu, manga kechala, lumuk, temedak engau maioh macam utai bukai. Ukai ngasuh nyamai sepi aku ngasuh ati pedis aja nanam utai ba luar rumah. Indah utai ditanam dalam kumpaun rumah ga dicuri urang. Nyamai-nyamai tembu ta ambi aja ama buah tau dempa nadai kiruh nanam engau nyaga sida pencuri.\\nIa ka buah nyiur enda ibuh sebut - tembu ta mai guni apai tuai cina siku ngambi buah nyiur laban ke rajin bebuah sereta lebat (ukai sepun tang 3 pun - nasit kedua udah ditebang). @ kali udah aku tepeda ke apai tuai cina nya ngambi buah nyiur. Dirara aku ia, nemu kita nama saut ia????? \"saya amik sikit saja oooooo , itu olang ( ia nunjuk ke lus endur urang kereja enda jauh ari kami) lagi manyak amik ooooo. Eeeewahhhhhhhhhhhhhhh udah encuri ngambi utai urang nyaut agi. Aku laban ke pedis amat ati nyu enda ingat ngambi gambar.\\nDiatu temedak benung bebuah -kedua kali dah bebuah. Mula temu bebuah maia kami manak baru datai ari ng latak. Mina ambi makai sigi maia agi muda ke lauk. Udahnya meda batang ia aja ambis dambi urang tang enda entu lebat. Ke sekali tu raya pengelebat buah ia (ila ngambi gambar) Tusah ati aku ngenang - laban buah nya ke lebat amat ti dijual bisi ke belanja dapur sida apai aku di rumah panjai din. Ia ga temedak kawin agi.\\nMaia cuti tu kemari dinga aku ta capuh bala anak urang ke kereja bekuli ba kumpeni transpot enda jauh ari kami ditu niki buah manga. Akai daiiiiiiiiiiiiii nadai tau masuk bebuah meh manga kami nya. Berangan ke ngambi maia lemai peda tak nadai ga tudah buah nya lesap. Rauh-rauh aku ngerara, nyu kesepal sida rari.\\nNya meh ko aku sepagi tu ke kucau-kucau bejaku kediri, nama aku enda ampit buah temedak nya ila sigi aku tebang sekali pun ia - enda pedis ati agi.\\nNyaaaaaaaaaa nyu aku mantup ke pemedis ati tudah blog aku tu (sigi ga nehhhhhhhhh)\\nPosted by Indai Dara at 14:06 10 comments:\\nSunday, 30 August 2009\\nBedango Ba Lngkau Kebun\\nRindu diri ga bemalam sebelah langkau kebun - nyu asai ke bedango. Nama bala anak nadai pengawa\/aktiviti ujung mingu puh pulai ke rumah panjai alu bemain sebelah langkau kebun\/umai. Bala baka nya mega laban ke sama bela bis langkau ba kebun sebelah tisi jalai. Engi urang maioh nyu memanah langkau nyu baka rumah ke endur diau ari-ari. engi apai aku sigi amat langkau - langkau selangkau langkaunya hehehe batap ke zink bedinding ke zink - ka ngaga manah pama diri ga ukai nya endur diau belama. Ti bisi \"anak utai\" nadai ga salah ngaga memanah.\\nEnda sabar nganti ke musim nugal laba ke bedango ba langkau umai. Ti nitih ke bulan urang ke bumai sigi enda laun ari tengan bulan 9 meh urang nugal. Tang sida apai aku serumah maioh bedau agi nunu, ari ga nyu mupuk ujan ( nyu tusah ati bala kedua laban alu bedau nunu) Nasit sida apai aku udah nunu. Sida udah mekat apai aku ngasuh nugal maia ujung mingu laban engai enda engau. Lama udah enda engau urang nugal - tambah agi engai enda mai bala rayat aku engau sereta meda urang nugal engai ke enda nemu pengawa aki ini di rumah panjai ke gawa bumai.\\nPia ka lepak pia ka gawa meh - ansah abat ansah engai ke enda tepantap ke rumput injin nuan nya\\nbala anak gaga bai bedango ba kebun nyu enda pulai ari tanah kedua\\nlawa minah posing ba moto melakang ke pegun ikan\\n(enda bulih ikan maia nya laban udah \"dambi tuan empunya pegung yang tidak ada dalam list buat itu pegung)\\nandal ati sida wie ka nginti\\npengawa kenda tau enda nama udah begempuru bala maioh Q\\nPosted by Indai Dara at 15:05 5 comments:\\nLama amat nadai ngubah gamal ruai cyber lalu ke gagau kenu. Kala ka cuti sekula - ngambi peluang ngubah gamal ruai cyber aku tu nyu ka meda gamal baru. Tambah mega ngicha ka sida anak bisi nulong ngadu.\\nSigi ga neh - indah rumah kitai bisi meh diubah enda pia. Ruai baru tu baka selama enda tau tinggal sida bungai. Bedau entu tembu endar, maioh ruai bala bukai bedau dipansuk ke nyu pedis mata nunga liptup saritu. Bisi ari pagila lusa ngadu baru\\nPosted by Indai Dara at 16:20 7 comments:\\nTuesday, 18 August 2009\\nRIP -Agnes Lidu\\nAri ia kitai datai ari ia mega kitai pulai - Baka nya meh utai ke nyadi ba pangan ke dikelala aku tumu pagi tu tadi.\\nNesal ba ati aku sepagi-pagi tu laban enda sempat ngabas tudah niang tu. Aku nemu tudah ia masuk spital laban ke maca FB madi ia ka bisi nyebut diri bisi nyaga madi sakit ba colombia Asia. Nya aku nanya kaban aku siku sapa bagi sida ke sakitnya tadi. Nya ko aku ti nuan ngabas baru pagila ( ari minggu) madah auk sama-sama tua kin.\\nAngkat nadai ga kaban aku Sulan nya talipaun madah kediri kin - aku nyu telunga-lunga ga laban bala anak maioh diri ga aktiviti maia ari mingu (ni ka engau bertanding inter sunday school, sunday school, birthday party etc) nyu malam ga ari alu ga enda. Pia ga kemari laban bala laun magang pulai ari skul nadai ga ngibun minah di rumah laban engai mai ia ke spital ( nemu aja meh laban H1N1) udahnya nama lemai ari sigi kiruh ga berambi anak pulai skul alu beranjung berambi tuition.\\nEh ko aku bejaku kediri malam tadi pagila (nganu saritu -ari 2) udah tembu gawa ngeredai gari nurun aku laban minah nurun skul pagi nadai utai ngacau. Nama agi deh gawa meh aku pagi tadi udah pulai nganjung minah skul . Nyu tembu pengawa ka mandi alu mulai kediri katas. Sempat ga ngambi hp engai ka bisi orang call legi enda didinga ko aku.\\nBenung ke niki katas ngecik hp engka bisi sms or missed call. Peda aku bisi sms - kumbai aku petungal aku mai ngirup pagi. Peda aku sms ari Yet @ Endun-\"pagi- nemu di lidu madik norima. kwnku sms kul 6 td mdh ke lidu dah nadai\"\\nApuuuuuuuuuu ko aku nama aku tu benung ka mandi deh laban ka ngabas ia !!!!!! bejaku kediri. Jam maianya sigi dah pkl 9 pagi. Nama nadai bala madah ku aku. Enda puas ati alu talipaun sulan baru aku - dah nemu nuan ko ia sebedau aku bejaku. Baru nemu meh tu ko aku. Sapa madah ke nuan deh ko ia nanya. Kawanku ari KL sms mdh ka aku. Apu sori wai nyu enda ingat madah ke nuan pkl 4 pagi tadi ia nadai. Aku engai ngacau bala ko ia mina madai ke indai Abel @ Lily Dosson engau laki ia ngasuh ngabas sida ke spital kin ko tudah tuai (benung dalam kelas tudah ia tu tadi nyaga nembiak F5 benung trial exam)\\nAlu ka ngabas ga aku agai rumah menyadi ia tang engai kediri nya aku alu talipaun Sandra - nya meh ia nanya keni aku nemu - madah ga aku kawan ku sms ari KL. Sori nyu enda ingat madah ke nuan ko ia. Nya ia madah udah agai rumah sida kia tadi ( nganti udah ngambi bala pulai skul lagi kia baru ko ia engai alang2 nyu berumban2 ga legi pulai ngambi bala pulai skul) Ok ga enti baka nya ko aku sama-sama kin dah tengah ari legi meh laban bala ke sama gagau berambi anak sekula.\\nKami duai bekelala engau pangan diri 1993 suba laban ke sama ngajar ba siti sekula pribit. (Nemu amat ia rahsia penusah aku nyadi menantu ke dikengai urang - enda aku malu jai ia ga sigi amat jai ko orang ) ia meh maioh meri sukung agai aku maia aku nyu ka gila meruyan - ia ga baru udah beranak aku ke no 2 aku tumu-tumu pagi diserang entua -ngena talipaun- ni enda agi sikuk2 nyabak mai mata bangkung nurun kereja)\\nPosted by Indai Dara at 10:30 4 comments:\\nEkonomi Meleset -> ECO - NO - MONEY\\nRauh-rauh sida pemesai megai menua madah ke ekonomi dah berinsul manah blablablaaaaa, amat ka????????????????????????\\nEngka nya amat kini. Tang ba kami sebilek utai nya nadai nyadi. Ekonomi nyu labuh tesungkurrrrrr luput lalat. Selalu urang ngumbai urang kereja perintah gaji mit enda cukup taja pan bisi ngembuan pelajar sekula ke tinggi mit meh gaji kenu ( tang ulih meh idup ulih ga meli rumah, kereta engau utai ke perlu dalam pengidup) Ti kereja engau kompeni luar besai amat gaji ko orang - sigi amat, enda bula nitih ke pemandai, pengelama dah kereja engau nama pengawa ke dipegai meh.\\nAmat gaji ba perintah mit enda kala aku ninga sida nurun ke gaji tauka nurun ke elaun maia dunya dipangka ke ekonomi ke enda manah\/turun ko aku ngutap kediri. Ukai nama ngutap kediri laban tusah ati ninga kompeni ke endur sulu aku kereja mutung gaji sida ia 20% ba basic sida ia. Pia mega ba offshore bonus sida pan diputung 20%. TANG engi sulu aku offshore bonus tudah tuai nyu diputung sampai 50% akaidaiiiiiiiiiiiiiiiiiiii nama hal baka tuuuuuu????\\nSigi kompeni nyu engai beguna nuan agi meh nya ko aku. Ngiga kereja ba kompeni bukai nuan anang ngetat kediri dia ko aku ga ngutapppppp.\\nTusah ga enti urang lurus ati - selalu aku ngasuh ia ngiga kereja ba kompeni bukai tang meh kapa urang ninga ke jaku tudah aku tu. Sida ke sama start kereja ba kompeni nya kelia munya di Bethelehem dah badu - ia aja ka nyu bebelas taun agi ngenat kediri dia fuhhhhhhhhhh setia mai. Nyaaaaaaaaaaaaaaa diatu nyu dibuli urang nuan ko aku - mai enda beguna kenya meh urang ngaga kitai nuan nyu kelalu lama dia udah nyadi besi buruk enda berega. Nama penyadi kitai manak ko aku???? ehhhh anang tusah ke utai bansanya nuan nemu aku ngadu ke utai nya ko orang ga nyaut kitai!!!!!!!!!!!!!!! Tusah ga ka bejaku urang nemu gi ari kitai - semina engai enda mansut ke penemu diri meh ngicha ke ati nyamai mimit.\\nPokoknya ekonomi sigi labuh tesungkur alu luputzzzzzzzzzzz lalat!!!!! ia ga utai nyu niki magang rega -duit nyu majak enda berega. Nahhhhhhhh apa kamu bilang 123 ?????\\nPosted by Indai Dara at 11:09 3 comments:\\nLama ruai ini andan enda diupdate, maioh pengawa???? nadai entu anak runding ka ditusi nyadi ke ensera kebatang ia endar deh. Maia penyakit ngelusu datai nya ia ke amat.\\nTambah mega pala enda entu nyamai sekumbang Miri ke balat amat besebun-idung pan enda meh nyamai. Nasit manah laban dalam kandang 2 ari ti udah ari nyu mupuk ujan, bisi ga kena ngurang sereta muai sebun\\nNama ujung minggu sigi nadai entu prugrim ga kami menyanak nama enda beranjung ke sida anak ke maioh aktiviti, maia tu mega sigi maia aku kuntrik nyadi sida indun ti maia datai \"angin\" bangas gawa. Bendar tudah aku nuci sida cermin dapur laban lama udah enda kala dituci.\\nKena ngaji diri empu lemai nyau kami manak nurun meli ai seklin laban bala anak ( indai pan sama meh) tetenguk ka makai ai seklin Haagen Daazs. Ngirup kediri meh kami menyanak lemai tadi. Ka bemain di luar tadi sida ia ari nyu ujan ga. Makai aja meh pengawa\\nGambar enda tau enda munyi ko Puteri - enda best posting nadai gambar\\nbendar sida manak pia ngirup tea pia ngirup ai lemenit pia makai ai seklin\\nPosted by Indai Dara at 21:55 3 comments:\\nKeni enda ka madah jaku tu dalam jaku kitai nehhhhh??? Malam Urang Indu hehehe enda patuttttttttt hehehe.\\nMalam ari 5 nyin kemari bini Ricky aka Josephine Omar \"chia\" bala kaling indu ia ba Grand Palace. Aku bisi dikangau ke ia engau sida ia malamnya. Rindu ati begulai engau pangan diri - sida nyu ka mulai kediri ke Doha kin baru ga, nya meh mai makai begulai\\nLaun datai laban ke beranjung berambik ke sida anak ke tuition. Rami amat kami malamnya - bendar makai bendar begagai. Bala ke pandai belagu bendar belagu laban ke bisi karaoke ga malamnya. Nemu magang bala belagu ia kenda bisi ngempat iku aja meh - nya ko aku ama urang ngasuh belagu engai ke tsunami legi hehehe kelalu manah sada nyawa deh ni enda tsunami\\nTerima kasih ngagai Jo Omar ke udah sepunsa kami malamnya - taun baru ama cuti baru sepunsa baru ga neh.\\nNUJU : bala Datin2 Sekalian beri2 da sori upload gambar nadai pemendar ( ila ngisi ukum ga)\\nLaban dah kenyang mat duduk nyadi meh ama dah ka belagu neh wai\\n(bendar amat Lemunai belagu peda mulut ya hahaha)\\nBala Pussy Mayau Doll berlagu jai ho\\nduduk ulih meh betanda ti dah sigi pandai neh wai\\nBendar Doris belagu - stidi agi ia bisi back up singer hehehe (Lily Dosson, Lemunai engau Jo nyadi back up singer ia)\\nbegambar engau Jo (ngena baju celum) sepunsa malam nya\\nNama enda utai dipeda sida tu ngemendarnya nehhhh engka nya benung beguru kini???\\nNyaaaaaaaaaaa tu utai ke bendar dipeda bala datin nya tadi nunga guru besar sida ia ba kelas malam hehehe\\nPosted by Indai Dara at 14:03 4 comments:\\nIndu Rumah Panjai vs Indu Negeri\\nTerima kasih nuju Indu rumah panjai\\n@ Rita laban sepunsa makai tengah ari ba Secret Recipe pia mega nuju Jenny @ Sebugey\\nmelanja kami makai rujak.\\nSebedau kami betemu dia ati aku bisi malu-malu tekuyung ka betemu engau Indu rumah panjai\\n@ Rita engau\\nJenny @ Sebugey\\n. Ukai nama laban nemu pendiau, pengawa sereta pengidup seduai ia ti tau nyadi ke teladan pengidup kitai Iban maia aritu. Nadai seduai ia milih bulu ngiga pangan engau begulai tang ati aku ti nangi laban nemu pendiau engau pengidup diri empu baka sempana anak mit ti baru ada. Terima kasih ngagai seduai nuan wai.\\nBendar kami seduai Puteri\\nmakai tengah ari kemari. Ari Secret Recipe udahnya ngagai kedai makai rujak ga. Ukai mina bendar makai, ketawa, becerita ngenang bala kawan sereta cerita agi sekula kelia ( laban Puteri seduai Rita ke sama kelas maia pom 6 kelia) kami sebuat mega sempat betusut meh. Hehehehe bulih tahan ini andan pasal betusut ( ukai nama engai ke baka indai aku empu enda nemu betusut - nya meh belajar ari utai ke udah nyadi -nya engai enda nemu betusut taja enda entu nemu semua tang nemu ga mimt ti urang nanya)\\nMesti kita iran meda title utai ke dipos aku tu hehehe - ukai nama laban kami duai Rita ada sereta diau di rumah panjai, udahnya Jenny engau Puteri ada sereta diau di negeri ( 2 lawan 2 ni enda ngam hehehe)\\nIla ngirup kupi baru kitai wai (munyi ko Jenny agi idup agi makai sereta agi bejalai aisehhhh man) Terima kasih mega agai anak indu rumah panjai Daphne\\ndah nyadi tukang gambar kami sebuat\\nstidi sida 4\\nPosted by Indai Dara at 13:17 7 comments:\\nRumah Limas Kellie\\nKami menyanak bisi ngetu ba rumah limas kellie lebuh ke pulai ari Pulau Pangkor. Ngelama tu ninga cerita aja. Kala ke mansa alu ngetu. Nyu enda ingat berapa enda bayar masuk kia - enda mar deh baruh ari R$M10 ti enda salah ingat aku.\\nGambar jugam (beruang) ba pun kayu semak rummah limas kellie\\nPosted by Indai Dara at 10:36 2 comments:\\nSida Minah bisi party ba sekula sida ( Flower n Insect) - gagit amat ia ka nurun pagi tadi laban ingat ke saritu bisi party. Ti nitih aku engau ia tang laban sida nyu laun mat berengkah lembau ga aku nganti laban ke maioh pengawa bukai ka diadu. ( Tayar kerita pancit laban paku lawang peiii nyu engai enda danjung ga)\\nBendar sida mingu nyin kemari ngaga ngepan sida ( tiara engan marik empang hehehe). Pulai gaga ia ngeso ke ngepan ke digaga ia alu bisi mai utai party pack.\\nps nuju ibu2 ia(yang lelengaukan dia) di ng latak din hehehe pose terkini ari minah\\nmit antara yang termit\\nbegambar engau cigu sida ms Reena\\n(cam ney rasa jadik cigu??? ada masamkah????? nasit dolok sik berolah time agik sekolah - suba aku ngajar ia F4 n F5 diatu tukar ia ngajar anak aku hehehe)\\nnya gamal utai dalam party pack ia-enda sbar ka ngusai ke utai dalamnya\\nlaban enda begambar engau party pack ba skul alu minta begambar ba rumah - engai enda ga\\nPosted by Indai Dara at 12:23 4 comments:\\nLemai ari 5 tu kemari aku bisi ngangau ke Puteri\\nngirup kupi. Tua ia mega bisi ngangau ke kaban siku - ia enda engau beblog tang ia rajin nemuai agai ruai bala blogger. Nyadi silent reader aja ko ia nganu aku maia aku ke nanya nama enda ama engau ngeruh ai ( betuli ke blog). Ia puh ngena bali nama AK Tuhan ti ninggal ke kumin kutak ke endur bepesan( nama ia Sylvia) . Bisi ngangau ke bala bukai tang bala maioh pengawa bukai nya kami 3 aja. Nasit ga lemai nya bisi apai engai indai aku datai ari rumah panjai, bisi mai anak buah mimit. Ngirup lemai alu makai buah kami 3.\\nManah endar bala anak Puteri enda maioh kumplen ensium buah rian - aku kasih engai ke seduai enda tan ensium buah rian. Nya Puteri madah sida ia ba US din sigi selalu meli buah rian sereta laki ia sigi ka makai buah rian. (Buah petai pan ia makai) hehehe stidi mat laki nuan nya Puteri.\\nSylvia enda lama engau kami duai Puteri laban ke bisi pengawa bukai. Kejang sida manak ia ka pulai dia meh Duncan nanya ulih kenda sida datai pagila ko ia hehehe datai meh ko aku anytime! lucu mat Duncan nya.\\nSempat kami sebuat beposing ( munyi ko Puteri enda best cerita nadai gambar hehehe nasit bisi begambar hehehe)\\nPosted by Indai Dara at 15:34 4 comments:\\nDua Dalam satu\\nMalam ari 6 nyin kemari kaban bisi ngangau makai agai rumah ia. Enda nemu nama prugrim urang tudah aku kumbai tak makai aja nemu nya bisi pengawa - Ngiling Bidai engau Ngerami Urang ke main gop siang arinya.\\nMaioh pemakai malamnya - lauk kitai (lauk kampung munyi ko iklan astro macam2 ada)\\nBala ke menang main gop asuh urang ngirup ngena jalong stail menua arab ( laban ke dibai sida tokey minyak ari arab - dispunsa Ricky)\\nBala ke indu ngena mangkuk asuh urang ngirup ( Lily Dosson-no 2 engau engau caddy ia Mendung)\\nBala team gop saudagar minyak miri (engau trupi ke dispunsa saudagar minyak arab-Ricky) menang ngelaban sida saudagar minyak arab\\nDoris bulih no 1 nerima prais ari tokey-nio minyak ari arab (Josephine Omar)\\nTuai Rumah ke endur berami - Doris engau laki ia Francis bergambar engau tokey minyak Arab Ricky engau bini ia Josephine tukang spunsa prais malam nya)\\nAku ngambi peluang begambar engau bala tokenio minyak miri n arab\\n(pama meh ngerimbai bala tokenio hehehe)\\npsttttttttttttttttt flo - uji giga nuan ni sylvia dia\\nBendar bala malam nya deh taja sida dah bendar nebas ba padang gop siang ari. Ngagai tuai rumah ke ngaga pengeraminya - Doris terima kasih wai ila kitai makai baru\\nPosted by Indai Dara at 09:47 3 comments:\\nMakai Kek Baruuuuuuuu\\nMakai kek ari pengada baru ga ari mingu tu kemari. Bendar kami manak 2 mingu beturut makai kek ari pengada.\\nAnak aku ketuai nyambut ari pengada ia k 16 tsun kemari kena ari mingu (19\/7). Kediri aja kami manak laban apai sida nyu kereja. Makai lemai ba marina bay baru ga laban engai ke enda sebaka. ko jaku ka tumu ngambi ulih meda mata panas labuh (bisi ka jaku bakanya hahaha) tang kemari ari jai-balat ribu engau ujan. Udah makai pulai ke rumah baru nyepu dian. Ngetu enda lama makai kek ari pengada ujung bulan 10 ila makai baru ga - dayang bunsu aku nyambut ari pengada ia kena nutup pengerami ari pengada ke taun 2009.\\nPosted by Indai Dara at 11:20 9 comments:\\nThursday, 16 July 2009\\nNepan Kerita Lembu\\nhahaha kala nepan kerita lembu aka kerita capi???????????? sigi raya pengelubah kerita tu. Ti belaban engau kerita mangkuk aka kerita surung alah meh.\\nUkai nama aku munyi nya laban aku ka enda semaia nulis karang ngenang janji kami sida F-l-o aka indu kayan\\nEngi seduai ia kelia menya di Bethelehem udah dipos engi aku baru saritu, nyu bari jerita hehehe pemadu munyi ko mamadoyee. Nadai ngawa asal bisi, enda pia. Udahnya seduai sama ngacit ke kemira engi aku kemira tinduk dalam beg, akaidaiiiii. Ukai nama nya - nyu agi asai kenda enda pecaya ulih betemu engau seduai ia kebendar. Enda ngawa laban dah bisi ga gambar ba blog seduai ia.\\nTang engai enda madah ke pengaga ati betemu engau seduai ia. Anang enda bekuntek ila ama pulai baru. Ini andan bedau melanja makai hehehe\\nPosted by Indai Dara at 10:53 4 comments:\\nAri Pengada Igat\\nakai dai nyu bekuap bilek lama enda diuan. Kena 14\/7 minggu nyin kemari kami menyanak nguji ngelawa endur ke dikumbai urang marina bay - enda kala kia sekumbang ke udah pulai ke miri. Nguji makai dia kami menyanak kena ngintu ari pengada anak aku ke lelaki genap 14 taun sarinya\\nkami menyanak sigi nganti lemai kia ngambi meda pemanah lemai ari ba tebing tasik - sigi ga manah.\\nPemakai dia pan umbas ia ba pengasai aku semina hehehe pama amat pangkung sida tu alu lemik pala patung agung.\\nPosted by Indai Dara at 23:12 7 comments:\\nRayat Indai Dara\\nEnsera Baru Bala Kaban\\nRUAI IBAN SIMANGGANG\\nBulan November Taun 2016\\nThe Return 2016\\nOne Step at Time\\nBoracay Island Trip\\nPerlantikan Para Pengurus MADN\\nMy Life Sweet Serenade\\nPemerindang Puteri - Blog Anak Iban Belelang\\nNunut Nerima Anugerah 2012\\nEndu Tupai Engkrabak\\nRumah Lama...Rumah Baru\\n♥ iN aNaKaPaI's EyEs ♥\\nApa nak Jadi????\\nIndu Rumah Panjai - Ngenang Diri Sebilik, Pengidup Enggau Pengarap\\nA letter from my son, 'from Belgaum with love\"\\nUjan Di Samarahan\\nFor This I Am Grateful\\nRUAI INDAI STARZ\\nEnti Diberi Peluang - Ka Betemu Engau Sapa Kita???...\\nNgerichau @ Kutap-kutap @ Mucau @ Mut-Mut Kuchau...","num_words":4729,"character_repetition_ratio":0.046,"word_repetition_ratio":0.003,"special_characters_ratio":0.232,"stopwords_ratio":0.169,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Dua iti lagu Krismas\\nDua iti lagu Krismas\\nKeterubah iya aku ninga lagu \"Mary, did you know\" dinanyi ulih Kenny Rogers enggau Wynona Judd.\\nLeka lagu nya ditulis Mark Lowry, alu muzik iya ditulis Buddy Greene. Aku rindu ninga lagu tu laban leka lagu nya besai endar reti ba aku, tambah muzik iya manah amat didinga aku. Ba video tu Mark Lowry empu mai lagu nya, alu David Phelps, siku ari penyanyi back up.\\nLagu O Holy Night lagu iya ka pemadu dikerindu aku ari semua lagu Krismas! Aku rindu amat lagu tu dibai David Phelps. Munyi ku orang kemaya hari tu ,nyawa siku tu \"power\" amat!\\nDikarang Puteri kena 12\/12\/2009 01:12:00 PM","num_words":112,"character_repetition_ratio":0.081,"word_repetition_ratio":0.0,"special_characters_ratio":0.231,"stopwords_ratio":0.223,"flagged_words_ratio":0.0,"lang_id_score":0.922,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Esra* nampung cherita ti disebut dalam Bansa Israel. Bup tu madahka pasal pemulai orang Judah ti udah dibuai ngagai menua Babilon, enggau pasal pengawa mai orang Judah pulai baru ngagai pengawa besembahka TUHAN di Jerusalem. Baka tu ku gaya utai ti nyadi nya ditusun dalam bup tu. (1) Raban ti terubah pulai ari menua Babilon nitihka atur Sairus, Raja menua Persia. (2) Rumah Sembiang digaga baru, lalu diserahka ngagai TUHAN, lalu pengawa besembahka Allah Taala belabuh dikereja baru di Jerusalem. (3) Nyau berapa taun udah bekau nya, seraban agi orang Judah pulai ngagai Jerusalem diuluka Esra, orang ke pandai ba pasal Adat Allah Taala, ke nulung orang mayuh ngaduka pengarap enggau pengidup sida, ngambika sida ulih ngetanka pesaka roh orang Israel.\\nOrang tangkap ke terubah pulai ari Babilon (1.1-2.70)\\nRumah Sembiang digaga baru, lalu diserahka (3.1-6.22)\\nEsra pulai sama enggau orang tangkap ti bukai (7.1-10.44)\\nSairus Ngasuh Orang Judah Pulai\\n1 Dalam taun ti kesatu Sairus nyadi raja besai menua Persia, TUHAN ngamatka jaku ti udah disebut Iya ngena nabi Jeremiah. Iya nyungkak Sairus mansutka siti atur, lalu ngirumka atur nya ngena surat ngambika dibacha enggau nyawa ti inggar di semua endur dalam menua ti diperintah iya:\\n2 “Tu atur ari Sairus, Raja Besai menua Persia. TUHAN Allah Taala serega, udah ngasuh aku merintah semua dunya, lalu udah meri ngagai aku tanggungjawap ngaga Rumah Sembiang ke Iya di Jerusalem, di menua Judah.\\n3 Awakka Allah Taala meruan enggau semua kita ke nembiak Iya. Kita enda tau enda mansang ngagai Jerusalem, lalu nirika baru Rumah TUHAN Allah Taala ke disembah orang Israel, Allah Taala ti disembah di Jerusalem.\\n4 Enti bala nembiak Iya ti udah dibuai ngagai menua bukai bisi begunaka tulung kena sida pulai, orang ke berimbai pendiau enggau sida enda tau enda nulung sida, meri sida pirak enggau emas, pemakai enggau jelu kena mai barang, sereta enggau piring ngambika bisi diserahka dalam Rumah Sembiang Allah Taala di Jerusalem.”\\n5 Udah nya bala tuai peturun ari raban bansa Judah enggau Benjamin, bala imam enggau orang Lewi, enggau semua orang bukai ti udah ditegu Allah Taala ati, sedia mupuk lalu nirika Rumah TUHAN baru di Jerusalem.\\n6 Semua orang ke berimbai pendiau enggau sida meri sida pirak, emas, pemakai, jelu kena mai barang, utai berega ti bukai, enggau piring ke Rumah Sembiang.\\n7 Raja Besai Sairus meri pulai baru ngagai sida mangkuk ti udah ditabanka Raja Nebukadnesar ari Rumah Sembiang di Jerusalem, lalu udah naruh utai nya dalam rumah sembiang bala petara iya.\\n8 Raja Besai nyerahka utai nya ngagai Mitredat, tuai ngemataka sarang reta raja. Mitredat lalu nuliska semua utai nya ke Sesbasar, gabenor menua Judah.\\n9-10 Baka tu ku pemayuh utai nya:\\nbisin emas kena meri piring 30\\nbisin pirak kena meri piring 1,000\\nbisin bukai 29\\nmangkuk emas 30\\nmangkuk pirak 410\\nmangkuk ti bukai 1,000\\n11 Pemayuh semua bisin emas enggau pirak sereta enggau perengka bukai ti dibai Sesbasar enggau orang bukai ke sama udah dibuai ngagai menua Babilon, lebuh sida mulaika diri ngagai Jerusalem nya 5,400 iti.\\nSida Ke Udah Dibuai Pulai Baru Ari Menua Bukai (Nehemiah 7.4-73)\\n1 Mayuh orang ke udah dibuai ngagai menua Babilon angkat ari menua nya, lalu pulai baru ngagai Jerusalem enggau menua Judah, semua sida bela napatka nengeri diri empu. Sida udah dibuai ngagai menua Babilon lalu diau di menua nya kenyau ari maya Raja Nebukadnesar udah nabanka sida nyadi orang tangkap ngagai menua nya.\\n2 Tuai sida nya Serubabel, Josua, Nehemiah, Seraiah, Rilaiah, Mordikai, Bilsan, Mispar, Bikbai, Rehum, enggau Banah.\\nTu nama raban peturun orang Israel, enggau pemayuh tubuh sida ari siti-siti raban peturun ti udah dibuai ngagai menua Babilon, ke pulai baru ngagai menua diri:\\n3-20 Paros - 2,172 iku\\nSepatiah - 372 iku\\nArah - 775 iku\\nPahat-moap (peturun Jesua enggau Joap) - 2,812 iku\\nElam - 1,254 iku\\nSattu - 945 iku\\nSakai - 760 iku.\\nBani - 642 iku\\nBebai - 623 iku\\nAsgat - 1,222 iku\\nAdonikam - 666 iku\\nBikbai - 2,056 iku\\nAdin - 444 iku\\nAtir (mega dikumbai Hesekiah) - 98 iku\\nBesai - 312 iku\\nJorah - 112 iku\\nHasum - 223 iku\\nGibar - 95 iku\\n21-35 Peturun orang ke udah diau ba nengeri tu mega pulai baru:\\nBetlehem - 123 iku\\nNetopah - 56 iku\\nAnatot - 128 iku\\nAsmabet - 42 iku\\nKiriat Jearim, Chepirah, enggau Be-erot - 743 iku\\nRamah enggau Geba: 621 iku.\\nMikmas - 122 iku\\nBetel enggau Ai - 223 iku\\nNebo - 52 iku\\nMakbis - 156 iku\\nHarim - 320 iku\\nLot, Hadit, enggau Ono - 725 iku\\nJeriko - 345 iku\\nSenaah - 3,630 iku\\n36-39 Tu bala raban peturun ke pulai baru ari menua bukai:\\nJedaiah (peturun Jesua) - 973 iku\\nImer - 1,052 iku\\nPasur - 1,247 iku\\nHarim - 1,017 iku\\n40-42 Raban peturun orang Lewi ke pulai baru ari menua bukai:\\nJesua enggau Kadmiel (peturun Hodabiah) - 74 iku\\nPenebah musik (peturun Asap) - 128 iku\\nOrang ke nyaga langkau sembiang (peturun Salum, Atir, Talmon, Akup, Hatita, enggau Sobai) - 139 iku\\n43-54 Raban peturun orang ke gawa dalam Rumah Sembiang ke pulai baru ari menua bukai:\\nSiha, Hasupa, Tabaot,\\nLebanah, Hagabah, Akup,\\nHagap, Samlai, Hanan,\\nGidil, Gahar, Reaiah,\\nUsa, Paseah, Besai,\\nAsnah, Meunim, Nepisim,\\nBakbuk, Hakupa, Harhur,\\nBaslut, Mehida, Harsa,\\nBarkos, Siseria, Temah,\\n55-57 Raban peturun bala ulun Solomon ke pulai baru ari menua bukai:\\nSotai, Hasoperet, Peruda,\\nJaalah, Darkon, Gidel,\\nSepatiah, Hatil, Pocheret-hasebaim, enggau Ami\\n58 Pemayuh semua raban peturun orang ke gawa dalam Rumah Sembiang enggau bala peturun ulun Solomon ke pulai baru ari menua bukai: 392 iku.\\n59-60 Enam ratus lima puluh dua iku orang ari raban peturun Delaiah, Tobiah, enggau Nekoda pulai baru ari nengeri Tel-melah, Tel-harsa, Cherub, Addan enggau Immer; tang sida enda ulih nelesaika diri peturun orang Israel.\\n61-62 Tu nama raban peturun imam ti nadai surat kena nerangka nama orang ke nurunka sida: Habaiah, Hakos, enggau Barsilai. (Siku aki ini raban bansa imam Barsilai udah bebini ngambi siku indu ari raban peturun Barsilai ari Giliat, lalu udah ngangkatka nama raban peturun mentua iya ti lelaki.) Laban sida enda ulih nerangka sapa orang ke nurunka sida, nya alai sida iya enda diterima nyadi imam.\\n63 Tuan gabenor menua Judah madahka sida enda tau makai pemakai ti diberi ngagai Allah Taala, seagi-agi sida nadai imam ti tau ngena Urim enggau Tumim.\\n64-67 Pemayuh orang ke udah dibuai ngagai menua Babilon, lalu pulai baru ngagai menua diri nya 42,360 iku.\\nUlun ti lelaki enggau ti indu - 7,337\\nOrang lelaki enggau orang indu ke tukang nebah musik - 200 iku\\nKuda - 736 iku\\nPenakan-keledai - 245 iku\\nUnta - 435 iku\\nKeledai - 6,720 iku.\\n68 Lebuh orang ke udah dibuai ngagai menua Babilon datai ba Rumah Sembiang di Jerusalem, sekeda tuai peturun meri pemeri nitihka peneka ati diri kena nulung begagaka Rumah Sembiang nya baru, ba endur asal iya.\\n69 Sida meri utai naka ti ulih diberi sida kena ngereja pengawa nya, lalu penyampau utai nya bulih 500 kilogram emas, 2,800 kilogram pirak, enggau 100 lambar baju panjai imam.\\n70 Bala imam, bala orang Lewi, enggau sekeda orang mayuh lalu ngentapka diri di Jerusalem, tauka semak Jerusalem. Bala orang ke tukang nebah musik, bala orang ke nyaga Rumah Sembiang, enggau orang ke bekereja dalam Rumah Sembiang ngentapka diri ba nengeri semak Jerusalem. Lalu orang Israel ti bukai ngentapka diri ba nengeri ti udah diuan aki ini sida kelia.\\nPengawa Besembahka Allah Taala Berengkah Baru\\n1 Dalam bulan ti ketujuh, semua orang Israel bela udah ngentapka diri magang ba nengeri diri empu. Udah nya semua sida lalu begempuru di Jerusalem,\\n2 lalu Jesua anak Josadak, enggau sida imam ti bukai, enggau Serubabel anak Sealtiel, enggau kaban belayan iya, lalu ngaga alta Allah Taala baru, ngambika sida ulih nunu piring ba alta nya nitihka atur ti ditulis dalam Adat Moses.\\n3 Taja pen orang ke pulai nya takutka orang ke diau di menua nya, sida ngaga alta nya ba endur asal iya. Udah nya sida belabuh baru nunu piring tiap pagi, lemai ba alta nya.\\n4 Sida ngintu Gawai Belangkau nitihka atur. Genap hari sida ngenjuk piring ti diguna ke sehari nya.\\n5 Nambahka nya, sida ngenjuk piring tunu segala baka selama, enggau piring ti diberi lebuh Gawai Anak Bulan, enggau ba semua gempuru besai alai TUHAN disembah, sereta enggau semua piring ti diserahka ngagai TUHAN nitihka peneka ati diri.\\n6 Taja pen sida apin belabuh ngaga Rumah Sembiang nya baru, sida belabuh ngenjuk piring tunu ngagai TUHAN berengkah ba hari ti keterubah dalam bulan ti ketujuh.\\nRumah Sembiang Digaga Baru\\n7 Orang mayuh lalu meri duit kena ngaji tukang batu enggau tukang kayu, sereta meri pemakai, utai ti diirup, enggau minyak kana ti deka dikirumka ngagai nengeri Tire enggau Sidon kena nyilih kayu sidar ari menua Lebanon. Kayu nya deka dibai nengah tasik ngagai Jopa. Semua utai tu dikereja nitihka pemendar ari Raja Besai Sairus menua Persia.\\n8 Nya alai dalam bulan ti kedua, kedua taun sida udah pulai ngagai endur asal Rumah Sembiang di Jerusalem, sida lalu belabuh gawa. Serubabel, Jesua, enggau semua orang mayuh ti bukai, bala imam, enggau orang Lewi, iya ti bendar, semua orang ke udah kena buai ngagai menua Babilon, lalu udah pulai baru ngagai Jerusalem, bela enggau gawa magang. Semua orang Lewi ke umur dua puluh taun ke atas bela diasuh nyadi tuai ngereja pengawa begagaka Rumah Sembiang nya baru.\\n9 Orang Lewi ke benama Jesua enggau bala anak lelaki iya, sereta enggau kaban belayan iya, enggau Kadmi-el enggau bala anak lelaki iya (raban peturun Hodabiah) sama nguluka orang mayuh begagaka Rumah Sembiang nya baru. (Sida ditulung orang Lewi ari raban peturun Henadat.)\\n10 Lebuh bala tukang belabuh nudukka batu pemun Rumah Sembiang, bala imam ke ngena baju panjai, mai terumpit lalu ngambi endur diri, lalu orang Lewi ari raban peturun Asap bediri dia mai bebendai sida. Sida muji TUHAN nitihka atur ti udah diberi ngagai sida kenyau ari maya Raja David menya.\\n11 Sida belagu muji TUHAN, ngelembungka pangan diri ngena genteran tu: “TUHAN endang manah, lalu pengerindu iya ke Israel endang meruan belama iya.” Semua orang manjung enggau pengabis penginggar nyawa sida muji TUHAN, laban pengawa nudukka batu pemun Rumah Sembiang nya udah berengkah.\\n12 Imam ke tuai agi umur, orang Lewi, enggau tuai peturun endang udah meda Rumah Sembiang ti dulu menya, lalu lebuh sida meda batu pemun Rumah Sembiang didudukka, sida lalu bekeduie sereta beterauh nyabak. Tang orang bukai ke dia manjung gaga ati.\\n13 Nadai orang nemu bagi munyi panjung gaga ati enggau munyi sabak, laban sida inggar amat, datai ke sida nyau ulih didinga berapa batu ari endur nya.\\nOrang Nagang Pengawa Ngaga Rumah Sembiang\\n1 Lebuh munsuh orang Judah enggau Benjamin ninga berita orang ke udah dibuai nya udah pulai baru lalu begagaka Rumah TUHAN Allah Taala ke disembah orang Israel,\\n2 sida lalu betemu enggau Serubabel enggau bala tuai peturun, lalu bejaku, “Awakka kami enggau kita ngaga Rumah Sembiang tu. Kami pen nyembah Allah Taala ti disembah kita, lalu kami udah ngenjuk piring ngagai Iya sekumbang Raja Besai Esar-hadon menua Asiria udah ngasuh kami kitu lalu diau ditu.”\\n3 Serubabel, Josua, enggau bala tuai peturun lalu madahka ngagai sida, “Kami enda begunaka tulung ari kita begagaka Rumah Sembiang ke TUHAN Allah Taala kami. Kami empu deka ngaga Rumah Sembiang nya, nitihka asuh Raja Besai Sairus menua Persia.”\\n4 Udah nya orang ke nguan menua nya lalu nguji nagang sereta ngemba orang Judah ngambika sida enda berani ngaga Rumah Sembiang nya.\\n5 Sida mega nyuap bala pemesai orang Persia ngambika sida nagang pengawa orang Judah nya, lalu sida majak ngereja nya sekumbang Raja Besai Sairus megai perintah, nyentuk ngagai maya perintah Raja Besai Darius.\\nOrang Nagang Pengawa Nirika Nengeri Jerusalem\\n6 Lebuh Raja Besai Serses baru berengkah megai perintah, bala munsuh orang ke diau di menua Judah enggau di Jerusalem lalu nulis surat bedawaka sida.\\n7 Lebuh Raja Besai Artaserses menua Persia megai perintah, Bislam, Mitredat, Tabeel, enggau pangan sida mega nulis surat ngagai raja besai. Surat nya ditulis ngena jaku orang bansa Aram lalu enda tau enda disalin lebuh surat nya dibacha.\\n8 Rehum ti nyadi gabenor, enggau Simsai, ti nyadi kerani ke sitak menua Judah, mega nulis surat tu ngagai Raja Besai Artaserses pasal Jerusalem:\\n9 “Ari Gabenor Rehum, ari Simsai, kerani ke sitak menua Judah, ari pangan seduai iya, ari bala hakim, enggau ari semua bala pemesai ti bukai, ke asal ari Erek, Babilon, enggau Susa di menua Elam,\\n10 sereta enggau orang bukai ti udah dipindahka Asurbanipal ke besai sereta bekuasa ari menua sida, lalu diasuh ngentapka diri di nengeri Samaria enggau ba endur bukai di Barat Eupratis.”\\n11 Surat nya munyi tu: “Ngagai Raja Besai Artaserses, ari bala nembiak iya ti diau di sitak di Barat Eupratis.\\n12 Kami deka madahka ngagai nuan Tuan Raja pasal orang Judah ke datai ari menua bukai ti dipegai nuan. Sida udah ngentapka diri di Jerusalem, lalu benung nirika baru nengeri ti jai sereta angkat ngelaban nya. Sida udah belabuh ngaga dinding kuta ke nengeri nya baru, lalu deka nembuka pengawa nya enda lama da agi.\\n13 Tuan Raja, enti nengeri tu digaga baru, lalu dinding kuta tembu digaga, orang tu deka badu agi mayar chukai, lalu penatai belanja nuan deka kurang.\\n14 Nya alai, laban kami ngasaika diri berutang-budi ketegal pemanah nuan enggau kami, Tuan Raja, kami enggai meda utai tu nyadi, nya alai kami madahka pekara tu ngagai Tuan Raja,\\n15 ngambika nuan meri atur ngasuh orang mansik semua utai ti udah ditulis bala aki ini nuan. Enti nuan mansik utai nya, nuan deka nemu nengeri tu endang seruran ngelaban, lalu kenyau ari kelia menya nengeri tu endang mai pengachau ngagai bala raja enggau ngagai orang ke merintah ba mayuh bengkah sitak menua. Orang ke diau di nengeri tu endang seruran mar diperintah. Nya kebuah nengeri tu dirusak.\\n16 Kami madahka ngagai Tuan Raja, enti nengeri tu digaga baru, lalu dinding kuta tembu, nuan Tuan Raja enda ulih agi merintah di Barat Eupratis tu.”\\n17 Raja besai lalu ngirumka saut tu: “Ngagai Gabenor Rehum, Simsai, kerani ke sitak menua, enggau ngagai bala pangan seduai iya ti diau di Samaria enggau ba endur bukai di Barat Eupratis, tabi.\\n18 “Surat ti dikirumka kita udah disalin lalu udah dibacha di mua aku.\\n19 Aku udah ngasuh utai nya dipansik, lalu utai nya endang amat. Kenyau ari kelia menya, Jerusalem endang seruran angkat ngelaban kuasa raja, lalu nengeri nya endang penuh laban orang ke seruran angkat ngelaban, sereta ngaga pengachau.\\n20 Raja ke bekuasa udah merintah di nengeri nya, lalu udah merintah di serata sitak di Barat Eupratis, begumpulka chukai enggau duit pupu.\\n21 Nya alai kita enda tau enda meri atur nagang orang nya begagaka nengeri nya baru, nyentuk ngagai maya aku meri atur baru.\\n22 Kereja utai tu enggau naka penyampat, enggai ke perintah aku dituntung penusah.”\\n23 Lebuh surat ari Raja Besai Artaserses nya dibacha di mua Rehum, Simsai, enggau bala pangan seduai iya, sida lalu beguai-guai mansang ngagai Jerusalem, lalu mejalka orang Judah badu agi ngaga nengeri nya baru.\\nPengawa Ngaga Rumah Sembiang Belabuh Baru\\n24 Pengawa begagaka Rumah Sembiang udah diketuka, lalu enda dipajakka agi nyentuk ngagai taun ti kedua Raja Besai Darius megai perintah di menua Persia.\\n1 Ba urung maya nya dua iku nabi, Hagai, enggau Sekariah anak Ido, belabuh bejaku dalam nama Allah Taala ke disembah orang Israel, ngagai orang Judah ti diau di menua Judah enggau di Jerusalem.\\n2 Lebuh Serubabel anak Sealtiel enggau Jesua anak Josadak ninga jaku nabi dua iku nya, sida lalu belabuh nirika Rumah Sembiang baru di Jerusalem, disaup nabi ke dua iku nya.\\n3 Tatenai ti nyadi gabenor di Barat Eupratis, Setar Bosenai, enggau pemesai ti bukai mansang ngagai Jerusalem, lalu kemaya nya nanya, “Sapa ngemendarka kita ngaga Rumah Sembiang tu lalu ngaga perengka ke Rumah tu?”\\n4 Sida mega minta nama semua orang ke nulung ngaga Rumah Sembiang nya.\\n5 Tang Allah Taala ngemataka bala tuai orang Judah, lalu bala pemesai orang Persia mutuska penemu enda ngereja utai ngagai bala tuai orang Judah nya, sebedau sida nulis surat ngagai Raja Besai Darius lalu nerima saut ari iya.\\n6 Baka tu ku munyi utai ti ditulis sida ngagai raja besai:\\n7 “Ngagai Raja Besai Darius, awakka nuan merintah dalam pemaik.\\n8 Kami deka madahka ngagai Tuan Raja, pasal kami ke udah bejalai ngagai sitak menua Judah, lalu nemu Rumah Sembiang ke Allah Taala ti Besai benung digaga ari batu, enggau ngena batang pengerat ti ditebuk ngagai dinding. Pengawa nya benung dikereja enggau bejimat, lalu mansang belama.\\n9 Udah nya kami nanya ngagai bala tuai orang mayuh, minta sida madahka ngagai kami, sapa ke meri sida kuasa ngaga Rumah Sembiang nya baru, sereta ngaga pekekas ke Rumah nya.\\n10 Kami mega minta sida madahka nama sida, ngambika kami ulih madahka ngagai nuan sapa ti nyadi tuai ngereja pengawa nya.\\n11 Ku sida nyaut, ‘Kami tu nembiak Allah Taala ti merintah di serega enggau di dunya, lalu kami ngaga Rumah Sembiang tu baru laban Rumah tu udah digaga sereta disikap dulu menya ulih siku raja ti bekuasa ke megai perintah di menua Israel.\\n12 Tang laban aki ini kami udah ngeringatka ati Allah Taala ti di serega, nya alai Iya nejuka sida dialahka Raja Nebukadnesar menua Babilon, siku raja ke datai ari peturun raja menua Kaldea. Rumah Sembiang nya dirusak, lalu orang ari bansa kami dibuai ngagai menua Babilon.\\n13 Udah nya, dalam taun ti keterubah Raja Sairus merintah nyadi raja besai di menua Babilon, Sairus meri atur ngasuh Rumah Sembiang tu digaga baru.\\n14 Iya mulaika pekekas emas enggau pekekas pirak ti dikena dalam Rumah Sembiang nya, ti udah ditabanka Nebukadnesar ari Rumah Sembiang nya di Jerusalem, lalu udah diengkah iya dalam rumah sembiang di Babilon. Raja Besai Sairus udah nyerahka pekekas nya ngagai siku orang ke benama Sesbasar, ti udah diletak iya nyadi gabenor menua Judah.\\n15 Raja Besai ngasuh Sesbasar mai utai nya lalu mulaika utai nya ngagai Rumah Sembiang di Jerusalem, lalu ngaga Rumah Sembiang nya baru ba endur asal iya.\\n16 Nya alai Sesbasar datai lalu nudukka batu pemun ke Rumah Sembiang nya. Pengawa begagaka Rumah Sembiang nya lalu majak dikereja nyentuk ngagai diatu, tang pengawa nya apin tembu.\\n17 Nya alai, enti Tuan Raja besetuju, awakka orang diasuh mansik utai ti udah ditulis bala raja di menua Babilon, ngambika nemu enti Raja Besai Sairus amat udah ngasuh Rumah Sembiang tu digaga baru. Udah nya, padahka ngagai kami utai ti diasuh nuan kereja kami ba pasal pekara tu.”\\nAtur Raja Besai Sairus Ditemu\\n1 Raja Besai Darius lalu ngasuh orang mansik utai ti udah ditulis dalam cherita bala raja ti disimpan di menua Babilon.\\n2 Tang utai ti udah ditulis nya ditemu di nengeri Ekbatana di sitak menua Media. Utai nya ditulis dalam siti gulung surat. Baka tu ku munyi utai nya ditulis:\\n3 “Dalam taun ti keterubah Raja Besai Sairus megai perintah, iya ngasuh Rumah Sembiang digaga baru di Jerusalem nyadika endur alai ngenjuk piring enggau nunu piring. Peninggi Rumah Sembiang nya enda tau enda 20 meter, lalu buka iya 27 meter.\\n4 Dinding iya enda tau enda digaga ari selapis kayu enggau tiga lapis batu. Semua ungkus deka dibayar ari sarang reta raja.\\n5 Perengka emas enggau pirak ti udah dibai Raja Nebukadnesar ngagai menua Babilon ari Rumah Sembiang di Jerusalem enda tau enda dipulaika baru ngagai endur asal iya dalam Rumah Sembiang di Jerusalem.”\\nRaja Besai Darius Ngasuh Pengawa Nya Dipajakka\\n6 Udah nya Raja Besai Darius nyaut munyi tu: “Ngagai Tatenai gabenor di Barat Eupratis, Setar Bosenai, enggau bala pemesai bukai di Barat Eupratis; Anang semak Rumah Sembiang nya,\\n7 lalu anang ngachau pengawa begagaka Rumah Sembiang nya. Awakka gabenor menua Judah enggau bala tuai orang Judah ngaga Rumah Sembiang Allah Taala nya baru, ba endur asal iya.\\n8 Ngena surat tu aku ngasuh kita nulung sida ngaga Rumah Sembiang nya baru. Ungkus ti dikena sida enda tau enda lengkas dibayar ngena duit perintah, ti diterima ari chukai di Barat Eupratis, ngambika pengawa nya enda tejanggal ngapa.\\n9 Tiap hari kita enda tau enda meri bala imam di Jerusalem sebarang utai ti dipeguna sida: anak sapi ti lelaki, bedus, tauka anak domba ti deka ditunu nyadika piring ngagai Allah Taala ti di serega, tauka gandum, garam, wain, tauka minyak kana.\\n10 Utai tu enda tau enda dikereja ngambika sida ulih ngenjuk piring ti ngerinduka ati Allah Taala ti di serega, lalu besampi minta berekat ari Iya ke aku, enggau ke bala anak aku.\\n11 Aku mega madahka ngagai kita, enti orang ngelanggar atur tu, sebatang kayu pengerat deka dichabut ari rumah sida, dilancham, lalu ditumbukka ngagai tubuh sida. Lalu rumah sida deka digaga nyadi tugung uras.\\n12 Awakka Allah Taala ti udah milih Jerusalem nyadika endur alai Iya disembah, muai sebarang raja tauka bansa ti ngelaban atur tu, lalu nguji ngerusak Rumah Sembiang nya. Aku, Darius, udah meri atur tu. Atur aku tu enda tau enda dititihka magang.”\\nRumah Sembiang Diserahka Ngagai Allah Taala\\n13 Udah nya gabenor Tatenai, Setar Bosenai, enggau bala pemesai ti bukai lalu nitihka jaku raja besai.\\n14 Bala tuai orang Judah jampat amat ngaga Rumah Sembiang nya. Sida diperansang nabi Hagai enggau nabi Sekariah. Sida tembu ngaga Rumah Sembiang nya nitihka jaku Allah Taala ke disembah orang Israel enggau atur Sairus, Darius, enggau Artaserses, bala raja besai menua Persia.\\n15 Sida tembu ngaga Rumah Sembiang nya kena tiga hari bulan Adar dalam taun ti keenam Raja Besai Darius megai perintah.\\n16 Udah nya orang Israel, iya nya bala imam, bala orang Lewi, enggau semua orang ke udah dibuai ngagai menua Babilon, lalu diatu udah pulai baru ngagai menua sida empu, nyerahka Rumah Sembiang nya ngagai Allah Taala enggau ati ti gaga.\\n17 Kena sida nyerahka Rumah Sembiang nya, sida meri 100 iku sapi ti lelaki, 200 iku bedus, enggau 400 iku anak domba nyadika piring, enggau 12 iku kambin nyadika piring pengampun dosa, siku ke siti-siti raban bansa orang Israel.\\n18 Sida mega ngatur bala imam enggau orang Lewi ngereja pengawa dalam Rumah Sembiang di Jerusalem, nitihka atur dalam bup Moses.\\n19 Orang ke udah pulai baru ari menua Babilon ngintu Gawai Paska kena empat belas hari bulan ti kesatu dalam taun ti nangkanka nya.\\n20 Semua bala imam enggau orang Lewi bela nuchi diri magang, lalu semua sida nyadi tuchi. Orang Lewi nyayat jelu nyadika piring Gawai Paska ke semua orang ke udah pulai ari menua Babilon, ke bala imam, enggau ke sida empu.\\n21 Piring nya diempa semua orang Israel ti udah pulai ari menua Babilon, enggau semua orang ke udah ngelengkaka jalai orang kapir ti nguan menua nya lalu datai nyembah TUHAN Allah Taala ke disembah orang Israel.\\n22 Tujuh hari sida ngerami Gawai Roti Ti Enda Beragi enggau ati ti gaga. Sida balat gaga ati laban TUHAN udah ngasuh raja besai menua Asiria kasihka sida, datai ke nyau nyukung pengawa sida ke begagaka Rumah Sembiang Allah Taala ke disembah orang Israel.\\nEsra Datai Di Jerusalem\\n1 Nyau betaun-taun udah bekau nya, lebuh Artaserses nyadi raja besai menua Persia, bisi orang siku benama Esra anak Seraiah, anak Asariah, anak Hilkiah,\\n2 anak Salum, anak Sadok, anak Ahitup,\\n3 anak Amariah, anak Asariah, anak Meraiot,\\n4 anak Serahiah, anak Usi, anak Buki,\\n5 anak Abisua, anak Pinehas, anak Eleasar, anak Aron.\\n6-7 Esra nya orang ke bepelajar, ti bepenemu-dalam pasal Adat TUHAN ti udah diberi Allah Taala ke disembah orang Israel ngagai Moses. Laban Esra diberekatka TUHAN Allah Taala iya, raja besai meri iya semua utai ti dipinta iya. Dalam taun ti ketujuh Artaserses megai perintah, Esra angkat ari menua Babilon mansang ngagai Jerusalem enggau seraban orang Israel, nyengkaum bala imam, orang Lewi, bala orang ke nebah musik dalam Rumah Sembiang, orang ke nyaga Rumah Sembiang, enggau bala orang ke gawa.\\n8-9 Sida angkat ari Babilon kena satu hari bulan ti kesatu. Ari tulung Allah Taala, sida datai di Jerusalem kena satu hari bulan ti kelima.\\n10 Esra udah nyerahka diri belajarka Adat TUHAN, nitihka Adat nya dalam pengidup iya, sereta ngajar semua adat enggau atur ari Adat nya ngagai orang Israel.\\nSurat Ti Diberi Raja Besai Artaserses Ngagai Esra\\n11 Raja Besai Artaserses meri surat tu ngagai Esra, ti nyadi imam sereta bepelajar ba pasal Adat enggau pesan ti udah diberi TUHAN ngagai orang Israel:\\n12 “Ari Raja Besai Artaserses ngagai imam Esra, ti landik pasal Adat Allah Taala ti di serega.\\n13 Aku meri atur ngagai semua orang Israel, ngagai sida imam, enggau orang Lewi ti diau di serata menua ti dipegai aku, ngasuh sida mupuk sama enggau nuan mansang ngagai Jerusalem, enti sida deka.\\n14 Aku enggau tujuh iku penyanding penemu aku, ngasuh nuan mansik gaya utai di Jerusalem, enggau di menua Judah, ngambika aku nyamai nemu enti Adat Allah Taala nuan, ti udah diserahka ngagai nuan, dititihka.\\n15 Nuan enda tau enda mai emas enggau pirak nyadika pemeri ti deka diberi aku enggau bala penyanding penemu aku, ngagai Allah Taala ke disembah orang Israel, ke bempu Rumah Sembiang di Jerusalem.\\n16 Nuan enda tau enda mega mai semua pirak enggau emas ti udah digumpul nuan di serata sitak menua Babilon, enggau pemeri ti diberi orang Israel enggau bala imam sida ke Rumah Sembiang Allah Taala sida di Jerusalem.\\n17 Nuan enda tau enda ngena duit tu enggau bejimat, lalu meli sapi ti lelaki, bedus ti lelaki, anak domba, gandum, enggau wain lalu meri utai nya ba alta dalam Rumah Sembiang di Jerusalem.\\n18 Nuan tau nguna pirak enggau emas ti laluh kena begagaka sebarang utai ti dikedekaka nuan enggau bala nembiak nuan, nitihka peneka Allah Taala nuan.\\n19 Nuan enda tau enda nyerahka ngagai Allah Taala di Jerusalem semua pekekas ti udah diberi ngagai nuan ngambika bisi dikena ngereja pengawa dalam Rumah Sembiang.\\n20 Enti nuan agi begunaka utai bukai kena ngereja pengawa dalam Rumah Sembiang nya, nuan tau ngambi utai nya ari sarang reta raja.\\n21 Aku ngasuh semua pemesai ke bekereja ngemataka sarang reta raja di Barat Eupratis, meri enggau jampat ngagai Imam Esra ti landik pasal Adat Allah Taala ti di serega, semua utai ti dipinta iya,\\n22 tang enda tau lebih ari 3,400 kilogram pirak, 10,000 kilogram gandum, 2,000 liter wain, 2,000 liter minyak kana, enggau ni penyampau garam ti diguna.\\n23 Kita enda tau enda bejimat meri semua utai ti diguna Allah Taala ti di serega ke Rumah Sembiang Iya. Kita enda tau enda nentuka Iya enda ringat ngagai aku tauka ringat ngagai orang ke merintah nangkanka aku.\\n24 Kita enda tau ngumpul chukai ari bala imam, orang Lewi, orang ke nebah musik, jejaga, orang ke gawa, tauka sebarang orang bukai ke bekereja dalam Rumah Sembiang.\\n25 Nuan, Esra, ngena penemu-dalam ti udah diberi Allah Taala ngagai nuan, enda tau enda ngeletak orang ke bejalaika pengawa perintah enggau nyadi hakim ngambika sida bisi merintah semua orang ke diau di Barat Eupratis, ti diau nitihka Adat Allah Taala nuan. Nuan enda tau enda ngajar Adat nya ngagai sebarang orang ke enda nemu Adat nya.\\n26 Enti orang enda ngasika Adat Allah Taala nuan, tauka adat perintah menua, sida enda tau enda diukum tekala nya: ngena ukum bunuh, tauka dibuai ngagai menua bukai, tauka reta tengkira sida dirampas, tauka sida ditutup dalam rumah jil.”\\nEsra Muji Allah Taala\\n27 Ku Esra bejaku, “Puji TUHAN Allah Taala aki ini kitai! Iya udah ngasuh raja besai meri basa ngagai Rumah Sembiang di Jerusalem.\\n28 Ulih pengasih Allah Taala, raja besai, bala penyanding penemu iya, enggau semua bala pemesai iya ke bekuasa, udah bebasaka aku. TUHAN Allah Taala aku udah meri aku pemerani, lalu aku ulih mujuk mayuh bala tuai peturun orang Israel pulai enggau aku.”\\nOrang Ke Udah Dibuai Pulai Baru\\n1 Tu nama bala tuai peturun ti udah dibuai ngagai menua Babilon, lalu pulai baru enggau Esra ngagai Jerusalem lebuh maya Artaserses nyadi raja besai:\\n2-14 Gersom ari raban peturun Pinehas\\nDaniel, ari raban peturun Itamar\\nHatus anak Sekaniah, ari raban peturun David\\nSekariah, ari raban peturun Paros, sama enggau 150 bala raban bansa iya (nama aki ini sida bisi dituliska magang)\\nEliehoenai anak Serahiah, ari raban peturun Pahat Moap, sama enggau 200 bala iya\\nSekaniah anak Jahasiel, ari raban peturun Satu, sama enggau 300 iku bala iya\\nEbet anak Jonatan, ari raban peturun Adin, sama enggau 50 iku bala iya\\nJesaiah anak Ataliah, ari raban peturun Elam, sama enggau 70 iku bala iya\\nSebadiah anak Mikael, ari raban peturun Sepatiah, sama enggau 80 iku bala iya\\nObadiah anak Jehiel, ari raban peturun Joap, sama enggau 218 bala iya\\nSelomit anak Josipiah, ari raban peturun Bani, sama enggau 160 iku bala iya\\nSekariah anak Bebai, ari raban peturun Bebai, sama enggau 28 iku bala iya\\nJonatan anak Hakatan, ari raban peturun Asgat, sama enggau 110 iku bala iya\\nElipelet, Jeuel, enggau Semaiah, ari raban peturun Adonikam, sama enggau 60 iku bala sida (sida pulai dudi ari sida bukai)\\nUtai seduai Sakur, ari raban peturun Bikbai, enggau 70 iku bala sida.\\nEsra Ngiga Orang Lewi Gawa Dalam Rumah Sembiang\\n15 Aku lalu ngempuruka semua bala sida ba tebing sungai ti rarat mansa nengeri Ahaba, lalu kami diau ba kem dia tiga hari. Aku bisi tetemuka bala imam dalam raban nya, tang nadai tetemuka orang Lewi.\\n16 Aku lalu mesanka semilan iku bala tuai, iya nya Elieser, Ariel, Semaiah, Elnatan, Jarip, Elnatan, Natan, Sekariah, enggau Mesulam, enggau dua iku pengajar, Joiarip seduai Elnatan.\\n17 Aku ngasuh sida betemu enggau Ido, ti nyadi tuai di Kasipia, minta iya enggau bala iya, iya nya orang ke bekereja dalam Rumah Sembiang, ngirumka orang ngambika bisi bekereja ke Allah Taala dalam Rumah Sembiang.\\n18 Ulih pengasih Allah Taala, sida ngirumka Serebiah ngagai kami. Serebiah tu orang ke landik ngereja utai, orang Lewi ari raban peturun Mahli. Lapan belas iku bala anak lelaki enggau sida menyadi lelaki iya datai enggau iya.\\n19 Sida mega ngirumka Hasabiah seduai Jesaiah ari raban peturun Merari, enggau 20 iku kaban belayan seduai iya.\\n20 Nambahka nya, 220 iku peturun orang ke udah bekereja dalam Rumah Sembiang bisi mega datai. Aki ini sida tu udah diletak Raja David enggau bala pemesai iya dulu menya nulung orang Lewi. Nama sida nya bisi dituliska magang.\\nEsra Nguluka Orang Mayuh Bepasa Sereta Besampi\\n21 Ba tebing Sungai Ahaba aku lalu ngasuh semua bala kami bepasa sereta ngemaruhka diri di mua Allah Taala kitai lalu besampi minta Iya nguluka kami bejalai, sereta nyaga kami, nyaga anak kami enggau semua reta tengkira kami.\\n22 Aku malu minta raja besai meri kami bala soldadu ke nepan kuda nyaga kami ari munsuh lebuh kami di rantau jalai, laban aku udah madahka ngagai iya Allah Taala kitai deka merekatka semua orang ke manggaika pengarap sida ba Iya, tang enda rindu sereta deka ngukum orang ke ninggalka Iya.\\n23 Nya alai kami bepasa sereta besampi ngagai Allah Taala minta iya nyaga kami, lalu Iya nyaut sampi kami.\\nPemeri Ke Rumah Sembiang\\n24 Aku lalu milih Serebiah, Hasabiah, enggau sepuluh iku imam ti bukai ari bala imam ke dibasa orang mayuh.\\n25 Udah nya aku nimbang pirak, emas enggau pekekas ti udah diberi raja besai, bala penyanding penemu iya, enggau bala pemesai, enggau diberi orang Israel ngambika bisi dikena dalam Rumah Sembiang. Aku lalu meri utai nya ngagai bala imam.\\n26-27 Tu utai ti diberi aku ngagai sida:\\nPirak - 25 meterik ton\\nSeratus iti pekekas pirak - 70 kilogram\\nEmas - 3,400 kilogram\\nDua puluh igi mangkuk emas - 8.4 kilogram\\nMangkuk temaga ti alus, ti sama rega enggau mangkuk emas\\n28 Ku aku bejaku ngagai sida, “Kita tu orang ke kudus di mua TUHAN Allah Taala aki ini kita, lalu baka nya mega semua pekekas pirak enggau pekekas emas ti udah dibai ngagai Iya nyadika pemeri ti diberi nitihka peneka ati diri.\\n29 Jaga utai tu enggau manah nyentuk ngagai maya kita datai ba Rumah Sembiang. Timbang utai nya dalam bilik imam, lalu serahka semua utai nya ngagai bala tuai imam, enggau ngagai bala tuai orang Lewi, enggau ngagai bala tuai orang Israel di Jerusalem.”\\n30 Bala imam enggau orang Lewi lalu nerima pekekas pirak enggau pekekas emas, lalu mai utai nya ngagai Rumah Sembiang di Jerusalem.\\nPulai Ngagai Jerusalem\\n31 Kami angkat ari Sungai Ahaba kena dua belas hari bulan ti kesatu, lalu mansang ngagai Jerusalem. Allah Taala kitai bisi enggau kami, lalu nyaga kami ari munsuh, enggau ari ipa orang di rantau jalai.\\n32 Lebuh kami datai di Jerusalem, kami lalu belelak tiga hari.\\n33 Udah nya ba hari ti keempat, kami lalu mansang ngagai Rumah Sembiang, nimbang pirak, emas, enggau pekekas, lalu nyerahka utai nya ngagai imam Meremot anak Uriah. Orang ke sama enggau iya nya Eleasar anak Pinehas, enggau dua iku orang Lewi ke benama Josabat anak Jesua enggau Noadiah anak Binui.\\n34 Semua utai diitung, ditimbang, lalu dituliska tekala nya.\\n35 Semua orang ke udah pulai ari menua Babilon, mai piring ti deka ditunu nyadika piring ti diberi ngagai Allah Taala ke disembah orang Israel. Sida meri 12 iku sapi ti lelaki ke semua orang Israel, 96 iku bedus ti lelaki, enggau 77 iku anak domba. Sida mega meri 12 iku kambin kena muai dosa ari sida empu. Semua jelu tu ditunu magang nyadika piring ti diberi ngagai TUHAN.\\n36 Sida mega ngambi surat ti diberi raja besai, lalu meri surat nya ngagai bala tuan gabenor enggau bala pemesai di Barat Eupratis, ke lalu nyukung orang mayuh sereta nyukung pengawa besembahka Allah Taala dalam Rumah Sembiang.\\nEsra Dipadahka Pasal Orang Judah Ke Jadi Enggau Orang Bansa Bukai\\n1 Lebuh semua utai nya udah tembu dikereja, sekeda bala tuai orang Israel datai lalu madahka ngagai aku pasal orang mayuh, bala imam, enggau orang Lewi ti enda nyeraraka diri ari orang di menua ti ngelingi sida, iya nya orang ari menua Amon, Moap, enggau menua Ejip, tauka orang Kanaan, orang Iti, orang Peris, orang Jebus, enggau orang Amor. Sida ngereja penyai baka ke dikereja orang bansa bukai.\\n2 Lelaki orang Judah jadi enggau indu orang bansa bukai. Nya ngamahka nembiak Allah Taala ti kudus. Orang ke balat ngereja pengawa nya, iya nya bala tuai enggau bala pemesai.\\n3 Lebuh aku ninga nya, aku lalu nyarikka baju aku, ngugut buk enggau ragum aku, lalu nudukka diri laban ati aku balat tusah.\\n4 Aku duduk dia tusah ati nyentuk ngagai maya ngenjuk piring lemai hari. Orang lalu belabuh bekelingika aku, iya nya semua orang ke nyau takut ketegal utai ti udah disebut Allah Taala ke disembah orang Israel pasal dosa orang ke udah pulai ari menua Babilon.\\n5 Lebuh maya ngenjuk piring lemai nya, aku lalu angkat ari endur alai aku ti udah balat tusah ati, agi mengkang ngena gari ti udah dicharikka aku, besugang besampi, lalu ngangkatka jari aku ngagai TUHAN Allah Taala aku.\\n6 Ku aku, “O Allah Taala, aku kelalu malu ngangkatka pala aku di mua Nuan. Dosa kami nyau betugung tinggi agi ari pala kami. Dosa kami nyau bedunjung nyentuk ke langit.\\n7 Kenyau ari maya aki ini kami kelia nyentuk ngagai diatu, kami ke nembiak Nuan, udah balat bedosa. Ketegal dosa nya, kami empu, bala raja kami, enggau bala imam kami udah alah laban raja menua bukai, lalu kami udah dibunuh, dirumpak, lalu ditabanka nyadi orang tangkap. Kami udah balat amat dipechat nyentuk ngagai sehari tu.\\n8 Tang diatu, O TUHAN Allah Taala kami, Nuan udah kasihka kami, taja pen enda lama, lalu Nuan udah ngasuh sekeda bala kami rari ari ti nyadi ulun, lalu ngasuh kami diau likun ba endur ti kudus tu. Nuan udah nejuka kami rari ari pengidup kami ke nyadi ulun, lalu udah meri kami pengidup ti baru.\\n9 Suba kami endang ulun, tang taja pia, Nuan enda ninggalka kami. Nuan udah ngasuh raja besai menua Persia rinduka kami lalu ngemendarka kami majak idup lalu ngaga Rumah Sembiang Nuan baru, ti udah nyadi tembawai, lalu ngasuh kami diau likun di menua Judah enggau di Jerusalem.\\n10 “Tang diatu, O Allah Taala, baka ni ku kami ulih bejakuka utai ti udah nyadi? Kami enda ngasi baru ke pesan\\n11 ti udah diberi Nuan ngagai kami nengah bala nembiak Nuan, iya nya sida nabi. Sida udah madahka menua ti deka diempu kami nya menua ti enda tuchi, laban orang ke diau di menua nya udah ngisi serata menua nya enggau kereja ti jai sereta kamah.\\n12 Sida nabi udah madahka kami enda tau jadi melaki-bini enggau bansa orang nya, lalu enda tau sekali-kali nulung sida ngulihka pengaya tauka ngasuh sida mujur, enti kami deka diau lantang di menua tu, lalu nyerahka menua tu ngagai peturun kami belama iya.\\n13 Indah lebuh kami udah diukum ketegal dosa enggau penyalah kami, deh kami nemu Nuan, ti Allah Taala kami, udah ngukum kami kurang agi ari ti patut, lalu udah ngemendarka kami idup.\\n14 Nya alai, baka ni ku kami enggai mendingka pesan Nuan baru, ke nagang kami jadi melaki-bini enggau bansa orang ke jai tu? Enti kami ngereja nya, Nuan tetap deka balat ringat lalu munuh semua kami, datai ke nadai siku kami agi idup.\\n15 TUHAN Allah Taala ke disembah orang Israel, Nuan endang lurus, tang Nuan udah nejuka kami idup. Kami ngaku penyalah kami ngagai Nuan. Kami enda patut datai di mua Nuan.”\\nAtur Madamka Pengawa Belaki Bebini Enggau Orang Bansa Bukai\\n1 Lebuh Esra benung meremi besampi di mua Rumah Sembiang, nyabak sereta ngaku dosa, mayuh orang Israel - ti lelaki, indu, enggau bala anak mit - begempuru ngelingi iya, balat amat nyabak.\\n2 Udah nya Sekaniah anak Jehiel, ari raban peturun Elam, bejaku enggau Esra, “Kami udah enda ngasika Allah Taala laban kami udah jadi enggau indu bansa bukai. Tang taja pia, orang Israel agi bisi pengadang.\\n3 Diatu kitai enda tau enda besumpah ngaga semaya enggau Allah Taala kitai, madahka kitai deka muai sida indu tu enggau bala anak sida. Kami deka nitihka ajar nuan, enggau ajar orang bukai ke bebasaka jaku Allah Taala. Kami deka nitihka Adat Allah Taala.\\n4 Nuan endang betanggungjawap ngereja utai tu. Kami nyukung nuan. Nya alai, pajak lalu tembuka pengawa nuan.”\\n5 Esra lalu berengkah ngasuh bala tuai imam, tuai orang Lewi, enggau semua orang Israel ti bukai besumpah deka ngereja utai ti disebut Sekaniah.\\n6 Udah nya Esra angkat ari mua Rumah Sembiang lalu tama ngagai rumah Jehohanan anak Eliasip, lalu bemalam dia tusah ati ngira orang ke pulai ari menua bukai udah enda tetap ati ngagai TUHAN. Iya nadai makai, nadai ngirup.\\n7 Pesan lalu dikirumka ngagai serata nengeri Jerusalem enggau serata menua Judah, minta semua orang ke udah pulai ari menua bukai, begempuru di Jerusalem\\n8 nitihka atur bala tuai orang mayuh. Enti orang bisi enda datai dia dalam kandang tiga hari, semua reta tengkira sida deka dirampas, lalu sida nadai agi hak nyadi raban orang Israel.\\n9 Berengkah ari dua puluh hari bulan ti kesemilan, dalam kandang tiga hari, semua lelaki ti diau di menua Judah enggau menua Benjamin datai di Jerusalem, lalu begempuru ba padang ti di mua Rumah Sembiang. Hari bangat amat ujan, lalu ketegal nya, enggau ketegal pemesai guna gempuru nya, semua orang nyau digak-digak magang laban chelap.\\n10 Imam Esra bediri, lalu bejaku ngagai sida. Ku iya, “Kita udah enda tetap ati ngagai TUHAN, lalu udah ngasuh penyalah ninggang orang Israel, laban kita udah jadi enggau indu bansa bukai.\\n11 Nya alai, diatu kita enda tau enda ngaku dosa kita ngagai TUHAN Allah Taala aki ini kita, lalu ngereja utai ti ngerinduka ati Iya. Kita enda tau enda nyeraraka diri ari orang bansa bukai ke diau di menua kitai, lalu muai bini kita ke orang bansa bukai.”\\n12 Orang mayuh lalu nyaut enggau nyawa ti inggar, “Kami deka ngereja sebarang utai ti diasuh nuan.”\\n13 Tang ku sida nambahka jaku sida, “Bala kitai tu kelalu mayuh, lalu ujan tu kelalu bangat. Kami enda ulih bediri ditu. Pekara tu ukai utai ti ulih ditembuka kitai dalam sehari dua, laban kami mayuh amat udah kena laban dosa tu.\\n14 Awakka bala pemesai ti diau di Jerusalem mutarka pekara tu. Udah nya awakka semua orang ke jadi enggau indu bansa bukai, betemu enggau bala tuai enggau bala hakim ari nengeri sida empu, ba maya ti diletak. Nya jalai kitai nyeliahka pengeringat Allah Taala ba pekara tu.”\\n15 Nadai orang nyakal penemu nya, kelimpah ari Jonatan anak Asahel enggau Jahseiah anak Tikbah ke disukung Mesulam enggau siku orang Lewi ke benama Sabetai.\\n16 Orang ke udah pulai ari menua bukai, nerima atur nya. Nya alai imam Esra lalu milih lelaki ari bala tuai peturun, nuliska nama sida. Kena satu hari bulan ti kesepuluh, sida lalu belabuh mansik pekara nya,\\n17 lalu dalam kandang tiga bulan udah bekau nya, sida mansik semua lelaki ke jadi enggau indu bansa bukai.\\nLelaki Ke Jadi Enggau Indu Bansa Bukai\\n18 Tu nama lelaki ke jadi enggau indu bansa bukai: Imam, ditusun nitihka raban peturun:\\nAri raban peturun Josua enggau sida menyadi lelaki iya ke anak lelaki Jehosadak: Maseiah, Elieser, Jarip, enggau Gedaliah.\\n19 Sida besemaya deka muai bini sida, lalu sida meri siku bedus ti lelaki nyadika piring pengampun dosa sida.\\n20 Ari raban peturun Imer: Hanani seduai Sebadiah\\n21 Ari raban peturun Harim: Maseiah, Elijah, Semaiah, Jehiel, enggau Usiah\\n22 Ari raban peturun Pasur: Elioenai, Maseiah, Ismail, Netanel, Josabat, enggau Elasah\\n23 Orang Lewi Josabat, Simei, Kelaiah (kedua bali nama Kelita), Petahiah, Judah, enggau Elieser\\n24 Orang ke tukang nebah music: Eliasip\\nOrang ke nyaga Rumah Sembiang: Salum, Telem, enggau Uri\\n25 Sida ke bukai Raban peturun Paros: Ramiah, Isiah, Malkijah, Mijamin, Eleasar, Malkijah, enggau Benaiah\\n26 Ari raban peturun Elam: Mataniah, Sekariah, Jehiel, Apdi, Jerimot, enggau Elijah\\n27 Ari raban peturun Satu: Elioenai, Eliasip, Mataniah, Jerimot, Sabat, enggau Asisa\\n28 Ari raban peturun Bebai: Jehohanan, Hananiah, Sabai, enggau Atlai\\n29 Ari raban peturun Bani: Mesulam, Maluk, Adaiah, Jasup, Sil, enggau Jerimot\\n30 Ari raban peturun Pahat Moap: Adna, Chelal, Benaiah, Maseiah, Mataniah, Besalel, Binui, enggau Manasi\\n31-32 Ari raban peturun Harim: Elieser, Isijah, Malkijah, Semaiah, Simeon, Benjamin, Maluk, enggau Semariah\\n33 Ari raban peturun Hasum: Matenai, Matatah, Sabat, Elipelet, Jeremai, Manasi, enggau Simei\\n34-37 Ari raban peturun Bani: Madai, Amram, Uil, Benaiah, Bedeiah, Cheluhi, Baniah, Meremot, Eliasip, Mataniah, Matenai, enggau Jasu\\n38-42 Ari raban peturun Binui: Simei, Selemiah, Natan, Adaiah, Meknadebai, Sasai, Sarai, Asarel, Selemiah, Semariah, Salum, Amariah, enggau Josep\\n43 Ari raban peturun Nebo: Jeiel, Matitiah, Sabat, Sebina, Jadai, Joel, enggau Benaiah\\n44 Semua orang lelaki tu udah bela jadi enggau indu orang bansa bukai. Sida muai bini sida, lalu muru sida sama enggau bala anak sida.","num_words":6590,"character_repetition_ratio":0.095,"word_repetition_ratio":0.001,"special_characters_ratio":0.211,"stopwords_ratio":0.304,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Welcome to my Blog, \"Anak Iban Ulu Sungai\".\\nCerpen Iban (Pengingat Lama Diati Selalu)\\n\"Ulu Latong\" Pengingat Lama Diati Selalu - Anembiak Latong Rebak Baru\\nNyau ke puas duduk dunga-dunga nadai ga tentu pengawa, dia deh runding nyau terpawah, tekenang ke sejarah pengidup diri kelia lebuh ke agi diau di rumah panjai kami di menua ti dikumbai “Ulu Latong”. Arinya tadi bisi ga pengingin ati deka bekunsi ke pengingat ari kelia nyentuk ke diatu nengah cerpen ti diberi aku nama “Ulu Latong”, pengingat lama diati selalu.\\nUlu latong tu rumah panjai ke pengambis ulu patik sungai Machan. Kira-kira sejam pejalai ngena perau undur ke pasar Machan. Batang pengawa kami serumah ditu endang sigi betangkal ke getah, bekebun lada enggau koko enda ditinggal mega ke bumai. Ti lebuh pagi-pagi rindu meda bala mensia ke nurun nangkal,nurun ke kebun enggau bisi nya nurun ke umai. Endang sigi udah jalai pengidup dirumah panjai cara ngiga belanja dikena bebeli ke pemakai, ngisi ruang bilik piak mega ke napi anak ti besekula.\\nMaianya umur aku baru manggai 4 taun lebih, tang laban ke manchal serta endang sigi anak rumah panjai nya alai regas amat ga enggau sida ke tuai agi umur segau-segau sebelah tanah, sebelah baruh rumah. Piak mega ti lebuh niang ine bisi pejalai ke bukai, aku endang sigi di bai indai nurun kekebun lada, tauka nangkal getah kami di sebiru. Lebuh maia ke rajin nadai ga maioh dalih, tembu lalu beradu enggau. Tang ti lebuh angin enda entu manah, nya iya ke nyau ulih ngupah enggau ke kebun. Laban bai ati ti deka enggau bala kaban ke serebak bemain nya alai enggai enggau sida ke kebun. Sebut ke ngalu nya baru iya, agi petang ari udah tembu beradu laban ke deka enggau. Gagit ka meda kedai cina, ka makai roti, makai mee, bepakai ke sekelin bebeli ka utai dikayam.\\nMandi Di Pendai & Terejun ari pun kelapok\\n“ Nuan di rumah angat enda ibuh enggau kami ke kebun. Legi ngacau orang ke gawa nuan legi” piak ko indai (mak) ngasuh aku tinggal dirumah dijaga ine tuai kami.\\nLaban sida indai (Mak) ti deka beduruk ngetau, enggai mai aku ke umai enggai ke ngacau orang ke ngereja, kelebih agi udu ngeremah bekal ke dibai sida nurun ngetau.\\n“Au,umah meh ku” piak ko aku jampat nyaut. Dalam ati din udah bisi tuju, bisi kebuah deka tinggal dijaga ine di rumah.\\nLaban pendai ti enda jauh ari rumah kami, dinga nyau capuh ga bala anembiak ke serambau enggau aku,bisi keduak nya tuai dua tiga taun ga. Ati din enda nemu aku tunga deka nurun tang takut ke disipat orang. Lebih-lebih agi ninga bala kaban nyau beterauh ke begagai, ni nya ,munyi orang ke belagu, munyi sida ke reding-reding nempap perau.\\nIya meh sida indai aku udah ngelebus diak deh aku, lalu berumban-rumban ga nurun ke pendai.Sigi nadai tuju bukai, ada nuju pun kelapok di pendai tengah. Dinga nyau bekecebok aja ai alai bala kaban ke terejun ari pun kelapok. Pun kelapok tu endang siti ari nalan tetap bala kami, sigi endur bermain endur begagai.\\n“Nyin uchai datai….Uchai!!!! aham tehejun kitai” piak ko Atan, bakih ke serambau ari setak ili ke sigi udah ari pagi ngibun pun kelapok nya.\\nNama agi deh, lalu diperusut ke tanchut dipunggung,niki ke pun kelapok, laban ti rindu ka terejun ari pun kelapok nya, nunda tarzan keno ko jako….\\n“ yaaaaaaaa…..Tarzan” dinga nyau semepur ga munyi ai alai aku terejun. Udah nya niki baru ga ke tebing.\\n“Peda dek kami nyadi tarzan… dek ga Iling tehejun” piak ko Atan ngasuh tudah Siling.\\nSiling tu tapak anak petunggal kami, tang meh tuai setaun ari aku. Kami serambau ke maianya nya engka aku meh ti pengabis iya biak. Tang sigi ka pepama agi bintis, nadai entu tan sida ke serambau enggau aku iya ke agi tuai setaun dua.\\n“Aku…inggi gik ku gi akih, enda diak ku gi” ko tudah Siling ga nyaut enggai alah, laban jako ti ka benat-benat.\\nTerejun siko tampung siko ga…ai nyau keruh diri. Nadai bisi ati nangi ke diri tampun tuga tanchum kayu maia nya. Asal ati lantang ulih bemain di ai, terejun ari pun kelapok.\\nPeda Budha enggau Robert mansa ga ngena perau pulai ari Nanga Sekerangan. Bisi mai tin peda aku kada enda kasam ikan nya. Perau seduai penuh laban pukat, bubu meh nya.\\n“Pulai ari ni seduai Uda?” ko Atan nanya aya iya.\\n“Puli ari ulu arr. Tambit dek pintu tadi? Kami ka ke rumah tu” ko Budha nanya Atan, laban seduai Robert ti deka pulai ke rumah panjai.\\n“Au…pulai dulu ga aku” ko Atan, lalu merejuk ke ai. Nyau belanda-landa ga iya ngagai perau aya iya dua iko nya laban ti deka nitih ke seduai nya pulai ke rumah.\\n“OOOO..Uchaiiii!!!!!! Pulaiiii..Pulaiiii…dek legi dek!!! Tu kayu tu makai dek legi!!!!” piak ko tudah Ine rangau-rangau. Kangau Ine nya ngasuh aku nyau salat-salat laban ke takut kediri dipalu iya ngena wee.\\n“Au..pulai kami deh!! Nadai indai tuai orang ngenyai dek tu…Mengkang ka malu orang aja-aja” piak ko tudah aku ga ngelaban. Laban ke endang sigi ka pama-pama, mulut anang jako bejelabut aja pedis ati kediri agi ka enggau bala kaban main dipendai. Lalu empai puas memain nyau udah ga di kangau ke ine pulai.\\n“Iya meh tinggal aku ilap mimit, lalu nyau dek ke ai…dek mit dek. Ukai dek entu nemu nyemerai” ko Ine lalu kemba-kemba ga ka malu aku enggau wee…\\n“Ananggggg..ine..anang….badu..ku badu….” Piak ko aku ga nyerauh..minta kasih meh nya ngicha ke Ine enda malu.\\n“Pulaiii” ko Ine. Enda ga iya nyadi nyipat aku ngena wee. Aku nyau beguai-guai nyengkau tanchut ke dileka dibaruh pun kelapok lalu belanda-landa pulai ke rumah.\\n“E.e.eeee…eeeee…” sikok-sikok nyabak… “Ohang agi ka main, asuh iya pulai ga. Uji iya ti iya ka ..eee.ee.e.eee.” ko aku ga sikok-sikok nyabak. Laban ati ti agi keras bendar deka bemain. Naka meh pemedis ati maia nya deh, tang ka enda pulai takut ke disipat ga.\\nDatai di rumah aku lalu beguai-guai ke tanju tengah ngiga tanchut ke udah rangkai dipengeredai, iya meh aku tama diak deh aku ninga Ine kerus-kerus ga, munyi ke megai plastic kuih. Aku pan ngetu ga nyabak laban tideka nentu nama utai ke di bantai ke Ine didapur. Nyeling-nyeling belalai enda entu nyengala berupai. Tang ine dini ka enda nemu tuju ati aku,sengaja iya nantai ke diri megai plastic kuih.\\n“Anang badu meh dek nyabak…anang badu” ko Ine ga ninga aku nyau nadai agi nyabak. Peda aku Ine kiting-kiting megai kuih Sarawak (siti ari kuih manis dalam taun 1986).\\n“Ka kuih Ine..ka kuih” nyau nitik ai liur meda kuih ke dipegai Ine nya tadi. Akai naka meh penyamai nya legi dek-dek, ko anak ati din ga. Nadai ingat kediri baru udah ka disipat ine tadi,ingat kediri baru udah nyabak lalu enda ingat tekalanya laban ti deka makai kuih.\\n“ Nya..badu segau-segau arr…uji tinduk neh” piak ko Ine lalu nyua ke aku dua singkap. Nama agi deh enda tepansut kejako kelalu gaga nyambut kuih Sarawak nya. Lalu nuduk kediri di teluk diding. Dungam-dungam makai kuih, lalu jari sepiak megai botol tusu ke berisi ka ai kopi. Enda berasai nyau ke puas enngkutung gali aku pan nyau lelap.\\nAri beganti minggu diak deh datai ga maia ba ari gawai. Bala sida ketuai-tuai, ke bujang endang sigi ari pagi ke begulu ari setak ulu ke setak ili bebai ngirup. Niting pintu dia ruai sigi bisi sedia gelas enggau botol tuak. Ni iya ke mabuk-mabuk mehnya, sida ke belagu,sida ke beramban piak ke bepantun meh nya. Kedua nya nyau ga ngupa pantu,ngupa aping serta beambi ke pun pisang kena ngaga ranyai.\\nKami mina ngiching orang ke besadung ke kuih enggau telo manuk. Nganti orang nyua ke ai coca-cola,ai menit. Belawa kulu belawa kili begagai-gagai nya meh pengawa. Nyau puas Ine Indai pantan ngelara, seduai iya Ine Senah. Nadai tau tinggal bala sida penganan,sida chuan, kuih semut enggau mauh kuih bukai diruai. Sigi mungkang nganti orang ke angkat endur belaban ke laluh nya, baju kena ngandut iya. Sigi diati orang ke miring dibilik,ari puting mua kulu lalu ke setak ili maioh bengkah kuih dibantai ke orang. Idup amat seput, penuh-penuh kocek endur nyimpan gula batu.\\nNi bala ke baru datai ari menua jauh, bala ke datai ari pasar sigi lalu belabuh meh bebai ngirup pama datai dirumah panjai. Enda mukai-mukai peda aya apai Char nyau enda bebaju, bebatak ke orang ngirup. Sigi endang udah mabuk gaya iya nya, nyau ambis tikai diruai digosok iya.Pejalai pan nyau kayak kulu kayak kili baka ke ka tumbang. Letup nya kapa nyebut, nadai di kena ke mikropon sigi terang bebendang.\\nRindu amat ga meda orang maioh maianya. Bala ke rebak-rebak aku pan maioh amat ga laban enggau apai indai sida pulai ke menua.\\nBaka bala Uchu ibu aku bilik sepiak pan maioh ga. Sida Isaac, Jane, Yee, Siling, Wan enggau Ana. Ni bala iya ke bukai agi, nya ti lebuh mandi lemai rindu meda bala mensia nyau celum aja pala dipendai. Aku laban ke manchal, amat puas meh orang ngelara. Udu amat ka beduan orang, ni ke betuku ke orang enggau batu nadai ngira orang ke kena serta pedis.\\nLemai ari udah meh tembu mandi, nya mupuk begiga ke anak gari ke tau di kumbai gari nganta meh maianya. Pasuk ke tanchut jean, lalu baju bigap-bigap ga ngena baju panjai berang ke dibeli aya apai Daniel ke aku pemulai iya ari menua melaya empai lama ke udah. Arap amat ga anak ati, minyak buk code 10 nya lutu aja pala, laban nganta kediri nyambut gawai. Ni nemu bisi indu ke setipak kini, nyelai endar ga ati mit-mit nemu ga ka bisi kaban.\\nIya meh malam nyau sampai pagi ga sida ke ngajat, ni nya ke disko, belagu, beramban enggau maioh bengkah main agi. Sida ke bujang-bujang enda ibuh sebut ke agi, endang sigi ngambi peluang bekirum ke surat ngagai pangan diri. Duduk dibilik nusi cerita ngemula ke orang indu, ko ati aku din ga. Bisi ga nemu jeles, laban ke suah ditundi sida ga maia nya. Laban ke nganti tengah malam deka ngirup ai pengayu, iya meh nyau ka datai tengah malam nya tadi diak deh aki aku (Asing) lalu diasuh sida bebiau lalu bakatu ko munyi leka biau tudah aki.\\nEnda aku tulah ngelangkah tanah,Enda aku danjan ngelangkah bulan,\\nBaka ijok tampung penduk,Baka rutan tampung danan,\\nBaka ira tampung lemba,Baka wi tampung tali.\\nAku ngangau ka Petara Jalir, Petara Gisang,Petara Geringu, Petara Sumbang.\\nPetara Atin apai Saang,Petara Sabok Apai Mang,\\nOrang Kaya Dana Bayang,Enggau Chulo bejulok Tarang.\\nOrang ngasoh aku ngambi ngabang,Ngambi mansang,\\nNgambi makai,Ngambi nandai,\\nBetambit pintu, bekaling alu,Bekaling lantai, bekesai tikai.\\nMai kita makai, mai kita nandai.Aku mai piring, mai ading,\\nPiring penganan, piring penyaran,Piring Arak, Piring Tuak,\\nDitikai wi, tikai peradani,Ditikai rutan, tikai bemban.\\nAnang tuboh puang, tuboh sabatang,Anang mai tuboh murus, tuboh untus,\\nTang mai ubat serangkap genap,Mai batu teruba nemu,Mai pengaroh gembar tuboh.\\nAnang engkah ngapa, engkah pia,Engkah ba piring, engkah ba ading.\\nAyan ka ba tegalan,Lengka ka ba pedara,Sikap ka di ketupat.\\nNgambi ka kena peda, kena tela,Kena iching, kena perening.Awak ka kena genggam, kena simpan,Kena sandoh, kena taroh,Kena japai kena pegai.\\nEnggau sampi tu,Aku Minta kami chelap-embab,Minta gayu-guru,\\nAku minta tulang,Minta pandang,Minta iching,Minta perening.\\nBulih reta, bulih tengkira,Bulih setawak, bulih menganak\\nNya alai dinga ka kangau anak mensia,\\nkangau anak uda,\\nKo tudah aki ga serta jari iya tu tadi miau-miau ke manok kekiba enggau kanan. Nyau enda bekeretik bala bela bekedunga ninga ke iya ti bebiau endang nadai penimpang sekali-kali. Tembu nya tadi nama deh, nyau kalau-kalau ga panjung bala sida ketuai nanda ke datai maia ngirup ai pengayu. Bisi keduak nya nyau ulih ngerak, nyau giuk-giuk laban ti udah bulih dulu.\\nNinting pintu bela bebai ke ai tuak sebotol sepintu begelumu ba ruai kami.\\nNyau capuh aja,bala mensia beberi pangan diri ngirup bisi nya madah ke tuak bisa,bisi meh nya minta setujuk aja anang maioh bisi keduak ke jegak agi salin ke orang mimit kumbai alang-alang. Nadai utai ngerindu nya ati meda sida ketuai bebungah.\\nIya meh apus gawai, bala temuai pan nyau ga mupuk berinsur pulai. Berasai puang ga asai laban ti udah bisi maioh orang nyau kurang sekurang. Menik-menik mata meda bala pulai ninggal ke rumah panjai. Kelebih agi baka bala petunggal aku bilik sepiak, laban sida ke maioh gawa ba perintah nya tadi enggai nyadi enda pulai ga laban cuti ti nyau ka apus.\\nTinggal meh bala ke sigi mangkang nguan rumah aja. Meda mua sida nya baru pan nganti setaun agi meh. Laban keduak nya sebelah kuching,sebelah Miri enggau maioh bengkah menua nitih ke pengawa.\\nNyau bekederut aja munyi motor ai sida ke nganjung bala temuai, bala anak sida ke mupuk mulai kediri. Bisi ke empai-empai ga pulai, enggai enda ampit meda orang mupuk sigi sida nganti dipendai din meh meda bala temuai meleka. Seilu-ilu ga diati din deh, laban bala anak temuai ke enggau bebakih nyau ga ambis pulai.\\nTumu pagi aku udah tembu beradu, bekena ke tanchut panjai, baju panjai laban ti deka enggau sida indai(Mak) ngetau beduruk ba umai sida aki Latong (Asing). Kebuah ke deka enggau tu tadi laban umai sida nya bisi sungai alai nginti. Endang sigi minat ga pengawa nya, nya meh nyau ga tudah diri ngulih ke ginti ridan ke disimpan diujung tanju.\\n“Kini dek kih?” ko Tanya Siling ke baru ngemesul pansut ari bilik sida, laban ke berimbai bilik.\\n“Enggau ohang kumbai aku akih. Ka nginti ba sungai Setengang” piak ko aku ganyaut iya, sambil ngulih ke ginti aku ke nyau bebelit enda temu tunga laban ti sigi ditikau-tikau ke aja.\\n“Enggau ku kih…legi nganti ku..ka behadu” ko Siling ga madah ke diri ka enggau. Kami duai iya endang sigi geng keras ga, sigi mengkang be kin kitu. Iya pan lalu tama ke bilik beradu laba ti enggai ke tinggal.\\n“Nama empa dek kemahi Iling?” ko apai Senah ga nanya Siling ke benung tukil-tukil ngadu ke ginti iya di ruai. Telabuh ke siko nya mansa, sigi ga udu beduan bala k emit-mit ga iya.\\n“Buah engkang pa ku” ko tudah Siling ga nyaut, laban jako ke ka benat-benat. Ketawa ga tudah apai Senah ninga saut tudah Siling tu tadi.\\n“Jampat gi dek akih, ka nuhun ohang. Tinggal dek legi” ko aku ga madah ke Siling. Laban meda bala ari putting setak udah ga mupuk nurun. Aku enda camang-camang lalu nyimpan pukat enseluai dalam uyut ke ka dibai. Duku candung ke digaga apai (Aba) aku endang sigi lama udah dililit ke dipunggung.\\nKira penumbas iya, kami pan mupuk ga ngejang ke rumah. Nyau capuh aja bala nengah rantau jalai. Kami ke mit-mit sigi nyadi mangsa diasuh sida ke anembiak ke bebesai gi mai utai. Ni ke ditundi sida ga, kumbai bisi penyamun kena ngeremba. Dini enda takut dudi deh, nyau berumban-rumban ga laban takut ke diri tangkap apai nyamun.\\n*** Udah meh terenah datai di umai, sigi nadai kiruh enggau orang ke langkau serta ngadu ke pengawa bukai. Lalu nyau terus numbak belut ke umpan ginti. Pukat lalu jentang ke ba lubuk kaki rantau umai sida aki. Nyau besenayau gambar ai empa penyiru, bala enseluai, kepiat,banta, baong amat rindu meda bekulu kili. Bisi tubuh tujuh bala kami bela betumbak ke umpan, nyau rumbak aja tanah dini enda deh laban ti begiga ke belut. Kira umbas meh ko jako diak aku nyau belanda-landa ga ngambu nalan. Enggai ke alah laban sida bukai pia ko jako.\\nEmpai bulih lima minit ginti udah di urur, diak deh baur ridan aku nyau guyap-guyap.\\n“Udah enggi dek nya Iya” ko Atan ngelara.\\n“Ishhh” anang ragak, piak ko Isau. Enda ngasuh ngelara, laban ke sigi arap ke penti pemali menua ulu, takut ke jelungan.\\nAku lalu narit ginti ke pantai, peda aku keli dachin nyau mesai pun lengan. Naka meh pengaga ngaga ati din. Mecah ke hikod ko jaku ga.\\n“ Yahoo..yahoo…” ko aku manjung gaga.\\n“Beli amat iya tu, ngeragak-ragak nya” piak ko petunggal aku Joe ngelara.\\nAku enda memunyi mina, nyau cengih-cengih anak gamal. Laban iya ti jauh amat tuai ari aku takut amat ga ke iya, enda berani nimbal. Udah ngulih ke keli nya tadi, lalu di tan aku baru ga ginti aku nya tadi.\\n“ Tarit enggi dek nya” ko Isau ga ngelara baru. Tuchum-tuchum ga dalam ati din, lalu empai beminit udah ga bulih banta siko kira bisi empat tunjuk. Piak mega enggi sida bukai, sama bela matak-sematak. Rindu amat ga meda, nyau bekedara aja ikan pupu bansa betegaring ditugung ke ba dalam Uyut ke dibai kami.\\n“Neh..neh…kiak ga iya nikau ke ginti iya….makin kami udah dulu diak..anang ngambu panan uhang “… ko munyi tudah Atan nganu Daud, laban ke enggai diambi siko nya nalan. Nemu ga ngetan ke menalan diri,meda lubuk diak ke manah\\nNyau enda berasai ga ari, nyau udah ga ngalih ke tengah hari. Diak deh sida ke ngetau nya nyau belabuh ngetu ga, laban ti ka merarau. Indai aku nyau rangau-rangau ga ari langkau mai ngetu makai.\\n‘Aham jampat gi ke…legi di anu uhang kitai legi” ko Siling takut ke dianu sida ke di langkau enti lubah. Nyau ga kami tiga mupuk tingal sida empat agi nginti, uyut lalu di bai aku kelangkau.\\n“Ni ikan ulih kita deh?” ko indai(Mak) aku nanya, meda kami ti ngemesul datai dilangkau. Tu deh, ko aku lalu nyua ke uyut ngagai indai (Mak) aku.\\n“Apu neh. Nyampau endar ulih sida, upai diri ga laki ine char tu neh” piak ko indai Igang (Pantan) nundi aku, nyau lekah-lekah iya ketawa.\\n“Ni bisi. Kapa kami indai tuainya…nya Iling nya ka deh” ko aku ga nyaut, enggai dikumbai indai Igang laki ine Char.\\nKira ke nyau ka ngalih ke lemai, diak deh kami duai Siling dulu mulai kediri, bela mai ungkup ikan kediri empu enda seretai enggau bala bukai. Aku endang sigi ka ngerumban pulai, laban aya aku, kenyadi sedadu bisi pulai ke rumah sarinya sampal enggau anak bini iya. Tuju ati ukai nama, laban orang ke datai ari pasar nya sigi temu bisi mai sekelin, main kuih. Aya apai Daniel (Awan) bisi pulai ke menua laban ti udah transfer ke sibu gawa, ngundang tudah aki kami ke enda ulih bejalai tambah mega nyau bisi sakit-sakit.\\n**** Datai di rumah, peda ibu indai Daniel duduk dunga-dunga di tanju ujung bilik.\\n“ Apu… nama bai dek yai” ko ia nanya meda aku nyau ke ngemak uyut.\\n“Ikan” ko aku nyaut, agi malu-malu tekuyung. Aruh iya ga nyau lama sida nadai pulai ke menua, tang meh bai ati ke ingin amat ke deka makai kuih ke dibai orang ke pulai ngalu enda ga bersai.\\n“Niki Iling, lalu enggau kami kitu” ko ibu Indai Daniel ngagau ke Siling meda iya nyau kebil-kebil di baruh rumah ngemata ke aku ke niki. Tudah Siling niki belubah-lubah, engka nya malu-malu ga kini laban temuai ke lama enda dipeda.\\nDibilik puas nilik ke meja makai nadai ga meda bungkus kuih. Hah idai, dini meh sida tu engka kuih kini, ku ati din bejako kediri. Meda Ine kiruk-kiruk benung nuchi periuk di tanju ujan.\\n“Ine bisi mai kuih sida ke pulai ngalu tadi?” ko aku nanya, nyau enda tan agi ati. Nyau enda sabar ka ngekah ngunyah utai ke dikumbai orang kuih.\\n“Bisi diak tadi, galau aku ke dek” ko Ine nunjuk ke set lauk. Ine sigi baka iya, cukup mentas amat iya suah ka nyipat. Semua utai diempa, utai dipinta aku sigi enda kala enda diturut ke iya. Pulai ngalu enda nemu enda meli ke aku roti meli sekelin. Kadang-kadang ti kami serumah bisi ngal biar iya ngirum ba sida ngasuh meli ke aku roti, meli sekelin. Aku laban ke sigi ari mit begulai enggau seduai iya aki, nya meh bangat diasi.\\nDiak deh aku lalu beguai-guai ga ngerebak ke set lauk laban ti ngerumban deka ngulih ke kuih.\\nJapai aku dua bungkus, sebungkus beri ke akih aku Siling ke nyau kinder-kindir nganti ke nyua.\\n“Aki nusi jerita din, maioh amat bala anak temuai ninga cerita iya” ko Siling madah ke aku.\\n“Aham tua meda Iling, hekak tua anak temuai legi” pika ko aku ga nyaut tudah Iling, enda meleba ke diri mit ka ngerekak orang.\\nKami duai iya pan beentudi ngulu bala anak temuai ke benuk linuk ninga ensera aki. Aki endang sigi ka begulai enggau anak mit, nusi ke sida ensera. Aku nyau ka tiap lemai sigi linuk belama ninga jerita iya sebedau tindu. Nyau enda berasai ga kami duai Siling nyau rindu ga ninga jerita aki nya tadi…\\nKo munyi ensera aki…………..\\n“Nyadi ensera tu nelusor bansa leman utai ke idup, baka jelu, burong enggau indu utai, ngambi ka kita ka mit nemu reti leman pengawa utai idup nya sebengkah sebengkah,” ko iya nganu bala uchu iya ke baka dunga ngimbai iya “Tusoi ka dia meh aki,” ko sida ga ngumbok iya nusoi ensera.Aki pan lalu nusoi ensera ka bala sida nya.Nyadi sekali burong Kejira ngangkut ramu kena iya ngaga tansang baru, laban ramu tansang lama iya udah jai bendar Leboh iya ke terebai manggum uras nya ke ka di kena ngaga tansang nya, dia Kera pan lalu nyapa ari pucok kayu.“Kapa nuan uras nya Kejira?” pia ko Kera.“Eh, kena aku ngaga tansang baru,” pia ko saut Kejira “Kapa nuan kiroh diri ka ngaga tansang baru. Uji nuan nunda bansa kami Kera ke tindok ba puchok kayu,” pia ko Kera nganu Kejira.“Kami bansa Kejira tu enda tau tindok ba sengapa alai, nempaya kediri ba sebelah dan kayu,” ko Kejira nimbal Kera.“Kita ga beli. Kami bansa Kera endang nadai kala begaga ke tansang kenyau ari kelia menya, nadai meh bansa kami tu kala sakit tauka kala mati, maioh meh tuboh kami diau dalam babas tu,” pia ko Kera ketawa rakah rakah ke tudah Kejira ke nyau seput seput manggum uras.Kejira pan lalu enggai iboh ke Kera tang lalu nyau mupok nerebai kediri ngagai alai iya ke ka ngaga tansang baru. Kera pan lalu mengkutong , empakap beberap enggau pangan diri ba sebelah dan kayu. Hari pan nyau majak lemai selemai, Kejira pan lalu pulai ngagai tansang lama iya ke enda jauh ari pun kayu ke alai Kera nya tadi tindok.Iya meh hari pan nyau sabong petang, dia ribut, kabut serta enggau ujan pan balat bendar berengkah mangka ke menoa ka alai sida nya diau. Meda hari balat jai baka nya dia Kejira pan lalu beguai nutup lubang tansang iya nya laban enggai kediri kena laban basah. Enda lama udah nya dia iya lalu ninga munyi utai tak nyau semerap enda jauh ari alai tansang iya nya. Iya lalu irau bendar ati serta beguai nilik ngabas utai ke bemunyi nya. Dia iya meda Kera ke baru badu udah ngumbai diri nyamai enda begaga ke tansang nya tadi, nyau kual kual baka ulat garam ba tengah tanah udah ka di taban ke kayu ke alai sida iya tindok nya rebah.“Nama main nuan deh nyau terjun ari puchok kayu ke bengat ngeninggi nya “ pia ko Kejira nganu unggal iya Kera,?”“Nadai aku tu terjun deh Unggal, nyau ka parai aku tu ditaban ka kayu rebah tadi, nadai agi alai kami sekaban diau. Idup ka aku tu Unggal,” pia ko Kera minta kasih tudah Kejira.Kejira lalu pansut ari tansang iya lalu beguai nata ka ai ba pala Kera, laban enda nemu jalai bukai kena iya ngidup ka tudah Kera ke nyau jengap jengap nya tadi. Makin ditata ke iya makin ga tudah Kera nyau jengap jengap serta rapas agi utai ka di sebut.“Nya meh gaya pengujong kitai ke nadai meruan pendiau serta enda betati ka ngaga tansang ke nyadi rumah alai kitai diau baik maia lantang tauka maia tusah “ pia ko Kejira nyaut Kera.“Nya meh punggal , kami ke endang peturun Kera tu endang selalu dikumbai orang beli belama lama sampai ke jemah ila” pia ko saut Kera ga nyau lesay lesay laban malu ke pendiau diri serta jengap jengap nat ke seput diri ke nyau majak jarang sejarang.Udah nya Kera pan lalu nyau lemi selemi lalu ngapus ke nyawa diri parai. Kejira pan lalu mulai kediri ngagai tansang iya. Sinu ga ati tudah Kejira berunding ke pendiau tudah Kera ke parai di taban ke kayu rebah. Ketegal ti ngemuntang kediri enggai kiroh ngaga alai diri diau.\\n“ Ambis deh aki?” ko Tipa nanya aki, meda aki nyau ngetu bejerita. Tudah aki kati ko enda ngetu, iya ga ambis tambah mega nyau lelak laban ke ari tadi ka nusi ensera ke bala uchu iya.\\n“Bulih ikan dek tadi uchu Biai?” ko aki nanya meda aku ke duduk ngimbai iya diak, serta murus-murus belakang aku.\\n“Nginti dek tadi Yai” ko Dorean petunggal aku nanya.\\n“Au..bulih maioh-maioh ulih kami tadi aki” ko aku ga nusi enggai ala-ala, tau tak lalu tusi maioh.\\n“Umpan buah engkang” ko aku ga sengaja nundi Siling.\\n“Nye…nye..dulu..iya dulu…nundi kitai…” ko tudah Siling ga nyaut.\\n“Apu nama bisi ninga munyi motor” ko Tipa madah ke diri bisi ninga munyi rengong moror ai datai ari ili. Tentu nya orang pulai ngalu, tauka beambi ke bala ke deka pulai gawai.\\nDia deh aku enda camang-camang lalu belanda laban ti deka meda serta nemu sapa ke datai nya. Bala bukai meda nyau beterudus ga nitih ari belakang.\\n“Anang belawa kita, terap legi” ko tudah Ine Joe ngelara ari tanju meda bala kami nyau beterudus belawa nengah jambatan. Baka ke enda meh, nadai peduli ke jako lara, majak belawa nuju ke pendai. Dinga sida ke merau pan sangkai ga di pendai. Peda Ika Laki Betty benung nanchang ke tali perau.\\n“Ngalu dek tadi Ika?” ko aku ga nanya. Temu sigi pulai ari ili, tentu ga nya ngalu tang meh enggai enda nanya.\\n“Dek enda enggau tadi. Bendar amat kami makai mee makai kuih dipasar tadi” piak ko Ika ga nundi aku.\\n“Dek enda madah” ko aku ga nyaut.\\n“Nyamai dirumah Ipa?” ko Iya ga nanya Tipa ke bisi enggau kami ngandak sida ke pulai ngalu.\\nTudah Tipa mina linsum-linsum aja agi malu-malu laban ke baru beteleba enggau bala dirumah panjai.\\n“Wat, mandi aham” ko aku ngangau ke Steward anak petunggal aku ke baru sangkai. Steward tu diau di Miri enggau sida apai enggau indai iya, maia tu sida iya pulai cuti gawai.\\n“Peda iya Uchai, enda nemu nyemerai iya nya” piak ko indai iya madah ke aku. “ Nya bagi sekelin dek nya Wat” ko inda iya ga madah ngagai Steward ngasuh magi Sekelin ke ba bungkus plastic ke dipegai iya.\\nNama agi deh, tachuh meh pendai laban bala kami ke begagai mandi. Ni ke belanda, ni ke nikau ke batu. Keduak mega beduan pangan diri, betuku-tuku ngena tanah ladu. Nyau ambis latak mua, tubuh. Sida ketuai ari ili nyau rauh-rauh ngelara laban ai ti keruh ketegal kami ti bemain ari ulu enggau tanah ladu. Perau pan nyau ambis latak ga kena tuku. Sigi bisi kena anu legi enti sida aki bisi nurun ke pendai meda perau iya nyau ambis latak.\\nEnda mukai-mukai nyau kalau-kalau ga nyawa ine ngangau ngasuh pulai.\\nEEEE…indai tuai orang tu…enda tau meda kitai mandi mimit… pia ko ati din ga.\\n“Au..pulai meh aku tu… aham pulai” ko aku mai sida Steward enggau bala petunggal aku ke bukai. Ine sigi enda nganu sida iya, laban sida baru datai. Tang aku sigi tetap enti enda lalu pulai nitih ke perintah.\\nNyau ga kami pulai kerumah, laban takut ke diri dianu Ine legi. Peda aku sida indai(Mak) aku udah ga datai benung meruti ikan enggau ibu didapur.\\n“Apu dek tu. Iya udah ga mandi iya agi ga latak. Mandi diak dek!!! Buka tanchut dek nya engkah ba beledi. Mandi!!!” ko Ine merak aku. Meda pending, pala nyau agi lekat latak udah bekau ke bemain tanah ladu di pendai. Aku enda memunyi taja pan ati pedis, takut ke dilunsin. Lalu nuju ke tanju ujan, peda aku ine udah sedia busut kena ngerunsur meri aku mandi.\\n“Kitu ke dek aku nerusur tubuh dek nya. Nyau latak enda temu tungga” ko Ine. Aku mansang begadai-gadai ngagai Ine kiak.\\n*** Lemai ari…\\nNama meh api tu lama amat empai dipasang, ko anak ati din ga bejako kediri. Meda injin api lalu empai ga diidup ke sida ke nyaganya, laban ati ti beguai deka meda jerita TV. Enda lama udahnya dinga nyau derut-derut ga munyi lipan datai ari bukit.\\nApai(Aba) aku ti baru pulai ari endur kereja, lalu mai lipan pulai kerumah panjai. Rumah panjai kami sigi datai jalai kem batang, laban maianya kerja kayu pan baru ga belabuh dimenua kami. Seninjik bendar ga injin api pan dipasang, nama agi deh tampak meh bilik. Sigi nadai tuju bukai, berumban-rumban ngelawa ruang tamu laban ti deka meda jerita TV.\\n“Yai..yai..yai…” ko pertunggal aku ngangau ke aku, belawa-lawa iya.\\n“Nama nya arr?” ko aku ga, ke benung jenuh meda cerita katun GI Joe.\\n“Besai..besai babi ulih aya…peda dek kin” ko tudah Tipa. Ninga munyi nya nyau belawa-lawa ga aku kin ka meda naka ni pemesai babi ulih apai(Aba)aku. Datai din, apu tak naka-naka iya pemesai ga babi nya. Taring nyau sepemaut, nyau takut meda gamal, nya baru gagut babi.\\n“Nya ganti ngeli dek yai. Ganti enggau ngeli babi nya. Manah nya” ko aya apai Daniel beduan aku meda ngeli tudah aku ke tachak gerama.\\n“Ngai…nya enggi Ine nya ganti” ko aku ga nagsuh nganti enggi Ine…\\n“Gamal ngengemit nya nemu ka nundi aku, tak jegak-jegak” ko ine gak nganu aku. Nyau rising-rising ga tudah aku tadi ninga ine munyi nya.\\nBala sida ke tuai-tuai nyau maioh ga datai sedatai ngusung bilik kami. Laban ninga sida aya apai Daniel bisi pulai lalu di kangau ke aya aku bilik sepiak nunu babi.\\n“Apu lawa amat dek tadi bulih ikan enda meri aku deh uchu” pia ko aki Igang ke junok-junok datai ari mua pintu ruai.\\n“Dek lawa gek aki, bubu dek bulih lelabi kemari” ko aku ga nyaut iya. Laban lebuh aku kemansa iya pulai enggau sida indai ari umai kemari, bubu iya amat bulih lelabi, kira sejengkal meh kerubung kering.\\n“Bebelacan tunu..indu belacan tunu” ko aku ga beduan aki Igang, laban iya keselalu besema ka indu belacan tunu lebuh ti nganu bala iya.\\nNyau ketawa ga bala sida ke ditanju ninga aku munyi nyak.\\n“Mali nundi aki dek bakanya” ko indai aku ngelara enda ngasuh aku nunda ke aki Igang nyebut “indu belacan tunu”.\\nRandau bala mensia pan nyau rancak serancak, peda bala sida ke indu-indu nyau be bai ke periuk ga ari ruai. Deka makai beserumpu meh nya, tambah mega apai aku bulih babi. Kami segerup nama agi deh, makin orang maioh makin majak ga bejelangkit sebelah tanju,minta tu minta nya. Nyau puas in eke ngutap. Ni nya ke nyabak meh bala keduak, iya ke enda tan agi meh nya.\\n“Ditu kitai uchu… Kitu ke dek aku nusi ke dek ensera baru” ko aki ngangau ngasuh aku tama. Engka nya nyau bangai ninga ine mutap ngelara aku meh nya. Ninga munyi nya, nyau ga aku duduk ngerimbai aki laban ti sigi amat minat ga ninga ke ensera aki. Aki endang sigi pandai amat nusi ensera, iya ga baka kea mat-amat ga nusi utai. Bala petunggal aku mega nyau beterudus ga nitih sama bela ka enggau mending ke ensera ke ditusi aki.\\nSida ke didapur nadai dipeduli ke kami agi, nyau rangap-rangap nganti aki ke belabuh nusi cerita…..\\nTumu pagi siti Apai Sali enggau anak iya ngaga bubu laban ti ka ngulih ke ikan tegal ti nadai utai ke lauk sida menyanak. Sehari hari seduai menyanak begaga ke bubu ba babas din lalu semua bubu ke ulih gaga seduai iya nya seratus iti. Lalu siti ari bubu ti digaga iya nya pengabis besai ari semua bubu bukai. Nyadi pemesai bubu nya, iya nya umbas alai Apai Sali empu bediri lalu peninggi iya nya nyentok ka datai ba sadau rumah panjai sida.Hari pan nyau ngalih alai Sali seduai Apai iya lalu mupok ngagai sungai ti ka alai seduai iya nan ka bubu ti udah tembu di gaga seduai nya tadi. Tan seduai iya bubu nya ari ulu mansang ke ili lalu chara Apai Sali nan ke bubu nya nyelai bendar iya nya mua bubu di tungga ke iya ke ulu lalu burit bubu nya di tungga ke iya ke ili. Iya meh bubu seduai menyanak nyau tembu di tan lalu hari pan nyau malam. Batang sungai ke alai seduai menyanak nan ke bubu pan nyau ka apus ga alai seduai iya ngetan ke semua bubu seratus iti nya.Ukai anchi anchi pemanjai batang sungai ti alai Sali seduai apai iya nampun ke semua bubu seratus iti nya tadi, lalu nyau ka enda alah seduai iya nembu ka tampun bubu nya. Nyadi bubu ke pengabis besai nya di tampun ke seduai iya ba nanga sungai. Nyadi nanga sungai tu tadi benanga ba tasik besai. Sepenembu seduai iya menyanak nan ke bubu ti pengabis besai nya Sali seduai apai iya lalu mulai kediri ke rumah laban nangi enggai kediri enda olih pulai ti hari nyau majak petang serta malam.Datai Sali seduai apai iya di rumah, dia indai Sali ti benama Enchelegit lalu beguai berapi ke sida tiga menyanak enggai ke laun makai lemai. Nama agi deh naka iya penyampat iya nanggar ka asi serta bepandok ke lauk. Asi ke ditanggar pan mansau, sida tiga menyanak lalu belaboh makai lemai. Udah badu makai lemai, dia Apai Sali lalu nindok ka diri laban ti udah kelalu lelak begaga ke bubu serta nampun ke semua bubu seratus iti nya ba batang sungai semak alai seduai iya nampun ka bubu nya. Tambah mega iya ti beguai tindok nya ngarap ke diri tau bisi bolih mimpi manah udah ti bekau seduai iya nampun ka bubu lemai nya tadi. Iya ngarap ke semua bubu ti di tampun ke seduai iya Sali nya bolih ikan maioh pagi ila. Tak enda berasai laban ti kelalu lelak serta jenak dia iya lalu tekenyit serta tedani laban ninga manok mengkokok nanda ke hari nyau teberingkas tawas.“Apo Duat dani ! tawas hari tu anak, aram tua mupok ngabas bubu ti ditampun tua kemari” Pia deh ko Apai Sali ngerak Sali enggai ke seduai iya laun mupok serta enda tebuat ke semua bubu ti ditampun seduai iya lemai kemari. “Manah bendar mimpi aku malam tu tadi, tak bemimpi asai ke di beri orang buah rampu dua lanji” ko iya. “Aram meh apai, ngicha ke bubu tua nya lagi bisi bolih ikan” pia deh ko saut anak iya Sali. “Oh Indai Duat ! Nuan berapi lagi anang ngena periok ka mit ke selalu di kena kitai tiga nya tang tanggar ke nuan sampau ke besai nyin. Nya kena nuan berapi enggai ke asi empa kitai tiga lagi enda umbas.” Ko Apai Sali madah ngagai bini iya Enchelegit.Udah nya Sali seduai apai iya lalu mupok nurun ka batang sungai. Datai seduai iya ba batang sungai dia seduai iya lalu dulu ngabas bubu berengkah ari ulu, indah enda baka gaya seduai iya ti ngetan ke tampon bubu nya kemari. Nyah, lalu diangkat ka Apai Sali bubu ti keterubah mampul pengabis ulu bender tang lalu nadai ga bolih ikan. “Oh! Iga ga petara enda ngalih ke burit bubu aku ngasoh bolih ikan,” pia ko jako Apai Sali nya tadi. Udah nya datai ba bubu ti siti, lalu di angkat ka iya tang nadai ga bolih ikan.Nama agi nyau bejako kediri Apai Sali, “Akai apai ! Akai indai! Iga ga ikan tu tak bengat enggai tama ngagai bubu tua deh anak. Eh bula bender ga mimpi aku malam tadi,” pia ko iya bejako ngagai Sali ti nyau gisai gisai di empa kerengit ba tebing sungai nya. Datai seduai iya ba bubu siti muak ka ari ili nya nadai ga seduai iya bolih ikan. Nama deh utai ke olih seduai, iya ga semina daun serta raw aja ke bisi ngemenoh ka bubu seduai. Laban bubu ke ditampun ke seduai iya mua nya di tungga ke ulu. Bubu pan nyau abis di angkat ke seduai ari tampun tang siko ikan pan nadai ga olih seduai iya lalu ka tinggal bubu ti pengabis besai nya aja ti bedau diangkat ke seduai iya Sali ari tampun ba nanga sungai nya.Leboh seduai iya Sali nyau datai ba nanga batang sungai nya, dia Apai Sali pan lalu beguai ngangkat ka bubu seduai iya ari tampon nya. Di angkat ka iya enda ga olih, lalu di uji ka iya baru ga ngangkat ka bubu nya enggau naka pengering tulang iya empu tang lalu bedau ga olih angkat ari ai. Nyau ke puas tudah Sali meda apai iya nyau kual kual nguji ngangkat ka bubu nya kediri dia Sali lalu terjun ka ai nulong apai iya ngangkat ka bubu nya ari tampon. Tak nyau bebendar serta seput seput seduai iya menyanak ngangkat ka bubu nya, nya baru bubu nya tadi olih di angkat ka seduai iya. Nama agi deh tak nyau semina ke enda luput seduai iya abis ati tekenyit meda ai nyau besimbor laban siko lelabi ti naka iya pemesai mesai tama dalam bubu ti di tampun ke Sali seduai apai iya nya tadi. Pemesai lelabi nya, iya nya kerubong kering serta lalu ngaum kapir nyau bolih tiga depa. Lalu pala lelabi nya nyau besai agi ari buah embawang.Sali pan lalu manjong ketegal ti kelalu gaga. “Apo apai! Besai amat lelabi olih bubu tua tu deh,” ko iya. “Eh ukai nya lelabi deh anak, daun mengkubong nya iga ga nuan enda ngelala,” pia ko Apai Sali ngemula ka Sali. “Ukai nya daun mengkubong deh apai, endang tak lelabi nyengenda raya nya. Peda nuan iya nya ngerayap deh,” pia ko Sali ga madah ngagai apai iya ti agi benong nan ka bubu nya tadi. “Kati ko enda ngerayap deh, bubu tu ga digusak aku, daun mengkubong nya, ukai utai bukai endang tak nyata daun mengkubong,” pia ko Apai Sali ga ngemendar ke jako diri bebula ka Sali.Leboh Sali enggau apai iya datai di rumah, dia Apai Sali lalu beguai bekindu laban ti udah kelalu chelap ba berendam ba ai sepagi nya sekumbang ti ngabas bubu, nyau getar getar tudah Apai Ali tu nat kediri chelap. Leboh iya ti bekindu nya dia iya lalu sengaja nunu iko sirat iya ba api ti alai iya bekindu nya, iya lalu madah kediri pedis perut serta lalu ngasoh Sali ngambi kayu ba para enggau duku ke dikait ke iya ba tisi para. Sali pan nanya iya kena iya apa kayu enggau duku nya deh ti ka mansang bira. Apai Sali lalu madah ke kayu nya ka ke sengkilu iya lalu duku nya ka kena iya melah kayu nya nyadi ke sengkilu ambi ke mit agi. Tang iya ke bendar kayu nya ka di kena iya menyadi ke api laban api udah bisi ba iko sirat iya lalu duka nya ka di kena iya ngelampang lelabi ke olih seduai iya Sali ke di kumbai iya daun mengkubong. Nama agi deh udah kayu enggau duku nya di sua ka Sali ngagai apai iya dia Apai Sali lalu beguai guai mupok madah kediri ka bira laban iya ti ka naban ke api ke lekat ba iko sirat iya nya ke tebing batang ai, ambi ke bisi di kena iya nunu lelabi ke di peda seduai iya Sali tadi ti agi bedau tinggal dalam bubu. Udah meh api nya ke alai iya bekindu nya tadi lekat ba iko sirat dia iya lalu nganggau ke Indai Sali, “Oh Indai Duat! Aku deka bira pedis amat perut tu chelap bai berendam ba ai sekumbang kami duai Sali ti ngabas bubu tadi. Seduai Sali anang nganti aku makai tengah hari lagi,” pia ko Apai Sali bejako enggau bini iya Enchelegit.Nama agi deh nyau beguai guai Apai Sali tu tadi belanda naban ke api ti lekat ba iko sirat iya nya laban enggai ke api nya padam. Datai ba tebing batang sungai enda jauh ari alai seduai iya Sali ngetan ke tampun bubu ti pengabis besai nya tadi dia iya lalu beguai guai ngenyadi ke api ngena api ti lekat ba iko sirat iya nya tadi ambi ke bisi di kena iya ngintu lelabi. Udah nya Apai Sali lalu beguai guai ga ngangkat ke bubu ari tampon lalu munoh lelabi nya tadi serta mela iya.Udah Apai Sali ke madah kediri nurun bira ngagai Indai Sali dia Indai Sali lalu nanya Sali. “Kati ko Sali, bisi bolih ikan bubu seduai apai nuan pagi tadi,?” pia ko iya. “Bisi! bisi indai, bisi aku meda siko lelabi tadi besai bendar dalam bubu ti di angkat ka apai. Tang apai madah ngagai aku nya ukai lelabi tang duan mengkubong,” pia ko saut Sali.Ninga munyi nya Indai Sali pedis bendar ati, ninga Sali enggau iya ti udu dikemula ka Apai Sali ti madah ke seduai iya Sali pulai ngabas bubu nadai bolih utai. Indai Sali lalu mai Sali bepekat nitih ke Apai Sali ngagai tunga seduai iya Sali ti ngetan ke tampon bubu ke bisi bolih lelabi nya tadi. Datai Sali enggau indai iya ba semak alai Sali seduai apai iya ti ngetan ke tampon bubu nya dia Sali enggau indai iya meda Apai Sali nya tadi benong kiroh ngintu lelabi nya nengali. Indai Sali lalu mai Sali bepekat ngelulu ka diri nyadi ngingit.Sali enggau indai iya lalu belalai ba babas kira ka semeda ari alai Apai Sali ti nunu lelabi nya tadi. Sali enggau indai iya pan lalu berengkah ngelulu kediri munyi ngingit. “Ngit ! Ngit ! Ngit ! Ngit !. Meri aku pah lelabi nya sepiak ! Enti nuan enggai meri, lagi aku kerebok leka mata nuan,” pia ko Sali enggau indai iya ti ngelulu kediri nyadi ngingit ba babas nya.Apai Sali lalu takut ninga ngingit nya tadi lalu nimbal, “Oh! Antu nama, antu apa kita nya bengat bam bangam, nemu bepinta ka lelabi ti benong di intu aku tu. Enggai aku meri kita nya deh,” pia ko Apai Sali nimbal enggau nyawa tin aka iya pengingar. Indai Sali pan lalu nyaut madah Kediri nya Antu Bunsu Ngingit.Apai Sali pan naka iya penakut leboh ti ninga Antu Bunsu Ngingit nya tadi ti minta pah lelabi ari iya. Iya pan lalu nadai runding serta lalu beguai ngelampang pah lelabi nya serta lalu ditikau ke iya ngagai tungga ari ni alai penatai munyi ngingit ti minta nya tadi.Udah nya Antu Bunsu Ngingit nya tadi agi ga bemunyi baru. “Ngit ! Ngit ! Ngit ! Ngit ! Meri aku pah lelabi nya sepiak agi ! Enti nuan enggai aku kerebok leka mata nuan sepiak da agi.Apai Sali pan lalu nyaut Antu Ngingit nya, “Eh nadai aku tu ka meri nuan nya agi deh”. Antu Bunsu Ngingit nya pan lalu nyaut, “Enti nuan enggai meri aku kerebok kedua dua piak ga leka mata nuan nya lagi,”. Nama agi deh Apai Sali lalu naka iya penakut, lalu beguai nikau ka lampang pah lelabi sepiak da agi ngagai tungga Antu Bunsu Ngingit ti bemunyi nya. Iya pan lalu beguai guai ga majak ngelampang lelabi nya serta nyau ginyah ginyah nguyas isi lelabi ke di tunu iya nya tadi laban enggai ke abis di pinta Antu Bunsu Ngingit. Tang enda lama udah nya iya lalu ngetu nguyas isi lelabi ke di intu iya nya laban Antu Bunsu Ngingit agi bemunyi baru. Lalu munyi Antu Bunsu Ngingit ke sekali tu iya nya, “Ngit ! Ngit ! Ngit ! Ngit ! Aku ka minta semua isi burit lelabi nya ! Enti nuan enggai meri aku ambi telu pelir nuan sepiak.Apai Sali pan lalu ringat serta nyaut Antu Bunsu Ngingit. “Nadai aku tu ka meri nuan agi deh, ni ke empu aku ke ngulih ke lelabi tu deh,” Antu Bunsu Ngingit lalu nyaut, “Enti nuan enggai meri, aku ambi kedua dua igi telu pelir nuan nya lagi.”Nya meh Apai Sali nya naka penakut lalu beguai nikau ka semua isi burit lelabi nya ngagai tungga Antu Bunsu Ngingit ti bemunyi nya tadi. Iya pan naka olih meh ngeruyas isi lelabi ke di tunu iya laban nemu diri sigi berebut enggau Antu Bunsu Ngingit. Apai Sali pan enda olih meda enggau terang ngagai alai Sali seduai indai iya ti belalai nyadi Antu Bunsu Ngingit laban asap iya ti nunu lelabi nya balat bender laban kayu ti di kena iya nunu nya basah. Udah nya tadi lalu di kumbai Apai Sali udah rari Antu Bunsu Ngingit ti bepinta ke lelabi ari iya. Sekali dinga iya inggar agi ga munyi Antu Bunsu Ngingit nya munyi tu, “Ngit ! Ngit ! Ngit ! Ngit ! Aku minta tubuh lelabi nya, enti nuan enggai kaki nuan sepiak nya aku gigit.” Apai Sali lalu nyaut madah kediri endang enggai meri agi. Ninga Apai Sali ke madah kediri enggai agi meri lelabi dia Antu bunsu ngingit lalu madah kediri ka ngambi kedua dua piak kaki Apai Sali nya.Apai Sali pan nadai olih bejako maioh tang nurut ka utai ti di pinta Antu Bunsu Ngingit. Lalu ke pengabis iya semina utai ke enda di pinta Antu Bunsu Ngingit nya ari Apai Sali iya nya kerubong lelabi aja. Apai Sali pan nyau chukup lelak belanda kin kitu betikau ke lampang lelabi nya ngagai Antu Bunsu Ngigit. Iya pan nyau ka tengah hari dia iya lalu mulai kediri merau ngena kerubong lelabi laban ti nyau enda dapat agi bejalai tegal ti udah lelak serta pedis betis.Datai Apai Sali di rumah, dia iya lalu nindok kediri laban ke lelak serta ti udah madah ngagai Sali seduai indai iya ti enda iboh nganti iya makai tengah hari nya. Leboh ke tindok Apai Sali jenak bender serta lalu bekuroh, lalu nyawa Apai Sali pan nyau ranggap ranggap baka nyawa baya ti ngeradai ba tebing sungai.Meda baka nya tudah Indai Sali laban ti agi pedis ati lalu mai mangkok siti serta mai penyiar penyapu kena iya ngulih ke tingga ba selepak ngeli Apai Sali laban nyawa iya ti nyau ranggap ranggap maia tindok nya. Tingga Apai Sali nya tadi lalu di pandok Indai Sali ngena periuk batu. Iya meh nyau maia sida ka makai lemai dia Indai Sali lalu ngerak Apai Sali be bai makai lemai. Apai Sali pan lalu tedani serta nanya Indai Sali, “Nama utai ke lauk kitai lemai tu deh Indai Duat,” ko iya. Indai Sali lalu nyaut, “Bisi ! Bisi Apai Duat, bisi aku mandok telu manok dua igi tadi,” pia ko iya. Indai Sali lalu ngenah ka Apai Sali makai.Apai Sali pan lalu belaboh ga makai lemai belauk ka tingga ngeli diri empu. Benong ke makai nya dia Apai Sali lalu nanya bini iya Enchelegit. “Nama asai telu manok tu tak penat deh Indai Duat. Ti ngelama tu nyamai bender asai telu manok. Kada telu tu digulai nuan enggau garam deh tadi,” pia ko iya.Indai Sali lalu bejako, “Keba nuan tu tambap, nuan tu lap. Enda ga nuan nemu diri makai tingga diri empu. Nuan ga udu rangka makai lelabi nya nengali kediri.” Pia ko tudah Enchelegit. Apai Sali lalu badu makai tekala nya serta pansut ka ruai. Iya udu ringat serta malu kediri empu laban ti rangka makai lelabi olih bubu seduai iya Sali nya nengali. Sali pan lalu ketawa nyau rakah rakah bepichit perut ninga indai iya ti madah ka apai iya bam makai lelabi nengali lalu makai belauk tingga diri empu.Nyau udah nya baru Indai Sali nuang ka ruas pansoh lelabi ke olih seduai iya Sali ngelulu ka diri nyadai Antu Bunsu Ngingit maia Apai Sali ti nunu lelabi. Sali enggau indai iya pan lalu belaboh makai lemai. Ninga Sali enggau indai iya belaboh makai di bilik dia Apai Sali lalu beguai tama baru ke bilik lalu nudok kediri enggau makai. Iya pan lalu tekenyit bender ati serta lalu nanya, “Nama lauk tu deh ? Pansoh nama tu deh ? Nama tu tak baka pansoh lelabi enti enda saru aku ? Dini nuan bolih lauk tu deh Indai Duat ? pia ko Apai Sali.Indai Sali lalu nyaut, “Lelabi olih bubu ke di tan ke aku ba nanga batang sungai di ili din,” pia ko Enchelegit. “Essss ! Nuan tu ke ngaga diri nyadi Antu Bunsu Ngingit pia?” Enti aku nemu nya nuan ka ke sekerat pa enda meh aku tu meri nuan tadi,” pia ko Apai Sali. “Keba nuan tu tambap, lap, makai utai nengali kediri,” ko Indai Sali. Ninga jako Indai Sali munyi nya dia Apai Sali lalu ringat baru serta pansut ke ruai lalu enggai enggau Sali ngabas ginti agi.\\n“Hahaha…amat beli apai Sali neh aki” ko aku ga ninga jerita aki nya.\\n“Agi…agi..cerita bahu aki” ko Tipa.\\n“Umbas nya, pagila cerita baru ga” ko aki.\\nDiak deh Ibu Indai Daniel nganjung ke kami tunu babi. Nyau berebut gab ala bejengkau, nyau ambis ka lungkup pinggai. Tudah aki laban ke enda dapat, mina tak meda aja meh ulah bala uchu.\\n“Iya lapa nya bangat baka nya deh angat. Jegak endar dek tu arr” ko apai(Aba) ngelara meda aku nyau dua-dua piak jari megai tunu babi,mulut nyau kunyap-kunyap. Tudah diri laban ke nadai tentu ngeli kena nganit nyau puas nguyas-nguyas ke tunu babi enggau jari.\\nBala didapur nyau capuh aja, ni ke makai, ni ke bepakai ke tunu babi. Tambah mega bisi ga ai mabuk (ai tuak) dibantai ke indai aku. Nya nyau majak besai letup bala ke duak. Ni ke nunu babi meh bala keduak.\\nUdah meh makai mata nyau ga berasai ngantuk, nama agi deh nyau begelumu ga bala kami sepetunggal ninduk kediri di bilik besai (ruang tamu) enda ulih agi enggau bala sida ke tuai didapur.\\n**** Pagi siti\\nNama meh gaga orang maioh amat ko anak ati din nanya meda orang ngemaioh nya ba taba sida aya apai Daniel. Laban ti deka nemu nyau ga aku ensulun kin, ka meda nama gaga orang. Peda aku sida ke tuai benung besanggit ke ramu, keduak nya benung janggit-janggit bepantang ke utai.\\nLaban ke empai nemu nama tuju utai, mina tak peli-peli aja meh ngemata.\\nBala maioh benung nyaup aya apai Daniel mupuk ngaga rumah iya, ke nampung sida ibu aku bilik sepiak.\\nAri beganti minggu, bulan beganti taun umur aku pan nyau ga manggai 6 taun. Diak deh bala kaban ke serebak aku aku maioh udah mupuk dianjung apai indai sida besekula di SRK Nanga Machan. Nyadi laban rumah panjai kami ke jauh ari sekula nya alai sida tu tadi diau di Buding @ Asrama. Pulai ke rumah panjai pan mina dua minggu sekali. Diau di rumah aku pan nyau bisi ga berasai puang, laban ti nyau nadai kaban enggau betundi,begagai piak mega enggai bemain sebelah pendai. Tambah mega nadai orang nusi ke aku ensera agi, laban aki kami nyau ga udah nadai. Iya ninggal ke kami maia umur aku manggai 5 taun, iyanya taun 1988.\\nNyau puas niap ari, puas nanya indai kemaia meh bala kaban aku datai. Ari siti bakanya, ari siti nanya ke nya ga. Sampai nyau nyida orang nyaut. Tudah diri nama agi deh, sigi di kebun din meh enggau sida indai besari-sari. Pulai kerumah enda pan sigi nyau dini ari meh, diau dilangkau nganti sida indai ke tembu ngumpul lada, nyepiang lada, begumpul ke buah koko serta maioh macam agi pengawa kebun ke bukai.\\n“Hah..idai, kemaia meh aku ulih besekula deh” ko aku ga bejako dalam ati diri, laban pengingin ti bisi ka nitih ke bala kaban aku ke dulu agi.\\nNyau ke puas dugau-dugau tadi, tepeda ke ine benung nganyam uyut di ruai. Manah endar gamar uyut nya, nama meh ine ngaga uyut ngemit nya deh ko ati aku din.\\n“Ine enggi sapa uyut nya ine?” ko aku nanya, pama meh ngicha ke ine ka meri ke aku ko jako. Laban ati din endang sigi bisi pengingin ka beempu uyut nya kena ngumpul engkabang.\\n“Enggi dek meh tu uchu. Kena dek enggau orang ke kebun. Nya ni mengkang mai uyut nyau besai gi ari tubuh” ko ine nimbal aku.\\nUkai anchi-anchi ga pengaga ati din ninga ine ti madah uyut nya enggi aku. Naka iya pengandal ga ati bisi uyut baru kena enggau orang ke kebun, ulih ga mantai ke bala kaban aku ila ti sida pulai sekula.\\nBulih Tengiling & Lelabi\\nNyau betekilap aja api picit, lampu kebait bala mensia ke nurun nangkal. Aku laban ke sigi endang ke kaling indai(Mak) aku nangkal getah kami di sebiru ari ulu rumah, kira pejalai sejam meh ari rumah panjai. Nyau bigap-bigap ga nitih ari belakang, arap amat ga anak ati ngema uyut baru jari sepiak megai picit lalu sepiak mai gilin puang alai nyimpan ai getah. Iya meh utai ambis ke telentang ga aku laban ditagau ukoi kami ke endang sigi bagas ke kaling aku enggau indai nangkal.\\nKadang-kadang nya aku ngumpul sekerap getah, ti udah bisi dua ari ngumpul ditakah ke aku ga udah nya. Maia ke enda nya tadi aku mina diau dilangkau nganti indai aku(Mak) ke tembu nangkal. Sekerap nya sigi enggi aku aja, gumpul aku maio-maioh udah nya ti aya aku apai Imah enggau Indai Imah bisi ngalu baru aku seretai seduai iya nyual sekerap aku. Kadang-kadang sampai lima ringgit pupu rega sekerap aku, ni enda cukup deh kena aku bebeli ke utai ke deka dipakai aku. Anak kuih meh nya ke dibai aku pulai kerumah. Aya enggau ibu ka amat ga bekaling enggau aku lebuh maia ke ngalu, laban aku pama mudik tauka undor sigi diluan belama ngeluan ke aya. Sigi anak orang menua ulu, taja pan umur agi mit tang aku udah ulih ga ngereja pengawa ke anak rumah panjai ke lempung-lempung.\\nPulai ke cerita kami duai indai nangkal tadi,datai kami duai indai di madang getah diak deh indai aku tadi lalu belabuh nangkal. Aku diasuh iya nganti dilangkau, laban ke empai ngasuh ngerejang enggai ke terejang ke batang getah keno ko sida. Nama deh agi, lalu belabuh meh aku tu tadi numbak belut kena aku nginti ba sungai enda jauh ari langkau ke alai aku nganti. Ginti baur ridan aku endang sigi udah sedia nya di panggai ke aku ba pucuk empelam, takut ke ditaban ke orang kenu ko anak ati din.\\nKira meh cukup ko ati din umpan belum ke ditumbak aku nya tadi, nya baru aku mupuk ga ngait ke ginti lalu ngetan ba sungai. Laban ke sigi endang udah teleba, sigi utai pengawa ga nya diau dirumah panjai.\\nNyau ke puas nginti empai ga bisi ngait, diak aku nyau ingat ke bubu aku dua iti ke di tan aku mua kulu ari jambatan sebiru. Tentu nya bisi bulih ko ati aku din, manah aku ngabas dulu. Aku pan ngujak ke ginti, aku diak lalu belanda-landa nuju tampon bubu ke ditan aku. Datai din tadi, angkat ke aku peda mina ka dua iko banta dalam bubu aku nya tadi. Dalam ati aku din, enda patut sungai ngemanah tu nadai ikan. Tu sigi nadai orang bukai sigi aki apai Awa tu enchuri ikan aku, pia ko sagam ati din. Lalu terus nyangka ngapa, laban tudah ke bemalam semak enggau alai tampon bubu aku nya tadi.\\nNyau ga aku ke ulu agi, datai aku dulu lalu diangkat ke aku ga bubu aku. Peda aku lelabi kira sejengkal meh kerubung kering, dalam bubu aku. Baong bisi ga dua iko. Tu baru iya, nasib ga bubu aku tu enda diabas aki nya tadi ko aku ga bejako kediri majak nyangka aki apai Awa ngachau bubu aku.\\nNama agi deh, nyau beguai-guai meh aku ngulih ke baong lalu tepu aku dalam uyut, lelabi nya tadi bai aku enggau bubu-bubunya meh pulai ke langkau.\\nEmpa pengelama aku rindang, datai din peda aku indai aku benung duduk belelak ngirup kopi. Lalu benung bebantai ke bekal. Tak enda mukai-mukai ga benung aku ke deka ngengkah ke bubu aku diak deh aku tekenyit laban ti ditegah aki apai Awa ari belakang.\\n“Cei..dek tu…. Aki… Nya ikan aku nadai curi dek neh” ko aku ga..laban ti pedis ati ditegah iya..tambah ga sigi nyangka iya encuri ikan aku dalam bubu tadi, laban mulut ke sigi panchar amat.\\n“Apu…..mali munyi nya anak empiak ke aki dek” ko indai enda ngasuh aku nyebut utai munyi nya.\\n“Dek ga nadai..curi aku meh ikan dek” ko aki nya tadi ga ngeranjur..\\nNya meh ati aku nyau majak pedis agi.\\n“Ulih gamal rabang” piak ko aku ga, kena mantup ke pemedis ati.\\nAki nyau majak ga rising-rising ketawa meda aku ti ringat. Diak deh aki lalu berandau enggau indai laban ti ka minta tulung apai (Aba) ngebak ke iya ba umai iya ari mua ke sepiak getah kami. Aku enda peduli ke iya laban ti majak ngadu ke lelabi aku nya tadi. Enda mukai-mukai dinga aku nyau kaong-kaong ga ukoi aku nya tadi nyalak, tak nan aja munyi. Kada enda nyalak jelu, pending ke aku ga ngiga dini endur nya. Munyi ke ari punjung madang getah, ko ati aku din.\\n“Nya nama utai salak ukai dek nya uchu?” ko apai Awa.\\n“Dek anang kin dek, engka nya landak kini” ko Indai (Mak) nagang aku ngabas kin takut ke nya landak.\\n“Makai apai, enggau kami duai makai” ko indai (Mak) mai aki makai.\\n“Enda ibuh meh endu, udah nyangkaung indai dek berapi tadi. Nya meh aku tu kili kin tadi ngambi daun bungkang. Mupuk aku, legi kin dulu seduai sebedau pulai ngambi salai ikan dilangkau aku din ulih aku ensana” piak ko aki apai Awa ngasuh kami dua indai ke langkau iya sebedau pulai, udahnya iya pan lalu mupuk.\\n“Mak..mak… kin tua aham, nama enda salak Kadoi kitainya” ko aku mai indai aku ngabas utai ke disalak ukoi kami ke diberi nama “kadoi”.\\n“Ehh..makai dulu beguai ke tua muat. Takut ke ari tu ujan, nadai kena meli ke dek baju sekul, kasut sekul ila” ko indai ga nyaut.\\nArap endar ga anak ati, nya ti ngasuh ransing amat enggau indai aku muat getah. Laban ti deka dikena meli ke aku pekakas kena sekula.\\nKami duai pan lalu belabuh makai, belauk ke budu pari enggau buah terung iban. Aku laban ke enda milih nyau engkuam-engkuam, ngambi ke jampat agi tembu.\\nSebedau belabuh muat, diak deh indai mesai enda ngasuh aku bejalai jauh laban diatu musim apai nyamun ko iya. Udahnya iya pan belabuh ga muat ngagai madang getah kami mua ke kanan sepiak jalai batang.\\nDalam ati aku din, ti bisi apai nyamun pantap ga legi. Sambil megai duku candung aku ke enda bulih tiga jengkal. Laban bai ati ti deka nguji serta ka nemu nama utai disalak ukoi aku nya tadi, diak deh aku enda peduli ke jako tagang indai nya tadi. Nyau ga aku belanda-landa nuju ukoi aku ke nyalak, datai din peda aku nyau surut mansang Kadoi ke nyalak. Udah meh datai semak, peda aku tengiling. Iko iya agi ayan, tubuh iya udah tama lubang laban ti deka ngelari kediri meh nya kini. Legi dek ensepi, ko aku bejako kediri. Tu baru bisi tunu dirumah legi, nya baru sida ine enggai sida ibu bilik sepiak muji aku ti aku bulih tengiling tu legi piak ko ati din ga enggai enda ngiga diri dipuji. Diak deh lalu aku tarit iko tengiling nya, iya pan majak ga begelung. Kadoi nyau majak ga ngajak, aku bisi ga ati takut tang ka ngeleka sayau ke tengiling nya lepas. Sintak aku duku, pantap aku dipala enda ga tengiling nya ulih laban duku aku ke tumpul. Meda bakanya tadi lalu irit aku belanda tengiling nya tadi nengah madang getah nuju langkau. Datai din lalu aku segul ke dalam uyut, enda ga muat laban tengiling nya besai. Meda bakanya tadi lalu aku segul ke dalam bubu begulai enggau lelabi. Semadi umbas meh, nyau enda temu tungga aku iya ke deka ngelepas ke diri. Engka nya bela takut ke pangan diri kini seduai lelabi dalam bubu aku nya.\\nEnda lama peda aku ngemesul apai aku(Aba) datai. Engka iya baru nurun ari bukit pelaba aku. Laban ngelamatu iya bemalam din, benung ngaga jalai kampong din. Datai diak, apai lalu nyua ke bungkus plastic ngagai aku. Nama agi deh, berumban-rumban ga aku merunsai ke bungkus nya tadi laban sigi nemu nya kuih.\\n“Ngalu dek tadi aba?” ko aku nanya. Apai aku(Aba) mayuk aku, laban ti sigi arap ga iya meda aku, tang kadang-kadang suah ga aku di lunsin iya laban ti kelalu manchal.\\n“Au ngalu, dek enda enggau aku” ko apai aku(aba).\\n“Dek enda madah deh. Apu…peda dek utai ulih aku aba” ko aku nunjuk ke lelabi enggau tengiling.\\n“Ikan ukai nama enda bulih, ambis cuhi aki seberai nyin” ko aku nunjuk ke langkau aki apai Awa.\\n“Alah amat dek laban aki dek deh” ko apai aku(Aba) ketawa.\\n“Apu amat pama anak aku neh. Bulih tengiling, bulih lelabi nya baru ine dek gaga amat datai dirumah legi. Bai pulai dulu tu neh, datai rumah bai tunu aya dek apai Imah legi. Aku nyaup mak dek muat ai getah” ko aba ngasuh aku mupuk dulu.\\nAku nama agi deh, sigi nya ke diati laban ka mandang ke diri bulih lelabi enggau tengiling. Lalu mupuk meh aku tu tadi ngejang ke langkau pulai ke rumah panjai.\\nIya meh ba rantau jalai tadi, dia deh aku bepansa enggau apai Stin. Iya laban ti sigi udu nundi aku, madah ke lelabi ke dibai aku nya tadi lelabi tupi iya. Nya meh aku tu tadi pedis endar ga ati.\\n“Hei!!! Dek nya ..nadai apai tuai ohang ngemula-mula nya. Legi dek sepi dek” ko aku ga camang-camang nyintak duku.\\n“Anang baka nya Yai…ni nya nyau ka bepantap. Ti ukai enggi aku kada enda enggi aki dek Jugam nya deh” ko iya ga majak beduan aku.\\n“Ka iya!!! Ukai bisi tulis nama” ko aku ga nimbal laban sigi umbas iya ga anak penemu aku bejako.\\nAku nyau enda beduli ke iya agi, lalu tanjun-tanjun naban ke bubu aku nya pulai. Datai dip ala tangga, aku lalu ngagau ke aya aku apai imah(Menyadi tui sida Indai aku).\\n“oo..aya!!!!OOOO..aya!!! Peda dek utai ulih aku!!!” ko aku ngangau.\\nEmpai ga iya nyenguk, aya apai Daniel ke benung begaga ke rumah iya diak lalu nyengau.\\n“Nama utai ulih dek Yai?” ko iya nanya.\\n“Apu…lelabi enggau tengiling aya…tunu kitai tu ko aba tadi” piak ko aku nyaut.\\n‘Apu pama jamah dek neh Yai…bulih lelabi enggau tengiling” piak ko aya apai Daniel.\\nNya meh kembai agi ga sai idung dipuji kumbai pama. Aku pan lalu niki ke tanju. Nya meh bala ke duduk ditanju bela ngelara magang, kelebih agi bala sida kebujang-bujang.\\n“Nya baru ka Ine Char ila, laban nemu ngiga lauk” ko Rawing nundi aku. Nyau engkakah gab ala ke bukai ketawa.\\nPedis ati ke diri ditundi, lalu disintak aku duku lalu enda camang-camang biau kiba biau kanan. Nyau bekesebar ga sida lari, laban ke bedau nemu reti utai ngasuh pedis ga maia nya. Nyau belaie mata ngenat ke diri ka nyabak enggai dikumbai laki ine Char.\\n“Anang igat..anang “ ko ibu indai Imah ke baru pansut ari ruai seretai enggau ine.\\n“Lapa nya ka nganu orang bakanya” ko ine.\\n“Sida ga nundi aku deh!!!” ko aku nyaut, nyau beurat-urat rekong kerik-kerik bai ingat.\\nEnda lama udah nya aya apai Imah pan datai ga ditanju. Engka baru pulai ngambi kayu kini iya, nyau agi bedau abuk kayu ga tubuh tudah tuai.\\n“Ni ke bai dek tunu aku Igat. Besai, lapa enda dibantai ked deh?” ko aya ga nanya, diak deh iya lalu nilik bubu aku ke agi dileka aku ditanju laban ti nyau kiruh ka nganu sida ke nundi aku tadi.\\n“Aham meh tua, bai ke ujung bilik. Lelabi nya awak ke tupi ditanju tengah engka apai dek ka ngalau iya.” Ko aya apai Imah.\\n“Asuh iya pansuh tadi aya” keno ko aku ga ngelangkung.\\n“Bunuh dulu wat, legi aku mansuh iya’ ko Ine ngasuh aya mansuh iya.\\nKami duai aya pan betunda udi ga ke ujung bilik. Datai din tadi aya pan lalu ngidup api, aku mina ngemata ke aja.\\n“Bidik endar ga anak bujang aku tu dek..dek..” ko ibu indai Imah ke pansut ari blik dapur murus-murus belakang aku. Iya endang sigi gauk amat ke aku, mentas amat laban aku ke enda nemu enggai ga diasuh iya.\\n“Tu ai dek Yai” ko Imah ke datai ari dapur mai segelas ai Bali. Apu..tu baru idup nyawa ko ati din, diau dirumah panjai tu benasib amat ngirup ai tu. Enggi kami laban apai(Aba) ke mengkang ke pasar enti iya nurun ari bukit, enda ga pungkang. Tang meh mengkang ai oren belama, enda nemu milih ai bukai sida.\\n“Ka nyadi bateri kita Yai, manah amat cerita Hindustan legi” ko Imah nanya ke penyadi bateri TV kami. Bateri lipan nya udah enda kena, bai apai aku pulai laban ulih di cas kena meda TV lebuh injin api ke enda dipasang.\\n“Ka nyadi” ko aku nyaut. Laban ke agi benung neguk ai bali nya tadi, sayau ketitik enggai ke naya.\\n“Neh Biai…dek enda mai aku dek tadi ngulih kelelabi nya” ko Chendang, menyadi sida Imah kelelaki.\\nPeda aku Chendang agi bekain mandi bepegai ke senapang ikan. Udah nya baru iya ngengkah ke beledi ke dibai iya, semak kami ke duduk ditanju.\\nPeda aku palau dua iko nyau ka mesai pun betis,undang bisi ga empat iko.\\n“Sapa enggau dek tadi endang?” ko Imah nanya.\\n“Kami duai,Budha ba pendai lubuk Bangas” ko Chendang nyaut.\\n“Udah bagi tadi?” ko Indai iya nanya.\\n“Udah” ko Chendang nyaut.\\n“Apu nyampau endar meh ulih seduai, enda bulih pengelama seduai ke nurun tadi” pia ko indai iya.\\nAya apai Timah pan udah ga belabuh nunu tengiling. Lelabi udah ga diintu iya, angkat mansuh iya aja. Ine datai ari ruai mai daun bungkang kena mansuh lelabi, lalu madah ka bala sida ke ngalu ngambi anembiak sekula udah datai.\\nAku nama agi deh, nyau ka tebeleka gelas ninga ine madah laban ti kelalu gagit. Nama agi deh, nyau belawa meh aku keruai laban ti gauk lama enda betemu enggau sida.\\nDatai din tadi peda bala sida bela bepinching ke bup ka duduk di ruai. Nyau nyimbing-nyimbing pejailai tudah aku nampil sida kiak. Mulut sida kutap-kutap nyebut utai dipeda sida diak, tang aku bengap-bengap ga enda nemu bagi utai ko sida. Dini ga nemu, lalu nadai kala megai pensil megai buku.\\n‘Apu akih..amai-amai kami sekul din. Maioh mat kaban” ko Siling nusoi diri maioh kaban din.\\n“Bisi nginti din Iling? Bisi pun kalapok?” piak ko aku ga deka nemu nama pengawa sida din.\\n“Adai din arr, sipat cigu ti dek enda mending. Enda tau lama mandi,pama pangkong orang loceng mesti nitih jam” ko tudah Siling ga madah.\\n“Bisi makai kuih kita din Iling” ka Tanya tudah aku ga.\\n“Tiap-tiap pagi, tiap ahi..bisi indai sekula empu” ko Siling ga madah baru.\\n“Indai sekula nya sapa deh Iling? Indai sapa nya?” ko tudah aku ga nyau bengap-bengap enda nemu sapa ke indai sekula.\\n“Ohang ke mehi makai meh nya” ko Atan nyaut.\\nNyamai amat meh sekul deh. Nyau enda sabar ga asai ati ka meda utai ke dikumbai orang sekul.\\n“Uchai…makai dulu dek. Udah dek sipat ine uban legi” ko Linda anak menyadi Indai aku ari Jagau, bisi pulai ngagai kami maia lebuh iya ke cuti sekula.\\n“Empai ka ku. Agi kenyang” ko aku, enggai diasuh Linda makai.\\n“Apu dek, nganu indai ambu legi dek enda makai. Deh enda anjung orang sekul dek ila” ko iya ga majak ngasuh aku makai.\\n“Makin uhang madah enggai!!!” ko aku mutap.\\n“Puni legi” ko Linda.\\n“Eeee….enda nemu uhang enggai” ko aku ga, ka pan enda nyau ga mansang ke dapur laban ke takut ke diri puni.\\nIya meh aku tama ke bilik peda aku bala sida petunggal aku benung bepeda ke jerita TV, nama agi deh iya ga benung bala Hindustan nya nepan gajah. Nyau enda ga datai didapur, lalu ga nuduk kediri enggau sida meds TV diak.\\n“Iya tu amat enda mending ke jako arr” ko Linda lalu musir pending aku, lalu tarit iya ke dapur.\\n“Akaiiii!!! Pedis amat.Au..au..au..” ko aku ensepi diri ditarit pending.\\nUdah nyungkit asi enggau nyengkau lauk, aku lalu naban ke pinggai ke ruang tamu laban ti ka enggau bala sida meda TV. Bala nyau maioh semaioh datai, sama deka enggau meda jerita TV. Enda lama udahnya peda datai ga indai Pumpek (Tili) mai bisi ke penuh laban pisang mata ke udah dikusi, lalu Jelik mai sambal lalu diduduk ke sedua ba tekang sida ke meda TV. Nya meh bala mensia bela beteripas bejengkau kebuah pisang mata enggau sambal. Nyau tachuh diri bilik endur mensia ke berara ke utai, bisi nya ngelara cerita TV, bisi nya ngelara madah ke sambal nya pedas.\\n“Apu maioh temuai tu neh” dinga aku apai(Aba) bejako ari belakang, baru datai seduai indai(Mak) ke nangkal.\\n“Udah mandi dek tadi angat, nama baka tanchut kena nangkal tadi nya?” ko indai(Mak) aku nanya meda aku benung enggau orang bepakai ke sambal.\\n“Empai, legi meh. Ka meda TV, benung makai meh tu” ko aku ga nunjuk ke asi aku ba pinggai ke ari tadi sigi enda kupir.\\n“Enggai iya nyadi pulai ari tanah lalu enda mandi. Ni tengiling dek tadi udah asuh dek tunu aya dek? Besai tadi angat?” ko indai aku(Mak) ga nanya.\\n“Bebesai ko dek mak. Nyau enda umbas tepu aku ba uyut ku tadi” ko aku ga nusi pemesai tengiling ke ulih aku tadi. Baka ke dipadah, peda junok-junok ga tudah aya apai Imah mai tengiling enggau lelabi tama ke bilik.\\n“Tu tengiling udah tunu aku tu tadi. Keduak nya engka kita ka mansuh iya, lelabi udah dipansuh indai tadi” ko aya apai Imah madah ke indai aku(Mak).\\n“Endai udah bagi tadi?” ko indai(Mak) nanya.\\n“Nadai nya kiruh dibagi deh. Sama bela makai begelumu ditu ga legi kitai tiga pintu tu. Nyamai agi ga makai beserumpo” ko aya apai Imah.\\n“Piak tau meh” ko indai aku(Mak) nyaut aya.\\nIya meh kira penumbas iya, kami sebilik pan belabuh ga berenah makai. Nya meh nyau baka bala pengabang nya laban sida aya enggau ibu aku dua pintu sama bela enggau begelumu makai diak. Nama agi deh, tachuh bala mensia belauk lelabi enggau tengiling. Tambah mega salai ikan ke diberi aki apai Awa bisi ga dibantai ke indai aku(Mak).\\nNyau kira dalam taun 1990, umur aku pan nyau ga manggai 7 taun. Gari sekula, kasut,tanchut enggau macam agi pekakas kena besekula udah ga sedia. Nama aku udah ga diregister sida indai ba sekula Machan, mina ke nganti ari maia nurun aja.\\nLemai nya tadi indai aku(Mak) nyau kisuk nyendia ke perengka ka dibai aku bemalam disekula. Baka gari,pinggai,sudu,kibung,tilam enggau maioh agi perengka bukai. Aku endang nama disebut agi, ukai main pengandal ati laban ti deka besekula. Ka pandai, ka kereja perintah ngambi ke bisi kelita baka bala petunggal aku bilik sepiak sida Remang,Sida Chuat,Sida Tingai enggau sida Baling. Nyamai amat ga pengidup sida laban ke udah meruan gawa, bisi kelita bisi duit ko anak ati din ga berunding. Nadai juluk ati bukai ti bisi kelita ila puas ngalu ke pasar sibu, enda baka diatu setaun ambis ngalu kin dua tiga kali kini.\\nIya meh lemai, sida ine enggau indai aku pan lalu mantai ke utai kena bedara ke aku ti deka nurun besekula pagila, laban kami ke sigi agi ngena adat lama.\\n“Manuk diujung bilik ambi dek angat kena bebiau” ko apai aku ngasuh ngambi manuk laki kami ke sigi udah ditambat iya ditengah laman ujung bilik. Nyau ga tudah aku ngambi manuk ke diasuh iya nya tadi,sigi rajin diasuh orang laban bai ati ti kelalu gagit.\\nKira udah meh utai sedia magang diak deh aki aku (Asing) lalu diasuh sida bebiau, laban ke landik serta sigi pengawa iya ga nya lebuh maia orang ke begawai. Tembu bebiau nya tadi manuk lalu disayat udah nya bulu iya dicabut unsut enggau dah kena genselan perengka sekula enggau jari kanan aku nitih ke adat selama meh nya.\\n“Nya badu manchal kitai ka besekula. Anang udu memain diau dili din, bisi ahi tangkap penyamun ti udu bejalai sebelah pasar” piak ko bala ke duak ga nibar ke jako ajar ngagai tudah aku, ke mina peli-peli duduk ngimbai aya aku apai Imah. Bala pan mupuk ga besadung ka utai diempa ke bisi dibantai, enda ditinggal mega sida tuak endang sigi ai irup lebuh maia orang ti bisi bedara tauka miring.\\nAku, apai enggau indai serta aya aku Isau nyau beidun-idun ga kesula nanga Machan. Laban ti ngerumban ka ngambu nalan lalu ngiga nyemari endur engka gari aku. Aya aku Isau agi berajar dalam darjah 6, kira setaun aja meh iya begulai enggau aku disekula Machan maianya. Iya ti dikarap ke apai enggau indai aku nyaga serta nemata ke aku ti baru masuk besekula pameri satu.\\nIya meh ngalih ke lemai, maioh gab ala bakih ke sama baru masuk besekula peda aku. Betanya piak bela nadai ngelala pangan diri, bekaban piak aja meh laban bai ati ke manchal.\\nIya meh ari nyau ngalih malam, dia deh ati tak nyau bebali. Ukai nya kala jauh ari sida indai,sida ine enggau kami sebilik ngelamatu. Nyau berasai enda betah, nyau seilu-ilu ga. Pengeran ke nurun ari rumah deka besekula nyau nadai agi, tang meh betukar nyadi beraie ngenang rumah panjai. Nyau kisik-kisik ga nyabak semalam-malam…..\\nPagi siti iya meh loceng bemunyi….diak deh aku lalu terdani ga…\\nKini meh orang tu deh, ko ati aku din meda bala anembiak ke sama enggau aku ba asrama nya nyau angkat magang-magang nurun. Aku pan lalu angkat ga, peda aku Isau bisi datai kiak ga.\\n“Aham tua.. ngumpul uras orang setengah jam aja” ko iya madah ke aku.\\n“Uras nama nya?” ko aku.\\n“Bisi orang madah datai din legi deh, berintai dulu ba mua asrama B” ko Isau.\\nKami duai pan sama bejalai nuju alai orang ke sigi udah maioh ga berintai diak. Lelaki enggau indu sama berintai diak, peda aku bisi dua iko pengajar bediri diluan. Nama meh pengawa tu legi deh, ko ati aku din nanya diri empu.\\nIya meh kira pukul enam setengah baru kami badu kerja, lalu dibai Isau mandi ke pendai. Iya madah enda tau lama mandi laban pukul tujuh orang belabuh ngirup, bisi kuih beri orang. Agi pan ai dalam ukai baka ai latong ko iya madah ke aku.\\nIya meh udah datai di dewan makai, peda aku maioh amat ga bala anembiak keserebak enggau aku udah berintai deka ngambi ai enggau kuih.\\nSida bepinching ke cup, bisi keduak nya besai enggau enggi keduak nya mit. Enggi aku cup pandak tang besai bisi tangkup,endang sigi selalu kena ngirup ai kopi dirumah.\\nUdah meh tembu ngirup, nya baru Isau nganjung aku ngagai kelas satu Merah. Datai din aku lalu ngiga endur kosong seninjik bendar ga sepiak Nancy anembiak indu kami serumah, anak petunggal aku lalu nuduk kediri diak, macam ga ragam anembiak maianya. Bisi keduak nya rangap-rangap bepeda pangan diri laban ke empai ngelala, bisi nya agi diluar kelas singut-singut enggai sekula. Aku bisi ga ati enda betah tang meh nyau memalu ga nyabak meda orang ngemaioh nya tambah mega bala orang indu bisi meda.\\nEnda lama udah nya, Cikgu pan lalu tama kelas. Cikgu nya besai tinggi,burak pan umbas iya. Iya ngasuh kami semua bediri’ lalu ngasuh nyebut selamat pagi cikgu enda iya tama.\\n“Bediri semua… Enti cikgu tama kelas kita mesti ka bediri lalu meri selamat pagi cikgu” ko iya nerang ke dalam jako iban.\\n“Selamat pagi cikgu” ko bala kami sekelas ga seretai. Bisi meh keduak nya mina mulut aja ke kimut-kimut tang jako enda pansut. Cikgu lalu madah saritu ari semua kami deka bekelala enggau pangan diri.\\n“Nyadi kita nunda cara aku legi neh. Kena kitai bekelala enggau pangan diri dulu ko iya. Nyadi nama aku Cikgu Ngilah, aku meh nyadi guru kelas kita satu merah tu ila.” Ko iya nerang kenama enggau pengawa diri.\\nUdahnya iya lalu ngasuh kami siko-siko bediri madah kenama enggau penatai diri. Diak deh siko-siko meh kami bediri lalu nyebut utai ke dipadah ke iya nya tadi. Bisi meh nya lancer nyebut, bisi ga keduak menik-menik aja laban ti takut bejako ba mua maioh engka malu kini nya. Enggi aku laban ke lasak-lasak nadai penanggur ga madah ke nama diri serta datai ari Ulu Latong.\\nIya meh rehat pukul sepuluh, peda aku datai ga indai aku (Mak) enggau Linda ngundang aku ke sekula. Laban ti baru terubah aku renggang ari sida nyangka nya iya agi enda entu betah ngeleka ke aku diau kediri disekula. Aku pan piak ga nadai utai ngaga nya. Datai ba endur seduai ke nganti peda aku bungkus kuih bai indai aku(Mak) bisi meniga iti. Aku nama agi deh, lalu empai disua udah dirampas.\\n“Bagi enggau aya dek Isau kuih nya” ko indai aku(Mak) madah ngasuh magi. Baka ke dipadah Isau junok-junok ga datai ari belakang aku meda indai aku enggau Linda bisi. Kami duai pan sama bepakai ke roti ke dibai indai aku nya tadi.\\n“Mak..aku enggau pulai legi au… Enda nyamai diau ditu” ko aku madah ke ati diri.\\n“Ohhh..dini nya baru nurun udah ka pulai” ko Linda nyaut.\\n“Uji dek ga tinggal ditu..ukai nya nyamai ko dek” ko aku ga eggai disakal petunggal aku penemu.\\n“Ditu nyamai agi, maioh kaban” ko iya.\\nIndai aku enda nyaut, laban iya nemu aku sigi enda betah tang meh ka nurun ngelamatu laban ke empai kala ngasai diri diau disekula nyau asai ke deka ga ati sebedau nurun.\\n“Anang enggau pulai anak, ari lima tua aba dek ngabas dek baru ga. Nganu cikgu legi ti dek nyau pulai, enggai sida ngasuh sekul baru ila. Enda pandai nama penyadi, nyau baka apai pantan dek ila” piak ko indai aku(Mak) besema ke aki apai Pantan nyau ke munyi siko aki nya aja ke nadai sekula kami serumah ga.\\n“Berajar pandai-pandai baka sida apai Isac sida baling, ila besai ulih meli kelita” ko indai aku ngasuh bechuan ke sida petunggal aku ke udah mujur dalam sekula. Apai Isac tu ngajar ba sekula nanga Machan ke alai aku berajar lalu Baling tauka tamang aku Stanley Beti tu benung kursus nyadi cikgu, seduai tu anak menyadi indai aku.\\nIya meh indai aku enggau Linda ngelebus nyau sikok-sikok ga tudah aku nyabak enda betah, enda sedar ke cikgu kelas aku ngemata ke ari luar kelas kami. Udahnya tadi aku lalu begadai-gadai ga mansang ke kelas nyau baka ke enggai. Diak deh cikgu madah anang nyabak, udah teba ila badu agi enda betah keno ko iya.\\nAri beganti ari, tudah aku nyau ga maioh orang dikelala, maioh bakih nyau tumbuh bulu siga. Nama agi deh, nyau nadai meh ngenati ke rumah agi laban ti majak rindang. Iya ga lemai-lemai ari ulih ga enggau orang bemain bol ba padang sekula.\\nIya meh udah genap dua minggu, nya baru kami cuti enda lama. Apai aku(Aba) udah sedia nganti dipasar laban ke ngambi bala kami ke pulai sekula. Datai dirumah ukai main agi ga tudah aku ke betusi ke jerita ngagai sida ine,sida ibu enggau aya aku. Sida ngumba bendar ga, nemu amat ga ngelulu ke tudah aku, dini ga ati enda ransing agi ga nusi jerita. Ari minggu nurun ga ke sekula baru, sigi mesti ga mai bekal asi balut enggau daun biru serta lauk sigi enda nemu pungkang laban apai aku(Aba) endang semampai bulih jelu enggau babi. Datai disekul legi sigi bebala kami makai ba asrama, macam-macam lauk.\\nIya meh ari enam minggu enda pulai, peda datai ga ibu indai Daud (Sari) seduai aya apai Daud. Laban seduai ngabas Daud ke sama enggau kami besekula diak. Laban keteleba amat, sigi mengkang bekuli ba indai aku enggau begumpur ke buah lada, nupi lada, ngetau serta maioh kerja agi ba kami enda nemu enda iya ngiga aku. Piak mega sida indai ari rumah, enti enda undor ngabas aku sigi bisi ga ngirum anak belanja serta bekal (asi enggau lauk). Nyadi kami serumah ke sama enggau aku besekula di nanga Machan maianya (Lawrence Janggu)Atan, (Raymond Wong)Siling,Alice)Jelik,Daud,(Tutefaluna)Tipa primary tiga,Isau,(Lily) Shima primary enam, semua sida tu tuai ari aku magang, lalu ke serambau enggau aku Nancy enggau (Gelingie(Ingu) kami tiga bela primary satu.\\nNyau bisi empat bulan udah masuk primary satu diak deh, datai ga maia kami peresa. Tudah aku laban ke sigi baru nemu utai ke buku, dini nya bisi tadika bekelansai bakanya meh ngaga. Baik ga enggi aku enggi tudah Anai balat agi ga bangat enda nemu sekali-kali. Iya meh pansut pemutus diak cikgu lalu nyua ke kami buku ti dikumbai “report card”. Nyadi pemutus iya, aku bulih lumor dua nangkan Nancy kami serumah. Nya meh lebuh ke pulai madah ke sida indai bulih lumor dua. Arap endar ga sida aya ditusi ke aku lumor aku peresa. Udah nya tadi ke sekali peresa baru laban ti mina dua kali aja peresa setaun, aku bulih lumor satu.\\nBeduduk ari primary satu aku bulih nombor satu enggau dua sampai ke aku primary lima. Nadai kala duduk ba lumor bukai sigi lumor satu enggau lumor dua. Ba sekula mega aku enggau orang masuk kelab, baka pengakap, main bol enggau maioh bengkah agi. Nyau datai ga maia aku masuk ngagai primary enam, taun ke penudi iya aku besekula ba SRK nanga Machan. Piak mega taun nya aku bisi peresa ke dikumbai orang “Ujian Penilaian Sekolah Rendah” UPSR. Nyau puas meh bala apai indai serta bala cikgu meri jako peransang ngasak ngasuh berajar bebendar ke agi.\\nDalam ati aku din, udah bisi ga pengerindu deka masuk ngagai sekula secondary @ menengah. Ba pelilih menua kami bisi dua iti sekula menengah iya nya di Kanowit, sedaya enggau di Durin. Ti nitih ke ko jako sida apai sigi enda ngasuh di Durin laban lawit, sigi di Kanowit meh asuh sida.\\nIya meh datai maia enggau ngelebus peresa, diak deh pemutus peresa aku enda entu ngemuas ke ati apai (Aba) enggau(Mak). Nyadi pemutus peresa aku enda ga dikumbai jai, tang seduai enda ngadang aku bulih bakanya laban ngelamatu pemutus peresa dalam semua mata pelajar endang sigi cukup manah. Seduai cukup ringat, tang kati ko enggau utai udah ngelebus.\\nNitih ke atur sekula aku diasuh sida berlajar di SMK Durin, tang apai(Aba) enda setuju lalu minta ke aku berajar ba SMK Kanowit tauka Sedaya. Udah nya datai pemutus ari opis pelajar, aku bulih di SMK Sedaya laban di Kanowit udah penuh. Udah meh tu ila ko ati aku din, baka terubah aku masuk primary satu suba. Nadai siko orang dikelala, laban din geturung orang ari ngemah, Tada,Pedai,Bawan,Ngungun,Poi enggau Jagau. Tang ka pan enda nitih aja ga jako sida apai(Aba).\\nAri keterubah aku masuk sekula, apai ngajung aku ngerejister nama. Datai aku di asrama peda aku nyau besai-besai bala anembiak ni enda deh sida ke pom tiga,empat enggau lima nyau udah bujang. Iya ga nadai dikelala aku Seiko-iko, ah idai merinsa udu ga aku tu nadai kaban legi ko ati aku din.\\nsebedau pulai apai(Aba) sempat mekal aku enggau jako.\\n“Anggat. Dek sekula ditu ibun enggau likun ke pendiau diri. Anang enggau orang nginsap, anang ngelaban jako pengajar anang maioh macam. Pajak ke berajar aja. Iya tusah amat dek ngidup ke diri ila ti dek nadai pemandai. Iya aku nganu aku enti dek maioh ulah” ko iya nibar ke jako ajar.\\n“Au” ko aku ga enda nemu nama saut bukai agi.\\n“Ari lima ti cikgu enda ngasuh pulai, anang pulai. Ila mak dek ngabs dek kitu ga ari minggu” ko iya,madah ke aku.\\nDiak deh sebedau meleka iya lalu nyua ke aku duit, lima puluh ringgit ke belanja aku. Apu, ko ati aku din maioh amat deh duit tu. Iya kemaia ga aku kala megai duit ngenyampau tu. Aku nyimpan duit nya teguh ba kerepai chap “Alien” enggau teguh enggai ke teberayan.\\nPulai aku ke asrama alai aku nyimpan gari aku tadi, peda aku bala anembiak diak ka endar ga merening aku. Aku nyau cengih-cengih, ka ngelara malu ga, takut mega diak laban diri ke siko aja.\\n“Sapa nama dek akih?” ko anembiak siko nanya aku, iya lalu mansang duduk ngimbai laci aku.\\n“Stanley” ko aku nyaut iya.\\n“ Aku Stanley meh”ko iya madah ke diri setamang enggau nama aku.\\n“Aku sepiak dek tu.” Ko iya nunjuk ke laci iya sepiak laci aku.\\n“Au. Baru masuk ditu dek?” ko aku nany iya.\\n“Enda, aku pom dua” ko iya nyaut aku, retinya taun kedua meh iya udah besekula ditu ko ati aku din.\\nArinya tadi kami duai pan lalu bekaban, begulai kin kiak. Laban aku ti madah kediri mina siko aja ari Machan. Diak deh aku nemu asal iya tu tadi ari nanga Ngungun pegai menua ngemah. Iya pan lalu mai aku bejalai meling sekula Sedaya, serta nunjuk ke aku macam-macam endur.\\nUdah meh tembu makai lemai diak deh Stanley nganjung aku ngagai kelas pom satu F, mai aku nemu laban cikgu bisi madah lebuh maia aku ti register tadi.\\n“Tu kelas dek meh tu akih. Aku sepiak nya” ko iya nunjuk ke kelas iya takah siti blok ari kelas ke endur aku nya.\\n“Legi ambis berajar malam aku nganti dek diak” ko iya lalu mulai ke diri ngagai kelas iya.\\nDalam ati aku nyau ketap-ketap ga ka tamak, laban orang udah maioh amat didalam. Tambah mega nyau besai-besai, indu dara bebajik peda mata. Malu ga ati ka tama, tang kati ko enggau lambat laun sigi diak meh endur aku. Begadai-gadai tudah aku ngiga meja puang.\\n“Ditu akih” ko orang ngangau ke aku. Peda aku anembiak lelaki ngepai aku mai duduk sepiak iya. Aku pan lalu nuju ngagai iya kiak laban seninjik ga bisi penuduk puang diak. Iya madah ke nama diri Joseph datai ari sekula Jagau. Aku nanya iya ngelala ke enda iya sida ibuk aku din, lalu padah ke aku nama. Iya madah sida iya serumah nya, aya aku tuai rumah sida ko iya.\\nNama agi deh, udah dua ga kaban aku. Ari ke sunyi kelas nyau bisi tengap mensia ke betanya ke penatai diri. Bisi ga siko dua ke belabuh betundi ke pangan diri. Aku laban ke agi bedau malu-malu tekuyung, agi empai entu teleba mina tuchum-tuchum aja meh. Sekumbang ke bejalai lemai tadi, maioh amat ga indu bebajik ko anak ati din nyaut bisi endar endur ngait ke ati.\\nAri beganti minggu, minggu beganti bulan pemujur ba sekula aku endang sigi bisi manah. Ninting peresa aku endang sigi duduk ba nombor satu enggau dua belama, markah pan manah ga. Nya meh cikgu Melayu ari semenanjung ke ngajar kami arap amat ke aku, tambah mega aku ketuai kelas kami.\\nTatau & Manchal\\nLaban bai umur ti nyau majak meningkat tadi, ati pan bisi ga pengerindu deka enggau orang bepangan. Laban nyau ninting lemai ke meda bala kaban aku keduak betawing-tawing ga enggau pangan sida. Ngelamatu ukai nadai orang nganjung surat, madah ke diri minat keduak nya terang-terang kirim salam tang meh agi jual mahal.\\n“Pit wett…salam ngagai laki nya” ko indu siko ari dalam kelas dua G lebuh aku enggau bala kaban aku ti mansa.\\n“Dek ko indu nya Ley” ko sida madah ka aku indu nya salam ngagai aku. Ah idai, berani amai ga iya neh. Awak ke dulu meh, ko ati aku din ga apin berani beterus terang.\\n“Ngumba kediri dek wai-wai” ko munyi kangau orang indu ga lebuh kami mansa belakang kelas sida. Naka meh ati din ka madah ke iya, tang meh agi ga ulih laban ti empai teleba.\\nIya meh kira nyau deka gawai, diak deh aku bulih pangan keterubah. Siko indu ti bajik asal ari Bawan kanowit B.. nama iya, indu kelas sepiak kami sama pom satu.Nyau ke puas betemu berandau, piak mega bekirum surat taja pan sepiak kelas. Aku nyau majak ga nemu enggau orang bepangan nyentuk ke sampai tahap kelalu nemu. Maia ke lepa tinggal pangan aku ari Bawan tu pulai ke rumah ujung minggu diak deh aku bulih ga pangan indu siko agi asal ari Lukut V.. nama iya, lalu udahnya siko indu pom dua ari Ngemah Melanie nama iya. Mulut madah sayau ati din majak ka ngiga baru, indu nyau majak bajik sebajik. Iya ga surat majak ga datai ari orang indu madah kediri rindu, madah kediri minat bisi nya lalu mai bepangan.\\nNyau kelama udah nya nemu meh tudah B.. tu tadi aku ti maioh sulu, nama agi deh ringat meh orang. Lembau macha surat ke ditulis iya maianya, mungkang tak madah nyesal ngelala aku. Nya iya bulih, ni enda “bahaya agi baya pantai ti dibanding ka enggau baya ai” keno ko iya. Nadai utai ngemedis nya ati kumbai indu baya.\\n“Lapa dek tak nyida akih?” ko tudah Lawrence nanya meda aku tak mukut pintu bai ati ringat meh nya.\\n“Dini enda pedis ati, kumbai orang indu baya deh” ko tudah aku ga.\\n“Badu enda meh, nuan ga maioh pangan” ko iya ga nyaut ngasuh aku pedis agi ga ati.\\n“Dek anang memacam dek” ko aku ga, ngaga diri ngedal ke lengan ka mukut iya.\\n“Ley tu surat dek beri sano tadi” ko Liam datai nyua ke surat ke disimpan dalam karung surat biru.\\n“Sapa meri?” ko aku, ka nemu surat sapanya.\\n“Baca dulu meh” ko iya enggai kiruh nusi ke aku.\\nDiak deh kami tiga lalu duduk ga ba katil aku macha surat nya. Nadai ga nya utai dipelalai laban ke sigi selalu bekungsi bebacha ke surat. Aku laban ke landik nulis surat suah amat diasuh bala kaban nulis ke sida. Nyadi bakatu ko munyi leka surat nya, dalam jako laut.\\nKehadapan saudara Stanley,\\nMaafkan saya kiranya kehadiran surat ku ini mengganggu saudara disaat dan tika ini.\\nTelah lama ku memendam rasa terhadap saudara, tetapi bila kita bersua tak terungkap oleh ku untuk menyatakan hasrat dihati ini. Lantas ko coretkan di lambaran ini, agar bisa saudara mengerti akan erti cinta ini.\\nSebelum mengakhiri surat ku ini, kususun jari sepuluh andai kata ketenangan saudara terganggu dengan kehadiran lembaran ini.\\nSalam yang teramat sangat..\\nPia keno ko munyi surat tu tadi. Seduai iya lalu ketawa udah tembu kami tiga macha surat nya tadi.\\n“Nemu aku indu tu.” Ko Lawrence madah ke diri ngelala pengudah macha surat nya.\\n“Sapa ko dek deh?” ko aku nguji iya.\\n“Sano nya arr” ko iya nyebut siko indu ari Rantau Kemiding. Indu tu sekula ba SMK Kanowit, betemu lebuh maia kami ke selalu begulai berlatih Teakwondo.\\nTerima aja meh ko aku ga dalam ati din, ngambi ke bisi ga enggai besulu lebuh maia ke rembus sebelah pasar kanowit ila. Nama agi deh lalu belabuh ga bepangan enggau indu nya deh.\\nApus taun masuk ga aku ngagai pom dua, baka pelajar aku endang sigi agi nyulut. Nadai endur mantah endang sigi ba tangga satu, perangai pan nyau ga makin machal. Lebih-lebih agi maia pulai ari lima enda nemu enda laun, laban ke tembu betemu enggau indu dulu. Dini enda muchau sida ke ngambi kami pulai sekula ke nanga Machan. Tang suah agi ke nengah jalai kem batang nya pulai kerumah panjai kin. Nyamai bendar ga diak ti lebuh bisi sida ke niki kebukit, lalu datai ba pala tangga alai sangkai.\\nLebuh maia ke pulai ke rumah sigi beambi ke kayu meh kereja aku. Piak ke enggau indai aku nangkal getah kami di Semawang, enda jauh ari rumah panjai. Apai aku(Aba) nadai di menua laban ti kereja batang ke menua jauh, ine kami pan enda ga entu dapat laban iya ke nyau enda meda.Sida aya aku apai Imah enggau indai Imah nyau ga nitih ke bala anak iya kereja ke semenanjung din. Rumah panjai nyau majak puang, aya apai Daniel kereja ga di Sibu. Bala rumah panjai setak ili pan maioh ga udah ngejang ke rumah laban ti nitih ke pengawa, gawa sebelah Johor enggau maioh agi endur bukai. Bala anembiak nyau ambis sekula, iya ke pansut sekula nyau ga bekereja sebelah negeri.\\nNyau berasai amat ga insur iya diau dirumah panjai sepi aku, nginti nyau ga ke diri-diri. Bala kaban aku, Siling nyau ga besekula di Selirik Kapit, Atan nyau ga nitih ke indai iya ke Miri lalu tudah Daud nyau ga dibai apai iya pulai ke menua asal iya pengudah indai iya ke nadai. Aya Isau nyau ga kereja di Miri,sida Joe,Rawing semua gawa di negeri magang amat nyau seilu-ilu ga asai iya. Pendai pan sunyi belama meh nyau enda baka suba, sema bisi pan bala anak mit rebak sida menyadi aku. Nya meh ati mengkang ka pulai ke asrama belama-lama, laban din nyamai mengkang bisi utai merindang. Tambah mega maioh main,maioh bakih enda kurang mega bisi sulu ga enggau merindang ati.\\nBisi sekali lebuh kami benung main bol laban pendidikan Jasmani tauka PJK, aku meda siko indu bajik amat mansa dipeda mata aku. Aku nanya kaban aku ke semak aku diak.\\n“ Ibin…ngelala dek indu nyin?” ko aku nanya ke nama indu nya tadi.\\n“Ni iya?” ko Ibin…\\n“Au…indu nyin, Lee Ting nama iya indu Cina sengayan” nya ko iya.\\n“Nama deh? Minat kah? Ceh… lain playboy” ko Stephen ga ngumbai aku pengindu. Aku enda enda kiruh ngemana ke jako Stephen nya tadi, tang meh majak berunding ke indu cina nyin tadi.\\nEnda lama peda aku pansut iya ari opis pengajar, engka ka pulai ke kelas.\\nSeninjik bender ga buah bol ke ditendang sida tadi bebelat ari mua iya ke bejalai. Nama agi deh, nya meh peluang aku ka meda iya semak. Lalu belanda-landa ngagai buah bol nya tadi. Udah ngambi buah bol nya tadi kira, semester setengah meh ari ya.\\n“Hai” ko aku ga negi ke jari kira ke mai bekelala meh nya. Tang indu nya munyi ko laut “buat der jak”. Apu neh, sombong amat indu tu ko dalam ati aku bejako kediri.\\n“Woi!!! Bai kitu ke bol nya arrr” ko sida ari dalam padang ngasuh nikau ke bol ngagai sida. Aku laban tebelenga laban indu cina nya tadi nyau telunga-lunga ga enda berate ke diri agi megai buah bol. Iya meh udah ambis kelas PJ tadi pulai kami ke kelas, diak deh aku nanya bala indu kami sekelas sama ada ngelala indu cina ke dipeda aku ba padang tadi. Kedua madah ngelala, laban bisi kaban iya. Serta keduak nya sengaja ga enggai madah, dini ka tudah deh iya ga bisi ati maianya.\\nNyau kelama udahnya, kirum ke aku surat ga iya. Tu meh terubah iya aku dulu nguntik indu mai bepangan enggau nulis surat. Asuh aku anjung kaban aku, nadai ga bisi dibalas iya. Amat liat indu tu neh, ko ati aku din. Udah nya tadi puas aku berunding bakani meh cara ka ngulih ke indu tu deh. Nyadi maia nya aku bisi kaban lelaki siko anak penakan cina. Nyadi madi indu iya bakih enggau Lee Ting tu tadi, bisi ga kala nusi pasal pengawa aku ti ka nguntik iya.\\n“Ehemmm…pama jamah dek akih, alu indu cina ka satup dek neh” ka Boniface nundi aku. Boniface tu kaban rapat aku,sama kelas. Iya ninga tusi Chai Choo Ming @ Among kaban aku ke penakan cina.\\n“Anang tusah kaban, pagila ari pengada aku, iya ga ari enam tentu iya bisi datai enggau madi aku” ko Among madah ke aku. Iya madah diri bisi ngasuh madi iya mai Lee Ting lalu ngasuh aku ngambi peluang nya bekelala enggau iya.\\nIya meh ari siti, maia ari pengada Among peda aku nyampau diri ga bala indu cina bisi datai nyau bebajik. Ahh idai enda patut ga aku tu bangat end ate ulih ke dek nya, ko ati aku din. Ti bangat enda ulih tau tukar meh nama aku ila.\\n“Hai” ko aku ngembing-ngembing Lee Ting ke benung nyengkau mee hun, seninjik bendar ga dibelakang sekali. Tang taja piak, enda kurang ga mata ti enchuri meda kami duai dibelakang.\\n“Oh…ye hai” ko iya ga nyaut aku, lalu tuchum. Tekenyit ga aku meda iya tuchum, meda sarinya malik pan enggai.\\n“Nyah tu enggi dek, tau ke enda dek makai tu…” ko iya lalu nyua ke aku pingai mee hun ke udah di kauk iya,bajik endar ga gamar iya bai iya senyum ti ngasuh aku nyau majak geram. Aku nama agi deh, enti ulih empai enggau pinggan sigi telan tekalanya empa pengaga di layan iya bakanya. Arinya tadi aku lalu betawing enggau iya sampai ke bala nyau majak pulai. Kami duai berandau tentang mauioh macam pekara, enggi aku endang sigi nginti aja.\\nSebedau meleka agi dikingat ke aku jako iya siti.\\n“Ley, lama aku udah ngelala dek. Aku pan bisi ati ga ngelamatu, tang aku meda indu kami sekelas bisi minat dek nya aku takut. Agi pan orang madah dek maioh pangan” ko iya nyebut ngagai aku.\\nNyadi ko timbal aku, “ anang pecaya ke jako orang. Ti dek enda pecaya, tau uji meh..nguji bepangan enggau aku” empai kala-kala ga aku ti aku ngenang tau tak ngasuh indu nguji bepangan enggau tudah diri.\\nPemulai arinya tadi, nemu meh pangan aku ke ari lukut diak iya ngasuh aku milih iya tauka indu cina nya. Nama agi aku deh, azam baru, Lee Ting nya meh pilih aku.\\n***Kong Lee Ting\\nAri beganti minggu, minggu beganti bulan tang meh pengerindu aku enggau Lee Ting makin makin bertambah, makin beraie lalu makin nyadi. Penyakit gila aku makin kurang, engka laban ngena ba ati meh nya kini. Berajar kami duai suah begulai, betundi begagai enda ibuh ditusi pengawa bukai. Gari sigi nadai kala masu aku udah nya, sigi iya belama. Ujung minggu pan nyau bela sama jarang ga pulai.\\nAmat dianti-anti ke ujung minggu laban ti deka betemu begulai enggau pangan diri, tang meh nadai kala sekali-kali ninggal ke buku. Takut ga maianya, takut kelalu kediri enggai ke ditangkap warden. Pecuma ngapa kena gantung sekula dua minggu naka meh pemalu, ko anak ati din. Ari ke bepangan enggau Lee Ting diak aku maioh ga teleba enggau bala indu Cina bukai baka Sida Voon Chin Yee, Chia Ming Choo enggau maioh agi. Diak deh siko agi ga kaban aku sangkut enggau Voon Chin Yee.\\nIya meh sebulan sebedau ujung taun nyau berat endar ga asai ati. Laban cuti panjai sigi ngadang diri lama enda bepeda ila.\\n“ Ley, enda betah amai ku ila ujung taun tu” keno ko iya madah ke aku.\\n“Iya ga lama amai ga cuti, agi pan aku ujung taun tu bai madi aku ka Miri nulung iya jaga kedai” ko Lee Ting, piak jari iya megai tunjuk jari kiba aku.\\n“Lama nuan din? Kedai nama enggi madi dek din?” ko aku ga nanya ka nemu.\\n“Engka sampai ambis cuti pelaba aku. Iya bisi kedai makai din enda jauh ari Boulivard, iya mai aku din nulung iya” ko Lee Ting madah baru.\\nAku enda memunyi aja, nama daya ukai nya ka nyadi ditagang.\\n“Tang nadai ngawa, dek tau call aku ila. Ila aku meri dek nombor tel aku din” ko iya madah kediri deka meri aku lumor telefon iya din.\\nIya meh datai ujung taun, nama agi deh beserara meh meh aku enggau iya laban ti enda sama menua. Ari Sedaya iya diambi apai iya ngena Motor air, aku ngelayang ke pasar kanowit ngena Motor tambang (Pasin).\\nDatai dipasar Kanowit, nama agi deh. Segau-segau meh sebelah pasar betawing enggau bala kaban ari Machan ke sekula di SMK Kanowit baka sida Paran, Leo,Lobo enggau Sida Iky. Leka ke beg ba stesen bas, sigi lalu nyau meh niki ke snooker. Seari-ari nyuluk buah ranggir diak, dini nya bisi nyengala menang.\\nPulai sigi bedarat ga ari kem batang ngagai rumah panjai kami, laban orang ke ngambi anembiak sekula udah pulai.\\n***Cuti Ujung Taun Pom Dua 1997\\nLebuh maia ti pulai kerumah panjai cuti ujung taun pun dua berasai ga pemuang ba ati din. Tang mai enda berasai laban ke nyau nemu masang motor ai 15 kuasa kuda, enda ngetu bekulu kili laban ke beranjung ke orang , kami sebilik empu meh nya. Apai aku(Aba) bisi ga dimenua cuti, tang meh nganti ke deka nurun keluar negeri meh nya. Rumah panjai majak nadai orang laban ti maioh udah pindah kili serta nitih ke bala anak bekereja di negeri. Diak deh apai aku madah mai kami sebilik sama pindah nyewa di Nanga Machan sementara iya ti bekereja dimenua orang.\\n“Nadai kita ulih diau dirumah panjai ditu. Ti lebuh maia pedera renga nadai orang ngajung, agi pan jauh ari sepital” piak ko iya madah.\\n“Manah kitai nyewa di nanga Machan, nganti aku ke bekereja.Agi pan kitai bisi ngibun orang tuai” Ko apai aku(Aba) nyebut madah ke tuju ati diri.\\nApin lama ga iya udah madah munyinya, kira seminggu meh udahnya diak deh kami sebilik nyau ga mupuk pindah ke nanga Machan, nyewa ba ex-camp budak Scout suba.\\nNama deh, bebas meh aku nyau mangkang pasal. Nyau tiap ari ga ke pasar lepak enggau bala kaban, iya meh lemai main bol gab a padang sekula nanga Machan.\\nDalam kandang ke cuti nya bisi ga sekali sekala aku ke talipon ngagai sulu aku indu Cina. Tang meh laban ke udah jauh, lalu enda bepeda enda ga entu berasai. Agi pan kandang ke cuti, bisi ga aku bulih pangan ke sigi diri semenua empu tang meh tuai setaun ari aku. Nya alai nyau ka ninting lemai ga betemu enggau iya, nyau enggai diri madah kediri rindu keno ko.\\n“Amai nadai pangan dek kah?” keno ko iya ga nanya aku.\\n“Kala meda aku mai indu dek ditu” ko aku ga ngaga diri serius.\\n“Apu..pu..pu..anang Kenya sulu..Iga ga bangat lalu nganu” piak ko iya ga meda aku nyau serius.\\nAku dini enda deh, laban ninding diri ke pengindu, nemu-nemu meh belakon enggai ke ditemu orang.\\nApai aku udah nurun baru ke menua jauh, tinggal meh kami sida indai aku,ine enggau menyadi aku dua iko. Tudah Ine laban ke enda meda nyau ulih ngiring belama meh ti lebuh kami ke mudik ke ulu Latong. Meri tudah aku meh ngesan giling tilam iya kulu kili ti lebuh ke mindah.\\n****Pom Tiga 1998\\nDatai meh maia sekula dibuka baru, nya meh kedianti-anti dalam ati din. Ari keterubah nurun kesekula, sigi maioh amat orang, tambah mega bala apai indai anembiak ke beranjung ke anak sida ke masuk sekula. Aku nadai orang nganjung laban ke udah teleba ba Sekulanya nadai ga nanggur ngerejister nama diri,serta mayar utai ke patut dibayar.\\nSepi aku punggung aku asai ke dicubit orang,malik peda aku Lee Ting bediri di belakang aku. Iya ketawa meda aku tekenyit, singin ati ka merap iya tang enda kempang maioh mai ga orang. Lama aku ngenung enda nemu nama utai disebut, siti takut kesaru laban nyau kelalu suah keluar enggau siko nyin sekumbang ke cuti.\\n“Sapa enggau dek?” ko aku nanya iya.\\n“Kediri aku, Voon bedau ga datai” ko iya nyaut.\\n“Pasar tua aram” ko iya mai aku ke pasar, sambil ngaga mua manja.\\nAku nama agi deh lemi ga laban ti endang sigi rindu ka begulai enggau iya pengudah ke lama beserara tegal cuti sekula ujung taun.\\nKami duai betunda udi ga ke pasar Kanowit, tang meh nangi-ngai gak, takut ke cikgu nangkap. Datai din, ngulu ke iya bebeli ke barang. Iya meh kami duai ba siti supermarket,diak deh aku terpeda ke pangan aku(D) bisi bebeli barang ba kedai nya. Tang iya enda meda aku, ka aku enda masuk kiak udah telabuh ga. Iya ga Lee Ting ari belakang aku, ajih enda meda, ajih enda meda ko aku dalam ati.\\n“Nama deh Ley?” ko Lee Ting meda aku lubah-lubah.\\n“Nadai, rindu meda pemanah utai gaga cina” ko aku ga.\\nLee Ting enda bejako mina ketawa lalu ngilik kepala. Enda mukai-mukai D.. lalu datai ga ari belakang.\\n“Nama beli dek Yai” ko iya nanya.\\n“A..errr..dasuh cikgu meli barang” ko aku nyau serba salah.\\n“Aku meli barang ke sepiak dulu” ko Lee Ting meda aku agi berandau enggau pangan aku siko. Iya enda nemu D.. pangan aku engka kumbai iya petunggal aku kini meda nya ke indu iban.\\n“Sapa indu cina nyin?” ko D nanya.\\n“AA..rrr nyin ko dek.. Ketua kelas kami aku penolong iya, nya diasuh cikgu meli utai kena sekula kami dua iya tadi” ko aku mati-mati ngelalai ke diri ke main kayu enda nemu berapa.\\n“Au..piak… Ka mupuk ku Mak aku dah nganti ba stesen bas tadi. Bisi ari call ku au” ko D madah…\\n“Au..legi aku call” ko aku ngicha ke D.. jampat agi ga pulai. Iya meh D.. udah ngelebus senang mimit ga ati aku.\\nEnda lama udah nya Lee Ting pan datai diak mai bungkus plastic chelum.\\n“Nama beli dek tadi?” ko aku nanya kena ngelimpang, tang ati din nyau serba salah takut ke iya meda serta nemu.\\n“Sapa nyin tadi, petunggal dek kah?” ko iya nanya aku.\\n“Au” ko aku. Aku mai iya tama kedai kopi enda jauh ari alai kami nunggu motor kena ngelayang ke Sedaya.\\nMaioh ga mata meda kami duai iya bejalai begulai, bisi ka kakang-kakang ga ati din nangi ke ni nemu bala ambai sebelah nya bisi meda tusah amat laban.\\nTembu ngirup serta bebeli ke utai bukai kami duai pan mulai ke diri ke sekula.\\nTaun tu endang taun ti penting laban kami duai Lee Ting sama bela ngambi peresa PMR (Penilaian Menengah Rendah). Beduduk arinya kami duai pan sama bela berajar, suah begulai enggau bala kaban bukai mega.\\nEnsepi diri empai ka tinduk, aku pan lalu ga muka buku serta gali lading-lading ba tilam. Jam maianya kira ke pukul sembilan malam, dinga aku nyau capuh orang datai ngagai bilik asrama kami. Munyi orang ke deka belaya, aku lalu angkat deka meda. Enda nemu nya sida pom empat, bisi empat iko ka mai aku berekak.\\n“Nama dek amat ka dek piak?” ko anembiak siko orang Mapai nanya aku.\\nAku agi tebelenga enda nemu nama kebuah sida tumbuh lalu mai aku berekak.\\n“Nama hal deh? Ukai aku bisi ngachau kita” piak ko tudah aku nyaut iya.\\nSekilap mata aja, sepi aku nyau terengkah ga jari iya ba mua aku ngalih ke kiba. Tang asai iya ukai mina jari aja, sigi bisi utai kena iya. Peda aku jari iya bisi megai besi ke digaga iya baka taji-taji, nyau bisi lekat darah. Meda bakanya gama aku ga dagu aku, peda aku tau tak nyau bedarah. Enda liat aku tu tadi lalu aku jamah penapat inat anembiak tu tadi iya engkanya laban udah kesal meda nyau tepansut ke darah aku kini mai nyau bengap-bengap. Nyau tetingkap iya aku tendang, enda lama udahnya sepi aku pun berang aku asai ke disayat. Malik aku peda aku duku candung udah terengkah ba pun berang aku, ukai anchi pengeringat ati aku maianya. Lalu aku sipak anembiak ke mantap aku nya tadi betul-betul ga ngena pala ke ngujung ke iya luput lalat. Bala iya bukai meda utai bakanya nya bekesebar ga lari, aku ambi duku ka kena aku mungga pala seduai ke agi tetingkap diak tang meh nyau ditangkap kaban aku.\\nNyau begau bala sida ke pom lima enggau bala kaban aku ke pom empat ngesah kiak, bisi ke duak nya mai ngapir baru. Sekeda sida mai ubat kena ngambi enda pedis, kedua mai ke aku kain kena malut. Pemedis ati enda ulih kira tang meh maioh gab ala kaban nagang enda ngasuh majak belaya.\\n*** Ari Siti\\nDagu aku agi bebalut, datai anembiak siko bepadah ngasuh aku mansang ke opis kepala pengajar. Aku sigi nemu nadai kes bukai, sigi ketegal kes berekak. Nama agi deh nyau meh aku mansang, datai din diak deh aku lalu tama.\\nPeda aku seduai dua bela belaie mata baka ke baru tembu nyabak, engka disipat cikgu kini.\\n“Iya nama laya kita tu bangat nyau sampai ka bebunuh Stanley?” ko cikgu disiplin nanya aku, meda aku cegit-cegit bediri tisi mua pintu.\\n“Enda nemu Cikgu, iya datai lalu mai aku berekak. Enggai nyadi ga aku enda malas, nyau bicai-bicai dagu aku bedarah, udahnya pun berang aku ga dipantap siko tu” ko aku ga nunjuk ke anembiak ari Mapai enggau Ngungun nya tadi. Ati aku tertanya-tanya ni dua iko ke enggau seduai iya kemari deh.\\n“Malas kami ka ngatur kes belaya ngemalat tub a sekula tu. Nyadi kes kita tu dipanggai ke kami ngagai polis” ko Cikgu dispilin madah.\\nApu deh, naka meh pengesal ati. Bakani meh polis enggau aku legi, ukai nya aku ke dulu. Diak deh driver motor ai sekula udah ga nunggu di Jelatung, nganti kami tiga ke nurun endur ngelayang ai batang rajang ke pasar Kanowit.\\nSepemanjai ai seduai iya mina duduk nensam aja, aku laban ke agi begedi meda seduai nyau asai ke ka nyangkam seduai berari singin ka muai seduai iya ke ai batang rajang awak ke empa baya ko dalam ati din empa pemedis.\\nDatai diseberai, motor polis sigi udah sedia nunggu. Orang pan maioh amat ga meda maianya, akai idai naka meh pemalu.\\n“Masuk…apa tunggu lagi!!!” perak polis laut siko.\\nNgumba kediri ko aku bejako dalam ati.\\n“Kecil-kecil sudah mau tunjuk samseng!!! Siapa pukul siapa??? Hah!!!!” ko polis laut nya tadi nanya enggau kasar lebuh kami ke dalam kereta. Engka iya tepeda ke dagu aku, nya baru iya malik ngagai dua iko nya.\\n“Saya Tanya!!! Siapa pukul siapa??” ko iya lalu ngaga diri ka mukut anembiak ke ari Mapai nya.\\n“Sa..saya tuan” ko iya, udah nya polis nya lalu nampar mua iya diak tang enda ga bangat balat.\\nDatai dib alai, kami diasuh polis muka semua gari enggau barang ba tubuh, mina ngena seluar dalam aja. Apu naka meh pemalu betanchut dalam aja ba dalam jil, udah disoal siasat baru kami diasuh tama ngagai bilik sel bela kediri.\\nIya meh kira ngalih ke tengah hari udah aku pulai ari sepital enggau polis, diak deh sida indai aku(Mak), Indai Isac enggau ibu indai Dayang bisi datai ngabas aku.\\n“Nya..nya meh aku enda ngasuh dek maioh macam” ko indai aku enggau sabak-sabak sinu eda pendiau aku nyau dipasuk ke orang dalam lokap.\\n“Nadai ngawa nya ibu, iya enda salah. Orang ke dulu ngereja iya, tu kena orang nasat legi engka iya pansut” piak kenu ko polis siko.\\nIya meh ngalih ke lemai diak deh polis laut ke mangah tadi nanya aku.\\n“Kamu ada saudara mara kah yang boleh datang ambil kami sini?” ko iya.\\n“Ada tuan” ko aku nyaut.\\n“Bagi saya nombor telepon dia.” Ko iya minta lumor telepon.\\n“Ini dia tuan” ko aku lalu meri no telepon aki Gasan (apai Micheal).\\nKira ke setengah jam meh, diak deh aki pan lalu datai jamin aku pansut ari rumah sel. Kami duai pan lalu mupuk ga mulai kediri ke nanga Machan.\\nEnda nemu aku tungga maianya, laban ketampak endar ga rita udah masuk kebalai polis. Bisi mensia ke nemu enda meh maioh jako, bisi ke sigi ka bejako nyau nyadi kebuah mulut ga tudah aku.\\nKira seminggu udahnya aku pan pulai ke sekula baru, disekula pan berasai malu ga terubah iya laban dagu ke agi betampal-tampal. Tang ka enda pulai laban peresa nyau semak ga agi, enggai ke tinggal enda enggau orang peresa.\\nBenung aku ti kisuk ngadu ke gari aku diatas katil laban ti baru datai, diak deh Among datai lalau duduk sepiak aku. Iya nyua ke aku sepucuk surat ti disimpan dalam sampul surat warna biru, ari tulis nya aku nemu surat tu sigi datai ari indu ti endang sigi dikerindu ke ati aku maianya. Ari pemaioh indu ti udah ke pangan mina Lee Ting aja ti amat-amat ngasuh aku labuh pengerindu, ngujung ke maioh utai berubah ari segi ulah ba pengdiup aku.\\nBa surat iya madah diri irau bendar ke aku,serta madah kediri rindu amat ka begulai enggau aku laban ti lama enda betemu. Diak iya madah kediri deka betemu enggau aku lemai legi, pukul enam lemai keno ko iya.\\n“Nginsap dek?” ko Among nanya aku lalu nyua ke sebatang insap Winston angat. Aku nyapai insap ke diberi iya lalu nukun ngena macis kayu chap king kong. Nama agi deh, degus-degus meh asap isap baka asap express Lai Lai, nadai nangi ke cikgu laban sigi temu enda ke asrama sida maianya.\\nIya meh lemai ari, kira ke semak pukul enam aku pan bejalai nuju kelas sida Lee Ting, laban ti udah dipesan ke iya mai betemu. Datai din peda aku iya endang sigi udah duduk ba meja belakang alai kami duai selalu betemu duduk berandau ngelamatu, aku pan terus nuju iya.\\n“Lama dah datai?” ko aku nanya serta murus-murut buk iya.\\n“Baru jak.” Ko iya nyaut tuchum, panchar mata iya madah ke ati diri enda bisi pengarap betemu enggau aku lemainya. Aku pan nyau tepantup ga pengelengau udah betemu enggau indu ti amat-amat dikesayau.\\n“Bakani asai ati dek ninga aku kena kes empai lama?” ko aku nguji nanya iya.\\nIya mina merening aku, tang lalu apin nyaut aku.\\n“Enda serba salah dek? Enda malu dek begulai enggau aku baru?” ko aku ga ka nemu ati pangan, ni nemu nyau berubah kini laban tudah diri ke udah balat endar ga rita nyau masuk kes polis.\\n“Ley, mainya aku ninga nuan kena tangkap. Nyau enda nemu agi ku, puas aku nyabak laban ke irau, kasih serta enda sanggup meda dek bakanya. Tang Among madah ngagai aku dek enda salah, puas aku nguji ka ngiga jalai betemu enggau dek tang aku enda nemu cara” ko iya ti landik amat ga jako iban.\\nAku tuchum dalam ati, amat sayau meh iya tu enti piak. Gaga ga anak ati laban amat dikesayau ke orang indu. Tang endang sigi perangai Lee Ting nadai kala meda iya ringat, meda iya ngeransi tauka nyida jauh agi jako kasar sekumbang ti bepangan enggau aku. Pementas iya endang sigi aku tabik, jujur dalam semua utai.\\nAri berganti minggu, nyau enda lama agi datai ga bulan enam. Tang emh enda mukai-mukai ga lebuh aku ti telepon ke rumah diak deh indai aku(Mak) madah ke ine aku baru udah nadai. Naka meh penusah ati maia nya, ambis utai dikenang pengingat begulai enggau ine. Ari mit aku ke diibun iya, begulai enggau iya nyentuk ke maia iya ngapus ke sebutnya meh. Nama deh pulai meh tudah aku kerumah, ine disengaie ba alai kami nyewa ex-camp budak scout ke dikumbai rumah sewa apai John (Jala).\\nDatai dirumah bala kaban belayan ari ulu ari ili maioh ga udah datai. Aku pan enggau orang ngadu ke utai ke patut, ngerepik kayu serta utai bukai laban kenadai apai aku(Aba) dirumah, nyau ga tudah aku beambi ke buluh enggau utai bukai ke deka dikena maianya. Tang nasib ga maioh amat bala kaban nulung, tambah mega bala petunggal aku ke lelaki datai magang bela enggau besaup.\\nTipa bisi ga Datai maianya, iya datai bisi mai kaban siko umbas iya ga gamar kaban iya nya. Nyau bisi runding kiak ga deh anak ati, enda tau meda utai lawa mimit. Iya meh ari kedua, laban kelelak amat enggau nguan semalam-malam aku pan ninduk kediri enda lama kedalam bilik tinduk. Lebuh aku kegali, diak deh bisi rejat kaki orang tama kiak. Kati ko enda deh, bala temuai sigi mungkang diak ke begari ti udah mandi nya ga ka seiti-itinya aja ga bilik tinduk. Sapa meh nya legi ko ati aku din, peda aku indu ke enggau Tipa nya tadi agi bekain mandi ga tudah tuai ka begari. Aku lalu ngaga diri tinduk, enda kempang ga aku mungkang meda iya, enggai ke dikumbai orang enda mereti,ngambi kesempatan .\\nEnda nemu nama kebuah ati nyau bisi ga pengerindu ke indu tu, tang meh selalu ga memua ke Lee Ting. Naka enti iya nemu ko ati aku din, sigi dibai iya putus tekalanya empa pengeringat.\\nNyau datai maia nganjung, diak deh maioh ga bala bela enggau nganjung niang ine kependam Rabung ari ili rumah orang Nanga Latong. Aku laban kederiba ke sida motor ai ngundan santubong ine tumu pagi meleka ari pendai, nangi ke ninga burong keno ko sida ketuai. Udah tembu semua pengawa tadi diak deh datai maia nanam ulit, lalu diletak sida ulit ine kira ke dua minggu meh. Tembunya tadi bala kaban belayan pan mayuh ga mulai kediri, tang Tipa enggau Indu nya agi bai indai aku(Mak) diak. Ka ga Tipa laban ke endang sigi teleba, kenyau ari mit ke begulai enggau kami sebilik nyau baka menyadi tampung pala. Aku pan nama agi deh, bisi gaga ga dalam ati laban bisi peluang nguntik.\\nIya meh lemai kepasar ga kami tiga, bejalai-jalai. Nyau datai maia pulai kesekula, kami tiga bela seretai pulai ke kanowit ngena bas. Iya meh nyau ka datai, aku nyua ke Tipa surat lalu enggau isyarat mata ngasuh iya nyua ngagai kaban iya nya. Iya melintu meda aku tang meh surat udah gab a jari iya, aku takut ke kaban iya nemu maia aku agi diak laban malu kediri udah bisi ati lalu nulis ke iya surat. Irau ga ati takut ke surat diremuk Tipa ngapa, engka iya enda ngasuh kini laban indu nya tuai ari aku. Iya meh datai di kanowit kami tiga pan beserara, aku pulai ke Sedaya seduai ke SMK Kanowit.\\nDatai disekula agi ga aku berunding ke indu ke enggau Tipanya tadi, Sarina nama iya indu orang Batu Luking. Nitih ke padah Tipa indu nya manah, pandai sekula serta tegas.\\nDisekula pengawa ke bejual ke insap batang endang sigi business aku, nyau udah meh kena kes majak meh nyadi bayat sekula. Nyau bekotak-kotak insap beli udahnya jual batang ga, keduak nya insap diri empu.\\nIya meh lemai betemu ga enggau Lee Ting, laban ke ngambi gari ke udah dibasu tudah. Tuchum ga iya lebuh ti betemu enggau aku, aku nama agi majak nundi iya ga. Megai jari, murus-murus buk sigi pengawa maia ke begulai enggau iya pengawa bukai nya ukai utai dikenang agi cukup meh pengerindu maianya.\\nTaja pan bisi pangan disekula, tang nerubuk sebelah nya sigi enda kala enda. Ni nya indu ari ngungun, ari Tada, ari Bawan serta enda ulih kingat ke agi. Amat buyu nyangkai ga maia nya, tang meh bepangan maioh agi ke ngambis ke ai liur aja sigi rindu-rindu ati ngaga rekod.\\nIya meh datai minggu pulai, aku pan pulai ke Machan. Dalam bas sepemanjai negah rantau jalai endang sigi degus degus meh nginsap, laban maioh bala bakih ke bela sama chap. Nya iya bulih amat, ambis tekul-tekul bala penumpang bukai ensium bai insap.\\nIya meh aku sangkai, dia aku bedarat ari simpang sekula ngagai alai rumah sewa kami seretai enggau kaban aku. Iya meh benung nengah rantau jalai, dinga aku orang ngangau ke nama aku. Aku malik peda aku D.. benung bejalai nuju aku, datai diak iya lalu nyua ke aku sepucuk surat.\\n“Tu surat dek, kirum pangan dek” ko iya, ari mua iya aku nemu iya ringat. Nyau redu-redu, mata iya merah baka ke ka nyabak.\\n“Sapa nya? Nadai aku tu bisi pangan bukai”ko aku ga, ngaga diri mina bepangan enggau iya aja meh keno ko.\\n“Enda alah kemula ke dek aku tu, sekelas enggau aku indu tu” ko iya, merak aku.\\nKaban aku ke ditisi mina ati diri aja, nyau serba salah ga tudah tuai nya aku ngasuh iya dulu ga enggai ke ninga laya kami duai tu.\\n“D… anang Kenya, sapa tu nadai aku nemu deh sulu” ko aku ga nguji mujuk. Tang meh nama daya, kaca engka nya udah nyadi sepur iya, asi engka nya udah bari. Enda entu ulih maioh taktik agi, ati orang udah anchor luluh munyi ko lagu Stella Philip.\\n“Sarina tu, kaban aku empu nemu dek. Tang aku enggai madah ke iya, awak ke aja meh dek ga udah ka ke iya. Enda aku nagang deh, asal aja dek anang ngayah ke iya baka dek ngaga aku” keno ko iya ga, peda aku ai mata iya majak neritaik.\\nUjan…ko ati aku. Ukai ga bisi ngayah, mina ke beduan ati aja meh nya wai-wai ko anak ati aku din ga.\\nAku nadai jako, mina nganti pemutus ari iya aja.\\n“Diatu tua nadai nama-nama, laban dek udah bisi iya” ko D.. ga madah ke aku tua iya udah enda bepangan agi.\\n“Iga nya ngenyampat nya deh…Kati enti aku enda bepangan enggau iya ka dek deh?” ko aku ga ngelasak, makin orang sigi udah pedis ati.\\n“Ngemeli ke orang dek tu…” ko iya merak lalu nempap belakang aku enggau naka pemalat… Umbas iya ditat ke aku, iya pan lalu berumban-rumban ga bejalai enggai seretai enggau aku agi.\\nUdah ga lenyau siko, laban tegal ti amu mata. Tang meh datai dirumah surat Sarina lalu aku baca, tusah ati tegal badu enggau D.. agi, tang senang ati tegal ti bulih Sarina nyadi ke ganti. Puas ga ninga lagu ngalai maia nya, Sanggup nyadi ke ganti.\\nDatai durumah aku sigi nemu apai aku(Aba) sigi udah datai, serta bisi ninga ka mai kami pindah ngagai rumah kami empu ba tanah ke dibeli ke dipansa jalai ke kanowit kira dua kilometer ari pasar Machan. Laban rumah agi benung digaga, tang udah gat au endur pindah taja pan bedau tembu endar.\\nDatai maia diak deh kami pan lalu pindah, apai aku (Aba) ngerumban laban iya ti deka nurun ke luar negeri baru. Nama agi deh, udah pindah ke rumah baru, apai aku(Aba) lalu meli sti motosikal ngambi ke bisi kena kami beambi ke utai kepasar, laban ti nyampau diri ga 2KM nya ti bedarat. Kadang-kadang kena aku ke Kanowit ga, laban ke agi gauk amat bemotosikal. Kemaia kala bisi motosikal, basikal apin kala bisi. Kadang-kadang lebuh Sarina ke telepon nyau ga aku ngena nya ke Kanowit.\\n*** Pulai ke cerita disekula enggau pengerindu tadi….\\nBelabuh arinya, aku pan selalu ga betemu enggau Sarina, bekirum surat.\\nLalu maianya aku bisi Lee Ting enggau Sarina, dua-dua bela disayau sama nyadi ke ayam mata. Ti ulih dua-dua bela enda dilengka, sama ka diempu enggau begulai belama.\\nPeresa pom tiga PMR (Penilaian Menengah Rendah) pan ngelebus serta pemutus pan udah pansut. Manah ga pemutus peresa aku ke sekali tu, enda ngelebu ke ati. Diak deh ujung taun pan datai ga baru, cuti ga baka selama. Lembau ga asai dalam ati tang nama daya iya ga udah datai maya.\\n***Cuti Ujung Taun Pom Tiga.\\nIya meh datai ujung taun Pom tiga, pulai ga aku ke menua. Enda ga entu nyengala sunyi laban ti diau semak pasar, boring-boring dirumah nyau ga aku lepak dipasar. Kadang-kadang mudik ga kulu kemenua kami di ulu Latong nyelam ikan enggau bala kaban. Bisi ga maia di bai indai aku(Mak) kekebun kami di bukit Tibu ngintu lada enggau nyempiang buah.\\nUjung minggu kami nyau sampai empat buah ga motosikal nurun ke kanowit lepak, bebala-bala. Duduk ba kedai kopi, ari pagi sampai lemai meda bala “Cikaro” ke ulih kuntik. Diak deh empa penyuah iya, aku betemu lalu belabuh bepangan enggau siko indu asal ari Ranan, M..Y nama iya. Kami duai iya betulis surat, betalipon serta kadang-kadang nya betemu ga dipasar kanowit sekumbang ke cuti. Tang pegaulan jauh kurang ari aku ke enggau Lee Ting enggau Sarina. Pengerindu endang bisi, tang meh engka nya munyi ko laut “enda secocok” ngujung ke kami duai bepangan piak aja.\\nSekumbang ke cuti bisi ga aku kala betalipon enggau Lee Ting serta betemu enggau Sarina. Lee Ting madah kediri di Miri enggau madi iya, lalu Sarina di Sibu nganti pemutus peresa pom lima\\n*** Pom Empat & Lima\\nDatai maia sekula buka baru, dia deh aku diatur pengajar masuk pom empat sains begulai enggau bala tokoh-tokoh ulat buku (anak Cina). Anang mimpi ka bulih no satu enggau dua, laban enggi orang tu sigi markah 90% keatas aja. Enda beduli ke nya deh, asal ati senang aja nyentuk ke aku pom lima. Maianya pangan aku Sarina udah masuk ngagai pom enam atas di Rosli Dhobby.\\nAku enggau Lee Ting nyau jarang begulai, laban iya ti ka numpu ke perhatian ngagai perlajar iya serta maianya bala pengajar nyau makin terit. Maioh amat bala anembiak kena gantung asrama tegal tangkap dating. Sekali sekala bisi ga kami duai iya betemu, tang pengerindu endang sigi bisi berasai berinsur.\\n“Sampai bila kah tua ka bakatu? “ ko aku nanya Lee Ting lemai ari lebuh maia kami duai iya dating ba ujung kelas.\\nIya enda nyaut mina nyandih ke pala iya ba dada aku,jari iya mengkang megai jari kiba aku.\\n“Berasai lain amai ga diatu, aku arap ka nadai nama-nama ga nyadi antara tua” ko aku nambah baru.\\nLee Ting merening mua aku, iya mina tuchum tang meh tuchum iya enda tampak baka dulu suba.\\nSekali lebuh maia Valentine days, baka orang bukai mega aku meri gift ngagai iya lemai sebedau masuk kelas. Iya nerima, lalu madah diri sayau ke aku. Aku mina tuchum aja ninga iya madah munyi nya.\\nKira ke pukul sembilan udahnya, lebuh aku bejalai nuju kelas kaban aku laban ke deka pulai. Diak deh siko indu, Ani (nama timangan) namaiya minta ulu ke aku bejalai. Aku nanya kini? Iya empai nyaut, sampai kami duai datai ba siti endur petang.\\n“Ditu tua…Nyambut valentine day’s” ko iya, lalu maut rekung aku serta ka nyium aku. Aku tekenyit, ukai lari ke jagong tang meh enda sangka iya mai bakanya. Aku madah nganu pangan dek enti iya nemu ko aku, aku pan lalu madah enda sanggup bakanya. Baru tadi ke udah meri present ngagai Lee Ting.\\n“Nama Lee Ting aja ulih meri dek kepuasan piak?” keno ko iya ga enda puas ati. Aku berasai kesal ati, engka baru iya aku gaga indu bakatu, amat berani. Nama agi deh aku pan lalu mulai kediri, enda meh nyadi nyambut valentines enggau Ani tu tadi.\\nIya meh ari siti, lebuh aku masuk kelas dia deh kaban indu sama kelas enggau aku lalu bejako nelai aku.\\n“Nama gaga dek enggau Ani malam tadi? Nama hal Lee Ting nyabak ba asrama kami malam tadi?” ko iya nanya aku.\\nAku tekenyit ninga iya munyinya, laban ti enda nemu utai ulu ili.\\n“Enda nemu nadai nama-nama ga aku enggau iya” ko aku madah.\\n“Bula dek nya, maioh macam utai tusi iya datai din kemari. Nama bisi Love bite” ba rekong iya deh? Agi ga dek ka menafikan nya?” ko iya nganu aku, laban Lee Ting nya kaban sida mega.\\n“Apu…sumpah Ju amat nadai aku” ko aku, laban ngasai diri amat nadai.\\n“Jawap enggau Lee Ting meh” keno ko iya.\\nLemai nya Lee Ting bisi datai ngagai kelas aku. Peda aku iya nyua ke gift ke diberi aku kemari pulai baru.\\n“Aku enda layak ngempu tu. Bisi agi orang ke layak ngempu tu” piak ko iya, sambil mata iya belaie aja ngetat ke diri ka nyabak.\\n“Nganti dulu, anang bakatu biar aku madah pekara ke bendar” ko aku.\\n“Sudahlah Ley… Anggap jak kita dua tu kaban aja” ko iya ga madah ke aku.\\nBendar aku nguji ka nerang ngagai iya, tang meh laban tegal ati iya ti amat udah pedis amai diak deh nama daya. Pandai amai ga Ani tu ngaga cerita, sampai aku tau beserara enggau Lee Ting laban iya. Engka nya meh penulah aku kini, laban ti suah amat beduan ati pangan-pangan aku ke bukai.\\nKira takah dua bulan udah nya, aku lalu apin bisi ganti. Sekali lebuh aku duduk kediri ba luar kelas, aku terpeda ke siko indu ti umbas iya ga ari segi gamal enggau gaya. Indu tu enda entu pejako, burak pemesai kira ke sigi sama saiz enggau aku. Bisi ga ati aku rindu, tang ka ke enda iya ti aku deka ke iya ko ati aku din ga bejako kediri.\\nNguji ngapa ga tudah aku, nulis surat. Keterubah enda dibalas enggau surat mina dipesan enggau jako, kedua piak ga iya meh nyau ketiga baru bisi balas ari iya madah diri bisi ga pengerindu ati, tang meh agi rawan laban keno ko orang aku tu maioh ambai lalai. Akai idai, petenah aja nya wai ko aku ga nyalam ke diri sigi amat baya pantai. Nyau kepuas, jinak ga iya udahnya. Nama agi deh lalu besulu meh kami duai iya.\\nSiko indu ari ngungun, Stina K nama iya biak setaun ari aku. Ari beganti minggu, pengerindu kami duai makin nyadi penyanyau enda ibuh ditusi. Aku lalu bakanya meh endang sigi mengkang maioh collection. Gari endang sigi enda kala masu, laban anjung ngagai iya magang. Tna tu enda jauh enggau perangai Lee Ting, nelap, mentas serta enda mudah ngereda.\\nNyau enda berasai apus ga pom lima. Laban ke sigi ngadang diri beserara enggau pangan nama agi deh, nyau tiap-tiap lemai ga begulai enggau iya.\\nKadang nya bebala ga kami ke lelaki nurun ngayap pangan diri ba asrama indu. Sekali….\\n“Sussshh..anang ingar endar arr” ko aku nganu bala ke enggau aku nya tadi.\\n“Udah nemu pangan kita tadi?” ko Among nanya bala ke biak-biak agi iya ke enggau kami duai kiak.\\nAku laban udah madah dulu tadi, nama agi deh lalu ditama ke orag indu meh kami duai Among. Bala bukai bela bekesipa nganti sungai nadai ulu.\\nNama agi deh, lalu ngali kediri ga enggau Stina tadi.\\n“Berani mai dek datai, end atakut ke cikgu dek?” ko Tina nany aku.\\n“Iya ga anang madah ke cikgu” ko aku ga nyaut.\\n“Nama dek enggai aku datai piak?” ko aku nyeput kuyu iya.\\n“Enda ga enggai, tang nangi ke ditemu cikgu” ko Tina nyaut serta nyandih ke pala iya ba lengan aku.\\nNyau berandau, betundi semalam-malam, kira pukul empat baru ga berumban-rumban mulai kediri ngagai asrama lelaki. Nyau ka ninting ari ke bakanya, laban enggai muai peluang. Ila ukai nya ulih agi mansang kesekula.\\nIya meh datai maia cuti naka meh penyinu ati ngeleka ke sekula ke udah lama alai aku ngelamatu. Kemaioh ngajar aku reti pengidup, kelebih agi reti besulu, bepangan enggau macam agi ko ati din ga.\\n***Ambis Sekula pom Lima\\nTaja pan jauh ari pangan diri, Tina semampai telepon ngagai aku belama. Aku pan semampai ngundang iya ke kanowit lebuh maia ujung minggu, laban maia nya aja iya ke bisi ke pasar.\\nAri beganti minggu,minggu beganti bulan diak aku nerima berita ari Sarina iya deka nyambung pelajar masuk ngagai university di semenanjung. Pangan aku siko M..Y nyambung pelajar masuk pom enam. Aku mina kapa-kapa empai tetemu ke hala tuju.\\nBeduduk ari padah bala kaban diak deh aku belajar ba siti Kolej di Miri ngambi ba bidang Technician Computer. Aku laban ke anak rumah panjai, serta enda kala diau dinegeri lain endar asai iya diau dimenua orang. Maioh ga bala ari kanowit enggau besekula diak maya nya, semua kami endang bemalam ba rumah ke disewa orang ke beempu Kolej nya. Diak deh maioh amat ga pengingat ti endang iya cukup ngasuh ati ketawa, sinu serta tergepang.\\nAlai kami diau iya nya siti rumah betingkat ti tau dikumbai flat. Bala kami kediau diak nyau ka manggai empat puluh iko, pupu menua majoriti iban ti maioh. Iya ga bela udah tuai-tuai magang, nya iya nyadi amat laban enda jauh ari rumah alai orang indu nyewa. Nyau ka ninting malam ga bala ke ngirup, iya ke udah bulih tawing nyau ga dating. Aku laban kemaioh kaki maianya enda sigi diau sebelah night club. Maia ke manah angin sigi pulai badas, maia ke enda nya dulu ga bibat din. Bebukut nyau ukai utai asing agi, bepalu endang sigi nyadi ke rutin. Penyakit gila indu nyau majak kurang, tang penyakit belaya majak balat.\\n“Akih jai endar jako anak laut nyin tadi, ngumbai kitai iban ngirup botol. Sida aja ke ngirup utai semetik(beer)” ko Donny nusi.\\n“Ni bagi?” ko aku nanya.\\n“Ayup nya meh” ko Donny madah ke anak laut ari Sarikei ke bejako bejai utai irup anak iban.\\n“Alai kangau ke iya” piak ko aku ngasuh Donny ngangau ke iya.\\nNyau ga tudah Donny tu tadi ngangau ke iya. Enda lama datai ga tudah Ayup, agi bisi mai giuk engka bisi udah ngirup.\\n“Apahal ko cari aku ni? Ko nak apa?” ko Ayup ga enda mukai-mukai bejako nyau ngelabong pala. Aku nama agi deh, nyau begirau darah ninga jako iya ti bakanya. Enda bejako tang lalu mukut mua, serta jari aku terengkah, kaki kanan aku pan nyipak perut iya mua ke kanan. Dinga aku nyau demuh tudah tuai, lalu aku tandu baru ga, peda aku nyau pawal pejalai iya madah kediri mati, bebelat bisi iyatiga meter ba tangga. Meda bakanya bala bukai ke benung ngelila lalu bepasung ke aku enda ngasuh agi. Aku laban bai ati agi balat ringat dini enda majak ka nyamah laut nya, bejako nitih ke mulut aja enda mikir ati orang bukai.\\nEmpai bulih sejam udahnya, datai ga anembiak siko ari Marudi kigang-kigang nanya ke sapa ti nyamah lautnya tadi. Meda bakanya lalu aku jengkau besi kira bisi tiga jengkal panjai lalu aku palu enggau nya. Meda utai nyadi tadi diak deh kaban aku ke sama datai ari Machan, Ricky nama iya . Lalu angkat bela besaup enggau aku, dinga aku enembiak nya madah diri parai ka dipambuk enggau TV 40inci.\\n“Parai aku….eee.parai…anang munuh aku” keno ko iya nyerauh…iya pan lalu melat kediri kebaruh, nyau ambis tinggal selipar iya lari. Begau baru ga bala kami ke sama diau diak laban penyarut nya tadi.\\nBakanya meh pengidup diau di Miri, enda lama udahnya aku enggau ibuk aku Mayjory nyewa rumah di Pujut 7 laban ti enda entu nyengala lantang diau maioh bakanya. Arinya tadi sunyi ga aku dirumah alai kami duai nyewa laban ti jauh ari bala kaban. Diak deh aku selalu ga minjau motosikal kaban kena aku kin kitu. Kaban aku nya laban ke anak orang pemisi, iya bisi kereta nya alai iya enda entu ngena motosikal nya.\\nMaianya udu amat ga ka enggau orang lumba haram. Mai motorsikal nadai nemu belubah, nyau sampai enggau ga dipulas ka nadai ngira utai nganu, tau ngasuh pedis tauka tusah.\\nSekali lebu udah ngirup enggau kaban, diak deh aku enggau petunggal aku Igat (Douglas) bejalai enda temu kini penunga. Laban ti sama bela udah palau, laju ga pasang negah highway boulevard. Amat beribut aja asai, anang ke takut ngasuh nyau manjung empa pengaga laban laju. Enda mukai-mukai sepi aku nyau berayun aku keluan, peda aku motosikal dulu agi ari aku. Nya baru aku nemu diri accident, Igat tinggal dibelakang. Nama agi deh aku nyau begiling kaping ba jalai, Igat enda nemu kini penunga.\\nIYa meh aku angkat peda aku Igat benung ngenat ke ngeli iya, mua iya ambis rajai. Bisi ati aku pedis, bisi ga ka ketawa meda mua Igat nyau baka ke udah dikeramak mayau. Udahnya kami dua pan mulai kediri ke krokop alai sida Igat diau. Agi ga aku ulih mai motosikal, nadai ga apa nama. Nyau tachuh bala din laban ke begau meda kami dua Igat nyau balut darah.\\nAku pulai ke Pujut enda lama, ngambi duit. Iya meh baru pansut pintu pagar accident baru ga aku ngelaung ke lobang. Tang nya nadai diasai, patong majak ngeliti tang enda entu berasai pedis. Aku angkat baru lalu meleka ke krokop. Datai din, nampil bala ke benung ngirup baru ga enggau sida. Nyau kepuas diak deh aku ka mulai kediri, tang sida iya nagang aku enda ngasuh pulai laban udah palau. Tang meh jako orang nadai dipeduli, majak ngumbai diri ulih.\\nStart ke aku motosikal dinga nyau enda nemu tunga aku munyi laban ke digurit. Bedau entu jauh ari endur sida ke diau nya, benung aku belok ba teku jalai diak deh aku lalu labuh ke parit. Nadai utai ngemalat nya, aku nyau enda nemu utai agi bisi 10 minit baru ngeleda sepi, aku nyau basah aja belakang laban ai parit. Nyau bekeradai ga aku mansut kediri ari parit, iya ga motosikal enggai enda ninggang pah aku. Naka meh pemedis iya mayanya, amat nyau bepusin utai dipeda. Rauh-rauh aku minta sah, nadai ga orang ninga laban nyau jauh malam. Semadi bisi bala anembiak ke sama belajar pulai gawa ari pasar bisi meda aku. Sida lalu telepon ngagai bala kaban aku serta mantu aku. Helmet kena aku nya tadi belah dua, nasib enda pala aku pecah ko ati aku din. Naka meh pengesal-ngesal ga maianya, nadai utai udah kala disepi asainya.\\nUdah meh motosikal diangkat ke bala, peda aku nyau bepusin gamal “handle” mostosikal. Rim iya pan nyau singit, bisi nya patah ga kedua.\\nAku mina gilik pala aja meda, nama meh penyadi ko ati din. Tu baru iya ari mati ko dalam ati aku din, diak deh kaban aku mai aku ke sepital. Aku enggai laban takut kediri kena kes accident tegal mabuk. Bendar sida ngumbuk,aku madah kediri enda pedis aja. Padahal dini ka enda pedis, ambis ngeliti pala patung enggau belakang. Dini enda deh, nyau tiga kali accident semalam amat bedau kala-kala.\\nDeka disambung baru nganti ke udah bisi Idea. Serta cerpen tu agi ka diseruri baru sebedau dicetak nyadi buku. Bisi komen tau tulis ba ruangan komen aku.\\nAnembiak Latong Rebak Baru @ Stanley Methew Dana\\n1 Komen di 6\/28\/2011 03:17:00 am Di gaga: Anak Iban Ulu Sungai\\nKirum ke artikel tu\\nRaban Latong United Face Book\\nRaban Blog Ulu Latong\\nRaban Ulu Latong\\nBlog Archive Apr 03 (4) Apr 04 (1) May 03 (1) May 04 (1) Dec 10 (1) Jun 28 (1)\\nSiko ari anak iban ulu sungai. Berasal ari Ulu Latong, Machan Kanowit.\\nBerita Pasal Dunya Pemerindang","num_words":21854,"character_repetition_ratio":0.041,"word_repetition_ratio":0.0,"special_characters_ratio":0.213,"stopwords_ratio":0.245,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Adat Lewi* ngundan atur pasal jalai orang Israel besembiang, ngintu mayuh macham gawai, enggau atur ti dikena sida imam ke bejalaika semua atur nya.\\nBatang jaku ti dalam bup tu nya pasal pengudus Allah Taala, enggau jalai bala nembiak Iya tau nyembah Iya, enggau jalai sida idup, ngambika sida seruran bekaul enggau “Allah Taala ke disembah orang Israel.”\\nLeka jaku ti tebilang agi dalam bup tu tau ditemu kitai dalam 19.18, iya nya leka jaku ti dikumbai Jesus pesan ti lumur dua pemadu besai: “Rinduka pangan diri baka nuan ti rinduka diri empu.”\\nAdat pasal pemeri enggau piring (1.1-7.38)\\nNyiri Aron enggau anak lelaki Iya nyadi imam (8.1-10.20)\\nAdat pasal utai ti tuchi enggau ti enda tuchi (11.1-15.33)\\nHari pengampun penyalah (16.1-34)\\nAdat pasal jalai idup kudus enggau jalai nyembah (17.1-27.34)\\n1 TUHAN ngangauka Moses, lalu bejaku ngagai iya ari Langkau Kain TUHAN. Ku Iya,\\n2 “Padahka ngagai orang Israel: Lebuh orang ari bala kita mai piring ngagai TUHAN, kita deka mai jelu sapi tauka bedus tauka kambin nyadika piring kita, ari raban jelu kita empu.\\n3 Enti piring nya piring tunu, iya enda tau enda nyerahka siku sapi ti lelaki, ti nadai penimpang. Iya deka nyerahka jelu nya ba penama ngagai Langkau Kain TUHAN, ngambika iya diterima di mua TUHAN.\\n4 Iya deka ngengkahka jari iya ba pala jelu ti diserahka nyadika piring tunu, lalu jelu nya deka diterima nyadika genselan kena muai dosa iya.\\n5 Udah nya iya deka nyayat sapi nya di mua TUHAN, lalu bala anak lelaki Aron ti nyadi imam deka nyerahka darah jelu nya ngagai TUHAN, lalu ngunsaika darah nya ngagai semua empat iti tisi alta nya, ti ba penama ngagai Langkau Kain TUHAN.\\n6 Lalu orang nya deka niti kulit jelu nya, lalu ngelampang isi iya,\\n7 lalu bala anak lelaki Imam Aron deka ngengkahka bara api ba alta, lalu nugungka kayu ba atas bara api nya,\\n8 lalu bala anak lelaki Aron ti nyadi imam deka nusun lampang jelu nya, pala enggau lemak iya ba atas kayu ti ba atas bara api ti ba alta nya.\\n9 Tang orang nya deka masu semua perengka dalam, enggau kaki jelu nya. Lalu imam deka nunu semua piring nya ba alta, nyadika piring tunu, piring ti diberi ngena api, ti bebau rengut, ti ngerinduka ati TUHAN.\\n10 Enti piring tunu nya ari raban jelu iya empu, nemuka nya jelu bedus tauka kambin, iya deka meri jelu ti lelaki ti nadai penimpang,\\n11 lalu iya deka nyayat jelu nya ba tisi utara alta nya di mua TUHAN, lalu bala anak lelaki Aron ti nyadi imam deka ngunsaika darah jelu nya ngagai semua empat iti tisi alta nya.\\n12 Lalu iya deka ngelampang jelu nya, lalu imam deka ngengkahka lampang jelu nya, sama enggau pala sereta enggau lemak iya ba atas kayu ti ba atas bara api ti ba alta nya.\\n13 Tang orang nya deka masu perengka dalam enggau kaki jelu nya. Lalu imam deka nyerahka semua piring nya, lalu nunu iya retung ba alta. Nya piring tunu, piring ti diberi ngena api, ti bebau rengut, ti ngerinduka ati TUHAN.\\n14 Enti iya meri burung ngagai TUHAN nyadika piring tunu, iya meri burung puna tauka burung achang.\\n15 Lalu imam nya deka mai burung nya ngagai alta lalu mulas sereta mutuska rekung burung nya, lalu nunu iya retung ba alta nya. Lalu darah burung nya deka ditejuka neritik ba tisi alta nya.\\n16 Lalu iya deka muai kuman enggau bulu burung nya, lalu nibarka utai nya ngimbai tisi timur alta nya, ba endur alai ngengkahka amau.\\n17 Iya deka megai burung nya ba sayap, lalu nyarikka tubuh burung nya, tang enda mutuska tubuh burung nya. Lalu imam nya deka nunu burung nya retung ba alta nya, ba atas kayu ti ba atas bara api. Nya piring tunu, piring ti diberi ngena api, ti bebau rengut, ti ngerinduka ati TUHAN.\\nPiring Ti Digaga Ari Gandum\\n1 Lebuh kita ngenjuk piring gandum ngagai TUHAN, kita enda tau enda ngaga piring nya ari tepung gandum ti alus. Kita enda tau enda ngengkahka minyak kana enggau menyan ba utai nya\\n2 lalu mai iya ngagai bala anak lelaki Aron ti nyadi imam. Imam ke gawa dia deka ngambi segenggam tepung enggau minyak kana enggau menyan nya, lalu nunu utai nya retung ba alta, kena ngelai utai nya udah diberi ngagai TUHAN. Bau piring tunu nya deka ngerinduka ati TUHAN.\\n3 Teda piring gandum nya deka diempu bala imam, lalu nya bagi ti pemadu kudus ari piring nya, laban iya diambi ari piring tunu, ti diberi ngagai TUHAN.\\n4 Lebuh kita ngenjuk piring gandum ti dipanggang, piring nya enda tau enda digaga ari tepung ti alus. Kita tau meri roti ti enda beragi, ti dichampur enggau minyak kana, tauka roti ti mipis, ti enda beragi, dipalitka enggau minyak kana.\\n5 Enti piring nya roti ti dipanggang ba papak besi, iya enda tau enda digaga ari tepung ti alus dichampur enggau minyak kana, tang enda dichampur enggau ragi.\\n6 Peruk utai nya, lalu tuang minyak kana ngagai utai nya lebuh kita meri utai nya nyadika piring.\\n7 Enti piring gandum nya dipanduk ngena kali, iya enda tau enda digaga ari tepung ti alus enggau minyak kana.\\n8 Bai piring gandum nya ngagai TUHAN, lalu beri iya ngagai imam, ti deka mai iya ngagai alta.\\n9 Imam deka ngambi piring gandum nya mimit nyadika tanda semua utai nya udah diberi ngagai TUHAN, lalu iya deka nunu piring nya retung ba alta. Bau piring tunu nya deka ngerinduka ati TUHAN.\\n10 Teda piring gandum nya deka diempu bala imam, lalu nya bagi ti pemadu kudus ari piring nya, laban iya diambi ari piring tunu, ti diberi ngagai TUHAN.\\n11 Piring gandum ti diberi kita ngagai TUHAN, enda tau dichampur enggau ragi. Kita enda tau sekali-kali nunu ragi tauka ai manyi nyadika piring ngagai TUHAN.\\n12 Piring ti digaga ari gandum ti terubah diketau kita tiap taun, deka dibai ngagai TUHAN, tang utai nya enda tau ditunu ba alta.\\n13 Gerami enggau garam semua piring gandum, laban garam nandaka sempekat kita enggau Allah Taala. (Kita enda tau enda ngerami semua piring kita enggau garam.)\\n14 Lebuh kita mai ngagai TUHAN piring ti digaga ari gandum ti terubah diketau kita, beri gandum ti udah digirau ba kali, tauka gandum ti udah dikisar.\\n15 Tuang minyak kana, lalu geramika menyan ngagai piring nya. Piring nya piring gandum.\\n16 Imam deka ngambi sebagi ari gandum ti udah dikisar nya, minyak kana, enggau semua menyan nya, kena ngelai utai nya udah nyadika piring tunu, ti diberi ngagai TUHAN.\\n1 Lebuh kita meri siku ari jelu sapi kita nyadika piring pemaik ngagai TUHAN, jelu nya nadai tau bisi penimpang, nemuka sapi nya lelaki, tauka indu.\\n2 Kita enda tau enda ngengkahka jari kita ba pala jelu nya, lalu nyayat iya ba penama ngagai Langkau Kain TUHAN. Bala anak lelaki Aron ti nyadi imam deka ngunsaika darah jelu nya ngagai semua empat iti tisi alta.\\n3-4 Kita enda tau enda meri, ari piring pemaik nya semua lemak ti malut, enggau lemak ti ngelingi, sengkilung perut jelu nya, tungkul sengayuh, enggau lemak ti malut tungkul sengayuh nya, enggau sebagi ti pemadu manah ari atau jelu nya, nyadika piring ti diberi ngena api ngagai TUHAN.\\n5 Imam nya deka nunu semua utai nya retung ba alta begulai enggau piring tunu ba kayu ba alta nya. Bau piring tunu nya, piring ti diberi ngena api, deka ngerinduka ati TUHAN.\\n6 Enti jelu bedus, tauka kambin, diberi nyadika piring pemaik, jelu nya enda tau bisi penimpang, nemuka jelu nya lelaki tauka indu.\\n7 Enti kita meri siku jelu bedus, kita enda tau enda mai jelu nya ngagai TUHAN,\\n8 lalu ngengkahka jari kita ba pala jelu nya, lalu nyayat iya di mua Langkau Kain TUHAN. Bala imam deka ngunsaika darah jelu nya ngagai semua empat iti tisi alta nya\\n9 lalu nyerahka semua perengka tubuh jelu nya nyadika piring ti diberi ngena api ngagai TUHAN, iya nya lemak, semua lemak ti ba pun iku, ti dipipil nyempil tulang belakang iya, semua lemak ti malut perengka dalam,\\n10 tungkul sengayuh, enggau lemak ti lekat ba tungkul sengayuh nya, enggau bagi ti pemadu manah ari atau jelu nya.\\n11 Imam ke bekereja dia deka nunu semua utai nya ba alta, nyadika piring ti diberi ngena api ngagai TUHAN.\\n12 Enti kita meri siku kambin, kita enda tau enda mai jelu nya ngagai TUHAN,\\n13 lalu ngengkahka jari kita ba pala jelu nya, lalu nyayat iya di mua Langkau Kain TUHAN. Bala imam deka ngunsaika darah iya ngagai semua empat iti tisi alta\\n14 lalu nyerahka semua perengka tubuh jelu nya nyadika piring ti diberi ngena api ngagai TUHAN, iya nya, semua lemak ti malut perengka dalam,\\n15 semua tungkul sengayuh, enggau lemak ti lekat ba sida, enggau bagi ti pemadu manah ari atau jelu nya.\\n16 Imam nya deka nunu semua utai nya ba alta, nyadika piring ti diberi ngena api, ti bebau rengut. Semua lemak diempu TUHAN magang.\\n17 Kita orang Israel enda tau makai lemak tauka darah. Adat tu enda tau enda dititihka semua orang Israel belama iya, di semua endur alai sida diau.\\n2 madahka ngagai orang Israel, barang sapa bedosa lalu ngelanggar pesan TUHAN, tang ukai sengaja, enda tau enda nitihka adat tu.\\n3 Enti orang ke ngereja dosa nya Imam Besai, lalu mai orang mayuh ditinggang penyalah, iya enda tau enda meri siku jelu sapi ti lelaki, ti agi biak, ti nadai penimpang, lalu ngaga jelu nya nyadika piring ti diberi ngagai TUHAN, kena muai dosa iya empu.\\n4 Iya enda tau enda mai jelu sapi ti lelaki nya ngagai penama Langkau Kain TUHAN, ngengkahka jari iya ba pala jelu nya, lalu nyayat jelu nya dia, di mua TUHAN.\\n5 Udah nya Imam Besai nya deka ngambi sekeda ari darah jelu nya, lalu mai darah nya ngagai Langkau Kain TUHAN.\\n6 Iya deka nyepuhka tunjuk iya ngagai darah nya, lalu mechikka darah nya tujuh kali, ngagai kain tirai ti di mua Endur ti Pemadu Kudus.\\n7 Udah nya iya deka malitka darah nya ngagai tanduk sukut alta ti alai nunu menyan dalam Langkau Kain TUHAN. Iya deka nuang teda darah nya ngagai kaki alta ti alai nunu piring, ba penama ngagai Langkau Kain TUHAN.\\n8 Iya deka ngambi ari jelu nya semua lemak, lemak ti malut perengka dalam,\\n9 semua tungkul sengayuh, enggau lemak ti malut sida, enggau bagi ti pemadu manah ari atau jelu nya.\\n10 Imam nya deka mai semua lemak nya, lalu nunu iya retung ba alta ti alai nunu piring tunu, baka ke dikereja iya ngagai lemak jelu ti disayat nyadika piring pemaik.\\n11 Tang iya deka ngambi kulit jelu nya, semua isi iya, pala iya, kaki iya, enggau semua perengka dalam, nyengkaum sengkilung perut iya,\\n12 mai utai nya ke luar ari kem nya, ngagai endur ti tuchi, alai orang muai amau, lalu nunu utai nya dia ngena api kayu.\\n13 Enti semua orang Israel bedosa, lalu salah ngelanggar siti ari pesan TUHAN, tang ukai sengaja,\\n14 lalu udah nya iya ditemu, semua orang Israel enda tau enda mai siku jelu sapi ti lelaki, nyadika piring pengampun dosa. Sida deka mai utai nya ngagai Langkau Kain TUHAN.\\n15 Bala tuai bansa deka ngengkahka jari sida ba pala jelu nya, lalu nyayat iya dia.\\n16 Imam Besai enda tau enda mai sekeda darah jelu nya ngagai Langkau Kain TUHAN,\\n17 nyepuhka tunjuk iya ngagai darah nya, lalu mechikka darah nya tujuh kali di mua kain tirai nya.\\n18 Iya deka malitka darah nya ngagai tanduk sukut alta ti alai nunu menyan dalam Langkau Kain TUHAN, lalu nuang teda darah nya ba kaki alta ti alai nunu piring tunu, ba penama ngagai Langkau Kain TUHAN.\\n19 Udah nya, iya enda tau enda ngambi semua lemak jelu nya, lalu nunu lemak nya retung ba alta.\\n20 Iya enda tau enda ngereja sapi ti lelaki siku tu baka chara iya ti ngereja sapi ti lelaki ti digaga nyadika piring pengampun dosa. Nya meh chara iya deka ngaga piring pengampun dosa ke orang mayuh, lalu sida deka diampun.\\n21 Udah nya iya enda tau enda mai jelu sapi nya ke luar ari kem nya, lalu nunu iya, baka chara iya ke nunu jelu sapi ti lelaki ti diberi kena muai dosa iya empu. Tu piring pengampun dosa ke orang mayuh.\\n22 Enti orang ke ngereja dosa nya orang ke megai perintah, lalu iya salah ngelanggar siti ari pesan TUHAN, tang ukai sengaja,\\n23 lalu udah nya orang nunjukka dosa nya ngagai iya, iya enda tau enda mai siku kambin ti lelaki, ti nadai penimpang, nyadika piring iya.\\n24 Iya deka ngengkahka jari iya ba pala kambin nya, lalu nyayat jelu nya ba tisi utara alta nya, ba endur alai ti nyayat jelu ti digaga nyadika piring tunu. Tu piring pengampun dosa.\\n25 Imam nya deka nyepuhka tunjuk iya ngagai darah jelu nya, malitka darah nya ngagai tanduk sukut alta nya, lalu nuang teda darah nya ba kaki alta nya.\\n26 Udah nya iya enda tau enda nunu semua lemak jelu nya retung ba alta, baka chara iya ti ngereja jelu ti disayat nyadika piring pemaik. Nya meh chara imam nya deka ngenjuk piring pengampun dosa ke orang ke megai perintah nya, lalu orang nya deka diampun.\\n27 Enti orang bedosa, lalu salah laban iya ngelanggar siti ari pesan TUHAN, tang ukai sengaja,\\n28 lalu udah nya, lebuh iya dipadahka pasal dosa iya, iya enda tau enda mai siku kambin ti indu ke nadai penimpang, nyadika piring iya.\\n29 Iya enda tau enda ngengkahka jari iya ba pala jelu nya, lalu nyayat jelu nya ba tisi utara alta nya, ba endur alai nyayat jelu ti diberi nyadika piring tunu.\\n30 Imam deka nyepuhka tunjuk iya ngagai darah jelu nya, malitka darah nya ngagai tanduk sukut alta nya, lalu nuang teda darah nya ba kaki alta nya.\\n31 Udah nya iya enda tau enda ngambi semua lemak jelu nya, baka chara iya ke ngambi lemak ari jelu ti disayat nyadika piring pemaik, lalu iya deka nunu lemak nya retung ba alta, nyadika piring ti bebau rengut ke TUHAN. Nya meh chara imam nya deka ngenjuk piring pengampun dosa ke orang nya, lalu orang nya diampun.\\n32 Enti nuan mai siku jelu bedus nyadika piring pengampun dosa, jelu nya enda tau enda indu, lalu nadai penimpang.\\n33 Nuan deka ngengkahka jari nuan ba pala jelu nya, lalu nyayat iya ba tisi utara alta, ba endur alai nyayat jelu ti digaga nyadika piring tunu.\\n34 Imam nya deka nyepuhka tunjuk iya ngagai darah jelu nya, malitka darah nya ngagai tanduk sukut alta nya, lalu nuang teda darah nya ba kaki alta nya.\\n35 Udah nya, iya deka ngambi semua lemak jelu nya, baka chara iya ke ngambi semua lemak ari jelu bedus ti disayat nyadika piring pemaik, lalu iya deka nunu lemak nya ba alta, sama enggau piring ti diberi ngena api ngagai TUHAN. Nya meh chara imam deka ngenjuk piring pengampun dosa ti udah dikereja nuan, lalu nuan deka diampun.\\nMaya Begunaka Piring Kena Muai Dosa\\n1 Piring kena muai dosa diguna ba semua pekara tu.\\nEnti orang dipanggil ngagai kot nyadika saksi, lalu iya enda madahka utai ti udah dipeda tauka didinga iya, iya deka betanggungjawapka penyalah diri.\\n2 Enti orang, enggau enda sengaja, teteguka utai ti enda tuchi, baka bangkai jelu, orang nya nyadi enda tuchi sereta salah lebuh iya nemu diri udah teteguka utai nya.\\n3 Enti orang, enggau enda sengaja teteguka sebarang utai ti enda tuchi ti pansut ari tubuh mensia, enda milih nama utai nya, iya salah lebuh iya nemu diri udah teteguka utai nya.\\n4 Enti orang ngaga semaya ti enda menuku, enda milih nama utai ti disemaya ke iya, iya salah lebuh iya nemu diri udah ngereja utai nya.\\n5 Dalam semua pekara tu, orang ke salah nya enda tau enda ngaku dosa diri,\\n6 lalu kena iya mayar ukum ketegal dosa nya, iya enda tau enda mai ngagai TUHAN, siku jelu bedus ti indu, tauka kambin, nyadika piring iya. Imam deka nyerahka piring nya ke dosa orang nya.\\n7 Enti orang nya enda ulih meri siku jelu bedus tauka kambin, iya enda tau enda mai ngagai TUHAN, kena iya nebus diri ari dosa nya, dua iku burung achang, tauka dua iku burung puna, siku nyadika piring pengampun dosa, lalu siku nyadika piring tunu.\\n8 Iya enda tau enda mai burung dua iku nya ngagai imam, lalu utai ti terubah dikereja imam nya ngenjuk burung nya nyadika piring pengampun dosa. Iya deka mulaska rekung burung nya, tang enda mutuska rekung burung nya,\\n9 lalu mechikka darah burung nya ngagai tisi alta nya. Teda darah nya deka ditejuka neritik ba kaki alta nya. Tu piring pengampun dosa.\\n10 Udah nya, iya deka meri burung ti kedua nyadika piring tunu nitihka adat. Nya meh chara imam ngenjuk piring ke dosa orang nya, ngambika iya diampun.\\n11 Enti orang nya enda ulih meri dua iku burung achang, tauka dua iku burung puna, iya enda tau enda mai sekilogram tepung nyadika piring pengampun dosa. Iya enda tau nyampurka minyak kana tauka menyan ngagai tepung nya, laban tepung nya piring pengampun dosa.\\n12 Iya enda tau enda mai utai nya ngagai imam, ti deka ngambi segenggam ari tepung nya, kena nandaka utai nya udah diserahka ngagai TUHAN, lalu imam nya deka nunu utai nya ba alta nyadika piring ti diberi ngena api. Tu piring pengampun dosa.\\n13 Nya meh chara imam ngenjuk piring ke dosa orang nya, ngambika orang nya diampun. Teda tepung nya deka diempu imam, baka piring gandum.\\nPiring Kena Mayar Ukum Penyalah\\n14 TUHAN meri adat tu ngagai Moses.\\n15 Enti orang, enggau enda sengaja, bedosa laban iya enda nyuaka bayar ti kudus ngagai TUHAN, iya enda tau enda mai ngagai TUHAN siku jelu bedus ti lelaki tauka kambin ti lelaki, ti nadai penimpang, nyadika piring kena mayar ukum penyalah. Utai nya dikira ngena duit pirak nitihka atur ti udah diletak dalam Langkau Kain TUHAN. Tu piring kena mayar ukum penyalah.\\n16 Iya enda tau enda mayar utai ti enda disuaka iya, ditambahka enggau dua puluh peratus da agi. Iya enda tau enda meri utai nya ngagai imam, lalu imam deka meri jelu nya nyadika piring kena muai penyalah iya, ngambika iya diampun.\\n17 Enti orang, enggau enda sengaja, bedosa ngelanggar sebarang pesan TUHAN, iya salah, lalu enda tau enda mayar ukum.\\n18 Iya enda tau enda mai ngagai imam, siku jelu bedus ti lelaki tauka kambin ti lelaki, ti nadai penimpang, nyadika piring kena mayar ukum penyalah. Imam nya deka ngenjuk piring nya kena muai penyalah ti udah dikereja orang nya enggau enda sengaja, ngambika iya diampun.\\n19 Nya piring kena mayar ukum penyalah ti udah dikereja iya ngelaban TUHAN.\\n1 TUHAN meri adat tu ngagai Moses.\\n2 Piring enda tau enda diberi enti orang bedosa ngelaban TUHAN, ketegal iya ke enggai mulaika gadai ti ditinggalka siku orang Israel ba iya, tauka iya ngenchuri utai ari orang nya, tauka iya nipu orang nya\\n3 tauka iya bulaka pasal utai ti udah lenyau, lalu iya besumpah madahka diri nadai tetemuka utai nya.\\n4-5 Lebuh orang bedosa ba sebarang utai tu, iya enda tau enda mayar utai ti udah ulih iya ngena chara ti enda manah. Lebuh iya ditemu salah, iya enda tau enda mulaika semua utai nya ngagai orang ke bempu utai nya, ditambahka enggau dua puluh peratus.\\n6 Iya enda tau enda mai ngagai imam, siku jelu bedus ti lelaki tauka kambin ti lelaki, ti nadai penimpang, nyadika piring kena mayar ukum penyalah ngagai TUHAN.\\n7 Imam deka ngenjuk piring nya kena muai penyalah orang nya, ngambika iya diampun.\\n8 TUHAN ngasuh Moses\\n9 meri ngagai Aron enggau ngagai bala anak lelaki iya adat kena ngenjuk piring tunu. Piring ti ditunu nya enda tau enda ditinggalka semalam-malam nya ba alta, lalu api nya enda tau enda seruran menyadi.\\n10 Udah nya imam nya deka ngerasukka baju panjai linin enggau tanchut pandak linin iya, lalu ngulihka amau ti belemak ti tinggal ba alta, lalu ngengkahka amau nya ba tisi alta.\\n11 Udah nya iya deka nukar pekayan iya, lalu mai amau nya ke luar ari kem, ngagai endur ti tuchi.\\n12 Api ti ba alta nya enda tau enda seruran menyadi, lalu enda tau sekali-kali ditejuka padam. Tiap pagi, imam nya deka ngengkahka kayu ba api nya, nusun piring tunu ba api nya, lalu nunu lemak nya retung nyadika piring pemaik.\\n13 Api nya enda tau enda seruran menyadi ba alta nya, lalu enda tau sekali-kali ditejuka padam.\\n14 Tu adat pasal ngenjuk piring gandum. Siku imam ari bala anak lelaki Aron deka ngenjuk piring gandum ngagai TUHAN, di mua alta nya.\\n15 Udah nya, iya deka ngambi segenggam ari tepung enggau minyak nya, enggau menyan ti ba atas utai nya, lalu nunu utai nya retung ba alta, nyadika tanda semua utai nya udah diberi ngagai TUHAN. Bau piring nya deka ngerinduka ati TUHAN.\\n16-17 Teda gandum nya deka diempa bala imam. Gandum nya deka digaga nyadi roti ti enda beragi, dipanggang lalu diempa ba endur ti tuchi, iya nya ba tengah laman Langkau Kain TUHAN. TUHAN udah meri gandum nya ngagai bala imam nyadika ungkup sida ari piring ti diberi ngena api. Piring nya amat kudus, baka piring ti dikena muai dosa, enggau piring ti dikena mayar ukum penyalah.\\n18 Semua lelaki ke ari peturun Aron tau makai utai nya, datai ke belama iya, laban utai nya endang ungkup sida ari piring ti diberi ngena api ngagai TUHAN. Barang sapa negu utai nya deka nyadi kudus.\\n19 TUHAN meri adat tu ngagai Moses\\n20 kena nyiri anak lelaki Aron nyadi imam. Ba hari iya dichiri, iya deka meri sekilogram tepung (sebaka penyampau enggau piring ti diberi tiap hari) nyadika piring ti diberi ngagai TUHAN, setengah diberi pagi, lalu setengah diberi lemai.\\n21 Piring nya enda tau enda ditunyau enggau minyak, lalu dipanggang ba lantai besi, lalu udah nya diperah, lalu diserahka nyadika piring gandum, ti bebau rengut ke TUHAN.\\n22 Piring tu enda tau enda digaga genap serak peturun Aron ke bekereja nyadi Imam Besai datai ke belama iya. Utai tu enda tau enda abis ditunu retung nyadika piring ti diberi ngagai TUHAN.\\n23 Nadai utai ari piring gandum ti digaga imam nya tau diempa. Semua piring nya enda tau enda abis ditunu retung.\\n24 TUHAN ngasuh Moses\\n25 meri ngagai Aron enggau ngagai bala anak lelaki iya adat kena ngenjuk piring ti dikena muai dosa. Jelu ti nyadika piring pengampun dosa deka disayat ba tisi utara alta, ba endur alai orang nyayat jelu ti digaga nyadika piring tunu. Piring tu pemadu kudus.\\n26 Imam ke meri jelu nya nyadika piring, deka makai iya ba endur ti kudus, iya nya ba tengah laman Langkau Kain TUHAN.\\n27 Barang sapa tauka sebarang utai negu isi jelu nya, deka bebadi laban kuasa pengudus utai nya. Enti gari bisi kena pechik darah jelu nya, gari nya enda tau enda dibasu ba endur ti kudus.\\n28 Periuk tanah ti udah dikena manduk dagin nya, enda tau enda dipechahka. Enti periuk besi dikena, periuk nya enda tau enda diberus lalu dibasu enggau ai.\\n29 Genap iku lelaki dalam ruang bilik bala imam, tau makai piring nya magang. Piring nya kudus.\\n30 Tang enti darah nya bisi kena bai ngagai Langkau Kain TUHAN, lalu dikena ba pengawa muai dosa, jelu nya enda tau diempa. Iya enda tau enda ditunu retung.\\n1 Tu adat kena ngenjuk piring ti dikena mayar ukum penyalah. Piring nya kudus.\\n2 Jelu ti diberi nyadika piring nya, enda tau enda disayat ba tisi utara alta, ba endur alai orang ke nyayat jelu ti digaga nyadika piring tunu, lalu darah jelu nya diunsaika ngagai semua empat iti tisi alta nya.\\n3 Semua lemak jelu nya enda tau enda diambi, lalu diberi ngagai TUHAN ba alta nya. Lemak nya nyengkaum lemak ti ba pun iku, lemak ti malut perengka dalam,\\n4 tungkul sengayuh, enggau lemak ti malut tungkul sengayuh nya empu, enggau isi ti pemadu manah ari atau jelu nya.\\n5 Imam nya deka nunu semua lemak nya retung ba alta nya, nyadika piring ti diberi ngena api ngagai TUHAN. Tu piring kena mayar ukum penyalah.\\n6 Genap iku lelaki dalam ruang bilik bala imam, tau makai pemakai nya, tang utai nya enda tau enda diempa ba endur ti kudus, laban piring nya pemadu kudus.\\n7 Atur tu sama tau dikena ngenjuk piring ti dikena muai dosa, enggau ngenjuk piring kena mayar ukum penyalah. Dagin nya deka diempu imam ke nyerahka piring nya ngagai TUHAN.\\n8 Kulit jelu ti diberi nyadika piring tunu, deka diempu imam ke nyerahka piring nya ngagai TUHAN.\\n9 Genap piring gandum, ti udah dipanggang, tauka disediaka ngena kali, tauka ba atas gelegar besi, deka diempu imam ke nyerahka piring nya ngagai Allah Taala.\\n10 Tang semua piring ti digaga ari tepung gandum, ti enda dipanduk, nemuka tepung nya dichampur enggau minyak, tauka enda, deka diempu bala anak lelaki Aron ti nyadi imam, lalu enda tau enda dibagi bela entara sida.\\n11 Tu adat kena ngenjuk piring pemaik, ti diserahka ngagai TUHAN.\\n12 Enti kita ngaga piring tu nyadika piring terima kasih ngagai Allah Taala, kita enda tau enda meri, sama enggau jelu ti deka diberi nyadika piring, siti piring roti ti enda beragi, nemuka piring nya tuku roti ti tebal, ti digaga ari tepung ti dichampur enggau minyak kana, tauka roti ti mipis ti diunsut ngena minyak kana, tauka roti ti digaga ari tepung ti dichampur enggau minyak kana.\\n13 Nambahka nya, kita enda tau enda meri tuku roti ti digaga ngena ragi.\\n14 Kita enda tau enda meri sebagi ari genap macham roti nya nyadika piring ngagai TUHAN. Utai nya deka diempu imam ke mai lalu ngunsaika darah jelu nya ngagai alta.\\n15 Isi jelu nya enda tau enda diempa sama hari jelu nya diberi nyadika piring. Dagin nya enda tau ditejuka enda diempa datai ngagai pagi hari siti.\\n16 Enti kita mai piring pemaik kena kita ngamatka semaya, tauka nyadika piring ti diberi nitihka peneka ati diri, ukai semua utai nya patut diempa abis ba hari utai nya diberi. Teda utai nya tau diempa ba hari siti.\\n17 Teda dagin ti enda abis diempa datai ngagai hari ti ketiga, enda tau enda ditunu.\\n18 Enti utai nya bisi diempa ba hari ti ketiga, Allah Taala enggai nyambut piring kita. Piring nya nadai pulai ke penguntung kita, tang deka dikumbai piring ti enda tuchi, lalu orang ke makai piring nya deka betanggungjawapka penyalah nya.\\n19 Enti dagin nya bisi kena tegu utai ti enda tuchi, dagin nya enda tau diempa, tang enda tau enda ditunu. Nyadi pasal dagin ti bukai, orang ke tuchi tau makai dagin nya,\\n20 tang enti orang ke enda tuchi makai dagin nya, iya badu agi dikumbai nembiak Allah Taala.\\n21 Lalu enti orang makai dagin ari piring tu, lalu udah bekau iya negu utai ti enda tuchi, nemuka utai nya datai ari mensia tauka ari jelu, orang nya mega badu agi dikumbai nembiak Allah Taala.\\n22 TUHAN meri adat tu ngagai Moses\\n23 ke orang Israel. Lemak jelu sapi, jelu bedus tauka kambin enda tau diempa.\\n24 Lemak jelu ti ditemu mati, tauka mati laban jelu babas, enda tau diempa, tang tau dikena ngereja utai bukai.\\n25 Laban barang sapa makai lemak jelu ti patut diberi ngagai TUHAN nyadika piring ti diberi ngena api, deka badu agi dikumbai nembiak Allah Taala.\\n26 Enda milih endur alai orang Israel diau, sida enda tau sekali-kali makai darah burung tauka darah jelu.\\n27 Barang sapa ngelanggar adat tu, deka badu agi dikumbai nembiak Allah Taala.\\n28 Ku TUHAN bejaku ngagai Moses,\\n29-30 “Padahka ngagai orang Israel munyi tu: Lebuh kita ngenjuk piring pemaik ngagai TUHAN, kita enda tau enda mai piring nya ngena jari kita empu ngagai TUHAN nyadika piring ti diberi ngena api. Kita enda tau enda mai lemak sama enggau isi dada, lalu miauka isi dada nya di mua TUHAN nyadika piring ti dibiau.\\n31 Imam nya deka nunu lemak nya retung ba alta, tang isi dada nya deka diempu bala imam.\\n32 Lalu pah kanan ari piring pemaik deka diberi kita ngagai imam nyadika piring.\\n33 Imam ke meri darah enggau lemak ari piring pemaik, deka bempu pah nya nyadika ungkup iya.\\n34 Laban Aku udah ngambi isi dada ari piring ti dibiau, enggau pah ari jelu nya, ari orang Israel, ari piring pemaik sida, lalu meri utai nya ngagai bala imam nyadika ungkup sida belama iya, ari orang Israel.\\n35 Tu meh ungkup ti diberi ngagai Aron enggau bala anak lelaki iya, ari piring ti diberi ngena api ngagai TUHAN, lebuh sida udah dichiri nyadi imam bekereja ke TUHAN.\\n36 Ba hari nya TUHAN ngasuh orang Israel meri sebagi ari piring nya ngagai sida imam. Tu meh adat ti enda tau enda dititihka orang Israel belama iya.\\n37 Tu meh adat pasal piring tunu, piring gandum, piring pengampun dosa, piring kena mayar ukum penyalah, piring kena nyiri imam, enggau piring pemaik.\\n38 TUHAN meri pesan nya ngagai Moses ba Bukit Sinai di menua puang, lebuh Iya ngasuh orang Israel ngenjuk piring sida.\\n2 “Bai Aron enggau bala anak lelaki iya ngagai mua pintu Langkau Kain Aku, lalu bai pekayan imam, minyak tata, siku sapi ti lelaki ti agi biak nyadika piring pengampun dosa, dua iku bedus ti lelaki, enggau bakul ti ngundan roti ti enda beragi,\\n3 lalu gempuruka semua orang Israel ba penama ngagai Langkau Kain TUHAN.”\\n4 Moses lalu ngereja nitihka pesan TUHAN, lalu ngempuruka semua orang Israel ba penama ngagai Langkau Kain TUHAN.\\n5 Moses lalu bejaku enggau sida, “Utai ti baru deka dikereja aku diatu nya utai ti udah diasuh TUHAN kereja aku.”\\n6 Moses lalu mai Aron enggau bala anak lelaki iya ke mua, lalu ngasuh sida mandi.\\n7 Iya ngerasukka baju enggau baju ti panjai ba Aron, enggau belulang ba punggung iya. Iya ngengkahka epod ba Aron, lalu nanchangka epod nya erat ngena belulang ti melit punggung Aron.\\n8 Iya ngengkahka terabai dada ba Aron, lalu nyimpan Urim enggau Tumim dalam terabai dada nya.\\n9 Moses ngerasukka labung ba pala Aron, lalu ba mua labung nya Moses ngelekatka perengka emas nyadika tanda ti kudus kena ngelai Aron udah diserahka ngagai TUHAN nitihka pesan TUHAN ngagai Moses.\\n10 Udah nya Moses ngambi minyak tata, lalu nata langkau sembiang nya, enggau ngagai semua utai ti dalam langkau sembiang nya, kena nyerahka semua utai nya ngagai TUHAN.\\n11 Moses ngambi sekeda minyak tata nya, lalu mechikka minyak nya tujuh kali ngagai alta, enggau ngagai semua pekekas alta nya, sereta enggau ngagai bisin enggau penuduk iya, kena nyerahka semua utai nya ngagai TUHAN.\\n12 Moses nuang sekeda minyak tata nya ba pala Aron, kena iya nyiri Aron.\\n13 Udah nya, Moses mai bala anak lelaki Aron ke mua, lalu ngerasukka baju ba sida, melitka belulang ba punggung sida, lalu nanchangka selapuk ba pala sida, nitihka pesan TUHAN.\\n14 Udah nya Moses lalu mai siku jelu sapi ti lelaki, ti agi biak nyadika piring pengampun dosa. Aron enggau bala anak iya ngengkahka jari sida ba pala jelu nya.\\n15 Moses lalu nyayat jelu nya, lalu ngambi sekeda darah nya, lalu ngena tunjuk iya, malitka darah nya ngagai tanduk alta, kena nyerahka alta nya ngagai TUHAN. Udah nya iya nuang teda darah nya ba kaki alta nya. Nya meh chara iya nyerahka alta nya ngagai TUHAN.\\n16 Moses lalu ngambi semua lemak ti malut semua perengka dalam, isi ti pemadu manah ari atau jelu nya, enggau semua tungkul sengayuh, sereta enggau semua lemak ti malut tungkul sengayuh nya empu, lalu nunu semua utai nya retung ba alta.\\n17 Iya ngambi teda bangkai jelu sapi nya, nyengkaum kulit, isi, enggau sengkilung perut, lalu nunu utai nya di luar kem, nitihka pesan TUHAN.\\n18 Udah nya, Moses mai siku bedus ti lelaki nyadika piring tunu. Aron enggau bala anak lelaki iya lalu ngengkahka jari sida ba pala jelu nya.\\n19 Moses lalu nyayat jelu nya, lalu ngunsaika semua darah jelu nya ngagai semua empat iti tisi alta nya.\\n20-21 Iya netak bedus nya, masu perengka dalam, enggau kaki belakang, lalu nunu pala, lemak, enggau perengka bukai ba alta, nitihka pesan TUHAN. Piring ti ditunu tu nyadika piring ti diberi ngena api ngagai TUHAN, lalu bau iya ngerinduka ati TUHAN.\\n22 Udah nya, Moses mai bedus ti lelaki ti kedua, ti udah diungkup kena nyiri orang nyadi imam, lalu Aron enggau bala anak lelaki iya ngengkahka jari sida ba pala jelu nya.\\n23 Moses lalu nyayat jelu nya, ngambi sekeda darah iya, lalu malitka darah nya ngagai rambing pending kanan Aron, ngagai tunjuk indu jari kanan iya, enggau ngagai tunjuk indu kaki kanan iya.\\n24 Udah nya, Moses mai bala anak lelaki Aron ke mua, lalu malitka darah nya mimit ngagai rambing pending kanan sida, ngagai tunjuk indu jari kanan, enggau tunjuk indu kaki kanan sida. Udah nya Moses ngunsaika teda darah nya ngagai semua empat iti tisi alta.\\n25 Iya ngambi lemak, lemak ti ba pun iku, semua lemak ti malut semua perengka dalam, isi atau ti pemadu manah, semua tungkul sengayuh, enggau lemak ti malut sida, enggau kaki belakang ti ari kanan.\\n26 Udah nya iya ngambi siti tuku roti ari bakul ti ngundan roti ti enda beragi, ti udah diserahka ngagai TUHAN, siti tuku roti ti digaga ngena minyak, enggau sesingkap roti ti mipau, lalu ngengkahka semua utai nya ba atas lemak enggau kaki belakang ti ari kanan.\\n27 Iya ngengkahka semua pemakai nya ba jari Aron, enggau ba jari bala anak lelaki iya, lalu sida nyerahka semua utai nya nyadika piring ngagai TUHAN.\\n28 Udah nya Moses ngambi pemakai nya ari sida, lalu nunu utai nya ba alta, atas piring tunu, nyadika piring kena nyiri sida. Tu nyadika piring ti diberi ngena api, lalu bau iya ngerinduka ati TUHAN.\\n29 Udah nya Moses lalu ngambi isi dada, lalu nyerahka utai nya ngagai TUHAN nyadika pemeri ti manah. Tu ungkup ke Moses ari bedus ti dikena nyiri bala imam. Moses ngereja semua utai nya nitihka pesan TUHAN.\\n30 Moses lalu ngambi minyak tata, enggau darah ari alta, lalu mechikka utai nya ngagai Aron enggau ngagai bala anak lelaki iya, enggau ngagai pekayan sida. Nya meh chara Moses nyerahka sida enggau pekayan sida ngagai TUHAN.\\n31 Ku Moses bejaku enggau Aron enggau bala anak lelaki iya, “Bai isi dagin nya ngagai penama Langkau Kain TUHAN. Panduk dagin nya, lalu empa iya dia, sama enggau roti ti ari bakul piring ti dikena nyiri bala imam, nitihka pesan TUHAN.\\n32 Tunu teda dagin tauka teda roti.\\n33 Kita enda tau angkat ari penama ngagai Langkau Kain TUHAN dalam kandang tujuh hari, nyentuk ngagai maya pengawa nyiri imam udah tembu.\\n34 TUHAN udah ngasuh kitai ngereja utai baka ke udah dikereja kitai sehari tu tadi, kena muai dosa kita.\\n35 Kita enda tau enda diau ba penama ngagai Langkau Kain TUHAN, siang malam, dalam kandang tujuh hari, ngereja utai ti udah diasuh TUHAN. Enti kita enda, kita deka mati. Tu utai ti udah dipadahka TUHAN ngagai aku.”\\n36 Nya alai Aron enggau bala anak lelaki iya, ngereja semua utai ti udah dipadahka TUHAN ngena Moses.\\n1 Sehari udah tembu pengawa nyirika imam, Moses mesanka Aron enggau bala anak lelaki iya, enggau bala tuai orang Israel.\\n2 Ku iya bejaku enggau Aron, “Bai siku sapi ti lelaki, enggau siku bedus ti lelaki, ti nadai penimpang, lalu beri sida ngagai TUHAN. Sapi ti lelaki nya nyadika piring pengampun dosa, lalu bedus ti lelaki nya nyadika piring tunu.\\n3 Udah nya, asuh orang Israel mai siku kambin ti lelaki nyadika piring pengampun dosa, siku anak sapi ti umur setaun, enggau siku anak domba ti umur setaun, ti nadai penimpang, nyadika piring tunu,\\n4 enggau siku sapi ti lelaki enggau siku bedus ti lelaki nyadika piring pemaik. Sida enda tau enda nyerahka piring nya ngagai TUHAN, sama enggau piring gandum ti dichampur enggau minyak. Sida enda tau enda ngereja utai tu, laban TUHAN deka pegari di mua sida sehari tu.”\\n5 Sida lalu mai ngagai penama Langkau Kain TUHAN semua utai ti diasuh Moses, lalu semua orang Israel begempuru dia nyembah TUHAN.\\n6 Ku Moses bejaku, “TUHAN udah ngasuh kita ngereja semua utai tu, ngambika mulia Iya pegari di mua kita.”\\n7 Udah nya, Moses bejaku enggau Aron, “Alai nuan mansang ngagai alta, lalu beri piring pengampun dosa, enggau piring tunu kena muai dosa nuan, enggau dosa orang mayuh. Beri piring nya kena muai dosa orang mayuh, nitihka pesan TUHAN.”\\n8 Aron lalu mansang ngagai alta, lalu nyayat sapi ti lelaki ti agi biak nya, ti diungkup nyadika piring pengampun dosa iya empu.\\n9 Bala anak lelaki iya lalu mai darah jelu nya ngagai iya. Iya lalu nyepuhka tunjuk iya ngagai darah nya, malitka darah nya ngagai tanduk sukut alta, lalu nuang teda darah nya ba kaki alta nya.\\n10 Udah nya, iya lalu nunu lemak, semua tungkul sengayuh, enggau isi atau ti pemadu manah retung ba alta nya, nitihka pesan TUHAN ngagai Moses.\\n11 Tang iya nunu isi, enggau kulit jelu nya, di luar kem.\\n12 Iya nyayat jelu ti digaga nyadika piring tunu ke iya empu. Bala anak lelaki iya mai darah jelu nya ngagai iya, lalu iya ngunsaika semua darah nya ngagai semua empat iti tisi alta.\\n13 Sida nyuaka ngagai iya pala enggau perengka bukai ari jelu nya, lalu iya nunu utai nya retung ba alta nya.\\n14 Udah nya, iya masu semua perengka dalam, enggau kaki belakang, lalu nunu utai nya retung ba alta, ba atas semua piring tunu nya.\\n15 Udah nya, iya nyerahka semua piring ti diberi orang mayuh. Iya ngambi siku kambin ti diungkup kena muai dosa orang mayuh, nyayat jelu nya, lalu nyerahka jelu nya, baka ke udah dikereja iya ngagai piring ti dikena muai dosa iya empu.\\n16 Iya mega mai jelu kena ngaga piring tunu, nitihka adat.\\n17 Iya nyerahka piring gandum, lalu ngambi segenggam tepung, lalu nunu tepung nya retung ba alta. (Tu nambahka piring tunu ti endang diberi tiap hari.)\\n18 Iya nyayat sapi ti lelaki enggau bedus ti lelaki nyadika piring pemaik ke orang mayuh. Bala anak lelaki iya mai darah jelu nya ngagai iya, lalu iya ngunsaika darah nya ngagai semua empat iti tisi alta nya.\\n19 Aron ngengkahka lemak sapi ti lelaki enggau ari bedus ti lelaki nya\\n20 ba atas isi dada jelu nya, lalu mai utai nya ngagai alta. Iya lalu nunu lemak jelu nya retung ba alta\\n21 lalu nyerahka isi dada, enggau kaki kanan belakang nyadika piring ngagai TUHAN, ngarika bala imam, nitihka pesan Moses.\\n22 Lebuh Aron udah tembu ngaga semua piring nya, iya lalu ngangkatka jari iya atas orang mayuh, lalu merekatka sida, lalu udah nya nurun ari endur nya.\\n23 Moses seduai Aron lalu tama ngagai Langkau Kain TUHAN, lalu lebuh seduai iya pansut ari endur nya, seduai iya merekatka orang mayuh, lalu mulia TUHAN pegari di mua orang mayuh.\\n24 Tekala nya TUHAN lalu ngasuh api datai, lalu api nya nganguska semua piring tunu, enggau semua lemak ti ba alta. Lebuh orang mayuh meda nya, semua sida nyerauh magang, lalu nyungkurka diri ke tanah nyembah TUHAN.\\nDosa Nadap Seduai Abihu\\n1 Dua iku anak lelaki Aron, ke benama Nadap enggau Abihu, lalu mai talam siti siku kena mai bara api, ngengkahka bara api ba kali nya, meri menyan ngagai bara api nya, lalu nyerahka utai nya ngagai TUHAN. Tang api nya ukai api ti kudus, laban TUHAN apin ngasuh seduai iya meri utai nya.\\n2 Tekala nya TUHAN lalu ngasuh api datai, lalu api nya nganguska seduai iya dia, di mua TUHAN.\\n3 Udah nya Moses lalu bejaku enggau Aron, “Tu meh utai ti udah disebut TUHAN, lebuh Iya nyebut, ‘Semua orang ke betuaika Aku, enda tau enda masa pengudus Aku. Aku deka ngayanka mulia Aku ngagai bala nembiak Aku.’”Tang Aron mengkang enda bemunyi.\\n4 Moses lalu mesanka Misael seduai Elsapan anak Usil, aya Aron empu, lalu bejaku enggau seduai iya. “Datai kitu, lalu bai bangkai petunggal seduai tu ke luar ari Langkau Kain TUHAN, lalu engkahka seduai iya di luar kem.”\\n5 Seduai nya datai, lalu megai gari bangkai orang ke dua iku nya, lalu mai bangkai nya ke luar ari kem nya, nitihka asuh Moses.\\n6 Udah nya, Moses bejaku enggau Aron, sereta enggau ngagai anak lelaki iya ke benama Eleasar enggau Itamar, “Anang nejuka buk kita enda disugu, tauka nyarikka gari kita, kena ngayanka diri ngulit. Enti kita ngereja nya, kita deka mati, lalu TUHAN deka ringat ngagai semua orang Israel. Tang orang Israel ti bukai tau ngulitka seduai iya ke mati diempa api ti datai ari TUHAN.\\n7 Anang pansut ari Langkau Kain TUHAN, enggai ke kita mati, laban kita udah diseraraka ngagai TUHAN ngena minyak tata TUHAN.” Sida lalu ngasika jaku Moses.\\nAdat Ke Bala Imam\\n8 Ku TUHAN bejaku ngagai Aron\\n9 “Nuan, enggau bala anak lelaki nuan, enda tau tama ngagai Langkau Kain TUHAN udah bekau kita ngirup wain tauka ai ti bisa. Enti kita tama, kita deka mati. Adat tu enda tau enda dititihka semua serak peturun nuan.\\n10 Kita enda tau enda ngelala utai ti diempu Allah Taala, enggau utai ti dikena mensia, utai ti tuchi, enggau utai ti enda tuchi.\\n11 Kita enda tau enda ngajar orang Israel semua adat ti udah diberi Aku ngagai kita nengah Moses.\\n12 Ku Moses bejaku enggau Aron enggau ngagai dua iku anak lelaki iya ti agi idup, Eleasar seduai Itamar, “Ambi piring gandum, laluh ari pemakai ti udah diserahka ngagai TUHAN. Gaga roti ti enda beragi ngena utai nya, lalu empa roti nya ngimbai alta, laban piring nya kudus.\\n13 Empa utai nya ba endur ti kudus. Utai tu endang ungkup ke kita enggau bala anak lelaki kita, diambi ari pemakai ti diserahka ngagai TUHAN. Tu utai ti udah diasuh TUHAN kereja aku.\\n14 Tang kita enggau ruang bilik kita tau makai isi dada enggau kaki belakang ti diserahka nyadika piring ti manah, ti diberi ngagai TUHAN ngarika bala imam. Kita tau makai utai nya ba endur ti tuchi. Piring nya udah diberi ngagai kita, enggau ngagai bala anak kita nyadika ungkup kita, ari piring pemaik ti diberi orang Israel.\\n15 Sida deka mai kaki belakang, enggau isi dada, lebuh maya lemak nya diserahka nyadika piring ti diberi ngena api ngagai TUHAN. Utai nya diempu kita, enggau bala anak kita, belama iya, nitihka pesan TUHAN.”\\n16 Moses lalu nanyaka pasal kambin ti nyadika piring pengampun dosa. Orang lalu madahka ngagai iya, utai nya udah ditunu. Iya lalu ringat ngagai Eleasar seduai Itamar, lalu ku iya nanya seduai iya,\\n17 “Nama kebuah seduai enda makai piring ti dikena muai dosa nya ba Langkau Kain TUHAN? Utai nya pemadu kudus, lalu TUHAN udah meri utai nya ngagai seduai, kena muai dosa orang mayuh.\\n18 Laban darah jelu nya enda dibai ngagai Endur ti Pemadu Kudus dalam Langkau Kain TUHAN, nya alai seduai patut udah makai piring nya din, nitihka jaku aku.”\\n19 Disaut Aron, “Kati TUHAN deka lantang ati enti aku udah makai piring pengampun dosa sehari tu? Bala orang mayuh udah nyerahka piring sida kena muai dosa sehari tu, lalu sida udah mai piring tunu, tang agi ga utai ti jai tu nyadi ba aku.”\\n20 Moses lalu puas ati lebuh iya ninga saut nya.\\nJelu Ti Tau Diempa\\n1 TUHAN meri adat tu ngagai Moses seduai Aron\\n2 ke orang Israel. Kita tau makai jelu ti idup di darat\\n3 ti belah tunjing, sereta ngunyah pemakai ti udah diluaka iya baru ari perut raya iya,\\n4-6 tang kita enda tau makai jelu unta, jelu badger batu, tauka tikus belanda. Sida tu enda tau dikumbai tuchi. Sida amat ngunyah pemakai ti diluaka baru ari perut raya sida, tang tunjing sida enda belah.\\n7 Anang makai babi. Sida tu enda tau dikumbai tuchi. Tunjing sida amat belah, tang sida nadai ngunyah pemakai ti diluaka baru ari perut raya sida.\\n8 Anang makai jelu nya, tauka negu bangkai sida. Jelu nya enda tuchi.\\n9 Kita tau makai semua ikan ti bisi pidin enggau tisik,\\n10 tang semua utai ti idup dalam ai, ti nadai pidin, enggau nadai tisik, enda tau diempa.\\n11 Ikan ti baka nya dikumbai enda tuchi. Kita enda tau makai sida, tauka negu bangkai sida.\\n12 Kita enda tau makai utai ti idup dalam ai, ti nadai pidin enggau nadai tisik.\\n13-19 Tu burung ti enda tau diempa kita: lang, burung puk, menaul pipit, menaul punggu, kempat tiang, menaul rimba, kak; burung unta; burung tasik, burung undan, burung gurun, burung raya, burung ti makai but; sengayan tauka kusing.\\n20 Semua indu utai ti bisi sayap enda tuchi magang,\\n21 kelimpah ari sida ke nemu engkechit.\\n22 Kita tau makai buntak kaban, buntak malam, tauka buntak endar.\\n23 Tang semua utai ti mit, ti bisi sayap sereta ngerayap, enda tuchi magang.\\n24-28 Enti kita negu bangkai utai nya, kita enda tuchi nyentuk ngagai lemai: semua jelu ti betunjing, semadi meh tunjing sida bebagi, lalu sida ngunyah pemakai ti diluaka sida ari perut raya sida, enggau semua jelu ti bekaki empat ti bisi tapa. Enti kita ngesan bangkai jelu nya, kita enda tau enda masu gari kita, tang kita deka mengkang enda tuchi nyentuk ngagai lemai.\\n29-30 Chuik, tikus, chit, enggau tichak, sigi enda tuchi.\\n31 Barang sapa negu sida, tauka negu bangkai sida, deka nyadi enda tuchi nyentuk ngagai lemai.\\n32 Lalu enti bangkai sida labuh ninggang utai, utai nya nyadi enda tuchi. Utai nya nyengkaum utai ti digaga ari kayu, gari, kulit jelu, tauka guni, enda milih nama guna utai nya. Utai nya enda tau enda disepuhka ngagai ai, tang iya mengkang enda tuchi nyentuk ngagai lemai.\\n33 Lalu enti bangkai sida labuh ngagai periuk tanah, semua utai ti dalam periuk tanah nya enda tuchi magang, lalu kita enda tau enda mechahka periuk nya.\\n34 Pemakai ti endang tau diempa, tang udah kena laban ai ti dibubuhka ari periuk nya, nyadi enda tuchi, lalu sebarang utai irup dalam periuk nya, nyadi enda tuchi.\\n35 Semua utai ti ditinggang bangkai, nyadi enda tuchi. Dapur tanah, tauka dapur besi, enda tau enda dipechahka,\\n36 tang mata ai, tauka tangki ai, deka mengkang tuchi, taja pen semua utai bukai ti negu bangkai sida nyadi enda tuchi.\\n37 Enti bangkai sida labuh ngagai leka benih ti deka ditanam, leka benih nya mengkang tuchi.\\n38 Tang enti leka benih nya benung direndam dalam ai, lalu bangkai utai nya labuh ngagai leka benih nya, leka benih nya nyadi enda tuchi.\\n39 Enti jelu ti tau diempa mati, orang ke negu bangkai jelu nya nyadi enda tuchi nyentuk ngagai lemai.\\n40 Lalu enti kita bisi makai sebarang perengka tubuh jelu nya, kita enda tau enda masu gari kita, tang kita deka mengkang enda tuchi nyentuk ngagai lemai. Kita ti udah mai bangkai utai nya enda tau enda masu gari kita, tang kita deka mengkang enda tuchi nyentuk ngagai lemai.\\n41 Kita enda tau makai jelu ti mit ti bejalai ba tanah,\\n42 nemuka sida nya ngerayap, tauka bejalai ngena kaki empat, tauka mayuh kaki.\\n43 Anang makai utai nya laban nya ngasuh kita enda tuchi.\\n44 Aku tu TUHAN Allah Taala kita, lalu kita enda tau enda kudus, laban Aku kudus.\\n45 Aku tu TUHAN ti mai kita pansut ari menua Ejip, ngambika Aku nyadi Allah Taala kita. Kita enda tau enda kudus, laban Aku kudus.\\n46 Nya alai, tu meh adat pasal jelu enggau burung, pasal semua utai ti idup dalam ai, enggau semua utai ti bejalai ba tanah.\\n47 Kita enda tau enda ngelala bagi utai ti tuchi enggau utai ti enda tuchi, bagi jelu ti tau diempa enggau ti enda tau diempa.\\nNuchi Indu Udah Bekau Sida Beranak\\n1 TUHAN meri adat tu ngagai Moses\\n2 ke orang Israel. Indu ke ngadaka anak lelaki deka mengkang enda tuchi tujuh hari, sebaka enggau lebuh iya datai kain.\\n3 Ba hari ti kelapan, anak mit nya enda tau enda ditutus.\\n4 Udah nya indu nya enda tau enda nganti tiga puluh tiga hari da agi baru iya deka badu agi begetah lalu nyadi tuchi. Iya enda tau negu utai ti kudus, tauka tama ngagai Langkau Kain TUHAN, sebedau iya tembu nuchi diri.\\n5 Enti indu nya ngadaka anak indu, iya mengkang enda tuchi dalam kandang empat belas hari, baka ke datai kain. Enam puluh enam hari udah bekau nya, nya baru iya badu agi begetah lalu nyadi tuchi.\\n6 Lebuh iya udah tembu nuchi diri, nemuka iya ngadaka anak lelaki, tauka anak indu, iya enda tau enda mai ngagai imam, ba penama ngagai Langkau Kain TUHAN, siku anak domba ti umur setaun, nyadika piring tunu, enggau siku burung puna, tauka burung achang, nyadika piring pengampun dosa.\\n7 Imam nya deka nyerahka piring nya ngagai TUHAN, lalu ngereja pengawa kena muai pengutur indu nya. Nya baru indu nya nyadi tuchi. Tu meh utai ti enda tau enda dikereja indu, udah bekau iya beranak.\\n8 Enti indu nya enda ulih meri siku anak domba, iya enda tau enda mai dua iku burung achang tauka dua iku burung puna, siku nyadika piring tunu, lalu siku nyadika piring pengampun dosa, lalu imam nya deka ngereja pengawa kena muai pengamah ari indu nya, lalu indu nya deka nyadi tuchi.\\nAdat Pasal Penyakit Kulit\\n1 TUHAN meri adat tu ngagai Moses seduai Aron.\\n2 Enti orang bisi kuris ba kulit, tauka bisi pisa, tauka bisi isi ti kembai, ti tau nyadi siti penyakit kulit ti tau ngerampit, iya enda tau enda dibai ngagai imam ke ari peturun Aron.\\n3 Imam nya deka meresa kuris nya, lalu enti bulu ba kuris nya udah bebali burak, lalu kuris nya baka ti dalam agi ari kulit ti ngelingi kuris nya, penyakit nya penyakit kulit ti tau ngerampit, lalu imam nya deka ngumbai orang nya enda tuchi.\\n4 Tang enti kuris nya burak, lalu baka ke enda ngeruang dalam agi ari kulit ti ngelingi kuris nya, lalu bulu ba senentang nya pen enda mega bebali burak, imam nya deka nyeraraka iya ari orang mayuh enam hari.\\n5 Imam nya deka meresa iya baru ba hari ti ketujuh, lalu enti, ba penemu imam nya, kuris nya mengkang enda berubah, lalu enda nangkir, iya deka nyeraraka iya ari orang mayuh tujuh hari da agi.\\n6 Imam nya deka meresa iya baru ba hari ti ketujuh udah lepas nya, lalu enti kuris nya nyau nadai agi, lalu enda nangkir, iya deka ngumbai orang nya tuchi. Utai nya semina kuris aja. Orang nya enda tau enda masu gari diri, lalu nyadi tuchi.\\n7 Tang enti kuris nya nyau nangkir udah bekau imam ke meresa iya, lalu ngumbai iya tuchi, iya enda tau enda betemu enggau imam nya baru.\\n8 Imam nya deka meresa iya baru, lalu enti kuris nya udah nangkir, iya enda tau enda ngumbai orang nya enda tuchi. Penyakit nya penyakit kulit ti tau ngerampit.\\n9 Enti orang bisi penyakit kulit ti tau ngerampit, iya enda tau enda dibai ngagai imam,\\n10 lalu imam nya deka meresa iya. Enti kuris ti ba kulit iya nya udah ngasuh bulu ba senentang nya bebali burak, lalu penuh laban nanah,\\n11 penyakit nya penyakit kulit ti enda nemu gerai. Imam nya deka ngumbai orang nya enda tuchi. Iya enda ibuh diseraraka ari orang mayuh, laban iya endang nyata enda tuchi.\\n12 Enti penyakit nya nyau nyelamar ba sebelah tubuh iya, kenyau ari punjung pala nyentuk ngagai ujung kaki,\\n13 imam nya deka meresa iya baru. Enti imam nya nemu penyakit nya udah nyelamar ba sebelah tubuh orang nya, iya deka ngumbai orang nya tuchi. Enti semua kulit orang nya udah bebali burak magang, iya tuchi.\\n14 Tang enti iya bisi kuris ti dilak-dilak ba tubuh iya, iya enda tuchi.\\n15 Imam nya deka meresa iya baru, lalu enti iya tepedaka kuris ti dilak-dilak, iya deka ngumbai orang nya enda tuchi. Kuris ti ayan dilak-dilak nunjukka penyakit kulit ti tau ngerampit, lalu orang nya enda tuchi.\\n16 Tang lebuh kuris nya gerai, lalu nyadi burak baru, orang nya enda tau enda betemu enggau imam.\\n17 Imam nya deka meresa iya baru. Enti kuris nya udah bebali burak, orang nya tuchi, lalu imam nya deka ngumbai iya tuchi.\\n18 Enti orang bisi pisa ti udah gerai\\n19 lalu enti, udah bekau nya, litan pisa nya kembai tauka bebali mirah, iya enda tau enda betemu enggau imam.\\n20 Imam deka meresa iya, lalu enti endur nya baka ke ngeruang, lalu bulu ba senentang nya udah bebali burak, iya deka ngumbai orang nya enda tuchi. Penyakit nya penyakit kulit ti tau ngerampit, ti bepun ari pisa nya.\\n21 Tang enti imam nya meresa utai nya, lalu nemu bulu ba senentang nya enda bebali burak, lalu endur nya enda ngeruang, tang puchat, imam nya deka nyeraraka iya ari orang mayuh tujuh hari.\\n22 Enti utai nya nangkir, imam deka ngumbai orang nya enda tuchi. Orang nya bisi penyakit.\\n23 Tang enti utai nya enda berubah gamal, lalu enda nangkir, utai nya semina litan pisa aja, lalu imam deka ngumbai iya tuchi.\\n24 Enti orang betu laban api, lalu isi ba senentang nya bebali burak, tauka mirah,\\n25 imam nya deka meresa iya. Enti bulu ba senentang nya udah bebali burak, lalu endur ba senentang nya baka ke ngeruang, nya nunjukka penyakit kulit ti tau ngerampit ti bepun ari betu nya, lalu imam deka ngumbai orang nya enda tuchi.\\n26 Tang enti bulu ba endur nya enda bebali burak, lalu endur ba senentang nya enda ngeruang, tang puchat, imam deka nyeraraka iya ari orang mayuh tujuh hari.\\n27 Imam deka meresa iya baru ba hari ti ketujuh, lalu enti utai nya nyau nangkir, utai nya penyakit kulit ti tau ngerampit, lalu imam deka ngumbai orang nya enda tuchi.\\n28 Tang enti petik nya mengkang enda berubah, lalu enda nangkir, tang puchat, utai nya ukai penyakit kulit ti tau ngerampit. Imam deka ngumbai iya tuchi, laban utai nya semina litan betu aja.\\n29 Lebuh lelaki tauka indu bisi kuris ba pala tauka ba dagu,\\n30 imam deka meresa utai nya. Enti utai nya baka ke ngeruang, lalu bulu ti ba senentang nya pirang sereta alus, nya penyakit kulit ti tau ngerampit, lalu iya deka ngumbai orang nya enda tuchi.\\n31 Enti lebuh imam nya meresa orang nya, kuris nya baka ke enda ngeruang, tang nadai bulu ti menyana ba endur nya, imam deka nyeraraka iya ari orang mayuh tujuh hari.\\n32 Imam deka meresa kuris nya baru ba hari ti ketujuh, lalu enti kuris nya enda nangkir, sereta nadai bulu ti pirang ba endur nya, lalu endur nya baka ke enda ngeruang,\\n33 orang nya enda tau enda ngukur pala diri, kelimpah ari endur ti ngelingi kuris nya. Udah nya imam deka nyeraraka iya ari orang mayuh tujuh hari da agi.\\n34 Ba hari ti ketujuh udah bekau nya, imam deka meresa kuris nya baru, lalu enti kuris nya nadai udah nangkir, lalu baka ke enda ngeruang, iya deka ngumbai orang nya tuchi. Orang nya enda tau enda masu gari diri, lalu iya nyadi tuchi.\\n35 Tang enti kuris nya nangkir udah bekau iya dikumbai tuchi,\\n36 imam deka meresa iya baru. Enti kuris nya udah nangkir, iya enda ibuh begigaka bulu ti pirang. Orang nya endang terang enda tuchi.\\n37 Tang enti, dalam penemu imam nya, kuris nya apin nangkir, lalu bulu ti menyana bisi tumbuh ba endur nya, kuris nya udah gerai, lalu imam deka ngumbai orang nya tuchi.\\n38 Lebuh lelaki tauka indu bisi petik ti burak ba kulit iya,\\n39 imam deka meresa iya. Enti petik nya enda tentu burak, utai nya semina raing aja. Orang nya tuchi.\\n40-41 Enti bulu pala orang lelaki gugur di mua enggau di belakang, nya ukai reti iya enda tuchi.\\n42 Tang enti kuris ti mirah bisi ayan ba endur ti nadai buk, utai nya penyakit kulit ti tau ngerampit.\\n43 Imam deka meresa orang nya, lalu enti orang nya bisi kuris ti mirah,\\n44 imam deka ngumbai orang nya enda tuchi, laban penyakit kulit ti tau ngerampit bisi ba pala iya.\\n45 Enti orang bisi penyakit kulit ti tau ngerampit, orang nya enda tau enda ngena gari ti charik, nejuka buk diri enda disugu, mungkur mua diri di baruh, lalu ngangau, “Enda tuchi! Enda tuchi!”\\n46 Orang nya deka mengkang enda tuchi seagi-agi iya bisi penyakit nya, lalu iya enda tau enda diau ari luar kem, jauh ari orang bukai.\\nAdat Pasal Utai Ti Bekuap\\n47 Lebuh gari bekuapnemuka gari nya digaga ari bulu bedus tauka ari linin,\\n48 tauka kain linin, tauka kain ti digaga ari bulu bedus, tauka kulit jelu, tauka utai ti digaga ari kulit jelu bekuap,\\n49 enti kuap nya bechura gadung tauka mirah, nya bansa kuap ti tau ngerampit, lalu enda tau enda dipadahka ngagai imam.\\n50 Imam deka meresa utai nya, lalu nyimpan utai nya tujuh hari.\\n51 Iya deka meresa utai nya baru ba hari ti ketujuh, lalu enti kuap nya udah nangkir, utai ti dirampit nya enda tuchi.\\n52 Imam deka nunu utai nya, laban nya kuap ti tau ngerampit, lalu enda tau enda dirusak ngena api.\\n53 Tang enti imam nya nemu kuap nya enda berampit, lebuh iya meresa utai nya,\\n54 iya deka ngasuh orang masu utai nya, lalu nyimpan utai nya tujuh hari da agi.\\n55 Udah nya iya deka meresa utai nya baru, lalu enti kuap nya nadai berubah chura, taja pen iya enda nyelamar, utai nya mengkang enda tuchi. Kita enda tau enda nunu utai nya, nemuka kuap nya makai di luar tauka di dalam.\\n56 Tang enti kuap nya nyau udah kurang agi, lebuh imam meresa utai nya, iya enda tau enda nyarikka endur ti alai kuap nya bejangkit ari gari tauka kulit nya.\\n57 Udah nya, enti kuap nya ayan baru, nya nunjukka kuap nya udah berampit baru. Orang ke bempu utai nya enda tau enda nunu utai nya.\\n58 Enti iya masu utai nya, lalu petik nya lenyau, iya enda tau enda masu utai nya baru. Nya baru utai nya deka nyadi tuchi.\\n59 Nya alai, tu meh adat pasal bekuap ti tau nyadi ba gari ti digaga ari bulu bedus, tauka ari linin, tauka ba kain linin tauka kain ti digaga ari bulu bedus, tauka ba sebarang utai ti digaga ari kulit jelu. Tu meh jalai ngaga pemutus penemu, nemuka utai nya tuchi tauka enda.\\n1 TUHAN meri ngagai Moses\\n2 adat pasal nuchi orang ke udah digeraika ari penyakit kulit ti tau ngerampit. Ba hari orang nya dikumbai tuchi, iya enda tau enda dibai ngagai imam,\\n3 lalu imam deka mai orang nya ke luar ari kem nya, lalu meresa iya. Enti penyakit nya udah gerai,\\n4 imam deka ngasuh orang nya mai dua iku burung ti tuchi, sama enggau serepik kayu sidar, siti tali ti mirah, enggau pating isop.\\n5 Udah nya imam nya deka ngasuh siku ari burung nya dibunuh ba atas mangkuk ti digaga ari tanah, ti ngundan ai ti diambi ari mata ai.\\n6 Iya deka ngambi burung ti kedua, lalu nyepuhka iya, sama enggau repik kayu sidar, tali ti mirah, enggau pating isop, ngagai darah burung ti dibunuh nya.\\n7 Iya deka mechikka darah nya tujuh kali ngagai orang ke deka dituchi ari penyakit kulit nya, lalu udah nya, iya deka ngumbai orang nya tuchi. Iya deka ngelepaska burung ti agi idup nya terebai.\\n8 Orang nya enda tau enda masu gari diri, ngukur semua buk iya, lalu mandi. Udah nya baru iya tuchi. Iya tau tama ngagai kem, tang iya enda tau enda diau ari luar langkau kain iya empu tujuh hari.\\n9 Ba hari ti ketujuh, orang nya enda tau enda ngukur buk, ragum, bulu bansu, enggau semua bulu bukai ti ba tubuh iya. Iya enda tau enda masu gari diri, lalu mandi. Nya baru iya tuchi.\\n10 Ba hari ti kelapan, orang nya enda tau enda mai dua iku anak domba ti lelaki, enggau siku anak domba ti indu ke umur setaun, ti nadai penimpang, dua kilogram tepung ti dichampur enggau minyak kana, enggau setengah butul minyak kana.\\n11 Imam deka mai orang nya enggau semua piring nya ngagai penama Langkau Kain TUHAN.\\n12 Udah nya, imam deka ngambi siku ari anak domba ti lelaki nya, lalu nyerahka jelu nya, sama enggau setengah butul minyak, nyadika piring kena mayar ukum penyalah. Iya deka meri utai nya nyadika pemeri ti manah ngagai TUHAN, ke imam nya.\\n13 Iya deka nyayat anak domba nya ba endur ti kudus, ba endur alai nyayat jelu ti diberi nyadika piring pengampun dosa enggau piring tunu. Iya enda tau enda ngereja nya, laban piring ti dikena mayar ukum penyalah, baka piring ti dikena muai dosa, nya endang enggi imam, lalu piring nya kudus.\\n14 Imam deka ngambi sekeda darah anak domba nya, lalu malitka darah nya ngagai rambing pending kanan, tunjuk indu jari kanan, enggau ngagai tunjuk indu kaki kanan orang ke deka dikumbai tuchi.\\n15 Imam deka ngambi minyak kana mimit, lalu nuang iya ngagai tapa jari kiba iya empu,\\n16 nechalka tunjuk jari kanan iya ngagai minyak nya, lalu mechikka minyak nya tujuh kali dia di mua TUHAN.\\n17 Iya deka ngambi minyak ti ba tapa jari iya mimit, enggau darah anak domba nya mimit, lalu malitka utai nya ngagai rambing pending kanan, tunjuk indu jari kanan, enggau ngagai tunjuk indu kaki kanan orang ke deka dikumbai tuchi.\\n18 Iya deka ngengkahka teda minyak ti ba tapa iya ngagai pala orang nya. Nya meh chara iya ngereja pengawa nuchi orang nya.\\n19 Udah nya imam deka ngenjuk piring pengampun dosa, lalu ngereja pengawa nuchi orang nya. Udah lepas nya, iya deka nyayat jelu nya nyadika piring tunu\\n20 lalu nyerahka piring nya sama enggau piring gandum, ba alta. Nya meh chara imam deka ngereja pengawa nuchi orang nya, lalu orang nya nyadi tuchi.\\n21 Enti orang nya seranta, lalu enda ulih meri utai ti lebih ari nya, iya tau mai, kena nuchi diri, siku anak domba ti lelaki nyadika piring kena mayar ukum penyalah, pemeri ti manah ti diberi ngagai TUHAN, ke imam nya. Orang nya semina mai sekilogram tepung ti dichampur enggau minyak kana, nyadika piring gandum, enggau setengah butul minyak kana.\\n22 Iya mega enda tau enda mai dua iku burung achang tauka dua iku burung puna, siku nyadika piring pengampun dosa, lalu siku nyadika piring tunu.\\n23 Ba hari ti kelapan lebuh orang nya nuchi diri, iya enda tau enda mai burung nya ngagai imam, ba penama ngagai Langkau Kain TUHAN.\\n24 Imam deka ngambi anak domba, enggau minyak kana, lalu meri utai nya nyadika pemeri ti manah ngagai TUHAN, nyadi ungkup ke imam nya.\\n25 Iya deka nyayat anak domba nya, lalu ngambi darah iya mimit, lalu malitka darah nya ngagai rambing pending kanan, ngagai tunjuk indu jari kanan, enggau ngagai tunjuk kaki kanan orang nya.\\n26 Imam deka nuang minyak nya mimit ngagai tapa jari kiba iya empu\\n27 lalu ngena tunjuk ari jari kanan iya, iya deka mechikka minyak nya tujuh kali dia, di mua TUHAN.\\n28 Iya deka ngengkahka minyak nya mimit ba endur alai iya ti udah malitka darah nya tadi ngagai rambing pending kanan, ngagai tunjuk indu jari kanan, enggau ngagai tunjuk indu kaki kanan orang nya.\\n29 Teda minyak ti ba jari iya deka diengkahka iya ba pala orang nya. Nya meh chara imam nya ngereja pengawa nuchi orang nya.\\n30 Udah nya, iya deka meri siku ari burung achang nya\\n31 nyadika piring pengampun dosa, lalu siku nyadika piring tunu, sama enggau piring gandum. Nya meh chara imam deka ngereja pengawa nuchi orang nya.\\n32 Tu adat ke orang ke bisi penyakit kulit ti tau ngerampit, ti enda ulih ngenjuk piring ti diberi baka selama, kena nuchi diri.\\n33 TUHAN meri ngagai Moses seduai Aron\\n34-35 adat tu ba pasal rumah ti bekuap. (Adat tu dikena lebuh orang Israel udah datai di menua Kanaan ti deka diberi TUHAN ngagai sida nyadika pesaka sida.) Enti orang nemu TUHAN udah ngasuh rumah iya bekuap, iya enda tau enda madahka utai nya ngagai imam.\\n36 Imam deka ngasuh semua utai dipindahka ari rumah nya, sebedau iya meresa kuap nya, enggai ke semua utai dalam rumah nya dikumbai enda tuchi magang. Udah nya baru iya deka mansang ngagai rumah nya\\n37 lalu meresa kuap nya. Enti dinding nya baka ke bisi diempa petik ti gadung, tauka mirah,\\n38 iya deka ninggalka rumah nya, lalu ngunchi rumah nya tujuh hari.\\n39 Ba hari ti ketujuh, iya deka datai lalu meresa rumah nya baru. Enti kuap nya udah nyelamar,\\n40 iya deka ngasuh orang muai batu ti bekuap nya ngagai endur ti enda tuchi di luar nengeri nya.\\n41 Udah nya, iya enda tau enda ngasuh semua dinding dalam rumah nya dikikis magang, lalu semua semin ti udah dikikis nya ditugungka ba endur siti ti enda tuchi, di luar nengeri nya.\\n42 Udah nya, batu bukai deka dikena nganti batu ti udah dibuai, lalu dinding nya disemin baru.\\n43 Enti kuap nya bisi ayan baru dalam rumah nya, udah bekau batu nya dibuai, lalu rumah nya udah dikikis, lalu disemin baru,\\n44 imam nya deka mansang lalu meresa utai nya baru. Enti kuap nya udah nyelamar, rumah nya enda tuchi.\\n45 Rumah nya enda tau enda dirubuh, lalu batu ari rumah nya, perengka kayu ari rumah nya, enggau semua semin iya, enda tau enda dibai pansut ari nengeri nya, ngagai siti endur ti enda tuchi.\\n46 Barang sapa tama ngagai rumah ti udah dikunchi, deka nyadi enda tuchi nyentuk ngagai lemai.\\n47 Barang sapa gali, tauka makai dalam rumah nya, enda tau enda masu gari diri.\\n48 Lebuh imam nya datai meresa rumah nya, lalu kuap nya nadai ayan baru, udah bekau rumah nya disemin baru, iya deka ngumbai rumah nya tuchi, laban kuap nya udah abis dibuai magang.\\n49 Kena nuchi rumah nya, iya deka ngambi dua iku burung, kayu sidar, siti tali ti mirah, enggau sepating isop.\\n50 Iya deka munuh siku ari burung nya atas mangkuk sigi ti digaga ari tanah, ti ngundan ai.\\n51 Udah nya iya deka ngambi kayu sidar, pating isop, tali ti mirah, enggau siku burung ti agi idup, lalu nyepuhka semua utai nya ngagai darah burung ti udah dibunuh nya tadi, enggau ngagai ai nya. Iya deka mechik rumah nya tujuh kali.\\n52 Nya meh jalai iya nuchi rumah nya ngena darah burung, ai, burung ti agi idup, kayu sidar, pating isop, enggau tali ti mirah.\\n53 Udah nya, iya deka ngelepaska burung ti idup nya, ba padang di luar nengeri. Nya meh chara iya deka ngereja pengawa nuchi rumah nya, lalu rumah nya nyadi tuchi.\\n54 Tu adat pasal penyakit kulit ti tau ngerampit,\\n55-56 pasal kuris, pisa, bisul, enggau pasal kuap ti bisi ba gari, tauka rumah.\\n57 Tu meh adat kena nemu enti utai nya enda tuchi, tauka tuchi.\\n2 ke orang Israel. Lebuh utai pansut ari perengka lelaki, utai nya enda tuchi,\\n3 nemuka utai nya neritik ari perengka iya, tauka enda.\\n4 Semua peninduk ti udah alai iya duduk tauka gali, enda tuchi magang.\\n5 Barang sapa negu peninduk orang nya\\n6 tauka duduk ba sebarang utai ti udah alai orang nya duduk, enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.\\n7 Barang sapa negu orang ke mansutka utai ti kamah ari tubuh, enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.\\n8 Enti orang ke mansutka utai ti kamah nya ngeludah orang ke tuchi, orang ke diludah iya nya enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.\\n9 Penuduk ti dikena orang nya nepan kuda, tauka penuduk ti udah alai iya duduk, nyadi enda tuchi.\\n10 Barang sapa negu utai ti udah alai orang ke mansutka utai ti kamah nya duduk, nyadi enda tuchi nyentuk ngagai lemai.\\n11 Enti orang ke mansutka utai ti kamah nya bisi negu siku ari bala kita, sebedau iya masu jari diri, orang ke ditegu iya nya enda tau enda masu gari diri, lalu mandi, lalu iya deka mengkang enda tuchi nyentuk ngagai lemai.\\n12 Periuk tanah ti udah kena tegu orang nya, enda tau enda dipechahka, lalu semua mangkuk ti digaga ari kayu, enda tau enda dibasu.\\n13 Lebuh orang nya udah digeraika ari penyakit nya, iya enda tau enda nganti tujuh hari. Udah nya iya masu gari diri, lalu mandi ba ai ti beresi. Nya baru iya deka nyadi tuchi.\\n14 Ba hari ti kelapan, iya deka mai dua iku burung achang, tauka dua iku burung puna, ngagai penama Langkau Kain TUHAN, lalu meri utai nya ngagai imam.\\n15 Imam nya deka meri siku ari burung nya nyadika piring pengampun dosa, lalu siku nyadika piring tunu. Nya meh chara imam ngereja pengawa nuchi orang nya.\\n16 Lebuh ai mani pansut ari lelaki, iya enda tau enda mandi, lalu iya deka mengkang enda tuchi nyentuk ngagai lemai.\\n17 Semua utai ti digaga ari kain tauka kulit jelu, ti udah alai ai mani nya nitik, enda tau enda dibasu magang, lalu utai nya mengkang enda tuchi nyentuk ngagai lemai.\\n18 Lebuh lelaki enggau indu udah beleman, seduai iya enda tau enda mandi, lalu seduai iya deka mengkang enda tuchi nyentuk ngagai lemai.\\n19 Lebuh indu datai kain, iya mengkang enda tuchi tujuh hari. Barang sapa negu iya, deka mengkang enda tuchi nyentuk ngagai lemai.\\n20 Utai ti udah alai iya duduk, tauka alai iya gali, lebuh iya datai kain, nyadi enda tuchi.\\n21-23 Barang sapa negu peninduk iya, tauka negu sebarang utai ti udah alai iya duduk, enda tau enda masu gari diri lalu mandi, lalu orang nya mengkang enda tuchi nyentuk ngagai lemai.\\n24 Enti lelaki beleman enggau indu nya lebuh iya datai kain, lelaki nya dirampit pengamah indu nya, lalu lelaki nya deka mengkang enda tuchi tujuh hari, lalu peninduk ti alai lelaki nya gali, nyadi enda tuchi.\\n25 Enti indu bisi begetah dua tiga hari, lebuh ukai maya iya datai kain, tauka iya begetah ngelui ari pengelama iya datai kain, indu nya mengkang enda tuchi sekumbang iya ke mengkang begetah, baka lebuh iya ke datai kain.\\n26 Sebarang peninduk ti udah alai indu nya gali, tauka sebarang utai ti udah alai iya duduk lebuh maya nya, deka nyadi enda tuchi.\\n27 Barang sapa negu semua utai nya, deka nyadi enda tuchi, lalu enda tau enda masu gari diri, lalu mandi. Sida nya deka mengkang enda tuchi nyentuk ngagai lemai.\\n28 Lebuh indu nya ngetu datai kain, iya enda tau enda nganti tujuh hari. Udah nya baru iya nyadi tuchi.\\n29 Ba hari ti kelapan, iya deka mai dua iku burung achang, tauka dua iku burung puna, ngagai imam ba penama ngagai Langkau Kain TUHAN.\\n30 Imam nya deka meri siku ari burung nya nyadika piring pengampun dosa, lalu siku nyadika piring tunu. Nya meh chara imam nya deka ngereja pengawa nuchi indu nya.\\n31 TUHAN ngasuh Moses meri ngagai orang Israel jaku tangkan, madahka pasal pengamah sida, ngambika sida enda ngamahka langkau sembiang nya ti ba tengah-tengah kem sida. Enti sida ngamahka langkau sembiang nya, sida deka dibunuh.\\n32 Tu meh adat pasal orang ke mansutka utai ti kamah ari tubuh, mansutka ai mani,\\n33 indu ke datai kain, tauka lelaki ti udah beleman enggau indu ke enda tuchi.\\n1 Udah bekau anak lelaki Aron ke dua iku kena bunuh lebuh seduai iya meri api ti enda kudus ngagai TUHAN, TUHAN lalu bejaku ngagai Moses.\\n2 Ku Iya, “Padahka ngagai menyadi nuan, Aron, iya tau tama ngagai Langkau Kain TUHAN di belakang tirai semina ba maya ti patut aja, laban endur nya alai Aku pegari dalam mua hari ari atas tudung Peti Lampang Batu Adat. Enti iya enda ngasi, iya deka dibunuh.\\n3 Iya semina tau tama ngagai Endur ti Pemadu Kudus lebuh iya udah mai siku sapi ti lelaki ti biak nyadika piring pengampun dosa, enggau siku bedus ti lelaki nyadika piring tunu.\\n4 Sebedau Aron mansang ngagai Endur ti Pemadu Kudus, iya enda tau enda mandi, lalu ngerasukka pekayan imam, iya nya, baju panjai enggau tanchut pandak ti digaga ari kain linin, belulang, enggau labung.\\n5 Orang Israel deka meri ngagai Aron dua iku kambin ti lelaki nyadika piring pengampun dosa, enggau siku bedus ti lelaki nyadika piring tunu.\\n6 Iya deka meri siku sapi ti lelaki nyadika piring pengampun dosa ke iya empu, enggau ke sida sebilik.\\n7 Udah nya iya deka mai kambin ti dua iku nya ngagai penama Langkau Kain TUHAN.\\n8 Iya deka bechabut undi dia, ngena dua igi batu. Sigi dikelai ngena leka jaku “Ke TUHAN” lalu sigi “Ke Asasel”\\n9 Aron deka meri kambin ti diundi ke TUHAN, nyadika piring pengampun dosa.\\n10 Kambin ti diundi ke Asasel deka diberi idup-idup ngagai TUHAN, lalu dilepaska di menua puang ngagai Asasel, ngambika iya nabanka dosa orang mayuh.\\n11 Lebuh Aron meri sapi ti lelaki nyadika piring pengampun dosa ke iya empu enggau ke sida sebilik,\\n12 iya deka mai siti talam ti penuh laban bara api ari alta, enggau dua genggam menyan ti alus, lalu mai semua utai nya ngagai Endur ti Pemadu Kudus.\\n13 Di mua TUHAN dia, iya deka nabakka menyan nya ngagai api nya, lalu asap menyan nya deka ngelalaika tudung Peti Lampang Batu Adat, ngambika Aron enda meda tudung nya, enggai ke iya mati.\\n14 Iya deka ngambi sekeda darah sapi ti lelaki nya, lalu mechikka darah nya di mua tudung nya, lalu udah nya, mechikka darah nya tujuh kali di mua Peti Lampang Batu Adat nya.\\n15 Udah nya, iya deka nyayat kambin nya nyadika piring pengampun dosa ke orang mayuh, mai darah jelu nya ngagai Endur ti Pemadu Kudus, lalu mechikka darah nya ngagai tudung Peti Lampang Batu Adat, lalu udah nya, di mua Peti nya, baka chara iya ke ngena darah sapi.\\n16 Nya meh chara iya nuchi Langkau Kain TUHAN ari pengamah orang Israel, enggau ari semua dosa sida. Iya enda tau enda ngereja nya ngagai Langkau Kain TUHAN, laban Langkau Kain nya bediri ba tengah-tengah kem ti enda tuchi nya.\\n17 Kenyau ari maya Aron tama ngagai Langkau Kain TUHAN ngereja pengawa nuchi bansa, nyentuk ngagai maya iya pansut, orang nadai tau mengkang dalam Langkau Kain TUHAN. Lebuh iya udah ngereja pengawa nuchi diri empu, enggau sida sebilik, enggau semua orang Israel,\\n18 iya enda tau enda pansut ngagai alta alai ti nunu piring, lalu nuchi alta nya. Iya enda tau enda mai sekeda darah sapi ti lelaki nya, enggau sekeda darah kambin, lalu malitka darah nya ngagai tanduk sukut alta nya.\\n19 Iya enda tau enda mechikka darah nya ngena tunjuk iya tujuh kali ngagai alta nya. Nya meh chara iya nuchi alta nya ari dosa orang Israel, ngambika alta nya kudus.\\nKambin Kena Muai Penyalah\\n20 Lebuh Aron udah tembu ngereja pengawa nuchi Endur ti Pemadu Kudus, enggau semua endur ti bukai dalam Langkau Kain TUHAN, enggau alta nya, iya deka meri ngagai TUHAN siku kambin ti idup, ti udah diundi ke Asasel.\\n21 Iya deka ngengkahka jari iya kedua piak ba pala kambin nya, lalu ngaku atas pala kambin nya semua penyai, dosa, enggau ulah orang Israel ke ngelaban TUHAN, ngambika mindahka semua utai nya ngagai pala kambin nya. Udah nya, kambin nya enda tau enda diburu ngagai menua puang, ulih orang ke udah dipaduka ngereja pengawa nya.\\n22 Kambin nya deka mai semua dosa sida ngagai endur ti nadai mensia.\\n23 Udah nya, Aron deka tama ngagai Langkau Kain TUHAN, muka pekayan imam ti udah dikena iya sebedau iya tama ngagai Endur ti Pemadu Kudus, lalu ninggalka pekayan nya dia.\\n24 Iya enda tau enda mandi ba Endur ti Kudus, lalu ngerasukka gari iya empu. Udah nya, iya deka pansut lalu ngenjuk piring tunu, kena muai dosa iya empu, enggau dosa orang mayuh.\\n25 Iya deka nunu, ba alta nya, lemak jelu ti nyadika piring pengampun dosa.\\n26 Orang ke muru kambin nya ngagai Asasel di menua puang, enda tau enda masu gari diri, lalu mandi, sebedau iya tama ngagai kem.\\n27 Sapi lelaki enggau kambin ti nyadika piring pengampun dosa, ti bempu darah ti udah dibai ngagai Endur ti Pemadu Kudus kena muai dosa, deka dibai ke luar ari kem nya, lalu ditunu. Kulit, isi, enggau perengka dalam jelu nya deka ditunu magang.\\n28 Orang ke nunu utai nya enda tau enda masu gari diri, lalu mandi, sebedau iya pulai ngagai kem.\\nNgintu Hari Pengampun Dosa\\n29 Adat tu enda tau enda dititihka belama iya. Kena sepuluh hari bulan ti ketujuh, orang Israel enggau orang bansa bukai ke diau begulai enggau sida, enda tau enda bepasa, lalu enda tau gawa.\\n30 Ba hari nya, Imam Besai deka ngereja pengawa nuchi orang mayuh ari semua dosa sida.\\n31 Hari nya deka diintu nyadika hari ti amat kudus, hari sida bepasa lalu enda gawa. Adat tu enda tau enda dititihka belama iya.\\n32 Imam Besai, ti udah dichiri lalu diserahka ngagai TUHAN ngambika bisi nganti apai iya, deka ngereja pengawa nuchi orang ari semua dosa sida. Iya deka ngerasukka pekayan imam\\n33 lalu ngereja pengawa nuchi Endur ti Pemadu Kudus, endur bukai dalam Langkau Kain TUHAN, alta, bala imam, enggau semua orang Israel.\\n34 Adat tu enda tau enda dititihka belama iya. Pengawa tu enda tau enda dikereja sekali setaun, kena nuchi orang Israel ari dosa sida.” Nya alai Moses ngereja utai ti diasuh TUHAN.\\n2 meri adat tu ngagai Aron, enggau ngagai bala anak lelaki iya, enggau ngagai semua orang Israel:\\n3 Enti orang Israel nyayat sapi, tauka bedus tauka kambin ari luar kem,\\n4 lalu enda mai utai nya ngagai penama Langkau Kain TUHAN, ngambika utai nya diserahka nyadi pemeri ngagai TUHAN di mua langkau sembiang, orang nya ngelanggar adat. Iya udah ngasuh darah nyaya, lalu iya enda agi dikumbai nembiak Allah Taala.\\n5 Tu reti pesan tu: ngelamatu orang Israel udah nyayat jelu di padang. Tang diatu sida enda tau enda mai jelu nya ngagai TUHAN. Sida deka mai jelu nya ngagai imam ba penama ngagai Langkau Kain TUHAN, lalu nyayat jelu nya dia nyadika piring pemaik.\\n6 Imam nya deka ngunsaika darah jelu nya ngagai tisi alta ti ba penama ngagai Langkau Kain TUHAN, lalu nunu lemak jelu nya ngambika iya bebau rengut lalu ngerinduka ati TUHAN.\\n7 Orang Israel enda tau enda tetap ati ngagai TUHAN, lalu badu agi nyayat jelu sida di padang nyadika piring ngagai antu kambin. Orang Israel enda tau enda nitihka atur tu belama iya.\\n8 Enti orang Israel tauka orang kampar ti diau begulai enggau sida ngenjuk piring tunu, tauka piring bukai\\n9 nyadika piring ti diberi ngagai TUHAN ba endur bukai kelimpah ari ba penama ngagai Langkau Kain TUHAN, sida deka badu agi dikumbai nembiak Allah Taala.\\n10 Enti orang Israel, tauka orang kampar ti diau begulai enggau sida, makai dagin ti agi bedarah, TUHAN deka ngelaban sida, lalu Iya deka badu agi ngumbai sida nembiak Iya.\\n11 Seput semua utai ti idup endang dalam darah. Nya kebuah TUHAN udah bejaku ngasuh semua darah dituang magang ba alta, kena muai dosa orang mayuh. Darah, iya nya nyawa, muai dosa.\\n12 Nya kebuah TUHAN udah madahka ngagai orang Israel, sida tauka orang kampar ti diau begulai enggau sida, enda tau makai dagin ti agi bedarah.\\n13 Enti orang Israel, tauka orang kampar ke begulai enggau sida, nangkap jelu tauka burung ti enda tuchi, sida enda tau enda nejuka darah jelu nya neritik ke tanah, lalu ngelamun darah nya ngena tanah.\\n14 Seput semua utai ti idup nya dalam darah sida. Nya kebuah TUHAN udah madahka ngagai orang Israel, sida enda tau makai dagin ti agi bedarah. Semua orang ke makai dagin ti agi bedarah, deka badu agi dikumbai nembiak Allah Taala.\\n15 Barang sapa, nemuka iya nya orang Israel, tauka orang kampar, makai dagin ari jelu ti ditemu mati, tauka udah mati laban jelu babas, enda tau enda masu gari diri, mandi, lalu mengkang enda tuchi nyentuk ngagai lemai.\\n16 Enti sida enda, sida deka betanggungjawapka penyalah nya.\\nPengawa Beleman Ti Enda Tau Dikereja\\n1 Ku TUHAN bejaku ngagai Moses\\n2 “Sebut ngagai orang Israel, Aku tu TUHAN Allah Taala kita.\\n3 Anang ngereja utai baka ke dikereja orang di menua Ejip, alai kita ke idup menya, tauka utai ti dikereja orang di menua Kanaan, ti alai Aku deka mai kita diatu.\\n4 Titihka adat Aku, lalu kereja utai ti diasuh Aku. Aku tu TUHAN Allah Taala kita.\\n5 Titihka atur enggau adat ti diberi Aku ngagai kita. Kita deka ngidupka nyawa diri enti kita ngereja utai nya. Aku tu TUHAN.”\\n6 TUHAN meri adat tu: Anang beleman enggau kaban belayan diri empu.\\n7 Anang beleman enggau indai diri empu, laban nya ngemaluka apai nuan. Nuan enda tau ngemaluka indai nuan empu.\\n8 Anang beleman enggau indu simpan apai nuan, laban nya ngemaluka apai nuan.\\n9 Anang beleman enggau menyadi indu nuan, tauka menyadi indu tiri nuan, nemuka iya sebilik enggau nuan kenyau ari mit, tauka enda.\\n10 Anang beleman enggau uchu indu nuan, laban nya deka ngemaluka nuan.\\n11 Anang beleman enggau menyadi indu ke saum apai, tang enda saum indai enggau nuan, laban iya mega menyadi nuan.\\n12-13 Anang beleman enggau ibu nuan, nemuka iya nya menyadi apai nuan, tauka menyadi indai nuan.\\n14 Anang beleman enggau bini aya nuan, laban iya ibu nuan.\\n15 Anang beleman enggau menantu indu nuan\\n16 tauka enggau bini menyadi nuan.\\n17 Anang beleman enggau anak indu, tauka uchu orang indu ke udah enggau nuan beleman. Kada enda sida nya kaban belayan nuan, lalu ngujungka nuan ngereja pengawa seks ti salah.\\n18 Anang ngambi menyadi bini nuan nyadika bini nuan, seagi-agi bini nuan mengkang idup.\\n19Anang beleman enggau indu ke benung datai kain, laban iya enda tuchi.\\n20 Anang beleman enggau bini orang bukai, laban nya deka ngasuh nuan enda tuchi.\\n21 Anang nyerahka anak nuan kena nyembah petara Molek, laban nya deka ngemaluka nama Allah Taala, ti TUHAN.\\n22 Orang lelaki enda tau beleman enggau orang ke sama lelaki. Allah Taala begedika pengawa nya.\\n23 Lelaki tauka indu enda tau beleman enggau jelu. Pengawa ti jai nya deka ngasuh nuan enda tuchi.\\n24 Anang ngamahka diri ngena semua kereja nya, laban nya chara orang bansa bukai ngaga diri enda tuchi, iya nya bansa orang ke diau di menua nya dulu ari kita, ke diburu TUHAN, ngambika kita ulih tama ngagai menua nya.\\n25 Utai ti dikereja sida ngasuh menua nya enda tuchi. Nya kebuah TUHAN ngukum menua nya lalu ngasuh menua nya nulak orang ke diau dia.\\n26-27 Sida ngereja semua utai ti jai nya, lalu ngasuh menua nya enda tuchi. Tang kita enda tau ngereja utai nya. Semua bala kita, nemuka kita nya bansa orang Israel, tauka orang kampar ti diau begulai enggau kita, kita enda tau enda ngasika atur enggau adat TUHAN.\\n28 Nya baru menua nya enda nulak kita, baka iya ti nulak orang bansa bukai ke udah diau dia dulu ari kita.\\n29 Kita nemu, barang sapa ngereja utai ti jai tu, deka badu agi dikumbai nembiak Allah Taala.\\n30 Nya alai titihka semua pesan ti diberi Aku ngagai kita, lalu anang ngereja utai ti dikereja orang ke dulu agi diau di menua nya ari kita. Anang ngereja semua utai nya lalu ngaga diri enda tuchi. Aku tu TUHAN Allah Taala kita.”\\nAdat Pasal Pengudus Enggau Atur Ti Lurus\\n1 Lalu ku TUHAN bejaku ngagai Moses\\n2 “Sebut ngagai semua orang Israel: Kita enda tau enda kudus, laban Aku ti TUHAN Allah Taala kita, kudus.\\n3 Genap iku kita enda tau enda bebasaka apai indai kita, lalu enda tau enda ngintu Hari Sabat, munyi ti udah dipesanka Aku ngagai kita. Aku tu TUHAN Allah Taala kita.\\n4 Anang nyembah engkeramba tauka ngaga anak patung: Aku tu TUHAN Allah Taala kita.\\n5 “Lebuh kita nyayat jelu nyadika piring pemaik, titihka adat ti udah diberi Aku ngagai kita, nya baru Aku deka nerima piring nya.\\n6 Dagin nya enda tau enda diempa sama hari jelu nya disayat, tauka hari siti. Dagin ti beteda ngagai hari ti ketiga, enda tau enda ditunu,\\n7 laban dagin nya enda tuchi, lalu enti orang makai dagin nya, Aku enggai nerima piring nya.\\n8 Barang sapa makai dagin nya deka kena tinggang penyalah, laban iya udah ngamahka utai ti kudus ti enggi TUHAN, lalu iya deka dibuai ari raban nembiak TUHAN.\\n9 “Lebuh kita ngetau umai kita, anang ngetau gandum ti ba tisi umai, lalu anang pulai baru ngagai umai nya lalu ngetau semeli.\\n10 Anang pulai baru ngagai kebun anggur kita lalu ngumpul buah ti enda kena ketau kita, tauka ngumpul buah anggur ti labuh. Tinggalka utai nya dia ngambika bisi digumpul orang ke seranta enggau orang kampar. Aku tu TUHAN Allah Taala kita.\\n11 “Anang ngenchuri tauka nipu, tauka bula.\\n12 Anang ngaga semaya dalam nama Aku, enti kita nadai ati deka ngamatka semaya nya. Utai nya ngemaluka nama Aku. Aku tu TUHAN Allah Taala kita.\\n13 “Anang ngerumpak orang, tauka ngambi ulih ba orang. Anang enda mayar gaji orang ke gawa ke kita, semalam pen enda meh gaji nya tau ditejuka enda dibayar.\\n14 Anang ngeleseka orang ke bengal, tauka ngasuh orang ke buta tesangkut. Kita enda tau enda ngasika Aku. Aku tu TUHAN Allah Taala kita.\\n15 “Anang meri atur ti enda lurus lebuh kita ngatur pechara. Anang bepilih mata enggau orang ke seranta, tauka nangika orang ke kaya.\\n16 Anang bejaku bula pasal orang, lalu anang besaksi bula pasal orang. Aku tu TUHAN.\\n17 “Anang begedika menyadi nuan, tang rara iya enti iya bisi salah, enggai ke nuan empu salah ketegal nuan enda ngerara iya.\\n18 Anang malas, tauka begedika pangan nuan, tang rinduka iya baka nuan ti rinduka diri empu. Aku tu TUHAN.\\n19 “Ngasika adat Aku. Anang bekawinka jelu tupi ti enda sebaka bansa. Anang nanam dua macham benih ba sebidang tanah. Anang ngena gari ti ditenun ari dua macham ubung.\\n20 “Enti lelaki ngumbai ulun iya ti indu nya indu simpan iya, lalu indu nya apin dibayar rega lalu apin dilepaska, lalu enti udah nya, lelaki bukai bisi beleman enggau indu nya, seduai iya enda tau enda kena ukum, tang endadiukum bunuh, laban indu nya ulun.\\n21 Orang nya deka mai siku bedus ti lelaki ngagai penama Langkau Kain TUHAN nyadika piring kena mayar ukum penyalah,\\n22 lalu imam deka ngena piring nya nuchi orang nya ngambika muai dosa iya, lalu dosa iya deka diampun.\\n23 “Lebuh kita datai di menua Kanaan, lalu nanam sebarang macham kayu buah, kita deka ngumbai buah nya enda tuchi dalam tiga taun ti keterubah. Dalam kandang maya nya, kita enda tau makai buah nya.\\n24 Dalam taun ti keempat, semua buah nya deka diserahka magang nyadika piring kena kita ngayanka pemesai terima kasih kita ngagai Aku, ti TUHAN.\\n25 Tang dalam taun ti kelima, kita tau makai buah nya. Enti kita ngereja semua nya, kayu buah kita deka bebuah lebat agi. Aku tu TUHAN Allah Taala kita.\\n26 “Anang makai dagin ti agi bedarah. Anang betilitka nasit\\n27 Anang nguntin bulu tepisan kita, tauka mipil ragum kita.\\n28 Anang ngaga ukir ba tubuh kita. Anang ngurik tubuh kita kena nandaka diri ngulitka orang ke mati. Aku tu TUHAN.\\n29 “Anang ngasuh anak indu kita nyundal dalam rumah sembianglaban tu deka ngemaluka sida sereta ngamahka menua.\\n30 Intu Hari Sabat, lalu bebasaka Langkau Kain TUHAN. Aku tu TUHAN.\\n31 “Anang betanya ngagai orang ke bejaku enggau semengat orang ke udah mati, tauka ngagai manang. Anang begigaka sida enggai ke kita kamah laban sida. Aku tu TUHAN Allah Taala kita.\\n32 “Bediri lebuh orang ke tuai umur mansa, lalu bebasaka sida. Nangika Allah Taala kita. Aku tu TUHAN.\\n33 “Anang nekanka pengidup orang kampar ti diau di menua kita.\\n34 Kereja utai ba sida baka ke dikereja kita ngaga orang Israel, lalu rinduka sida, baka kita ke rinduka diri empu. Kingatka diri ti udah nyadi orang kampar di menua Ejip. Aku tu TUHAN Allah Taala kita.\\n35 “Anang ngakal orang lebuh kita nyukat, nimbang tauka nakar utai.\\n36 Kena dachin ti betul, timbang ti betul, takar ti betul. Aku tu TUHAN ti udah mai kita pansut ari menua Ejip.\\n37 Kita enda tau enda ngasika semua adat enggau pesan Aku. Aku tu TUHAN.”\\n2 “Sebut ngagai orang Israel: Enti kita orang Israel, tauka orang kampar ti diau begulai enggau kita, nyerahka anak diri ngagai petara Molek, orang nya deka dituku semua orang Israel ngena batu datai ke iya mati.\\n3 Enti orang nyerahka anak iya ngagai Molek, lalu ngamahka Langkau Kain Aku ti kudus, sereta mechat nama Aku ti kudus, Aku deka ngelaban iya, lalu enggai agi ngumbai iya nembiak Aku.\\n4 Lalu enti orang Israel enda bedulika utai ti udah dikereja iya, lalu enda munuh iya,\\n5 Aku Empu deka ngelaban iya, sereta ngelaban semua sida sebilik, enggau ngelaban semua orang ke sama enggau iya enda tetap ati ngagai Aku, lalu nyembah Molek. Aku enggai agi ngumbai sida nembiak Aku.\\n6 “Enti orang betanya ngagai orang ke bejaku enggau semengat orang ke udah mati, tauka betanya ngagai manang, Aku deka ngelaban iya lalu enda agi ngumbai iya nembiak Aku.\\n7 Kita enda tau enda kudus, laban Aku tu TUHAN Allah Taala kita.\\n8 Kita enda tau enda ngasika adat Aku, laban Aku tu TUHAN ti nguduska kita.\\n10 “Enti lelaki butang enggau bini orang Israel, lelaki enggau indu nya deka sama dibunuh.\\n11 Lelaki ke beleman enggau siku ari bala bini apai iya, ngemaluka apai iya, lalu iya enggau indu nya deka sama dibunuh. Seduai iya deka betanggungjawapka pemati diri.\\n12 Enti lelaki beleman enggau menantu indu iya, seduai iya deka sama dibunuh. Seduai iya udah ngereja seks ti salah, lalu seduai iya deka betanggungjawapka pemati diri.\\n13 Enti lelaki beleman enggau lelaki, seduai iya udah ngereja utai ti jai, lalu seduai iya deka sama dibunuh. Seduai iya deka betanggungjawapka pemati diri.\\n14 Enti lelaki jadi enggau indu, lalu jadi mega enggau indai indu nya, semua sida tiga nya deka ditunu datai ke mati, ketegal utai ti balat ngemalu ti udah dikereja sida. Utai ti baka nya enda tau ditejuka nyadi ba bala kita.\\n15 Enti lelaki beleman enggau jelu, iya enggau jelu nya deka sama dibunuh.\\n16 Enti indu nguji beleman enggau jelu, iya enggau jelu nya deka sama dibunuh. Seduai iya deka betanggungjawapka pemati diri.\\n17 Enti lelaki jadi enggau menyadi indu diri, tauka menyadi-tiri diri, seduai iya deka dipechat di mua orang mayuh, lalu dibuai ari bansa orang Israel. Lelaki nya udah beleman enggau menyadi indu diri, lalu iya deka betanggungjawapka penyalah nya.\\n18 Enti lelaki beleman enggau indu ke datai kain, seduai iya deka sama dibuai ari bansa orang Israel, laban seduai iya udah ngelanggar adat pasal utai ti enda tuchi.\\n19 Enti lelaki beleman enggau ibu iya empu, seduai iya deka sama betanggungjawapka penyalah nya laban seduai iya udah ngereja seks ti salah.\\n20 Enti lelaki beleman enggau bini aya iya, iya ngemaluka aya iya, lalu iya enggau indu nya deka sama kena ukum. Seduai iya deka sama punas.\\n21 Enti lelaki ngambi bini menyadi diri, seduai nya deka mati punas. Lelaki nya udah ngereja utai ti enda tuchi, lalu udah ngemaluka menyadi iya empu.\\n22 Ku TUHAN bejaku, “Titihka semua adat enggau pesan Aku, ngambika kita enda ditulak menua Kanaan, alai Aku ti deka mai kita.\\n23 Anang nitihka adat asal orang ke diau di menua nya. Aku udah muru orang bansa bukai ari menua nya, ngambika kita tau tama ngagai menua nya. Sida\\nudah ngasuh Aku keji laban semua penyai ti udah dikereja sida.\\n24 Tang Aku udah besemaya deka meri menua ti kaya sereta ami nya nyadika pesaka kita, lalu Aku deka meri menua nya ngagai kita. Aku tu TUHAN Allah Taala kita, lalu Aku udah nyeraraka kita ari semua bansa bukai.\\n25 Nya alai, kita enda tau enda ngaga bida entara jelu enggau burung ti tuchi ari sida ke enda tuchi. Anang makai jelu enggau burung ti enda tuchi. Aku udah ngumbai sida enda tuchi, lalu enti kita makai sida, utai nya deka ngasuh kita enda tuchi.\\n26 Kita deka nyadi kudus lalu diempu Aku siku aja, laban Aku tu TUHAN, lalu Aku tu kudus. Aku udah nyeraraka kita ari bansa bukai, ngambika kita diempu Aku siku aja.\\n27 “Lelaki tauka indu ke bejaku enggau semengat orang ke udah mati, deka dituku ngena batu datai ke mati. Barang sapa ngereja utai nya, deka betanggungjawapka pemati diri.”\\n1 Lalu ku TUHAN bejaku ngagai Moses, “Bejaku nuan ngagai sida imam, iya nya sida anak Aron, lalu sebut ngagai sida: Nadai siku sida tau ngaga diri enda tuchi ketegal kaban belayan diri ke mati,\\n2 kelimpah ari indai, apai, anak lelaki, anak indu, menyadi lelaki,\\n3 tauka menyadi indu ke apin belaki, ti diau dalam rumah iya.\\n4 Iya enda tau ngaga diri enda tuchi ngena pengawa nyenggai kaban belayan ari bini iya\\n5 “Imam enda tau ngukur pala diri, tauka mipil ragum diri, tauka ngurik tubuh diri kena ngayanka diri ngulit.\\n6 Iya enda tau enda kudus, lalu enda tau ngemaluka nama Aku, laban iya ngenjuk piring ti diberi ngena api ngagai Aku. Nya kebuah iya enda tau enda kudus.\\n7 Imam enda tau jadi enggau indu ke udah nyundal, tauka enggau indu ke ukai dara bungas, tauka indu ke udah sarak ari laki iya, laban imam nya kudus.\\n8 Orang mayuh enda tau enda ngumbai imam nya kudus, laban iya ngenjuk piring ti diberi ngena api ngagai Aku. Aku tu TUHAN. Aku tu kudus, lalu Aku nguduska bala nembiak Aku.\\n9 Enti anak indu imam nyundal, iya ngemaluka apai iya. Iya enda tau enda ditunu datai ke mati.\\n10 “Imam Besai udah ditata ngena minyak tata ti dituang ba pala iya, lalu udah diserahka ngagai TUHAN, ngambika iya tau ngena pekayan imam. Nya alai iya enda tau nejuka buk diri enda disugu, lalu enda tau nyarikka gari diri kena ngayanka diri ngulit.\\n11 Iya enda tau tama ngagai endur ti bisi bangkai; iya enda tau ngamahka diri empu ngintu bangkai apai tauka indai iya.\\n12 Iya enda tau pansut ari Langkau Kain TUHAN, enggai ke iya ngamahka Langkau Kain TUHAN Allah Taala iya; laban iya udah ditata ngena minyak Allah Taala iya: Aku tu TUHAN.\\n13 Iya semina tau jadi enggau indu ke dara bungas.\\n14 Iya enda tau jadi enggau indu ke balu, tauka indu ke udah sarak, tauka udah nyundal. Iya enda tau enda jadi enggau indu dara bungas ari raban peturun iya empu.\\n15 Enti enda, bala anak iya ke patut kudus, deka nyadi enda tuchi. Aku tu TUHAN, lalu Aku udah nyeraraka iya nyadi Imam Besai.”\\n16 Ku TUHAN bejaku ngagai Moses\\n17 “Sebut ngagai Aron: peturun nuan, ke tachat, enda tau ngenjuk piring ti diberi ngena api ngagai Aku. Adat tu deka dikena belama iya.\\n18 Tu gaya orang ke tachat ti enda tau datai semak ngagai Aku: orang ke buta, orang ke enda ulih engkebut, ti enda menyana gamal, tauka menawa,\\n19 ke patah kaki tauka jari,\\n20 tauka bungkuk, tauka pandak tasal, orang ke sakit mata tauka sakit kulit, tauka orang ke udah dipeliri.\\n21 Peturun Imam Aron, ke bisi penimpang tubuh, enda tau ngenjuk piring ti diberi ngena api ngagai Aku. Laban iya bisi penimpang, iya enda tau datai semak lalu meri roti ngagai Allah Taala.\\n22 Iya tau makai roti Allah Taala, nyengkaum roti ti kudus, enggau roti ti pemadu kudus,\\n23 tang iya enda tau datai semak ngagai kain tirai tauka datai semak ngagai alta, laban tubuh iya bisi penimpang, enggai ke iya ngamahka Endur Aku ti Kudus, laban Aku tu TUHAN, ti nguduska utai nya.”\\n24 Nya meh utai ti disebut Moses ngagai Aron, ngagai bala anak lelaki Aron, enggau ngagai semua orang Israel.\\n2 “Asuh Aron enggau bala anak lelaki iya bejimat enggau pemeri ti kudus ti diberi orang Israel ngagai Aku, ngambika sida enda mechat nama Aku ti kudus. Aku tu TUHAN.\\n3 Sebut ngagai sida, ‘Enti siku ari peturun nuan, ba genap iti serak, datai semak ngagai pemeri ti kudus ti diserahka orang Israel ngagai Aku, lebuh iya agi mengkang enda tuchi, iya enda tau agi bekereja ba alta. Aku tu TUHAN.\\n4 “Nadai siku ari peturun Aron, ke bisi penyakit kulit ti tau ngerampit, tauka bisi utai kamah pansut ari tubuh iya, tau makai pemeri ti kudus, datai ke udah nyadi tuchi baru. Imam nyadi enda tuchi enti iya negu utai ti enda tuchi, nemuka utai nya bangkai, tauka ai mani iya ti bisi pansut,\\n5 tauka iya udah negu jelu ti enda tuchi, tauka negu orang ke enda tuchi.\\n6 Imam ti nyadi enda tuchi, deka mengkang enda tuchi nyentuk ngagai lemai. Tang taja pen hari nyau lemai, iya enda tau makai pemeri ti kudus, enti iya apin mandi.\\n7 Lebuh padam mata panas nya baru iya tuchi. Udah nya baru iya tau makai pemeri ti kudus, ti endang pemakai iya.\\n8 Iya enda tau makai dagin jelu ti mati sakit tauka mati ngapa, tauka mati laban jelu babas. Utai nya deka ngasuh iya enda tuchi. Aku tu TUHAN.’\\n9 Sida enda tau enda nitihka adat ti diberi Aku, enggai ke sida salah lalu mati dalam Langkau Kain TUHAN ketegal sida enda ngasika adat ti kudus. Aku tu TUHAN, ke nguduska adat nya.\\n10 “Orang bukai enda tau makai pemeri ti kudus nya. Orang ke diau enggau imam, tauka orang gaji iya pen enda meh tau makai pemeri nya.\\n11 Tang ulun imam, ke dibeli ngena duit imam nya empu, tauka ada dalam rumah imam, tau makai pemakai imam.\\n12 Enti anak indu imam jadi enggau orang ke ukai imam, iya enda tau makai pemeri ti kudus nya.\\n13 Tang anak indu imam, ke balu, tauka udah dibuai laki lalu nadai anak, sereta udah pulai lalu diau dalam rumah apai iya baru, lalu nyadi orang tupi apai iya, tau makai pemakai apai iya ti nyadi imam. Semina sida imam sebilik aja tau makai pemakai nya.\\n14 “Enti orang ke ukai sebilik enggau imam makai piring ti kudus, enggau enda sengaja, sida enda tau enda mayar semua rega piring nya ngagai imam, ditambahka enggau dua puluh peratus.\\n15 Imam enda tau ngamahka pemeri ti kudus ti diberi orang Israel ngagai TUHAN,\\n16 ti tau ngasuh sida betanggungjawapka penyalah ti begunaka piring kena muai penyalah, ketegal sida makai pemeri ti kudus: laban Aku tu TUHAN ti nguduska pemeri nya.”\\n17 Lalu ku TUHAN bejaku ngagai Moses,\\n18 “Sebut ngagai Aron, enggau ngagai bala anak lelaki iya, enggau ngagai semua orang Israel: Lebuh orang Israel, tauka orang kampar ti diau begulai enggau orang Israel, ngenjuk piring tunu, nemuka piring nya kena ngamatka semaya, tauka nyadika piring ti diberi nitihka peneka ati diri, jelu nya enda tau bisi penimpang.\\n19 Jelu nya deka diterima enti iya lelaki lalu nadai penimpang.\\n20 Enti kita meri jelu ti bisi penimpang, TUHAN enggai nerima jelu nya.\\n21 Lebuh orang ngenjuk piring pemaik ngagai TUHAN, nemuka piring nya kena ngamatka semaya, tauka nyadika piring ti diberi nitihka peneka ati diri, jelu nya nadai tau bisi penimpang. Nya baru jelu nya deka diterima.\\n22 Anang meri ngagai TUHAN jelu ti buta, tauka jelu ti enda tau bejalai, tauka bakal, tauka bisi kuris, tauka bisi kulit ti meletur, tauka kulit iya nyau penuh laban tutup kuris. Anang meri jelu ti baka nya ba alta nyadika piring ti diberi ngena api.\\n23 Nyadi pasal piring ti diberi kita nitihka peneka ati diri, kita tau meri jelu ti tasal, tauka enda menyana gamal, tang piring nya enda diterima kena ngamatka semaya.\\n24 Anang meri ngagai TUHAN jelu ti udah pechah pelir, tauka pelir iya bisi telih, malui, tauka udah tingkil. Utai ti baka nya enda tau dikereja di menua kita.\\n25 Anang meri jelu ti diambi kita ari orang bansa bukai nyadika piring ti diberi ngena api. Jelu ti baka nya dikumbai jelu ti bisi penimpang, lalu enda diterima.\\n26 Lalu ku TUHAN bejaku ngagai Moses,\\n27 “Lebuh anak sapi tauka anak domba, tauka anak kambin ada, iya enda tau diambi ari indai iya dalam kandang tujuh hari. Ba hari ti kelapan nya baru iya diterima nyadika piring ti diberi ngena api ngagai TUHAN.\\n28 Anang meri sapi ti indu enggau anak iya, tauka indu jelu bedus enggau anak iya, tauka jelu kambin enggau anak iya sama hari nyadika piring.\\n29 Lebuh kita ngenjuk piring terima kasih ngagai TUHAN, titihka adat tu, ngambika kita diterima.\\n30 Empa piring nya ba hari nya, lalu anang nejuka utai nya beteda ngagai pagi hari siti.\\n31 “Nya alai kita enda tau enda ngasika, lalu ngereja pesan Aku. Aku tu TUHAN.\\n32 Lalu kita enda tau mechat nama Aku ti kudus. Semua orang Israel enda tau enda ngumbai Aku kudus. Aku tu TUHAN ti nguduska kita,\\n33 ti udah mai kita pansut ari menua Ejip ngambika Aku nyadi Allah Taala kita. Aku tu TUHAN.”\\n2 “Sebut ngagai orang Israel: Tu gawai TUHAN ti deka dikumbai kita gawai ti kudus.\\n3 Kita bisi enam hari alai kita gawa, tang hari ti ketujuh nya Hari Sabat, hari kita belelak, hari alai kita besembiang bebala mayuh. Kita enda tau gawa, laban hari nya Hari Sabat TUHAN, lalu enda tau enda diintu kita di semua endur alai kita diau.\\n4 “Baka tu ku gawai TUHAN, alai kita besembiang bebala mayuh, ti deka diintu kita ba maya ti diletak.\\n5 Ba bulan ti kesatu, kena empat belas hari bulan nya, ba tumbuh nyang lemai nya kita deka ngintu Gawai Paska TUHAN.\\n6 Lalu kena lima belas hari bulan, kita enda tau enda ngintu Gawai Roti Ti Enda Beragi ke TUHAN. Kita deka makai roti ti enda beragi dalam kandang tujuh hari.\\n7 Ba hari ti keterubah, kita deka besembiang bebala mayuh. Kita enda tau gawa.\\n8 Tang kita enda tau enda ngenjuk piring ngena api ngagai TUHAN tujuh hari. Ba hari ti ketujuh, kita enda tau enda besembiang bebala mayuh. Kita enda tau gawa.”\\n9 Lalu ku TUHAN bejaku ngagai Moses,\\n10 “Sebut ngagai orang Israel: Lebuh kitai datai di menua ti diberi Aku ngagai kita, lalu ngetau utai di menua nya, kita enda tau enda mai gempung tangkai ti terubah diketau kita ngagai imam.\\n11 Imam nya deka miauka gempung tangkai gandum nya di mua TUHAN, ngambika TUHAN nerima kita. Pagi hari siti, udah bekau Hari Sabat, imam deka miauka gempung tangkai nya.\\n12 Lalu ba hari kita miauka gempung tangkai gandum nya, beri mega siku jelu bedus ti lelaki, ti umur setaun, ti nadai penimpang, nyadika piring tunu.\\n13 Sama enggau nya, kita enda tau enda mega meri dua kilogram tepung ti dichampur enggau minyak kana, nyadika piring ti diberi ngena api. Bau piring nya deka ngerinduka ati TUHAN. Kita enda tau enda mega meri, sama enggau nya, dua butul wain.\\n14 Anang makai gandum ti baru, nemuka gandum nya diempa mata, tauka digirau, tauka digaga nyadi roti, sebedau kita mai piring nya ngagai TUHAN. Adat tu enda tau enda dititihka semua serak peturun kita belama iya di semua endur alai sida diau.\\n15 Itung tujuh minggu penuh belabuh ari sehari udah bekau Hari Sabat lebuh kita ke mai lalu meri gempung gandum kita ngagai TUHAN.\\n16 Ba hari ti kelima puluh, sehari udah bekau Hari Sabat ti ketujuh, beri ngagai TUHAN siti agi piring ti digaga ari gandum ti baru diketau.\\n17 Genap ruang bilik enda tau enda mai dua iti tuku roti, lalu meri utai nya ngagai TUHAN nyadika pemeri ti manah. Genap iti tuku roti nya deka digaga ari dua kilogram tepung, diberi ragi, dipanggang, lalu diserahka ngagai TUHAN nyadika piring gandum ari gandum ti terubah diketau.\\n18 Orang Israel deka meri, sama enggau roti nya, tujuh iku anak domba ti umur setaun, siku sapi ti lelaki, enggau dua iku bedus ti lelaki, lalu semua sida nya nadai penimpang magang. Semua jelu nya diserahka ngagai TUHAN nyadika piring tunu, sama enggau piring gandum, enggau piring wain. Piring tu deka bebau rengut lalu ngerinduka ati TUHAN.\\n19 Beri mega siku kambin ti lelaki nyadika piring pengampun dosa, enggau dua iku anak domba ti umur setaun nyadika piring pemaik.\\n20 Imam deka meri roti nya enggau anak domba ti dua iku nya nyadika piring ti manah ngagai TUHAN, ke bala imam. Semua piring tu kudus magang.\\n21 Ba hari nya, nadai siku kita tau gawa, tang besembiang bebala mayuh. Peturun kita enda tau enda nitihka adat tu belama-lama, di semua endur alai sida diau.\\n23 Lalu ku TUHAN bejaku ngagai Moses,\\n24 “Sebut ngagai orang Israel: Kena satu hari bulan ti ketujuh, kita enda tau enda ngintu siti hari alai diau, lalu besembiang bebala mayuh, lebuh terumpit disepu.\\n25 Kita enda tau gawa; lalu kita enda tau enda ngenjuk piring ngena api ngagai TUHAN.”\\n27 “Sepuluh hari bulan ti ketujuh tiap taun nya hari pengampun dosa. Ba hari nya kita enda tau enda besembiang bebala mayuh, bepasa, lalu ngenjuk piring ti diberi ngena api ngagai TUHAN.\\n28 Lalu kita enda tau gawa lebuh hari nya, laban nya hari pengampun dosa, alai kita minta TUHAN Allah Taala kita ngampun dosa kita.\\n29 Barang sapa enda bepasa lebuh hari nya, deka badu agi dikumbai nembiak Allah Taala.\\n30 Lalu barang sapa gawa lebuh hari nya, deka Aku bunuh.\\n31 Kita enda tau gawa lebuh hari nya. Adat tu deka dititihka semua peturun kita, enda milih endur alai sida diau.\\n32 Belabuh ari padam mata panas ba semilan hari bulan nya, nyentuk ngagai sepuluh hari bulan, intu hari nya nyadika hari alai kita belelak, lalu sehari nya kita enda tau enda bepasa.\\n33 Lalu ku TUHAN bejaku ngagai Moses,\\n34 “Sebut ngagai orang Israel: Berengkah ari lima belas hari bulan ti ketujuh, dalam pengelama tujuh hari, kita enda tau enda ngintu Gawai Belangkau ke TUHAN.\\n35 Ba hari ti keterubah, kita enda tau enda besembiang bebala mayuh, lalu kita enda tau gawa.\\n36 Genap hari kita enda tau enda ngenjuk piring ti diberi ngena api ngagai TUHAN. Ba hari ti kelapan, kita enda tau enda besembiang bebala mayuh, lalu ngenjuk piring ti diberi ngena api ngagai TUHAN. Nya hari alai kita besembiang bebala mayuh, lalu kita enda tau gawa. (\\n37 Nya meh gawai pengarap ti dikena kita ngemesaika TUHAN, ti deka dikumbai kita maya alai kita besembiang bebala mayuh, alai kita ngenjuk piring ti diberi ngena api, piring tunu, piring gandum, piring jelu, enggau piring wain, ti diguna ba hari ti patut.\\n38 Piring tu nambahka piring ti diberi lebuh Hari Sabat, sereta nambahka piring ti diberi kita ngena chara selama, piring kena kita ngamatka semaya, enggau piring ti diberi nitihka peneka ati diri, ti diberi kita ngagai TUHAN.)\\n39 “Kena lima belas hari bulan ti ketujuh, lebuh kita udah tembu ngetau, kita enda tau enda ngintu gawai ke TUHAN tujuh hari. Hari ti keterubah nya hari kita belelak. Hari ti kelapan nya hari alai kita belelak.\\n40 Ba hari ti keterubah, ambi sekeda buah ti pemadu manah ari kayu buah kita, ambi dan kayu engkerema, enggau dan ari kayu ti lebat daun, lalu rami gaga di mua TUHAN Allah Taala kita dalam pengelama tujuh hari.\\n41 Intu gawai nya tujuh hari dalam setaun. Adat tu enda tau enda dititihka bala peturun kita datai ke belama iya. Kita ngintu gawai nya dalam bulan ti ketujuh.\\n42 Kita deka diau dalam langkau kain kita tujuh hari; semua orang Israel deka diau dalam langkau kain sida tujuh hari,\\n43 ngambika peturun kita nemu TUHAN udah ngasuh orang Israel diau dalam langkau kain, lebuh Aku mai sida pansut ari menua Ejip. Aku tu TUHAN Allah Taala kita.”\\n44 Nya meh chara Moses meri ngagai orang Israel semua adat ti dikena sida ngintu gawai pengarap, kena sida ngemesaika TUHAN.\\n2 “Asuh orang Israel mai ngagai nuan minyak kana ti tulin, ti pemadu manah, ke lampu ti di dalam Langkau Kain TUHAN, ngambika lampu nya seruran menyadi belama.\\n3 Genap lemai, Aron deka nungkun lampu nya lalu nejuka lampu nya menyadi nyentuk ngagai pagi, di mua TUHAN, ari luar kain tirai ti di mua Peti Lampang Batu Adat ti di dalam Endur ti Pemadu Kudus. Adat tu deka dititihka genap serak kita belama iya.\\n4 Aron deka ngintu lampu ti ba penuduk lampu ti digaga ari emas nya, lalu nentuka semua lampu nya menyadi belama di mua TUHAN.\\nRoti Ti Diberi Ngagai Allah Taala\\n5 “Ambi dua belas kilogram tepung ti alus, lalu panggang dua belas iti tuku roti.\\n6 Tusun tuku roti nya berintai dua, enam iti dalam siti-siti rintai, ba atas mija ti disampak enggau emas ti tulin, ti di mua TUHAN.\\n7 Engkahka menyan ti tulin ba siti-siti rintai roti nya, kena nandaka piring ti diberi ngena api nya diserahka ngagai TUHAN, kena nganti roti.\\n8 Genap Hari Sabat, datai ke belama iya, roti nya enda tau enda diengkah di mua TUHAN. Tu pengawa ti enda tau enda dikereja orang Israel belama iya.\\n9 Roti nya diempu Aron enggau bala peturun iya, lalu sida deka makai roti nya ba endur ti kudus, laban tu bagi pemakai ti pemadu kudus ti diserahka ngagai TUHAN, ke bala imam.\\nTeladan Ukum Ti Lurus Sereta Patut\\n10-11 Nyadi sekali bisi siku orang. Apai iya orang Ejip, lalu indai iya orang Israel, ke benama Selomit anak Dibri, ari raban bansa Dan. Lelaki nya belaya ngelaban siku orang Israel. Lebuh seduai iya belaya, iya nyumpah TUHAN. Nya alai sida mai iya ngagai Moses.\\n12 Moses lalu ngasuh iya kena tan dulu, nganti TUHAN udah madahka utai ti patut dikereja sida ngagai iya.\\n13 TUHAN lalu bejaku ngagai Moses,\\n14 “Bai orang ke nyumpah nya pansut ari kem tu. Lalu awakka semua orang ke bisi ninga iya nyumpah, ngengkahka jari sida ba pala iya, lalu awakka semua orang Israel nuku iya ngena batu.\\n15 Lalu padahka ngagai orang Israel: Barang sapa nyumpah Allah Taala, deka betanggungjawapka penyalah diri.\\n16 Orang ke bejaku busung ngelaban nama TUHAN, deka dibunuh. Semua orang mayuh deka nuku iya ngena batu. Orang kampar enggau orang Israel empu deka dibunuh lebuh iya bejaku busung ngelaban nama TUHAN.\\n17 “Orang ke munuh orang, deka dibunuh,\\n18 lalu orang ke munuh jelu orang bukai, enda tau enda nganti jelu nya, nyawa balas nyawa.\\n19 Barang sapa ngemakalka orang, deka dibakalka baka orang nya:\\n20 patah tulang dibalas ngena patah tulang, mata balas mata, ngeli balas ngeli; pemedis ti dikereja iya ngagai orang, deka dikereja ngagai iya empu.\\n21 Barang sapa munuh jelu, enda tau enda nganti jelu nya, tang barang sapa munuh mensia, deka dibunuh.\\n22 Kita semina bisi siti aja adat ke orang Israel enggau ke orang kampar, laban Aku tu TUHAN Allah Taala kita.”\\n23 Lebuh Moses udah nyebut jaku nya ngagai orang Israel, sida lalu mai lelaki ke bejaku busung nya pansut ari kem nya, lalu nuku iya ngena batu. Nya meh chara orang Israel ngereja jaku ti udah dipesanka TUHAN ngagai Moses.\\nTaun Ti Ketujuh\\n1 Ku TUHAN bejaku ngagai Moses ba Bukit Sinai:\\n2 “Sebut ngagai orang Israel: Lebuh kita tama ngagai menua ti diberi TUHAN ngagai kita, kita enda tau nanam utai dalam genap taun ti ketujuh, kena kita ngemesaika Iya.\\n3 Kita tau nanam utai ba tanah kita, nyarau anggur ba kebun kita, lalu ngetau utai ti ditanam kita dalam kandang enam taun.\\n4 Tang dalam taun ti ketujuh kita enda tau enda nejuka tanah kita enda dipumai, taun ti diserahka ngagai TUHAN. Anang nanam utai ba tanah kita, tauka nyarau anggur kita.\\n5 Indah gandum ti tumbuh-diri, deh enda tau diketau, lalu anang ngumpul buah anggur ari batang anggur ti enda dijarau kita. Taun nya nyadika taun alai kita nejuka tanah kita enda dipumai.\\n6 Taja pen tanah kita enda ditanam enggau utai dalam taun nya, tanah nya deka mansutka pemakai ke kita, ti ulun kita, ke orang gaji kita, ke orang kampar ti diau begulai enggau kita,\\n7 ke jelu tupi kita, enggau ke jelu babas ti ba tanah kita. Semua asil ari tanah kita, tau diempa magang.\\n8 “Itung tujuh kali tujuh taun, empat puluh semilan taun semua iya.\\n9 Udah nya, kena sepuluh hari bulan ti ketujuh, iya nya Hari Pengampun Dosa, asuh orang nyepu terumpit di serata menua kita.\\n10 Nya chara kita deka nguduska taun ti kelima puluh, lalu ngelepaska semua orang ke diau di menua kita. Dalam taun nya, semua reta tengkira ti udah dijual, deka dipulaika baru ngagai orang ke asal bempu utai nya, tauka ngagai raban bansa sida, lalu orang ke udah dijual nyadi ulun, deka pulai baru ngagai ruang bilik sida empu.\\n11 Kita enda tau nanam utai ba tanah kita, tauka ngetau gandum ti tumbuh-diri, tauka ngumpul buah anggur ba kebun anggur ti enda dijarau kita.\\n12 Taun Jubili nya deka nyadi kudus ke kita. Kita semina tau makai utai ti tumbuh-diri ba tanah kita.\\n13 Dalam Taun Jubili nya, semua reta tengkira ti udah dijual, deka dipulaika baru ngagai orang ke asal bempu iya.\\n14 Nya alai lebuh kita nyual tanah ngagai orang Israel, tauka meli tanah, anang ngelakar.\\n15 Rega tanah nya enda tau enda diletak nitihka berapa taun tanah nya ulih mansutka asil sebedau Taun Jubili ti deka datai.\\n16 Enti Taun Jubili nya agi jauh, rega tanah nya mar, tang enti taun nya nyau semak, rega iya murah, laban utai ti dijual nya semina asil ari tanah nya empu.\\n17 Anang nipu pangan diri, tang kita patut nangika Allah Taala kita; laban Aku tu TUHAN Allah Taala kita.\\nPenanggul Ba Taun Ti Ketujuh\\n18 “Nya alai kita enda tau enda ngasika semua adat enggau pesan Aku, ngambika kita tau diau likun di menua tu.\\n19 Menua tu deka mansutka asil, lalu kita deka chukup semua utai diempa, sereta diau likun.\\n20 Lalu enti kita nyebut, ‘Nama utai ti deka diempa kitai enti kitai nadai nanam tauka ngetau utai?’\\n21 Aku deka merekatka menua tu dalam taun ti keenam, ngambika menua tu mansutka pemakai chukup diempa dalam tiga taun.\\n22 Lebuh kita nanam utai ba tanah kita dalam taun ti kelapan, kita deka mengkang makai utai ti diketau kita dalam taun ti keenam, nyentuk ngagai taun ti kesemilan, maya utai ti ditanam kita dalam taun ti kelapan nya diketau kita.\\n23 “Tanah kita enda tau dijual terus, laban tanah nya enggi Aku; laban kita tu orang kampar ti diau enggau Aku.\\n24 Lalu lebuh tanah dijual, orang ke asal bempu tanah nya bisi hak meli tanah nya pulai baru.\\n25 “Enti kita orang Israel bisi suntuk, lalu ketegal nya enda tau enda nyual tanah diri, kaban belayan iya ke pemadu nyempil enda tau enda meli tanah nya pulai baru.\\n26 Enti iya nadai kaban belayan ke ulih meli tanah nya pulai baru, lalu iya nyangka jemah ila tau nyadi kaya-raja, lalu bisi chukup duit kena iya meli tanah nya pulai baru.\\n27 awakka iya mayar ngagai orang ke udah meli tanah nya, ngena rega ti chukup ke berapa taun ti agi tinggal sebedau Taun Jubili ti deka datai, iya nya taun alai tanah nya enda tau enda dipulaika baru ngagai iya.\\n28 Tang enti iya nadai chukup duit kena meli tanah nya pulai baru, tanah nya mengkang diempu orang ke udah meli tanah nya, nyentuk ngagai Taun Jubili ti deka datai. Dalam taun nya, tanah nya deka dipulaika baru ngagai orang ke asal bempu iya.\\n29 “Enti orang nyual rumah dalam nengeri ti bekuta, iya tau meli rumah nya pulai baru dalam setaun penuh udah bekau rumah nya dijual iya.\\n30 Tang enti iya enda meli rumah nya pulai baru dalam setaun nya, iya nadai agi hak meli rumah nya pulai baru, lalu rumah nya deka terus nyadi pesaka orang ke meli rumah nya, enggau bala peturun iya. Rumah nya enda dipulaika baru dalam Taun Jubili.\\n31 Tang rumah ba genturung pendiau ti enda bekuta, deka digaga nyadi baka tanah umai. Orang ke asal bempu rumah nya, bisi hak meli rumah nya pulai baru, lalu rumah nya deka dipulaika baru dalam Taun Jubili.\\n32 Tang orang Lewi bisi hak meli pesaka sida pulai baru ba sebarang maya, dalam nengeri ti udah diungkupka ngagai sida.\\n33 Enti rumah dalam nengeri ti baka nya dijual orang Lewi, lalu enda dibeli pulai baru, rumah nya enda tau enda dipulaika baru ngagai orang nya empu dalam Taun Jubili, laban rumah ti diempu orang Lewi dalam nengeri nya, endang pesaka sida dalam bansa orang Israel.\\n34 Tang padang rumput ti ngelingi nengeri ti udah diungkupka ngagai orang Lewi, enda tau dijual. Padang rumput nya endang pesaka sida belama iya.\\nUtai Ti Dijali Ngagai Orang Ke Miskin\\n35 “Enti orang Israel ti diau semak kita suntuk lalu enda ulih ngidupka diri agi, kita enda tau enda meri iya utai ti dipeguna sida, baka kita ke ngaga orang gaji kita, ngambika sida ulih majak diau semak kita.\\n36 Anang minta anak duit ari orang Israel, tang nangika Allah Taala, ngambika sida ulih diau semak kita.\\n37 Anang minta bayar anak duit ti dijali kita ngagai iya, tauka ngiga untung ari pemakai ti dijual kita ngagai iya.\\n38 Aku tu TUHAN Allah Taala kita, ti udah mai kita pansut ari menua Ejip ngambika meri menua Kanaan tu ngagai kita, ngambika Aku nyadi Allah Taala kita.\\n39 “Enti orang Israel ti diau semak kita suntuk, lalu iya nyual diri nyadi ulun kita, anang ngasuh sida ngereja pengawa ulun.\\n40 Iya deka diau enggau kita nyadi orang gaji. Iya deka bekereja ke kita nyentuk ngagai Taun Jubili ti deka datai.\\n41 Lebuh maya nya ila, iya enggau sida menyanak deka ninggalka kita, lalu pulai baru ngagai ruang bilik sida empu, ngagai pesaka aki ini sida empu.\\n42 Laban orang Israel endang nembiak Aku, ti udah dibai Aku pansut ari menua Ejip. Sida enda tau dijual nyadi ulun.\\n43 Anang kasar enggau sida, tang nangika Allah Taala kita.\\n44 Pasal ulun ti lelaki enggau ti indu ke diau enggau kita, kita tau meli ulun ari bansa bukai ke ngelingi kita.\\n45 Kita tau mega meli anak orang bansa bukai ke diau begulai enggau kita, ke ada dalam menua kita. Sida tau nyadika pesaka kita.\\n46 Kita tau meri sida ngagai anak uchu kita, nyadika pesaka sida belama iya; kita tau ngaga sida nyadi ulun, tang kita enda tau merintah orang Israel, lalu enda tau kasar enggau sida.\\n47 “Enti sema orang bansa bukai ke diau begulai enggau kita nyadi kaya, tang orang Israel nyadi seranta, lalu nyual diri empu nyadi ulun orang bansa bukai nya, tauka nyual diri ngagai orang ke ari ruang bilik orang bansa bukai nya,\\n48 lebuh sida udah nyual diri, sida agi tau dibeli pulai baru. Menyadi lelaki sida tau meli sida pulai baru,\\n49 tauka aya, tauka petunggal, tauka kaban belayan ke nyempil, tau meli sida pulai baru. Tauka, enti sida udah bulih duit, sida tau nebus diri empu.\\n50 Sida enda tau enda betanya ngagai orang ke udah meli sida, lalu sida enda tau enda ngitung pengelama sida udah nyual diri, nyentuk ngagai Taun Jubili ti deka datai, lalu ngeletak ungkus tebus sida beduduk ba gaji ti diberi ngagai orang gaji.\\n51-52 Sida enda tau enda mulaika sekeda rega ti dikena orang meli sida, nitihka penyampau taun ti agi tinggal,\\n53 baka reti orang gaji ke digaji ari taun siti ngagai taun siti. Tuan sida enda tau kasar enggau sida.\\n54 Enti sida enda dilepaska ngena atur nya, sida enggau sida menyanak, enda tau enda dilepaska dalam Taun Jubili.\\n55 Orang Israel enda tau digaga nyadi ulun belama iya, laban orang Israel endang nembiak Aku, ke dibai Aku pansut ari menua Ejip: Aku tu TUHAN Allah Taala kita.\\nBerekat Ke Orang Ke Ngasi\\n1 “Anang ngaga engkeramba tauka ngaga anak patung, tauka tiang keramat, tauka batu ti ditebuk ngambika bisi disembah; laban Aku tu TUHAN Allah Taala kita.\\n2 Intu gawai pengarap, lalu beri basa ngagai Langkau Kain TUHAN alai Aku ke disembah. Aku tu TUHAN.\\n3 “Enti kita diau nitihka adat Aku, lalu ngasika pesan Aku, lalu ngereja pesan nya,\\n4 nya baru Aku deka ngasuh hari ujan ba maya ti patut, ngambika menua kita mansutka asil, lalu kayu deka bebuah.\\n5 Utai ti ditanam kita deka mansutka mayuh asil, datai ke kita agi ngetau gandum lebuh maya kita deka ngetau buah anggur, lalu kita agi ngetau buah anggur lebuh maya kita nyau deka nugalka gandum kita. Kita deka bulih semua utai ke diempa kita, lalu kita deka diau likun dalam menua kita.\\n6 Aku deka meri kita pemaik dalam menua kita, lalu kita ulih tinduk enda takutka orang. Aku deka muai semua jelu ti mangah ari menua kita, lalu perang nadai agi nyadi di menua kita.\\n7 Lalu kita deka begagaika munsuh kita, lalu sida deka mati dipantap kita.\\n8 Lima iku kita deka begagaika seratus iku, lalu seratus iku kita deka begagaika sepuluh ribu iku, lalu munsuh kita deka mati dipantap kita.\\n9 Aku deka merekatka kita, lalu meri kita mayuh anak. Aku deka ngingatka sempekat ti udah digaga Aku enggau kita.\\n10 Utai ti diketau kita deka lebih ari chukup diempa kita setaun, tang taja pia, kita enda tau enda muai gandum ti lama, ngambika bisi endur alai kita nyimpan gandum ti baru.\\n11 Aku deka diau begulai enggau kita, dalam Langkau Kain Aku ti kudus, lalu Aku enggai sekali-kali ninggalka kita\\n12 Aku deka meruan enggau kita. Aku deka nyadi Allah Taala kita, lalu kita deka nyadi nembiak Aku.\\n13 Aku tu TUHAN Allah Taala kita, ti udah mai kita pansut ari menua Ejip, ngambika kita badu agi nyadi ulun; lalu Aku udah matahka kuasa ti nekanka pengidup kita, lalu Aku udah ngasuh kita bejalai enggau nadai pemalu agi.”\\nUkum Enti Enda Ngasi\\n14 “Tang enti kita enggai mendingka Aku, lalu enggai ngereja utai ti dipesanka Aku ngagai kita,\\n15 enti kita enggai ngasika adat enggau pesan Aku, enggai ngereja semua utai ti dipesanka Aku, tang ngelanggar sempekat ti udah digaga Aku enggau kita,\\n16 Aku deka ngereja tu ngagai kita: Aku deka ngasuh kita ditinggang penusah ti besai, penyakit ti enda ulih diubat, enggau penyakit chelap-angat ti ngasuh mata kita buta, lalu munuh kita. Kita deka nanam utai, tang utai nya nadai mai penguntung ngagai kita, laban munsuh kita deka makai utai nya.\\n17 Aku deka ngelaban kita, lalu kita deka alah laban munsuh kita; orang ke begedika kita, deka merintah kita; lalu kita deka rari, taja pen orang nadai begagaika kita.\\n18 Lalu enti kita mengkang enggai mendingka Aku, udah bekau semua utai nya nyadi, Aku deka nambahka ukum kita tujuh kali lipat ketegal dosa kita,\\n19 lalu Aku deka matahka kuasa penyumbung kita, lalu Aku deka ngaga langit rangkai baka besi, lalu tanah kita baka temaga;\\n20 lalu semua pengawa kita nadai pulai ke penguntung, laban menua kita enda mansutka asil, lalu kayu buah kita enda bebuah.\\n21 “Udah nya, enti kita majak ngelaban Aku, lalu enggai mendingka Aku, Aku deka nambahka ukum kita tujuh kali lipat nitihka pemayuh dosa kita.\\n22 Lalu Aku deka ngasuh jelu babas datai ngelaban kita, lalu sida deka munuh anak kita, munuh jelu tupi kita, lalu ninggalka semina mimit aja ari bala kita idup, datai ke jalai kita nyau sunyi nadai orang nengah.\\n23 “Lalu enti, udah bekau Aku ngukum kita, kita mengkang enggai mendingka Aku, tang majak ngelaban jaku Aku,\\n24 Aku deka ngelaban kita, lalu Aku Empu deka ngukum kita tujuh kali balat agi ari ti dulu ketegal dosa kita.\\n25 Lalu Aku deka ngasuh perang nyadi di menua kita, kena Aku ngukum kita, laban kita ngelanggar sempekat ti digaga Aku enggau kita, lalu enti kita begempuru dalam nengeri kita ngiga pengelikun, Aku deka ngasuh penyakit ti enda ulih diubat ninggang kita, lalu kita deka diserahka ngagai munsuh kita.\\n26 Lebuh Aku mutuska penatai pemakai kita, sepuluh iku indu deka manggang roti ngena siti aja dapur, lalu sida deka bedua roti nya, lalu lebuh kita udah makai semua roti nya, kita agi mengkang lapar.\\n27 “Lalu enti, udah bekau nya, kita agi majak enggai mendingka Aku, tang majak ngelaban Aku,\\n28 Aku deka ringat lalu ngelaban kita, lalu nambahka ukum kita tujuh kali lipat ketegal dosa kita.\\n29 Kita deka makai isi anak lelaki kita, lalu kita deka makai isi anak indu kita.\\n30 Lalu Aku deka ngerusak endur alai kita besembiang, lalu ngeruntuhka alta ti alai kita nunu menyan, lalu nikauka bangkai kita atas engkeramba kita; lalu Aku deka begedika kita.\\n31 Lalu Aku deka ngeruntuhka nengeri kita, lalu ngaga endur alai kita besembiang nyadi tembawai, lalu enda agi nyium bau piring kita.\\n32 Lalu Aku deka ngerusak semua utai di menua kita, datai ke munsuh ti nguan menua kita deka tegenung meda nya.\\n33 Lalu Aku deka mambarka kita ngagai mayuh bengkah menua, lalu Aku deka nyintak pedang Aku begagaika kita; lalu menua kita nadai orang nguan, lalu nengeri kita rusak magang.\\n34 “Nya baru menua kita deka ngetu dipumai kita, seagi-agi iya nadai orang nguan, lebuh kita dibuai ngagai menua munsuh kita. Nya baru menua kita deka ngetu dipumai.\\n35 Seagi-agi menua nya nadai orang nguan, iya mengkang enda dipumai, enda baka lebuh kita ke diau di menua nya.\\n36 Nyadi pasal kita ke tinggal, Aku deka ngasuh kita takut diau di menua munsuh, datai ke kita rari ninga kerus daun ti dipuputka ribut, baka ke rari ari munsuh lebuh beperang, lalu kita deka rebah taja pen munsuh nadai begagaika kita.\\n37 Kita deka tesangkut ba pangan diri, baka ke rari ari munsuh, taja pen munsuh nadai begagaika kita, lalu kita enda ulih ngelaban munsuh kita.\\n38 Lalu kita deka mati di menua orang, lalu dikuburka di menua munsuh kita.\\n39 Lalu kita ke agi tinggal deka tusah ati diau di menua munsuh kita ketegal dosa kita, enggau ketegal dosa apai kita.\\n40 “Tang enti sida ngaku dosa sida, enggau dosa aki ini sida ke udah nulak sereta angkat ngelaban Aku,\\n41 ti ngujungka Aku ngelaban sida, lalu muai sida ngagai menua munsuh sida; enti sida ngemaruhka diri lalu nerima ukum ke penyai sida;\\n42 nya baru Aku deka ingatka sempekat Aku enggau Jakop, sempekat Aku enggau Isak, enggau sempekat Aku enggau Abraham, lalu deka ingatka menua tu.\\n43 Tang sida deka ninggalka menua tu, ngambika menua tu enda dipumai laban nadai orang nguan; lalu sida deka nerima ukum ke penyai sida laban sida nulak adat Aku, lalu kejika adat Aku.\\n44 Tang taja pia, lebuh sida agi diau di menua munsuh sida, Aku enggai ninggalka sida, tauka begedika sida lalu ngerusak sida abis lengis, lalu ngelanggar sempekat Aku enggau sida, laban Aku tu TUHAN Allah Taala sida;\\n45 tang, ke penguntung sida, Aku deka ngingatka sempekat ti udah digaga Aku enggau aki ini sida, ke dibai Aku pansut ari menua Ejip, dipeda semua bansa, ngambika Aku nyadi Allah Taala sida; Aku tu TUHAN.”\\n46 Tu meh semua adat enggau pesan ti diberi TUHAN ngagai Moses ba Bukit Sinai, ke orang Israel.\\nAdat Pasal Piring Ti Diberi Ngagai TUHAN\\n2 “Sebut ngagai orang Israel: Enti kita deka ngelepaska orang ke udah diserahka ngagai Aku ngena sumpah, orang nya tau dilepaska enti iya mayar nitihka atur ti diletak dalam Langkau Kain TUHAN.\\n3-7 Baka tu ku atur nya:\\nKa lelaki ke besai tuai, ke umur dua puluh ngagai enam puluh taun: 50 singkap pirak\\nKe indu ke besai tuai: 30 singkap pirak\\nKe lelaki ti agi biak, ke umur lima ngagai dua puluh taun: 20 singkap pirak\\nKe indu ke agi biak: 10 singkap pirak\\nKe anak mit ti lelaki, ke biak agi ari umur lima taun: 5 singkap pirak\\nKe anak mit ti indu: 3 singkap pirak\\n8 Enti orang nya kelalu seranta, lalu enda tebayarka rega diri, iya deka dibai ngagai imam, lalu imam nya deka ngeletak rega ti baruh agi, ti ulih dibayar orang nya.\\n9 “Enti kita besemaya deka meri jelu nyadika piring ngagai Aku, jelu nya nyadi kuduska TUHAN,\\n10 lalu kita enda tau nganti jelu nya enggau jelu bukai, nemuka kita nganti jelu ti manah kena nganti jelu ti jai, tauka jelu ti jai kena nganti jelu ti manah. Enti orang nya nganti jelu nya enggau jelu bukai, jelu dua iku nya sama kuduska TUHAN.\\n11 Tang enti orang nya deka meri jelu ti enda tuchi, ti enda tau diterima, nyadika piring ti diberi ngagai TUHAN, kita enda tau enda mai jelu nya ngagai imam,\\n12 lalu imam nya deka ngeletak rega jelu nya, nitihka penyai tauka pemanah gaya jelu nya, lalu rega iya deka ditetapka.\\n13 Tang enti kita deka meli jelu nya pulai baru, kita enda tau enda mayar rega jelu nya, ditambahka enggau dua puluh peratus ari rega ti ditetapka.\\n14 “Lebuh orang nyerahka rumah diri nyadi rumah ti kudus ngagai TUHAN, imam deka ngeletak rega rumah nya nitihka pemanah tauka penyai gaya rumah nya, lalu netapka rega rumah nya.\\n15 Lalu enti kita deka meli rumah nya pulai baru, kita enda tau enda mayar rega rumah nya, ditambahka enggau dua puluh peratus.\\n16 “Enti kita nyerahka tanah kita ngagai TUHAN, rega tanah nya deka diletak nitihka penyampau benih ti tau ditanam ba tanah nya, ngena rega 10 singkap pirak ke genap 20 kilogram barli.\\n17 Enti kita nyerahka tanah nya dalam Taun Jubili, rega ti penuh deka dikena kita.\\n18 Tang enti kita nyerahka tanah nya udah lepas Taun Jubili, imam deka ngira lalu nurunka rega tanah nya, nitihka berapa taun agi sebedau Taun Jubili deka datai baru.\\n19 Lalu enti kita deka meli tanah nya pulai baru, kita enda tau enda mayar rega nya, ditambahka enggau dua puluh peratus.\\n20 Tang enti kita enggai nebus tanah nya, tauka udah nyual tanah nya ngagai orang bukai, tanah nya enda tau ditebus agi.\\n21 Ba Taun Jubili ti deka datai, tanah nya deka nyadi tanah ti kuduska TUHAN, lalu deka diempu bala imam.\\n22 Enti kita nyerahka ngagai TUHAN tanah ti baru udah dibeli kita, ti ukai pesaka asal kita,\\n23 imam nya deka ngira rega ti patut, nitihka berapa taun da agi sebedau Taun Jubili deka datai, lalu kita enda tau enda mayar rega tanah nya ba hari nya, nyadi duit ti kuduska TUHAN.\\n24 Dalam Taun Jubili ila, tanah nya deka dipulaika baru ngagai orang ke udah nyual tanah nya, nyadika pesaka iya.\\n25 Semua rega enda tau enda diletak nitihka atur ti dikena dalam Langkau Kain TUHAN.\\n26 “Tang anak bungas jelu endang enggi TUHAN. Nya alai, kita enda tau nyerahka jelu nya nyadika piring ngagai TUHAN. Nemuka jelu nya anak sapi, anak domba, tauka anak kambin, iya endang enggi TUHAN.\\n27 Tang enti jelu nya enda tuchi, iya tau dibeli pulai baru ngena rega ti udah diletak, ditambahka enggau dua puluh peratus. Enti jelu nya enda dibeli pulai baru, iya tau dijual ngagai orang bukai ngena rega ti udah diletak.\\n28 “Tang nadai siku kita tau nyual tauka meli pulai baru utai ti udah diserahka ngagai TUHAN, nemuka iya nya mensia, jelu, tauka tanah. Utai nya terus diempu TUHAN.\\n29 Indah mensia ti udah diserahka, deh enda tau dibeli pulai baru. Mensia nya enda tau enda dibunuh.\\n30 “Sepuluh peratus asil ari tanah, nemuka utai nya gandum tauka buah, endang enggi TUHAN. Utai nya kuduska TUHAN.\\n31 Enti kita deka meli utai nya pulai baru, kita enda tau enda mayar rega ti udah diletak, ditambahka enggau dua puluh peratus.\\n32 Lalu siku ari sepuluh iku jelu tupi, endang enggi TUHAN. Lebuh jelu diitung, genap iku jelu ti kesepuluh endang enggi TUHAN.\\n33 Kita enda tau ngerintai jelu ngambika iya ti jai kena pilih, lalu kita enda tau besilihka jelu nya. Enti kita besilihka jelu, kedua-dua iku jelu nya deka sama diempu TUHAN, lalu seduai iya enda tau dibeli pulai baru.\\n34 Tu meh pesan ti udah diberi TUHAN ngagai Moses ba Bukit Sinai, ke orang Israel.","num_words":20948,"character_repetition_ratio":0.106,"word_repetition_ratio":0.036,"special_characters_ratio":0.215,"stopwords_ratio":0.355,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"MA63: Pekara ke udah diturai dalam sempekat patut dititih, enda ulih diubah - Berita Iban Online | Laman Web Berita Kitai\\nHome \/ Berita \/ DUN \/ Hak Dayak \/ Hak Sarawak \/ MA1963 \/ MA63 \/ NCR \/ Parti Pesaka Bumiputera Bersatu \/ PBB \/ Pemakai Menua \/ PMPG \/ Pulau Galau \/ Sarawak \/ Sempekat Malaysia \/ Sibu \/ Tanah Hak Adat Bumiputera \/ Undang-Undang \/ MA63: Pekara ke udah diturai dalam sempekat patut dititih, enda ulih diubah\\nMA63: Pekara ke udah diturai dalam sempekat patut dititih, enda ulih diubah\\nIDUP PBB: Abang Johari (tiga ari kanan) bejadika Pengawa Bejadi Aum Bala Pengari Pampang PBB, kemari.\\nSIBU: Parti Pesaka Bumi­putera Bersatu (PBB) deka negika hak Sarawak baka ti udah diturai di dalam Sem­pekat Malaysia 1963 (MA63) ngambika iya meruan ‘manis’ baka ti udah disempekat.\\nKepala Menteri Datuk Patinggi Abang Johari Tun Openg nyemetak madah­ka MA63 nyadi sempekat antarabansa ti enda ulih diu­bah sebarang piak.\\n“Kitai semina deka ngambi pulai kuasa ti udah lenyau. Taja pia, aku enda ngaga sepeneka ati dalam nagih hak Sarawak.\\n“Aku nganjung tim luyar ngagai London ngambika ki­tai bisi fakta, ukai bepelasarka asai ati aja, tang belalauka fakta ke bisi diturai dalam Sempekat Malaysia 1963.\\n“Kitai ukai deka ngemana, minta dikasih, ukai pia. Pekara ti udah dipekat, tu undang-undang iya lalu en­dang patut dipulaika ngagai Sarawak,” ku iya nyemetak madah.\\nIya ke mega Presiden PBB mansutka jaku nya lebuh bejaku bejadika Pengawa Bejadi Aum Bala Pengari Pampang PBB Pakan, Me­luan, Ngemah, Machan, Tamin, Pelagus, Katibas, Bukit Goram enggau Baleh di sebengkah hotel tebilang, ditu kemari.\\nNitih ku Abang Johari, leb­uhka di London, tim luyar ti diketuaika Menteri Muda ba Opis Kepala Menteri (Un­dang-undang, Kaul Sarawak enggau Perintah Besai sereta Matau Projek), Sharifah Hasi­dah Sayeed Aman Ghazali tetemuka dokumen ti dikena rambau jeman dipegai perin­tah menua luar.\\nKu iya, semua dokumen udah dibai ngagai London pengudah Sarawak nyapai merdeka dalam taun 1963. Nya kebuah, Kepala Menteri Sarawak ti keterubah, Tan Sri Stephen Kalong Ningkan nadeai ngembuan salin doku­men nya ti diklasifikasyen resia.\\n“Nya alai, kitai deka nge­mai pulai baru dokumen tu ngagai Kuching ngambika iya diempu peranak Sarawak,” ku iya.\\nKu iya nambah, dokumen tu deka dibantai ba Putra­jaya nyadika bukti dikena ngenukuka hak Sarawak.\\nBerebak enggau nya iya mega nibak jaku Tun Datuk Patinggi Tan Sri Temeng­gung Jugah Barieng ke alai iya enggaika MA63 tu munyika sempema baka tebu, manis ba pun tang pengujung deka tabar.\\n“Apai Jugah suba kala nyebut, anang sesekali nejuka Malaysia baka tebu, manis ba pun tang pengujung iya tabar.\\n“Pengawa ti digaga kitai nyangka udah berengkah masam, tentu asai iya deka pait. Kitai enggaika pait asai. Nya kebuah kitai deka negika iya ngambika meruan manis baka ti udah disempekat,” ku iya.\\nBa lansa ke bukai, rambau aum pengarang berita, iya ngansak raban PBB ngambika bejalaika pangku pengawa mantu meri penerang ngagai rayat menua pesisir bekaul enggau polisi perintah ke­maya hari.\\nKu iya, perintah udah ngelancharka chara baru nge­mansangka ekonomi menua nengah ekonomi digital.\\n“Kitai ngalihka kuing ari ekonomi konvensional nga­gai ekonomi digital. Kitai mega udah ngagihka belanja ungkup pengawa ngangkat­manahka infrastruktur. Pen­gudah semua tembu dalam timpuh dua taun, reti iya kitai patut nyediaka diri ngena teknologi nyengkaum sektor betanam betupi,” ku iya.\\nBekaul enggau isu ‘Pulau Galau’ enggau ‘Pemakai Menoa’, ku iya, sebengkah aum besai deka ngaul bala ketuai komuniti deka diatur dalam bulan Januari taun baru.\\n“Kitai udah mantai rambau Aum Kunsil Nengeri (DUN) apin lama ke udah, ke alai kitai deka ngubah kod tanah dalam bulan Mei pengudah kitai mutarka pekara nyengkaum definisyen ‘Pulau Galau’,” ku iya.\\nSama bisi datai Sapit Kepala Menteri Datuk Amar Doug­las Uggah Embas enggau Ketuai Nembiak PBB Datuk Seri Fadillah Yusuf, Sapit Menteri Pemansang Menua Pesisir enggau Kandang Menua, Datuk Alexander Nanta Linggi sereta Menteri Muda Pelajar enggau Pan­sik Teknologi Dr Annuar Rapa’ee. #UtusanBorneo\\n#Berita #DUN #Hak Dayak #Hak Sarawak #MA1963 #MA63 #NCR #Parti Pesaka Bumiputera Bersatu #PBB #Pemakai Menua #PMPG #Pulau Galau #Sarawak #Sempekat Malaysia #Sibu #Tanah Hak Adat Bumiputera #Undang-Undang","num_words":615,"character_repetition_ratio":0.055,"word_repetition_ratio":0.068,"special_characters_ratio":0.202,"stopwords_ratio":0.179,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lagu 31​—Bejalai enggau Petara | Lagu Kristian\\nBACHA DALAM JAKU Acholi Afrikaans Akha Albanian Altai Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Biak Bicol Bislama Boulou Bulgarian Cambodian Catalan Cebuano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitumbuka Chiyao Chokwe Chol Chopi Chuukese Chuvash Cibemba Cina Kantonis (Ringkas) Cinyanja Croatian Damara Dangme Danish Dayak Ngaju Douala Dutch Edo Efik English Esan Estonian Ewe Fang (Ntoumou) Faroese Fijian Finland Fon French Fulfulde (Cameroon) Ga Georgian German Gokana Greek Guarani Gun Haitian Creole Hausa Herero Hiligaynon Hindi Hiri Motu Hmong (Putih) Hungarian Iban Ibinda Icelandic Igbo Iloko Indonesian Isoko Italian Jaku Orang Bisu Amerika Jaku Orang Bisu Brazil Jaku Orang Bisu Russia Japanese Jawa Kabiye Kabuverdianu Kachin Karen (S'gaw) Kazakh Khana Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Kosraean Krio Kurdish Kurmanji (Caucasus) Kwangali Kwanyama Lahu Laotian Latvian Lhukonzo Lifu Lingala Lithuanian Lomwe Luganda Lunda Luo Luvale Macedonian Macua Malagasy Malayalam Maltese Mam Mambwe-Lungu Mapudungun Marshallese Mauritian Creole Maya Mazatec (Huautla) Medumba Melayu Mingrelian Mixe Mixtec (Guerrero) Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Nepali Ngabere Ngangela Nias Norwegian Nyaneka Nyungwe Nzema Oromo Ossetian Otetela Palauan Pangasinan Papiamento (Curaçao) Persian Pijin (Afrika Barat) Pijin (Cameroon) Pijin Nigeria Polish Ponapean Portuguese Portuguese (Portugal) Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Quichua (Tena) Rarotongan Romanian Ronga Runyankore Russian Samoan Sangir Sango Saramaccan Sena Sepedi Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Shuar Sidama Silozi Sinhala Slovenian Solomon Islands Pidgin Spanish Sranantongo Sunda Swahili Swedish Tagalog Tahitian Tarascan Tatar Telugu Tetun Dili Thai Tigrinya Tiv Tojolabal Tok Pisin Totonac Tshiluba Tshwa Tsonga Turkish Tuvaluan Twi Tzeltal Tzotzil Ukrainian Umbundu Urhobo Uruund Venda Vietnamese Wallisian Waray-Waray Welsh Wolaita Xhosa Yapese Yemba Yoruba Zapotec (Isthmus) Zulu\\nBejalai enggau Petara\\n1. Bejalai meh ngau Petara,\\nSer’ta ati ti rindu.\\nSemak ngagai Jehovah belama,\\nBepanggai ngagai Iya.\\nPegai teguh meh Jaku Iya,\\nAnang alah tipu.\\nAwakka Jah ngiring kitai,\\nBaka anak ti ngasi.\\n2. Bejalai meh ngau Petara,\\nSer’ta ati ti tuchi.\\n’Nda ngira ni pemesai penguji,\\nIya ka nulung nuan.\\nSeruran berundingka utai\\nTi lurus ngau bendar.\\nAnang meh putus pengarap,\\nIya semak ngau kitai.\\n3. Bejalai meh ngau Petara,\\nSer’ta ati ti gaga.\\nBeterima kasihka pemeri,\\nNgau berekat Jehovah.\\nAram semua kitai begulai,\\nMeri lagu puji.\\nAsaika meh pengelantang,\\nLebuh gawa ke Iya.\\n(Peda mega P-kal. 5:24; 6:9; Plp. 4:8; 1 Tim. 6:​6-8.)\\nBejalai enggau Petara (Lagu 31)","num_words":403,"character_repetition_ratio":0.053,"word_repetition_ratio":0.0,"special_characters_ratio":0.181,"stopwords_ratio":0.042,"flagged_words_ratio":0.0,"lang_id_score":0.084,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Chara Nyaga Kaul Enggau Orang ke Dibuai Ari Gerempung | Pengerindu Petara\\nChara Nyaga Kaul Enggau Orang ke Dibuai Ari Gerempung\\nPikirka penusah ati kitai maya kaban belayan tauka orang ke begulai rapat enggau kitai, dibuai ari gerempung ketegal enggai nesal ati pengudah ngereja penyalah. Chara kitai nitihka atur ari Bup Kudus ulih nunjukka pengerindu kitai ngagai Jehovah sereta penaluk kitai ngagai atur Iya. * Peratika sekeda tanya pasal pekara tu.\\nBaka ni kitai nyaga kaul enggau orang ke dibuai ari gerempung? Bup Kudus “enda nyagi kita begulai enggau orang ke ngaku diri orang Kristian, tang ngereja ulah ti kamah, tauka amu, tauka nyembah engkeramba, tauka bejai orang, tauka pemabuk, tauka penchuri. Indah makai enggau orang ke baka nya, deh kita enda tau.” (1 Korint 5:11) Pasal orang ke “enda bepegai ba ajar Kristus,” kitai macha: “Anang ngelaluka sida. Meri tabi basa ngagai sida pen enda meh tau, laban enti kita nabi sida, reti nya kita bekunsi enggau sida ngereja pengawa sida ti jai.” (2 John 9-11) Kitai nadai kaul ba pengarap tauka enda begulai enggau sida ke udah dibuai ari gerempung. The Watchtower 15 September 1981, lambar 25, madah: “Semina nyebut ‘Nama berita?’ ngagai orang nya ulih ngepunka randau, lalu engka deka begulai enggau iya. Deka kitai ngereja tu ngagai orang ke dibuai ari gerempung?”\\nKati kitai patut mutuska terus kaul kitai enggau orang nya? Ya, bepanggai ba sekeda kebuah. Kesatu, laban kitai nunjukka diri tetap ati ngagai Petara enggau Bup Kudus. Kitai ngasika Jehovah ukai semina maya senang, tang mega maya tusah. Pengerindu ngagai Jehovah meransang kitai ngasika pesan Iya. Kitai mega nemu Iya bisi pengelurus enggau pengerindu sereta ukum Iya pulaika pemanah kitai. (Isaiah 48:17; 1 John 5:3) Kedua, ngenyauhka diri ari orang ke enggai nesal ati nyaga kitai enggau bala menyadi Kristian ke bukai, ngambika pengarap enggau ulah kitai enda dirusak sereta nyaga nama gerempung Jehovah. (1 Korint 5:6, 7) Ketiga, mengkang bepegai ba ajar Bup Kudus ulih meri penguntung ngagai orang ke udah dibuai ari gerempung. Enggau nyukung pemutus ari gerempung Jehovah, kitai engka ulih ngasuh orang ke ngereja penyalah nya pulai baru. Ketegal iya enda ulih begulai enggau orang ti dikesayau iya, iya engka “sedarka” penyalah diri, lalu deka pulai baru ngagai Jehovah.—Luke 15:17.\\nBaka ni enti kaban belayan kitai dibuai ari gerempung? Ba pekara tu, kaul enggau diri sebilik ulih nyadi penguji ti besai. Kitai engka tusah ngasika atur tu. Baka ni chara kitai nyaga kaul enggau kaban belayan ke dibuai ari gerempung? Bup tu nadai madahka enggau silik pasal pekara tu, tang aram kitai beratika dua chunto ditu.\\nKekadang, orang ke dibuai ari gerempung agi sebilik enggau kitai. Taja pan iya udah dibuai ari gerempung, iya agi ulih ngaga pengawa ninting hari enggau kitai. Tang, iya nadai kaul ba pengarap enggau kitai. Nya alai, kitai enda ulih berandau pasal pengarap enggau iya. Chunto, kitai enda mai iya maya belajarka Bup Kudus enggau diri sebilik. Taja pia, enti orang ke dibuai ari gerempung nya agi biak sereta dijaga apai indai, apai indai agi betanggungjawap ngajar iya. Nya alai, apai indai ulih belajar Bup Kudus enggau iya. *—Jaku Dalam 6:20-22; 29:17.\\nBisi mega kaban belayan ke dibuai ari gerempung, enda sebilik enggau kitai. Ba pekara tu, kitai patut nyekat kaul enggau iya. Kitai semina bejaku enggau iya maya bisi kebuah ti berat aja. Enti kitai ngasika atur Jehovah, kitai enda patut ngiga kebuah deka berandau enggau kaban belayan ke dibuai ari gerempung. Pia mega, taluk ngagai Jehovah enggau gerempung Iya meransang kitai bepegai teguh ba atur Bup Kudus pasal orang ke dibuai ari gerempung. Penaluk kitai pulaika pemanah orang ke ngereja penyalah, lalu nulung iya bulih penguntung ari disiplin ke diberi ngagai iya. *—Hebrew 12:11.\\n^ per. 3 Ajar Bup Kudus pasal pekara tu ulih dikena ba orang ke enggai agi nyadi Saksi-Saksi Jehovah.\\n^ per. 7 Ke penerang mayuh agi pasal anak ke agi biak udah dibuai ari gerempung, tang agi sebilik enggau kitai, peda The Watchtower 1 Oktober 2001, lambar 16-17, enggau 15 November 1988, lambar 20.\\n^ per. 8 Ke penerang mayuh agi pasal chara nyaga kaul enggau kaban belayan ke dibuai ari gerempung, peda ajar Bup Kudus ba The Watchtower 15 April 1988, lambar 26-31, enggau 15 September 1981, lambar 26-31..","num_words":661,"character_repetition_ratio":0.104,"word_repetition_ratio":0.0,"special_characters_ratio":0.216,"stopwords_ratio":0.365,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Anang enda ngemerat tiga subjek - Suara Sarawak\\n“Kitai di Sarawak chukup betuah laban perintah besai udah ngemendar perambu perintah nengeri ti bisi kaul enggau pengawa tu.”\\nSARATOK: Opis Menteri Pelajar Malaysia (KPM) endang bebendar nangkan semua sekula ngambi ngemeratka tiga subjek iya nya English, Sains enggau Matematik.\\nKaban Parlimen Saratok Ali Biju madah pekara nya senutuk enggau juluk KPM ti deka meda berengkah 2021 dia perintah deka meda nembiak sekula landik ba tiga subjek nya.\\n“”Kitai di Sarawak chukup betuah laban perintah besai udah ngemendar perambu perintah nengeri ti bisi kaul enggau pengawa tu,” ku iya.\\nIya madah munyi nya rambau bejadika Pengerami Makai Lemai SK Sungai Kelampai ditu, malam kemari.\\nBerebak enggau nya, Ali ngelalau bala pengajar enggau apai indai patut seruran nempa pemanah kaul enggau pangan diri.\\n“Enti kitai seruran manah kaul enggau pangan diri, semua pengawa dikereja tau nyadi lempung sereta sekula tau bulih pemutus peresa ti menyana.\\nBa pengrami nya, Ali bisi ngagihka belanja RM10, 000 ungkup SK Sungai Kelampai.\\nSama datai ex-kaban parlimen Saratok Dato Seri Edmund Langgu Anak Saga sereta bala ketuai raban bansa besemak.\\nAI ANSAH…Ali diansah dulu enggau jaku peransang sebedau bejaku bejadika Pengerami Makai Lemai SK Sungai Kelampai, malam kemari.","num_words":187,"character_repetition_ratio":0.071,"word_repetition_ratio":0.09,"special_characters_ratio":0.181,"stopwords_ratio":0.144,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup 2 Raja* nampung jerita lama pasal dua bengkah perintah orang Israel. Bup tu tau dibagi ngagai dua iti sitak: (1) Cherita pasal dua bengkah perintah nya, belabuh ari tengan taun ti kesemilan ratus sebedau pengada Kristus, nyentuk ngagai maya Samaria alah, enggau pengujung perintah di utara dalam taun ti ketujuh ratus dua puluh dua sebedau pengada Kristus. (2) Cherita pasal perintah menua Judah berengkah ari maya perintah Israel alah, nyentuk ngagai maya Jerusalem alah lalu dirusak Raja Nebukadnesar, iya nya raja menua Babilon, dalam taun ti kelima ratus lapan puluh enam sebedau pengada Kristus. Bup tu lalu ditutup ngena cherita pasal Gedaliah ti nyadi tuan gabenor menua Judah di baruh perintah orang Babilon, enggau cherita pasal Raja Jehoiakin menua Judah ke dilepaska ari rumah jil di menua Babilon.\\nPenusah ti besai tu ninggang orang Israel laban bala raja enggau orang di menua Israel, enggau di menua Judah, enda tetap ati ngagai TUHAN. Jerusalem dirusak, lalu orang Judah dibuai ngagai menua munsuh. Nya pekara ti besai ba orang Israel.\\nNabi ti tebilang nama dalam 2 Raja* nya Elisa, ke nganti Elijah nyadi nabi.\\nPerintah Israel dibagi dua (1.1-17.41)\\na. Nabi Elisa (1.1-8.15)\\nb. Raja menua Judah enggau menua Israel (8.16-17.4)\\nc. Samaria alah (17.5-41)\\nPerintah menua Judah (18.1-25.30)\\na. Ari Hesekiah ngagai Josiah (18.1-21.26)\\nb. Perintah Josiah (22.1-23.30)\\nc. Raja menua Judah ti penudi (23.31-24.20)\\nd. Jerusalem alah (25.1-30)\\nElijah Enggau Raja Ahasiah\\n1 Udah bekau pemati Raja Ahap, orang menua Moap lalu angkat ngelaban Israel.\\n2 Raja Ahasiah udah labuh ari tanju perabung istana iya di Samaria, lalu iya balat amat bebadi. Nya alai iya ngasuh bala seruan iya betanya ngagai Baal-sebup, iya nya petara orang Pilistin di nengeri Ekron, laban iya keran deka nemu enti iya ulih gerai tauka enda.\\n3 Tang siku melikat TUHAN bejaku ngagai Elijah, iya nya nabi ke datai ari Tisbe, ngasuh iya betemu enggau bala seruan Raja Ahasiah, lalu nanya sida, “Nama kebuah kita deka betanya ngagai Baal-sebup, petara orang di Ekron? Kati kita ngumbai kitai nadai petara di menua Israel?\\n4 Padahka ngagai raja utai ti disebut TUHAN, ‘Nuan enda ulih gerai ari pemedis nuan. Nuan deka mati!’ “ Elijah bejaku munyi nya ari asuh TUHAN.\\n5 Bala seruan lalu pulai ngagai raja, lalu raja nanya, “Nama kebuah kita nikal?”\\n6 Disaut sida, “Kami bisi betemu enggau orang siku. Iya ngasuh kami nikal lalu madahka ngagai nuan utai ti disebut TUHAN ngagai nuan, ‘Ku TUHAN bejaku: Nama kebuah nuan ngasuh bala seruan betanya ngagai Baal-sebup, petara orang di Ekron? Kati nuan ngumbai kitai nadai petara di menua Israel? Nuan enda ulih gerai ari pemedis nuan. Nuan deka mati!’ “\\n7“Baka ni ku gamal orang nya?” ku raja nanya.\\n8 “Baju enggau belulang iya digaga ari kulit jelu,” ku sida nyaut. “Orang nya Elijah!” ku raja bejaku.\\n9 Iya lalu ngasuh siku pemesai, enggau lima puluh iku soldadu ngambi Elijah. Pemesai nya betemu enggau Elijah ke benung duduk ba bukit sigi, lalu ku pemesai nya bejaku enggau Elijah, “Nabi, raja mesanka nuan nurun.”\\n10 “Enti aku tu nabi,” ku Elijah nyaut, “awakka api nurun ari langit lalu munuh nuan enggau bala nuan!” Tekala nya api nurun lalu munuh pemesai nya enggau bala iya.\\n11 Raja lalu ngirumka siku agi pemesai enggau lima puluh iku soldadu. Sida mansang lalu bejaku enggau Elijah, “Nabi, raja mesanka nuan nurun diatu!”\\n12 “Enti aku tu nabi,” ku Elijah nyaut, “awakka api nurun ari langit lalu munuh nuan enggau bala nuan!” Tekala nya api ari Allah Taala nurun lalu munuh pemesai nya enggau bala iya.\\n13 Raja lalu sekali agi ngirumka siku pemesai enggau lima puluh iku soldadu. Pemesai nya niki ngagai bukit nya, besugang di mua Elijah, lalu minta kasih ari iya, “Nabi, kasihka aku enggau bala aku tu. Anang munuh kami!\\n14 Pemesai ke dua iku nya, enggau bala seduai iya udah mati laban api ti nurun ari langit. Tang aku minta nuan kasihka aku!”\\n15 Melikat TUHAN lalu bejaku ngagai Elijah, “Alai nuan nurun enggau iya. Anang takut.” Elijah lalu mupuk enggau pemesai nya mansang betemu enggau raja.\\n16 Ku Elijah bejaku enggau raja, “Tu utai ti disebut TUHAN: ‘Laban nuan udah ngirumka bala seruan nuan betanya ngagai Baal-sebup, petara nengeri Ekron, lalu ngumbai menua Israel baka ke nadai Allah Taala alai betanya, nuan enda ulih gerai. Nuan deka mati!’ “\\n17 Nya alai Ahasiah mati, munyi ti udah dipadahka TUHAN ngena Elijah. Ahasiah nadai anak lelaki, nya alai menyadi lelaki iya ke benama Jehoram nganti iya nyadi raja, dalam taun ti kedua Jehoram anak Jehosapat udah berengkah nyadi raja menua Judah.\\n18 Semua utai bukai ti udah dikereja Ahasiah bisi dituliska magang dalam Jerita Lama Pasal Raja Menua Israel.\\nElijah Dibai Niki Ke Serega\\n1 Maya pen nyau datai alai TUHAN deka ngambi Elijah niki ke serega ngena ribut pulas uchung. Elijah seduai Elisa mupuk ari Gilgal,\\n2 lalu di rantau jalai, Elijah bejaku enggau Elisa, “Nuan tinggal ditu. TUHAN udah ngasuh aku mansang ngagai Betel.” Tang ku Elisa nyaut, “Aku besumpah atas nama TUHAN ti idup, enggau penaluk aku ke nuan, aku enggai ninggalka nuan.” Nya alai seduai iya lalu majakka pejalai ngagai Betel.\\n3 Seraban bala nabi ti diau di nengeri nya mansang ngagai Elisa, lalu nanya iya, “Kati nuan nemu TUHAN deka ngambi tuan nuan sehari tu?” “Nemu,” ku Elisa nyaut, “tang kitai enda ibuh berandauka nya diatu.”\\n4 Udah nya Elijah lalu bejaku enggau Elisa, “Nuan tinggal ditu. TUHAN udah ngasuh aku mansang ngagai Jeriko.” Tang ku Elisa nyaut, “Aku besumpah nama TUHAN ti idup, enggau penaluk aku ke nuan, aku enggai ninggalka nuan.” Nya alai seduai iya lalu majakka pejalai ngagai Jeriko.\\n5 Seraban bala nabi ti diau di nengeri nya mansang ngagai Elisa, lalu nanya iya, “Kati nuan nemu TUHAN deka ngambi tuan nuan sehari tu?” “Nemu,” ku Elisa nyaut. “Tang kitai enda ibuh berandauka nya.”\\n6 Udah nya Elijah lalu bejaku enggau Elisa, “Nuan tinggal ditu. TUHAN udah ngasuh aku mansang ngagai Sungai Jordan.” Tang ku Elisa nyaut, “Aku besumpah atas nama TUHAN ti idup, enggau penaluk aku ke nuan, aku enggai ninggalka nuan.” Nya alai seduai iya majak bejalai,\\n7 dititihka lima puluh iku nabi, ngagai Sungai Jordan. Elijah seduai Elisa lalu ngetu ba tebing sungai nya, lalu bala nabi nya bediri enda jauh ari seduai iya.\\n8 Elijah lalu muka kelambi iya, ngulungka kelambi nya lalu maluka kelambi nya ngagai ai Sungai Jordan. Ai nya lalu bebagi dua, lalu seduai iya meraka ke seberai nengah tanah ti rangkai.\\n9 Dia Elijah lalu bejaku enggau Elisa, “Padahka ngagai aku utai ti diasuh nuan kereja aku ke nuan, sebedau aku dibai ari tu.” “Beri ngagai aku dua kali lipat kuasa nuan ngambika aku ulih nganti nuan,” ko Elisa nyaut.\\n10 “Utai ti dipinta nuan nya mar diberi aku,” ku Elijah nyaut. “Tang nuan deka nerima utai nya, enti nuan meda aku diambi ari nuan. Enti nuan nadai meda aku, nuan enda nerima utai nya.”\\n11 Lebuh seduai iya benung bejalai, seduai iya majak berandau. Tekala nya kerita api ti ditarit kuda api datai, ensaraka seduai iya, lalu Elijah ditabanka idup-idup ke serega ulih ribut pulas uchung.\\n12 Elisa meda utai nya nyadi, lalu ngangauka Elijah, “Apai! Apai! Penyaga orang Israel ti bekuasa! Nadai meh nuan agi enggau aku!” Lalu iya nadai agi meda Elijah. Elisa tusah amat ati, lalu nyarikka kelambi iya belah dua.\\n13 Iya ngambi kelambi Elijah ti udah labuh ari tubuh Elijah. Elisa pulai, lalu bediri ba tebing Sungai Jordan.\\n14 Iya malu ai sungai nya ngena kelambi Elijah, lalu ku iya bejaku, “Dini alai TUHAN Allah Taala Elijah?” Udah nya iya lalu malu ai nya baru. Ai nya lalu bebagi dua, lalu iya bejalai ke seberai meraka sungai nya.\\n15 Lebuh bala nabi ke lima puluh iku ari nengeri Jeriko meda nya, sida lalu bejaku, “Kuasa Elijah udah diberi ngagai Elisa!” Sida lalu mansang ngagai Elisa, meremi di mua iya,\\n16 lalu bejaku, “Kami tu lima puluh iku, lalu semua kami tu kering magang. Aram kitai mupuk ngiga tuan nuan. Nyangka ukur Roh TUHAN udah nabanka iya ngagai bukit, tauka ngagai lebak.” “Anang,” ku Elisa nyaut.\\n17 Tang sida majak ngumbuk iya, datai ke nyau nurutka jaku sida, lalu ngelakka sida mupuk begigaka Elijah tiga hari, tang sida nadai tetemuka iya.\\n18 Udah nya sida pulai baru ngagai Elisa ti udah nganti sida di Jeriko, lalu ku iya bejaku enggau sida, “Nya kebuah aku nagang kita.”\\nKereja Ajih Ti Dikereja Elisa\\n19 Sekeda orang ari Jeriko mansang ngagai Elisa, lalu bejaku, “Tuan, nuan nemu, nengeri tu nengeri ti manah, tang ai ditu enda manah, lalu ngasuh indu gugur anak.”\\n20 “Engkah garam mimit dalam mangkuk ti baru, lalu bai utai nya ngagai aku,” ku iya madahka ngagai sida. Sida lalu mai utai nya ngagai iya.\\n21 Iya mansang lalu naburka garam nya ngagai mata ai nya, lalu bejaku, “Tu utai ti disebut TUHAN: ‘Aku nuchi ai tu, lalu iya enda agi ngasuh orang mati tauka gugur anak.’ “\\n22 Kenyau ari nya, ai nya nyadi tuchi, munyi ti udah disebut Elisa.\\n23 Elisa angkat ari Jeriko, lalu mansang ngagai Betel. Di rantau jalai, sekeda bala nembiak pansut ari sebuah nengeri, lalu beduan iya. “Angkat ari tu, pala lasu!” ku sida ngangauka iya.\\n24 Elisa nguing, melutka mata ngagai sida, lalu nyumpah sida dalam nama TUHAN. Dua iku indu beruang lalu pansut ari babas, lalu nyarikka tubuh empat puluh dua iku nembiak nya.\\n25 Elisa lalu majakka pejalai iya ngagai Bukit Karmel, lalu udah nya pulai ngagai Samaria.\\nPerang Entara Orang Israel Enggau Orang Moap\\n1 Dalam taun ti kelapan belas Raja Jehosapat merintah menua Judah, Joram anak Ahap berengkah nyadi raja menua Israel, lalu iya merintah di Samaria dua belas taun.\\n2 Iya bedosa ngelaban TUHAN, tang iya kurang agi jai ari apai iya, tauka indai iya Jesebel, laban iya muai tiang Baal ti udah digaga apai iya.\\n3 Tang taja pia, baka Raja Jeroboam anak Nebat ke dulu ari iya, iya enggai badu nguluka orang Israel bedosa.\\n4 Raja Mesa menua Moap bisi nupi jelu bedus, lalu tiap taun iya meri seratus ribu iku anak domba, enggau bulu bedus, kena iya mayar chukai ngagai raja menua Israel.\\n5 Tang lebuh Raja Ahap menua Israel mati, Mesa angkat ngelaban Israel.\\n6 Raja Joram lalu tekala nya angkat ari Samaria, lalu ngempuruka semua soldadu iya.\\n7 Iya ngirumka pesan ngagai Raja Jehosapat menua Judah, munyi tu: “Raja menua Moap udah angkat ngelaban aku. Kati nuan deka enggau aku beperang ngelaban iya?” “Ka,” ku Raja Jehosapat nyaut. “Aku, bala aku enggau kuda aku deka mansang enggau nuan.\\n8 Ni jalai ti deka ditengah kitai mansang nyerang iya?” “Kitai deka bejalai nengah jalai ti melit, nengah menua puang Edom,” ku Joram nyaut.\\n9 Nya alai raja menua Israel, raja menua Judah enggau raja menua Edom lalu mupuk. Lebuh sida udah bejalai tujuh hari, sida suntuk ai. Sida nadai agi ai ke bala sida empu enggau ke jelu ti mai keresa sida.\\n10 “Mati kitai tu!” ku Raja Joram bejaku enggau nyawa ti inggar. “TUHAN udah nyerahka kitai tiga ngagai raja menua Moap!”\\n11 Raja Jehosapat lalu nanya, “Kati bisi nabi ti tau diasuh kitai betanya ngagai TUHAN ditu?” Siku pemesai ari bala soldadu Raja Joram lalu nyaut, “Elisa anak Sapat bisi ditu. Iya udah bekereja nyadi penulung Elijah.”\\n12 “Iya endang amat nabi,” ku Raja Jehosapat bejaku. Nya alai raja tiga iku nya lalu mansang ngagai Elisa.\\n13 “Nama kebuah aku enda tau enda nyaup nuan?” ku Elisa bejaku enggau raja menua Israel. “Alai nuan betanya ngagai bala nabi ti udah alai apai enggau indai nuan betanya menya.” “Ukai baka nya!” ku Joram nyaut. “TUHAN udah nyerahka kami tiga ngagai Raja menua Moap.”\\n14 Elisa lalu nyaut, “Dalam nama TUHAN ti idup, ke dipetuaika aku, aku besumpah enggai nyaup nuan, enti enda ketegal aku bebasaka Raja Jehosapat menua Judah ke setanah enggau nuan.\\n15 Ambi diatu siku orang ke nemu nebah musik.” Lebuh orang nya benung nebah belikan iya, kuasa TUHAN lalu datai ba Elisa,\\n16 lalu ku iya bejaku, “Tu utai ti disebut TUHAN: ‘Keruang parit di serata buntut sungai ti rangkai tu.\\n17 Taja pen kita nadai meda ujan tauka ribut, buntut sungai tu deka penuh laban ai, lalu kita, enggau jelu tupi kita, enggau jelu ti dikena kita mai keresa kita, deka mayuh ai irup.’ “\\n18 Lalu ku Elisa nampung jaku iya, “Utai tu mudah dikereja TUHAN, lalu Iya deka mega ngasuh kita menang ngelaban orang Moap.\\n19 Kita deka ngalahka semua nengeri sida ke manah, ti bekuta. Kita deka nebang semua kayu buah sida, nutup semua mata ai sida, lalu ngelamun semua tanah umai sida ke ami ngena batu, kena ngerusak tanah umai nya.”\\n20 Pagi hari siti, lebuh maya ngenjuk piring, ai lalu rarat datai ari Edom, lalu ngampuhka tanah.\\n21 Lebuh orang Moap ninga raja tiga iku nya udah datai deka nyerang sida, semua orang lelaki ke ulih ngena senyata, kenyau ari orang ke pemadu tuai ngagai orang ke pemadu biak, dikangauka magang, lalu diasuh nyaga garis entara menua.\\n22 Lebuh sida dani pagi hari siti, sida meda mata hari manchar ngagai ai nya, lalu ngasuh ai nya mirah baka darah.\\n23 Orang Moap lalu manjung, “Darah! Bala munsuh tentu udah belaban lalu bebunuhka pangan diri! Aram kitai ngerampas utai ari kem sida!”\\n24 Tang lebuh orang Moap datai ba kem orang Israel, orang Israel angkat lalu nyerang sida. Orang Moap lalu nyurutka diri. Orang Israel majak begagai lalu bebunuhka sida,\\n25 sereta ngerusak nengeri sida. Lebuh orang Israel mansa tanah umai ti ami, genap iku sida bela nikauka sigi batu ngagai tanah umai nya, datai ke semua tanah umai nya nyau abis dilamun batu. Orang Israel mega ngalitka semua mata ai, lalu nebang kayu buah. Ba pengujung iya, semina indu nengeri Kir-heseret aja agi tinggal. Orang ke landik nimbakka batu ngena pangwang ngelulung lalu nyerang nengeri nya.\\n26 Lebuh raja menua Moap nemu diri alah, iya lalu mai tujuh ratus iku soldadu ti landik belaban ngena pedang, nguji ngerarika diri ngerenchah bala soldadu orang Edom, tang iya enda ulih.\\n27 Iya lalu mai anak tuai iya ke dipaduka nganti iya nyadi raja, lalu nyerahka iya ba atas dinding kuta nengeri nya, nyadika piring ngagai petara orang Moap. Orang Israel balat amat takut, lalu nyurutka diri ari nengeri nya, lalu pulai ngagai menua sida empu.\\nElisa Nulung Indu Balu Siku Ti Miskin\\n1 Nyadi sekali balu niang siku nabi datai ngagai Elisa, lalu bejaku, “Tuan, laki aku udah mati! Nuan nemu, iya endang orang ke nangika Allah Taala, tang diatu siku orang ke udah alai iya berutang, bisi datai deka ngambi dua iku anak lelaki aku nyadi ulun iya, kena mayar utang laki aku.”\\n2 “Baka ni ku aku nulung nuan?” ku Elisa nanya. “Padahka ngagai aku utai ti dikemisi nuan di rumah.” “Nadai utai, kelimpah ari sekebuk mit minyak kana,” ku indu nya nyaut.\\n3 Ku Elisa bejaku ngagai indu nya, “Alai nuan mansang ngagai orang ke berimbai pendiau enggau nuan, lalu injau sepemayuh benda ti ulih diinjau nuan ari iya.\\n4 Udah nya, nuan enggau anak lelaki nuan pulai ke rumah, nutup pintu, lalu belabuh nuang minyak nya ngagai semua benda nya. Kebuk ti udah penuh, engkah ke tisi.”\\n5 Indu nya lalu pulai ke rumah, sama enggau anak lelaki iya ke dua iku nya, nikupka pintu, ngambi kebuk minyak kana nya, lalu nuang minyak nya ngagai benda ti dibai anak lelaki iya ngagai iya.\\n6 Lebuh sida udah ngisi semua benda nya, indu nya lalu nanya enti agi bisi benda. “Nya meh pengabis iya,” ku anak iya nyaut. Minyak kana nya lalu badu agi lilih ari kebuk nya.\\n7 Indu balu nya lalu mansang baru ngagai nabi Elisa. Lalu ku Elisa bejaku enggau iya, “Jual minyak kana nya, lalu bayar semua utang nuan. Laluh duit nya chukup kena kita menyanak beridup.”\\nElisa Enggau Siku Indu Ke Kaya Ari Sunem\\n8 Nyadi sekali Elisa mansang ngagai Sunem, alai siku indu ke kaya diau. Indu nya mai iya makai. Berengkah ari nya, genap kali Elisa datai di Sunem, iya makai ba rumah indu nya.\\n9 Ku indu nya bejaku enggau laki iya, “Aku nemu, orang ke selalu datai kitu nya nabi.\\n10 Manah kitai ngaga siti bilik di perabung, engkahka siti katil, siti kerusi enggau siti lampu dia, ngambika iya tau diau dia genap kali iya nemuai ngagai kitai.”\\n11 Nyadi sekali, lebuh Elisa pulai ngagai Sunem, lalu mansang ngagai bilik iya, deka belelak,\\n12 iya ngasuh orang gaji iya ke benama Gehasi mesanka indu nya. Lebuh indu nya datai,\\n13 Elisa lalu bejaku enggau Gehasi, “Tanyaka ngagai iya utai ti tau dikereja aku ke iya, kena malas pengiruh iya ti udah nyendiaka semua utai ke tua. Kada enda iya deka ngasuh aku betemu enggau raja, tauka betemu enggau tuai soldadu, ngambika aku bejaku ngarika ngagai sida.” “Aku diau begulai enggau bala aku empu, lalu aku nadai suntuk utai diguna,” ku indu nya nyaut.\\n14 Elisa lalu nanya Gehasi, “Enti pia, nama utai ti patut dikereja aku ke iya?” Disaut Gehasi, “Iya nadai anak lelaki, lalu laki iya nyau tuai.”\\n15 “Kangauka iya kitu,” ku Elisa bejaku. Indu nya lalu datai, lalu bediri ba mua pintu.\\n16 Lalu ku Elisa bejaku enggau iya, “Ba urung maya tu taun baru tu ila, nuan deka ngerendut siku anak lelaki.” Ku indu nya bejaku, “Anang ngemulaka aku, tuan. Nuan nabi!”\\n17 Tang, munyi ti udah dipadahka Elisa, ba urung maya nya taun siti, indu nya lalu ngadaka anak lelaki siku.\\n18 Nyau berapa taun udah bekau nya, lebuh maya ngetau, nembiak nya mansang ngagai apai iya lebuh pagi hari. Nyadi apai iya agi di umai enggau bala orang ke ngetau.\\n19 Nembiak nya lalu ngangauka apai iya, “Pedis pala aku, apai! Pala aku pedis!” Apai iya lalu bejaku enggau siku orang gaji, “Bai nembiak nya ngagai indai iya.”\\n20 Orang gaji nya lalu mai nembiak nya pulai ngagai indai iya. Indai iya lalu mangku iya nyentuk ngagai tengah hari. Nembiak nya lalu mati.\\n21 Indai iya mai iya ngagai bilik Elisa, ngengkahka iya ba katil, lalu nikupka pintu ari.\\n22 Udah nya iya lalu ngangauka laki iya, ku iya, “Asuh siku orang gaji mai siku keledai kitu. Aku enda tau enda betemu enggau nabi Elisa, lalu pulai kitu baru enggau naka pengelengkas.”\\n23 “Nama kebuah nuan enda tau enda kin sehari tu?” ku laki iya nanya. “Hari tu ukai Hari Sabat, ukai hari Gawai Anak Bulan.” “Nadai ngawa,” ku indu nya nyaut.\\n24 Udah nya indu nya lalu nyendiaka keledai, lalu bejaku enggau orang gaji nya, “Asuh keledai nya bejalai enggau naka pengelaju, lalu anang bejalai lubah enti aku nadai ngasuh nuan lubah.”\\n25 Indu nya lalu mupuk, mansang ngagai Bukit Karmel ti alai nabi Elisa diau. Elisa meda indu nya datai lebuh iya agi jauh, lalu ku iya bejaku enggau orang gaji iya Gehasi, “Peda nuan, nyin indu ari Sunem datai!\\n26 Alai nuan belanda ngagai iya, lalu tanyaka berita pasal sida menyanak.” Indu nya lalu madahka semua utai nadai nama-nama.\\n27 Tang lebuh iya datai, iya meremi di mua Elisa, lalu megai kaki Elisa. Gehasi baru deka ngejuka iya, tang ku Elisa, “Anang ngachau iya. Kati nuan enda nemu iya balat tusah ati? Lalu TUHAN nadai udah madahka pasal nya ngagai aku.”\\n28 Ku indu nya bejaku enggau Elisa, “Tuan, aku nadai minta anak lelaki ari nuan, enggai ke aku semina asa ngapa.”\\n29 Elisa nguing ngagai Gehasi, lalu bejaku, “Alai, jampat nuan, ambi tungkat aku, lalu mupuk. Anang ngetu meri tabi ngagai orang ke betemu enggau nuan. Lalu enti orang bisi nanya nuan, anang nyaut. Mansang terus ngagai rumah nya, lalu pegai tungkat aku ba atas nembiak nya.”\\n30 Ku indu nya bejaku enggau Elisa, “Aku besumpah atas nama TUHAN ti idup, enggau atas penaluk aku ke nuan, aku enda ninggalka nuan!” Nya alai Elisa enggau indu nya lalu sama mupuk.\\n31 Gehasi bejalai dulu, lalu megai tungkat Elisa ba atas nembiak nya, tang nembiak nya enda enseput, enda engkebut. Nya alai iya nikal ngagai Elisa lalu bejaku enggau iya, “Nembiak nya lalu enda ngeleda.”\\n32 Lebuh Elisa datai, iya tama kediri ngagai bilik nya, lalu meda bangkai nembiak nya garing-garing ba atas katil.\\n33 Iya nikupka pintu, lalu besampi ngagai TUHAN.\\n34 Udah nya iya lalu ningkapka diri atas bangkai nembiak nya, ngasuh mulut, mata enggau jari iya nyatup mulut, mata, enggau jari nembiak nya. Lebuh iya tingkap ba atas nembiak nya, tubuh nembiak nya lalu belabuh berasai angat.\\n35 Elisa angkat, bejalai ba sebelah bilik nya. Udah nya iya ningkapka diri baru ba atas nembiak nya. Nembiak nya lalu engkasi tujuh kali, lalu menchelakka mata.\\n36 Elisa ngangauka Gehasi, lalu ngasuh iya ngangauka indai nembiak nya. Lebuh indai nembiak nya tama, Elisa lalu bejaku, “Tu anak nuan.”\\n37 Indu nya lalu nyungkurka diri semak kaki Elisa. Udah nya iya ngambi anak iya, lalu angkat ari nya.\\nDua Bengkah Agi Kereja Ajih\\n38 Nyadi sekali, lebuh lapar pungkang nyadi di serata menua nya, Elisa pulai ngagai Gilgal. Lebuh iya benung ngajar seraban bala nabi, iya ngasuh orang gaji iya nanggarka sigi periuk ti besai, lalu manduk pemakai ke sida nabi.\\n39 Siku ari sida nabi lalu mansang ke umai ngiga sayur. Iya tetemuka semacham buah labu. Iya lalu ngumpul buah labu nya naka ti ulih dibai iya. Iya mai utai nya pulai, nyirap lalu nabakka buah labu nya ke dalam periuk nya. Tang iya enda ngelala utai nya.\\n40 Lauk nya lalu dituang ke bala sida. Tang lebuh sida ensepi utai nya, sida lalu ngangauka Elisa, “Utai tu bisi rachun!” Lalu sida enggai makai lauk nya.\\n41 Elisa lalu minta tepung; iya lalu nabakka tepung nya ke dalam periuk nya, lalu ku iya, “Tuang nya ke sida.” Pemakai nya lalu nadai ngawa agi.\\n42 Nyadi sekali, siku orang datai ari Baal-salisah, mai ngagai Elisa dua puluh iti tuku roti ti digaga ari barli ti terubah diketau taun nya, enggau tangkai gandum mimit ti baru udah diketau. Elisa lalu ngasuh orang gaji iya nyendiaka utai nya ke pemakai sida nabi.\\n43 Tang ku orang gaji iya nyaut, “Utai tu enda chukup ke seratus iku orang.” Disaut Elisa, “Beri aja ngagai sida, ngambika sida makai, laban TUHAN madahka utai nya deka belaluh lebuh sida udah makai.”\\n44 Orang gaji nya lalu ngenahka pemakai nya ngagai sida nabi, lalu munyi ti udah disebut TUHAN, semua sida bela makai magang, lalu pemakai nya bisi belaluh.\\n1 Nyadi Naaman nya kepala soldadu orang Siria. Iya balat dibasa sereta dipuji raja menua Siria, laban TUHAN udah ngasuh bala soldadu orang Siria ke diuluka Naaman menang. Naaman nya orang ke berani, tang iya ngidapka penyakit kulit ti balat diketakutka.\\n2 Nyadi sekali, lebuh sida nyerang menua Israel, bala soldadu orang Siria bisi nabanka siku indu dara orang Israel, ke lalu nyadi ulun bini Naaman.\\n3 Nyadi sekali indu nya nyebut ngagai bini Naaman, “Naka meh pemanah enti sema tuan aku betemu enggau siku nabi ti diau di Samaria! Iya tentu deka ngeraika tuan ari penyakit iya.”\\n4 Lebuh Naaman ninga nya, iya lalu betemu enggau raja, lalu madahka pasal utai ti udah disebut indu dara nya.\\n5 Ku raja nya bejaku, “Mupuk meh nuan ngagai raja orang Israel, lalu bai surat tu ngagai iya.” Naaman lalu mupuk, mai tiga puluh ribu singkap duit pirak, enam ribu singkap duit emas, enggau sepuluh lambar gari ti manah.\\n6 Baka tu ku utai ti disebut dalam surat ti dibai iya, “Nama orang ke mai surat tu nya Naaman. Iya tu pemesai aku. Aku minta nuan ngeraika iya ari penyakit iya.”\\n7 Lebuh raja menua Israel macha surat nya, iya lalu nyarikka gari diri lalu bejaku, ku iya, “Kati iya ngumbai aku Allah Taala ti bekuasa atas seput enggau pemati, alai iya ngasuh aku ngeraika orang tu? Iya tu nguji mai aku belaya!”\\n8 Lebuh nabi Elisa ninga pasal nya, iya lalu ngirumka pesan ngagai raja, “Nama kebuah nuan tusah ati? Asuh orang nya betemu enggau aku, ngambika iya nemu menua Israel bisi nabi!”\\n9 Naaman mansang ngena kuda enggau kerita perang iya, lalu ngetu ba mua pintu Elisa.\\n10 Elisa lalu ngasuh orang gaji iya ngasuh Naaman masu diri tujuh kali di Sungai Jordan, lalu iya deka gerai ari penyakit iya.\\n11 Tang Naaman angkat ari nya ringat. Ku iya, “Aku ngumbai iya deka pansut lalu betemu enggau aku, besampi ngagai TUHAN Allah Taala iya, ngepaika jari iya atas endur ti kena laban penyakit, lalu ngeraika aku!\\n12 Sungai Abana enggau Sungai Parpar di Damaskus lebih manah agi ari sungai di menua Israel. Nama kebuah aku enda tau masu diri dalam sungai nya, lalu gerai?”\\n13 Bala orang gaji Naaman mansang ngagai iya, lalu bejaku, “Tuan, enti nabi nya ngasuh nuan ngereja utai ti mar, nuan tentu deka ngereja utai nya. Nya alai, nama kebuah nuan enda masu diri, munyi ti diasuh iya, ngambika nuan gerai?”\\n14 Naaman lalu nurun ngagai Sungai Jordan, nyelam ba sungai nya tujuh kali, nitihka asuh Elisa. Iya lalu gerai. Isi iya nyau sentar sereta bepengerai, baka isi anak mit.\\n15 Iya enggau semua bala iya lalu pulai ngagai Elisa, lalu ku iya bejaku enggau Elisa, “Diatu baru aku nemu, kitai nadai petara bukai tang semina Allah Taala ke disembah orang Israel siku aja. Nya alai aku minta nuan, tuan, nyambut pemeri tu ari aku.”\\n16 Disaut Elisa, “Aku besumpah dalam nama TUHAN ti idup, ke dipetuaika aku, aku enggai nyambut pemeri.” Naaman majak ngasuh Elisa nyambut pemeri nya, tang Elisa enggai.\\n17 Nya alai, ku Naaman bejaku, “Enti nuan enggai nyambut pemeri tu, awakka aku ga mai tanah ari tu ngagai menua aku ngena dua iku keledai aku, laban belabuh ari diatu, aku enggai agi ngenjuk piring tauka piring tunu ngagai petara bukai, tang semina ngagai TUHAN siku aja.\\n18 Nya alai, aku ngarapka TUHAN deka ngampun aku, lebuh aku nyempulang raja aku ngagai rumah sembiang Rimon, petara menua Siria, lalu nyembah TUHAN dia. TUHAN tentu deka ngampun aku!”\\n19 Lalu ku Elisa bejaku, “Mupuk meh nuan enggau selamat.” Naaman lalu mupuk. Lebuh iya baru apin lama udah ngejangka endur nya,\\n20 orang gaji Elisa, Gehasi, lalu berunding, “Tuan aku udah nejuka Naaman mupuk nadai mayar utai! Iya patut nyambut utai ti diberi orang Siria nya. Dalam nama TUHAN ti idup, aku deka belanda nitihka orang nya, lalu ngambi utai ari iya.”\\n21 Gehasi lalu nitihka Naaman. Lebuh Naaman meda siku orang belanda nitihka iya, iya lalu nurun ari kerita perang iya, deka betemu enggau orang nya. Iya lalu nanya, “Bisi utai salah?”\\n22 “Nadai,” ku Gehasi nyaut. “Tang tuan aku udah ngasuh aku madahka ngagai nuan, baru apin lama tu tadi, dua iku nabi ari menua ti bebukit di menua Epraim, bisi datai. Iya minta nuan meri ngagai seduai nya tiga ribu singkap duit pirak, enggau dua lambar gari.”\\n23 “Bai aja enam ribu singkap duit pirak,” ku Naaman nyaut. Iya majak ngasuh Gehasi nerima utai nya. Iya lalu nyimpan duit pirak nya dalam dua iti kambut, nanchang kambut nya, meri kambut nya enggau dua lambar gari ti manah nya ngagai dua iku ari bala orang gaji iya, lalu ngasuh seduai nya bejalai dulu ari Gehasi.\\n24 Lebuh sida datai ba bukit ti alai Elisa diau, Gehasi lalu ngambi dua iti kambut nya lalu tama ngagai rumah. Udah nya iya lalu ngasuh orang gaji Naaman ke dua iku nya pulai.\\n25 Iya lalu tama baru. Elisa lalu nanya iya, “Kini ke nuan tadi?” “Nadai aku mindah tadi, tuan,” ku iya nyaut.\\n26 Tang ku Elisa, “Kati aku nadai dia dalam roh, lebuh orang nya nurun ari kerita perang iya lalu betemu enggau nuan? Tu ukai maya nyambut duit tauka gari, kebun buah kana, tauka kebun anggur, jelu bedus tauka jelu sapi, tauka orang gaji!\\n27 Diatu penyakit Naaman nya deka lekat ba nuan, lalu nuan enggau peturun nuan deka diempa penyakit nya belama iya!” Lebuh Gehasi mupuk, penyakit nya endang udah lekat ba iya. Kulit iya burak baka seleju.\\nNgambi Mata Kapak Pulai\\n1 Nyadi sekali bala nabi ke diajar Elisa, mutap ngagai iya, “Endur alai kami diau tu kelalu sekut.\\n2 Kami minta nuan ngemendarka kami mupuk ngagai Sungai Jordan lalu beramu, ngambika kami ulih ngaga endur alai kami diau.” “Mupuk meh kita,” ku Elisa nyaut.\\n3 Siku ari bala sida lalu minta Elisa bejalai enggau sida. Elisa besetuju,\\n4 lalu sida sama mupuk. Lebuh sida datai ba Sungai Jordan, sida lalu belabuh gawa.\\n5 Lebuh siku ari bala sida benung nebang kayu, mata kapak iya ngelechut lalu labuh ke dalam ai. “Kati ku aku enggau nya, tuan?” ku iya ngangau ngagai Elisa. “Kapak nya ulih aku nginjau ari orang!”\\n6 “Ba ni alai mata kapak nya labuh?” ku Elisa nanya. Orang nya lalu nunjukka endur nya ngagai iya. Elisa lalu netak kayu siti, lalu nikauka kayu nya ngagai ai nya. Mata kapak nya lalu melepung.\\n7 “Ambi mata kapak nya,” ku Elisa bejaku ngagai orang nya. Orang nya nyapai, lalu ngambi mata kapak nya.\\nBala Soldadu Orang Siria Alah\\n8 Lebuh raja menua Siria benung beperang ngelaban menua Israel, iya betanya ngagai bala pemesai iya, lalu milih siti endur alai iya deka nirika kem.\\n9 Tang Elisa ngirumka pesan ngagai raja menua Israel, meri jaku tangkan ngagai iya, enda nyagi iya mansang semak ngagai endur nya, laban bala soldadu orang Siria udah ngeramka ipa ba endur nya.\\n10 Raja menua Israel lalu meri jaku tangkan ngagai orang ke diau ba endur nya. Bala orang nya lalu bejaga. Utai tu nyadi dua tiga kali.\\n11 Raja menua Siria tusah amat ati laban nya. Iya lalu ngangauka bala pemesai iya, lalu nanya sida, “Sapa ari bala kita setanah enggau raja menua Israel?”\\n12 Siku ari bala sida lalu nyaut, “Nadai, Tuan Raja. Nabi Elisa ke madahka ngagai raja menua Israel pasal utai ti disebut nuan dalam bilik nuan empu.”\\n13 “Giga dini alai iya,” ku raja nya bejaku enggau sida, “ngambika aku nangkap iya.” Lebuh orang madahka Elisa bisi di Dotan,\\n14 raja menua Siria nya lalu ngasuh bala soldadu mansang ngagai nengeri nya ngena kuda enggau kerita perang. Sida datai dia lebuh malam hari, lalu ngelulung nengeri nya.\\n15 Tumu pagi hari siti, orang gaji Elisa dani, pansut ari rumah, lalu tepedaka bala soldadu orang Siria nepan kuda enggau kerita perang ngelulung nengeri nya. Iya lalu pulai ke rumah ngagai Elisa, lalu ku iya bejaku enggau Elisa, “Nadai penyadi kitai tu, tuan! Nama utai ti patut dikereja kitai?”\\n16 “Anang takut,” ku Elisa nyaut. “Bala kitai mayuh agi ari bala sida.”\\n17 Udah nya iya lalu besampi, “O TUHAN, buka mata iya, lalu asuh iya meda!” TUHAN lalu nyaut sampi iya. Orang gaji Elisa engkadah, lalu meda tisi bukit nya nyau penuh laban kuda enggau kerita perang ti beapi-api, ngelingi Elisa.\\n18 Lebuh bala soldadu orang Siria nyerang, Elisa lalu besampi, “O TUHAN, asuh bala orang nya buta!” TUHAN lalu nyaut sampi iya, lalu ngasuh bala soldadu orang Siria buta.\\n19 Udah nya Elisa lalu mansang ngagai sida, lalu ku iya bejaku enggau sida, “Salah jalai kita tu. Tu ukai nengeri ti digagai kita. Titihka aku. Awakka aku nguluka kita ngagai orang ke digiga kita.” Iya lalu nguluka sida ngagai nengeri Samaria.\\n20 Lebuh bala soldadu orang Siria udah tama ngagai nengeri Samaria, Elisa lalu besampi, “Buka mata sida, TUHAN, lalu awakka sida ulih meda.” TUHAN lalu nyaut sampi iya, lalu ngasuh sida ulih meda baru. Nya baru sida nemu diri di nengeri Samaria.\\n21 Lebuh raja menua Israel meda bala soldadu orang Siria, iya lalu nanya Elisa, “Kati tau aku munuh sida, tuan? Tau aku munuh sida?”\\n22 “Anang,” ku Elisa nyaut. “Soldadu ti udah ditangkap nuan lebuh kita betempuh pen enda meh tau dibunuh nuan. Beri sida makai ngirup, lalu asuh sida pulai ngagai raja sida empu.”\\n23 Raja menua Israel lalu nyendiaka pengerami makai besai ke sida. Lebuh sida udah makai, lalu udah mabuk, iya ngasuh sida pulai ngagai raja menua Siria. Kenyau ari nya, bala soldadu orang Siria badu agi nyerang menua Israel.\\nNengeri Samaria Dikelulung\\n24 Nyau kelama udah bekau nya, Raja Benhadat menua Siria nguluka bala iya ngelaban menua Israel, lalu ngelulung nengeri Samaria.\\n25 Nengeri nya lalu balat amat suntuk pemakai, datai ke pala keledai sigi nyau dijual ngena rega lapan puluh singkap duit pirak, lalu rega sesuku kilogram tai burung achang nyau bulih lima singkap duit pirak.\\n26 Lebuh raja menua Israel benung bejalai ba puchuk dinding kuta nengeri nya, siku indu lalu ngangau, “Tulung aku, Tuan Raja!”\\n27 Raja lalu nyaut, “Enti TUHAN enggai nyaup nuan, baka ni ku aku ulih nyaup nuan? Aku nadai gandum, nadai wain.\\n28 Nama penusah nuan?” Indu nya lalu nyaut, “Suba indu tu mai aku makai anak aku, lalu hari siti makai anak iya.\\n29 Kami duai lalu manduk anak aku, lalu makai iya. Hari siti, aku mai iya makai anak iya, tang iya udah ngelalaika anak iya nya!”\\n30 Lebuh raja ninga nya, iya lalu nyarikka gari diri, lalu orang ke diau semak kuta nya meda iya ngena kain guni, dibap gari iya empu.\\n31 Ku raja nya bejaku, “Awakka Allah Taala munuh aku enti Elisa enda dipumpung pala sebedau malam tu!”\\n32 Iya lalu ngasuh siku seruan ngambi Elisa. Ba urung maya nya Elisa bisi di rumah, sama enggau bala tuai ke datai nemuai ngagai iya. Sebedau seruan raja nya datai, Elisa endang udah bejaku enggau bala tuai nya, ku iya, “Pemunuh nya ngasuh siku orang datai munuh aku! Lebuh iya datai ditu lagi, tutup pintu, lalu anang nyagi iya tama. Raja empu deka datai ari belakang iya.”\\n33 Lebuh Elisa agi benung nyebut jaku nya, raja pen datai, lalu bejaku, “TUHAN Empu ti udah ngasuh penusah tu ninggang kitai! Nya alai nama kebuah aku nganti Iya nulung kitai.”\\n1 Tang ku Elisa nyaut, “Pendingka utai ti disebut TUHAN! Ba urung maya tu pagila, kita di Samaria ulih meli empat kilogram setengah gandum ti pemadu alus tauka semilan kilogram barli, ngena sesingkap pirak aja.”\\n2 Ku pemesai ke ngiring raja nya bejaku enggau Elisa, “Nadai utai baka nya ulih nyadi. Enti sema TUHAN Empu meri gandum nya diatu, enda meh utai nya ulih nyadi!” Disaut Elisa, “Nuan empu deka meda utai nya nyadi, tang nuan enda makai pemakai nya.”\\nBala Soldadu Orang Siria Pulai\\n3 Nyadi di luar pintu nengeri Samaria bisi empat iku orang ke ngidapka penyakit kulit ti tau ngerampit. Ku sida empat nya bejaku enggau pangan diri, “Nama kebuah kitai diau ditu nganti diri mati?\\n4 Nadai guna kitai tama ngagai nengeri, laban din kitai deka mati keberuran. Tang enti kitai diau ditu, kita deka mega mati. Aram kitai bejalai ngagai kem orang Siria. Pengabis jai utai ti deka dikereja sida ngagai kitai nya munuh kitai. Tang nyangka ukur sida enggai munuh kitai.”\\n5 Nya alai, lebuh hari nyau deka malam, sida empat lalu mansang ngagai kem orang Siria. Tang lebuh sida datai ba kem nya, sida nadai nemu orang dia,\\n6 laban TUHAN udah ngasuh bala orang Siria ninga munyi auh bala soldadu ti ngena kuda enggau kerita perang datai, lalu sida ngumbai raja menua Israel udah ngaji raja orang Iti enggau orang Ejip, enggau bala soldadu sida, nyerang sida.\\n7 Nya alai lemai nya bala soldadu orang Siria rari, ninggalka langkau kain, kuda, enggau keledai sida.\\n8 Lebuh orang empat iku nya datai ba tisi kem nya, sida lalu tama ngagai langkau kain siti, makai sereta ngirup utai dia, ngambi pirak, emas, enggau gari ti ditemu sida, angkat ari endur nya lalu ngelalaika utai nya. Udah nya sida pulai kia baru, tama ngagai sebuah langkau kain ti bukai, lalu ngereja baka nya baru.\\n9 Tang udah nya sida lalu bejaku, “Kitai enda patut ngereja tu! Kitai bisi berita ti manah, lalu kitai patut madahka berita tu ngagai orang bukai. Enti kitai nganti ngagai pagila baru madahka berita tu, kitai tetap deka kena ukum. Aram kitai madahka ngagai bala pemesai raja!”\\n10 Sida lalu ninggalka kem orang Siria nya, pulai ngagai nengeri Samaria, lalu ngangauka jejaga ke ba pintu nengeri nya, “Kami udah ngagai kem orang Siria, tang kami nadai meda tauka ninga orang dia. Kuda enggau keledai sida agi mengkang ditanchang, lalu langkau kain ditinggalka sida pia aja.”\\n11 Bala jejaga lalu madahka berita nya, lalu berita nya dipadahka ngagai istana.\\n12 Lebuh maya nya, hari endang agi malam, tang raja angkat ari peninduk iya, lalu bejaku enggau bala pemesai iya, “Dinga kita! Tu endang pelan orang Siria! Sida nemu kitai keberuran, nya alai sida diatu udah ninggalka kem sida, lalu belalai di menua pesisir. Sida ngumbai kitai deka pansut ari nengeri tu begigaka pemakai. Udah nya baru sida nangkap kitai idup-idup, lalu ngalahka nengeri tu.”\\n13 Siku ari bala pemesai iya lalu bejaku, “Orang di nengeri tu endang nadai penyadi agi, baka sida ke udah mati nya. Nya alai manah kitai ngasuh sekeda orang mupuk ngena lima iku kuda ti agi ba jari kitai, ngambika sida mansik pekara nya.”\\n14 Sida lalu milih orang, lalu raja ngasuh sida mupuk ngena dua buah kerita perang ngambika sida mansik utai ti udah nyadi ba bala soldadu orang Siria.\\n15 Sida bejalai nyentuk ngagai Sungai Jordan. Di rantau jalai sida tepedaka gari enggau pekekas ti becherayan ditinggalka orang Siria lebuh sida rari. Udah nya sida pulai, lalu madahka ngagai raja.\\n16 Orang Samaria lalu beterudus pansut ari nengeri, lalu ngambi perapasan ari kem orang Siria. Lalu munyi ti udah disebut TUHAN, empat kilogram setengah gandum ti pemadu alus, tauka semilan kilogram barli dijual ngena rega sesingkap duit pirak aja.\\n17 Nyadi raja orang Israel udah ngasuh pengiring iya empu nyaga pintu nengeri nya. Pemesai nya mati ba mua pintu nengeri nya, kena indik bala mayuh, munyi ti udah dipadahka Elisa lebuh raja datai betemu enggau iya.\\n18 Nyadi Elisa udah madahka ngagai raja, ba urung maya nya, empat kilogram setengah gandum ti pemadu alus, tauka semilan kilogram barli, deka dijual di Samaria ngena rega sesingkap duit pirak,\\n19 lalu pemesai nya udah nyaut, “Utai nya enda ulih nyadi. Enti sema TUHAN Empu meri gandum nya diatu, enda meh utai nya ulih nyadi!” Lalu Elisa udah nyaut, “Nuan empu deka meda utai nya nyadi, tang nuan enda makai pemakai nya.”\\n20 Nya alai nya meh utai ti nyadi ba pemesai nya. Iya mati kena indik bala mayuh ba mua pintu nengeri nya.\\nIndu Ari Sunem Pulai Baru Ngagai Menua Israel\\n1 Nyadi Elisa udah bejaku enggau indu ke diau di Sunem, indu ke bempu anak ti udah diangkatka Elisa ari mati, madahka TUHAN deka ngasuh lapar pungkang nyadi di menua nya dalam pengelama tujuh taun. Iya udah ngasuh indu nya enggau sida sebilik angkat ari nengeri nya, lalu diau di menua bukai.\\n2 Indu nya udah ngereja utai ti diasuh Elisa, lalu iya enggau sida sebilik udah angkat ari nengeri nya lalu diau tujuh taun di menua Pilistin.\\n3 Ba ujung taun ti ketujuh, indu nya pulai baru ngagai menua Israel, lalu betemu enggau raja, minta rumah enggau tanah iya dipulaika ngagai iya.\\n4 Iya datai lebuh raja benung berandau enggau Gehasi, iya nya orang gaji Elisa, laban raja keran deka nemu pasal kereja ajih ti dikereja Elisa.\\n5 Lebuh Gehasi agi benung madahka chara Elisa ngangkatka orang ari mati, indu nya lalu mantaika peminta iya ngagai raja. Gehasi lalu bejaku enggau raja, “Tuan Raja, tu meh indu ke ku aku, lalu tu meh anak lelaki iya ke diangkatka Elisa idup baru ari mati!”\\n6 Raja nanya, lalu indu nya madahka pengamat utai ti dipadahka Gehasi. Raja lalu mesanka siku pemesai, lalu ngasuh iya mulaika semua reta tengkira indu nya, nyengkaum rega semua asil ari tanah indu nya dalam tujuh taun iya nadai di menua.\\nElisa Enggau Raja Benhadat Menua Siria\\n7 Nyadi Elisa bisi nemuai ngagai nengeri Damaskus lebuh Raja Benhadat sakit. Lebuh orang madahka ngagai Raja Benhadat pasal Elisa ke bisi dia,\\n8 iya lalu bejaku enggau Hasael, siku ari bala pemesai iya, “Bai pemeri ngagai nabi nya, lalu asuh iya betanya ngagai TUHAN, enti aku ulih gerai tauka enda.”\\n9 Hasael lalu ngundan utai ti pemadu manah ti digaga di nengeri Damaskus ba empat puluh iku jelu unta, lalu mansang ngagai Elisa. Lebuh Hasael betemu enggau Elisa, Hasael lalu bejaku, “Nembiak nuan, Raja Benhadat, udah ngasuh aku nanya ngagai nuan, enti iya ulih gerai tauka enda.”\\n10 Disaut Elisa, “TUHAN udah madahka ngagai aku, iya deka mati. Tang mansang nuan ngagai iya lalu padahka iya deka gerai.”\\n11 Udah nya mua Elisa berupai balat amat takut lebuh iya merening ngagai Hasael, datai ke Hasael nyau enda nyamai asai. Elisa lalu tekala nya meliar ai mata.\\n12 “Nama kebuah nuan nyabak, tuan?” ku Hasael nanya.\\nElisa lalu nyaut, “Laban aku nemu kita deka ngereja utai ti jai ngagai orang Israel. Kita deka nunu kuta sida, munuh bala orang bujang ti kering, malu anak sida datai ke sida mati, lalu meruti perut indu ke ngandung.”\\n13 Hasael lalu nyaut, “Nadai aku ulih nyadi orang ke bekuasa baka nya. Aku ukai orang ke tinggi pangkat!” Disaut Elisa, “TUHAN udah madahka ngagai aku, nuan deka nyadi raja menua Siria.”\\n14 Hasael lalu pulai ngagai Benhadat. Benhadat lalu nanya iya, “Nama utai ti dipadahka Elisa?” “Iya madahka nuan tetap deka gerai,” ku Hasael nyaut.\\n15 Tang hari siti Hasael ngambi pua, nyepuhka pua nya ngagai ai, lalu mampul mua raja ngena pua nya, datai ke mati. Hasael lalu nganti Benhadat nyadi raja menua Siria.\\nRaja Jehoram Menua Judah\\n16 Dalam taun ti kelima Joram anak Ahap nyadi raja menua Israel, Jehoram anak Jehosapat berengkah nyadi raja menua Judah\\n17 lebuh umur iya tiga puluh dua taun, lalu iya merintah di Jerusalem lapan taun.\\n18 Bini iya anak Raja Ahap, lalu baka sida Ahap sebilik, iya nitihka penyai ti udah dikereja sida raja orang Israel. Iya bedosa ngelaban TUHAN,\\n19 tang TUHAN enggai ngerusak menua Judah, laban Iya udah besemaya enggau nembiak Iya David, madahka peturun iya deka seruran megai perintah.\\n20 Lebuh Jehoram nyadi raja, Edom angkat ngelaban menua Judah, lalu merintah diri.\\n21 Nya alai Joram mai semua kerita perang iya ngagai Sair. Dia bala soldadu Edom lalu ngelulung bala iya. Malam nya, iya enggau bala orang ke nepan kerita perang mujur mansutka diri ari kelulung munsuh, lalu rari. Bala soldadu iya pambar, lalu pulai ngagai rumah diri empu.\\n22 Kenyau ari nya menua Edom nadai agi diperintah menua Judah. Lebuh maya nya, nengeri Libnah mega angkat ngelaban perintah.\\n23 Semua utai bukai ti udah dikereja Joram bisi dituliska magang dalam Jerita Lama Pasal Raja Menua Judah.\\n24 Joram mati, lalu dikuburka ba lumbung bala raja di Nengeri David, lalu anak iya Ahasiah nganti iya nyadi raja.\\nRaja Ahasiah Menua Judah\\n25 Dalam taun ti kedua belas Joram anak Ahap nyadi raja menua Israel, Ahasiah anak Jehoram berengkah nyadi raja menua Judah\\n26 lebuh umur iya dua puluh dua taun, lalu iya merintah di Jerusalem setaun. Indai iya Ataliah anak Raja Ahap, uchu Raja Omri menua Israel.\\n27 Nyadi laban Ahasiah nya kaban belayan Raja Ahap ari tampil, iya mega bedosa ngelaban TUHAN, baka sida Ahap sebilik.\\n28 Raja Ahasiah lalu beserakup enggau Raja Joram menua Israel beperang ngelaban Raja Hasael menua Siria. Sida lalu betempuh di Ramot, di menua Giliat, lalu Joram bakal lebuh perang nya.\\n29 Iya pulai ngagai nengeri Jesril, nganti bakal iya gerai, lalu Ahasiah datai ngabas iya.\\nJehu Ditata Nyadi Raja Menua Israel\\n1 Nyadi sekali nabi Elisa mesanka siku ari bala nabi ti agi biak, lalu bejaku enggau iya, “Besikap nuan, lalu mupuk ngagai Ramot-giliat. Bai kebuk minyak kana tu,\\n2 lalu lebuh nuan datai din, giga Jehu anak Jehosapat, uchu Nimsi. Bai iya kediri ngagai bilik siti,\\n3 tuang minyak kana tu ba pala iya, lalu sebut, ‘TUHAN madahka Diri nata nuan nyadi raja menua Israel.’ Udah nya, angkat nuan ari endur nya enggau naka penyampat.”\\n4 Nabi ke biak nya lalu mupuk ngagai Ramot,\\n5 alai iya ke tetemuka bala pemesai soldadu benung baum. Ku iya, “Tuan, aku bisi pesan ke nuan.” Jehu lalu nanya, “Nuan deka bejaku enggau sapa?” “Enggau nuan, tuan,” ku nabi nya nyaut.\\n6 Seduai iya lalu tama ngagai bilik siti. Nabi ke biak nya lalu nuang minyak kana ba pala Jehu, lalu ku iya, “TUHAN Allah Taala ke disembah orang Israel nyebut tu ngagai nuan, ‘Aku nata nuan nyadi raja nembiak Aku Israel.\\n7 Nuan enda tau enda munuh raja nuan, iya nya anak Ahap, ngambika Aku ulih ngukum Jesebel laban iya udah munuh bala nabi Aku, enggau bala nembiak Aku ti bukai.\\n8 Semua sida Ahap sebilik, enggau semua peturun iya enda tau enda dibunuh magang. Aku deka muai semua lelaki ke tuai enggau ke biak ari ruang bilik Ahap.\\n9 Aku deka ngereja ruang bilik iya, baka Aku ti udah ngereja ruang bilik Raja Jeroboam menua Israel, enggau Raja Baasa menua Israel.\\n10 Jesebel enda dikuburka. Bangkai iya deka diempa ukui di menua Jesril.’ “ Lebuh nabi ti biak nya udah nyebut nya, iya angkat ari bilik nya, lalu rari.\\n11 Jehu lalu pulai ngagai bala pemesai soldadu ti bukai. Sida lalu nanya iya, “Semua utai nadai nama-nama? Nama utai ti dipinta orang ke gila nya tadi ari nuan?” “Kita nemu gaya orang ke baka nya, kutap-kutap ngapa,” ku Jehu nyaut.\\n12 “Nadai kami nemu!” ku sida nyaut. “Padahka ngagai kami utai ti disebut iya!” “Iya madahka ngagai aku, TUHAN nyebut: ‘Aku nata nuan nyadi raja menua Israel.’ “\\n13 Bala pemesai ti bukai nya lalu tekala nya nganchau kelambi sida ba pala tangga alai Jehu ke bediri. Sida lalu nyepu terumpit, lalu manjung, “Jehu meh raja!”\\nRaja Joram Dibunuh\\n14-15 Udah nya Jehu lalu bepekat ngelaban Raja Joram ti diau di Jesril, alai iya ti udah ngerarika diri, nganti bakal diri gerai udah bekau iya ke beperang di Ramot ngelaban Raja Hasael menua Siria. Ku Jehu bejaku enggau bala pemesai soldadu ti bukai, “Enti kita setanah enggau aku, kita enda tau enda nentuka nadai siku orang enselit pansut ari Ramot lalu madahka pasal utai tu ngagai orang di Jesril.”\\n16 Udah nya iya lalu nepan kerita perang iya, lalu mansang ngagai Jesril. Nyadi bakal Joram apin suman, lalu Raja Ahasiah bisi dia ngabas iya.\\n17 Siku jejaga ke nyaga ba menara lalu tepedaka Jehu enggau bala iya datai. “Bisi orang datai nepan kuda mansang kitu!” ku iya ngangau. Disaut Joram, “Asuh siku orang nepan kuda mansang lalu nanya enti orang nya pangan tauka munsuh.”\\n18 Seruan nya lalu nepan kuda iya lalu mansang ngagai Jehu. Ku iya, “Raja keran deka nemu enti nuan tu pangan tauka ukai.” “Nya ukai pekara nuan!” ku Jehu nyaut. “Titihka aku.” Jejaga ke nyaga ba menara nya lalu madahka seruan nya udah datai ba tekang bala orang nya, tang enda pulai.\\n19 Siku agi seruan lalu diasuh mansang. Iya mega nanya Jehu munyi ti dulu. Jehu lalu nyaut baru, “Nya ukai pekara nuan. Titihka aku.”\\n20 Jejaga nya madahka seruan nya mega udah datai ba tekang bala orang nya, tang enda pulai. Lalu ku iya nampung jaku iya, “Kepala bala orang nya ngemudika kerita perang; baka gamal Jehu, laban iya ngemudika kerita perang nya baka orang ke gila!”\\n21 Raja Joram lalu bejaku, “Sediaka kerita perang aku.” Orang lalu nyendiaka kerita perang iya. Iya enggau Raja Ahasiah lalu bela nepan kerita perang diri empu, deka betemu enggau Jehu. Seduai iya betemu enggau Jehu ba tanah Nabot.\\n22 “Kati nuan datai mai pemaik?” ku Joram nanya Jehu. Jehu lalu nyaut, “Baka ni ku kitai bisi pemaik, enti kitai agi nyimpan semua penemu manang lalu agi nyembah engkeramba ti dipunka indai nuan Jesebel?”\\n23 Joram nguingka kerita perang iya, deka rari, lalu ku iya manjung, “Orang tu ngelaban perintah, Ahasiah!”\\n24 Jehu lalu ngambi panah, lalu enggau pengabis pengering iya nimbakka laja iya. Laja nya lalu kena belakang Joram, lalu ngebuska tungkul ati iya. Joram rebah lalu mati dalam kerita perang iya,\\n25 lalu ku Jehu bejaku enggau Bidkar ti nyadi penyaup iya, “Ambi bangkai iya, lalu buai iya ba tanah Nabot. Nuan enda tau enda ingat, lebuh tua sama nepan kuda ari belakang Ahap, apai Raja Joram, TUHAN bisi nyebut leka jaku tu ngelaban Ahap,\\n26 ‘Aku bisi meda orang munuh Nabot enggau bala anak lelaki iya kemari, lalu Aku besemaya deka ngukum nuan ditu ba tanah tu.’ Nya alai, ambi bangkai Joram,” ku Jehu bejaku enggau orang ke nyadi penyaup iya, “lalu buai bangkai iya ba tanah Nabot, kena ngamatka semaya TUHAN.”\\nRaja Ahasiah Menua Judah Dibunuh\\n27 Lebuh Raja Ahasiah meda utai nya nyadi, iya lalu rari nepan kerita perang iya ngagai nengeri Bet-hagan, digagai Jehu. “Timbak iya,” ku Jehu bejaku enggau bala iya. Sida lalu nimbak iya lebuh iya benung nepan kerita perang iya di rantau jalai ngagai Gur, semak nengeri Iblim. Tang iya agi ulih ngerarika diri, nyentuk nengeri Megido, alai iya ke lalu mati.\\n28 Bala pemesai iya mai bangkai iya pulai ngagai Jerusalem ngena sebuah kerita perang, lalu nguburka iya ba lumbung bala raja di Nengeri David.\\n29 Ahasiah berengkah nyadi raja menua Judah dalam taun ti kesebelas Joram anak Ahap nyadi raja menua Israel.\\nKuin Jesebel Dibunuh\\n30 Jehu lalu datai di Jesril. Lebuh Jesebel ninga pasal utai ti udah nyadi, iya lalu ngechat lilit mata diri, ngaduka buk iya, lalu nyenguk ke baruh ari jenila istana.\\n31 Lebuh Jehu tama nengah pintu penama, Jesebel lalu ngangau, “Simri! Nuan tu pemunuh! Nama kebuah nuan datai kitu?”\\n32 Jehu engkadah, lalu ngangau, “Sapa setanah enggau aku?” Dua tauka tiga iku pemesai ke gawa di istana nyenguk ari jenila ngagai iya ke baruh.\\n33 Ku Jehu bejaku enggau sida, “Buai indu nya ke baruh kitu!” Sida lalu muai Jesebel, lalu darah iya bekelimbur teperanchit ngagai dinding enggau ngagai kuda. Jehu lalu mai kuda enggau kerita perang iya ngelanggar bangkai Jesebel.\\n34 Iya tama ngagai istana, lalu makai. Udah nya iya bejaku, “Bai indu ke udah kena sumpah nya ari tu, lalu kuburka iya, laban iya anak raja.”\\n35 Tang orang ke mansang deka nguburka iya nadai tetemuka iya, kelimpah ari keruntuk pala, enggau tulang jari enggau tulang kaki iya.\\n36 Lebuh sida madahka pekara nya ngagai Jehu, Jehu lalu bejaku, “Tu meh utai ti dipadahka TUHAN, lebuh Iya bejaku ngena nembiak Iya nabi Elijah: ‘Ukui deka makai bangkai Jesebel di nengeri Jesril.\\n37 Rangkah tulang iya deka ngachir ba endur nya baka tai jelu, datai ke orang nyau enda nemu sapa ke bempu bangkai nya.’ “\\nPeturun Ahap Dibunuh\\n1 Tujuh puluh iku peturun Raja Ahap bisi diau di nengeri Samaria. Jehu nulis surat, lalu ngirumka salin surat nya ngagai bala orang ke merintah di nengeri nya, ngagai bala tuai, enggau ngagai bala orang ke ngibun bala peturun Ahap. Baka tu ku jaku dalam surat nya:\\n2 “Kita tu orang ke ngibun bala peturun raja, lalu kita bisi kerita perang, kuda, senyata, enggau nengeri ti bekuta. Nya alai, lebuh kita nerima surat tu,\\n3 pilih peturun raja ke pemadu patut, chiri iya nyadi raja, lalu kita enda tau enda beperang ngarika iya.”\\n4 Tang sida balat amat takut. Ku sida, “Baka ni ku kitai ulih ngelaban Jehu? Indah Raja Joram enggau Raja Ahasiah deh enda ulih ngelaban iya.”\\n5 Nya alai, tuai ke ngintu istana, enggau tuan gabenor nengeri nya, enggau bala tuai, enggau orang ke ngibun peturun raja, lalu ngirumka pesan ngagai Jehu, “Kami tu nembiak nuan, lalu kami sedia deka ngereja utai ti diasuh nuan. Tang kami enggai nyiri orang nyadi raja. Kereja aja meh utai ti patut ku ati nuan.”\\n6 Jehu lalu nulis siti agi surat ngagai sida, “Enti kita setanah enggau aku, lalu sedia deka nitihka atur aku, bai pala bala peturun Raja Ahap ngagai aku di Jesril ba urung maya tu pagila.”\\nNyadi tujuh puluh iku peturun Raja Ahap nya diibun bala orang ke tampak nama di nengeri Samaria, ti udah ngibun sida datai ke sida nyau besai tuai.\\n7 Lebuh surat Jehu diterima, bala tuai orang Samaria lalu munuh semua tujuh puluh iku bala peturun Ahap, ngengkahka pala sida ba bakul, lalu ngirumka pala nya ngagai Jehu di Jesril.\\n8 Lebuh orang madahka ngagai Jehu pala bala peturun Ahap udah dibai kia, iya lalu meri atur ngasuh pala nya ditugungka ngagai dua iti tugung ba mua pintu nengeri nya, lalu nejuka pala nya dia datai ngagai pagi hari siti.\\n9 Pagi hari siti iya lalu pansut ngagai mua pintu nya, lalu bejaku enggau orang ke bisi dia, “Aku tu meh orang ke udah bepekat ngelaban Raja Joram, lalu munuh iya. Ukai kita ke betanggungjawapka pekara nya. Tang sapa munuh semua sida tu?\\n10 Tu nunjukka semua utai ti udah disebut TUHAN pasal peturun Ahap, deka dikamatka magang. TUHAN udah ngereja utai ti udah disemaya Iya ngena nabi Elijah.”\\n11 Udah nya Jehu lalu munuh semua kaban belayan Ahap ti bukai ti diau di Jesril, enggau semua pemesai iya, pangan iya ti nyempil, enggau bala imam. Nadai siku sida ditejuka idup.\\nKaban Belayan Raja Ahasiah Dibunuh\\n12 Jehu angkat ari Jesril, lalu mansang ngagai Samaria. Di rantau jalai, ba endur ti dikumbai “Kem Orang Ke Pengibun Bedus,”\\n13 iya betemu enggau sekeda kaban belayan niang Raja Ahasiah menua Judah, lalu nanya sida, “Sapa kita tu?” “Kaban belayan Ahasiah,” ku sida nyaut. “Kami tu deka mansang ngagai Jesril, deka meri tabi basa ngagai bala anak Kuin Jesebel, enggau sida raja sebilik ti bukai.”\\n14 Jehu lalu bejaku enggau bala iya, “Tangkap sida idup-idup!” Sida lalu nangkap bala kaban belayan Ahasiah. Jehu lalu munuh sida semak siti lubang kebung ti ba endur nya. Pemayuh sida nya empat puluh dua iku. Nadai siku sida ditejuka idup.\\nSemua Kaban Belayan Ahap Ti Bukai Dibunuh\\n15 Jehu lalu mupuk baru, lalu di rantau jalai, iya betemu enggau Jonadap anak Rekap. Jehu betabi enggau iya, lalu ku Jehu, “Tua sama sepenemu. Kati nuan deka nyukung aku?” “Ka,” ku Jonadap nyaut. “Enti munyi nya, betabi meh tua,” ku Jehu nyaut. Seduai iya lalu betabi, lalu Jehu nyaup Jonadap niki ngagai kerita perang iya.\\n16 Ku Jehu, “Aram mupuk enggau aku, ngambika nuan meda pengangkun aku ke TUHAN.” Seduai iya lalu sama nepan kerita perang nya ngagai Samaria.\\n17 Lebuh seduai iya datai di Samaria, Jehu lalu munuh semua kaban belayan Ahap. Siku pen nadai ga sida ditejuka idup. Nya utai ti udah dipadahka TUHAN ngagai Elijah.\\nBala Orang Ke Nyembah Baal Dibunuh\\n18 Jehu lalu ngempuruka semua orang Samaria, lalu ku iya bejaku, “Raja Ahap enda tentu bebendar betuaika petara Baal, tang aku deka bebendar agi betuaika iya.\\n19 Nya alai gempuruka semua bala nabi Baal, semua orang ke nyembah Baal, enggau semua bala imam. Semua orang enda tau enda enggau begempuru magang. Aku deka ngenjuk piring ti besai ngagai Baal, lalu barang sapa enda enggau begempuru, deka dibunuh.” (Tu chara Jehu nipu, ngambika iya ulih munuh semua orang ke nyembah Baal.)\\n20 Udah nya Jehu lalu meri siti atur, “Letak hari alai ngemesaika Baal!” Hari lalu diletak.\\n21 Jehu lalu ngirumka pesan ngagai serata menua Israel. Semua orang ke nyembah Baal bela datai magang. Nadai siku sida ke enda datai. Semua sida lalu tama ngagai rumah sembiang Baal, lalu rumah nya penuh laban sida.\\n22 Udah nya Jehu lalu bejaku enggau imam ti nyadi tuai ngemataka baju panjai ti kudus, ngasuh iya mai baju panjai nya pansut, lalu meri baju nya ngagai bala orang ke nyembah Baal.\\n23 Udah nya Jehu empu lalu tama ngagai rumah sembiang Baal, sama enggau Jonadap anak Rekap, lalu ku iya bejaku enggau orang mayuh dia, “Kita enda tau enda nentuka semina orang ke nyembah Baal aja bisi ditu, lalu nentuka nadai orang ke nyembah TUHAN bisi udah tama.”\\n24 Udah nya, iya enggau Jonadap lalu tama, deka ngenjuk piring enggau piring tunu ngagai Baal. Nyadi iya endang udah ngasuh lapan puluh iku orang bediri di luar rumah sembiang nya, lalu udah meri atur tu ngagai sida, “Kita enda tau enda munuh semua orang tu. Barang sapa nejuka sida rari, deka dibunuh!”\\n25 Lebuh Jehu udah ngenjuk piring, iya lalu bejaku enggau bala jejaga sereta enggau bala pemesai, “Tama, lalu bunuh semua sida. Anang nejuka sida rari!” Sida lalu tama, kinding-kinding megai pedang, lalu munuh semua sida. Sida lalu ngirit bangkai semua orang nya ke luar. Udah nya sida lalu tama ngagai bilik alai Baal disembah dalam rumah sembiang nya.\\n26 Sida mai lalu nunu tiang keramat ti bisi dia.\\n27 Nya alai sida ngerusak tiang keramat, enggau rumah sembiang nya, lalu ngaga rumah sembiang nya nyadika agu, nyentuk ngagai sehari tu.\\n28 Nya meh chara Jehu munaska pengawa orang ke besembahka Baal di menua Israel.\\n29 Tang iya neladan dosa Raja Jeroboam ke nguluka orang Israel bedosa nyembah anak sapi ti lelaki ti digaga ari emas, ti udah didirika iya di Betel enggau di Dan.\\n30 Ku TUHAN bejaku ngagai Jehu, “Nuan udah ngereja ngagai bala peturun Ahap semua utai ti udah diasuh Aku kereja nuan. Nya alai, Aku besemaya, peturun nuan nyentuk ngagai serak ti keempat deka nyadi raja menua Israel.”\\n31 Tang Jehu enda ngasika Adat TUHAN Allah Taala ke disembah orang Israel enggau pengabis ati iya. Iya neladan Jeroboam, ti udah nguluka orang Israel bedosa.\\n32 Ba urung maya nya TUHAN lalu belabuh ngurangka pemesai rampa menua Israel. Raja Hasael menua Siria ngalahka semua sitak menua Israel\\n33 ti di timur Sungai Jordan, nyentuk ngagai nengeri Aroer di selatan, ba Sungai Arnon, nyengkaum menua Giliat enggau menua Basan, ti alai raban bansa Gat, Reuben, enggau Manasi Timur diau.\\n34 Semua utai bukai ti udah dikereja Jehu, nyengkaum pasal pemerani iya, bisi dituliska magang dalam Jerita Lama Pasal Raja Menua Israel.\\n35 Iya mati, lalu dikuburka di Samaria, lalu anak iya Jehoahas nganti iya nyadi raja.\\n36 Jehu merintah di Samaria nyadi raja menua Israel dua puluh lapan taun.\\nKuin Ataliah Menua Judah\\n1 Lebuh Ataliah, indai Raja Ahasiah, ninga anak iya udah dibunuh, iya lalu meri atur ngasuh bala sida raja sebilik dibunuh magang.\\n2 Ka semina Joas anak Ahasiah aja ke ulih ngerarika diri. Lebuh orang baru deka munuh iya sama enggau sida ti bukai, ibu iya Jehoseba anak Raja Joram, menyadi-tiri Ahasiah, nyelamatka iya. Ibu iya mai iya, sama enggau indu ke ngibun iya, ngagai bilik tinduk dalam Rumah Sembiang, lalu ngelalaika iya ari Ataliah, enggai ke iya dibunuh.\\n3 Jehoseba ngibun nembiak nya enam taun, ngelalaika iya dalam Rumah Sembiang, sekumbang Ataliah ke merintah nyadi kuin.\\n4 Tang dalam taun ti ketujuh, imam Jehoiada mesanka bala pemesai ti nyadi tuai nyaga raja, enggau orang ke nyaga istana, ngasuh sida datai ngagai Rumah Sembiang, lalu ngasuh sida besumpah besetujuka utai ti deka dikereja iya. Iya lalu ngasuh sida betemu enggau Joas anak Raja Ahasiah.\\n5 Iya meri atur tu ngagai sida: “Lebuh kita mansang gawa kena Hari Sabat, seraban ari tiga bengkah raban kita deka nyaga istana.\\n6 Seraban ti bukai deka nyaga ba Pintu Sur, lalu seraban ti bukai deka nyaga ba pintu ti di belakang bala jejaga ti bukai.\\n7 Raban dua iti ti ngetu gawa ba Hari Sabat, deka nyaga raja dalam Rumah Sembiang TUHAN.\\n8 Pedang kita enda tau enda disintak lebuh kita nyaga Raja Joas, lalu kita enda tau enda bejalai sama enggau iya lebuh iya bejalai ngagai sebarang endur. Barang sapa datai semak ngagai kita, enda tau enda dibunuh.”\\n9 Bala pemesai nya ngasika atur Jehoiada, lalu mai ngagai Jehoiada bala nembiak sida ke ngetu jaga, enggau ke baru deka mansang jaga lebuh Hari Sabat.\\n10 Jehoiada meri ngagai bala pemesai nya sangkuh enggau terabai Raja David, ti udah ditaruh dalam Rumah Sembiang,\\n11 lalu iya ngasuh bala soldadu nyintak pedang sida lalu bediri ngelingi semua mua Rumah Sembiang, nyaga raja.\\n12 Udah nya, Jehoiada lalu mai Joas pansut, ngengkahka makota ba pala iya, lalu meri ngagai iya adat pasal jalai nyadi raja. Udah nya Joas ditata, lalu dichiri nyadi raja. Bala orang mayuh lalu nempapka jari, sereta manjung, “Gayu-guru meh raja!”\\n13 Lebuh Kuin Ataliah ninga munyi panjung bala jejaga enggau orang mayuh, iya lalu beguai-guai mansang ngagai Rumah Sembiang alai orang mayuh ti udah begempuru.\\n14 Iya lalu tepedaka raja ti baru, bediri ngimbai tiang ti besai ba penama ngagai Rumah Sembiang, laban nya endang adat asal sida. Raja nya dikelingi bala pemesai, enggau bala orang ke nyepu terumpit, lalu semua orang mayuh manjung magang gaga ati, sereta nyepu terumpit. Ataliah lalu nyarikka gari diri lalu manjung, “Penipu! Penipu!”\\n15 Jehoiada enda nyagi Ataliah dibunuh dalam kandang Rumah Sembiang, nya alai iya lalu bejaku enggau bala pemesai soldadu, “Bai iya pansut ensaraka rintai bala jejaga, lalu bunuh barang sapa deka nguji nyelamatka iya.”\\n16 Sida lalu nangkap iya, lalu mai iya ngagai istana. Sida lalu munuh iya ba Pintu Kuda.\\nJehoiada Ngaga Atur Ti Baru\\n17 Imam Jehoiada lalu ngasuh Raja Joas enggau orang mayuh ngaga siti sempekat enggau TUHAN, ngambika sida nyadi nembiak TUHAN. Iya mega ngaga siti sempekat entara raja enggau orang mayuh.\\n18 Udah nya, orang mayuh mansang ngagai rumah sembiang Baal lalu ngeruntuhka rumah nya. Sida mechahka alta enggau engkeramba Baal, lalu munuh Matan, ti nyadi imam Baal, di mua alta nya. Jehoiada lalu ngasuh bala jejaga nyaga Rumah Sembiang.\\n19 Udah nya, iya enggau bala pemesai, bala orang ke nyaga raja, enggau bala orang ke nyaga istana lalu ngiring raja ari Rumah Sembiang ngagai istana, dititihka semua orang mayuh. Joas tama nengah Pintu Jejaga, lalu nudukka diri ba kerusi diraja.\\n20 Semua orang mayuh bela gaga ati magang, lalu nengeri nya nadai pengachau agi, laban Ataliah udah dibunuh dalam istana.\\n21 Joas nyadi raja menua Judah lebuh umur iya tujuh taun.\\nRaja Joas Menua Judah\\n1 Dalam taun ti ketujuh Raja Jehu merintah menua Israel, Joas berengkah nyadi raja menua Judah, lalu iya merintah di Jerusalem empat puluh taun. Indai iya benama Sibiah, ari nengeri Beer-seba.\\n2 Joas ngereja utai ti ngerinduka ati TUHAN sepemanjai umur iya, laban iya diajar Imam Jehoiada.\\n3 Tang palan alai orang kapir nyembah petara sida, enda dirusak, lalu orang mayuh majak ngenjuk piring sereta nunu menyan ba endur nya.\\n4 Ku Joas bejaku ngagai bala imam, “Semua duit ti diberi nyadi pemeri ti kudus ti dibai ngagai Rumah TUHAN, nya duit chukai, enggau duit ti dienjuk nitihka peneka ati diri, ti dibai ngagai Rumah TUHAN,\\n5 awakka imam nerima duit nya ari genap iku orang ke meri pemeri nya, lalu awakka sida imam nyeruri Rumah TUHAN nya genap kali utai ti patut diseruri ditemu sida imam.\\n6 Tang nyentuk ngagai taun ti ketiga puluh Joas megai perintah, bala imam lalu apin nyeruri Rumah Sembiang.\\n7 Nya alai, Raja Joas lalu mesanka Jehoiada enggau bala imam ti bukai, lalu nanya ngagai sida, “Nama kebuah kita enda nyeruri Rumah Sembiang? Belabuh ari diatu, kita enda tau nyimpan duit ti diterima kita. Kita enda tau enda nyerahka duit nya, ngambika Rumah Sembiang diseruri.”\\n8 Bala imam besetuju enggau penemu nya, lalu besetuju mega enda nyeruri Rumah Sembiang nya.\\n9 Imam Jehoiada lalu ngambi siti peti, ngaga siti lubang ba tudung peti nya, lalu ngengkahka peti nya ba atas alta, muak ari kanan penama ngagai Rumah Sembiang. Bala imam ke bekereja ba penama nya, nyimpan dalam peti nya semua duit ti diberi bala orang ke datai besembiang.\\n10 Lebuh duit nyau udah mayuh dalam peti nya, kerani raja enggau Imam Besai lalu datai, ngeluluhka pirak nya, lalu nimbang iya.\\n11 Lebuh penyampau duit nya udah dituliska, sida lalu nyerahka pirak nya ngagai orang ke nyadi tuai megai pengawa dalam Rumah Sembiang, kena sida mayar bala tukang kayu, enggau bala tukang ke ngaga rumah,\\n12 tukang batu, orang ke betetakka batu, ke bebelika ramu enggau batu ti dikena nyeruri, sereta mayar semua ungkus utai bukai ti dikena.\\n13 Tang duit nya enda dikena begagaka mangkuk pirak, mangkuk, terumpit, tauka pekekas kena ngintu lampu, tauka sebarang utai bukai ti digaga ari pirak tauka emas.\\n14 Semua duit nya dikena mayar bala orang ke gawa, enggau dikena meli semua utai ti dikena nyeruri Rumah Sembiang aja.\\n15 Orang ke nyadi tuai ngatur pengawa nya endang orang ke tau dikarapka, nya alai sida enda dipinta madahka jalai duit nya dikena.\\n16 Duit ti diberi nyadika piring kena bebayarka ukum penyalah, enggau piring pengampun dosa, enda disimpan dalam peti nya, laban duit nya diberi ngagai bala imam.\\n17 Lebuh maya nya Raja Hasael menua Siria nyerang lalu ngalahka nengeri Gat. Udah nya iya berunding deka nyerang Jerusalem.\\n18 Raja Joas menua Judah lalu ngambi semua pemeri ti udah diserahka bala raja ke dulu agi ari iya, iya nya sida Jehosapat, Jehoram, enggau Ahasiah, ngagai TUHAN. Iya lalu nambahka pemeri ti diberi iya empu, enggau semua emas ti dalam sarang reta Rumah Sembiang, enggau di istana, lalu ngirumka semua duit nya nyadika pemeri ngagai Raja Hasael. Raja Hasael lalu mai bala soldadu iya angkat ari Jerusalem.\\n19 Semua utai bukai ti udah dikereja Raja Joas bisi dituliska magang dalam Jerita Lama Bala Raja Menua Judah.\\n20-21 Bala pemesai Raja Joas lalu bepekat ngelaban iya. Dua iku ari bala sida, iya nya Josakar anak Simet, enggau Jehosabat anak Somer, munuh iya dalam rumah ti digaga ba tanah tambun ti ba tisi timur nengeri Jerusalem, ba jalai ngagai Sila. Joas dikuburka ba lumbung bala raja di Nengeri David, lalu anak iya Amasiah nganti iya nyadi raja.\\nRaja Jehoahas Menua Israel\\n1 Dalam taun ti kedua puluh tiga Joas anak Ahasiah nyadi raja menua Judah, Jehoahas anak Jehu berengkah nyadi raja menua Israel, lalu iya merintah di Samaria tujuh belas taun.\\n2 Baka Raja Jeroboam ke dulu ari iya, iya bedosa ngelaban TUHAN, lalu nguluka orang Israel bedosa. Iya nadai kala ngelengkaka ulah iya ti jai;\\n3 nya alai TUHAN ringat ngagai orang Israel, lalu Iya nejuka Raja Hasael menua Siria, enggau anak iya Benhadat betangkan-tangkan ngalahka menua Israel.\\n4 Udah nya Jehoahas besampi ngagai TUHAN, lalu lebuh TUHAN meda pemalat raja menua Siria nekanka pengidup orang Israel, Iya nyaut sampi Raja Jehoahas.\\n5 TUHAN meri siku tuai ngagai orang Israel, ke ngelepaska sida ari orang Siria, lalu orang Israel diau likun baka ke dulu.\\n6 Tang sida mengkang enggai nesal ati ke dosa ti udah dibai Raja Jeroboam kereja sida, tang majak ngereja dosa nya, lalu nejuka engkeramba petara indu Aserah mengkang di Samaria.\\n7 Jehoahas nadai agi bala soldadu, kelimpah ari lima puluh iku bala soldadu ke nepan kuda, sepuluh buah kerita perang, enggau sepuluh ribu iku soldadu ke bejalai kaki, laban raja menua Siria udah munuh sida ti bukai, ngelunjak sida baka ke ngelunjak amau.\\n8 Semua utai bukai ti udah dikereja Jehoahas, enggau cherita pasal pemerani iya bisi dituliska magang dalam Jerita Lama Pasal Raja Menua Israel.\\n9 Iya mati lalu dikuburka di Samaria, lalu anak iya Jehoas nganti iya nyadi raja.\\nRaja Jehoas Menua Israel\\n10 Dalam taun ti ketiga puluh tujuh Raja Joas merintah di menua Judah, Jehoas anak Jehoahas berengkah nyadi raja menua Israel, lalu iya merintah di Samaria enam belas taun.\\n11 Iya mega bedosa ngelaban TUHAN, lalu ngereja utai ti jai neladan Raja Jeroboam, ti udah nguluka orang Israel bedosa.\\n12 Semua utai bukai ti udah dikereja Jehoas, nyengkaum pemerani iya beperang ngelaban Raja Amasiah menua Judah, bisi dituliska magang dalam Jerita Lama Pasal Raja Menua Israel.\\n13 Jehoas mati lalu dikuburka ba lumbung bala raja di Samaria, lalu anak iya, Jeroboam Ti Kedua, nganti iya nyadi raja.\\n14 Nyadi Elisa udu amat sakit, lalu lebuh iya benung garing-garing natka diri ke nyau deka mati, Raja Jehoas menua Israel datai ngabas iya. Ku Raja Jehoas nyabak, “Apai, apai! Nuan tu orang ke kering nyaga menua Israel!”\\n15 Lalu ku Elisa bejaku enggau iya, “Ambi panah enggau laja.” Jehoas lalu ngambi panah enggau laja;\\n16 Elisa lalu ngasuh iya sedia nimbakka laja nya. Raja lalu sedia, lalu Elisa ngengkahka jari ba atas jari raja.\\n17 Udah nya, nitihka asuh Elisa, raja lalu muka jenila ti nunga ngagai Sira. “Timbakka laja nya!” ku Elisa bejaku enggau Raja Jehoas. Lebuh raja udah nimbakka laja nya, Elisa lalu bejaku, “Nuan tu nyadika laja TUHAN, kena Iya ngalahka orang Siria. Nuan deka ngelaban orang Siria di Apek, datai ke nuan udah ngalahka sida.”\\n18 Udah nya Elisa lalu ngasuh raja ngambi laja ti bukai, lalu maluka laja nya ngagai tanah. Raja lalu maluka laja nya tiga kali ngagai tanah, lalu badu.\\n19 Elisa lalu ringat. Ku iya bejaku enggau raja, “Nuan patut malu tanah lima tauka enam kali, nya baru nuan ulih ngeluska orang Siria. Tang diatu nuan deka ngalahka sida semina tiga kali aja.”\\n20 Elisa mati lalu dikuburka. Nyadi orang Moap endang selalu nyerang menua Israel tiap taun.\\n21 Nyadi sekali, lebuh orang Israel nguburka orang ke mati, sida bisi tepedaka seraban orang Moap datai. Orang Israel lalu nibarka bangkai orang nya ngagai kubur Elisa, lalu rari. Lebuh bangkai orang nya negu rangkah tulang Elisa, orang nya lalu idup baru, lalu bediri.\\nPerang Entara Menua Israel Enggau Menua Siria\\n22 Raja Hasael menua Siria balat amat nekanka pengidup orang Israel sekumbang Jehoahas ti nyadi raja,\\n23 tang TUHAN nelap enggau orang Israel sereta kasihka sida. Iya enda nyagi sida dirusak, tang nyaup sida ketegal sempekat Iya enggau Abraham, Isak, enggau Jakop. Iya nadai kala enda ingatka bala nembiak Iya.\\n24 Lebuh Raja Hasael mati, anak iya Benhadat nganti iya nyadi raja.\\n25 Udah nya Raja Jehoas menua Israel ngalahka Benhadat tiga kali, lalu ngambi pulai baru nengeri ti udah dialahka Benhadat lebuh maya apai iya Jehoahas nyadi raja.\\nRaja Amasiah Menua Judah\\n1 Dalam taun ti kedua Jehoas anak Jehoahas nyadi raja menua Israel, Amasiah anak Joas berengkah nyadi raja menua Judah\\n2 lebuh umur iya dua puluh lima taun, lalu iya merintah di Jerusalem dua puluh semilan taun. Indai iya benama Jeho-adin, ari Jerusalem.\\n3 Iya ngereja utai ti ngerinduka ati TUHAN, tang iya enda baka aki iya Raja David, tang ngereja utai baka ke udah dikereja apai iya Joas.\\n4 Iya enda ngeruntuhka endur alai orang kapir nyembah petara sida, lalu orang mayuh majak ngenjuk piring sereta nunu menyan ba endur nya.\\n5 Lebuh Amasiah nyau udah tegap megai perintah, iya lalu munuh bala pemesai ti udah munuh apai iya.\\n6 Tang iya enda munuh bala anak sida laban iya ngasika jaku TUHAN ti ditulis dalam Adat Moses: “Apai indai enda tau dibunuh ketegal penyalah anak sida, lalu anak enda tau dibunuh ketegal penyalah apai indai sida. Orang semina tau dibunuh ketegal penyalah sida empu.”\\n7 Amasiah munuh sepuluh ribu iku soldadu orang Edom ba Lebak Garam. Iya ngalahka nengeri Sela, lalu iya ngumbai nengeri nya Jokte-el. Nama nya agi mengkang nyentuk ngagai diatu.\\n8 Udah nya Amasiah lalu ngasuh bala seruan mansang ngagai Raja Jehoas menua Israel, mai iya belaban.\\n9 Tang Raja Jehoas ngirumka pesan tu kena iya nyaut Amasiah: “Nyadi sekali, madang duri ba Bukit Lebanon ngirumka pesan ngagai kayu sidar: ‘Asuh anak indu nuan jadi enggau anak lelaki aku.’ Siku jelu babas mansa, lalu ngindik madang duri nya.\\n10 Nyadi nuan Amasiah udah ngalahka orang Edom, lalu nuan diatu nyau penuh laban penyumbung. Anang enda nemu puas ati ke diri ti tampak nama. Diau aja di rumah. Nama kebuah nuan deka ngaga pengachau lalu ngasuh nuan enggau bala nuan ditinggang penusah?”\\n11 Tang Amasiah enggai mendingka jaku Raja Jehoas. Nya alai Raja Jehoas mansang enggau bala iya, lalu ngelaban Amasiah ba Bet-semes, di menua Judah.\\n12 Bala soldadu Amasiah alah, lalu semua bala soldadu iya rari ngagai rumah diri.\\n13 Jehoas lalu nangkap Amasiah, nyerang Jerusalem, lalu ngeruntuhka dinding kuta nengeri nya berengkah ari Pintu Epraim nyentuk ngagai Pintu Sukut, kira panjai dua ratus meter.\\n14 Iya ngambi semua pirak enggau emas ti ditemu iya, semua pekekas Rumah Sembiang, lalu mai utai nya ngagai Samaria. Iya mega nabanka orang tebus.\\n15 Semua utai bukai ti udah dikereja Jehoas, nyengkaum pemerani iya beperang ngelaban Raja Amasiah menua Judah, bisi dituliska magang dalam Jerita Lama Pasal Raja Menua Israel.\\n16 Jehoas mati, lalu dikuburka ba lumbung bala raja di Samaria, lalu anak lelaki iya, Jeroboam Ti Kedua, nganti iya nyadi raja.\\nPemati Amasiah, Raja Menua Judah\\n17 Raja Amasiah menua Judah agi mengkang idup lima belas taun udah bekau pemati Raja Jehoas menua Israel.\\n18 Semua utai bukai ti udah dikereja Amasiah bisi dituliska magang dalam Jerita Lama Pasal Raja Menua Judah.\\n19 Nyadi orang di Jerusalem bepekat deka munuh Amasiah. Nya alai Amasiah ngerarika diri ngagai nengeri Lakis, tang bala munsuh iya nitihka iya ngagai nengeri nya, lalu munuh iya.\\n20 Bangkai iya lalu dibai pulai ngagai Jerusalem, ditepanka ba siku kuda, lalu dikuburka ba lumbung bala raja di Nengeri David.\\n21 Udah nya orang Judah lalu nyiri anak iya Usiah, ke umur enam belas taun, nyadi raja.\\n22 Udah bekau pemati apai iya, Usiah ngalahka nengeri Elat, lalu ngaduka nengeri nya baru.\\nJeroboam Ti Kedua, Raja Menua Israel\\n23 Dalam taun ti kelima Amasiah anak Joas nyadi raja menua Judah, Jeroboam anak Jehoas lalu berengkah nyadi raja menua Israel, lalu iya merintah di Samaria empat puluh satu taun.\\n24 Iya bedosa ngelaban TUHAN, laban iya neladan penyai Jeroboam anak Nebat ti udah nguluka orang Israel bedosa.\\n25 Iya ngerampas baru semua sitak menua ti endang diempu orang Israel, berengkah ari Lebo-hamat di utara, nyentuk ngagai Tasik Mati di selatan. Tu meh utai ti udah disemaya TUHAN, ti Allah Taala ke disembah orang Israel, ngagai nembiak Iya nabi Jonah anak Amitai ke datai ari Gat-heper.\\n26 TUHAN udah meda pemerinsa orang Israel, lalu siku pen nadai ga orang nyaup sida.\\n27 Tang juluk ati TUHAN ukai deka ngerusak orang Israel abis lengis enggau ke belama iya. Nya alai iya ngelepaska sida ngena Raja Jeroboam Ti Kedua.\\n28 Semua utai bukai ti udah dikereja Jeroboam Ti Kedua, pemerani iya beperang, enggau chara iya mulaika nengeri Damaskus enggau nengeri Hamat ngagai orang Israel baru, bisi dituliska magang dalam Jerita Lama Pasal Raja Menua Israel.\\n29 Jeroboam mati, lalu dikuburka ba lumbung bala raja, lalu anak iya Sekariah nganti iya nyadi raja.\\nRaja Usiah Menua Judah\\n1 Dalam taun ti kedua puluh tujuh Raja Jeroboam Ti Kedua merintah menua Israel, Usiah anak Amasiah berengkah nyadi raja menua Judah,\\n2 lebuh umur iya enam belas taun, lalu iya merintah lima puluh dua taun. Indai iya Jekoliah, datai ari Jerusalem.\\n3 Raja Usiah ngereja utai ti ngerinduka ati TUHAN, neladan apai iya Amasiah.\\n4 Tang iya enda ngerusak endur alai orang kapir nyembah petara sida, lalu orang mayuh majak ngenjuk piring sereta nunu menyan ba endur nya.\\n5 TUHAN lalu ngasuh Usiah diserang penyakit kulit ti tau ngerampit, ti mengkang ba iya seumur idup. Iya diau kediri dalam rumah iya empu. Semua pengawa iya diambi magang ari iya, lalu anak iya Jotam merintah menua ngarika iya.\\n6 Semua utai bukai ti udah dikereja Usiah bisi dituliska magang dalam Jerita Lama Pasal Raja Menua Judah.\\n7 Usiah mati lalu dikuburka ba lumbung bala raja di Nengeri David, lalu anak iya Jotam nganti iya nyadi raja.\\nRaja Sekariah Menua Israel\\n8 Dalam taun ti ketiga puluh lapan Raja Usiah merintah menua Judah, Sekariah anak Jeroboam Ti Kedua berengkah nyadi raja menua Israel, lalu iya merintah di Samaria enam bulan.\\n9 Iya bedosa ngelaban TUHAN baka bala raja ke dulu ari iya. Iya ngereja utai ti jai neladan Raja Jeroboam anak Nebat, ti udah nguluka orang Israel bedosa.\\n10 Salum anak Jabes lalu bepekat ngelaban Raja Sekariah. Iya munuh Raja Sekariah di Iblim, lalu nganti iya nyadi raja.\\n11 Semua utai bukai ti udah dikereja Sekariah bisi dituliska magang dalam Jerita Lama Pasal Raja Menua Israel.\\n12 Nya alai semaya ti udah digaga TUHAN enggau Raja Jehu dikamatka. Semaya nya munyi tu, “Peturun nuan, nyentuk ngagai serak ti keempat deka nyadi raja menua Israel.”\\nRaja Salum Menua Israel\\n13 Dalam taun ti ketiga belas Raja Usiah merintah menua Judah, Salum anak Jabes berengkah nyadi raja menua Israel, lalu iya merintah di Samaria sebulan.\\n14 Menahem anak Gadi datai ari Tirsah ngagai Samaria, munuh Salum, lalu nganti iya nyadi raja.\\n15 Semua utai bukai ti udah dikereja Salum, nyengkaum cherita pasal iya ke bepekat ngelaban raja, bisi dituliska magang dalam Jerita Lama Pasal Raja Menua Israel.\\n16 Lebuh maya nya Menahem ngerusak Tipsah, munuh semua orang ke diau di nengeri nya, enggau di menua ti ngelingi nengeri nya berengkah ari Tirsah. Iya ngereja nya laban orang dia enggai nunduk ngagai iya. Indah perut sida indu ke ngandung deh diperuti iya.\\nRaja Menahem Menua Israel\\n17 Dalam taun ti ketiga puluh semilan Raja Usiah merintah menua Judah, Menahem anak Gadi berengkah nyadi raja menua Israel, lalu iya merintah di Samaria sepuluh taun.\\n18 Iya bedosa ngelaban TUHAN, laban nyentuk ngagai pemati iya, iya ngereja utai ti jai neladan Raja Jeroboam anak Nebat, ti udah nguluka orang Israel bedosa.\\n19 Tiglat Pileser, raja menua Asiria, lalu nyerang menua Israel, lalu Menahem meri iya 34,000 kilogram pirak kena iya minta raja menua Asiria nyaup iya negapka kuasa iya di menua Israel.\\n20 Menahem bulih duit nya ari orang ke kaya di menua Israel. Iya mejalka sida meri lima puluh singkap duit siku-siku. Nya alai Tiglat pulai ngagai menua iya empu.\\n21 Semua utai bukai ti udah dikereja Menahem bisi dituliska magang dalam Jerita Lama Pasal Raja Menua Israel.\\n22 Iya mati lalu dikuburka, lalu anak iya Pekahiah nganti iya nyadi raja.\\n23 Dalam taun ti kelima belas Raja Usiah merintah menua Judah, Pekahiah anak Menahem berengkah nyadi raja menua Israel, lalu iya merintah di Samaria dua taun.\\n24 Iya bedosa ngelaban TUHAN, neladan penyai Raja Jeroboam anak Nebat, ti udah nguluka orang Israel bedosa.\\n25 Siku pemesai ari bala soldadu Pekahiah, ke benama Pekah anak Remaliah, bepekat enggau lima puluh iku orang ari Giliat, deka munuh Pekahiah dalam kuta ti dalam istana, di Samaria, lalu nganti iya nyadi raja.\\n26 Semua utai bukai ti udah dikereja Pekahiah bisi dituliska magang dalam Jerita Lama Pasal Raja Menua Israel.\\nRaja Pekah Menua Israel\\n27 Dalam taun ti kelima puluh dua Raja Usiah merintah menua Judah, Pekah anak Remaliah berengkah nyadi raja menua Israel, lalu iya merintah di Samaria dua puluh taun.\\n28 Iya bedosa ngelaban TUHAN laban iya ngereja utai ti jai neladan Raja Jeroboam anak Nebat, ti udah nguluka orang Israel bedosa.\\n29 Lebuh Pekah nyadi raja, Tiglat Pileser, raja menua Asiria, ngalahka nengeri Ijon, Abel Bet-maakah, Janoah, Kedes enggau nengeri Hasor, menua Giliat, menua Galili, enggau menua Naptali, lalu nabanka orang mayuh nyadi orang tangkap ngagai menua Asiria.\\n30 Dalam taun ti kedua puluh Jotam anak Usiah merintah nyadi raja menua Judah, Hosea anak Elah bepekat ngelaban Raja Pekah, munuh iya, lalu nganti iya nyadi raja.\\n31 Semua utai bukai ti udah dikereja Pekah bisi dituliska magang dalam Jerita Lama Pasal Raja Menua Israel.\\nRaja Jotam Menua Judah\\n32 Dalam taun ti kedua Pekah anak Remaliah nyadi raja menua Israel, Jotam anak Usiah berengkah nyadi raja menua Judah\\n33 lebuh umur iya dua puluh lima taun, lalu iya merintah enam belas taun. Indai iya Jerusa anak Sadok.\\n34 Jotam ngereja utai ti ngerinduka ati TUHAN, neladan apai iya Usiah.\\n35 Tang iya enda ngerusak endur alai orang kapir nyembah petara sida, lalu orang mayuh majak ngenjuk piring sereta nunu menyan ba endur nya. Jotam nya meh orang ke ngaga Pintu Utara ke Rumah Sembiang.\\n36 Semua utai bukai ti udah dikereja Jotam bisi dituliska magang dalam Jerita Lama Pasal Raja Menua Judah.\\n37 Lebuh Jotam nyadi raja, nya mega maya TUHAN terubah ngasuh Raja Resin menua Siria enggau Raja Pekah menua Israel nyerang menua Judah.\\n38 Jotam mati lalu dikuburka ba lumbung bala raja di Nengeri David, lalu anak iya Ahas nganti iya nyadi raja.\\nRaja Ahas Menua Judah\\n1 Dalam taun ti ketujuh belas Pekah anak Remaliah nyadi raja menua Israel, Ahas anak Jotam berengkah nyadi raja menua Judah\\n2 lebuh umur iya dua puluh taun, lalu iya merintah di Jerusalem enam belas taun. Iya enda nitihka teladan ti manah ari aki iya Raja David, tang ngereja utai ti enda dikerinduka TUHAN Allah Taala,\\n3 lalu neladan sida raja menua Israel. Indah anak lelaki iya empu deh diserahka iya ngagai engkeramba nyadika piring tunu, nunda pengawa ti jai ti udah dikereja orang ke udah diburu TUHAN ari menua nya, lebuh orang Israel nyerang.\\n4 Ahas ngenjuk piring, sereta nunu menyan ba endur alai orang kapir nyembah petara sida ba sebelah bukit, enggau di baruh kayu.\\n5 Raja Resin menua Siria enggau Raja Pekah menua Israel nyerang lalu ngelulung Jerusalem, tang seduai iya enda ulih ngalahka Ahas.\\n6 (Lebuh maya nya mega raja menua Edom merintah nengeri Elat baru, lalu muru orang Judah ti diau di nengeri nya. Orang Edom lalu ngentapka diri di nengeri nya, lalu sida agi diau dia nyentuk ngagai diatu.)\\n7 Ahas lalu ngasuh orang mansang betemu enggau Tiglat Pileser, raja menua Asiria, mai pesan tu, “Aku tu ulun ke angkunka nuan. Aku minta nuan datai lalu ngelepaska aku ari jari raja menua Siria enggau raja menua Israel. Sida benung nyerang aku diatu.”\\n8 Ahas ngambi pirak enggau emas ari sarang reta Rumah Sembiang, enggau ari sarang wang ti di istana, lalu ngirumka utai nya ngagai raja.\\n9 Lebuh Tiglat Pileser nerima pesan nya ari Ahas, iya enggau bala soldadu iya lalu mansang nyerang nengeri Damaskus, ngalahka nengeri nya, munuh Raja Resin, lalu nabanka orang ari nengeri nya ngagai Kir nyadi orang tangkap.\\n10 Lebuh Raja Ahas mansang ngagai nengeri Damaskus deka betemu enggau Raja Besai Tiglat Pileser, iya tepedaka siti alta ba endur nya. Iya lalu ngirumka siti chunto ti chukup silik ngagai Imam Uriah.\\n11 Uriah lalu ngaga siti alta sebaka enggau alta nya, lalu alta nya tembu digaga iya sebedau Ahas pulai.\\n12 Lebuh Ahas pulai ari Damaskus, iya meda alta nya udah tembu.\\n13 Nya alai iya lalu nunu jelu nyadika piring, enggau piring tepung ba alta nya, lalu nuang piring wain, enggau darah ari jelu nya nyadika piring pemaik ba alta nya.\\n14 Nyadi alta temaga ti udah diserahka ngagai TUHAN bisi ba entara alta ti baru nya enggau Rumah Sembiang. Nya alai iya mindahka alta temaga nya ngagai endur muak ke utara alta ti baru nya.\\n15 Udah nya iya lalu bejaku enggau Uriah, “Kena meh alta ti besai tu alai ngenjuk piring tunu tiap pagi, enggau alai ngenjuk piring tepung tiap lemai, alai ngenjuk piring tunu enggau piring tepung ti diberi raja enggau orang mayuh, enggau alai ngenjuk piring wain ari orang mayuh. Tuang ba alta tu darah semua jelu ti diberi nyadika piring. Tang galau alta temaga nya kena aku nujum.”\\n16 Uriah lalu ngereja nitihka jaku raja.\\n17 Raja Ahas lalu ngererak kerita temaga ti dikena dalam Rumah Sembiang, lalu ngambi bisin ti ba kerita nya. Iya mega ngambi tangki temaga ari belakang dua belas iku sapi temaga, lalu ngengkahka tangki temaga nya ba sigi batu pemun.\\n18 Lalu kena iya ngenyamaika ati raja menua Asiria, Ahas mega ngambi ari Rumah Sembiang panggau ti alai ngengkahka kerusi diraja, lalu nikupka pintu ti ditengah raja tama ngagai Rumah Sembiang.\\n19 Semua utai bukai ti udah dikereja Raja Ahas bisi dituliska magang dalam Jerita Lama Pasal Raja Menua Judah.\\n20 Ahas mati lalu dikuburka ba lumbung bala raja di Nengeri David, lalu anak iya Hesekiah nganti iya nyadi raja.\\nRaja Hosea Menua Israel\\n1 Dalam taun ti kedua belas Raja Ahas merintah menua Judah, Hosea anak Elah berengkah nyadi raja menua Israel, lalu iya merintah di Samaria semilan taun.\\n2 Iya bedosa ngelaban TUHAN, tang enda ngemalat bala raja ke merintah menua Israel dulu agi ari nya.\\n3 Raja Besai Salmaneser menua Asiria nyerang iya. Hosea lalu nunduk ngagai Salmaneser, lalu mayar chukai tiap taun ngagai iya.\\n4 Tang sekali Hosea ngirumka bala seruan iya betemu enggau Raja So menua Ejip, minta tulung ari iya. Hosea lalu badu agi mayar chukai ninting taun ngagai Asiria. Lebuh Salmaneser ninga pasal pekara nya, iya lalu ngasuh orang nangkap lalu nutup Hosea dalam rumah jil.\\n5 Udah nya Salmaneser nyerang menua Israel, lalu ngelulung nengeri Samaria. Dalam taun ti ketiga sida ngelulung nengeri nya,\\n6 iya nya taun ti kesemilan Hosea merintah, raja menua Asiria ngalahka nengeri Samaria, nabanka orang Israel nyadi orang tangkap ngagai menua Asiria, lalu ngasuh sekeda ari bala sida ngentapka diri di nengeri Halah, sekeda semak Sungai Habor, di pelilih menua Gosan, lalu sekeda ba mayuh bengkah nengeri di menua Media.\\n7 Samaria alah laban orang Israel udah bedosa ngelaban TUHAN Allah Taala ti udah ngelepaska sida ari raja menua Ejip, lalu udah nguluka sida pansut ari menua Ejip. Sida udah nyembah petara bukai,\\n8 niru adat asal orang ke udah diburu TUHAN lebuh bala nembiak Iya nyerang, lalu udah niru adat ti udah ditumbuhka bala raja orang Israel.\\n9 Orang Israel udah ngereja utai ti enda disagi TUHAN Allah Taala sida. Sida begagaka endur alai orang kapir nyembah petara sida dalam semua nengeri sida, berengkah ari nengeri ti pemadu mit nyentuk ngagai nengeri ti pemadu besai.\\n10 Ba sebelah munggu enggau di baruh semua kayu ti ngayung, sida nirika tiang batu, enggau engkeramba ke petara indu Aserah,\\n11 lalu sida betunuka menyan ba semua alta petara orang kapir, orang ke udah diburu TUHAN ari menua nya. Sida nyungkak TUHAN ringat ketegal semua penyai pengawa sida,\\n12 lalu enda ngasika pesan TUHAN ti nagang sida nyembah engkeramba.\\n13 TUHAN udah ngasuh bala seruan enggau bala nabi Iya meri jaku tangkan ngagai orang Israel enggau ngagai orang Judah: “Lengkaka jalai kita ke jai, lalu diau ngasika pesan Aku, ti disimpan dalam Adat ti udah diberi Aku ngagai aki ini kita, lalu udah diserahka Aku ngagai kita ngena sida nabi ke nembiak Aku.”\\n14 Tang sida enda ngasi. Sida kieh baka aki ini sida ke enggai manggaika pengarap sida ba TUHAN Allah Taala sida.\\n15 Sida enda ngasika atur Iya. Sida enda nitihka sempekat ti udah digaga Iya enggau aki ini sida, lalu sida enda mendingka jaku tangkan Iya. Sida nyembah engkeramba ti nadai guna, lalu sida empu nyadi orang ke nadai guna. Sida nitihka adat asal orang bansa bukai ke ngelingi sida, lalu enda ngasika pesan TUHAN ti udah nagang sida betundaka orang bukai.\\n16 Sida ngelanggar semua adat TUHAN Allah Taala sida, lalu ngaga dua iku anak sapi ti lelaki ari besi ngambika bisi disembah sida. Sida mega ngaga engkeramba petara indu Aserah, nyembah bintang, lalu betuaika petara Baal.\\n17 Sida nyerahka anak lelaki enggau anak indu sida nyadika piring tunu. Sida betilitka nasit enggau beburung, lalu sida nyerahka diri ngereja penyai di mua TUHAN, lalu nyungkak Iya ringat.\\n18 Nya alai, TUHAN balat amat ringat ngagai orang Israel, lalu muai sida ari menua nya, ngalau semina perintah menua Judah aja.\\n19 Tang indah orang Judah deh enda ngasika adat TUHAN Allah Taala sida. Sida betundaka adat asal ti ditiru orang Israel.\\n20 TUHAN udah nulak semua orang Israel, ngukum sida lalu nyerahka sida ngagai munsuh ti jai enggau sida, datai ke Iya muai sida ari mua Iya.\\n21 Lebuh TUHAN udah nyeraraka orang Israel ari orang Judah, orang Israel lalu nyiri Jeroboam anak Nebat nyadi raja sida. Jeroboam mai sida ninggalka TUHAN, lalu nguluka sida ngagai dosa ti besai.\\n22 Sida neladan Jeroboam, lalu majak ngereja semua dosa ti udah dikereja iya,\\n23 datai ke ba pengujung iya, TUHAN muai sida ari menua nya, munyi ti udah disebut Iya dalam jaku tangkan ti udah diberi Iya ngena bala nembiak Iya, iya nya sida nabi. Nya alai orang Israel dibuai ngagai menua Asiria, alai sida ke agi diau nyentuk ngagai diatu.\\nOrang Asiria Ngentapka Diri Di Menua Israel\\n24 Raja menua Asiria mai orang ari nengeri Babilon, Kut, Iwah, Hamat, enggau nengeri Separbaim, lalu ngasuh sida ngentapka diri di nengeri dalam menua Samaria ngambi endur ari bala orang Israel ti udah dibuai ari menua nya lalu ditabanka ngagai menua bukai. Orang Asiria bempu nengeri nya, lalu diau dia.\\n25 Lebuh sida terubah ngentapka diri dia, sida enda nyembah TUHAN. Nya alai Iya lalu ngasuh jelu singa datai lalu munuh sekeda bala sida.\\n26 Raja menua Asiria lalu dipadahka pasal orang ke udah ngentapka diri di nengeri menua Samaria, ti enda nemu adat petara menua nya, ti ngasuh petara menua nya ngasuh jelu singa datai lalu munuh sida.\\n27 Nya alai Raja lalu meri atur, “Bai pulai baru siku ari bala sida imam ti udah ditabanka kitu nyadi orang tangkap. Asuh iya pulai kin ke baru, lalu diau din, ngambika iya ngajar orang pasal adat petara menua nya.”\\n28 Nya alai siku imam orang Israel ti udah dibuai ari menua Samaria ngagai menua Asiria, pulai lalu diau di Betel, alai iya ke ngajar orang mayuh jalai nyembah TUHAN.\\n29 Tang orang ke ngentapka diri di menua Samaria majak begagaka engkeramba, lalu sida ngengkahka engkeramba nya dalam rumah sembiang ti udah digaga orang Israel. Genap bengkah raban sida nya bela begagaka engkeramba dalam nengeri ti alai sida diau:\\n30 orang Babilon begagaka engkeramba petara Sukot-benot, orang Kut begagaka engkeramba Nergal, orang Hamat begagaka engkeramba Asima,\\n31 orang Iwah begagaka engkeramba Nibhas enggau engkeramba Tatak, lalu orang Separbaim nyerahka anak sida nyadika piring tunu ngagai petara sida ke benama Adramelek enggau Anamelek.\\n32 Bala orang tu mega nyembah TUHAN, lalu milih ari bala sida empu mayuh macham orang bekereja nyadi imam ba endur alai orang kapir nyembah petara sida, ngambika bisi ngenjuk piring ke sida ba endur nya.\\n33 Nya alai sida nyembah TUHAN, tang sida mega nyembah petara sida empu, nitihka adat asal ari menua sida empu.\\n34 Sida agi nitihka adat asal sida empu nyentuk ngagai sehari tu. Sida enda nyembah TUHAN, lalu sida pen enda mega ngasika adat enggau pesan ti diberi TUHAN ngagai peturun Jakop, ti udah diberi Iya nama Israel.\\n35 TUHAN udah ngaga sempekat enggau orang Israel munyi tu, “Anang nyembah petara bukai. Anang meremi ngagai sida, tauka betuaika sida, tauka ngenjuk piring ngagai sida.\\n36 Kita enda tau enda ngasika Aku ti TUHAN, ti udah mai kita pansut ari menua Ejip, ngena kuasa enggau pengering ti besai. Kita enda tau enda meremi, lalu ngenjuk piring ngagai Aku.\\n37 Kita enda tau enda seruran ngasika adat enggau pesan ti udah ditulis Aku ke kita. Kita enda tau sekali-kali ngasika petara bukai,\\n38 lalu kita enda tau enda ingatka sempekat ti udah digaga Aku enggau kita.\\n39 Kita enda tau enda ngasika Aku ti TUHAN Allah Taala kita, nya baru Aku deka ngelepaska kita ari munsuh kita.”\\n40 Tang bala orang ke ngentapka diri di menua Samaria enggai mending, lalu sida majak nitihka adat asal sida empu.\\n41 Nya alai sida nyembah TUHAN, enggau nyembah engkeramba, lalu bala peturun sida nya agi mengkang ngereja nya nyentuk ngagai sehari tu.\\nRaja Hesekiah Menua Judah\\n1 Dalam taun ti ketiga Hosea anak Elah nyadi raja menua Israel, Hesekiah anak Ahas berengkah nyadi raja menua Judah,\\n2 lebuh umur iya dua puluh semilan taun. Indai iya Abijah anak Sekariah.\\n3 Iya ngereja utai ti ngerinduka ati TUHAN, neladan aki iya Raja David.\\n4 Iya ngerusak endur alai orang kapir nyembah petara sida, ngeredakka tiang batu, lalu nebang engkeramba petara indu Aserah. Iya mega ngeredakka ular temaga ti udah digaga Moses, ti dikumbai Nehustan. Nyentuk ngagai maya nya, orang Israel agi majak betunuka menyan kena sida masa ular temaga nya.\\n5 Hesekiah manggaika pengarap iya ba TUHAN Allah Taala ke disembah orang Israel. Menua Judah nadai kala bisi raja ti baka iya, nemuka sebedau tauka udah lepas iya.\\n6 Iya tetap ati ngagai TUHAN, lalu nadai kala enda ngasika Iya, tang bejimat ngereja semua pesan ti udah diberi TUHAN ngagai Moses.\\n7 Nya alai TUHAN bisi enggau iya, lalu iya mujur dalam semua utai ti dikereja iya. Iya angkat ngelaban raja menua Asiria, lalu enggai nunduk ngagai raja nya.\\n8 Iya ngalahka orang Pilistin, lalu nyerang palan alai sida diau, berengkah ari genturung pendiau ti pemadu mit nyentuk ngagai nengeri ti pemadu besai, nyengkaum Gasa enggau menua ti ngelingi nengeri nya.\\n9 Dalam taun ti keempat Hesekiah merintah, iya nya taun ti ketujuh Raja Hosea merintah menua Israel, Raja Besai Salmaneser menua Asiria nyerang menua Israel, lalu ngelulung nengeri Samaria.\\n10 Ketiga taun sida udah ngelulung Samaria, nengeri nya lalu alah. Tu taun ti keenam Hesekiah megai perintah, enggau taun ti kesemilan Hosea merintah.\\n11 Raja besai menua Asiria nabanka orang Israel nyadi orang tangkap lalu ngasuh sekeda sida ngentapka diri di nengeri Halah, sekeda semak Sungai Habor di pelilih menua Gosan, lalu sekeda ba mayuh bengkah nengeri di menua Media.\\n12 Samaria alah laban orang Israel enda ngasika TUHAN Allah Taala sida, tang ngelanggar sempekat ti udah digaga Iya enggau sida, lalu ngelanggar semua adat ti udah diberi Moses, ti nembiak TUHAN. Sida enggai mending, lalu sida enggai ngasi.\\nOrang Asiria Ngemba Nengeri Jerusalem\\n13 Dalam taun ti keempat belas Raja Hesekiah megai perintah, Senakerip, raja menua Asiria, nyerang lalu ngalahka mayuh bengkah nengeri ti bekuta di menua Judah.\\n14 Hesekiah lalu ngirumka pesan ngagai Senakerip, ke bisi di Lakis lebuh maya nya. Ku iya, “Aku udah ngereja utai ti salah. Aku minta nuan badu agi nyerang. Aku deka meri sebarang utai ti dipinta nuan.” Raja lalu nyaut, madahka Hesekiah patut ngirumka ngagai iya 10,000 kilogram pirak, enggau 1,000 kilogram emas.\\n15 Hesekiah lalu ngirumka ngagai iya semua pirak ti dalam sarang reta Rumah Sembiang enggau dalam sarang wang ti di istana.\\n16 Iya mega ngerebakka emas ari pintu Rumah Sembiang, enggau emas ti udah dikena iya empu nyampak tiang pintu. Iya lalu ngirumka semua utai nya ngagai Senakerip.\\n17 Raja menua Asiria lalu ngasuh mayuh amat bala soldadu angkat ari Lakis mansang nyerang Hesekiah di Jerusalem. Bala soldadu nya diuluka tiga iku pemesai iya ke pemadu tinggi pangkat. Lebuh sida datai di Jerusalem, sida lalu diau ba jalai raya ba palan alai tukang kain bekereja ngimbai parit ti mai ai ari letung ti di atas.\\n18 Udah nya sida mesanka Raja Hesekiah, lalu tiga iku pemesai Hesekiah pansut betemu enggau sida. Nama pemesai tiga iku nya, Eliakim anak Hilkiah, ti nyadi tuai ngemataka istana, Sebna, ti nyadi kerani raja, enggau Joah anak Asap, ti nyadi kerani menua.\\n19 Siku ari pemesai orang Asiria lalu madahka ngagai sida pasal raja ke keran deka nemu utai ti ngasuh Hesekiah kempang ati baka nya.\\n20 Ku iya, “Kati kita ngumbai leka jaku ulih nganti pengelandik beperang enggau pengering? Sapa dalam runding kita ulih nyaup kita angkat ngelaban Asiria?\\n21 Kita ngarapka Ejip deka nyaup kita, tang nya baka orang ke betungkat ngena buluh ti patah, ti deka ngachuk jari iya. Nya meh gaya raja menua Ejip lebuh orang ngarapka iya.”\\n22 Ku pemesai orang Asiria nya nampung jaku iya, “Kati kita madahka diri deka ngarapka TUHAN Allah Taala kita? Indah Hesekiah empu deh udah ngerusak rumah sembiang enggau alta TUHAN lebuh iya ngasuh orang Judah enggau orang ke diau di Jerusalem nyembah Allah Taala semina ba alta di Jerusalem aja.\\n23 Aku deka betawar enggau kita dalam nama raja. Aku deka meri kita dua ribu iku kuda, enti kita bisi tetemuka orang ngemayuh nya nepan kuda nya!\\n24 Indah pemesai orang Asiria ke pemadu baruh pangkat deh enda ulih dilaban kita, tang agi ga kita ngarapka orang Ejip ngirumka kerita perang enggau bala soldadu ke nepan kuda ngagai kita!\\n25 Kati kita ngumbai TUHAN nadai udah nyaup aku nyerang lalu ngerusak menua kita? TUHAN Empu ti udah ngasuh aku nyerang lalu ngerusak menua kita.”\\n26 Udah nya Eliakim, Sebna, enggau Joah lalu bejaku ngagai pemesai nya, “Tuan, kami minta nuan bejaku ngena jaku bansa Aram enggau kami, laban kami meretika jaku nya. Anang bejaku ngena jaku Hebrew, laban semua orang ke ba atas dinding kuta nya mending magang.”\\n27 Ku pemesai nya nyaut, “Kati kita ngumbai raja semina ngasuh aku nyebut semua utai tu ngagai kita enggau ngagai raja aja? Ukai, aku mega bejaku ngagai bala orang ke duduk ba atas dinding kuta, ti deka makai tai lalu ngirup ai kemi diri baka kita empu.”\\n28 Udah nya pemesai nya lalu bediri, lalu bejaku enggau nyawa ti inggar ngena jaku Hebrew, “Pendingka utai ti dipadahka raja menua Asiria ngagai kita!\\n29 Iya meri jaku tangkan ngagai kita, enda ngasuh kita nejuka Hesekiah nipu kita, laban iya enda ulih ngelepaska kita ari jari aku.\\n30 Lalu anang nejuka iya mujuk kita ngarapka TUHAN. Anang ngumbai TUHAN deka ngelepaska kita ari jari aku, lalu nagang bala soldadu kami orang Asiria ngalahka nengeri kita.\\n31 Anang mendingka Hesekiah. Raja menua Asiria ngasuh kita pansut ari nengeri nya lalu nyerahka diri. Semua kita deka dikemendarka makai buah anggur ari batang anggur, enggau buah ara ari kayu ara kita empu, lalu ngirup ai ari telaga kita empu,\\n32 nyentuk ngagai maya raja ngasuh kita ngentapka diri di menua ti sebaka enggau menua kita empu, ti bisi kebun anggur ti meri kita wain, enggau gandum kena kita ngaga roti. Menua nya mayuh minyak kana, enggau ai manyi. Enti kita ngereja utai ti diasuh iya, kita enda mati, tang idup. Anang nejuka Hesekiah nipu kita ngumbai TUHAN deka ngelepaska kita ari jari aku.\\n33 Kati petara orang menua bukai udah bisi kala ngelepaska menua sida ari kuasa raja menua Asiria?\\n34 Dini alai petara nengeri Hamat enggau petara nengeri Arpat diatu? Dini alai petara nengeri Separbaim, Hena enggau Iwah? Kati orang bisi udah ngelepaska Samaria?\\n35 Kemaya petara semua menua nya bisi udah kala ngelepaska menua sida ari kuasa raja kami? Nya alai nama utai ti ngasuh kita ngumbai TUHAN ulih ngelepaska Jerusalem ari jari aku?”\\n36 Bala orang mayuh enda bemunyi, nitihka asuh Raja Hesekiah. Sida nadai nyaut seleka.\\n37 Udah nya, Eliakim, Sebna enggau Joah lalu nyarikka gari diri, lalu mansang madahka utai ti udah disebut pemesai orang Asiria ngagai sida.\\nRaja Minta Jaku Lalau Ari Isaiah\\n1 Lebuh Raja Hesekiah ninga utai ti dipadahka sida, iya lalu nyarikka gari diri, ngerasukka kain guni, lalu mansang ngagai Rumah Sembiang.\\n2 Iya ngasuh Eliakim, pemesai ke ngemataka istana, Sebna ti nyadi kerani raja, enggau sida imam ti tinggi pangkat, betemu enggau nabi Isaiah anak Amos. Sida nya mega begari ngena kain guni.\\n3 Tu pesan ti diasuh Raja Hesekiah bai sida ngagai Isaiah, “Tu hari pemerinsa. Kitai tu benung diukum lalu dipechat. Kitai nyau baka indu ke radai deka beranak, tang kelalu lemi tulang ngadaka anak.\\n4 Raja besai menua Asiria udah ngasuh kepala pemesai iya mechat Allah Taala ti idup. Awakka TUHAN Allah Taala nuan ninga jaku pechat nya, lalu ngukum orang ke mechat nya. Nya alai, nuan enda tau enda besampika bala kitai ti agi idup.”\\n5 Lebuh Isaiah nerima pesan nya ari Raja Hesekiah,\\n6 iya lalu ngirumka saut tu, “TUHAN madahka ngagai nuan, nuan enda tau nejuka orang Asiria ngemba kita ngena jaku ti ngumbai TUHAN enda ulih ngelepaska kita.\\n7 TUHAN deka ngasuh raja nya ninga berita ngapa ti deka ngasuh iya pulai ngagai menua iya empu, lalu TUHAN deka ngasuh orang munuh iya din.”\\nOrang Asiria Ngemba Baru\\n8 Pemesai orang Asiria nya pulai, lalu nemu raja udah angkat ari Lakis lalu benung nyerang nengeri Libnah ti enda jauh ari nya. Nya alai, iya mansang ngagai Libnah, deka betanya ngagai raja.\\n9 Lebuh raja ninga berita pasal bala soldadu orang Ejip ke diuluka Raja Tirhakah menua Etiopia, benung mansang deka nyerang sida, iya lalu ngirumka bala seruan baru ngagai Raja Hesekiah\\n10 madahka ngagai Hesekiah munyi tu: “Anang nejuka Allah Taala nuan nipu nuan madahka Jerusalem enda ulih dialahka raja menua Asiria.\\n11 Nuan udah ninga pasal raja menua Asiria ti udah ngerusak semua menua. Kati nuan ngumbai diri deka dilepaska ari jari iya?\\n12 Aki ini aku udah ngerusak nengeri Gosan, Haran, Resep, lalu munuh orang Beteden ti diau di Telesar, lalu nadai siku petara sida udah ulih ngelepaska sida.\\n13 Dini alai raja nengeri Hamat, Arpat, Separbaim, Hena enggau Iwah?”\\n14 Raja Hesekiah lalu nerima surat nya ari bala seruan, lalu macha iya. Udah nya iya lalu mansang ngagai Rumah Sembiang, ngerembaika surat nya di mua TUHAN,\\n15 lalu besampi, “O TUHAN Allah Taala ke disembah orang Israel, ke duduk ba kerusi diraja Nuan atas melikat cherub ti besayap, Nuan aja ti Allah Taala, ke merintah semua perintah di dunya tu. Nuan udah ngaga dunya, enggau langit.\\n16 Nya alai, TUHAN, peda Nuan utai ti nyadi ba kami. Dingaka semua jaku Senakerip ke mechat Nuan, Allah Taala ti idup.\\n17 TUHAN, semua kami nemu, bala raja menua Asiria udah ngerusak mayuh bengkah bansa, ngasuh menua nya nadai agi diuan mensia,\\n18 lalu nunu petara sida ke endang ukai petara, tang semina engkeramba ti digaga jari mensia ari kayu enggau ari batu.\\n19 Nya alai, TUHAN Allah Taala kami, selamatka kami diatu ari orang Asiria, ngambika semua bansa di dunya tu nemu Nuan siku aja, O TUHAN, endang Allah Taala.”\\nPesan Isaiah Ngagai Raja Hesekiah\\n20 Udah nya Isaiah lalu ngirumka pesan ngagai Raja Hesekiah, madahka saut TUHAN ngagai sampi iya,\\n21 munyi tu, “Nengeri Jerusalem ketawa sereta ngeleseka nuan, Senakerip.\\n22 Sapa orang ke udah dipechat sereta dikeleseka nuan? Nuan enda bebasaka Aku ti kudus, Allah Taala ke disembah orang Israel.\\n23 Nuan udah ngasuh bala seruan nuan temegah di mua Aku, madahka nuan udah ngalahka bukit ti pemadu tinggi di menua Lebanon ngena semua kerita perang nuan. Nuan udah temegah madahka diri udah nebang kayu sidar ti pemadu tinggi, enggau kayu saipris ti pemadu manah, lalu madahka diri udah datai ba puak utan.\\n24 Nuan udah temegah madahka diri udah numbak telaga, lalu udah ngirup ai di menua bukai, lalu madahka kaki bala soldadu nuan udah ngindik Sungai Nile datai ke Sungai nya nyau rangkai.\\n25 “Kati nuan nadai udah kala ninga pasal Aku ke lama udah ngelanggur semua utai nya? Diatu Aku udah ngereja nya. Aku udah meri ngagai nuan kuasa kena ngeruntuhka mayuh bengkah nengeri ti bekuta nyadi tugung batu.\\n26 Orang ke diau di nengeri nya nadai pengering agi. Sida takut lalu temati-kutu. Sida baka rumput ti ba padang, tauka rumput ti tumbuh ba perabung rumah ti dipuputka ribut angat ti muput ari timur.\\n27 “Tang Aku nemu semua utai pasal nuan, utai ti dikereja nuan, enggau tunga nuan bejalai. Aku nemu pemalat nuan ringat ngagai Aku.\\n28 Aku udah dipadahka pasal pengeringat enggau pasal penyumbung nuan. Nya alai diatu Aku deka ngaitka mata ginti ba idung nuan, enggau batang besi dalam nyawa nuan, lalu mai nuan pulai baru nengah jalai ti udah ditengah nuan mansang.”\\n29 Udah nya Isaiah lalu bejaku enggau Raja Hesekiah, “Tu tanda ti deka nyadi. Taun tu, enggau taun baru tu ila, kita deka makai semina gandum ti ulih kita ari babas, tang dalam taun ti ngentudika nya, kita deka nanam lalu ngetau gandum, nanam anggur lalu makai buah anggur.\\n30 Orang ke agi idup di menua Judah deka nyadi baka utai ti ditanam, ti ngunjamka urat ke dalam tanah, lalu bebuah.\\n31 Tang orang di Jerusalem enggau di Bukit Sion agi bisi idup, laban TUHAN endang udah mutuska runding Diri deka ngasuh utai nya nyadi.\\n32 “Tu utai ti disebut TUHAN pasal raja menua Asiria: ‘Iya enda tama ngagai nengeri tu, tauka nimbakka laja ngagai nengeri tu. Nadai siku soldadu ke mai terabai deka datai semak nengeri tu, lalu nadai kuta tanah deka digaga ngelingi nengeri tu.\\n33 Iya deka pulai niti jalai ti ditengah iya mansang, tang iya enda tama ngagai nengeri tu. Aku ti TUHAN udah bejaku.\\n34 Aku deka nyaga lalu nyelamatka nengeri tu, ketegal nama Aku, enggau ketegal semaya ti udah digaga Aku enggau nembiak Aku David.’ “\\n35 Malam nya siku melikat TUHAN mansang ngagai kem orang Asiria, lalu munuh 185,000 iku soldadu. Tumu pagi hari siti, sida nyau betegaring mati!\\n36 Udah nya raja Senakrip menua Asiria nyurutka diri, lalu pulai ngagai Nineweh.\\n37 Nyadi sekali lebuh iya benung besembiang dalam rumah sembiang petara iya ke benama Nisrok, dua iku ari bala anak lelaki iya, Adramelek seduai Sareser, munuh iya ngena pedang seduai iya empu, lalu ngerarika diri ngagai menua Ararat. Siku ari bala anak lelaki iya ti bukai lalu nganti iya nyadi raja.\\nRaja Hesekiah Sakit Lalu Digeraika\\n1 Ba urung maya nya, Raja Hesekiah sakit, lalu nyau deka mati. Nabi Isaiah anak Amos datai ngabas iya, lalu ku iya bejaku enggau Raja Hesekiah, “TUHAN ngasuh nuan ngemas semua pekara nuan, laban nuan deka mati, enda ulih gerai.”\\n2 Hesekiah lalu nguingka mua diri ngagai dinding, lalu besampi,\\n3 “TUHAN, aku minta Nuan ingatka aku ti udah tetap ati sereta taluk betuaika Nuan, lalu aku endang seruran nguji ngereja utai ti diasuh Nuan.” Iya lalu nyabak balat amat.\\n4 Isaiah lalu mupuk ari istana raja, tang sebedau iya meraka tengah laman ti ba tengah-tengah istana nya, TUHAN ngasuh iya\\n5 pulai baru ngagai Hesekiah, ti nyadi raja ke bala nembiak TUHAN, lalu nyebut ngagai iya, “Aku, TUHAN Allah Taala aki nuan David, udah ninga sampi nuan, lalu udah meda ai mata nuan. Aku deka ngeraika nuan, lalu tiga hari da agi, nuan deka mansang ngagai Rumah Sembiang.\\n6 Aku deka nejuka nuan idup lima belas taun da agi. Aku deka ngelepaska nuan enggau nengeri Jerusalem ari kuasa raja menua Asiria. Aku deka nyaga nengeri tu, ketegal nama Aku, enggau ketegal semaya ti udah digaga Aku enggau nembiak Aku David.”\\n7 Udah nya Isaiah lalu ngasuh bala orang ke bekereja ke raja nampal pisa nya ngena buah ara ti udah ditutuk, ngambika iya gerai.\\n8 Raja Hesekiah lalu nanya, “Nama tanda ti nunjukka TUHAN deka ngeraika aku, lalu aku ulih mansang ngagai Rumah Sembiang tiga hari da agi?”\\n9 Disaut Isaiah, “TUHAN deka meri nuan siti tanda kena nunjukka Iya deka ngamatka semaya Iya. Kati nuan dekaka ayuk ba tangga nya niki sepuluh iti tangkal, tauka surut sepuluh iti tangkal?”\\n10 Ku Hesekiah nyaut, “Ngasuh ayuk nya mansang sepuluh iti tangkal ke mua nya nyamai dikereja! *Asuh iya nyurutka ayuk nya sepuluh iti tangkal.”\\n11 Isaiah lalu besampi ngagai TUHAN. TUHAN lalu ngasuh ayuk nya surut sepuluh iti tangkal ba tangga nya. Tangga nya digaga Raja Ahas.\\nBala Seruan Ari Menua Babilon\\n12 Ba urung maya nya, raja menua Babilon, ke benama Merodak Baladan, anak Baladan, bisi ninga berita pasal Raja Hesekiah ke sakit. Nya alai iya lalu ngirumka siti surat enggau pemeri ngagai Raja Hesekiah.\\n13 Hesekiah ngelaluka bala seruan nya, lalu ngayanka pengaya iya ngagai sida: pirak enggau emas, rempah enggau minyak wangi, enggau semua senyata perang iya. Nadai utai ti dalam bilik setor iya, tauka ba endur bukai dalam menua ti diperintah iya, ti enda diayanka iya ngagai sida.\\n14 Udah nya nabi Isaiah mansang ngagai Raja Hesekiah, lalu nanya, “Ari ni penatai bala orang tu, lalu nama utai ti disebut sida ngagai nuan?�� Disaut Hesekiah, “Sida tu datai ari menua ti jauh, ari menua Babilon.”\\n15 “Nama utai ti dipeda sida dalam istana?” “Sida meda semua utai. Nadai utai ti dalam bilik setor ti enda diayanka aku ngagai sida.”\\n16 Udah nya Isaiah lalu madahka ngagai raja, “TUHAN bisi bejaku madahka\\n17 maya deka datai alai semua utai ti dalam istana nuan, semua utai ti udah ditaruh bala aki ini nuan nyentuk ngagai sehari tu, deka ditabanka magang ngagai menua Babilon. Nadai utai agi tinggal.\\n18 Sekeda peturun ari tubuh nuan empu deka ditabanka, lalu diperiri ngambika sida ulih bekereja dalam istana raja menua Babilon.”\\n19 Raja Hesekiah ngumbai utai tu nunjukka menua deka bisi pemaik enggau pengelikun lebuh iya agi idup. Nya alai ku iya nyaut, “Manah amat pesan TUHAN ti udah diberi nuan ngagai aku.”\\nPengujung Perintah Hesekiah\\n20 Semua utai bukai ti udah dikereja Raja Hesekiah, pemerani iya, enggau cherita pasal iya ke ngaga letung, sereta numbak lubang kena mai ai ngagai nengeri nya, bisi dituliska magang dalam Jerita Lama Raja Menua Judah.\\n21 Hesekiah mati, lalu anak iya Manasi nganti iya nyadi raja.\\nRaja Manasi Menua Judah\\n1 Manasi umur dua belas taun lebuh iya nyadi raja menua Judah, lalu iya merintah di Jerusalem lima puluh lima taun. Indai iya Hepsibah.\\n2 Manasi bedosa ngelaban TUHAN laban iya nunda penyai pengawa ti udah dikereja bansa orang ke udah diburu TUHAN ari menua nya lebuh bala nembiak TUHAN nyerang.\\n3 Iya ngaduka palan alai orang kapir nyembah petara sida, palan ti udah dirusak apai iya Hesekiah. Iya ngaduka alta alai orang nyembah Baal, lalu ngaga engkeramba petara indu Aserah, baka ke udah dikereja Raja Ahap menua Israel. Manasi mega nyembah bintang.\\n4 Iya ngaga endur alai orang kapir nyembah petara sida dalam Rumah Sembiang, palan ti udah diletak TUHAN alai Iya patut disembah.\\n5 Iya ngaga mayuh bengkah alta kena nyembah bintang ba dua iti tengah laman Rumah Sembiang.\\n6 Iya nyerahka anak lelaki iya nyadika piring tunu; iya beburung; betanya ngagai orang ke ngumbai diri nemu bejaku enggau semengat orang ke udah mati, enggau betanya ngagai manang. Iya balat amat bedosa ngelaban TUHAN, lalu nya nyungkak TUHAN ringat.\\n7 Iya ngengkahka tanda petara indu Aserah dalam Rumah Sembiang, palan ti udah dikenang TUHAN ngagai David enggau ngagai anak iya Solomon, munyi tu, “Di Jerusalem ditu, dalam Rumah Sembiang tu, meh endur ti udah dipilih Aku ari semua menua ti diempu dua belas raban bansa orang Israel, alai Aku disembah.\\n8 Lalu enti orang Israel deka ngasika semua pesan Aku, lalu nitihka semua Adat ti udah diberi nembiak Aku Moses ngagai sida, nya baru Aku enda ngasuh sida diburu ari menua ti udah diberi Aku ngagai aki ini sida.”\\n9 Tang orang Judah enda ngasika TUHAN, lalu Manasi nguluka sida ngereja dosa ti lebih besai agi ari ti udah dikereja bansa orang ke udah diburu TUHAN ari menua nya, lebuh bala nembiak Iya nyerang.\\n10 Ku TUHAN bejaku ngena bala nabi Iya,\\n11 “Raja Manasi udah ngereja utai ti jai, utai ti lebih agi jai ari utai ti udah dikereja orang Kanaan, lalu iya udah nguluka orang mayuh bedosa ngena engkeramba ti udah digaga iya.\\n12 Nya alai, Aku, TUHAN Allah Taala ke disembah orang Israel, deka ngasuh penusah ti besai ninggang nengeri Jerusalem enggau menua Judah, datai ke semua orang ke ninga berita nya deka temati-kutu.\\n13 Aku deka ngukum Jerusalem baka Aku ti udah ngukum Samaria, baka Aku ti udah ngukum Raja Ahap menua Israel, enggau bala peturun iya. Aku deka muai semua orang ari Jerusalem, ngambika nengeri tu nadai agi pengamah, baka chapak ti udah dikendas, lalu ditungkupka.\\n14 Aku deka muai orang ke agi idup, lalu nyerahka sida ngagai munsuh ti deka ngalah sereta ngerampas utai ari menua sida.\\n15 Aku deka ngereja nya ngagai bala nembiak Aku, laban sida udah bedosa ngelaban Aku, lalu udah nyungkak Aku ringat kenyau ari maya aki ini sida pansut ari menua Ejip kelia, nyentuk ngagai sehari tu.”\\n16 Manasi udah munuh mayuh amat orang ke nadai penyalah, datai ke darah sida nyau rarat ba jalai raya nengeri Jerusalem. Iya ngereja nya kena nambahka pengawa iya ke nguluka orang Judah besembahka engkeramba, ti ngasuh sida bedosa ngelaban TUHAN.\\n17 Semua utai bukai ti udah dikereja Manasi, nyengkaum dosa ti udah dikereja iya, bisi dituliska magang dalam Jerita Lama Pasal Raja Menua Judah.\\n18 Manasi mati lalu dikuburka ba kebun istana, iya nya kebun Usa, lalu anak iya Amon nganti iya nyadi raja.\\nRaja Amon Menua Judah\\n19 Umur Amon dua puluh dua taun lebuh iya nyadi raja menua Judah, lalu iya merintah di Jerusalem dua taun. Indai iya Mesulemet anak Harus, ari nengeri Jotbah.\\n20 Raja Amon mega bedosa ngelaban TUHAN baka apai iya.\\n21 Iya neladan pengawa apai iya, lalu iya nyembah engkeramba ti udah disembah apai iya.\\n22 Iya nulak TUHAN Allah Taala aki ini iya, lalu enda ngasika pesan TUHAN.\\n23 Bala pemesai Amon bepekat ngelaban iya, lalu sida munuh iya dalam istana.\\n24 Orang Judah lalu munuh orang ke munuh Amon, lalu ngasuh anak iya Josiah nyadi raja.\\n25 Semua utai bukai ti udah dikereja Amon, bisi dituliska magang dalam Jerita Lama Pasal Raja Menua Judah.\\n26 Amon dikuburka ba kubur ti dalam kebun Usa, lalu anak iya Josiah nganti iya nyadi raja.\\nRaja Josiah Menua Judah\\n1 Umur Josiah lapan taun lebuh iya nyadi raja menua Judah, lalu iya merintah di Jerusalem tiga puluh satu taun. Indai iya Jedidah anak Adaiah ari nengeri Boskat.\\n2 Josiah ngereja utai ti dikerinduka TUHAN. Iya nunda utai ti udah dikereja aki iya Raja David, terit ngasika semua adat Allah Taala.\\nBup Adat Ditemu\\n3 Dalam taun ti kelapan belas iya megai perintah, Raja Josiah ngasuh kerani raja, Sapan anak Asaliah, uchu Mesulam, mansang ngagai Rumah Sembiang. Ku iya,\\n4 “Alai nuan mansang ngagai Imam Besai Hilkiah, lalu tanyaka penyampau duit ti udah dipupu bala imam ke bekereja ba mua pintu Rumah Sembiang, ari orang mayuh.\\n5 Asuh iya meri duit nya ngagai orang ke nyadi tuai ngaduka Rumah Sembiang. Sida enda tau enda ngaji\\n6 bala tukang kayu, orang ke ngaga rumah, enggau bala tukang batu, sereta meli ramu enggau batu kena ngaduka Rumah Sembiang.\\n7 Orang ke nyadi tuai ngereja pengawa nya enda tau enda orang ke tau dikarapka, ngambika sida enda ibuh madahka chara sida ngena duit nya.”\\n8 Sapan lalu mai atur raja ngagai Hilkiah. Hilkiah lalu madahka diri udah tetemuka Bup Adat dalam Rumah Sembiang, lalu meri bup nya ngagai Sapan. Sapan lalu macha bup nya.\\n9 Udah nya iya lalu pulai ngagai raja, lalu madahka ngagai raja, “Bala orang gaji nuan udah ngambi duit ti dalam Rumah Sembiang, lalu udah nyuaka duit nya ngagai orang ke nyadi tuai ngaduka Rumah Sembiang.”\\n10 Lalu ku iya bejaku, “Aku bisi siti bup ditu ti udah diberi Hilkiah ngagai aku.” Iya lalu macha bup nya enggau nyawa ti inggar di mua raja.\\n11 Lebuh raja ninga bup nya dibacha, ati iya tusah, lalu iya nyarikka gari diri.\\n12 Iya lalu meri atur ngagai Imam Hilkiah, Ahikam anak Sapan, Akbor anak Mikaiah, Sapan ti nyadi kerani raja, enggau ngagai Asaiah, ti nyadi penyaup raja,\\n13 “Alai kita mupuk lalu betanya ngagai TUHAN ngarika aku, enggau ngarika semua orang Judah pasal ajar ti dalam bup tu. TUHAN ringat ngagai kitai laban aki ini kitai nadai udah ngereja utai ti patut dikereja nitihka bup tu.”\\n14 Hilkiah, Ahikam, Akbor, Sapan enggau Asaiah lalu mansang betanya ngagai indu siku ke benama Huldah, iya nya siku nabi ti diau ba kandang nengeri Jerusalem ti baru apin lama udah tembu. (Laki iya Salum anak Tikbah, uchu Haras. Lalu iya tu nyadi tuai ngemataka baju panjai dalam Rumah Sembiang.) Sida madahka ngagai iya gaya utai ti udah nyadi.\\n15 Huldah lalu ngasuh sida pulai ngagai raja, lalu meri ngagai iya\\n16 pesan TUHAN, munyi tu, “Aku deka ngukum Jerusalem, enggau semua orang ke diau di nengeri nya, munyi ti udah ditulis dalam bup ti udah dibacha raja.\\n17 Sida udah nulak Aku, lalu udah ngenjuk piring ngagai petara bukai, lalu semua utai ti udah dikereja sida udah ngeringatka ati Aku. Aku ringat ngagai Jerusalem, lalu pengeringat aku enda nemu padam.\\n18 Nyadi pasal raja nya empu, tu utai ti disebut Aku, TUHAN Allah Taala ke disembah orang Israel: Nuan udah mendingka utai ti ditulis dalam bup nya,\\n19 lalu nuan udah nesal ati, lalu udah ngemaruhka diri di mua Aku, nyarikka gari nuan, sereta nyabak, lebuh nuan udah ninga aku madahka Diri deka ngukum Jerusalem enggau orang ke diau dalam nengeri nya. Aku deka balat ngukum nengeri nya, lalu nama nengeri nya deka nyadika leka jaku sumpah. Tang Aku udah ninga sampi nuan,\\n20 lalu ukum ti deka diasuh Aku ninggang Jerusalem enda nyadi sebedau nuan mati. Aku deka ngasuh nuan mati enggau selamat.” Bala sida lalu pulai mai pesan nya ngagai Raja Josiah.\\nJosiah Madamka Pengawa Besembahka Engkeramba\\n1 Raja Josiah lalu mesanka semua bala tuai orang Judah enggau bala tuai orang ke diau di Jerusalem.\\n2 Sida lalu mansang ngagai Rumah Sembiang, disempulang bala imam enggau bala nabi, enggau semua orang mayuh ke kaya enggau ke seranta. Raja lalu macha, di mua semua sida, bup sempekat ti udah ditemu dalam Rumah Sembiang.\\n3 Iya bediri ngimbai tiang ti besai ti diraja, lalu ngaga siti sempekat enggau TUHAN, madahka diri deka ngasika TUHAN, deka nitihka adat enggau pesan TUHAN enggau pengabis ati enggau semengat iya, lalu ngereja semua atur sempekat nya, munyi ti ditulis dalam bup nya. Semua orang mayuh lalu besemaya deka nitihka sempekat nya.\\n4 Udah nya Josiah lalu ngasuh Imam Besai Hilkiah, bala imam ti nyadi penulung Hilkiah, enggau bala jejaga ke bekereja sehari nya ba mua pintu Rumah Sembiang, ngasuh sida mai ari Rumah Sembiang nya semua utai ti dikena nyembah Baal, petara indu Aserah, enggau kena nyembah bintang. Raja lalu nunu semua utai nya di luar nengeri, ba Lebak Kidron, lalu udah nya, ngasuh orang mai amau utai nya ngagai Betel.\\n5 Iya lalu muai semua bala imam ti udah dichiri raja menua Judah ngenjuk piring ba alta orang kapir dalam menua Judah, enggau ba endur semak nengeri Jerusalem. Sida imam tu nyengkaum semua bala imam ti udah ngenjuk piring ngagai Baal, ngagai mata hari, ngagai bulan, enggau ngagai bintang.\\n6 Iya muai tanda petara indu Aserah ari Rumah Sembiang, mai utai nya pansut ari nengeri nya, ngagai Lebak Kidron, nunu iya, nutuk iya nyadi amau, lalu naburka amau nya ba kubur orang mayuh.\\n7 Iya ngerusak endur alai bala sundal diau dalam Rumah Sembiang TUHAN. (Rumah Sembiang tu endur alai bala indu ke nenun baju panjai ti dikena orang nyembah petara Aserah.)\\n8 Iya mai ngagai Jerusalem bala imam ari mayuh bengkah nengeri di menua Judah, lalu ngamahka semua alta alai sida ke udah ngenjuk piring di serata menua Judah. Iya mega ngeruntuhka alta ti udah diserahka ngagai bala antu kambin semak pintu ti digaga Josua ti udah nyadi tuan gabenor ke nengeri nya. Alta nya muak ke kiba pintu ngagai nengeri nya.\\n9 Bala imam nya enda tau bekereja dalam Rumah Sembiang, tang sida tau makai roti ti enda beragi, ti diberi ngagai orang bukai ti nyadi imam baka sida.\\n10 Raja Josiah mega ngamahka Topet, iya nya endur alai orang kapir nyembah petara Molek ba Lebak Hinom, ngambika orang nadai ulih nyerahka anak lelaki tauka anak indu sida nyadika piring tunu ngagai petara nya.\\n11 Iya mega muai kuda ti udah dikena bala raja menua Judah nyembah mata hari, lalu iya nunu kerita perang ti udah dikena nyembah mata hari. (Kerita perang nya ditaruh ba tengah laman Rumah Sembiang, semak pintu penama, enda jauh ari bilik ti alai Natan Melek, siku pemesai ti tinggi pangkat, diau.)\\n12 Raja Josiah ngeruntuhka semua alta ti udah digaga raja orang Judah ba perabung istana, ari atas endur alai Raja Ahas diau, sama enggau alta ti udah digaga Raja Manasi ba dua iti tengah laman Rumah Sembiang. Iya ngeredakka semua alta nya, lalu nikauka sida ngagai Lebak Kidron.\\n13 Josiah ngamahka semua alta ti di timur nengeri Jerusalem, ari selatan Bukit Pengerusak, ti udah digaga Raja Solomon alai nyembah petara indu Astarte orang Sidon, petara Kemos orang Moap, enggau petara Molek orang Amon.\\n14 Raja Josiah ngeredakka tiang batu, nebang tanda petara indu Aserah, lalu ngelamun tanah ti udah alai tiang nya bediri, ngena tulang mensia.\\n15 Josiah mega ngeruntuhka endur alai besembiang ti udah digaga Raja Jeroboam anak Nebat di Betel. Raja nya udah nguluka orang Israel bedosa. Josiah ngeruntuhka alta nya, ngeredakka batu alta nya, lalu nutuk batu nya nyadi amau. Iya mega nunu engkeramba Aserah.\\n16 Udah nya Josiah malik, lalu tepedaka kubur ba bukit. Iya lalu ngasuh orang ngambi tulang ari kubur nya, lalu nunu tulang nya ba alta nya. Nya meh chara iya ngamahka alta nya. Iya ngereja utai ti udah disebut siku nabi lama dulu ari nya, ba maya gawai, lebuh Raja Jeroboam bediri ngimbai alta. Raja Josiah malik lalu tepedaka kubur nabi ti udah bejaku madahka utai nya deka nyadi.\\n17 “Lumbung sapa nya?” ku iya nanya. Orang Betel lalu nyaut, “Nya lumbung siku nabi ari menua Judah ti udah madahka pasal utai ti dikereja nuan ngagai alta tu.”\\n18 “Anang negu kubur nya,” ku Josiah bejaku. “Tulang iya enda tau dipindahka.” Nya alai tulang nabi nya enda dipindahka, lalu pia mega tulang nabi ti udah datai ari Samaria.\\n19 Raja Josiah ngeruntuhka semua endur alai orang kapir nyembah petara sida. Palan nya udah digaga bala raja orang Israel ba genap bengkah nengeri di menua Israel, lalu utai nya udah nyungkak TUHAN ringat. Raja Josiah ngeruntuhka semua alta nya baka ke udah dikereja iya di Betel.\\n20 Iya munuh semua bala imam orang kapir ba alta alai sida ke bekereja, lalu nunu tulang mensia ba semua alta nya. Udah nya iya pulai ngagai Jerusalem.\\nJosiah Ngintu Gawai Paska\\n21 Raja Josiah lalu ngasuh orang mayuh ngintu Gawai Paska kena ngemesaika TUHAN Allah Taala sida, munyi ti ditulis dalam bup sempekat.\\n22 Nadai Gawai Paska ti baka nya udah kala diintu sida raja menua Israel tauka sida raja menua Judah, kenyau ari maya menua nya diperintah bala pengulu dulu kelia.\\n23 Nya alai diatu, dalam taun ti kelapan belas Josiah megai perintah, Gawai Paska tu diintu di Jerusalem.\\nUbah Bukai Ti Dikereja Josiah\\n24 Kena iya neritka adat ti ditulis dalam bup ti udah ditemu Imam Besai Hilkiah dalam Rumah Sembiang, Raja Josiah lalu muru ari Jerusalem enggau ari semua menua Judah, semua orang ke bejaku enggau semengat orang ke udah mati, enggau semua orang ke betilitka nasit, semua petara ruang bilik, engkeramba, enggau semua utai ti disembah orang kapir.\\n25 Nadai raja ti dulu menya bisi udah kala betuaika TUHAN enggau pengabis ati, pengabis runding, enggau pengabis pengering iya, ngasika semua Adat Moses, baka Raja Josiah. Udah lepas iya pen nadai ga raja ti sebaka enggau iya.\\n26 Tang TUHAN udah balat ringat ngagai orang Judah ketegal utai ti udah dikereja Raja Manasi. Indah diatu deh pengeringat TUHAN apin padam.\\n27 Ku TUHAN bejaku, “Aku deka ngereja menua Judah baka ke udah dikereja Aku ngagai menua Israel. Aku deka muai orang Judah ari mua Aku, lalu Aku deka nulak Jerusalem, nengeri ti udah dipilih Aku, enggau Rumah Sembiang, endur ti udah diletak Aku alai Aku patut disembah.”\\nPengujung Perintah Josiah\\n28 Semua utai bukai ti udah dikereja Raja Josiah bisi dituliska magang dalam Jerita Lama Bala Raja Menua Judah.\\n29 Lebuh Josiah agi nyadi raja, Raja Neko menua Ejip nguluka bala soldadu iya mansang ngagai Sungai Eupratis, deka nulung raja menua Asiria. Raja Josiah nguji nagang bala soldadu orang Ejip di Megido, lalu iya mati ba perang nya.\\n30 Bala pemesai iya lalu ngengkahka bangkai iya dalam sebuah kerita perang, lalu mai bangkai nya ngagai Jerusalem, alai iya ke lalu dikuburka ba lumbung bala raja. Orang Judah lalu milih anak Josiah ke benama Joahas nyadi raja, lalu sida nata iya.\\nRaja Joahas Menua Judah\\n31 Umur Joahas dua puluh tiga taun lebuh iya nyadi raja menua Judah, lalu iya merintah di Jerusalem tiga bulan. Indai iya Hamutal anak Jeremiah, ari nengeri Libnah.\\n32 Iya bedosa ngelaban TUHAN baka bala aki ini iya.\\n33 Iya badu agi merintah lebuh Raja Neko menua Ejip nangkap iya di Riblah, di menua Hamat, lalu mejalka orang Judah mayar 3,409 kilogram pirak enggau 34 kilogram emas nyadika chukai.\\n34 Raja Neko ngasuh Eliakim anak Josiah empu nyadi raja nganti Josiah, lalu ngubah nama iya ngagai Jehoiakim. Joahas dibai Raja Neko ngagai menua Ejip, lalu iya mati di menua nya.\\nRaja Jehoiakim Menua Judah\\n35 Raja Jehoiakim ngumpul chukai ari orang mayuh nitihka pengaya sida, kena iya ngulihka duit kena mayar chukai ti dipinta raja menua Ejip.\\n36 Umur Jehoiakim dua puluh lima taun lebuh iya nyadi raja menua Judah, lalu iya merintah di Jerusalem sebelas taun. Indai iya Sebidah anak Pedaiah ari nengeri Rumah.\\n37 Jehoiakim bedosa ngelaban TUHAN baka aki ini iya.\\n1 Lebuh Jehoiakim nyadi raja, Raja Nebukadnesar menua Babilon nyerang menua Judah. Jehoiakim nunduk ngagai Raja Nebukadnesar tiga taun. Udah nya iya angkat ngelaban Nebukadnesar.\\n2 TUHAN ngasuh bala soldadu orang Babilon, orang Siria, orang Moap enggau orang Amon ngelaban Jehoiakim ngambika sida ngerusak menua Judah, munyi ti udah disebut TUHAN ngena bala nabi Iya.\\n3 Utai tu nyadi nitihka pesan TUHAN, kena Iya muai orang Judah ari menua nya, ketegal semua dosa ti udah dikereja Raja Manasi,\\n4 kelebih agi laban iya udah munuh mayuh amat orang ke nadai penyalah. TUHAN enggai ngampun iya ketegal penyalah nya.\\n5 Semua utai ti udah dikereja Jehoiakim bisi dituliska magang dalam Jerita Lama Pasal Raja Menua Judah.\\n6 Jehoiakim mati, lalu anak iya Jehoiakin nganti iya nyadi raja.\\n7 Raja menua Ejip enggau bala soldadu iya nadai agi nyerang, laban raja menua Babilon diatu merintah semua menua ti udah dipegai menua Ejip, berengkah ari Sungai Eupratis nyentuk ngagai garis entara menua di utara menua Ejip.\\nRaja Jehoiakin Menua Judah\\n8 Umur Jehoiakin lapan belas taun lebuh iya nyadi raja menua Judah, lalu iya merintah di Jerusalem tiga bulan. Indai iya Nehusta anak Elnatan ari Jerusalem.\\n9 Jehoiakin bedosa ngelaban TUHAN baka apai iya empu.\\n10 Lebuh iya megai perintah, bala soldadu orang Babilon, diuluka bala pemesai Raja Nebukadnesar, datai nyerang Jerusalem lalu ngelulung nengeri nya.\\n11 Lebuh bala soldadu nya ngelulung nengeri nya, Nebukadnesar empu datai di Jerusalem.\\n12 Raja Jehoiakin, enggau indai iya, anak iya, bala pemesai iya, enggau bala pemesai ke ngemataka istana, nunduk magang ngagai bala soldadu orang Babilon. Nebukadnesar nangkap Jehoiakin dalam taun ti kelapan Nebukadnesar nyadi raja.\\n13 Iya lalu nabanka semua pengaya ari Rumah Sembiang, enggau ari istana, ngagai menua Babilon. Munyi ti udah dipadahka TUHAN sebedau utai nya nyadi, Nebukadnesar mechahka semua pekekas ti digaga ari emas ti udah digaga Raja Solomon ke Rumah Sembiang.\\n14 Nebukadnesar nabanka sepuluh ribu iku orang ari Jerusalem, nyengkaum semua orang ke tinggi pangkat, nyadi orang tangkap. Iya mega muai ari menua nya semua orang ke landik bekereja, nyengkaum tukang besi. Semina orang ke pemadu seranta aja ditinggalka iya di menua Judah.\\n15 Nebukadnesar mai Jehoiakin nyadi orang tangkap ngagai menua Babilon, sama enggau indai Jehoiakin, bala bini iya, bala pemesai iya, enggau orang ke tinggi pangkat di menua Judah.\\n16 Nebukadnesar muai ari menua nya ngagai menua Babilon tujuh ribu iku orang ke tinggi pangkat, seribu iku orang ke landik bekereja, nyengkaum semua tukang besi. Semua sida nya orang ke bepengerai lalu tau nyadi soldadu magang.\\n17 Nebukadnesar ngasuh aya Jehoiakin ke benama Mataniah nyadi raja menua Judah, lalu iya mindahka nama Mataniah ngagai Sedekiah.\\nRaja Sedekiah Menua Judah\\n18 Umur Sedekiah dua puluh satu taun lebuh iya nyadi raja menua Judah, lalu iya merintah di Jerusalem sebelas taun. Indai iya Hamutal anak Jeremiah ari nengeri Libnah.\\n19 Raja Sedekiah bedosa ngelaban TUHAN, baka Raja Jehoiakin.\\n20 TUHAN balat amat ringat ngagai orang di Jerusalem enggau ngagai orang di menua Judah, datai ke Iya nyau muai sida ari menua nya.\\n1 Sedekiah angkat ngelaban Raja Nebukadnesar menua Babilon. Nebukadnesar lalu datai enggau bala soldadu iya, lalu nyerang Jerusalem kena sepuluh hari bulan ti kesepuluh dalam taun ti kesemilan Sedekiah megai perintah. Orang Babilon nirika kem sida ari luar nengeri nya, ngaga kuta kena ngelulung nengeri nya,\\n2 lalu ngelulung nengeri nya datai ke taun ti kesebelas Sedekiah nyadi raja.\\n3 Kena semilan hari bulan ti keempat taun nya, lebuh orang balat amat keberuran laban sida nyau nadai agi utai diempa,\\n4 dinding kuta nengeri nya lalu ulih kebus laban munsuh. Tang taja pen orang Babilon ngelulung nengeri nya, semua bala soldadu orang Judah ulih ngerarika diri magang malam nya. Sida rari nengah kebun raja, bejalai nengah pintu ti ba entara dua iti dinding kuta, lalu rari tunga ngagai Lebak Jordan.\\n5 Tang bala soldadu orang Babilon begagaika Raja Sedekiah, lalu nangkap iya ba emperan semak Jeriko. Semua bala soldadu iya lalu ninggalka iya.\\n6 Sedekiah lalu dibai ngagai Raja Nebukadnesar ba nengeri Riblah. Dia Nebukadnesar lalu ngeletak iya diukum.\\n7 Bala anak lelaki Sedekiah lalu dibunuh di mua Sedekiah empu. Udah nya Nebukadnesar lalu ngasuh orang ngeruk leka mata Sedekiah, nanchang iya ngena rantai, lalu mai iya ngagai menua Babilon.\\nRumah Sembiang Dirusak\\n8 Kena tujuh hari bulan ti kelima dalam taun ti kesemilan belas Raja Nebukadnesar udah merintah menua Babilon, Nebusaradan, ti nyadi penyanding penemu raja sereta nyadi tuai soldadu, tama ngagai nengeri Jerusalem.\\n9 Iya nunu Rumah Sembiang, istana enggau rumah semua orang ke tinggi pangkat di Jerusalem\\n10 lalu bala soldadu iya ngeruntuhka dinding kuta nengeri nya.\\n11 Udah nya Nebukadnesar lalu nabanka orang ke agi tinggal di nengeri nya ngagai menua Babilon. Iya mega nabanka bala orang ke landik gawa, ti agi tinggal, enggau orang ke udah ngerarika diri lalu ngalih ari bala soldadu orang Babilon.\\n12 Tang iya ninggalka orang ke pemadu seranta di menua Judah, orang ke nadai reta tengkira, lalu ngasuh sida bekereja dalam kebun anggur, enggau ba umai.\\n13 Orang Babilon lalu mechahka tiang temaga, enggau kerita surung ti dalam Rumah Sembiang, sama enggau tangki temaga siti ti besai, lalu nabanka semua temaga nya ngagai menua Babilon.\\n14 Sida mega nabanka pengauk enggau sarang amau ti dikena nuchi alta, pekekas ti dikena nungkun lampu, mangkuk ti dikena nimbun darah ari piring, mangkuk alai nunu menyan, enggau semua pekekas bukai ti digaga ari temaga ti dikena ngereja pengawa dalam Rumah Sembiang.\\n15 Sida nabanka semua utai ti digaga ari emas tauka pirak, nyengkaum mangkuk ti mit enggau talam kena mai bara api.\\n16 Utai ti digaga Solomon ari temaga ke Rumah Sembiang, iya nya dua batang tiang, kerita surung, enggau tangki ti besai, nya kelalu besai ditimbang.\\n17 Tiang ti dua batang nya sebaka tukuh. Peninggi siti-siti tiang nya 8 meter, lalu puchuk iya disangkum ngena temaga. Peninggi siti-siti sangkum nya 1.3 meter. Siti-siti sangkum nya dibelit ngena ukir buah delima ti digaga ari temaga.\\nOrang Judah Ditabanka Ngagai Menua Babilon\\n18 Nambahka nya, Nebusaradan, pemesai ti nyadi tuai soldadu, mai Imam Besai Seraiah, imam ke lumur dua nangkanka Sepaniah, enggau tiga iku agi pemesai ari Rumah Sembiang.\\n19 Iya ngambi ari nengeri nya siku pemesai soldadu ti udah nyadi tuai soldadu, lima iku penyanding penemu raja ti agi di nengeri nya, penulung tuai soldadu ke nyimpan cherita pasal pengawa soldadu, enggau enam puluh iku orang bukai ti tinggi pangkat.\\n20 Nebusaradan mai sida ngagai raja menua Babilon ti agi benung di Riblah\\n21 di menua Hamat. Raja nya lalu ngasuh sida dipalu lalu dibunuh. Nya alai orang Judah dibuai ari menua sida lalu ditabanka ngagai menua Babilon.\\nGedaliah, Tuan Gabenor Menua Judah\\n22 Raja Nebukadnesar menua Babilon ngeletak Gedaliah anak Ahikam, uchu Sapan, nyadi tuan gabenor menua Judah, lalu ngasuh iya nyadi tuai ke semua orang ke enda ditabanka ngagai menua Babilon.\\n23 Lebuh bala pemesai soldadu, enggau soldadu orang Judah ti enda nunduk ninga pasal nya, sida lalu mansang ngagai Gedaliah di Mispah. Bala pemesai nya nyengkaum Ismail anak Netaniah, Johanan anak Kareah, Seraiah anak Tanhumet ari nengeri Netopah, enggau Jesaniah ari Maakah.\\n24 Ku Gedaliah bejaku enggau sida, “Aku madahka ngagai kita, kita enda tau takutka bala pemesai orang Babilon. Diau mendam di menua tu, bekereja ke raja menua Babilon. Nya baru kita enda kena laban penusah.”\\n25 Tang dalam bulan ti kesebelas taun nya, Ismail anak Netaniah, uchu Elisama, siku raban ari ruang bilik raja, mai sepuluh iku orang mansang ngagai Mispah, ngamuk Gedaliah, lalu munuh iya. Iya mega munuh orang Israel enggau orang Babilon ke bisi dia enggau Gedaliah.\\n26 Udah nya semua orang Israel, ke kaya enggau ke seranta, enggau bala pemesai soldadu, angkat lalu mansang ngagai menua Ejip, laban sida takutka orang Babilon.\\nJehoiakin Dilepaska Ari Rumah Jil\\n27 Dalam taun Ebilmerodak nyadi raja menua Babilon, iya ngelepaska Raja Jehoiakin menua Judah ari rumah jil, kena iya ngayanka penelap iya ngagai raja Jehoiakin. Utai tu nyadi kena dua puluh tujuh hari bulan ti kedua belas, tiga puluh tujuh taun udah bekau Jehoiakin ditabanka nyadi orang tangkap.\\n28 Ebilmerodak nelap enggau iya, lalu masa iya lebih agi ari iya ke masa raja bukai ti udah dibuai enggau iya ngagai menua Babilon.\\n29 Nya alai Jehoiakin dikemendarka nukar gari ti dikena iya dalam rumah jil ngagai gari iya empu, lalu makai enggau raja sepemanjai umur iya.\\n30 Genap hari, sekumbang iya ti agi idup, iya diberi elaun kena iya meli utai ti dipeguna iya.","num_words":21010,"character_repetition_ratio":0.078,"word_repetition_ratio":0.024,"special_characters_ratio":0.208,"stopwords_ratio":0.32,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Panjung dua menyadi nyelamat rumah sida kena serungkai – Suara Sarawak – Bukan Sekadar Akhbar\\nYou are here:Home-RUAI-Panjung dua menyadi nyelamat rumah sida kena serungkai\\nKOTA SAMARAHAN: Panjung minta tulung dua diri menyadi ngujungka siku lelaki ke benung rindang nyerungkai rumah sida di Muara Tuang Park ditu malam tadi tekenyit.\\nPekara tu ditemu tudah ke empu rumah, beumur 12 enggau 14, lebuh tepedaka siku lelaki nadai dikelala dalam rumah, seduai terus manjung minta tulung ngujungka saspek terus ngelarika diri ari jenila biluk tinduk.\\nKetuai Polis Pelilih Samarahan, DSP Sudirman Kram madah, saspek taja pia mujur ditangkap seraban polis pematau (MPV) Samarahan ti seninjik lengkas datai urung pukul 3.10 lemai.\\nKenu ku iya, saspek lelaki, 23, nya ditemu ngena entukar Proton Iswara rambau raban MPV matau ba Lorong 5D, Taman Punan.\\n“Asil pansik tetemuka saspek nyerungkai rumah nengah chara ngeluit jenila sereta matahka kuil jenila bilik tinduk rumah nya.\\n“Saspek mega udah nabanka siti tabung duit ke bisi RM400,” ku iya nengah sebengkah penerang kemari.\\nTandu iya, saspek udah nya direman pengelama 14 hari bepun 14 Ogos ngambi kes ulih dipansik.\\nKu iya, kes nya dipansuk nitihka Seksyen 457 Kanun Keseksaan.\\nBy NAZIRY HARIZAN|2020-08-14T14:53:59+08:00August 14th, 2020|Categories: RUAI|0 Comments\\nARKIB Select Month December 2020 (27) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":205,"character_repetition_ratio":0.056,"word_repetition_ratio":0.01,"special_characters_ratio":0.326,"stopwords_ratio":0.102,"flagged_words_ratio":0.0,"lang_id_score":0.778,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Sekariah* bisi dua iti sitak ti terang bebida: 1) Bagi 1-8 jaku ti benabi ari nabi Sekariah, ti disebut dalam mayuh bengkah maya berengkah ari taun 520 ngagai taun 512 sebedau pengada Jesus. Jaku ti benabi nya tebal agi genera ti besangkut-paut enggau Jerusalem enggau Rumah Sembiang ti deka digaga baru, pengawa nuchi bala nembiak Allah Taala, enggau pasal rambau Kristus ti deka datai. 2) Bagi 9-14 ngundan mayuh bengkah pesan pasal Kristus ke diadang datai, enggau pasal hari pechara ti penudi.\\nPesan pasal jaku tangkan enggau pengadang (1.1-8.23)\\nUkum ke menua ti semak menua Israel (9.1-8)\\nPemansang enggau pemaik jemah ila (9.9-14.21)\\nTUHAN Ngangauka Bala Nembiak Iya Pulai Baru Ngagai Iya\\n1 Dalam bulan ti kelapan, kedua taun Darius nyadi raja besai menua Persia, TUHAN meri pesan tu ngagai nabi Sekariah anak Berekiah, uchu Ido. Ku Iya bejaku,\\n2 “TUHAN udah balat amat ringat ngagai bala aki ini kita.\\n3 Nya alai sebut ngagai sida: Ku TUHAN ti Pemadu Bekuasa bejaku: Pulai baru ngagai Aku, lalu Aku deka pulai baru ngagai kita.\\n4 Anang baka aki ini kita.Dulu kelia bala nabi meri sida pesan, nagang sida ngereja penyai, ngambika sida enda agi bedosa. Tang sida enggai mending tauka ngasika Aku, ku TUHAN bejaku.\\n5 Dini alai bala aki ini kita diatu? Kati bala sida nabi idup belama iya?\\n6 Tang jaku enggau adat Aku, ti udah diberi Aku ngena bala nembiak Aku, iya nya bala sida nabi, udah nyadi ba sida. Nya alai sida nesal ati lalu bejaku, “TUHAN ti Pemadu Bekuasa, udah ngukum kitai setipak enggau penyalah kitai, nitihka pelan Iya.”\\nNabi Begenera Meda Kuda\\n7 Kena dua puluh empat hari bulan ti kesebelas (bulan Sebat), kedua taun Darius nyadi raja, TUHAN meri ngagai aku siti pesan dalam genera lebuh malam hari.\\n8 Dalam genera malam nya aku tepedaka siku orang nepan kuda ti mirah.Iya udah ngetu ba madang kayu maitel ba siti lebak, lalu iya dititihka kuda ti bukai - kuda ti mirah, ti belang, enggau ti burak.\\n9 Aku lalu nanya, “Tuan, nama utai nya?”\\nKu melikat ke bejaku enggau aku nyaut aku, “Aku deka madahka utai nya ngagai nuan.\\n10 Orang ke bediri ba madang kayu maitel lalu nyaut, “Sida tu orang ke udah dikirumka TUHAN matau dunya.”\\n11 Sida lalu bejaku ngagai melikat TUHAN ti bediri ba madang kayu maitel: “Kami udah matau dunya, lalu nemu dunya bisi pemaik.”\\n12 Udah nya melikat TUHAN lalu bejaku, “TUHAN ti Pemadu Bekuasa, Nuan udah ringat ngagai Jerusalem enggau ngagai semua nengeri menua Judah dalam pengelama tujuh puluh taun.Ni pengelama nuan agi ringat sebedau Nuan ngayanka pengasih Nuan ngagai sida?”\\n13 TUHAN lalu nyaut melikat nya enggau jaku siru.\\n14 Melikat nya ngasuh aku madahka utai ti udah disebut TUHAN ti Pemadu Bekuasa: “Aku balat amat rindu sereta sayauka Jerusalem, nengeri Aku ti kudus,\\n15 lalu Aku balat amat ringat ngagai bansa bukai ti diau dalam pemaik.Laban lebuh Aku enda tentu ringat ngagai bala nembiak Aku, makin balat agi ga sida bansa bukai merinsaka bala nembiak Aku.\\n16 Nya alai Aku udah pulai baru ngagai Jerusalem, deka ngayanka pengasih Aku. Rumah Sembiang deka didirika baru, lalu kuta nengeri nya deka digaga baru.”\\n17 Melikat nya mega ngasuh aku nyebut tu: “TUHAN ti Pemadu Bekuasa madahka semua nengeri Iya deka nyadi kaya-raja baru, lalu Iya deka sekali agi nulung Jerusalem, lalu milih nengeri nya nyadika nengeri Iya Empu.”\\nGenera Pasal Tanduk\\n18 Dalam siti agi genera aku tepedaka empat iti tanduk sapi.\\n19 Aku nanya ngagai melikat ti udah bejaku ngagai aku, “Nama reti tanduk nya?” Ku iya nyaut, “Sida nya nunjukka mayuh bengkah perintah di dunya tu ti udah ngachirka orang Judah, orang Israel enggau orang ari Jerusalem.”\\n20 Udah nya TUHAN lalu ngayanka ngagai aku empat iku tukang besi. 21 Aku lalu nanya ngagai Iya, “Nama utai ti deka dikereja sida?” Ku Iya nyaut, “Sida datai laban sida deka ngemba lalu ngalahka semua bansa ti udah ngalahka menua Judah, sereta ngachirka bala nembiak\\nGenera Meda Tali Penyukat\\n1 Dalam siti agi genera, aku tepedaka siku orang megai tali penyukat.\\n2 “Deka kini ke nuan?” ku aku nanya. “Ka nyukat Jerusalem,” ku iya nyaut, “ke nemu pemanjai enggau pemesai nengeri nya.”\\n3 Udah nya melikat ti udah berandau enggau aku mansang ke mua, lalu siku agi melikat mansang betemu enggau iya,\\n4 lalu bejaku ngagai iya, “Alai nuan belanda lalu padahka ngagai orang bujang nya: Jerusalem deka nyadi baka genturung pendiau ti nadai dinding kuta, laban mensia enggau jelu tupi deka kelalu mayuh dalam nengeri nya.\\n5 Laban Aku deka nyadi kuta api ngelingi nengeri nya, lalu Aku deka bemulia dalam nengeri nya.”\\nOrang Ke Udah Dibuai Dikangauka Pulai\\n6-7 Ku TUHAN bejaku ngagai bala nembiak Iya, “Aku udah ngachirka kita ngagai semua endur. Tang diatu, kita ke udah kena buai, enda tau enda rari ari menua Babilon lalu pulai baru ngagai Jerusalem.\\n8 Barang sapa nyerang kita, nyerang orang ke pemadu dikesayauka Aku.” Nya alai TUHAN ti Pemadu Bekuasa ngasuh aku mai pesan tu ngagai semua bansa ti udah ngerumpak bala nembiak Iya:\\n9 “TUHAN Empu deka ngelaban kita, lalu kita deka dirumpak orang ke udah nyadi ulun kita.” Lebuh utai tu nyadi, nya baru semua orang deka nemu aku amat udah dikirumka TUHAN ti Pemadu Bekuasa.\\n10 Ku TUHAN bejaku, “Belagu enggau ati ti gaga meh kita orang Jerusalem, laban Aku deka datai lalu diau enggau kita!”\\n11 Lebuh maya nya ila, mayuh bengkah bansa deka datai ngagai TUHAN, lalu nyadika nembiak Iya. Iya deka diau enggau kita, lalu kita deka nemu Iya udah ngirumka aku ngagai kita.\\n12 Judah deka nyadi pesaka TUHAN baru di menua Iya ti kudus, lalu Jerusalem deka nyadi nengeri ti pemadu dikerinduka Iya.\\n13 Anang inggar semua kita di mua TUHAN, laban Iya deka datai ari endur Iya ti kudus.\\nGenera Nabi Sekariah Pasal Imam Besai\\n1 Dalam siti agi genera, TUHAN ngayanka Imam Besai Josua ke benung bediri di mua melikat TUHAN. Lalu Sitan bediri ngimbai Josua, sedia deka bedawaka iya.\\n2 TUHAN lalu bejaku ngagai Sitan,“TUHAN ngerara nuan, Sitan! TUHAN, ti udah milih Jerusalem, ngerara nuan. Ukai enda tu orang ke udah ditarit ari api baka papung unggat?”\\n3 Nyadi Josua ngena gari ti kamah lebuh iya bediri di mua melikat nya.\\n4 Ku melikat nya bejaku enggau bala orang ke bediri di mua iya, “Buka gari ti kamah nya ari iya.”Udah nya iya bejaku ngagai Josua, “Peda nuan, aku baru udah muai dosa nuan, lalu aku deka meri nuan gari ti baru.”\\n5 Aku lalu bejaku, “Rasukka labung ti beresi ba pala iya.” Nya alai sida lalu ngengkahka labung ti beresi ba pala iya, lalu ngerasukka gari ti baru ba iya, di mua melikat TUHAN ti bediri dia.\\n6 Udah nya melikat nya lalu bejaku ngagai Josua,\\n7 “Tu utai ti disebut TUHAN ti Pemadu Bekuasa: Enti nuan ngasika adat aku, lalu ngereja pengawa ti udah diasuh Aku kereja nuan, nya baru nuan deka majak ngemataka Rumah Aku enggau semua balai iya, lalu Aku deka meri nuan kuasa enggau orang bediri ditu.\\n8 Nya alai dinga nuan, Imam Besai Josua, nuan enggau semua pangan nuan ke duduk di mua nuan! Laban sida tu nyadi tanda ke utai ti manah: Aku deka mai nembiak Aku ke dikumbai Dan!\\n9 Laban ba batu sigi ti besegi tujuh ti udah diengkah Aku di mua Josua, Aku deka nebukka siti tulis, ku TUHAN ti Pemadu Bekuasa bejaku, lalu dalam sehari aja Aku deka muai dosa menua tu.\\n10 Ba hari nya ila, ku TUHAN ti Pemadu Bekuasa bejaku, kita deka ngambi ngabang orang ke berimbai pendiau enggau kita ngambika sida gaga ati ngasaika pemaik enggau pengelikun, dikelingi kebun anggur enggau kayu ara kita.”\\nBegenera Meda Tiang Lampu\\n1 Melikat ti udah bejaku enggau aku datai baru, lalu ngerak aku baka ke ngerak orang ke tinduk.\\n2 Iya lalu nanya aku, “Nama utai dipeda nuan?” Aku lalu nyaut, “Siti penuduk lampu ti digaga ari emas, ti bisi mangkuk ba puchuk iya. Ba penuduk lampu nya bisi tujuh iti lampu, lalu tiap-tiap iti lampu nya bisi tujuh iti endur alai engkah sumbu.\\n3 Ngimbai penuduk lampu nya bisi dua batang kayu kana, sekayu muak ari kanan, lalu sekayu muak ari kiba.”\\n4 Aku lalu nanya melikat nya, “Nama reti utai nya, tuan?”\\n5 Melikat nya lalu nyaut aku, “Kati nuan enda nemu nya?” Aku lalu nyaut, “Enda aku nemu, tuan.”\\n6 Iya lalu madahka ngagai aku, “Tu jaku TUHAN ngagai Serubabel: Ukai ngena pengering, ukai ngena kuasa, tang ulih Roh Aku, ku TUHAN ti Pemadu Bekuasa bejaku.\\n7 Sapa nuan nya, O bukit ti besai?Nuan deka digaga nyadi emperan di mua Serubabel.Lalu iya deka mai pansut batu pemun lalu orang mayuh deka manjung, ‘Naka meh penelap Allah Taala!’“\\n8 TUHAN lalu bejaku baru ngagai aku:\\n9 “Jari Serubabel udah nudukka batu pemun Rumah Sembiang tu, lalu jari iya deka mega nembuka Rumah tu.Nya baru kita deka nemu TUHAN ti Pemadu Bekuasa udah ngirumka aku ngagai kita.\\n10 Laban barang sapa ngeleseka hari ti mit tu, deka rami gaga, lalu deka meda tali penyukat enggau batu nya ba jari Serubabel. “Lampu tujuh iti nya mata TUHAN, ti meda semua utai di serata dunya.”\\n11 Udah nya aku nanya iya, “Nama reti dua iti batang kayu kana ti muak ari kanan enggau ari kiba penuduk lampu nya?\\n12 Lalu nama reti dua iti dan kayu kana ti nuang minyak nengah dua iti paip emas nya?”\\n13 Iya lalu nanya aku, “Kati nuan enda nemu nya?”Aku lalu nyaut, “Enda aku nemu, tuan.”\\n14 Iya lalu madahka ngagai aku, “Seduai nya orang ke udah dipilih bediri semak TUHAN ti merintah semua dunya.”\\nGenera Meda Gulung Surat Ti Terebai\\n1 Aku malik baru, lalu sekali tu aku tepedaka siti gulung surat ti terebai.\\n2 Melikat nya nanya aku pasal utai ti dipeda aku.Aku lalu nyaut, “Siti gulung surat ti terebai.Pemanjai iya semilan meter, lalu buka iya empat meter setengah.”\\n3 Lalu ku iya bejaku ngagai aku, “Ba gulung surat nya bisi dituliska jaku sumpah ke semua menua tu. Ba sepiak gulung surat nya, iya madahka genap iku penchuri deka dibuai ari menua tu. Lalu ba sepiak, iya madahka genap iku orang ke ngelanggar sumpah diri empu, deka mega dibuai.\\n4 TUHAN ti Pemadu Bekuasa madahka sumpah nya deka ninggang rumah genap iku penchuri, enggau genap iku orang ke ngelanggar sumpah diri empu.Sumpah nya deka mengkang dalam rumah sida, lalu ngaga rumah nya nyadi tembawai.”\\nGenera Meda Siku Indu Dalam Bakul\\n5 Melikat nya pegari baru, lalu bejaku, “Peda nyin!Bisi siti agi utai bukai pansut!”\\n6 Aku lalu nanya, “Nama utai nya?” Iya lalu nyaut, “Siti bakul pansut. Bakul nya dosa semua menua tu.”\\n7 Tudung ti digaga ari bangkang lalu dikebakka. Aku lalu tepedaka siku indu duduk dalam bakul nya!\\n8 Ku melikat nya bejaku, “Tu penyai.” Iya lalu ngenyakka indu nya ke dalam bakul nya baru, lalu nudung bakul nya baru.\\n9 Udah nya aku engkadah, lalu tepedaka dua iku indu datai terebai nuju aku.Sayap seduai iya kering baka sayap burung undan.Seduai iya lalu ngangkatka bakul nya, lalu terebai.\\n10 Aku lalu nanya ngagai melikat nya, “Kini ke tunga seduai iya mai bakul nya?”\\n11 Disaut iya, “Ngagai menua Babilon, alai sida ke deka ngaga sebuah rumah ke iya.Lebuh rumah nya udah sedia, bakul nya deka diengkah dia, ba penuduk iya.”\\nGenera Pasal Empat Buah Kerita Perang\\n1 Aku begenera baru.Sekali tu aku tepedaka empat buah kerita perang pansut ari entara dua igi bukit temaga.\\n2 Kerita perang ti dulu, ditarit seraban kuda ti bechura mirah. Iya ti kedua, ditarit seraban kuda ti bechura chelum,\\n3 iya ti ketiga, ditarit seraban kuda ti bechura burak, lalu iya ti keempat, ditarit seraban kuda ti bepetik.\\n4 Aku lalu nanya melikat nya, “Nama utai nya, tuan?”\\n5 Ku melikat nya nyaut, “Sida nya empat bengkah ribut ti pansut ari serega, udah bekau sida ke nyerahka diri ngagai TUHAN ti merintah semua dunya.”\\n6 Kerita perang ti ditarit raban kuda ti chelum nya mansang ke utara ngagai Babilon, raban kuda ti burak mansang ke barat, lalu raban kuda ti bepetik mansang ngagai siti menua ti di selatan.\\n7 Lebuh raban kuda ti bepetik pansut, sida kasak-kasak enda liat nganti diri mupuk lalu meresa dunya.Ku melikat nya bejaku, “Mupuk meh kita lalu peresa dunya!” Sida lalu mupuk.\\n8 Udah nya melikat nya lalu bejaku ngagai aku, “Kuda ti mansang ke utara ngagai menua Babilon udah madamka pengeringat TUHAN.”\\nNgasuh Orang Ngerasukka Makota Ba Josua\\n9 TUHAN meri pesan tu ngagai aku.\\n10 Ku Iya, “Ambi pemeri ti diberi orang ke udah dibuai ngagai menua bukai, iya nya Heldai, Tobijah, enggau Jedaiah, lalu mupuk diatu ngagai rumah Josiah anak Sepaniah.Semua sida nya udah pulai ari menua Babilon.\\n11 Gaga siti makota ari pirak enggau ari emas ti udah diberi sida, lalu rasukka makota nya ba pala Imam Besai, Josua anak Josadak.\\n12 Padahka ngagai iya utai ti udah disebut TUHAN ti Pemadu Bekuasa, ‘Orang ke dikumbai Dan deka mansang galak-segalak ba endur alai iya diau, lalu iya deka ngaga Rumah Aku baru.\\n13 Iya nya meh orang ke deka ngaga Rumah Sembiang, lalu deka dibasa baka raja, lalu iya deka merintah bala nembiak iya.Siku imam deka bediri ngimbai kerusi diraja iya, lalu seduai iya deka seati ngereja pengawa enggau pemaik.’\\n14 Makota nya deka disimpan dalam Rumah Aku kena ngingatka Heldai, Tobiah, Jedaiah, enggau Josiah.”\\n15 Orang ke diau jauh deka datai lalu nulung ngaga Rumah Sembiang nya baru.Lalu lebuh Rumah nya udah tembu digaga, nya baru kita deka nemu TUHAN ti Pemadu Bekuasa udah ngirumka aku ngagai kita.Semua utai tu deka nyadi magang enti kita ngasika semua pesan TUHAN Allah Taala kita.\\nTUHAN Ngutuk Orang Ke Bepasa Ukai Ari Ati\\n1 Kena empat hari bulan ti kesemilan (bulan Kislep), keempat taun Darius nyadi raja, TUHAN meri siti pesan ngagai aku.\\n2 Orang Betel udah ngasuh Sareser seduai Regemelek, enggau bala seduai iya mansang ngagai Rumah TUHAN ti Pemadu Bekuasa, lalu besampi minta berekat ari TUHAN\\n3 sereta mai tanya tu ngagai bala imam enggau bala nabi: “Kati kitai patut majak ngulit sereta bepasa dalam bulan ti kelima ke Rumah Sembiang ti udah dirusak, baka ke udah dikereja kitai betaun-taun tu ti udah?”\\n4 Tu pesan TUHAN ti datai ba aku.\\n5 Ku TUHAN bejaku, “Padahka ngagai orang di menua tu, enggau ngagai bala imam, lebuh sida bepasa sereta ngulit dalam bulan ti kelima enggau dalam bulan ti ketujuh, dalam kandang tujuh puluh taun tu ti udah, sida ukai ngereja nya kena ngemesaika Aku.\\n6 Lalu lebuh sida makai ngirup, sida semina ngemuaska diri empu aja.”\\n7 Tu utai ti udah disebut TUHAN ngena bala nabi ke dulu kelia, lebuh maya Jerusalem agi kaya-raja sereta penuh laban mensia, enggau lebuh maya mensia diau, ukai semina dalam nengeri ti mit ngelingi nengeri Jerusalem, tang mega di selatan menua tu, enggau ba sebelah kaki bukit di barat.\\nKena Buai Ngagai Menua Bukai Ketegal Enda Ngasi\\n8 TUHAN meri pesan tu ngagai Sekariah:\\n9 “Dulu kelia Aku meri pesan tu ngagai bala nembiak Aku: ‘Kita enda tau enda nentuka atur ti lurus dipejalaika, lalu kita enda tau enda ngayanka penelap enggau pengasih ngagai pangan diri.\\n10 Anang nekanka pengidup indu ke balu, orang ke nadai apai indai, orang kampar ti diau begulai enggau kita, tauka orang ke suntuk.Lalu anang bekiraka jalai ngemediska pangan diri.’\\n11 “Tang bala nembiak Aku kieh, lalu enggai mending. Sida nutup runding sida\\n12 lalu ngasuh ati sida kering baka batu. Nya alai laban sida enggai mendingka ajar ti diberi Aku beseruanka sida nabi ke idup dulu kelia, Aku balat amat ringat.\\n13 Laban sida enda mending lebuh Aku bejaku, nya alai Aku enda nyaut lebuh sida besampi.\\n14 Aku baka kabut, ngebuka sida lalu ngasuh sida diau di menua bukai.Menua ti manah tu ditinggalka sunyi, nadai orang nguan.”\\nTUHAN Besemaya Deka Nirika Jerusalem Baru\\n1 TUHAN ti Pemadu Bekuasa meri pesan tu ngagai Sekariah:\\n2 “Aku endang lama udah keran deka nulung Jerusalem laban pemalat Aku rinduka nembiak iya, pengerindu ti udah nyungkak Aku ringat ngagai bala munsuh iya.\\n3 Aku deka pulai baru ngagai Jerusalem, nengeri Aku ti kudus, lalu diau dia. Iya deka dikumbai nengeri ti tetap ati, lalu bukit TUHAN ti Pemadu Bekuasa deka dikumbai bukit ti kudus.\\n4 Sida lelaki enggau sida indu ke tuai umur ke betungkat lebuh sida bejalai, deka duduk baru ba padang nengeri.\\n5 Lalu jalai raya deka penuh laban nembiak ti lelaki enggau ti indu bemain ba jalai raya nengeri nya.\\n6 “Utai tu baka ke enda ulih nyadi enti nitihka pikir orang Israel ti agi idup, tang ba Aku nadai utai enda ulih dikereja.\\n7 Aku deka ngelepaska bala nembiak Aku ari menua ti alai sida udah ditabanka,\\n8 lalu Aku deka mai sida pulai baru ari timur enggau ari barat, ngambika sida diau di Jerusalem. Sida deka nyadi nembiak Aku, lalu Aku deka nyadi Allah Taala sida, lalu Aku deka merintah sida enggau ati ti tetap sereta enggau pengelurus.\\n9 “Kita enda tau enda berani! Kita diatu benung ningaka jaku ti udah disebut bala nabi lebuh batu pemun Rumah Sembiang TUHAN didudukka alai nirika Rumah Sembiang nya baru.\\n10 Sebedau nya suba, nadai orang ulih ngaji mensia tauka nyua jelu, lalu nadai orang likun ari munsuh.Aku udah ngasuh orang ngelaban pangan diri.\\n11 Tang diatu Aku ngereja utai ti lain agi ari nya ngagai bala nembiak Aku ti agi idup.\\n12 Sida deka nanam gandum lalu sida nadai utai ngachau.Batang anggur sida deka bebuah, tanah deka mansutka asil, hari deka selalu ujan.Aku deka meri semua berekat tu ngagai bala nembiak Aku ti agi idup.\\n13 Kita orang Judah enggau orang Israel!Dulu menya orang bansa bukai udah nyumpah pangan diri, ‘Awakka penusah besai baka ke ninggang orang Judah enggau orang Israel, mega ninggang nuan!’Tang Aku deka ngidupka kita.Nya baru orang bansa bukai deka nyebut ngagai pangan diri, ‘Awakka nuan bulih\\nberekat baka ke diterima orang Judah enggau orang Israel!’ Nya alai, anang takut, tang berani.”\\n14 Ku TUHAN ti Pemadu Bekuasa bejaku, “Lebuh aki ini kita kelia ngereja utai ti nyungkak Aku ringat, Aku ngasuh penusah ti besai ninggang sida, lalu Aku enda ngubah runding Diri, tang bejalaika pelan nya.\\n15 Tang diatu Aku deka merekatka orang Jerusalem enggau orang Judah. Nya alai anang takut.\\n16 Tu utai ti patut dikereja kita: sebut utai ti bendar ngagai pangan diri. Dalam kot, beri atur ti lurus - atur ti mai pemaik.\\n17 Anang bekira deka ngemediska pangan diri.Anang besaksi bula lalu ngelanggar sumpah diri empu.Aku begedika pemula, atur ti enda lurus, enggau ulah ti kasar.”\\n18 TUHAN ti Pemadu Bekuasa meri pesan tu ngagai Sekariah:\\n19 “Pengawa bepasa ti dikereja dalam bulan ti keempat, bulan ti kelima, bulan ti ketujuh enggau bulan ti kesepuluh deka nyadi gawai lantang ati enggau pengaga ke orang Judah.Kita enda tau enda rinduka pemendar enggau pemaik.”\\n20 Ku TUHAN ti Pemadu Bekuasa bejaku, “Maya deka datai alai mensia ari mayuh bengkah nengeri deka datai ngagai Jerusalem.\\n21 Sida ke datai ari nengeri siti deka nyebut ngagai sida ke datai ari nengeri bukai, ‘Kami deka nyembah TUHAN ti Pemadu Bekuasa.Aram mupuk enggau kami!’\\n22 Mayuh bansa enggau menua ti bekuasa deka datai ngagai Jerusalem, deka nyembah TUHAN ti Pemadu Bekuasa, lalu besampi minta berekat ari Iya.\\n23 Lebuh maya nya ila, sepuluh iku orang ari bansa bukai deka mansang ngagai siku orang Judah lalu bejaku, ‘Kami ingin deka enggau kita, laban kami udah ninga Allah Taala bisi enggau kita.’“\\nMenua Ti Berimbai Enggau Menua Israel Diakim\\n1 Tu pesan TUHAN: Iya udah ngeletak ukum ke menua Hadrak enggau ke nengeri Damaskus. Ukai semina raban bansa orang Israel aja, tang indu nengeri menua Siria mega enggi TUHAN.\\n2 Hamat ti bekunsi entara menua enggau Hadrak, mega enggi TUHAN, lalu baka nya mega nengeri Tire enggau Sidon, enggau semua pengelandik sida.\\n3 Nengeri Tire udah ngaga kuta ke diri empu lalu udah nugungka mayuh amat pirak enggau emas datai ke utai nya nyau ngemayuh pasir ti ba jalai raya!\\n4 Tang TUHAN deka ngerampas semua utai ti dikemisi iya.TUHAN deka nikauka pengaya nengeri Tire ngagai tasik, lalu nengeri nya deka ditunu retung.\\n5 Nengeri Askelon deka meda utai nya nyadi lalu takut.Nengeri Gasa deka meda utai nya lalu tusah ati.Baka nya mega Ekron, laban iya nadai utai diadang agi.Gasa deka mati raja, lalu Askelon nadai orang nguan.\\n6 Orang penakan deka diau di Asdot.Ku TUHAN bejaku, “Aku deka ngemaruhka orang Pilistin ti sumbung.\\n7 Sida enda agi makai dagin ti agi bedarah, tauka makai pemakai bukai ti enda tau diempa.Semua sida ke agi idup deka nyadi raban nembiak Aku, lalu deka nyadi baka suku raban bansa di menua Judah.Ekron deka nyadi raban nembiak Aku, baka orang Jebus.\\n8 Aku deka nyaga menua Aku, lalu nagang bala soldadu bejalai ngerenchah menua tu. Aku enggai agi ngemendarka raja ti jai nekanka pengidup bala nembiak Aku.Aku udah meda pemalat bala nembiak Aku merinsa.”\\nRaja Ke Jemah Ila\\n9 Rami gaga ati, rami gaga meh kita orang Sion! Manjung gaga ati meh kita orang Jerusalem! Peda kita, raja kita datai ngagai kita! Iya datai mai pemenang, tang iya baruh ati lalu nepan siku keledai, siku anak keledai ti agi biak, ti diadaka keledai.\\n10 Ku TUHAN bejaku, “Aku deka muai kerita perang ari menua Israel lalu ngerampas kuda ari Jerusalem.Panah ti dikena beperang, deka dirusak. Raja kita deka ngasuh mayuh bengkah bansa bebaik enggau pangan diri. Iya deka merintah ari tasik siti ngagai tasik siti, ari Sungai Eupratis ngagai ujung dunya.”\\nAllah Taala Ngambi Bala Nembiak Iya Baru\\n11 Ku TUHAN bejaku, “Ketegal sempekat Aku enggau kita ti udah ditanggam ngena darah ari piring, Aku deka ngelepaska kita ari menua bukai ti udah nyadi endur alai kita dibuai baka orang ke dikurung dalam lubang kebung ti rangkai.\\n12 Pulai meh kita ke udah dibuai ngagai menua bukai, ke bisi pengadang diatu. Pulai ngagai endur ti likun. Diatu Aku madahka ngagai kita, Aku deka meri kita berekat dua kali lipat kena mansi semua pemerinsa ti udah ditatka kita.\\n13 Aku deka ngena Judah baka panah soldadu lalu ngena Israel baka laja. Aku deka ngena lelaki orang Sion baka pedang, ngelaban orang Gerika.”\\n14 TUHAN deka pegari di mua sida nembiak Iya. Iya deka nimbakka laja Iya baka kilat. TUHAN ti Pemadu Tinggi deka nyepu terumpit. Iya deka bejalai dalam biaubalai ari selatan.\\n15 TUHAN ti Pemadu Bekuasa deka nyaga bala nembiak Iya, lalu sida deka ngerusak bala munsuh sida. Lebuh sida beperang, sida deka manjung baka orang ke mabuk lalu ngirup darah munsuh sida. Darah munsuh deka rarat baka darah piring ti dibubuhka ba alta ari mangkuk.\\n16 Ba hari nya, TUHAN deka ngelepaska bala nembiak Iya, baka pengibun bedus ke ngelepaska raban bedus ari utai ti tau nganu. Sida deka beperenching di menua Iya baka batu berega ti ba makota.\\n17 Naka meh pemanah enggau pemajik menua nya! Sida ke biak deka mansang kering-sekering bepakaika gandum enggau beirupka wain di menua nya.\\nTUHAN Besemaya Deka Meri Pengelepas\\n1 Pinta meh ujan ari TUHAN ngambika hari ujan lebuh musin bungai.TUHAN ti ngasuh mua hari nyadi, enggau ngasuh hari ujan, ngambika utai ti ditanam semua orang tumbuh magang.\\n2 Orang betanyaka utai ngagai engkeramba enggau ngagai orang ke tau tilit, tang saut ti diterima sida nya utai ti bula sereta nadai reti. Sekeda sida nerangka mimpi, tang sida semina nesatka kita.Sida nguji merindang kita, tang utai nya nadai guna. Nya alai orang mayuh bekesegau ngapa baka bedus ti tesat. Sida tusah laban sida nadai tuai ngiring.\\n3 Ku TUHAN bejaku, “Aku ringat ngagai orang bansa bukai ke merintah bala nembiak Aku, lalu Aku deka ngukum sida.Orang Judah endang enggi Aku, lalu Aku TUHAN ti Pemadu Bekuasa, deka ngibun sida.Sida deka nyadi kuda perang Aku ti bekuasa.\\n4 Orang ke merintah sida, bala tuai, enggau bala tuai soldadu, deka datai ari bala sida empu.\\n5 Orang Judah deka menang baka soldadu ke ngelunjak munsuh ba luchak jalai raya.Sida deka ngelaban, laban TUHAN bisi enggau sida.Indah bala munsuh ke nepan kuda deh alah laban sida.\\n6 “Aku deka ngasuh orang Judah kering. Aku deka ngelepaska orang Israel. Aku deka kasihka sida lalu mai semua sida pulai baru ngagai menua sida empu. Sida nadai ngasaika diri udah ditulak Aku. Aku tu TUHAN Allah Taala sida.Aku deka nyaut sampi sida.\\n7 Orang Israel deka kering baka soldadu, lantang ati baka orang ke udah ngirup wain. Peturun sida deka ingatka pemenang tu lalu gaga ati ketegal utai ti udah dikereja TUHAN.\\n8 “Aku deka ngangauka bala nembiak Aku lalu ngempuruka sida. Aku deka ngelepaska sida lalu ngasuh sida mayuh tubuh baka ke dulu menya.\\n9 Taja pen Aku udah ngachirka sida ngagai mayuh bengkah bansa, tang sida ke diau di menua ti jauh deka ingatka Aku. Sida enggau bala anak sida deka meruan idup lalu pulai sama sereta ngagai menua diri empu.\\n10 Aku deka mai sida pulai ari menua Ejip enggau ari menua Asiria lalu ngentapka sida di menua sida empu. Aku deka mega ngentapka sida di Giliat enggau di Lebanon. Semua menua tu deka penuh laban mensia.\\n11 Lebuh sida bejalai ngerenchah tasik penusah, Aku ti TUHAN, deka malu gelumbang, lalu Sungai Nile deka rangkai. Asiria ti sumbung deka dikemaruhka, lalu Ejip ti kering deka lenyau kuasa.\\n12 Aku deka ngasuh bala nembiak Aku kering. Sida deka nyembah lalu ngasika Aku.” TUHAN udah bejaku.\\nRaja Ke Enda Beradat Alah\\n1 Buka pintu nuan, Lebanon, ngambika api ulih nganguska kayu sidar nuan!\\n2 Nyabak duie-duie meh kita kayu saipris laban kayu sidar udah rebah. Kayu ti manah nya udah dirusak! Nyabak duie-duie meh kita kayu oak ti di Basan laban utan ti tebal udah diperimba!\\n3 Bala pemerintah nyabak tusah ati laban mulia sida udah abis! Dinga singa negung, laban utan ti alai sida diau ngimbai Sungai Jordan udah rusak!\\nDua Iku Pengibun Bedus\\n4 Ku TUHAN Allah Taala aku bejaku ngagai aku, “Keluluka diri nyadi pengibun raban bedus ti deka disayat.\\n5 Orang ke bempu sida nyayat sida, lalu orang nya enda diukum.Sida nyual dagin, lalu nyebut, ‘Puji TUHAN!Kitai tu kaya!’Indah orang ke ngibun sida deh enda sinu ati ke sida.”\\n6 (Ku TUHAN bejaku, “Aku enggai agi sinu ati ke orang di dunya.Aku Empu deka ngasuh semua orang mayuh diperintah raja sida.Sida raja nya deka ngerusak dunya, lalu Aku enggai ngelepaska dunya ari kuasa sida.”)\\n7 Sida ke bebeli enggau bejualka bedus nya ngaji aku, lalu aku nyadi pengibun ke bedus ti deka disayat. Aku ngambi dua iti tungkat: siti dikumbai aku “Pengasih” lalu siti dikumbai aku “Penyerakup.” Aku lalu ngibun raban bedus nya.\\n8 Aku enda liat ati enggau tiga iku pengibun bedus ti bukai, ke begedika aku, lalu dalam sebulan aku muai sida tiga.\\n9 Udah nya aku bejaku ngagai raban bedus nya, “Aku enggai agi nyadi pengibun kita.Awakka bedus ti endang deka mati, mati.Awakka bedus ti endang deka dirusak, terus dirusak.Sida ke agi tinggal deka ngerusak pangan diri.”\\n10 Udah nya aku ngambi tungkat ti dikumbai “Pengasih” lalu matahka iya, kena muai sempekat ti udah digaga TUHAN enggau semua bansa.\\n11 Nya alai sempekat nya dibuai lebuh hari nya. Orang ke bebeli enggau bejualka bedus nengkilaka aku, laban sida nemu TUHAN endang bejaku ngena utai ti dikereja aku.\\n12 Ku aku bejaku enggau sida, “Enti kita deka, beri ngagai aku meh gaji aku. Tang enti kita enggai, awakka kita nyimpan gaji aku nya.” Nya alai sida meri ngagai aku tiga puluh singkap pirak nyadika gaji aku.\\n13 Ku TUHAN bejaku ngagai aku, “Simpan pirak nya dalam sarang reta Rumah Sembiang.”Nya alai aku mai tiga puluh singkap duit pirak nya, upah ti dikira sida chukup ke aku, lalu nyimpan duit nya dalam sarang reta Rumah Sembiang.\\n14 Udah nya aku matahka tungkat ti kedua, ti dikumbai “Penyerakup.”Menua Judah enggau menua Israel lalu badu agi beserakup.\\n15 Udah nya TUHAN bejaku ngagai aku, “Keluluka diri sekali agi nyadi pengibun bedus, tang sekali tu nyadi pengibun ti nadai guna.\\n16 Aku udah ngasuh siku pengibun ngemataka raban bedus Aku, tang iya enda nyaup bedus ti deka disayat. Iya enda mega ngiga bedus ti tesat, tauka ngeraika iya ti kena laban pemedis, tauka engkani bedus ti bepengerai, tang iya makai dagin bedus ti pemadu gemu. Indah tunjing bedus nya deh abis dikuyaska iya.\\n17 Tulah meh pengibun bedus ti nadai guna nya, ke udah ninggalka raban bedus.Kuasa iya deka dirusak abis lebuh maya perang.Lengan iya deka lupis, lalu mata kanan iya deka buta.”\\nPengelepas Ke Nengeri Jerusalem Jemah Ila\\n1 Tu pesan pasal Israel ari TUHAN, TUHAN ti mintarka langit lalu ngaga dunya, lalu meri pengidup ngagai mensia. Ku Iya bejaku,\\n2 “Aku deka ngasuh Jerusalem nyadi baka semangkuk wain.Semua bansa ti ngelingi iya deka ngirup ari mangkuk nya lalu guir-guir bejalai baka orang ke mabuk.Lalu lebuh sida ngelulung Jerusalem, semua nengeri ti bukai di menua Judah deka mega dikelulung sida.\\n3 Tang ba maya nya ila, Aku deka ngaga Jerusalem nyadi baka batu ti berat. Semua bansa ti nguji nanggung iya, deka bebadi.Semua bansa di dunya tu deka beserakup nyerang iya.\\n4 Lebuh maya nya ila Aku deka ngasuh kuda sida begau abis ati, lalu ngasuh semua orang ke nepan kuda gila magang. Aku deka nyaga orang Judah, tang Aku deka ngasuh kuda bala munsuh sida buta.\\n5 Udah nya suku raban bansa ti diturunka Judah deka bejaku dalam ati diri, ‘TUHAN ti Pemadu Bekuasa meri pengering ngagai nembiak Iya ti diau di Jerusalem.’\\n6 “Lebuh maya nya ila Aku deka ngasuh suku raban bansa ti diturunka Judah nyadi baka api ti dalam utan, tauka nyadi baka api ba padang gandum ti udah mansau - sida deka ngerusak semua bansa ti ngelingi sida. Orang Jerusalem deka mengkang diau likun dalam nengeri nya.\\n7 “Aku ti TUHAN, deka meri pemenang ngagai bala soldadu Judah dulu, ngambika basa ti deka diterima peturun David enggau orang Jerusalem, enda lebih besai agi ari basa ti deka diterima orang Judah ti bukai.\\n8 Lebuh maya nya ila TUHAN deka nyaga orang ke diau di Jerusalem, datai ke orang ke pemadu lemi ari bala sida deh nyadi kering baka David. Peturun David deka nguluka sida baka melikat TUHAN, baka Allah Taala empu.\\n9 Lebuh maya nya ila, Aku deka ngerusak semua bansa ti nguji nyerang Jerusalem.\\n10 “Aku deka ngirika roh pengasih enggau roh besampi ngagai bala peturun David enggau orang bukai ti diau di Jerusalem.Sida deka merening ngagai orang ke mati dibanchak sida, lalu sida deka ngulitka iya baka orang ke ngulitka anak tunggal diri, lalu duie-duie nyabakka iya, baka orang ke mati anak tuai.\\n11 Lebuh maya nya ila, Jerusalem deka balat ngulit baka orang ke ngulitka Hadat Rimon ba emperan Megido.\\n12-14 Genap ruang bilik di menua nya deka ngulit kediri-diri: ruang bilik peturun David, ari peturun Natan, ari peturun Lewi, ari peturun Simei, enggau semua ruang bilik ti bukai. Genap ruang bilik deka ngulit kediri-diri, lalu sida ke lelaki ari ruang bilik siti-siti deka ngulit kediri-diri, lalu bini sida ngulit kediri-diri.\\n1 Ku TUHAN ti Pemadu Bekuasa bejaku, “Lebuh maya nya ila, siti ai ti engkeching deka dibuka kena nuchi peturun David enggau orang Jerusalem ari dosa sida enggau ari penyalah sida ke besembahka engkeramba.\\n2 Lebuh maya nya ila Aku deka muai semua nama engkeramba ari menua tu, lalu nadai orang agi ingatka sida. Aku deka muai orang ke ngumbai diri nabi, lalu muai ati ti seruran deka besembahka engkeramba.\\n3 Udah nya, enti orang deka majak benabi, apai enggau indai iya empu deka bejaku enggau iya, madahka iya enda tau enda dibunuh, laban iya ngumbai diri nyebut jaku TUHAN, tang iya ti bendar iya nyebut utai ti bula. Lebuh iya benabi, apai enggau indai iya empu deka manchak iya datai ke mati.\\n4 Lebuh maya nya ila, nadai siku nabi deka temegahka genera diri, tauka ngeluluka diri nyadi nabi, tauka bekenaka gari ti kasar baka ke dikena nabi, lalu nipu orang mayuh.\\n5 Tang iya deka nyebut, ‘Aku ukai nabi.Aku tu orang bumai.Aku udah bumai tanah tu seumur idup.’\\n6 Udah nya, enti orang bisi nanya iya, ‘Nama telih ti ba dada nuan nya?’ iya deka nyaut, ‘Aku telih ba rumah pangan aku.’“\\nAtur Ngasuh Munuh Pengibun Bedus Allah Taala\\n7 Ku TUHAN ti Pemadu Bekuasa bejaku, “Dani, pedang, lalu serang pengibun nya ke bekereja ke Aku!Bunuh iya, ngambika raban bedus pambar. Aku deka nyerang bala nembiak Aku\\n8 lalu di serata menua tu dua bagi ari tiga bagi orang deka mati.\\n9 Lalu Aku deka nguji sebagi ari tiga bagi ti agi idup, lalu deka nuchi sida baka ke nuchi pirak ngena api. Aku deka nguji sida baka ke nguji emas.Nya baru sida deka besampi ngagai Aku, lalu Aku deka nyaut sida.Aku deka madahka sida nya nembiak Aku, lalu sida deka ngaku Aku Allah Taala sida.”\\nJerusalem Enggau Mayuh Bengkah Bansa\\n1 Hari TUHAN nyau deka datai, alai perapasan ti dirampas ari kita deka dibagi di mua kita empu.\\n2 Laban TUHAN deka ngempuruka semua bansa nyerang Jerusalem, lalu nengeri nya deka alah, utai dalam rumah dirumpak, lalu sida ke indu dipasung.Setengah ari orang Jerusalem deka dibuai ngagai menua bukai, tang sida ti bukai enda ditabanka ari nengeri nya.\\n3 Udah nya TUHAN deka nyerang semua bansa ti nyerang Jerusalem, baka Iya ti udah nyerang dulu menya.\\n4 Lebuh maya nya ila Iya deka bediri ba Bukit Kana, tunga ke timur ari Jerusalem. Udah nya siti darung ti besai deka melah Bukit Kana ari timur nyentuk ke barat.Setengah bukit nya deka nginsit tunga ke utara, lalu setengah tunga ke selatan.\\n5 Kita deka rari nengah darung ti melah bukit nya, Kita deka rari baka aki ini kita kelia lebuh tanah berenyang lebuh rambau Usiah nyadi raja menua Judah.TUHAN Allah Taala aku deka datai, mai semua melikat enggau Iya.\\n6 Lebuh maya nya ila, menua nadai agi chelap tauka dibalut ais,\\n7 nadai agi petang.Hari deka seruran terang belama, nyengkaum lebuh malam hari.Semina TUHAN siku aja nemu maya utai nya deka nyadi.\\n8 Ba hari nya, ai ti chiru deka rarat ari Jerusalem, setengah ngagai Tasik mati, lalu setengah ngagai Tasik Tengah.Ai nya deka rarat sepemanjai taun, lebuh musin kemarau, enggau lebuh musin pengujan.\\n9 Udah nya baru TUHAN deka nyadi raja ke semua dunya. Genap iku orang deka nyembah Iya, ngena nama Iya siku aja.\\n10 Semua menua, kenyau ari Geba di utara nyentuk ngagai Rimon di selatan, deka dirataka magang nyadi emperan.Jerusalem deka ngayung semua menua ti ngelingi iya. Rampa nengeri deka berengkah ari Pintu Benjamin nyentuk ngagai Pintu Sukut, ba alai pintu ti dulu menya, lalu ari Menara Hananel nyentuk ngagai pitan anggur raja.\\n11 Orang deka diau likun dia, nadai agi takutka penusah.\\n12 TUHAN deka ngasuh penyakit ninggang semua bansa ti nyerang Jerusalem.Isi, mata enggau dilah sida deka buruk lebuh sida agi idup.\\n13 Lebuh maya nya ila TUHAN deka ngasuh sida balat begau abis ati, datai ke sida nangkap lalu ngamuk orang ke berimbai pendiau enggau sida.\\n14 Indah orang Judah empu deh deka ngelaban orang ke di Jerusalem.Semua pengaya semua bansa ti ngelingi sida deka digumpul magang lalu dibai ngagai Jerusalem - emas, pirak, enggau tugung gari.\\n15 Penyakit deka mega ninggang kuda, penakan kuda, jelu unta, enggau keledai - semua jelu ti dalam kem munsuh.\\n16 Udah nya semua sida ke agi idup ari semua bansa ti udah nyerang Jerusalem, deka mansang ngagai nengeri nya tiap taun lalu nyembah TUHAN ti Pemadu Bekuasa nyadika raja sida, lalu ngintu Gawai Belangkau.\\n17 Enti bansa siti-siti enggai mansang kia lalu nyembah TUHAN ti Pemadu Bekuasa nyadika raja sida, hari enda ujan di menua sida.\\n18 Enti orang Ejip enggai ngintu Gawai Belangkau, sida deka ditinggang penyakit ti deka diasuh TUHAN ninggang semua bansa ti enggai mansang ngagai Gawai nya.\\n19 Tu meh ukum ti deka ninggang menua Ejip enggau semua menua bukai, enti sida enggai ngintu Gawai Belangkau.\\n20 Lebuh maya nya ila, indah luching ti ba rekung kuda deh deka dituliska enggau leka jaku “Diserahka ngagai TUHAN.” Periuk ti dikena manduk utai dalam Rumah Sembiang deka nyadi kudus baka mangkuk ti di mua alta.\\n21 Genap igi periuk ti dikena manduk utai di Jerusalem enggau di serata menua Judah deka diserahka magang kena nyembah TUHAN ti Pemadu Bekuasa.Orang ke ngenjuk piring deka ngena periuk nya manduk dagin ti diambi ari piring. Lebuh maya nya ila, orang nadai agi bedagang dalam Rumah TUHAN ti Pemadu Bekuasa.","num_words":5770,"character_repetition_ratio":0.068,"word_repetition_ratio":0.002,"special_characters_ratio":0.209,"stopwords_ratio":0.354,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"27 Apr 2019 - Hari Enam dalam Minggu ngagai Octave Paska -->\\n27 Apr 2019 - Hari Enam dalam Minggu ngagai Octave Paska\\nTumu pagi hari Minggu lebuh Jesus udah angkat ari mati, Iya pegari terubah ngagai Maria Magdalin, ke udah alai Iya muru tujuh iku antu. - Mark 16: 9 - 15\\nBacha Ke Satu: Kereja Rasul 4: 13 - 21\\nLebuh sida meda pemerani Peter seduai John, lalu nemu seduai iya ukai orang ke bepelajar, tang orang ke sengapa-dia, sida balat alit ati. Nya baru sida nemu seduai iya udah bekaling enggau Jesus.\\nLebuh sida meda orang ke udah digeraika bediri ngimbai seduai iya, sida nadai nemu jalai besangkalka nya.\\nNya alai sida ngasuh seduai iya pansut ari balai nya. Sida lalu berandauka pasal pekara nya enggau pangan diri.\\nKu sida, “Nama utai ti patut dikereja kita ngagai orang tu? Laban semua orang ke diau di Jerusalem bela udah meda kereja ajih ti udah dikereja ulih seduai iya, lalu kitai nadai jalai besangkalka nya.\\nTang kena nagang pekara tu ngelekai ba bala orang mayuh, awakka kitai nangkan seduai iya enggau jaku, enda nyagi seduai iya bejaku ngagai sebarang orang dalam nama tu.”\\nNya alai sida lalu ngangauka Peter seduai John tama baru, lalu enda nyagi seduai iya bejaku tauka ngajar dalam nama Jesus.\\nTang ku Peter seduai John nyaut sida, “Sekalika kami, di mua Allah Taala, patut mendingka kita, lalu enda mendingka Allah Taala, awakka kita empu berunding, laban kami enda ulih nagang diri bejakuka pasal utai ti udah dipeda enggau didinga kami.”\\nLebuh sida udah ngemba seduai iya baru, sida lalu ngelepaska seduai iya, laban sida nadai nemu jalai ngukum seduai iya ketegal orang mayuh, laban semua sida bela muji Allah Taala ketegal utai ti udah nyadi.\\nMasmur Entara: Masmur 118: 1 & 14 - 15AB, 16 - 18, 19 - 21\\nSaut (peda 21a): Aku meri terima kasih ngagai Nuan, O TUHAN, laban Nuan udah nyaut aku.\\nSaut: Aku meri terima kasih ngagai Nuan, O TUHAN, laban Nuan udah nyaut aku.\\nTUHAN udah balat amat ngukum aku,\\ntang Iya enda nejuka aku mati.\\nBuka meh pintu Rumah Sembiang ke aku,\\nngambika aku ulih tama nengah pintu nya\\nlalu meri terima kasih ngagai TUHAN!\\nTu pintu TUHAN.\\nOrang ke lurus deka tama nengah pintu nya.\\nAku meri terima kasih ngagai Nuan, O TUHAN,\\nlaban Nuan udah nyaut aku, lalu nyelamatka aku.\\nBacha Injil: Mark 16: 9 - 15\\nTumu pagi hari Minggu lebuh Jesus udah angkat ari mati, Iya pegari terubah ngagai Maria Magdalin, ke udah alai Iya muru tujuh iku antu.\\nMaria Magdalin mansang lalu madah ngagai orang ke udah begulai enggau Jesus, ke benung ngulit sereta nyabak.\\nTang lebuh sida ninga Jesus udah idup baru, lalu Maria Magdalin udah meda Iya, sida enda arapka nya.\\nUdah nya Iya pegari ngena chara bukai ngagai dua iku orang ari bala sida, lebuh seduai iya benung di rantau jalai mansang ngagai menua pesisir.\\nSeduai iya lalu nikal, lalu madah ngagai sida ti bukai.\\nTang sida enda arapka seduai iya.\\nUdah nya Iya pegari ngagai murid ke sebelas iku, lebuh sida benung makai, lalu Iya nganu sida laban sida enda arap sereta kieh, laban sida enda arapka orang ke udah meda Iya, udah bekau Iya ke angkat idup baru.\\nLalu ku Iya bejaku ngagai sida, “Bejalai kita ngagai serata dunya, lalu tusui Berita Manah ngagai semua mensia.","num_words":501,"character_repetition_ratio":0.068,"word_repetition_ratio":0.065,"special_characters_ratio":0.22,"stopwords_ratio":0.355,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Randau Lyana: Aram ketawa.......\\nDikarang Lyana kena 11\/26\/2008 08:47:00 AM\\nBisi cerita lucu bakanya gak orang Peranchis neh.rumah jamban baka zaman sida Bujang Lapuk suba nya. Nyu teringat ke cerita siko org tuai ke paloi dilantik nyadi penglipurlara ba istana. Cerita ia tentang semut nyaga istana kota ke besai gah amat. Ia nusi cerita siti siti, semut keluar masuk mai tanah, enda abis abis laban semut kelalu maioh nyu enda kala abis meh cerita ia nya, nyu nyebut keluar masuk, keluar masuk aja ma ia bercerita laban istana kota kelalu besai semut maioh keluar masuk hehe.arap faham cerita dipendekkan.\\nLyana November 26, 2008 at 11:53 PM\\nNemu nuan urang peranchis diau di pendalaman din, agi bisi ngembuan jamban jauh ari rumah sida ia. Aku, enti enda meda enggau mata diri empu enda pecaya!\\nRumah kami tu kelia, an old farm house, ka ribai, nadai bilik mandi. Semina bisi ai paip siti aja ba dapur...nadai mandi baka kitai bansa urang ditu kelia, besiram aja, mandi dua kali setaun, ba bisin besai! Jamban di luar din...\\nSebedau pindah kitu, dulu kami duai melaki bini ngadu ke bilik mandi enggau indoor jamban. Diatu udah tembu magang diadu baru rumah tu, lawa madah ke kami bisi 2 bilik jamban enggau siti bilik mandi...baka dalam hotel !! Lucu enda ??!\\nkenergy_ichi November 27, 2008 at 12:59 AM\\nHuhuhu, ni tudah ka dibai pansut ari jamban.. agi benung bank in...\\nLyana November 27, 2008 at 8:14 AM\\nauk kenergy...anang agi maya dia tu musim buah deh, mayuh endar dividen ia ila !!\\nibankiih November 27, 2008 at 8:32 AM\\napuu.. haha..tu meh cerita ti terubah ngasuh aku ktwa pgi tu arr...\\nnaka2 ga akih ke tesat nya ney...\\nau..nyangka rumah agu nya jauh kini..enda tepeda ke rumah bukai semak nya dia..hehe..\\nLyana November 27, 2008 at 9:58 AM\\naha...laughter is the best medicine !!\\n..rumah agu deh ibankiih..ni ka ngasuh semak endur diau...salah angin betiup, pama ngetat ke bau 'mother nature'..hehehe\\nObien November 28, 2008 at 4:28 AM\\nhahahahah ka luput ku ketawa....\\nhahaha pama mai orang perancis ti Translate agai jaku Iban.... hahahha\\nManah Manah.... madah baru ila auk.. ehehe\\nLyana November 28, 2008 at 8:22 AM\\nauk Obien...enti enda pedis di translate, ila mantai ke cerita lucu baru..hehehe\\nCoKeLaT-RaWkZ November 28, 2008 at 5:41 PM\\nhahaahha very funny and twisting ur brain too.if aku nyadi urang ke disaut nya lama udah banggur mulut member nya ku gasak hahahaha..","num_words":351,"character_repetition_ratio":0.071,"word_repetition_ratio":0.0,"special_characters_ratio":0.262,"stopwords_ratio":0.137,"flagged_words_ratio":0.0,"lang_id_score":0.958,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"13 August 2018 - Hari Satu ba Minggu Ke Sembilan Belas Musim Selama\\nPun Laman › Injil Tuhan\\nTang ngambika sida enda pedis ati, alai nuan mupuk ngagai danau, lalu ulurka ginti. Dalam nyawa ikan ti terubah diejut nuan, nuan deka tetemuka sesingkap duit. Ambi duit nya lalu beri ngagai sida, ke Aku enggau ke nuan. - Matthew 17: 22 - 27\\nBacha Ke Satu:\\nEsekiel 1: 2 - 5, 24 - 28\\nKena lima hari bulan ti keempat dalam taun ti kelima Raja Jehoiakin udah dibuai ngagai menua Babilon.\\nAku ninga TUHAN bejaku ngagai aku ba tebing Sungai Kebar di menua Babilon, lalu aku ngasaika kuasa Iya.\\nAku engkadah lalu tepedaka biaubalai datai ari utara: siti mua hari ti besai ti beperenching, enggau api ti enda nemu ngetu nyelar, lalu ba tengah-tengah api nya, bisi siti utai ti beperenching baka temaga ti udah dipugar.\\nLalu aku mega tepedaka empat iku utai ti idup, ti baka gamal mensia, ba tengah-tengah biaubalai nya.\\nAku bisi ninga munyi sayap sida lebuh sida terebai, munyi segum pangka gelumbang, munyi nyawa bala soldadu, munyi nyawa Allah Taala ti Pemadu Bekuasa. Lebuh sida ngetu terebai, sida nyimpul sayap sida.\\nTang munyi utai agi bisi didinga datai ari atas kebung ti ngerungkup pala sida.\\nBa atas kebung ti ngerungkup pala sida nya bisi siti utai ti baka kerusi diraja ti baka batu nilam; lalu duduk ba atas utai ti baka kerusi diraja nya, bisi siti utai ti baka gamal mensia.\\nLalu ari atas utai ti baka punggung, aku meda utai ti beperenching baka temaga ti dikelingi api; lalu ari baruh utai ti baka punggung, aku bisi meda utai ti baka api, ti dikelingi penampak.\\nPenampak nya baka gaya anakraja ti ba mua hari lebuh hari ujan. Nya meh gaya mulia TUHAN.\\nMasmur 148: 1 - 2, 11 - 12, 13, 14\\nSaut: Serega enggau dunya penuh enggau mulia Nuan.\\nPuji meh TUHAN ti datai ari serega,\\npuji meh Iya ba endur ti pemadu tinggi.\\nPuji meh Iya, semua kita ke melikat Iya,\\nsemua kita ke bala soldadu serega.\\nPuji meh Iya, O kita bala raja enggau semua mensia, bala anak raja enggau semua pemerintah ti bukai, indu ke biak, enggau orang bujang,\\norang ke tuai enggau bala anak mit.\\nAwakka semua sida muji nama TUHAN,\\nlaban semina nama Iya aja dikemesaika;\\nlaban mulia Iya ari atas dunya enggau serega.\\nIya meri pengering ngagai nembiak Iya,\\nngambika sida muji Iya, iya nya orang Israel ke balat dikesayauka Iya.\\nAlleluia (peda 2 Tesalonika 2: 14)\\nAllah Taala udah ngangauka kita ulih Berita Manah, ngambika kita tau bulih mulia Jesus Kristus Tuhan kitai.\\nMatthew 17: 22 - 27\\nLebuh semua murid begempuru di Galili, Jesus bejaku ngagai sida, “Anak Mensia deka diserahka ngagai orang lalu sidai deka munuh Iya, lalu Iya deka diangkatka idup baru ari mati ba hari ti ketiga.” Ati sida lalu balat tusah.\\nLebuh sida datai di Kapernaum, orang ke ngumpul duit pupu ke Rumah Sembiang mansang ngagai Peter, lalu nanya, “Kati pengajar kita enda mayar duit pupu Rumah Sembiang?” “Mayar,” ku Peter nyaut. Lebuh Peter pulai ke rumah, Jesus lalu bejaku dulu enggau iya. Ku Iya, “Baka ni ku penemu nuan, Simon? Ari sapa raja dunya ngambi chukai tauka pupu? Ari peranak menua nya empu, tauka ari orang bukai?” “Ari orang bukai,” ku Peter nyaut. Lalu ku Jesus, “Enti pia, peranak menua enda ibuh mayar chukai. Tang ngambika sida enda pedis ati, alai nuan mupuk ngagai danau, lalu ulurka ginti. Dalam nyawa ikan ti terubah diejut nuan, nuan deka tetemuka sesingkap duit. Ambi duit nya lalu beri ngagai sida, ke Aku enggau ke nuan.”","num_words":541,"character_repetition_ratio":0.049,"word_repetition_ratio":0.105,"special_characters_ratio":0.222,"stopwords_ratio":0.335,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"EFS ke penabat dudi hari - Suara Sarawak\\nEFS ke penabat dudi hari\\nMIRI: Apai indai 42 iku anak mit penerima Skim Wang Turu Pemeri (EFS) ngenataika terima kasih ngagai perintah nengeri laban udah bejalaika inisiatif nya.\\nSida tu penerima renggat keterubah wang turu RM1,000 ti di diterima genap anak mit ke patut di bagi menua tu.\\nInsentif sekali beri tu semina ulih diambi maya umur anak mit nya manggai 18 taun dikena iya nyikap diri nampung pelajar ngagai tikas tinggi agi.\\n“Terima kasih ngagai GPS laban udah bejalaika inisiatif tu,” ku Azalina Abdullah, 37 taun.\\nBela berasai lantang nerima pemeri nya, Rafidah Mohd, 30 taun, ke mega petunggal Azalina.\\nALBUM… Datuk Sri Fatimah Abdullah begulai enggau Tony Pui, Ripin Lamat, Dennis Ngau, Datuk Lee Kim Shin enggau Rosey Yunus begambar enggau bala indai sereta anak mit penerima EFS di Miri, tadi.\\nSeduai bela datai ngemai anak ti baru beumur sebulan enggau empat bulan.\\n“Kami bela gagit sereta berasai lantang ba inisiatif dipejalaika Perintah Sarawak tu,” ku Rafidah.\\nKepala Menteri Datuk Patinggi Abang Johari Tun Openg udah ngemendarka pekara tu lebuh mantaika Bajet Nengeri dalam bulan November taun nyin tadi.\\nPengawa sehari nya udah dipenyadi Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Sri Fatimah Abdullah.\\nKu Fatimah, naka 25 April taun tu, sepenyampau 5,070 iku anak mit baru ada tauka 49.14 peratus ari 10,317 udah direjista di baruh inisitif EFS tu.\\nSAMA BETULUNG… Datuk Sri Fatimah Abdullah nyuaka pemeri Gawai-Raya ngagai siku ari penerima.\\n“Kuching ngerikod penyampau anak mit pemadu tinggi rejista ungkup program tu ke bisi 1,980 iku, ditangkan Sibu (950), Miri (659), Bintulu (267), Sarikei (260), Sri Aman (223), Mukah (201), Limbang (178), Betong (118), Kapit (107), Serian (66) enggau 61 di Samarahan,” ku iya.\\nNya alai, iya meransang apai indai ngambi rejista anak sida ke baru ada ngambi bela ampit inisiatif tu laban Perintah Sarawak ngagihka belanja penyampau RM40 juta ungkup taun tu.\\n“Semua anak mit Sarawak ti patut nerima EFS tau rejista di 52 pampang Opis Pengerejista Bansa (JPN),” ku iya.\\nIya mansutka jaku tu rambau program ‘Sejambak Kasih Gawai-Raya’ enggau pengawa nyuaka EFS di Hotel Dynasty ditu tadi.\\nNgelansa pasal program ‘Sejambak Kasih Gawai-Raya’, 200 iku udah nerima hamper enggau ‘duit Gawai-Raya’ penyampau RM100 siku.\\nProgram diatur ninting taun tu asil kerejasama entara Opis Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit enggau Hotel Dynasty dikena mantu ngelempungka tating belanja bala penerima dikena ngerami Gawai-Raya.\\n“Sepenyampau 30,750 iku nerima bantu ungkup Gawai Dayak seraya 15,626 ungkup Hari Raya di selampur Sarawak.\\n“Di bagi menua tu, bisi 2,318 iku penerima nerima bantu Gawai seraya 850 iku ngerami Raya,” ku iya nerang.\\nKelimpah ari nya, bantu ninting bulan disediaka Opis Pengintu Pengelantang Mensia Mayuh (JKM) Sarawak, ari bulan Januari nyentuk April taun tu bisi 56,096 iku penerima ngaul belanja manggai RM67.3 juta.\\nSama datai Menteri Muda Orang Indu, Ruang Bilik enggau Pemansang Anak Mit Rosey Yunus, Menteri Muda Dagang Temuai, Seni enggau Main Asal, Datuk Lee Kim Shin, Adun Lambir Ripin Lamat, Adun Telang Usan Dennis Ngau sereta Direktor Pengatur Pengawa Hotel Dynasty Tony Pui.\\nFebruary 27, 2021ADUN Repok bantu ringan beban ibu bapa\\nWakil rakyat turun jenguk mangsa kemalangan\\nTVS ulih negap pengelandik bejaku Iban\\nNasip peranak Rumah Annie semampai diketati – Norina\\nSerba Dinamik berkembang pesat\\nJangan sebar cerita bohong\\nDua positif Covid-19 di Sarawak hari ini\\nIsu tanah dengan tauke besar, penduduk Kampung Tambirat minta SPRM siasat JTS dan polis","num_words":515,"character_repetition_ratio":0.05,"word_repetition_ratio":0.012,"special_characters_ratio":0.218,"stopwords_ratio":0.115,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Jalai-jalai ke Menua Sibu...\\nJalai-jalai ke Menua Sibu...\\nKena ka hari enam nyin kemari (20hb) kami empat AO Roni, AO Crispin, AAO Ezikiel enggau BA bisi nurun ke Sibu laban bisi pengawa ka digaga....hee..heee, kami empat nyadi gangster sekejap...\\nKami angkat ari Betong jam 7am ngena kereta AAO Ezikiel. Apu...laju amat bujang nya mai kereta...takut BA...nasib ukai duduk di moa...seatbelt nyau bebelit ba perut laban kelalu takut dibai laju...heee..\\nPejalai bala kami ka manoa Sibu ka bendar laban ti ka nganjong perut makai pizza dia...hee...hee. Sibu aja paling semak tempat ngiga pemakai baka pizza. Dribo ngelaju dibai AAO Ezikiel..ulih datai di Sibu dalam lebih kurang 2 jam setengah aja...semak kan.\\nUdahnya bala kami dipesan indai diasoh ngiga kain ala-ala batik dikena maia belagu koir ila...nya meh ka batang ia pejalai kami tu. Ngiga kain...mayar ngena cek...ngiga kedai ka ka nerima cek...ba Sibu...hee..hee\\nPasar Tamu di Sibu chukup besai..maioh macham sayur kampung bisi dijual dia...\\nseneka ati milih...rega pan murah dibanding ka di Betong.\\nTu meh gaia pemakai kami empat..nyams\\nSebedau berengkah bejalai di manoa Sibu, kami empat makai dulu ba atas Pasar Sentral nya...BA makai mee guring dia..mula ia ka ngodar mee dawai baka di Betong...tang sida enda nemu nama mee dawai nya..bakani enda sida di Sibu ditu ngagau ka mee dawai nya?? Mee tomato kini..\\nkereta ari Sibu udu amat motong kereta bukai...laju serta ukai enggau chara ti selamat\\nkitai ka bukai anang nunda sida...belubah auk..\\nUdah tembu begiga ka kain bala kami bisi lalu ka Wisma Sanyan ga...bejalai-jalai dia meda-meda urang..heee..meda barang.\\nNyau tengahari nyau majak maioh ga mensia. Kami empat mansut ka diri ari Bandar Sibu maia jam 2pm..enggai ka laun datai di Betong.\\nSebedau pulai kami singgah dulu di manoa enda jauh ari Farley din..Sing Kwong...laban ti ka ngodar pizza dia dibai pulai. BA sempat singgah ba kedai cd..meli cd Bryan Adam enggau Mandy Moore diberi ka Rin.\\nLelak asai tuboh taja enda dribo...nasib ga tudah AAO Ezikiel nya ka dribo...berasai pengelelak kin..malam nya BA sempat meda program Pilih Kasih ba TV2...dahnya kelalu ngantok terus tindok.\\nDikarang olih NyuWynn Glen Fordza @ Bujang Astana maia jam 1:42 PM","num_words":338,"character_repetition_ratio":0.049,"word_repetition_ratio":0.0,"special_characters_ratio":0.225,"stopwords_ratio":0.098,"flagged_words_ratio":0.0,"lang_id_score":0.984,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pengawa mar enti nadai sukung rayat – Suara Sarawak – Bukan Sekadar Akhbar\\nYou are here:Home-RUAI-Pengawa mar enti nadai sukung rayat\\nDEBAK: Pengeransing bala ketuai dulu suba kelebih agi ba Bagi Menua Betong nyadi peransang ngagai pengari rayat ke diatu ngambi ulih neruska perambu pemansang.\\nKaban Parlimen Betong Datuk Robert Lawson Chuat Vincent Entering madah, pangku pengawa ti dilempai ngagai iya deka mar dikereja nyema nadai nerima sukung ari semua rayat kelebih agi peranak Betong.\\nRobert madah, sukung tegut diberi ngagai ketuai dulu suba ngemuntangka sida merambu enggau bejalaika mayuh bengkah pemansang ti deka ngubah bagi menua Betong nyengkaum Saribas.\\n“Bepun ngangkatka Betong ari Pelilih ngagai status Bagi Menua lalu diatu udah berubah baka pemansang ari sukut pekara pelajar tauka tikas palan pelajar ke bisi ba Betong.\\n“Pekara tu nunjukka ketuai kitai endang ngemeratka pekara pelajar kelebih agi di sitak menua pesisir, nya alai kitai patut meri terima kasih ngagai sida,” ku Chuat.\\nKELAI BASA… Robert enggau Razi bela nerima tepa ari komiti pengatur Pengerami Gawai Raya 2019 Renggat Dun Saribas ke diatur ba Riveria Sport Centre, kemari. -Gambar OSMAN RAZALI\\nIya mansutka jaku nya rambau bejadika Pengerami Gawai Raya 2019 Renggat Dun Saribas mega digulu Adun Saribas Mohammad Razi Sitam ti diatur di Riveria Sport Centre, kemari.\\nRobert madah, iya diatu benung nyambung pangku pengawa ti ditinggal Sapit Kepala Menteri Datuk Amar Douglas Uggah Embas nyadi Kaban Parlimen Betong enggau Razi ti nyambung pengawa Datuk Dr. Wahbi Junaidi deka beratika agenda pemansang penuh tu mujur dipejalai.\\n“Kami deka neruska pengawa tu ngambika pemansang di bagi menua Betong mujur dipejalai nyengkaum sitak Saribas tu,” ku Robert.\\nIya mega madah, pemintar Kepala Menteri Datuk Patinggi Abang Johari Tun Openg nyerungkai pemansut penatai pemisi ke baru ungkup Perintah Sarawak (GPS) ulih neruska mayuh bengkah projek pemansang ngambika ulih nyendiaka perengkaguna enggau pengelantang rayat.\\nRobert temegah meda program ngerami Gawai Raya ngena konsep Pengerami Ngelaluka pengabang baka tu ulih nyadi pelasar nanggam kaul enggau pangan diri.\\n“Ba Sarawak, pengerami Gawai Raya suah dikait enggau pengawa ngabang entara diri sebilik, kaban belayan, orang ti beserimbai pendiau enggau bala kaban ngambika ulih ngerapitka kaul kelimpah ngenegap penyerakup.\\n“Kitai patut berasai temegah laban kaul ti ditanggam enggau raban bansa chukup rat lalu ulih mai pemujur ngagai Sarawah jemah,” ku iya.\\nBy OSMAN RAZALI|2019-06-22T17:37:16+08:00June 22nd, 2019|Categories: RUAI|0 Comments\\nARKIB Select Month January 2021 (670) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":390,"character_repetition_ratio":0.053,"word_repetition_ratio":0.01,"special_characters_ratio":0.253,"stopwords_ratio":0.151,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Anang sengapa pejah, pebasaka pilih pengundi - Suara Sarawak\\n“Enda ibuh bekelikuh isu Dr Rayong enggau parti diarika iya, amat pan belanja MRP enggau RTP udah ‘dirampas’ ari jari iya. Kebuah pia, laban ngelama tu iya enda kala puntan ngagihka belanja pemansang di Dun tu sekumbang agi dalam perintah.”\\nENGKILILI: Bala ketuai renggat baruh ba sitak Kunsil Nengeri (Dun) berasai nyima enggau penerang sekeda nembiak ari Gempung Parti Sarawak (GPS) ti nadai bepampul mejah pengari rayat ke udah dipilih pengundi ditu.\\nBeduduk ari nya nitihka sebengkah penerang, bala ketuai ditu ngarapka ulah ti baka nya diketu laban beratika jasa pengari rayat ditu ke chukup siru sereta mentas enggau rayat Dun Engkilili.\\nTuai Rumah Pindi Gerang ari Empelam, Skrang Ili nyemetak madah orang luar lebih agi sida ke agi puda penemu dalam dunya politik tau enda ibuh ngajar rayat ditu sapa ke patut dipilih jemah.\\n“Kami ditu nadai ibuh diajar kita sapa ke patut dipilih ngiring…kami udah suah napi pengawa bepilih dibanding enggau kita ke baru sekali dua ngundi. Nyadi kami nemu sapa enggau parti ni ke patut dipilih ngarika Dun Engkilili,” ku Pindi.\\nTR PINDI GERANG\\nPenemu ke sebaka mega dibantaika Tuai Rumah Chaong Baringgai ari Memaloi, Skrang ti madah semina Dr Jonichal Rayong Ngipa nengah parti ti diarika iya agi diterima pengundi ila.\\nKu iya, pengundi enda kiruh ni pemayuh pengawa pemansang diberi ungkup Dun tu udah tu dikena nginti undi tang Dr Rayong tetap dipilih sida.\\n“Enda ibuh bekelikuh isu Dr Rayong enggau parti diarika iya, amat pan belanja MRP enggau RTP udah ‘dirampas’ ari jari iya. Kebuah pia, laban ngelama tu iya enda kala puntan ngagihka belanja pemansang di Dun tu sekumbang agi dalam perintah,” ku iya.\\nUdah nya, Tr Engkoi Sandah ari Skim Skrang madah, penerang dipansutka Micheal Tiang enggau Roy Gingkoi sebedau tu mandangka pemabu runding seduai iya ba politik.\\n“Seduai iya nyangka deka nguingka runding ketuai renggat tinggi lebih agi dalam SUPP enggau PRS tang pengawa ke bansa nya patut digaga enggau bisi kebuah ke patut anang semina mejah pengari rayat Engkilili aja,” ku iya.\\nTandu iya, manah agi dua iku tu meri penemu baka ni deka nyekat tsunami pengundi Sarawak lebih agi bansa Dayak awakka enda mantaika pengeringat ba peti undi ila.\\n“Semua bela nemu rayat agi enda lantang ati enggau mayuh pekara lebih agi ba pemuntan mutar ungkus pengidup ke majak niki,” ku Engkoi.\\nNgelansa penerang Tiang enggau Roy ti bisi ati deka ngerampas Dun Engkilili apin lama ke udah, iya madah sapa-sapa aja tau nguji nasip di Dun tu ba Pengawa Bepilih Besai Nengeri (PRN) deka datai enda ngira nya ari parti gempung dalam nengeri tauka Perintah Harapan.\\nTR CHAONG BARINGGAI","num_words":424,"character_repetition_ratio":0.056,"word_repetition_ratio":0.14,"special_characters_ratio":0.184,"stopwords_ratio":0.212,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup 2 Samuel* nampung bup 1 Samuel*, nusui jerita pasal David ti nyadi raja - terubah nyadi raja megai menua Judah di selatan (bagi 1-4), lalu udah nya, megai semua menua Israel, nyengkaum utara menua Israel (bagi 5-24). Bup tu madahka chara David ngelaban munsuh iya dalam bansa orang Israel empu, enggau munsuh ari perintah bansa bukai, lebuh iya ngerembaika rampa menua ti dipegai iya, sereta ngukuhka penuduk diri ti nyadi raja. Bup tu mandangka David nya orang ke tegap pengarap, angkunka Allah Taala, sereta ulih ngasuh bala nembiak iya taluk ngagai iya. Tang bup tu mega mandangka iya kadang-kadang kelalu terit, sereta deka ngereja penyalah ti besai, kena iya mantupka pengingin enggau juluk ati iya. Tang lebuh nabi TUHAN ke benama Natan, nganu iya ketegal dosa ti udah dikereja David, iya ngaku penyalah nya, lalu sanggup nerima ukum ari Allah Taala.\\nOrang Israel puas amat ati ke pendiau enggau pemujur pengawa David, nya alai dudi ari nya, lebuh bansa sida dituntung penusah, lalu ingin ke raja baru, dia sida madahka diri begunaka “anak David,” reti nya peturun David nyadika raja sida.\\nDavid megai perintah di menua Judah (1.1-4.12)\\nDavid merintah semua menua Israel (5.1-24.25)\\na. Maya lebuh iya baru nyadi raja (5.1-10.19)\\nb. David enggau Batseba (11.1-12.25)\\nc. Penusah enggau penanggul (12.26-20.26)\\nd. Maya ti nangkanka nya (21.1-24.25)\\nDavid Ninga Berita Pasal Pemati Saul\\n1 Udah bekau pemati Saul, lebuh David pulai ari ti ngalahka orang Amalek, iya diau di Siklak dua hari.\\n2 Hari siti siku lelaki datai ari kem sida Saul. Gari iya nyau charik lalu pala iya udah dikerabuka enggau amau. Lebuh iya datai di mua David, iya nyungkurka diri ke tanah, masa David.\\n3 David lalu nanya iya, “Ari ni penatai nuan?” Orang nya lalu nyaut, “Aku udah rari ari kem orang Israel.”\\n4 Lalu ku David bejaku ngagai iya, “Kati ku baka utai? Padahka ngagai aku.” Orang nya lalu nyaut, “Bala soldadu kami udah rari ari endur alai kami ke bamuk ngelaban munsuh. Mayuh amat bala kami mati. Saul enggau anak iya Jonatan mega mati.”\\n5 David lalu nanya iya, “Baka ni ku nuan nemu Saul enggau Jonatan udah mati?”\\n6 Ku orang nya nyaut, “Nyadi aku bisi ba Bukit Gilboa, lalu aku tepedaka Saul ngenjingka diri bediri, bekering ba sangkuh iya, lalu kerita perang enggau bala soldadu munsuh ke nepan kuda ngelulung iya.\\n7 Lebuh iya nguing kebelakang, iya lalu tepedaka aku. Iya ngangauka aku, lalu aku nyaut, ‘Tuan!’\\n8 Lalu ku iya bejaku ngagai aku, ‘Sapa nuan?’ Aku lalu madahka diri bansa orang Amalek.\\n9 Lalu ku iya bejaku ngagai aku, ‘Datai kitu, lalu bunuh aku. Aku balat bakal, tang lalu apin mati.’\\n10 Nya alai aku lalu mansang ngagai iya, lalu munuh iya, laban aku nemu iya enda ulih idup, lebuh iya udah rebah. Udah nya aku lalu ngambi makota ari pala iya, enggau gelang ari lengan iya, lalu aku mai utai nya ngagai nuan, tuan.”\\n11 David muka lalu nyarikka gari diri; lalu semua bala iya mega nunda iya;\\n12 lalu sida nyabak, ngulit, sereta bepasa nyentuk ngagai lemai hari nya ke Saul enggau Jonatan, enggau ke bala soldadu TUHAN enggau ke orang Israel, laban sida udah mati beperang.\\n13 David lalu nanya nembiak ti udah mai berita nya ngagai iya, “Ari ni penatai nuan?”\\nNembiak nya lalu nyaut, “Aku diau ditu, tang aku bansa orang Amalek.”\\n14 David lalu nanya iya, “Baka ni ku nuan enda takut munuh raja ti udah dipilih TUHAN?”\\n15 David lalu ngangauka siku ari bala iya, lalu ku iya bejaku, “Bunuh iya!” Orang nya lalu mantap orang Amalek nya, balat amat ngemakalka iya.\\n16 Lalu ku David bejaku ngagai orang Amalek nya, “Nuan empu betanggungjawapka pemati diri; laban mulut nuan empu udah besaksi ngelaban nuan, lebuh nuan madahka diri udah munuh raja ke dipilih TUHAN.”\\nDavid Nyabakka Saul Enggau Jonatan\\n17 David lalu nyabakka Saul seduai Jonatan,\\n18 lalu iya ngasuh leka sabak nya diajar ngagai orang Judah. (Leka sabak nya bisi ditulis dalam Bup Jasar.) Ku iya:\\n19 “Bala tuai kami udah mati ba sebelah munggu menua Israel! Soldadu kami ke pemadu berani udah rebah!\\n20 Anang nusui berita nya di Gat tauka ba jalai raya di Askelon. Anang ngasuh indu orang di menua Pilistin gaga. Anang nejuka anak indu orang bansa bukai rami gaga.\\n21 “Awakka bukit Gilboa enda ditinggang ujan tauka ambun. Awakka tanah di menua nya nadai tumbuh utai! Laban terabai orang ke berani mengkang dia kena pechat. Terabai Saul enda agi dipugar ngena minyak.\\n22 Panah Jonatan munuh, pedang Saul enda kala mai pengasih, numbangka orang ke kering, munuh munsuh.\\n23 “Saul seduai Jonatan, orang ke badas sereta dikesayauka, idup begulai, mati begulai,laju agi ari menaul, kering agi ari singa.\\n24 “Indu orang Israel, ngulit meh kita ke Saul! Iya udah meri kita gari ti mirah-redam lalu ngias kita ngena batu ti berega enggau emas.\\n25 “Bala soldadu ti berani, udah rebah. Sida mati beperang. Jonatan garing-garing mati ba bukit.\\n26 “Aku nyabakka nuan, menyadi aku Jonatan. Naka meh pemalat aku sayauka nuan! Pengerindu nuan ke aku endang amat besai, lebih agi ari pengerindu sida ke indu.\\n27 “Bala soldadu ti berani, udah rebah, lalu senyata sida ditinggalka, nadai tau diguna agi.”\\nDavid Dichiri Nyadi Raja Menua Judah\\n1 Udah bekau nya, David lalu betanya ngagai TUHAN, “Kati tau aku mansang ngagai sebuah nengeri di menua Judah?” “Tau,” ku TUHAN nyaut. “Nengeri ni?” ku David nanya. “Hebron,” ku TUHAN madahka.\\n2 Nya alai David mupuk ngagai Hebron, mai bini iya ke dua iku: Ahinoam ke asal ari Jesril, enggau Abigail, balu Nabal, ke asal ari Karmel.\\n3 Iya mega mai bala orang ke enggau iya, sereta enggau ruang bilik sida, lalu ngasuh sida diau ngentapka diri di nengeri ti mit ngelingi Hebron.\\n4 Udah nya orang ari menua Judah mansang ngagai Hebron, lalu nata David nyadi raja menua Judah. Lebuh David ninga orang di Jabes ti di menua Giliat udah nguburka Saul,\\n5 iya lalu ngasuh sekeda orang mansang ngagai nengeri nya mai pesan tu: “Awakka TUHAN merekatka kita, laban kita udah ngayanka diri taluk ngagai raja kita lalu nguburka iya.\\n6 Nya alai, awakka TUHAN diatu nelap enggau kita sereta tetap ati ngagai kita. Aku empu deka mega manah enggau kita, ketegal utai ti udah dikereja kita.\\n7 Kita enda tau enda kering sereta berani! Raja kita, Saul, udah mati lalu orang Judah udah nata aku nyadi raja sida.”\\nIs-boset Dichiri Nyadi Raja Menua Israel\\n8 Kepala soldadu Saul, Abner anak Ner enggau anak lelaki Saul ke benama Is-boset udah ngerarika diri, lalu meraka Sungai Jordan mansang ngagai Mahanaim.\\n9 Dia Abner lalu nyiri Is-boset nyadi raja menua Giliat, Aser, Jesril, Epraim, enggau Benjamin, enggau semua menua Israel.\\n10 Umur Is-boset empat puluh taun lebuh iya dichiri nyadi raja menua Israel, lalu iya merintah dua taun. Tang raban bansa Judah taluk ngagai David,\\n11 lalu David megai perintah menua Judah di Hebron tujuh taun setengah.\\nPerang Entara Israel Enggau Judah\\n12 Abner enggau bala pemesai perintah Is-boset mansang ari Mahanaim ngagai nengeri Gibeon.\\n13 Joap (indai iya Seruiah), enggau bala pemesai David ti bukai lalu betemu enggau sida ba telaga di Gibeon, alai sida ke duduk betunga mua enggau pangan diri bentaraka telaga nya.\\n14 Ku Abner bejaku enggau Joap, “Awakka bala nembiak kitai ari sepiak-sepiak belaban di mua kitai.” “Barang ku jaku,” ku Joap nyaut.\\n15 Nya alai dua belas iku lelaki ke ngarika Is-boset enggau raban bansa Benjamin, lalu ngelaban dua belas iku lelaki ari bala David.\\n16 Siku-siku sida lalu mulaska pala pangan, lalu ngerejangka pedang ngagai rusuk pangan diri. Semua dua puluh empat iku sida rebah lalu mati magang. Nya alai endur di Gibeon nya dikumbai “Padang Mata Pedan.”\\n17 Udah nya sida lalu bamuk balat amat, lalu Abner enggau orang Israel alah laban bala David.\\n18 Anak Seruiah ke tiga iku bela bisi dia magang: Joap, Abisai, enggau Asahel. Asahel ke belanda laju baka rusa\\n19 lalu terus belanda nitihka Abner.\\n20 Abner malik kebelakang, lalu bejaku, “Kati nya nuan Asahel?” “Aku meh tu,” ku Asahel nyaut.\\n21 “Badu agi ngagai aku!” ku Abner. “Alai nuan belanda ngagai siku ari bala soldadu lalu ambi utai ari iya.” Tang Asahel majak belanda ngagai Abner.\\n22 Abner lalu bejaku baru ngagai Asahel, “Badu agi ngagai aku! Nama kebuah nuan mejalka aku munuh nuan? Baka ni ku aku ulih ngayanka mua diri ngagai menyadi nuan Joap?”\\n23 Tang Asahel enggai badu begagaika Abner. Nya alai Abner ngerejangka sangkuh iya kebelakang ngagai perut Asahel, ngebuska tubuh Asahel. Asahel rebah lalu mati, lalu semua orang ngetu magang lebuh sida datai ba endur alai Asahel ke rebah.\\n24 Tang Joap enggau Abisai lalu belabuh begagaika Abner. Ba urung padam mata panas, seduai iya datai ba Bukit Amah, tunga ke timur Giah, ba jalai ti nuju ngagai menua puang di Gibeon.\\n25 Bala orang Benjamin begempuru ngelingi Abner baru, lalu nan ba tuchung bukit nya.\\n26 Abner lalu ngangauka Joap, “Kati kitai enda tau enda belaban belama iya? Kati nuan enda nemu, ba pengujung iya ila, kitai nadai bulih penguntung ari pengawa tu, tang semina ati ti pedis aja? Kami tu kaban belayan nuan. Ni pengelama baru nuan ngasuh bala nuan badu agi begagaika kami?”\\n27 Joap lalu nyaut, “Aku besumpah dalam nama Allah Taala ti idup, enti nuan enda bejaku tadi, bala aku tetap deka majak begagaika nuan nyentuk ngagai rerak tawas pagila.”\\n28 Udah nya Joap lalu nyepu terumpit, kena iya nagang bala iya begagaika orang Israel. Sida lalu badu agi belaban.\\n29 Abner enggau bala iya lalu bejalai nengah Lebak Jordan semalam-malam nya, lalu meraka Sungai Jordan, lalu lebuh sida udah bejalai sepagi hari siti, sida lalu datai baru di Mahanaim.\\n30 Lebuh Joap badu agi begagaika Abner, iya ngempuruka semua bala iya, lalu nemu semilan belas iku sida udah mati nambahka Asahel.\\n31 Bala David udah munuh tiga ratus enam puluh iku bala Abner ari raban bansa Benjamin.\\n32 Joap enggau bala iya lalu mai bangkai Asahel, lalu nguburka iya ba lumbung sida sebilik di Betlehem. Udah nya sida bejalai semalam-malam nya, lalu datai baru di Hebron tumu pagi hari siti.\\n1 Bala soldadu ke nyukung ruang bilik Saul, enggau bala soldadu ke nyukung ruang bilik David, lama amat beperang ngelaban pangan diri. Lebuh David mansang kering-sekering, bala munsuh iya mansang lembut-selembut.\\nBala Anak Lelaki David\\n2 Tu nama anak David ke diperanakka di Hebron, nitihka ripih penuai sida: Amnon, diadaka Ahinoam ke asal ari Jesril;\\n3 Chileap, diadaka Abigail, balu Nabal, ke asal ari Karmel; Absalom, diadaka Maakah, anak indu Raja Talmai ari Gesur;\\n4 Adonijah, diadaka Hagit; Sepatiah, diadaka Abital;\\n5 Itrim, diadaka Elgah. Semua anak iya tu diadaka di Hebron magang.\\nAbner Ngalih Ari David\\n6 Lebuh perang majak nyadi entara bala soldadu David enggau bala soldadu ke taluk ngagai ruang bilik Saul, kuasa Abner mansang besai agi ari kuasa semua orang bukai ke nitihka Saul.\\n7 Nyadi sekali, Is-boset anak Saul betenah ngumbai Abner bisi udah tinduk enggau indu simpan Saul ke benama Rispah anak Aiah.\\n8 Abner lalu pedis ati ninga jaku Is-boset, lalu ku Abner bejaku, “Kati nuan ngumbai aku ukui bekereja ke orang Judah? Kenyau ari pun menya, aku endang taluk ngagai apai nuan Saul, enggau ke bala kaban belayan iya, sereta enggau bala pangan iya, lalu aku udah nulung nuan, enggai ke nuan alah laban David. Tang, sehari tu nuan besalahka aku, ngumbai aku bekendak enggau indu!\\n9-10 TUHAN udah besemaya ngagai David madahka Diri deka ngerampas perintah ari jari Saul enggau ari peturun iya, lalu deka ngaga David nyadi raja menua Judah, enggau semua menua Israel. Nya alai awakka Allah Taala munuh aku, enti aku nagang utai tu nyadi!”\\n11 Is-boset balat amat takutka Abner, datai ke nyau enda berani bejaku agi.\\n12 Abner lalu ngasuh bala seruan betemu enggau David, ke benung di Hebron lebuh maya nya, lalu ngasuh sida nyebut jaku tu ngaga David: “Sapa orang ke deka megai perintah di menua tu? Gaga siti sempekat enggau aku. Aku deka nulung nuan mai semua orang Israel ngalih ari nuan.”\\n13 “Manah meh nya!” ku David nyaut. “Aku deka ngaga siti sempekat enggau nuan, tang nuan enda tau enda ngereja siti utai ke aku: nuan enda tau enda mai anak indu Saul, Mikal, ngagai aku lebuh nuan datai betemu enggau aku.”\\n14 David mega ngasuh bala seruan iya mai pesan ti munyi tu ngagai Is-boset, “Beri pulai baru ngagai aku bini aku Mikal. Aku udah meli iya ngena seratus iti ujung kulup orang Pilistin, kena aku ngambi iya nyadika bini aku.”\\n15 Is-boset lalu ngasuh orang ngambi Mikal ari laki iya Paltiel anak Lais.\\n16 Paltiel nitihka Mikal enggau sabak serantu jalai ngagai nengeri Bahurim. Tang lebuh Abner bejaku, “Pulai nuan,” Paltiel lalu pulai.\\n17 Abner lalu mansang ngagai bala tuai orang Israel, lalu ku iya bejaku enggau sida, “Kita lama udah inginka David nyadi raja kita.\\n18 Tu meh peluang kita. Kingatka utai ti udah disebut TUHAN, ‘Aku deka ngena nembiak Aku David ngelepaska orang Israel ari orang Pilistin, enggau ari semua munsuh sida.’ “\\n19 Abner mega bejaku enggau orang Benjamin. Udah nya iya mansang ngagai Hebron, deka madahka utai ti deka dikereja orang Benjamin enggau orang Israel.\\n20 Lebuh Abner enggau dua puluh iku orang datai ngagai David di Hebron, David lalu nyendiaka pengerami makai besai ke sida.\\n21 Ku Abner madahka ngagai David, “Aku diatu deka mupuk lalu mai semua orang Israel ngalih ari Tuan Raja. Sida deka nerima nuan nyadi raja. Nya baru nuan deka bulih utai ti endang seruran dikinginka nuan, lalu merintah semua menua tu.” David ngasuh Abner mupuk, lalu iya mupuk.\\nAbner Dibunuh Joap\\n22 Lebuh maya nya, Joap enggau bala pemesai David ti bukai datai pulai ngayau, mai mayuh amat perapasan. Tang Abner nadai agi di Hebron enggau David, laban David udah ngasuh iya mupuk enggau selamat.\\n23 Lebuh Joap enggau bala iya datai, orang lalu madahka ngagai iya pasal Abner ti udah betemu enggau Raja David, lalu udah diasuh mupuk enggau selamat.\\n24 Joap lalu betemu enggau raja, lalu bejaku enggau iya, “Nama utai tu ti udah dikereja nuan, Tuan Raja? Abner datai ngagai nuan. Nama kebuah nuan nejuka iya mupuk baka nya?\\n25 Iya datai ditu laban iya deka nipu nuan, deka nemu semua utai ti dikereja nuan, enggau tunga pejalai nuan. Nuan tentu nemu nya!”\\n26 Lebuh iya udah mupuk ari istana David, Joap lalu ngasuh seruan iya ngambi Abner. Sida lalu mai Abner pulai baru ari Telaga Sirah. Tang David nadai nemu nya.\\n27 Lebuh Abner datai di Hebron, Joap lalu mai iya ke tisi ba pintu penama nengeri nya, ngaga diri baka ke deka bejaku enggau iya kediri. Dia iya lalu ngerejang Abner ba perut. Abner dibunuh, laban iya udah munuh menyadi Joap ke benama Asahel.\\n28 Lebuh David ninga berita nya, iya lalu bejaku, “TUHAN nemu aku enggau bala nembiak aku endang nadai enggau orang munuh Abner.\\n29 Awakka Joap enggau sida sebilik diukum ketegal penyalah nya! Awakka genap serak ari peturun Joap enda tau enda bisi orang ke kena laban penyakit ranas, tauka penyakit kulit ti tau ngerampit, tauka semina nemu ngereja pengawa ti dikereja orang ke indu, tauka mati beperang, tauka enda chukup pemakai!”\\n30 Nya meh chara Joap enggau menyadi iya Abisai malas Abner ti udah munuh menyadi seduai iya Asahel, lebuh sida beperang di Gibeon.\\n31 Udah nya David lalu ngasuh Joap enggau bala iya nyarikka gari diri, ngerasukka kain guni, lalu ngulitka Abner. Lalu lebuh sida nganjung Abner ke kubur, Raja David bejalai ngentudika sentubung Abner.\\n32 Abner dikuburka di Hebron, lalu Raja David nyabak duie-duie ba kubur nya, lalu baka nya mega orang bukai.\\n33 Ku David nyabakka Abner: “Nama kebuah Abner enda tau enda mati baka orang ke beli?\\n34 Jari iya enda ditanchang, Lalu kaki iya enda diberekas. Iya mati baka orang ke dibunuh orang ke jai!” Orang mayuh lalu nyabakka iya baru.\\n35 Sehari nya orang mujuk David makai, tang iya besumpah, “Awakka Allah Taala munuh aku enti aku bisi makai utai sebedau padam mata panas sehari tu!”\\n36 Sida ngingatka jaku nya, lalu sida gaga ati. Iya ti bendar, semua utai ti dikereja raja, ngenyenangka ati orang Israel.\\n37 Semua bala David enggau semua orang Israel endang nemu raja sigi nadai enggau orang munuh Abner.\\n38 Ku raja bejaku enggau bala pemesai iya, “Kati kita enda nemu, sehari tu siku tuai ti tinggi pangkat di menua Israel, udah mati?\\n39 Taja pen aku tu raja ti udah dipilih Allah Taala, tang aku berasai lembut tulang sehari tu. Bala anak Seruiah tu kelalu mangah. Awakka Allah Taala ngukum orang ke jai nya nitihka utai ti udah dikereja sida!”\\n1 Lebuh Is-boset anak Saul ninga Abner udah dibunuh orang di Hebron, iya lalu takut, lalu semua orang Israel irau ati magang.\\n2 Is-boset bisi dua iku pemesai ke nguluka orang ngayau, Banah anak Rimon enggau menyadi iya Rekap. Seduai tu datai ari Berot, ari raban bansa Benjamin. (Berot nya dikira sebagi ari menua Benjamin.\\n3 Orang ke asal diau dia udah rari ngagai Gitaim, alai sida ke diau kenyau ari maya nya menya nyentuk ngagai diatu.)\\n4 Siku agi peturun Saul nya Mepiboset anak Jonatan, ke umur lima taun lebuh Saul seduai Jonatan mati. Lebuh berita pasal pemati Saul seduai Jonatan didinga orang di nengeri Jesril, orang ke ngibun Mepiboset lalu rari nabanka Mepiboset. Tang Mepiboset labuh, laban orang ke ngibun iya kelalu beguai rari, lalu laban iya labuh, Mepiboset nyadi tachat enda tau bejalai.\\n5 Rekap seduai Banah mansang ngagai rumah Is-boset, lalu datai dia ba urung tengah hari, lebuh Is-boset benung belelak tengah hari nya.\\n6 Nyadi indu ke nyaga mua pintu rumah nya milih gandum, tang iya nyau ngantuk lalu tinduk. Rekap seduai Banah lalu begadai-gadai tama ngagai rumah nya, baka ke deka ngambi gandum, lalu ngerejang perut Is-boset. Udah nya Rekap enggau menyadi iya lalu rari.\\n7 Nyadi seduai iya udah tama ngagai rumah nya lebuh Is-boset benung gali ba katil iya; seduai iya ngamuk iya lalu munuh iya, mumpung pala iya, lalu nabanka pala iya semalam-malam nya nengah Lebak Jordan.\\n8 Seduai iya lalu nyerahka pala Is-boset ngagai Raja David di Hebron. Ku seduai iya bejaku enggau raja, “Tu pala Is-boset, anak munsuh nuan Saul, ti udah nguji munuh nuan. Sehari tu TUHAN udah nejuka Tuan Raja malas penyai Saul enggau peturun iya.”\\n9 Ku David nyaut seduai iya, “Dalam nama TUHAN ti idup, ti udah nebus aku ari semua penusah, aku besumpah,\\n10 lebuh seruan datai ngagai aku di Siklak lalu madahka Saul udah mati, iya ngumbai diri mai berita ti manah. Tang aku nangkap iya, lalu munuh iya. Nya meh upah ti diberi aku ngagai iya ke ngumbai diri mai berita ti manah nya!\\n11 Tang naka meh pemalat ukum ti deka diberi aku ngagai orang ke munuh orang ke nadai penyalah, ke benung tinduk dalam rumah iya empu! Aku diatu deka malas seduai laban seduai udah munuh iya, lalu aku deka muai seduai abis lengis ari dunya tu!”\\n12 David lalu ngasuh soldadu iya munuh seduai iya. Soldadu David lalu munuh Rechap seduai Banah. Sida netak jari enggau kaki seduai iya, lalu ngantung kaki jari seduai iya semak telaga di Hebron. Sida ngambi pala Is-boset, lalu nguburka pala nya ba lumbung Abner di Hebron.\\nDavid Nyadi Raja Menua Israel Enggau Menua Judah\\n1 Udah nya semua tuai raban bansa orang Israel betemu enggau David di Hebron, lalu bejaku munyi tu: “ Kami tu kaban belayan nuan.\\n2 Indah lebuh Saul nyadi raja, deh nuan nguluka bansa kitai beperang. Lalu TUHAN udah besemaya madahka nuan deka megai perintah di menua Israel lalu ngibun kami baka pengibun bedus.”\\n3 Nya meh maya David ngaga siti sempekat enggau bala tuai, lalu minta TUHAN nyadika saksi sida. Udah nya bala tuai nata pala David ngena minyak kana, kena nandaka iya diatu nyadi raja menua Israel.\\n4 Umur David tiga puluh taun lebuh iya nyadi raja, lalu iya merintah empat puluh taun.\\n5 Iya megai perintah menua Judah di Hebron tujuh taun setengah. Udah nya iya pindah ngagai Jerusalem alai iya ke megai perintah di menua Israel enggau menua Judah tiga puluh tiga taun.\\n6 Maya pen nyau datai alai David enggau bala iya deka mupuk lalu nyerang Jerusalem. Orang Jebus ti diau dia, ngumbai David enda ulih ngalahka nengeri nya, lalu ku sida madahka ngagai iya, “Nuan enda ulih tama kitu. Indah orang ke buta enggau ti enda tau bejalai deh ulih nagang nuan tama.” (\\n7 Tang David ngalahka nengeri Sion ti bekuta nya, lalu nengeri nya dikumbai “Nengeri David.”)\\n8 Ku David bejaku enggau bala iya, “Kati orang ditu bisi begedika orang Jebus baka aku ke begedika sida? Chukup begedi, datai ke kitai keras deka munuh sida? Enti bisi, awakka iya mansang nengah jalai lubang ai, lalu nyerang sida ke buta enggau ke kait-kupit nya.” (Nya kebuah orang nyebut, “Orang ke buta enggau ke kait-kupit enda tau tama ngagai rumah TUHAN.”)\\n9 Lebuh sida udah ngalahka nengeri ti bekuta nya, David lalu diau dia, lalu ngumbai nengeri nya “Nengeri David.” Iya lalu ngaga nengeri ngelingi nya, belabuh ari endur alai tanah ti udah ditambun ba tisi timur bukit nya.\\n10 Kuasa David nambah-menambah, laban TUHAN ti Pemadu Bekuasa bisi enggau iya.\\n11 Raja Hiram di Tire lalu ngirumka bala seruan betemu enggau David. Iya mega ngirumka kayu sidar, bala tukang kayu enggau bala tukang batu ngagai David, ngambika sida ngaga sebuah istana ke iya.\\n12 Ari nya David nemu TUHAN udah ngasuh iya tegap nyadi raja menua Israel, lalu ngasuh menua ti diperintah iya nyadi kaya, ke penguntung bala nembiak TUHAN.\\n13 Lebuh iya udah pindah ari Hebron ngagai Jerusalem, David ngambi mayuh agi indu simpan, enggau bini bukai, lalu anak lelaki enggau anak indu iya mega nambah mayuh agi.\\n14 Tu nama bala anak iya ke ada di Jerusalem: Shamua, Sobap, Natan, Solomon,\\n15 Ibar, Elisua, Nepek, Japia,\\n16 Elisama, Eliada, enggau Elipelet.\\nMenang Ngelaban Orang Pilistin\\n17 Lebuh orang Pilistin ninga David udah dichiri nyadi raja orang Israel, bala soldadu sida lalu ngiga iya; tang lebuh David ninga nya, iya lalu nurun ngagai siti endur ti bekuta.\\n18 Orang Pilistin datai ba Lebak Repaim, lalu nguan endur nya.\\n19 David lalu betanya ngagai TUHAN, “Kati tau aku nyerang orang Pilistin? Kati Nuan deka ngasuh aku menang?” Disaut TUHAN, “Serang meh sida! Aku deka ngasuh nuan menang!”\\n20 Nya alai David mansang ngagai Baal-perasim, lalu ngalahka orang Pilistin dia. Ku David, “TUHAN udah ngelanggar bala munsuh aku baka ai bah.” Nya kebuah endur nya dikumbai Baal-perasim.\\n21 Lebuh orang Pilistin rari, sida ninggalka engkeramba sida. David enggau bala iya lalu ngambi engkeramba nya.\\n22 Udah nya, orang Pilistin pulai baru ngagai Lebak Repaim, lalu nguan endur nya baru.\\n23 David lalu betanya baru ngagai TUHAN. Lalu ku TUHAN nyaut, “Anang nyerang sida muak ari tu, tang bejalai kita ngelaungka sida, lalu serang sida ari sepiak nyin, semak kayu balsam.\\n24 Lebuh nuan ninga munyi rentak kaki bejalai ba puchuk kayu, nuan enda tau enda nyerang sida, laban Aku deka bejalai dulu ari kita lalu ngalahka bala soldadu orang Pilistin.”\\n25 David lalu ngereja nitihka asuh TUHAN, lalu iya ulih muru orang Pilistin kenyau ari Geba terus ngagai Geser.\\nPeti Lampang Batu Adat Dibai Ngagai Jerusalem\\n1 Nyadi sekali David ngempuruka tiga puluh ribu iku soldadu ke pemadu kering di menua Israel,\\n2 di menua Judah, deka ngambi Peti Lampang Batu Adat Allah Taala, ti ngundan nama TUHAN ti Pemadu Bekuasa, ke bempu kerusi diraja atas dua iku melikat cherub ti besayap.\\n3 Sida ngambi Peti nya ari rumah Abinadap ti ba bukit, lalu ngengkahka Peti nya ba sebuah kerita tarit ti baru. Kerita nya lalu diiring Usah seduai Ahio, anak Abinadap,\\n4 Ahio bejalai di mua.\\n5 David enggau semua orang Israel betanda sereta belagu enggau pengabis pengering sida ngemesaika TUHAN. Sida nebah belikan, engkeratung, dedumbak, cherakap enggau bebendai.\\n6 Lebuh sida datai ba endur alai nungku gandum di Nakon, jelu sapi tesangkut. Usah nyapai lalu ngetanka Peti Lampang Batu Adat nya.\\n7 Tekala nya TUHAN Allah Taala lalu ringat ngagai Usah, lalu munuh iya laban iya enda bebasaka Allah Taala. Usah lalu mati dia ngimbai Peti Lampang Batu Adat nya.\\n8 Nya kebuah, kenyau ari nya, endur nya dikumbai Peres-usah David pedis ati, laban TUHAN udah ringat lalu ngukum Usah.\\n9 David lalu takutka TUHAN. Ku iya, “Baka ni ku chara aku mai Peti Lampang Batu Adat tu diatu?”\\n10 Nya alai, iya lalu mutuska runding enda nyadi mai Peti Lampang Batu Adat nya ngagai Jerusalem, tang limpang ari jalai raya, lalu mai Peti nya ngagai rumah Obet-edom, ke asal ari Gat.\\n11 Peti Lampang Batu Adat nya mengkang dia tiga bulan, lalu TUHAN merekatka Obet-edom enggau sida sebilik.\\n12 Lebuh Raja David ninga TUHAN udah merekatka ruang bilik Obet-edom enggau semua utai ti dikemisi iya, iya lalu ngambi Peti Lampang Batu Adat nya ari rumah Obet-edom, lalu mai Peti nya ngagai Jerusalem ngena pengerami ti besai.\\n13 Lebuh orang ke ngesan Peti Lampang Batu Adat nya udah bejalai enam singkang, David lalu meri siku jelu sapi ti lelaki enggau siku anak sapi ti gemu nyadika piring.\\n14 David, ke begari semina ngena kain linin ti dibelitka iya ba punggung iya, lalu betanda enggau pengabis pengering iya, ngemesaika TUHAN.\\n15 Nya meh jalai iya, enggau semua orang Israel mai Peti Lampang Batu Adat nya ngagai Jerusalem, ngena panjung gaga ati enggau terumpit.\\n16 Lebuh Peti nya benung dibai tama ngagai nengeri nya, Mikal anak Saul, nyenguk ari jenila, lalu tepedaka Raja David betanda sereta ngingkak di mua TUHAN, lalu Mikal mechat David dalam ati iya.\\n17 Sida mai Peti nya, lalu ngengkahka iya ba endur asal iya dalam Langkau Kain ti udah didirika David alai engkah Peti nya. Udah nya iya lalu ngenjuk piring tunu enggau piring pemaik ngagai TUHAN.\\n18 Lebuh iya udah tembu ngenjuk piring nya, iya lalu merekatka orang mayuh dalam nama TUHAN ti Pemadu Bekuasa,\\n19 lalu nyadung pemakai ngagai sida. Iya meri ngagai genap iku orang ke lelaki enggau orang ke indu di menua Israel siti tuku roti, dagin ti udah dipanggang, enggau salai buah. Udah nya, semua orang pulai magang.\\n20 Lebuh David pulai ngagai istana iya deka betemu enggau sida sebilik, Mikal pansut lalu ngambat iya. Ku Mikal, “Balat amat Raja orang Israel ngemesaika diri sehari tu tadi, ngayanka tubuh diri di mua bala indu ke bekereja ke bala pemesai iya!”\\n21 Disaut David, “Aku ngereja nya kena aku ngemesaika TUHAN ti udah milih aku nyadi tuai orang Israel, lalu enda milih apai nuan enggau sida sebilik. Lalu aku deka majak betanda ngemesaika TUHAN,\\n22 lalu deka ngemelika diri lebih agi ari nya. Nuan nyangka ngumbai aku nadai guna, tang sida ke indu deka muji aku!”\\n23 Mikal anak Saul nadai kala bisi anak nyentuk ngagai iya mati.\\nPesan Natan Ngagai David\\n1 Raja David pen nyau diau ba istana iya empu, lalu TUHAN nyaga iya likun ari semua munsuh iya.\\n2 Udah nya raja lalu bejaku enggau nabi Natan, “Aku diau dalam rumah ti digaga ari kayu sidar, tang Peti Lampang Batu Adat Allah Taala diau dalam langkau kain!”\\n3 Disaut Natan, “Kereja aja sebarang utai ti ku ati nuan, laban TUHAN bisi enggau nuan.”\\n4 Tang malam nya TUHAN bejaku ngagai Natan,\\n5 “Alai nuan mansang ngagai nembiak Aku David, lalu padahka jaku Aku ngagai iya, “Ukai nuan ti deka ngaga rumah alai Aku diau.\\n6 Kenyau ari maya Aku ngelepaska orang Israel ari menua Ejip, nyentuk ngagai diatu, Aku nadai kala diau dalam rumah. Aku udah bejalai kia-kia, diau dalam langkau kain.\\n7 Sekumbang Aku ke bejalai enggau orang Israel, Aku nadai kala nanya ngagai bala tuai ti udah diletak Aku, kebuah sida apin ngaga rumah ke Aku ari kayu sidar.’\\n8 “Nya alai, padahka ngagai nembiak Aku David, Aku TUHAN ti Pemadu Bekuasa, nyebut ngagai iya, ‘Aku udah ngambi nuan ari pengawa nuan ke ngibun bedus, lalu ngasuh nuan merintah nembiak Aku Israel.\\n9 Aku udah enggau nuan di sebarang endur nuan bejalai, lalu Aku udah ngalahka semua munsuh nuan, lebuh nuan majakka pejalai nuan. Aku deka ngasuh nuan beberita baka bala tuai ti pemadu bekuasa di dunya tu.\\n10-11 Aku udah milih siti endur ke nembiak Aku Israel, lalu Aku udah ngentapka sida dia, alai sida deka diau, lalu enda agi ditekanka orang. Sekumbang sida ke udah datai di menua tu, sida udah diserang orang ke mangah, tang utai nya enda agi baka nya. Aku besemaya deka nyaga nuan likun ari semua munsuh nuan, lalu meri ngagai nuan mayuh peturun.\\n12 Lebuh nuan mati, lalu dikuburka begulai enggau bala aki ini nuan, Aku deka ngasuh siku ari bala anak lelaki nuan nyadi raja, lalu ngaga perintah iya kering.\\n13 Iya nya meh orang ke deka ngaga rumah ke Aku, lalu Aku deka netapka perintah iya meruan belama iya.\\n14 Aku deka nyadi Apai iya, lalu iya deka nyadi anak Aku. Lebuh iya ngereja utai ti salah, Aku deka nganu iya, baka apai ke nganu anak diri.\\n15 Tang Aku enda badu rinduka iya, baka ke udah dikereja Aku ngagai Saul, ti udah dibuai Aku, ngambika nuan ulih nyadi raja.\\n16 Nuan endang deka meruan bisi peturun, lalu Aku deka ngasuh perintah nuan meruan belama iya. Perintah nuan enda nemu abis.’ “\\n17 Natan lalu madahka ngagai David semua utai ti udah dipandangka Allah Taala ngagai iya.\\nDavid Besampi Meri Terima Kasih\\n18 Udah nya Raja David lalu tama ngagai Langkau Kain TUHAN, duduk lalu besampi, “TUHAN ti Pemadu Tinggi, aku enda patut nerima utai ti udah dikereja Nuan ke aku. Kami sebilik pen enda mega patut.\\n19 Tang diatu Nuan, TUHAN ti Pemadu Tinggi, ngereja utai ti lebih agi ari nya. Nuan udah ngaga siti semaya pasal peturun aku jemah ila. Lalu Nuan, TUHAN ti Pemadu Tinggi, ngasuh orang siku meda nya.\\n20 Nama utai ti patut disebut aku ngagai Nuan! Nuan nemu aku, ke nembiak Nuan.\\n21 Nuan ngereja semua utai tu nitihka peneka enggau juluk ati Nuan Empu kena Nuan ngajar aku.\\n22 Nuan, TUHAN ti Pemadu Tinggi, endang amat besai! Nadai orang sebaka enggau Nuan. Kami endang semampai nemu Nuan Allah Taala ti siku aja.\\n23 Nadai bansa di dunya tu ti sebaka enggau bansa orang Israel. Sida udah dilepaska Nuan ari pengidup sida ke nyadi ulun, lalu Nuan udah ngaga sida nyadika nembiak Nuan. Utai ti besai sereta badas, ti udah dikereja Nuan ke sida udah ngasuh berita pasal Nuan ngelekai di serata dunya. Nuan udah muru bansa bukai enggau petara sida, lebuh nembiak Nuan nyerang, iya nya orang ke udah dilepaska Nuan ari menua Ejip ngambika sida nyadi nembiak Nuan.\\n24 Nuan udah ngaga orang Israel nyadika nembiak Nuan belama iya, lalu Nuan, TUHAN, udah nyadi Allah Taala sida.\\n25 “Nya alai, TUHAN Allah Taala, kamatka belama iya, semaya ti udah digaga Nuan pasal peturun aku, lalu kereja meh utai ti deka dikereja Nuan.\\n26 Nuan deka beberita, lalu mensia deka belama iya nyebut, ‘TUHAN ti Pemadu Bekuasa nya Allah Taala ke disembah orang Israel.’ Lalu Nuan deka ngasuh perintah aku meruan belama iya.\\n27 TUHAN ti Pemadu Bekuasa, ti Allah Taala ke disembah orang Israel! Aku berani nyebut sampi tu ngagai Nuan, laban Nuan udah mandangka semua utai tu ngagai aku ke nembiak Nuan, lalu udah madahka ngagai aku pasal Nuan ti deka ngaga peturun aku nyadi raja.\\n28 Nya alai diatu, TUHAN ti Pemadu Tinggi, Nuan meh Allah Taala. Nuan endang seruran ngamatka semaya Nuan, lalu Nuan udah ngaga semaya ti manah tu enggau aku.\\n29 Aku minta Nuan merekatka peturun aku, ngambika sida ulih majak dikerinduka Nuan. Nuan, TUHAN ti Pemadu Tinggi, udah besemayaka utai tu, lalu berekat ti diberi Nuan deka meruan ba peturun aku belama iya.”\\nDavid Menang Beperang\\n1 Nyau kelama udah bekau nya, Raja David nyerang orang Pilistin baru. Iya ngalahka sida, lalu ngerampas menua sida.\\n2 Udah nya iya lalu ngalahka orang Moap. Iya ngasuh orang tangkap gali ba tanah, lalu munuh dua iku ari genap tiga iku sida. Nya alai orang Moap dipegai iya, lalu mayar chukai ngagai iya.\\n3 Udah nya iya ngalahka Hadadeser anak Rehob, raja menua Sobah, lebuh Hadadeser baru deka ngambi pulai menua di Sungai Eupratis.\\n4 David nangkap seribu tujuh ratus iku soldadu Hadadeser ke nepan kuda, enggau dua puluh ribu iku soldadu iya ke bejalai kaki. Iya ngalau kuda semina chukup ke seratus buah kerita perang, lalu mutuska rakat semua kuda ti bukai.\\n5 Lebuh orang Siria di Damaskus ngasuh bala soldadu nulung Raja Hadadeser, David nyerang bala soldadu nya, lalu munuh dua puluh dua ribu iku sida.\\n6 Udah nya iya lalu nirika kem ke soldadu iya di menua sida, lalu sida nyadi nembiak iya, lalu mayar chukai ngagai iya. TUHAN ngasuh David menang di semua endur.\\n8 Iya mega ngerampas mayuh amat temaga ari Betah enggau ari Berotai, iya nya nengeri ti dipegai Hadadeser.\\n10 iya lalu ngasuh anak iya Joram ngambat Raja David, sereta ngenataika jaku puji ngagai David laban iya udah ngalahka Hadadeser, ti udah suah dilaban Tou. Joram mai pemeri ti digaga ari emas, pirak enggau temaga ngagai David.\\n11 Raja David lalu nyerahka utai nya ngagai TUHAN, sama enggau pirak enggau emas ti udah diambi iya ari mayuh bengkah bansa ti udah dialahka iya, nyengkaum\\n12 Edom, Moap, Amon, Pilistin, enggau Amalek, sereta enggau sebagi ari perapasan ti udah dirampas iya ari Hadadeser.\\n13 Berita pasal David balat agi ngelekai lebuh iya pulai udah bekau iya ti munuh lapan belas ribu iku orang Edom ba Lebak Garam.\\n14 Iya nirika kem soldadu di serata menua Edom, lalu orang di menua nya nyadi nembiak iya. TUHAN ngasuh David menang di semua endur.\\n15 David merintah semua menua Israel, lalu iya meri atur ti lurus sereta betul ngagai semua nembiak iya.\\n16 Joap (indai iya Seruiah) nyadi tuai soldadu. Jehosapat anak Ahilut nyadi kerani raja.\\n17 Sadok anak Ahitup, enggau Ahimelek anak Abiatar nyadi imam. Seraiah nyadi tukang tulis dalam kot.\\n18 Benaiah anak Jehoiada nyadi tuai soldadu ke nyaga David. Lalu bala anak lelaki David nyadi imam.\\nDavid Betemu Enggau Mepiboset\\n1 Nyadi sekali David nanya, “Kati sida Saul sebilik agi bisi idup? Enti bisi, aku deka ngayanka penelap aku ngagai iya, nitihka semaya aku enggau Jonatan.”\\n2 Lebuh maya nya bisi siku orang gaji sida Saul sebilik ke benama Siba. Orang lalu ngasuh iya betemu enggau David. Ku raja nanya iya, “Kati nuan tu Siba?” Siba lalu nyaut, “Aku meh tu, Tuan Raja.”\\n3 Raja lalu nanya iya, “Kati sida Saul sebilik agi bisi idup? Aku bisi ati deka ngayanka penaluk enggau penelap Allah Taala ngagai iya.” Disaut Siba, “Siku anak lelaki Jonatan, tang iya enda ulih bejalai.”\\n4 “Dini alai iya?” ku raja nanya. “Ba rumah Machir anak Amil, di Lo-debar,” ku Siba nyaut.\\n5 David lalu mesanka iya.\\n6 Mepiboset anak Jonatan, uchu Saul lalu datai. Iya meremi meri tabi basa ngagai David. Ku David, “Mepiboset,” lalu ku iya nyaut, “Aku meh tu, Tuan Raja.”\\n7 “Anang takut,” ku David nyaut. “Aku deka nelap enggau nuan, ketegal apai nuan Jonatan. Aku deka mulaika ngagai nuan semua tanah ti diempu aki nuan Saul, lalu nuan seruran tau makai enggau aku.”\\n8 Mepiboset meremi baru, lalu ku iya, “Aku tu enda lebih ari bangkai ukui, Tuan Raja! Nama kebuah nuan manah enggau aku?”\\n9 Udah nya raja lalu ngangauka Siba, ti udah nyadi orang gaji Saul, lalu bejaku enggau iya, “Aku meri ngagai Mepiboset semua utai sida Saul sebilik.\\n10 Lalu nuan enggau bala anak lelaki nuan, enggau bala orang gaji nuan deka bumai ba tanah nya, ke uchu tuan nuan, lalu ngulihka pemakai ke sida sebilik. Tang Mepiboset empu deka seruran makai enggau aku.” (Siba bisi lima belas iku anak lelaki, enggau dua puluh iku orang gaji.)\\n11 Siba lalu nyaut, “Aku deka ngereja semua utai ti diasuh Raja.” Nya alai Mepiboset makai ba mija raja, baka anak raja empu.\\n12 Mepiboset bisi anak lelaki siku ti agi biak, ke benama Mika. Semua sida Siba sebilik nyadi orang gaji Mepiboset magang.\\n13 Nya alai, Mepiboset, ke bajung ba kedua piak kaki, diau di Jerusalem, makai enggau raja.\\nOrang Amon Ngeleseka David\\n1 Nyau kelama udah bekau nya, Nahas raja orang Amon mati, lalu anak iya Hanun nyadi raja.\\n2 Ku Raja David bejaku, “Aku enda tau enda ngayanka diri taluk ngagai Hanun, baka ke udah dikereja apai iya ngagai aku.” Nya alai David ngasuh bala seruan iya ngenataika penyinu ati iya. Lebuh bala seruan iya datai di Amon,\\n3 bala tuai orang Amon lalu bejaku enggau raja Hanun, “Kati nuan ngumbai David ngasuh bala orang tu ngenataika penyinu ati ketegal iya bebasaka apai nuan? Iya ngasuh sida kitu nyadi pematau, meratika nengeri tu, ngambika iya ulih ngalahka kitai!”\\n4 Hanun lalu nangkap bala seruan David, ngukur ragum sida ba sepiak mua aja, netak gari sida naka punggung, lalu ngasuh sida pulai.\\n5 Tang bala sida nya kelalu malu pulai. Lebuh David ninga utai ti udah nyadi, iya lalu ngirumka pesan ngagai sida, ngasuh sida diau di Jeriko, lalu enda pulai, nganti ragum sida udah tumbuh baru.\\nDavid Ngalahka Orang Amon\\n6 Lebuh orang Amon nemu diri udah ngaga David nyadi munsuh sida, sida lalu ngaji dua puluh ribu iku soldadu orang Siria ari Bet-rehop enggau ari Sobah, dua belas ribu iku orang ari Top, enggau seribu iku orang ari Maakah enggau raja sida empu.\\n7 Lebuh David ninga nya, iya lalu ngasuh Joap enggau semua bala soldadu mansang ngelaban sida.\\n8 Orang Amon pansut lalu nan ba pintu penama ngagai Rabah, iya nya indu nengeri sida, lalu sida ti bukai, nyengkaum orang Siria enggau orang ke ari Top enggau Maakah, nan di luar nengeri nya.\\n9 Lebuh Joap meda bala munsuh deka nyerang iya ari mua enggau ari belakang, iya lalu milih soldadu orang Israel ti pemadu kering, lalu ngasuh sida belatur ngelaban orang Siria.\\n10 Iya ngasuh menyadi iya Abisai nguluka bala soldadu ti bukai. Abisai lalu ngasuh sida belatur ngelaban orang Amon.\\n11 Ku Joap bejaku enggau Abisai, “Enti nuan meda orang Siria nyau deka ulih ngalahka aku, nuan nulung aku. Lalu enti orang Amon nyau deka ulih ngalahka nuan, aku nyaup nuan.\\n12 Kering sereta berani! Kitai enda tau enda bebendar belaban ngarika bansa kitai, enggau ngarika nengeri Allah Taala kitai. Awakka TUHAN ngereja utai ti manah ku ati Iya!”\\n13 Joap enggau bala iya lalu mansang nyerang orang Siria. Orang Siria lalu rari.\\n14 Lebuh orang Amon meda orang Siria rari, sida lalu rari ari Abisai, lalu pulai baru ngagai nengeri nya. Udah nya Joap nikal, enda nyadi nyerang orang Amon, lalu pulai ngagai Jerusalem.\\nDavid Ngalahka Orang Siria\\n15 Lebuh orang Siria nemu diri udah alah laban orang Israel, sida lalu ngempuruka semua bala soldadu sida.\\n16 Raja Hadadeser lalu mesanka bala orang Siria ti diau di timur Sungai Eupratis. Sida lalu datai ngagai Helam, diuluka Sobak, ti nyadi tuai soldadu Raja Hadadeser.\\n17 Lebuh David ninga nya, iya lalu ngempuruka bala soldadu orang Israel, meraka Sungai Jordan, lalu mansang ngagai Helam, alai bala orang Siria ke belatur deka ngelaban iya. Sida lalu belaban,\\n18 lalu bala soldadu orang Siria rari ari bala soldadu orang Israel. David enggau bala iya munuh tujuh ratus iku orang ke nepan kerita perang orang Siria, enggau empat puluh ribu iku soldadu ke nepan kuda. Sida mega ngemakalka Sobak. Sobak lalu mati ba endur alai sida ke betempuh.\\n19 Lebuh bala soldadu raja Hadadeser nemu diri udah alah laban orang Israel, sida lalu bebaik enggau orang Israel lalu nyadi nembiak raja orang Israel. Orang Siria lalu enda agi berani nulung orang Amon.\\nDavid Seduai Batseba\\n1 Lebuh musin bungai taun nya, maya bala raja endang selalu mansang ngayau, David ngasuh Joap enggau bala soldadu orang Israel ngalahka orang Amon, lalu ngelulung nengeri Rabah. Tang David empu mengkang di Jerusalem.\\n2 Nyadi sekali, ba urung ngalih hari, David angkat ari endur alai iya ke tinduk, lalu niki ngagai perabung istana. Lebuh iya bejalai ba perabung rumah nya, iya lalu tepedaka siku indu mandi. Indu nya bajik amat gamal.\\n3 David lalu ngasuh seruan iya betanyaka sapa indu nya. Iya lalu nemu nama indu nya Batseba anak Eliam. Batseba tu bini Uriah, orang Iti.\\n4 David lalu ngasuh sida seruan iya mesanka indu nya, lalu iya datai ngagai David, lalu David beleman enggau iya. (Nyadi indu nya baru udah tembu nuchi diri.) Udah nya indu nya lalu pulai baru ngagai rumah iya empu.\\n5 Indu nya lalu ngandung, lalu iya ngirumka pesan ngagai David, madahka diri ngandung.\\n6 David lalu mesanka Joap, “Asuh Uriah orang Iti betemu enggau aku.” Joap lalu ngasuh Uriah betemu enggau David.\\n7 Lebuh Uriah datai, David lalu nanyaka pasal pengerai Joap enggau bala soldadu iya, enggau pasal pemujur sida ke ngayau.\\n8 Udah nya iya lalu bejaku enggau Uriah, “Alai nuan pulai ke rumah, lalu belelak enda lama.” Uriah mupuk, lalu David ngirumka siti pemeri ngagai iya.\\n9 Tang Uriah enda pulai ke rumah, tang tinduk ba pintu penama ngagai istana, begulai enggau bala orang ke nyaga raja.\\n10 Lebuh David ninga Uriah nadai udah pulai ngagai rumah iya empu, iya lalu nanya Uriah, “Nuan lama udah ninggalka menua. Nama kebuah nuan enda pulai ngagai rumah nuan empu?”\\n11 Disaut Uriah, “Peti Lampang Batu Adat, bala orang Israel enggau bala orang Judah diau dalam langkau, lalu kepala aku Joap enggau bala pemesai iya agi diau ba kem. Nya alai baka ni ku aku nyamai pulai, makai ngirup, lalu tinduk enggau bini aku? Aku besumpah atas nama Tuan Raja enggau atas nama aku empu, aku enggai ngereja utai ti baka nya!”\\n12 Ku David, “Enti pia, awakka nuan diau ditu sehari tu. Pagila aku deka ngasuh nuan mupuk.” Uriah lalu diau di Jerusalem sehari nya, enggau hari siti.\\n13 David mai iya makai, lalu numi iya datai ke mabuk. Tang malam nya Uriah tinduk belapikka pua begulai enggau bala nembiak raja, lalu enda pulai ngagai rumah iya empu.\\n14 Pagi hari siti David nulis surat ngagai Joap, lalu ngasuh Uriah empu mai surat nya.\\n15 Ku jaku ti ditulis iya dalam surat nya, “Asuh Uriah berintai enggau orang di mua, alai orang ke balat agi belaban. Udah nya nuan nyurutka diri, lalu awakka iya kena bunuh munsuh.”\\n16 Nya alai lebuh Joap ngelulung nengeri nya, iya ngasuh Uriah mansang ngagai endur alai bala munsuh endang ditemu kering.\\n17 Bala soldadu munsuh lalu pansut ari nengeri nya, lalu ngelaban bala soldadu Joap. Sekeda bala pemesai David mati, nyengkaum Uriah.\\n18 Udah nya Joap ngasuh orang mai berita nya ngagai David, madahka pasal sida ke bamuk.\\n19 Ku Joap ngajar seruan iya, “Lebuh nuan udah madahka ngagai raja semua utai pasal kitai ke bamuk,\\n20 raja nyangka deka ringat, lalu nanya ngagai nuan, ‘Nama kebuah kita mansang ngenyemak nya ngagai nengeri nya ngamuk munsuh? Kati kita enda nemu sida deka nimbakka laja ari dinding kuta?\\n21 Kati kita enda ingatka chara Abimelek anak Gideon mati? Iya mati di Tebes, lebuh siku indu muai sigi batu kisar ari dinding kuta, lalu munuh iya. Nya alai, nama kebuah kita mansang ngenyemak nya ngagai dinding kuta nya?’ Enti raja nanya nuan munyi nya, padahka ngagai iya, ‘Pemesai nuan siku ke benama Uriah pen udah mega mati.’ “\\n22 Seruan nya lalu mansang betemu enggau David, lalu madahka utai ti udah diasuh Joap sebut iya.\\n23 Ku iya, “Bala munsuh kitai kering agi ari bala kami, lalu sida pansut ari nengeri ngamuk kami di luar nengeri. Tang kami ulih ngansakka diri ngagai sida ngagai pintu penama nengeri nya baru.\\n24 Udah nya sida lalu nimbakka laja ngagai kami ari dinding kuta, lalu sekeda ari bala pemesai raja mati, nyengkaum pemesai nuan siku ke benama Uriah.”\\n25 Ku David bejaku enggau seruan nya, “Sebut jaku tu ngagai Joap, ‘Anang ngelakka pekara tu ngenusahka ati nuan, laban nadai orang nemu sapa ke mati lebuh maya perang. Pajakka serang nuan ngelaban nengeri nya, datai ke nengeri nya alah.’ Beri peransang ngagai iya.”\\n26 Lebuh Batseba ninga laki iya udah mati, iya lalu ngulit.\\n27 Lebuh iya udah badu ngulit, David lalu mesanka iya ngagai istana. Iya lalu ngambi Batseba nyadika bini iya. Batseba lalu ngadaka anak lelaki siku. Tang TUHAN enda rinduka utai ti udah dikereja David.\\nPesan Natan; David Nesal Ati\\n1 TUHAN lalu ngasuh nabi Natan betemu enggau David. Natan lalu betemu enggau iya, lalu bejaku ngagai iya, ku Natan bejaku, “Nyadi sekali dalam sebuah nengeri bisi dua iku orang. Siku kaya, lalu siku seranta.\\n2 Orang ke kaya nya mayuh jelu sapi enggau jelu bedus,\\n3 tang orang ke seranta nya semina bisi siku aja anak domba, ti ulih iya meli. Orang ke seranta nya ngibun anak domba nya, lalu jelu nya mansang besai dalam rumah iya begulai enggau bala anak iya empu. Iya meri anak domba nya pemakai ari pemakai iya empu, meri iya ngirup ari mangkuk iya empu, lalu mangku iya. Anak domba nya nyau digaga iya baka anak indu iya empu.\\n4 Nyadi sekali siku temuai datai ba rumah orang ke kaya nya. Orang ke kaya nya enggai munuh jelu iya empu kena iya nyendiaka pemakai ke temuai nya, tang ngambi anak domba orang ke seranta nya, lalu nyendiaka pemakai ke temuai iya.”\\n5 David lalu ringat ngagai orang ke kaya nya. Ku iya, “Aku besumpah dalam nama TUHAN ti idup, orang ke ngereja nya patut dibunuh!\\n6 Laban iya udah jai enggau orang nya; iya enda tau enda mayar empat kali lipat utai ti udah diambi iya.”\\n7 Natan lalu bejaku ngagai David, “Orang nya nuan empu. Tu utai ti disebut TUHAN Allah Taala ke disembah orang Israel, ‘Aku udah nyiri nuan nyadi raja menua Israel, lalu udah ngelepaska nuan ari jari Saul.\\n8 Aku udah meri perintah iya, enggau bala bini iya ngagai nuan. Aku udah nyiri nuan nyadi raja menua Israel enggau menua Judah. Enti nya enda chukup, Aku tetap deka meri dua kali mayuh agi ari nya ngagai nuan.\\n9 Nya alai, nama kebuah nuan enda ngasika pesan Aku? Nama kebuah nuan ngereja utai ti jai baka nya? Nuan udah ngasuh Uriah mati beperang. Nuan nejuka orang Amon munuh iya, lalu udah nya nuan ngambi bini iya!\\n10 Nya alai, dalam genap serak peturun nuan, siku orang deka mati dibunuh orang, laban nuan enda ngasika Aku lalu udah ngambi bini Uriah.\\n11 Aku besumpah deka ngasuh siku ari kita sebilik ngenusahka nuan. Nuan empu deka meda penusah nya nyadi, lebuh Aku ngambi bala bini nuan, lalu meri sida ngagai orang bukai. Lalu iya deka beleman enggau sida lebuh siang hari.\\n12 Nuan udah ngelalaika dosa diri, tang Aku deka ngasuh utai nya nyadi lebuh siang hari, ngambika semua orang Israel meda nya magang.’ “\\n13 David lalu bejaku, “Aku udah bedosa ngelaban TUHAN.” Natan lalu nyaut, “TUHAN ngampun nuan. Nuan enda mati.\\n14 Tang laban nuan enda bebasaka TUHAN ketegal nuan udah ngereja utai tu, anak nuan deka mati.”\\n15 Udah nya Natan pulai.\\nAnak David Mati\\nTUHAN lalu ngasuh anak ke diadaka bini Uriah ke David, sakit.\\n16 David besampi ngagai Allah Taala, minta anak mit nya gerai. David enggai makai, lalu iya tama tiap malam ngagai bilik iya, lalu gali ba geladak semalam-malam nya.\\n17 Bala pemesai ke gawa ke iya datai ngagai iya, nguji ngumbuk iya angkat, tang iya enggai angkat, lalu enggai makai enggau sida.\\n18 Seminggu udah bekau nya, anak mit nya mati. Bala pemesai David takut madahka nya ngagai iya. Ku sida, “Lebuh anak mit nya agi idup, David enggai nyaut kitai lebuh kitai nyebut utai ngagai iya. Baka ni ku chara kitai madahka anak mit nya udah mati? Kada enda iya deka munuh diri!”\\n19 Lebuh David meda sida betelai enggau pangan diri, iya lalu nemu anak mit nya udah mati. Nya alai iya lalu nanya sida, “Kati anak mit nya udah mati?” “Udah,” ku sida nyaut.\\n20 David lalu angkat ari geladak nya, mandi, nata diri ngena minyak wangi, lalu nukar gari diri. Udah nya iya mansang ngagai rumah TUHAN meremi lalu besampi ngagai Allah Taala. Lebuh iya pulai ngagai istana, iya lalu minta utai diempa, lalu lebuh pemakai nya udah sedia, iya lalu makai.\\n21 Ku bala pemesai iya bejaku enggau iya, “Kami enda meretika utai tu. Lebuh anak mit nya agi idup, nuan nyabakka iya, lalu nuan enggai makai. Tang lebuh iya udah mati, nuan angkat lalu makai!”\\n22 Disaut David, “Aku amat bepasa sereta nyabak lebuh iya agi idup, laban aku ngumbai TUHAN deka kasihka aku, lalu enda nejuka anak mit nya mati.\\n23 Tang diatu iya udah mati, nya alai aku nadai agi kebuah bepasa. Aku enda ulih ngasuh iya idup baru. Jemah ila aku deka datai ngagai iya, tang iya enda ulih pulai ngagai aku.”\\n24 Udah nya David merindang bini iya Batseba. Iya tinduk enggau iya, lalu Batseba ngadaka anak lelaki siku. David lalu meri iya nama Solomon. TUHAN rinduka nembiak nya,\\n25 lalu ngasuh nabi Natan meri nama Jedidiah ngagai nembiak nya laban TUHAN rinduka iya.\\nDavid Ngalahka Rabah\\n26 Lebuh rambau nya, Joap majak nyerang Rabah, indu nengeri orang Amon, lalu ngalahka nengeri nya.\\n27 Iya lalu ngasuh bala seruan betemu enggau David, lalu madahka ngagai iya, “Aku udah nyerang Rabah, lalu udah ngerampas penatai ai sida.\\n28 Nya alai, gempuruka semua bala soldadu nuan ti bukai, serang nengeri nya, lalu alahka nengeri nya, enggai ke orang ngumbai aku ngalahka nengeri nya.”\\n29 Nya alai David ngempuruka bala soldadu iya, mansang ngagai Rabah, nyerang lalu ngalahka nengeri nya.\\n30 David lalu ngambi siti makota emas ti berat kira tiga puluh empat kilogram ari pala engkeramba petara Molek ti disembah orang Amon. Ba makota nya bisi sigi batu ti berega. David ngambi lalu ngengkahka batu ti berega nya ba makota iya empu. Iya mega bulih mayuh amat perapasan ari nengeri nya.\\n31 Iya mejalka orang ke diau di nengeri nya gawa ngena penyayat, changkul besi, enggau kapak besi, lalu mejalka sida bekereja begagaka batu bata. Iya bejalaika atur nya di semua nengeri ti bukai di Amon. Udah nya, iya enggau bala iya pulai ngagai Jerusalem.\\nAmnon Enggau Tamar\\n1 Nyadi anak lelaki David ke benama Absalom bisi siku menyadi dara ti bajik gamal. Nama iya Tamar. Nyadi Amnon, siku agi anak lelaki David, bisi ati ke Tamar.\\n2 Amnon nyau sakit laban iya balat merampauka menyadi iya Tamar. Laban Tamar agi dara bungas, iya enda disagi betemu enggau lelaki.\\n3 Tang Amnon bisi siku pangan ti pintar. Nama iya Jonadap anak Samah. Nyadi Samah nya menyadi lelaki David.\\n4 Ku Jonadap bejaku enggau Amnon, “O anak raja, nama kebuah nuan merampau diau tiap pagi? Uji padahka ngagai aku.” Disaut Amnon, “Aku rinduka Tamar, menyadi indu Absalom, menyadi-tiri aku.”\\n5 Ku Jonadap bejaku enggau iya, “Uji nuan gali ba peninduk nuan, lalu ngeluluka diri sakit. Lebuh apai nuan datai ngabas nuan, sebut ngagai iya, ‘Asuh menyadi aku Tamar datai kitu, nyapi aku makai. Aku minta iya nyendiaka pemakai ke aku ditu di mua aku, lalu nyapi aku.’ “\\n6 Amnon lalu ngeluluka diri sakit, lalu gali ba peninduk iya. Lebuh Raja David datai ngabas iya, Amnon lalu bejaku enggau iya, “Aku minta nuan ngasuh Tamar datai lalu ngaga dua tiga igi kek ditu di mua aku, lalu nyapi aku.”\\n7 David lalu mesanka Tamar, ku iya, “Alai nuan ngagai rumah Amnon, lalu nyendiaka pemakai ke iya.”\\n8 Tamar mansang, lalu nemu Amnon gali ba peninduk iya. Tamar bisi mai tepung. Iya nyendiaka tepung nya, lalu ngaga kek mimit, dipeda Amnon empu, lalu manggang kek nya.\\n9 Udah nya iya nuang kek nya ari kali ke Amnon. Tang Amnon enggai makai kek nya. Ku iya, “Asuh semua orang pansut.” Semua orang lalu pansut.\\n10 Udah nya iya lalu bejaku enggau Tamar, ��Bai kek nya kitu ngagai peninduk aku, lalu sapi aku.” Tamar lalu mai kek nya ngagai Amnon.\\n11 Lebuh Tamar nyapika kek nya ngagai Amnon, Amnon lalu masung Tamar. Ku iya, “Aram gali enggau aku!”\\n12 “Enggai aku,” ku Tamar. “Anang mejalka aku ngereja utai ti balat ngasuh malu baka tu! Utai tu kelalu jai!\\n13 Baka ni ku aku ulih ngayanka mua diri ngagai orang mayuh? Lalu nuan empu deka dipechat semua orang Israel. Aku minta nuan bejaku enggau raja. Iya\\ntentu deka nyerahka aku ngagai nuan.”\\n14 Tang Amnon enggai mendingka Tamar. Lalu laban iya kering agi ari Tamar, iya ulih masung Tamar.\\n15 Udah nya Amnon balat amat begedika Tamar. Iya begedika iya lebih agi ari iya ti udah rinduka iya sebedau nya. Ku Amnon bejaku enggau Tamar, “Pansut nuan ari tu!”\\n16 Tang ku Tamar nyaut, “Aku enggai. Enti nuan ngasuh aku pansut baka tu, penyalah nya deka nyadi besai agi ari utai ti baru udah dikereja nuan!” Tang Amnon enggai mendingka Tamar.\\n17 Iya lalu ngangauka orang gaji iya, lalu bejaku, “Bai indu tu pansut ari tu! Buai iya ke luar, lalu kunchi pintu!”\\n18 Orang gaji nya lalu muru Tamar pansut, lalu ngunchi pintu. Nyadi Tamar ngena baju panjai, ti panjai lengan, ti endang dikena anak dara raja lebuh maya nya kelia.\\n19 Tamar ngerabu pala iya enggau amau, nyarikka baju panjai iya, mampul mua diri, mupuk, nyabak duie-duie.\\n20 Lebuh menyadi lelaki iya Absalom meda nya, iya lalu nanya, “Kati Amnon bisi udah ngachau nuan? Anang kelalu tusah ati. Iya pen menyadi nuan, nya alai anang besebutka utai tu ngagai orang.” Tamar lalu diau dalam rumah Absalom, tusah ati sereta seilu-ilu diau kediri.\\n21 Lebuh raja ninga pasal utai ti udah nyadi, iya pedis ati.\\n22 Lalu Absalom mega balat amat begedika Amnon laban iya udah masung menyadi indu iya Tamar, lalu Absalom enggai agi bejaku enggau Amnon.\\n23 Dua taun udah bekau nya, Absalom ngasuh orang ngukur bedus iya di Baal-hasor, semak nengeri Epraim, lalu iya ngangauka semua anak lelaki raja ngabang ngagai pengawa nya.\\n24 Iya mansang ngagai Raja David. Ku iya, “Tuan Raja, aku deka ngasuh orang ngukur bulu bedus aku. Kati nuan enggau bala pemesai nuan ulih datai ngagai pengerami nya?”\\n25 Disaut raja, “Enda, anak, enggai ke nuan kiruh laban kami, enti semua kami datai magang.” Absalom lalu mujuk raja, tang raja enggai nurutka iya. Raja lalu ngasuh Absalom mupuk.\\n26 Tang ku Absalom, “Enti nuan empu enda, abis kurang iya, lakka menyadi aku Amnon datai.” Raja lalu nanya, “Nama kebuah alai iya enda tau enda datai?”\\n27 Tang Absalom balat amat mujuk raja, datai ke David nyau nejuka Amnon enggau bala anak lelaki iya ti bukai mupuk enggau Absalom. Absalom nyendiaka pengerami makai besai, baka ke nyendiaka pemakai raja\\n28 lalu meri atur ngajar bala orang gaji iya: “Peda enggau manah. Lebuh Amnon udah mabuk, lalu lebuh aku ngasuh kita munuh iya, bunuh iya. Anang takut. Aku empu deka betanggungjawapka nya. Kita enda tau enda berani, lalu anang kakang ati!”\\n29 Nya alai bala orang gaji lalu bejalaika atur Absalom, lalu munuh Amnon. Bala anak lelaki David ti bukai lalu nepan keledai sida, lalu rari.\\n30 Lebuh sida benung di rantau jalai pulai ngagai rumah sida empu, orang lalu madahka ngagai David, “Absalom udah munuh semua anak lelaki nuan. Nadai siku sida agi idup!”\\n31 Raja lalu bediri, nyarikka gari diri, lalu ngalika diri ba tanah. Bala orang gaji ke bisi enggau iya dia, mega nyarikka gari diri.\\n32 Tang ku Jonadap bejaku, “Tuan Raja, sida enda munuh semua anak lelaki nuan. Semina Amnon aja ke mati. Enti nuan meda ulah Absalom, nya baru nuan nemu iya endang udah mutuska runding deka ngereja nya kenyau ari maya Amnon ke masung menyadi iya Tamar.\\n33 Nya alai anang arapka berita ti madahka semua anak lelaki nuan udah dibunuh magang.”\\n34 Lebuh maya nya Absalom endang udah rari. Siku soldadu ke jaga tepedaka bala orang nurun bukit nengah jalai raya ari Horonaim. Iya mansang ngagai raja, lalu madahka utai ti dipeda iya.\\n35 Ku Jonadap bejaku enggau David, “Nyin bala anak lelaki nuan datai, munyi ti dipadahka aku ngagai nuan.”\\n36 Lebuh iya baru udah nyebut nya, bala anak lelaki David pen datai. Sida, David enggau bala pemesai iya lalu belabuh nyabak duie-duie.\\n37-38 Absalom rari ngagai Talami anak Amihut, raja ke merintah di Gesur, lalu diau dia tiga taun. David lama amat ngulitka anak iya Amnon.\\n39 Tang lebuh iya enda agi kelalu tusah ati ke Amnon, iya lalu lelengauka anak iya Absalom.\\nJoap Ngatur Pemulai Absalom\\n1 Joap nemu Raja David endang balat lelengauka Absalom.\\n2 Nya alai iya ngasuh siku seruan mansang ngagai Tekoa, ngambi siku indu ke pintar, ti diau di Tekoa. Lebuh indu nya datai, Joap lalu bejaku enggau iya, “Aku ngasuh nuan ngeluluka diri ngulit. Rasukka pekayan ulit nuan, lalu anang nyugu buk nuan. Keluluka diri baka ke lama udah ngulit.\\n3 Udah nya, mansang nuan ngagai raja, lalu sebut ngagai iya utai ti diasuh aku sebut nuan.” Udah nya Joap lalu madahka utai ti patut disebut iya.\\n4 Indu nya lalu betemu enggau raja, nyungkurka diri ke tanah masa raja. Lalu ku iya, “Tulung aku, Tuan Raja!��\\n5 “Nama penusah nuan?” ku raja nanya iya. “Aku tu indu balu ke seranta, tuan,” ku iya nyaut. “Laki aku udah mati.\\n6 Aku bisi dua iku anak lelaki. Nyadi sekali seduai iya belaya di umai. Orang nadai nyeraraka seduai iya, lalu siku ari seduai iya tebunuhka menyadi iya.\\n7 Nyadi diatu, tuan, semua kaban belayan aku nyau ngelaban aku magang, lalu sida ngasuh aku nyerahka anak aku ngagai sida, ngambika sida ulih munuh iya laban iya udah munuh menyadi iya. Enti aku nyerahka iya ngagai sida, aku nadai agi anak. Anak aku nya ke dikarapka aku. Enti sida munuh iya, laki aku nadai purih.”\\n8 “Pulai meh nuan,” ku raja nyaut. “Aku deka ngatur pekara nya.”\\n9 “Tuan Raja,” ku indu nya bejaku, “Kami sebilik deka betanggungjawapka sebarang utai ti dikereja nuan. Nuan enggau ruang bilik raja sigi nadai penyalah.”\\n10 Ku raja nyaut, “Enti orang bisi ngemba nuan, bai iya ngagai aku, ngambika iya enda ngachau nuan agi.”\\n11 Ku indu nya bejaku, “Tuan Raja, aku minta nuan besampi ngagai TUHAN Allah Taala nuan, ngambika kaban belayan aku enda bebalaska pemati anak aku, ngambika anak aku ti siku nya enda dibunuh sida.” Disaut David, “Aku besemaya, dalam nama TUHAN ti idup, nadai penusah deka ninggang anak nuan.”\\n12 “Tuan Raja, awakka aku nyebut siti agi utai,” ku indu nya bejaku. “Sebut meh,” ku raja nyaut.\\n13 Ku indu nya bejaku enggau raja, “Enti pia, nama kebuah nuan ngereja utai ti salah baka nya ngagai bala nembiak Allah Taala? Laban lebuh nuan meri pemutus penemu nya, Raja ngukum diri empu, laban nuan enda ngambi anak nuan pulai baru.\\n14 Semua kitai enda tau enda mati. Kitai tu baka ai ti tesiuh ngagai tanah, ti enda ulih digumpul agi. Indah Allah Taala deh enda ngangkatka orang ke udah mati pulai idup baru, tang Tuan Raja patut nemu jalai mai orang ke udah dibuai ngagai menua bukai, pulai baru.\\n15 Nyadi aku datai laban aku deka nyebut tu ngagai Tuan Raja, laban jaku orang udah ngenakutka ati aku. Aku bejaku enggau Raja, nyangka ukur Raja deka ngereja utai ti dipinta aku.\\n16 Laban Raja sigi deka mending, lalu ngelepaska aku ari jari orang ke nguji muai aku enggau anak aku ari menua ti diberi Allah Taala ngagai nembiak Iya.\\n17 Dalam pikir aku, jaku semaya nuan, Tuan Raja, deka ngasuh pengidup aku likun, laban nuan, Tuan Raja baka melikat Allah Taala, ulih ngelala bida entara utai ti manah enggau utai ti jai. Awakka TUHAN Allah Taala nuan meruan enggau nuan!”\\n18 Ku raja nyaut, “Aku deka nanyaka siti utai ngagai nuan, lalu nuan enda tau enda madahka utai ti bendar ngagai aku.” Indu nya lalu nyaut, “Tanyaka aja meh sebarang utai ti deka ditanyaka nuan, Tuan Raja.”\\n19 Raja lalu nanya, “Kati Joap bisi udah ngasuh nuan ngereja utai tu?” Ku indu nya nyaut, “Aku besumpah atas nama semua utai ti kudus, Tuan Raja, aku nadai jalai nyeliahka tanya nuan nya. Siku pemesai nuan ke benama Joap udah ngasuh aku ngereja tu, lalu madahka utai ti patut disebut aku.\\n20 Tang iya ngereja nya kena iya beluruska pekara tu. Tuan Raja empu endang bepenemu-dalam baka melikat Allah Taala, lalu nemu semua utai ti nyadi.”\\n21 Udah bekau nya raja lalu bejaku enggau Joap, “Aku udah mutuska runding deka ngereja utai ti dipinta nuan. Mupuk meh nuan, lalu bai jang Absalom pulai kitu baru.”\\n22 Joap lalu nyungkurka diri di mua David, meri basa ngagai iya. Ku iya, “Awakka Allah Taala merekatka nuan, Tuan Raja! Diatu baru aku nemu nuan rinduka aku, laban nuan udah besetujuka peminta aku.”\\n23 Udah nya iya angkat, lalu mansang ngagai Gesur, lalu mai Absalom pulai ngagai Jerusalem.\\n24 Tang raja meri atur, enda ngasuh Absalom diau dalam istana. “Aku enggai meda iya,” ku raja bejaku. Nya alai Absalom diau dalam rumah iya empu, lalu nadai betemu enggau raja.\\nAbsalom Bebaik Enggau David\\n25 Nadai orang di menua Israel ke balat agi dipuji ari Absalom ketegal penyigat gamal iya. Iya nadai penimpang kenyau ari punjung pala nyentuk ngagai ujung kaki.\\n26 Buk iya tebal, lalu iya nguntin buk iya sekali setaun lebuh buk nya kelalu panjai sereta berat. Pemerat buk iya kira dua kilogram, enti nitihka atur timbang ti dikena raja.\\n27 Absalom bisi tiga iku anak lelaki, enggau siku anak indu ke benama Tamar. Tamar nya bajik amat gamal.\\n28 Absalom diau dua taun di Jerusalem, tang iya nadai kala betemu enggau raja.\\n29 Udah nya iya mesanka Joap laban iya deka ngasuh Joap nyadika pengari iya betemu enggau raja. Tang Joap enggai betemu enggau Absalom. Absalom mesanka iya baru, tang Joap mengkang enggai betemu enggau iya.\\n30 Absalom lalu bejaku enggau bala orang gaji iya, “Tanah Joap ngimbai tanah aku, lalu iya bisi barli tumbuh dia. Alai kita nunu barli nya.” Sida mupuk, lalu nunu barli nya.\\n31 Joap lalu mansang ngagai rumah Absalom, lalu nanya, “Nama kebuah bala nuan nunu umai aku?”\\n32 Disaut Absalom, “Laban nuan enggai betemu enggau aku lebuh aku mesanka nuan. Aku deka ngasuh nuan betemu enggau raja ngarika aku, lalu mantaika tanya aku tu ngagai iya: ‘Nama kebuah aku ninggalka Gesur lalu datai kitu? Manah agi aku mengkang diau din.’ “ Lalu ku Absalom nampung jaku iya, “Aku minta nuan nulung aku, ngambika aku ulih betemu enggau raja. Enti aku bisi penyalah, awakka iya munuh aku.”\\n33 Nya alai Joap mansang betemu enggau Raja David, lalu madahka utai ti udah disebut Absalom. Raja lalu mesanka Absalom. Absalom lalu betemu enggau raja, nyungkurka diri di mua iya. Raja lalu nyium iya.\\nAbsalom Bekira Deka Ngelaban Raja David\\n1 Udah bekau nya, Absalom nyendiaka sebuah kerita perang enggau kuda ke iya empu, enggau lima puluh iku orang nyaga iya lebuh iya bejalai.\\n2 Iya selalu angkat tumu pagi, lalu bediri semak jalai raya, ba pintu kuta nengeri. Genap kali orang datai dia mai pekara ti diasuh sida putarka raja, Absalom ngangauka orang nya, lalu nanyaka penatai iya. Lebuh orang nya udah madahka raban bansa diri,\\n3 Absalom bejaku munyi tu ngagai orang nya, “Nuan nadai ngelanggar adat, tang pengari ari raja nadai ditu mendingka pekara nuan.”\\n4 Lalu ku Absalom nampung jaku iya, “Naka meh pemanah enti sema aku nyadi hakim! Nya baru orang ke deka bechara, tauka minta atur, tau datai ngagai aku, lalu aku deka meri sida atur ti lurus.”\\n5 Lebuh orang nya mansang lalu nyungkurka diri di mua Absalom, Absalom ngunjurka jari iya lalu merap sereta nyium orang nya.\\n6 Absalom ngereja nya ngagai semua orang Israel ke mansang minta atur raja. Nya chara iya nguingka ati sida ngambika sida taluk ngagai iya.\\n7 Lepas empat nya Absalom lalu bejaku enggau Raja David, “Tuan, aku minta nuan ngemendarka aku mansang ngagai Hebron, laban aku deka ngamatka semaya aku enggau TUHAN.\\n8 Lebuh aku diau di Gesur, di menua Siria suba, aku besemaya enggau TUHAN, enti Iya mai aku pulai baru ngagai Jerusalem, aku deka nyembah Iya di Hebron.”\\n9 “Mupuk meh nuan enggau selamat,” ku raja bejaku. Absalom lalu mupuk ngagai Hebron.\\n10 Tang iya ngasuh bala seruan bejalai ngagai semua raban bansa orang Israel, mai jaku tu, “Lebuh kita ninga munyi terumpit, kita enda tau enda manjung, ‘Absalom udah nyadi raja di Hebron!’ “\\n11 Dua ratus iku orang ari Jerusalem mupuk enggau Absalom; sida tu udah dipesanka Absalom, lalu sida tu mupuk nadai nemu ulu-ili.\\n12 Lebuh iya benung ngenjuk piring, Absalom mega ngasuh orang mansang ngagai nengeri Gilo, madahka Ahitopel, siku ari orang ke nyadi penyanding penemu Raja David. Pengawa Absalom ti deka angkat ngelaban mansang kering-sekering, lalu bala Absalom mansang mayuh-semayuh.\\nDavid Rari Ari Jerusalem\\n13 Siku seruan lalu madahka ngagai David, “Orang Israel besumpah madahka diri deka taluk ngagai Absalom.”\\n14 David lalu bejaku enggau bala pemesai iya ke bisi enggau iya di Jerusalem, “Kitai enda tau enda mupuk diatu, enggai ke kitai enda ulih rari ari Absalom! Angkat jampat, enggai ke iya datai, ngalahka kitai, lalu munuh semua orang dalam nengeri tu!”\\n15 “Au, Tuan Raja,” ku sida nyaut. “Kami sedia deka ngereja semua utai ti diasuh nuan.”\\n16 Raja lalu mupuk, disempulang semua sida sebilik, kelimpah ari sepuluh iku indu simpan iya, ke ditinggalka iya, ngambika bisi ngintu istana.\\n17 Lebuh raja enggau semua bala iya angkat ari nengeri nya, sida lalu ngetu ba rumah ti pengujung bendar.\\n18 Semua bala pemesai iya bejalai mansa iya. Enam ratus iku bala soldadu ti udah nitihka iya ari Gat, mega mansa iya.\\n19 Lalu ku raja bejaku enggau Itai, ti nyadi tuai sida, “Nama kebuah nuan mupuk enggau kami? Pulai nuan, lalu diau begulai enggau raja ke baru nya. Nuan orang bansa bukai, lalu nuan udah tasah ari menua diri.\\n20 Nuan apin lama udah diau ditu. Nya alai, nama kebuah aku nejuka nuan belelang enggau aku? Indah aku empu deh enda nemu tunga pejalai diri. Nya alai pulai nuan, lalu bai semua bala nuan. Awakka TUHAN manah sereta tetap ati ngagai nuan.”\\n21 Tang ku Itai nyaut, “Tuan Raja, aku besumpah dalam nama TUHAN, aku deka seruran bejalai enggau nuan, ngagai sebarang endur nuan bejalai, taja pen aku nemu diri deka mati.”\\n22 “Manah meh nya!” ku David nyaut. “Mupuk meh nuan enggau kami!” Nya alai Itai mupuk enggau David, sama enggau bala iya, enggau semua sida sebilik.\\n23 Orang mayuh nyau bekeduie nyabak lebuh bala David mupuk. Raja lalu meraka sungai Kidron, dientudika bala iya. Sida lalu bejalai tunga ngagai menua puang.\\n24 Abiatar, Sadok enggau semua orang Lewi ngesan Peti Lampang Batu Adat TUHAN. Sida ngengkahka Peti nya datai ke semua orang udah mansa pansut ari nengeri nya.\\n25 Udah nya raja lalu bejaku enggau Sadok, “San Peti Lampang Batu Adat nya pulai baru ngagai nengeri. Enti TUHAN rinduka aku, jemah ila ga Iya tau ngasuh aku pulai baru, ngambika aku ulih meda Peti Lampang Batu Adat nya baru enggau endur alai Peti nya diau.\\n26 Tang enti TUHAN enda rinduka aku, nadai ku enggau. Awakka Iya ngereja sebarang utai ti dikedekaka Iya ngagai aku.”\\n27 Lalu ku David nampung jaku iya ngagai Sadok, “Dinga nuan, bai anak nuan Ahimas enggau Abiatar anak Jonatan pulai ngagai nengeri enggau selamat.\\n28 Aku deka nganti berita ari nuan ba pemeraka sungai di menua puang.”\\n29 Sadok enggau Abiatar lalu mai Peti Lampang Batu Adat nya pulai baru ngagai Jerusalem, lalu diau dia.\\n30 David lalu niki ngagai Bukit Kana, nyabak. Iya bejalai enda bekasut, lalu pala iya betudung. Semua orang ke bejalai enggau iya, mega betudung pala magang sereta nyabak.\\n31 Lebuh orang madahka ngagai David Ahitopel udah ngalih ari Absalom, iya lalu besampi, “TUHAN, aku minta Nuan ngasuh semua jaku lalau ari Ahitopel mapap magang!”\\n32 Lebuh David datai ba tuchung bukit nya, ba siti endur alai besembiang, pangan ke dikarapka iya, Husai orang Arki, lalu betemu enggau iya. Gari iya charik, lalu pala iya dibalut amau.\\n33 Ku David bejaku enggau iya, “Enti nuan mupuk enggau aku, nuan semina ngiruh aku ngapa.\\n34 Tang enti nuan pulai ngagai nengeri, lalu madahka ngagai Absalom nuan deka taluk bekereja ke iya, baka nuan ti udah taluk bekereja ke Aku, nya baru nuan ulih nyakal semua jaku lalau ti diberi Ahitopel.\\n35 Imam Sadok enggau Imam Abiatar deka bisi dia enggau nuan. Nya alai padahka ngagai seduai iya semua utai ti didinga nuan dalam istana raja.\\n36 Anak seduai iya Ahimas enggau Jonatan bisi enggau seduai iya dia, lalu nuan tau ngasuh seduai iya mai ngagai aku semua utai ti didinga nuan.”\\n37 Nya alai, Husai, pangan David, lalu pulai baru ngagai Jerusalem, senutuk enggau maya Absalom datai ba nengeri nya.\\nDavid Enggau Siba\\n1 Lebuh David baru udah melunggang tuchung bukit nya, iya lalu betemu enggau Siba, orang gaji Mepiboset, ke mai enggau iya dua iku keledai ti ngundan dua ratus iti tuku roti, seratus iti gupung salai buah anggur, seratus iti gupung buah ti baru diketau, enggau siti kambut ti penuh laban wain.\\n2 Raja David lalu nanya iya, “Nama guna nuan enggau semua utai nya?” Siba lalu nyaut, “Keledai tu alai sida Raja sebilik nepan; roti enggau buah nya ke bala Raja; lalu wain nya tau diirup sida lebuh sida nyau lelak di menua puang.”\\n3 “Dini alai Mepiboset, uchu tuan nuan Saul?” ku raja nanya iya. “Iya mengkang di Jerusalem,” ku Siba nyaut, “laban iya ngarapka orang Israel deka mulaika perintah aki iya Saul ngagai iya.”\\n4 Raja lalu bejaku enggau Siba, “Awakka nuan bempu semua pesaka Mepiboset.” “Aku tu nembiak nuan, Tuan Raja,” ku Siba nyaut. “Awakka Tuan Raja selalu rinduka aku!”\\nDavid Enggau Simei\\n5 Lebuh Raja David datai di Bahurim, siku ari kaban belayan Saul, ke benama Simei anak Gera, datai betemu enggau Raja David, lalu nyumpah Raja David lebuh iya datai.\\n6 Simei belabuh nikauka batu ngagai David enggau ngagai bala pemesai iya, taja pen David dikelingi bala iya enggau bala jejaga iya.\\n7 Simei nyumpah iya, ku iya, “Angkat ari tu! Angkat nuan pemunuh! Nuan tu jai!\\n8 Nuan udah ngerampas perintah Saul, lalu diatu TUHAN deka ngukum nuan, laban nuan udah munuh sida Saul sebilik. TUHAN udah meri perintah nya ngagai anak nuan Absalom, lalu nuan diatu deka dirusak, nuan pemunuh!”\\n9 Abisai (indai iya Seruiah) lalu bejaku enggau raja, “Tuan Raja, nadai kebuah nejuka ukui tu nyumpah nuan. Awakka aku mansang ngagai iya lalu mumpung pala iya!”\\n10 “Tu ukai pekara nuan,” ku raja bejaku enggau Abisai, sereta enggau menyadi Abisai ke benama Joap. “Enti iya nyumpah aku laban iya diasuh TUHAN, sapa bisi kuasa nanyaka kebuah iya nyumpah aku?”\\n11 Lalu ku David bejaku enggau Abisai enggau ngagai semua pemesai iya, “Indah anak aku empu deh nguji munuh aku. Nama kebuah kita tekenyit ati meda orang Benjamin tu? TUHAN udah ngasuh iya nyumpah, nya alai anang ngachau iya. Awakka iya nyumpah.\\n12 Nyangka ukur TUHAN deka meda pemerinsa aku lalu meri aku berekat, kena nganti sumpah iya.”\\n13 David enggau bala iya lalu majak bejalai niti jalai nya. Simei mengkang bejalai nitihka sida, nengah serimbing bukit, nyumpah sereta betikauka batu enggau tanah ngagai sida lebuh iya bejalai.\\n14 Raja enggau bala iya nyau lepi lebuh sida datai ba Sungai Jordan, Sida lalu belelak dia.\\nAbsalom Di Jerusalem\\n15 Absalom, enggau semua orang Israel ke enggau iya, lalu tama ngagai nengeri Jerusalem, lalu Ahitopel pen bisi mega enggau sida.\\n16 Lebuh Husai, pangan ke dikarapka David, betemu enggau Absalom, iya lalu ngangau, “Gayu-guru meh Raja! Gayu-guru meh Raja!”\\n17 Absalom lalu nanya iya, “Kini ke tunga penaluk nuan ke pangan nuan David? Nama kebuah nuan enda enggau iya?”\\n18 Disaut Husai, “Baka ni ku aku ulih enggau iya? Aku nitihka orang ke udah dipilih TUHAN, ti udah dipilih bala orang tu, sereta dipilih semua orang Israel. Aku diau enggau nuan.\\n19 Laban, sapa ke patut dititihka aku, enti ukai anak tuan aku? Baka aku ti udah nitihka apai nuan, baka nya mega aku deka nitihka nuan.”\\n20 Udah nya Absalom nguing ngagai Ahitopel, lalu bejaku, “Kala lebuh kitai agi ditu, nama utai ti patut dikereja kitai?”\\n21 Ku Ahitopel nyaut, “Alai nuan beleman enggau bala indu simpan apai nuan, ti udah ditinggalka iya ngintu istana. Nya baru semua orang di menua Israel deka nemu apai nuan deka ngumbai nuan munsuh, lalu orang ke nitihka nuan deka berasai diperansang.”\\n22 Nya alai sida lalu nirika siti langkau kain ba perabung istana, lalu di mua orang mayuh Absalom tama ngagai langkau kain nya lalu beleman enggau bala indu simpan apai iya.\\n23 Semua jaku lalau ti diberi Ahitopel lebuh maya nya, diterima Absalom magang, indah-indah baka ke nerima jaku Allah Taala. David seduai Absalom sama nitihka jaku lalau ti diberi Ahitopel.\\nHusai Nipu Absalom\\n1 Apin lama udah bekau nya, Ahitopel bejaku enggau Absalom, “Awakka aku milih dua belas ribu iku orang, ngambika aku nitihka David malam tu.\\n2 Aku deka nyerang iya lebuh iya agi lelak, sereta lemi semengat. Iya deka panik, lalu semua bala iya deka rari. Aku deka munuh semina raja siku aja,\\n3 lalu udah nya mai semua bala iya ngagai nuan, indah-indah baka bini ke pulai baru ngagai laki. Nuan semina deka munuh siku orang aja. Semua orang bukai deka likun magang.”\\n4 Jaku lalau nya ngerinduka ati Absalom, enggau bala tuai orang Israel.\\n5 Ku Absalom bejaku, “Pesanka Husai, awakka kitai ningaka penemu iya.”\\n6 Lebuh Husai datai, Absalom lalu bejaku enggau iya, “Tu jaku lalau ti udah diberi Ahitopel ngagai kitai. Kati tau kitai nitihka jaku lalau nya? Enti enda, awakka nuan madahka utai ti patut dikereja kitai.”\\n7 Husai lalu nyaut, “Jaku lalau ti diberi Ahitopel ngagai kita sekali tu, enda manah.\\n8 Nuan empu nemu, apai nuan David, enggau semua bala iya endang orang ke tau serang magang, mangah baka indu beruang ti nyaga anak. Nambahka nya, apai nuan landik belaban, lalu iya enda tinduk begulai enggau bala soldadu.\\n9 Diatu iya nyangka belalai dalam lubang gua, tauka ba endur bukai. Lebuh bala soldadu kitai rebah lebuh David terubah nyerang, barang sapa ninga nya, deka madahka bala nuan udah alah.\\n10 Lebuh utai nya nyadi, indah orang ke pemadu berani baka singa, deh deka takut, laban semua orang dalam menua Israel nemu apai nuan endang soldadu ti kering, lalu bala iya endang orang ke kering belaban.\\n11 Jaku lalau aku baka tu. Gempuruka semua orang Israel ari Dan nyentuk ngagai Beer-seba, ngemayuh igi pasir ti ba tebing tasik, lalu nuan empu enda tau enda nguluka sida beperang.\\n12 Kitai deka nemu David, ba sebarang endur alai iya diau, lalu nyerang iya lebuh iya enda ngadang. Iya enggau bala iya sigi enda tau idup.\\n13 Enti iya nyurutka diri ngagai nengeri, semua bala kitai deka mai tali, lalu narit nengeri nya ngambika nengeri nya runtuh. Sigi pen nadai meh batu tau ditejuka tinggal ba nengeri nya.”\\n14 Ku Absalom enggau semua orang Israel bejaku, “Jaku lalau Husai manah agi ari enggi Ahitopel.” Laban TUHAN endang udah ngasuh sida enggai nitihka jaku lalau ti manah, ti diberi Ahitopel, ngambika TUHAN ngerusak Absalom.\\n15 Udah nya Husai lalu madahka ngagai Imam Sadok seduai Abiatar jaku lalau ti udah diberi iya ngagai Absalom, enggau ngagai semua tuai orang Israel, enggau jaku lalau ti udah diberi Ahitopel.\\n16 Lalu ku Husai, “Angkat jampat diatu! Bai pesan ngagai David. Iya enda tau bemalam ba pemeraka sungai di menua puang. Iya enda tau enda meraka Sungai Jordan diatu, ngambika iya enggau bala iya enda semua kena tangkap, lalu dibunuh.”\\n17 Nyadi Abiatar anak Jonatan enggau Ahimas anak Sadok nganti ba mata ai di En-rogel, ba tisi nengeri Jerusalem, laban seduai iya enda berani dipeda orang tama ngagai nengeri nya. Siku indu endang selalu datai lalu madahka ngagai seduai iya utai ti nyadi. Udah nya baru seduai iya mupuk lalu madahka utai nya ngagai Raja David.\\n18 Tang sekali, nembiak siku bisi meda seduai iya. Nembiak nya lalu madahka ngagai Absalom. Nya alai seduai iya lalu beguai-guai angkat ari endur nya lalu belalai dalam rumah orang siku di Bahurim. Orang nya bisi siti telaga semak rumah iya. Seduai iya lalu nurun ngagai telaga nya.\\n19 Bini orang nya lalu mai tikai kena map mua telaga nya, nganchau tikai nya ba mua telaga, lalu naburka leka utai ba tikai nya, ngambika orang nadai nemu seduai iya bisi dia.\\n20 Bala pemesai Absalom lalu datai ngagai rumah nya, lalu nanya ngagai indu nya, “Dini alai Ahimas seduai Jonatan?” “Seduai iya udah meraka sungai,” ku iya nyaut. Bala orang nya lalu begigaka seduai iya, tang nadai tetemuka seduai iya. Nya alai sida lalu pulai baru ngagai Jerusalem.\\n21 Lebuh sida udah mupuk, Ahimas seduai Jonatan lalu mansutka diri ari telaga nya, lalu mansang madahka berita ngagai Raja David. Seduai iya madahka ngagai Raja David pasal utai ti udah diperambu Ahitopel kena ngelaban iya, lalu ku seduai iya, “Kitai enda tau enda jampat meraka sungai nya.”\\n22 Nya alai David enggau bala iya lalu belabuh meraka Sungai Jordan, lalu ba urung rerak tawas, semua sida udah meraka magang.\\n23 Lebuh Ahitopel nemu jaku lalau iya enda diguna, iya lalu nyendiaka keledai iya, lalu pulai ngagai nengeri iya empu. Lebuh iya udah ngaduka semua pekara iya, iya lalu ngantung diri. Iya dikuburka ba kubur sida sebilik.\\n24 David endang udah datai ba nengeri Mahanaim lebuh orang Israel meraka Sungai Jordan. (\\n25 Absalom udah ngasuh Amasa nyadi tuai soldadu, nganti Joap. Amasa nya anak Jeter, orang bansa Ismail. Indai iya Abigail anak Nahas, menyadi Seruiah, indai Joap.)\\n26 Absalom enggau bala iya lalu nirika kem di menua Giliat.\\n27 Lebuh David datai di Mahanaim, iya lalu diambat Sobi anak Nahas, ari nengeri Rabah di menua Amon, Machir anak Amil, ari Lo-debar, enggau Barsilai, ari Rogelim, di menua Giliat.\\n28-29 Sida mai mangkuk, periuk tanah, enggau peninduk. Sida mega mai pemakai: gandum, barli, tepung, kemping, kachang mirah, kachang mirah ti besai, ai manyi, engkiju, krim, enggau jelu bedus. Sida endang nemu David enggau bala iya lapar, aus, sereta lelak di menua puang.\\nAbsalom Alah Lalu Dibunuh\\n1 Raja David lalu ngempuruka semua bala iya, magi sida ngagai seribu iku, enggau seratus iku dalam siti-siti raban, lalu ngatur bala pemesai nguluka sida.\\n2 Udah nya, iya lalu ngasuh sida bejalai dalam tiga iti raban. Joap nguluka siti raban, menyadi iya Abisai nguluka siti raban, lalu Itai ke datai ari Gat nguluka siti raban. Ku raja bejaku enggau bala iya, “Aku empu deka bejalai sama enggau kita.”\\n3 “Nuan enda tau bejalai enggau kami,” ku sida nyaut. “Munsuh enda beduli enti sema kami bukai rari, tauka enti setengah ari bala kami mati. Tang nyawa nuan lebih agi berega ari nyawa sepuluh ribu iku kami. Nya alai manah agi nuan diau di nengeri tu, lalu ngirumka tulung ngagai kami.”\\n4 “Ni ti manah ku kita,” ku raja nyaut. Udah nya iya lalu bediri ngimbai pintu penama, lebuh bala iya bejalai pansut, seribu enggau seratus iku dalam siti-siti raban.\\n5 Iya lalu meri atur ngagai Joap, Abisai enggau Itai: “Anang ngemediska jang Absalom.” Semua bala soldadu bela ninga raja meri atur nya ngagai bala pemesai iya.\\n6 Bala soldadu David lalu bejalai ari nengeri nya, lalu betempuh enggau orang Israel ba Utan Epraim.\\n7 Bala orang Israel alah laban bala David. Balat amat sida alah. Dua puluh ribu iku sida dibunuh sehari nya.\\n8 Sida belaban di serata menua nya, lalu mayuh agi orang mati dalam utan, ari ke mati beperang.\\n9 Absalom lalu ngenyit besatup enggau sekeda bala David. Nyadi Absalom nepan siku keledai, lalu lebuh iya ensuruk dan kayu oak ti besai, pala Absalom lalu tekait ba dan kayu nya. Keledai iya majak belanda, ninggalka Absalom kating-kating begantung.\\n10 Siku ari bala David meda iya, lalu madahka ngagai Joap, “Tuan, aku bisi meda Absalom kating-kating ba sekayu batang oak!”\\n11 Disaut Joap, “Enti nuan bisi meda iya, nama kebuah nuan enda munuh iya? Aku deka meri ngagai nuan sepuluh singkap duit pirak, enggau siti belulang.”\\n12 Tang ku orang nya nyaut, “Enti sema nuan meri aku seribu singkap duit pirak, enggai meh aku ngangkatka tunjuk ngelaban anak raja. Semua kitai bela ninga raja meri atur ngagai nuan, Abisai enggau Itai, ‘Anang ngemediska jang Absalom.’\\n13 Tang enti aku enda ngasika raja, lalu munuh Absalom, raja deka nemu pasal nya, laban semua berita didingaka iya magang, lalu nuan tetap enggai ibuhka aku.”\\n14 “Nadai guna aku masau jam bejaku enggau nuan tu,” ku Joap bejaku. Joap lalu mai tiga iti sangkuh, lalu ngerejangka sangkuh nya ngagai dada Absalom, ke endang agi idup, kating-kating ba kayu oak nya.\\n15 Udah nya, sepuluh iku soldadu Joap lalu mansang ngagai Absalom, mantap lalu munuh iya.\\n16 Joap lalu ngasuh orang nyepu terumpit, kena nesau orang badu agi belaban, lalu bala soldadu iya badu agi begagaika orang Israel.\\n17 Sida ngambi bangkai Absalom, muai bangkai iya ngagai lubang kebung dalam utan nya, lalu nugungka batu kena ngelamun bangkai nya. Semua orang Israel ngerarika diri ngagai nengeri diri empu.\\n18 Sekumbang iya agi idup, Absalom bisi udah ngaga siti tiang pengingat ke diri empu ba Lebak Raja, laban iya nadai anak lelaki nampung peturun iya. Nya alai iya meri nama iya empu ngagai tiang pengingat nya, lalu nyentuk ngagai sehari tu tiang pengingat nya mengkang dikumbai Tiang Pengingat Absalom.\\nOrang Madahka Pasal Pemati Absalom Ngagai David\\n19 Udah nya Ahimas anak Sadok lalu bejaku enggau Joap, “Awakka aku belanda ngagai raja mai berita manah pasal TUHAN ti udah ngelepaska raja ari kuasa bala munsuh iya.”\\n20 “Anang,” ku Joap bejaku. “Sehari tu nuan enda mai berita ti manah. Hari bukai, nyangka nuan tau, tang ukai sehari tu, laban anak raja udah mati.”\\n21 Udah nya Joap lalu bejaku enggau ulun iya ti bansa orang Etiopia, “Alai padahka ngagai raja utai ti udah dipeda nuan.” Ulun nya meremi, lalu belanda mupuk.\\n22 Tang Ahimas mengkang majakka penemu diri, “Aku enda bedulika utai ti deka nyadi. Awakka aku mega mai berita nya.” “Nama kebuah nuan deka ngereja nya, anak,” ku Joap nanya. “Nadai orang deka ngupah nuan ketegal nya.”\\n23 “Aku enda ngira nya,” ku Ahimas bejaku baru, “laban aku endang deka mupuk.” “Enti pia, mupuk meh nuan,” ku Joap bejaku. Nya alai Ahimas belanda niti jalai nengah Lebak Jordan. Enda lama udah nya, iya lalu ulih tegelihka ulun nya.\\n24 Nyadi David benung duduk ba endur ti lapang ba entara pintu-dalam enggau pintu-luar nengeri nya. Orang ke jaga niki ngagai puchuk dinding kuta, lalu bediri ba perabung pintu penama nya. Iya malik ke luar, lalu tepedaka orang siku belanda kediri-diri.\\n25 Iya lalu ngangau madahka ngagai raja, lalu ku raja, “Enti iya kediri, iya mai berita ti manah.” Orang ke belanda nya nyau majak datai semak.\\n26 Udah nya jejaga lalu tepedaka siku agi orang belanda kediri-diri, lalu iya ngangauka orang ke nyaga pintu penama, “Peda nyin! Siku agi orang belanda!” Raja lalu nyaut, “Iya mega mai berita ti manah.”\\n27 Ku jejaga nya, “Ari peda aku, orang ke belanda dulu nya baka gamal Ahimas.” “Orang nya manah,” ku raja bejaku.” Iya mai berita ti manah.”\\n28 Ahimas lalu ngangau meri tabi ngagai raja, nyungkurka diri ke tanah di mua raja, lalu bejaku, “Pujika TUHAN Allah Taala nuan, ti udah ngasuh nuan menang ngalahka orang ke ngelaban Tuan Raja!”\\n29 “Kati jang Absalom nadai apa-apa?” ku raja nanya. Ahimas lalu nyaut, “Tuan, lebuh pemesai nuan, Joap, ngasuh aku mupuk, aku bisi meda bala orang begau, tang aku enda nemu utai ti ngasuh sida begau.”\\n30 “Alai nuan bediri din,” ku raja bejaku enggau iya. Ahimas mansang kia, lalu bediri dia.\\n31 Udah nya ulun ti bansa orang Etiopia pen datai, lalu bejaku enggau raja, “Aku mai berita ti manah ngagai Tuan Raja! Sehari tu TUHAN udah ngasuh nuan menang ngelaban semua orang ke ngelaban nuan!”\\n32 “Kati jang Absalom nadai apa-apa?” ku raja nanya. Ku ulun nya nyaut, “Naka meh pemanah enti sema utai ti udah nyadi ba Absalom, nyadi mega ba semua munsuh nuan, tuan, enggau ba semua orang ke angkat ngelaban nuan.”\\n33 Raja enda ulih natka ati diri ti kelalu balat tusah. Iya lalu niki ngagai bilik siti ba pintu penama nya, lalu nyabak. Ku iya, “O anak aku! Anak aku Absalom! O Absalom, anak aku! Manah agi aku mati nganti nuan, anak! O Absalom anak aku!”\\nJoap Nganu David\\n1 Orang lalu madahka ngagai Joap pasal David ke nyabak sereta ngulitka Absalom.\\n2 Nya alai sehari nya pengaga semua bala soldadu David ke menang lalu betukar nyadi ulit, laban sida ninga berita raja ke ngulitka anak iya.\\n3 Sida bela enda bemunyi mulaika diri ngagai nengeri, baka bala soldadu ke malu ke diri rari ari munsuh.\\n4 Raja mampul mua lalu nyabak duie-duie, “O anak aku! Anak aku Absalom! Absalom anak aku!”\\n5 Joap lalu mansang ngagai rumah raja, lalu bejaku enggau raja, “Sehari tu nuan udah ngemaluka bala nuan ti udah ngidupka nyawa nuan, bala anak lelaki, bala anak indu nuan, bala bini nuan, enggau bala indu simpan nuan.\\n6 Nuan nyakal orang ke rinduka nuan, lalu nyukung orang ke begedika nuan! Nuan udah terang ngayanka diri enda begunaka bala pemesai enggau bala soldadu nuan. Gaya peda aku, nuan gaga agi ati enti sema Absalom agi idup sehari tu, lalu semua kami bukai mati magang.\\n7 Nya alai, manah nuan mansang ngagai bala nembiak nuan, ngambika sida enda irau ati. Aku besumpah dalam nama TUHAN, enti nuan enda, nadai siku sida deka mengkang enggau nuan pagila. Nya deka nyadi penusah ti pemadu besai ti kala diasaika nuan sepemanjai umur nuan.”\\n8 Udah nya raja angkat, lalu duduk semak pintu kuta nengeri nya. Lebuh bala soldadu iya ninga iya bisi dia, sida lalu datai ngagai iya.\\nDavid Pulai Baru Ngagai Jerusalem\\nLebuh utai tu benung nyadi, orang Israel udah ngerarika diri ngagai rumah diri empu.\\n9 Sida belabuh bekelikuh enggau pangan diri di serata menua nya. “Raja David udah ngelepaska kitai ari jari munsuh kitai,” ku sida madahka ngagai pangan diri. “Iya udah ngelepaska kitai ari jari orang Pilistin, tang diatu iya udah rari ari Absalom, lalu ninggalka menua tu.\\n10 Kitai udah nata Absalom nyadi raja, tang iya udah mati beperang. Nya alai, nama kebuah orang nadai nguji ngambi Raja David pulai baru?”\\n11 Berita pasal jaku orang Israel bisi didinga Raja David. Nya alai, iya lalu ngasuh Imam Sadok seduai Abiatar betanya ngagai bala tuai orang Judah, “Nama kebuah kita dudi ari orang bukai nulung mai raja pulai baru ngagai istana iya?\\n12 Kita tu kaban belayan aku, darah-getah aku. Nama kebuah kita ngenudika diri mai aku pulai baru?”\\n13 David mega ngasuh sida nyebut jaku tu ngagai Amasa, “Nuan tu kaban belayan aku. Berengkah ari diatu aku ngasuh nuan nyadi tuai soldadu aku, nganti Joap. Awakka Allah Taala munuh aku, enti aku enda ngasuh nuan!”\\n14 Jaku David disukung semua orang Judah, lalu sida ngirumka pesan ngagai raja, minta iya pulai sama enggau bala pemesai iya.\\n15 Lebuh Raja David benung di rantau jalai mulaika diri, iya lalu diambat bala orang Judah ba Sungai Jordan. Sida nya udah datai ari Gilgal, deka ngiring iya meraka sungai nya.\\n16 Lebuh maya nya mega, Simei anak Gera, orang ari raban bansa Benjamin, lalu beguai-guai datai ari Bahurim mansang ngagai Sungai Jordan, deka ngambat Raja David.\\n17 Iya mai enggau iya seribu iku orang ari raban bansa Benjamin. Lalu Siba, orang gaji ruang bilik Saul, mega datai mai lima belas iku anak lelaki iya, enggau dua puluh iku orang gaji. Sida datai ba Sungai Jordan dulu agi ari raja.\\n18 Sida meraka sungai nya, deka ngiring bala raja meraka, sereta ngereja sebarang utai ti diasuh raja.\\nDavid Ngayanka Penelap Ngagai Simei\\nLebuh Raja David udah sedia deka meraka, Simei lalu nyungkurka diri semak kaki raja.\\n19 Ku Simei, “Tuan Raja, aku minta nuan badu agi ingatka penyalah ti udah dikereja aku lebuh nuan angkat ari Jerusalem suba. Anang nyalah aku ketegal nya, tauka ingatka penyalah nya agi.\\n20 Tuan, aku nemu diri udah bedosa. Nya kebuah aku terubah orang ke datai ari raban bansa ti di utara ngambat Tuan Raja sehari tu.”\\n21 Abisai anak Seruiah lalu bejaku, “Simei patut dibunuh, laban iya udah nyumpah orang ke udah dipilih TUHAN nyadi raja.”\\n22 Tang ku David bejaku enggau Abisai, enggau menyadi iya Joap, “Nadai orang minta penemu ari seduai. Kati seduai ngasuh aku ditinggang penusah? Aku diatu nyadi raja menua Israel, nya alai nadai orang Israel deka dibunuh sehari tu.”\\n23 Lalu ku iya bejaku enggau Simei, “Aku besemaya enggau nuan, nuan enda diukum bunuh.”\\nDavid Ngayanka Penelap Ngagai Mepiboset\\n24 Udah nya Mepiboset, uchu Saul, lalu nurun betemu enggau raja. Iya apin masu kaki, apin nguntin ragum, tauka masu gari diri sekumbang raja ti udah ninggalka Jerusalem, nyentuk ngagai maya iya pulai menang.\\n25 Lebuh Mepiboset datai ari Jerusalem deka ngambat raja, raja lalu bejaku enggau iya, “Mepiboset, nuan nadai enggau aku. Nama kebuah?”\\n26 Ku Mepiboset nyaut, “Tuan Raja lebih nemu, aku enda ulih bejalai. Aku ngasuh orang gaji aku nyendiaka penuduk ba keledai aku, ngambika aku ulih bejalai enggau nuan, tang iya mupuk nadai mai aku,\\n27 lalu udah nya iya nyebut utai ti bula pasal aku di mua Tuan Raja, tang nuan baka melikat Allah Taala. Nya alai kereja aja meh utai ti ngena ba ati nuan.\\n28 Semua raban ruang bilik apai aku endang patut dibunuh magang, Tuan Raja, tang nuan udah meri aku hak makai ba mija nuan. Aku nadai hak minta utai ti lebih ari nya ngagai Tuan Raja.”\\n29 Ku raja nyaut, “Nuan enda ibuh bejaku agi. Aku udah mutuska runding. Seduai Siba deka sama bempu pesaka Saul.”\\n30 Tang ku Mepiboset nyaut, “Awakka Siba bempu reta tengkira nya, aku enda ibuh, laban nuan udah pulai enggau selamat. Nya aja chukup ke aku.”\\nDavid Ngayanka Penelap Ngagai Barsilai\\n31 Barsilai, ari Giliat, udah mega datai ari Rogelim, deka ngiring raja meraka Sungai Jordan.\\n32 Barsilai nyau tuai amat umur. Umur iya lapan puluh taun. Iya kaya bendar, lalu udah meri raja pemakai lebuh raja diau di Mahanaim.\\n33 Ku raja bejaku enggau iya, “Aram enggau aku ngagai Jerusalem, ngambika aku ngintu nuan.”\\n34 Tang ku Barsilai nyaut, “Aku nadai lama agi idup. Aku nadai kebuah bejalai enggau Tuan Raja ngagai Jerusalem?\\n35 Umur aku nyau lapan puluh taun. Nadai utai ulih merindang ati aku agi. Utai ti diempa enggau diirup nyau nadai asai agi ba nyawa aku, lalu aku pen enda ulih ninga nyawa orang ke belagu. Aku semina ngiruh Tuan Raja aja.\\n36 Aku enda patut bulih upah ti ngemesai nya. Nya alai aku deka bejalai enggau nuan ngilah Sungai Jordan tu mimit.\\n37 Udah nya, awakka aku pulai lalu mati semak kubur apai indai aku. Tu anak aku Kimham. Iya deka bekereja ke nuan. Bai iya enggau nuan, Tuan Raja, lalu kereja utai ke iya nitihka pematut dalam runding nuan.”\\n38 Raja lalu nyaut, “Aku deka mai iya enggau aku, lalu ngereja utai ti dikinginka nuan ba iya. Lalu aku deka ngereja ke nuan sebarang utai ti dipinta nuan.”\\n39 Udah nya David enggau semua bala iya lalu meraka Sungai Jordan. Iya nyium kuyu Barsilai, lalu merekatka iya. Barsilai lalu pulai.\\nOrang Judah Enggau Orang Israel Bekelikuhka Pasal Raja\\n40 Lebuh Raja David udah meraka Sungai Jordan, diiring semua orang Judah enggau setengah ari orang Israel, iya lalu mansang ngagai Gilgal, lalu Kimham mupuk sama enggau iya.\\n41 Udah nya semua orang Israel lalu betemu enggau raja, lalu bejaku enggau iya, “Tuan Raja, nama kebuah bala orang Judah ke menyadi kami ngumbai diri bisi hak mai nuan, lalu ngiring nuan, kita sebilik, enggau bala nuan meraka Sungai Jordan?”\\n42 Orang Judah lalu nyaut, “Kami ngereja nya laban raja nya siku ari bala kami empu. Nya alai, nama kebuah utai tu ngasuh kita ringat? Iya nadai kala mayar rega pemakai ke kami, lalu iya pen enda mega kala meri kami utai.”\\n43 Ku orang Israel nyaut, “Kami tau ngambu Raja David sepuluh kali lipat lebih ari kita, taja pen iya siku ari bala kita. Nama kebuah kita ngemaruhka kami baka nya? Kita enda tau enda ingat: kami tu orang ke terubah-rubah bejaku deka mai raja pulai baru!” Tang orang Judah kasar agi jaku ari orang Israel.\\nSheba Angkat Ngelaban\\n1 Nyadi di Gilgal bisi orang siku ti nadai guna, ke benama Sheba anak Bikri, ari raban bansa Benjamin. Iya nyepu terumpit, lalu ngangau, “Bunuh David! Kami enggai nitihka iya! Orang Israel, aram kitai pulai!”\\n2 Nya alai orang Israel ninggalka David, lalu nitihka Sheba. Tang orang Judah mengkang taluk sereta nitihka David kenyau ari Sungai Jordan nyentuk ngagai Jerusalem.\\n3 Lebuh David datai ba istana iya di Jerusalem, iya lalu ngambi sepuluh iku indu simpan iya ti udah ditinggalka iya ngintu istana, lalu ngasuh sida kena tan. Iya meri sida utai ti dipeguna sida, tang iya enda beleman enggau sida. Sida enda disagi ke luar seumur idup, tang diau baka indu ke balu.\\n4 Ku raja bejaku enggau Amasa, “Tesau lelaki orang Judah, lalu bai sida ngagai aku lusa; nuan empu mega datai ditu lusa.”\\n5 Amasa lalu mansang nesau sida, tang iya enda pulai nitihka maya ti udah diletak raja.\\n6 Nya alai, raja lalu bejaku enggau Abisai, “Sheba deka ngenusahka kitai lebih ari Absalom. Bai bala aku, lalu titihka iya, enggai ke iya ngerampas nengeri ti bekuta, lalu rari ari kitai.”\\n7 Nya alai bala Joap, bala soldadu ke nyaga istana, enggau semua bala soldadu ti bukai lalu angkat ari Jerusalem enggau Abisai, nitihka Sheba.\\n8 Lebuh sida datai ba batu ti besai di Gibeon, Amasa betemu enggau sida. Nyadi Joap endang udah nangkin senyata, sedia deka bamuk. Pedang iya agi dalam sarang ba punggung iya. Lebuh iya mansang, pedang nya lalu labuh.\\n9 Ku Joap bejaku enggau Amasa, “Nama berita, punggal?” Joap lalu nyapai ragum Amasa ngena jari kanan iya, deka nyium Amasa.\\n10 Tang Amasa nadai meda pedang ti ba jari kiba Joap; Joap lalu ngerejang perut Amasa, lalu sengkilung perut iya merurut pansut ke tanah, lalu iya mati, enda ibuh ditandu. Udah nya Joap enggau menyadi iya Abisai lalu mupuk nitihka Sheba.\\n11 Siku orang ari bala Joap bediri semak bangkai Amasa, lalu ngangau, “Semua orang ke setanah enggau Joap, titihka Joap!”\\n12 Nyadi bangkai Amasa garing-garing ba tengah jalai raya nya, dibalut darah. Lebuh orang siku ari bala Joap meda semua orang ngetu magang, iya lalu ngirit bangkai Amasa ari jalai raya ngagai padang, lalu mungkur iya ngena pua.\\n13 Lebuh bangkai nya udah dipindahka ari jalai raya nya, semua orang lalu nitihka Joap begagaika Sheba.\\n14 Nyadi Sheba bejalai nengah menua semua raban bansa orang Israel, lalu datai di nengeri Abel di Bet-maakah. Semua raban peturun Bikri begempuru, lalu nitihka iya ngagai nengeri nya.\\n15 Lebuh bala Joap ninga Sheba bisi di nengeri nya, sida mansang lalu ngelulung nengeri nya. Sida ngaga kuta tanah nyempil ngagai kuta nengeri nya. Lalu sida mega belabuh numbak tanah ari baruh dinding kuta nya, deka numbangka kuta nya.\\n16 Nyadi di nengeri nya bisi indu siku ti pintar. Ku iya ngangau ari kuta nya, “Dinga! Dinga! Asuh Joap datai kitu. Aku deka bejaku enggau iya.”\\n17 Joap lalu mansang. Indu nya lalu nanya, “Kati nuan nya Joap?” “Aku meh tu,” ku Joap nyaut. “Pendingka aku, tuan,” ku indu nya bejaku. “Mending meh aku,” ku Joap nyaut.\\n18 Ku indu nya bejaku, “Dulu kelia, orang selalu nyebut, ‘Alai nuan mupuk, lalu giga saut di nengeri Abel.” Sida lalu ngereja nya.\\n19 Nengeri kami tu nengeri ti besai, likun, sereta taluk di menua Israel. Nama kebuah nuan deka ngerusak nengeri tu? Kati nuan deka ngerusak pesaka TUHAN?”\\n20 “Ukai!” ku Joap nyaut. “Aku enggai ngerusak nengeri kita!\\n21 Nya ukai pelan kami. Orang ke benama Sheba anak Bikri, ke datai ari menua ti bebukit di menua Epraim, udah angkat ngelaban Raja David. Serahka iya ngagai kami, nya baru kami nyurutka diri ari nengeri tu.” Lalu ku indu nya nyaut, “Kami deka nibarka pala iya ari kuta, ngagai nuan.”\\n22 Udah nya indu nya lalu mansang ngagai bala lelaki di nengeri nya, mai pelan iya. Sida lalu mumpung pala Sheba, lalu nibarka pala iya ari kuta nya, ngagai Joap. Joap lalu nyepu terumpit nesau semua bala iya mupuk ari nengeri nya. Sida lalu pulai. Joap pulai ngagai Jerusalem, ngagai raja.\\nBala Pemesai David\\n23 Joap nya orang ke nguluka bala soldadu orang Israel, lalu Benaiah anak Jehoiada nyadi tuai orang ke nyaga David.\\n24 Adoniram nyadi tuai ngemataka bala orang ke dipejalka ngereja pengawa ti berat. Jehosapat anak Ahilut nyadi tukang tulis ke semua utai ti nyadi.\\n25 Seba nyadi kerani raja. Sadok enggau Abiatar nyadi imam,\\n26 lalu Ira, ke datai ari nengeri Jair, mega nyadi siku ari bala imam David.\\nPeturun Saul Dibunuh\\n1 Lebuh maya David megai perintah, menua nya kena laban lapar pungkang tiga taun penuh. Nya alai David betanya ngagai TUHAN pasal pekara nya, lalu ku TUHAN, “Saul enggau sida sebilik udah salah bebunuhka orang. Iya udah munuh orang Gibeon.” (\\n2 Nyadi orang ke diau di Gibeon nya ukai orang Israel. Sida nya orang Amor ti enda mayuh tubuh, ti udah disemaya deka dijaga orang Israel. Tang Saul udah nguji munuh sida, ketegal pemalat ati iya ti deka ngeringka bansa orang Israel enggau orang Judah.)\\n3 Nya alai David lalu mesanka orang ke diau di Gibeon, lalu ku iya bejaku enggau sida, “Nama utai ti patut dikereja aku ke kita, kena nebus penyalah ti udah dikereja ngagai kita, ngambika kita merekatka bala nembiak TUHAN?”\\n4 Ku sida nyaut, “Laya entara kami enggau Saul enggau sida sebilik enda ulih diputarka ngena pirak tauka emas. Lalu kami pen nadai mega deka munuh orang Israel.” “Enti pia, nama utai ti patut dikereja aku ke kita?” ku David nanya.\\n5 Disaut sida, “Saul keran deka munuh kami, ngambika nadai siku kami agi idup di menua Israel.\\n6 Nya alai serahka tujuh iku lelaki ari peturun iya, ngambika kami ngantung sida di mua TUHAN di Gibe-ah, nengeri Saul, raja ti udah dipilih TUHAN.” “Awakka aku nyerahka sida,” ku David nyaut.\\n7 Tang ketegal semaya ti kudus ti udah digaga iya enggau Jonatan, David enda nyerahka Mepiboset anak Jonatan.\\n8 Tang iya ngambi Armoni enggau Mepiboset, anak lelaki ti diadaka Rispah anak Aiah ke Saul. Iya mega ngambi lima iku anak lelaki ti diadaka anak indu Saul ke benama Merap. Sida lima iku tu diadaka Merap ke Adril anak Barsilai, ti datai ari Meholah.\\n9 David lalu nyerahka sida ngagai orang Gibeon. Sida tujuh iku nya lalu sama mati digantung orang Gibeon ba bukit, di mua TUHAN. Nyadi taun lebuh maya nya nyau deka musin panas, lebuh orang baru deka belabuh ngetau barli. Nya meh maya sida dibunuh.\\n10 Udah nya indu simpan Saul, Rispah anak Aiah, lalu ngaga siti dunju ari kain guni alai iya belindung ba atas batu, ba endur alai bangkai sida nya diengkah. Iya lalu diau dia belabuh ari maya orang berengkah ngetau nyentuk ngagai maya hari ujan lebuh musin ruruh daun. Lebuh siang hari, iya muru burung ti datai ngagai bangkai nya. Lebuh malam hari, iya nyaga bangkai nya ari jelu babas.\\n11 Lebuh David ninga berita pasal utai ti dikereja Rispah,\\n12 iya lalu mansang ngambi tulang Saul enggau anak iya Jonatan ari orang di Jabes, di menua Giliat. (Orang ari Jabes udah ngenchuri tulang nya ari padang ti ba nengeri Bet-san, alai orang Pilistin ti udah ngantung bangkai seduai iya lebuh Saul mati ba Bukit Gilboa.)\\n13 David ngambi tulang Saul enggau tulang Jonatan, lalu ngumpul mega tulang tujuh iku orang ke udah digantung nya.\\n14 Udah nya sida lalu nguburka tulang Saul enggau tulang Jonatan ba kubur apai Saul, Kis, di Sela, di menua Benjamin, nitihka atur Raja David. Udah nya baru Allah Taala nyaut sampi sida.\\nBeperang Ngelaban Orang Pilistin Ke Kering Sereta Besai\\n15 Orang Pilistin lalu beperang baru ngelaban orang Israel. David enggau bala iya mansang nyerang orang Pilistin. Sida bamuk ngelaban orang Pilistin, lalu David berasai lelak.\\n16 Siku orang ke kering sereta besai gamal, ke benama Isi-benop, ke mai siti sangkuh temaga ti berat kira tiga kilogram setengah, sereta nangkin pedang, ngumbai dirika munuh David.\\n17 Tang Abisai anak Seruiah datai nyaup David, ngelaban lalu munuh orang nya. Udah nya bala David lalu ngasuh David besemaya enda agi enggau sida mansang beperang. “Nuan tu orang ke dikarapka orang Israel. Nya kebuah kami enggai mai nuan mansang beperang, enggai ke nuan mati,” ku sida bejaku enggau iya.\\n18 Udah lepas nya, sida lalu betempuh enggau orang Pilistin di Gop. Nya meh maya Sibichai ari Husah tebunuhka orang ke kering sereta besai gamal ke benama Sap.\\n19 Udah lepas nya, sida lalu betempuh baru enggau orang Pilistin di Gop, alai Elhasan anak Jair ari Betlehem tebunuhka Goliat ari Gat, ke bempu genteran sangkuh ti ngemesai tendai kena betenun.\\n20 Udah nya, sida lalu belaban baru di Gat, alai siku orang ke kering sereta besai gamal keras amat deka ngelaban sida. Iya bisi enam iti tunjuk ba siti-siti jari, enggau enam iti tunjuk ba kaki sepiak-sepiak.\\n21 Iya nyakap orang Israel, lalu Jonatan, anak menyadi David ke benama Samah, munuh iya.\\n22 Sida empat tu peturun orang ke kering sereta besai gamal di Gat, lalu sida dibunuh David enggau bala iya.\\nDavid Belagu Meri Terima Kasih\\n1 Lebuh TUHAN udah ngelepaska David ari jari Saul, enggau ari jari bala munsuh iya ti bukai, David lalu nyanyi lagu tu ke TUHAN.\\n2 Ku iya, TUHAN nya Batu Pengelepas aku, Kuta aku, Juruselamat aku.\\n3 Allah Taala aku, batu aku ti alai aku ngenduh, terabai aku, tanduk pengelepas aku, kuta aku, enggau endur alai aku ngenduh, Juruselamat aku; Nuan nyelamatka aku ari utai ti tau ngemedis.\\n4 Aku ngangauka TUHAN ti endang patut dipuji, lalu Iya ngelepaska aku ari jari munsuh aku.\\n5 Laban gelumbang pemati nyau ngalun ngelingi aku, lalu alun pengerusak ngelamun aku.\\n6 Tali pemati melit aku, lalu panjuk pemati di mua aku.\\n7 Lebuh aku kena laban penusah, aku ngangauka TUHAN. Aku ngangauka Allah Taala aku. Iya ningaka munyi nyawa aku ari Rumah Iya, lalu kangau aku didinga Iya.\\n8 Udah nya tanah lalu berenyang sereta begetar. Pugu langit beguyat lalu begetar laban Allah Taala ringat!\\n9 Asap pansut ari lubang idung Iya, lalu api ti mau pansut ari nyawa Iya; bara api ti mau pansut ari nyawa Iya.\\n10 Iya nyiatka langit, lalu nurun, mua hari ti chelum di baruh kaki Iya.\\n11 Iya terebai deras nepan siku melikat cherub. Iya bejalai ngena sayap ribut.\\n12 Iya malut Diri ngena pemetang. Mua hari ti tebal, ti penuh laban ai, nyerayung Iya.\\n13 Bara api ti mau pansut ari penampak ti ngelingi Iya.\\n14 Udah nya TUHAN lalu bejaku munyi beguntur ari langit, lalu munyi nyawa Allah Taala ti Pemadu Bekuasa bisi didinga.\\n15 Iya nimbakka laja Iya, lalu mambarka bala munsuh Iya. Iya ngena selar kilat ngasuh sida belanda rari.\\n16 Buntut tasik nyau pegari lalu pugu dunya ayan, lebuh TUHAN ringat lalu ngerara bala munsuh Iya, ngena kesuh seput ti pansut ari idung Iya.\\n17 TUHAN ngunjurka jari Iya ari serega, lalu megai aku. Iya narit aku pansut ari ai ti dalam.\\n18 Iya ngelepaska aku ari munsuh aku ti kering enggau ari semua orang ke begedika aku, laban sida iya kelalu kering dilaban aku.\\n19 Lebuh aku kena laban penusah, sida nyerang aku, tang TUHAN nyaga aku.\\n20 Iya nyaup aku ngerarika diri ari utai ti tau nganu. Iya ngidupka nyawa aku, laban Iya gaga ati ke aku.\\n21 TUHAN ngupah aku, nitihka pengelurus aku. Iya merekatka aku, laban aku nadai penyalah\\n22 Laban aku udah nitihka jalai TUHAN, lalu nadai udah ngereja penyai lalu ninggalka Allah Taala aku.\\n23 Laban semua adat Iya di mua aku magang, lalu aku enda kala limpang ari adat Iya.\\n24 Aku nadai ngereja penyalah, lalu aku nagang diri ngereja utai ti salah.\\n25 Nya alai Iya meri aku upah, nitihka pengelurus aku, nitihka pengudus pengidup aku ba mata Iya.\\n26 O TUHAN, Nuan tetap ati ngagai orang ke tetap ati ngagai Nuan, lalu manah enggau orang ti nadai penyalah.\\n27 Nuan ngayanka Diri tuchi ngagai orang ke tuchi, tang ngelaban orang ke jai.\\n28 Nuan ngidupka orang ke baruh ati, tang Nuan ngemaruhka orang ke sumbung.\\n29 Nuan, TUHAN, nyadika lampu aku. Nuan meri penampak ngagai pemetang aku.\\n30 Nuan meri aku pengering kena ngelaban munsuh aku, enggau kuasa kena ngalahka kuta sida.\\n31 Naka meh pemanah pengawa Allah Taala! Jaku Iya endang tau dikarapka! Iya nyadi terabai ke semua orang ke ngenduh ba Iya.\\n32 Laban sapa Allah Taala kelimpah ari TUHAN? Lalu sapa ti Batu aku, kelimpah ari Allah Taala?\\n33 Allah Taala ti udah meri aku pengering nya meh endur ti tegap alai aku ngenduh. Iya udah muka jalai ti luas ke aku.\\n34 Iya ngasuh kaki aku laju belanda baka kaki rusa; Iya nyaga aku ba sebelah bukit.\\n35 Iya matihka aku beperang ngambika aku ulih ngena panah temaga.\\n36 Nuan udah meri aku pengelepas nyadika terabai aku, lalu tulung Nuan ba aku udah ngasuh aku kering.\\n37 Nuan udah ngasuh aku bejalai enda tesangkut, lalu kaki aku enda tekelinchir.\\n38 Aku begagaika munsuh aku, lalu ngalahka sida. Aku enda pulai ngapa, datai ke semua sida abis dirusak.\\n39 Aku ngalahka sida; aku mantap sida, lalu sida enda ulih angkat. Sida rebah di baruh kaki aku.\\n40 Laban Nuan udah meri aku pengering kena bamuk, lalu ngasuh bala munsuh aku alah.\\n41 Nuan ngasuh munsuh aku rari ari aku, orang ke begedika aku, lalu aku ngerusak sida.\\n42 Sida ngiga orang nyaup sida, tang nadai siku orang nyelamatka sida. Sida ngangauka TUHAN, tang TUHAN enda nyaut sida.\\n43 Aku ngeredakka sida alus baka amau. Aku ngerenyuk sida lalu ngindik sida baka ke ngindik tanah luchak ba jalai raya.\\n44 Nuan udah ngelepaska aku ari laya ngelaban bala aku empu; Nuan ngasuh aku merintah mayuh bengkah bansa. Orang ke enda dikelala aku, betuaika aku.\\n45 Orang ari menua bukai meremi di mua aku. Lebuh sida ninga aku, sida ngasika aku.\\n46 Sida enda berani agi lalu sida datai getar-getar ari kuta sida.\\n47 TUHAN endang idup! Puji meh Batu aku! Awakka Allah Taala ti nyadi Batu Pengelepas aku dikemesaika,\\n48 Allah Taala ti udah malas munsuh aku, lalu ngasuh semua bansa nunduk ngagai aku,\\n49 ti udah ngelepaska aku ari bala munsuh aku. O TUHAN, Nuan ngasuh aku menang ngelaban munsuh aku, lalu ngelepaska aku ari orang ke mangah.\\n50 Nya alai, aku deka muji Nuan di mua semua bansa, lalu belagu muji nama Nuan.\\n51 Allah Taala nyadi menara pengelepas ke raja Iya, lalu Iya ngayanka pengerindu Iya ti enda berubah ngagai orang ke udah dipilih Iya, ngagai David, enggau ngagai peturun iya belama iya.\\nJaku David Ti Penudi\\n1 David anak Jesi nya orang ke udah digaga Allah Taala nyadi orang ke besai, ti udah dipilih Allah Taala Jakop nyadi raja, ti landik ngarang lagu ke orang Israel. Tu jaku David ti penudi:\\n2 Roh TUHAN bejaku ngena aku. Pesan Iya bisi ba mulut aku.\\n3 Allah Taala ke disembah orang Israel udah bejaku. Batu orang Israel udah nyebut ngagai aku: “Raja ke merintah ngena pengelurus, ke nangika Allah Taala,\\n4 nya baka mata hari ti manchar dini hari ba langit ti nadai mua hari, mata hari ti ngasuh rumput bekebelik udah bekau ujan.”\\n5 Nya meh chara Allah Taala deka merekatka peturun aku, laban Iya udah ngaga sempekat ti meruan belama iya enggau aku, sempekat ti enda dibungkar, semaya ti enda diubah. Nya aja meh utai ti dikinginka aku. Utai nya deka nyadika pemenang aku, lalu Allah Taala tetap deka ngasuh utai nya nyadi.\\n6 Tang orang ke enda nangika Allah Taala nya baka duri ti dibuai, laban sida nadai ulih diputik ngena jari.\\n7 Enti orang deka negu sida, orang negu sida ngena lumpung besi tauka ngena enteran sangkuh. Lalu sida ditunu tekala nya.\\nBala Soldadu David Ke Tebilang\\n8 Tu nama bala soldadu David ti tebilang: Iya ti keterubah nya Josep Basebet, ari Takemon. Iya nyadi tuai ke “Orang Ti Tiga Iku.” Iya bamuk ngena sangkuh ngelaban lapan ratus iku munsuh, lalu munuh semua sida dalam perang nya.\\n9 Iya ti kedua ti tebilang nya Eleasar anak Dodo, ari raban peturun Ahoh. Nyadi sekali, iya enggau David nyakap orang Pilistin ti udah begempuru deka nyerang. Bala orang Israel lalu nyurutka diri,\\n10 tang Eleasar anak Dodo nan, lalu ngelaban orang Pilistin, datai ke jari iya nyau teganggam, lalu enda ulih ngelengkaka pedang iya agi. TUHAN balat amat menang sehari nya. Lebuh orang Israel udah badu belaban enggau munsuh, sida lalu pulai ngagai endur alai Eleasar ke belaban, lalu muka semua senyata ari bangkai orang ke mati.\\n11 Iya ti ketiga ti tebilang nya Samah anak Agee, ari Harar. Nyadi orang Pilistin udah begempuru di Lehi, ba endur alai orang ke nanam kachang mirah. Orang Israel lalu ngerarika diri ari orang Pilistin,\\n12 tang Samah nan sereta nyaga umai nya, lalu munuh orang Pilistin. TUHAN balat amat menang sehari nya.\\n13 Lebuh orang baru deka belabuh ngetau, tiga iku ari “Sida Ti Tiga Puluh” nya lalu nurun ngagai David ti diau dalam Lubang Gua di Adulam. Nyadi raban orang Pilistin nirika kem sida ba Lebak Repaim.\\n14 Lebuh maya nya, David benung ba bukit sigi ti bekuta, lalu raban orang Pilistin udah ngalahka nengeri Betlehem.\\n15 David berasai lelengauka nengeri nya, lalu ku iya, “Naka meh pemanah enti orang bisi mai ai irup ngagai aku ari telaga ti ba pintu nengeri Betlehem!”\\n16 Soldadu tiga iku ti tebilang nya lalu bejalai ngerenchah kem orang Pilistin, nyauk ai ari telaga nya, lalu mai ai nya ngagai David. Tang David enggai ngirup ai nya. Iya nyiuhka ai nya nyadika piring ti diberi ngagai TUHAN.\\n17 Ku iya, “TUHAN, aku enggai ngirup ai tu! Enti aku ngirup ai tu, aku baka ke ngirup darah orang ke udah berambunka nyawa nyauk ai nya!” Nya alai iya enggai ngirup ai nya. Nya meh gaya pemerani soldadu tiga iku ti tebilang nya.\\n18 Nyadi menyadi Joap, Abisai anak Seruiah, nyadi tuai ke “Sida Tiga Puluh Iku Ti Tebilang.” Iya ngelaban tiga ratus iku munsuh ngena sangkuh, lalu munuh sida. Nya utai ti ngasuh iya tebilang agi nama ari “Sida Ti Tiga Puluh” nya.*\\n19 Iya nya meh orang ke pemadu tebilang ari ‘Sida Tiga’ nya.\\n20 Benaiah anak Jehoiada nya siku agi orang ke tebilang. Iya berani ngereja mayuh macham utai, nyengkaum munuh dua iku bujang berani orang Moap. Sekali iya nurun ngagai siti lubang, lebuh hari balat seleju, lalu munuh siku singa.\\n21 Iya mega udah munuh siku orang Ejip. Orang tu besai amat gamal, lalu ngena siti sangkuh. Benaiah ngelaban iya ngena pemalu, ngerampas sangkuh nya ari jari orang Ejip nya, lalu munuh iya ngena sangkuh nya.\\n22 Nya meh macham pengawa ti dikereja Benaiah, siku ari sida Ti Tiga Puluh.\\n23 Benaiah nya orang ke lebih agi tebilang ari bala sida, tang iya kurang agi tebilang ari orang “Ti Tiga Iku” nya. David milih iya nyadi tuai ke bala orang ke nyaga iya.\\n24-39 Raban sida “Ti Tiga Puluh” nyengkaum:\\nAsahel, menyadi Joap\\nSamah enggau Elika, ari Harot\\nIra anak Ikes, ari Tekoa\\nAbieser, ari Anatot\\nMebunai, ari Husah\\nSalmon, ari Ahoh\\nMaharai, ari Netopah\\nHelep anak Banah, ari Netopah\\nItai anak Ribai, ari Gibe-ah, di menua Benjamin\\nBenaiah, ari Piraton\\nHidai, ari lebak ti semak Gas\\nAbialbon, ari Arabah\\nAsmabet, ari Bahurim\\nEliaba, ari Salbon\\nBala anak lelaki Jasen\\nSamah, ari Harar\\nAhaim anak Sarar, ari Harar\\nElipelet anak Ahasbai, ari Maakah\\nEliam anak Ahitopel, ari Gilo\\nHesro, ari Karmel\\nPaarai, ari Arbit\\nIgal anak Natan, ari Sobah\\nBani, ari Gat\\nSelek, ari Amon\\nNaharai, ari Berot, orang ke mai senyata ke Joap\\nIra seduai Garep, ari Jatir\\nSemua tiga puluh tujuh iku nya soldadu ti tebilang magang.\\nDavid Ngitung Tubuh\\n1 Nyadi sekali, TUHAN ringat ngagai orang Israel. Nya alai Iya nyungkak David mai penusah ngagai sida. Ku TUHAN bejaku ngagai David, “Alai nuan ngitung tubuh orang Israel enggau orang Judah.”\\n2 David lalu meri atur ngagai Joap, ti nyadi tuai soldadu iya: “Alai nuan enggau bala pemesai nuan bejalai nengah semua menua raban bansa orang Israel, ngagai serata menua tu, lalu itung pemayuh tubuh orang. Aku keran deka nemu pemayuh sida.”\\n3 Tang ku Joap nyaut raja, “Tuan Raja, awakka TUHAN Allah Taala nuan ngasuh orang Israel seratus kali mayuh agi ari sida ke diatu, lalu awakka nuan panjai umur meda Iya ngereja utai nya. Tang nama kebuah Tuan Raja deka ngereja tu?”\\n4 Tang raja mejalka Joap enggau bala pemesai iya ngasika atur iya. Sida angkat, lalu mansang ngitung tubuh orang Israel.\\n5 Sida meraka Sungai Jordan, lalu nirika kem tunga ke timur Aroer, sebuah nengeri ti ba lebak nya, di menua Gat. Ari nya sida lalu bejalai tunga ke utara, ngagai Jaser,\\n6 lalu terus ngagai Giliat, enggau ngagai Kades, di menua orang Iti. Udah nya sida lalu mansang ngagai Dan, lalu ari Dan sida bejalai tunga ke barat, ngagai Sidon.\\n7 Udah nya sida lalu bejalai ke selatan ngagai nengeri Tire ti bekuta, lalu terus ngagai semua nengeri orang Ibi, enggau orang Kanaan, lalu ke pengujung iya, ngagai Beer-seba, di selatan menua Judah.\\n8 Lebuh sida udah bejalai nengah serata menua nya dalam semilan bulan dua puluh hari, sida lalu pulai ngagai Jerusalem.\\n9 Sida lalu madahka ngagai raja pemayuh lelaki ti tau enggau beperang: 800,000 di menua Israel, enggau 500,000 di menua Judah.\\n10 Tang lebuh David udah ngitung tubuh orang Israel, ati iya enda lantang, lalu ku iya bejaku enggau TUHAN, “Aku udah bedosa besai ngereja utai tu! Aku minta Nuan ngampun aku. Aku udah beli ngereja utai tu.”\\n11-12 TUHAN lalu bejaku ngagai Gat, ti nyadi nabi ke David, “Alai nuan madahka ngagai David. Aku ngasuh iya milih ari tiga bengkah utai, lalu Aku deka ngereja sebarang utai ti dipilih iya.” Pagi hari siti, lebuh David udah dani,\\n13 Gat mansang ngagai iya, madahka utai ti udah dipadahka TUHAN, lalu iya nanya David, “Ni bagi ti dipilih nuan? Tiga taun lapar pungkang di menua tu, tauka tiga bulan ngerarika diri ari munsuh kita, tauka tiga hari penyakit berampit di menua kita? Aku ngasuh nuan berundingka nya, lalu padahka saut ti diasuh nuan bai aku ngagai TUHAN.”\\n14 Ku David nyaut, “Tusah amat ati aku! Tang aku enggai diukum orang mayuh. Awakka TUHAN Empu ngukum kitai, laban Iya nemu ngampun.”\\n15 Nya alai TUHAN lalu ngasuh penyakit balat amat berampit di menua Israel, berengkah ari pagi nya nyentuk ngagai maya ti udah diletak Iya. Di serata menua nya, tujuh puluh ribu orang Israel mati.\\n16 Lebuh melikat TUHAN baru deka ngerusak nengeri Jerusalem, Iya lalu ngubah runding Diri ti deka ngukum orang mayuh, lalu bejaku enggau melikat ti munuh sida, “Badu agi! Umbas meh nya!” Melikat nya udah datai ba endur alai orang ngindik gandum ti diempu Araunah, siku orang Jebus.\\n17 David bisi meda melikat ti munuh orang mayuh, lalu ku David bejaku enggau TUHAN, “Aku empu ke salah. Aku empu ti ngereja utai ti salah. Orang tu nadai ngereja utai apa-apa. Nuan patut ngukum aku enggau kami sebilik.”\\n18 Ba hari nya Gat mansang ngagai David, lalu bejaku enggau iya, “Alai nuan mansang ngagai endur alai nungku gandum ti diempu Araunah, lalu gaga siti alta ke TUHAN.”\\n19 David ngasika pesan TUHAN, lalu mupuk munyi ti diasuh Gat.\\n20 Araunah malik, lalu tepedaka raja enggau bala pemesai iya, mansang ngagai iya. Araunah lalu nyungkurka diri ke tanah di mua David,\\n21 lalu nanya, “Tuan Raja, nama kebuah nuan datai ditu?”\\nKu David nyaut, “Deka meli endur alai nuan ke ngindik tu, lalu ngaga siti alta ke TUHAN, kena nagang penyakit tu berampit.”\\n22 “Ambi aja, Tuan Raja,” ku Araunah bejaku, “lalu beri ngagai TUHAN sebarang utai ti dikedekaka nuan. Tu sapi ti lelaki ti tau ditunu nyadika piring ba alta nya. Tu kungkung sida, enggau papan alai ngindik, ti tau dikena menyadika api.”\\n23 Araunah meri semua utai nya ngagai raja lalu ku Araunah bejaku enggau raja, “Awakka TUHAN Allah Taala nuan nerima piring nuan.”\\n24 Tang ku raja nyaut, “Aku deka mayar rega utai tu ngagai nuan. Aku enggai meri ngagai TUHAN Allah Taala aku utai ti ukai ulih aku meli.” Iya lalu meli endur alai orang ke ngindik nya, enggau jelu sapi nya ngena rega lima puluh singkap duit pirak.\\n25 Udah nya David lalu ngaga sebuah alta ke TUHAN, lalu ngenjuk piring tunu, enggau piring pemaik. TUHAN nyaut sampi iya, lalu penyakit nya enda agi berampit di menua Israel.","num_words":18501,"character_repetition_ratio":0.067,"word_repetition_ratio":0.0,"special_characters_ratio":0.215,"stopwords_ratio":0.346,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Dapur Andan: \"Saya bukan datin, saya mak dara\"\\n\"Saya bukan datin, saya mak dara\"\\nAram sesais kuyu\\npagi tadi pulai nganjung anak skul aku ngetu ba pasar mini laban \"lemari es\" sida ibu dara nyu puang minta disi - nadai sayur agi. Laban tumu pagi utai agi maioh baru\/fresh. nama agi deh sida indai dara alu nyengkau penyengkau meh sida manuk sida undang, ikan alu tadi meda kerangnya fresh alu nyengkau meh aku.\\nalu mansa indu indun ke nyaga kedai nya - \" kakak ambik pakai tangan aje ker\"? iskkk malas ka ngena utai kena nyengkau nya ko aku nyu ngasuh aku lubah aja-ko aku malas tanya ia. Majak meh aku ngumpul lauk kedeka ati.\\nNya meh maia aku ke mayar utai tadi ia nanya bejaku baru \"kakak rajinlah ambik guna tangan aje, ramai yang guna penyeduk @ plastik dan ada yang terjerit-jerit minta ambilkan\" ko ia\\nNyaut baru ga aku \" kakak ni bukan MAK DATIN tapi cuma mak....bedau tembu aku ke bejaku alu ia nyambung MAK DARA hahahahahahaha ko aku \"pandainyaaaa \" . Amat sigi ka nyebut diri mak dara ga aku nundi ia. Aku tu indu rumah panjai - orang kampung ukai urang teleba senang bisi amah. Semua buat sendiri.\\nPosted by Indai Dara at 7:20 AM\\nwah!1st time kamek jumpa blog ditulis dlm bahasa iban.. kamek rindu sgt2 nak berjakuk iban. I'm Sarawakian, tinggal kat KL..dah bermastautin di KL. kmk induk dara dari kampung juak..kamek asal dari Debak..dolok, kamek pandai cakap iban sebab kamek ramai kawan iban =0). Since lamak duduk di KL, kamek terlupak macam mana nak bercakap iban.. kamek dah lamak sik praktik bahasa iban..but still faham apa yang dicakap n ditulis dalam bahasa iban.\\nDapur Andan Copyright © 2009 Designed by Ipietoon Blogger Template for Bie Blogger Template Vector by DaPino","num_words":277,"character_repetition_ratio":0.051,"word_repetition_ratio":0.0,"special_characters_ratio":0.218,"stopwords_ratio":0.094,"flagged_words_ratio":0.0,"lang_id_score":0.514,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 1 BK - Ba pun iya kelia, lebuh Allah Taala - Bible Search\\n1Ba pun iya kelia, lebuh Allah Taala berengkah ngaga langit enggau dunya, 2dunya endang apin bisi bakal tauka gamal sereta nadai utai nguan. Semina ribut ti deras ari Allah Taala aja ti bepuput atas tasik ti agi petang. 3 Allah Taala lalu bejaku, “Awakka penampak pegari.” Penampak lalu pegari. 4Allah Taala meda penampak nya manah; lalu Iya nyeraraka penampak nya ari pemetang. 5Iya ngumbai penampak nya “Siang” lalu pemetang nya dikumbai Iya “Malam.” Lemai abis lalu pagi pen datai. Nya hari ti keterubah.\\n6 Lalu ku Allah Taala bejaku, “Awakka kebung pegari kena nyeraraka ai ti di atas ari ai ti di baruh. 7Nya alai Allah Taala ngaga kebung nya lalu nyeraraka ai ti di baruh kebung nya ari ai ti ari atas kebung nya. Utai nya lalu nyadi. 8Iya ngumbai kebung nya “Langit.” Lemai abis lalu pagi pen datai. Nya hari ti kedua.\\n9Udah nya Allah Taala bejaku, “Awakka ai ti di baruh langit begelumu ba siti endur, ngambika tanah pegari.” Utai nya lalu nyadi. 10Iya ngumbai tanah “Darat,” lalu ai ti begelumu dikumbai Iya “Tasik.” Lalu Allah Taala meda utai nya manah. 11Udah nya Iya bejaku, “Awakka tanah mansutka semua macham utai ti tumbuh: utai ti mansutka leka, enggau semua macham kayu ti mansutka buah ti bisi leka.” Utai nya lalu nyadi. 12Nya alai, tanah mansutka semua macham utai ti tumbuh, lalu Allah Taala meda utai nya manah. 13Lemai abis lalu pagi pen datai. Nya hari ti ketiga.\\n14Udah nya Allah Taala bejaku, “Awakka mayuh macham penampak pegari di langit, kena nyeraraka siang ari malam, enggau kena nunjukka maya hari, taun enggau maya gawai pengarap belabuh. 15Sida deka manchar di langit lalu meri penampak ngagai dunya.” Utai nya lalu nyadi. 16Nya alai Allah Taala ngaga dua igi penampak ti besai, iya nya mata hari ti bekuasa lebuh siang hari, enggau bulan ti bekuasa lebuh malam hari. Iya mega ngaga bintang. 17Iya ngengkahka semua penampak nya di langit, ngambika sida manchar ngagai dunya, 18bekuasa lebuh siang enggau lebuh malam hari, sereta nyeraraka penampak ari pemetang. Lalu Allah Taala meda utai nya manah. 19Lemai abis lalu pagi pen datai. Nya hari ti keempat.\\n20Udah nya Allah Taala bejaku, “Awakka ai penuh laban semua bansa utai ti idup, lalu awakka burung terebai di langit.” 21Nya alai Allah Taala ngaga jelu ti besai sereta nyelai di tasik, semua bansa utai ti idup dalam ai, enggau semua bansa burung. Lalu Allah Taala meda utai nya manah. 22Iya merekatka semua sida, lalu ngasuh utai ti idup dalam ai beranak betelesak, lalu ngemenuhka tasik. Iya mega ngasuh burung beranak betelesak di dunya. 23Lemai abis lalu pagi pen datai. Nya hari ti kelima.\\n24Udah nya Allah Taala bejaku, “Awakka dunya mansutka semua bansa jelu ti idup: jelu tupi, jelu babas, enggau jelu ti ngerayap.” Utai nya lalu nyadi. 25Nya alai Allah Taala ngaga semua bansa jelu, lalu Iya meda semua utai nya manah magang.\\n26 Udah nya Allah Taala bejaku, “Aram Kitai ngaga mensia neladan gamal Kitai Empu, baka gamal Kitai Empu; lalu awakka sida bekuasa atas ikan, burung, enggau semua jelu di dunya tu, enggau semua utai ti ngerayap ba tanah.” 27 Nya alai Allah Taala ngaga mensia neladan gamal Iya Empu; Iya ngaga sida lelaki enggau indu. 28Allah Taala merekatka sida, lalu bejaku ngagai sida, “Beranak betelesak lalu ngemenuhka dunya meh kita sereta bekuasa atas iya; perintah meh ikan, burung, enggau semua utai ti idup di dunya.” 29Ku Allah Taala bejaku, “Aku meri kita semua macham leka utai enggau semua macham buah nyadika pemakai kita; 30lalu ke semua bansa jelu babas ti di dunya, enggau ke semua bansa burung, Aku meri sida rumput enggau utai ti bisi daun nyadika pemakai sida.” Utai nya lalu nyadi. 31Allah Taala meda semua utai ti udah digaga Iya manah magang. Lemai abis lalu pagi pen datai. Nya hari ti keenam.","num_words":634,"character_repetition_ratio":0.107,"word_repetition_ratio":0.022,"special_characters_ratio":0.218,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Cerita Tuai | Adat Asal Iban\\nAdat Asal Iban\\nAdat Bangsa Pengingat Diri\\nPerpantang ( Tatoo)\\nSakali dulu kalia leboh dunya tu baru udah nyadi, Petara ti pemadu bekuasa ngaga batu mas sigi ti besai ke lalu dikumbai “Tengkulas Batu Mas“. Batu mas tu diengkah iya ba tisau dunya di menoa puang kelinggi padang pasir muak ka matahari tumboh. Nyau kelama udah nya, Petara ti pemadu bekuasa lalu ngaga batu mas nya tadi bebali nyadi indu dara siko ti bajik bendar gamal. Mata enggau kulit iya nyau berperenching baka tekang mas. Indu dara tu lalu digaga ka iya nama Dayang Laing.\\nNyadi pendiau Dayang Laing tu sunyi bendar laban ti diengkah ka Petara di tisau dunya puang kelinggi padang pasir ka bedau diwan mensia siko. Pengidup Dayang Laing tu tadi nyamai bendar laban semua pemakai enggau perengka ti dikena iya ngidup ka diri ba ujong tunjok iya magang di beri Petara ti ngaga iya. Nyau kelama iya udah idup kediri bakanya, iya pan nyau dara bendar lalu manggai ba umor ti udah tau ngadu ka ruang bilik diri empu. Dayang Laing tu pan nyau tusah bendar ati amat ga semua utai ti dikadeka ka iya kena ngidup ka diri lantang bendar iya bulih. Kebuah iya tusah bendar ati laban iya nadai nemu siko mensia semak menoa nya ti tau enggau iya begulai sajalai.\\nNyau kepuas iya berunding nat ka penusah ati ti sunyi nadai orang enggau besulu, dia iya lalu berengkah bertundi bermain enggau Bunsu Ribut ti bepuput mansa menoa nya dia. Nyau kelama udah nya, tundi serta main Dayang Laing enggau Bunsu Ribut tu nyau nyadi leman ti ngasoh Dayang Laing nyau berasai betuboh bisi. Nyepi diri ka betuboh bisi bakanya, Dayang Laing pan berasai lantang ati laban ngenang diri ka deka bisi orang enggau begulai di menoa puang nya. Leboh nyau datai maia iya ti beranak, iya pan lalu ngada ka anak indu tujoh iko diri menyadi ti bajik bendar gamal.\\nAnak Dayang Laing enggau Bunsu Ribut tu tadi deras bendar mansang. Indai sida rindu bendar ka semua sida menyadi lalu pendiau iya pan enda mega sunyi baka ka ti udah. Tang pengalantang Dayang Laing tu enda lama laban apai iya Petara ti pemadu bekuasa ringat bendar ati meda ulah serta leman Dayang Laing seduai Bunsu Ribut tu tadi. Petara lalu ngukum Dayang Laing seduai Bunsu Ribut lalu ngasoh Bunsu Ribut muput ka anak seduai ka kebong langit. Sabedau Bunsu Ribut ngangkat ka diri bepuput, Petara lalu nangkal iya enggau jako ngasoh Bunsu Ribut ngudi mali menoa orang ti bisi ditemu iya jadi salah. Nya kebuah kitai iban enggai jadi salah, enggai ka ngudi ai ngudi menoa enti enda diadu enggau tusun adat jadi salah. Dayang Laing lalu digaga ka Petara sigi tajau ka dikumbai Sakuntum Indu Benda, Kelawah Besai Moa. Nyadi tajau tu, taja iya mit tang di dalam iya tau endor diau baka ka diau dalam istana raja. Tajau tu diengkah ka Petara di sabuah langkau ba tisi padang pasir ti besai. Enggai ka Dayang Laing selalu pansut ari langkau dia Apai iya Petara lalu ngaga sapasang Burung Geruna nginau menoa nya. Burong Geruna tu beridup ari dagin jelu tauka mensia ti bisi semak menoa nya dia.“Nyadi sapa pungka anak lelaki ka berani, sikar serta pintar tebunuh ka Burung Geruna nya ila, nya baru tau jadi enggau nuan,” ko Apai iya Petara madah ngagai Dayang Laing.\\nAbis jako tangkal Petara, Bunsu Ribut pan lalu berengkah bepuput nyerara ka Dayang Laing ari anak iya tujoh iko diri menyadi lalu mai sida tujoh iko nya ka kebong langit nitih ka ukum Petara. Sida menyadi enggau indai sida lalu sama nyabak leboh ti deka berserara. Bunsu Ribut pan begadai-gadai ngangkat sida menyadi tujoh iko nya tadi lalu dikemata ka indai sida ari dunya baroh tu sampai sida menyadi nyau nyadi Bintang Banyak tauka Bintang Tujoh (Pleiades). Gamal sida berparenching serta berkijap-kijap, tinggi serta tampak bendar. Sida menyadi duduk berimbai enggau diri sama diri indah enda baka ripih sida ka betunga makai enggau indai sida leboh ka agi di dunya tu.\\nBarengkah ari nya, pendiau Dayang Laing lalu bebali berasai sunyi baru laban ti ditinggal ka bala anak iya. Iya seruran bersampi ngagai apai iya minta diri ulih nemuai kalangit batemu enggau bala anak iya. Laban ukum Petara tu endang bisa, nya ti ngujong ka iya enda ulih batemu enggau bala anak iya di langit din. Tiap tiap malam iya nengkadah meda ka penunga pejalai bala anak iya dilangit enggau ati ti rindu serta sinu lalengau sampai ka iya nyau leju lalu ngantok tindok.\\nRambau maia nya kelia di dunya tu, bisi lelaki siko ti tampak nama serta jelai bendar berita benama Abu Tinggang. Iya tu anak Petara Semarugah (Petara ti nguasa Tanah). Nyadi pengawa iya tu nagang menoa kudi menoa bebali ti selalu bendar nyadi. Iya terit bendar bejalai ka adat ti baka tu serta ngajar mensia nitih ka pantang ti betul, lebih agi enda ngasoh orang ngelanggar adat jadi salah.\\nNyadi sekali Abu Tinggang enggau bala anembiak iya berunding deka nubai sungai siti ti maioh bendar ikan ba menoa sida dia. Ninga berita sida Abu Tinggang enggau bala iya deka nubai, dia Bunsu Raong lalu tusah bendar ati laban iya endang enda setuju ka ikan dibunoh ngena jalai kasar baka nya. Iya lalu nesau semua bala raong di menoa nya ngenggok enggau naka pengingar siang malam, awak ka semua menoa sida dia inggar richah nadai didinga utai.\\nNyau puas ninga bunyi nyawa raong ngenggok ngingar nya, Abu Tinggang lalu bejalai ngiga siko ari sida raong ka bebunyi nya tadi lalu nanya ka nama kebuah sida iya richah serta inggar ngenyadi nya. Raong nya tadi lalu ngasoh Abu Tinggang betemu enggau tuai sida Bunsu Raong enti iya deka nemu kebuah sida ngenggok ngemendar nya sampai nadai didinga utai.\\nAbu Tinggang lalu bejalai ngagai rumah Bunsu Raong nanya ka kebuah sida bebunyi ngingar nya enda badu-badu.\\n“Nyadi pengawa kami ka ngingarnya enda badu-badu dikena kami mandang ka diri ngengai serta enda setuju ka nuan ti deka mai bala anembiak nuan nubai ikan di menoa kitai ditu. Enti nuan ngerja pengawa tu, nuan ukai semina munoh ikan ti besai tang mega masau sida ka agi mit serta ngerusak pendiau enggau pengidup orang bukai ti bepangai ba sungai kitai di menoa tu. Nya alai enti nuan deka nangkap ikan ka dempa kita, manah agi enti nuan nambit pintu langit awak ka ujan enda labuh ka dunya tu lalu sungai tau nyadi langkang. Ari nya kita tau milih ikan ti besai di tangkap lalu neju ka sida ti agi mit mansang besai awak ka bisi ditapat ka anak uchu kita jemah ila,” ko Bunsu Raong bejako enggau Abu Tinggang.\\n“Amat bendar utai ti ko nuan nya tadi, aya,” ko Abu Tinggang nyaut Bunsu Raong. “Tang kati ko runding nuan jalai aku tau nutup pintu langit nya deh aya,” ko Abu Tinggang nanya Bunsu Raong.\\n“Samina Sera Gindit tau ngerja pengawa nya, laban iya siko aja diasoh Petara megai kunchi pintu langit,” ko Bunsu Raong madah ngagai Abu Tinggang.\\n“Tang enti nuan deka ngagai iya, nuan enda tau enda mai daun nyiur dikena nuan nanggam pintu nya rapit enti iya udah di tutup ila,” ko Bunsu Raong ngajar Abu Tinggang.\\n“Enti bakanya, enda nyadi kami nubai di menoa kitai ditu, aya” ko Abu Tinggang nganu Bunsu Raong ke lalu nesau bala iya ngasoh sida iya ngetu ingar ngenggok.\\nUdah Abu Tinggang nusoi randau seduai Bunsu Raong ngagai bala anembiak iya, dia Abu Tinggang lalu beradu deka bejalai ngagai rumah Sera Gindit di langit din. Agi tumu bendar pagi siti, Abu Tinggang lalu bejalai ngejang ka menoa sida nuju menoa Sera Gindit. Sekumbang iya ka bejalai tu, iya endang nadai mansa utai bukai, semina tak nengah menoa padang pasir ti besai serta puang nadai utai tumboh. Enti leboh malam hari iya ngiga tanah ti lengkap alai iya gali nindok ka diri. Laban menoa tu ti udu angat, iya tindok enda bepua. Semina leboh maia dini hari dalam baru bisi berasai chelap sepi iya.\\nNyau kelama iya ti udah bejalai, iya pan datai ba menoa ka bisi tumboh rumput enggau nyior mimit. Peda iya buah nyior lebat bendar. Laban ti udah aus bendar leboh ka nengah padang pasir dia iya lalu niki nyior sakayu ngambi buah puda ka diirup. Udah chukup tandan nyior diketas iya, dia iya lalu berengkah berati ka rampa menoa ari puchok nyior nya tadi. Nyau kepuas iya merening menoa nya dia, iya pan lalu tepeda ka sabuah langkau ti mit enda jauh ari nya. Udah iya berati ka penunga langkau nya tadi, iya pan lalu nurun ari puchok nyior serta datai iya di baroh dia iya lalu berengkah ngupas buah nyior ka diirup serta ka diempa.\\nUdah ka ngetu enda lama ba pun nyior nya tadi, Abu Tinggang pan lalu berengkah bejalai begadai-gadai nuju langkau ti di peda iya tadi. Datai iya ba tengah laman langkau nya, iya tak nadai meda tauka ninga mensia siko bebunyi semak tauka ari dalam langkau nya tadi. Leboh ka bediri di tengah laman nya tadi dia iya pan bisi tepeda ka batu perunsut siti ti udah bekau dikena orang mandi. Meda nya, iya pan lalu ngangau, “Hoi, jadi rumah kita tu?” ari luar. Bisi tiga kali iya ngangau, tang nadai disaut orang sekali.\\nMeda orang nadai nyaut, Abu Tinggang lalu niki masok begadai-gadai. Di dalam langkau nya peda iya tak puang nadai utai semina tajau sigi ti dipeda iya duduk dugau-dugau ba telok dinding. Kepuas iya ka segau-segau dalam langkau, meda orang tak nadai siko, dia iya lalu betati deka ngebak ka tudong tajau ka duggau-dugau tisi dinding. Leboh iya ngebak ka tudong tajau nya, dia iya lalu tekenyit lalu linsau meda perenching panchar utai nyau liau-liau pansut ari dalam tajau nya. Enda berasai kaki iya nyurut ka diri ari kena panchar utai dalam tajau nya tadi, laban iya sigi endang orang ti sikar. Nyau udah enda berasai kesal agi, nya baru iya mansang baru ngagai moa tajau nya tadi lalu nilik ka dalam. Dia iya lalu tapeda ka indu siko belalai dalam nyin. Kulit indu nya nyau berperenching baka panchar bintang di langit din.\\nLama Abu Tinggang tagenong bayam pemajik gamal indu nya tadi baru iya berengkah ngangkat ka iya pansut ari moa tajau nya tadi. Udah indu nya pansut ari tajau, Abu Tinggang lalu nanya ka sapa nama indu nya. Indu nya lalu nyaut, ko iya, “aku tu Dayang Laing, lalu aku diau kediri di menoa tu.”\\nAbu Tinggang lalu madah ka iya, “nuan enda patut diau kadiri di menoa puang baka tu, nuan patut mindah ngagai menoa bukai ngiga orang enggau begulai.”\\nDayang Laing lalu nusoi jerita iya empu berengkah ari iya ka digaga Petara Apai iya, Allah Taala, ari tengkulas batu mas datai ka iya ka ngada ka Bintang Banyak begulai enggau Bunsu Ribut. Leboh Abu Tinggang ninga tu, iya lalu nanya ka penyadi enggau penunga bala anak iya diatu.\\n“Diatu semua sida udah dikebu ka apai sida pulai ka langit lalu nyadi Bintang Banyak. Semua sida tujuh iko diri menyadi tu diasoh Petara Apai iya nyadi ka tanda di langit din. Nya alai enti pejalai sida dipeda ba senentang kebong langit din leboh maia dini hari dalam, nya meh maia anak mensia di dunya tu patut ngelabuh ka benih sida. Enti anak mensia ngelabuh ka benih laun ari maia tu, padi sida deka rusak tauka enda nyadi,” pia ko Dayang Laing nusoi jerita diri ngagai Abu Tinggang.\\nNyau kepuas seduai ka berandau enggau pangan diri, Abu Tinggang lalu nanya Dayang Laing enti iya deka jadi enggau Abu Tinggang.\\n“Aku endang deka jadi enggau sapa orang ka bisi datai ngagai menoa aku tu ditu lalu ulih mai aku pansut ari menoa tu,” ko Dayang Laing. Ninga saut Dayang Laing munyi nya, Abu Tinggang lalu gaga bendar ati laban ti udah tetemu ka indu ti bajik gamal serta ka peransang ati anak lelaki baka nya. Iya lalu bersemaia ngiga jalai mai Dayang Laing ninggal ka menoa nya.\\nAbu Tinggang lalu berengkah berunding ka cara ngelaban serta munoh Burung Geruna ti ka di padah ka Dayang Laing ngagai iya. Langkau seduai iya lalu di kuta Abu Tinggang ngena batang kayu ti tegap serta lalu dilamun enggau batang pisang ti maioh. Kuta seduai chukup penebal serta chukup penegap lalu enda ulih di kusai ka ngapa.\\nBaru udah tembu kuta seduai iya pagi nya, agi jauh dinga udah bergeneram munyi guntur Burung Geruna mansang datai. Abu Tinggang lalu ngansah nyabur iya serta ngasoh Dayang Laing belalai dalam tajau Sekuntum Indu Benda, Kelawah Besai Moa. Nyabur pan udah tembu diansah, Burung Geruna nya pan datai lalu nginau kuta seduai nya tadi. Dinga nyawa iya nyau ngikik munyi ngitar, kebab sayap nyau makin inggar. Maia nya Abu Tinggang lalu engkechit ngagai puchuk kuta lalu manjong awak ka Burung Geruna tapeda ka iya.\\nSareta tapeda ka Abu Tinggang di puchuk kuta, Burung Geruna lalu enggau nyawa serta kebab sayap ti inggar bendar lalu beputar ari iya ka ngindang ngadap ngagai alai Abu Tinggang ka bediri. Endang enda kakang agi, Burung Geruna nya tadi lalu muai diri ari langit lalu ngelayang deka nyambar Abu Tinggang ka bediri atas kuta. Abu Tinggang endang enda nginsit nganti Burung Geruna nya nyau udah chukup semak ba ati iya. Menoa nyau ayong leboh Burung Geruna nya nyau makin semak. Bubun pala Abu Tinggang pan nyau berasai chelap kena tiup sayap Burung Geruna nya. Nyau udah deka tarengkah ba iya kenu ko gamal Burung Geruna nya tadi, nya baru iya engkechit muai diri ngagai tisau kuta. Kaki Burung Geruna nya tadi lalu mintih puchuk kuta nya. Nyau ka abis batang kayu tepelanting dikesai ka iya empa pemalat sambar Burung Geruna nya tadi. Udah abis lapis lumpung kayu besai kena sambar ka Burung Geruna nya tadi, dia patok, kukut kaki enggau tada iya ti tajam bendar lalu terunjam bebalut ba batang pisang. Ketik ka iya enda ga ulih. Ensepi diri lekat baka nya, iya pan ruik-ruik munyi ka ngebus ka langit, engkasak nguji deka ngelepas ka diri. Balat agi iya mengkasak balat agi ga iya lekat sampai sayap iya nyau enda tentu ulih engkebab agi.\\nNyau lelak serta enda bedaya agi Burung Geruna nya tadi deka ngelepas ka diri dikemata ka Abu Tinggang, iya pan lalu mansut ka diri ari endor iya ka belalai. Burung Geruna nya tadi lalu dipantap iya enggau nyabur ba pun pegu. Nyau bakasebun batang kayu enggau batang pisang ka endor burung nya lekat tepalanting lebuh iya ngesai ka diri bedanjar deka mati.\\nSekumbang Abu Tinggang tu ka belaban enggau Burung Geruna nya tadi, Dayang Laing endang selalu nilik ari moa tajau ka endor iya belalai tu tadi. Dia iya endang enda engkesap mata meda pemintar, penyikar, pemerani serta pengering Abu Tinggang tu tadi. Ari chara pengawa Abu Tinggang tu ka belaban enggau Burung Geruna, Dayang Laing endang nemu dalam ati iya din, “Abu Tinggang tu tentu ukai orang sengapa pia tang turun orang ti dipebasa ka serta orang ti bepangkat berani.” Pengrindu iya ka Abu Tinggang pan nyau makin betambah.\\nUdah tembu munoh Burung Geruna nya tadi Abu Tinggang lalu beguai mai Dayang Laing nitih ka iya pulai ngagai menoa sida Abu Tinggang takut ka pangan Burung Geruna nya datai lalu pia mega bangkai Burung Geruna ti udah mati nya nyau berengkah buot. Serta Dayang Laing setuju nitih ka Abu Tinggang pulai seduai pan lalu enda betanggoh agi, lalu barengkah nyendia ka diri mupok pagi siti.\\nApin tentu lama seduai udah ngejang ka langkau, dia seduai lalu ninga sayap Burung Geruna, pasang iya ke udah mati dibunuh Abu Tinggang, kebab-kebab datai terbai ari jauh. Tanah nyau berenyang kena tiup sayap burung nya ti deras bendar nachar terbai nuju langkau ti udah ditinggal ka seduai. Abu Tinggang lalu mai bini iya belalai ba lubang batu ti enda jauh ari nya, laban kulit iya ti beperenching lalu tampak dipeda. Baru udah ngelalai ka diri seduai tu tadi, Burung Geruna nya pan mansa ari atas seduai. Nyau ayung langit empa pamesai sayap iya ka terbai. Burung nya tadi lalu ngindang enda lama lalu ingap atas langkau ka ditinggal ka seduai.\\nAri moa lubang batu nya, seduai ngemata ka ulah pasang Burung Geruna nya tadi. Burung nya dipeda seduai tak ngenong meda bangkai pangan iya serta meda pemalat kuta ti udah tebarunsai bekau kesai ka pasang iya bedanjar mati. Lama iya duduk dia enda bemunyi. Mata iya gining-gining merening utai kiba-kanan ngiga orang ka munoh pasang iya nya tadi. Nyau kelama udah nya, iya pan lalu ngesai ka diri angkat terbai kabukai.\\nSerta burung nya nadai agi dipeda, Abu Tinggang seduai Dayang Laing pan angkat ari nya. Seduai iya bejalai siang malam. Nyau kelama seduai udah bejalai, seduai pan lalu datai di menoa sida iya empu.\\nLemai nya udah kemas tembu makai Abu Tinggang pan lalu barengkah nusoi rita pejalai iya di menoa orang ngagai apai seduai indai iya. Tambah mega seduai pan bela bisi meda iya mai indu bajik siko pulai nadai temu penatai. Abu Tinggang lalu nusoi rita pejalai iya ka rembus di menoa Dayang Laing serta enggau jerita seduai ka betemu enggau pangan diri datai ka belaban enggau Burung Geruda nya ditusoi iya magang. Penatai Dayang Laing pan lalu ditusoi iya magang ngagai sida sabilik.\\nNyau ka pengabis randau sida, Abu Tinggang lalu nanya ka runding apai seduai indai iya, sakali ka seduai setuju nerima Dayang Laing jadi ka menantu sida. Nyadi apai seduai indai iya, laban ka nadai kala ninga rita ka nyelai bendar munyi nya, lalu nyaut. “Nyadi kami duai indai nuan, laban tu tak baru ninga berita ditusoi nuan ngagai kami, apin tulih ka runding kena nyaut nuan pasal pengawa seduai tu. Pagi ila baru kami duai ulih madah ka nuan pemutus runding kami duai,” ko saut Petara Semarugah.\\nAri siti, Petara Semarugah, lalu ngangau ka semua kaban belayan ka bekalingi pendiau enggau iya dia, ngasoh sida datai bagempuru ba ruai iya. Leboh ka bagempuru nya, udah semoa orang ka dikangau datai duduk jenuh magang, Petara Semarugah lalu bejako nusoi kebuah iya ka ngangau ka bala ngagai ruai iya kia. Iya lalu nusoi pengawa Abu Tinggang seduai Dayang Laing serta enggau jerita seduai ka batemu enggau pangan diri ngagai bala maioh. Nya alai Semarugah lalu nanya Dayang Laing paneka iya jadi enggau anak iya Abu Tinggang lalu nguai ka iya belama-lama.\\nDayang Laing lalu nyaut, ko iya,”Abu Tinggang endang sigi laki aku, lalu aku mega udah nitih ka iya kitu. Nya alai aku nadai jalai enda satuju enggau jako nuan, aya. Aku endang sigi deka nguai ka iya selama umur aku idup, amat ga kita deka narima aku ka menantu kita.”\\nNinga jako Dayang Laing munyi nya tadi, Semarugah lalu madah ka diri besatuju narima Dayang Laing ka menantu iya, laban ko iya,”Kitai enda nemu tuah limpah, niat jekat ka dibai iya ari menoa jauh ngagai kitai, tauka anak-uchu turun-menurun kitai jemah ila.”\\nPetara Semarugah lalu ngadu ka pengawa melah pinang Abu Tinggang seduai Dayang Laing. Leboh pengawa melah pinang nya, Semarugah lalu nerang ka mensia maioh pasal adat begulai sejalai melaki bini. “Udah kitai begulai sejalai jadi diri melaki bini, kitai enda tau enda bebasa ka pangan diri sakumbang ka begulai diri sabilik. Laki tauka bini enda tau enda bebasa ka diri sama diri, samua kaban belayan baik ka ari spiak lelaki tauka spiak indu. Kitai mesti deka nelap enggau sida, lebih agi baka apai indai enggau bala mentua kitai, laban kitai jadi melaki bini tu ukai deka ka anak orang aja tang kitai mesti sedia deka betampil enggau kaban belayan orang ti enggau kitai jadi, nadai milih sapa-sapa orangnya,” ko Semarugah. “Lalu pia mega, enti orangnya deka nampil kitai, orangnya enda tau keji ka kaban belayan ka ditampil iya. Iya enda tau bebagi ati begulai enggau kaban belayan orang ti ditampil iya. Nya alai enti kita deka ngadu ka diri begulai sajalai melaki bini, kita enda tau enda belalau ka ajar aku tu laban enti kita nitih ka ajar tu, kita tau bulih idup ka lantang, menyana serta mujur dalam semua pengawa,” ko iya ngujung ka jaku iya.\\nAbu Tinggang seduai Dayang Laing pan lalu begulai sajalai lantang senang nitih ka niat ati apai iya Semarugah. Kelama seduai udah begulai, seduai iya lalu beranak ka anak lelaki siko ti digaga ka aki iya Semarugah nama Saliman. Lalu turun Abu Tinggang seduai Dayang Laing tu pan lalu nyadi bakatu:\\n1. Saliman nurun ka Semarugan\\n2. Semarugan nurun ka Sera Gindi\\n3. Sera Gindi nurun ka Sema Ugang\\n4. Sema Ugang nurun ka Sera Gindam\\n5. Sera Gindam nurun ka Sera Gindit\\n6. Sera Gindit nurun ka Sera Gindah\\n7. Sera gindah nurun ka Pateh Rasiek\\n8. Pateh Rasiek nurun ka Pateh Ayu\\n9. Pateh Ayu nurun ka Pateh Gurang & Dayang Patri\\nPateh Gurang & Dayang Patri\\nNyadi Pateh Gurang seduai Dayang Patri tu anak Pateh Ayu. Nyau datai ba umor ti ngangkat ka diri dara, sekali Dayang Patri enggau bala pangan iya ka sarambau umur mansang bermain dalam kampong ke enda bangat jauh ari rumah sida. Leboh iya bejalai dalam kampong nya, dia iya tapeda ka tinchin sabentuk garing-garing kena singkang iya ka bejalai. Enggau ati ti andal bendar, tinchin nya tadi lalu dijeput iya serta di bai iya pulai ambi ka ditaroh iya empu. Nyadi rita iya ka nemu tinchin nya tadi ditemu menyadi iya Pateh Gurang ari sebut raban anembiak ka enggau menyadi iya bermain. Tang laban ka endang siru enggau diri menyadi, Pateh Gurang enda iboh ka utai ti ditemu menyadi iya empu laban endang nyangka tinchin nya tinchin orang lenyau leboh ka bejalai di menoa nya dia. Iya nadai sangka ka utai nya tau pulai ka penusah.Nyadi malam nya, dia sida sabilik serta enggau orang ka diau berkelingi enggau sida di menoa nya takenyit bendar ninga munyi siko remaung ti ingar serta suah bendar negong ari tisau kampong endor Dayang Patri enggau bala iya bermain tadi. Munyi remaung nya tadi nyau makin ganas saganas. Nyadi Pateh Gurang, ninga munyi remaung ngemalat nya, bisi sangka dalam ati iya din, tentu bisi kebuah remaung nya negong ngemalat nya. Nya baru iya ingat ka tinchin ti ditemu manyadi iya dalam kampong nya siang tadi. Iya lalu irau ati ka adi indu iya laban iya nemu tinchin nya tentu Taju Remaung ti naka pemadu iya mali di tegu. Samalam-malam nya iya enda tindok ngiga runding ngadu ka menyadi iya ti udah puni taju remaung. Enti nitih ka pamedis ati iya dalam din tak adi iya nya meh dianjong ka dalam kampong kin. Tang laban Pateh Gurang tu endang tuai raban bansa menoa nya, iya enda sakali kala mantai ka jako jai serta pengaringat ati diri ngagai rakyat iya lebih agi ngagai sida sabilik. Ka Dayang Patri enggau sida sabilik nemu Pateh Gurang pedis ati ari rejat kaki iya ka bejalai kiba kanan dalam rumah. Nyau kelama iya udah berunding, dia iya tingat ka jerita aki iya Abu Tinggang ti belaban enggau burung geruda kalia. Ari nya iya lalu tulih ka runding jalai belaban enggau Remaung nya.Laban ti nemu tanggung-jawap diri ka enda tau enda ngelindung rakyat, baik ka diri sabilik tauka orang bukai, dalam semua penusah, Pateh Gurang pan lalu nesau semoa anembiak iya ti batulang ngambi batang kayu, randau enggau batang pisang digaga ka kota kena ngelalai ka Dayang Patri. Ninga tesau Pateh Gurang, dia bala anembiak serta manok sabong iya ka dapat nurun endang enda ngenong tang lalu engkechit deka enggau iya ngaga kota nya.\\nUdah tembu pengawa ka ngaga kota nya tadi, Pateh Gurang pan lalu ngasoh bala manok sabong iya beratur ngeram ka ipa, di lengkap enggau senjata ti tajam, dalam kota nya tadi. Dayang Patri pan lalu di anjong sida ngagai endor siti di tengah kota nya ti udah di gaga sida enggau manah serta teguh bendar.\\nLemai nya serta udah Pateh Gurang enggau bala iya siap belatur ngeram ka ipa ari dalam kota, remaung pan lalu barengkah negong ari tisau kampong. Nyau jauh lemai remaung pan lalu ngetu bemunyi. Udah malam nyau jauh serta sunyi bendar lalu semua utai nadai engkeretik agi, dia remaung nya tadi nyau mansang berani. Iya lalu barengkah ngerayap begadai gadai nuju kota Pateh Gurang. Leboh iya pansut ari kampong lalu nengah babas repa, dia kerus kaki iya bisi didinga sida Pateh Gurang ari dalam kota leboh iya ka ngindik daun kayu kering tauka rau rangkai.Datai iya ba tengah laman kota nya, iya pan lalu merening panegap kota nya. Datai iya ba kaki kota nya, iya lalu enda chechamang agi lalu merejok meraka atas pagar kota lalu barengkah bersatup enggau bala manok sabong Pateh Gurang ka bejaga ba atas pagar lumpong kayu dalam kota nya. Pagar lumpong kayu serta enggau enggau bala manok sabong Pateh Gurang nya nyau abis tepalanting kena kesai ka remaung nya tadi, empa pangering-ngering bunsu remaung nya tadi. Udah abis pagar lumpong kayu nya dikesai ka iya, dia iya lalu bersatup enggau Pateh Gurang empu ti nan ba moa kota pagar pisang. Lama seduai besabong mata ngenong ngagai pangan diri. Bala manok sabong Pateh Gurang ke terpelanting tadi lalu angkat baru lalu ngelingi remaung nya ari belakang tang Pateh Gurang enda ngasoh sida ngachau remaung nya ari belakang. Bala manok sabong iya nya tadi lalu nyurut ka diri kira ngelima depa ka belakang.\\nNyau kepuas seduai ka ngenong merening pangan diri, remaung nya pan nyau makin ganas saganas meda Pateh Gurang enda nginsit ari moa kota pagar pisang di tengah kota ka endor Dayang Patri belalai. Nyau nitik ai liur iya ngembau Dayang Patri di dalam tengah kota. Remaung nya pan lalu berengkah deka narekam Pateh Gurang. Tanah enggau pagar kota nyau berenyang sepi sida leboh iya ka negong serta mengkechit nerkam Pateh Gurang. Pateh Gurang endang enda engkebut nganti remaung nya laboh semak iya. Nyau angat asai kesoh seput ramaung nya sepi Pateh Gurang, nya baru iya maring ka diri ka kiba nyilat terkam remaung nya tadi. Tak betul-betul, endang utai ti dikadeka ka Pateh Gurang, indah baka Burung Geruna ka belaban enggau aki iya Abu Tinggang Kelia, remaung nya lalu tabintih ka kota pagar batang pisang lalu ngujong ka semua kukut iya lekat bebalut enggau batang pisang. Makin balat agi iya deka ngusai ka diri ari ka lekat ba batang pisang nya tadi, makin balat agi ga batang pisang nya malut iya. Iya pan lalu nguji ngigit batang pisang nya tang ngeli iya pan lalu lekat mega ba batang pisang. Remaung pan nyau lemi-salemi laban ti nyau lelak. Leboh iya nyau enda tau engkebut agi, Pateh Gurang pan enggau lantang mansang ngagai iya. Udah iya bayam gamal remaung ti lekat ba batang pisang serta ngingat ka aki iya Abu Tinggang ka belaban enggau burong Geruna iya pan lalu mumpong pala remaung nya ngena nyabur iya ti ngujong ka remaung nya parai.Nyadi semua pengawa remaung ti nyerang kota serta belaban enggau Pateh Gurang tu tadi mega dikemata ka pasang indu remaung tu ari tisau kampong. Leboh iya meda pangan iya udah mati dibunoh Pateh Gurang, iya pan lalu masok mulai ka diri lari ka dalam kampong puang kin. Iya lalu nadai anak, ti ngujong ka nadai agi remaung nguan pulau Borneo datai ka sahari tu. Remaung indu tu lalu bebali nyadi bunsu antu ti dikumbai kitai Bunsu Remaung serta lalu bekuasa bendar. Iya bisi kuasa nulong orang ngasoh orang nya berani. Orang nya dikumbai kitai ditulong Bunsu Remaung. Enti orang bisi berani ari tulong Bunsu Remaung nya parai, iya enda tau enda di lumbong ka orang di tanah ka tinggi tauka di tuchong bukit.\\nNyadi empa pangering remaung leboh ka bedanjar deka ngelepas ka diri ari balut batang pisang udah ka narekam Pateh Gurang nya tadi, dia siti ari kukut kaki iya ulih ngebus ka pagar batang pisang lalu takena kaki Dayang Patri ti ngasuh kaki iya telih serta balat bendar bedarah.Nyau tawas ari, semua orang di menua nya pan lalu begau deka meda ka gamal bangkai remaung nya serta meda ka gamal pemalat kota digaga sida tekusai kena terkam remaung. Sida pan gaga bendar laban bala sida nadai bebadi balat leboh ka nan ka kota nya semina siko dua ka penat isi laban ka tepalanting kena kesai ka remaung tauka kena tinggang lumpong kayu kota.Nyadi kaki Dayang Patri ti telih nya tadi nyau kembai serta lalu barengkah burok. Nadai siko sida di menua nya ulih ngubat serta ngerai ka kaki iya. Pateh Gurang pan nyau irau bendar ati meda adi iya bakanya.Meda Dayang Patri lalu enda gerai, dia Pateh Gurang pan bisi buya jako bersemaia enggau barang sapa orang ulih ngerai ka kaki adi iya, enti orang nya deka, lalu diasoh iya jadi enggau Dayang Patri. Kira berapa hari udah nya, bisi siko dukun bansa Melayu datai ngagai menoa sida Pateh Gurang. Iya lalu minta tulong dukun nya meda ka abi kaki Dayang Patri ti udah balat bendar burok.\\n“Enti abi kaki iya tu enda di ubat enggau lengkas tau ngujong ka iya mati enda lama agi,” ko dukun nya bejako enggau Pateh Gurang.“Nya meh udong, enti nuan ulih ngubat serta tagerai ka iya, awak ka nuan jadi enggau iya,” ko Pateh Gurang madah ngagai iya.\\n“Enti orang bukai nadai tubat ka iya, deka ga aku nguji ngubat iya, nyangka ulih gerai,” ko dukun nya madah ngagai Pateh Gurang.Nyadi jako ti ngasoh dukun Melayu ngubat adi iya nya tadi balat bendar ngirau ka ati Pateh Gurang, laban dalam runding iya, enti Dayang Patri tu gerai tentu iya enda tau enda ngenatai ka janji iya lalu ngasoh Dayang Patri nya jadi enggau dukun nya serta masok ugama Islam. Tang iya nadai cara bukai ngerai ka telih adi iya nya. Pia mega nyau ngenang pengawa ka ngamendar nya ngidup ka seput menyadi diri empu leboh ka puni taju remaung laban empa penyiru ka diri sabilik, dia iya nadai runding panjai, semina deka ka adi iya nya agi idup serta gerai.Udah semua parengka dikena berubat sedia, dukun pan lalu barengkah ngubat kaki serta nuchi abi enggau ai panas nyilu kuku serta enggau penemu berubat sida Islam. Udah nya kaki Dayang Patri pan nyau belinsur gerai. Leboh iya nyau gerai bendar, Dayang Patri, nitih ka semia Pateh Gurang enggau dukun nya, dipejadi melaki bini serta lalu masok Ugama Islam. Enggau dukun tu, iya beranak ka Datu Patinggi Ayu ke lalu pindah ka Brunei lalu nurun ka Sultan Menoa Brunei serta pemesai bukai. Datu Patinggi Ayu mega beranak ka Merom Panggai ka nurun ka sakeda bansa Iban Sarawak.\\n10. Pateh Gurang (menyadi Dayang Patri) beranak ka Pateh Sayat,\\n11. Pateh Sayat beranak ka Pateh Ismail,\\n12. Pateh Ismail beranak ka Pateh Sulaiman,\\n13. Pateh Sulaiman beranak ka Pateh Menaul,\\n14. Pateh Menaul beranak ka Pateh Menegir,\\n15. Pateh Menegir beranak ka Pateh Teliang,\\n16. Pateh Teliang beranak ka Radin Tanjong\\nRadin Tanjong Enggau Anak Ada ari Ruas Buloh\\nNyadi sekali Radin Tanjong nebas nebing sungai ti endor iya deka bumai. Ba menoa ka endor iya nebas nya maioh bendar madang buloh. Batang buloh di menoa nya nyau babesai. Sakeda bisi mesai batang kayu, tauka mesai rumbang puputan ti di kena orang ngamboh.Leboh iya gerup-gerup ngelaban madang buloh, dia iya bisi tadinga ka munyi nyawa anak mit kela-kela nyabak. Nyau kepuas iya mending ka tunga munyi nyawa anak mit nya, dia iya berati ka munyi sabak nya tadi tak ari dalam ruas semak iya dia. Iya alit bendar ati laban nadai kala meda utai nyelai bakanya. Iya pan lalu nyengkau buloh ti alai anak mit nya bisi bemunyi serta ngeluntang ruas nya begadai-gadai. Sekumbang iya ka mantap ruas buloh nya, nyawa anak mit ti nyabak nya seruran didinga iya berari ari. Udah tembu ngeluntang ruas nya, iya pan lalu mai ruas nya pulai ngagai bini iya ti benama Dayang Lungah di rumah.\\nDatai di rumah, Dayang Lungah takenyit meda ruas buloh dibai Radin Tanjong nya besai bendar lalu nanya nama guna iya enggau ruas nya. Radin Tanjong enda nyaut, tang lalu ngengkah ka ruas nya ba tisau penindok seduai dalam bilik.Malam nya leboh seduai benong jenak tindok, Dayang Lungah bisi dani kenyap laban tadinga ka munyi nyawa anak mit nya kela-kela nyabak tang apas-apas pansut ari dalam ruas nya tadi. Nyau babendar iya berati ka penatai munyi nyawa ti didinga iya nya. Iya lalu nudok ka diri serta alit bendar ati meda utai ti bemunyi nya datai ari dalam ruas ti dibai laki iya tadi. Irau deh ati iya deka nemu utai ka bebunyi didalam ruas nya, iya pan lalu nebok ruas nya begadai-gadai.\\nUdah kebus ruas nya, iya pan lalu nilik ka dalam lalu tapeda ka utai sigi baka telu tang besai bendar. Meda utai bakanya, iya pan melah ruas nya begadai-gadai. Telu nya tadi lalu di angkat ka iya ari dalam ruas. Kerubong telu nya tadi bisi lubang ti mit indah enda baka telu manok ti baru deka mechah. Iya lalu ngengkah ka telu nya semak endor iya ka tindok enggai ka kena indik tauka laboh.Malam ti kedua, munyi nyawa anak mit tu pan bisi ga didinga seduai baru pansut ari telu nya. Sakali tu ingar serta bejarit agi ga munyi iya ari lemai ka dulu agi. Seduai sama enda nemu chara enggau iya semina tak teju ka seduai iya baka nya laban deka meda nama penyadi enggau pengujong telu nya..\\nNyau ketiga malam udah telu nya udah enggau seduai iya dia, munyi nyawa anak mit nya nyau makin ingar agi ari ka ngelamatu. Sabak anak mit tu nyau kela-kela mansang udu. Meda baka nya Dayang Lungah pan lalu ngupak telu nya begadai-gadai. Dia iya lalu gaga bendar tapeda ka anak lelaki siko mit bendar. Anak nya lalu nyabak inggar bendar baka anak mit bukai ka baru ada. Sabak anak mit nya lalu didinga orang bukai ka lalu nguang ka bilik sida Radin Tanjong laban deka nemu sapa empu anak ka nyabak nya lalu pia mega sida sarumah endang nadai nemu Dayang Lungah betuboh bisi. Dayang Lungah pan lalu nusoi ngagai sida sarumah ari ni penatai anak mit nya tadi. Anak mit nya pan lalu dijaga sida baka anak mit bukai di rumah nya..Radin Tanjong lalu ngaga ka nama anak iya nya Pateh Ambau. Turun Pateh Ambau tu baka tu:.\\nPateh Ambau x Remias = Pateh Iri x Nain = Nunong x Lampai = Chaong x Lantong = Tindin “Pimpin Bragah Ngindang” x Tida = Rinda x Demong* = Kelimbang, Bundak, Klanang x Laus = Tuah x Sarong = Sieng x Laai = Busu x Jering = (Bremas, Menging, Rinda,) Uyut “Bedilang Besi” x Nangku = (Entemang, Linggir, Empari,Sendai, Nisi, Cheremi,) Pala x Renggie = Saang, Janta, Jantin, Radin,) Kelanang x Empayung = (Lanchang, Empiang, Leminang,)Uyut II x Sawat = Linggir “Mali Lebu” x Anong = (Penghulu Kinyeh,) Dayun x Penghulu Garan “Lembang Batu” = (Uyut III, Kerbau, Tupang, Cherembang,) Attat x Indoo = (Benedict Sandin, Lentie, Gerinching,) L.F.Mawar x Roslyn Pitri = Gregory Nyanggau (The Author)* .Demong tu anak tuai bansa Bukitan Paku, Saribas ti benama Entinggi ka bejulok Keti Aur Tulang X Dayun. Lima peturun ari Demong, peturun iya ka benama Uyut (Bedilang Besi) jadi enggau Nangku, peturun orang ka benama Jelenggai (ke jadi enggau Bunsu Bintang Banyak anak Dayang Laing seduai Bunsu Ribut) ti diau kira 15 peturun udah Abu Tinggang.Jelenggai enggau Bunsu Bintang Banyak\\nJelenggai tu siko peturun tuai kitai Iban ka sigi berani serta rindu bendar pegi belayar ngiga nasit. Asal iya ari Pulau Sumatra lalu pengujong pendiau iya di Kalimantan Barat. Rambau nya kelia, kitai mensia agi arap bendar begiga ka nasit besai enti kitai deka kaya, raja, lantang serta senang dalam pengidup kitai. Pia mega rambau nya kelia kitai mensia ngelingi pulau Borneo tu agi arap ka mensia tau bulih nasit besai enti sida tetemu tauka ngembuan “Buah Paoh Laba” ti selalu di kenang bisi tumbuh di tengah pulau di tasik luar din. Taja pia, nadai siko orang udah di kenang tatemu ka pun Paoh Laba nya.. Nyadi Jelenggai tu, taja iya orang pemindah serta selalu belayar nitih ka kapal orang, nadai kala tetemu ka nasit ti menyana serta pendiau ti ngemantup ka ati iya. Ati iya mega keras bendar deka nguji ngiga pun Paoh Laba ti ka selalu nyadi buah kenang anak mensia..\\nAri siti iya lalu berengkah nebang kayu ka ramu dikena iya ngaga perau layar ti besai bendar udah digaga sida di menoa nya. Udah tembu perau nya tadi, iya pan nyendia ka bekal serta ngiga kelasi ka berani enggau iya belayar ngelangkah tasik besai ngiga pulau ka alai Paoh Laba nya tumbuh..Tumu pagi siti, sida lalu bakejang angkat nuju menoa matahari tumboh. Kira tiga bulan sida udah belayar lantang, ninjau pulau siti ngagai pulau siti, ngetu ari menoa siti ngagai menoa siti sambil bedaja serta bejalai ngemata ka rampa pemansang enggau dagang menoa orang..\\nNyadi dinihari siti leboh sida benong meraka tasik besai siti, dia sida bersatup enggau ribut pulas uchong ti besai bendar. Ai tasik ba endor pulas uchong tu mangka nyau bebuli nyadi pulas ai ti besai serta dalam bendar. Perau layar Jelenggai pan nyau bepusin baka gasing kena taban ka pulas ai bebuli nyadi nya tadi. Meda perau layar diri enda ulih di tan ka ari di telan pulas ai bakanya, Jelenggai lalu ngasoh bala kelasi iya terjun ngidup ka diri. Iya endang enda ngadang diri idup kena pangka ka pulas ai di tengah tasik besai bakanya. Leboh iya ka bepagut ba tisau perau nganti ka karam, dia iya sempat merening kiba-kanan ari atas sebun ai ka bebuli ngasing nya tadi lalu tapeda ka sabatang kayu tumbuh ti tinggi serta besai bendar enda jauh ari nya..Udah nemu tunga batang kayu nya, Jelenggai pan lalu enda chechamang agi lalu terjun ninggal ka perau layar iya ka deka di telan pulas ai nya tadi lalu nyemerai enggau naka ulih nanjak pusin ai deras nuju pun kayu ti di peda iya tadi. Datai iya di tebing pulau ka alai kayu nya tumbuh iya pan lalu bejalai napat ka kayu ti besai serta tinggi nya. Datai iya ba pun kayu nya iya pan lalu niki ngagai pun dan kayu nya ka endor iya dudok belelak serta mega ngemata ka sanentang perau iya ka ditelan pulas ai nyangka bisi bala kelasi iya ti agi idup. Kapal enggau kelasi iya pan nadai dipeda agi. Angin pulas uchong pan nadai ga agi bepuput. Ai tasik pan semina linggang gumbang dipeda begadai-gadai mangka ka tebing. Iya pan alit bendar ati..\\n“Ngenyampat nya ga hari beribut pulas uchong datai, ngenyampat nya ga iya badu,” ko runding Jelenggai dalam ati iya din.“Nama penyadi aku tu diau saiko-iko, saorang-orang di pulau tu,” ko ati iya bejako kadiri. “Enggai enda pan ngiga cara ngangkat ka diri ari pulau tu meh aku,” ko iya bejako kadiri..Apin bangat lama iya udah nat ka diri balelak ba dan kayu nya tadi dia iya ensepi langit tak lindong baka ka kena matahari gelana. “Enda patut tu deka kabut baru,” ko ati iya bejako kadiri. Malik iya ka atas dia iya tapeda ka siko burung ti besai bendar ngindang di langit deka ngiga dan endor ingap ba kayu ka endor Jalenggai nya tadi..\\nBurung nya nyau makin semak. Leboh iya deka ngadu ka diri ingap ba puchok kayu nya, dia ubon pala Jelenggai nyau berasai chelap kena tiup sayap burung nya. Udah burung nya inggap, dia Jalenggai lalu berati ka burung nya. Tada burung nya nyau mesai pah kitai mensia. Kaki iya bisi mesai batang engkabang..“Kada enda tu burung ka dikumbai orang Burung Geruna,” ko ati Jalenggai.Nyadi burung geruna tu pasang burung geruna ti udah di bunuh Abu Tinggang leboh iya ka batemu enggau Dayang Laing, indai sida Bintang Banyak dalam dua tauka tiga serak dulu ari tu..\\nJalenggai pan lalu berunding deka nepan tada burung geruna nya awak ka ulih mai iya terbai ngagai tanah besai. Iya pan lalu niki begadai-gadai ngagai puchok kayu nya. Datai iya diatas din iya pan lalu bepagut ba tada burung geruna nya. Kain labong iya pan lalu dibuka iya kena iya nanchang diri ba kaki burung nya awak ka enda labuh enti burung nya udah tarebai..Laban burung geruna nya besai bendar, Jelenggai ka bepagut ba tada iya endang nadai berasai ba burong nya. Baru udah tengan niki matahari pagi nya, burung geruna nya pan angkat ngebu ka diri terbai ngagai langit tinggi atas remang. Rampa menoa nyau sedandang dipeda Jelenggai ari atas din. Burung nya pan lalu terbai ngebus ka remang. Jari Jalenggai pan nyau bisi berasai penat serta enda tentu ulih bepagut lama. Ati iya pan nyau makin rawan laban iya makin lama agi makin tinggi agi ga iya dibai burung geruna nya terbai.Nyau kelama udah nya, sepi iya tak ngelayang burung geruna nya tadi terbai ngindang. Malik iya ka baruh dia iya tapeda ka padang chapi enggau kerbau orang besai bendar.“Tentu burung geruna tu ngindang deka nyambar chapi orang ka dibaruh din,” ko ati Jelenggai. “Enti bakanya, nya meh maia aku nerjun ka diri. Tentu menua tu menua tanah besai lalu tau ka jalai aku pulai ila,” ko iya ga berunding kadiri.Enda lama seduai udah ngindang, sepi iya burung geruna nya tak lalu nerjun kadiri ari langit lalu nyambar siko chapi ti besai bendar. Ati Jelenggai naka iya ka rawan dibai burung nya terjun ari langit nyin. Serta tarengkah kaki burung geruna ba belakang chapi nya, Jelenggai pan lalu muka tanchang kain labong iya lalu maring ka diri ka tanah.\\n“Akai rai…..,” ko Jalenggai, leboh iya ngangkat ka diri sambil ngesai ka debu tanah padang chapi ari tubuh iya. “Nyangka apin maia aku tu mati enti baka tu!” ko dalam ati iya din sambil ngenang pemerinsa ti udah di tempoh iya dalam pejalai iya sekali tu.\\nAngkat iya ari nya sambil melit ka kain labong iya ba pala, iya lalu bejalai nuju rumah orang sabuah ti mit enda jauh ari tisi padang chapi nya tadi. Datai iya ba kaki tangga, iya pan lalu nanya ka penyadi rumah orang nya. Dinga iya munyi indu siko nyaut serta ngasoh iya lalu. Iya pan nuduk ka diri di ruai, laban indu nya benong berapi. Serta udah mansau asi, indu nya lalu mela iya makai.\\nLeboh iya udah tembu makai, seduai pan lalu barengkah berandau enggau pangan diri. Jelenggai lalu madah ka nama diri lalu nusoi penatai iya serta enggau semua penusah ti di temu iya di rantu jalai sampai ka iya rembus ba rumah indu nya. Indu nya pan lalu madah ka diri bisi enam iko diri menyadi ka benong nugal di umai.\\nLeboh hari nyau lemai, bala sida menyadi enam iko nya pan lalu mulai ka diri ari umai. Udah tembu babela makai lemai nya, semua sida lalu berandau enggau pangan diri. Sida menyadi lalu madah ngagai Jalenggai, “kami enam ti tuai agi ari iya tu turun tiap-tiap hari ka umai, lalu iya ka biak ka kami tu diasoh kami nyaga rumah.”\\nTumu pagi tiap tiap hari, sida enam iko diri menyadi turun baka ka ngelamatu, lalu ngasoh Jalenggai enggau menyadi bunsu sida tinggal di rumah. Nyau kelama seduai udah tinggal kadiri ngerja pengawa rumah dia deh indu nya nyau bisi ngembuan pengarindu ati deka jadi enggau Jalenggai. Nyadi Jalenggai lalu bedau meri saut ngagai indu nya laban ka agi berunding nampong pejalai iya ti ngiga buah Pauh Laba, lalu enti iya jadi enggau indu tu tentu iya enda ulih mindah jauh agi. Nyau kelama udah nya baru Jalenggai madah ka ngagai indu nya iya setuju deka jadi enggau indu nya.\\nLemai nya, leboh sida nyau lama udah berandau enggau pangan diri, dia adi bunsu sida lalu bejako madah ngagai aka tuai iya pasal runding seduai ti deka jadi melaki bini. Ninga jako seduai munyi nya, sida menyadi bukai iya pan lantang bendar ati. Sida menyadi lalu barengkah ngadu ka seduai jadi melaki bini. Udah tembu pengawa lemai nya, nya baru menyadi sida ka tuai madah ngagai Jalenggai nama bini iya dikumbai Bunsu Bintang Banyak.\\nNyau tiga taun bumai lepas nya, seduai pan lalu beranak ka anak lelaki siko ti diberi seduai ia nama Selamuda. Iya tu anak tunggal seduai serta dikarindu ka semua sida sabilik dia. Enti leboh siang hari, seduai menyanak endang enda kala dibai orang nurun gawa di tanah tauka ngerja pengawa bukai. Lalu tiap-tiap kali sabedau bini iya turun, bini iya selalu ngelalau iya enda ngasoh iya muka tajau siti ti dikumbai tajau pengajih.\\nKetarubah iya, Jalenggai endang nadai ati berunding deka muka serta nilik utai dalam tajau nya. Tang laban nyau kapuas beribun kadiri, serta mega Jalenggai tu endang orang pamindah lalu enda tentu berapa tan lama netap ka diri ba endor siti, dia ati iya lalu berasai enda nyamai nadai pengawa serta nadai orang enggau bejako tauka dipeda. Tambah mega ati iya endang seruran agi ingat ka tuju diri ka nurun pegi kelia, iya nya ngiga Buah Pauh Laba, bedau ngemuas ka ati iya. Tambah mega kenyau ari iya datai menya, iya endang bedau nemu dini menua ka endor iya sangkai leboh iya terjun ari kaki burung geruda suba. Kebuah pia laban iya nadai nemu orang bukai diau ba menua nya kalimpah ari sida bini iya menyadi. Amat mega semua utai ti dikadeka ka seduai menyanak bisi disedia ka bini iya magang, tang tuju ati Jalenggai ka pegi nya endang bedau tepantup. Iya bedau nemu pemisi utai ti di kumbai Buah Pauh Laba ti ka kenang buah mulut anak mensia enti deka idup kaya, raja, lantang enggau senang. Pengidup iya begulai enggau sida Bunsu Bintang Banyak endang bisi jalai pengaya, pengaraja, pengalantang serta panyenang ti selalu di sebut dalam leka sampi kitai mensia. Tang semua utai nya tadi di sepi iya naka seduai menyanak kadiri aja, enda dikunsi ka enggau diri sabilik, kaban belayan serta pangan bukai di menoa diri. Nya alai semua pengaya enggau pengaraja dalam dunya tu tau ngasoh kitai enda lantang enda senang enti iya semina ka empa kitai empu aja.\\nAri pendiau ka madai enda nyamai asai bakanya, tambah mega ari jako lalau bini iya tiap-tiap hari, dia iya lalu barengkah sangka ka tentu bisi utai ka nyelai bendar dalam tajau nya alai tudong tajau nya enda tau di buka. Nyau kelama Jalenggai bemain enggau runding ti deka nilik utai dalam tajau nya, hari siti udah bala sida bini iya menyadi turun magang, dia iya lalu ngebak ka tudong tajau pengajih nya lalu nilik ka dalam kin.\\nLeboh iya nilik ka dalam mua tajau nya, dia iya takenyit bendar tak bisi meda rampa menoa di baruh din. Iya pan lalu alit bendar ati. Nya baru iya nemu kebuah nadai mensia bukai diau semak nya dia laban menua ka endor iya nya tadi di kebong langit din. Iya pan lalu terus nilik ka baruh kin ngemata ka bala anak mensia ti benong bumai, serta benong ngelabuh ka benih.\\nUdah bekau nya, Jalenggai pan lalu belaboh tusah ati berunding ka utai ti di peda iya tadi serta enggau pendiau sida menyanak. Ari nya tadi, moa iya barengkah bebali puchat, serta tubuh iya pan mansang lembut. Leboh maia makai lemai, dia Jalenggai seduai anak iya dipeda sama enda tentu kenyang lalu gamal seduai iya pan berupai tusah serta irau.\\nMeda seduai iya baka nya, Bunsu Bintang Banyak pan lalu nanya Jalenggai kebuah iya lembau makai serta berupai tusah ati. Jalenggai endang enda belalai lalu madah ka diri bisi muka serta nilik utai dalam tajau nya ngagai bini iya. Ari nya tadi iya bisi berasai lalengau ka sida di menua lalu mai bini iya Bunsu Bintang Banyak nemuai ngagai menua sida iya empu.\\nNinga munyi nya, bini iya pan lalu nyabak nyedan. “Nyadi aku enggau kami menyadi tu enda tau nurun ka dunya di baruh din laban nya endang udah nyadi ukum Raja Petara leboh iya ngasoh apai kami Bunsu Ribut nyerara ka kami ari indai kami Dayang Laing menya. Aku nemu nuan, lama laun, tentu enda betah diau di langit tu agi. Nya kabuah aku selalu ngelalau nuan enda ngasoh nuan muka moa tajau nya lalu aku mega endang tentu selalu agi belala begulai enggau seduai ti endang dikarindu ka aku,” ko Bunsu Bintang Banyak madah ngagai Jalenggai.\\nSalemai nya leboh ka berandau, Bunsu Bintang Banyak endang seruran laboh ai mata mangku anak iya. Iya pan lalu meri ajar ngagai Jalenggai baka tu, “Nyadi pengawa kami Bintang Banyak tu ngemata ka orang bumai dalam dunya di baroh din. Leboh maia dini hari mabu lalu kami bisi di peda kita di kebong langit ari dunya din, nya tanda kita enda tau enda lalu belaboh nugal. Enti kita nugal laun ari nya tauka udah kami di peda kita lepas ari kebong langit maia dini hari dalam, umai kita deka enda nyadi lalu ngujong ka kita enda bulih padi.”\\n“Leboh nuan ka begulai enggau kami nuan udah meda bala menyadi aku nadai kala diau di rumah. Sida enda tau enda turun baik ka bisi tauka nadai pengawa di kerja di umai. Semina aku aja ti bisi diau, tang aku apas-apas di peda ari dunya kita laban aku ti pemadu mit ka kami diri menyadi,” ko Bunsu Bintang Banyak ngajar Jalenggai.\\n“Pia mega kami menyadi selalu mindah nitih ka maia enggau musim, lalu pemindah kami tau nyadi ka chuan teladan anak mensia enti deka belaboh ngerja pengawa baka pengawa umai tauka pengawa bukai,”ko Bunsu Bintang Banyak ngajar Jalenggai.\\nSamalam-malam nya Bunsu Bintang Banyak ngajar Jalenggai seduai anak iya chara beguna ka pejalai Bintang Banyak di langit enti deka ngerja pengawa di dunya sambil nyendia ka barang enggau bekal ka dibai seduai menyanak pulai.\\nKira dinihari pagi nya, Jalenggai seduai anak iya pan beradu deka nurun. Bedau nurun, Bunsu Bintang Banyak lalu merap seduai menyanak lalu ngasoh Jalenggai seduai anak iya ngingat ka jako ajar iya. Semua sida menyadi bukai iya pan sama nitik ai mata laban ka agi belala begulai enggau seduai. Udah nya sida menyadi lalu muka mua tajau pengajih nya lalu ngulur ka seduai menyanak ari langit ngagai dunya di baruh ditu. Sekumbang ka nurun tu Jalenggai seduai anak iya seruran malik ka atas ngagai endor bala sida Bini iya nilik. Makin lama agi, jauh agi ga gamal sida tujoh iko nya sampai enda dikelala moa, semina bintang aja ka dipeda kelip-kelip manchar di kebong langit.\\nDatai di dunya tu, Jalenggai pan lalu nusoi pejalai diri kenyau iya ka belayar ngiga Buah Paoh Laba datai ka iya rembus di langit lalu jadi enggau Bunsu Bintang Banyak. Iya mega lalu ngajar orang bechuan ka Bintang Banyak enti deka ngerja pengawa awak ka pengawa sida nyadi. Ajar tu mengkang dititih ka bansa kitai Iban datai ka saharitu.\\nSelamuda (Samaluda or Meluda) & Dayang Manis Muka (Bunsu Babi)\\nSelamuda tu anak Jalenggai seduai Bunsu Bintang Banyak. Nyadi pendiau Selamuda enda tentu jauh bida ari pendiau apai iya menya. Iya endang seruran mindah. Semina tunga iya mindah nya lain agi ari apai iya. Apai iya deka bendar mindah belayar ngagai menoa tasik luar tang Selamuda deka bendar mindah tunga ngagai menoa kampong puang. Tambah pia, iya nadai kala ensepi pendiau baka anak orang bukai ke meruan bisi apai indai ngelapong sida. Semina leboh agi mit datai ka iya udah nemu ngati ka diri, iya endang seruran nitih ka pemindah apai iya berari-ari. Iya mega nadai penangul bemain tauka mindah begulai enggau anembiak ka sarebak enggau iya.\\nDatai ba umor iya ka udah tau niri ka ruang bilik diri empu, Selamuda lalu jadi enggau Bunsu Landak orang ka diau di tisau kampong puang di tengah Batang Ai Kepuas. Udah ka bebini tu, nya baru Selamuda ninggal ka apai iya nguai ngagai menoa bini iya Bunsu Landak lalu diau begulai enggau mentua iya sabilik.\\nNyadi sekali, umai mentua Selamuda balat bendar rusak kena kachau babi. Meda umai diri ngemalat nya kachau babi, mentua iya pan ngasoh seduai melaki bini diau di langkau umai awak ka nyaga umai nya siang malam. Tang taja pia, kaban babi nya endang enda ngasi ka nama macham emba dikena Selamuda. Nama lemai hari, barengkah meh bala babi nya baka gerup ngelaban umai sida.Meda bakanya, Selamuda lalu nadai bekira agi. Nama malam hari lalu barengkah ngipa babi nya lalu numbuk babi nya ngena sangkoh beruak sida. Iya semina tebunoh ka dua tiga iko babi aja lalu nya apin ngasoh bala babi chengang. Meda babi nya lalu enda jera nyau makin balat, hari siti iya lalu bejalai ngelingi umai mentua iya lalu meresa penatai bala babi nya lalu ngemata ka ari ni pemansut kepala babi ka ngulu ka sida babi bukai nya kia. Udah iya nemu pemansut kepala babi nya ari bekau abi kaki iya ti besai bendar dia iya berunding deka ngena sangkoh besi mentua iya ti endang ka sabatang aja kena iya ngipa kepala babi nya. Leboh iya ngambi sangkoh nya ka rumah iya endang enda madah ka diri ngena sangkoh nya ngagai mentua iya laban iya endang nemu mentua iya tentu enda ngasoh.\\nLemai siti, seduai melaki bini mela diri tumu ari lemai ka bukai, laban Selamuda deka barengkah tumu agi ngipa kepala babi lemai nya. Udah tembu makai, iya pan lalu nurun mai sangkoh besi mentua iya napat ka endor iya ngeram ka ipa semak enggau bekau pemansut Kepala babi nya tadi.Bedau tentu lama iya udah ngadu ka diri ngeram ka ipa, dinga iya nyau baka kerus bala babi datai mansang napat ka umai sida. Nyau udah abis bala anembiak iya tama ngagai umai sida mentua Selamuda, nya baru tuai sida begadai-gadai ninjau umai ari pemansut iya. Lama iya mending serta ngembau nyangka bisi anak mensia semak nya dia, tang penatai angin ba endor Selamuda nya ngipa endang udah di perati ka iya. Nya alai kepala babi nya enda tesium ka bau iya. Enda lama udah nya tadi kepala babi nya lalu deka ngemansut ka diri. Serta baru nyingkang kepala babi nya ngayan ka rusok, Selamuda lalu nikau ka sangkoh besi mentua iya nya tadi.\\nSangkoh nya tadi lalu chuit-chuit kena rusok kanan babi nya. Ensepi diri udah kena tumbok sangkoh, kepala babi nya lalu nekus serta lalu manjong ngangau ka raban iya ngasoh sida nitih ka iya lari. Iya pan lalu lari naban ka sangkoh besi mentua Selamuda ti mengkang chuit-chuit ba rusok kanan iya. Meda sangkoh nya di taban ka kepala babi nya tadi, Selamuda pan lalu beguai nyidi bekau babi nya lari. Bekau darah babi nya meruan di peda iya berari-ari. Nyau kelama udah nya, iya pan lalu ngetu nyidi babi nya laban hari nyau udah petang bendar. Iya lalu tindok dalam kampong semalam malam nya. Tumu pagi siti, iya berengkah nyidi bekau babi nya tadi laban agi irau ati enggai ka dianu mentua iya enti sangkoh nya nadai temu.Nyau kelama iya udah bejalai nitih ka bekau darah babi nya tadi, iya pan rembus ba siti nanga jali besimpang tujoh. Dia iya alit bendar ati laban enda nemu ni bagi jalai ti patut di tengah. Lebuh iya agi berunding ngiga bagi jalai ti patut di titih ka, dia iya ninga munyi raban orang bejako datai ari belakang. Dia iya lalu betemu enggau orang tujoh iko ka bempu nyawa nya tadi. Selamuda lalu nanya ka pejalai sida tujoh iko nya.\\n“Eh….. kami tujoh iko tu manang, di pesan ka Bunsu Babi ngubat apai iya ti raya bendar sakit,” ko saut tuai sida.Ninga munyi nya, Selamuda lalu madah ka diri deka enggau sida ngabas orang ti sakit nya. Iya pan lalu nitih ka sida masok simpang jalai ka di tengah manang tujoh iko nya. Sepamanjai jalai nya Selamuda berati ka bekau teritik darah sampai ka rumah. Datai sida di tengah laman rumah, manang tujoh iko nya enda ngasoh iya niki bareta enggau sida. Ninga munyi nya, iya lalu nudok ka diri ba tisau laman rumah nya. Manang tujoh iko nya pan lalu niki ka rumah.Apin tentu lama udah nya bisi siko orang datai nurun ari rumah bejalai nuju Selamuda ka nganti di tanah.\\nOrang nya lalu nanya Selamuda, “Kati nuan bisi kala ngubat orang ti sakit unggal,” ko orang nya nanya iya.\\n“Kala ga aku dua tiga kali nguji ngubat orang sakit,” ko Selamuda nyaut.\\n“Enti kita ngasoh, deka ga aku nguji ngubat aya kita ka sakit din,” ko tampong jako iya.\\nNinga munyi nya, orang nya tadi lalu mai Selamuda niki ka rumah, laban orang ti sakit nya beguna ka tulong ari sapa orang ka tau berubat. Leboh iya bejalai niti rumah, orang ka mai iya niki nya tadi lalu madah ngagai Selamuda,”Barang sapa orang tulih ngubat lalu ngerai ka tuai sida ti sakit, deka diasoh tuai sida jadi enggau sebarang siko ari anak indu iya tujoh iko nya,” ko orang nya bejako. Selamuda enda nyaut, laban iya ngasai ka diri udah bisi bini.\\nDatai Selamuda di bilik, iya pan lalu merening orang ka sakit nya. Peda iya tak enteran sangkoh chuit-chuit lekat ba dada orang nya. Nyadi semua orang bukai ka begau ngabas iya ka sakit dia tak babi magang peda iya. Nyadi bala sida manang tujoh iko nya lalu diasoh orang dulu belian ka tuai ti sakit nya tadi. Semua puchau abis sembur ka sida, leka sampi abis disebut magang lalu kaengka panemu baru ti baru udah di pelajar ka sida abis di uji ka sida magang tang lalu enda samitan enggau tuai ka sakit nya tadi. Anang ka ngasoh belinsur manah, iya ka sakit nya nyau makin inggar agi ga didinga sida nat ka pemedis diri. Kaki bala manang ka belian ngelingi iya ka sakit nya tadi selalu bendar tesangkut ba enteran sangkoh ti chuit-chuit nya, lalu nya ti ngasoh orang ka sakit nya selalu nyerauh nat ka pemedis diri.Nyadi sangkoh ka lekat ba rusok babi ka sakit nya endang kelala bendar sangkoh besi mentua iya dipeda Selamuda. “Tentu tu tuai babi ka ditumbok aku lemai kemari leboh iya ngulu ka kaban babi bukai mansang ngerusak umai mentua aku,” ko ati Selamuda dalam din. Nyau kelama udah nya Selamuda pan lalu ngasoh manang tujoh iko nya ngetu belian laban iya ka sakit nya nyau makin pedis peda iya. Meda bakanya sida manang nya lalu enda lantang ati serta mutap nyurut ka diri pulai ka ruai.Udah sida pansut ka ruai, Selamuda lalu ngasoh sida nutok entemut. Tembu entemut nya ditutok lalu disua ka sida ngagai Selamuda. Udah nya iya lalu begadai-gadai nyabut sangkuh nya ari rusok tuai babi nya tadi. Nyau jarang gamal seput babi nya leboh Selamuda nyabut sangkoh besi nya tadi. Udah sangkoh nya techabut nya baru seput tuai babi nya tadi bisi lantang agi peda iya. Lama iya enda tentu bemunyi agi nat ka pamedis udah nya. Selamuda pan lalu ngunsut abi tuai babi nya enggau entemut serta lalu ngasoh babi nya nat ka diri.\\nUdah tembu pengawa nya, sida babi nya sabilik pan nyau lantang bendar ati meda tuai sida nyau udah jenuh nat ka bekau ubat Selamuda nya tadi. Selamuda pan lalu mansut ka diri ari bilik lalu duduk di ruai lalu iya nemu penyakit babi nya tentu gerai.\\nNyadi Selamuda, laban iya endang anak mensia, lalu maioh mega menua udah dipeda, endang selalu berati ka pengawa serta pendiau bala sida babi ka dia. Suah ulah sida dia ngalit ka ati iya, tang iya enda bemunyi semina iya berunding dalam ati diri. Iya enda geli bebuti begulai enggau sida dia. Jalai pendiau enggau pengawa sida endang sigi nyelai tauka enda sama enggau kitai mensia. Taja sida ukai mensia, tang dalam dunya jelu, sida semampai bisi jalai tauka atur pengidup ka diri empu. Nya alai semua ulah sida jelu ngelingi nya di perati ka Selamuda magang lalu tambah mega gamal sida endang suman baka mensia, taja sida ka dia jelu magang. Semina munyi sida bejako serta ketawa bisi nyelai agi ari kitai mensia laban nya endang nitih ka munyi siko-siko bansa jelu.\\nTumu pagi siti dia iya lalu tama ka bilik baru nyengok tuai babi ka sakit nya tadi. Tuai babi nya pan lalu malik ngagai iya lalu tuchum lalu ketawa mimit. Iya lalu nyapa, “enti asai tu idup aku,” ko iya madah ka ngagai Selamuda. “Asai sepi aku bisi bendar udah belinsur nyamai ari ka kemari,” ko iya. “Manah meh nya aya, laban kitai endang minta diri gerai,” ko Selamuda nyaut iya. Tuai babi nya pan lalu nan ka Selamuda enda ngasoh beguai mulai ka diri.\\nNyau berapa hari udah nya, tuai babi nya pan udah gerai bendar. Dia iya lalu ngasoh Selamuda milih siko anak dara iya jadi ka bini nitih ka semaia iya leboh ka balat sakit suba. Selamuda lalu milih iya ka bunsu ka sida menyadi, ti benama Dayang Manis Muka ka bini iya.\\nAri Selamuda ka jadi enggau Dayang Manis Muka tu, seduai iya beranak ka anak lelaki siko ti diberi seduai nama Begeri.\\nNyadi sekali leboh Begeri nya agi mit, dia aki iya bisi niri ka gawai ti besai bendar dalam menoa sida. Iya lalu ngambi semua bansa jelu, burong enggau utai ti ngerayap dalam menoa nya datai ngabang ngagai iya. Udah bala pengabang datai, sida pan lalu barengkah bebuti, betundi serta bungah enggau pangan diri. Semua sida babendar magang ngirup nyemekih serta numi pangan diri. Sida ka dia pan mabok magang, lebih agi ular sawa ka kuat agi ngirup ari sida bukai, nyau ngelingkang mabok serta balat bendar mutah. Sida ular bukai, laban ka udah sama mabuk, mai beuji-uji sapa berani nilat mutah sawa nya tadi. Sida kendawang, tedong, engkerudu, serau, untup, kengkang mau, kengkang tebu semua berani dulu nilat mutah sawa nya tadi. Nya mun ka semua sida tu nyadi ular bisa datai ka diatu. Ular bungai seduai ular merasian, laban ka dudi datai, enda ampit mutah sawa nya tadi lalu ngujong ka seduai enda bisa datai ka diatu. Ular sawa, laban mutah iya abis dempa ular bukai, nyau nyadi enda bisa agi datai ka kemaia hari tu.\\nLeboh udah lempus gawai, semawa lalu mutah. Ba mutah semawa, peda sida tak leka buah magang. Ari nya tadi semua jelu enggau burong ka bisi dia nemu maia musim buah udah datai laban endang baka jelu enggau burong, kia ka buah bisi, kia ka sida mindah. Maia nya mega sida iya jauh kurang ngachau umai anak mensia.\\nUdah abis bekau gawai, bala sida babi sarumah pan lalu ngangau ka ini manang ngasoh iya nyadi ka tuai sida begiga ka buah di sabelah kampong puang. Sida iya lalu nurun bejalai siang malam ngiga buah ka dipakai. Selamuda enggau anak iya Begeri pan sama enggau nitih ka sida.\\nLeboh ka baru nurun ari menoa sida, gamal bala babi nya tadi endang agi suman baka gamal kitai mensia. Leboh sida datai ba endor ka dikumbai sida Tanjong Munong, sida lalu ngalekat ka munong ba junggor sida. Lepas nya sida lalu bejalai baru nuju menoa ka dikumbai sida Sungai Tunjing. Dia sida lalu masok ka tunjing ba kaki enggau jari sida iya lalu bejalai ngena tunjing nya tadi. Pia mega dalam pejalai sida nya, sida endang napat ka menoa ka endor sida tau nukar gamal sida dulu datai ka gamal sida iya suman baka gamal babi, sabedau barengkah begiga ka buah.\\nEnti malam hari sida bejalai ngena mata malam, lalu enti siang hari, sida bejalai ngena mata siang. Nyadi mata malam sida tau manchar lalu dikena sida nenggau jalai ka di tengah sida naresa babas enggau kampung puang. Nya kebuah jelu tau meda leboh malam hari.\\nAri siti sida datai ba tisau menoa anak mensia ka endor anak mensia nanam madang buah sida. Semua buah ka tumbuh ba endor tu lebat magang. Sida lalu barengkah naresa menoa nya makai buah ka maioh udah labuh. Sida andal bendar ati bebuti begagai enggau pangan diri sambil ngumpul tauka makai buah dia. Leboh sida benong makai buah dia, enda mukai-mukai, ini manang ka nyadi tuai sida tak kena pangka peti buloh menangkin ka ditan ka anak mensia dikena sida nyaga madang buah sida ari empa jelu. Nama deh, tudah ini manang, endang enda menyawa, lalu parai dia. Meda tuai sida udah mati, bala babi bukai pan lalu lari, tinggal ka semina sida tiga Dayang Manis Muka, Selamuda enggau Begeri agi dia.\\nBa sanentang tu, Selamuda enggau Begeri, udah masok ngagai dunya kitai mensia. Dayang Manis Muka pan lalu bejako enggau Selamuda. “Semua orang ka dipeda nuan begulai enggau kitai di rumah panjai apai aku nya semua Antu Babi magang,” ko iya madah ngagai Selamuda. “Nya alai aku enda tau begulai enggau seduai lama ari tu. Aku enda tau enda pulai ngagai bansa sida apai aku baru. Pia mega seduai enda tau enda pulai ngagai bansa diri empu laban seduai tentu enda tau idup menyana dalam babas baka kami ka endang bansa babi. Tang sabedau kitai sabilik berserara, ambi ka tanda tua udah begulai lalu ka kenang mensia dudi hari ila, aku deka ngajar nuan chara ngena serta beguna ka atau babi kena nenong penyakit, nasit, tuah limpah, pengerai, penyamai, pengeraja, pengaya tauka utai bukai ti deka di tenong sida anak mensia. Semua utai ti deka di padah ka Petara ngagai nuan ulih di bacha ari gamal atau babi nya.” ko iya ngajar Selamuda.\\nUdah nya Dayang Manis Muka lalu merap Selamuda enggau anak seduai sabedau iya mutar ka diri nitih ka bala iya ka udah lari dulu tadi. Seduai menyanak ngemata ka iya mupok kadiri sampai ka iya nadai dipeda agi masok ka dalam kampong puang.\\nAri nya tadi Selamuda lalu berunding dalam ati iya din. Dalam runding iya, udah ngasai ka utai ti nyadi ba tubuh iya, dia iya nemu semua utai ti idup bisi Petara kadiri empu magang. Lalu kitai mensia enda ulih diau baka sida jelu di dalam kampong laban tiap-tiap iko kitai mensia endang bisi tuju ati ka diri empu. Tang tiap-tiap pengidup bisi sama chura iya antara jelu enggau mensia. Iya nya, jelu enggau mensia sama bisi ngembuan atur pendiau ka diri empu masing-masing.\\nKitai mensia, enti kitai deka, ulih diau begulai bekunsi ka menoa enggau bala jelu laban atur pendiau kitai enggau atur pendiau jelu ulih di adu ka kitai mensia manah ka agi awak ka kitai sama-sama mereti serta enda siga ka pangan diri. Kuasa ti tau ngadu ka kitai begulai pendiau engggau pangan diri nya endang bepanggai ba kitai mensia laban kitai mensia endang digaga Petara lebih pintar ari semua sida jelu dalam dunya tu. Tang endang udah adat digaga mensia dalam dunya tu, iya nya mensia sama mensia deh enda ulih begulai enggau pangan diri, anang agi enggau bansa jelu ka di babas. Pia mega, bansa jelu pan enda ga tau dikumbai kitai tau begulai enggau diri sama diri anang ka deka diau begulai enggau kitai mensia.\\nSemua utai tu tadi endang diperati ka Selamuda sekumbang iya ka diau begulai enggau antu babi di dalam kampong lalu bisi meri reti dalam pengawa ngidup ka diri di dunya tu. Iya tau nyadi ka teladan kitai mensia dalam semua pengawa kitai awak ka kitai selalu berunding ka semua utai ti ngelinggi kitai, baik ka jelu tau ka mensia, enti kitai deka ngerja pengawa kitai. Laban kitai sama begantung ba diri sama diri dalam semua utai lalu semua utai ti idup nya sama bisi Petara ka diri empu ti tau ngemedis ka kitai enti kitai enda bejimat.\\nNyadi leboh Begeri udah besai, iya lalu ngajar anembiak iya atur chara bakena ka atau babi nilik nasit orng ke sakit serta pemujur pengidup siko-siko kitai mensia tauka pemujur pengawa ti dikerja anak mensia, baka bumai enggau ngayau mulau. Pengawa tu seruran agi di kena serta dititih bansa kitai Iban datai ka diatu.\\nPeturun Bunsu Bintang Banyak enggau Jelenggai:\\nJelenggai x Bunsu Bintang Banyak = Selamuda (M) x Dayang Manis Muka (Bunsu Babi) = Begeri (M) x Senia = Busok “Tandok Raja” x Singgau = Mai (Apai Rekaya) x Jelawai = Patinggi Gurang x Pudai (f) = Patinggi Ngadan x Lamentan = Bata (F) x Sambang = Pala (F) x Entinggang = Nasa(F), Inchoh (F) *Saang(M) x Selaka = Changgai(M) Lanchang(M) Tida (F), Umoi(F) Injar, Laus, Lika, Nangku (F) x Uyut “Bedilang Besi” = Sendai(F), Pala (F) x Renggie = Kelanang (M) x Empayung = Uyut II (M) x Sawat = Linggir “Mali Lebu” x Anong = Penghulu Kinyeh, Dayun (F) x Garan “Lembang Batu” = Uyut III (M), Tupang (F), Cherembang (F), Kerbau (M), Attat (M) x Indoo = Benedict Sandin, Lentie (F), Gerinching (F), L. F. Mawar (M) x Roslyn Pitri Enau = Gregory Nyanggau (The Author)\\nMar 21, 2009 @ 07:36:01\\nwhere to buy all iban story book\\nNALI ADAT MERI ANAK MANDI IKAN JUAK\\nAdat Asal Kitai Iban","num_words":11108,"character_repetition_ratio":0.061,"word_repetition_ratio":0.0,"special_characters_ratio":0.197,"stopwords_ratio":0.244,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pala Tangga: May 2009\\nat 10:14 am 4 comments Posted by Pala Tangga Labels: Gawai\\nat 10:26 pm 2 comments Posted by Pala Tangga Labels: emart, matang, serikin\\nat 12:50 am 0 comments Posted by Pala Tangga Labels: travelling\\nat 10:52 pm 6 comments Posted by Pala Tangga Labels: house\\nSun, 17 May- Pagi tadi bisi enggau urang nebas pendam Kampung Siol Kandis, pengawa tu di ator Komiti Pendam, SDNU pampang Siol Kandis. Sida begerah ba RTM mesan ngagai sapa ti bisi ngena pendam nya datai meresi kubur apai indai\/kaban belayan diri empu, seninjik ga bisi ninga pesan, manah agi pendam tumu dibersi awakka semina nganjung bunga\/nungkun dian semak hari Gawai ila.\\nMaya ka nebas ba pendam tadi aku bisi betemu enggau Thomas Tegong Laka, veteran announcer RTM bagian Iban. Lama kami duai berandau, iya tu suba bekas jiran aku ba Siol Kandis.\\nBegambar enggau Thomas Tegong Laka ba Pendam SDNU Siol Kandis\\nBala kaban SDNU nebas kawasan pendam ngena bushcutter\\nPendam SDNU Kampong Siol Kandis tu terubah iya dikena dalam taun tujuh puluhan. Majoriti ke ngena pendam tu urang Kristian Anglican tang urang Kristian bukai ari Gerija Katholik, SIB enggau Pagan pan bisi mega tau ngena Pendam tu selagi sida urang asal ba Kampung Siol Kandis.\\nat 10:36 pm 0 comments Posted by Pala Tangga Labels: church\\nat 6:32 pm 6 comments Posted by Pala Tangga Labels: kebun\\nat 12:29 am 2 comments Posted by Pala Tangga Labels: tm\\nat 11:41 pm 0 comments Posted by Pala Tangga Labels: snippet\\nat 11:45 pm 0 comments Posted by Pala Tangga Labels: accident, matang\\nSupermarket eMart Lee Ling ba Matangjaya, Petrajaya udah berengkah bejual barang ari kemari. Tu ke ngasuh balat endar traffic jam kami di Matang saritu, laban mensia semua berebut ka meda utai ke dijual ba kedai ke baru dibuka nya.\\nMatangjaya diatu makin maju, kedai makin mayuh lalu DBKU pan makin senyum, laban taun baru ila menua kami ditu nyangka kena pegai Bandaraya Kuching Utara, nadai agi di intu sida Majlis Perbandaran Padawan (MPP).\\nMensia mayuh ngabas Supermarket baru - eMart Lee Ling\\nKami menyanak apin enggau urang ngabas kedai baru tu, kelalu mayuh mensia parking nadai endur, bisi maya sida enggai agi kia ila baru kami mansang nemuai meda utai dia. Pia agi barang dirumah ditu baka garam, kupi, beras enggau gula agi mayuh, ba penemu aku enda ibih enggau urang begelut dia. Tambah agi asai ke nadai kaban belayan tauka urang bukai ke dikelala bejual dia. Tang kita bukai enti deka meda ngabas Supermarket tu tau meh datai, nyangka bisi cheap sale.\\nat 9:34 pm 2 comments Posted by Pala Tangga Labels: matang\\nat 11:50 pm 2 comments Posted by Pala Tangga Labels: pc\\nat 12:10 am 0 comments Posted by Pala Tangga Labels: snippet\\nat 12:34 am 4 comments Posted by Pala Tangga Labels: church, dinner\\nat 6:15 pm 2 comments Posted by Pala Tangga Labels: pc","num_words":429,"character_repetition_ratio":0.181,"word_repetition_ratio":0.0,"special_characters_ratio":0.222,"stopwords_ratio":0.114,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Reti Pemansut* nya “angkat.” Bup tu ngenang pasal utai ti besai amat reti, ti udah nyadi dalam jerita lama orang Israel, ti ditulis dalam bup tu, iya nya, pasal orang Israel ke angkat ari menua Ejip, alai sida ke udah nyadi ulun.\\nBup tu dibagi ngagai empat iti sitak: (1) pasal orang Hebrew ke dilepaska ari pengidup sida ke nyadi ulun; (2) pejalai sida ngagai Bukit Sinai; (3) sempekat Allah Taala enggau bala nembiak Iya di Sinai, ti ngundan atur kena sida idup, enggau adat pengarap; enggau (4) chara ngaga enggau nyikap rumah alai orang Israel nyembah Allah Taala, enggau adat ke orang ke nyadi imam, enggau chara nyembah Allah Taala.\\nIya ti lebih agi, bup tu ngenang pasal utai ti udah dikereja Allah Taala, lebuh iya ngelepaska bala nembiak Iya ti nyadi ulun, lalu ngaga sida nyadi siti bansa ti mai pengadang.\\nOrang ke tebilang dalam bup tu nya Moses, ti udah dipilih Allah Taala nguluka bala nembiak Iya pansut ari menua Ejip. Utai ti tebilang dalam bup tu nya Sepuluh Pesan dalam bagi 20.\\nOrang Israel dilepaska ari menua Ejip (1.1-15.21)\\na. Nyadi ulun di menua Ejip (1.1-22)\\nb. Pengada Moses, enggau pengidup iya lebuh iya agi biak (2.1-4.31)\\nc. Moses seduai Aron betemu enggau raja menua Ejip (5.1-11.10)\\nd. Gawai Paska enggau pengangkat ari menua Ejip (12.1-15.21)\\nAri Tasik Mirah ngagai Bukit Sinai (15.22-18.27)\\nAdat enggau sempekat (19.1-24.18)\\nLangkau Kain Ti Kudus enggau atur pasal jalai nyembah Allah Taala (25.1-40.38)\\n1 Bala anak lelaki Jakop ke mansang enggau iya ngagai menua Ejip, endang mai semua sida sebilik. Tu nama bala anak Jakop:\\n2 Reuben, Simeon, Lewi, Judah,\\n3 Isakar, Sebulun, Benjamin,\\n4 Dan, Naptali, Gat, enggau Aser.\\n5 Pemayuh tubuh sida, ke diturunka Jakop empu, nya tujuh puluh iku. Anak iya Josep endang udah di menua Ejip.\\n6 Nyau ke lama udah bekau nya, Josep, bala menyadi iya, enggau semua orang ke dalam serak nya, mati magang,\\n7 tang peturun sida, iya nya bansa orang Israel, ngadaka mayuh anak, ke ngasuh sida mayuh amat tubuh datai ke menua Ejip nyau penuh laban sida.\\n8 Udah nya, siku raja ti baru, ti enda ngelala Josep, belabuh megai perintah di menua Ejip.\\n9 Ku iya bejaku enggau bala nembiak iya, “Orang Israel tu nyau mayuh agi sereta kering agi ari kitai.\\n10 Enti perang bisi nyadi, kada enda sida deka ngalih ari munsuh ngelaban kitai, lalu rari ari b r 1.10 rari ari; Tauka: megai.* menua tu. Kitai enda tau enda ngiga jalai kena nagang sida nambah mayuh tubuh.”\\n11 Nya alai orang Ejip lalu ngasuh orang nyadi mandur megai sida, ngambika bisi mejalka sida ngereja pengawa ti berat, kena merinsaka orang Israel. Orang Israel ngaga nengeri Pitom enggau nengeri Rameses nyadika pusat alai mansutka utai ti diguna raja.\\n12 Tang, makin balat agi orang Ejip merinsaka orang Israel, makin mayuh agi ga tubuh sida nambah-menambah, lalu jauh agi ga sida ngachir ba sebelah menua nya. Orang Ejip nyau takutka sida\\n13-14 lalu ngaga sida nyadi ulun, kena merinsaka sida. Sida mejalka orang Israel bekereja begagaka rumah, enggau bekereja ba umai, lalu enda sinu mimit ke sida.\\n15 Udah nya raja menua Ejip lalu bejaku ngagai Siprah seduai Puah, iya nya dua iku indu bidan ke ngintu indu orang Hebrew lebuh sida beranak.\\n16 Ku raja nya bejaku, “Lebuh seduai nyaup indu orang Hebrew beranak, bunuh anak mit nya enti iya lelaki. Tang enti iya indu, anang munuh iya.”\\n17 Tang bidan dua iku nya orang ke nangika Allah Taala. Nya alai seduai iya enggai nitihka jaku raja, tang nejuka anak ti lelaki idup.\\n18 Nya alai raja mesanka seduai iya, lalu nanya ngagai seduai iya, “Nama kebuah seduai ngereja tu? Nama kebuah seduai nejuka anak ti lelaki idup?”\\n19 Ku seduai iya nyaut, “Indu orang Hebrew enda baka indu orang Ejip. Sida mudah amat beranak, lalu anak sida ada sebedau kami duai datai.”\\n20-21 Laban indu bidan nya orang ke nangika Allah Taala, nya alai Allah Taala manah enggau seduai iya, lalu meri seduai iya ruang bilik ke diri empu. Nya alai pemayuh tubuh orang Israel majak nambah-menambah, lalu nyadi bansa ti kering.\\n22 Ke pengujung iya, raja nya lalu meri atur ngagai semua nembiak iya munyi tu: “Ambi semua anak lelaki orang Hebrew ke baru ada, lalu buai sida ngagai Sungai Nile, tang awakka semua anak ti indu idup.”\\n1 Ba urung maya nya, siku lelaki ari raban bansa Lewi jadi enggau siku indu ke ari raban bansa iya empu.\\n2 Indu nya ngadaka siku anak lelaki. Lebuh iya meda penyigat gamal anak mit nya, iya lalu ngelalaika iya tiga bulan.\\n3 Tang lebuh anak mit nya nyau enda ulih dilalaika agi, iya lalu ngambi siti bakul ti digaga ari teberu, lalu melali bakul nya enggau tar, ngambika bakul nya enda ulih masuk ai. Iya nyimpan anak mit nya dalam bakul nya, lalu udah nya ngengkahka bakul nya ba rumput ti bauh ba tebing sungai.\\n4 Menyadi indu anak mit nya bediri enda jauh ari endur nya, deka nemu namaka penyadi anak mit nya.\\n5 Anak indu raja nurun mandi ngagai sungai nya. Lebuh iya mandi, bala orang gaji iya bejalai ba sebelah tebing sungai nya. Anak indu raja nya lalu tepedaka siti bakul ba madang rumput, lalu ngasuh siku ari orang gaji iya ngambi bakul nya.\\n6 Lebuh anak indu raja nya ngebakka bakul nya, iya lalu meda siku anak mit ti lelaki dalam bakul nya. Anak mit nya nyabak, lalu anak raja sinu ati ke iya. Ku iya, “Iya tu anak orang Hebrew.”\\n7 Udah nya menyadi indu anak mit nya lalu nanya ngagai anak indu raja, “Kati tau aku madahka siku indu orang Hebrew ngambika iya ngibun anak mit nya ke nuan?”\\n8 “Au, mupuk meh nuan,” ku anak indu raja nya nyaut. Nya alai indu nya mupuk. Iya lalu datai baru, mai indai anak mit nya empu.\\n9 Ku anak indu raja nya bejaku enggau indu nya, “Bai anak mit tu, lalu ibun iya ke aku. Aku deka ngaji nuan.” Nya alai indu nya lalu mai anak mit nya, lalu ngibun iya.\\n10 Udah bekau nya, lebuh anak mit nya nyau besai, indu nya mai iya ngagai anak indu raja. Anak indu raja nya lalu ngiru nembiak nya nyadika anak iya empu. Ku anak indu raja nya berunding dalam ati diri, “Aku ngambi iya ari ai, nya alai aku meri iya nama Moses.” c r 2.10 Moses; Nama tu munyi leka jaku: ngambi dalam Hebrew.*\\nMoses Rari Ngagai Menua Midian\\n11 Lebuh Moses nyau udah besai tuai, iya nemuai ngagai bansa iya empu, iya nya bansa orang Hebrew, lalu iya meda jalai sida balat amat dipejalka ngereja pengawa ti berat. Iya mega tepedaka siku orang Ejip munuh siku orang Hebrew, nya bansa Moses empu.\\n12 Moses malik kiba kanan, lalu lebuh iya nadai meda orang nengkilaka iya, iya lalu munuh orang Ejip nya, lalu numbakka bangkai iya dalam pasir.\\n13 Hari siti, iya mansang ngagai endur nya baru, lalu tepedaka dua iku orang Hebrew berekak. Ku iya bejaku enggau iya ke salah, “Nama kebuah nuan malu orang ari bansa nuan empu?”\\n14 Ku orang nya nyaut, “Sapa ngasuh nuan merintah kami lalu nyadi hakim kami? Kati nuan deka munuh aku baka nuan ti munuh orang Ejip nya kemari?” Moses lalu takut, lalu ku iya bejaku dalam ati diri, “Orang udah nemu utai ti dikereja aku.”\\n15-16 Lebuh raja ninga pasal utai ti udah nyadi, iya lalu ngiga jalai munuh Moses, tang Moses rari lalu diau di menua Midian. Nyadi sekali, lebuh Moses duduk semak siti telaga, tujuh iku anak indu Jetro, imam orang di menua Midian, datai nyauk, lalu ngisi ai ngagai dulang jelu bedus enggau jelu kambin apai sida.\\n17 Tang sekeda orang ke pengibun bedus muru bala anak indu Jetro. Udah nya Moses lalu mansang nulung bala anak indu Jetro, lalu meri jelu sida ngirup.\\n18 Lebuh bala anak indu Jetro pulai ngagai apai sida, apai sida lalu nanya, “Nama kebuah kita tumu amat pulai sehari tu?”\\n19 Ku sida nyaut, “Siku orang Ejip nulung kami lebuh kami diburu bala pengibun bedus. Iya nyauk ai ke kami, lalu meri jelu kami ngirup.”\\n20 “Dini alai iya?” ku Jetro nanya sida. “Nama kebuah kita ninggalka lelaki nya din? Asuh iya datai kitu ngambika iya makai enggau kitai.”\\n21 Moses lalu besetuju deka diau dia, lalu Jetro meri anak indu iya ke benama Sipora nyadika bini Moses.\\n22 Sipora ngadaka siku anak lelaki, lalu ku Moses bejaku dalam ati diri, “Aku tu orang kampar di menua tu, nya alai aku meri iya nama Gersom.”\\n23 Nyau berapa taun udah bekau nya, raja menua Ejip pen mati, tang orang Israel agi mengkang merinsa sereta nyabak minta tulung, lalu sabak sida didinga Allah Taala.\\n24 Iya ninga sida bedemuh, lalu ingatka semaya Iya enggau Abraham, Isak enggau Jakop.\\n25 Iya meda orang Israel digaga nyadi ulun, lalu Iya sinu ati ke sida.\\n1 Nyadi sekali, lebuh Moses benung ngibun bedus enggau kambin mentua iya Jetro, ti nyadi imam orang Midian, iya nguluka raban jelu nya bejalai meraka menua puang, lalu datai di Sinai, iya nya bukit ti kudus.\\n2 Dia siku melikat TUHAN pegari di mua iya, baka api ti pansut ari babas. Moses meda babas nya mau laban api, tang babas nya enda angus.\\n3 “Nyelai amat utai nya,” ku iya bepikir. “Nama kebuah babas nya enda angus? Uji aku meda semak agi.”\\n4 Lebuh TUHAN meda Moses mansang semak agi, Iya lalu ngangauka Moses ari dalam babas nya, ku Iya, “Moses! Moses!” “Tu aku,” ku Moses nyaut.\\n5 Ku Allah Taala bejaku, “Anang datai semak. Buka selipar nuan, laban nuan bediri ba tanah ti kudus.\\n6 Aku tu Allah Taala aki ini nuan, Allah Taala ke disembah Abraham, Isak, enggau Jakop.” Nya alai Moses lalu mampul mua diri, laban iya takut merening ngagai Allah Taala.\\n7 Ku TUHAN bejaku, “Aku udah meda pemedis bala nembiak Aku diperinsaka orang di menua Ejip. Aku udah ninga sida ngangau minta diri dilepaska ari mandur ke ngemataka sida. Aku nemu pemalat sida kena perinsa,\\n8 nya alai Aku nurun laban Aku deka ngelepaska sida ari jari orang Ejip, lalu mai sida pansut ari menua Ejip ngagai menua ti luas, menua ti kaya sereta ami ti diuan orang Kanaan, orang Iti, orang Amor, orang Peris, orang Ibi, enggau orang Jebus.\\n9 Aku udah ninga sabak bala nembiak Aku, lalu Aku meda chara orang Ejip nekanka pengidup sida.\\n10 Diatu Aku ngirumka nuan ngagai raja menua Ejip, ngambika nuan mai nembiak Aku pansut ari menua Ejip.”\\n11 Tang ku Moses bejaku enggau Allah Taala, “Sapa aku tu? Baka ni ku aku ulih betemu enggau raja? Lalu baka ni ku aku ulih mai orang Israel pansut ari menua Ejip?”\\n12 Ku Allah Taala nyaut, “Aku deka meruan enggau nuan, lalu lebuh nuan mai orang Israel pansut ari menua Ejip, kita deka nyembah Aku ba bukit tu. Tu nyadika tanda Aku udah ngirumka nuan.”\\n14 Ku Allah Taala nyaut Moses, “AKU TU MEH AKU. Nuan enda tau enda madahka ngagai orang Israel: ‘Iya ke dikumbai AKU TU MEH AKU udah ngirumka aku ngagai kita.’\\n15 Padahka ngagai orang Israel, Aku TUHAN Allah Taala aki ini sida, Allah Taala ke disembah Abraham, Isak enggau Jakop, udah ngirumka nuan ngagai sida. Tu nama Aku, lalu nama tu deka meruan belama iya. Tu meh nama ti deka dikena semua turun-menurun ngangauka Aku jemah ila.\\n16 Mupuk meh nuan, lalu gempuruka bala tuai orang Israel, lalu padahka ngagai sida, Aku TUHAN Allah Taala aki ini sida, Allah Taala ke disembah Abraham, Isak enggau Jakop, udah pegari di mua nuan. Padahka ngagai sida, Aku udah datai ngagai sida, lalu udah meda utai ti benung dikereja orang Ejip ngagai sida.\\n17 Aku udah mutuska runding deka mai sida pansut ari menua Ejip, alai sida ke balat kena perinsa, lalu Aku deka mai sida ngagai menua ti kaya sereta ami, menua ti diuan orang Kanaan, orang Iti, orang Amor, orang Peris, orang Ibi enggau orang Jebus.\\n18 “Sida deka mendingka utai ti disebut nuan. Udah nya, nuan enda tau enda mansang enggau bala tuai orang Israel, ngagai raja menua Ejip, lalu nyebut ngagai iya, ‘TUHAN Allah Taala orang Hebrew, udah betemu enggau kami. Nya alai awakka kami bejalai ngagai menua puang dalam pejalai kira tiga hari lalu ngenjuk piring ngagai TUHAN Allah Taala kami.’\\n19 Aku nemu, raja menua Ejip sigi enggai ngelepaska kita, enti iya enda dipejal.\\n20 Tang Aku deka ngena kuasa Aku, lalu deka ngukum menua Ejip, ngena utai ti balat ngenakut. Udah nya baru iya deka ngelepaska kita.\\n21 “Aku deka mejalka orang Ejip bebasaka nembiak Aku, ngambika, lebuh sida angkat ari menua nya, sida enda mupuk puang.\\n22 Genap iku indu orang Israel deka mansang ngagai orang Ejip ke berimbai pendiau enggau sida, enggau ngagai indu orang Ejip ke serumah enggau sida, lalu deka minta gari, perengka emas enggau perengka pirak. Orang Israel deka ngerasukka utai nya ba anak lelaki enggau anak indu sida, lalu nabanka pengaya orang Ejip.”\\nAllah Taala Meri Kuasa Ngereja Kereja Ajih Ngagai Moses\\n1 Lalu ku Moses nyaut TUHAN, “Tang, kati enti orang Israel enda arapka aku, lalu enggai mendingka utai ti disebut aku; nama utai ti tau dikereja aku, enti sida ngumbai Nuan nadai udah kala pegari di mua aku?”\\n2 TUHAN lalu nanya Moses, “Nama utai ba jari nuan nya?” “Tungkat,” ku Moses nyaut.\\n3 Ku TUHAN bejaku, “Tikauka tungkat nya ke tanah.” Lebuh Moses nikauka tungkat nya ke tanah, tungkat nya lalu bebali nyadi ular. Iya lalu surut ari ular nya.\\n4 Udah nya TUHAN lalu bejaku baru enggau Moses, “Jengkau lalu ambi ular nya ari iku.” Moses nyengkau lalu nangkap ular nya, lalu ular nya bebali nyadi tungkat baru.\\n5 Ku TUHAN bejaku enggau iya, “Kereja nya kena nunjukka ngagai orang Israel TUHAN Allah Taala aki ini sida, Allah Taala ke disembah Abraham, Isak enggau Jakop, sigi amat udah pegari di mua nuan.”\\n6 TUHAN lalu bejaku baru ngagai Moses, “Simpan jari nuan ke dalam baju panjai nuan.” Moses lalu ngereja nya. Lebuh iya narit jari iya pansut, jari iya bisi penyakit, bepetik burak, baka seleju.\\n7 Udah nya TUHAN lalu bejaku, “Simpan jari nuan baru ke dalam baju panjai nuan.” Moses lalu ngereja nya. Lebuh iya narit jari iya pansut baru, jari iya udah pulai suman baru baka perengka tubuh iya ti bukai.\\n8 Ku TUHAN bejaku, “Enti sida enggai arapka nuan, tauka enda arapka kereja ajih ti terubah, utai tu deka ngasuh sida arap.\\n9 Enti sida enda arapka nuan lebuh sida meda kereja ajih dua bengkah tu, lalu enti sida enggai mendingka utai ti disebut nuan, ambi ai ari Sungai Nile, lalu bubuhka ai nya ngagai tanah. Ai nya deka bebali nyadi darah.”\\n10 Tang ku Moses, “Enggai aku, TUHAN. Anang ngasuh aku. Aku enda lanchar bejaku, lalu aku apin nyadi orang ke lanchar bejaku sekumbang Nuan ti udah bejaku ngagai aku. Aku enda lanchar bejaku, lubah sereta kat-kat.”\\n11 Ku TUHAN bejaku ngagai iya, “Sapa meri mensia mulut? Sapa ngasuh iya bengal tauka bisu? Sapa ngasuh iya ulih meda, tauka buta? Aku ti TUHAN.\\n12 Nya alai, mupuk nuan! Aku deka nulung nuan bejaku, lalu Aku deka madahka utai ti patut disebut nuan.”\\n13 Tang ku Moses nyaut, “Enggai aku, TUHAN. Asuh orang bukai.”\\n14 TUHAN lalu ringat ngagai Moses. Ku Iya, “Kati ku baka menyadi nuan, Aron, ke ari peturun Lewi? Aku nemu iya lanchar bejaku. Iya diatu baru deka datai betemu enggau nuan, lalu iya deka gaga ati lebuh iya meda nuan.\\n15 Nuan tau bejaku enggau iya, lalu madahka ngagai iya utai ti disebut Aku. Aku deka nyaup seduai bejaku, lalu Aku deka madahka utai ti patut dikereja seduai.\\n16 Iya deka bejaku ngagai orang mayuh ngarika nuan. Nya baru nuan deka nyadi baka Allah Taala, madahka ngagai Aron utai ti patut disebut iya.\\n17 Bai tungkat tu, laban nuan deka ngereja kereja ajih ngena tungkat tu.”\\nMoses Pulai Baru Ngagai Menua Ejip\\n18 Udah nya Moses pulai ngagai mentua iya ti lelaki, Jetro, lalu ku iya bejaku enggau Jetro, “Aku minta nuan ngawakka aku pulai ngagai kaban belayan aku di menua Ejip, deka nemu enti sida agi meruan.” Jetro besetuju lalu meri selamat tinggal ngagai iya.\\n19 Lebuh Moses agi di Midian, TUHAN bejaku ngagai iya, “Alai nuan pulai baru ngagai menua Ejip, laban semua orang ke deka munuh nuan suba, udah mati magang.”\\n20 Moses lalu mai bini iya, enggau sida anak lelaki iya, nepanka sida ba siku keledai, lalu mupuk sama enggau sida ngagai menua Ejip, mai tungkat ti udah diasuh Allah Taala bai iya.\\n21 TUHAN lalu bejaku baru ngagai Moses, “Laban nuan diatu pulai baru ngagai menua Ejip, nuan enda tau enda ngereja di mua raja, semua kereja ajih ngena kuasa ti udah diberi Aku ngagai nuan. Tang Aku deka ngasuh ati raja kieh, ngambika iya enggai nyagi orang Israel angkat ari menua nya.\\n22 Udah nya, nuan enda tau enda madahka ngagai iya, pasal Aku ti TUHAN, ti udah nyebut, ‘Israel nya anak lelaki Aku ti tuai.\\n23 Aku udah ngasuh nuan ngelepaska anak lelaki Aku, ngambika iya ulih nyembah Aku, tang nuan enggai. Diatu Aku deka munuh anak lelaki nuan ke tuai.’ “\\n24 Ba endur alai sida ke bemalam di rantau jalai ngagai menua Ejip, TUHAN betemu enggau Moses, deka munuh iya.\\n25-26 Tang bini iya Sipora lalu ngambi siti batu ti tajam, netak kulit ujung butuh anak lelaki iya, lalu negu kaki Moses ngena batu nya. Laban pengawa nya pengawa betutus, nya alai iya nyebut ngagai Moses, “Ngena darah tu aku ngaku nuan nyadika laki aku.” Nya alai TUHAN enda nyadi munuh Moses.\\n27 Lebuh maya nya mega, TUHAN bejaku ngagai Aron, “Alai nuan mansang ngagai menua puang lalu betemu enggau Moses.” Aron lalu mupuk deka betemu enggau Moses ba bukit ti kudus. Lebuh iya betemu enggau Moses, iya nyium Moses.\\n28 Udah nya Moses lalu madahka ngagai Aron semua utai ti udah disebut TUHAN, lebuh TUHAN madahka ngagai iya pasal kereja ajih ti udah diasuh TUHAN kereja iya.\\n29 Moses seduai Aron lalu bejalai ngagai menua Ejip, lalu ngelumuka semua tuai bansa orang Israel.\\n30 Aron lalu madahka semua utai ti udah disebut TUHAN ngagai Moses. Udah nya Moses lalu ngereja semua kereja ajih di mua orang mayuh.\\n31 Sida arap, lalu lebuh sida ninga TUHAN udah datai ngagai sida, lalu udah meda pemalat sida kena perinsa, sida meremi lalu nyembah Iya.\\nMoses Seduai Aron Betemu Enggau Raja Menua Ejip\\n1 Udah nya Moses seduai Aron lalu mansang ngagai raja menua Ejip. Ku seduai iya bejaku, “TUHAN Allah Taala ke disembah orang Israel nyebut, ‘Lepaska nembiak Aku, ngambika sida ulih begawai di menua puang kena sida ngemesaika Aku.’ “\\n2 Raja nya lalu nanya, “Sapa ke dikumbai TUHAN? Lalu nama kebuah aku enda tau enda mendingka Iya lalu ngelepaska orang Israel? Aku enda nemu TUHAN, lalu aku enggai ngelepaska orang Israel.”\\n3 Disaut Moses seduai Aron, “Allah Taala orang Hebrew udah mandangka Diri ngagai kami. Nya alai awakka kami bejalai tiga hari ngagai menua puang, ngambika kami ulih ngenjuk piring ngagai TUHAN Allah Taala kami. Enti kami enda ngereja nya, Iya deka munuh kami ngena penyakit, tauka ngasuh kami mati beperang.”\\n4 Ku raja bejaku enggau Moses seduai Aron, “Nama kebuah seduai ngelimpangka orang mayuh ari pengawa sida? Asuh bala ulun nya bekereja!\\n5 Orang bansa kita nyau mayuh agi ari orang Ejip. Lalu diatu kita enggai agi gawa!”\\n6 Ba hari nya raja lalu meri atur ngagai orang Ejip ke ngemataka pengawa ulun, enggau bala mandur ke ari bansa orang Israel empu:\\n7 “Badu agi meri sida rumput ti rangkai kena ngaga batu bata. Awakka sida ngiga rumput ti rangkai ke diri empu.\\n8 Tang sida enda tau enda ngaga batu bata ngemayuh ti dulu, nadai kurang siti. Sida tu nadai chukup utai dikereja, nya kebuah sida majak minta aku ngelepaska sida miring ngagai Allah Taala sida!\\n9 Asuh sida bebendar agi gawa, lalu anang ngelakka sida ngetu, ngambika sida nadai peluang mendingka jaku ti bula.”\\n10 Orang Ejip ke ngemataka pengawa ulun, enggau mandur ke ari bansa orang Israel empu mansang lalu bejaku enggau orang Israel, “Raja udah madahka iya enggai agi meri kita rumput ti rangkai.\\n11 Ku iya, kita enda tau enda ngiga rumput ti rangkai ke diri empu, tang kita enda tau enda ngaga batu bata ngemayuh ti dulu.”\\n12 Orang Israel lalu ngiga rumput ti rangkai di serata menua Ejip.\\n13 Tiap hari bala mandur mejalka sida ngaga batu bata ngemayuh ti dulu suba lebuh sida agi diberi rumput ti rangkai.\\n14 Orang Ejip ke ngemataka pengawa ulun malu orang Israel ti nyadi mandur. Ku sida, “Nama kebuah kita enda ngaga batu bata ngemayuh ti digaga kita suba?”\\n15 Udah nya sida mandur mansang lalu mantaika serabana sida ngagai raja, “Tuan Raja, nama kebuah nuan ngereja utai baka tu ngagai kami?\\n16 Kami nadai diberi rumput ti rangkai, tang kami agi dipejalka ngaga batu bata! Lalu diatu kami dipalu. Bala kita empu ke salah.”\\n17 Ku raja nya nyaut, “Kita tu ngelusu lalu enggai gawa. Nya kebuah kita minta aku ngelepaska kita lalu nejuka kita miring ngagai TUHAN.\\n18 Pulai kita lalu gawa! Kita enda agi diberi rumput ti rangkai, tang kita enda tau enda ngaga batu bata ngemayuh ti dulu.”\\n19 Sida mandur nemu diri dituntung penusah lebuh sida diasuh ngaga batu bata tiap hari ngemayuh ti dulu.\\n20 Lebuh sida angkat ari istana raja, sida lalu betemu enggau Moses seduai Aron ke benung nganti pemulai sida.\\n21 Ku sida bejaku enggau Moses seduai Aron, “Awakka TUHAN meda seduai, lalu ngakim seduai laban seduai udah ngasuh raja enggau bala pemesai iya begedika kami. Seduai udah meri sida tegal kena sida munuh kami.”\\nMoses Mutap Ngagai TUHAN\\n22 Udah nya Moses lalu ngadap ngagai TUHAN baru, ku iya, “TUHAN, nama kebuah nuan merinsaka bala nembiak Nuan? Nama kebuah Nuan ngasuh aku kitu?\\n23 Sekumbang aku ti udah betemu enggau raja, lalu bejaku ngarika Nuan, iya udah balat amat merinsaka bala nembiak Nuan. Lalu Nuan enda nyaup sida!”\\n1 Udah nya TUHAN lalu bejaku ngagai Moses, “Diatu nuan deka meda utai ti deka dikereja Aku ngagai raja nya. Aku deka mejalka iya ngelepaska bala nembiak Aku. Aku deka mejalka iya muru sida pansut ari menua tu.”\\n2 Allah Taala lalu bejaku ngagai Moses, ku Iya, “Aku tu TUHAN.\\n3 Aku, Allah Taala ti Pemadu Bekuasa, udah pegari di mua Abraham, ngagai Isak, tang Aku enda ngasuh Diri ditemu sida ngena nama Aku ti kudus, iya nya TUHAN.\\n4 Aku mega udah ngaga sempekat enggau sida, besemaya deka meri sida menua Kanaan, menua ti udah alai sida diau nyadi orang kampar.\\n5 Diatu Aku udah ninga demuh orang Israel, laban sida udah dipejalka nyadi ulun, lalu Aku ingatka sempekat Aku.\\n6 Nya alai, padahka ngagai orang Israel Aku bejaku ngagai sida munyi tu, ‘Aku tu TUHAN. Aku deka ngelepaska lalu nebus kita ari pengidup kita ke nyadi ulun orang Ejip. Aku deka ngedarka lengan Aku ti kering lalu ngukum orang Ejip, lalu Aku deka nebus kita.\\n7 Aku deka ngaga kita nyadi nembiak Aku, lalu Aku deka nyadi Allah Taala kita. Kita deka nemu Aku endang TUHAN Allah Taala kita, lebuh Aku ngelepaska kita ari pengidup kita ke nyadi ulun di menua Ejip.\\n8 Aku deka mai kita ngagai menua ti udah disemaya Aku ngena sumpah ngagai Abraham, Isak enggau Jakop, lalu Aku deka meri menua nya ngagai kita, nyadika pesaka kita. Aku tu TUHAN.’ “\\n9 Moses lalu madahka jaku nya ngagai orang Israel, tang sida enggai mendingka iya, laban sida nyau lemi semengat ketegal merinsa nyadi ulun.\\n10 Udah nya TUHAN lalu bejaku ngagai Moses,\\n11 “Alai nuan madahka ngagai raja menua Ejip, iya enda tau enda nejuka orang Israel angkat ari menua iya.”\\n12 Tang ku Moses nyaut, “Indah orang Israel deh enggai mendingka aku. Nya alai nama kebuah raja menua Ejip deka mendingka orang ke enda lanchar bejaku baka aku?”\\n13 TUHAN lalu bejaku ngagai Moses seduai Aron. Ku Iya, “Padahka ngagai orang Israel enggau ngagai raja menua Ejip, pasal Aku ti udah ngasuh seduai nguluka orang Israel pansut ari menua Ejip.”\\n14 Reuben, iya nya anak tuai Jakop, bisi empat iku anak lelaki: Hanok, Pallu, Hesron, enggau Karmi. Sida nya nurunka raban peturun ti ngangkatka nama sida.\\n15 Simeon bisi enam iku anak lelaki: Jemuel, Jamin, Ohat, Jachin, Hanok, enggau Saul. Sida tu diadaka siku indu orang Kanaan. Sida tu nurunka raban peturun ti ngangkatka nama sida.\\n16 Lewi bisi tiga iku anak lelaki: Gerson, Kohat, enggau Merari. Sida nya nurunka raban peturun ti ngangkatka nama sida.\\n17 Gerson bisi dua iku anak lelaki: Libni seduai Simei, lalu seduai tu mayuh peturun.\\n18 Kohat bisi empat iku anak lelaki: Amram, Isar, Hebron, enggau Usil. Kohat idup ngagai umur 133 taun.\\n19 Merari bisi dua iku anak lelaki: Mahli seduai Musi. Tu meh bala raban peturun orang Lewi enggau peturun sida.\\n20 Amram jadi enggau menyadi indu apai iya empu, ke benama Jokibit, lalu Jokibit ngadaka Aron seduai Moses. Amram idup ngagai umur 137 taun.\\n21 Isar bisi tiga iku anak lelaki: Korah, Nepek, enggau Sikri.\\n22 Usil mega bisi tiga iku anak lelaki: Misael, Elsapan, enggau Sitri.\\n23 Aron jadi enggau Elisheba, anak indu Aminadap, menyadi indu Nason. Elisheba ngadaka Nadap, Abihu, Eleasar, enggau Itamar.\\n24 Korah bisi tiga iku anak lelaki: Asir, Elkanah, enggau Abiasap. Sida tu nurunka raban peturun Korah.\\n25 Eleasar anak Aron jadi enggau siku anak indu Putiel, ke ngadaka Pinehas. Sida tu nyadi tuai bilik enggau tuai peturun ari raban bansa Lewi.\\n26 Aron seduai Moses meh orang ke alai TUHAN bejaku, “Bai orang Israel pansut ari menua Ejip.”\\n27 Seduai tu meh orang ke bejaku minta raja menua Ejip ngelepaska orang Israel.\\n28 Ku TUHAN bejaku ngagai Moses di menua Ejip,\\n29 “Aku tu TUHAN. Padahka ngagai raja menua Ejip semua utai ti dipadahka Aku ngagai nuan.”\\n30 Tang ku Moses nyaut TUHAN, “Nuan nemu aku enda lanchar bejaku. Nama kebuah raja deka mendingka aku?”\\n1 Ku TUHAN bejaku, “Aku deka ngaga nuan nyadi baka Allah Taala di mua raja, lalu menyadi nuan Aron deka bejaku ngagai iya, nyadi nabi nuan.\\n2 Padahka ngagai Aron semua utai ti dipesanka Aku ngagai nuan, lalu iya deka bejaku ngasuh raja ngelepaska orang Israel ngambika sida angkat ari menua Ejip.\\n3-4 Tang Aku deka ngasuh ati raja kieh, lalu iya enggai mendingka nuan, taja pen Aku ngereja mayuh macham utai ti tau ngasuh ati takut di menua Ejip. Udah nya baru Aku deka ngukum menua Ejip ngena ukum ti berat, lalu nguluka nembiak Aku pansut ari menua nya.\\n5 Orang Ejip deka nemu Aku endang amat TUHAN, lebuh Aku ngedarka jari Aku ngelaban sida, lalu mai orang Israel pansut ari menua sida.”\\n6 Moses seduai Aron lalu ngereja utai ti diasuh TUHAN.\\n7 Ba maya seduai iya ke bejaku ngagai raja, umur Moses endang udah manggai lapan puluh taun, lalu umur Aron lapan puluh tiga taun.\\n8 Ku TUHAN bejaku ngagai Moses seduai Aron,\\n9 “Enti raja ngasuh seduai ngereja kereja ajih, asuh Aron mai tungkat iya, lalu nikauka tungkat nya ke tanah, di mua raja, lalu tungkat nya deka bebali nyadi ular.”\\n10 Moses seduai Aron lalu mansang ngagai raja, lalu ngereja utai ti udah diasuh TUHAN. Aron nikauka tungkat iya ke tanah di mua raja enggau di mua bala pemesai iya, lalu tungkat nya bebali nyadi ular.\\n11 Raja lalu mesanka bala nembiak iya ti bepenemu-dalam, enggau orang ke tau keramat. Sida ngena keramat sida, lalu ngereja utai baka ke dikereja Aron.\\n12 Sida nikauka tungkat sida ke tanah, lalu tungkat sida bebali nyadi ular. Tang tungkat Aron nelan tungkat sida.\\n13 Tang raja mengkang kieh, lalu munyi ti ku TUHAN, raja enggai mendingka Moses seduai Aron.\\nPenusah Ti Besai Nyadi Di Menua Ejip Darah\\n14 Udah nya TUHAN lalu bejaku ngagai Moses, “Raja nya kieh amat, lalu enggai ngelepaska nembiak Aku.\\n15 Nya alai seduai enda tau enda betemu enggau iya pagila, lebuh iya nurun ngagai Sungai Nile. Bai tungkat ti udah bebali nyadi ular, lalu anti iya ba tebing sungai nya.\\n16 Udah nya sebut ngagai iya, ‘TUHAN Allah Taala orang Hebrew, udah ngasuh aku madahka ngagai nuan, nuan enda tau enda ngelepaska nembiak Iya, ngambika sida ulih nyembah Iya di menua puang. Tang datai ke diatu, nuan mengkang enda mending.\\n17 Nya alai, Tuan Raja, diatu TUHAN madahka nuan deka nemu sapa TUHAN, ari utai ti deka dikereja Iya. Peda nuan, aku deka malu ai sungai tu ngena tungkat tu, lalu ai tu deka bebali nyadi darah.\\n18 Ikan deka mati, lalu sungai tu deka bebau but, datai ke orang Ejip enda ulih ngirup ai tu.’ “\\n19 Ku TUHAN bejaku ngagai Moses, “Asuh Aron mai tungkat iya lalu ngedarka tungkat nya atas semua sungai, parit, tali ai, enggau letung di menua Ejip. Ai nya deka bebali nyadi darah. Lalu semua menua Ejip deka dibalut darah, nyengkaum tong kayu enggau benda.”\\n20 Moses seduai Aron lalu ngereja nitihka pesan TUHAN. Di mua raja enggau bala pemesai raja, Aron ngedarka tungkat iya, lalu malu ai sungai nya, lalu semua ai dalam sungai nya bebali nyadi darah magang.\\n21 Ikan ti dalam sungai nya mati. Sungai nya lalu balat amat bebau but, datai ke orang Ejip enda ulih ngirup ai ari sungai nya. Semua menua Ejip dibalut darah magang.\\n22 Udah nya bala orang ke tau keramat lalu ngereja utai baka ke dikereja Aron, ngena penemu keramat sida. Lalu raja mengkang kieh baka selama. Munyi ti ku TUHAN, raja enggai mendingka Moses seduai Aron.\\n23 Iya nguing lalu pulai ngagai istana, lalu mengkang enggai ibuhka semua utai nya.\\n24 Semua orang Ejip lalu numbak tanah ba sepemanjai tebing sungai nya begigaka ai irup, laban sida enda ulih ngirup ai sungai nya.\\n25 Tu ketujuh hari udah bekau TUHAN malu sungai nya.\\n1 Udah nya TUHAN lalu bejaku ngagai Moses, “Alai nuan betemu enggau raja, lalu padahka ngagai iya utai ti disebut TUHAN: ‘Lepaska nembiak Aku, ngambika sida ulih nyembah Aku.\\n2 Enti nuan enda, Aku deka ngukum menua nuan, ngasuh menua nuan penuh laban engkatak.\\n3 Sungai Nile deka penuh laban engkatak. Sida deka pansut ari sungai nya lalu tama ngagai istana nuan, ngagai bilik peninduk nuan, ngagai katil nuan, ngagai rumah bala pemesai nuan, enggau ngagai rumah bala nembiak nuan, ngagai dapur enggau bisin ti dikena kita ngaga roti.\\n4 Sida deka engkechit ngagai nuan, ngagai bala nembiak nuan, enggau ngagai bala pemesai nuan.’ “\\n5 Ku TUHAN bejaku ngagai Moses, “Asuh Aron ngedarka tungkat iya atas sungai, parit, tali ai, enggau letung, lalu asuh engkatak pansut lalu ngelamun menua Ejip.”\\n6 Nya alai Aron lalu ngedarka tungkat iya atas semua ai, lalu engkatak pansut lalu mungkur menua nya.\\n7 Tang bala orang ke tau keramat ngena keramat sida, lalu sida mega ngasuh engkatak pansut lalu mungkur menua nya.\\n8 Raja lalu mesanka Moses seduai Aron. Ku iya, “Besampi seduai ngagai TUHAN minta Iya muai engkatak tu, nya baru aku deka ngelepaska bala nembiak nuan, ngambika sida ulih ngenjuk piring ngagai TUHAN.”\\n9 Disaut Moses, “Aku gaga ati besampika nuan. Letak aja maya aku tau besampika nuan, ke pemesai nuan enggau ke bala nembiak nuan. Nya baru engkatak enda agi ngachau kita. Sida deka abis, kelimpah ari sida ke di Sungai Nile.”\\n10 Disaut raja, “Pagila nuan besampika aku.” Ku Moses, “Aku deka ngereja utai ti dipinta nuan. Nya baru nuan deka nemu, nadai petara ti baka TUHAN Allah Taala kami.\\n11 Nuan, bala pemesai nuan, enggau bala nembiak nuan deka badu agi dikachau engkatak, lalu engkatak deka abis, kelimpah ari sida ke di Sungai Nile.”\\n12 Udah nya Moses seduai Aron lalu pansut ari istana raja. Moses lalu besampi ngagai TUHAN, minta TUHAN muai semua engkatak ti udah diasuh TUHAN ngachau raja.\\n13 TUHAN lalu ngereja utai ti dipinta Moses, lalu engkatak ti dalam rumah, ba tengah laman, enggau ba padang, mati magang.\\n14 Orang Ejip nugungka bangkai engkatak nya, datai ke menua nya nyau bau but.\\n15 Lebuh raja meda engkatak nya udah mati magang, ati iya lalu kieh baru, lalu munyi ti ku TUHAN, raja nya lalu enggai mendingka Moses seduai Aron.\\n16 Ku TUHAN bejaku ngagai Moses, “Asuh Aron malu tanah ngena tungkat iya, ngambika di serata menua Ejip amau deka bebali nyadi kerengit.”\\n17 Aron lalu malu tanah ngena tungkat iya, lalu semua abus di menua Ejip bebali nyadi kerengit magang, lalu malut mensia enggau jelu.\\n18 Bala orang ke tau keramat nguji ngena penemu keramat sida ngasuh kerengit pegari, tang enda ulih. Semua mensia enggau jelu dibalut kerengit magang,\\n19 lalu ku bala orang ke tau keramat bejaku enggau raja, “Allah Taala udah ngereja utai tu!” Tang ati raja kieh lalu, munyi ti ku TUHAN, iya enggai mendingka Moses seduai Aron.\\n20 Ku TUHAN bejaku ngagai Moses, “Tumu pagila, nuan enda tau enda betemu enggau raja, lebuh iya mansang ngagai sungai, lalu padahka utai ti disebut TUHAN ngagai iya munyi tu: ‘Lepaska nembiak Aku, ngambika sida ulih nyembah Aku.\\n21 Enti nuan enggai ngelepaska sida, Aku deka ngasuh lalat malut nuan, malut bala pemesai nuan, enggau bala nembiak nuan. Semua rumah orang Ejip deka penuh laban lalat, lalu tanah deka penuh laban lalat.\\n22 Tang ba hari nya Aku enda ngasuh lalat malut menua Gosen ti alai nembiak Aku diau, ngambika menua nya nadai lalat. Nya baru nuan deka nemu Aku ti TUHAN endang bisi di menua tu.\\n23 Aku deka magi nembiak Aku ari nembiak nuan. Kereja ajih tu deka nyadi pagila.’ “\\n24 TUHAN lalu ngereja utai nya. Mayuh amat lalat tama ngagai istana raja, enggau ngagai rumah bala pemesai iya. Semua menua Ejip rusak magang laban lalat nya.\\n25 Udah nya raja mesanka Moses seduai Aron, lalu ku iya bejaku, “Mupuk kita, lalu beri piring ngagai Allah Taala kita dalam kandang menua tu.”\\n26 Tang ku Moses, “Kami enda tau ngereja nya di menua tu, laban orang Ejip kejika jelu ti diberi kami nyadika piring ngagai TUHAN Allah Taala kami. Enti kami nyayat jelu nyadika piring kami, lalu orang Ejip kejika nya, enda ke sida deka nuku kami ngena batu?\\n27 Kami enda tau enda bejalai tiga hari ngagai menua puang, lalu ngenjuk piring ngagai TUHAN Allah Taala kami, nitihka asuh Iya.”\\n28 Ku raja bejaku, “Aku deka ngemendarka kita mupuk lalu ngenjuk piring ngagai TUHAN Allah Taala kita di menua puang, tang anang bejalai kelalu jauh. Besampi ke aku.”\\n29 Ku Moses bejaku, “Lebuh aku angkat ari tu, aku deka besampi ngagai TUHAN minta Iya ngasuh lalat tu ninggalka nuan, bala pemesai nuan enggau orang Ejip pagila. Tang nuan enda tau agi nipu kami, lalu nagang kami mupuk lalu miring ngagai TUHAN.”\\n30 Moses angkat ari istana raja, lalu besampi ngagai TUHAN.\\n31 TUHAN lalu ngereja utai ti dipinta Moses, lalu muai semua lalat nya ari raja, ari bala pemesai iya enggau orang Ejip. Siku pen nadai meh lalat agi tinggal.\\n32 Tang sekali tu, raja mega mengkang kieh ati, lalu enggai ngelepaska orang Israel.\\n1 TUHAN lalu bejaku ngagai Moses, “Alai nuan mansang ngagai raja, lalu padahka ngagai iya, ‘Ku TUHAN Allah Taala orang Hebrew bejaku: Lepaska nembiak Aku, ngambika sida ulih nyembah Aku.\\n2 Laban enti nuan enggai ngelepaska sida, lalu agi ngetanka sida,\\n3 Aku deka ngasuh penyakit ti balat amat nyerang jelu tupi kita, kuda, keledai, unta, sapi, bedus enggau kambin kita.\\n4 Aku deka ngaga bida entara jelu tupi orang Israel enggau jelu tupi orang Ejip, ngambika nadai siku jelu orang Israel deka mati.\\n5 Aku ti TUHAN, deka ngereja utai tu pagila.’ “\\n6 Hari siti TUHAN lalu ngereja utai ti ku Iya, lalu semua jelu tupi orang Ejip mati magang, tang nadai siku jelu tupi orang Israel mati.\\n7 Raja nanyaka pasal utai ti udah nyadi, lalu orang madahka ngagai iya, nadai siku jelu tupi orang Israel mati. Tang ati iya kieh, lalu iya enggai ngelepaska orang Israel.\\n8 Udah nya TUHAN lalu bejaku ngagai Moses seduai Aron. “Bai dua tiga genggam amau l r 9.8 amau; Tauka: abus*ari dapur, lalu awakka Moses ngerabuka amau m r 9.8 amau; Tauka: abus*nya ngagai angin di mua raja.\\n9 Amau nya deka nyadi amau ti alus lalu ngachir di serata menua Ejip. Abus nya deka ngasuh semua mensia enggau jelu diempa pisa, ti deka nyadi rumbak ti dilak-dilak ba tubuh mensia enggau jelu di serata menua Ejip.”\\n10 Seduai iya lalu ngambi amau, lalu bediri di mua raja. Moses lalu ngerabuka amau nya ngagai angin, lalu amau nya ngasuh mensia enggau jelu diempa pisa, ti nyadi rumbak ti dilak-dilak ba tubuh mensia enggau jelu.\\n11 Bala orang ke tau keramat enda ulih ngayanka diri di mua Moses, laban sida diempa pisa, baka semua orang Ejip ti bukai.\\n12 Tang TUHAN ngasuh ati raja kieh, lalu munyi ti dipadahka TUHAN ngagai Moses, raja enggai mendingka Moses seduai Aron.\\n13 Udah nya TUHAN bejaku ngagai Moses, “Tumu pagila, nuan enda tau enda betemu enggau raja, lalu sebut ngagai iya, ‘Tu jaku TUHAN Allah Taala orang Hebrew: Lepaska nembiak Aku, ngambika sida ulih nyembah Aku.\\n14 Laban sekali tu, Aku deka ngasuh semua penyakit nyerang nuan, nyerang bala pemesai nuan enggau orang Ejip, ngambika nuan nemu, nadai siku ti baka Aku di serata dunya tu.\\n15 Laban enti sema Aku udah ngangkatka jari Aku lalu ngasuh nuan enggau orang Ejip kena laban penyakit, semua kita tetap udah abis mati.\\n16 Tang tu kebuah aku nejuka nuan idup, kena Aku ngayanka kuasa Aku ngagai nuan, ngambika nama Aku dikenang di serata dunya.\\n17 Nuan agi mengkang ngeninggika diri ngelaban nembiak Aku, lalu enggai ngelepaska sida.\\n18 Ba maya tu pagila, Aku deka ngasuh ujan batu balat nyadi, baka ke nadai udah kala nyadi di menua Ejip, kenyau ari menua tu digaga nyentuk ngagai diatu.\\n19 Nya alai, asuh orang mai semua jelu tupi enggau semua utai bukai ti dikemisi kita di padang, ngagai endur ti likun; laban ujan batu deka ninggang mensia enggau jelu ti nadai utai ngelindung di padang, lalu semua sida deka mati.’ “\\n20 Sekeda pemesai raja takutka utai ti udah disebut TUHAN, lalu mai bala ulun enggau jelu tupi sida tama ke dalam rumah.\\n21 Tang sida ti bukai, enggai mendingka jaku tangkan TUHAN, lalu nejuka bala ulun sida enggau jelu sida mengkang di padang.\\n22 Udah nya TUHAN lalu bejaku ngagai Moses, “Kedarka jari nuan ke langit, ngambika ujan batu ninggang semua menua Ejip, ninggang mensia, jelu, enggau semua utai ti ditanam di serata menua Ejip.”\\n23 Moses lalu ngedarka tungkat iya ke langit. TUHAN lalu ngasuh guntur, enggau ujan batu nyadi, lalu kilat mangka ngagai tanah. TUHAN ngasuh ujan batu balat amat nyadi di menua Ejip.\\n24 Ujan batu balat amat nyadi, lalu kilat pen nyelar. Nadai kabut udah kala ngemalat nya nyadi di menua Ejip.\\n25 Ujan batu nya ngerusak semua utai ti ba padang di serata menua Ejip, nyengkaum mensia enggau jelu. Ujan batu nya mega ngerusak semua utai ti ditanam di padang, lalu matahka semua kayu.\\n26 Semina di menua Gosen, endur alai orang Israel diau, nadai ujan batu.\\n27 Raja lalu mesanka Moses seduai Aron, lalu bejaku ngagai seduai iya, “Sekali tu aku udah bedosa. TUHAN endang ngena, lalu aku enggau nembiak aku amat salah.\\n28 Besampi ngagai TUHAN! Kami udah chukup merinsa laban guntur enggau ujan batu tu! Aku deka ngelepaska kita. Kita enda ibuh diau ditu agi.”\\n29 Ku Moses bejaku ngagai iya, “Sepengelengkas aku pansut ari nengeri tu, aku deka ngedarka jari aku lalu besampi ngagai TUHAN. Guntur enggau ujan batu deka badu, ngambika nuan nemu, dunya tu endang enggi TUHAN.\\n30 Tang pasal nuan enggau bala pemesai nuan, aku nemu kita apin nangika TUHAN Allah Taala.”\\n31 Daun lemba enggau barli kita udah rusak, laban barli kita nyau tuai, lalu lemba kita baru nyumbuk.\\n32 Tang gandum kita enda rusak, laban iya dudi agi mansau.\\n33 Moses angkat ari istana raja, pansut ari nengeri nya, ngangkatka jari iya ngagai TUHAN. Guntur, ujan batu enggau ujan lalu badu.\\n34 Tang lebuh raja meda guntur, ujan batu enggau ujan udah badu, iya bedosa baru. Iya enggau bala pemesai iya lalu kieh baka selama.\\n35 Nya alai ati raja kieh, lalu iya enggai ngelepaska orang Israel, munyi ti udah dipadahka TUHAN ngena Moses.\\n1 Udah nya TUHAN bejaku ngagai Moses, “Alai nuan mansang ngagai raja; laban Aku udah ngasuh ati iya, enggau ati bala pemesai iya kieh, ngambika Aku ulih ngereja kereja ajih ba bala sida,\\n2 sereta ngambika kita ulih madahka ngagai anak uchu kita chara Aku ngemelika orang Ejip, enggau kereja ajih ti dikereja Aku ngagai orang Ejip; ngambika kita nemu Aku tu endang TUHAN.”\\n3 Moses seduai Aron lalu mansang ngagai raja, lalu bejaku enggau iya, “Tu jaku TUHAN Allah Taala orang Hebrew, ‘Ni pengelama nuan enggai nunduk ngagai Aku? Lepaska nembiak Aku, ngambika sida ulih nyembah Aku.\\n4 Laban enti nuan enggai ngelepaska nembiak Aku, Aku deka ngasuh buntak nyerang menua nuan pagila.\\n5 Buntak nya deka ngelamun semua tanah, datai ke orang nyau enda ulih meda tanah. Sida deka makai semua utai ti enda dirusak ujan batu, nyengkaum semua kayu ti tumbuh ba tanah kita.\\n6 Sida deka ngemenuhka istana nuan, rumah bala pemesai nuan, enggau rumah semua orang Ejip, baka ke nadai udah kala dipeda apai enggau aki ini kita, kenyau ari maya sida datai di dunya tu, nyentuk ngagai sehari tu.’ “ Iya nguing lalu beserara ari raja.\\n7 Bala pemesai lalu bejaku enggau raja, “Ni pengelama orang tu agi ngenusahka kitai? Lepaska orang tu, ngambika sida ulih nyembah TUHAN Allah Taala sida. Kati nuan lalu enda nemu menua Ejip udah rusak?”\\n8 Nya alai Moses seduai Aron lalu dibai betemu baru enggau raja, lalu ku iya bejaku enggau seduai iya, “Mupuk kita lalu sembah TUHAN Allah Taala kita. Tang sapa ke mupuk?”\\n9 Disaut Moses, “Semua kami deka mupuk magang, nyengkaum anak mit, enggau orang ke tuai. Kami deka mai anak lelaki enggau anak indu kami, jelu bedus enggau kambin kami, jelu sapi kami, laban kami enda tau enda begawai ngemesaika TUHAN.”\\n10 Ku raja bejaku, “Aku besumpah di mua TUHAN, aku enggai sekali-kali nejuka kita mai orang ke indu enggau anak mit kita! Kita tu bisi tuju ati ti jai dalam ati kita.\\n11 Sigi enda tau! Semina orang ke lelaki aja tau mupuk lalu nyembah TUHAN, laban nya utai ti dikedekaka kita.” Moses seduai Aron lalu diburu ari istana raja.\\n12 Udah nya TUHAN lalu bejaku ngagai Moses, “Kedarka jari nuan atas menua Ejip, ngambika buntak datai lalu makai semua utai ti ditanam ti enda dirusak ujan batu.”\\n13 Moses lalu ngedarka tungkat iya. TUHAN lalu ngasuh ribut muput ari timur ngagai menua Ejip, sehari-hari, semalam-malam nya. Pagi hari siti, buntak endang udah datai dibai ribut ti muput ari timur.\\n14 Buntak nya datai beraban-raban, lalu inggap di serata menua Ejip. Nadai orang udah kala meda buntak ngemayuh nya kelia, tauka udah lepas nya.\\n15 Sida nyau chelum ngelamun tanah, empa pemayuh sida, lalu sida makai semua utai ti enda dirusak ujan batu, nyengkaum semua buah ti ba kayu. Nadai siti utai ti tumbuh bisi tinggal ba kayu tauka ba utai ti ditanam di serata menua Ejip.\\n16 Udah nya raja lalu beguai-guai mesanka Moses seduai Aron, lalu bejaku, “Aku udah bedosa ngelaban TUHAN Allah Taala kita, enggau ngelaban kita.\\n17 Nya alai ampun penyalah aku sekali tu, lalu besampi ngagai TUHAN Allah Taala kita, minta Iya muai ukum ti tau munuh tu, ari aku.”\\n18 Moses angkat ninggalka raja, lalu besampi ngagai TUHAN.\\n19 TUHAN lalu nukar ribut ti muput ari timur nyadi ribut ti balat muput ari barat. Ribut nya lalu ngebuka buntak ngagai Tasik Mirah. Siku pen nadai meh buntak nya agi tinggal di serata menua Ejip.\\n20 Tang TUHAN ngasuh ati raja kieh lalu iya enggai ngelepaska orang Israel.\\n21 Udah nya TUHAN bejaku ngagai Moses, “Kedarka jari nuan ke langit, ngambika pemetang ti enda dipeda achuk mata mungkur menua Ejip.”\\n22 Moses ngedarka jari iya ke langit, lalu pemetang ti enda dipeda achuk mata mungkur semua menua Ejip tiga hari.\\n23 Orang Ejip enda ulih meda pangan diri, lalu nadai orang mindah ari rumah lebuh maya nya. Tang ba endur alai orang Israel diau, menua nya tampak.\\n24 Raja mesanka Moses, lalu bejaku, “Mupuk kita lalu sembah TUHAN. Sida ke indu enggau anak mit kita, pen tau mega mupuk sama enggau kita. Tang jelu bedus, kambin enggau jelu sapi kita enda tau enda tinggal.”\\n25 Tang ku Moses, “Nuan enda tau enda mega meri kami jelu nyadika piring enggau piring tunu ngambika bisi dienjuk kami ngagai TUHAN Allah Taala kami.\\n26 Jelu sapi kami mega enda tau enda mupuk enggau kami. Siku pen nadai meh sida tau tinggal, laban kami enda tau enda milih jelu ti dikena kami nyembah TUHAN Allah Taala kami, lalu kami enda nemu nama utai ti deka dikena kami nyembah TUHAN sebedau kami datai din.”\\n27 Tang TUHAN ngasuh ati raja kieh, lalu iya enggai ngelepaska sida.\\n28 Ku raja bejaku enggau Moses, “Pansut nuan ari tu! Aku enggai meda nuan agi! Enti aku meda nuan ila, nuan mati!”\\n29 Moses lalu nyaut, “Munyi ti ku nuan. Nuan nadai agi meda aku ila.”\\n1 Udah nya TUHAN lalu bejaku ngagai Moses, “Aku deka ngasuh siti agi penusah ti besai ninggang raja enggau orang Ejip. Udah bekau nya, iya deka ngasuh kita mupuk. Lebuh iya ngasuh kita mupuk, iya deka muru kita pansut ari menua tu.\\n2 Nya alai, bejaku nuan ngagai orang Israel, lalu asuh sida minta perengka emas enggau perengka pirak ari orang ke berimbai pendiau enggau sida.”\\n3 TUHAN lalu ngasuh orang Ejip rinduka orang Israel. Nambahka nya, Moses endang balat dibasa orang di menua Ejip, dibasa bala pemesai raja, enggau semua orang Ejip.\\n4 Udah nya Moses lalu bejaku enggau raja, “Tu jaku TUHAN, ‘Ba urung tengah malam, Aku deka bejalai nengah serata menua Ejip,\\n5 lalu semua anak tuai ti lelaki dalam menua Ejip deka mati magang, belabuh ari anak tuai raja, ti deka nganti iya nyadi raja, nyentuk ngagai anak lelaki indu ke ulun ke ngisar gandum, enggau anak tuai semua jelu tupi.\\n6 Orang deka beterauh nyabak di serata menua Ejip, baka ke nadai udah kala nyadi kelia, tauka ila.\\n7 Tang ba orang Israel, indah ukui deh enda nyalak sida tauka nyalak jelu sida. Nya baru nuan deka nemu Aku ti TUHAN, ngaga bida entara orang Ejip enggau orang Israel.’ “\\n8 Ku Moses bejaku, “Nya baru semua bala pemesai nuan deka datai ngagai aku, lalu meremi di mua aku, lalu bejaku, ‘Pansut ari tu, enggau semua orang ke nitihka nuan.’ Udah nya baru aku mupuk.” Moses lalu ninggalka raja, mai ati ti balat ringat.\\n9 Udah nya TUHAN bejaku ngagai Moses, “Raja enggai mendingka nuan, ngambika Aku ulih ngereja mayuh agi kereja ajih di menua Ejip.”\\n10 Moses seduai Aron ngereja semua kereja ajih nya di mua raja, tang TUHAN ngasuh ati raja kieh, lalu iya enggai ngelakka orang Israel angkat ari menua nya.\\n1 TUHAN lalu bejaku ngagai Moses seduai Aron di menua Ejip:\\n2 “Bulan tu nyadi bulan ti kesatu ke kita.\\n3 Padahka ngagai semua orang Israel, iya nya, kena sepuluh hari bulan tu, genap iku orang Israel enda tau enda milih siku anak domba tauka anak kambin ke sida sebilik.\\n4 Enti sida sebilik nadai mayuh tubuh lalu enda ulih ngabiska siku jelu, iya enggau orang ke berimbai rumah enggau iya, tau bekunsika jelu nya, nitihka pemayuh tubuh, enggau nitihka penyampau ti ulih diempa sida siku-siku.\\n5 Sida tau milih jelu bedus tauka jelu kambin. Tang jelu nya enda tau enda lelaki, umur setaun, lalu nadai penimpang.\\n6 Sida patut nyimpan jelu nya nyentuk ngagai empat belas hari bulan tu, lebuh semua orang Israel deka nyayat anak bedus sida lebuh lemai hari nya.\\n7 Sida enda tau enda ngambi sekeda darah jelu nya, lalu malitka darah nya ngagai tiang pintu enggau ngagai puchuk pintu rumah alai jelu nya deka diempa.\\n8 Malam nya, dagin nya enda tau enda dipanggang, lalu diempa sama enggau sayur ti pait, sereta enggau roti ti enda beragi.\\n9 Anang makai jelu nya mata, tauka dipanduk, tang dipanggang segala, lalu diempa, nyengkaum pala, kaki, enggau perengka dalam.\\n10 Kita enda tau ninggalka utai nya beteda enda diempa nyentuk ngagai pagi. Enti utai nya bisi beteda, teda nya enda tau enda ditunu.\\n11 Lebuh kita makai utai nya, kita enda tau enda udah begari dulu, sedia deka bejalai jauh. Selipar kita enda tau enda udah dirasukka ba kaki kita, lalu tungkat kita enda tau enda dipegai kita lebuh kita makai. Tu meh Gawai Paska kena kita ngemesaika Aku ti TUHAN.\\n12 Laban Malam nya Aku deka bejalai nengah menua Ejip, lalu munuh semua anak tuai ti lelaki, nyengkaum anak tuai mensia enggau jelu, lalu ngukum semua petara menua Ejip. Aku tu TUHAN.\\n13 Darah ti ba tiang pintu nya deka nyadika kelai kena nandaka rumah alai kita diau. Lebuh Aku meda darah nya, Aku deka ngelaungka kita, lalu enda ngemediska kita, lebuh Aku ngukum orang Ejip.\\n14 “Kita enda tau enda ngintu hari tu nyadika hari gawai, kena kita ngingatka utai ti dikereja Aku ti TUHAN. Intu hari tu nyadika hari gawai belama iya.\\nGawai Roti Ti Enda Beragi\\n15 “Dalam kandang tujuh hari kita semina tau makai roti ti enda beragi. Ba hari ti keterubah, kita enda tau enda muai semua ragi ari rumah kita, laban enti orang bisi ditemu makai roti ti digaga ngena ragi dalam kandang tujuh hari nya, iya deka badu agi dikumbai nembiak Aku.\\n16 Ba hari ti keterubah, enggau ba hari ti ketujuh, kita enda tau enda besembiang bebala mayuh. Kita enda tau gawa ba hari nya, tang semina tau nyendiaka pemakai ke diri empu.\\n17 Intu gawai roti ti enda beragi, laban ba hari tu Aku mai raban bansa kita pansut ari menua Ejip. Nya alai kita enda tau enda ngintu hari tu nyadika hari gawai belama iya.\\n18 Belabuh ari lemai hari ti keempat belas, dalam bulan ti kesatu, ngagai lemai hari ti kedua puluh satu, kita enda tau makai roti ti beragi.\\n19-20 Dalam kandang tujuh hari nya, nadai ragi tau disimpan dalam rumah kita, laban enti orang, nemuka iya nya bansa orang Israel tauka orang bansa bukai, makai roti ti beragi, iya deka badu agi dikumbai nembiak Aku.”\\nGawai Paska Ti Keterubah\\n21 Moses lalu mesanka semua bala tuai orang Israel, lalu bejaku enggau sida, “Pilih anak bedus ke kita sebilik, lalu sayat anak bedus nya kena kita ngintu Gawai Paska.\\n22 Ambi segempung pating isop. Sepuhka pating isop nya ngagai darah ti dalam mangkuk, lalu palitka darah nya ba tiang pintu, enggau ba alang puchuk pintu kita. Nadai orang tau pansut ari rumah nya nyentuk ngagai pagi.\\n23 Laban TUHAN deka mansa lalu munuh orang Ejip; lalu lebuh Iya meda darah ba alang pintu enggau ba dua iti tiang pintu, Iya deka ngelaungka mua pintu nya, lalu enda nyagi Melikat Pemati tama ngagai rumah kita, enggai ke iya munuh kita.\\n24 Kita enggau bala anak kita enda tau enda nitihka atur tu belama iya.\\n25 Lalu lebuh kita datai di menua ti udah disemaya deka diberi TUHAN ngagai kita, kita enda tau enda nitihka atur tu.\\n26 Lalu lebuh bala anak kita nanya ngagai kita, ‘Nama reti atur tu?’\\n27 kita enda tau enda nyaut, ‘Tu piring Gawai Paska TUHAN, laban Iya ngelaungka rumah orang Israel di menua Ejip, lebuh Iya munuh orang Ejip, tang enda munuh kitai.’ “\\nOrang Israel meremika pala lalu nyembah Allah Taala.\\n28 Udah nya sida mupuk, lalu ngereja utai ti udah dipesanka TUHAN ngagai Moses seduai Aron.\\nPemati Anak Tuai\\n29 Ba urung tengah malam, TUHAN munuh semua anak tuai ti lelaki di menua Ejip, belabuh ari anak lelaki raja, ke diadang nganti iya nyadi raja, nyentuk ngagai anak lelaki orang tutup ke disimpan dalam bilik jil ti dalam tanah, enggau semua anak tuai jelu tupi.\\n30 Malam nya, raja, bala pemesai, enggau semua orang Ejip ti bukai angkat magang. Balat amat munyi orang nyabak di serata menua Ejip, laban nadai ruang bilik ti nadai orang mati.\\n31 Malam nya mega raja lalu mesanka Moses seduai Aron, ku iya, “Angkat kita ari tu, seduai enggau orang Israel! Angkat kita ari menua aku. Mupuk kita, lalu sembah TUHAN, munyi ti ku kita.\\n32 Bai jelu bedus, kambin, enggau jelu sapi kita, lalu angkat ari tu. Besampi mega minta berekatka aku.”\\n33 Orang Ejip lalu ngansak orang Israel angkat enggau jampat ari menua nya; laban ku sida, “Enggai ke semua kami abis mati.”\\n34 Nya alai orang Israel lalu mai tekang tepung ti udah ditunyau enda beragi, mungkus kali ti dikena sida ngaga roti, lalu ngesan utai nya.\\n35 Orang Israel udah ngereja utai ti diasuh Moses, lalu udah minta perengka emas enggau perengka pirak, enggau gari, ari orang Ejip;\\n36 lalu TUHAN udah ngasuh orang Ejip rinduka orang Israel, lalu meri sida utai ti dipinta sida. Nya meh chara orang Israel nabanka pengaya orang Ejip.\\nOrang Israel Angkat Ari Menua Ejip\\n37 Orang Israel lalu mupuk bejalai ari Rameses ngagai Sukot. Pemayuh sida kira enam ratus ribu iku lelaki, enda ngitung indu nembiak.\\n38 Orang bansa bukai mega bejalai enggau sida, raban bedus, kambin enggau sapi bejalai enggau sida.\\n39 Lalu sida ngaga roti ti enda beragi ari tekang tepung ti ditunyau enda beragi, ti dibai sida ari menua Ejip, laban sida udah diburu angkat ngenyit ari menua nya, datai ke sida nadai peluang nyendiaka bekal, tauka ngaga roti ti beragi.\\n40 Orang Israel udah diau di menua Ejip empat ratus tiga puluh taun.\\n41 Lalu ba ujung empat ratus tiga puluh taun nya, ba hari nya, semua nembiak TUHAN angkat magang ari menua Ejip.\\n42 Hari endang udah malam lebuh TUHAN ngemataka sida lalu mai sida pansut ari menua Ejip. Nya alai malam nya diserahka ngagai TUHAN belama lama iya nyadika malam alai orang Israel enda tau tinduk, tang bejaga.\\nAdat Gawai Paska\\n43 Ku TUHAN bejaku ngagai Moses seduai Aron, “Tu adat ke Gawai Paska: Orang bansa bukai enda tau makai pemakai Gawai Paska.\\n44 Tang ulun ti udah dibeli kita, tau makai pemakai nya, enti iya udah ditutus.\\n45 Temuai ti diau enda lama enggau kita, tauka orang gaji kita, enda tau makai pemakai nya.\\n46 Semua pemakai nya enda tau enda abis diempa dalam rumah alai pemakai nya udah disediaka. Pemakai nya enda tau dibai pansut ari rumah nya. Lalu anang matahka tulang jelu nya.\\n47 Semua orang Israel enda tau enda ngintu gawai nya.\\n48 Enti temuai deka diau enggau kita, deka enggau kita ngintu Gawai Paska TUHAN, iya enda tau enda ditutus dulu. Udah nya baru iya tau datai enggau ngintu Gawai nya. Iya enda tau enda digaga sebaka enggau orang Israel. Nadai orang ke enda ditutus tau makai pemakai nya.\\n49 Adat tu deka dititihka semua orang ke asal bansa orang Israel, enggau orang bansa bukai ke ngentapka diri diau begulai enggau kita.”\\n50 Semua orang Israel ngasi magang, lalu ngereja utai ti udah dipesanka TUHAN ngagai Moses seduai Aron.\\n51 Lalu ba hari nya TUHAN mai semua orang Israel pansut ari menua Ejip.\\nNyerahka Anak Tuai Ngagai TUHAN\\n2 “Serahka ngagai Aku semua anak tuai kita; genap iku anak tuai orang Israel ti lelaki, nyengkaum anak tuai jelu kita, endang enggi Aku magang.”\\n3 Lalu ku Moses bejaku ngagai orang Israel, “Kingatka hari tu, hari kita pansut ari menua Ejip, alai kita ke udah nyadi ulun, laban TUHAN, ngena pemesai pengering Iya, udah mai kita pansut ari endur tu. Kita enda tau makai roti ti beragi.\\n4 Sehari tu, dalam bulan ti kesatu, iya nya bulan Abip, kita pansut ari menua Ejip.\\n5 TUHAN udah besemaya ngena sumpah ngagai sida aki ini kita, madahka Diri deka meri kita menua orang Kanaan, orang Iti, orang Amor, orang Ibi, enggau orang Jebus. Lebuh Iya mai kita ngagai menua ti kaya sereta ami nya, kita enda tau enda ngintu gawai tu dalam bulan ti kesatu genap taun.\\n6 Dalam kandang tujuh hari kita makai roti ti enda beragi, lalu ba hari ti ketujuh, kita enda tau enda ngintu gawai kena ngemesaika TUHAN.\\n7 Dalam kandang tujuh hari kita enda tau makai roti ti beragi. Kita enda tau naruh ragi dalam kandang menua kita.\\n8 Lebuh gawai nya belabuh, terangka ngagai anak lelaki kita kebuah kita ke begawai. Kita begawai ketegal utai ti udah dikereja TUHAN ti kita, lebuh kita pansut ari menua Ejip.\\n9 Gawai tu deka nyadika pengingat, baka utai ti ditanchangka ba jari, tauka ba kening kita. Gawai tu deka ngasuh kita seruran ngingat sereta belajarka Adat TUHAN, laban TUHAN udah ngena kuasa Iya ti besai mai kita pansut ari menua Ejip.\\n10 Intu gawai tu genap taun ba maya ti udah diletak.\\n11 “TUHAN deka mai kita ngagai menua orang Kanaan, ti udah disemaya Iya ngena sumpah ngagai aki ini kita. Lebuh Iya meri menua nya ngagai kita,\\n12 kita enda tau enda nyerahka anak tuai kita ke lelaki ngagai TUHAN. Genap iku anak tuai jelu kita endang enggi TUHAN,\\n13 tang kita enda tau enda meli ari TUHAN genap iku anak tuai keledai kita ke lelaki, ngena siku anak domba, kena kita nyilih anak keledai nya. Enti kita enggai meli keledai nya pulai baru, patahka rekung iya. Kita enda tau enda meli pulai baru genap iku anak tuai kita ke lelaki.\\n14 Jemah ila, lebuh anak kita nanyaka reti gawai nya, kita deka nyaut iya munyi tu: ‘TUHAN udah ngena kuasa Iya ti besai, mai kitai pansut ari menua Ejip, alai kitai ti udah nyadi ulun.\\n15 Lebuh raja menua Ejip kieh ati, lalu enggai ngelepaska kitai, TUHAN munuh semua anak tuai ti lelaki di menua Ejip, nyengkaum anak mensia enggau anak jelu. Nya kebuah kitai nyerahka genap iku anak tuai jelu ti lelaki nyadika piring ti diberi ngagai TUHAN, tang meli pulai baru anak tuai kitai empu ti lelaki.\\n16 Gawai tu nyadika pengingat kitai, baka reti utai ti ditanchangka kitai ba jari, tauka ba kening kitai. Gawai tu kena kitai ngingatka TUHAN ti udah ngena kuasa Iya ti besai mai kitai pansut ari menua Ejip.’ “\\nTiang Mua Hari Enggau Tiang Api\\n17 Lebuh raja menua Ejip ngelepaska orang Israel, Allah Taala enda nguluka orang Israel nengah jalai ti nebing tasik ngagai menua Pilistin, taja pen jalai nya muntang, laban ku pikir Allah Taala, “Aku enggai ke orang Israel ngubah runding diri, lalu pulai baru ngagai menua Ejip, lebuh sida nemu diri enda tau enda beperang.”\\n18 Nya alai, Iya nguluka sida niti jalai ti melit, nengah menua puang, nuju ngagai Tasik Mirah. Orang Israel endang udah nyendiaka diri deka beperang.\\n19 Moses mai bangkai Josep, nitihka semaya ti udah digaga Josep ngena sumpah enggau orang Israel. Josep udah bejaku munyi tu, “Lebuh Allah Taala ngelepaska kita, kita enda tau enda mai bangkai aku ari endur tu.”\\n20 Orang Israel angkat ari Sukot, lalu nirika kem di Etam, ba tisi menua puang.\\n21 Lebuh siang hari, TUHAN bejalai dulu ari sida dalam gentilang remang, nunjukka jalai ngagai sida, lalu lebuh malam hari, Iya bejalai dulu ari sida, dalam tiang api, meri sida penampak, ngambika sida ulih bejalai siang malam.\\n22 Tiang mua hari nya endang seruran bejalai dulu ari orang Israel lebuh siang hari, lalu tiang api nya seruran di mua sida lebuh malam hari.\\n1 Udah nya TUHAN lalu bejaku ngagai Moses,\\n2 “Asuh orang Israel nikal, lalu nirika kem sida di mua Pi-hahirot, entara Mikdol enggau Tasik Mirah, semak Baal-sepon.\\n3 Raja menua Ejip deka ngumbai orang Israel bejalai segau-segau ngapa di menua nya, diempang menua puang.\\n4 Aku deka ngasuh ati raja kieh, lalu iya deka begagaika kita, lalu Aku deka bulih mulia ngalahka iya enggau bala soldadu iya. Nya baru orang Ejip deka nemu Aku endang TUHAN.” Orang Israel lalu ngereja utai nitihka asuh TUHAN.\\n5 Lebuh orang madahka ngagai raja menua Ejip orang Israel udah rari, iya enggau bala pemesai iya lalu ngubah runding sida. Ku sida, “Nama kebuah kitai nejuka orang Israel rari, lalu badu agi gawa ke kitai!”\\n6 Raja lalu nyendiaka kerita perang iya, lalu ngasuh bala soldadu iya mega sedia.\\n7 Iya lalu mupuk enggau semua kerita perang iya, nyengkaum enam ratus buah kerita perang iya ti pemadu manah, ti diuluka bala pemesai sida.\\n8 TUHAN ngasuh ati raja kieh lalu begagaika orang Israel ti udah gaga ati pansut ari menua Ejip.\\n9 Bala soldadu orang Ejip, enggau semua kuda, kerita perang, enggau orang ke nepan kerita perang, begagaika orang Israel lalu betemu enggau sida ba endur alai orang Israel ke nirika kem ngimbai Tasik Mirah semak Pi-hahirot enggau Baal-sepon.\\n10 Lebuh orang Israel meda raja enggau bala soldadu orang Ejip mansang ngelaban sida, sida takut lalu ngangauka TUHAN, minta Iya nyaup sida.\\n11 Ku sida bejaku enggau Moses, “Kati nuan mai kami ngagai menua puang ngambika kami mati laban menua Ejip nadai pendam? Peda nuan utai ti udah dikereja nuan, mai kami pansut ari menua Ejip!\\n12 Ukai enda tu utai ti dipadahka kami ngagai nuan, ‘Anang ngachau kami, lalu lakka kami nyadi ulun orang Ejip’? Laban manah agi kami nyadi ulun din ari ke mati di menua puang tu.”\\n13 Tang ku Moses bejaku ngagai orang mayuh, “Anang takut! Bediri tegap! Nya baru kita deka meda pengelepas ti deka dikereja TUHAN ti kita sehari tu. Nadai kita ulih meda orang Ejip nya agi.\\n14 TUHAN deka beperang ngarika kita. Kita semina diau jenuh aja.”\\n15 Ku TUHAN bejaku ngagai Moses, “Nama kebuah nuan nyabak minta saup? Asuh orang Israel bejalai.\\n16 Angkatka tungkat nuan, lalu kedarka iya atas tasik. Ai nya deka bebagi, lalu orang Israel ulih bejalai nengah tasik nya nengah tanah ti rangkai.\\n17 Aku deka ngasuh ati orang Ejip kieh, datai ke sida deka mansang ngagai tasik nya, begagaika sida, lalu Aku deka bulih mulia ketegal Aku menang ngelaban raja menua Ejip enggau bala soldadu iya, kerita perang iya, enggau orang ke nepan kerita perang iya.\\n18 Lebuh Aku udah ngalahka sida, nya baru orang Ejip deka nemu Aku endang TUHAN.”\\n19 Melikat TUHAN ti udah bejalai dulu ari bala soldadu orang Israel lalu mindah tunga kebelakang bala orang Israel. Tiang mua hari nya mega mindah lalu\\n20 nyeraraka bala orang Ejip ari bala orang Israel. Pemetang mua hari nya mungkus orang Israel, tang lebuh malam hari iya meri sida penampak. Nya alai semalam-malam nya bala soldadu dua bengkah nya enda ulih datai semak ngagai pangan diri.\\n21 Moses ngedarka jari iya atas tasik nya, lalu TUHAN muputka ai tasik nya ngena ribut ti deras ari timur. Ribut nya muput semalam-malam nya, lalu ngasuh tasik nya rangkai. Ai nya bebagi dua,\\n22 lalu orang Israel bejalai nengah tasik nya nengah tanah ti rangkai. Ai nya nyau bedinding ari sepiak-sepiak sida.\\n23 Orang Ejip lalu begagaika sida nengah tasik nya, mai semua kuda, kerita perang, enggau bala orang ke nepan kerita perang.\\n24 Lebuh hari nyau deka tawas, TUHAN merening ke baruh ari tiang api enggau ari gentilang remang, ngagai bala soldadu orang Ejip, lalu sida begau abis ati.\\n25 TUHAN ngasuh kaki kerita perang sida lekat, ngambika kaki kerita perang sida enda tentu ulih bepusin. Ku orang Ejip bejaku, “TUHAN ti beperang ngelaban kitai ngarika orang Israel. Aram kitai rari ari tu!”\\n26 TUHAN lalu bejaku ngagai Moses, “Kedarka jari nuan atas tasik nya, ngambika ai pulai baru lalu ngelamun orang Ejip enggau kerita perang enggau orang ke nepan kerita perang.”\\n27 Moses lalu ngedarka jari iya atas tasik nya, lalu ba rerak tawas pagi nya, ai nya lalu pulai baru ngenalam iya ti dulu. Orang Ejip nguji ngerarika diri ari ai nya, tang TUHAN nikauka sida ngagai tasik nya.\\n28 Ai tasik nya pulai baru, lalu ngelamun kerita perang, orang ke nepan kerita perang, enggau semua bala soldadu orang Ejip ti udah begagaika orang Israel ngagai tasik nya. Nadai siku sida idup.\\n29 Tang orang Israel bejalai nengah tasik nya nengah tanah ti rangkai, lalu ai nyau bedinding ari sepiak-sepiak sida.\\n30 Nya alai sehari nya TUHAN nyelamatka orang Israel ari orang Ejip, lalu orang Israel meda bangkai orang Ejip nyau betegaring ba sebelah tebing tasik nya.\\n31 Lebuh orang Israel meda pemesai kuasa ti dikena TUHAN ngalahka orang Ejip, sida lalu nangika TUHAN. Sida arapka TUHAN, sereta arapka nembiak Iya, Moses.\\n1 Udah nya Moses enggau orang Israel lalu nyanyi lagu tu kena muji TUHAN: “Aku deka belagu muji TUHAN, laban Iya udah menang. Iya udah nikauka kuda enggau orang ke nepan kuda ngagai tasik.\\n2 TUHAN endang penyaga aku ti kering ti udah ngelepaska aku. Iya Allah Taala aku, lalu aku deka muji Iya ti Allah Taala apai aku, lalu aku deka belagu ngemesaika nama Iya.\\n3 TUHAN endang tau serang. TUHAN meh nama Iya.\\n4 “Iya udah nikauka bala soldadu orang Ejip enggau kerita perang sida ngagai tasik. Bala pemesai soldadu ti berani udah lemas dalam Tasik Mirah.\\n5 Tasik ti dalam udah ngelamun sida. Sida tengelam ngagai buntut tasik baka batu.\\n6 “Jari kanan Nuan, TUHAN, endang bekuasa, ti ngeredakka munsuh.\\n7 Nuan ngena kuasa diraja Nuan ngalahka munsuh Nuan. Pengeringat Nuan mau baka api lalu nunu sida baka jerami.\\n8 Nuan nyepu ngagai tasik, lalu ai betugung tinggi. Ai bediri baka dinding. Buntut tasik nya nyadi tanah ti rangkai.\\n9 Ku munsuh bejaku, ‘Aku deka ngagai lalu nangkap sida; Aku deka magi pengaya sida, lalu ngambi semua utai ti dikedekaka aku. Aku deka nyintak pedang aku, lalu ngambi semua utai ti dikemisi sida.’\\n10 Tang Nuan semina sekali aja ngesuhka seput Nuan, TUHAN, lalu orang Ejip lemas. Sida tengelam baka bangkang ba ai ti balat begelumbang.\\n11 “TUHAN, sapa petara ti sebaka enggau Nuan? Sapa ti sebaka enggau Nuan, ti pemadu bemulia sereta kudus? Sapa ti ulih ngereja kereja ajih, enggau kereja ti nyelai baka ke dikereja Nuan?\\n12 Nuan ngedarka jari kanan Nuan, lalu tanah nelan bala munsuh kami.\\n13 Nuan ingatka semaya Nuan, lalu udah nguluka orang Israel ti udah dilepaska Nuan. Ngena pengering Nuan, Nuan udah ngiring sida ngagai menua Nuan ti kudus.\\n14 Semua bansa udah ninga berita tu, lalu sida getar-getar takut; Orang Pilistin balat takut.\\n15 Bala tuai orang Edom takut. Orang ke kering di Moap nyau getar-getar takut. Orang Kanaan nyau enda berani agi.\\n16 Sida balat takut sereta buyan. Sida meda pengering Nuan, O TUHAN, lalu sida tegir-tegir bediri nadai daya, laban takut datai ke bala nembiak Nuan udah mansa, iya nya orang ke udah dilepaska Nuan ari pengidup sida ke nyadi ulun.\\n17 Nuan mai sida tama, lalu nanam sida ba bukit Nuan, ba endur ti udah dipilih Nuan nyadika endur alai rumah Nuan, iya nya Langkau Kain TUHAN ti udah digaga Nuan Empu.\\n18 Nuan, TUHAN, deka nyadi Raja belama lama iya.”\\n19 Orang Israel bejalai nengah tasik nya nengah tanah ti rangkai. Tang lebuh kerita perang orang Ejip, enggau kuda, enggau orang ke nepan kerita perang sida bejalai nengah tasik nya, TUHAN ngasuh ai nya pulai baru, lalu ngelamun sida.\\n20 Nabi Miriam, menyadi indu Aron, mai tamborin, lalu semua indu ke bukai bela nitihka iya, nebah tamborin sida lalu betanda.\\n21 Ku iya belagu ke sida: “Belagu ke TUHAN, laban Iya udah menang. Iya udah nikauka kuda enggau orang ke nepan kuda ngagai tasik.”\\nAi Ti Pait\\n22 Udah nya Moses lalu nguluka orang Israel angkat ari Tasik Mirah, lalu bejalai ngagai menua puang Sur. Sida bejalai tiga hari nengah menua puang nya, tang nadai tetemuka ai.\\n23 Udah nya sida lalu datai ba endur siti ti dikumbai Marah, tang ai dia pait, lalu sida enda ulih ngirup ai nya. Nya kebuah endur nya dikumbai Marah.\\n24 Orang mayuh lalu mutap ngelaban Moses, lalu nanya ngagai iya, “Nama utai diirup kami?”\\n25 Moses lalu bebendar besampi ngagai TUHAN. TUHAN lalu nunjukka siti repik kayu. Moses lalu nikauka repik kayu nya ngagai ai nya. Ai nya lalu ulih diirup. Nya meh endur alai TUHAN meri sida adat enggau undang-undang, lalu nya mega endur alai Iya nguji sida.\\n26 Ku TUHAN bejaku, “Enti kita deka ngasika Aku enggau pengabis ati kita, ngereja utai ti ngena, sereta ngasika pesan enggau adat Aku, Aku enda ngukum kita ngena penyakit ti udah diasuh Aku ninggang orang Ejip. Aku tu TUHAN ti ngeraika kita.”\\n27 Hari siti sida lalu datai di Elim. Endur nya bisi dua belas iti mata ai, enggau tujuh puluh pun kayu engkerema. Sida lalu nirika kem sida ngimbai ai nya.\\nMana Enggau Burung Empitu\\n1 Semua orang Israel angkat ari Elim, lalu kena lima belas hari bulan, kedua bulan sida udah angkat ari menua Ejip, sida lalu datai di menua puang Sin, ba entara Elim enggau Sinai.\\n2 Lebuh sida di menua puang nya, semua sida mutap ngelaban Moses seduai Aron.\\n3 Ku sida bejaku enggau seduai iya, “Manah agi enti TUHAN udah munuh kami di menua Ejip. Din kami ulih duduk lalu makai dagin, enggau ni pemayuh pemakai bukai ti dikedekaka kami. Tang seduai udah mai kami pansut ngagai menua puang tu, ngambika semua kami mati lapar.”\\n4 TUHAN lalu bejaku ngagai Moses, “Diatu Aku deka ngasuh pemakai labuh ari langit baka ujan ke semua kita. Orang mayuh enda tau enda bejalai tiap hari, lalu ngumpul pemakai chukup ke sehari nya. Nya chara Aku nguji ati sida, kena Aku nemu enti sida deka nitihka atur Aku tauka enggai.\\n5 Ba hari ti keenam, sida enda tau enda mai ngagai kem dua kali mayuh agi ari ti selama, lalu mela utai nya.”\\n6 Moses seduai Aron lalu bejaku enggau semua orang Israel, “Lemai tu kita deka nemu TUHAN Empu udah mai kita pansut ari menua Ejip.\\n7 Pagila kita deka meda mulia TUHAN. Iya udah ninga kita mutap ngelaban Iya. Kita amat mutap ngelaban Iya, laban kami duai semina nitihka atur Iya aja.”\\n8 Ku Moses, “TUHAN Empu ti deka meri kita dagin lebuh lemai hari, enggau sepemayuh roti ti dikedekaka kita lebuh pagi hari, laban Iya udah ninga kita balat amat mutap ngelaban Iya, laban lebuh kita mutap ngelaban kami duai, iya ti bendar, kita mutap ngelaban TUHAN.”\\n9 Ku Moses bejaku enggau Aron, “Asuh semua orang mayuh datai lalu bediri di mua TUHAN, laban Iya udah ninga jaku putap sida.”\\n10 Lebuh Aron benung bejaku ngagai semua orang Israel, sida lalu nguing tunga ngagai menua puang. Tekala nya mulia TUHAN lalu pegari ba remang.\\n11 Lalu ku TUHAN bejaku ngagai Moses,\\n12 “Aku udah ninga jaku putap orang Israel. Padahka ngagai sida, lebuh lemai hari, sida deka makai dagin, lalu lebuh pagi hari, sida deka makai roti ngemayuh ti dikedekaka sida. Nya baru sida deka nemu Aku tu TUHAN Allah Taala sida.”\\n13 Lebuh lemai hari, mayuh amat burung empitu terebai ngagai kem, chukup kena mungkur kem nya, lalu lebuh pagi hari, ambun nurun ngelingi kem nya.\\n14 Lebuh ambun nya udah lesap, utai ti mipis baka tisik ikan sereta alus baka ais, bisi tinggal ba tanah di menua puang nya.\\n15 Lebuh orang Israel meda utai nya, sida enda ngelala utai nya, lalu sida betanya ngagai pangan diri, ku sida, “Nama utai nya?” Ku Moses bejaku enggau sida, “Tu meh pemakai ti diberi TUHAN ngagai kita.\\n16 TUHAN udah bejaku ngasuh genap iku kita ngumpul sepemayuh ti dipeguna kita sebilik, dua liter ke siku-siku kita.”\\n17 Orang Israel lalu ngumpul utai nya. Sekeda sida ngumpul mayuh agi, sekeda mimit agi.\\n18 Lebuh sida nakar utai nya, orang ke ngumpul mayuh agi, nadai bulih kelalu mayuh, lalu orang ke ngumpul mimit agi, nadai bulih kelalu mimit. Genap iku sida udah ngumpul nyampau ti dipeguna sida siku-siku.\\n19 Ku Moses bejaku enggau sida, “Nadai siku kita tau ngalau utai nya ke pagila.”\\n20 Tang sekeda ari bala sida enda mendingka Moses, lalu ngalau utai nya. Pagi hari siti, utai nya nyau penuh laban ulat, lalu bebau but. Moses lalu ringat ngagai sida.\\n21 Genap pagi, siku-siku sida ngumpul nyampau ti dipeguna sida. Lebuh hari nyau angat, utai nya ti agi tinggal ba tanah, luluh magang.\\n22 Ba hari ti keenam, sida ngumpul dua kali mayuh agi, empat liter ke genap iku sida. Semua tuai orang Israel datai lalu madahka pasal utai nya ngagai Moses,\\n23 lalu ku iya bejaku enggau sida, “TUHAN udah ngeletak pagila nyadi hari ti kudus alai kitai diau, hari ti diserahka kitai ngagai Iya. Panggang sehari tu utai ti deka dipanggang kita, lalu panduk utai ti deka dipanduk kita. Laluh utai nya patut digalau, lalu ditaruh ke pagila.”\\n24 Munyi ti udah diasuh Moses, sida lalu ngalau utai ti laluh ke pagi hari siti. Utai nya enda bari, lalu enda mega diempa ulat.\\n25 Ku Moses, “Empa utai nya sehari tu, laban tu Hari Sabat, hari kitai diau, ti diserahka kitai ngagai TUHAN. Nadai kita nemu pemakai nya di luar kem.\\n26 Kita enda tau enda ngumpul pemakai dalam enam hari, tang ba hari ti ketujuh, iya nya hari kitai diau, utai nya nadai.”\\n27 Ba hari ti ketujuh, sekeda orang pansut, deka ngumpul pemakai nya, tang sida nadai tetemuka utai nya.\\n28 Udah nya TUHAN lalu bejaku ngagai Moses, “Ni pengelama kita agi mengkang enggai ngasika pesan Aku?\\n29 Kita enda tau enda ingat, Aku ti TUHAN, udah meri kita hari alai kita diau. Nya kebuah ba hari ti keenam, Aku deka seruran meri kita pemakai chukup ke dua hari. Semua orang enda tau enda diau ba hari ti ketujuh, lalu enda mindah ari rumah.”\\n30 Nya alai, orang Israel enda gawa ba hari ti ketujuh.\\n31 Orang Israel ngumbai pemakai nya mana. Utai nya mit, baka leka telasih, sereta bechura burak. Asai iya sebaka enggau asai roti ti digaga ngena ai manyi.\\n32 Ku Moses bejaku, “TUHAN udah bejaku ngasuh kitai ngalau sekeda mana nya, ngambika bisi disimpan ke anak uchu kitai, ngambika sida ulih meda pemakai ti udah diberi TUHAN ngagai kitai di menua puang tu, lebuh Iya mai kitai pansut ari menua Ejip.”\\n33 Ku Moses bejaku enggau Aron, “Ambi sigi kebuk, engkahka dua liter mana dalam kebuk nya, lalu engkahka kebuk nya di mua TUHAN, ngambika ditaruh ke peturun kitai.”\\n34 Munyi ti udah dipesanka TUHAN ngagai Moses, Aron lalu ngengkahka utai nya di mua Peti Lampang Batu Adat, lalu ditaruh dia.\\n35 Orang Israel makai mana empat puluh taun, nyentuk ngagai maya sida datai di menua Kanaan, alai sida ke ngentapka diri.\\n36 (Takar ti dikena lebuh maya nya, sebaka enggau dua puluh liter.)\\n1 Semua orang Israel lalu angkat ari menua puang Sin, mindah ari endur siti ngagai endur siti, nitihka asuh TUHAN. Sida nirika kem sida di Repidim, tang endur nya nadai ai.\\n2 Sida lalu mutap ngagai Moses, ku sida, “Beri kami ai irup.”\\n3 Tang orang Israel balat amat aus, lalu sida majak mutap ngagai Moses. Ku sida, “Nama kebuah nuan mai kami pansut ari menua Ejip? Kati nuan deka ngasuh kami, anak kami enggau jelu tupi kami mati aus?”\\n4 Moses lalu bebendar besampi ngagai TUHAN. Ku iya, “Nama utai ti ulih dikereja aku ke sida tu? Sida nyau sedia deka nuku aku ngena batu.”\\n5 TUHAN lalu bejaku ngagai Moses, “Bai sekeda tuai orang Israel enggau nuan, lalu bejalai dulu ari bala mayuh. Bai tungkat ti udah dikena nuan malu ai Sungai Nile.\\n6 Aku deka bediri di mua nuan ba sigi batu ba Bukit Sinai. Palu batu nya, lalu ai deka pansut ari batu nya, ngambika bisi diirup orang mayuh.” Moses lalu malu batu nya di mua bala tuai orang Israel.\\n7 Endur nya lalu dikumbai Masah enggau Meribah, laban orang Israel mutap sereta nguji TUHAN, lebuh sida nanya, “Kati TUHAN bisi enggau kitai, tauka nadai?”\\n8 Orang bansa Amalek datai lalu nyerang orang Israel di Repidim.\\n9 Moses lalu bejaku enggau Josua, “Pilih sekeda orang ke lelaki, lalu serang orang Amalek nya pagila. Aku deka bediri ba munggu, megai tungkat ti diasuh Allah Taala bai aku.”\\n10 Josua lalu ngereja nitihka asuh Moses, lalu mansang nyerang orang Amalek. Moses, Aron enggau Hur lalu niki ngagai tuchung munggu sigi.\\n11 Seagi-agi Moses ngedarka lengan iya, orang Israel menang, tang lebuh iya nurunka lengan iya, orang Amalek belabuh menang.\\n12 Lebuh lengan Moses nyau lelak, Aron seduai Hur lalu mai sigi batu alai Moses duduk, lalu seduai iya bediri ngimbai iya, lalu nuatka lengan iya enda engkebut nyentuk ngagai padam mata panas.\\n13 Nya jalai Josua ngalahka orang Amalek.\\n14 Udah nya TUHAN bejaku ngagai Moses, ku Iya, “Tuliska jerita pasal pemenang tu, ngambika pemenang tu dikingatka. Padahka ngagai Josua, Aku deka ngeluska semua orang Amalek.”\\n15 Moses lalu ngaga siti alta, lalu ngumbai alta nya, “TUHAN Nyadika Menira Aku.”\\n16 Ku Moses, “Tuatka tinggi menira TUHAN! TUHAN deka majak ngelaban genap serak orang Amalek!”\\n1 Jetro, mentua Moses ti lelaki, ti nyadi imam orang Midian, bisi ninga pasal semua utai ti udah dikereja Allah Taala ke Moses, enggau ke orang Israel, lebuh TUHAN mai sida pansut ari menua Ejip.\\n2 Nya alai Jetro nemuai ngagai Moses, mai Sipora, bini Moses ke tinggal di menua,\\n3 enggau anak lelaki iya ke dua iku, Gersom seduai Elieser. (Moses udah nyebut, “Aku udah nyadi orang kampar di menua ti nyelai.” Nya kebuah iya meri anak iya nama Gersom.\\n4 Iya bisi mega udah nyebut, “Allah Taala apai aku udah nyaup aku lalu ngelepaska aku ari pedang raja menua Ejip.” Nya alai iya meri nama Elieser ngagai anak lelaki iya ke siku.)\\n5 Jetro, bini Moses enggau anak Moses ke dua iku lalu nemuai ngagai Moses di menua puang ba endur alai Moses ti udah nirika kem, ba bukit ti kudus nya.\\n6 Jetro udah ngirumka pesan ngagai Moses madahka sida deka nemuai ngagai iya.\\n7 Moses lalu mansang ngambat Jetro, meremi di mua iya, lalu nyium iya. Sida lalu betanyaka pasal pangan diri, lalu udah nya mansang ngagai langkau kain Moses.\\n8 Moses lalu madahka semua utai ti udah dikereja TUHAN ngagai raja enggau ngagai orang Ejip, kena TUHAN ngelepaska orang Israel. Moses mega madahka pasal pemerinsa pengidup orang Israel di rantau jalai, enggau chara TUHAN udah ngelepaska sida.\\n9 Lebuh Jetro ninga semua berita nya, ati iya lantang\\n10 lalu ku iya bejaku, “Pujika TUHAN, ti udah ngelepaska nuan ari raja orang Ejip enggau ari nembiak iya! Pujika TUHAN, ti udah ngelepaska nembiak Iya ti nyadi ulun!\\n11 Diatu baru aku nemu TUHAN lebih agi bekuasa ari semua petara, laban Iya udah ngelepaska orang Israel ari kuasa orang Ejip, lebuh orang Ejip sumbung enggau orang Israel.”\\n12 Udah nya Jetro lalu ngenjuk piring tunu segala, enggau piring ti bukai, ngagai Allah Taala. Aron enggau semua tuai orang Israel lalu datai sama enggau iya, deka makai pemakai ti kudus nya di mua Allah Taala.\\n13 Pagi hari siti, Moses ngatur pechara orang Israel, lalu iya kiruh ngereja pengawa nya berengkah ari pagi nyentuk ngagai malam.\\n14 Lebuh Jetro meda semua utai ti dikereja Moses ke orang Israel, iya lalu bejaku, “Nama utai nya ti dikereja nuan ke orang mayuh? Nama kebuah nuan ngereja nya kediri, lalu orang mayuh bediri ditu berengkah ari pagi nyentuk ngagai malam?”\\n15 Disaut Moses, “Laban sida datai ngagai aku keran deka nemu peneka Allah Taala.\\n16 Lebuh sida bisi laya enggau pangan diri, sida datai ngagai aku, lalu aku ngatur sapa sida ke ngena enggau ke salah, lalu aku madahka adat enggau atur Allah Taala ngagai sida.”\\n17 Udah nya Jetro lalu bejaku, “Chara nuan ngereja nya enda manah.\\n18 Nuan enggau orang ke datai ngagai nuan semina ngelelakka diri empu aja. Pengawa tu kelalu berat ke nuan. Nuan enda ulih ngereja pengawa tu kediri.\\n19 Dingaka jaku aku; aku deka meri nuan jaku lalau, lalu Allah Taala deka meruan enggau nuan. Nuan nyadika pengari orang mayuh di mua Allah Taala, lalu mantaika laya sida di mua Iya;\\n20 lalu nuan patut ngajar sida adat enggau atur Allah Taala, lalu nerangka ngagai sida chara jalai idup, enggau utai ti patut dikereja sida.\\n21 Nuan patut mega milih orang ke landik ari semua orang Israel, orang ke nangika Allah Taala, orang ke tau dikarapka, ke enggai makai suap; lalu asuh sida nyadi tuai megai beribu iku, beratus iku, ngelima puluh iku enggau bepuluh iku orang.\\n22 Awakka sida bekereja tetap nyadi hakim ke orang mayuh. Sida tau mai semua pekara ti mar ngagai nuan, tang sida empu patut ngatur semua pekara ti mit. Chara tu deka ngasuh pengawa nuan lempung agi, laban sida bisi nyaup nuan ngereja pengawa nya.\\n23 Enti nuan ngereja nya, nitihka pesan Allah Taala, nya baru nuan deka tan ngereja pengawa, lalu semua orang tu pulai ngagai endur sida empu mai pemaik.”\\n24 Moses mendingka ajar mentua iya, lalu ngereja semua utai ti diasuh iya.\\n25 Moses milih orang ke landik ari semua orang Israel, lalu ngasuh sida nyadi tuai megai orang mayuh, megai beribu, seratus, lima puluh, enggau sepuluh iku orang.\\n26 Sida bekereja tetap nyadi hakim ke orang mayuh; sida mai pekara ti mar ngagai Moses, tang sida ngatur pekara ti mit. 27 Udah nya, Moses meri selamat tinggal ngagai Jetro. Jetro lalu pulai ngagai menua iya empu.\\n1-2 Orang Israel lalu angkat ari Repidim, lalu kena satu hari bulan, ketiga bulan sida udah pansut ari menua Ejip, sida lalu datai di menua puang Sinai. Dia sida lalu nirika kem, ba kaki Bukit Sinai.\\n3 Moses lalu niki ngagai bukit nya, mansang ngagai Allah Taala. TUHAN lalu ngangauka Moses ari bukit nya, ku Iya, “Sebut munyi tu ngagai peturun Jakop, lalu padahka ngagai orang Israel:\\n4 Kita udah meda utai ti udah dikereja Aku ngagai orang Ejip, enggau chara Aku mai kita baka menaul ngagai Aku Empu.\\n5 Nya alai, enti kita deka ngasika Aku, lalu nitihka sempekat Aku, kita deka nyadi nembiak Aku, ke dipilih Aku ari semua bansa di dunya; laban semua dunya tu endang enggi Aku.\\n6 Kita deka nyadi bansa ti diserahka ngagai Aku nyadi perintah imam, bansa ti kudus. Nya meh leka jaku ti deka disebut nuan ngagai orang Israel.”\\n7 Moses lalu nurun lalu ngempuruka bala tuai orang mayuh, lalu madahka ngagai sida semua utai ti udah diasuh TUHAN kereja iya.\\n8 Semua orang Israel lalu nyaut sama sereta. Ku sida, “Kami deka ngereja semua utai ti udah disebut TUHAN.” Moses lalu madahka jaku sida ngagai TUHAN.\\n9 Lalu ku TUHAN bejaku ngagai Moses, “Aku deka datai ngagai kita dalam mua hari ti tebal, ngambika orang mayuh ninga Aku bejaku enggau nuan, lalu arapka nuan belama iya.” Moses lalu madahka ngagai TUHAN saut orang mayuh,\\n10 lalu ku TUHAN bejaku ngagai iya, “Alai nuan mansang ngagai orang mayuh, lalu asuh sida nuchi diri sehari tu enggau pagila, lalu asuh sida masu gari sida,\\n11 ngambika ba hari ti ketiga sida udah chukup sedia; laban ba hari nya Aku deka nurun ngagai Bukit Sinai, dipeda semua orang mayuh.\\n12 Lalu nuan deka ngaga garis ngelingi bukit nya, lalu bejaku ngagai orang mayuh munyi tu, ‘Bejimat kita, enggai ke kita niki ngagai bukit nya, tauka negu kaki bukit nya. Barang sapa negu bukit nya deka dibunuh.\\n13 Nadai orang tau negu orang ke negu bukit nya, tang iya deka dituku ngena batu, tauka ditimbak ngena laja. Nemuka utai nya jelu tauka mensia, iya enda tau ditejuka idup.’ Lebuh terumpit ti penudi nya disepu, nya baru sida tau niki ngagai bukit nya.”\\n14 Udah nya Moses nurun ari bukit nya mansang ngagai orang mayuh, lalu nyerahka sida ngagai Allah Taala; sida lalu masu gari sida.\\n15 Lalu ku Moses bejaku ngagai sida, “Kita enda tau enda udah chukup sedia ba hari ti ketiga; lalu anang beleman enggau indu.”\\n16 Pagi hari ti ketiga, guntur enggau kilat lalu mangka ba bukit nya. Mua hari ti tebal pegari ba atas bukit nya, lalu munyi terumpit ti inggar bisi didinga. Semua orang dalam kem nya nyau getar-getar takut.\\n17 Moses lalu nguluka sida pansut ari kem mansang betemu enggau Allah Taala, lalu sida bediri ba kaki bukit nya.\\n18 Semua Bukit Sinai abis dibalut asap, laban TUHAN udah nurun ngagai bukit nya dalam daun api. Asap nya niki ke atas baka asap ti pansut ari serumbung api, lalu semua orang balat amat getar-getar takut.\\n19 Lebuh munyi terumpit nya majak inggar se-inggar, Moses bejaku, lalu Allah Taala nyaut iya ngena guntur.\\n20 TUHAN lalu nurun ngagai Bukit Sinai, lalu ngangauka Moses, ngasuh iya niki ngagai tuchung bukit nya. Moses lalu niki.\\n21 Lalu ku TUHAN bejaku ngagai iya, “Alai nuan nurun, lalu beri jaku tangkan ngagai orang mayuh, enggai ke sida meraka garis mansang meda Aku lalu mati.\\n22 Indah bala imam ke datai semak ngagai Aku, deh enda tau enda nuchi diri empu, enggai ke TUHAN ngukum sida.”\\n23 Ku Moses bejaku ngagai TUHAN, “Orang mayuh enda ulih niki ngagai Bukit Sinai, laban Nuan udah bejaku ngagai kami, ku Nuan, ‘Gaga garis ngelingi bukit nya, lalu kuduska bukit nya.’ “\\n24 Ku TUHAN nyaut Moses, “Alai nuan nurun, lalu pulai kitu baru, mai Aron; tang anang nejuka bala imam enggau orang mayuh meraka garis nya mansang ngagai TUHAN, enggai ke Iya ngukum sida.”\\n25 Moses lalu nurun ngagai orang mayuh, lalu madahka utai ti udah disebut TUHAN.\\n1 Allah Taala lalu bejaku munyi tu,\\n2 “Aku tu TUHAN Allah Taala kita ke udah mai kita pansut ari menua Ejip, alai kita ke udah nyadi ulun.\\n3 “Anang nyembah petara bukai tang semina Aku aja.\\n4 “Anang ngaga engkeramba ke diri empu neladan gamal utai ti di langit, tauka utai ti ba tanah, tauka utai ti dalam ai, tauka utai ti di baruh tanah.\\n5 Anang meremi ngagai engkeramba, tauka nyembah sida, laban Aku tu TUHAN Allah Taala ti chemburu. Aku ngukum tiris pantis orang ngagai ketiga enggau keempat serak ketegal penyalah aki ini sida ke nulak Aku,\\n6 tang mandangka pengerindu ti meruan belama iya ngagai beribu-ribu serak ti rinduka Aku lalu ngasika pesan Aku.\\n8 “Intu Hari Sabat, lalu gaga iya nyadi hari ti kudus.\\n9 Kita bisi enam hari alai kita gawa,\\n10 tang hari ti ketujuh nya diserahka nyadi Hari Sabat ngagai TUHAN Allah Taala kita; ba hari nya kita enda tau gawa, kita empu, anak kita, ulun kita, jelu kita, tauka orang bansa bukai ke diau di menua kita;\\n11 laban dalam enam hari TUHAN udah ngaga tanah, langit, tasik, enggau semua utai ti dalam sida, lalu belelak ba hari ti ketujuh. Nya kebuah TUHAN merekatka Hari Sabat, lalu ngaga hari nya tuchi.\\n18 Lebuh orang mayuh ninga guntur enggau terumpit, lalu meda kilat, enggau bukit ti berasap, sida getar-getar takut, lalu bediri ari jauh.\\n19 Ku sida bejaku ngagai Moses, “Enti nuan bejaku enggau kami, kami deka mending, tang enti Allah Taala bejaku ngagai kami, kami takut, enggai ke kami mati.”\\n20 Disaut Moses, “Anang takut. Allah Taala semina datai laban Iya deka nguji kita, ngambika kita seruran nangika Iya, lalu enda agi bedosa.”\\n21 Tang orang mayuh mengkang bediri ari jauh. Semina Moses siku aja mansang semak ngagai mua hari ti tebal nya, ngagai endur alai Allah Taala.\\n22 Lalu ku TUHAN bejaku ngagai Moses, “Sebut ngagai orang Israel: ‘Kita empu udah meda chara Aku ti TUHAN udah bejaku ngagai kita ari serega.\\n23 Anang ngaga ke diri empu petara ari pirak, tauka ari emas, lalu anang nyembah sida kelimpah ari nyembah Aku.\\n24 Gaga siti alta ngena tanah ke Aku, lalu ba alta nya, beri jelu bedus kita, enggau jelu sapi kita nyadika piring tunu, sereta enggau nyadika piring pemaik. Aku deka datai ngagai kita, lalu merekatka kita, ba semua endur ti ditaga Aku alai kita deka nyembah Aku.\\n25 Enti kita ngaga alta ari batu ke Aku, anang ngaga iya ari batu ti dipansap, laban lebuh kita ngaga batu nya ngena pat, kita ngamahka batu nya.\\n26 Lalu anang ngaga tangga kena niki ngagai alta Aku, enggai ke kita ngayanka tubuh diri lebuh kita niki tangga nya.’\\n1 “Beri adat tu ngagai orang Israel:\\n2 Enti kita meli orang Hebrew nyadi ulun kita, iya deka bekereja ke kita enam taun. Dalam taun ti ketujuh, iya enda tau enda dilepaska, lalu iya enda ibuh mayar kita.\\n3 Enti iya agi bujang lebuh iya nyadi ulun kita, iya enda tau mai bini iya lebuh iya angkat ari nya. Tang enti iya endang udah bebini lebuh iya nyadi ulun kita, iya tau angkat mai bini iya.\\n4 Enti tuan iya meri iya bini, lalu bini iya nya ngadaka anak lelaki tauka anak indu, bini iya nya enggau anak iya sama diempu tuan iya, lalu lelaki nya angkat ari nya kediri.\\n5 Tang enti ulun nya madahka diri rinduka tuan iya, rinduka bini iya, enggau ke anak iya, lalu enggai dilepaska,\\n6 tuan iya enda tau enda mai iya ngagai endur alai nyembah Allah Taala. Dia iya deka ngasuh ulun nya bediri ngimbai pintu tauka tiang pintu, lalu nanchum pending iya ngena siti pekekas, lalu iya deka nyadi ulun seumur idup.\\n7 “Enti orang nyual anak indu iya nyadi ulun, indu nya enda tau dilepaska, baka ke ngelepaska ulun ti lelaki.\\n8 Enti indu nya dijual ngagai orang ke deka ngambi iya nyadi bini, tang lelaki nya enda rinduka iya, indu nya tau ditebus pulai baru. Tuan iya enda tau nyual iya ngagai orang bansa bukai, laban tuan iya udah enda manah enggau iya.\\n9 Enti apai meli ulun ti indu lalu meri indu nya ngagai anak lelaki iya, apai lelaki nya enda tau enda ngaga indu nya baka anak iya empu.\\n10 Enti anak lelaki nya deka bebini dua, iya enda tau enda, baka selama, majak meri pemakai, gari enggau hak ngagai bini iya ti keterubah.\\n11 Enti iya enda ngereja tanggungjawap nya ngagai bini iya, iya enda tau enda ngelepaska bini iya pechuma lalu nadai nerima bayar.\\n12 “Barang sapa malu orang, lalu orang nya mati, orang ke malu iya nya deka dibunuh.\\n13 Tang enti iya tekelanjur munuh orang nya, lalu ukai sengaja deka munuh iya, iya tau rari ngagai siti endur ti deka dipilih Aku ke kita. Dia orang nya tau diau likun.\\n14 Tang lebuh orang ringat lalu sengaja munuh orang, iya deka dibunuh, taja pen iya rari ngagai alta Aku ngiga pengelikun.\\n15 “Barang sapa malu apai diri, tauka indai diri, deka dibunuh.\\n18-19 “Enti orang belaya, lalu siku ari seduai nya nuku pangan ngena batu, tauka mukut iya, tang enda munuh iya, orang nya enda patut diukum bunuh. Enti orang ke dituku tauka dibukut nya sakit, tang udah lepas nya tau angkat lalu bejalai ke luar ngena tungkat, orang ke nuku tauka mukut iya enda tau enda mayar pengerugi hari iya ti enda gawa, lalu ngintu iya datai ke iya gerai.\\n20 “Enti orang ke bempu ulun malu ulun iya ngena kayu, nemuka ulun nya lelaki tauka indu, lalu ulun nya mati terus, orang ke bempu ulun nya deka diukum.\\n21 Tang enti ulun nya enda mati dalam sehari tauka dua hari, tuan ke bempu ulun nya enda kena ukum, laban pemati ulun iya, ke endang reta tengkira iya empu, chukup nyadika ukum iya.\\n22 “Enti orang lelaki belaya, lalu ngemediska siku indu ke ngandung, lalu indu nya lenyau kandung, tang nadai pedis nama-nama kelimpah ari ke lenyau kandung, orang ke ngemediska iya enda tau enda diasuh mayar ukum nitihka pinta laki indu nya, sereta dikemendarka bala hakim.\\n23 Tang enti indu nya bakal, ukum ti dikena nya: nyawa balas nyawa,\\n24 mata balas mata, ngeli balas ngeli, jari balas jari, kaki balas kaki,\\n25 betu balas betu, telih balas telih, malui balas malui.\\n26 “Enti orang malu ulun ti lelaki tauka ulun ti indu ba mata, lalu mata iya buta ketegal nya, orang nya enda tau enda ngelepaska ulun nya, laban mata iya sepiak udah buta.\\n27 Enti iya matahka sigi ngeli ulun iya, iya enda tau enda ngelepaska ulun iya nya, laban ulun iya udah patah ngeli.\\n28 “Enti sapi ti lelaki nanduk orang, lalu orang nya mati laban sapi nya, jelu nya enda tau enda dituku ngena batu, lalu isi iya enda tau diempa, tang orang ke bempu iya enda kena ukum.\\n29 Tang enti sapi nya selalu nanduk orang, lalu orang ke bempu iya udah diberi jaku tangkan, tang enda ngandang jelu nya - enti jelu nya nanduk orang, lalu orang ke ditanduk iya mati, jelu nya enda tau enda dituku ngena batu, lalu orang ke bempu jelu nya mega dibunuh.\\n30 Tang enti orang ke bempu jelu nya dipinta mayar ukum kena iya nebus nyawa diri, iya enda tau enda mayar semua duit tebus ti dipinta.\\n31 Enti sapi ti lelaki nya nanduk nembiak ti lelaki tauka indu, adat tu deka mega dikena.\\n32 Enti sapi ti lelaki nya nanduk ulun ti lelaki tauka indu, orang ke bempu sapi nya enda tau enda mayar orang ke bempu ulun nya tiga puluh singkap duit pirak, lalu sapi nya deka dituku ngena batu datai ke iya mati.\\n33 “Enti orang enda nutup mua lubang kebung, tauka enti orang numbak lubang kebung lalu enda nutup mua lubang kebung nya, lalu jelu sapi ti lelaki tauka keledai labuh ngagai lubang nya,\\n34 orang ke bempu lubang kebung nya enda tau enda mayar rega jelu nya. Iya enda tau enda mayar duit nya ngagai orang ke bempu jelu nya, lalu iya tau bempu bangkai jelu nya.\\n35 Enti sapi ti lelaki, ti diempu orang siku, bisi nyayat sapi ti lelaki orang bukai, seduai iya enda tau enda nyual sapi ti lelaki ti agi idup nya, lalu bedua rega sapi nya. Seduai iya tau mega bedua dagin jelu ti udah mati nya.\\n36 Tang enti jelu nya endang ditemu selalu deka nanduk sapi bukai, lalu orang ke bempu iya enda ngandang iya, orang nya enda tau enda meri siku sapi ti lelaki ti idup ngagai orang ke bempu sapi ti mati nya, kena nganti pengerugi iya, lalu tau bempu bangkai jelu nya.\\nAdat Pasal Bebayar\\n1 “Enti orang ngenchuri sapi, tauka bedus, lalu munuh jelu nya, tauka nyual iya, iya enda tau enda mayar sapi nya ngena lima iku sapi, tauka empat iku bedus kena mayar siku bedus.\\n2-4 Iya enda tau enda mayar utai ti udah dichuri iya. Enti iya nadai utai kena mayar, iya deka dijual nyadi ulun kena mayar utai ti udah dichuri iya. Enti jelu ti udah dichuri iya, nemuka jelu nya sapi, keledai tauka bedus, bisi ditemu agi idup ba jari iya, iya enda tau enda mayar ngena dua iku jelu, ke genap iku jelu ti dichuri iya.\\n“Enti penchuri kena tangkap tama ngagai rumah orang lebuh malam hari, lalu iya mati dibunuh, orang ke munuh iya enda dikumbai salah. Tang enti utai nya nyadi lebuh siang hari, orang ke munuh iya deka dikumbai salah.\\n5 “Enti orang nejuka jelu iya ngulam ba padang, tauka ba kebun anggur, lalu jelu nya mawa lalu ngulam utai ti ditanam ba umai orang bukai, orang ke bempu jelu nya enda tau enda mayar pengerugi orang ke bempu umai nya, ngena utai ari umai iya empu, tauka ari kebun anggur iya empu.\\n6 Enti orang nyelup api ba tanah iya empu, lalu api nya nyerarai ngagai umai orang bukai, lalu nganguska gandum ti tumbuh dia, tauka gandum ti udah diketau lalu ditugungka dia, orang ke nyelup api nya enda tau enda mayar utai ti rusak nya.\\n7 “Enti orang besetuju nyimpan utai ke pangan iya, nemuka utai nya duit, tauka utai ti berega, lalu utai nya kena churi ari rumah iya, penchuri nya, enti iya ditemu, enda tau enda mayar dua kali lipat.\\n8 Tang enti penchuri nya enda ditemu, orang ke nyimpan utai ti berega nya enda tau enda dibai ngagai endur alai besembiang, lalu iya enda tau enda besumpah dia, madahka diri nadai ngenchuri utai pangan iya nya.\\n9 “Dalam semua laya pasal pesaka, nemuka laya nya pasal jelu sapi, keledai, bedus, gari, tauka sebarang utai bukai ti lenyau, orang dua iku ke berebutka pesaka nya enda tau enda dibai ngagai endur alai besembiang. Orang ke dikumbai Allah Taala salah enda tau enda mayar dua kali lipat ngagai orang ke enggau iya berebutka pesaka nya.\\n10 “Enti orang besetuju nyimpan keledai, sapi, bedus, tauka jelu bukai, ke pangan iya, lalu udah nya jelu nya mati, tauka bebadi, tauka ditabanka munsuh, lalu orang bukai pen nadai mega meda utai nya nyadi,\\n11 orang ke nyimpan jelu nya enda tau enda mansang ngagai endur alai besembiang, lalu besumpah madahka diri nadai ngenchuri tauka munuh jelu nya, lalu orang ke bempu jelu nya deka betanggungjawapka pengerugi diri empu, lalu pangan iya ke nyimpan jelu nya enda ibuh mayar iya.\\n12 Tang enti jelu nya udah kena churi, orang ke nyimpan jelu nya enda tau enda mayar orang ke bempu jelu nya.\\n13 Enti jelu nya mati laban jelu babas, orang ke nyimpan jelu nya enda tau enda mai teda bangkai jelu nya kena nandaka jelu nya udah mati laban jelu babas, lalu iya enda ibuh bebayar ke jelu nya.\\n14 “Enti orang nginjau jelu ari pangan iya, lalu jelu nya bebadi tauka mati lebuh orang ke bempu jelu nya nadai dia, orang ke nginjau jelu nya enda tau enda mayar rega jelu nya enggau penuh.\\n15 Tang enti utai nya nyadi lebuh orang ke bempu jelu nya bisi dia, orang ke nginjau jelu nya enda ibuh mayar rega jelu nya. Enti jelu nya disua, semina suaka jelu nya aja ti patut dibayar.\\nAdat Jalai Idup Enggau Adat Pengarap\\n16 “Enti lelaki nipu indu dara bungas, ti enda betunang, lalu bulih tubuh iya, lelaki nya enda tau enda meri derian, lalu jadi enggau indu nya.\\n17 Tang enti apai indu nya enda ngemendarka lelaki nya jadi enggau indu nya, lelaki nya enda tau enda meri apai indu nya duit nyampau derian ti diberi ngagai indu ke agi dara bungas.\\n18 “Bunuh indu ke ngereja keramat.\\n19 “Bunuh orang ke beleman enggau jelu.\\n20 “Bunuh barang sapa ngenjuk piring ngagai petara bukai, kelimpah ari ke ngenjuk piring ngagai Aku ti TUHAN.\\n21 “Anang merinsa tauka nekanka pengidup orang kampar. Kingatka kita empu ti udah nyadi orang kampar di menua Ejip.\\n22 Anang merinsaka indu ke balu enggau orang ke nadai apai indai.\\n23 Enti kita merinsa tauka nekanka pengidup sida, Aku ti TUHAN, deka nyaut kangau sida,\\n24 lalu Aku deka ringat lalu munuh kita ngena pedang. Bini kita deka balu, lalu anak kita nadai agi apai.\\n25 “Enti kita nyali duit ngagai bala nembiak Aku ke seranta, anang baka orang ke bejalika duit, lalu minta sida mayar bungai duit nya.\\n26 “Enti kita ngambi baju panjai ari pangan kita nyadika gadai utang iya, kita enda tau enda mulaika baju nya ngagai iya baru sebedau padam mata panas,\\n27 laban semina baju nya aja ti dikemisi iya kena iya bebungkur. Nama utai bukai kena iya bebungkur lebuh iya tinduk? Lalu lebuh iya nyabak ngangauka Aku, Aku deka mending, laban Aku amat kasih.\\n28 “Anang bejaku jai pasal Allah Taala, lalu anang nyumpah tuai bansa kita.\\n29 “Beri ngagai Aku piring gandum, wain, enggau ari minyak kana kita, ba maya ti udah diletak. “Serahka anak tuai kita ke lelaki ngagai Aku.\\n30 Serahka anak tuai jelu sapi kita, enggau bedus kita ngagai Aku. Awakka anak tuai ti lelaki mengkang begulai enggau indai iya tujuh hari, lalu ba hari ti kelapan, serahka iya ngagai Aku.\\n31 “Kita tu orang ke diserahka ngagai Aku, nya alai kita enda tau makai dagin jelu ti mati laban jelu babas, tang beri dagin nya ngagai ukui.\\nPengelurus Enggau Atur Ti Betul\\n1 “Anang nusui berita ti bula, lalu anang besaksi bula ketegal kita deka nulung orang ke salah.\\n2 Anang nitihka orang mayuh ngereja penyalah, tauka meri saksi ti enda lurus.\\n3 Anang berat sepiak lalu ngelaban orang ke seranta lebuh iya kena pechara.\\n4 “Enti nuan tepedaka jelu sapi, tauka keledai, ti diempu munsuh nuan lepas, bai jelu nya pulai ngagai iya.\\n5 Enti nuan tepedaka keledai ti diempu orang ke begedika nuan rebah laban pemerat utai ti dibai iya, saup orang nya ngangkatka keledai nya bediri baru. Anang ninggalka iya pia aja.\\n6 “Anang meri atur ti enda lurus lebuh kita ngatur pechara ke orang ke seranta.\\n7 Anang nuduhka orang salah enti iya nadai penyalah, lalu anang meri ukum bunuh ngagai orang ke nadai penyalah, laban Aku deka ngukum barang sapa ngereja utai ti jai baka nya.\\n8 Anang makai suap, laban makai suap ngasuh orang enda ulih meda utai ti betul, lalu ngerusak orang ke nadai penyalah.\\n9 “Anang nekanka pengidup orang kampar. Kita empu nemu asai nyadi orang kampar, laban kita udah nyadi orang kampar di menua Ejip.\\nTaun Ti Ketujuh Enggau Hari Ti Ketujuh\\n10 “Kita tau nanam lalu ngetau utai dalam kandang enam taun,\\n11 tang dalam taun ti ketujuh, anang nanam utai ba tanah kita, lalu anang ngetau sebarang utai ti tumbuh ba tanah nya, ngambika orang ke seranta tau makai utai ti tumbuh dia, lalu jelu babas tau makai teda utai nya. Baka nya mega chara kita enggau kebun anggur tauka enggau kayu kana kita.\\n12 “Bekereja enam hari dalam seminggu, tang anang bekereja ba hari ti ketujuh, ngambika ulun kita, enggau orang bansa bukai ke bekereja ke kita, enggau jelu kita, tau belelak.\\n13 “Pendingka semua utai ti udah disebut Aku ti TUHAN, ngagai kita. Anang nyembah petara bukai. Indah nyebut nama sida deh kita enda tau.\\nTiga Bengkah Gawai Ti Besai\\n14 “Intu tiga bengkah gawai dalam setaun kena kita ngemesaika Aku.\\n15 Dalam bulan Abip, iya nya bulan kita pansut ari menua Ejip, intu Gawai Roti Ti Enda Beragi, ngena jalai ti udah dipadahka Aku ngagai kita. Anang makai roti ti beragi dalam kandang tujuh hari kita ngintu Gawai nya. Anang datai nyembah Aku enti kita nadai mai piring.\\n16 “Intu Gawai Ngetau lebuh kita baru deka belabuh ngetau. “Intu Gawai Belangkau lebuh maya gugur daun, lebuh maya kita ngumpul buah ari kebun anggur enggau ari kebun buah kita.\\n17 Tiap taun ba gawai tiga bengkah tu, semua kita ke lelaki enda tau enda datai nyembah Aku, TUHAN, ti Allah Taala kita.\\n18 “Anang meri roti ti beragi, lebuh kita meri jelu nyadika piring kita ngagai Aku. Lemak jelu ti digaga nyadika piring ti diberi ngagai Aku lebuh gawai tu, nadai tau digalau ngagai pagi hari siti.\\n19 “Tiap taun, bai ngagai Rumah TUHAN Allah Taala kita buah bungas, ti pemadu manah, ti diketau kita. “Anang manduk anak domba tauka anak kambin ngena ai tusu indai iya empu.\\nSemaya Enggau Jaku Tangkan\\n20 “Aku deka ngirumka siku melikat bejalai dulu ari kita, ngambika nyaga kita lebuh kita bejalai, lalu mai kita ngagai endur ti udah disediaka Aku ke kita.\\n21 Pendingka iya lalu kereja utai ti diasuh iya. Anang angkat ngelaban iya, laban Aku udah ngirumka iya, lalu iya enggai ngampun kita enti kita angkat ngelaban.\\n22 Tang enti kita ngasika iya, lalu kita ngereja semua utai ti diasuh Aku, Aku deka ngelaban semua munsuh kita.\\n23 Melikat Aku deka bejalai dulu ari kita, lalu nguluka kita ngagai menua orang Amor, orang Iti, orang Peris, orang Kanaan, orang Ibi, enggau orang Jebus, lalu Aku deka ngerusak sida.\\n24 Anang meremi ngagai, tauka nyembah petara nya, lalu anang nitihka jalai pengarap sida. Rusak petara sida, lalu tumbangka tiang batu keramat sida.\\n25 Enti kita nyembah Aku ti TUHAN, ti Allah Taala kita, Aku deka merekatka kita ngena pemakai enggau ai, lalu muai semua penyakit kita.\\n26 Indu enda gugur anak tauka punas di menua kita. Aku deka ngasuh kita panjai umur.\\n27 “Aku deka ngasuh orang ke ngelaban kita, takutka Aku. Aku deka ngasuh orang ke dilaban kita charut runding, lalu Aku deka ngasuh semua munsuh kita nguing lalu belanda rari ari kita.\\n28 Aku deka ngasuh indu gamang terebai dulu ari kita, lalu sida deka muru orang Ibi, orang Kanaan, enggau orang Iti ari mua kita.\\n29 Aku enda muru sida dalam kandang setaun aja, enggai ke menua nya nadai orang nguan, lalu jelu babas deka kelalu mayuh.\\n30 Aku deka muru sida mimit-mimit sekali, datai ke kita nyau chukup mayuh tubuh bempu menua nya.\\n31 Aku deka ngaga garis entara menua kita belabuh ari Teluk Akaba nyentuk ngagai Tasik Tengah, enggau ari menua puang nyentuk ngagai Sungai Eupratis. Aku deka meri kita kuasa atas orang ke nguan menua nya, lalu kita deka muru sida pansut, lebuh kita nyerang.\\n32 Anang ngaga sempekat enggau sida, tauka enggau petara sida.\\n33 Anang nejuka orang nya diau dalam menua kita. Enti kita nejuka sida, sida deka mai kita bedosa ngelaban Aku. Enti kita nyembah petara sida, utai nya deka nyadi panjuk ti ngerusak kita.”\\n1 TUHAN lalu bejaku ngagai Moses, “Niki ke atas ngagai Aku ba bukit tu, nuan enggau Aron, Nadap, Abihu, enggau tujuh puluh iku tuai orang Israel; lalu lebuh kita agi jauh, meremi lalu nyembah.\\n2 Semina nuan siku aja tau datai semak ngagai Aku. Sida ke bukai enda tau datai semak ngagai Aku, lalu orang mayuh enda tau niki ngagai bukit tu.”\\n3 Moses datai lalu madahka ngagai orang mayuh semua pesan TUHAN, enggau semua adat Iya. Semua orang mayuh lalu nyaut sama sereta, ku sida, “Kami deka ngereja semua utai ti udah disebut TUHAN.”\\n4 Moses lalu nuliska semua pesan TUHAN. Tumu pagi hari siti, iya ngaga siti alta ba kaki bukit nya, lalu ngerintaika dua belas igi batu, sigi ke siti-siti raban bansa orang Israel ti dua belas bengkah nya.\\n5 Udah nya iya ngasuh orang ke bujang datai lalu sida nunu piring ke TUHAN, lalu ngenjuk sekeda jelu sapi nyadika piring pemaik.\\n6 Moses ngambi setengah ari darah jelu nya, lalu nyimpan darah nya dalam mangkuk, lalu setengah diunsaika iya ngagai alta.\\n7 Udah nya iya ngambi bup sempekat TUHAN, lalu macha bup nya enggau nyawa ti inggar ngagai orang mayuh. Lalu ku orang mayuh bejaku, “Kami deka ngasika TUHAN, lalu deka ngereja semua utai ti udah diasuh Iya kereja kami.”\\n8 Udah nya Moses lalu ngambi darah ti dalam mangkuk nya, lalu ngunsaika darah nya ngagai orang mayuh. Ku iya, “Tu darah kena nanggam sempekat ti udah digaga TUHAN enggau kita, lebuh Iya meri semua pesan tu.”\\n9 Moses, Aron, Nadap, Abihu enggau tujuh puluh iku bala tuai orang Israel lalu niki ngagai bukit nya\\n10 lalu sida meda Allah Taala ke disembah orang Israel. Di baruh kaki Allah Taala bisi utai ti baka geladak ti digaga ari batu nilam, ti biru baka langit.\\n11 Allah Taala enda ngerusak bala tuai bansa orang Israel tu. Sida meda Allah Taala, lalu udah nya sida makai ngirup.\\nMoses Ba Bukit Sinai\\n12 Ku TUHAN bejaku ngagai Moses, “Niki ke atas ngagai Aku ba bukit tu, lalu lebuh nuan ditu, Aku deka meri ngagai nuan dua iti lampang batu ti udah alai Aku nuliska semua adat kena ngajar orang mayuh.”\\n13 Moses, enggau Josua ti nyadi penulung iya, angkat lalu Moses niki ngagai bukit ti kudus nya.\\n14 Ku Moses bejaku enggau bala tuai orang mayuh, “Kita diau ditu, nganti pemulai kami duai Josua. Aron enggau Hur bisi ditu enggau kita. Enti kita bisi pekara diputarka, kita tau betemu enggau seduai iya.”\\n15 Moses lalu niki ngagai Bukit Sinai, ti dibalut mua hari.\\n16 Mulia TUHAN lalu datai ba Bukit Sinai, lalu mua hari mungkur bukit nya enam hari; ba hari ti ketujuh TUHAN ngangauka Moses ari mua hari nya.\\n17 Nyadi orang Israel meda mulia TUHAN nya baka api ti mau ba tuchung bukit nya.\\n18 Moses tama ngagai mua hari nya lalu niki ngagai bukit nya, lalu diau dia empat puluh hari empat puluh malam.\\n2 “Asuh orang Israel meri siti pemeri ngagai Aku. Terima aja semua pemeri ti deka diberi orang mayuh.\\n3 Pemeri nya nyengkaum emas, pirak, enggau temaga,\\n4 kain linin ti alus, bulu bedus ti bechura biru, ungu enggau mirah, kain ti digaga ari bulu kambin,\\n5 kulit bedus ti lelaki, ti udah dichat mirah, kulit jelu ti udah dialuska, kayu akasia,\\n6 minyak lampu, rempah kena ngaga minyak tata, enggau kena ngaga menyan ti bebau rengut,\\n7 batu unam enggau batu berega ti bukai, ti deka diengkahka ba epod e r 25.7 epod; Tu nama gari ti dikena mungkur bau. Utai tu baka baju dalam. Epod tu digaga ari kain ti berega sereta mayuh macham chura. Siti kandi ti ngundan Urim enggau Tumim, bisi ditanchangka ngagai epod nya. Urim enggau Tumim tu utai ti dikena ngiga peneka Allah Taala,* Imam Besai, enggau ba terabai dada iya.\\n8 Orang Israel enda tau enda ngaga Langkau TUHAN ke Aku, ngambika Aku diau enggau sida.\\n9 Gaga langkau sembiang enggau semua pekekas iya, nitihka pelan ti ditunjukka Aku ngagai nuan.\\n10 “Gaga siti Peti ari kayu akasia. Pemanjai peti nya 110 sentimeter, buka iya 66 sentimeter, lalu peninggi iya 66 sentimeter.\\n11 Sampak iya enggau emas ti tulin ari dalam enggau ari luar, lalu gaga lilit ari emas ti tulin ba semua tisi iya.\\n12 Gaga empat iti chengkerung ari emas ti tulin kena mai Peti nya, lalu lekatka chengkerung nya ngagai empat iti kaki Peti nya, dua iti chengkerung ba tisi sepiak-sepiak.\\n13 Gaga kayu kena ngesan peti nya ari kayu akasia. Sampak kayu nya enggau emas,\\n14 lalu rasukka kayu nya ngagai chengkerung ti ba tisi Peti nya sepiak-sepiak.\\n15 Kayu ti dikena ngesan Peti nya enda tau enda ditejuka dalam chengkerung nya, lalu nadai tau diambi ari nya.\\n16 Udah nya, simpan dalam Peti nya dua iti lampang batu ti deka diberi Aku ngagai nuan, ti alai pesan ditulis.\\n17 “Gaga tudung ari emas ti tulin. Pemanjai iya 110 sentimeter, lalu buka iya 66 sentimeter.\\n18 Gaga ari emas ti ditempa dua iku melikat cherub ti besayap,\\n19 siku ba puting setak, lalu siku ba puting setak. Tempa seduai nya selajur enggau tudung nya, ari siti tekang emas.\\n20 Melikat cherub ti besayap dua iku nya betunga mua enggau pangan diri, lalu sayap seduai iya enda tau enda ngerembai mungkur tudung Peti nya.\\n21 Engkahka lampang batu dua iti nya dalam Peti nya, lalu tudung iya.\\n22 Aku deka betemu enggau nuan dia, lalu ari atas tudung ti ba entara dua iku melikat cherub ti besayap nya, Aku deka meri ngagai nuan semua Adat Aku, ke orang Israel.\\n23 “Gaga siti mija ari kayu akasia. Pemanjai iya 88 sentimeter, buka iya 44 sentimeter, lalu peninggi iya 66 sentimeter.\\n24 Sampak mija nya enggau emas ti tulin, lalu gaga lilit ngelingi tisi mija nya.\\n25 Gaga bingkai 7.5 sentimeter buka ngelingi mija nya, lalu gaga lilit ngelingi bingkai nya.\\n26 Gaga empat iti chengkerung emas ke mija nya, kena ngesan iya, lalu engkahka chengkerung nya ba empat iti sukut mija nya, ba kaki mija nya.\\n27 Chengkerung ti alai ngerasukka kayu kena ngesan mija nya enda tau enda diengkah semak bingkai mija nya.\\n28 Gaga kayu ti dikena ngesan mija nya ari kayu akasia, lalu sampak kayu nya enggau emas.\\n29 Gaga chapak, mangkuk, kebuk, enggau mangkuk ti dikena ngenjuk piring wain. Semua utai tu enda tau enda digaga ari emas magang.\\n30 Mija nya enda tau enda diengkah di mua Peti Lampang Batu Adat, lalu ba atas mija nya enda tau enda seruran bisi roti ti kudus ti diberi ngagai Aku.\\n31 “Gaga siti penuduk lampu ari emas ti tulin. Gaga burit iya enggau batang iya ari emas ti ditempa. Bungai ti dikena ngias iya, nyengkaum kuntum bungai enggau serindak bungai, enda tau enda digaga selajur ari emas siti nya aja.\\n32 Enam iti dan deka pansut ari tisi penuduk lampu nya, tiga iti ari sepiak-sepiak.\\n33 Genap iti dan nya enda tau enda bisi tiga iti bungai kena ngias iya. Bungai nya digaga baka gamal bungai almon, sama enggau kuntum enggau serindak bungai.\\n34 Batang penuduk lampu nya enda tau enda bisi empat iti bungai kena ngias iya, lalu bungai nya digaga baka gamal bungai almon, lalu bisi kuntum enggau serindak bungai.\\n35 Di baruh siti gerempung dan, enda tau enda bisi siti kuntum bungai.\\n36 Kuntum bungai, dan, enggau penuduk lampu nya enda tau enda digaga ari siti aja lampang emas ti ditempa.\\n37 Gaga tujuh iti lampu ke penuduk lampu nya, lalu awakka lampu nya manchar ke mua.\\n38 Gaga sepit enggau talam ke penuduk lampu nya ari emas ti tulin\\n39 Ambi 34 kilogram emas ti tulin kena kita ngaga penuduk lampu enggau semua pekekas tu.\\n40 Kita enda tau enda ngaga utai nya enggau bejimat nitihka pelan ti udah ditunjukka Aku ngagai nuan ba bukit nya.\\n1 “Gaga langkau sembiang nya ngena sepuluh lambar kain linin ti alus, ti ditenun ari bulu bedus ti bechura biru, ungu enggau mirah. Sulam kain linin nya enggau gambar bala melikat cherub ti besayap.\\n2 Genap lambar kain nya sebaka pemesai magang. Pemanjai lambar nya 14 meter, lalu buka iya 2 meter.\\n3 Jait lima iti kain nya betangkir nyadi siti ladang, lalu jait lima iti kain ti bukai baka nya mega.\\n4 Gaga rambing ari kain ti biru ba tisi siti-siti ladang.\\n5 Gaga lima puluh iti rambing ba kain ti terubah ba ladang ti keterubah, enggau lima puluh iti rambing ti besenentang enggau rambing ba kain ti pemadu tisi ba ladang ti kedua.\\n6 Gaga lima puluh iti pengait emas kena bejantilka dua iti bidang kain nya nyadi siti langkau sembiang.\\n7 “Gaga tudung ke langkau sembiang nya ngena sebelas lambar kain ti digaga ari bulu kambin.\\n8 Gaga semua kain nya sebaka pemesai, lima belas meter pemanjai, enggau dua meter buka.\\n9 Jait lima lambar kain nya nyadi siti ladang, lalu enam lambar ti bukai nyadi ladang siti da agi. Lipatka dua lambar kain ti keenam ba atas mua Langkau Kain nya.\\n10 Engkahka lima puluh iti rambing ba tisi lambar ti penudi, dalam siti-siti ladang, enggau lima puluh iti rambing ba tisi bidang ti siti.\\n11 Gaga lima puluh iti pengait temaga, lalu engkahka pengait nya ba rambing nya, kena bejantilka dua iti ladang kain nya, ngambika dua iti ladang nya nyadi siti tudung.\\n12 Awakka setengah lambar ti laluh, kating-kating ari belakang langkau sembiang nya.\\n13 Lima puluh sentimeter ti lebih nya ditejuka kating-kating ba tisi langkau sembiang nya, kena map iya.\\n14 Gaga dua iti agi tudung, siti ari kulit bedus ti lelaki, dichat mirah, lalu siti digaga ari kulit jelu, ti digaga alus, nyadika tudung ti di luar.\\n15 “Gaga langkar ke langkau sembiang nya ari kayu akasia.\\n16 Siti-siti langkar nya enda tau enda 4 meter pemanjai, lalu buka iya 66 sentimeter,\\n17 lalu bisi dua iti cherebut, ngambika siti-siti papan nya tau dipejantilka enggau papan ti bukai. Semua papan nya enda tau enda bisi cherebut magang.\\n18 Gaga dua puluh singkap papan ke langkar langkau sembiang, ke tisi ti muak ke selatan\\n19 enggau empat puluh iti pelasar ti digaga ari pirak. Pelasar tu deka diengkah di baruh papan langkar nya, dua iti ke siti-siti papan, kena ngetanka cherebut ti dua iti nya.\\n20 Gaga dua puluh iti papan ke langkar langkau sembiang nya, ke tisi ti muak ke utara\\n21 enggau empat puluh iti pelasar ti digaga ari pirak, dua iti di baruh siti-siti papan langkar nya.\\n22 Ke tisi belakang ti muak ke barat, ke langkau sembiang nya, gaga enam iti papan ke langkar iya,\\n23 enggau dua iti papan ke langkar sukut iya di belakang.\\n24 Papan ke langkar ti ba sukut tu enda tau enda bejantil belabuh ari kaki nyentuk ke puchuk. Papan ke langkar ti dikena ngaga sukut dua iti tu, enda tau enda digaga ngena chara nya.\\n25 Nya alai, lapan iti papan diguna nyadika langkar, enggau enam belas iti pelasar ti digaga ari pirak, dua iti di baruh siti-siti papan langkar nya.\\n26 “Gaga lima belas iti alang dinding ari kayu akasia, lima iti nyadi langkar ke siti-siti tisi ke langkau sembiang nya,\\n27 lima iti langkar tisi ti setiban enggau nya, enggau lima iti langkar ke tisi ti muak ke barat, ke langkau sembiang nya di belakang.\\n28 Alang dinding tengah, ti diengkah melintang semua papan langkar nya, deka digaga ngenyauh nya ke atas, ngenyauh nya ke baruh, lalu digaga belabuh ari ujung siti nyentuk ngagai ujung siti dalam langkau sembiang nya.\\n29 Sampak semua papan langkar ke Langkau Kain nya enggau emas, lalu gaga chengkerung emas alai ngerasukka alang dinding nya. Alang dinding nya pen enda tau enda mega disampak enggau emas.\\n30 Dirika langkau sembiang nya nitihka pelan ti udah ditunjukka Aku ngagai nuan ba bukit nya.\\n31 “Gaga siti tirai ari kain linin ti alus, ti ditenun ari bulu bedus ti bechura biru, ungu enggau mirah. Sulamka gambar bala melikat cherub ti besayap ba kain tirai nya.\\n32 Gantung tirai nya ari empat batang tiang ti digaga ari kayu akasia, ti disampak enggau emas, ti bisi pengait, lalu didudukka ba atas empat iti pelasar ti digaga ari pirak.\\n33 Engkahka kain tirai nya ari baruh garis pengait ti ba perabung Langkau Kain nya, lalu engkahka Peti Lampang Batu Adat ti ngundan dua iti lampang batu nya, ari belakang tirai nya. Kain tirai nya deka nyeraraka Endur ti Kudus ari Endur ti Pemadu Kudus.\\n34 Engkahka tudung ba Peti Lampang Batu Adat nya.\\n35 Di luar Endur ti Pemadu Kudus, engkahka mija dalam langkau sembiang nya ngimbai tisi utara, lalu penuduk lampu nya diengkahka ngimbai tisi selatan.\\n36 “Ke penama ngagai Langkau Kain nya, gaga sebidang kain tirai ti ditenun ngena ubung linin, ubung bulu bedus ti bechura biru, ungu enggau mirah, lalu dilagu ngena sulam.\\n37 Kena ngantung kain tirai tu, gaga lima batang tiang, ari kayu akasia, disampak enggau emas, lalu bisi dilekatka pengait emas. Gaga lima iti pelasar temaga, ke lima batang tiang tu.\\n1 “Gaga siti alta ari kayu akasia. Mija nya enda tau enda besegi empat. Pemanjai iya 2 meter, buka iya 2 meter, lalu peninggi iya 1 meter.\\n2 Gaga tanduk ba empat iti sukut alta nya. Tanduk empat iti nya enda tau enda digaga selajur ari kayu ti dikena ngaga alta nya empu, lalu semua tanduk nya enda tau enda disampak enggau temaga magang.\\n3 Gaga kali alai nyimpan amau ti bechampur enggau lemak, lalu gaga senduk, mangkuk, pengait, enggau talam alai engkah bara api. Semua pekekas tu enda tau enda digaga ari temaga magang.\\n4 Gaga siti gelegar temaga, lalu lekatka empat iti chengkerung temaga ba sukut gelegar nya.\\n5 Lekatka gelegar nya ari baruh tisi alta nya, ngenyauh nya ngagai puchuk, lalu ngenyauh nya ngagai kaki alta nya.\\n6 Gaga kayu kena ngaling alta nya, ari kayu akasia, lalu sampak kayu pengaling nya enggau temaga.\\n7 Rasukka kayu pengaling nya ngagai chengkerung ti ba siti-siti rusuk alta nya, kena ngesan alta nya.\\n8 Gaga alta nya ari papan, lalu awakka alta nya berumbang, nitihka pelan ti udah ditunjukka Aku ngagai nuan ba bukit nya.\\nDinding Ke Tengah Laman Langkau Kain TUHAN\\n9 “Ngelingi langkau sembiang nya, gaga siti dinding ngena kain tirai ti digaga ari kain linin ti alus. Ke tisi ti muak ke selatan, pemanjai kain tirai nya 50 meter,\\n10 dilekatka ngagai dua puluh batang tiang temaga ti didudukka ba atas dua puluh iti pelasar temaga, ti bisi pengait enggau simpai pirak.\\n11 Gaga baka nya mega ke tisi ti muak ke utara.\\n12 Ke tisi ti muak ke barat, pemanjai kain tirai nya 25 meter, bisi sepuluh batang tiang, enggau sepuluh iti pelasar ke tiang nya.\\n13 Ke tisi ti muak ke timur, alai pintu penama digaga, pemanjai dinding nya mega 25 meter.\\n14-15 Ba tisi penama nya, ari sepiak-sepiak, bisi kain tirai. Pemanjai iya 7.5 meter, enggau tiga iti batang tiang, enggau tiga iti pelasar ke tiga iti batang tiang nya.\\n16 Mua pintu penama nya empu enda tau enda bisi kain tirai. Pemanjai iya 10 meter, ditenun ngena ubung linin ti alus, ubung ti digaga ari bulu bedus ti bechura biru, ungu enggau mirah, lalu dilagu ngena sulam. Tirai tu enda tau enda digantung ari empat batang tiang ti bediri ba atas empat iti pelasar.\\n17 Semua tiang ti ngelingi tengah laman nya enda tau enda dipejantilka enggau pangan diri ngena batang pirak, lalu pengait ke tiang nya enda tau enda digaga ari pirak, lalu pelasar ke tiang nya digaga ari temaga magang.\\n18 Pemanjai tengah laman nya 44 meter. Buka iya 25 meter, lalu peninggi iya 2.2 meter. Kain tirai nya enda tau enda digaga ari kain linin ti alus, lalu pelasar digaga ari temaga.\\n19 Semua pekekas ti dikena dalam langkau sembiang nya, enggau semua tiang bantilka Langkau Kain nya, enggau tiang bantilka dinding ti ngelingi Langkau Kain nya empu, enda tau enda digaga ari temaga magang.\\n20 “Nuan enda tau enda ngasuh orang Israel mai ngagai nuan minyak kana ti pemadu manah ke lampu, ngambika lampu nya ulih ditungkun genap lemai.\\n21 “Aron enggau bala anak lelaki iya enda tau enda ngengkahka lampu nya dalam Langkau Kain TUHAN, di luar kain tirai ti ari mua Peti Lampang Batu Adat. Lampu nya enda tau enda seruran menyadi kenyau ari lemai nyentuk ngagai pagi. Atur tu enda tau enda seruran dititihka orang Israel enggau peturun sida belama iya.\\n1 “Pesanka menyadi nuan Aron enggau anak iya Nadap, Abihu, Eleasar, enggau Itamar. Seraraka sida ari orang Israel, ngambika sida gawa ke Aku nyadi imam.\\n2 Gaga pekayan imam ke menyadi nuan Aron, ngambika iya dibasa orang sereta sigat gaya.\\n3 Pesanka semua orang ke udah diberi Aku pengelandik begagaka utai, lalu asuh sida ngaga gari ke Aron, ngambika iya ulih diserahka nyadi imam gawa ke Aku.\\n4 Asuh sida ngaga siti terabai dada, siti epod, siti baju panjai, selambar baju ti disulam, siti labung, enggau siti selampai dada. Sida enda tau enda ngaga pekayan imam tu ke menyadi nuan Aron enggau ke bala anak lelaki iya, ngambika sida ulih gawa nyadi imam Aku.\\n5 Orang ke landik ngaga pekayan nya enda tau enda ngaga semua utai nya ari bulu bedus ti bechura biru, ungu enggau mirah, enggau kain linin ti alus.\\n6 “Sida enda tau enda ngaga epod ari bulu bedus ti bechura biru, ungu enggau mirah, ubung emas, enggau kain linin ti alus, ti dilagu enggau sulam.\\n7 Dua iti papak tali bau kena ngelekatka epod, enda tau enda dilekatka ba tisi epod nya empu.\\n8 Siti belulang ti ditenun ari bulu bedus, ubung emas, enggau ari ubung linin ti alus, enda tau enda dijait ngagai epod.\\n9 Ambi dua igi batu akek mirah, lalu tebukka nama dua belas iku anak Jakop ba batu nya,\\n10 nitihka penuai sida, enam iku ba batu sigi, lalu nama enam iku ba batu sigi.\\n11 Asuh orang ke landik ngaga perengka ti berega nebukka nama bala anak lelaki Jakop ba batu nya, lalu lekatka batu nya ba bingkai emas.\\n12 Lekatka batu nya ba papak tali bau epod nya, kena nunjukka dua belas raban bansa orang Israel. Nya chara Aron deka mai nama sida ba bau iya, ngambika Aku ti TUHAN, deka seruran ingatka nembiak Aku.\\n13 Gaga dua iti sangkum emas\\n14 enggau dua iti rantai ari emas ti tulin, ti dibelitka baka tali, lalu lekatka rantai nya ngagai sangkum nya.\\n15 “Gaga siti terabai dada ke Imam Besai kena iya ngiga peneka Allah Taala. Terabai dada nya enda tau enda digaga ari utai ti dikena ngaga epod, lalu disulam baka ke nyulam epod.\\n16 Terabai dada nya enda tau enda besegi empat, lalu belipat dua - pemanjai iya 22 sentimeter, lalu buka iya 22 sentimeter.\\n17 Lekatka empat iti rintai batu ti berega ba terabai dada nya. Ba rintai ti keterubah lekatka sigi batu akek, sigi batu jakut kuning, enggau sigi batu berega ti bechura mirah.\\n18 Ba rintai ti kedua, lekatka sigi batu samerut, sigi batu nilam, enggau sigi batu intan.\\n19 Ba rintai ti ketiga, lekatka sigi batu pirus, sigi batu sejabu, enggau sigi batu kechubung.\\n20 Lalu ba rintai ti keempat, lekatka sigi batu pirus, sigi batu akek mirah, enggau sigi batu asija. Semua sida tu enda tau enda dilekatka dalam sangkum emas magang.\\n21 Genap igi batu ti berega nya enda tau enda ditebuk enggau nama genap iku bala anak lelaki Jakop, siti nama ke siti raban bansa orang Israel.\\n22 Gaga rantai ari emas ti tulin, ti dibelitka baka tali, ke terabai dada nya.\\n23 Gaga dua iti chengkerung emas, lalu lekatka chengkerung emas dua iti nya ngagai sukut terabai dada nya ba puting ti ari atas,\\n24 lalu tanchangka tali emas ti dua iti nya ngagai chengkerung emas ti dua iti nya.\\n25 Tanchangka ujung tali ti dua iti nya ngagai sangkum ti dua iti nya, lalu ngena chara nya, sida ditanchangka di mua, ngagai papak tali bau epod.\\n26 Udah nya, gaga dua iti chengkerung emas, lalu lekatka chengkerung dua iti nya ngagai sukut terabai dada ba puting ti ari baruh, ba tisi ari dalam epod.\\n27 Gaga dua iti da agi chengkerung emas, lalu lekatka chengkerung dua iti nya ngagai ujung papak tali bau epod, semak endur alai jait epod nya, ari atas belulang ti udah ditenun.\\n28 Tanchangka chengkerung ti ba terabai dada nya ngagai chengkerung ti ba epod ngena tali ti biru, ngambika terabai dada nya terengkah ba atas belulang nya, lalu enda tingkil.\\n29 “Lebuh Aron tama ngagai Endur ti Kudus, iya enda tau enda ngena terabai dada ti ngundan nama semua raban bansa orang Israel, ngambika Aku ti TUHAN, deka seruran ingatka nembiak Aku.\\n30 Engkahka Urim enggau Tumim dalam terabai dada nya, ngambika Aron mai utai nya lebuh iya ngadap ngagai Aku. Lebuh maya nya, iya enda tau enda ngena terabai dada, ngambika iya ulih nemu peneka Aku ke orang Israel.\\n31 “Baju panjai ti ari baruh epod enda tau enda semua digaga ari bulu bedus ti bechura biru.\\n32 Baju panjai nya enda tau nadai lubang alai pala, lalu tisi lubang tu enda tau enda dikeringka ngena bingkai ti ditenun, ngambika lubang nya enda charik.\\n33-34 Ba semua puting baju panjai nya, lekatka rundai buah delima ti digaga ari bulu bedus ti bechura biru, ungu enggau mirah, beselat enggau gerunung ti digaga ari emas.\\n35 Aron enda tau enda ngena baju panjai nya lebuh iya ngereja pengawa imam. Lebuh iya datai ngagai Aku ba Endur ti Kudus, tauka lebuh iya ninggalka Endur nya, munyi gerunung iya deka didinga, lalu iya enda kena bunuh.\\n36 “Gaga utai siti ari emas lalu tebukka leka jaku ‘Diserahka Ngagai TUHAN,’ ba utai nya\\n37 Tanchangka utai nya ba mua labung ngena tali ti biru.\\n38 Utai nya enda tau enda seruran bisi ba kening Aron, lalu Aron empu deka betanggungjawapka penyalah ti nyadi lebuh orang Israel ngenjuk piring sida nyadi pemeri ti kudus; utai nya deka seruran bisi ba kening iya, ngambika Aku, ti TUHAN, rinduka sida.\\n39 “Tenun baju ke Aron ari linin ti alus, lalu gaga labung ngena linin ti alus, sereta enggau selampai ti dilagu enggau sulam.\\n40 “Gaga baju, selampai, enggau selapuk ke bala anak lelaki Aron, ngambika sida dibasa orang sereta sigat gamal.\\n41 Rasukka gari tu ba menyadi nuan, Aron, enggau ba bala anak lelaki iya. Udah nya berekatka sida, lalu tata sida ngena minyak kana kena nyerahka sida, ngambika sida ulih bekereja nyadi imam ke Aku.\\n42 Gaga tanchut pandak ke sida ari kain linin. Tanchut nya mungkur punggung nyentuk ngagai pah, ngambika sida enda ngayanka tubuh diri\\n43 Aron enggau bala anak lelaki iya enda tau enda seruran ngena tanchut pandak nya lebuh sida tama ngagai Langkau Kain TUHAN, tauka mansang ngagai alta lalu bekereja nyadi imam dalam Endur ti Kudus, ngambika sida enda kena bunuh ketegal ngayanka tubuh diri. Tu atur ti meruan belama iya ke Aron enggau bala peturun iya.\\n1 “Tu utai ti enda tau enda dikereja nuan ngagai Aron enggau bala anak lelaki iya, kena nuan nyerahka sida nyadi imam ke bekereja ke Aku. Ambi siku jelu sapi ti lelaki, enggau dua iku bedus ti lelaki, ti nadai penimpang.\\n2 Ngena tepung gandum ti pemadu alus, tang enda ngena ragi, gaga roti ngena minyak kana. Gaga mega roti enda ngena minyak, lalu sekeda digaga besingkap mipau, dipalitka enggau minyak.\\n3 Simpan semua roti nya dalam siti bakul, lalu beri utai nya ngagai Aku lebuh nuan meri jelu sapi ti lelaki, enggau bedus ti lelaki, nyadika piring.\\n4 “Bai Aron enggau bala anak lelaki iya ngagai penama Langkau Kain TUHAN, lalu asuh sida mandi dia.\\n5 Udah nya rasukka pekayan imam ba Aron: baju, baju panjai, epod, terabai dada, enggau belulang.\\n6 Engkahka labung ba pala iya, lalu tanchangka ba labung nya siti kelai ti kudus, alai leka jaku ‘Diserahka Ngagai TUHAN,’ udah ditulis.\\n7 Udah nya ambi minyak tata, tuang minyak nya ba pala iya, lalu tata iya.\\n8 “Bai bala anak lelaki iya, lalu rasukka baju ba sida.\\n9 Lekatka selampai melit punggung sida, enggau selapuk ba pala sida. Nya chara nuan nyiri Aron enggau bala anak lelaki iya. Sida enggau peturun sida deka bekereja nyadi imam ke Aku belama iya.\\n10 “Bai siku sapi ti lelaki ngagai mua Langkau Kain TUHAN, lalu asuh Aron enggau bala anak lelaki iya ngengkahka jari sida ba pala sapi nya.\\n11 Sayat sapi nya di mua Aku, ba penama ngagai Langkau Kain TUHAN.\\n12 Ambi sekeda darah sapi nya, lalu ngena tunjuk nuan, palitka darah nya ngagai tanduk alta nya. Udah nya bubuhka teda darah nya ba kaki alta.\\n13 Udah nya, ambi semua lemak ti malut perengka dalam, atau, enggau dua iti tungkul sengayuh, sama enggau lemak ti malut perengka nya, lalu tunu utai nya ba alta, nyadika piring ti diberi ngagai Aku.\\n14 Tang tunu isi sapi nya, kulit, enggau perengka perut iya di luar kem. Tu nyadika piring pengampun dosa ke bala imam.\\n15 “Ambi siku bedus ti lelaki, lalu asuh Aron enggau bala anak lelaki iya ngengkahka jari sida ba pala bedus nya.\\n16 Sayat bedus nya, bai darah iya, lalu unsaika darah nya ngagai semua tisi alta.\\n17 Tetak bedus nya. Basu semua perengka dalam, enggau kaki belakang iya, lalu engkahka utai nya ba atas pala bedus enggau lampang dagin ti bukai.\\n18 Tunu semua isi bedus ti lelaki nya ba alta nyadika piring ti diberi ngena api. Bau piring tu ngerinduka ati Aku.\\n19 “Ambi bedus ti lelaki ti siku - bedus ti lelaki ti dikena nyerahka imam - lalu asuh Aron enggau bala anak lelaki iya ngengkahka jari sida ba pala bedus nya.\\n20 Sayat bedus nya, lalu ambi sekeda darah iya, lalu palitka darah nya ngagai rambing pending kanan Aron enggau bala anak lelaki iya, ba tunjuk indu jari kanan, enggau ba tunjuk indu kaki kanan sida. Unsaika teda darah nya ngagai semua tisi alta nya.\\n21 Ambi sekeda darah ti ba alta, enggau sekeda minyak tata, lalu pechikka darah nya ngagai Aron enggau ngagai gari iya, enggau ngagai bala anak lelaki, enggau ngagai gari sida. Nya baru Aron, bala anak lelaki iya, enggau gari sida, diserahka ngagai Aku.\\n22 “Tisil lemak bedus ti lelaki nya, lemak ti ba pun iku, lemak ti mungkur perengka dalam, isi atau ti pemadu manah, dua iti tungkul sengayuh, sereta enggau lemak ti lekat ba sida, enggau pah kanan.\\n23 Ari roti ti dalam bakul ti udah diberi ngagai Aku, ambi siti tuku roti ari semua macham roti, iya nya, siti tuku roti ti digaga ngena minyak kana, siti ti digaga enda ngena minyak kana, enggau sesingkap roti ti mipis.\\n24 Engkahka semua pemakai tu ba jari Aron, enggau bala anak iya, lalu asuh sida nyerahka utai nya ngagai Aku, nyadika pemeri.\\n25 Udah nya ambi utai nya ari sida, lalu tunu utai nya ba alta, atas piring tunu, nyadika piring ti diberi ngena api ti diberi ngagai Aku. Bau piring tu deka ngerinduka ati Aku.\\n26 “Ambi isi dada bedus ti lelaki nya, lalu serahka utai nya ngagai Aku, nyadika pemeri. Isi tu endang diungkupka kita.\\n27 “Lebuh orang dichiri nyadi imam, isi dada enggau pah bedus ti lelaki ti dikena nyiri sida, enda tau enda diserahka ngagai Aku, nyadi pemeri ti pemadu manah, lalu digalau nyadika ungkup bala imam.\\n28 Tu pemutus penemu Aku ti enda berubah: lebuh nembiak Aku ngaga piring pemaik, isi dada enggau pah jelu nya deka diempu bala imam. Tu meh pemeri ti dienjuk orang Israel ngagai Aku ti TUHAN.\\n29 “Pekayan imam ti dikena Aron enda tau enda diserahka ngagai bala anak iya, udah bekau iya mati, ngambika bisi dikena sida, lebuh sida dichiri nyadi imam.\\n30 Anak lelaki Aron ke nganti iya nyadi imam, ke tama ngagai Langkau Kain TUHAN, lalu gawa dalam Endur ti Kudus, enda tau enda ngena pekayan nya tujuh hari.\\n31 “Ambi isi bedus ti lelaki, ti udah dikena nyiri Aron enggau bala anak lelaki iya nyadi imam, lalu panduk dagin nya ba Endur ti Kudus.\\n32 Sida enda tau enda makai dagin nya, sama enggau teda roti ti dalam bakul nya, ba penama ngagai Langkau Kain TUHAN.\\n33 Sida deka makai utai ti udah dikena miring minta pengampun dosa lebuh nyirika sida nyadi imam. Semina bala imam aja tau makai pemakai nya, laban pemakai nya kudus.\\n34 Enti sekeda dagin nya, tauka sekeda roti nya enda abis diempa datai ke pagi hari siti, utai nya enda tau enda ditunu. Utai nya enda tau diempa, laban iya kudus.\\n35 “Kereja pengawa nyiri Aron enggau bala anak lelaki iya nyadi imam dalam pengelama tujuh hari, nitihka chara ti udah dipadahka Aku ngagai nuan.\\n36 Nuan enda tau enda tiap hari meri siku sapi ti lelaki nyadika piring, ngambika dosa tau diampun. Tu deka nuchi alta. Udah nya, tata alta nya ngena minyak kana, kena nguduska iya.\\n37 Kereja tu tiap hari dalam kandang tujuh hari nya. Udah nya baru alta nya deka nyadi kudus, lalu barang sapa tauka barang utai negu alta nya, deka bebadi laban kuasa pengudus alta nya\\n38 “Genap hari, enggau ke belama iya, beri dua iku anak domba ti umur setaun, ba alta nya, nyadika piring.\\n39 Beri siku nyadika piring lebuh pagi hari, lalu siku lebuh lemai hari.\\n40 Beri sama enggau anak domba nya sekilogram tepung gandum ti alus, dichampur enggau seliter minyak kana ti tulin. Tuang seliter wain nyadika piring.\\n41 Lebuh hari nyau lemai beri anak domba ti kedua nya nyadika piring, lalu beri sama enggau anak domba nya, tepung gandum, minyak kana enggau wain, ngemayuh ti diberi lebuh pagi hari. Tu nyadika piring ti diberi ngena api ngagai Aku ti TUHAN, lalu bau utai tu deka ngerinduka ati Aku.\\n42 Piring ti ditunu nya enda tau enda diberi di mua Aku, ba penama ngagai Langkau Kain TUHAN belama iya. Nya meh endur alai Aku deka betemu enggau bala nembiak Aku, lalu bejaku ngagai nuan.\\n43 Dia meh endur alai Aku deka betemu enggau orang Israel, lalu mulia Aku deka nguduska endur nya.\\n44 Aku deka nyeraraka Langkau Kain TUHAN enggau alta nya, lalu Aku deka nyeraraka Aron enggau bala anak lelaki iya, ngambika sida bekereja nyadi imam Aku.\\n45 Aku deka diau begulai enggau orang Israel, lalu Aku deka nyadi Allah Taala sida.\\n46 Sida deka nemu Aku endang TUHAN ti Allah Taala sida, ti udah mai sida pansut ari menua Ejip ngambika Aku diau begulai enggau sida. Aku tu TUHAN ti Allah Taala sida.\\nAlta Alai Nunu Menyan\\n1 “Gaga siti alta ari kayu akasia, alai nunu menyan.\\n2 Alta nya enda tau enda besegi empat. Pemanjai iya 45 sentimeter. Buka iya 45 sentimeter, lalu peninggi iya 90 sentimeter. Tanduk ti ba empat iti sukut alta nya enda tau enda digaga selajur enggau mija nya empu.\\n3 Sampak puchuk, semua empat iti tisi, enggau tanduk nya ngena emas ti tulin, lalu gaga bingkai emas ngelingi mija nya.\\n4 Gaga dua iti chengkerung emas kena ngaling mija nya, lalu lekatka chengkerung dua iti nya ari baruh bingkai ti ba dua iti tisi, alai ngerasukka kayu ti dikena ngaling mija nya.\\n5 Gaga kayu kena ngaling mija nya ari kayu akasia, lalu sampak kayu nya enggau emas.\\n6 Engkahka mija nya ari luar kain tirai ti digantung di mua Peti Lampang Batu Adat. Tu endur alai Aku deka betemu enggau nuan.\\n7 Genap pagi, lebuh Aron datai ngintu lampu, iya enda tau enda nunu menyan ti bebau rengut ba mija nya.\\n8 Iya enda tau enda ngereja baka nya mega lebuh iya nungkun lampu nya lebuh lemai hari. Pengawa ti meri menyan enda tau diketuka datai ke belama iya.\\n9 Anang meri ba atas alta nya menyan ti enda tau diberi, tauka piring jelu, tauka piring gandum, lalu anang nuang piring wain ba alta nya.\\n10 Aron enda tau enda ngereja pengawa nuchi alta nya sekali setaun ngena darah jelu ti udah diberi nyadika piring pengampun dosa, ti diengkahka iya ba empat iti tanduk alta nya. Tu enda tau enda dikereja tiap taun datai ke belama iya. Alta nya pemadu kudus, lalu diserahka ngagai Aku ti TUHAN.”\\nDuit Pupu Ke Langkau Kain TUHAN\\n12 “Lebuh nuan ngitung tubuh orang Israel, genap iku orang enda tau enda mayar ngagai Aku rega nyawa iya, ngambika iya enda ditinggang penusah lebuh pengawa ngitung tubuh benung dikereja.\\n13 Semua orang ke kena itung enda tau enda mayar duit ti dipinta, ti ditimbang nitihka atur ti udah diletak dalam Langkau Kain TUHAN. Semua orang enda tau enda mayar tu nyadika piring ti diberi ngagai Aku.\\n14 Semua orang ke kena itung, iya nya, genap iku lelaki ke umur dua puluh taun ke atas, enda tau enda mayar duit nyampau nya ngagai Aku.\\n15 Orang ke kaya enda tau mayar lebih ari nya, lalu orang ke seranta pen enda mega tau mayar mimit ari nya, lebuh sida mayar duit kena meli nyawa diri.\\n16 Gumpul duit nya ari orang Israel, lalu awakka duit nya dikena ngintu Langkau Kain TUHAN. Duit ti digumpul nya deka dikena mayar nyawa sida, lalu Aku deka nyaga sida.”\\n17 Ku TUHAN bejaku ngagai Moses,\\n18 “Gaga siti bisin temaga, ti bisi penuduk ti digaga mega ari temaga. Engkahka bisin nya ba entara Langkau Kain TUHAN enggau alta, lalu simpan ai dalam bisin nya.\\n19 Aron enggau bala anak lelaki iya enda tau enda masu jari enggau kaki sida ngena ai nya\\n20 sebedau sida tama ngagai Langkau Kain TUHAN, tauka mansang ngagai alta deka ngenjuk piring ti diberi ngena api. Nya baru sida enda kena bunuh.\\n21 Sida enda tau enda masu jari enggau kaki sida, ngambika sida enda mati. Tu atur ti enda tau enda dititihka sida enggau raban bansa sida belama iya.”\\n23 “Ambi rempah ti pemadu manah - 5.5 kilogram mur, 3.5 kilogram kulit kayu manis ti bebau rengut, 3.5 kilogram tebu ti bebau rengut,\\n24 enggau 6 kilogram kayu akasia (semua ditimbang nitihka atur ti udah diletak dalam Langkau Kain TUHAN), 4 liter minyak kana\\n25 lalu gaga minyak tata ti kudus, dirakit baka minyak wangi.\\n26 Tata semua utai tu ngena minyak nya: Langkau Kain TUHAN Aku, Peti Lampang Batu Adat,\\n27 mija, enggau semua pekekas mija, penuduk lampu enggau semua pekekas penuduk lampu, alta alai nunu menyan,\\n28 alta alai nunu piring, sereta enggau semua pekekas alta nya, enggau bisin alai bebasu, sereta enggau penuduk iya.\\n29 Serahka semua utai nya ngena chara nya, ngambika semua utai nya nyadi kudus, lalu semua orang tauka semua utai ti negu sida deka bebadi laban kuasa pengudus utai nya.\\n30 Udah nya, tata Aron enggau bala anak lelaki iya, lalu chiri sida nyadi imam ngambika sida gawa ke Aku.\\n31 Sebut jaku tu ngagai orang Israel, “Minyak tata Aku ti kudus tu deka dikena belama iya nyiri orang ke gawa ke Aku.\\n32 Minyak tu enda tau dituang ba orang ke ukai imam, lalu nuan enda tau ngena rakit nya ngaga minyak ti sebaka enggau minyak tata nya. Minyak nya kudus, lalu nuan enda tau enda ngumbai minyak nya kudus.\\n33 Barang sapa ngaga minyak ti sebaka enggau nya, tauka ngena minyak nya ba orang ke ukai imam, deka badu agi nyadi nembiak Aku.’ “\\n34 Ku TUHAN bejaku ngagai Moses, “Ambi sama penyampau ari siti bagi rempah ti bebau rengut tu - getah dambar, kerubung lukan, getah rasamala, enggau menyan ti tulin.\\n35 Gaga menyan ti dirakit ngena semua utai nya baka ke ngaga minyak wangi. Beri garam ngambika menyan nya tuchi sereta kudus.\\n36 Tutuk sekeda menyan nya alus. Bai menyan nya ngagai Langkau Kain TUHAN, lalu kerabuka menyan nya di mua Peti Lampang Batu Adat. Menyan nya kudus.\\n37 Anang ngena rakit nya ngaga menyan ke kita empu. Kita enda tau enda ngumbai menyan nya kudus, lalu udah diserahka ngagai Aku.\\n38 Enti orang bisi ngaga menyan ngena rakit nya lalu dikena nyadi minyak wangi, orang nya deka badu agi dikumbai nembiak Aku.”\\nTukang Ke Ngaga Langkau Kain TUHAN\\n2 “Aku udah milih Besalel anak Uri, uchu Hur, ari raban bansa Judah,\\n3 lalu Aku udah ngemenuhka iya enggau Roh Allah Taala, penau enggau pengelandik ngereja semua macham pengawa,\\n4 ngaga pelan ke utai ti deka digaga, lalu ngaga utai nya ari emas, pirak enggau temaga;\\n5 netak batu ti berega ti deka disangkum; ngukir kayu; enggau ngereja genap macham pengawa begagaka utai ti dikena ngias.\\n6 Aku udah mega milih Oholiap anak Ahisamak, ari raban bansa Dan, bekereja enggau iya. Aku udah mega meri pengelandik ti besai ngagai semua orang ke landik begagaka utai, ngambika sida ulih ngaga semua utai ti udah diasuh Aku gaga sida, iya nya:\\n7 Langkau Kain TUHAN, Peti Lampang Batu Adat enggau tudung iya, semua perengka ti dikena dalam Langkau Kain TUHAN nya,\\n8 mija enggau pekekas iya, penuduk lampu ti digaga ari emas ti tulin, enggau semua pekekas iya, alta alai nunu menyan,\\n9 alta alai nunu piring, enggau semua pekekas iya, bisin kena bebasu enggau penuduk iya,\\n10 pekayan imam ti manah amat, ti deka dikena Aron enggau bala anak lelaki iya lebuh sida bekereja nyadi imam,\\n11 minyak tata, enggau menyan ti bebau rengut ti dikena ba Endur ti Kudus. Lebuh sida ngaga semua utai nya, sida enda tau enda ngereja pengawa nya nitihka chara ti udah dipadahka Aku ngagai nuan.”\\nHari Sabat Nya Hari Alai Diau\\n12 TUHAN ngasuh Moses\\n13 madahka ngagai orang Israel munyi tu: “Intu Hari Sabat, hari alai Aku diau, laban nya nyadika tanda entara kita enggau Aku belama lama iya, kena nunjukka Aku ti TUHAN udah ngaga kita nyadi nembiak Aku.\\n14 Kita enda tau enda ngintu hari alai kita diau nya, laban hari nya kudus. Barang sapa enda ngintu hari nya, lalu bekereja ba hari nya, enda tau enda dibunuh.\\n15 Kita bisi enam hari alai kita gawa, tang hari ti ketujuh nya hari alai kita diau ti diserahka ngagai Aku. Barang sapa ngereja sebarang macham pengawa ba hari nya, deka dibunuh.\\n16 Orang Israel enda tau enda ngintu hari nya nyadika tanda sempekat.\\n17 Tu nyadika tanda ti meruan belama lama iya entara orang Israel enggau Aku, laban Aku ti TUHAN, udah ngaga langit enggau dunya dalam enam hari, lalu ba hari ti ketujuh Aku ngetu gawa, lalu diau.”\\n18 Lebuh Allah Taala udah tembu bejaku ngagai Moses ba bukit Sinai, Iya meri ngagai Moses dua iti lampang batu ti alai Allah Taala Empu udah nuliska pesan Iya.\\n2 Ku Aron bejaku enggau sida, “Tingkilka antin emas ti dikena bini, anak lelaki, anak indu kita, lalu bai utai nya ngagai aku.”\\n3 Nya alai semua orang lalu ningkilka antin emas sida, lalu mai utai nya ngagai Aron.\\n4 Aron ngambi, lalu ngeluluhka antin nya, nuang emas nya ngagai siti chuan, lalu nempa siku anak sapi ti lelaki ari emas nya. Ku orang mayuh bejaku, “Orang Israel, tu petara kitai, ti udah nguluka kitai pansut ari menua Ejip!”\\n5 Udah nya Aron lalu ngaga siti alta di mua anak sapi emas nya, lalu madahka ngagai orang mayuh, “Pagila kitai deka begawai ngemesaika TUHAN.”\\n6 Tumu pagi hari siti, sida mai sekeda jelu nyadika piring tunu, lalu jelu ti bukai nyadika piring pemaik. Orang mayuh belatur duduk, lalu begawai. Sida balat amat ngirup lalu ngereja pengawa ti kamah.\\n7 Ku TUHAN bejaku ngagai Moses, “Alai nuan nurun enggau jampat, laban bala nembiak nuan, ti udah diuluka nuan pansut ari menua Ejip, udah bedosa lalu udah nulak Aku.\\n8 Sida udah limpang ari jalai Aku. Sida udah ngeluluhka emas lalu ngaga siku anak sapi ti lelaki ari emas nya, lalu udah nyembah sereta ngenjuk piring ngagai utai nya. Sida ngumbai utai nya petara ti udah nguluka sida pansut ari menua Ejip.\\n9 Aku nemu pengekieh sida.\\n10 Nya alai anang nguji nagang Aku. Aku ringat ngagai sida, lalu Aku deka ngerusak sida. Udah nya baru Aku ngaga nuan enggau peturun nuan nyadi bansa ti kering.”\\n11 Tang Moses minta kasih ngagai TUHAN Allah Taala iya. Ku iya, “TUHAN, nama kebuah Nuan ringat ngemalat nya ngagai bala nembiak Nuan, ti udah dilepaska Nuan ari menua Ejip ngena pemesai pengering enggau kuasa Nuan?\\n12 Enti Nuan ngerusak sida, orang Ejip deka ngumbai Nuan mai nembiak Nuan pansut ari menua Ejip laban Nuan deka munuh sida abis lengis ba sebelah bukit tu. Badu agi ringat. Ubah runding Nuan, lalu anang ngasuh penusah tu ninggang nembiak Nuan.\\n13 Kingatka nembiak Nuan Abraham, Isak enggau Jakop. Kingatka Nuan ti udah besemaya enggau sida ngena sumpah deka ngasuh peturun sida ngemayuh bintang ti di langit, lalu meri ngagai peturun sida semua menua ti udah disemaya Nuan nyadika pesaka sida belama iya.”\\n14 TUHAN lalu ngubah runding Diri, lalu enda nyadi ngasuh penusah ti besai ninggang nembiak Iya.\\n15 Moses lalu nurun ari bukit nya, mai lampang batu ti dua iti nya ti alai pesan udah ditulis ba sepiak-sepiak lampang batu nya.\\n16 Lampang batu nya udah digaga Allah Taala Empu, lalu Iya udah nebukka pesan Iya ba batu nya.\\n17 Lebuh Josua ninga orang mayuh manjung, iya lalu nyebut ngagai Moses, “Aku ninga munyi orang ke beperang dalam kem.”\\n18 Ku Moses, “Nya ukai munyi panjung orang ke menang tauka alah. Nya munyi orang belagu.”\\n19 Lebuh Moses nyau datai semak ngagai kem nya, lalu tepedaka anak sapi nya, enggau orang mayuh ke betanda, iya pedis ati, lalu ngempaska ba kaki bukit nya lampang batu ti dibai iya. Lampang batu nya lalu pechah.\\n20 Iya lalu ngambi anak sapi ti udah digaga sida, ngeluluhka iya, nginsarka iya nyadi amau, lalu nyampur iya enggau ai. Udah nya iya lalu mejalka orang Israel ngirup ai nya.\\n21 Ku iya bejaku enggau Aron, “Nama utai ti udah dikereja orang tu ngagai nuan, datai ke nuan nyau ngasuh sida bedosa ngemalat tu?”\\n22 Disaut Aron, “Anang ringat ngagai aku. Nuan nemu pengeras orang tu deka ngereja penyai.\\n23 Ku sida bejaku ngagai aku, ‘Kitai nadai nemu namaka penyadi Moses, ti udah mai kitai pansut ari menua Ejip. Nya alai gaga ke kitai siku petara ngambika iya bisi nguluka kitai.’\\n24 Aku lalu ngasuh sida mai perengka emas sida ngagai aku. Orang ke bisi perengka emas lalu ningkilka utai nya ari tubuh sida, lalu meri utai nya ngagai aku. Aku lalu nibarka perengka emas nya ngagai api. Anak sapi ti lekaki tu lalu pansut ari api nya!”\\n25 Moses nemu Aron endang enda ngerara orang mayuh tang nejuka sida ngereja utai nitihka peneka sida empu lalu ngemelika diri di mua munsuh sida.\\n26 Nya alai Moses lalu bediri ba mua pintu kem, lalu bejaku enggau nyawa ti inggar, “Semua orang ke setanah enggau TUHAN, mansang kitu!” Semua orang Lewi lalu begempuru ngelingi iya.\\n27 Ku Moses bejaku ngagai sida, “TUHAN Allah Taala ke disembah orang Israel ngasuh genap iku kita nangkin pedang kita, lalu bejalai nengah kem tu, belabuh ari pintu tu, nyentuk ngagai pintu nyin, lalu munuh semua menyadi kita, pangan kita, enggau orang ke berimbai pendiau enggau kita.”\\n28 Orang Lewi ngasika jaku Moses, lalu munuh kira tiga ribu iku orang sehari nya.\\n29 Ku Moses bejaku ngagai orang Lewi, “Sehari tu kita udah nyiri diri nyadi imam TUHAN, laban kita udah munuh anak lelaki kita, enggau sida menyadi lelaki kita. Nya kebuah TUHAN udah merekatka kita sehari tu.”\\n30 Hari siti Moses bejaku ngagai orang mayuh, “Kita udah balat amat bedosa. Tang diatu aku deka niki ngagai bukit nya baru ngagai TUHAN, nyangka ukur aku ulih minta TUHAN ngampun dosa kita.”\\n31 Moses lalu mansang baru ngagai TUHAN, lalu ku iya bejaku enggau TUHAN, “Orang tu udah balat amat bedosa. Sida udah ngaga siku petara ari emas, lalu nyembah iya.\\n32 Ampun dosa sida. Tang enti Nuan enggai, awakka Nuan muai nama aku ari bup Nuan.”\\n33 Ku TUHAN nyaut, “Semina orang ke udah bedosa ngelaban Aku aja ti deka dibuai Aku nama ari bup Aku.\\n34 Nya alai, mupuk nuan, lalu uluka orang mayuh ngagai endur ti udah dipadahka Aku ngagai nuan. Ingat, melikat Aku deka ngiring nuan, tang maya deka datai alai Aku deka ngukum orang tu ketegal dosa sida.”\\n35 Nya alai TUHAN lalu ngasuh penyakit ninggang orang mayuh, laban sida udah ngasuh Aron ngaga anak sapi emas nya.\\n1 Ku TUHAN bejaku ngagai Moses, “Angkat ari endur tu, nuan enggau orang mayuh ti udah dibai nuan pansut ari menua Ejip, lalu mansang kita ngagai menua ti udah disemaya Aku ngagai Abraham, Isak, enggau Jakop, enggau ngagai peturun sida.\\n2 Aku deka ngasuh siku melikat ngiring kita, lalu Aku deka muru orang Kanaan, orang Amor, orang Iti, orang Peris, orang Ibi enggau orang Jebus.\\n3 Kita deka mupuk ngagai menua ti kaya sereta ami. Tang Aku Empu enda enggau kita, enggai ke Aku munuh kita di rantau jalai, laban kita tu orang ke kieh.”\\n4 Lebuh orang mayuh ninga nya, sida lalu belabuh ngulit, lalu enda agi bekenaka barang ti berega;\\n5 laban TUHAN udah ngasuh Moses madahka jaku tu ngagai sida: “Kita tu orang ke kieh. Enti Aku bejalai sama enggau kita sekejap aja, Aku deka munuh kita abis lengis. Nya alai buka semua perengka emas ti dikena kita. Aku deka bekiraka utai ti deka dikereja Aku ngagai kita.”\\n6 Nya alai, udah bekau sida ke angkat ari Bukit Sinai, orang Israel nadai agi bekenaka perengka emas.\\n7 Genap kali orang Israel nirika kem, Moses ngambi Langkau Kain TUHAN ti kudus nya, lalu nirika iya jauh mimit ari luar kem. Langkau Kain nya dikumbai Langkau Kain TUHAN, lalu barang sapa deka betanyaka utai ngagai TUHAN, enda tau enda pansut ari kem lalu mansang ngagai Langkau Kain nya.\\n8 Genap kali Moses mansang ngagai Langkau Kain nya, orang mayuh bediri ba mua pintu langkau kain sida empu, lalu nengkilaka Moses mupuk, datai ke iya udah tama ngagai Langkau Kain TUHAN.\\n9 Lebuh Moses udah tama, gentilang remang nurun lalu bediri ba mua pintu Langkau Kain nya, lalu TUHAN bejaku ngagai Moses.\\n10 Lebuh orang mayuh meda gentilang remang nya bediri di penama ngagai Langkau Kain TUHAN, sida meremi.\\n11 TUHAN bejaku betunga mua enggau Moses, baka orang ke bejaku enggau pangan. Udah nya, Moses pulai ngagai kem. Tang orang bujang ti nyadi penyaup Moses, Josua anak Nun, diau dalam Langkau Kain TUHAN.\\n12 Ku Moses bejaku enggau TUHAN, “Nuan sigi amat udah ngasuh aku nguluka bala orang tu ngagai menua nya, tang Nuan enda madahka sapa ke diasuh Nuan bejalai enggau aku. Nuan udah madahka Diri amat nemu sereta rinduka aku.\\n13 Nya alai enti Nuan amat rinduka aku, padahka pelan Nuan ngagai aku, ngambika aku ulih nemu Nuan enggau dalam agi lalu majak ngerinduka ati Nuan. Ingatka Diri ti udah milih bansa orang tu ke Nuan Empu.”\\n14 Ku TUHAN bejaku, “Aku Empu deka bejalai enggau nuan, lalu Aku deka ngasuh nuan belelak.”\\n15 Disaut Moses, “Enti Nuan enda bejalai enggau kami, anang ngasuh kami angkat ari endur tu.\\n16 Baka ni ku orang tau nemu Nuan rinduka bala nembiak Nuan tu, lalu rindu mega ke aku, enti Nuan enda bejalai enggau kami? Enti Nuan bejalai enggau kami, nya deka nunjukka kami tu lain ari orang bansa bukai di dunya tu.”\\n17 Ku TUHAN bejaku ngagai Moses, “Aku deka ngereja utai ti dipinta nuan, laban Aku amat nemu nuan, lalu Aku amat lantang ati ke nuan.”\\n18 Udah nya Moses lalu bejaku, “Awakka aku meda mulia Nuan.”\\n19 Disaut TUHAN, “Aku deka ngasuh mulia Aku mansa mua nuan, lalu di mua nuan empu, Aku deka nyebut nama Aku ti kudus. Aku tu TUHAN, lalu Aku deka ngayanka pengasih enggau penyiru Aku ke orang ke dipilih Aku.\\n20 Aku enda ngasuh nuan meda mua Aku, laban nadai orang ulih idup enti iya meda mua Aku,\\n21 tang ba semak Aku bisi siti endur, alai nuan tau bediri ba atas batu.\\n22 Lebuh mulia Aku mansa, Aku deka nyimpan nuan dalam lubang batu nya, lalu mungkur nuan ngena jari Aku, datai ke Aku udah ngelebus.\\n23 Udah nya Aku deka matak jari Aku baru, lalu nuan deka meda belakang Aku, tang enda meda mua Aku.”\\n1 Ku TUHAN bejaku ngagai Moses, “Tetak dua iti lampang batu baka ke terubah. Aku deka nuliska ba lampang batu nya leka jaku baka ke udah ditulis ba dua iti lampang batu ti terubah, ti dipechahka nuan.\\n2 Tumu pagi hari pagila nuan enda tau enda sedia, lalu niki ngagai Bukit Sinai lalu betemu enggau Aku ba tuchung bukit nya.\\n3 Nadai orang tau datai enggau nuan, tauka bisi ba bukit nya. Indah jelu sapi enggau jelu bedus deh enda tau ditejuka ngulam ba kaki bukit nya.”\\n4 Nya alai Moses lalu ningkuh dua iti lampang batu, lalu tumu pagi hari siti, iya mai lampang batu nya ngagai Bukit Sinai, nitihka asuh TUHAN.\\n5 TUHAN nurun dalam mua hari, bediri dia enggau Moses, lalu madahka nama Diri ti kudus, iya nya TUHAN.\\n6 Udah nya TUHAN mansa mua Moses, lalu ngangau, “Aku tu TUHAN Allah Taala ti kasih sereta siru, lubah ringat, sereta mandangka penetap ati enggau pengerindu ti besai.\\n7 Aku deka tetap rinduka beribu-ribu serak lalu ngampun penyai enggau dosa, tang Aku tetap deka ngukum anak enggau uchu ngagai ketiga enggau keempat serak ketegal dosa apai indai sida.”\\n8 Moses lalu beguai-guai meremi ke tanah, lalu nyembah TUHAN.\\n9 Ku iya, “O TUHAN, enti Nuan amat rinduka aku, aku minta Nuan bejalai enggau kami. Orang tu kieh, tang ampun penyai enggau dosa kami, lalu terima meh kami tu nyadika nembiak Nuan.”\\n10 Ku TUHAN bejaku ngagai Moses, “Diatu Aku ngaga siti sempekat enggau orang Israel. Aku deka ngereja utai ti besai di mua sida baka ke nadai udah kala dikereja ba semua orang bansa bukai di dunya tu. Semua bansa deka meda pemesai utai ti dikereja Aku ti TUHAN, laban Aku deka ngereja utai ti amat besai ke kita.\\n11 Kita enda tau enda ngasika pesan ti deka diberi Aku ngagai kita sehari tu. Aku deka muru orang Amor, orang Kanaan, orang Iti, orang Peris, orang Ibi, enggau orang Jebus, lebuh kita nyerang.\\n12 Anang ngaga sempekat enggau bansa orang ke nguan menua ti digagai kita, laban sempekat nya deka nyadi panjuk ti tau munuh kita.\\n13 Tang kita enda tau enda ngeruntuhka alta sida, ngerusak tiang sida, lalu nebang tiang keramat sida.\\n14 “Anang nyembah petara bukai, laban Aku tu TUHAN ti chemburu.\\n15 Anang ngaga sempekat enggau orang ke diau di menua nya, laban lebuh sida nyembah lalu ngenjuk piring ngagai petara sida, sida deka mai kita sama enggau sida, lalu kita deka tetengukka pemakai ti diberi sida ngagai petara sida.\\n16 Enti anak lelaki kita jadi enggau indu orang bansa bukai, sida deka mai anak lelaki kita ninggalka Aku, lalu nyembah petara sida.\\n19 “Genap iku anak tuai kita ke lelaki, enggau genap iku anak tuai ti lelaki ari jelu tupi kita, endang enggi Aku magang,\\n20 tang kita enda tau enda meli pulai baru genap iku anak tuai keledai kita ngena siku anak domba kena nyilih iya. Enti kita enda meli iya pulai baru, patahka rekung iya. Beli pulai baru semua anak tuai kita ke lelaki. “Nadai orang tau datai ngagai Aku enti iya enda mai piring.\\n23 “Tiga kali dalam setaun semua lelaki ari bala kita enda tau enda datai nyembah Aku TUHAN Allah Taala ke disembah orang Israel.\\n24 Lebuh Aku udah muru semua bansa bukai lalu ngerembaika rampa menua kita, nadai orang deka nguji ngalahka menua kita lebuh kita ngintu gawai tiga bengkah tu.\\n27 Ku TUHAN bejaku ngagai Moses, “Tuliska leka jaku tu, laban Aku ngaga sempekat tu enggau nuan sereta enggau orang Israel, beduduk ba leka jaku tu.”\\n28 Moses diau dia enggau TUHAN empat puluh hari empat puluh malam, nadai makai, nadai ngirup. Iya nuliska ba lampang batu nya semua leka jaku sempekat nya, iya nya Sepuluh Pesan.\\n29 Lebuh Moses nurun ari Bukit Sinai, mai Sepuluh Pesan nya, mua iya beperenching laban iya udah bejaku enggau TUHAN. Tang iya enda nemu mua diri beperenching.\\n30 Aron enggau semua orang mayuh bela merening ngagai Moses, lalu meda mua iya beperenching, lalu sida takut datai semak ngagai iya.\\n31 Tang Moses ngangauka sida, lalu Aron enggau semua tuai bansa mansang ngagai iya. Moses lalu bejaku enggau sida.\\n32 Udah bekau nya, semua orang Israel lalu begelumu ngelingi iya. Moses lalu meri ngagai sida semua pesan ti udah diberi TUHAN ngagai iya ba Bukit Sinai.\\n33 Lebuh Moses udah bejaku enggau sida, iya mampul mua diri ngena kain.\\n34 Genap kali Moses tama ngagai Langkau Kain TUHAN, deka bejaku ngagai TUHAN, iya muka kain ti dikena iya mampul mua iya. Lebuh iya pansut, iya madahka ngagai orang Israel semua utai ti udah diasuh TUHAN sebut iya,\\n35 lalu sida meda mua iya beperenching. Udah nya iya mampul mua iya baru nyentuk ngagai maya iya bejaku baru enggau TUHAN.\\n1 Moses ngempuruka semua orang Israel, lalu bejaku enggau sida, “Tu utai ti udah diasuh TUHAN kereja kita:\\n2 Kita bisi enam hari alai kita gawa, tang hari ti ketujuh nya hari ti kudus, hari kita diau, hari ti diserahka kita ngagai Aku ti TUHAN. Barang sapa gawa ba hari nya, deka dibunuh.\\n3 Indah nungkunka api dalam rumah kita deh kita enda tau lebuh Hari Sabat.”\\n4 Ku Moses bejaku enggau semua orang Israel, “Tu utai ti udah dipesanka TUHAN:\\n5 Beri pemeri ngagai TUHAN. Genap iku orang ke deka meri pemeri, enda tau enda mai pemeri emas, pirak tauka temaga;\\n6 kain linin ti alus; bulu bedus ti biru, ungu enggau mirah; kain ti digaga ari bulu kambin;\\n7 kulit bedus ti lelaki, ti udah dichat mirah; kulit jelu ti udah digaga alus; kayu akasia;\\n8 minyak ke lampu; rempah kena ngaga minyak tata, enggau menyan ti bebau rengut;\\n9 batu unam enggau batu berega ti bukai ti deka dilekatka ba epod enggau ba terabai dada Imam Besai.\\nPerengka Ke Langkau Kain TUHA\\n10 “Semua orang ari bala kita ke landik begagaka utai, enda tau enda datai, lalu ngaga semua utai ti udah diasuh TUHAN, nyengkaum:\\n11 langkau sembiang, tudung ke Langkau sembiang nya, enggau tudung ti ari luar, pengait enggau papan ke langkar langkau nya, alang ke langkar nya, tiang, enggau pelasar ke tiang nya;\\n12 Peti Lampang Batu Adat, kayu ti dikena ngaling iya, tudung iya, enggau kain tirai kena ninding iya;\\n13 mija, kayu ti dikena ngaling mija nya, enggau semua pekekas ke mija nya; roti ti diberi ngagai Allah Taala;\\n14 penuduk lampu, enggau pekekas iya; lampu enggau minyak ke lampu nya;\\n15 alta alai nunu menyan, enggau kayu ti dikena ngaling alta nya; minyak tata; menyan ti bebau rengut; tirai kena ninding mua pintu langkau sembiang nya;\\n16 alta alai nunu piring tunu, enggau gelegar ti digaga ari temaga, ti digantung ari alta nya, kayu ti dikena ngaling alta nya, enggau semua pekekas iya; bisin alai bebasu enggau penuduk iya;\\n17 kain tirai kena ninding tengah laman, tiang alai ngantung tirai enggau pelasar ke tiang nya; kain tirai ke mua pintu penama ngagai tengah laman nya;\\n18 tiang bantilka langkau sembiang nya, enggau tali ti dikena mantilka Langkau Kain nya, enggau kena mantilka kain tirai ti ninding tengah laman nya;\\n19 enggau pekayan ti manah amat ti deka dikena bala imam lebuh sida bekereja dalam Endur ti Kudus, iya nya gari ti kuduska Imam Aron enggau bala anak lelaki iya.”\\n20 Semua orang Israel lalu angkat ari endur nya,\\n21 lalu semua orang ke deka meri pemeri, datai mai pemeri sida ngagai TUHAN kena begagaka Langkau Kain TUHAN. Sida mai semua utai ti diguna kena nyembah Allah Taala, enggau kena begagaka pekayan imam.\\n22 Semua orang ke deka, ti lelaki enggau ti indu, mai pin tambit kain, antin, tinchin, tenggak, enggau semua macham perengka emas, lalu nyerahka semua utai nya ngagai TUHAN.\\n23 Semua orang ke bisi ubung linin ti alus; bulu bedus ti bechura biru, ungu tauka mirah; kain ti digaga ari bulu kambin; kulit bedus ti lelaki ti udah dichat mirah; tauka kulit jelu ti udah dialuska, mai utai nya.\\n24 Semua orang ke ulih meri pirak tauka temaga, mai pemeri sida ngagai TUHAN, lalu semua orang ke bisi kayu akasia, ti tau diguna kena begagaka utai, mai utai nya.\\n25 Semua indu ke landik begagaka utai, mai ubung linin ti alus, enggau ubung bulu bedus ti bechura biru, ungu enggai mirah, ti udah digaga sida.\\n26 Sida mega begagaka ubung ari bulu kambin.\\n27 Bala tuai orang Israel lalu mai batu unam enggau batu berega ti bukai, ti deka dilekatka ba epod, enggau ba terabai dada,\\n28 enggau rempah, enggau minyak ke lampu, minyak kena ngaga minyak tata, enggau menyan ti bebau rengut.\\n29 Semua orang Israel ti deka, datai mai pemeri sida ngagai TUHAN, kena ngereja pengawa ti udah diasuh TUHAN kereja Moses.\\n30 Ku Moses bejaku enggau orang Israel, “TUHAN udah milih Besalel anak Uri, uchu Hur, ari raban bansa Judah.\\n31 Allah Taala udah ngemenuhka iya enggau kuasa Iya lalu udah meri iya penau, pengelandik, enggau penemu kena iya ngereja semua pengawa begagaka utai,\\n32 kena iya begagaka pelan, lalu nguna pelan nya begagaka perengka emas, pirak enggau temaga;\\n33 kena iya netak batu ti berega ti deka dilekatka; ngukir kayu; enggau pengawa bukai.\\n34 TUHAN udah meri ngagai iya enggau ngagai Oholiap anak Ahisamak, ke ari raban bansa Dan, pengelandik ngajar orang bukai begagaka utai.\\n35 Iya udah meri seduai iya pengelandik ngereja semua macham pengawa ti dikereja orang ke betebukka utai, nengkebang, betenun ngena ubung linin ti alus; bulu bedus ti bechura biru, ungu enggau mirah; enggau ngena kain ti bukai. Seduai iya landik ngereja semua macham pengawa, lalu seduai iya landik nengkebang.\\n1 “Besalel, Oholiap, enggau semua orang ke gawa, ti udah diberi TUHAN pengelandik enggau penemu ngereja semua macham pengawa begagaka Langkau Kain TUHAN, enda tau enda ngaga semua utai nya nitihka jaku TUHAN.”\\n2 Moses mesanka Besalel, Oholiap, enggau semua orang bukai ke bisi pengelandik, ti udah diberi TUHAN penau sereta bisi ati deka nulung, lalu ngasuh sida berengkah gawa.\\n3 Sida nerima ari Moses semua pemeri ti udah dibai orang Israel kena begagaka Langkau Kain TUHAN. Tang orang Israel majak mai pemeri sida ngagai Moses tiap pagi.\\n4 Udah nya orang ke landik ngereja pengawa begagaka Langkau Kain TUHAN mansang\\n5 lalu madahka ngagai Moses, “Utai ti diberi orang mayuh kena ngereja pengawa ti diasuh TUHAN, nyau lebih ari chukup.”\\n6 Moses lalu ngirumka pesan ngagai serata kem nya, enda ngasuh orang meri utai agi kena begagaka Langkau Kain TUHAN. Nya alai orang mayuh lalu badu agi mai utai kia.\\n7 Utai ti udah dibai kia nyau lebih ari chukup kena nembuka semua pengawa nya.\\n8 Orang ke pemadu landik ari bala orang ke gawa lalu ngaga langkau sembiang nya ari sepuluh lambar kain linin ti alus, enggau ari bulu bedus ti bechura biru, ungu enggau mirah, lalu disulam enggau gambar bala melikat cherub ti besayap.\\n9 Semua lambar kain nya sebaka pemesai magang. Pemanjai iya 14 meter, lalu buka iya 2 meter.\\n10 Sida nyait lima lambar ari sepuluh lambar kain nya nyadika siti bidang, lalu nyait lima lambar ti bukai nyadi bidang ti kedua.\\n11 Sida ngaga rambing ari kain ti biru ba tisi siti-siti bidang.\\n12 Sida ngelekatka lima puluh iti rambing ba siti bidang, enggau lima puluh iti rambing ti senimbal enggau sida nya, ba tisi kain ti ba bidang ti kedua.\\n13 Sida ngaga lima puluh iti pengait emas, ti dikena sida bejantilka dua iti bidang kain nya nyadi siti langkau sembiang.\\n14 Udah nya, sida ngaga siti tudung ke langkau sembiang nya ari sebelas iti lambar kain ti digaga ari bulu kambin.\\n15 Sida ngaga semua lambar kain nya sebaka pemesai magang: pemanjai iya 15 meter, lalu buka iya 2 meter.\\n16 Sida nyait lima lambar ari kain nya nyadi siti bidang, lalu lima lambar ti bukai nyadi bidang ti kedua.\\n17 Sida ngelekatka lima puluh iti rambing ba tisi lambar kain ti tisi bendar, enggau lima puluh iti rambing ba tisi bidang ti bukai.\\n18 Sida ngaga lima puluh iti pengait temaga, kena bejantilka dua iti bidang kain nya, ngambika dua iti bidang nya nyadi siti tudung.\\n19 Sida mega ngaga dua iti tudung kena map tudung nya, siti ari kulit jelu bedus ti lelaki, ti udah dichat mirah, enggau siti ari kulit jelu ti alus, nyadika tudung ti ari luar bendar.\\n20 Sida ngaga langkar ti bediri ke langkau sembiang nya ari kayu akasia.\\n21 Pemanjai siti-siti kayu langkar nya 4 meter, lalu buka iya 66 sentimeter,\\n22 sereta bisi dua iti cherebut, ngambika kayu langkar nya tau dipejantilka enggau pangan diri. Semua kayu langkar ke langkau sembiang nya bisi cherebut magang.\\n23 Sida ngaga dua puluh iti kayu langkar ke tisi ti muak ke selatan\\n24 enggau empat puluh iti pelasar pirak ti diengkah di baruh langkar nya, dua iti pelasar di baruh siti-siti kayu langkar, endur alai ngunjamka cherebut ti dua iti ti ba kayu langkar nya.\\n25 Sida ngaga dua puluh iti kayu langkar ke tisi ti muak ke utara ke langkau sembiang nya\\n26 enggau empat puluh iti pelasar pirak, dua iti di baruh siti-siti kayu langkar.\\n27 Ke dinding ti di belakang langkau sembiang nya, ti muak ke barat, sida ngaga enam iti kayu langkar.\\n28 Dua iti ari kayu langkar digaga nyadika sukut langkau sembiang nya.\\n29 Langkar ti ba sukut tu bejantil ari baruh nyentuk ke puchuk. Kayu langkar ti dua iti nya, ke dua iti sukut nya, digaga ngena chara nya.\\n30 Nya alai, lapan iti kayu langkar enggau enam belas iti pelasar pirak, dua iti di baruh siti-siti kayu langkar.\\n31 Sida ngaga lima belas iti alang dinding ari kayu akasia, lima iti ke langkar ti ba tisi siti-siti ke langkau sembiang nya,\\n32 lima iti ke langkar ba tisi siti, enggau lima iti langkar ke tisi ti muak ke barat, ti di belakang langkau sembiang nya.\\n33 Alang ti ba tengah-tengah, ti diengkah ngenyauh nya ke atas, ngenyauh nya ke baruh, diengkah sepemanjai tisi Langkau Kain nya, ari ujung siti ngagai ujung siti.\\n34 Sida nyampak kayu langkar Langkau Kain nya enggau emas, lalu ngelekatka chengkerung emas ba kayu langkar nya alai ngerasukka alang dinding. Alang dinding nya mega disampak enggau emas.\\n35 Sida ngaga kain tirai ari kain linin ti alus, bulu bedus ti bechura biru, ungu enggau mirah, lalu disulam enggau gambar bala melikat cherub ti besayap.\\n36 Sida ngaga empat batang tiang ari kayu akasia kena nuatka kain tirai nya, nyampak tiang nya enggau emas, lalu ngelekatka pengait emas ba tiang nya. Udah nya sida lalu ngaga empat iti pelasar pirak alai nudukka tiang nya.\\n37 Ke pintu penama ngagai Langkau Kain nya, sida ngaga siti kain tirai ari linin ti alus, bulu bedus ti bechura biru, ungu enggau mirah, lalu dilagu ngena sulam.\\n38 Sida ngaga lima batang tiang ke kain tirai tu. Siti-siti tiang bisi dilekatka pengait. Puchuk enggau batang tiang nya disampak enggau emas, lalu sida ngaga lima iti pelasar temaga ke tiang nya.\\n1 Besalel ngaga Peti Lampang Batu Adat nya ari kayu akasia. Pemanjai iya 110 sentimeter; buka iya 66 sentimeter, lalu peninggi iya 66 sentimeter.\\n2 Besalel nyampak Peti Lampang Batu Adat nya enggau emas ti tulin, ari luar enggau ari dalam, lalu ngelekatka lilit emas ngelingi Peti nya.\\n3 Iya ngaga empat iti chengkerung emas kena ngesan Peti nya, lalu ngelekatka chengkerung nya ngagai empat iti kaki ke Peti nya, dua iti chengkerung ba tisi siti-siti.\\n4 Iya ngaga kayu kena ngesan Peti nya ari kayu akasia, ti disampak iya enggau emas,\\n5 lalu dirasukka iya ngagai chengkerung ti ba siti-siti tisi Peti nya.\\n6 Iya ngaga tudung ke Peti nya ari emas ti tulin. Pemanjai tudung nya 110 sentimeter, lalu buka iya 66 sentimeter.\\n7 Besalel nempa dua iku melikat cherub ti besayap, ari emas,\\n8 siku ke tiap iti puting tudung nya. Iya ngaga melikat dua iku nya selajur enggau emas ti dikena ngaga tudung nya empu.\\n9 Melikat cherub ti besayap nya betunga mua enggau pangan diri ba atas tudung nya, lalu sayap seduai iya ngerembai mungkur tudung nya.\\n10 Besalel ngaga mija nya ari kayu akasia. Pemanjai mija nya 88 sentimeter. Buka iya 44 sentimeter, lalu peninggi iya 66 sentimeter.\\n11 Besalel nyampak mija nya enggau emas ti tulin, lalu ngaga lilit emas ngelingi mija nya.\\n12 Iya ngaga bingkai, buka 7.5 sentimeter, ngelingi mija nya, lalu ngaga lilit ba semua tisi bingkai nya.\\n13 Iya ngaga empat iti chengkerung emas kena ngaling mija nya, lalu ngelekatka chengkerung nya ba empat iti kaki ti ba sukut mija nya.\\n14 Chengkerung emas ti dikena ngaling mija nya diengkah semak bingkai mija nya.\\n15 Iya ngaga kayu pengaling ke mija nya ari kayu akasia, ti disampak iya enggau emas.\\n16 Iya ngaga semua chapak ke mija nya ari emas ti tulin: nyengkaum pinggai, mangkuk, tepayan, enggau mangkuk ti dikena ngenjuk piring wain.\\n17 Besalel ngaga penuduk lampu ari emas ti tulin, lalu ngaga penuduk enggau batang penuduk lampu nya ari emas ti ditempa. Bungai ti dikena ngias penuduk lampu nya, nyengkaum kuntum enggau serindak bungai, ditempa selajur ari emas ti dikena ngaga penuduk lampu nya empu.\\n18 Enam iti dan pansut ari tisi penuduk lampu nya, tiga iti ari sepiak-sepiak.\\n19 Genap iti dan nya bisi tiga iti bungai kena ngias iya, digaga baka gamal bungai almon, ti bisi kuntum enggau serindak.\\n20 Batang penuduk lampu nya bisi empat iti bungai kena ngias iya. Bungai nya baka gamal bungai almon, lalu bisi kuntum enggau serindak.\\n21 Siti kuntum digaga ari baruh siti gerempung dan.\\n22 Kuntum bungai nya, dan iya, enggau penuduk lampu nya ditempa selajur ari siti lumpung emas.\\n23 Iya ngaga tujuh iti lampu ke penuduk lampu nya, lalu iya ngaga sepit enggau talam ari emas ti tulin.\\n24 Iya ngena 34 kilogram emas ti tulin begagaka penuduk lampu, enggau semua pekekas ke penuduk lampu nya.\\n25 Besalel ngaga siti alta ari kayu akasia, alai nunu menyan. Mija nya besegi empat. Pemanjai iya 45 sentimeter; buka iya 45 sentimeter, lalu peninggi iya 90 sentimeter. Tanduk mija nya, ti ba empat iti sukut mija nya, digaga selajur enggau isi mija nya empu.\\n26 Iya nyampak puchuk, semua empat iti tisi, enggau tanduk mija nya enggau emas ti tulin, lalu ngelekatka lilit emas ngelingi mija nya.\\n27 Iya ngaga dua iti chengkerung emas kena ngaling mija nya, lalu ngelekatka chengkerung nya ari baruh lilit ti ba tisi dua iti, alai ngerasukka kayu ti dikena ngaling mija nya.\\n28 Iya ngaga kayu pengaling ke mija nya ari kayu akasia, ti disampak iya enggau emas.\\nNgaga Alta Alai Nunu Piring\\n1 Besalel ngaga siti alta ari kayu akasia, alai nunu piring. Alta nya besegi empat. Pemanjai iya 2 meter, buka iya 2 meter lalu peninggi iya 1 meter.\\n2 Besalel ngaga tanduk ba atas empat iti sukut alta nya, selajur enggau isi alta nya empu. Iya nyampak semua alta nya enggau temaga.\\n3 Iya mega begagaka semua pekekas ke alta nya: talam alai engkah amau, pekekas kena ngauk amau, mangkuk, pengait, enggau talam alai engkah bara api. Semua pekekas nya digaga ari temaga magang.\\n4 Iya ngaga gelegar ari temaga, lalu ngelekatka gelegar nya ari baruh bingkai alta nya, ngenyauh nya ke atas, ngenyauh nya ke baruh.\\n5 Iya ngaga empat iti chengkerung kena ngaling alta nya. Chengkerung nya dilekatka iya ba empat iti sukut alta nya.\\n6 Iya ngaga kayu pengaling ke alta nya, ari kayu akasia, ti disampak iya enggau temaga.\\n7 Kayu pengaling nya dirasukka ngagai chengkerung ti ba tisi alta nya. Alta nya digaga ari papan, lalu berumbang.\\nNgaga Bisin Temaga\\n8 Iya ngaga bisin temaga enggau penuduk ke bisin nya ari cheremin temaga ti diempu bala indu ke bekereja ba penama ngagai Langkau Kain TUHAN.\\nPagar Ke Langkau Kain TUHAN\\n9 Iya ngaga tirai kain linin ti alus nyadika dinding ngelingi Langkau Kain TUHAN. Ba tisi ti muak ke selatan, pemanjai tirai nya 50 meter,\\n10 digantung ari dua puluh batang tiang temaga, ti duduk ba dua puluh iti pelasar temaga, lalu bisi pengait enggau simpai pirak.\\n11 Dinding ke tisi ti muak ke utara sebaka enggau iya ti muak ke selatan, sama panjai 50 meter.\\n12 Ba tisi ti muak ke barat, pemanjai kain tirai nya 25 meter, lalu bisi sepuluh batang tiang enggau sepuluh iti pelasar ke tiang nya, sereta bisi pengait enggau simpai pirak.\\n13 Ba tisi ti muak ke timur, ba endur alai pintu penama ngagai Langkau Kain nya, pemanjai dinding nya 25 meter.\\n14-15 Ba sepiak-sepiak pintu penama nya bisi 7.5 meter kain tirai, enggau tiga batang tiang, enggau tiga iti pelasar.\\n16 Semua kain tirai ti ngelingi tengah laman nya digaga ari kain linin ti alus magang.\\n17 Pelasar ke tiang nya digaga ari temaga, lalu pengait, simpai, enggau tutup ke puchuk tiang nya digaga ari pirak magang. Semua tiang ti ngelingi endur nya dipejantilka enggau pangan diri ngena sengkar pirak.\\n18 Kain tirai ke pintu penama ngagai tengah laman nya digaga ari kain linin, ti ditenun ari bulu bedus ti bechura biru, ungu enggau mirah, lalu disulam. Pemanjai kain tirai nya 10 meter, lalu peninggi iya 2.5 meter, baka dinding ti ngelingi tengah laman nya.\\n19 Kain tirai nya digantung ari empat batang tiang, ti duduk ba atas empat iti pelasar temaga. Pengait ke tiang nya, tutup puchuk tiang nya, enggau sengkar kena bejantilka tiang nya digaga ari pirak magang.\\n20 Semua tiang bantilka langkau sembiang nya, enggau ke dinding ti ngelingi tengah laman nya, digaga ari temaga magang.\\nMacham Besi Ti Dikena Dalam Langkau Kain TUHAN\\n21 Tu gaya penyampau utai ti dikena ngaga Langkau Kain TUHAN, endur alai nyimpan dua iti lampang batu ti alai Sepuluh Pesan udah ditulis. Utai nya udah dipinta Moses, lalu ditulis orang Lewi ke bekereja di baruh Itamar anak Imam Aron.\\n22 Besalel anak Uri, uchu Hur, ari raban bansa Judah, ngaga semua utai ti udah diasuh TUHAN.\\n23 Orang ke nulung iya, Oholiap anak Ahisamak, ari raban bansa Dan, nya endang orang ke tukang ukir, tukang nengkebang, tukang tenun ngena linin ti alus, enggau ngena bulu bedus ti bechura biru, ungu enggau mirah.\\n24 Semua emas ti udah diserahka ngagai TUHAN kena ngaga Langkau Kain TUHAN, berat 1,000 kilogram, ditimbang ngena atur timbang ti udah diletak dalam Langkau Kain TUHAN.\\n25 Semua pirak ti ulih ari pengawa ti ngitung tubuh orang Israel, berat 3,430 kilogram, ditimbang ngena atur timbang ti udah diletak dalam Langkau Kain TUHAN.\\n26 Penyampau utai tu sebaka enggau penyampau ti udah dibayar semua orang ke udah ditulis nama lebuh ngitung tubuh. Genap iku sida nya mayar penyampau ti ditetapka nitihka atur timbang ti udah diletak dalam Langkau Kain TUHAN. Pemayuh lelaki orang Israel ke umur dua puluh taun ke atas, ke ditulis nama lebuh ngitung tubuh nya 603,550 iku.\\n27 Ari semua pirak nya, 3,409 kilogram dikena ngaga seratus iti pelasar ke Langkau Kain TUHAN, enggau pelasar ke kain tirai, 34 kilogram ke siti-siti pelasar.\\n28 Dua puluh tiga kilogram teda pirak nya dikena Besalel ngaga simpai enggau pengait ke tiang, enggau tutup ke puchuk tiang.\\n29 Penyampau temaga ti udah diserahka ngagai TUHAN nya 2,425 kilogram.\\n30 Temaga nya dikena ngaga pelasar ke pintu Langkau Kain TUHAN, kena ngaga alta temaga, enggau gelegar ke alta nya, enggau semua pekekas ti dikena ba alta nya,\\n31 pelasar ke dinding ti ngelingi tengah laman enggau ke pintu penama ngagai tengah laman nya, sereta enggau semua tiang bantilka langkau sembiang nya, enggau tiang bantilka dinding tengah laman nya.\\nNgaga Pekayan Ke Bala Imam\\n1 Sida ngaga pekayan ke sida imam ari bulu bedus ti bechura biru, ungu enggau mirah, ngambika bisi dikena sida imam lebuh sida gawa ba Endur ti Kudus. Sida ngaga pekayan imam ke Aron nitihka pesan TUHAN ngagai Moses.\\n2 Sida ngaga epod ari kain linin, bulu bedus ti bechura biru, ungu enggau mirah; enggau ari ubung emas.\\n3 Sida nempa keping emas ti mipis, lalu netak keping emas nya nyadi ubung emas ti alus, ngambika bisi disulamka ngagai kain linin ti alus, enggau ngagai bulu bedus ti bechura biru, ungu enggau mirah.\\n4 Sida ngaga dua iti papak tali bau ke epod, lalu ngelekatka papak tali bau nya ngagai tisi epod nya kena nanchang iya.\\n5 Belulang ti udah ditenun, ti digaga ari utai ti dikena ngaga epod, dijait ngagai epod nya, ngambika belulang nya selajur enggau epod nya empu, nitihka pesan TUHAN ngagai Moses.\\n6 Sida nyendiaka batu unam, lalu ngengkahka batu nya dalam sangkum emas. Nama dua belas iku anak lelaki Jakop udah ditebuk ba batu nya.\\n7 Sida ngengkahka batu karnelian ba papak tali bau epod, kena ngingatka dua belas raban bansa orang Israel, nitihka pesan TUHAN ngagai Moses.\\nNgaga Terabai Dada\\n8 Sida ngaga terabai dada ari utai ti dikena sida ngaga epod, lalu disulam sebaka enggau epod nya.\\n9 Terabai dada nya besegi empat, lalu dilipat dua. Pemanjai iya 22 sentimeter lalu buka iya 22 sentimeter.\\n10 Sida ngengkahka empat iti rintai batu ti berega ba terabai dada nya. Rintai ti keterubah ngundan batu akek, batu sebarajat, enggau batu berega ti mirah;\\n11 ba rintai ti kedua, batu samerut, batu nilam, enggau batu intan;\\n12 ba rintai ti ketiga, batu pusparagan, batu sejabu, enggau batu matis;\\n13 lalu ba rintai ti keempat, batu perusah, batu unam, enggau batu asija.\\n14 Sigi-sigi batu nya bisi nama siku ari bala anak lelaki Jakop, ti ditebuk ba batu nya, kena ngingatka dua belas raban bansa orang Israel.\\n15 Ke terabai dada, sida ngaga rantai ari emas ti tulin, ti dibelitka baka tali.\\n16 Sida ngaga dua iti sangkum emas, enggau dua iti chengkerung emas, lalu ngelekatka chengkerung emas nya ngagai sukut terabai dada nya ti di atas.\\n17 Sida ngelekatka tali emas ti dua iti nya ngagai dua iti chengkerung emas nya\\n18 lalu ngelekatka puting tali emas ti ari setak, ngagai sangkum emas ti dua iti nya. Nya meh chara sida nanchangka tali emas di mua, ngagai papak tali bau epod.\\n19 Sida ngaga dua iti chengkerung emas, lalu ngelekatka chengkerung emas ti dua iti nya ngagai dua iti sukut terabai dada di baruh, ba tisi ti ari dalam, ti semak epod.\\n20 Sida ngaga dua iti da agi chengkerung emas, lalu ngelekatka chengkerung nya ngagai tisi papak tali bau ke epod, ari baruh, semak abi jait epod, ari atas belulang ti ditenun alus.\\n21 Nitihka padah TUHAN ngagai Moses, sida nanchangka chengkerung ti ba terabai dada ngagai chengkerung ti ba epod, ngena tali ti biru, ngambika terabai dada nya terengkah ba atas belulang nya, lalu enda ngelechut.\\nNgaga Pekayan Bukai Ke Bala Imam\\n22 Baju panjai ti dibap epod, digaga ari bulu bedus aja.\\n23 Lubang alai ngerasukka pala, digaga tegap ngena bingkai ti ditenun, ngambika enda charik.\\n24-26 Ba semua puting baju panjai nya sida ngelekatka buah delima ti digaga ari kain linin ti alus, enggau ari bulu bedus ti bechura biru, ungu enggau mirah, beselat enggau gerunung ti digaga ari emas ti tulin, nitihka pesan TUHAN ngagai Moses.\\n27 Sida ngaga baju ke Aron, enggau ke bala anak lelaki iya,\\n28 enggau labung, selapuk, tanchut pandak ari linin,\\n29 enggau selampai ari linin ti alus, enggau ari bulu bedus ti bechura biru, ungu enggau mirah, lalu disulam, nitihka pesan TUHAN ngagai Moses.\\n30 Sida ngaga, ari emas ti tulin, utai ti dikena ngelagu makota ti kudus nya, lalu sida nebukka leka jaku, “Diserahka Ngagai TUHAN”, ba makota nya.\\n31 Sida nanchangka makota nya ba mua labung, ngena tali ti biru, nitihka pesan TUHAN ngagai Moses.\\nPengawa Tembu Dikereja\\n32 Semua pengawa begagaka langkau sembiang dalam Langkau Kain TUHAN pen tembu. Orang Israel udah ngaga semua utai nya nitihka pesan TUHAN ngagai Moses.\\n33 Sida lalu mai langkau sembiang, enggau semua pekekas iya, pengait iya, ramu langkar, alang dinding, tiang, enggau pelasar ke tiang nya;\\n34 tudung Langkau Kain nya ti digaga ari kulit bedus ti lelaki, dichat mirah; tudung ke Langkau Kain nya ti digaga ari kulit jelu ti digaga alus; kain tirai;\\n35 Peti Lampang Batu Adat ti ngundan lampang batu, kayu ti dikena ngesan Peti nya, enggau tudung Peti nya;\\n36 mija enggau semua pekekas iya, enggau roti ti diberi ngagai Allah Taala;\\n37 penuduk lampu ti digaga ari emas ti tulin, lampu, semua pekekas enggau minyak ke lampu nya;\\n38 alta ti digaga ari emas, minyak tata; menyan ti bebau rengut; kain tirai ke pintu penama ngagai Langkau Kain nya;\\n39 alta enggau gelegar ti digaga ari temaga, kayu ti dikena ngaling alta nya, enggau semua pekekas ke alta nya; bisin alai bebasu, enggau penuduk iya;\\n40 kain tirai ti dikena ninding tengah laman, tiang iya, enggau pelasar ke tiang nya; kain tirai ke pintu penama ngagai tengah laman nya, enggau tali bantil sida; tiang bantilka langkau sembiang nya; semua pekekas ti deka dikena dalam langkau sembiang nya, enggau dalam Langkau Kain TUHAN;\\n41 enggau pekayan ti manah ti deka dikena bala imam dalam Endur ti Kudus, iya nya gari ti kuduska Aron ti nyadi imam, enggau ke bala anak lelaki iya.\\n42 Orang Israel udah ngereja semua pengawa nya betul-betul nitihka pesan TUHAN ngagai Moses.\\n43 Moses meresa semua utai nya, lalu meda semua utai nya udah digaga nitihka asuh TUHAN. Nya alai Moses merekatka utai nya.\\n2 “Kena satu hari bulan ti kesatu, dirika langkau sembiang ke Langkau Kain TUHAN.\\n3 Engkahka dalam langkau sembiang nya, Peti Lampang Batu Adat ti ngundan Sepuluh Pesan, lalu gantung kain tirai di mua Peti nya.\\n4 Bai mija ngagai langkau sembiang nya, lalu engkahka pekekas ba atas mija nya. Bai mega penuduk lampu ngagai langkau sembiang nya, lalu lekatka lampu ba penuduk lampu nya.\\n5 Dirika mija ti digaga ari emas, ti alai nunu menyan, di mua Peti Lampang Batu Adat, lalu gantung kain tirai di mua pintu langkau sembiang nya.\\n6 Dirika mija ti alai nunu piring di mua langkau sembiang ke Langkau Kain TUHAN.\\n7 Engkah bisin ti dikena bebasu ba entara Langkau Kain TUHAN enggau alta nya, lalu irika ai ngagai bisin nya.\\n8 Dirika tirai ngelingi tengah laman nya, lalu gantung tirai ba pintu penama ngagai tengah laman nya.\\n9 “Udah nya ambi minyak tata, lalu tata langkau sembiang nya, enggau semua utai ti dalam iya ngambika nyeraraka sida. Semua utai nya nyadi kudus magang.\\n10 Udah nya, tata alta enggau semua pekekas ke mija nya kena nyerahka iya, ngambika utai nya kudus magang.\\n11 Ngena chara nya mega, serahka bisin ti dikena bebasu enggau penuduk iya.\\n12 “Bai Aron enggau bala anak lelaki iya ngagai penama Langkau Kain TUHAN, lalu asuh sida mandi dia.\\n13 Rasukka pekayan imam ngagai Aron, tata iya. Nya meh chara nuan nyeraraka iya, ngambika iya tau gawa nyadi imam ke Aku.\\n14 Bai bala anak lelaki iya, lalu rasukka baju ba sida.\\n15 Udah nya, tata sida, baka chara nuan ke nata apai sida, ngambika sida tau gawa nyadi imam ke Aku. Enggau minyak tata nya, sida diserahka nyadi imam belama iya.”\\n16 Moses ngereja semua utai nya nitihka asuh TUHAN.\\n17 Nya alai, kena satu hari bulan ti kesatu, dalam taun ti kedua sida udah angkat ari menua Ejip, langkau sembiang nya didirika.\\n18 Moses nanam pelasar ke langkau sembiang nya, nirika papan langkar iya, ngelekatka alang dinding, lalu nirika tiang ke langkau sembiang nya.\\n19 Iya nganchau tudung ba atas langkau sembiang nya, lalu ngengkahka tudung ti ari luar amat ba atas langkau sembiang nya, betul-betul nitihka asuh TUHAN.\\n20 Udah nya iya ngambi dua iti lampang batu Adat, lalu ngengkahka lampang batu nya dalam Peti Lampang Batu Adat. Iya ngerasukka kayu pengaling Peti ngagai chengkerung Peti, lalu ngengkahka tudung ba atas Peti nya.\\n21 Udah nya iya ngengkahka Peti nya dalam langkau sembiang, lalu ngantung kain tirai. Nya meh chara iya ninding Peti Lampang Batu Adat nya, nitihka asuh TUHAN.\\n22 Iya ngengkahka mija dalam Langkau Kain TUHAN, ba tisi utara langkau sembiang, di luar kain tirai,\\n23 lalu ngengkahka ba atas mija nya, roti ti diserahka ngagai TUHAN, nitihka asuh TUHAN.\\n24 Iya ngengkahka penuduk lampu dalam Langkau Kain TUHAN, ba tisi selatan, seberai ari mija nya.\\n25 Iya lalu nungkun lampu nya di mua TUHAN, nitihka asuh TUHAN.\\n26 Iya ngengkahka alta emas dalam Langkau Kain TUHAN, di mua kain tirai,\\n27 lalu nunu menyan ti bebau rengut dia, nitihka asuh TUHAN.\\n28 Iya ngantung kain tirai ba pintu penama ngagai langkau sembiang,\\n29 lalu ngengkahka alta alai nunu piring ba mua pintu langkau sembiang ke Langkau Kain TUHAN, lalu ngenjuk piring tunu enggau piring gandum ba alta nya, nitihka asuh TUHAN.\\n30 Iya ngengkahka bisin ti dikena bebasu ba entara Langkau Kain TUHAN enggau alta nya, lalu ngisi bisin nya enggau ai.\\n31 Moses, Aron, enggau bala anak lelaki iya masu kaki sida dia\\n32 genap kali sida tama ngagai Langkau Kain TUHAN, tauka mansang ngagai alta nya, nitihka asuh TUHAN.\\n33 Moses nirika dinding ngelingi langkau sembiang enggau alta nya, lalu ngantung kain tirai ba pintu penama ngagai tengah laman. Nya meh chara iya nembuka semua pengawa nya.\\n34 Udah nya mua hari lalu mungkur Langkau Kain TUHAN, lalu mulia TUHAN ngisi endur nya.\\n35 Lalu Moses enda ulih tama ngagai Langkau Kain TUHAN, laban mua hari nya diau ba atas Langkau Kain nya, lalu mulia TUHAN ngemenuhka langkau sembiang.\\n36 Tiap kali mua hari nya angkat ari langkau sembiang nya, orang Israel mindah kem.\\n37 Seagi-agi mua hari nya mengkang ari atas Langkau Kain nya, orang Israel mengkang enda mindah ari endur nya.\\n38 Sekumbang sida ke mindahka kem ari endur siti ngagai endur siti, orang Israel ulih meda mua hari TUHAN ba atas langkau sembiang nya lebuh siang hari, enggau api ti menyadi ari atas langkau sembiang nya lebuh malam hari.","num_words":29523,"character_repetition_ratio":0.086,"word_repetition_ratio":0.015,"special_characters_ratio":0.217,"stopwords_ratio":0.338,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 21 BK - “Beri adat tu ngagai orang Israel: - Bible Search\\nPemansut 20 Pemansut 22\\nAdat Pasal Ulun\\n(Ulang Adat 15.12-18)\\n1“Beri adat tu ngagai orang Israel: 2 Enti kita meli orang Hebrew nyadi ulun kita, iya deka bekereja ke kita enam taun. Dalam taun ti ketujuh, iya enda tau enda dilepaska, lalu iya enda ibuh mayar kita. 3Enti iya agi bujang lebuh iya nyadi ulun kita, iya enda tau mai bini iya lebuh iya angkat ari nya. Tang enti iya endang udah bebini lebuh iya nyadi ulun kita, iya tau angkat mai bini iya. 4Enti tuan iya meri iya bini, lalu bini iya nya ngadaka anak lelaki tauka anak indu, bini iya nya enggau anak iya sama diempu tuan iya, lalu lelaki nya angkat ari nya kediri. 5Tang enti ulun nya madahka diri rinduka tuan iya, rinduka bini iya, enggau ke anak iya, lalu enggai dilepaska, 6tuan iya enda tau enda mai iya ngagai endur alai nyembah Allah Taala. Dia iya deka ngasuh ulun nya bediri ngimbai pintu tauka tiang pintu, lalu nanchum pending iya ngena siti pekekas, lalu iya deka nyadi ulun seumur idup.\\n7“Enti orang nyual anak indu iya nyadi ulun, indu nya enda tau dilepaska, baka ke ngelepaska ulun ti lelaki. 8Enti indu nya dijual ngagai orang ke deka ngambi iya nyadi bini, tang lelaki nya enda rinduka iya, indu nya tau ditebus pulai baru. Tuan iya enda tau nyual iya ngagai orang bansa bukai, laban tuan iya udah enda manah enggau iya. 9Enti apai meli ulun ti indu lalu meri indu nya ngagai anak lelaki iya, apai lelaki nya enda tau enda ngaga indu nya baka anak iya empu. 10Enti anak lelaki nya deka bebini dua, iya enda tau enda, baka selama, majak meri pemakai, gari enggau hak ngagai bini iya ti keterubah. 11Enti iya enda ngereja tanggungjawap nya ngagai bini iya, iya enda tau enda ngelepaska bini iya pechuma lalu nadai nerima bayar.\\nAdat Pasal Ngemediska Orang\\n12 “Barang sapa malu orang, lalu orang nya mati, orang ke malu iya nya deka dibunuh. 13 Tang enti iya tekelanjur munuh orang nya, lalu ukai sengaja deka munuh iya, iya tau rari ngagai siti endur ti deka dipilih Aku ke kita. Dia orang nya tau diau likun. 14Tang lebuh orang ringat lalu sengaja munuh orang, iya deka dibunuh, taja pen iya rari ngagai alta Aku ngiga pengelikun.\\n15“Barang sapa malu apai diri, tauka indai diri, deka dibunuh.\\n16 “Barang sapa nangkap lalu nabanka orang, nemuka laban iya deka nyual iya, tauka deka ngaga iya nyadi ulun, enda tau enda dibunuh.\\n17 “Barang sapa nyumpah apai tauka indai diri, deka dibunuh.\\n18-19“Enti orang belaya, lalu siku ari seduai nya nuku pangan ngena batu, tauka mukut iya, tang enda munuh iya, orang nya enda patut diukum bunuh. Enti orang ke dituku tauka dibukut nya sakit, tang udah lepas nya tau angkat lalu bejalai ke luar ngena tungkat, orang ke nuku tauka mukut iya enda tau enda mayar pengerugi hari iya ti enda gawa, lalu ngintu iya datai ke iya gerai.\\n20“Enti orang ke bempu ulun malu ulun iya ngena kayu, nemuka ulun nya lelaki tauka indu, lalu ulun nya mati terus, orang ke bempu ulun nya deka diukum. 21Tang enti ulun nya enda mati dalam sehari tauka dua hari, tuan ke bempu ulun nya enda kena ukum, laban pemati ulun iya, ke endang reta tengkira iya empu, chukup nyadika ukum iya. 22“Enti orang lelaki belaya, lalu ngemediska siku indu ke ngandung, lalu indu nya lenyau kandung, tang nadai pedis nama-nama kelimpah ari ke lenyau kandung, orang ke ngemediska iya enda tau enda diasuh mayar ukum nitihka pinta laki indu nya, sereta dikemendarka bala hakim. 23Tang enti indu nya bakal, ukum ti dikena nya: nyawa balas nyawa, 24 mata balas mata, ngeli balas ngeli, jari balas jari, kaki balas kaki, 25betu balas betu, telih balas telih, malui balas malui.\\n26“Enti orang malu ulun ti lelaki tauka ulun ti indu ba mata, lalu mata iya buta ketegal nya, orang nya enda tau enda ngelepaska ulun nya, laban mata iya sepiak udah buta. 27Enti iya matahka sigi ngeli ulun iya, iya enda tau enda ngelepaska ulun iya nya, laban ulun iya udah patah ngeli.\\nTanggungjawap Orang Ke Bempu Jelu Tupi\\n28“Enti sapi ti lelaki nanduk orang, lalu orang nya mati laban sapi nya, jelu nya enda tau enda dituku ngena batu, lalu isi iya enda tau diempa, tang orang ke bempu iya enda kena ukum. 29Tang enti sapi nya selalu nanduk orang, lalu orang ke bempu iya udah diberi jaku tangkan, tang enda ngandang jelu nya - enti jelu nya nanduk orang, lalu orang ke ditanduk iya mati, jelu nya enda tau enda dituku ngena batu, lalu orang ke bempu jelu nya mega dibunuh. 30Tang enti orang ke bempu jelu nya dipinta mayar ukum kena iya nebus nyawa diri, iya enda tau enda mayar semua duit tebus ti dipinta. 31Enti sapi ti lelaki nya nanduk nembiak ti lelaki tauka indu, adat tu deka mega dikena. 32Enti sapi ti lelaki nya nanduk ulun ti lelaki tauka indu, orang ke bempu sapi nya enda tau enda mayar orang ke bempu ulun nya tiga puluh singkap duit pirak, lalu sapi nya deka dituku ngena batu datai ke iya mati.\\n33“Enti orang enda nutup mua lubang kebung, tauka enti orang numbak lubang kebung lalu enda nutup mua lubang kebung nya, lalu jelu sapi ti lelaki tauka keledai labuh ngagai lubang nya, 34orang ke bempu lubang kebung nya enda tau enda mayar rega jelu nya. Iya enda tau enda mayar duit nya ngagai orang ke bempu jelu nya, lalu iya tau bempu bangkai jelu nya. 35Enti sapi ti lelaki, ti diempu orang siku, bisi nyayat sapi ti lelaki orang bukai, seduai iya enda tau enda nyual sapi ti lelaki ti agi idup nya, lalu bedua rega sapi nya. Seduai iya tau mega bedua dagin jelu ti udah mati nya. 36Tang enti jelu nya endang ditemu selalu deka nanduk sapi bukai, lalu orang ke bempu iya enda ngandang iya, orang nya enda tau enda meri siku sapi ti lelaki ti idup ngagai orang ke bempu sapi ti mati nya, kena nganti pengerugi iya, lalu tau bempu bangkai jelu nya.","num_words":1000,"character_repetition_ratio":0.105,"word_repetition_ratio":0.0,"special_characters_ratio":0.22,"stopwords_ratio":0.383,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"14 October 2018 - Hari Minggu Ke Dua Puluh Lapan Musim Selama\\n“Pengajar ti manah, nama utai ti enda tau enda dikereja aku ngambika aku bulih pengidup ti meruan belama iya?”\\nPenemu Dalam Solomon 7: 7 - 11\\nLaban aku nemu diri empu endang mensia, nya alai aku besembiang, lalu diberi pemereti, lalu roh Penemu-dalam datai ngagai aku.\\nAku ngira iya lebih tinggi ari penuduk tauka makuta raja. Pengeraja nadai banding enggau iya.\\nPemesai reti Penemu-dalam jauh lebih ari batu intan; semua mas dalam dunya baka segenggam pasir ti dibanding enggau Penemu-dalam, lalu pirak baka tanah dibanding enggau iya.\\nAku ngira iya lebih agi ari pengerai enggau pemanah gamal. Penampak iya enda nemu kelabur. Aku sigi milih iya ari penampak bukai.\\nLebuh Penemu-dalam datai ngagai aku, semua utai ti manah sama datai enggau iya. Iya mai ngagai aku mayuh macham pengeraja.\\nMasmur 90: 12 - 13, 14 - 15, 16 - 17\\nSaut (peda 14): Isi kami enggau pengerindu Nuan, O TUHAN, lalu kami deka belagu gaga ati.\\nAjar kami pasal pemandak umur kami,\\nngambika kami tau nyadi orang ke pintar. Ni pengelama Nuan agi ringat? Kasihka kami ke nembiak Nuan, O TUHAN!\\nSaut: Isi kami enggau pengerindu Nuan, O TUHAN, lalu kami deka belagu gaga ati.\\nIsi kami genap pagi enggau pengerindu Nuan ti meruan belama iya, ngambika kami ulih belagu lalu gaga ati sepemanjai umur kami. Beri kami diatu pengelantang\\nngenyampau penusah ti udah diberi Nuan ngagai ati kami dalam berapa taun kami ke natka diri merinsa.\\nAwakka kami ke nembiak Nuan, meda pengawa Nuan ti besai. Awakka peturun kami meda pemesai kuasa mulia Nuan. O TUHAN Allah Taala kami, awakka berekat Nuan seruran enggau kami. Asuh kami mujur dalam semua utai ti dikereja kami!\\nHebrew 4: 12 - 13\\nLaban jaku Allah Taala idup sereta bekuasa, tajam agi ari pedang ti bemata dua, ti ngerejang datai ke iya nyeraraka semengat ari roh, nyeraraka buku tulang ari untak tulang; iya ulih ngakim runding enggau niat ati mensia.\\nNadai utai ulih dipelalaika ari Allah Taala. Semua deka dikebak lalu diayanka magang di mua Iya. Lalu semua kitai enda tau enda madahka pasal diri empu ngagai Iya.\\nAlleluia (peda Matthew 5: 3)\\nBeberekat meh orang ke seranta dalam roh, laban Perintah serega endang enggi sida.\\nMark 10: 17 - 30\\nLebuh Jesus baru deka mupuk, siku lelaki belanda datai lalu besugang di mua Iya, lalu nanya, “Pengajar ti manah, nama utai ti enda tau enda dikereja aku ngambika aku bulih pengidup ti meruan belama iya?”\\nKu Jesus bejaku ngagai iya, “Nama kebuah nuan ngumbai Aku manah? Nadai orang ke manah. Semina Allah Taala siku aja manah.\\nNuan nemu pesan:\\n‘Anang munuh orang;\\nAnang betenahka orang;\\nAnang nipu orang;\\nBebasaka apai indai nuan.’”\\nOrang nya lalu nyaut, “Pengajar, semua pesan nya udah dititihka aku magang kenyau ari aku agi biak.”\\nJesus merening ngagai iya, rinduka iya, lalu bejaku ngagai iya, “Siti utai apin dikereja nuan. Mupuk nuan lalu jual semua utai ti dikemisi nuan, lalu beri ngagai orang ke seranta. Nya baru nuan bisi pengaya di serega. Udah nya titihka Aku.”\\nLebuh lelaki nya ninga nya, mua iya lalu bebali tusah lalu mupuk ari endur nya enggau ati ti balat tusah, laban iya kaya bendar.\\nJesus lalu malik kiba kanan, lalu bejaku ngagai sida murid Iya, “Mar amat meh orang ke kaya tama ngagai Perintah Allah Taala!”\\nSida murid tusah ati ninga nya, tang ku Jesus bejaku ngagai sida, “Anak, mar amat meh tama ngagai Perintah Allah Taala! Nyamai agi jelu unta tama nengah lubang jarum ari orang ke kaya tama ngagai Perintah Allah Taala.”\\nSida lalu balat amat alit ati, lalu bejaku enggau pangan diri, “Enti pia, sapa ulih diselamatka?”\\nJesus merening ngagai sida, lalu bejaku,\\n“Ba mensia, utai tu enda ulih, tang ba Allah Taala utai tu enda baka nya, laban ba Allah Taala semua utai ulih magang.”\\nPeter lalu belabuh bejaku enggau Iya,\\n“Peda Nuan, kami udah ninggalka semua utai, lalu nitihka Nuan.”\\nKu Jesus bejaku, “Enggau bendar Aku madah ngagai kita, nadai orang ke udah ninggalka rumah, tauka menyadi lelaki, tauka menyadi indu, tauka indai, tauka apai, tauka anak, tauka tanah, ketegal Aku, enggau ketegal Berita Manah, enda nerima seratus kali lipat mayuh agi ba maya ti diatu -- rumah, menyadi lelaki, enggau menyadi indu, indai, anak, enggau tanah, sereta kena perinsa -- lalu dalam dunya ti deka datai, bulih pengidup ti meruan belama iya.”\\nKu Jesus bejaku ngagai iya,\\n“Nama kebuah nuan ngumbai Aku manah? Nadai orang ke manah. Semina Allah Taala siku aja manah.\\nBebasaka apai indai nuan.’\\nSiku lelaki parai, motosikal belantak enggau sebuah kerita\\nKASIH AMAT : Pendiau ba palan eksiden ke nyadi. KUCHING : Siku lelaki deriba motosikal parai ketegal balat bakal ba pengudah eksiden...\\nSiku indu parai, ketup laki iya\\nKASIH AMAT : Raban polis benung bejalaika pengawa mansik. JAKARTA : Siku indu parai pengudah rekung iya kena ketup laki iya lalu ngejun...","num_words":737,"character_repetition_ratio":0.058,"word_repetition_ratio":0.044,"special_characters_ratio":0.215,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Putar lengkas isu ai di Engkilili - Suara Sarawak\\n“Nya alai, aku minta perintah tauka ejensi bekaul ngerumban sistem bekal ai beresi tu disambung ngagai rumah panjai ti merinsa nadai bekal ai beresi.”\\nKUCHING: Perintah tauka ejensi bekaul patut merambu ngaga Sistem Bekal Ai beresi ngagai rumah panjai di Ulu Skrang.\\nKaban Kunsil Nengeri (PSB-Engkilili) Dr Johnical Rayong Ngipa madahka mayuh rumah panjai ba menua nya apin ngasaika bekal ai beresi kenyau menua tu udah merdeka.\\n“Nya alai, aku minta perintah tauka ejensi bekaul ngerumban sistem bekal ai beresi tu disambung ngagai rumah panjai ti merinsa nadai bekal ai beresi.\\n“Entara sitak menua ke mengkang napi penanggul ai beresi tu nyengkaum menua Skrang Ili, Batang Ai Ili, menua Engkilili baka Rumah Ring, Rumah Mangku, Rumah Langkop, Rumah Sirai enggau menua San Semanju, Merindun, Samueh enggau Rumah Usop Batu Lapan,” ku iya.\\nDr Rayong madah munyi nya lebuh bejuraika Rang Undang-Undang Perbekalan (2020), 2019 enggau mosyen Resolusyen Langgur Pemansang ngagai Bajet 2020 ba Aum Kedua Renggat Keempat Dun ditu, kilah ensana.\\nKelimpah ari nya, menua Pentik, Skrang, Pais, Tanjong, Lidong Bangat, Kubal, Skrang Ili Lidong nyengkaum menua besemak enggau San Semanju sereta sekula di sitak Engkilili mega betapi enggau penanggul ke sebaka.\\nNya alai, Dr Rayong minta Perintah Sarawak nengah Kaunsil Pelilih Lubok Antu (MDLA) meri agih belanja dikena mutarka penanggul trafik ke majak sekut ba pasar Engkilili.\\n“Penanggul jalai sekut tu majak nyadi ba pasar Engkilili kelebih agi lebuh ujung minggu,” ku iya madah seraya madah pekara tu patut diputar ungkup pengelantang rayat ba sitak tu.","num_words":243,"character_repetition_ratio":0.083,"word_repetition_ratio":0.111,"special_characters_ratio":0.19,"stopwords_ratio":0.14,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Agi ulih dirampit COVID-19 ba palan mensia mayuh taja ngena sengkabung idung, mulut | Utusan Borneo Online\\nJumaat, 14 Ogos 2020 - 12:29am\\nHalaman Utama » Iban » Agi ulih dirampit COVID-19 ba palan mensia mayuh taja ngena sengkabung idung, mulut\\nAgi ulih dirampit COVID-19 ba palan mensia mayuh taja ngena sengkabung idung, mulut\\nNGELAWA: Dr Annuar (bediri empat ari kiba) ngelawa palan endur munuh dagin korban di Jalai Bandong ditu, kemari.\\nSIBU: Siku orang agi ulih dirampit COVID-19 enti ba palan mensia mayuh taja ngena sengkabung idung enggau mulut.\\nMenteri Muda Kaunsil Kandang Menua enggau Pengawa Berumah Dr Annuar Rapa’ee madahka, ngena sengkabung idung enggau mulut meri pengelikun ngagai sida ti ngena nya ba palan mensia mayuh tang nadai jamin 100 peratus enda dirampit igi penyakit nya.\\nDalam pekara tu, Dr Annuar ngelalau mensia mayuh sentang guna nitihka 3C iya nya nyeliahka palan mensia mayuh (crowded places), palan ke sempit (confined places) enggau bejaku semak enggau pangang diri (close conversations).\\n“Kitai patut nyeliahka diri ari ngelawa palan mensia mayuh enggau naka ulih.\\n“Tang enti tu enda ulih diseliah, kitai patut ngena sengkabung idung enggau mulut dikena nyaga diri enggau orang bukai ari kena rampit COVID-19,” ku iya ngelalau maya dikerandau di Surau Darul Islam di Jalai Bandong ditu, kemari.\\nSentang pengawa ngagihka dagin ungkup Hari Raya Aidiladha ba kandang sitak Nangka, iya madah sebuah palan ngagih ke ngerejaka pengawa nya ti deka ngagihka ngagai sida enggau nitihka atur Prosedur Operasyen Standard (SOP) kena nyeliahka COVID-19.\\nNitihka Dr Annuar, raban PBB ditu mantu ngagihka dagin ngagai urung 923 iku ti begunaka nya.\\n“Bisi 23 iku chapi dibunuh ba Hari Raya Aidiladha ditu, nyengkaum 23 sitak.\\n“Udah tentu, sekeda sitak ngembuan lebih ari siku chapi laban sida ngatur pengawa nya ba inisiatif sida empu,” ku iya.","num_words":272,"character_repetition_ratio":0.124,"word_repetition_ratio":0.03,"special_characters_ratio":0.204,"stopwords_ratio":0.199,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Musim Bunga\\nTu gamal pun buah ka udah bebunga seberai rumah kami. Tiap taun aku begambar ka bunga ba pun buah ba kebun apai tuai ka diau seberai kami.\\nSigi rindu amat meda pun kayu ka bebunga maya musim bunga.\\nDikarang Puteri kena 3\/04\/2008 03:28:00 PM\\ndaradesa 10:48 PM\\ncantiknya...sangat sangat cantik ok..puteri ambik gambar maioh gik..\\nAu, ila aku ngambi baru .. baru start bebunga sida pun kayu .. keda agi bedau buka bunga iya.\\nandan 5:30 AM\\nrindu amat meda bungai maia tu indah rumput ngapa pan manah bungai nuci mata ba blog seduai lyana meda bungai\\nAram meh nuchi mata, andan! :-)\\n~licia~ 6:25 PM\\nmusim bungai ka diatu Puteri.manah amai bungai nya..nadai pelaba aku di menua kitai ditu..ingin ati ka agai menua 4 musim...ka meda the wonders of our nature..dah puas meda 2 musim..hujan & panas & jerebu..\\nLyana 12:43 PM\\nIla aku ngirum ke gambar bunga aku ditu ga. Ka meda enti bisi ke enda ba menoa nuan dia ga, amat rindu meda bunga musim spring tu, musim bunga ka kitai.","num_words":157,"character_repetition_ratio":0.043,"word_repetition_ratio":0.0,"special_characters_ratio":0.254,"stopwords_ratio":0.127,"flagged_words_ratio":0.0,"lang_id_score":0.991,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SK Sebauh nerima bantu ari anak serikat Petronas - Suara Sarawak\\nBINTULU: Anak serikat Petronas di Bintulu udah ngabas 56 iku nembiak ti dituntung penusah ketegal penusah buding angus di Sekula Primari (SK) Sebauh, ditu ensanus.\\nAnak serikat Petronas LNG 9 Sdn Bhd, Gerup Serikat LNG Malaysia enggau Petronas Carigali Sdn Bhd – Sarawak Gas udah nganjung katil, pua, panggal, selap tilam, sengkabung mua, mesin basu, beg sekula enggau ke bukai ngagai bala nembiak nya.\\nBarang nya disua ngagai sida ba sebengkah pengawa ti digulu Menteri Utiliti Sarawak Dato Seri Dr Stephen Rundi Utom, Direktor Pengatur Pengawa enggau Ketuai Pemesai Eksekutif Petronas LNG 9 Sdn Bhd enggau Gerup Serikat LNG Malaysia Mohamed Syazwan Abdullah @ Laga Jenggi enggau Menijar Petronas Carigali Sdn Bhd – Sarawak Gas Mijun Nasin.\\n“Aku ngarapka pengawa tu ulih ngelempung tating penusah nembiak enggau bala pengajar SK Sebauh sereta meri peransang ngagai nembiak ba pelajar sida,” terang Mohamed Syazwan.\\nKelimpah meri bantu ngenyit, Petronas mega nyendiaka sengkabung mua ungkup sekula sekondari ngelingi Bintulu bulan nyin kemari ngambi nagang pengerekai Covid-19 lebuh sekula dibuka baru ila.\\nMERI PENGELANTANG… Anak Serikat Petronas di Bintulu udah nganjung katil, pua, panggal, selap tilam, sengkabung mua, mesin basu, beg sekula enggau ke bukai ngagai bala nembiak.","num_words":192,"character_repetition_ratio":0.071,"word_repetition_ratio":0.109,"special_characters_ratio":0.18,"stopwords_ratio":0.135,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"MPKK : Anang mechahka rayat - Suara Sarawak\\nMPKK : Anang mechahka rayat\\nEnti kitai bepechah, tanah kitai tentu deka lenyau. Baka ke dipeda kitai ba komuniti Bumiputera di Semenanjung Malaysia alai diatu sida nyau bepechah ketegal politik.”\\nKUCHING: Kepala Menteri Datuk Patinggi Abang Johari Tun Openg berasai enda lantang enggau pejalai Kaunsil Pengatur Komuniti Kampung (MPKK) laban nya siti ari chara deka mechahka rayat ba nengeri tu.\\n“Enti kitai bepechah, tanah kitai tentu deka lenyau. Baka ke dipeda kitai ba komuniti Bumiputera di Semenanjung Malaysia alai diatu sida nyau bepechah ketegal politik,” ku iya.\\nIya madah munyi nya rambau pengawa Nyerah Surat Hak Milik Tanah Seksyen 18 Kanun Tanah Negeri Kampung Kudei Baru ba Indu Opis Parti Bumiputera Bersatu (PBB) ditu, kemari.\\nNya alai, rayat patut ngetanka hak sida kelebih agi bekaul enggau tanah sereta beratika penyerakup ba nengeri tu.\\nIya madah diri deka bebendar ngetanka hak rayat sereta menua tu.\\nPENGAWA MANAH… Datuk Patinggi Abang Johari Tun Openg muji pemanah Patimah Kushairi,78, ke udah meri tanah iya ungkup Surau Al- Amin Kampung Kudei Baru, Kuching. Bela dipeda (ari kiba) Rasdi Ahmad (anak), Sapit Chairman PBB Satok, Ibrahim Baki, Datuk Bandar DBKU Junaidi Reduan enggau bala bukai.-Gambar Ghazali Bujang\\nKu iya, tu tangkan ngagai jaku keremba Perinta Besai ti nguji deka ngaul hak autonomi nengeri tu.\\n“Enti Pakatan Harapan (PH) nguji ngachau hak kitai di Sarawak, tu deka nyadi pengujung ngagai nengeri kitai.\\nTu nyengkaum hak autonomi imigresen enggau undang-undang nengeri kitai,” ku iya.\\nNangkan nya ku iya, iya berasai enda lantang nerang.\\nAbang Johari mega beratika pekara ke didanjika PH rambau pengawa bepilih besai Ke-14 alai sida deka ngemunaska pengawa mayar PTPTN enggau ngamatka pengawa ngetanka hak Bumiputera.\\n“Aku enda nagang sida bejalaika MPKK, tang enti kitai bepechah ketegal nya, kitai deka nyadi ‘mangsa’ ari pengawa nya.\\n“Aku deka bebendar ngetanka nengeri tu baka udah digaga Niang Tok Nan,” ku iya.\\nAbang Johari mega nerang PH diatu benung kiruh nyendiaka diri ngagai pengawa bepilih nengeri ri deka datai, nya alai semua pengawa digaga Sarawak enda kala betul ba mata sida.\\n“Taja pia sida patut ingat, aku bisi kuasa nentuka maya pengawa bepilih nengeri ti deka datai!” ku iya madah nyemetak.\\n11 warga China didakwa di mahkamah tawar pinjaman tidak wujud\\nBSH RM300 nyadi puku dagang sugu tinggi Flora\\nKilang ais pertama Daro\\nBekalan telur cukup","num_words":362,"character_repetition_ratio":0.059,"word_repetition_ratio":0.079,"special_characters_ratio":0.189,"stopwords_ratio":0.196,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2017-10-14 - Perintah Besai, MPIC dikearap berundingka peminta MPB: Mawan\\nPerintah Besai, MPIC dikearap berundingka peminta MPB: Mawan\\nPeminta numbuhka ‘Jaringan Keselamatan Sosial’ nya ke pemaik pekebun lada maya rega lada enda manah\\nKUCHING: Peminta numbuhka mekanisme ‘Jaringan Keselamatan Sosial’ ungkup pekebun lada, dikearapka ulih diperundingka perintah besai enggau Opis Menteri Kebun Bedandang Besai enggau Komoditi (MPIC).\\nChairman Kaunsil Lada Malaysia (MPB) Tan Sri William Mawan Ikom madah, mekanisme nya ulih mantu pekebun lada kelebih agi maya rega lada turun.\\n“Kitai ngarapka perintah besai enggau MPIC ulih berundingka peminta MPB ti deka numbuhka mekanisme Jaringan Keselamatan Sosial ungkup pekebun lada dikena ngelempungka penanggul sida lebuh rega lada ba tikas ti enda manah.\\n“Enti mekanisme ti baka tu ulih ditumbuhka ba sektor nanam getah, aku arap bendar pekara ti sama mega ulih dipejalaika ba sektor nanam lada di Malaysia.\\n“Insentif maya rega lada ti enda meruan patut diberi ngagai pekebun lada kelebih agi di menua pesisir ti agi bepanggai semina ngagai pengawa betanam lada ke nyadi aktiviti dikena ngiga belanja ke ruang bilik,” ku iya.\\nMawan mansutka peminta nya dalam jaku pengelalu pengerami ngintu genap 10 taun MPB enggau Pesta Lada 2017 ke diatur MPB ba sebuah hotel ditu, kemari.\\nPengerami nya udah mujur dipenyadika Menteri Menteri\\nKitai ngarapka perintah besai enggau MPIC ulih berundingka peminta MPB ti deka numbuhka mekanisme Jaringan Keselamatan Sosial ungkup pekebun lada dikena ngelempungka penanggul sida lebuh rega lada ba tikas ti enda manah. Tan Sri William Mawan Ikom Chairman Kaunsil Lada Malaysia (MPB)\\nKebun Bedandang Besai enggau Komoditi Datuk Seri Mah Siew Keong.\\n“Kami minta kasih perintah besai enggau opis menteri ngambika ulih berunding sereta beratka peminta MPB ti deka numbuhka Jaringan Keselamatan Sosial ke ulih mantu pekebun lada.\\n“Kami amat ngarap kelebih agi MPB ti deka meda semua komoditi besai di Malaysia ulih sama dijaga enggau bulih penguntung ti sebela ari program enggau perambu ke dipejalaika perintah besai enggau opis menteri,” ku iya.\\nBerebak enggau tu, taja pan rega lada diatu enda tentu meruan tang Mawan meri peransang ngagai pekebun lada ngambika terus chakah nanam sereta ngeluarka asil lada bekualiti awakka ulih napi peminta makit enggau pemeli baru makit dunya.\\nNaka ke sehari tu (kemari) rega lada ba tikas ti tegap iya nya urung RM17,10 sekilo lada chelum enggau urung RM25.33 sekilo lada burak, sereta nya ngayanka bisi niki urung 60 nperatus lebih agi lada chelum, ku iya.\\nNyerumba pengerami nya, Mah mega diberi basa bejadika aplikasyen “Dr. Lada” enggau bup resipi ti bepelasarka lada ari MPB.\\nAplikasyen “Dr. Lada” ti ngena chara online dikemansangka MPB enggau juluk deka meri penerang ngagai pekebun lada enggau chara mutarka penyakit ke suah nyadi ba lada.\\nBup resipi ti bepelasarka lada ke diberi nama bisi nyendiaka 25 resipi pemakai menua tu enggau antarabansa ti diasilka ngena chara kerejasama tiga iku pakar kulinari ari UCSI Univerisity.\\nSama bisi datai ngagai pengemai nya, Sapit Menteri Perusahaan Perladangan dan Komoditi Datuk Datu Nasrun Datu Mansur, Sapit Kepala Menteri ti mega Menteri Betanam Betupi Moden, Tanah Adat enggau Pemansang Kandang Menua Datuk Amar Douglas Uggah Embas enggau ke bukai.\\n— Gambar Kong Jun Liung\\nPRODUK LADA: Mah nyain bup resepi ti bepelasarka lada iya nya “Sarawak Pepper for Your Palate” kelai bejadika bup nya. Lalu diperatika ari (ari kanan) Mawan enggau Nasrun sereta (tiga ari kiba) Uggah enggau ke bukai.","num_words":526,"character_repetition_ratio":0.082,"word_repetition_ratio":0.081,"special_characters_ratio":0.182,"stopwords_ratio":0.207,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Borneoguy: Boring amat aku saritu ...\\nPosted by Borneoguy.com at 4:14 am\\ndont say BORING in life lah :P there are so many wonderful, stupid, crazy things to do wut:P\\nCigu, nuan muai peluang!!! Lapa enda terus nguji nanya indu daha nya. Enti stail org veteran suba, pura2 aja minta tulung\/nanya jam ka\/tauka chara bukai. Kita ka biak nemu agi diatu taktik. Nei kada agi betemu enggau iya.\\nCikgu - SMS me at 0198177817. I be in Pelangi Pub maybe on 9 Jun 2006\\nanag boring, org bujang ulih bejalai ari pagituk sampai pagi ila, nama deh bejegau meh kala bisi kaki dianjung ulih bejalai. nama utai bangat udu ngasuh boring ari gawai, ngabang makai utai orang gak enti enggai makai utai diri empu. kami ngabang meh tok.","num_words":119,"character_repetition_ratio":0.028,"word_repetition_ratio":0.0,"special_characters_ratio":0.244,"stopwords_ratio":0.109,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jako Iban, Bahasa Besai - Alexander Mering\\nAkai dai..., lelak-lelak.....\\nAku baru dani tengah ari tadi laban semalam-malam nadai ulih tindok nyentuk ke manuk di pun nangka' ngkukok. Malik ke jam sema pintu office, apu...udah pukul 5 pagi. Mata pan nyau pedis, pala asa udah dikebat ngau wie pelandok, guik-gui baka urang ngirup Apek. Pedis amai ati, sebab mata ngantuk tang mdak ulih tindok.\\nAku pan merindang diri mpu ngau searching di engine 'Tuhannya Internet' (google). Nah, aku dia nemu blog bala kaban ti ditulis ngau jako iban. Ahaa.., to baru idup agi isik. Lama aku udah gawa ba bandar Pontianak, tang bisi betemu ngau urang tibisi randau ngau jako Iban. Tu sigi jako indai aku di menua. Aku sungguh gaga ati nemu blog bala kaban ti gawa di Scotland, di Kuching, KL, tang ndak nudi ke jako Iban.\\nDi bandar to urang ngau jako bukai, di office aku ngau jako rasmi negara Indonesia, bala kaban sebarang ndor sida' diau ngau jako Dayak Kanayatn. Bisi siko dua iko aja ti ngau jako Iban dito. Fredrik Kuyah ngau Clarry Sada, siko agi kaban aku ti gawa bak RRI Pontianak, Rangga. Ati amai sinu ka' mending tauke berandau ngau jako iban. Ka meda main asal di rumah panjai. Baka aku balat ga' sinu ngau jako Kayan. Laban apai aku nurun ke darah Kayan (Aki aku) ngau urang Kantu'(inik aku). Tajak piak aku nadai menyerah, nti' aku gawa ba' Kuching aku selalu meli CD dalam bahasa iban. Bejako ngau bala kaban bansa iban di Sarawak. AKu to bukai urang Pangau, bukai dato' bukai urang pandai, tang aku bisi mimpi jako Iban to, pagi ila ka' nyadi bahasa besai. Laban rumpun ibanik di pulau borneo to, rumpun besai setelah rumpun malayik.Hidup Jako iban!!! Arap ke semua bala kaban lantang senang, gayu guru, gerai nyamai belama.\\nJako Iban, Bahasa Besai Alexander Mering 01.32\\nTags: Borneo Diary","num_words":303,"character_repetition_ratio":0.061,"word_repetition_ratio":0.0,"special_characters_ratio":0.223,"stopwords_ratio":0.119,"flagged_words_ratio":0.0,"lang_id_score":0.971,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 36 BK - “Besalel, Oholiap, enggau semua orang - Bible Search\\nPemansut 35 Pemansut 37\\n1“Besalel, Oholiap, enggau semua orang ke gawa, ti udah diberi TUHAN pengelandik enggau penemu ngereja semua macham pengawa begagaka Langkau Kain TUHAN, enda tau enda ngaga semua utai nya nitihka jaku TUHAN.”\\nOrang Mayuh Mai Pemeri\\n2Moses mesanka Besalel, Oholiap, enggau semua orang bukai ke bisi pengelandik, ti udah diberi TUHAN penau sereta bisi ati deka nulung, lalu ngasuh sida berengkah gawa. 3Sida nerima ari Moses semua pemeri ti udah dibai orang Israel kena begagaka Langkau Kain TUHAN. Tang orang Israel majak mai pemeri sida ngagai Moses tiap pagi. 4Udah nya orang ke landik ngereja pengawa begagaka Langkau Kain TUHAN mansang 5lalu madahka ngagai Moses, “Utai ti diberi orang mayuh kena ngereja pengawa ti diasuh TUHAN, nyau lebih ari chukup.”\\n6Moses lalu ngirumka pesan ngagai serata kem nya, enda ngasuh orang meri utai agi kena begagaka Langkau Kain TUHAN. Nya alai orang mayuh lalu badu agi mai utai kia. 7Utai ti udah dibai kia nyau lebih ari chukup kena nembuka semua pengawa nya.\\nNgaga Langkau Kain TUHAN\\n8Orang ke pemadu landik ari bala orang ke gawa lalu ngaga langkau sembiang nya ari sepuluh lambar kain linin ti alus, enggau ari bulu bedus ti bechura biru, ungu enggau mirah, lalu disulam enggau gambar bala melikat cherub ti besayap. 9Semua lambar kain nya sebaka pemesai magang. Pemanjai iya 14 meter, lalu buka iya 2 meter. 10Sida nyait lima lambar ari sepuluh lambar kain nya nyadika siti bidang, lalu nyait lima lambar ti bukai nyadi bidang ti kedua. 11Sida ngaga rambing ari kain ti biru ba tisi siti-siti bidang. 12Sida ngelekatka lima puluh iti rambing ba siti bidang, enggau lima puluh iti rambing ti senimbal enggau sida nya, ba tisi kain ti ba bidang ti kedua. 13Sida ngaga lima puluh iti pengait emas, ti dikena sida bejantilka dua iti bidang kain nya nyadi siti langkau sembiang.\\n14Udah nya, sida ngaga siti tudung ke langkau sembiang nya ari sebelas iti lambar kain ti digaga ari bulu kambin. 15Sida ngaga semua lambar kain nya sebaka pemesai magang: pemanjai iya 15 meter, lalu buka iya 2 meter. 16Sida nyait lima lambar ari kain nya nyadi siti bidang, lalu lima lambar ti bukai nyadi bidang ti kedua. 17Sida ngelekatka lima puluh iti rambing ba tisi lambar kain ti tisi bendar, enggau lima puluh iti rambing ba tisi bidang ti bukai. 18Sida ngaga lima puluh iti pengait temaga, kena bejantilka dua iti bidang kain nya, ngambika dua iti bidang nya nyadi siti tudung. 19Sida mega ngaga dua iti tudung kena map tudung nya, siti ari kulit jelu bedus ti lelaki, ti udah dichat mirah, enggau siti ari kulit jelu ti alus, nyadika tudung ti ari luar bendar.\\n20Sida ngaga langkar ti bediri ke langkau sembiang nya ari kayu akasia. 21Pemanjai siti-siti kayu langkar nya 4 meter, lalu buka iya 66 sentimeter, 22sereta bisi dua iti cherebut, ngambika kayu langkar nya tau dipejantilka enggau pangan diri. Semua kayu langkar ke langkau sembiang nya bisi cherebut magang. 23Sida ngaga dua puluh iti kayu langkar ke tisi ti muak ke selatan 24enggau empat puluh iti pelasar pirak ti diengkah di baruh langkar nya, dua iti pelasar di baruh siti-siti kayu langkar, endur alai ngunjamka cherebut ti dua iti ti ba kayu langkar nya. 25Sida ngaga dua puluh iti kayu langkar ke tisi ti muak ke utara ke langkau sembiang nya 26enggau empat puluh iti pelasar pirak, dua iti di baruh siti-siti kayu langkar. 27Ke dinding ti di belakang langkau sembiang nya, ti muak ke barat, sida ngaga enam iti kayu langkar. 28Dua iti ari kayu langkar digaga nyadika sukut langkau sembiang nya. 29Langkar ti ba sukut tu bejantil ari baruh nyentuk ke puchuk. Kayu langkar ti dua iti nya, ke dua iti sukut nya, digaga ngena chara nya. 30Nya alai, lapan iti kayu langkar enggau enam belas iti pelasar pirak, dua iti di baruh siti-siti kayu langkar.\\n31Sida ngaga lima belas iti alang dinding ari kayu akasia, lima iti ke langkar ti ba tisi siti-siti ke langkau sembiang nya, 32lima iti ke langkar ba tisi siti, enggau lima iti langkar ke tisi ti muak ke barat, ti di belakang langkau sembiang nya. 33Alang ti ba tengah-tengah, ti diengkah ngenyauh nya ke atas, ngenyauh nya ke baruh, diengkah sepemanjai tisi Langkau Kain nya, ari ujung siti ngagai ujung siti. 34Sida nyampak kayu langkar Langkau Kain nya enggau emas, lalu ngelekatka chengkerung emas ba kayu langkar nya alai ngerasukka alang dinding. Alang dinding nya mega disampak enggau emas.\\n35Sida ngaga kain tirai ari kain linin ti alus, bulu bedus ti bechura biru, ungu enggau mirah, lalu disulam enggau gambar bala melikat cherub ti besayap. 36Sida ngaga empat batang tiang ari kayu akasia kena nuatka kain tirai nya, nyampak tiang nya enggau emas, lalu ngelekatka pengait emas ba tiang nya. Udah nya sida lalu ngaga empat iti pelasar pirak alai nudukka tiang nya. 37Ke pintu penama ngagai Langkau Kain nya, sida ngaga siti kain tirai ari linin ti alus, bulu bedus ti bechura biru, ungu enggau mirah, lalu dilagu ngena sulam. 38Sida ngaga lima batang tiang ke kain tirai tu. Siti-siti tiang bisi dilekatka pengait. Puchuk enggau batang tiang nya disampak enggau emas, lalu sida ngaga lima iti pelasar temaga ke tiang nya.","num_words":854,"character_repetition_ratio":0.09,"word_repetition_ratio":0.057,"special_characters_ratio":0.208,"stopwords_ratio":0.3,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Cinta Doa Makan: February 2010\\nTim main bol ari college endur ku diau. Taun penudi aku wakil college ditu!! Sekadar ngambi nama wakil pemain aja...heeheheheh\\nPosted by Cinta Doa Makan at 3:01 PM No comments:\\nCHINESE YEAR MASS N LUNCH\\nKena hari Nam (saturday) 13.02.2010, bala kami ke belajar sereta sekeda bala gawa ba Rome, bisi begempuru nyambut Taun baru Cina. Tu sekeda ari gambar bala kami ke ulih datai ngulu pengerami nya.\\nPosted by Cinta Doa Makan at 2:21 PM No comments:\\nPenudi iya endar bisi snow ba rome 25 taun ke lalu, pagi tadi bisi snow nurun lebat amat ba college endur aku diau.....\\nPosted by Cinta Doa Makan at 8:54 AM No comments:\\nSekeda ari gambar ke diambi pagi tadi lebuh bejalai ba menua endur ku ditu. Gaya bisi matapanas tang ari chelap!\\nPosted by Cinta Doa Makan at 3:00 PM 2 comments:\\nKena pagi hari satu(Monday), 1st February 2010, siko ari bala kaban ke diau ba college aku ditu dikangau ke rumah Apai ti di Serega. Pengelama nyau deka 2 bulan iya berubat ba hopsital lalu pengujung, iya ninggal ke bala kami ditu. merinsa meh iya dipdah bala kaban ke bisi ngabas iya ba hospital. Tanag Allah Taala Apai lebih rindu sereta sayau ke iya ari semua bala kami ke sama bisi ditu.\\nNyau berunding aku bakani meh gawa pendiau pengidup kitai pengudah pemati. Nyadi tadi bisi siko kawan ngirum siti email ti madah What heaven is like....Nyadi ditu aku bekungsi ke cerita ba email nyak.\\nPosted by Cinta Doa Makan at 11:10 PM No comments:","num_words":238,"character_repetition_ratio":0.113,"word_repetition_ratio":0.0,"special_characters_ratio":0.234,"stopwords_ratio":0.185,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Agro bazar peluang endur ngelakuka pemakai Sarawak - Suara Sarawak\\nAgro bazar peluang endur ngelakuka pemakai Sarawak\\nGuna mih peluang tu dikena ngemansangka diri ba pengawa bedaja sereta ngelakuka pemakai\\n“Fama patut terus mantu raban ti muka premis baka ba Medan Niaga Satok tu ngambika tu nyadi siti chara mantu sida ngemansangka diri ba pengawa dagang.”\\nKUCHING: Opis Dagang Betanam Betupi Perintah Besai (Fama) patut terus ngajar sereta ngena program agro bazar nyadi siti pengawa dikena sida ngemansangka diri.\\nMenteri Betanam Betupi enggau Industri Asas Tani, Datuk Salahuddin Ayub madah tu siti ari peluang dikena sida bedaja sereta ngelakuka pemakai agro ti digaga ari selampur Sarawak.\\n“Fama patut terus mantu raban ti muka premis baka ba Medan Niaga Satok tu ngambika tu nyadi siti chara mantu sida ngemansangka diri ba pengawa dagang.\\n“Fama mega ba maya ti deka datai patut beratika tiap iku orang ke bedaja mit tu ngambika bisi peluang bedaja lalu ngelakuka produk sida ba agro bazar ti majak bulih palan ba selampur menua diatu,” ku iya.\\nSalahuddin madah munyi nya ba pengarang pemberita pengudah nemuai ngagai Bazar Ramadan Medan Niaga Satok ditu, kemari.\\nNangkanka nya, Salahuddin madah iya deka terus nyukung Fama bejalaika pengawa sida.\\n“Ngarapka Fama deka terus meri servis ti madah ngagai sida ke bedaja ba ditu.\\n“Tu nyengkaum ari sukut pemeresi enggau pengelantang sereta khemah ngambika sida ulih seruran bejalaika pengawa daja sida,” ku iya.\\nBerebak enggau nya, Salahuddin mega ngaga pengawa nemuai meri basa ngagai Kepala Menteri Datuk Patinggi Abang Johari Tun Openg sebedau iya ngaga pengawa nemuai ngagai Medan Niaga Satok ditu, lemai tadi.\\nKu iya, rambau pengawa nemuai meri basa nya, iya berandau pasal agenda ti mai ngagai pemansang menua nyengkaum Sarawak.\\nKelimpah ari nya, pengudah pengawa nemuai ditu, Salahuddin ngagihka 500 iti bubur pedas ngagai mensia mayuh ti bisi ngelawa palan bedaja Medan Niaga Satok.","num_words":289,"character_repetition_ratio":0.089,"word_repetition_ratio":0.107,"special_characters_ratio":0.175,"stopwords_ratio":0.218,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"23 August 2018 - Hari Empat ba Minggu Ke Dua Puluh Musim Selama\\nUdah nya raja lalu bejaku ngagai bala ulun iya, ‘Berekas kaki jari iya, lalu buai iya ke luar ngagai endur ti petang, alai orang deka nyabak sereta begerit ngeli.’ Laban mayuh dikangau, tang mimit aja dipilih.” 📖 Matthew 22 : 1 -14\\nEsekiel 36: 23 - 28\\n“Lebuh Aku mandangka pengudus nama Aku ti besai, nama ti udah kamah laban kita di semua menua nya, nya baru sida deka nemu Aku endang TUHAN.\\nAku TUHAN Allah Taala udah bejaku. Aku deka ngena kita nunjukka pengudus Aku ngagai semua bansa.\\nAku deka meri kita ati ti baru, enggau runding ti baru. Aku deka muai ati kita ti kieh ti digaga ari batu, lalu meri kita ati ti ngasi.\\nNya baru kita deka diau di menua ti udah diberi Aku ngagai aki ini kita. Kita deka nyadi nembiak Aku, lalu Aku deka nyadi Allah Taala kita.”\\nMasmur 51: 10 - 11, 12 - 13, 16 - 17\\nSaut (peda Esekiel 36: 25): Aku deka mechikka ai ti beresi ngagai kita, lalu nuchi kita ari semua dosa kita.\\nGaga ati aku tuchi, O Allah Taala, lalu simpan roh ti baru sereta taluk, dalam aku. Anang muai aku ari mua Nuan. Anang ngambi Roh Kudus Nuan ari aku.\\nSaut: Aku deka mechikka ai ti beresi ngagai kita, lalu nuchi kita ari semua dosa kita.\\nPulaika aku baru ngagai pengaga ti datai ari pengelepas Nuan, lalu asuh aku rajin ngasika Nuan. Nya baru aku deka ngajar pasal pesan Nuan ngagai orang ke bedosa, lalu sida deka pulai baru ngagai Nuan.\\nNuan enda rinduka piring, nya kebuah aku enda ngenjuk sida ngagai Nuan. Nuan enda rinduka piring tunu. Piring aku nya ati ti baruh, O Allah Taala. Nuan enggai nulak ati ti baruh, ati ti nesal.\\nAlleluia (peda Masmur 95: 7C - 8A)\\nSehari tu dingaka utai ti disebut Iya:\\nJesus lalu bejaku baru ngena jaku sempama ngagai orang mayuh.\\nKu Iya, “Perintah serega tau dibandingka enggau siku raja ke nyendiaka gawai tikah ke anak lelaki iya.\\nIya ngasuh bala orang gaji iya ngangauka orang ke udah diambi ngabang datai ngagai gawai tikah nya. Tang sida enggai datai.\\nIya lalu ngasuh bala orang gaji iya ti bukai, ku iya, ‘Padahka ngagai orang ke udah diambi ngabang: Dinga kita, aku udah nyendiaka pengerami makai besai. Jelu sapi aku, enggau anak sapi aku ti gemu udah disayat, lalu semua utai udah sedia magang. Datai meh kita ngagai gawai tikah!’\\nTang sida enda tentu ibuhka tesau nya lalu mupuk ngagai endur bukai, siku ke umai, siku ngagai pengawa dagang iya, lalu sida ti bukai nangkap bala orang gaji raja nya, beduan lalu munuh sida.\\nRaja nya lalu ringat. Iya ngirumka bala soldadu iya, munuh bala pemunuh nya, lalu nunu nengeri sida.\\nUdah nya iya bejaku ngagai bala ulun iya, ‘Gawai tikah udah sedia, tang orang ke udah diambi ngabang enda tau datai.\\nNya alai bejalai kita ngagai jalai raya lalu ambi ngabang ngagai gawai tikah tu semua orang ke ditemu kita.’\\nBala ulun iya lalu mansang ngagai semua jalai raya, lalu ngempuruka semua orang ke ditemu sida, orang ke manah enggau orang ke jai. Nya alai balai tikah nya nyau penuh laban bala pengabang.\\nTang lebuh raja tama, deka meda bala pengabang, iya tepedaka siku lelaki ke enda ngena pekayan tikah.\\nIya lalu bejaku ngagai orang nya, ‘Unggal, baka ni ku nuan tama kitu enda ngena pekayan tikah?’ Orang nya lalu nadai nemu jalai bejaku.\\nUdah nya raja lalu bejaku ngagai bala ulun iya, ‘Berekas kaki jari iya, lalu buai iya ke luar ngagai endur ti petang, alai orang deka nyabak sereta begerit ngeli.’ Laban mayuh dikangau, tang mimit aja dipilih.”","num_words":566,"character_repetition_ratio":0.058,"word_repetition_ratio":0.111,"special_characters_ratio":0.225,"stopwords_ratio":0.396,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"15 May 2020 - Hari Lima ba Minggu Ke-Lima Musim Paska -->\\nPun Laman › Berita › Bible › BupKudus › Catholic › HolyBible › Injil › JakuTuhanNintingHari › Prayer › RomanKatolik › SembiangKitai\\n15 May 2020 - Hari Lima ba Minggu Ke-Lima Musim Paska\\n“Aku enda agi ngumbai kita ulun, laban ulun enda nemu utai ti dikereja tuan iya. Tang Aku udah ngumbai kita pangan, laban Aku udah madah ngagai kita semua utai ti didinga Aku ari Apai.” John 15:15\\nSelamat pagi ‘Hari Lima ba Minggu Ke-Lima Musim Paska’ ngagai semua bala pemacha @beritaibanMY | beritaiban.com 😇\\nNgarapka kitai mujur bejalaika semua pengawa nitihka pelin ti udah ditetapka. Tuhan merekat semua 🙏\\nInjil sehari tu, ulih dibacha nuan ba baruh tu 👇\\nBacha Ke Satu: Surat Pasal Kereja Rasul 15: 22-31\\nUdah nya, sida rasul enggau bala tuai eklisia, disukung semua raban eklisia, lalu berunding deka milih orang ari raban sida lalu ngasuh orang nya bejalai ngagai Antiok nyempulang Paul seduai Barnabas.\\nSida lalu milih Judas (ke dikumbai Barsabas) seduai Silas, dua iku tuai orang ke arap, mai surat tu:\\n“Menyadi, kami ke rasul enggau tuai eklisia, ngirumka tabi basa ngagai semua bala kita ke orang bansa bukai, ke diau di Antiok di menua Siria enggau di Silisia.\\nKami bisi udah ninga sekeda orang ari bala kami, tang ukai ari asuh kami, bisi udah nyebut utai ti ngenusahka ati kita\\nnya alai semua kami udah besetuju deka milih pengari lalu ngasuh sida nemuai ngagai kita, nyereta Barnabas seduai Paul, menyadi ti dikerinduka kitai, ke udah berambunka nyawa ketegal Jesus Kristus Tuhan kitai.\\nNya alai, kami udah ngasuh Judas seduai Silas nemuai ngagai kita, lalu seduai iya deka madah ngagai kita mua mata utai ti ditulis kami dalam surat tu.\\nLaban dalam runding Roh Kudus enggau dalam runding kami, kami enda patut nating kita enggau utai bukai, kelimpah ari atur tu, iya nya: anang makai pemakai ti udah diberi ngagai engkeramba, anang makai darah, anang makai jelu ti mati dichekal, anang ngereja ulah ti kamah. Enti kita enda ngereja utai nya, nya manah amat. Selamat tinggal.”\\nNya alai sida lalu diasuh mupuk lalu mansang ngagai Antiok. Lebuh sida udah ngempuruka semua orang ke arap, sida lalu nyuaka surat nya ngagai sida.\\nLebuh raban eklisia macha surat nya, sida gaga amat ati ninga jaku peransang nya.\\nMasmur Entara: Masmur 57: 7-8, 9 & 11\\nSaut (peda 9a): Aku deka meri terima kasih ngagai Nuan, O TUHAN, di mua semua bansa.\\nAku nadai irau mimit, O Allah Taala.\\nAku deka belagu muji Nuan!\\nDani meh nuan, O semengat aku!\\nDani meh kita belikan enggau engkeratung aku!\\nAku deka ngerak mata hari.\\nSaut: Aku deka meri terima kasih ngagai Nuan, O TUHAN, di mua semua bansa.\\nAku deka meri terima kasih ngagai Nuan, O TUHAN,\\ndi mua semua bansa bukai.\\nAku deka muji Nuan di mua semua bansa.\\nAyanka pemesai kuasa Nuan di langit, O Allah Taala,\\nlalu ayanka mulia Nuan di serata dunya.\\nAlleluia (peda John 15: 15B)\\nAku ngumbai kita pangan, ku TUHAN;\\nlaban Aku udah madah ngagai kita semua utai ti didinga Aku ari Apai.\\nBacha Injil: John 15: 12-17\\n“Tu pesan Aku: rinduka pangan diri, baka Aku ke udah rinduka kita.\\nAku enda agi ngumbai kita ulun, laban ulun enda nemu utai ti dikereja tuan iya.\\nTang Aku udah ngumbai kita pangan, laban Aku udah madah ngagai kita semua utai ti didinga Aku ari Apai.\\nTu pesan ti diberi Aku ngagai kita: rinduka pangan diri.”\\nBESAMPI KITAI: Puji ka Nuan Tuhan Jesus Kristus. Amen 🙏\\n#Berita #Bible #BupKudus #Catholic #HolyBible #Injil #JakuTuhanNintingHari #Prayer #RomanKatolik #SembiangKitai","num_words":534,"character_repetition_ratio":0.06,"word_repetition_ratio":0.065,"special_characters_ratio":0.221,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Chara Apai Indai Ngiring Bala Anak | Tulung ke Diri Sebilik\\nBACHA DALAM JAKU Afrikaans Albanian Amharic Arabic Armenia Azerbaijani Catalan Cebuano Chichewa Chin (Hakha) Chitonga Croatian Czech Danish Dutch English Estonian Fijian Finland Fon French Ga Georgian German Greek Hebrew Hiligaynon Hungarian Iban Iloko Indonesian Italian Jaku Orang Bisu Amerika Japanese Kirghiz Korean Lithuanian Malagasy Malayalam Melayu Myanmar Ndebele (Zimbabwe) Nepali Norwegian Oromo Persian Polish Portuguese Portuguese (Portugal) Romanian Sango Serbian Serbian (Roman) Shona Sinhala Slovak Slovenian Spanish Swahili Swedish Tagalog Telugu Tetun Dili Thai Turkish Ukrainian Uzbek Uzbek (Rumi)\\nTULUNG KE DIRI SEBILIK | APAI INDAI\\nChara Apai Indai Ngiring Bala Anak\\nRunding bala apai indai\\nBisi sekeda anak ngembuan kaul ti rapat enggau apai indai sida, lalu deka ningaka penemu ari apai indai. Taja pia, bisi mega bala anak deka ngiga tauka minta penemu ari orang ke serambau sida.\\nEnti anak senang agi minta penemu ari orang ke serambau, sida tusah deka bebasaka lalau ari apai indai. Nambahka nya, bisi sekeda apai indai ngasaika diri nadai tanggung pengawa agi ngagai anak ke mansang besai. Tu ketegal anak sida mayuh agi awak begulai enggau nembiak bukai. Sida baka ke dibesaika nembiak bukai tang ukai apai indai sida empu.\\nNama kebuah bala anak ngasaika diri senang agi rapat enggau orang ke serambau, ari apai indai sida empu? Perundingka sekeda kebuah tu.\\nSekula. Enti bala anak mayuh agi awak begulai enggau bala kaban iya ba sekula, sida berengkah rapat enggau pangan diri, sereta senang agi nerima penemu orang ke serambau ari apai indai. Ulah sida tu majak nyadi maya sida mansang besai.\\nBala anak patut ngumbai apai indai sida jauh berega agi ari penemu bala nembiak ke serambau sida ba sekula\\nEnda mayuh awak begulai. Mayuh ruang bilik, apai indai sida sama bela kereja. Nya kebuah, mayuh ari anak sida berasai sunyi ba rumah maya sida pulai ari sekula.\\nJeman nembiak. Maya bala anak mansang ngagai jeman nembiak, sida senang ningaka jaku orang ke serambau pasal chara begari, chara bejaku, sereta ulah. Sida beberatka runding orang ke serambau ari apai indai.\\nIklan. Ba dunya kemayaharitu, mayuh utai sereta mayuh bengkah pemerindang endang sigi kena narit ati bala nembiak aja. Ketegal tu, runding bala anak sereta apai indai tusah deka sejalai. Nitihka ku seiku Doktor Robert Epstein, “Pengawa dagang ke bejuta dolar deka bankrap enti nadai orang nembiak.” *\\nJaga kaul ti rapat enggau anak nuan.\\nBup Kudus madah: “Kingatka pesan ti diberi aku ngagai kita sehari tu. Ajar pesan nya ngagai anak kita. Kita enda tau enda betanduka pesan nya lebuh kita di rumah, enggau lebuh kita bejalai kebukai, lebuh kita belelak, enggau lebuh kita gawa”—Ulang Adat 6:6, 7.\\nTaja pan orang ke serambau ulih nyadi kaban anak nuan, ukai reti iya sida patut ngambi tanggungjawap nuan ke nyadi apai indai. Nitihka pansik, mayuh ari bala anak mit sereta nembiak bebasaka apai indai sereta deka ngagaka ati sida. Nya kebuah, anang meh ngalahka diri. Enti nuan enggau naka ulih nyaga kaul ti rapat enggau bala anak, anak nuan deka agi nitihka nuan ari ke nitihka orang serambau sida.\\n“Nuan patut begulai enggau anak nuan maya ngereja sesiti pengawa baka bepandukka pemakai, meresi, tauka nulung sida ngaga kereja sekula. Gaga meh utai ti ngagaka ati baka main game, meda TV tauka wayang. Anang ngumbai chukup mimit aja awak begulai enggau bala anak, lalu ngumbai ‘nya aja awak ti amat berega.’ Kingatka, ka iya nama digaga nuan, enti enda chukup awak diberi nuan ngagai anak, nya nadai guna.”—Lorraine.\\nTentuka anak nuan ukai semina begulai enggau ke serambau aja.\\nBup Kudus madah: “Anak mit endang selalu ngereja utai ti beli.”—Jaku Dalam 22:15.\\nSekeda apai indai gaga meda anak sida mayuh kaban. Taja anak nuan endang patut ngembuan kaban ke serambau, taja pia sida mega begunaka kaban ba mayuh bengkah umur, ngambi iya bulih mayuh agi penemu. Orang ke serambau enda ulih ngiring anak nuan sama baka apai indai ti bisi pengerindu.\\nKaban ke serambau enggau anak nuan engka pintar, taja pia iya tetap nadai peneleba ba pengidup, bedau kala ngasai mayuh utai, sereta penemu kena nulung orang ke serambau ti bukai. Enti bala anak bisi iring ari apai indai, sida ulih mansang besai sereta bisi penemu ti ngena enggau umur sida.”—Nadia.\\nBejimat meri iring.\\nBup Kudus madah: Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida.—Jaku Dalam 13:20.\\nBala anak deka bulih penguntung enti nuan selalu begulai enggau sida, taja pan sida mansang besai. Nya alai, nyadi meh teladan ti manah ke sida.\\n“Apai indai teladan ti pemadu beguna ke bala anak. Enti bala anak diajar nemu beterima kasih sereta bebasaka apai indai, maya sida mansang besai, sida mega deka ngayanka ulah ti sama dudi hari.”—Katherine.\\n“Nembiak selalu ngaga pemutus nitihka penemu ti mimit aja ke dikembuan sida, lalu nya ulih ngenataika penusah ngagai sida. Tang, iring ari apai indai ulih nulung sida ngembuan runding ti besai agi, sida ulih meda semua utai enggau terang agi, lalu ulih ngaga pemutus ti manah.”—Wendell, enggau bini iya Susan.\\n“Kereja meh utai ke dikerinduka anak nuan begulai, taja pan nuan enda tentu deka ngereja nya. Gaga ati meh enggau awak begulai enggau sida. Nyadi meh orang ke ulih dipechayaka sida, lalu ayanka teladan ti manah. Bala anak patut nemu, nuan dekaka sida idup lantang.”—Courtney, enggau laki iya Erik.\\nUlang kaji: Chara Apai Indai Ngiring Bala Anak\\nJaga kaul ti rapat enggau anak nuan. Taja pan orang ke serambau ulih nyadi kaban anak nuan, ukai reti iya sida patut ngambi tanggungjawap nuan ke nyadi apai indai.\\nTentuka anak nuan ukai semina begulai enggau ke serambau aja. Taja anak nuan endang patut ngembuan kaban ke serambau, taja pia sida mega begunaka kaban ba mayuh bengkah umur, ngambi iya bulih mayuh agi penemu. Orang ke serambau enda ulih ngiring anak nuan sama baka apai indai ti bisi pengerindu.\\nBejimat meri iring. Bala anak deka bulih penguntung enti nuan selalu begulai enggau sida, taja pan sida mansang besai. Nya alai, nyadi meh teladan ti manah ke sida.\\n^ per. 13 Diambi ari bup Teen 2.0—Saving Our Children and Families From the Torment of Adolescence.\\nNgemesaika Anak ke Beumur Bebelas Taun Laki Bini & Ruang Bilik","num_words":984,"character_repetition_ratio":0.085,"word_repetition_ratio":0.113,"special_characters_ratio":0.192,"stopwords_ratio":0.259,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pun rian patut diintu manah awakka bebuah lebat – Suara Sarawak – Bukan Sekadar Akhbar\\nYou are here:Home-RUAI-Pun rian patut diintu manah awakka bebuah lebat\\nBAU: Pun rian ti udah ditanam patut dijaga sereta diintu enggau manah ngambika ulih idup enggau galak sereta tau dikomersial nyadi siti ari pengawa dagang.\\nSapit Sekretari Perintah Negeri ti mega Presiden Gerempung Penanam enggau Dagang Rian Sarawak (PPUDS) Datuk Ik Pahon Joyik madahka nanam pun rian enda begunaka palan tanah ti besai tang ulih nyadi dagang ti manah ba makit luar.\\n“Nanam pun rian semina begunaka urung tiga ngagai empat hektar tanah aja, tang sepun rian ulih ngeluarka asil mayuh.\\n“Ba genturung Bau udah bisi dua tauka tiga iku peranak menua udah mujur bedagang buah rian,” ku iya.\\nIk Pahon bejaku munyi nya lebuh bejadika Kus Pemun Nanam Rian ti diatur Opis Betanam Betupi nengah kerejasama PPUDS di Balai Mensia Mayuh Siniawan ditu, kemari.\\nKu iya, bagi orang ti napi penanggul pun rian enggai bebuah, sida tau minta bantu ngagai Opis Betanam Betupi nengah skim ngintu pun rian.\\n“Skim Ngintu Pun Rian ari Opis Betanam Betupi ulih mantu kita ngintu pun rian ti udah besai awakka pun rian nya lebat bebuah.\\n“Pekara tu beguna laban perintah endang dalam perambu deka ngemansangka menua pesisir awakka seikas enggau mengeri,” ku iya.\\nPia mega, iya madahka sida deka ngempung raban pemain industri rian begulai, belajar, berkunsika penemu enggau bekerejasama.\\n“Enda milih kita orang bekebun, bejual, pemekal enggau pedadagang rian semua dibai sama dalam gerempung tu.\\n“Ari nya kitai ulih belajar enggau bekunsika penemu enggau peneleba baka proses nanam pun rian, nyaga pun rian, nguna teknologi digital pasal nanam rian enggau ke bukai.\\n“Kami mega andalka, menua kitai ulih nyaga bemacham bansa buah rian ti nyelai enggau lunak baka buah rian temaga singgai,” ku iya.\\nBy Indun Silong|2020-12-13T14:47:11+08:00December 13th, 2020|Categories: RUAI|0 Comments\\nARKIB Select Month January 2021 (464) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":316,"character_repetition_ratio":0.055,"word_repetition_ratio":0.013,"special_characters_ratio":0.286,"stopwords_ratio":0.155,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"CPPC engkeman digaga semak padang bilun - Suara Sarawak\\nLIMBANG: Perintah Sarawak ngarapka Palan Ngumpul, Proses enggau Mungkus (CPPC) buah rian enggau asil tanam betupi ke bukai ulih digaga semak enggau endur penyangkai kapal sereta padang bilun.\\nSapit Kepala Menteri Datuk Amar Douglas Uggah Embas madahka endur strategik baka nya dipilih laban ke nyadi jalai tama enggau pansut ngagai nengeri tu.\\n“Diatu kami benung nirika palan ke sama di Betong, Lawas enggau Long Lama.\\n“Kami benung beratika pengelebih ba menua pesisir kelebih agi endur ke mayuh buah rian enggau pun buah ke bukai,” ku iya pengudah pengawa ngabas pejalai projek ngagai CPPC Limbang ditu, pagi tadi.\\nCPPC Limbang ke beungkus RM5 juta nya disadang deka ngepunka operasyen sida ba bulan Februari taun baru.\\nNangkan nya ku iya, sida benung beratika pengelebih ba menua pesisir kelebih agi endur ke mayuh buah rian enggau pun buah ke bukai.\\n“Kami deka mantu sida ke betanam betupi tu ngiga endur nyual produk sida ngambika sida ulih nambah penatai pemisi nengah kompeni ke dipilih,” ku iya.\\nTaja pia iya nyemetak madahka semua palan nya patut ngembuan setipikit pengelikun pemakai ke diaku tikas entarabansa ngambika ulih masuk ngagai makit menua luar baka China, Singapore, Hong Kong enggau Taiwan.","num_words":193,"character_repetition_ratio":0.059,"word_repetition_ratio":0.087,"special_characters_ratio":0.178,"stopwords_ratio":0.223,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Strategi Sarawak nagang Covid-19 ti majak niki - Suara Sarawak\\nStrategi Sarawak nagang Covid-19 ti majak niki\\nKUCHING: Komiti Penyangga Penusah Ngenyit Nengeri (JPBN) Sarawak udah ngelangkar strategi dikena nyaga menua ari majak kena rampit kes import penyakit Covid-19 ari luar Sarawak.\\nChairman iya, Datuk Amar Douglas Uggah Embas madah, semua peranak Malaysia enggau peranak luar ti diau ba Sabah enggau Labuan enda dikemendar tama kitu bepun 4 ngagai 18 Oktober tu.\\nKu Uggah, rayat Sarawak ti diau ba Sabah enggau Labuan dikemendar pulai tang mesti ngisi pom nengah aplikasyen EnterSarawak enggau ngisi Pom Ngenukuka Pengerai Diri (e-Health Declaration Form).\\nSida mega deka dikuarantin ba palan kuarantin pengelama 14 hari enggau beperesa rT-PCR ba hari kedua enggau ke-10 sereta ungkus kuarantin enggau beperesa nya ditanggung Perintah Sarawak.\\nUngkup pengereja ba sektor minyak enggau gis, sida mengkang nitihka Atur Pengawa Standard (SOP) ke bisi diatu.\\nUngkup sektor dikategori servis bekaul nyengkaum servis nganjung barang ti ngena jalai darat, sida mesti minta Surat Khas ari Komiti Penyangga Penusah Ngenyit Bagi Menua ti bekaul (Miri tauka Limbang) lalu enda tau enda beperesa rT-PCR sebedau berengkah gawa enggau ba hari ke-14.\\nPia mega ku Uggah, sida ti nengah menua Brunei, mesti nitihka semua atur baru ti udah dikeluarka Perintah Brunei empu.\\nTerang iya, semua peranak Malaysia enggau peranak luar ti deka tama ke Sarawak ari Semenanjung Malaysia mesti ngisi pom nengah nengah aplikasyen EnterSarawak enggau ngisi Pom Ngenukuka Pengerai Diri (e-Health Declaration Form) bepun 4 ngagai 18 Oktober tu.\\nSida mega deka dikuarantin ba palan kuarantin pengelama 14 hari enggau beperesa rT-PCR ba hari kedua enggau ke sepuluh sereta ungkus kuarantin enggau beperesa nya ditanggung Perintah Sarawak.\\nBekaul servis bekaul (ukai rayat Sarawak) ti bejalaika pangku pengawa rasmi ba Sarawak, sida mesti ngisi pom nengah nengah aplikasyen EnterSarawak enggau ngisi Pom Ngenukuka Pengerai Diri (e-Health Declaration Form) lalu enda tau enda beperesa rT-PCR tiga hari sebedau terebai.\\nRayat Sarawak ti diau ba Semenanjung Malaysia dikemendar pulai tang mesti ngisi pom nengah nengah aplikasyen EnterSarawak enggau ngisi Pom Ngenukuka Pengerai Diri (e-Health Declaration Form) sereta dilekat gelang jari enggau dikuarantin pengelama 14 hari.\\nUdah nya ku iya, sida deka beperesa rT-PCR ba hari kedua lalu nyambung baru timpuh kuarantin ba rumah enti pemutus nya negatif.\\nTerang Uggah, sida mega deka diasuh ke Klinik Pengerai besemak ngambi beperesa baru ba hari ke sepuluh lalu ungkus kuarantin enggau beperesa nya deka ditanggung Perintah Sarawak.\\nNambahka nya ku iya, ungkup rayat Sarawak ti dikategori dalam servis bekaul enggau mesti bejalaika pangku pengawa rasmi ba Semenanjung, sida mesti ngisi pom nengah nengah aplikasyen EnterSarawak enggau ngisi Pom Ngenukuka Pengerai Diri (e-Health Declaration Form).\\nSida mega enda tau enda minta pemendar ari ketuai opis lalu nganjung surat rasmi sereta surat dikangau ngagai aum ba aplikasyen Entersarawak sebedau dikemendar pulai lalu nadai dikuarantin.\\nSida deka diperesa ‘swab’ enggau dilekat gelang jari sereta diasuh kuarantin ba rumah dataika pemutus nya negatif.\\nIya mega madah, sida ulih nganjung pemutus negatif nya dalam aplikasyen Entersarawak sereta surat rasmi surat dikangau ngagai aum ba aplikasyen Entersarawak sebedau dikemendar pulai lalu nadai dikuarantin enti rT-PCR nya negatif.\\nBerebak enggau nya, Uggah madahka sida ari menua luar ti deka tama kitu mengkang nitihka SOP ti udah ditetapka sebedau tu.\\nSPR nganti penerang rasmi ari Speaker Dun Sabah\\nResipi ibu ke luar negara\\nNasib baik sempat padam","num_words":519,"character_repetition_ratio":0.076,"word_repetition_ratio":0.108,"special_characters_ratio":0.174,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"18 August 2018 - Hari Enam ba Minggu Ke Sembilan Belas Musim Selama\\nTang ku Jesus bejaku, “Awakka anak mit datai ngagai Aku, lalu anang nagang sida, laban Perintah serega diempu orang ke baka sida tu.” - Matthew 19: 13 - 15\\nEsekiel 18: 1 - 10, 13, 30 - 32\\n“Nama reti jaku-dalam tu ti selalu disebut orang di menua Israel? ‘Apai indai makai buah anggur ti masam, tang bala anak ke ngasaika nyawa diri masam.’\\nKu TUHAN Allah Taala bejaku,\\n“Laban Aku tu Allah Taala ti idup, kita enda tau agi besebutka jaku-dalam nya di menua Israel. Seput semua orang, seput apai indai enggau seput anak endang enggi Aku. Semina orang ke bedosa aja ti deka mati.\\n“Enti sema orang siku lurus lalu ngereja utai ti beradat sereta ngena.\\nIya enda nyembah engkeramba orang Israel tauka makai piring ti diberi ba rumah alai nyembah engkeramba. Iya enda nguji ngulihka bini orang, tauka beleman enggau indu ke benung datai kain.\\nIya enda nekanka pengidup orang, tang mulaika gadai orang ke nginjau duit ari iya, enda ngerumpak utai orang, meri roti ngagai orang ke lapar, lalu meri gari ngagai orang ke telanjai.\\nIya ukai ngiga untung lebuh iya nyali orang duit. Iya enggai ngereja penyai, lalu iya meri pemutus penemu ti betul lebuh iya ngatur laya orang.\\nIya ngasika pesan Aku, lalu bejimat nitihka Adat Aku. Nya meh orang ke lurus, lalu iya deka idup,” ku TUHAN Allah Taala bejaku.\\n“Enti sema orang nya bisi anak lelaki ke mangah sereta munuh orang, ngiga untung lebuh iya nyali duit ngagai orang: kati orang nya deka idup? Enda. Iya enda ulih idup. Iya udah ngereja semua utai ti jai nya. Nya alai iya tetap deka mati. Iya empu deka betanggungjawapka pemati diri.\\n“Diatu Aku TUHAN Allah Taala, madahka ngagai kita orang Israel, Aku deka ngakim genap iku kita nitihka utai ti udah dikereja kita. Lengkaka semua penyai ti benung dikereja kita diatu, lalu anang nejuka dosa ngerusak kita.\\nLengkaka semua penyai ti benung dikereja kita, lalu awakka runding enggau ati kita digaga nyadi baru. Nama kebuah kita orang Israel deka mati?\\nAku enggai meda orang mati,” ku TUHAN Allah Taala bejaku. “Nesal ati ke dosa kita, lalu idup.”\\nSaut (peda 10a): Gaga ati aku tuchi, O Allah Taala.\\nNya baru aku deka ngajar pasal pesan Nuan ngagai orang ke bedosa,\\nlalu sida deka pulai baru ngagai Nuan.\\nNuan enda rinduka piring,\\nnya kebuah aku enda ngenjuk sida ngagai Nuan.\\nNuan enda rinduka piring tunu.\\nPiring aku nya ati ti baruh, O Allah Taala.\\nNuan enggai nulak ati ti baruh, ati ti nesal.\\nAnak mit lalu dibai ngagai Iya, ngambika Iya ngengkahka jari Iya atas sida, lalu besampika sida. Tang murid Iya balat amat ngerara orang ke mai sida anak mit nya.\\nTang ku Jesus bejaku, “Awakka anak mit datai ngagai Aku, lalu anang nagang sida, laban Perintah serega diempu orang ke baka sida tu.”\\nIya lalu ngengkahka jari Iya atas sida, lalu mupuk ari endur nya.","num_words":455,"character_repetition_ratio":0.063,"word_repetition_ratio":0.054,"special_characters_ratio":0.218,"stopwords_ratio":0.365,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ketuai Pampang Asia Selatan Al-Qaeda Bebadi – TVS-TVSARAWAK\\nPrevious Video Chances Of Brexit Deal Slim; EU Chides ‘Blame Game’\\nNext Video Chief Minister’s Full Speech During the Installation Dinner of The Federation of The Chinese Associations Sarawak\\nChief Minister’s Full Speech During the Installation Dinner of The Federation of The Chinese Associations Sarawak\\n1. KETUAI PAMPANG ASIA SELATAN AL-QAEDA BEBADI\\nPemegai pampang Asia Selatan Al-Qaeda bebadi dalam penusah serang ke nyadi entara Amerika Syarikat (AS) enggau Afghanistan di selatan nengeri nya kenyau bulan nyin kemari.\\nAsim Umar ke betuaika raban Al-Qaeda di benua India (AQIS), berindik ari pengawa numbuh raban nya kenyau taun 2014, bebadi lebuh siti penusah serang nyadi kenyau 23 September ba sebuah kandang endur di Taliban, di pelilih menua Musa Qala.\\nDirektor Pengelikun Nasional (NDS) Afghanistan madahka Umar, ianya peranak menua Pakistan, tang nitihka sekeda ripot madahka iya diada di menua India.\\n2. LELAKI NYUKUR PALA BINI IYA SEPENGUDAH NEMU BUK DALAM UTAI DEMPA IYA\\nSiku lelaki Bangladesh ke nyukur pala bini iya, sepengudah tetemuka buk lebuh ngirup pagi udah ditan. Pekara tu dipadah polis sehari tu lebuh raban hak asasi meri jaku gerah senentang pengawa ganas ke digaga ba orang indu diripotka majak nyadi di nengeri konservatif Islam nya.\\nPolis nyerebu sebuah genturung pendiau di mengeri barat laut Joypurhat lalu ngetan Bablu Mondal ke beumur 35 taun, sepengudah peranak di genturung pendiau nya ngeripot ngagai piak polis senentang insiden nya.\\nKetuai polis ianya Shahriar Khan madahka lelaki nya tetemuka buk ba asi sereta susu ke disediaka bini iya lebuh ngirup pagi. Iya ringat lalu nganu bini iya, sereta ngambi penyukur dikena nyukur buk bini iya.\\n3. KORT FILIPINA NULAK PEMINTA PERINTAH KE DEKA NGERAMPAS RETA MARCOS\\nKort anti-makai suap Filipina nulak pengawa ke deka ngulihka bejuta dolar dalam bentuk asil seni, tanah, enggau pelaburan ari ruang bilik sereta kaban belayan niang Ferdinand Marcos, ketegal enda mujur ngayanka bukti ke engkeman dalam kes iya.\\nPerintah ngedawa Marcos enggau bini iya, Imelda bulih asil seni ke mar, tanah sereta pemegai saham enggau bantu ari siku Ex pemesai perintah enggau pemegai pengawa bedagang.\\nSepemanjai iya ke udah megai menua nya dalam kandang 20 taun, Marcos, ruang bilik sereta kaban belayan iya ngumpul reta sereta bulih pengaya ke manggai penyampau 41.9 Bilion duit Malaysia.","num_words":353,"character_repetition_ratio":0.041,"word_repetition_ratio":0.029,"special_characters_ratio":0.18,"stopwords_ratio":0.139,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jerita Iban – penatai bansa Iban bagi ke 2 | Ibanology\\nJerita Iban – penatai bansa Iban bagi ke 2\\nHome – Utusan Borneo – Berita Iban – Jerita Iban – penatai bansa Iban bagi ke 2\\nby Benneth Bunyau Buda. Posted on January 29, 2011, Saturday\\nTampung ari minggu suba..\\nDIKENA kitai nyidi pengamat tu kelebih agi dalam uji kitai ngambi sekeda leka jaku bansa Hindu ti agi mengkang dikena bansa Melayu sampaika seharitu nitihka dipansik aku ari bup kudus sida iya ti dikumbai “Sanskrit” munyi ti disebut aku dibaruh ditu legi.\\n1. Batta, Battara tauka Avatara dalam pengarap bansa Hindu nya sebaka sekali enggau leka jaku petara tauka bunsu petara dalam pengarap lama bansa Iban.\\n2.Brahma tauka Narayana ti tuai ke semua petara di langit din nya sebaka sekali enggau Biku Raja Petara ti tuai ke semua petara dalam pengarap lama bansa Iban tauka Sempandai, iya petara ti keterubah iya ngaga mensia ari tanah liat.\\n3.Vishnu, iya nya petara ti ngibun mensia dalam pengarap lama bansa Hindu nya sebaka sekali enggau bunsu manang ba pengarap lama bansa Iban.\\n4. Shiva, iya nya petara guru ti selalu ngelalau orang nya sebaka sekali enggau raja burung ti dikumbai Kuang Kapung.\\n5. Indra ti petara Guntur, Agni ti petara api enggau Vayu ti petara rebut ba pengarap lama bansa Hindu nya sebaka sekali enggau raja Guntur, raja api enggau raja ribut ba pengarap lama bansa Iban.\\nKala, iya nya petara bunuh ba pengarap lama bansa Hindu sebaka sekali enggau Aki Lang Singalang Burung ti tuai kayau enggau serang ba pengarap lama bansa Iban.\\n6. Ganesa, iya nya petara utai tumbuh enggau tanah endur bumai enggau guna ke bukai nya sebaka sekali enggau Aki Simpulang Gana tauka Semerugah ti petara tanah.\\n7. Tujuh iku burung ti diguna dalam pengarap bansa Hindu nya sebaka sekali enggau sida Ketupung diri menyadi ti tuai nguluka orang ngayau, bumai enggau pengawa bukai dalam babas ngarika entua sida iya Lang Singalang Burung.\\n8 . Djwata, juata tauka Diwata, iya nya siku ari petara dalam ai dalam pengarap Hindu sebaka sekali enggau Raja Juata ti siku ari petara dalam ai ba pengarap lama bansa Iban.\\n9. Bharati, iya nya petara indu ti bajik, pandai, pintar ati enggau tau ajih ti diau dalam Sungai Bharatas nya sebaka sekali enggau Endu Meni Bentar Batu ti nyadi siku ari petara indu ti diau dalam ai ba pengarap lama bansa Iban.\\n10. Garuda, iya nya burung ti pemadu besai sereta makai mensia ba pengarap lama bansa Hindu nya ukai semina nyau ka sama nama enggau burung geruna, iya nya burung ti pemedu besai sereta makai mensia ba pengarap lama bansa Iban.\\n11 .Jatayus dalam pengarap lama bansa Hindu sebaka sekali enggau Bunsu Bubut tauka Bunsu Ruai.\\n12 . Kumbha-Kharna, iya nya pengambis besai antu sereta kering dalam pengarap lama bansa Hindu nya sebaka sekali enggau antu gerasi papa tauka antu Buau Nyada dalam pengarap lama bansa Iban.\\n13. Menua Kosala ti betuaika Maharaja Dasaratha ti ngadaka Rama, iya lelaki ti pengambis sigat, gagah, kebal, tau kayau enggau tau serang kelimpah ari ti tau ajih ba pengarap lama bansa Hindu nya sebaka enggau menua Panggau Libau ti betuaika Gila Gundi ti beranakka Keling, iya nya lelaki ti sama pengambis sigat, gagah, kebal, berani, tau kayau enggau tau serang kelimpah ari ti tau ajih ba pengarap lama bansa Iban.\\n14. Menua Mithila ti betuaika Janaka ti beranakka Sita, iya indu ti pengambis bajik, pandai, pintar ati enggau tau ajih nya sebaka sekali enggau Menua Gelung Batu Nakung ti betuaika Bedang ti beranakka Kumang, iya indu ti pengambis bajik, pandai, pintar ati enggau tau ajih ba pengarap lama bansa Iban.\\n15. Menyadi tiri Rama ti benama Barita, Laksaman enggau Sutruga ti sama gagah, kebal, berani, tau kayau enggau tau serang ba pengarap lama bansa Hindu nya sebaka sekali enggau Laja, Bungai Nuing enggau Pungga ti petunggal Keling ba pengarap lama bansa Iban.\\n16. Tiga iku indu ti bajik, pandai, pintar ati enggau tau ajih mega ba menua Mithilda ti jadi enggau Barita, Laksamana enggau Sutraga, iya nya pungka lelaki orang di menua Kosala nya sebaka sekali enggau Lulung, Selinggar Matahari enggau Endu Puyu ti jadi enggau Laja, Bungai Nuing enggau Pungga ba pengarap lama bansa Iban.\\n17. Sita ari menua Mithilda ti jadi enggau Rama ari menua Kosala nya sebaka sekali enggau Kumang ari menua Gelung Batu Nakung ti jadi enggau Keling ari menua Panggau Libau. Reti nya, pungka indu orang ari menua Mithilda ti jadi enggau pungka lelaki ti datai ari menua Panggau Libau nya endang bela tangkup.\\n18. Sugriva, iya nya raja nyumbuh tauka raja mayas ti nulung Rama bebunuh nya sebak sekali enggau raja nyumbuh tauka raja mayas dalam pengarap lama Iban.\\n19. Yama, iya menyadi tuai sida Rama ari Kosala ti mati lulus lalu nyadi raja di menua sebayan nya sebaka sekali enggau Kemping Padi, iya menyadi tuai Keling ti mati lulus mega ti lalu nyadi raja di menua sebayan ba pengarap lama bansa Iban.\\nPengarap lama dua iti bansa tu ti arapka antu, engkeramat, gagah, kebal, mimpi, nasip, niat, pantang tuai, penti pemali enggau mayuh ti bukai nya endang sebaka sekali reti enggau jalai nguna.\\nDikena kitai nyidi lebih dalam agi pengamat pelaba tu, uji kitai ngenang mansa sekeda leka jaku bansa Hindu ti agi mengkang dikena bansa Melayu sampaika seharitu. Chunto iya, iya nya baka leka jaku Maharaja, Raja, Laksamana enggau Saudagar ti dikena ngelar urang ti pangkat raja, gagah berani enggau pedagang ti kaya. Semua tiga leka jaku tu endang jaku bansa Hindu ti bisi ditemu ba bup kudus sida iya ti dikumbai “Sanskrit”.\\nTang udah perintah Majapahit tumbang ba pun taun 1400 suba ti lalu diganti perintah Islam dia leka jaku maharaja enggau raja lalu ditukar sida ngagai sultan, iya nya gelar ti sebaka taja iya disebut dalam jaku orang Arab, taja leka jaku ti dikumbai Laksamana enggau saudagar mengkang agi dikena sida iya dikena sida iya ngelar orang ti gagah berani enggau pedagang ti kaya.\\nTu pan dipelabaka aku bisi pengamat enti kitai mandingka cherita Parameswara ti lari ngagai Pulau Tumasek pengudah iya ti munuh raja Hindu di nengeri Palembang di Pulau Sumatra sebedau iya tepejuh pejalai ngagai nengeri Melaka ti alai iya lalu digelar orang di menua nya Sultan Iskandar Shah pengudah iya ti masuk agama Islam dalam taun 1402 kelia.\\nKada enda bakatu kini ti ngepunka nengeri Banjermasin,Brunei, Kedah, Kelantan, Kotei, Johore, Pahang, Perak, Pontianak, Sambas, Sanggau, Sukadana, Sulu enggau mayuh ti bukai bisi sultan.\\nPenatai bansa Iban di Pulau Borneo\\nEnggai ke uchu ambu enggau turun menurun sida iya ila masuk ugama Islam dia sekeda tuai bansa Iban ti diau enda jauh ari nengeri Jambi, kelebih agi dalam Sungai Bengkuku enggau ti diau enda jauh ari Pagar Ruyung lalu bebai pindah ngagai menua baru ti jauh ari menyadi sida iya bansa Melayu. Sida iya betuaika Lang ti besumbar Gilik menua. Orang ti nyadi ke sapit iya, iya nya Gundai ti begelar Ribut Nyepu, Gising ti begelar Antu Raya enggau Kusing ti begelar Bah Menua. Semua sida iya tu endang orang pungka lelaki ti sama kering, kebal enggau berani.\\nEnti nitihka ditusi siku orang ti mansang bekuli ari Sumatra ngagai menua Sarawak tu empai lama ti udah sampaika Senahri Sungai Bengkuku nya agi bisi Iban diau taja gaya pendiau sida iya agi tinggal bendar ari gaya pendiau kitai di menua Sarawak.\\nNyadi sida empat iku tuai bansa Iban tu kelia bela nengali bangkung siti siku ti disereta dua puluh iku orang ti sama berani lalu mupuk belayar ari Jambi nengah Selat Melaka sebedau ngerembuska diri ngagai Tasik Jawa nuju Pulau Borneo. Kebuah alai sida iya nemu nuj menua nya kia laban dulu ari tu sida iya kala rembus ngagai pulau tu lebuh ti betundi udi bedagang enggau orang bansa Hindu enggau bansa Islam.\\nBa pulau Borneo sida iya sangkai ba banchak nanga sungai mit siti ti bechabang ba Sungai Pawan ti bepati ba Sungai Kayung. Lebuh sida meda menua dia puang sereta manah alai ngidupka diri sida iya lalu berunding deka ngentapka pendiau diri. Sida lalu ngaga langkau pengenduh dia ngambika bisi endur sida iya diau enda lama.\\nTang ari siti lebuh sida iya mansang deka beramuka kampung enda mukai-mukai ga Lang tu tadi enda ingat mai beliung iya dalam ma. Nya alai iya madahka diri nikal ngagai langkau sambil ngasuh bala iya majakka pejalai sida beramu.\\nTang lebuh iya baru deka tama ngagai langkau sida iya dia iya lalu diserang 15 iku munsuh ti penuh ngena ngepan. Taja tubuh siku aja Lang enda lari tang ngetan bamuk ngelaban munsuh nya. Nyau pemuas sida ti bamuk dia Lang ulih munuh 14 belas iku munsuh nya. semina siku aja munsuh uli ngerarika diri.\\nPala munsuh nya lalu dipumpung iya serta dipanggaika iya ke dalam langkau. Tang bukang munsuh nya diaraka iya ba sebelah jalai ba tengah laman sida iya sebedau iya lalu nitihka bala besai ti beramu di kampung enda jauh ari langkau sida iya nya. Datai iya ba bala sida iya ti udah mupuk beramu pagi nya iya nadai madah ngagai orang nama utai ti udah nyadi. Gamal iya pan dipeda sida iya tak nadai bebali tang dipeda baka ti selama.\\nTang lebuh sida iya pulai merarau ngagai langkau sida tengahari nya sida balat tekenyit sereta tekepang ati meda bukang munsuh nyau betegaing ba tengah laman langkau nyau. Sida iya lalu kekalau manjung madahka munsuh bisi ngendap enda jauh ari langkau sida iya. Sida lalu belabuh niap tubuh engka ti bisi dibunuh munsuh tang nadai ga sida iya bisi nyau. Nya ti ngasuh sida iya lalu betanya enggau pangan diri sapa ti empu bukang nya.\\nLebuh sida iya benung betalatka sapa empu dengah nya dia Lang lalu kekalau manjung madahka sesumbar baru iya. “Aku tu meh Lang ti besumbar antu Inung Pengaruh Bisa, Enselan Menua Ngena Leka Balang Bedabung”. “Aku ti bedengah munsuh nya lebuh sida ngeramka ipa ba semak langkau kitai”, pia ku iya bejaku.\\nDinga panjung orang enda nemu agi laban kelalu gagaka pemerani enggau pemujur iya ti udah ngalahka munsuh nya sambil sida geli ati ninga pemanah sesumbar baru iya nya, kelebih agi ba senentang genteran ti madahka diri “Enselan Menua Ngena Leka Balang Bedabung”.\\nPengawa sida ti beramu sehari lalu diketuka sida nangka tengahari nyya aja laban ti kiruh muai bukang enggau ngebuk antu pala munsuh nya.\\nKira dua bulan udah nya dampa ti digaga sida ti chukupka tujuh puluh diri sebilik ti betampung panjai pan tembu. Udah nya sida iya lalu bebagi dua , sebagi ngambi bala besai pindah lalu sebagi tinggal laban enggai ke dampa sida iya dikachau munsuh.\\nNitihka cherita lama ti ditampung aku ari sida ketuai sebuah ari 15 belas buah bangkung ti pindah ngelayang tasik ngagai Pulau Borneo nya enda ulih nenataka diiri laban karam di rantau jalai.\\nPengudah rengat ti keterubah iya pindah ngagai Pulau Borneo mayuh mega Iban bukai pindah ari Sumatra entudi sida iya. Tang ukai semua sida iya tama Sungai Kayung tang ngachirka pendiau diri masuk Sungai Kapuas ti ngujungka sida iya lalu bechampur enggau bansa bukai ti udah dulu nguan menua nya.\\nRead more: http:\/\/www.theborneopost.com\/2011\/01\/29\/jerita-iban-penatai-bansa-iban-bagi-ke-2\/#ixzz2W0tS5zp0\\n← Lintong “Moahari” Gagong perengka ke beguna ba bansa Iban →","num_words":1780,"character_repetition_ratio":0.106,"word_repetition_ratio":0.012,"special_characters_ratio":0.193,"stopwords_ratio":0.293,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sempama Jesus Pasal Duit Emas | Ke Mudah\\n“Ngagai siku iya nyerahka lima ribu singkap duit emas, ngagai siku ti bukai dua ribu singkap, lalu ngagai siku, seribu singkap.”—MAT. 25:15.\\nNama kebuah Jesus madahka sempama pasal duit emas?\\nKemaya Tuan deka datai ngira akaun?\\nNama dipelajarka kitai ari sempama tu?\\n1, 2. Nama kebuah Jesus madahka sempama pasal duit emas?\\nJESUS madahka sempama pasal duit emas kena nerangka tanggungjawap bala murid iya ke diiri ngena roh kudus. Tang, sempama tu ngaul semua murid Jesus. Nyadi, sekalika kitai bisi peluang ke serega tauka diau ba dunya, kitai patut nemu reti sempama tu.\\n2 Kemaya Jesus madahka pasal sempama nya? Lebuh iya ke madahka bala murid iya tanda ti nunjukka iya udah nyadi Raja sereta maya pengujung dunya deka berengkah. (Mat. 24:3) Nya alai, sempama pasal duit emas nya benung nyadi diatu.\\n3. Nama dipelajarka kitai ari sempama ba Matthew bab 24 enggau 25?\\n3 Lebuh Jesus madahka sempama pasal duit emas, iya mega madahka tiga iti da agi sempama ke nyadi tanda pengujung dunya. Semua sempama nya ngambarka pemanah ke patut dikembuan bala murid iya. Kitai ulih macha pasal sempama tu ba Matthew 24:45 ngagai 25:46. Sempama keterubah pasal ulun ke tetap ati, raban ke mimit ari orang ti diiri ngena roh kudus, ke betanggungjawap ngajar nembiak Jehovah. Sida patut tetap ati sereta bepenemu-dalam. (Peda nota kaki.) Kedua, sempama pasal sepuluh iku indu dara. Ba sempama nya, Jesus nangkan semua orang ke diiri ngena roh kudus patut besedia sereta bejaga laban sida enda nemu hari tauka jam iya deka datai. (Peda nota kaki.) Ketiga, Jesus madahka sempama pasal duit emas kena ngajar semua orang ke diiri ngena roh kudus patut gawa bebendar kena bejalaika tanggungjawap Kristian sida. Keempat, Jesus madahka sempama pasal bedus enggau kambin, iya ke beberatka sida ti bisi peluang idup ba dunya. Iya ngasuh sida taluk sereta enggau naka ulih nulung bala menyadi iya ke diiri ngena roh kudus. (Peda nota kaki.) Pelajar tu deka nerangka reti sempama pasal duit emas.\\nSEIKU LELAKI MERI ORANG GAJI IYA MAYUH DUIT\\n4, 5. Sapa lelaki ke digambarka ba sempama nya, lalu nama reti duit emas nya?\\n4 Bacha Matthew 25:14-30. Ba sempama pasal duit emas, Jesus bejaku pasal seiku lelaki ke bejalai ngagai menua bukai. Jesus mega ngena sempama ti sama lebuh nyebut pasal seiku lelaki ke bejalai ngagai menua bukai nyadi raja. (Peda nota kaki.) (Luk. 19:12) Betaun litaricha kitai udah nerangka lelaki ba dua iti sempama tu ngambarka Jesus, ke pulai ke serega ba taun 33. Tang, Jesus enda terus nyadi Raja lebuh iya ke serega. Iya nganti datai ke taun 1914, lebuh munsuh iya nyadi ‘pelasar kaki iya.’—Heb. 10:12, 13.\\n5 Jesus madahka lelaki ke ba sempama nya bisi lapan ribu singkap duit emas, penyampau duit ti mayuh maya nya. (Peda nota kaki.) Sebedau iya mupuk, iya nyerahka duit emas ngagai orang gaji iya, lalu ngasuh sida nambahka penyampau duit nya. Duit nya amat berega ba lelaki nya. Pia mega, Jesus ngembuan utai ti berega sebedau iya pulai ke serega. Nama utai nya? Iya nya pengawa ti udah digaga iya ba dunya.\\n6, 7. Duit emas nunjukka nama?\\n6 Pengawa nginjil nya beguna bendar ba Jesus. Ketegal tu, mayuh orang nyadi murid iya. (Bacha Luke 4:43.) Tang, iya nemu mayuh pengawa deka digaga, lalu mayuh mega orang deka nerima berita manah. Nya alai, iya madah ngagai bala murid iya: “Perening kiba kanan ngelingi kita. Nya baru kita meda umai nyau mansau, sedia deka diketau.” (Jhn. 4:35-38) Orang ke nemu bumai enda ninggalka umai ti sedia deka diketau. Jesus pan baka nya. Sebedau pulai ke serega, iya ngasuh bala murid iya: ‘Nya alai, bejalai kita ngagai semua bansa lalu gaga sida nyadi murid aku.’ (Mat. 28:18-20) Enggau tu, Jesus meri sida reta ti berega, iya nya tanggungjawap nginjil.—2 Kor. 4:7.\\n7 Baka lelaki ke nyerahka duit ngagai orang gaji iya, Jesus mega nyerahka pengawa ngaga murid ngagai murid iya ke diiri ngena roh kudus. (Mat. 25:14) Nyadi, duit emas nya nunjukka tanggungjawap nginjil enggau ngaga murid.\\n8. Taja pan genap iku orang gaji nerima penyampau duit ti bebida, tang nama dikearapka tuan ari sida?\\n8 Jesus madahka tuan nyerahka lima ribu singkap duit emas ngagai orang gaji ti keterubah, dua ribu singkap ngagai orang gaji ti kedua, lalu seribu singkap ngagai orang gaji ti ketiga. (Mat. 25:15) Tuan nyerahka genap iku orang gaji penyampau duit ti bebida, tang iya ngarapka semua sida gawa enggau naka ulih nambahka penyampau duit ke diberi iya. Pia mega, Jesus ngarapka murid iya ke diiri ngena roh kudus enggau naka ulih bejalaika pengawa nginjil. (Mat. 22:37; Kol. 3:23) Ba Pentikos taun 33, bala murid Jesus berengkah ngaga murid ari semua bansa mensia. Lalu lebuh kitai macha bup Kereja Rasul ba Bup Kudus, kitai meda enggau terang agi baka ni pemendar sida gawa. (Peda nota kaki.)—SKR. 6:7; 12:24; 19:20.\\nORANG GAJI NGENA DUIT EMAS BA PENGUJUNG DUNYA\\n9. (a) Nama digaga dua iku orang gaji ke tetap ati enggau duit sida, lalu nama dipelajarka kitai ari sida? (b) Nama patut digaga orang ke bisi peluang idup ba dunya?\\n9 Dua iku orang gaji ti keterubah, iya ke ngena duit tuan sida enggau manah ngambarka bala menyadi Kristian ti diiri ngena roh kudus ke tetap ati maya pengujung dunya. Kelebih agi kenyau ari taun 1919, sida udah enggau naka ulih ngereja pengawa nginjil. Ba sempama nya, dua iku orang gaji nerima penyampau duit ti bebida, tang tu ukai reti iya bisi dua iti gerempung orang ti diiri ngena roh kudus ke tetap ati. Dua iku orang gaji nya sama bebendar, lalu ngasilka dua kali lipat penyampau duit nya. Kati semina orang ke diiri ngena roh kudus patut bebendar nginjil enggau ngajar? Enda. Sempama Jesus pasal bedus enggau kambin, ngajar kitai pasal orang ke bisi peluang idup belama iya ba dunya. Sida patut nulung bala menyadi iya ke diiri ngena roh kudus ba pengawa nginjil sereta taluk ke sida. Tu endang basa ti besai! Amat, nembiak Jehovah endang “siti raban,” lalu sida bebendar nginjil sereta ngaga murid.—Jhn. 10:16.\\n10. Nama siti ari tanda nunjukka kitai diau ba pengujung dunya?\\n10 Jesus ngarapka semua murid iya bebendar ngereja pengawa nambahka murid. Nya meh pengawa ti digaga murid iya ba kurun keterubah. Ba pengujung dunya tu, kemaya sempama Jesus pasal duit emas benung nyadi? Kati murid iya benung ngereja pengawa tu? Ya, enda kala ngemayuh tu orang ningaka berita manah, lalu nyadi murid! Ketegal bala murid Jesus bebendar gawa, beratus ribu iku mensia dibaptisa ninting taun. Lalu sida mega sama enggau nginjil. Semua pengawa enggau asil ti manah tu, nunjukka pengawa nginjil nya endang siti ari tanda ke diberi Jesus pasal pengujung dunya. Nya alai, Jesus balat gaga ati ke sida!\\nJesus meri bala murid iya siti reta ti berega, iya nya tanggungjawap nginjil (Peda genteran 10)\\nKEMAYA TUAN DEKA DATAI?\\n11. Baka ni kitai nemu Jesus deka datai maya penusah ti besai?\\n11 Ku Jesus: “Nyau kelama udah bekau nya, tuan sida datai, lalu ngira akaun enggau sida.” (Mat. 25:19) Tuan, iya nya Jesus, deka ngereja tu semak pengujung penusah ti besai. Baka ni kitai nemu? Ba Matthew bab 24 enggau 25, Jesus suah madahka iya deka datai. Chunto, iya madah orang “deka meda Anak Mensia datai ba atas remang ari serega.” Tu nyadi maya penusah ti besai lebuh Jesus deka ngakim orang. Iya mega nangkan bala murid iya ke idup ba pengujung dunya ngambika bejaga. Ku iya: ‘Laban kita enda nemu hari Tuan kita deka datai,’ lalu “Anak Mensia deka datai ba jam ti enda disangka kita.” (Mat. 24:30, 42, 44) Nyadi ba sempama pasal duit emas, Jesus mega madahka maya iya deka datai ngakim orang sereta nganchurka dunya Sitan.—Peda nota kaki.\\n12, 13. (a) Nama dipadah tuan ngagai dua iku orang gaji, lalu nama kebuah? (b) Kemaya orang ke diiri ngena roh kudus nerima chop ti penudi? (Peda mega kutak “ Sida Diterima Pengudah Mati.”) (c) Nama berekat ti deka diterima sida ke nyukung orang ke diiri ngena roh kudus?\\n12 Lebuh tuan pulai ari bejalai, iya meda orang gaji ke bisi lima ribu singkap duit emas udah ngasilka lima ribu da agi duit emas, lalu orang gaji ke bisi dua ribu singkap duit emas udah ngasilka dua ribu da agi. Tuan madahka seduai iya: “Manah pengawa nuan! Nuan tu orang gaji ke manah sereta tetap ati. Nuan tau dikarapka ngemataka utai ti mimit, nya alai aku deka ngasuh nuan ngemataka utai ti mayuh.” (Mat. 25:21, 23) Nama deka digaga Tuan, iya nya Jesus, lebuh iya datai jemah ila?\\n13 Sebedau penusah ti besai datai, Petara deka nerima orang ke diiri ngena roh kudus, iya ke bebendar gawa sereta agi idup ba dunya maya nya. Tu chop sida ti penudi. (Pem. 7:1-3) Udah nya, sebedau Armagedon, Jesus deka merekat sida ke serega. Tang, baka ni enggau sida ke bisi peluang idup ba dunya, iya ke nyukung orang ke diiri ngena roh kudus ba pengawa nginjil? Sida deka diakim nyadi bedus. Lalu sida deka idup ba dunya ti dipegai Perintah Petara.—Mat. 25:34.\\nORANG GAJI KE JAI SERETA NGELUSU\\n14, 15. Kati Jesus bisi ngumbai mayuh orang ke diiri ngena roh kudus deka nyadi jai sereta ngelusu? Terangka.\\n14 Sempama nya mega madahka pasal orang gaji ke nerima seribu singkap duit emas. Iya enda ngena duit nya nambahka duit tuan iya tauka nyimpan duit nya ba bank ngambika bulih bungai. Tang, iya ngelalaika duit nya dalam tanah. Tuan madahka orang gaji nya jai sereta ngelusu. Iya ngambi duit nya ari orang gaji ke jai, lalu meri duit nya ngagai orang gaji ti keterubah. Udah nya, iya muai orang gaji ke jai “ngagai endur ti petang,” lalu orang gaji nya nyabak begerit ngeli.—Mat. 25:24-30; Luk. 19:22, 23.\\n15 Lebuh Jesus madah seiku ari tiga orang gaji nya jai sereta ngelusu, ukai reti iya satu petiga ari orang ke diiri ngena roh kudus deka nyadi baka orang gaji nya. Kitai nemu tu ari mandingka sempama tu enggau dua iti sempama ti bukai. Ba sempama pasal ulun ke tetap ati sereta bepenemu-dalam, Jesus madahka pasal ulun ke jai ti merinsaka ulun ti bukai. Jesus ukai madahka sida ke nyadi ulun ke tetap ati sereta bepenemu-dalam deka nyadi jai. Tang, iya nangkan sida ke diiri ngena roh kudus enda patut nyadi ulun ke jai. Udah nya, ba sempama pasal sepuluh iku indu dara, Jesus nyebut pasal lima iku indu dara ke beli. Iya nadai madah setengah ari sida ke diiri ngena roh kudus nya beli. Tang, Jesus nangkan nama deka nyadi enti sida enda besedia enggau bejaga. (Peda nota kaki.) Pia mega, ba sempama pasal duit emas, Jesus enda ngumbai mayuh ari orang ke diiri ngena roh kudus deka nyadi jai sereta ngelusu ba hari ti penudi. Tang, iya nangkan sida anang nyadi orang gaji ke jai, tang terus bebendar nginjil.—Mat. 25:16.\\n16. (a) Nama dua iti pekara ti dipelajarka kitai ari sempama pasal duit emas? (b) Baka ni pelajar tu nulung kitai nemu reti sempama pasal duit emas? (Peda kutak “ Baka Ni Kitai Patut Meretika Sempama Pasal Duit Emas?”.”)\\n16 Nama dua iti pekara ti dipelajarka kitai ari sempama pasal duit emas? Kesatu, Jesus meri bala murid ke diiri ngena roh kudus siti reta ti berega, iya nya tanggungjawap nginjil sereta ngaga murid. Kedua, Jesus ngarapka semua kitai bebendar ba pengawa nginjil. Enti kitai tetap ati betan ba pengawa tu, lalu mengkang ngasi sereta taluk ke Jesus, kitai pechaya iya deka merekat kitai.—Mat. 25:21, 23, 34.\\nMenara Jaga, 15 Julai, 2013, lambar 21-22, genteran 8-10, nerangka sapa ulun ke tetap ati sereta bepenemu-dalam. Ba pelajar ke dulu ari tu, nerangka sapa indu dara. Sempama pasal bedus enggau kambin diterangka baMenara Jaga, 15 Oktober, 1995, lambar 23-28, enggau ba pelajar ti deka datai ba majalah tu.\\nPeda kutak “ Baka Ni Sempama Pasal Duit Emas ba Matthew Sebaka Enggau Sempama Pasal Duit Emas ba Luke?.”\\nBa jeman Jesus, seiku pekereja begunaka 20 taun kena ngulihka seribu singkap duit emas.\\nEnda lama pengudah pemati bala rasul, ajar ti salah ngerembai ngagai semua gerempung. Dalam beratus taun, mimit aja pengawa nginjil udah digaga. Tang, ba maya “ngetau” tauka pengujung dunya, pengawa nginjil deka berengkah baru. (Mat. 13:24-30, 36-43) Peda Menara Jaga, 15 Julai, 2013, lambar 9-12.\\nPeda Menara Jaga, 15 Julai, 2013, lambar 7-8, genteran 14-18.\\nPeda genteran 13 pelajar “Deka Nuan Terus ‘Bejaga’?” ba majalah tu.\\nBaka Ni Sempama Pasal Duit Emas ba Matthew Sebaka Enggau Sempama Pasal Duit Emas ba Luke?\\nSempama pasal duit emas ba Matthew sebaka enggau sempama pasal duit emas ba Luke. Dua iti sempama tu pasal tuan ke bisi orang gaji. Sebedau iya bejalai ngagai menua bukai, iya nyerahka sida duit, lalu iya ngasuh sida nambahka duit nya. Lebuh iya pulai, iya nanya nama udah digaga orang gaji enggau duit iya. (Mat. 25:14-30; Luk. 19:12-27) Nama reti sempama tu? Ba dua iti sempama nya, tuan ➊ ngambarka Jesus. Bala orang gaji ➋ ngambarka murid iya ke diiri ngena roh kudus. Duit ➌ ngambarka tanggungjawap besai nyadika orang murid. Dua iti sempama tu nangkan murid Kristus enda patut nyadi jai sereta ngelusu.\\nSida Diterima Pengudah Mati\\nKenyau ari kurun keterubah, murid ke diiri ngena roh kudus udah diserahka duit emas, iya nya tanggungjawap nginjil. Sida deka diakim nitihka chara sida bejalaika tanggungjawap nya. Sida ti diiri ngena roh kudus ke tetap ati ke mati sebedau penusah ti besai, deka nerima chop ti penudi lebuh sida mati. Tang ba sempama pasal duit emas, Jesus bejaku pasal maya iya datai ngira akaun enggau sida ke diiri ngena roh kudus ke agi idup ba dunya lebuh maya penusah ti besai.\\nBaka Ni Kitai Patut Meretika Sempama Pasal Duit Emas?\\nKemaya Tuan Merekat Orang Gaji Iya?\\nPenerang lama: Ba taun 1919, Jesus merekat sida ke diiri ngena roh kudus ba dunya enggau nyerahka sida mayuh agi tanggungjawap.\\nPenerang baru: Lebuh Jesus datai jemah ila, iya deka merekat sida ke diiri ngena roh kudus ke tetap ati enggau mai sida ke serega.\\nSapa Orang Gaji ke Jai Sereta Ngelusu?\\nPenerang lama: Orang gaji ke jai sereta ngelusu ngambarka sida ke diiri ngena roh kudus ba taun 1914, tang enggai nginjil.\\nPenerang baru: Jesus ukai madahka seraban orang ke diiri ngena roh kudus deka nyadi jai sereta ngelusu. Tang, iya nangkan orang Kristian ke diiri ngena roh kudus pasal utai ti deka nyadi enti sida nyadi jai sereta ngelusu.","num_words":2261,"character_repetition_ratio":0.107,"word_repetition_ratio":0.011,"special_characters_ratio":0.228,"stopwords_ratio":0.287,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ninting taun 250 iku mati sakit tungkul sengayuh di Sarawak – Suara Sarawak – Bukan Sekadar Akhbar\\nYou are here:Home-RUAI-Ninting taun 250 iku mati sakit tungkul sengayuh di Sarawak\\nKUCHING: Urung 250 iku pesakit tungkul sengayuh diripotka bebadi nyawa ba Sarawak ninting taun.\\nMenteri Kaunsil Kandang Menua enggau Pengawa Berumah Datuk Sri Prof Sim Kui Hian madahka penyedar sentang nyaga pengerai di menua tu amat beguna dikena nyeliahka mayuh bengkah penyakit nyengkaum sakit tungkul sengayuh.\\n“Ninting taun Sarawak ngerikodka urung 500 ngagai 550 iku pesakit tungkul sengayuh ti baru.\\n“Ari penyampau nya, 250 ari sida mati ke alai 300 iku pesakit tungkul sengayuh di menua tu nambah ninting taun,” ku iya.\\nKui Hian bejaku munyi nya ba Program Nyerahka Bantu Mesin Hemodialisis Ngagai NKF Kota Samarahan di NKF Pampang Kuching ditu, ngalih hari tadi.\\nKu iya mega, penyampau pesakit ti berubat ngena mesin hemodialisis diatu bisi 3,544 iku.\\n“Ari penyampau nya 90 peratus (3,192 iku) berubat ngena mesin hemodialisis lalu 10 peratus ke bukai berubat kediri,” ku iya.\\nIya madahka, ba Malaysia bisi 44,136 iku pesakit tungkul sengayuh dirikodka benung berubat.\\n“Opis Menteri Pengerai bisi nyendiaka 25 buah palan berubat hemodialisis ti dicaj RM13 sekali berubat di Sarawak.\\n“Kelimpah ari nya, sepital peribit bisi 12 buah palan berubat hemodialisis iya nya lapan buah di Kuching, dua buah di Miri, sebuah di Sibu enggau sebuah di Bintulu.\\n“Sekali berubat pesakit deka dichas RM200 ngagai RM300,” ku iya.\\nTandu Kui Hian, gerempung ukai dikuasa perintah (NGO) mega bisi nyendiaka palan berubat hemodialisis iya nya lima buah palan di Kuching, sebuah di Miri, dua buah di Sibu, sebuah di Bintulu enggau sebuah di Serian.\\n“Ungkus berubat hemodialisis ba palan NGO tu entara RM90 ngagai RM150 sekali berubat,” ku iya.\\nBy Indun Silong|2020-11-28T17:45:05+08:00November 28th, 2020|Categories: RUAI|0 Comments","num_words":262,"character_repetition_ratio":0.114,"word_repetition_ratio":0.0,"special_characters_ratio":0.227,"stopwords_ratio":0.126,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sarawak bisi pengelebih nyadi pengeluar pemakai 2030 - Suara Sarawak\\n“Diatu kitai agi ngimport pemakai ari luar. Mayuh makit pemakai lalu Sarawak enda ibuh meli produk pemakai ari luar enti kitai bebendar mansutka asil pemakai kediri empu.”\\nKUCHING: Sarawak bisi pengelebih nyadi pengeluar pemakai manggai taun 2030 laban bisi tanah ke besai enggau gaya hari ke manah.\\nKepala Menteri Datuk Patinggi Abang Johari Tun Openg madah, diatu Sarawak ngimport urung RM4.7 bilion produk pemakai kelimpah eksport semina RM900 juta.\\nBerebak enggau nya ku iya, Sarawak meseti beratka pekara nentuka pemakai kitai bisi kualiti ngambi ulih nyadi pemansut besai ba produk pemakai.\\n“Dalam taun 2030, kitai deka nyadi pemansut pemakai ngagai dunya nyengkaum menua sepiak.\\n“Diatu kitai agi ngimport pemakai ari luar. Mayuh makit pemakai lalu Sarawak enda ibuh meli produk pemakai ari luar enti kitai bebendar mansutka asil pemakai kediri empu,” ku Abang Johari.\\nIya mansutka jaku nya lebuh bejadika Sarawak Agrofest 2019 di Celebration Square ditu, kemari.\\nAbang Johari madah, asil betanam betupi ngagai Asil Dalam Menua (KDNK) disadang nambah 2.4 peratus dibanding 12.4 peratus taun nyin kemari.\\n“Penyampau tu mai reti sektor betanam betupi ba Sarawak terus mansang lebuh nambah urung 15 peratus taun tu,” ku iya.\\nAbang Johari mega madahka Perintah Sarawak deka terus beratka sektor betanm betupi ke nyadi pemun pemansang ba menua tu.\\n“Dalam Bajet Nengeri Sarawak 2020 apin lama, kitai ngagihka belanja RM797 juta dikena bejalaika polisi betanam betupi,” terang iya silik agi.\\nNambahka nya, Abang Johari madahka Perintah Besai mega minta Sarawak ngenegapka agi sektor betanam betupi.\\n“Kitai diberi kuasa ngeluarka lisin nangkap ikan lalu Menteri Besai (Tun Dr Mahathir Mohamed) dekaka kitai ngeluarka pemakai jelu.\\n“Kitai deka ngemansangka sektor nya tang Perintah Besai mega patut meri agih belanja ngagai kitai,” terang iya silik agi.\\nSama datai Sapit Kepala Menteri Datuk Amar Douglas Uggah Embas, Datuk Amar Awang Tengah Ali Hasan enggau Menteri Dagang Temuai, Seni enggau Main Asal Datuk Abdul Karim Rahman Hamzah.\\nSiapkan jambatan ikut jadual\\nKelas online di Sarawak bedau engkeman\\nTeknologi drone ngemuntang operasyen Bomba\\nJuluk besai DBK 2021 ulih ngempung semua Dayak ba Borneo","num_words":317,"character_repetition_ratio":0.07,"word_repetition_ratio":0.104,"special_characters_ratio":0.19,"stopwords_ratio":0.145,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"John 1 | BK Bible | YouVersion\\n1 Ba pun iya kelia, Jaku endang udah bisi. Jaku nya enggau Allah Taala, lalu Jaku nya endang Allah Taala. 2Iya endang enggau Allah Taala kenyau ari pun. 3 Semua utai digaga ulih Iya; enti nadai Iya, nadai utai ti udah digaga ulih digaga. 4 Dalam Iya bisi pengidup lalu pengidup nya meri penampak ngagai semua mensia. 5 Penampak nya manchar dalam pemetang, lalu pemetang enda ulih ngalahka iya.\\n6 Siku orang dikirumka Allah Taala. Nama iya John. 7John datai besaksika pasal penampak nya ngambika, ulih iya, semua orang tau arap. 8John empu ukai penampak, tang iya datai ngambika iya besaksika pasal penampak nya. 9 Penampak ti bendar ti meri penampak ngagai genap iku mensia, bisi datai ngagai dunya.\\n10Iya bisi di dunya, lalu dunya digaga ulih Iya. Tang taja pia, dunya enda ngelala Iya. 11Iya datai ngagai menua Iya Empu, tang bansa Iya Empu enda nerima Iya. 12 Tang semua orang ke nerima Iya, ke arapka nama Iya, diberi Iya kuasa nyadi anak Allah Taala, 13 ke diadaka Allah Taala, ukai diadaka mensia, tauka ulih peneka mensia.\\n15 (John besaksika pasal Iya. Ku John ngangau, “Tu meh orang ke dikenang aku lebuh aku nyebut: ‘Iya ke datai dudi ari aku, besai agi ari aku, laban Iya endang udah bisi sebedau aku ada.’ ”)\\n16 Ulih pemesai pengasih Iya, semua kitai udah nerima pengasih ti nambah-menambah. 17 Adat amat udah diberi ulih Moses, tang pengasih enggau pemendar datai ulih Jesus Kristus. 18 Nadai orang udah kala meda Allah Taala. Semina Anak Tunggal Allah Taala, ke begulai enggau Apai, ke madahka pasal Apai.\\n21 Sida lalu nanya iya, “Enti pia, kati nuan tu Elijah?”\\n“Kati nuan tu nabi nya?” ku sida nanya.\\n23 Ku John bejaku,\\n24Nyadi bala seruan nya udah dikirumka orang Parisi. 25Sida lalu nanya iya, “Enti pia, nama kebuah nuan maptisa orang, enti nuan ukai Kristus, tauka ukai Elijah, tauka ukai nabi nya?”\\n26 John lalu nyaut sida, “Aku maptisa ngena ai, tang ba bala kita bisi siku ke enda dikelala kita, 27ke datai dudi ari aku. Indah muka tali kasut Iya deh aku enda tau.”\\n29 Hari siti John tepedaka Jesus mansang ngagai iya, lalu ku John bejaku, “Peda kita, nyin Anak Domba Allah Taala, ke muai dosa dunya! 30 Nya meh orang ke dikenang aku, ‘Siku orang deka datai dudi ari aku, ke besai agi ari aku, laban Iya endang udah bisi sebedau aku ada.’ 31Aku empu enda ngelala Iya, tang tu meh kebuah aku datai lalu maptisa orang ngena ai, ngambika Iya dipandangka ngagai orang Israel.”\\n32 John lalu besaksi: “Aku meda Roh Kudus nurun ari serega baka burung achang lalu meruan ba Iya. 33Aku empu enda ngelala Iya; tang Allah Taala ti ngasuh aku maptisa orang ngena ai, udah madahka ngagai aku, ‘Nuan deka meda Roh Kudus nurun lalu meruan ba orang siku; nya meh orang ke deka maptisa ngena Roh Kudus.’ 34Lalu aku empu udah meda Iya lalu aku besaksi madahka Iya nya Anak Allah Taala.”\\n35 Hari siti John bediri baru enggau dua iku ari sida murid iya, 36lalu lebuh iya ngemataka Jesus mansa, iya lalu bejaku inggar, “Peda seduai! Nyin Anak Domba Allah Taala!”\\n40 Siku ari seduai ke ninga John bejaku, lalu nitihka Jesus, nya Andrew, menyadi lelaki Simon Peter. 41 Andrew lalu ngiga menyadi lelaki iya Simon, lalu madah ngagai iya, “Kami udah tetemuka Messiah.” (Reti nya: Iya ke udah ditata; tauka Kristus). 42 Andrew lalu mai Simon ngagai Jesus.\\nJesus malik ngagai Simon, lalu bejaku, “Nama nuan Simon anak John, tang nuan deka dikumbai Kephas.” (Reti nya Peter)\\n43 Hari siti Jesus mutuska runding deka mupuk ngagai Galili. Iya tetemuka Philip, lalu bejaku ngagai iya, “Titihka Aku!” 44Penatai asal Philip nya ari Betsaida, nengeri Andrew seduai Peter. 45 Philip tetemuka Natanel, lalu madah ngagai iya, “Kami udah tetemuka orang siku ke dikenang Moses dalam Bup Adat enggau ditulis sida nabi, Jesus anak Josep, ari Nasaret.”\\n46 Natanel lalu bejaku enggau Philip, “Kati utai ti badas ulih datai ari Nasaret?”\\n50Disaut Jesus, “Kati nuan arap laban Aku udah madahka Diri meda nuan di baruh kayu ara nya tadi? Nuan deka meda utai ti besai agi ari nya!” 51 Lalu ku Iya bejaku ngagai Natanel, “Enggau bendar Aku madah ngagai kita: kita deka meda langit tebuka, lalu meda bala melikat Allah Taala nurun-niki ngagai Anak Mensia.”","num_words":689,"character_repetition_ratio":0.055,"word_repetition_ratio":0.009,"special_characters_ratio":0.231,"stopwords_ratio":0.364,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Surat Ti Keterubah Ari Saint Paul\\nNgagai Orang Di\\nSurat Ti Keterubah Ari Saint Paul Ngagai Orang Di Korint* ditulis iya kena iya mutarka penanggul ti bisi ayan dalam pengidup enggau dalam pengarap orang Kristian ke dalam eklisia ti udah ditumbuhka Paul di Korint. Lebuh maya nya menya, Korint nya nengeri ti besai, alai orang ari mayuh bengkah bansa diau. Nengeri nya indu nengeri menua Akaia, ti dipegai perintah Rome. Nengeri nya tebilang laban pengawa dagang, laban adat asal enggau main asal orang ke diau dia, laban kereja kamah ti balat dikereja orang, enggau laban mayuh bengkah pengarap orang ke diau dia.\\nUtai ti deka dikejakuka Paul nya pasal penanggul baka penyerekang, enggau kereja ti kamah ti bisi nyadi ba raban eklisia, pasal seks enggau pengawa jadi melaki-bini, pasal atur dalam eklisia, pemeri Roh Kudus, enggau pasal pengangkat ari mati. Iya ngayanka jalai Berita Manah bejakuka semua penanggul tu.\\nBagi 13, madahka pengerindu nya pemeri ti chukup manah, ti diberi Allah Taala. Bagi 13 tu bagi ti pemadu tebilang dalam bup tu.\\nSurat tu ditulis Paul kira dalam taun 57 A.D.\\nPun jaku (1.1-9)\\nPenyerekang dalam eklisia (1.10-4.21)\\nPasal kereja kamah enggau pengidup dalam ruang bilik (5.1-7.40)\\nOrang Kristian enggau orang bukai (8.1-11.1)\\nPengidup eklisia enggau jalai nyembah (11.2-14.40)\\nPengangkat Kristus enggau sida ke arap ari mati (15.1-58)\\nTulung ti diberi ngagai orang Kristian di Judea (16.1-4)\\nPekara pasal diri empu enggau jaku penutup (16.5-24)\\n1 Ari Paul, ke dikangauka nyadi rasul Jesus Kristus nitihka peneka Allah Taala, enggau ari menyadi kitai Sostenes,\\n2 Ngagai eklisia Allah Taala di Korint, ngagai orang ke dikuduska dalam Jesus Kristus, ke dikangauka nyadi nembiak Tuhan sama enggau semua orang di semua endur ke ngangauka nama Tuhan Jesus Kristus, ti Tuhan sida enggau Tuhan kitai:\\n3 Awakka Allah Taala ti Apai kitai enggau Tuhan Jesus Kristus meri kita berekat enggau pemaik.\\nBerekat Dalam Kristus\\n4 Aku endang seruran meri terima kasih ngagai Allah Taala ke kita, ketegal pengasih ti udah diberi Iya ngagai kita dalam Jesus Kristus,\\n5 laban dalam Jesus Kristus kita udah nyadi kaya dalam semua jaku enggau penemu,\\n6 laban saksi kami pasal Kristus udah dikamatka ba kita,\\n7 datai ke kita nadai kurang ba pemeri ti diberi Roh Kudus, lebuh kita nganti Jesus Kristus Tuhan kitai dipandangka.\\n8 Iya deka mega negapka kita datai ke ujung, ngambika kita nadai penyalah lebuh Hari Jesus Kristus Tuhan kitai.\\n9 Allah Taala endang tau dikarapka. Kita udah dikangauka Iya ngambika kita bekaul enggau Anak Iya Jesus Kristus Tuhan kitai.\\nPenyerekang Dalam Gerija\\n10 Diatu, dalam nama Jesus Kristus Tuhan kitai aku minta kita, menyadi, sama besetuju enggau pangan diri, enda beserekang, tang begempung enggau pangan diri, sama seati, sama sepenemu, sama juluk ati enggau pangan diri.\\n11 Laban sida Kloi sebilik bisi udah madah ngagai aku, menyadi, pasal kita ke belaya enggau pangan diri.\\n12 Utai ti ku aku nya siku nyebut, “Aku nitihka Paul,” siku nyebut, “Aku nitihka Apollos,” siku nyebut, “Aku nitihka Peter”, lalu siku nyebut, “Aku nitihka Kristus.”\\n13 Kati Kristus udah dibagi? Kati Paul udah diregang ngarika kita? Tauka, kita udah dibaptisa dalam nama Paul?\\n14 Aku meri terima kasih ngagai Allah Taala ke diri ke nadai udah maptisa kita, kelimpah ari maptisa Krispus seduai Gaius,\\n15 enggai ke orang ngumbai kita udah dibaptisa dalam nama aku.\\n16 (Aku udah mega maptisa sida Stepanas sebilik. Tang kelimpah ari nya, aku enda ingat enti aku bisi udah maptisa orang bukai.)\\n17 Laban Kristus ukai ngasuh aku maptisa orang, tang ngasuh aku nusui Berita Manah - ukai ngena pengelanchar bejaku ti datai ari penemu-dalam mensia, enggai ke kuasa regang Kristus lenyau ngapa.\\nKristus Nya Kuasa Enggau Penemu dalam Allah Taala\\n18 Laban pesan pasal regang nya utai ti mapap ba orang ke deka mati, tang ba kitai ke diselamatka, pesan nya kuasa Allah Taala.\\n19 Laban endang udah ditulis, “Aku deka ngerusak penemu-dalam orang ke pintar, lalu ngemuntanka pemintar orang ke pandai.”\\n20 Ni orang ke bepenemu-dalam? Ni orang ke bepelajar? Ni orang ke landik belabanka penemu di dunya tu? Kati Allah Taala nadai udah nunjukka pemeli penemu-dalam ti datai ari dunya?\\n21 Laban dunya enda ulih ngelala Allah Taala ngena penemu-dalam sida, nya alai Allah Taala ngena penemu-dalam Iya, mutuska runding deka ngena pemeli pesan ti ditusui kami, nyelamatka orang ke arap.\\n22 Laban orang Judah minta kereja ajih, lalu orang Gerika minta penemu-dalam,\\n23 tang kami nusui pasal Kristus ke diregang, pesan ti ditulak orang Judah, lalu orang bansa bukai ngumbai pesan nya beli.\\n24 Tang ba orang ke dikangauka Allah Taala, orang Judah enggau orang bansa bukai, Kristus nya kuasa enggau penemu-dalam Allah Taala.\\n25 Laban pemeli Allah Taala pintar agi ari penemu-dalam mensia, lalu pengelemi Allah Taala kering agi ari pengering mensia.\\n26 Peratika gaya kita suba, menyadi, lebuh Allah Taala ngangauka kita: nadai mayuh kita nya orang ke bepenemu-dalam enti dikira nitihka penemu mensia. Nadai mayuh kita nya orang ke bekuasa, nadai mayuh kita nya orang ke tinggi pangkat,\\n27 tang Allah Taala udah milih orang ke beli di dunya tu kena Iya ngemaluka orang ke bepenemu-dalam. Iya udah milih utai ti lemi di dunya tu kena Iya ngemaluka utai ti kering.\\n28 Allah Taala udah milih orang ke baruh pendiau sereta dikeleseka dunya, ke nadai reti, kena Iya ngerusak utai ti endang udah bisi,\\n29 ngambika nadai orang ulih temegah di mua Allah Taala.\\n30 Allah Taala nya ti pun pengidup kita dalam Jesus Kristus, ke nyadi penemu-dalam Allah Taala, nyadi pengelurus, pengudus enggau penebus kitai,\\n31 ngambika, munyi ti udah ditulis, “Awakka orang ke deka temegah, temegahka Tuhan.”\\nPesan Pasal Kristus Ti Diregang\\n1 Lebuh aku datai ngagai kita suba, menyadi, aku ukai datai madahka misteri Allah Taala ngena jaku ti enda ditemu reti tauka ngena penemu-dalam.\\n2 Laban aku udah mutuska runding enggai nemu utai bukai lebuh aku begulai enggau kita, tang semina Jesus Kristus, enggau pasal Iya ke diregang.\\n3 Lalu aku datai ngagai kita mai pengelemi, sereta getar-getar nangi.\\n4 Jaku enggau pesan aku ukai disebut ngena jaku ti datai ari penemu-dalam, tang ngayanka kuasa enggau Roh Allah Taala,\\n5 ngambika pengarap kita ukai dipanggaika ba penemu-dalam mensia, tang ba kuasa Allah Taala.\\nPenemu-dalam Allah Taala\\n6 Tang taja pia, ngagai orang ke besai tuai, kami bejaku ngena penemu-dalam, tang ukai penemu-dalam dunya, tauka penemu-dalam bala roh ti merintah di dunya tu, ti deka diukum lalu lesap.\\n7 Kami bejakuka pasal misteri penemu-dalam ti dilalaika Allah Taala, ti udah diletak Iya nyadika mulia kitai sebedau dunya digaga.\\n8 Nadai siku pemerintah di dunya tu meretika penemu-dalam nya, laban enti sida udah meretika penemu-dalam nya, sida tentu enda ngeregang Tuhan ti bemulia.\\n9 Tang, munyi ti udah ditulis, “Utai ti enda kala dipeda tauka didinga mensia, utai ti nadai kala diperagam mensia, nya meh utai ti udah disedia Allah Taala ke orang ti rinduka Iya.”\\n10 Nya utai ti udah dipandangka Allah Taala ngagai kitai ulih Roh Kudus, laban Roh Kudus mansik semua utai. Indah utai ti dalam buntut runding Allah Taala deh abis dipansik Iya.\\n11 Laban sapa nemu runding mensia kelimpah ari roh mensia ti dalam mensia nya empu? Baka nya mega, nadai orang nemu runding Allah Taala, kelimpah ari Roh Allah Taala Empu.\\n12 Nyadi kitai udah nerima, ukai roh dunya, tang Roh ti datai ari Allah Taala, ngambika kitai ulih meretika pemeri ti diberi Allah Taala ngagai kitai.\\n13 Lalu kami bejakuka utai nya ukai ngena leka jaku ti diajar penemu-dalam mensia, tang ngena leka jaku ti diajar Roh Kudus, lebuh kami nerangka utai roh ngagai orang ke bisi Roh Kudus.\\n14 Orang ke nadai Roh Kudus enda ulih nerima pemeri ti diberi Roh Allah Taala, laban utai nya baka ke beli ba iya, lalu iya enda ulih meretika utai nya, laban utai nya semina ulih ditemu ari tulung Roh Kudus.\\n15 Orang ke bisi Roh Kudus nemu semua utai, tang iya empu enda ulih diakim orang.\\n16 “Laban sapa nemu runding Tuhan, datai ke iya ulih ngajar Tuhan?” Tang kitai bisi runding Kristus.\\nUlun Allah Taala\\n1 Nya alai aku, menyadi, enda ulih bejaku enggau kita baka ke bejaku enggau orang ke bisi Roh Kudus, tang baka ke bejaku enggau orang ke agi nitihka chara dunya, ke agi mit dalam Kristus.\\n2 Dulu suba aku nupi kita ngena ai tusu, ukai ngena pemakai ti kering, laban kita apin ulih makai pemakai nya. Indah diatu deh kita apin sedia,\\n3 laban kita agi nitihka chara dunya. Laban seagi-agi kita kepapas, lalu belaya enggau pangan diri, enda ka nya nunjukka kita enggi dunya, lalu diau nitihka chara dunya?\\n4 Laban lebuh kita nyebut, “Aku nitihka Paul,” lalu siku nyebut, “Aku nitihka Apollos”, enda ke kita bejaku nitihka chara dunya?\\n5 Laban sapa Apollos? Lalu sapa Paul? Semina ulun Allah Taala aja, ke udah mai kita arap, nitihka pengawa ti udah diberi Tuhan ngagai kami duai siku-siku.\\n6 Aku nanam, Apollos manjah, tang Allah Taala ti ngasuh utai nya tumbuh.\\n7 Nya alai, iya ke nanam, enggau iya ke manjah, sama nadai tentu guna. Semina Allah Taala aja ke ngasuh utai nya tumbuh.\\n8 Iya ke nanam enggau iya ke manjah, endang nadai lebih ari pangan diri, lalu genap iku deka diupah nitihka pengawa ti dikereja siku-siku orang.\\n9 Laban kami duai sama bekereja enggau Allah Taala. Kita nya umai Allah Taala, rumah Allah Taala.\\n10 Nitihka pengasih ti diberi Allah Taala ngagai aku, aku nudukka pugu, baka tukang ke landik ngaga rumah, lalu orang bukai nirika rumah ba atas pugu nya.\\nGenap iku orang enda tau enda bejimat ngaga rumah ba atas pugu nya.\\n11 Laban nadai orang tau nudukka pugu bukai kelimpah ari pugu ti udah didudukka; pugu nya Jesus Kristus.\\n12 Enti orang nirika rumah ba atas pugu nya ngena emas tauka pirak, tauka batu ti berega, tauka kayu, tauka batang rumput, tauka rumput ti rangkai,\\n13 pengawa ti dikereja sida siku-siku deka terang nyata, laban Hari Tuhan deka ngayanka utai nya, laban utai nya deka diayanka ngena api, lalu api nya deka nguji pengawa ti udah dikereja sida siku-siku.\\n14 Enti utai ti udah digaga orang ba atas pugu nya tan diuji ngena api, orang ke ngaga utai nya deka nerima upah.\\n15 Tang enti utai ti digaga orang nya angus, iya deka rugi, taja pen iya empu deka diselamatka, tang baka orang ke udah ngerenchah api.\\n16 Kati kita enda nemu diri rumah Allah Taala, lalu Roh Allah Taala diau dalam kita?\\n17 Enti orang ngerusak rumah Allah Taala, Allah Taala deka ngerusak orang nya. Laban rumah Allah Taala kudus, lalu kita nya rumah Allah Taala.\\n18 Anang nipu diri empu. Enti kita ngumbai diri bepenemu-dalam nitihka kira dunya, kita patut nyadi orang ke beli, ngambika kita tau nyadi orang ke bepenemu-dalam.\\n19 Laban penemu-dalam mensia nya utai ti beli ba Allah Taala. Laban endang udah ditulis, “Allah Taala manjuk orang ke bepenemu-dalam ngena pemintar sida empu.”\\n20 Lalu Bup Kudus mega nyebut, “Tuhan nemu runding orang ke bepenemu-dalam endang nadai guna.”\\n21 Nya alai, nadai orang tau temegahka mensia. Laban semua utai endang enggi kita magang,\\n22 nemuka iya nya Paul, Apollos, tauka Peter, tauka dunya tu, tauka pengidup, tauka pemati, tauka utai ti diatu enggau utai ti jemah ila, semua sida nya endang enggi kita magang,\\n23 lalu kita endang enggi Kristus, lalu Kristus endang enggi Allah Taala.\\nBala Rasul Kristus\\n1 Baka tu ku jalai kita patut ngira kami: kami tu ulun Kristus, ke ngibun misteri Allah Taala.\\n2 Nambahka nya, orang ke ngibun utai Allah Taala, enda tau enda orang ke tau dikarapka.\\n3 Tang ba aku siku, aku enda irauka diri diakim kita, tauka diakim dalam kot. Indah aku empu deh enda ngakim diri empu.\\n4 Aku nadai nemu diri udah ngereja penyalah, tang ukai reti nya aku nadai penyalah. Tuhan ke ngakim aku.\\n5 Nya alai anang ngakim orang sebedau maya ti patut, sebedau Tuhan datai. Lebuh Iya datai, Iya deka mantaika semua resia ti dilalaika dalam pemetang ngagai penampak, lalu deka mansutka juluk ati ti dipelalaika mensia. Nya baru semua orang deka nerima puji ari Allah Taala.\\n6 Aku udah ngena semua utai nya ba aku empu, enggau ba Apollos, ke penguntung kita, menyadi, ngambika kita tau belajar ari kami duai reti utai ti udah ditulis munyi tu, “Anang ngelui utai ti udah ditulis”. Nya baru kita enda temegahka siku, lalu bejai siku.\\n7 Laban sapa ngumbai kita lain agi ari orang bukai? Nama utai ti dikemisi kita, ti ukai diberi ngagai kita? Nya alai, enti utai nya udah diberi ngagai kita, *nama kebuah kita temegahka utai nya, baka ke ngumbai utai nya ukai pemeri ti diberi ngagai kita?\\n8 Kita udah chukup semua utai ti dipeguna kita! Kita udah nyadi kaya! Kita udah nyadi raja, taja pen kami tu ukai! Naka meh pemanah enti sema kita amat\\nnyadi raja, ngambika kami tau nyadi raja sama enggau kita!\\n9 Laban aku ngira Allah Taala udah mandangka kami ke nyadi rasul pengabis dudi ari semua orang bukai, baka orang ke diukum bunuh, laban kami udah dikeleseka dunya, melikat enggau mensia.\\n10 Kami nyadi orang ke beli, ke Kristus, tang kita nyadi orang ke pintar dalam Kristus! Kami lemi, tang kita kering! Kita dibasa orang, tang kami dipechat orang.\\n11 Nyentuk ngagai diatu kami lapar sereta aus, enda chukup gari, dipalu, sereta nadai endur alai diau,\\n12 ngena jari kami empu. Lebuh orang mechat kami, kami merekatka sida. Lebuh orang merinsaka kami, kami tan natka diri diperinsa.\\n13 Lebuh orang bejai kami, kami nyaut sida ngena jaku ti siru. Kami udah nyadi uras dunya, utai ti kamah ti enda diguna.\\nMeri Jaku Tangkan\\n14 Aku ukai nulis tu kena ngemaluka kita, tang meri kita jaku tangkan, laban kita anak ke dikerinduka aku.\\n15 Laban taja pen kita bisi sepuluh ribu iku orang ngiring kita dalam Kristus, tang kita nadai mayuh apai. Laban iya ti bendar, ulih Berita Manah, aku nyadi apai kita dalam Jesus Kristus.\\n16 Nya alai aku minta kita nunda teladan aku.\\n17 Nya kebuah aku ngasuh Timoti, anak ke tetap ati sereta dikerinduka aku dalam Tuhan, nemuai ngagai kita, ngambika iya mai kita ngingatka gaya pengidup aku dalam Kristus, baka ke diajar aku ngagai semua eklisia.\\n18 Tang sekeda kita udah ngenyumbungka diri, laban sida ngumbai aku enggai nemuai ngagai kita.\\n19 Aku deka nemuai ngagai kita enda lama da agi, enti nya peneka Tuhan, lalu aku deka nemu, ukai semina utai ti disebut orang ke sumbung nya, tang kuasa sida.\\n20 Laban Perintah Allah Taala ukai bepanggai ba jaku, tang bepanggai ba kuasa.\\n21 Ni ti dipilih kita? Sekalika aku datai mai penyipat, tauka mai pengerindu enggau penelap?\\nPengawa Kamah Ti Dikereja Raban Gerija\\n1 Orang bisi udah madah, sekeda bala kita bisi udah ngaga ulah ti kamah. Indah orang kapir deh enda ngaga ulah ti kamah baka nya. Laban siku lelaki tinduk enggau indai-tiri iya empu!\\n2 Lalu kita temegahka nya! Enda ka kita patut tusah ati lalu muai orang ke udah ngaga ulah nya ari bala kita?\\n3 Laban taja pen aku enda begulai enggau kita batang tubuh, tang aku bisi enggau kita dalam roh, lalu baka aku ke begulai enggau kita batang tubuh, aku udah ngeletak ukum\\n4 dalam nama Tuhan Jesus ba orang ke udah ngaga ulah ti baka nya. Lebuh kita begempuru, lalu roh aku bisi enggau kita sama enggau kuasa Jesus Kristus Tuhan kitai,\\n5 kita enda tau enda nyerahka orang nya ngagai Sitan, ngambika tubuh iya dirusak, tang roh iya diselamatka lebuh Hari Tuhan.\\n6 Kita enda patut temegah! Kati kita enda nemu, ka semina mimit aja ragi diguna kena ngasuh semua tekang tepung kembai?\\n7 Buai semua ragi ti lama, ngambika kita amat tuchi. Nya baru kita deka nyadi baka tekang tepung ti enda beragi, laban aku nemu kita sigi baka nya. Laban Gawai Paska kitai udah sedia, laban Kristus, iya nya anak domba Gawai Paska kitai, udah diserahka ngagai Allah Taala nyadika piring.\\n8 Nya alai aram kitai ngintu Gawai Paska kitai, ukai ngena ragi ti lama, iya nya ragi pemenchi enggau penyai, tang ngena roti ti enda beragi, iya nya ati ti tuchi enggau pemendar.\\n9 Aku bisi udah nulis nagang kita begulai enggau orang ke kamah ulah.\\n10 Aku ukai bejakuka pasal orang dunya ke ngereja ulah ti kamah, tauka orang ke amu, tauka penchuri, tauka orang ke nyembah engkeramba, laban enti kita deka nyeliahka sida, kita enda tau enda pansut ari dunya tu.\\n11 Tang diatu aku nulis ngagai kita, enda nyagi kita begulai enggau orang ke ngaku diri orang Kristian, tang ngereja ulah ti kamah, tauka amu, tauka nyembah engkeramba, tauka bejai orang, tauka pemabuk, tauka penchuri. Indah makai enggau orang ke baka nya, deh kita enda tau.\\n12 Laban aku nadai hak ngakim orang ke ari luar eklisia. Kitai semina ngakim orang ke dalam eklisia.\\n13 Allah Taala Empu ke deka ngakim orang ke ari luar eklisia. “Buru orang ke jai nya ari bala kita.”\\nBechara Ngelaban Orang Ke Sama Kristian\\n1 Enti kita bisi laya enggau pangan diri, kati kita berani mai pekara nya ngagai kot lalu minta diri diatur orang kapir, lalu enda minta diri diatur bala nembiak Tuhan?\\n2 Kati kita enda nemu, nembiak Tuhan deka ngakim dunya? Lalu enti kita deka ngakim dunya, nama kebuah kita enda ulih ngatur pekara ti mit?\\n3 Kati kita enda nemu kitai deka ngakim melikat? Anang kenang pasal ngakim utai ti dalam pengidup tu!\\n4 Nya alai, enti kita bisi pekara ti baka nya, indah orang ke baruh pangkat dalam eklisia deh tau diasuh kita ngakim pekara nya!\\n5 Aku nyebut tu kena aku ngemaluka kita. Nyangka meh kita nadai orang ke chukup bepenemu-dalam ngatur pekara entara kita ke diri menyadi dalam Tuhan,\\n6 ti ngujungka kita ke sama Kristian mansang ngagai kot, lalu minta diri diatur orang ke ukai orang Kristian?\\n7 Enti kita nyara pangan diri, nya nunjukka kita endang udah alah. Nama kebuah enda nejuka orang ngereja utai ti salah ngagai kita? Nama kebuah enda nejuka sida ngakal kita?\\n8 Tang kita empu ngereja utai ti salah lalu nipu orang. Indah menyadi kita ke dalam Kristus deh ditipu kita!\\n9 Kati kita enda nemu, orang ke jai enda ulih bempu Perintah Allah Taala? Anang nipu diri! Orang ke ngereja ulah ti kamah, tauka nyembah engkeramba, tauka butang, tauka lelaki beleman enggau lelaki,\\n10 tauka ngenchuri, tauka amu, tauka pemabuk, tauka bejakuka orang, tauka perumpak, enda ulih bempu Perintah Allah Taala.\\n11 Baka nya meh sekeda bala kita suba. Tang kita udah dituchi, udah dikuduska, udah digaga lurus dalam nama Tuhan Jesus Kristus enggau ulih Roh Allah Taala kitai.\\nKena Meh Tubuh Ngemuliaka Allah Taala\\n12 Nyangka orang bisi nyebut, “Aku tau ngereja semua utai.” Amat, tang ukai semua utai nya tau mai penguntung ngagai aku. “Aku tau ngereja semua utai.” Amat, tang aku enggai nyadi ulun utai.\\n13 Nyangka bisi mega orang deka nyebut, “Pemakai ke perut, lalu perut ke pemakai.” Tang Allah Taala deka ngerusak utai dua bengkah nya. Tubuh ukai dikena ngereja ulah ti kamah, tang dikena ngereja utai ke Tuhan, lalu Tuhan ngintu tubuh nya.\\n14 Lalu Allah Taala udah ngangkatka Tuhan ari mati, lalu Iya deka mega ngangkatka kitai ari mati ngena kuasa Iya.\\n15 Kati kita enda nemu, tubuh kita nya perengka tubuh Kristus? Nya alai, patut tauka enda aku mai perengka tubuh Kristus, lalu ngaga iya nyadi perengka tubuh indu sundal? Enda tau sekali-kali!\\n16 Kati kita enda nemu, barang sapa beleman enggau indu sundal, nyadi setubuh enggau indu sundal nya? Laban endang udah disebut, “Seduai iya deka nyadi setubuh.”\\n17 Tang barang sapa begempung enggau Tuhan, nyadi setubuh dalam roh enggau Tuhan.\\n18 Seliahka ulah ti kamah. Genap dosa ti dikereja mensia, dikereja iya ari luar tubuh, tang orang ke ngereja ulah ti kamah, bedosa ngelaban tubuh diri empu.\\n19 Kati kita enda nemu, tubuh kita nya rumah Roh Kudus, ke diau dalam kita, ke udah diberi Allah Taala ngagai kita? Kita ukai enggi kita empu.\\n20 Laban kita udah dibeli ngena rega ti besai. Nya alai, kena meh tubuh kita ngemuliaka Allah Taala.\\nTanya Pasal Belaki Bebini\\n1 Nyadi ngenang pasal utai ti udah ditulis kita: Manah agi enti lelaki enda bebini.\\n2 Tang laban ulah ti kamah kelalu suah udah nyadi, lelaki patut bisi bini ke diri empu, lalu indu patut bisi laki ke diri empu.\\n3 Laki patut ngereja pengawa iya ke nyadi laki ngagai bini iya, lalu pia mega bini ngagai laki iya,\\n4 laban ukai bini ke bekuasa atas tubuh diri, tang laki iya, lalu baka nya mega, ukai laki ke bekuasa atas tubuh diri, tang bini iya.\\n5 Siku-siku seduai iya enda tau enggai besetubuh enggau pangan diri, semadi meh seduai iya sama besetuju deka ngetu enda lama ari tanggungjawap nya, ngambika seduai iya ulih besampi, tang udah nya seduai iya patut begulai baru, enggai ke Sitan nguji kita laban kita enda tetagangka pengingin diri.\\n6 Aku nyebut tu kena ngajar kita, ukai meri atur.\\n7 Naka meh pemanah enti semua orang baka aku magang. Tang genap iku kita endang bisi pemeri ari Allah Taala, enggi siku pemeri tu, enggi siku pemeri nya.\\n8 Ngagai orang ke enda bebini, enda belaki, enggau ngagai sida indu ke balu, aku madah ngagai sida, manah agi enti sida terus enda belaki enda bebini baka aku.\\n9 Tang enti sida enda tetagangka pengingin diri, sida patut jadi enggau pangan diri, laban manah agi sida jadi melaki-bini, ari ke merinsa natka diri tetengukka pangan diri.\\n10 Ngagai orang ke bisi laki, bisi bini, aku meri pesan, ukai ari aku, tang ari Tuhan: bini enda tau ninggalka laki.\\n11 (Tang enti iya ninggalka laki iya, iya enda tau jadi enggau lelaki bukai, tauka iya mulaika diri baru ngagai laki iya empu), lalu laki enda tau muai bini.\\n12 Ngagai sida ti bukai, aku nyebut tu (aku, ukai Tuhan): enti lelaki ke orang Kristian bisi bini ke ukai orang Kristian, lalu indu nya besetuju deka begulai enggau iya, lelaki nya enda tau muai iya.\\n13 Lalu enti indu ke orang Kristian bisi laki ke ukai orang Kristian, lalu laki iya besetuju deka begulai enggau iya, iya enda tau muai laki iya.\\n14 Laban laki ke enda arap, digaga lurus ulih bini iya, lalu indu ke enda arap, digaga lurus ulih laki iya. Enti enda baka nya, anak kita enda tuchi, tang laban iya baka nya, anak kita kudus.\\n15 Tang enti tawing ke ukai orang Kristian nyarakka diri. Ba pekara ti baka nya, tawing ke orang Kristian nadai utai nanchang, laban Allah Taala udah ngangauka kita ngagai pemaik.\\n16 Nuan ke bini, baka ni ku nuan nemu diri deka, tauka enda, nyelamatka laki nuan? Nuan ke laki, baka ni ku nuan nemu diri deka, tauka enda, nyelamatka bini nuan?\\nIdup Nitihka Kangau Allah Taala\\n17 Tang awakka genap iku kita idup nitihka pengidup ti udah diberi Tuhan ngagai kita lebuh Iya ngangauka kita suba. Tu meh atur ti diberi aku ngagai semua eklisia.\\n18 Kati orang nya udah ditutus lebuh iya dikangau? Awakka iya enda ibuh muai litan tutus iya. Kati iya enda ditutus lebuh iya dikangau? Awakka iya terus enda ibuh ditutus.\\n19 Betutus nadai guna, lalu enda betutus mega nadai guna. Utai ti beguna nya ngasika pesan Allah Taala dalam semua utai.\\n20 Genap iku orang enda tau enda baka iya ke menya lebuh iya dikangau.\\n21 Kati kita ulun lebuh kita dikangau? Nya nadai ngawa. Tang enti kita ulih ngelepaska diri ari pangkat ulun, lepaska diri empu.\\n22 Laban orang ke udah dikangauka Tuhan lebuh iya agi nyadi ulun, nyadi orang ke dilepaska Tuhan. Baka nya mega, orang ke ukai ulun lebuh iya dikangau, iya nyadi ulun Kristus lebuh iya udah dikangau.\\n23 Kita udah dibeli ngena rega ti besai; nya alai, anang nyadi ulun mensia.\\n24 Nya alai, menyadi, enda milih gaya pengidup kita lebuh kita dikangau, awakka kita meruan enggau Allah Taala.\\nTanya Pasal Orang Ke Enda Belaki Bebini Enggau Indu Ke Balu\\n25 Ngenang pasal orang ke dara bungas, aku nadai pesan ari Tuhan, tang aku meri penemu diri empu, laban ulih pengasih Tuhan, aku tau dikarapka.\\n26 Aku ngira, ketegal penusah ti nyadi diatu, manah agi enti kita mengkang baka gaya kita ke diatu.\\n27 Kati nuan bisi bini? Anang muai bini nuan. Kati nuan apin bebini? Anang bebini.\\n28 Tang enti nuan bebini, nuan ukai bedosa. Lalu enti dara bungas belaki, iya ukai bedosa. Tang orang ke jadi melaki-bini deka dituntung penusah dunya, lalu aku ngasuh kita nyeliahka nya.\\n29 Utai ti ku aku, menyadi, nya baka tu: kitai nyau suntuk hari. Berengkah ari diatu, awakka orang ke bisi bini idup baka orang ke nadai bini,\\n30 lalu orang ke ngulit, baka orang ke enda ngulit, lalu orang ke rami gaga, baka orang ke enda rami gaga, lalu orang ke bebelika utai, baka orang ke nadai utai,\\n31 lalu orang ke ngereja pengawa dunya, baka orang ke ukai ngereja pengawa dunya, laban gaya dunya ti diatu deka lenyau.\\n32 Aku dekaka kita dilepaska ari pengirau. Lelaki ke enda bebini deka irauka pasal pekara Tuhan, baka ni ku jalai ngerinduka ati Tuhan.\\n33 Tang lelaki ke bisi bini, irauka pekara dunya, baka ni ku jalai ngelantangka ati bini iya,\\n34 lalu iya bebagi ati. Lalu indu ke enda belaki, tauka dara bungas, deka irauka pasal pekara Tuhan, irauka baka ni ku jalai ngaga diri tuchi tubuh tuchi roh, tang indu ke bisi laki deka irauka pekara dunya, irauka baka ni ku jalai ngelantangka ati laki iya.\\n35 Aku nyebut tu ke penguntung kita empu, ukai kena nagang kita, tang dekaka kita ngereja utai ti ngena, ngambika kita enda belampung ati angkunka Tuhan.\\n36 Enti orang ngira diri udah enda manah ulah enggau tunang iya, enti iya enda ulih nagang pengingin diri, lalu utai nya enda tau enda nyadi, awakka iya ngereja utai ti dikedekaka iya: awakka seduai iya jadi enggau pangan diri. Utai tu nadai pulai ke dosa.\\n37 Tang enti lelaki, ukai ari pejal, tang ari ati iya empu, udah mutuska runding enggai bebini, iya ngereja utai ti manah enti iya enda jadi enggau tunang iya.\\n38 Nya alai, lelaki ke jadi enggau tunang iya ngereja utai ti manah, tang lelaki ke enda bebini, ngereja utai ti manah agi.\\n39 Bini ditanchang ngagai laki iya, asal ga laki iya agi meruan idup. Tang enti laki iya mati, iya tau jadi enggau sebarang lelaki bukai ke dikedekaka iya, asal ga lelaki nya nembiak Tuhan.\\n40 Tang ba runding aku, indu nya deka beberekat agi enti iya mengkang enda belaki baru. Lalu aku ngira, aku mega bisi Roh Allah Taala.\\nPasal Pemakai Ti Diberi Ngagai Engkeramba\\n1 Ngenang pasal pemakai ti diberi ngagai engkeramba: kitai nemu, “Semua kitai bela bisi penemu.” Penemu ngasuh orang ngerigangka diri, tang pengerindu ngemansangka orang.\\n2 Barang sapa ngumbai diri nemu utai, apin bisi penemu ti patut dikembuan iya;\\n3 tang orang ke rinduka Allah Taala, dikelala Allah Taala.\\n4 Nya alai, ba pasal pemakai ti udah diberi ngagai engkeramba, kitai sama nemu, “engkeramba endang ukai utai ti idup”, lalu “Allah Taala endang siku aja.”\\n5 Laban enti sema utai ti dikumbai petara bisi di langit tauka di dunya--laban utai ti dikumbai “petara” enggau dikumbai “tuhan” endang amat mayuh--\\n6 tang ba kitai, kitai semina bisi siku aja Allah Taala, Apai ke pun semua utai, lalu kitai idup ke Iya; lalu kitai semina bisi siku aja Tuhan, iya nya Jesus Kristus. Ulih Iya semua utai udah digaga, lalu ulih Iya kitai idup.\\n7 Tang ukai semua orang ngembuan penemu tu. Laban sekeda orang udah teleba enggau engkeramba nyentuk ngagai diatu, nya alai sida agi ngumbai pemakai ti diempa sida nya pemakai ti udah diberi ngagai engkeramba, lalu laban ati sida agi lemi, sida lalu ngumbai diri bedosa lebuh sida makai pemakai nya.\\n8 “Pemakai enda ulih mai kitai semak ngagai Allah Taala. Kitai enda rugi, enti kitai enda makai, lalu kitai enda mega untung, enti kitai makai.”\\n9 Tang bejimat, enggai ke kita ke tau ngereja semua utai, ngasuh orang ke lemi, bedosa.\\n10 Laban enti orang ke lemi meda kita ke bisi penemu makai dalam rumah sembiang engkeramba, enda ka nya deka meransang iya makai pemakai ti dienjuk ngagai engkeramba, enti iya agi lemi?\\n11 Nya alai, menyadi ke lemi nya, ke udah ditebus Kristus, deka rusak laban penemu kita.\\n12 Tang lebuh kita bedosa ngelaban orang Kristian lalu nelihka ati sida ti agi lemi, kita bedosa ngelaban Kristus.\\n13 Nya alai, enti pemakai ngasuh orang Kristian bedosa, aku enggai sekali-kali makai dagin, enggai ke aku ngasuh sida bedosa.\\nKuasa Enggau Pengawa Sida Rasul\\n1 Kati aku apin dilepaska? Kati aku ukai rasul? Kati aku nadai udah kala meda Jesus Tuhan kitai? Kati kita ukai asil ari pengawa ti dikereja aku ke Tuhan?\\n2 Enti sema orang bukai enda ngaku aku rasul, kita ga patut ngaku aku rasul, laban pengidup kita dalam Tuhan nandaka aku amat rasul.\\n3 Tu meh saut aku ngagai orang ke mansik aku.\\n4 Kati kami nadai hak diberi pemakai enggau utai irup?\\n5 Kati kami nadai hak mai bini kami baka rasul ti bukai, enggau baka sida menyadi Tuhan, enggau Peter?\\n6 Tauka semina kami duai Barnabas aja ke enda tau enda bekereja ngulihka pengidup ke diri empu?\\n7 Kati orang ke nyadi soldadu kala ngaji diri empu? Kati orang ke nanam kebun anggur enda tau makai buah ari kebun nya? Kati orang ke ngibun raban jelu enda tau ngirup ai tusu ari raban jelu nya?\\n8 Kati aku nyebut tu ngena penemu mensia? Kati nya nadai disebut Adat?\\n9 Laban endang udah ditulis dalam Adat Moses, “Anang mampul mulut sapi lebuh iya ngindik gandum.” Kati Allah Taala bejakuka pasal sapi?\\n10 Enda ka Iya bejakuka pasal kitai? Utai nya endang ditulis ke kitai, laban orang ke ngeradu tanah enggau orang ke ngetau endang patut ngereja pengawa sida, laban sida ngarapka diri diberi ungkup ari utai ti ditanam.\\n11 Enti kami udah nanam benih roh ba kita, kati kami enda tau minta utai ari kita?\\n12 Enti orang bukai tau ngarapka diri bulih utai ari kita, kati kami enda besai agi hak tau bulih utai nya ari kita? Tang taja pia, kami nadai udah ngena hak nya, tang natka semua utai, ngambika kami enda nekul pejalai Berita Manah Kristus.\\n13 Kati kita enda nemu, orang ke bekereja dalam Rumah Sembiang, bulih pemakai ari Rumah Sembiang, lalu orang ke ngenjuk piring ba alta, bulih ungkup ari piring nya?\\n14 Baka nya mega Tuhan udah meri atur, ngeletak orang ke nusui Berita Manah patut bulih utai dikena beridup ari Berita Manah.\\n15 Tang aku nadai udah ngena hak nya, lalu aku pen ukai mega nulis surat tu kena aku ngambu hak nya ke aku empu. Manah agi aku mati, ari ke ngereja nya. Nadai orang tau ngerampas hak kena aku temegahka diri empu!\\n16 Enti aku nusui Berita Manah, aku enda tau temegahka nya, laban aku endang udah diasuh ngereja pengawa nya. Tulah meh aku enti aku enda nusui Berita Manah!\\n17 Laban enti aku ngereja pengawa nya ari peneka ati aku empu, aku tentu bisi upah, tang enti aku ngereja pengawa nya ukai ari peneka ati aku empu, reti nya aku diasuh Allah Taala ngereja pengawa nya.\\n18 Nya alai, nama upah aku? Semina tu aja: lebuh aku nusui Berita Manah, awakka aku enda minta bayar, enggai ke aku ngena semua hak aku ke bekereja ke Berita Manah.\\n19 Laban taja pen aku ukai ulun orang, tang aku udah ngaga diri nyadika ulun semua orang, ngambika aku tau bulih mayuh agi orang ke Kristus.\\n20 Ba orang Judah, aku baka orang Judah, ngambika aku ulih mai orang Judah ngagai Kristus. Ba orang ke di baruh Adat, aku nyadi baka orang ke di baruh Adat, taja pen aku ukai di baruh Adat, ngambika aku ulih mai orang ke di baruh Adat ngagai Kristus.\\n21 Ba orang ke ari luar Adat, aku baka orang ke ari luar Adat (taja pen aku ukai dilepaska ari adat Allah Taala, tang di baruh adat Kristus) ngambika aku ulih mai orang ke di luar Adat ngagai Kristus.\\n22 Ba orang ke lemi, aku baka orang ke lemi, ngambika aku ulih mai sida ngagai Kristus. Aku udah nyadi semua macham utai ke semua mensia, ngambika aku, ngena sebarang chara, ulih nyelamatka sekeda sida.\\n23 Aku ngereja semua nya ke Berita Manah, ngambika aku tau nerima berekat ari nya.\\n24 Kati kita enda nemu, orang ke belumba belanda endang mayuh, tang ka semina siku aja bulih prais? Nya alai, belanda meh kita ngambika kita bulih prais.\\n25 Genap iku orang ke belumba, enda tau enda disiplin diri empu. Sida ngereja nya ngambika sida bulih makota ti nemu abis, tang kitai ngulihka makota ti enda nemu abis.\\n26 Nya alai aku belanda terus ngagai adan. Aku enda belaban baka orang ke mukut angin,\\n27 tang aku mandam tubuh aku lalu ngaga iya nyadi ulun aku, enggai ke aku enda bulih prais lebuh aku udah nusui Berita Manah ngagai orang bukai.\\nJaku Tangkan Pasal Engkeramba\\n1 Aku enggai ke kita enda nemu, menyadi, semua aki ini kitai di baruh remang magang, lalu semua sida bejalai nengah tasik,\\n2 lalu semua sida dibaptisa magang nyadi nembiak Moses dalam remang enggau dalam tasik nya,\\n3 lalu semua sida makai roti roh nya\\n4 lalu ngirup siti aja ai roh, laban sida ngirup ari sigi batu roh ti nitihka sida, lalu batu nya Kristus.\\n5 Tang taja pia, Allah Taala enda lantang ati ngagai nyau ka semua bala sida, lalu bangkai sida ngachir ba sebelah menua puang\\n6 Semua utai tu nyadi chunto ke kitai, ngambika kitai enda inginka utai ti jai, baka sida.\\n7 Anang nyembah engkeramba, baka sekeda sida. Munyi ti udah ditulis, “Orang mayuh duduk makai ngirup lalu angkat betanda.”\\n8 Kitai enda tau ngereja pengawa ti kamah, baka sekeda sida, lalu dua puluh tiga ribu iku sida mati dalam sehari.\\n9 Kitai enda tau nguji Tuhan , baka sekeda sida, lalu sida mati dipantuk ular.\\n10 Lalu anang mutap, baka sekeda sida, lalu sida dibunuh Melikat Pemati.\\n11 Semua utai tu nyadi ba sida ngambika nyadika chunto ke kitai, lalu utai nya dituliska kena ngajar kitai, laban pengujung dunya udah datai ba kitai.\\n12 Nya alai enti kita ngumbai diri bediri tegap, bejaga kita ngambika kita enda rebah.\\n13 Nadai penguji ti udah diasaika kita enda udah diasaika semua orang. Allah Taala endang tau dikarapka, lalu Iya enda nejuka kita diuji lebih ari ti ulih ditatka kita; tang lebuh kita diuji, Iya deka meri kita jalai kena kita ngelepaska diri, ngambika kita tan natka penguji nya.\\n14 Nya alai, pangan ke dikerinduka aku, anang nyembah engkeramba.\\n15 Aku bejaku ngagai orang ke pintar. Peratika utai ti disebut aku.\\n16 Mangkuk berekat ti diberekatka kitai, kati nya enda nunjukka kitai bekunsi ngirup darah Kristus? Lalu roti ti dipechahka kitai, kati nya enda nunjukka kitai bekunsi makai tubuh Kristus?\\n17 Laban roti endang siti aja, kitai ke mayuh tu endang setubuh, laban semua kitai bela makai roti siti nya aja.\\n18 Peratika orang Israel. Kati orang ke makai piring nya ukai orang ke sama besaup ngereja pengawa ba alta?\\n19 Nama utai ti ku aku? Kati aku ngumbai pemakai ti diberi ngagai engkeramba nya bisi reti, tauka engkeramba empu bisi reti?\\n20 Ukai! Utai ti ku aku nya, piring ti diberi orang ke enda nangika Allah Taala, diberi sida ngagai antu, ukai ngagai Allah Taala. Aku enda nyagi kita besaum enggau antu.\\n21 Kita enda tau ngirup ari mangkuk Tuhan, lalu ngirup mega ari mangkuk antu. Kita enda tau makai ba mija Tuhan, lalu makai mega ba mija antu.\\n22 Tauka kitai endang sengaja nyungkak Tuhan chemburu? Kati kitai kering agi ari Iya?\\n23 “Semua utai tau dikereja magang,” tang ukai semua utai nya pulai ke penguntung. “Semua utai tau dikereja magang,” tang ukai semua utai nya ulih ngemansangka pengidup kitai.\\n24 Anang berundingka diri empu aja, tang berunding ke orang bukai.\\n25 Empa aja sebarang utai ti dijual ba kedai dagin, lalu anang betanyaka pasal utai nya ketegal pengasai ati kita,\\n26 laban “Dunya enggau semua utai ti dalam dunya endang enggi Tuhan.”\\n27 Enti orang ke enda arap mai kita makai, lalu kita deka makai enggau iya, empa aja sebarang utai ti dibantaika orang di mua kita, lalu anang betanyaka pasal utai nya ketegal pengasai ati kita.\\n28 Tang enti orang nyebut ngagai kita, “Utai tu udah dienjuk nyadika piring,” anang kita makai utai nya, ketegal orang ke udah madahka utai nya ngagai kita, enggau ketegal pengasai ati,\\n29 ketegal pengasai ati iya, nya utai ti ku aku, ukai ketegal pengasai ati kita. Laban nama kebuah aku ke tau makai sebarang utai, diperintah pengasai ati orang bukai?\\n30 Enti aku meri terima kasih ngagai Allah Taala ke utai ti diempa aku, nama kebuah orang tau mantah aku enti aku makai pemakai nya ngena sampi terima kasih?\\n31 Nya alai, nemuka kita makai tauka ngirup, tauka ngereja sebarang utai, kereja semua utai nya ke mulia Allah Taala.\\n32 Anang ngenusahka ati orang Judah tauka ati orang bansa bukai, tauka ati raban eklisia Allah Taala.\\n33 Tunda aja aku. Aku nguji ngelantangka ati semua orang dalam semua utai ti dikereja aku, ukai berundingka diri empu, tang berundingka semua orang, ngambika sida diselamatka.\\n1 Nya alai, beteladan ba aku, baka aku ke beteladan ba Kristus.\\nNudung Pala Lebuh Besembiang\\n2 Aku muji kita, laban kita seruran ngingatka aku dalam semua utai, lalu nitihka ajar ti udah diberi aku ngagai kita.\\n3 Tang aku deka ngasuh kita nemu, Kristus nyadi kepala semua lelaki, lalu laki nyadi kepala bini, lalu Allah Taala nyadi kepala Kristus.\\n4 Lelaki ke betudung pala lebuh iya besampi tauka benabi, ngemaluka pala iya,\\n5 tang indu ke enda betudung pala lebuh iya besampi tauka lebuh iya benabi, ngemaluka pala iya, laban nya sebaka reti enggau indu ke udah dikukur pala.\\n6 Enti indu enggai nudung pala diri, iya patut ngukur buk iya; tang enti indu malu ke buk diri dikukur, iya patut nudung pala diri.\\n7 Lelaki enda patut nudung pala diri, laban iya ngayanka gamal enggau mulia Allah Taala. Tang indu ngayanka mulia lelaki,\\n8 laban lelaki ukai digaga ari indu, tang indu ari lelaki.\\n9 Lalu lelaki ukai digaga ke indu, tang indu digaga ke lelaki.\\n10 Nya kebuah, enggau ketegal sida melikat, indu enda tau nadai tanda kuasa ba pala iya.\\n11 Tang, dalam Tuhan, indu enda tau nyeraraka diri ari lelaki, lalu lelaki pen enda mega tau nyeraraka diri ari indu.\\n12 Laban indu digaga ari lelaki, lalu lelaki diadaka indu; tang semua utai endang datai ari Allah Taala magang.\\n13 Awakka kita empu berunding: kati indu patut besampi ngagai Allah Taala enggau pala ti enda ditudung?\\n14 Kati kita enda nemu, lelaki ke panjai buk, ngemaluka diri empu?\\n15 Tang enti indu panjai buk, buk nya nyadika mulia iya. Laban buk nya diberi ngagai iya nyadika tudung pala iya.\\n16 Tang enti orang bisi ati deka bekelikuhka pasal tu, kitai tauka eklisia nadai adat asal bukai.\\n17 Tang ba atur ti nangkanka tu, aku enda muji kita, laban lebuh kita begempuru, kita ukai ngereja utai ti badas, tang ngereja utai ti jai.\\n18 Laban, kena aku ngemunka jaku, lebuh kita begempuru besembiang, aku ninga kita bisi beserekang ari pangan diri. Aku arapka nya mimit.\\n19 Iya ti bendar, kita endang patut bisi bagi entara bala kita, ngambika kita nyamai ngelala sapa orang Kristian ke bendar, sapa ke ukai.\\n20 Lebuh kita begempuru, iya ti bendar kita ukai makai pemakai Tuhan.\\n21 Laban lebuh kita makai, tiap iku kita terus makai pemakai diri empu, lalu sekeda kita lapar, lalu sekeda mabuk.\\n22 Kati kita nadai rumah alai kita makai ngirup? Tauka, kita deka mechat eklisia Allah Taala, lalu ngemaluka orang ke nadai utai? Baka ni ku jalai aku bejaku ngagai kita tu? Kati aku patut muji kita? Sigi enda!\\n23 Laban aku udah nerima ari Tuhan utai ti diberi aku ngagai kita, iya nya, malam Tuhan Jesus dijual, Iya ngambi roti,\\n24 lalu lebuh Iya udah meri terima kasih, Iya mechahka roti nya, lalu bejaku, “Tu tubuh Aku ti diberi ke kita. Kereja tu kena ngingatka Aku.”\\n25 Baka nya mega, lebuh sida udah badu makai, Iya ngambi mangkuk, lalu bejaku, “Mangkuk tu sempekat baru ti ditanggam ngena darah Aku. Kereja tu genap kali kita ngirup iya, kena ngingatka Aku.”\\n26 Laban genap kali kita makai roti tu, lalu ngirup ari mangkuk tu, kita madahka pemati Tuhan, nyentuk ngagai Iya datai baru.\\n27 Nya alai, barang sapa makai roti tauka ngirup ari mangkuk Tuhan ngena jalai ti enda bebasaka Iya, deka bedosa ngelaban tubuh enggau darah Tuhan.\\n28 Peresa diri empu dulu; udah nya baru kita tau makai roti, lalu ngirup ari mangkuk nya.\\n29 Laban barang sapa makai enggau ngirup, tang enda ngelala tubuh Tuhan, ngukum diri empu.\\n30 Nya kebuah mayuh kita lemi sereta sakit, lalu sekeda udah mati.\\n31 Tang enti kitai meresa diri empu, kitai enda diakim.\\n32 Tang lebuh Tuhan ngakim kitai, Iya disiplin kitai, ngambika kitai enda diukum sama enggau dunya.\\n33 Nya alai, menyadi, lebuh kita begempuru makai, anti pangan diri.\\n34 Enti kita lapar, kita patut makai di rumah, ngambika lebuh kita begempuru, kita enda kena ukum. Pasal pekara bukai, aku deka mutarka nya lebuh aku datai ila.\\nPemeri Ti Diberi Roh Kudus\\n1 Nyadi pasal pemeri ti diberi Roh Kudus, menyadi, aku enggai ke kita enda nemu.\\n2 Kita nemu, lebuh kita agi nyadi orang kapir suba, ati kita tetarit lalu kita dibai tesat ngagai engkeramba ti bisu.\\n3 Nya alai aku dekaka kita nemu: nadai orang ke bejaku nitihka iring Roh Allah Taala kala nyebut “Awakka Jesus kena sumpah!” lalu nadai orang ulih nyebut “Jesus nya Tuhan,” enti enda ari iring Roh Kudus.\\n4 Nyadi pemeri endang mayuh macham, tang Roh siku aja.\\n5 Pengawa di dikereja endang mayuh macham, tang Tuhan siku aja.\\n6 Jalai ngereja pengawa endang mayuh macham, tang Allah Taala siku aja ke meri penau ngagai genap iku orang kena sida ngereja pengawa.\\n7 Siku-siku diberi tanda kena mandangka Roh Kudus, ke penguntung semua.\\n8 Siku diberi ulih Roh nya penemu-dalam, lalu siku diberi penemu ulih Roh nya mega,\\n9 siku diberi pengarap ulih Roh nya, siku diberi pemeri ngeraika orang ulih Roh nya,\\n10 siku diberi pemeri ngereja kereja ajih, siku diberi pemeri benabi, siku diberi pemeri ngelala roh, ngagai siku, pemeri bejaku ngena mayuh macham jaku ti nyelai, ngagai siku, pemeri nyalinka jaku.\\n11 Semua pengawa nya dikereja Roh siku nya aja, ke meri pemeri ngagai genap iku orang, nitihka peneka Roh nya Empu.\\nSiti Aja Tubuh, Tang Perengka Mayuh\\n12 Baka reti tubuh: taja pen perengka tubuh nya mayuh, tang semua sida nya nyadika raban siti tubuh nya. Baka nya mega Kristus.\\n13 Laban semua kitai dibaptisa ke dalam siti tubuh, nemuka kitai nya orang Judah tauka orang bansa bukai, ulun tauka ukai ulun, lalu semua kitai bela diberi Roh siku nya aja ke diirup kitai.\\n14 Iya ti bendar, tubuh ukai digaga ari siti aja perengka, tang ari mayuh bengkah perengka.\\n15 Enti kaki nyebut, “Laban aku ukai jari, nya alai aku ukai raban tubuh nya,” jaku nya enda ulih ngasuh kaki nya badu agi nyadi perengka tubuh nya.\\n16 Lalu enti pending nyebut, “Laban aku ukai mata, nya alai aku ukai raban tubuh,” jaku nya enda ulih ngasuh pending nya badu agi nyadi perengka tubuh nya.\\n17 Enti sema semua tubuh nya semina mata aja, nama kena iya ninga? Enti semua tubuh nya semina pending aja, nama kena iya nyium utai?\\n18 Tang kitai sama nemu, Allah Taala udah ngatur semua perengka dalam tubuh nya, genap iti sida, nitihka peneka Allah Taala Empu.\\n19 Enti sema tubuh nya digaga ari siti aja perengka, dini deh alai tubuh?\\n20 Nya alai, perengka tubuh endang amat mayuh, tang tubuh siti aja.\\n21 Nya alai, mata enda tau nyebut ngagai jari, “Aku enda begunaka nuan!” Pala pen enda mega tau nyebut ngagai kaki, “Aku enda begunaka nuan!”\\n22 Utai ti patut dikereja nya, perengka tubuh ti baka ke lemi, enda ulih enda diguna,\\n23 lalu perengka ti kurang agi dibasa kitai, patut balat agi dibasa kitai, lalu perengka ti enda patut diayanka kitai, patut dilamun kitai enggau manah,\\n24 tang perengka ti manah agi gaya enda ibuh dibasa kitai baka nya. Tang Allah Taala udah ngatur perengka tubuh nya baka nya, meri basa ti besai ngagai perengka ti kurang agi dibasa,\\n25 ngambika nadai penyerekang dalam tubuh nya, tang semua perengka bela sama nemu ibuhka pangan diri.\\n26 Enti siti ari perengka nya pedis, semua perengka bela pedis magang enggau iya. Enti siti ari perengka nya kena puji, semua perengka tubuh nya deka rami gaga ati enggau iya.\\n27 Kita nya tubuh Kristus, lalu genap iku kita nya perengka tubuh nya.\\n28 Lalu Allah Taala udah ngeletak dalam eklisia, kesatu rasul, kedua nabi, ketiga pengajar, udah nya orang ke ngereja kereja ajih, orang ke ngeraika orang, orang ke nulung orang, orang ke nyadi tuai, orang ke bejaku ngena jaku ti nyelai.\\n29 Kati semua sida nya rasul magang? Kati semua sida nya nabi magang? Kati semua sida nya pengajar magang? Kati semua sida nya ngereja kereja ajih?\\n30 Kati semua sida nya bisi pemeri ngeraika orang? Kati semua sida nya bejaku ngena jaku ti nyelai? Kati semua sida nya ulih nyalinka jaku?\\n31 Tang kita patut inginka pemeri ti besai agi. Aku deka nunjukka jalai ti pemadu manah ke kita.\\n1 Enti aku bejaku ngena mayuh macham jaku mensia, enggau ngena jaku melikat, tang nadai pengerindu, aku tu gong ti inggar dipangkung, tauka luching ti sering-sering.\\n2 Lalu enti aku bisi kuasa kena benabi lalu nemu semua misteri, sereta nemu semua penemu, lalu enti aku bisi pengarap kena nginsitka bukit, tang nadai pengerindu, aku nadai guna.\\n3 Enti aku meri semua utai aku ngagai orang, lalu enti aku nyerahka tubuh aku ngambika ditunu, tang nadai pengerindu, nya nadai pulai ke penguntung aku.\\n4 Pengerindu nya liat ati, nelap, enda kepapas, enda temegah tauka sumbung,\\n5 tauka jai jaku enggau orang. Pengerindu enda berundingka diri empu, enda jampat ringat tauka bedendam.\\n6 Pengerindu enda gaga ati ke penyalah, tang gaga ati ke utai ti bendar.\\n7 Pengerindu natka semua utai, arapka semua utai, ngadang semua utai, tan dalam semua utai.\\n8 Pengerindu enda nemu abis. Tang jaku ti benabi nemu abis; jaku ti nyelai nemu abis; penemu nemu abis.\\n9 Laban kitai semina nemu mimit aja, lalu jaku ti benabi endang enda kala chukup,\\n10 tang lebuh utai ti pemadu badas datai, utai ti enda chukup badas deka lesap magang.\\n11 Lebuh aku agi mit, aku bejaku baka anak mit, aku berunding baka anak mit, aku bekira baka anak mit. Lebuh aku nyau besai tuai, aku muai semua perangai anak mit.\\n12 Kitai diatu semina meda ayas aja, baka ke meda dalam cheremin; ila baru kitai deka betemu betunga mua. Diatu aku semina nemu mimit aja; ila baru aku deka nemu semua utai, baka Allah Taala ke nemu semua utai pasal aku.\\n13 Diatu utai tiga bengkah tu agi mengkang: pengarap, pengadang, enggau pengerindu. Tang utai ti pemadu besai nya pengerindu.\\nPemeri Ari Roh Kudus\\n1 Ulihka pengerindu, lalu bebendar minta pemeri ari Roh Kudus, kelebih agi pemeri kena nusui pesan Allah Taala.\\n2 Laban orang ke bejaku ngena jaku ti nyelai, ukai bejaku ngagai mensia, tang bejaku ngagai Allah Taala; laban nadai orang meretika utai ti disebut iya, laban iya nyebut utai ti enda ditemu reti ngena jaku Roh.\\n3 Tang orang ke nusui pesan Allah Taala, bejaku ngagai mensia, kena ngering, meransang sereta ngelantangka sida.\\n4 Orang ke bejaku ngena jaku ti nyelai, semina mai penguntung ngagai diri empu, tang orang ke nusui pesan Allah Taala, mai penguntung ngagai semua raban eklisia.\\n5 Aku dekaka semua kita bejaku ngena jaku ti nyelai, tang aku lebih agi dekaka kita nusui pesan Allah Taala Orang ke benabi beguna agi ari orang ke bejaku ngena jaku ti nyelai enti orang nadai nerangka reti jaku nya ngambika semua raban eklisia bulih penguntung ari nya.\\n6 Enti aku datai ngagai kita, menyadi, lalu bejaku ngena jaku ti nyelai, baka ni ku aku ulih mai penguntung ngagai kita, enti aku enda mai pemandang, penemu, tauka pesan Allah Taala, tauka jaku ajar?\\n7 Utai tu baka reti pekekas musik; enti pekekas musik baka kesuling tauka belikan enda ditebah enggau menyana, baka ni ku kitai nemu musik ti ditebah?\\n8 Lalu enti terumpit enda nyaris disepu, sapa deka nyendiaka diri mansang beperang?\\n9 Baka nya mega kita. Enti kita bejaku ngena jaku ti nyelai ti enda ditemu orang reti, baka ni ku orang nemu utai ti disebut kita? Laban kita semina bejaku ngagai angin.\\n10 Bansa jaku dalam dunya tu endang mayuh, lalu semua sida nya bisi reti magang.\\n11 Enti aku enda nemu reti jaku ti disebut orang, aku enggau orang nya baka orang kampar enggau pangan diri.\\n12 Baka nya mega kita. Laban kita inginka pemeri ari Roh Kudus, kita patut lebih agi inginka pemeri ti tau dikena ngemansangka eklisia.\\n13 Nya alai, orang ke bejaku ngena jaku ti nyelai, patut besampi minta kuasa kena nerangka utai ti disebut.\\n14 Laban enti aku besampi ngena jaku ti nyelai, roh aku amat besampi, tang runding aku enda.\\n15 Nya alai, nama utai ti patut dikereja aku? Aku deka besampi ngena jaku Roh, tang aku deka mega besampi ngena runding aku. Aku deka belagu ngena lagu Roh, tang aku deka mega belagu ngena runding aku.\\n16 Enti kita meri terima kasih ngagai Allah Taala ngena jaku Roh, baka ni ku orang ke ukai raban eklisia ulih nyebut “Amin” ngagai sampi terima kasih nya enti iya enda nemu utai ti disebut kita?\\n17 Kita amat besampi ngagai Allah Taala, tang orang nya nadai bulih penguntung ari sampi nya.\\n18 Aku meri terima kasih ngagai Allah Taala laban aku bejaku ngena jaku ti nyelai lebih ari semua kita;\\n19 tang dalam gerija, aku deka agi bejaku ngena lima iti leka jaku ngena runding aku, ngambika ngajar orang bukai, ari ke nyebut seribu leka jaku ngena jaku ti nyelai.\\n20 Menyadi, anang berunding baka anak mit. Ba pekara ti jai, awakka kita baka anak mit, tang ba jalai kita berunding, kita patut nyadi orang ke besai tuai.\\n21 Utai tu bisi ditulis dalam Bup Adat, “Aku deka bejaku ngagai orang tu ngena jaku ti nyelai enggau ngena mulut orang kampar, Aku deka bejaku ngagai orang tu tang taja pia, sida enggai mendingka Aku,” ku Tuhan bejaku.\\n22 Nya alai, bejaku ngena jaku ti nyelai nya ukai tanda ke orang ke arap, tang ke orang ke enda arap. Tang nusui pesan Allah Taala nya ukai ke orang ke enda arap, tang ke orang ke arap.\\n23 Nya alai, enti semua raban gerija begempuru lalu semua orang bejaku ngena jaku ti nyelai, lalu enti orang luar, tauka orang ke ukai orang Kristian tama, enda ke sida deka ngumbai kita gila?\\n24 Tang enti semua orang nusui pesan Allah, lalu orang ke ukai orang Kristian tauka orang luar tama, sida tentu deka nemu diri orang ke bedosa ari utai ti disebut kita, lalu sida deka madahka pasal diri empu,\\n25 madahka resia ti dalam ati sida, lalu nyungkurka diri nyembah Allah Taala, lalu bejaku, “Allah Taala amat bisi enggau kita.”\\nAtur Besembah Dalam Gerija\\n26 Nama utai ti patut dikereja deh, menyadi? Lebuh kita begempuru besembiang, siku bepantun, siku mai jaku ajar, siku mai pemandang ari Allah Taala, siku bejaku ngena jaku ti nyelai, tauka nerangka reti jaku nya. Semua utai nya dikereja kena ngeringka eklisia.\\n27 Enti orang bejaku ngena jaku ti nyelai, awakka semina dua tauka tiga iku aja abis mayuh tau bejaku, udah badu siku, nya baru siku, lalu awakka siku nerangka reti utai ti disebut.\\n28 Tang enti orang dia nadai nerangka reti jaku nya, awakka sida badu agi bemunyi, tang semina bejaku ngagai diri empu enggau ngagai Allah Taala.\\n29 Awakka dua tauka tiga iku nabi bejaku, lalu awakka orang bukai berundingka utai ti disebut.\\n30 Enti orang ke duduk dia bisi pemandang ari Allah Taala, orang ke benabi nya patut ngetu bejaku, lalu nejuka orang ke bisi pemandang nya bejaku.\\n31 Laban semua kita tau nusui pesan Allah Taala, udah badu siku, nya baru siku, ngambika semua belajar ari nya lalu diperansang.\\n32 Roh nabi endang dikuasa nabi nya empu,\\n33 laban Allah Taala ukai Allah Taala ti ngasuh utai charut, tang meri pemaik. Baka ti nyadi dalam semua eklisia nembiak Tuhan,\\n34 sida ke indu enda tau bemunyi dalam gerija. Sida enda tau bejaku, tang seruran nunduk, munyi ti disebut Adat.\\n35 Enti sida keran deka betanyaka pasal utai, sida patut betanya ngagai laki sida di rumah. Malu amat meda indu bejaku dalam gerija.\\n36 Kati pesan Allah Taala bepun ari kita? Tauka semina kita aja ke udah nerima pesan nya?\\n37 Enti kita ngumbai diri nabi, tauka ngumbai diri bisi pemeri ari Roh Kudus, awakka kita ngaku utai ti ditulis aku ngagai kita endang amat pesan ari Tuhan.\\n38 Enti iya enggai ibuhka nya, anang ibuhka iya.\\n39 Nya alai, menyadi, kita patut keran deka benabi, tang anang nagang orang bejaku ngena jaku ti nyelai;\\n40 tang semua utai patut dikereja enggau menyana sereta meruan atur magang.\\nPengangkat Kristus Ari Mati\\n1 Nyadi diatu, menyadi, aku deka ngasuh kita ngingatka Berita Manah ti udah ditusui aku ngagai kita, ti udah diterima kita, ti alai kita bediri tegap.\\n2 Berita Manah nya nyelamatka kita, enti kita bepegai teguh ba jaku ti diajar aku ngagai kita -- nyangka meh kita semina arap ngapa.\\n3 Laban aku meri ngagai kita utai ti pemadu beguna, ti udah diterima aku, iya nya, Kristus mati ketegal dosa kitai, munyi ti ditulis dalam Bup Kudus.\\n4 Iya dikuburka, lalu diangkatka idup baru ba hari ti ketiga, munyi ti ditulis dalam Bup Kudus.\\n5 Iya lalu pegari di mua Peter, lalu udah nya pegari di mua semua sida ke dua belas iku.\\n6 Udah nya Iya pegari di mua lebih lima ratus iku murid Iya sereta sekali. Mayuh sida nya agi idup diatu, taja pen sekeda udah mati.\\n7 Udah nya Iya pegari di mua James, lalu udah nya, di mua semua sida rasul.\\n8 Ke penudi iya, Iya mega pegari di mua aku, ke ada salah maya.\\n9 Laban aku tu rasul ke pemadu mit ari semua bala rasul, lalu enda patut dikumbai rasul, laban aku udah merinsaka eklisia Allah Taala.\\n10 Tang ulih pengasih Allah Taala, aku nyadi aku ke diatu, lalu Iya enda lebu kasihka aku. Sigi amat enda lebu laban aku udah bebendar agi bekereja ari sida rasul ti bukai, taja pen ukai aku empu ke bekereja, tang pengasih Allah Taala ti dalam aku.\\n11 Nya alai, nemuka orang ke bekereja nya aku tauka sida, kami mai Berita Manah lalu kita arap.\\nPengangkat Ari Mati\\n12 Enti kami madahka Jesus udah diangkatka ari mati, baka ni ku sekeda kita tau ngumbai orang nadai diangkatka ari mati?\\n13 Enti nadai pengangkat ari mati, reti nya Kristus nadai udah diangkatka ari mati;\\n14 lalu enti Kristus nadai udah diangkatka ari mati, reti nya pesan ti ditusui kami nadai guna, lalu pengarap kita nadai guna.\\n15 Lebih ari nya, kami empu lalu ditemu nyebut utai ti bula pasal Allah Taala, laban kami madahka Allah Taala udah ngangkatka Kristus ari mati, enti Iya amat nadai udah ngangkatka Kristus ari mati, enti orang ke mati amat enda diangkatka idup baru.\\n16 Laban, enti orang ke mati enda diangkatka idup baru, Kristus pen enda mega diangkatka idup baru.\\n17 Lalu enti Kristus nadai udah diangkatka idup baru, reti nya pengarap kita nadai guna, lalu kita agi mengkang dalam dosa kita.\\n18 Reti nya orang ke udah mati dalam Kristus, udah lenyau magang.\\n19 Enti pengadang kitai dalam Kristus semina ke pengidup kitai di dunya tu aja, reti nya, kami tu patut lebih agi dikesinuka ari semua orang bukai.\\n20 Tang iya ti bendar, Kristus udah diangkatka ari mati, nyadi orang ke terubah diangkatka idup baru ari bala orang ke udah mati.\\n21 Laban enti pemati datai ulih siku mensia, pengangkat ari mati mega datai ulih siku mensia,\\n22 laban semua mensia mati dibai Adam, nya alai semua mensia deka idup dibai Kristus.\\n23 Tang genap iku deka diangkatka begintir-gintir: keterubah, Kristus ke buah bungas, lalu lebuh Kristus datai baru, nya baru bala nembiak Kristus.\\n24 Udah nya baru pengujung datai, lebuh Kristus nyerahka Perintah ngagai Allah Taala ti Apai, lebuh Iya udah ngerusak semua pemerintah, perintah enggau kuasa.\\n25 Laban Iya enda tau enda merintah nyentuk ngagai maya Allah Taala udah ngengkahka semua munsuh Iya di baruh kaki Iya.\\n26 Munsuh ti pemadu dudi dirusak nya pemati.\\n27 Laban “Allah Taala udah ngengkahka semua utai di baruh kaki Kristus.” Tang leka jaku “semua utai” sigi terang enda nyengkaum Allah Taala Empu, ke ngengkahka semua utai di baruh kaki Kristus.\\n28 Lebuh semua utai udah diengkahka magang di baruh Kristus, nya baru Anak Allah Taala Empu, deka diengkahka di baruh Allah Taala, ke udah ngengkahka semua utai di baruh Kristus, ngambika Allah Taala nyadi semua dalam semua.\\n29 Enti nadai pengangkat ari mati, nama kebuah orang dibaptisa ngarika orang ke mati? Enti orang ke mati enda diangkatka idup baru, nama kebuah orang dibaptisa ngarika sida?\\n30 Lalu nama kebuah kami berambunka nyawa diri tiap jam?\\n31 Aku mati tiap hari, menyadi. Jaku tu amat, baka pengamat aku ke temegahka kita dalam Jesus Kristus Tuhan kitai.\\n32 Enti aku udah belaban di Epesus nitihka juluk ati mensia baka ke ngelaban jelu babas, nama penguntung ulih aku ari nya? Enti orang ke mati enda diangkatka idup baru, “Aram kitai makai ngirup, laban pagila kitai mati.”\\n33 Anang nejuka orang nipu kita: “Orang ke jai ngerusak moral ti menyana.”\\n34 Anang enda nemu berunding, lalu badu agi bedosa. Aku nyebut tu kena aku ngemaluka kita laban sekeda kita nadai penemu pasal Allah Taala.\\nTubuh Ti Diangkatka Idup Baru\\n35 Tang sekeda orang deka nanya, “Baka ni ku orang ke udah mati diangkatka idup baru? Baka ni ku gaya tubuh sida lebuh sida diangkatka idup baru?”\\n36 Beli! Utai ti ditanam enda ulih idup enti iya enda dulu mati.\\n37 Lalu utai ti ditanam nya ukai tubuh ti deka datai, tang leka aja, nemuka utai nya gandum, tauka utai bukai.\\n38 Tang Allah Taala meri iya tubuh nitihka peneka Allah Taala Empu. Semacham leka, semacham ga tubuh.\\n39 Ukai semua isi nya sebaka. Isi mensia lain ari isi jelu, ari isi burung, enggau ari isi ikan.\\n40 Utai ti di serega bisi tubuh, lalu utai ti di dunya mega bisi tubuh, tang pemanah gaya tubuh ti di serega enda sebaka enggau pemanah gaya tubuh ti di dunya.\\n41 Mata hari bisi pemanah gaya ke diri empu. Bulan bisi pemanah gaya ke diri empu. Bintang bisi pemanah gaya ke diri empu, lalu pemanah gaya bintang sigi-sigi endang enda sebaka.\\n42 Baka nya mega pasal pengangkat ari mati. Utai ti ditanam nya tubuh ti nemu mati, tang tubuh ti diangkatka idup baru enda nemu mati agi.\\n43 Lebuh iya ditanam, iya nadai dibasa, tang iya diangkatka dalam mulia. Iya lemi lebuh iya ditanam, tang lebuh iya diangkatka idup baru, iya bisi kuasa.\\n44 Lebuh iya ditanam, iya endang tubuh dunya, tang lebuh iya diangkatka idup baru, iya nyadi tubuh roh. Enti tubuh dunya amat bisi, tubuh roh mega bisi.\\n45 Munyi ti ditulis, “Mensia ti keterubah, iya nya Adam, nyadi mensia ke idup”, tang Adam ti penudi nya Roh ti meri pengidup.\\n46 Tang ukai tubuh roh ke dulu datai, tang tubuh dunya, udah nya baru tubuh roh.\\n47 Mensia ti keterubah, ke digaga ari amau, datai ari dunya, tang mensia ti kedua nya datai ari serega.\\n48 Semua orang ke digaga ari amau, sebaka enggau iya ke digaga ari amau, tang orang serega sebaka tubuh enggau orang ke datai ari serega.\\n49 Baka kitai ke sebaka gamal enggau mensia ti digaga ari amau, baka nya mega kitai deka sebaka gamal enggau Orang ke datai ari serega.\\n50 Utai ti ku aku, menyadi, nya baka tu: isi enggau darah enda ulih bempu Perintah Allah Taala, lalu utai ti nemu mati, enda ulih bempu utai ti enda nemu mati.\\n51 Dinga kita, aku deka madahka siti misteri ngagai kita! Ukai semua kitai deka mati , tang semua kitai deka diubah,\\n52 tekala nya, dalam sekejap mata, lebuh terumpit ti penudi disepu. Laban terumpit nya deka disepu, lalu semua orang ke mati deka diangkatka idup baru nyadi orang ke enda nemu mati agi, lalu kitai deka diubah.\\n53 Laban tubuh ti nemu buruk tu enda tau enda diubah nyadi tubuh ti enda nemu buruk, lalu tubuh ti nemu mati, enda tau enda diubah nyadi tubuh ti enda nemu mati.\\n54 Lebuh tubuh ti nemu buruk tu diubah nyadi tubuh ti enda nemu buruk, lalu tubuh ti nemu mati diubah nyadi tubuh ti enda nemu mati, nya baru jaku ti ditulis dalam Bup Kudus dikamatka: “Pemati udah dirusak, pemenang udah ulih.”\\n55 “O pemati, dini alai pemenang nuan? O pemati, dini alai penyengat nuan?”\\n56 Penyengat pemati nya dosa, lalu dosa bulih kuasa ari Adat.\\n57 Tang beri terima kasih ngagai Allah Taala ke udah meri kitai pemenang ulih Jesus Kristus Tuhan kitai!\\n58 Nya alai, menyadi, bediri tegap, anang bekinsit, seruran bebendar gawa ke Tuhan, laban kita nemu, kita enda lebu gawa ke Iya.\\nPemeri Ti Diberi Ngagai Orang Kristian Ke Suntuk\\n1 Ngenang pasal duit tulung ti diberi ngagai nembiak Tuhan: kereja aja utai nya baka ti diasuh aku kereja raban eklisia di Galatia.\\n2 Genap hari ti keterubah tiap minggu, genap iku kita patut ngalau lalu naruh duit nitihka pemayuh ti ulih kita, ngambika kita enda ibuh begumpulka duit lebuh aku datai.\\n3 Lalu lebuh aku datai, aku deka meri surat ngagai orang ke dikemendarka kita, lalu ngasuh sida mai pemeri kita ngagai Jerusalem.\\n4 Enti kita ngira aku patut mega mansang kin enggau sida, awakka sida nyempulang aku.\\nPerambu Pejalai Paul\\n5 Aku deka nemuai ngagai kita lebuh aku udah nemuai ngagai menua Masedonia, laban aku endang deka bejalai nengah menua nya,\\n6 lalu nyangka aku deka diau lama mimit enggau kita, nyangka sepemanjai musin chelap, ngambika kita ulih nulung nyendiaka aku nampung pejalai aku ngagai sebarang endur aku deka.\\n7 Aku enggai semina ngelansa aja betemu enggau kita diatu, tang ngarapka diri ulih diau lama mimit enggau kita, enti nya peneka Tuhan.\\n8 Tang aku deka diau di Epesus ditu nyentuk ngagai hari Pentikos,\\n9 laban pintu udah ditukangka alai aku ngereja pengawa ti manah, taja pen mayuh orang nyakal aku.\\n10 Enti Timoti datai, anang ngasuh iya nangi begulai enggau kita, laban iya bekereja ke Tuhan, baka aku empu.\\n11 Nya alai anang nejuka orang ngeleseka iya. Tulung iya mupuk enggau selamat, ngambika iya ulih mulaika diri ngagai aku, laban aku ngadang iya pulai kitu baru sama enggau orang Kristian ti bukai.\\n12 Nyadi pasal menyadi kitai Apollos, aku udah bebendar ngasuh iya nemuai ngagai kita sama enggau menyadi kitai ti bukai, tang iya apin deka nemuai ngagai kita diatu. Iya deka nemuai lebuh iya bisi peluang.\\nJaku Ti Penudi\\n13 Selalu bejaga, bediri tegap dalam pengarap, berani sereta kering.\\n14 Kereja semua utai dalam pengerindu.\\n15 Menyadi, kita nemu sida Stepanas sebilik endang orang ke terubah-rubah nyadi orang Kristian di menua Akaia, lalu sida udah, enggau ati ti angkun, nyerahka diri bekereja ke nembiak Tuhan.\\n16 Aku meransang kita nulung orang ke baka nya, sereta nulung semua orang bukai ke sama gawa lalu bekereja enggau sida.\\n17 Aku balat gaga ngelaluka penatai Stepanas, Portunatus, enggau Akaius laban sida tiga udah bekereja nganti kita betulungka aku,\\n18 laban sida ngelantangka ati aku, enggau ngelantangka ati kita. Orang ke baka nya patut dikingatka kitai.\\n19 Semua eklisia di menua Asia ngirumka tabi basa ngagai kita. Akuila seduai Prisila enggau raban eklisia ke begempuru dalam rumah seduai iya, ngirumka tabi basa dalam nama Jesus Kristus.\\n20 Semua bala menyadi ditu bela ngirumka tabi basa. Beri tabi pengerindu ngagai pangan diri.\\n21 Aku, Paul, nulis jaku tabi tu ngena jari aku empu.\\n22 Awakka orang ke enda rinduka Tuhan, ditinggang sumpah. Datai meh Nuan, Tuhan!\\n23 Awakka pengasih Tuhan Jesus meruan enggau kita.\\n24 Pengerindu aku meruan enggau kita dalam Jesus Kristus. Amin.","num_words":10168,"character_repetition_ratio":0.068,"word_repetition_ratio":0.001,"special_characters_ratio":0.214,"stopwords_ratio":0.307,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 13 BK - TUHAN meri adat tu ngagai Moses - Bible Search\\nAdat Lewi 12 Adat Lewi 14\\nAdat Lewi 13\\n1TUHAN meri adat tu ngagai Moses seduai Aron. 2Enti orang bisi kuris ba kulit, tauka bisi pisa, tauka bisi isi ti kembai, ti tau nyadi siti penyakit kulit ti tau ngerampit, iya enda tau enda dibai ngagai imam ke ari peturun Aron. 3Imam nya deka meresa kuris nya, lalu enti bulu ba kuris nya udah bebali burak, lalu kuris nya baka ti dalam agi ari kulit ti ngelingi kuris nya, penyakit nya penyakit kulit ti tau ngerampit, lalu imam nya deka ngumbai orang nya enda tuchi. 4Tang enti kuris nya burak, lalu baka ke enda ngeruang dalam agi ari kulit ti ngelingi kuris nya, lalu bulu ba senentang nya pen enda mega bebali burak, imam nya deka nyeraraka iya ari orang mayuh enam hari. 5Imam nya deka meresa iya baru ba hari ti ketujuh, lalu enti, ba penemu imam nya, kuris nya mengkang enda berubah, lalu enda nangkir, iya deka nyeraraka iya ari orang mayuh tujuh hari da agi. 6Imam nya deka meresa iya baru ba hari ti ketujuh udah lepas nya, lalu enti kuris nya nyau nadai agi, lalu enda nangkir, iya deka ngumbai orang nya tuchi. Utai nya semina kuris aja. Orang nya enda tau enda masu gari diri, lalu nyadi tuchi. 7Tang enti kuris nya nyau nangkir udah bekau imam ke meresa iya, lalu ngumbai iya tuchi, iya enda tau enda betemu enggau imam nya baru. 8Imam nya deka meresa iya baru, lalu enti kuris nya udah nangkir, iya enda tau enda ngumbai orang nya enda tuchi. Penyakit nya penyakit kulit ti tau ngerampit.\\n9Enti orang bisi penyakit kulit ti tau ngerampit, iya enda tau enda dibai ngagai imam, 10lalu imam nya deka meresa iya. Enti kuris ti ba kulit iya nya udah ngasuh bulu ba senentang nya bebali burak, lalu penuh laban nanah, 11penyakit nya penyakit kulit ti enda nemu gerai. Imam nya deka ngumbai orang nya enda tuchi. Iya enda ibuh diseraraka ari orang mayuh, laban iya endang nyata enda tuchi. 12Enti penyakit nya nyau nyelamar ba sebelah tubuh iya, kenyau ari punjung pala nyentuk ngagai ujung kaki, 13imam nya deka meresa iya baru. Enti imam nya nemu penyakit nya udah nyelamar ba sebelah tubuh orang nya, iya deka ngumbai orang nya tuchi. Enti semua kulit orang nya udah bebali burak magang, iya tuchi. 14Tang enti iya bisi kuris ti dilak-dilak ba tubuh iya, iya enda tuchi. 15Imam nya deka meresa iya baru, lalu enti iya tepedaka kuris ti dilak-dilak, iya deka ngumbai orang nya enda tuchi. Kuris ti ayan dilak-dilak nunjukka penyakit kulit ti tau ngerampit, lalu orang nya enda tuchi. 16Tang lebuh kuris nya gerai, lalu nyadi burak baru, orang nya enda tau enda betemu enggau imam. 17Imam nya deka meresa iya baru. Enti kuris nya udah bebali burak, orang nya tuchi, lalu imam nya deka ngumbai iya tuchi.\\n18Enti orang bisi pisa ti udah gerai 19lalu enti, udah bekau nya, litan pisa nya kembai tauka bebali mirah, iya enda tau enda betemu enggau imam. 20Imam deka meresa iya, lalu enti endur nya baka ke ngeruang, lalu bulu ba senentang nya udah bebali burak, iya deka ngumbai orang nya enda tuchi. Penyakit nya penyakit kulit ti tau ngerampit, ti bepun ari pisa nya. 21Tang enti imam nya meresa utai nya, lalu nemu bulu ba senentang nya enda bebali burak, lalu endur nya enda ngeruang, tang puchat, imam nya deka nyeraraka iya ari orang mayuh tujuh hari. 22Enti utai nya nangkir, imam deka ngumbai orang nya enda tuchi. Orang nya bisi penyakit. 23Tang enti utai nya enda berubah gamal, lalu enda nangkir, utai nya semina litan pisa aja, lalu imam deka ngumbai iya tuchi.\\n24Enti orang betu laban api, lalu isi ba senentang nya bebali burak, tauka mirah, 25imam nya deka meresa iya. Enti bulu ba senentang nya udah bebali burak, lalu endur ba senentang nya baka ke ngeruang, nya nunjukka penyakit kulit ti tau ngerampit ti bepun ari betu nya, lalu imam deka ngumbai orang nya enda tuchi. 26Tang enti bulu ba endur nya enda bebali burak, lalu endur ba senentang nya enda ngeruang, tang puchat, imam deka nyeraraka iya ari orang mayuh tujuh hari. 27Imam deka meresa iya baru ba hari ti ketujuh, lalu enti utai nya nyau nangkir, utai nya penyakit kulit ti tau ngerampit, lalu imam deka ngumbai orang nya enda tuchi. 28Tang enti petik nya mengkang enda berubah, lalu enda nangkir, tang puchat, utai nya ukai penyakit kulit ti tau ngerampit. Imam deka ngumbai iya tuchi, laban utai nya semina litan betu aja.\\n29Lebuh lelaki tauka indu bisi kuris ba pala tauka ba dagu, 30imam deka meresa utai nya. Enti utai nya baka ke ngeruang, lalu bulu ti ba senentang nya pirang sereta alus, nya penyakit kulit ti tau ngerampit, lalu iya deka ngumbai orang nya enda tuchi. 31Enti lebuh imam nya meresa orang nya, kuris nya baka ke enda ngeruang, tang nadai bulu ti menyana ba endur nya, imam deka nyeraraka iya ari orang mayuh tujuh hari. 32Imam deka meresa kuris nya baru ba hari ti ketujuh, lalu enti kuris nya enda nangkir, sereta nadai bulu ti pirang ba endur nya, lalu endur nya baka ke enda ngeruang, 33orang nya enda tau enda ngukur pala diri, kelimpah ari endur ti ngelingi kuris nya. Udah nya imam deka nyeraraka iya ari orang mayuh tujuh hari da agi. 34Ba hari ti ketujuh udah bekau nya, imam deka meresa kuris nya baru, lalu enti kuris nya nadai udah nangkir, lalu baka ke enda ngeruang, iya deka ngumbai orang nya tuchi. Orang nya enda tau enda masu gari diri, lalu iya nyadi tuchi. 35Tang enti kuris nya nangkir udah bekau iya dikumbai tuchi, 36imam deka meresa iya baru. Enti kuris nya udah nangkir, iya enda ibuh begigaka bulu ti pirang. Orang nya endang terang enda tuchi. 37Tang enti, dalam penemu imam nya, kuris nya apin nangkir, lalu bulu ti menyana bisi tumbuh ba endur nya, kuris nya udah gerai, lalu imam deka ngumbai orang nya tuchi.\\n38Lebuh lelaki tauka indu bisi petik ti burak ba kulit iya, 39imam deka meresa iya. Enti petik nya enda tentu burak, utai nya semina raing aja. Orang nya tuchi.\\n40-41Enti bulu pala orang lelaki gugur di mua enggau di belakang, nya ukai reti iya enda tuchi. 42Tang enti kuris ti mirah bisi ayan ba endur ti nadai buk, utai nya penyakit kulit ti tau ngerampit. 43Imam deka meresa orang nya, lalu enti orang nya bisi kuris ti mirah, 44imam deka ngumbai orang nya enda tuchi, laban penyakit kulit ti tau ngerampit bisi ba pala iya.\\n45Enti orang bisi penyakit kulit ti tau ngerampit, orang nya enda tau enda ngena gari ti charik, nejuka buk diri enda disugu, mungkur mua diri di baruh, lalu ngangau, “Enda tuchi! Enda tuchi!” 46Orang nya deka mengkang enda tuchi seagi-agi iya bisi penyakit nya, lalu iya enda tau enda diau ari luar kem, jauh ari orang bukai.\\n47Lebuh gari bekuap nemuka gari nya digaga ari bulu bedus tauka ari linin, 48tauka kain linin, tauka kain ti digaga ari bulu bedus, tauka kulit jelu, tauka utai ti digaga ari kulit jelu bekuap, 49enti kuap nya bechura gadung tauka mirah, nya bansa kuap ti tau ngerampit, lalu enda tau enda dipadahka ngagai imam. 50Imam deka meresa utai nya, lalu nyimpan utai nya tujuh hari. 51Iya deka meresa utai nya baru ba hari ti ketujuh, lalu enti kuap nya udah nangkir, utai ti dirampit nya enda tuchi. 52Imam deka nunu utai nya, laban nya kuap ti tau ngerampit, lalu enda tau enda dirusak ngena api.\\n53Tang enti imam nya nemu kuap nya enda berampit, lebuh iya meresa utai nya, 54iya deka ngasuh orang masu utai nya, lalu nyimpan utai nya tujuh hari da agi. 55Udah nya iya deka meresa utai nya baru, lalu enti kuap nya nadai berubah chura, taja pen iya enda nyelamar, utai nya mengkang enda tuchi. Kita enda tau enda nunu utai nya, nemuka kuap nya makai di luar tauka di dalam. 56Tang enti kuap nya nyau udah kurang agi, lebuh imam meresa utai nya, iya enda tau enda nyarikka endur ti alai kuap nya bejangkit ari gari tauka kulit nya. 57Udah nya, enti kuap nya ayan baru, nya nunjukka kuap nya udah berampit baru. Orang ke bempu utai nya enda tau enda nunu utai nya. 58Enti iya masu utai nya, lalu petik nya lenyau, iya enda tau enda masu utai nya baru. Nya baru utai nya deka nyadi tuchi.\\n59Nya alai, tu meh adat pasal bekuap ti tau nyadi ba gari ti digaga ari bulu bedus, tauka ari linin, tauka ba kain linin tauka kain ti digaga ari bulu bedus, tauka ba sebarang utai ti digaga ari kulit jelu. Tu meh jalai ngaga pemutus penemu, nemuka utai nya tuchi tauka enda.","num_words":1447,"character_repetition_ratio":0.131,"word_repetition_ratio":0.019,"special_characters_ratio":0.22,"stopwords_ratio":0.436,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Randau ICT: Tusun 68 - Bejual Barang Nengah Website Diri Empu\\nICT Ungkup Semua Baka ka Dikeluar Ka Ba WaiFM101.3\\nTusun 68 - Bejual Barang Nengah Website Diri Empu\\nSelamat tengahari serta tabi basa ngagai peninga.\\nSelamat kita begulai baru dalam program Randau ICT. Saritu Program kitai ba Tusun 68.\\nMunyi ka udah dipadah ka aku dalam program kitai ba Tusun 67 nyin kemari, saritu kitai deka ngenang pasal pengawa dagang internet enggau silik agi. Kebuah pia laban aku maioh nerima komen sereta Tanya ari peninga ti deka nemu enggau silik agi bakani pengawa dagang internet ulih dikereja kitai.\\nMaioh cara kitai ulih ngereja dagang internet. Kitai ulih ngereja pengawa dagang internet enti kitai bisi barang dijual. Kitai mega ulih ngereja pengawa dagang internet enti kitai nadai barang dijual tang kitai ulih ngelaku ka barang orang bukai.\\nSaritu kitai ngenang pengawa dagang internet enti kitai bisi barang dijual. Pengawa nyual barang nengah internet mega ulih dikereja ngena maioh macam cara.\\nKesatu, ianya kitai ngada ka website kitai empu. Kita ngelaku ka barang kitai nengah website kitai empu. Kitai ngerejister domain name tauka nama website kitai nengah domain registration services. Enti domain name ngena .com, ungkus ngerejister domain name tu ianya antara RM20 ngagai RM30 setaun. Antara domain service provider ti manah sereta ulih diarap ka ianya GoDaddy.com enggau NameCheap.com Pengawa ngerejister domain name kitai ulih dikereja dalam 15 minit.\\nUdah nya kitai ngerejister web hosting alai kitai nyewa ruang dalam internet dikena engkah semua penerang enggau data website kitai. Web hosting ti manah baka Hostgator.com nyendia ka service hosting ti nadai disekat enggau ungkus RM270 setaun.\\nUdah kitai ngerejister domain name enggau web hosting kitai ulih belaboh ngaga website kitai. Siti cara ti mudah ngaga website ianya ngena Wordpress blog laban maioh setting udah disedia ka magang. Tambah mega diatu maioh corak blog ti manah sereta mudah dikena kitai. Giga aja ngena google.com ngena genteran jako “Wordpress Theme” dia kitai ulih milih corak wordpress ti dikedeka ka kitai. Tambah mega hosting service baka Hostgator.com sigi digaga dikena blog baka Wordpress laban sida ia nemu orang diatu maioh rindu agi ngena wordpress enti disbanding ka enggau website ti digaga ari pun.\\nEnti kitai enda nemu ngaga website tauka blog kediri empu, kitai tau ngiga nengah Google.com nanya ka genteran jako “blog tutorial” tauka “wordpress tutorial” tauka “build a website tutorial”. Dia kitai dibai ngagai webpage ti ngayan ka website ti bisi ngajar kitai cara ngaga Wordpress Blog tauka website. Kitai ulih milih ni cara tutorial ti ulih sereta mudah diterima kitai. Kitai mega tau ngupah orang bukai ngaga website tauka blog ka kitai. Kitai ulih ngiga orang ti ngaga website tauka blog ka kitai ba Elance.com tauka RentACoder.com. Ba 2 iti website tu kitai ulih minta orang ngeletak rega penyampau kitai mayar sida ia enti kitai deka ngasoh sida ia ngaga website kitai.\\nUdah website tauka blog kitai digaga lalu ulih ayan ba internet kitai deka nentu ka kitai ulih nerima bayar enti orang tekuing ati deka meli barang dijual kitai ba website kitai nya tadi. Ditu kitai beguna ka merchant account. Siti ari merchant account ti ulih dikena kitai ianya PayPal.com. Kitai ulih ngerejister diri nengah PayPal.com tu enggau enda bebayar. Sida ia semina ngambi komisyen enti bisi orang meli barang kitai lalu bebayar nengah merchant account tu.\\nUdah website kitai ulih dikena kitai nerima bayar kitai deka nentu ka barang kitai datai ngagai orang ti meli barang kitai nya tadi. Ingat peninga, orang ti meli barang kitai nya tadi datai ari serata dunya. Nya alai kitai mesti bisi cara ngirum ka barang kitai ngagai dini-dini alai di serata dunya tu. Ari nya kitai beguna ka kurier servis ti bisi. Antara kurier servis ti ulih dikena kitai ianya baka UPS enggau DHL. Tanya ngagai sida ia ungkus ngirum ka barang kitai lalu ungkus nya tadi nentu ka rega barang ti patut dijual kitai. kitai ulih nemu penerang tu ari website sida ia baka ups.com.\\nKitai mega patut nentu ka menua alai barang kitai enda tau dijual. Kebuah pia kitai ulih nyeliah ka orang ari menua nya meli barang kitai enggai ka kitai sama kena disalah ka.\\nDiatu website kitai udah ulih ayan ba internet. Kitai mega ulih nerima bayar nengah merchant account kitai ba PayPal.com. Udah nya kitai mega ulih ngirum ka barang kitai nengah kurier servis. Nya alai website kitai udah sedia dikena kitai ngereja pengawa dagang internet.\\nTaja pia ukai reti ia website kitai nya tadi udah ulih ditinggal ka pia aja lalu ngarap ka orang datai lalu terus meli barang kitai. Taja pan maioh orang ngelayar internet, nadai meh guna enti orang enda tetemu ka website tauka blog kitai.\\nAri nya kitai patut ngelaku ka website kitai. Kitai patut nulis article pasal barang ti dijual kitai dalam website kitai. Kitai patut minta tulong orang bukai ti bisi website engkah link ngagai website kitai ngambi ka bisi backlink ngagai website kitai. Maioh agi backlink manah agi ranking website kitai ba search engine, sereta manah agi peluang website kitai dipeda orang. Kitai mega patut ngirum ka email ngagai bala kaban kitai madah ka pasal website kitai. Pia mega kitai patut ngena peluang ari Social Networking baka Facebook.com dikena nesau orang maioh pasal website kitai. Ari nya baru bisi peluang orang datai sereta maca website kitai. Ngena cara nya baru barang ti dijual kitai ulih laku.\\nKitai mega patut mandang ka gambar barang ti dijual kitai enggau terang sereta ngerindu ka ati. Gambar ti manah sereta terang bisi bendar peluang narit ati orang ti maca website kitai. Anang ngena gambar kelalu besai enggai ka lubah ayan ba website. Kadang- kadang fail gambar ti kelalu besai enda ulih ayan sekali.\\nPia mega kitai tau ngambi video klip pasal barang kitai nya tadi lalu dipandang ka kitai ba Youtube.com. Kitai ngaga video klip enda lebih ari 5 minit nerang ka guna barang ti dijual kitai nya. Video klip nya tadi lalu diayan ka kitai ba Youtube.com. Udah nya kitai lalu ngadu ka setting dalam website kitai ngambi ka video klip nya tadi ulih ayan ba website kitai. Proses tu dikumbai orang “Video Streaming”.\\nWebsite kitai patut ditambah kitai enggau penerang ti baru enda kurang ari seminggu sekali. Nya nentu ka robot tauka spider search engine semampai tetemu ka penerang baru leboh ia datai ngagai website kitai. Ari nya baru website kitai bulih ranking ti tinggi dalam search engine ngujung ka ia mudah ditemu orang dalam internet.\\nPeninga ti dipebasa, Enti kitai bisi barang deka dijual nengah internet, siti ari cara ulih dikena kitai ianya kitai ngada ka website tauka blog kitai empu. Ngena modal dalam RM500 setaun, kitai ulih ngada ka website kitai empu. Penguntung kitai ngena cara tu ianya kitai ulih ngaga sereta ngubah website kitai nitih ka peneka hati kitai. Kitai mega ulih ngelaku ka barang bukai dalam siti website aja.\\nDalam program kitai ti deka datai aku deka ngenang bakani kitai ulih ngelaku ka barang kitai enggau cara enda ibuh bisi website kediri empu. Kitai ulih ngelaku ka barang kitai nengah website orang bukai.\\nKena nutup randau ICT kitai ba Tusun 68 tu aku enda leju ngelalau, randau ICT tu randau kitai. Aku ngelalu ka tanya sereta komen peninga, nya alai aku bisi nyendia ka blog alai kitai berandau ba kjict.blogspot.com alai kita ulih ngenatai ka komen tauka tanya kita.\\nKitai berandau ka pekara ICT ngambi ka kitai mereti ICT, ulih ngena ICT dalam pengidup kitai lalu nyadi ka ICT penatai pemisi kitai laban anang enda ingat, ICT UNGKUP KITAI SEMUA.\\nEnggau nya, mupok aku. Terima kasih.\\nPosted by Website Team at 1:12 PM\\nLabels: Dagang Internet, DHL, Domain Name, elance, Godaddy, Hosgator, Hosting, Namecheap, PayPal, Randau ICT, RentACoder, UPS, Video, Youtube\\nTusun 29 - Forum Website\\nTerubah ia aku meri tabi basa ngagai peninga. Selamat kitai begulai baru enggau aku Kassim Jeritan dalam program Randau ICT. Saritu tu Rand...\\nTrial post for youtube thumbnail\\nPemindah Blog Tu\\nDiatu blog tu mindah ngagai www.kassimjeritan.com . Maioh agi pekara dikenang aku dalam blog tu. Aram meh sama nemuai ngagai blog aku nya, l...\\nTusun 26 - Nyaga Anembiak Ngena Internet\\nTusun 52 - Mindah Ngagai Menua Bukai\\nSelamat tengahari serta tabi basa ngagai peninga. Selamat kita begulai enggau aku Kassim Jeritan dalam program Randau ICT. Saritu program ki...\\nTusun 12 - Mayar Bill Ngena Internet\\nSelamat tengah hari. Terubah ia aku meri tabi basa ngagai kita peninga. Selamat kitai begulai baru dalam program Randau ICT. Saritu tu Rand...\\nTusun 64 - Pengelikun Ngena eMail\\nSelamat tengahari serta tabi basa ngagai peninga. Selamat kita begulai baru dalam program Randau ICT. Saritu Program kitai ba Tusun 64. ...\\nTusun 31 - Domain Name\\nTusun 58 - Public Blog – Bagi 3\\nSelamat tengahari serta tabi basa ngagai peninga. Selamat kita begulai enggau aku Kassim Jeritan dalam program Randau ICT. Saritu program k...\\nTusun 69 - Bejual Barang Nengah eBay.com\\nSelamat tengahari serta tabi basa ngagai peninga. Selamat kitai begulai baru dalam program Randau ICT. Saritu Program kitai ba Tusun 69. D...\\nMy passion is to improve people's condition by meeting or surpassing jointly established objectives, with indicators of success and agreement on the value provided in so doing, and is paid equitable compensation on my contribution.\\nTusun 1 - Tuju Program Randau ICT\\nTusun 2 - Reti ICT\\nTusun 3 - Asal Komputer\\nTusun 4 - Asal Internet\\nTusun 5 - Bakani Meli Komputer (Bagi 1)\\nTusun 6 - Bakani Meli Komputer (Bagi 2)\\nTusun 7 - Bakani Meli Perengka Komputer (Bagi 1)\\nTusun 8 - Bakani Meli Perengka Komputer (Bagi 2)\\nTusun 9 - Internet Provider\\nTusun 10 - Ngiga Penerang Ngena ICT\\nTusun 11 - Ngiga Penerang Ngena ICT (Bagi 2)\\nTusun 13 - Email\\nTusun 14 - Populasi Internet\\nTusun 15 - Buah Runding Dalam Dagang Internet\\nTusun 16 - Bakani Ngepun Ka Dagang Internet (Bagi 1)\\nTusun 17 - Bakani Ngepun Ka Dagang Internet (Bagi 2)\\nTusun 18 - Dagang Internet - Information Products\\nTusun 19 - Dagang Internet - Ngaga Information Products\\nTusun 20 - Dagang Internet - Ngaga Information Products (Bagi 2)\\nTusun 21 - Dagang Internet - Ngaga Information Products (Bagi 3)\\nTusun 22 - Pengawa Nipu Ngena Internet\\nTusun 23 - Nyeliah Ari kena Tipu Ngena Internet\\nTusun 24 - Kad Kredit & Internet\\nTusun 25 - Virus Komputer\\nTusun 27 - Internet Banking\\nTusun 28 - Social Networking\\nTusun 30 - Blog\\nTusun 32 - Hosting\\nTusun 33 - Autoresponder\\nTusun 34 - Merchant Account\\nTusun 35 - Google Analytics\\nTusun 36 - ClickBank.com\\nTusun 37 - Ngelaku ka Website (Bagi 1)\\nTusun 38 - Ngelaku ka Website (Bagi 2)\\nTusun 39 - www.Sarawak.gov.my\\nTusun 40 - www.Gov.my\\nTusun 41 - Ebay.com\\nTusun 42 - Amazon.com\\nTusun 43 - Google.com\\nTusun 44 - Yahoo.com\\nTusun 45 - Microsoft.com\\nTusun 46 - PayPal.com\\nTusun 47 - Aweber.com\\nTusun 48 - Nyual Gambar Nengah Internet\\nTusun 49 - Simpul Kenang Randau ICT Bulan 5\\nTusun 50 - Youtube.com\\nTusun 51 - Skype.com\\nTusun 53 - Wireless Internet\\nTusun 54 - Ccleaner\\nTusun 55 - Spyware\\nTusun 56 - Public Blog (Bagi 1)\\nTusun 57 - Public Blog (Bagi 2)\\nTusun 58 - Public Blog (Bagi 3)\\nTusun 59 - Public Blog (Bagi 4)\\nTusun 60 - Public Blog (Bagi 5)\\nTusun 61 - Public Blog (Bagi 6)\\nTusun 62 - Pengelikun Internet\\nTusun 63 - Pengelikun Melayar Internet\\nTusun 65 - Pengelikun Ngena Merchant Account\\nTusun 66 - Pengelikun Ngena Social Networking\\nTusun 67 - Pengawa Dagang Internet\\n1.4 Billions (1)\\nAjar Orang Tuai (1)\\nAntikthera Mechanism (1)\\nAsal Internet (1)\\nAsal Komputer (1)\\nAudio softwares (1)\\nBudget Hosting (1)\\nCastle Clock (1)\\nCleaning Application (1)\\nDagang Internet (15)\\nEbay Developers Program (1)\\nGuna ICT (1)\\nInformation is money (1)\\nIntangible Products (2)\\nJako Kitai Iban (1)\\nkena loteri (1)\\nmelabur internet (1)\\nmeli iklan (1)\\nMeli Komputer (1)\\nmoney is information (1)\\nNegeri Sarawak (1)\\nNgelaku ka Website (2)\\nNipu Dalam Internet (2)\\nNyaga Anembiak (1)\\nPenatai Pemisi Ari ICT (1)\\nPengelikun Internet (1)\\nPesta Air Sungai Krian (1)\\nPesta Benak (1)\\nPiere Omidyar (1)\\nPrefessional Hosting (1)\\nProgram ICT (2)\\nPublic Blog (2)\\nRandau ICT (1)\\nReti ICT (3)\\nRunding Baru (1)\\nTangible Products (1)\\nTurning Point In Life (1)\\nYayasan Sarawak (1)\\nAutoresponder Dikena Aku\\n1.4 Billions (1) 2Checkout (1) 3G (1) abacus (1) Adsense (1) Affiliate Program (3) Airasia (1) Ajar Orang Tuai (1) Amazon.com (2) AMD (1) anti-spyware (1) anti-virus (1) Antikthera Mechanism (1) AOL (1) APRANET (1) Articles (2) Asal Internet (1) Asal Komputer (1) Associates (1) Astrolabel (1) AuctionWeb (2) Audio files (1) Audio softwares (1) Autoresponder (1) aweber (1) backlink (1) BackRub (1) Bandwith (1) BASIC (1) Berandau (1) Bill Gates (1) Blog (4) Blogger (3) Bookmarking (1) Budget Hosting (1) Castle Clock (1) Ccleaner (1) Cerita Lama (1) Charge Card (1) Cleaning Application (1) ClickBank (2) Cnet.com (1) Commision (1) Communication (1) Control Panel (1) Credit Card (1) Dagang Internet (15) DARPA (1) Data (2) David Filo (1) DHL (1) Domain Name (3) DOS (1) Dropshipper (1) Ebay (2) Ebay Developers Program (1) eBook covers (1) eBooks (1) EchoBay (1) EDGE (1) Education (1) elance (2) email (1) Facebook (2) Files (1) Forum (1) Free Hosting (1) freeaotobot.com (1) Freelancers (1) Gambar (1) Gawai (1) Get Response (1) Ghostwriters (1) gmail (1) Godaddy (1) Google (2) Google Analytics (1) Google.com (2) GPRS (1) GSM (1) Guna ICT (1) Hard Disk (1) Hobby (1) Hosgator (1) Hosting (2) HSDPA (1) http (1) https (1) IBM (2) Ikan Keli (1) Information is money (1) Information Products (3) Intangible Products (2) Intel (1) Internet Banking (1) Internet Explorer (1) Jako Kitai Iban (1) Jeffrey Bezos (1) Jerry Yang (1) K-ekonomi (1) Kad Kredit (1) kena loteri (1) KLCC (1) komisyen (1) Komputer (1) Konrad Zuse (1) Larry Page (1) LCCT (1) lelong (2) leveranging (1) link (1) Mainstream Media (2) Malaysia (1) Mastercard (1) melabur internet (1) meli iklan (1) Meli Komputer (1) Merchant Account (1) Microsoft Mouse (1) Microsoft Office (1) Microsoft Windows (2) Microsoft.com (1) money is information (1) msn (1) Nama (1) Namecheap (1) Negeri Sarawak (1) Ngelaku ka Website (2) Nipu Dalam Internet (2) Nyaga Anembiak (1) Online Bookstore (1) Overture (1) Packet Switching (1) PageRank (1) PayPal (3) Penatai Pemisi Ari ICT (1) Peneleba (3) Penemu (2) Penerang (3) Pengelandik (3) Pengelikun Internet (1) Pesta Air Sungai Krian (1) Pesta Benak (1) Petua (1) Physical Products (1) Piere Omidyar (1) Posting (2) Prefessional Hosting (1) Program ICT (2) Promotion (1) Public Blog (2) Pyra Labs (1) RAM (2) RAND (1) Randau ICT (1) Regatta (1) registration (1) renking (1) RentACoder (1) Reti ICT (3) Runding Baru (1) salesgirl (1) Sarawak Tourism Board (1) Scam (1) Scolarship (1) Search Engine (6) Security (1) Sejarah Komputer (1) SEO (1) Sergey Brin (1) Setting (1) Site Map (1) Social Networking (3) SPA (1) Spreadsheet (1) spyware (1) Stanford University (1) stokist (1) Tangible Products (1) Teknologi (1) the Spring (1) tradesmark (1) Turning Point In Life (1) Twitter (1) UPS (1) Video (1) Viral (1) Virus Komputer (1) Visa (1) Web Portal (1) Western Union (1) WiMAX (1) wireless (1) Wireless Internet (1) Wordpress (1) wordprocessor (1) X25 (1) Yahoo (2) Yahoo Mail (1) Yahoo Messanger (1) Yayasan Sarawak (1) Youtube (1) Z3 (1)\\nTusun 68 - Bejual Barang Nengah Website Diri Empu...","num_words":2038,"character_repetition_ratio":0.071,"word_repetition_ratio":0.022,"special_characters_ratio":0.246,"stopwords_ratio":0.191,"flagged_words_ratio":0.0,"lang_id_score":0.985,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Semadi nadai pengawa meh nya, pengujung iya bemain ai. Taja hari sahari tu angat, ai nya pama ga penyelap iya. Bisi setengah jam aja kini saduai ke bemain ai. Nadai ga tan berendam lama! Enti dalam bath tub, bejam jam ka meh saduai. Nyu abis jempuk sida rug dalam bilik mandi gasak orang betempap ke ai. Geram diri aku meda bekau saduai.\\nDikarang Puteri kena 9\/11\/2010 06:35:00 PM","num_words":65,"character_repetition_ratio":0.016,"word_repetition_ratio":0.0,"special_characters_ratio":0.247,"stopwords_ratio":0.154,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"4 May 2019 - Hari Enam ba Minggu Kedua Musim Paska -->\\n4 May 2019 - Hari Enam ba Minggu Kedua Musim Paska\\nGraphik: Wood Land Online\\nBacha Ke Satu: Surat Pasal Kereja Rasul 6: 1 - 7\\nLebuh maya nya menya, lebuh bala murid nyau majak nambah-menambah, orang Judah ke bejaku ngena jaku Gerika mutap ngelaban orang Hebrew, laban indu balu sida enda dikibuhka orang lebuh orang nyadung pemakai tiap hari.\\nSida rasul ke dua belas lalu ngempuruka semua orang ke arap, lalu bejaku ngagai sida, “Kami enda patut ngelengkaka pengawa nusui jaku Allah Taala, lalu meri orang makai.\\nNya alai, menyadi, pilih ari bala kita empu tujuh iku orang ke manah perangai, ke penuh laban Roh Kudus sereta bepenemu-dalam, ke tau diasuh kitai ngereja pengawa tu, lalu kami empu deka ngemeranka pengawa besampi enggau nusui Berita Manah.”\\nUtai ti disebut sida ngelantangka ati semua sida, lalu sida milih Stepen ke penuh laban pengarap enggau Roh Kudus, sama enggau Philip, Prokorus, Nikanor, Timon, Parmenas enggau Nikolaus, siku orang bansa bukai ke datai ari Antiok ke udah masuk pengarap orang Judah.\\nSida lalu ngasuh orang nya bediri di mua sida rasul, ke besampi lalu ngengkahka jari atas sida.\\nJaku Allah Taala majak ngelekai.\\nPemayuh murid lalu balat amat majak nambah-menambah di Jerusalem, lalu mayuh amat mega sida imam nerima pengarap nya.\\nMasmur Entara: Masmur 33: 1 - 2, 4 - 5, 18 - 19\\nSaut (peda 22): Awakka pengasih Nuan meruan enggau kami, O TUHAN, lebuh kami manggaika pengandal ati kami ba Nuan.\\nRami gaga ati meh kita ke lurus.\\nPuji meh Iya, semua kita ke ngasika Iya.\\nBeri terima kasih ngagai TUHAN ngena belikan.\\nBelagu ke Iya ngena sape.\\nSaut: Awakka pengasih Nuan meruan enggau kami, O TUHAN, lebuh kami manggaika pengandal ati kami ba Nuan.\\nLaban jaku TUHAN endang amat,\\nlalu semua pengawa Iya endang dikereja Iya enggau ati ti tetap.\\nTUHAN rinduka atur ti lurus sereta betul.\\nDunya penuh laban pengerindu Iya ti meruan belama iya.\\nTUHAN ngemataka semua orang ke ngasika Iya,\\nke manggaika diri ba pengerindu Iya ti meruan belama iya.\\nIya ngelepaska sida ari pemati.\\nIya ngidupka sida lebuh maya lapar pungkang.\\nKristus ti pengaga semua utai udah angkat ari pemarai;\\nIya udah mandangka pengasih Iya ngagai semua orang.\\nBacha Injil: John 6: 16 - 21\\nLebuh hari nyau lemai, sida murid Jesus lalu nurun ngagai danau, nepan sebuah perau, lalu ngelayang ke seberai ngagai Kapernaum.\\nHari nyau udah petang, lalu Jesus mengkang apin datai ngagai sida.\\nTasik lalu begelumbang, laban ribut balat amat nyadi.\\nLebuh sida udah bedayung kira tiga tauka empat batu, sida tepedaka Jesus bejalai ba atas ai, mansang semak ngagai perau sida.\\nSida lalu balat amat takut.\\nTang ku Iya bejaku ngagai sida, “Aku tu. Anang takut.”\\nSida lalu deka mai Iya nepan perau.\\nTekala nya perau nya lalu sangkai ba tebing ti digagai sida.","num_words":418,"character_repetition_ratio":0.045,"word_repetition_ratio":0.029,"special_characters_ratio":0.211,"stopwords_ratio":0.297,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: 7 July 2018 - Hari Enam ba Minggu Ke Tiga Belas Musim Selama - Berita Iban Online | Laman Web Berita Kitai\\nHome \/ Injil Tuhan \/ #InjilSeharitu: 7 July 2018 - Hari Enam ba Minggu Ke Tiga Belas Musim Selama\\n#InjilSeharitu: 7 July 2018 - Hari Enam ba Minggu Ke Tiga Belas Musim Selama\\nStaf @beritaibanMY Saturday, July 07, 2018 0\\nLalu nadai mega orang nyimpan wain ti baru dalam kambut wain ti lama, enggai ke kambut nya pechah, lalu wain nya deka nyaya, lalu kambut nya rusak, tang wain ti baru disimpan dalam kambut ti baru.\\nSelamat pagi, 7 July 2018 - Hari Enam ba Minggu Ke Tiga Belas Musim Selama, ngagai semua pemacha BeritaIban.com.\\nKu TUHAN bejaku, “Hari deka datai alai Aku deka nirika perintah David baru, ti baka rumah ti udah tembawai. Aku deka ngaduka dinding iya, lalu ngaga iya baru. Aku deka ngaga iya baru baka gaya iya ti dulu kelia.\\nUdah nya orang Israel deka ngambi teda menua Edom, enggau semua menua ti endang enggi Aku dulu menya,” ku TUHAN ti deka ngasuh utai tu nyadi bejaku.\\n“Hari deka datai,” ku TUHAN bejaku, “alai gandum deka tumbuh jampat agi ari iya sempat diketau, lalu buah anggur deka jampat agi mansang ari iya sempat digaga nyadi wain. Wain ti manis deka beteritik ari bukit, lalu rarat ba sebelah munggu.\\nAku deka mai bala nembiak Aku pulai baru ngagai menua sida empu. Sida deka nirika baru nengeri sida ke udah nyadi tembawai, lalu diau dia. Sida deka nanam kebun anggur, lalu ngirup wain. Sida deka bekebun, lalu makai utai ti ditanam sida empu.\\nAku deka nanam bala nembiak Aku ba menua ti udah diberi Aku ngagai sida, lalu sida enda dichabut agi.” TUHAN Allah Taala kita udah bejaku.\\nMasmur 85: 8AB & 9, 10 - 11, 12 - 13\\nSaut (peda 8b): TUHAN besemaya deka meri pemaik ngagai nembiak Iya.\\nAku mendingka utai ti disebut TUHAN Allah Taala.\\nIya besemaya deka meri pemaik ngagai kitai ke nembiak Iya.\\nIya tentu sedia deka ngelepaska orang ke ngemesaika Iya, lalu mulia Iya deka diau di menua kitai.\\nSaut: TUHAN besemaya deka meri pemaik ngagai nembiak Iya.\\nPengerindu enggau penetap ati deka betemu.\\nPengelurus enggau pemaik deka beberap.\\nPenaluk mensia deka niki ari dunya,\\nlalu pengelurus Allah Taala deka nilik ke baruh ari serega.\\nTUHAN deka ngasuh kitai nyadi kaya-raja,\\nlalu kitai deka bulih ngetau.\\nPengelurus deka bejalai dulu ari TUHAN\\nlalu nyendiaka jalai Iya.\\nAlleluia (peda John 10: 27)\\nBedus Aku mendingka nyawa Aku, ku TUHAN;\\nAku ngelala sida, lalu sida nitihka Aku.\\nMatthew 9: 14 - 17\\nUdah nya sida murid John Pemaptisa datai ngagai Jesus, lalu nanya Iya, “Nama kebuah kami enggau orang Parisi selalu bepasa, tang murid Nuan enda?”\\nKu Jesus bejaku ngagai sida, “Kati bala pengabang ba gawai tikah ngulit seagi-agi lelaki ke ditikah nya meruan enggau sida?.\\nMaya deka datai alai lelaki ke ditikah nya deka diambi ari sida. Nya baru sida deka bepasa.\\nNadai orang nampal baju ti lama ngena chebik kain ti baru, laban chebik kain ti baru deka kesat, lalu ngasuh baju nya balat agi charik.\\nLalu nadai mega orang nyimpan wain ti baru dalam kambut wain ti lama, enggai ke kambut nya pechah, lalu wain nya deka nyaya, lalu kambut nya rusak, tang wain ti baru disimpan dalam kambut ti baru. Nya baru wain enggau kambut nya enda rusak.”","num_words":498,"character_repetition_ratio":0.065,"word_repetition_ratio":0.11,"special_characters_ratio":0.224,"stopwords_ratio":0.351,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lukas 15 (IBAN)\\n1Nyadi semua pengumpul chukai enggau orang ke bedosa, datai ngagai Jesus, deka mendingka Iya.\\n2Orang Parisi enggau sida pengajar Adat lalu belabuh mut-mut. Ku sida, \"Orang tu nyambut orang ke bedosa, lalu makai enggau sida!\"\\n3Nya alai Iya madahka sempama tu ngagai sida:\\n4\"Enti sema siku ari bala kita bisi seratus iku bedus, lalu siku bedus nya lenyau, enda ke iya deka ninggalka semilan puluh semilan iku bedus ti bukai ba padang, lalu ngiga siku ti lenyau, datai ke iya nyau tetemuka iya?\\n5Lebuh iya udah tetemuka bedus nya, iya ngesan iya enggau ati ti gaga.\\n6Lalu lebuh iya datai di rumah, iya ngangauka bala pangan iya enggau orang ke berimbai pendiau enggau iya, lalu bejaku ngagai sida, 'Aram rami gaga enggau aku, laban aku udah tetemuka bedus aku ti lenyau.'\\n7Nya alai Aku madah ngagai kita, orang di serega din deka lebih agi rami gaga ati lebuh siku ari orang ke bedosa tu nesal ati, ari ke gaga ke semilan puluh semilan iku orang ke lurus ke enda ibuh nesal ati.\\n8\"Tauka, enti sema siku indu bisi sepuluh singkap duit pirak, lalu sesingkap lenyau, enda ke iya deka nungkun lampu, nyapu rumah nya, lalu bebendar ngiga duit nya datai ke iya nyau tetemuka duit nya?\\n9Lebuh iya udah tetemuka duit nya, iya lalu ngangauka bala pangan iya enggau orang ke berimbai pendiau enggau iya, ku iya, 'Aram rami gaga ati enggau aku laban aku udah tetemuka duit aku ti lenyau.'\\n10Nya alai Aku madah ngagai kita, baka nya meh bala melikat Allah Taala deka rami gaga ati ke siku orang ke bedosa ke nesal ati.\"\\n11Lalu ku Iya bejaku, \"Orang siku bisi dua iku anak lelaki.\\n12Anak iya ke biak bejaku enggau apai iya, ku iya, 'Apai, beri aku semua ungkup aku ari reta tengkira kitai.' Orang nya lalu bedua reta tengkira iya ngagai anak iya ke dua iku nya.\\n13Dua tiga hari udah bekau nya, anak iya ke biak ngempuruka semua reta tengkira iya, lalu bejalai ngagai menua ti jauh, lalu masau reta tengkira iya idup ngena chara ti enda menuku.\\n14Lebuh semua reta iya udah abis, lapar pungkang lalu nyadi di serata menua nya, lalu iya belabuh suntuk.\\n15Nya alai iya makai gaji ba orang siku di menua nya. Orang nya lalu ngasuh iya gawa ba umai iya, engkani babi.\\n16Iya tetenguk amat deka ngisi perut iya ngena asi babi, tang nadai ga orang meri iya utai diempa.\\n17Tang lebuh iya nyau sedarka pemeli diri, iya lalu bejaku, 'Semua orang gaji apai aku diberi pemakai lebih ari chukup, tang aku ditu mati lapar!\\n18Aku deka angkat lalu pulai ngagai apai aku, lalu bejaku ngagai iya, \"Apai, aku udah bedosa ngelaban serega enggau ngelaban nuan.\\n19Aku enda patut agi dikumbai anak nuan. Gaga aku nyadi orang gaji nuan.\" '\\n20Nya alai iya angkat lalu pulai ngagai apai iya. Tang lebuh iya agi jauh ari rumah, apai iya tepedaka iya, lalu sinu ati ke iya. Iya belanda lalu merap iya, lalu nyium iya.\\n21Anak iya nya lalu bejaku ngagai iya, 'Apai, aku udah bedosa ngelaban serega enggau ngelaban nuan. Aku enda patut agi dikumbai anak nuan.'\\n22Tang ku apai iya bejaku ngagai bala ulun iya, 'Bai jampat baju panjai ti pemadu manah, lalu rasukka ba iya. Rasukka tinchin ba tunjuk iya, enggau selipar ba kaki iya.\\n23Ambi lalu sayat anak sapi ti pemadu gemu. Kitai deka makai selamat!\\n24Laban anak aku tu udah mati, tang diatu iya idup baru. Iya udah lenyau, tang diatu iya udah ditemu.' Sida lalu makai selamat.\\n25\"Lebuh maya nya, anak tuai iya agi di umai. Lebuh iya pulai ari umai, lalu datai semak rumah, iya ninga munyi musik enggau munyi orang ke betanda.\\n26Iya lalu ngangauka siku ulun, lalu nanyaka reti utai nya.\\n27Ku ulun nya nyaut, 'Menyadi nuan udah datai, lalu apai nuan udah nyayat anak sapi ti pemadu gemu, laban menyadi nuan udah pulai enggau selamat.'\\n28Iya lalu ringat lalu enggai tama. Apai iya pansut, lalu belabuh ngumbuk iya.\\n29Tang ku iya nyaut apai iya, 'Dinga nuan! Betaun-taun aku udah gawa ke nuan baka ulun, lalu aku nadai udah kala enda ngasika nuan. Taja pia, nuan nadai kala meri aku anak kambin, siku pen nadai, kena aku makai selamat enggau pangan aku.\\n30Tang lebuh anak nuan tu datai ditu, ke udah masau semua reta tengkira nuan enggau indu sundal, nuan nyayat anak sapi ti gemu ke iya!'\\n31Ku apai iya bejaku ngagai iya, 'Anak, nuan endang seruran enggau aku, lalu semua utai ti dikemisi aku endang enggi nuan magang.\\n32Tang kitai enda tau enda makai selamat lalu rami gaga ati, laban menyadi nuan tu udah mati, lalu diatu iya udah idup baru. Iya udah lenyau, lalu diatu iya udah ditemu.' \"","num_words":748,"character_repetition_ratio":0.058,"word_repetition_ratio":0.014,"special_characters_ratio":0.223,"stopwords_ratio":0.42,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Enggau Naka Ulih Bejalaika Pengawa ke Diberi Jehovah | Menara Jaga Dikena Belajar\\nMenara Jaga—Edisyen Dikena Belajar | April 2019\\nBACHA DALAM JAKU Abua Acholi Afrikaans Aja Akha Albanian Altai Alur Amharic Amis Arabic Armenia Armenian (West) Aukan Aymara Azerbaijani Azerbaijani (Cyrillic) Bahasa Isyarat Congo Bahasa Isyarat Salvador Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Benggali Biak Bicol Bislama Boulou Bulgarian Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cina Kantonis (Ringkas) Cinyanja Croatian Czech Damara Dangme Danish Dayak Ngaju Digor Duala Dutch Edo Efik English Esan Estonian Ewe Fijian Finland Fon French Ga Garifuna Georgian German Gitonga Greek Greenlandic Guadeloupean Kreol Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (Putih) Hungarian Iban Ibanag Ibinda Icelandic Igbo Iloko Indonesian Isoko Italian Jaku Orang Bisu Afrika Selatan Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Australia Jaku Orang Bisu Bolivia Jaku Orang Bisu Brazil Jaku Orang Bisu Britain Jaku Orang Bisu Chile Jaku Orang Bisu China Jaku Orang Bisu Colombia Jaku Orang Bisu Costa Rica Jaku Orang Bisu Croatia Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Greece Jaku Orang Bisu Guatemala Jaku Orang Bisu Honduras Jaku Orang Bisu Hungary Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Kenya Jaku Orang Bisu Korea Jaku Orang Bisu Malawi Jaku Orang Bisu Mexico Jaku Orang Bisu Mozambique Jaku Orang Bisu Nicaragua Jaku Orang Bisu Panama Jaku Orang Bisu Paraguay Jaku Orang Bisu Perancis Jaku Orang Bisu Peru Jaku Orang Bisu Philippines Jaku Orang Bisu Poland Jaku Orang Bisu Portugal Jaku Orang Bisu Quebec Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Taiwan Jaku Orang Bisu Thailand Jaku Orang Bisu Venezuela Jaku Orang Bisu Zambia Jaku Orang Bisu Zimbabwe Japanese Jawa Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lifu Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Melayu Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Pangasinan Papiamento (Curaçao) Persian Pijin (Afrika Barat) Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Chimborazo) Quichua (Imbabura) Rarotongan Romanian Romany (Greece Selatan) Romany (Macedonia) Romany (Macedonia) Cyrillic Romany (Serbia) Ronga Runyankore Russian Rutoro Samoan Sangir Sango Saramaccan Sena Sepedi Sepulana Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Rumi) Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nARTIKEL DIPELAJAR 14\\nEnggau Naka Ulih Bejalaika Pengawa ke Diberi Jehovah\\n“Bekereja nyadi penginjil, lalu ngereja semua pengawa nuan.”—2 TIM. 4:5.\\nLAGU 57 Nginjil Ngagai Semua Orang\\nPengudah Jesus diangkatka idup baru, iya betemu enggau bala murid iya lalu ngasuh bala murid iya “bejalai . . . lalu gaga sida nyadi murid” (Peda genteran 1)\\n1. Nama pengawa ke deka dikereja semua nembiak Petara? Nama kebuah sida deka ngereja pengawa nya? (Peda gambar ba kulit majalah.)\\nJESUS KRISTUS meri pesan ngagai bala murid iya, ‘bejalai kita ngagai semua bansa lalu gaga sida nyadi murid aku.’ (Mat. 28:19) Semua nembiak Petara ke tetap ati deka nemu baka ni sida ulih “ngereja semua pengawa tu.” (2 Tim. 4:5) Pengawa ke diberi Petara tu beguna agi ari pengawa bukai lalu patut dipejalaika enggau lengkas. Taja pan kitai deka, tang nya ulih nyadi penanggul laban ukai semua kitai ulih ngena mayuh awak ba pengawa tu.\\n2. Nama penanggul ke ditapi kitai seraya kitai enggau naka ulih bejalaika pengawa ke diberi Jehovah?\\n2 Bisi mega pengawa bukai ti beguna ke ngena jam enggau pengering kitai. Ambika chunto, ketegal deka nyediaka utai ke diguna diri sebilik, kitai patut bekereja, lalu tu begunaka mayuh jam. Kitai tauka diri sebilik engka enda bepengerai, balat tusah ati, tauka nyau tuai. Baka ni kitai ulih bejalaika pengawa ke diberi Jehovah enggau naka ulih taja pan bisi penanggul ke baka tu?\\n3. Nama ulih ditemu kitai ari jaku Jesus ke bisi ba Matthew 13:23?\\n3 Enti kitai enda ulih ngereja mayuh pengawa ke diberi Petara Jehovah ketegal penanggul ke ditapi kitai, anang lemi semengat. Jesus nemu ukai semua kitai ulih ngena awak enggau pengering ti sebaka lebuh nginjil. (Bacha Matthew 13:23.) Petara ingatka semua pengawa kitai seagi-agi kitai ngereja nya enggau pengabis ati. (Heb. 6:10-12) Kadang-kadang, kitai engka ngasaika kitai ulih ngereja mayuh agi pengawa ke Jehovah. Nya alai, ba artikel tu kitai deka mansik chara kitai ulih ngenuluka pengawa ke diberi Jehovah, idup enggau pengumbas iya, sereta nyadi penginjil ti landik agi. Tang, keterubah, nama reti enggau naka ulih bejalaika pengawa ke diberi Petara?\\n4. Nama reti enggau naka ulih bejalaika pengawa ke diberi Petara?\\n4 Enggau naka ulih bejalaika pengawa ke diberi Petara reti iya, kitai enggau naka ulih nginjil sereta ngajar orang. Tu ukai semina bekaul enggau jam tang mega tuju ati, laban nya meh utai ke dikemeratka Jehovah. Enti kitai rinduka Jehovah enggau orang bukai, tu deka ngasuh kitai gawa enggau pengabis ati. * (Mrk. 12:30, 31; Kol. 3:23) Gawa enggau pengabis ati reti iya, kitai ngena pengering, sereta pengelandik kitai gawa ke Petara. Enti kitai beterima kasih ke peluang gawa ke Petara, kitai deka enggau naka ulih bekunsika berita manah enggau mayuh orang.\\n5-6. Kati ulih orang ke semina bisi mimit aja awak ngenuluka pengawa nginjil? Beri siti chunto.\\n5 Uji gambarka seiku lelaki ke rindu amat bemain gitar. Iya gaga ati lebuh iya ulih bemain gitar ba sebarang maya. Taja pia kena ngulihka belanja diri, iya berengkah bekereja penuh jam nyadi juruwang ba kedai. Taja pan mayuh jam dikena iya gawa ba kedai, iya agi rinduka musik. Iya keran deka ngemansangka pengelandik ba musik lalu deka gawa nyadi pemusik. Ketegal tu, iya gaga ati bemain gitar lebuh bisi peluang, enda ngira lama tauka enda.\\n6 Pia mega enggau kitai. Kitai engka nadai tentu mayuh awak ngereja pengawa nginjil. Tang nya meh utai ke rindu dikereja kitai. Kitai bebendar deka ngemansangka pengelandik ngambika ulih nyapai ati orang lebuh kitai nusui berita manah pasal Perintah Petara. Taja pan kitai bisi mayuh tanggung pengawa, kitai agi ulih ngenuluka pengawa nginjil. Baka ni kitai ulih ngereja nya?\\nCHARA KITAI ULIH NGENULUKA PENGAWA NGINJIL\\n7-8. (a) Nama runding Jesus pasal pengawa nginjil? (b) Baka ni kitai ulih neladan runding Jesus pasal pengawa nginjil?\\n7 Jesus netapka teladan ti badas bekaul enggau pengawa nginjil. Bejaku pasal Perintah Petara nya pengawa ke dikemeratka iya ba pengidup. (Jhn. 4:34, 35) Iya bejalai beratus-ratus kilometer ngambika ulih nginjil ngagai mayuh orang. Iya ngena peluang ke dikemisi berandau enggau orang ba endur orang mayuh tauka ba rumah sida empu. Tu nunjukka Jesus ngenuluka pengawa nginjil ba pengidup iya.\\n8 Kitai ulih nunda teladan Jesus. Kitai deka ngiga peluang berandau pasal Perintah Petara, enda ngira alai tauka maya. Kitai sanggup ninggalka penyenang diri ngambika ulih nginjil. (Mrk. 6:31-34; 1 Pet. 2:21) Sekeda ari bala menyadi Kristian kitai nyadi pengerintis spesial, biasa, tauka sukung. Bisi nya belajarka bansa jaku bukai tauka pindah ngagai endur ke begunaka mayuh agi penginjil. Taja pia, kemayuh agi pengawa nginjil dipejalaika bala penginjil ke biasa. Enda ngira kitai ulih ngaga mayuh tauka mimit ba pengawa nginjil, Petara Jehovah enda ngarapka kitai ngereja utai ke enda ulih dikereja. Jehovah deka semua kitai gaga ati nusui berita manah pasal Iya, Petara ti gaga ati.—1 Tim. 1:11; U-dat. 30:11.\\n9. (a) Baka ni Paul ngenuluka pengawa nginjil taja pan iya patut bekereja sekular? (b) Ba Kereja Rasul 28:16, 30, 31, nama ditemu kitai pasal Paul bekaul enggau pengawa nginjil?\\n9 Rasul Paul mega netapka teladan ti manah. Iya ngenuluka pengawa nginjil ba pengidup. Lebuh kali kedua iya bejalaika pengawa nyadi pengerintis seberai tasik ba Korint, iya enda chukup duit kena ngintu diri. Nya alai iya bekereja ngaga langkau kain. Tang, nya ukai pengawa ke dikenuluka iya ba pengidup. Iya semina gawa ngulihka belanja ngambika ulih ngintu diri lalu “nadai minta bayar” lebuh nginjil. (2 Kor. 11:7) Taja pan Paul patut ngereja sekeda pengawa sekular, tang iya terus ngenuluka pengawa nginjil ba sebarang maya, indah ba Hari Sabat. Pengudah bulih chukup belanja, Paul ulih ngereja mayuh agi ba pengawa nginjil. Iya berengkah kisuk “madahka jaku Tuhan, besaksi ngagai orang Judah madahka Jesus nya Kristus.” (SKR. 18:3-5; 2 Kor. 11:9) Enda lama udah nya, lebuh Paul ditan ba rumah iya empu di Rome kira 2 taun, iya besaksi ngagai orang ke ngabas iya sereta nulis surat. (Bacha Kereja Rasul 28:16, 30, 31.) Paul enggai ngelakka sebarang utai nekul iya nginjil. Ku Paul nulis: ‘Laban kami udah diberi pengawa tu ulih pengasih Petara, kami enda mantul.’ (2 Kor. 4:1) Baka Paul, taja pan kitai ngena mayuh jam ba kereja sekular, tang kitai agi ulih ngenuluka pengawa nginjil ba pengidup.\\nBisi mayuh chara kitai tau enggau naka ulih nembuka pengawa ke diberi Petara (Peda genteran 10-11)\\n10-11. Baka ni kitai ulih bejalaika pengawa ke diberi Petara taja pan kitai enda tentu bepengerai?\\n10 Enti sema kitai enda tentu ulih nginjil ari rumah ke rumah ketegal udah tuai tauka enda bepengerai, tang kitai agi ulih nginjil ngena chara bukai. Penginjil ba abad keterubah nginjil ngagai orang ba dini-dini endur. Sida ngena semua peluang ke dikemisi berandau pasal pemendar, sekalika nya ari rumah ke rumah, ba endur orang mayuh, tauka enda formal. Sida berandau enggau sapa-sapa ke ditemu sida. (SKR. 17:17; 20:20) Enti kitai enda tentu ulih bejalai, kitai engka ulih duduk ba endur ke bisi mayuh orang lalu nginjil ngagai orang ke mansa. Tauka kitai ulih nginjil ngena chara enda formal, nulis surat, tauka ngena telefon. Mayuh penginjil enda ulih nginjil ari rumah ke rumah ketegal enda bepengerai tauka bisi penanggul bukai. Tang sida agi ulih gaga ati lebuh nginjil ngena chara tu.\\n11 Taja pan kitai enda tentu bepengerai, kitai agi ulih bejalaika pengawa ke diberi Petara. Peratika baru teladan rasul Paul. Ku iya madah: ‘Kuasa ti besai nya datai ari Petara, ukai datai ari kami.’ (2 Kor. 4:7) Bisi sekali, Paul begunaka pengering lebuh bejalaika pengawa nyadi pengerintis seberai tasik ketegal iya sakit. Iya madah ngagai orang Galatia, ketegal penyakit nya, iya bisi peluang keterubah alai nusui berita manah ngagai sida. (Gal. 4:13) Pia mega, enti kitai enda bepengerai kitai agi ulih nginjil ngagai bala lutur, bala misi, sereta orang bukai ke nulung ngintu kitai. Mayuh ari sida ke gawa tu nadai ba rumah lebuh penginjil datai ngagai rumah sida.\\nCHARA IDUP ENGGAU PENGUMBAS IYA\\n12. Nama reti enti mata kitai “fokus”?\\n12 Jesus madahka: “Mata nyadika lampu tubuh. Nya alai, enti mata kita menyana [‘fokus,’ NW], semua tubuh kita penuh laban penampak.” (Mat. 6:22) Nama reti ku Jesus? Iya madahka, kitai patut idup enggau pengumbas iya tauka fokus ba siti juluk ati, tauka tuju. Anang nejuka sebarang utai ngelimpangka kitai ari nyapai juluk ati tauka tuju kitai. Jesus empu netapka teladan. Iya ngenuluka pengawa ke diberi Petara ba pengidup. Iya mega ngajar bala murid iya ngenuluka pengawa ke Petara sereta Perintah Petara. Enti kitai ngenuluka pengawa nginjil ba pengidup, kitai ‘ngiga dulu Perintah Petara enggau pengelurus Iya.’—Mat. 6:33.\\n13. Nama ulih nulung kitai fokus ba pengawa ke diberi Petara?\\n13 Siti chara kitai ulih fokus ba pengawa ke diberi Petara iya nya, ngurangka jam ba pengawa ke enda tentu beguna. Enggau nya kitai ulih ngena mayuh agi awak nulung orang ngelala sereta rinduka Jehovah. * Ambika chunto, ulih kitai ngatur jam ke dikena kitai ba kereja sekular ngambika bisi mayuh agi awak ba pengawa nginjil ninting minggu? Ulih kitai ngurangka sekeda pemerindang ke ngena mayuh jam?\\n14. Nama ubah ke digaga sepasang laki bini ngambika ulih ngena mayuh agi awak ba pengawa nginjil?\\n14 Tu meh utai ke digaga seiku tuai gempuru ke benama Elias, enggau bini iya. Ku Elias madah: “Kami duai enda ulih tekala nya berengkah nyadi pengerintis. Tang bisi utai ke ulih digaga kami ngambika ulih ngena mayuh agi awak ba pengawa nginjil. Ambika chunto, kami ngurangka belanja, ngurangka jam ke dikena ba pemerindang, sereta minta tuke ngubah jadual kereja kami. Asil iya, kami ulih nginjil maya lemai hari, ulih belajar Bup Kudus enggau mayuh agi orang, lalu ulih nginjil ba tengan minggu dua kali sebulan. Tu amat ngagaka ati kami duai!”\\nCHARA NYADI PENGINJIL TI LANDIK\\nNgena utai ke dipelajar kitai ba gempuru tengan minggu ulih nulung kitai ngemansangka pengelandik ba pengawa nginjil (Peda genteran 15-16) *\\n15-16. (a) Sejalai enggau 1 Timoti 4:13, 15, nama siti agi chara kitai ulih bejalaika pengawa ke diberi Petara? (b) Baka ni kitai ulih ngemansangka pengelandik ba pengawa nginjil? (Peda mega kutak “ Juluk Ati ke Nulung Aku ba Pengawa Nginjil.”)\\n15 Siti agi chara kitai bejalaika pengawa ke diberi Petara enggau naka ulih iya nya, ngemansangka pengelandik ba pengawa nginjil. Orang ke bejalaika sekeda pengawa patut seruran belajar sereta nerima latih ngambika bulih penemu sereta landik. Pia mega enggau bala penginjil Perintah Petara. Kitai patut terus belajar ngambika ulih nyadi penginjil ti landik.—J-lam. 1:5; bacha 1 Timoti 4:13, 15.\\n16 Tang, ulih kitai terus ngaga pemansang ba pengawa nginjil? Ulih, enti kitai nerima iring ari Gempuru Pengidup enggau Pengawa Kristian Kitai. Gempuru tu nyediaka latih kena nulung kitai landik ba pengawa nginjil. Ambika chunto, lebuh chairman meri jaku lalau ngagai pemelajar ke bisi bagi, kitai ulih belajar ari sekeda jaku lalau ke ulih nulung kitai ngaga pemansang ba pengawa nginjil. Kitai ulih ngena jaku lalau nya lebuh kitai nginjil. Kitai mega ulih minta tulung ari tuai raban nginjil tauka nginjil enggau iya, tauka nginjil enggau pengerintis, tuai ti ngabas, tauka penginjil ke bepeneleba. Enti kitai landik ngena utai ke bisi ba Perengka Ngajar, kitai deka rindu agi nginjil sereta ngajar.\\nJuluk Ati ke Nulung Aku ba Pengawa Nginjil\\nBelatihka chara ke ulih dikena berandau ari Pengidup enggau Pengawa Kristian Kitai—Bup Kereja Kena Gempuru ke dikena ninting bulan\\nNgemanahka agi chara ngepunka randau sereta nginjil enda formal\\nNgemanahka agi pengelandik macha sereta nerangka ayat Bup Kudus, ngaga datai ngabas, tauka ngajar Bup Kudus\\nNgiga peluang madah pasal laman web jw.org® sereta mandangka video\\nSuah agi nginjil lebuh penemuai tuai ti ngabas tauka maya musin Ngingatka Pemati Jesus\\nBesampi ngambika mujur ba pengawa nginjil, datai ngabas, sereta ngajar pemelajar Bup Kudus aku\\n17. Nama deka diulih nuan lebuh nuan enggau naka ulih nembuka pengawa ke diberi Jehovah?\\n17 Endang basa ti chukup besai ulih ‘sama bekereja enggau Petara’! (1 Kor. 3:9) Lebuh nuan “nemu milih utai ti pemadu badas” sereta ngenuluka pengawa ke diberi Jehovah, nuan deka nyembah Iya “enggau ati ti gaga.” (Plp. 1:10; Mas. 100:2) Ketegal gawa ke Petara, nuan ulih andalka Iya deka meri nuan pengering kena nembuka pengawa ke diberi Iya, enda ngira nama penanggul tauka pengurang ke ditapi nuan. (2 Kor. 4:1, 7; 6:4) Sekalika nuan ulih ngena mayuh awak nginjil tauka enda, nuan ulih “temegahka diri empu” lebuh nuan enggau naka ulih ngereja pengawa ke diberi Jehovah. (Gal. 6:4) Lebuh nuan enggau naka ulih ngereja pengawa nya, nuan mandangka diri rindu ke Iya sereta orang bukai. 1 Tim. 4:16 madahka: “Enti nuan ngereja nya, nuan deka nyelamatka diri empu enggau orang ke mendingka nuan.”\\nNama kebuah kitai deka bejalaika pengawa ke diberi Petara?\\nBaka ni kitai ulih idup enggau pengumbas iya lalu ngenuluka pengawa nginjil ba pengidup?\\nBaka ni kitai ulih ngemansangka pengelandik ba pengawa nginjil?\\nLAGU 58 Ngiga Orang ke Rinduka Pemaik\\n^ per. 5 Jesus udah ngasuh kitai nusui berita manah pasal Perintah Petara sereta ngaga orang nyadi murid. Artikel tu deka berandauka baka ni kitai ulih bejalaika pengawa ke diberi Petara Jehovah, taja pan napi penanggul. Kitai mega deka belajarka chara kitai ulih nyadi penginjil ti landik agi sereta gaga agi lebuh ngereja pengawa nginjil.\\n^ per. 4 PENERANG JAKU: Pengawa ke diberi Jehovah nyengkaum nginjil enggau ngajar, pengawa niri enggau ngaduka bengunan teokratik, sereta pengawa meri bantu maya penusah ngenyit nyadi.—2 Kor. 5:18, 19; 8:4.\\n^ per. 13 Peda tujuh iti chara ba kutak “Chara Nuan Ulih Idup enggau Pengumbas Iya” dalam Menara Jaga kena Julai 2016, lamb. 12.\\n^ per. 62 PENERANG PASAL GAMBAR: Seiku menyadi Kristian indu nunjukka chara datai ngabas ba gempuru tengan minggu. Pengudah nya, lebuh chairman meri jaku lalau, iya nulis jaku lalau nya ba brosur Ngajar. Udah nya, ba ujung minggu, iya ngena utai ke dipelajar iya ba gempuru tengan minggu lebuh nginjil.\\nNeladan Jesus lalu Bulih Pengelantang enggau Pemaik\\nAnang Dikemulaka Penemu ti Enda Betul Pasal Pemati\\nNerima Saup Ari Jehovah Kena Ngelaban Bala Melikat ti Jai\\nCHERITA PENGIDUP Kami Tetemuka “Mutiara ti Berega Amat”\\nText Chara download litaricha elektronik MENARA JAGA—EDISYEN DIKENA BELAJAR April 2019\\nMENARA JAGA—EDISYEN DIKENA BELAJAR April 2019","num_words":2770,"character_repetition_ratio":0.106,"word_repetition_ratio":0.001,"special_characters_ratio":0.201,"stopwords_ratio":0.253,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ukai muntang ngulihka penyenang - Suara Sarawak\\nRaban nembiak UiTM diperansang nguna pemisi enggau peluang ke udah diberi\\n“Bala nembiak patut chakah dalam pengawa palan pelajar tinggi sereta enda ngelakka penyakah nya ngachau penyulut dalam akademik lalu ngelimpangka diri ari pengawa 3K (katil, kuliah & kafe).”\\nKOTA SAMARAHAN: Bala nembiak patut nguna pemisi enggau peluang ke udah diberi kelebih agi lebuh nampung pelajar ngambika ulih ngaga penyambung kaul rama ti beguna.\\nRektor Universiti Teknologi MARA (UiTM) Profesor Datuk Dr. Jamil Hamali madah bala nembiak patut ngena perengka guna enggau optimum.\\n“Bala nembiak patut chakah dalam pengawa palan pelajar tinggi sereta enda ngelakka penyakah nya ngachau penyulut dalam akademik lalu ngelimpangka diri ari pengawa 3K (katil, kuliah & kafe).\\n“Seruran ngaul diri dalam mayuh pekara kelebih agi ba pengawa dipejalaika palan pelajar baik nya sukarela tauka enda,” ku iya.\\nTeks jaku iya dibacha Sapit Rektor Bagi Pekara Nembiak UiTM pampang Sarawak Profesor Madya Dr. Mohamad Isa Mohammadin lebuh pengawa bejadika Minggu Destinasi Siswa (MDS) Interim sesi Julai 2019 bepalan di Dewan Jubli Kampus Samarahan 1 ditu, kemari.\\nProfesor Datuk Dr. Jamil Hamali\\nNangkan nya ku iya, bala nembiak patut ngubah ulah ti seruran napatka pekara ti muntang ngagai ulah ti nguji deka napi pemar.\\n“Nadai jalai ke muntang dalam kitai ngulihka penyenang ba dunya.\\n“Penusah ti ditapi kita nya mih ke ngajar kitai nyadi orang ti kering ati, ngembuan semangat ti tinggi lalu enda mudah alah napi penguji,” ku iya.\\nKelimpah ari nya ku Jamil, kayu ukur dalam siti-siti pemujur nembiak ukai semina bepanggai ba pemujur akademik aja.\\n“Pemujur mega patut dipeda ari sukut penau sereta peneleba dalam pengawa kokurikulum tauka lumba.\\n“Pemujur dalam kokurikulum siti bonus lalu udah nyadi siti pekara ti meseti bisi ba nembiak kelebih agi ba makit pengawa,” ku iya nambah.\\nBerebak enggau nya, Isa mega madah ba jaku iya empu UiTM diatu ba penuduk ke-4 dalam makit pengawa puang di Malaysia.\\nKu iya, UiTM mayuh udah mansutka nembiak ti mujur sereta mansutka asil ti ngemegahka nama UiTM ba menua tu lalu tu seriris enggau pinta Industri 4.0.\\nUrung 2,500 iku nembiak ke nampung ngagai renggat diploma udah ngerejister diri ba Universiti Teknologi Mara (UiTM) pampang Sarawak.\\nTu nyengkaum 1,100 di UiTM Kampus Samarahan 1, urung 1,000 ba UiTM Kampus 2 lalu 350 ba UiTM Kampus Mukah.\\nUbah peragam negatif sentang penyakit lan\\nNadi pembangunan Long Lama\\nGST akan membebankan rakyat","num_words":362,"character_repetition_ratio":0.058,"word_repetition_ratio":0.091,"special_characters_ratio":0.191,"stopwords_ratio":0.202,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tagit 1,200 tiang pemanchar arus penyambung datai ba taun 2022 - Suara Sarawak\\nMIRI: Perintah Sarawak nagit nirika 1,200 iti tiang pemanchar arus penyambung datai ba taun 2022.\\nKepala Menteri, Datuk Patinggi Abang Johari Tun Openg madahka tagit nya seriris enggau langkar polisi ekonomi digital dipejalai kenyau ari 2017 suba.\\nKu iya, naka diatu perintah nengeri nengah Kaunsil Multimedia Sarawak (SMA) udah mujur nirika 600 iti tiang pemanchar arus penyambung.\\n“Nengah Komiti Komunikasyen enggau Multimedia Malaysia (SKMM) mega, 686 iti tiang pemanchar tambah didiri nengah Skim Kaul Digital Menua (Jendela).\\n“Nya alai lebih 1,200 iti tiang pemanchar arus penyambung didirika ba Sarawak sebedau 2022,” ku iya.\\nAbang Johari mansutka jaku nya lebuh dipebasa ngelancharka rentayan arus penyambung deras di Mulu ditu pagi tadi.","num_words":108,"character_repetition_ratio":0.145,"word_repetition_ratio":0.0,"special_characters_ratio":0.217,"stopwords_ratio":0.093,"flagged_words_ratio":0.0,"lang_id_score":0.996,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 1 BK - TUHAN ngangauka Moses, lalu bejaku - Bible Search\\nPemansut 40 Adat Lewi 2\\nAdat Lewi 1\\n1TUHAN ngangauka Moses, lalu bejaku ngagai iya ari Langkau Kain TUHAN. Ku Iya, 2“Padahka ngagai orang Israel: Lebuh orang ari bala kita mai piring ngagai TUHAN, kita deka mai jelu sapi tauka bedus tauka kambin nyadika piring kita, ari raban jelu kita empu.\\n3Enti piring nya piring tunu, iya enda tau enda nyerahka siku sapi ti lelaki, ti nadai penimpang. Iya deka nyerahka jelu nya ba penama ngagai Langkau Kain TUHAN, ngambika iya diterima di mua TUHAN. 4Iya deka ngengkahka jari iya ba pala jelu ti diserahka nyadika piring tunu, lalu jelu nya deka diterima nyadika genselan kena muai dosa iya. 5Udah nya iya deka nyayat sapi nya di mua TUHAN, lalu bala anak lelaki Aron ti nyadi imam deka nyerahka darah jelu nya ngagai TUHAN, lalu ngunsaika darah nya ngagai semua empat iti tisi alta nya, ti ba penama ngagai Langkau Kain TUHAN. 6Lalu orang nya deka niti kulit jelu nya, lalu ngelampang isi iya, 7lalu bala anak lelaki Imam Aron deka ngengkahka bara api ba alta, lalu nugungka kayu ba atas bara api nya, 8lalu bala anak lelaki Aron ti nyadi imam deka nusun lampang jelu nya, pala enggau lemak iya ba atas kayu ti ba atas bara api ti ba alta nya. 9Tang orang nya deka masu semua perengka dalam, enggau kaki jelu nya. Lalu imam deka nunu semua piring nya ba alta, nyadika piring tunu, piring ti diberi ngena api, ti bebau rengut, ti ngerinduka ati TUHAN.\\n10Enti piring tunu nya ari raban jelu iya empu, nemuka nya jelu bedus tauka kambin, iya deka meri jelu ti lelaki ti nadai penimpang, 11lalu iya deka nyayat jelu nya ba tisi utara alta nya di mua TUHAN, lalu bala anak lelaki Aron ti nyadi imam deka ngunsaika darah jelu nya ngagai semua empat iti tisi alta nya. 12Lalu iya deka ngelampang jelu nya, lalu imam deka ngengkahka lampang jelu nya, sama enggau pala sereta enggau lemak iya ba atas kayu ti ba atas bara api ti ba alta nya. 13Tang orang nya deka masu perengka dalam enggau kaki jelu nya. Lalu imam deka nyerahka semua piring nya, lalu nunu iya retung ba alta. Nya piring tunu, piring ti diberi ngena api, ti bebau rengut, ti ngerinduka ati TUHAN.\\n14Enti iya meri burung ngagai TUHAN nyadika piring tunu, iya meri burung puna tauka burung achang. 15Lalu imam nya deka mai burung nya ngagai alta lalu mulas sereta mutuska rekung burung nya, lalu nunu iya retung ba alta nya. Lalu darah burung nya deka ditejuka neritik ba tisi alta nya. 16Lalu iya deka muai kuman enggau bulu burung nya, lalu nibarka utai nya ngimbai tisi timur alta nya, ba endur alai ngengkahka amau.17Iya deka megai burung nya ba sayap, lalu nyarikka tubuh burung nya, tang enda mutuska tubuh burung nya. Lalu imam nya deka nunu burung nya retung ba alta nya, ba atas kayu ti ba atas bara api. Nya piring tunu, piring ti diberi ngena api, ti bebau rengut, ti ngerinduka ati TUHAN.","num_words":505,"character_repetition_ratio":0.075,"word_repetition_ratio":0.089,"special_characters_ratio":0.213,"stopwords_ratio":0.378,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ngemanahka Agi Pengelandik Kitai Ba Pengawa Nginjil—Bejaku enggau Semua Orang ba Kandang Kitai Nginjil\\nBACHA DALAM JAKU Abua Abui Acholi Afrikaans Aja Albanian Altai Alur Amharic Arabic Armenian Assamese Ateso Aukan Aymara Azerbaijani Azerbaijani (Cyrillic) Bambara Baoule Bashkir Basque Bassa (Cameroon) Batak (Karo) Batak (Simalungun) Batak (Toba) Belize Kriol Bengali Biak Bicol Bislama Boulou Bulgarian Cambodian Catalan Cebuano Changana (Mozambique) Chavacano Chichewa Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chuabo Chuvash Cibemba Cina Kantonis (Ringkas) Cinamwanga Cinyanja Croatian Czech Dangme Danish Dayak Ngaju Digor Douala Dutch Edo Efik English Esan Estonian Ewe Faroese Fijian Finland Fon French Ga Galician Garifuna Georgian German Gokana Greek Greenlandic Guarani Gujarati Gun Haitian Creole Hausa Hebrew Herero Hiligaynon Hindi Hmong (Putih) Hungarian Iban Ibanag Ibinda Icelandic Igbo Iloko Indonesian Isoko Italian Jaku Orang Bisu Brazil Japanese Jawa Jula Kabiye Kabuverdianu Kachin Kannada Karen (S'gaw) Kazakh Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Konkani (Roman) Korean Kreole Bissau Guinea Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Laotian Latvian Lenje Lhukonzo Lifu Lingala Lithuanian Lomwe Low German Luganda Lunda Luo Luvale Macedonian Macua Malagasy Malayalam Maltese Mam Mambwe-Lungu Mapudungun Marathi Mauritian Creole Maya Mazatec (Huautla) Mbunda Melayu Mende Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Odia Okpe Oromo Ossetian Otetela Otomi (Lembah Mezquital) Pangasinan Papiamento (Curaçao) Persian Pijin (Cameroon) Pijin Nigeria Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Greece Selatan) Romany (Macedonia) Romany (Macedonia) Cyrillic Romany (Serbia) Runyankore Russian Rutoro Samoan Sangir Sango Saramaccan Sena Sepedi Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tandroy Tankarana Tarahumara Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Cyrillic) Ukrainian Umbundu Urdu Urhobo Uruund Uzbek Valencian Venda Vezo Vietnamese Wallisian Waray-Waray Wayuunaiki Welsh Wolaita Xhosa Yoruba Zande Zapotec (Isthmus) Zapotec (Lachiguiri) Zulu\\nKEBUAH BEGUNA: Sekariah madahka orang ari semua bansa deka nerima berita manah. (Sek. 8:23) Tang sapa deka ngajar sida? (Rom. 10:13-15) Kitai bisi peluang enggau tanggung pengawa bekunsika berita manah ngagai semua orang ba kandang endur kitai nginjil.—od-IN 95 ¶3-5.\\nCHARA NGEREJA TU:\\nBesedia. Kati nuan bisi betemu enggau orang ke bejaku ngena bansa jaku bukai? Nuan ulih ngena aplikasi JW Language kena belajar chara nginjil ti mudah. Tauka ari perengka elektronik, nuan ulih nunjuk ngagai orang nya chara ngulih mayuh agi penerang ba jw.org dalam bansa jaku iya\\nPeratika enggau manah. Anang ngelepaska peluang nginjil ngagai orang ke mansa tauka orang ke nganti ba kerita lebuh nuan bejalai ngagai rumah ke rumah. Enti nuan nginjil ba endur orang mayuh, kemeratka pengawa nuan ke meri saksi\\nRansing. Terus bebendar ngiga orang ke nadai ba rumah keterubah iya. Enggau naka ulih, berandau enggau seiku orang ba tiap endur diau, engka ba maya ti bukai tauka hari ti enda sama ba minggu nya. Sekeda orang ke bempu rumah engka ulih digiga ngena surat, telefon tauka maya nginjil ba jalai\\nPulai baru. Terus pulai baru ngagai orang ke nunjukka minat. Enti iya bejaku ngena bansa jaku bukai, uji ngiga menyadi Kristian ke nemu bejaku bansa jaku iya. Nuan patut terus ngabas iya nyentukka bisi penginjil ke nemu bansa jaku iya ngiga iya.—od-IN 105 ¶1-2\\nPEDA VIDEO NGINJIL BA “UJUNG DUNYA,” UDAH NYA SAUT TANYA TU:\\nBaka ni bala menyadi Kristian nyediaka diri ngambika ulih nginjil ba endur ti jauh? (1 Kor. 9:22, 23)\\nNama penanggul ke ditapi sida?\\nNama berekat ti diasaika sida?\\nNama utai ke ulih digaga nuan kena ngiga mayuh agi orang ba kandang endur nuan nginjil?\\nTuai pengawa nginjil patut nentuka kandang endur nginjil eklisia seruran digaga. Sekeda raban tuai gempuru udah milih hari ngambika bala penginjil ulih nginjil sepemanjai hari ba endur ke jarang digaga.","num_words":673,"character_repetition_ratio":0.039,"word_repetition_ratio":0.0,"special_characters_ratio":0.176,"stopwords_ratio":0.141,"flagged_words_ratio":0.0,"lang_id_score":0.938,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Novel Iban – Nanga Kesindu Julau\\nNovel iban keterubah di pansut ka aku ba blog tu..terima meh..\\nTajuk novel : Pengingat Lama Dikenang Selalu\\nJaku Tangkan : Semua lekajaku enggau sepir ke dikena dalam NOVEL tu ukai jaku stindit ke dipelajarka. Sepir enggau lekajaku mega digaga nunda jaku pasar lalu nitih ka jaku anembiak rebak baru.\\nBERI MEH KOMEN MIMIT DITU..\\nGENTERAN 1 PENDIAU PENGIDUP SIDA ENTAKIT SEBILIK\\nTaun 2010 tu, genap tujuh taun pengudah tudah Entakit ningal ke menua diri, tegal nitih ke apai sida ka mindah gawa ke menua bukai. Apai Entakit ti benama Entinggi tu siku orang ti gawa kompeni, mangku pengawa nyadi operation manager laban ti bisi pelajar pangkat master degree. Kompeni enggi sida apai ia dipegai kompeni menua tasik, siti ari palan ngaga cip elektronik. Laban ti landik serta cakah bejalai ka pengawa, dia deh apai ia dipinta bala pemesai mindah serta gawa ba menua landon. Seninjik bendar apai ia endang lama ngembuan ati deka mindah gawa, lebih lebih agi enti ngagai menua tasik, ti mansang serta moden. Dini enda apai ia deka deh, gaji ga tinggi, diau nyengulai bala ribai dikangau ka bala aki enik kitai munya “Tuan”. Tu meh peluang kitai ngemasang ka diri ko munyi jaku apai ia labuh ti makai lemai sida sebilik ba menua sida. Tang sebedaunya Entinggi enda ga nekan bala anak iya ngambi ka enggau. Barang sapa ti deka tinggal, tinggal meh di ibun enik sida.\\nTaja pia, enik sida, Icut enggai enggau sida mapai nurun mindah ka menua bukai, laban ngenang diri ti udah tuai, ukai nya nemu bejaku ribai. Takut nepan bilun meh ko enik sida, tambah mega sayau ke utai tupi seduai iya niang laki iya suba, iguk. Tuai-tuai baka tu dini nya ulih bekaban enggau enik bala sida ribai deh ko iya nyaut. Enik sida nyau manggai 70 lebih taun, lalu agi pengeregas pendiau. Sida sebilik baka orang bukai mega, sama bela bisi nupi manuk, jani, mayau, ukoi enggau burung meh nya. Enik sida rindu ke pengawa betupi enggau betanam besayur. Agi bedau niang laki iya iguk suba, seduai sama-sama besaup nangkani nupi nya. Enti nurun ke kebun, sama ke kebun. Tang meh diatu iya kediri, nya alai iya enggai ninggal ke semua pengingat seduai niang laki iya menya. Pengingat tanda penyayau idup bepuluh taun, segulai sejalai tegal pengerindu, laban seduai jadi ari pengawa bergayap nyabung diri, nya alai seduai ngembuan chinta sampai ka tuai, sampai ujung dunya. Nyadi apai Entakit, nadai mayuh jaku ninga indai iya nya enggai dibai iya mindah nitih ka gawa. Entinggi enda irau ka indai sida nya laban bisi menyadi sida ke biak ke bernama Jipah nyaga ngemata. Tambah mega indai sida nya enda tentu rindu ka iya, ketegal enda ibuh ka raung bilik, lalu tinggi jaku ,unyi ko leka lagu david key mey, lawa-lawa udah kaya. Sida Entakit menyadi nadai mayuh jaku, nurut aja apai sida iya.\\nNyadi sida Entakit menyadi bisi 3 iku, Entakit ti tuai, nangkan iya Ensibun lalu ka biak Entagi, menyadi indu sida. Entakit enggau Ensibun enda tentu jauh takah ada, Entakit ada maya ngetau lalu setaun udahnya Ensibun ada ka dunya lebuh maya manggul. Seduai takah setuan ada. Tang Entagi takah 3 taun biak ari Ensibun. Laban ti enda jauh takah ada, tubuh seduai bela deka sama besai, Entakit enggau Ensibun ka endar belaya lebuh ti agi mit. Sama enggai alah, ulih aki sida ngerara belama. Tang nyau udah mansang besai, Ensibun nyadi orang mereti tang Entakit selalu ngaga ulah. Entagi pia mega, nyadi anak asi. Nya ti ngasuh Entagi enda tentu mending ka jaku rara enik enggau aya sida. Gawa ba dapur pan iya enggai, enda ibuh ka masu gari ulih enik iya masu ka iya. Engka endang udah selatan anak urang kaya, selalu ngembuan perangai ti enda menuku.\\nTang ukai setegal nya aja, pemindah Entakit mai diri mega, laban pengerindu enggau chinta ti di rejik endu dara anak aya pengulu. Miya nama ia, nama dalam tingki Aliscia Miya Anak Panggau, indu dara biak setaun dua ari Entakit. Miya tu indu ti bajik kulit burak sampama tayak, kuyu pepelu lesung pipit, buk panjai merundai paras bau, pejalai ayun lundai, punggung paras gitar, tinggi penumbas iya, lalu nadai endur nyema munyi ko jaku sida ti mabuk pengerindu. Ngembuan jejuluk endun lengayun dara mereti, enda besulu ngapa enti enda keran jadi. Taja pia Miya enda kala sumbong ka pemajik diri, iya ngembuan budi basa serta imun gaya, lalu kala menang pekit kumang pelilih menua sida empu. Ukai nya aja, Miya mega landik belagu serta pandai dalam sekula. Nya ti ngasuh ati sida lelaki ti serambau labuh pengerindu, lalu enda kurang mega sida sanggup nulis surat ngagai Miya. Semua surat endang di rejik iya magang. Ari penyampau sida ti ngutus surat, entakit siku ari sida nya. Laban ti berasai malu, dia deh Entakit mutus ati nitih ka apai iya 7 taun ti udah mindah ngagai menua London. Ukainya aja, Entakit berasai malu laban Miya maya nya nuduh iya orang nadai pendiau lalu kempang ati milih kaban Entakit empu nyadi ka ambai ati. Enti orang bukai nadai ngawa ga ko dalam ati iya din.\\nGENTERAN 2 TERENGKAH BA AIRPORT KUCHING\\nDalam bilun Airasia boing 737 – Penerbai ari Kuala Lumpur nuju Kuching. Entakit terdani ninga pramugari berjaku ba curong ribut bilun. Pengelama sejam empat puluh lima minit cukup alai iya tindok. Lelak buntau pejalai jauh ari menua londan sehari ka udah. Indu laut siku sepiak iya enda ngetu-ngetu malik nyengok ari jendela bilun peda Entakit, engka tak baru nepan bilun ko randau ati kediri nengali. Indu laut nya peda iya umbas iya pemajik, tang jangka iya udah belaki, laban meda tunjok jari bisi tichin perak. Entakit enda memunyi, laban indu laut nya tak baka ka enggai berandau enggau iya. Pengelama sejam lebih nya seduai nadai terpansut ka jaku, tak semadi ka pramugari nanya baru nyaut. Ngumba endar ga indu laut tu ko iya, enggai di bai berandau ko iya muchau dalam ati din. Ka ga Entakit nguji nanya dulu, tang indu laut nya peda iya megai mp3 Player, nejar pending ninga lagu, ngaga diri meh nya, ngambi ka enda dibai berandau.\\nNinga tak meredup munyi tayar bilun gegetar mimit temegah nyimbing ka sayap nagang pengelaju diri, sangkai terengkah ba dada pulau borneo bumi kenyalang. Pengudah nya bejalai belubah-lubah ngelawa siku mensia gawa pada padang bilun, ti ngelambai meri tanda kepai ngagai pilut bilun. “Terima kasih kerana memilih Airasia untuk destinasi penerbangan anda dan sekarang kita berada di lapangan terbang antarabangsa kuching” ko pramugari bilun didinga Entakit. Jaku bukai iya enda ingat agi laban bala mayuh kachuh ragak ukai nya deka ninga ka leka lalau leka tesau, ukai nemu nguing limpang mendingka jaku penerang. Peda Entakit sida kebukai baka ka enda sabar ka nurun ari bilun. Bertejengau nyengok ari mua empelua bilun engkabang. Engka ngicha diri bisi terpeda ka bala diri meh nya tauka ambai ati peraja mata, nengau ari jauh ngelambai ngepai enggau tuchum pengabis manis. Engka ngicha ka bisi tepeda ka apai indai bala madi nganti mai ati rindu ka lama enda bergulai. Ninga ada chapuh meh dalam bilun, bala sekeda berebut nurun ka kantung gari ari kebin bilun, baka ka takut ditaban ka bilun terabai baru. Entakit duduk dulu, merati ka ulah kitai anak mensia anak uda ti begaut nurun chapuh berempit-empit enggai ka diselepak nurun. Bisi nya ngena kot, engka sida tu bisnesman kini, bisi nya bekena ka baju lawa-lawa, engka tak pulai ngalu ari kuala lumpur, bisi nya berkena ka tanchut pandak engka tak dipeda cool kini, lalu macham ragam kitai mensia dipeda Entakit. Iya lalu enda angkat enda kekebut ngawak ke sida ti berumban dulu.\\nDia deh ati Entakit berasai sinu, asai ka ditarit daya graviti tanah borneo. Pengelama tujuh taun nadai nyengok pulai sangkai. Tujuh taun ti udah Entakit endang nat ka diri sigi enda pulai. Berasai enda nyamai ga tudah ati Entakit laban ti ngenang diri mansang pulai ke menua diri, laban ngenang diri ti nadai kaban, ngenang diri ti enda ulih nyelat bangsa diri meh ketegal ti udah terbuai adat sempekat bangsa diri nadai lekat. Ninting taun ka diau ba menua tasik kekesit meh ati iya deka pulai, ngabas pendiau sida serumah ti diau ba rantau lelenggau, sungai ulu kanowit julau, tang bangat enggai nyadi, sida serumah enggai meda iya. Nama menua sida dikumbai Nanga Pusai, di pegai aki tuai Rumah Meringgai. Naka meh pengelenggau ati iya din, asai ka nyabak lebuh maya kaki nyingkang nurun negu tanah pulau borneo. Ati asai ka ditekan dienyak ka laban ti ngetat ka ai mata ti chimit-chimit nerutu lembut mansut ka diri nujah melap kuyu Entakit. Seput asai ka enggai pansut, degup-degup ngeregau jantung enda kebut-kebut. Pejalai singkang kaki terpagang enggai nyingkang tersekat asai ka bisi batu lekat , tang dipajak ka nitih seripih raban bala sida ti sama numpang bilun tadi. Nama meh utai asai tu ko dalam ati iya din. Nadai siku urang peduli ka tudah Entakit, sama bejalai nyingkang sesingkang nama ka diri ngagai perabong atap Airport. Bejalai berumban-rumban laban panchar mata panas berasai angat maya tengah hari raya, baka ka ngelalu ka penatai bala temuai datai.\\nPeda Entakit padang bilun kuching nyau mayuh berubah, makin manah makin besai ari ti udah. Tujuh taun ti lalu dini nya padang bilun tu memesai tu ko iya nengali bejaku kediri, nengah nujah lif. Datai ba kuanter imegresin disua ka Entakit tingki lalu terus nuju palan nuntut beg. Pansut ari nya, Entakit gining-gining meda urang sebelah airport, ngicha ka bisi tepeda ka orang ti dikelala, tang nadai ga. Iya nuduk ka diri ba kerusi, berunding ka kini tunga pejalai udah tu. Peda iya bala penumpang ti sertai enggau iya tadi, pansut lalu diambi bala diri empu, pansut ga siku peda tak lalu nepan kereta lalu ngejang. Bisi ga sekeda agi berdiri nganti pangan ti ngambi, enda kurang mega betalipun engka minta ambi. Nyadi enggi tudah Entakit lain mimit ari urang bukai, pemulai iya nadai urang peduli, nadai urang ngipa, nadai nganti ngambi lalu kediri-diri meh. Kampar meh tudah tudah tuai. Dalam ati din asai ka nyabak ngenang diri baka nya.\\nGENTERAN 3 TENGAU PENGINGAT ENTAKIT\\nPemuas berunding Entakit lalu nuju aya dribar teksi. Minta anjung ngagai kuching, nuju hotel ti murah ko iya madah ngagai driber. Chek-in ba hotel RM120 semalam. Pengudah makai lemai, Entakit berjalai nguji meling pasar lama kuching kediri-diri, nitih ka singkang kaki, ujung-ujung datai ba waterfront. Naka meh pemanah endur nya maya malam. Api lampu nyau bertusun berintai nisi sungai sarawak, nyau kelip-kelip ngumba ka malam. Ba seberai bisi dipeda kubu nanda ka perintah brooke suba lalu enda jauh ari nya siti bangunan ti baru ti enda dikelala Entakit, engka baru digaga kini ko dalam ati iya din. Nyau majak mansang meh menua tu. Duduk Entakit ba tangga, ngenat ka lelak. Mata Entakit majak enkining nengkila ka pemanah panchar lampu diserumba panchar senayau bulan terang. Tungga muak ka ili, apai tuai siku bisi dipeda nginti. Jalai alun agi sekut laban kereta enggau motor, nyau beterenggung munyi didinga. Enda jauh ari nya, bisi peda Entakit urang diting. Nya ti ngasuh ati iya geledi, laban kala ngereja ulah bakanya maya sekula menya. Tuchum meh Entakit kediri nengali. Entakit lalu ingat ka ulah iya maya sekula ba SMK Julau menya, ti rindu amai beduan sida ti indu. Bepangan enda lama, dah leju leka. Runding Entakit lalu terkuing ngenang pengingat lama ti enda langkang ari kenang dalam dada, ditaruh teguh dalam ati nyadi mimpi, munyi ko lagu hilary- pengingat lama dikenang selalu.\\n“sapa nama sulu dek diatu kaban, enda ngelala aku, ni ke suba dah ditukar” ko tanya Josep kaban Entakit, sama sekelas maya pom lima.\\n“Siku ni ko nuan sep. Bertukar-tukar sulu nya perkara biasa nya, baka ka nukar baju baru” ko Entakit nyaut\\n“endai ka tundi tua kemari maya makai mihun ba kantin. Ka dek tu nyu selusin sulu, ni nemu bagi siku ni, siku ni” ko timbal josep\\n“O nya endu dara peraja mata, maria nama iya, dikuntik aku maya pengerami lumba minggu nyin kemari” balas Entakit\\n“laku amai dek ney unggal Entakit, mayuh amai sulu dek, uji tak magi enggau aku neh, anang tak nengali kediri” jaku josep sebana ti nadai sulu.\\n“eh nadai nya baka nya deh, dah ga sida teperasa enggau penyigat aku,hehe. Ayat tu penting” Entakit mantai ka jaku lawa. “ukai nya laku tauka enda deh sep, nya ari pemandai nguntik deh, baka dek tu, uji tak pos ka mayuh surat cinta ngagai sida lusi sekaban, komfom bisi balas.hahaha nyaa…” sambung Entakit.\\n“senang meh ngepos surat, tang enti di rejik, dini meh alai aku nyimpan pemalu mua aku tu, ukai nya bisi penyigat baka pananyi Eddie Kuwing deh.” saut josep baru.\\n“enti pia beguru ba aku dek tu, tang geselan makai mee kampua ba kedai nangup ba pasar, hehehe” ko tundi Entakit ngeso ka diri landik berkuntik ka urang indu.\\nUjung minggu Entakit mai maria diting ba taman bungai ba pasar julau. Ka pasar nepan bas aja, tambang 50 sen siku.\\n“amai bajik ga gamal nuan endu wai sulu” ko Entakit mantai jaku meraya ngasuh ati sida ka indu terajuk.\\n“bula dek nya. Anang berendu-endu arr.., ukai di nya bangat tuai bisi lesen ngendu ka aku” ko maria ngengai nemu diri di luyar\\n“amai aku wai sulu, sema jaku ka ditaban ka aku lari langit dek enti tua enda jadi ila”\\n“anang ka bula-bula, nama aku ninga dek mayuh pangan, romeo lah konon..kada enda spir pat dek aja aku deh.”\\n“dini ka, sida nya semina kaban aku aja, nadai bersangkut-paut enggau chinta aku, mina dek aja diiktiraf aku nyadi sulu aku naka kediatu”\\n“auk, enti dek bula, aku tingko pala dek nya ila”\\n“apu, anang pia wai sulu, sakit aku, sapa tusah, dek ga tusah, nadai sulu.haha”\\n“eh..kapa peduli ka dek nya, lantak bilun dek nya enda meh aku ngambi, enda meh aku peduli”\\nMaria enggai ngelayan iya. Laban nemu Entakit enda beramai ka ngemai iya bersulu, tang iya nerima laban ati endang sigi udah tersangkut ke penyigat Entakit, ukai nya aja Entakit mega anak urang permisi, bisi lah seponsor makai mee kampua maya raun ka pasar. Ni nemu nasit engka seduai bisi jalai niri ka rumah tangga ke dudi ari ila. Sapa enggai jadi enggau iya tu, bula ngumbai diri enggai. Siti da agi kena maria nguji pengelaku diri, reti nya sapa-sapa ti bepangan enggau Entakit endang bajik meh nya.\\nMaya kawin bala menyadi iya, Entakit bekelala enggau siku da indu dara, Felicia Dia nama iya. Seduai betemu maya ka berjoget ngalih ka pagi, ngena lagu dangdut ari penanyi Diana Nini, betanda sambil berpinta ka no talipun. Indu asal ari sibu, pom 4 biak setaun ari Entakit. Taja umur agi biak, tang Felicia baka udah dara, laban ti pandai berfesyen berkena ka baju ngayan ka punggung, tanchut jean ketat nungkat paras buku kaki. Urang diau ba pasar dini enda pandai ngesip diri deh. Entakit terkait lalu mai berkelala. Seduai selalu diting ba pasar sibu, makai segulai ba market sepengelama sebulan. Chinta seduai enda lama, laban Felicia bisi ambai bukai. Nyadi Entakit mina ambai lalai iya aja. Benung seduai bejalai bepegai tebing ai, enda mukai datai deh laki siku lalu mukut Entakit, laban ngerampas pangan iya. Entakit laban ti keruk pendiau, malas lalu berjamah enggau laki nya. Naka nya aja kisah seduai felicia pandak jalai sulai pia aja.\\nMaya nya mega Entakit ingat ka ambai bukai iya baka sida Rose enggau Catherine. Seduai nya sulu Entakit maya pom 5, seduai enda nemu diri dikeduan dikongsi ka Entakit siti pengerindu. Seduai nemu diri sekungsi ka pangan maya ke nepan bus sekula pulai ari pasar. Seduai laban ti manah pendiau enggai belaya tang mina enggai agi bepangan enggau Entakit jai. Endang ari pun pan seduai sama nemu Entakit tu sigi playboy, tang laban ati ke keran jatuh cinta ko melayu, nadai ko enggau meh. Nadai nya ngawa ko dalam ati din, cinta monyet aja.\\nBa sekula, Entakit sigi keruk gaya, sigi baka anang bujang baru setaun buah jagung, ulah nyau ka sebaka enggau anak kera, udu pemanchar. Ukai ka dirara, lalu deka ngerigang ka diri mantai ka buku lima, baka gerama ngaga diri ka, kering kenu ko. Ukai nemu reti lebu, empai ulih deka di ulih ka, sebelah batu deka dikerebuk, puchuk tapang deka ditiki, dalam ai deka diselam, dalam lubang ngaga ka jerpang kena ngulih ka. Ti bedau nemu deka nemu, tang enti udah nemu deka balat agi ngeso ka penemu diri, endang jegak gak gak baka sa ukoi ka beranak, kasak-kasak kulu kili.\\nEnti udah pom empat lima enggau tujuh kitai sama nemu nembiak indu enggau lelaki tu nyau bau rengut baka buah binjai panjai tampuk sera kumang- nyau belabu begenuk pemegah ini manang, nyau baka pisang betungkul engchekuk betanduk. Nembiak sekula ku kitai. Dini dini pan alai nudukka diri bejaku enggau bup pemantup seranyat penyayat tulang penemu ti tau nyuruh begeliga megai menua pengidup diri empu. Endang semua bakatu, engka nya udah nyadi adat turun menurun ditaga ka bala aki enik menya nyadi ka andau penepan anak uda.\\nEntakit enda tinggal mega, sigi semampai minta puji diri berani, keruk ngapa. Ulah entakit bangat di ka-enggai ka sida berserimbai pendiau enggau iya ianya, nadai berbasa ka bala pengajar dalam kelas. Udu lepak sebelah pasar, nginsap ngapa-ngapa lalu selalu main judi daun sekupong. Iya mega nyadi tokey nyual ngidar insap ba sekula, nyadi chung main judi. Enti bisi orang berekah iya sigi enggau nyaup. Buk sigi disimpan beriku-iku, ngakun dipeda. Jai enggau manah tu nadai dikira laban pengeka, pengisin enggau pengeransing kitai sama sebaka. Maya ngingat ke perkara nya, Entakit endang nesal udu. Bisi sekali iya ditangkap cikgu Hendry main judi ba asrama, iya dibai ngagai opis PK hem sida.\\n“Nama ulah dek tu bangat enda ubah, kati dek tu nadai runding baka jelu” ko PK hem sida ringat.\\n“Aku ni ko aku meh, urang bukai main meh, nama aja aku aja kena” Entakit nimbal.\\n“dek ga amat salah, dah ga mayuh penyalah udah digaga dek, kena palu belama enda ga berubah, kati apai indai dek nadai ngajar” PK Hem mantai ka baru ulah udah dikerja iya ngelama tu. Lalu megai rutan deka malu.\\nMeda PK Hem sida bakanya, iya lalu ngelaban mantai ka kuntau jet li iya. Enda chamang-chamang lalu mukut PK hem sida ba kuyu. Nama daya PK hem enda tebalas ka diri, laban Entakit lalu rari. Kati ke ka malas deh enda alah dikumbai urang PK hem berekah enggau anembiak sekula. Udah bekau nya iya lalu digantung sekula 2 minggu. Ukum ka baka nya nadai ngasuh iya tusah ati, tang ngasuh iya rindu agi.\\nKelimpah ari nya, enda tau meda indu dara ka bajik, sigi deka dikuntik siti ari ulah romeo Entakit ti enda ulih dibuai iya. Enda alah pujuk ditulis ka surat, unggal iya raymond sigan enggau endu teresa nana nyadi mangsa diasuh nyadi posmen nganjung surat karung berbungai. Dua iku nya sigi deka laban bisi setem diberi Entakit, setem ti ko sida ia nya belanja makai ba kedai alex. Entakit endang enda kisah, laban ti mayuh duit diberi apai iya ti berpangkat tinggi. Pengabis iya pom 5, Entakit bisi bulih koleksi ambai 7 iku, ia nya baka sida rose, catherine, felicia, Vanessa, Goergina, Stefenie Gani enggau Rheka Lia.\\nMalam majak tuai setuai, nyau enda berasai nyau pukul 9 malam, kira bisi 2 jam pengudah Entakit duduk ba tebing ai ba waterfront kuching, mulai ke pengingat lama, ngenang ulah maya sekula suba menya. Entakit terkenyit laban ka ditanya polis budu ti jaga malam nya, ti rerayau reragau ngelinggi tebing waterfront.\\n“encik, encik apa polah ko duduk sia lamak-lamak, ngenang gerek ka. Ibuh duduk sia lamak, kelak orang kacau encik, balit bilit gik” ko jaku melayu serawak polis budu, nyapa Entakit malam nya.\\nEntakit malik nganguk ka pala aja tang enda nyaut lalu mupuk berjalai bergadai-gadai mulai kediri ngagai hotel di suwa iya tadi. Di tisi jalai meli napau asi lemak ka di empa iya ba hotel, engka tak lapar, tambah mega nyau tertenguk ka makai asi lemak ti nadai ditemu di menua london dedin. Dalam bilik pasang ka TV, gali meda berita. Pasang ka TV 3 pansut berita ngundi di pelilih menua sibu, bala parti BN enggau parti pembangkang sibuk kimpin. Ngelama tu, Entakit nadai kala enggau urang muai undi. Kapa nya deh ko Entakit bejaku kediri. Ukai nya tau ngachau pengerai ngachau pengidup aku. Muai masa bejaku ka sida bala YB, legi besengkang penemu tau ngasuh nyadi laya tumbuh pisa ba siku-siku.\\nGENTERAN 4 KAHWIN PETUNGGAL MIYA\\nLimpang mimit ngagai tudah Miya ka agi mekang tinggal ba menua diau mendam ba sarawak nadai mindah ke bukai. Taun tu umur Miya manggai 25 taun, dara penumbas iya tang ko bala kaban ka serambau sekula menya, ditundi sida enggau leka jaku “tinggal bas”. Kaban iya ke bukai ke serambau suba baka sida Nelly, Empenai, Jeliah enggau Bangi endang udah niri ka rumah tangga memagang nitih ke laki sida belelang bejalai sebelah nengeri ngadu pendiau diri. Liah pengabis pom 5 lalu terus belaki jadi enggau sedadu, Empenai belaki tegal atur apai iya ke keran berambu isan enggau kaban iya, laki iya pangkat Cikgu, kira ok meh nya ko jaku apai Adut. Nelly kawin maya gawai empai lama enggau laki temu iya ba pasar sibu, sama kerja supermarket ba wisma sanyan. Ngenang Bangi mega, ti jadi rari enggau urang laki di mengeri, pengudah iya nitih ka bala ibu iya kerja kilang ba johor, taun tu udah bulih anak siku, ada bulan 2 tu kemari. Miya laban ti anak tuai endang ngasai ka diri patut mantu apai iya nyengula ka bala adi iya, 3 iku da agi ka agi bersekula. Taja pia Miya udah bulih diploma pentadbiran awam ari Uitm, 3 taun ba kota semarahan. Ditu Miya mangku pengawa nyadi pemantu pegawai ba opis perintah. Semak 6 bulan Miya menganggur nadai pengawa lepas diploma suba, tang laban dibantu sida serumah, iya terulih ka pengawa baka ke diatu.\\nPengelama ke sekula ba Uitm suba, Miya endang nadai rindang enggau pengawa ti ngemai iya tau labuh terpawing limpang ari pengawa belajar. Tuju ati sigi bulih diploma, degree engka enda alah ketegal ti enda chukup belanja, nya pan semadi bisi bantu duit jali PTPTN. Maya nya mega iya nadai ka enggau urang bukai betawing diting baka pangan iya ke bukai. Miya enda sanggup ka ngelebu apai enggau indai ti udah bendar ngiga belanja kena iya nampung pelajar. Dalam ati din sigi ka meh nya, tang ngaga diri enggai. Suah meh bala sida James, sida Edward sida Jiram nguji nundi ngemai iya bepangan, tang ditulak iya magang. Ukai enggai tang belajar dulu, bulih kerja baru tau berambai ko fikir runding Miya, ngemula ka ati diri. Mulut madah enggai tang ati terajuk kena panjuk jayau empelanduk. Nya meh penanggur alai Miya enda nyanggup diri ka besulu nanggam pengerindu enggau sida ke bujang.\\n“Miya oh Miya, lapa alai nuan nulak James nya. Penyigat umbas iya ga, manah ulah budi basa tak tau direjik nuan. Enti aku, sigi aku terima iya nya, nadai mayuh fikir. Urang bukai mayuh berebut ka iya, tang nuan siku dipilih iya” ko pangan sebilik enggau Miya, kelibak anak abun, indu asal ari betong.\\n“enti enggai, enggai meh nya. Nadai juduh kini munyi ko jaku indai Dampur..hehe” ko Miya ketawa gaga dipuji siku nya sambil mangkir pisang gureng ti dibeli seduai ba cafe tadi.\\n“mehinsa ga nuan tu, enda ngelala reti bepangan. Kitai patut enjoy maya dara baka tu, ngiga pangan enggau ngisi masa lapang ” ko melisa nyempelah ari atas katil. Nunda jaku jilan ka pirur sambil megai talipaun.\\n“eh, urang ka gali enda ibuh masuk campur” ko Miya nyaut melisa ka gali ari tadi. Empai abis jaku iya, kelibak lalu mutong bejaku baru.\\n“amat nya Miya, ukai nyamai ngiga lelaki ngenyigat James nya, dah ga ngembuan pelajar degree, kitai tu nama ka diploma aja. Enti jadi enggau iya tak enda ibuh kerja kitai tu ila, diau aja, enda ibuh irau ka isu pengangguran kemaya ari diatu, awak iya melanja nupi kitai” ko kelibak bejaku panjai. Jaku bercampur-campur enggau jaku melayu. Kelibak sigi deka nyabung iya enggau James, laban enggai meda sikunya nadai tawing.\\n“emmmm..enti seduai bangat ka, tak seduai bepangan enggau iya, ukai nya penyigat ulih diempa, ukai nya degree iya nya tau ngasuh bahagia” ko Miya nyaut nyu buring berandau ka laki nya.\\n“endai enti iya ka aku, diatu ka meh aku jadi, hahaha” ko kelibak ngeranjur.\\n“aku enggai nyadi deh, enda masuk channel seduai ka kawin, aku dah bisi apai tuai” ko melisa nyaut ari atas.\\n“dah dah badu berandau ka James agi kitai, enda alah tak dibai ka jayau legi” ko Miya ngelimpang ka tupik sida tiga.\\nBaka nya meh pendiau sida ka indu maya begulai, sigi selalu berandau ka pendiau siku-siku lalu ka mai berandau ka laki-laki ka sigat, bisi ajenda ka ngenyam ketupat. Ni enda sida ka enda sigat, begigit lidah laban enda laku, enda dipalik ka sida endu dara temaga, dara entimun sebelah jalai, dalam ati din mujuk diri nadai ngawa ga enti urang enggai, sapa meh aku tu ko a. Sida ka sigat endang muchung idung dipeda dijeling sida ke dara, laku meh ko jaku. Anang agi enti lelaki ke gemuk, dikumbai “mu” tauka “bob” ulih sida ke dara, dianggap kaban aja mina diguna maya ngadu ka asignment aja. Sida nya bisi meh asai ati mabuk chinta, tang apa bulih buat, urang enggai nguna munyi ko lagu James jacob “enggai nguna aku”. Ngumba ga sida endun buah rungan, milih lelaki enggai enda meda penyigat dulu, peda ba luar aja tebelunga, nya ti ngasuh bujang buah engkabang selalu tegepang tusah ati, di empang tuduh enda nemu diri, mua jai mati enggai, enggai enda nundi. Tang gamal enda sigat, enti dumpet enggau bank penuh enggau duit, gohit aja lah ko sida ka dara taja ukai cinta sejati, engka amba tekena jayau kunci lipan, tekait laban besi kunci kerata kancil.\\n“Bangat ni penyigat ambai ti dikemeranka dek ba menua dedin, ti ngasuh dek kempang nulak pengeran ati James nya” ko Melisa majak nanya laban meleba ka Miya ti bisi ambai sulu ati tinggal di menua.\\n“ Mel, ni aku tu bisi ambai, anang ta nimbak guyap ngapa, ukai aku enggai ka James, tang laban aku bisi tanggung pegawa ti besai, belajar, kerja dah nya melanja bala madi aku, enggai nyadi belaki ngapa enti empai tegap penatai permisi. Sekula empai abis ni ari ka belaki” Miya meri penerang\\n“ nama seduai pangan dek abel selalu belaya, nya kumbai dek bahagia” ko Miya nambah kena iya ngalih ka randau sida 3 enggai ka rahsia iya majak terkusai dipansai seduai nya.\\n“at least aku bisi pangan lah” saut melisa.\\n“bahagia meh nya, bisi enggau makai mee teow ba kedai first famliy cafe” tambah kelibak, ngamin ka runding siku nya.\\n“eh dek nya kelibak, ka endar berandau ka aku, lapa deh nuan nulak jacob ari nya deh, baka nya meh aku” ko Miya\\n“kati ka aku nguna jacobs nya, laki gemuk, no class lah , nyu baka tong deram, ba nama iya Bob..Enti baka Bob AF nadai gawa ga pandai belagu, bisi endur ngait ka ati.. tang enti baka James nya nadai ngawa lah, bisi class” balas kelibak.\\n“amat ga nya, nyadi ka laki tau jacob nya ney, tang ka pangan engka berfikir 10 kali aku” jaku kena Miya mujuk siku nya..\\n“nemu ga dek”\\nTaun 2010 tu pengidup sida Miya sebilik nyau berasai berinsur senang, laban Miya empu dah bulih pengawa kerja ba opis perintah, tambah mega madi Miya ke bersapit rudy seduai riky sama udah diterima nyadi sedadu darat 2 taun ti udah. Lempung mimit ga tanggungjawap apai enggau indai laban bisi orang enggau besaup ngiga belanja. Ina ke pangkuan sekali dah mujur masuk matrik kena belanja perintah menua sarawak laban pemutus spm A memagang. Kira diatu iya nadai beban agi, lantang serta ulih ngelepas ka tanggungjawab iya nyadi anak tuai. Tang Miya ngasai ka bisi aja utai ti nadai kurang ba pengidup iya. Puas ga Miya berunding nama meh pengidup iya tak enda tentu nyamai, taja pan beban dah nadai, ngelama tu alasan iya sigi beban melanja sida sebilik, tang diatu ?..\\nMiya agi cuti ba rumah panjai sida ba nanga Sekara, sitak menua Julau. Cuti iya setegal petunggal iya Merry kawin jadi enggau benjy, lelaki bangsa bidayuh. Benjy kerja nyadi jutera ba kilang elektonik ba kuching. Seduai jadi setegal cinta ti ditanggam pengelama setaun ti udah. Jauh meram dalam ati Miya din berasai jeles meda petunggal iya kawin tumu ari iya, dah ga bulih lelaki kerja menyana basai gaji tinggi sekula. Suba seduai sama bejanji, enti kawin mesti sertai, tang diatu merry dah kawin dulu ngelepas ka diri ari semaya,kawin umur 23, ni enda ngasuh ati Miya kena regau takut tinggal nyadi dara tuai. Sekali lebuh sida meda Tv ba ruang tamu sida, apai indai iya nanya.\\n“nama utai ka tanya seduai apai”\\n“ endu, kati nadai laki nguntik dek ba endur dek kerja ba kuching din” ko indai iya mansik muka randau sida menyanak enggau jaku ti enda bepampur terus terang.\\n“enti ngiga laki, giga ka baka enggik endu Merry, bisi pangkat, ngambi senang pengidup dek ila, enda alah baka tua indai dek tu, majak ngereja umai, mutung getah, nupi manok, nengkani jani..enda alah ga dek nupi laki ti nadai pengawa, baka indai simai setak nyin, gawa nyadi cikgu laki nyaga anak dirumah, nyau tekalih tunsang dunya” ko apai iya berjaku enggau meri chunto. Kira meri syarat meh nya, syarat laki ti di kedeka ka seduai. Miya enda tersaut ka apai indai iya.\\n“ kami duai apai dek ukai nya milih menantu, ni ko dek meh, ni ko chinta ati meh, tang kami enggai ka dek merinsa begulai enggau laki ti nadai pemandai baka enggik dek nya. Anang tak sengapa pilih, kami munya suba enda alah tunda, tua apai dek suba jadi setegal atur aki dek, tang diatu dunya udah jauh nyingkang berubah, pemilih aja iya sebelah mengeri. Endu ukai nya agi biak, peda bala petunggal , bala kaban dek bukai dah belaki magang, udah bisi anak dua tiga meh nya” panjai jaku indai iya. Ati indai sapa enda irau meda anak dara sida lalu empai tetap pengidup diri, tambah mega nyau jeles meda urang bukai udah nukar nama diri nyadi enik sanu, enik sanu, tang enggi indai Miya, agi pangkat indai, empai mali nama. Munyi ko jaku aya apai Rabai ti nyebut “ nama aku keterubah apai rabai, dua bali nama aki sebi”. Reti nya udah bulih pangkat aki, nukar nama kangau ka lama.\\n“apai..indai..lapa tak ngenyit berandau ka pekara tu, nemu aku ngadu kediri deh, aku udah besai, nah ibuk Senah, empai meh belaki bahagia meh iya” ko Miya enda ambis nguji mampur ngelamun rahsia ati.\\n“ehh..kati deh, peda dek endu Rosmerry dah tetap pengidup, tang dek, agi baka selama nadai pengujung, enda patut ga dek enda tegiga ka laki di menua kuching, enti bangat enda tergiga kediri, tua apai dek ga ngiga ka dek, nya cikgu jimbat nya agi bujang, iya nya satup dek, gaji cikgu besai meh. Enda malu dek jadi enggau iya, kereta pruton pan bisi meh iya taja agi diau rumah suwa” saut indai iya enggau sada ati enda nyamai.\\nGENTERAN 5 PENGINGAT MIYA\\nMalam nya Miya berunding ka jaku apai indai iya nya tadi. Jaku nya tadi berasai bendar negu ati iya din, endang amat iya nyau udah tinggal bala kaban iya ke bukai. Kaban iya baka sida Nana, anak nyau udah tegal bejalai memagang, nya ngasuh Miya dah Bulih nama baru “auntie miya” ari bala anak Nana. Ka meh ati iya belaki tang nadai siku ke deka ati, kala suba ditanya urang, tang iya madah ka diri empai sedia. Nadai siku bisi nitih ka syarat dalam ati. Nyau pemuas berunding, enda berasai pengingat lama ngundang baru. Tujuh taun ti udah lalu, ba sekula sida Miya baka indu ti bukai, sama keran ke Entakit, sama nyimpan pengerindu, tang Entakit enda ulih dipercaya, udu pengindu. Terubah seduai betemu maya nepan bas sekula sida, ka alai seduai duduk berimbai. Maya nya Entakit enda teringat ka dumpet duit iya tinggal, nyau salat-salat tudah tuai ngiga dumpet deka mayar tambang tang nadai, nyau dianu kondukter bas nya iya. Tang Miya enggau ati manah nambang ke seduai. Ngelama tu dini Entakit kala enggau urang nepan bas, tang sari nya motosikal iya rusak lalu bedau ba bengkel, nya alai iya nepan bas. Enti enda pia kapa iya nepan bas, Entakit madah “no class nepan bas”, laban Entakit anak urang permisi.\\n“terima kasih wai endu dara bajik” ko Entakit ngena jaku pemadu manis ti ngasuh indu dara nyau labuh pengerindu. Sambil malik ngagai indu nyendi iya sepiak.\\n“nadai nya ngawa deh, kitai patut nulong kaban kitai ti tusah” ko Miya\\n“auk pia, kati aku tu kaban nuan wai” ko Entakit ngelikuh\\n“eh..kemaya aku bekaban enggau urang baka dek tu, anang ber-nuan-nuan dek” ko Miya nagang.\\n“ apu amat pama dek tu wai , tak meri waning ngagai aku. Empai nemu sapa aku dek tu..emmm anyway, nama aku Entakit mit nyumpit mudik nanga engkalait, pulai mai dara bungsu naga ka disimpan dalam dada” ko Entakit mantai jaku sebubu ngapa.\\n“em..enggai aku bekelala enggau dek, enda dikelala. Kada enda samseng dek tu, kada enda dek tu bisi mai ati jai ngagai kami ti indu. Gamal baka dek tu, ukai nya ulih pecaya, keruk gaya” ko Miya ngenyumbong ke diri. Kebendar Miya sigi ngelala lelaki romeo nya. Iya pan bisi nyimpan pengerindu ngagai lelaki nya, tang pengudah nemu laki nya pengindu, iya nyurut kediri. Ko dalam ati iya din “cinta tak semesti nya memiliki”. Iya endang lama nemu sapa Entakit, tang sengaja ngaga diri enda ngelala siku nya.\\n“sumbong amai dek tu wai dara kumang, nadai ngawa ga, peda mata aja, enti bepansa anang enggai nanya “ ko Entakit meraya, taktik ngumpan.\\n“kapa aku nya..nama dek menteri mesti ditanya” ko Miya ngemilut ka mata, bajet mahal lah.\\n“kati deh. Engka bisi juduh kini..auk baka tu meh, ila aku mulai ka duit tambang ngagai dek baru auk, ila aku ngiga dek” sambung Entakit. Ke bendar laban Entakit ka betemu enggau Miya baru, laban iya baru betemu bepansa, bedau nemu nama indu nya meh. Nya ngasuh ati bekira-kira ka nanya ngiga, mansik mutik pendiau indu nya. Laban ti baru meda, dini meh alai indu tu belalai ngelama tu, enda dipansa channel aku.\\nMiya agi ingat maya Entakit negah iya maya pulai makai lemai ari dewan makan sida. Siku nya enda ngelala iya tak ka nundi iya. Nyau tekenyit pama Miya ditegah Entakit. Singin ka ningko pala Entakit jai nya.\\n“ nama nadai pengawa bukai dek tu, tak negah urang sengapa, tingko enggau pala dek nya legi” Miya ngaga diri nganu Entakit ke lekik-lekik ketawa rising-rising ngayan ka ngeli nyau betingka.\\n“ nadai ar, nya meh pengawa aku. Sepi asai dek nyamai, nya anang ngenyumbong ke diri” ko Entakit agi tuchum lelegup, ngicha ka indu dara tekait ati, mantai ka tektik nguntik, ambi dipeda manis enti tuchum.\\n“ ba dek Entakit, manding ka nama diri, nadai pendiau, rindu nundi urang aja. Patut lisa ngetik ka dek” ko Miya nyeling laki nya\\n“ aik, ukai iya ngetik ka aku, aku muai iya. Sepuluh kali indu baka lisa nya agi ulih giga aku meh.haha…aik, tadi dek nyebut nama aku enda ? kati dek ngelala nama aku wai indu dara, peminat aku kah” tanya Entakit\\n“ ehh..urang baka dek tu, sapa enda ngelala, samseng sekula, keruk, pengindu..kati ka enda ngelala romeo popular baka dek tu”\\n“ pia, kemaya aku tu bangat jai baka nya, anang ninga berita sebubu ngapa, enti nadai bukti. Uji peda dalam ati aku tu, urang ti ngembuan ati tuchi beresi. Sida ka enda ngelala aku aja nyebut ngapa nya. Uji enti dek bekelala enggau aku, tentu dek nemu enggau dalam agi’’ tektik Entakit sambil bejalai ngerimbai indu nya, nadai peduli ka urang meda.\\n“ kapa aku nya, ukai dek nya manah ulah. Kada enda bisi utai julok dalam ati dek tu ba aku. Kada enda ka beduan aku dek tu” ko Miya ngetis ati urang laki sekali ka nya beduan tauka amat.\\n“ auk ga enda aku nundi dek agi, bye. Ila betemu baru” ko Entakit berumban lari enggai ka siku nya majak meri iya jaku.\\n“alai meh..kapa bye dek nya”\\nSeminggu bekau nya, Entakit endang enda putus asa, iya majak mansik sapa nama indu nya. Nya ngemai nanya angela, indu ka sama kelas enggau Miya. Mula-mula engela enda entu ka madah, tang majak diumbuk Entakit, nya baru iya ka enggau syarat belanja makai skelin \/aiskrim.\\n“hai Miya” Entakit nganti siku nya ka benung duduk nganti grace nganjung bup ngagai bilik cikgu.\\n“Sorang ka, nganti aku pia” tampung Entakit baru\\n“eh dek tu, kapa nganti urang baka dek tu, uji ubah perangai, anang majak ngachau aku, uji kachau urang bukai neh. Nya sida Gina, ka nya dikachau dek, indu jegit setipak enggau dek urang jai” saut Miya nyeling tajam.\\n“apu…jai amai jaku dek deh wai Miya. Uji bersopan santun mimit deh”\\n“ supan kunon..dek nya lebih agi..sapa madah dek nama aku” Miya ngalih ka jaku.\\n“rahsia.hahaha..bisi lah sumber sumber yang boleh dipercayai” ko Entakit jaku laut\\n“manah meh nya, dah nemu badu ngachau aku agi”\\n“enda aku ngachau dek deh..mina nanya aja, budi bahasa budaya kita, hehehe..kitai mesti saling tegur menegur ko jaku PM kitai, aku endang nitih ka ajar PM” ko Entakit mudi siku nya.\\n“wai Miya, enti aku berubah ka dek bekelala enggau aku deh”\\n“emmm..meda baka dulu lah..ni tahap dek berubah..enti dek no. 1 dalam kelas baru tau bekelala enggau aku”\\n“ok..peda dek aku berubah ila”ko Entakit\\n“ehem..ehem..nya seduai diting” ko grace tuchum meda ulah seduai.\\n“ eh..kemaya aku kala diting enggau urang jai tu”\\n“apu amai jai jaku dek wai Miya, ka endar ngelar aku tu jai..enti pia mupuk dulu aku” jaku Entakit lalu mupuk nuju asrama sida.\\nSekumbang ka labuh pengerindu tepuruk penemu, ketegal dara tichin temaga, dara umang benung memekang, Entakit endang nyau ngudar penemu ari urang bukai, bakani deka ngulih ka madu jauh ba puchuk tapang. Ngumba ga ai madu indu nyeruan, enggai enda jauh ba puchuk lelegit dedin, uji tak gaga ba baruh dan buah sikup neh, ngambi ka nyamai nguru iya. Entakit ngiga penemu seribu guna, jayau batu maram, ari sida kaban, tang siti pan nadai ngasi. Udar ka penemu ari sida ti landik ka agi. Nyadi bakatu ka penemu ti dituntut Entakit, maya ngetu rehat jam 10 pagi, Entakit selalu ngirum ai sirap enggau mee teow, kueh ngagai Miya ngicha ka siku nya ngumbai iya mentas enda bekira lalu diterima nyadi ka ambai.\\n“ Miya oh Miya..kini ka dek tadi”\\n“ek..ditu meh aku, nembu ka kerja rumah beri cikgu Raymond ar..lalu empai tembu..”\\n“ ngaga kerja tang niru ..haha”\\n“ek kape peduli..janji siap..enda alah asuh cikgu bediri ba luar legi”\\n“emm Miya..tu bisi urang meri dek kueh”\\n“sapa meh bangat masau ari melanja aku tu”\\n“ek eleh..tak ngaga diri enda nemu..sapa agi enti ukai sulu ati dek Entakit nya lah”\\n“eeee…kemaya aku tu besulu enggau samseng nya.. “\\n“uk..reti nya dek enggai makai tu lah..enti enggai beri ka aku aja lah..rezeki..haha”\\n“apu dek tu jeti..ada ka tengali iya siku aja..kungsi tua meh..dek ga nemu aku empai ngatu tu..”\\n“tapi tu beri samseng nya ..”\\n“ka ia samseng..perut udah lapar..suap aja..”\\n“Miya..aku fikir kan..manah aja dek bepangan enggau Entakit nya, bisi lah sponsol tua ninting ari..hehe”\\n“eee..nemu deka ngiga ulih dek tu neh..kapa aku bepangan enggau iya nya..tangkap cikgu nama penyadi..nama dek enda jera ka ditangkap cikgu Franchis suba..dah ga surat seduai di tantai ka papan kenyataan..huhu..sedih nya..” ko Miya ngemeli ka siku nya..\\n“nya seduai berandau ka aku”\\n“ huk huk..”ko Miya batuk tekenyit meda Entakit ba tisi pintu kelas sida.\\n“ek kappa kami berandau ka dek nya, ukai bangat nama, enti atis bisi penyigat baka Eddie kuwing, nadai ngawa ga” ko Miya\\n“ nyamai mee teow beri aku tadi wai Miya”\\n“ nyamai pan ukai meh panduk dek”\\n“tang beli aku lah, khas untuk dirimu”\\n“ nama kebuah dek datai kitu, ukai tu kelas dek”\\n“nadai ..ka ngabas Miya aja..” ko Entakit mengambil konon.\\n“ udah ngabas pulai..terima kasih laban melanja, ka agi ila badu nganjung ka aku agi setakat mee teow enggau kueh baka enggi dek tu, aku pan bisi duet kena meli”\\n“bedau datai aku, dah di asuh pulai, iga dek enda kasih ka tu lalu empai duduk..nyin ari jauh aku datai, semata-mata deka ngabas dek kitu”\\n“sapa ngasuh dek kitu deh, nya anang kitu”\\n“auk meh, pulai ga aku..see u again”\\n“don see me again”\\n“see u again”\\n“ i don’t wan to see u again..alai pulai”\\n“apu amat bendar seduai melaki bini tu belaya” ko jeti ka duduk nyendi Miya, ari tadi enda bejaku ngemata ka seduai iya. Jeti endang ka nemu-nemu seduai sama bisi ngembuan pengerindu ngagai siku-siku. Tang agi kakang ati ka pengerindu dalam dada.\\n“kapa ngelayan iya nya..”\\nMaya betemu, Entakit endang selalu bisi aja ajenda leka jaku kena berandau enggau Miya..\\n“hai Miya seurang ka..”\\n“eee..gamal dek jai..anang ber-hai-hai”\\n“enti ukai hai, nama agi deh.. hai daling pia..hehe”\\n“ku pulas pending dek nya legi..enda nemu jaku..samseng”\\n“ Dini bisi samseng ditu.. wong sam seng bisi lah. Sekelas enggau kami. Seng bisi meh enti dek ka, nyin cikgu seng..haha”\\n“dek lah samseng..urang jai enda nemu malu..nama enda idup ka enti enda ngachau urang”\\n“auk..enda idup enti enda meda Miya..pujaan hati”\\n“uwek…ka mutah ku ninga jaku romantik bula dek nya”\\n“apu amat pama dek tu neh..jual mahal endar-endar .. empai ku jayau dek tu..”\\n“enda meh aku takut” ko tudah Miya ngaga diri enggai belama, ngenyumbong ka diri.. iya agi takut ka Entakit, dalam ati endang keran tang sapa sanggup bepangang enggau lelaki jai ulah baka Entakit. Enda ulih di perchaya.\\nMalam nya Miya tuchum kediri ngenang ulah Entakit ti amai berubah maya nya suba. Miya agi ingat maya Entakit enggau urang bejalai ka pengawa khimat masyarakat ba kampung sebauh, laban ti deka nujuk ke diri amai-amai deka berubah ngagai Miya. Maya nya Entakit labuh ngagai lutak laban tembu meda Miya maya kerja ba tengah laman. Urang nyau ketawa ka iya memagang, tang laban ti udah berubah, Entakit enda ringat ke sida. Miya agi ingat mega Entakit bulih lumbor 2 dalam kelas sains tulen sida ba pom 6 maya nya, mina enda talah ka siku anak cina ti seruran-ruran belajar. Maya nya mayuh alasan Entakit madah ke sigi enda alah agi enti peresa sekali da agi. Miya agi ingat mega maya Entakit ka berekak laban disangka Suwi ngachau pangan iya, tang Miya laban ke nemu cerita ke bendar sempat nagang Entakit ari ke berekah. Entakit enda nyadi ngerekak siku nya ketegal Miya. Tang laban Suwi ti ringat bendar lalu mukut Entakit ba kuyu, nyau telentang tudah Entakit laban ti enda ngadang. Pengudah ari sari nya Miya nyau rindu deka begulai enggau Entakit. Ko dalam ati iya din entakit nyau udah berubah, entakit ukai urang ti bangat jai, dalam ati Entakit din sigi bisi ngembuan ati badas.\\n“agi pedis bekau bukut Suwi sari nya wai Entakit” tanya Miya maya seduai betemu ba pasar ari minggu depan market.\\n“enda lah, nadai asai aku bukut iya nya, asai ke gigit nyamuk aja nya” ko Entakit madah kediri kering minta puji.\\n“ anang ka bula-bula dek wai Entakit”\\n“ auk ga, amai pedis meh nya, tang ketegal bisi Miya maya nya, nyu enda pedis.haha”\\n“ eeee..bula dek nya” ko Miya lalu nempik bau Entakit.\\n“akai ah, dah ga aku sakit, tambah ka dek agi ga”\\n“nya anang mayuh macham deh”\\n“nya salah ga, ukum ga aku, ukum nama ka dek wai Miya”\\n“emmm..belanja aku makai me kampua apai kiki din”\\n“bah auk meh..aram meh”\\n“kini seduai Miya” ko sida jenet sekaban. Jenet sekelas enggau Miya.\\n“Entakit ka melanja makai mee kampua”\\n“apu..enti pia kami ka enggau”\\n“wai Entakit, nya sida nya ka enggau bai meh, enti ati dek badas munyi ko dek” ko Miya ngumbuk siku nya enggai ka kumbai sida nya ka diting enggau Entakit.\\n“emm..aram meh” ko Entakit, dalam ati din endang enda berapa ka, laban ngachau peluang iya ka begulai enggau Miya.\\nNama deh sida 6 iku nya dibelanja Entakit memagang. Pengudah nya Entakit enggau Miya selalu bergulai. Entakit majak rajin nitih ka Miya belajar, tama perpustakaan. Seduai selalu dipeda begulai. Entakit badu gila enggau indu bukai agi. Tang Miya selalu ngelimpang ka randau seduai enti Entakit berandau ka pasar pengerindu. Miya sengaja ngaga diri enda labuh pengerindu ngagai siku nya. Enggai ngelayan ulah Entakit. Tang Entakit semampai nyimpan pengerindu iya ngagai siku nya, enda putus asa. Maya nya seduai endang kin kia begulai, dini dini endur seduai endang dipeda nyengulai pangan diri tang enda bepangan. Entakit pan nyau nemu malu madah kediri keran, enda baka selama. Pengelama nya Miya endang sengaja ngaga Entakit baka nya, kena bejera ka siku ti udah beduan indu bukai. Ngambi Entakit nemu asai dikeduan urang bukai. Taja baka nya, Miya endang lantang ati enti Entakit bisi nyedi ngerimbai iya ba tisi, laban ngeso ka urang bukai siku nya terunda-runda keran ka iya.\\nHari betukar hari, ama malam ama ga siang bekalih nunda ka pejalai pusin bumi, pengelama seduai begulai, seduai nyau di peda baka ka enggai jauh pangan diri. Enti siku bisi dia, siku gerenti bisi. Amat mula, miya ngengai ka diri begulai enggau entakit, tang sapa enda labuh pengerindu enti majak begulai, belaya, betundi enggau begagai ninting ari. Ari jeling mata seduai, chukup udah dikena madah ka pengerindu diri. Maya begulai jam nadai berasai, utai digaga semua nyamai memagang. Tiap hari di anti-anti maya begulai, enti siku nadai dipeda, digiga ditanya. Maya makai enggai enda sertai, sama bepeda tuchum enggai bebadu. Lauk ti enda nyamai dipanduk indai sekula, tau nyamai nadai di tampi. Enti ulih selalu deka begulai, selalu deka berimbai betunga mua betentang mata. Tang seduai sama enda tepadah ka diri, udah labuh pengerindu, udah jatuh cinta ko melayu. Sama-sama nyalam ka diri, ngemula ka ati diri empu, malu tanda penyanyau udah setangkai.\\nGENTERAN 6 MIYA NGERIJIK BUAH ATI TANGKAI NYAWA\\nSekali da Miya teringat ka kali penudi iya begulai enggau Entakit lebuh maya iya ngasuh ati siku nya enseriban. Miya teringat ka perkara nya nyadi maya ujung taun pengudah seduai iya Entakit ngabis ka peresa, Miya ngambi SPM lalu Entakit ngambi STPM. Abis peresa nya Entakit endang mutus ati deka madah ke siku nya pengeran ati iya ngagai Miya. Iya ngarang sepuchuk surat. Disua ka nengah posmen baru iya freda.\\nBegau darah Miya lebuh tebaca ke surat nya, bisi nya gaga bisi nya takut dalam ati din. Ngeremang bulu pegu laban tegepang meda penatai surat nya. Enda panjai isi surat nya tang udah chukup ngasuh ati Miya kesal. Kesal laban Miya enda nemu nama agi utai ti patut di gaga, empai besedia meri pengerindu. Mayuh ga indu bukai tang nama ga kebuah iya deka milih Miya . Ke bendar Miya maya nya agi nangi ka Entakit sekali amai deka ka iya tauka deka beduan aja. Kelimpah ari nya, miya selalu ninga jaku petenah jai ari bala kaban ti segulai enggau iya baka sida Linda. Sida selalu nyindir miya ngumbai miya beli laban begulai enggau lelaki nadai tuju baka entakit, sida mega ngachuk Miya, anang nerima Entakit. Ukainya aja, urang tuai iya selalu nagang anang bepangan maya sekula. Linda laban ti mulut engkerasak, nuduh Entakit bisi pangan bukai serta udu nusi penyai entakit. Ari jaku asut bala kaban iya nya tadi, ngasuh runding miya nyau tekuing, taja ngelama tu iya nguji nerima semua enggau ati tebuka. Ukai nya aja, pangan entakit ti dulu nyau ngelaya Miya, ngumbai Miya tu indu pengerampas ambai urang. Miya maya nya enyau kakang ati, nerima tauka enda. Miya pan mai Entakit betemu ba taman bungai ngerimbai pejabat pos menua sida ba luar sekula.\\nEntakit gaga amai ati ninga siku nya ngemai betemu. Ari jauh peda Entakit siku nya dah nganti.\\n“ lama dah nganti wai Miya” Entakit muka randau seduai sambil merati ke mua siku nya enda tuchum baka selama.\\n“Nuan nemu nama kebuah aku mai nuan betemu baka ke lemai tu?”ko Miya. Majak panjai sintak seput Miya laban iya, enda nyaut tanya siku nya.\\n“ Ka madah pengerindu ka nuan ngagai aku enda, aku dah nemu dek sigi deka ka aku ari mula, haha..” ko Entakit nguji ketawa tang enda lama meda siku nya nadai respon\/reaksi. Mua siku nya memperengut dipeda.\\n“wai Entakit, dek udah salah anggap ngagai aku, aku nadai nyimpan pengerindu ngagai dek. Tua mina bekaban aja, enda lebih ari nya. Enti dek majak baka tu, badu aku bekaban enggau dek, badu meh ngiga aku agi. Anang masau jam nundi aku agi. Nya aja utai ka padah aku…..” ko Miya serius sambil mua malik ke bukai.\\n“nama ko dek nya wai Miya” Entakit minta penerang, engka tak salah dinga.\\n“Start ari sehari tu, tua nadai apa hubungan agi, badu meh dek begulai enggau aku agi, aku nadai pengerindu ka dek. Reti nya dek bertepuk sebelah tangan aja. Pia mega ku arap dek terima meh semua tu enggau ati ti tebuka.” ko Miya.\\n“ Aku udah bisi pangan, ti chukup manah pendiau lalu mega urang permisi, anak kepala pengajar. Jauh manah agi ari dek. Nama dek penyigat aja ti ulih diguna, ukai nya ngasuh senang, kada enda nuan mina deka ngayah ka aja. Badu meh..badu meh..ati aku udah diempu urang bukai..enti dek ka nemu, wilson nama lelaki nya..aku bahagia enggau iya, enda baka enggau dek asai ka ba neraka, selalu takut berari..ke penudi, aku minta ampun..lalu minta nuan madu ngachau aku agi..anggap meh aku tu urang bukai..anggap aja ngelama tu mimpi aja..anggap meh tua enda kala begulai, lalu dek nyadi urang asing ba pengidup aku. Enti dek amat sayau ka aku, badu agi meh ngachau pengidup aku, doa ka bahagia.” panjai jaku siku nya, jaku ke penudi ngasuh enseriban ati. Miya endang sengaja nempa jaku carik baka nya nelih ka ati tangkai nyawa ngelama tu, ti ngelalai ka pengerindu majak ngerekai.\\nEntakit enda terpansut ka jaku ninga jaku miya nyau baka umbak tsunami, enda ulih di seliah ka agi, terima aja meh nasib diri. Ai mata asai ka neritik asai ka enda, mua iya merah malu ditulak siku nya, iya enda ngadang diri direjik pia aja. Ukai nya aja, iya mega disema siku nya enggau urang bukai, dituduh nadai pendiau, jai ulah. Entakit nemu nya endang amat, tang anang meh ngunkit perkara nya baru. Jari enggi Entakit pen majak getar-getar bai penusah ati. Enda iya nyangka ngelama tu siku nya nadai ati ngagai iya, kempang ati madah iya mina mimpi Miya aja. Entakit mupuk bejalai nadai mayuh tanya, ngemai ati ti anchur lebur. Siang malam iya merampau, iya nyau kurang bejaku. Mulut senyum tang ati merinsa. Udah bekau nya Entakit enda entu pengerah agi, iya nyau amai-amai berubah. Kapa nya enti urang enggai ko dalam ati iya, kena merindang ati tusah. Ukai nya nadai urang bukai ka deka nerima iya. Tang Entakit endang landik ngelalai ka penusah ati iya din.\\nMiya empu nyau labuh ai mata, iya enda nyangka iya bangat kempang madah ke diri nadai pengerindu ngagai siku nya, kempang ati milih urang bukai. Dalam ati iya din, siku nya aja diau betaruh ngeregau ati iya din. Siku nya meh aja chinta iya. Entakit meh first love iya, urang ti ngasuh iya rindu nerus ke hari-hari buring ba sekula. Enti nitih ka ati, siku nya meh sulu iya ba dunya tu..siku nya meh nyadi laki iya enti kawin ila. Tang nama meh penyadi, utai dah enggai nyadi baka pukat burung enda alah di tusut agi, ka pan enda tinggal buai pia aja meh, ila tau meli baru. Ngepun ka jalai pengidup baru baka urang bukai munyi jaku melayu “ mencintai bukan nya bermaksud memiliki, memiliki bukannya maksud mencintai”.\\nSeminggu udah nya, Miya ninga rita kaban rapat Entakit, Remy mati tegal esiden ngena motosikal, naka meh penusah ati Entakit maya nya. Iya meda Entakit nyau baka urang ka gila nyabak ngenang penusah diri. Penusah direjik Miya empai lenyau padam, kaban iya ningal ka iya ari dunya tu ga. Miya nadai daya, peda iya aja Entakit. Dalam ati iya din, iya deka ngaum, meri peransang ngagai siku nya ngambi nerus pengidup enggau cakah tabah. Maya nyengai Remy ba rumah sida Remy, Miya semampai meda Entakit ari jauh, iya ukai nyabak ketegal remy, tang ketegal meda penusah Entakit. Puas iya ngendas ai mata ti semampai mansut ka diri enda alah ditagang Miya empu, kasih amai iya meda Entakit baka nya. Enda iya sanggup meda siku nya tusah merinsa kediri. Udah nya, linda ka ngachuk iya suba minta ampun ngagai iya, iya nusoi semua nya mina petenah iya aja ngambi Miya enggai ke Entakit. Miya laban ti nelap, madah nadai ngawa. Tambah mega semua cerita linda nya endang bisi pengamat.\\nPengudah nya, Entakit nadai ditemu Miya rita ngemai diri. Sebulan udah nya Miya nemu Entakit udah jauh nyemerai tasik besai ningal ka iya ngagai menua tasik ba London. Maya nya naka meh penganchur luluh ati Miya, baru iya deka narit jaku iya suba ti enggai ka Entakit, baru iya deka minta ampun ke penyalah iya, siku nya udah lenyau ningal ka iya, enda temu penunga di menua urang nadai bepadah. Dalam ati nyabak sinu ngenang, ai mata labuh keberai tanda penyayau nyau udah jauh dalam, sulu ati udah pegi jauh enda temu penunga naban ka pengerindu tebunsa ngapa. Anchur luluh dalam dada ingat ka pengasih enda terbantai, diatu ila enda temu ulih di tusut baru pengerindu danji lama. Kesal dalam ati ketegal pengerindu enda tepadah. Telih ti ditempa diri pedih agi ari telih laban urang bukai.\\nPangkung luceng jam sida Miya berting-ting, ngasuh iya terkenyit ari ngenang pengingat lama kisah chinta enda nyadi nyata enggau Entakit. Jam dinding nunjuk ka jam 11. Lapa meh pengingat nya datai baru, engka ketegal lemai tadi apai indai nyebut pasal kawin ko dalam ati Miya. Ai mata iya berasai nerusur nengah kuyu mimit, nyabak kekisi dalam ati ngenang iya ti udah nulak Entakit 7 taun ti udah. Dalam runding Miya din, kati meh gaya pengidup Entakit diatu. Kada meh Entakit agi ingat ka Miya. Kada meh Entakit agi sayau ka iya baka udah. Naka meh penyesal dalam ati iya din. Engka nadai juduh meh nya, engka dah atur petara.\\nSelalu tudah Miya bersampi ngagai petara ngicha ka seduai tau bertemu baru enda ngira maya, jam enggau alai. Ati iya din majak berandau kediri…\\n“Kasih meh ka aku tuk wai sulu ambu ati. Sampai mati beraie ngiga pengerindu ari nuan, lesi tubuh layu sulai nganti maya ulih begulai. Dinga meh sebana kumang ati nuan suba ti enda ulih mutar ke maya ulih begulai baru, sulu nuan ti udah dulu ngemula. Ditu aku selalu bersampi ngagai petara ngajih ke pengerindu tua bepun baru ari mula. Dini meh alai aku ngiga ganti pengasih sama baka nuan, penyiru ati baka nuan tajau disayau, dini meh aku ulih tetemu ke perening mata ti siru penuh enggau pengerindu dikembuan nuan. Taja nuan diatu nadai dipeda mata tang pengerindu nuan mengkang menuh ke peruji ati aku. Taja dunya bebali, pengerindu aku ke nuan enda putus enda luluh. Sema panjai seput idup ba dunya tu, aku agi tetap nganti, pulai meh wai sulu peraja mata. Ampun meh penyalah aku, ukai sengaja aku dulu ngemula ngelaya nuan suba. Amat tua enda betunga mua, enda betimpai mata tang nuan meruan diati… dikenang aku ninting ari.’’ Ko dalam ati iya din.. nyau enda berasai mata Miya nyau lelap tindok, ngujung ke pengingat lama iya malam nya padam tekala nya anyut di telan mimpi, nuju dunya ti enda nyata.\\nGENTERAN 7 GAWA NYADI LUTOR BA SPITAL SPESELIS NORMAH\\nKerebak ka mua empalua, mata panas udah jauh tinggi, perenching nyilau ka mata, bala mensia udah bekesegau bejalai kin kia. Nya ke tanda pengawa udah datai, duit ringgit mesti digiga, tanda mega siti agi hari endur begiga ka anak duit ringgit. Nya mega ka tanda seput tali nyawa siku-siku mensia agi redup-redup panjai umur. Kedai kupi mayuh udah terbuka tumu hari begiga ka anak jereki, berebut rebut ngelalu ka penatai sida pelangan. Sapa-sapa aja ka datai ngapil ngagai menua kuching, segi enda tau enda nguji ka pemakai ti pemadu popular menua sarawak baka mee kolok, laksa sarawak, Kek lapis enggau ikan terubuk. Enda tinggal mega mee kempua ka di kerindu ka mensia mayuh, kena ngering ka tulang ngirup pagi. Kereta nyau betusun ngalun ka kediri nengah kota kuching ti sibuk, nyau betekijap api kemudi tanda nekan brek ngetu-ngetu semut. Keda ka enda mereti enselepak masuk kanan kiba, nya ti ngasuh pagi ari chapuh inggar laban hon kereta. Nyangka nya ka berumban meh kini, enggai ka di anu bos datai ba upis. Sida ke bejalai kaki berumban-rumban nisi jalai, bisi nya gap, bisi nya enda endang bisi ajenda kediri empu. Bisi nya betekedayau beraban-raban bejalai menuh ka pasar kuching. Nya meh ke tanda Bandaraya Kuching udah chukup maju ari dulu, udah mansang nitih ka singkang arus dunya ke maya ari tu. Menua ditutu mensia di kelinggi reta pengaya, penyamai pengerai, pemerindang serta endur begiga anak penemu diperebut ke mensia rebak baru. Nya alai pasar ba kota Semarahan di sebut Desa Ilmu. Kati enda baka nya deh, laban pasar nya penuh enggau kolej swasta, politeknik enggau universiti perintah. Sapa sapa aja ke diau mendam dia deka ngasai ke penyamai idup. Ukai nya aja, Desa Ilmu enda entu jauh ari pasar kuching serta semak ari pasar-pasar bukai. Nyamai endur berbeli kebarang, begiga ke barang ka mudah serta narit ati. Nya alai mensia berebut berbeli ka rumah ti semak enggau genturung pendiau nya.\\nTisi nya bisi bangku sofa ti disedia ka bala hutel, kena sapa-sapa ti nginap nyuwa hutel sida. Nyau kepuas-puas dedegi Entakit pan duduk, ngenang nasip diri pengudah tu, berunding ka jalai pengidup ti enda sama enggau sida ba london din. Baka ka menua sarawak tu ukai menua iya agi, ukai alai iya ti ada ka meda dunya. Nitih ka ati sigi ka netap diau ba london, netap jadi kawin enggau indu urang putih. Beranak betelesak nyentuk ke ujung tali seput ba menua london, kota ti nyadi ka buah mulut semua mensia, laban kenu ka menua nya nadai utai ka nadai. Tang pengidup entakit berasai enda lantang bisi pengurang mayuh penimpang enti majak ka diri nguan kota london nyin. Enti ka purih anak iban chulin, ukai nya nadai bala iban ka nguan menua london, laban mayuh udah bisi ditemu entakit empu bangsa iban ka diau bisi rumah ke diri empu. Ukai nya nadai indu iban empu ka di ambi ka buah ati tangkai nyawa enggau nerus ke pengidup nampung seput ninggal ka purih pantih nitih ka adat dunya baru, dunya daya idup iban ke maya hari. Panjai anak runding bujang sempurai ke baru datai ari atas panggau mahligai ke nurun ka dunya nyelat sida bungsu megat peturun raja berani.\\nPegai siti sampul surat. Offer letter ari sepital HOSPITAL PAKAR NORMAH. Siti ari palan ti pakar tauka cakah dalam bidang perubatan ba kuching. Mangku pengawa nyadi lutor bedah. Setaun ti udah, Entakit udah bulih sijil master ari university of London, ditaga ka urang nyadi lutor pakar. Ari nya tadi nama tudah tuai dikalih ka nyadai Dr. Entakit Entinggi tauka Dr. EE. Dalam ati endang bangga, laban julok ati nyadi urang beguna udah alah pegai, udah sangkai ba tebing tanah seberai ka ngelama tu dikumbai aki enik enda alah gagai. Enda nunda ka sempama aki enik munya, baka tekura mantup ke diri ba bandir, reti nya utai ka digagai nyau enda alah, kira naka nya meh, tang ba runding entakit empu, sempama nya salah laban nadai utai enda alah ba dunya, munyi ko jaku aya tuai rumah, nuting imposiba.\\nSapa-sapa aja ngumbai pengidup entakit menyana, ngumbai pengidup iya lantang serta gerah. Amat pan baka nya, pengidup Entakit endang sibuk enggau pengawa belajar aja, nadai tau gagal ari pun sampai ka ujung. Ni tau gagal bala lutor, enti salah mimit nyawa mensia tau lenyau sulai nengelai lemai, tau midang mupuk lelang nitih ka aki enik ba menua batang madai, ka penyakai semua mensia. Pengapus seput anak uda endang di jari sida lutor, taja pan petara nentu ke semua. Nya alai pemandai penyikal enggau penemu lama bala lutor enda tau dibuai lengka ka sida pia aja. Udah graduation tauka nerima sijil, Entakit diterima nyadi lutor ba London. Ari pengelaman ngelama tu, mayuh macham pembedahan dah digaga iya. Apai iya meh chukup gaga maya majlis konvokesyen iya, ni enda anak iya udah sama taraf baka anak urang putih ka bukai. Anak pandai, megai pangkat lutor nya meh ko julok ati iya menya, nadai utai pemadu ke deka iya dalam dunya tu, enti enda deka meda bala anak iya pandai memagang, senang lantang lalu idup menyana. Enda ibuh meh pengidup iya tusah, nadai pendiau ketegal ngulih ka belanja kena ngulih ka duit ringgit, ati iya udah chukup lantang meda bala anak iya diatu udah mujur megai dunya nyadi mensia ke beguna.\\nDalam surat nya, Entakit dipinta ngejister diri enda tau laun ari ujung bulan tu, ujung bulan lima. Dalam surat mega madah ka iya udah disedia ka rumah ungkup bala lutor, sebarang maya ulih pindah. Sebarang maya ulih ngenatai ke diri lalu enggau bala lutor ke bukai mutar ke penusah menua diri empu. Semua utai tu endang sengaja ditempa bala pemesai sepital, lebih-lebih agi bala menteri ke selalu meri peransang jaku tesau ngagai bala anak menua sarawak pulai gawa ba menua diri, ngambi sama besaup ngemasang ngadu ke menua sarawak ka agi benung mansang. Lutor baka Entakit endang lama udah digiga sida. Selalu ngelama tu, bala pemesai spital selalu ngambi lutor bangsa urang putih datai gawa, tang maya tepeda ka nama siku anak iban ENTAKIT ANAK ENTINGGI, asal ari pelilih sarikei, top student ba universiti london, sida bela alit ati deka nemu pendiau anembiak siku nya. Maya tepeda ka profail Entakit, sida endang nemu nya urang asal ari sarawak, sekali ka bangsa iban tauka bangsa bidayuh, kati deh laban nama Entakit bisi ngundan “ANAK”. Berunding deka narit iya pulai gawa ngagai menua sarawak empu. Taja pia sida enda nemu bakani deka narit iya, laban Entakit nadai ati deka pulai, deka terus netap gawa ba din. Tang bala pemesai spital tetap madah kediri deka nganti pemutus ari iya, sebarang maya tau meh iya melapor.\\nAngkat ari nya, Entakit mupuk begadai nuju bilik mandi. Lembau isi dibai mandi pagi, asai ka tinduk agi, laban tubuh iya agi nitih ka gaya hari menua london de din. Enti menua Malaysia siang, menu london malam. Nya ti ngasuh iya lubah amat deka nunda nitih ka pendiau gaya hari menua Sarawak. Pengudah nya, iya nurun ngagai restoran hutel, ngirup pagi kena ngering ka isi. Palik ka dinding, bisi di kait ka sida jam dinding berimbai enggau gambar indu megai ai Tsingtao, iklan ke tau ngerusak pengidup bala pengirup. Jam nunjuk ka jam 7 pagi. Bala ke gawa agi kisuk ngelayang bala ke datai kia, servis endang di kembuan kompeni ke bedagang ka hutel. Ba tengah di sedia ka palan endur engkah pemakai pagi, bisi nya mee, asi gureng, ruti enggau ai irup. Pagi nya ngirup pagi endang nadai berbayar ditaga ka hutel ngagai sida ka nyuwa dia. Ulah mensia ka ngirup endang mayuh macham, bisi nya ke diri diri, bisi nya ngemai tawing lalu kedua nya sampal diri sebilik. Dinga Entakit apai tuai cina siku enggai badu-badu bejaku ngena talipun, dah ga nya full volium, inggar bendar asai ka ninga radio jaku cina, nyau kucau-kucau munyi semalau capuh. Sepiak iya siku indu urang putih, tengan umur megai surat khabar lalu ngirup teh tarik, kediri-diri baka iya nyangka iya nya pelancong ke deka meda rampa menua sarawak ditu.\\nKira jam 8.30 ka alai Entakit mupuk ari hutel. Sari nya Entakit ngena gari baju formal, reti nya ngena tali rekung, baju kot chelum, kasut kulit enggau tanchut panjai jenama polo. Saritu iya deka ngerejister diri, buring ga enti majak kediri-diri ba hutel nadai urang enggau bekaban. Depan hutel bisi kereta suwa udah nganti.\\n“ selamat pagi encik, saya boleh tulung hantar encik pegi mana-mana” ko apai tuai driba teksi\\n“pagi, hospital Normah” jaku Entakit seleka dua aja.\\n“oh. ya” ko Entakit nyua ka beg iya ngagai driba\\n“encik mauk buat apa pegi spital sana” ko apai tuai driba meda Entakit tak duduk enda memunyi, ngemai siku nya berandau.\\n“kerja” saut Entakit pandak baru\\nDalam kerita pasang ka radio Cats fm, jaku melayu. DJ hamzah kucah-kucah bejaku, ama jaku melayu ama nya jaku melayu sarawak. Bisi nya temu Entakit bisi nya enda. Empa pengelama enda kala jaku melayu. Enda lama udah nya, lagu iban di putar ka DJ cats ba churung ribut. Dinga lagu “hilary-pengingat lama dikenang” , taing-taing mechah ka sunyi dalam kereta.\\n“encik bansa iban ka”\\n“pia, aku pan iban mega, nama aku john, john rambor” ko apai tuai driba nya tadi ngelakun ka diri kena iya merindang Entakit ngambi ka dibai iya berandau.\\n“ pia aya rambor, hehe..emm..aku urang sarikei, nama aku Entakit..aya tu urang iban mega pia”\\n“auk, sangka aku urang laut dek tadi, nya meh jaku melayu. Kerja nama dek ba spital igat” ko apai tuai nya tadi ngena jaku basa bansa iban, ngigat ka iya. Enti tadi encik tang diatu laban sama nemu bansa diri jaku iban meh kena.\\n“ empai kerja aku tu aya, deka melapor aja”\\n“pia, enti udah melapor kerja nama nya ila” ko john ituk majak ituk nanya\\n“ aku kerja nyadi lutor bedah, tauka lutor pakar”\\n“apu…amai pama dek tu igat, nadai kala nemu kitai iban bisi nyadi lutor bedah baka dek tu, puji tuhan”\\n“ nadai nya deh aya, aku agi baru tu”\\n“ni nya enda igat, dek tu meh patut dipuji anak iban, tau gelar no.1 “\\n“haha..anang bangat muji aku dek aya john, engka ka nya enda ibuh dipuji, mayuh agi urang manah agi ari aku”\\n“kati ka enda deh igat, ukai nya nyamai ngiga lutor bansa iban baka dek tu. Ngelama tu lutor urang putih, ukai nya nemu jaku sida, lutor laut ni enda ambis kena anu sida ka enda nemu jaku sida. Enti bisi bansa diri nyadi lutor, ni enda nyamai tak jaku iban aja meh kena kami ka aki urang tu. Dek tu meh chunto anembiak iban ka dudi ari ila”\\nBakanya meh randau mimit seduai dalam kerita sampai ka datai ba spital. Sua Entakit rm100 ngagai aya nya taja tambang enda ngenyampau nya.\\n“encik, tumpang tanya, mana pejabat opis hospital ini. Maksud saya main office” ko tudah entakit bejaku melayu enda betul. Endang ka semua kitai iban bejaku melayu ngena jalai ti ngena. Nya meh dikumbai sida ke nemu, jaku melayu iban. Tang nya nadai ngawa laban nya jaku diguna ba sebelah pasar, dini-dini alai, lalu semua urang mereti ka jaku nya.\\n“emm..sebelum tu, apa tujuan encik maok datang pegi itu upis..” ko pak cik ka duduk ba mua alai tama spital\\n“saya maok melapor diri. Saya dapat kerja disini”\\n“oh..ok-ok..mari saya boleh tunjuk kan..ikut saya” Munyi jaku sida ka pejabat, ti enda entu ka ngelayan urang ke enda dikelala.\\nDatai ba upis. Entakit lalu ngelanda kerani ka benung kisuk nunga komputer, engka nya meda facebook kini. Kerani nya ngam-ngam duduk ba pun pintu masuk upis, nya meh Entakit ngiga jalai muntang nanya dia.\\n“halu, selamat pagi. Boleh saya tahu di mana pejabat pengarah hospital ini. Boleh saya jumpa dia sekarang”\\n“u means Datuk Dr. Robert. Di sana, u jalan ikut laluan ini, belok kanan. Lepas tu dihujung sekali ada nampak pintu warna biru. Itu lah dia, dekat-dekat dengan bilik mesyuarat”\\n“jap-jap..kalau encik nak jumpa dia sekarang, dia mungkin masih ada meeting sekarang. Tapi encik boleh jumpa PA dia dekat-dekat dengan pintu masuk bilik pengarah”\\nTuk..tuk..tuk..ketuk pintu serta nyilak ka daun pintu lalu nyenguk ke pala ngilah selepak pintu. Iya madah ka diri deka betemu enggau ketuai besai spital nya ngagai PA dia. Di peda PA nya natuk lumbor talipun ba mija, lalu bejaku madah ka bisi urang deka betemu.\\n“good, morning sir” (selamat pagi tuan)\\n“im Entakit, today i have to..” jaku Entakit enda apus, udah diputung Dr. Robert, bos besai spita normah. (aku entakit, saritu aku deka..)\\n“are u Entakit anak Entinggi” (dek entakit anak entinggi pia)\\n“yes..i am’’ (auk..aku meh )\\n“owh..now u really come here..so nice to meet u” ( owh..diatu dek nyadi datai kitu..rindu betemu enggau dek)\\n“nice to meet u too” ko saut Entakit ( rindu betemu enggau dek mega)\\n“are u iban” (dek iban ka)\\n“nama berita nuan, Entakit” ko dr robert kelalu gaga nyambut penatai Entakit. Ni enda gaga, laban enda percaya Entakit amai-amai setuju pindah ngagai spital sida. Laban udah bendar iya mujok entakit suba, ngambi nyadi team iya gawa dia. Nya tanda spital sida deka majak pakar agi, laban kenu ko iya Entakit ngemai penemu ari menua London. Ngemai penemu ke baru ti tau dikongsi ke sida lalu ulih mantu spital sida tebilang agi ditemu mensia mayuh.\\n“manah, nemu jaku iban pia nuan tu ar..”ko Entakit enda datai laban empai nemu nama siku nya\\n“ just call me dr Robert” (kanggau aja aku Dr. Robert)\\n“em.dr robert” sambil ngulur ka jari ngemai betabi jari ka tanda baru betemu.\\n“nemu ga ga mimit-mimit, well…welcome to the club…and thanks because u come and join us here as a dr. Entakit..” saut Dr. Robert ti berbangsa cina, laban teleba jaku iban enggau bala iban ti datai berubat dia.\\nKetungkah ari sari nya Entakit nyadi lutor ba spital nya ba bahagian pembedahan. Iya diberi siti rumah enda jauh ari nya. Pengidup besari-sari nyadi lutor endang udah nyadi asam garam ba pengidup iya, ninting ari endang sibuk, ninting ari gawa nyengulai bala bakih baru iya ti bukai. Entakit endang pandai ngereja pengawa, iya mega lutor bedah pemadu biak. Entakit sempat bekelala enggau bala sida ka gawa dia baka Dr. Lawrance, Dr. Wong, Dr. James enggau lutor indu urang putih dr. Jessica villary. Sida tu sama bela nyadi lutor bedah sama opis enggau entakit. Seminggu udah nya, baru entakit tetemu ka siku indu misi iban. Ari umba pendiau peda entakit, umur kira 23 agi biak. Asal ari kuching empu. Indu misi nya madah ka nama diri Vanessa, terubah seduai betemu maya makai lemai sida Upis. Vanessa tu umbas iya ga pemajik, maya tuchum ayan lesung pipit, ti ngasuh entakit geram meda deka nyubit kuyu ke pelu-pelu senaya bulan. Dalam ati enda kempang, nyangka bungai udah lama ditutu kesulai, takut ka tapang udah diwan rembia, enda alah di laya bujang kempang sulu urang. Ko dalam ati din nadai ngawa, peda aja anang ngempu.\\nTaja entakit bulih kontrek gawa ba spital Normah, iya ukai tak gawa dia aja, ama di bai, di panggil urang medah ba hospital besai kuching, laban enda chukup lutor ti landik ba hosptal nya. Kekadang suah mega entakit dipinta urang medah ba spital sebelah sarikei, sibu, bintulu enggau miri. Nya ti ngujung ka jam enda berasai jauh beputar, hari enda berasai jampat ngalih, tang entakit lalu empai ga tetemu ka indai iya ti lama udah jauh midang lelang nadai temu rita. Deka ga tudah bepesan dalam radio nunda ka leka lagu sebana penyanyi jenarino jeraki, bepesan ba radio, padah ka dini alai nuan diatu. Enda ga ati kempang minta tulung bala pulis begiga ka indai iya, enda alah di kumbai pulis mudi sida, laban tudah ka nadai rekod indai iya. Nya meh penusah ati anak ke udah tebuai ari pengasih indai, kia enggai kin pan enggai. Puas udah iya nyabar diri, medis ke pala ngasuh gila ngenang diri tak beli, bisi pemandai enda tegiga ka indai iya empu.\\nKerja baka enggi entakit nadai tau ilap mimit, enti ilap nyawa tau lenyau nitih ka sida aki enik ba batang mandai. Ama nya pedis, ama ga senang. Maya ti mujur bejalai ka pengawa bedah, ati dalam din chukup pengaga, tang maya enda mujur sida deka dituduh enda ngereja pengawa enggau manah. Kerja kekadang kena anu bala sida ti datai berubat, laban enda nitih ka utai ko sida, baka sida ti lebih nemu agi ari lutor. Bisi nya datai lalu ngelaya, bisi nya datai minta enggau sabak-sabak, bisi nya ngundang enggau tusah ati. Sida ti kaya, datai lalu ngulur duit ringgit, ngasuh ngintil diri jampat ka agi, alai diau pan bisi class, mandang ka dunya tu enda adil ko munyi jaku melayu. Sida nadai permisi, nganti dulu, nganti bisi sida ti sinu nulung mantu, sampai sanggup ngaga iklan ba surat khabar minta penyinu minta bantu. Ba spital siku ti sakit sampal siti bas datai ngundang, ngabas sida ti sakit. Ni enda ambis di anu bala misi laban ragak berandau, menuh ka wad spital. Ni enda, datai siku nanya, datai siku nanya lalu ngelaya, nuduh tudah ka sakit tak beli enda nyaga diri. Bujang bungas tauka bujang apai urang, mata sigi gining nengkila ka indau misi ka gawa, ko dalam ati din, bajik amat ga misi tu, sayau meh enda bempu. Maya malam betegaring bala mensia tindok ba kaki lima spital, seraya ka nguan bala diri. Macham ulah dipeda entakit ba spital. Ama sinu meh dalam ati iya din, kasih meda diri sebangsa di tuntong penusah.\\nEntakit nyau enda pengerah baka dulu, mayuh agi iya fokus, kurang bejaku lalu serius. Entakit ke diatu nyau jauh berubah, iya ukai Entakit ti dulu, iya diatu nyau smart, nadai cincai bekena ka jeans carik sebelah patung, buk nadai agi becurak perang panjai sampai rekung baka ka udah-udah. Gamal enda memusu agi, nadai baka ringin pulai mansai, tubuh dijaga manah, ninting ari enti ulih ngagai endur Gym. Perut nadai rerutu baka perut ikan buntal. Diatu iya mega nyau nadai mayuh macham agi umba udah megai pelajar pangkat master degree. Pendiau iya lebih di tuju ngagai kerja. Iya nyau enda masau jam lepak sengapa. Kereta dikena endang kereta menua tasik, lawa-lawa nunjuk ka diri urang pemisi besai gaji. Baju gari enda sengapa endang semua bejenama, ngambi manding dipeda.\\nEnti enda di pejal apai iya suba, enggai iya nyadi lutor, ka agi iya belajar pengawa dagang. Nyau pemuas Entakit majak nendur runding diri, nerima aja peminta apai ti ngasuh iya nyadi lutor. Ari pengeransing diri, diatu iya udah bulih nama baru Dr. Entakit. Sapa-sapa aja nemu nama nya, endang temegah ati laban kenu ko ati sida din, sida tu tau merubat urang ti sakit. Tau ngidup ka sida ka nadai daya agi. Tau nemu macham penyakit ti enda di temu urang sengapa, penyakit ke nyau enda alah bala manang. Bakanya meh pengidup Entakit, iya nadai ngembuan pengidup normal baka urang bukai, iya mesti ransing ati gawa, enda ulih tentu enjoy sebarang endur . Sebarang maya deka di kangau pulai ngagai spital, enda ngira nya malam, pagi , ujung minggu enggau cuti. Ka enda nyawa ga di intu sida. Idup enda tentu bebas.\\nGENTERAN 8 PENGINGAT PENGASIH INDAI\\nPemulai Entakit ka menua sarawak endang ngundan reti ti amat besai ba pengidup iya. Iya ke bendar ukai nerima tawaran nyadi lutor enggau ati ti amat-amat. Iya sengaja mindah ka sarawak laban ti deka ngiga indai kandung iya empu, ukai pulai setegal deka gawa, kapa iya gawa menua sarawak ditu, gaji ukai nya sama besai enggau menua tasik. Tambah mega ditu ukai nya maju endar, enda sebaka menua London. Beberapa bulan ti udah iya bisi ninga berita ari kaban iya ngena emel, indai iya bisi di temu diau ba kuching. Tang dini alai iya ngenduh enda ga temu. Nya meh ti ngasuh ati Entakit berasai deka nemu, deka ngiga, deka mansik gaya pengidup indai iya.\\nMaya umur Entakit manggai 12 taun, apai enggau indai iya sarak ketegal apai iya enda tejaga ka ruang bilik sida, selalu enda betah diau ba rumah. Seduai suah belaya nyau enda sepenemu. Sida 3 madi di bai apai iya, Entinggi mindah rari ari indai iya. Laban ka bisi pemandai bisi duit apai sida ngambi luyar kena ngulih ka kuasa bempu ka sida tiga madi. Ba pengingat Entakit empu, maya nya siku da madi sida ti pemadu biak di ibun indai iya, ti berumur setaun. Udah ke beserara sida lalu nadai kala bertemu enggau indai sida agi. Enti sida nyebut nama indai sida, Entinggi nganu sida.\\nSida tiga besai nadai pengasih indai, urang bukai bisi indai, sida tiga bisi enik sida aja. Ukai nya sama deh pengasih indai kandung diri ari urang bukai. Enik pan ukai nya baka indai diri. Suah sida di elak ka enik sida pia aja, ngadu ka diri. Lebuh maya lapar, kin ke kebun begiga ka buah enggau utai empa bukai. Buah lemba, kemunting, pisang gentu, buah letup nya meh selalu digiga kena ngalas perut. Maya bisi kemarau, empulut burung nya endang hubi Entakit, laban kenyang bepakai ka burung, bulih aja lalu tunu empa.\\nEntakit endang selalu meraya ka kasih sayau ari indai iya, deka makai lauk panduk indai iya baka urang bukai, bisi ngibun iya maya iya sakit lengit, bisi endur bedawa penusah ati diri. Iya ka meh nunda urang bukai betusi ka lekajaku “legi aku nusi ngagai indai aku, dek ngaga aku bakanya” maya belaya diri sebala. Dini tan bakatu belama ko dalam ati Entakit.\\nUrang bukai enti ba sekula di anu bala kaban kini, bala pengajar, bisi alai endur nusi madah ka diri digaga urang baka nya. Ka nusi ngagai enik sida, enik sida ka agi nganu sida ngumbai sida nadai peneguh ati, kumbai enik sida enda tan ati. Enti maya belaya enggau bala betunggal sida, suah agi sida entakit salah ba enik sida, laban kenu ko enik sida, sida tiga menyadi murih ka apai sida pama memegang. Maya makai suah agi sida di nah ka enik sida pemakai ka enda nyamai, enik sida endang papas ati. Nya alai sida tiga madi besai enggau ati kering laban teleba di tempaya ka enik sengapa.\\nApai sida selalu nadai diau ba rumah, laban selalu kerja traveling ngagai menua bukai. Enti sida nusi ngagai apai sida, sida di embal ka apai sida agi. Ni enda sida aus pengerindu indai sida. Nya meh pengidup Entakit berasai timpang ketegal nadai indai. Naka meh pengempang apai sida nyerara sida ari indai sida. Ni enda tudah nyau tergantung kampar nadai indai ngibun ngerekun. Air mata semampai labuh belama ngenang diri merinsa, enti meda urang bukai begulai enggau indai sida, dalam ati din jeles meh nya. Di peda ari luar Entakit endang teguh, kering berani, pintar tegal, pandai jelai rita, kering semengat, senang lantang..tang dalam ati iya din merinsa, puang, lemi ketegal jauh enda segulai enggau indai.\\nDiatu nyau berapa belas taun udah sida beserara, Entakit nyau ngembuan ati ti deka nemu dini alai indai iya diatu, iya deka betemu betungga mua, bertimpai berimbai betemu mata, bejaku enggau indai iya baka ti dulu menya. kada meh indai iya agi ngelala iya, kada meh indai iya agi ngambu iya nyadi ka anak iya. Nuai ni meh indai sida diatu, agi gerai ka enda kini, lalu mayuh macham tanda tanya ngerandau ati iya din. Kempang amat indai sida nadai kala nyenguk iya agi ngelama tu. Kempang amat indai sida enda ingat ka sida, enda ibuh ke sida, nadai ngundang midang pia aja. Taja pia sida madi bela nadai siku nyalah indai sida, nyema ila indai iya enggai nerima sida, sida enda ngenggai.\\nPenatai ba sarawak ati iya asai ka sinu ngapa nadai utai negu, ngenati ka kini penunga indai sida. Sebulan tu, ati Entakit bisi regau laban nyau enda sabar agi deka betemu enggau indai sida. Malam asai ka enggai tinduk, malam di ambi mimpi kemayang lama menya indai iya. Gambar sida sebilik ka suba agi meruan disimpan iya, kena iya ngingat ka indai sida. Tang sayau meh gambar nya makin lama makin pudar, ngumba ka kalih singkang dunya.\\nSetaun ti udah, ba siti gereja katolik ba London, apai iya Entinggi udah mujur kawin baru enggau indu urang putih. Sida tiga menyadi pan sama bisi datai ngulu pengerami nya. Naka meh pengaga apai iya udah ulih niri ka rumah tangga baru. Mimit nadai meh ngenang temawai lama bini iya suba. Apai iya mega udah netap ka diri deka terus diau ba London sampai ka pengabis seput. Sida entakit menyadi nadai nagang apai sida, tang mina nyukung laban kasih ka apai sida ti lama udah duda. Apai sida pan bisi ati deka bepangan baru, bisi ati deka bisi kaling enggau bekaling, diau serumah makai segulai.\\nMenyadi entakit, Ensibun udah mujur muka bisnes ka diri empu ba London, lalu diatu nyadi tokey besai, empu kompeni ngaga rumah, andau enggau mayuh macham pengawa ti besangkut paut. Menyadi indu iya, Entagi agi benung nyambung pelajar degree dalam bidang microbiologi dan teknologi. Sida semadi endang purih pantih urang ti pandai. Diatu sida sama bela menyana magang lalu nyau tau ngadu ka diri. Ensibun udah bisi anak siku, jadi enggau indu iban ti diau ba London mega. Entagi laban ti jampat diatu udah bisi tunang, enggau urang putih, alexson nama iya, siku ari pemesai ba kompeni ngaga kereta. Reti nya sida sebilik udah mujur dalam batang pengidup. Mina entakit aja agi terkapa-kapa, agi begantung kediri-diri nadai pangan laban ti kelalu teguh dalam pengawa.\\nAmat meh bisi indu ribai deka ngemai beambai, tang entakit seruran madah diri empai. Enti nitih ka penyunyi diau ka diri, kekesat meh ati deka ngiga sulu, enggau bungah besari-sari. Tang meh bangat nyadi, kitai deka urang ga enggai. Merinsa amat ga ngembuan ati kelalu milih, enggai enda ngiga ambai kedeka nitih ka pengelebih. Gawa nyadi lutor, mayuh pengawa deka diperunding ka, mayuh utai deka diaduka, nya meh nadai ari deka begiga ka kumang pengibun tangkai nyawa, dara pengawan rumah tangga. Kala maya Entakit berunding, engka empai maya meh nya, nganti taun siti nyin ngiga ambai, datai taun nya, empai ga bisi, udah nya majak nganti meh, kada enda kena keduan antu nyadi bujang sampai ka tuai.\\nGENTERAN 9 MIYA ENGGAU IBUK JELIA\\nKira seminggu miya udah kerja, udah bekau ka cuti empai lama, pengawa iya majak betambah, laban bos sida deka trabeling keluar, mayuh pengawa enda tau enda digaga enggau lengkas, enggai ka nadai urang sain ngemendar ka surat. Tiap hari endang pulai laun belama, tang miya enda ngeransi laban ti selalu befikiran positif, ukai nyenyamai iya minta pengawa nya suba. Iya ukai baka urang bukai, sebedau bulih kerja berdanji setuju gawa lebih masa maya interview tang dah bulih kerja, kerja selalu ngeransi, selalu ngular. Sekali iya pulai laun, iya terkenyit dalam upis bekau ditanya indai tuai siku.\\n“ Cik..cik” ku munyi nyawa nyapa, datai ari tunga belakang Miya.\\n“arr..opocot !!!” ko miya terkenyit lalat\\n“sori..sori..sori” ko indai tuai nya, kerja cleaner dia.\\n“mak cik ni..terkejut kita tau”\\n“ada apa mak cik”\\n“tak ada apa-apa. Tadi mak cik tengok anak ni di dalam, jadi mak cik ingat nak hantar ini barang, di mana meja Puan Kartini. Dia suruh mak cik hantar barang dia pada meja dia”\\n“em..di sana mak cik, tu belakang sekali, sebelah kanan, dekat almari putih tu..” sambil nunjuk ka jari.\\nPengudah nya, kira jam 7 lemai, miya pansut lalu nutup upis sida. Bejalai ngagai bas stop nganti bas deka pulai nuju rumah sida, las bas ko jaku maya ari. Nyau semak, Miya tepeda ka baru ibuk nya tadi, duduk kediri-diri, megai kambut kerus ti ngundan sayur, engka baru pulai maket meh nya ko randau ati miya kediri din. Ngelama tu iya enda kala meda indai tuai nya gawa ba upis sida. Pemuas-muas, iya mansang deka nanya, ngemai berandau kasih meda indai tuai nya tadi.\\n“hi mak cik, boleh saya duduk sini” ko miya nanya seraya ka nguji deka duduk ngerimbai ibuk ka ba mua iya nya. Laban ka nadai urang bukai dia, enggai enda enggai tanya iya meg ibuk nya tadi.\\n“duduk nak” ko ibuk nya tadi ngasuh duduk nisi iya, nepas-nepas penuduk bangku stisen bas dia.\\n“tima kasih, mak cik tunggu bas ?” bedau sempat miya ngabis ka jaku, talipun iya bemunyi. “ halu..” miya ngangkat ka talipun.\\n“dini dek diatu dara jedun..haha” ko Tina, ka serumah enggau iya, nundi miya enggau kangau jedun. Enda nyadi pengawa pama enda betundi ba sida sama dara, ketawa, nundi pangan diri. Jedun nya kanggau indu beli ba sida semenua.\\n“ek..agi bedau nganti bas tu, nama deh dara jedun, ka endar begiga ka urang”\\n“nya iya ka bula-bula..kada enda diting enggau sulu ati iya deh. Aku nemu dek ka endar berahsia-rahsia, laban ka ngempu nengali”\\n“apu..ni aku kala bisi sulu ati. Nah bujang apai urang enggai ka aku tu.”\\n“haha ni nemu.. Nadai nya salah deh..anang aja naban ka laki urang”\\n“Ka iya laki urang pan, enti ati keran..” ko miya, ngeranjur ka siku nya..\\n“Nama hal dek kol aku deh..nya ka endar kurius ngagai pengawa aku” ko miya ngelimpang ka jaku seduai..Kurius tu jaku pasar ka dikena anembiak baru ngeluba ka diri landik jaku ribai ti ngundan reti curious tauka ulah siku-siku mensia ka endar nemu utai.\\n“miya legi meli ka kitai gula dek lagi auk, dah abis gula kitai. Siti dah agi meli lauk ka kitai mega. Beli ka Hotdog enggau ikan tau meh. Nemu ku dek sigi ngetu ba market legi..haha”\\n“ ee..nyamai-nyamai ngasuh urang..auk meh legi ga aku meli”\\n“anang auk auk ar ..beli..nadai kena ngirup kupi pagila”\\n“auk Mem..” ko miya lalu nutup talipun seraya ka malik baru ngagai ibuk ka nisi iya nya. Mantai ka tuchum lelegup, tuchum ti digaga-gaga kena ngenyamai ati urang ka meda.\\n“iban dek endu” ko indai tuai sepiak iya nya tadi pengudah ninga miya bejaku ngena talipun.\\n“auk..kati dek ibuk, iban ga”\\n“auk endu, badu dek ngangau ka mak cik agi..kangau ka aku ibuk aja auk endu”\\n“emm..auk meh ibuk..nama aku miya, datai ari sarikai”\\n“pia..aku Jelia Entema.ibuk Jelia tau meh ngangau ka aku”\\n“pia..dini ibuk diau..ba kuching ditu ka”\\n“auk endu, lama udah aku netap ditu”\\n“ibuk..kati aku enda kala meda ibuk gawa ba upis kami ngelama tu”\\n���aku selalu ga meda kita anak, ngelala kita ba upis, tang enda kempang nanya kita. Aku jarang gawa ba upis endur kita, tang ba upis tingkat baruh aja..nyapu sampah, ngumbul uras lalu nuchi rumah jamban ba baruh aja. Kadang-kadang gawa ba taman mega. Nya alai endu enda kala meda aku..lama aku udah gawa ditu, nyau semak 7 taun”\\n“pia..amat lama nya ibuk. Patut lah enda kala ngelala ibuk tu..tambah mega aku selalu sibuk ba upis”\\n“nya bas aku ibuk, mupuk dulu aku” ko miya lalu angkat\\n“nadai ko enggau meh”\\nTengah hari perut berasai lapar, jam udah nunjuk ka pukul 1 ngalih hari, miya empai ga ngetu naip kerja ti disuruh bos sida. Bala kaban upis iya ka bukai nyau udah ngetu memagang, engka udah makai ba restoran kini. Puas berunding miya lalu nurun nengah lif, ngelawa kantin. Datai ba kantin, iya bisi terpeda ka ibuk Jelia ka baru bekelala enggau iya kemari.\\n“udah makai dek endu” Ko ibuk jelia dulu ngangau seraya ka tepeda ka Miya datai kediri-diri mantai ka tuchum.\\n“bedau ibuk, ka meli pemakai meh aku tu”\\n“ditu endu makai enggau aku”\\n“anang guai meh, nganti aku meli pemakai dulu”\\n“auk, anang lama, nyau begeriuk perut tu.”\\nUdah nya seduai sama makai begulai ba siti mija. Ka mimit aja urang makai dia tengah hari nya. Engka nyau leju kini bala staff upis makai dia. Miya laban ti nadai endur limpang, ka enggai pan makai dia aja. Pansut ke pasar makai nunda urang jauh nya, laban tudah ka nadai kereta. Nya meh tiap hari ngetu ba upis belama, enti bala bukai nadai ngemai makai ba kedai cina.\\n“tu endu lauk bai aku ari rumah tadi, daun kemiding gureng gulai pusu. Tu manuk panduk rebus enti dek ka” Ko ibuk jelia mantai ka Tapau bai iya tengah hari nya.\\n“apu..nyamai amat sayur tu ibuk..ka ga aku..lama amat enda kala makai lauk panduk stail kampung”\\n“nya..ngambi endu, enda alah aku kediri nya. Kelalu mayuh panduk endu ba rumah tadi”\\n“auk ibuk..enggi aku tu beri ka dek ga ibuk”\\n“enda ibuk endu, udah kenyang aku tu”\\nPengudah nya miya bekaban enggau ibuk Jelia nya. Diatu nyau baka ka indai iya ibuk nya. Miya rindu amai nyengulai urang tuai baka ibuk nya, seduai selalu betukar-tukar lauk. Kadang-kadang ibuk nya di bai miya makai ba restoran, nyau abis terbai dagin manuk laban ibuk nya, laban enda teleba bekena ka pisau enggau sudu ba restoran. Nya ti ngasuh seduai sama bela ketawa. Ibuk nya dipeda miya nelap ati, nyamai di bai bejaku, jaku pan begadai-gadai ensuruk. Tang peda miya ibuk nya endang ngembuan ati ti merinsa, agi kerja sampai ka tuai. Ari randau seduai ibuk nya lama udah di buai laki, diatu iya janda lalu bisi anak indu siku ti agi benung sekula. Maya sembayang ba gereja SECRET HEART ba kuching, seduai nyau baka indai enggau anak, duduk ngampun penyalah diri ba paderi.\\nGENTERAN 10 AYAS KEMAYANG AMBAI BUJANG ATI MIYA NGEREGAU\\nLebuh lemai ari, ujan turun mesi-mesi, sida Miya serumah benung kachuh ragak bertundi pangan diri. Dalam parit engkatak majak rauh-rauh ngangau ka ujan, sama bela nyapuh ka lemai ti chelap nya. Burung cap rumah agi ciap-ciap ba atas perabung, chelap lalu ngisai ka ai ari bulu diri. Jauh ujung nyin, agi ulih dipeda senaya kilap api FunFair ujung minggu. Belakang rumah agi bisi di dinga indu ngingit rauh-rauh ngumba ka malam. Rumah sepiak degum-degum, karaoke lagu Timothy-kerimpak kaca lauya. Tv bejaku kediri di lak ka sida ba ruang tamu, ngayan ka cerita bala doraemon benung terebai. Tina agi bebasu ka pingai mangkuk sepengudah sida makai lemai, laban lemai nya gintir iya bebasu. Eda agi mandi ba bilik mandi sambil belagu lagu Joyse Menti-Bujang Simunjan, laban ka benung nanggam pengerindu enggau Jiram, ti benung nyadi sedadu ba kem penrisen kuching. Sida miya serumah bisi 5 iku, ianya Miya empu, Tina, Eda,Levia enggau Susie. Rumah nya di suwa sida kungsi.\\n“ nama gaga dek dia susie, tak kediri-diri tuchum baka urang gila. Bahagia endar. Bisi endar utai temu iya ba pasar tadi belaba aku, kada enda nguntik apek nyual surat kabar ba stisin bas iya tu kini.haha”\\n“eah ni ka..meda gambar kitai bejalai ngagai wisma seberkas empai lama”\\n“pia..endai kemaya dek nuchi gambar tu deh”\\n“tadi, maya ka ngetu kerja tengah hari tadi”\\n“mayuh endar ga tuchi dek tu”\\n“emm sa indai ngasuh ngirum gambar ke menua, sida nyau lelenggau ka aku kini, kedua ka dikirum ngagai sulu ati aku..hehe..”\\n“auk pia.., iga ga nya jampat amat lelenggau..enda ka dek baru datai cuti sebulan ti udah”\\n“ba ia sida indai..baka ka setaun aku tu enda pulai”\\n“meda gambar dek nya ar..bai kitu ka”\\n“nya peda dek, ablum siti nya, ia ka udah dipeda aku”\\nMiya lalu ngambi ablum gambar nya. Silak pajak nyilak, meda gambar sida lima dara bejalai nyukat wisma seberkas empai lama. Sida ke bukai nya sama kerja nyadi kerani ba kompeni ti sama, mina miya aja gawa perintah. Peda siti gambar sida, sama bela mantai ka aksi jegit sida, nya ngasuh ketawa. Peda ga gambar siti, tuchum ga meda ulah digaga. Pemuas miya nyilak ka gambar, iya bisi tepeda ka gambar sida ti benung nepan lif tangga. Gambar nya di ambi maya sida nurun. Lama iya merati ka gambar nya. Ba belakang sida, iya bisi tepeda siku lelaki ti sama masuk kena snap dalam gambar nya. Lelaki nya ngam-ngam belakang susie, cun-cun masuk dalam gambar ayan ari paras dada ka atas benung malik ke bukai.\\nMiya asai ka ngelala asai ka enda lelaki nya. Peda iya ga gambar siti da agi, lelaki nya malik ka mua. Lelaki nya numbas amai gamar ayas mua entakit di peda iya. Ati miya berasai enda lantang. Dalam ati pan nyima kediri, kada enda entakit nya deh. Enda puas meda nya, peda iya ga gambar siti da agi. Peda miya gambar lelaki nya endang ngam-ngam baka entakit. Runding iya majak berandau kediri betati ka pengingat lama suba. Kena iya ngenyamai ka ati diri, engka ilap mata aku kini, nyangka pelanduk dua sebaka. Dini siku nya bisi ditu agi, kada enda udah ngait ke diri ba lelegit puchok tapang, palan tinggi sida ribai menua london dedin.\\nMalam nya mata iya enggai tinduk, ayas entakit majak mansut ka diri ba runding ngepai-ngepai minta ambi. Asai tepeda ka ayas kemayang pengerindu seduai iya menya, maya umur agi berangkat bujang dara suba, ngingat ka maya begulai sejalai saum sekunsi siti pengerindu. Lapa meh ayas nya majak beduan iya ko dalam ati iya din. Engka laban pengerindu ati iya din agi nyimpan nama siku nya, agi sayau ka siku nya. Agi ngarap benih lama tau tumbuh nyadi baru, lebat bebuah baka benih padi ti baru. Ukai nya aja, miya udah berasai salah laban udah nipu siku nya suba, udah nelih ka ati siku nya.\\nNgelama tu iya endang selalu besampi ngagai petara ngambi seduai tau betemu baru. Miya berasai takut serta malu deka natap betemu enggau siku nya. Iya bekira-kira nama utai patut dikejaku ka iya enti seduai betemu ila, taja iya empai pasti gambar nya tadi amat-amat entakit tauka urang bukai. Tauka mina iya ti nyima kediri. Iya semampai ngarap ka entakit ulih ngampun ka iya, nadai bedendam ka iya. Kada meh siku nya agi pechaya ka iya baru baka ke dulu, baka ka udah rambau sida sekula menya. Tang ari sima ati iya kediri, enda patut entakit agi bujang diatu, nyangka udah bisi bini anak entakit. Pengelama tujuh taun, macham-macham utai tau nyadi, tang laban pengarap ati iya din teguh, sanggup iya nguji nunggu siku nya, biar sampai mati, enda ngira nama utai ti deka nyadi.\\nEnti nyema seduai betemu ila, Miya deka beterus terang ngagai entakit, taja pan maya nya seduai tuai sama tuai. Taja pan entakit maya nya udah bisi rumah tangga, miya tetap enda peduli, ka dilaya bini urang , iya sigi tetap deka ngerandau siku nya madah ka chinta iya suba. Chinta buah pengerindu seduai menya ukai mina pura-pura, tang chinta udah di tanchang teguh jauh dalam ati iya din. Taja mega maya nya nadai pengerindu dalam dada, pengerindu ti luluh lela nitih ka umur seduai.\\nTaja tali rutan udah putus, deka ditanchang ka Miya baru, amat ia enda sebaka baka ke udah, jauh beda repa jalai umai. Enda ibuh ka bempu, asal aja meh entakit nemu iya endang amai keran suba udah chukup ba miya, enti nyema entakit udah beruang bilik. Ngambi pangan iya nya suba, nemu rahsia ati iya suba, ka ditaruh jauh dalam lubang batu. Tang kemaya meh seduai ulih betemu baru, kada enda sampai ka parai baru betemu ba sorga. Ba sorga kada meh seduai agi ulih betemu deh, ni nemu siku antara seduai engka nya masuk neraka deh.\\nDalam ati miya din majak takut, takut lalu enda tetemu ka siku nya agi. Sampai ni maya agi iya agi ulih nganti siku nya, nganti urang ti nadai semaya pulai baru, nadai danji deka betemu, aum ti nadai pengunjung. Berapa lama agi diri sanggup nganti sekali ka nya setaun, dua taun tauka sampai ka maya betemu. “Enda alah aku majak nganti, umur majak tuai, apai enggau indai pan nyau majak nanya kemaya meh aku tu belaki”. Kadang-kadang bisi asai dalam ati iya din putus pengarap, nerima aja sapa sapa aja lelaki ti amat-amat ka nerima iya ka bini. Nerima aja laki pilih orang tuai iya, tauka nitih ka nasib atur beri petara. Tang ukai nya nyamai deh nyengulai laki ti ukai ka deka ati, kada enda lelaki penyamah deh, kada enda laki enda menyana deh. Enda alah di kemula ka baka sa endu buah rungan, sebedau jadi madah ka diri nyadi sedadu, tang udah jadi nemu nya sedadu bala taukey nio ngaga rumah, kerja kontrek. Puas meh miya ngining meda sida endun buah entimun diting bepegai jari raun ba taman bungai, lalu mansut lekajaku pemadu manis, ti tau ngasuh hari apus enda berasai nyau lemai, nyentuk ka malam enggai pulai.\\nBETAMPUNG BARU… SORRY MEH LAMA NGANTI…\\n68 thoughts on “Novel Iban”\\nDni bc nyual tu? Bc di chelak? Ka meli\\nDini bulih novel tok.lama nganti tampung ea.belala.\\nGeorceon George says:\\n06\/04\/2018 at 05:39\\nBisi dicelak nyadi bub jerita nuan tu tuan? enti bisi deka aku meli. manah jerita tu. arap selalu mujur.","num_words":15439,"character_repetition_ratio":0.034,"word_repetition_ratio":0.0,"special_characters_ratio":0.207,"stopwords_ratio":0.192,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 41 BK - Dua taun udah bekau nya, raja menua - Bible Search\\nPemungkal 40 Pemungkal 42\\nJosep Nerangka Reti Mimpi Raja\\n1Dua taun udah bekau nya, raja menua Ejip bemimpi asai ke bediri ba tebing Sungai Nile, 2lalu tujuh iku sapi ti indu ke gemu sereta manah gaya, pansut ari sungai nya, lalu belabuh ngulam rumput. 3Udah nya tujuh iku sapi ti bukai pansut. Sida tu kurus, datai ke tulang sida nyau ayan. Sida datai lalu bediri ngimbai sapi ti bukai nya ba tebing sungai nya. 4Sapi ti kurus nya lalu makai sapi ti gemu. Udah nya raja lalu tedani. 5Iya tinduk baru, lalu bemimpi baru. Tujuh iti tangkai gandum ti perisi sereta mansau bisi ba sebatang gandum. 6Udah nya tujuh iti tangkai gandum ti bukai tumbuh. Sida tu upang sereta layu laban sida dipuputka ribut ti datai ari menua puang. 7Tangkai tujuh iti ti upang nya lalu nelan tujuh iti tangkai ti perisi. Raja lalu tedani. Nya baru iya nemu diri udah bemimpi. 8 Pagi nya iya irau ati. Nya alai iya mesanka semua orang ke tau keramat, enggau semua orang ke bepenemu-dalam di menua Ejip. Iya madahka mimpi iya ngagai sida, tang nadai siku sida ulih nerangka reti mimpi nya ngagai iya.\\n9Udah nya orang ke mai mangkuk wain raja lalu bejaku enggau raja, “Aku enggai enda ngaku sehari tu, aku udah salah. 10Nuan udah ringat ngagai kepala orang ke ngaga roti, enggau ngagai aku, lalu nutup kami duai dalam rumah jil, ba rumah kepala orang ke nyaga istana. 11Nyadi sekali, kami duai sama bisi mimpi, lalu mimpi nya enda sebaka reti. 12Siku orang Hebrew, ti agi biak umur, bisi dia enggau kami. Iya tu nyadi kepala ulun ke orang ke nyaga istana. Kami duai madahka mimpi kami duai ngagai iya, lalu iya nerangka reti mimpi nya ngagai kami duai. 13Utai ti ku iya udah nyadi magang. Nuan udah ngasuh aku pulai baru ngagai pengawa aku, lalu kepala orang ke ngaga roti ke raja, udah dibunuh.”\\n14Raja lalu mesanka Josep. Josep lalu tekala nya dibai ari rumah jil. Lebuh iya udah ngukur ragum iya, lalu nukar gari iya, iya lalu mansang betemu enggau raja. 15Raja lalu bejaku enggau iya, “Aku bisi mimpi, tang nadai siku orang ulih nerangka reti mimpi nya. Orang bisi udah madahka nuan nemu nerangka reti mimpi.”\\n16Disaut Josep, “Aku enda nemu nerangka reti mimpi, Tuan Raja, tang Allah Taala deka nerangka reti mimpi nya enggau betul.”\\n17Ku raja, “Aku bemimpi asai ke bediri ba tebing Sungai Nile, 18lalu tujuh iku sapi ti indu ke gemu sereta manah gaya, pansut ari sungai nya, lalu belabuh ngulam rumput. 19Udah nya tujuh iku agi sapi ti indu pansut. Sida tu kurus datai ke sida nyau ayan tulang. Nadai aku kala meda sapi ngemalat nya kurus di menua Ejip. 20Sapi ti kurus nya lalu makai sapi ti gemu, 21tang nadai orang nemu nya udah nyadi, laban sapi ti kurus nya agi mengkang kurus baka ke sebedau nya. Udah nya aku lalu tedani. 22Aku mega bemimpi meda tujuh iti tangkai gandum ti perisi sereta mansau ba siti batang gandum. 23Udah nya tujuh iti tangkai gandum tumbuh. Tangkai tu upang sereta layu laban sida dipuputka ribut ti datai ari menua puang. 24Tangkai gandum ti upang nya lalu nelan tangkai gandum ti perisi. Aku udah madahka mimpi nya ngagai orang ke tau keramat, tang nadai siku sida ulih nerangka reti mimpi nya ngagai aku.”\\n25Ku Josep bejaku enggau raja, “Mimpi dua bengkah nya sama sebaka reti. Allah Taala udah madahka ngagai nuan utai ti deka dikereja Iya. 26Sapi tujuh iku ti gemu nya tujuh taun, lalu tujuh iti tangkai gandum ti perisi nya mega tujuh taun. Utai nya sama sebaka reti. 27Sapi tujuh iku ti kurus nya, ti datai dudi, enggau tujuh iti tangkai gandum ti upang nya tujuh taun lapar pungkang. 28Utai tu munyi ti udah dipadahka aku ngagai nuan: Allah Taala udah madahka ngagai nuan utai ti deka dikereja Iya. 29Dalam tujuh taun, orang deka bulih mayuh utai di serata menua Ejip. 30Udah nya, tujuh taun lapar pungkang deka nyadi, datai ke orang nyau nadai agi teingatka taun sida bulih utai, laban lapar pungkang nya deka ngerusak menua tu. 31Orang nyau enda agi teingatka maya sida udah bulih utai, laban lapar pungkang ti ngentudika nya deka balat amat ngasuh sida merinsa. 32Mimpi nuan ti betandu baka nya, nunjukka utai tu udah diletak Allah Taala, lalu Iya deka ngasuh utai nya nyadi enda lama da agi.\\n33“Diatu nuan patut milih orang siku ti pintar sereta bepenemu-dalam, lalu ngasuh iya nyadi tuai megai menua tu. 34Nuan mega enda tau enda ngeletak bala pemesai ti bukai, lalu ngambi dua puluh peratus ari semua utai ti ulih ari umai, dalam tujuh taun sida ke bulih utai. 35Asuh sida ngumpul semua pemakai nya dalam taun orang ke bulih utai ti deka datai tu, lalu beri sida kuasa nyimpan gandum nya dalam semua nengeri, lalu nyaga utai nya. 36Pemakai nya deka digalau ke menua tu, ngambika bisi diempa dalam tujuh taun lapar pungkang nya nyadi di menua Ejip, ngambika orang mayuh enda mati keberuran.”\\nJosep Diletak Nyadi Gabenor Menua Ejip\\n37Raja enggau bala pemesai iya lalu ngemendarka pelan nya, 38lalu ku raja bejaku enggau sida, “Kitai nadai nemu orang bukai ke patut agi ari Josep, ke bisi roh Allah Taala.” 39Ku raja bejaku enggau Josep, “Allah Taala udah mandangka semua utai tu ngagai nuan. Nya alai nuan terang amat lebih agi bepenemu-dalam sereta dalam agi runding ari semua orang bukai. 40 Aku deka ngasuh nuan nyadi kepala megai menua aku, lalu semua nembiak aku deka ngasi magang ke atur nuan. Nuan deka bekuasa nyadi lumur dua aku. 41Aku diatu ngeletak nuan nyadi gabenor ke semua menua Ejip.” 42 Raja nya lalu merurutka tinchin ari tunjuk iya. Ba tinchin tu bisi dituliska chop diraja. Iya lalu ngerasukka tinchin nya ba tunjuk Josep. Iya ngerasukka kain linin ti alus ba Josep, lalu ngerasukka tenggak emas ba rekung Josep. 43Iya meri Josep kerita perang diraja ti lumur dua, lalu bala soldadu ke nyaga Josep bejalai dulu ari iya enggau panjung, “Anang mempang! Anang mempang!” Nya meh jalai iya ngeletak Josep nyadi gabenor ke semua menua Ejip. 44Ku raja bejaku enggau Josep, “Aku tu raja, lalu nadai orang dalam menua Ejip tau ngangkatka jari tauka kaki enti aku enda ngemendarka iya.” 45-46Iya meri Josep nama orang Ejip, Sapenat-paniah, lalu iya meri Josep siku bini, Asenat, anak Potipera, siku imam di nengeri Heliopolis.\\nUmur Josep tiga puluh taun lebuh iya berengkah bekereja ke raja menua Ejip. Iya mupuk ari istana raja, lalu bejalai nengah serata menua Ejip. 47Mayuh amat asil ulih di menua nya dalam kandang tujuh taun. 48Semua utai nya digumpul lalu disimpan Josep dalam semua nengeri. Utai ti ulih ari umai ti ngelingi genap buah nengeri, disimpan iya dalam nengeri nya empu. 49Gandum ti digumpul endang amat mayuh, datai ke Josep nyau badu agi nakar utai nya. Pemayuh gandum nya nyau baka pasir ti ba tebing tasik.\\n50Sebedau lapar pungkang nyadi, Josep bisi dua iku anak lelaki diadaka Asenat. 51Ku Josep, “Allah Taala udah ngasuh aku badu agi ingatka pemerinsa aku, enggau pemerinsa ruang bilik apai aku.” Nya alai iya meri nama Manasi ngagai anak iya ke tuai. 52Ku iya mega bejaku, “Allah Taala udah meri aku anak lelaki, dalam menua ti alai aku kena perinsa.” Nya alai iya meri nama Epraim ngagai anak iya ke lumur dua.\\n53Tujuh taun alai orang di menua Ejip bulih utai pen apus, 54 lalu tujuh taun lapar pungkang belabuh nyadi, munyi ti udah dipadahka Josep. Semua menua bukai kena magang laban lapar pungkang nya, tang menua Ejip enda suntuk pemakai. 55 Lebuh orang Ejip belabuh natka diri lapar, sida minta pemakai ngagai raja. Iya lalu ngasuh sida mansang ngagai Josep, sereta ngasuh sida ngereja utai ti diasuh Josep. 56Lapar pungkang nya nyau mansang balat-sebalat, lalu ngelekai ngagai semua menua nya. Nya alai Josep muka semua tibang gandum, lalu nyual gandum nya ngagai orang Ejip. 57Orang ari serata dunya datai ngagai menua Ejip, mansang meli gandum ari Josep, laban lapar pungkang balat amat nyadi di semua endur.","num_words":1314,"character_repetition_ratio":0.07,"word_repetition_ratio":0.046,"special_characters_ratio":0.213,"stopwords_ratio":0.353,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tanya ti Nyarutka Runding​—Kati bisi Pengidup Pengudah Mati?\\nBACHA DALAM JAKU Acholi Afrikaans Albanian Amharic Arabic Armenian Aukan Aymara Azerbaijani Azerbaijani (Cyrillic) Baoule Bashkir Batak (Karo) Batak (Toba) Biak Bicol Bislama Bulgarian Cambodian Catalan Cebuano Chichewa Chinese (Simplified) Chinese (Traditional) Chitonga Chitonga (Malawi) Chitumbuka Chiyao Chokwe Chol Chuvash Cibemba Cinyanja Croatian Czech Dangme Danish Digor Dutch Efik English Estonian Ewe Fijian Finnish Fon French Ga Garifuna Georgian German Greek Greenlandic Guarani Gujarati Gun Haitian Creole Hausa Hebrew Hiligaynon Hindi Hiri Motu Hmong (Putih) Hungarian Iban Iban Icelandic Igbo Iloko Indonesian Isoko Italian Japanese Jawa Kabiye Kannada Karen (S'gaw) Kazakh Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisonge Kongo Korean Kurdish Kurmanji (Caucasus) Kurdish Kurmanji (Cyrillic) Kwangali Kwanyama Lhukonzo Lifu Lingala Lithuanian Lomwe Luganda Lunda Luo Luvale Macedonian Macua Malagasy Malayalam Maltese Mam Mambwe-Lungu Mapudungun Marathi Mauritian Creole Maya Mazatec (Huautla) Mbunda Melayu Mongolian Moore Myanmar Nahuatl (Guerrero) Nahuatl (Huasteca) Nahuatl (Northern Puebla) Navajo Ndebele Ndebele (Zimbabwe) Ndonga Nepali Ngangela Nias Niuean Norwegian Nyaneka Nzema Oromo Ossetian Otetela Pangasinan Papiamento (Aruba) Papiamento (Curaçao) Persian Polish Portuguese Quechua (Ancash) Quechua (Ayacucho) Quechua (Bolivia) Quechua (Cuzco) Quichua (Imbabura) Romanian Runyankore Russian Rutoro Samoan Sango Saramaccan Sepedi Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Swahili Swahili (Congo) Swati Swedish Tagalog Tahitian Tamil Tatar Telugu Tetun Dili Thai Tigrinya Tiv Tojolabal Tok Pisin Tongan Tshiluba Tshwa Tsonga Turkish Twi Tzeltal Tzotzil Ukrainian Umbundu Urhobo Uruund Venda Vietnamese Wallisian Waray-Waray Wayuunaiki Wolaita Xhosa Yoruba Zande Zulu\\nNyauka semua penyembah pengarap ti tebilang pechaya semengat mensia enda nemu mati\\nTanya ti Nyarutka Runding\\nBISI mayuh penemu pasal pengidup enggau pemati, lalu penemu nya bebida. Sekeda orang ngumbai sida deka mengkang idup pengudah sida mati, engka dalam tubuh ke bukai tauka ba endur bukai. Sekeda ke bukai ngumbai sida deka diadaka baru ba pengidup ke bukai. Bisi mega ngumbai pemati nya pengujung semua utai.\\nNuan engka bisi runding kediri empu ba pekara tu, bepanggai ba chara tauka gaya idup nuan dibesaika. Ketegal runding pasal utai ke nyadi pengudah orang mati balat bebida, kati bisi orang tauka endur ke ulih alai kitai ngiga saut ti tau diandalka sereta enda bula ngagai tanya ti nyarutka runding nya?\\nBeratus taun, bala tuai pengarap ngajar doktrin pasal semengat mensia ke enda nemu mati. Nyauka semua penyembah pengarap ti tebilang​​​—⁠pengarap Kristian, Hindu, Judah, sereta iya ke bukai​​​—⁠pechaya semengat ke enda nemu mati endang amat bisi, lalu semengat nya mengkang idup pengudah tubuh mati sereta diau ba endur bukai. Orang ke megai pengarap Buddha pechaya, enti orang nya suah diadaka baru, nyau kelama iya deka lepas ari pemerinsa. Pengidup ti penuh pengelantang tu dikumbai Nirvana.\\nKetegal ajar ke baka nya, mayuh orang di serata dunya pechaya pemati muka jalai nuju ngagai pengidup ba dunya bukai. Ba mayuh orang, pemati nya utai ti besai dalam pusin pengidup, lalu pemati nya sebagi ari peneka Petara. Tang nama dipadah Bup Kudus pasal pekara tu? Bacha meh artikel pengudah tu. Saut iya engka ngenyitka ati nuan.","num_words":499,"character_repetition_ratio":0.038,"word_repetition_ratio":0.0,"special_characters_ratio":0.167,"stopwords_ratio":0.142,"flagged_words_ratio":0.0,"lang_id_score":0.983,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sembiang ba gerija ditatak 100 iku aja – Suara Sarawak – Bukan Sekadar Akhbar\\nYou are here:Home-RUAI-Sembiang ba gerija ditatak 100 iku aja\\nSembiang ba gerija ditatak 100 iku aja\\nKUCHING: Penyampau tubuh besembiang ba gerija tauka rumah sembiang ukai Islam enda tau ngelui ari 100 iku.\\nPekara nya berindik ari Opis Penyangga Penusah Ngenyit Nengeri Sarawak (JPBNS) ti ngemendarka rumah sembiang ukai Islam dibuka berengkah 20 June tu.\\nSapit Kepala Menteri ti mega nyadi menteri ti megai tanggungpengawa Unifor Datuk Amar Douglas Uggah Embas nyemetak madah, semina rumah sembiang di baruh Missionary Societies Ordinace 1967 (Sarawak Cap. 106) tauka digazet Kaunsil Ngintu Pengelantang Ukai Islam di baruh Charitable Trust Ordinance 1994 tauka ngerejister enggau Opis Pengerejister Gerempung Malaysia (ROS) di baruh Akta Pertubuhan 1996 (Akta 335) aja dikemendar dibuka baru.\\nUnit Pekara Pengarap Bukai (Unifor) mansutka penerang nya pengudah beratika pengawa nyaga takah satu meter dalam rumah sembiang.\\n“Sida ke bisi tabin, batuk tauka sendat seput enggau anak mit beumur 12 taun ke baruh enda dikemendar besembiang ba gerija tauka rumah sembiang ke bukai.\\n“Sida ke sakit raya kelebih agi orang tuai dilalau ngambika seruran bejaga enti sema ngulu sembiang ke gerija,” ku penerang nya, tadi.\\nBy BARINA NANI|2020-06-16T18:52:51+08:00June 16th, 2020|Categories: RUAI|0 Comments\\nARKIB Select Month December 2020 (11) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":209,"character_repetition_ratio":0.085,"word_repetition_ratio":0.01,"special_characters_ratio":0.325,"stopwords_ratio":0.11,"flagged_words_ratio":0.0,"lang_id_score":0.944,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Gawai Naik Dango 2019 di Kota Ngabang richah - Suara Sarawak\\n“Gawai tu nyadika kelai gaya idup ti patut dikemeran nentuka iya enda punas ngapa lalu rebak biak patut nemu sereta ngelala gaya idup aki ini sida menya.”\\nKOTA NGABANG, Indonesia: Gawai Naik Dango 2019 Ke-34 di Rumah Radakng Aya’ Kacamatan Ngabang Kabupaten Landak di Kalimantan Barat ditu diintu richah.\\nBerengkah ari 26 April, bala penyereta ti ditesau datai ngabang nyengkaum 21 kontinjen ari tiga Kabupaten iya nya Kabupaten Kubu Raya, Kabupaten Mempawah enggau Kabupaten Landak di empu datai nedat gawai besai tu, seraya Kabupaten Bengkayang nyadi peninjau enggau pengabang.\\nKetuai Komiti Naik Dango, Alpius lebuh dirandau pengudah pengawa bejadi tembu madahka semua renggat atur pengawa udah diputarka bala komiti sida lalu atur pengawa udah tu nyelinting mayuh pekit seni budaya ti disereta 21 kontinjen ari tiga Kabupaten ngerichahka gawai.\\n“Dikearap atur pengawa Gawai Naik Dango tu lanchar, bulih berekat baka ti disampi sereta likun dalam ibun Djubata.\\nBERAMI… Bala pemesai nyempulang rayat ngerami Gawai Naik Dango 2019 Ke-34.\\n“Sebedau pengawa bejadi tu, bala komiti mega bisi ngatur seminar enggau karnival nbudaya ti digulu semua kontijen ke alai tu nyadi pelasar meransang sida ngemeranka enggau nali adat enggau gaya idup sida ke tuai,” ku iya.\\nAlpius mega ngarapka Gawai Naik Dango ti deka diintu di Kabupaten Mempawah ba taun baru deka richah agi sereta mantaika mayuh agi main asal enggau budaya raban bansa Dayak di menua tu.\\n“Gawai tu nyadika kelai gaya idup ti patut dikemeran nentuka iya enda punas ngapa lalu rebak biak patut nemu sereta ngelala gaya idup aki ini sida menya,” ku iya madah nyemetak.\\nBerebak enggau nya, Ketuai Dewan Adat Dayak (DAD) Kabupaten Landak, Heri Saman lebuh dirandau media mega madahka Gawai Naik Dango sekali tu iya nya pengawa diintu ninting taun raban bansa Dayak Kanayank di tiga Kabupaten nya.\\nKu iya, Gawai tu jaku dikena meri terima kasih ngagai Djubata ke asil padi ke alai raban bansa Dayak ti nyadi raban bumai ninting taun ngintu adat tu.\\nNYELAI… Gaya piring bansa Dayak Kenayank ti nyempulang benih padi ti dianjung ngagai Rumah Dango Padi ngambika diberekat.\\nKelimpah ari nya ku iya, tuju raban bansa Dayak ngintu Gawai tu mega laban deka nanggam kaul kaban belayan sama datai ari bansa Dayak di tiga Kabupaten.\\n“Berindik ari Kabupaten Landak nyadi tuai pengatur Gawai taun tu, aku nyadi Ketuai DAD Kabupaten Landak meri besai terima kasih ngagai pemerintah Kabupaten Landak ti udah besaup ngemujurka gawai tu,” ku iya nyimpul.\\nSama datai pengari Gabenor Kalimantan Barat Ria Norsan, Bupati Landak Dr. Karolin Margret Natasa, pengari Bupati Landak Herculanus Heriadi, Bupati Mempawah Erlina Norsan, Bupati Sekadau Rupinus enggau Kaunsil Majlis Adat Dayak Nasional, Cornelis sereta 20 iku pengabang ari raban bansa Dayak Sarawak enggau pengabang bukai.\\nMANAH… Sekeda ari pengari kontinjen narit ati bala pengabang Gawai Naik Dango taun tu.\\nTIMPAI KENANG… Pengabang ari Sarawak mega enda muai awak begambar ungkup kenang begulai enggau bala menyadi Dayak di Kabupaten Landak ditu.","num_words":465,"character_repetition_ratio":0.09,"word_repetition_ratio":0.07,"special_characters_ratio":0.183,"stopwords_ratio":0.176,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 2 BK - Lebuh kita ngenjuk piring gandum - Bible Search\\nAdat Lewi 1 Adat Lewi 3\\nAdat Lewi 2\\n1Lebuh kita ngenjuk piring gandum ngagai TUHAN, kita enda tau enda ngaga piring nya ari tepung gandum ti alus. Kita enda tau enda ngengkahka minyak kana enggau menyan ba utai nya 2lalu mai iya ngagai bala anak lelaki Aron ti nyadi imam. Imam ke gawa dia deka ngambi segenggam tepung enggau minyak kana enggau menyan nya, lalu nunu utai nya retung ba alta, kena ngelai utai nya udah diberi ngagai TUHAN. Bau piring tunu nya deka ngerinduka ati TUHAN. 3Teda piring gandum nya deka diempu bala imam, lalu nya bagi ti pemadu kudus ari piring nya, laban iya diambi ari piring tunu, ti diberi ngagai TUHAN.\\n4Lebuh kita ngenjuk piring gandum ti dipanggang, piring nya enda tau enda digaga ari tepung ti alus. Kita tau meri roti ti enda beragi, ti dichampur enggau minyak kana, tauka roti ti mipis, ti enda beragi, dipalitka enggau minyak kana.\\n5Enti piring nya roti ti dipanggang ba papak besi, iya enda tau enda digaga ari tepung ti alus dichampur enggau minyak kana, tang enda dichampur enggau ragi. 6Peruk utai nya, lalu tuang minyak kana ngagai utai nya lebuh kita meri utai nya nyadika piring.\\n7Enti piring gandum nya dipanduk ngena kali, iya enda tau enda digaga ari tepung ti alus enggau minyak kana. 8Bai piring gandum nya ngagai TUHAN, lalu beri iya ngagai imam, ti deka mai iya ngagai alta. 9Imam deka ngambi piring gandum nya mimit nyadika tanda semua utai nya udah diberi ngagai TUHAN, lalu iya deka nunu piring nya retung ba alta. Bau piring tunu nya deka ngerinduka ati TUHAN. 10Teda piring gandum nya deka diempu bala imam, lalu nya bagi ti pemadu kudus ari piring nya, laban iya diambi ari piring tunu, ti diberi ngagai TUHAN.\\n11Piring gandum ti diberi kita ngagai TUHAN, enda tau dichampur enggau ragi. Kita enda tau sekali-kali nunu ragi tauka ai manyi nyadika piring ngagai TUHAN. 12Piring ti digaga ari gandum ti terubah diketau kita tiap taun, deka dibai ngagai TUHAN, tang utai nya enda tau ditunu ba alta. 13Gerami enggau garam semua piring gandum, laban garam nandaka sempekat kita enggau Allah Taala. (Kita enda tau enda ngerami semua piring kita enggau garam.) 14Lebuh kita mai ngagai TUHAN piring ti digaga ari gandum ti terubah diketau kita, beri gandum ti udah digirau ba kali, tauka gandum ti udah dikisar. 15Tuang minyak kana, lalu geramika menyan ngagai piring nya. Piring nya piring gandum. 16Imam deka ngambi sebagi ari gandum ti udah dikisar nya, minyak kana, enggau semua menyan nya, kena ngelai utai nya udah nyadika piring tunu, ti diberi ngagai TUHAN.","num_words":436,"character_repetition_ratio":0.117,"word_repetition_ratio":0.126,"special_characters_ratio":0.206,"stopwords_ratio":0.372,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"14 April 2019 - Hari Minggu Dan (Palm Sunday)\\nBacha Injil (Merekat Dan): Luke 19: 28 - 40\\nLebuh Jesus udah nyebut nya, Iya lalu bejalai dulu ari sida ngagai Jerusalem.\\nLebuh Iya datai semak Betpagi enggau Betani, ba bukit sigi ti dikumbai Bukit Kana, Iya ngasuh dua iku murid Iya bejalai dulu ari sida, ku Iya, “Alai seduai bejalai ngagai nengeri ti di mua nyin. Lebuh seduai tama ngagai nengeri nya, seduai deka nemu siku anak keledai ditanchang dia, ti nadai udah kala ditepan orang. Buka tali iya, lalu bai iya kitu.\\nEnti orang nanya seduai, ‘Nama kebuah seduai muka tali jelu nya?’ sebut aja jaku tu, ‘Tuhan begunaka iya.’\\nSeduai iya mupuk, lalu nemu semua utai munyi ti udah dipadahka Jesus ngagai seduai iya.\\nLebuh seduai iya muka tali anak keledai nya, orang ke bempu jelu nya lalu bejaku ngagai seduai iya, “Nama kebuah seduai muka tali anak keledai nya?”\\nSeduai iya lalu nyaut, “Tuhan begunaka iya.”\\nSeduai iya lalu mai anak keledai nya ngagai Jesus, ngelempaika serayung seduai iya ba belakang jelu nya, lalu nulung Jesus nepan ba jelu nya.\\nLebuh Iya nepan keledai nya, orang mayuh lalu nganchau serayung sida ba jalai raya.\\nLebuh Iya nyau datai semak jalai ti nurun ari Bukit Kana, semua bala murid Iya belabuh gaga ati muji Allah Taala enggau nyawa ti inggar ketegal semua utai ti besai ti udah dipeda sida, ku sida, “Beberekat meh Raja ke datai dalam nama Tuhan! Pemaik di serega, enggau mulia di serega ti pemadu tinggi!”\\nSekeda orang Parisi ke dalam tekang bala mayuh lalu bejaku ngagai Iya, “Pengajar, asuh murid Nuan badu agi inggar!”\\nDisaut Iya, “Aku madah ngagai kita, enti sida enda bemunyi, batu deka manjung.”\\nBacha Ke Satu: Isaiah 50: 4 - 7\\nTUHAN ti Pemadu Tinggi udah ngajar Aku utai ti patut disebut, ngambika aku ulih ngeringka orang ke lelak.\\nGenap pagi Iya ngasuh aku gagit ati deka ningaka utai ti deka diajar Iya ngagai aku.\\nTUHAN udah ngasuh aku mereti, lalu aku enda angkat ngelaban Iya tauka ninggalka Iya.\\nAku ngayanka belakang aku ngagai orang ke malu aku.\\nAku enda nagang sida, lebuh sida mechat aku, lebuh sida ngentun ragum aku lalu ngeludah mua aku.\\nTang jaku pechat sida enda ulih ngemediska aku laban TUHAN ti Pemadu Tinggi nulung aku.\\nAku ngeringka diri natka pechat sida.\\nAku nemu diri enda ulih dipechat sida.\\nMasmur Entara: Masmur 22: 7 - 8, 16 - 17, 18 - 19, 22 - 23\\nSaut (peda 1a): Allah Taala aku, O Allah Taala aku, nama kebuah Nuan ninggalka aku?\\nSemua orang ke meda aku, ketawaka aku magang.\\nSida enchebirka mulut ngagai aku, lalu ngilikka pala sida.\\nKu sida bejaku, “Panggaika pengarap nuan ba TUHAN;\\nawakka Iya ngelepaska nuan.\\nAwakka Iya nyelamatka nuan ke dikerinduka Iya!”\\nSaut: Allah Taala aku, O Allah Taala aku, nama kebuah Nuan ninggalka aku?\\nBala orang ke jai bekelingika aku.\\nOrang ke ngereja penyai ngelulung aku.\\nSida nguyaska jari enggau kaki aku.\\nSemua tulang aku nyau ayan magang.\\nBala munsuh ketawa meda aku.\\nSida bedua gari aku entara bala sida,\\nlalu bechabut undi ke serayung aku.\\nO TUHAN, anang jauh ari aku!\\nDatai jampat lalu lepaska aku!\\nAku deka madahka ngagai bala aku utai ti udah dikereja Nuan.\\nAku deka muji Nuan ba gempuru sida, munyi tu:\\n‘Puji meh TUHAN, kita ke nangika Iya!\\nKemesaika Iya, kita ke peturun Jakop!\\nSembah meh Iya, kita orang Israel!\\nBacha Ke Dua: Pilipi 2: 6 - 11\\nTaja pen Jesus Kristus endang Allah Taala tang Iya enda ngumbai diri sebaka enggau Allah Taala, tang Iya ngelengkaka semua nya, lalu ngaga Diri nyadi ulun, ada ngena gamal mensia.\\nIya ngemaruhka Diri, lalu ngasi nyentuk ke mati, indah mati ba kayu regang.\\nNya alai Allah Taala udah ngangkatka Iya tinggi lalu meri Iya nama ti ari atas semua nama, ngambika lebuh nama Jesus disebut, semua utai di serega, di dunya enggau di dunya ti di baruh, besugang magang, lalu semua dilah deka ngaku Jesus nya Tuhan, ke mulia Allah Taala ti Apai.\\nAklamasi sebedau Injil (peda Pilipi 2: 8 - 9):\\nKristus ngemaruhka Diri, lalu ngasi nyentuk ke mati,\\nindah mati ba kayu regang.\\nNya alai Allah Taala udah ngangkatka Iya tinggi\\nlalu meri Iya nama ti ari atas semua nama.\\nBacha Injil: Luke 22: 14 - 23: 56\\nLebuh jam nyau chukup, Jesus lalu belatur duduk ba mija, sama enggau sida rasul.\\nKu Iya bejaku ngagai sida, “Aku bisi amat ati deka makai pemakai Gawai Paska tu enggau kita sebedau Aku kena perinsa, laban, Aku madah ngagai kita, Aku enda makai pemakai tu datai ke iya dikamatka dalam Perintah Allah Taala.”\\nIya lalu ngambi mangkuk, lalu lebuh Iya udah meri terima kasih, Iya lalu bejaku, “Ambi tu, lalu bagi entara bala kita, laban Aku madah ngagai kita, belabuh ari diatu Aku enda ngirup wain tu nyentuk ngagai maya Perintah Allah Taala datai.”\\nIya lalu ngambi roti, lalu lebuh Iya udah meri terima kasih, Iya mechahka roti nya, lalu nyuaka nya ngagai sida, ku Iya, “Tu tubuh Aku, ti diberi ke kita. Kereja tu kena ngingatka Aku.”\\nBaka nya mega, lebuh sida udah badu makai, Iya ngambi mangkuk, ku Iya, “Mangkuk tu ti dituang ke kita nya sempekat baru Allah Taala ti ditanggam ngena darah Aku. Tang, peda kita! Orang ke nyual Aku bisi enggau Aku ba mija tu! Laban Anak Mensia deka mati, nitihka atur Allah Taala, tang tulah orang ke nyual Iya!”\\nSida lalu belabuh betanya ngagai pangan diri, sapa ari bala sida ke deka ngereja nya.\\nSida murid mega bekelikuhka sapa ari bala sida ke tau dikumbai pemadu besai.\\nTang ku Iya bejaku ngagai sida, “Raja orang bansa bukai merintah orang ke dipegai sida, lalu orang ke megai kuasa atas sida ngumbai diri ‘Pangan Orang Mayuh’.\\nTang utai nya enda baka nya ba bala kita. Orang ke pemadu besai dalam bala kita enda tau enda nyadi baka orang ke pemadu biak, lalu orang ke nyadi kepala enda tau enda nyadi orang ke mela.\\nLaban sapa ke besai agi? Iya ke duduk ba mija, tauka iya ke mela? Tentu orang ke duduk, ukai enda? Tang Aku begulai enggau kita nyadi orang ke mela.\\n“Kita udah begulai enggau Aku lebuh Aku natka semua pemerinsa Aku,\\nlalu Aku meri kita kuasa merintah, baka Apai ti udah meri Aku kuasa kena merintah, ngambika kita ulih makai ngirup ba mija Aku dalam Perintah Aku, lalu kita deka duduk ba kerusi diraja, ngakim dua belas raban bansa orang Israel.\\n“Simon, Simon! Dinga nuan! Sitan udah minta Aku ngemendarka iya ngayak semua kita baka ke ngayak gandum, tang Aku udah besampika nuan Peter, ngambika pengarap nuan kering, lalu lebuh nuan udah pulai baru ngagai Aku, keringka sida menyadi nuan.”\\nLalu ku Peter bejaku ngagai Iya, “Tuhan, aku sedia deka ditutup dalam rumah jil lalu mati enggau Nuan!”\\nJesus lalu nyebut ngagai iya, “Aku madah ngagai nuan, Peter, sebedau manuk mengkukuk sehari tu, nuan udah besangkalka Aku tiga kali.”\\nKu Jesus bejaku ngagai sida, “Lebuh Aku ngasuh kita bejalai, lalu enda nyagi kita mai kandi duit, tauka kambut, tauka selipar, kati kita bisi suntuk utai?”\\n“Nadai,” ku sida nyaut.\\nKu Iya bejaku ngagai sida, “Tang diatu, barang sapa bisi kandi duit, enda tau enda mai kandi nya, lalu baka nya mega orang ke bisi kambut. Lalu orang ke nadai pedang, enda tau enda nyual kelambi iya, lalu meli pedang. Laban Aku madah ngagai kita, jaku ti disebut dalam Bup Kudus, ‘Iya deka begulai enggau orang ke jai,’ enda tau enda dikamatka ba Aku, laban utai ti ditulis pasal Aku endang benung dikamatka diatu.”\\nSida murid Iya lalu bejaku, “Peda Nuan, Tuhan! Tu dua bilah pedang!” Iya lalu nyaut, “Umbas meh nya.”\\nIya pansut lalu mupuk baka selama ngagai Bukit Kana, lalu sida murid nitihka Iya.\\nLebuh Iya datai ba endur nya, Iya lalu nyebut ngagai sida, “Besampi ngambika kita enda kena laban penguji.”\\nIya lalu bejalai jauh mimit ari sida, kira sepenikau batu ari sida, besugang lalu besampi, “Apai, enti Nuan deka, ambi mangkuk tu ari Aku; ukai nitihka peneka Aku, tang awakka peneka Nuan nyadi.”\\nUdah nya siku melikat ari serega pegari di mua Iya, lalu ngeringka Iya.\\nEnggau ati ti balat tusah, Iya bebendar agi besampi, datai ke peluh Iya nyau baka darah neritik ngagai tanah.\\nLebuh Iya angkat ari endur Iya ke besampi, Iya pulai ngagai sida murid Iya, lalu nemu sida tinduk, laban sida lelak laban ati ti kelalu balat tusah.\\nIya lalu bejaku ngagai sida, “Nama kebuah kita tinduk? Angkat, lalu besampi, ngambika kita enda kena laban penguji.”\\nLebuh Iya agi benung bejaku, bala orang lalu ngenyit datai, diuluka Judas, siku ari sida ke dua belas. Judas mansang ngagai Jesus, deka nyium Iya.\\nTang ku Jesus bejaku ngagai iya, “Judas, kati nuan nyual Anak Mensia ngena sium?”\\nLebuh sida murid ke sama enggau Jesus meda utai ti deka nyadi, sida lalu nanya, “Tuhan, kati kami tau mantap sida ngena pedang?”\\nSiku ari bala sida lalu mantap ulun imam besai, mutuska pending kanan iya.\\nTang ku Jesus bejaku, “Badu agi!” Iya lalu negu pending orang nya, lalu ngeraika iya.\\nJesus lalu bejaku ngagai sida tuai imam enggau bala polis ke nyaga Rumah Sembiang, enggau sida tuai bansa ke udah datai nangkap Iya, “Kati Aku tu penyamun alai kita datai mai pedang enggau pemalu?”\\nLebuh Aku begulai enggau kita tiap hari dalam Rumah Sembiang, kita enda nangkap Aku. Tang tu endang maya kita, maya kuasa pemetang merintah.”\\nSida lalu nangkap Jesus lalu mai Iya ari endur nya ngagai rumah imam besai. Tang Peter nitih ari jauh.\\nLebuh sida udah nungkunka api ba tengah laman nya lalu duduk, Peter mega duduk enggau sida.\\nSiku indu ke ulun lalu tepedaka Peter duduk nunga api. Iya lalu merening ngagai Peter, lalu bejaku, “Orang tu pen udah meh enggau Iya!”\\nTang Peter besangkalka nya, ku iya, “Indu, aku enda ngelala Iya!”\\nEnda lama udah nya, siku agi orang meda Peter lalu bejaku, “Nuan pen siku ari bala sida!” Tang ku Peter nyaut, “Ukai!”\\nKira sejam udah bekau nya, siku agi orang bejaku, “Orang tu tetap udah enggau Jesus, laban iya orang Galili!”\\nTang ku Peter nyaut, “Aku enda nemu utai ti ku nuan.” Tekala nya, lebuh Peter agi benung bejaku, manuk mengkukuk.\\nTuhan nguing lalu merening ngagai Peter.\\nPeter lalu ingatka jaku Tuhan, jalai Iya nyebut ngagai Peter, “Sebedau manuk mengkukuk sehari tu, nuan udah besangkalka Aku tiga kali.”\\nPeter pansut lalu duie-duie nyabak.\\nOrang ke nyaga Jesus beduan Iya, lalu belabuh ngelese sereta malu Iya.\\nSida mega mampul mata Iya ngena kain, lalu majak nanya Iya, “Uji sangka! Sapa malu Nuan?”\\nSida majak nyebut mayuh macham utai bukai kena sida ngeleseka Iya.\\nLebuh hari nyau tawas, sida tuai bansa, tuai imam, enggau sida pengajar Adat begempuru, lalu sida mai Jesus ngagai Kunsil.\\nKu sida, “Padahka ngagai kami, enti Nuan tu Kristus?”\\nlalu enti Aku nanya kita, kita enggai nyaut.\\nTang belabuh ari diatu, Anak Mensia deka duduk muak ari kanan Allah Taala ti Bekuasa.”\\nSemua sida lalu nanya, “Enti pia, kati Nuan tu Anak Allah Taala?” Lalu ku Iya bejaku ngagai sida, “Kita ngumbai Aku Anak Allah Taala.”\\nSida lalu bejaku, “Kitai enda ibuh begunaka saksi bukai. Kitai empu udah ninga nya ari mulut Iya Empu!”\\nSemua raban Kunsil lalu angkat sereta, lalu mai Jesus ngagai Pilate.\\nSida lalu belabuh bedawaka Iya, ku sida, “Kami nemu orang tu nesatka bansa kami, nagang kami mayar chukai ngagai Raja Besai, lalu ngumbai Diri Kristus, * reti nya raja.”\\nPilate lalu nanya Iya, “Kati Nuan raja orang Judah?” Jesus lalu nyaut iya, “Munyi ti ku nuan.”\\nPilate lalu bejaku ngagai sida tuai imam, enggau ngagai bala orang mayuh, “Aku nadai nemu kebuah kita bedawaka orang tu.”\\nTang sida bebendar agi bejaku, ku sida, “Iya megau orang mayuh, ngajar di serata menua Judea, kenyau ari Galili alai Iya ke berengkah, nyentuk ngagai\\nLebuh Pilate ninga nya, iya lalu nanya enti Jesus nya orang Galili.\\nLebuh iya ninga Jesus datai ari menua ti dipegai Herod, iya lalu ngasuh Jesus dibai ngagai Herod, ke bisi di Jerusalem lebuh maya nya.\\nLebuh Herod meda Jesus, iya gaga amat ati, laban iya lama udah keran deka betemu enggau Jesus, laban iya udah ninga berita pasal Jesus, lalu ngarapka diri ulih meda Jesus ngereja kereja ajih.\\nHerod lalu lama nanya Jesus, tang Jesus enda nyaut iya.\\nSida tuai imam enggau sida pengajar Adat bisi bediri dia, bebendar amat bedawaka Jesus.\\nIndah Herod enggau bala soldadu iya deh beduan sereta ngeleseka Jesus. Udah nya iya ngerasukka baju panjai ti manah ba Jesus, lalu ngirumka Jesus pulai baru ngagai Pilate.\\nBa hari nya Herod seduai Pilate lalu bebaik enggau pangan diri. Sebedau nya, seduai iya endang bemunsuh enggau pangan diri.\\nPilate lalu ngempuruka sida tuai imam, tuai bansa, enggau orang mayuh,\\nlalu bejaku ngagai sida, “Kita udah mai orang tu ngagai aku, madahka Iya udah nesatka orang mayuh. Aku udah mansik Iya di mua kita empu, lalu aku nadai nemu Iya bisi udah ngereja penyalah munyi ti ku kita. Herod pen nadai mega nemu penyalah Iya, laban iya udah ngirumka Iya pulai baru ngagai aku. Orang tu nadai udah ngereja utai ti tau ngasuh Iya kena ukum bunuh. Nya alai aku deka ngasuh Iya disipat, lalu ngelepaska Iya.”\\nNyadi Pilate endang selalu ngelepaska siku orang jil ke orang mayuh ba genap Gawai Paska.\\nSemua sida lalu manjung, ku sida, “Bunuh Iya! Lepaska Barabas ke kami!”\\n(Nyadi Barabas udah ditutup dalam rumah jil ketegal orang begau ngelaban perintah di nengeri nya, enggau ketegal iya udah munuh orang.)\\nLaban Pilate endang deka ngelepaska Jesus, nya alai iya lalu bejaku baru ngagai sida.\\nTang sida majak manjung, “Regang Iya! Regang Iya!”\\nPilate lalu bejaku baru ketiga kali ngagai sida, ku iya, “Nama kebuah? Nama penyalah ti udah dikereja Iya? Aku nadai nemu Iya bisi udah ngereja penyalah ti tau ngasuh Iya kena ukum bunuh! Nya alai aku deka ngasuh Iya disipat, lalu ngelepaska Iya.”\\nTang sida majak manjung madahka Jesus enda tau enda diregang.\\nKe pengujung iya, Pilate lalu nurutka sida, lalu meri emutus penemu madahka peminta sida dikemendarka.\\nPilate lalu ngelepaska orang ke dipinta sida, orang ke udah ditutup dalam rumah jil ketegal iya udah mai orang angkat ngelaban perintah lalu udah munuh orang.\\nPilate lalu nyerahka Jesus ngagai sida, nurutka pinta sida.\\nLebuh sida mai Iya ari endur nya, sida nangkap siku orang ke benama Simon orang Sairin, ke baru datai ari menua pesisir deka mansang ngagai nengeri, sida lalu manggaika regang nya ba belakang Simon, lalu mejalka iya ngesan regang nya ngentudi Jesus.\\nMayuh amat orang nitihka Jesus, nyengkaum sida indu ke mandam dada diri nyabakka Iya.\\nTang Jesus nguing ngagai sida, lalu bejaku, “Kita indu Jerusalem! Anang nyabakka Aku, tang nyabakka diri empu, enggau nyabakka anak kita.\\nLaban hari deka datai alai orang deka nyebut, ‘Beberekat meh indu ke mandul, ke nadai kala ngandung, ke nadai kala nusuka anak!’\\nSida lalu belabuh bejaku ngagai bukit, ‘Tinggang kami!’ lalu bejaku ngagai munggu, ‘Lamun kami!’\\nLaban enti sida ngereja nya lebuh kayu agi idup, nama utai ti deka nyadi lebuh kayu nya udah rangkai?”\\nDua iku orang bukai, ke udah ngereja penyalah, mega dibai ngambika seduai iya dibunuh sama enggau Iya.\\nLebuh sida datai ba endur ti dikumbai “Keruntuk,” sida lalu ngeregang Iya dia sama enggau dua iku orang ke udah ngereja penyalah, siku muak ari kanan, lalu siku muak ari kiba Iya.\\nUdah nya Jesus bejaku, “Apai, ampun sida, laban sida enda nemu utai ti dikereja diri.”\\nSida lalu bedua gari Iya ngena chara bechabut undi.\\nOrang mayuh bediri dia nengkilaka Iya, tang bala tuai orang Judah ngeleseka Iya.\\nKu sida, “Iya ngidupka orang bukai. Awakka Iya ngidupka Diri Empu, enti Iya amat Kristus ti udah dipilih Allah Taala!”\\nSida soldadu mega ngeleseka Iya. Sida mansang ngagai Iya lalu meri Iya wain ti masam, ku sida bejaku, “Enti Nuan amat raja orang Judah, selamatka Diri Empu!”\\nSiti pelekat bisi mega diengkah ari atas Iya, “Tu Raja orang Judah.”\\nSiku orang ke udah ngereja penyalah ke diregang dia majak ngeleseka Jesus.\\nKu iya, “Kati Nuan ukai Kristus? Selamatka Diri Empu enggau kami duai!”\\nTang iya ke siku ngerara iya, ku iya, “Kati nuan enda nangika Allah Taala, laban nuan sama kena ukum baka Iya? Tua endang patut diukum, laban tua amat udah ngereja penyalah, tang orang tu nadai udah ngereja penyalah.”\\nIya lalu bejaku ngagai Jesus, “Jesus, kingatka aku lebuh Nuan datai ngagai Perintah Nuan!”\\nJesus lalu nyaut, “Enggau bendar Aku madah ngagai nuan, sehari tu nuan deka sama enggau Aku di serega.”\\nBa urung tengah hari semua menua petang magang, nyentuk ngagai pukul tiga ngalih hari, laban mata hari nadai manchar agi. Kain tirai dalam Rumah Sembiang lalu charik belah dua.\\nJesus lalu ngangau enggau nyawa ti inggar, “Apai! Aku nyerahka semengat Aku ngagai jari Nuan!” Lebuh Iya udah nyebut nya, Iya lalu ngapuska seput.\\nLebuh kepala soldadu meda utai ti udah nyadi, iya lalu muji Allah Taala. Ku iya, “Orang tu amat nadai penyalah!\\nLebuh semua orang ke begempuru nengkila dia meda utai ti nyadi, sida lalu pulai ke rumah, mandam dada diri.\\nTang semua orang ke bekelala enggau Jesus, nyengkaum sida indu ke udah nitihka Iya ari Galili, bediri nengkila ari jauh.\\nNyadi dia bisi siku orang ke badas sereta lurus, benama Josep.\\nIya tu raban Kunsil.\\nTang iya enda besetujuka pelan enggau utai ti dikereja sida.\\nIya datai ari nengeri Arimatea, di menua Judea lalu iya nganti Perintah Allah Taala.\\nIya mansang ngagai Pilate, lalu minta bangkai Jesus.\\nIya nurunka bangkai Jesus, mungkus Iya ngena kain linin, lalu ngalika Iya dalam kubur ti udah ditebuk ba batu galang, lalu nadai udah kala dikena alai nguburka orang.\\nNyadi hari nya Hari Nyendiaka Gawai, lalu hari Sabat nyau deka berengkah.\\nSida indu ke udah datai enggau Jesus ari Galili, nitihka Josep lalu sida meda kubur nya, sereta meda chara bangkai Jesus digalika dalam kubur nya.\\nUdah nya sida pulai, lalu nyendiaka rempah enggau minyak wangi. Lebuh hari Sabat, sida diau, nitihka pesan.\\nTauka: Luke 23: 1 - 49\\nIndah Herod enggau bala soldadu iya deh beduan sereta ngeleseka Jesus.\\nUdah nya iya ngerasukka baju panjai ti manah ba Jesus, lalu ngirumka Jesus pulai baru ngagai Pilate.\\nTang sida majak manjung madahka Jesus enda tau enda diregang. Ke pengujung iya, Pilate lalu nurutka sida, lalu meri emutus penemu madahka peminta sida dikemendarka.\\nOrang mayuh bediri dia nengkilaka Iya, tang bala tuai orang Judah ngeleseka Iya. Ku sida, “Iya ngidupka orang bukai. Awakka Iya ngidupka Diri Empu, enti Iya amat Kristus ti udah dipilih Allah Taala!”\\nTang iya ke siku ngerara iya, ku iya, “Kati nuan enda nangika Allah Taala, laban nuan sama kena ukum baka Iya?\\nTua endang patut diukum, laban tua amat udah ngereja penyalah, tang orang tu nadai udah ngereja penyalah.”","num_words":2897,"character_repetition_ratio":0.056,"word_repetition_ratio":0.034,"special_characters_ratio":0.211,"stopwords_ratio":0.357,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 18 BK - Ku TUHAN bejaku ngagai Moses “Sebut - Bible Search\\nAdat Lewi 17 Adat Lewi 19\\nAdat Lewi 18\\n1Ku TUHAN bejaku ngagai Moses 2“Sebut ngagai orang Israel, Aku tu TUHAN Allah Taala kita. 3Anang ngereja utai baka ke dikereja orang di menua Ejip, alai kita ke idup menya, tauka utai ti dikereja orang di menua Kanaan, ti alai Aku deka mai kita diatu. 4Titihka adat Aku, lalu kereja utai ti diasuh Aku. Aku tu TUHAN Allah Taala kita. 5 Titihka atur enggau adat ti diberi Aku ngagai kita. Kita deka ngidupka nyawa diri enti kita ngereja utai nya. Aku tu TUHAN.”\\n6TUHAN meri adat tu: Anang beleman enggau kaban belayan diri empu. 7Anang beleman enggau indai diri empu, laban nya ngemaluka apai nuan. Nuan enda tau ngemaluka indai nuan empu. 8 Anang beleman enggau indu simpan apai nuan, laban nya ngemaluka apai nuan. 9 Anang beleman enggau menyadi indu nuan, tauka menyadi indu tiri nuan, nemuka iya sebilik enggau nuan kenyau ari mit, tauka enda. 10Anang beleman enggau uchu indu nuan, laban nya deka ngemaluka nuan. 11Anang beleman enggau menyadi indu ke saum apai, tang enda saum indai enggau nuan, laban iya mega menyadi nuan. 12-13 Anang beleman enggau ibu nuan, nemuka iya nya menyadi apai nuan, tauka menyadi indai nuan. 14Anang beleman enggau bini aya nuan, laban iya ibu nuan. 15 Anang beleman enggau menantu indu nuan 16 tauka enggau bini menyadi nuan. 17 Anang beleman enggau anak indu, tauka uchu orang indu ke udah enggau nuan beleman. Kada enda sida nya kaban belayan nuan, lalu ngujungka nuan ngereja pengawa seks ti salah. 18Anang ngambi menyadi bini nuan nyadika bini nuan, seagi-agi bini nuan mengkang idup.\\n19 Anang beleman enggau indu ke benung datai kain, laban iya enda tuchi. 20 Anang beleman enggau bini orang bukai, laban nya deka ngasuh nuan enda tuchi. 21 Anang nyerahka anak nuan kena nyembah petara Molek, laban nya deka ngemaluka nama Allah Taala, ti TUHAN. 22 Orang lelaki enda tau beleman enggau orang ke sama lelaki. Allah Taala begedika pengawa nya. 23 Lelaki tauka indu enda tau beleman enggau jelu. Pengawa ti jai nya deka ngasuh nuan enda tuchi.\\n24Anang ngamahka diri ngena semua kereja nya, laban nya chara orang bansa bukai ngaga diri enda tuchi, iya nya bansa orang ke diau di menua nya dulu ari kita, ke diburu TUHAN, ngambika kita ulih tama ngagai menua nya. 25Utai ti dikereja sida ngasuh menua nya enda tuchi. Nya kebuah TUHAN ngukum menua nya lalu ngasuh menua nya nulak orang ke diau dia. 26-27Sida ngereja semua utai ti jai nya, lalu ngasuh menua nya enda tuchi. Tang kita enda tau ngereja utai nya. Semua bala kita, nemuka kita nya bansa orang Israel, tauka orang kampar ti diau begulai enggau kita, kita enda tau enda ngasika atur enggau adat TUHAN. 28Nya baru menua nya enda nulak kita, baka iya ti nulak orang bansa bukai ke udah diau dia dulu ari kita. 29Kita nemu, barang sapa ngereja utai ti jai tu, deka badu agi dikumbai nembiak Allah Taala.\\n30Nya alai titihka semua pesan ti diberi Aku ngagai kita, lalu anang ngereja utai ti dikereja orang ke dulu agi diau di menua nya ari kita. Anang ngereja semua utai nya lalu ngaga diri enda tuchi. Aku tu TUHAN Allah Taala kita.”","num_words":527,"character_repetition_ratio":0.11,"word_repetition_ratio":0.0,"special_characters_ratio":0.22,"stopwords_ratio":0.366,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rayat patut pintar ngemansang tanah - Suara Sarawak\\nUlah meseti diubah anang mina nyadi mandur\\n“Ba taun 2030, Sarawak diperambu nyadi nengeri bepenatai pemisi pemadu tinggi sebengkah chara iya nya nengah sektor betanam betupi ngambika rayat ngereja tanah ke dipenggi diri empu.”\\nBETONG: Rayat dilalau begulai enggau Perintah Sarawak ngambi ulih nyapai visyen nyadi pemansut eksport besai pemakai nengah pemansang tanah lalu diberi gelar nengeri bepenatai pemisi tinggi manggai taun 2030.\\nKaban Kaunsil Nengeri (Adun) Layar Gerald Rentap Jabu madah, rayat patut pintar enggau nemu ngena tanah diri empu ngambi ulih ngemansutka asil.\\n“Ba taun 2030, Sarawak diperambu nyadi nengeri bepenatai pemisi pemadu tinggi sebengkah chara iya nya nengah sektor betanam betupi ngambika rayat ngereja tanah ke dipenggi diri empu.\\n“Kitai endang ngemeratka aktiviti betanam betupi nyengkaum pengawa ngena chara ke baru dikena nambahka penatai pemisi.\\nJAKU LALAU… Gerald Rentap Jabu rambau bejaku maya Pengerami Makai Lemai Gawai Dayak Renggat Bagi Menua Betong diatur di Balai Raya Lumba Tan Sri Datuk Amar Stephen Kalong Ningkan, lemai kemari.\\n“Tu meh peluang kitai ba menua pesisir ti ngembuan mayuh tanah.\\n“ Tang ulah kitai mega patut berubah. Anang semina nyadi mandur tang patut sama ngereja pengawa,” ku iya.\\nIya madah baka nya rambau bejaku maya Pengerami Makai Lemai Gawai Dayak Renggat Bagi Menua Betong diatur di Balai Lumba Tan Sri Datuk Amar Stephen Kalong Ningkan, lemai kemari.\\nIya mega nerang, sektor betanam betupi ke diatu ngembuan peluang ke besai kelebih agi dalam industri pemakai.\\nIya mega ngelalau rayat ngambi enda tepejuh enggau berita ba media rama pasal skim pengawa nyukat tanah ba baruh Seskyen Enam.\\n“Perintah ngaga pengawa nyukat penuh nengah Seksyen Enam ngambika tanah nya bisi geran.\\n“Jerita ti ditusui madahka chara perintah dikena ngerampas tanah nya enda betul. Perintah deka nyaga hak rayat ti bisi tanah,” ku iya.\\nRentap ngingatka rayat ba menua tu ngambi ngemeratka pelajar bala anak kelimpah nyaga penyerakup enggau pengelantang raban bansa.\\n“Pelajar tu meh sebengkah chara pemadu besai laban ulih ngubah chuan pengidup nyadi lebih manah agi.\\n“Pia mega, penyerakup raban bansa patut dikemeran. Aku berani madah Betong tu meh chunto pengawa penyerakup bansa ke pemadu manah.\\n“Nyadi komuniti ari mayuh pupu raban bansa enggau pengarap, genap kitai patut ngembuan semengat bebasaka pengarap enggau main asal orang bukai.\\n“Nyema penyerakup enggau pengelantang ulih dikemeran, langgur sereta pengawa ngaga pemansang deka muntang sereta lanchar dipejalaika,” ku iya.","num_words":369,"character_repetition_ratio":0.058,"word_repetition_ratio":0.117,"special_characters_ratio":0.175,"stopwords_ratio":0.125,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"1 October 2018 - Hari Satu ba Minggu Ke Dua Puluh Enam Musim Selama\\nSida murid betalatka enggau pangan diri pasal sapa ari bala sida ke pemadu besai.\\n1 October 2018 - Hari Satu ba Minggu Ke Dua Puluh Enam Musim Selama (Memorial of Saint Thérèse of the Child Jesus, Virgin and Doctor of the Church)\\nJop 1: 6 - 22\\nNyadi sekali lebuh bala orang serega datai ngadap TUHAN, Sitan bisi mega datai enggau sida.\\nTUHAN lalu nanya Sitan, “Datai ari ni nuan?’’ Sitan lalu nyaut, “Aku udah bejalai kia-kia, segau-segau nengah dunya tu.’’\\nTUHAN lalu nanya Sitan, “Kati nuan bisi udah berundingka nembiak Aku Jop? Nadai orang di dunya ke badas sereta lurus baka iya, ke nangika Allah Taala sereta nyeliahka penyai.’’\\nSitan lalu nyaut, “Kati Jop deka nyembah Nuan enti iya nadai bulih utai ari nya?\\nUkai enda Nuan ke seruran nyaga iya, nyaga ruang bilik enggau semua utai ti diempu iya? Nuan udah merekatka semua utai ti dikereja iya, lalu jelu bedus enggau jelu sapi iya udah nambah-menambah di menua tu.\\nTang enti Nuan ngunjurka jari Nuan, lalu ngambi semua utai ti dikemisi iya, iya tetap deka nyumpah Nuan mua mata!’’\\n“Barang ku jaku,’’ ku TUHAN bejaku enggau Sitan, “semua utai ti dikemisi iya sigi ba jari nuan magang, tang nuan enda tau ngemediska Jop.’’ Sitan lalu mupuk.\\nNyadi sekali, lebuh bala anak Jop benung ngintu pengerami makai besai ba rumah aka tuai sida, siku seruan datai belanda ngagai Jop.\\nKu iya, “Kami benung ngeradu tanah ngena sapi, lalu raban keledai meruan ba padang rumput semak endur nya.\\nOrang Sabean lalu ngenyit nyerang kami lalu ngerampas semua jelu nya. Sida munuh semua bala orang gaji nuan.\\nSemina aku aja ulih ngerarika diri lalu madahka tu ngagai nuan.’’\\nLebuh orang gaji nya agi benung bejaku, siku agi orang gaji datai, lalu bejaku, “Jelu bedus enggau bala pengibun bedus udah dipangkaka ngitar, lalu semua sida mati magang. Ka semina aku aja agi idup lalu madahka utai tu ngagai nuan.’’\\nLebuh orang gaji nya agi benung bejaku, siku agi orang gaji datai lalu bejaku, “Tiga bengkah raban soldadu penyelawai orang Kaldea udah nyerang kami, ngerampas jelu unta, lalu munuh semua bala orang gaji nuan. Ka semina aku aja ulih ngerarika diri lalu madahka utai tu ngagai nuan.’’\\nLebuh orang gaji nya agi benung bejaku, siku agi orang gaji datai, lalu bejaku, “Lebuh bala anak lelaki enggau anak indu nuan agi benung ngintu pengerami makai besai ba rumah anak tuai nuan, kabut ti besai datai lalu ngenyit mangka ari menua puang, numbangka rumah.\\nSemua sida mati magang ditinggang rumah nya. Ka semina aku aja agi idup lalu madahka utai tu ngagai nuan.’’\\nJop lalu angkat, nyarikka gari diri, ngukur pala iya, lalu nyungkurka diri ke tanah nyembah Allah Taala.\\nKu iya bejaku, “Aku ada telanjai, lalu aku deka mati telanjai. TUHAN udah meri, lalu TUHAN udah ngambi. Pujika nama TUHAN!’’\\nDalam semua utai nya, Jop enda bedosa, laban iya enda besalah Allah Taala.\\nMasmur 17: 1, 2 - 3, 6 - 7\\nSaut (peda 6): Singitka pending Nuan ngagai aku, lalu pendingka jaku aku.\\nO TUHAN, pendingka aku ke minta atur ti lurus. Pendingka sabak aku ke minta tulung! Dingaka sampi aku, laban sampi aku endang amat.\\nSaut: Singitka pending Nuan ngagai aku, lalu pendingka jaku aku.\\nNuan deka kasihka aku lebuh Nuan ngakim aku, laban Nuan nemu utai ti ngena. Nuan nemu ati aku, Nuan udah datai ngagai aku lebuh malam hari. Nuan udah meresa semua ati aku lalu nadai tetemuka pengingin ti jai dalam aku.\\nAku besampi ngagai Nuan, O Allah Taala, laban Nuan nyaut aku. Nya alai singitka pending Nuan ngagai aku, lalu pendingka jaku aku. Pandangka pengerindu Nuan ti manah, lalu selamatka aku. Lebuh aku ngimbai Nuan, aku likun ari munsuh.\\nAnak Mensia udah datai deka mela\\nlalu nyerahka nyawa Diri kena nebus orang mayuh.\\nTang Jesus nemu peragam ati sida, lalu Iya ngambi siku anak mit, ngasuh iya bediri ngimbai Iya, lalu bejaku ngagai sida, “Barang sapa nerima anak mit tu dalam nama Aku, nerima Aku, lalu barang sapa nerima Aku, nerima Iya ke ngirumka Aku. Laban orang ke pemadu mit ba bala kita, nya meh orang ke pemadu besai.”\\nJohn lalu nyaut, “Pengajar, kami bisi udah meda orang siku muru antu dalam nama Nuan, lalu kami nguji nagang iya, laban iya enda nitihka kitai.”\\nTang ku Jesus bejaku ngagai iya, “Anang nagang iya, laban orang ke enda ngelaban kita, setanah enggau kita.”","num_words":690,"character_repetition_ratio":0.056,"word_repetition_ratio":0.048,"special_characters_ratio":0.216,"stopwords_ratio":0.345,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"7 October 2018 - Hari Minggu Ke Dua Puluh Tujuh Musim Selama\\nTang lebuh Jesus meda nya, Iya pedis ati lalu bejaku ngagai sida murid Iya, “Awakka sida ke mit datai ngagai Aku. Anang nagang sida, laban Perintah Allah Taala diempu orang ke baka sida tu. Enggau bendar Aku madah ngagai kita, barang sapa enda nerima Perintah Allah Taala baka anak mit, enda ulih tama ngagai Perintah nya.”\\nPemungkal 2: 18 - 24\\nUdah nya TUHAN Allah Taala bejaku, “Enda manah orang tu diau kediri. Aku deka ngaga siku penulung ke iya, nyadika tawing iya.”\\nTUHAN Allah Taala lalu nempa ari tanah semua bansa jelu enggau semua bansa burung. Udah nya Iya lalu mai sida ngagai orang nya, ngambika iya meri sida nama. Nya meh jalai sida bulih nama.\\nNya alai orang nya meri nama ngagai semua bansa jelu tupi, semua bansa burung, enggau semua bansa jelu babas; Tang nadai siku sida nya ditemu tau nyadika penulung enggau kaling iya.\\nNya alai TUHAN Allah Taala ngasuh orang nya tinduk jenak. Orang nya lalu tinduk. Udah nya TUHAN Allah Taala lalu ngambi siti tulang kerigai orang nya, lalu nampal abi nya ngena isi.\\nTUHAN Allah Taala lalu nempa siku indu ari tulang kerigai nya, lalu mai indu nya ngagai iya.\\nOrang nya lalu bejaku, “Tu baru sedarah, segetah enggau aku saum tulang, saum isi enggau aku. Iya dikumbai “Indu”, laban iya udah diambi ari lelaki.”\\nNya kebuah lelaki ninggalka apai indai iya, lalu begulai enggau bini iya, lalu seduai iya nyadi siku.\\nMasmur 128: 1 - 2, 3, 4 - 5, 6\\nSaut (peda 5): Awakka TUHAN merekat kitai genap hari, sepemanjai umur kitai.\\nSaut: Awakka TUHAN merekat kitai genap hari, sepemanjai umur kitai.\\nBini nuan baka pun anggur ti bebuah lebat, dalam rumah nuan, lalu bala anak nuan baka anak kayu kana, ngelingi mija nuan.\\nAwakka nuan idup tepedaka bala uchu! Awakka Israel seruran diau dalam pemaik!\\nHebrew 2: 9 - 11\\nTang kitai meda Jesus, ke udah digaga baruh mimit ari melikat enda lama, diberi makota mulia enggau basa laban Iya udah merinsa natka pemati, ngambika, ulih pengasih Allah Taala, Iya mati ke semua mensia.\\nLaban Allah Taala, ke ngaga sereta bempu semua utai, endang patut ngasuh Jesus nyadi pemadu badas ulih pemerinsa, lebuh Jesus muka jalai pengelepas ke mayuh anak Allah Taala lalu mai sida bempu mulia Iya.\\nLaban Iya ke ngudus, enggau orang ke dikuduska Iya, sama datai ari ruang bilik siti aja. Nya kebuah Jesus enda malu ngumbai sida menyadi Iya.\\nOrang Parisi datai deka nguji Jesus. Ku sida nanya, “Kati laki tau muai bini?”\\nIya lalu nyaut sida, “Nama pesan Moses ngagai kita?”\\nKu sida, “Moses ngemendarka laki nulis surat sarak, lalu muai bini iya.”\\nTang ku Jesus bejaku ngagai sida, “Moses nulis pesan nya ke kita, laban kita kieh.\\nTang kenyau ari penumbuh dunya, ‘Allah Taala ngaga mensia lelaki enggau indu.’\\nKetegal nya, lelaki deka ninggalka apai indai iya, lalu begulai enggau bini iya, lalu seduai iya deka nyadi setubuh.’ Nya alai, seduai iya ukai dua iku agi, tang siku.\\nLebuh sida pulai baru ke rumah, sida murid nanya Iya baru pasal pekara nya.\\nLalu ku Iya bejaku ngagai sida, “Barang sapa muai bini, lalu jadi enggau indu bukai, butang ngelaban bini iya, lalu enti bini muai laki, lalu jadi enggau lelaki bukai, iya butang.”\\nOrang mai anak mit ngagai Jesus, ngambika Iya ngengkahka jari Iya atas sida. Sida murid lalu nganu orang nya.\\nIya lalu merap sida anak mit nya, ngengkahka jari Iya atas sida, lalu merekatka sida.\\nMark 10: 2 - 12\\nKetegal nya, lelaki deka ninggalka apai indai iya, lalu begulai enggau bini iya, lalu seduai iya deka nyadi setubuh.’\\nNya alai, seduai iya ukai dua iku agi, tang siku.","num_words":567,"character_repetition_ratio":0.067,"word_repetition_ratio":0.034,"special_characters_ratio":0.22,"stopwords_ratio":0.326,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ingat penatai, bantu pangan diri - Suara Sarawak\\nEnti ukai kitai, nadai orang bukai ti ulih mantu sida lebuh sida ditinggang penusah\\n“Aku nemu mayuh kitai ti udah lama netap diri diau ba mengeri tu, lalu kitai patut mantu bala ti baru mindahka diri kitu lebih agi bala nembiak ti agi belajar ke mengeri tu.”\\nKUCHING: Peranak Lawas dilalau anang enda ingatka penatai diri taja kitai jauh ba menua orang, ku Sapit Kepala Menteri Datuk Amar Awang Tengah Ali Hasan.\\nAwang Tengah ke mega Menteri Industri enggau Pemansang Pengawa sereta Menteri Kedua Pemansang Nengeri enggau Pengeraja Asal madah taja jauh ari menua orang, kitai patut sama mantu pangan diri laban nya endang tanggungpengawa kitai.\\n“Aku nemu mayuh kitai ti udah lama netap diri diau ba mengeri tu, lalu kitai patut mantu bala ti baru mindahka diri kitu lebih agi bala nembiak ti agi belajar ke mengeri tu.\\nPEMERI RAYA… Awang Tengah nyuaka duit raya ngagai bala anak mit ti sama bisi datai ba Pengerami Badudun, kemari.\\n“Enti ukai kitai, nadai orang bukai ti ulih mantu sida lebih agi lebuh sida ditinggang penusah,” ku iya.\\nAwang Tengah madah munyi nya rambau bejaku ba Pengerami Badudun Audilfitri ti diatur Gerempung Peranak Lawas di Kuching bepalan ba siti hotel tebilang ditu, kemari.\\nNangkan nya, ku iya, kitai ti diau ba mengeri orang tu nyadi ‘duta’ ngagai menua kitai empu.\\n“Kitai patut nyaga basa, kaul sereta adat kitai lebuh begulai enggau orang bukai.\\n“Nya alai aku ngarapka raban gerempung tu seruran meri komitmen ngagai bala bukai taja aku nemu tanggungpengawa tu ukai muntang,” ku iya.\\nAwang Tengah mega madah, taja nadai begaji, tang lebuh kitai mantu orang dalam penusah, Petara mega nemu mantu kitai baru.\\nRambau Pengerami Badudun Aidilfitri nya, urung 600 iku peranak Lawas sama ngulu pengerami nya.\\nKelimpah ari nya, sama bisi datai bini Awang Tengah Datuk Morliah Awang Daud, Speaker Dewan Undangan Nengeri Datuk Amar Mohamad Asfia Awang Nassar sereta bini iya Datuk Fatimah Iskandar.","num_words":308,"character_repetition_ratio":0.067,"word_repetition_ratio":0.147,"special_characters_ratio":0.188,"stopwords_ratio":0.24,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bayar lengkas chukai lima peratus - Suara Sarawak\\n“Semina Petronas aja ke bedau mayar alai kitai meri timpuh ngagai pengujung bulan Oktober. Enti enda, kitai deka ngeluarka saman lalu Sarawak udah sedia.”\\nKUCHING: Kompeni minyak menua, Petronas dipinta mayar chukai lima peratus ari asil minyak enggau gis ke dipansut ari Sarawak enggau lengkas.\\nMenteri Nembiak enggau Lumba Datuk Abdul Karim Rahman Hamzah madah Petronas diberi timpuh ngagai pengujung bulan Oktober 2019 alai undang-undang bekaul enggau chukai nya udah diterit kenyau bulan Januari 2019.\\nKu iya, enti mengkang enda dibayar dalam timpuh ke ditetap, Perintah Sarawak deka ngeluarkan saman ngagai Petronas.\\n“Kompeni minyak ke bukai baka ke Shell enggau Murphy Oil udah mayar.\\nBEJADI…Karim malu tawak kelai bejadi Pesta Burung Asia Ke-10 di Waterfront Kuching kemari.\\n“Semina Petronas aja ke bedau mayar alai kitai meri timpuh ngagai pengujung bulan Oktober. Enti enda, kitai deka ngeluarka saman lalu Sarawak udah sedia,”ku Karim enggau nyemetak.\\nIya mansutka jaku nya ba aum pengarang berita pengudah bejadi Pesta Burung Asia Ke-10 di Waterfront Kuching ditu, kemari.\\nKarim nambah, Sarawak enda ulih nganti lama agi ketegal pekara nya udah ditangguh kelalu lama.\\nPetronas ku iya bisi minta ditangguh ngagai tengah taun 2019 alai pinta nya disetuju Perintah Sarawak.\\n“Kompeni minyak bukai bebasaka undang-undang tu lalu udah mayar.\\n“Enti enda dibayar retinya udah ngereja penyalah, undang-undang udah terang alai kitai ulih ngeluarka saman,”ku Karim.\\nEnda lantang enggau dalih Petronas, Karim ngenataika tanya ‘Sapa Nuan ?’ ngagai kompeni nya.\\nKu iya, kompeni nya patut enda lebih agi ari Sarawak ke nyadi negeri pemansut minyak enggau gis.\\n“Kita enda ulih besai agi ari Sarawak, kita semina siti kompeni,”ku Karim ke mega Menteri Dagang Temuai, Seni enggau Main Asal.\\nPesta Burung Asia Ke-10 di Kuching diatur berengkah 27 September nyentuk ngagai 1 Oktober 2019 lalu digulu penyereta ari lebih 24 bengkah menua.\\nEntara menua ke nganjung penyereta iya nya Kemboja, Australia, India, Kenya, Nepal, Panama, Peru, Filipina, China, Taiwan, Singapura, Jepun , Hong kong, Amerika enggay sekeda ke bukai.\\nProgram ke bisi diatur rambau pesta iya nya forum eko-antarabangsa, licha, program ungkup nembiak sekula sereta pengawa mandangka pekara ke bekaul enggau burung ari lebih 70 penyereta.","num_words":328,"character_repetition_ratio":0.058,"word_repetition_ratio":0.082,"special_characters_ratio":0.193,"stopwords_ratio":0.253,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"57 kes orang lenyau di Sarawak naka Jun 2019 - Suara Sarawak\\nKUCHING: Sepenyampau 57 iti kes orang lenyau dirikodka ba bulan Januari ngagai Jun taun tu.\\nDirektor Opis Penyerara Api enggau Penyah Penusah Malaysia Nengeri Sarawak (JBPM), PKPjB Khirudin Drahman madahka penyampau kes tu niki dua peratus dibandingka enggau taun 2018 ba timpuh ke sama.\\n“Tu dipeda niki siti kes enti dibanding enggau taun 2018.\\n“Ba timpuh Januari ngagai Jun taun tu, JPBM ngerikodka 36 kes lenyau, tesat tauka telih ba kampung, 16 kes lemas ketegal labuh ba sungai tauka bot karam lalu lima kes lenyau ba tasik,” ku iya madah ba siti penerang berita.\\nNangkan nya, Khirudin madah kes pengelenyau pemadu tinggi diterima sida iya nya kes lenyau, tesat tauka telih ba kampung.\\n“Kes tu nyengkaum mayuh bengkah umur, bansa enggau asal penatai.\\n“Lalu nitihka purata, tiap bengkah kes tu mujur diputarka ba pengelama tujuh hari, lalu operasyen ngiga enggau penyah penusah dipejalai 10 hari pemadu lama sereta dua hari pemadu jampat dirikodka,” ku iya.\\nBa sepemanjai taun 2018, bisi 45 iti kes dirikodka lenyau, tesat tauka telih di kampung, 44 iti kes lemas ketegal labuh ba sungai tauka bot karam lalu dua kes lenyau ba tasik.\\nLalu ba taun 2017, sepenyampau 48 kes dirikodka lenyau, tesat tauka telih di kampung, 37 iti kes lemas ketegal labuh ba sungai tauka bot karam lalu dua kes lenyau ba tasik.\\nPENYAH PENUSAH… Raban JBPM benung bejalaika operasyen penyah penusah ba sungai.","num_words":217,"character_repetition_ratio":0.086,"word_repetition_ratio":0.139,"special_characters_ratio":0.216,"stopwords_ratio":0.171,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Enda lebu datai jauh - Suara Sarawak\\nAsil dagang nyerumba Sarawak Timber & SMEs Expo 2019 manggai RM10,000\\n“Hari keterubah bejual aku bulih RM3,600 lalu dalam tiga hari setengah bejual semak RM10,00 asil ari dagang tu ngasuh ati aku madah enda lebu datai.”\\nKUCHING: Empat hari berunggu bejual ba Sarawak Timber & SMEs Expo 2019 bulih untung manggai RM10,000 ngasuh bala orang dagang mit enggau jelan pemesai madah enda lebu datai jauh.\\nFransiska Blantau, 43 taun bedagang pua kumbu Iban asil gaga jari iya empu madah pengirau ati iya lenyau pengudah dua hari bejual.\\n“Tu keterubah aku enggau bejual ba ekspo tu. Laban menua kami jauh endang irau amat ati aku ngerunding belanja mansang kitu, nadai orang dikelala sereta tambang laban ukai aku aja ti kitu, mayuh bala enggau barang dibai aku.\\n“Hari keterubah bejual aku bulih RM3,600 lalu dalam tiga hari setengah bejual semak RM10,00 asil ari dagang tu ngasuh ati aku madah enda lebu datai,” ku iya ti datai ari Kapit.\\nIndai ngagai tiga iku anak tu madah pengawa bejual pua kumbu tu ukai batang pengawa iya laban sida semina beumai enggau bekebun.\\n“Lebuh bisi awak diau ba rumah aku belajar ari entua aku empu ngaga pua kumbu lalu bejualka pua tu nengah telefon, media rama enggau ngulu ekspo baka tu.\\n“Ninting bulan asil diulih aku ari dagang pua kumbu tu enda kurang ari RM7,000,” ku iya madah.\\nKu iya, pua kumbu lama ti pemadu mar dijual iya berega RM10,000 laban digaga ari ubung taya (ubung asal pua kumbu).\\nPUA KUMBU…Barang ti dijual ba Sarawak Timber & SMEs Expo 2019.\\n“Kelimpah selampai, aku bisi mai baju burung, kain kebat, sirat, selap mija, selap bangku enggau pua mit dikena ngias rumah.\\n“Aku amat lantang ati ngulu ekspo tu laban sambut ari bala ti datai endang manah, lalu enti nadai penanggul jemah aku endang enggau ngulu ekspo tu baru,” ku iya.\\nKelimpah ari nya, Anne Martha, 68 taun ari Bau mega ngasaika pengulih ti sebaka ba ekspo tu.\\nPinchin indu misi tu bebansa Lunbawang tu madah pengerindu nusuk manik ngasuh iya ngaga pengelandik jari tu nyadi dagang.\\n“Mayuh urang muai kerubung plastik kuie enggau kerubung ai kutak tang aku laban sayauka rampa menua lalu ngaga barang dibuai tu nyadi barang dikena ngias rumah.\\n“Sapa orang ulih nyangka urung tiga hari aja aku mujur bejualka kerubung tekuyung, plastik, manik, besi kipas angin enggau ke bukai manggai RM10,000,” ku iya nusi.\\nKu iya, ekspo tu meri mayuh pengulih seraya ngerapatka kaul enggau bala ti bisi datai.\\n“Aku ninting kali ekspo endang ngambi bagi laban sigi rindu ngulu pengawa ti meri penatai pemisi ngagai bala orang ti bedagang mit enggau jelan pemesai,” ku iya.\\nILA DATAI BARU….Fransiska Blantau enggau entua iya ngayanka pua kumbu.\\nJika terlihat buaya semasa banjir, hubungi SFC segera bukan tularkan video","num_words":433,"character_repetition_ratio":0.057,"word_repetition_ratio":0.066,"special_characters_ratio":0.215,"stopwords_ratio":0.231,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"The Hidden Words : Sarawak : Android, iPhone, iPad, Windows, Mac\\nThe Hidden Words : Sarawak\\nO Anak Roh!\\nLalau Aku keterubah ianya tu: Kembuan ati ti tuchi, kasih sereta terang, awakka enggi nuan tau nyadi kuasa jeman, meruan sereta enda abis.\\nUtai ti pemadu dikerindu ari semua utai ba mua Aku ianya Pengelurus; anang melakangka nya enti nuan dekaka Aku lalu anang ngelengkaka nya awakka Aku bisi pengarap ba nuan. Ari tulung ia nuan tau meda ngena mata nuan empu lalu ukai ngena mata orang bukai, lalu tau mereti ari penemu diriempu lalu ukai ari penemu orang bukai. Peragamka pekara tu dalam ati nuan, ngambika nuan nemu utai ti patut. Amat bendar Pengelurus nya pemeri Aku enggau tanda pengerindu penyayau Aku, nya alai engkahka nya ba mua mata nuan.\\nO Anak Mensia!\\nBelindung dalam pengidup Aku ti enda ulih dikingat sereta dalam pengidup Aku ti meruan ari kelia, Aku nemu pengerindu Aku ke nuan, nya alai Aku nempa nuan lalu nukuh ba nuan gamal Aku sereta meri nuan pemanah Aku.\\nAku rinduka nuan ditempa, nya kebuah Aku nempa nuan. Nya alai rindu ka Aku, awakka Aku ulih nyebut nama nuan lalu nyikap semengat nuan ngena Roh pengidup.\\nRinduka Aku awakka Aku tau rinduka nuan. Enti nuan enda rinduka Aku, Pengerindu Aku tentu enda ulih datai ba nuan. Temu tu O Nembiak.\\nPengelantang nuan ianya Pengerindu Aku, rumah serega nuan begulai enggau Aku, masuk kin lalu anang kakang. Tu endang utai ti udah disedia ke nuan ba Perintah Kami di serega enggau ba dunya Kami ti tinggi.\\nEnti nuan rinduka Aku, anang ingatka diriempu, enti nuan ngiga penyamai Aku anang ingatka penyamai diriempu, awakka nuan tau mati dalam Aku lalu Aku meruan idup dalam nuan.\\nNadai penyenang ba nuan semadi meh nuan ngelengkaka diriempu lalu nungaka diri ngadap Aku, laban nuan dipinta mulia dalam nama Aku, ukai ba nama nuan empu, ngelengkaka pengarap ati nuan ba Aku lalu ukai ba nuan empu, laban Aku ingin dikerindu kediri aja lalu ari atas semua utai.\\nPengerindu Aku ianya kuta Aku, sebarang sapa ti tama kin deka selamat sereta likun. Lalu iya ti ngelarika diri tentu deka lelang sereta lesap\\nO Anak Ti Tau Bejaku!\\nNuan nya meh kubu kuat Aku, masuk kin awakka nuan tau diau enggau selamat. Pengerindu Aku dalam nuan, temu nya, awakka nuan tau tetemuka Aku semak ngagai nuan.\\nNuan nya meh lampu Aku lalu penampak Aku dalam nuan. Ambi meh penerang nuan ari nya lalu anang ngiga orang bukai kelimpah ari Aku. Laban Aku udah nempa enggau naka pementas manjahka pengasih Aku ba nuan.\\nNgena jari ti bekuasa Aku ngaga nuan lalu ngena tunjuk pengering Aku nempa nuan, lalu dalam nuan Aku udah nyimpan kuasa penampak Aku. Uji nuan puas ati ba nya lalu anang ngiga ke bukai agi, laban kereja Aku nadai penimpang lalu perintah Aku rat. Anang nyakal ia, tauka enda arapka nya.\\nAku udah nempa nuan kaya, nama kebuah nuan mai diri empu ngagai pemerinsa? Aku nempa nuan bemulia, nama kebuah nuan menyati diri? Ari isi penemu Aku udah diberika nuan, nama kebuah ngiga penerang ari orang bukai kelimpah ari Aku? Ari tanah pengerindu Aku udah nukuh nuan, nama kebuah nuan ngiruh diri enggau orang bukai? Kuingka perening nuan ngagai nuan empu, awakka nuan tau meda Aku bediri dalam nuan, tegap, bekuasa sereta penulung diri.\\nNuan meh perintah Aku lalu perintah Aku enda nemu abis, nama kebuah nuan takutka diri ilang-lesi? Nuan nya penampak Aku, lalu penampak Aku enda nemu padam, nama kebuah nuan takutka diri luntur, nuan nya meh gagung Aku, lalu gagung Aku bedau kala luya. Nuan nya meh kelambi Aku, lalu kelambi Aku enda kala sendat. Nya alai tegap dalam pengerindu nuan ketegal Aku, awakka nuan tau betemu enggau Aku ba perintah mulia.\\nTungaka mua nuan ngagai mua Aku lalu lengkaka semua utai kelimpah ari Aku, laban pengeraja Aku meruan lalu perintah Aku enda nemu abis. Enti nuan ngiga ke bukai kelimpah ari Aku, taja pen, enti nuan ngiga seluruh dunya tu selama-lama ia, pengandal ati nuan deka asa ngapa.\\nO Anak Penampak!\\nAnang ingatka utai bukai kelimpah ari Aku lalu berandau enggau Roh Aku. Tu endang nyadika batang utai ti diasuh Aku, nya alai titihka nya.\\nUji nuan tepantup ati ba Aku, lalu anang ngiga penulung bukai. Laban nadai siku semina Aku aja ti ulih ngemuaska nuan.\\nAnang minta ari Aku utai ti enggai diberi Kami ke nuan, uji nuan puas ati enggau utai ti udah diberi Kami ketegal nuan, laban tu ti nguntungka nuan, laban ngena nya nuan tau puas ati kediri empu.\\nO Anak Orang Ti Ngelala Ayas!\\nAku udah nyepu ke dalam nuan seput Roh Aku Empu awakka nuan tau nyadi sulu Aku. Lapa nuan ninggalka Aku lalu ngiga ambai bukai kelimpah ari Aku.\\nPeminta Aku ba nuan besai amat, lalu ia mesti dikingat belama. Berekat Aku ke nuan nyau belimpah-ruah, lalu ia enda kala ditutup. Pengerindu Aku nya berumah dalam nuan, lalu ia enda ulih dilalai agi. Penampak Aku endang dipegari ngagai nuan, ia enda ulih dilindung.\\nBa kayu ti pemadu bemulia Aku udah ngantungka nuan buah ti pemadu nyamai, nama kebuah nuan lari ari nya lalu ngemuaska diri enggau ia ti kurang agi penyamai? Nya alai pulai meh ngagai utai ti lebih manahka nuan ba perintah ti tinggi.\\nAku udah nempa nuan bemulia, tang nuan udah menyati diri. Nya alai angkat ngagai tingkat ti udah ditempaka nuan.\\nO Anak Iya Ti Pemadu Tinggi!\\nAku udah ngangauka nuan ngagai utai ti meruan, tang nuan agi ngiga ia ti nemu abis. Nama ti ngasuh nuan lari ari utai ti dikedeka Kami lalu ngiga enggi nuanempu ?\\nAnang ngelanggar utai lebih ari patut, lalu anang minta utai ti enda patutka nuan. Besugang meh ba mua Petara nuan, Tuhan ti tegap sereta bekuasa.\\nAnang nuan sumbung ngagai sida ti merinsa, laban Aku ngiring iya ba pejalai iya lalu meda nuan ngereja pengawa ti jai lalu nyumpah nuan belama-lama.\\nBakani ku nuan tau enda ingatka penyalah diriempu lalu ngiruh diri empu enggau penyalah orang bukai? Sebarang sapa ti ngereja tu endang deka tulah.\\nAnang menseputka penyalah orang bukai seagi-agi nuan empu nya orang ti bedosa. Enti nuan ngelanggar jaku-tangkan tu, nuan deka tulah, lalu ke tu Aku nyadi saksi.\\nTemu nuan pengamat tu: Barang sapa ti ngasuh orang bukai rurus tang iya empu ngereja penyai nya ukai orang ti arapka Aku, taja pen iya ngaku nama Aku.\\nAnang meh nyangka penyalah ba sebarang orang, enti nuan empu enggai disangka salah , lalu anang meh nyebut sebarang utai ti nadai dikereja nuan. Tu meh jaku-tangkan Aku ngagai nuan, nya alai titihka nya.\\nAnang ngelebu nembiak Aku enti iya minta utai ari nuan, laban mua iya endang mua Aku, nya alai ngemaruhka diri ba mua Aku.\\nBekiraka pengawa nuan tiap hari sebedau nuan dikangau meri penerang; laban pemati ti nadai dipadah tau datai ngagai nuan, lalu nuan deka dipinta nerangka pengawa diri empu.\\nAku udah ngaga pemati nyadi seruan pengaga ke nuan. Nama kebuah nuan tusah ati? Aku udah ngaga penampak mancharka penerang ia ba nuan. Lapa nuan ngelindung diri empu ari nya?\\nNgena berita pengaga penampak Aku ngelaluka nuan: gaga! Ngagai kut pengudus Aku ngangauka nuan, diau dalam nyin awakka nuan tau idup dalam pemaik belama ia.\\nRoh pengudus udah mai ngagai nuan berita pengaga puasal begulai baru, nama kebuah nuan sinu ati? Roh ti bekuasa udah netapka nuan ba Pengarap Iya, nama kebuah nuan ngelindung diri? Penampak mua Iya udah nguluka nuan, bakani ku nuan ulih tesat?\\nAnang tusah ati semadi meh nuan jauh ari kami. Anang andal ati semadi meh nuan dibatak semak lalu pulai ngagai Kami.\\nAndal meh dalam pengaga ati nuan, awakka nuan bisi begamal betemu enggau Aku lalu mancharka pemajik Aku.\\nAnang muka ari diriempu kelambi Aku ti manah nya, lalu anang ngemeluka diri ari ai wung pementas Aku, enggaika nuan tau aus belama-lama.\\nTitihka jalai undang-undang Aku ketegal pengerinduka Aku lalu menti diri ari utai ti dikingin nuan enti nuan dekaka penyamai Aku.\\nAnang melakangka perintah Aku enti nuan rinduka pemajik Aku, lalu anang enda ingatka lalau Aku enti nuan deka ngenyamaika ati Aku.\\nEnti sema nuan ulih terebai enggau naka pengelaju ngelayang langit ti luas sereta nyemerai meraka serega, nuan nadai deka tetemuka penyamai semadi meh nuan nitihka perintah Kami sereta meremika diri ba mua Kami.\\nKemesaika pengawa Aku awakka Aku madah ngagai nuan penyelai Pemesai Aku lalu manchar ngagai nuan penerang ti meruan.\\nNgemaruhka diri ba Mua Aku, awakka Aku tau ngabas nuan enggau pengasih. Angkat ngagai pemenang pengawa Aku, awakka lebuh agi di dunya tu, nuan tau bulih pemenang.\\nSebut Nama Aku ba dunya Aku, awakka di serega Aku, Aku ulih ingatka nuan, nya baru mata Aku enggau enggi nuan nadai agi deka berai.\\nO Anak Raja!\\nPengelansik pending nuan nya pengelansik pending Aku, nya alai dinga ngena nya. Pengelansik mata nuan nya pengelansik mata Aku, nya alai peda ngena nya, awakka dalam semengat nuan, nuan tau besaksika peninggi penuchi Aku lalu Aku dalam Aku empu tau nyadi saksi ke penuduk ti tinggi ke nuan.\\nGiga pemati nyadika genselan ba jalai Aku, puas ati enggau Aku lalu beterima kasih ke utai ti udah diberi Aku, awakka nuan tau beteduh enggau Aku ari baruh ayung kuasa dibelakang panggau mulia.\\nPerundingka sereta bepikir meh. Katika nya peneka nuan mati atas padung peninduk nuan, tauka manjah darah pengidup nuan ba atas tanah, nyadika genselan nengah jalai Aku, lalu nyadika pegari perintah Aku enggau lampu penampak Aku ba serega ti pemadu tinggi? Putuska runding nuan enggau betul, O nembiak.\\nNgena pemajik Aku! Nyelup lambar buk nuan ngena darah nuan lebih besai agi reti ba mata Aku ari ti ngaga dunya tu enggau penampak ba kedua-dua dunya. Bebendar ngulihka tu, O nembiak.\\nBa tiap-tiap utai bisi tanda. Tanda pengerindu ianya ati ti tegap dibaruh perintah Aku sereta liat ati dibaruh penguji Aku.\\nOrang ti amat lelengau rinduka pemerinsa, nya sebaka enggau orang jai ti rinduka pengampun lalu orang ti bedosa minta kasih.\\nEnti penusah nadai ninggang nuan nengah jalai Aku, bakani ku nuan tau bejalai baka sida ti puas ati enggau peneka Aku? Enti penguji nadai ngemedis nuan ba pengelengau nuan deka betemu enggau Aku, bakani ku nuan tau datai ba penampak dalam pengerindu nuan ke pemajik Aku ?\\nPengerabat Aku nya penginang Aku, ari luar baka api enggau dengki tang ari dalam ianya penampak enggau pengasih. Jampat mansang kin awakka nuan tau nyadi lampu ti meruan sereta semengat ti enda nemu mati. Tu meh perintah Aku ngagai nuan, awakka nuan nitihka ia.\\nEnti pengeraja datai ngagai nuan, anang andal, lalu enti pemerinsa ninggang nuan, anang tusah, laban kedua-dua nya deka lenyau lalu nadai agi.\\nEnti penyeranta ngalahka nuan, anang tusah ati, laban bisi maya Tuhan pengaya tau nemuai ngagai nuan. Anang takut ke pemaruh, laban bisi hari alai pemulia datai ba nuan.\\nEnti ati nuan ditujuka ngagai perintah ti meruan sereta enda nemu abis tu, enggau pengidup ti tuchi sereta gayu, tinggalka perintah ti tau mati sereta tau abis tu.\\nO Anak Pengidup!\\nAnang ngiruh diri empu enggau dunya tu, laban ngena api Kami nguji emas, lalu ngena emas Kami nguji ati nembiak Kami.\\nNuan ingin dekaka emas tang Aku dekaka nuan lari ari nya. Nuan ngasaika diriempu kaya enti bisi ngembuan nya, tang Aku ngelala pengaya nuan ari penuchi nuan ari nya. Ngena pengidup Aku! Tu meh penemu Aku, lalu nya pengerindu nuan, baka ni ku jalai Aku deka besetuju enggau enggi nuan?\\nBagi pengeraja Aku enggau orang Aku ti merinsa, awakka ba serega nuan tau munggah ari gudang mulia ti enda nemu abis. Tang ngena pengidup Aku! Begenselanka semengat nuan nya utai ti lebih bemulia enti nuan ulih meda ngena mata Aku.\\nTubuh mensia nya kerusi raja Aku; tuchi ia ari semua utai, awakka ba nya Aku tau duduk tetap lalu ba nya mega Aku tau diau belama.\\nAti nuan ianya rumah Aku, kuduska ia endur Aku nurun. Roh nuan tempat alai pegari-penemu Aku, beresi ia ngambika ulih endur Aku pegari.\\nEngkahka jari nuan ba dada Aku, awakka Aku tau pegari ari atas nuan, beperenching sereta bebendang.\\nNiki ngagai serega Aku, awakka nuan tau ngasaika penyamai begulai baru, lalu ari jalung mulia ti enda nemu abis irup ai anggur ti nadai banding.\\nBeberapa hari udah tebasau sekumbang nuan ti ngiruh diri ngereja pengawa ti ti enda menuku sereta beangan-angan ngapa. Ni pengelama nuan agi deka garing garing di atas padung peninduk nuan? Angkatka pala nuan ari tinduk laban matahari udah niki ngagai kebung langit, andalka ia ulih mancharka pemajik penampak Iya.\\nPenampak udah manchar nuan ari kaki Bukit ti tuchi lalu roh penerang udah meri penerang udah menseput dalam Sinai ati nuan. Nya alai lepaska diri empu ari igau ngapa lalu masuk ngagai panggau Aku, awakka nuan patut bulih pengidup ti meruan lalu bisi pematut betemu enggau Aku. Nya alai, arapka pemati enda datai ba nuan sereta nadai mega bulih pengelelak tauka penusah .\\nPemeruan Aku nya utai tempa Aku, Aku udah nempa nya ka nuan. Asuh nya nyadika kelambi tubuh nuan. Penyerakup Aku nya utai tukuh Aku, Aku udah mai ia ke nuan, ngepan diri empu ngena nya, awakka nuan ulih nyadika pengidup Aku ti meruan belama-lama.\\nKuasa Aku nya pemeri Aku ke nuan, sereta pemesai kuasa Aku nya tanda pengasih aku ka nuan. Nama ti patut ke Aku nadai siku orang nemu, sereta nadai mega orang ulih ngingatka nya. Amat bendar Aku udah nyimpan ia dalam gudang Aku ti dipelalai enggau dalam pesaka perintah Aku, nyadika tanda pengerindu-pengasih Aku ngagai nembiak Aku sereta pengampun Aku ngagai rayat Aku.\\nO Anak Isi Ti Kudus Sereta Enda Dipeda!\\nNuan deka ditagang ari ti rinduka Aku lalu semengat deka berasai bingung lebuh sida nyebut Aku. Laban runding enda ulih meretika Aku nadai mega ulih ngundan Aku.\\nO Anak Pemajik!\\nNgena semengat Aku enggau pengasih Aku! Ngena pengampun Aku enggau pemajik Aku! Semua utai ti udah dipegari Aku ngagai nuan ngena dilah ti bekuasa, lalu udah nuliska nuan ngena pen ti tegap, endang nitihka naka pengulih enggau pemereti nuan, ukai ngena gaya Aku tauka pemanah munyi nyawa Aku.\\nNemu kita nama kebuah Kami nempa kita ari debu ti sama? Awakka nadai siku ngeninggika diri ari atas pangan diri. Pikir nya selalu dalam ati nuan bakani nuan udah ditempa. Laban Kami udah ngaga kita ari utai ti sama nya alai beguna bendar kita patut baka siti semengat, bejalai ngena kaki ti sama, makai ngena mulut ti sama lalu diau dalam siti tanah ai, awakka dalam ati nuan, sereta ngena pemanah pengawa enggau kereja kita, tanda penyerakup enggau pengingkas diri tau pegari. Bakanya meh jaku lalau Aku ke kita. O kita raban penampak! Titih meh lalau tu awakka kita tau bulih buah pengudus ari kayu mulia ti manah.\\nO Bala Anak Roh!\\nKita nya meh pesaka Aku, laban dalam kita Aku udah nyimpan intan penyelai Aku enggau gemala penemu Aku. Jaga ia ari orang ti jai ba raban nembiak Aku enggau ari rayat Aku ti enda kudus.\\nO Anak Iya Ti Nyukung Diri Empu Ba Perintah Iya Empu!\\nTemu ulih nuan, ianya Aku udah menseput ngagai nuan semua pemanah rengut pengudus, udah abis mansut ngagai nuan jaku Aku, udah ngemetulka berekat Aku ba nuan lalu udah minta ari nuan utai ti sama dikedeka Aku Empu. Uji nuan puas ati enggau peneka Aku lalu beterima kasih ngagai Aku.\\nTulis semua utai ti udah dipadahka Kami ngagai nuan ngena ai dawat penampak di atas papan tulis Roh nuan. Enti sema ke tu enda ulih ba kuasa nuan, nuan tau ngambi dawat ari isi ati nuan. Enti tu enda ga ulih nuan, nuan tau ngena dawat mansau ti udah dichurah nengah jalai Aku. Amat bendar, tu utai ti lebih manis ari semua utai, awakka penerang ia manchar belama.\\nO Kita Mensia ti Ngembuan Runding dekaNemu enggau Pending deka Ninga!\\nKangau keterubah Siku-dikerindu ianya tu: O burung bul-bul mistik! Anang diau ke bukai tang ba kebun bungai ros roh. O seruan pengerindu Solomon! Anang nuan ngiga pengelindung bukai tang ba Sheba ti amat dikerindu, enggau O burung serega ti meruan belama! anang beteduh di bukai tang ba punjung penaluk . Dia meh pendiau nuan, enti ba sayap semengat nuan lalu nuan terebai ngagai dunya ti nadai pengabis lalu deka ngulihka tuju nuan.\\nBurung ngiga tansang ia; burung bul-bul ngiga pemanis bungai-ros; pia mega burung bukai, ngiga ati bala mensia, puas enggau abu sementara, udah jauh lelang ari tansang sida ti meruan belama, lalu enggau mata sida nguing ngagai penepan nadai-pengibuh sereta dikemelu ari mulia penatai kudus. Akai rai! Ta nyelai sereta sinu; ketegal sechangkir aja, sida udah lari ke bukai ari kelebung tasik ti Pemadu Tinggi, lalu seruran jauh ari bingkai langit ti pemadu perenching.\\nDalam kebun ati nuan anang nanam utai bukai tang bungai ros pengerindu, lalu ari burung bul-bul penyayau enggau pengingin anang ngelengkaka pegai nuan. Ibun kaul enggau orang ti rentang lalu seliahka semua kaul enggau pendiau jai.\\nO Anak Pengelurus!\\nKini penunga siku ti rindu enti enda nuju menua siku-dikerindu iya? lalu nama ti digiga iya ti ngiga pengentap kelimpah ari ba pengingin ati iya? Ngagai orang ti amat besulu begulai baru nya pengidup, lalu beserara nya pemati. Dada iya nadai penyabar lalu ati iya nadai pemaik. Enda ulih itung pengidup ti deka dilengkaka iya lalu berumban nuju alai-pendiau siku-dikerindu iya.\\nO Anak Abu!\\nAmat bendar Aku nyebut ngagai nuan: Ari semua mensia ti pemadu ilap ianya iya ti betalatka igau ngapa lalu ngiga pemansang diri lebih ari menyadi iya. Sebut: O menyadi! Awakka pengawa, ukai leka jaku, nyadi pengiyas nuan.\\nO Anak Bumi!\\nTemu, amat bendar, ati ti agi ngembuan bekau kepapas, nadai ulih datai ba dunya Aku ti meruan, nadai mega ulih nyium pemanis bau pengudus ti dikesuh ari perintah suchi Aku.\\nO Anak Pengerindu!\\nNuan semina sesingkang aja agi ari tuchung mulia di atas enggau ari kayu serega pengerindu. Ambi nuan sesingkang agi lalu mansang nuju dunya ti meruan belama lalu masuk ngagai panggau selama ia. Udah nya pendingka utai ti udah dipegarika Pen ti Mulia.\\nO Anak Mulia!\\nJampatka dalam menasan pengudus, lalu gaga berandau enggau Aku. Peresi ati nuan ngena selar-api roh, lalu berumban nuju balai ti Pemadu Tinggi.\\nO Ayas Kelemayang!\\nTinggalka tikas rangkar pengakang lalu angkat ngagai tuchung penetap. Penchelakka mata pengamat, awakka nuan tau meda Pemajik enda-belindung lalu nyada: Kudus meh Tuhan, ti pemadu lati ari semua penempa!\\nO Anak Pengingin!\\nPendingka tu: Enda kala mata idup ngelala Pemajik ti meruan belama, nadai mega ati ti nadai pengidup gaga ba utai bukai tang ba lungkum ti layu. Orang ti sama ngiga bala ke sama, lalu bulih penyamai begulai enggau kaban ia.\\nPejamka mata nuan, awakka nuan ulih meda pemajik Aku; sedalka pending nuan, awakka nuan ulih ninga pemanis landai nyawa Aku; puangka nuan empu ari semua pelajar, awakka nuan tau bulih penemu Aku; lalu suchika nuan empu ari semua pengaya, awakka nuan bulih ungkup tetap ari tasik pengeraja Aku ti meruan belama. Pejamka mata nuan, ia nya, ngagai semua utai kelimpah ari pemajik Aku; sedal pending nuan ngagai semua utai kelimpah ari leka jaku Aku; puangka nuan empu ari semua pelajar kelimpah ari ti nemu Aku; ngambika ngena visyen ti terang, ati ti tulin enggau pending ti lansik nuan ulih masuk ngagai balai pengudus Aku.\\nO Mensia ti ngembuan Dua Visyen!\\nPejamka mata sepiak lalu penchelakka sepiak. Tutup sepiak ngagai dunya enggau semua ti bisi dalam nya, lalu buka sepiak ngagai pengudus pemajik\\nO bala Anak Aku!\\nAku nangi enggaika, dikemelu ari pemanis landai burung serega, nuan deka tenggelam baru ngagai ayung pengerugi besai, lalu, nadai kala tepedaka pemadas bunga-ros, nikal baru ngagai ai enggau tanah.\\nO bala Pangan!\\nAnang ninggalka pemajik ti meruan belama ketegal pemajik ti mesti mati tu, lalu anang netapka pengerindu nuan ngagai dunya abu ti nemu abis tu.\\nMaya deka datai, lebuh burung bul-bul serega pengudus nadai agi deka ngerembaika penalam misteri lalu semua kita deka dikemelu ari pemanis landai kudus enggau sada ari atas.\\nO Ayu Pengilap!\\nEnda ulih kira pemayuh dilah mistik tetemuka sada-nyawa dalam siti jaku-penerang, enggau enda ulih kira pemayuh misteri ti dipelam udah dipegari dalam siti pelandai; taja pia, akai rai, dia nadai pending deka ninga, nadai ati deka mereti.\\nO bala Kaban!\\nPintu pagar udah tebuka ba endur ti Nadai-Tempat bediri luas lalu endur-pendiau siku ti dikerindu diiyas enggau darah bala sulu, taja pen semua tang sekeda aja seruran dikemelu ari nengeri serega tu, lalu ari sida ti mimit tu pen, nadai siku tang semina segenggam aja udah ditemu ngembuan ati ti tulin enggau roh ti suchi.\\nO Kita Penguan Serega Ti pemadu Tinggi! Terantang ngagai bala nembiak penetap ianya dalam dunya pengudus, semak enggau mulia serega, kebun ti baru udah ayan, lalu dikelingi bala penguan dunya di atas enggau sida ti penguan serega ti tinggi ti enda nemu mati. Nya alai, nguji bebendar, awakka nuan tau datai ba penuduk nya, lalu nuan tau tetemuka misteri pengerindu ari bungai-ribut ia lalu nemu lalai pemintar kudus enggau penuh ari buah ia ti meruan belama. Lantang meh mata sida ke masuk lalu diau din!\\nO bala Pangan Aku!\\nKati enda kita ingatka pagi ti amat enggau beperenching, lebuh kita begempuru ba endur kudus sereta berekat ba penatai Aku di baruh ayung kayu pengidup, ke ditanam ba serega ti pemadu bemulia? Tegepang kita ninga lebuh Aku nyadaka tiga leka jaku ti pemadu kudus: O bala pangan! Anang milih peneka diri ari enggi Aku, anang sekali kali inginka utai ti enda dikedeka Aku ke kita, lalu anang ngadap Aku enggau ati ti nadai pengidup, dikamah pengingin enggau sera dunya. Enti kita tang nguduska semengat kita, deka ba jam kediatu kita ngingatka baru endur enggau tempat nya, enggau pengamat sada-nyawa Aku patut agi nyengala ba semua kita.\\nDalam baris pemadu kudus ti kelapan, dalam Papan-Tulis Serega ti kelima, Iya nyebut:\\nO Kita Ti Gali baka ke Mati ba BangkuNadai-Pengibuh!\\nBetaun-taun udah ngelebus lalu pengidup kita ti berega nyau deka abis, taja pia nadai sekali kesuh seput penulin udah datai ba balai pengudus Kami ari kita. Taja diselam dalam tasik enda-pechaya, tang ngena mulut kita empu kita madah ngembuan siti pengarap ati ti amat ke Petara. Iya siku ti dibenchi Aku udah dikerindu kita, lalu munsuh Aku digaga kita nyadi pangan. Taja bakanya, kita bejalai ba bumi Aku enda ibuh sereta puas ati kediri empu, nadai peduli ianya bumi Aku lelak ketegal kita lalu semua utai dalam nya enggaika kita. Enti kita menchelakka mata kita, kita deka, dalam pengamat, milih mayuh penusah ari pengaga tu, lalu deka ngira pemati nya empu lebih manah ari pengidup tu.\\nO Bansa Abu ti Bekinsit!\\nAku deka besaum enggau nuan, tang nuan nadai ngengkahka pengarap ati ba Aku. Pedang perang nuan udah nebang kayu pengandal nuan. Ba sebarang maya Aku endang semak enggau nuan, tang nuan seruran jauh ari Aku. Mulia ti enda nemu lesap udah dipilih Aku ke nuan, taja baka nya pemalu ti nadai tatak udah dipilih nuan ke nuan empu. Kala agi bisi maya, nikal, lalu anang ngelepaska peluang nuan.\\nOrang ti bepelajar sereta pintar udah betaun-taun nguji tang enda ulih datai betunga enggau Iya ti Semua-Mulia; sida udah ngiga Iya dalam seumur idup, taja baka nya enda meh tepedaka pemajik mua Iya. Nuan enggau nadai pengiruh udah tulihka juluk-ati nuan, taja enda ngiga udah bulih utai ti digiga nuan. Taja, baka nya, nuan agi mengkang dibungkur dalam tirai diri empu, ke alai mata nuan enda tepedaka pemajik Siku-dikerindu, enda mega jari nuan negu rambu kelambi Iya. Kita ke bisi mata, peda sereta perundingka.\\nO bala Penguan dalam Nengeri Pengerindu! Letup pemati udah mangka dian ti meruan belama, lalu pemajik Anembiak serega dilindung dalam pemetang abu. Ketuai bala raja pengerindu udah dipesalah ulih mensia ti mangah lalu burung achang pengudus dijel dalam genggam kukut burung antu. Bala penguan dalam kandang mulia enggau bala malikat serega nyabak sereta merampau, tang kita belepa dalam dunya pengilap, sereta ngaku diri empu baka bala pangan ti amat. Naka meh pengasa peragam kita!\\nO Kita ti Palui, Tang Bempu Nama Orang ti\\nNama kebuah kita begari baka pengibun bedus, tang ba dalam kita udah nyadi ukui kampung, ti deka nerekam raban Aku? Kita indah enda baka bintang, ti niki sebedau dini-hari, lalu taja, gaya ia ti terang sereta beperenching, tang ngiring bala ti bejalai ba nengeri Aku tesat ngagai menasan neraka.\\nO Kita Gaya ti Manah Tang Jai Di Dalam! Kita baka ai ti chiru tang pait, dipeda ba luar baka kristal ti tulin tang lebuh, diuji Akim kudus, setitik pen enda diterima. Yea, perenching panas sama terengkah ba abu enggau cheremin, tang bebida dalam panchar sida baka bintang enggau tanah: nah, enda ulih sukat meh bida ia!\\nO Pangan Aku dalam Leka jaku!\\nBerunding sekejap. Kala nuan ninga pangan enggau munsuh patut begulai dalam siti ati? Nya alai buru temuai, ngambika Pangan tau masuk rumah Iya.\\nSemua ti dalam serega enggau ba tanah udah ditaga Aku ke nuan, semina ati mensia, ke udah digaga Aku nyadi endur-pendiau pemajik enggau mulia Aku; taja pia nuan udah meri rumah enggau palan-pendiau Aku ngagai orang bukai kelimpah ari Aku; lalu tiap kali pengayan pengudus Aku ngiga tempat Iya Empu, temuai ditemu Iya dia, ketegal, nadai rumah, berumban nuju pengenduh Siku Ti Dikerindu. Nadai ngira nya Aku udah melamka utai dilalai nuan sereta enda deka ngemalu nuan.\\nO Ayu Pengingin!\\nSuah maya dini hari Aku nguing ari dunya ti Nadai-tempat nuju palan nuan, lalu nemu nuan ba padung pengelina kiruh enggau orang bukai kelimpah ari Aku Empu. Ari nya, baka kijap roh, Aku pulai ngagai dunya mulia serega lalu enda nyebut nya ba pengenduh Aku di atas ngagai raban pengudus.\\nO Anak Pemisi!\\nAri teda pengelela, ngena tanah jaku-tangkan Aku, Aku udah ngaga nuan ayan, lalu udah ngeletakka tiap-tiap atom ke bisi enggau ayu ke semua utai tempa dikena ngelatih nuan. Nya alai, sebedau nuan pansut ari kandung indai nuan, Aku udah nagaka nuan dua igi panchur tusu ti bekilap, mata dikena ngibun nuan, enggau ati ti rinduka nuan. Nengah pengerindu penelap Aku, di baruh ayung pengasih Aku, Aku nginang nuan, lalu nyaga nuan ngena ayu berekat enggau pemeri Aku. Lalu tuju Aku dalam semua utai tu ianya awakka nuan tau ulih datai ba perintah Aku ti meruan belama lalu tau lumau nerima penyikap Aku ti enda dipeda. Tang taja bakanya nuan seruran enda ibuh, lalu lebuh udah besai tuai, nuan udah nempayaka semua pemeri Aku lalu ngiruh diri enggau igau ngapa nuan empu, ke alai nuan nyau nadai ingat sekali-kali, lalu, melakangka semua pintu Pangan diau dalam balai munsuh Aku.\\nO Ulun Dunya!\\nSuah maya dini hari angin pengerindu-penelap Aku udah dikesuh ba nuan lalu tetemuka nuan ba padung nadai-pengibuh jenak tinduk. Ari nya perundingka penyadi nuan lebuh ia pulai ngagai penatai ia.\\nEnti nuan dekaka Aku, anang ngiga ke bukai kelimpah ari Aku; lalu enti nuan deka meda pemajik Aku, tutup mata nuan ngagai dunya enggau semua utai ti dalam nya; laban peneka Aku enggau peneka ti bukai kelimpah ari Aku, sigi baka api enggau ai, enda ulih begulai dalam siti ati.\\nO Kampar ti Nyadi-pangan!\\nDian ati nuan ditungkun ngena jari kuasa Aku, anang madamka ia ngena sukul angin pengamu-diri enggau pengeran. Penyuman ke semua penyakit nuan ianya pengingat ke Aku, anang lupa ke nya. Gaga pengerindu Aku nyadi pesaka nuan lalu sayauka ia sebaka enggau mata sereta pengidup nuan.\\nO Menyadi Aku!\\nPendingka pengaga leka jaku ari pemanis-madu dilah Aku, lalu teguk ari sungai pengudus mistik ari pemanis-gula mulut Aku. Tanam benih pemintar suchi Aku ba penulin tanah ati nuan, lalu panjah sida ngena ai pengentap, ngambika gupung-bungai penemu enggau pemintar Aku tau tumbuh manah sereta galak ba nengeri suchi ati nuan.\\nO bala Penguan Serega Aku!\\nNgena jari pengerindu-penelap Aku udah nanam ba kebun kudus serega anak kayu ke pengerindu enggau ke pangan nuan, lalu udah manjah ia ngena pemanah ai pengeliut pengasih Aku; diatu maya ia bebuah udah datai, nguji bebendar ngambika ia tau dijaga, lalu enda diempa api pengingin enggau pengeran.\\nPadamka lampu penyilap kita, lalu tungkun dalam ati kita lampu pengiring suchi ti meruan belama. Laban enda lama agi pemeresa bansa mensia deka, ba mua kudus Iya ti Dikerindu, nerima nadai utai bukai tang penulin perangai enggau kereja kudus ti nadai kamah.\\nSida ke pintar enda bejaku semadi meh sida bisi orang ninga, baka orang ti mai changkir, ke enda nyuaka changkir iya semadi meh bisi orang ti ngiga, lalu sulu enda mansutka pengelengau dalam ati iya semadi meh iya tepedaka pemajik siku-dikerindu iya. Nya alai tanam meh benih pemintar enggau penemu ba penulin tanah ati, lalu sida dipelam, nyentuk ke maya gupung-bungai pemintar suchi tumbuh ari ati lalu ukai ari lutak enggau tanah ladu.\\nBa baris keterubah Papan tulis bisi dirikud sereta ditulis, lalu dalam pengenduh panggau Petara bisi dipelam:\\nO Pengasuh Aku!\\nAnang ngelengkaka perintah ti meruan belama ke utai ti nemu abis, lalu anang muai kuasa-raja serega ke pengingin dunya. Tu meh sungai pengidup ti meruan belama ke anyut ari telaga pen penyinu; manah meh sida ti ngirup ari nya!\\nRumpangka sangkar nuan, lalu baka burung serega pengerindu terebai ngagai langit pengudus. Lengkaka nuan empu lalu, diisi enggau roh penyinu, diau dalam dunya serega suchi.\\nO Tereki Abu!\\nAnang tepantup ati enggau penyamai pejalai tiap hari, lalu anang ngemeluka diri empu ari pengelantang ti meruan belama. Anang besandaka kebun pengaga ti meruan belama ke tugung-abu dunya ti nemu-mati. Angkat ari rumah jil nuan niki ngagai padang bemulia di atas, lalu ari sangkar nuan ti nemu-mati terebai nuan ngagai serega ti Nadai-tempat.\\nLepaska nuan empu ari tanggam dunya tu, lalu kesaika semengat nuan ari jil diri empu. Rampas peluang nuan, laban ia nadai deka datai agi ngagai nuan.\\nO Anak Pengasuh-indu Aku!\\nEnti nuan meda kuasa-raja ti enda nemu padam, nuan deka nguji bebendar ninggalka dunya ti sekejap tu. Tang ngelalaika ia ti siti ari nuan lalu ngayanka ia ti siti agi nya misteri ti semina sida ti tulin ati ulih meretika.\\nPeresika ati nuan ari dengki lalu, lepas ari kepapas, masuk ngagai balai pengudus ti suchi.\\nBejalai kita nengah jalai pemanah penyamai ati Pangan, lalu temu ianya penyamai ati Iya nya endang ba penyamai ati bala utai tempa Iya. Ia nya: nadai siku tau masuk rumah pangan iya semadi meh nengah penyamai ati pangan iya, nadai mega ngengkahka jari iya ba pesaka pangan iya tauka ngenuluka peneka iya ari peneka pangan iya, lalu nadai sekali-kali deka beambi ulih ba iya. Peratika tu, kita ke ngembuan seling-penemu!\\nO Kaban Maligai Aku!\\nAnang ninga penyai, lalu anang meda penyai, anang ngemaruhka nuan empu, anang mega nengkelak enggau nyabak. Anang nyebut penyai, ngambika nuan enda ninga ia disebut ngagai nuan, lalu anang ngemesaika penyalah orang bukai ngambika penyalah nuan empu enda dipeda besai; anang ngajihka pemaruh orang bukai, ngambika pemaruh nuan empu enda tebantai. Udah nya idup ba hari pengidup nuan, ti kurang ari sekejap aja, enggau runding nuan nadai puri, ati nuan nadai rusi, pikir nuan tulin, lalu gaya pendiau nuan suchi, awakka, lepas sereta tepantup ati, nuan tau ngelengkaka rangkar ti nemu mati tu, lalu terebai ngagai serega mistik sereta diau dalam perintah ti meruan belama-lama ia.\\nAkairai! Akairai! O bala Sulu PenginginDunya!\\nBaka peneras kilat kita udah ngelimpas Siku ti Dikerindu, lalu kita udah ngengkahka ati kita ba igau sitan. Kita nyerugangka patung ba igau runding ngapa kita, lalu ngaku nya pengamat. Kita nguingka mata kita nuju duri, lalu ngumbai nya bungai. Nadai sekali seput tulin dikesuh kita, nadai mega tiup pengingkas dipuput ari padang ati kita. Kita udah nempalung ngagai angin lalau pengasih Siku-dikerindu lalu udah madamka abis ari papan tulis ati kita, lalu baka jelu di babas, kita bejalai sereta beridup ba padang-kebun pengingin enggau pengangkun.\\nO bala Menyadi ba Menasan!\\nNama kebuah kita enda ibuh ke utai ti disebut Siku Dikerindu, lalu mengkang jauh ari penatai kudus Iya? Ayu pemajik bisi di dalam rumah ti nadai banding, diduduk ba maligai mulia, tang kita ngiruh diri enggau betalat ngapa. Pemanis asai pengudus bisi menseput lalu seput pemisi ditiup begadai gadai, taja pia semua kita balat dikemedis lalu dikemelu ari nya. Nadai nasit meh nuan sereta sida ti bejalai dalam jalai nuan lalu nitihka tujah kaki nuan!\\nO bala Anak Pengingin!\\nKesaika kelambi pengelawa, lalu tanggalka ari nuan empu ngepan penyumbung.\\nBa baris ketiga dalam tulis pemadu kudus lalu dirikud dalam Papan tulis Ruby ulih pen ti enda dipeda bisi dipegarika tu:\\nO bala Menyadi!\\nUji sabar enggau pangan diri lalu anang ngengkahka pengerindu nuan ba utai ti baruh. Anang temegah ba mulia nuan empu, lalu anang malu ke pemaruh. Nengah pemajik Aku! Aku udah nempa semua utai ari abu, lalu ngagai abu Aku deka mulaika sida baru.\\nPadah ngagai bala ti kaya sedu sedan tengah malam bala ti umang, enggaika nadai-pengibuh nguluka sida nuju menasan pengerusak, lalu sida ngemeluka diri ari Kayu Pengaya. Meri sereta mentas endang sebagi ari pemanah Aku; manah meh ngagai iya ti ngiyas diri empu enggau pemanah Aku.\\nO Isi Pengeran!\\nBuai semua pengining lalu giga tepantup ati; laban orang ti ngining endang meruan dikemelu, lalu orang ti tepantup ati endang meruan dikerindu sereta dipuji.\\nAnang tusah ati dalam penyeranta tauka andal dalam pengaya, laban penyeranta ditangkan enggau pengaya, lalu pengaya ditangkan enggau penyeranta. Taja pia umang ba semua utai bukai kelimpah ari Petara nya tepa ti chukup manah, anang ngemaruhka rega nya, laban pengujung ia nya ngasuh nuan kaya ba Petara, lalu ari nya nuan deka nemu reti sada “Ke bendar kita meh ti umang,” lalu leka jaku kudus, “Petara meh ngempu semua, baka pengamat terebak pagi enggau bendang bendang bemulia ba bingkai langit ati sulu, sereta likun diau ba maligai pengaya.\\nO Anak Penyilap enggau Pengeran! Kita udah ngasuh munsuh Aku masuk rumah Aku lalu udah muru pangan Aku, laban kita udah nyembah pengerindu ke utai bukai kelimpah ari Aku dalam ati kita. Dingaka jaku Pangan lalu nunga ngadap serega Iya. Bala pangan dunya, ngiga pemanah ke sida empu, gaya ke rinduka pangan diri, tang Pangan ti amat udah rindu sereta deka rinduka kita ke pemanah kita empu; ke bendar Iya udah ngasaika mayuh pemedis ke iring kita. Anang enda taluk ngagai Pangan ti baka nya, tang berumban nuju Iya. Baka nya meh bintang-siang leka jaku pengamat enggau penaluk, ke udah pegari ba atas bingkai langit pen Tuhan ke semua nama. Buka pending kita awakka kita tau ninga leka jaku Petara, Penulung lebuh tusah, Idup Kediri.\\nO Kita ti Temegah ketegal Pengeraja ti NemuAbis!\\nNemu kita pengamat ianya pengaya meh empang tegap nyelapat orang ti ngiga ari utai ti digiga iya, orang ke besulu ari siku-dikerindu iya. Orang ti kaya, semina mimit aja, enda deka tulihka balai penatai Iya tauka masuk ngagai nengeri tepantup ati enggau pengelengka. Manah meh ngagai iya, taja kaya, enda disekat pengeraja iya ari perintah ti meruan belama, enda mega sida dikemelu ari dunya ti enda nemu lesap. Nengah Nama Pemadu Tebangkar! Bebendang orang ti kaya baka nya deka nerangka bala penguan serega baka matahari manchar mensia di bumi!\\nO bala Kita ti Kaya di Dunya!\\nOrang ti seranta ke ngelingi kita nya orang dikarap Aku; ibun kita orang dikarap Aku, lalu anang semina dekaka penyamai diri empu aja.\\nO Anak Pengeran!\\nPeresi nuan empu ari pengamah pengeraja lalu enggau naka pengelantang mansang ngagai dunya penyeranta; awakka ari telaga pengingkas nuan tau ngirup ai anggur pengidup meruan belama.\\nO Anak Aku!\\nBegulai enggau orang neraka pendiau nambahka pemerampau, tang bekaban enggau orang rentang nuchi tegar ari ati. Iya ke ngiga ti deka berandau enggau Petara, awakka iya begulai enggau bala ti dikerindu Iya; lalu iya ti deka ningaka leka jaku Petara; uji iya mendingka leka jaku bala ti dipilih Iya.\\nBejaga! Anang bejalai enggau orang neraka pendiau sereta anang ngiga deka bekaban enggau iya, laban begulai ti baka nya deka ngubah penampak ati nyadi puak api.\\nEnti nuan ngiga pengasih Roh Kudus, bekaban enggau orang ti rentang, laban iya udah ngirup ari changkir pengidup meruan belama ba jari Pengempu-jalung ti idup selama ia lalu baka pengamat terebak pagi udah ngidup sereta nerangka semua ati ti mati.\\nO Bala ke Nadai-ibuh!\\nAnang ngumbai semua utai ke dilalai dalam ati ulih dipelam, nah, nemu kita enggau tetap ianya dalam penteba ti terang semua nya udah diukir lalu nyengala ayan ba Penatai kudus.\\nAmat bendar Aku nyebut, sebarang utai ti udah dilalai kita dalam ati kita endang tebuka sereta pegari baka siang hari ngagai Kami; tang ia dipelam ketegal berekat enggau pengasih Kami, lalu ukai ketegal pematut kita.\\nSetitik ari tasik penyinu Aku ti naka penalam udah dipanjah Aku ba mensia di dunya, taja pia nadai siku ditemu nunga kia, laban genap iku udah melakangka ai anggur penyerakup serega lalu nuju beru pengamah nadai penulin, lalu, tepantup ati enggau changkir ti nemu abis, udah ngelengkaka jalung pemajik ti meruan belama. Naka penyai meh ti endur iya tepantup ati.\\nAnang ngelimpangka mata nuan ari ai anggur ti nadai banding enggi Siku-dikerindu ti meruan belama, lalu anang nelengaka nya ngagai beru pengamah sereta nemu abis. Ambi jalung pengidup ti meruan belama ari jari Pengempu-jalung suchi, awakka semua pemintar tau diempu nuan, lalu nuan tau ninga sada mistik ti ngangau ari dunya enda dipeda. Panjungka, kita ti ngembuan tuju baruh! Nama kebuah kita udah ngelarika diri ari ai anggur Aku ti kudus sereta meruan belama ngagai ai ti lesap?\\nO Kita Mensia di Dunya!\\nTemu, amat bendar, ianya rabat besai ti enda disadang nitihka kita, lalu balas ti berat nganti kita. Anang ngumbai utai ke udah dikereja kita udah dipadam ari peda Aku. Nengah pemajik Aku! Semua kereja kita udah diukir ngena penteba tebuka ba papan tulis batu berega.\\nO bala Penekan di Dunya!\\nBatak jari kita ari pemangah, laban Aku udah bedanji ba Diri empu enda deka ngampun pemingkuk mensia. Tu meh sempekat Aku ke udah diletak-tangkan Aku enda berubah dalam papan tulis ti teguh-simpan sereta dichap enggau chap mulia Aku.\\nO Bala Pemeruntak!\\nPenyabar Aku udah ngasuh kita berani lalu pengelama Aku ngetatka pemedis udah ngasuh kita enda peduli, ke alai kita nganjakka pemangah ansak pengeran ngagai jalai pemedis ti nuju pengerusak. Kati kita ngumbai Aku nadai-ibuh tauka ngumbai Aku enda nemu?\\nO Orang Pindah!\\nDilah udah digaga Aku kena nyebut Aku, anang ngamahka ia enggau pengelimpang. Enti api diri empu ngalun nuan, ingatka penyalah nuan empu lalu ukai penyalah utai tempa Aku, laban genap iku endang nemu diri empu lebih silik agi ari iya ti nemu orang bukai.\\nO bala Anak Pengigau!\\nTemu, amat bendar, ianya lebuh perenching terebak tawas di atas bingkai langit pengudus ti meruan, pelalai enggau pengawa sitan ke dikereja dalam pemetang malam deka segenda sereta ayan ba mua mensia di dunya.\\nO Rumput ti Tumbuh ari Abu! Nama kebuah jari nuan ti kamah tu enda dulu negu kelambi nuan empu, lalu lapa enggau ati nuan ti dibuya enggau pengingin sereta pengeran nuan deka berandau enggau Aku lalu masuk panggau suchi Aku? Jauh, jauh meh nuan ari utai ti dikingin nuan.\\nO bala Anak Adam!\\nLeka jaku kudus enggau pengawa ti tuchi sereta manah niki ngagai serega mulia di langit. Nguji bebendar awakka pengawa nuan tau diperesi ari abu pengingin diri enggau hipokrasi lalu bulih pengasih ba balai mulia; laban enda lama agi bala pemeresa mensia deka, ba mua pengudus Siku ke Dikerindu, nadai nerima utai bukai tang pengelati perangai enggau penuchi pengawa ti nadai bekau pengamah. Tu meh bintang siang pemintar enggau misteri kudus ke udah manchar ari atas bingkai langit peneka Petara.\\nBerekat meh sida ti nguing ngadap nya.\\nO Anak Utai-dunya!\\nManah meh dunya perintah pengidup, enti nuan ngenataika diri din; bemulia meh rampa menua ti meruan, enti nuan mansa ngelui dunya pemati; manis meh pengandal kudus enti nuan ngirup jalung mistik ari jari Nembiak ti mulia. Enti nuan datai ba pangkat tu, nuan deka dilepas ari pengerusak enggau pemati, ari kereja enggau dosa.\\nIngatka dalam runding nuan sempekat ti udah diterima nuan enggau Aku ba Bukit Párán, ti betempat ba kandang kudus Zamán. Aku udah ngambi raban malikat di atas enggau bala penguan dalam nengeri ti meruan belama nyadika saksi, taja pia diatu nadai siku ditemu Aku taluk ngagai sempekat. Endang amat penyumbung enggau pemeruntak udah madamka ia ari semua ati, ke alai nadai bekau tinggal dia. Taja nemu tu, Aku nganti lalu enda madahka nya.\\nNuan baka pedang ti ditempa alus dilalai dalam pemetang sarung ia lalu rega ia dipelam ari penemu penengkebang. Nya alai pansut ari sarung diri enggau pengingin ngambika pengelumau nuan beperenching sereta ayan ngagai semua di dunya.\\nO Pangan Aku!\\nNuan meh bintang-siang ke serega pengudus Aku, anang ngasuh pemuya dunya ngayung penampak nuan. Kesai-kuyaska tirai nadai-pengibuh, awakka ari belakang muahari nuan tau pansut beperenching lalu nganta semua utai ngena pengiyas pengidup.\\nO Anak Pengelawa!\\nKetegal sekilap kuasa-raja nuan udah muai dunya Aku ti enda nemu abis, lalu udah ngiyas nuan empu ngena gari pengelawa dunya lalu ngasuh nya nyadika pemegah nuan. Nengah pemajik Aku! Semua deka Aku gumpul di baruh siti-chura pengelamun abu lalu madamka semua macham chura tu semina sida ke milih enggi Aku, enggau ti diperesi ari semua chura bukai.\\nO Anak Penyilap!\\nAnang ngengkahka pengerindu nuan ba kuasa-raja ti nemu mati lalu anang gaga ba nya. Nuan indah baka burung ti enda ngadang belagu enggau penuh pengandal ba dan kayu; tekala nya enggau ngenyit pengasu Pemati nikauka ia ngagai abu, lalu pelandai, tukuh enggau chura lenyau magang, nadai ninggalka bekau. Nya alai bejaga, O ulun pengingin!\\nDulu suba lalau diberi nengah leka jaku, lalu diatu ia diberi nengah pengawa-badas. Tiap iku mesti mandangka pengawa-badas ti tulin enggau kudus, laban leka jaku nya diempu semua, tang pengawa-badas ti bakanya semina diempu sida ti dikerindu Kami. Ari nya bebendar enggau ati sereta semengat meri diri empu dikelala nengah pengawa-badas nuan. Ngena pemintar tu Kami ngelalau nuan dalam papan tulis ti kudus enggau beperenching tu.\\nMaya malam pemajik Siku Pengidup pemeruan udah nurun ari penampak legit penaluk nuju\\nSadratu’l-Muntahá, lalu nyabak enggau leka-sabak ke alai raban di atas enggau bala penguan dunya di atas bela nyabak ketegal serabana Iya. Lebuh ditanya, Nama kebuah meraung enggau nyabak? Iya nyaut: Baka ti diasuh Aku nganti enggau sadang ba bukit pengetan ati, taja pia nadai ensium rengut penaluk ari sida ti nguan dunya. Udah nya dikangau nikal Aku meda, lalu peda! sekeda bala burung achang pengudus chukup lelak dalam genggam kukut bala uduk dunya. Berengkah ari nya Malikat serega berumban ayan sereta beperenching ari maligai mistik Iya, lalu nanyaka sapa nama sida, lalu semua dipadah kelimpah ari siku. Lalu lebuh diansak, urup keterubah nya pen disebut, ke alai bala penguan bilik serega beterudus pansut ari tempat mulia sida. Lebuh urup kedua dipadah semua sida labuh, siku-siku enggau semua, ngagai abu. Maya nya bisi nyawa didinga ari sungkup ti pemadu dalam: “Naka nya lalu nadai jauh agi.” Amat bendar Kami besaksi ke utai ti udah dikereja sida lalu diatu agi dikereja sida.\\nIrup ari dilah penyinu ai sungai misteri kudus, lalu peda maya terebak-tawas leka jaku kudus penampak ti ayan bendang-bendang ke bintang siang pemintar. Tanam igi benih pemintar kudus Aku ba tanah tulin ati, lalu panjah sida ngena ai pengentap, awakka gupung bungai penemu enggau pemintar pansut regas enggau gadung ari nengeri ati kudus.\\nBerapa lama nuan agi nyepar dalam dunya pengingin? Sayap udah Aku beri ngagai nuan, awakka nuan ulih terebai ngagai dunya pengudus mistik lalu ukai ngagai menua igau sitan. Sugu, mega, udah Aku beri ngagai nuan awakka nuan ulih ngemas buk chelum Aku, lalu ukai ngerejang rekung Aku.\\nO bala Pengasuh Aku!\\nKita kayu ba kebun Aku; kita enda tau enda mansutka buah ti manah sereta badas, awakka kita empu enggau orang bukai bulih penguntung ari nya. Nya alai tiap iku enda tau enda bisi pengawa betukang enggau profesyen, laban dalam nya meh gelema pengaya, O mensia ti mereti! Laban pengulih bepanggai ba chara, lalu berekat Petara deka semua-chukup ngagai nuan. Kayu ti nadai mansutka buah udah lalu deka belama ke api.\\nMensia ti pengabis baruh ianya sida ti nadai mansutka buah ba bumi. Sida ti baka nya amat bendar diitung baka ke mati, nah manah agi sida ti mati dalam perening Petara ari bala semengat ti nadai guna enggau nadai rega.\\nMensia ke pemadu manah ianya sida ti ngulihka pengidup nengah pengawa diri empu lalu bebelanjaka nya ba sida empu enggau sida sekaban ketegal pengerinduka Petara, Tuhan ke semua dunya.\\nPengantin mistik enggau pemanah, sebedau tu dipelam di baruh lindung sada, diatu, nengah berekat Petara enggau pengasih suchi Iya, udah diayan baka perenching penampak mancharka pemajik Siku-dikerindu. Aku nyadi saksi, O bala pangan! ianya pengasih tu penuh, petalat nadai agi, pengamat udah pegari lalu tanda-pengamat udah entap. Awakka diatu nyata bendar ianya sebarang pengawa kita dalam menasan pengingkas diayanka. Baka nya meh pengasih suchi diberi penuh ba kita enggau ba sida ti di serega enggau di bumi. Semua puji ngagai Petara, Tuhan ke semua Dunya.","num_words":7168,"character_repetition_ratio":0.054,"word_repetition_ratio":0.0,"special_characters_ratio":0.189,"stopwords_ratio":0.342,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"STAR mantaika chalun ke deka bediri minta pilih ba PRU14 | DayakDaily\\nSTAR mantaika chalun ke deka bediri minta pilih ba PRU14\\nApr 25, 2018 @ 16:05\\nSIBU, April 25: Parti Reformasi Negeri Sarawak (STAR) udah ngaga pemutus deka bediri minta pilih ba kerusi Parlimen Sibu, Kapit enggau Bintulu sereta berunding ngeletakka chalun di Parlimen Puncak Borneo.\\nPresiden STAR Lina Soo ba aum media sehari tu ngenukuka maya Pengawa Bepilih Besai Ke-14 (PRU14), STAR nudukka aktivis Tiong Ing Tung, 50, di Parlimen Sibu.\\nBerebak enggau nya, ex- Soldadu Tasik Diraja Malaysia (TLDM) sereta pengemeran ‘Gagasan Dayak Iban Bersatu’ ke mega ex-kaban Parti Demokratik Progresif (PDP) di Johor, Sai Malaka, 52, deka bediri minta pilih ba kerusi Parlimen Kapit.\\nSoo mega mantaika siku orang dagang Chieng Lea Phing, 37, bediri ba kerusi Parlimen Bintulu.\\nSoo madahka iya empu enda bediri ba pengawa bediri ba PRU14 ke sekali tu. — DayakDaily\\nPrevious articleChalun PRS di Lubok Antu dipelaba disatup chalun biak ari PKR\\nNext article‘Barisan calon BN Sarawak gabungan yang mantap’","num_words":151,"character_repetition_ratio":0.107,"word_repetition_ratio":0.0,"special_characters_ratio":0.218,"stopwords_ratio":0.179,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sarawak enam hari bejurut nadai kes positif Covid-19 - Suara Sarawak\\nKUCHING: Sarawak enam hari bejurut nadai ngerikod kes baru positif Covid-19, pia ku Komiti Penyangga Penusah Ngenyit Nengeri (JPBN).\\nKu JPBN, tu ngujungka kes positif Covid-19 ba Sarawak mengkang 678 kes.\\n“Taja pia, bisi 10 kluster agi ngerekai ba Sarawak.\\n“10 kluster tu iya nya kluster Syarikat kejuruteraan, kluster Mambong, kluster Pusat Perubatan, kluster Jupiter, kluster Pasar Stutong, kluster jeti Kuching, kluster Sentosa, kluster PUI Melbourne, klusteri syarikat pembinaan Kuching sereta kluster Pasar Satok,” ku penerang nya.\\nNambahka nya, bisi empat kes baru udah suman enggau dikemendar pansut ari Sepital Besai Sarawak (SGH), sehari tu.\\n“Tu ngujungka bisi 621 iku tauka 91.59 peratus kes positif Covid-19 ti udah suman enggau dikemendar pansut ari sepital.\\n“Bisi 38 iku agi diperubat ba wad isolasyen enggau kes pemati mengkang 19 iku tauka 2.80 peratus.\\nKemari, bisi 33 kes Pesakit Dipelaba Kena Rampit (PUI) baru diripotka enggau enam kes agi nganti pemutus makmal.","num_words":143,"character_repetition_ratio":0.086,"word_repetition_ratio":0.0,"special_characters_ratio":0.219,"stopwords_ratio":0.119,"flagged_words_ratio":0.0,"lang_id_score":0.985,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Jampat amat...\\nTengahari tu tadi Rin nganjung BA ke Hospital Betong laban sari tu hari BA medical check up...once every two months.. BA enggai ngena kereta BA..laban kemari pedis ka start injin..enggai ka ba Hospital lagi..problem...hari enam tu masuk workshop dulu ia..\\nPenyauh Hospital Betong ari Bandar Betong kira-kira 7KM aja...semak kan. Kami duai datai di kaunter Hospital jam 12.05 tengahari...bedau anggat bangku alai duduk..lumor BA ti ke 99..(lucky 99) udah dikangau ka. \"Jampat amat..\" ko BA madah ka Rin.\\nOrang bukai ka lama udah nganti dia pan alit kini ati...tang BA ukai betemu enggau Tuan Lutor..BA betemu enggau Tuan Driso...Enti betemu enggau Lutor lama mimit ka nganti laban sida lutor ditu enda maioh lalu sida mega ngabas dulu urang ka ngenat ka diri sakit ba wad din.\\n10 minit udahnya BA pansut ari bilik peresa lalu ke Farmasi ngambi ubat. Indu ti gawa ba Farmasi nya...emmm enda nemu nyebut nama BA ga...bendar tudah ia nyebut-nyebut nama nya..\"Macam mana sebut?\" ko ia jako melayu..BA pan nyebut full name BA agai ia...puas ati?\\nUkai nama ia nentu ka nama pesakit ti ngambi ubat...enggai ka ubat nya salah bri ka urang ti bukai...maklum aja meh...ditu maioh urang ka tuai-tuai berubat di Hospital...kasih sida ia..kan...ukai sida nemu..enti main kangau ngena lumor...bisi nya enda nemu surat bah.\\nSemua proses nya tadi enda bolih setengah jam. Syabas Hospital Betong, Sarawak.\\nDikarang olih NyuWynn Glen Fordza @ Bujang Astana maia jam 1:36 PM\\nkhairul onggon 9:34 PM\\nBaruk tadik kami bak opis berjakok hal hospital betong.. hehehe.. pegwai baru opis kmk namanya Bangan molah medical checkup di Hosp. Betong.. nang Jampat Amat.. good service.. :)\\nESKay 4:57 PM\\nuji ti asuh nyebut Puja enggau indu ke ba farmasi nya wynn, hahaha\\nBujang Astana @ Fordza de Astana 5:24 PM\\nOnggon...bagus kan kalau service kedak ia dapat dinikmati oleh semua orang...\\nBujang Astana @ Fordza de Astana 5:26 PM\\nESKay...nya lah...ukai nama ia mikir nama nya ukai nama aku...nama indu ba runding ia...heee...hee","num_words":306,"character_repetition_ratio":0.053,"word_repetition_ratio":0.0,"special_characters_ratio":0.241,"stopwords_ratio":0.16,"flagged_words_ratio":0.0,"lang_id_score":0.975,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"62 peratus peranak Kapit udah divaksin - Suara Sarawak\\n62 peratus peranak Kapit udah divaksin\\nKUCHING: Naka 17 Julai tu tadi, bisi 102,571 dos vaksin Covid-19 udah diberi ngagai peranak Bagi Menua Kapit, ku Sapit Kepala Menteri Tan Sri Dr James Jemut Masing.\\nPekara tu dipansutka Masing nengah sebengkah penerang media kemari ke alai 58,531 dos keterubah ti diberi nya mungkur 62.3 peratus rayat di Kapit.\\nKelimpah ari nya, ku iya 42,220 dos tauka 47.1 peratus peranak di Bagi Menua Kapit udah nembuka dua dos vaksin.\\nTerang Menteri Infrastruktur enggau Pemansang Penyangkai Kapal tu, nitihka Opis Perangkaan Malaysia (DOSM- 2020), 93,000 ari semua 134,800 peranak di Kapit beumur 18 taun ke atas ulih nerima vaksin Covid-19.\\n“Kenyau Program Outreach Palan Meri Vaksin (PPV) Mindah kena 14 June nyentuk 17 Julai diatur, puku rata dos vaksin diberi sehari bisi 2,762 dos.\\n“Nyengkaum dos ti diberi sebedau program tu (8,662 dos), penyampau semua dos ti diberi bisi 93,909 dos,” ku iya.\\nMasing ti mega Adun Baleh madahka, puku rata 2,762 dos ti diberi nya dalam timpuh 34 hari.\\n“Tu nunjukka 58,531 ari penyampau 93,900 peranak udah divaksin pengabis nadai siti dos iya nya mai reti 62.25 peratus penyampau rayat di Kapit,” ku iya.","num_words":170,"character_repetition_ratio":0.078,"word_repetition_ratio":0.0,"special_characters_ratio":0.27,"stopwords_ratio":0.171,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Engkeramat enggau Bemanang—Kati Nya Jai?\\nBACHA DALAM JAKU Abkhaz Afrikaans Albanian Amharic Arabic Armenian Aukan Azerbaijani Azerbaijani (Cyrillic) Baoule Bassa (Cameroon) Bassa(Liberia) Batak (Karo) Batak (Simalungun) Batak (Toba) Bicol Blackfoot Boulou Cambodian Carib Cebuano Chichewa Chinese (Simplified) Chinese (Traditional) Chitonga Croatian Czech Danish Douala Dutch Efik English Estonian Ewe Faroese Fijian Finland Frafra French Futuna (Timur) Ga Garifuna Georgian Greek Greenlandic Guarani Haitian Creole Hausa Hebrew Hiligaynon Hmong (Putih) Hungarian Iban Iloko Indonesian Isoko Italian Jaku Orang Bisu Argentina Jaku Orang Bisu Austria Jaku Orang Bisu Belanda Jaku Orang Bisu Chile Jaku Orang Bisu China Jaku Orang Bisu Costa Rica Jaku Orang Bisu Croatia Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Ghana Jaku Orang Bisu Greece Jaku Orang Bisu Guatemala Jaku Orang Bisu Hungary Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Mexico Jaku Orang Bisu Mozambique Jaku Orang Bisu New Zealand Jaku Orang Bisu Norway Jaku Orang Bisu Panama Jaku Orang Bisu Paraguay Jaku Orang Bisu Peru Jaku Orang Bisu Philippines Jaku Orang Bisu Portugal Jaku Orang Bisu Romania Jaku Orang Bisu Russia Jaku Orang Bisu Spain Jaku Orang Bisu Sweden Jaku Orang Bisu Thailand Japanese Kinyarwanda Kirghiz Kisi Korean Krio Kwanyama Laotian Latvian Lhukonzo Lithuanian Luganda Luo Malagasy Mam Mapudungun Mauritian Creole Mbunda Medumba Mizo Nahuatl (Guerrero) Navajo Ndebele (Zimbabwe) Nengone Nepali Nias Niuean Norwegian Nzema Oromo Ossetian Persian Polish Portuguese Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Rarotongan Romanian Romany (Greece Selatan) Romany (Greece Utara) Runyankore Russian Rutoro Sarnami Serbian Serbian (Roman) Setswana Seychelles Creole Shona Shuar Sidama Sinhala Slovak Slovenian Solomon Islands Pidgin Spanish Swedish Tagalog Tahitian Tatar Thai Tigrinya Tojolabal Tongan Totonac Tsonga Turkmen Tuvaluan Twi Tzotzil Ukrainian Urdu Urhobo Uzbek Uzbek (Rumi) Venda Wallisian Wayuunaiki Wolaita Wolof Xhosa Yoruba Zande Zapotec (Lachiguiri) Zulu\\nEngkeramat Enggau Bemanang Nya Jai\\nSitan deka nuan ngereja engkeramat. Mayuh orang meri piring ngagai aki ini tauka roh ngambika ulih nyaga sida ari utai ti tau ngemedis. Sida ngereja tu laban sida takutka kuasa ari dunya roh. Sida ngena tinchin tauka gelang ti bisi engkeramat. Sida ngirup tauka ngunsutka tubuh sida enggau “ubat” ke bisi engkeramat. Ba dalam rumah tauka ba dalam tanah, sekeda orang ngelalaika bup ke bisi ngembuan engkeramat. Bisi mega ngena “ubat” engkeramat laban sida pechaya nya ulih ngemujurka pengawa bisnis, peresa sekula, tauka maya bedating.\\nChara ti pemadu manah kena nyaga diri ari Sitan, iya nya nyadi pangan Jehovah. Petara Jehovah enggau melikat Iya lebih bekuasa agi ari Sitan enggau bala antu. (James 2:19; Pemandang 12:9) Jehovah deka ngayanka pengering Iya ngarika bala pangan Iya–orang ke amat tetap ati ngagai Iya.—2 Bansa Israel 16:9.\\nJaku Petara madah: “Anang betilitka nasit tauka bemanang.” Jehovah deka ngukum orang ke ngereja engkeramat enggau bemanang laban semua utai nya ulih ngujungka sida ba baruh kuasa Sitan.—Adat Lewi 19:26.","num_words":475,"character_repetition_ratio":0.122,"word_repetition_ratio":0.0,"special_characters_ratio":0.174,"stopwords_ratio":0.181,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"27 April 2020 - Hari Satu ba Minggu Ketiga Musim Paska -->\\n27 April 2020 - Hari Satu ba Minggu Ketiga Musim Paska\\n“Anang bekereja ngulihka pemakai ti nemu buruk, tang bekereja ngulihka pemakai ti tan, ti meri pengidup ti meruan belama iya. Pemakai nya deka diberi Anak Mensia ngagai kita, laban Allah Taala ti Apai udah ngasuh Iya ngereja nya.” John 6:27\\nSelamat pagi, Hari Satu ba Minggu Ketiga Musim Paska ngagai semua bala menyadi dalam kristus. 😇\\nBacha Ke Satu: Surat Pasal Kereja Rasul 6: 8 - 15\\nStepen, ke penuh laban berekat enggau kuasa, ngereja mayuh kereja ajih enggau kereja ti nyelai ba orang mayuh.\\nUdah nya sekeda orang ari raban Balai Gempuru Orang Ke Udah Dilepaska enggau orang Judah ke datai ari menua Sairin, ari Aleksandria, enggau ari menua Silisia enggau Asia, belabuh betalat enggau Stepen.\\nTang sida enda ulih ngelaban penemu-dalam enggau kuasa Roh Kudus ti dikena iya bejaku.\\nSida lalu belalai nyungkak orang nyebut, “Kami udah ninga iya bejaku busung ngelaban Moses, enggau ngelaban Allah Taala!”\\nLalu sida nyungkak orang mayuh, enggau sida tuai bansa, enggau sida pengajar Adat.\\nSida lalu nangkap Stepen lalu mai iya ngagai Kunsil.\\nSida ngasuh orang besaksi bula ngelaban iya, munyi tu, “Orang tu enda ngetu-ngetu bejaku ngelaban endur ti kudus tu, enggau ngelaban Adat, laban kami udah ninga iya madahka Jesus orang Nasaret deka ngerusak endur tu, lalu ngubah semua adat asal ti diberi Moses ngagai kitai!”\\nSemua orang ke duduk dalam Kunsil nya bela merening magang ngagai Stepen, lalu sida meda mua iya baka mua melikat.\\nMasmur Entara: Masmur 119: 23 - 24, 26 - 27, 29 - 30\\nSaut (peda 1a): Beberekat meh orang ke ngasika adat TUHAN.\\nTaja pen bala raja bepekat ngelaban aku,\\ntang aku deka belematika ajar Nuan.\\nAdat Nuan ngasuh ati aku gaga.\\nAdat Nuan nyadika penyanding penemu aku.\\nSaut: Beberekat meh orang ke ngasika adat TUHAN.\\nLebuh aku madahka semua utai ti udah dikereja aku,\\nNuan udah nyaut aku. Ajar meh aku jalai Nuan.\\nAsuh aku meretika adat Nuan,\\nlalu aku deka belematika pengawa Nuan ti badas.\\nKejangka aku jauh ari pendiau ti salah,\\nlalu ulih pengasih Nuan, ajar aku adat Nuan.\\nAku udah mutuska runding deka tetap ati ngagai Nuan.\\nAku udah mendingka atur Nuan.\\nAlleluia (peda Matthew 4: 4B)\\nBacha Injil: John 6: 22 - 29\\nHari siti, bala orang ke tinggal di seberai danau nya, meda semina sebuah aja perau bisi dia. Sida mega nemu Jesus enda nepan perau nya enggau sida murid Iya, tang sida udah mupuk kediri.\\nUdah nya perau ari Tiberias datai semak endur alai sida ke makai roti udah bekau Tuhan ke meri terima kasih.\\nNya alai lebuh orang mayuh nemu Jesus enggau bala murid Iya sama nadai dia, sida lalu nepan perau, lalu mupuk ngagai Kapernaum, ngiga Jesus.\\nLebuh sida nemu Jesus di seberai danau nya, sida lalu bejaku ngagai iya, “Pengajar, kemaya Nuan datai ditu?”\\nKu Jesus nyaut sida, “Enggau bendar Aku madah ngagai kita, kita ngiga Aku, ukai laban kita udah meda kereja ajih, tang laban kita udah kenyang makai roti.\\nAnang bekereja ngulihka pemakai ti nemu buruk, tang bekereja ngulihka pemakai ti tan, ti meri pengidup ti meruan belama iya.\\nPemakai nya deka diberi Anak Mensia ngagai kita, laban Allah Taala ti Apai udah ngasuh Iya ngereja nya.”\\nSida lalu nanya Iya, “Nama utai ti patut dikereja kami ngambika kami ngereja peneka Allah Taala?”\\nKu Jesus nyaut, “Tu utai ti diasuh Allah Taala kereja kita: arapka Iya ke udah dikirumka Iya.”","num_words":522,"character_repetition_ratio":0.058,"word_repetition_ratio":0.062,"special_characters_ratio":0.216,"stopwords_ratio":0.335,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kurangka aktiviti ba luar rumah - Suara Sarawak\\n“Enti ulih, anang ngereja mayuh aktiviti rambau sebun nyadi lalu patut milih palan baka rumah tauka premis alai ngatur pengawa.”\\nKUCHING: Mensia mayuh dilalau ngurangka aktiviti ba luar rumah beduduk ari gaya hari besebun ba Sarawak diatu.\\nMenteri Pengerai Datuk Seri Dr Dzulkefly Ahmad ngelalau mensia mayuh enda kelalu mayuh ngereja pengawa ba luar rumah diatu.\\n“Bekaul enggau pejalai pengawa kitai sehari tu, kami udah besedia, lalu kami mega bejaga sereta enda ngarapka ujan ulih ngurangka sebun tu.\\n“Enti ulih, anang ngereja mayuh aktiviti rambau sebun nyadi lalu patut milih palan baka rumah tauka premis alai ngatur pengawa,” ku iya.\\nDzulkefly madah munyi nya lebuh dirandau pemberita pengudah bejadika Stop Stigma Run 2019 ba luar Begunan Dun Lama ditu, kemari.\\nNangkan nya ku iya, mensia mayuh mega dilalau ngirup ai putih ngambika pengerai seruran dijaga.\\n“Ngagai sida ti ngembuan penyakit kronik baka sakit lempuang, asma enggau ke bukai, nyaga pengerai diri patut nyadi pekara ti keterubah,” ku iya.\\nPengawa belanda ba Stop Stigma Run 2019 kemari enda ulih dipejalai beduduk ari gaya hari ti balat besebun.\\nTaja pia piak pengatur ngatur aktiviti ti lempung ba palan ti sama.\\nSemua bala penyereta mega diagihka topeng mu enggau nadai bebayar beduduk ari Tikas Pengamah Angin (IPU) manggai 232 naka pukul 7 pagi.\\nBala pemenang tiap kategori belanda nyadi mega dipilih nengah pengawa nyabut tiket benasib ngena lumbur baju.","num_words":217,"character_repetition_ratio":0.058,"word_repetition_ratio":0.087,"special_characters_ratio":0.186,"stopwords_ratio":0.166,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pelilih Lundu diatu status mirah - Suara Sarawak\\nKUCHING: Sarawak ngerikodka 185 kes positif baru Covid-19 kemari ti ngujungka penyampau kes positif Covid-19 ba menua tu nambah 5,475 kes.\\nKomiti Penyangga Penusah Ngenyit Nengeri (JPBN) dalam penerang media kemari madahka kes positif baru Covid-19 pemadu besai dirikodka ba Pelilih Menua Sibu iya nya 101 kes.\\nEntara kes positif baru tu dirikodka ba pelilih menua Lundu iya nya 19 kes, Song (18), Dalat (12), Subis (7), Kanowit (6), Bintulu (4), Kapit (4), Bau (3), Kuching (2), Saratok (2), Miri (1), Julau (1), Meradong (1), Belaga (1), Matu (1), Kabong (1) enggau Lawas (1).\\nNangkan nya, Pelilih Menua Lundu bebali ari status oren ngagai mirah kemari pengudah ngerikodka 50 kes berampit dalam timpuh 14 hari.\\nPia mega, Pelilih Menua Saratok bebali ari status gadung ke status kuning pengudah ngerikodka dua kes berampit dalam menua.\\nNaka diatu semina semilan buah pelilih menua agi ba status gadung.\\nBisi 157 kes baru udah suman sereta dikemendarka pansut ari sepital dirikodka kemari ti ngujungka kes udah suman sereta dikemendarka pansut ari sepital nambah 3,602 iku.\\nSida ti dirikodka tu pansut ari Sepital Sibu (72), Sepital Miri (60), Sepital Bintulu (12), Sepital Besai Sarawak (10) enggau PKRC Sepital Kapit (3).\\nPia mega, bisi 270 kes Pesakit Agi Dipatau (PUI) dirikodka kemari, ke alai 23 PUI agi nganti pemutus peresa makmal.\\nAmbulans terbabas dan terlanggar dua buah kenderaan dari arus bertentangan\\nLarian Menara Sibu diteruskan pada 8 Mac","num_words":198,"character_repetition_ratio":0.07,"word_repetition_ratio":0.0,"special_characters_ratio":0.254,"stopwords_ratio":0.136,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Word Speaks Today: Jesus, Penyelamat Kitai: Ukai Ketegal Baju Iya, tang Pengarap Nuan (Mark 5:25-34)\\nJesus, Penyelamat Kitai: Ukai Ketegal Baju Iya, tang Pengarap Nuan (Mark 5:25-34)\\n“Nyadi dia bisi siku indu ke udah sakit begetah dua belas taun. Iya udah berubat ngagai mayuh bengkah lutur. Tang sida enda ulih ngeraika iya. Semua duit iya nyau abis kena iya berubat, tang iya nadai belinsur gerai, tang majak balat-sebalat sakit. Iya udah ninga pasal Jesus. Iya lalu datai ari belakang Jesus dalam tekang bala mayuh, lalu negu baju Jesus, laban ku iya bejaku dalam ati diri, ‘Enti aku negu baju Iya, aku deka gerai.’ Iya lalu tekala nya badu agi begetah, lalu iya ngasaika tubuh diri udah digeraika ari penyakit nya. Jesus lalu tekala nya nemu kuasa bisi udah pansut ari Iya. Iya lalu nguing ngagai tekang bala mayuh lalu bejaku, ‘Sapa negu baju Aku?’ Sida murid Iya lalu bejaku ngagai Iya, ‘Peda Nuan pemayuh orang besedul ngelingi Nuan, lalu agi ga Nuan nanya, ‘Sapa negu Aku?” Jesus majak gining-gining ngiga orang ke udah negu Iya. Tang lebuh indu nya nemu utai bisi udah nyadi ba iya, iya datai, getar-getar takut, besugang di kaki Jesus lalu madah ngagai Iya semua utai ti udah nyadi. Jesus lalu bejaku ngagai iya, ‘Anak, pengarap nuan udah ngeraika nuan. Mupuk meh nuan enggau selamat. Nuan udah gerai ari penyakit nuan’’\\n(Mark 5:25-34, Bup Kudus Baru)\\nIndu nya bisi sakit begetah (tauka penyakit pansut darah) udah 12 taun. Taja pan iya nadai dibri nama, iya nyadi ka chunto ngagai kitai ketegal pengarap ia ti besai ngagai kuasa Tuhan Jesus Kristus. Ko iya berunding dalam ati: “Enti aku negu baju Iya, aku deka gerai.” Tu pengarap ti besai! Enda iboh mayoh macham pengawa serta jako. Enda iboh besampi panjai tauka bebunga-bunga. Iya semina “negu baju Jesus” lalu iya gerai! Tekala nya Tuhan Jesus nemu kuasa Allah Taala bisi udah pansut ari Iya ngerai ka indu nya.\\nJerita tu tau tembu ditu.\\nTuhan Jesus “majak gining-gining ngiga orang ke udah negu Iya. Tang lebuh indu nya nemu utai bisi udah nyadi ba iya, iya datai, getar-getar takut, besugang di kaki Jesus lalu madah ngagai Iya semua utai ti udah nyadi.” Jesus lalu bejako enggau iya: \"Anak, pengarap nuan udah ngeraika nuan.” Nama kebuah Tuhan Jesus ngasoh iya mantai pengawa tu di moa orang mayuh, lalu baka ngemalu ka indu tu?\\nLaban indu nya deka belalai. Kitai enda tau baka nya. Pengarap kitai ngagai Tuhan Jesus enggau kuasa Iya enda patut dipelalai dalam ati kitai aja belama-lama lalu enda ditusoi ngagai orang bukai (Indu tu belalai tang Jesus deka iya ngaku dimoa orang mayuh). Pengarap tu ukai baka padi ti disimpan dalam tajau lalu enda dikeluarka agi. Enti pia, iya deka bau akap. Manah agi iya ditanam baru iya mai penguntong serta bebuah. Baka nya mega pengarap kitai. Kitai mesti ngaku ka iya, madah ngagai orang mayuh, tusoi enggau ati ti gaga laban Tuhan Jesus udah ngerai ka nuan enggau aku. Lak ka pengarap ditanam dalam ati orang lain mega lalu bebuah nitih ka peneka Allah Taala.\\nMakin tua ngemesai ka nama Tuhan Jesus ti nyelamat ka kitai, makin mansang besai pengarap tua ngagai Iya. Pengarap kitai enda patut dipelalai, iya mesti dibrita ka ngagai orang mayuh awakka sida mega dibai kitai bendar agi arap ka Tuhan Jesus ti Penyelamat kitai. Ko Saint Paul dalam surat iya ngagai orang di Rome: “[Kami] arap dalam ati kami lalu digaga lurus di moa Allah Taala; kami ngaku enggau mulut kami lalu idup” (Rome 10:10). Tuhan Jesus empu meda udah bejako: “Bejalai kita ngagai serata dunya, lalu tusui Berita Manah ngagai semua mensia” (Mark 16:15). Nama Berita Manah tu? Ia nya Tuhan Jesus empu. Anang ngelalai ka pengawa Tuhan ba pengidup nuan. Selalu deka nusoi ka Berita Manah ngagai orang bukai. Anang takut.\\nO Tuhan Jesus, udah mayoh kali Nuan mantai ka pengerindu Nuan, kuasa Nuan enggau penyuman Nuan ngagai aku. Patut amai aku magi ka penemu nya ngagai orang bukai, ngambi ka sida enggau aku sama bela mansang dalam pengarap ka Nuan ti Penyelamat dunya. Amen.\\nPosted by Richard Angelus at 9:18 PM\\nLabels: Bahasa Iban, Berita Baik, Kuasa, Pengarap, Pengidup Baru, Penginjilan, Yesus Kristus\\nJesus on the Kingdom of God (Mark 1:18)\\nJesus command Us to Go for Spiritual Surgery (Mark...\\nAbram had a Choice: Faith or Self-Sufficiency (Gen...\\nLetters to Annie: Let's Attend Church Together\\nAbram Had An Astonishing Capacity for Belief (Gene...\\nJesus' Triumphant Entry (the Spirit of Palm Sunday...\\nJesus is Not Against Denominations But For Oneness...\\nJesus, Penyelamat Kitai: Ukai Ketegal Baju Iya, ta...\\nGod's Master Plan: To Gather People of Every Tribe...\\nGod’s Anger is Always Answered by His Grace and Me...\\nC.H. Spurgeon on Prayers (Most of the Time) Should...\\nGod's Wrath Poured Out on Those Who Want to Have I...\\nGod's Grace in Human's Dark Hearts (Genesis 4:3-8)...\\nGod Wants Us to Work, Work Hard (Genesis 3:16-19)\\nGod's Perspective is the Best and God's Intention ...\\nGod made Us for Relationship: Not for Self-Suffici...","num_words":799,"character_repetition_ratio":0.056,"word_repetition_ratio":0.078,"special_characters_ratio":0.222,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2018-10-14 - Nengah kus bansa tu ulih meransang sida bedagang chara mit, nyungkak penatai pemisi\\nNengah kus bansa tu ulih meransang sida bedagang chara mit, nyungkak penatai pemisi\\nUtusan Borneo (Sarawak) - 2018-10-14 - Berita Iban -\\nMARUDI: Batang tuju Opis Betanam Betupi Bagi Menua Miri ngatur kus pengelandik dikena nentu enggau ngenegapka raban indu nyadi orang dagang.\\nAmbika chunto, bepun ari ngaga kek lapis ba dapur kitai empu, bejual, patut pintar runding ngiga endur bejual. Ari rumah, kitai tau mansang ngagai kilang kek lapis lalu bejual ngagai luar nengeri. Dato Gerawat Gala Sapit Speaker DUN Sarawak\\nKu Sapit Speaker Aum Kunsil Nengeri (DUN), Dato Gerawat Gala, ari pemisi kus baka tu, raban indu teulihka penemu dikena bedagang chara mit. Enti sida pintar runding sereta bagas gawa, tau nyadi pun penatai pemisi ti tau nguntungka kitai.\\n“Ambika chunto, bepun ari ngaga kek lapis ba dapur kitai empu, bejual, patut pintar runding ngiga endur bejual. Ari rumah, kitai tau mansang ngagai kilang kek lapis lalu bejual ngagai luar nengeri.\\n“Kek lapis ari kandang menua Poyut\/Lubok Nibong sereta tau dikemandang ba kandang menua Lio Mato (Ulu Baram) enggau Long Seridan (sitak menua Kelabit), deka nguntungka kitai,” ku iya.\\nNangkan nya, perintah nengah Opis Betanam Betupi ngatur kus beranyam, muka runding enggau mata, nyadi pugu ngepunka dagang ari rumah, kelebih agi bansa Bumiputera. Untung ari pengawa tu tau dikena melanja sekula bala anak ngagai palan pelajar tinggi.\\n“Anang irauka puku dikena bedagang laban tau minta bantu ari ejensi perintah baka SEDC,” ku iya lebuh bejaku ba Pengawa Ngelan- charka Kus Ngatur Pengawa Ngemansangka Ruang Bilik Khas Ungkup Bumiputera diatur Opis Betanam Betupi Bagi Menua Miri ba Rumah Michael selangkor, Sg Brit pagi kemari.\\nKus dua hari nya digulu raban indu ari empat buah rumah panjai besemak iya nya Brit ialah Sg Muam, Rumah Telajan Luyoh, Brit Asal and Sg Sebatang enggau Logan Entasan, Marudi.\\nGerawat ti mega ADUN Mulu madah ari insentif kus nya beguna amat ungkup sitak menua pesisir, nyengkaum Lio Mato, Long Seridan, Long Lelang enggau ke bukai. Tu dikena muka runding sida ke diau ba menua pesisir.\\nSama bisi datai Pemesai Pelilih Marudi, Mackos Sibong, Pemesai Betanam Betupi (Pemansang) Miri, Madelina, Penghulu Tie King Un enggau Penghulu Randi Bundan, ti nyadi tuai pengatur.\\nNYUNGKAK PENATAI PEMISI: Gerawat (tengah) begambar ungkup kenang begulai enggau bala penyereta kus seraya Mackos Sibong (kiba Gerawat).","num_words":377,"character_repetition_ratio":0.057,"word_repetition_ratio":0.125,"special_characters_ratio":0.195,"stopwords_ratio":0.159,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jessica nadai nyangka diri gawa nyadi pemacha berita TVS – Suara Sarawak – Bukan Sekadar Akhbar\\nYou are here:Home-RUAI-Jessica nadai nyangka diri gawa nyadi pemacha berita TVS\\nKUCHING: Pemerani bejaku ba mua kamera bepun diterenak lebuh nyereta Pekit Kumang, pia ku Pemacha Berita Iban TV Sarawak (TVS) Jessica John Chung.\\nPemacha berita TVS beumur 25 taun nya madahka diri nadai nyangka tauka baka ‘bidang terejun’ gawa ba stesyen televisyen laban iya nadai ngadang diri gawa ba stesyen tu.\\n“Sebedau tu, aku datai intebiu ba TVS minta pengawa ba Unit Orang Gawa laban aku belajar dalam bidang nya.\\n“Taja pia, lebuh diintebiu, aku mayuh diasuh bejaku baka nyadi pemacha berita enggau ke bukai,” ku iya lebuh dirandau ba Opis TVS.\\nNambahka nya, iya madahka diri nampung pelajar ba Universiti Teknologi Mara (UiTM) Kampus Samarahan ba pelajar ‘Diploma Pengurusan Sains Pentadbiran, Ijazah Sarjana Muda Sains Pentadbiran enggau Sarjana Eksekutif Sains Pentadbiran dan Pengajian Polisi’.\\nJessica John Chung\\n“Batang pengawa ba bidang TV nya pengawa ketiga aku ke alai sebedau tu aku kala gawa ba unit servis mensia mayuh di Telekom Malaysia ™ ti mantu aku nambahka penau enggau pemerani diri ayan ba TV.\\n“Pia mega, nyereta Pekit Kumang (Miss Unity Sarawak 2019 enggau Miss Valentine 2020) meri pengelebih ngambi aku berani bejaku ba mua bala mayuh,” terang Jessica.\\nJessica madah, iya berasai rawan lebuh keterubah iya macha berita ba mua kamera laban nangika diri ngaga pengilap tang iya mesti mantaika pemerani diri engau ngembuan profesional.\\n“Lebuh nyadi pemacha berita, kitai mesti mantaika gaya mua baka enti berita dibacha nya sinu, kitai mesti mantaika asai sinu mega,” ku iya nerang pasal pangku pengawa diri.\\nPemacha berita TVS penakan Iban, Bidayuh enggau China tu ngaku diri majak rinduka bidang tu.\\nKelimpah ari nya, Jessica mega ngarapka iya ngerembaika penau diri dalam bidang macha berita tu.\\nBy suaraswk|2020-10-20T11:20:27+08:00October 20th, 2020|Categories: RUAI|0 Comments\\nPadah jual daging hidupan liar\\nPendidikan dalam talian bercirikan Sarawak\\nPemansang sekula tetap lumur satu – Ali\\nSebuah entukar paking ba mua kedai angus ngenyit\\nRM20,000 ungkup SDNU Saratok ngangkatka main asal\\n80 pelajar sekolah menengah positif dadah\\nRayat rugi enti milih penyakal – Harden\\nMalaysia – Singapore deka terus bekerjasama ba sektor kuasa enggau pengeraja asal\\nIngin bekerja di Kuching, empat Pati diusir balik\\n20 lorong tikus, 10 laluan gajah\\nPantau projek di kampung\\nBendung penularan rabies\\nUntung bersih Serba Dinamik naik kepada RM148 juta pada suku ketiga\\nThailand lanjut darurat hingga pertengahan Januari depan\\nARKIB Select Month November 2020 (653) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":391,"character_repetition_ratio":0.063,"word_repetition_ratio":0.0,"special_characters_ratio":0.26,"stopwords_ratio":0.133,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 3 BK - Nyadi ular nya jelu ti pintar agi ari - Bible Search\\nPemungkal 2 Pemungkal 4\\n1 Nyadi ular nya jelu ti pintar agi ari semua jelu bukai ti udah digaga TUHAN Allah Taala. Ular nya lalu bejaku ngagai indu nya, “Kati amat Allah Taala enda nyagi seduai makai buah ari semua kayu ti dalam kebun tu?”\\n2Disaut indu nya, “Kami duai tau makai buah ari sebarang kayu dalam kebun tu, 3tang Allah Taala madahka kami duai enda tau makai buah ari kayu ti ba tengah-tengah kebun, tauka negu buah kayu nya, enggai ke kami duai mati.”\\n4Tang ku ular nya nyaut indu nya, “Enda seduai mati, 5laban Allah Taala nemu, lebuh seduai makai buah nya, seduai deka nyadi sebaka enggau Allah Taala, nemu ngelala bida entara utai ti manah enggau utai ti jai.”\\n6Lebuh indu nya meda buah kayu nya manah ke pemakai sereta manah dipeda, lalu tau ngasuh pintar, iya lalu makai buah nya. Iya mega meri sekeda buah nya ngagai laki iya, ke bisi enggau iya, lalu laki iya mega makai buah nya. 7Lebuh seduai iya udah makai buah nya, mata seduai iya tebuka, lalu seduai iya nemu diri telanjai. Seduai iya lalu nyait daun kayu ara, kena seduai iya mampul tubuh diri.\\n8Lemai nya seduai iya ninga TUHAN Allah Taala bejalai dalam kebun. Seduai iya lalu belalai ari TUHAN Allah Taala ba sebelah madang kayu dalam kebun nya. 9Tang TUHAN Allah Taala ngangauka lelaki nya, ku Iya, “Dini alai nuan?”\\n10Lelaki nya lalu nyaut, “Aku ninga Nuan bisi dalam kebun, lalu aku takut, laban aku telanjai. Nya alai aku belalai.”\\n11TUHAN Allah Taala lalu nanya iya, “Sapa madahka nuan telanjai? Kati nuan bisi udah makai buah ti enda disagi Aku empa nuan?”\\n12Lelaki nya lalu nyaut, “Indu ke diberi Nuan nyadika tawing kaling aku, ke meri buah ari kayu nya ngagai aku, lalu aku makai.”\\n13 TUHAN Allah Taala lalu bejaku ngagai indu nya, “Nama kebuah nuan ngereja nya?”\\nIndu nya lalu nyaut, “Ular nya ti nipu aku, lalu aku makai buah nya.”\\nAllah Taala Ngeletak Ukum\\n14TUHAN Allah Taala lalu bejaku ngagai ular nya, “Laban nuan udah ngereja nya, nuan deka kena sumpah. Ari semua bansa jelu, ka semina nuan aja deka ditinggang sumpah tu. Kenyau ari diatu nuan deka ngerayap ngena perut nuan, lalu nuan deka makai amau seumur idup. 15 Aku deka ngasuh nuan enggau indu tu begedika pangan diri. Anak iya enggau anak nuan deka seruran bemunsuh enggau pangan diri. Anak iya deka ngeredakka pala nuan, lalu nuan deka mantuk tumbit anak iya.”\\n16TUHAN Allah Taala lalu bejaku ngagai indu nya, “Aku deka nambahka pemerinsa nuan lebuh nuan ngandung, lalu nambahka pemedis nuan lebuh nuan beranak, tang taja pia, nuan deka seruran inginka laki nuan, lalu iya deka bekuasa atas nuan.”\\n17 TUHAN Allah Taala lalu bejaku ngagai lelaki nya, “Laban nuan udah mendingka jaku bini nuan, lalu udah makai buah ti enda disagi Aku, nya alai tanah deka kena sumpah, lalu nuan deka bebendar gawa ngulihka pemakai ari tanah seumur nuan idup. 18Tanah deka tumbuh rumput enggau duri, lalu nuan deka bepakaika utai ti diambi ari babas. 19Nuan deka bepeluh tusur ngulihka asil ari tanah, nyentuk ngagai maya nuan pulai baru ngagai tanah, laban nuan endang ditempa ari tanah. Nuan endang digaga ari amau, nya alai ngagai amau meh nuan pulai.” 20Adam ngumbai bini iya Awa, laban iya indai semua mensia. 21TUHAN Allah Taala lalu ngaga gari ari kulit jelu ke Adam enggau bini iya, lalu ngerasukka gari nya ba seduai iya.\\nAdam Seduai Awa Diburu Ari Kebun Eden\\n22 TUHAN Allah Taala lalu bejaku, “Mensia nyau sebaka enggau Kitai, nemu bagi utai ti manah enggau utai ti jai. Sida enda tau ngambi buah ari kayu pengidup, enggai ke sida makai buah nya, lalu idup belama iya.” 23Nya alai TUHAN Allah Taala muai seduai iya ari kebun Eden lalu ngasuh seduai iya gawa beridup ba tanah ti udah dikena nempa seduai iya empu. 24Udah nya TUHAN Allah Taala ngengkahka melikat cherubim enggau pedang ti beapi-api, ti mantap kia-kia, ba tisi timur kebun nya kena nyaga jalai ngagai kayu pengidup nya.","num_words":660,"character_repetition_ratio":0.108,"word_repetition_ratio":0.0,"special_characters_ratio":0.216,"stopwords_ratio":0.371,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lina Kunjak – Suara Sarawak – Bukan Sekadar Akhbar\\nYou are here:Home-Lina Kunjak\\nAbout Lina Kunjak\\nSo far Lina Kunjak has created 399 blog entries.\\nKUCHING: Kuching Skills College (KSC) nguji mantu raban ti putus pengawa tauka kena buai kereja ketegal pangka pandemik Covid-19. Ketuai Pegawai Eksekutif KSC, Novert Sullang madahka inisiatif mantu raban diselinting dipujur nengah kerejasama Serakup Pengelikun Pengereja (Perkeso). Ku iya, kolej sida udah diaku Pekerso bejalaika kus Certified Drones Operational Aerial Surveillance Proficient (CDOASP) di baruh\\nBy Lina Kunjak|2021-01-22T19:09:08+08:00January 22nd, 2021|Categories: RUAI|0 Comments\\nKUCHING: Nembiak lepas PT3 enggau SPM diperansang ngerebut peluang nyikap diri ngena pengelandik ti bisi disediaka Kuching Skills College (KSC) ditu. Ketuai Pegawai Eksekutif KSC, Novert Sullang madahka kolej sida bisi nyendiaka Program Khas Diploma Pengelandik Malaysia Pasca Covid-19 ungkup raban nya. Ku iya, bala nembiak ke bisi penekul ba pekara belanja dikena nampung pelajar\\nBy Lina Kunjak|2021-01-21T13:35:07+08:00January 21st, 2021|Categories: RUAI|0 Comments\\nSARATOK: Projek nyeruri Jematan Krangan Rusa beungkus RM1 juta diatu udah manggai 90 peratus tembu. Sapit Menteri Pengeluar Kuasa enggau Pengeraja Asal, Ali Biju madahka semua projek pemansang dipejalai ba menua nya endang semampai dipatau rat. Ku iya, tu nyengkaum projek nganti jematan ke lama enggau jematan semin di Krangan Rusa ke diatu udah datai\\nBy Lina Kunjak|2021-01-20T19:25:29+08:00January 20th, 2021|Categories: RUAI|0 Comments\\nJULAU: Peranak Rumah Trisy, Nanga Slaut Tengah ditu udah ngatur pengawa beripai meresi enggau sanitasyen rumah panjai sida. Tuai Rumah Trisy madahka sida serumah bela meresi enggau sanitasyen bilik, ruai enggau tanju diri empu. Ku iya, ungkus ungkup pengawa nya mega endang dipelanja sida ke ngempu bilik nya empu. “Baka selama, kami serumah endang nadai\\nBy Lina Kunjak|2021-01-20T09:51:48+08:00January 20th, 2021|Categories: RUAI, TEMPATAN|0 Comments\\nSITI karang pengajar Kelas Pemulihan di Sekula Primari (SK) Semukoi benama Roselind Jawie narit ati kitai ke macha. Penemu dalam enggau jaku ajar dikunsi pengajar nya mega udah matak perati penguna sebelah media rama nyengkaum Suara Sarawak empu. Nyadi utai ke manah baka tu ulih dikemeranka apai indai ba rumah ngambi mantu bala anak sida\\nBy Lina Kunjak|2021-01-20T08:36:47+08:00January 20th, 2021|Categories: RUAI|0 Comments\\nSIBU: Berindik ari Atur Mindah Betagang (PKP) diteritka di Pelilih Sibu, raban Penggerak Komuniti Negara (PKN) Wilayah Sarawak pagi kemari bejalaika inisiatif mantu raban gawa diluan. Chairperson komiti nya, Nurhanim Dato Hanna Mokhsen madahka sida sinuka pengiruh enggau pengelelak raban nya ke gawa ngelui ari jam ke patut nentuka pengelikun rayat di pelilih nya. Ku\\nBy Lina Kunjak|2021-01-19T15:27:38+08:00January 19th, 2021|Categories: RUAI|0 Comments\\nSIBU: Komiti Pemansang enggau Pengelikun Genturung Pendiau (JKKK) Rumah Akul Dagang, Salim Belalang ditu nagang peranak bukai nguang ngagai rumah panjai sida kandang diatu. Tuai Rumah Akul Dagang ke nyadi Chairman JKKK nya madah, jaku tangkan nya dituju ngagai semua orang luar ke nadai kebuah berat niki ngagai rumah panjai sida. Ku iya, atur nya\\nBy Lina Kunjak|2021-01-19T15:05:12+08:00January 19th, 2021|Categories: RUAI|0 Comments\\nSARATOK: Raban gawa diluan ti diasuh matau enggau nyaga sebuah palan kuarantin ditu udah nerima kereban dikena ngaduka pengawa beungkus RM2,000. Sapit Menteri Pengeluar Kuasa enggau Pengeraja Asal ke mega Kaban Parlimen Saratok, Ali Biju madahka raban nya begunaka kereban gawa lebih agi lebuh sida dianjung gawa di luar opis. Ku iya, tu dikena mantu\\nBy Lina Kunjak|2021-01-19T14:38:08+08:00January 19th, 2021|Categories: RUAI|0 Comments\\nSARATOK: Sepenyampau RM25,000 udah diagihka pengawa nyungkur taba rumah panjai baru Rumah Enjawan Aji ba Krangan Rusa Ulu ditu. Sapit Menteri Pengeluar Kuasa enggau Pengeraja Asal ke mega Kaban Parlimen Saratok, Ali Biju madahka agih belanja nya dikena nyaup sida Enjawan serumah ngentak rumah panjai baru. Ku iya, pengawa berumah baru tu ukai muntang dikereja\\nBy Lina Kunjak|2021-01-14T11:48:48+08:00January 14th, 2021|Categories: RUAI|0 Comments\\nSARATOK: Peranak ditu dipinta semampai bejaga enggau ngasika Atur Standard Pengawa (SOP) ditetapka Kaunsil Pengelikun Menua (MKN) enggau Komiti Penyangga Penusah Nengeri (JPBN). Sapit Menteri Pengeluar Kuasa enggau Pengeraja Asal, Ali Biju madahka taja Saratok diatu udah ngerikod kes Covid-19 keterubah tang pekara nya agi ulih ditagang. Ku iya, kerejasama ari semua beguna amat jam\\nBy Lina Kunjak|2021-01-13T14:02:52+08:00January 13th, 2021|Categories: RUAI|0 Comments","num_words":619,"character_repetition_ratio":0.117,"word_repetition_ratio":0.023,"special_characters_ratio":0.236,"stopwords_ratio":0.144,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SK Pulo dikemansang nyadi sekula pintar - Suara Sarawak\\n“Ba Darul Hana, kitai ukai semina ngemansangka pengawa mindah baru sida komuniti tang meri fokus mega ngagai pengawa pelajar.”\\nKUCHING: Sekula Primari (SK) Pulo deka nyadi kelai baru pengawa pelajar Sarawak pengudah sekula nya ila dikemansang nyadi siti sekula pintar.\\nMenteri Muda Utiliti (Bekal Ai) Datuk Dr Abdul Rahman Junaidi madahka begunan baru sekula nya deka dikemansang ba tanah pemesai lima ikar ba endur pemansang Darul Hana ditu.\\n“Ba Darul Hana, kitai ukai semina ngemansangka pengawa mindah baru sida komuniti tang meri fokus mega ngagai pengawa pelajar.\\n“Taja kitai nemu sekula ba baruh tanggungoengawa Perintah Besai tang ungkus ngaga projek begunan sekula tu dipelanja Perintah Sarawak,” ku iya.\\nAbdul Rahman madah munyi nya lebuh dirandau pemberita pengudah ngabas taba projek di Petra Jaya ditu, pagi tadi.\\nNangkan nya ku iya, Opis Pelajar Nengeri Sarawak (JPNS) deka nyendiaka langkar sekula nya.\\n“Kami udah besetuju ngemansangka sekula pintar tu seriris enggau pemansang mengeri pintar Darul Hana,” ku iya ti mega Menteri Muda ba Opis Kepala Menteri (Pekara Islam enggau DBKU).\\nKelimph ari nya, Madrasah Al-Falah ti bisi di Kampung Pulo Ulu diatu mega deka dipindahka besemak enggau Masjid Darul Hana.\\n“Tu mandangka kitai mega meri fokus ukai semina ba pengawa pelajar tang mega ngagai pengarap,” ku iya nambah.","num_words":204,"character_repetition_ratio":0.081,"word_repetition_ratio":0.082,"special_characters_ratio":0.18,"stopwords_ratio":0.172,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"IBAN - 1 John\\n1 Kami madah ngagai kita pasal Jaku ti meri pengidup, ti endang udah bisi kenyau ari pun. Kami udah ninga Iya lalu mata kami empu udah meda Iya. Kami sigi amat udah meda Iya, lalu jari kami empu udah negu Iya. 2 Pengidup nya udah dipandangka, lalu kami udah meda Iya, lalu besaksika pasal Iya, lalu madahka ngagai kita pengidup ti meruan belama iya, pengidup ti begulai enggau Apai, lalu udah dipandangka ngagai kami. 3 Kami madahka ngagai kita utai ti udah dipeda enggau didinga kami ngambika kita mega bisi kaul enggau kami. Kami endang amat bisi kaul enggau Apai sereta enggau Anak Iya Jesus Kristus. 4 Kami nuliska utai tu ngambika ati kami chukup gaga. 5 Tu pesan ti udah didinga kami ari Iya, lalu dipadahka kami ngagai kita, iya nya, Allah Taala nya penampak, lalu dalam Iya nadai pemetang. 6 Enti kitai ngumbai diri bisi kaul enggau Iya, tang agi diau dalam pemetang, kitai bula lalu ukai idup nitihka pemendar. 7 Tang enti kitai diau dalam penampak, baka Iya ke diau dalam penampak, kitai bisi kaul enggau pangan diri, lalu darah Anak Iya, Jesus, nuchi kitai ari semua dosa. 8 Enti kitai madahka diri nadai dosa, kitai nipu diri empu, lalu pemendar nadai dalam kitai. 9 Enti kitai ngaku dosa kitai, Iya endang tau dikarapka sereta lurus, lalu Iya deka ngampun kitai ari dosa kitai, lalu nuchi kitai ari semua penyai. 10 Enti kitai madahka diri nadai dosa, kitai ngumbai Allah Taala bula, lalu jaku Iya nadai dalam kitai.\\n1 Anak, aku nuliska tu ngagai kita, ngambika kita enda bedosa. Tang enti orang ngereja dosa, kitai endang bisi siku Penyaup ke bejaku ngagai Apai ngarika kitai, iya nya Jesus Kristus ti lurus, 2 ke nyadi piring kena muai dosa kitai, lalu ukai semina dosa kitai aja, tang mega dosa semua mensia. 3 Enti kitai ngasika pesan Allah Taala, nya tanda kitai amat nemu Iya. 4 Barang sapa nyebut, \"Aku nemu Iya,\" tang enda ngasika pesan Iya, orang nya bula, lalu pemendar nadai dalam iya. 5 Tang barang sapa ngasika jaku Allah Taala, pengerindu Allah Taala amat digaga nyadi pemadu badas dalam orang nya. Baka tu ku jalai kitai nemu diri amat dalam Allah Taala: 6 barang sapa madahka diri meruan dalam Allah Taala patut idup baka Jesus Kristus. 7 Pangan ke dikerinduka aku, aku ukai nuliska pesan ti baru ngagai kita, tang pesan ti lama ti endang udah dikemisi kita kenyau ari pun. Pesan ti lama nya meh pesan ti udah didinga kita. 8 Tang taja pia, aku nulis ngagai kita pesan ti baru ti amat bisi dalam Kristus enggau dalam kita, laban pemetang nyau deka nadai agi, lalu penampak ti bendar udah belabuh manchar. 9 Barang sapa ngumbai diri diau dalam penampak tang begedika menyadi diri, agi diau dalam pemetang. 10 Barang sapa rinduka menyadi diri, diau dalam penampak, lalu orang ke baka nya nadai ngembuan utai ti tau ngasuh bedosa. 11 Tang barang sapa begedika orang ke sama pengarap enggau iya, agi mengkang dalam pemetang, agi idup nitihka jalai pemetang lalu enda nemu tunga pejalai diri, laban pemetang udah ngasuh iya buta. 12 Aku nulis ngagai kita, anak, laban dosa kita udah diampun ketegal nama Kristus. 13 Aku nulis ngagai kita ke apai, laban kita ngelala Iya ke endang udah bisi kenyau ari pun. Aku nulis ngagai kita ke agi biak, laban kita udah ngalahka Sitan. 14 Aku nulis ngagai kita, anak, laban kita ngelala Apai. Aku nulis ngagai kita ke apai, laban kita ngelala Iya endang udah bisi kenyau ari pun. Aku nulis ngagai kita ke biak, laban kita kering, lalu Jaku Allah Taala meruan dalam kita, lalu kita udah ngalahka Sitan. 15 Anang angkunka dunya tauka utai dunya. Enti kita angkunka dunya, kita enda angkunka Apai. 16 Laban semua utai di dunya tu -- utai ti dikinginka tubuh, utai ti dikinginka mata, temegahka pengaya -- ukai datai ari Apai, tang datai ari dunya. 17 Lalu dunya enggau pengingin iya deka lenyau, tang orang ke ngereja peneka Allah Taala deka idup belama iya. 18 Anak, tu meh pengujung dunya! Munyi ti udah didinga kita, Munsuh Kristus deka datai. Nya alai diatu mayuh Munsuh Kristus udah datai. Nya meh jalai kitai nemu pengujung dunya udah datai. 19 Sida pansut ari bala kitai, tang sida ukai raban kitai, laban enti sida raban kitai, sida tentu agi meruan begulai enggau kitai. Tang lebuh sida pansut ari bala kitai, nya nyata nunjukka sida ukai raban kitai. 20 Tang kita udah ditata Iya ti Kudus, lalu semua kita bisi penemu. 21 Aku nulis ngagai kita, ukai laban kita enda nemu pemendar, tang laban kita nemu pemendar, lalu kita nemu, nadai pemula kala datai ari pemendar. 22 Sapa orang ke bula? Orang ke bula nya orang ke ngumbai Jesus nya ukai Kristus. Nya meh Munsuh Kristus, orang ke besangkalka Apai enggau Anak. 23 Nadai orang ke besangkalka Anak, bisi Apai dalam iya; barang sapa ngaku Anak, bisi Apai dalam iya. 24 Awakka utai ti didinga kita kenyau ari pun, meruan dalam kita. Enti utai ti didinga kita kenyau ari pun meruan dalam kita, kita deka meruan dalam Anak, enggau dalam Apai. 25 Tu utai ti udah disemaya Iya ngagai kitai - pengidup ti meruan belama iya. 26 Aku nuliska tu ngagai kita pasal orang ke deka nipu kita. 27 Tang ba pasal kita empu, Roh ti udah diterima kita ari Iya meruan dalam kita. Nya alai kita enda begunaka orang ngajar kita, laban Roh Iya ngajar kita semua utai. Lalu ajar Iya endang amat, ukai utai ti bula. Nya alai, munyi ti udah diajar ngagai kita, awakka kita meruan dalam Iya. 28 Nya alai, anak, meruan dalam Iya, ngambika lebuh Iya dipandangka, kitai deka kempang ati lalu enda malu bediri di mua Iya lebuh Iya datai. 29 Enti kita nemu Kristus endang lurus, kita patut nemu, semua orang ke ngereja utai ti lurus, endang diadaka Iya magang.\\n1 Peda kita pemesai pengerindu Apai ke kitai, datai ke kitai nyau dikumbai anak Allah Taala, laban kitai endang amat anak Iya. Kebuah dunya enda ngelala kitai nya laban dunya enda ngelala Iya. 2 Menyadi ke dikerinduka aku, kitai diatu udah nyadi anak Allah Taala. Gaya kitai ti jemah ila apin dipandangka. Utai ti ditemu kitai nya, lebuh Iya dipandangka, kitai deka sebaka enggau Iya, laban kitai deka meda Iya mua mata. 3 Lalu semua orang ke bisi pengadang tu ke Kristus, nuchi diri empu, baka Kristus Empu ke endang tuchi. 4 Genap iku orang ke bedosa endang ngelanggar adat, laban reti dosa nya ngelanggar adat. 5 Kita nemu, Kristus pegari ngambika Iya muai dosa, lalu Iya Empu endang nadai dosa dalam Iya. 6 Semua orang ke meruan dalam Iya, enda agi majak bedosa. Semua orang ke majak bedosa nadai udah kala meda tauka ngelala Iya. 7 Anak, anang nejuka orang nipu kita! Genap iku orang ke ngereja utai ti badas, endang amat lurus baka Kristus Empu. 8 Genap iku orang ke bedosa endang anak Sitan, laban Sitan endang udah bedosa kenyau ari pun. Kebuah Anak Allah Taala dipandangka nya ngambika Iya ngerusak pengawa Sitan. 9 Orang ke udah diadaka Allah Taala enda agi bedosa laban benih Allah Taala meruan dalam sida; sida enda ulih bedosa laban sida udah diadaka Allah Taala. 10 Baka tu ku jalai kita ngelala sapa ke anak Allah Taala, enggau sapa ke anak Sitan: barang sapa enda diau lurus, ukai anak Allah Taala. Orang ke enda rinduka menyadi diri, ukai anak Allah Taala. 11 Laban tu pesan ti udah didinga kita kenyau ari pun: rinduka pangan diri. 12 Kitai enda tau baka Kain ke endang enggi Sitan, lalu iya munuh menyadi iya Abel. Nama kebuah iya munuh Abel? Laban utai ti dikereja iya jai, lalu utai ti dikereja menyadi iya, lurus. 13 Anang tekenyit ati, menyadi, enti dunya begedika kita. 14 Kitai nemu diri udah meraka ari pemati ngagai pengidup, laban kitai rinduka pangan diri. Barang sapa enda rinduka pangan diri, mengkang dalam pemati. 15 Semua orang ke begedika pangan diri endang pemunuh, lalu kita nemu, orang ke pemunuh nadai pengidup ti meruan belama iya dalam iya. 16 Baka tu ku jalai kitai ngelala pengerindu: Kristus udah nyerahka nyawa Diri ketegal kitai. Nya alai, kitai patut mega nyerahka nyawa diri ketegal pangan kitai! 17 Enti orang ke kaya tepedaka pangan iya suntuk, tang enggai nulung iya, baka ni ku pengerindu Allah Taala bisi dalam iya? 18 Anak, aram kitai rinduka pangan diri, ukai ngena leka jaku tauka ngena utai ti disebut kitai, tang ngena pemendar enggau pengawa ti dikereja kitai. 19 Nya meh jalai kitai nemu diri enggi pemendar, lalu kempang ati bediri di mua Iya 20 genap kali ati kitai besalahka kitai; laban Allah Taala besai agi ari ati kitai, lalu Iya nemu semua utai. 21 Menyadi ke dikesayauka aku, enti ati kitai enda besalahka kitai, kitai berani bediri di mua Allah Taala; 22 lalu nerima ari Iya sebarang utai ti dipinta kitai, laban kitai ngasika pesan Iya, lalu ngereja utai ti ngerinduka ati Iya. 23 Lalu tu pesan Iya: arapka nama Anak Iya Jesus Kristus, lalu rinduka pangan diri, munyi ti udah diasuh Iya kereja kitai. 24 Semua orang ke ngasika pesan Iya, meruan dalam Iya, lalu Iya meruan dalam sida. Lalu kitai nemu Iya meruan dalam kitai ulih Roh Kudus ke udah diberi Iya ngagai kitai.\\n1 Menyadi, anang arapka semua roh, tang uji roh nya dulu kena nentuka roh nya datai ari Allah Taala; laban mayuh nabi ti pelesu udah pansut ngagai dunya. 2 Baka tu ku jalai kita ngelala Roh Allah Taala: semua roh ke ngaku Jesus Kristus udah datai nyadi mensia, nya roh ti datai ari Allah Taala, 3 lalu semua roh ke enda ngaku Jesus udah datai nyadi mensia, ukai roh ti datai ari Allah Taala. Roh nya roh Munsuh Kristus, ke udah didinga kita deka datai, lalu endang udah bisi di dunya tu diatu. 4 Tang kita, anak, endang enggi Allah Taala, lalu kita udah ngalahka sida, laban Iya ke dalam kita lebih agi bekuasa ari iya ke di dunya. 5 Sida nya endang enggi dunya, nya alai sida nyebut utai dunya, lalu dunya mendingka sida. 6 Kitai tu endang enggi Allah Taala. Barang sapa ngelala Allah Taala, mendingka kitai, lalu orang ke ukai enggi Allah Taala, enggai mendingka kitai. Tu meh jalai kitai ngelala bida entara Roh pemendar enggau roh pemula. 7 Menyadi, aram kitai rinduka pangan diri, laban pengerindu datai ari Allah Taala. Semua orang ke rinduka pangan diri endang anak Allah Taala, lalu ngelala Allah Taala. 8 Barang sapa enda rinduka pangan diri, enda ngelala Allah Taala, laban Allah Taala endang pengerindu. 9 Baka tu ku jalai pengerindu Allah Taala udah dipandangka ngagai kitai: Iya udah ngirumka Anak Tunggal Iya ngagai dunya, ngambika kitai tau idup ulih Iya. 10 Tu meh pengerindu, ukai reti nya kitai udah rinduka Allah Taala, tang Iya udah rinduka kitai, lalu udah ngirumka Anak Iya nyadika piring kena muai dosa kitai. 11 Menyadi, laban Allah Taala udah balat rinduka kitai, kitai mega patut rinduka pangan diri. 12 Nadai orang udah kala meda Allah Taala, tang enti kitai rinduka pangan diri, Allah Taala meruan dalam kitai, lalu pengerindu Iya digaga nyadi pemadu badas dalam kitai. 13 Baka tu ku jalai kitai nemu diri meruan dalam Iya, lalu Iya meruan dalam kitai, laban Iya udah meri kitai Roh Iya. 14 Lalu kami udah meda sereta besaksi madahka Apai udah ngirumka Anak Iya nyadika Juruselamat dunya. 15 Allah Taala meruan dalam orang ke ngaku Jesus Kristus nya Anak Allah Taala, lalu sida meruan dalam Allah Taala. 16 Nya alai kitai nemu sereta arapka Allah Taala rinduka kitai. Allah Taala nya pengerindu, lalu orang ke meruan dalam pengerindu, meruan dalam Allah Taala, lalu Allah Taala meruan dalam sida. 17 Pengerindu udah digaga nyadi pemadu badas dalam kitai, ngambika kitai berani lebuh Hari Pechara, laban kitai idup baka Iya di dunya tu. 18 Pengerindu nadai mai penakut, tang pengerindu ti pemadu menyana muai semua penakut, laban penakut bisi kaul enggau ukum, lalu barang sapa agi ngembuan penakut nunjukka pengerindu apin nyadi pemadu menyana dalam iya. 19 Kitai rindu laban Allah Taala udah dulu rinduka kitai. 20 Enti orang madahka diri rinduka Allah Taala, tang begedika menyadi diri, iya bula, laban orang ke enda rinduka menyadi diri ke ulih dipeda iya, enda ulih rinduka Allah Taala ke enda dipeda iya. 21 Tu pesan ti udah diberi Allah Taala ngagai kitai: orang ke rinduka Allah Taala, enda tau enda mega rinduka menyadi diri.\\n1 Barang sapa arapka Jesus nya Kristus, sigi anak Allah Taala, lalu barang sapa rinduka apai, rindu mega ke anak. 2 Baka tu ku jalai kitai nemu diri rinduka bala anak Allah Taala, lebuh kitai rinduka Allah Taala lalu ngasika pesan Iya. 3 Laban reti rinduka Allah Taala nya kitai ngasika pesan Iya. Lalu pesan Iya ukai utai ti mar dititihka kitai. 4 Laban barang sapa diadaka Allah Taala, ngalahka dunya. Lalu kitai ngalahka dunya ngena pengarap kitai. 5 Sapa ulih ngalahka dunya kelimpah ari orang ke arapka Jesus nya Anak Allah Taala? 6 Jesus Kristus datai ngagai dunya ngena ai enggau darah, ukai semina ngena ai aja tang ngena ai enggau darah. Lalu Roh Kudus Empu ke besaksika nya, laban Roh Kudus nya pemendar. 7 Nya alai tiga bengkah utai ti besaksi: 8 Roh Kudus, ai, enggau darah, lalu sida tiga nya besetuju enggau pangan diri. 9 Enti kitai teterimaka saksi mensia, saksi Allah Taala lebih besai agi ari nya, laban tu saksi ti diberi Allah Taala pasal Anak Iya. 10 Orang ke arapka Anak Allah Taala bisi saksi nya dalam ati sida. Barang sapa enda arapka Allah Taala, udah ngumbai Allah Taala bula, laban iya enda arapka saksi Allah Taala pasal Anak Iya. 11 Tu meh saksi nya: Allah Taala meri kitai pengidup ti meruan belama iya, lalu pengidup nya dalam Anak Iya. 12 Barang sapa bisi Anak Allah Taala, bisi pengidup. Barang sapa nadai Anak Allah Taala, nadai pengidup. 13 Aku nuliska tu ngagai kita ke arapka nama Anak Allah Taala, ngambika kita nemu diri bisi pengidup ti meruan belama iya. 14 Baka tu ku pemerani kitai di mua Allah Taala, iya nya enti kitai minta sebarang utai nitihka peneka Iya, Iya ninga kitai. 15 Lalu enti kitai nemu Iya ningaka kitai genap kali kitai minta sebarang utai ari Iya, kitai nemu diri udah bulih utai ti dipinta kitai ari Iya. 16 Enti kita meda menyadi kita bedosa, tang dosa nya enda ngujung ngagai pemati, kita patut besampi ngagai Allah Taala, lalu Allah Taala deka meri pengidup ngagai iya, enti dosa nya enda ngujung ngagai pemati. Bisi siti dosa ti ngujung ngagai pemati; aku ukai madahka kita patut besampika nya. 17 Semua penyalah endang dosa magang, tang bisi dosa ti enda ngujung ngagai pemati. 18 Kitai nemu, orang ke diadaka Allah Taala, enda agi bedosa tang dijaga Anak Allah Taala, lalu Sitan enda ulih negu iya. 19 Kitai nemu diri anak Allah Taala, lalu kitai mega nemu semua dunya di baruh kuasa Sitan. 20 Lalu kitai nemu Anak Allah Taala udah datai lalu udah meri kitai penemu, ngambika kitai nemu Allah Taala ti bendar. Lalu kitai meruan dalam Allah Taala ti bendar, dalam Anak Iya Jesus Kristus. Iya nya meh Allah Taala ti bendar, enggau pengidup ti meruan belama iya. 21 Anak, kejangka diri jauh ari engkeramba!","num_words":2427,"character_repetition_ratio":0.095,"word_repetition_ratio":0.003,"special_characters_ratio":0.212,"stopwords_ratio":0.327,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bonus sebulan gaji diberi perintah entara insentif ke pemadu manah - Berita Iban Online | Laman Web Berita Kitai\\nHome \/ Berita \/ Gawa Perintah \/ Insentif \/ Kuching \/ Bonus sebulan gaji diberi perintah entara insentif ke pemadu manah\\nBonus sebulan gaji diberi perintah entara insentif ke pemadu manah\\nStaf @beritaibanMY Sunday, November 19, 2017 0\\nKUCHING: Kongres Serakup Pengereja Pengawa Perintah (CUEPACS) Nengeri Sarawak (CNS) nyambut manah sereta beterima kasih ngagai perintah nengeri ti udah ungkupka insentif khas ngagai pengereja pengawa opis perintah nengeri.\\nChairman CNS, Ahmad Malie madahka, insentif nya berita manah ngagai pengereja pengawa opis perintah nengeri sereta ngayanka perintah nengeri mendingka sebana pengereja pengawa.\\n“CNS nyambut manah sereta gaga ati ninga insentif sebulan batang gaji tauka minimum RM2,000 ke diberi ngagai pengereja pengawa opis perintah nengeri.\\n“Ngarika piak pengereja pengawa opis perintah udah tentu CNS amat gaga ati nerima berita manah tu sereta tu meh insentif ti pemadu manah kala diterima pengereja pengawa opis perintah nengeri pengudah kelalu lama nerima insentif RM500 sebedau tu.\\n“CNS meri terima kasih ngagai perintah nengeri ke diiring YAB Kepala Menteri Datuk Patinggi Abang Johari Tun Openg. Nengah insentif tu ngayanka perintah nengeri berat sereta mendingka sebana pengereja pengawa opis perintah nengeri,” ku iya madahka ngagai Utusan Borneo.\\nLebuh ke nyimpul jurai ba hari kepenudi Aum Kedua Penggal Kedua Kunsil Nengeri Ke-18 ensanus, Kepala Menteri Datuk Patinggi Abang Johari Tun Openg madahka semua pengereja pengawa opis perintah nengeri nenrima bayar insentif khas sebulan batang gaji tauka minimum RM2,000 ba bulan Disember tu.\\nAbang Johari madahka nya keterubah iya perintah nengeri mayar tauka meri insentif baka nya enggau penyampau ungkup belanja urung RM45 juta.\\nBerindik ari pekara nya Ahmad ngelalau semua pengereja pengawa opis perintah nengeri terus meri sukung sereta bejalaika servis enggau manah ngagai rayat nengeri ke kelai terima kasih ngagai perintah nengeri.\\n“Enggau penyampau insentif ke manah tu, CNS ngarapka tu nyadika peransang ngagai pengereja pengawa opis perintaj nengeri ngambika lebih bemotivasi bejalaika pengawa enggau manah sereta komited.\\n“CNS ngelalau raban pengereja pengawa opis perintah nengeri ti begaji serderhana ngambika ngena tauka ngatur insentif nya manah agi maya musim besekula taun 2018 sereta maya ngintu pengerami ke majak semak,” ku Ahmad.\\nKelimpah ari nya CNS ngarapka perintah nengeri Sarawak ulih meri insentif khas ngagai semua pengereja pengawa opis perintah enda ngira sekalika opis perintah nengeri tauka besai maya bejuraika bajet jemah ila.\\nNya ku Ahmad, dikena ngenang sereta ngaku semua pengawa ke dikereja ba penagawa ngemansangka Sarawak nyadi sebuha nengeri ti tegap sereta maju dalam Malaysia. #UtusanBorneo\\n#Berita #Gawa Perintah #Insentif #Kuching","num_words":397,"character_repetition_ratio":0.169,"word_repetition_ratio":0.0,"special_characters_ratio":0.171,"stopwords_ratio":0.131,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rinduka Sida ti Dikerinduka Petara | Pengerindu Petara\\nRinduka Sida ti Dikerinduka Petara\\n“Enti nuan begulai enggau orang ke bepenemu-dalam, nuan deka nyadi orang ke bepenemu-dalam.”—JAKU DALAM 13:20.\\n1-3. (a) Nama dipadah Bup Kudus pasal orang ke enggau kitai begulai? (b) Baka ni kitai milih orang ke enggau begulai ngambika kitai nyadi menyana?\\nORANG ulih disempamaka baka kapas. Kapas senang nginsap ai. Baka nya mega, orang senang nitihka ulah, chara berunding enggau pendiau orang ke begulai rapat enggau sida.\\n2 Bup Kudus pan bisi madah pasal pekara tu: “Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida. Enti nuan bepangan enggau orang ke beli, nuan deka rusak.” (Jaku Dalam 13:20) Kati nuan setuju kitai senang nitihka ulah orang ke begulai enggau kitai? Ya, laban kitai saum pengasai ati enggau orang ke begulai enggau kitai, nya alai sida ulih ngubah kitai nyadi manah tauka jai.\\n3 Ngambika meruan dalam pengerindu Petara, kitai patut begulai enggau orang ke ulih ngubah kitai nyadi menyana. Baka ni chara iya? Kitai ulih ngereja nya enggau rinduka sida ti dikerinduka Petara, lalu begulai rapat enggau sida. Pikirka, sapa orang ke bisi pemanah baka pangan Jehovah? Aram kitai meratika sapa orang ke dikerinduka Petara. Enti kitai nitihka penemu Jehovah, kitai ulih milih orang ke manah enggau begulai.\\nSIDA TI DIKERINDUKA PETARA\\n4. Nama kebuah Jehovah bisi hak milih orang ke nyadi pangan Iya, lalu nama kebuah Jehovah ngumbai Abraham “pangan Aku”?\\n4 Jehovah milih orang ke nyadi pangan Iya. Kati Iya bisi hak milih? Iya Pemerintah ti Pemadu Tinggi ba dunya, lalu nyadi pangan Iya nya peluang ti pemadu manah. Sapa orang ti dipilih Iya nyadika pangan? Jehovah semak ngagai sida ti pechaya sereta manggaika pengarap ba Iya. Chunto, Abraham dikelala ketegal pengarap iya ti nyulut. Nadai pengarap ti pemadu besai agi ari apai ti sanggup nyerahka anak diri nyadika pemeri ngagai Petara. * Tang laban bisi pengarap ti besai, ‘Abraham ngira Petara ulih ngangkatka orang ari mati,’ nya alai iya sanggup “nyerahka anak iya Isak.” (Hebrew 11:17-19) Ketegal Abraham bisi pengarap sereta ngayanka diri ngasi, Jehovah ngumbai iya “pangan Aku.”—Isaiah 41:8; James 2:21-23.\\n5. Baka ni Jehovah meda sida ke tetap ati ngasika Iya?\\n5 Jehovah deka kitai tetap ati sereta ngasika Iya. Iya rinduka orang ke tetap ati ngagai Iya lebih agi ari utai bukai. (Bacha 2 Samuel 22:26.) Baka ke udah dipelajar ba Pelajar 1 bup tu, Jehovah gaga ati enti orang ngasika Iya ari ati. Jaku Dalam 3:32 madahka: “Iya ngaga orang ke lurus nyadika pangan Iya.” Sida ke nitih peneka Jehovah enggau tetap ati deka nerima kangau ari Iya: Sida ulih tama ngagai “Rumah Sembiang” Iya. Dia sida ulih nyembah sereta besampi ngagai Iya.—Masmur 15:1-5.\\n6. Baka ni kitai ngayanka pengerindu ngagai Jesus, lalu baka ni asai ati Jehovah ngagai orang ke rinduka Anak Iya?\\n6 Jehovah rinduka sida ti rinduka Jesus. Ku Jesus: ‘Orang ke rinduka aku deka ngasika pesan aku, lalu Apai aku deka rinduka iya, lalu kami duai Apai deka datai ngagai iya, lalu diau enggau iya.’ (John 14:23) Baka ni kitai ngayanka pengerindu ngagai Jesus? Enggau ngasika semua pesan Jesus, nyengkaum ngerembaika berita manah sereta nyadika orang murid iya. (Matthew 28:19, 20; John 14:15, 21) Kitai mega nunjukka diri rinduka Jesus enti kitai ‘nitihka singkang iya,’ iya nya neladan jaku sereta pengawa Jesus enggau naka ulih kitai. (1 Peter 2:21) Jehovah gaga ati meda sida ke rinduka Jesus bebendar nitihka teladan Anak Iya.\\n7. Nama kebuah nya manah enti kitai begulai rapat enggau pangan Jehovah?\\n7 Pengarap, tetap ati, ngasi sereta rinduka Jesus enggau chara pengidup iya, nya sekeda ari pemanah ti dikedeka Jehovah ba pangan Iya. Genap iku kitai patut nanya diri empu: ‘Kati pemanah enggau chara pengidup Jesus bisi ba orang ke begulai rapat enggau aku? Kati aku begulai rapat enggau pangan Jehovah?’ Endang sigi manah enti begulai rapat enggau pangan Jehovah. Orang ke terus neladan Petara sereta ngerembaika berita manah pasal Perintah Iya enggau ransing ati, ulih nguntungka kitai. Sida ulih ngubah kitai ngambika keran deka ngerinduka ati Petara.—Peda kutak “ Sapa Begulai Rapat Enggau Nuan?”\\nSAPA BEGULAI RAPAT ENGGAU NUAN?\\nAjar Bup Kudus: “Pangan endang seruran ngayanka pengerindu sida. Nama guna bisi kaban belayan enti sida enda enggau natka penusah?”—Jaku Dalam 17:17.\\nKati orang ke begulai rapat enggau aku pangan Jehovah enggau Jesus?—John 15:14, 16; James 2:23.\\nKati orang ke begulai enggau aku nulung aku ngemansangka ulah ti manah?—1 Korint 15:33.\\nKati orang ke begulai enggau aku bisi ngerara enti aku ngereja penyalah?—Masmur 141:5; Jaku Dalam 27:6.\\nKati bala ke sama pengarap deka begulai enggau aku enti sida meda ulah enggau chara aku bejaku?—Jaku Dalam 12:18; 18:24; 1 John 3:16-18.\\nBELAJAR ARI TELADAN BA BUP KUDUS\\n8. Nama utai ti ngerinduka ati nuan pasal kaul entara (a) Naomi enggau Rut? (b) tiga iku nembiak Hebrew? (c) Paul enggau Timoti?\\n8 Bup Kudus ngembuan mayuh teladan pasal orang ke bulih penguntung ketegal begulai enggau orang ke menyana. Nuan ulih macha pasal kaul entara Naomi enggau menantu iya Rut, entara tiga iku nembiak Hebrew ke bisi kaul ti rapat ba Babilon, sereta kaul entara Paul enggau Timoti. (Rut 1:16; Daniel 3:17, 18; 1 Korint 4:17; Pilipi 2:20-22) Aram kitai meda siti chunto ti nyulut: kaul entara David enggau Jonatan.\\n9, 10. Nama kebuah David enggau Jonatan bisi kaul ti manah?\\n9 Bup Kudus madah pengudah David munuh Goliat, “Jonatan balat amat tetarit ati ngagai David, lalu belabuh rinduka iya baka ke rinduka diri empu.” (1 Samuel 18:1) Tu ngepunka kaul entara seduai iya, taja pan umur seduai iya jauh bida. Seduai iya tetap begulai manah nyentuk ke Jonatan mati maya beperang. * (2 Samuel 1:26) Nama kebuah seduai iya bisi kaul ti rapat enggau pangan diri?\\n10 David enggau Jonatan bisi kaul ti manah laban seduai iya bela rinduka Petara, lalu deka meruan tetap ati ngagai Iya. Seduai iya sama ngayanka pemanah ti ngerinduka ati pangan diri. Jonatan tetarit ati meda pemerani enggau pengeransing David ngenanka nama Jehovah. David bebasaka Jonatan laban iya nyukung atur Jehovah, lalu iya berundingka David lebih ari iya empu. Chunto, peratika nama penyadi maya David balat tusah ngerarika diri ari Raja Saul ke jai, ngagai menua puang. Raja Saul nya apai Jonatan. Jonatan nunjukka diri tetap ati maya iya ‘betemu enggau David . . . iya meransang David lebuh David madahka ngagai iya pasal Petara.’ (1 Samuel 23:16) Pikirka baka ni asai ati David maya Jonatan datai meri sukung enggau peransang ngagai iya! *\\n11. Nama ulih dipelajarka nuan ari kaul entara Jonatan enggau David?\\n11 Nama ulih dipelajarka kitai ari chunto Jonatan enggau David? Utai ti pemadu beguna, iya nya bisi kaul ti manah enggau Petara. Enti kitai semak enggau sida ke nyembah Jehovah, tetap ati ngagai Iya, sereta bisi ulah ti manah, dia kitai ulih bekunsi penemu, asai ati, sereta utai ti udah nyadi ba pengidup ke ulih meransang kitai. (Bacha Rome 1:11, 12.) Kitai ulih tetemuka sida ti meruan tetap ati ngagai Petara entara bala ke sama pengarap. Kati semua orang ke datai gempuru ba Palan Gempuru nya manah enggau begulai magang? Enda.\\nMILIH ORANG ENGGAU BEGULAI RAPAT\\n12, 13. (a) Nama kebuah kitai patut milih orang ke enggau begulai, indah ba entara orang ti sama pengarap? (b) Nama penusah ba orang Kristian keterubah ke ngasuh Paul meri jaku tangkan?\\n12 Indah ba entara orang ti sama pengarap, kitai patut milih sapa orang ti tau enggau begulai ngambika pengarap kitai dikemansang. Patut tu ngasuh kitai tekenyit? Enda. Sekeda ari menyadi Kristian engka ngambi timpuh ti lama kena mansang ba pengarap, baka sekeda buah ngambi timpuh ti lama endur mansau. Nya alai, ba tiap iti endur gempuru, kitai meda sida enda sama pemansang ba pengarap. (Hebrew 5:12–6:3) Endang amat, kitai patut sabar enggau rinduka sida ti baru tauka lemi ba pengarap, laban kitai deka sida mansang dalam pengarap.—Rome 14:1; 15:1.\\n13 Kekadang, kitai patut nyaga kaul kitai enggau orang ti sama pengarap. Sekeda ari sida engka bisi ulah ti enda manah. Sekeda engka ringat tauka udu sebana. Orang Kristian kurun keterubah pan napi penusah ti sama. Taja pan mayuh ari sida iya tetap ati, tang bisi mega ari sida ngembuan ulah ti enda manah. Ketegal sekeda orang Kristian ba Korint enda bepegai teguh ba ajar Kristian, rasul Paul nangkan sida: ‘Anang nejuka orang nipu kita: “Orang ke jai ngerusak moral ti menyana.”’ (1 Korint 15:12, 33) Paul ngingatka Timoti, indah ba entara orang Kristian pan bisi sida ke ngembuan ulah ti enda manah. Timoti enda diasuh begulai rapat enggau orang ke baka nya.—Bacha 2 Timoti 2:20-22.\\n14. Baka ni kitai ulih nitihka ajar ari jaku tangkan ke diberi Paul pasal orang ke enggau begulai?\\n14 Baka ni kitai ulih nitihka ajar ari jaku tangkan ke diberi Paul? Enggau nyeliahka diri ari begulai enggau orang ke ngasuh kitai lemi ba pengarap, enda ngira sida iya Saksi-Saksi Jehovah tauka ukai. (2 Tesalonika 3:6, 7, 14) Kitai patut nyaga kaul kitai enggau Jehovah. Kingatka, baka kapas ke nginsap ai, pia mega kitai senang nitihka ulah enggau chara pengidup orang ke begulai rapat enggau kitai. Chunto, enti kitai nyepuhka kapas ke dalam ai kamah, kitai enda ulih ngarapka kapas nya nginsap ai ti beresi. Pia mega, enti kitai begulai rapat enggau orang ke ulih ngasuh kitai lemi ba pengarap, kitai enda bulih penguntung.—1 Korint 5:6.\\nNuan ulih ngiga orang ke manah enggau begulai ba entara orang ke sama pengarap\\n15. Nama patut digaga nuan ngambika ulih begulai enggau orang ke tetap ati ngagai Petara?\\n15 Kitai gaga ati laban agi ulih ngiga orang ti manah enggau begulai ba entara orang ti sama pengarap. (Masmur 133:1) Baka ni nuan ulih ngiga orang ke meruan tetap ati ngagai Petara? Enti nuan terus neladan Jehovah enggau nitihka chara pengidup ti dikedeka Iya, orang ke bisi pemanah ti sama mega deka semak enggau nuan. Lalu nuan mega patut nguji ngiga chara ngambika ulih begulai enggau sida. (Peda kutak “ Baka ni Kitai Bulih Kaul ti Manah.”) Giga sida ti ngayanka pemanah ti deka diayanka nuan. Titihka ajar Bup Kudus ti ngasuh kitai rinduka pangan diri enda ngira bansa, menua tauka chara pengidup. (2 Korint 6:13; bacha 1 Peter 2:17.) Anang semina begulai enggau orang ke serebak enggau nuan aja. Kingatka, Jonatan jauh tuai ari David. Sida ke tuai tu mayuh penemu sereta ulih bekunsi utai ti udah nyadi ba pengidup. Tu meri penguntung ngagai nuan enti begulai enggau sida.\\nBAKA NI KITAI BULIH KAUL TI MANAH\\n“Terubah iya, aku tusah begulai enggau orang ke sama pengarap. Tang, seruran enggau nginjil sereta ngajar pasal Bup Kudus nulung aku ngemansangka pemanah baka sabar, tan ati, enggau pengerindu. Lebuh aku terus ngemansangka pemanah tu, orang ke bisi pemanah ti sama deka begulai enggau aku, lalu diatu aku bisi sekeda orang ke manah enggau begulai.”—Shivani.\\n“Aku besampi ngambika bulih orang enggau begulai ba entara orang ke sama pengarap. Tang, aku ngasaika sampi aku enda disaut. Dia aku nemu, aku enda bebendar deka ngiga orang ke enggau begulai rapat. Pengudah aku nitihka utai ti disampi, Jehovah nyaut sampi aku.”—Ryan.\\nLEBUH PENANGGUL NUNTUNG\\n16, 17. Enti orang ke sama pengarap ngemediska ati kitai, nama kebuah kitai enda patut nyurutka diri ari gerempung Jehovah?\\n16 Penanggul ulih nyadi ketegal orang ke sama pengarap enggau nuan bisi mayuh macham ulah enggau chara pengidup. Orang ke sama pengarap engka nyebut tauka ngereja utai ti ngemediska ati kitai. (Jaku Dalam 12:18) Kekadang penanggul nyadi ketegal ulah ti enda sama, salah sangka tauka enda sepenemu. Patut kitai enda nyamai ati ketegal penanggul tu, lalu ngenyauhka diri ari bala ti sama pengarap? Enda, enti kitai amat rinduka Jehovah enggau sida ti dikerinduka Iya.\\n17 Jehovah patut nerima pengerindu enggau sembah ti pengabis ati ari kitai, laban Iya ngaga semua utai. (Pemandang 4:11) Nambahka nya, gerempung ti dikena Iya begunaka sukung ari kitai. (Hebrew 13:17) Nya alai, enti orang ke sama pengarap ngemediska ati tauka ngasuh kitai enda nyamai ati, patut kitai nyurutka diri ari gerempung Jehovah kena nunjukka diri enda puas ati? Enda, laban ukai Jehovah ti ngemediska ati kitai. Kitai enda patut ninggalka Jehovah enggau nembiak Iya enti kitai rinduka Iya!—Bacha Masmur 119:165.\\n18. (a) Nama patut digaga kitai ngambika nyaga pemaik enggau bala sama pengarap? (b) Nama berekat enti kitai ngampunka orang ti ngemediska ati kitai?\\n18 Pengerindu ngagai bala sama pengarap meransang kitai ngambika ulih begulai manah enggau pangan diri. Jehovah enda ngarapka kitai sempurna, lalu baka nya mega enggau kitai. Pengerindu nulung kitai enda ibuhka penyalah ti mit, laban kitai nemu semua kitai enda sempurna, lalu bisi ngereja penyalah. (Jaku Dalam 17:9; 1 Peter 4:8) Pengerindu nulung kitai terus “ngampun pangan diri.” (Kolosi 3:13) Kekadang enda senang nitihka ajar tu. Kitai engka mengkang pedis ati enti kitai nejuka pikir ti enda manah. Kitai ngumbai nya chara kitai deka bejera orang ti ngemediska ati kitai. Tang ke amat, enti kitai mengkang ringat, tu ulih ngenusahka kitai. Ngampunka orang ti ngemediska ati kitai ulih mai mayuh berekat. (Luke 17:3, 4) Tu meri pengelantang ba ati enggau runding kitai, nyaga pemaik enggau bala sama pengarap, lalu kelebih agi nyaga kaul kitai enggau Jehovah.—Matthew 6:14, 15; Rome 14:19.\\nNI MAYA MUTUSKA KAUL\\n19. Ni maya kitai badu begulai enggau orang ke kala sama pengarap?\\n19 Bisi maya kitai enda diasuh begulai enggau orang ke kala sama pengarap enggau kitai. Tu nyadi enti sida agi ngulang penyalah ti ngelanggar ukum Petara, tauka agi nitihka ajar pengarap pelesu, sereta madahka diri enggai agi nyadi Saksi-Saksi Jehovah. Bup Kudus ngasuh kitai badu “begulai” enggau sida. * (Bacha 1 Korint 5:11-13; 2 John 9-11) Tu engka tusah enti orang nya diri sebilik, tauka kala begulai rapat enggau kitai. Tang, kitai patut ngayanka diri tetap ati ngagai Jehovah enggau ukum Iya lebih agi ari semua utai. Kingatka, tetap ati enggau ngasika Jehovah patut dikemeratka kitai.\\n20, 21. (a) Nama kebuah muai orang ke enda nesal ati ari gerempung Jehovah nunjukka pengerindu Iya? (b) Nama kebuah kitai patut pandai milih orang ke enggau begulai?\\n20 Jehovah udah ngatur bala tuai gempuru muai orang ke enda nesal ati ke penyalah diri. Tu nunjukka Jehovah rinduka kitai, lalu meri kitai peluang ngayanka pengerindu ngagai Iya. Nama kebuah? Siti kebuah muai orang ke enda nesal ati laban kitai ngayanka pengerindu ngagai nama Jehovah ti kudus sereta bebasaka ukum Iya. (1 Peter 1:15, 16) Tu nyaga pengelikun gerempung Jehovah. Sida ke tetap ati ulih dijaga ari orang ke tau ngasuh pengarap sida lemi, ngambika sida terus nyembah Petara ba gerempung Iya, laban nya endur ti selamat ba dunya ti jai tu. (1 Korint 5:7; Hebrew 12:15, 16) Lebuh Jehovah ngajar orang ke enda nesal ati ngena chara nya, Iya nunjukka diri rinduka orang nya. Jehovah nemu chara nya ulih nulung sida nemu penyalah diri, lalu nitihka chara ti patut ngambika ulih pulai baru ngagai Iya.—Hebrew 12:11.\\n21 Endang amat, orang ke enggau begulai rapat ulih ngubah kitai. Nya alai, kitai patut pandai milih orang ke enggau begulai. Enti kitai milih pangan Jehovah enggau begulai sereta rinduka orang ti dikerinduka Iya, kitai deka dikelingi orang ke pemadu manah enggau begulai. Sida ulih nulung kitai mengkang ngerinduka ati Jehovah.\\n^ per. 4 Enggau ngasuh Abraham ngereja tu, Jehovah ngambarka Iya empu deka nyerahka anak tunggal Iya nyadika genselan. (John 3:16) Tang, Jehovah nagang Abraham nyerahka Isak nyadi pemeri, lalu nganti iya ngena bedus.—Pemungkal 22:1, 2, 9-13.\\n^ per. 9 David “agi biak” maya iya munuh Goliat, lalu iya beumur kira-kira 30 taun maya Jonatan mati. (1 Samuel 17:33; 31:2; 2 Samuel 5:4) Jonatan beumur kira-kira 60 taun maya iya mati. Reti nya, Jonatan 30 taun tuai ari David.\\n^ per. 10 Ba 1 Samuel 23:17, Jonatan madah empat iti pekara kena meransang David: (1) Iya enda ngasuh David takut. (2) Iya madah Saul enda ulih ngemediska David. (3) Iya ngingatka David deka nyadi raja baka ke udah disemaya Petara. (4) Iya besemaya deka nyadi lumur dua pengudah David.\\n^ per. 19 Kena nemu mayuh agi baka ni chara kitai nyaga kaul enggau orang ke dibuai ari gerempung tauka enggai agi nyadi Saksi-Saksi Jehovah, peda Penerang “Chara Nyaga Kaul Enggau Orang ke Dibuai Ari Gerempung.”\\nNembiak Betanya—Baka Ni Aku Ulih Ngiga Orang ke Enggau Begulai Rapat?","num_words":2507,"character_repetition_ratio":0.081,"word_repetition_ratio":0.004,"special_characters_ratio":0.222,"stopwords_ratio":0.361,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Richard Angelus' Legacy: March 2020\\nJesus Enggai Ngaga Kereja Ajih Enti Kita Buta (Mark 8:11-13)\\n“Sekeda orang Parisi datai ngagai Jesus lalu bekelikoh enggau Iya. Sida deka nguji Iya, nya alai sida minta Iya ngaga kereja ajih, kena nunjok ka pemendar ari Allah Taala. Jesus matak seput Iya lalu bejako, ‘Nama kebuah orang ti kemaya tu minta kereja ajih? Enggau bendar Aku madah, Aku enggai! Nadai pemendar ti baka nya deka dipandang ka ngagai sida!’ Udah nya Iya ninggal ka sida, nepan ka dalam perau lalu ngelayang ka seberai danau”\\n(Mark 8:11-13, Berita Manah Ka Rebak Diatu)\\nEnda kala aku ninga ayat “matak seput” dalam jako Iban (dalam English “sighed deeply”). Dalam Alkitab Versi Borneo iya ditulis “mengeluh.” Jesus mengeluh maya Iya ninga pinta sida orang Parisi. Sekumbang 3 taun Iya udah mantai ka diri “Anak Allah Taala” (Mark 1:1) ti deka nebus, ti nyuman ngau ti ngelepas, tang sida orang Parisi kelalu kieh ati taja pan sida udah meda mayoh amat tanda ti nunjok ka Jesus tu Mesiah tauka Kristus ti udah disemaya bala nabi kelia ba Sempekat Lama. Pengidup Iya ti tuchi nadai kala bedosa, ajar Iya ti endang jako Allah Taala empu ngau semoa kereja ajih ti udah digaga Iya baka meri makai beribu-ribu orang (Mark 6:30-44, 8:1-10), nyuman ka orang ti bengal, ti bisu, ti dirasok antu ngau mayoh agi (Mark 5-7). Semoa nya udah di ayan ka Jesus ngagai orang Parisi ngau sida bala murid Iya. “Nama kebuah orang ti kemaya tu minta kereja ajih?” ko Jesus, “Enggau bendar Aku madah, Aku enggai!” Ukai Iya amai enggai tang sida buta!\\nEnti mata kita buta, kita agi ulih nerima pemendar. Tang enti kita buta dalam ati ngau roh, Jesus, Anak Allah Taala, ba depan mua pan kita enda nerima. Nya kebuah Iya madah, “Nadai pemendar ti baka nya deka dipandang ka ngagai sida!” Ngagai sida ti bisi pemuta ba roh, Jesus madah dalam John 9:39, “Aku datai ka dunya tu deka ngeletak ukum, ngambi ka orang ti buta ulih meda, lalu orang ti meda nyadi buta.” Kati ka nuan maya tok? Bisi meda Jesus tauka enda? Enti nuan bisi ati deka meda Iya, besampi ngagai Allah Taala awakka Iya “ti udah nyebut: ‘Ari dalam petang pansut penampak ti terang!’ Sama Allah Taala nya ti ngasoh penampak Iya manchar ka dalam ati kita, ngambi ka kita nemu pasal mulia Allah Taala ti manchar dalam moa [Jesus] Kristus” (1 Korint 4:6). Am kita besampi:\\nO Tuhan Jesus Kristus, aku deka meda mulia Allah Taala ti dipanchar ari moa Nuan. Aku minta terang mulia Nuan ngemenuh ka mata aku awakka aku enda kieh ati baka sida orang Parisi. Pia mega, kena meh aku nyadi saksi Nuan di dunya ti agi idup dalam pemetang. Amen.\\nPosted by Richard Angelus at 12:03 PM 0 comments\\nLabels: Allah Taala, Bahasa Iban, Berita Manah, Bup Kudus, Pemendar, Penginjilan, Roh Allah, Yesus Kristus\\nPosted by Richard Angelus at 12:28 PM 0 comments\\nJesus: Orang Ti Bengal Tau Ninga, Orang Ti Bisu Nemu Bejako (Mark 7:31-37)\\n“Udah nya Jesus angkat ari Tire lalu mansang ngagai Danau Galili, ngerenchah nengeri Sidon. Iya nengah kandang menoa ti endor Sapuloh Buah Nengeri. Sekeda orang mai siko orang ti bengal sereta bisu, lalu minta Jesus ngengkah ka jari Iya ba orang nya. Nya alai Jesus mai iya kediri ngejang ari bala mayoh. Jesus ngachok ka tunjok iya ngagai pending orang nya, ngeludah lalu negu dilah iya. Udah nya Jesus nengkadah ka langit, merengut lalu bejako munyi tu: ‘Eppata,’ reti nya ‘Tebuka meh!’”\\n(Mark 7:31-34, Berita Manah Ka Rebak Diatu)\\nNama kabuah Jesus “ngachok ka tunjok iya ngagai pending orang nya, ngeludah lalu negu dilah iya”? Bisi dua kebuah: Ke-1, taja pan Jesus selalu ngaga kereja ajih ngena jako, orang ti bengal sereta bisu tu enda ulih ninga Iya. Nya alai Iya negu orang nya ngena tunjok ukai jako; Ke-2, bagi kitai maya tu, ngereja ka pengawa ajih ngena ludah enda kala di peda kitai, tang orang maya Sempekat Baru nemu tu meh chara ti biasa di kena sida berubat. Ba penemu aku, maya Jesus ngereja ka semua utai tu, orang nya udah gerai tang iya bedau nemu. Jesus bejako, “Tebuka meh!” awakka orang nya ngena ka pengarap iya ninga ka jako Jesus. “Kemaya nya pending orang nya lalu tebuka, dilah iya mega nyau gerah, lalu iya nemu bejako enggau nadai pemar” (Mark 7:35).\\n“Udah nya Jesus bejako enggau orang mayuh, enda ngasoh sida nusoi utai nya. Tang balat agi iya nagang sida, makin ka agi sida nusoi pengawa ti dikereja iya. Lalu samoa ti ninga berita pasal iya bela alit ati magang, ko sida, ‘Samoa pengawa ulih kereja iya magang! Datai ka orang ti bengal tau ninga, lalu orang ti bisu nemu bejako laban iya!’” (Mark 7:36-37). Enti nuan macha Injil Mark ari pun, nuan deka nemu nama kabuah Jesus enggai sida nusoi ka pengawa ti dikereja iya: Iya enggai sida majak datai ngagai Iya lalu Iya enda ulih bejalai kin kia ngau sida empai ngelala sapa Jesus ti amai. Bagi sida, Jesus tu ‘Tukang kerja ajih’ aja. Jesus, ko Mark 1:1, Iya ka benar nya, “Anak Allah Taala” serta Pengelepas dosa mensia. Bisi maya iya, maya Roh Kudus datai nerang ka ati sida, nya baru sida nemu sapa Jesus ti amai.\\nAmai ko jako sida, Jesus ngaga kereja ajih “datai ka orang ti bengal tau ninga, lalu orang ti bisu nemu bejako laban iya” (tu di ambik ari surat nabi Isaiah). Aram kitai nguji ka diri empu… taja pan kitai enda bengal sereta bisu baka orang ti disebut dalam Mark 7:31-34 tu, tang dalam ati bisi maya iya kitai bengal enda ninga ka Jako Allah Taala. Kitai enda macha Bup Kudus tauka kitai bisi macha ngau ninga tang enda ngereja ka jako Iya. Enti ati kitai agi bengal baka nya, tentu kitai mega bisu enggai nusoi ka Berita Manah ngagai orang bukai. Tu meh maya iya kitai mending ka jako Jesus serta besampi: “O Tuhan Jesus Kristus, buka pending enggau ati aku awak ka aku ulih mereti ka jako Nuan ngau ngereja ka pengawa Nuan. Buka mega mulut aku awak ka aku enggau ati ti gaga deka nusoi ka Berita Manah ngagai orang bukai ti bedau ngelala Nuan. Amen.”\\nPosted by Richard Angelus at 3:13 PM 0 comments\\nLabels: Allah Taala, Bahasa Iban, Berita Manah, Bup Kudus, Jako Tuhan, Pengelepas, Yesus Kristus\\nAsas-Asas Kepimpinan Berdasarkan Matius bab 1-4 (#InjilMatius)\\nBagi yang berminat untuk mendengar komentari yang ringkas dan padat dari bab ke bab, ayat ke ayat tentang #InjilMatius, kamu boleh melawat LEGASI.tv Podcast (KLIK DI SINI). Pada masa yang sama juga, saya cuba melihat dari sudut kepimpinan dalam #InjilMatius 🔥💪😉 Untuk menonton video-video tentang Asas-Asas Kepimpinan dari bab 1-4, sila KLIK LINK dibawah 👇👇👇 #ServeToLead\\nKepimpinan Bukan ditentukan oleh Latarbelakang Kita (Matius 1:1-17) https:\/\/youtu.be\/x8E41Hn1HLg\\nMentaati TUHAN, Menghormati Orang Lain (Matius 1:18-25) https:\/\/youtu.be\/h4r2rBLmV-o\\nPemimpin yang Benar, Aman (Secure) dengan Kedudukannya (Matius 2:1-18) https:\/\/youtu.be\/SiVBuUzt6yw\\nTiga (3) TUHAN Memimpin Pemimpin (Matius 2:19-25) https:\/\/youtu.be\/s8u1JKBwBKI\\nTiga (3) Prinsip Kepimpinan Yohanes Pembaptis (Matius 3:1-12) https:\/\/youtu.be\/m8ZJ2RUu7WE\\nTiga (3) Perkara Sebelum Mula Memimpin (Matius 3:13-17) https:\/\/youtu.be\/t1AaldiTZMY\\nCabaran Pemimpin: Godaan vs. Cubaan (Matius 4:1) https:\/\/youtu.be\/t1AaldiTZMY\\nPemimpin, Ambil Masa untuk Berpuasa (Matius 4:2) https:\/\/youtu.be\/rTbM1gZZp5k\\nIdentiti Seorang Pemimpin (Matius 4:3) https:\/\/youtu.be\/rTbM1gZZp5k\\nTiga (3) Prinsip Pemimpin Harus Tahu tentang Kuasa (Matius 4:4) https:\/\/youtu.be\/GjnXQ5ZTy1g\\nBagaimana Pemimpin Menguji TUHAN? (Matius 4:5-7) https:\/\/youtu.be\/XzpH88D7PBM\\nTiga (3) Soalan tentang Keutamaan (Matius 4:8-11) https:\/\/youtu.be\/bHXmlBQN_lc\\nKenapa Pemimpin Rohani Sangat diperlukan Masakini (Matius 4:12-17) https:\/\/youtu.be\/9XWXDxBp_zk\\nPemimpin yang Baik Ialah Pengikut yang Baik (Matius 4:18-22) https:\/\/youtu.be\/oZrAjkk2Dgs\\nTiga (3) Komponen Pemimpin Holistik (Matius 4:23-25) https:\/\/youtu.be\/wwnhKA8hqZs\\nPosted by Richard Angelus at 7:51 PM 0 comments\\nLabels: Kepimpinan, Pengajian Alkitab Injil Matius, Yesus Kristus, YouTube Video","num_words":1182,"character_repetition_ratio":0.067,"word_repetition_ratio":0.029,"special_characters_ratio":0.238,"stopwords_ratio":0.267,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: BA mai Boji, Wedy & Cigu Bio ke Kuching\\nBA mai Boji, Wedy & Cigu Bio ke Kuching\\nMinggu nyin kemari BA bisi ngambi pemisi dua hari nya hari lima 12hb enggau hari satu 15hb. Kabuah ia laban bisi pengawa ka diadu di Ambank Kuching. Taja pemisi BA berengkah tumu tang kami ke Kuching lemai 13hb. Agi bisi pengawa ka disetel ditu.\\nSapa bala ka enggau? Cigu Bio, Wedy enggau Boji. Boji dibai laban deka mai ia meda Alice in Wonderland 3D di MBO. Laun kami datai di Kuching lemai hari enam nya...jam 10.00 malam. Rin enda enggau laban maia nya ia bisi kursus MS ISO di Sibu.\\nhahh...mesti saduai tu ka ngaga pengawa enda tentu..\\nHari minggu nya pen udah pack ga jadual kami. Boji beria-ia ga ka pegi ke Muzium...kaseh ka ia...kami bejalai ga kia. Nyau ka setengah hari bejalai di Muzium....bala kami ke Taman Orkid laban Cigu Bio ka ngambi gambar orkid ngena kamera Nikon D3000.\\nDatai di Taman Orkid hari endang sigi udah ujan...lebat ga...beteduh dia meh kami. Taja pia,BA bulih ga gambar-gambar orkid dia. Geram BA meda pemanah orkid dia...very colorful.\\norkid di Taman Orkid\\nLaun lemai nya kami pen meda filim Alice in Wonderland 3D. Salah strategi kami neh...kami duduk paling atas sekali....ko jako ulih menikmati 3D enggau berkesan...sekali kena kachau pala mensia bukai ka meda dia. Paling manah, duduk ditengah-tengah...make sure seluruh skrin putih nya tama dalam ruang mata kitai...baru best...\\nSebedau meda wayang kami empat makai dulu di Secret Recipe...Wedy enggau Boji enda kala dibai makai dia...kami duai cigu bio dah selalu makai dia...nadai entu maioh menu barulah...\\nBoji macha bup dibeli di MPH\\nPagi hari satu 15hb, maioh pengawa ka digaga. Kami ke Koleh Abdillah nganjong Wedy kia kami sijil PMR ia suba. Dia pen bala kami sempat bepose ga. Lama dah BA nadai kia. Teringat maia ka selalu kiruh ka Wedy besekula diak (2001-2004). ia pindah ke Betong pen laban BA transfer kin...nadai urang kiruh ka ia yang selalu ti ka pulai enda betah nya...\\nbisi dinasour ditu\\nTembu dia nya kami ke Ambank Jalan Haji Taha laban ti ngator serta ngabis ka bayar loan kereta BA...ahkhirnya...kereta nya jadi milik kekal BA...Tang green card ia bedau ulih ambi laban nganti cheque BA nya agi floating 3 hari...nya meh 22hb tu BA pemisi baru ngambi kad nya...enda ulih urang bukai...mesti owner ga.\\nKami makai tengahari nyau nyadi makai lemai laban ti udah kelalu laun. Maioh tempat dituju...hills, Tun Jugah,Sarawak Plaza...laban ti mai sida ia bejalai. Lemai nya kami makai di McD...lama enda makai dia. Tang menu di McD maioh enda available...enda nemu kabuah.\\nsempat pose ga di McD\\nKami mulai ka diri agai Betong laun...jam 8.30malam angkat. Ari Kuching ke Bukit Begunan enda ujan...nyau ka datai di Simpang Sri Aman nyentok ke Betong...ujan lebat amat. Jam 1 pagi kami datai di Betong. Sepemanjai jalai...Boji tindok...lelak.\\nDikarang olih NyuWynn Glen Fordza @ Bujang Astana maia jam 12:19 PM","num_words":466,"character_repetition_ratio":0.041,"word_repetition_ratio":0.0,"special_characters_ratio":0.235,"stopwords_ratio":0.118,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ari Diatu Nyediaka Diri Enggau Pengidup ba Dunya Baru | Ke Mudah\\n“Sida enda tau enda ngereja pemadas, . . . ngambika sida tau bulih pengidup, iya nya pengidup ti bendar.”—1 TIM. 6:18, 19.\\nLAGU: 125, 40\\nNama utai ti pemadu ngagaka ati kitai ba dunya baru?\\nDiatu, nama sekeda chara kena nyediaka diri ke pengidup ba dunya baru?\\nBaka ni juluk ati ba pengawa ke Jehovah nulung kitai besedia ke pengidup ba dunya baru Petara?\\n1, 2. (a) Nama dianti nuan ba Paradais? (Peda gambar ba pun pelajar.) (b) Nama utai ti pemadu ngagaka ati kitai ba dunya baru?\\nKITAI amat nganti “pengidup ti meruan belama iya.” Rasul Paul ngambarka nya “pengidup ti bendar.” (Bacha 1 Timoti 6:12, 19.) Ke mayuh agi, orang deka idup belama iya ba Paradais di dunya. Tusah deka ngambarka maya kitai dani ninting pagi, kitai ngasaika diri gerai, lantang ati sereta puas ati. (Isa. 35:5, 6) Pikirka pengaga ati lebuh kitai ulih begulai enggau diri sebilik sereta bala kawan, nyengkaum sida ke deka diidupka baru. (Jhn. 5:28, 29; SKR. 24:15) Nuan deka bisi awak belajarka penemu baru, lalu landik agi ngereja utai ti dikerinduka nuan. Chunto, nuan ulih belajar mayuh agi pasal sains. Nuan mega ulih belajarka chara main perengka musik tauka chara ngaga pelan rumah nuan empu.\\n2 Taja pan kitai nganti semua utai manah tu, tang utai ti pemadu ngagaka ati kitai iya nya sembah ngagai Jehovah. Uji gambarka gaya pengidup lebuh semua orang nguduska nama Jehovah sereta nerima Jehovah nyadika Pemerintah. (Mat. 6:9, 10) Kitai deka gagit ati meda dunya penuh enggau orang ke sempurna, baka ke dikedekaka Petara. Lalu pikirka lebuh kitai senang agi ngenalamka kaul kitai enggau Jehovah seraya kitai belubah-lubah nyadi sempurna!—Mas. 73:28; Jas. 4:8.\\n3. Nama patut digaga kitai diatu?\\n3 Kitai pechaya Jehovah deka ngereja semua utai ti amat manah tu, laban ‘ba Petara semua utai ulih magang.’ (Mat. 19:25, 26) Enti kitai deka idup belama iya ba dunya baru, diatu meh maya kitai “tau bulih” pengidup ti meruan belama iya. Kitai nemu pengujung nyau semak, nya alai kitai patut idup enggau chara ti nunjukka kitai pechaya pengujung deka datai ba sebarang maya. Kitai patut ngereja semua utai ke ulih digaga kitai diatu kena nyediaka diri ke pengidup ba dunya baru. Aram kitai beratika chara iya.\\nBAKA NI BESEDIA\\n4. Baka ni kitai diatu nyediaka diri enggau pengidup ba dunya baru? Beri siti chunto.\\n4 Baka ni kitai diatu nyediaka diri enggau pengidup ba dunya baru? Enti kitai berunding deka mindah, lalu diau ba menua bukai, kitai engka ngaga sekeda utai kena nyediaka diri enggau pengidup ba menua nya. Chunto, kitai engka berengkah belajarka bansa jaku sereta adat orang ke diau dia. Kitai engka nguji makai sekeda pemakai sida. Pia mega, kitai diatu ulih nyediaka diri enggau pengidup ba dunya baru, enti kitai enggau naka ulih idup sejalai enggau chara pengidup ba dunya baru. Aram kitai beratika sekeda chara kitai ulih ngereja iya.\\n5, 6. Nama kebuah belajar ngasika iring ari gerempung Jehovah nulung kitai nyediaka diri enggau pengidup ba dunya baru?\\n5 Ba dunya kemaya hari tu, Sitan deka orang berunding sida ulih ngereja sebarang utai ti dikedekaka sida. Mayuh orang ngumbai sida patut bibas, lalu enda ibuh ngasika Petara. Nama nyadi ketegal tu? Mayuh pemerinsa sereta nadai pengelantang. (Jer. 10:23) Tang, Jehovah nya Pemerintah ti bisi pengerindu. Naka meh pemanah pengidup ba dunya baru lebuh semua orang ngasika Iya!\\n6 Ba dunya baru, kitai deka gaga ati nitihka iring ari gerempung Jehovah kena ngaga dunya tu nyadi paradais ti ngerinduka ati, lalu ngajar orang ke udah diangkatka idup baru. Jehovah deka meri mayuh pengawa ke kitai. Tang, kati enti orang ke ngiring ngasuh kitai ngereja utai ke enda entu dikedekaka kitai? Deka kitai nitih? Kati kitai enggau naka ulih nembuka sereta rindu ati ngereja pengawa ke diberi ngagai kitai? Kena nyedia ka diri idup belama iya ba dunya baru, kitai patut ngasika iring ari gerempung Jehovah diatu.\\n7, 8. (a) Nama kebuah kitai patut bekerejasama enggau orang ke ngiring? (b) Nama sekeda ubah ke diterima bala menyadi Kristian? (c) Nama utai ti ulih dipechaya kitai ba dunya baru?\\n7 Enti kitai deka besedia enggau pengidup ba dunya baru, kitai patut belajar puas ati sereta bekerejasama enggau gerempung Jehovah sereta enggau pangan diri. Chunto, enti kitai diberi pengawa ke baru, kitai deka bekerejasama, lalu naka ulih ngereja iya enggau ati ti gaga sereta puas. Enti kitai belajar bekerejasama enggau orang ke ngiring diatu, kitai mega deka ngereja nya ba dunya baru. (Bacha Hebrew 13:17.) Lebuh orang Israel tama ngagai Menua ti Udah Disemaya, endur sida diau udah diatur. (P-pau. 26:52-56; Jos. 14:1, 2) Kitai enda nemu dini endur tiap iku kitai deka diau ba dunya baru. Tang enti kitai udah belajar bekerejasama, kitai deka gaga ati ngereja peneka Jehovah enda ngira dini endur kitai diau.\\n8 Uji gambarka peluang manah bekereja ba dunya baru ke dipegai Perintah Petara! Enggau tu, kitai deka gaga ati bekerejasama enggau gerempung Jehovah diatu sereta ngereja semua pengawa ke udah diberi ngagai kitai. Kekadang, pengawa kitai engka berubah. Chunto, sekeda bala menyadi Kristian ba Betel Amerika Serikat udah diasuh bejalaika pengawa nginjil. Lalu ketegal udah tuai tauka penanggul bukai, sekeda tuai ti ngabas udah diasuh nyadi pengerintis istimewa. Sida gaga ati nerima pengawa baru, lalu Jehovah merekatka sida. Enti kitai besampi minta tulung ari Jehovah, enggau naka ulih nyembah Iya, lalu belajar puas ati enggau sebarang pengawa ke udah diberi ngagai kitai, kitai deka gaga ati, lalu Jehovah deka merekatka kitai. (Bacha Jaku Dalam 10:22.) Enti sema ba dunya baru, kitai deka diau ba siti-siti endur tang gerempung Jehovah ngasuh kitai mindah ngagai endur bukai, nama patut digaga kitai? Maya nya, kitai enda milih dini endur kitai diau. Kitai mega deka nerima sebarang pengawa. Kitai deka beterima kasih laban ulih idup ba dunya baru.—Neh. 8:10.\\n9, 10. (a) Nama kebuah kitai patut sabar ba dunya baru? (b) Baka ni kitai ulih nunjukka diri sabar diatu?\\n9 Ba dunya baru, kekadang kitai engka patut sabar. Chunto, kitai engka ninga sekeda orang balat gaga ati laban kaban belayan sereta bala kawan sida udah diangkatka idup baru. Tang, kitai engka agi nganti orang ke dikesayauka kitai diangkatka idup baru. Enti pia, kati kitai deka gaga ati enggau orang bukai sereta terus sabar? (Rom. 12:15) Enti kitai belajar sabar nganti Jehovah ngamatka semaya Iya diatu, tu mega ulih nulung kitai sabar maya nya.—P-jar. 7:8.\\n10 Kitai mega ulih nyediaka diri enggau pengidup ba dunya baru, enti kitai sabar lebuh nerima penemu baru pasal pemendar ari Bup Kudus. Kati kitai belajarka penemu baru tu? Kati kitai sabar enti kitai enda entu nemu reti iya? Enti baka nya, ba dunya baru kitai deka senang agi sabar tiap kali Jehovah madahka utai baru.—J-lam. 4:18; Jhn. 16:12.\\n11. Nama kebuah kitai patut belajar ngampunka orang bukai diatu, lalu baka ni tu ulih nulung kitai ba dunya baru?\\n11 Siti da agi chara kitai ulih nyediaka diri enggau pengidup ba dunya baru iya nya belajar ngampunka orang bukai. Lebuh Kristus Merintah Seribu Taun, tiap iku kitai deka begunaka awak nyadi sempurna. (SKR. 24:15) Kati kitai deka bisi pengerindu sereta ngampunka pangan diri? Enti kitai belajar ngampunka orang bukai sereta bisi kaul ti manah enggau sida diatu, ba dunya baru kitai engka senang agi ngereja nya.—Bacha Kolosi 3:12-14.\\n12. Nama kebuah kitai diatu patut nyediaka diri enggau pengidup ba dunya baru?\\n12 Ba dunya baru, kitai engka enda selalu bulih utai ti dikedekaka kitai, tauka kitai engka patut nganti utai nya. Kitai patut beterima kasih sereta puas ati enggau utai ti dikemisi kitai. Iya ke amat, kitai patut ngembuan pemanah ti sama enggau pemanah ke diajar Jehovah ngagai kitai diatu. Nya alai, enggau belajar ngayanka pemanah nya diatu, kitai nunjukka dunya baru nya nyata ba kitai, lalu kitai nyediaka diri enggau pengidup belama iya. (Heb. 2:5; 11:1) Pia mega, kitai ngayanka diri keran deka diau ba dunya ke alai semua orang ngasika Jehovah.\\nBEBERATKA PENGAWA KE JEHOVAH\\nRansing ati ngerembaika berita manah\\n13. Nama deka dikenuluka kitai ba pengidup di dunya baru?\\n13 Ba dunya baru, kitai deka bisi semua utai ke diguna kena idup lantang. Tang, utai ti pemadu ngelantangka ati kitai iya nya kaul ti rapat enggau Jehovah. (Mat. 5:3) Kitai deka kisuk enggau pengawa ke Jehovah, lalu kitai deka gaga ati nyembah Iya. (Mas. 37:4) Nya alai, enti kitai ngenuluka Jehovah ba pengidup kitai diatu, kitai nyediaka diri enggau pengidup ba dunya baru.—Bacha Matthew 6:19-21.\\n14. Nama juluk ati ti ulih ditetapka orang ke biak pasal bekereja ke Jehovah aja?\\n14 Baka ni kitai ulih nambahka pengaga ati nyembah Jehovah? Siti ari chara iya, enggau netapka juluk ati. Enti nuan orang ke biak, pikirka enggau manah pasal chara nuan ulih ngena pengidup nuan nyembah Jehovah. Nama kebuah enda ngiga pansik ari litaricha kitai pasal bemacham pengawa bekereja ke Jehovah aja? Nuan ulih netapka siti ari pengawa tu nyadika juluk ati. * (Peda nota kaki.) Tanya sekeda ari sida ke udah betaun bekereja ke Jehovah aja. Enti nuan ngena pengidup nuan nyembah Jehovah, nuan deka nerima latih ti beguna. Peneleba tu deka nulung nuan nyembah Jehovah ba dunya baru.\\nNetapka juluk ati ba pengawa ke Jehovah\\n15. Nama agi juluk ati ti ulih ditetapka kitai ba pengawa ke Jehovah?\\n15 Mayuh juluk ati ti ulih ditetapka kitai ba pengawa ke Jehovah. Chunto, kitai ulih netapka juluk ati kena belajarka pengelandik ti baru ba pengawa nginjil. Tauka kitai ulih belajarka prinsip Bup Kudus enggau manah agi, lalu belajarka chara ngena prinsip nya ba pengidup kitai. Kitai mega ulih ngemanahka agi chara kitai macha tauka meri cheramah ba mua mayuh sereta meri saut ba gempuru. Tuju iya: Enti nuan netapka juluk ati ba pengawa ke Jehovah, tu nulung nuan ransing agi sereta nyediaka diri enggau pengidup ba dunya baru.\\nCHARA PENGIDUP TI PEMADU MANAH DIATU\\nBeterima kasih ke semua utai ti diberi Jehovah ngagai kitai\\n16. Nama kebuah nyembah Jehovah nya chara pengidup ti pemadu manah?\\n16 Kati pengidup kitai kemaya hari tu bisi pengurang, enti kitai ngena awak nyediaka diri ngagai dunya baru Petara? Nadai! Nyembah Jehovah nya chara pengidup ti pemadu manah. Kitai ukai nyembah Iya ketegal diansak orang bukai tauka semina ketegal deka selamat maya penusah ti besai. Enti kitai bisi kaul ti manah enggau Jehovah, pengidup kitai deka manah agi sereta ngelantangka ati. Tu meh pengidup ke diberi Iya ke kitai. Bulih pengerindu sereta nerima iring ari Petara ba pengidup kitai manah agi ari utai bukai. (Bacha Masmur 63:1-3.) Semua kitai ulih ngasaika pengelantang ba ati ke datai ari sembah pengabis ati ngagai Jehovah. Sekeda orang ke udah betaun nyembah Iya madahka, tu meh chara pengidup ti pemadu manah.—Mas. 1:1-3; Isa. 58:13, 14.\\nNgiga iring ari Bup Kudus\\n17. Naka ni kitai patut ngemeratka main tauka ngereja utai ti dikerinduka kitai ba Paradais?\\n17 Ba Paradais, kitai deka gaga ati ngena awak ba main sereta ngereja utai ti dikerinduka kitai. Agi mega, Jehovah ngaga kitai ngambika kitai bisi pengingin deka ngelantangka ati, lalu Iya besemaya deka “meri sida chukup utai datai ke semua utai ti idup nadai suntuk utai.” (Mas. 145:16; P-jar. 2:24) Kitai patut main sereta belelak, tang kitai rindu agi ngereja pengawa tu enti kitai ngenuluka kaul enggau Jehovah. Pia mega, maya ba dunya baru. Nya alai, endang manah enti ‘giga dulu Perintah Petara,’ lalu beratika berekat ke diterima kitai ba sembah ngagai Jehovah.—Mat. 6:33.\\n18. Baka ni kitai nunjukka diri besedia enggau pengidup belama iya ba Paradais?\\n18 Ba dunya baru, pengidup deka manah agi ari ke ulih digambarka kitai. Aram meh kitai ngayanka pengeran kitai deka diau ba dunya baru enggau nyediaka diri ke “pengidup ti bendar” diatu. Aram meh kitai ngemansangka pemanah ke diajar Jehovah ke kitai, sereta ransing ati ngerembaika berita manah. Arapka kitai ngasaika pengelantang ati ketegal ngenuluka sembah ngagai Jehovah ba pengidup kitai. Ba dunya baru, kitai arap enggau pengabis ati, Jehovah deka ngamatka semua utai ti udah disemayaka Iya. Nya alai, aram meh kitai idup sejalai enggau chara pengidup ba dunya baru!\\n^ per. 14 Peda Young People Ask—Answers That Work, Volume 2, lambar 311-318.\\nKitai bekerejasama enggau orang ke ngiring enti kitai ngasika sida sereta enggau naka ulih nyukung pemutus sida\\nKitai puas ati enti kitai beterima kasih ke semua utai ti diberi Jehovah ngagai kitai. Kitai gaga ati nyembah Iya ba sebarang endur ke diasuh Iya, lalu puas ati enggau sebarang pengawa ke diberi Iya ngagai kitai","num_words":1961,"character_repetition_ratio":0.098,"word_repetition_ratio":0.003,"special_characters_ratio":0.213,"stopwords_ratio":0.357,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Reti 22 Julai patut ditemu semua – Suara Sarawak – Bukan Sekadar Akhbar\\nYou are here:Home-RUAI-Reti 22 Julai patut ditemu semua\\nReti 22 Julai patut ditemu semua\\nBINTULU: Reti 22 haribulan Julai tu patut ditemu semua rayat Sarawak.\\nKepala Menteri Sarawak Datuk Patinggi Abang Johari madahka reti 22 Julai tu diberi lebuh Tun Taib Mahmud agi nyadi Kepala Menteri Sarawak ba taun 2012 udah nya diaku niang Pehin Sri Adenan Satem ti nyadi hari besai ba taun 2016.\\nAbang Johari madah, Sarawak diberi kuasa merintah diri kena 22 Julai 1963 lalu setuju nyadi sebagi ari perintah Malaysia ti disereta Singapura, Borneo Utara enggau Malaya maya nya.\\nPia mega ku Abang Johari, Sarawak ngembuan hak enggau pengelebih baka autonomi, imigresen, tanah, kampung enggau garis entara menua ti enda ulih diubah tauka dibuai kelimpah ari disetuju Kaunsil Undang-undang Sarawak iya nya Dun.\\nAbang Johari mega madah, kuasa Sarawak baka OMO 1958 meri peluang ngagai Sarawak nambahka penatai pemisi meri chukai jual 5 peratus ba pengawa nyual minyak enggau produk gis berengkah taun tu disadang deka mansutka asil urung RM3 bilion ngagai nengeri Sarawak.\\nBEJADI… TYT Sarawak Tun Abdul Taib Mahmud bejadika pengerami Hari Sarawak di Bintulu seraya dikemata bini iya enggau bala bukai. Bela bisi dipeda Abang Johari, Douglas Uggah, James Masing enggau Awang Tengah.\\nNambahka nya ku iya, Sarawak ngembuan ekuiti dalam LNG penyampau 25 peratus ti meri penatai pemisi tambah ngagai nengeri tu.\\n“Hak enggau pengelain ti dikembuan Sarawak tu meri pengelebih ngambika ulih nangkup peminta rayat Sarawak ba inisiatif pemansang.\\n“Taun tu Sarawak ngembuan bajet RM11 bilion, pemadu mayuh dalam sejarah iya.\\n“Bajet tu ulih dikena ngaga mayuh agi infrastuktur baka jalai alun enggau jematan ungkup pengelantang rayat enggau ngemanah penyambung rayat,” ku Abang Johari.\\nIya mansutka jaku nya rambau ngintu pengerami besai Hari Sarawak 2019 di Jalai Padang Bilun Lama Bintulu, tadi.\\nNangkanka nya ku iya, pengawa bejadika jematan Kuala Kemena beungkusRM250 juta deka nyambung palan bejual Bintulu enggau sitak Jepak sereta Padang Bilun Bintulu.\\nKu iya nambah, penyambung infratruktur deka betambah manah lebuh bisi sekeda jematan ti deka digaga Perintah Sarawak empu.\\nPerintah Sarawak deka bejadika pengawa ngaga jematan Muara Lassa, Jematan Krian, Jematan Saribas enggau Jematan Rambungan sereta Jematan Long Lama ti udah tembu enggau Jematan Marudi udah berengkah dipejalaika.\\nBerebak enggau nya ku Abang Jihari, Sarawak mega ngembuan pemansut wang altenatif nengah Bank Pemansang Sarawak tauka dikumbai DBOS ti melanja projek bekal ai, bekal kuasa karan, RECODA, Jalai Tebing Pantai, Second Trunk Road enggau Ejensi Pemansang Kandang Menua Samarahan Bersepadu (IRSDA).\\nKelimpah ari nya ku iya, tikas pemeranak puku menua luar enggau menua tu, Sarawak entara penuduk pemadu atas ba nengeri di Malaysia.\\n“Ba Bintulu aja kelebih agi di Samalaju, Sarawak udah mujur beranakka puku penyampau RM 13.76 bilion.\\n”Pekara tu mega deka nyendiaka pengawa puang ngagai 11,000 orang,lalu kesemua peyampau beranakka puku ba Sarawak ari taun 2016 ngagai 2018 bisi RM23.7 bilion,” ku iya nerang silik.\\nPengerami besai Hari Sarawak ke-56 tu digulu 10,000 rayat ari pupu bansa sama ngerami hari besai tu.\\nBy GERRALD GILLES AHI|2019-07-22T19:46:00+08:00July 22nd, 2019|Categories: RUAI|0 Comments\\nPotensi sukan terjun udara tarik pelancong\\n600 guru dilatih semula\\nMudahkan kerjasama industri media kreatif\\nMemanah tajamkan mata hati\\nNabi Muhammad SAW pencinta perpaduan\\nPupuk minat pelajar pedalaman\\nMuhyiddin beri bayangan Belanjawan 2021 tumpu usaha perangi COVID-19\\nPM tinjau persiapan penghantaran keperluan kritikal COVID-19 ke Sarawak, Sabah\\nX50 pacu pertumbuhan segmen SUV\\nKontraktor terjejas dapat bantuan\\nLuqman Hakim kerja keras untuk banggakan Malaysia\\nMinat jadi WARTAWAN\\nPenyambung keaslian bahasa Iban\\nPalan tuisyen, tadika, taska enggau institusyen pelajar di Kuching ditutup\\nPusat tuisyen, tadika taska dan institusi pendidikan di Kuching ditutup\\nNadai kluster baru sehari tu\\nTiada kluster baharu hari ini, lima kluster sedia ada masih aktif\\nKes positif Covid-19 di Sarawak menurun hari ini\\nJenama berita paling dipercayai\\nOperasi TP dan TGP ditutup di Kuching\\nARKIB Select Month October 2020 (716) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":595,"character_repetition_ratio":0.05,"word_repetition_ratio":0.0,"special_characters_ratio":0.235,"stopwords_ratio":0.134,"flagged_words_ratio":0.0,"lang_id_score":0.982,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Posted by Website Team at 4:50 PM No comments:\\nDiatu blog tu mindah ngagai www.kassimjeritan.com.\\nMaioh agi pekara dikenang aku dalam blog tu. Aram meh sama nemuai ngagai blog aku nya, lalu lantang ka ati enti kita bisi komen deka diayanka dia.\\nKlik Ditu diatu\\nPosted by Website Team at 11:47 AM No comments:\\nPosted by Website Team at 8:51 AM No comments:\\nPosted by Website Team at 1:12 PM No comments:\\nSelamat kita begulai baru dalam program Randau ICT. Saritu Program kitai ba Tusun 66.\\nDalam program kitai ari Tusun 62 nyentok ka Tusun 66 nyin kemari kitai sama ngenang pasal pekara pengelikun leboh ti ngena internet. Taja pan bisi penusah tau nyadi ketegal kitai ngena internet, nadai penusah tu tau nuntung kitai enti kitai bisi nyikap diri ngena penemu pasal pengelikun internet. Kitai enda patut takut ngena internet laban penguntung ti tau datai ari internet jauh lebih enti dibanding ka enggau penusah ti tau datai. Aku selalu nyema ka pemerani ngena internet patut baka pemerani kitai driba kereta. Kitai enda takut driba genap hari taja pan bisi penusah tauka orang bukai accident leboh ti driba kereta. Bakanya mega pemerani kitai ngena internet.\\nLengka ka dulu kenang pasal pengelikun ngena internet. Saritu aku deka belaboh ngenang pengawa dagang internet. Aku maioh nerima peminta ari peninga ti deka nemu enggau silik agi pasal pengawa dagang internet. Maioh nya madah ka diri baru nemu kitai ulih ngereja pengawa dagang dalam internet. Ngelama tu sida ia semina ngena internet maca berita, maca blog, ngena email enggau ngena social networking baka Facebook.com. Bisi mega mansang sesingkang agi bekena ka online telephone service baka Skypee.com. Tang penemu pasal pengawa dagang internet tu agi baru kelebih agi di menua kitai ditu.\\nTaja pia ukai reti kitai jauh tinggal dalam penemu ICT. Pengawa dagang internet, kelebih agi pengawa dagang internet ti mit, ianya pengawa dagang internet ti enda ngena modal ti maioh baru ngerembai bepun ari taun 2005. Sebedau nya, pengawa dagang internet semina dikereja kompeni ICT ti besai aja. Kitai semina bebeli aja nengah internet tang nadai tentu maioh peluang bejual dia. Nya alai enti udah 4 taun kitai baru nemu pekara tu, enda kitai kelalu jauh tinggal dalam pekara tu.\\nDiatu maioh bendar orang ngena peluang dalam pengawa dagang internet. Maioh bendar orang udah bisi pun penatai pemisi ti stabil bepun ari pengawa dagang internet. Peluang dalam pengawa dagang internet mega makin sehari makin maioh tebuka. Pia mega makin sehari makin maioh cara pengawa dagang internet bisi digaga ngambi ka ulih dikena kitai dalam pengawa dagang internet kitai.\\nKitai patut beterima kasih ngagai kompeni baka Google.com, Paypal.com enggau ClickBank.com ti ngada ka servis ti ulih endor kitai ngeeja pengawa dagang internet ngena cara ti mit. Taja cara kitai bedagang dalam internet tu mit, ukai reti penatai pemisi ulih kitai mit mega. Pengawa dagang internet dikereja kitai enggau mit laban ungkos ngereja pengawa tu jauh mimit enti dibanding ka enggau ungkos ngaga pengawa dagang cara bukai.\\nBerindik ari nya aku ngasai ka patut bendar kitai berandau ka pengawa dagang internet enggau silik agi dalam Program Randau ICT kitai. Aku berati ka peluang ditu mega semampai agi maioh tebuka. Aku mega deka meri contoh kompeni tauka orang dagang ti udah mujur dalam pengawa dagang internet lalu bakani sida ia tu ngereja pengawa dagang internet sida ia.\\nMunyi ka udah dikenang aku dulu tadi, maioh macam pengawa dagang internet ti ulih dikereja kitai. Kitai ulih ngeklaku ka barang kitai empu nengah internet. Taja pan kitai nadai barang dijual kitai, kitai ulih ngelaku ka barang orang bukai lalu nerima komisyen ari nya. Aku empu ngereja pengawa dagang internet ngena cara bakatu.\\nKitai mega ulih ngada ka ruang iklan ba wesite tauka blog kitai lalu kitai berunding enggau orang ti bempu barang. Ari nya kitai minta orang ti bempu barang nya mayar kitai.\\nMaioh penguntung kitai ngereja pengawa dagang internet.\\nKesatu, pengawa dagang kitai mudah agi ditemu orang serata dunya. Diatu bisi nyau ka manggai 1.8 billions orang ngena internet dalam dunya tu. Tu nyau ka manggai 20% ari mensia di dunya tu bisi ngena internet.\\nKedua, pengawa dagang kitai nadai ngetu. Ia bekerja 24 jam sehari, 7 hari seminggu, 3o hari sebulan, 365 hari setaun. Kebuah pia maioh pekara ulih dikereja kitai enggau cara automatik. Kitai semina kiruh ngada ka setting dalam website tauka blog kitai ba pun pengawa dagang aja.\\nKetiga, pengawa dagang internet jauh murah enti dibanding ka enggau pengawa dagang di luar din. Semina ngena RM500 setaun kitai ulih belabuh ngereja pengawa dagang internet kitai. Enti ngereja pengawa dagang bukai kitai beguna ka modal bepuluh ribu ringgit dikena ngepun ka pengawa dagang kitai.\\nKeempat, kitai nerima bayar ngena cara automatik. Orang bebeli dalam internet bebayar tekala nya. Nadai ulih diutang. Kebuah pia laban sistem dalam merchant account tu sigi digaga bakanya. Nya alai kitai nadai kiruh berunding ka pengawa nagih utang tauka bayar ari orang ti meli barang kitai. Enti peninga bisi muka kedai tentu nemu reti pemesai guna pekara tu. Duit sigi di jari kitai enti orang bisi meli barang ari website kitai.\\nKelima, maioh macam barang sereta maioh macam cara kitai ulih ngereja pengawa dagang internet. Pekara tu deka dikenang aku enggau silik agi dalam program kitai ti deka datai. Orang ti ngereja pengawa dagang internet diatu ngaku pengawa sereta cara dagang tu agi baru lalu agi ngerembai. Reti ia peluang kitai besemekih sigi enda ulih ditutup. Bisi aja barang baru ulih dijual kitai. Bisi aja cara baru ulih dikena kitai. Bisi aja pengawa dagang baru ulih diguna kitai. Nadai orang ulih nyekat kitai ngereja pengawa dagang internet.\\nKeenam, pengawa dagang internet ulih dikereja kitai enda ngira dini alai kitai maya nya, asal aja bisi internet. Kitai ulih ngereja pengawa dagang internet di rumah, di ofis, di restoran, airport tauka leboh kitai benong becuti di Hawaii. Nya alai kitai ulih bekerja sambil bercuti tauka becuti sambil bekerja.\\nKetujuh, maioh bendar perengka kelebih agi software ti bisi digaga sereta dijual dikena ngerembai ka pengawa dagang kitai. Bisi mega software ti beguna ulih dikena kitai enggau cara enda bebayar. Nya alai pengawa dagang internet kitai ulih mansang enggau jampat taja semina ngena ungkos ti murah.\\nMaioh mega penguntung bukai enti kitai ngeeja pengawa dagang internet. Nya alai kitai deka berandau ka pekara tu dalam program kitai ti deka datai.\\nPeninga ti dipebasa,\\nPengawa dagang internet agi baru di menua kitai. Taja pia kitai patut ngambi peluang tu ngereja pengawa dagang internet ngambi ka kitai bisi penatai pemisi.\\nKena nutup randau ICT kitai ba Tusun 67 tu aku enda leju ngelalau, randau ICT tu randau kitai. Aku ngelalu ka tanya sereta komen peninga, nya alai aku bisi nyendia ka blog alai kitai berandau ba kjict.blogspot.com alai kita ulih ngenatai ka komen tauka tanya kita.\\nPosted by Website Team at 11:53 AM No comments:\\nDalam program kitai ba Tusun 65 nyin kemari kitai sama ngenang bakani kitai ulih nyaga pengelikun kitai leboh kitai ngena Merchant Account. Diatu Merchant Account makin maioh dikena orang kelebih agi dalam pengawa Dagang Internet. Kitai patut merani sereta neleba ka diri ngena servis Merchant Account laban pengawa tu deka nyadi siti cara pengidup kitai ti baru. Lama laun cara tu tetap dikena orang dudi ari ila.\\nLengka ka dulu kenang pasal pengelikun ngena Merchant Account. Saritu kitai deka ngenang siti agi pekara pengelikun internet ianya pengelikun ngena “Social Networking“.\\nSocial Networking tu ianya website endor orang maioh begiga sereta betemu enggau pangan diri dalam dunya siber. Ditu kitai ulih ngiga kaban baru enggau orang ti udah ngerejister diri dalam website nya. Kitai mega ulih mai kaban kitai ngerejister diri dalam website nya. Ari nya kitai ulih berandau ka maioh macam pekara dalam website tu, enda iboh betemu moa enggau pangan diri.\\nSocial Networking website tu sigi udah lama ditumbuh ka. Siti ari tuju internet diada ka di menua Amerika dulu suba ianya nyadi ka palan alai pengawa Social Networking tu. Antara Social Networking website ti terubah ia ianya baka AOL enggau Yahoo! Massenger. Taja pia pengawa Social Networking tu enda tentu nyulut dikena maioh orang maya nya.\\nBepun ari taun 2005 Social Networking website tu nyau tebilang sereta dikerindu ka maioh orang ukai semina di menua Amerika din tang mega serata dunya. Pekara tu nyadi laban pemansang website ti baru ti lebih dikerindu ka orang ti biak agi. Website ti nyulut maya nya baka MySpace.com enggau Friendster.com bisi ngada ka service ti dikerindu ka bala anembiak. Nya alai website ti bansa tu nambah maioh agi.\\nDalam taun 2007 siti website ti ngada ka service Social Networking ditumbuh ka. Website tu ianya Facebook.com, jampat bendar ngerembai nyentok ka ia nyadi website ti tebilang nyentok ka saritu. Di menua kitai Malaysia ditu bisi 4 Juta orang ngerejister diri dalam Facebook.com. Dipelaba ka aku, kitai ti bisi ngena internet tentu bisi udah ngerejister diri dalam Facebook.com. Dalam taun 2008, di serata dunya bisi 600 juta orang bisi ngerejister diri dalam Facebook.com. Reti ia nyau ka 40% orang ti ngena internet bisi ngerejister diri dalam Facebook.com. Tu nanda sereta nerang ka pemesai reti sereta guna Social Networking website dalam pengidup kitai kemaia hari tu.\\nAri pemaioh orang ti ngena social networking website nya, tentu meh bisi aja ti enda tentu manah tuju. Taja pia tebal agi orang ti ngena website tu ngibun tuju ati ti manah baka pengerindu sida ia bekelala sereta bekaban enggau orang baru.\\nKitai patut nemu pekara pengelikun ti besangkut paut enggau Social Networking ngambi ka kitai enda kena penusah leboh ti ngena servis tu. Enti kitai ngerejister diri dalam Social Networking website, penerang pasal kitai sigi mudah ditemu mensia maioh di serata dunya.\\nBisi penusah ulih nuntung kitai enti kitai enda cukup bejaga leboh ti ngena social networking website baka Facebook.com. Antara penusah ti ulih nyadi ianya penerang pasal kitai ulih dicuri sereta dikena orang enggau tuju ti enda manah. Pekara tu dikumbai “identity teft”. Orang ngena penerang kitai ngisi form baka loan duit ba bank, lalu enti loan nya diterima, bank minta kitai bebayar.\\nSiti agi penusah tau nyadi ianya pengawa orang ti mejal tauka ngemeli ka orang dalam internet. Pekara tu mega dikumbai orang “bully” nengah internet. Pengawa tu maioh bendar udah ngenusah ka orang bukai sampai ka bisi orang ti dibuli dalam internet bisi munuh diri. Pekara tu bisi udah nyadi di Amerika enggau di Philipines.\\nSiti agi penusah ti tau nuntung kitai enti kitai enda bejimat leboh ngena social networking website ianya ngenyamai ka pengawa orang ti deka ngemedis kitai. Kebuah pia ia bulih penerang ari posting kitai enti kitai enda bejimat pasal pekara ti ditulis kitai dalam website tu. Antara penerang ti ulih diguna orang ti bansa tu ianya penerang pasal pengawa kitai besehari- sehari. Ari penerang ti bansa tu, nyamai bendar orang nya ulih ngipa kitai laban ia nemu kuing pejalai kitai. Pekara tu mudah bendar nyadi ba anembiak. Nya alai kitai patut nemu bakani kitai ulih nyeliah ka pekara ti bansa tu.\\nPekara pengelikun ti kesatu, anang meri semua penerang ti bendar pasal kitai dalam website tu. Antara penerang ti patut dilalai ka kitai ianya taun kitai ada sereta Address ti lengkap dini alai kitai diau. Penerang ti bendar pasal kitai ulih dikena orang ti enda manah penemu ngereja pengawa ti enda manah lalu ditanggung kitai.\\nPekara pengelikun ti kedua, ianya anang nerima sebarang orang ti enda dikelala kitai dalam list kaban kitai. Kitai enda nemu tuju orang nya tadi. Manah agi semina ngemendar ka orang ti dikelala kitai aja dalam list kaban kitai ngambi ka kitai enda kena buli dalam internet. Orang ti buli orang bukai dalam internet tu ngena cara Psikology, nyentok ka kitai enda nemu diri kena bully ia. Pekara bully dalam internet tu tebal agi nyadi ba orang ti biak. Nya alai bepekat manah enggau diri sebilik pasal social networking website tu.\\nPekara pengelikun ti ketiga ianya kitai anang selalu nulis pekara pasal kitai empu dalam social networking website. Anang madah ka tuju pejalai kitai. Anang madah ka penatai kitai. Anang madah ka kitai kediri aja di rumah. Anang madah ka diri sunyi tauka boring. Anang madah ka diri nganjung anak tusyen. Anang madah ka diri benong di rantau jalai ari kini nuju kini. Penerang ti bansa tu enti ditulis kitai genap hari, mudah bendar orang ngipa kitai. Pia mega enti anembiak nulis penerang ti bansa tu, mudah bendar orang ti jai ngulih ka sida laban bisi penerang ti beguna ba sida ia.\\nAku berati ka posting bala kitai ba Facebook.com, maioh bendar penerang ti ditulis di meri peluang penusah tau nyadi. Bisi nya madah ka diri benong di rantau jalai ari Kuching ka Sri Aman. Bisi madah ka diri benong diau ba hotel ni leboh ti travelling. Penerang tu enda patut diayan ka ba social networking website.\\nMakin sehari, makin maioh orang ngena social networking website. Nya alai kitai patut berati ka pengelikun leboh ngena social networking website. Anembiak rindu bendar ngena social networking website. Kitai ka apai indai patut berati sereta bepekat manah enggau diri sebilik ngambi ka pengelikun ngena social networking website ulih diperati sereta dijaga kitai. Terang ka ngagai sida ia penusah ti tau nyadi.\\nSocial Networking website beguna bendar enti dikena kitai enggau betul. Enda ngira dini kitai diau, kitai ulih berandau enggau bala kaban kitai tauka kitai sebilik. Ari nya kitai semampai semak enggau bala kaban kitai. Taja pia, ia ulih mai penusah ka kitai enti kitai enda cukup bejaga. Nya alai kitai patut berat ka pengelikun leboh kitai ngena social networking website.\\nKena nutup randau ICT kitai ba Tusun 66 tu aku enda leju ngelalau, randau ICT tu randau kitai. Aku ngelalu ka tanya sereta komen peninga, nya alai aku bisi nyendia ka blog alai kitai berandau ba kjict.blogspot.com alai kita ulih ngenatai ka komen tauka tanya kita.\\nPosted by Website Team at 11:51 AM No comments:\\nSelamat kita begulai baru dalam program Randau ICT. Saritu Program kitai ba Tusun 65.\\nDalam program kitai ba Tusun 64 nyin kemari kitai sama ngenang bakani kitai ulih nyaga pengelikun kitai leboh kitai ngena email. Enti peninga agi ingat, email tu nyadi ka wakil kitai dalam dunya internet. Semua pekara ti datai ari email kitai endang tanggungjawab kitai 100%. Pengelikun ngena email nyamai diperati ka kitai enti kitai nemu ngibun password kitai enggau “Security Question”, enda forward sebarang email ti dikirum ka kitai lalu enda muka sebarang email ti nyangka bisi ngundan spyware enggau virus.\\nLengka ka dulu kenang pasal pengelikun ngena email. Saritu aku deka ngenang siti agi pekara pengelikun internet ianya pengelikun ngena “Merchant Account“.\\nSaritu maioh bendar pengawa bejual beli dikereja dalam internet. Pengawa tu mega deka nambah hari siti ngagai hari siti. Maioh penguntung kitai enti kitai bebeli nengah internet. Kesatu, kitai ulih meli barang enggau murah agi enti dibanding ka enggau meli barang ati kedai. Kedua, maioh kompeni ti nyual barang nengah internet bisi ngada ka jamin tauka warranty barang ti dijual sida. Ketiga, barang ti nadai ba menoa alai kitai diau ulih dibeli kitai nengah internet asal barang nya tadi enda salah dibeli kitai ari segi undang-undang menoa kitai. Keempat, kitai enda iboh masau hari kitai nurun ka kedai bebeli ka barang laban pekara tu ulih dikereja kitai ari rumah asal kitai bisi internet.\\nDi menoa kitai empu, siti ari pengawa bebeli nengah internet ti tebilang bendar ianya meli tiket AirAsia. Kompeni AirAsia ngerembai enggau jampat bepun ari pengawa sida ti bejual ka tiket nengah internet. Kitai patut beterima kasih ka kompeni AirAsia tu ti udah muka jalai dalam pengawa bebeli nengah internet.\\nDi menoa ti udah maju baka Amerika enggau Britain, barang ti diguna genap hari baka sayur enggau dagin sereta mega perengka dapur ti bukai ulih dibeli nengah internet. Order diambi pagi lalu barang dianjung datai ba rumah moa ka lemai. Siti ari kompeni ti mujur bendar dalam pengawa dagang supermarket nengah internet ianya Wall Mart.\\nKitai bejual beli barang nengah internet ngena kad kredit, charge card, debit card serta mega baru diatu, ngena ATM card kitai. Semua transaction antara kitai enggau orang ti bempu barang ti dibeli kitai dikereja nengah “Merchant Account“. Merchant Account tu ianya siti kompeni ti dikumbai kitai third party company. Ia nerima bayar ari kitai lalu ngirum ka bayar nya tadi ngagai kompeni ti bempu barang ti dibeli kitai. Udah pekara tu dikereja nya baru orang ti bempu barang nya tadi ngirum ka barang ngagai kitai.\\nDiatu maioh bendar kompeni ti ngada ka merchant accout dalam internet. Siti ari kompeni tu kala dikenang aku dalam program ti dulu suba ianya PayPal.com. Kelimpah ari paypal maioh agi kompeni ti bukai. Taja pia cara kompeni tu bekerja nyau deka sama. Pengelikun ngena merchant account tu mega nyau deka sama magang.\\nKeterubah ia kitai ngena merchant account kitai dipinta ngerejister akaun kitai. Udah nya kitai diberi nama akaun enggau password. Baka pengelikun ngena email ti udah dikenang aku kemari, nama akaun enggau password tu patut disimpan serta dilalai ka kitai enggau manah. Enti nama akaun enggau password kitai ulih ditemu orang, akaun kitai nya tadi ulih dikena orang bebeli ka barang nengah internet lalu kitai bebayar ketegal nya tadi. Tentu meh pekara tu pulai ka pengerugi ngagai kitai.\\nEnti kitai meri akaun enggau password kitai nya ngagai orang bukai, reti ia kitai meri duit kitai ngagai orang nya ntadi. Nya alai password merchant akaun kitai patut disimpan enggau manah.\\nEnti kitai bebayar nengah internet ianya, tentu ka address box kitai bepun ari https:\/\/. Enti address box kitai enda bepun bakatu, kitai nyangka benong ngena webpage ti segaja dikena orang ngumpan kitai ngayan ka nama akaun enggau password kitai. Semina address box ti ngena https:\/\/ aja likun dikena laban semina kitai siko aja ngena webpage nya maya nya. Enti address box nya bepun ngena http:\/\/ aja, bisi orang bukai ulih sama meda penerang di ayan ba webpage nya. Nya alai tentu ka pekara tu dulu sebedau kitai meri penerang pasal merchant account kitai.\\nDiatu bisi website digaga nyaru baka website merchant account ti bendar. Taja pia website tu enda ulih ngaga ka address ti bepun ngena https:\/\/ laban website ti ngena https:\/\/ enda ulih direjister sebarang. Semina kompeni ti bendar aja ulih ngerejister webpage ngena https:\/\/ laban bisi cara orang ti ngatur pengawa tu napis kompeni merchant account ti bendar.\\nAnang ngena maioh kad kredit. Siti aja umbas dikena kitai bebeli ka barang nengah internet. Manah agi enti kitai ulih ngena debit card. Facility ia sama baka kad kredit tang debit card tu baka ATM card, duit dalam nya deka diisi kitai dulu sebedau kad nya ulih dikena. Ngena cara nya kitai enda kena penusah ti tau bepun ari hutang kad kredit.\\nPia mega kitai ngena kad kredit ti enda kelalu besai kredit limit. Manah agi ngena kad kredit ti ngena kredit limit enda lebih ari RM5,000. Kebuah pia, taja pan kitai udah cukup bejaga tang nasib nadai, orang agi ulih ngena duit dalam kad kredit kitai, kitai enda lenyau maioh duit. Taja pia peninga, pengawa lenyau duit ketegal kitai ti bebayar nengah internet tu jauh kurang enti dibanding ka enggau kitai ti ngena kad kredit kitai di luar din. Aku empu udah lebih ari 5 tahun bebeli barang nengah internet ngena kad kredit. Nadai sekali udah bisi penanggul. Pengawa tu sigi likun enti kitai cukup bejaga.\\nKitai mega patut nemu sereta pecaya ka kompeni ti ngada ka service merchant account. Kompeni baka PayPal sigi udah ditemu sereta tebilang dalam ngada ka service ti bansa tu. Tambah mega maioh kompeni nerima bayar nengah PayPal dalam website sida. Ari nya tentu meh PayPal tu ulih diarap ka kitai. Kadang- kadang bisi meh penanggul mimit tang kompeni tu bisi team ti ulih mantu kitai enti kitai bisi penanggul ngena service sida ia.\\nTentu ka kitai nemu pekara ti patut enggau enda patut dikereja ngena merchant account kitai. Kebuah pia enti kitai ngereja pekara ti enda dikemendar ka ngena akaun kitai, akaun kitai nya tadi tau kena tutup. Tu siti ari cara kompeni ti bansa tu nyaga pengelikun ngena servis sida ia. Tentu meh pekara tu enda manah.\\nMakin sehari, pengawa bebayar nengah internet makin maioh dikereja. Kitai enda patut takut bebeli nengah internet laban pekara tu ulih mai penguntung ka kitai. Nya alai kitai patut berati ka pengelikun leboh kitai bebayar nengah internet baka ti udah dikenang aku tadi.\\nKebendar ia, pengawa bebayar nengah internet ngena servis ari maioh merchant account ti bisi jauh lebih likun enti dibanding ka enggau kitai ti ngena kad kredit kitai di luar din. Nya alai kitai enda patut takut ngena servis ti bansa tu. Tambah mega tu deka nyadi siti ari jalai pengidup kitai.\\nKena nutup randau ICT kitai ba Tusun 64 tu aku enda leju ngelalau, randau ICT tu randau kitai. Aku ngelalu ka tanya sereta komen peninga, nya alai aku bisi nyendia ka blog alai kitai berandau ba kjict.blogspot.com alai kita ulih ngenatai ka komen tauka tanya kita.\\nPosted by Website Team at 11:49 AM No comments:\\nSelamat kita begulai baru dalam program Randau ICT. Saritu Program kitai ba Tusun 64.\\nDalam program kitai ba Tusun 63 nyin kemari kitai sama ngenang bakani kitai ulih nyaga pengelikun kitai leboh kitai melayar internet. Enti peninga agi ingat, pengelikun melayar internet bepanggai bendar ba cara runding kitai ti betul serta mega penampak tuju kitai ngena internet. Manah agi tuju kitai melayar internet, likun agi ga kitai. Pia mega enti tuju kitai melayar internet enda tentu manah, bisi agi ga peluang kitai kena penusah ari webpage di dilayar kitai.\\nLengka ka dulu kenang pasal pengelikun kitai ngelayar internet. Saritu aku deka ngenang siti agi pekara pengelikun internet ianya pengelikun ngena email kitai.\\nSaritu email nyau nyadi ka perengka ti enda tau nadai dikembuan kitai. Ia nyadi ka siti perengka ti nyamai bendar dikena kitai. Email mega mudah dikena diatu. Maioh kitai bisi lebih ari siti email.\\nEmail tu siti ari cara orang ulih ngenatai ka maioh pekara ngagai kitai. Kitai ulih nerima berita nengah email kitai. Kitai ulih nerima report nengah email kitai. Kitai ulih nerima gambar, klip video enggau lagu nengah email kitai. Kitai mega ulih nerima link ngagai website tauka webpage nengah email kitai.\\nPia mega kitai ulih nganjung semua pekara ti ulih diterima kitai ti udah disebut aku nya tadi ngagai orang bukai baka orang ti ulih nganjung semua utai tu tadi ngagai kitai.\\nAri nya besai bendar reti sereta guna email dalam pengidup kitai. nya alai kitai patut nemu sereta mereti ka pekara pengelikun leboh kitai ngena email.\\nEmail tu nyadi pengari kitai. Nama- nama pekara ti ayan dalam email kitai sigi pekara ti datai ari runding kitai. Enti pekara ti datai ari email kitai tau ngenusah orang bukai kitai meh betanggungjawab ka pekara nya. Kitai enda ulih nyalam ka pekara ti ayan ba email kitai ukai pengawa kitai. Taja pan kitai semina ngirum tauka “forward” email ari orang bukai ngagai email bala kaban kitai, tanggungjawab nya agi pulai ka kitai laban email nya datai ari email kitai. Enti pekara ti dikirum ka kitai tauka email orang bukai di”forward” ngagai email address ti bisi dalam list kitai bisi ngelanggar undang-undang, kitai tau kena dakwa di court. Tusah kitai deka nyalam ka pekara nya ukai dikereja kitai tang kitai semina forward email nya aja. Court meda pekara tu datai ari kitai lalu betanggungjawab lalu tau kena ukum.\\nAri nya tadi kitai patut nyaga akaun email kitai enggau manah. Anang meri akaun email kitai ngagai orang bukai. Nadai kebuah kitai meri akaun email kitai ngagai orang bukai laban semua orang ti be-umur 18 taun ka atas tau ngerejister akaun email enggau enda bebayar. Tambah mega pemaioh akaun email ti tau dibuka kitai nadai disekat.\\nJaga akaun email kitai baka kitai nyaga akaun bank kitai. Tentu ka Password tauka jako lalai ti dikena kitai muka email kitai enda ditemu orang bukai. Pia mega tentu ka kitai nukar password kitai enda kurang ari sekali dalam 3 bulan. Diatu udah bisi software ti dikena muka password ti lama enda ditukar. Enti password kitai ulih ditemu orang bukai, nasib kitai teserah ngagai orang nya tadi. Enti ia ngibun penemu ti jai ngena password nya tadi, jai meh nasib kitai. Bisi meh penusah tau datai nuntung kitai.\\nTaja pia, enti password email kitai ulih ditemu orang bukai, ukai reti ia email kitai nya tadi terus lenyau. Kitai agi ulih muka email kitai nya baru lalu nukar password nya ngagai password ti baru. Enti password nya tadi udah ditukar orang bukai ti muka email kitai nya tadi kitai ulih minta bantu ari website ti ngada ka service email tu tadi baka Google.com enti kitai ngena @gmail.com tauka Yahoo.com enti kitai ngena @yahoo.com. Cara ia bakatu:\\nLeboh kitai ngerejister email akaun kitai, kitai dipinta ngisi penerang ti besangkut paut enggau kitai ti bempu email. Siti ari penerang ti patut diisi kitai dia ianya “Security Question“. Kitai dipinta milih jako Tanya, lalu udah nya kitai meri saut kitai dia. Security Question tu deka ditanya ngagai kitai enti kitai minta Bantu ari email service provider tu nyidi password kitai. Nya alai kitai mesti deka ngingat ka “Security Question”. Enti kitai enda ulih ingat ka “Security Question” tu nya baru kitai nadai jalai ulih muka akaun email kitai.\\nEmail mega siti ari cara orang ulih ngirum sereta ngerembai ka virus enggau spyware dalam internet. Maioh macam cara pekara tu ulih dikereja. Kesatu, ngena cara ngelalai ka virus tauka spyware dalam file ti disangking ka dalam email ti dikirum ka kitai. Taja pia virus ti dikirum ka email ti bansa tu ulih ditemu anti-virus ti bisi disedia ka website ti nyendia ka service internet. Nya alai pekara ti bansa tu jarang bendar tau nyadi.\\nSpyware mudah agi tama ngagai akaun email kitai enti dibanding ka enggau virus. Email ti dikirum ngena cara berantai tauka email ti dikirum ari siti email ngagai siti email ti bukai suah bendar bisi ngundan spyware. Spyware tu tau ngenusah ka kitai laban ia ulih ngambi penerang pasal akaun email kitai sereta mega penerang pasal akaun email ti bisi dalam list kitai. Penerang tu tadi lalu dikirum ka ngagai orang ti bempu spyware tu tadi. Nya ngujung ka kitai nerima maioh macam email genap hari.\\nNya alai peninga, enti kitai maioh nerima macam-macam email genap hari, email baka promosi enggau email ti enda bebatang, pekara tu nyadi laban bisi spyware dalam email kitai.\\nKena kitai nyeliah ka pekara ti bansa tu nyadi, kitai anang muka email ti datai tang simpan ia dalam folder “Spam“. Email dalam folder spam tu deka dipadam ka udah sebulan.\\nKitai mega anang forward email sebarang ngagai bala kaban kitai. Tentu ka kitai mereti sereta setuju enggau isi sereta pekara ti ditulis dalam email nya tadi sebedau kitai ngirum ka ia kebukai. Tentu ka mega email nya tadi bisi beguna ba orang ti nerima email kitai laban kitai enggai direport orang ngirum ka email enggau sebarang. Orang ti bansa tu dikumbai “Spammer”. Enti kelalu maioh report “spammer” diterima pasal email kitai, akaun email kitai nya tadi tau ditutup terus.\\nEmail tu siti ari perengka ti beguna bendar kemaya hari tu. Ia nyadi ka wakil kitai dalam dunya ICT. Kitai betanggungjawab ka semua pekara ti datai ari email kitai. Nya alai kitai patut berat ka pengelikun kitai ngena email kitai. Kitai mega patut nyaga password email kitai enggau manah laban enti ia ulih ditemu orang bukai kitai tau kena penusah.\\nTaja pia pengelikun ngena email tu nyamai diperati sereta dikereja kitai. asal kitai ngibun password kitai enggau manah, ingat ka “security Question” serta nemu sereta setuju enggau isi email ti di”forward” kitai ngagai orang bukai, serta mega enda muka sebarang email ti datai ngagai kitai, kitai semampai likun enti kitai ngena email.\\nSelamat kita begulai baru dalam perogram Randau ICT. Saritu Program kitai ba Tusun 63.\\nSaritu aku deka belaboh ngenang pengelikun ngena internet. Pekara ti deka dikenang kitai saritu ianya bakani kitai ulih nyaga pengelikun kitai leboh ti melayar internet.\\nTuju kitai melayar internet ianya dikena ngiga penerang pasal pekara ti deka ditemu kitai. Kitai melayar internet dikena nambah ka penemu kitai enggau dalam agi pasal siti – siti pekara ti deka ditemu kitai. Pia mega kitai melayar internet dikena ngiga penerang ti tau nyukong penerang di deka dikenang kitai ngambi ka buah kenang kitai enda sebubu ngapa tang bisi disukong enggau penerang ti bendar. Ari internet semua penerang tu ulih diambi kitai enggau manah.\\nTaja pia ukai semua penerang ti bisi ayan ba internet ulih diarap ka kitai magang. Kitai enda tau nerima penerang ti ayan dia enggau seratus peratus pengarap kitai. Nya alai kitai mesti nemu ni bagi penerang ti tau diguna. Kitai enggai nyadi penyukong sereta ngerembai ka penerang ti enda betul ngagai orang bukai berindik ari kitai ti tetemu ka penerang ti salah nya tadi. Nya alai kitai patut nemu pemendar penerang ti diterima kitai ngambi ka kitai enda kena penusah dudi ari. Kelebih agi, kitai enggai enda nemu diri tau kena penusah ari pekara ti bansa tu.\\nSiti ari cara kitai nemu penerang ti ayan dia bisi diguna ianya penerang ti datai ari website ti bisi kredibiliti. Antara website ti bisi kredibiliti ianya baka Google.com, Yahoo.com, Amazon.com, Wikipedia.com, Pcworld.com enggau eHow.com. Pia mega penerang ari Ezine.com ulih diarap kitai laban penerang dia ditapis orang ti nyadi moderator website tu tadi.\\nNya alai enti kitai ngiga penerang pasal pekara ti deka ditemu kitai, kitai tau muka website tu dulu lalu giga penerang ti deka digiga kitai dalam website ti udah dipadah ka aku dulu tadi. Kadang- kadang penerang ti digiga kitai enda maioh ayan tauka nadai ayan sekali. Enti bakatu, kitai tau ngiga penerang ari website bukai. Enti ulih giga penerang ari enda kurang ari 10 iti website ti bukai lalu banding ka semua penerang dia tadi. Ari nya kitai bulih siti genturung penerang ti sama nerang ka pekara ti deka ditemu kitai.\\nTentu meh maioh penerang tu nyau deka nerang ka pekara ti sama. Nya alai enti bisi penerang ti becanggah enggau penerang maioh ti bukai, penerang tu tau dikumbai kitai penerang ti enda tentu betul. Kitai mega tau enda iboh ka penerang ti bansa tu.\\nKitai mega patu berati ka penerang ti disukong enggau contoh tauka data ti betul. Enti penerang nya enda disukong enggau data tauka contoh ti betul, penerang nya tadi enda tegap lalu tau dikelaung ka kitai. Ari nya kitai nemu penerang tu enda tentu ulih diguna.\\nTu siti ari cara kitai nyaga pengelikun kitai melayar internet, kelebih agi bakani kitai ulih milih penerang ti betul.\\nBisi mega website ti ngada ka pop-up ianya window page ti mit ti bisi ngundan iklan. Pop-up tu bisi maioh macam tuju. Bisi nya tuju ti manah sereta bisi mega tuju ti enda manah. Bisi pop-up tu ngumpan kitai klik ba link ti bisi dia lalu mai kitai ngaga webpage ti bukai. Bisi mega pop –up tu ngundan spyware dipindah ka ngagai computer kitai lalu ngumpul penerang dalam computer kitai. Udah nya spyware tu ngirum ka penerang pasal computer kitai ngagai computer orang ti bempu spyware tu tadi. Bisi mega pop – up tu ngundan virus computer ti tau ngerusak computer kitai.\\nNya alai enti ulih anang peduli ka pop – up tu. Anang ulih diumpan enggau maioh macam semaia ti bula. Antara semaia ti bula nya ia madah ka kitai bisi bulih perais. Pekara ti bansa tu tusah bendar dipecaya ka kitai. Pia mega manah agi enti kitai ngalih ngagai website bukai. Website ti meruan jarang ngada ka pop –up ba webpage sida laban sida ia nemu cara ti bansa tu enda tentu dikerindu ka maioh orang.\\nBisi mega website ti enda tentu manah dipeda kitai kelebih agi bala anak kitai. Website ti bansa tu sigi maioh bendar diatu lalu majak nambah genap hari. Enda iboh aku ngenang enggau nyentok reti website ti ko aku nya tadi. Website ti bansa tu sigi nadai pulai ka pemanah ka kitai. Ia ukai semina tau ngerusak runding kitai engau kitai sebilik aja. Ia mega masau jam kitai lalu ngelepas ka peluang kitai dalam pengawa dagang internet.\\nSiti ari cara kitai nyeliah ka website ti bansa tu ianya ngena cara engkah komputer kitai ba tempat ti tebuka baka bilik besai rumah kitai. Ngena cara tu kitai ulih meda webpage ti dilayar anak kitai. Pia mega kitai empu enda tekuing ati deka muka webpage ti enda manah laban skrin computer kitai ulih dipeda kitai sebilik ti bukai. Nya alai kurang agi penguji kitai ti deka muka website tauka webpage ti bansa tu. Webpage serta website ti enda manah tu mega tau ngasoh kitai gian deka meda website nya belama. Ari nya tadi rugi bendar kitai laban enda ulih ngena peluang bisi perengka serta pemansang ICT pulai ka penguntung kitai kelebih agi dalam pengawa dagang internet.\\nPenemu pengelikun internet sigi patut dikembuan kitai. Tu siti ari penemu ti asas serta patut diibun lalu dikerembai ka ngagai bala kaban kitai. Kesatu, kitai enggai ka enda nemu diri diumpan orang ngujung ka kitai ulih kena penusah. Kedua, kitai enggai kelalu takut ngena internet laban ti enda nemu bakani penusah tau nuntung kitai.\\nPengelikun ngelayar internet patut ditemu kitai. Kitai patut ulih berati ka ni website ti ngundan penerang ti beguna ba kitai. Kitai mega patut ulih milih penerang ti deka diambi sereta dikena kitai nambah ka penerang pasal pekara ti deka dikenang kitai.\\nPia mega penguji ti datai ari website ti enda manah mega maioh. Kitai patut engkah computer kitai ba tempat ti mudah dipeda baka ba bilik besai, lalu skrin computer nya enda lindung ari dipeda kitai ngambi ka kitai tauka bala kitai sebilik ti bukai enda tekuing ati deka muka website ti enda manah tu.\\nAum sereta pekat diri sebilik mega beguna bendar dikena nagang penusah ari pengingin ngena internet meda serta melayar website tauka webpage ti enda manah. Anang enda madah serta nerang ngagai bala anak kitai tuju kitai ngada ka internet ba rumah kitai. Anang enggai ngerara enti sida ia bisi muka website ti enda manah tit au ngerugi sida ia. Bisi meh software ti tau nagang website ti enda manah tu dipeda, tang makin sehari, webswite ti bansa tu makin landik nyeliah ka sistem pengelikun ti bisi. Nadai lebih ari runding kitai ti betul ti ulih nagang pekara bansa tu nyadi. Software ti bisi diada ka semina ulih mantu aja tang runding ti betul nya meh nentu ka penguntung kitai dalam nguna internet enggau manah.\\nBa Tusun program ti deka datai aku deka mai peninga ngenang pasal pengelikun ngena email. Tu mega penting bendar ditemu kitai ngambi ka kitai ulih berati ka pekara tu lalu enda ngereja pengawa ti tau ngerugi kitai leboh ti ngena email enda ngira public email tauka private email.\\nKena nutup randau ICT kitai ba Tusun 62 tu aku enda leju ngelalau, randau ICT tu randau kitai. Aku ngelalu ka tanya sereta komen peninga, nya alai aku bisi nyendia ka blog alai kitai berandau ba kjict.blogspot.com alai kita ulih ngenatai ka komen tauka tanya kita.\\nPosted by Website Team at 11:45 AM No comments:\\nSelamat kita begulai baru dalam perogram Randau ICT.\\nDalam program kitai ari Tusun 57 nyentok ka Tusun 61 nyin kemari kitai sama berandau ka bakani kitai ulih ngaga blog kitai ba blogspot.com. Kitai mega berandau ka bakani kitai ulih ngena blog kitai dikena ngereja pengawa dagang enggau bakani kitai ulih ngada ka penatai pemisi ari blog kitai.\\nTaja aku ngenang enggau silik bakani kitai ulih ngaga blog kitai ba Blogspot.com, ukai reti ia kitai semina ulih ngada ka blog kitai ditu aja. Maioh mega website ti bukai bisi ngada ka peluang kitai ngada ka blog kitai enggau cara ti enda bebayar. Aku ngambi contoh Blogspot.com laban enti dibanding ka enggau website bukai, cara ngadu ka blog ditu jauh mudah agi. Aku empu belabuh enggau dalam pengawa dagang internet ngena cara ngada ka blog. Tu siti ari cara ti mudah alai kitai neleba ka diri dalam pengawa dagang internet. Tambah mega Blogspot.com tu diempu Google.com, nya alai mudah agi blog kitai ditemu orang laban Google.com tu siti ari search engine ti pemadu besai sereta tebilang. Nya alai manah agi peluang blog kitai ditemu serta dibaca orang maioh.\\nLengka ka kitai dulu kenang pasal blog. Kitai deka ngenang maioh agi pekara pasal blog ba program kitai ti deka datai.\\nSaritu aku deka ngenang siti agi pekara dalam dunya internet ianya nyaga pengelikun kitai enggau kitai sebilik leboh kitai ngena internet. Suah bendar kitai maca ba surtatkhabar tauka ninga nengah radio tauka meda ba TV, kenang pasal pengelikun kitai ti ngena internet semampai dipadah ka belama. Enti kitai enda nemu reti pengelikun internet, tusah mega kitai deka mereti ka nama penusah ti tau dibai internet enti kitai enda ngena internet ngena cara ti likun. Tambah mega enti kitai enda mereti ka pekara ti besangkut paut enggau pengelikun internet, tu tau ngujung ka kitai takut ngena internet. Ari ti takut ngena internet kitai lalu ngelepas ka peluang kitai ti ulih ngemanah ka pendiau pengidup kitai laban kitai enda berani ngereja pengawa dagang internet.\\nAri nya pengerugi pulai ka kitai empu laban ti enda ngambi peluang ari internet ti udah bisi di moa kitai. Berindik ari tu aku ngasai ka patut bendar kitai berandau ka nama reti pengelikun internet lalu bakani kitai ulih nyeliah ka diri enggau kitai sebilik ari kena penusah ketegal ti enda cukup bejaga leboh ti ngena internet.\\nMakin sehari makin maioh guna internet. Makin sehari makin maioh pekara ulih dikereja kitai nengah internet. Pemaioh orang ngena internet mega makin nambah genap hari.\\nDiatu bisi 1.6 Billions orang ngena internet serata dunya. Reti ia 20% orang di dunya tu tauka 1\/5 ari populasi dunya tu bisi ngena internet. Pemesai guna internet dalam pengidup kitai besari –sehari sigi enda ulih disalam ka agi.\\nPengeran ati perintah menoa enggau perintah negeri Sarawak ngemansang ka infrastructure internet mega sigi kering. Genap hari kitai ninga bisi aja pemansang dalam pekara ICT kelebih agi ia ti besangkut paut enggau internet. Tu nanda ka pemesai guna internet sigi nadai endor mantah.\\nTaja pia, ketegal ti besai guna sereta mega pemaioh orang ngena internet, tentu meh bisi orang ngembuan tuju ti enda manah leboh ti ngena internet. Tuju ti enda tentu manah tu, enti enda ngenusah orang bukai nadai ngawa. Tang enti tuju orang nya tadi enda manah, tentu meh bisi orang bukai kena penusah. Bakatu mega penusah ti dibai orang ti ngembuan tuju ti enda manah dalam internet.\\nMaioh macam cara penusah ulih datai nuntung kitai enti kitai kurang penemu serta kurang pemereti dalam pengelikun internet. Bisi nya semina ngenusah kitai mimit aja baka penusah ti tau ngasoh komputer kitai jem. Pia mega bisi penusah ti enda tentu besai baka penusah ti tau ngujung ka akaun email kitai dikinsel tauka ditutup. Penusah ti besai agi tau ngasoh kitai rugi duit tauka reta tengkira. Diatu, bisi udah nyadi di menua Amerika, Jipun enggau Philipines, penusah ketegal internet tau mega naban ka nyawa.\\nPengelikun internet patut bendar diperati serta ditemu kitai ari pun kitai nyambung komputer kitai ngagai internet nyentok kia kitai madam ka komputer kitai. Leboh komputer kitai aktif ba internet, bisi aja cara orang bukai ti sama ngena internet tau ngacau pengelikun kitai.\\nOrang ulih ngacau pengelikun kitai leboh kitai melayar webpage. Orang ulih ngacau pengelikun kitai leboh kitai ngena email. Orang ulih ngacau pengelikun kitai leboh kitai negena social networking. Orang ulih ngacau pengelikun kitai leboh kitai ngena Skypee. Orang mega ulih ngacau pengelikun kitai leboh kitai ngena merchant account. Orang mega ulih ngacau pengelikun kitai leboh kitai download file ari internet, kelebih agi file ti enda bebayar.\\nTaja pan maioh macam cara orang bukai ulih ngacau pengelikun kitai nengah internet, nadai siko sida tu ulih ngacau kitai enti nadai pemendar ari kitai empu. Sistem dalam internet sigi bakatu. Enti nadai pemendar ari kitai, tuju orang ti deka ngacau kitai tu tadi sigi enda nyadi.\\nTaja pia bakani kitai meri pemendar ngagai orang nya tadi? Maioh kitai enda nemu diri meri pemendar ngagai orang bukai ngacau kitai. Maioh cara dikena orang tu ngumpan kitai nyentok ka kitai empu enda nemu diri. Kitai enda berasai diumpan ngujung ka kitai meri pemendar ngagai orang nya tadi ngambi ulih ari kitai.\\nPekara tu meh deka dikenang aku dalam program kitai ti deka datai. Saritu, cukup meh ktai nemu, dalam internet bisi aja orang ngembuan penemu ti enda manah. Taja pia orang tu enda ulih sebarang ia ulih ngenusah kitai enti nadai pemendar ari kitai. Tang kitai enda nemu diri meri pemendar nya tadi. Kitai selalu diumpan ngena ngena maioh macam cara. Cara orang ti ngumpan tu meh patut ditemu kitai. Pekara tu mega deka dikenang aku dalam Tusun program kitai ti deka datai.\\nSuba aku kala ngenang, penemu internet tu baka penemu kitai driba kereta. Taja pan bisi penusah Accident ngena kereta, kitai enda ulih nyeliah ka diri ari ngena kereta genap hari. Reti ia guna kereta dalam pengidup kitai semampai ngeluie ari penakut kitai ka bisi peluang accident. Runding kitai ngena internet patut mega sama bakatu. Pemesai guna internet patut ngeluie ari penakut kitai ti irau ka pengelikun internet.\\nKitai berani driba kereta laban kitai nemu bakani penusah accident tau nyadi. Ari nya kitai naka ulih nyeliah ka peluang penusah accident. Kitai mega patut semampai berani ngena internet laban kitai patut nemu bakani penusah internet tau nyadi. Ari nya kitai nemu ngada ka pengelikun internet. Pekara tu deka dikenang aku enggau silik dalam program kitai ti deka datai. Kitai ngenang pengelikun melayar webpage. Udah nya kitai ngenang pengelikun ngena email, disambung ngagai pengelikun ngena social networking enggau pengelikun ti bukai.\\nEnggau nya, mupok aku. Terima kasih\\nPosted by Website Team at 11:43 AM No comments:\\nSelamat tengahari serta tabi basa ngagai peninga. Selamat kita begulai baru dalam program Randau ICT. Saritu Program kitai ba Tusun 68. ...\\nTusun 18 - Dagang Internet – \"Intangible Products\" Nuan Empu\\nTerubah ia aku meri tabi basa ngagai peninga. Selamat kitai begulai baru dalam program Randau ICT. Saritu tu Randau ICT kitai ba Tusun 18. ...","num_words":6749,"character_repetition_ratio":0.089,"word_repetition_ratio":0.041,"special_characters_ratio":0.185,"stopwords_ratio":0.275,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"“Seliahka Ulah ti Kamah” (1 Korint 6:18) | Pengerindu Petara\\n“Seliahka Ulah ti Kamah”\\n“Nya alai bunuh semua pengingin dunya ti dalam kita, baka: pengawa bambai, ulah ti kamah, runding ti kamah, pengingin ti jai, enggau pengamu (reti nya nyembah engkeramba).”—KOLOSI 3:5.\\n1, 2. Baka ni Balaam ngumpan nembiak Jehovah?\\nSEIKU orang nurun nginti ngagai endur ti dikerindu iya. Iya bisi berundingka bansa ikan ti deka diginti, lalu milih umpan ke deka dikena. Enda lama pengudah nikauka tali ginti ke ai, ginti iya ngentun, lalu iya bulih ikan. Iya tuchum laban udah ngena umpan ti betul.\\n2 Kira-kira 3,500 taun ti udah, seiku lelaki ke benama Balaam benung berundingka umpan ti deka dikena iya ngelimpangka nembiak Petara. Orang Israel benung bepalan ba Emperan Menua Moap, ba entara Menua ti Disemaya. Balaam ngaku diri nyadi nabi Jehovah, tang ke amat, iya orang ti amu ke diupah nyumpah orang Israel. Tang ketegal Jehovah masuk champur, Balaam nyau merekat orang Israel. Ketegal deka bulih upah, Balaam berunding enti iya ulih ngasuh orang Israel bedosa, iya nemu Petara deka nyumpah nembiak Iya empu. Nya alai, Balaam nyediaka umpan—indu Moap ke biak sereta bajik.—Penyampau 22:1-7; 31:15, 16; Pemandang 2:14.\\n3. Kati pelan Balaam mujur, lalu nama kebuah?\\n3 Kati pelan Balaam mujur? Ya. Bepuluh ribu iku lelaki orang Israel kena umpan “beleman enggau indu bansa Moap.” Sida belabuh nyembah petara orang Moap, nyengkaum petara kamah ke dikumbai Baal di Peor, ke disembah sida enggau pengawa besetubuh. Ketegal tu, 24,000 orang Israel dibunuh ba entara Menua ti Disemaya. Naka meh pemalat penusah tu!—Penyampau 25:1-9.\\n4. Nama kebuah beribu iku orang Israel ngereja ulah ti kamah?\\n4 Nama ngasuh penusah tu nyadi? Mayuh ari orang Israel bisi ati ti jai lalu ninggalka Jehovah, ke udah ngelepaska sida iya ari Ejip, meri sida pemakai maya sida ba menua puang sereta ngiring sida ngagai menua ti disemaya enggau selamat. (Hebrew 3:12) Pasal pekara tu, rasul Paul nulis: “Kitai enda tau ngereja pengawa ti kamah, baka sekeda sida, lalu dua puluh tiga ribu iku sida mati dalam sehari.” *—1 Korint 10:8.\\n5, 6. Kemaya hari tu, nama ulih dipelajarka kitai ari penyalah orang Israel ba Emperan Menua Moap?\\n5 Cherita ba bup Penyampau ngembuan mayuh ajar ti beguna ngagai nembiak Petara kemaya hari tu, ke deka tama ngagai menua ti disemaya ke besai agi. (1 Korint 10:11) Chunto, dunya ti gila seks kemaya hari tu ngambarka orang Moap menya. Tang kemaya hari tu, iya nyadi ba serata dunya. Kelebih agi, ninting taun beribu iku orang Kristian ngereja ulah ti kamah—utai ti sama dikena ngumpan orang Israel. (2 Korint 2:11) Kelia menya, Sisa Imri enggau berani ngemai indu orang Midian tama ngagai langkau kain iya. Pia mega, orang ke begulai enggau nembiak Petara kemaya hari tu, udah ngelimpangka bala menyadi Kristian enggau ulah ti kamah.—Penyampau 25:6, 14; Jude 4.\\n6 Kemaya hari tu, kati nuan ngasaika diri ba Emperan Menua Moap? Ulih nuan meda berekat nuan ba dunya baru ti deka datai? Enti ulih, nuan patut enggau naka ulih nitihka pesan: “Seliahka ulah ti kamah.”—1 Korint 6:18.\\nEmperan Menua Moap\\nNAMA RETI ULAH TI KAMAH?\\n7, 8. Nama reti “ulah ti kamah,” lalu nama penyadi ngagai orang ke ngereja iya?\\n7 Ba Bup Kudus, “ulah ti kamah” (Gerika, por·neiʹa) reti iya ulah seks ti ditagang Bup Kudus. Tu nyengkaum butang, nyundal, besetubuh sebedau kawin (nyengkaum seks ngena mulut enggau “utai” orang ke lelaki tauka indu sereta seks ari burit), enggau megai “utai” orang ke ukai laki tauka bini diri kena ngemuaska ati ti kamah. Tu mega nyengkaum seks entara indu sama indu tauka lelaki sama lelaki sereta beleman enggau jelu. *\\n8 Bup Kudus enggau terang madah: Orang ke ngereja ulah ti kamah enda ulih terus enggau gerempung Jehovah sereta enda ulih nerima berekat idup belama iya. (1 Korint 6:9; Pemandang 22:15) Pia mega, diatu sida udah merinsa diri empu ketegal enda ulih dikearap, ngemaluka diri, ngerusak ruang bilik, nyalahka diri, ngandung ngampang, bulih penyakit sereta mati. (Bacha Galatia 6:7, 8.) Nama kebuah ngereja ulah ti tau ngemedis enti iya ulih diseliahka? Tang sayau amat, mayuh orang enda berunding panjai. Sida ngelakka diri diumpan ngereja ulah ti kamah—ke selalu bepun ari pornografi.\\nPORNOGRAFI—UTAI TI NGUJUNGKA ULAH TI KAMAH\\n9. Kati pornografi ulih ngenusah? Terangka.\\n9 Ba mayuh menua, pornografi bisi ba kedai majalah, ba lagu, ba TV enggau kemayuh agi ba Internet. * Kati iya ulih ngenusah? Ulih! Orang ke meda pornografi engka gian ngeluchu, lalu “nurutka pengingin sida ti jai.” Tu ngasuh gila seks, bisi pengingin ti salah, ngerusak ruang bilik, lalu ngujungka sarak. * (Rome 1:24-27; Epesus 4:19) Seiku pemansik ngumbai gila seks nya baka penyakit kanser. “Iya majak besai lalu ngelekai, iya enda ulih lenyau, lalu tusah diubat sereta digeraika,” ku iya.\\nNgena Internet ba endur ti ulih dipeda orang bukai\\n10. Baka ni kitai ulih nitihka ajar ba James 1:14, 15? (Peda mega kutak “ Ngulihka Pengering Kena Ngetanka Ulah ti Tuchi.”)\\n10 Peratika ayat ba James 1:14, 15: “Kitai diuji pengingin kitai empu, ti ngumpan lalu manjuk kitai; udah nya, lebuh pengingin nya udah ngandung, iya ngadaka dosa, lalu dosa, lebuh iya udah chukup tuai, ngadaka pemati.” Nya alai, enti pengingin ti jai tama ngagai runding nuan, jampat-jampat meh muai iya! Chunto, enti nuan enda sengaja tepedaka pornografi, jampat-jampat nguing ke bukai tauka madamka komputer, tauka ngalihka cherita TV. Nya alai, enggau naka ulih meh nyeliahka pengingin ti kamah sebedau iya ngujungka nuan ngereja ulah ti kamah!—Bacha Matthew 5:29, 30.\\n11. Maya ngelaban pengingin ti kamah, baka ni kitai nunjukka diri arapka Jehovah?\\n11 Petara ngansak kitai: “Nya alai bunuh semua pengingin dunya ti dalam kita, baka: pengawa bambai, ulah ti kamah, runding ti kamah, pengingin ti jai, enggau pengamu (reti nya nyembah engkeramba).” (Kolosi 3:5) Endang amat, tu enda senang. Tang kingatka, kitai bisi Apai ti pengasih enggau nelap ati endur kitai minta tulung. (Masmur 68:19) Nya alai, jampat-jampat ngiga Iya maya bisi runding ti kamah. Besampi ngambika bulih “kuasa ti besai,” lalu limpangka runding ngagai utai bukai.—2 Korint 4:7; 1 Korint 9:27; peda kutak “ Baka Ni Aku Ulih Muai Ulah ti Jai?”.\\n12. Nama reti “runding,” lalu nama kebuah kitai patut nyaga iya?\\n12 Raja Solomon nulis: “Bejimat lebuh nuan berunding, laban gaya pengidup nuan ditempa runding nuan.” (Jaku Dalam 4:23) “Runding” nunjukka “ati” kitai ke bendar ba mata Petara. Pia mega Petara meda “ati” kitai—ukai runding orang bukai—kena nentuka kitai bulih pengidup belama iya tauka enda. Amat, pekara tu nentuka pengidup kitai. Nya alai, Jop ke tetap ati udah besumpah enda merening ngagai indu enggau ati ti kamah. (Jop 31:1) Naka meh pemanah teladan Jop ke kitai! Pia mega, pemasmur besampi: “Anang ngasuh mata aku merening ngagai utai ti [nadai guna].”—Masmur 119:37.\\nNGULIHKA PENGERING KENA NGETANKA ULAH TI TUCHI\\n“Lebuh aku agi biak, aku udu meda pornografi enggau ngeluchu,” ku seiku nembiak lelaki. “Kaban ke sama sekula enggau aku ngumbai ulah nya enda salah maya berangkat bujang. Tang nya ngerusak penemu ba ati aku, lalu ngujungka aku ngereja ulah ti kamah. Udah nya, aku nemu diri nyau alah laban pengingin ba ati diri. Taja pia, aku ulih ngelaban ulah ti kamah nya enggau tulung ari Jehovah sereta bala menyadi Kristian. Diatu aku bejimat milih orang enggau begulai ketegal aku udah nemu orang bukai ulih ngelimpangka aku. Aku mega nemu, seruran besampi sereta belajarka Bup Kudus nya beguna ngambika aku enda ngereja ulah ti jai nya agi. Ari ke alah laban pengingin ba ati diri, diatu aku nyadi pengerintis biasa.”\\nDINAH MILIH UTAI TI SALAH\\n13. Sapa Dinah, lalu nama kebuah iya salah pilih orang ke enggau begulai?\\n13 Baka ke udah dipelajar ba Pelajar 3, orang ke begulai enggau kitai ulih ngasuh kitai nyadi manah tauka jai. (Jaku Dalam 13:20; bacha 1 Korint 15:33.) Peratika chunto Dinah, anak dara Jakop. Taja pan Dinah dibesaika enggau manah, tang iya salah pilih orang ke enggau begulai, iya nya indu bansa Kanaan. Baka orang Moap, orang Kanaan mega tebilang enggau ulah ti kamah. (Adat Lewi 18:6-25) Ba mata lelaki bansa Kanaan, nyengkaum Sekem—“orang ke pemadu dibasa” dalam ruang bilik iya—Dinah nya nadai bida enggau indu bansa Kanaan ke rindu ngereja ulah ti kamah.—Pemungkal 34:18, 19.\\n14. Baka ni Dinah ke salah pilih orang enggau begulai ngenataika penusah?\\n14 Dinah engka enda tepikir deka ngereja ulah ti kamah maya iya meda Sekem. Tang, Sekem sama enggau orang Kanaan ke bukai maya bisi pengingin ngereja ulah ti kamah. Dinah nadai daya agi, laban Sekem udah nabanka iya lalu “masung iya”. Taja pan Sekem udah nya “bisi amat ati” ke Dinah, tang nya enda ulih ngubah utai ti udah digaga iya ba Dinah. (Bacha Pemungkal 34:1-4.) Lalu, ukai semina Dinah aja ke bulih penusah ketegal pengawa iya. Ketegal Dinah salah pilih orang ke enggau begulai, bisi penusah bukai nyadi lalu ngemaluka sida sebilik.—Pemungkal 34:7, 25-31; Galatia 6:7, 8.\\n15, 16. Baka ni kitai tau bulih penemu ari Petara? (Peda mega kutak “ Ayat Bup Kudus ke Patut Diperatika.”)\\n15 Ari penusah tu, Dinah engka nemu jera. Sida ke rindu sereta ngasika Jehovah enda ibuh nyepi penusah baka Dinah. Ketegal sida ningaka Petara, sida “begulai enggau orang ke bepenemu-dalam.” (Jaku Dalam 13:20a) Nya alai, sida nemu “utai ti patut dikereja,” lalu nyeliahka penusah enggau pemedis.—Jaku Dalam 2:6-9; Masmur 1:1-3.\\n16 Penemu ari Petara ulih ditemu sida ke ngiga iya. Penemu tu diulih enggau seruran besampi sereta belajarka Jaku Petara, nyengkaum utai ti disediaka ulun ke tetap ati sereta bepenemu-dalam. (Matthew 24:45; James 1:5) Kitai mega patut baruh ati ngambika ulih nerima ajar Bup Kudus. (2 Raja 22:18, 19) Chunto, orang Kristian engka ulih nerima ajar ti madahka ati iya ulih ngakal enggau tau ngemedis. (Jeremiah 17:9) Tang, enti iya ngereja utai ti salah, kati iya baruh ati nerima tulung enggau jaku ajar ke diberi ari orang ke rinduka iya?\\n17. Terangka siti pekara ti ulih nyadi ba diri sebilik, lalu baka ni apai ulih nerangka ngagai anak dara iya.\\n17 Pikirka pekara tu. Seiku apai enda ngasuh anak dara iya pansut enggau seiku lelaki Kristian, enti nadai orang enggau seduai iya. Indu nya nyaut: “Kati apai enda pechayaka aku? Kami enda ngereja utai ti salah!” Iya engka rinduka Jehovah, lalu bisi tuju ati ti manah, tang kati iya nitihka penemu ari Petara? Kati iya ‘nyeliahka ulah ti kamah’? Tauka “nitihka penemu diri”? (Jaku Dalam 28:26) Nuan engka bisi ajar Bup Kudus ti bukai ke ulih nulung apai enggau anak dara iya berundingka pekara tu.—Peda Jaku Dalam 22:3; Matthew 6:13; 26:41.\\nBAKA NI AKU ULIH MUAI ULAH TI JAI?\\nAjar Bup Kudus: “Begedika utai ti jai, rinduka utai ti ngena.”—Amos 5:15.\\nKati aku nyeliahka utai ti ulih meransang aku bisi pengingin ti salah?—Matthew 5:27, 28.\\nKati aku berunding enggau dalam pasal penusah ti ulih nyadi ketegal bisi pengingin ti salah?—Jaku Dalam 22:3.\\nNama patut digaga aku kena muai ulah ti jai?—Matthew 5:29, 30.\\nKati aku besedia deka berandau enggau apai indai tauka menyadi Kristian ke kering ba pengarap pasal penusah aku?—Jaku Dalam 1:8, 9; Galatia 6:1, 2.\\nBaka ni aku nunjukka diri bepanggai ba Jehovah ngambika mujur muai ulah ti jai?—Jaku Dalam 3:5, 6; James 1:5.\\nJOSEP NYELIAHKA ULAH TI KAMAH\\n18, 19. Nama penguji ti dilaban Josep, lalu baka ni iya mutarka penguji nya?\\n18 Josep, menyadi tiri Dinah, rinduka Petara sereta nyeliahka ulah ti kamah. (Pemungkal 30:20-24) Lebuh agi mit, Josep udah meda penusah ti nyadi ketegal menyadi iya Dinah, milih utai ti salah. Penusah tu enggau pengeran Josep ke deka meruan dalam pengerindu Petara, nyaga Josep maya iya ba Ejip. Bini Potipar “tiap hari” ngumbuk Josep tinduk enggau iya. Endang amat, Josep enda ulih badu kereja sereta ninggalka tuan iya Potipar pia aja! Iya patut napi pekara tu enggau pintar sereta berani. Iya suah madahka diri enggai ngagai bini Potipar, lalu nyeliahka diri ari iya.—Bacha Pemungkal 39:7-12.\\n19 Peratika: Enti Josep selalu berundingka pasal indu nya tauka seks, ulih iya ngetanka penaluk ngagai Petara? Tentu enda. Ari berundingka utai ti enda manah, Josep ngemeranka kaul iya enggau Jehovah. Tu ulih dipeda ari jaku iya ngagai bini Potipar. “Laki nuan,” ku Josep, ‘nadai nagang aku ngena semua utai dalam rumah tu, kelimpah ari nuan empu. Nya alai, baka ni ku aku tau ngereja utai ti kamah tu, lalu bedosa ngelaban Petara?’—Pemungkal 39:8, 9.\\n20. Baka ni Jehovah mutarka penusah Josep?\\n20 Pikirka pengaga ati Jehovah meda Josep ke agi biak ulih ngetanka penaluk iya tiap hari, taja pan iya jauh ari diri sebilik. (Jaku Dalam 27:11) Udah nya, Jehovah mutarka penusah Josep. Iya ukai semina ngelepaska Josep ari rumah jil, tang mega ngaga iya nyadi gabenor enggau ngatur pemakai ba Ejip! (Pemungkal 41:39-49) Endang amat utai ti dipadah ba Masmur 97:10: ‘Jehovah rinduka orang ke begedika penyai. Iya nyaga seput bala nembiak Iya. Iya ngelepaska sida ari kuasa orang ke jai’!\\n21. Baka ni seiku Saksi lelaki ke agi biak ba menua Afrika ngetanka penaluk iya?\\n21 Pia mega, kemaya hari tu mayuh nembiak Petara nunjukka sida “begedika utai ti jai, rinduka utai ti ngena.” (Amos 5:15) Seiku Saksi lelaki ke agi biak ba menua Afrika madah seiku indu ke sekelas enggau iya besemaya deka beleman enggau iya, enti iya nulung indu nya maya peresa matematik. “Aku jampat-jampat nulak peminta iya,” ku iya. “Enggau ngetanka penaluk, aku ulih tetap nyaga rega diri ke berega agi ari emas enggau pirak.” Amat, dosa engka meri pemerindang ti enda lama, tang iya mai mayuh pemedis. (Hebrew 11:25) Pia mega, pemerindang nya nadai guna enti dibandingka enggau pengidup belama iya ketegal ngasika Jehovah.—Jaku Dalam 10:22.\\nNERIMA TULUNG ARI PETARA TI PENGASIH\\n22, 23. (a) Enti kitai ngereja penyalah ti besai, nama kebuah kitai ulih diampunka? (b) Baka ni orang ke ngereja penyalah ulih ditulung?\\n22 Ketegal enda sempurna, semua kitai bebendar ngelaban pengingin tubuh enggau ngereja utai ti betul ba mata Petara. (Rome 7:21-25) Jehovah pan nemu, “kitai tu endang amau.” (Masmur 103:14) Kekadang, kitai ngereja penyalah ti besai. Ulih kitai diampunka? Ulih! Endang amat, orang ke ngereja penyalah engka bulih penusah. Taja pia, Petara seruran “ngampun” orang ke nesal ati enggau orang ke “ngaku” dosa sida.—Masmur 86:5; James 5:16; bacha Jaku Dalam 28:13.\\n23 Nambahka nya, Petara udah nyediaka “pemeri” ngagai gerempung Kristian—bala tuai gempuru ke bepenemu sereta keran deka nulung. (Epesus 4:8, 12; James 5:14, 15) Tuju sida ngambika nulung orang ke ngereja penyalah bulih kaul ti manah enggau Petara, lalu “bepenemu-dalam” ngambika iya enda ngulang penyalah ti sama.—Jaku Dalam 15:32.\\n24, 25. (a) Baka ni orang bujang ke dipadah ba Jaku Dalam 7:6-23 nunjukka diri “beli”? (b) Baka ni kitai ulih “bepenemu-dalam”?\\n24 Bup Kudus madah pasal sida ke “beli” enggau sida ke “bepenemu-dalam.” (Jaku Dalam 7:7) Ketegal lemi ba pengarap enggau kurang peneleba ngereja peneka Petara, orang ke “beli” enda entu nemu berunding sereta enda nemu ngaga pemutus enggau manah. Baka seiku orang bujang ke dipadah ba Jaku Dalam 7:6-23, iya engka ngelakka diri ngereja penyalah ti besai. Tang, sida ke “bepenemu-dalam” seruran nitihka ati ti beresi, besampi sereta belajarka Bup Kudus. Taja pan enda sempurna, sida enggau naka ulih nentuka runding, pengingin, pengasai ati sereta tuju pengidup sejalai enggau peneka Petara. Enggau tu, iya “kasihka diri empu,” lalu bulih berekat.—Jaku Dalam 19:8.\\n25 Tanya diri empu: ‘Kati aku amat pechaya ukum Petara nya betul? Kati aku amat pechaya nitihka ukum Petara ulih mai pengelantang?’ (Masmur 19:7-10; Isaiah 48:17, 18) Enti nuan bisi kakang ati, putarka iya enggau jampat. Berunding enggau dalam pasal penusah ketegal enda ngasika ukum Petara. Nambahka nya, ‘asaika pemadas Jehovah’ enggau idup sejalai nitihka ajar Bup Kudus sereta ngisi runding nuan enggau utai ti manah—utai ti bendar, ti lurus, ti tuchi, ti badas sereta ti pemadu menyana. (Masmur 34:8; Pilipi 4:8, 9) Nuan ulih pechaya, bendar agi nuan ngereja nya, dalam agi pengerindu nuan ngagai Petara. Nuan mega rinduka utai ti dikerinduka Iya, lalu begedika utai ti dipegedika Iya. Josep enda sempurna. Tang, iya ulih ‘nyeliahka ulah ti kamah’ laban iya nejuka Jehovah ngiring iya betaun-taun, lalu meri iya pengeran deka ngelantangka ati Jehovah. Arapka nuan mega baka nya.—Isaiah 64:8.\\n26. Nama deka dikerandauka ba Pelajar 10?\\n26 Petara ngaga “utai” orang ke lelaki enggau indu, ukai dikena main-main, tang ngambika kitai ulih beranak betelesak sereta ngambika laki bini ulih rapat agi enggau pangan diri. (Jaku Dalam 5:18) Penemu Petara pasal melaki-bini deka dikerandauka ba Pelajar 10 enggau Pelajar 11.\\n^ per. 4 Pemayuh ke dipadah ba bup Penyampau nyengkaum 1,000 iku “orang Israel ti udah nguluka orang” ke diukum bala pemesai, lalu nyengkaum sida ke diukum Jehovah.—Penyampau 25:4, 5.\\n^ per. 7 Kena nemu reti ulah ti kamah enggau ulah ti ngemalu, peda “Questions From Readers” ba The Watchtower kena 15 Julai, 2006, ke dikeluarka Saksi-Saksi Jehovah.\\n^ per. 9 “Pornografi,” reti iya gambar, utai ti ditulis tauka bunyi ti tau meransang ulah ti kamah. Pornografi ngayanka gambar orang ngereja ulah ti kamah entara dua iku orang tauka lebih.\\n^ per. 9 Ngeluchu deka dikerandau ba Penerang “Ngeluchu—Ulah Kamah ti Ulih Dibuai.”\\nAYAT BUP KUDUS KE PATUT DIPERATIKA\\n“Begedika utai ti jai, rinduka utai ti ngena.”—Amos 5:15.\\n“Barang sapa merening ngagai indu enggau ati ti kamah, udah butang enggau indu nya dalam ati iya.”—Matthew 5:28.\\n“Orang ke ngereja ulah ti kamah, bedosa ngelaban tubuh diri empu.”—1 Korint 6:18.\\n“Aku mandam tubuh aku lalu ngaga iya nyadi ulun aku, enggai ke aku enda bulih prais lebuh aku udah nusui Berita Manah ngagai orang bukai.”—1 Korint 9:27.\\n‘Kita deka ngetau utai ti ditanam kita empu. Enti kita nanam nitihka pengingin tubuh, kita deka ngetau pemati, tang enti kita nanam nitihka iring roh kudus, kita deka ngetau, ari roh kudus, pengidup ti meruan belama iya.’—Galatia 6:7, 8.\\n“Bunuh semua pengingin dunya ti dalam kita, baka: pengawa bambai, ulah ti kamah, runding ti kamah.”—Kolosi 3:5.\\n“Kita patut nemu nagang pengingin tubuh diri ngena jalai ti kudus sereta menyana, ukai ngembuan pengingin ti kamah.”—1 Tesalonika 4:4, 5.","num_words":2763,"character_repetition_ratio":0.056,"word_repetition_ratio":0.013,"special_characters_ratio":0.237,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kes positif Covid-19 nurun ngagai lima kes - Suara Sarawak\\nKUCHING: Kes baru positif baru Covid-19 dirikodka nurun ngagai lima kes aja kemari dibandingka sebedau tu ti ngerikodka enam kes.\\nPenyampau nya ngujungka bisi 408 kes positif kenyau kes keterubah diripot kenaka 13 March 2020.\\nNitihka penerang ari Komiti Penyangga Penusah Ngenyit Nengeri (JPBN), semua lima kes nya diatu benung diperubat di Sepital Besai Sarawak (SGH).\\nKelimpah ari nya, bisi 99 kes baru Pesakit Agi Dipatau (PUI) diripotka kemari lalu 95 kes PUI agi nganti pemutus ari makmal.\\nTujuh kes positif sebedau tu udah ditemu gerai lalu dikemendar pansut ari sepital ti ngujungka bisi 64 kes udah dikemendar pansut ari sepital.\\nAri penyampau nya, lima kes di SGH lalu dua kes di Sepital Sibu.\\nBerebak enggau nya, piak polis udah ngetanka 83 iku orang ba nengeri tu ke ngelaban Atur Tagang Pejalai (PKP).\\nAri penyampau nya, 22 kes di Kuching, Sibu (lapan), Miri (tujuh), enam di Kota Samarahan enggau Bau, lima di Padawan enggau Sarikei, empat di Lundu, Lubok Antu enggau Meradong, tiga di Saratok enggau Matu Daro, lalu siti kes diripotka di Limbang, Betong, Mukah, Serian, Sri Aman enggau Kanowit.\\nKenyau PKP diteritka ba menua tu, bisi 1,049 udah ditan ba nengeri tu lalu 593 udah ditemu salah ba kort.\\nJambatan Linsum pendekkan masa perjalanan ke pasar Betong, pengganti jalan sungai\\nSidang DUN bertafakur untuk mangsa Covid-19\\nOps Samseng Jalanan: 18 motosikal disita, dua ditahan positif dadah\\nDenda RM500 jual telefon curi\\nBantuan Khas RM600 buat kakitangan awam dalam Bajet 2021\\nPenumbuh palan servis di Nanga Ngungun diperambu\\nDari hobi jadi kerjaya\\nCOVID-19: Senarai berita palsu tular setakat 8 April\\nInsiden serang hendap, julang kepahlawanan Ngalinuh Bala\\nTerpaksa guna laluan alternatif akibat tanah runtuh\\nCabar Proklamasi Darurat: Mahkamah tidak ada bidang kuasa dengar permohonan - Peguam kanan\\nPeluang pekerjaan lebih banyak","num_words":268,"character_repetition_ratio":0.048,"word_repetition_ratio":0.0,"special_characters_ratio":0.208,"stopwords_ratio":0.16,"flagged_words_ratio":0.0,"lang_id_score":0.945,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"20 August 2018 - Hari Satu ba Minggu Ke Dua Puluh Musim Selama (Memorial of Saint Bernard, Abbot and Doctor of the Church)\\nOrang nya lalu nanya, “Pesan ni?” Disaut Jesus, “Anang munuh orang. Anang butang. Anang ngenchuri. Anang besaksi bula.Bebasaka apai enggau indai nuan, lalu rinduka pangan nuan baka nuan ti rinduka diri empu.” - Matthew 19: 16 - 22\\nEsekiel 24: 15 - 23\\n“Anak mensia, Aku deka nabanka siku orang ke balat dikerinduka nuan. Nuan enda tau mutap tauka nyabak, tauka bekeberai ai mata.\\nAnang nyabak didinga orang. Anang ngelai diri ngulit lalu bejalai enda belabung tauka enda bekasut. Anang nambai mua nuan, tauka makai pemakai ti diempa orang ke ngulit.”\\nTumu pagi nya aku bejaku enggau orang. Lemai nya bini aku mati, lalu hari siti aku ngereja utai ti diasuh TUHAN.\\nOrang lalu nanya aku, “Nama kebuah nuan baka tu?”\\nAku lalu nyaut sida, “TUHAN udah bejaku ngagai aku, ngasuh aku madahka pesan tu ngagai kita orang Israel: Kita temegahka penegap Rumah Sembiang. Kita rindu meda pemanah gaya rumah nya, lalu kita rindu nemuai ngagai rumah nya, tang TUHAN deka ngamahka endur nya, lalu bala anak kita ke tinggal deka mati dibunuh ngena pedang.\\nNya baru kita deka ngereja utai ti udah dikereja aku. Kita enda nambai mua diri, lalu enda mega makai pemakai ti diempa tukang sabak.\\nPala kita dibalut labung, lalu kita bejalai bekasut. Kita enda mega ngulit tauka nyabak, tang kita deka tusah ati ke penyai kita lalu bedemuh mantaika serebana kita ngagai pangan diri.”\\nUlang Adat 32: 18 - 19, 20, 21\\nSaut (peda 18a): Sida enda agi ingatka Allah Taala sida, ti udah meri sida pengidup.\\nSida enda agi ingatka Allah Taala sida, Penebus sida ke kering, ti udah meri sida pengidup.Lebuh TUHAN meda nya, Iya ringat lalu nulak bala anak lelaki enggau bala anak indu Iya.\\nSaut: Sida enda agi ingatka Allah Taala sida, ti udah meri sida pengidup.\\nKu Iya bejaku, ‘Aku deka ngelalaika mua Aku ari sida. Aku deka meda pengujung sida, laban orang tu jai, sereta enda tetap ati.\\nSida udah nyungkak Aku chemburu\\nlaban sida nyembah utai ti ukai petara,\\nnyungkak Aku ringat ketegal engkeramba sida.\\nNya alai Aku deka ngasuh sida ringat ngena siti bansa.\\nAku deka ngasuh sida chemburu ngena siti bansa ti beli.\\nBeberekat meh orang ke seranta dalam roh, laban Perintah serega endang enggi sida. Alleluia.\\nNyadi sekali, siku orang datai ngagai Jesus, lalu nanya, “Pengajar, nama pengawa ti manah ti enda tau enda dikereja aku ngambika aku tau bulih pengidup ti meruan belama iya?”\\nKu Jesus bejaku ngagai iya, “Nama kebuah nuan nanyaka utai ti manah ngagai Aku? Ka semina siku aja ti manah. Enti nuan keran deka tama ngagai pengidup ti meruan belama iya, titihka pesan.”\\nOrang nya lalu nanya, “Pesan ni?” Disaut Jesus, “Anang munuh orang. Anang butang. Anang ngenchuri. Anang besaksi bula.\\nBebasaka apai enggau indai nuan, lalu rinduka pangan nuan baka nuan ti rinduka diri empu.”\\nKu orang bujang nya nyaut, “Semua pesan nya udah dititihka Aku magang. Nama utai bukai ti enda tau enda dikereja aku?”\\nKu Jesus bejaku ngagai iya, “Enti nuan deka nyadi pemadu badas, mupuk nuan lalu jual semua reta tengkira nuan, lalu beri duit nya ngagai orang ke seranta, lalu nuan deka bisi pengaya di serega. Udah nya datai lalu titihka Aku.”\\nLebuh orang bujang nya ninga nya, iya angkat ari endur nya tusah ati laban iya orang ke kaya bendar.","num_words":527,"character_repetition_ratio":0.049,"word_repetition_ratio":0.05,"special_characters_ratio":0.217,"stopwords_ratio":0.364,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sebuah kapal ngundan barang karam - Suara Sarawak\\nPONTIANAK: Sebuah kapal ngundan barang ari Pontianak nuju Ketapang karam ba kandang tasik Sukadana, Kabupaten Kayong Utara, Indonesia kena 12 June (Hari Lima) tu tadi.\\nPalan penusah tu nyadi urung tiga batu penyauh ari Pulau Juante. Taja pia, bekau ari penusah nya nadai orang diripotka bebadi nyawa. Kebuah penusah nyadi diripotka bepun ari tisi kapal ti bisi bumbus.\\nPenyampau mensia ke bisi dalam kapal maya penusah nyadi bisi lima. Sebedau penusah nyadi, kapal nya diripotka bisi sangkai ba Pengkalan Orang Berikan Teluk Batang, Kabupaten Kayong Utara sebedau ke belayar.\\nNelayan diserang strok ketika belayar di Pulau Burong berjaya diselamatkan\\nMadu kelulut berpotensi jana pendapatan tambahan\\nIndu kurus makai nugget manuk\\nJerip udah suman\\nLubnan minta Interpol tangkap dua warga Rusia\\nRakan penghantar Solaku dilindungi","num_words":121,"character_repetition_ratio":0.076,"word_repetition_ratio":0.0,"special_characters_ratio":0.167,"stopwords_ratio":0.132,"flagged_words_ratio":0.0,"lang_id_score":0.931,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemutus nganjung anak ke sekula, hak apai indai - Suara Sarawak\\nKUCHING: Pemutus apai indai ti enggai nganjung anak ke sekula taja pan operasyen sekula udah dibuka dikearap enda ngenusahka raban pengajar.\\nChairman Serakup Pengajar Bumiputera Sarawak (KGBS) Ahmad Malie madahka mayuh apai indai agi nangi nganjung anak ke sekula laban pengerekai penyakit Covid-19 diatu.\\n“Pengirau ati nya ngujungka sida enggai nganjung anak ke sekula taja pan operasyen sekula udah dibuka iya nya pengajar enggau nembiak ulih belajar betemu mua.\\n“Serakup kami ngasaika nya hak apai indai, tang pemutus sida nya dikearap enda ngenusahka raban pengajar baka minta pengajar ngajar anak sida nengah online taja belajar betemu mua udah dipejalaika,” ku iya.\\nAhmad Malie bejaku munyi nya lebuh dirandau Suara Sarawak ba opis KGBS ditu, pagi tadi.\\nKu iya, serakup nya irauka apai indai ti enggai nganjung anak ke sekula betemu mua enggau pengajar deka minta raban pengajar ngajar anak nengah online.\\n“Sida enda tau nyalahka pengajar enti pengajar enda ulih ngajar anak sida nengah online laban tanggungpengawa pengajar ngajar ba kelas udah meruan.\\n“Lebuh sida ngambi pemutus enggai nganjung anak besekula betemu mua enggau pengajar anak nya udah nyadi tanggungpengawa sida empu.\\n“Taja pia, KGBS meransang apai indai ngambika anang enggai nganjung anak ke sekula lalu pechayaka Atur Pengawa Standard (SOP) ti udah diatur,” ku iya.\\nTandu iya, apai indai manah agi nitihka taga sekula ti udah diperambu bala pengajar ngambika bala anak sida enda tinggal pelajar.\\n“Nyema pengajar ngajar betemu mua ba sekula, maya nya mega pengajar ngajar ngena online, menua kitai bedau bisi keresa moden nyukung pekara tu,” ku iya.","num_words":251,"character_repetition_ratio":0.13,"word_repetition_ratio":0.017,"special_characters_ratio":0.178,"stopwords_ratio":0.215,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 26 BK - Udah bekau sida ke diserang penyakit - Bible Search\\nPenyampau 25 Penyampau 27\\n1 Udah bekau sida ke diserang penyakit nya, TUHAN bejaku ngagai Moses seduai Eleasar anak Imam Aron, 2“Itung pemayuh tubuh semua orang Israel ti lelaki, ke umur dua puluh taun ke atas, ti tau enggau beperang, ari semua ruang bilik orang Israel.” 3-4Moses seduai Eleasar ngasika TUHAN, lalu mesanka semua lelaki ke dalam kandang umur nya. Sida begempuru ba emperan menua Moap, ba tebing Sungai Jordan di seberai Jeriko.\\nTu orang Israel ti udah pansut ari menua Ejip:\\n5Bala raban bansa Reuben (Reuben nya anak tuai Jakop) nyengkaum suku raban bansa Hanok, Palu, 6suku raban bansa Hesron, enggau suku raban bansa Karmi. 7Pemayuh tubuh orang ari semua suku raban bansa tu: 43,730 iku lelaki. 8Bala peturun Palu nya Eliap 9enggau bala anak lelaki Eliap: Nemuel, Datan, enggau Abiram. (Datan seduai Abiram tu orang ke udah dipilih orang Israel. Seduai iya ngelaban jaku Moses seduai Aron, lalu ngalih ari orang ke nitihka Korah, lebuh sida ngelaban TUHAN. 10Tanah merekah lalu nelan seduai iya, lalu seduai iya mati sama enggau Korah sereta enggau orang ke nitihka Korah lebuh maya api ti nganguska dua ratus lima puluh iku lelaki. Utai ti nyadi ba sida nya kena ngajar orang mayuh. 11Tang bala anak lelaki Korah enda kena bunuh.)\\n12Peturun Simeon nitihka suku raban bansa sida nyengkaum suku raban bansa Nemuel, Jamin, Jachin, 13Serah, enggau Saul. 14Pemayuh lelaki ari semua suku raban bansa tu: 22,200 iku.\\n15Peturun Gat nyengkaum suku raban bansa Sepon, Hagi, Suni, 16Osni, Eri, 17Arot, enggau Areli. 18Pemayuh lelaki ari semua suku raban bansa tu: 40,500 iku.\\n19-21Peturun Judah nyengkaum suku raban bansa Selah, Peres, Serah, Hesron, enggau Hamul. (Dua iku anak lelaki Judah, Er enggau Onan, udah mati di menua Kanaan.) 22Pemayuh lelaki ari semua suku raban bansa tu: 76,500 iku.\\n23Peturun Isakar nyengkaum suku raban bansa Tola, Puah, 24Jasup, enggau Simron. 25Pemayuh lelaki ari semua suku raban bansa tu: 64,300 iku.\\n26Peturun Sebulun nyengkaum suku raban bansa Seret, Elon, enggau Jahlil. 27Pemayuh lelaki ari semua suku raban bansa tu: 60,500 iku.\\n28Peturun Josep, nitihka suku raban bansa sida ke diturunka Manasi seduai Epraim.\\n29Peturun Manasi nya baka tu: Machir anak Manasi nyadi apai Giliat, lalu Giliat nurunka 30suku raban bansa Leser, Helek, 31Asril, Sekem, 32Semida, enggau Heper. 33Selopehat anak Heper nadai anak lelaki, tang semina bisi anak indu. Nama sida nya Malah, Noah, Hoklah, Milkah enggau Tirsah. 34Pemayuh lelaki ari semua suku raban bansa tu: 52,700 iku.\\n35Peturun Epraim nyengkaum suku raban bansa Sutelah, Beker, enggau Tahan. 36Suku raban bansa Eran diturunka Sutelah. 37Pemayuh lelaki ari semua suku raban tu: 32,500 iku.\\n38Peturun Benjamin nyengkaum suku raban bansa Bela, Asbel, Ahiram, 39Sepupam, enggau Hupam. 40Raban peturun Art enggau Naaman nya diturunka Bela. 41Pemayuh lelaki ari semua suku raban bansa tu: 45,600 iku.\\n42Peturun Dan nyengkaum suku raban bansa Suham, 43lalu pemayuh lelaki ari suku raban bansa tu: 64,400 iku.\\n44Peturun Aser nyengkaum suku raban bansa Imnah, Isbi, enggau Beriah. 45Suku raban bansa Beriah nurunka suku raban bansa Heber enggau Malkil. 46Aser bisi anak indu siku benama Serah. 47Pemayuh lelaki ari semua suku raban bansa tu: 53,400 iku.\\n48Peturun Naptali nyengkaum suku raban bansa Jahsil, Guni, 49Jeser, enggau Silem. 50Pemayuh lelaki ari semua suku raban bansa tu: 45,400 iku.\\n51Pemayuh semua lelaki orang Israel: 601,730 iku.\\n52 Ku TUHAN bejaku ngagai Moses, 53“Bagi menua nya ngagai semua raban bansa orang Israel, nitihka pemayuh tubuh dalam siti-siti raban bansa. 54-56Bagi menua nya ngena chara bechabut undi, lalu beri ungkup ti besai agi ngagai raban bansa ti mayuh agi tubuh, enggau ungkup ti mit agi ngagai raban bansa ti mimit agi tubuh.”\\n57Raban bansa Lewi nyengkaum suku raban bansa Gerson, Kohat, enggau Merari. 58Peturun sida nya nyengkaum suku raban bansa ti diturunka Libni, Hebron, Mahli, Musi, enggau Korah. Kohat nya apai Amram, 59ke jadi enggau anak dara Lewi ke benama Jokibit, ke diadaka di menua Ejip. Iya ngadaka dua iku anak lelaki, Aron seduai Moses, enggau siku anak indu ke benama Miriam. 60 Nyadi Aron bisi empat iku anak lelaki, Nadap, Abihu, Eleasar, enggau Itamar. 61 Nadap seduai Abihu mati lebuh seduai iya meri api ti enda kudus ngagai TUHAN. 62Pemayuh orang Lewi ti lelaki, ke umur sebulan ke atas, nya 23,000 iku. Sida iya diitung kediri ari orang Israel ti bukai, laban sida nadai diberi pesaka di menua Israel.\\n63Semua raban peturun tu dituliska Moses seduai Eleasar magang, lebuh seduai ngitung tubuh orang Israel ba emperan menua Moap, di seberai nengeri Jeriko, ngimbai Sungai Jordan. 64Nadai siku lelaki agi idup ari orang ke udah diitung Moses seduai Aron, lebuh ngitung tubuh ti keterubah dipejalaika di menua puang Sinai. 65 TUHAN udah madahka semua sida nya deka mati magang di menua puang. Kelimpah ari Kalep anak Jepuneh, enggau Josua anak Nun, semua orang bukai udah mati magang.","num_words":760,"character_repetition_ratio":0.167,"word_repetition_ratio":0.0,"special_characters_ratio":0.235,"stopwords_ratio":0.22,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Pau\\nApin lama tu tadi aku ketawa macha komen ditinggal siku ari kita ke macha blog aku tu. Ko iya,\\nSekali bala kami di idang ke orang putih makai bala sida spaghetti, bologne, Taco, Enchilada, serta maioh pemakai ka selalu dijual sbelah California dia ... Tak enda ulih pajak ke sepi aku. Tak bau TENGUNG,lebih lebih agi pemakai Mexican... Tima Kasih ajak...\\nTuyu ga nyawa tu, tak lekat ba sida SALAI lumik, tempuyak serta rusit. Orang putih pan nutup idung meh nyium pemakai aku... Tuyu ga nyawa tu, tak lekat ba sida SALAI lumik, tempuyak serta rusit. Orang putih pan nutup idung meh nyium pemakai aku...\\nSigi amat enti kitai enda teleba makai pemakai etnik bansa bukai. Maya aku ke gawa ba menua Vietnam suba bakanya meh. Tak agi lapar asai perut ma udah pulai ari restoran dibai sida pangan. Udah kelama iya begulai enggau orang Vietnam nyu ka nyawa makai pemakai sida. Nyu nganjung diri makai ba restoran Vietnam ditu, keba!\\nPasal pemakai orang Mexico aku semadi setaun dua tu ke ka agi makai pemakai sida tu. Nyu sepuluh taun aku ke diau ba menua tu baru nyawa bisi berubah mimit.\\nSiti ari utai ke ngasuh aku jampat agi neleba ka diri ba menua tu iya nya pemakai bansa cina nyamai digiga ditu. Ujung minggu tu tadi aku tetemu ka pau char siew ba pasar borong dikumbai Costco.\\nKasih bala ka takut makai babi kategal ka penyakit H1N1 (renga babi)! Ngasoh aku ka agi makai sup tulang babi demalam enggau makai pau char siew pagi tu tadi! Fuh, nyamai pau babi char siew nya!!\\nAku bisi mega nyebut ngagai Charlene, siti ari utai ke dikelengau aku lebuh jam pukul 3 tauka pukul 4 lemai iya nya nyawa alu ngiga sida ruti paun bepuak ka kari manok tauka kaya tauka sardine kena ngirup kupi\/teh\/milo. Bakery ditu nadai nyual utai baka nya, mina sida ruti ka manis aja.\\nMinggu nyin tadi aku bisi nguji ngaga pau sardine kediri empu ngena dinner rolls Pillsbury. Nyadi ga sardine bun aku nya. Nyu negam menegam Doug. Nyamai sardine digaga baka tu ko iya taja iya endang enda entu rindu makai sardine dalam tin.\\nHari minggu tu lagi, Mother's Day. Nyawa aku udah tenguk ke dim sum. Ngagai restoran Rice Bowl meh kami menyanak udah pulai sembiang hari minggu tu ila!\\nDikarang Puteri kena 5\/07\/2009 04:53:00 PM\\nkenergy_ichi 12:26 AM\\nPuh, nyamai char siew paw nya wai! Meli tu legi.. ba kedai cina tisi jalai nya... Raya nya wai, nyau negam menegam ney, naka meh penyamai nya enti baka nya...\\nmiam miam miam tengguk meda pau enggau sardine bun nya....aku ka ngaga karipap lagi, mayuh temuai aku lemai pagila.\\namat ka bau tenggung utai panduk mexican, baka cili con carne (betul spilling kini?) enggau tacos, semadi nyu diatu aku ka ngaga serta nemu makai utai tu; kasih ke anak , rindu makai mexican food.\\nNya... Meh bau TENGUNG! Nyau meliar ai mata aku ka nelan taco, enggai ka kumbai orang putih enda sudi. Malik aku ngagai Indai aku, \"Very Good...\" ko iya madah ka orang ptih, sambil ngunyah \"Chicaron\" - (kulit babi) ka liat ngena gigi palsu ia. Nya ga kitai Iban enda nemu madah manah enti utai nya enda nyamai.\\nPuteri 8:57 AM\\nKen, negam menegam laban ka enda kala makai sardine bun! Nyamai ko iya! Ni nuan ka enda diasoh indai makai babi deh? Takut penyakit H1N1?\\nJaku \"bau tengung\" ke ngasuh aku ketawa inggar. Aku sigi enda minat makai pemakai Mexican, tang nadai ga aku nyium utai panduk sida nya bau tengung! Haha. Kelalu balat ngena cheese, beans, bawang enggau cilantro utai dipandok sida. Asai iya lain ari pemakai kitai .. Keterubah aku makai Mexican food suba, selalu nanya diri nama utai ke enda ingat disimpan sida dalam pemakai nya? Tak enda tepantup nyawa makai!\\nAnonymous, madah sapa diri neh wai. Ni alah kitai berandau enggau pangan diri nuan agi anonymous!! Pama indai nuan ngemula madah utai dempa nya nyamai! Heheheh. Entua aku diatu nemu, ma milih restoran alai makai, enda milih restoran mexican laban iya nemu aku enda entu minat!!","num_words":655,"character_repetition_ratio":0.042,"word_repetition_ratio":0.034,"special_characters_ratio":0.219,"stopwords_ratio":0.227,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Semua kes ba kort Sabah, Sarawak patut ulih diputar manggai Sept 2018 -->\\nPun Laman › Berita › Kes › Kort › Miri › Sabah › Sarawak\\nSemua kes ba kort Sabah, Sarawak patut ulih diputar manggai Sept 2018\\nMIRI : Kort ba Sabah enggau Sarawak udah datai ba tikas mutarka kes-kes mantar 2017 lalu nyelinting semua kes nya patut ulih diputar manggai September 2018, ku Akim Besai Sabah enggau Sarawak Tan Sri Richard Malanjum kemari.\\n“Reti tu manggai bulan nya, semua kes ba Sabah enggau Sarawak deka teputar dalam timpuh ke udah diletak,” ku iya rambau Pengawa Mungkal Taun Undang-Undang Sabah enggau Sarawak 2018 dipenyadika Kepala Akim Menua Tun Md Raus Sharif ditu.\\nBepelasarka pechah kes diputar, Richard madah Kort Tinggi Sabah udah mutarka 75.5 peratus kes sivil enggau 555 kes nganti diputar lalu ungkup kes penyalah, 72 peratus kes udah teputar lalu 206 kes agi nganti diputar.\\nMalanjum madah Kort Sesyen Sabah udah mutarka 80.33 peratus kes sivil enggau 594 kes tu benung nganti diputar lalu ba kes penyalah, 90 peratus kes udah teputar lalu 856 kes agi nganti diputar.\\nUngkup kes sivil, iya madah Kort Majistret Sabah udah mutarka 83.21 peratus kes lalu 2,542 kes agi nganti diputar lalu naka tu ba kes penyalah, 82.14 peratus kes diputar lalu 3,048 kes agi nganti diputar.\\n“Ungkup kes sivil ba Kort Tinggi Sarawak, 79.5 peratus kes udah diputar lalu 705 kes agi nganti diputar ditangka kes penyalah udah diputar iya nya 71.32 peratus lalu 252 kes agi nganti diputar,” ku iya.\\nBa Kort Sesyen Sarawak, iya madah 67.9 peratus kes udah diputar lalu 870 kes agi nganti dipautar lalu ba kes penyalah, 70 peratus kes diputar lalu 852 kes agi nganti diputar.\\n“Ba Kort Majistret Sarawak, kes-kes penyalah ke diputar iya nya 83.59 peratus lalu 1,922 kes nganti diputar udah nya ungkup kes penyalah 84.40 peratus kes diputar lalu 1,383 kes agi nganti diputar,” ku iya.\\nKelimpah mutarka kes-kes lama, iya madah program besemak enggau komuniti di Sabah enggau Sarawak deka ditampung nengah inisiatif Kort Mindah Kin Kitu, program Bilik Randau Kort Mindah Kin Kitu lalu projek rampa menua lalu Sarawak udah nerima bas baru deka dikena ngagai Bintulu.\\nBela bisi datai ba pengawa nya Presiden Kort Apil Tan Sri Zulkefli Ahmad Makinudin, Akim Besai Malaya Tan Sri Ahmad Maarop, Luyar Menua Perintah Besai Tan Sri Mohamad Apandi Ali, Luyar besai Nengeri Sabah Zaleha Rose Pandin, Luyar Besai Nengeri Sarawak Datuk Talat Mahmood Abdul Rashid, Presiden Gerempung Undang-undang Sabah Brenndon Keith Soh enggau Presiden Gerempung Luyar Sarawak Ranbir Singh Sangha. #Bernama\\n#Berita #Kes #Kort #Miri #Sabah #Sarawak","num_words":380,"character_repetition_ratio":0.13,"word_repetition_ratio":0.016,"special_characters_ratio":0.23,"stopwords_ratio":0.189,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup 2 Bansa Israel* nampung bup 1 Bansa Israel*. Bup tu nusui pasal perintah Raja Solomon, pasal raban bansa ke di utara angkat ngelaban perintah, diuluka Jeroboam ngelaban Rehoboam, anak lelaki Raja Solomon ke nganti iya nyadi raja, enggau jerita lama pasal perintah menua Judah, nyentuk ngagai maya Jerusalem alah dalam taun ti kelima ratus lapan puluh enam sebedau pengada Jesus.\\nPerintah Solomon (1.1-9.31)\\na. Taun ti keterubah (1.1-17)\\nb. Rumah Sembiang digaga (2.1-7.10)\\nc. Taun udah bekau nya (7.11-9.31)\\nRaban Bansa ke di utara angkat ngelaban perintah (10.1-19)\\nRaja menua Judah (11.1-36.12)\\nJerusalem alah (36.13-23)\\nRaja Solomon Besampi Minta Penemu-dalam (1 Raja 3.1-15)\\n1 Solomon anak Raja David negapka diri megai perintah, lalu TUHAN Allah Taala merekatka iya, lalu ngasuh iya balat bekuasa.\\n2 Raja Solomon meri pesan ngagai semua pemesai ti nyadi tuai ke seribu iku soldadu, nyadi tuai ke seratus iku, semua pemesai perintah, semua tuai bilik, enggau semua orang mayuh ti bukai,\\n3 ngasuh sida bejalai enggau iya ngagai endur alai besembiang di Gibeon. Sida mansang ngagai Gibeon laban Langkau Kain TUHAN, ti udah digaga Moses di menua puang, bisi dia.\\n4 (Tang Peti Lampang Batu Adat di Jerusalem, disimpan dalam langkau kain ti udah didirika Raja David lebuh iya mai Peti nya ari Kiriat-jearim.)\\n5 Alta temaga ti udah digaga Besalel anak Uri, uchu Hur, bisi mega di Gibeon di mua Langkau Kain TUHAN ti Pemadu Tinggi. Solomon enggau semua orang mayuh lalu nyembah TUHAN dia.\\n6 Raja ngenjuk piring ba alta temaga ti ba Langkau Kain TUHAN kena iya nyembah TUHAN. Iya ngasuh orang munuh seribu iku jelu lalu nunu jelu nya segala ba alta nya.\\n7 Malam nya Allah Taala pegari di mua Solomon, lalu bejaku ngagai iya, “Pinta ari Aku sebarang utai ti dikedekaka nuan.”\\n8 Ku Solomon nyaut, “Nuan seruran ngayanka pengerindu ti besai ngagai apai aku David, lalu diatu Nuan udah ngasuh aku nganti iya nyadi raja.\\n9 O TUHAN Allah Taala, awakka Nuan ngamatka semaya ti udah digaga Nuan enggau apai aku. Nuan udah ngasuh aku nyadi raja megai orang ke ngemayuh tu datai ke sida nyau enda ulih diitung agi.\\n10 Nya alai, beri aku penemu-dalam enggau pemandai kena aku merintah sida. Enti enda, baka ni ku aku ulih merintah bala nembiak Nuan ti kering tu?”\\n11 Ku Allah Taala nyaut Solomon, “Nuan udah milih utai ti ngena. Nuan nadai minta pengaya tauka reta tengkira, tauka nama ti tebilang, tauka minta munsuh nuan dibunuh, tauka minta umur diri panjai, tang nuan udah minta penemu-dalam enggau pemandai ngambika nuan ulih merintah bala nembiak Aku ti udah diasuh Aku ibun nuan.\\n12 Aku deka meri ngagai nuan penemu-dalam enggau pemandai. Lalu nambahka nya, Aku deka meri nuan mayuh agi pengaya, reta tengkira, lalu ngasuh nuan lebih agi tebilang ari semua raja bukai ke dulu tauka dudi agi ari nuan.”\\nKuasa Enggau Pengaya Raja Solomon (1 Raja 10.26-29)\\n13 Solomon lalu ninggalka endur alai besembiang di Gibeon, alai Langkau Kain TUHAN ti bediri, lalu pulai ngagai Jerusalem. Iya megai perintah di menua Israel ari Jerusalem.\\n14 Iya ngempuruka 1,400 buah kerita perang, enggau 12,000 iku kuda perang. Sekeda sida nya diengkah iya di Jerusalem, lalu sida ti bukai diengkah iya ba mayuh bengkah nengeri bukai.\\n15 Lebuh iya megai perintah, pirak enggau emas mayuh amat di Jerusalem, datai ke sida nyau baka utai ngapa, lalu kayu sidar nyau ngemayuh kayu sikamur ba kaki bukit di menua Judah.\\n16 Kuda Raja Solomon dibeli iya ari menua Ejip enggau ari Kue; orang ke bedagang ngarika raja meli kuda nya ari Kue ngena rega ti dikena lebuh maya nya.\\n17 Sida meli kerita perang ari menua Ejip, lalu udah nya nyual kerita perang nya ngagai raja orang Iti enggau raja bansa Aram ngena rega 600 singkap duit pirak ke sebuah kerita. Sida nyual siku kuda ngena rega 150 singkap duit pirak.\\nSedia Deka Ngaga Rumah Sembiang (1 Raja 5.1-18)\\n1 Raja Solomon lalu mutuska runding deka ngaga Rumah Sembiang, enggau ngaga sebuah istana ke iya empu.\\n2 Iya ngasuh 70,000 iku orang ngangkut barang kena ngaga rumah nya, enggau 80,000 iku ningkuh batu ba menua ti bebukit, dikemataka 3,600 iku mandur.\\n3 Solomon ngirumka pesan tu ngagai Raja Hiram di Tire: “Dulu menya nuan bekaul enggau apai aku David, lalu nuan ngirumka kayu sidar ngagai iya kena iya ngaga rumah iya empu.\\n4 Aku diatu baru deka ngaga sebuah Rumah Sembiang kena ngemesaika TUHAN Allah Taala aku. Rumah nya deka nyadi endur ti kudus alai bala nembiak aku enggau aku empu nyembah TUHAN, betunuka menyan ti digaga ari rempah ti bebau rengut, endur alai kami deka seruran meri roti ti kudus nyadika piring kami, ngenjuk piring tunu genap pagi lemai, enggau lebuh Hari Sabat, lebuh Gawai Anak Bulan, enggau ba mayuh bengkah hari ti kudus kena kami ngemesaika TUHAN Allah Taala kami, munyi ti udah diasuh TUHAN kereja orang Israel belama iya.\\n5 Aku deka ngaga Rumah Sembiang ti besai, laban Allah Taala kami besai agi kuasa ari petara bukai.\\n6 Tang iya ti bendar, nadai orang ulih ngaga rumah ke Allah Taala. Indah semua langit luar deh enda ulih ngundan Iya. Nya alai, Rumah Sembiang ti deka digaga aku nya semina nyadi endur alai betunuka menyan ke Allah Taala.\\n7 Nya alai kirumka ngagai aku siku orang ke landik ngukir, landik bekereja ngena emas, pirak, temaga, enggau besi, landik begagaka kain ti biru, ungu enggau mirah. Iya deka bekereja sama enggau bala tukang tempa ti udah dipilih apai aku ari menua Judah enggau ari Jerusalem.\\n8 Aku nemu bala nuan endang landik beramu. Nya alai, kirumka lumpung kayu sidar, saipris, enggau juniper ari Lebanon. Aku sedia deka ngirumka bala aku nulung bala nuan\\n9 nyendiaka kayu ramu enggau naka pemayuh, laban Rumah Sembiang ti deka digaga aku nya besai sereta manah tukuh.\\n10 Aku deka ngirumka bekal ke bala nuan: 2,000 tan gandum, 2,000 tan barli, 400,000 liter wain, enggau 400,000 liter minyak kana.”\\n11 Raja Hiram lalu ngirumka saut iya ngagai Solomon. Ku iya nulis, “Laban TUHAN rinduka bala nembiak Iya, Iya udah ngasuh nuan nyadi raja sida.\\n12 Pujika TUHAN Allah Taala ke disembah orang Israel ti udah ngaga langit enggau dunya! Iya udah meri ngagai Raja David anak ti bepenemu-dalam, ke penuh laban pemereti ati enggau pengelandik, ke bekira deka ngaga sebuah Rumah Sembiang TUHAN, enggau sebuah istana ke iya empu.\\n13 Aku ngirumka ngagai nuan siku tukang besi ke pandai sereta landik. Nama iya Huram.\\n14 Indai iya ari raban bansa Dan, lalu apai iya endang asal ari nengeri Tire. Iya nemu begagaka utai ari emas, pirak, temaga, ari besi, batu enggau ari kayu. Iya nemu begagaka utai ari kain ti biru, ungu enggau kain ti mirah, enggau ari linin. Iya nemu ngaga sebarang macham ukir, lalu ulih nitihka sebarang pelan ti diasuh titihka iya. Awakka iya sama bekereja enggau bala nuan ti landik, sereta enggau bala orang ke udah bekereja ke apai nuan, Raja David.\\n15 Nya alai, kirumka kitu gandum, barli, wain, enggau minyak kana ti udah disemaya nuan.\\n16 Kami deka nebang ba Bukit Lebanon semua kayu sidar ti dipeguna nuan, ngaga kayu nya nyadi akit, lalu beraratka akit nya nengah tasik nyentuk ngagai Jopa. Ari nya nuan tau mai kayu nya ngagai Jerusalem.”\\nPengawa Begagaka Rumah Sembiang Berengkah (1 Raja 6.1-38)\\n17 Raja Solomon ngitung tubuh semua orang bansa bukai ke diau di menua Israel, baka ke udah dikereja apai iya David. Pemayuh orang bansa bukai ke diau di menua nya: 153,000 iku.\\n18 Tujuh puluh ribu iku ari bala sida nya diasuh iya ngangkut barang kena begagaka Rumah Sembiang, 80,000 iku ningkuh batu ba bukit, lalu ngasuh 3,600 nyadi mandur ngambika pengawa nya mujur dikereja.\\n1 Nyadi Raja David, apai Solomon, udah nyendiaka endur alai Rumah Sembiang nya deka didirika. Endur nya di Jerusalem, ba Bukit Moriah, alai TUHAN ti udah pegari di mua David, ba endur ti udah alai Araunah, orang Jebus, ngindik gandum. Raja Solomon belabuh ngaga Rumah Sembiang nya\\n2 ba bulan ti kedua dalam taun ti keempat iya udah nyadi raja.\\n3 Pemanjai Rumah Sembiang ti digaga Raja Solomon nya 27 meter, lalu buka iya 9 meter.\\n4 Bilik penama nya sebaka enggau pemesai buka Rumah Sembiang nya empu, 9 meter, lalu peninggi iya 54 meter. Dinding bilik nya disampak enggau emas ti tulin.\\n5 Dinding bilik besai dilapis ngena kayu sidar, lalu disampak enggau emas ti alus, ti udah diukir neladan kayu engkerema enggau rantai.\\n6 Raja Solomon ngelagu Rumah Sembiang nya ngena batu ti berega, enggau ngena emas ti dibeli ari menua Parbaim.\\n7 Emas nya dikena iya nyampak dinding Rumah Sembiang, kasau, pintu penama, enggau pintu. Tukang ukir ngukir ba dinding nya gambar bala melikat cherub ti besayap.\\n8 Bilik ti di dalam, ti dikumbai Endur ti Pemadu Kudus, nya panjai 9 meter lalu buka iya 9 meter, iya nya sebaka enggau pemesai buka Rumah Sembiang empu. Dua puluh lima tan emas dikena nyampak dinding Endur ti Pemadu Kudus;\\n9 enggau 570 gram emas dikena ngaga paku lawang. Dinding sadau mega disampak enggau emas.\\n10 Raja mega ngasuh bala orang ke gawa ke iya ngaga ari besi dua iku melikat cherub ti besayap, nyampak seduai nya enggau emas, lalu ngengkahka seduai iya dalam Endur ti Pemadu Kudus,\\n11-13 alai seduai iya ke bediri berimbai nunga ngagai pintu penama. Siku-siku seduai nya bisi dua iti sayap. Pemanjai siti-siti sayap nya 2.2 meter. Sayap seduai iya dikerembaika lalu besatup puting ba tengah-tengah bilik nya, lalu puting sepiak nuntung ngagai dinding, meraka bilik ti buka 9 meter nya.\\n14 Tirai ke Endur ti Pemadu Kudus digaga ari kain linin enggau ari utai bukai, ti udah disamak ngena samak ti biru, ungu, enggau mirah, lalu gambar bala melikat cherub ti besayap disulamka ba tirai nya.\\nTiang Temaga Dua Iti Ti Besai(1 Raja 7.15-22)\\n15 Raja Solomon ngasuh orang ngaga dua iti tiang ti besai. Peninggi siti-siti tiang nya 15.5 meter, lalu didirika di mua Rumah Sembiang. Siti-siti tiang nya bisi tutup, lalu peninggi tutup nya 2.2 meter.\\n16 Tutup tiang ti besai dua iti nya dilagu ngena ukir gamal rantai ti dianyam, enggau seratus igi buah delima ti digaga ari temaga.\\n17 Tiang besai dua iti nya didirika ba tisi penama ngagai Rumah Sembiang. Tiang besai ti ba tisi ari selatan nya diberi nama Jachin lalu tiang ti besai ti ba tisi utara nya diberi nama Boas.\\nPekekas Rumah Sembiang (1 Raja 7.23-51)\\n1 Raja Solomon ngasuh orang ngaga siti alta temaga, 9 meter besegi, lalu peninggi iya 4.5 meter.\\n2 Iya mega ngaga, ari temaga, sigi tangki ti segala, penalam 2.2 meter, buka 4.4 meter, lalu sakap iya 13.2 meter.\\n3 Ngelingi tisi tangki nya ari luar bisi dua iti rintai ukir ti beranggung dua. Ukir nya digaga neladan gamal sapi ti lelaki, lalu digaga ari temaga ti dikena ngaga tangki nya empu.\\n4 Tangki nya diengkah ba atas belakang dua belas iku sapi ti lelaki ti digaga ari temaga, ti nunga ke luar, tiga nunga ke utara, tiga nunga ke barat, tiga nunga ke selatan lalu tiga nunga ke timur.\\n5 Penebal dinding tangki nya 75 milimeter. Lilit tisi tangki nya baka lilit tisi mangkuk, melebir ke luar baka kuntum bungai. Tangki nya ulih ngundan kira 60,000 liter.\\n6 Sida mega ngaga sepuluh iti bisin, lima deka diengkah ba tisi selatan Rumah Sembiang, lalu lima ba tisi ti muak ke utara. Bisin nya dikena masu perengka tubuh jelu ti deka ditunu nyadika piring. Ai ti dalam tangki nya dikena bala imam masu diri.\\n7-8 Sida ngaga sepuluh iti penuduk lampu ari emas nitihka gamal ti selama, enggau sepuluh iti mija, lalu ngengkahka utai nya dalam bilik besai Rumah Sembiang, lima iti penuduk lampu enggau lima iti mija ba siti-siti tisi. Sida mega ngaga seratus igi mangkuk emas.\\n9 Sida ngaga siti tengah laman ti di dalam ke bala imam, enggau tengah laman ti di luar. Pintu ti ba lubang pintu ti nyeraraka tengah laman dua iti nya disampak enggau temaga.\\n10 Tangki nya diengkah semak sukut ti muak ke timur selatan.\\n11-16 Huram mega ngaga periuk, sandak, enggau mangkuk. Nitihka semaya iya enggau Raja Solomon, tu bagi semua utai ti tembu digaga iya ke Rumah Sembiang:\\nTiang besai ti dua batang\\nTutup tiang ti baka mangkuk ba puchuk tiang ti dua batang nya\\nUkir rantai ti dianyam, ti ba siti-siti tutup tiang\\nEmpat ratus igi buah delima ti digaga ari temaga ti ditusun berintai dua ngelingi ukir ti ba tutup tiang siti-siti\\nSepuluh buah kerita tarit\\nSepuluh iti bisin\\nDua belas iku sapi ti lelaki alai manggaika tangki nya\\nPeriuk, sandak enggau serampang\\nHuram, ke endang amat landik begagaka utai, ngaga semua utai nya ari temaga magang, nitihka jaku Raja Solomon. Semua utai nya deka dikena dalam Rumah Sembiang.\\n17 Raja ngasuh semua utai nya digaga ba endur alai orang ke ngeluluhka besi ba entara Sukot enggau Seredah ba Lebak Jordan.\\n18 Mayuh amat utai digaga, datai ke orang nyau enggai agi kiruh ngira pemayuh temaga ti dikena.\\n19 Raja Solomon mega ngasuh pekekas emas digagaka Rumah Sembiang: alta enggau mija alai engkah roti ti diberi ngagai Allah Taala;\\n20 penuduk lampu, enggau lampu, ari emas ti alus. Lampu nya deka menyadi di mua Endur ti Pemadu Kudus nitihka atur;\\n21 ukir bungai, lampu, enggau penyepit;\\n22 pekekas kena madamka api, mangkuk, pinggai alai engkah menyan, enggau talam kena mai bara api. Semua utai tu digaga ari emas ti tulin magang. Pintu luar ke Rumah Sembiang, enggau pintu ngagai Endur ti Pemadu Kudus disampak enggau emas magang.\\n1 Lebuh Raja Solomon udah nembuka semua pengawa begagaka Rumah Sembiang, iya lalu nyimpan dalam bilik setor Rumah Sembiang semua utai ti udah diserahka apai iya David ngagai TUHAN, iya nya pirak, emas enggau utai bukai.\\nPeti Lampang Batu Adat Dibai Ngagai Rumah Sembiang (1 Raja 8.19)\\n2 Udah nya Raja Solomon mesanka semua tuai raban bansa enggau tuai peturun orang Israel ngasuh sida begempuru di Jerusalem, deka mindahka Peti Lampang Batu Adat TUHAN ari Sion, Nengeri David, ngagai Rumah Sembiang.\\n3 Semua sida begempuru lebuh maya Gawai Belangkau.\\n4 Lebuh semua bala tuai udah sampal datai, bala orang Lewi lalu nanggung Peti Lampang Batu Adat TUHAN\\n5 lalu ngesan iya ngagai Rumah Sembiang. Bala imam enggau orang Lewi mega mindahka Langkau Kain TUHAN, enggau semua pekekas dia ngagai Rumah Sembiang.\\n6 Raja Solomon enggau semua orang Israel begempuru di mua Peti Lampang Batu Adat nya, lalu meri mayuh amat jelu bedus enggau jelu sapi nyadika piring, datai ke jelu nya nyau enda ulih diitung agi.\\n7 Udah nya bala imam lalu ngesan Peti Lampang Batu Adat nya ngagai Rumah Sembiang, lalu ngengkahka iya dalam Endur ti Pemadu Kudus, di baruh dua iku melikat cherub ti besayap.\\n8 Sayap melikat cherub dua iku nya dikerembaika mungkur Peti nya, enggau kayu ti dikena ngaling iya.\\n9 Puting kayu nya ulih dipeda orang ke bediri di mua Endur ti Pemadu Kudus, tang enda ulih dipeda ari endur bukai. (Kayu ti dikena ngesan Peti nya agi bisi dia datai ke sehari tu.)\\n10 Peti Lampang Batu Adat nya nadai ngundan utai bukai tang semina dua iti lampang batu ti udah diengkah Moses dalam Peti nya ba Bukit Sinai, lebuh TUHAN ngaga sempekat enggau bala nembiak Iya orang Israel, lebuh sida pansut ari menua Ejip.\\nMulia Allah Taala\\n11-14 Semua imam ke bisi dia, enda milih raban, bela udah nuchi diri empu magang. Semua orang Lewi ke nebah musik, iya nya, Asap, Heman, Jedutun, enggau semua raban peturun sida, sama ngena kain linin magang. Bala orang Lewi bediri semak tisi timur alta nya mai bebendai enggau belikan. Sama enggau sida nya bisi 120 iku bala imam ke nyepu terumpit. Bala orang ke belagu nya diumba ngena munyi terumpit, bebendai, enggau pekekas musik ti bukai, lebuh sida belagu muji TUHAN: “Pujika TUHAN, laban Iya endang manah, lalu pengerindu Iya meruan belama iya.”\\nLebuh bala imam angkat ari Rumah Sembiang nya, Rumah nya lalu ngenyit penuh laban mua hari ti beperenching laban penampak mulia TUHAN, lalu sida enda ulih nampung pengawa sida ke nyembah TUHAN.\\nSolomon Bejaku Enggau Orang Mayuh(1 Raja 8.12-21)\\n1 Udah nya Raja Solomon besampi, “TUHAN, Nuan rindu diau dalam mua hari enggau pemetang.\\n2 Diatu aku udah ngaga sebuah rumah ti manah ke Nuan, alai Nuan diau belama iya.”\\n3 Semua orang bela bediri dia. Raja nguing ngagai sida, lalu minta Allah Taala merekatka sida.\\n4 Ku iya bejaku, “Pujika TUHAN Allah Taala ke disembah orang Israel! Iya udah ngamatka semaya ti udah digaga Iya enggau apai aku David lebuh Iya bejaku munyi tu,\\n5 ‘Kenyau ari maya Aku udah mai bala nembiak Aku pansut ari menua Ejip nyentuk ngagai diatu, Aku apin milih nengeri di menua Israel nyadi endur alai sebuah rumah deka digaga, alai kita deka nyembah Aku, lalu Aku apin milih sapa orang ke deka nguluka nembiak Aku Israel.\\n6 Tang diatu Aku udah milih Jerusalem nyadi endur alai kita deka nyembah Aku, lalu nuan, David, deka merintah bala nembiak Aku.’ “\\n7 Lalu ku Solomon nampung jaku iya, “Apai aku David udah bekira deka ngaga sebuah rumah alai nyembah TUHAN Allah Taala ke disembah orang Israel,\\n8 tang ku TUHAN bejaku ngagai iya, ‘Ati nuan ti deka ngaga rumah ke Aku endang ngena,\\n9 tang ukai nuan ti deka ngaga rumah nya. Anak nuan, anak nuan empu, deka ngaga rumah Aku.’\\n10 “Diatu TUHAN udah ngamatka semaya Iya. Aku udah nganti apai aku nyadi raja menua Israel, lalu aku udah ngaga sebuah rumah alai nyembah TUHAN Allah Taala ke disembah orang Israel.\\n11 Aku udah ngengkahka dalam Rumah Sembiang Peti Lampang Batu Adat ti ngundan lampang batu sempekat ti udah digaga TUHAN enggau orang Israel.”\\nSampi Solomon (1 Raja 8.22-53)\\n12 Udah nya, di mua orang mayuh, Solomon mansang lalu bediri di mua alta, ngangkatka jari iya lalu besampi.\\n13 (Solomon udah ngaga siti panggau temaga, lalu udah ngengkahka panggau nya ba tengah laman. Panggau nya 2.2 meter besegi, enggau 1.3 meter peninggi. Iya niki ngagai panggau nya, besugang di mua semua orang mayuh, lalu ngangkatka jari iya tunga ke langit.)\\n14 Ku iya besampi, “TUHAN Allah Taala ke disembah orang Israel, nadai petara ti baka Nuan di langit enggau di dunya. Nuan ngamatka semaya Nuan enggau bala nembiak Nuan, lalu ngayanka pengerindu Nuan ke sida, lebuh sida diau ngasika Nuan enggau pengabis ati sida.\\n15 Nuan udah ngamatka semaya ti udah digaga Nuan enggau apai aku David. Sehari tu semua leka jaku semaya nya udah dikamatka magang.\\n16 Nya alai, TUHAN Allah Taala ke disembah orang Israel, kamatka meh semaya ti udah digaga Nuan enggau apai aku lebuh Nuan madahka siku ari peturun iya deka seruran merintah nyadi raja orang Israel, enti iya bejimat ngasika Adat Nuan, baka David empu.\\n17 Nya alai diatu, TUHAN Allah Taala ke disembah orang Israel, awakka semua utai ti udah disemaya Nuan enggau nembiak Nuan David, dikamatka magang.\\n18 “Tang kati Nuan, O TUHAN, amat ulih diau di dunya tu begulai enggau orang lelaki enggau indu? Indah semua langit deh enda ulih ngundan Nuan, nya alai baka ni ku Rumah Sembiang tu ulih ngundan Nuan?\\n19 TUHAN Allah Taala aku, aku tu nembiak Nuan. Pendingka sampi aku, lalu beri utai ti dipinta aku ari Nuan.\\n20 Ibun Rumah Sembiang tu siang malam. Nuan udah besemaya madahka Diri deka disembah ba endur tu, nya alai dingaka aku lebuh aku ngadap ngagai Rumah Sembiang tu lalu besampi.\\n21 Dingaka sampi aku enggau sampi bala nembiak Nuan orang Israel, lebuh sida ngadap ngagai endur tu lalu besampi. Dingaka kami ari rumah Nuan ti di serega, lalu ampun kami.\\n22 “Lebuh orang kena dawa ngereja penyalah, lalu dibai ngagai alta Nuan dalam Rumah Sembiang tu, alai sida deka besumpah madahka diri nadai penyalah,\\n23 pendingka sida ari serega, O TUHAN, lalu akim meh bala nembiak Nuan. Ukum meh orang ke salah, nitihka pematut, lalu lepaska orang ke nadai penyalah.\\n24 “Lebuh bala nembiak Nuan orang Israel alah laban munsuh, laban sida udah bedosa ngelaban Nuan, lalu udah nya, lebuh sida nguingka diri ngagai Nuan, lalu datai ngagai Rumah Sembiang tu, sereta ngemaruhka diri besampi minta nuan ngampun sida,\\n25 pendingka sida ari serega. Ampun dosa sida, lalu bai sida pulai baru ngagai menua ti udah diberi Nuan ngagai aki ini sida.\\n26 “Lebuh Nuan nagang hari ujan laban bala nembiak Nuan udah bedosa ngelaban Nuan, lalu udah nya, lebuh sida nesal ati lalu ngadap ngagai Rumah Sembiang tu, sereta ngemaruhka diri besampi ngagai Nuan,\\n27 pendingka sida ari serega, O TUHAN, lalu ampun dosa sida orang Israel, lalu ajar sida ngereja utai ti ngena. Udah nya, O TUHAN, asuh hari ujan di menua Nuan tu, ti udah diberi Nuan ngagai bala nembiak Nuan nyadika pesaka sida belama iya.\\n28 “Lebuh lapar pungkang nyadi di menua tu, tauka penyakit, tauka utai ti ditanam rusak laban ribut ti angat, tauka rusak laban raban buntak, tauka lebuh bala nembiak Nuan diserang munsuh, tauka lebuh penyakit tauka pemedis bisi nyadi ba bala sida,\\n29 pendingka sampi sida. Enti bala nembiak Nuan Israel, ari ati ti balat tusah, ngangkatka jari sida besampi ngadap ngagai Rumah Sembiang tu,\\n30 dingaka sampi sida. Dingaka sida ari rumah Nuan di serega, lalu ampun sida. Semina Nuan siku aja ke nemu runding enggau ati mensia. Kereja utai ba kami nitihka pematut,\\n31 ngambika bala nembiak Nuan deka seruran nangi sereta ngasika Nuan lebuh sida diau di menua ti udah diberi Nuan ngagai aki ini sida.\\n32 “Lebuh orang bansa bukai ke diau di menua ti jauh, ninga pasal pemesai kuasa Nuan, enggau pasal Nuan ke seruran sedia deka nulung, lalu udah nya sida datai ngagai Rumah Sembiang tu lalu besampi,\\n33 pendingka sampi sida. Dingaka sida ari serega, alai Nuan ti diau, lalu kereja utai ti dipinta sida, ngambika semua orang di dunya tu nemu Nuan lalu ngasika Nuan, baka bala nembiak Nuan Israel. Nya baru sida deka nemu Rumah Sembiang ti udah digaga aku tu endang endur alai Nuan patut disembah.\\n34 “Lebuh Nuan ngasuh bala nembiak Nuan mansang beperang ngelaban munsuh sida, lalu sida besampi ngagai Nuan, enda milih endur alai sida, lalu sida nguing tunga ngagai nengeri ti udah dipilih Nuan tu, enggau ngagai Rumah Sembiang tu ti udah digaga aku ke Nuan,\\n35 pendingka sampi sida. Dingaka sida ari serega, lalu beri sida pemenang.\\n36 “Lebuh bala nembiak Nuan bedosa ngelaban Nuan, laban nadai siku mensia ti enda bedosa, lalu Nuan ringat lalu nejuka munsuh sida ngalahka sida, lalu nabanka sida nyadi orang tangkap ngagai menua bukai, taja pen menua nya jauh,\\n37 pendingka sampi sida. Enti sida nesal ati lebuh sida di menua nya, lalu besampi ngagai Nuan, ngaku dosa enggau penyai sida, dingaka sampi sida, O TUHAN.\\n38 Enti sida amat nesal ati lebuh sida di menua nya, lalu besampi ngagai Nuan, lalu sida nguingka mua sida tunga ngagai menua tu ti udah diberi Nuan ngagai aki ini sida, nengeri tu ti udah dipilih Nuan, enggau Rumah Sembiang tu ti udah digaga aku ke Nuan,\\n39 pendingka sampi sida. Dingaka sida ari rumah Nuan di serega. Kasihka sida lalu ampun semua dosa sida.\\n40 “Peda meh kami tu diatu, O Allah Taala aku, lalu pendingka sampi ti diberi ba endur tu.\\n41 Angkat meh Nuan, TUHAN Allah Taala, lalu tama ngagai Rumah Nuan, sama enggau Peti Lampang Batu Adat, lalu diau dia belama iya. Berekatka bala imam Nuan dalam semua utai ti dikereja sida, lalu awakka semua nembiak Nuan lantang laban pemadas Nuan enggau sida.\\n42 TUHAN Allah Taala, anang nulak raja ti udah dipilih Nuan. Kingatka pengerindu Nuan ke nembiak Nuan David.”\\nNyerahka Rumah Sembiang (1 Raja 8.62-66)\\n1 Lebuh Raja Solomon udah badu besampi, api lalu nurun ari langit, lalu nganguska piring ti udah diberi, lalu mulia TUHAN ngemenuhka Rumah Sembiang nya.\\n2 Laban Rumah Sembiang nya nyau penuh laban mulia TUHAN, bala imam enda ulih tama kia.\\n3 Lebuh orang Israel meda api nya nurun ari langit, lalu Rumah Sembiang nya penuh laban penampak mulia TUHAN, sida lalu nyungkurka diri ba geladak nya, nyembah Allah Taala sereta muji Iya ketegal pemanah enggau pengerindu Iya ti meruan belama iya.\\n4 Udah nya Solomon enggau semua orang mayuh lalu ngenjuk piring ngagai TUHAN.\\n5 Iya meri 22,000 iku jelu sapi enggau 120,000 iku jelu bedus nyadika piring pemaik. Nya meh chara Raja Solomon enggau semua orang mayuh nyerahka Rumah Sembiang ngagai Allah Taala.\\n6 Bala imam bediri ba endur ti udah diletak ke sida, betunga mua enggau bala orang Lewi, muji TUHAN ngena perengka musik ti udah diberi Raja David, lalu nyanyi siti pantun, “Pengerindu Iya meruan belama iya!” munyi ti udah diatur Raja David. Lebuh semua orang bediri, bala imam lalu nyepu terumpit.\\n7 Solomon lalu nyerah ngagai TUHAN puak tengah laman ti di mua Rumah Sembiang, lalu udah nya, ngenjuk piring tunu segala, piring tepung, enggau lemak ari piring pemaik, ba endur nya laban alta temaga ti udah digaga nya kelalu mit alai ngengkahka semua piring nya.\\n8 Solomon enggau semua orang Israel lalu ngintu Gawai Belangkau tujuh hari. Mayuh amat orang datai kenyau ari Genting Hamas di utara enggau ari garis entara menua enggau menua Ejip di selatan.\\n9 Sida begempuru tujuh hari nyerahka alta nya, lalu udah nya, tujuh hari da agi kena ngintu gawai. Ba hari ti pengujung sida lalu muka pengerami kena nutup gawai nya.\\n10 Hari siti, iya nya kena dua puluh tiga hari bulan ti ketujuh, Solomon lalu ngasuh orang mayuh pulai. Sida lantang ati ke semua berekat ti udah diberi TUHAN ngagai bala nembiak Iya orang Israel, ngagai David, enggau ngagai Solomon.\\nAllah Taala Pegari Ngagai Solomon Baru (1 Raja 9.1-9)\\n11 Lebuh Raja Solomon udah tembu ngaga Rumah Sembiang enggau ngaga istana, enggau semua utai ti udah diperambu iya,\\n12 TUHAN lalu pegari di mua iya lebuh malam hari, lalu bejaku ngagai iya, “Aku udah ninga sampi nuan, lalu Aku nerima Rumah tu nyadi endur alai orang ngenjuk piring ngagai Aku.\\n13 Genap kali aku nagang hari ujan, tauka ngasuh buntak makai utai ti ditanam, tauka ngasuh penyakit nyerang bala nembiak Aku,\\n14 enti nembiak Aku ngemaruhka diri, besampi ngagai Aku, lalu ngelengkaka jalai sida ke jai, nya baru Aku deka ninga sida ari serega, lalu ngampun dosa sida, sereta ngeraika menua sida.\\n15 Mata Aku deka tebuka lalu pending Aku deka mendingka sampi ti diberi ba endur tu.\\n16 Laban Aku udah milih sereta nguduska Rumah tu ngambika nama Aku meruan dia belama iya. Aku deka ngemataka Rumah tu lalu nyaga iya belama iya.\\n17 Ba pasal nuan empu, enti nuan tetap ati betuaika Aku baka apai nuan David, ngasika Adat Aku, lalu ngereja semua utai ti diasuh Aku kereja nuan,\\n18 nya baru Aku deka ngamatka semaya ti udah digaga Aku enggau apai nuan David, lebuh Aku madahka orang Israel ti deka seruran diperintah peturun iya.\\n19 Tang enti nuan enggau bala nembiak nuan enda ngasika adat enggau pesan ti udah diberi Aku ngagai nuan, lalu nuan nyembah petara bukai,\\n20 Aku deka muai nuan ari menua ti udah diberi Aku ngagai nuan, lalu Aku deka ninggalka Rumah tu ti udah dikuduska Aku nyadi endur alai Aku disembah. Semua orang di semua endur deka mechat Rumah tu, lalu enda bebasaka iya.\\n21 “Diatu Rumah Sembiang tu balat dibasa, tang lebuh maya nya ila, semua orang ke mansa deka alit ati lalu nanya, ‘Nama kebuah TUHAN ngereja utai baka tu ngagai menua tu, enggau ngagai Rumah Sembiang tu?’\\n22 Orang mayuh deka nyaut, ‘Laban sida udah ninggalka TUHAN Allah Taala sida, ti udah mai sida pansut ari menua Ejip. Sida udah taluk ngagai, nyembah, sereta betuaika petara bukai. Nya kebuah TUHAN udah ngasuh penusah tu ninggang sida.’ “\\nUtai Ti Udah Dikereja Solomon (1 Raja 9.10-28)\\n1 Solomon ngaga Rumah Sembiang enggau istana dalam pengelama dua puluh taun.\\n2 Iya mega nirika baru nengeri ti udah diberi Raja Hiram ngagai iya, lalu ngasuh orang Israel ngentapka diri di nengeri nya.\\n3 Iya ngalahka menua Hamat enggau Sobah,\\n4 lalu nirika kuta ke nengeri Palmira di menua puang. Iya nirika baru semua nengeri di menua Hamat alai nyimpan barang.\\n5 Solomon mega nirika baru semua nengeri Bet-horon Ulu enggau Bet-horon Ili (nengeri ti bekuta, ti bisi pintu kuta ti ulih dikalang),\\n6 nengeri Baalat, semua nengeri alai iya nyimpan barang, enggau nengeri alai raban kuda enggau kerita perang iya disimpan. Iya udah bejalaika semua pelan iya ti deka ngaga rumah di Jerusalem, di Lebanon, enggau di serata menua ti diperintah iya.\\n7-8 Solomon mejalka semua peturun orang Kanaan bekereja ke iya. Sida tu peturun orang Kanaan ti enda dibunuh sida, lebuh sida ngerampas menua nya. Bansa orang tu nyengkaum orang Iti, orang Amor, orang Peris, orang Ibi, enggau orang Jebus. Peturun orang tu agi nyadi ulun nyentuk ngagai diatu.\\n9 Orang Israel nadai dipejalka ngereja pengawa ti berat, tang sida bekereja nyadi soldadu, nyadi pemesai, nyadi tuai ke orang ke nepan kerita perang, enggau nyadi soldadu ke nepan kuda.\\n10 Dua ratus lima puluh iku pemesai ngemataka bala ulun ke bekereja begagaka mayuh bengkah rumah nya.\\n11 Solomon mai bini iya, anak raja menua Ejip, pindah ari Nengeri David ngagai sebuah rumah ti digaga David ke bini iya. Ku Solomon, “Bini aku enda tau diau dalam istana David raja orang Israel, laban semua endur ti udah alai Peti Lampang Batu Adat diengkah, nyadi kudus magang.”\\n12 Solomon ngenjuk piring ngagai TUHAN ba alta ti udah digaga di mua Rumah Sembiang.\\n13 Iya ngenjuk piring tunu nitihka Adat Moses ba genap hari ti kudus, iya nya, Hari Sabat, Gawai Anak Bulan, enggau tiga bengkah gawai genap taun, iya nya Gawai Roti Ti Enda Beragi, Gawai Ngetau, enggau Gawai Belangkau.\\n14 Nitihka atur ti udah diletak apai iya David, iya lalu ngatur pengawa ti dikereja bala imam tiap hari, enggau pengawa orang Lewi ke nulung bala imam belagu ngena pantun, enggau ngereja pengawa sida. Iya mega ngatur raban orang ke nyaga Rumah Sembiang ngambika sida bisi ngereja pengawa nyaga pintu siti-siti, nitihka jaku David, ke nembiak Allah Taala.\\n15 Atur ti udah diberi David ngagai bala imam enggau ngagai orang Lewi ba pasal bilik setor enggau pasal pekara bukai, udah dikereja enggau silik.\\n16 Lebuh maya nya, semua projek Solomon udah tembu magang. Semua pengawa udah mujur magang dikereja, kenyau ari nudukka batu pemun nyentuk ngagai penembu Rumah Sembiang nya.\\n17 Udah nya Solomon lalu mansang ngagai Esion-geber enggau Elat, iya nya dua bengkah penyangkai kapal ti ba Teluk Akaba, di menua Edom.\\n18 Raja Hiram ngirumka ngagai Raja Solomon berapa buah kapal, dipejalaika bala pemesai enggau kelasi iya empu ke endang chukup peneleba. Sida belayar enggau bala pemesai Raja Solomon ngagai menua Opir, lalu mai ngagai Raja Solomon kira enam belas tan emas.\\nPenemuai Kuin Menua Sheba(1 Raja 10.1-13)\\n1 Lebuh kuin menua Sheba ninga Raja Solomon tebilang bendar nama, iya lalu mansang ngagai Jerusalem deka ngabas penalam penemu Raja Solomon ngena tanya ti mar. Iya datai mai mayuh bala pengiring, enggau mayuh jelu unta ti ngundan mayuh amat rempah, batu ti berega, enggau emas. Lebuh kuin nya betemu enggau Solomon, iya lalu nanyaka semua tanya ti ba ati iya.\\n2 Solomon nyaut semua tanya iya. Nadai utai ti enda ulih diterangka Solomon.\\n3 Kuin menua Sheba ninga penemu-dalam ti disebut Solomon, sereta meda istana ti udah digaga iya.\\n4 Iya meda gaya pemakai Solomon, rumah alai bala pemesai iya diau, gaya atur pengawa ke bala orang ke bekereja dalam istana, enggau pekayan ti dikena sida, gaya gari ti dikena bala orang gaji ke ngintu Solomon lebuh pengerami makai besai, enggau piring ti diberi iya dalam Rumah Sembiang. Lebuh kuin nya meda semua utai nya, iya nyau enda tesintakka seput laban iya balat alit ati.\\n5 Ku iya bejaku enggau Raja Solomon, “Utai ti didinga aku di menua aku pasal nuan enggau pasal penalam penemu nuan, endang amat magang!\\n6 Aku enda arapka berita ti dipadahka sida ngagai aku, sebedau aku empu meda utai nya ke diri empu. Utai ti didinga aku nya enda bulih setengah ari penemu-dalam ti dikembuan nuan. Nuan lebih agi bepenemu-dalam ari ti ditusui orang.\\n7 Naka meh penguntung orang ke betuaika nuan, ke seruran begulai enggau nuan, lalu ninga penemu-dalam ti disebut nuan!\\n8 Pujika TUHAN Allah Taala nuan! Iya udah ngayanka pengaga ati Iya ke nuan, lalu ngaga nuan nyadi raja, ngambika nuan merintah dalam nama Iya. Laban Iya rinduka bala nembiak Iya Israel, lalu deka ngasuh sida meruan belama iya, Iya udah ngaga nuan nyadi raja, ngambika nuan bejalaika atur ti lurus sereta betul.”\\n9 Iya lalu meri ngagai Raja Solomon pemeri ti udah dibai iya, iya nya 5,000 kilogram emas, mayuh rempah enggau batu ti berega. Nadai rempah bukai ti lebih alus agi ari rempah ti diberi kuin menua Sheba ngagai Raja Solomon.\\n10 (Bala kelasi Raja Hiram enggau bala kelasi Raja Solomon ke mai emas ari Opir, mega mai kayu juniper enggau batu ti berega.\\n11 Solomon ngena kayu nya begagaka tangga Rumah Sembiang, istana iya, belikan enggau engkeratung ke bala orang ke nebah musik. Nadai utai baka nya bisi udah kala dipeda di menua Judah.)\\n12 Raja Solomon lalu meri ngagai kuin menua Sheba semua utai ti dipinta iya, nambahka utai ti udah diberi Solomon lebuh iya besilihka pemeri enggau kuin nya. Udah nya kuin nya enggau bala pengiring iya lalu mulaika diri ngagai menua Sheba.\\nPengaya Raja Solomon(1 Raja 10.14-25)\\n13 Raja Solomon nerima lebih 25,000 kilogram emas tiap taun,\\n14 nambahka chukai ti dibayar orang ke bedagang enggau orang sedagar. Bala raja menua Arabia enggau bala tuan gabenor ke megai pelilih menua di menua Israel, mega mai pirak enggau emas ngagai iya.\\n15 Solomon ngaga 200 iti terabai ti besai. Genap iti terabai nya disampak enggau 7 kilogram emas ti ditempa,\\n16 enggau 300 iti terabai ti mit agi, ti disampak enggau kira 3.6 kilogram emas ti ditempa. Iya ngasuh semua terabai nya disimpan dalam Balai Utan Lebanon.\\n17 Raja mega ngasuh orang ngaga siti kerusi diraja ti besai. Sebagi ari kerusi nya disampak enggau gading, lalu sebagi ti bukai disampak enggau emas ti tulin.\\n18 Tangga niki ngagai kerusi diraja nya bisi enam iti tangkal, sereta bisi pelasar ti lekat ngagai kerusi nya, lalu disampak enggau emas. Kerusi nya bisi lengan, enggau anak patung singa bediri ba tisi sepiak-sepiak.\\n19 Tangga nya bisi dua belas iku anak patung singa, siku ba puting siti-siti tangkal tangga nya. Nadai kerusi diraja bisi baka nya di menua bukai.\\n20 Semua mangkuk ti dikena Raja Solomon ngirup digaga ari emas magang, lalu semua pekekas dalam Balai Utan Lebanon digaga ari emas ti tulin magang. Pirak dikira nadai rega lebuh maya Solomon menya.\\n21 Raja Solomon mayuh kapal ti besai, ti belayar sama enggau kapal Raja Hiram. Kapal iya pulai tiap-tiap tiga taun, mai emas, pirak, gading, nyumbuh, enggau kera.\\n22 Raja Solomon lebih agi kaya, sereta dalam agi penemu ari semua raja bukai di dunya tu.\\n23 Semua raja bukai betanya ngagai iya magang, laban sida ingin deka ningaka penemu-dalam ti udah diberi Allah Taala ngagai iya.\\n24 Genap iku sida bela mai pemeri ngagai Solomon. Pemeri nya nyengkaum utai ti digaga ari pirak enggau emas, baju panjai, senyata, rempah, kuda enggau keledai. Utai tu nyadi ari taun siti ngagai taun siti.\\n25 Raja Solomon mega bisi 4,000 bansal alai nyimpan kerita perang enggau kuda iya, lalu iya bisi 12,000 iku kuda kena beperang. Sekeda kuda nya disimpan iya di Jerusalem, lalu sida ti bukai disimpan iya ba nengeri bukai.\\n26 Iya bekuasa atas semua raja dalam menua nya, kenyau ari Sungai Eupratis nyentuk ngagai menua Pilistin enggau ngagai garis entara menua Ejip.\\n27 Lebuh iya megai perintah, pirak nyau baka utai ngapa di Jerusalem, lalu kayu sidar nyau ngemayuh kayu sikamur ti ba kaki bukit menua Judah.\\n28 Solomon meli kuda ari Musri enggau ari semua menua bukai.\\nPerintah Solomon Ditusui Enggau Ngelansa (1 Raja 11.41-43)\\n29 Cherita lama ti bukai pasal Solomon, kenyau ari pun datai ke ujung, bisi dituliska magang dalam Jerita Lama Pasal Nabi Natan, dalam Jaku Ti Benabi ti Disebut Ahijah ke datai ari Siloh, enggau dalam Genera Nabi Ido, ti bisi mega ngenang pasal perintah Raja Jeroboam menua Israel.\\n30 Solomon merintah semua menua Israel ari Jerusalem empat puluh taun.\\n31 Iya mati lalu dikuburka di Nengeri David, lalu anak iya Rehoboam nganti iya nyadi raja.\\nRaban Bansa Ti Di Utara Angkat Ngelaban Perintah (1 Raja 12.1-20)\\n1 Rehoboam mansang ngagai Sekem, alai semua orang ke di utara menua Israel udah begempuru, deka nyiri iya nyadi raja.\\n2 Lebuh Jeroboam anak Nebat, ti udah rari ari Raja Solomon ngagai menua Ejip, ninga berita pasal Rehoboam, iya lalu pulai baru ngagai menua Israel.\\n3 Raban bansa ti di utara lalu mesanka Jeroboam, lalu semua sida mansang betemu enggau Rehoboam, lalu bejaku enggau iya,\\n4 “Apai nuan udah balat amat ngasuh kami gawa. Enti nuan ngasuh pengawa kami lempung agi, nya baru kami deka taluk ngagai nuan.”\\n5 Ku Rehoboam nyaut, “Beri aku tiga hari alai aku berundingka utai tu. Udah nya kita datai ditu baru.” Bala sida lalu mupuk.\\n6 Raja Rehoboam lalu betanya ngagai orang ke tuai, ti udah bekereja nyadi penyanding penemu ke apai iya Solomon. “Nama saut asuh kita beri aku ngagai bala orang tu?” ku iya nanya sida.\\n7 Disaut sida, “Enti nuan nelap enggau orang tu lalu nguji meri sida saut ti siru, sida deka lantang ati, lalu sida deka seruran taluk ati betuaika nuan.”\\n8 Tang iya enggai mendingka jaku lalau ari orang ke tuai. Iya lalu mansang ngagai orang bala orang ke sama serambau enggau iya, ke digaga iya nyadika penyanding penemu iya diatu.\\n9 “Ba runding kita, nama utai ti patut dikereja aku?” ku iya nanya sida. “Nama utai ti patut disebut aku ngagai orang tu ke minta aku ngasuh pengawa sida lempung agi?”\\n10 Ku sida nyaut, “Tu utai ti patut dipadahka nuan ngagai sida: ‘Tunjuk anak aku tu besai agi ari punggung apai aku.’\\n11 Padahka ngagai sida, ‘Apai aku udah ngasuh pengawa kita berat. Aku deka ngasuh pengawa kita lebih berat agi ari nya. Iya udah nyipat kita ngena penyipat. Aku deka nyipat kita ngena penyipat ti bedurika besi!”\\n12 Tiga hari udah bekau nya Jeroboam enggau semua orang mayuh lalu mansang baru ngagai Raja Rehoboam, munyi ti udah diasuh iya.\\n13 Raja Rehoboam enggai mendingka jaku lalau ari orang ke tuai, lalu iya bejaku kasar enggau orang mayuh,\\n14 nitihka jaku lalau ari penyanding penemu ti agi biak. Ku iya, “Apai aku udah ngasuh kita ngereja pengawa ti berat. Aku deka ngasuh pengawa kita lebih berat agi ari nya. Iya udah nyipat kita ngena penyipat. Aku deka nyipat kita ngena penyipat ti bedurika besi!”\\n15 Utai tu nyadi kena TUHAN Allah Taala ngamatka jaku ti udah disebut Iya ngagai Jeroboam anak Nebat ngena nabi Ahijah ari Siloh. Nya kebuah raja enggai mendingka orang mayuh.\\n16 Lebuh orang mayuh meda Raja Rehoboam enggai mendingka sida, sida lalu manjung, “Anang taluk ngagai David enggau ruang bilik iya! Nama utai ti bisi udah dikereja sida ke kitai? O Orang Israel! Aram kitai pulai! Awakka Rehoboam ngaduka diri empu!” Orang Israel lalu angkat ngelaban perintah,\\n17 ninggalka Rehoboam nyadi raja semina ke orang ke diau di menua Judah aja.\\n18 Udah nya Raja Rehoboam lalu ngasuh Adoniram, ti nyadi tuai ngemataka pengawa bala ulun, mansang ngagai orang Israel. Tang sida nuku iya ngena batu datai ke mati. Lebuh Rehoboam ninga nya, iya lalu beguai-guai nepan kerita perang iya lalu rari ngagai Jerusalem.\\n19 Berengkah ari nya orang ke diau di utara menua Israel semampai ngelaban raja ke datai ari peturun David.\\nSemaiah Benabi (1 Raja 12.21-24)\\n1 Lebuh Raja Rehoboam datai di Jerusalem, iya lalu ngempuruka 180,000 iku soldadu ke pemadu kering ari raban bansa Benjamin enggau Judah. Iya deka mansang beperang ngelaban raban bansa orang Israel ke di utara kena iya mulaika sida ngagai perintah iya empu baru.\\n2 Tang TUHAN ngasuh nabi Semaiah\\n3 meri pesan tu ngagai Raja Rehoboam, enggau ngagai semua orang ke ari raban bansa Judah enggau Benjamin:\\n4 “Anang nyerang kaban belayan kita empu. Pulai semua kita. Utai ti udah nyadi nya endang ari peneka Aku.” Sida ngasika pesan TUHAN, lalu enda nyadi nyerang Jeroboam.\\nRehoboam Nguta Mayuh Bengkah Nengeri\\n5 Rehoboam mengkang diau di Jerusalem, lalu ngasuh orang nguta mayuh bengkah nengeri di menua Judah enggau di menua Benjamin, iya nya nengeri\\n7 Bet-sur, Soko, Adulam,\\n8 Gat, Maresah, Sip,\\n9 Adoraim, Lakis, Asekah,\\n10 Sorah, Aijalon, enggau Hebron.\\n11 Iya ngasuh orang ngaga kuta ti tegap ke semua nengeri nya, lalu ngeletak siku orang nyadi tuai ke tiap buah nengeri nya, lalu dalam genap buah nengeri nya iya nyimpan pemakai, minyak kana, enggau wain,\\n12 terabai, enggau sangkuh. Nya meh chara Raja Rehoboam ngetanka kuasa iya di menua Benjamin enggau di menua Judah.\\nBala Imam Enggau Orang Lewi Datai Ngagai Menua Judah\\n13 Bala imam enggau bala orang Lewi datai ari serata menua Israel ngagai menua Judah di selatan.\\n14 Orang Lewi ninggalka padang rumput enggau tanah sida, lalu pindah ngagai menua Judah enggau Jerusalem, laban Raja Jeroboam menua Israel enggau orang ke nganti iya nyadi raja, enggai ngelakka sida bekereja nyadi imam TUHAN.\\n15 Jeroboam lalu ngeletak bala imam iya empu, ngambika sida bisi bekereja ba endur alai orang kapir nyembah petara sida, lalu nyembah antu, enggau nyembah engkeramba ti udah digaga iya baka gamal anak sapi ti lelaki.\\n16 Orang ke endang amat deka nyembah TUHAN Allah Taala ke disembah orang Israel lalu datai ari semua raban bansa orang Israel, lalu nitihka orang Lewi mansang ngagai Jerusalem, ngambika sida ulih ngenjuk piring ngagai TUHAN Allah Taala aki ini sida.\\n17 Utai tu ngukuhka perintah menua Judah. Sida nyukung Rehoboam anak Solomon tiga taun, lalu diau dia baka lebuh sida ke dipegai Raja David enggau Raja Solomon menya.\\nRuang Bilik Rehoboam\\n18 Rehoboam jadi enggau Mahalat anak Jerimot. Jerimot nya anak David. Indai Mahalat nya Abihail, anak indu Eliap, uchu Jesi.\\n19 Rehoboam enggau bini iya bisi tiga iku anak lelaki: Jeus, Semariah, enggau Saham.\\n20 Udah nya Rehoboam jadi enggau Maakah anak Absalom, lalu seduai iya bisi empat iku anak lelaki: Abijah, Atai, Sisa enggau Selomit.\\n21 Rehoboam bisi lapan belas iku bini, enggau enam puluh iku indu simpan. Anak lelaki iya dua puluh lapan iku, lalu anak indu iya enam puluh iku. Bini ke balat dikerinduka iya ari semua bini iya, enggau indu simpan iya, nya Maakah.\\n22 Lalu iya rinduka anak Maakah ke benama Abijah lebih agi ari semua anak iya ti bukai, lalu milih iya nganti iya nyadi raja.\\n23 Rehoboam landik meri tanggungjawap ngagai bala anak lelaki iya, lalu ngengkahka sida di serata menua Judah enggau menua Benjamin dalam nengeri ti bekuta. Enggau ati ti gerah mudah, iya meri sida utai ti dipeguna sida, lalu iya ngiga bini ke sida.\\nOrang Ejip Nyerang Menua Judah (1 Raja 14.25-28)\\n1 Lebuh Rehoboam udah negapka diri nyadi raja, iya enggau semua nembiak iya lalu ngelengkaka Adat TUHAN.\\n2 Dalam taun ti kelima Rehoboam nyadi raja, TUHAN ngukum sida laban sida enda taluk ngagai TUHAN. Raja Sisak menua Ejip nyerang Jerusalem\\n3 ngena 1,200 buah kerita perang, 60,000 iku bala soldadu ke nepan kuda, enggau mayuh soldadu bukai ti enda ulih diitung, nyengkaum soldadu orang Libia, Suki-im, enggau Etiopia.\\n4 Iya ngalahka nengeri ti bekuta di menua Judah, lalu nyerang nyentuk ngagai Jerusalem.\\n5 Imam Semaiah lalu mansang ngagai Raja Rehoboam enggau ngagai bala tuai orang Judah ti udah begempuru di Jerusalem laban sida ngerarika diri ari Sisak. Ku iya bejaku enggau sida, “Tu pesan TUHAN ngagai kita: ‘Kita udah ninggalka Aku, nya alai diatu Aku ninggalka kita. Awakka Sisak ngalahka kita.’ “\\n6 Raja enggau bala tuai ngaku diri udah bedosa, lalu ku sida, “Utai ti dikereja TUHAN endang lurus.”\\n7 Lebuh TUHAN meda nya, Iya bejaku baru enggau Semaiah. Ku Iya, “Laban sida ngaku dosa diri, Aku enggai ngerusak sida. Tang lebuh Sisak nyerang, sida semina ulih ngidupka nyawa diri aja. Jerusalem enda dirusak,\\n8 tang Sisak deka ngalahka sida, lalu sida deka nemu bida entara betuaika Aku enggau betuaika raja mensia.”\\n9 Raja Sisak nyerang Jerusalem, lalu ngerampas utai ti berega ari Rumah Sembiang, enggau ari istana. Iya ngerampas semua utai, nyengkaum terabai emas ti udah digaga Raja Solomon.\\n10 Kena iya nganti terabai nya, Rehoboam ngaga terabai temaga, lalu nyerahka utai nya ngagai pemesai ti nyadi tuai nyaga pintu istana.\\n11 Genap kali raja mansang ngagai Rumah Sembiang, bala jejaga mai terabai nya, lalu udah nya mulaika terabai nya baru ngagai bilik jejaga.\\n12 Laban iya nunduk ngagai TUHAN, TUHAN enda ngerusak iya abis lengis, lalu utai di menua Judah nyadi menyana baru.\\nPerintah Rehoboam Disebut Enggau Ngelansa\\n13 Rehoboam merintah di Jerusalem lalu kuasa iya ti nyadi raja nambah-menambah. Umur iya empat puluh satu taun lebuh iya nyadi raja, lalu iya merintah tujuh belas taun di Jerusalem, nengeri ti udah dipilih TUHAN ari semua menua Israel nyadi endur alai TUHAN patut disembah. Indai Rehoboam nya Namah, ari menua Amon.\\n14 Rehoboam ngereja utai ti jai, laban iya enggai nguji ngiga peneka TUHAN.\\n15 Utai ti dikereja Rehoboam ari pun datai ke ujung, enggau cherita pasal ruang bilik iya tau ditemu dalam Jerita Lama Pasal Nabi Semaiah enggau Jerita Lama Pasal Nabi Ido. Rehoboam enggau Jeroboam endang seruran beperang ngelaban pangan diri.\\n16 Rehoboam mati lalu dikuburka ba lumbung bala raja di Nengeri David, lalu anak iya Abijah nganti iya nyadi raja.\\nAbijah Beperang Ngelaban Jeroboam (1 Raja 15.1-8)\\n1 Dalam taun ti kelapan belas Raja Jeroboam udah nyadi raja menua Israel, Abijah nyadi raja menua Judah,\\n2 lalu iya merintah tiga taun di Jerusalem. Indai iya Mikaiah anak Uriel, ari nengeri Gibe-ah.\\nPerang nyadi entara Abijah enggau Jeroboam.\\n3 Abijah ngempuruka 400,000 iku bala soldadu, lalu Jeroboam nyatup iya ngena 800,000 iku soldadu.\\n4 Soldadu dua bengkah nya lalu besatup ba menua ti bebukit di menua Epraim. Raja Abijah niki ngagai Bukit Semaraim lalu ngangauka Jeroboam enggau orang Israel: “Pendingka aku!” ku iya bejaku.\\n5 “Kati kita enda nemu, TUHAN Allah Taala ke disembah orang Israel udah ngaga sempekat ti enda tau dilanggar enggau David, kena Iya meri David enggau peturun iya kuasa nyadi raja menua Israel belama iya?\\n6 Jeroboam anak Nebat udah angkat ngelaban Solomon, raja iya empu.\\n7 Udah nya iya ngempuruka seraban orang ke nadai guna, lalu sida ngalahka Rehoboam ti agi kelalu biak sereta nadai peneleba, lalu iya enda ulih ngelaban sida.\\n8 Diatu kita nguji beperang ngelaban kuasa diraja ti udah diberi TUHAN ngagai peturun David. Bala soldadu kita amat mayuh, lalu kita mai mayuh anak sapi ti lelaki ti udah digaga Jeroboam ari emas nyadika petara kita.\\n9 Kita udah muru bala imam TUHAN, bala peturun Aron, lalu kita udah muru orang Lewi. Kita udah nganti sida ngena bala imam ke diletak kita ngena chara orang bansa bukai. Barang sapa datai mai sapi ti lelaki tauka tujuh iku jelu bedus, tau nuchi diri empu nyadi imam ke utai ti dikumbai kita petara.\\n10 “Tang kami mengkang betuaika TUHAN Allah Taala kami, lalu enda ninggalka Iya. Imam ke datai ari peturun Aron ngereja pengawa sida, ditulung orang Lewi.\\n11 Genap pagi enggau genap lemai sida meri TUHAN menyan enggau piring jelu ti ditunu segala. Sida ngenjuk piring ba mija ti tuchi, lalu genap lemai sida nungkun lampu ba penuduk lampu ti digaga ari emas. Kami ngereja utai ti udah diasuh TUHAN kereja kami, tang kita udah ninggalka Iya.\\n12 Allah Taala Empu nyadi tuai kami, lalu bala imam Iya bisi ditu mai terumpit sida, sedia deka nyepu terumpit sida nesau kami mansang beperang ngelaban kita. Kita orang Israel! Anang ngelaban TUHAN Allah Taala aki ini kita! Kita enda ulih menang!”\\n13 Lebuh maya nya Jeroboam udah ngasuh sekeda bala soldadu iya ngeramka ipa laban sida deka nyerang bala soldadu orang Judah ari belakang, lalu bala soldadu sida ti bukai nyatup sida ari mua.\\n14 Orang Judah malik lalu meda diri nyau dikelulung munsuh. Sida lalu nyabak ngangauka TUHAN minta saup Iya, lalu bala imam nyepu terumpit sida.\\n15 Orang Judah, diuluka Abijah manjung lalu nyerang. Allah Taala ngalahka Jeroboam enggau bala soldadu orang Israel.\\n16 Orang Israel rari, lalu Allah Taala nejuka orang Judah ngalahka sida.\\n17 Abijah enggau bala soldadu iya balat amat ngalahka orang Israel. Setengah juta bala soldadu Israel ti kering dibunuh.\\n18 Nya alai orang Judah menang ngelaban orang Israel, laban sida manggaika pengarap sida ba TUHAN Allah Taala aki ini sida.\\n19 Abijah lalu begagaika bala soldadu Jeroboam, lalu nguan sekeda nengeri iya, iya nya, Betel, Jesanah, enggau Epron, enggau genturung pendiau ti semak nengeri nya.\\n20 Jeroboam nadai ulih bekuasa agi lebuh Abijah nyadi raja. Ke pengujung iya, TUHAN munuh iya, lalu iya mati.\\n21 Tang Abijah, mansang kering-sekering. Iya bisi empat belas iku bini, lalu iya bisi dua puluh dua iku anak lelaki, enggau enam belas iku anak indu.\\n22 Cherita lama pasal Abijah, utai ti disebut iya, enggau utai ti dikereja iya, bisi dituliska magang dalam Jerita Lama Pasal Nabi Ido.\\nRaja Asa Ngalahka Orang Etiopia\\n1 Raja Abijah mati lalu dikuburka ba lumbung bala raja di Nengeri David. Anak iya Asa nganti iya nyadi raja. Lebuh Asa megai perintah, menua nadai pengachau sepuluh taun\\n2 Asa ngerinduka ati TUHAN Allah Taala iya, laban iya ngereja utai ti ngena sereta manah.\\n3 Iya muai semua alta orang kapir enggau endur alai orang bansa bukai besembah, mechahka tiang batu keramat, lalu nebang semua engkeramba petara indu Aserah.\\n4 Iya ngasuh orang Judah ngereja utai ti dikedekaka TUHAN Allah Taala aki ini sida, lalu ngasika ajar enggau pesan Iya.\\n5 Laban iya muai endur alai orang kapir nyembah petara sida, enggau alta alai nunu menyan ari semua nengeri di menua Judah, menua nya bisi pemaik lebuh iya megai perintah.\\n6 Iya nguta nengeri di menua Judah lebuh iya megai perintah. Perang nadai kala nyadi dalam dua tiga taun, laban TUHAN meri iya pemaik.\\n7 Ku iya madahka ngagai orang Judah, “Aram kitai nguta nengeri ngena dinding enggau kuta, enggau pintu ti tau ditikupka sereta dikalang. Kitai ulih megai menua tu laban kitai udah ngereja peneka TUHAN Allah Taala kitai. Iya udah nyaga kitai, lalu ngasuh kitai likun ari semua munsuh kitai.” Nya alai sida ngaga kuta, lalu bulih utai.\\n8 Raja Asa bisi 300,000 iku soldadu ari menua Judah. Sida besenyataka terabai enggau sangkuh. Iya mega bisi 280,000 soldadu ari menua Benjamin. Sida tu besenyataka terabai enggau panah. Semua sida nya berani magang, sereta chukup dilatih.\\n9 Siku orang Etiopia ke benama Serah nyerang menua Judah ngena sejuta iku soldadu enggau tiga ratus buah kerita perang. Iya nyerang naka Maresah.\\n10 Asa mansang ngelaban iya. Bala soldadu dua bengkah nya sama belatur ba Emperan Sepatah semak Maresah.\\n11 Asa besampi ngagai TUHAN Allah Taala iya, ku iya, “O TUHAN, Nuan ulih nyaup bala soldadu ti lemi baka Nuan ke nyaup bala soldadu ti kering, Tulung kami diatu, O TUHAN Allah Taala kami, laban kami manggaika diri ba Nuan, lalu kami udah datai dalam nama Nuan, deka ngelaban bala soldadu ti mayuh tu. TUHAN, Nuan endang Allah Taala kami. Nadai orang tau ngarapka diri ulih ngalahka Nuan.”\\n12 TUHAN ngalahka bala soldadu orang Etiopia lebuh Asa enggau bala soldadu orang Judah ngelaban sida. Orang Etiopia rari,\\n13 lalu Asa enggau bala soldadu iya begagaika sida nyentuk ngagai Gerar. Mayuh amat orang Etiopia dibunuh, datai ke sida nyau enda ulih ngempuruka bala lalu ngelaban. Sida alah dilaban TUHAN enggau bala soldadu Iya. Sida bulih mayuh amat perapasan.\\n14 Udah nya sida lalu ulih ngalahka nengeri ti besai di menua ngelingi Gerar, laban orang dia balat amat takutka TUHAN. Bala soldadu orang Judah ngerampas reta tengkira ari nengeri nya, lalu bulih mayuh amat perapasan.\\n15 Sida mega nyerang kem sekeda orang ke ngibun bedus, ngerampas mayuh amat jelu bedus enggau jelu unta. Udah nya sida pulai ngagai Jerusalem.\\nAsa Ngaga Atur Ti Baru\\n1 Roh Allah Taala bekuasa ba Asariah anak Odet.\\n2 Asariah lalu mansang ngagai Raja Asa. Ku iya ngangau, “Pendingka aku ulih kita, Raja Asa, enggau semua orang Judah enggau orang Benjamin! TUHAN bisi enggau kita, seagi-agi kita meruan enggau Iya. Enti kita ngiga Iya, Iya deka ngasuh kita nemu Iya, tang enti kita ninggalka Iya, Iya deka ngelengkaka kita.\\n3 Orang Israel lama udah nadai nyembah Allah Taala ti bendar, nadai imam ngajar, nadai adat.\\n4 Tang lebuh sida dituntung penusah, sida nguingka diri ngagai TUHAN Allah Taala ke disembah orang Israel. Sida ngiga Iya lalu nemu Iya.\\n5 Lebuh maya nya menya, orang nadai likun lebuh sida tama-pansut, laban menua balat dituntung pengachau enggau penyarut.\\n6 Bansa siti nekanka pengidup bansa siti, lalu nengeri siti nekanka pengidup orang di nengeri siti, laban Allah Taala ngasuh penusah enggau pemerinsa ninggang sida.\\n7 Tang kita enda tau enda kering, lalu anang lemi semengat. Kita deka nerima upah ke pengawa ti dikereja kita.”\\n8 Lebuh Asa ninga jaku ti benabi nya, jaku ti dipansutka Asariah anak Odet, iya berasai diperansang. Iya lalu muai semua engkeramba di menua Judah enggau Benjamin, enggau semua engkeramba dalam nengeri ti udah dialahka iya di menua ti bebukit di menua Epraim. Iya mega ngaduka alta TUHAN ti bediri ba tengah laman Rumah Sembiang.\\n9 Mayuh orang ari Epraim, Manasi, enggau Simeon udah ngalih ari Asa, lalu diau di menua ti diperintah iya, laban sida meda TUHAN bisi enggau iya. Asa mesanka semua sida, enggau orang ari menua Judah enggau Benjamin.\\n10 Sida begempuru di Jerusalem dalam bulan ti ketiga, dalam taun ti kelima belas Asa nyadi raja.\\n11 Ba hari nya sida ngenjuk piring ngagai TUHAN ari perapasan ti udah dibai sida pulai, iya nya, tujuh ratus iku sapi, enggau tujuh ribu iku bedus.\\n12 Sida ngaga siti sempekat madahka diri besetuju deka nyembah TUHAN Allah Taala aki ini sida, enggau pengabis ati enggau semengat sida.\\n13 Barang sapa enda nyembah TUHAN, nemuka orang nya biak tauka tuai, lelaki tauka indu, deka bunuh.\\n14 Sida lalu besumpah dalam nama TUHAN enggau nyawa ti inggar madahka diri deka nitihka sempekat nya. Udah nya sida manjung lalu nyepu terumpit.\\n15 Semua orang di menua Judah lantang ati magang laban sida udah ngaga sempekat nya enggau pengabis ati sida. Sida gaga ati nyembah TUHAN, lalu Iya nerima sida, lalu ngasuh serata menua nya likun.\\n16 Raja Asa lalu muai ini iya Maakah ari pangkat iya ti nyadi indai kuin, laban ini iya udah ngaga engkeramba ke petara indu Aserah. Asa nebang engkeramba nya, mepat iya, lalu nunu repik iya ba Lebak Kidron.\\n17 Taja pen Asa enda ngerusak semua endur alai orang kapir nyembah petara sida, iya mengkang tetap ati ngagai TUHAN sepemanjai umur iya.\\n18 Iya ngengkahka dalam Rumah Sembiang semua utai ti udah diserahka apai iya Abijah ngagai Allah Taala, sereta enggau utai ti digaga ari emas enggau ari pirak ti udah diserahka iya empu.\\n19 Perang nadai agi nyadi nyentuk ngagai ketiga puluh lima taun iya nyadi raja.\\nPengachau Enggau Orang Israel(1 Raja 15.17-22)\\n1 Dalam taun ti ketiga puluh enam Raja Asa megai perintah di menua Judah, Raja Baasa menua Israel nyerang menua Judah lalu belabuh nguta nengeri Ramah kena mempang jalai semua orang ke tama-pansut ari menua Judah.\\n2 Nya alai Asa lalu ngambi pirak enggau emas ari sarang reta Rumah Sembiang, enggau ari istana, lalu ngirumka utai nya ngagai Damaskus, ngagai Raja Benhadat menua Siria, sama enggau pesan tu:\\n3 “Awakka kitai beserakup baka apai kitai suba. Pirak enggau emas tu diberi ngagai nuan. Nya alai, putuska kaul nuan enggau Raja Baasa menua Israel, ngambika iya nyurutka diri ari menua aku.”\\n4 Benhadat besetuju enggau penemu Asa, lalu iya ngasuh bala pemesai enggau bala soldadu iya nyerang nengeri di menua Israel. Sida ngalahka Ijon, Dan, Abel Bet-maakah, enggau semua nengeri di menua Naptali alai pemakai disimpan.\\n5 Lebuh Raja Baasa ninga utai ti nyadi, iya lalu badu agi nguta Ramah, lalu ngelengkaka pengawa nya.\\n6 Udah nya Raja Asa ngempuruka bala iya ari serata menua Judah, lalu ngasuh sida mai batu enggau ramu ti udah dikena Baasa nguta nengeri Ramah, lalu nguta nengeri Geba enggau Mispah ngena batu nya.\\n7 Lebuh maya nya, nabi Hanani mansang ngagai Raja Asa. Ku iya, “Laban nuan ngarapka Raja menua Siria, lalu enda ngarapka TUHAN Allah Taala nuan, bala soldadu raja menua Israel udah ulih ngerarika diri ari nuan.\\n8 Ukai enda orang Etiopia enggau orang Libia mayuh agi soldadu, enggau mayuh kerita perang enggau soldadu ke nepan kuda? Tang laban nuan udah manggaika pengarap nuan ba TUHAN, Iya udah ngasuh nuan menang ngelaban sida.\\n9 TUHAN ngemataka semua dunya, lalu meri pengering ngagai orang ke taluk ngagai Iya. Tang nuan udah ngereja utai ti beli. Nya alai, kenyau ari diatu nuan deka seruran beperang.”\\n10 Jaku nya ngasuh Asa balat amat ringat ngagai nabi Hanani lalu iya nanchang nabi Hanani ngena rantai dalam rumah jil. Tu meh maya Asa belabuh merinsaka sekeda nembiak iya.\\nPengujung Perintah Asa(1 Raja 15.23-24)\\n11 Semua utai ti nyadi lebuh Asa megai perintah, kenyau ari pun datai ke ujung, bisi dituliska magang dalam Jerita Lama Pasal Raja Menua Judah Enggau Raja Menua Israel.\\n12 Dalam taun ti ketiga puluh semilan Asa nyadi raja, iya enda ulih bejalai laban kaki iya balat diempa penyakit. Tang iya enda minta saup ari TUHAN, tang minta saup ari lutur.\\n13 Dua taun udah bekau nya, iya mati\\n14 lalu dikuburka dalam kubur batu ti udah ditebuk iya ke iya empu di nengeri David. Sida nyendiaka bangkai iya ngena rempah enggau minyak wangi sebedau iya dikuburka, lalu sida ngidupka api ti mau kena sida ngulitka iya.\\nJehosapat Nyadi Raja\\n1 Jehosapat lalu nganti apai iya Asa nyadi raja, lalu iya ngeringka diri ngelaban Israel.\\n2 Iya ngasuh bala soldadu nyaga nengeri ti bekuta di menua Judah, di menua pesisir, enggau nengeri ti udah dialahka Asa di menua Epraim.\\n3 TUHAN merekatka Jehosapat laban iya neladan apai iya, lalu enda nyembah Baal.\\n4 Iya betuaika Allah Taala ti disembah apai iya, ngasika pesan Allah Taala, lalu enda ngereja utai ti dikereja sida raja menua Israel.\\n5 TUHAN negapka perintah Jehosapat di menua Judah, lalu semua orang mai pemeri ngagai iya, nya alai iya nyadi kaya sereta balat dibasa orang.\\n6 Iya gaga ati betuaika TUHAN lalu ngerusak semua endur alai orang kapir nyembah petara sida di menua Judah, enggau tanda petara indu Aserah di menua nya.\\n7 Dalam taun ti ketiga iya nyadi raja, iya ngasuh bala pemesai, iya nya Benhail, Obadiah, Sekariah, Netanel, enggau Mikaiah, ngajar ba sebelah nengeri di menua Judah.\\n8 Sida nya disempulang semilan iku orang Lewi ke benama Semaiah, Netaniah, Sebadiah, Asahel, Semiramot, Jehonatan, Adonijah, Tobijah, enggau Tobadonijah. Lalu imam ke enggau sida nya Elisama seduai Jehoram.\\n9 Sida mai Bup Adat TUHAN, lalu bejalai nengah semua nengeri di menua Judah, ngajar Adat TUHAN ngagai orang mayuh.\\nPemesai Kuasa Jehosapat\\n10 TUHAN ngasuh semua perintah ti ngelingi Raja Jehosapat takut nyerang iya.\\n11 Sekeda orang Pilistin mai mayuh pirak enggau pemeri bukai ngagai Jehosapat, lalu sekeda orang Arab mai 7,700 iku bedus enggau 7,700 iku kambin ngagai iya.\\n12 Nya alai kuasa Jehosapat nambah-menambah. Iya begagaka kuta enggau nengeri di serata menua Judah,\\n13 alai nyimpan pemakai. Iya ngasuh pemesai ti tebilang nama nyaga Jerusalem,\\n14 nitihka ripih raban peturun sida. Orang ke nyadi tuai soldadu ari raban peturun Judah nya Adnah. Iya bisi 300,000 iku soldadu dipegai iya.\\n15 Pemesai ke lumur dua nya Jehohanan. Iya bisi 280,000 iku soldadu,\\n16 lalu tuai soldadu ke lumur tiga nya Amasiah anak Sikri. Iya bisi 200,000 iku soldadu. (Amasiah udah nyerahka diri bekereja ke TUHAN.)\\n17 Tuai soldadu ari raban peturun ti diturunka Benjamin nya Eliada. Iya tu orang ke tebilang nama. Iya nguluka 200,000 iku soldadu ke besenyataka terabai enggau panah.\\n18 Tuai soldadu ke lumur dua iya nya Jehosabat. Bala iya 180,000 iku. Semua sida nya udah chukup disikap enggau senyata kena beperang.\\n19 Bala soldadu tu bekereja ke raja di Jerusalem. Nambahka nya, raja mega ngasuh soldadu ti bukai nyaga nengeri ti bukai ti bekuta di menua Judah.\\nNabi Mikaiah Meri Jaku Tangkan Ngagai Ahap (1 Raja 22.1-28)\\n1 Lebuh Raja Jehosapat menua Judah nyau nyadi kaya sereta tebilang nama, iya ngatur siku orang ari ruang bilik iya jadi enggau siku orang ari ruang bilik Raja Ahap menua Israel.\\n2 Berapa taun udah bekau nya, Jehosapat nemuai ngagai Raja Ahap di nengeri Samaria. Kena Ahap masa Jehosapat enggau orang ke datai enggau iya, Ahap ngasuh orang munuh berapa iku jelu bedus enggau sapi kena nyendiaka pengerami makai besai. Iya nguji ngumbuk Jehosapat enggau iya nyerang nengeri Ramot-giliat.\\n3 Ku Raja Ahap nanya, “Kati nuan deka enggau aku nyerang Ramot?” Ku Jehosapat nyaut, “Aku sedia, enti nuan sedia. Bala soldadu aku mega sedia. Kami sigi deka enggau nuan.”\\n4 Lalu ku Raja Jehosapat nampung jaku iya, “Tang manah kitai betanya ngagai TUHAN dulu.”\\n5 Nya alai Ahap mesanka bala nabi, kira empat ratus iku semua sida, lalu ku iya nanya sida, “Kati patut tauka enda aku nyerang Ramot?” “Serang aja meh nengeri nya,” ku sida nabi nyaut. “Allah Taala deka ngasuh nuan menang.”\\n6 Tang ku Jehosapat nanya Ahap, “Kati nuan nadai agi nabi bukai ti tau dikena kitai betanya ngagai TUHAN?”\\n7 Ku Ahap nyaut, “Bisi, Mikaiah ari Imlah. Tang aku begedika iya laban iya nadai kala benabika utai ti manah ke aku, seruran utai ti jai.” “Nuan enda tau bejaku munyi nya!” ku Jehosapat nyaut.\\n8 Ahap lalu mesanka siku pemesai, lalu ngasuh iya ngambi nabi Mikaiah enggau jampat.\\n9 Raja dua iku nya duduk ba kerusi diraja seduai iya, ngena pekayan raja, ba endur alai orang ngindik gandum ari luar pintu nengeri Samaria, lalu semua nabi benabi di mua seduai iya.\\n10 Siku ari bala nabi nya, Sedekiah anak Chenaana, ngaga tanduk besi, lalu bejaku enggau Ahap, “Tu utai ti disebut TUHAN, ‘Nuan deka ngena utai tu ngelaban orang Siria, lalu nuan deka ngalahka semua sida.’ “\\n11 Semua nabi ti bukai bela nyebut nya magang. “Serang meh Ramot-giliat. Nuan deka menang,” ku sida. “TUHAN deka ngasuh nuan menang.”\\n12 Nyadi ba urung maya nya, pemesai ti udah mansang ngambi Mikaiah, benung madahka ngagai Mikaiah, “Semua bala nabi ti bukai udah benabi madahka raja deka mujur. Nya alai manah nuan benabi baka nya mega.”\\n13 Tang ku Mikaiah nyaut, “Dalam nama Allah Taala ti idup, aku semina nyebut utai ti diasuh Allah Taala sebut aku!”\\n14 Lebuh iya bediri di mua Raja Ahap, raja lalu nanya iya, “Mikaiah, kati patut tauka enda kami duai Raja Jehosapat nyerang Ramot-giliat?” “Patut” ku Mikaiah nyaut. “Nuan endang tetap deka menang. TUHAN deka ngasuh nuan menang.”\\n15 Tang ku Ahap nyaut, “Berapa kali aku enda tau enda ngasuh nuan nyebut utai ti bendar dalam nama TUHAN?”\\n16 Mikaiah lalu bejaku, “Aku meda bala soldadu orang Israel ngachir ba sebelah bukit, baka bedus ti nadai orang ngibun. Lalu ku TUHAN bejaku, ‘Bala orang tu nadai orang ngulu. Awakka sida pulai enggau selamat.’ “\\n17 Ahap lalu bejaku enggau Jehosapat, “Nya utai ti dipadahka aku ngagai nuan. Iya endang nadai kala benabika utai ti manah pasal aku, seruran utai ti jai!”\\n18 Mikaiah lalu bejaku, “Diatu pendingka utai ti disebut TUHAN! Aku udah meda TUHAN duduk ba kerusi diraja Iya di serega, lalu bala melikat Iya bediri ari kanan enggau ari kiba Iya.\\n19 Lalu ku TUHAN bejaku, ‘Sapa deka nipu Ahap ngambika iya nyerang lalu alah di Ramot-giliat?’ Sekeda melikat lalu nyebut tu, sekeda nyebut nya.\\n20 Udah nya siku roh mansang ngagai TUHAN, lalu bejaku, ‘Awakka aku nipu iya.’ TUHAN lalu nanya iya, ‘Baka ni?’\\n21 Ku roh nya nyaut, ‘Aku deka mupuk lalu ngasuh semua bala nabi ke bekereja ke Ahap madahka utai ti bula.’ TUHAN lalu bejaku, ‘Mupuk meh nuan lalu tipu iya. Nuan deka mujur.’\\n22 Nya alai TUHAN udah ngengkahka siku roh pemula dalam nyawa bala nabi nuan; TUHAN udah ngeletak nuan deka dituntung penusah!”\\n23 Nabi Sedekiah anak Chenaana lalu niki ngagai Mikaiah, nampar mua iya, lalu nanya, “Kemaya Roh TUHAN udah kala ninggalka aku lalu bejaku enggau nuan?”\\n24 Disaut Mikaiah, “Nuan deka nemu nya lebuh nuan tama ngaga bilik belakang mansang ngelalaika diri.”\\n25 Raja Ahap lalu bejaku, “Tangkap Mikaiah, lalu asuh iya pulai ngagai Amon, tuan gabenor nengeri, enggau ngagai Joas.\\n26 Asuh sida nutup iya dalam rumah jil, lalu meri iya semina roti enggau ai aja, nyentuk ngagai maya aku pulai kitu baru enggau selamat.”\\n27 Ku Mikaiah bejaku, “ Enti nuan pulai enggau selamat, nya deka nunjukka TUHAN nadai bejaku ngena aku!” Lalu ku Mikaiah nambahka jaku iya, “Dinga nya, semua kita!”\\nPemati Ahap(1 Raja 22.29-35)\\n28 Udah nya Raja Ahap menua Israel enggau Raja Jehosapat menua Judah lalu mansang nyerang nengeri Ramot-giliat.\\n29 Ku Ahap bejaku enggau Jehosapat, “Lebuh kitai nyerang, aku deka ngeluluka diri baka orang bukai, tang nuan ngena pekayan raja.” Nya alai raja menua Israel mansang beperang enda ngena pekayan raja.\\n30 Nyadi raja menua Siria udah bejaku enggau bala tuai soldadu ke nepan kerita perang, enda ngasuh sida nyerang orang bukai, tang semina raja orang Israel aja.\\n31 Nya alai, lebuh orang Siria meda Raja Jehosapat, semua sida ngumbai iya raja orang Israel. Sida lalu nyerang iya. Tang Jehosapat nyerauh, lalu TUHAN Allah Taala nulung iya. Allah Taala lalu nguingka orang Siria ari iya.\\n32 Bala tuai kerita perang lalu nemu iya ukai raja orang Israel. Nya alai sida lalu badu agi ngagai iya.\\n33 Tang lebuh siku soldadu orang Siria nimbakka laja, laja nya kena ba sambung baju kebal Raja Ahap. “Bakal aku!” ku iya ngangau ngagai orang ke ngemudika kerita perang iya. “Putarka kerita tu ditu, anang agi enggau orang belaban!”\\n34 Lebuh bala orang agi benung belaban, Raja Ahap nyandih dalam kerita perang iya, merening tunga ngagai orang Siria. Lalu iya mati lebuh padam mata panas lemai nya.\\nSiku Nabi Nganu Jehosapat\\n1 Lebuh Raja Jehosapat menua Judah pulai enggau selamat ngagai istana iya di Jerusalem,\\n2 siku nabi ke benama Jehu anak Hanani, mansang betemu enggau raja, lalu ku iya bejaku enggau raja, “Kati nuan ngumbai diri ngereja utai ti ngena nulung orang ke jai, lalu setanah enggau orang ke begedika TUHAN? Utai ti dikereja nuan udah nyungkak TUHAN ringat.\\n3 Tang taja pia, nuan bisi pemadas ba nuan empu. Nuan udah muai semua tanda petara indu Aserah ti disembah orang mayuh, lalu nuan udah nguji nitihka peneka Allah Taala.”\\nJehosapat Ngaga Atur Baru\\n4 Taja pen Raja Jehosapat diau di Jerusalem, tang iya selalu bejalai nemuai ngagai orang mayuh, kenyau ari Beer-seba di selatan nyentuk ngagai tisi menua ti bebukit di menua Epraim di utara, laban iya deka mai orang mayuh pulai baru ngagai TUHAN Allah Taala aki ini sida.\\n5 Iya ngeletak orang nyadi pengulu dalam siti-siti nengeri ti bekuta di menua Judah,\\n6 lalu meri jaku ajar ngagai sida munyi tu, “Bejimat kita lebuh kita ngatur pechara. Kita ukai ngakim ngena kuasa mensia, tang ngena kuasa TUHAN, lalu Iya bisi enggau kita lebuh kita meri ukum.\\n7 Nangika TUHAN, lalu bejimat lebuh kita ngakim, laban TUHAN Allah Taala kitai enggai meda orang meri atur ti enda lurus, tauka bepilih mata, tauka makai suap.”\\n8 Jehosapat mega ngeletak di Jerusalem sekeda orang Lewi, imam enggau tuai ruang bilik orang Israel, ngasuh sida ngakim ngarika TUHAN, lalu mutarka laya entara orang Israel. Opis sida di Jerusalem.\\n9 Ku iya bejaku ngagai sida, “Kita enda tau enda nangika TUHAN, tetap ati ngagai Iya enggau pengabis ati kita;\\n10 Genap kali orang ari bansa kita empu datai ari nengeri bukai mai ngagai kita pekara pasal orang ke udah munuh orang, tauka pasal adat, tauka pesan, atur tauka adat, kita enda tau enda ngajar sida, ngambika sida enda ngereja penyalah enggai ke TUHAN ringat ngagai kita enggau ngagai kaban belayan kita. Kereja nya ulih kita, nya baru kita enda ngereja utai ti salah.\\n11 Imam Besai Amariah udah diberi aku kuasa nyadi tuai kita ngatur semua pekara TUHAN, lalu Sebadiah anak Ismail, ti nyadi tuan gabenor menua Judah, deka ngatur semua pekara raja, lalu orang Lewi deka bekereja ke kita nyadi pemesai kita. Kereja pengawa kita enggau ati ti berani. Awakka TUHAN setanah enggau orang ke ngereja utai ti ngena!”\\nPerang Ngelaban Edom\\n1 Nyau kelama udah bekau nya, bala soldadu orang Moap enggau Amon, enggau bansa bukai ke setanah enggau sida, iya nya orang bansa Meun, nyerang menua Judah.\\n2 Sekeda bala seruan datai lalu madah ngagai Raja Jehosapat: “Mayuh amat bala soldadu ari Edom udah datai ari tebing seberai Tasik Mati deka nyerang nuan. Sida udah ngalahka Hasason-tamar.” (Tu siti agi nama ke nengeri En-gedi.)\\n3 Jehosapat lalu takut, lalu iya besampi ngagai TUHAN minta TUHAN ngiring Iya. Udah nya iya lalu meri atur ngasuh semua orang di menua nya bepasa magang.\\n4 Orang datai ari semua nengeri dalam menua Judah ngagai Jerusalem minta TUHAN ngiring sida,\\n5 lalu semua sida, enggau semua orang Jerusalem begempuru ba tengah laman ti baru ba Rumah Sembiang. Raja Jehosapat mansang lalu bediri di mua sida\\n6 lalu besampi, “O TUHAN Allah Taala aki ini kami, Nuan merintah di serega, atas semua bansa ti di dunya tu. Nuan bekuasa sereta kering, lalu nadai orang ulih ngelaban Nuan.\\n7 Nuan endang Allah Taala kami. Lebuh bala nembiak Nuan Israel pindah ngagai menua tu, Nuan muru orang ke diau di menua tu, lalu meri menua tu ngagai bala peturun pangan Nuan Abraham, nyadika pesaka sida belama iya.\\n8 Sida udah diau ditu, lalu udah ngaga Rumah Sembiang kena sida ngemesaika Nuan, laban sida nemu,\\n9 enti penusah ti besai bisi ninggang sida kena Nuan ngukum sida, baka perang, penyakit ti berampit, tauka lapar pungkang, sida tau datai lalu bediri di mua Rumah Sembiang tu alai Nuan ke disembah. Sida tau besampi ngagai Nuan lebuh sida kena laban penusah, lalu Nuan deka ningaka sida, lalu ngidupka sida.\\n10 “Diatu, orang Amon, Moap enggau Edom udah datai deka nyerang kami. Lebuh bala aki ini kami pansut ari menua Ejip, Nuan enda nyagi sida tama ngagai menua bansa orang nya. Nya alai bala aki ini kami bejalai ngelaungka sida, lalu enda ngerusak sida.\\n11 Diatu peda Nuan jalai sida malas pemanah kami. Sida datai deka muru kami ari menua ti udah diberi Nuan ngagai kami.\\n12 O Allah Taala kami! Ukum meh sida, laban kami tu nadai daya ngelaban bala soldadu ti ngemayuh nya nyerang kami. Kami enda nemu utai ti patut dikereja kami, tang kami minta Nuan nulung kami.”\\n13 Semua orang Judah, sama enggau bini enggau anak sida, bediri magang dia di mua Rumah Sembiang.\\n14 Roh TUHAN lalu datai ngagai siku orang Lewi ke bisi dalam tekang bala. Nama orang nya Jahasil anak Sekariah. Iya datai ari raban peturun Asap, nengah Mataniah, Jeiel, enggau Benaiah.\\n15 Ku Jahasil bejaku, “Tuan Raja, enggau semua kitai orang Judah ke di Jerusalem! TUHAN madahka kita enda tau lemi semengat, tauka takut nyatup bala soldadu ti mayuh nya. Perang tu perang Allah Taala, ukai perang kita.\\n16 Serang sida pagila lebuh sida niki genting tanah ba Sis. Kita deka besatup enggau sida ba ujung lebak ti nuju ngagai menua puang semak Jeruel.\\n17 Perang tu ukai perang kita. Belatur aja, lalu diau jenuh nengkilaka TUHAN menang beperang ngarika kita orang Judah enggau ngarika Jerusalem. Anang takut tauka tusah ati. Mansang ngelaban sida pagila; TUHAN deka enggau kita.”\\n18 Udah nya Raja Jehosapat nyungkurka diri ke tanah, lalu semua orang Judah enggau orang ke diau di Jerusalem bela nyungkurka diri nyembah TUHAN.\\n19 Orang Lewi ke ari raban peturun Kohat enggau Korah bediri, lalu manjung muji TUHAN Allah Taala ke disembah orang Israel.\\n20 Tumu pagi hari siti, sida mansang ngagai menua puang semak Tekoa. Lebuh sida mupuk, Jehosapat bejaku enggau sida, “Orang Judah enggau orang Jerusalem! Arapka TUHAN Allah Taala kita, nya baru kita tan ngelaban munsuh. Arapka utai ti disebut sida nabi Iya.”\\n21 Lebuh raja udah betanya ngagai orang mayuh, iya lalu ngasuh sekeda orang ke nebah musik ngerasukka baju panjai ti dikena sida ngereja pengawa ti kudus, lalu bejalai dulu ari bala soldadu, sereta belagu: “Pujika TUHAN. Pengerindu Iya meruan belama iya!”\\n22 Lebuh sida belabuh belagu, TUHAN lalu ngeramka ipa lalu nyerang orang Amon, orang Moap enggau orang Edom ke datai nyerang orang Judah, lalu bala munsuh nya rari.\\n23 Laban orang Amon enggau orang Moap nyerang orang Edom, ngeluska semua sida. Lebuh sida udah ngeluska orang Edom, sida lalu bebunuh diri sama diri.\\n24 Lebuh bala orang Judah datai ba siti menara jejaga di menua puang, sida malik ngagai bala munsuh lalu meda bangkai munsuh betegaring ba sebelah tanah. Nadai siku sida ulih ngerarika diri.\\n25 Lebuh Jehosapat enggau bala soldadu iya mansang ngambi perapasan, sida tetemuka mayuh amat jelu sapi pemakai, gari, enggau barang ti berega. Sida begumpulka perapasan nya tiga hari. Tang utai nya kelalu mayuh, datai ke sida nyau enda ulih mai semua utai nya.\\n26 Ba hari ti keempat, sida lalu begempuru ba Lebak Berakah, lalu muji TUHAN ketegal semua utai ti udah dikereja Iya. Nya kebuah lebak nya dikumbai “Lebak Barakah.”\\n27 Jehosapat nguluka bala soldadu iya pulai menang ngagai Jerusalem, laban TUHAN udah ngalahka munsuh sida.\\n28 Lebuh sida datai di Jerusalem, sida mansang ngagai Rumah Sembiang, diumba ngena munyi belikan enggau terumpit.\\n29 Semua bansa ti ninga chara TUHAN udah ngalahka bala munsuh orang Israel, takut magang.\\n30 Nya alai menua nadai agi pengachau lebuh Jehosapat megai perintah, lalu Allah Taala ngasuh semua menua nya likun.\\nPengujung Perintah Jehosapat (1 Raja 22.41-50)\\n31 Jehosapat berengkah nyadi raja menua Judah lebuh umur iya tiga puluh lima taun, lalu iya merintah di Jerusalem dua puluh lima taun. Indai iya Asubah anak Silhi.\\n32 Baka apai iya ke dulu ari iya, iya ngereja utai ti ngena di mua TUHAN;\\n33 Tang endur alai orang kapir nyembah petara sida, enda dirusak. Orang Judah enda nyembah Allah Taala aki ini sida enggau pengabis ati sida.\\n34 Semua utai bukai ti udah dikereja Jehosapat, kenyau ari pun nyentuk ngagai pengujung perintah iya, bisi dituliska magang dalam Jerita Lama Pasal Jehu Anak Hanani, siti ari Jerita Lama Pasal Raja Menua Israel.\\n35 Raja Jehosapat udah sekali beserakup enggau Raja Ahasiah menua Israel, ti udah ngereja mayuh macham penyai.\\n36 Ba penyangkai kapal di Esion-geber sida bisi udah ngaga kapal ti ulih belayar di tasik.\\n37 Tang Elieser anak Dodabahu, ari nengeri Meresah, bisi meri jaku tangkan ngagai Jehosapat, “TUHAN deka ngerusak utai ti udah digaga nuan, laban nuan udah setanah enggau Ahasiah.” Semua kapal iya pechah magang lalu nadai kala belayar.\\n1 Jehosapat mati lalu dikuburka ba lumbung bala raja di Nengeri David, lalu anak iya Jehoram nganti iya nyadi raja.\\nRaja Jehoram Menua Judah (2 Raja 8.17-24)\\n2 Jehoram anak Jehosapat menua Judah bisi enam iku menyadi lelaki: Asariah, Jehiel, Sekariah, Asariahu, Mikael, enggau Sepatiah.\\n3 Apai sida udah meri sida mayuh emas, pirak enggau utai ti berega nyadika pesaka sida, sama enggau nengeri ti bekuta di menua Judah. Tang iya nyerahka perintah ngagai Jehoram, laban Jehoram nya anak tuai iya.\\n4 Lebuh Jehoram udah negapka diri nyadi raja, iya lalu ngasuh orang munuh sida menyadi lelaki iya, enggau sekeda bala pemesai orang Israel.\\n5 Jehoram berengkah nyadi raja lebuh umur iya tiga puluh dua taun, lalu iya merintah di Jerusalem lapan taun.\\n6 Iya neladan penyai ulah Raja Ahap, enggau sida raja menua Israel ti bukai, laban iya jadi enggau siku ari anak indu Ahap. Iya bedosa ngelaban TUHAN,\\n7 tang TUHAN enggai ngerusak perintah David, laban Iya udah ngaga sempekat enggau David, lalu besemaya deka ngasuh peturun iya nampung perintah iya.\\n8 Lebuh Jehoram megai perintah, Edom angkat ngelaban perintah orang Judah, lalu merintah diri empu.\\n9 Jehoram enggau bala pemesai iya mai kerita perang sida lalu nyerang Edom. Bala soldadu Edom lalu ngelulung sida, tang malam nya sida ulih ngebuska kelulung munsuh lalu rari.\\n10 Kenyau ari nya Edom mengkang merintah diri lalu enda agi diperintah menua Judah. Lebuh maya nya, nengeri Libnah mega angkat ngelaban perintah orang Judah, laban Jehoram udah ninggalka TUHAN Allah Taala aki ini iya.\\n11 Iya begagaka endur alai orang kapir nyembah petara sida ba menua ti bebukit di menua Judah, lalu iya nguluka orang Judah enggau orang Jerusalem bedosa ngelaban TUHAN.\\n12 Nabi Elijah ngirumka siti surat ngagai Jehoram munyi tu: “TUHAN Allah Taala aki nuan David, ngukum nuan, laban nuan enda neladan apai nuan, Raja Jehosapat, tauka neladan aki nuan Raja Asa.\\n13 Nuan udah nunda sida raja menua Israel ti bukai, lalu udah nguluka orang Judah enggau orang ke diau di Jerusalem enda tetap ati ngagai Allah Taala, baka Ahap enggau orang ke nganti iya, nguluka orang Israel enda tetap ati ngagai Allah Taala. Laban nuan udah munuh sida menyadi nuan, enggau bala ruang bilik apai nuan, ti manah agi ari nuan empu,\\n14 TUHAN deka balat ngukum bala nembiak nuan, bala anak nuan enggau bala bini nuan, lalu deka ngerusak pesaka nuan,\\n15 lalu nuan empu deka ngidapka penyakit pedis perut, ti deka majak balat-sebalat ari hari siti ngagai hari siti.”\\n16 TUHAN lalu nyungkak orang Pilistin enggau orang Arab ti diau semak orang Etiopia ti udah ngentapka diri ba tebing tasik, angkat ngelaban Jehoram.\\n17 Sida mansang ngelaban menua Judah, nyerang menua nya, lalu ngerampas semua utai ari istana, lalu nabanka semua bala bini enggau bala anak raja nyadi orang tangkap, kelimpah ari anak bunsu iya ke benama Ahasiah.\\n18 Udah nya TUHAN lalu ngasuh Raja Jehoram sakit pedis perut ti enda nemu gerai.\\n19 Penyakit nya majak balat-sebalat nyau deka bulih dua taun, ti ngujungka iya balat amat pedis datai ke mati. Bala nembiak ke diperintah iya nadai nungkunka api kena ngulitka iya, enda baka lebuh aki ini iya mati menya.\\n20 Jehoram berengkah nyadi raja lebuh umur iya tiga puluh dua taun, lalu iya merintah di Jerusalem lapan taun. Nadai orang ngulitka iya lebuh iya mati. Sida nguburka iya di Nengeri David, tang ukai ba lumbung bala raja.\\nRaja Ahasiah Menua Judah (2 Raja 8.25-29; 9.21-28)\\n1 Orang ke diau di Jerusalem lalu nyiri anak bunsu Jehoram ke benama Ahasiah nyadi raja; laban bala soldadu ke datai ngagai kem sama enggau orang Arab udah munuh semua anak iya ke tuai agi. Nya alai Ahasiah anak Jehoram dichiri nyadi raja menua Judah.\\n2 Ahasiah umur dua puluh dua taun lebuh iya berengkah nyadi raja; iya merintah setaun di Jerusalem. Indai iya Ataliah uchu Omri.\\n3 Ahasiah mega neladan ruang bilik Raja Ahap, laban indai iya Ataliah, ke nyadika penyanding iya, nguluka iya ngereja penyai.\\n4 Iya bedosa ngelaban TUHAN baka Raja Ahap, laban udah bekau pemati apai iya, orang ari ruang bilik Raja Ahap nyadika penyanding penemu iya, ke ngujungka iya dirusak.\\n5 Iya nitihka jaku lalau sida, lalu beserakup enggau Raja Jehoram anak Raja Ahap orang Israel, nyerang Raja Hasael menua Aram, betempuh enggau bala raja nya ba Ramot-giliat, lalu Joram bakal laban orang Aram lebuh perang nya.\\n6 Iya lalu pulai ngagai nengeri Jesril nganti bakal diri suman, lalu Ahasiah nemuai ngabas iya.\\n7 Tang Allah Taala udah ngeletak Ahasiah dibuai ngena penemuai iya ngagai Joram. Lebuh Ahasiah nemuai ngagai Joram, seduai iya betemu enggau Jehu anak Nimsi, ti udah dipilih TUHAN ngerusak ruang bilik Raja Ahap.\\n8 Lebuh Jehu benung bejalaika ukum Allah Taala ngagai peturun Ahap, iya betemu enggau seraban bala tuai orang Judah enggau bala anak menyadi Ahasiah ti udah sama nemuai enggau Ahasiah. Jehu munuh semua sida.\\n9 Jehu lalu begigaka Ahasiah, lalu nemu iya belalai di Samaria. Ahasiah lalu dibai ngagai Jehu lalu dibunuh. Tang sida nguburka bangkai iya, laban sida bebasaka aki iya Raja Jehosapat, ke udah enggau naka ulih betuaika TUHAN. Nadai siku sida Ahasiah sebilik agi tinggal megai perintah di menua nya.\\nKuin Ataliah Menua Judah (2 Raja 11.1-3)\\n10 Lebuh Ataliah, indai Raja Ahasiah ninga anak iya udah mati, iya lalu ngasuh semua sida raja orang Judah sebilik dibunuh magang.\\n11 Ahasiah bisi siku menyadi-tiri ti indu ke benama Jehoseba, ke jadi enggau siku imam ke benama Jehoiada. Indu nya, enggau chara belalai, ngidupka siku anak Ahasiah, ke benama Joas, nabanka iya ari bala menyadi iya ke baru deka dibunuh, lalu ngelalaika iya enggau siku orang ke ngibun iya ba bilik tinduk dalam Rumah Sembiang. Iya majak ngelalaika Joas, lalu Ataliah enda ulih munuh iya.\\n12 Joas dilalaika dia enam bulan, sekumbang Ataliah ke merintah nyadi kuin.\\nOrang Angkat Ngelaban Kuin Ataliah(2 Raja 11.4-16)\\n1 Lebuh Imam Jehoiada udah nganti enam taun, iya bepekat enggau lima iku pemesai soldadu, iya nya Asariah anak Jeroham, Ismail anak Jehohanan, Asariah anak Obet, Maseiah anak Adaiah, enggau Elisapat anak Sikri.\\n2 Sida bejalai ngagai semua nengeri di menua Judah, lalu mai enggau sida pulai ngagai Jerusalem orang Lewi enggau semua tuai peturun.\\n3 Semua sida lalu begempuru dalam Rumah Sembiang, lalu dia sida ngaga siti sempekat enggau Joas, anak lelaki raja. Ku Jehoiada bejaku enggau sida, “Tu anak lelaki raja. Iya diatu enda tau enda nyadi raja, laban TUHAN udah besemaya deka ngasuh peturun David nyadi raja.\\n4 Tu utai ti deka dikereja kitai. Lebuh bala imam enggau orang Lewi datai ngereja pengawa sida ba Hari Sabat, sida deka dibagi ngagai tiga bagi. Sebagi deka nyaga mua pintu Rumah Sembiang,\\n5 sebagi deka nyaga istana, lalu sebagi ti bukai deka nyaga ba mua Pintu Pemun. Lalu semua orang mayuh deka begempuru magang ba tengah laman Rumah Sembiang.\\n6 Nadai orang tau tama ngagai rumah ti dalam Rumah Sembiang, kelimpah ari bala imam enggau orang Lewi ke endang bekereja dia. Sida tau tama, laban sida udah dikuduska, tang orang bukai enda tau enda ngasika atur TUHAN, lalu diau di luar.\\n7 Orang Lewi enda tau enda bekelingika raja lalu nyandang pedang nyaga iya, sereta bejalai enggau raja ngagai sebarang endur iya bejalai. Barang sapa nguji tama ngagai Rumah Sembiang enda tau enda dibunuh.”\\n8 Orang Lewi enggau orang Judah lalu bejalaika atur Jehoiada. Orang ke ngetu gawa ba Hari Sabat, enda dikemendarka pulai ngagai rumah diri, ngambika bala tuai selalu bisi orang ke tau diasuh sida, iya nya sida ke datai mansang gawa enggau sida ke udah ngetu gawa.\\n9 Jehoiada meri ngagai bala pemesai soldadu sangkuh enggau terabai Raja David, ti udah disimpan dalam Rumah Sembiang.\\n10 Iya ngasuh orang ke bediri ngelingi mua Rumah Sembiang nyintak lalu nyandang pedang sida nyaga raja.\\n11 Udah nya Jehoiada nguluka Joas pansut, ngengkahka makota ba pala iya, lalu meri iya siti Bup Adat pasal tanggungjawap raja. Nya alai Joas dichiri nyadi raja. Imam Jehoiada enggau bala anak lelaki iya nata Joas, lalu semua orang manjung, “Gayu-guru meh raja!”\\n12 Lebuh Ataliah ninga orang mayuh manjung gaga ati ke raja, iya lalu beguai-guai mansang ngagai Rumah Sembiang, alai orang mayuh ke begempuru.\\n13 Dia iya lalu tepedaka raja ti baru nya ba penama ngagai Rumah Sembiang, bediri ngimbai tiang ti besai ti endang diungkupka bala raja, dikelingi bala pemesai soldadu enggau orang ke nyepu terumpit. Semua orang manjung magang gaga ati, sereta nyepu terumpit, diuluka orang ke nebah musik dalam Rumah Sembiang ngena pekekas musik sida. Ataliah lalu nyarikka gari diri lalu iya manjung, “Penipu! Penipu!”\\n14 Jehoiada enda nyagi Ataliah dibunuh ba kandang Rumah Sembiang, nya alai iya mesanka bala pemesai soldadu, lalu ku iya bejaku enggau sida, “Bai Ataliah pansut ensaraka rintai bala jejaga, lalu bunuh barang sapa nguji ngelepaska iya.”\\n15 Sida nangkap Ataliah, mai iya ngagai istana, lalu sida munuh iya dia ba Pintu Kuda.\\nImam Jehoiada Ngaga Atur Ti Baru (2 Raja 11.17-20)\\n16 Imam Jehoiada lalu ngasuh Raja Joas enggau orang mayuh enggau iya ngaga siti sempekat madahka diri deka nyadi nembiak TUHAN.\\n17 Udah nya semua sida lalu mansang ngagai rumah sembiang Baal, lalu ngeruntuhka rumah nya. Sida mechahka alta enggau engkeramba ti ba endur nya, lalu munuh Matan ti nyadi imam Baal, di mua alta.\\n18 Jehoiada lalu ngeletak bala imam enggau orang Lewi ngereja pengawa dalam Rumah Sembiang. Sida deka ngereja pengawa ti udah diletak Raja David, lalu nunu piring ti diberi ngagai TUHAN nitihka Adat Moses. Sida mega betanggungjawapka musik enggau ngatur pengerami.\\n19 Jehoiada mega ngasuh bala jejaga nyaga ba pintu Rumah Sembiang, kena nagang orang ke enda tuchi tama.\\n20 Bala pemesai soldadu, bala tuai bansa, bala pemesai perintah, enggau semua orang mayuh lalu sama bejalai enggau Jehoiada ngiring raja ari Rumah Sembiang ngagai istana. Sida tama nengah pintu besai, lalu raja nudukka diri ba kerusi diraja.\\n21 Semua orang mayuh gaga ati magang, lalu nengeri nya nadai agi pengachau, laban Ataliah udah dibunuh.\\nRaja Joas Menua Judah (2 Raja 12.1-16)\\n1 Joas berengkah nyadi raja menua Judah lebuh umur iya tujuh taun, lalu iya merintah di Jerusalem empat puluh taun. Indai iya Sibiah, ari nengeri Beer-seba.\\n2 Iya ngereja utai ti ngerinduka ati TUHAN, seagi-agi Imam Jehoiada mengkang idup.\\n3 Jehoiada milih dua iku indu nyadika bini Raja Joas, lalu bini Joas ke dua iku nya ngadaka anak lelaki enggau anak indu.\\n4 Lebuh Joas udah lama nyadi raja, iya bekira deka ngaduka Rumah Sembiang.\\n5 Iya bejaku enggau bala imam enggau orang Lewi ngasuh sida mansang ngagai semua nengeri di menua Judah, mupu duit ari semua orang mayuh chukup kena ngaduka Rumah Sembiang. Iya ngasuh sida berengkah gawa tekala nya. Tang orang Lewi ngerindang diri.\\n6 Nya alai iya mesanka Jehoiada ti nyadi tuai sida, lalu nanya, “Nama kebuah nuan nadai udah ngasuh orang Lewi mupu duit ari menua Judah enggau ari Jerusalem ti patut dibayar orang mayuh kena melanja Langkau Kain TUHAN nitihka atur Moses, ke nembiak TUHAN?”\\n7 (Bala orang ke nitihka Ataliah, indu ke jai nya, udah ngerusak Rumah Sembiang, lalu udah nyembah Baal ngena mayuh utai ti kudus dia.)\\n8 Raja lalu ngasuh orang Lewi ngaga siti peti alai nyimpan duit pupu, lalu ngengkahka peti nya ba mua pintu Rumah Sembiang.\\n9 Sida lalu ngirumka jaku gerah ngagai serata nengeri Jerusalem enggau menua Judah, ngasuh semua orang mai ngagai TUHAN duit pupu baka ke udah terubah digumpul Moses, ti nembiak TUHAN, di menua puang.\\n10 Orang mayuh enggau bala tuai sida gaga ati ninga jaku gerah nya, lalu sida mai duit pupu sida lalu ngisi peti nya.\\n11 Tiap hari orang Lewi mai peti nya ngagai pemesai raja ke betanggungjawapka utai nya. Lebuh peti nya penuh, kerani raja enggau pengari Imam Besai ngambi duit nya ari peti nya, lalu mulaika peti nya ngagai endur peti nya diengkah. Nya alai sida mupu mayuh amat duit.\\n12 Raja enggau Jehoiada meri duit nya ngagai orang ke nyadi tuai ngaduka Rumah Sembiang, lalu sida ngaji orang ke landik begagaka utai ari batu, tukang kayu, tukang tempa, ngambika sida ngaduka Rumah Sembiang.\\n13 Semua sida nya bebendar amat gawa, lalu sida ulih ngaduka Rumah Sembiang nya sebaka enggau gamal asal iya, sereta tegap.\\n14 Lebuh pengawa nya udah tembu, emas enggau pirak ti laluh lalu diberi ngagai raja enggau ngagai Imam Jehoiada. Seduai iya lalu ngasuh orang ngena emas enggau pirak ti laluh nya begagaka mangkuk enggau pekekas bukai ke Rumah Sembiang.\\nAtur Jehoiada Enda Dikena Agi\\nLebuh Jehoiada agi idup, piring endang seruran diberi ba Rumah Sembiang.\\n15 Lebuh umur iya manggai seratus tiga puluh taun, iya mati.\\n16 Sida nguburka iya ba lumbung bala raja di Nengeri David kena sida ngingatka pemanah pengawa ti udah dikereja iya ke orang Israel, ke Allah Taala, enggau ke Rumah Sembiang.\\n17 Tang lebuh Jehoiada udah mati, bala tuai orang Judah mujuk Raja Joas mendingka sida.\\n18 Nya alai orang mayuh badu agi nyembah dalam Rumah TUHAN Allah Taala aki ini sida, lalu sida belabuh nyembah engkeramba, enggau anak patung petara indu Aserah. TUHAN lalu ringat ngagai menua Judah enggau Jerusalem.\\n19 TUHAN ngasuh bala nabi meri jaku tangkan ngagai sida, ngasuh sida pulai baru ngagai Iya, tang orang mayuh enggai mending.\\n20 Udah nya Roh Allah Taala lalu bekuasa ba Sekariah anak Imam Jehoiada. Iya bediri ba endur alai iya ulih dipeda orang mayuh, lalu bejaku enggau nyawa ti inggar, “TUHAN Allah Taala nanyaka kebuah kita enda agi ngasika pesan Iya, lalu ngasuh diri ditinggang penusah ti besai tu! Laban kita udah ninggalka Iya, nya alai Iya ninggalka kita!”\\n21 Orang mayuh lalu bepekat ngelaban Sekariah ari asuh raja. Sida nuku iya ngena batu ba tengah laman Rumah Sembiang.\\n22 Raja Joas enda ingatka pemanah Jehoiada, apai Sekariah, enggau iya, lalu iya ngasuh orang munuh Sekariah. Lebuh Sekariah nyau deka ngapuska seput, iya ngangau, “Awakka TUHAN meda lalu malas!”\\nPengujung Perintah Joas\\n23 Ba pun musin chelap taun nya, bala soldadu orang Siria nyerang menua Judah enggau Jerusalem, munuh semua tuai bansa, lalu nabanka mayuh amat perapasan ngagai Damaskus.\\n24 Bala soldadu orang Siria enda mayuh, tang TUHAN nejuka sida ngalahka bala soldadu orang Judah ke mayuh agi ari sida, laban orang Judah udah ninggalka TUHAN Allah Taala aki ini sida. Nya meh chara Raja Joas diukum.\\n25 Iya balat amat bakal, lalu lebuh bala munsuh pulai, dua iku pemesai iya bepekat ngelaban iya, lalu munuh iya lebuh iya gali ba katil, laban iya udah munuh anak Imam Jehoiada. Joas dikuburka di nengeri David, tang ukai ba lumbung bala raja.\\n26 (Orang ke bepekat ngelaban Joas nya Sabat anak Sime-at, orang Amon, enggau Jehosabat anak Simrit orang bansa Moap.)\\n27 Cherita pasal bala anak lelaki Joas, jaku ti benabi ti disebut ngelaban iya, enggau cherita pasal chara iya ke ngaduka Rumah Sembiang, bisi dituliska magang dalam Jaku Kenang Pasal Bup Raja. Anak iya ke benama Amasiah nganti iya nyadi raja.\\nRaja Amasiah Menua Judah (2 Raja 14.2-6)\\n1 Amasiah berengkah nyadi raja lebuh umur iya dua puluh lima taun, lalu iya merintah di Jerusalem dua puluh semilan taun. Indai iya Jeho-adin datai ari Jerusalem.\\n2 Iya ngereja utai ti ngerinduka ati TUHAN, tang enggau ati ti lembau.\\n3 Lebuh iya udah negapka perintah iya, iya lalu munuh bala pemesai ti udah munuh apai iya.\\n4 Tang iya enda munuh bala anak orang nya, laban iya nitihka pesan TUHAN dalam Adat Moses: “Apai indai enda tau dibunuh ketegal penyalah anak sida, lalu anak enda tau dibunuh ketegal penyalah apai indai sida. Orang semina tau dibunuh ketegal penyalah sida empu.”\\n5 Udah nya Raja Amasiah ngempuruka semua lelaki ari raban bansa Judah enggau Benjamin nyadi soldadu nitihka raban peturun sida, lalu ngeletak pemesai nyadi tuai ke raban seribu iku enggau raban seratus iku sida. Iya ngempuruka 300,000 iku lelaki ke umur dua puluh taun ke atas, orang ke tau enggau beperang, ke sikar bekenaka sangkuh enggau terabai.\\n6 Nambahka nya, iya mega ngaji 100,000 soldadu ari menua Israel, ngena ungkus kira empat tan pirak.\\n7 Tang siku nabi mansang ngagai Raja Amasiah, lalu bejaku enggau iya, “Anang mai bala soldadu orang Israel tu enggau nuan, laban TUHAN nadai enggau orang ke datai ari perintah ti di utara.\\n8 Enti nuan ngumbai diri kering beperang ngena chara tu, Allah Taala deka ngasuh nuan alah laban munsuh; laban Allah Taala bisi kuasa nulung tauka ngalah.”\\n9 Amasiah lalu nanya ngagai nabi nya, “Tang kati ku semua pirak ti udah dibayar kena aku ngaji sida?”\\nKu nabi nya nyaut, “TUHAN ulih meri nuan mayuh agi pirak ari nya!”\\n10 Amasiah lalu ngasuh bala soldadu ke digaji nya pulai ngagai menua sida empu. Bala soldadu nya lalu pulai, balat amat ringat ngagai orang Judah.\\n11 Enggau ati ti berani Amasiah nguluka bala soldadu iya ngagai Lebak Garam. Dia sida ngelaban lalu munuh sepuluh ribu iku soldadu orang Edom.\\n12 Orang Judah nangkap sepuluh ribu iku ti bukai, lalu mai orang tangkap nya ngagai pala tingkah batu di nengeri Sela, lalu muai sida ke baruh. Semua sida redak magang.\\n13 Tang bala soldadu orang Israel ti enda disagi Amasiah mansang enggau iya beperang, lalu nyerang nengeri orang Judah entara Samaria enggau Bet-horon, munuh tiga ribu iku lelaki dalam nengeri nya, lalu ngerampas mayuh amat perapasan.\\n14 Lebuh Amasiah pulai udah bekau iya ti ngalahka orang Edom, iya mai engkeramba sida, nirika engkeramba nya, nyembah lalu meri piring ngagai engkeramba nya.\\n15 Nya alai TUHAN ringat ngagai Amasiah, lalu ngasuh siku nabi mansang ngagai Amasiah. Nabi nya lalu nanya, “Nama kebuah nuan nyembah petara orang bansa bukai ke enda ulih ngelepaska sida empu ari kuasa nuan?”\\n16 Tang lebuh nabi nya agi benung bejaku, Amasiah lalu ngelampat jaku iya, ku iya, “Kemaya nuan udah diasuh nyadi penyanding penemu ke raja? Badu agi nuan bejaku, enggai ke aku ngasuh orang munuh nuan!”\\nNabi nya lalu badu agi bejaku. Tang sebedau iya badu bejaku, iya sempat nyebut, “Aku nemu Allah Taala udah mutuska runding deka ngerusak nuan laban nuan udah ngereja semua utai tu, lalu enda mendingka jaku lalau aku.”\\nPerang Ngelaban Orang Israel (2 Raja 14.8-20)\\n17 Udah nya Raja Amasiah enggau bala pemesai iya baum lalu ngirumka pesan ngagai Raja Jehoas anak Jehoahas, uchu Jehu menua Israel, nyakap iya lalu mai iya belaban.\\n18 Jehoas ngirumka saut ngagai Amasiah raja menua Judah: “Nyadi sekali madang duri di Bukit Lebanon ngirumka pesan ngagai kayu sidar: ‘Awakka anak indu nuan jadi enggau anak lelaki aku.’ Siku jelu babas mansa, lalu ngindik madang duri nya.\\n19 Nuan Amasiah temegah madahka diri udah ngalahka orang Edom, tang aku ngelalau nuan, anang mindah ari rumah. Nama kebuah ngaga pengachau ti semina deka ngenusahka nuan enggau bala nembiak nuan?”\\n20 Tang Amasiah enggai mending ari asuh Allah Taala, ngambika sida alah laban munsuh sida, laban sida udah nyembah engkeramba orang Edom.\\n21 Nya alai Jehoas, raja menua Israel nyerang Amasiah, raja menua Judah. Sida besatup ba Bet-semes di menua Judah.\\n22 Soldadu orang Judah alah laban bala orang Israel, lalu bala soldadu sida rari ngagai rumah diri empu.\\n23 Jehoas raja menua Israel nangkap Amasiah raja menua Judah, lalu mai iya ngagai Jerusalem. Dia Raja Jehoas lalu ngeruntuhka kuta nengeri nya sepemanjai 200 meter, berengkah ari Pintu Epraim nyentuk ngagai Pintu Sukut.\\n24 Iya mai ngagai Samaria nyadika perapasan iya semua emas enggau pirak ti dalam Rumah Sembiang, pekekas ti dikena dalam Rumah Sembiang ti dijaga bala peturun Obet-edom, enggau reta tengkira ti dalam istana. Iya mega mai orang tangkap.\\n25 Raja Amasiah mengkang idup lima belas taun udah bekau pemati Raja Jehoas menua Israel.\\n26 Semua utai bukai ti udah dikereja Amasiah ari pun ngagai pengujung perintah iya bisi dituliska magang dalam Jerita Lama Pasal Raja Menua Judah Enggau Raja Menua Israel.\\n27 Kenyau ari maya iya ninggalka TUHAN, orang udah bepekat ngelaban iya di Jerusalem. Iya lalu rari ngagai nengeri Lakis, tang sida nitihka iya ngagai nengeri nya, lalu munuh iya dia.\\n28 Bangkai iya ditepanka ba kuda lalu dibai ngagai Jerusalem, lalu iya dikuburka ba lumbung bala raja di Nengeri David.\\nRaja Usiah Menua Judah(2 Raja 14.21-22; 15.1-7)\\n1 Semua orang Judah milih anak lelaki Amasiah ke benama Usiah, ke umur enam belas taun, nganti apai iya nyadi raja. (\\n2 Udah bekau pemati Amasiah, Usiah ngalah lalu nirika nengeri Elat lalu mulaika nengeri nya ngagai Judah.)\\n3 Usiah nyadi raja lebuh umur iya enam belas taun, lalu iya merintah di Jerusalem lima puluh dua taun. Indai iya Jekoliah, ari Jerusalem.\\n4 Iya ngereja utai ti ngerinduka ati TUHAN, neladan apai iya.\\n5 Sekumbang Sekariah, ti nyadi penyanding penemu iya, agi idup, Usiah betuaika TUHAN enggau ati ti tetap, lalu Allah Taala merekatka iya.\\n6 Usiah nyerang orang Pilistin. Iya ngeruntuhka kuta nengeri Gat, Jabnil, enggau Asdot, lalu iya nirika nengeri ti bekuta semak Asdot, enggau ba endur bukai di menua Pilistin.\\n7 Allah Taala nulung iya ngalahka orang Pilistin, orang Arab ti diau di Gurbaal, enggau orang Meun.\\n8 Orang Amon mayar chukai ngagai Usiah, lalu kuasa iya amat besai datai ke berita pasal iya nyau ngelekai nyentuk ngagai menua Ejip.\\n9 Kena negapka kuta nengeri Jerusalem, Usiah ngaga menara ba Pintu Sukut, Pintu Lebak, enggau ba sukut kuta nya.\\n10 Iya mega ngaga menara ti bekuta di menua pesisir, lalu numbak berapa buah telaga, laban iya nupi mayuh amat jelu ba kaki bukit di barat enggau ba emperan. Iya rinduka pengawa umai, nya alai iya meransang orang Judah bekebun anggur ba menua ti bebukit, lalu bumai tanah ti ami.\\n11 Bala soldadu iya mayuh, lalu sida endang seruran sedia deka beperang. Cherita pasal utai ti dikereja bala soldadu iya dituliska magang ulih kerani iya Jeiel seduai Maseiah ari baruh Hananiah, siku ari orang ke bekereja ke raja.\\n12 Bala soldadu raja diuluka 2,600 iku bala pemesai.\\n13 Sida pemesai tu nguluka 307,500 iku soldadu ke ulih ngelaban munsuh ngarika raja.\\n14 Usiah meri ngagai bala soldadu iya terabai, sangkuh, selapuk kebal, baju kebal, panah enggau laja, enggau batu ti deka ditimbakka ngena pangwang.\\n15 Orang ke diasuh iya begagaka utai di Jerusalem, ngaga semacham pekekas kena nimbakka laja, enggau kena nimbakka batu ari menara enggau ari sukut kuta nengeri. Berita pasal iya ngelekai ngagai semua endur, lalu iya nyadi orang ke besai kuasa ari tulung Allah Taala.\\nUsiah Diukum Ketegal Penyumbung Iya\\n16 Tang lebuh Usiah nyau udah kering, iya sumbung. Penyumbung iya ngujungka iya dibuai. Iya enda ngasika TUHAN Allah Taala iya laban iya mansang ngagai Rumah Sembiang lalu nunu menyan ba alta ti alai nunu menyan.\\n17 Imam Asariah, disempulang lapan puluh iku imam ke kering sereta berani, lalu nitihka raja\\n18 deka nagang iya. Ku sida, “Usiah! Nuan nadai hak nunu menyan ke TUHAN. Semina imam ke ari peturun Aron aja, ti udah dikuduska, tau ngereja pengawa nya. Angkat nuan ari tu. TUHAN Allah Taala udah ringat ngagai nuan, lalu Iya enggai agi merekatka nuan.”\\n19 Usiah lalu ringat. bediri tegir-tegir dia dalam Rumah Sembiang, ngimbai alta ti alai nunu menyan, megai utai ti dikena nunu menyan. Iya lalu ringat ngagai bala imam. Tekala nya penyakit kulit ti tau ngerampit lalu pegari ba kening iya.\\n20 Asariah enggau sida imam ti bukai lalu genung-genung merening meda kening raja. Udah nya sida lalu mejalka iya angkat ari Rumah Sembiang. Iya lalu beguai-guai pansut, laban TUHAN udah ngukum iya.\\n21 Kenyau ari nya, nyentuk ngagai pemati iya, iya nyadi orang ke enda tuchi ketegal penyakit nya. Iya nadai agi tau tama ngagai Rumah Sembiang. Iya diau dalam rumah iya empu. Semua kuasa iya dirampas ari iya, lalu iya diganti anak iya ke benama Jotam megai perintah di menua nya.\\n22 Nabi Isaiah anak Amos bisi nuliska semua utai bukai ti udah dikereja Raja Usiah lebuh maya Usiah megai perintah.\\n23 Usiah mati lalu dikuburka ba tanah kubur bala raja, tang laban iya ngidapka penyakit kulit, iya enda dikuburka ba lumbung bala raja empu. Anak iya Jotam nganti iya nyadi raja.\\nRaja Jotam Menua Judah (2 Raja 15.32-38)\\n1 Jotam nyadi raja lebuh umur iya dua puluh lima taun, lalu iya merintah di Jerusalem enam belas taun. Indai iya Jerusah anak Sadok.\\n2 Iya ngereja utai ti ngerinduka ati TUHAN, baka apai iya. Tang iya enda bedosa betunuka menyan dalam Rumah Sembiang baka apai iya. Tang orang mayuh majak bedosa.\\n3 Jotam nya meh orang ke ngaga Pintu Utara ke Rumah Sembiang, lalu iya mega ngaduka kuta di Jerusalem ba endur ti dikumbai Opel.\\n4 Iya ngaga mayuh bengkah nengeri di menua ti bebukit di menua Judah. Lalu iya begagaka kuta enggau menara.\\n5 Iya ngelaban raja menua Amon enggau bala soldadu raja nya, lalu ngalahka sida. Udah nya iya mejalka orang Amon mayar chukai genap taun dalam tiga taun, ngagai iya baka tu: 3,400 kilogram pirak, 1,000 tan gandum, enggau 1,000 tan barli.\\n6 Jotam bekuasa laban iya tetap ati ngasika TUHAN Allah Taala iya.\\n7 Utai bukai ti nyadi lebuh Jotam megai perintah, perang enggau polisi iya, bisi dituliska magang dalam Jerita Lama Pasal Raja Menua Israel enggau Menua Judah.\\n8 Umur Jotam dua puluh lima taun lebuh iya berengkah nyadi raja, lalu iya merintah di Jerusalem enam belas taun.\\n9 Iya mati lalu dikuburka di nengeri David, lalu anak lelaki iya Ahas nganti iya nyadi raja.\\nRaja Ahas Menua Judah (2 Raja 16.1-4)\\n1 Ahas nyadi raja lebuh umur iya dua puluh taun, lalu iya merintah di Jerusalem enam belas taun. Iya enda neladan pemanah pengawa aki iya Raja David, tang ngereja utai ti enda ngerinduka ati TUHAN\\n2 lalu neladan sida raja menua Israel. Iya ngasuh orang ngaga engkeramba Baal ari besi,\\n3 betunuka menyan ba Lebak Hinom. Indah anak lelaki iya empu deh diserahka iya nyadika piring tunu ngagai engkeramba nya, nunda utai ti jai ti udah dikereja orang ke udah diburu TUHAN ari menua nya lebuh orang Israel nyerang.\\n4 Ahas ngenjuk piring sereta nunu menyan ba genap iti endur alai orang kapir nyembah petara sida, ba sebelah bukit enggau ba endur ti lindung di baruh kayu.\\nPerang Ngelaban Orang Siria Enggau Orang Israel (2 Raja 16.5)\\n5-6 Laban Raja Ahas bedosa, nya alai TUHAN Allah Taala iya nejuka raja menua Siria ngalahka iya, lalu nabanka mayuh orang Judah ngagai Damaskus nyadi orang tangkap. TUHAN mega nejuka Pekah anak Remaliah, raja menua Israel ngalahka Ahas, lalu dalam sehari aja munuh 120,000 soldadu orang Judah ke pemadu berani. TUHAN Allah Taala aki ini sida, ke ngemendarka utai tu nyadi, laban orang Judah udah ninggalka Iya.\\n7 Siku soldadu orang Israel ke benama Sikri munuh anak lelaki Raja Ahas ke benama Maseiah, ke ngemataka pekara dalam istana, enggau Elkanah, ti nyadi lumur dua raja.\\n8 Taja pen orang Judah nya raban bansa sida empu, orang Israel nangkap 200,000 iku indu enggau bala nembiak nyadi orang tangkap, enggau mayuh amat perapasan lalu mai semua utai nya ngagai Samaria.\\n9 Siku nabi TUHAN ke benama Odet bisi diau di nengeri Samaria. Iya betemu enggau bala soldadu orang Israel ke baru pulai beperang lalu baru deka tama ngagai nengeri, mai orang Judah ke ditangkap sida. Ku nabi nya bejaku, “TUHAN Allah Taala aki ini kita ringat ngagai orang Judah, lalu nejuka kita ngalahka sida, tang diatu Iya udah ninga pasal pemalat kita udah bebunuhka sida.\\n10 Nyadi diatu kita deka ngaga bala lelaki enggau indu orang Jerusalem enggau Judah nyadi ulun kita. Kati kita enda nemu diri udah mega bedosa ngelaban TUHAN Allah Taala kita?\\n11 Pendingka aku! Orang tangkap tu sida menyadi lelaki enggau menyadi indu kita. Lepaska sida, enggai ke TUHAN ringat lalu ngukum kita.”\\n12 Empat iku tuai ari perintah ti di utara, Asariah anak Jehohanan, Berekiah anak Mesilemot, Jehiskiah anak Salum, enggau Amasa anak Hadlai, mega enda besetuju enggau utai ti udah dikereja bala soldadu.\\n13 Ku sida, “Anang mai orang tangkap tu kitu! Kitai udah bedosa ngelaban TUHAN, lalu udah ngasuh Iya udah chukup ringat, datai ke Iya nyau deka ngukum kitai. Lalu diatu kita deka ngereja utai kena nambahka penyalah kitai.”\\n14 Nya alai bala soldadu lalu nyerahka orang tangkap enggau perapasan sida ngagai orang mayuh enggau ngagai tuai sida,\\n15 lalu orang ke empat iku nya diletak meri gari ari perapasan nya ngagai orang tangkap nya. Sida lalu meri sida gari enggau kasut, pemakai ti chukup, lalu ngunsut abi telih sida ngena minyak kana. Sida ke kelalu lembut tulang, sereta enda ulih bejalai, lalu ditepanka sida ba keledai, lalu semua orang tangkap nya dianjung pulai ngagai Jeriko di menua Judah, alai ti mayuh kayu engkerema. Udah nya orang Israel lalu pulai ngagai Samaria.\\nAhas Minta Tulung Orang Asiria (2 Raja 16.7-9)\\n16-17 Orang Edom belabuh nyerang menua Judah baru, lalu bulih mayuh amat orang tangkap. Nya alai Raja Ahas minta Tiglat Pileser, raja menua Asiria, nulung iya.\\n18 Lebuh maya nya orang Pilistin benung nyerang nengeri di menua ti ba kaki bukit di barat enggau di selatan menua Judah. Sida ngalahka nengeri Bet-semes, Aijalon, enggau Gederot, enggau nengeri Soko, Timnah, enggau Gimso, enggau genturung pendiau ti ngelingi nengeri nya, lalu ngentapka diri dia.\\n19 Laban Raja Ahas menua Judah enda bebasaka hak bala nembiak iya, lalu enda ngasika TUHAN, TUHAN ngasuh penusah ninggang menua Judah.\\n20 Raja besai menua Asiria enda nulung iya, tang ngelaban iya, lalu ngenusahka iya.\\n21 Nya alai Ahas ngambi emas ari Rumah Sembiang, ari istana, enggau ari rumah bala tuai bansa, lalu meri emas nya ngagai raja menua Asiria. Tang raja nya mengkang enggai nulung iya.\\n22 Makin balat agi penusah ninggang iya, makin balat agi ga iya bedosa ngelaban TUHAN.\\n23 Iya ngenjuk piring ngagai petara orang Siria ti udah ngalahka iya. Ku iya, “Bala petara orang Siria udah nulung raja menua Siria. Nya alai, enti aku ngenjuk piring ngagai bala petara nya, kada enda sida deka mega nulung aku.” Utai tu ngasuh penusah ti besai ninggang iya enggau bansa iya empu.\\n24 Nambahka nya, iya ngambi semua pekekas dalam Rumah Sembiang, lalu mechahka utai nya. Iya nutup Rumah Sembiang, lalu ngaga alta ba genap bengkah endur di Jerusalem.\\n25 Iya ngaga endur alai orang kapir nyembah petara sida, alai sida betunuka menyan ke petara sida dalam semua nengeri ti besai enggau nengeri ti mit. Nya meh jalai iya ngasuh TUHAN Allah Taala aki ini iya, ringat ngagai iya.\\n26 Semua utai ti udah nyadi lebuh iya megai perintah, kenyau ari pun nyentuk ke ujung, bisi dituliska magang dalam Jerita Lama Pasal Raja Menua Judah Enggau Menua Israel.\\n27 Raja Ahas mati lalu dikuburka di Jerusalem, tang ukai ba lumbung bala raja. Iya lalu diganti anak lelaki iya Hesekiah nyadi raja.\\nRaja Hesekiah Menua Judah (2 Raja 18.1-3)\\n1 Hesekiah nyadi raja menua Judah lebuh umur iya dua puluh lima taun, lalu iya merintah di Jerusalem dua puluh semilan taun. Indai iya Abijah anak Sekariah.\\n2 Iya ngereja utai ti ngerinduka ati TUHAN, neladan aki iya Raja David.\\nNuchi Rumah Sembiang\\n3 Dalam bulan ti kesatu taun Hesekiah berengkah nyadi raja, iya muka semua pintu Rumah Sembiang, lalu ngasuh pintu nya diaduka baru.\\n4 Iya ngempuruka bala imam enggau orang Lewi ba tengah laman timur Rumah Sembiang\\n5 lalu bejaku ngagai sida dia. Ku iya, “Kita orang Lewi enda tau enda nguduska diri, lalu nuchi Rumah Sembiang TUHAN Allah Taala aki ini kita. Buai ari Rumah Sembiang nya semua utai ti ngamahka iya.\\n6 Sida aki ini kitai udah enda tetap ati ngagai TUHAN Allah Taala kitai, lalu udah ngereja utai ti nyungkak TUHAN ringat. Sida udah ninggalka Iya, lalu nguingka belakang sida ngagai endur alai Iya diau.\\n7 Sida udah nikupka pintu Rumah Sembiang, nejuka lampu padam, lalu enda nunu menyan tauka ngenjuk piring tunu dalam Rumah Sembiang Allah Taala ke disembah orang Israel.\\n8 Nya kebuah TUHAN ringat ngagai menua Judah enggau Jerusalem, lalu utai ti udah dikereja Iya ngagai sida udah ngasuh semua orang tekenyit ati sereta takut. Kita empu nemu nya.\\n9 Bala apai kitai udah mati beperang, lalu bala bini enggau bala anak kitai udah ditabanka munsuh nyadi orang tangkap.\\n10 “Diatu aku udah mutuska runding deka ngaga siti sempekat enggau TUHAN Allah Taala ke disembah orang Israel, ngambika Iya enda agi ringat ngagai kitai.\\n11 Anak, anang masau jam. Kita tu orang ke udah dipilih TUHAN nunu menyan ke Iya, sereta nguluka orang mayuh nyembah Iya.”\\n12-14 Tu nama orang Lewi ke bisi dia:\\nAri raban peturun Kohat: Mahat anak Amasai, enggau Joel anak Asariah\\nAri raban peturun Merari: Kis anak Abdi, enggau Asariah anak Jehalelel\\nAri raban peturun Gerson: Joah anak Simah, enggau Eden anak Joah\\nAri raban peturun Elisapan: Simri seduai Jeuel\\nAri raban peturun Asap: Sekariah seduai Mataniah\\nAri raban peturun Heman: Jehuel seduai Simei\\nAri raban peturun Jedutun: Semaiah seduai Usiel\\n15 Bala sida tu lalu ngempuruka bala orang Lewi ti bukai, lalu semua sida bela nuchi diri magang. Udah nya, nitihka atur ti diberi Raja Hesekiah ngagai sida, sida lalu belabuh nuchi Rumah Sembiang, nitihka Adat TUHAN.\\n16 Bala imam tama ngagai Rumah Sembiang, deka nuchi rumah nya, lalu sida muai semua utai ti enda tuchi ngagai tengah laman Rumah Sembiang. Ari nya bala orang Lewi lalu mai semua utai nya pansut ari nengeri ngagai Lebak Kidron.\\n17 Pengawa nuchi Rumah Sembiang berengkah kena satu hari bulan ti kesatu, lalu kena lapan hari bulan nya, semua pengawa nya tembu magang dikereja, nyentuk ngagai bilik penama ti nuju ngagai Rumah Sembiang. Udah nya sida bekereja lapan hari da agi, nyentuk ngagai enam belas hari bulan nya, nyendiaka Rumah Sembiang alai besembiang.\\nRumah Sembiang Diserahka Baru Ngagai Allah Taala\\n18 Orang Lewi lalu madahka ngagai Raja Hesekiah: “Kami udah tembu nuchi Rumah Sembiang, nyengkaum alta alai nunu piring, mija alai engkah roti ti kudus, enggau semua pekekas utai nya.\\n19 Kami udah mega mai pulai baru semua pekekas ti udah diambi Raja Ahas sekumbang iya ti enda tetap ati ngagai Allah Taala, lalu kami udah nyerahka utai nya baru ngagai TUHAN. Semua utai nya bisi di mua alta TUHAN magang.”\\n20 Raja Hesekiah lalu beguai-guai ngempuruka bala tuai nengeri, lalu semua sida sama mansang ngagai Rumah Sembiang.\\n21 Sida mai tujuh iku sapi ti lelaki, tujuh iku jelu bedus, tujuh iku anak domba, enggau tujuh iku kambin nyadika piring pengampun dosa sida raja sebilik, enggau dosa orang Judah, enggau kena nuchi Rumah Sembiang. Raja lalu ngasuh bala imam, ke ari peturun Aron, meri jelu nya nyadika piring ba alta.\\n22 Bala imam munuh sapi ti lelaki dulu, udah nya bedus, lalu udah nya anak domba, lalu sida ngunsaika darah siku-siku jelu nya ba alta nya.\\n23 Ke pengujung iya sida lalu mai kambin ngagai raja, enggau ngagai orang bukai ke besembiang dia, lalu semua sida bela ngengkahka jari sida ba kambin nya.\\n24 Udah nya bala imam lalu munuh kambin nya, lalu nuang darah jelu nya ba alta nyadika genselan kena muai dosa semua orang mayuh, laban raja udah ngasuh piring tunu enggau piring pengampun dosa, digagaka semua orang Israel.\\n25 Raja nitihka atur ti udah diberi TUHAN ngagai Raja David ngena Gat, ti nyadi nabi raja, enggau ngena nabi Natan. Iya ngasuh orang Lewi bepalan ba Rumah Sembiang, mai belikan enggau bebendai,\\n26 iya nya pekekas baka ke udah dikena Raja David. Bala imam mega bediri dia mai terumpit.\\n27 Hesekiah lalu ngasuh piring tunu nya dienjuk ba alta. Lalu lebuh pengawa nya berengkah, orang mayuh lalu belagu muji TUHAN, lalu bala orang ke nebah musik belabuh nebah terumpit enggau semua perengka musik ti bukai.\\n28 Semua orang ke bisi dia bela enggau nyembah TUHAN magang, lalu pengawa belagu enggau nebah musik dikereja enda ngetu-ngetu datai ke semua piring nya udah ditunu magang.\\n29 Udah nya Raja Hesekiah enggau semua orang mayuh besugang, lalu nyembah Allah Taala.\\n30 Raja enggau bala tuai bansa lalu ngasuh orang Lewi belagu ke TUHAN ngena lagu puji ti udah ditulis David enggau lagu ti udah ditulis nabi Asap. Semua orang lalu belagu magang enggau ati ti gaga, lebuh sida besugang nyembah Allah Taala.\\n31 Hesekiah lalu bejaku enggau orang mayuh, “Kita diatu udah nyerahka diri ngagai TUHAN, nya alai bai piring terima kasih kita ngagai TUHAN.” Sida lalu ngereja nya. Sekeda sida mega ngatika diri mai jelu nyadika piring tunu.\\n32 Sida mai tujuh puluh iku sapi ti lelaki, seratus iku jelu bedus, enggau dua ratus iku anak domba nyadika piring tunu ngagai TUHAN.\\n33 Sida mega mai enam ratus iku sapi ti lelaki, enggau tiga ribu iku jelu bedus nyadi piring ke diempa bala mayuh.\\n34 Tang bala imam ti munuh jelu nya enda chukup tubuh niti kulit semua jelu nya, nya alai orang Lewi nulung sida, datai ke pengawa nya tembu. Laban ba urung maya nya mayuh agi bala imam udah nuchi diri. (Orang Lewi lebih agi tetap ati ngintu diri tuchi ari bala sida imam.)\\n35 Nambahka piring tunu segala, bala sida imam mega betanggungjawap betunuka lemak ti udah diberi ari piring ti diempa orang mayuh, sereta betanggungjawap nuang wain ti diberi sama enggau piring tunu. Nya meh jalai pengawa nyembah TUHAN dalam Rumah Sembiang nyau dikereja baru.\\n36 Raja Hesekiah enggau orang mayuh bela gaga ati magang, laban Allah Taala udah nulung sida ngereja semua utai nya enggau jampat.\\nNyendiaka Gawai Paska\\n1-3 Orang mayuh enda ulih ngintu Gawai Paska ba maya ti patut dalam bulan ti kesatu, laban sida nadai chukup imam ti udah nuchi diri, enggau laban orang apin mayuh begempuru di Jerusalem. Nya alai Raja Hesekiah, bala pemesai iya, enggau orang ke diau di Jerusalem besetuju deka ngintu Gawai nya dalam bulan ti kedua. Raja Hesekiah lalu ngirumka jaku gerah ngagai semua orang Israel enggau orang Judah. Enggau naka penyimat, iya ngirumka surat ngagai raban bansa Epraim enggau raban bansa Manasi, minta sida datai ngagai Rumah Sembiang di Jerusalem ngintu Gawai Paska kena ngemesaika TUHAN Allah Taala ke disembah orang Israel.\\n4 Raja enggau orang mayuh gaga ati ke pelan nya,\\n5 nya alai sida mesanka semua orang Israel, kenyau ari Dan di utara nyentuk ngagai Beer-seba di selatan, minta sida begempuru di Jerusalem mayuh agi ari ti udah, lalu ngintu Gawai Paska nitihka Adat.\\n6 Bala orang ke mai pesan mupuk, nitihka jaku raja enggau bala pemesai iya, lalu bejalai ngagai serata menua Judah enggau menua Israel, mai pesan tu:\\n“Orang Israel, kita udah mujur nan di menua tu lebuh orang Asiria nyerang. Nya alai pulai meh kita baru diatu ngagai TUHAN Allah Taala ke disembah Abraham, Isak, enggau Jakop, ngambika TUHAN pulai baru ngagai kita.\\n7 Anang baka aki ini kita enggau baka kaban belayan kita orang Israel ti enda tetap ati ngagai TUHAN Allah Taala sida. Kita empu nemu, TUHAN udah balat amat ngukum sida.\\n8 Anang kieh ati baka sida, tang ngasika TUHAN. Datai ngagai Rumah Sembiang di Jerusalem, ti udah dituchi TUHAN Allah Taala kita belama iya, lalu sembah TUHAN ngambika Iya enda agi ringat ngagai kita.\\n9 Enti kita pulai baru ngagai TUHAN, nya baru orang ke udah nabanka kaban belayan kita nyadi orang tangkap deka sinu ati ke sida, lalu nejuka sida pulai baru ngagai menua diri. TUHAN Allah Taala kita siru sereta kasih, lalu enti kita pulai baru ngagai Iya, Iya deka nerima kita.”\\n10 Bala orang ke mai pesan nya bejalai ngagai semua nengeri di menua Epraim enggau Manasi, enggau ngagai menua ti di utara nyentuk ngagai raban bansa Sebulun, tang orang mayuh ketawa sereta beduan sida.\\n11 Tang taja pia, sekeda orang ari raban bansa Aser, Manasi, enggau Sebulun bisi ati deka datai ngagai Jerusalem.\\n12 Allah Taala mega bekereja di menua Judah, lalu ngempung orang mayuh lalu ngasuh sida mutus ati ngasika peneka Iya, lebuh sida nitihka atur raja enggau bala pemesai iya.\\nGawai Paska Diintu\\n13 Dalam bulan ti kedua mayuh amat orang begempuru di Jerusalem ngerami Gawai Roti Ti Enda Beragi.\\n14 Sida ngeruntuhka semua alta di Jerusalem ti udah alai orang ngenjuk piring enggau betunuka menyan, lalu muai utai nya ngagai Lebak Kidron.\\n15 Lalu kena empat belas hari bulan nya, sida nyayat anak domba nyadika piring Gawai Paska. Bala imam enggau orang Lewi ti enda tuchi, nyau berasai malu ke diri empu, datai ke sida nyau nyerahka diri ngagai TUHAN lalu ulih ngenjuk piring tunu dalam Rumah Sembiang.\\n16 Sida ngambi endur diri dalam Rumah Sembiang nitihka atur dalam Adat nabi Moses. Orang Lewi meri darah ari piring ngagai bala imam, ke lalu ngunsaika darah nya ngagai alta.\\n17 Nyadi laban orang agi mayuh apin nuchi diri, sida enda tau nyayat anak domba ke Gawai Paska nya. Nya alai bala orang Lewi ngereja pengawa nya ke sida, lalu nyerahka anak domba nya ngagai TUHAN.\\n18 Nambahka nya, mayuh orang ke udah datai ari raban bansa Epraim, Manasi, Isakar, enggau Sebulun apin nuchi diri, lalu sida ngintu Gawai nya enggau chara ti enda menyana. Raja Hesekiah besampika sida munyi tu:\\n19 “O TUHAN Allah Taala aki ini kami, enggau pemanah ati Nuan ampun meh orang ke nyembah Nuan enggau pengabis ati sida, taja pen sida enda tuchi.”\\n20 TUHAN nyaut sampi Hesekiah. Iya ngampun sida, lalu enda ngukum sida.\\n21 Bala orang mayuh begempuru di Jerusalem ngintu pengerami Gawai Roti Ti Enda Beragi dalam pengelama tujuh hari enggau ati ti gaga, lalu orang Lewi enggau bala imam muji TUHAN tiap hari enggau pengabis pengering sida. \\_f z \\_fr 30.21 \\_ft enggau pengabis pengering sida; \\_fq Hebrew: \\_ft ngena perengka musik sida ke inggar\\_f*\\n22 Hesekiah muji orang Lewi ketegal pengelandik sida nguluka orang nyembah TUHAN.\\nPengerami Ti Kedua\\nLebuh sida udah ngenjuk piring tujuh hari kena muji TUHAN Allah Taala aki ini sida,\\n23 semua sida lalu mutuska runding deka nampung pengerami nya tujuh hari da agi. Nya alai sida ngintu pengerami nya tujuh hari da agi enggau ati ti gaga.\\n24 Raja Hesekiah meri seribu iku sapi ti lelaki enggau tujuh ribu iku bedus ngambika bisi dibunuh sereta diempa orang mayuh, lalu bala pemesai meri sida seribu iku sapi ti lelaki, enggau sepuluh ribu iku bedus. Lalu mayuh amat bala imam ngereja pengawa nuchi diri empu.\\n25 Semua orang Judah, bala imam, orang Lewi, orang ke datai ari utara, orang kampar ti udah ngentapka diri di menua Israel enggau menua Judah, bela rami gaga magang.\\n26 Nya alai semua orang di nengeri Jerusalem gaga ati magang, laban nadai utai ti baka nya udah kala nyadi kenyau ari rambau Raja Solomon, anak Raja David.\\n27 Bala imam enggau orang Lewi minta TUHAN merekatka orang mayuh. Allah Taala ninga sampi sida ari rumah Iya di serega, lalu iya nerima sampi sida.\\nHesekiah Ngubah Atur Pasal Pengarap\\n1 Lebuh Gawai nya udah tembu, semua orang Israel lalu mansang ngagai semua nengeri di serata menua Judah, lalu mechahka tiang batu, nebang tanda petara indu Aserah, lalu ngerusak alta enggau endur alai orang kapir nyembah petara sida. Sida ngereja baka nya mega di serata menua Judah, di menua Benjamin, Epraim, enggau Manasi. Udah nya semua sida pulai ngagai menua diri empu.\\n2 Raja Hesekiah lalu numbuhka baru atur pengawa bala imam enggau orang Lewi, lalu genap iku sida meruan diberi pengawa. Pengawa nya nyengkaum ngenjuk piring tunu, enggau piring pemaik, enggau nyembah Allah Taala dalam Rumah Sembiang, meri puji enggau meri terima kasih ba mayuh bengkah endur dalam Rumah Sembiang.\\n3 Ari raban jelu bedus enggau raban jelu sapi iya empu, Raja Hesekiah meri jelu nyadika piring tunu genap pagi enggau lemai, enggau jelu ti diberi lebuh Hari Sabat, lebuh Gawai Anak Bulan, enggau lebuh gawai bukai ti diletak Adat TUHAN.\\n4 Nambahka nya, raja ngasuh orang Jerusalem mai pemeri ti endang diberi ngagai bala imam enggau orang Lewi, ngambika sida enda ibuh ngereja pengawa bukai tang semina ngereja pengawa ti diletak Adat TUHAN.\\n5 Lebuh atur nya udah dipadahka, orang Israel lalu mai pemeri ari gandum ti terubah diketau sida, wain, minyak kana, ai manyi, enggau asil bukai ari umai. Sida mega mai pemeri sepuluh peratus ari semua utai ti dikemisi sida.\\n6 Semua orang ke diau di nengeri dalam menua Judah bela mai pemeri sepuluh peratus ari jelu sapi enggau jelu bedus sida, lalu sida mega mai mayuh pemeri bukai ti udah diserahka sida ngagai TUHAN Allah Taala sida.\\n7 Pemeri nya belabuh datai dalam bulan ti ketiga, lalu majak betugung dia empat bulan.\\n8 Lebuh Raja Hesekiah enggau bala pemesai iya meda pemayuh pemeri nya, sida muji TUHAN, lalu muji orang Israel.\\n9 Raja bejaku ngagai bala imam sereta enggau orang Lewi pasal pemeri nya,\\n10 lalu ku Imam Besai Asariah, ke ari peturun Sadok, bejaku enggau iya, “Sekumbang orang mayuh udah berengkah mai pemeri ngagai Rumah Sembiang, utai diempa chukup magang, sereta mayuh belaluh. Kitai bisi semua utai tu laban TUHAN udah merekatka bala nembiak Iya.”\\n11 Nitihka atur raja, sida lalu nyendiaka siti bilik setor dalam kandang Rumah Sembiang\\n12 lalu sida nyimpan semua pemeri enggau pemeri sepuluh peratus dalam bilik setor nya, ngambika utai nya disimpan enggau likun. Sida ngasuh siku orang Lewi ke benama Konaniah nyadi tuai ngemataka utai nya, lalu ngasuh menyadi iya Simei nyadi penulung iya.\\n13 Sepuluh iku orang Lewi diasuh gawa di baruh seduai iya: Jehiel, Asasiah, Nahat, Asahel, Jerimot, Josabat, Eliel, Ismakiah, Mahat, enggau Benaiah. Semua utai tu dikereja atas kuasa nama Raja Hesekiah seduai Imam Besai Asariah.\\n14 Kore anak Imnah, siku orang Lewi ti nyadi tuai bala jejaga ba Pintu Timur Rumah Sembiang, nyadi tuai nerima pemeri ti diserahka ngagai TUHAN, sereta nyadung utai nya.\\n15 Ba nengeri bukai ti alai bala imam diau, iya ditulung bala orang Lewi ti bukai ke tetap ati. Tu nama sida nya: Eden, Miniamin, Jesua, Semaiah, Amariah, enggau Sekaniah. Sida nyadung pemakai ngagai sida ke sama orang Lewi, nitihka bagi pengawa sida,\\n16 lalu ukai nitihka ripih raban peturun. Sida meri siti ungkup ngagai semua lelaki ke umur tiga puluhtaun ke atas, ke betanggungjawap bekereja tiap hari dalam Rumah Sembiang nitihka pengawa sida.\\n17 Bala imam diberi tanggungjawap nitihka raban peturun sida, lalu orang Lewi ke umur dua puluh taun ke atas diberi pengawa nitihka raban.\\n18 Semua sida nya dituliska nama magang sama enggau nama bala bini, anak, enggau orang ke ditupi sida, laban sida endang enda tau enda seruran sedia ngereja pengawa ti kudus ba sebarang maya.\\n19 Nyadi dalam nengeri ti udah diungkup alai peturun Aron diau, tauka ba padang rumput ti ngelingi nengeri nya, orang bisi diberi tanggungjawap nyadung pemakai ngagai semua lelaki dalam ruang bilik bala imam, enggau ngagai semua orang ke bisi nama ditulis dalam list nama orang ke ari raban peturun orang Lewi.\\n20 Raja Hesekiah ngereja utai ti ngena di serata menua Judah lalu ngerinduka ati TUHAN Allah Taala iya.\\n21 Iya mujur, laban semua utai ti dikereja iya ke Rumah Sembiang tauka pengawa iya ke nitihka Adat, udah dikereja iya enggau ati ti pemadu taluk sereta angkunka Allah Taala iya.\\nOrang Asiria Nyerang Jerusalem (2 Raja 18.13-37; 19.14-19, 35-37; Isaiah 36.1-22; 37.8-38)\\n1 Lebuh Raja Hesekiah udah ngereja semua utai nya lalu nunjukka diri mengkang tetap ati betuaika TUHAN, Senakerip, raja menua Asiria, nyerang menua Judah. Iya ngelulung mayuh bengkah nengeri ti bekuta, lalu ngasuh bala soldadu iya ngeruntuhka kuta lalu tama ngagai nengeri nya.\\n2 Lebuh Hesekiah meda Senakerip deka nyerang Jerusalem,\\n3 iya enggau bala pemesai iya mutuska runding deka nutup semua penatai ai di luar nengeri; sida lalu nulung iya.\\n4 Mayuh amat sida begempuru, lalu sida nutup semua penatai ai ti rarat nengah menua nya. Ku sida bejaku, “Awakka raja menua Asiria nadai tetemuka ai, lebuh iya datai.”\\n5 Raja Hesekiah lalu bebendar amat gawa ngaduka kuta ti udah runtuh, lalu nirika menara ba kuta nya, lalu ngaga dinding ari luar dinding kuta nya. Nambahka nya, iya mega ngukuhka kuta ti udah digaga ba tanah tambun ba timur nengeri Jerusalem. Iya mega ngasuh orang begagaka sangkuh enggau terabai.\\n6 Iya ngeletak pemesai soldadu nguluka semua orang ke lelaki di nengeri nya, lalu ngempuruka sida ba tengah padang di mua pintu kuta nengeri, lalu bejaku ngagai sida. Ku iya,\\n7 “Kita enda tau enda kering sereta berani. Anang takutka raja orang Asiria, tauka bala soldadu ti diuluka iya, laban kuasa ti setanah enggau kitai besai agi ari kuasa ti setanah enggau iya.\\n8 Iya semina bisi kuasa mensia, tang kitai bisi TUHAN Allah Taala kitai nulung kitai, lalu beperang ngarika kitai.” Orang mayuh berasai diperansang ninga jaku raja sida.\\n9 Apin tentu lama udah bekau nya, lebuh Senakerip enggau bala soldadu iya agi di Lakis, iya ngirumka pesan tu ngagai Hesekiah enggau ngagai orang Judah ti diau enggau Hesekiah di Jerusalem:\\n10 “Aku, Senakerip, Raja Besai menua Asiria nanyaka utai ti ngasuh kita kempang ati mengkang di Jerusalem dikelulung kami baka tu.\\n11 Hesekiah madahka ngagai kita, TUHAN Allah Taala kita deka ngelepaska kita ari jari kami, tang Hesekiah nipu kita, lalu iya deka nejuka kita mati keberuran enggau aus.\\n12 Iya empu ti udah ngerusak semua endur alai nyembah TUHAN, enggau semua alta, lalu udah nya ngasuh orang Judah enggau orang Jerusalem nyembah sereta nunu menyan ba siti aja alta.\\n13 Kati kita enda nemu utai ti udah dikereja aki ini aku, enggau utai ti udah dikereja aku empu ngagai orang bansa bukai? Kati petara orang bansa bukai udah kala ngelepaska bansa sida ari raja menua Asiria?\\n14 Kemaya bala petara orang menua bukai bisi udah kala ngelepaska menua sida ari jari aku? Nya alai, nama utai ti ngasuh kita ngumbai petara kita deka ngelepaska kita ari jari aku?\\n15 Nya alai anang nejuka Hesekiah nipu kita, tauka nesatka runding kita baka nya, lalu anang arapka iya, laban nadai petara orang bansa bukai udah ulih ngelepaska nembiak iya ari jari raja menua Asiria. Nya alai, petara kita tetap enda ulih ngelepaska kita ari jari aku!”\\n16 Bala pemesai orang Asiria mega nyebut utai ti jai agi ari nya pasal TUHAN Allah Taala enggau pasal Hesekiah ti nyadi nembiak TUHAN.\\n17 Raja besai menua Asiria mega nulis surat kena iya ngeleseka TUHAN Allah Taala ke disembah orang Israel, lalu bejaku ngelaban Iya. Ku iya, “Baka bala petara orang bansa bukai ke nadai udah kala ngelepaska bala nembiak sida ari jari aku, baka nya meh Allah Taala ti dikarapka Hesekiah, enda ulih ngelepaska bala nembiak Iya ari jari aku.”\\n18 Bala pemesai orang Asiria lalu rauh-rauh nyebut utai nya dalam Hebrew kena sida ngemba sereta ngelemika semengat orang Jerusalem ke ba kuta nengeri, ngambika nengeri nya mudah agi alah.\\n19 Sida bejakuka pasal Allah Taala nengeri Jerusalem baka ke bejakuka pasal petara orang bansa bukai, engkeramba ti digaga jari mensia.\\n20 Udah nya Raja Hesekiah enggau nabi Isaiah anak Amos lalu besampi ngagai Allah Taala, lalu nyabak minta tulung Iya.\\n21 TUHAN lalu ngirumka siku melikat. Melikat nya lalu munuh bala soldadu enggau pemesai soldadu orang Asiria. Raja besai orang Asiria lalu pulai ngagai menua iya empu mai ati ti malu. Lebuh iya tama ngagai rumah sembiang petara iya, sekeda bala anak lelaki iya munuh iya ngena pedang.\\n22 Nya meh jalai TUHAN ngelepaska Raja Hesekiah enggau orang Jerusalem ari jari Senakerip, raja menua Asiria, enggau ari jari semua munsuh iya. TUHAN lalu ngibun sida likun.\\n23 Mayuh orang datai ngagai Jerusalem mai pemeri ngagai TUHAN, enggau pemeri ngagai Hesekiah. Kenyau ari nya semua bansa bebasaka Hesekiah magang.\\nPenyakit Enggau Penyumbung Hesekiah(2 Raja 20.1-3; 12-9; Isaiah 38.1-3; 39.1-8)\\n24 Ba urung maya nya, Raja Hesekiah sakit, lalu nyau deka mati. Iya besampi ngagai TUHAN, lalu TUHAN nyaut iya lalu meri iya siti tanda.\\n25 Tang Hesekiah kelalu sumbung lalu enda meri terima kasihka utai ti udah dikereja TUHAN ba iya. Ketegal nya menua Judah enggau nengeri Jerusalem kena ukum.\\n26 Tang Hesekiah enggau orang Jerusalem ngemaruhka diri, lalu TUHAN enda nyadi ngukum orang mayuh nyentuk ngagai pemati Hesekiah.\\nPengaya Enggau Pemanah Hesekiah\\n27 Raja Hesekiah nyadi kaya bendar, lalu semua orang bebasaka iya. Iya ngasuh orang ngaga bilik setor alai iya nyimpan emas, pirak, batu ti berega, rempah, terabai, enggau utai bukai ti berega ti diempu iya.\\n28 Nambahka nya, iya mega ngasuh orang ngaga bilik setor alai iya nyimpan gandum, wain, enggau minyak kana, bansal ke jelu sapi iya, enggau kandang ke jelu bedus iya.\\n29 Kelimpah ari semua utai nya, Allah Taala mega meri iya jelu bedus enggau jelu sapi, enggau pengaya ti amat mayuh, datai ke nyau ulih nirika mayuh bengkah nengeri.\\n30 Raja Hesekiah nya meh orang ke mempal jalai ai ba Mata Ai Gihon, lalu ngasuh ai nya rarat nengah lubang jalai ai dalam kuta nengeri Jerusalem. Hesekiah mujur magang dalam semua utai ti dikereja iya,\\n31 lalu lebuh bala pengari perintah menua Babilon datai betanyaka utai ti nyelai ti udah nyadi di menua nya, Allah Taala nejuka Hesekiah ngereja utai nitihka peneka ati iya empu, kena Allah Taala ngabas ati Hesekiah.\\nPengujung Perintah Hesekiah (2 Raja 20.20-21)\\n32 Semua utai bukai ti udah dikereja Raja Hesekiah, enggau pengangkun iya ke TUHAN bisi dituliska magang dalam Genera Nabi Isaiah anak Amos enggau dalam Jerita Lama Pasal Raja Menua Judah Enggau Menua Israel\\n33 Hesekiah mati lalu dikuburka ba sadau lumbung bala raja. Semua orang Judah enggau orang ke diau di Jerusalem balat amat masa iya lebuh pemati iya. Anak iya ke benama Manasi lalu nganti iya nyadi raja.\\nRaja Manasi Menua Judah (2 Raja 21.1-9)\\n1 Umur Manasi dua belas taun lebuh iya nyadi raja menua Judah, lalu iya merintah di Jerusalem lima puluh lima taun.\\n2 Manasi bedosa ngelaban TUHAN laban iya nunda pengawa ti jai ti dikereja bansa orang ke udah diburu TUHAN ari menua nya lebuh bala nembiak TUHAN nyerang.\\n3 Iya ngaduka endur alai orang kapir nyembah petara sida, ti udah dirusak apai iya Hesekiah. Iya ngaga alta alai nyembah Baal, ngaga engkeramba ke petara Aserah, sereta nyembah bintang.\\n4 Iya ngaga alta alai orang kapir nyembah petara sida dalam Rumah Sembiang, iya nya endur ti udah diletak TUHAN alai TUHAN Empu patut disembah belama iya.\\n5 Iya ngaga alta kena nyembah bintang ba dua iti tengah laman Rumah Sembiang.\\n6 Iya nyerahka bala anak lelaki iya nyadika piring tunu ba Lebak Hinom. Iya beburung, bedukun, bemanang, betanya ngagai orang ke tau tujum, enggau ngagai manang. Iya balat bedosa ngelaban TUHAN, lalu nyungkak TUHAN ringat.\\n7 Iya ngengkahka siti engkeramba dalam Rumah Sembiang, endur ti udah dipadahka Allah Taala ngagai David enggau ngagai anak iya Solomon munyi tu: “Di Jerusalem ditu, dalam Rumah Sembiang tu meh endur ti udah dipilih Aku, ari semua dua belas bengkah sitak menua ti diempu raban bansa orang Israel, nyadi endur alai Aku patut disembah.\\n8 Lalu enti orang Israel deka ngasika semua pesan Aku, lalu nitihka semua Adat ti udah diberi nembiak Aku Moses ngagai sida, nya baru Aku enggai nejuka sida dibuai ari menua ti udah diberi Aku ngagai aki ini sida.”\\n9 Manasi nguluka orang Judah lebih agi bedosa ari bansa orang ke udah diburu TUHAN ari menua nya lebuh bala nembiak TUHAN nyerang.\\nManasi Nesal Ati\\n10 Taja pen TUHAN meri jaku tangkan ngagai Manasi, enggau ngagai bala nembiak iya, tang sida enggai mending.\\n11 Nya alai TUHAN nejuka bala tuai soldadu menua Asiria nyerang menua Judah. Sida nangkap Manasi, ngaitka pengait ba iya, nanchang iya ngena rantai, lalu nabanka iya ngagai menua Babilon.\\n12 Lebuh iya kena perinsa, iya ngemaruhka diri, nguing ngagai TUHAN Allah Taala iya, lalu minta tulung ari Iya.\\n13 Allah Taala nerima lalu nyaut sampi Manasi, lalu ngasuh iya pulai baru ngagai Jerusalem lalu merintah baru. Tu meh utai ti ngasuh Manasi arapka TUHAN endang Allah Taala.\\n14 Udah bekau nya, Manasi ngaga kuta ti di luar ba tisi timur Nengeri David tinggi agi, berengkah ari siti endur ba lebak semak Mata Ai Gihon, nuju ke utara ngagai Pintu Ikan, enggau ngagai endur ti dikumbai Opel dalam nengeri nya. Iya mega ngeletak siku pemesai soldadu nyadi tuai soldadu dalam genap buah nengeri ti bekuta dalam menua Judah.\\n15 Iya muai semua petara orang bansa bukai enggau engkeramba ari Rumah Sembiang, enggau alta alai orang bansa bukai besembah ba bukit ti alai Rumah Sembiang bediri, enggau ari endur bukai di Jerusalem. Iya mai semua utai nya ke luar ari nengeri nya, lalu muai sida.\\n16 Iya mega ngaduka alta alai TUHAN ti udah disembah, lalu iya ngenjuk piring pemaik, enggau piring terima kasih ba alta nya. Iya ngasuh semua orang Judah nyembah TUHAN Allah Taala ke disembah orang Israel.\\n17 Taja pen orang mayuh majak ngenjuk piring ba endur bukai, tang sida semina ngenjuk piring nya ngagai TUHAN siku aja.\\nPengujung Perintah Manasi (2 Raja 21.17-18)\\n18 Semua utai bukai ti udah dikereja Manasi, sampi ti disebut iya ngagai Allah Taala, enggau pesan ari bala nabi ke bejaku ngagai iya dalam nama TUHAN Allah Taala ke disembah orang Israel, bisi dituliska magang dalam Jerita Lama Pasal Raja Menua Judah Enggau Raja Menua Israel.\\n19 Sampi raja, enggau saut Allah Taala ngagai sampi iya, enggau cherita pasal dosa iya sebedau iya nesal ati - penyai ti udah dikereja iya, endur alai orang kapir nyembah petara sida, enggau tanda petara indu Aserah ti udah digaga iya, enggau engkeramba ti udah disembah iya - bisi dituliska magang dalam Jerita Lama Pasal Bala Nabi.\\n20 Manasi mati lalu dikuburka dalam istana, lalu anak lelaki iya ke benama Amon nganti iya nyadi raja.\\nRaja Amon Menua Judah (2 Raja 21.19-26)\\n21 Umur Amon dua puluh dua taun lebuh iya nyadi raja menua Judah, lalu iya merintah di Jerusalem dua taun.\\n22 Iya bedosa ngelaban TUHAN baka apai iya Manasi, sereta besembahka engkeramba ti udah disembah apai iya.\\n23 Tang iya enda ngemaruhka diri, lalu nguing ngagai TUHAN baka apai iya. Iya balat agi bedosa ari apai iya.\\n24 Bala pemesai Amon bepekat ngelaban iya, lalu sida munuh iya dalam istana.\\n25 Orang Judah lalu munuh bala orang ke munuh Amon, lalu ngasuh anak iya ke benama Josiah nyadi raja.\\nRaja Josiah Menua Judah (2 Raja 22.1-2)\\n1 Umur Joasih lapan taun lebuh iya nyadi raja menua Judah, lalu iya merintah di Jerusalem tiga puluh satu taun.\\n2 Iya ngereja utai ti ngerinduka ati TUHAN. Iya neladan aki iya Raja David, terit amat ngasika semua adat Allah Taala.\\nJosiah Ngelaban Pengawa Ti Besembahka Petara Bukai\\n3 Dalam taun ti kelapan Josiah udah nyadi raja, lebuh iya agi biak, iya belabuh nyembah Allah Taala aki iya Raja David. Empat taun udah bekau nya, iya belabuh ngerusak endur alai orang kapir nyembah petara sida, ngerusak tanda petara indu Aserah, enggau semua engkeramba ti bukai.\\n4 Nitihka atur ti diberi iya, alta alai nyembah Baal dipechahka, lalu alta ti alai nunu menyan semak alta nya dirubuh. Sida nutuk semua engkeramba Aserah, enggau semua engkeramba bukai, nyadi amau lalu udah nya naburka amau nya ba kubur orang ke udah ngenjuk piring ngagai engkeramba nya.\\n5 Iya nunu tulang bala imam orang kapir ba alta alai sida ke nyembah engkeramba sida. Nya meh jalai iya nuchi menua Judah enggau nengeri Jerusalem.\\n6 Iya mega ngereja baka nya ngagai nengeri enggau endur ti udah dirusak di menua Manasi, Epraim, enggau Simeon, nyentuk ngagai Naptali di utara.\\n7 Di serata menua ti dipegai iya di utara, iya mechahka alta enggau engkeramba Aserah, nutuk engkeramba sida nyadi amau, lalu mechahka alta ti alai sida nunu menyan. Udah nya iya pulai ngagai Jerusalem.\\n8 Dalam taun ti kelapan belas iya udah megai perintah, lebuh iya udah nuchi menua nya enggau Rumah Sembiang lalu nutup semua pengawa orang kapir ke besembahka engkeramba, Raja Josiah lalu ngasuh tiga iku orang ngaduka Rumah Sembiang Allah Taala. Sida tiga nya Sapan anak Asaliah, Maseiah ti nyadi tuan gabenor nengeri Jerusalem, enggau Joah anak Joahas, siku pemesai ti tinggi pangkat.\\n9 Duit ti udah digumpul orang Lewi ke nyaga Rumah Sembiang lalu diserahka ngagai Imam Besai Hilkiah. (Duit nya udah digumpul ari orang Epraim enggau orang Manasi, enggau ari orang bukai ti diau di menua ti di utara, enggau ari orang ke diau di menua Judah, Benjamin enggau Jerusalem.)\\n10 Udah nya duit nya lalu diserahka ngagai tiga iku orang ke nyadi tuai ngaduka Rumah Sembiang, ke meri duit nya ngagai\\n11 bala tukang kayu, enggau tukang rumah kena sida bebelika batu enggau ramu kena ngaduka semua rumah ti udah ditejuka bala raja menua Judah buruk lalu enda diaduka baru ngelamatu.\\n12 Orang ke ngereja pengawa nya endang tetap tau dikarapka. Sida iya dikemataka empat iku orang Lewi: Jahat seduai Obadiah ari raban peturun Merari, enggau Sekariah seduai Mesulam ari raban peturun Kohat. (Semua orang Lewi landik magang nebah musik.)\\n13 Orang Lewi ti bukai megai pengawa berangkutka barang kena ngaga rumah nya, sereta ngemataka bala orang ke gawa ngereja mayuh bengkah pengawa. Lalu sida ti bukai bekereja nyadi kerani, tauka nyadi jejaga.\\n14 Lebuh duit nya benung dipansutka ari bilik setor, Hilkiah bisi tetemuka Bup Adat TUHAN, iya nya Adat ti udah diberi Allah Taala ngagai Moses.\\n15 Ku iya bejaku enggau Sapan, “Aku bisi tetemuka Bup Adat dalam Rumah Sembiang.” Iya lalu meri bup nya ngagai Sapan.\\n16 Sapan lalu mai bup nya ngagai raja. Ku Sapan madahka ngagai raja, “Kami udah ngereja semua utai ti diasuh nuan.\\n17 Kami udah ngambi duit ti disimpan dalam Rumah Sembiang, lalu udah nyerahka duit nya ngagai bala orang ke gawa enggau orang ke ngemataka sida.”\\n18 Lalu ku Sapan nambahka jaku iya, “Imam Hilkiah udah meri siti bup ngagai aku.” Sapan lalu macha bup nya di mua raja.\\n19 Lebuh raja ninga bup nya dibacha, iya lalu nyarikka gari diri.\\n20 Udah nya raja meri atur ngagai Hilkiah, Ahikam anak Sapan, Abdon anak Mikaiah, Sapan ti nyadi kerani kot, enggau ngagai Asaiah, ti nyadi penyaup raja:\\n21 “Mupuk kita lalu betanya ngagai TUHAN ngarika aku enggau ngarika orang mayuh ti agi tinggal di menua Israel enggau menua Judah. Pansik semua utai pasal ajar dalam bup tu. TUHAN balat ringat ngagai kitai laban aki ini kitai enda ngasika jaku TUHAN, lalu enda ngereja utai ti patut dikereja nitihka bup tu.”\\n22 Raja lalu ngasuh Hilkiah enggau sida ti bukai mansang betanya ngagai nabi indu siku ke benama Huldah, ti diau ba Jerusalem ti baru. Indu nya bini Salum anak Tokhat, uchu Haras ti nyadi tuai ngintu baju panjai ti dikena dalam Rumah Sembiang. Sida lalu madahka ngagai indu nya utai ti udah nyadi.\\n23 Iya lalu ngasuh sida pulai ngagai raja lalu meri\\n24 pesan TUHAN tu ngagai iya: “Aku deka ngukum Jerusalem enggau semua orang ke diau di nengeri tu ngena sumpah ti ditulis dalam bup ti udah dibacha di mua raja.\\n25 Sida udah nulak Aku, lalu udah ngenjuk piring ngagai petara bukai. Nya alai sida udah nyungkak Aku ringat ketegal semua utai ti udah dikereja sida. Aku ringat ngagai Jerusalem, lalu pengeringat Aku enda nemu padam.\\n26 Nyadi pasal raja empu, tu utai ti disebut Aku, TUHAN Allah Taala ke disembah orang Israel: Nuan udah mendingka utai ti ditulis dalam bup nya,\\n27 lalu nuan udah nesal ati sereta ngemaruhka diri di mua Aku, nyarikka gari diri sereta nyabak lebuh nuan ninga Aku deka ngukum Jerusalem enggau orang ke diau dalam nengeri tu. Aku udah ninga sampi nuan,\\n28 lalu ukum ti deka diasuh Aku ninggang Jerusalem enda nyadi sebedau nuan mati. Aku deka nejuka nuan mati enggau selamat.” Bala orang nya lalu pulai baru ngagai Raja Josiah, mai pesan nya.\\nJosiah Ngaga Sempekat Deka Ngasika TUHAN (2 Raja 23.1-20)\\n29 Raja Josiah lalu mesanka semua tuai orang Judah enggau tuai di Jerusalem.\\n30 Sida lalu mansang ngagai Rumah Sembiang, disempulang bala imam enggau orang Lewi, enggau semua orang mayuh, ke kaya enggau ke seranta. Raja lalu macha enggau nyawa ti inggar semua bup sempekat ti udah ditemu dalam Rumah Sembiang.\\n31 Iya bediri ngimbai tiang diraja lalu ngaga siti sempekat enggau TUHAN, madahka iya deka ngasika TUHAN, deka nitihka adat enggau pesan TUHAN enggau pengabis ati enggau pengabis semengat iya, lalu ngereja semua atur ti diletak dalam sempekat nya, munyi ti ditulis dalam bup nya.\\n32 Iya ngasuh semua orang Benjamin enggau semua orang ke bisi di Jerusalem, besemaya deka nitihka sempekat nya. Nya alai orang di Jerusalem ngasika atur sempekat ti udah digaga sida enggau Allah Taala aki ini sida.\\n33 Raja Josiah ngerusak semua engkeramba di menua ti diempu orang Israel. Seagi-agi iya idup, sida semampai nitihka TUHAN Allah Taala aki ini sida.\\nJosiah Ngintu Gawai Paska (2 Raja 23.21-23)\\n1 Raja Josiah ngintu pengerami Gawai Paska di Jerusalem kena ngemesaika TUHAN. Kena empat belas hari bulan ti kesatu, sida lalu nyayat jelu kena ngintu Gawai nya.\\n2 Iya magi ngagai bala imam pengawa ti deka dikereja sida dalam Rumah Sembiang, lalu meransang sida ngereja pengawa nya.\\n3 Iya mega meri atur tu ngagai orang Lewi ti nyadi pengajar orang Israel ti udah diserahka ngagai TUHAN: “Simpan Peti Lampang Batu Adat ti kudus nya dalam Rumah Sembiang ti udah digaga Raja Solomon anak David. Kita enda ibuh mai Peti nya ari endur siti ngagai endur siti, tang kita deka bekereja ke TUHAN Allah Taala kita enggau ke nembiak Iya orang Israel.\\n4 Ambi endur diri dalam Rumah Sembiang, nitihka ripih raban peturun kita, nitihka tanggungjawap ti udah diberi Raja David enggau anak iya Raja Solomon, ngagai kita,\\n5 lalu belatur, ngambika kita seruran bisi nulung genap ruang bilik orang Israel.\\n6 Kita deka nyayat anak domba enggau kambin Gawai Paska. Nya alai kita enda tau enda nuchi diri diatu, lalu nyendiaka piring ngambika orang Israel ti bukai ulih nitihka atur ti udah diberi TUHAN ngagai Moses.”\\n7 Raja Josiah meri tiga puluh ribu iku bedus, anak domba, enggau kambin ti agi biak, enggau tiga ribu iku sapi ti lelaki, ari raban jelu tupi iya empu ngagai orang mayuh ngambika bisi dikena sida ngintu Gawai Paska.\\n8 Bala pemesai iya mega meri ngagai orang mayuh, ngagai bala imam, enggau ngagai orang Lewi ngambika bisi dikena sida. Lalu bala pemesai ti nyadi tuai ngemataka Rumah Sembiang - Imam Besai Hilkiah, Sekariah, enggau Jehiel - meri ngagai bala imam dua ribu enam ratus iku anak domba enggau kambin ti biak, enggau tiga ratus iku sapi ti lelaki nyadika piring lebuh Gawai nya.\\n9 Bala tuai orang Lewi - Konaniah, Semaiah enggau menyadi iya Netanel, Hasabiah, Jeiel, enggau Josabat - meri lima ribu iku anak domba enggau kambin ti biak, enggau lima ratus iku sapi ti lelaki nyadika piring orang Lewi.\\n10 Lebuh semua utai ti dikena ngintu Gawai nya udah diatur magang, bala imam enggau orang Lewi lalu bediri ba endur diri nitihka asuh raja.\\n11 Sida lalu nyayat anak domba ti dikena ngintu Gawai Paska nya. Sida niti kulit jelu nya, lalu bala imam mechikka darah jelu nya ngagai alta.\\n12 Udah nya sida lalu bedua jelu nya ngagai orang mayuh, nitihka gempuru ruang bilik, nyadika piring tunu, ngambika sida tau ngenjuk piring nya nitihka atur ti disebut dalam Adat Moses.\\n13 Orang Lewi lalu manggang piring Gawai Paska nya ba api nitihka atur adat, lalu manduk piring ti kudus dalam periuk, kitil, enggau kali, lalu beguai-guai nyadung dagin nya ngagai orang mayuh.\\n14 Lebuh pengawa nya udah dikereja, nya baru orang Lewi meri diri empu enggau bala imam ke ari peturun Aron, dagin laban sida imam nya udah kiruh nyentuk ngagai malam betunuka jelu ti ditunu segala, enggau betunuka lemak ari piring nya.\\n15 Tu nama orang Lewi ari raban peturun Asap ke nebah musik, ti udah ngambi endur diri nitihka atur ti udah diberi Raja David: Asap, Heman, enggau Jedutun ti nyadi imam raja. Orang ke nyaga pintu Rumah Sembiang enda ibuh ninggalka endur alai sida ke jaga, laban orang Lewi ti bukai nyendiaka Gawai Paska ke sida.\\n16 Nya alai, nitihka atur Raja Josiah, semua utai tembu magang dikereja sehari nya kena nyembah TUHAN, iya nya ngintu Gawai Paska, enggau pengawa beberika piring tunu ba alta.\\n17 Semua orang Israel ke bisi dia ngerami Gawai Paska enggau Gawai Roti Ti Enda Beragi nya dalam pengelama tujuh hari.\\n18 Kenyau ari maya nabi Samuel menya, nadai Gawai Paska udah kala diintu enggau pengerami ti baka nya. Nadai siku ari bala raja ke dulu menya udah bisi kala ngerami Gawai Paska baka ke dikereja Raja Josiah, bala imam, orang Lewi, orang Judah, orang Israel enggau orang Jerusalem\\n19 dalam taun ti kelapan belas Josiah megai perintah.\\nPengujung Perintah Josiah (2 Raja 23.28-30)\\n20 Lebuh Raja Josiah udah ngereja semua utai nya ke Rumah Sembiang, Raja Neko menua Ejip nguluka bala soldadu iya nyerang Karkemis di Sungai Eupratis. Josiah nguji nagang iya,\\n21 tang Neko ngirumka pesan tu ngagai Josiah: “Aku ke mansang beperang tu nadai patut ngiruh nuan, Raja menua Judah. Aku ukai datai deka ngelaban nuan, tang deka ngelaban munsuh aku, lalu Allah Taala udah ngasuh aku beguai ngereja nya. Allah Taala bisi enggau aku, nya alai, anang ngelaban aku, enggai ke Iya ngerusak nuan.”\\n22 Tang Josiah keras deka ngelaban. Iya enggai mendingka jaku ti disebut Allah Taala ngena Raja Neko. Nya alai Josiah ngeluluka diri baka gamal orang bukai, lalu nyerang Raja Neko ba emperan Megido.\\n23 Dalam perang nya Raja Josiah kena laban laja orang Ejip. Ku iya bejaku enggau bala orang gaji iya, “Bai aku ari tu. Balat amat aku bakal!”\\n24 Sida lalu ngangkatka iya ari kerita perang iya, ngengkahka iya ba kerita perang sebuah ti bisi dibai iya, lalu sida mai iya ngagai Jerusalem. Iya mati dia, lalu dikuburka ba lumbung bala raja. Semua orang Judah enggau orang Jerusalem ngulit magang ke iya.\\n25 Nabi Jeremiah lalu nulis siti sabak kenang ke Raja Josiah. Kenyau ari nya sabak kenang tu digaga nyadika siti adat asal ti dikena orang, nemuka lelaki tauka indu, lebuh sida nyenggai orang ke mati. Pantun tu bisi ditulis dalam bup sabak kenang.\\n26 Semua utai ti udah dikereja Josiah, pengangkun iya ke TUHAN, pasal iya ke ngasika Adat,\\n27 enggau jerita lama pasal iya empu kenyau ari pun nyentuk ke ujung, bisi dituliska magang dalam Jerita Lama Pasal Raja Menua Israel Enggau Menua Judah.\\nRaja Joahas Menua Judah (2 Raja 23.30-35)\\n1 Orang Israel milih Joahas anak Josiah nyadi raja di Jerusalem, lalu nata iya.\\n2 Umur Joahas dua puluh tiga taun lebuh iya berengkah nyadi raja menua Judah, lalu iya merintah di Jerusalem tiga bulan.\\n3 Raja Neko menua Ejip nabanka iya nyadi orang tangkap, lalu mejalka menua Judah mayar 3,400 kilogram pirak enggau 34 kilogram emas nyadika chukai.\\n4 Neko ngasuh menyadi lelaki Joahas ke benama Eliakim nyadi raja menua Judah, lalu nukar nama Eliakim ngagai Jehoiakim. Joahas udah ditabanka Neko ngagai menua Ejip.\\nRaja Jehoiakim Menua Judah (2 Raja 23.36-24.7)\\n5 Umur Jehoiakim dua puluh lima taun lebuh iya berengkah nyadi raja menua Judah, lalu iya merintah di Jerusalem sebelas taun. Iya bedosa ngelaban TUHAN Allah Taala iya.\\n6 Raja Nebukadnesar menua Babilon nyerang menua Judah, nangkap Jehoiakim, lalu nabanka iya ngagai menua Babilon ditanchang ngena rantai.\\n7 Nebukadnesar nabanka sekeda utai ti berega ari Rumah Sembiang, lalu nyimpan utai nya dalam istana iya empu di Babilon.\\n8 Semua utai ti udah dikereja Jehoiakim, nyengkaum utai ti jai ti dikereja iya, bisi dituliska magang dalam Jerita Lama Pasal Raja Menua Israel enggau Menua Judah. Anak lelaki iya Jehoiakin nganti iya nyadi raja.\\nRaja Jehoiakin Menua Judah (2 Raja 24.8-17)\\n9 Umur Jehoiakin lapan belas taun lebuh iya berengkah nyadi raja menua Judah, lalu iya merintah di Jerusalem tiga bulan sepuluh hari. Jehoiakin mega bedosa ngelaban TUHAN.\\n10 Ba pun musin panas, Raja Nebukadnesar nabanka Jehoiakin ngagai menua Babilon nyadi orang tangkap, lalu nabanka utai ti berega ari Rumah Sembiang. Udah nya Nebukadnesar ngasuh aya Jehoiakin ke benama Sedekiah nyadi raja menua Judah enggau Jerusalem.\\nRaja Sedekiah Menua Judah (2 Raja 24.18-20; Jeremiah 52.1-3a)\\n11 Umur Sedekiah dua puluh satu taun lebuh iya berengkah nyadi raja menua Judah, lalu iya merintah di Jerusalem sebelas taun.\\n12 Iya bedosa ngelaban TUHAN, lalu enda ngemaruhka diri mendingka nabi Jeremiah, ke madahka jaku TUHAN.\\nJerusalem Alah (2 Raja 25.1-21; Jeremiah 52.3b-11)\\n13 Sedekiah angkat ngelaban Raja Nebukadnesar, ti udah mejalka iya besumpah dalam nama Allah Taala madahka diri deka taluk. Iya kieh amat, enggai nesal ati lalu enggai pulai baru ngagai TUHAN Allah Taala ke disembah orang Israel.\\n14 Nambahka nya, bala tuai orang Judah, bala imam, enggau orang mayuh nunda teladan ti jai ari bansa orang ke ngelingi sida, besembahka engkeramba, lalu ari nya ngamahka Rumah Sembiang, ti udah dikuduska TUHAN Empu.\\n15 TUHAN Allah Taala aki ini sida udah majak ngasuh bala nabi Iya meri jaku tangkan ngagai bala nembiak Iya, laban Iya enggai ke sida enggau Rumah Sembiang nya dirusak.\\n16 Tang sida beduan bala orang ke mai pesan Allah Taala, enda mendingka jaku TUHAN, lalu ketawaka bala nabi Iya. Ke pengujung iya, TUHAN balat amat ringat ngagai bala nembiak Iya, datai ke sida nyau enda ulih ngerarika diri ari ukum Iya.\\n17 Nya alai TUHAN ngasuh raja menua Babilon nyerang sida. Raja nya munuh bala orang Judah ke bujang, nyengkaum sida ke dalam Rumah Sembiang. Iya nadai kasih mimit ke sida, nemuka sida nya orang ke biak tauka tuai, lelaki tauka indu, sakit tauka bepengerai. Allah Taala nyerahka semua sida ngagai raja menua Babilon.\\n18 Raja menua Babilon ngerampas utai ari Rumah Sembiang, ari sarang reta Rumah Sembiang, enggau pengaya raja enggau bala pemesai iya, lalu nabanka semua utai nya ngagai menua Babilon.\\n19 Iya nunu Rumah Sembiang, enggau nengeri Jerusalem, nyengkaum semua istana enggau pengaya nengeri nya, lalu ngeruntuhka kuta nengeri.\\n20 Iya nabanka semua orang ke enda dibunuh, ngagai menua Babilon. Din sida nyadi ulun bekereja ke iya, enggau ke peturun iya, nyentuk ngagai maya perintah menua Persia ditumbuhka.\\n21 Nya meh jalai utai ti udah dipadahka TUHAN ngena nabi Jeremiah dikamatka: “Menua nya nadai orang nguan tujuh puluh taun, kena malas pengawa sida ke enda ngintu Hari Sabat.”\\n22 Dalam taun ti kesatu Sairus nyadi raja besai menua Persia, TUHAN ngamatka jaku ti udah disebut Iya ngena nabi Jeremiah. Iya nyungkak Sairus meri atur, lalu ngirumka atur nya ngena surat, ngambika bisi dibacha enggau nyawa ti inggar di serata menua ti diperintah iya:\\n23 “Tu atur ari Sairus, Raja Besai menua Persia. TUHAN Allah Taala serega, udah ngasuh aku merintah semua dunya, lalu udah meri ngagai aku tanggungjawap ngaga sebuah Rumah Sembiang ke Iya di Jerusalem, di menua Judah. Nya alai semua kita ke nembiak Allah Taala, enda tau enda kin; awakka TUHAN Allah Taala kita meruan enggau kita.”","num_words":23551,"character_repetition_ratio":0.083,"word_repetition_ratio":0.009,"special_characters_ratio":0.207,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"9 January 2019 - Hari Tiga udah Epiphany -->\\n9 January 2019 - Hari Tiga udah Epiphany\\nIya baru deka mansa sida, lalu lebuh sida meda Iya bejalai ba atas ai, sida ngumbai Iya antu, lalu sida nyerauh, laban semua sida bela meda Iya lalu takut.Tang Iya tekala nya bejaku ngagai sida, “Anang takut! Aku tu. Anang takut!”. 📖 Mark 6:45-52.\\nBacha Ke Satu: 1 John 4:11-18\\nMenyadi, laban Allah Taala udah balat rinduka kitai, kitai mega patut rinduka pangan diri.\\nNadai orang udah kala meda Allah Taala, tang enti kitai rinduka pangan diri, Allah Taala meruan dalam kitai, lalu pengerindu Iya digaga nyadi pemadu badas dalam kitai.\\nBaka tu ku jalai kitai nemu diri meruan dalam Iya, lalu Iya meruan dalam kitai, laban Iya udah meri kitai Roh Iya.\\nLalu kami udah meda sereta besaksi madahka Apai udah ngirumka Anak Iya nyadika Juruselamat dunya.\\nAllah Taala meruan dalam orang ke ngaku Jesus Kristus nya Anak Allah Taala, lalu sida meruan dalam Allah Taala.\\nNya alai kitai nemu sereta arapka Allah Taala rinduka kitai.\\nPengerindu udah digaga nyadi pemadu badas dalam kitai, ngambika kitai berani lebuh Hari Pechara, laban kitai idup baka Iya di dunya tu.\\nPengerindu nadai mai penakut, tang pengerindu ti pemadu menyana muai semua penakut, laban penakut bisi kaul enggau ukum, lalu barang sapa agi ngembuan penakut nunjukka pengerindu apin nyadi pemadu menyana dalam iya.\\nMasmur Entara: Masmur 72:1-2, 10, 12-13\\nBala raja menua Spain enggau raja mayuh bengkah pulau deka meri iya pemeri. Raja menua Sheba enggau Seba deka mai pemeri ngagai iya.\\nIya ngelepaska orang ke seranta, ke ngangauka iya, enggau sida ke suntuk sereta enda dikibuhka orang. Iya sinu ati ke orang ke lemi sereta seranta.\\nAlleluia (peda 1 Timoti 3:16)\\nPujika Nuan, O Kristus, ti ditusui ngagai semua bansa bukai.\\nPujika Nuan, O Kristus,ti dikarapka mensia di serata dunya.\\nBacha Injil: Mark 6: 45-52\\nJesus lalu kemaya nya ngasuh sida murid Iya nepan sebuah perau, lalu mupuk dulu ari Iya ngagai Betsaida, di seberai danau nya, benung Iya ke ngasuh orang mayuh pulai.\\nLebuh Iya udah meri selamat tinggal ngagai orang mayuh, Iya lalu niki ngagai bukit sigi, deka besampi.\\nLebuh hari nyau lemai, perau ti dikena sida murid Iya benung ba tengah danau, lalu Jesus keDiri ba darat.\\nIya meda sida bebendar amat bedayung nanjak ribut. Kira entara pukul tiga enggau pukul enam pagi, Iya bejalai ba atas ai mansang ngagai sida.\\nIya baru deka mansa sida, lalu lebuh sida meda Iya bejalai ba atas ai, sida ngumbai Iya antu, lalu sida nyerauh, laban semua sida bela meda Iya lalu takut.Tang Iya tekala nya bejaku ngagai sida,\\n“Anang takut! Aku tu. Anang takut!”.\\nIya lalu nepan ngagai perau sida.Ribut lalu teduh. Semua sida lalu balat alit ati, laban sida enda meretika pasal tuku roti, laban ati sida kieh.","num_words":430,"character_repetition_ratio":0.064,"word_repetition_ratio":0.114,"special_characters_ratio":0.217,"stopwords_ratio":0.326,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jenaka iban | leman berita – Iban2U\\n04\/03\/2011 Timberland J\\nJenaka iban | leman berita\\nMaioh utai nyelai ti nyadi ba dunya kitai tu. Bunyi baka ke bula tang utai tu endang amat nyadi ba urang ti empu menua.\\n* Enda tau pansut ari rumah enti nyema enda ngena tancut dalam.\\n* Endatau bekebun enti maia ari minggu.\\n* Enda tau ngecat rumah enti nyema nadai pemendar ari perintah menua. Semina cat ti udah bulih spesifikasi ari perintah aja tau dikena.\\n* Polis patut ngeripot penyampau duit rasuah ti ulih sida ya ari urang ti kena tan.\\n* Enda tau telanjai lebuh bejalai.\\n* Enda Flush jamban lebuh udah badu kemi\/bira deka didenda.\\n* Enda tau nyual sayur lebuh ari minggu.\\n* Urang ke indu enda diasuh makai coklat ba mua urang maioh.\\n* Urang indu digawa ba opis enda diasuh ngena gari seksi ti tau ngacau ati urang laki.\\n*Enda tau nyumpah\/bejaku ke urang ba palan urang maioh.\\n* Enda tau ngangkat telefon lebuh ya baru bebunyi.\\n* Enda tau ngena tancut dalam ke kaler pink lebuh ari minggu.\\n* Enda tau ngena tupi maia ba stadium laban nya tau nekul urang bukai ti benung meda urang ke main dia.\\n* Enda tau nampal kuyok\/plaster ba palan urang maioh.\\n* Enda tau nyiram utai ti ditanam ba kebun lebuhari ujan.\\n* Enda tau niki pun kayu.\\n* Enda tau besium ba kereta api baruh tanah.\\n* Enda tau nupi jani. Urang ti nupi jani deka ditembak mati.\\n* Enda tau driba enti enda ngena kasut.\\n* Enda tau main domina lebuh maia ari minggu.\\n* Enda tau ngena sumit palsu lebuh ke gerija.\\n* Urang ti nabur ke garam ba rel kereta api deka diukum gantung.\\n* Enda tau driba nutup mata.\\n* Enda tau ngambi gambar beruang ti benung tidur.\\n* Enda tau meri rusa ngirup bir.\\n* Enda tau bejalai sambil mai busur enggau panah.\\n* Urang ke lelaki tau malu bini sida ya sekali dalam sebulan.\\n* Enda tau nupi baya ba bathtub.\\n* Indu ti ba tisi jalai\/kaki lima ti nguji ka nguntik sida ke laki maia mansa deka di jil 30 hari.\\n* Enda tau mai capi bejalai lebuh maia ari minggu.\\n* Enda tau becakah enggau polis, semadi polis ngetan ke kerita kita.\\n* Jelu tupi enda tau diasuh be bong ba palan urang maioh.\\n* Enda tau nyium bini lebuh ari minggu.\\n* Enda tau belagu ba mua urang maioh lalu ngena baju nyemberai.\\n* Enda tau kentut ba pala urang maioh lebuh pukul 6.\\n* Enda tau mecah ke piring enggau gelas 3 kali sehari.\\n* Enda tau ngenusu ke anak ba palan urang maioh.\\n* Motorsikal enda tau enda masang lampu lebuh ari siang.\\nDI AMBI ARI BLOG : JENAKA IBAN\\nPrevious Jom Tukar link\\nNext lagu iban Sima download","num_words":420,"character_repetition_ratio":0.138,"word_repetition_ratio":0.0,"special_characters_ratio":0.228,"stopwords_ratio":0.262,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"13 February 2019 - Hari Tiga ba Minggu Kelima Musim Selama -->\\n13 February 2019 - Hari Tiga ba Minggu Kelima Musim Selama\\nKu Iya bejaku ngagai sida, “Kati kita lalu enda mereti? Kati kita enda nemu, utai ti tama ari luar ngagai mensia, enda ulih ngasuh iya enda tuchi?.\\nBacha Ke Satu: Pemungkal 2: 4B - 9, 15 - 17\\nLebuh TUHAN ngaga langit enggau dunya, nadai utai udah tumbuh di dunya, lalu nadai leka utai udah matuk, laban TUHAN Allah Taala apin ngasuh hari ujan, lalu mensia pen apin mega bisi gawa ba tanah; tang ai deka pansut ari dalam tanah, lalu ngemasahka tanah.\\nUdah nya TUHAN Allah Taala nempa mensia ari amau tanah lalu ngesuhka seput pengidup ke dalam lubang idung iya, lalu mensia nya idup.\\nUdah nya TUHAN Allah Taala ngaga siti kebun di menua Eden, ti muak ke timur, lalu ngengkahka orang ke udah ditempa Iya ba kebun nya.\\nTUHAN Allah Taala ngasuh semua bansa kayu ti manah dipeda sereta manah ke pemakai tumbuh dia. Ba tengah-tengah kebun nya bisi mega sepun kayu pengidup, enggau sepun kayu ti meri penemu kena ngelala bida entara utai ti manah ari utai ti jai.\\nUdah nya TUHAN Allah Taala ngengkahka orang nya ba kebun Eden, ngambika iya gawa dia lalu nyaga kebun nya.\\nKu TUHAN Allah Taala bejaku ngagai orang nya, “Nuan tau makai buah ari semua kayu dalam kebun tu, tang nuan enda tau makai buah ari kayu penemu ti tau ngasuh nuan nemu semua utai, laban lebuh nuan makai buah nya, nuan deka mati.”\\nMasmur Entara: Masmur 104: 1 - 2A, 27 - 28, 29BC - 30\\nSaut (peda 35c): Puji meh TUHAN, O semengat aku!\\nSemua sida ngarapka Nuan meri sida pemakai nitihka musin.\\nNuan meri pemakai ngagai sida, lalu sida makai.\\nNuan meri sida pemakai, lalu sida kenyang.\\nLebuh Nuan ngambi seput ti meri pengidup, sida mati\\nlalu pulai nyadi amau baru.\\nTang lebuh Nuan meri sida seput, sida idup.\\nNuan meri pengidup ti baru ngagai dunya.\\nAlleluia \/ Aklamasi sebedau Injil (peda John 17: 17B, 17A)\\nJaku Nuan, O TUHAN nya pemendar:\\nnguduska kami dalam pemendar.\\nBacha Injil: Mark 7: 14 - 15, 17 - 23\\nJesus lalu ngangauka orang mayuh ngagai Iya baru, lalu bejaku ngagai sida, “Pendingka Aku, semua kita, lalu mereti: Nadai utai ti tama ngagai mensia tau ngasuh iya enda tuchi. Utai ti ngasuh mensia enda tuchi nya utai ti pansut ari mensia.”\\nLebuh Iya ninggalka orang mayuh, lalu tama ngagai rumah, sida murid Iya lalu nanya Iya pasal jaku sempama nya.\\nKu Iya bejaku ngagai sida, “Kati kita lalu enda mereti? Kati kita enda nemu, utai ti tama ari luar ngagai mensia, enda ulih ngasuh iya enda tuchi?\\nLaban utai nya ukai tama ngagai ati, tang tama ngagai perut, lalu udah nya pansut ari tubuh.”\\n(Lebuh Iya nyebut nya, Iya madahka semua pemakai tau diempa magang.)\\nLalu ku Iya, “Utai ti pansut ari mensia, nya utai ti ngasuh iya enda tuchi.\\nLaban ari dalam mensia, ari ati mensia pansut runding ti jai: bambai, ngenchuri, munuh orang, butang, amu, ulah ti jai, nipu orang, ulah ti kamah, kepapas, bejakuka orang, sumbung, enggau pemeli.\\nSemua utai ti jai nya pansut ari ati mensia; nya utai ti ngasuh iya enda tuchi.”","num_words":485,"character_repetition_ratio":0.077,"word_repetition_ratio":0.067,"special_characters_ratio":0.234,"stopwords_ratio":0.373,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Chatearab - Find a partner swinger on BTSA.SITE\\nDalam timpuh tu, sukung komuniti amat malayisa. Kelimpah meri penerang, KUSSIS meri peransang enggau amlaysia ngagain ngagai indai Polisi penyusuan susu ibu malaysia pemanah nusu ke anak, lebih agi ngagai raban bansa Sarawak. Fast ubah dunya enggau chara pengidup ti lebih agi ngemeranka chara pendiau di mengeri, diri sebilik jauh sereta masuk kereja baru ngujungka pengawa nyaga indai enggau anak ti baru ada enda engkeman. Nusuka anak chara eksklusif ulih mantu indai nakahka entara anak ti mega sebengkah ari chara nagang ari majak beranak. Ai tusu indai ulih nyeliahka ari kurang zat pemakai enggau chirit-birit sereta penyakit pedis enseput, kelimpah ngurangka alegik alah jamah bansa pemakai tauka ubat. Nusu ke anak dalam timpuh sejam keterubah udah berabak ulih ngasuh ai tusu mayuh sereta nyeliahka tusu indai kembai.\\nTang ubah dunya enggau chara pengidup ti lebih agi ngemeranka chara pendiau di mengeri, diri sebilik jauh sereta mlaysia kereja baru ngujungka pengawa nyaga indai enggau anak ti baru ada enda engkeman. Pemesai Pelilih Sarikei, Khalid Andong madah, raban orang dagang enggau pengempu kedai mit ke bekaul aruh ngemeranka ulah bejalaika pengawa dagang ngena konsep 'sama menang' laban nengah ngemeranka etika pengawa dagang ke betanggungjawab baka tu mega ulih nambahka penyampau barang ke dibeli kelimpah penguna ulih mayuh pilih sereta ngurangka belanja.\\nPosted on Ploisi 31,Tuesday PANSIK saintifik nunjukka ai tusu indai pemakai ti pemadu manah sereta mungkur semua nutrien ti engkeman ke semua Pooisi mit. Beduduk enggau nya, Helena ngansak orang mayuh ke bisi penerang tauka riput bekaul enggau pekara nya ngenataika riput ngagai piak KPPDNKK ba lumur tauka ngelawa laman web http: Lalu ba orang Islam nya nunjukka orang ukai bepengarap Islan nyukung sida maya bulan puasa. Posted on January 1,Wednesday MEDIA sosial ulih nyadi kereban ti amat engkeman dikena nempa penyerakup antara pupu raban bansa di dunya nyengkaum Malaysia, enti ba jari orang tauka dikena ngena chara ti betul.","num_words":313,"character_repetition_ratio":0.052,"word_repetition_ratio":0.079,"special_characters_ratio":0.169,"stopwords_ratio":0.176,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 23 BK - Ku Balaam bejaku enggau Balak, “Gaga - Bible Search\\nPenyampau 22 Penyampau 24\\n1Ku Balaam bejaku enggau Balak, “Gaga tujuh iti alta ditu ke aku, lalu bai ngagai aku tujuh iku sapi ti lelaki, enggau tujuh iku bedus ti lelaki.”\\n2Balak lalu ngereja utai ti diasuh Balaam gaga iya. Iya enggau Balaam lalu nyerahka siku sapi ti lelaki enggau siku bedus ti lelaki ba siti-siti alta nya. 3Udah nya Balaam bejaku enggau Balak, “Bediri nuan ditu ngimbai piring tunu nuan tu. Aku deka bejalai kebukai, deka nemu enti TUHAN deka, tauka enggai betemu enggau aku. Aku deka madahka ngagai nuan utai ti dipandangka Iya ngagai aku.” Balaam lalu bejalai kediri ngagai tuchung bukit sigi, 4lalu Allah Taala betemu enggau iya. Ku Balaam bejaku enggau Allah Taala, “Aku udah ngaga tujuh iti alta, lalu udah meri siku sapi ti lelaki enggau siku bedus ti lelaki ba genap iti alta nya.”\\n5TUHAN lalu madahka ngagai Balaam utai ti patut disebut iya, lalu ngasuh Balaam pulai baru ngagai Balak, lalu meri pesan TUHAN ngagai iya. 6Balaam lalu pulai, lalu nemu Balak mengkang bediri ngimbai piring tunu iya, sama enggau semua tuai orang Moap.\\n7Balaam lalu nyebut jaku ti benabi tu:\\n“Balak, raja orang Moap udah mai aku\\nAri Siria, ari bukit ti di timur.\\n‘Datai lalu bejaku enggau aku,’ ku iya bejaku.\\n‘Sumpah orang Israel.’\\n8Baka ni ku aku nyumpah utai ti enda disumpah Allah Taala,\\nTauka bejakuka pasal ukum, enti TUHAN apin bejakuka pasal ukum?\\n9Ari tuchung bukit ti tinggi, aku ulih meda sida.\\nAku ulih nengkilaka sida ari munggu.\\nSida tu bansa orang ke diau kediri.\\nSida nemu diri udah lebih agi diberekatka ari semua bansa bukai.\\n10Bala peturun Israel nyau ngemayuh amau.\\nSida enda ulih diitung.\\nAwakka aku ngapuska seput aku baka siku nembiak Allah Taala.\\nAwakka aku mati mai ati ti lantang baka orang ke lurus.”\\n11Udah nya Balak lalu bejaku enggau Balaam, “Nama utai tu ti udah dikereja nuan ba aku? Aku udah mai nuan kitu, ngasuh nuan nyumpah munsuh aku, tang nuan merekatka sida.”\\n12Disaut Balaam, “Aku semina ulih nyebut utai ti diasuh TUHAN.”\\nJaku Benabi Ti Kedua Ari Balaam\\n13Udah nya Balak bejaku enggau Balaam, “Aram bejalai enggau aku ngagai siti agi endur. Nuan ulih meda orang Israel ari endur nya. Sumpah sida ke aku ari endur nya.” 14Balak lalu mai Balaam ngagai padang ti di Sopim, ti ba tuchung Bukit Pisgah. Balak mega ngaga tujuh iti alta dia, lalu nyerahka siku sapi ti lelaki enggau siku bedus ti lelaki ba genap iti alta nya.\\n15Ku Balaam bejaku enggau Balak, “Bediri nuan ditu ngimbai piring tunu nuan. Aku deka betemu enggau Allah Taala ba endur nyin.”\\n16TUHAN betemu enggau Balaam, madahka ngagai iya utai ti patut disebut iya, lalu ngasuh iya pulai baru ngagai Balak, lalu meri pesan TUHAN ngagai Balak. 17Nya alai Balaam pulai baru ngagai Balak, lalu nemu Balak mengkang bediri ngimbai piring tunu, sama enggau bala tuai orang Moap. Balak lalu nanyaka utai ti udah disebut TUHAN. 18Balaam lalu nyebut jaku ti benabi tu:\\n“Datai kitu ke nuan Balak anak Sipor,\\nLalu pendingka utai ti deka disebut aku.\\n19Allah Taala ukai baka mensia ti bula.\\nIya ukai baka mensia ti ngubah runding diri.\\nUtai ti disemaya Iya sigi deka dikereja Iya.\\nIya bejaku, lalu utai nya nyadi.\\n20Aku udah diasuh merekat,\\nLalu lebuh Allah Taala merekat, aku enda ulih narit berekat nya pulai baru.\\n21Aku meda utai ti deka nyadi, lalu nemu orang Israel enda kena laban penusah tauka pengachau jemah ila.\\nTUHAN Allah Taala sida bisi enggau sida.\\nSida madahka Iya endang Raja sida.\\n22Allah Taala udah mai sida pansut ari menua Ejip.\\nIya belaban ngarika sida baka sapi ti lelaki ke siga.\\n23Nadai puchau, tauka pengaruh\\nulih ngelaban orang Israel.\\nOrang deka nyebut tu pasal orang Israel,\\n‘Peda kita utai ti udah dikereja Allah Taala!’\\n24Bansa Israel nya baka singa.\\nIya enda ngetu ngapa sebedau iya nyarik lalu makai,\\nSebedau iya ngirup darah utai ti dibunuh iya.”\\n25Udah nya Balak lalu bejaku enggau Balaam, “Enti nuan enggai nyumpah orang Israel, anang ga nuan merekatka sida!”\\n26Disaut Balaam, “Ukai enda aku udah madahka ngagai nuan, aku enda tau enda ngereja semua utai ti diasuh TUHAN?”\\nJaku Benabi Ti Ketiga Ari Balaam\\n27Ku Balak bejaku, “Aram bejalai enggau aku. Aku deka mai nuan ngagai siti agi endur. Kada enda Allah Taala deka ngasuh nuan nyumpah sida ke aku ari endur nya.” 28Nya alai iya mai Balaam ngagai tuchung Bukit Peor di menua puang. 29Ku Balaam bejaku enggau Balak, “Gaga tujuh iti alta ke aku ditu, lalu bai ngagai aku tujuh iku sapi ti lelaki enggau tujuh iku bedus ti lelaki.” 30Balak ngereja nitihka asuh Balaam, lalu meri siku sapi ti lelaki enggau siku bedus ti lelaki ba genap iti alta nya.","num_words":739,"character_repetition_ratio":0.088,"word_repetition_ratio":0.045,"special_characters_ratio":0.214,"stopwords_ratio":0.379,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"INJIL TI DITULIS\\nInjil Mark belabuh ngena jaku ti madahka Injil nya “Berita Manah pasal Jesus Kristus, ti Anak Allah Taala.”Injil tu ngayanka Jesus seruran bekereja sereta bisi kuasa.Kuasa Iya tau dipeda ari jaku ajar Iya, ari kuasa Iya ti ngalahka antu, enggau kuasa kena Iya ngampun dosa orang.Jesus madahka Diri Anak Mensia, ti udah datai lalu deka nyerahka nyawa Diri ngambika orang mayuh dilepaska ari dosa sida.\\nMark nulis cherita pasal Jesus ngena jalai ti mudah, ti ngenang pasal utai ti dikereja Jesus, lalu kurang agi ngenang pasal utai ti disebut Iya, tauka ajar Iya. Lebuh iya udah ngenang pasal John Pemaptisa, enggau pasal Jesus ke dibaptisa, enggau pasal Iya ke diuji Sitan, Mark lalu nusui pasal Jesus ke ngerai enggau ngajar orang.Nyau kelama udah nya, nya baru bala orang ke nitihka Jesus mereti agi ke Iya, tang orang ke ngelaban Iya majak balat agi ngelaban.Sitak bup tu ti penudi madahka pasal utai ti nyadi dalam minggu ti penudi dalam pengidup Jesus di dunya tu, kelebih agi pasal Iya ke diregang, enggau pasal pengangkat Iya ari mati.\\nMayuh orang ngumbai injil tu injil ti terubah ditulis.Iya ditulis kira 70 taun udah lepas pengada Jesus.\\nPun Injil tu (1.1-13)\\nPengawa Jesus di Galili (1.14-9.50)\\nAri Galili ngagai Jerusalem (10.1-52)\\nMinggu ti penudi di Jerusalem enggau semak Jerusalem (11.1-15.47)\\nPengangkat Jesus ari mati (16.1-8)\\nJesus ngayanka Diri. Niki ke serega (16.9-20)\\nPesan Ti Dipadahka John Pemaptisa\\n1 Tu pun Berita Manah pasal Jesus Kristus, ti Anak Allah Taala.\\n2 Munyi ti ditulis dalam bup nabi Isaiah,“Ku Allah Taala bejaku, ‘Dinga! Aku ngirumka seruan Aku dulu ari Nuan;iya deka nyendiaka jalai ke Nuan.’\\n3 Siku orang ngangau di menua puang:‘Sediaka jalai ke Tuhan;Gaga jalai Iya rurus!’“\\n4 John Pemaptisa pegari di menua puang, madahka pemaptisa nesal ati ke pengampun dosa.\\n5 Semua orang ari serata menua Judea, enggau ari Jerusalem mansang ngagai iya.Sida ngaku dosa sida, lalu iya maptisa sida ba Sungai Jordan.\\n6 Gari John digaga ari bulu unta, lalu belulang ti melit punggung iya digaga ari kulit jelu.Lalu pemakai iya buntak enggau ai manyi.\\n7 Ku iya madah ngagai orang mayuh, “Iya ke datai dudi ari aku lebih agi bekuasa ari aku, datai ke aku enda tau meremi lalu muka tali kasut Iya.\\n8 Aku udah maptisa kita ngena ai, tang Iya deka maptisa kita ngenaRoh Kudus.”\\nJesus Dibaptisa Lalu Diuji\\n9 Lebuh maya nya Jesus datai ari Nasaret di menua Galili lalu dibaptisa ulih John ba Sungai Jordan.\\n10 Lebuh Iya pansut ari dalam ai, Iya tekala nya meda langit tebuka, lalu Roh Kudus nurun ngagai Iya baka burung achang.\\n11 Nyawa lalu bisi didinga bejaku ari serega, “Nuan tu Anak ti dikesayauka Aku.Aku rindu bendar ke Nuan.”\\n12 Roh Kudus lalu tekala nya mai Iya ngagai menua puang.\\n13 Iya diau di menua puang empat puluh hari, diuji Sitan.Iya diau begulai enggau jelu babas, lalu bala melikat ngintu Iya.\\nJesus Ngangauka Empat Iku Orang Berikan\\n14 Lebuh John udah ditangkap, Jesus bejalai ngagai menua Galili, nusui Berita Manah Allah Taala.\\n15 Ku Jesus bejaku, “Timpuh udah datai, lalu Perintah Allah Taala nyau semak!Nesal ati ke dosa kita, lalu arapka Berita Manah!”\\n16 Lebuh Jesus benung bejalai ba tebing Danau Galili, Iya tepedaka dua iku orang berikan, Simon enggau menyadi lelaki iya Andrew, benung nyala.\\n17 Ku Jesus bejaku ngagai seduai iya, “Titihka Aku.Aku deka ngajar seduai chara ngulihka mensia.”\\n18 Tekala nya seduai iya ninggalka jala seduai, lalu nitihka Iya.\\n19 Lebuh Iya udah bejalai jauh mimit ari nya, Iya tepedaka dua iku agi orang diri menyadi, James seduai John, anak Sebedi, benung nyeruri jala dalam perau sida.\\n20 Tekala nya Iya ngangauka seduai iya, lalu seduai iya ninggalka apai seduai iya Sebedi sama enggau orang gaji sida dalam perau, lalu nitihka Jesus.\\nOrang Ke Dirasuk Roh Ti Jai\\n21 Jesus enggau sida murid Iya datai di nengeri Kapernaum.Kena hari Sabat, Iya tama ngagai balai gempuru lalu ngajar.\\n22 Sida alit ati ninga ajar Iya, laban Iya ngajar baka orang ke bisi kuasa, ukai baka sida pengajar Adat.\\n23 Nyadi dalam balai gempuru nya bisi siku lelaki ke dirasuk roh ti jai.\\n24 Ku orang nya bejaku enggau nyawa ti inggar, “Nama utai ti deka dikereja Nuan ngagai kami, Jesus orang Nasaret? Kati Nuan datai ditu deka ngerusak kami?Aku ngelala Nuan.Nuan tu Seruan ti Kudus ari Allah Taala!”\\n25 Jesus lalu ngerara iya, “Anang bejaku! Pansut nuan ari iya!”\\n26 Roh ti jai nya lalu ngusak orang nya, nyerauh lalu udah nya pansut ari iya.\\n27 Semua orang balat alit ati lalu belabuh betanya ngagai pangan diri, “Nama utai tu? Tu ajar ti baru. Iya bisi kuasa! Iya ngerara roh ti jai, lalu sida ngasika Iya!”\\n28 Berita pasal Iya lalu tekala nya belabuh ngelekai ngagai semua endur di serata menua Galili.\\nJesus Ngeraika Mayuh Orang\\n29 Lebuh Jesus mupuk ari balai gempuru nya, Iya enggau James seduai John tama ngagai rumah Simon seduai Andrew.\\n30 Nyadi mentua indu Simon gali sakit chelap angat, lalu sida madahka pasal iya ngagai Jesus.\\n31 Jesus mansang lalu megai jari mentua Simon, lalu ngangkatka iya.Iya lalu gerai, lalu belabuh mela sida.\\n32 Lebuh padam mata panas lemai nya, orang mai ngagai Jesus semua orang ke sakit, tauka dirasuk antu.\\n33 Lalu semua orang di nengeri nya begelumu di mua rumah nya.\\n34 Iya ngeraika mayuh orang ke sakit laban mayuh macham pemedis, lalu muru mayuh antu.Iya enda nyagi sida antu bejaku, laban sida ngelala sapa Iya.\\nJesus Madahka Berita Manah Di Galili\\n35 Pagi hari siti, sebedau rerak tawas, Jesus angkat, lalu bejalai ngagai siti endur ti sunyi, lalu besampi.\\n36 Simon enggau bala pangan iya lalu ngiga Iya.\\n37 Lebuh sida udah tetemuka Iya, sida lalu bejaku, “Semua orang ngiga Nuan.”\\n38 Ku Iya nyaut, “Aram kitai bejalai ngagai nengeri bukai, ngambika Aku nusui Berita Manah dia mega, laban nya endang kebuah Aku datai.”\\n39 Iya lalu bejalai di serata menua Galili, nusui Berita Manah dalam balai gempuru sida, lalu muru antu.\\nJesus Ngeraika Siku Lelaki\\n40 Siku lelaki ke sakit lan datai ngagai Jesus, besugang, minta tulung Jesus. Ku iya, “Enti Nuan deka, Nuan ulih ngasuh aku tuchi.”\\n41 Enggau ati ti sinu ke iya Jesus ngunjurka jari lalu negu orang nya, lalu bejaku, “Aku deka.Tuchi meh nuan!”\\n42 Tekala nya penyakit nya lalu nadai agi ba orang nya, lalu iya nyadi tuchi.\\n43 Lebuh Jesus udah berat-rat nangkan orang nya enggau jaku, Iya lalu kemaya nya ngasuh iya mupuk.\\n44 Ku Jesus bejaku ngagai iya, “Anang madahka tu ngagai orang, tang mansang nuan ngagai imam lalu asuh iya meresa nuan, lalu beri piring ti udah diletak Moses, kena nuan mandangka diri ngagai orang mayuh nuan udah tuchi.”\\n45 Tang orang nya mupuk lalu belabuh nusui berita nya di semua endur.Ketegal nya Jesus nyau enda ulih agi ngayanka Diri lebuh Iya tama ngagai nengeri.Tang Iya diau di luar ba endur ti sunyi, lalu orang datai ngagai Iya ari semua endur.\\nJesus Ngeraika Orang Ke Sakit Bajung\\n1 Lebuh Iya pulai ngagai Kapernaum kira dua tiga hari udah bekau nya, orang lalu madahka Iya bisi di rumah.\\n2 Mayuh amat orang begempuru dia, datai ke rumah nya nyau enda muat alai sida. Di mua pintu pen nadai meh endur.Lalu Iya nusui pesan Allah Taala ngagai sida.\\n3 Empat iku lelaki datai ngagai Iya, mai orang siku ke sakit bajung.\\n4 Laban orang kelalu mayuh, sida enda ulih mai orang nya ngagai Jesus, lalu sida ngerumbak perabung ba senentang endur alai Jesus, lalu ngulurka orang ke sakit nya ngena tikai iya empu.\\n5 Lebuh Jesus meda pengarap sida, Iya lalu bejaku ngagai orang ke sakit bajung nya, “Anak, dosa nuan diampun.”\\n6 Sekeda pengajar Adat ke duduk dia lalu betanya dalam ati diri,\\n7 “Nama kebuah orang tu bejaku munyi nya? Nya jaku busung! Semina Allah Taala aja ulih ngampun dosa!”\\n8 Tekala nya Jesus nemu utai ti diperagam ati sida, lalu ku Iya, “Nama kebuah kita beperagamka utai ti baka nya?\\n9 Ni ti mudah agi disebut ngagai orang ke sakit bajung tu, ‘Dosa nuan diampun,’ tauka ‘Angkat, bai peninduk nuan, lalu bejalai’?\\n10 Tang ngambika kita nemu Anak Mensia bisi kuasa di dunya tu ngampun dosa,” Iya lalu bejaku ngagai orang ke sakit bajung nya,\\n11 “Aku bejaku ngagai nuan: angkat nuan! Bai peninduk nuan, lalu pulai ke rumah!”\\n12 Orang nya lalu bediri, lalu tekala nya ngambi peninduk iya, lalu pansut ari endur nya dipeda semua sida. Semua sida lalu balat alit ati, lalu ngemuliaka Allah Taala. Ku sida, “Nadai kitai udah kala meda utai baka tu!”\\nJesus Ngangauka Lewi\\n13 Jesus bejalai baru ngagai tebing Danau Galili, lalu bala orang mayuh begelumu ngelingi Iya, lalu Iya ngajar sida.\\n14 Lebuh Iya benung bejalai, Iya tepedaka Lewi anak Alpius duduk dalam opis pengumpul chukai. Iya lalu bejaku ngagai Lewi, “Titihka Aku.”Lewi angkat lalu nitihka Iya.\\n15 Lebuh Iya makai dalam rumah Lewi, mayuh pengumpul chukai enggau orang ke bedosa makai sama enggau Iya sereta enggau murid Iya, laban mayuh sida nya nitihka Iya.\\n16 Lebuh sida pengajar Adat enggau orang Parisi meda Jesus begulai makai enggau orang ke bedosa, sereta enggau pengumpul chukai, sida lalu bejaku ngagai sida murid Iya, “Nama kebuah Iya begulai makai enggau pengumpul chukai sereta enggau orang ke bedosa?”\\n17 Lebuh Jesus ninga nya, Iya lalu bejaku ngagai sida, “Orang ke gerai enda begunaka lutur, tang semina orang ke sakit.Aku datai ukai deka ngangauka orang ke lurus, tang orang ke bedosa.”\\nTanya Pasal Bepasa\\n18 Nyadi sida murid John Pemaptisa enggau sida orang Parisi bepasa. Orang lalu datai ngagai Jesus, lalu nanya Iya, “Nama kebuah sida murid John Pemaptisa enggau sida murid orang Parisi bepasa, tang murid Nuan enda?”\\n19 Ku Jesus bejaku ngagai sida, “Kati bala pengabang bepasa lebuh lelaki ke ditikah agi mengkang begulai enggau sida?Seagi-agi lelaki ke ditikah nya mengkang begulai enggau sida, sida enda bepasa.\\n20 Maya deka datai alai lelaki ke ditikah nya deka diambi ari sida, nya baru sida deka bepasa.\\n21 “Nadai orang nampalka chebik kain ti baru ngagai kain ti lama, laban kain ti baru nya deka kesat lalu nyintak ari kain ti lama, lalu ngasuh kain ti lama nya balat agi charik.\\n22 Lalu nadai mega orang nuang wain ti baru ngagai kambut wain ti lama, enggai ke wain nya ngasuh kambut nya pechah, lalu wain nya deka nyaya, lalu kambut nya rusak.Wain ti baru patut disimpan dalam kambut ti baru.”\\nTanya Pasal hari Sabat\\n23 Nyadi sekali lebuh hari Sabat Jesus bejalai nengah umai gandum. Lebuh sida bejalai nengah umai nya sida murid Iya lalu belabuh ngelesit igi gandum.\\n24 Orang Parisi lalu bejaku ngagai Iya, “Nama kebuah sida ngereja utai ti ngelanggar Adat lebuh hari Sabat!”\\n25 Iya lalu bejaku ngagai sida, “Kati kita nadai udah kala macha pasal utai ti dikereja David, lebuh iya enggau bala iya lapar lalu begunaka pemakai?\\n26 Iya tama ngagai rumah Allah Taala, lebuh maya Abiatar nyadi imam besai, lalu makai roti ti udah diberi ngagai Allah Taala, ti enda tau diempa orang bukai kelimpah ari sida imam, lalu iya mega meri roti nya ngagai bala iya?”\\n27 Lalu ku Jesus bejaku ngagai sida, “Hari Sabat digaga ke mensia, ukai mensia ke hari Sabat.\\n28 Nya alai Anak Mensia Tuhan ke hari Sabat.”\\nLelaki Ke Mati Jari Sepiak\\n1 Jesus lalu tama baru ngagai balai gempuru.Dalam balai gempuru nya bisi siku orang ke mati lengan sepiak.\\n2 Sida lalu nengkilaka Jesus, deka meda enti Iya deka ngeraika orang nya lebuh hari Sabat, ngambika sida ulih besalahka Iya.\\n3 Ku Iya bejaku ngagai orang ke mati lengan nya, “Datai ke mua kitu.”\\n4 Lalu ku Iya bejaku ngagai sida, “Nitihka Adat, ni utai ti patut dikereja kitai lebuh hari Sabat, ngereja utai ti manah tauka utai ti jai; ngidupka nyawa tauka munuh?”\\nTang sida enda engkeretik.\\n5 Jesus merening ngagai sida enggau ati ti pedis tang sinu ati ke sida laban sida kieh. Iya lalu bejaku ngagai orang ke mati jari nya, “Unjurka jari nuan.”Orang nya lalu ngunjurka jari iya, lalu jari iya gerai.\\n6 Orang Parisi pansut, lalu baum tekala nya enggau bala nembiak Herod, bekiraka chara munuh Jesus.\\nBala Orang Mayuh Ba Tebing Danau\\n7 Jesus enggau sida murid Iya mupuk ngagai Danau Galili, lalu mayuh amat orang ari Galili, enggau ari Judea nitihka Iya,\\n8 enggau ari Jerusalem, ari Idumea, ari menua ti ngilah Sungai Jordan, enggau ari menua ti ngelingi nengeri Tire enggau Sidon. Mayuh amat orang datai ngagai Iya lebuh sida ninga pasal semua utai ti dikereja Iya.\\n9 Iya lalu ngasuh sida murid Iya nyendiaka sebuah perau ke Iya, laban orang kelalu mayuh, enggai ke sida ngempitka Iya;\\n10 laban Iya udah ngeraika mayuh orang, datai ke semua orang ke sakit nyau berebut mansang ngagai Iya, deka negu Iya.\\n11 Lalu genap kali roh ti jai meda Iya, sida nyungkurka diri di mua Iya, lalu merakka nyawa, “Nuan tu Anak Allah Taala!”\\n12 Lalu Iya berat-rat nangkan sida enggau jaku, enggai ke orang ngelala Iya.\\nJesus Milih Rasul Ke Dua Belas Iku\\n13 Udah nya Jesus niki ngagai bukit sigi, lalu ngangauka orang ke dikedekaka Iya.Sida lalu datai ngagai Iya.\\n14 Iya lalu milih dua belas iku sida ke dikumbai Iya rasul, ngambika sida bisi enggau Iya, sereta bisi diasuh Iya bejalai nusui Berita Manah,\\n15 lalu bisi kuasa muru antu.\\n16 Nya alai Iya milih dua belas iku sida: Simon (ke digelar Iya Peter),\\n17 James anak Sebedi enggau menyadi iya John, (ke digelar Iya Boanerges, reti nya “Anak Guntur”),\\n18 Andrew, Philip, Bartolomew, Matthew, Thomas, James anak Alpius, Tadeus, Simon ke digelar bujang berani,\\n19 enggau Judas Iskariot, ke nyual Jesus. Udah nya Iya pulai ke rumah.\\nJesus Enggau Belsebup\\n20 Bala orang mayuh lalu begelumu baru, datai ke Jesus enggau sida murid Iya nyau enda ulih makai.\\n21 Lebuh sida Jesus sebilik ninga nya, sida lalu datai deka nagang Iya, laban orang bisi udah bejaku, “Iya nyau udah gila!”\\n22 Lalu ku bala pengajar Adat ke datai ari Jerusalem bejaku, “Iya bisi Belsebup dalam Iya, lalu Iya muru antu ngena kuasa raja antu.”\\n23 Iya lalu ngangauka sida ngagai Iya, lalu bejaku ngagai sida ngena jaku sempama: “Baka ni ku Sitan ulih muru Sitan?\\n24 Enti perintah bepechah-belah ngelaban diri empu, perintah nya enda tan.\\n25 Lalu enti ruang bilik bepechah-belah ngelaban diri empu, ruang bilik nya enda tan.\\n26 Lalu enti Sitan bepechah-belah ngelaban diri empu, iya enda tan, lalu perintah iya deka abis.\\n27 “Tang nadai orang ulih tama ngagai rumah orang ke kering, lalu ngerampas reta tengkira iya, enti iya enda dulu nanchang orang ke kering nya.Udah nya baru iya ulih ngerampas utai ari rumah orang nya.\\n28 “Enggau bendar Aku madah ngagai kita, semua mensia deka diampun ari dosa sida enggau ari jaku busung sida,\\n29 tang barang sapa bejaku busung ngelaban Roh Kudus, enda diampun, laban iya ngereja dosa ti mengkang belama iya.”( 30 Jesus nyebut nya laban sida udah nyebut, “Iya bisi roh ti jai.”)\\nIndai Enggau Menyadi Jesus\\n31 Indai enggau sida menyadi lelaki Jesus datai.Sida bediri di luar, lalu ngasuh orang madahka Iya.\\n32 Mayuh amat orang duduk ngelingi Iya, lalu ku sida bejaku ngagai Iya, “Indai enggau sida menyadi lelaki Nuan bisi di luar, ngiga Nuan.”\\n33 Jesus lalu nyaut, “Sapa indai Aku?Sapa menyadi Aku?”\\n34 Iya lalu merening ngagai orang ke duduk ngelingi Iya, lalu bejaku, “Tu meh indai Aku enggau menyadi Aku!\\n35 Barang sapa ngereja peneka Allah Taala, nya meh menyadi lelaki, menyadi indu, enggau indai Aku.”\\nSempama Pasal Penabur Benih\\n1 Jesus lalu belabuh ngajar baru ba tebing Danau Galili. Mayuh amat orang begempuru ngelingi iya. Nya alai Iya nepan sebuah perau ti lagung-lagung ba danau nya, lalu nudukka Diri dia, lalu semua orang mayuh bediri ba tebing.\\n2 Iya lalu belabuh ngajar sida mayuh macham utai ngena jaku sempama. Ku Iya:\\n3 “Dinga kita!Siku penabur benih mansang naburka benih.\\n4 Lebuh iya naburka benih nya, sekeda leka benih nya labuh ba jalai; burung datai lalu makai leka benih nya.\\n5 Sekeda leka benih nya labuh ba tanah ti bebatu, ti nadai mayuh tanah. Leka benih nya lalu matuk tekala nya, laban tanah dia mabu,\\n6 lalu lebuh mata panas nyau niki, utai nya layu lalu mati, laban iya nadai urat.\\n7 Sekeda leka benih ti bukai labuh ba madang duri.Duri nya tumbuh lalu ngalahka benih ti tumbuh nya, lalu sida enda ulih bebuah.\\n8 Lalu benih ti bukai labuh ba tanah ti ami, tumbuh lalu mansang besai lalu bebuah lebat, mansutka tiga puluh kali lipat, enam puluh kali lipat, enggau seratus kali lipat.”\\n9 Lalu ku Jesus bejaku, “Awakka orang ke bisi pending, ninga.”\\nKebuah Ngena Jaku Sempama\\n10 Lebuh Jesus nyau keDiri, sida ke dua belas enggau orang bukai ke enggau sida lalu nanya ngagai Iya pasal jaku sempama nya.\\n11 Lalu ku Iya bejaku ngagai sida, “Kita udah diberi misteri pasal Perintah Allah Taala, tang ke orang ti di luar, semua utai diberi ngagai sida ngena jaku sempama,\\n12 ngambika sida merening tang enda meda, mending tang enda mereti, laban enti sida mereti, sida deka nguing ngagai Allah Taala, lalu Iya deka ngampun sida.”\\nJesus Nerangka Sempama Penabur Benih\\n13 Lalu ku Iya bejaku ngagai sida, “Kati kita enda meretika sempama tu? Enti pia, baka ni ku kita ulih meretika semua sempama?\\n14 Orang ke penabur benih nya naburka jaku Allah Taala.\\n15 Benih ti labuh ba jalai nya orang ke ninga jaku nya.Lebuh sida ninga jaku nya, Sitan datai tekala nya lalu ngerampas jaku nya ari sida.\\n16 Benih ti labuh ba tanah ti bebatu nya orang ke gaga ati ninga lalu nerima jaku nya.\\n18 Benih ti labuh ba madang duri nya orang ke ninga jaku nya,\\n19 tang pengangkun sida ke dunya, enggau pengerindu sida ke pengaya, enggau pengingin sida ke utai bukai, tama lalu ngalahka jaku nya, lalu jaku nya enda\\n20 Tang benih ti labuh ba tanah ti manah nya orang ke ninga jaku nya, nerima iya lalu bebuah tiga puluh, enam puluh, enggau seratus kali lipat.”\\nLampu Dirungkup Ngena Bisin\\n21 Lalu ku Iya bejaku ngagai sida, “Kati lampu ti ditungkun, dirungkup ngena bisin, tauka diengkah di baruh katil, tauka diengkah ba penuduk lampu?\\n22 Laban nadai utai ti dilalai, enda dikebakka, lalu nadai utai ti resia, enda ditemu.\\n23 Awakka orang ke bisi pending, ninga.”\\n24 Lalu ku Iya bejaku ngagai sida, “Peratika utai ti didinga kita!Takar ti dikena kita, deka dikena nakar utai ke kita, lalu utai ti lebih agi ari nya deka diberi ngagai kita.\\n25 Laban orang ke bisi utai deka diberi mayuh agi, lalu orang ke nadai utai, indah utai ti mimit ti dikemisi sida deh deka diambi ari sida.”\\nSempama Pasal Leka Utai Ti Tumbuh\\n26 Ku Iya mega bejaku, “Perintah Allah Taala nya baka orang siku ke naburka benih ba tanah.\\n27 Malam hari iya tinduk, lalu lebuh siang hari iya angkat, tang iya enda nemu baka ni ku utai nya matuk lalu tumbuh.\\n28 Tanah nya ti ngeluarka asil, terubah, batang pegari, udah nya utai nya murai, lalu udah nya tangkai pegari.\\n29 Tang lebuh utai nya nyau mansau, orang lalu tekala nya ngerat batang iya ngena sabit, laban nya endang maya ngetau.\\nSempama Pasal Leka Mustard\\n30 Jesus mega nyebut, “Baka ni ku kitai mandingka Perintah Allah Taala? Tauka sempama ni ti deka dikena kitai madahka pasal Perintah nya?\\n31 Perintah Allah Taala nya baka igi mustard, leka ti pemadu mit di dunya tu.\\n32 Tang lebuh iya udah ditanam, iya tumbuh lalu nyadi utai ti besai agi ari semua utai bukai ti ditanam.Iya mansutka dan ti besai, datai ke burung nyau ulih\\nngaga tansang di baruh iya.”\\nJesus Ngena Jaku Sempama\\n33 Jesus ngena mayuh jaku sempama ti baka nya kena Iya madahka pesan ngagai orang mayuh, naka ti ulih didinga sida.\\n34 Iya enda bejaku ngagai sida enti enda ngena jaku sempama, tang lebuh Iya kediri enggau sida murid Iya, Iya nerangka semua utai ngagai sida.\\nJesus Ngasuh Kabut Teduh\\n35 Lemai nya Iya bejaku ngagai sida murid Iya, “Aram kitai ngelayang ke seberai.”\\n36 Sida lalu ninggalka orang mayuh, mai Iya enggau sida dalam perau.Perau bukai mega mupuk enggau Iya.\\n37 Kabut besai nyadi, lalu gelumbang mangka ngagai perau sida datai ke perau nya nyau deka karam.\\n38 Iya tinduk di kemudi, gali ba panggal.Sida ngerak Iya, lalu bejaku, “Pengajar, kati Nuan enda ibuhka kitai nyau deka mati?”\\n39 Jesus dani lalu ngerara ribut, lalu bejaku ngagai gelumbang, “Teduh!Diau jenuh!”Ribut lalu teduh, lalu ai nadai agi beumbak.\\n40 Ku Iya bejaku ngagai sida, “Nama kebuah kita takut?Kati kita mengkang enda arap?”\\n41 Lalu sida balat takut, sereta belabuh bejaku enggau pangan diri, “Sapa orang tu datai ke ribut enggau gelumbang ngasika Iya?”\\nJesus Ngeraika Orang Ke Dirasuk Antu\\n1 Sida lalu datai di seberai Danau Galili, di menua Gerasa.\\n2 Lebuh Jesus angkat ari perau lalu niki ke tebing, siku orang ke dirasuk antu lalu tekala nya pansut ari pendam lalu mansang ngagai Iya.\\n3 Orang nya diau ba sebelah pendam, lalu nadai orang ulih masung iya; ngena rantai pen enda meh ulih,\\n4 laban iya suah udah ditanchang ngena rantai lalu dikunchi, tang iya mutuska rantai lalu mechahka kunchi nya, lalu nadai orang ulih merekuhka iya.\\n5 Siang malam iya bejalai segau-segau ba sebelah pendam, enggau ba sebelah bukit, rauh-rauh sereta ngurik diri ngena batu.\\n6 Lebuh iya tepedaka Jesus ari jauh, iya belanda lalu meremi di mua Jesus,\\n7 lalu manjung enggau pengabis penginggar nyawa iya.Ku iya, “Nama utai ti deka dikereja Nuan ba aku, Jesus, Anak Allah Taala ti Pemadu Tinggi?Dalam nama Allah Taala, anang merinsaka aku!”\\n8 Iya nyebut nya laban Jesus udah bejaku ngagai iya, “Pansut nuan ari orang tu, nuan roh ti jai!”\\n9 Jesus lalu nanya iya, “Sapa nama nuan?” Iya lalu nyaut, “Nama aku Bala, laban kami mayuh!”\\n10 Iya lalu bebendar enda nyagi Jesus muru sida ari menua nya.\\n11 Nyadi ba tisi munggu semak nya bisi raban babi, benung nyungkur.\\n12 Roh ti jai nya lalu bejaku ngagai Jesus, “Kirumka kami ngagai raban babi nya; awakka kami tama ngagai sida.”\\n13 Jesus lalu ngemendarka nya.Roh ti jai nya lalu pansut ari orang nya, lalu tama ngagai babi.Raban babi nya lalu belanda nurun tingkah ngagai danau, lalu lemas.Pemayuh babi nya kira 2,000 iku.\\n14 Orang ke ngibun raban babi nya lalu rari, lalu madahka berita nya di nengeri enggau di menua pesisir.Orang mayuh lalu datai, keran deka meda utai ti udah nyadi.\\n15 Sida datai ngagai Jesus lalu meda orang ke udah dirasuk antu nya duduk dia, udah begari, lalu udah suman.Iya nya meh orang ke udah dirasuk antu ke benama ‘Bala’ lalu sida takut.\\n16 Orang ke udah meda utai nya nyadi ba orang ke dirasuk antu, enggau utai ti udah nyadi ba raban babi, lalu madah ngagai sida.\\n17 Sida lalu minta Jesus mupuk ari menua sida.\\n18 Lebuh Jesus benung nepan perau, orang ke udah dirasuk antu nya lalu minta Jesus mai iya.\\n19 Tang Jesus enggai mai iya, lalu bejaku ngagai iya, “Pulai ke rumah ngagai bala pangan nuan, lalu padahka ngagai sida pemayuh utai ti udah dikereja Tuhan ke nuan, enggau pengasih Iya ke nuan.”\\n20 Iya lalu mupuk, lalu belabuh madah ngagai orang dalam Sepuluh Buah Nengeri, pemayuh utai ti udah dikereja Jesus ke iya. Semua orang balat alit ati.\\nAnak Indu Jairus Enggau Indu Ke Negu Baju Jesus\\n21 Lebuh Jesus udah pulai baru ke seberai ngena perau, mayuh amat orang begelumu ngelingi Iya ba tebing danau nya.\\n22 Siku tuai balai gempuru, ke benama Jairus, datai. Lebuh iya meda Jesus, iya lalu nyungkurka diri di kaki Jesus,\\n23 minta kasih ngagai Iya, ku iya, “Anak indu aku nyau ka mati.Aku minta Nuan datai, lalu ngengkahka jari Nuan atas iya, ngambika iya gerai lalu idup!”\\n24 Jesus lalu mupuk enggau iya.Mayuh amat orang nitih sereta bekelingika Iya.\\n25 Nyadi dia bisi siku indu ke udah sakit begetah dua belas taun.\\n26 Iya udah berubat ngagai mayuh bengkah lutur. Tang sida enda ulih ngeraika iya. Semua duit iya nyau abis kena iya berubat, tang iya nadai belinsur gerai, tang majak balat-sebalat sakit.\\n27 Iya udah ninga pasal Jesus. Iya lalu datai ari belakang Jesus dalam tekang bala mayuh, lalu negu baju Jesus,\\n28 laban ku iya bejaku dalam ati diri, “Enti aku negu baju Iya, aku deka gerai.”\\n29 Iya lalu tekala nya badu agi begetah, lalu iya ngasaika tubuh diri udah digeraika ari penyakit nya.\\n30 Jesus lalu tekala nya nemu kuasa bisi udah pansut ari Iya.Iya lalu nguing ngagai tekang bala mayuh lalu bejaku, “Sapa negu baju Aku?”\\n31 Sida murid Iya lalu bejaku ngagai Iya, “Peda Nuan pemayuh orang besedul ngelingi Nuan, lalu agi ga Nuan nanya, “Sapa negu Aku?”\\n32 Jesus majak gining-gining ngiga orang ke udah negu Iya.\\n33 Tang lebuh indu nya nemu utai bisi udah nyadi ba iya, iya datai, getar-getar takut, besugang di kaki Jesus lalu madah ngagai Iya semua utai ti udah nyadi.\\n34 Jesus lalu bejaku ngagai iya, “Anak, pengarap nuan udah ngeraika nuan.Mupuk meh nuan enggau selamat.Nuan udah gerai ari penyakit nuan.”\\n35 Lebuh Jesus agi benung bejaku, sekeda seruan datai ari rumah Jairus, lalu madah ngagai Jairus, “Anak nuan udah mati.Anang agi ngiruh Pengajar.”\\n36 Tang Jesus enda ibuhka utai ti disebut sida, lalu ku Iya bejaku ngagai Jairus, “Anang takut.Arap aja.”\\n37 Iya lalu enda nyagi orang nitihka Iya, kelimpah ari Peter seduai James enggau menyadi James ke benama John.\\n38 Lebuh sida datai ba rumah Jairus, Jesus meda orang begau, sereta ninga orang nyau bekeduie sereta rauh-rauh nyabak.\\n39 Lebuh Iya udah tama, Iya lalu bejaku ngagai sida, “Nama kebuah kita begau lalu nyabak baka tu?Anak mit tu ukai mati, tang tinduk!”\\n40 Sida lalu ketawaka Iya.Iya lalu muru semua sida pansut. Iya mai apai enggau indai anak mit nya, enggau sida ke enggau Iya, lalu tama ngagai endur alai anak mit nya.\\n41 Iya megai jari anak mit nya, lalu bejaku ngagai iya, “Talita, koum,” reti nya, “Endu, angkat nuan!”\\n42 Anak mit nya lalu angkat tekala nya, lalu belabuh bejalai, (umur iya dua belas taun). Sida balat amat alit ati.\\n43 Jesus lalu berat-rat nangkan sida enggau jaku, enda nyagi sida madahka utai nya ngagai orang.Iya lalu ngasuh sida meri anak mit nya utai diempa.\\nJesus Enda Diterima Di Nasaret\\n1 Jesus angkat ari endur nya lalu pulai baru ngagai menua Iya Empu, lalu sida murid Iya nitihka Iya.\\n2 Lebuh hari Sabat, Iya belabuh ngajar dalam balai gempuru, lalu mayuh orang alit ati ninga Iya. Ku sida, “Dini alai orang tu bulih semua utai tu?Nama penemu-dalam tu ti udah diberi ngagai Iya?Nama kereja ajih ti benung dikereja Iya tu?\\n3 Ukai enda Iya tu tukang kayu, anak Maria, menyadi James, Joses, Judas, enggau Simon?Ukai enda sida menyadi indu Iya bisi ditu enggau kitai?”Sida lalu nulak Iya.\\n4 Lalu ku Jesus bejaku ngagai sida, “Nabi endang dibasa orang, kelimpah ari di menua iya empu, enggau ba bala kaban belayan iya empu, enggau dalam rumah iya empu.”\\n5 Lalu Iya enda ulih ngereja kereja ajih dia, kelimpah ari ngengkahka jari atas dua tiga iku orang ke sakit, lalu ngeraika sida.\\n6 Lalu Iya balat alit ati ke penadai pengarap sida. Udah nya Iya bejalai ngagai genturung pendiau, ngajar orang.\\nJesus Ngasuh Murid Ke Dua Belas Iku Bejalai\\n7 Iya lalu ngangauka sida ke dua belas iku ngagai Iya, lalu ngasuh sida bejalai dua iku sepasang, lalu meri sida kuasa atas roh ti jai.\\n8 Iya enda nyagi sida mai utai lebuh sida bejalai, semina tungkat aja: enda mai roti, kandi, duit dalam belulang sida,\\n9 tang semina ngena selipar, lalu enda tau mai baju kena besilih.\\n10 Ku Iya bejaku ngagai sida, “Lebuh kita tama ngagai rumah orang, diau dia nyentuk ngagai maya kita mupuk ari endur nya.\\n11 Enti orang dia enggai nerima kita lalu enggai mendingka kita, tesai abus ari kaki kita lebuh kita mupuk ari endur nya, nyadika saksi kena ngelaban sida.”\\n12 Sida mupuk, lalu madahka semua orang enda tau enda nesal ati ke dosa sida.\\n13 Lalu sida muru mayuh antu, lalu nata mayuh orang ke sakit ngena minyak, lalu ngeraika sida.\\nPemati John Pemaptisa\\n14 Raja Herod bisi ninga pasal nya, laban berita pasal Jesus udah ditemu orang mayuh. Sekeda orang nyebut, “John Pemaptisa udah diangkatka ari mati.Nya kebuah kuasa nya bekereja dalam Iya.”\\n15 Tang ku sida ti bukai, “Iya nya Elijah.”Lalu ku sekeda sida ti bukai, “Iya nya nabi, baka siku ari sida nabi ke dulu kelia.”\\n16 Tang lebuh Herod ninga nya, iya lalu bejaku, “John Pemaptisa, ti udah dipumpung aku pala, udah diangkatka ari mati.”\\n17 Laban Herod udah ngasuh orang nangkap John, lalu nanchang iya dalam rumah jil, ketegal Herodias, bini menyadi iya Philip, laban Herod udah ngambi Herodias nyadika bini iya empu.\\n18 Laban John udah bejaku ngagai Herod, “Nuan enda tau ngambi bini menyadi nuan!”\\n19 Diatu Herodias bedendam ngagai John, lalu keran deka munuh iya, tang enda ulih\\n20 laban Herod takutka John, laban iya nemu John endang orang ke lurus sereta kudus. Lebuh iya mendingka John, ati iya beba, tang taja pia iya rindu mendingka John.\\n21 Tang siti peluang datai lebuh Herod, kena hari pengada iya, meri pengerami makai besai ke orang ke orang ke gawa dalam istana, bala pemesai enggau bala tuai bansa di menua Galili.\\n22 Lebuh anak dara Herodias tama lalu betanda, Herod enggau bala pengabang rindu meda iya.Raja lalu bejaku ngagai indu nya, “Pinta ari aku sebarang utai ti dikedekaka nuan, lalu aku deka meri utai nya ngagai nuan.”\\n23 Herod lalu besemaya ngena jaku sumpah ngagai indu nya, “Aku deka meri ngagai nuan sebarang utai ti dipinta nuan.Indah setengah ari menua ti dipegai aku deh deka aku beri ngagai nuan!”\\n24 Indu nya pansut, lalu bejaku enggau indai iya, “Nama utai ti patut dipinta aku?”Indai iya lalu nyaut, “Pala John Pemaptisa.”\\n25 Indu nya lalu tekala nya beguai-guai pulai baru ngagai raja, lalu bejaku, “Aku minta nuan meri ngagai aku diatu pala John Pemaptisa ba atas pinggai!”\\n26 Raja lalu balat tusah ati; tang laban iya udah besumpah di mua bala pengabang, iya enggai nulak peminta indu nya.\\n27 Iya lalu tekala nya ngangauka siku jejaga, lalu ngasuh iya ngambi pala John. Jejaga nya mupuk lalu mumpung pala John dalam rumah jil,\\n28 mai pala John ngena pinggai, lalu meri pala nya ngagai indu nya.Indu nya lalu meri pala nya ngagai indai iya.\\n29 Lebuh sida murid John ninga pasal nya, sida datai lalu ngambi bangkai John, lalu nguburka iya.\\nJesus Meri Lima Ribu Iku Orang Makai\\n30 Sida rasul pulai lalu begelumu ngelingi Jesus, lalu madah ngagai Iya semua utai ti udah dikereja enggau diajar sida.\\n31 Iya lalu bejaku ngagai sida, “Aram kitai mupuk ngagai endur ti sunyi, kediri kitai aja, lalu belelak dia enda lama.” Laban mayuh amat orang datai pulai, datai ke Jesus enggau bala murid Iya nyau nadai peluang alai makai.\\n32 Sida lalu mupuk, ngena sebuah perau ngagai endur ti sunyi, kediri sida aja.\\n33 Tang mayuh orang meda sida bekejang, lalu ngelala sida. Nya alai sida berumban-rumban datai ari semua nengeri, lalu datai ba endur nya dulu agi ari sida.\\n34 Lebuh Jesus niki ke tebing, Iya lalu tepedaka mayuh amat orang, lalu Iya sinu ati ke sida, laban sida baka bedus ti nadai orang ngibun. Iya lalu belabuh ngajar sida mayuh macham utai.\\n35 Lebuh hari nyau udah lemai, sida murid Iya datai ngagai Iya, lalu bejaku, “Menua tu nadai mensia, lalu hari pen nyau jauh udah lemai.\\n36 Asuh sida mupuk ngambika sida ulih bejalai ngagai umai enggau genturung pendiau ti semak ditu, lalu meli pemakai ke diri empu.”\\n37 Tang ku Jesus nyaut sida, “Kita empu meri sida utai diempa.” Sida lalu nanya, “Kati Nuan ngasuh kami mupuk lalu meli roti rega dua ratus singkap duit pirak ke diempa sida?”\\n38 Iya lalu nanya sida, “Berapa iti tuku roti dikemisi kita?Uji abas dulu.” Lebuh sida udah nemu pemayuh roti, sida lalu madah ngagai Iya, “Lima iti tuku roti, enggau dua iku ikan.”\\n39 Jesus lalu bejaku ngagai sida murid Iya ngasuh semua orang mayuh duduk beraban-raban ba rumput.\\n40 Orang mayuh lalu duduk beraban-raban, seratus enggau ngelima puluh iku dalam siti-siti raban.\\n41 Iya lalu ngambi lima iti tuku roti, enggau dua iku ikan nya, engkadah ke langit, meri terima kasih lalu mechahka roti nya, lalu nyuaka roti nya ngagai sida murid Iya, ngambika disadung ngagai orang mayuh. Iya mega magi ikan ti dua iku nya ngagai semua sida.\\n42 Semua sida bela makai lalu kenyang magang.\\n43 Sida murid ngumpul dua belas bakul penuh repikroti enggau ikan nya.\\n44 Pemayuh orang ke makai roti nya lima ribu iku.\\n45 Jesus lalu kemaya nya ngasuh sida murid Iya nepan sebuah perau, lalu mupuk dulu ari Iya ngagai Betsaida, di seberai danau nya, benung Iya ke ngasuh orang mayuh pulai.\\n46 Lebuh Iya udah meri selamat tinggal ngagai orang mayuh, Iya lalu niki ngagai bukit sigi, deka besampi.\\n47 Lebuh hari nyau lemai, perau ti dikena sida murid Iya benung ba tengah danau, lalu Jesus keDiri ba darat.\\n48 Iya meda sida bebendar amat bedayung nanjak ribut.Kira entara pukul tiga enggau pukul enam pagi, Iya bejalai ba atas ai mansang ngagai sida. Iya baru deka mansa sida,\\n49 lalu lebuh sida meda Iya bejalai ba atas ai, sida ngumbai Iya antu, lalu sida nyerauh,\\n50 laban semua sida bela meda Iya lalu takut.Tang Iya tekala nya bejaku ngagai sida, “Anang takut! Aku tu. Anang takut!”\\n51 Iya lalu nepan ngagai perau sida.Ribut lalu teduh. Semua sida lalu balat alit ati,\\n52 laban sida enda meretika pasal tuku roti, laban ati sida kieh.\\nJesus Ngeraika Orang Di Genesaret\\n53 Lebuh sida udah ngelayang ke seberai, sida lalu sangkai di Genesaret, lalu nanchangka perau sida.\\n54 Lebuh sida angkat ari perau, orang mayuh lalu tekala nya ngelala Jesus.\\n55 Sida lalu berumban nesau orang mayuh di serata menua nya, lalu bebaika orang ke sakit ngena peninduk sida ngagai sebarang endur alai sida ninga Jesus bisi.\\n56 Lalu di sebarang endur ti digagai Jesus, nemuka genturung pendiau, nengeri, tauka di umai, sida ngalika orang ke sakit ba sebelah pasar, lalu minta Iya nejuka sida ke sakit negu puting serayung Iya, lalu semua orang ke negu serayung Iya gerai magang.\\nAjar Ari Aki ini\\n1 Lebuh orang Parisi enggau sekeda pengajar Adat ke datai ari Jerusalem begelumu ngelingi Iya,\\n2 sida meda sekeda murid Jesus makai ngena jari ti enda tuchi, reti nya, enda dibasu.\\n3 (Laban orang Parisi, enggau semua orang Judah, enda makai enti sida apin masu jari sida nitihka ajar aki ini sida;\\n4 lalu sida enda makai utai ti udah dibeli ari pasar, enti utai nya apin dibasu.Lalu sida mayuh adat asal ti bukai ti dititihka sida, baka bebasuka mangkuk, periuk enggau pekekas bukai ti digaga ari temaga.)\\n5 Nya alai orang Parisi enggau sida pengajar Adat lalu nanya Iya, “Nama kebuah murid Nuan enda nitihka adat sida ke tuai, tang makai ngena jari ti enda tuchi?”\\n6 Jesus lalu nyaut sida, “Betul jaku nabi Isaiah lebuh iya benabika pasal kita ke pura-pura ngapa tu, munyi ti udah ditulis: ‘Orang tu ngemesaika Aku ngena mulut sida, tang ati sida jauh ari Aku.\\n7 Sida ngelebuka diri nyembah Aku, laban sida meri ajar mensia lalu ngumbai nya adat Aku.’\\n8 Kita ngelengkaka pesan Allah Taala, lalu bepegai ba ajar mensia.”\\n9 Lalu ku Iya bejaku ngagai sida, “Kita pintar nulak pesan Allah Taala, ngambika kita nitihka ajar kita empu.\\n10 Laban ku Moses, ‘Bebasaka apai enggau indai kita.’Lalu iya mega nyebut, ‘Barang sapa bejai apai indai diri, enda tau enda dibunuh.’\\n11 Tang ku kita, enti orang madah ngagai apai tauka indai iya, ‘Utai ti patut diberi aku ngagai nuan, udah diberi aku ngagai Allah Taala,’\\n12 iya enda ibuh ngereja sebarang utai ke apai tauka indai iya.\\n13 Nya jalai kita muai jaku Allah Taala lalu nukar iya ngena ajar kita empu, ti diberi kita ngagai orang.Lalu kita ngereja mayuh utai bukai ti baka nya.”\\nUtai Ti Ngasuh Orang Enda Tuchi\\n14 Iya lalu ngangauka orang mayuh ngagai Iya baru, lalu bejaku ngagai sida, “Pendingka Aku, semua kita, lalu mereti:\\n15 Nadai utai ti tama ngagai mensia tau ngasuh iya enda tuchi.Utai ti ngasuh mensia enda tuchi nya utai ti pansut ari mensia.”\\n16 Awakka orang ke bisi pending, ninga!\\n17 Lebuh Iya ninggalka orang mayuh, lalu tama ngagai rumah, sida murid Iya lalu nanya Iya pasal jaku sempama nya.\\n18 Ku Iya bejaku ngagai sida, “Kati kita lalu enda mereti?Kati kita enda nemu, utai ti tama ari luar ngagai mensia, enda ulih ngasuh iya enda tuchi?\\n19 Laban utai nya ukai tama ngagai ati, tang tama ngagai perut, lalu udah nya pansut ari tubuh.”(Lebuh Iya nyebut nya, Iya madahka semua pemakai tau diempa magang.)\\n20 Lalu ku Iya, “Utai ti pansut ari mensia, nya utai ti ngasuh iya enda tuchi.\\n21 Laban ari dalam mensia, ari ati mensia pansut runding ti jai: bambai, ngenchuri, munuh orang,\\n22 butang, amu, ulah ti jai, nipu orang, ulah ti kamah, kepapas, bejakuka orang, sumbung, enggau pemeli.\\n23 Semua utai ti jai nya pansut ari ati mensia; nya utai ti ngasuh iya enda tuchi.”\\nPengarap Siku Indu\\n24 Jesus angkat ari endur nya, lalu mupuk ngagai menua Tire. lalu tama ngagai sebuah rumah, lalu enggai nejuka orang nemu Iya bisi dia. Tang Iya enda ulih belalai ari sidai.\\n25 Siku indu, ke bisi anak indu ke dirasuk antu, tekala nya ninga pasal Jesus.Iya lalu datai lalu nyungkurka diri di kaki Jesus.\\n26 Nyadi indu nya orang bansa Gerika, asal ari menua Poenisia, di menua Siria.Lalu iya minta Jesus muru antu ari anak indu iya.\\n27 Ku Jesus bejaku ngagai iya, “Awakka sida ke mit diberi makai dulu, laban kitai enda patut ngambi pemakai ari sida ke mit lalu nibarka pemakai nya ngagai ukui.”\\n28 Tang ku indu nya nyaut Iya, “Sigi amat, Tuan.Indah ukui ti di baruh mija deh makai repik pemakai sida anak mit!”\\n29 Lalu ku Jesus bejaku ngagai iya, “Laban nuan udah nyebut nya, nuan tau mupuk.Antu nya udah pansut ari anak indu nuan!”\\n30 Indu nya lalu pulai, lalu nemu anak iya gali ba katil, lalu antu nya nadai agi ba anak iya.\\nJesus Ngeraika Orang Ke Bengal Sereta Bisu\\n31 Udah nya Jesus mulaika Diri ari menua Tire, lalu bejalai nengah menua Sidon mansang ngagai Danau Galili, ngerenchah menua Sepuluh Buah Nengeri.\\n32 Orang lalu mai ngagai Iya siku lelaki ke bengal sereta bisu; sida lalu minta Jesus ngengkahka jari Iya atas orang nya.\\n33 Jesus lalu mai orang nya ke tisi, ngejang ari bala mayuh. Iya ngachukka tunjuk Iya ngagai lubang pending orang nya, ngeludah dilah iya lalu negu dilah iya nya,\\n34 engkadah ke langit, meresu ngesuhka seput, lalu bejaku ngagai orang nya, “Epata,” reti nya, “Tebuka meh!”\\n35 Tekala nya orang nya lalu ulih ninga, dilah iya ulih engkebut, lalu iya ulih bejaku enggau terang.\\n36 Jesus lalu enda nyagi sida nusui pasal nya ngagai orang. Tang makin balat Iya enda nyagi sida, makin balat agi ga sida nusui utai nya.\\n37 Sida balat amat alit ati. Ku sida, “Semua utai ti dikereja Iya manah magang!Iya ngasuh orang ke bengal ulih ninga, lalu ngasuh orang ke bisu ulih bejaku!”\\nJesus Meri Orang Empat Ribu Iku Makai\\n1 Lebuh maya nya, mayuh amat orang begempuru, lalu sida nadai utai diempa. Nya alai Iya ngangauka sida murid Iya, lalu bejaku ngagai sida,\\n2 “Aku sinu ati ke bala orang tu, laban sida udah enggau Aku tiga hari, lalu nadai utai diempa.\\n3 Enti Aku ngasuh sida pulai lapar, sida deka lepi di rantau jalai, lalu sekeda sida datai ari jauh.”\\n4 Ku sida murid nyaut Iya, “Baka ni ku kitai meri bala orang tu makai di menua puang tu?”\\n6 Iya lalu ngasuh orang mayuh duduk ba tanah. Iya ngambi tujuh iti tuku roti nya, lalu lebuh Iya udah meri terima kasih, Iya mechahka roti nya, lalu nyuaka roti nya ngagai sida murid Iya, ngambika sida nyadung utai nya ngagai orang mayuh. Sida lalu nyadung roti nya.\\n7 Sida mega bisi dua tiga iku ikan ti mit.Lebuh Iya udah merekatka ikan nya, Iya mega ngasuh sida murid nyadung ikan nya.\\n8 Semua sida makai, lalu kenyang magang.Sida lalu ngumpul tujuh bakul penuh teda repik pemakai nya.\\n9 Orang ke makai nya kira empat ribu iku.Iya lalu ngasuh orang mayuh pulai.\\n10 Iya nepan perau enggau sida murid Iya, lalu mupuk ngagai pelilih menua Dalmanuta.\\nOrang Parisi Minta Jesus Ngereja Kereja Ajih\\n11 Orang Parisi datai lalu belabuh betalat enggau Jesus, minta Iya ngayanka tanda ari serega, kena sida nguji Iya.\\n12 Iya lalu meresu ngesuhka seput, lalu bejaku, “Nama kebuah orang ke rebak diatu minta tanda? Enggau bendar Aku madah ngagai kita, nadai tanda deka diberi ngagai rebak ti diatu!”\\n13 Iya lalu ninggalka sida, nepan perau nya baru, lalu ngelayang ke seberai.\\nRagi Orang Parisi Enggau Ragi Herod\\n14 Nyadi sida murid enda ingat mai roti.Sida semina bisi setuku aja dibai sida dalam perau nya.\\n15 Lalu Jesus nangkan sida enggau jaku, “Bejimat kita, sereta bejaga ari ragi orang Parisi, enggau ragi Herod.”\\n16 Sida lalu berandauka nya enggau pangan diri, “Laban kitai nadai roti.”\\n17 Jesus nemu utai ti dikerandauka sida, lalu ku Iya bejaku ngagai sida, “Nama kebuah kita berandauka pasal nadai roti? Kati kita lalu apin nemu tauka mereti?Nama kebuah ati kita kieh?\\n18 Kita bisi mata, lalu kita enda meda? Kita bisi pending, lalu kita enda ninga?Kati kita enda ingat?\\n19 Lebuh Aku mechahka lima iti tuku roti ke lima ribu iku orang, berapa bakul teda digumpul kita?” “Dua belas,” ku sida nyaut.\\n20 “Lalu tujuh iti tuku roti ke empat ribu iku orang, berapa bakul teda digumpul kita?” “Tujuh,” ku sida nyaut.\\n21 Iya lalu bejaku ngagai sida, “Lalu kita mengkang enda mereti?”\\nJesus Ngeraika Orang Ke Buta Di Betsaida\\n22 Sida lalu datai di Betsaida.Sekeda orang lalu mai ngagai Iya siku orang ke buta, minta Iya negu orang nya.\\n23 Iya lalu megai jari orang nya, lalu nguluka iya pansut ari nengeri nya.Lalu lebuh Iya udah ngeludah mata orang nya, lalu ngengkahka jari Iya ba orang nya, Iya lalu nanya, “Kati nuan bisi meda utai?”\\n24 Orang nya engkadah, lalu bejaku, “Aku meda orang, tang sida baka kayu bejalai.”\\n25 Jesus lalu ngengkahka jari Iya baru ba mata orang nya.Orang nya lalu merening enggau naka ulih, lalu mata iya pulai suman baru sereta lansik.\\n26 Jesus lalu ngasuh iya pulai ke rumah, ku Iya, “Anang tama ngagai nengeri nya.”\\nPeter Madahka Sapa Jesus\\n27 Udah nya Jesus enggau sida murid Iya mupuk ngagai mayuh bengkah genturung pendiau di Siseria Pilipi, lalu di rantau jalai Iya nanya sida murid Iya, “Sapa Aku tu ku orang?”\\n28 Sida lalu nyaut Iya, “John Pemaptisa.Orang bukai ngumbai Nuan Elijah, lalu sida ti bukai ngumbai Nuan siku ari sida nabi.”\\n29 Iya lalu nanya sida, “Kati ku kita?Sapa Aku tu ku kita?” Peter lalu nyaut, “Nuan tu Kristus.”\\n30 Jesus lalu berat-rat enda nyagi sida madahka pasal Iya ngagai orang.\\nJesus Bejakuka Pasal Pemerinsa Enggau Pemati Iya\\n31 Iya lalu belabuh ngajar sida murid Iya, madahka Anak Mensia enda tau enda balat diperinsa, lalu ditulak sida tuai bansa, sida tuai imam, enggau sida pengajar Adat, lalu dibunuh, lalu tiga hari udah bekau nya Iya deka angkat idup baru.\\n32 Iya madahka tu enggau terang ngagai sida. Peter lalu mai Iya ke tisi, lalu belabuh ngerara Iya.\\n33 Tang Jesus nguing lalu merening ngagai sida murid Iya, lalu ngerara Peter. Ku Iya, “Rari nuan ari Aku, Sitan. Laban nuan berundingka utai mensia, ukai utai Allah Taala.”\\n34 Iya lalu ngangauka orang mayuh sereta enggau sida murid Iya, lalu bejaku ngagai sida, “Enti orang deka nitihka Aku, awakka sida badu agi berundingka diri empu, ngesan regang diri, lalu nitihka Aku.\\n35 Laban barang sapa deka ngidupka nyawa diri, deka ngelenyauka iya, lalu barang sapa ngelenyauka nyawa diri ketegal Aku, enggau ketegal Berita Manah, deka ngidupka iya.\\n36 Laban nama penguntung orang, enti iya bempu semua dunya tang ngelenyauka nyawa diri?\\n37 Laban nama utai ti ulih diberi orang kena iya nyilih nyawa diri?\\n38 Barang sapa malu ke Aku sereta malu ke ajar Aku di mua rebak ti jai sereta bedosa tu, Anak Mensia deka mega malu ke orang nya lebuh Iya datai dalam mulia Apai Iya sama enggau bala melikat Iya ti kudus.”\\n1 Lalu ku Iya bejaku ngagai sida, “Enggau bendar Aku madah ngagai kita, sekeda orang ke bediri ditu enda mati sebedau sida meda Perintah Allah Taala datai enggau kuasa.”\\n2 Enam hari udah bekau nya Jesus mai Peter, James enggau John, lalu nguluka sida niki ngagai bukit sigi ti tinggi, kediri sida aja. Sida lalu meda gamal Iya berubah,\\n3 lalu gari Iya bebali beperenching burak, burak agi ari ti ulih dibasu mensia di dunya tu.\\n4 Sida lalu tepedaka Elijah seduai Moses lalu pegari lalu bejaku enggau Jesus.\\n5 Peter lalu bejaku ngagai Jesus, “Pengajar, manah kitai diau ditu!Awakka kami ngaga tiga buah langkau, sebuah ke Nuan, sebuah ke Moses, lalu sebuah ke Elijah.”\\n6 Peter enda nemu utai ti patut disebut iya, laban sida balat takut.\\n7 Siti remang lalu ngelindung sida, lalu nyawa bisi didinga bejaku ari dalam remang nya, “Tu Anak ke dikesayauka Aku. Pendingka Iya!”\\n8 Sida lalu malik kiba kanan, tang sida nadai meda orang bukai, semina Jesus aja.\\n9 Lebuh sida nurun ari bukit nya, Jesus lalu enda nyagi sida madah ngagai orang utai ti udah dipeda sida, nyentuk ngagai maya Anak Mensia udah angkat ari mati.\\n10 Nya alai sida nadai madahka pekara nya ngagai orang, lalu betanyaka reti utai ti dikumbai pengangkat ari mati.\\n11 Sida lalu nanya Iya, “Nama kebuah sida pengajar Adat madahka Elijah enda tau enda datai dulu?”\\n12 Ku Iya bejaku ngagai sida, “Elijah endang amat dulu datai lalu nyendiaka semua utai. Tang nama kebuah Bup Kudus madahka Anak Mensia deka balat diperinsa, lalu dikeleseka?\\n13 Tang Aku madah ngagai kita, Elijah endang udah datai, lalu sida udah ngereja utai ngagai iya nitihka peneka ati sida, munyi ti udah ditulis pasal iya.”\\nJesus Ngeraika Nembiak Ke Dirasuk Roh Ti Jai\\n14 Lebuh sida datai ba bala murid ti bukai, sida meda mayuh amat orang bekelingika sida murid nya, sereta meda bala pengajar Adat bekelikuh enggau sida.\\n15 Lebuh orang mayuh meda Jesus, sida alit ati, lalu belanda ngagai Iya lalu nyambut penatai Iya.\\n16 Iya lalu nanya sida murid Iya, “Nama utai ti dipetalatka kita enggau sida?”\\n17 Siku orang ari bala mayuh lalu nyaut Iya, “Pengajar, aku mai anak aku ngagai Nuan, laban iya dirasuk roh bisu.\\n18 Genap kali roh nya nyerang iya, roh nya ngempaska iya ke tanah, lalu nyawa iya bepupu, ngeli iya kerik-kerik, lalu tubuh iya tekering.Aku udah minta sida murid Nuan muru roh nya, tang sida enda ulih.”\\n19 Jesus lalu nyaut sida, “Kita tu orang ke enda arap!Ni pengelama Aku enda tau enda begulai enggau kita?Ni pengelama Aku enda tau enda sabar enggau\\nkita?Bai iya kitu ngagai Aku.”\\n20 Sida lalu mai nembiak nya ngagai Iya.\\nLebuh roh nya meda Jesus, iya lalu tekala nya ngusak nembiak nya.Nembiak nya lalu rebah ke tanah lalu maringka diri, lalu nyawa iya bepupu.\\n21 Jesus lalu nanya apai nembiak nya, “Ni pengelama iya udah baka tu?” Iya lalu nyaut, “Kenyau ari iya agi mit.\\n22 Roh ti jai nya suah udah nikauka iya ngagai api, enggau ngagai ai, deka munuh iya. Tang enti Nuan ulih, kasihka kami, lalu tulung kami.”\\n23 Jesus lalu bejaku ngagai iya, “‘Enti Nuan ulih!’-- Semua utai ulih magang ke orang ke arap.”\\n24 Tekala nya apai nembiak nya lalu bejaku enggau nyawa ti inggar, “Aku arap!Tulung aku ngambika pengarap aku besai agi!”\\n25 Lebuh Jesus meda orang mayuh belanda mansang ngagai sida, Iya lalu ngerara roh ti jai nya, ku Iya, “Nuan roh bengal enggau bisu, Aku merintah nuan pansut ari iya, lalu anang agi tama ngagai iya!”\\n26 Lebuh roh nya udah nyerauh lalu balat amat ngusak nembiak nya, iya pansut, lalu nembiak nya nyau baka ke mati.Nyau ka semua orang lalu bejaku, “Mati iya nya!”\\n27 Tang Jesus megai jari nembiak nya, lalu ngangkatka iya.Nembiak nya lalu ulih bediri.\\n28 Lebuh Jesus udah tama ngagai rumah, sida murid Iya lalu nanya Iya lebuh sida kediri, “Nama kebuah kami enda ulih muru roh nya?”\\n29 Ku Iya bejaku ngagai sida, “Roh ti bansa nya semina ulih diburu ngena sampi.\\nJesus Bejaku Baru Ke Pasal Pemati Iya\\n30 Sida lalu mupuk ari endur nya, lalu bejalai nengah menua Galili. Jesus enggai ngasuh orang nemu endur alai Iya,\\n31 laban Iya benung ngajar murid Iya.Ku Iya bejaku ngagai sida, “Anak Mensia deka diserahka ngagai jari mensia, lalu sida deka munuh Iya, lalu tiga hari udah bekau nya, Iya deka angkat idup baru.”\\n32 Tang sida enda meretika utai ti ku Iya, lalu sida takut nanya Iya.\\nSapa Ke Pemadu Besai?\\n33 Udah nya sida datai di Kapernaum.Lebuh Iya udah datai di rumah, Iya lalu nanya sida, “Nama utai ti dikelikuhka kita di rantau jalai tadi?”\\n34 Tang sida enda bemunyi, laban lebuh sida di rantau jalai, sida udah bekelikuhka enggau pangan diri sapa ke pemadu besai.\\n35 Jesus duduk, lalu ngangauka sida dua belas, lalu bejaku ngagai sida, “Barang sapa keran deka nyadi dulu, enda tau enda nyadi dudi ari semua, lalu nyadi pemela ke semua.”\\n36 Iya lalu ngambi siku anak mit, lalu ngengkahka anak mit nya ba tengah-tengah sida. Iya merap anak mit nya, lalu bejaku ngagai sida,\\n37 “Barang sapa nerima siku anak mit ti baka tu dalam nama Aku, nerima Aku. Lalu barang sapa nerima Aku, ukai nerima Aku, tang nerima Iya ke ngirumka Aku.”\\nBarang Sapa Enda Ngelaban Kitai, Setanah Enggau Kitai\\n38 John lalu bejaku ngagai Iya, “Pengajar, kami bisi meda orang siku muru antu dalam nama Nuan, lalu kami nguji nagang iya, laban iya ukai raban kitai.”\\n39 Tang ku Jesus bejaku, “Anang nagang iya, laban nadai orang ke ngereja kereja ajih dalam nama Aku lalu udah nya bejai Aku.\\n40 Barang sapa enda ngelaban kitai, setanah enggau kitai.\\n41 Laban enggau bendar Aku madah ngagai kita, barang sapa meri kita ai irup ketegal kita nembiak Aku, deka nerima upah.\\nPenguji Ti Ngasuh Bedosa\\n42 Barang sapa ngasuh siku ari sida ke mit tu, ke arapka Aku, bedosa, manah agi enti batu kisar ti besai ditanchangka ba rekung orang nya, lalu iya dibuai ngagai tasik.\\n43 Enti jari nuan mai nuan bedosa, tetak iya! Manah agi nuan tama ngagai pengidup nadai jari sepiak, ari ke bisi dua piak jari, lalu nuan dibuai ngagai neraka,ngagai api ti enda nemu padam,\\n44 alai ulat ti makai sida enda nemu mati, lalu api enda nemu padam.\\n45 Lalu enti kaki nuan mai nuan bedosa, tetak iya! Manah agi nuan tama ngagai pengidup nadai kaki sepiak, ari ke bisi dua piak kaki, lalu nuan dibuai ngagai neraka\\n46 alai ulat ti makai sida enda nemu mati, lalu api enda nemu padam.\\n47 Lalu enti mata nuan mai nuan bedosa, keruk iya! Manah agi nuan tama ngagai Perintah Allah Taala mai sigi aja leka mata, ari ke bisi dua igi leka mata, lalu nuan dibuai ngagai neraka,\\n48 alai ulat ti makai sida enda nemu mati, lalu api ti makai sida enda nemu padam.\\n49 Laban semua orang deka dituchi ngena api, baka piring ti dituchi ngena garam.\\n50 “Garam endang manah, tang enti iya nadai agi masin, baka ni ku jalai ngaga iya masin baru? Awakka kita masin baka garam, lalu diau bebaik enggau pangan diri.”\\n1 Jesus angkat ari endur nya, lalu mupuk ngagai menua Judea, enggau ngagai menua ti ngilah Sungai Jordan.Mayuh amat orang datai baru ngagai Iya, lalu endang baka selama, Iya ngajar sida.\\n2 Orang Parisi datai deka nguji Iya.Ku sida nanya, “Kati laki tau muai bini?”\\n3 Iya lalu nyaut sida, “Nama pesan Moses ngagai kita?”\\n4 Ku sida, “Moses ngemendarka laki nulis surat sarak, lalu muai bini iya.”\\n5 Tang ku Jesus bejaku ngagai sida, “Moses nulis pesan nya ke kita, laban kita kieh.\\n6 Tang kenyau ari penumbuh dunya, ‘Allah Taala ngaga mensia lelaki enggau indu.’\\n7 Ketegal nya, lelaki deka ninggalka apai indai iya, lalu begulai enggau bini iya,\\n8 lalu seduai iya deka nyadi setubuh.’ Nya alai, seduai iya ukai dua iku agi, tang siku.\\n9 Nya alai, nadai orang tau nyeraraka utai ti udah ditampilka Allah Taala.”\\n10 Lebuh sida pulai baru ke rumah, sida murid nanya Iya baru pasal pekara nya.\\n11 Lalu ku Iya bejaku ngagai sida, “Barang sapa muai bini, lalu jadi enggau indu bukai, butang ngelaban bini iya,\\n12 lalu enti bini muai laki, lalu jadi enggau lelaki bukai, iya butang.”\\nJesus Merekatka Bala anak mit\\n13 Orang mai anak mit ngagai Jesus, ngambika Iya ngengkahka jari Iya atas sida.Sida murid lalu nganu orang nya.\\n14 Tang lebuh Jesus meda nya, Iya pedis ati lalu bejaku ngagai sida murid Iya, “Awakka sida ke mit datai ngagai Aku. Anang nagang sida, laban Perintah Allah Taala diempu orang ke baka sida tu.\\n15 Enggau bendar Aku madah ngagai kita, barang sapa enda nerima Perintah Allah Taala baka anak mit, enda ulih tama ngagai Perintah nya.”\\n16 Iya lalu merap sida anak mit nya, ngengkahka jari Iya atas sida, lalu merekatka sida.\\nSiku Orang Ke Kaya\\n17 Lebuh Jesus baru deka mupuk, siku lelaki belanda datai lalu besugang di mua Iya, lalu nanya, “Pengajar ti manah, nama utai ti enda tau enda dikereja aku ngambika aku bulih pengidup ti meruan belama iya?”\\n18 Ku Jesus bejaku ngagai iya, “Nama kebuah nuan ngumbai Aku manah?Nadai orang ke manah.Semina Allah Taala siku aja manah.\\n19 Nuan nemu pesan: ‘Anang munuh orang; Anang butang; Anang ngenchuri; Anang betenahka orang; Anang nipu orang; Bebasaka apai indai nuan.’“\\n20 Orang nya lalu nyaut, “Pengajar, semua pesan nya udah dititihka aku magang kenyau ari aku agi biak.”\\n21 Jesus merening ngagai iya, rinduka iya, lalu bejaku ngagai iya, “Siti utai apin dikereja nuan.Mupuk nuan lalu jual semua utai ti dikemisi nuan, lalu beri ngagai orang ke seranta.Nya baru nuan bisi pengaya di serega.Udah nya titihka Aku.”\\n22 Lebuh lelaki nya ninga nya, mua iya lalu bebali tusah lalu mupuk ari endur nya enggau ati ti balat tusah, laban iya kaya bendar.\\n23 Jesus lalu malik kiba kanan, lalu bejaku ngagai sida murid Iya, “Mar amat meh orang ke kaya tama ngagai Perintah Allah Taala!”\\n24 Sida murid tusah ati ninga nya, tang ku Jesus bejaku ngagai sida, “Anak, mar amat meh tama ngagai Perintah Allah Taala!\\n25 Nyamai agi jelu unta tama nengah lubang jarum ari orang ke kaya tama ngagai Perintah Allah Taala.”\\n26 Sida lalu balat amat alit ati, lalu bejaku enggau pangan diri, “Enti pia, sapa ulih diselamatka?”\\n27 Jesus merening ngagai sida, lalu bejaku, “Ba mensia, utai tu enda ulih, tang ba Allah Taala utai tu enda baka nya, laban ba Allah Taala semua utai ulih magang.”\\n28 Peter lalu belabuh bejaku enggau Iya, “Peda Nuan, kami udah ninggalka semua utai, lalu nitihka Nuan.”\\n29 Ku Jesus bejaku, “Enggau bendar Aku madah ngagai kita, nadai orang ke udah ninggalka rumah, tauka menyadi lelaki, tauka menyadi indu, tauka indai, tauka apai, tauka anak, tauka tanah, ketegal Aku, enggau ketegal Berita Manah,\\n30 enda nerima seratus kali lipat mayuh agi ba maya ti diatu -- rumah, menyadi lelaki, enggau menyadi indu, indai, anak, enggau tanah, sereta kena perinsa -- lalu dalam dunya ti deka datai, bulih pengidup ti meruan belama iya.\\n31 Tang mayuh orang ke dulu deka nyadi dudi, lalu orang ke dudi deka nyadi dulu.”\\nJesus Bejaku Ketiga Kali Pasal Pemati Iya\\n32 Lebuh Jesus enggau bala murid Iya benung di rantau jalai mansang ngagai Jerusalem, Jesus bejalai dulu ari sida.Sida balat irau ati, lalu orang ke nitihka sida takut.Jesus mai sida ke dua belas iku ke tisi baru, lalu belabuh madah ngagai sida utai ti deka nyadi ba Iya.\\n33 Ku Iya, “Dinga kita, kitai mansang ngagai Jerusalem, lalu Anak Mensia deka diserahka ngagai bala tuai imam, enggau ngagai bala pengajar Adat, lalu sida deka nuduhka Iya diukum bunuh. Udah nya sida deka nyerahka Iya ngagai orang bansa bukai\\n34 ke deka beduan Iya, ngeludah Iya, nyipat Iya, lalu munuh Iya.Lalu tiga hari udah bekau nya, Iya deka angkat idup baru.”\\nPeminta James Seduai John\\n35 Udah nya James seduai John, anak Sebedi, datai ngagai Jesus, lalu bejaku, “Pengajar, kami duai bisi utai ti deka dipinta kami duai ari Nuan.”\\n36 Iya lalu nanya seduai iya, “Nama utai ti dipinta seduai?”\\n37 Ku seduai iya, “Awakka kami duai enggau Nuan dalam Perintah Nuan, siku duduk ari kanan lalu siku ari kiba Nuan.”\\n38 Tang ku Jesus bejaku ngagai seduai iya, “Seduai enda nemu utai ti dipinta diri.Kati seduai ulih ngirup ari mangkuk ti diirup Aku, tauka dibaptisa ngena baptisa ti dikena maptisa Aku?”\\n39 “Ulih,” ku seduai iya nyaut.\\n40 Tang ukai Aku ke ngeletak sapa ke duduk muak ari kanan tauka ari kiba Aku.Penuduk nya endang disedia ke orang ke patut duduk dia.”\\n41 Lebuh murid ke sepuluh iku ninga nya, sida lalu pedis ati ngagai James seduai John.\\n42 Jesus lalu ngangauka sida lalu bejaku ngagai sida, “Kita nemu, orang ke merintah orang bansa bukai, nekanka pengidup orang ke dipegai sida, lalu bala tuai sida merinsaka sida.\\n43 Tang iya ukai baka nya ba bala kita. Barang sapa deka nyadi besai dalam bala kita, enda tau enda nyadi kuli kita,\\n44 lalu barang sapa ari bala kita deka nyadi dulu, enda tau enda nyadika ulun semua kita.\\n45 Laban Anak Mensia ukai datai minta Diri dibela, tang ngambika Iya mela, lalu nyerahka nyawa Diri kena nebus orang mayuh.”\\nJesus Ngeraika Bartimius Ke Buta\\n46 Sida lalu datai di Jeriko, lalu lebuh Jesus deka mupuk ari nengeri nya enggau sida murid Iya, sama enggau orang mayuh, siku orang ke benama Bartimius anak Timius, ke buta sereta seranta, duduk ba tisi jalai.\\n47 Lebuh iya ninga orang nya Jesus ari Nasaret, iya lalu belabuh ngangau enggau nyawa ti inggar, “Jesus, Anak David!Kasihka aku!” 48 Mayuh orang balat amat ngasuh iya badu agi ragak. Tang iya ngangau inggar agi, “Anak David, kasihka aku!”\\n49 Jesus ngetu lalu bejaku, “Kangauka iya kitu.”\\nSida lalu ngangauka iya.Ku sida bejaku ngagai iya, “Anang tusah ati!Angkat nuan.Iya ngangauka nuan.”\\n50 Orang ke buta nya lalu ngesaika serayung iya, engkejuk angkat, lalu bediri di mua Jesus.\\n51 Jesus lalu bejaku ngagai iya, ku Iya, “Nama utai ti diasuh nuan kereja Aku ke nuan?”\\nIya lalu bejaku ngagai Jesus, “Pengajar,awakka aku ulih meda baru.”\\n52 Ku Jesus bejaku ngagai iya, “Mupuk nuan, pengarap nuan udah ngeraika nuan.”\\nTekala nya iya lalu ulih meda, lalu nitihka Jesus.\\nTama Ngagai Nengeri Jerusalem\\n1 Lebuh sida nyau semak Jerusalem, datai ba Betpagi enggau Betani, ba Bukit Kana, Iya ngasuh dua iku murid Iya bejalai dulu,\\n2 ku Iya, “Alai seduai mupuk ngagai genturung pendiau tunga ke mua seduai.Lebuh seduai tama ngagai genturung pendiau nya, seduai deka nemu siku anak keledai ditanchang, ti nadai udah kala ditepan orang.Buka tali iya, lalu bai iya kitu.\\n3 Enti orang nyebut ngagai seduai, ‘Nama kebuah seduai ngereja nya?’ sebut jaku tu, ‘Tuhan begunaka iya, lalu Iya deka mulaika jelu tu enda lama da agi.’“\\n4 Seduai iya mupuk, lalu nemu siku anak keledai ditanchang semak pintu, ba jalai raya. Lebuh seduai iya muka tali jelu nya,\\n5 sekeda orang ke bediri dia lalu bejaku ngagai seduai iya, “Nama kebuah seduai muka tali anak keledai nya?”\\n6 Seduai iya lalu madahka jaku Jesus ngagai sida.Sida lalu nejuka seduai iya mai anak keledai nya.\\n7 Seduai iya lalu mai anak keledai nya ngagai Jesus, lalu ngelempaika serayung seduai iya ba jelu nya.Jesus lalu nepan ba jelu nya.\\n8 Mayuh orang nganchau serayung sida ba jalai raya nya.Sida ke bukai nganchau dan kayu ti dijarau sida di kebun.\\n9 Orang ke bejalai di mua, enggau orang ke nitih ari belakang manjung, “Hosanna! Beberekat meh Iya ke datai dalam nama Tuhan!\\n10 Beberekat meh perintah aki kitai David ti deka datai! Hosanna ke Allah Taala di serega ti pemadu tinggi!”\\n11 Jesus lalu tama ngagai nengeri Jerusalem, lalu mansang ngagai Rumah Sembiang. Lebuh Iya udah bejalai meda semua utai dia, Iya lalu pansut ngagai Betani enggau sida dua belas, laban hari nyau lemai.\\nJesus Nyumpah Kayu Ara\\n12 Hari siti, lebuh sida pulai ari Betani, Iya lapar.\\n13 Lebuh Iya tepedaka ari jauh sepun kayu ara ti bedaun, Iya mansang ngagai kayu nya, deka ngiga buah ba kayu nya. Lebuh Iya datai ba kayu nya, Iya nadai tetemuka buah ba kayu nya tang semina daun aja, laban nya endang ukai musin buah ara.\\n14 Iya lalu bejaku ngagai kayu nya, “Awakka orang nadai agi makai buah nuan!”Sida murid Iya ninga nya.\\nJesus Mansang Ngagai Rumah Sembiang\\n15 Sida lalu datai di Jerusalem.Iya tama ngagai Rumah Sembiang, lalu belabuh muru orang ke bejual-bebeli dalam Rumah Sembiang nya.Iya nungkupka mija orang ke penukar wang, enggau bangku orang ke nyual burung achang.\\n16 Lalu Iya enda nyagi orang mai utai nengah Rumah Sembiang.\\n17 Udah nya Iya ngajar orang mayuh. Ku Iya, “Endang udah ditulis, ‘Rumah Aku deka dikumbai rumah sembiang ke semua bansa.’ Tang kita udah ngaga iya nyadi sarang perumpak.”\\n18 Lebuh sida tuai imam enggau sida pengajar Adat ninga nya, sida majak begigaka jalai munuh Iya, laban sida takutka Iya, laban semua orang mayuh bela alit ati ninga ajar Iya.\\n19 Lebuh hari nyau lemai, Iya enggau sida murid Iya pansut ari nengeri nya.\\nPelajar Ari Kayu Ara\\n20 Tumu pagi hari siti lebuh sida mansa, sida meda kayu ara nya udah mati nyentuk ngagai urat.\\n21 Peter lalu ingat, lalu bejaku ngagai Iya, “Peda nya, Pengajar!Kayu ara ti disumpah Nuan, udah mati!”\\n22 Jesus lalu nyaut sida, “Arapka Allah Taala.\\n23 Enggau bendar Aku madah ngagai kita, barang sapa nyebut ngagai bukit tu, ‘Awakka nuan diangkatka lalu buai diri empu ngagai tasik,’ lalu kita enda kakang ati, tang arapka utai ti disebut kita nya deka nyadi, utai nya deka dikereja ke iya.\\n24 Nya alai Aku madah ngagai kita, sebarang utai ti dipinta kita ngena sampi, arapka diri udah nerima utai nya, lalu utai nya deka diberi ngagai kita.\\n25 Lalu lebuh kita bediri besampi, ampun dulu orang ke alai kita pedis ati, ngambika Apai kita ti di serega mega ngampun penyalah kita.\\n26 Tang enti kita enggai ngampun orang, Apai kita ti di serega pen enggai mega ngampun penyalah kita.”\\nTanya Pasal Kuasa Jesus\\n27 Sida lalu datai baru di Jerusalem. Lebuh Iya benung bejalai dalam Rumah Sembiang, sida tuai imam, sida pengajar Adat, enggau sida tuai bansa datai ngagai Iya,\\n28 lalu bejaku, “Nama kuasa ti dikena Nuan ngereja utai tu?Sapa meri Nuan kuasa ngereja nya?”\\n29 Jesus lalu bejaku ngagai sida, “Aku deka nanya kita siti tanya. Saut Aku, nya baru Aku deka madahka kuasa ti dikena Aku ngereja utai tu.\\n30 Kati pemaptisa John datai ari serega tauka ari mensia? Saut Aku.”\\n31 Sida lalu betalat enggau pangan diri, “Enti kitai nyebut, ‘Ari serega,’ Iya deka nyebut, ‘Enti pia, nama kebuah kita enda arapka John?’\\n32 Tang enti kitai nyebut, ‘Ari mensia’?” -- sida takutka orang mayuh, laban semua orang bela ngumbai John nya nabi.\\n33 Nya alai sida nyaut Jesus, “Enda kami nemu.” Jesus lalu bejaku ngagai sida, “Aku pen enggai meh madah ngagai kita kuasa ti dikena Aku ngereja utai tu.”\\nSempama Pasal Orang Ke Nyua Kebun Anggur\\n1 Udah nya Iya belabuh bejaku ngagai sida ngena jaku sempama: “Orang siku numbuhka kebun anggur, ngaga pagar ngelingi kebun nya, numbak lubang alai ngengkahka pitan anggur, lalu ngaga sebuah menara peninjau; udah nya iya ngasuh orang nyua kebun nya, lalu iya bejalai ngagai menua bukai.\\n2 Lebuh maya ngetau, iya ngasuh siku ulun iya mansang ngagai orang ke nyua kebun nya, deka ngambi ari sida ungkup iya ari asil kebun nya.\\n3 Tang sida nangkap ulun nya, malu iya, lalu muru iya pulai puang.\\n4 Udah nya iya ngirumka siku agi ulun.Siku tu dipalu sida ba pala lalu dikeleseka sida.\\n5 Iya lalu ngirumka siku da agi ulun, lalu siku nya dibunuh sida.Lalu baka nya mega sida ngereja ngagai mayuh ulun ti bukai.Sekeda dipalu sida, lalu sida ti bukai dibunuh sida.\\n6 Iya bisi siku agi orang ke deka dikirumka iya, iya nya anak ke dikesayauka iya.Ke pengujung iya, iya ngirumka anak iya nya, ku iya, ‘Sida tentu deka\\nbebasaka anak aku.’\\n7 Tang ku bala orang ke nyua kebun nya bejaku enggau pangan diri, ‘Tu orang ke bempu waris.Aram kitai munuh iya, ngambika pesaka nya diempu kitai.’\\n8 Nya alai sida nangkap iya, munuh iya, lalu muai iya ari kebun anggur nya.\\n9 “Nama utai ti deka dikereja orang ke bempu kebun nya?Iya deka datai, lalu munuh bala orang ke nyua kebun nya, lalu nyerahka kebun nya ngagai orang bukai.\\n10 Kati kita nadai udah kala macha dalam Bup Kudus? ‘Batu ti ditulak tukang rumah udah nyadi batu ti pemadu beguna.\\n11 Utai tu udah dikereja Tuhan, lalu ba peda kami, utai nya manah amat!’“\\n12 Lebuh sida nemu Iya udah nyebut jaku sempama nya ngelaban sida, sida lalu nguji nangkap Iya, tang sida takutka orang mayuh. Nya alai sida ninggalka Iya, lalu mupuk ari endur nya.\\nTanya Pasal Mayar Chukai\\n13 Sida lalu ngasuh sekeda orang Parisi enggau sekeda nembiak Herod mansang ngagai Jesus, deka manjuk Iya ngena jaku ti disebut Iya Empu.\\n14 Sida datai lalu bejaku enggau Iya, “Pengajar, kami nemu Nuan endang madahka utai ti bendar, lalu enda bedulika orang; laban Nuan enda bepilih mua mata, tang ngajar utai ti bendar pasal jalai Allah Taala nitihka pemendar. Padahka ngagai kami, kati kitai ngelaban Adat tauka enda enti kitai mayar chukai ngagai Raja Besai?\\n15 Kati kitai patut mayar tauka enda?” Tang Jesus nemu sida semina pura-pura ngapa nanyaka nya, nya alai Iya lalu nyaut, “Nama kebuah kita nguji Aku? Bai kitu sesingkap duit ngagai Aku ngambika Aku meda iya.”\\n16 Sida lalu mai sesingkap duit ngagai Iya.Iya lalu bejaku ngagai sida, “Gambar sapa enggau nama sapa tu?” “Enggi Raja Besai,” ku sida nyaut.\\n17 Jesus lalu bejaku ngagai sida, “Utai Raja Besai, beri ngagai Raja Besai. Utai Allah Taala, beri ngagai Allah Taala.” Sida lalu balat amat alit ati ke Iya.\\nTanya Pasal Pengangkat Orang Ari Mati\\n18 Sekeda orang Saduki, ke ngumbai mensia nadai angkat ari mati, datai ngagai Jesus lalu nanya ngagai Iya,\\n19 “Pengajar, Moses udah nulis ke kitai, ‘enti lelaki mati ninggalka bini, tang nadai anak, menyadi lelaki iya enda tau enda jadi enggau balu nya, ngambika seduai iya bisi anak ngarika menyadi iya.’\\n20 Nyadi sida menyadi nya tujuh iku.Iya ke tuai jadi enggau indu nya, lalu lebuh iya mati iya nadai ninggalka anak.\\n21 Udah nya menyadi ke lumur dua jadi enggau indu nya, lalu lelaki nya mega mati nadai ninggalka anak.Baka nya mega menyadi ke lumur tiga.\\n22 Nadai siku sida tujuh nya ninggalka anak.Ke penudi iya, indu nya empu mega mati.\\n23 Lebuh pengangkat orang ari mati, sapa bempu bini nya?Laban semua sida tujuh iku nya bela udah ampit magang jadi enggau iya.”\\n24 Ku Jesus bejaku ngagai sida, “Enda ka penemu kita salah, laban kita enda nemu Bup Kudus, tauka kuasa Allah Taala?\\n25 Laban lebuh orang angkat ari mati, sida enda jadi melaki-bini tauka nikah, tang baka melikat ti di serega.\\n26 Nyadi pasal orang ke mati diangkatka idup baru, kati kita nadai udah kala macha dalam Bup Moses, ba genteran ti ngenang pasal babas ti diempa api, pasal jalai Allah Taala bejaku ngagai Moses, ‘Aku tu Allah Taala Abraham, Isak, enggau Jakop’?\\n27 Iya ukai Allah Taala ke orang ke mati, tang ke orang ke idup. Penemu kita amat salah.”\\nPesan Ti Pemadu Besai\\n28 Siku pengajar Adat datai semak lalu ninga sida bekelikuh enggau pangan diri.Lebuh iya ninga pemanah saut Jesus, iya lalu nanya Jesus, “Ni pesan ti pemadu besai?”\\n29 Jesus lalu nyaut, “Pesan ti pemadu besai nya, ‘Pendingka tu, O kita orang Israel!Tuhan Allah Taala kitai endang siku aja.\\n30 Kita enda tau enda rinduka Tuhan Allah Taala kita, enggau pengabis ati kita, enggau pengabis semengat kita, enggau pengabis runding kita, enggau pengabis pengering kita.’\\n31 Pesan ti lumur dua nya: ‘Rinduka pangan nuan, baka nuan ke rinduka diri empu.’Nadai pesan bukai ti besai agi ari pesan dua bengkah nya.”\\n32 Pengajar Adat nya lalu bejaku ngagai Iya, “Betul utai ti ku Nuan, Pengajar! Munyi ti ku Nuan, ‘Allah Taala endang siku aja, lalu nadai petara bukai, kelimpah ari Iya,’\\n33 lalu ‘rinduka Iya enggau pengabis ati nuan, enggau pengabis runding nuan, enggau pengabis pengering nuan,’ lalu ‘rinduka pangan diri baka nuan ke rinduka diri empu.’Tu lebih agi beguna ari semua piring tunu enggau semua piring bukai.”\\n34 Lebuh Jesus meda iya udah nyaut enggau betul, Iya lalu bejaku ngagai iya, “Nuan enda jauh ari Perintah Allah Taala.” Udah bekau nya, nadai orang agi berani nanyaka utai ngagai Iya.\\nTanya Pasal Kristus\\n35 Lebuh Jesus benung ngajar dalam Rumah Sembiang, Iya nanya, “Baka ni ku sida pengajar Adat tau ngumbai Kristus peturun David?\\n36 David empu, ulih kuasa Roh Kudus, madah: ‘Ku Tuhan bejaku ngagai Tuhan aku, “Duduk Nuan muak ari kanan Aku datai ke Aku udah ngengkahka bala munsuh Nuan di baruh kaki Nuan.”‘\\n37 David empu ngumbai Iya ‘Tuhan.’Nya alai baka ni ku Iya tau nyadi peturun David?” Lalu bala orang mayuh gaga amat mendingka Iya.\\nJesus Ngasuh Bejaga Ari Bala Pengajar Adat\\n38 Lebuh Iya ngajar sida, Iya bejaku munyi tu, “Bejaga kita ari sida pengajar Adat, ke rindu bejalai ngena baju panjai, lalu ditabi orang ba sebelah pasar,\\n39 lalu milih penuduk ti pemadu manah dalam balai gempuru, enggau penuduk ti di atas lebuh pengerami makai besai.\\n40 Sida ngerampas rumah indu ke balu, lalu pura-pura ngapa ngaga diri lama besampi.Sida deka diukum berat agi.”\\nPemeri Ti Diberi Siku Indu Ke Balu\\n41 Jesus duduk semak sarang wang Rumah Sembiang, lalu nengkilaka orang nepuka duit ke dalam sarang wang nya.Mayuh orang ke kaya nepuka mayuh duit.\\n42 Siku indu ke balu sereta seranta datai, lalu nepuka dua singkap duit engkeraju, ti mimit amat rega.\\n43 Jesus lalu ngangauka sida murid Iya lalu bejaku ngagai sida, “Enggau bendar Aku madah ngagai kita, indu balu ke seranta tu udah nepuka mayuh agi duit ke dalam sarang wang nya ari semua sida bukai.\\n44 Laban sida ti bukai meri ari pemayuh utai ti dikemisi sida, tang indu ke seranta tu, udah meri semua utai ti dikemisi iya, semua utai ti dikena iya beridup.”\\nJesus Madahka Rumah Sembiang Deka Dirusak\\n1 Lebuh Iya pansut ari Rumah Sembiang, siku murid bejaku ngagai Iya, “Pengajar, peda Nuan pemesai batu enggau pemesai rumah nya!”\\n2 Jesus lalu nanya iya, “Kati nuan bisi meda rumah ti besai nya? Sigi pen nadai meh batu nya deka mengkang betusun baka nya. Semua batu nya deka diruntuhka magang.”\\nPenusah Enggau Pemerinsa\\n3 Lebuh Jesus duduk ba Bukit Kana, ti betiban enggau Rumah Sembiang, Peter, James, John enggau Andrew datai kediri sida aja ngagai Iya, lalu nanya Iya,\\n4 “Padahka ngagai kami, kemaya utai nya deka nyadi, enggau tanda ti deka nunjukka semua utai nya deka nyadi.”\\n5 Jesus lalu bejaku ngagai sida, “Bejaga kita, enggai ke orang nesatka kita.\\n6 Mayuh orang deka datai ngena nama Aku, lalu bejaku, ‘Aku tu meh Iya!’ lalu sida deka nesatka mayuh orang.\\n7 Lebuh kita ninga munyi perang enggau berita perang, anang takut.Utai nya enda tau enda nyadi, tang pengujung apin datai.\\n8 Bansa deka beperang ngelaban bansa, lalu menua deka beperang ngelaban menua.Tanah berenyang deka nyadi ba mayuh bengkah endur.Lapar pungkang deka nyadi.Utai tu semina pun iya aja, baka indu ke radai deka beranak.\\n9 “Tang kita empu enda tau enda bejaga; laban kita deka diserahka ngagai Kunsil; lalu kita dipalu dalam balai gempuru; lalu kita deka bediri di mua gabenor, enggau di mua bala raja ketegal Aku, ngambika kita besaksi ngagai sida.\\n10 Lalu Berita Manah enda tau enda dulu ditusui ngagai semua bansa.\\n11 Lebuh sida mai kita ngagai kot lalu nyerahka kita, anang irauka utai ti deka disebut kita. Tak sebut aja sebarang utai ti diberi ngagai kita lebuh maya nya,\\nlaban ukai kita ke bejaku, tang Roh Kudus.\\n12 Menyadi deka nyerahka menyadi ngambika iya dibunuh, lalu apai deka nyerahka anak, lalu anak deka angkat ngelaban apai indai, lalu ngasuh sida dibunuh.\\n13 Lalu semua orang deka begedika kita ketegal nama Aku. Tang orang ke tan datai ke ujung, deka diselamatka.\\nUtai Ti Pemadu Jai\\n14 “Tang lebuh kita meda ‘Utai ti Pemadu Jai’ bediri ba endur ti enda patut alai iya bediri (awakka orang ke macha meretika utai tu), orang ke di Judea enda tau enda rari ngagai bukit.\\n15 Orang ke ba atas perabung enda tau nurun, tauka tama ngagai rumah ngambi utai iya.\\n16 Orang ke di umai enda tau pulai lalu ngambi kelambi iya.\\n17 Naka meh penusah indu ke ngandung, enggau sida indai ke nusuka anak lebuh maya nya!\\n18 Besampi minta utai nya ukai nyadi lebuh musin chelap!\\n19 Laban lebuh maya nya ila penusah ti amat besai deka nyadi, baka ti nadai udah kala nyadi kenyau ari penumbuh dunya nyentuk ngagai diatu, tauka jemah ila.\\n20 Lalu enti Tuhan enda ngurangka penyampau hari nya, nadai mensia ulih diselamatka, tang ketegal nembiak ke udah dipilih Iya, Iya udah ngurangka penyampau hari nya.\\n21 Lalu enti orang nyebut ngagai kita lebuh maya nya, ‘Peda kita!Tu Kristus!’ tauka, ‘Peda kita! Nyin Iya!’, anang arapka nya.\\n22 Laban Kristus ti pelesu, enggau nabi ti pelesu deka pegari, lalu ngereja mayuh kereja ajih, enggau kereja ti nyelai kena nesatka bala nembiak ke udah dipilih Allah Taala, enti ulih.\\n23 Tang kita enda tau enda bejaga! Aku udah madahka semua utai ngagai kita.\\nPenatai Anak Mensia\\n24 “Tang lebuh maya nya ila, udah bekau penusah ti besai nya nyadi, mata hari deka piam, lalu bulan enda agi manchar,\\n25 lalu bintang deka labuh ari langit, lalu kuasa ti di langit deka begetar.\\n26 Udah nya baru Anak mensia deka datai dalam remang ngena kuasa enggau mulia ti besai.\\n27 Udah nya Iya deka ngirumka bala melikat, lalu ngempuruka bala nembiak Iya ke udah dipilih Iya ari empat iti sukut dunya, aru dunya sepiak ngagai dunya sepiak.\\n28 “Pelajarka ari kayu ara. Lebuh dan iya nyau geduk, lalu daun iya belabuh bekantuk, kita nemu musin panas nyau semak.\\n29 Baka nya mega, lebuh kita meda utai tu nyadi, kita nemu Iya nyau semak, bisi ba mua pintu.\\n30 Enggau bendar Aku madah ngagai kita, rebak ti diatu apin mati sebedau semua utai tu nyadi.\\n31 Langit enggau dunya deka lenyau, tang leka jaku Aku enda lenyau.\\nNadai Orang Nemu Maya\\n32 “Tang nadai orang nemu hari tauka jam. Melikat ke di serega enda nemu, lalu Anak Mensia pen enda mega nemu. Semina Apai aja nemu.\\n33 Bejaga, besedia, laban kita enda nemu kemaya hari nya deka datai.\\n34 Iya baka orang siku ke bejalaingagai menua bukai.Iya ninggalka rumah lalu ngasuh orang gaji iya ngemataka utai iya, siku-siku bela diberi iya pengawa, lalu ngasuh orang ke nyaga mua pintu iya bejaga.\\n35 Nya alai, bejaga kita, laban kita enda nemu kemaya tuan rumah nya deka datai, nemuka lebuh lemai hari, tauka ba urung tengah malam, tauka sebedau dini hari, tauka ba urung rerak tawas,\\n36 enggai ke iya tetemuka kita tinduk lebuh iya ngenyit datai.\\n37 Nya alai Aku madah ngagai semua kita: Bejaga.”\\nOrang Bepekat Ngelaban Jesus\\n1 Dua hari sebedau Gawai Paska enggau Gawai Roti Ti Enda Beragi nyadi, sida tuai imam, enggau sida pengajar Adat ngiga jalai nangkap Jesus ngena chara belalai lalu munuh Iya,\\n2 laban ku sida, “Ukai lebuh maya gawai, enggai ke orang begau.”\\nJesus Ditata Di Betani\\n3 Lebuh Jesus benung makai dalam rumah Simon ke udah sakit lan di Betani, siku indu datai mai sebutul minyak wangi ti berega, mechahka butul nya, lalu nuang minyak wangi nya ba pala Jesus.\\n4 Tang sekeda orang ke bisi dia pedis ati meda nya, lalu bejaku enggau pangan diri, “Nama kebuah masau minyak wangi nya?\\n5 Laban minyak wangi nya tau dijual ngena rega lebih tiga ratus singkap duit pirak lalu duit nya diberi ngagai orang ke seranta!”Sida lalu nganu indu nya.\\n6 Tang ku Jesus bejaku, “Anang ngachau iya!Nama kebuah kita ngiruh iya?Iya udah ngereja utai ti manah ke Aku.\\n7 Laban kita deka seruran bisi orang ke seranta enggau kita, lalu kita tau ngayanka penyiru kita ke sida sebarang maya kita deka.Tang Aku enda seruran bisi enggau kita.\\n8 Iya udah ngereja utai ti ulih dikereja iya. Iya udah nata tubuh Aku kena nyendiaka Aku dikubur.\\n9 Enggau bendar Aku madah ngagai kita, di sebarang endur Berita Manah tu ditusui di serata dunya, utai ti udah dikereja iya deka ditusui kena ngingatka iya.”\\nJudas Besetuju Deka Nyual Jesus\\n10 Udah nya Judas Iskariot, siku ari sida ke dua belas, mansang ngagai sida tuai imam, deka nyual Jesus ngagai sida.\\n11 Lebuh sida ninga nya, sida gaga amat lalu besemaya deka meri iya duit. Nya alai Judas lalu belabuh begigaka peluang nyual Jesus.\\n12 Ba hari ti keterubah ke Gawai Roti Ti Enda Beragi, lebuh maya nyayat anak domba, sida murid bejaku enggau Iya, “Dini alai Nuan ngasuh kami nyendiaka pemakai Gawai Paska ke Nuan?”\\n13 Iya lalu ngasuh dua iku murid Iya.Ku Iya bejaku ngagai seduai iya, “Alai seduai mansang ngagai nengeri.Siku lelaki ke mai tempayan ai deka betemu enggau seduai. Titihka iya,\\n14 lalu tama ngagai rumah ti alai iya tama, lalu sebut ngagai orang ke bempu rumah nya, ‘Pengajar nanya, Dini alai bilik temuai alai Aku makai pemakai Gawai Paska enggau murid Aku?’\\n15 Iya deka madah ngagai seduai siti bilik ti besai di sadau, ti udah dikemas sereta disikap.Sediaka pemakai Gawai Paska ke kitai dia.”\\n16 Nya alai murid dua iku nya lalu mupuk ngagai nengeri nya, lalu nemu semua utai munyi ti udah dipadahka Jesus ngagai seduai iya. Seduai iya lalu nyendiaka pemakai Gawai Paska.\\n17 Lebuh hari nyau lemai, Jesus lalu datai enggau sida ke dua belas.\\n18 Lalu lebuh sida benung duduk makai, Jesus bejaku, “Enggau bendar Aku madah ngagai kita, siku ari bala kita deka nyual Aku, iya ke sama makai enggau Aku.”\\n19 Sida murid lalu belabuh tusah ati, lalu nanya Iya, udah siku, siku, “Ukai patut aku?”\\n20 Ku Iya bejaku ngagai sida, “Siku ari kita ke dua belas, iya ke nyepuhka roti ngagai pinggai nyereta Aku.\\n21 Laban Anak Mensia deka mupuk munyi ti ditulis pasal Iya. Tang naka meh penusah orang ke nyual Anak Mensia! Manah agi enti iya enda ada!”\\n22 Lebuh sida benung makai, Iya ngambi roti, lalu lebuh Iya udah merekat roti nya Iya lalu mechahka roti nya, meri roti nya ngagai sida murid Iya, lalu bejaku, “Empa; tu tubuh Aku.”\\n23 Udah nya Iya ngambi mangkuk, lalu lebuh Iya udah meri terima kasih, Iya lalu nyuaka mangkuk nya ngagai sida, lalu semua sida bela ngirup ari mangkuk nya.\\n24 Ku Iya bejaku ngagai sida, “Tu darah Aku, darah sempekat, ti dituang ke orang mayuh.\\n25 Enggau bendar Aku madah ngagai kita, Aku enda agi ngirup wain tu nyentuk ngagai hari Aku ngirup iya baru dalam Perintah Allah Taala.”\\n26 Lebuh sida udah belagu siti pantun, sida lalu mupuk ngagai Bukit Kana.\\nJesus Madahka Peter Deka Besangkalka Iya\\n27 Jesus lalu bejaku ngagai sida, “Semua kita deka ninggalka Aku, laban endang udah ditulis, ‘Aku deka munuh pengibun bedus, lalu raban bedus deka pambar.’\\n28 Tang lebuh Aku udah diangkatka idup baru, Aku deka mupuk ngagai Galili dulu ari kita.”\\n29 Peter lalu bejaku ngagai Iya, “Enti sema semua sida ninggalka Nuan, aku meh enda.”\\n30 Jesus lalu bejaku ngagai iya, “Enggau bendar Aku madah ngagai nuan, sehari tu, malam tu, sebedau manuk mengkukuk kedua kali, nuan udah besangkalka Aku tiga kali.”\\n31 Tang Peter bejaku bebendar agi, ku iya, “Enti sema aku enda tau enda mati enggau Nuan, enda meh aku besangkalka Nuan!”Semua murid ti bukai bela bejaku munyi nya magang.\\nJesus Besampi Di Getsemani\\n32 Sida datai ba endur siti ti dikumbai Getsemani, lalu ku Iya bejaku ngagai sida murid Iya, “Duduk ditu.Aku deka besampi.”\\n33 Iya lalu mai Peter, James enggau John, lalu belabuh tusah amat ati sereta teguran,\\n34 lalu ku Iya bejaku ngagai sida, “Ati Aku balat tusah, asai ke deka mati.Tinggal ditu lalu anang tinduk.”\\n35 Iya bejalai jauh mimit, nyungkurka Diri ke tanah lalu besampi minta Diri, enti ulih, enda ibuh natka pemerinsa nya.\\n36 Ku Iya besampi, “Abba, Apai, ba Nuan semua utai ulih magang. Ambi mangkuk tu ari Aku, tang ukai nitihka peneka Aku, tang nitihka peneka Nuan.”\\n37 Udah nya Iya pulai baru ngagai sida murid, lalu nemu sida tinduk, lalu ku Iya bejaku ngagai Peter, “Simon, kati nuan tinduk?Kati nuan enda ulih bejaga sejam?\\n38 Bejaga sereta besampi, ngambika kita enda kena laban penguji.Ati amat deka, tang tubuh lemi.”\\n39 Iya mupuk baru lalu besampi munyi ti dulu.\\n40 Udah nya Iya pulai baru lalu nemu sida tinduk, laban sida nyau kelalu deka tinduk.Lalu sida enda nemu chara madah ngagai Iya.\\n41 Lebuh Iya pulai baru ketiga kali, Iya bejaku ngagai sida, “Kati kita agi tinduk sereta belelak? Umbas meh nya! Maya udah datai.Diatu Anak Mensia deka dijual ngagai orang ke bedosa.\\n42 Angkat.Aram kitai mupuk.Peda kita, orang ke nyual Aku udah datai!”\\n43 Kemaya nya, lebuh Jesus agi benung bejaku, Judas, siku ari sida ke dua belas, lalu datai, mai bala orang ke betangkinka pedang enggau bebaika pemalu, ari sida tuai imam, ari sida pengajar Adat, enggau ari sida tuai bansa.\\n44 Nyadi orang ke nyual Iya, udah meri sida siti tanda.Ku iya, “Orang ke disium aku, nya meh Iya. Tangkap Iya, bai Iya lalu jaga Iya.”\\n45 Nya alai lebuh Judas datai, iya lalu tekala nya mansang ngagai Jesus, lalu bejaku, “Pengajar!” lalu nyium Iya.\\n46 Sida megai lalu nangkap Jesus.\\n47 Tang siku ari orang ke bediri semak dia nyintak pedang iya, lalu mantap ulun imam besai, mutuska pending iya.\\n49 Tiap hari Aku begulai enggau kita lebuh Aku ngajar dalam Rumah Sembiang, lalu kita enda nangkap Aku. Tang awakka Bup Kudus dikamatka.”\\n50 Semua murid ninggalka Iya, lalu rari.\\n51 Siku orang bujang, ke beserayung semina ngena kain linin, nitihka Jesus. Sida nangkap iya,\\n52 tang iya rari telanjai-lanjai, ninggalka serayung iya.\\nJesus Dibai Ngagai Kunsil\\n53 Sida lalu mai Jesus ngagai imam besai.Semua sida tuai imam, sida tuai bansa enggau sida pengajar Adat lalu begempuru.\\n54 Peter udah nitihka Jesus ari jauh, nyentuk ngagai tengah laman imam besai, lalu iya duduk bekindu enggau sida jejaga.\\n55 Nyadi sida tuai imam enggau semua raban Kunsil ngiga saksi ngelaban Jesus, ngambika Iya diukum bunuh. Tang sida nadai tetemuka saksi.\\n56 Laban mayuh orang besaksi bula ngelaban Iya, tang saksi sida enda besetuju enggau saksi pangan diri.\\n57 Sekeda orang bediri lalu besaksi bula ngelaban Iya. Ku sida,\\n58 “Kami udah ninga Iya nyebut, ‘Aku deka ngerusak Rumah Sembiang tu ti digaga mensia, lalu dalam tiga hari Aku deka nirika sebuah ti ukai digaga mensia.’“\\n59 Tang indah ba senentang tu deh saksi sida mengkang enda besetuju enggau saksi pangan diri.\\n60 Imam besai lalu bediri di mua sida, lalu nanya Jesus, “Kati Nuan nadai saut ngagai nya? Nama utai tu ti disebut sida ngelaban Nuan?”\\n61 Tang Jesus enda bemunyi, lalu enda nyaut. Imam besai lalu nanya Iya baru, “Kati Nuan tu Kristus, Anak Iya ti Beberekat?”\\n62 Jesus lalu bejaku, “Aku meh nya, lalu ‘kita deka meda Anak Mensia duduk muak ari kanan Iya ti Bekuasa,’ lalu‘datai dalam remang ari serega!’“\\n63 Imam besai lalu nyarikka baju panjai iya empu, lalu bejaku, “Nama kebuah kitai begunaka saksi bukai?\\n64 Kita udah ninga Iya bejaku busung.Nnama pemutus penemu kita?” Semua sida bela madahka Iya patut diukum bunuh.\\n65 Sekeda sida lalu belabuh ngeludah Iya, mampul mata Iya lalu nampar Iya.Ku sida, “Uji Nuan benabi!”Bala jejaga mega enggau ngambi peluang, lalu malu Iya.\\nPeter Besangkalka Jesus\\n66 Lebuh Peter agi benung di baruh ba tengah laman, siku kuli indu ke bekereja ke imam besai mansa.\\n67 Lebuh iya meda Peter bekindu, iya merening ngagai Peter, lalu bejaku, “Nuan pen udah meh enggau Jesus orang Nasaret.”\\n68 Tang Peter besangkalka nya.Ku iya, “Nadai aku nemu tauka meretika utai ti ku nuan.”Iya lalu pansut ngagai mua pintu penama.Manuk lalu mengkukuk.\\n69 Lebuh indu kuli nya meda Peter, iya lalu belabuh baru madah ngagai orang ke bediri dia, “Iya tu siku ari bala sida!”\\n70 Tang Peter besangkal baru. Enda lama udah nya, lebuh orang ke bediri dia bejaku ngagai Peter baru, “Nuan tetap raban sida, laban nuan tu orang Galili.”\\n71 Tang Peter lalu belabuh nyumpah, ku iya, “Nadai aku nemu orang ti ku kita!”\\n72 Lebuh maya nya manuk mengkukuk kedua kali.Nya baru Peter ingatka utai ti udah disebut Jesus ngagai iya, “Sebedau manuk mengkukuk kedua kali, nuan udah besangkalka Aku tiga kali.” Peter lalu nyabak.\\nJesus Dibai Ngagai Pilate\\n1 Tumu pagi hari siti, sida tuai imam lalu baum enggau bala tuai bansa, bala pengajar Adat, enggau semua raban Kunsil. Sida nanchang Jesus ngena rantai,mai Iya ari endur nya, lalu nyerahka Iya ngagai Pilate.\\n2 Pilate lalu nanya Iya, “Kati Nuan tu Raja orang Judah?” Disaut Jesus, “Munyi ti ku nuan.”\\n3 Sida tuai imam lalu madahka Iya udah ngereja mayuh macham penyalah.\\n4 Pilate lalu nanya Iya baru, “Kati Nuan nadai saut ngagai nya?Dinga Nuan pemayuh dawa ti dibantaika sida ngelaban Nuan.”\\n5 Tang Jesus nadai agi nyaut, lalu Pilate balat alit ati.\\nJesus Diukum Bunuh\\n6 Ba genap Gawai Paska Pilate endang selalu ngelepaska siku orang tutup ke sida, sebarang orang ke dipinta sida.\\n7 Nyadi dalam rumah jil bisi orang siku benama Barabas, sama enggau bala orang ke udah munuh orang sereta udah angkat ngelaban perintah.\\n8 Nya alai bala orang mayuh datai lalu belabuh minta Pilate ngereja utai ke sida baka ti udah dikereja iya ngelama tu.\\n9 Pilate lalu nanya sida, “Kati kita ngasuh aku ngelepaska Raja orang Judah ke kita?”\\n10 Laban iya nemu sida tuai imam kepapaska Jesus; nya kebuah sida nyerahka Jesus ngagai iya.\\n11 Tang sida tuai imam nyungkak orang mayuh minta Pilate ngelepaska Barabas ke sida.\\n12 Pilate lalu bejaku baru ngagai sida, “Enti pia, nama utai ti patut dikereja aku ngagai Iya ke dikumbai kita Raja orang Judah?”\\n13 Sida lalu manjung nyaut iya, “Regang Iya!”\\n14 Pilate lalu nanya sida, “Nama kebuah?Nama penyalah ti udah dikereja Iya?” Tang sida manjung inggar agi, “Regang Iya!”\\n15 Nyadi laban Pilate endang deka ngenyamaika ati orang mayuh, iya lalu ngelepaska Barabas ke sida.Lebuh Jesus udah disipat, iya lalu nyerahka Jesus ngambika Iya diregang.\\nBala Soldadu Beduan Jesus\\n16 Bala soldadu lalu mai Jesus ke dalam ngagai tengah laman istana gabenor, lalu ngangauka semua raban soldadu ti bukai.\\n17 Sida lalu ngerasukka baju panjai ti ungu ba Iya.Lebuh sida udah ngaga makota ari pating kayu ti beduri, sida lalu ngengkahka makota nya ba pala Iya.\\n18 Sida lalu belabuh nabi Iya, “Tabi, Raja orang Judah!”\\n19 Sida malu pala Iya ngena kayu, ngeludah Iya, besugang, lalu meremi di mua Iya.\\n20 Lebuh sida udah beduan Iya, sida muka baju panjai ti ungu nya ari Iya, lalu ngerasukka gari Iya Empu ba Iya.Udah nya sida mai Iya pansut, deka ngeregang Iya.\\n21 Sida mejalka siku orang ke mansa, ke datai ari menua pesisir, ngesan regang Iya. Orang nya benama Simon ke asal ari menua Sairin, lalu iya nya apai Aleksander seduai Rupus.\\n22 Sida lalu mai Jesus ngagai endur siti ti dikumbai Golgota, reti nya, “Endur Keruntuk”\\n23 Sida lalu meri Iya wain dichampur enggau mur, tang Jesus enggai ngirup nya.\\n24 Udah nya sida ngeregang Iya, lalu bedua gari Iya entara bala sida, ngena chara bechabut undi kena nentuka sapa tau bulih gari iya.\\n25 Jam nyau pukul semilan pagi lebuh sida ngeregang Iya.\\n26 Pelekat ti madahka penyalah Iya, nyebut: “Raja orang Judah.”\\n27 Dua iku penyamun mega diregang sama enggau Iya, siku muak ari kanan, lalu siku muak ari kiba Iya.\\n28 Tu ngamatka jaku ti udah disebut dalam Bup Kudus, “Iya dibunuh begulai enggau orang ke udah ngereja penyalah.”\\n29 Orang ke mansa ngeleseka Iya lalu ngilikka pala sida. Ku sida, “Nuan ke deka ngerusak Rumah Sembiang, lalu nirika iya baru dalam tiga hari,\\n30 selamatka Diri Empu, lalu nurun ari regang nya!”\\n31 Sida tuai imam enggau sida pengajar Adat mega ngeleseka Iya di mua pangan diri. Ku sida, “Iya nyelamatka orang bukai, tang Iya enda ulih nyelamatka Diri Empu!\\n32 Awakka Kristus, Raja orang Judah, nurun ari regang nya diatu, ngambika kitai meda lalu arap.” Orang ke diregang sama enggau Iya, mega ngeleseka Iya.\\n33 Ba urung tengah hari semua menua petang magang, nyentuk ngagai pukul tiga ngalih hari.\\n34 Ba urung pukul tiga Jesus ngangau enggau nyawa ti inggar, “Eloi, Eloi, lama sabaktani?” reti nya, “Allah Taala Aku, Allah Taala Aku, nama kebuah Nuan ninggalka Aku?”\\n35 Lebuh orang ke bediri dia ninga Iya ngangau, sekeda sida lalu bejaku, “Dinga nya, Iya ngangauka Elijah!”\\n36 Siku orang lalu belanda, nyepuhka bungai karang ngagai wain ti masam, ngengkahka utai nya ba puting kayu, lalu ngasuh Jesus ngirup, ku iya, “Anang guai dulu! Awakka kitai meda enti Elijah deka datai lalu ngambi Iya ari regang nya!”\\n37 Jesus lalu ngangau enggau nyawa ti inggar, lalu ngapuska seput.\\n38 Kain dalam Rumah Sembiang lalu charik belah dua ari atas ke baruh.\\n39 Lebuh pemesai soldadu ke bediri di mua Iya, meda chara Jesus ngapuska seput, iya lalu bejaku, “Orang tu amat Anak Allah Taala!”\\n40 Sida ke indu mega bisi dia, nengkila ari jauh. Bala sida nya nyengkaum Maria Magdalin, Maria indai James ti biak seduai Joses, enggau Salomi.\\n41 Sida nya udah nyempulang Jesus lalu nulung Iya enggau utai ti dipeguna Iya lebuh Iya agi di menua Galili, enggau mayuh indu bukai ke udah datai sama enggau Iya ngagai Jerusalem.\\n42 Lebuh hari nyau lemai, lalu laban hari nya endang hari alai nyendiaka Gawai, iya nya hari sebedau hari Sabat,\\n43 Josep ke asal ari Arimatea, siku raban Kunsil, ke nganti penatai Perintah Allah Taala, mansang enggau ati ti berani ngagai Pilate, minta bangkai Jesus.\\n44 Pilate lalu iran ati enti Jesus amat udah mati. Nya alai iya mesanka pemesai soldadu, lalu nanyaka enti Jesus amat lama udah mati.\\n45 Lebuh Pilate nemu Jesus udah mati ari padah pemesai soldadu nya, iya lalu nyerahka bangkai Jesus ngagai Josep.\\n46 Josep lalu meli kain linin, nurunka bangkai Jesus, mungkus bangkai nya ngena kain linin nya, lalu ngalika bangkai nya dalam kubur ti udah ditebuk ba batu galang.Iya lalu maringka sigi batu ti besai ngagai mua kubur nya.\\n47 Nyadi Maria Magdalin enggau Maria indai Joses bisi meda endur alai bangkai Jesus digalika.\\n1 Udah bekau hari Sabat, Maria Magdalin, Maria indai James, enggau Salomi lalu meli rempah, ngambika sida ulih nata bangkai Jesus.\\n2 Tumu pagi hari Minggu, lebuh mata panas udah tumbuh, sida mansang ngagai kubur.\\n3 Sida udah berandau enggau pangan diri, “Sapa deka maringka batu nya ke kitai ari mua kubur nya?”\\n4 Lebuh sida malik, sida meda batu nya endang udah dibaringka ari mua kubur nya.Batu nya besai amat.\\n5 Lebuh sida tama ngagai kubur, sida meda siku orang bujang ke ngena baju panjai ti burak, duduk muak ari kanan.Sida lalu takut.\\n6 Tang ku iya bejaku ngagai sida, “Anang takut.Kita ngiga Jesus orang Nasaret, ke udah diregang.Iya udah diangkatka idup baru.Iya nadai ditu. Peda kita endur alai sida udah ngalika Iya.\\n7 Tang mupuk kita, lalu padahka ngagai sida murid Iya, enggau ngagai Peter, Iya mupuk dulu ari kita ngagai Galili. Din kita deka meda Iya, munyi ti udah dipadahka Iya ngagai kita.”\\n8 Nya alai sida pansut lalu rari ari kubur, laban sida balat takut sereta balat alit ati, lalu sida nadai madahka utai nya ngagai orang, laban sida takut.\\nJesus Pegari Ngagai Maria Magdalin\\n9 Tumu pagi hari Minggu lebuh Jesus udah angkat ari mati, Iya pegari terubah ngagai Maria Magdalin, ke udah alai Iya muru tujuh iku antu.\\n10 Maria Magdalin mansang lalu madah ngagai orang ke udah begulai enggau Jesus, ke benung ngulit sereta nyabak.\\n11 Tang lebuh sida ninga Jesus udah idup baru, lalu Maria Magdalin udah meda Iya, sida enda arapka nya.\\nJesus Pegari Ngagai Dua Iku Orang Ke Arap\\n12 Udah nya Iya pegari ngena chara bukai ngagai dua iku orang ari bala sida, lebuh seduai iya benung di rantau jalai mansang ngagai menua pesisir.\\n13 Seduai iya lalu nikal, lalu madah ngagai sida ti bukai. Tang sida enda arapka seduai iya.\\nJesus Ngasuh Sida Murid Nusui Berita Manah\\n14 Udah nya Iya pegari ngagai murid ke sebelas iku, lebuh sida benung makai, lalu Iya nganu sida laban sida enda arap sereta kieh, laban sida enda arapka orang ke udah meda Iya, udah bekau Iya ke angkat idup baru.\\n15 Lalu ku Iya bejaku ngagai sida, “Bejalai kita ngagai serata dunya, lalu tusui Berita Manahbngagai semua mensia.\\n16 Orang ke arap lalu dibaptisa, deka diselamatka, tang orang ke enda arap deka diukum.\\n17 Lalu tu tanda ti deka nyempulang orang ke arap: sida deka muru antu dalam nama Aku; sida deka bejaku ngena jaku ti nyelai.\\n18 Enti sida tepegaika ular, tauka teirupka rachun, utai nya enda ngemediska sida; sida deka ngengkahka jari sida ba orang ke sakit, lalu orang nya deka gerai.”\\nJesus Niki Ke Serega\\n19 Lebuh Tuhan Jesus udah bejaku ngagai sida, Iya lalu dibai niki ke serega, lalu duduk muak ari kanan Allah Taala.\\n20 Sida murid bejalai lalu nusui Berita Manah di semua endur, lalu Tuhan bekereja enggau sida lalu netapka pengamat pesan Iya ngena kereja ajih ti nyempulang pesan nya.\\nSEBENGKAH UJUNG TI LAMA\\n21 [Sida indu mansang ngagai Peter enggau bala pangan iya lalu nusui pasal utai ti udah dipadahka ngagai sida.\\n22 Udah nya Jesus Empu ngirumka, ngena sida murid Iya, kenyau ari timur nyentuk ke barat, pesan ti kudus sereta idup belama iya pasal pengelepas ti meruan belama iya.]","num_words":14818,"character_repetition_ratio":0.075,"word_repetition_ratio":0.002,"special_characters_ratio":0.22,"stopwords_ratio":0.366,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama Pengawa Dikereja ba Pampang Opis Saksi-Saksi Jehovah?\\nBACHA DALAM JAKU Afrikaans Ahanta Aja Albanian Alur Amharic Arabic Armenian Assamese Attié Aukan Aymara Azerbaijani Azerbaijani (Cyrillic) Bahasa Isyarat Salvador Bambara Baoule Bashkir Basque Bassa (Cameroon) Bassa(Liberia) Batak (Dairi) Batak (Karo) Batak (Simalungun) Batak (Toba) Belize Kriol Bengali Bicol Bislama Boulou Bulgarian Cakchiquel Cambodian Catalan Cebuano Changana (Zimbabwe) Chavacano Chichewa Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuvash Cibemba Cinyanja Comorian (Ngazidja) Croatian Czech Damara Dangme Danish Digor Douala Dusun Dutch Efik Emberá (Catío) English Esan Estonian Ewe Fante Faroese Fijian Finnish Fon Frafra French Ga Galician Garifuna Georgian German Gitonga Gokana Greek Greenlandic Guadeloupean Kreol Guarani Guarani (Bolivia) Guerze Gujarati Gun Guna Guéré Haitian Creole Hausa Hebrew Herero Hiligaynon Hindi Hiri Motu Hmong (Putih) Huastec (San Luis Potosi) Hungarian Hunsrik Iban Iban Ibinda Icelandic Igbo Iloko Indonesian Irish Isoko Italian Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Australia Jaku Orang Bisu Belanda Jaku Orang Bisu Bolivia Jaku Orang Bisu Brazil Jaku Orang Bisu Britain Jaku Orang Bisu Chile Jaku Orang Bisu China Jaku Orang Bisu Colombia Jaku Orang Bisu Costa Rica Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Ghana Jaku Orang Bisu Greece Jaku Orang Bisu Guatemala Jaku Orang Bisu Honduras Jaku Orang Bisu Hungary Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Korea Jaku Orang Bisu Malaysia Jaku Orang Bisu New Zealand Jaku Orang Bisu Nicaragua Jaku Orang Bisu Panama Jaku Orang Bisu Paraguay Jaku Orang Bisu Perancis Jaku Orang Bisu Peru Jaku Orang Bisu Philippines Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Uruguay Jaku Orang Bisu Venezuela Jaku Orang Bisu Zimbabwe Japanese Jawa Jula Kabuverdianu Kabyle Kannada Karen (S'gaw) Kazakh Kekchi Khana Khasi Kikaonde Kikongo Kikuyu Kiluba Kimbundu Kinande Kinyarwanda Kipende Kirghiz Kiribati Kirundi Kisi Kisii Kisonge Kongo Korean Kpelle Kreole Bissau Guinea Krio Kurdish Kurmanji (Caucasus) Kwangali Kwanyama Kyangonde Lahu Laotian Latgalian Latvian Lenje Lifu Lingala Lithuanian Lomwe Low German Luganda Lugbara Lunda Luo Luvale Macedonian Macua Malagasy Malayalam Maltese Mam Mambwe-Lungu Mangareva Maninkakan (Timur) Mapudungun Marathi Marquesian (Hiva Oa) Marquesian (Nuku Hiva) Marshallese Mauritian Creole Maya Mazahua Mazatec (Huautla) Mbukushu Melayu Mende Meru Miskito Mixe Mixtec (Guerrero) Mixtec (Huajuapan) Mizo Mongolian Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Nias Niuean Norwegian Nuer Nyungwe Nzema Okpe Oromo Ossetian Otomi (Lembah Mezquital) Pangasinan Papiamento (Aruba) Papiamento (Curaçao) Persian Pijin (Cameroon) Pijin Nigeria Pilagá Polish Ponapean Portuguese Pular Punjabi Punjabi (Shahmukhi) Páez Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Quichua (Santiago del Estero) Quichua (Tena) Rarotongan Romanian Romany (Bulgaria) Romany (Greece Selatan) Romany (Greece Utara) Romany (Macedonia) Romany (Macedonia) Cyrillic Romany (Slovakia Timur) Russian Rutoro Réunion Creole Samoan Sango Saramaccan Sarnami Sena Sepedi Serbian Serbian (Roman) Sesotho (Lesotho) Setswana Seychelles Creole Shona Silozi Sinhala Slovak Slovenian Solomon Islands Pidgin Somali Spanish Sranantongo Sunda Susu Swahili Swati Swedish Tagalog Tahitian Tajiki Talian Tamil Tandroy Tankarana Tarahumara Tarascan Tatar Telugu Tetun Dili Thai Thai (Timur Laut) Tigrinya Tiv Tlapanec Toabaite Tojolabal Tok Pisin Tokelauan Tongan Totonac Tshwa Tsonga Turkish Turkmen Turkmen (Cyrillic) Tuvaluan Twi Tzeltal Tzotzil Udmurt Uighur (Cyrillic) Ukrainian Urdu Urhobo Uzbek Uzbek (Rom) Valencian Venda Vezo Vietnamese Wallisian Waray-Waray Wayuunaiki Welsh Wichi Wolaita Xhosa Yacouba Yoruba Zapotec (Isthmus) Zapotec (Lachiguiri) Zulu\\nRaban Betel sebilik gawa ba mayuh begian, kena ngemataka pengawa nginjil ba siti tauka ba sekeda menua. Sida engka gawa ba tim nyalin, nyelak majalah, ngegam bup, gudang litaricha, ngasilka audio\/video, tauka ngereja utai bukai ke pelilih menua nya.\\nKomiti Pampang Opis ngemataka pengawa ba endur nya. Raban ti Ngiring nyerahka pejalai pengawa ba genap iti pampang opis ngagai Komiti Pampang Opis. Tiap iti Komiti Pampang Opis bisi tiga iku tauka lebih bala tuai gempuru ke layak. Komiti tu madah ngagai Raban ti Ngiring pasal pemansang pengawa enggau sebarang penanggul ke bisi nyadi ba menua ke dipegai tiap iti komiti. Riput tu nulung Raban ti Ngiring nentuka utai ti patut dikerandauka ba litaricha ke dudi hari sereta ba gempuru eklisia enggau ba gempuru besai. Pengari ari Raban ti Ngiring dianjung ngabas pampang opis enggau tetap, lalu meri iring dikena Komiti Pampang Opis bejalaika pengawa sida. (Jaku Dalam 11:14) Siti program ti spesial nyengkaum siti cheramah ari pengari indu opis bisi diatur kena meransang sida ke diau ba pelilih menua ke dipegai pampang opis nya.\\nSukung diberi ngagai eklisia ke dijaga pampang opis. Bisi bala menyadi Kristian ke lelaki ba pampang opis megai tanggung pengawa ngemendarka sesiti eklisia baru ditubuhka. Sida mega ngiring pengawa bala pengerintis, pengerintis seberai tasik, enggau tuai ti ngabas ke gawa ba pelilih menua ke dijaga pampang opis nya. Sida ngatur gempuru besai enggau konvensyen, ngatur pengawa nirika Palan Gempuru ke baru, sereta nentuka litaricha ke dikena bisi dianjung ngagai eklisia. Semua pengawa ke dikereja ba pampang opis dikena nyukung pengawa nginjil.—1 Korint 14:33, 40.\\nBaka ni Komiti Pampang Opis nulung Raban ti Ngiring?\\nNama pengawa ke dikereja ba pampang opis?\\nDatai meh ngelawa pampang opis kami, ari Hari Satu ngagai Hari Lima. Kami ngelaluka penatai nuan. Lebuh nuan datai ngelawa, begari baka nuan ke datai begempuru. Datai ngelawa Betel ngasuh pengarap nuan tegap agi.","num_words":896,"character_repetition_ratio":0.104,"word_repetition_ratio":0.0,"special_characters_ratio":0.17,"stopwords_ratio":0.124,"flagged_words_ratio":0.0,"lang_id_score":0.956,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Fitur baru dalam MySejahtera mantu proses vaksinasyen nembiak ti deka nampung pelajar ke menua tasik | Utusan Borneo Online\\nJumaat, 17 September 2021 - 5:02am\\nHalaman Utama » Iban » Fitur baru dalam MySejahtera mantu proses vaksinasyen nembiak ti deka nampung pelajar ke menua tasik\\nFitur baru dalam MySejahtera mantu proses vaksinasyen nembiak ti deka nampung pelajar ke menua tasik\\nAUM MEDIA: Khairy (kanan) bejaku maya aum media disempulang Dr Adham.\\nKUCHING: Fitur baru udah diengkah dalam aplikasyen MySejahtera kena mantu bala nembiak ti deka nampung pelajar ngagai menua tasik ngaga semaya betemu ngambika divaksin, pia ku Koordinator Program Imunisasyen Covid-19 Menua, Khairy Jamaluddin.\\n“Fitur baru tu tau dikena 28 Jun tu lalu tau diakses nengah seksyen ‘Helpdesk’. Tu deka mantu proses vaksinasyen ungkup bala nembiak ti patut divaksin sebedau sida dikemendarka tama sereta nampung pelajar sida di menua bukai.\\n“Peminta sida deka diproses dalam kandang 10kari lalu status nya tau diperesa sida ba aplikasy en nya empu,” ku iya madah maya aum media ninting minggu Covid-19 Immunisation Task Force (CITF), kemari.\\nKu Khairy, sida mesti nyempulangka dokumen ke patut, nyengkaum penerang enrolmen sida ti dikeluarka universiti menua tasik ke deka alai sida nampung pelajar.\\n“Dokumen nya mega enda tau enda dibai ngagai palan nuchuk vaksin (PPV),” ku iya.\\nUngkup peminta bukai kelimpah ari tuju pelajar baka kereja enggau perubat pemindah ketegal kereja, nya agi dipinta nengah chara nganjung ngagai [email protected].\\nBerebak enggau nya, Khairy mega madahka Malaysia deka nerima sejita dos vaksin AstraZeneca ke diberi menua Jepun kena Hari Empat tu.\\nMenua mega deka nerima sejuta dos agi vaksin Pfizer-BioNTech ke diberi United States kena Hari Lima,ku iya.\\n“Bekal vaksin tambah tu deka mantu ngemujurka juluk program imunisasyen menua,” ku iya.\\nSama bisi maya aum media nya, Menteri Pengerai Datuk Seri Dr Adham Baba.","num_words":275,"character_repetition_ratio":0.096,"word_repetition_ratio":0.053,"special_characters_ratio":0.188,"stopwords_ratio":0.193,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lagu 65​—Mansang meh ke Mua! | Lagu Kristian\\nBACHA DALAM JAKU Abkhaz Acholi Afrikaans Akha Albanian Altai Amharic Arabic Armenian Aukan Aymara Azerbaijani Azerbaijani (Cyrillic) Baoule Bassa (Cameroon) Batak (Karo) Batak (Simalungun) Batak (Toba) Belize Kriol Biak Bicol Bislama Boulou Bulgarian Cambodian Catalan Cebuano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitumbuka Chiyao Chokwe Chol Chuukese Chuvash Cibemba Cina Kantonis (Ringkas) Cinyanja Croatian Damara Dangme Danish Dayak Ngaju Douala Dutch Edo Efik English Esan Estonian Ewe Faroese Fijian Finland Fon French Fulfulde (Cameroon) Ga Georgian German Gokana Greek Guarani Gun Haitian Creole Hausa Herero Hiligaynon Hindi Hiri Motu Hmong (Putih) Hungarian Iban Ibinda Icelandic Igbo Iloko Indonesian Isoko Italian Jaku Orang Bisu Amerika Jaku Orang Bisu Brazil Jaku Orang Bisu Russia Japanese Jawa Kabiye Kabuverdianu Kachin Karen (S'gaw) Kazakh Khana Kikamba Kikaonde Kikongo Kikuyu Kiluba Kimbundu Kinyarwanda Kirghiz Kiribati Kirundi Kisi Kisonge Kongo Korean Kosraean Krio Kurdish Kurmanji (Caucasus) Kwangali Kwanyama Lahu Laotian Latvian Lhukonzo Lifu Lingala Lithuanian Lomwe Luganda Lunda Luo Luvale Macedonian Macua Malagasy Malayalam Maltese Mam Mambwe-Lungu Mapudungun Marshallese Mauritian Creole Maya Mazatec (Huautla) Medumba Melayu Mingrelian Mixe Mixtec (Guerrero) Moore Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Ndau Ndebele Ndebele (Zimbabwe) Nepali Ngabere Ngangela Ngiemboon Nias Norwegian Nyaneka Nyungwe Nzema Oromo Ossetian Otetela Palauan Pangasinan Papiamento (Curaçao) Persian Pijin (Afrika Barat) Pijin (Cameroon) Pijin Nigeria Polish Ponapean Portuguese Portuguese (Portugal) Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Rarotongan Romanian Ronga Runyankore Russian Samoan Sangir Sango Saramaccan Sena Sepedi Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovenian Solomon Islands Pidgin Spanish Sranantongo Sunda Swahili Swedish Tagalog Tahitian Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Totonac Tshiluba Tshwa Tsonga Turkish Tuvaluan Twi Tzeltal Tzotzil Ukrainian Umbundu Urdu Urhobo Uruund Venda Vietnamese Wallisian Waray-Waray Wolaita Xhosa Yapese Yoruba Zulu\\nMansang meh ke Mua!\\n1. Mansang meh ke mua, nembiak Petara!\\nPancharka meh penampak ba pengarap nuan.\\nGaga pemansang ba pengawa nginjil,\\nPechaya meh Jah nulung.\\nSemua kitai bisi pengawa,\\nJesus udah meri teladan.\\nBepegai meh ngau tegut ba pemendar\\nAndalka meh Jah nulung.\\n2. Mansang meh ke mua, nyadi berani!\\nMadahka berita manah ngau ransing ati.\\nAri rumah ke rumah kitai nginjil\\nMeri puji ngagai Jah.\\nMunsuh endang ka ngemba kitai\\nAnang takut, laban penguji.\\nAram meh kitai mansang ngau berani\\nMadahka Perintah Jah.\\n3. Mansang meh ke mua, anang meh surut!\\nBebendar ngemansangka pengelandik diri.\\nAwakka roh kudus Jah meri bantu,\\nNgambika nuan lantang.\\nRinduka orang ti ditemu,\\nBebendar nulung sida nemu.\\nNgambika sida ngembuan penemu\\nTi manchar ba pemetang.\\n(Peda mega Plp. 1:27; 3:16; Heb. 10:39.)\\nMansang meh ke Mua! (Lagu 65)","num_words":422,"character_repetition_ratio":0.051,"word_repetition_ratio":0.0,"special_characters_ratio":0.177,"stopwords_ratio":0.057,"flagged_words_ratio":0.0,"lang_id_score":0.084,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Randau ruai...\\nBA benong meda American Idol season 9...pemilihan 24 iko ti deka masok musim tu. Tang mua hari di luar balat amat jai...berdentum-dentum tang enda ga ujan. Irau enggai ka astro nemu enggau jadi laban hari ti bakatu.\\nKemari kami duai Rin laun angkat ari menua Kuching...ari rumah Aunty Mary maia jam semak 6.30 lemai. Nasib ga hari lemai nya manah. Jalai pen enda maioh kereta nuju ke menua Betong...semina di Serian bisi jam ari atas Bukit Ranchan nyentuk ka bulatan semak Pejabat Daerah Serian.\\nKa nusui pengawa kami duai sebedau pulai kemari kami duai Rin ke tHe Spring...apuu...pedis ngiga parking dalamnya...bepusin suah nadai ga bulih awak. Nyau pedis kaki BA nekan pedal minyak enggau clutch. Last ia kami duai park sebarang aja...heee\\nDatai dia kami duai Rin makai mee kolo nyamai...mee kolo ayam mirah (halal)...RM5.00 semangkok...maioh agi nya...bendar ngabis ka ia ba Food Bazaar...tauk kita nguji...nama kedai nya Toms Kolo Mee\/Laksa. Anang enda nguji...best amat...\\nmeli donut di tHe Spring\\nJam 9.30 malam maia kami duai Rin datai di Simpang Sri Aman...sekali agi kami duai makai heee...makai malam. Lapar amat asai perut udah tiga jam dribo enda ngetu. Kami duai datai di Betong dalam jam 10.30 malam...Benjy nganti kami duai ba mua pintu.\\nTang maia BA ka bemain enggau Benjy...lain gaia ia...takut-takut serta enda entu mesra...engka laban udah empat hari ninggal ka ia kadiri...kasih ia. Abis ngare rengka di rumah di kereja ia...tentu ia boring nya ia merunas ka rengka di rumah tu...\\npeda ulah Benjy atas beg gare Rin...manchal amat\\nDikarang olih NyuWynn Glen Fordza @ Bujang Astana maia jam 7:06 PM","num_words":255,"character_repetition_ratio":0.046,"word_repetition_ratio":0.0,"special_characters_ratio":0.236,"stopwords_ratio":0.098,"flagged_words_ratio":0.0,"lang_id_score":0.986,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Anang enda siru ngagai indai kitai - Suara Sarawak\\n“Mayuh bala kitai nyangka enda entu ibuhka hari indai tu tang enti diperatika, mayuh jasa sida indai ngagai kitai ti digelar anak.”\\nROBAN: Tanggungpengawa bala indai ukai pengawa ke muntang, ku Kaban Parlimen Saratok Ali Biju.\\nIya ke mega Kaban Kunsil Nengeri (Adun) Krian madah tanggungpengawa bala indai chukup besai taja dipeda baka diau di rumah aja.\\n“Kitai nemu sekeda bala apai jarang nguan rumah laban bejalaika tanggungpengawa sida, lalu bala indai lebih agi begulai enggau bala anak di rumah, besai endar tanggung pengawa sida ngemesaika bala anak.\\n“Mayuh bala kitai nyangka enda entu ibuhka hari indai tu tang enti diperatika, mayuh jasa sida indai ngagai kitai ti digelar anak,” ku iya.\\nIya madah munyi nya rambau bejadika pengerami Makai Lemai beserimbai enggau Hari Indai ti diatur Raban Indai Gerija St Paul Roban ditu, kemari.\\nIBUN MANAH INDAI KITAI.. Adun Krian Ali Biju (tengah) begulai enggau komiti pengatur pengerami sereta paderi St. Paul Roban, Reverend Philip Mang ba Parish Hall St Paul Roban, kemari.\\nNangkan nya, Ali madahka hari indai tu endang patut diintu dikena ngingatka penyiru bala indai ke udah bebendar ngintu diri sebilik.\\n“Ukai semina ba ruang bilik kitai, tang ba pengawa luar mega, sida indai tu likun agi ngereja pengawa ari sida ke lelaki.\\n“Lebih agi baka ba pengawa gerija, enti nadai bala indai tu lebuh pengawa gerija, sigi berasai puang tiap pengawa ke dipejalaika kitai,” ku iya.\\nBerebak enggau nya ku Ali, dikena ngenang pemendar bala indai udah gawaka gerija, sereta mantu ngemansangka gerempung sida tu, dia iya madah meri bantu RM 10,000 ngagai Raban Indai Gerija St. Paul Roban.","num_words":260,"character_repetition_ratio":0.067,"word_repetition_ratio":0.088,"special_characters_ratio":0.192,"stopwords_ratio":0.2,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: Bejait\\nEntah apa angin bisi niup sahari tu. Tak bisi mood bejait! Hari sigi chelap, ujan bisi turun, angin pan umbas iya niup ba luar din.\\nSpemanjai taun nyin kemari, siti quilt nadai meh aku ngaga ka diri empu. Sahari tu aku berunding nukar quilt Krismas ti agi begantung ba dinding. Ka ngantung quilt Valentine ... ni nya bisi ... berapa lama udah ka ngaga alu enda digaga.\\nMeda kain mirah bisi, mindah enda ga, manah agi bejait!\\nDikarang Puteri kena 1\/19\/2010 06:36:00 PM\\nChris Anakapai 4:33 AM\\nwaaaa...rindu amat meda quilt nya...heart shape g nya... :)\\n*in love with the quilt*\\nendang sigi gaya iya nya. bisi maya kitai datai isin. enti baka nya , jampat iya tembu ila. enda sabar ka meda quilt nuan tembu.... :D\\nCharlene 8:04 PM\\nQuilt aku ari taun 2008 bedau meh tergu sampai kini tu...meh bedebu bala sida injin jait..Pattern di gaga nuan empu pia? Kain putih ka di kena nuan nyak meh sebaka bansa enggau ka aku.","num_words":153,"character_repetition_ratio":0.012,"word_repetition_ratio":0.0,"special_characters_ratio":0.255,"stopwords_ratio":0.176,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Pengulu* ngundan jerita lama pasal orang Israel berengkah ari maya penyarut ti balat nyadi di menua Israel, lebuh orang Israel nyerang menua Kanaan, nyentuk ngagai maya orang Israel bisi raja. Cherita tu madahka pasal utai ti dikereja bujang berani orang Israel. Sida nya dikumbai “Pengulu.” Tang nyauka semua sida nya tuai serang magang, lalu ukai orang ke ngatur pechara. Siku ari sida ke tebilang agi nya Samson. Utai ti dikereja iya bisi ditulis dalam bagi 13-16.\\nBatang utai ti dipelajarka kitai ari bup tu nya pasal orang Israel ke mujur lebuh sida taluk ngagai Allah Taala. Lebuh sida enda taluk ngagai Allah Taala, sida alah. Tang kitai ulih belajarka utai ti lebih agi ari nya dalam bup tu. Lebuh orang Israel enda taluk ngagai Allah Taala, lalu sida kena tinggang penusah, Allah Taala endang seruran sedia deka nyelamatka sida, lebuh sida nesal ati lalu pulai baru ngagai Iya.\\nUtai ti nyadi nyentuk ngagai maya pemati Josua (1.1-2.10)\\nBala pengulu orang Israel (2.11-16.31)\\nUtai ti nyadi (17.1-21.25)\\nRaban Bansa Judah Enggau Simeon Ngalahka Adonibesek\\n1 Udah bekau pemati Josua, orang Israel lalu betanya ngagai TUHAN, “Sapa deka bejalai nguluka kami nyerang orang Kanaan?”\\n2 Ku TUHAN nyaut, “Raban bansa Judah deka nguluka kita. Aku udah meri menua nya ngagai jari sida.”\\n3 Ku raban bansa Judah bejaku enggau raban bansa Simeon, “Aram mansang sama enggau kami ngagai menua ti udah diberi ngagai kami, ngambika kitai sama nyerang orang Kanaan. Udah nya baru kami bejalai enggau kita, ngagai menua ti udah diberi ngagai kita.” Nya alai raban bansa Simeon\\n4 enggau raban bansa Judah lalu sama mansang nyerang. TUHAN ngasuh sida menang ngelaban orang Kanaan enggau orang Peris, lalu sida ngalahka sepuluh ribu iku munsuh di Besek.\\n5 Sida tetemuka Adonibesek di Besek, lalu nyerang iya.\\n6 Adonibesek rari, tang sida ngagai iya, nangkap iya, lalu netak semua tunjuk indu jari enggau tunjuk indu kaki iya.\\n7 Ku Adonibesek bejaku, “Tujuh puluh iku raja, ti udah ditetak tunjuk indu jari enggau tunjuk indu kaki, udah beputikka pemakai di baruh mija aku. Diatu Allah Taala udah ngereja ngagai aku utai ti udah dikereja aku ngagai sida.” Adonibesek lalu dibai ngagai Jerusalem, lalu iya mati dia.\\nRaban Bansa Judah Ngalahka Jerusalem Enggau Hebron\\n8 Raban bansa Judah nyerang Jerusalem, lalu ngalahka nengeri nya.\\n9 Udah nya sida nyerang orang Kanaan ti diau di menua ti bebukit, ba kaki bukit, enggau di menua ti rangkai di selatan.\\n10 Sida nyerang orang Kanaan ti diau di nengeri Hebron, ti dikumbai Kiriat-arba dulu menya. Dia sida ngalahka raban peturun Sheshai, Ahiram enggau Talmai.\\nOtnil Ngalahka Nengeri Debir\\n11 Raban bansa Judah angkat ari nya, lalu nyerang nengeri Debir, ti dikumbai Kiriat-seper lebuh maya nya.\\n12 Siku ari bala sida ke benama Kalep lalu bejaku, “Aku deka ngasuh anak dara aku Aksah jadi enggau lelaki ke ulih ngalahka Kiriat-seper.”\\n13 Otnil anak Kenas, lalu ngalahka nengeri nya. Nyadi Kenas nya adi Kalep. Kalep lalu meri anak dara iya Aksah ngagai Otnil nyadika bini Otnil.\\n14 Ba hari seduai iya nikah, Otnil lalu ngasuh Aksah minta ari apai iya Kalep sebidang tanah. Aksah nurun ari keledai iya, lalu Kalep nanyaka utai ti dikedekaka iya.\\n15 Ku Aksah nyaut, “Aku minta mata ai, laban tanah ti udah diberi nuan ngagai aku rangkai nadai ai.” Nya alai Kalep meri ngagai Aksah mata ai ti di ulu enggau ti di ili.\\nRaban Bansa Judah Enggau Raban Bansa Benjamin Menang\\n16 Bala peturun mentua Moses, iya nya orang Ken, lalu mansang sama enggau orang Judah ari Jeriko, iya nya nengeri ti mayuh kayu engkerema, ngagai menua puang tunga ke selatan nengeri Arat di menua Judah. Sida lalu ngentapka diri dia begulai enggau orang Amalek.\\n17 Raban bansa Judah mansang enggau raban bansa Simeon, lalu sida ngalahka orang Kanaan ti diau di nengeri Sepat. Sida nyumpah nengeri nya, ngerusak lalu meri nama Hormah ngagai nengeri nya.\\n18-19 TUHAN nyaup raban bansa Judah, lalu sida ngalahka menua ti bebukit. Tang sida enda ngalahka Gasa, Askelon, tauka Ekron, tauka menua ti ngelingi nengeri nya. Orang nya diau ba sebelah tebing tasik, bisi kerita perang ti digaga ari besi. Nya kebuah orang Judah enda ulih muru sida ari menua nya.\\n20 Munyi ti udah diatur Moses, Hebron diberi ngagai Kalep, lalu Kalep muru tiga bengkah raban peturun Anak ari nengeri nya.\\n21 Tang raban bansa Benjamin enda muru orang Jebus ti diau di Jerusalem, lalu bansa orang nya agi mengkang diau begulai enggau orang Benjamin kenyau ari maya nya menya.\\nRaban Bansa Epraim Enggau Manasi Ngalahka Betel\\n22-23 Raban bansa Epraim enggau Manasi nyerang nengeri Betel, ti dikumbai Lus lebuh maya nya menya. TUHAN nyaup sida. Sida ngasuh orang matau nengeri nya.\\n24 Lebuh bala pematau nya meda siku orang pansut ari nengeri nya, sida lalu bejaku enggau iya, “Padahka ngagai kami chara tama ngagai nengeri tu, ngambika kami enda ngemediska nuan.”\\n25 Orang nya lalu madahka ngagai sida. Raban bansa Epraim enggau raban bansa Manasi lalu munuh semua orang dalam nengeri nya, tang sida enda munuh orang nya tauka sida sebilik.\\n26 Orang nya lalu mansang ngagai menua orang Iti, ngaga sebuah nengeri dia, lalu meri nama nengeri nya Lus. Nama nya mengkang nyentuk ngagai sehari tu.\\nBansa Ke Enda Diburu Orang Israel\\n27 Raban bansa Manasi enda muru bansa orang ke diau dalam nengeri Bet-sean, Taanak, Dor, Iblim, Megido, enggau nengeri ti mit ti semak dia. Orang Kanaan agi mengkang diau di nengeri nya.\\n28 Lebuh orang Israel nyau mansang kering agi, sida mejalka orang Kanaan bekereja ke sida, tang sida mengkang enda muru semua orang Kanaan ari menua nya.\\n29 Raban bansa Epraim enda muru orang Kanaan ti diau di nengeri Geser. Nya alai orang Kanaan agi mengkang diau dia begulai enggau sida.\\n30 Raban bansa Sebulun enda muru orang ke diau di nengeri Kitron, enggau Nahalal. Nya alai orang Kanaan agi mengkang diau dia begulai enggau sida, lalu dipejalka sida bekereja ke sida.\\n31 Raban bansa Aser enda muru orang ke diau dalam nengeri Ako, Sidon, Ahlap, Aksip, Helbah, Apek enggau Rehob.\\n32 Raban bansa Aser diau begulai enggau orang Kanaan ti nguan menua nya, laban sida enda muru orang Kanaan ari menua nya.\\n33 Raban bansa Naptali enda muru orang ke diau dalam nengeri Bet-semes enggau Bet-anat. Sida diau begulai enggau orang Kanaan ti nguan menua nya, tang sida mejalka orang Kanaan bekereja ke sida.\\n34 Orang Amor mejalka raban bansa Dan diau di menua ti bebukit, lalu enda nyagi sida nurun ngagai menua emperan.\\n35 Orang Amor majak diau di Aijalon, Sa-albim, enggau di Har-heres, tang raban bansa Epraim enggau Manasi merintah sida, lalu mejalka sida bekereja ke sida.\\n36 Tunga ke utara Sela, garis entara menua orang Edom ti di utara, ngerenchah Genting Akrabim.\\nMelikat TUHAN Di Bokim\\n1 Melikat TUHAN bejalai ari Gilgal ngagai Bokim, lalu bejaku enggau orang Israel, “Aku udah mai kita pansut ari menua Ejip, lalu udah mai kita ngagai menua ti udah disemaya Aku ngagai aki ini kita. Ku Aku, ‘Aku enggai mungkir ari sempekat Aku enggau kita.\\n2 Kita enda tau sekali-kali ngaga sempekat enggau orang ke diau di menua tu. Kita enda tau enda ngeruntuhka alta sida.’ Tang kita enda ngereja utai ti diasuh Aku, tang ngereja utai ti enda disagi Aku!\\n3 Nya alai Aku madahka ngagai kita diatu, Aku enggai muru bansa orang tu ari mua kita lebuh kita nyerang. Sida deka nyadi munsuh kita, lalu kita deka disintak panjuk sida lalu nyembah petara sida.”\\n4 Lebuh melikat nya udah nyebut nya, semua orang Israel lalu belabuh nyabak magang.\\n5 Nya kebuah endur nya dikumbai Bokim. Sida lalu ngenjuk piring ngagai TUHAN ba endur nya.\\n6 Josua lalu ngasuh orang Israel mupuk. Sida mupuk lalu ngambu menua ti udah diungkupka ngagai sida.\\n7 Lebuh Josua agi idup, orang Israel majak nyembah TUHAN. Indah lebuh iya udah mati, deh sida agi nyembah TUHAN, seagi-agi orang ke tuai agi meruan idup, iya nya orang ke udah meda semua pengawa ti besai ti udah dikereja TUHAN ti orang Israel.\\n8 Josua anak Nun, ke nembiak TUHAN, mati lebuh umur iya seratus sepuluh taun.\\n9 Iya dikuburka ba tanah iya empu di Timnat-serah, di menua ti bebukit di menua Epraim, tunga ke utara Bukit Gaas.\\n10 Orang ke rebak iya udah mega mati magang, lalu rebak orang ke nangkanka sida enda agi ingatka TUHAN, tauka pasal utai ti udah dikereja TUHAN ti orang Israel.\\nOrang Israel Badu Agi Nyembah TUHAN\\n11 Udah nya orang Israel bedosa ngelaban TUHAN, lalu belabuh nyembah Baal.\\n12 Sida ninggalka TUHAN Allah Taala aki ini sida, Allah Taala ti udah mai sida pansut ari menua Ejip, lalu sida belabuh nyembah petara bukai, iya nya petara bansa orang ke diau ngelingi sida. Sida meremi ngagai petara nya, lalu TUHAN ringat.\\n13 Sida ninggalka TUHAN, lalu nyembah Baal enggau Astarte.\\n14 Nya alai TUHAN pedis ati ngagai orang Israel, lalu nejuka bala perumpak nyerang lalu ngerumpak sida. Iya nejuka munsuh ti ngelingi sida ngalahka sida, lalu orang Israel enda ulih nyaga diri agi.\\n15 Genap kali sida mansang beperang, TUHAN ngelaban sida, munyi ti udah dipadahka Iya. Sida amat merinsa.\\n16 Udah nya TUHAN meri orang Israel tuai ke ngelepaska sida ari kuasa bala perumpak.\\n17 Tang orang Israel enggai mendingka bala tuai sida. Orang Israel enda tetap ati ngagai TUHAN, lalu sida nyembah petara bukai. Aki ini sida udah ngasika pesan TUHAN, tang rebak ti baru tu jampat amat badu ngasika pesan TUHAN.\\n18 Lebuh TUHAN meri siku tuai ngagai orang Israel, TUHAN nyaup tuai nya, lalu ngelepaska orang Israel ari jari munsuh sida, seagi tuai nya meruan idup. TUHAN kasihka sida, laban sida bedemuh natka pemerinsa ditekanka orang.\\n19 Tang lebuh tuai nya mati, orang Israel lalu pulai baru ngagai pendiau sida ke lama, lalu nyadi jai agi ari rebak ti dulu ari sida. Sida meremi lalu nyembah petara bukai, lalu majak kieh ati nitihka jalai sida ke jai.\\n20 Udah nya TUHAN lalu pedis ati ngagai orang Israel. Ku Iya, “Bansa orang tu udah ngelanggar sempekat ti udah diasuh Aku titihka bala aki ini sida. Nya alai laban sida enda ngasika Aku,\\n21 Aku enggai agi muru bansa ti agi diau di menua tu lebuh Josua mati.\\n22 Aku deka ngena bansa orang nya ngabas sekalika orang Israel deka nitihka jalai Aku, baka aki ini sida, tauka enggai.”\\n23 Nya alai TUHAN nejuka bansa orang nya mengkang diau di menua nya. TUHAN enda nyagi Josua menang ngelaban sida, lalu Iya pen enda mega muru bansa orang nya lebuh Josua udah mati.\\nBansa Ke Agi Diau Di Menua Nya\\n1 Nya alai TUHAN nejuka sekeda orang bansa bukai diau di menua nya, kena Iya nguji orang Israel ti enda teleba beperang di menua Kanaan.\\n2 Iya ngereja nya ngambika genap serak orang Israel nemu beperang, kelebih agi sida ke nadai kala beperang.\\n3 Orang bansa bukai ti agi diau di menua nya nyengkaum orang Pilistin ke mengkang diau dalam lima buah nengeri, semua orang Kanaan, orang Sidon, enggau orang Ibi ti diau ba Bukit Lebanon berengkah ari Bukit Baal Hermon nyentuk ngagai Lebo-hamat.\\n4 Sida nya dikena nguji orang Israel, kena nemu enti sida deka tauka enggai ngasika pesan ti udah diberi TUHAN ngagai aki ini sida, ngena Moses.\\n5 Nya alai orang Israel ngentapka diri diau begulai enggau orang Kanaan, orang Iti, orang Amor, orang Peris, orang Ibi, enggau orang Jebus.\\n6 Sida jadi enggau bansa orang nya, lalu nyembah petara sida.\\n7 Orang Israel enda agi ingatka TUHAN Allah Taala sida. Sida bedosa ngelaban Iya, lalu nyembah engkeramba Baal enggau Aserah.\\n8 Nya alai TUHAN ringat ngagai orang Israel, lalu nejuka Raja Kusan-risataim ari menua Mesopotamia ngalahka sida, lalu iya merintah sida lapan taun.\\n9 Udah nya orang Israel nyabak ngangauka TUHAN. Iya lalu ngasuh siku orang ngelepaska sida. Orang nya Otnil, anak adi Kalep ke benama Kenas.\\n10 Roh TUHAN bekuasa ba Otnil, lalu iya nyadi tuai orang Israel. Otnil ngayau, lalu TUHAN ngasuh iya menang ngelaban raja menua Mesopotamia.\\n11 Menua nya lalu nadai agi pengachau empat puluh taun. Otnil lalu mati.\\n12 Orang Israel lalu bedosa baru ngelaban TUHAN. Ketegal nya, TUHAN ngasuh Eglon ti nyadi raja orang Moap kering agi ari orang Israel.\\n13 Eglon lalu beserakup enggau orang Amon sereta enggau orang Amalek. Sida ngalahka orang Israel lalu ngerampas Jeriko, iya nya nengeri ti mayuh kayu engkerema.\\n14 Orang Israel diperintah Eglon lapan belas taun.\\n15 Udah nya orang Israel nyabak ngangauka TUHAN, lalu Iya ngasuh siku orang ngelepaska sida. Orang nya Ehut anak Gera. Orang nya chawit. Iya datai ari raban bansa Benjamin. Orang Israel lalu ngasuh Ehut betemu enggau Eglon, raja Moap, mai pemeri ngagai iya.\\n16 Ehut lalu ngaga siti pedang ti bemata dua; pemanjai pedang nya kira 50 sentimeter. Iya nanchangka pedang nya ba rusuk kanan iya, dilamun pekayan iya.\\n17 Udah nya iya mai pemeri ngagai Eglon. Nyadi Eglon tu orang ke gemu amat.\\n18 Lebuh Ehut udah meri pemeri ngagai Eglon, Ehut lalu ngasuh orang ke udah mai pemeri nya pulai.\\n19 Tang lebuh Ehut datai ba batu ti udah diukir, iya nikal baru ngagai Eglon, lalu bejaku enggau iya, “Tuan Raja, aku bisi pesan ti resia ti deka dipadahka aku ngagai nuan.”\\nRaja nya lalu ngasuh bala orang gaji iya pansut, ninggalka seduai iya Ehut kediri.\\n20 Ehut lalu datai semak ngagai raja ke benung duduk. Ehut lalu bejaku, “Aku bisi pesan ari Allah Taala ke nuan.” Raja lalu bediri.\\n21 Ehut lalu nyintak pedang ari rusuk kanan iya ngena jari kiba, lalu ngerejangka pedang nya ngagai perut raja.\\n22 Pedang nya ampuh, ngebuska tubuh raja, datai ke ulu pedang nya nyau ampuh ke dalam lemak raja. Ehut nejuka pedang nya mengkang ba perut raja.\\n23 Ehut lalu pansut, nikupka pintu bilik raja lalu ngunchi pintu nya.\\n24 Lebuh bala orang gaji datai, sida nemu pintu nya dikunchi. Tang sida ngumbai raja bisi di dalam, agi dalam bilik mandi.\\n25 Sida lalu nganti, tang lebuh raja mengkang enda muka pintu, sida ngambi kunchi lalu muka pintu nya, lalu tepedaka raja sida mati garing-garing ba geladak.\\n26 Sekumbang bala orang gaji benung nganti raja muka pintu, Ehut majak ngerarika diri. Iya mansa batu ti udah diukir nya, lalu rari ngagai Seirah.\\n27 Lebuh iya datai di Seirah, di menua ti bebukit di menua Epraim, iya lalu nyepu terumpit kena iya megau orang Israel, deka mai sida mansang beperang. Udah nya iya lalu nguluka sida nurun ari menua ti bebukit nya.\\n28 Ku iya, “Titihka aku, laban TUHAN udah nyerahka orang Moap ngagai jari kitai.” Sida lalu nitihka Ehut, lalu ngalahka orang Moap ba pemeraka Sungai Jordan. Nadai siku munsuh ditejuka sida meraka sungai nya.\\n29 Sehari nya sida munuh kira sepuluh ribu iku bala soldadu orang Moap ti pemadu kering. Nadai siku sida ulih ngerarika diri.\\n30 Nya meh hari sida ngalahka orang Moap. Menua lalu nadai agi pengachau lapan puluh taun.\\n31 Tuai ke nangkanka Ehut nya Samgar anak Anat. Samgar mega ngelepaska orang Israel. Iya ngereja pengawa nya lebuh iya munuh enam ratus iku orang Pilistin ngena tungkat ti dikena iya ngibun sapi.\\nDeborah Seduai Barak\\n1 Lebuh Ehut udah mati, orang Israel lalu bedosa baru ngelaban TUHAN.\\n2 Nya alai TUHAN nejuka sida dialahka Jabin, siku raja orang Kanaan ke merintah di nengeri Hasor. Orang ke nyadi tuai ke bala soldadu iya nya Sisera, ti diau di Haroset-ha-goiim.\\n3 Jabin bisi semilan ratus buah kerita perang ti digaga ari besi, lalu iya balat amat nekan sereta merinsaka orang Israel lebuh iya merintah sida dua puluh taun. Udah nya orang Israel nyabak ngangauka TUHAN.\\n4 Nyadi Deborah, bini Lapidot, nya nabi, lalu iya bekereja nyadi hakim ke orang Israel lebuh maya nya menya.\\n5 Iya selalu duduk di baruh sepun kayu engkerema, ba entara nengeri Ramah enggau nengeri Betel, di menua ti bebukit di menua Epraim, lalu orang Israel datai kia minta iya ngatur pekara sida.\\n6 Nyadi sekali Deborah mesanka Barak anak Abinoam datai ngagai iya ari nengeri Kedes di menua Naptali. Ku iya bejaku enggau Barak, “TUHAN Allah Taala ke disembah orang Israel udah meri pesan tu ngagai nuan: ‘Bai sepuluh ribu iku orang ari raban bansa Naptali enggau Sebulun, lalu uluka sida ngagai Bukit Tabor.\\n7 Aku deka mai Sisera, tuai soldadu Jabin, lalu ngasuh iya beperang ngelaban nuan ba Sungai Kison. Iya deka mai kerita perang iya enggau bala soldadu iya, tang Aku deka ngasuh nuan menang.’ “\\n8 Barak lalu nyaut, “Aku sigi mupuk, enti nuan deka mupuk enggau aku, tang enti nuan enggai mupuk enggau aku, aku enda mupuk.”\\n9 Disaut Deborah, “Barang ku jaku. Aku deka mupuk enggau nuan, tang nuan enda dibasa orang ketegal pemenang nya, laban TUHAN deka nyerahka Sisera ngagai indu.” Deborah lalu mupuk enggau Barak ngagai Kedes.\\n10 Barak mesanka raban bansa Sebulun enggau raban bansa Naptali datai ngagai Kedes, lalu sepuluh ribu iku orang nitihka iya. Deborah lalu mupuk enggau Barak.\\n11 Ba urung maya nya Heber, orang Keni udah nirika kem iya ba semak Kedes, semak kayu oak ti di Sananim. Iya udah ninggalka orang Keni ti bukai, iya nya orang ke ari peturun Hobap, ipar Moses.\\n12 Lebuh Sisera nemu Barak udah niki ngagai Bukit Tabor,\\n13 iya mesanka semilan ratus buah kerita perang iya ti digaga ari besi, enggau semua soldadu iya, lalu ngasuh sida angkat ari Haroset-ha-goiim lalu mansang ngagai Sungai Kison.\\n14 Deborah lalu bejaku enggau Barak, “Mupuk nuan! TUHAN deka nguluka nuan! Sehari tu TUHAN deka ngasuh nuan menang ngelaban Sisera.” Barak lalu nurun ari Bukit Tabor, mai sepuluh ribu iku soldadu.\\n15 Lebuh Barak enggau bala soldadu iya nyerang, TUHAN lalu ngasuh Sisera, kerita perang enggau bala soldadu iya begau abis ati. Sisera nurun ari kerita perang iya, lalu rari bejalai kaki.\\n16 Barak begagaika kerita perang enggau bala soldadu Sisera nyentuk ngagai Haroset-ha-goiim, lalu semua bala soldadu Sisera abis dibunuh. Nadai siku sida ditejuka idup.\\n17 Sisera rari ngagai langkau kain Jael, bini Heber orang Keni laban Jabin, ti nyadi raja di Hasor, udah bebaik enggau suku raban bansa Heber.\\n18 Jael pansut lalu ngambat Sisera. Ku iya bejaku enggau Sisera, “Tama ngagai langkau kain aku. tuan. Anang takut.” Sisera lalu tama, lalu Jael ngelalaika iya ari belakang kain tirai.\\n19 Ku Sisera bejaku enggau Jael, “Beri aku ngirup. Aus amat aku tu.” Jael lalu muka siti sarang ai tusu, lalu meri iya ngirup. Jael lalu ngelalaika Sisera baru.\\n20 Udah nya Sisera bejaku enggau iya, “Bediri di mua pintu langkau kain. Enti orang bisi datai lalu nanyaka enti orang bisi ditu, padahka nadai.”\\n21 Sisera nyau udah lelak amat, nya alai iya jenak amat tinduk. Jael lalu ngambi tukul enggau siti tiang bantil langkau kain, mansang begadai-gadai ngagai Sisera, lalu mantangka tiang bantil nya ba tepisan Sisera, kebus ke tanah. Sisera lalu mati.\\n22 Lebuh Barak datai ngiga Sisera, Jael lalu pansut ngambat Barak. Ku Jael bejaku enggau Barak, “Datai kitu! Aku deka madahka ngagai nuan orang ke digiga nuan.” Barak lalu tama enggau Jael, lalu iya tepedaka Sisera garing-garing ba tanah, mati, dipantang ngena tiang bantil langkau kain ti ngebuska pala iya.\\n23 Sehari nya Allah Taala ngasuh orang Israel ngalahka Jabin raja orang Kanaan.\\n24 Sida lalu bebendar agi ngelaban Jabin, datai ke nyau mati dibunuh sida.\\nPantun Deborah Seduai Barak\\n1 Ba hari nya Deborah seduai Barak anak Abinoam bepantun ngena lagu tu:\\n2 “Pujika TUHAN! Orang Israel mutus ati deka belaban. Orang Israel gaga ati nyerahka diri mansang beperang.\\n3 Pendingka tu ulih kita bala raja enggau pemerintah! Aku deka belagu lalu nebah musik ke TUHAN Allah Taala ke disembah orang Israel.\\n4 TUHAN, lebuh Nuan ninggalka bukit di Seir, lebuh Nuan pansut ari menua Edom, tanah berenyang, lalu hari ujan. Sigi amat, ai tebubuh ari mua hari.\\n5 Bukit berenyang di mua TUHAN ti datai ari Sinai, di mua TUHAN Allah Taala ke disembah orang Israel.\\n6 Lebuh maya Samgar anak Anat, lebuh maya Jael, kerita unta nadai agi bejalai nengah menua tu lalu orang nadai agi bejalai nengah jalai raya.\\n7 Nengeri orang Israel nadai agi orang nguan, Deborah. Nengeri nya puang nyentuk ngagai maya nuan datai, baka indai orang Israel.\\n8 Lebuh orang Israel nyembah petara bukai perang lalu nyadi di menua Israel. Ari empat puluh ribu iku orang Israel, nadai siku sida mai terabai tauka sangkuh.\\n9 Ati aku endang semampai ingatka bala tuai soldadu orang Israel, enggau bala orang ke gaga ati nyerahka diri mansang beperang. Puji TUHAN!\\n10 “Padahka pasal utai nya kita ke nepan keledai ti burak, ke duduk ba atas penuduk ti ba belakang keledai nya, enggau kita ke bejalai kaki.\\n11 Pendingka orang mayuh ke richah ba tisi telaga ke madahka pasal pemenang TUHAN pemenang orang Israel! Udah nya, bala nembiak TUHAN bebaris nurun ari nengeri sida.\\n12 Deborah, uluka bala! Uluka sida! Belagu lebuh kitai bejalai! Mansang ke mua meh nuan Barak anak Abinoam. Bai orang tangkap nuan kebukai!\\n13 Udah nya orang ke tetap ati deka nurun ngagai bala tuai sida. Bala nembiak TUHAN datai ngagai Iya sedia deka beperang.\\n14 Sida datai ari Epraim mansang ngagai lebak, ngentudika raban bansa Benjamin enggau bala sida. Bala tuai soldadu nurun ari Machir, bala pemesai nurun ari Sebulun.\\n15 Bala tuai raban bansa Isakar datai enggau Deborah. Sigi amat. Isakar datai, lalu Barak mega datai, lalu sida nitihka Barak ngagai lebak nya. Tang suku raban bansa ti diturunka Reuben beserekang penemu. Sida enda nemu mutuska runding sekalika sida datai tauka enda.\\n16 Nama kebuah sida ninggalka diri enggau bedus sida? Deka mendingka bala pengibun bedus ngumbai bedus sida? Sigi amat. Suku raban bansa ti diturunka Reuben udah beserekang penemu. Sida enda nemu mutuska runding sekalika sida datai tauka enda.\\n17 Raban bansa Gat diau di timur Sungai Jordan, lalu raban bansa Dan mengkang diau semak kapal sida. Raban bansa Aser diau semak tebing tasik. Sida mengkang diau ba tebing tasik.\\n18 Tang raban bansa Sebulun enggau Naptali berambunka nyawa beperang.\\n19 Ba Taanak, semak sungai Megido, bala raja datai lalu nyerang. Bala raja orang Kanaan nyerang, tang sida enda nabanka perengka pirak.\\n20 Bintang nyerang ari langit. Lebuh sida bejalai meraka langit, sida beperang ngelaban Sisera.\\n21 Sida anyut ditabanka ai bah di Kison, Sungai Kison ti deras. Aku deka bejalai, lalu majak bejalai, ngena pengering!\\n22 Udah nya bala kuda datai belanda, kaki sida redup-redup ngindik tanah.\\n23 “Sumpah Meros,” ku melikat TUHAN bejaku, “siti sumpah ke orang ke diau dia, laban sida nadai datai nyaup TUHAN, nyadi soldadu lalu beperang ngarika Iya.\\n24 “Indu ti pemadu beberekat nya Jael, bini Heber ari raban bansa Ken, indu ke pemadu beberekat ari semua indu ke diau dalam langkau kain.\\n25 Sisera minta ai irup, tang Jael meri iya ai tusu. Jael mai ngagai iya ai tusu ngena mangkuk ti manah gaya.\\n26 Ba jari iya sepiak, iya mai siti tiang bantil langkau kain, lalu enggau jari iya sepiak, iya mai tukul. Iya ngembalka Sisera lalu mechahka kerubung pala iya. Iya ngebuska pala Sisera.\\n27 Sisera angkat nyerugang, rebah lalu mati semak kaki Jael. Semak kaki Jael, iya angkat nyerugang lalu rebah. Iya mati lalu rebah ke tanah.\\n28 Indai Sisera nyenguk ari jenila. Iya nilik ari belakang jenila. “Nama kebuah kerita perang iya lalu apin datai?” ku iya nanya. “Nama kebuah kuda iya lalu apin pulai?”\\n29 Pangan iya ke pemadu pintar lalu nyaut iya, lalu ku iya betanduka runding dalam ati diri,\\n30 “Sida semina begigaka utai ti deka ditangkap sereta dibagi, siku tauka dua iku indu ke genap iku soldadu, kain ti berega ke Sisera, kain ti udah disulam kena malut rekung kuin.”\\n31 “Awakka semua munsuh Nuan mati baka nya, O TUHAN, tang awakka bala pangan Nuan manchar baka mata hari ti benung niki! Menua nya lalu nadai agi pengachau empat puluh taun.\\n1 Orang Israel lalu bedosa baru ngelaban TUHAN. Nya alai Iya nejuka orang Midian merintah sida tujuh taun.\\n2 Orang Midian kering agi ari orang Israel, lalu orang Israel belalai ari orang Media dalam lubang gua enggau ba sebelah bukit.\\n3 Genap kali orang Israel nanam utai, orang Midian enggau orang Amalek, enggau raban bansa orang ke diau di menua puang datai, lalu nyerang sida.\\n4 Bala orang nya nirika kem sida di menua nya, lalu ngerusak semua utai ti ditanam nyentuk ngagai Gasa di selatan. Sida nabanka semua jelu bedus, sapi enggau keledai, lalu nadai ninggalka utai kena orang Israel beridup.\\n5 Bala orang nya datai mai jelu tupi enggau langkau kain sida, ngemayuh buntak. Sida enggau jelu unta sida nyau enda ulih diitung agi. Sida datai lalu ngerusak menua.\\n6 Orang Israel nadai daya ngelaban sida. Orang Israel lalu nyabak ngangauka TUHAN.\\n7 Lebuh orang Israel nyabak ngangauka TUHAN ketegal orang Midian,\\n8 TUHAN lalu ngirumka siku nabi ngagai orang Israel, lalu ku nabi nya bejaku ngagai sida, “Munyi tu ku jaku TUHAN Allah Taala ke disembah orang Israel: Aku udah mai kita pansut ari menua Ejip, ari endur alai kita ke nyadi ulun;\\n9 lalu Aku udah ngelepaska kita ari jari orang Ejip, enggau ari jari semua orang ke nekanka pengidup kita, lalu muru sida lebuh kita majakka pejalai kita, lalu meri menua sida ngagai kita;\\n10 lalu ku Aku bejaku ngagai kita, ‘Aku tu TUHAN Allah Taala kita; kita enda tau nyembah petara orang Amor, ke bempu menua ti alai kita diau.’ Tang kita enda mendingka Aku.”\\n11 Melikat TUHAN datai di Oprah lalu duduk di baruh sepun kayu oak ti diempu Joas, ke ari raban peturun Abieser, lebuh anak iya Gideon benung nungku gandum belalai dalam pitan anggur, ngambika orang Midian enda meda gandum nya.\\n12 Melikat TUHAN pegari di mua iya lalu bejaku, “Nuan ke kering sereta berani, TUHAN bisi enggau nuan!”\\n13 Gideon lalu nyaut, “Enti TUHAN bisi enggau kami, nama kebuah utai tu nyadi ba kami? Lalu dini alai semua pengawa Iya ti badas ti dipadahka aki ini kami ngagai kami, lebuh sida nyebut, ‘Ukai enda TUHAN ti mai kami pansut ari menua Ejip?’ Tang diatu TUHAN udah muai kami, lalu nyerahka kami ngagai jari orang Midian.”\\n14 Udah nya TUHAN lalu bejaku enggau Gideon, “Bejalai nuan ngena semua pengering nuan, lalu lepaska orang Israel ari jari orang Midian. Aku diatu ngasuh nuan ngereja pengawa nya.”\\n15 Disaut Gideon, “Tang baka ni ku aku ulih ngelepaska orang Israel, TUHAN? Suku raban bansa aku pemadu lemi dalam raban bansa Manasi, lalu aku tu orang ke pemadu enda diguna orang dalam ruang bilik aku.”\\n16 Ku TUHAN nyaut, “Aku deka enggau nuan, lalu nuan deka ngalahka orang Midian, ngemudah nuan ti ngalahka siku orang.”\\n17 Ku Gideon nyaut, “Enti Nuan amat rinduka aku, beri aku siti tanda kena nunjukka Nuan, TUHAN, amat bejaku enggau aku.\\n18 Anang guai mupuk, nganti aku udah mai piring, lalu ngenjuk piring nya ngagai Nuan.” TUHAN lalu bejaku, “Aku deka nganti nuan.”\\n19 Gideon lalu pulai ke rumah, lalu manduk siku kambin ti agi biak. Iya ngambi sepuluh kilogram tepung, lalu ngaga roti ti enda beragi. Iya ngengkahka dagin nya ba bakul, kuah dalam periuk, mai utai nya ngagai melikat TUHAN di baruh kayu oak nya, lalu meri utai nya ngagai iya.\\n20 Ku melikat nya bejaku enggau iya, “Engkahka dagin enggau roti nya ba atas batu tu, lalu tuang kuah ba dagin enggau roti nya.” Gideon lalu ngereja nitihka asuh melikat nya.\\n21 Udah nya melikat TUHAN ngedarka tungkat iya, lalu negu dagin enggau roti nya ngena ujung tungkat nya. Api lalu pansut ari batu nya, lalu nganguska dagin enggau roti nya. Melikat nya lalu lesap.\\n22 Nya baru Gideon nemu diri amat udah meda melikat TUHAN, lalu ku iya bejaku, “Nadai penyadi meh aku tu, O TUHAN Allah Taala, laban aku diatu udah meda mua melikat Nuan!”\\n23 Tang ku TUHAN bejaku enggau iya, “Anang irau; anang takut, nuan enda mati.”\\n24 Gideon lalu ngaga siti alta ke TUHAN ba endur nya, lalu iya ngumbai alta nya “TUHAN nya Pemaik.” (Alta nya agi mengkang bediri di Oprah diatu. Nengeri Oprah nya diempu raban peturun Abieser.)\\n25 Malam nya melikat TUHAN bejaku ngagai Gideon, “Bai sapi lelaki apai nuan, enggau siku agi sapi ti lelaki ti umur tujuh taun, runtuhka alta ti udah digaga apai nuan ke Baal, lalu tebang tanda petara indu Aserah, ti bediri ngimbai nya.\\n26 Gaga siti alta ti tegap ke TUHAN Allah Taala nuan ba atas jumpu tanah tu. Udah nya ambi sapi ti lelaki ti kedua, lalu tunu iya segala nyadika piring, ngena tiang Aserah ti deka ditebang nuan nya nyadika kayu api nuan.”\\n27 Gideon lalu mai sepuluh iku orang gaji iya lalu ngereja utai ti udah diasuh TUHAN. Iya ngereja nya lebuh malam hari, laban iya kelalu takutka sida sebilik, sereta takutka orang ke di nengeri nya enti iya ngereja pengawa nya lebuh siang hari.\\n28 Lebuh orang di nengeri nya dani pagi hari siti, sida nemu alta Baal enggau tiang Aserah udah ditebang, lalu sapi ti lelaki ti kedua udah ditunu ba alta ti udah digaga ba endur nya.\\n29 Sida lalu betanya ngagai pangan diri, “Sapa ngereja tu?” Sida mansik, lalu nemu utai nya udah dikereja Gideon anak Joas.\\n30 Udah nya sida lalu bejaku enggau Joas, “Bai anak nuan pansut kitu, ngambika kami munuh iya! Iya udah ngeruntuhka alta Baal lalu udah nebang tiang Aserah ti bediri ngimbai nya.”\\n31 Tang ku Joas bejaku enggau semua sida ke betemu enggau iya, “Kati kita setanah enggau Baal? Kati kita bejaku ngarika Baal? Barang sapa setanah enggau Baal deka dibunuh sebedau pagi hari pagila. Enti Baal amat petara, awakka iya empu bejaku ngarika diri empu, laban alta ti udah dirubuh nya enggi iya.”\\n32 Belabuh ari nya Gideon lalu dikumbai Jerubaal, laban ku Joas, “Awakka Baal empu bejaku ngarika diri empu, laban alta ti dirubuh nya endang enggi iya.”\\n33 Udah nya bala orang Midian, orang Amalek, enggau bala raban bansa ti diau di menua puang lalu ngelumuka bala sida, meraka Sungai Jordan, lalu nirika kem sida ba Lebak Jesril.\\n34 Roh TUHAN lalu bekuasa ba Gideon. Iya lalu nyepu terumpit mesanka bala raban peturun Abieser nitihka iya.\\n35 Iya ngasuh bala seruan bejalai nengah serata dua bengkah menua Manasi, mai sida nitihka iya. Iya ngasuh bala seruan bejalai ngagai raban bansa Aser, Sebulun enggau Naptali. Sida lalu datai nitihka Gideon.\\n36 Udah nya Gideon bejaku enggau Allah Taala, “Nuan madahka Diri udah mutuska runding deka ngena aku ngelepaska orang Israel.\\n37 Enti pia, aku ngengkahka bulu bedus ba tanah ba endur alai kami ke ngindik gandum tu. Enti pagila semina bulu bedus nya aja bisi lekat ambun, tang tanah ti ngelingi nya rangkai, nya baru aku deka nemu Nuan amat deka ngena aku ngelepaska orang Israel.”\\n38 Utai nya lalu nyadi. Lebuh Gideon dani tumu pagi hari siti, iya mulaska bulu bedus nya, lalu ai ti pansut ari bulu bedus nya chukup kena ngisi sigi mangkuk.\\n39 Udah nya Gideon bejaku enggau Allah Taala, “Anang ringat ngagai aku, tang awakka aku bejaku sekali agi. Beri aku peluang sekali agi ngabas utai tu ngena bulu bedus. Sekali tu, awakka bulu bedus nya rangkai, tang tanah ti ngelingi nya basah.”\\n40 Malam nya Allah Taala ngasuh bulu bedus nya rangkai, tang tanah nya basah laban ambun.\\n1 Nyadi sekali, Gideon enggau semua bala iya angkat tumu pagi, lalu nirika kem sida ngimbai mata ai di Harot. Nyadi orang Midian nirika kem sida ba lebak ti tunga ke utara ari sida, ngimbai bukit Moreh.\\n2 Ku TUHAN bejaku ngagai Gideon, “Bala nuan kelalu mayuh. Aku enggai ngasuh sida menang ngelaban orang Midian, enggai ke sida ngumbai diri menang ketegal pengering sida empu, lalu enggai muji Aku.\\n3 Padahka ngagai orang mayuh munyi tu, ‘Barang sapa takut, awakka iya pulai.’ “ Baka nya ku jalai Gideon nguji sida; lalu dua puluh dua ribu iku pulai. Ka semina sepuluh ribu iku agi tinggal.\\n4 Udah nya TUHAN lalu bejaku baru enggau Gideon, “Bala nuan agi kelalu mayuh. Bai sida ngagai ai. Din Aku deka nguji sida ke nuan. Enti Aku madahka ngagai nuan, ‘Orang tu deka bejalai enggau nuan,’ orang nya deka bejalai enggau nuan. Enti Aku madahka ngagai nuan, ‘Orang tu enda tau bejalai enggau nuan,’ iya enda bejalai enggau nuan.”\\n5 Gideon lalu mai sida ngagai ai. TUHAN lalu bejaku ngagai Gideon, “Seraraka semua orang ke ngirup baka ukui, ari sida ke nyerugang lalu ngirup.”\\n6 Tiga ratus iku sida ngauk ai ngena jari, lalu ngirup ai nya ari jari sida. Semua sida ti bukai nyerugang magang, lalu ngirup.\\n7 Ku TUHAN bejaku ngagai Gideon, “Aku deka ngelepaska nuan lalu ngasuh nuan menang ngelaban orang Midian ngena tiga ratus iku sida ke nilat ai baka ukui. Asuh semua sida ti bukai pulai.”\\n8 Gideon ngasuh semua orang Israel pulai, kelimpah ari sida ke tiga ratus iku nya. Semua bekal enggau terumpit sida ti bukai nya lalu diserahka sida ngagai orang ke tiga ratus iku nya. Nyadi kem orang Midian nya ba lebak ti ari baruh sida.\\n9 Malam nya TUHAN bejaku ngagai Gideon, “Angkat, lalu serang kem nya; laban Aku udah nyerahka kem nya ngagai jari nuan.\\n10 Tang enti nuan takut nyerang, bai nembiak nuan Purah, lalu mansang ngagai kem nya,\\n11 lalu pendingka utai ti disebut sida. Lebuh nuan udah mendingka utai ti disebut sida, nuan deka berani nyerang kem nya.” Gideon enggau nembiak iya Purah lalu nurun ngagai tisi kem munsuh.\\n12 Orang Midian, orang Amalek enggau orang ari raban bansa ti diau di menua puang nyau ngachir ba lebak nya, ngemayuh bala buntak, lalu jelu unta sida nyau enda ulih diitung, ngemayuh igi pasir ti ba tebing tasik.\\n13 Lebuh Gideon datai ba tisi kem nya, iya ninga siku orang madahka mimpi diri ngagai pangan iya. Ku orang nya bejaku, “Aku bisi mimpi, tepedaka siti tuku roti barli bebaring ngagai kem kitai, lalu ngerenchah sebuah langkau kain, ninggang lalu ngeruntuhka iya.”\\n14 Ku pangan orang nya nyaut, “Nya ukai utai bukai, tang pedang Gideon anak Joas, orang Israel! Allah Taala udah nyerahka orang Midian, enggau semua bala soldadu kitai ngagai jari iya!”\\n15 Lebuh Gideon ninga orang nya nusui mimpi diri, enggau reti mimpi nya, iya lalu besugang, lalu nyembah TUHAN. Iya lalu pulai ngagai kem orang Israel, lalu ku iya bejaku, “Angkat; laban TUHAN udah nyerahka bala soldadu orang Midian ngagai jari kita!”\\n16 Iya lalu magi tiga ratus iku bala iya ngagai tiga iti raban, lalu meri ngagai genap iku sida siti terumpit enggau sigi kebuk, ti ngundan siti sempun.\\n17 Ku iya madahka ngagai sida, “Malik ngagai aku, lalu kereja utai nitihka aku; lebuh aku datai ba tisi kem, kereja utai nitihka aku.\\n18 Lebuh aku enggau bala aku nyepu terumpit, kita mega nyepu terumpit kita ngelingi kem nya, lalu manjung, ‘Ke TUHAN enggau ke Gideon!’ “\\n19 Gideon enggau seratus iku bala iya lalu datai ba tisi kem munsuh ba urung tengah malam, lebuh bala jejaga baru udah betukar. Gideon enggau bala iya lalu nyepu terumpit sida, mechahka kebuk ti dipegai sida.\\n20 Semua tiga iti raban nya nyepu terumpit lalu mechahka kebuk sida, lalu megai sempun ngena jari kiba sida, lalu megai terumpit ti disepu sida ngena jari kanan sida, lalu manjung, “Pedang ke TUHAN enggau ke Gideon!”\\n21 Genap iku sida bediri enda nginsit ari endur diri ngelingi kem nya, lalu semua bala soldadu munsuh nyau beterauh rari.\\n22 Lebuh bala Gideon nyepu tiga ratus iti terumpit sida, TUHAN lalu nyungkak bala soldadu munsuh bepantapka pangan diri. Bala soldadu munsuh belanda tunga ngagai Saretan nyentuk ngagai Bet-sitah, nyentuk ngagai nengeri Abel-meholah semak Tabat.\\n23 Orang Israel ari raban bansa Naptali, Aser enggau ari dua bengkah raban bansa Manasi lalu dipesanka, lalu sida begagaika orang Midian.\\n24 Gideon lalu ngirumka bala seruan ngagai serata menua ti bebukit. Ku sida, “Nurun lalu serang orang Midian. Kita enda tau enda nan ba Sungai Jordan, enggau ba sungai ti mit nyentuk ngagai Bet-barah, ngambika orang Midian enda meraka sungai nya.” Bala orang Epraim lalu ditesau magang, lalu sida nan ba Sungai Jordan, enggau ba sungai ti mit nyentuk ngagai Bet-barah.\\n25 Sida nangkap dua iku tuai orang Midian, Orep seduai Sep. Sida munuh Orep ba Batu Orep, enggau Sep ba pitan anggur ti ba Sep. Sida majak begagaika orang Midian lalu mai pala Orep enggau pala Sep ngagai Gideon di timur Sungai Jordan.\\nOrang Midian Alah\\n1 Udah nya orang Epraim lalu bejaku enggau Gideon, “Nama kebuah nuan enda mesanka kami lebuh kita mansang ngelaban orang Midian? Nama kebuah nuan ngaga kami baka nya?” Sida balat amat ngutuk iya.\\n2 Ku Gideon nyaut sida, “Utai ti ulih dikereja aku nya mit amat enti dibandingka enggau utai ti udah dikereja kita. Indah utai ti mimit aja ti dikereja kita orang Epraim, deh mayuh agi ari utai ti udah dikereja semua bala raban peturun Abieser.\\n3 Ulih kuasa Allah Taala, kita udah tebunuhka Orep seduai Sep, dua iku tuai orang Midian. Nama utai ti udah dikereja aku ti tau dibandingka enggau nya?” Lebuh iya nyebut nya, sida lalu badu agi ringat ngagai iya.\\n4 Lebuh maya nya Gideon enggau bala iya ke tiga ratus iku udah datai ba Sungai Jordan, lalu udah meraka sungai nya. Sida nyau lelak amat, tang agi majak begagaika munsuh.\\n5 Lebuh sida datai di Sukot, iya lalu bejaku enggau bala lelaki di nengeri nya, “Beri bala aku roti. Sida lelak, lalu aku benung begagaika Sebah seduai Salmuna, raja orang Midian.”\\n6 Tang ku bala tuai orang Sukot bejaku, “Nama kebuah kami enda tau enda meri bala soldadu nuan pemakai? Indah Sebah seduai Salmuna deh apin ditangkap kita.”\\n7 Gideon lalu bejaku, “Barang ku jaku! Lebuh TUHAN udah nyerahka Sebah enggau Salmuna ngagai jari aku, aku deka nyipat kita ngena duri enggau emperingat ti diambi ari menua puang!”\\n8 Gideon lalu bejalai terus ngagai Penuel, lalu minta roti ari orang dia. Tang orang di Penuel mega nyaut munyi orang ke di Sukot.\\n9 Gideon lalu bejaku enggau orang Penuel, “Lebuh aku udah menang lalu pulai kitu, aku deka ngeruntuhka menara tu!”\\n10 Lebuh maya nya Sebah seduai Salmuna bisi di Karkor sama enggau bala soldadu seduai iya. Ari semua bala soldadu raban bansa ti diau di menua puang, semina 15,000 iku aja agi tinggal; 120,000 iku udah dibunuh.\\n11 Gideon bejalai nengah jalai ti nisi menua puang, tunga ke timur ari Nobah enggau Jogbehah, lalu ngenyit nyerang, lebuh bala munsuh benung enda ngadang.\\n12 Sebah seduai Salmuna lalu rari; Gideon lalu nitihka seduai iya, nangkap seduai iya, lalu semua bala soldadu seduai iya begau abis ati.\\n13 Lebuh Gideon pulai ngayau nengah Genting Heres,\\n14 iya nangkap siku orang bujang ari Sukot, lalu nanyaka utai ari orang nya. Orang bujang nya lalu nuliska nama tujuh puluh tujuh iku tuai di Sukot.\\n15 Udah nya Gideon lalu mansang ngagai orang di Sukot, lalu bejaku enggau sida, “Kati kita ingatka diri ke enggai nyaup aku? Kita madahka diri enggai meri pemakai ngagai bala soldadu aku, laban kami apin tetangkapka Sebah seduai Salmuna. Peda kita, tu seduai iya!”\\n16 Udah nya iya lalu ngambi duri enggau emperingat ari menua puang, lalu nyipat bala tuai orang di Sukot ngena nya.\\n17 Iya mega ngeruntuhka kuta di Penuel, lalu munuh orang ke lelaki di nengeri nya.\\n18 Udah nya iya lalu nanya Sebah seduai Salmuna, “Baka ni ku gaya orang ke udah dibunuh seduai di Tabor?”\\nKu seduai iya nyaut, “Sida baka gamal nuan - genap iku sida bela baka gamal anak raja.”\\n19 Ku Gideon bejaku, “Sida nya menyadi lelaki aku, anak indai aku. Aku besumpah, enti kita enda munuh sida, aku pen enda mega munuh seduai.”\\n20 Udah nya iya lalu bejaku enggau anak tuai iya ke benama Jeter, “Bunuh seduai iya!” Tang nembiak nya enda nyintak pedang iya. Iya takut, laban iya agi nembiak.\\n21 Udah nya Sebah seduai Salmuna lalu bejaku enggau Gideon, “Nuan empu munuh kami duai. Semina orang ke besai tuai aja ulih ngereja pengawa orang ke besai tuai.” Nya alai Gideon lalu munuh seduai iya, lalu ngambi perengka pengias ti ba rekung jelu unta seduai iya.\\n22 Udah bekau nya, orang Israel lalu bejaku enggau Gideon, “Laban nuan udah ngelepaska kami ari kuasa orang Midian, awakka nuan enggau peturun nuan merintah kami.”\\n23 Ku Gideon nyaut, “Aku enggai merintah kita, lalu anak aku pen enda mega merintah kita. TUHAN Empu deka merintah kita.”\\n24 Tang ku iya majakka jaku diri, “Awakka aku minta siti aja utai ari kita. Genap iku kita meri ngagai aku antin ti ulih kita.” (Orang Midian, baka orang bansa bukai ke diau di menua puang, bekenaka antin emas ba pending sida.)\\n25 Ku orang mayuh nyaut, “Kami gaga ati meri utai nya ngagai nuan.” Sida lalu nganchau selambar kain, lalu genap iku sida bela ngengkahka semua antin ti udah ulih sida, ba kain nya.\\n26 Antin emas ti diberi ngagai Gideon berat 18 kilogram, enda nyengkaum perengka pengias, tenggak, enggau kain ungu ti dikena raja orang Midian, tauka kungkung rekung ti ba rekung jelu unta sida.\\n27 Gideon lalu ngaga siti engkeramba ari emas nya, lalu ngengkahka engkeramba nya di nengeri iya empu, iya nya Oprah. Semua orang Israel lalu ninggalka Allah Taala, mupuk ngagai nengeri nya lalu nyembah engkeramba nya. Utai nya nyadika panjuk ke Gideon enggau sida sebilik.\\n28 Nya alai orang Midian alah laban orang Israel, lalu enda agi ngachau sida. Menua nya nadai agi pengachau empat puluh taun, nyentuk ngagai pemati Gideon.\\n29 Gideon pulai lalu diau ba rumah iya empu.\\n30 Nyadi iya bisi tujuh puluh iku anak lelaki, laban iya mayuh bini.\\n31 Iya mega bisi siku indu simpan di Sekem. Indu nya ngadaka siku anak lelaki ke iya, lalu iya meri anak mit nya nama Abimelek.\\n32 Gideon anak Joas mati lebuh umur iya nyau tuai, lalu iya dikuburka ba lumbung apai iya Joas, di Oprah, nengeri ti diempu raban peturun Abieser.\\n33 Udah bekau pemati Gideon, orang Israel lalu enda tetap ati baru ngagai Allah Taala sida, lalu nyembah Baal. Sida ngaga Baal-berit nyadika petara sida.\\n34 Sida enda ingatka TUHAN Allah Taala sida ke udah ngelepaska sida ari kuasa semua munsuh ke ngelingi sida;\\n35 lalu sida enda ngayanka penaluk ngagai ruang bilik Gideon ke semua utai ti manah ti udah dikereja Gideon ke orang Israel.\\n1 Anak Gideon ke benama Abimelek mansang ngagai nengeri Sekem, ngagai kaban belayan indai iya, lalu bejaku enggau sida, sereta enggau semua suku raban bansa indai iya,\\n2 munyi tu, “Ni bagi ti dipilih kita? Ngasuh tujuh puluh iku anak lelaki Gideon merintah kita, tauka diperintah orang siku aja? Ingat: aku tu endang darah-getah kita empu.”\\n3 Bala kaban belayan indai iya lalu bejaku ngarika iya pasal pekara nya enggau sida ke lelaki di Sekem, lalu sida mutuska runding deka nitihka Abimelek, laban iya kaban belayan sida empu.\\n4 Sida meri iya tujuh puluh singkap duit pirak ari rumah sembiang Baal-berit, lalu iya ngena duit nya ngaji orang ke kurang ajar, ke nitihka iya.\\n5 Iya lalu mansang ngagai rumah apai iya di Oprah, lalu munuh tujuh puluh iku bala menyadi iya empu, iya nya anak lelaki Gideon, ba atas sigi batu. Tang Jotam, iya nya anak bunsu Gideon belalai, lalu enda kena bunuh.\\n6 Udah nya bala orang ari Sekem enggau ari Bet-milo begempuru, lalu mansang ngagai kayu oak keramat sepun di Sekem, lalu nyiri Abimelek nyadi raja.\\n7 Lebuh Jotam ninga berita nya, iya mansang lalu bediri ba tuchung Bukit Gerisim, lalu ngangauka sida enggau nyawa ti inggar, “Pendingka aku, kita orang Sekem, ngambika Allah Taala mendingka kita!\\n8 Nyadi sekali, bala kayu mansang deka milih sapa ti deka dichiri sida nyadi raja. Ku sida bejaku enggau kayu kana, ‘Nuan nyadi raja kami.’\\n9 Ku kayu kana nyaut, ‘Enti aku nyadi raja kita, aku enda tau enda badu agi mansutka minyak ti dikena ngemesaika petara enggau mensia.’\\n10 Udah nya bala kayu lalu bejaku enggau kayu ara, ‘Awakka nuan datai kitu, lalu nyadi raja kami.’\\n11 Tang ku kayu ara nyaut, ‘Enti aku nyadi raja kita, aku enda tau enda badu agi mansutka buah aku ti manis.’\\n12 Nya alai bala kayu lalu bejaku enggau batang anggur, ‘Nuan datai kitu, lalu nyadi raja kami.’\\n13 Tang ku batang anggur nyaut, ‘Enti aku nyadi raja kita, aku enda tau enda badu agi mansutka wain ti ngasuh petara enggau mensia lantang ati.’\\n14 Nya alai semua kayu lalu bejaku enggau madang duri, ‘Nuan datai kitu, lalu nyadi raja kami.’\\n15 Ku madang duri nyaut, ‘Enti kita amat ngasuh aku nyadi raja kita, datai meh kita kitu ngambika aku nyaga kita. Enti kita enda datai kitu, api ti mau deka pansut ari dan aku ti beduri, lalu nganguska kayu sidar di Lebanon.’\\n16 Ku Jotam nampung jaku iya, “Kati kita amat manah ati lebuh kita ngasuh Abimelek nyadi raja? Kati kita amat bebasaka nama Gideon, lalu masa ruang bilik iya ngena jalai ti menyana, nitihka pemanah utai ti udah dikereja Gideon?\\n17 Kingatka tu ulih kita. Apai aku beperang ngarika kita. Iya berambunka nyawa diri ngelepaska kita ari kuasa orang Midian.\\n18 Tang sehari tu kita mutar ngelaban ruang bilik apai aku. Kita munuh tujuh puluh iku anak lelaki iya ba atas batu sigi, lalu kita nyiri Abimelek, anak apai aku enggau siku indu ke ulun, nyadi raja di Sekem laban Abimelek kaban belayan kita empu.\\n19 Nya alai, enti utai ti udah dikereja kita sehari tu ngagai Gideon enggau ngagai ruang bilik iya datai ari ati ti manah, awakka kita lantang ati enggau Abimelek, lalu Abimelek lantang ati enggau kita.\\n20 Tang enti enda, awakka api ti mau pansut ari Abimelek, lalu nganguska orang Sekem enggau orang Bet-milo, lalu awakka api ti mau pansut ari orang Sekem enggau Bet-milo, lalu nganguska Abimelek.”\\n21 Jotam lalu rari lalu diau di Beer laban iya takutka menyadi iya Abimelek.\\n22 Abimelek megai perintah di menua Israel tiga taun.\\n23 Udah nya Allah Taala ngasuh Abimelek enggau orang Sekem ringat ngagai pangan diri, lalu orang Sekem angkat ngelaban Abimelek.\\n24 Utai tu nyadi ngambika Abimelek enggau orang Sekem ti udah meransang Abimelek munuh tujuh puluh iku anak lelaki Gideon, bebayarka ukum penyalah ti udah dikereja sida.\\n25 Orang ke lelaki di Sekem lalu ngasuh orang ari bala sida ngipa Abimelek ba tuchung bukit, lalu sida ngerumpak semua orang ke mansa. Orang lalu madahka pekara nya ngagai Abimelek.\\n26 Lebuh Gaal anak Ebet enggau sida menyadi lelaki iya datai di Sekem, lalu bala orang Sekem andal ati ke iya.\\n27 Semua sida mansang ngagai kebun anggur sida, lalu ngetau buah anggur, ngaga wain, lalu begawai. Sida mansang ngagai rumah sembiang petara sida, alai sida ke makai ngirup, lalu ngeleseka Abimelek.\\n28 Ku Gaal bejaku enggau sida, “Sapa kitai tu alai kitai nyau betuaika Abimelek, lalu sapa Abimelek? Ukai enda iya nya anak Gideon! Lalu iya enggau Sebul ti nyadi pemesai iya bekereja ari baruh bala Hamor apai Sekem? Nya alai, nama kebuah kitai betuaika Abimelek?\\n29 Naka meh pemanah enti sema aku nyadi tuai sida! Aku tetap deka muai Abimelek! Aku tentu deka madahka ngagai iya, “Tambahka bala soldadu nuan. Pansut kitu lalu belaban!’ “\\n30 Sebul, ke merintah di nengeri nya, ringat lebuh iya ninga jaku Gaal.\\n31 Iya lalu ngasuh bala seruan betemu enggau Abimelek di Arumah, lalu nyebut ngagai iya munyi tu: “Gaal anak Ebet enggau bala menyadi iya udah datai di Sekem, lalu sida enda nyagi nuan tama ngagai nengeri nya.\\n32 Nya alai, nuan enggau bala nuan patut mupuk lebuh malam hari, lalu belalai di umai.\\n33 Pagila, lebuh tumbuh mata panas, kita angkat lalu nyerang nengeri nya enggau ngenyit. Udah nya, lebuh Gaal enggau bala iya mansang ngelaban nuan, serang sida enggau naka ulih nuan!”\\n34 Abimelek enggau bala iya lalu mupuk malam nya, dibagi ngagai empat bengkah raban, lalu sida belalai ba umai ari luar Sekem.\\n35 Lebuh Abimelek enggau bala iya meda Gaal pansut ari nengeri, lalu bediri ba pintu kuta nengeri nya, sida lalu angkat ari endur alai sida ke belalai.\\n36 Gaal tepedaka sida, lalu bejaku enggau Sebul, “Peda bala orang nyin nurun ari tuchung bukit!”\\n“Nya ukai mensia,” ku Sebul nyaut. “Nya ayuk ba bukit.”\\n37 Gaal lalu bejaku baru, “Peda bala orang nyin nurun ari tuchung bukit. Siti raban bejalai nengah jalai ari kayu oak keramat ti diempu orang ke nemu nilit nasit!”\\n38 Udah nya Sebul lalu bejaku enggau Gaal, “Kini ke tunga mulut nuan ti temegah nya? Nuan empu ke nanyaka kebuah kitai betuaika Abimelek. Nyin bala orang ke dikeleseka nuan. Serang sida.”\\n39 Gaal lalu nguluka orang Sekem pansut, lalu ngelaban Abimelek.\\n40 Abimelek belanda mansang ngamuk Gaal. Gaal lalu rari. Mayuh amat orang bakal, nyentuk ngagai pintu kuta nengeri nya.\\n41 Abimelek diau di Arumah lalu Sebul muru Gaal enggau bala menyadi iya ari Sekem. Nya alai sida Gaal enda tau diau di nengeri nya agi.\\n42 Hari siti bala orang Sekem nurun ke umai. Lebuh orang madahka nya ngagai Abimelek,\\n43 Iya lalu mai bala iya, magi sida ngagai tiga bengkah raban, lalu ngipa orang Sekem ba umai. Lebuh Abimelek meda bala orang pansut ari nengeri nya, iya angkat ari endur alai iya ke belalai, lalu munuh bala orang nya.\\n44 Abimelek enggau raban iya beguai-guai mansang lalu bediri ba mua pintu nengeri nya, benung raban ti dua bengkah nyerang bala orang ke di umai, lalu munuh semua sida.\\n45 Abimelek nyerang nengeri nya sehari nya. Iya ngalahka nengeri nya, munuh orang ke diau dia, ngerubuh nengeri nya, lalu naburka garam ngagai tanah di nengeri nya.\\n46 Lebuh semua bala tuai orang ke dalam menara di Sekem ninga berita nya, sida lalu rari ngagai kuta rumah sembiang Baal-beret.\\n47 Orang lalu madahka ngagai Abimelek pasal orang Sekem ti udah begempuru dia.\\n48 Abimelek lalu niki ngagai Bukit Salmon mai bala iya. Dia iya ngambi siti kapak, netak lalu merekaska dan kayu, lalu ngesan dan kayu nya. Iya lalu bejaku enggau bala iya, “Kereja enggau jampat utai ti udah dikereja aku.”\\n49 Semua sida lalu netak dan kayu. Sida lalu nitihka Abimelek, lalu nugungka dan kayu nya ngimbai kuta nya. Sida nyelup tugung kayu nya, ngambika orang ke diau dalam kuta nya mati. Semua orang dalam kuta nya mati magang, kira seribu iku lelaki enggau indu.\\n50 Udah nya Abimelek mansang ngagai Tebes, ngelulung lalu ngalahka nengeri nya.\\n51 Nyadi di nengeri nya bisi siti kuta ti tegap. Semua lelaki enggau indu di nengeri nya, nyengkaum bala tuai sida, belanda ngagai kuta nya. Sida lalu ngunchi diri di dalam, lalu niki ke perabung.\\n52 Lebuh Abimelek datai nyerang kuta nya, iya mansang ngagai pintu, deka nunu kuta nya.\\n53 Tang siku indu muai sigi batu kisar ngagai pala Abimelek, mechahka pala iya.\\n54 Abimelek lalu ngangauka orang bujang ke mai senyata iya, ku iya, “Sintak pedang nuan, lalu bunuh aku, enggai ke orang ngumbai aku mati dibunuh indu.” Orang bujang nya lalu ngerejang Abimelek ngena pedang, lalu iya mati.\\n55 Lebuh orang Israel meda Abimelek udah mati, sida lalu pulai ke rumah.\\n56 Nya meh jalai Allah Taala malas Abimelek ketegal penyalah ti udah dikereja iya ngagai apai iya, lebuh iya munuh tujuh puluh iku sida menyadi lelaki iya.\\n57 Allah Taala mega ngasuh orang Sekem natka pemerinsa ketegal penyai sida, munyi ti ku Jotam anak Gideon, lebuh iya nyumpah sida.\\n1 Lebuh Abimelek udah mati, Tola anak Puah, uchu Dodo, datai ngelepaska orang Israel. Iya datai ari raban bansa Isakar, lalu iya diau di Samir, di menua ti bebukit di Epraim.\\n2 Iya nyadi tuai orang Israel dua puluh tiga taun. Udah nya iya mati, lalu dikuburka di Samir.\\n3 Udah bekau Tola, Jair lalu datai ari Giliat. Iya nguluka orang Israel dua puluh dua taun.\\n4 Iya bisi tiga puluh iku anak lelaki, ke nepan tiga puluh iku keledai. Sida bisi tiga puluh buah nengeri di menua Giliat. Nengeri nya agi dikumbai Tumpuk Pendiau Jair.\\n5 Jair mati, lalu dikuburka di Kamon.\\n6 Orang Israel lalu bedosa baru ngelaban TUHAN, laban sida nyembah Baal enggau Astarte, sereta nyembah mayuh bengkah petara orang Siria, petara orang Sidon, petara orang Moap, petara orang Amon, enggau petara orang Pilistin. Sida ninggalka TUHAN, lalu badu agi nyembah Iya.\\n7 Nya alai TUHAN ringat ngagai orang Israel, lalu nejuka orang Pilistin enggau orang Amon ngalahka sida.\\n8 Lapan belas taun bansa orang nya nekanka pengidup sereta merinsaka semua orang Israel ti diau di menua orang Amor di timur Sungai Jordan, di menua Giliat.\\n9 Orang Amon meraka Sungai Jordan nyerang raban bansa Judah, Benjamin, enggau Epraim. Israel balat amat tusah.\\n10 Udah nya orang Israel nyabak ngangauka TUHAN, ku sida, “Kami udah bedosa ngelaban Nuan, laban kami udah ninggalka Nuan ti Allah Taala kami, lalu udah nyembah bala petara Baal.”\\n11 TUHAN lalu nyaut sida munyi tu: “Orang Ejip, orang Amor, orang Amon, orang Pilistin,\\n12 orang Sidon, orang Amalek, enggau orang Maon udah nekanka pengidup kita dulu menya, lalu kita nyabak ngangauka Aku. Kati Aku nadai udah kala ngelepaska kita ari jari sida?\\n13 Tang taja pia, kita mengkang ninggalka Aku, lalu nyembah petara bukai. Nya alai, Aku enggai agi ngelepaska kita.\\n14 Kangauka bala petara ti udah dipilih kita. Awakka sida ngelepaska kita ari penusah.”\\n15 Tang ku orang Israel bejaku enggau TUHAN, “Kami udah bedosa. Kereja meh sebarang utai ti deka dikereja Nuan, tang lepaska kami sehari tu.”\\n16 Nya alai sida muai semua petara orang bansa bukai, lalu nyembah TUHAN. TUHAN lalu ringat meda pemerinsa orang Israel.\\n17 Udah nya bala soldadu orang Amon sedia deka nyerang, lalu nirika kem di Giliat. Orang Israel lalu begempuru, lalu nirika kem sida di Mispah, di menua Giliat.\\n18 Dia orang Israel enggau bala tuai sida nanya pangan diri, “Sapa deka nguluka kitai ngelaban orang Amon? Barang sapa nguluka kitai, deka nyadi tuai ke semua orang di Giliat.”\\n1 Jeptah, siku soldadu ti berani, ke datai ari Giliat, nya anak indu sundal. Apai iya benama Giliat\\n2 lalu Giliat bisi anak lelaki bukai ari bini iya empu, lalu lebuh bala anak iya mansang besai, sida muru Jeptah ari rumah. Ku sida bejaku enggau iya, “Nuan enda tau bempu reta tengkira apai kami laban nuan tu anak indu bukai.”\\n3 Jeptah lalu rari ari bala menyadi iya, lalu diau di menua Top. Dia iya ulih narit ati bala orang ke nadai guna, lalu sida belelang enggau iya.\\n4 Nyau ke lama udah bekau nya, orang Amon nyerang orang Israel.\\n5 Lebuh perang nya nyadi, bala tuai orang di Giliat mansang ngambi Jeptah pulai ari menua Top.\\n6 Ku sida bejaku enggau iya, “Kami minta nuan nguluka kami ngelaban orang Amon.”\\n7 Tang ku Jeptah nyaut, “Kita udah balat amat begedika aku, datai ke kita nyau muru aku ari rumah apai aku. Nama kebuah kita datai ngagai aku diatu, lebuh kita dituntung penusah?”\\n8 Ku sida nyaut Jeptah, “Kami nguing ngagai nuan diatu laban kami deka ngasuh nuan bejalai enggau kami ngelaban orang Amon, lalu nguluka semua orang di Giliat.”\\n9 Ku Jeptah nyaut sida, “Enti kita mai aku pulai, lalu ngasuh aku ngelaban orang Amon, lalu TUHAN ngasuh aku menang, aku deka merintah kita.”\\n10 Ku sida nyaut, “Kami besetuju. Awakka TUHAN nyadika saksi kami.”\\n11 Jeptah lalu mupuk enggau bala tuai orang Giliat. Orang Giliat lalu ngasuh iya merintah sereta nyadi tuai sida. Jeptah lalu nyebut, di Mispah, utai ti dikedekaka iya ari orang Giliat, di mua TUHAN.\\n12 Udah nya Jeptah lalu ngasuh bala seruan bejalai ngagai raja menua Amon, ngasuh sida nyebut munyi tu: “Nama laya nuan enggau kami? Nama kebuah nuan nyerang menua kami?”\\n13 Raja menua Amon lalu nyaut jaku ti dibai bala seruan Jeptah, “Lebuh orang Israel pansut ari menua Ejip, sida ngerampas menua aku, kenyau ari Sungai Arnon nyentuk ngagai Sungai Jabok, enggau Sungai Jordan. Diatu kita enda tau enda meri menua nya pulai baru ngagai aku ngena chara ti alus.”\\n14 Jeptah lalu ngasuh bala seruan iya betemu enggau raja menua Amon baru\\n15 mai saut tu, “Nuan enda tau ngumbai orang Israel udah ngerampas menua Moap tauka menua Amon.\\n16 Baka tu ku gaya utai ti udah nyadi. Lebuh orang Israel pansut ari menua Ejip, sida bejalai nengah menua puang ngagai Teluk Akaba, lalu datai di Kades.\\n17 Sida lalu ngasuh bala seruan betemu enggau raja menua Edom, minta pemendar bejalai meraka menua iya. Tang raja menua Edom enggai ngemendarka sida. Sida mega minta pemendar ari raja menua Moap, tang iya mega enggai ngemendarka sida nengah menua iya. Nya alai orang Israel diau di Kades.\\n18 Udah nya sida lalu bejalai nengah menua puang, ngelaungka menua Edom, enggau menua Moap, datai ke sida nyau datai ba tisi menua Moap muak ari timur, di seberai Sungai Arnon. Sida lalu nirika kem sida dia, tang sida enda meraka Sungai Arnon, laban sungai nya nyadika garis entara menua orang Moap.\\n19 Udah nya orang Israel lalu ngasuh bala seruan bejalai ngagai Sihon, raja orang Amor ke merintah di Hesbon, minta iya ngemendarka sida bejalai nengah menua iya.\\n20 Tang Sihon enggai ngemendarka orang Israel meraka. Iya lalu ngempuruka semua bala soldadu iya, nirika kem sida di Jahas, lalu nyerang orang Israel.\\n21 Tang TUHAN Allah Taala ke disembah orang Israel, nyerahka Sihon enggau bala soldadu iya ngagai jari orang Israel, lalu orang Israel ngalahka sida. Nya alai orang Israel lalu bempu semua menua orang Amor ti diau di menua nya.\\n22 Sida nguan semua menua orang Amor berengkah ari Arnon di selatan nyentuk ngagai Sungai Jabok di utara, enggau ari menua puang ti di timur nyentuk ngagai Sungai Jordan di barat.\\n23 Nya alai, TUHAN Allah Taala ke disembah orang Israel muru orang Amor ngarika bala nembiak Iya, iya nya orang Israel.\\n24 Kati nuan nguji ngambi menua nya pulai baru? Nuan tau bempu sebarang menua ti udah diberi petara nuan Chemos ngagai nuan. Tang kami deka bempu semua menua ti udah dialahka TUHAN Allah Taala kami, ke kami.\\n25 Kati nuan ngumbai diri manah agi ari Balak anak Sipor, raja orang Moap? Kati iya bisi udah kala nyakap orang Israel? Kati iya bisi udah kala beperang ngelaban kami?\\n26 Orang Israel udah nguan Hesbon enggau Aroer tiga ratus taun, enggau semua nengeri ti mit ti ngelingi dua buah nengeri nya, enggau semua nengeri ti ba tebing Sungai Arnon. Nama kebuah nuan enda ngambi semua nengeri nya ngelamatu?\\n27 Aku nadai udah ngereja utai ti salah ngagai nuan. Nuan empu ti ngereja utai ti salah, laban nuan ngepunka perang tu ngelaban aku. Awakka TUHAN, ti nyadi Hakim, meri pemutus penemu sehari tu entara orang Israel enggau orang Amon.”\\n28 Tang raja menua Amon enggai mendingka pesan ti dikirumka Jeptah.\\n29 Roh TUHAN lalu nurun ngagai Jeptah. Jeptah lalu bejalai nengah menua Giliat enggau Manasi, lalu pulai ngagai Mispah di menua Giliat, lalu mansang terus ngagai Amon.\\n30 Jeptah udah besemaya enggau TUHAN: “Enti Nuan deka ngasuh aku menang ngelaban orang Amon,\\n31 aku deka nyerahka orang ke terubah-rubah pansut ari rumah aku, ti deka ngambat aku lebuh aku pulai menang beperang. Aku deka meri orang nya ngagai nuan nyadika piring.”\\n32 Nya alai Jeptah meraka sungai nya mansang nyerang orang Amon, lalu TUHAN ngasuh Jeptah menang.\\n33 Iya nyerang sida berengkah ari Aroer nyentuk ngagai menua ti ngelingi Minit, dua puluh buah nengeri semua iya, nyentuk ngagai Abel Keramim. Mayuh amat orang dibunuh sida, lalu orang Amon alah laban orang Israel.\\nAnak Dara Jeptah\\n34 Lebuh Jeptah pulai ngagai Mispah, anak dara iya lalu pansut ngambat iya, betanda sereta nebah tamborin. Iya anak tunggal Jeptah.\\n35 Lebuh Jeptah meda iya, iya lalu nyarikka gari diri laban iya tusah ati. Ku iya, “O anak! Nuan tu ngenusahka ati aku! Nama kebuah nuan enggai enda ngenusahka ati aku? Aku udah besumpah enggau TUHAN, nya alai aku enda ulih matak semaya diri!”\\n36 Ku anak dara iya bejaku enggau iya, “Enti nuan udah ngaga semaya enggau TUHAN, kereja aja meh utai ti deka dikereja nuan ngagai aku, laban TUHAN udah ngasuh nuan malas ngagai munsuh nuan orang Amon.”\\n37 Tang anak dara iya minta siti utai ari apai iya, “Kereja utai siti tu ke aku: awakka aku diau kediri dua bulan, ngambika aku ulih bejalai enggau bala pangan aku ba sebelah bukit, lalu natka diri ke tusah ati deka mati agi dara bungas baka tu.”\\n38 Jeptah ngemendarka iya bejalai dua bulan. Iya enggau bala iya lalu bejalai niki ngagai bukit, lalu natka diri tusah ati laban iya deka mati sebedau iya belaki, lalu nadai anak.\\n39 Ba ujung dua bulan nya, iya lalu pulai baru ngagai apai iya. Apai iya lalu ngereja utai ti udah disemaya iya enggau TUHAN. Nya alai anak iya mati lebuh iya agi dara bungas.\\nTu meh pun adat asal di menua Israel\\n40 alai sida ke indu deka bejalai empat hari dalam setaun, ngulitka anak dara Jeptah ari Giliat.\\nJeptah Enggau Orang Epraim\\n1 Orang Epraim ditesau mansang beperang. Sida meraka Sungai Jordan ngagai Sapon, lalu ku sida bejaku enggau Jeptah, “Nama kebuah nuan meraka garis entara menua mansang ngelaban orang Amon lalu enda mai kami? Diatu kami deka nunu rumah kita!”\\n2 Tang ku Jeptah bejaku enggau sida, “Bala aku enggau aku empu bisi laya ti besai enggau orang Amon. Aku bisi mesanka kita, tang kita enggai ngelepaska aku ari kuasa orang Amon.\\n3 Lebuh aku nemu kita enggai, aku lalu berambunka nyawa diri, lalu meraka garis entara menua mansang ngelaban sida, lalu TUHAN udah ngasuh aku menang ngelaban sida. Nya alai, nama kebuah kita datai ngagai aku lalu ngelaban aku diatu?”\\n4 Udah nya Jeptah ngempuruka semua bala orang Giliat, ngelaban orang Epraim lalu ngalahka sida. (Orang Epraim udah nyebut, “Kita orang Giliat ke di menua Epraim enggau di menua Manasi, kita tu rari ninggalka orang Epraim!”)\\n5 Orang Giliat lalu nan ba pemeraka Sungai Jordan, ngambika orang Epraim enda ulih rari. Lebuh orang ari raban bansa Epraim minta pemendar meraka lalu nguji ngerarika diri, orang Giliat nanya, “Kati nuan tu orang Epraim?” Enti orang nya nyebut, “Ukai,”\\n6 sida deka ngasuh iya nyebut “Shibbolet.” Tang orang nya deka nyebut “Sibolet,” laban iya enda terus nyebut leka jaku nya, lalu iya ditangkap, lalu dibunuh dia ba pemeraka di Sungai Jordan. Empat puluh dua ribu iku orang Epraim dibunuh lebuh maya nya.\\n7 Jeptah nguluka orang Israel enam taun. Udah nya iya mati, lalu dikuburka di nengeri iya empu di Giliat.\\nIpsan, Elon, enggau Apdon\\n8 Udah bekau Jeptah nyadi tuai, Ipsan ari Betlehem lalu nguluka orang Israel.\\n9 Iya bisi tiga puluh iku anak lelaki enggau tiga puluh iku anak indu. Iya ngasuh bala anak indu iya jadi enggau orang ke ari luar suku raban bansa sida empu, lalu iya ngambi tiga puluh iku indu ke biak ari luar suku raban bansa sida empu jadi enggau bala anak lelaki iya. Ipsan nguluka orang Israel tujuh taun.\\n10 Udah nya iya mati, lalu dikuburka di Betlehem.\\n11 Udah bekau Ipsan, Elon ari Sebulun nguluka orang Israel sepuluh taun.\\n12 Udah nya iya mati, lalu dikuburka di Aijalon di menua Sebulun.\\n13 Udah bekau Elon, Apdon anak Hilel ari Piraton nguluka orang Israel.\\n14 Iya bisi empat puluh iku anak lelaki enggau tiga puluh iku uchu. Sida tu nepan tujuh puluh iku keledai. Apdon nguluka orang Israel lapan taun.\\n15 Udah nya iya mati, lalu dikuburka di Piraton di menua Epraim, ba menua ti bebukit ti diempu orang Amalek.\\n1 Orang Israel lalu bedosa baru ngelaban TUHAN, lalu Iya nejuka orang Pilistin merintah sida empat puluh taun.\\n2 Nyadi lebuh maya nya bisi siku orang ke benama Manoah, ari nengeri Sorah. Iya datai ari raban bansa Dan. Bini iya mandul, nadai anak.\\n3 Melikat TUHAN pegari di mua bini Manoah, lalu bejaku, “Nuan mandul, tang enda lama da agi nuan deka ngandung, lalu ngadaka anak lelaki siku.\\n4 Nuan enda tau ngirup wain tauka ai ti bisa, tauka makai pemakai ti enda tau diempa.\\n5 Lalu lebuh anak nuan ada ila, nuan enda tau nguntin buk iya, laban kenyau ari maya iya ada, iya deka diserahka ngagai Allah Taala nyadi Nasir. Iya deka ngepunka pengawa ngelepaska orang Israel ari jari orang Pilistin.”\\n6 Udah nya indu nya lalu madahka utai nya ngagai laki iya. Ku iya, “Siku nabi udah datai ngagai aku, lalu gamal iya baka gamal melikat, lalu ati aku balat takut. Aku enda nanyaka penatai iya, lalu iya pen enda mega madahka nama diri ngagai aku.\\n7 Tang iya bisi madahka aku deka ngandung, lalu ngadaka anak lelaki siku. Iya enda ngasuh aku ngirup wain tauka ai ti bisa, tauka makai pemakai ti enda tau diempa, laban anak mit nya deka diserahka ngagai Allah Taala nyadi Nasir seumur idup.”\\n8 Udah nya Manoah besampi ngagai TUHAN. Ku iya, “TUHAN, asuh nabi nya pulai kitu baru ngagai kami, ngambika iya madahka ngagai kami utai ti patut dikereja kami lebuh anak mit nya ada ila.”\\n9 Allah Taala lalu ngereja utai ti dipinta Manoah. Melikat Allah Taala lalu datai baru ngagai indu nya lebuh iya benung duduk di umai. Nyadi laki iya nadai enggau iya,\\n10 nya alai indu nya lalu belanda tekala nya, lalu madahka ngagai laki iya, “Peda nuan! Orang ke datai ngagai aku suba, bisi pegari baru ngagai aku.”\\n11 Manoah angkat lalu nitihka bini iya. Iya mansang ngagai orang nya, lalu nanya, “Kati nuan tu orang ke bejaku enggau bini aku suba?” “Aku meh nya,” ku iya nyaut.\\n12 Udah nya Manoah lalu bejaku, “Lebuh jaku nuan dikamatka ila, nama utai ti patut dikereja nembiak nya? Baka ni ku gaya pengidup iya ila?”\\n13 Melikat Allah Taala lalu nyaut, “Bini nuan enda tau enda ngereja semua utai ti udah dipadahka aku ngagai iya.\\n14 Iya enda tau makai utai ti datai ari batang anggur. Iya enda tau ngirup wain tauka ai ti bisa, tauka makai pemakai ti enda tau diempa. Iya enda tau enda ngereja semua utai ti udah dipadahka aku ngagai iya.”\\n15-16 Laban Manoah enda nemu orang nya melikat TUHAN, nya alai iya bejaku enggau iya, “Anang guai mupuk. Awakka aku manduk siku kambin ti biak ke nuan.”\\nTang ku melikat nya bejaku, “Enti aku diau ditu, aku enda makai pemakai nuan nya. Tang enti nuan deka nyendiaka pemakai nya, tunu pemakai nya nyadika piring ti diberi ngagai TUHAN.”\\n17 Ku Manoah nyaut, “Uji padahka nama nuan ngagai kami duai, ngambika kami duai ulih ngemesaika nuan lebuh jaku nuan nya dikamatka ila.”\\n18 Melikat nya lalu nanya, “Nama kebuah nuan keran deka nemu nama aku? Nama nya nyelai.”\\n19 Manoah lalu ngambi siku kambin ti agi biak, enggau gandum mimit, lalu meri utai nya ba atas batu alta, ngagai TUHAN ti ngereja utai ti nyelai.\\n20-21 Lebuh api nyau mau ba alta nya, Manoah enggau bini iya lalu meda melikat nya niki ke serega dalam api nya. Nya baru Manoah nemu orang nya melikat TUHAN. Iya enggau bini iya lalu nyungkurka diri ke tanah. Seduai iya nadai meda melikat nya agi.\\n22 Ku Manoah bejaku enggau bini iya, “Tua tentu deka mati, laban tua udah meda Allah Taala!”\\n23 Tang ku bini iya nyaut, “Enti TUHAN bisi ati deka munuh tua, iya tentu enggai nyambut piring tua. Iya tentu enggai nunjukka semua utai tu, tauka madahka utai ti baka nya ngagai tua diatu.”\\n24 Bini Manoah lalu ngadaka anak lelaki siku, lalu iya meri iya nama Samson. Anak mit nya mansang besai, lalu TUHAN merekatka iya.\\n25 Kuasa TUHAN lalu belabuh ngasuh Samson kering lebuh iya diau entara Sorah enggau Esta-ol dalam kem Dan.\\nSamson Enggau Siku Indu Ari Timnah\\n1 Nyadi sekali lebuh Samson nurun ngagai Timnah, iya tepedaka siku indu orang Pilistin.\\n2 Samson pulai, lalu madahka pasal indu nya ngagai apai enggau indai iya, “Di Timnah bisi siku indu orang Pilistin. Ambi iya ke aku, ngambika aku jadi enggau iya.”\\n3 Tang ku apai enggau indai iya nanya iya, “Nama kebuah nuan deka ngambi indu orang Pilistin ti kapir nyadika bini nuan? Kati nuan nadai tetemuka indu ari raban peturun nuan empu, ari semua bala kitai?” Tang ku Samson madahka ngagai apai iya, “Ambi indu nya ke aku, laban aku rinduka iya.”\\n4 Apai indai iya enda nemu TUHAN udah ngasuh Samson ngereja nya, laban TUHAN ngiga tegal kena Iya ngelaban orang Pilistin. Lebuh maya nya, orang Pilistin merintah orang Israel.\\n5 Nya alai Samson enggau apai indai iya lalu nurun ngagai Timnah. Lebuh sida benung bejalai nengah kebun anggur orang, Samson lalu ninga siku singa negung.\\n6 Kuasa TUHAN lalu tekala nya ngasuh Samson kering. Iya nyarikka tubuh singa nya ngena jari iya, baka ke nyarikka anak kambin. Tang iya enda madahka utai nya ngagai apai indai iya.\\n7 Udah nya iya mupuk, lalu bejaku enggau indu nya, lalu Samson rinduka iya.\\n8 Dua tiga hari udah bekau nya, Samson mansang ngagai indu nya baru, deka jadi enggau iya. Lebuh iya benung di rantau jalai, iya limpang ari jalai raya, deka meda singa ti udah dibunuh iya. Iya tekenyit ati meda raban manyi enggau ai manyi bisi dalam bangkai singa nya.\\n9 Iya lalu ngikis ai manyi nya ngagai jari iya, lalu makai ai manyi nya lebuh iya benung bejalai. Udah nya iya mansang ngagai apai enggau indai iya, lalu meri ai manyi nya mimit ngagai seduai iya. Seduai iya makai ai manyi nya, tang Samson enda madahka diri udah ngambi ai manyi nya ari bangkai singa.\\n10 Apai iya lalu mansang ngagai rumah indu nya. Samson lalu nyendiaka pengerami makai besai ba rumah nya. Tu endang adat asal sida ke bujang.\\n11 Lebuh orang Pilistin meda iya, sida lalu ngasuh tiga puluh iku orang ke bujang diau enggau iya.\\n12-13 Ku Samson bejaku enggau sida, “Awakka aku madahka siti entelah ngagai kita. Aku deka meri genap iku kita selambar kain linin, enggau sepasang pekayan ti manah, enti kita ulih madahka reti entelah nya ngagai aku dalam kandang gawai tikah tu.” “Lalaika meh entelah nuan. Awakka kami ninga iya,” ku sida bejaku.\\n14 Ku Samson, “Ari utai ti makai, pansut pemakai. Ari utai ti kering, pansut utai ti manis.”Tiga hari udah bekau nya, sida mengkang enda tetemuka lalai entelah nya.\\n15 Ba hari ti keempat, sida lalu bejaku enggau bini Samson, “Uji nuan nipu laki nuan ngasuh iya madahka reti entelah nya. Enti nuan enda, kami deka nunu nuan enggau rumah nuan. Seduai udah mesanka kami, ngambika seduai ulih ngerumpak kami, ukai enda?”\\n16 Bini Samson lalu mansang ngagai Samson enggau ai mata. Ku iya, “Nuan enda rinduka aku! Nuan begedika aku! Nuan ngelalaika entelah ngagai pangan aku, lalu nuan enda madahka reti entelah nya ngagai aku!” Ku Samson, “Dinga nuan, indah apai indai aku deh apin dipadahka aku. Nama kebuah aku madahka reti entelah nya ngagai nuan?”\\n17 Bini iya nyabakka pasal pekara nya dalam kandang tujuh hari gawai nya. Tang ba hari ti ketujuh, Samson madahka reti entelah nya ngagai bini iya, laban bini iya tatuk betanyaka reti entelah nya ngagai Samson. Udah nya bini iya lalu madahka ngagai orang Pilistin.\\n18 Nya alai ba hari ti ketujuh, sebedau Samson tinduk, orang di nengeri nya nyebut ngagai iya, “Nama utai ti manis agi ari ai manyi? Nama utai ti kering agi ari singa?” Ku Samson nyaut, “Enti kita enda udah ngeradu tanah ngena sapi indu aku, nadai kita ulih tetemuka lalai entelah nya nyentuk ngagai diatu.”\\n19 Kuasa TUHAN lalu tekala nya ngasuh iya kering. Iya lalu nurun ngagai Askelon, lalu munuh tiga puluh iku lelaki, ngambi gari ari tubuh sida, lalu meri gari ti manah nya ngagai bala lelaki ti udah nemu lalai entelah nya. Udah nya, iya pulai ke rumah, pedis ati ke utai ti udah nyadi.\\n20 Bini iya lalu diasuh mentua iya jadi enggau lelaki ti udah nyadika saksi Samson lebuh Samson seduai bini iya nikah.\\n1 Nyau kelama udah bekau nya, Samson nemuai ngagai bini iya lebuh maya ngetau gandum, mai siku anak kambin. Ku iya madahka ngagai mentua iya ti lelaki, “Aku deka ke bilik betemu enggau bini aku.”\\nTang apai bini iya enda nyagi Samson tama.\\n2 Ku iya madahka ngagai Samson, “Aku ngumbai nuan amat begedika iya. Nya kebuah aku meri iya ngagai pangan nuan. Tang adi iya bajik agi ari iya. Manah nuan ngambi iya.”\\n3 Ku Samson, “Sekali tu aku enggai betanggungjawapka utai ti deka dikereja aku ngagai orang Pilistin!”\\n4 Iya mupuk lalu nangkap tiga ratus iku munsang. Iya nanchangka iku dua iku munsang sepasang, lalu nyelitka sempun ba sintal iku nya.\\n5 Udah nya iya nyelup sempun nya, lalu ngelepaska munsang nya ba madang gandum. Nya meh chara iya nunu, ukai semina gandum ti udah diketau, tang mega gandum ti apin diketau. Kebun buah kana mega angus.\\n6 Lebuh orang Pilistin betanyaka sapa udah ngereja utai nya, nya baru sida nemu Samson udah ngereja utai nya, laban mentua Samson di Timnah udah meri bini Samson ngagai pangan Samson. Nya alai orang Pilistin mansang lalu nunu indu nya enggau apai iya.\\n7 Ku Samson bejaku enggau sida, “Enti tu utai ti dikereja kita, aku besumpah, aku enda badu ngapa datai ke aku udah malas semua penyai kita!”\\n8 Iya lalu ngelaban sida enggau naka pemalat, lalu munuh mayuh amat sida. Udah nya iya mupuk, lalu diau dalam lubang gua ti ba tingkah di Etam.\\nSamson Ngalahka Orang Pilistin\\n9 Orang Pilistin datai lalu nirika kem di menua Judah, lalu nyerang nengeri Lehi.\\n10 Orang di menua Judah lalu nanya sida, “Nama kebuah kita nyerang kami?”\\nKami datai laban kami deka nangkap Samson, lalu ngereja ngagai iya utai ti udah dikereja iya ngagai kami.”\\n11 Nya alai tiga ribu iku orang ari menua Judah lalu mansang ngagai lubang gua ti ba tingkah di Etam, lalu bejaku enggau Samson, “Kati nuan enda nemu kitai tu diperintah orang Pilistin? Nama kebuah nuan ngereja utai tu ngagai kami?” Disaut Samson, “Aku ngereja ngagai sida utai ti udah dikereja sida ngagai aku.”\\n12 Ku sida bejaku enggau iya, “Kami datai ditu laban kami deka nanchang nuan, lalu nyerahka nuan ngagai orang Pilistin.” Ku Samson, “Aku minta kita besemaya enda munuh aku.”\\n13 “Barang ku jaku,” ku sida nyaut. “Kami semina deka nanchang nuan aja, lalu nyerahka nuan ngagai sida. Kami enda munuh nuan.” Nya alai sida nanchang iya ngena dua iti tali ti baru, lalu mai iya nurun ari tingkah nya.\\n14 Lebuh iya datai di Lehi, orang Pilistin lalu manjung belanda mansang ngagai iya. Tekala nya kuasa TUHAN lalu ngasuh iya kering, lalu iya mutuska tali ti nanchang lengan enggau jari iya, baka ke mutuska ubung ti udah ditunu.\\n15 Udah nya iya tetemuka siti tulang rang keledai ti apin lama udah mati. Iya nyengkau lalu ngambi tulang rang nya, lalu munuh seribu iku orang ngena tulang rang nya.\\n16 Samson lalu belagu, “Aku munuh seribu iku orang ngena tulang rang keledai. Aku nugungka bangkai sida ngena tulang rang keledai.”\\n17 Udah nya, iya muai tulang rang nya. Endur nya lalu dikumbai Ramat-lehi.\\n18 Udah nya Samson berasai balat amat aus. Iya lalu ngangauka TUHAN, ku iya, “Nuan udah ngasuh aku menang. Kati Nuan deka ngasuh aku mati aus, lalu ditangkap orang kapir tu?”\\n19 Allah Taala lalu ngeruang siti lubang ba tanah di Lehi. Ai lalu pansut ari lubang nya. Samson lalu ngirup, lalu berasai nyamai. Mata ai nya lalu dikumbai En-hakori. Mata ai nya agi bisi di Lehi diatu.\\n20 Samson nguluka orang Israel dua puluh taun lebuh orang Pilistin agi megai perintah di menua nya.\\nSamson Di Gasa\\n1 Nyadi sekali lebuh Samson mansang ngagai nengeri Gasa, iya betemu enggau siku indu sundal, lalu iya tinduk enggau indu nya.\\n2 Lebuh orang di Gasa ninga Samson bisi dia, sida ngelulung endur nya, ngipa iya semalam-malam nya ba pintu nengeri. Sida enda engkeretik semalam-malam nya. Ku sida, “Awakka kitai ngipa iya nyentuk ngagai rerak tawas. Udah nya kitai munuh iya.”\\n3 Tang Samson semina tinduk dia ngagai tengah malam aja. Udah nya iya angkat, nyabut pintu nengeri nya nyengkaum tiang pintu, kunchi enggau semua utai bukai ti ba pintu nya. Iya ngesan lalu mai pintu nya ngagai tuchung bukit ti ari atas nengeri Hebron.\\nSamson Enggau Delilah\\n4 Udah bekau nya, Samson rinduka siku indu ke benama Delilah, ti diau ba Lebak Sorek.\\n5 Lima iku raja orang Pilistin mansang ngagai Delilah, lalu bejaku enggau iya, “Uji nuan nipu Samson ngambika iya madahka ngagai nuan kebuah iya kering baka nya, enggau chara kami ulih ngalahka iya, nanchang iya, lalu ngasuh iya nadai daya agi. Genap iku kami deka meri nuan seribu seratus singkap duit pirak.”\\n6 Delilah lalu bejaku enggau Samson, “Padahka ngagai aku, nama utai ti ngasuh nuan kering? Enti orang deka nanchang nuan, lalu ngasuh nuan nadai daya agi, kati ku jalai iya ngereja nya?”\\n7 Disaut Samson, “Enti sida nanchang aku ngena tujuh iti tali panah ti baru, ti apin rangkai, aku deka lemi baka orang bukai.”\\n8 Orang Pilistin lalu mai tujuh iti tali panah ti baru, ti apin rangkai, ngagai Delilah. Delilah lalu nanchang Samson.\\n9 Iya ngasuh orang nganti dalam bilik sepiak. Delilah lalu ngangau, “Samson! Orang Pilistin datai!” Tang Samson mutuska tali panah nya baka ke mutuska ubung ti diselup api. Nya alai sida mengkang enda nemu utai ti ngasuh Samson kering.\\n10 Ku Delilah bejaku enggau Samson, “Nuan udah ngemelika aku, lalu enggai madahka utai ti bendar ngagai aku. Padahka ngagai aku, baka ni ku orang ulih nanchang nuan.”\\n11 Ku Samson madahka ngagai iya, “Enti sida nanchang aku ngena tali ti nadai udah kala dikena orang, aku deka lemi baka orang bukai.”\\n12 Delilah lalu ngambi tali ti baru, lalu nanchang Samson. Delilah lalu ngangau, “Samson! Orang Pilistin datai!”. Orang Pilistin endang nganti dalam bilik sepiak. Tang Samson mutuska tali nya ari lengan iya baka ke mutuska ubung.\\n13 Ku Delilah bejaku enggau Samson, “Nuan majak ngemelika aku, lalu enggai madahka utai ti bendar ngagai aku.” Ku Samson madahka ngagai Delilah, “Enti nuan nenun buk aku ngagai tujuh iti gumpal, lalu nanchangka buk nya ngagai tendai ti dikena betenun, lalu madat iya rapit ngena belia, aku deka lemi baka orang bukai.”\\n14 Udah nya Delilah nimang iya ngasuh iya tinduk, ngambi tujuh iti gumpal buk iya, lalu nenun gumpal buk nya ngagai tendai ti dikena orang betenun. Iya madat gumpal buk nya ngena belia, lalu ngangau, “Samson! Orang Pilistin datai!” Tang Samson dani lalu narit buk iya ari tendai nya.\\n15 Lalu ku Delilah bejaku enggau Samson, “Baka ni ku nuan madahka diri rinduka aku, enti nuan endang amat enda? Nuan udah ngemelika aku tiga kali, lalu nuan apin madahka ngagai aku utai ti ngasuh nuan kering.”\\n16 Delilah majak nanyaka nya ngagai Samson tiap hari, datai ke Samson nyau leju ninga iya ituk betanyaka utai nya ngagai iya.\\n17 Samson lalu madahka utai ti bendar ngagai iya. “Buk aku nadai kala diguntin,” ku iya madahka. “Aku udah diserahka ngagai Allah Taala nyadi Nasir kenyau ari aku ada. Enti buk aku diguntin, pengering aku lenyau, lalu aku lemi baka orang bukai.”\\n18 Lebuh Delilah nemu Samson udah madahka utai ti bendar ngagai iya, iya lalu mesanka bala raja orang Pilistin. Ku iya, “Datai kitu sekali da agi. Iya udah madahka utai ti bendar ngagai aku.” Sida lalu datai, mai duit.\\n19 Delilah lalu nimang Samson, ngasuh iya tinduk ba atas pah iya. Udah nya iya mesanka siku lelaki. Lelaki nya lalu ngerat tujuh iti gumpal buk Samson. Udah nya Delilah lalu belabuh merinsaka Samson, laban pengering Samson nyau nadai agi.\\n20 Delilah lalu ngangau, “Samson! Orang Pilistin datai!” Samson lalu dani, lalu ku pikir iya, “Aku deka ngelepaska diri baka selama.” Iya enda nemu TUHAN udah ninggalka iya.\\n21 Orang Pilistin nangkap iya, lalu ngeruk leka mata iya. Sida mai iya ngagai Gasa, nanchang iya ngena rantai temaga, lalu ngasuh iya bekereja ngindik gandum ba gudang dalam rumah jil nya.\\n22 Tang buk iya belabuh tumbuh baru.\\n23 Bala raja orang Pilistin begempuru lalu begawai, deka ngenjuk piring ti besai ngagai petara sida ke dikumbai Dagon. Ku sida belagu, “Petara kitai udah nyerahka munsuh kitai Samson ngagai jari kitai!”\\n24 Lebuh orang Pilistin meda Samson, sida muji petara sida, ku sida, “Petara kitai udah nyerahka munsuh kitai ngagai jari kitai, munsuh ke ngerusak menua kitai, ti udah munuh mayuh bala kitai,”\\n25 Lebuh sida benung rami ngelantangka diri, sida lalu bejaku, “Kangauka Samson. Awakka iya merindang kitai!” Nya alai sida mai Samson pansut ari rumah jil, lalu iya merindang sida. Sida ngasuh Samson bediri entara tiang ti besai;\\n26 lalu ku Samson bejaku enggau nembiak ke ngiring iya, “Awakka aku megai tiang ti besai ti nungkat rumah tu, ngambika aku ulih nyandih ba tiang nya.”\\n27 Rumah nya nyau penuh laban lelaki enggau indu. Raja orang Pilistin ke lima iku bisi dia magang. Pemayuh orang dia kira tiga ribu iku ba perabung rumah nya, ngemataka Samson merindang sida.\\n28 Udah nya Samson besampi, ku iya, “TUHAN Allah Taala, kingatka aku. Aku besampi minta Nuan meri aku pengering sekali tu agi, ngambika aku ulih malas orang Pilistin ti udah ngeruk dua igi leka mata aku.”\\n29 Samson lalu megai dua iti tiang ti besai ti nungkat rumah nya. Iya ngengkahka jari sepiak ba tiang siti, lalu jari sepiak ba tiang siti. Iya lalu ngejuka tiang dua iti nya\\n30 sereta manjung, “Awakka aku mati enggau orang Pilistin tu!” Iya ngejuka tiang nya enggau pengabis pengering iya. Rumah nya lalu runtuh, ninggang raja ke lima iku nya, enggau semua orang bukai. Samson munuh mayuh agi orang ba pemati iya empu, ari lebuh iya ti agi idup.\\n31 Bala menyadi iya, enggau sida sebilik datai lalu ngambi bangkai iya. Sida mai iya pulai, lalu nguburka iya ba entara Sorah enggau Esta-ol, dalam lumbung apai iya Manoah. Iya udah nyadi tuai orang Israel dua puluh taun.\\n1 Nyadi di menua ti bebukit di menua Epraim bisi siku lelaki benama Mikah.\\n2 Ku iya madahka ngagai indai iya, “Lebuh orang ngenchuri seribu seratus singkap duit pirak nya ari nuan, nuan nyumpah perumpak nya. Aku empu ninga nuan nyumpah iya. Duit nya disimpan aku. Aku empu ke ngenchuri duit nya.” Ku indai iya bejaku, “Awakka TUHAN merekatka nuan, anak!”\\n3 Iya lalu meri duit nya pulai baru ngagai indai iya, lalu ku indai iya bejaku, “Aku nyerahka duit tu ngagai TUHAN, ari jari anak aku empu, kena ngaga engkeramba ari kayu lalu disampak enggau pirak; nya alai diatu aku mulaika duit pirak tu ngagai jari nuan.”\\n4 Lebuh iya meri duit nya pulai baru ngagai indai iya, indai iya lalu ngambi dua ratus singkap ari duit pirak nya, lalu meri dua ratus singkap duit nya ngagai siku tukang besi, ke lalu ngaga siku engkeramba, ari kayu, lalu nyampak engkeramba nya enggau pirak nya. Engkeramba nya lalu disimpan dalam rumah Mikah.\\n5 Nyadi Mikah endang bisi endur alai iya empu besembiang. Iya ngaga engkeramba enggau siti epod, lalu nyiri siku ari bala anak lelaki iya nyadi imam.\\n6 Menua Israel endang nadai raja lebuh maya nya. Semua orang ngereja utai nitihka peneka ati sida empu.\\n7 Nyadi lebuh maya nya mega, bisi siku orang bujang ari peturun Lewi, ti diau di nengeri Betlehem, di menua Judah.\\n8 Iya ninggalka nengeri Betlehem, ngiga endur bukai alai diau. Lebuh iya benung bejalai, iya datai ba rumah Mikah di menua ti bebukit di menua Epraim.\\n9 Mikah lalu nanya iya, “Ari ni penatai nuan?” Orang bujang nya lalu nyaut, “Aku tu orang Lewi ari nengeri Betlehem, di menua Judah. Aku ngiga endur alai diau.”\\n10 Ku Mikah bejaku enggau iya, “Diau enggau aku, lalu nyadi penyanding penemu sereta nyadi imam aku, lalu aku deka meri ngagai nuan sepuluh singkap duit pirak setaun, gari, enggau pemakai.\\n11 Orang bujang nya besetuju deka diau enggau Mikah, lalu iya nyadi baka anak Mikah empu.\\n12 Mikah ngasuh iya nyadi imam, lalu iya diau dalam rumah Mikah.\\n13 Ku Mikah bejaku, “Diatu aku nemu TUHAN deka ngasuh aku mujur, laban aku bisi siku orang Lewi nyadika imam aku.”\\nMikah Enggau Raban Bansa Dan\\n1 Menua Israel nadai raja lebuh maya nya kelia, lalu raban bansa Dan agi benung begigaka menua ti tau diambu sida alai sida tau ngentapka diri, laban sida apin diberi menua.\\n2 Nya alai orang ari raban bansa Dan milih lima iku orang ke tau dikarapkaari suku raban bansa sida empu, lalu meri atur ngasuh sida bejalai ari nengeri Sorah enggau ari nengeri Esta-ol lalu matau menua nya. Lebuh sida datai ba menua ti bebukit di menua Epraim, sida lalu diau ba rumah Mikah.\\n3 Lebuh sida benung dia, sida ninga orang Lewi nya bejaku. Sida mansang lalu nanya iya, “Nama pengawa nuan ditu? Sapa mai nuan kitu?”\\n4 Ku orang Lewi nya nyaut, “Aku diau ditu ari atur Mikah; iya ngaji aku nyadi imam iya.”\\n5 Ku sida bejaku enggau iya, “Saup kami nanya ngagai Allah Taala enti pejalai kami tu deka mujur tauka enda.”\\n6 Ku imam nya nyaut, “Kita nadai utai ngawa. TUHAN deka ngintu kita dalam pejalai kita.”\\n7 Sida lima iku nya lalu mupuk, mansang ngagai nengeri Lais. Sida meda orang di nengeri nya diau likun baka orang Sidon. Orang nengeri nya diau bebaik enggau orang bukai, lalu nadai laya enggau orang bukai. Sida bisi semua utai ti dipeguna sida. Sida diau jauh ari orang Sidon, lalu nadai kaul enggau orang bansa bukai.\\n8 Lebuh sida lima nya pulai ngagai Sorah enggau ngagai Esta-ol, orang mayuh lalu nanyaka utai ti ditemu sida.\\n9 “Aram kitai nyerang Lais,” ku sida nyaut.” Kami udah meda menua nya. Tanah dia manah. Anang diau ditu lalu nadai ngereja apa-apa. Aram mupuk enggau jampat lalu ngambi menua nya!\\n10 Lebuh kita datai din ila, kita deka nemu orang dia nadai ngadang utai bisi deka nyadi ba sida. Menua nya besai, sereta bisi semua utai ti dipeguna kita, lalu Allah Taala udah meri menua nya ngagai kita.”\\n11 Enam ratus iku bala lelaki ari suku raban bansa ti diturunka Dan lalu angkat ari Sorah enggau ari Esta-ol mai senyata perang sida.\\n12 Sida lalu nirika kem sida tunga ke barat ari Kiriat-jearim di menua Judah. Nya kebuah endur nya agi dikumbai Kem Dan nyentuk ngagai diatu.\\n13 Sida angkat ari endur nya lalu datai ba rumah Mikah, di menua ti bebukit di menua Epraim.\\n14 Udah nya orang lima iku ti udah meresa menua ngelingi Lais lalu bejaku enggau bala pangan sida, “Kati kita nemu, dalam sebuah rumah ditu bisi engkeramba ti digaga ari kayu lalu disampak enggau pirak? Engkeramba bukai pen bisi, lalu epod pen bisi. Nama utai ti patut dikereja kitai, dalam pikir kita?”\\n15 Sida lalu mansang ngagai rumah Mikah, ti alai orang Lewi nya diau, lalu nanya ngagai iya pasal pengidup iya.\\n16 Nyadi lebuh maya nya, enam ratus iku bala soldadu ari raban bansa Dan benung bediri ba pintu penama, sedia deka nyerang.\\n17 Pematau ke lima iku nya lalu terus mansang ngagai rumah nya, lalu ngambi engkeramba ti digaga ari kayu sereta disampak enggau pirak, enggau engkeramba ti bukai, enggau epod nya. Nyadi imam nya benung bediri enggau enam ratus iku bala soldadu ba mua pintu penama.\\n18 Lebuh orang lima iku nya tama ngagai rumah Mikah, lalu ngambi engkeramba nya, imam nya lalu nanya, “Nama pengawa kita tu?”\\n19 Ku sida madahka ngagai iya, “Anang bemunyi. Anang bejaku. Mupuk aja enggau kami, lalu nyadi imam enggau nyadi penyanding penemu kami. Kati nuan rindu agi nyadi imam ke siti suku raban bansa, ari ti nyadi imam ke siti raban bansa orang Israel?”\\n20 Imam nya lalu lantang ati ninga jaku nya. Iya lalu ngambi engkeramba nya, lalu mupuk enggau sida.\\n21 Sida nguing lalu angkat ari endur nya. Bala anak sida, jelu tupi, enggau reta tengkira sida dibai dulu ari sida.\\n22 Lebuh sida udah jauh ngejangka rumah nya, Mikah lalu mesanka orang ke berimbai pendiau enggau iya, mai sida mansang beperang. Lebuh sida nyau ulih tepegaika raban bansa Dan\\n23 sida lalu ngangau. Orang Dan nguing lalu nanya Mikah, “Nama kebuah nuan mai ngemayuh nya orang datai ditu?”\\n24 Disaut Mikah, “Kita nabanka imam aku enggau engkeramba ti udah digaga aku, lalu mupuk, datai ke aku nyau nadai utai agi, lalu kita nanya, ‘Nama kebuah’?”\\n25 Orang Dan lalu madahka ngagai Mikah, “Manah nuan badu agi bejaku, enggai ke bala orang tu ringat, lalu nyerang nuan. Enti sida nyerang nuan, nuan enggau semua kita sebilik tetap mati.”\\n26 Udah nya raban bansa Dan majakka pejalai sida, lalu lebuh Mikah nemu sida enda ulih dialahka iya, iya nguing, lalu pulai.\\n27 Lebuh orang Dan udah ngerampas imam enggau engkeramba ti udah digaga Mikah, sida lalu nyerang Lais lalu nunu nengeri sida.\\n28 Orang di nengeri nya nadai orang nulung, laban sida jauh ari nengeri Sidon, lalu sida nadai kaul enggau orang bukai. Nengeri sida nya ba lebak semak nengeri Bet-rehop. Orang Dan lalu ngaga nengeri nya baru, lalu ngentapka diri dia.\\n29 Sida lalu nukar nama nengeri nya ngagai nama Dan, ngangkatka nama aki ini sida ke benama Dan anak Jakop.\\n30 Orang Dan lalu nirika engkeramba nya ngambika bisi disembah sida, lalu Jonatan anak Gersom, uchu Moses, bekereja nyadi imam ke raban bansa Dan, lalu peturun iya nyadika imam sida nyentuk ngagai maya sida ditabanka ngagai menua bukai.\\n31 Sida lalu nirika engkeramba ti udah digaga Mikah, seagi-agi Langkau Kain Allah Taala meruan di Siloh.\\nSiku Orang Lewi Enggau Bini Simpan Iya\\n1 Lebuh maya nya kelia, sebedau menua Israel bisi raja, siku orang Lewi diau jauh di menua ti bebukit di menua Epraim. Iya ngambi siku indu ke agi biak ari nengeri Betlehem di menua Judah, nyadika indu simpan iya.\\n2 Tang indu nya ringat ngagai iya, pulai ngagai rumah apai iya di Betlehem, lalu diau dia empat bulan.\\n3 Udah nya lelaki nya lalu berunding deka nitihka indu nya, nguji mujuk iya pulai baru ngagai iya. Lelaki nya mai siku orang gaji enggau iya, enggau dua iku keledai. Indu nya mai orang Lewi nya tama, lalu lebuh apai indu nya meda lelaki nya, iya gaga ati ngelaluka penatai iya.\\n4 Apai indu nya mujuk lelaki nya diau dia, nya alai iya diau dia tiga hari, makai ngirup sereta tinduk enggau bini iya.\\n5 Ba pagi hari ti keempat, seduai iya angkat tumu pagi besikap deka mupuk. Tang ku apai indu nya bejaku enggau orang Lewi nya, “Makai dulu meh seduai, ngambika seduai kering. Lagi baru seduai mupuk.”\\n6 Nya alai orang Lewi enggau orang gaji iya duduk, lalu sama makai ngirup. Udah nya apai indu nya bejaku enggau orang Lewi nya, “Bemalam ditu lalu ngelantangka diri.”\\n7 Orang Lewi nya besikap deka mupuk, tang apai indu nya mujuk iya diau dia enda lama. Nya alai iya bemalam semalam da agi.\\n8 Tumu pagi hari ti kelima, iya besikap deka mupuk, tang ku apai indu nya bejaku, “Makai dulu. Lagi baru seduai mupuk.” Nya alai lelaki dua iku nya makai.\\n9 Lebuh lelaki nya, enggau indu simpan iya, enggau orang gaji iya baru deka mupuk, apai indu nya lalu bejaku, “Hari nyau lemai. Manah kita bemalam ditu malam tu. Peda kita, hari nyau deka petang. Diau ditu, lalu ngelantangka diri. Kita tau angkat tumu pagila lalu mulaika diri ke menua.”\\n10-11 Tang lelaki nya enggai agi bemalam dia. Nya alai iya enggau indu simpan iya mupuk, sama enggau orang gaji iya, enggau keledai ti dua iku nya, ti udah sedia. Hari endang udah lunggar lebuh sida datai semak Jebus (iya nya, Jerusalem). Lalu ku orang gaji nya bejaku enggau tuan iya, “Manah kitai ngetu, lalu bemalam ditu ba nengeri orang Jebus tu?”\\n12 Tang ku tuan iya, “Kitai enda ngetu ba nengeri orang bansa bukai, ke ukai orang Israel. Kitai majakka pejalai kitai ngagai Gibe-ah.\\n13 Aram mupuk lalu bemalam di Gibe-ah tauka di Ramah.”\\n14 Nya alai sida lalu majakka pejalai sida. Urung padam mata panas lemai nya sida datai semak Gibe-ah, di menua Benjamin.\\n15 Sida lalu limpang ari jalai raya, deka bemalam di Gibe-ah. Sida tama ngagai nengeri nya lalu nudukka diri ba padang nengeri; laban nadai siku orang deka mai sida bemalam.\\n16 Siku apai tuai orang mansa pulai ari umai. Iya tu asal ari menua ti bebukit di menua Epraim, tang diatu iya diau di Gibe-ah. (Orang dalam nengeri nya endang orang Benjamin magang.)\\n17 Lebuh apai tuai orang nya tepedaka temuai ba padang nengeri nya, iya lalu nanya, “Ari ni penatai kita, lalu kini ke pejalai kita?”\\n18 Disaut orang Lewi nya, “Kami datai ari Betlehem di menua Judah, lalu kami deka pulai ngagai menua ti bebukit di menua Epraim. Tang nadai orang deka mai kami bemalam,\\n19 taja pen kami bisi pemakai enggau rumput ti rangkai ke keledai kami empu, enggau roti enggau wain ke indu simpan aku, ke aku empu enggau ke orang gaji aku. Kami nadai suntuk utai.”\\n20 Ku apai tuai orang nya bejaku, “Kita tau bemalam dalam rumah aku! Aku empu deka ngintu kita. Anang bemalam ba padang tu.”\\n21 Nya alai iya mai sida ngagai rumah iya empu, lalu meri keledai sida makai. Bala temuai iya masu kaki diri, lalu makai.\\n22 Lebuh sida benung ngelantangka diri, bala orang ke jai lalu ngenyit datai ari nengeri nya, ngelulung rumah nya, lalu belabuh mandam pintu. Ku sida bejaku enggau apai tuai nya, “Bai pansut lelaki ke dibai nuan ngagai rumah nuan! Kami deka beleman enggau iya!”\\n23 Apai tuai nya pansut, lalu bejaku enggau sida, “Anang baka nya, unggal! Anang ngereja utai ti jai, ti kamah baka nya! Orang tu temuai aku.\\n24 Tu indu simpan iya, enggau anak dara aku ti agi dara bungas. Awakka aku mai seduai iya pansut diatu. Kita tau beleman enggau seduai iya, nitihka peneka ati kita. Tang anang ngereja utai ti jai baka nya ngagai lelaki tu!”\\n25 Tang bala lelaki nya enggai mendingka iya. Nya alai orang Lewi nya lalu ngambi indu simpan orang nya, lalu ngasuh iya ke luar ngagai bala orang nya. Sida lalu ngereja iya, sereta beduan tubuh iya semalam-malam nya, enda ngetu-ngetu datai ke pagi hari siti.\\n26 Tumu pagi hari siti indu nya lalu rebah ba mua pintu rumah apai tuai nya, alai laki iya ti diau. Indu nya mengkang dia nyentuk ngagai rerak tawas.\\n27 Lelaki nya lalu angkat pagi nya, lalu lebuh iya muka pintu deka mupuk, iya nemu indu simpan iya garing-garing ba mua pintu rumah nya. Jari indu nya agi megai pintu.\\n28 Ku lelaki nya bejaku enggau iya, “Angkat. Mupuk kitai.” Tang indu nya enda nyaut. Iya lalu manggaika indu nya ba keledai, mupuk lalu pulai ngagai menua iya empu.\\n29 Lebuh iya datai di rumah, iya ngambi duku. lalu ngambi bangkai indu simpan iya nya, netak iya ngagai dua belas iti lampang, lalu ngirumka siti-siti lampang ngagai serata menua Israel.\\n30 Lalu ku semua orang ke meda utai nya bejaku, “Nadai utai baka tu udah kala nyadi, tauka dipeda kenyau ari orang Israel udah pansut ari menua Ejip nyentuk ngagai sehari tu! Kitai enda tau enda bekiraka utai tu, berandau lalu bejakuka utai tu.”\\nOrang Israel Sedia Deka Beperang\\n1 Semua orang Israel, kenyau ari Dan di utara, nyentuk ngagai Beer-seba di selatan, enggau orang ari menua Giliat di timur, bela begempuru di mua TUHAN di Mispah.\\n2 Bala tuai semua raban bansa orang Israel bisi enggau ba gempuru bala nembiak Allah Taala nya, empat ratus ribu iku bala soldadu ke bejalai kaki, ke besenyataka pedang.\\n3 Nyadi orang Benjamin bisi ninga pasal orang Israel ke begempuru di Mispah.\\nOrang Israel lalu nanya, “Padahka ngagai kami, baka ni ku utai ti jai tu nyadi?”\\n4 Orang Lewi ke bempu indu simpan nya lalu nyaut, “Aku enggau bini simpan aku datai di Gibe-ah di menua Benjamin, lalu deka bemalam dia.\\n5 Bala lelaki ari Gibe-ah datai ngamuk aku, lalu ngelulung rumah ti alai kami diau malam nya. Sida deka munuh aku, tang enda nyadi. Sida lalu ngereja bini simpan aku, lalu iya mati.\\n6 Aku lalu mai bangkai bini simpan aku, ngelampang tubuh iya, lalu ngirumka siti-siti lampang ngagai dua belas raban bansa orang Israel, laban bala orang nya udah ngereja utai ti jai sereta kamah di menua Israel.\\n7 Semua kita orang Israel, baka ni ku penemu kita pasal pekara tu?”\\n8 Semua orang lalu angkat sereta, lalu bejaku, “Nadai siku kitai tau pulai ngagai langkau kain kitai, tauka ngagai rumah diri.\\n9 Tu utai ti deka dikereja kitai ngagai orang Gibe-ah: kitai deka nyerang sida ngena chara bechabut undi.\\n10 Sepuluh peratus ari bala orang Israel deka meri bekal ngagai bala soldadu, lalu sida ti bukai deka mansang lalu ngukum Gibe-ah laban orang Gibe-ah udah ngereja pengawa ti kamah di menua Israel.”\\n11 Nya alai semua orang lelaki di menua Israel lalu begempuru, semua seati magang deka nyerang nengeri Gibe-ah.\\n12 Raban bansa orang Israel lalu ngasuh bala seruan bejalai ngagai serata menua Benjamin mai jaku tu: “Naka meh pemesai penyai ti udah dikereja kita!\\n13 Nya alai, serahka orang ke jai ari nengeri Gibe-ah, ngambika kami munuh sida, lalu muai penyai tu ari menua Israel.” Tang orang Benjamin enggai mendingka jaku bala menyadi sida, iya nya orang Israel ti bukai.\\n14 Orang Benjamin lalu datai ari semua nengeri sida lalu mansang ngagai nengeri Gibe-ah, deka ngelaban orang Israel.\\n15 Orang Benjamin ngempuruka dua puluh enam ribu iku soldadu ari semua nengeri sida sehari nya, nambahka tujuh ratus iku orang ari nengeri Gibe-ah nya empu.\\n16 Tujuh ratus iku ari semua bala orang Benjamin nya chawit, ke ulih nyelinting lambar buk ngena pangwang sida, lalu enda kala salah.\\n17 Semua orang Israel ti bukai ngempuruka empat ratus ribu iku soldadu; semua sida nya endang orang ke tau serang magang.\\nPerang Ngelaban Orang Benjamin\\n18 Orang Israel lalu mansang ngagai Betel, lalu betanya ngagai TUHAN, “Sapa ari bala kami deka terubah ngelabuhka jari nyerang orang Benjamin?” TUHAN lalu nyaut, “Raban bansa Judah.”\\n19 Bala orang Israel lalu mupuk pagi hari siti, lalu nirika kem sida semak nengeri Gibe-ah.\\n20 Sida lalu mansang nyerang bala soldadu orang Benjamin; sida ngerintai bala sida nunga nengeri nya.\\n21 Bala soldadu Benjamin lalu pansut ari nengeri Gibe-ah, lalu sebedau lemai nya, sida udah ulih munuh dua puluh dua ribu iku soldadu orang Israel.\\n22 Tang orang Israel mengkang berani, lalu ngerintai bala sida ba endur nya baru, ba alai sida ke udah berintai ba hari ti keterubah.\\n23 Orang Israel lalu nyabak di mua TUHAN nyentuk ngagai lemai; sida lalu betanya ngagai TUHAN, “Kati tau kami mansang baru lalu nyerang bala menyadi kami orang Benjamin?” “Tau,” ku TUHAN nyaut.\\n24 Nya alai, ba hari ti kedua orang Israel lalu nyerang bala soldadu orang Benjamin kedua kali.\\n25 Ba hari ti kedua nya orang Benjamin pansut baru ari nengeri Gibe-ah, lalu munuh lapan belas ribu iku bala soldadu orang Israel ke endang udah chukup dilatih.\\n26 Udah nya semua orang Israel mansang ngagai Betel, lalu ngulit. Sida duduk dia di mua TUHAN, lalu bepasa nyentuk ngagai lemai nya. Sida ngenjuk piring pemaik, lalu nunu piring ti segala ngagai TUHAN.\\n27 Lalu orang Israel betanya ngagai TUHAN (laban Peti Lampang Batu Adat Allah Taala bisi dia lebuh maya nya,\\n28 lalu Pinehas, anak Eleasar, uchu Aron, nyadi tuai ngemataka utai nya lebuh maya nya). Ku sida, “Kati tau kami mansang baru lalu nyerang bala menyadi kami orang Benjamin, tauka kami badu nyerang sida?” Lalu ku TUHAN nyaut, “Tau; laban Aku deka nyerahka sida ngagai jari kita pagila.”\\n29 Nya alai orang Israel lalu ngeramka ipa ngelingi Gibe-ah.\\n30 Ba hari ti ketiga, orang Israel lalu mansang nyerang orang Benjamin, lalu ngerintaika bala sida baka ke dulu ari nya.\\n31 Orang Benjamin pansut lalu ngelaban orang Israel, lalu sida diumpan pansut lalu ngejangka diri ari nengeri nya, lalu baka ke dulu, sida belabuh munuh sekeda orang Israel ba jalai raya ti nuju ngagai Betel, enggau ba jalai raya ti nuju ngagai Gibe-ah, enggau di menua pesisir. Kira tiga puluh iku orang Israel mati laban sida.\\n32 Ku orang Benjamin bejaku, “Kitai udah ngalahka sida baka ke dulu ari tu.” Tang ku orang Israel bejaku, “Aram kitai rari, ngambika sida nitihka kitai ngagai jalai raya.”\\n33 Semua orang Israel lalu angkat ari endur sida, lalu berintai di Baal-tamar, lalu bala soldadu sida ke ngeramka ipa ari barat nengeri Gibe-ah, pansut ari endur sida.\\n34 Sepuluh ribu lelaki, ke endang udah dipilih ari semua orang Israel, lalu nyerang Gibe-ah. Balat amat sida belaban. Tang bala orang Benjamin enda nemu diri deka alah.\\n35 TUHAN lalu ngalahka orang Benjamin di mua orang Israel; lalu orang Israel munuh 25,100 iku orang Benjamin sehari nya; semua sida nya endang orang ke udah chukup dilatih magang.\\n36 Nya baru orang Benjamin nemu diri udah alah.\\nChara Orang Israel Menang\\nBala soldadu orang Israel endang sengaja nyurutka diri ari bala soldadu orang Benjamin, laban sida ngarapka orang ke udah ngeramka ipa, ngalahka Gibe-ah.\\n37 Bala orang ke ngeramka ipa lalu beguai-guai tama ngagai nengeri Gibe-ah; sida munuh semua orang dalam nengeri nya.\\n38 Bala orang Israel, enggau bala soldadu ke ngeramka ipa udah besetuju ngena siti tanda, iya nya, lebuh bala soldadu ke ngeramka ipa udah nunu nengeri nya lalu asap ti tebal pansut ari nengeri nya,\\n39 bala orang Israel enda tau enda mutar lalu ngelaban orang Benjamin. Lebuh maya nya orang Benjamin baru udah munuh kira tiga puluh iku orang Israel, lalu ku sida bejaku, “Sida tentu alah laban kitai, baka ke dulu.”\\n40 Tang lebuh asap ti tebal belabuh bebalun pansut ari nengeri nya, orang Benjamin malik kebelakang, lalu meda semua nengeri nya diempa api.\\n41 Orang Israel lalu mutar; bala orang Benjamin lalu takut, laban sida nemu diri baru deka alah.\\n42 Sida lalu nyurutka diri ari orang Israel, lalu rari tunga ngagai menua puang, tang sida ulih digagai orang Israel, lalu bala soldadu orang Israel ke pansut ari nengeri, munuh sida.\\n43 Orang Israel ngelulung bala orang Benjamin. Sida begagaika orang Benjamin, lalu ngalahka sida kenyau ari Nohah, nyentuk ngagai siti endur ti tunga ke timur nengeri Gibe-ah.\\n44 Lapan belas ribu iku bala soldadu Benjamin mati; semua sida nya endang bujang berani magang.\\n45 Sida ke bukai nguing lalu rari tunga ngagai menua puang nuju ngagai Batu Rimon. Lima ribu iku sida dibunuh di rantau jalai nya. Orang Israel majak begagaika sida ngagai Gidom, lalu munuh dua ribu iku sida.\\n46 Nya alai dua puluh lima ribu iku bala soldadu Benjamin mati sehari nya. Semua sida nya endang bujang berani magang.\\n47 Tang enam ratus iku orang Benjamin ngerarika diri ngagai menua puang, ngagai Batu Rimon, lalu sida diau dia empat bulan.\\n48 Orang Israel nikal, lalu munuh semua orang Benjamin ti lelaki, ti indu, enggau bala anak mit, nyengkaum jelu tupi sida. Sida nunu semua nengeri ti mit di menua nya.\\nBini Ke Raban Bansa Benjamin\\n1 Nyadi lelaki orang Israel udah besumpah di Mispah, ku sida, “Nadai siku kita tau ngasuh anak indu kitai jadi enggau orang Benjamin.”\\n2 Nya alai sida mansang ngagai Betel, lalu duduk dia duie-duie nyabak di mua TUHAN nyentuk ngagai lemai. Ku sida:\\n3 “O TUHAN Allah Taala ke disembah orang Israel, nama kebuah utai tu nyadi di menua tu, datai ke siti raban bansa kami nyau abis lus di menua tu?”\\n4 Tumu pagi hari siti bala orang Israel angkat lalu ngaga siti alta ba endur nya. Sida ngenjuk piring pemaik, lalu nunu piring segala.\\n5 Sida lalu nanya, “Raban bansa ni ti nadai datai ngagai gempuru besai di mua TUHAN di Mispah?” (Sida nyebut nya laban sida udah besumpah madahka orang ke nadai datai enggau begempuru di Mispah, deka diukum bunuh.)\\n6 Orang Israel lalu berasai tusah ati ke menyadi sida ke ari raban Benjamin. Ku sida, “Sehari tu siti raban bansa orang Israel udah lenyau.\\n7 Baka ni ku kita ngiga bini ke lelaki orang Benjamin ti agi idup? Kitai udah besumpah di mua TUHAN madahka kitai enggai nyerahka anak indu kitai ngagai sida.”\\n8 Lalu ku sida bejaku, “Raban bansa ni ti nadai datai di mua TUHAN di Mispah?” Nya baru sida nemu, nadai siku orang ari Jabes ti di menua Giliat datai ngagai gempuru besai nya.\\n9 Laban lebuh orang ngangauka nama bala soldadu, nadai siku orang ari Jabes nyaut.\\n10 Nya alai bala orang ke begempuru nya lalu ngasuh dua belas ribu iku bala soldadu sida ke pemadu berani mansang ngagai Jabes. Ku sida, “Alai kita mansang ngagai Jabes; lalu bunuh semua orang di Jabes; bunuh mega sida ke indu enggau sida ke mit.\\n11 Bunuh semua orang ke lelaki, enggau semua indu ke ukai dara bungas.”\\n12 Sida lalu tetemuka empat ratus iku dara bungas ari bala orang ke diau di Jabes. Sida lalu mai sida indu dara nya ngagai kem di Siloh, di menua Kanaan.\\n13 Udah nya semua orang ke begempuru dia lalu ngirumka pesan ngagai orang Benjamin ti diau ba Batu Rimon, mai sida badu agi beperang.\\n14 Orang Benjamin pulai ari Batu Rimon, lalu orang Israel ti bukai meri sida bala indu ke biak ari Jabes, ti enda dibunuh sida. Tang sida indu nya enda chukup ba semua bala sida.\\n15 Nya alai orang mayuh berasai sinu ati ke orang Benjamin laban TUHAN udah mechahka penyerakup entara raban bansa orang Israel.\\n16 Nya alai bala tuai ke bisi ba gempuru dia lalu bejaku, “Orang Benjamin nadai agi indu. Nama utai ti deka dikereja kitai kena kitai meri bini ngagai lelaki orang Benjamin ti agi idup?”\\n17 Israel enda tau ngelenyauka sebarang raban bansa ari dua belas raban bansa iya. Kitai enda tau enda ngiga jalai kena ngidupka raban bansa Benjamin,\\n18 tang kitai enda tau nejuka sida jadi enggau anak indu kitai, laban kitai udah nyumpah orang ke nejuka orang Benjamin jadi enggau anak indu kitai.”\\n19 Udah nya sida berunding, “Gawai ninting taun ke TUHAN di Siloh nyau deka nyadi enda lama da agi.” (Nyadi Siloh nya tunga ke utara Betel, ari selatan Lebonah, lalu tunga ke timur jalai raya ari Betel ngagai Sekem.)\\n20 Sida lalu bejaku enggau orang Benjamin, “Mupuk kita lalu belalai ba kebun anggur,\\n21 lalu nganti dia. Lebuh indu ari Siloh pansut deka mansang betanda, kita lalu mansutka diri ari kebun anggur. Genap iku kita lalu ngerampas siku indu ari bala sida nyadika bini kita, lalu bai sida pulai enggau kita ngagai menua Benjamin.\\n22 Enti apai tauka menyadi lelaki sida datai ngagai kitalalu madahka diri enda besetujuka utai nya, kitatau bejaku enggau sida munyi tu: ‘Kami minta kita kasihka kami lalu ngawakka kami bempu sida, laban kami ukai ngerampas sida ari kita nyadika bini kami lebuh beperang. Nyadi laban kita ukai meri sida ngagai kami, kita enda salah, laban kita ukai mungkir ari semaya kita.’ “\\n23 Orang Benjamin lalu ngereja nya. Genap iku sida bela milih siku indu ke biak ke betanda di Siloh, lalu mai indu nya nyadika bini iya. Udah nya sida pulai ngagai menua diri empu, ngaduka nengeri sida, lalu diau dia.\\n24 Lebuh maya nya orang Israel ti bukai lalu mupuk. Genap iku sida pulai ngagai raban bansa diri empu, ngagai ruang bilik diri empu enggau ngagai tanah diri empu.\\n25 Menua Israel nadai raja lebuh maya nya, lalu genap iku orang bela ngereja utai nitihka peneka ati diri empu.","num_words":17051,"character_repetition_ratio":0.075,"word_repetition_ratio":0.003,"special_characters_ratio":0.212,"stopwords_ratio":0.346,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Siku pemesai polis rebah lebuh peresa di klinik bayar sebedau iya diripotka midang ba sepital -->\\nPun Laman › Berita › Kuching › Midang › Polis › RIP › Sarawak › Semenanjung › Slim River\\nSiku pemesai polis rebah lebuh peresa di klinik bayar sebedau iya diripotka midang ba sepital\\nRIP Inspektor Wilson Nohek.. 😭\\nSLIM RIVER: Siku pemesai polis rebah lebuh peresa di klinik bayar sebedau iya diripotka midang ba Sepital Slim River, lemai kemari.\\nPenusah nyadi urung jam 5.45 lemai nya, Inspektor Wilson Nohek, 39 taun, penatai ari Kuching, Sarawak, ke nyadi 'Pegawai Penyiasat Bahagian Antimaksiat, Judi dan Kongsi Gelap' (D7) Opis Polis Pampang (IPD) Muallim, sebedau tu bisi madahka diri pedis dada lebuh maya gawa.\\nKetuai Polis Pampang Muallim, Superintendan Wan Kamarul Azran Wan Yusof, madah urung jam 5 lemai, Wilson benung bejalaika Ops Pintu enggau beberapa raban polis kebukai ba endur Slim River semak 'Pasar Raya' Econsave.\\n“Urung pengelama 10 minit, iya (Wilson) madahka diri pedis dada sebedau iya peresa ba klinik semak 'pasar raya' nya.\\n“Nurse klinik pengudah nya madahka Wilson rebah ba klinik enggau dianjung ke Sepital sebedau iya diripotka udah enda ulih diselamatka agi ketegal bisi penanggul ba jantung,” ku iya lebuh ke dirandau pengarang berita, kemari.\\nKu iya, niang Wilson udah ninggalka bini iya, Vivianne Arina Malumpang enggau tiga anak iya ti beumur tiga, enam enggau tujuh taun.\\nWan Kamarul Azran ngelansa, bangkai niang deka dianjung pulai menua asal iya enggau dikuburka ba Kampung Bau, di Kuching.\\n#Berita #Kuching #Midang #Polis #RIP #Sarawak #Semenanjung #Slim River","num_words":231,"character_repetition_ratio":0.079,"word_repetition_ratio":0.072,"special_characters_ratio":0.203,"stopwords_ratio":0.16,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Covid-19: Miri ngerikud 1 kes positif baru, Kluster Syarikat Pembinaan Kuching tutup | DayakDaily\\nCovid-19: Miri ngerikud 1 kes positif baru, Kluster Syarikat Pembinaan Kuching tutup\\nAug 22, 2020 @ 17:22\\nKUCHING, 22 OGOS: Sarawak seharitu ngerikud siti kes positif baru Covid-19, ku Komiti Pengintu Penusah Ngenyit Negeri Sarawak(JPBNS).\\nJPBNS nengah siti surat penerang madah, kes positif baru nya diriput di Pelilih Miri lalu ngujungka penyampau semua kes positif Covid-19 di negeri tu manggai 688.\\n“Kes ke-688 tu siku lelaki peranak negeri beumur 55 tahun ke baru pulai ari Amsterdam, Belanda. Iya gawa nyadi scaffolder offshore di Amsterdam.\\n“Sejarah pejalai ngayanka kes nepan bilun ari Amsterdam kena 14 Ogos ti transit ba Doha sebedau nampung penerbai ke Kuala Lumpur nengah Padang Bilun Antarabangsa Kuala Lumpur(KLIA) lalu sangkai di Malaysia kena 15 Ogos.\\n“Kes bemalam semalam di Kuala Lumpur sebedau pulai ke Miri kena 16 Ogos nengah Padang Bilun Miri. Sangkai di Miri, kes terus dibai ke palan kuarantin hotel,” ku JPBNS.\\nSurat penerang nya madah, maya di kuarantin, kes diambi swab ungkup peresa rT-PCR keterubah kena 18 Ogos alai pemutus peresa makmal kena 21 Ogos mandangka kes positif Covid-19.\\nJPBNS nambah, kes udah dipasukka ke Spital Miri ba hari ke sama lalu kes ditetapka siti kes import ari menua luar.\\nNgenang kaul ke sama, JPBNS madah Kluster Syarikat Pembinaan Kuching ditutup pengudah nadai kes baru diriput dalam timpuh 28 hari ari kes ke penudi.\\n“Kluster Syarikat Pembinaan Kuching ditemu kena 25 Julai 2020 lalu mungkur 2 kes positif ti udah disahka makmal,” ku JPBNS.\\nJPBNS mega madah 6 kluster mengkang aktif di Sarawak ti mungkur 57 kes.\\nKluster aktif iya nya Kluster Syarikat Kejuruteraan(8 kes), Kluster Mambong (7 kes), Kluster Sentosa (31 kes), Kluster PUI Melbourne (3 kes),Kluster Pasar Satok (4 kes) enggau Kluster Seri Alam Bintulu (4 kes).\\nPenerang nya mega madah seharitu 1 kes baru udah gerai lalu dikemendar pansut ari spital.\\n“Enggau nya, penyampau kes positif Covid-19 ti udah gerai sereta dikemendar pansut ari spital mengkang 662 iku tauka 96.22 peratus ari penyampau semua kes.\\n“Bisi 7 iku mengkang diperubat ba wad isolasyen spital alai penyampau kes mati mengkang 19 iku.—DayakDaily\\nPrevious articleRoadsign incident just another of DAP’s political schemes: Idris Buang\\nNext articleCovid-19: Offshore worker latest imported case in Sarawak today","num_words":328,"character_repetition_ratio":0.084,"word_repetition_ratio":0.0,"special_characters_ratio":0.219,"stopwords_ratio":0.128,"flagged_words_ratio":0.0,"lang_id_score":0.92,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"JERITA SANGOR ENGGAU APOI | HOOO..HAA…AKU ANAK IBAN!!!!\\n← JERITA LINGGIR MALI LEBU\\nJERITA BANTIN “IJAU LELAYANG” →\\nKOLEKSI JERITA PENGINGAT TUAI\\nJERITA LAGENDA SANGOR &APUI ( DITUSUN :Richard ak Changgan)\\nLANSA KENANG JERITA\\nNyadi tabi bala menyadi. sebedau aku ngerintai ngemanjai ke jerita tu ke ujung ke agi. Dulu aku meri tabi sereta basa ngagai bala kitak semua ke rindu ke jerita tuai lama kitai menya ke bisi nyadi ba seluruh menua kitai di Sarawak ditu. Nyadi aku enggai enda meri jaku ampun sereta nusun sepuluh jari ngagai kitak sema ke jerita aku tu bisi nyangkut sereta marut ati bala kitai ke sama agi idup tauka bisi mega ngeregau semengat bala menyadi kitai ke udah rimpi ngejang pegi ninggal ke panchar matahari, tinduk jenak besepiak ke bulan begandung tisi.\\nLaban tudah aku tu ke rindu bekunsi ke jerita tuai, nya meh ke ngasuh aku tepejuh ati enggau runding mansut ke kitai jerita Sangor tu. Ambi ke bala kitai sama nemu,sereta ulih berati ke jerita ba bagi menua siti-siti ari bansa bukai ke bisi ngerimbai bansa kitai ke diatu. Jerita Sangor tu di tusi sereta di padah ke siku Tuai Lunbawang ke begulai enggau aku(penulis) maya aku ke nyadi pengajar ba SK Long Tengoa(2006) di bagi menua Lawas ke kena pegai Bahagian Limbang ke diatu.\\nNyadi lemai nya aku bejalai ngagai rumah aki tuai siku ke bebansa Murut Tagal, ambi ke kitak nemu. Aku bisi ga berandau pasal pengidup, pemansang enggau berandau ke pasal nembiak sekula,kelebih agi lemai nya aku bisi betanya ke sejarah asal bansa Murut Tagal tu ari kelia-lia. Ngambi ke kitai sama nemu, Bansa Murut Tagal tu semina bisi di temu kitai ba Ulu terusan aja ke diatu di kumbai kitai menua Long Tengoa.Nyadi orang tuai ke endur aku nemuai tu benama Ateng. Apai Ateng tu tadi Alal, umur ia tu pelaba aku nyangka udah manggai ke 70 lebih tahun,laban ia tu menya segi nadai rekod ke ulih di temu kitai enggau betul. Tang ia bejaku segi agi lancar, pending agi lansik munyi ko ia. Nya meh lebuh ke berandau tu tadi, ia lalu muka cerita siti. Rindu amat aku ninga jerita nya.Tang empai tentu tepantup amat ga aku ninga lemai nya.\\nNya meh ke ngasuh aku lalu nurun baru lemai siti agi, lalu bebai ke bup enggau pen di kena aku nulis sereta beambi ke batang enggau jalai jerita ke di padah ke ia. Menantu ia pan bisi ga meri aku jalai cerita tu suba.Ambi ke kitak sama nemu, nyau mayuh meh bala bukai ke endur aku betanya ambi ke jerita tu di temu aku enggau nyemetak agi. Nya meh ke ngasuh aku nyamai amat nulis sereta nusun baru Jerita Sangor tu nyentuk ke ia ulih di adu ke aku baru enggau manah.\\nNya alai Jerita tu segi amat nyadi, lalu agi ulih di peda kitai bekau jerita tu sampai ke saritu. Lebuh maya aku ke ngajar din suba selalu amat aku mansa menua endur jerita tu nyadi. Nya meh ke ngasuh ati aku enda ulih nyimpan nya kediri lalu deka di pekunsi ke aku enggau bala kitak semua. Nyema ke jerita tu enda bangat nyentuk dulu aku minta ampun ari ujung kaki ke punjung pala.\\nBAGI A : KENANG BATANG TERUSAN\\nLaban jerita tu segi bisi sangkut paut enggau menua Batang Terusan. Nya alai manah agi keterubah tu aku (penulis) dulu bekunsi ke kitai sejarah keterubah Batang Terusan tu di temu nama, sereta di wan mensia nitih ke pansik enggau riport ari dua iku bansa orang putih ke kala udah mansik menuanya kelia sepengudah ke di perintah Rajah menya. Nitih ke pansik Tom Harrison (1959) enggau S. Runciman ( 1960) Bansa Lunbawang ke tampak agi disebut orang mayanya bansa Murut ke enterubah ia bisi nguan menua nya kelia. Tajapan enti nitih ke pansik ari siku bala Rajah putih kelia madah ke bansa Murut Lunbawang tu datai ari Kalimantan Indonesia. Tang Bisi ga data ari Sarawak Static Dept .1980 madah ke bansa Murut Lunbawang tu segi udah diau ba Ulu Terusan ari aki ini sida ia kelia-lia.\\nKeterubah suba Bansa Murut Lunbawang nguan Hulu Terusan enggau Sungai Kelalan ke diatu. Nitih ke pansik aku ( penulis) ari pejabat Residen Daerah Lawas, bisi siku ketuai megai bansa Lunbawang tu kelia ke benama ‘Labu Danur’. Ia meh keterubah ngiring bala rayat ia diau ngentap ba Ulu terusan menya. Sebedau menua nya di beri nama Batang Terusan, sungai nya menya dulu di sebut sida ia Sungai Labu tauka dalam jaku Murut ‘Apba Labu’laban nitih ke nama tuai sida ia ke dulu mai bala rayat ia tu tadi pindah ke menua nya.\\nTang nitih ke pansik, bala peturun Labu Danur tu semina nguan menuanya kira ke 6 serak peturun sida ia. Pengujung sida ia nguan menuanya menya laban di kayau bala embaluh enti di sebut kitai iban, ke datai ari menua Batang Kemaloh ba Kalimantan Indonesia. Sida Embaloh tu datai ngayau mulau bala Labu Danur sebedau penatai perintah Rajah James Brooke menya. Nya ke ngasuh bala Labu Danur tu lari ngachir sebelah batang Terusan, Sungai Lawas, Terusan Baruh enggau lari ke Temburong Brunei. Bisi mega sida nya tadi lari ke Limbang. Nya meh ke ngasuh bansa Lunbawang tu tadi ngachir besai agi sebelah menua Limbang enggau Lawas nyentuk ke Brunei.\\nLaban menya mega bisi siku Tuai Lunbawang ke benama ‘Bian Murud’ ke ngemai bala ia pindah ke Hulu Sungai Limbang, diau ngentap ba Sungai Adang ke diatu. Bian Murud tu ko jerita segi berantu mimit, ia tu bisi tulung remaung ke nguan Batu Sangor kelia ko Jerita. Ia tu tadi bisi nulung bala Sultan Brunei kelia, ngalah ke bala Kayan ke nyerang ari Ulu Baram. Nya ke ngasuh Bian Murud tu menya nerima pingat O.K.K raja berani ari Sultan Brunei. Nyadi peturun bansa Murut ba menua Ulu Temburung enggau Limbang mayuh datai ari peturun Bian Murud ke agi nguan menua nya sampai ke saritu.\\nNya meh kengka sejarah asal Batang Trusan enggau Bansa Murut Lunbawang ke ulih di pansik aku ba Jerita tu, nyangka pansik tu enda tentu cukup aku minta ampun meh ngagai bala menyadi kitai ke bebansa Murut laban aku ( penulis) semina nitih ke pansik ke bisi ari District office ba daerah Lawas lalu di tusun ke aku baru ngena Jaku Iban. ohhh..ha…..\\nTUSUN 1 : PENGADA SANGOR ENGGAU APOI\\nNyadi kelia di Ulu terusan, ianya ba aie Terusan Lawas ke diatu, bisi siti genturung pendiau mensia. Enti menya Batang terusan ke diatu empai di beri nama Terusan. Laban Menua nya kelia di sebut sida ia ba serak tubuh kitai tu mula-mula ia Sungai Labu, tauka Apba Labu udah nya baru di beri nama Terusan. Ba menuanya menya bisi siti bukit ke di beri nama Bukit Beluai ke besatup pala enggau Ulu Temburong Brunei. Nyadi diatu nyangka meh nama bukit nya udah bebali nama, enggai bula kekitak laban jerita tu ke dulu agi be pun sebedau mensia nguan menua nya kelia. Nyadi ba bukit nya bisi dua iku diri melaki bini, ke lelaki nama ia Darung lalu bini ia benama Supang.\\nNyadi keno ko jerita, Darung enggau Supang tu lama udah jadi, tang lalu bedau bisi anak. Nya meh ke ngasuh idup seduai melaki bini tu bisi amai penimpang enggau pengurang. Ngitah ke diri ke gawa pan seduai ia selalu berandau ke penyamai enti bisi anak nulung besukung ngereja pengawa. Tusah meh ati seduai melaki bini tu tadi. Enti gawa, mupuk ga kediri, enti makai betunga ga duai ia besendi, ti tinduk gali ga seduai ia nadai anak nyendi. Udah setahun, nyau betukar nyadi 10 tahun ga. Bedau ga seduai ia bisi anak. Semina tudah uduk siku aja meh ke nyadi pangan seduai ia mindah kulu kili. Uduk seduai ia ke di beri nama Pitin nya meh ke bisi di dinga nyalak tiap pagi enggau lemai. Sunyi meh pengidup seduai ia.\\nNya meh ko jerita, pagi siti peda tumu Supang nukung duduk ba tisi padong seduai ia nyabak sirut-sirut. Tudah Darung ke agi bebungkur apus, lalu beguai nuduk kediri merap belakang bini ia. “ Endai, nama utai ke di sabak ke nuan deh wai?”pia deh ko ia nanya tudah Supang. Enda ga nyaut, nanya baru ga Darung tu tadi, ia lalu ngambi sarang insap ia ba selepak ibal dinding perin seduai ia.\\nDi Tanya ia kali kedua enda ga bini ia nyaut, nyau kali ke tiga baru bini ia nyaut. “ Tusah amat tu wai, penguji nyangka bisi datai ba pengidup tua, aku bisi bemimpi betemu enggau indai tuai orang siku ke benung ngerendut anak ia”pia deh ko Supang bejaku sambil ke sirut –sirut. “ Endai, nama utai ke ngasuh nuan bangat ngenyinu nya deh?, nyau sirut-sirut nyabak. Ukai nya bangat mimpi ngasuh parai deh..”pia deh ko tudah Darung nimbal baru, sambil ke ngulum ujung ruku’ ia.\\n“ Nya meh wai, segi mimpi ngasuh parai meh nya, ukai nuan ke parai…aku”ko tudah Supang nyau majak inggar agi ga sintak sabak tudah tuai. Nya meh tudah Darung nyau enggai nyadi duduk entap, insap nyau tebeleka ari jari ninga bini ia madah kediri ka parai. Nadai utai enda ngenyelai nya jaku bini ia dinga tudah tuai. bejaku baru ga bini ia “ Nyadi aku tu di asuh indu nya ngambi anak ia dua iku besapit ngelawa kaki ai wong dulu diak genap ke bulan terang pagila. Tang wai, anak mit nya ka diganti ia enggau seput aku”pia deh ko Supang nyabak.\\nTekenyit deh tudah Darung to tadi lalu nimbal baru jaku bini ia “ Ehhh..nama nya bakanya deh..anang ga ngambi anak mit dua iku nya, nadai aku sanggup meda nuan ninggal dulu ari aku deh, ukai nya bangat ngasuh tua enda idup enti nadai anak deh” pia deh ko tudah Darung bejaku nyau getar-getar dagu ia. Ati tudah tuai nyau irau sereta bebal. Tusah amat sepi ia. “ Enda wai, aku mesti ngambi anak mit dua iku nya, laban petara bepesan ba indu nya ngasuh aku ngambi ia. Enti aku enda ngambi ia tua ila kena sumpah, besai sumpah petara ngelawa tua” pia deh ko tudah Supang madah ke laki ia.\\nNama agi deh. Nyau rerangap tudah Darung ninga tusui mimpi bini ia bangat nyelai amat munyi nya. Ka pan enda , laban petara udah ngatur idup seduai ia bakanya. Tang tudah Supang enggai agi nusi ke laki ia nama sumpah di beri petara enti nyema enda ngambi anak mit nya. Nya meh ke ngasuh kitai ke agi idup diatu enda nemu nama kebuah bini Darung tu tadi mesti ngambi anak mit nya. Laban bini ia empu nadai madah ke leka jaku sumpah petara ngagai seduai ia.\\nNya meh ko jerita makai enggai nyadi, gali enggai nyadi, duduk pan enda ulih lama. Tusut amat meh runding seduai melaki bini nya sehari-hari nya. Darung ke bangat tusah ati ngenang bini ia ke mati malam pegila lebuh maya bulan kembung. Nyau di pandak ke kitai cerita seduai ia ke sarinya. Pagi siti pan datai ga. Seduai ia pan lalu ngayan ke rengka. Ngayan ke piring meh seduai ia laban ke dipesan ke petara indu dalam mimpi seduai ia di kena ngambi anak mit ba kaki wong tu tadi.\\nIa meh ari belabuh silau, Darung enggau Supang lalu be entunda-udi betangkan pangan bejalai ngulu aie sungai siti, lalu enda jauh arinya meh endur wong tu tadi keno ko jerita. Ia meh seduai ia datai malam pan nyau ga belabuh petang. Burung enggau bansa jelu babas nadai didinga munyi, semuti munyi panchur ai wong nya ke bisi ngerichau pending seduai ia. Seduai ia lalu berengkah ngadu ke piring lalu ngayan ke macam leman rengka ke patut di bai seduai ia nitih ke semaya petara indu ke bejaku dalam mimpi Supang.\\nIa meh enda lama udah nya, peda bulan lalu pansut kembung segala, diak deh Supang lalu bediri nunga wong tu tadi lalu besampi, nunda ke jaku pesan ke diajar petara indu dalam mimpi ia “ Ni duai dek anak, beganti nyawa enggau indai, seduai idup aku mati……ni duai ambai beganti ati kitai , duai ada aku parai….” pia deh ko munyi sampi Supang keno ko jerita. Ia meh udah tembu Supang nyebut leka sampi nya tadi dinga tak lalu ngeruga munyi lubang batu ke semina di pampul ai wong ke beterenjui labuh…lalu tebuka, nyau bekesetak munyi bandir kayu enggau batu diak tekinsit pecah…peda lalu nyepar panchar kilat mangka ke lubang batu nya tadi, nadai enda ngingar nya. Enda lama dah nya peda tak lalu surut baru aie wong ke udah nerusur kili lalu pulai kulu ke baru niki ke pala wong tu tadi. Tanah nyau berenyang,kayu nyau beguyang ko jerita.\\nNya meh , nadai enda ngenyelai nya ga utai ke nyadi. Tudah Darung, enda engkeretik merati ke utai ke bangat ngenyelaie nya nyadi. Bisi nya ati takut, runding pan tusut. Ia ke bediri tu tadi merati ke ulah bini ia, bepegai ba pun kayu siti ke bulih mesai tibang.Nama meh utai ke nyadi tu lagi, pia deh ko dalam ati tudah tuai. Ia meh udahnya keno ko jerita baka ke di ajih ke, dinga tak talu-talu munyi sabak anak mit dua iku betimbal-timbal ke agi merah mansau laban darah ayan nyengenda ba dalam lubang batu, nyau bekenaya kena tenggau panchar bulan kembung. Enda lama udah nya diak deh Darung semina ulih meda ayas bini ia bediri ba punjung batu puak kaki lubuk ba wong nya. Dinga bini ia nyabak bejaku “ Darung..jaga meh anak tua tu enggau manah, beberita anak tua tu ila, enda nemu nyau taja dunya bebali, biar ke tubuh ia lenyau tang pendiau ia meruan mengkang idup belama ia,” ko tudah Supang bejaku sambil ke nyabak.\\n“ Ingat ke Darung gaga ke nama Sangor anak tua ke sepiak kanan nya, ke sepiak kiba nya gaga ke nama Apoi ,” pia deh ko Supang bejaku. lama agi nadai agi, nyau majak lesap deh tudah tubuh Supang, semina ayas-ayas aja ke agi bisi dipeda. Utai diak nyau berasap peda Darung lalu di sepu ke rebut muput lalu musin niki ke langit tinggi tengelam jamah pemetang.Darung nyau nyabak kediri, nadai tepansut ke seleka jaku.Nyabak meh tudah Darung tu tadi ngenang bini diri ke udah nadai enda temu pejalai, udah lesap enda temu pemulai, tak mati meh ko jaku, tang bangkai nadai, gak Supang udah madah ke ia mati nitih ke mimpi. Darung lalu merening nunga ke lubang batu tu tadi. Anak mit dua iku ke gali nya tadi baka ke di ajih ke, enda engkeretik . Nyabak pan udah ngetu, jari enggau kaki ke betekayo. Baka ke nemu penusah ke nuntung Darung.\\nNya meh ko jerita, Darung enggau sabak-sabak lalu mulai ke diri mai anak mit nya tadi ngagai langkau ia kili ngelawa Bukit Beluai. Maya ke ba rantu jalai balat tusut amat runding ia bakani ko ka ngidup ke anak mit dua iku nya kediri. Enti sema bisi Supang enda ga ngawa ko dalam ati ia. Bisi ga beragih nyaga. Tu sapa ke gawa, sapa ke ngibun deh. Nyu bebal runding ia. Kaki ke nyingkang pan nadai di ketati ke agi. Batu tujah, sipak , urat kayu sipak, paya tengah. Ukai nya berasai ga laban tudah tuai ke nyau sekut runding. Nyau dipandak ke kitai ga tudah pejalai Darung tu ke ngemai anak mit dua iku nya pulai .Ngidup ke diri meh sida menyanak ia baka mensia ke bukai………………………………………………………………………………………………………………….\\nNya alai lengka ke kitai dulu ga cerita pengidup Darung enggau anak ia dua iku nya enda lama, kitai ngenang ai wong ke endur Supang tu lesap kelia. Keno ko cerita sida ke semak menua nya, wong tu segi berantu ko sida ia. Aku (penulis) pan kala mansa wong tu maya kami ke ngena hilux nurun ke pasar Lawas. Diatu Wong nya enda ga tak nyengala tinggi, enda baka kelia keno ko sida ia. enti suba sebedau orang ngaga jalai ke ulih di tengah kereta, amat takut mensia mansa menua nya.\\nSida ia nusui ke aku ( penulis) bisi orang kala betemu enggau indu benung mandi diak. Bisi mega sida ia kala ninga sabak indu ba wong nya diak. Nyadi wong nya keno ko jerita segi di beri orang nama Wong Supang. Sida ke tuai-tuai pan madah munyi nya deh. Nyangka nya ngambi nama ari bini Darung ke lesap ba wong tu ari kelia-lia meh kini.\\nNyadi aie wong tu ko jerita enda kala langkang ko sida ia madah, tajapan kemarau panjai. Bisi suba sida ke kereja batang ka ngaga jalai ari atas pala wong tu ambi ke nyamai nyelawit ke munggu sepiak kena mai batang kayu, tang bala sida ke ngereja nyungkur tanah tu kala udah bebadi diak. Bisi ga orang kala bemimpi, enti ka ngereja utai ba wong tu mesti nukar enggau nyawa. nya meh ke ngasuh jalai ari atas tu puntan lalu melit ari baruh meh di gaga sida ia. Nya ke ngasuh nyamai amat meda wong tu enti lebuh ke mansa menua nya.\\nNitih ke tusui apai tuai tu ngelawa aku (penulis)nadai orang berani ngereja menua nya sengapa. Pia meh ko tusui sida ia ngagai aku (penulis) lebuh aku ke betasat ke Jerita tu suba. Kala ga orang begambar ba Wong tu keno ko jerita, tang enda ulih peda ga gambar. maya sida ke nuchi gambarnya chelum aja pansut. Wong Supang tu agi bisi di peda kitai sampai ke saritu enti kitai mudik nengah jalai ari Tang Sangor ngagai Long Tengoa bagi menua Lawas. Nya alai minta ampun meh aku ketegal ke limpang mimit ari jerita kitai…pulai baru ga kitai ngenang pendiau Darung enggau anak mit dua iku nya…..\\nTUSUN 2 : PENDIAU SANGOR ENGGAU APOI\\nUmba ke segi anak petara , seduai madi tu idup cukup nyelaie ko jerita sida ke tuai. Tang apai seduai ia enda kala madah ke ari ni penatai seduai ia. Seduai ia empu pan semina kala betanya ke kini penunga indai seduai ia. Enti lebuh seduai ia ke betanya ke tunga indai seduai ia, Darung madah ke seduai ia, indai seduai ia udah parai lebuh ke ngada ke seduai ia suba. Lalu tepadam angka nya aja meh tanya seduai madi tu.\\nNyadi ba pendiau seduai ia enda kurang lebih enggau pangan diri. Semina Sangor tu lebih nelap agi enti di banding enggau Apoi. Tang seduai madi tu sama-sama enda kurang lebih pengelandik gawa sereta sama bela sigat sereta kering. Nyadi keno ko tusui sida ke madah ke aku(penulis) , pengering Sangor enggau Apoi lebuh ke baru umur tau bejalai, seduai ia sama ulih ngangkat ke batu ke berat nitih ke pemesai pemerap seduai ia.\\nEnti kitai mudik nengah aie sungai siti , bisi kitai meda tusun tugung batu ke di engkah seduai ia meachir-achir ari tebing sungai nyentuk ngagai tinting siti. baka ke di tusun manah nitih ke pemesai . Tang batu nya diatu nyau udah bisi berubah mimit tusun ia laban ke bangat udah lama. Enti suba ko sida ia, batu ke ditusun tu ulih di peda berintai manah, tang diatu nyau ambis di balut kayu tumbuh enggau tanah. Uji kitai berunding ke enda patut ga batu nemu nusun diri empu bakanya. Ukai nya mit batu diak, laban aku ( penulis) pan bisi meda enggau mata diri empu kia, lebuh ke ngemai bala mansik jerita tu.\\nNya meh, cukup enda masuk runding kitai mensia ke baruh ari tu meh semua pendiau duai madi tu ko jerita. Mayuh mega utai ke nyelaie di kereja seduai madi tu sekumbang ke idup ari mula mata menchelak sampai ke seduai ia nyau bujang raya. Tang aku (penulis) enda ulih nusut ke kita lalu nyidi sampai ke silik semua pengawa seduai ia. Laban pengingat sida ke nusui ke aku tu enda ga sampai silik bendar, tak semuti ke bepunggang-punggang mit, tang kekadang enda ga temu ujung enggau pun.\\nKitai ga sama nemu, umba ke anak petara segi mayuh utai ke nyelaie ulih di kereja seduai ia. Indah enda kitai ke ngembuan tulang mensia ke baruh ari ga bisi penyelaie, anang agi seduai dua tu ke segi ada berantu. Tentu ia lebih agi.\\n2.1 Sangor enggau Apoi begiga ke ulu Bukit Beluai\\nNya meh keno ko jerita, bisi ari siti, seduai ia madah ngagai apai seduai ia ka nurun begiga ngelawa menua tunga ke ulu Bukit Beluai. “Nyadi kami duai tu apai, kira ke ka nurun begiga, nuan tinggal ditu apai, enggai ke nuan enda dapat bejalai jauh”pia deh ko Sangor bejaku. Laban mayanya, apai seduai ia segi nyau udah tuai. Sangor enggau Apoi pan udah bujang rana-rana.\\nNyadi Darung tu segi nadai ga ati ka enggau laban ia nemu diri empu ke enda ulih nipak tulang anak petara dua iku nya. Nadai ia ulih bejalai laju baka seduai nya. “Barang ko seduai meh anak, seduai ga anang bangat lama ninggal ke aku, aku nyau enda tentu pengerai” pia deh ko jaku Darung ngagai seduai ia tadi. Seduai madi nya tadi lalu ngemas meh perengka diri kena beratur ke ka nurun begiga.\\nNama agi deh, udah tembu seduai ia pan lalu nurun be entunda –udi nitih ke pangan diri nengah tinting, ngulu aie, ambis munggu di titi. Bejalai keno ko jerita seduai tu sehari-harinya tadi, kekadang siku dulu, siku ga dudi. Tang seduai ia lalu bedau tetemu ke jelu ke ulih di bai seduai ia. “ Akai dai…ah..nama meh menua tu tak nadai jelu adi?, burung pan nadai di peda terebai” pia deh ko tudah Sangor bejaku enggau Apoi. Tudah Apoi tu tadi enda nyaut, nyangka ia tu tadi pedis ati kini. Bejalai ngenyauh nya, tang nadai ga utai ulih. Nyumpah dalam ati meh ia tu.\\nIa meh ari pan udah belabuh silau, seduai ia lalu duduk nunga pun kara siti. Di perati ke seduai ia pun kara nya, nadai ga burung di peda. Besai amat pun karanya keno ko jerita, Apoi lalu bejaku “ Bakani tu deh aka?, hari nyau ka ga malam. Uji tua niki pun kara tu. Uji peda nuan ba dan ke besai nyin, ulih nyin endur tua gali ngenduh ke diri” pia deh ko tudah Apoi nengkadah sereta ngelilik dan kara ke di padah ke ia ngagai Sangor.\\nSangor lalu malik ga ngagai dan kara ke di tunjuk ke Apoi. “ Apu..amat nya, tau amat nya endur tua diau ngenduh, alau meh tiki ulih tua” ko Sangor ga nimbal Apoi tu tadi. Nya meh seduai ia lalu betiki ke pun kara nya tadi. Niki meh seduai tu tadi sambil ke bepegai ba randau kara nitih ke pengelancat jari diri meh. Kekadang ama ya engkechit ga seduai ia ngagai dan siti ngelawa dan siti. Ia meh udahnya seduai ia pan lalu datai ba selepak dan ke dituju.\\nApoi enda jugau amat, datai ba dan nya ia lalu ngali ke diri. “ ahh…nyamai amat ga gali..uhh..nasib bisi pun kara tu neh” ko ia bejaku enda inggar . Tudah Sangor tuchum meda ulah madi ia ke ngeliat gali ba selepak dan kara nya. Sangor lalu belabuh ngidup ke api ba keruang dan kara nya. Di idup ke ia api keno ko jerita, dinga tak merak utai ari dalam batang kara. “ oiiiii…sapa kitak, nama tak nunu rumah aku, padam ke…padam ke api nya!!!” pia deh ko orang didinga seduai ia. Tudah Apoi ke gali tadi, nyau tekenyit. Asai ke ka teberurut labuh sepi ia. nasib bisi anak randau kara ke mesai betis endur ia bepegai. Asai ke ka runtuh atau. Lalu di purus ia dada belubah-lubah.\\nTudah Sangor ke ngidup ke api tadi pan sama mega tekenyit. Ni enda deh, tak bisi nyawa orang merak. Beguai-guai meh ia tu tadi ngererak unggun api ke baru deka mau. Di gilik-gilik ke seduai ia pala, pending di singit-singit ke seduai ia, nadai ga bisi ninga orang bejaku baru. “ Sapa enda nya kini?” ko Apoi nelai Sangor. “ Enda nemu meh, tua ga sama nadai meda tubuh, enti ia antu, lain munyi jaku ia, nadai antu bejaku munyi nya, tang enti ia mensia nyau di peda ga tubuh” ko Sangor nyaut madi ia. “ Eh..bakani ko munyi jaku antu deh aka, nuan tak ngenemu kediri, kemaya meh nuan kala berandau enggau antu” pia deh ko tudah Apoi nimbal seraya ke enda puas hati, ninga nya ukai antu ko Sangor madah ke ia. Sangor tu tuchum-tuchum enda entu udu, laban ke agi tekenyit, tang laban ia tak geli ati ninga Apoi ke nimbal ia munyi nya.\\nUdah seduai ia ke ninga orang merak seduai ia nya tadi. Seduai ia sama bela malik pangan diri. Tang seduai ia nadai agi ga betanya ke pengirau ke bisi dalam ati. Semina diri empu aja meh ke nemu maya nya. Seduai ia enda berasai lalu ngali ke diri. Ipak ke segi udah lelak laban ke bejalai sehari-harinya. Nya meh ko jerita, lebuh ke tinduk jenak, diak deh Sangor bemimpi betemu enggau apai tuai orang siku.\\nDalam mimpi ia , diak ia meda apai tuai nya apus tubuh bebulu baka burung peda ia. Bisi sayap, mulut baka mulut burung, mata baka mata burung, besayap, semina tubuh ia aja ke agi bisi rayuk kitai mensia.\\nApai tuai nya lalu bejaku ngagai ia. “Eh…deh Sangor, nama meh seduai dek ngidup api ba rumah kami, nasib aku meda, enti enda mati kami serumah kena tunu api dek, tang enda ga aku bangat pedis ati iga,laban seduai ke segi enda nemu” pia deh ko apai tuai nya bejaku. “Nadai meh kami duai sengaja aya, gak pun kayu ke di peda kami duai. Nadai meh kami duai nemu tu rumah kitak”ko Sangor nyaut dalam mimpi ia.\\n“kami duai menyadi tu aya ka nurun begiga, tang nadai ga bulih. Anang ke jelu besai, Burung ke mit mamau nya pan nadai dipeda” pia deh ko Sangor bejaku baru enggau apai tuai ke bebulu baka burung dalam mimpi ia nya. “Apu..nadai nya ke tusah ke duai dek. Enti bisi nasib manah pagila -lusa, bisi meh seduai bulih jelu” pia deh ko apai tuai nya nyaut Sangor. Nya meh kepuas-puas seduai ke bejaku dalam mimpi nya ko jerita, apai tuai nya lalu madah ke Sangor ngasuh ia dani laban udah ka tawas pagi. “ Dani nuan igat Sangor, dani seduai dek..pagi hari” pia deh ko apai tuai bebulu nya.\\nNya meh ko jerita, Sangor lalu tedani, lebuh ke dani nya diak ia nemu duai menyadi nya tak gali ba ruai orang. Tudah Apoi laban ke enda nemu utai ulu-ili agi engketut majak bekuruh. Sangor lalu beguai negu kaki Apoi, “ Adi….adi..dani, angkat. peda nuan deh…”pia deh ko Sangor bejaku ngerak madi ia. Lengka ke kitai dulu cerita duai madi tu ke dani tumu pagi nya.Laban bisi siti jerita ke bisi besangkut paut enggau Aya Bunsu Burung ke di peda Sangor dalam mimpi tu, kira ke kitai udah tepejuh becerita ke Bunsu burung tu,\\nEnti kitak bisi ingat sereta nemu jerita tuai Utik ke alah di Terusan menya. Bisi sida nusui ke aku, jerita Bunsu Burung ke nulung bala Utik ke benama Timbang ngelalai ke diri ari di bunuh munsuh bansa Murut kelia. Ambi ke kitai sama bela nemu, nyangka meh Timbang tu enda tentu jelai rita ia, Tang ko jerita, semina Timbang enggau Utik aja sida ia ke seperau ke agi idup lebuh bansa Murut kelia betimbak , bepantap enggau sida ia.\\nLaban bala sida ke seperau mayuh udah mati kena timbak bala munsuh, Udah nya lalu terjun ga Timbang ko jerita ka dalam ai. Lalu iya kena timbak bansa Murut kena ba jumbal burit. Tang iya benasib laban agi dapat berarat nitih ke alur aie, lalu ditumbok munsoh ngena sangkoh lalu kena ba betis tang semina bakal aja. Iya lalu mupok ngidup ka diri berarat berari- ari.\\nNyadi tudah Timbang ke ngidup ka diri berarat nya tadi lalu sangkai ba tebing lalu niki pun rian ke repa bendar dibalut randau raka. Nyadi bala munsoh agi majak begiga nitih ka iya, tang sida iya enda tetemu ka alai iya belalai ba rampu randau raka di puchok rian. Nyau udah pulai bala munsoh, lalu nyau ka lama iya udah nat ka diri dia, endor iya lalu tepeda ka siko burong ti besai bendar benong ngindang puchok rian ke alai iya belalai nya tadi. Umor iya nadai kala meda burong bangat ngemesai nya. Bakanya ko jerita ia, sida ke nusui ke aku(penulis) madah ke Bunsu burung tu segi suah nulung orang ke tusah ba menua Lawas tu agi kelia.\\nMayuh mega bala aki ini bansa Lunbawang ke nguan menua nya bisi di tulung Bunsu Burung tu menya. Tang laban diatu sida tu ke nadai agi beguna ke pengarap lama, nya meh ke ngasuh cerita tu nadai agi di kenang orang ke baru. Nyau nampung baru meh kitai ngagai seduai menyadi tu Sangor enggau Apoi ke tinduk di ruai Bunsu Burung.\\nUdah Sangor ke bejaku ngerak Apoi tu tadi, ia pan lalu angkat sambil ke nguap-nguap entepa ke lengan ia ngeliat. “Ahhhhh…eee..nyamai mai tinduk , jenak amat.”pia deh ko Apoi empai bangat ulih tebuka bendar leka mata. Ia segi empai nemu utai ulu- ili. Nya meh Sangor enda liat meda Apoi ke agi mengkang bungau tinduk nya, lalu di tempap ia belakang Apoi, di gusak ia tubuh Apoi. “ Eeee…nuan tu, peda dek deh…uji penchelak ke mata, enti nuan bisi meda utai ke di peda aku” pia deh ko Sangor bejaku baru.\\nApoi ke agi luga-luga nya tadi lalu muka mata, diak meh ia merening lubah-lubah utai diak. Nya baru ia nemu diri ke tinduk ba ruai rumah orang. Di kusuk ia mata, asai ke enda pecaya. Kusuk ia agi ga mata, sama baru ga utai di peda. Nyau di tempap ia kuyu, di cubit ia isi, berasai ga angat. Ukai mimpi meh tu, pia deh ko ati ia.\\nEnda lama udah nya, pagi pan nyau kerebak tawas, dinga nyau richuh-rami bala mensia pansut ari bilik diri. Panjai amat rumah orang diak peda seduai ia. Bisi ga ati seduai ia bejaku kediri, kini meh orang tu nyau terebas mupuk, rumah tadi ricuh diatu nyau puang, sunyi.\\nEnda lama udah nya, dinga orang bisi ngagau ari bilik “ Igat Sangor, Igat Apoi….enti duai dah dani tama kebilik kitu seduai, makai kitai. Seduai ari kemari lalu enda makai , lalu igat…kebilik kitu” pia deh ko munyi nyawa orang lelaki dinga seduai ia. Seduai ia pan lalu angkat begadai-gadai, lubah nyingkang nuju mua pintu. Pintu di buka, seduai ia pan lalu tama kebilik. Lebuh ke mansa bilik besai nya meh seduai ia meda, ambis dinding enggau lantai di balut taik. Ga bilik nya peda seduai ia ukai nya beramu ke kayu, semina ke betungkus enggau daun babas mati, enggau rangkang kayu aja. nadai enda ngenyai enggau ngamahnya rumah nya peda seduai ia.\\nTang seduai ia nadai bemunyi, nadai bejaku, malik pangan pan enda. Nyangka tak semina dalam ati meh seduai madi tu nimbang semua utai ke bisi di peda. Datai seduai ia di dapur, diak meh seduai ia lalu tepeda ke apai tuai siku, nyau penuh bebulu baka burung ngapus ke tubuh. Nya baru Sangor nemu apai tuai nya ke betemu enggau ia dalam mimpi. Tudah apoi nyau rangap-rangap meda utai ke ngenyelaie nya. Palik seduai ia baru ke tisi, peda seduai ia indu siku ke sama bebulu apus baka apai tuai nya tadi. “ Duduk igat, duduk kitu. Makai kitai, nya bini aku igat, kemari ia bisi meda seduai bejalai neresa kampong” pia deh ko apai tuai nya bejaku. “ Au meh aya, ga segi udah tama, kati ko enda deh”pia deh ko Sangor nyaut.\\nLebuh ke ka duduk nya tadi seduai ia sama bela nadai bemunyi, ukai nya baka ke bisi tikai ke manah deh. Suntuk-suntuk pan langkau sida di Bukit Beluai din, enda meh nadai tikai. Tu, anang ke tikai, nyu belapik ke sumbuk taik. Ka pan enda, duduk meh. Umba ke perut segi lapar. Maya ke meda pemakai diak, seduai ia sama alit ati berati ke utai ke di empa. Macam-macam buah ke diempa bisi diak. Nadai kala meda buah ngemayuh nya. Nemu nya berachun, nemu nya enda, empa aja meh, gak urang nyendia.\\nUdah sida tembu makai pagi nya, apai tuai nya lalu ngemai seduai ia pansut ke ruai. Datai di ruai sida tiga sama duduk diak. Seduai madinya tadi semampai berati ke ulah apai tuai ke nyelaie nya tadi. Udah ke duduk diak deh apai tuai nya bejaku baru “ Tu meh menua kami igat, aku meh ke betemu enggau nuan dalam mimpi demalam, nasib aku meda api ke di idup ke nuan demalam, enti enda udah angus rumah kami tu” pia deh ko apai tuai nya bejaku. “ Nya meh aya, minta ampun laban ke enda sengaja” pia deh ko Sangor nyaut. “ Kini ke bala kitak serumah bukai ke nyau richah rami terebas angkat pagi tadi deh aya?” pia deh ko Tudah Apoi nanya. Ari tadi ia ka nemu,tang nadai peluang ka betanya.\\n“Segi baka pengidup kami ditu nya igat. Enti siang turun kami begiga ke pemakai, kami ukai nya nemu bumai baka anak mensia deh, enti lemai baru kami pulai ninduk kediri. Bakanya meh pengidup kami” pia deh ko timbal apai tuai tu tadi.\\nNya meh ko jerita, hari betukar hari, malam beganti siang, enda berasai deh seduai madi tu tadi udah bangat lama diau ba menua Bunsu Burung. Seduai ia mayuh belajar ke bansa buah ke tau di pakai sebelah kampung jerung. Belajar ke penti pemali. Mayuh meh utai ke di pelajar ke seduai ia diak. Enti di kenang kitai cukup ia panjai.Enda alah di rintai ke kitai magang-magang. Enti di tusi kekitai, nyu enda nemu apus. Ka pan enda lengka ke kitai dulu cerita seduai menyadi tu ke diau enggau Bunsu Burung tu tadi. Kitai lalu ngenang apai seduai ia Darung ke tinggal di langkau sida ba Bukit Beluai…….sesempa rampang pinang……\\n2.2 Pemarai Darung\\nNyadi kitai ngenang Darung ke tinggal kediri ba langkau sida menyanak ia kediri-diri bangat tusah ati. Lelengau ke seduai menyadi ia ke udah nurun begiga keno ko jerita. Laban ke kelalu lama seduai madi nya ninggal ke ia. Diak deh ia ngasai ke seduai madi nya tentu tesat enda ulih pulai agi. Nyangka nya udah mati ikak, mati lapar, bunuh antu kini, rekak jelu kini. Ia pan enda nemu. Nya meh ke ngasuh ia balat tusah ati. Kekadang makai, kekadang enda meh tudah tuai.\\nNyau genap ke berapa tahun ia tinggal kediri ko jerita. Diak deh Darung nyau ngingat ke niang bini ia ke parai lesap menya di aie wong ke dikumbai orang Wong Supang ke diatu.Nyadi pagi siti, diak deh ati Darung nyau nungkat tekenang ke bini ia Supang suba ke mati ba Wong . Mati lesap nadai di peda. Sepengudah ke nyau manggai ke ka 20 lebih tahun bini ia ke udah mati lesap. Dia deh ia nyau berasai seilu-ilu tudah Darung ko jerita.\\nNya meh ke ngasuh ia pagi nya enda berasai nyingkang ke kaki ngulu aie tunga ke jalai Wong Supang tu. Ia pan enda nemu, nama ga kebuah ia tak ngingat ke bini ia. Ngelama tu ukai ga enda ingat, tang laban bisi seduai dua madi nya nyadi ke tawing ia ngidup kediri, nya ke ngasuh ati ia teperindang mimit. Tu nyauka keberapa tahun seduai madi nya udah ninggal ke ia kediri. Enti sebulan dua enda ga ia bangat ngenusah nya.\\nNya meh ko jerita, lalu nyingkang meh tudah tuai belubah-lubah betungkat ke kayu siti. Umba ga segi udah tuai, kaki pan nyau tusah ka nyingkang bai bejalai. lalu mupuk meh ia bejalai sehari-harinya. Nyau ka silau baru ia datai ba kaki Wong Supang. Datai keno tudah tuai ba kaki Wong, ia lalu nuduk kediri ba tugu batu sigi ke umbas ia pemesai. Diak deh ati ia tu tadi berasai seilu-ilu, ngingat ke niang bini ia ke bediri ba tugu batu nya kelia lebuh ke bebaca ke sampi ngagai petara . Enda berasai ga aie mata tudah tuai labuh beterenjui ngemasah ke kuyu ia. Nyau sirut-sirut deh sintak insak sabak ia tu tadi. “ Ni meh nuan ambai, nyangka meh semengat nuan bisi meda aku…..tu meh aku datai baru, datai lelengau, ngabas nuan. Nyangka icha nuan ke bisi meda pengerawang ati aku ke tusah, sekumbang nuan udah ninggal ke aku” nyangka pia meh ko tudah jaku dalam ati Darung lebuh ke nyabak ke diri diak.\\nNya meh Darung lalu beserabana kediri ketinggal di menua, bini nadai, anak pan nadai. Mayuh meh utai ke di pansut ke ia lebuh ke bejaku nunga tugu batu besai nya. Nyau kurus deh tubuh tudah tuai laban ke sakit sereta umba ke kurang makai ngelamatu. Sakit tusah ati meh nya. lebuh ia ke nyabak duduk ba atas tugu batu nya ko jerita, lama ia enda nginsit angkat, bisi ka betahun ga ia enda angkat ari batu nya ko jerita. Nya meh kebuah tugu batu sigi nya sampai saritu agi ngeruang dalam. Nyau baka keruang Kali. nya meh bekau endur Darung duduk menya. Diatu batu Darung tu ko jerita bisi di temu orang tunga ke menua Entabai ke bisi di sebut orang batu ke baka kali.\\nKebuah batu nya ngelunggang ke sepiak menua, laban ko tusi sida ia menya di tikau ke Sangor enggau Apoi, laban ke pedis ati enda sempat meda pemarai niang apai seduai ia menya. Nya alai batu nya terengkah jauh ko jerita di tikau ke seduai ia. Nya alai bukit ke endur batu nya terengkah di kumbai orang bukit Jipun, laban kitai iban sepiak menua Entabai ke tebal agi ngagau ke kali tu jipun. Amat bisi diak batu ngeruang baka kali. Nyangka nya amat kini, nyangka nya bula kitai sama enda nemu, laban tu ke cerita di tampung ari turun nyau ka berapa serak.\\nTang bisi ga siku tuai Lunbawang ke benama Lasung ( diatu agi idup) ke madah ke aku ( penulis) empa pengeringat seduai madi tu menya , lalu di kempuk seduai ia tanah menua nya, lalu di tikau ke seduai, nya meh ke ngasuh tanah nya tadi terengkah di tasik besai lalu nyadi pulau nyentuk ke saritu. Siti pulau ke nyadi lalu beberita ianya Pulau Labuan. Nya alai Pulau Labuan enda jauh entara Lawas enggau Limbang ko sida ia nusui laban nya tanah indu gumpal hari jari seduai ia suba. Pulau ke bukai nya tanah ke pecah tepambar .Nya meh ke ngasuh menua nyin enti peda kitai ba peta topografi Sarawak\/Borneo mayuh pulau ke mit-mit. Laban tanah tu suba bisi tepambar pecah lebuh ke tepangka ba gelombang tasik Laut China Selatan.\\nNya meh keno ko jerita sida ke madah ke aku(penulis) pemarai Darung tu nadai tentu bebatang cerita ia. Bisi sida ke tuai ba menua nya madah ke Darung tu parai laban ia munuh diri, terejun ari Pun Batang Embawang ko jerita udah ia ke pulai ari Wong Supang. Bisi ga madah ke ia terejun nya suba, ketegal ke tusah ati laban ia nganti pemulai Sangor enggau Apoi ke lama mindah nadai temu berita. Nyadi pun Embawang ke endur ia terejun nya kelia ko sida ia amat besai pun ia. Nadai pun Embawang bisi ngemesai nya ba baruh ari tu.\\nEnti suba, agi kelia. Agi takut bansa Lunbawang ( Murut) ba menua nya niki pun embawang ke bisi tumbuh ba emperan Bukit Beluai ko jerita. Laban sida ia takut ke di ju’ ke antu Darung. Tang diatu nadai ga agi bakanya, laban bansa tu ke baru diatu udah penuh enggau pengarap baru. Laban ketebal agi bansa Lunbawang tu udah masuk pengarap Kristian SIB.\\nLalu bisi ga sida nya madah ke pemarai Darung tu tadi, mati ketegal ia ke nating kaki ia enggau batu ko sida ia. Ia terejun ba lubuk siti ke cukup ia penalam, lubuk nya agi ulih di peda kitai enti mudik ari pendai sida ba Tang Sangor ke diatu. Lubuk nya mayuh baya ko sida ia. Enti kitai merati ke lubuk nya, enti maya aie besai. Balat amat pusin ulak aie diak. Suba kala orang karam mudik aie terusan ba lubuk nya diak. Keno ko jerita, maya agi perintah pegai Sultan Brunei kelia, mayuh bala Raja Muda enggau bansa Murut empu ke taluk ke Raja Muda datai nyerang bala Lunbawang mati kena penyakit cacar aie ba tahun 1904 enggau 1905, ko sida ia.\\nBala Raja Muda ke datai ari Brunei ke nyerang tu bemalam ba tebing lubuk tu, niri ke langkau. sida ia bisi bepanduk ke aie enggau asi ngena aie ba lubuk nya. Laban ke sigi bisi sumpah lubuk nya ko jerita. Enti kitai bisi ati jai, lubuk nya nemu. Sida ia mayuh mati ketegal ke mutah darah enggau cirit. Mayuh mati rambau nya kelia. Nyau bau but aie Batang terusan kelia jamah penyakit nya ko jerita. Nyau beribu-ribu iku mensia mati nyengkaum bansa Lunbawang empu.Ka amat orang tuai besebut ke jerita tu suba. Lebuh penyarut nyadi bala Raja Muda ke bekayau mulau bala Lunbawang kelia ba ulu Terusan , semua rayat Lunbawang maya nya bisi ka nyerangkun 17000 ngagai 20000 iku nitih ke pansik Pegawai daerah mayanya. Udah penyakit tu nyadi, semina ka lebih kurang dalam 5000 iku aja Bansa Lunbawang ke agi idup ba tahun 1907. Nya meh sumpah ke agi nyadi pengingat bansa Lunbawang sampai ke saritu.\\nNya meh nyau pulai ngagai pemati Darung tu tadi, bisi ga sida madah aie terusan enda nemu langkang taja kemarau panjai beratus tahun. Ko sida ia. Laban aie mata Darung bisi nulung nambah ke aie batang Terusan tu. Keno ko jerita, aie mata Darung tu meh ke ngasuh ai Batang Terusan nemu chiru ko sida ia. Tang nyau ke dudi diatu, pedis amat ka meda aie Batang Terusan chiru, nyangka meh sumpah tu bangat berubah laban ke udah kelalu lama nyau ka berapa serak peturun sampai ke sari tu. (Minta ampun meh ngagai bala mensia ke agi Idup ba Batang Terusan ke diatu nyangka meh cerita tu bisi ngachuk pendiau kitak ke agi mengkang nguan menuanya, tang ambi ke bisi di kenang kitai nyentuk ke ucu ambu kitai ke ila).\\nKira ke di lengka kekitai meh kenang pemati Darung tu menya. Laban kitai agi ngenang Sangor enggau Apoi ke agi diau ba menua Bunsu Burung, udah bekau seduai ke tinduk ba pun Kara lebuh ke nurun begiga………\\n2.3 Sangor enggau Apoi Pulai ke Bukit Beluai\\nNyadi lemai nya, bini Bunsu Burung pulai ari ke begiga pemakai. Ia ke pulai tu tadi lalu beguai-guai tama ke bilik. Nyadi tudah Sangor benung kiruh ngelalin gelegar rangkang kayu ba bilik besai. Apoi enggau Bunsu Burung benung duduk ngeraut wi ambi ke dikena Sangor ngelalin.\\n“Igat…oo..igat Sangor..ka enda mesti madah meh aku ke seduai, bisi penusah nuntung apai seduai dek ba menua din. Pulai seduai dek, anang enda. Din baru seduai nemu enggau silik nama penusah ia” pia deh ko bini Bunsu Burung bejaku. Nyau rapas-rapas deh jaku tudah tuai laban ke bedau lelak. Udah bekau ke mindah sehari-harinya. “ Au meh ibuk..pulai diatu kami duai enti munyi nya” ko Sangor nyaut. “ Eh.. bakani seduai ka mupuk diatu igat, ari nyau ka malam. Manah agi seduai mupuk pegila” pia deh ko aya Bunsu burung bejaku nimbal Sangor, ninga seduai ia ka mupuk tekalanya.\\nNya meh ko jerita, semalam-malam nya meh seduai ia enggai nyadi tinduk, pejam ke mata enda ga ulih. kalih kiba-kalih kanan, enggai ga nyadi lelap.Seduai ia ngutuk diri dalam ati ketegal ke enda ingat ke apai seduai ia di menua. Tu nyau ka berapa tahun baru seduai ia sedar, baru seduai ia nemu penyaie runding seduai ia bangat sampai hati ninggal ke apai seduai ia ke udah tuai kediri di Bukit Beluai. Chukup panjai malam sepi seduai ia, enggai apus-apus.\\nKelama-lama hari pan kerebak pagi, seduai ia pan lalu nyimpul perengka diri kira ke ka beratur mupuk pulai. Nya meh Bunsu Burung lalu bejaku, “ Kingat ke magang semua utai ke diajar aku ke seduai ngelamatu, padah ke ngagai anak mensia, anang bemunsuh enggau kami bansa burung, enti mensia munuh kami, ila kami bebalas makai utai ke di tanam sida ia”pia deh ko pesan Bunsu Burung. “Siti agi igat, enti seduai nuan pulai lagi anang malik ke belakang, enda ibuh nemu utai ke ka nyadi, aku ulih nganjung seduai . Alau meh nepan ba belakang aku” pia deh ko padah Bunsu Burung ngagai seduai ia.\\nLalu nepan meh seduai ia ko jerita, dia deh Bunsu Burung lalu terebai ngelayang ngelindung remang. Entepa ke ia sayap dinga nyau begugu, seduai menyadi tu tadi nyau penapat-rat meh bepegai ba belakang Bunsu Burung. Terebai meh ko jerita sida tiga tu tadi enda lama udahnya lalu datai ba Bukit Beluai. Datai diak seduai ia lalu di engkah ke Bunsu Burung ba mua langkau sida ia. “Igat..angka tu meh kitai ulih betemu, kati ko enda deh, ga igat Apoi tadi bisi malik ke belakang lebuh kitai ke ngejang, sampai ke ila enda meh ulih bala anak mensia meda menua kami,”pia deh ko Bunsu Burung bejaku. Nya meh tudah Apoi bisi berasai salah amat laban ngelanggar janji Bunsu Burung. “ Apai seduai dek udah nadai igat, ko ibuk nuan nusui ke aku demalam. Tang ia enda sampai ati madah ke ba mua seduai, tat ke meh ati seduai igat, udah tu lagi mupuk seduai di ngelawa Wong ba ulu sungai tu, ambi seduai nemu nama utai ke nyadi” pia deh ko ia bejaku baru.\\nEnda lama dah nya Bunsu Burung lalu madah ke diri mupuk, ia lalu angkat terebai entachang tunga ke langit besai. Nya alai sampai saritu bansa Murut enda ulih meda menua Bunsu Burung agi ko jerita sida ke Tuai laban ari sumpah Bunsu Burung empu. Nyangka meh siti-siti bansa enda sama cerita ia, minta ampun meh ngagai kitai semua, laban dalam jerita tu ke segi di tusui bala ke di sidi aku(penulis) madah munyi tu.\\nNya meh ko jerita, lalu nyau meh seduai madi tu tadi mai ati tusah, baban, ringat, ringat kediri ke enda ulih betemu enggau apai seduai ia ke udah parai. Ninga aja parai tang bangkai nadai di peda. Mupuk meh seduai ia nadai bejaku, nadai bepalik pangan nuju ngagai aie wong ke di padah ke Bunsu Burung nya tadi. Lebuh ke bejalai tu tadi seduai ia sama bela nyabak dalam ati. Aie mata ke aja beterenjui labuh. Kekadang di dinga ga sintak sirut sabak siku-siku. Sama bela bakanya. Sinu amat ga meda pendiau seduai ia. Kaki ke nyingkang pan asai ke enda nujah tanah, naka meh penusah ati seduai ia. Mua mata apai seduai ia sekumbang ke idup seruran bemain dalam runding enggau ati seduai ia. Asai ke enda pecaya, pia meh ko jaku.\\nNama agi deh, lebuh ke datai ba aie wong nya tadi. Diak pan hari nyau hujan naka ngelebat-lebat nya. Dunya nyau petang kena lindung remang ke berat chelum ngelintum nambun leka hujan ke chukup pemesai. Langit nyau begugu, kilat nyau nyepar mangka sebelah selepak bandir kayu. Kudi amat meh hari mayanya. Nyangka nya nemu kini penusah ke nuntung duai madi nya. malik seduai ia ngagai batu ke dugu-dugu besai ba puak kaki wong nya, peda seduai ia nyau ngeruang batu nya laban ke udah bekau niang apai seduai ia duduk lama nganti penatai seduai ia.\\nNya meh ko jerita, naka pemedis ati seduai ia ngagai diri empu, lalu angkat seduai ia sama nanggung ari sepiak-sepiak batu nya. Di tanggung seduai ia batu nya tadi lalu di ayun-ayun ke seduai ia sereta, nya meh ngasuh batu nya tadi nyau lanjut bepending tuchi-uchi baka pending kali ko jerita. Lalu di ayun tikau ke seduai ia naka pengering diri meh nya. Peda tak lapu-lapu batu nya ko jerita melayang ke langit datai ke enda di peda agi. Batu ke di tikau ke seduai ia tu tadi ko sida ke tuai lalu terengkah naka penyauh ngelawa bagi menua Sarikei di Batang Entabai.\\nNya alai, munyi ko ke dipadah ke aku (penulis) ba ke dulu agi, batu nya terengkah ba siti bukit ke di kumbai orang Bukit Jipun ke diatu. Laban orang menuanya nyebut kali, Jipun. Diatu agi meh bisi batu diak sebaka amat baka kali tauka jipun. nya meh alai Bukit nya di kumbai orang Bukit Jipun. Laban seduai tu segi anak petara, uji kitai berati ke pengering seduai ia, berapa jauh menua bagi Sarikei ari Menua Ulu Terusan Lawas. Tang ari segi pengamat tauka enda, kitai sama enda meh nemu. Nyangka ba menua nya ke bisi lain ga cerita ia. Tang aku (penulis) nitih ke di padah ke orang ke nusui ke aku meh.\\nNya meh tadi nyau nampung ngagai seduai madi ke enda puas hati tu, umba ke segi agi ringat, Lalu di kempuk Sangor tuku tanah naka pemesai-mesai ko jerita, lalu di tikau ke ia ngelawa tuju tasik besai diatu di sebut kitai Tasik China Selatan, dinga nyau merentum tanah nya tadi labuh, tepambar ba gigi aie tasik. Nyadi ko sida ia, tanah indu ke besai lalu mansut ke siti pulau ke di kumbai kitai diatu Pulau Labuan. Nya alai, Pulau Labuan Cun-cun ba entara Limbang, Temburong (Brunei) enggau Lawas. Nya alai bala Lunbawang kelia ke peturun ari bala Tuai Labu Danur nyebut Pulau nya Pulau Labu’an, ko jerita. Laban sida ia agi ingat amat ke tanah nya suba segi tanah di ambi ari Ulu Terusan suba ke di sebut Sungai Labu nitih ke nama ketuai sida ia. Nya meh kebuah aku (penulis) ke nusui ke kitak jerita tu ari pun amat laban ia segi besangkut paut. (Minta ampun ngagai bala kitak ke asal ari Pulau Labuan nyangka meh jerita tu enda sebaka enti nunda ke sejarah menua kitak jam ke diatu, laban utai tu nyadi dulu ari batang tubuh kitai ke menchelak baka ke baruh ari kediatu)\\nNama agi deh, nyabak nadai meh guna, bedarah leka mata nadai meh tuju agi. Ukai nya ulih idup agi ga apai seduai ia. Bendar meh seduai madi tu ko jerita nyabak diak. Pengujung seduai ia ke nyabak seduai ia lalu berunding begaga ke tanda pemati apai seduai ia Darung ambi ke pengingat seduai ia. Seduai ia lalu nempa batu dua igi baka rumah lalu di anjung seduai ia jauh ngelawa ujung menua ke diatu di kumbai orang menua Long Semadoh. Batu nya nyadi ketanda pengingat niang indai enggau apai seduai ia ke udah lama ngejang. Nya alai diatu kitai agi ulih meda bisi dua igi batu ba sukut menua Long Semadoh bisi dua igi batu besai baka rumah. Bedau sampai ke diatu.\\nTang bisi ga Murut ari menua nyin madah ke batu nya ukai batu kelai sangor enggau Apoi, nya batu nyadi ari dua buah rumah panjai ke betukar nyadi batu sepengudah sida ba rumah nya ketawa ke jelu tupi indai tuai siku. Tang di tasat aku ( penulis) nadai entu nyengala ga cerita batu nya. Tang enti kitai kia ke, segi amat bedau batu nya nyentuk ke sari tu, sebaka amat enggau tempa rumah ke digaga kitai mensia. Tang nya nadai pulai ke pengirau kitai laban utai tu munyi ko aku ke dulu segi udah bisi sebedau pendiau kitai idup nguan menua nya suba. Nya alai bakanya meh ko jerita empa penyiru ati seduai ia ke di kena mantup ke kenang pengidup apai enggau indai seduai ia ke udah parai……………………..\\n2.4 Beserara ngiga pengidup\\n…………..BULAN BEGANTI BULAN, TAHUN PAN NYADI, SIANG APUS BEGANTI MALAM, UDAH ARI SITI, DI GANTI GA ARI SITI………….\\nSeduai madi tu tadi lalu berunding enggau pangan diri. “ Adi..asai sepi aku, chukup meh maya tua tu ngatur pendiau diri. enda meh tua tu ulih begulai baka tu belama, uji tua mai kaki diri begiga ke pengidup bukai ambi ke tua enda sunyi” pia deh ko Sangor bejaku ngagai Apoi.\\nTudah Apoi ke benung duduk nunga tugung salai seduai ia enda bemunyi ninga Sangor munyi nya. Segi ulih di tangkap ia ga sagam jaku madi ia tu tadi. Reti nya ngatur pendiau diri begiga ke bini meh nya. Laban seduai ia ke segi udah lama bujang raya.”Enti nuan udah munyi nya, aku nitih aja meh aka, ka pan enda, aku enggai meh idup baka tu belama ia”pia deh ko timbal Apoi. Nyadi seduai ia ke besemaya nya tadi deka angkat nitih ke pejalai kaki diri meh. Kira ke nadai lebas meh kini tunga. Pemai ati enggau kaki ke nyingkang pia meh ko janji seduai ia.\\nNya meh pagi siti, seduai ia tumu angkat dani kira ke nyendia ke diri ke ka mutar ke diri matau menua ngiga pengidup. Sebedau seduai ia ke mupuk, seduai ia lalu beberap sinu meda pangan diri. Ukai nya kala beserara ga seduai ia kenyau ari mit menya. Dia deh seduai ia ngaga semaya, Sangor lalu ngentak ke anak kayu siti ba entara seduai ia. Ia pan lalu bejaku munyi tu “ Ukai enda udah tujuh kali bebuah kayu tu ila baru tua tau pulai ke menua baru,” pia deh ko semaya duai ia.\\nNya alai sepengudah nya, mupuk meh seduai madi tu tadi bepusin betunga belakang bekejang enda temu kini penunga, semina meh ke nitih tunga tuju kaki ke nyingkang.Nyadi keno ko sida ke nyebut, kayu ke di ujak ke seduai tu suba lama idup. Tang nyau udah tumbang laban ke di ulih ke bala Murut Tagal (Bansa Tagal ) kelia nyadi ke terabai kena belindung ke tubuh lebuh maya sida ke ngayau bala Lunbawang ba menuanya. Kayu nya kering ko sida ia, tang ukai kayu tebelian baka ke diatu. Nadai agi kayu nya ba Pulau Borneo tu diatu, laban siti aja pun kayu nya suba ke nyelaie ari kayu bukai.\\nEnti nitih ke cerita rayat bala Murut Tagal, kayu nya madi telesak kayu ke di peda kitai ba bulan di langit din. Nya alai enti kitai meda bulan ari dunya tu baka bisi pun kayu din. Bisi mega cerita sida madah ke kayu nya empu ke ba bulan din, udah lapu-lapu terangkat lalu terengkah ba bulan ko cerita tuai sida menuanya. Kebuah alai kayu nya terangkat ke bulan kin ko sida ia ketegal ke pedis ati laban Bansa Tagal ke ngambi batang ia, diak ia berasai pedis, lalu lari malam hari niki ke langit. Pia meh ko padah sida ke nusui.\\nNampung baru meh kitai ngagai duai madi ke beserara pejalai tu tadi. Ia meh ko jerita, sehari-harinya meh tudah Sangor tu bejalai ngulu aie, ngili aie, bukit tiki, tinting di titi. Semua lepak kerapa di serungkai ia lebuh ke bejalai. Lebuh ke lapar, makai ga iya buah kayu ke bisi di temu ia, laban suba ia ke kala belajar ari Bunsu Burung. Lebuh malam tinduk ga ia sebelah bandir kayu ke bisi di pansa ia sebelah rantu jalai. Lama meh ia ke bejalai tu tadi baru ia tetemu ke siti menua ke mayuh amat utai di tanam.\\n“ Apu, menua nama tu kini. Landik amat orang tu betanam ke utai neh, nyadi magang-magang” pia deh ko ati tudah tuai bejaku kediri. Peda ia semua macam utai tanam ke tau di pakai bisi magang. Ambis munggu sepiak nyau besabung ga enggau munggu sepiak. Semua utai di tanam nyadi magang-magang. lama ga tudah tuai nguji berati ke menua nya nyagka ke bisi meda ayas orang. Tang nadai ga bisi di peda ia. Hari majak lemai-selemai, nyau belabuh silau. Nadai ga orang di peda ia.\\n“Ah..dah. ni meh orang tu kini, enda ngawa bemalam dulu ga aku nganti ditu, enda alah tak kumbai orang ka ngenchuri lagi” pia deh ko ia mut-mut kediri. Ga nadai orang enggau bejaku, ka pan enda bejaku kediri meh. Lebuh hari nyau malam, Sangor lalu begiga ke lapik peninduk ia, laban sebelah menua nya ke nadai kayu ke manah ulih endur niki ninduk kediri. Semina pun utai di tanam aja ke bisi. Nama agi deh , tak ngiga jugu tanah meh endur ia nyandih lalu nyamai gali melintang tinduk.\\nLebuh ke tinduk malam nya diak deh sangor lalu bemimpi betemu enggau siku indu, bajik amat indu nya peda ia. Enti ia kala meda indai ia pan nyangka enda meh ngemajik nya pelaba ati ia. Laban ke ari mit enda kala meda mua indai ia deh. Diak deh indu nya bejaku “ Wat..Anang guai nuan ngelawa menua nya wat. Empai maya ia, ila baru nuan tau kia. Kin ke tuju nuan dulu, bisi siti bukit ke tinggi ari semua bukit ba menua tu, anang enda nuan kin wat, bisi utai ke patut di ambi nuan din” pia deh ko indu nya bejaku. “ Iya sapa nuan deh?…”pia deh ko Sangor betanya dalam mimpi ia. Baka ke nemu ga ia betanya ke utai munyi nya. “ Eh..enda ibuh nemu nuan dulu wat. Bisi maya nuan nemu ila deh. aku empu madah ke nuan ila, ba nuan anang enda kin” pia deh ko indu nya nyaut baru.\\nNama agi deh, pagi nya tumu amat ia mupuk bejalai, begiga ke bukit ke di padah ke indu ba dalam mimpi ia. Tetemu kebukit lalu ditiki ia ga, palik ia ke bukai, peda bisi ga bukit tinggi agi, nya meh ke ngasuh ia tu tadi nyau majak jauh pejalai. Mayuh munggu udah di tujah ia. Aie mayuh aie ga udah di tengah, tiap kali ia niki bukit, bisi belama ga bukit tinggi arinya ko jerita.\\nNya alai, limpang dulu meh kitai ngenang Sangor ke begiga ke bukit pemadu tinggi nya tadi. Kitai ngenang pejalai Apoi ga diatu……………………\\nBejalai meh tudah Apoi ko jerita, nadai malik kebelakang agi. Bejalai enda ngetu-ngetu. Kekadang lubah, kekadang laju mega ia. Lebih kurang baka pendiau Sangor ga ia sebelah kampung jerung. Laban umba ke segi anak petara, ukai nya bangat pedis ga ia meraka menua siti, ngagai menua siti. Lama agi kitai ke bejaku. Munyi ko jerita orang, sekelip mata aja ngaga pengawa laban ke segi berantu.\\nBejalai meh tudah Apoi tu tadi lalu ngembus ngelawa ulu sungai siti. Lebuh ke ngulu sungai nya diak deh ia tepeda ke mayuh amat ikan ba sungai nya ko jerita. Ga bebesai ikan diak. Ia lalu berunding bakani cara ka ngulih ke ikan nya. Ukai nya bisi bubu ga di bai ia. enti baka kitai ke dunya diatu nyamai meh, tak bai ke jala enggau pukat. Menya ukai nya bisi rengka bakanya deh. Nya alai lebuh ia ke berunding nya tadi, ia lalu duduk ba tebing aie sungai nya sambil ngulur ke kaki ia ke dalam lubuk siti. Lalu di ayun-ayun ke ia kaki. Lebuh ke duduk nya ko jerita jari ia nyabut urat kayu siti, lalu di pulas-pulas ke ia, lalu di tikau ia nuju puak aie, sekira ke ka meda tagup ikan ko ati ia.\\nPeda ia tak nyelaie pendiau ikan jamah getah kayu nya, nguji ga ia muai mayuh agi, peda ia nyau kechapak bala ikan baka ke mabuk. Nyau di gali ia mayuh ke agi ga urat kayu nya ko jerita. Udah ke tembu ngali urat kayu tu tadi deh. Ia pan lalu nanggung semua batu kena nekat aie ba endur lubuk nya, ambi ikan enda anyut kili ke ko jaku ia. lalu di tenchang ia urat kayu nya tadi peda tak beentali getah burak pansut ari urat nya ngejung ke ikan nyau pansut ke tisi magang-magang.\\nNya meh ke ngepun ke peturun Bansa Murut tu kelia nemu nguna tubai ko cerita sida ia. Laban ke nunda Apoi anak petara tu. Nyangka meh ba gela nama petara tu ba Jaku sida ia lain kini. Laban nama petara siti-siti bansa ke enda sama. Siti agi pekara ke di ketati ke kitai, Ba entara menua Long Beluyu enggau Ba’kelalan ke diatu ko sida ia nusi bisi siti batu ke panjai melintang baka dinding ba sungai menua nya, Bisi sida madah ke batu nya meh ke di kena Apoi kelia nyempal lubuk ke endur ia nubai ikan menya.\\nTang orang ba menua din bisi ga nyebut ukai, ko sida ia batu nya asal ari bala rumah panjai siti ke lari sambil bepegai ke jari ka nyemarai sungai, sida ke lari tu lari ari kudi laban udah ketawa ke jelu Rimau ke ulih panjuk. Tang lebuh sida ke nyemerai nya kudi batu lalu mangka sida ia, semua sida ia lalu bebali nyadi batu. Tang ba genturung pendiau bansa Tagal sida ia agi pecaya ke batu nya, batu ke di kena Apoi nyempal lubuk lebuh ke nubai. ( Aku (penulis)ukai ka ngubah runding kitak tang ukai nyebut sapa ke betul-sapa ke salah, laban tu semina cerita aja. Nyangka nya tak beumba-umba ke sama kini. Anang meh kita nganu aku (penulis) enti sema ke salah, laban aku (penulis)ke nerima tusui ari mayuh penatai siku-siku. Minta ampun aku au…)\\nAmat agi ulih peda nyentuk kediatu batu bedinding besai din melintang meraka sungai. Ba entara menua Long Beluyu enggau Ba’kelalan. Nya alai uji kitai berunding, ukai semina Bansa Murut tu bisi bepenti anang ketawa ke utai nyelaie baka jelu, dah kitai iban pan enda tau enggai ke kudi nyadi batu. pia meh ko orang ke tuai madah. Nya alai nyambung baru meh kitai ba senentang Apoi tu ke nubai tadi, naka meh pengaga ati ia deh bulih ikan bangat ngemayuh nya.\\nLemai nya lebuh ke udah kenyang makai ikan, dia deh ia lalu ngali ke diri. Baru udah ka mejam ke mata meh ia alai ia tekenyit, ninga utai tak merengong bebunyi melintang anyut ari ulu sungai nya ko jerita. Tekenyit amat meh tudah tuai, peda utai nya tak ngerayap niki begadai-gadai naka ia pemesai utai. Lama kelama semak agi ga utai nya, nya baru ia tepeda ke jagu’ chura burak siku naka ia pemesai benung merangap ke mulut, baka ke ka nagup ia. Apoi lalu angkat, besedia takut ke jagu’ nya lagi tak nyerang ia enda pe iga-iga.\\nLebuh Apoi ke bediri megai sangkuh ia ko jerita, jagu’ nya peda ia nyau segala mansau leka mata. nyau bepinar be api-api leka mata peda ia. Apoi lalu ngemerani kediri bejaku “ Oh…nama nya aya, nama meh utai ke bangat ngasuh nuan ngesah aku kitu?” pia deh ko Apoi nguji betanya. Enti baka diatu nyampau meh Jagu’ nemu bejaku ne bakih. Nya meh tadi dinga lalu bedemuh deh Jagu’ burak tu tadi lalu bejaku nimbal ia. “ E..nuan tu, bangat enda nemu ngalau ke aku ga pemakai, ambis semua pemakai ke di inang aku ngelamatu di bunuh, pakai nuan”pia deh ko Jagu’ tu bejaku.\\n“Oh..minta ampun aku aya…ukai nya aku nemu semua utai nya inang nuan deh, aku ga lapar, ni enda ngulih ke deh. Enti aku salah anang meh munuh aku tak ukum ga aku” pia deh ko Apoi nimbal jagu’ tu tadi. “ Enti munyi nya, enda ga aku munuh nuan, tang ila nama kitak dulu mungkal bala kami, bisi penulah kitak ila endur kami bebalas,” pia deh ko jagu’ tu tadi bejaku. “ Laban nuan ke minta ukum, nya segi patut. Aku minta siti aja ari nuan, uji ngiga ke aku jalai tang ukai ari pantai, aku ka ari dalam aie kena aku nyamai ngiga pemakai ke menua bukai. Ka pan aku ditu, nyu udah ambis lengis gasak ke nuan” pia deh ko Jagu’ bejaku.\\n“Au meh…aku sanggup laban ke segi salah aku, nganti dulu meh nganti aku udah ngemas diri dulu” pia deh ko Apoi nimbal Jagu’ tadi. Ia meh udah tembu, seduai ia pan lalu nyelam dalam aie din. Seduai ia ke nyalam nya ko jerita, lalu begiga ke endur ulih tetemu ke jalai endur ngerembus ke Jagu’ tu tadi ngagai aie sungai ke bukai.\\nNya alai seduai ke nyelam tu tadi di lengka ke aku dulu naka tu laban kitai ngenang baru tudah sangor tu ke begiga ke bukit pemadu tinggi……………….\\n2.5 Sangor begiga ke bukit pemadu tinggi\\nNya meh ko jerita, ambis munggu, ambis menua udah di tujah Sangor endur ia begiga ke bukit pemadu tinggi. Lalu bedau ga ia tetemu ke bukit nya. Tiap kali ia ke niki sigi-sigi bukit, tang bisi ga di peda bukit ke tinggi agi ari nya. Nya meh ia tu tadi lalu nguing nuju ujung menua ke atas kin. Bejalai meh ia tu tadi ko jerita, dia baru ia tepeda ke siti bukit ke amat tinggi, nyau nyuruk remang ko jerita.\\nDatai deh ia ba kaki bukit nya, ia lalu nuduk ke diri ba pun kayu siti. Laban ke udah ransing ati tetemu ke bukit nya. Nya meh ke ngasuh ia enda bangat tak begaut iga. “Lama laun di tiki meh” ko ia dalam ati. Laban ke bangat lelak sepengudah ia ke bejalai jauh. Diak deh tudah Sangor tu lalu ngelelap ke mata diri. Kira ke ati ia ka ngelelap ke diri enda lama meh. Leboh ia ke tinduk, dia deh ia ngasai ke diri asai ke bisi bejalai ba menua siti ke manah amat di peda ia. Menua nya chelap, mayuh mega utai tumbuh ditanam naka ngenyadi-nyadi nya. Nya meh ia ngasai ke diri baka ke kala tepeda ke menua nya.\\nBejalai meh tudah tuai tu tadi ba menua nya, diak ia lalu tepeda ke langkau siti. Lama ga ia berati ke langkau nya. Ia lalu mansang semak agi, udah nya ia lalu bisi ninga munyi orang nyabak. Sabak nya keno ko jerita, naka ia penyinu-nyinu, baka tu meh leka sabak nya dinga ia “ e….e….e..ish..ni meh nuan Sangor-Sangor, nadai ga nuan tu datai….nyau udah lama aku ke nganti, ni meh maya nuan ke ngambi,enti enda jadi enggau nuan, sanggup aku munuh diri” pia deh ko serebana sabak nya dinga ia. Sangor alit amai ati ninga leka sabak orang nya tak nyebut nama ia. Nguji ga ia ngelilik orang ke nyabak nya ari teling lubang dinding langkau nya. Dia ia lalu tepeda ke siku indu, mua rapas-rapas di peda ia.\\nLebuh ke nilik ari teling lubang nya ko jerita, diak deh ia lalu tekenyit laban ke di ketup semut kesa ba junggur idung, “akai…akai….” pia deh ko ia. Nama agi deh, ia lalu tedani ari ke lelap nya tadi. Di purus ia idung nemu nya amat bisi semut kesa ngetup idung ia. “Ngumba ga kesa tu…kitai ke agi benung rindu tinduk bemimpi…ngachau amat” pia deh ko ia mutap kediri sambil ke ngetil perut kesa nya ko jerita. Amat ga kesa nya, ngachau angin orang ke benung lela ngelilik orang indu. Isa’ ti enda mimpi. Asa amat meh ati tudah tuai tu tadi lebuh ke nemu nya semina mimpi. Nyau abis kena sumpah ia meh kesa tu tadi.\\nUdah Sangor ke tedani tu tadi, ia lalu angkat bekemas ke perengka diri lalu mupuk niki bukit nya. lalu di tiki ia bukit nya ko jerita, lama ga ia ngelilik bansa jelu enggau utai tumbuh ke di pansa ia lebuh ke bejalai tadi. Lebuh ke lelak, ngetu ga ia, lebuh tulang ke nyamai agi, sambung ia baru ga pejalai. Kira ke berasai tinggi meh bukit nya sepi ia. Mayuh ga bukit udah di tiki, semina bukit nya aja ke ngasuh tudah tuai berasai mimit bejalai.\\nNyau kelama-lama ia bejalai, ia pan lalu datai ba punjung bukit nya. Datai din ia lalu nuduk kediri. Berasai amat ga pengelelak tudah tuai. Lebuh ke duduk nya ia bisi merati ke rampa menua ari punjung bukit nya. Amat manah peda ia. “ Patut ga indu dalam mimpi nya ngasuh aku kitu, amat manah amat ga menua di peda” pia deh ko ia bejaku dalam ati diri. Tang tudah tuai tu segi berati ke utai ke ka nyadi, laban enda patut ga tuju ia ke kia semina ka meda rampa menua. Tentu bisi utai bukai, nya meh sagam ati tudah tuai.\\nLebuh tudah Sangor tu ke agi merindang ati diri ninjau rampa menua diak ko jerita, diak deh ia nyepi puput rebut nyelaie amat. Lama agi balat agi, lama agi balat agi ga pusin ribut nya ko jerita. Enda lama udah nya, gumpal ribut tu tadi nyau besai-sebesai. Di peda ia ribut tu tadi nyau begupung baka remang. Enda lama udah nya, ia lalu tepeda ke bisi utai melayang ari langit, di perati ke ia amat-amat. Ukai ga utai nya burung. Enti burung bisi ga sayap. Tu nadai ga sayap kebab-kebab peda ia.\\nLama agi semak agi, lama agi baruh agi peda ia. Gumpal ribut nya tadi seruran bepusin peda ia, enda lama udah nya , peda ia utai ke ngelayang nurun ari langit nyin tadi nyau semak agi, nya meh mata ia enda kesap-kesap merening utai nya. Udah deh utai nya nyau semak baru ia nemu nya tak siku indu ke kala di peda ia dalam mimpi. Indu nya meh ke ngasuh ia ngiga bukit nya lebuh ia ke tinduk bemimpi suba. Indu nya ko jerita lalu nerengkah ke diri bediri ba gumpal ribut ke agi bepusin tadi. Udah kaki indu nya berindik , diak deh gumpal ribut lalu baka ke di ajih ke lalu ngetu bepusin.\\n“Aih deh igat…empa pengelama aku ke udah ngirum ke seduai Apoi ada ke dunya, baru saritu meh tua betemu mua mata”pia deh ko indu nya bejaku, peda ia nyau neritik aie mata chiru nerutu kuyu indu nya peda ia. Sangor tu tadi nyau rangap-rangap enda tentu mereti ke jaku indu nya. “ambi ke nuan nemu igat Sangor, aku enda ulih lama nurun ke menua kitak kitu, laban segi udah atur bakanya, nya alai kingat ke magang semua utai ke di padah ke aku ditu lagi”pia deh ko indu nya bejaku baru. Tudah sangor agi bediri chegi-chegi merening mua indu nya. “ Sapa meh ia tu” nyangka nya pia meh ko dalam ati ia.\\n“ Anak…nyadi aku tu indai seduai Apoi menya ba menua kitai di langit din, nama aku igat enggai ke nuan enda nemu Dayang Rinai, ketuai indu di langit tinggi din. Tang suba aku kumbai apai kita Raja Rua Riong bisi gila lelaki bukai, nya ke ngejung ke aku bisi ke seduai ko ia” pia deh ko indu nya becerita ngagai Sangor. Madah baru ga indu nya tadi, “ Apai seduai nuan suba ka munuh seduai kenyau ari dalam kandong tang aku enggai, laban aku sayau ke seduai, Rari aku suba anak….ngelawa lubang batu lalu nganti diri beranak ba Wong ke di peda seduai igat Apoi ba ulu Bukit Beluai. Diak meh endur Indai seduai nuan Supang mati lesap ketegal ke sanggup beganti nyawa enggau seduai kena ngambi duai nyadi ke anak.” pia deh ko Dayang Rinai bejaku enggau ati ke sinu.\\n“ Anak..aku minta ampun laban ke ngelengka ke seduai suba, tang aku segi enda sengaja. Ambi ke nuan nemu ga siti agi pekara anak…udah kena sumpah Raja Rua Riong pengidup seduai nuan. Tang aku enggai madah dulu, laban lama- laun seduai segi nemu ila. Nyadi indai seduai nuan Supang ukai parai igat, tang di bai aku pulai ke langit, ambi nyadi ke saksi aku udah muai seduai lebuh ke betunga enggau apai seduai nuan Raja Rua Riong” pia deh ko indu nya nusi semua utai ke enda kala di sadang nyadi dalam pengidup Sangor enggau Apoi.\\nTudah Sangor tu tadi enda berasai nyau meliar aie mata labuh lebuh ke ninga indai ia Dayang Rinai bejaku naka ngenyinu nya. kelebih agi penusah indai seduai ia ke ngibun seduai ia ari kandung lari belalai ba dalam lubang batu. enda berasai deh tudah Sangor lalu nimbal indai ia “ Nya meh indai…ishk…isk…(nyabak)..anang ke ka ngeransi, keba aku udah ninga penusah nuan. Aku lebih agi beterima kasih ke penyayau nuan ke kami duai, tajapan enda idup begulai enggau nuan, tang penyayau nuan lebih besai ari semua utai” pia deh ko Sangor bejaku sambil ke nyabak nya tadi.\\nEnda mukai-mukai ko jerita, nyau enda berasai Sangor lalu engkechit ngagai gumpal ribut nya lalu merap indai ia sambil ke nyabak ruong-ruong. Naka meh penyinua ati seduai ia menyanak maya nya. Semina petara aja nemu ati seduai ia. “Kasih meh kitai indai…indai, ukai nya bisi penyalah ga kitai….iga ga apai bangat kempang besangka buta ngagai nuan, ukai ia enda ngasai ke penyiru nuan ngagai ia” pia deh ko Sangor bejaku. Sirut sabak tudah tuai nyau agi majak. Nyau beterenjui aie mata seduai menyanak ia.\\nlama mega seduai ia bejaku diak ko jerita, mayuh pekara ke udah di padah ke Dayang Rinai ke ia. “Laban segi udah cukup maya anak… kira ke ka mupuk aku, naka tu aja meh tua ulih betemu, laban seumur idup kami semina ulih dua kali aja ngelawa menua anak mensia kitu. Nya alai igat kingat ke magang utai ke di padah ke aku. Ila bisi utai ke ka nyadi ba seduai, laban nya segi udah sumpah kenyau ari aku bisi ke seduai menya, mupuk dulu aku anak” pia deh ko Dayang Rinai bejaku.\\nTang sebedau Dayang Rinai mupuk ko jerita ia bisi madah ke Sangor begiga ke bini ke benama Dayang Siun ke peturun petara utai tumbuh ba menua utai tumbuh ke chukup nyadi. Nyadi menua nya suba kala di pansa ia. Nya alai indai ia bepesan ngasuh ia nuju menua nya kin baru. Udah nya mupuk meh indai ia dayang Rinai terebai ngelayang nuju langit besai ke chukup peninggi ko jerita. Nya meh ke penudi Sangor meda indai ia, lalu ngujung ke ia nemu peturun enggau asal penatai diri.\\nTang aku ( penulis) enggai bula kekitak ni bagi bukit ke endur Sangor tu menya betemu enggau indai ia. Tang ke temu aku, ba Pulau Borneo tu semina siti aja bukit ke pemadu tinggi ianya Bukit Aki’ Nabalu( jaku Kadazandusun) reti ia Bukit endur aki inie ( Gunung Nenek Moyang). Diatu tampak agi di sebut Gunung Kinabalu ba menua sabah. Tang enda ga kitai ka nyangka sengapa deh, laban bisi ga sida tu belaba ke bukit nya segi Gunung Kinabalu, laban ukai nya jauh ga menua Sabah ari Lawas kira ke baru 3 jam pejalai Kereta ari Lawas nengah sempadan Sabah Sarawak ba Sipitang lalu rembus Ba Bandar Kota Kinabalu. Kira ke nya meh bukit ke cukup tinggi ba Borneo lalu ba Asia Tenggara kira ke bisi (4,095 meter ari aras laut) ko pansik perintah ke diatu.\\n…..Nya alai lengka ke kitai dulu meh tudah Sangor tu tadi ke betemu enggau indai ia ba bukit nya. Kitai ngenang baru ga pendiau Apoi ke kena ukum Jagu’ burak……….\\n2.5 Apoi kena ukum Jagu’\\nNampung baru meh kitai ba tudah Apoi ke ngulu ke Jagu’ begiga ke jalai kena ngerembus ke diri ngagai sungai bukai. Tudah Apoi tu tadi ke kena ukum Jagu’ udah ia ke nubai ngelus ke ikan ba sungai. Ia pan lalu nyelam ngagai lubuk nitih ke Jagu’ laban Jagu’ ke enggai nengah jalai darat tauka pantai.\\nNyelam meh seduai ia ko jerita, lalu ngili aie sungai nya. Sekumbang seduai ia ke ngili aie nya, lalu nadai ga seduai ia tetemu ke jalai muntang di kena meraka menua ngumbus ngagai sungai bukai. Tiap –tiap kali ke ngiga jalai ko jerita, tudah Jagu tu seruran bebini belama-lama peda Apoi. Mansa aja Jagu’ indu lalu ke bini ia, mansa aja lalu di ambi ke bini. Nya meh tudah Apoi tu tadi bangat alit ati merati ke ulah Jagu’ nya ke ka amat bebini. “ Bulih amat ga Jagu’ tu bini neh, nyangka nya sigat ga di peda Jagu’ indu kini, laban ia ke nyelaie ari jagu’ bukai, ga jagu’ burak” pia deh ko Apoi bejaku ke diri dalam ati.\\nNya meh ko jerita sekumbang seduai ia ke ngiga jalai muntang ari alam aie din, Apoi lalu nadai ga tetemu ke jalai. Nyau ka nyida-nyida ga ati tudah tuai, laban ke lelak ngetu belama bai Jagu’ nya ke seruran enda tau meda jagu’ indu. “ Ni meh maya tua tu tetemu ke jalai muntang, nuan tak seruran mai ngetu” pia deh ko tudah Apoi bejaku kira ke ka nganu mimit meh jaku ia. “ Eh…ukai aku mai nuan ke bini deh, enti nuan bangat ka, tau meh enti nemu jadi enggau bansa kami” pia deh ko timbaj jagu’ burak tu tadi. “ Eh…ukai nadai indu bansa kami bajik…kapa ku nya. Penemu baru nuan tau meri, ti indu bansa kitak tau enda ibuh, Tusu ga nadai, bakani ka nusu ke anak, tubuh ga nyau penuh tisik, bakani ko ka merap…e..eee enda aku tau” pia deh ko Apoi ngelincum tuchum kediri nimbal jaku Jagu’ burak tadi.\\nTudah Jagu’ burak nyau ngerecham mua ia ninga jaku Apoi, tang enggai ga nyadi ringat. Nadai ga ngulu ke ia ngiga jalai muntang. “Enti pia, enda ga ibuh…..” nyu panjai anak sebut ibuh ia ngelawa Apoi tadi. Tudah Apoi geli amat ati, ia nemu Jagu’ burak segi enggai makai ia laban nadai ngulu ke ngiga jalai. “ Ni penemu be bini dek deh..uji padah ke aku” pia deh ko Apoi majak ngelukih Jagu burak tu.\\n“ Ila meh…ti bangat ka, ba jalai dulu giga” pia deh ko Jagu’ malas tundi jaku Apoi. “Sepi dek Apoi….ba anang nundi aku, aku nemu meh malas” pia meh ko tudah dalam ati Jagu burak tu tadi. Nya meh ko jerita seduai ke begiga ke jalai muntang ngelawa sungai bukai ko jerita bangat pedis amat. Nadai kala temu, rembus seduai ia ba nanga sungai nya, nyau tetemu ke aie masin ga seduai ia, asai ke ka luput ga seduai ia tetelan ke aie masin.\\nNya meh ke ngasuh seduai ia ngulu baru ga sungai nya ko jerita. Tudah Apoi majak ringat laban ke kelalu lama muai ari begulai enggau Jagu’ burak tu tadi. Nyau di pandak ke kitai cerita.\\nSeduai ia lalu tetemu ke lubuk siti ke umbas ia pemesai sereta dalam. Tudah Apoi lalu bejaku enggau Jagu burak nya, “ Enda ulih giga tua jalai ke udah bisi, manah agi tua ngaga kediri ari tua ke muai ari baka tu” pia deh ko Apoi bejaku enggau Jagu’ burak nya. “ Au..gaga meh enti nuan ulih, aku nadai mantah, ga aku mina minta jalai ke muntang, asal meh bisi” pia meh ko timbal Jagu’ burak tu tadi.\\nNya meh ko jerita, Apoi lalu enda bedalih agi ia lalu ngeruk tanah ba dalam aie din ko jerita, nyau keruh lubuk nya di gasak ke ia. Lalu di kaus ia semua batu dia endur ia ngaga lubang jalai muntang ngelawa sungai bukai. Nya meh ko jerita, lama amat ia ke ngeraus lubang meraka menuanya ari alam aie. Ko sida ke nyebut, nyau ka ke bepuluh tahun ia ngeruang jalai ke baka lubang gua nitih ke pemesai jalai ulih endur jagu’ burak nya ngerayap ko jerita.\\nNyau ngenang lubang nya meh kitai, nyadi diatu lubang nya ko jerita tembus ba menua aie Batang Kanyau ke pati Batang Kapuas ba menua Kalimantan Indonesia ko jerita. Jalai nya pansut ba lubuk siti . Sida ke nusui menua nya bisi siti jambatan ke di kumbai jambatan batu Mataso (dalam jaku maluh Mataso “Matahari, ko kitai”). Tang aku ( penulis) enggai bula ke kitak enda kala kia. Tang laban ninga tusui bala Tuai Lunbawang ke nyebut.Diatu agi meh bisi lubang nya ko sida ia. Ari lubang nya meh sida Maloh suba mansut ke diri, nengah lubang Jagu’ burak nya. Tang Lubang nya bisi udah di sempal bala Maloh kelia nya meh ke ngasuh kitai enda ulih nengah lubang nya agi, laban sida Maloh ke lari ari menua Ulu Baram kelia nyempal takut ke di titih ke bala Kayan.\\nKo jerita bala Kayan ke nguan Ulu Baram enda rindu meda bala Maloh ke selalu ngaga serang anak ba punjung menua sida ke besabung ba ulu menua Gua Murut ke diatu. Suba Gua Murut nya betampung enggau Lubang ke di gaga Apoi ko jerita, Gua nya endur Apoi mansut ke diri enseput ngambi angin kena ia nyelam betah baru ngali lubang. Tang Laban bala maloh kelia ke udah nyempal jalai ngena batu ko sida ia nyebut alai ke enda ulih giga agi pati jalai ba dalam Gua Murut nya.\\nKala kitai ke mansa cerita Gua Murut tu ko jerita, manah ga kitai ngenang dulu utai ke bisi besangkut paut enggau jerita tu, ambi jerita tu enda bangat bepusin kulu-bepusin kili. Ambi ke kitai sama nemu diak meh endur bala indu petara utai tumbuh diau betanam ke utai ko jerita. Lebuh Apoi ke nembus ke diri diak, ia bisi ati gila enggau siku anak petara indu ke benama Dayang Siun. Tang Dayang Siun ko jerita enggai ke Apoi, laban Apoi ukai lelaki ke di anti ia nitih ke di padah ke antu dalam mimpi ia. Antu dalam mimpi ia madah ke ia enda tau belaki ngapa enti enda jadi enggau lelaki ke di padah ke antu ba mimpi ia nya.\\nNya meh ke ngasuh Apoi enda te ulih ke indu nya ko jerita, Naka meh pemedis ati ia. “ Ngumba ke diri ga indu nya, ila nyepi, enti enda jadi enggau aku bunuh aku laki ia ila, enti ia enggai bunuh aku enggau ia empu meh” pia deh ko dendam tudah tuai. laban pengawa ia ke bedau tembu ngerawang jalai ba baruh tanah din nya meh ke ngasuh ia ninggal ke pengerindu ia enggau Dayang Siun enda lama. “ Ila ga aku ngambi, nganti udah tembu pengawa, biar be bunuh, rebut ku meh indu nya” pia deh ko janji ati tudah tuai ke benung di rachun ati rindu ke Dayang Siun.\\nBa lubuk ati ia semina ia aja ulih jadi enggau indu nya. Nya meh ko jerita, nyau pulai ngenang ia ke ngaga jalai tu tadi. Jalai muntang ke di gaga Apoi ke Jagu’ burak pan lalu tembu, tembus ba menua ke di padah ke aku ke dulu tadi. Lama meh ia nguan menua nya kelia begulai enggau Jagu’ burak nuntut penemu bebini ari jagu’ burak. Ia ke nuntut tu ambi bisi di kena ia be bini jadi enggau Dayang Siun ke agi kebal ati enggai nerima ia.\\n……Lengka ke kitai dulu meh tudah Apoi ke bedau kiruh nuntut penemu be bini ba Jagu’ burak, kitai pulai baru ngagai Sangor ke betemu enggau indai ia ba Bukit pemadu tinggi nya……….\\n2.6 Sangor begiga bini\\nNya alai ko jerita, sepengudah Sangor ke agi berati ke indai ia Dayang Rinai ke melayang terebai lesap niki ke langit, dia baru ia nemu semua utai ke nyadi, ke nyau ari ia ada nyentuk ke besai. Nadai meh ia nemu ngelamatu seduai ia Apoi segi anak petara tang di ada ke ba lubang batu di dunya baruh ari tu. Bisi ga ati ia gaga laban ke udah nemu asal diri, tang bisi ga ati ia tusah laban ngenang pendiau diri ke mengkang ngembuan sumpah Apai ia Raja Rua Riong di langit tinggi.\\nTudah tuai segi enda nemu, nama meh batang sumpah kini, nyangka tu meh sumpah ke nyadi kini, seduai ia menyadi enda kala lama begulai enggau apai indai. Ari mit segi udah kampar, sampai ke besai. Pia deh ko gulu simpul ati ia din. lama meh ia nukung ke diri, berati ke semua jaku ke di padah ke indai ia Dayang Rinai ko jerita. Pemuas ia ke nukung, nya baru ia ingat ke pesan indai ia ke mesti ngiga indu ke benama Dayang Siun, ambi ke bini ia.\\nNya meh ia tu tadi ko jerita lalu beguai nguing ke pejalai diri ngagai menua utai tumbuh ke kala di pansa ia suba. Enti kitai ingat ke dulu ba pun jerita, lebuh ia ke tinduk ba jugu tanah, bemimpi di asuh Dayang Rinai ngiga bukit pemadu tinggi suba. Nya meh ko jerita ia lalu bejalai nurun bukit nya tadi lalu nuju menua nya. laban tudah tuai ke segi udah nemu tunga menua nya, kira ke nadai bangat tusah ga ia nyidi bekau ia suba.\\nlalu bejalai meh ia besari-sari ngejang ke diri ari kaki bukit nya, ambis menua, munggu di titi. Lebuh ke malam, bejalai ga ia betenggau ke bulan, lebuh siang bejalai ga ia be pelasar ke tenggau matahari. Laban ke segi berantu ko jerita , ukai nya bangat lama ga ia bejalai alai ia ke rembus ba menua utai tumbuh nya. lebuh ia ke datai ba seberai pendaie, diak deh hari benung ka nyerumba silau. Mayuh meh bala orang indu di peda ia mandi diak. Diak deh ia merati ke sida ke mandi nya, siku nadai meh bala lelaki. “ Ni bala orang lelaki kini, nama nya tak indu magang-magang” pia deh ko ia bejaku dalam ati diri. Ia ke belalai ari tebing seberai tu tadi enda bemunyi, takut ke di temu bala orang indu ke mandi.\\nTudah Sangor ke belalai diak, sekira ke ka nganti hari belabuh petang agi meh ko ati ia, enggai ke orang empu menua bisi enda tentu rindu ke ia ngerembus ke diri enda piga-iga. Semua indu ke mandi nya ko jerita, bela bebajik magang, siku –siku bela bajik nadai pengurang ari pangan. Lama mega bala indu nya mandi ko jerita. Lebuh bala indu nya mulai ke diri, Sangor pan lalu pansut ari ke belalai tadi, ia lalu nyemerai ngelayang aie ke seberai pendaie orang indu nya. datai ia diak, ia lalu belabuh ngemasah ke tubuh diri mandi lalu begari.\\nUdah ke tembu ngemas diri, ia lalu belabuh nyidi jalai bala indu ke pulai mandi nya tadi. Lebuh ke bejalai nya ko jerita, lalu nadai ga ia tepeda ke rumah orang, rumah kediri nadai, rumah panjai nadai, langkau pan nadai. Majak ga ia bejalai belubah-lubah. Enda lama dah nya baru ia tepeda ke lubang gua batu sigi ke cukup ia pemesai ko jerita, lalu semak agi ga ia bejalai gadai-gadai nuju gua batu nya. Kira ke udah bisi 30 kaki penyauh ari pintu gua, ia lalu belalai ba tugu batu sigi. Belalai meh ia diak nguji ngelilik pendiau mensia ke dalam lubang gua batu nya.\\nSemua ulah bala indu ke diau diak ulih di peda ia, nya baru ia nemu bala indu nya ke mandi ba pendaie din tadi. Lebuh ke belalai nengkila ba tugu batu nya, diak deh ia lalu ninga bisi orang ngangau enda inggar. “ Sangor….sangor…sh..hh..malik kitu nuan, ditu aku.” pia deh ko orang bejaku ba tisi muak ke sepiak di dinga ia. “ Sapa meh orang tu tak nemu nama aku, pia meh ko ati tudah tuai. malik ia ngelawa tugu batu muak ke sepiak, peda ia tak inie tuai siku naka ngenyaie nya gamal peda ia.\\n“ Endai, kitu meh nuan Sangor, aku meh tu, aku di asuh indai nuan Dayang Rinai ngabas pejalai nuan kitu laban nuan ke bedau nemu pendiau orang ba menua tu” pia deh ko inie tuai nya bejaku. Ninga munyi nya, Sangor lalu engkunduk ke diri bejalai ngagai inie tuai nya. “ Aram uchu Sangor, nitih ke aku. Enggai ke nuan di peda Dayang besai lagi. Enti ia meda, di bunuh ia nuan lagi” pia deh ko inie tuai nya bejaku baru sambil ke narit ke lengan Sangor bejalai nitih ke ia. Tudah Sangor nitih aja. Ia nadai ga tentu nemu nama utai ke patut di kereja.\\nLebuh ke datai ba dunju inie tuai tu tadi, Inie tuai nya lalu madah ke Sangor. “ Nuan uchu, mesti bejimat enti ba menua tu, laban kitak ke lelaki segi enda tau mansa menua tu. Mayuh sidak ke pungka lelaki udah mansa menua tu, enda kala tepulai ke diri. Sida ia deka parai laban enda masuk makai ngingat ke pemajik indu ba menua tu.Nya alai enti ukai anak petara, raja berani ke ngembuan penemu enda ulih ngelawa menua tu.” ko inie tuai nya bejaku ngagai Sangor.\\n“ Pia..bakani ko chara aku ulih ngiga indu ke di padah ke indai aku deh inie?, bangat pedis amat ga ngulih ke nya…” ko Sangor ga nanya inie tuai nya, ninga ke cukup pemedis enti nadai dinding bulu ba menua nya. “E….ee nya meh kebuah aku ke kitu uchu, anang tusah nuan. Uji bulu mata nuan unsut enggau abu tu dulu, ngambi ke semua indu nya enda bajik peda nuan” pia deh ko inie tuai nya madah ke sangor lalu nyua ke abu nya. “ Nyadi aku bisi pesan uchu, abu tu mesti di buai nuan ila enti nuan udah tetemu ke Dayang Siun, enggai ke nyau enda bajik ga ia di peda nuan ila. Enti nuan udah tetemu ke ia, lalu taban ke ia ila, laban ia segi benung nganti nuan diatu” pia deh ko inie tuai nya bejaku ngingat ke Sangor.\\n“ Nama kebuah aku mesti lari naban ke ia deh inie? nadai ka nyadi bakanya, salah pengawa nya. Kati ko apai indai ia deh?” ko Sangor alit ati ninga inie tuai nya ngajar ia naban ke Dayang Siun. “ Eh ..anang irau dek uchu, Dayang Siun nya segi nadai apai indai, ia diatu di jaga Dayang Besai, Dayang Besai meh ke selalu ngemedis ia , nganu ia, malu ia lebuh ke madah kediri mesti belaki jadi enggau nuan. Nuan anang irau, ia segi nganti penatai nuan” pia deh ko inie tuai nya bejaku nimbal Sangor ke agi rangap-rangap nya tadi.\\nLalu di unsut inie tuai nya tadi bulu mata sangor ko jerita ngena abu nya tadi. Lalu di pusin ke inie tuai nya 7 kali tubuh ia ngelaban pusin jam kitai ke maya hari tu. Lebuh ke musin ke nya inie tuai tu tadi lalu macha leka sampi, ke dinding tubuh Sangor. Udah ke tembu diak Sangor lalu menchelak ke mata, malik ia ngagai inie ke bediri nya tadi peda ia lalu lesap tekalanya. Enda sempat betanya utai agi tudah tuai. Ia pan enda meh nemu kini tunga inie tuai nya tadi.\\nIa meh udah cukup maya, malam pan nyau tuai. Sangor lalu mansang belubah- lubah nuju mua lubang gua batu nya tadi. lebuh ia ke tama nya diak deh ia lalu meda semua indu nya benung tinduk jenak amat ko jerita. Siku nadai meh bemunyi. Gamal bala indu nyau naka penyaie utai di peda ia, laban ia ke udah ngena abu dinding bulu ba bulu mata. Enda ke-kebut meh sida nya ke benung tinduk. lebuh ia ke bejalai majak ngelilik endur nya, diak ngumba endar ga ia lalu te duju ka batu sigi lalu te tingkap meh ia terap ngejung ke ia nyau teperagau teberap ke indu siku ke benung gali tinduk.\\nLalu manjung meh tudah orang indu nya ko jerita, “oiiiii…mati…mati….sapa kitak ke datai ka munuh kami…dani wai…dani kitai, bisi orang jai, ngachau kitai” pia deh ko jaku tudah indu nya tadi. Indu ke nyerauh tekenyit nya ko jerita lalu engkechit angkat nuju bala indu bukai ke sama-sama ngereduas angkat ari ke tinduk jenak. “ Ah…dah..ni munsuh wai?, ni…, nadai meda a…” pia deh ko bala indu bukai nyaut siku ke nyerauh nya tadi. “ Nyin…nyin, ba endur aku ke tinduk din…..”pia deh ko indu nya madah ke bala ia. Nyadi ambi ke kitai sama nemu, bala indu nya tadi di jaga Dayang Besai, sida ia bisi tubuh 6 iku ke gali diak. Nyadi ko jerita, semua Dayang biak ke di jaga Dayang Besai bisi 7 iku, tang laban Dayang Siku ke benama Dayang Siun udah di kurung sida ia dalam peti, nya meh ke ngasuh bala Dayang Biak ke agi ayan di peda semina 7 iku.\\nKebuah Dayang Besai ngurung Dayang Siun ba peti, laban takut ke ia lari ari menua nya lalu ngiga lelaki ke benama Sangor ke deka jadi enggau ia. Laban Dayang Besai udah bejanji enggau semua Dayang Biak lebuh ke nurun ari menua langit menya, sida ia enda tau jadi enggau mensia lelaki ba dunya tu. Barang sapa ke ngelanggar janji deka kena ukum bunuh lalu di anjung pulai ke langit baru.\\nNitih ke jerita, bala Dayang tu di asuh bala petara bukai di langit ngiga menua ke manah di kena betanam ke leman utai tumbuh nyadi ke pemakai. Laban menua langit din ke nadai tanah baka menua di baruh tu, nya alai sida ia lalu nurun ngagai menua kitai mensia lalu tetemu ke tanah ke manah lalu ulih endur nanam semua utai ke ulih nampung pemakai sida di langit din. Nyadi menua ke endur bala Dayang tu diatu di sebut kitai menua “Gunung Murut”. Enti nitih ke jerita lama bala Lunbawang, segi diak meh endur bala (Dewa-Dewi) petara lama dulu numbuh ke utai di tanam.\\nNyau nampung baru ga kitai ba tudah Sangor ke tetingkap lalu teberap ke siku ari bala Dayang Biak nya. Nya meh tudah Sangor tu tadi lalu beguai-guai neresap ke diri belalai sebelah selepak batu ke besai-besai. Nya meh bala Dayang biak lalu be padah ngagai Dayang Besai. Laban Dayang besai ke sigi ngembuan penemu ke cukup bias ko jerita, diak ia lalu ulih nangkap Sangor semina enggau sampi\/puchau aja. Nya meh lebuh Sangor ke udah kena puchau tu tadi lalu enda ulih nginsit ari ia ke bediri.\\nKira ke nyamai amat meh bala Dayang tu tadi nangkap tudah tuai. Ia lalu di bai sida ia nuju lubang batu ke endur Dayang Besai diau. Datai din ko jerita Dayang Besai bangat pedis ati, “ Sapa nuan bangat berani ngachau menua kami?” pia deh ko Dayang besai merak tudah Sangor, nyau bengingit lubang pending jamah munyi penginggar jaku Dayang Besai. “ A…a..aku enda sengaja, tesat aku tadi ari menua kami, lama aku udah bejalai. Nyau rembus ba menua kitak tu. Nyadi nama aku ‘Labo’ ( Chit\/ tikus= jaku Lunbawang)” pia deh ko ia nyaut Dayang Besai. Ia segi enggai madah ke nama diri. Enggai ke bala Dayang nya nemu tuju ia ke datai kia.\\nNya meh ko jerita, Sangor ke di tangkap sida tu tadi lalu di guna sida Dayang tu tadi nyadi ke ulun nyaga utai tanam. Siang ia di kurung sida ba Lubang batu, enti malam asuh sida ia bejaga ga. Nya meh ke ngasuh tudah Sangor ke bebali nama ‘Labo” tu tadi lama amat begiga ke jalai ulih naban ke Dayang Siun. Tambah mega ia bedau nemu dini endur Dayang Siun lalu ni bagi sida Dayang Biak diak ke Dayang Siun.\\nNyadi lemai siti, lebuh siku ari Dayang Biak datai ngelawa lubang ke endur ngurung Sangor ko jerita, diak deh indu nya lalu bejaku. “ Sepi dek…ah..ah…, kah..kah” pia deh ko indu nya ketawa ke Sangor. “ Nasib nuan ukai Sangor, enti nuan Sangor udah nuan bunuh kami….kah,..kah” Ko indu nya ga bejaku sambil ke ketawa. Tudah Sangor lalu semak agi nunga Dayang nya tadi be entara ke teling lubang sigi. Ia lalu ngemerani kediri betanya, “ Sapa ke Sangor deh….enda ku kala ninga.” Pia deh ko ia nguji nanya indu nya. “ E….ee Sangor meh ke ngasuh Dayang Siun gila, bakani meh penyigat sangor nya kini, bangat ngasuh madi kami ke biak nya nyau ka gila belaki”pia deh ko tudah Dayang Biak ke siku nya bejaku.\\nNya meh ke ngasuh tudah Sangor tu tadi majak berani ka betanya seraya ke kena muka rahsia semua utai ke nyadi ba Dayang Siun. “ Ni Dayang Siun diatu deh, nama ku enda kala meda…beli’ amat ga ia ka belaki neh.” pia deh ko Sangor, kira ke ka gerinek-gerinek mimit meh jaku. “ Oooo…kapa dek ka nemu deh, nadai guna dek nemu, nadai ulih peda agi ia nya, udah di kurung Dayang Besai ba peti. Din endur peti ba lubang Dayang Besai empu” pia deh ko indu nya bejaku, indu nya enda sedar ke diri nyau telabuh bejaku. Nama agi deh, gaga amat meh tudah Sangor laban ulih ngelukih Dayang Biak nya tadi. “ Enda ga bangat pintar bala Dayang tu, bisi gak ke beli’-beli’” pia deh ko ia bejaku dalam ati tuchum kediri.\\nNya alai lebuh ke nyaga utai tanam malam nya ko jerita, diak deh sangor lalu muka karong ‘ Labo’ ia. Tubuh ia di asuh ia nyaga utai tanam, ‘Labo’ chit ia tadi lalu nyau bejalai nunga ke lubang gua batu nuju lubang Dayang Besai. Laban ia ke udah bebali nyadi chit tu tadi, senang amat ia ka tama ngagai lubang Dayang Besai. Ia mega nemu jalai ngagai endur nya. Nama agi deh, laban tubuh ke udah bebali mit, ia lalu masuk ari lubang mit sigi ngagai peninduk dayang Besai. Datai ia din ia lalu begiga ke Peti.\\nUdah ia tetemu ke peti nya ko jerita, ia lalu ngerit rantai ke di kena nambit peti nya. lalu di kerit ia semalam-malam nya. Nya meh ko jerita, bebendar amat ia ngerit rantai nya. Ia mesti mansut ke Dayang Siun sebedau ari kerebak tawas. Laban ke segi sabar ati, nyau pemuas-muas baru rantai nya ulih di putus ke ia. Ia lalu ngerit peti nya tadi beguai-guai lalu tama nengah lubang nya. Tudah Dayang Siun ke dalam peti nya peda ia nyau kurus, ia lalu nelai Dayang Siun “ Wai….aku tu, Sangor tu, tang aku bebali dulu nyadi chit. Pansut tua ari tu begadai-gadai, udah buka aku rantai tadi” pia deh ko chit tu tadi bejaku. Nya meh tudah Dayang Siun gaga amat ati, chit nya tadi lalu di simpan ia ba selepak baju ia.\\nTudah Dayang Besai ko jerita, nadai nemu utai ulu-ili, laban ke enda nyangka utai ke nyadi. Jenak amat ia tinduk. Dayang Siun lalu belubah-lubah muka peti nya tadi lalu merejuk mansut ke diri. Ia ke bejalai tadi segi bejimat-jimat ambi ke nadai di dinga bala Dayang Besai enggau Dayang Biak tinduk. Udah seduai ia ke pansut ari lubang gua batu nya tadi. Chit lalu bejaku “ din endur tubuh aku wai, bai kin ke dulu aku” ko chit nya tadi madah ke Dayang Siun. Nama agi deh, lalu di bai ia chit tu tadi ngagai tubuh Sangor ke duduk dugau-dugau nunga utai tanam.\\nUdah ke mulai ke tubuh diri ke asal, baru deh tudah Sangor madah ke semua utai ngagai Dayang Siun. Nya baru Dayang Siun enda berasai labuh aie mata chukup pengaga ati, laban amat meh ko mimpi ia suba. Sangor meh ke bediri ba mua mata ia ke diatu, lelaki ke selalu ayan ba mimpi ia. Nyata meh mensia ke benama Sangor tu sigi bisi idup. “ Anang lama tua ditu wai, aram mupuk tua. Mupuk laju, lari. Kin ke tua pulai ngagai menua kami” pia meh ko Sangor madah ke Dayang Siun. Tudah Dayang Siun nitih aja, laban ke segi betahun-tahun ke udah nganti Sangor ngambi ia. Tu meh maya ia ngelepas ke semua pengerindu enggau penusah ati ia ke di kurung Dayang Besai betahun-tahun ke udah lalu. Nya meh ko jerita lalu mupuk meh seduai ia nadai malik ke belakang agi…………..\\n….Lengka ke dulu meh Sangor enggau Dayang Siun ke mulai ke diri ngagai menua Sangor tu. Kitai ngenang bala Dayang Besai ke tinggal ba Gua Batu……….\\n2.7 Sumpah Dayang Besai\\nNyau ngenang ngagai bala Dayang Besai ke diau dalam lubang batu meh kitai. Pagi nya, Dinga nyau munyi ke ka runtuh deh lubang batu diak ko jerita jamah Dayang Besai ke nyeradak merak bala Dayang Biak. “ Nadai guna-guna semua kitak tu, siku pan nadai nemu utai ke nyadi. Aku ke ngarap ke kitak tang, semua enda nitih ke utai ke di karap ke aku”pia deh ko dayang Besai ringat amat pagi nya.\\nNya meh bala Dayang Biak 6 iku nya tekenyit amat. Sida ke dani pagi nya ukai nya bisi nemu utai. Nya meh Dayang Besai lalu madah ke sida ia semua utai ke nyadi. Sida ia lalu be perening pangan diri, nadai sekali-kali sida ia nyangka lelaki ke ngumbai diri Labo’ nya Sangor empu. Dayang Siun mega udah di taban ke Sangor lari. bakani meh ka ngiga, ukai nya mit menua. Enti di giga, sapa ke ka nyaga utai tanam diak. Pia meh ko runding bala sida ia.\\nNya meh ko jerita, sepagi-pagi nya sampai ke tengah hari nya meh tudah Dayang Besai agi nganu bala Dayang Biak. Udah ia ke bangat enda puas hati nya tadi. Diak deh Dayang Besai lalu bejaku nyumpah Dayang Siun. “ Laban nuan ngelanggar janji petara, nuan ila Dayang Siun enda ulih pulai ari menua mensia, pemarai nuan ila chukup pemerinsa, seduai nuan Sangor di sumpah aku enda ulih begulai lama” pia meh ko jaku sumpah Dayang Besai.\\nUdah ia ke bejaku nya, ia lalu ngemai 6 iku Dayang Biak nya ngemas semua utai ke ulih di bai pulai niki ke menua asal sida ia di langit. Sida ia mesti pulai madah ke berita nya ngagai petara tuai sida ia. Lebuh sida ke bekemas nya tadi, diak sida ia lalu ninga orang ngagau, “ oiii, bisi orang diak?..aku tu Apoi, enti kitak bisi aku ka ngenduh ke diri enda lama.” pia deh ko orang nya bejaku ngagau di dinga sida ia. “ ooo..Apoi, kami tu ka mupuk pulai ke menua, enggai nyadi enda pulai. Bisi penyalah kami tu, kami enda ulih nguan dunya kitak mensia agi, terima kasih meh ngagai nuan laban nulung ngagai lubang batu ke kami suba” pia deh ko bala Dayang nyaut ia.\\n“ Nama penyalah kitak deh? nadai ga aku meda penyalah kitak” Ko Apoi ga bejaku baru ka nemu nama utai ke nyadi. “ Nya meh penyalah kami , laban enda tetagang ke Dayang Siun udah lari nitih ke orang lelaki, kami mesti madah ke petara tuai kami di langit din enggau lengkas” pia deh ko tudah Dayang Besai nyaut. Ninga nya tadi tudah Apoi asai ke begirau atau, asai ke di runtuh ke tampuk ati lelaki tudah tuai. Ambai peruji ati ia udah di taban ke orang lari. Sapa meh mensia ke bangat ulih ngenchuri ati Dayang Siun ke ngenyadi-nyadi nya. Pia deh ko ati ia. Nyau begetar tubuh tudah tuai. Munyi ko dalam ati ia suba, baik ke orang tauka Dayang Siun empu mesti di bunuh, nadai orang ulih jadi enggau dayang Siun enti enda ia.\\nUdah bepuluh tahun ia nuntut penemu kena ngambi Dayang Siun nyadi ke bini. Rugi amat sepi ia muai hari ngapa nuntut enti enda jadi enggau indu ke deka ati. Alang –alang mandi dulang, nyamai agi mandi daie, …pia deh ko dalam sempama ati ia. Tudah Apoi lalu mupuk enggau lengkas nyidi bekau orang ke naban ke Dayang Siun ko jerita.\\nNyadi bala Dayang Besai ke tinggal lalu deka ngejang ari menua nya, Sebedau ke mupuk diak deh Dayang Besai ke enda puas hati nya lalu nyumpah baru ko jerita, lalu di sumpah ia munyi tu “ Kena aku ke bebalas, ila bala anak mensia ke betanam ke utai ke di ambi ari paung enggau leka utai kami tu deka bisi penulah, tulah sida ia ke nanam ila kena serang Labo’ ( chit) nitih ke gamal Sangor ke bebali nyadi chit ngayah ke kami.” Pia deh ko sumpah Dayang Besai. Nya alai sumpah nya agi bisa nyentuk ke sari tu ko jerita bansa Lunbawang. Bala Chit(labo) tu segi sampai saritu selalu ngerusak utai ke di tanam kitai mensia. Sepengudah bala Dayang Besai mupuk, lalu naka nya meh petara kala nganjung bala dayang ( Dewa-Dewi) ngagai Gunung Murut ke diatu ko jerita.\\n2.8 Sangor mai Dayang Siun pulai ke Bukit Beluai\\nNya meh ko jerita, sepengudah Sangor enggau Dayang Siun ke betaban lari ari Gunung Murut, seduai ia segi nadai betati ke utai bukai. Seduai ia ke lari naka ulih meh ngembus ke diri ngagai menua ke di tuju. Nyadi Sangor tu tadi lalu ngemai dayang Siun nguing nuju ngagai menua lama sida ia di Bukit Beluai laban dalam ati ia bisi ngingat ke Apoi.\\nkada enda Apoi udah lama nganti ia kini, ia mega takut ke Apoi tusah hati nganti penatai ia. Runding ia Apoi lagi tak sebaka enggau penusah ke nyadi ba niang apai seduai ia Darung kelia ke mati tusah ati. Nya meh ke ngasuh ia nguing nuju menua lama ia di Bukit Beluai. Lama meh seduai ia ke bejalai nya ko jerita, ambis kampung jerung ke di pansa, ambis munggu ke di tujah seduai ia. Nya baru seduai ia datai ba Bukit Beluai.\\nDatai seduai ia diak, nya baru seduai ia nemu Apoi bedau datai ari ke belelang ngiga pengidup. Lebuh ke datai, tudah Sangor nyau sinu ati kira ke ngimbas baru pengidup sida sebilik ari mit kelia nyentuk ke besai. Langkau sida ia ke suba udah nadai agi di peda, semina tiang tungkat ke agi bisi di peda udah repuk di balut utai tumbuh. Ni enda deh, nyau udah bepuluh tahun seduai ia madi ke bejalai.\\nNya meh ko jerita, idup meh seduai ia jadi diri melaki bini baka orang bukai. Seduai ia ngidup kediri besehari-hari betanam ke utai begiga ke jelu babas. laban tudah Dayang Siun ke nemu betanam ke utai nya meh ke ngasuh duai ia senang ngidup ke diri. Tudah sangor segi semampai nganti pemulai madi ia Apoi. Kira ke nyau lelengau meh tudah tuai ke madi ia. Tang ia enda kala madah ke Dayang Siun, ia ke bisi madi ke benama Apoi. Semua pendiau pengidup sida ia ke suba pan enda semua di padah ke ia.\\n2.9 Apoi enggau Sangor Betemu ba Wong Supang\\nNya alai, pagi siti, diak deh sangor lalu madah ke bini ia ia ke deka begiga ikan ngulu sungai nya. Ia ke begiga ikan nya enda lama ko ia. Tang ke bendar ia bisi pejalai bukai. Ia semampai lelengau madi ia. Kena ia ke mantup ke ati diri, kira ke ka ngelawa aie wong ke endur ia ada suba meh pejalai ia. Tang ia enggai madah ke bini ia. Nyau meh tudah tuai mupuk bejalai kediri ngulu sungai nya ko jerita. Kira ke enda lama udah nya ia pan datai ba wong nya, lebuh ia ke datai diak deh ia lalu tepeda ke ayas tubuh orang siku ke benung duduk nunga ke belakang ngagai ia.\\nDi perati ke ia manah-manah ga ikas tubuh orang nya, ia lalu nyapa “ Apoi…Apoi….adi, nuan nya?” pia deh ko sangor nanya. Udah nya orang nya lalu malik musin ngagai ia ke nanya nya tadi. Diak deh ia tepeda ke mua orang nya tadi tak di kelala ia, ukai orang bukai , amat Apoi. Diak ia meda tudah Apoi, nyau benung nyabak beterenjaui aie mata duduk dugau-dugau nunga penerejun aie wong. “ Endai nuan nya aka, Sangka aku enda betemu agi tua, lengau amat aku ke nuan” pia deh ko tudah Apoi lalu engkehit tugu batu lalu merap Sangor.\\nNama agi deh lalu beberap meh seduai madi ia tu tadi ko jerita, sambil ke sirut-sirut nyabak meda mua pangan diri. Sepengudah seduai ia ke beserara be puluh tahun ke udah lalu. Dia deh Sangor lalu nanya ke pemujur pejalai tudah Apoi ngelamatu. “ Bakani pejalai nuan deh adi? bisi tetemu ke utai?, nama nuan enda pulai ke langkau kitai di Bukit Beluai deh” pia deh ko tudah Sangor nanya Apoi.\\nNya meh tudah Apoi lalu enda bemunyi, lubah-lubah ia bejaku “ Bisi penusah aku aka, orang ti di kesayau ke aku udah betaban lari jauh ari pengidup aku , tu kira ke ka nganti nuan meh aku ka mai nuan bebalas ngagai orang ke naban ke indu ke di kesayau ke aku” pia deh ko Apoi madah ke semua cerita penusah ia. “ Kati ko bebalas deh..ukai tua nemu tunga orang ke naban ke indu nya deh.” pia deh ko Sangor nyaut.\\nUdah seduai ia ke bejaku nya, Sangor lalu nusui pejalai ia suba . Semua utai di tusui Sangor magang-magang. Sampai ke ia betemu enggau indai seduai ia pan di tusi ia magang-magang. Asal seduai ia pan di tusi ia magang-magang ke ada ba lubang batu wong nya. Nya meh tudah Apoi tekenyit amat ninga semua utai ke di padah ke Sangor. Chukup benasib ga aka Sangor udah betemu enggau indai, tang nama ga aku enda kala betemu enggau indai deh, kada sida ia sayau ke aku, pia deh ko ati ia.\\nUdah semua di padah ke Sangor, seduai ia pan lalu berunding deka ngiga lubang batu ke endur seduai ia ada menya. Lalu di giga seduai ia meh ko jerita sebelah wong nya diak. Di perati ke seduai ia ari semak, nadai ga duai ia tetemu ke lubang batu nya. Enda lama dah nya, Apoi lalu nguji niki ngagai tungga perejuk aie wong ke balat nya. Lebuh ia ngelilik ba batu diak, baru ia tepeda ke siti lubang batu ke nyau ka alit jamah terusur tanah. “ Aka …aka, tu ia, ditu endur. uji kitu ke nuan enggau aku ngali lubang batu tu” pia deh ko Apoi ngagau ke Sangor.\\nSangor lalu beguai-guai ngelawa endur Apoi nya tadi. Seduai ia lalu muka mua lubang batu nya besai ke agi ambi nyamai endur seduai ia tama. Udah meh chukup pemesai mua lubang nya ko jerita, seduai ia lalu tama ba lubang batu nya. Lebuh seduai ia ke meda lubang batu nya, nya baru seduai ia meda semua pengingat ke bisi di tinggal ke indai Seduai ia Dayang Rinai ke nganti seduai ia ada lebuh ke di kandung dalam 9 bulan. Mayuh meh utai ulih di peda seduai ia. “ Tu meh palan indai tua naruh diri ari ke di bunuh apai tua Raja Rua Riong menya adi” ko Sangor bejaku ngagai Apoi.\\n“ Kasih amat ga indai suba neh, ukai nya nyamai diau ba utai baka tu. Diatu tua udah besai, tang enda ga tua ulih malas pemanah budi indai tua” pia deh ko Apoi bejaku sinu, sambil ke berati ke endur peninduk indai duai ia menya. Lebuh ke bepusin dalam lubang batu nya ko jerita, diak deh tak ngerayap utai ke chukup ia pemesai peda seduai ia. peda seduai ia ular chelum tak chukup ia pemesai pansut ari ujung lubang batu nya. Seduai ia madi enda ke kebut laban ke enda sempat lari.\\nNya meh ko jerita ular nya lalu bejaku “ Sangor, Apoi…aku meh ke nguan utai ke di tinggal ke indai seduai ditu ari menya-menya. Lama udah aku nganti seduai datai ngambi, tu meh utai ke di tinggal ke indai seduai suba” ko ular chelum nya sambil ke ngelua’ ke dua igi bungkus utai ke di bungkus ngena pua’ kuning. “ Nyadi utai tu mesti di beri ngagai seduai ko indai seduai suba madah ngagai aku, nya alai aku ke enda mindah ari tu ari kelia” pia deh ko ular nya bejaku baru. Seduai madi ia lalu muka balut kain nya tadi, nya meh seduai ia lalu tepeda ke duku ilang siti siku sebaka amat, nadai belebas.\\n“ Nyadi ambi ke seduai nemu Sangor, Apoi….seduai deka nerima sumpah penguji se umur hidup ari apai seduai nuan, aku enggai madah laban lama laun penguji nya deka datai, seduai enda berasai kena empa sumpah nya, kira ke udah tembu pengawa aku, aku ka mupuk ngiga menua bukai endur aku diau, nyaga diri seduai nuan enggau manah” ko ular besai nya tadi lalu ngelantar mansut kediri ari lubang batu, nyau merentum dinga seduai ia labuh ke baruh. Tanah nyau berenyang endur ular nya ngebu ke diri mupuk sepengudah ke bepuluh-puluh tahun nguan lubang batu nya.\\nNya alai, udah nya ko jerita, seduai madi ia lalu mansut ke diri ari lubang batu nya. Sebedau ke mulai kediri seduai ia lalu ngalit ke lubang batu nya ngena batu besai sigi ambi ke orang enda nemu endur lubang nya sampai ke ila-ila. Nya meh ke ngasuh kitai ke dudi diatu enda nemu ni meh bagi endur lubang seduai ia ada menya. Tudah Sangor ke mai Apoi pulai ke Bukit beluai ko jerita enggai madah ke diri udah bebini, laban ia ka ngasuh madi ia tekenyit meda pemajik bini ia meh ko jerita. Ukai nya baka ke nemu utai ulu-ili ga seduai ia. Kira ke ka ngasuh pangan diri muji meh nya.\\n2.10 Empa sumpah datai ke selama-lama\\nNya alai ko jerita, seduai madi nya tadi lalu mulai ke diri ngili sungai nya. Seduai ke mulai ke diri nya tadi bela betusi ke jerita, bekunsi ke penemu lebuh ke beserara ngiga pengidup suba. Nyangka meh kayu ke di ujak ke seduai ia kelia udah genap timpoh 7 kali bebuah nitih ke jaku janji seduai ia menya meh kini alai seduai ia ke pulai betemu baru.\\nLebuh ke datai ba rumah, hari kira empai ga tentu lemai bendar. Tudah bini Sangor lalu empai mulai kediri ari endur ke betanam. Seduai madi lalu niki ke langkau. datai di langkau ko jerita, Apoi bisi ngasai ke penyelaie siti. Diak ia tepeda ke gari orang indu bisi ba tisi peninduk. Tang enda ga ia berani nanya. Lebuh ke mali ngagai dapur peda ia kemas indah amat ga tusun semua utai ke bisi diak. “ Nemu amat bakih tu belalai ke utai neh, kada enda bulih bini deh?, ni bini ia kini?” pia deh ko peragam ati Apoi.\\nTudah Sangor lalu ngagau ari ujung tanju ko jerita ngagau ke bini ia. “ Dayang, oh…wai…ni nuan, pulai dulu. Tua bisi temuai ditu…anang lama” Pia deh ko Sangor ngangau ari ujung tanju sida ia diak. Ninga tudah Sangor ke bisi nyebut dayang, tudah Apoi lalu nguji ga nyengok ari mua pelua’ sida ia. Nadai ga ia meda orang. Nya meh tudah runding Apoi nyau kulu-kili, parai meh enti bini Sangor lagi tak indu ke di giga ia. pia meh ko runding ia, tang enda patut ga nyau sampai bakanya. Ukai nya pelaba aku, pia deh ko runding ia nyau mapap sepi ia.\\nEnda lama udah nya ko jerita, Dayang Siun lalu pulai ke langkau. Ia ke pulai nya tadi ngemai buah entekai ke di pegai ia, kira ke ambi bisi di ke lauk enggau anak temuai meh ko ati ia. Lebuh ia ke muka pintu, diak deh ia lalu besabung mua enggau Apoi ke baru ka bebuka pintu ga pansut ke ruai. Nya meh nyau temepar asai pangka ke kilat, taja kilat nadai mangka, nyau bedentum munyi guntur, taja guntur nadai merentum, pengirau ati seduai ia lebuh ke besabung perening meh nya ko jerita. Nadai endur nyema ke agi utai ke di runding maya nya.\\nTudah buai entekai ke di pegai Dayang Siun lalu labuh tebelengka ari jari lalu bebelat ba mua pintu. Tudah Sangor ke ninga buah entekai ke labuh nya lalu angkat ari dapur. Tudah Apoi lalu pansut terus ke ruai, mata ia nyau segala bepinar-pinar baka arang ke mau’ di pijar api puput peputan laju. Beguai-guai meh tudah dayang Siun ngambi entekai nya tadi lalu di bai tama ke dapur enda bejaku seleka mukut. Tudah Sangor pan lalu enggau ia ke dapur. mengkang enda nemu utai ke nyadi.\\nNya meh ko jerita, tudah Apoi ke di ruai nyu enggai nyadi duduk jenuh. Duduk ia asai ke duduk ba bara api ga di ruai, bediri ia asai ke bediri ba madang duri. Naka meh ati enggau runding ia maya nya ko jerita. Ka di sebut enggai nyadi, di padah ke enggai ga nyadi pansut. Nya meh indu ke di kingin ati ia ke betaban lari enggau madi ia empu. Chukup enda ia nyangka, chukup enda ia ngadang besai amat penguji dalam pengidup ia. Udah ketawa nyabak baru, udah ka senang, merinsa baru.\\nLaban ke chukup bisa sumpah pengidup enggau mati seduai ia madi ari ke di kandung menya, nya meh ke ngasuh pengidup seduai ia enda kala lantang ari mula enchelak leka mata. Ada seduai ia ke dunya lalu nadai meda indai, besai seduai ia lalu nadai ga meda pemarai apai, bebini seduai ia te ulih ke utai ke ngasuh seduai ia belaya. Semua leman utai ke di kereja dalam pengidup seduai ia ngenusah diri magang-magang. Kemuas-muas ke berunding ke semua utai, Apoi lalu angkat ke bilik belubah-lubah, lalu di ambi ia duku ilang pemeri indai ia ke di ambi ba lubang batu. Ia lalu pansut ke ruai.\\nNyau ngenang tudah Dayang Siun ga kitai, ia ke berapi lemai nya ko jerita, nyau ambis betu’ kena tuchul api laban ke enda sedar kemuas ke berunding. Ka madah ke Sangor enggai ga nyadi, enda di padah ke enggai ga nyadi. Nya meh ia tu tadi nyau enda ulih ngadu ke utai memanah, asi ke di panduk ia nyau bebau angus. Nya meh tudah Sangor lalu beguai-guai nanjah api ngena aie. “ Nama meh nuan tu wai…enda ulih berati ke asi tu, nyau angus tu.” pia deh ko Sangor bejaku tinggi mimit munyi nyawa ia. Ia lalu malik ngagai Dayang Siun , peda ia dayang Siun nyau nyabak ngenyit. Dayang Siun ko jerita lalu bejaku merap laki ia. “ Munsuh laki ke bemalam ba tua nya wai…..ka munuh tua nya, suba ia kala udah mejal aku jadi enggau ia, ia madah ke aku semina ulih jadi enggau ia, enti enda di bunuh ia” pia ko Dayang Siun bejaku sirut-sirut. Dayang Siun lalu nusi semua utai ke udah nyadi ngagai Sangor.\\nNya meh ko jerita, ati tudah Sangor asai ke di pandam, runding ia tusut. Baru ia sedar, bini ia nya meh indu ke ko Apoi. Ukai nya nemu ga tudah tuai Apoi ke rindu ke Dayang Siun. Ia mega enda nemu diri lari naban ke indu ke tuju ati madi diri empu, laban ia ke jadi enggau indu nya ari asuh indai ia empu. Besai amat ga penguji ke nuntung pengidup, nama alai enda abis-abis utai ke ka ngachuk, utai ke ka ngerusak pengidup ia berengkah ari suba-suba. Pia meh ko runding ia, sama baka runding Apoi. Ia nyau tusut runding, bakani ko ngatur, bakani ka nyeliah ke semua utai, semua udah nyadi. Enda meh ulih di ke enggai. Terima aja meh nasit pia meh ko jaku dalam ati ia.\\nUdah ia ke nemu nya tadi, angkat meh tudah Sangor tu ko jerita, ia lalu nguji pansut ke ruai kira ke ka nerang ke semua utai ngagai Apoi. Ia lalu pansut belubah-lubah nuju Apoi ke benung bediri chegi-chegi be pegai ke ilang ba jari. Laban segi udah pedis ati, nyangka nya udah atur petara ke nyumpah pendiau seduai ia kini, Apoi lalu nerais panjung. “ooooooooo…biar mati, idup bepegai ba janji, woooooo…” pia deh ko panjung tudah Apoi. Runding ia udah berachun amat.\\nBebendar meh tudah Sangor tu tadi nerang ke ia semua utai, tang nadai ulih masuk runding ia. Nyau mayuh meh utai ke enda di kepuas ke hati ia pansut ari mulut. “ Segi nuan aja ke di kesayau ke orang Sangor, aku….aku..sapa ke sayau ke aku, dah indai aku empu enda sayau ke aku, anang ke nyata, dah ba mimpi pan ia enda betemu enggau aku” pia deh ko jaku Apoi mansut ke utai ke ngapi ia dalam ati. “ Nuan ukai anak buai Sangor, tang anak ke di asuh orang ngachau ngerigau pengidup aku” pia deh ko ia bejaku sambil ke ngayun-ngayun ke ilang ba mua Sangor. Antu achuk segi ba runding ia, antu ransi segi ba ati ia, nya meh ke ngasuh Apoi enda sedar agi.\\nTudah Sangor nadai ngelaban, ia ke bediri nya segi semampai enda ulih bejaku agi ngaum ati Apoi. “ Sangor, enti nuan madi aku, enda nuan naban ke Dayang Siun nya suba” ko ia agi bejaku. Nyau pansut peneka ia nyebut meh jaku. Tudah Sangor ninga aja meh. Duai ia ke bekelikuh ba ruai nya tadi makin nyadi. Tudah Sangor lalu enda ulih agi ngaum ati Apoi ke ngeransi nya. Sangor pan nyau udah geram ati meda pendiau Apoi ke nyu enda ulih padah-padah ke semua utai.\\nNya meh ke ngasuh tudah tuai lalu tama ke bilik baru, lalu di ambi ia ga ilang ke di beri indai ia ba lubang batu suba. Ati ia bangat gidan ninga Apoi ke selalu madah kediri ka munuh seduai bini ia. Nama agi deh, Sangor lalu pansut ke ruai baru. “ Kitu meh dek, nama bangat ka…nuan bangat enda alah atur, Sebedau nuan munuh bini aku, aku dulu bunuh ulih nuan” pia deh ko Sangor nyau enda tan ati agi. Bejaku nadai meh guna ko ati ia, bebunuh meh, nadai chara bukai.\\nNya meh ko jerita, duai madi ia pan lalu ke danja sebelah ruai nya diak, Hari hujan bangat lebat mayanya ko jerita, ribut mumput nyau munyi ke ka ngangkat ke langkau sida tiga ke diak. Bini tudah Sangor bangat nadai daya, ia naruh diri di bilik laban takut ke di bunuh Apoi. Apoi lalu mantap pemantap ga ke duku ilang ia ngelawa Sangor, Sangor mega sama bakanya. Tang seduai ia bela sikar nyilat pantap siku-siku. Sama bela kering, sama bela sikar. Madi nadai kira agi, kira ke munsuh meh ba mua mata seduai ia.\\nNya meh ko sida ke nusi ke aku (penulis) seduai ke bepantap tu chukup lama ko jerita, nyau besehari-sehari seduai ia ke belaban. Lalu enda ga ulih ngalah ke pangan. Tiang enggau kayu sebelah ruai nyau kebichai ambis kena pantap. Lebuh ke enda kena silat pantap tadi lalu kena ga tubuh, tang enda ga bakal ko jerita. Nya meh ke ngasuh seduai ia bangat enda ulih munuh pangan diri. Seduai ke belaya tu suba ko orang nusui ukai ke sebulan dua tang betahun-tahun ko jerita. Tang enda ulih ga ngelaban pangan diri.\\nNyau ke pengujung seduai ia ke bepantap nya tadi, diak deh tudah Dayang Siun lalu kempang ati ko jerita mansut kediri ari ke belalai. Ia enda sanggup agi meda pemerinsa seduai nya madi ke belaya ngenyadi-nyadi nya. Pansut deh ia ke ruai peda ia seduai madi nya nyau udah di tanju din be pantap, gelegar ruai nyau ambis patah magang endur seduai ke belanda, engkechit belaban enggau pangan diri. Ba tanju din bakanya ga ko jerita, nyau begegar, nayu beguyat semua utai kena rimbas ilang enggau tubuh seduai ia ke belaban enggau pangan diri.\\nTudah Apoi enggau Sangor seruran nadai daya ko jerita ka munuh pangan diri, ni ke mukut, ni ke nyipak, ilang nyau bekerending aja munyi besatup kiba –kanan. lalu bedau ga pedis, anang ke pedis, nyau baka ke kebal agi tubuh duai ia ko jerita, lebuh ke kena tubuh ilang seduai ia nyau bekerending munyi ke mantap batu anchau. Lebuh seduai ke bebukut nya ko jerita, asai ke mukut dinding batu. Ni nya alah laban ga pangan diri, ba ia udah sumpah petara.\\nNya meh ke ngasuh Apoi enda liat ko jerita, lalu engkechit deh ia ngagai tudah Dayang siun ke bediri merati ke seduai ia ke belaban nya tadi, enda mukai mukai ia lalu nerais panjung mumpung pala Dayang Siun ko jerita, Kilat enggau ngitar lalu nyepar mangka ke menua nya, ribut biau balai lalu muput naka pemalat utai, munyi guruh nyau merentum naka penginggar-inggar ko jerita lalu di sempulang ke enggau hujan ke ngemetang ke menua. Peda nyau ensambur darah pansut ari rekung Dayang Siun ko jerita. Pala Dayang Siun lalu engketik ari tubuh lalu bebelat nyentuk ke ujung tanju lalu bebelat labuh ke parung ba tebing aie sungai di kaki Bukit Beluai ko jerita.\\nMati meh tudah Dayang Siun, tubuh ia enda rebah ko sida ke nusi , tubuh ia seruran bediri chegi-chegi semina pala ke nadai. Nya meh ke ngasuh sangur temati kutu, ilang lalu tebelengka ari jari, ia lalu berumban merap tubuh bini ia ke udah nadai daya agi. Nyabak meh tudah tuai naka ia penginggar-inggar. Bala jelu menua nya ko jerita, ambis lari ke puak kampung takut ke bengal ninga terais sabak Sangor.\\nTudah Apoi pan enda berasai ko jerita lalu ngerebah ke tubuh diri, ia lalu nuduk kediri ba tisi Sangor enggau Tubuh Dayang Siun. Sepengudah ia ke mumpung pala bini Sangor baru ia ngasai ke penulah enggau pengawa diri ke salah. Baru seduai ia menyadi tu nemu, tu meh sumpah ke pemadu besai dalam pengidup seduai ia, ke enda di padah ke semua orang ke bisi bejaku enggau seduai ia ngelamatu.\\nLaban ke chukup nasal ke ulah diri, Apoi lalu belubah –lubah angkat ari penuduk ia ko jerita, diak ia lalu besemaya ba mua Sangor, “ Laban tu penyalah aku Sangor…aku nyumpah diri, enda ulih ngindik ke kaki ba menua tu agi, Tang taja pia aku tetap ingat ke semua pekara ti nyadi dalam pengidup tua sampai ke mati lalu enda berubah seagi dunya tu enda bebali” pia meh ko jaku Apoi. Lalu nyau meh Apoi tu ko jerita belanda ngelapu kediri neresa kampung jerung menua nya. Lari meh ia tu tadi muai menua enggau menyadi diri di Bukit Beluai.\\nApoi ke mupuk ninggal ke Sangor enggau bangkai bini ia menya ko jerita lalu datai ba menua siti. Diak meh endur ia ke chukup nesal ke penyalah diri. Nya meh ke tungkah ia lalu besampie ngagai petara indai ia ke benama Dayang Rinai, minta sumpah laban ari penyaie ia ngagai aka ia Sangor bakanya. Nadai chara bukai kena ia nerima ukum enti enda ari indai ke ngada ke ia empu. Lebuh ia ke bediri ba tengah menua nya ko jerita, tubuh Apoi lalu di pangka ke ngitar lalu bebali nyadi batu. Batu Apoi tu ko jerita agi bisi di peda kitai ba menua ulu Temburong Brunei ke diatu. Nunda ke sumpah ia kelia, ia segi enda ulih agi ngindik menua kitai Sarawak. Anang ke ngindik, dah tubuh ia empu pan ba menua Brunei. Udah jauh ngejang ari menua Sarawak.\\nNgenang Sangor ke nyabak ke pemati bini ia ko jerita, Lama meh ia nyabak menya, sampai ke titik aie mata Sangor lalu betumbuh nyadi mata aie nerusur ari Bukit Beluai ko jerita. Laban ngenang penyayau bini ia ke ia. Diak deh sangur lalu ngubur ke bini ia bediri ko jerita. Ketanda ia meruan sayau ke bini ia belama-lama. Sangor lalu nanam bungai ke manah-manah ba tisi bangkai ia menya ke agi bisi di peda kitai ba bukit nya sampai ke saritu. Nyadi bungai nya kala suba ka di bai orang, tang di ambi orang mimpi, asuh anjung pulai baru.\\nLaban ke chukup sunyi, diak deh Sangor ko jerita lalu nanam tubuh diri sepiak ari kanan tubuh bini ia. Seduai ia sama bediri chegi-chegi. Diak deh ia lalu besampie mega ngagai petara indai ia Dayang Rinai. Bakatu ko sampie ia “ Indai, aku ada ari batu, bini aku di ambi aku mega ari batu, nya alai asuh meh tubuh kami duai pulai baru mati nyadi batu” pia meh ko leka sampie ia.\\nUdah ia ke besampie nya tadi ko jerita, hujan lalu bangat labuh naka pemesai-mesai leka. Hujan batu nya lalu mali tubuh enggau darah seduai bini ia nyadi batu. Darah bini ia ke meachir-achir ba parung din pan nyadi batu ari titik darah ke mit nyentuk titik darah kebesai ko jerita. Nya meh ke ngasuh kitai ulih meda nyentuk ke sari tu batu darah Dayang Siun meachir-achir nurun Bukit Beluai. Pala Dayang Rinai ke labuh ke parung tisi sungai mega diatu agi ulih peda kitai ba tisi aie terusan. Baka pala mensia amat meh nya diak. Agi bisi kebung mata, idung. Enti menya agi berupai amat ko sida ia, diatu nyau kurang agi laban utai tu ke nyadi bejuta enggau beratus-ratus tahun ke udah lalu, tang agi di kenang sampai ke saritu.\\nBatu Sangor enggau bini ia agi chegi-chegi sampai saritu, ulih di peda kitai bebatu-batu penyauh ia. Sekumbang ke nengah jalai nya suba aku (penulis) ulih ngasai ke tanda pengerindu seduai ia ke pangan diri dalam ati. Laban batu nya segi tampak di peda ari jalai nengah Tang Sangor ngagai menua Murut Tagal di Long Tengoa Lawas sampai ke seharitu.\\nNya alai arap ke jerita lagenda Batu Sangor enggau Batu Apoi tu enda nemu lesap ari pengingat kitai, ke lebih agi ari pengingat bansa ke agi nguan menua nya nyentuk ke saritu. Arinya meh ketungkah ia mensia menua nya, nyebut Bukit Beluai nya Bukit Sangor Sampai ke saritu, lalu besepiak aie enggau Bukit Sangor diatu, bisi siti rumah panjai bansa Lunbawang ke diberi nama Tang Sangor agi di wan bansa Lunbawang sampai ke diatu.\\nAmbi ke kitai nemu, Bukit Sangor nya suba di jaga remaung ko jerita. Laban diatu pan agi bisi lubang remaung nya diak. Remaung nya meh ke selalu di ambi orang mimpi kelia lebuh sida ia agi semak enggau antu, jelu enggau pengarap lama. Nyadi bungai ke di tanam Sangor ko jerita, agi bisi di peda nyentuk ke saritu. Tang lebuh orang ke ka ngambi bungai nya di tanam di baruh ia enggai tumbuh. Bungai ke tumbuh ba bukit nya enda ulih idup ba tanah baruh.\\nNya alai ke pengujung ia, aku ngarap ke kitai ke agi idup ulih bechuan, beteladan ke jerita tu sampai ke serak tubuh uchu-ichit kitai ambi ke kitai ulih diau gerai nyamai, nadai apa ko petara, gayu meh kitai idup nguan dunya nyentuk ke belama iya………………………AMBIS……………………………………………","num_words":20635,"character_repetition_ratio":0.063,"word_repetition_ratio":0.0,"special_characters_ratio":0.214,"stopwords_ratio":0.235,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adu dulu infrastruktur SK Long Busang - Suara Sarawak\\nKGBS chukup sinu beratika penusah ke ditapi bala pengajar enggau nembiak ba sekula nya\\n“Aku ngarapka agih bantu nyeruri infrastruktur begunan sekula ti udah jai laban ai bah ulih digaga enggau lengkas tauka ngiga jalai alternatif endur nembiak sekula ti deka berengkah enda lama agi.”\\nKUCHING: Agih bantu ti diberi ngagai peranak Kampung Long Busang ti dituntung penusah bah apin lama dikearap meri fokus dulu ngagai infrastruktur Sekula Primari (SK) Long Busang.\\nPresiden Gerempung Pengajar Bumiputra Sarawak (KGBS) Ahmad Malie madah iya sinu beratika penusah ti di tapi peranak menua nya rambau ngintu pengerami Hari Raya enggau Hari Gawai kelebih agi ngagai pengajar enggau nembiak sekula kampung nya.\\n“Aku ngarapka agih bantu nyeruri infrastruktur begunan sekula ti udah jai laban ai bah ulih digaga enggau lengkas tauka ngiga jalai alternatif endur nembiak sekula ti deka berengkah enda lama agi.\\n“Ketegal penusah nya endang mayuh perengka sekula jai laban maya nya nembiak enggau pengajar nadai diau dia,” ku iya.\\nAhmad madahka pekara tu rambau ngintu Pengerami Ngelalu Pengabang Hari Raya Aidilfitri ba rumah iya empu di Jalai Lilin ditu, kemari.\\nKENANG HARI RAYA…Presiden Gerempung Pengajar Bumiputra Sarawak (KGBS) Ahmad Malie (lima kanan baris kedua) enggau bini iya Fatimah Lee (enam kanan baris kedua) begambar kenang enggau bala pengabang ti bisi datai.\\nKelimpah ari nya, iya mega meri pengaga ati ngagai perintah Sarawak Kaban Parlimen Hulu Rajang Datuk Wilson Ugak Kumbong enggau Adun Belaga Liwan Lagang ti udah meri bantu beungkus RM100,000.\\n“Terima kasih ngagai perintah Sarawak ti udah mantu RM50,000 disuaka nengah Kaban Parlimen Hulu Rajang Datuk Wilson Ugak Kumbong meri bantu RM20,000 enggau Adun Belaga Liwan Lagang meri bantu RM30,000 ngagai peranak Kampung Long Busang Hari Tiga tu tadi.\\n“Ngarapka bantu tu ulih ngelempungka penusah ti di tapi sida rambau musim pengerami,” ku iya.\\nKampung Long Busang dituntung penusah bah sedalam dua ngagai lima meter ketegal ujan bangat kenyau malam Hari Satu nyin kemari.\\nEntara palan ti balat jai empas ari penusah nya begunan SK Long Busang ti ditenggelam ai nyentuk perabung.\\nNangkan ke nya, Ahmad enggau gaga ati nerima pengabang ti datai ngagai rumah iya sereta ngarapka kaul ti seruran manah enggau bala kaban.\\nEntara pemakai ti dibantai ba rumah iya baka laksa Sarawak, lemang, kek lapis enggau kebukai.\\nPengerami nya digulu kaban belayan, bakih sereta mensia mayuh.","num_words":371,"character_repetition_ratio":0.062,"word_repetition_ratio":0.11,"special_characters_ratio":0.182,"stopwords_ratio":0.199,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"26 April 2020 - Hari Minggu Ketiga Musim Paska -->\\nPun Laman › Berita › Bible › BupKudus › Catholic › Injil › JakuTuhanNintingHari › Prayer › RomanKatolik › SembiangKitai\\n26 April 2020 - Hari Minggu Ketiga Musim Paska\\nSiku ari seduai iya, ke benama Kliopas, lalu nyaut Iya, “Kati Nuan tu siku temuai di Jerusalem ke enda nemu utai ti udah nyadi dua tiga hari tu ti udah?” Luke 24:18\\nSelamat pagi, Hari Minggu Ketiga Musim Paska ngagai semua bala menyadi dalam kristus. Aram kitai sama nyendiaka diri lalu belabuh besembiang:\\nBacha Ke Satu: Surat Pasal Kereja Rasul 2: 14, 22 - 33\\nTang Peter, ke bediri enggau sida ke sebelas iku, lalu bejaku enggau nyawa ti inggar ngagai orang mayuh: “Kita orang Judah, enggau semua kita ke diau di Jerusalem, awakka kita nemu utai tu, lalu pendingka utai ti disebut aku.\\nKita orang Israel, dingaka jaku aku tu.\\nJesus orang Nasaret udah dikirumka Allah Taala ngagai kita.\\nUtai tu nyata ari kereja ajih, enggau kereja ti nyelai ti dikereja Allah Taala, ulih Jesus, ba bala kita. Kita empu nemu utai tu, laban utai tu nyadi ba bala kita.\\nJesus tu udah diserahka ngagai kita nitihka pelan enggau penemu Allah Taala.\\nKita ngeregang lalu munuh Iya ngena jari orang ke ari luar Adat.\\nTang Allah Taala udah ngangkatka Iya lebuh Iya udah ngelepaska Iya ari pemati, laban pemati nadai kuasa atas Iya.\\nLaban David udah bejakuka pasal Iya munyi tu:\\n‘Aku seruran meda Tuhan di mua aku.\\nLaban Iya muak ari kanan aku, nya alai aku enda takut.\\nNya alai ati aku gaga lalu dilah aku rami gaga, lalu aku deka diau dalam pengadang, laban Nuan enda ninggalka aku dalam dunya pemati, tauka nejuka Nembiak Nuan Ti Kudus, but.\\nNuan udah nunjukka jalai pengidup ngagai aku.\\nNuan deka seruran enggau aku lalu ati aku deka penuh laban pengaga.’\\n“Menyadi, awakka aku bejaku enggau terang ngagai kita pasal aki kitai David. Iya udah mati lalu udah dikuburka, lalu kubur iya agi bisi ditu nyentuk ngagai diatu.\\nLaban iya endang nabi, iya nemu Allah Taala udah ngaga semaya ngena sumpah enggau iya madahka Diri deka ngasuh siku ari peturun iya nyadi raja.\\nLaban David nemu utai tu deka nyadi, nya alai iya bejakuka pasal pengangkat Kristus ari mati. Ku iya, ‘Iya enda ditinggalka di dunya pemati, lalu tubuh Iya pen enda mega but.’\\nJesus tu ke udah diangkatka Allah Taala ari mati, lalu semua kami tu nyadika saksi nya.\\nIya udah diangkatka muak ari kanan Allah Taala lalu lebuh Iya udah nerima Roh Kudus ti udah disemaya Apai, Iya nuang Roh Kudus nya ngagai kami, baka ti dipeda enggau didinga kita.\\nMasmur Entara: Masmur 16: 1 - 2 & 5, 7 - 8, 9 - 10, 11\\nSaut (peda 11a): TUHAN, Nuan nunjukka ngagai aku jalai ti nuju ngagai pengidup.\\nJaga aku, O Allah Taala. Aku ngarapka Nuan meri aku pengelikun.\\nAku nyebut ngagai TUHAN, “Nuan TUHAN aku.\\nSemua utai ti manah ti dikemisi aku, datai ari Nuan magang.”\\nlalu Nuan meri aku semua utai ti dipeguna aku. Pengidup aku ba jari Nuan.\\nSaut: TUHAN, Nuan nunjukka ngagai aku jalai ti nuju ngagai pengidup.\\nAku muji TUHAN, laban Iya ngiring aku,\\nlalu lebuh malam hari ati aku empu ngajar aku.\\nAti aku gaga laban Nuan bisi enggau aku lalu ati aku lantang belama iya.\\nBacha Ke Dua: 1 Saint Peter 1: 17 - 21\\nEnti kita ngumbai Allah Taala Apai, ke deka ngakim semua mensia enda bepilih mata tang nitihka utai ti udah dikereja siku-siku mensia, diau nangika Iya sekumbang kita ke diau nyadi orang kampar di dunya tu.\\nKita nemu, kita ukai ditebus ngena utai ti nemu rusak baka pirak tauka emas, lebuh Iya nebus kita ari jalai pengidup ti nadai guna, ti diajar aki ini kita, tang ngena darah Kristus ti berega, baka darah anak domba ti nadai penimpang tauka petik.\\nIya endang udah dipilih Allah Taala sebedau dunya digaga, tang dipandangka ba pengujung dunya, ke penguntung kita.\\nUlih Iya, kita arapka Allah Taala, ke udah ngangkatka Iya ari mati lalu udah meri Iya mulia, ngambika pengarap enggau pengadang kita dipanggaika ba Allah Taala.\\nAlleluia (peda Luke 24: 32)\\nTUHAN Jesus, terangka Bup Kudus ngagai kami;\\nawakka ati kami asai ke disar api lebuh Nuan bejaku enggau kami.\\nBacha Injil: Luke 24: 13 - 35\\nSehari nya mega dua iku murid mansang ngagai sebuah genturung pendiau ke benama Emaus, kira sebelas kilometer ari Jerusalem.\\nSeduai iya berandauka pasal semua utai ti udah nyadi.\\nLebuh seduai iya benung berandau, Jesus Empu datai semak lalu bejalai enggau seduai iya, tang seduai iya enda ngelala Iya.\\nIya lalu bejaku ngagai seduai iya, “Nama utai ti dikerandauka seduai lebuh seduai bejalai tadi?”\\nSeduai iya lalu ngetu sereta berupai tusah ati.\\nSiku ari seduai iya, ke benama Kliopas, lalu nyaut Iya, “Kati Nuan tu siku temuai di Jerusalem ke enda nemu utai ti udah nyadi dua tiga hari tu ti udah?”\\nIya lalu nanya, “Utai nama?”\\nSeduai iya lalu nyaut, “Pasal Jesus orang Nasaret, nabi ti bekuasa dalam pengawa enggau jaku di mua Allah Taala enggau di mua semua orang,\\nenggau chara bala tuai imam kami enggau bala tuai kami nyerahka Iya ngambika Iya diukum bunuh, lalu sida ngeregang Iya.\\nTang kami udah ngarapka Iya deka ngelepaska Israel! Sigi amat, lalu nambahka nya, tu ketiga hari utai nya udah nyadi.\\nNambahka nya, sekeda indu ari bala kami udah ngasuh kami balat amat alit ati.\\nSida mansang ngagai kubur tumu pagi tadi,\\nlalu lebuh sida nadai nemu bangkai Iya dia, sida pulai ari kubur lalu madahka diri udah begenera meda melikat, ke madahka Jesus idup.\\nSekeda orang ke enggau kami lalu mansang ngabas kubur, lalu nemu utai dia munyi ti dipadahka sida indu, tang sida nadai meda Jesus.”\\nJesus lalu bejaku ngagai seduai iya, “Kita amat beli. Lubah amat meh kita arapka semua jaku ti udah disebut sida nabi!\\nKati Kristus enda patut natka semua pemerinsa nya, lalu udah nya dimuliaka?”\\nJesus lalu nerangka ngagai seduai iya utai di udah disebut dalam semua Bup Kudus pasal Iya Empu, belabuh ari bup Moses enggau semua bup sida nabi.\\nLebuh sida nyau datai semak genturung pendiau ti digagai seduai iya, Jesus lalu ngaga Diri baka ke deka majakka pejalai Iya.\\nTang seduai iya bebendar ngumbuk Iya.\\nKu seduai iya bejaku, “Bemalam enggau kami duai, laban hari nyau lemai, hari nyau ka malam.” Iya lalu bemalam enggau seduai iya.\\nLebuh Iya belatur deka makai enggau seduai iya, Iya ngambi roti, merekat lalu mechahka roti, lalu nyuaka roti nya ngagai seduai iya.\\nNya baru mata seduai iya tebuka, lalu ngelala orang nya Jesus.\\nIya lalu lesap, nadai dipeda seduai iya agi.\\nKu seduai iya bejaku enggau pangan diri, “Enda ka ati tua asai ke disar api lebuh Iya bejaku enggau tua ba jalai raya tadi, lebuh Iya nerangka Bup Kudus ngagai tua?”\\nSeduai iya lalu tekala nya angkat, lalu pulai ngagai Jerusalem, lalu nemu murid ke sebelas iku begempuru enggau sida murid ti bukai.\\nKu sida bejaku, “Tuhan amat udah angkat idup baru, lalu Iya udah pegari di mua Simon!”\\nUdah nya seduai iya lalu madahka pasal utai ti udah nyadi di rantau jalai, enggau pasal seduai iya ke ngelala Iya lebuh Iya mechahka roti.\\n#Berita #Bible #BupKudus #Catholic #Injil #JakuTuhanNintingHari #Prayer #RomanKatolik #SembiangKitai","num_words":1097,"character_repetition_ratio":0.059,"word_repetition_ratio":0.035,"special_characters_ratio":0.213,"stopwords_ratio":0.347,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"14 November 2018 - Hari Tiga ba Minggu Ke Tiga Puluh Dua Musim Selama\\nLebuh siku ari bala sida meda diri udah gerai, iya nikal, lalu muji Allah Taala enggau nyawa ti inggar. Iya nyungkurka diri di kaki Jesus, lalu meri terima kasih ngagai Iya. Lelaki nya orang Samaria.\\nBacha Ke Satu: Titus 3: 1 - 7\\nAsuh bala nembiak nuan nunduk ngagai orang ke megai perintah enggau ngagai orang ke megai kuasa, ngasika sida, lalu sedia deka ngereja pengawa ti badas, enda bejaku jai pasal orang, enda belaya, siru enggau orang, sereta bebasaka semua orang.\\nLaban dulu menya kitai empu udah beli, enda ngasi, tesat, nyadi ulun semua macham pengingin enggau nyadi ulun ati ti selalu deka ngelantangka diri, jai ati ngagai orang, kepapaska orang, dipegedika orang lalu begedika pangan diri.\\nTang lebuh pemadas, penelap enggau pengerindu Allah Taala ti nyadi Juruselamat kitai pegari, Iya nyelamatka kitai, ukai laban kitai udah ngereja pengawa ti lurus, tang ulih pengasih Iya.\\nIya nyelamatka kitai ulih Roh Kudus, ke masu kitai, lalu ngadaka kitai baru, lalu meri kitai pengidup ti baru.\\nRoh Kudus nya dituang Allah Taala ngagai kitai belimpah-limpah, ulih Jesus Kristus ti Juruselamat kitai, ngambika kitai digaga lurus ulih pengasih Allah Taala, lalu bempu pengidup ti meruan belama iya ti disadang kitai.\\nMasmur Entara: Masmur 23: 1 - 3A, 3BC - 4, 5, 6\\nSaut (peda 1): TUHAN pengibun aku. Aku nadai suntuk utai.\\nTUHAN pengibun aku. Aku nadai suntuk utai.\\nIya ngasuh aku belelak ba padang rumput ti galak\\nlalu nguluka aku ngagai ai ti tenang.\\nIya ngasuh aku kering baru.\\nSaut: TUHAN pengibun aku. Aku nadai suntuk utai.\\nIya ngiring aku nengah jalai ti ngena, ketegal nama Iya.\\nTaja pen aku bejalai nengah darung kelemayang pemati, aku enda takut, laban Nuan bisi enggau aku. Pemalu enggau tungkat Nuan ngasuh aku likun.\\nNuan nyendiaka pengerami makai besai ke aku di mua munsuh aku.\\nNuan nata pala aku ngena minyak lalu ngisi jalung aku penuh.\\nAku nemu, pemanah enggau pengerindu Nuan deka meruan enggau aku sepemanjai umur aku. Lalu aku deka diau dalam rumah TUHAN\\nbelama lama iya.\\nAlleluia (peda 1 Tesalonika 5: 18)\\nBeri terima kasih dalam semua utai, laban nya utai ti dikedekaka Allah Taala ari kita dalam Jesus Kristus.\\nBacha Injil: Luke 17: 11 - 19\\nLebuh Jesus benung majakka pejalai Iya ngagai Jerusalem, Iya bejalai nengah menua entara menua Samaria enggau menua Galili.\\nLebuh Iya tama ngagai sebuah genturung pendiau, sepuluh iku orang ke sakit lan mansang ngagai Iya. Sida bediri ari jauh lalu ngangau enggau nyawa ti inggar. Ku sida, “Jesus! Pengajar! Kasihka kami!”\\nLebuh Iya tepedaka sida, Iya lalu bejaku ngagai sida,\\n“Mupuk kita, lalu asuh sida imam meresa kita.”\\nLebuh sida benung di rantau jalai, sida lalu nyadi tuchi. Lebuh siku ari bala sida meda diri udah gerai, iya nikal, lalu muji Allah Taala enggau nyawa ti inggar.\\nIya nyungkurka diri di kaki Jesus, lalu meri terima kasih ngagai Iya. Lelaki nya orang Samaria.\\nJesus lalu nanya, “Ukai enda sepuluh iku digeraika? Kini ke tunga sida ke semilan iku?\\nKati sida nadai nikal kitu lalu muji Allah Taala, kelimpah ari orang kampar tu?”\\nIya lalu bejaku ngagai orang Samaria nya, “Angkat nuan, lalu mupuk. Pengarap nuan udah ngeraika nuan.”","num_words":486,"character_repetition_ratio":0.055,"word_repetition_ratio":0.055,"special_characters_ratio":0.21,"stopwords_ratio":0.36,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Semina mandangka adat nyabung manuk, nadai betuie – Johnny Chuat – Suara Sarawak – Bukan Sekadar Akhbar\\nYou are here:Home-RUAI-Semina mandangka adat nyabung manuk, nadai betuie – Johnny Chuat\\nSemina mandangka adat nyabung manuk, nadai betuie – Johnny Chuat\\nBINTULU: Ketuai Publisiti pengerami Gawai Dayak Renggat Nasional 2019, Johnny Chuat nyemetak madah nadai pengawa nyabung manuk betuie sebedau enggau maya program ke diatur kena 17 nyentuk 19 Mei tu ila.\\n“Bisi sekeda piak bisi nyebut deka diatur aktiviti nyabung manuk ba sebengkah palan sebedau enggau lebuh pengerami Gawai Dayak renggat nasional diatur tu ila”.\\nTaja pia, iya madah pengawa ‘nyabung manuk’ tu semina deka diatur kena pagi 19 Mei ba rumah panjai, Henri Nuni Anak Plen di Sungai Gelam, Ulu Sebauh ungkup demonstrasyen ngagai orang ke datai senentang adat main asal bansa Dayak kelebih agi Iban ngambika dipandangka ba televisyen lalu ukai pengawa bejudi tauka betuie nyabung manuk.\\nDemonstrasyen ‘nyabung manuk’ tu dikena nunjukka sebengkah main asal enggau adat peturun bansa Iban menya lalu ukai aktiviti bejudi baka ke dikerembai ba media rama, ku iya.\\n“Lebuh demonstrasyen nyabung manuk tu dipejalaika, bala penyereta deka ngena ngepan bansa iban.\\nNADAI BETUIE…Semina demonstrayen adat lama nyabung manuk.\\nKelimpah ari nya, temuai diberi lalau ngena ngepan ngambika aktiviti nya sebaka lebuh maya aktiviti nyabung manuk diatur dulu menya, ku iya.\\nPengerami Gawai Dayak Renggat Nasional 2019 di Bintulu tu diatur Opis Menteri Komunikasyen enggau Multimedia Malaysia nengah kerejasama sebengkah Gerempung Pengintu Pengelantang Pendiau Dayak (Civil Dayak Societies) di nengeri tu.\\nAktiviti pengerami tu bepun ari aktiviti Pasar Gawai Dayak di Sungai Plan, Bintulu kena ka 13 nyentuk 17 Mei, dibuka ngagai mensia mayuh ari pukul 10 pagi nyentuk 11 malam.\\nProgram nyambut temuai tauka ‘Malam Mantar Gawai’ deka diatur ba sebuah restoran kena ka malam 17 Mei ngelaluka penatai Menteri Komunikasyen enggau Multimedia, Gobind Singh Deo.\\n“Aktiviti kepenudi Pengerami Gawai Dayak Renggat Nasional iya nya ‘Ngerandang Jalai Gawai’ deka diatur ba Padang Bilun Lama Bintulu tumu pagi 18 Mei.\\n“Kami merambu lebih ari 2000 orang penyereta ari mayuh serak komuniti Dayak di Sarawak enggau pupu raban bansa Dayak ari Kalimantan Barat, Indonesia,”\\n“Aku ngelalau ngambika mayuh agi gerempung tauka orang mayuh datai ngerijista nyereta ngerandang jalai ngambi sama ngerami pengawa keterubah iya diatur Gawai Dayak Renggat Nasional ,”\\nSepengudah tembu pengawa ‘Ngerandang Jalai Gawai’ ngalih lemai 18 Mei, bala temuai diasuh ‘ngabang’ tauka ngusung nitihka pengawa rumah panjai ba Rumah Henri Nuni Anak Plen di Sungai Gelam, Ulu Sebauh.\\nNambahka nya, ngalih ke pagi 19 Mei deka diatur pengawa ‘Sandau Hari’ udahnya meda aktiviti demonstrasyen nyabung manuk.\\nPengawa nutup mega deka diatur ngalih lemai, 19 Mei lalu temuai ti dipebasa diperambu datai iya nya Menteri Besai, Tun Dr Mahathir Mohammad.\\nBala temuai deka diperindang enggau mayuh bengkah aktiviti enggau pemerindang main asal ari bemacham pupu raban bansa Dayak nyengkaum pemerindang ari pupu raban bansa Dayak Kalimantan Barat, Indonesia.\\nBy BARINA NANI|2019-04-21T17:58:38+08:00April 21st, 2019|Categories: RUAI|0 Comments\\nARKIB Select Month January 2021 (664) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":470,"character_repetition_ratio":0.074,"word_repetition_ratio":0.009,"special_characters_ratio":0.25,"stopwords_ratio":0.128,"flagged_words_ratio":0.0,"lang_id_score":0.995,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Nehemiahtau dibagi ngagai empat iti sitak: (1) Pemulai Nehemiah ngagai Jerusalem, laban iya udah diasuh raja besai menua Persia nyadi gabenor menua Judah. (2) nirika dinding kuta Jerusalem. (3) Esra macha Adat Allah Taala, lalu orang mayuh ngaku dosa. (4) Pengawa bukai ti dikereja Nehemiah, tuan gabenor menua Judah.\\nUtai ti tau amat diperatika dalam bup tu nya pasal pemendar Nehemiah ke manggaika diri ba Allah Taala, enggau pasal iya ke selalu besampi ngagai TUHAN.\\nNehemiah pulai ngagai Jerusalem (1.1-2.20)\\nNirika dinding kuta nengeri Jerusalem baru (3.1-7.73)\\nAdat dibacha. Sempekat diaku baru (8.1-10.39)\\nPengawa bukai ti dikereja Nehemiah (11.1-13.31)\\n1 Tu cherita pasal utai ti udah dikereja Nehemiah anak Hakaliah. Nehemiah Tusah Ati Ke Jerusalem. Dalam bulan Kislep kedua puluh taun Artaserses nyadi raja besai menua Persia, Aku, Nehemiah, bisi di Susa, iya nya indu nengeri menua nya.\\n2 Siku ari sida menyadi aku, ke benama Hanani, bisi datai ari menua Judah enggau siti raban. Aku lalu nanya ngagai sida pasal Jerusalem, enggau pasal orang Judah ti bukai, ti udah pulai ari menua Babilon.\\n3 Sida madahka ngagai aku, orang ke agi idup lalu udah pulai ke menua balat amat tusah pendiau, sereta dipechat orang bansa bukai ke diau semak sida. Sida mega madahka ngagai aku pasal dinding kuta Jerusalem ti udah runtuh, lalu pintu nengeri apin digaga baru sekumbang pintu nya udah ditunu.\\n4 Lebuh aku ninga berita nya, aku nudukka diri lalu nyabak. Aku ngulit lalu enda makai dua tiga hari. Ku aku besampi ngagai Allah Taala,\\n5 “TUHAN Allah Taala ti di serega! Nuan endang besai, lalu kami nangika Nuan. Nuan tetap ati ingatka sempekat Nuan enggau orang ke rinduka Nuan, ti ngereja utai ti diasuh Nuan.\\n6 Peda meh aku tu, TUHAN, lalu dingaka sampi aku lebuh aku besampi siang malam ke bala nembiak Nuan, orang Israel. Aku ngaku kami orang Israel endang udah bedosa. Aki ini aku enggau aku empu udah bedosa.\\n7 Kami udah ngereja utai ti jai ngelaban Nuan, lalu kami enda ngereja utai ti diasuh Nuan kereja kami. Kami enda nitihka adat ti udah diberi Nuan ngena nembiak Nuan, Moses.\\n8 Kingatka diatu utai ti udah dipadahka Nuan ngagai Moses. Ku Nuan, ‘Enti kita orang Israel enda tetap ati ngagai Aku, Aku deka ngachirka kita ngagai semua bansa bukai.\\n9 Tang enti kita pulai baru ngagai Aku, lalu ngereja utai ti diasuh Aku, Aku deka ngambi kita pulai baru ngagai endur ti udah dipilih Aku alai kita deka nyembah Aku, taja pen kita ngachir nyentuk ngagai tisi dunya.’ “\\n10 “TUHAN, sida tu bala ulun Nuan, bala nembiak Nuan. Nuan udah ngelepaska sida ngena kuasa Nuan ti besai enggau ngena pengering Nuan.\\n11 Pendingka sampi aku diatu, enggau sampi semua nembiak Nuan ti bukai, ti deka ngemesaika nama Nuan. Awakka aku mujur sehari tu, lalu asuh raja besai kasihka aku.” Lebuh maya nya menya, aku bekereja nyuaka wain ngagai raja besai.\\nNehemiah Mansang Ngagai Jerusalem\\n1 Nyadi sekali, empat bulan udah bekau nya, lebuh Raja Besai Artaserses benung makai, aku mai wain ngagai iya. Iya enda kala meda mua aku ngemalat nya tusah.\\n2 Nya alai iya nanya, “Nama kebuah nuan tusah ati baka nya? Nuan ukai sakit. Kada enda laban nuan enda lantang ati.” Aku lalu takut.\\n3 Ku aku nyaut raja, “Awakka Tuan Raja idup belama iya! Baka ni ku aku ulih nagang mua diri tusah enti nengeri ti alai aki ini aku dikuburka nyau nyadi tembawai, lalu pintu nengeri nya nyau udah retung diempa api?”\\n4 Raja besai lalu nanya, “Nama utai ti dikedekaka nuan?” Aku lalu besampi ngagai Allah Taala ti di serega,\\n5 lalu nyebut ngagai raja besai, “Enti Tuan Raja lantang ati enggau aku, lalu deka meri utai ti dipinta aku, awakka aku mansang ngagai menua Judah, ngagai nengeri alai aki ini aku dikuburka, ngambika aku ulih ngaga nengeri nya baru.”\\n6 Raja besai, ke duduk berimbai enggau kuin, ngemendarka peminta aku. Iya nanyaka pengelama aku di Jerusalem, enggau kemaya aku deka pulai ari nyin, lalu aku madahka ngagai iya.\\n7 Udah nya aku lalu minta kasih ngagai iya, minta iya meri aku surat ngambika bisi dibai aku ngagai bala tuan gabenor di Menua Ti Di Barat Eupratis, ngasuh sida ngemendarka aku bejalai ngagai menua Judah.\\n8 Aku mega minta siti surat ditujuka ngagai Asap, ke nyaga utan perintah, ngasuh iya meri aku kayu ramu kena ngaga pintu kuta ti dikena nyaga Rumah Sembiang, kena ngaga dinding kuta nengeri, enggau kena ngaga rumah alai aku diau. Raja besai meri semua utai ti dipinta aku, laban Allah Taala bisi enggau aku.\\n9 Raja besai lalu ngasuh bala pemesai soldadu enggau bala soldadu ke nepan kuda, bejalai enggau aku. Aku lalu mansang ngagai Menua Ti Di Barat Eupratis. Dia aku meri surat raja besai ngagai bala tuan gabenor.\\n10 Tang lebuh Sanbalat ke ari nengeri Bet-horon, enggau Tobiah, siku pemesai di sitak menua Amon, ninga orang siku bisi udah datai deka nulung orang Israel, seduai iya balat amat pedis ati.\\n11 Aku lalu datai di Jerusalem, lalu dalam kandang tiga hari sekumbang aku ti udah datai\\n12 aku nadai madahka ngagai orang utai ti udah diasuh Allah Taala kereja aku ke nengeri Jerusalem. Udah nya, ba urung tengah malam, aku angkat, lalu pansut, mai dua tiga iku pangan enggau aku. Kami mai semina siku aja keledai ti ditepan aku.\\n13 Hari endang udah malam lebuh aku pansut ari nengeri nengah Pintu Lebak ti di barat, lalu bejalai nuju ke selatan mansa Ai Engkeching Naga, ngagai Pintu Uras. Lebuh aku bejalai, aku meresa dinding nengeri ti udah pechah, enggau pintu nengeri ti udah rusak ditunu.\\n14 Udah nya, ba tisi timur nengeri nya, aku lalu bejalai nuju ke utara ngagai Pintu Ai Engkeching, enggau Letung Raja. Keledai ti ditepan aku nadai tetemuka jalai nengah tugung batu ari rumah ti udah runtuh.\\n15 Nya alai aku lalu nurun ngagai Lebak Kidron, lalu majakka pejalai aku, meresa dinding nya. Udah nya aku pulai baru ngagai nengeri nengah jalai aku mansang, nengah Pintu Lebak.\\n16 Nadai siku pemesai di nengeri nya nemu tunga pejalai aku, tauka utai ti udah dikereja aku. Nyentuk ngagai maya nya, aku endang apin nyebut sebarang utai ngagai orang Judah ti bukai, iya nya bala imam, bala tuai bansa, bala pemesai, tauka orang bukai ti deka sama enggau ngereja pengawa nya.\\n17 Tang udah nya aku bejaku enggau sida, “Peda kita pemalat penusah kitai tu, laban Jerusalem tu nyau nyadi tembawai, lalu pintu iya rusak! Nya alai aku mai bala kitai ngaga dinding kuta nengeri tu baru, kena muai pemalu kitai.”\\n18 Aku lalu madahka ngagai sida pasal Allah Taala ti udah enggau aku, lalu nulung aku, enggau pasal utai ti udah disebut raja besai ngagai aku.\\nSida lalu nyaut, “Awakka kitai berengkah ngaga dinding kuta nya baru!” Sida lalu sedia deka berengkah ngereja pengawa nya.\\n19 Lebuh Sanbalat, Tobiah enggau siku orang Arab ke benama Gesem ninga pasal utai ti deka dikereja kami, sida ketawaka kami, lalu ku sida, “Nama utai ti dikereja kita? Kati kita deka angkat ngelaban raja besai?”\\n20 Aku lalu nyaut, “Allah Taala ti di serega deka ngasuh kami mujur. Kami tu nembiak Iya, lalu kami deka berengkah ngaga dinding kuta tu baru. Tang kita nadai hak bempu sebarang reta tengkira di Jerusalem, lalu nama kita sigi enda dikingatka orang jemah ila.”\\nDinding Kuta Nengeri Jerusalem Digaga Baru\\n1 Baka tu ku jalai kuta nengeri nya digaga baru. Imam Besai Eliasip enggau bala imam ti bukai ngaga Pintu Bedus, nyerahka Pintu nya ngagai TUHAN, lalu nirika Pintu nya ba endur asal iya. Sida nyerahka dinding kuta nyentuk ngagai Menara Seratus enggau Menara Hananel ngagai TUHAN.\\n2 Orang ari Jeriko ngaga lumpar ti nangkanka nya. Sakur anak Imri ngaga lumpar ti nangkanka nya.\\n3 Bala raban peturun Hasenah ngaga Pintu Ikan. Sida nirika tiang enggau pintu kuta, lalu ngelekatka pasak enggau alang kena nambit pintu nya.\\n4 Meremot anak Uriah, iya nya uchu Hakos, ngaga lumpar ti nangkanka nya. Mesulam anak Berekiah, iya nya uchu Mesesabel, ngaga lumpar ti nangkanka nya. Sadok anak Bana ngaga lumpar ti nangkanka nya.\\n5 Orang ari Tekoa ngaga lumpar ti nangkanka nya, tang bala tuai nengeri nya empu enggai ngereja ungkup ti udah diasuh kereja sida nitihka atur orang ke ngemataka pengawa.\\n6 Joiada anak Paseah, enggau Mesulam anak Besodeiah ngaga Pintu Jesanah. Seduai iya nirika tiang enggau pintu, lalu ngelekatka pasak enggau alang kena nambit pintu nya.\\n7 Melatiah ari Gibeon, Jadon ari Meronot, enggau bala orang ari Gibeon enggau ari Mispah ngaga lumpar ti nangkanka nya, nyentuk ngagai rumah tuan gabenor ke Menua Ti Di Barat Eupratis.\\n8 Usil anak Haraiah, ti nyadi tukang emas, ngaga lumpar ti nangkanka nya. Hananiah ke idup begagaka minyak wangi, ngaga lumpar ti nangkanka nya, nyentuk ngagai Dinding Ti Besai Buka.\\n9 Repaiah anak Hur, ke megai setengah pelilih menua di Jerusalem, ngaga lumpar ti nangkanka nya.\\n10 Jedaiah anak Herumap ngaga lumpar ti nangkanka nya, semak rumah iya empu. Hatus anak Hasapniah ngaga lumpar ti nangkanka nya.\\n11 Malkijah anak Harim enggau Hasup anak Pahat Moap ngaga dua iti lumpar ti nangkanka nya, enggau Menara Oben.\\n12 Salum anak Halohes, orang ke megai setengah pelilih menua Jerusalem, ngaga lumpar ti nangkanka nya. (Bala anak indu iya nulung iya.)\\n13 Hanun enggau orang ari nengeri Sanoah ngaga Pintu Lebak. Sida nirika Pintu nya, masang pasak, enggau alang kena nambit pintu, lalu ngaduka 400 meter dinding kuta naka Pintu Uras.\\n14 Malkijah anak Rekap, ke merintah di pelilih menua Bet Hakerem, ngaga Pintu Uras. Iya nirika pintu nya, lalu ngelekatka pasak, enggau alang kena nambit pintu nya.\\n15 Salum anak Kolhoseh, ke merintah pelilih menua Mispah, ngaga Pintu Ai Ti Engkeching. Iya ngaga atap ke pintu penama, nirika pintu, lalu ngelekatka pasak enggau alang pintu. Ba letung Selah iya ngaga dinding kuta ti ngimbai kebun istana, nyentuk ngagai tangga ti nurun ngagai Nengeri David.\\n16 Nehemiah anak Asbuk, ke megai setengah pelilih menua Bet-sur, ngaga lumpar ti nangkanka nya, nyentuk ngagai lumbung David, letung enggau rumah soldadu. Orang Lewi Ke Bekereja Ngaga Dinding Kuta\\n17 Tu nama bala orang Lewi ke ngaga dua tiga iti lumpar dinding kuta: Rehum anak Bani ngaga lumpar ti nangkanka nya. Hasabiah, ke megai setengah pelilih menua Keilah, ngaga lumpar ti nangkanka nya ngarika pelilih menua iya.\\n18 Bawai anak Henadat, ke megai setengah pelilih menua Keilah, ngaga lumpar ti nangkanka nya.\\n19 Eser anak Jesua, ke megai Mispah, ngaga lumpar ti nangkanka nya, di mua setor alai nyimpan senyata, nyentuk ngagai endur alai dinding kuta nya betiku.\\n20 Baruk anak Sabai ngaga lumpar ti nangkanka nya, nyentuk ngagai penama ngagai rumah Imam Besai Eliasip.\\n21 Meremot anak Uriah, uchu Hakos, ngaga lumpar ti nangkanka nya, nyentuk ngagai ujung rumah Eliasip. Bala Imam Ke Bekereja Ngaga Dinding Kuta\\n22 Tu nama bala imam ke ngaga dua tiga iti lumpar dinding kuta: Bala imam ari ngelingi Jerusalem, ngaga lumpar ti nangkanka nya.\\n23 Benjamin enggau Hasup ngaga lumpar ti nangkanka nya, di mua rumah seduai iya empu. Asariah anak Maseiah, uchu Ananiah, ngaga lumpar ti nangkanka nya, di mua rumah iya empu.\\n24 Binui anak Henadat ngaga lumpar ti nangkanka nya, berengkah ari rumah Asariah ngagai sukut dinding kuta.\\n25-26 Palal anak Usai ngaga lumpar ti nangkanka nya, berengkah ari sukut dinding kuta enggau menara ti ba atas istana semak tengah laman bala jejaga. Pedaiah anak Paros ngaga lumpar ti nangkanka nya, ngagai endur ti muak ke timur semak Pintu Ai enggau menara ti dikena nyaga Rumah Sembiang. (Tu semak endur ti dikumbai Opel, endur alai orang ke bekereja dalam Rumah Sembiang, diau.)\\nOrang Bukai Ke Sama Enggau Ngaga Dinding Kuta\\n27 Orang ari Tekoa ngaga lumpar ti nangkanka nya. Tu ungkup sida ke kedua. Lumpar nya berengkah ba endur ti besenentang enggau menara ti besai ti nyaga Rumah Sembiang, nyentuk ngagai dinding kuta ti semak Opel.\\n28 Seraban bala imam ngaga lumpar ti nangkanka nya, nuju ke utara ari Pintu Kuda. Genap iku sida bela ngaga dinding kuta di mua rumah diri empu.\\n29 Sadok anak Imer ngaga lumpar ti nangkanka nya, di mua rumah iya empu. Semaiah anak Sekaniah, ke nyaga Pintu Timur, ngaga lumpar ti nangkanka nya.\\n30 Hananiah anak Selemiah enggau Hanun, anak lelaki Salapan ke lumur enam, ngaga lumpar ti nangkanka nya. Tu ungkup seduai iya ti kedua. Mesulam anak Berekiah ngaga lumpar ti nangkanka nya, di mua rumah iya empu.\\n31 Siku tukang emas ke benama Malkijah, ngaga lumpar ti nangkanka nya, nyentuk ngagai rumah ti dikena bala orang ke bekereja dalam Rumah Sembiang, semak Pintu Mipkad Rumah Sembiang, semak bilik ti ba atas sukut timur utara ke dinding kuta nya.\\n32 Bala tukang emas enggau bala orang dagang ngaga lumpar ti penudi, berengkah ari bilik ti ba sukut, nyentuk ngagai Pintu Bedus.\\nNehemiah Ngalahka Orang Ke Nyakal Pengawa Nya\\n1 Lebuh Sanbalat ninga kami orang Judah udah berengkah ngaga dinding kuta nya baru, iya pedis ati lalu berengkah ngeleseka kami.\\n2 Ku iya bejaku di mua bala pangan iya enggau di mua bala soldadu orang Samaria, “Nama utai ti dikereja bala orang Judah ke lemi tu? Kati sida deka nirika nengeri nya baru? Kati sida ngumbai diri ulih nembuka pengawa nya dalam sehari ketegal sida ngenjuk piring? Kati sida ngumbai diri ulih ngaga utai ngena tugung batu ti udah ditunu?”\\n3 Nyadi Tobiah bisi bediri dia ngimbai sida, lalu ku iya bejaku, “Ni gaya kuta ti deka digaga sida? Indah munsang deh ulih ngeruntuhka kuta nya!”\\n4 Aku lalu besampi, “Dinga Nuan jalai sida ngeleseka kami, O Allah Taala! Awakka jaku kelese sida ninggang sida empu. Awakka semua utai ti dikemisi sida dirampas magang ari sida, lalu awakka sida nyadi orang tangkap lalu ditabanka ngagai menua bukai.\\n5 Anang ngampun penyai sida, lalu anang enda ingatka dosa sida, laban sida udah mechat kami ke ngaga dinding kuta tu.”\\n6 Nya alai kami majak ngaga dinding kuta nya. Enda lama udah nya dinding kuta nyau bulih setengah peninggi ari ti dijuluk ati kami, laban orang mayuh ransing gawa.\\n7 Sanbalat, Tobiah, enggau orang Arab, orang Amon, enggau orang Asdot balat amat pedis ati lebuh sida ninga pasal pemansang pengawa kami ke begagaka dinding kuta Jerusalem, sereta ngalitka semua endur ti sawang ba dinding kuta nya.\\n8 Nya alai semua sida bepekat deka nyerang Jerusalem, lalu ngaga pengachau.\\n9 Tang kami besampi ngagai Allah Taala kami, lalu ngasuh orang nyaga kami ari sida siang malam\\n10 Orang Judah bisi siti lagu ti dinyanyi sida:\\n“Kami nyau lembut tulang mai utai ti berat.\\nMayuh amat batu ti udah runtuh enda tau enda dibai kebukai.\\nBaka ni ku kami ulih nirika dinding kuta tu sehari tu?”\\n11 Bala munsuh kami ngumbai kami enda meda sida, tauka enda nemu utai ti nyadi, sebedau sida nyerang kami, munuh kami lalu ngemuntanka pengawa kami.\\n12 Tang orang Judah ti diau begulai enggau bala munsuh seruran datai madahka pelan munsuh ti deka ngelaban kami.\\n13 Nya alai aku lalu meri pedang, sangkuh, enggau panah ngagai orang mayuh, lalu ngasuh sida jaga di belakang dinding kuta nitihka ripih raban peturun sida empu, ba endur alai dinding kuta ti apin tembu digaga.\\n14 Aku meda orang mayuh irau ati. Nya alai aku bejaku enggau sida, enggau ngagai bala tuai enggau bala pemesai, “Anang takutka munsuh kitai. Kingatka pemesai enggau pengering TUHAN kitai, lalu laban meh munsuh kitai, kena nyaga kaban belayan kita, bala anak, bala bini, enggau rumah kita.”\\n15 Lebuh munsuh kami ninga kami udah nemu pekat sida, nya baru sida nemu Allah Taala udah ngemuntanka pelan sida. Udah nya semua kami lalu pulai baru ngagai pengawa begagaka dinding kuta nya.\\n16 Berengkah ari nya, setengah ari bala aku bekereja, lalu setengah jaga, ngena baju kebal, mai sangkuh, terabai, enggau panah. Lalu bala tuai kami nyukung orang mayuh\\n17 ke begagaka dinding kuta nya. Indah orang ke mai utai ti dikena begagaka dinding kuta, deh bekereja ngena jari sepiak, lalu jari sepiak megai senyata.\\n18 Semua orang ke gawa bela nangkin pedang magang. Orang ke nyepu terumpit kena megau orang mayuh endang seruran enggau aku.\\n19 Ku aku madahka ngagai orang mayuh enggau ngagai bala pemesai sida, enggau ngagai bala tuai, “Pengawa tu nyau ngachir jauh-sejauh, lalu bala kitai nyau jauh-sejauh ari pangan diri ba dinding kuta tu.\\n20 Enti kita ninga munyi terumpit, kita enda tau enda begempuru ngelingi aku. Allah Taala kitai deka beperang ngarika kitai.”\\n21 Nya alai tiap hari, kenyau ari dini hari nyentuk ngagai bintang nyau pegari malam hari, setengah ari bala kami gawa ngaga dinding kuta nya, lalu setengah jaga bepegaika sangkuh.\\n22 Lebuh maya nya aku bisi madahka ngagai orang ke nyadi tuai, sida enggau bala penulung sida enda tau enda diau di Jerusalem lebuh malam hari, ngambika kami ulih nyaga nengeri lebuh malam hari, lalu gawa lebuh siang hari.\\n23 Lebuh malam hari aku, bala pangan aku, bala orang gaji, enggau orang ke jaga mengkang ngena gari ti dikena kami bekereja. Senyata kami endang seruran ba jari kami.\\nOrang Ke Miskin Kena Tekan\\n1 Nyau kelama udah bekau nya, mayuh lelaki enggau indu, belabuh mutap ngelaban orang Judah ti bukai.\\n2 Ku sekeda sida, “Bala kami sebilik mayuh. Kami begunaka gandum kena kami idup.”\\n3 Kenu ku sida ti bukai bejaku, “Kami nyau begadaika tanah kami, enggau kebun anggur enggau rumah kami kena meli gandum lebuh lapar pungkang tu.”\\n4 Sida ke bukai mega nyebut, “Kami nyau nginjau duit kena mayar chukai tanah enggau kebun ngagai perintah.\\n5 Kitai tu orang Judah magang. Kati bala anak kami enda ngemanah anak sida? Tang kami nyau mejalka anak kami nyadi ulun. Sekeda bala anak indu kami udah dijual nyadi ulun. Kami tu nadai daya, laban tanah enggau kebun anggur kami udah dirampas ari kami.”\\n6 Lebuh aku ninga jaku putap sida, aku pedis ati\\n7 lalu mutuska runding deka mutarka pekara nya. Aku besalah semua bala tuai enggau bala pemesai orang mayuh. Ku aku bejaku ngagai sida, “Kita tu nekanka pengidup kaban belayan kita empu!” Aku lalu mesanka semua orang datai begempuru ngambika mutarka penusah nya.\\n8 Ku aku bejaku, “Kitai udah, enggau naka ulih nebus bala kaban belayan kitai ke bansa orang Judah ke udah nyual diri ngagai orang bansa bukai. Tang diatu kita mejalka kaban belayan kita nyual diri ngagai kita ke orang Judah baka sida empu!” Bala tuai enda bemunyi, sereta enda nemu utai ti patut disebut.\\n9 Udah nya aku lalu bejaku enggau sida, “Utai ti dikereja kita tu enda manah. Kita patut ngasika Allah Taala, nya baru bansa bukai ti nyadi munsuh kitai enda ngeleseka kitai.\\n10 Nambahka nya, aku enggau bala menyadi aku, enggau bala orang gaji aku, udah nyali duit enggau gandum. Aram kitai badu agi minta sida mayar anak duit nya.\\n11 Beri pulai baru ngagai sida sehari tu tanah sida, kebun anggur sida, kebun buah kana sida, rumah sida, enggau anak ari duit ti dijali ngagai sida, gandum, wain, enggau minyak ti udah diambi kita ari sida!”\\n12 Bala tuai lalu nyaut, “Kami deka ngereja utai ti disebut nuan. Kami deka mulaika pesaka sida ngagai sida empu, lalu enda minta sida mayar utang sida.”\\nAku lalu mesanka bala imam, lalu mejalka bala tuai besumpah di mua sida, ngasuh sida ngamatka semaya ti baru udah digaga sida.\\n13 Udah nya aku lalu muka belulang ari punggung aku, lalu nesai belulang nya. lalu bejaku, “Baka tu ku Allah Taala deka nesai barang sapa kita ke enda ngamatka semaya diri. Allah Taala deka ngerampas rumah enggau semua utai kita, ngambika kita nadai agi utai.”\\nSemua orang ke bisi dia bela nyebut, “Amin!” lalu muji TUHAN. Bala tuai lalu ngamatka semaya sida.\\nNehemiah Gerah Ati Meri Utai\\n14 Dalam kandang dua belas taun aku ti nyadi gabenor menua Judah, berengkah ari taun ti kedua belas nyentuk ngagai taun ti ketiga puluh dua Artaserses nyadi raja besai, kaban belayan aku enggau aku empu nadai kala makai pemakai gabenor.\\n15 Semua gabenor ti udah megai orang dulu agi ari aku, udah nating orang mayuh, lalu udah minta sida mayar empat puluh singkap duit pirak sehari kena meli pemakai enggau wain. Indah bala orang gaji sida deh udah nekanka pengidup orang mayuh. Tang aku enda baka nya, laban aku nangika Allah Taala.\\n16 Aku ngaga dinding kuta enggau pengabis pengering aku, lalu aku nadai ngulihka reta tengkira ke diri empu. Semua orang ke bekereja ke aku, bela ngaga dinding kuta nya magang.\\n17 Aku endang semampai nupi seratus lima puluh iku orang Judah enggau bala tuai sida, enda ngira semua orang bansa bukai ke betemu enggau aku.\\n18 Aku mela ke sida siku sapi, enam iku jelu bedus ti gemu, enggau berapa iku manuk tiap hari, lalu genap sepuluh hari aku meri sida wain. Tang aku nemu pemerinsa orang mayuh. Nya kebuah aku enda minta gaji nyadi gabenor.\\n19 Aku besampi ngagai Nuan, O Allah Taala. Kingatka semua utai ti udah dikereja aku ke orang mayuh tu.\\nOrang Bepekat Ngelaban Nehemiah\\n1 Lebuh Sanbalat, Tobiah, Gesam, enggau bala munsuh kami ke bukai ninga kami udah nembuka dinding kuta, lalu dinding nya nyau nadai agi pesuk, taja pen kami apin nirika pintu ba ruang pintu,\\n2 Sanbalat enggau Gesam ngirumka pesan ngagai aku, minta aku betemu enggau sida ba siti genturung pendiau ti ba Emperan Ono. Tang aku nemu, sida deka ngemediska aku.\\n3 Aku lalu ngasuh orang mai pesan tu ngagai sida: “Aku enda ulih nurun kin laban aku benung ngereja pengawa ti besai amat guna, lalu aku enggai ngasuh pengawa tu tejanggal ngapa ketegal betemu enggau kita.”\\n4 Empat kali sida mesanka aku. Genap kali sida mesanka aku, baka nya ga saut aku.\\n5 Udah nya Sanbalat lalu ngasuh siku ari bala nembiak iya betemu enggau aku, mai pesan ti kelima, ngena siti surat ti enda ditutup.\\n6 Munyi tu ku surat nya: “Gesam madahka ngagai aku, berita bisi udah selebubu ngapa ba sebelah orang ke bekelingi ditu, madahka nuan enggau orang Judah ngaga dinding kuta tu laban kita deka angkat ngelaban perintah. Berita nya mega madahka nuan deka nyiri diri empu nyadi raja\\n7 lalu nuan udah meri atur ngasuh bala imam madahka, di Jerusalem, nuan raja orang Judah. Tuan Raja tetap deka ninga pasal utai tu, nya alai aku minta tua betemu lalu berandauka pekara tu.”\\n8 Aku lalu ngirumka saut ngagai iya: “Semua utai ti disebut nuan bula magang. Semua utai tu dikeluluka nuan magang.”\\n9 Sida nguji ngemba kami ngambika kami badu agi gawa. Aku lalu besampi, “TUHAN Allah Taala, asuh aku kering!”\\n10 Kira ba urung maya nya aku nemuai ngagai Semaiah anak Delaiah, uchu Mehetabel, ti enda ulih mindah ari rumah. Ku iya bejaku enggau aku, “Tua enda tau enda mupuk lalu belalai ba Endur ti Kudus dalam Rumah Sembiang, lalu ngunchi diri dia, laban sida deka datai lalu munuh nuan. Kada enda malam tu sida deka datai lalu munuh nuan.”\\n11 Ku aku nyaut, “Aku tu ukai orang ke rari lalu belalai. Kati nuan ngumbai aku deka belalai dalam Rumah Sembiang lalu ngidupka nyawa diri? Aku enda.”\\n12 Lebuh aku berundingka utai nya, nya baru aku nemu Allah Taala nadai bejaku ngena Semaiah. Semaiah meri aku jaku tangkan nya laban Sanbalat seduai Tobiah udah nyuap iya nyebut jaku nya.\\n13 Sida ngaji iya bejaku ngemba aku, ngambika aku bedosa, lalu ari nya ngenyaika nama aku lalu ngemaluka aku.\\n14 Aku lalu besampi, “Allah Taala, kingatka utai ti udah dikereja Tobiah enggau Sanbalat, lalu ukum seduai iya. Kingatka indu ke benama Noadiah enggau semua bala nabi ti bukai ti udah nguji ngemba aku.”\\n15 Lebuh kami udah bekereja 52 hari, semua kuta nya tembu magang digaga kena dua puluh lima hari bulan Elul.\\n16 Lebuh bala munsuh kami di menua ti ngelingi kami, ninga berita nya, sida takut, laban semua orang nemu pengawa nya tembu ari tulung Allah Taala.\\n17 Sekumbang maya nya, bala tuai orang Judah endang selalu ngirumka surat ngagai Tobiah, lalu Tobiah mega selalu ngirumka surat ngagai sida,\\n18 laban orang Judah mayuh setanah enggau iya laban mentua iya ti lelaki, Sekaniah anak Arah, nya orang Judah. Nambahka nya, anak lelaki iya ke benama Jehohanan jadi enggau anak indu Mesulam anak Berekiah.\\n19 Orang selalu bejaku di mua aku madahka semua utai ti manah ti udah dikereja Tobiah, lalu sida madahka ngagai iya semua utai ti disebut aku. Lalu iya majak ngirumka surat ngagai aku kena iya ngemba aku.\\n1 Diatu dinding kuta udah digaga. Semua pintu udah didirika magang, lalu orang ke nyaga Rumah Sembiang, raban orang ke belagu ke TUHAN, enggau orang Lewi ti bukai udah diberi pengawa magang.\\n2 Aku lalu ngeletak dua iku orang merintah nengeri Jerusalem: menyadi aku Hanani, enggau Hananiah ti nyadi kepala nyaga kuta. Hananiah lain ari orang bukai laban iya orang ke tau dikarapka, sereta nangika Allah Taala.\\n3 Aku madahka ngagai seduai iya, pintu nengeri Jerusalem enda tau dibuka sebedau tinggi mata hari, lalu enda tau enda ditutup lalu dikalang sebedau bala jejaga pulai lebuh padam mata panas. Aku mega ngasuh seduai iya ngeletak orang nyadi jejaga ari orang ke diau di Jerusalem, lalu ngeletak sekeda sida nyaga ba siti-siti endur, lalu sida ti bukai bejalai nyaga ngelingi rumah diri empu.\\nNama Orang Ke Mulaika Diri Ari Menua Bukai\\n4 Nengeri Jerusalem nya besai, tang orang ke diau dia enda mayuh, lalu rumah pen apin mega mayuh udah digaga.\\n5 Allah Taala ngasuh aku ngempuruka semua orang mayuh, bala tuai sida, enggau bala pemesai, ngambika ngitung tubuh nitihka ruang bilik. Aku lalu tetemuka bup ti ngundan nama orang ke terubah-rubah iya pulai ari menua Babilon. Baka tu ku utai ti ditemu aku:\\n6 Mayuh orang ke udah kena buai ngagai sitak menua Babilon, udah angkat ari menua nya, lalu pulai ngagai Jerusalem enggau ngagai menua Judah, napatka nengeri diri empu. Raban ruang bilik sida tu udah dibuai ngagai menua Babilon lalu diau din kenyau ari maya Raja Nebukadnesar udah nabanka sida nyadi orang tangkap.\\n7 Orang ke nyadi tuai sida nya Serubabel, Josua, Nehemiah, Asariah, Ramiah, Nahamani, Mordikai, Bilsan, Misperet, Bikbai, Nehum, enggau Banah.\\n8-25 Tu nama raban peturun orang Israel, enggau pemayuh tubuh ari siti-siti raban peturun ke pulai ari menua Babilon:\\nParos - 2,172\\nSepatiah - 372\\nPahat Moap (peturun Josua enggau peturun Joap) - 2,818\\nSatu - 845\\nSakai - 760\\nBinui - 648\\nAsgat - 2,322\\nBikbai - 2,067\\nAter (mega dikumbai Hesekiah) - 98\\nHasum - 328\\nBesai - 324\\nHarip - 112\\n26-38 Orang ke bempu aki ini ti udah diau di nengeri ti disebut di baruh tu mega pulai:\\nBetlehem enggau Netopah - 188\\nAnatot - 128\\nBet Asmabet - 42\\nKiriat-jearim, Chepirah, enggau Berot - 743\\nRamah enggau Geba - 621\\nMikmas - 122\\nBetel enggau Ai - 123\\nNebo ti siti - 52\\nElam ti siti - 1,254\\nLod, Hadit, enggau Ono - 721\\n39-42 Tu nama raban peturun bala imam ke pulai ari menua Babilon:\\nJedaiah (peturun Jesua) - 973\\nImer - 1,052\\nPasur - 1,247\\n43-45 Tu nama raban peturun orang Lewi ke pulai ari menua Babilon:\\nJesua enggau Kadmi-el (peturun Hodabiah) - 74\\nRaban peturun orang ke nebah musik dalam Rumah Sembiang (peturun Asap) - 148\\nRaban peturun orang ke nyaga Rumah Sembiang (peturun Salum, Ater, Talmon, Akup, Hatita, enggau Sobai) - 138\\n46-56 Raban peturun orang ke bekereja dalam Rumah Sembiang ke pulai ari menua Babilon:\\nSiha, Hasupa, Tabaot\\nReaiah, Resin, Nekoda,\\nGasam, Usa, Paseah,\\nBesai, Meunim, Nepusesim,\\nBaslit, Mehida, Harsa,\\nBarkos, Sesera, Temah,\\nNesiah, enggau Hatipa.\\n57-59 Raban peturun bala ulun Solomon ke pulai ari menua Babilon:\\nSotai, Soperet, Perida\\nSepatiah, Hatil, Pecheret Hasebaim, enggau Amon.\\n60 Pemayuh semua peturun orang ke bekereja dalam Rumah Sembiang enggau bala ulun Solomon, ke pulai ari menua Babilon nya 392 iku.\\n61-62 Enam ratus empat puluh dua iku orang ari raban peturun Delaiah, Tobiah, enggau Nekoda pulai ari nengeri Tel Melah, Tel Harsa, Kerup, Adon, enggau Imer, tang sida enda ulih nerangka diri endang peturun orang Israel.\\n63-64 Tu bala raban peturun sida imam ti nadai tetemuka utai ti udah ditulis kena nerangka aki ini sida: Hobaiah, hakos, enggau Barsilai. (Aki ini ari raban peturun imam Barsilai udah jadi enggau siku indu ari raban peturun Barsilai ari Giliat, lalu ngangkatka nama raban peturun mentua iya ti lelaki.) Laban sida enda ulih nerangka aki ini diri, sida enda diterima nyadi imam.\\n65 Tuan gabenor orang Judah nagang sida makai pemakai ti diberi ngagai Allah Taala enti sida nadai imam ke nemu ngena Urim enggau Tumim.\\n66-69 Pemayuh semua orang ke pulai ari menua Babilon - 42,360.\\nOrang gaji ti lelaki enggau ti indu - 7,337\\nLelaki enggau indu ke nebah musik - 245\\nKuda - 736\\nPenakan-keledai - 245\\nUnta - 435\\nKeledai - 6,720\\n70-72 Mayuh orang ari bala sida meri duit kena ngaga Rumah Sembiang nya baru:\\nTuan gabenor meri 8 kilogram emas\\n50 igi mangkuk kena ngereja pengawa pengarap\\n530 lambar baju panjai ke bala imam\\nBala tuai peturun meri 168 kilogram emas\\n1,250 kilogram pirak\\nSemua orang bukai meri 168 kilogram emas\\n140 kilogram pirak\\n67 lambar baju panjai imam\\n73 Bala imam, orang Lewi, bala orang ke nyaga Rumah Sembiang, bala orang ke nebah musik, mayuh orang Israel ti bukai, bala orang ke bekereja dalam Rumah Sembiang, iya nya semua orang Israel, ngentapka diri di nengeri ti mit enggau nengeri ti besai di menua Judah.\\nEsra Macha Adat Ngagai Orang Mayuh\\n1 Dalam bulan ti ketujuh semua orang Israel bela udah ngentapka diri magang dalam nengeri diri empu. Kena satu hari bulan nya, semua sida begempuru magang di Jerusalem, ba padang semak Pintu Ai. Sida ngasuh Esra ngambi Bup Adat Moses ti udah diberi TUHAN ngagai orang Israel.\\n2 Esra lalu mai bup nya ngagai endur alai semua orang ke lelaki, sida ke indu, enggau bala anak mit ti udah nemu meretika utai, begempuru.\\n3 Iya lalu macha Adat nya ngagai sida ba padang semak pintu nya, kenyau ari dini hari nyentuk ngagai tengah hari, lalu semua sida nyinuk mending.\\n4 Esra bediri ba panggau, ti endang udah disediaka alai ngereja pengawa nya. Tu nama orang ke bediri ari kanan Esra: Matitiah, Sema, Anaiah, Uriah, Hilkiah, enggau Maseiah. Orang ke bediri ari kiba iya: Pedaiah, Misael, Malkijah, Hasum, Hasbadanah, Sekariah, enggau Mesulam.\\n5 Esra bediri ba panggau nya ari atas orang mayuh, lalu semua sida bela merening ngagai iya magang. Lebuh iya ngebakka bup nya, semua sida bediri magang.\\n6 Ku Esra, “Pujika TUHAN Allah Taala ti pemadu besai!” Semua orang mayuh lalu ngangkatka jari sida, lalu nyaut, “Amin! Amin!” Sida besugang lalu nyungkurka diri ke tanah nyembah Allah Taala.\\n7 Udah nya sida angkat lalu bediri, lalu bala orang Lewi nerangka Adat nya ngagai sida. Tu nama orang Lewi nya: Jesua, Bani, Serebiah, Jamin, Akup, Sabetai, Hodiah, Maseiah, Kelita, Asariah, Josabat, Hanan, enggau Pelaiah.\\n8 Sida lalu nyalinka Bup Adat Allah Taala nya, sereta nerangka iya ngambika orang mayuh meretika iya.\\n9 Lebuh orang mayuh ninga utai ti diguna Adat, ati sida balat kena tegu datai ke sida belabuh nyabak. Nya alai Nehemiah, ti nyadi tuan gabenor, Esra ti nyadi imam sereta landik pasal Adat, enggau bala orang Lewi nerangka Adat lalu madahka ngagai orang mayuh, “Tu hari ti kuduska TUHAN Allah Taala kita. Nya alai kita enda tau ngulit tauka nyabak.\\n10 Pulai ke rumah, lalu intu pengerami makai besai. Bagi pemakai enggau wain kita enggau orang ke nadai chukup utai diempa. Tu hari ti kuduska TUHAN. Nya alai, anang ngasuh ati kita tusah. Pengaga ti diberi TUHAN ngagai kita, deka ngasuh kita kering.”\\n11 Bala orang Lewi bejalai ngagai orang mayuh minta sida diau jenuh, lalu enda tusah ati ba hari ti kudus nya.\\n12 Nya alai semua orang mayuh pulai, lalu makai ngirup enggau ati ti gaga, sereta magi utai ti dikemisi sida enggau orang bukai, laban sida meretika utai ti udah dibacha ngagai sida.\\n13 Hari siti bala tuai peturun, enggau bala imam enggau orang Lewi, mansang ngagai Esra, deka belajarka ajar ari Adat.\\n14 Nya baru sida nemu, Adat ti udah diberi TUHAN ngena Moses, ngasuh orang Israel diau ba dunju lebuh Gawai Belangkau.\\n15 Nya alai sida madahka atur tu ngagai serata nengeri Jerusalem, enggau ngagai nengeri bukai enggau nengeri ti mit: “Kita enda tau enda mansang ngagai bukit, lalu ngambi dan kayu pain, kana, mertil, engkerema enggau kayu bukai, kena ngaga dunju nitihka atur ti ditulis dalam Adat.”\\n16 Orang mayuh lalu ngambi dan kayu, lalu ngaga dunju ba perabung rumah sida, ba tengah laman, ba tengah laman Rumah Sembiang, enggau ba padang nengeri ti semak Pintu Ai, enggau ngimbai Pintu Epraim.\\n17 Semua orang ke udah pulai ari menua Babilon bela ngaga dunju magang lalu diau dia. Tu keterubah iya utai tu dikereja kenyau ari maya Josua anak Nun. Semua orang mayuh gagit sereta lantang ati magang.\\n18 Kenyau ari hari ti keterubah ba Gawai nya nyentuk ngagai hari ti penudi, sida macha sebagi ari Adat Allah Taala tiap hari. Sida ngintu Gawai nya tujuh hari, lalu ba hari ti kelapan, sida besembiang bebala mayuh nitihka atur Adat.\\nOrang Mayuh Ngaku Dosa\\n1 Kena dua puluh empat hari bulan nya, orang Israel begempuru. Sida bepasa, ngerasukka kain guni sereta ngerabu pala sida enggau amau.\\n2 Sida lalu nyeraraka diri ari semua orang bansa bukai, lalu bediri lalu belabuh ngaku dosa sida enggau dosa aki ini sida.\\n3 Sida bediri ba endur sida tiga jam mendingka Adat TUHAN Allah Taala sida dibacha ngagai sida, lalu dalam tiga jam nangkanka nya, sida ngaku dosa sida, lalu nyembah TUHAN Allah Taala sida\\n4 Udah nya Jesua, Bani, Kadmi-el, Sebaniah, Buni, Serebiah, Bani, enggau Chenani lalu bediri ba panggau ti endang diungkupka orang Lewi, lalu besampi enggau nyawa ti inggar ngagai TUHAN Allah Taala sida.\\n5 Udah nya orang Lewi, iya nya, Jesua, Kadmi-el, Bani, Hasapneiah, Serebiah, Hodiah, Sebaniah, enggau Petahiah, lalu bejaku: “Bediri lalu puji TUHAN Allah Taala kita. Puji Iya belama lama iya! Puji meh nama Nuan ti bemulia, taja pen Nuan tinggi agi ari ke ulih dipuji mensia.\\nSampi Ngaku Penyalah\\n6 Semina Nuan siku aja ti TUHAN; Nuan udah ngaga semua langit enggau bintang; Nuan ngaga tanah enggau tasik, enggau semua utai ti dalam sida. Nuan udah meri sida seput, lalu semua utai ti di langit nyembah Nuan.\\n7 Nuan endang TUHAN Allah Taala ti udah milih Abram lalu mai iya pansut ari Ur di menua Babilon, lalu meri iya nama Abraham;\\n8 lalu Nuan nemu iya endang tetap ati ngagai Nuan, lalu Nuan ngaga siti sempekat enggau iya, madahka Nuan deka meri ngagai peturun iya menua orang Kanaan, menua orang Iti enggau menua orang Amor, menua orang Peris, menua orang Jebus, enggau menua orang Girgas; lalu Nuan udah ngamatka semaya Nuan, laban Nuan endang lurus.\\n9 “Lalu Nuan udah meda pemerinsa aki ini kami di menua Ejip, lalu ninga sabak sida ba Tasik Mirah.\\n10 Nuan udah ngereja kereja ajih ngelaban raja, enggau ngelaban bala pemesai iya, enggau ngelaban orang ke di menua iya, laban Nuan nemu pemalat sida udah nekanka pengidup bala nembiak Nuan. Nama Nuan tampak nyentuk ngagai sehari tu.\\n11 Lalu Nuan nyeraraka ai tasik ke sida ngambika sida ulih bejalai nengah tasik nya nengah tanah ti rangkai, tang Nuan nikauka orang ke begagaika sida ngagai ai ti dalam, baka ke nikauka batu ngagai tasik ti begelumbang.\\n12 Nambahka nya, Nuan nguluka sida ngena mua hari lebuh siang hari lalu lebuh malam hari Nuan nenggau jalai sida ngena api.\\n13 Nuan mega nurun ngagai Bukit Sinai, lalu bejaku ngagai bala nembiak Nuan ari serega, lalu meri sida adat ti bendar enggau pesan ti menyana,\\n14 lalu Nuan ngajar sida ngintu Hari Sabat ti kudus, lalu meri sida pesan enggau adat beseruanka nembiak Nuan Moses.\\n15 “Lebuh sida lapar, Nuan meri sida roti ari serega, lalu lebuh sida aus, Nuan meri sida ai ari batu; lalu Nuan ngasuh sida ngambi menua ti udah disemaya Nuan ngagai sida.\\n16 Tang bala aki ini kami sumbung sereta kieh lalu enda ngasika pesan Nuan.\\n17 Sida enggai ngasi, lalu sida enda ingatka semua kereja ti nyelai ti udah dikereja Nuan, tang kieh lalu ingin deka pulai baru ngagai menua Ejip lalu nyadi ulun baru. Tang Nuan endang Allah Taala ti seruran sedia deka ngampun, ke kasih, lubah ringat, sereta penuh laban pengerindu ti meruan belama iya, lalu Nuan enda ninggalka sida.\\n18 Indah lebuh sida ngaga siku engkeramba anak sapi lalu ngumbai nya petara ti udah nguluka sida pansut ari menua Ejip, lalu bejaku busung ngelaban Nuan,\\n19 deh Nuan enda ninggalka sida di menua puang, laban pengasih Nuan endang amat besai. Tiang remang ti nguluka sida lebuh siang hari, enggau tiang api ti nguluka sida lebuh malam hari nadai kala ninggalka sida.\\n20 Ngena kuasa Nuan, Nuan ngajar sida, lalu Nuan meri sida mana nyadika pemakai sida, lalu meri sida ai irup.\\n21 Nuan nupi sida di menua puang empat puluh taun; lalu sida nadai suntuk utai; gari sida enda luya, lalu kaki sida enda kembai.\\n22 “Nuan meri sida menua enggau bansa, lalu meri ngagai sida semua menua Raja Sihon ke merintah di Hesbon enggau menua Raja Og ke merintah di Basan.\\n23 Nuan ngasuh peturun sida nambah-menambah ngemayuh bintang ti di langit; lalu ngasuh sida ngalahka lalu diau di menua ti udah disemaya deka diberi Nuan ngagai aki ini sida.\\n24 Nya alai sida tama lalu ngalahka menua Kanaan, lalu Nuan ngalahka orang ke diau di menua nya, iya nya orang Kanaan, lalu nyerahka orang Kanaan ngagai jari sida, sama enggau raja enggau semua orang di menua nya, ngambika sida ngereja utai ngagai orang nya sepeneka ati sida.\\n25 Lalu sida ngalahka nengeri ti bekuta, menua ti ami, rumah ti penuh laban pengaya, telaga ti udah digaga, kebun anggur, kebun buah kana, mayuh kayu buah; Nya alai sida makai utai, kenyang lalu gemu, lalu ngelantangka diri ngena semua utai ti manah ti udah diberi Nuan ngagai sida.\\n26 Tang bala nembiak Nuan enda ngasi lalu sida angkat ngelaban Nuan; Sida ngelengkaka Adat Nuan, lalu munuh bala nabi ti meri sida jaku tangkan ti ngasuh sida pulai baru ngagai Nuan, lalu sida bejaku busung ngelaban Nuan.\\n27 Nya alai Nuan nyerahka sida ngagai jari munsuh ke merinsaka sida. Udah nya, lebuh sida merinsa, sida nyabak ngagai Nuan, lalu Nuan ninga sida ari serega, lalu laban Nuan enda penuh pengasih, Nuan meri sida bala tuai ke ngelepaska sida ari jari munsuh sida.\\n28 Tang lebuh menua nyau nadai agi pengachau, sida lalu bedosa baru, lalu Nuan nyerahka sida ngagai jari munsuh sida, ngambika munsuh sida merintah sida; tang lebuh sida nesal ati, lalu nyabak ngagai Nuan, Nuan ninga sida ari serega, lalu Nuan suah ngelepaska sida laban Nuan kasihka sida.\\n29 Nuan meri sida jaku tangkan ngasuh sida pulai baru ngagai Adat Nuan, tang sida sumbung lalu enda ngasika pesan Nuan, tang bedosa ngelaban Adat Nuan, Adat ti ulih nyelamatka sida. Sida kieh lalu enggai ngasi.\\n30 Berapa taun Nuan udah liat ati enggau sida, lalu ulih Roh Nuan meri jaku tangkan ngena bala sida nabi Nuan; tang sida enggai mending. Nya alai Nuan nyerahka sida ngagai jari orang ke di menua nya.\\n31 Tang laban pengasih Nuan endang besai, Nuan enda ngerusak sida tauka ninggalka sida, laban Nuan endang Allah Taala ti siru sereta kasih!\\n32 “Nya alai diatu, O Allah Taala kami, Allah Taala ti besai kuasa, ke diketakutka kami, ke ngingatka sempekat sereta meruan rinduka kami, anang enda merening ngagai semua pemerinsa ti udah ninggang kami ninggang raja kami, bala pemesai, imam, nabi enggau aki ini kami enggau semua nembiak Nuan kenyau ari maya bala raja menua Asiria udah nekanka pengidup kami, nyentuk ngagai diatu.\\n33 Nuan endang ngereja utai ti ngena lebuh Nuan ngukum kami, laban Nuan udah tetap ati lalu ngereja utai ti ngena, lalu kami pen udah mega bedosa.\\n34 Bala aki ini kami, raja kami, bala tuai enggau bala imam kami enda nitihka Adat Nuan. Sida enda mendingka pesan enggau jaku tangkan Nuan.\\n35 Sida ke nyadi raja ngasuh bala nembiak Nuan ngena berekat ti diberi Nuan, lebuh sida diau di menua ti luas, ti udah diberi Nuan ngagai sida. Tang sida enda nesal ati ke dosa sida lalu enda betuaika Nuan.\\n36 Nyadi diatu kami tu nyadi ulun di menua ti udah diberi Nuan ngagai kami, menua ti ami tu, ti meri kami pemakai.\\n37 Asil ti ulih kami ari tanah, pulai ngagai raja ti udah diasuh Nuan merintah kami, laban kami udah bedosa. Sida sepeneka ati ngayahka kami, sereta ngayahka jelu tupi kami, lalu kami tu balat tusah!”\\nOrang Israel Nyain Sempekat\\n38 Ketegal semua utai ti udah nyadi, kami orang Israel diatu ngaga sempekat ti tetap, lalu bala tuai, bala orang Lewi enggau bala imam kami nanggam sempekat nya ngena chop tambit sida.\\n1 Orang ke terubah nyain nya Tuan Gabenor Nehemiah anak Hakaliah, ditangkanka Sedekiah. Bala orang tu mega nyain:\\nSeraiah, Asariah, Jeremiah,\\nPasur, Amariah, Malkijah,\\nHatus, Sebaniah, Maluk,\\nMesulam, Abijah, Mijamin,\\nMasiah, Bilgai, enggau Semaia.\\n9-13 Orang Lewi:\\nJesua anak Asaniah,\\nBinui ari raban bansa Hanadat,\\nKadmi-el, Sebaniah, Hodiah,\\nMika, Rehob, Hasabiah,\\nSakur, Serebiah, Sebaniah,\\nHodiah, Bani, enggau Beninu.\\n14-27 Bala tuai bansa:\\nParos, Pahat Moap,\\nBuni, Asgat, Bebai,\\nAdonijah, Bikbai, Adin,\\nAter, Hesekiah, Asur,\\nHodiah, Hasum, Besai,\\nHarip, Anatot, Nebai,\\nMakpias, Mesulam, Hesir,\\nMesesabel, Sadok, Jadua,\\nHosea, Hananiah, Hasup,\\nRehum, Hasapnah, Maseiah,\\nMaluk, Harim, enggau Banah.\\n28 Kami, orang Israel, bala imam, orang Lewi, bala orang ke nyaga Rumah Sembiang, bala orang ke nebah musik dalam Rumah Sembiang, orang ke bekereja dalam Rumah Sembiang, enggau semua orang bukai ke ngasika Adat Allah Taala, iya nya kami empu, enggau bini kami, sereta enggau semua anak kami ke udah chukup tuai lalu nemu reti utai, udah nyeraraka diri ari orang bansa bukai ke diau di menua kami.\\n29 Diatu kami, enggau bala tuai bansa kami besumpah deka diau nitihka Adat ti udah diberi Allah Taala nengah nembiak Iya Moses. Kami besumpah deka ngasika semua jaku ti disebut TUHAN ngagai kami, lalu kami deka nitihka semua adat enggau atur Adat Iya. Awakka kami tulah enti kami ngelanggar jaku sumpah tu.\\n30 Kami enggai jadi enggau orang bansa bukai ke diau di menua kami.\\n31 Enti orang bansa bukai mai gandum tauka sebarang utai bukai lalu nyual utai nya ngagai kami lebuh Hari Sabat, tauka lebuh hari kudus ti bukai, kami enggai meli utai nya ari sida. Genap taun ti ketujuh, kami deka ngetu bumai tanah kami, lalu deka muai semua utang orang ba kami.\\n32 Genap taun kami deka meri 5 gram pirak kena nulung mayar ungkus ngintu Rumah Sembiang.\\n33 Kami deka meri utai ti disebut di baruh tu lagi ngambika utai nya bisi dikena nyembah Allah Taala dalam Rumah Sembiang: Roti ti kudus, gandum nyadika piring ti diberi tiap hari, jelu ti ditunu nyadika piring tiap hari, piring ti kuduska Hari Sabat, ke Gawai Anak Bulan, enggau ke gawai bukai, pemeri ti kudus, piring pengampun dosa orang Israel, enggau sebarang utai bukai ti diguna dalam Rumah Sembiang.\\n34 Bala kami tu, bala imam, enggau orang Lewi, deka bechabut undi genap taun kena nentuka raban peturun ti deka meri kayu api kena nunu piring ti diberi ngagai TUHAN Allah Taala kami, nitihka atur Adat.\\n35 Kami deka mai ngagai Rumah Sembiang tiap taun piring ari buah bungas, gandum ti terubah diketau kami, enggau buah bungas ti terubah mansau ba puchuk kayu kami.\\n36 Genap iku kami deka mai ngagai bala imam dalam Rumah Sembiang, anak tuai kami, lalu nyerahka iya dia ngagai Allah Taala nitihka atur Adat. Kami deka mega nyerahka anak ti terubah diadaka jelu sapi kami, enggau anak domba ti terubah diadaka bedus kami enggau anak kambin ti terubah diadaka kambin kami.\\n37 Kami deka mai ngagai imam dalam Rumah Sembiang, tuku roti ti digaga ari gandum ti terubah diketau kami genap taun, enggau piring wain, minyak kana, enggau semua macham buah. Kami deka mai ngagai orang Lewi ke ngumpul pemeri sepuluh peratus dalam genturung pendiau kami, pemeri sepuluh peratus ari utai ti ditanam ba tanah kami.\\n38 Imam ari peturun Aron deka bejalai enggau orang Lewi lebuh pemeri sepuluh peratus nya digumpul. Orang Lewi deka nyimpan sepuluh peratus ari semua pemeri sepuluh peratus nya dalam setor Rumah Sembiang ngambika bisi dikena dalam Rumah Sembiang nya.\\n39 Orang Israel enggau orang Lewi enda tau enda mai gandum, wain, enggau minyak kana ti diberi orang mayuh, ngagai bilik setor alai pekekas rumah TUHAN ditaruh. Dia mega endur alai imam ke bekereja, orang ke nyaga Rumah Sembiang, enggau raban orang ke belagu dalam Rumah Sembiang, diau. Kami enggai nejuka Rumah Sembiang Allah Taala kami enda diintu.\\nOrang Ke Diau Di Jerusalem\\n1 Bala tuai bansa ngentapka diri di Jerusalem, lalu semua orang bukai enda tau enda bechabut undi kena milih siti ruang bilik ari genap sepuluh buah, ti deka diau di nengeri Jerusalem ti kudus. Orang ke bukai deka diau di nengeri ti bukai, enggau ba nengeri ti mit.\\n2 Orang mayuh balat amat muji orang ke sanggup diau di Jerusalem.\\n3 Di nengeri Jerusalem enggau di nengeri ti bukai, orang Israel, bala imam, orang Lewi, bala orang ke bekereja dalam Rumah Sembiang, enggau bala peturun orang gaji Solomon, bela diau ba tanah diri empu di nengeri diri empu. Tu nama orang ke tinggi pangkat di sitak menua Judah ti diau di Jerusalem:\\n4 Raban bansa Judah:\\nAtaiah anak Usiah, uchu Sekariah. Aki ini iya ti bukai nyengkaum Amariah, Sepatiah, enggau Mahalalel, peturun anak lelaki Judah ke benama Peres.\\n5 Maseiah anak Baruk, uchu Kolhoseh. Aki ini iya ti bukai nyengkaum Hasaiah, Adaiah, Joiarip, enggau Sekariah, diturunka anak lelaki Judah ke benama Selah.\\n6 Ari peturun Peres, 468 iku diau di Jerusalem. Semua sida tu soldadu ti tebilang nama:\\n7 Raban bansa Benjamin: Salu anak Mesulam, uchu Joet. Aki ini iya ti bukai nyengkaum Pedaiah, Kolaiah, Maseiah, Itiel, enggau Jesaiah.\\n8 Gabai seduai Salai nya kaban nyempil Salu. Pemayuh semua orang Benjamin ti diau di Jerusalem nya 928 iku.\\n9 Orang ke nyadi tuai sida nya Joel anak Sikri, lalu Judah anak Hasenuah nyadi pemesai ti lumur dua di nengeri nya.\\n10 Bala Imam: Jedaiah anak Joiarip, enggau Jachin.\\n11 Seraiah anak Hilkiah, uchu Mesulam. Aki ini iya nyengkaum Sadok, Maraiot, enggau Imam Besai Ahitup.\\n12 Pemayuh semua orang ari raban peturun tu ke bekereja dalam Rumah Sembiang nya 822 iku.\\nAdaiah anak Jeroham, uchu Pelaiah. Aki ini iya nyengkaum Amsi, Sekariah, Pasur, enggau Malkijah.\\n13 Pemayuh semua tuai bilik ari raban peturun tu nya 242 iku.\\nAmasai anak Asarel, uchu Ahsai. Aki ini iya nyengkaum Mesilemot enggau Imer.\\n14 Seratus dua puluh lapan iku orang ari raban peturun tu nya endang soldadu ti tebilang. Tuai sida nya Sapdiel, ari ruang bilik orang ke tinggi pangkat.\\n15 Orang Lewi: Semaiah anak Hasup, uchu Asrikam. Aki ini iya nyengkaum Hasabiah enggau Buni.\\n16 Sabetai enggau Josabat, orang Lewi ti tebilang, ti nyadi tuai ngatur pengawa ari luar Rumah Sembiang.\\n17 Mataniah anak Mika, uchu Sapdi, peturun Asap. Iya nguluka raban orang belagu meri sampi terima kasih dalam Rumah Sembiang. Bakbukiah, ti nyadi penulung Mataniah. Apda anak Shamua, uchu Galal, peturun Jedutun.\\n18 Pemayuh semua orang Lewi ti diau di Jerusalem nya 284 iku.\\n19 Orang Ke Nyaga Rumah Sembiang: Akup, Talmon, enggau kaban belayan seduai iya. Pemayuh semua sida: 172 iku.\\n20 Orang Israel ti bukai, bala imam enggau bala orang Lewi ti bukai diau ba tanah diri empu di nengeri bukai ti besai enggau ti mit di menua Judah.\\n21 Orang ke bekereja dalam Rumah Sembiang, diau ba endur ti dikumbai Opel di Jerusalem, lalu sida bekereja di baruh Siha seduai Gispa.\\n22 Orang ke nyadi tuai ke bala orang Lewi ti diau di Jerusalem nya Usi anak Bani, uchu Hasabiah. Aki ini iya nyengkaum Matniah enggau Mika, lalu iya datai ari raban peturun Asap, iya nya raban peturun ke betanggungjawap nebah musik lebuh orang besembiang dalam Rumah Sembiang.\\n23 Atur ti diberi raja netapka semua raban peturun nya begintir-gintir nebah musik tiap hari dalam Rumah Sembiang.\\n24 Petahiah anak Mesesabel, ari raban peturun Serah ke ari raban bansa Judah, nyadika pengari bansa orang Israel di istana raja besai menua Persia.\\nOrang Ke Diau Dalam Nengeri Ti Mit Enggau Ti Besai\\n25 Mayuh orang Israel diau ba nengeri semak umai sida empu. Raban bansa Judah diau di Kiriat-arba, Dibon, enggau Jekapseel, enggau ba genturung pendiau semak nengeri nya.\\n26 Sida mega diau di nengeri Jesua, Moladah, Bet-pelet,\\n27 Hasar-sual, enggau Beer-seba enggau ba sebelah genturung pendiau ti ngelingi nengeri nya.\\n28 Sida diau di nengeri Siklak, Mekonah enggau genturung pendiau ti ngelingi nengeri nya,\\n29 di En-rimon, Sorah, Jarmut,\\n30 Sanoah, Adulam, enggau ba genturung pendiau ti semak semua nengeri nya. Sida diau di Lakis, enggau ba umai semak nya, enggau di Asekah enggau ba genturung pendiau ti semak nengeri nya. Reti nya, orang Judah diau di menua entara Beer-seba di selatan enggau Lebak Hinom di utara.\\n31 Raban bansa Benjamin diau di Geba, Mikmas, Ai, Betel, enggau ba genturung pendiau semak nya,\\n32 Anatot, Nop, Ananiah,\\n33 Hasor, Ramah, Gitaim,\\n34 Hadit, Seboim, Nebalat,\\n35 Lod, enggau Ono, enggau ba Emperan Tukang.\\n36 Sekeda raban orang Lewi ti diau di menua Judah, diasuh pindah lalu diau begulai enggau raban bansa Benjamin.\\nNama Bala Imam Enggau Orang Lewi\\n1 Tu nama bala imam enggau orang Lewi ke sama pulai enggau Serubabel anak Sealtiel, enggau Imam Besai Jesua, ari menua Babilon:\\nSeraiah, Jeremiah, Esra, Amariah, Maluk, Hatus, Sekaniah, Rehum, Meremot, Ido, Ginetoi, Abijah, Mijamin, Madiah, Bilgah, Semaiah, Joiarip, Jedaiah, Salu, Amok, Hilkiah, enggau Jedaiah.\\nOrang tu udah nyadi tuai ke bala imam lebuh maya Jesua.\\n8 Orang Lewi:\\nTu nama orang ke nguluka orang belagu meri terima kasih: Jesua, Binui, Kadmi-el, Serebiah, Judah, enggau Mataniah.\\n9 Tu nama orang ke ngelembungka sida: Bakbukiah, Uno, enggau orang Lewi ti bukai.\\nPeturun Imam Besai Jesua\\n10 Jesua nya apai Joiakim. Joiakim nya apai Eliasip. Eliasip nya apai Joiada.\\n11 Joiada nya apai Jonatan, lalu Jonatan nya apai Jadua.\\nBala Tuai Raban peturun Imam\\n12-21 Baka tu ku nama imam ti nyadi tuai ke genap bengkah raban peturun imam lebuh Joiakim nyadi Imam Besai:\\nImam Raban peturun\\nAdna Meraiot Harim Helkai\\nPiltai Miniamin enggau raban peturun Moadiah\\nRuang Bilik Bala Imam Enggau Ruang Bilik Orang Lewi\\n22 Nama tuai bilik orang Lewi enggau tuai bilik bala imam bisi ditulis sekumbang sida Imam Besai Eliasip, Joiada, Jonatan, enggau Jadua agi idup. Semua nama nya tembu dituliska magang lebuh Darius nyadi raja besai menua Persia.\\n23 Tang nama tuai bilik orang Lewi ditulis semina nyentuk ngagai maya Jonatan, uchu Eliasip aja.\\nMagi Pengawa Dalam Rumah Sembiang\\n24 Nitihka atur Hasabiah, Serebiah, Jesua anak Kadmi-el, orang Lewi dibagi ngagai mayuh bengkah raban. Dua bengkah raban sekali-sekali muji Allah Taala. Raban dua bengkah nya besaut-saut muji sereta meri terima kasih ngagai Allah Taala nitihka atur ti udah diberi Raja David, ke nembiak Allah Taala.\\n25 Tu nama jejaga Rumah Sembiang ti nyadi tuai nyaga bilik setor semak pintu Rumah Sembiang: Mataniah, Bakbukiah, Obadiah, Mesulam, Talmon, enggau Akup.\\n26 Orang tu idup lebuh maya Joiakim anak Jesua, uchu Jehosadak, enggau lebuh maya Nehemiah nyadi gabenor, enggau lebuh maya Esra, iya nya imam ti landik pasal Adat.\\nNehemiah Nyerahka Dinding Kuta Nengeri\\n27 Lebuh dinding kuta nengeri Jerusalem diserahka, orang Lewi lalu dibai ngagai nengeri nya ari sebarang endur sida diau, ngambika sida ulih enggau ngerami pengawa nyerahka dinding kuta nya ngena lagu terima kasih, ngena bebendai enggau belikan.\\n28 Ruang bilik orang Lewi ti landik belagu lalu datai ari endur alai sida ke udah ngentapka diri ngelingi Jerusalem, enggau ari nengeri ti mit ngelingi Netopah,\\n29 enggau ari Betgilgal, Geba, enggau Asmabet.\\n30 Bala imam enggau orang Lewi lalu nuchi diri, nuchi orang mayuh, nuchi pintu, enggau dinding kuta nengeri.\\n31 Aku ngempuruka bala tuai orang Judah ba atas dinding kuta nengeri, lalu ngasuh sida nguluka dua bengkah raban ti besai bejalai ngelingi nengeri, meri terima kasih ngagai Allah Taala. Raban ti keterubah bejalai musin ke kanan ba atas dinding kuta nya tunga ngagai Pintu Uras.\\n32 Hosaiah bejalai ngentudika sida, dititihka setengah ari bala tuai orang Judah.\\n33-35 Tu nama bala imam ke bejalai ngentudika sida, besepuka terumpit: Asariah, Esra, Mesulam, Judah, Benjamin, Semaiah, enggau Jeremiah. Sida lalu dititihka Sekariah anak Jonatan, uchu Semaiah. (Bala aki ini iya nyengkaum Mataniah, Mikaiah, enggau Sakur, ari raban peturun Asap.)\\n36 Sekariah lalu dititihka bala ari raban peturun iya empu, iya nya sida Semaiah, Asarel, Milalai, Gilalai, Mai, Netanel, Judah, enggau Hanani. Semua sida nya mai pekekas musik magang sebaka enggau pekekas ti ditebah Raja David, ke nembiak Allah Taala. Esra, ti landik pasal Adat, nguluka raban iya ba pejalai nya.\\n37 Lebuh sida datai ba Pintu Ai Ti Engkeching sida lalu niki tangga ti nuju ngagai Nengeri David, mansa istana David, lalu pulai baru ngagai dinding kuta ba Pintu Ai, ti ba tisi timur nengeri nya.\\n38 Raban sebengkah ke meri terima kasih, bejalai musin ke kiba nengah puchuk dinding kuta, lalu aku nitihka sida disempulang setengah ari bala mayuh. Kami bejalai mansa Menara Dapur ngagai Dinding Kuta Ti Besai Buka,\\n39 lalu ari nya kami bejalai mansa Pintu Epraim, Pintu Jesanah, Pintu Ikan, Menara Hananel, enggau Menara Seratus, ngagai Pintu Bedus. Kami nembuka pejalai kami semak pintu Rumah Sembiang.\\n40 Nya alai raban ti dua bengkah ti meri terima kasih ngagai Allah Taala, sama datai ba kandang Rumah Sembiang. Nambahka bala tuai ke bejalai enggau aku,\\n41 raban aku nyengkaum bala imam ke nyepu terumpit. Sida nya: Eliakim, Maseiah, Miniamin, Mikaiah, Elioenai, Sekariah, enggau Hananiah.\\n42 Sida dititihka Maseiah, Semaiah, Eleasar, Usi, Jehohanan, Malkijah, Elam, enggau Eser. Bala orang ke belagu, ke diuluka Jesrahiah, belagu enggau naka penginggar nyawa sida.\\n43 Mayuh amat piring diberi sehari nya, lalu orang mayuh gaga ati magang, laban Allah Taala udah ngasuh ati sida lantang. Sida ke indu enggau bala anak mit sama enggau rami, lalu nyawa orang ke rami ulih didinga berapa batu ari endur nya.\\nMeri Utai Kena Besembah Dalam Rumah Sembiang\\n44 Lebuh maya nya, orang bisi udah diletak ngemataka bilik setor alai naruh semua utai ti diberi ngagai Rumah Sembiang. Utai ti diberi nya nyengkaum pemeri sepuluh peratus, enggau gandum ti terubah diketau, buah ti mansau ti terubah diketau genap taun. Orang tu betanggungjawap ngumpul pemeri ari umai ti semak semua nengeri, enggau ari bala imam enggau ari orang Lewi nitihka atur Adat. Semua orang Judah gaga ati ke bala imam enggau ke orang Lewi,\\n45 laban sida udah ngereja pengawa nuchi orang mayuh enggau pengawa bukai ti udah dipesanka Allah Taala. Bala orang ke nebah musik dalam Rumah Sembiang enggau bala orang ke nyaga Rumah Sembiang, mega ngereja pengawa sida nitihka atur ti digaga Raja David enggau anak iya Solomon.\\n46 Kenyau ari maya Raja David, enggau maya Asap nyadi tukang nebah musik dulu menya, bala orang ke nebah musik endang udah seruran nguluka orang mai lagu puji enggau lagu terima kasih ngagai Allah Taala.\\n47 Lebuh maya Serubabel, enggau lebuh maya Nehemiah, semua orang Israel tiap hari meri pemeri kena nulung bala orang ke nebah musik, enggau bala jejaga Rumah Sembiang. Orang Israel ngenjuk piring ti kudus ngagai orang Lewi, lalu orang Lewi, nitihka penyampau ti udah diletak, meri sebagi ari piring ti kudus nya ngagai bala imam.\\nNyeraraka Diri Ari Orang Bansa Bukai\\n1 Lebuh Adat Moses benung dibacha enggau nyawa ti inggar ngagai orang mayuh, sida lalu datai ba genteran ti madahka orang Amon enggau orang Moap enda tau sekali-kali ditejuka begulai enggau bala nembiak Allah Taala.\\n2 Atur tu diberi laban orang Amon enggau orang Moap enggai meri pemakai enggau ai irup ngagai orang Israel lebuh sida di rantau jalai pansut ari menua Ejip. Lalu orang Moap udah mega ngaji Balaam nyumpah orang Israel. Tang Allah Taala kitai udah ngalihka sumpah nya nyadi berekat.\\n3 Lebuh orang Israel ninga adat nya dibacha, sida lalu nyeraraka diri ari semua orang bansa bukai.\\nNehemiah Ngubah Atur\\n4 Imam Eliasip, ti nyadi tuai ngemataka bilik setor Rumah Sembiang, endang lama udah bepangan enggau Tobiah.\\n5 Iya ngemendarka Tobiah ngena siti bilik ti besai ti udah alai sida naruh pemeri gandum enggau menyan, pekekas ti dikena dalam Rumah Sembiang, pemeri ke bala imam, enggau pemeri sepuluh peratus ari gandum, wain, enggau minyak kana ti diberi ngagai orang Lewi, ngagai bala orang ke nebah musik, enggau ngagai bala jejaga Rumah Sembiang.\\n6 Lebuh Imam Eliasip ngemendarka Tobiah ngena bilik nya, aku nadai di Jerusalem, laban dalam taun ti ketiga puluh dua Artaserses nyadi raja besai menua Babilon, aku udah pulai ngagai menua Babilon madahka berita ngagai raja besai. Nyau kelama udah bekau nya, nya baru aku bulih pemendar\\n7 pulai baru ngagai Jerusalem. Lebuh aku datai di Jerusalem, aku tekenyit ati lebuh aku nemu Eliasip udah ngemendarka Tobiah ngena siti bilik dalam Rumah Sembiang.\\n8 Aku pedis ati lalu muai semua utai Tobiah ari bilik nya.\\n9 Aku meri atur ngasuh bilik nya dituchi, lalu semua pekekas Rumah Sembiang, pemeri ari gandum, enggau menyan dipulaika baru ngagai bilik nya.\\n10 Aku mega ninga berita madahka ungkup ti patut diberi ngagai orang Lewi, enda diberi ngagai sida. Nya alai sida enggau bala orang ke nebah musik, ke bekereja dalam Rumah Sembiang, udah pulai ngagai umai diri.\\n11 Nya alai aku nganu bala pemesai laban sida nadai ibuhka Rumah Sembiang. Lalu aku mai bala orang Lewi enggau bala orang ke nebah musik pulai baru ngagai Rumah Sembiang, lalu ngasuh sida gawa baru.\\n12 Udah nya semua orang Israel lalu belabuh baru mai pemeri sepuluh peratus ari gandum, wain, enggau minyak kana sida ngagai bilik setor Rumah Sembiang.\\n13 Aku ngeletak orang nyadi tukang wang ngemataka bilik setor. Tu nama sida: Imam Selemiah; Sadok, ti landik pasal Adat; enggau siku orang Lewi ke benama Pedaiah. Hanan anak Sakur, uchu Mataniah, nyadika penulung sida. Aku nemu diri tau ngarapka sida deka nyadung pemakai enggau ati ti lurus ngagai orang bukai ke sama bekereja enggau sida.\\n14 O Allah Taala aku, kingatka semua utai ti udah dikereja aku ke Rumah Sembiang Nuan, enggau pengawa ti besembah dalam Rumah Sembiang nya.\\n15 Lebuh maya nya aku bisi meda orang Judah mitan buah anggur lebuh Hari Sabat. Sida ke bukai mai gandum, wain, buah anggur, buah ara, enggau mayuh utai bukai ngena keledai sida ngagai Jerusalem. Aku meri sida jaku tangkan nagang sida bejualka utai lebuh Hari Sabat.\\n16 Sekeda orang ari nengeri Tire bisi diau di Jerusalem, lalu sida mai ikan enggau semua macham barang ngagai nengeri Jerusalem, deka nyual utai nya lebuh Hari Sabat.\\n17 Aku nganu bala tuai orang Judah, lalu madahka ngagai sida, “Peda penyai utai ti dikereja kita! Kita udah ngamahka Hari Sabat.\\n18 Tu meh kebuah Allah Taala udah ngukum aki ini kita, lebuh Iya ngerusak nengeri tu. Tang agi ga kita deka majak ngamahka Hari Sabat lalu nyungkak Allah Taala ringat ngagai orang Israel.”\\n19 Nya alai aku lalu meri atur ngasuh pintu nengeri ditutup ba pun tiap-tiap Hari Sabat, lebuh padam mata panas, lalu pintu nya enda tau dibuka datai ke lepas Hari Sabat. Aku ngasuh sekeda orang ari bala aku jaga ba pintu nengeri, kena nagang utai dibai tama ngagai nengeri lebuh Hari Sabat.\\n20 Nyadi sekali dua iku orang dagang ke bejualka semua macham utai, tinduk di luar dinding kuta nengeri malam hari Lima.\\n21 Ku jaku tangkan aku enggau seduai iya, “Nadai guna seduai diau di luar nganti hari siang. Enti seduai agi ngereja tu, aku deka muru seduai.” Belabuh ari nya, seduai iya nadai agi datai lebuh Hari Sabat.\\n22 Aku ngasuh orang Lewi nuchi diri empu, lalu ngasuh sida mansang nyaga pintu nengeri, kena nentuka Hari Sabat meruan kudus. Kingatka aku, O Allah Taala, ketegal utai tu mega, lalu kasihka aku laban pengerindu Nuan endang besai.\\n23 Lebuh maya nya mega aku bisi nemu mayuh lelaki orang Judah jadi enggau indu ari Asdot, Amon, enggau Moap.\\n24 Setengah ari bala anak sida nya bejaku ngena jaku orang Asdot, tauka jaku orang bansa bukai, lalu enda nemu jaku kami empu.\\n25 Aku nganu sida ke lelaki, minta sida ditinggang sumpah, malu sida, lalu ngeruntun buk sida. Udah nya aku ngasuh sida besumpah dalam nama Allah Taala, madahka diri enggau anak sida enda agi jadi enggau orang bansa bukai.\\n26 Ku aku bejaku enggau sida, “Raja Solomon bedosa ketegal indu orang bansa bukai. Solomon besai agi ari raja menua bukai. Allah Taala udah rinduka iya, lalu ngasuh iya nyadi raja ke semua menua Israel, tang taja pia, iya bedosa laban iya jadi enggau indu orang bansa bukai.\\n27 Kati kita mai kami nitihka teladan kita, enda ngasika Allah Taala kitai, lalu jadi enggau indu bansa bukai?”\\n28 Joiada nya anak lelaki Imam Besai Eliasip, tang siku ari bala anak lelaki iya jadi enggau anak indu Sanbalat, ari nengeri Bet-horon. Nya alai aku ngasuh Joiada angkat ari Jerusalem.\\n29 Allah Taala, kingatka chara orang tu udah ngamahka pengawa imam enggau sempekat ti udah digaga Nuan enggau bala imam enggau bala orang Lewi.\\n30 Nya alai aku lalu nuchi orang mayuh ari semua utai ti ukai enggi orang Judah. Aku nyendiaka atur ke bala imam, enggau ke orang Lewi, ngambika semua sida nemu pengawa diri.\\n31 Aku meri atur, minta kayu ti dikena nunu piring dibai ba maya ti patut, lalu orang mayuh mai piring sida ke digaga ari gandum enggau buah sida ke terubah mansau. Kingatka semua utai tu, O Allah Taala, lalu berekatka aku ketegal utai nya.","num_words":9678,"character_repetition_ratio":0.08,"word_repetition_ratio":0.002,"special_characters_ratio":0.21,"stopwords_ratio":0.317,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"HOOO...HAAA..AKU ANAK IBAN!!!: Jerita Keling enggau Laja berebut ke Kumang Ditusui : Niang Ajah, Ditulis : Richard Changgan\\nJerita Keling enggau Laja berebut ke Kumang Ditusui : Niang Ajah, Ditulis : Richard Changgan\\nKeterubah ia aku minta ampun ari kaki ke punjung pala ngagai bala pemacha ba genteran jerita tu. Nyadi bagi ke sekali tu aku kira ke ka mulai ke pengingat lebuh aku agi nembiak suba, duduk ba selepak tajung Niang Ajah ke terang agi di kangau ke kami Apai Tuai. Niang Ajah tu menya meh ke selalu begulai enggau kami ke nembiak lebuh ke duduk nunga sumbuk api kelita di ruai. Enti udah tembu makai lebuh ke pemisi sekula, nama lemai lalu nguang ngagai ruai ia deh kami menya. rindu beumbuk ke ia nusui cerita.Bakatu ko cerita Keling enggau Laja berebut ka Kumang tu :\\nNyadi kelia ko jerita, Keling enggau Kumang kala tesat tepejuh masuk ngagai menua kitai iban ke diatu. tang lebuh ke tesat nya, diak deh seduai ia mali nama diri nyadi orang bukai laban ke enggai di temu anak mensia orang Panggau Libau. lama seduai ia tesat enda tetemu ke jalai pulai ko jerita, seduai ia ke tesat tu menya laban jadi betaban lari ari menua Panggau Libau enggau menua Gelong. Keno ko Niang ke nusi jerita tu ke kami menya, kebuah seduai ia betaban lari jadi enggau pangan diri, laban petunggal keling ke benama Laja menya kepapas ati ka jadi enggau Kumang. Kala kita ninga orang ke di sebut nama Laja. Nyadi Laja tu anak Sang Gima. Sang Gima tu menyadi Apai Keling Jemuring Gading. Ukai orang bukai seduai tu menya ko jerita segi baru sekali betunggal seduai ia.\\nNyau nguing ngagai jerita meh kitai au!!!...nyadi pagi siti, Tudah Laja tu ko jerita mansang nurun begiga burung ngagai munggu sepiak ngulu aie Batang Panggau. Sepagi-paginya meh tudah tuai begiga ke burung. Sumpit ia burung lalu nadai ga labuh. Nya meh ke ngasuh ati tudah tuai chukup pedis. Bedau puas hati ga ia tu tadi, lalu bejalai ambis munggu dititi, ambis emperan enggau aie di tujah, bukit ambis bukit di tiki ia. Lalu nadai ga burung ulih di sumpit ia. Burung ukai nadai tang nya meh, selalu salah belama di selinting ia. \" Apu...nama sial amat jari tu...baka ke ukai anak orang Panggau ga aku tu\" pia deh ko ia mutap bejaku dalam ati. Nama agi deh, nyau kemuas tu tadi, hari pan belabuh silau ko jerita. Nyau majak meh remang nyuruk mua langit. Remang lemai meh nya kini.\\nMeda hari nyau berupai udah belabuh silau manuk , diak deh ia lalu nuduk ke diri, ba selepak bandir kayu sigi.Duduk meh ia tu tadi merati ke rampa menua enggau puchuk kayu ke ngelingi endurnya, laban tudah tuai ke bedau puas hati begiga ke burung nyau sehari-harinya. Lebuh ia ke duduk nya ko jerita, diak deh ia lalu ninga orang balat amat richah bejalai mansa keruang sungai ke enda jauh ari bandir kayu ia ke duduk diak. Dinga ia orang nyau bisi ke bejaku, bisi ke ketawa meh ko jerita. Nadai ga ia ninga nyawa kelau lelaki, tak munyi nyawa bala indu magang dinga ia. Nya meh tudah laja ke duduk tu tadi lalu nguji niki pun kayu nya tadi, takut ke di peda bala indu ke mansa nya ko jerita. Ia lalu belalai selepak dan kayu besai siti. Arinya meh ia ngelilik bala orang ke mansa nya tadi.\\nNya meh, umba ke pending segi lansik, enda silap, amat bala indu ke tachuh nya tadi, benung bebaie ke pemansai enggau raga mit ke endur engkah ikan. \" Mayuh amai ga ikan ulih kitai neh wai.....peda dek enggi endu Kumang nya, ga bebesai ikan, nya baru bisi di lempis ke lauk lemai tu\" pia deh ko indu siku bejaku didinga ia.\" Amai meh nya wai....ukai nya ulih laban ga endu Kumang nya semua pengawa...ia ke lebih ari kitai\"pia deh ko siku gik ga nyaut. Nya meh ko jerita, tudah Laja ke belalai ba selepak dan kayu nya nyau engkeretut nadai munyi. Dikira ia ga penyampau tubuh indu nya bisi ka 5 iku di peda ia. Patut ga nya tachuh pia deh ko dalam ati ia bejaku kediri.\\nNya meh, nyau ngenang bala indu ke nurun mansai nya tadi kitai dulu au!!, nyadi pagi nya, diak deh indai Abang mai sida Kumang, Lulong, indai Mendat, enggau Indai Anchung baum ka mansai sungai. Nya meh ke ngasuh sida tu tadi nurun mansai seharinya lalu pulai lebuh ari nyerumba silau. Ga sida ia enda berasai mansai laban ke rindu betapat ngulih ke ikan mayuh. Ukai nya enda gauk ga sida tu begulai enggau pangan, semina Kumang enggau Lulong indu dara sida serumah ke ka begulai enggau sida ia ke udah indai orang. Nya meh ke ngasuh sida ia selalu nundi Kumang enggau Lulong, di sebut sida ia ila dara tuai, lalu enda belaki....ila sapa ke ka enti umur dah majak tuai wai!!! pia deh ko sidanya nundi seduai ia. Tudah Kumang enggau Lulong ko jerita segi nadai kala pedis ati ti bejaku gagai enggau betundi, dah seduai ia pan selalu nundi bejeput ke tusu sida ke tuai nya laban ke udah lanjut bai nusu ke anak.\\nNyadi, ngambi ke kitai nemu, Kumang tu meh pungka indu di menua Gelong Batu Nakong nyingit nyingong gigi gelumbang, menua rawa lama kena tingkuh gading tulang...Jelai rita meh Kumang tu ko orang ke selalu di sebut kitai ke di baruh ari tu. Mayuh orang ngumbai Kumang tu ukai indu ari Gelong tang ari Panggau Libau, nya salah kaban... laban kelia Kumang segi terubah ia diada ke indai ia menchelak mata di Gelong. Ingat kitak ke asal penatai enggau pemulai orang Gelong ke dibai Bujang Sebalu Ngenang kedua bali nama Batu Anggung Ke Beruntung Mali Balang (apai Tutung). Nyadi menya sepengudah sida ke beserara enggau Sengalang Burung ke mulai kediri ke langit, lalu Bala Gemuring gading mega pindah,ari Tembawai Bejuah, lalu bala Apai Tutung ngemai bala sida ia serumah pindah ke Gelong. Nya alai apai enggau indai Kumang menya nitih ke Apai Tutung tauka Bujang Sebalu ke Gelong ko jerita. Nya meh reti ia Kumang tu segi orang Gelong tang Ukai orang panggau Libau. Nyau sepengudah ia ke jadi enggau Keling baru ia pulai ke Panggau Libau. Pia ko tusut ia. Anang kitai ke biak salah pengingat. Enti orang nanya ila...\" Kumang orang dini wai!!!\" Pia deh ko tanya, dah nya kitak nyaut \" OOO...orang panggau nya, bini keling, suba ia ada di Gelong, nya menua asal ia\" pia deh ko kitak nyaut. Nya baru betul.\\nLAJA NGAYAP KUMANG\\nNyau nyempelah jerita mimit meh kitai tadi neh wai!!!, minta ampun aku.Mulai baru meh kitai ngagai Laja ke majak engkindang bala indu ke mansa endur ia ke belalai nya tadi. Diak deh ia enda mukai-mukai lalu tulih ke runding. \" Manah aku nitih ke bala indu nya, bisi ga endur aku bemalam lagi, ni alah aku tak tinduk enda pe iga-iga di kerapa kampung tu\" pia deh ko runding ia.\\nNya meh ko jerita, Laja lalu belubah nurun ari kayu nya tadi, lalu nyingkang napat ke bekau kaki bala Kumang ke pulai mansai nya tadi. Ia lalu nitih belubah be entunda-udi nitih ari belakang bala indu nya tadi. Bala indu nya segi nadai nemu, nadai ninga bisi orang nitih ke sida ia laban ke tembu bebuti nundi pangan diri sebelah jalai, ni ke ketawa, ni ke bejaku, ni ke beju'-ju' ke pangan diri meh. tudah Laja segi semampai merati ke ulah sidanya ari belakang.Nya meh tudah laja tu ko jerita, berasai ketap-ketap dada ia lebuh kumang ke ngerinding mua ia ari tisi ko jerita..\" apu...bajik amat ga indu nya, bakani enda enti di peda besabung mua neh\" pia deh ko pengatal ati tudah tuai.\\nUmba ga Laja mayanya benung bujang rana-rana. Segi penti ia amat enti tepeda ke indu dara ngemajik nya neh bakih!!! Ngasai ga tudah diri, ti meda indu bajik...langau tama nyawa pan kena suap...ukai nya berasai deh...Tuchum bakih!!! ahhhhh...dah...gayu meh nyawa. Nyangka nya pia meh ko dalam ati tudah Laja tu tadi bejaku ke diri.Kira ke enda ga bangat lama ke udah bejalai, nyau enda berasai diak deh sida ia tadi lalu rembus di belakang pugu rumah berapi orang di rumah panjai. Nya meh tudah Laja tadi nyau ngenung meda pemanjai rumah orang tu tadi ko jerita. Semina ke enda ngemanjai rumah sida ia ba Panggau Libau din. Ukai memain ga pemayuh bala rayat rumah Aya Bujang Sebalu ko jerita. Enti kitai muak ari puting setak merening ngagai ke ulu setak nyin, amat tak mesai bulu buk aja mensia di peda. Enti di titi kitai bejalai ko jerita umba enda setak hari bedau meh datai di puting setak din. Empa pemanjai rumah sida di Gelong. Minta ampun kaban nyangka kumbai kitak tak di lagu-lagu ke aku, ga Niang Ajah menya Nusi ke aku bakanya ga. Agi aku ingat lebuh ia ke nusi nyau ngapu!!!! deh bala kami sebuat ke ninga.\"APUUUU!!!! panjai amat nya Apai Tuai\" ko tudah kami nyaut ia ke nusi jerita tu menya.\\nNama agi deh, Laja bedau niki. Agi belalai di lebak ba tunggul kayu sigi. Sekira ke ka nganti bala indu nya dulu niki nadai di peda. Takut ke kumbai orang ka masung bala indu nya. Ia meh umbas ia hari, kira ke udah petang tegalan ko jerita, ia pan lalu nguing ngagai pala tangga muak ke ari ili. Diak ia lalu ngemerani ke diri ngagau ari baruh. \" OOOOiii.....Jadi rumah kitak....\" piak deh ko tudah tuai ngagau. Nadai ga orang nyaut, \" ooooiiii...Aku tu, Bundak, retak pandak, Bundai, pinggai besai, jadi rumah kitak\" ko ia ngagau baru kira ke ngena nama belalai meh enggai ke di temu orang penatai.\\nNya meh dinga lalu rerejat kaki orang ari ruai nuju pala tangga dinga ia. \" Auuuu!!!Auuu!! ndai....nadai tentu dinga tadi igat, lalu....alau niki kitu ke . niki. Nadai penti, nadai pemali\" pia deh ko lelaki siku nyaut ia ari atas muak ke pala tangga. Ninga munyi nya, diak deh ia lalu niki niti tangga nya tadi, ukai nya baruh ga rumah panjai nya laban ke begantung ko jerita, enti labuh ke baruh, ukai utai ngidup ke nyawa...ulih lalu kundim(Mati) nunda ke jaku kitai ke maya dia tu.\\n\"Lalu igat, tu ruai aku, aku ngibun muak ari ili tu. Kitu ke ngelawa tikai kitu, anang duduk ba lubang ...mali\" pia deh ko apai tuai orang nya bejaku enggau ia. Apai tuai nya tadi lalu tama ke bilik ngambi baku sarang insap. \" Nama pejalai nyau laun amat igat?...ukai ga salah bejalai, nemuai pia, tang enggai enda nanya\" pia deh ko Apai tuai nya nanya ke penatai Laja. Nya meh Laja lalu nimbal, \" ambi ke nyamai didinga nuan aya, aku tu Bundak retak pandak, gela ia Bundai pinggai besai, tesat aku tadi...tesat nyumpit aya nyau rembus ba menua kita ditu\" pia deh ko ia madah ke diri.\\nNya meh ko jerita seduai ia ke berandau nya tadi lalu enda berasai malam pan nyau udah raya. Nya baru apai tuai nya tadi madah kediri ka tinduk. \" Tinduk tua igat, nyangka nuan lelak, kami ditu mayuh indu dara igat kena merindang malam,ti ka ngayap alau meh. Nyin bilik sida endu Kumang , inya bajik, lalu enda belaki. Tau nguji igat ni nemu....\" pia deh ko apai tuai nya bejaku...baka ke nemu utai ke di anti tudah Laja ga jaku nya tadi. Ngumba endar ni bakih!!!! enti aku, engkechit enda betanchut ka meh aku di sua ke pinggai, ukai nya kiruh ga ke makai. udah di sungkit. Munyi ko jaku orang ke ngambi lesen deriba....\"Lampu hijau(Gadung) bakihh!!!! go head aja....!!!!! peiiiii parai kitai, ngumba diri ko kitak nganu aku ke nulis tu......Tuchum legup enti indu macha tu bakih....ngamama ke diri cikgu tu....ko kitak madah ke aku....peeewwwiit!!! nya ia bulih.\\nNama agi deh munyi ko jaku tuai, minta betis disua ke pah....minta rampu, di beri ga entekai....akai dai...idup meh nyawa. Nadai penusah amat ga ka nemu endur bilik sida kumang. Ukai memain ga penusah tudah tuai begiga ke rambai jaku kena betalat ke endur indu ke ulih digayap ia. Gaga amat meh tudah tungkul atau Laja ko jerita.Ngumba!!!! diri. Nyau di pandak kekitai meh jerita bakih au!!! enggai ke aku temu nyau di anu kita nyelawit-nyelawit ke utai ngapa. Nyau meh tudah Laja tu tadi mupuk gegadai, indah enda baka bisi utai di subuk, bisi utai di pelalai ke nyingkang ngagai ruai sida Kumang. Rejat nadai meh dinga...Inggar agi ti taik..tichak labuh. Naka meh ia tu ke bejalai tadi laban takut ke kumbai orang ngenchuri.\\nDatai ia ba mua pintu sida Kumang, lalu nguji meh ia muka pintu nya tadi. Di tarit ia, sepi tak lekat, nyangka meh udah di tambit orang ari bilik kini, pia deh ko sagam ati ia. Nya baru Laja tu tadi berunding nguji niki pun tiang siti , kira ke nurun ari sadau meh nya. Di tiki ia pun tiang nya tadi, ia pan lalu datai di sadau din. Lebuh ke datai di sadau, ia lalu nguji nilik ngagai bilik besai, nya baru ia tepeda ke kibung bisi di gantung di puak bilik. Tang ia nadai meh nemu ni bagi kibung Kumang. Lama diri ga tudah tuai temati kutu, berunding bakani ko ka ngiga kibung kumang. Nya meh laban ati segi enda ulih di pelalai ke agi, kira ke ngemerani kediri meh ia nurun tangga sadau belubah-lubah nuju kibung siti ke mit agi. Datai diak ia lalu nyapa enda bangat inggar \" OOi...ooi, nuan nya kumang?\" pia deh ko ia bejaku betelai-telai. Enda ga orang nya dani, nadai kekebut. \" Kumang,.. dani wai.. aku tu datai, ka bekelala enggau nuan..nadai ati jai kami tu\" nyangka nya pia deh ko tudah Laja tu tadi bejaku ngerak kumang.\\nUdah nya, nyau ngereduas deh tubuh ke dalam kibung tu tadi angkat. \" oo...sapa nuan wai, berani ngerak kami ke benung tinduk jenak, berani ngachau kami ke bemimpi bedau nyemetak\" pia deh ko orang nya nyaut ari dalam kibung. \" Oooo...kapa aku ka bula, aku tu Laja ... ulih aku tama wai?\" pia deh ko ia nanya baru. \" Nadai salah wai...ukai bangat nama-nama deh, kena ke bekelala, kitak ga udah datai.. ni alah lalu pulai\" piak deh ko saut orang nya. Nama agi deh Laja lalu tama ke dalam kibung. Nya baru ia berasai gaga ati. Amat Kumang meh ke tinduk ba kibung nya. Nyau asai ke di runtuh ke tekang ati ia lebuh ke meda pemajik kumang nyau besenayau baka tenggau panchar bulan, tampak bebendang. Pemurak tubuh dara nyau begenyeling kena tenggau api bedilang.\\nApu...nyau rerangap tudah tuai, indah enda baka baya ke ngeredayau, nganti langau ke majak nutu. Mata enda kesap-kesap, \" amat bajik indu tu\" pia deh ko ia bejaku dalam ati. lama ia enda tepansut ke jaku. Indah enda nunda ke jaku tuai \" baka puyu mabuk keruh, baka empelekung mabuk ambuh\" nadai enda ngemajik nya ga indu nya peda ia. Kumang lalu bejaku enggau ia baru, \" Nama pejalai kitak wai?, ukai ga mali ke bejalai...nyangka ke bisi utai di pinta, utai di tanya...nadai ga salah madah\" pia deh ko jaku Kumang. Nyaut ga Laja \" Aku wai ukai ka minta nama-nama, semina ke deka bekelala enggau semak agi, ninga rita kitak wai ke agi rumpas, bungas...nyangka nya ulih nyadi ke gembar, nyadi ke pangan enggau bekaban, manah agi ga enti ulih lebih agi...\" pia deh ko saut tudah tuai, kira ke ka malu-malu mimit meh.\\nUkai nya nyamai ga ka nyaut neh bakih!! ngasai ga enti tua, ke ditanya orang bakanya. Puas ngiga jaku ke manah kena besaut. Nya meh tudah kumang laban ke segi nemu, ukai nya Laja aja ke kala udah ngayap ia, mayuh pungka lelaki ke kala nguji bejaku ke leka jaku ke sama munyi nya. Laban ke ngembuan jaku enggau adat ke manah, nyaut enggau manah ga tudah tuai \" Enti ka bekelala, bekaban, bepangan... nadai ga salah wai, ukai nya kitai ngachau orang. Nya utai ke manah...\" pia deh ko saut Kumang. Kira lantang amat meh ati tudah Laja ninga jaku nya. \" Nya meh wai...manah amai ga penemu nuan, nyau kira ke nyamai meh ati, ukai nya rugi ke bekaban neh wai?\" pia deh ko Laja bejaku, seraya ke ka bebetundi mimit. Enti sida ke tuai nemu mai jaku betundi lebuh ke ngayap kelia. Kitai ke baru diatu ni kala ngasai ke utai bakanya. Tak betundi ba telepon aja meh kitai.\\nNya meh tadi, nyau mayuh meh randau seduai ia tu tadi, nadai alah kenang kitai magang nya bakih!!, segi baka ia meh nya. \" Ari tu nyau majak ka nyerumba tawas wai!!, lama mai ga tua udah berandau, siti aja utai ke bedau di tanya ngagai nuan, ka pan enda, ga aku lelaki...ni alah nganti nuan\" pia deh ko Laja nyempelah mimit ari randau seduai ia nya tadi. \" Endai....nama deh wai?, nadai salah..tanya diak meh!!\" ko Kumang nyaut. Kira ke malu-malu mayau deh tudah tuai ke ka nyebut tu, ka nyalam ke ati enggai ga nyadi, takut ke utai ke di juluk enda datai, di sebut tusah ga mimit, takut ke utai ke di juluk bangat kelalu tinggi enda ulih japai.....AKAI DAI!!!!!! Tusah!!! sebut aja meh punggal....!!!!\\n\" Nya meh wai..ka pan enda, ati ga ngansak...malu enggai ga nyadi, ila tebantai meh but..\" pia deh ko Laja bejaku baru. Kira ke pedis amat ga ia ke ka mansut ke jaku. Peiiii.....ukai nyamai-nyamai ka nyebut jaku nanya indu neh bakih!!! anang ringik-ringik wai.. ti tekena ke indu sumbung...di ludah orang mua kitai bisi!!!!.\\nTu ukai nya indu sengapa ke di tanya, nama udah \"Kumang\" nyau ke sema ke kitai. Ti Kumang Gawai nadai ga ngawa neh bakih!!!!. Anang nganu aku kitak nye-nyelawit mimit. segi baka utai meh. mesti ka di lagu-lagu mimit. Baka kitai ke manduk lauk, ti nadai bawang, nadai miching tak semina garam aja, ni ka nyamai...amat ke enda...Tuchum bujang!!!!ha..haaa...Nya ia bulih!!!!\\nNyau ngenang baru meh kitai Laja ke nanya Kumang tu tadi. \" Aku wai...kira ke nanya nuan meh tu sekali ke nuan, udah bisi ambai ati, sulu peraja mata, tauka bisi lelaki ke udah bejanji deka ngambi nuan begulai sejalai idup semati\" pia deh ko tudah Laja bejaku, sambil ke betarit ke tunjuk jari ia, di semetak-semetak ke ia. HAAAA......baru nyamai asai...puas hati. \" Ulih ga sebut\" pia deh ko dalam ati ia kini. Tudah Kumang nadai tekenyit lalu peda ia, baka ke nadai nama-nama. Ukai nya semina Laja ke kala nyebut jaku nya. Kira ke semua lelaki ke kala ngayap ia segi nyebut leka jaku nya magang. Kira ke udah manah Laja tu ulih ngetat ke ati enda nyebut jaku nya ari mula tama kibung.\\nBisi sekeda, empai tama kibung dah nyebut diri ka jadi enggau ia, bisi ga lelaki sekeda nyau nyabak rung-rung pulai pansut ari bilik laban ninga kumang ke nyaut sida ia bedau sedia ka belaki. Nya meh ke selalu ngasuh orang begau, kumbai bisi orang mati, tengah malam raya nyabak duie-duie....e...eeeh ngemalu anak lelaki....parai kitai!!!!.Ukai main ga ati orang lelaki pama udah keran......munyi ko jaku...Taik bau rengut meh enti di sium, jauh ke kentut.....Sanggup enda makai sebulan munyi ko lagu. Nya manah agi nya bakih!!! bisi sekeda, duri sanggup nengah, api di tujah...naka ga pemula-mula leka jaku nya, neh kaban. Uji asuh ngindik taik manuk lintong enggau sidanya ti sanggup!!!!.\\nNya meh tudah Kumang tu tadi lama ga ia enda nyaut. kemuas-muas nya tadi, bejaku ia \" aku wai...ambi nyamai di dinga nuan, ambai ati bedau nadai, orang ke ka enggau jadi bedau meh nadai, tang ngambi nuan nemu.....aku laban udah di padah ke antu ba dalam mimpi, enda tau belaki enti enda jadi enggau orang ke benama Keling, bejuluk Gerasi Nading, Bujang Berani kempang ke datai ari Panggau Libau ke lendat Di biau Takang Isang, Panggau Baruh munyi tingkuh gading tulang, panggau lama munyi kesuh kenyalang\" Pia deh ko Kumang nyaut. Bejaku baru ga ia\" Nya meh ke ngasuh aku bedau belaki nyentuk ke saritu wai...ukai enggai, ukai nadai lelaki ke kala ngunag nanya aku, tang aku segi terus terang ngagai bala sida ia\" pia deh ko Kumang madah ke semua pekara ti nuntung pengidup ia.\\n\"Apu...sayau amai meh buah melanjan ke benung mansau kekitau selepak dan, naka meh bungai ke benung ngerembai agi di wan indu semitan, naka penyayau, tang nadai ko enggau, enda alah ga tak ngarap ke kesa nemunya tak ngetup sebarang alai....kapa sayau ke imbuk buau, enti semina ngarap ke bulu pegari tang kena sempulut raja berani\" Berasai tekenyit deh ati Laja, guntur labuh merentup semina ia aja meh ke ulih ninga, hujan labuh naka ia lebat enda ulih di tan ke remang, taja leka enda bangat mesai gantang...tang nya semua semina angan ati tudah tuai ke bangat beraie sinu ngenang. Ukai nya bisi guntur, ukai nya bisi Hujan ga maya nya......\\nBeraie amai meh ati tudah anak lelaki . Udah ga ia ninga Kumang bisi nyebut betunggal ia Keling, ukai main-main ga pengudi ati ia. Ari menya ia enda tentu sepenemu enggau Keling laban ia ke enda puas hati ngagai Keling ke ngampu semua pengaruh Bujang Berani. Lebuh sida ke agi mit kelia ko jerita, sida ia di ibun Bujang Tuai di Panggau Libau laban bala apai sida ia ke udah mati di kayau bala Apai Sabit Bekait kelia. Bujang Tuai ko jerita segi bisi bechiping penemu lebuh ke meri pengaruh enggau utai bukai ba sida ia petunggal. Enggi keling semua lebih. Nya meh ke ngasuh Keling ke lebih agi di karap enggau di kesayau ke orang di Panggau Libau.\\nSEREBANA ATI LAJA\\nNya meh ko jerita, pemulai ari Gelong, naka meh penusah ati ia. Nadai ulih tiu enggau leka jaku, enda ulih di sema ke agi. bakatu ko serebana ia:\\n\"Kapa enda aku mati nengali hari, parai mulai ngejang pegi,\\nKita ga enda meda ati kami beraie, besehari-hari.\\nKapa enda aku ngejang dulu midang tinggang batang,\\nKita ga enda meda aie mata kami labuh nerusur puang.\\nJauh ke kita rindu, jauh ke kita sinu....\\nKetawa kitak ke ka....\\nIdup nadai meh guna,\\nperaja mata dah di pelapa di gigi tangga\\nKumang hati ga udah di tanchang\\nAiiiiii dehh.......Ila sida ia ngasai\\nenti tebunsa ngenang ambai,\\nmanah enti sida ulih makai....\\nKapa enda diatu kami merinsa..\\nila kitak ga....ambi bela bedua'\\nbela mimit....Ni alah aku aja.\\nPia deh munyi serebana ia tu tadi...naka meh penyinu ati ia, kengka indu ke di peda lalu enda ga ulih ambi nyadi ke bini.Enti indu sengapa nadai ga ngawa, tu nyau indu ke di kesema.Nya meh munyi ko jaku, manuk lepas jari bau taik. Ka pan enda jaku nya.......\\nNya meh ko jerita, ukai ke sebulan, nyau betahun meh tudah Laja tu tadi ke merampau ketegal ke udah meda kumang, tang enda ga ulih jadi enggau ia. Nya meh ngujung ke ia lalu bedendam enggau Keling. Ukai nya nemu utai ulu-ili ga tudah Keling laban ke enda kala betemu enggau Kumang. Ukai nya nemu ga ia diri empu ke mesti jadi enggau Kumang. Orang ke benama Kumang pan ia enda kala meda. Anang ke meda, dah ninga namanya enggau menua Kumang pan ia enda kala ninga.\\nTang ko jerita, Laja enda kala madah ke diri kala betemu enggau kumang ngagai bala petunggal ia. Semina ia ke berupai amat enda bagak baka suba enti begulai enggau bala sida Keling lebuh ke ngereja pengawa. Suah agi ia ke nurun ngereja pengawa kediri. Nya meh ke ngujung ke ia lalu bisi ngembuan ati ke enda manah ngagai keling. Ia lalu nyimpan ati jai ngiga chara ngasuh keling enda betemu enggau Kumang. Kapa enda deh...Biar sama enda jadi enggau Kumang. Ambi sama enda ngempu pia deh ko ati ia. Biar bebunuh, biar aku mati, enda meh nyamai Keling ngempu kumang pia aja. Bakanya meh runding ia, segi enda di asuh ia jadi enggau Kumang Keling tu menya Ko jerita laban Laja ke terubah ia tetemu ke Kumang.\\nKELING NGAMBI KUMANG\\nNya meh ko jerita, malamnya diak deh Keling lalu bemimpi, dalam mimpi ia betemu enggau niang indai ia . Diak deh indai ia lalu bejaku \" Igat Keling, aku enggai enda madah ke nuan, diatu udah chukup maya nuan patut bebini, nyadi aku ngasuh nuan ngiga indu ke benama Kumang. Enda jauh menua sida nya, ba Gelong din kira ke sehari pejalai ngulu Batang panggau\" Pia deh ko indai ia bejaku dalam mimpi Keling. \" Anang enda nuan igat, laban lama Kumang udah nganti nuan, enti enda ila berubah ati Kumang. Laban Laja diatu benung nyimpan ati rindu ke ia. ambi ke nuan nemu anak, Laja diatu benung begiga ke chara di kena nyerara seduai, anang enda bejimat anak, ingat ke pesan aku. Enti ulih pagila lalu mupuk nuan ke Gelong\" pia deh ko pesan indai ia dalam mimpi Keling.\\nNya meh, lebuh ke dani pagi nya, diak deh Keling lalu tumu ngelawa menyadi ia Pungga, \" Akih!!...mupuk aku ngambi Kumang ke Gelong, laban indai aku ngasuh ngambi ia nyadi ke bini, anang madah ke orang bukai nuan ke pemindah aku au, aku ngarap ke nuan meh meda kitai serumah ditu kejang aku mindah...sema ke aku nadai datai genap timpuh bulan penuh ila, giga ulih kita\" pia deh ko Keling bejaku ngagai menyadi ia Pungga. Laban tudah Keling ke enggai ngarap ke Laja sepengudah indai ia ke madah ngagai ia dalam mimpi. Enti ngelama tu nadai ia kala ngelaung ke Laja semua utai.\\nMupuk meh tudah keling tu ko jerita, sepagi-pagi nya udah ke bepesan ba Pungga, ia ke mupuk tu tadi lalu mai semua perengka ia, nadai enda di bai, laban ia ke bejaga-jaga ari penanggul. Indai ia empu udah bepesan ngasuh ia bejimat. Kira ke lama meh ia ke udah bejalai tu tadi alai ia rembus di pendai orang Gelong. laban ke segi Berantu, ukai nya bangat lama ga tudah tuai ngesai ke kaki bejalai. Lama agi kitai ke kemi, bira neh bakih!!!. Enti ia pejalai sehari enggi orang Panggau nyangka nya pejalai betahun enti tubuh kitai mensia ke di baruh ari tu. Nya meh ke disema ke orang. Baka pejalai orang Panggau, kala kitak ninga orang nyebut jaku nya. nya di tuju ke ngagai orang ke tegar bejalai nya.\\nNyau ngenang Keling ke baru datai di pendaie orang Gelong ko jerita, ia enda lalu niki. Diak deh ia lalu macha leka sampie kena ia mali gamal diri nyadi orang ke chukup jai gamal.Nama agi deh, nyau bebali meh gamal tudah tuai nadai enda ngenyaie nya. Kaki ga panjai sepiak, tubuh ga dibalut tebu', kurap, mata ga pichak sepiak. Nadai enda ngenyaie nya gamal. Nyampau meh bau tengong chiak tudah tuai, nyau bau but aie endur nupi tekura, nyau bau kebok......peiiiii!!!...nadai enda ngenyaie mensia. Manah agi tinduk enggau uduk ari ke tinduk nyium bau Keling ko jerita. Udah nya ia lalu mansang belubah-lubah nuju langkau sigi ke ba semak kaki tangga orang ke berumah panjai diak.\\nDatai diak ia lalu ngangau\" Jadi rumah kitak wai!!!!...ni kitak, bisi orang di rumah?\" pia deh munyi kangau ia. \" Hadi....hadi...isi ohang itu...iki...iki haban\" pia deh ko saut bakih siku. Naka ga gaya jaku punggal nya, ga tilur, jaku ga pedis di temu. kasih amat!!!! Nya meh tudah keling tu tadi lalu tepeda ke punggal siku, ga singkung, insak nyau melepu sebelah idung, ngeli ga rabang, jari nyau beteku. Timpang amai ga pendiau inya peda ia. \" Iki.....iki haban...humah ahu...u..uuuhai humah hang hukai, huduk itu\" pia deh ko punggal nya bejaku. Manah amat ga saut ia, ukai nya beli' ga ia semina ke timpang pendiau.\\nNya meh nyau di pandak ke kitai jerita wai, Keling ke diau di rumah punggal nya tadi. Nyadi ia nya di gela' ke nama Bikong kembai idung, betebu' burit kuris Tumbong. Nya meh nama orang ke ngempu langkau nya tadi. Nyadi tudah Bikong tu di engkah sida indai ia diau kediri laban ke malu meda pendiau tudah tuai ke enda sebaka enggau nembiak bukai. Ti maya makai dianjung ke orang asi ga tudah tuai. Gawa segi enda dapat. Lama tudah Bikong tu ke diau kediri, suba ukai nya bakanya ga pendiau ia lebuh ke ada, segi baka pendiau nembiak bukai. Sepengudah ia ke bisi buya Kemi' manching bandir embawang kena sumpah indu Lukong, nya meh ke ngasuh ia timpang. Nya alai orang ke tuai enda ngasuh kitai kemi manching indu Lukong enggai ke timpang pendiau.\\nNgambi ke kitak nemu tudah keling lalu ngaga nama ia Biju. Nyadi diau meh Biju tu tadi enggau Bikong ba langkau nya. Nyadi lemai siti ko jerita diak deh Biju lalu bejaku ngagai Bikong, \" Punggal, lama amat ga aku dah enda ngayan ke diri meda pendiau orang bukai, ni alah aku belalai belama enggau nuan ditu, Ukai aku bisi penyalah alai ke belalai deh, ngasuh nuan enti aku bejalai ke rumah panjai?\" pia deh ko Biju( keling) bejaku enggau Bikong. \" EEe...ahang honggal, hagi hetawa ke ohang huan, heda hamal huan. hadai ibuh hin deh...hah ahu he ohang hitu hempu han hetawa he ohang\" pia deh ko Bikong nyaut ia.\\n\" Nadai tau pia punggal, kitai ga anang ringat ti orang ketawa, ba sida ia ketawa laban ka begagai, anang aja sida ia nganu kitai\" ko Biju ga nyaut baru. \" ahang ho huan ga hunggal, ahu henggai hin, henggai ahu, halu\" pia deh ko Bikong nyaut. Ninga munyi nya, nyau meh tudah Biju tu tadi nyingkang, singit-singit pejalai ia laban ke timpang niki tangga. Nya meh bala sida ke nembiak mit ke benung bemain di ruai nyau begau lari nyabak enda peiga-iga....\" antu....antu datai, lari kitai\" pia deh ko sida ia lari tama ke bilik. Nya meh bala sida ke tuai nyau begau ninga bisi antu datai niki tangga. \" Apu!!!! ni antu, antu nama bangat ngeraya nya nyu ambis berani niki ke rumah nyengenda nya\" pia deh ko bala sida ke tuai bejaku, ninga bala sida ke nembiak besebut.\\nNama agi deh, nya meh nyau pansut magang bala mensia ke di bilik ninga orang ke tachuh di ruai. Sama bela ka nemu, amat ke antu, amat ke mensia kini orang ke datai nya. Nya meh tudah Biju ko jerita lalu bejalai belubah laban ke ngasai ke diri nyau ngasuh bala mensia diak balat tekenyit. Diak ia tadi lalu belubah-lubah mansang semak ngagai apai tuai siku ke benung bediri chegi-chegi merening ia, diak deh ia lalu bejaku \" Anang takut kitak wai...mensia aku, ukai antu, isa meh aku tu jai gamal, ga udah di atur petara baka tu\" pia deh ko Biju bejaku nunga apai tuai nya.\\n\" Lapa ga enda unggal, enti antu ni nemu bejaku...lalu unggal, duduk...\" pia deh ko apai tuai nya madah ke ia. Kira ke ngasauh ia duduk, tang jaku apai tuai nya ka semadi-semadi ga munyi. Ni enda deh, nyau geli mata meda orang ke bangat ngenyaie nya gamal. Nya meh tudah Biju lalu nuduk kediri, ia enda duduk di tikai ko jerita, ia lalu duduk ba burit lesung ke bisi mesai 3 pemerap ke dungu-dungu tisi pun tiang sigi. Lebuh ia ke duduk nya tadi, dinga nyau bekesetak lesung nya merekah, lalu tepambar pechah kena lantak tumbung tudah Biju. \" Apu....nama lesung tu keru' amat kayu deh unggal\" pia deh ko Biju nyempelah. Nya meh tudah apai tuai nya tadi nyau rangap-rangap meda utai ke nyadi. \" Amat pama mensia tu\" pia deh ko ati ia.\\n\"Eh...lesung lama nya unggal, ni enda keru' kayu nyau udah embih di pakai derung\" pia deh ko apai tuai nya tadi bedalih. lama ia nyau ngaru pala ko jerita. Ni ka lesung lama, baru tembu kemari lesung nya, lalu bedau di kena. \" Nama pejalai nuan unggal, kemaya nuan datai? ukai ga salah ke nemuai\" pia deh ko apai tuai nya nanya ia baru. \" Eh...bisi ga pejalai unggal, ka ngelawa sida apai Kumang, ni bilik sidak deh?\" pia deh ko Biju nanya. \" Nyin ia unggal ke no 4 ari bilik aku tu muak ke ari setak ulu\" ko apai tuai nya madah ke ia. Nya meh tudah Biju lalu madah ke nama diri, madah mega ke penatai ia ke bemalam ba langkau Bikong ngelamatu.\\nUdah seduai ia ke berandau nya tadi, Biju lalu madah ke diri ka angkat ngelawa bilik sida Kumang. Laban ke udah mayuh ga randau seduai ia, tudah Biju enggai ga bangat kelalu lama berandau, takut ke utai ke di tuju enda di kereja. Nyau meh ia tu tadi ko jerita nyingkang lubah nuju bilik sida kumang. lengka ke kitai dulu pejalai Biju ngelawa bilik sida Kumang au!! kitai ngenang Laja ke agi idup merampau di Panggau Libau ngenang Kumang.......\\nLAJA NYEMPULANG KELING KE GELONG\\nNya meh ko jerita, sebulan nandan di langit, setahun nampun di bukit. Ati beraie enda ulih di tipang, runding ke tusut enda ulih puang, sekut seput enda ulih lantang..... Nya meh tudah Laja ko jerita semampai enda senang duduk, enda lantang tinduk laban ke seruran ingat ke Kumang. Tambah agi ia udah nemu Keling ke lama udah enda di peda, enda temu tunga, nyau majak tusut deh runding ia, kada enda udah ngiga Kumang kini, kada enda udah jadi kini? pia deh ko tudah runding ia.\\nNya alai pagi siti, tumu tudah Laja tu ngemas rengka diri kira ke ka mupuk nunga ke menua Gelong. Dalam ati ia segi deka naban ke Kumang. Udah nadai runding agi meh ia ko jerita. enti enda ulih jadi ngena chara manah, ka pan enda ngena chara bukai meh. Pia deh ko runding tudah Laja tu tadi. Semua perengka kebal, ngayau mulau, pengaruh di bai ia magang-magang ambi ke nyamai kena bepesindang tubuh diri sema' ke bangat pedis be ambi ke Kumang. Nya meh ko jerita, laja lalu mupuk bejalai ngejang ke menua Batang Panggau, ia bejalai laju ngulu aie Batang Panggau nyelinting tunga ke menua Gelong.\\nNyadi pejalai ia tu tadi kira ke nyamai laban ia ke udah nemu jalai ke menua Gelong, ga ia suba udah kala kin. Nya meh ko jerita, Laja ke bejalai tu tadi diak deh ia enda berasai nyingkang lalu labuh ba lubang tanah ke chukup ia penalam. Lama deh tudah Laja ngasai kediri lalu enda terengkah, semina kesuh angin ke beribut muput ia ke labuh nya aja ulih di sepi ia. Ambi ke kitai sama nemu, tudah Laja ke labuh nya tadi bisi ka 7 hari 7 malam nya baru ia terengkah di menua bukai. Nyadi menua nya, menua Aya Raja Belut.\\nLebuh ke terengkah nya tadi, dinga nyau merentum !!! deh tubuh tudah Laja, Tanah nyau ngeruang, rumah panjai Raja belut nyau beguyang, menua nyau berenyang, peda deh bala Raja Belut nyau merangap tegepang nyepi utai bangat ngemalat nya. Nya meh bala Raja Belut serumah nyau begau. \" o.... nama meh utai ke bangat nyelaie ngenyadi tu\" Pia deh ko tudah Raja Belut bejaku dalam ati. \" Kada enda munsuh datai\" Pia deh ko ati tudah tuai.\\nNama agi deh Raja Belut lalu bekangau, ngesah pungka manuk sabung raja berani ia ngetan ke menua, nyangka tak munsuh datai. Nyau ngenang tudah Laja meh kitai, diak deh ia lalu angkat begadai nuju rumah panjai sida Raja Belut. Nyadi rumah panjai nya nyelaie amat di peda ia, semua rumah diak nadai ngentak ngena kayu, tak semina bedinding ke peku' tanah magang-magang. Nya meh ia tu tadi majak berati ke menua nya. lebuh ke datai ba tengah laman rumah diak deh ia lalu nguji ngangau, \" oiii .... Jadi rumah kitak?!!!, aku tu Laja, ukai munsuh mai pengaruh, ukai antu mai penemu, enti rumah kitak jadi, ngambi aku ngetu ngenduh\" pia deh ko Laja ngangau.\\nNinga tudah Laja ngangau, nya baru lantang deh ati bala Raja Belut. Ukai munsuh meh nya, ukai antu meh nya, ga ia madah kediri bakanya, pia meh ko peragam ati sida serumah. \" Jadi!!! Jadi!!!, lalu madi, lalu akan, lalu buat, lalu unggal, rumah kami enda kala di sagi mali, enda kala di unsut engkerabun mati, nadai di rembak ke entak pagar api....lalu igat\" pia deh ko Raja Belut nyaut ari rumah. Nama agi deh, niki meh tudah Laja ke rumah sida Raja Belut tu tadi.\\nLebuh ke udah duduk, udah makai ko jerita, diak deh Raja Belut lalu nanya ke pejalai tudah Laja. Nya meh Laja lalu nusi ke bala Raja Belut tu tadi ke pejalai ia ke deka mansang ngambi Kumang ke Bini di menua Gelong. \" Aku enda nemu aya, nyangka Kumang udah jadi enggau orang bukai ke enda, nya meh ke ngasuh aku kin, ga ati enda ulih di tat,\" pia deh ko Laja madah ngagai Raja Belut. Enda bemunyi Raja Belut ninga Laja munyi nya. Tudah Raja belut lalu ngulung ke insap ia, sambil ke ngesuh-ngesuh, nyirut ke insap ia. Udah nya Raja Belut lalu berunding ke chara ulih nulung Laja, ia lalu ngagau ke bala ia dua iku, \" kitu dulu seduai nuan igat, bisi utai ka di asuh dulu\" pia deh ko Raja Belut ngagau ke bala ia dua iku nya.\\n\" Nama deh aya, nama utai\" pia deh ko seduai ia. \" Nya meh, ngasuh seduai nuan ngelubang nyentuk ngagai menua orang di Gelong, uji seduai nuan mending ke rita Kumang lalu begiga ke dini endur Keling, sekali ke seduai ia udah jadi tauka empai, ambi kitai ulih nulung igat Laja\" pia deh ko Raja Belut bejaku. Nya meh kitai ngelengka ke dulu tudah Laja ke benung ba menua Raja Belut , kitai pulai baru ngagai jerita tudah Keling ke nyaru gamal diri nyadi Biju di menua Gelong........................sesempa rampang pinang, segigi tangga.............\\nKELING BETABAN ENGGAU KUMANG\\nPosted by Richard changgan at 18:24\\nNi tampung cherita dh, uncle ?\\nRichard changgan 9 May 2012 at 17:37\\nTampung iya sigi udah digaga aku..tang aku empai update ba blog tu..empai habis ditulis aku.besabar au\\nPeter Tan 1 June 2014 at 05:26\\nTuan akai dai terlma udh ku ngiga cerita iban bka tok..asar tudh aty agi ka maca nyul ga putus naka nya ja. Ti bc cerita bukai tuan pasuk ke ba blok d tuan..\\nalen mell 16 February 2013 at 22:26\\nuncle aty toq rindu maca..tp crita ndai penghujung..update ditoq ker,,\\ntheresa mendon 5 April 2013 at 01:17\\nkemaya ka nampung jerita tu?manah amt..\\nRichard changgan 8 April 2013 at 05:36\\nTheresa, ensera tu deka di chelak nyadi bup. nya alai aku empai ulih nyimpan tampung iya ditu. Anang irau, bisi ba bup ila lalu ka dijual ba serata menua kitai.\\nGarvin Ray 22 April 2013 at 20:17\\nmanah mat pengawa nuan tuai..Angkat ke jerita iban lama ngambi ke kami nembiak rebak baru nemu asal peturun kami..\\nAbe Akim 21 January 2014 at 09:31\\nNi sambungan cerita tox bakeh..empai bisi..\\nJacqueline Melai 15 July 2014 at 00:21\\nagi lama ka sambung cerita tok? last year kn? lama mai\\ndesmond lazio 10 January 2015 at 21:06\\nBa bup maya iya keluar deh uncle.?\\nkilly merio 29 April 2015 at 19:57\\nManah amat cerita tuk belalak aku maca . Kmya bc sambung cerita tuk uncle rindang ati mca cerita tukk .. ba bup ni cerita tuk bc kluar ?\\nJhezsieycha Samm 3 October 2015 at 19:40\\nMnah amat cherita tu . . rinduu atii akuu machaa . . laban ke udah bulih lumur 1 pekit kumang suba nyoo alu gagit ati ka macha ensera Kumang ngau Keling . .\\nJhezsieycha Samm 3 October 2015 at 19:42\\nJhezsieycha Samm 3 October 2015 at 19:43\\njang lumak 4 January 2016 at 08:10\\nApuuuu neh nyau baka asai ati Laja gak aku tuk, cerita empai agik diupdate ...ngarapka ulih nyambung cerita tuk meh kaban...👍\\nJerita Keling enggau Laja berebut ke Kumang Ditusu...","num_words":6327,"character_repetition_ratio":0.049,"word_repetition_ratio":0.001,"special_characters_ratio":0.228,"stopwords_ratio":0.218,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Hosea nyadi nabi nangkanka Amos. Iya madahka pesan Allah Taala ngagai perintah ti di utara, lebuh maya pengachau balat nyadi sebedau Samaria alah dalam taun 721 sebedau pengada Kristus. Hosea tusah ati laban orang Israel besembahka engkeramba sereta enda tetap ati ngagai Allah Taala. Hosea nunjukka sida enda tetap ati ngagai TUHAN ngena pengidup iya empu, ti enda mujur bebini laban bini iya enda tetap ati ngagai iya. Bini iya Gomer butang, lalu baka nya mega nembiak Allah Taala: sida udah ninggalka TUHAN. Ketegal nya Israel deka diukum. Tang taja pia, ba pengujung iya, Allah Taala endang meruan rinduka nembiak Iya. Iya deka ngambi orang Israel pulai baru ngagai Iya Empu, lalu ngaduka kaul entara Iya enggau sida. Pengerindu Iya ke sida dipandangka Iya ngena jaku tu: “Baka ni ku Aku ulih ngelengkaka nuan, Israel? Baka ni ku Aku ulih ninggalka nuan? Ati Aku ti nagang Aku ngereja nya! Aku kelalu balat rinduka kita.” (11.8)\\nRipih Bup Tu\\nPasal Hosea ke bebini enggau pasal ruang bilik iya (1.1-3.5)\\nPesan ngelaban Israel (4.1-13.16)\\nPesan nesal ati enggau semaya (14.1)\\n1 Tu pesan ti diberi TUHAN ngagai Hosea anak Beeri lebuh Usiah, Jotam, Ahas, enggau Hesekiah nyadi raja menua Judah lalu Jeroboam anak Jehoas nyadi raja menua Israel.\\nBini Enggau Bala Anak Hosea\\n2 Lebuh TUHAN bejaku ngagai orang Israel ngena Hosea keterubah iya, Iya bejaku munyi tu, “Hosea, alai nuan jadi enggau indu sundal, ngambika iya ngadaka anak ke nyundal baka iya, laban nya gaya menua tu udah butang ketegal iya udah ninggalka Aku.”\\n3 Nya alai Hosea lalu jadi enggau indu siku ke benama Gomer anak Diplaim. Lebuh Gomer ngadaka anak lelaki seduai iya ke tuai,\\n4 TUHAN bejaku ngagai Hosea, “Beri iya nama ‘Jesril,’ laban enda lama da agi Aku deka ngukum raja orang Israel laban aki iya Jehu udah munuh orang di Jesril. Aku deka ngerusak perintah Jehu.\\n5 Lalu Aku deka ngerusak kuasa bala soldadu orang Israel ba Lebak Jesril lebuh maya nya ila.”\\n6 Gomer ngadaka anak iya ti kedua. Sekali tu anak iya indu. Ku TUHAN bejaku ngagai Hosea, “Beri nama iya ‘Enda Dikerinduka.’ laban Aku enggai agi ngayanka pengerindu ngagai orang Israel tauka ngampun sida.\\n7 Tang Aku deka ngayanka pengerindu ngagai orang Judah. Aku TUHAN Allah Taala sida deka ngelepaska sida, tang Aku enggai ngereja nya ngena perang - ngena pedang tauka panah enggau laja tauka ngena kuda tauka ngena orang ke nepan kuda.”\\n8 Lebuh Gomer badu agi nusuka anak indu iya, iya lalu ngandung baru, lalu ngadaka siku agi anak lelaki.\\n9 Ku TUHAN bejaku ngagai Hosea, “Beri iya nama ‘Ukai Bala Nembiak Aku,’ laban orang Israel ukai bala nembiak Aku, lalu Aku ukai Allah Taala sida.”\\n10 Orang Israel deka mayuh tubuh baka pasir ti di tasik, enda ulih diitung tauka ditakar. Diatu Allah Taala bejaku ngagai sida, “Kita ukai nembiak Aku,” tang maya deka datai alai Iya deka nyebut ngagai sida, “Kita tu anak Allah Taala ti idup!”\\n11 Orang Judah enggau orang Israel deka beserakup baru. Sida deka milih siku tuai, lalu sida deka sekali agi mansang sereta nyadi kaya di menua sida empu. Sigi amat, hari Jesril deka nyadi hari ti besai!\\n1 Nuan patut ngumbai menyadi lelaki nuan, “Ammi,” lalu ngumbai menyadi indu nuan, “Ruhamah.”Gomer Butang, Ukum Enggau Penebus\\n2 Anak, alai kita bejaku enggau indai kita, taja pen iya ukai bini Aku agi, lalu Aku pen ukai laki iya agi. Bejaku enggau iya minta iya badu agi butang, lalu badu agi nyundal,\\n3 enggai ke Aku ngeruntun kain ari tubuh iya ngambika iya telanjai baka iya ke baru ada menya. Aku deka ngaga iya nyadi menua puang, lalu iya deka mati aus.\\n4-5 Aku enggai kasihka bala anak iya, laban sida nya anak indu sundal ti enda nemu malu. Ku indai sida bejaku, “Aku deka mansang ngagai bala ambai aku, ke meri aku pemakai enggau ai, bulu bedus enggau kain linin, minyak kana enggau wain.”\\n6 Nya alai Aku deka ngandang iya ngena pagar ti digaga ari kayu ti beduri, lalu ngaga dinding kena mempang jalai iya.\\n7 Iya deka belanda nitihka bala ambai iya, tang enda ulih nitihka sida. Iya deka begigaka sida, tang enda tetemuka sida. Udah nya iya deka bejaku, “Aku deka pulai baru ngagai laki aku ti terubah, laban aku udah lantang agi diau begulai enggau iya suba ari aku ke diatu.”\\n8 Iya sigi enggai ngaku Aku udah meri iya gandum, wain, minyak kana, enggau semua pirak enggau emas ti dikena iya nyembah Baal.\\n9 Nya alai lebuh maya ngetau nyau datai, Aku deka ngambi pulai baru gandum enggau wain ti udah diberi Aku ngagai iya, lalu deka ngambi bulu bedus enggau kain linin ti udah diberi aku kena iya begari.\\n10 Aku deka nelanjaika iya di mua bala ambai iya, lalu nadai orang ulih ngelepaska iya ari kuasa Aku.\\n11 Aku deka madamka semua gawai iya, iya nya gawai ninting taun, gawai tiap bulan, enggau pengerami Hari Sabat iya, iya nya semua gawai pengarap iya.\\n12 Aku deka ngerusak kebun anggur enggau kayu ara iya ti dikumbai iya diberi bala ambai iya ketegal iya udah bekereja ke sida. Aku deka ngaga kebun anggur enggau kebun buah ara iya nyadi menua puang, laban jelu babas deka ngerusak sida.\\n13 Aku deka ngukum iya laban iya udah begawai ke bala petara Baal, lebuh iya nunu menyan ngagai sida, lalu ngias diri ngena tinchin enggau batu ti berega, lalu nitihka bala ambai iya, lalu enda ingatka Aku, ku TUHAN bejaku.\\nPengerindu TUHAN Ke Bala Nembiak Iya\\n14 Nya alai Aku deka mai iya ngagai menua puang, laban Aku deka ngulihka ati iya baru ngena jaku ti siru.\\n15 Aku deka meri kebun anggur iya pulai baru ngagai iya, lalu ngaga Emperan Penusah nyadika pintu pengadang. Iya deka nyaut Aku dia baka iya ti udah nyaut Aku lebuh iya agi biak suba, lebuh iya datai ari menua Ejip.\\n16 Udah nya baru iya deka sekali agi ngumbai Aku laki iya, lalu enda agi ngumbai Aku Baal iya.\\n17 Aku enggai sekali-kali nejuka iya nyebut nama Baal agi.\\n18 Lebuh maya nya ila, Aku deka ngaga siti sempekat enggau semua jelu babas enggau burung, ngambika sida enda ngemediska bala nembiak Aku. Aku deka mega muai semua senyata perang ari menua tu, semua pedang enggau panah, ngambika bala nembiak Aku diau dalam pemaik enggau pengelikun.\\n19 Israel, Aku deka ngambi nuan nyadika bini Aku dalam pengelurus, sereta tetap ati ngagai nuan. Aku deka seruran rindu sereta kasihka nuan lalu bempu nuan belama iya.\\n20 Aku deka ngamatka semaya Aku, lalu ngaga nuan nyadika enggi Aku, lalu nuan deka ngaku Aku nyadika TUHAN nuan.\\n21-22 Lebuh maya nya ila, Aku deka nyaut sampi bala nembiak Aku Israel. Aku deka ngasuh hari ujan, lalu tanah deka mansutka gandum enggau buah anggur enggau buah kana.\\n23 Aku deka ngentapka bala nembiak Aku diau di menua tu, lalu ngasuh sida kaya-raja. Aku deka ngayanka pengerindu ngagai sida ke dikumbai “Enda Dikerinduka,” enggau ngagai sida ke dikumbai “Ukai Bala Nembiak Aku” Aku deka nyebut, “Kita tu nembiak Aku,” lalu sida deka nyaut, “Nuan meh Allah Taala kami.”\\nHosea Enggau Indu Ke Butang\\n1 Ku TUHAN bejaku ngagai aku, “Alai nuan mupuk baru lalu ayanka pengerindu nuan ke siku indu ke butang enggau ambai iya. Nuan enda tau enda rinduka iya baka Aku ti agi mengkang rinduka orang Israel, taja pen sida limpang ngagai petara bukai, lalu rindu mai piring buah anggur ti udah disalai ngagai engkeramba.”\\n2 Nya alai aku lalu meli indu nya ngena rega 15 singkap duit pirak enggau 150 kilogram barli.\\n3 Aku lalu madahka iya deka lama nganti aku, lalu enda tau nyundal, tauka butang, lalu aku pen enda mega tau beleman enggau iya.\\n4 Nya meh pengelama orang Israel deka idup nadai raja tauka tuai bansa, nadai ngenjuk piring, nadai tiang batu keramat, nadai engkeramba, nadai anak patung kena nujum.\\n5 Tang maya deka datai alai orang Israel deka sekali agi pulai baru ngagai TUHAN Allah Taala sida enggau ngagai peturun David ke nyadika raja sida. Udah nya baru sida deka nangika TUHAN, lalu nerima pemeri ti manah ari Iya.\\nTUHAN Bedawaka Orang Israel\\n1 Ku TUHAN bedawaka orang Israel: “Kita orang Israel, pendingka utai ti disebut TUHAN. Penetap ati enggau pengerindu nadai agi di menua tu, lalu orang Israel enda ngaku Aku nyadika Allah Taala sida.\\n2 Sida ngaga semaya, tang sida mungkir ari semaya nya. Sida bula, munuh orang, ngenchuri, sereta butang. Penyalah sida nambah-menambah. Orang nyau betangkan-tangkan mati dibunuh.\\n3 Nya alai menua tu deka rangkai, lalu semua utai ti idup di menua tu deka mati magang. Semua mensia, jelu, burung, enggau ikan deka mati magang.”\\nTUHAN Bedawaka Sida Imam\\n4 Ku TUHAN bejaku, “Anang besalah sebarang orang! Ukai semua orang salah. Aku bejaku ngelaban kita ke imam.\\n5 Siang malam kita ngereja penyalah, lalu sida nabi pen nadai mega lebih ari kita. Aku deka ngerusak Israel ti indai kita.\\n6 Nembiak Aku deka dirusak, laban sida enda bedulika Aku. Kita ke imam enda bedulika Aku, lalu udah nulak ajar Aku. Nya alai, Aku nulak kita, lalu enggai ngaku bala anak kita nyadika imam Aku.\\n7 “Makin mayuh agi kita nyadi imam, makin mayuh agi ga kita bedosa ngelaban Aku. Nya alai Aku enggai agi masa kita, tang deka mechat kita.\\n8 Kita gaga ati meda bala nembiak Aku bedosa, ngambika kita ulih ngelantangka diri ngena piring ti dikena muai dosa sida.\\n9 Kita deka merinsa natka ukum baka orang mayuh! Aku deka ngukum kita ketegal penyai ti dikereja kita.\\n10 Kita deka makai piring ti endang ungkup kita, tang kita deka mengkang lapar. Kita deka nyembah petara ti ngasuh peridi, tang kita deka mengkang nadai anak, laban kita udah ninggalka Aku lalu nitihka petara bukai.”\\nTUHAN Ngukum Orang Ke Nyembah Petara Bukai\\n11 Ku TUHAN bejaku, “Wain, nemuka lama tauka baru, bela ngasuh bala nembiak Aku enda nemu berunding!\\n12 Bala nembiak Aku betanyaka utai ngagai kayu, lalu tungkat sida meri sida leka jaku. Laban roh sundal udah nesatka sida, lalu sida udah ninggalka Allah Taala sida, ngambika sida ulih nyundal.\\n13 Sida ngenjuk piring ba endur alai nyembah engkeramba ba sebelah tuchung bukit, lalu sida nunu menyan di baruh kayu ti tinggi sereta jurai ba sebelah munggu, laban endur nya lindung!\\nNya lalu ngujungka bala anak indu kita nyundal, lalu menantu indu kita butang.\\n14 Aku enggai ngukum anak indu kita ketegal sida nyundal, lalu Aku pen enda mega ngukum menantu indu kita ketegal sida butang, laban laki sida empu deh beleman enggau indu sundal, lalu ngenjuk piring sama enggau indu sundal dalam rumah sembiang. Pemeli kita empu deka ngujungka kita dirusak.\\n15 “Tang taja pen kita orang Israel enda tetap ati ngagai Aku, awakka Judah enda ngereja utai ti salah baka nya. Anang nyembah di Gilgal tauka di Bet-aben, tauka ngaga semaya dia dalam nama Allah Taala ti idup.\\n16 Orang Israel kieh baka penakan kuda. Baka ni ku Aku ulih engkani sida baka ke engkani anak domba ba padang rumput?\\n17 Orang Israel udah kena laban jayau engkeramba. Awakka sida baka nya aja.\\n18 Lebuh sida udah balat ngirup wain, sida lalu ngelantangka diri nyundal. Sida rindu agi ke diri dipechat ari ke dibasa.\\n19 Sida deka ditabanka, baka ke dikebuka ribut, lalu sida deka malu ke piring ti diberi sida ngagai engkeramba.\\n1 “Pendingka tu ulih kita ke imam! Peratika enggau manah, kita orang Israel! Anang enda mending, kita ke ari ruang bilik raja! Kita udah dikarapka ngakim enggau lurus, tang kita empu deka diakim! Kita udah nyadi panjuk di Mispah, nyadi jarin ti ditan ba Bukit Tabor,\\n2 nyadi lubang kebung ti dalam di nengeri Akasia, lalu Aku deka ngukum semua kita.\\n3 Aku nemu gaya bansa orang Israel. Sida enda ulih belalai ari Aku. Sida udah enda tetap ati ngagai Aku, lalu sida enda patut nyembah Aku.”\\nHosea Nagang Orang Nyembah Engkeramba\\n4 Penyai ti udah dikereja orang mayuh nagang sida pulai baru ngagai Allah Taala sida. Pengawa ti besembahka engkeramba balat nanchang sida, lalu sida enda ngaku TUHAN.\\n5 Penyumbung orang Israel deka besaksi ngelaban sida empu. Dosa sida empu ti ngasuh sida tesangkut lalu tetingkap, lalu orang Judah sama rebah enggau sida.\\n6 Sida mai bedus enggau sapi sida lalu meri utai nya nyadika piring ngagai TUHAN, tang utai nya nadai mai penguntung ngagai sida. Sida enda ulih nemu TUHAN, laban Iya udah ninggalka sida.\\n7 Sida udah enda tetap ati ngagai TUHAN. Bala anak sida ukai enggi TUHAN. Nya alai menua sida deka dirusak enda lama da agi.\\nPerang Entara Judah Enggau Israel\\n8 Sepu terumpit di Gibe-ah! Asuh orang megau orang mayuh di Ramah! Manjung meh kita di Bet-aben mai orang mansang beperang! Mansang beperang meh kita bala Benjamin!\\n9 Israel deka dirusak lebuh maya sida diukum. Aku madahka ngagai semua raban bansa orang Israel, utai ti tetap deka nyadi!\\n10 Ku TUHAN bejaku, “Aku ringat laban tuai orang Judah udah nyerang menua Israel, lalu ngenchuri tanah sida. Nya alai Aku deka mubuhka pengeringat Aku ngagai sida baka ai bah.\\n11 Israel natka diri merinsa kena tekan. Iya udah lenyau menua ti endang patut diempu iya, laban iya keras minta tulung ari orang ke enda ulih nulung iya.\\n12 Nya alai Aku deka ngerusak orang Israel, enggau orang Judah.\\n13 “Lebuh Israel meda diri balat sakit, lalu lebuh Judah meda diri bakal, nya baru Israel mansang ngagai Asiria minta raja menua nya nulung iya, tang raja nya enda ulih ngeraika sida tauka nyumanka bakal sida.\\n14 Aku deka nyerang orang Israel enggau orang Judah baka singa. Aku Empu deka nyarikka sida, lalu udah nya ninggalka sida. Lebuh Aku ngirit sida, nadai orang ulih ngelepaska sida.\\n15 “Aku deka ninggalka nembiak Aku datai ke sida udah chukup merinsa ketegal dosa sida, lalu datai ngiga Aku. Lebuh sida tusah, sida nguji ngiga Aku.”\\nOrang Mayuh Dikangauka Nesal Ati\\n1 “Aram kitai pulai baru ngagai TUHAN. Iya udah encharikka kitai, tang Iya deka ngeraika kitai. Iya udah ngemakalka kitai, tang Iya deka malut telih kitai.\\n2 Dalam dua hari Iya deka ngidupka kitai baru; ba hari ti ketiga Iya deka ngangkatka kitai ngambika kitai tau idup di mua Iya.\\n3 Aram kitai majak nguji meretika TUHAN. Iya tetap deka datai ngagai kitai, baka penumbuh mata hari, baka ujan ti labuh ninggang tanah.”\\nOrang Israel Enggau Orang Judah Enggai Nesal Ati\\n4 Tang ku TUHAN bejaku, “Israel enggau Judah, nama utai ti patut dikereja Aku ngagai kita? Pengerindu kita ke Aku jampat lesap baka sebun ambun pagi hari, baka ai ambun ti lesap tumu pagi.\\n5 Nya kebuah Aku udah ngasuh bala nabi Aku betemu enggau kita, mai pesan pasal ukum enggau pengerusak. Utai ti diguna Aku ari kita nya terang sereta nyata:\\n6 Aku begunaka pengerindu ti meruan belama iya, ukai piring. Aku rindu agi ke kita nemu Aku, ari kita ke meri piring tunu ngagai Aku.\\n7 “Tang di Adam, sida ngelanggar sempekat ti udah digaga Aku enggau sida. Dia meh endur alai sida ngayanka diri enda tetap ati ngagai Aku.\\n8 Nengeri Giliat penuh laban orang ke jai enggau pemunuh.\\n9 Bala sida imam nyau baka bala perumpak ke ngeramka ipa nganti orang ke mansa. Indah ba jalai raya ngagai endur ti kudus di Sekem deh sida bebunuhka orang, lalu ngereja penyalah ti besai.\\n10 Aku bisi udah meda siti utai ti jai nyadi di menua Israel: bala nembiak Aku udah ngamahka diri besembahka engkeramba.\\n11 “Nyadi kita orang Judah, Aku udah ngeletak maya alai Aku deka mai kita pulai baru.\\n1 “Genap kali Aku deka ngeraika Israel, lalu ngasuh sida nyadi kaya-raja baru, Aku semina tepedaka utai ti jai ti dikereja sida. Sida nipu pangan diri. Sida tama ngagai rumah orang lalu ngenchuri. Sida ngerumpak orang ba sebelah jalai raya.\\n2 Sida ngumbai Aku enda ingatka semua penyai nya. Tang dosa ngelulung sida, lalu Aku meda dosa nya.”\\nOrang Bepekat Dalam Istana\\n3 Ku TUHAN bejaku, “Orang mayuh bepekat lalu nipu raja enggau bala pemesai iya.\\n4 Semua sida nya orang ke aum-juak sereta enda taluk magang. Ati sida ke begedi mau baka api ti ba dapur, ti dikena ngaga roti, api ti enda ibuh disurungka datai ke roti nya mansau.\\n5 Lebuh raja ngintu pengerami iya, bala pemesai iya mabuk ngirup wain.\\n6 Sida mau baka api ti dikena manggang roti. Semalam-malam pengeringat sida ngungut, lalu lebuh pagi hari pengeringat nya mau baka api.\\n7 “Sida balat ringat lalu munuh orang ke megai perintah. Bala raja sida udah dibunuh betangkan-tangkan, tang nadai siku orang besampi ngangauka Aku.”\\nIsrael Enggau Bansa Bukai\\n8 Ku TUHAN bejaku, “Orang Israel baka roti ti dipanggang setengah mansau. Sida begaul enggau orang bansa bukai.\\n9 Sida enda nemu orang bansa bukai nginsap pengering sida. Lalu sida enda nemu pala diri nyau buban-banan.\\n10 Penyumbung orang Israel deka besaksi ngelaban sida empu; tang taja pia, sida enda pulai baru ngagai TUHAN ti Allah Taala sida, tauka ngiga Iya ketegal semua utai nya.\\n11 Israel nyau baka burung achang, beli lalu enda nemu berunding. Sida minta tulung menua Ejip, udah nya minta tulung orang Asiria!\\n12 Tang lebuh sida bejalai, Aku deka nibarka jala Aku ngagai sida. Aku deka mai sida baka ke mai burung. Aku deka disiplin sida nitihka utai ti dipadahka sida ngagai gempuru sida.\\n13 “Tulah meh sida, laban sida udah ninggalka Aku. Sida deka dirusak, laban sida udah angkat ngelaban Aku. Aku endang deka nebus sida, tang sida bejaku bula ngelaban Aku.\\n14 Sida enda besampi ngagai Aku ari ati sida, tang nyungkurka diri ba peninduk sida, lalu duie-duie nyabak. Sida ngurik tubuh diri lebuh sida minta gandum enggau wain. Sida angkat ngelaban Aku!\\n15 Aku tu ti udah matih sereta ngeringka lengan sida. Tang taja pia sida bepekat ngelaban Aku.\\n16 Sida nguingka diri ngagai utai ti nadai guna. Sida udah nyadi baka panah ti enda menyana; bala pemesai sida deka mati laban pedang ketegal pemeli jaku sida. Lalu orang Ejip deka ketawaka sida.”\\nTUHAN Ngukum Orang Israel Ke Nyembah Engkeramba\\n1 Ku TUHAN bejaku, “Sepu terumpit kena megau orang mayuh! Bala munsuh nyerang menua Aku baka menaul, laban nembiak Aku udah ngelanggar sempekat enggau adat Aku.\\n2 Taja pen sida ngumbai Aku Allah Taala sida, lalu ngumbai diri nembiak Aku sereta nemu Aku,\\n3 tang sida udah nulak utai ti manah. Ketegal nya, bala munsuh sida deka begagaika sida.\\n4 “Bala nembiak Aku udah milih raja, tang ukai dikemendarka Aku. Sida nuduhka orang nyadi tuai, tang ukai nitihka penemu Aku. Sida begagaka engkeramba ngena emas enggau pirak sida, kena sida ngerusak diri empu.\\n5 Aku begedika sapi emas ti disembah orang di nengeri Samaria. Aku pedis ati ngagai sida. Ni pengelama baru sida deka diau tuchi\\n6 di menua Israel? Engkeramba nya digaga tukang. Engkeramba nya ukai Allah Taala. Sapi emas orang Samaria deka dipechahka!\\n7 Sida nanam ribut, nya alai sida deka ngetau kabut! Gandum sida nadai tangkai, lalu enda ulih mansutka roti. Tang enti sema iya ulih mansutka roti, orang bansa bukai ga deka makai roti nya.\\n8 Israel nyau sebaka enggau bansa bukai, sereta nadai guna baka periuk ti udah pechah.\\n9 Kieh baka keledai kampung, orang Israel bejalai ngatika diri. Sida udah mupuk ngiga tulung ari orang Asiria, lalu udah ngaji bansa bukai nyaga sida.\\n10 Tang diatu Aku deka ngempuruka sida, lalu ngukum sida. Enda lama da agi, sida deka ngelingkang natka diri pedis lebuh raja menua Asiria nekanka pengidup sida.\\n11 “Makin mayuh agi alta digaga orang Israel kena muai dosa, makin mayuh agi ga endur alai sida bedosa!\\n12 Taja pen Aku nuliska mayuh jaku ajar ke sida, tang sida ngumbai ajar nya nyelai.\\n13 Taja pen sida rindu ngenjuk piring, lalu bepakaika dagin, tang TUHAN enda nerima piring nya. Diatu Iya deka ngingatka penyai sida lalu ngukum sida ketegal dosa sida. Sida deka pulai baru ngagai menua Ejip!\\n14 “Orang Israel enda ingatka Aku ti udah ngaga sida, lalu sida begagaka berapa buah istana. Orang Judah udah nambahka pemayuh nengeri ti bekuta, tang Aku deka nunu nengeri sida, lalu nganguska kuta sida.”\\nHosea Madahka Ukum Israel\\n1 Anang kita rami gaga, O Kita orang Israel! Anang rami tauka manjung baka orang bansa bukai. Kita udah ninggalka Allah Taala kita, lalu enda tetap ati ngagai Iya. Di serata menua tu kita udah nyual diri baka indu sundal ngagai petara Baal, lalu udah gaga ati ke gandum ti dikumbai kita kena iya mayar kita!\\n2 Tang enda lama da agi kita enda chukup gandum enggau minyak kana, lalu nadai agi wain.\\n3 Orang Israel enda agi diau di menua TUHAN, tang deka pulai baru ngagai menua Ejip, lalu di menua Asiria sida deka makai pemakai ti enda tuchi.\\n4 Di menua orang bansa bukai sida enda ulih ngenjuk piring wain ngagai TUHAN, lalu piring sida enda ulih ngerinduka ati Iya. Piring nya baka pemakai ti diempa orang ke ngulit. Semua orang ke makai piring nya deka kamah laban iya, laban pemakai nya semina ngenyangka sida aja. Piring nya enda datai ba Rumah TUHAN.\\n5 Nama utai ti deka dikereja sida lebuh maya gawai, enggau lebuh gawai TUHAN?\\n6 Laban taja pen sida enda dirusak, orang Ejip deka ngumpul sida, lalu orang Mempis deka nguburka sida. Reta tengkira pirak enggau endur alai rumah sida ke udah bediri menya, deka dilamun rumput enggau madang duri.\\n7 Maya ngukum udah datai; sida deka nerima ukum ti patut diterima sida. Sida deka nyebut, “Nabi nya beli. Iya gila.” Kita balat begedika aku laban dosa kita besai.\\n8 Allah Taala udah ngirumka aku nyadi nabi ngambika aku nyadi jejaga orang Israel. Tang kita nguji manjuk aku baka ke manjuk burung di sebarang endur aku bejalai. Indah dalam Rumah Sembiang, deh orang mayuh begedika nabi.\\n9 Sida udah ngereja penyai baka ke udah dikereja di Gibe-ah. Allah Taala deka ingatka dosa sida lalu ngukum sida ketegal dosa nya.\\nOrang Israel Bedosa Lalu Dirusak\\n10 Ku TUHAN bejaku, “Lebuh Aku terubah tetemuka Israel, Aku asai ke tetemuka buah anggur di menua puang. Lebuh Aku terubah meda aki ini kita, Aku asai ke tepedaka buah ara ti terubah mansau. Tang lebuh sida datai ba Bukit Peor, sida berengkah nyembah Baal, lalu enda lama udah nya sida lalu nyadi jai baka petara ti dikerinduka sida.\\n11 Penampak nama Israel deka terebai kebukai baka burung, lalu sida nadai agi anak, nadai agi indu ke ngandung, nadai agi anak dikandung.\\n12 Enti sida bisi anak, Aku deka ngambi anak sida, datai ke nadai siku sida agi idup. Tulah meh sida lebuh Aku ninggalka sida.”\\n13 Suba aku bisi meda bala anak sida baka kayu engkerema ti ditanam ba padang ti manah tang diatu Israel enda tau enda mai bala anak iya pansut ngambika sida dibunuh.\\n14 TUHAN, kereja siti aja utai ngagai orang tu: asuh bala indu sida nadai anak, tauka enda ulih nusuka anak!\\n15 Ku TUHAN bejaku, “Semua pengawa sida ke jai udah belabuh dikereja sida di Gilgal. Dia meh endur alai Aku ke berengkah begedika sida. Lalu ketegal penyai ti udah dikereja sida, Aku deka muru sida ari menua Aku. Aku enggai agi rinduka sida. Semua bala tuai sida udah angkat ngelaban Aku.\\n16 Orang Israel tu baka kayu ti udah rangkai urat, lalu enda bebuah. Sida nadai ulih beranak, tang enti sema sida beranak, Aku deka munuh anak ti balat dikesayauka sida.”\\nNabi Bejaku Ngenang Pasal Israel\\n17 Allah Taala ti dipetuaika aku, deka nulak bala nembiak Iya, laban sida enda mendingka Iya. Sida deka belelang ngagai menua bukai.\\n1 Orang Israel baka batang anggur ti lebat buah. Kaya agi sida, mayuh agi ga alta digaga sida. Mayuh agi asil ulih sida ari tanah sida, manah agi ga gaya tiang batu keramat ti disembah sida.\\n2 Orang ke ati deka ngelakar enda tau enda natka pemerinsa ketegal dosa sida. Allah Taala deka ngerubuh alta sida, lalu ngerusak tiang keramat sida.\\n3 Enda lama da agi orang tu deka nyebut, “Kitai nadai raja, laban kitai enda nangika TUHAN. Tang nama utai ti ulih dikereja raja ke kitai?”\\n4 Sida nyebut jaku ti nadai guna, lalu sida ngaga semaya ti bula, enggau sempekat ti nadai guna. Atur ti lurus udah nyadi atur ti bingkuk, ti tumbuh baka rumput ti berachun ba tanah umai ti udah dichangkul.\\n5 Orang ke diau di nengeri Samaria deka takut, lalu deka ngulitka sapi sida ti lelaki ti digaga ari emas di Bet-aben. Sida enggau bala imam ke bekereja ke engkeramba nya deka nyabakka iya. Sida deka duie-duie nyabak lebuh emas dikerebakka ari engkeramba nya.\\n6 Engkeramba nya deka dibai ngagai menua Asiria, lalu diberi nyadika pemeri ngagai raja. Orang Israel deka dipechat, lalu sida deka malu ketegal jaku lalau ti dititihka sida.\\n7 Raja sida deka ditabanka, baka ke nganyutka repik kayu ba ai.\\n8 Rumah sembiang alai orang ke nyembah engkeramba ba tuchung bukit di Aben, alai orang Israel ti nyembah engkeramba, deka dirusak. Madang duri enggau rumput deka tumbuh lalu ngelamun alta sida. Orang mayuh deka ngangauka bukit, “Lalaika kami!” sereta ngangauka munggu, “Lamun kami!”\\nTUHAN Ngukum Orang Israel\\n9 Ku TUHAN bejaku, “Orang Israel nadai nemu ngetu bedosa ngelaban Aku kenyau ari sida ke bedosa di Gibe-ah suba. Nya alai, sida deka diserang di Gibe-ah.\\n10 Aku deka nyerang orang ke bedosa nya. Semua bansa deka setanah ngelaban sida, lalu sida deka diukum ketegal pemayuh dosa sida.\\n11 “Dulu menya Israel udah kala nyadi baka sapi dara ti udah dilatih, lalu sedia deka nungku gandum. Tang Aku mutuska runding deka ngengkahka kungkung ba rekung iya ti manah nya, lalu nyendiaka iya ngereja pengawa ti kasar agi. Aku udah ngasuh Judah narit pengeradu tanah, lalu Israel deka narit perengka ti dikena mechahka tanah.\\n12 Ku Aku bejaku, ‘Radu tanah bukai ke diri empu, tanam pengelurus, lalu ketau berekat ti deka datai ari pengangkun kita ke Aku. Tu meh maya kita patut nguingka diri ngagai Aku ti TUHAN kita, lalu Aku deka datai lalu nuang berekat ngagai kita.’\\n13 Tang kita nanam penyai, lalu kita ngetau penyai. Kita udah makai buah ti pansut ari pemula kita empu. “Laban kita ngarapka kerita perang kita enggau pemayuh bala soldadu kita,\\n14 kita deka diserang munsuh, lalu semua kuta kita deka dirusak magang. Utai ti deka nyadi nya sebaka enggau utai ti udah nyadi lebuh Raja Salman ngerusak nengeri Bet-arbel lebuh perang nya suba, lalu sida ke indai enggau bala anak sida redak lalu mati.\\n15 Tu utai ti deka nyadi ba kita, kita orang Betel, ketegal pemalat penyai ti udah dikereja kita. Lebuh perang belabuh, raja menua Israel deka mati.”\\nPengerindu Allah Taala Ke Nembiak Iya\\n1 “Lebuh Israel agi mit, Aku rinduka iya lalu Aku ngangauka anak Aku pansut ari menua Ejip.\\n2 Tang makin bebendar agi Aku ngangauka iya, makin jauh agi ga iya ninggalka Aku. Bala nembiak Aku ngenjuk piring ngagai Baal. Sida nunu menyan ngagai engkeramba.\\n3 Aku udah ngiring lalu ngajar orang Israel bejalai. Aku udah merap bala nembiak Aku tang sida enda ngaku Aku udah ngeraika sida.\\n5 “Sida enggai pulai baru ngagai Aku, nya alai sida enda tau enda pulai baru ngagai menua Ejip, lalu Asiria deka merintah sida.\\n6 Nengeri sida deka diserang, lalu pintu nengeri sida deka diruntuhka. Perang nya deka ngerusak bala nembiak Aku laban sida ngereja utai ti dikumbai sida manah.\\n7 Nembiak Aku keras deka ninggalka Aku. Sida ngangauka Iya ti Pemadu Tinggi, tang Iya enda ngangkatka sida.\\n8 “Baka ni ku Aku ulih ngelengkaka kita, Israel? Baka ni ku Aku ulih ninggalka kita? Baka ni ku Aku ulih ngerusak kita baka Aku ti udah ngerusak Admah, tauka ngaga kita baka Aku ti udah ngaga Seboim? Ati Aku sigi enggai ngereja nya! Ati Aku kelalu balat rinduka kita.\\n9 Aku enggai ngukum kita lebuh Aku ringat. Aku enggai agi ngerusak Israel, laban Aku tu Allah Taala, ukai mensia, Aku ti kudus, ke meruan enggau kita. Aku enggai datai ngagai kita lebuh Aku ringat.\\n10 “Bala nembiak Aku deka nitihka Aku lebuh Aku negung munyi singa ngelaban munsuh sida. Sida deka beguai datai ngagai Aku ari barat.\\n11 Sida deka datai ari Ejip, ngelaju burung, enggau ari Asiria, baka burung achang. Aku deka mai sida pulai baru ngagai rumah sida empu. Aku ti TUHAN udah bejaku.”\\nIsrael Enggau Judah Diukum\\n12 Ku TUHAN bejaku, “Orang Israel udah ngelulung Aku ngena pemula enggau jaku tipu, tang orang Judah agi nitihka Allah Taala sereta tetap ati ngagai Iya ti kudus.\\n1 Semua utai ti dikereja orang Israel ari pagi nyentuk ngagai malam sigi nadai guna magang, sereta tau ngerusak. Sida majak bula sereta mangah. Sida ngaga sempekat enggau Asiria, lalu bedagang enggau menua Ejip.”\\n2 TUHAN deka bedawaka orang Judah, lalu ngukum Israel ketegal ulah bala nembiak iya. Iya deka malas sida ketegal utai ti udah dikereja sida.\\n3 Aki sida ke benama Jakop belaban enggau menyadi iya Esau lebuh seduai iya agi dalam kandung. Lebuh Jakop nyau besai tuai, iya belaban enggau Allah Taala.\\n4 Iya belaban enggau siku melikat, lalu menang. Iya nyabak lalu minta berekat. Lalu Allah Taala datai ngagai aki kitai Jakop di Betel, lalu bejaku enggau iya.\\n5 Tu meh TUHAN ti Pemadu Bekuasa, lalu nama Iya TUHAN, nama ke dikena kitai nyembah Iya.\\n6 Nya alai, peturun Jakop, panggaika pengarap kita ba Allah Taala, lalu pulai baru ngagai Iya. Kita enda tau enda taluk sereta lurus, lalu enggau ati ti liat, anti meh Allah Taala kita.\\nTampung Jaku Ngeletak Ukum\\n7 Ku TUHAN bejaku, “Orang Israel enda betul ati baka orang Kanaan. Sida rindu nipu orang ke meli utai ngena dachin ti enda betul.\\n8 Ku sida, ‘Kami tu kaya. Kami udah bulih pengaya. Lalu nadai orang tau ngumbai kami bulih pengaya nya ngena jalai ti enda betul.’\\n9 Tang Aku TUHAN Allah Taala kita, ti udah mai kita pansut ari menua Ejip, deka ngasuh kita diau dalam langkau kain baru, baka kita kelia lebuh Aku datai ngagai kita di menua puang.\\n10 “Aku udah bejaku ngagai bala nabi lalu meri sida genera, lalu nengah bala nabi nya Aku udah meri jaku tangkan ngagai bala nembiak Aku.\\n11 Tang taja pia, engkeramba agi disembah di Giliat, lalu sida ke nyembah engkeramba nya, deka mati. Sapi ti lelaki digaga nyadika piring di Gilgal, lalu alta ti dia deka nyadi tugung batu ba padang.”\\n12 Aki kitai Jakop rari ngagai menua Mesopotamia, alai iya ke bekereja ke orang siku, lalu ngibun raban bedus ke orang nya, kena iya ngulihka bini.\\n13 TUHAN ngasuh siku nabi ngelepaska orang Israel ti nyadi ulun di menua Ejip, lalu ngibun sida.\\n14 Orang Israel udah ngasuh TUHAN balat ringat. Sida patut dibunuh ketegal penyalah sida. TUHAN sida deka ngukum sida laban sida udah ngemaluka Iya.\\nUkum Israel Ti Penudi\\n1 Dulu menya, lebuh raban bansa Epraim bejaku, raban bansa orang Israel ti bukai takut, laban sida bebasaka Epraim. Tang orang Israel bedosa laban sida nyembah Baal, lalu sida mati.\\n2 Sida agi majak bedosa begagaka engkeramba ari besi ngambika bisi disembah sida - engkeramba ti digaga ari pirak, ti ditempa lalu digaga jari mensia. Lalu udah nya, ku sida bejaku, “Beri piring ngagai engkeramba tu!” Baka ni ku orang ulih nyium engkeramba nya, engkeramba ti baka gamal sapi ti lelaki?\\n3 Nya alai orang tu deka lesap baka sebun ambun pagi hari, baka ai ambun ti lesap tumu pagi. Sida baka ampa ti dikebuka ribut ari endur alai nungku, baka asap ti pansut ari serumbung.\\n4 Ku TUHAN bejaku, “Aku tu TUHAN Allah Taala kita ke udah mai kita pansut ari menua Ejip. Kita nadai petara bukai tang semina Aku aja. Semina Aku aja ke Penebus kita.\\n5 Aku udah ngibun kita di menua puang ti rangkai.\\n6 Tang lebuh kita datai ba menua ti manah, kita kenyang lalu puas ati, lalu udah nya kita sumbung lalu enda agi ingatka Aku.\\n7 Nya alai Aku deka nerekam kita baka singa. Baka engkuli, Aku deka ngipa kita ba jalai ti ditengah kita.\\n8 Aku deka nerekam kita baka beruang ti lenyau anak, lalu Aku deka nyarikka tubuh kita. Baka singa, Aku deka makai kita dia lalu nyarikka kita baka jelu babas.\\n9 “Aku deka ngerusak kita orang Israel! Udah nya sapa ulih nulung kita?\\n10 Kita minta raja enggau tuai bansa, tang baka ni ku sida ulih ngelepaska bansa kita?\\n11 Aku ringat lalu meri kita raja, lalu lebuh Aku ngeransi, Aku ngambi raja nya ari kita.\\n12 “Dosa enggau penyalah orang Israel udah dituliska, lalu ditaruh teguh.\\n13 Israel bisi peluang idup, tang iya kelalu beli lalu enda ngambi peluang nya - baka anak mit ke baru deka ada, ke enggai pansut ari kandung.\\n14 Aku enggai ngelepaska bansa orang tu ari dunya pemati tauka ngelepaska sida ari kuasa pemati. Bai kitu penyakit nuan, pemati! Bai kitu *pengerusak nuan, dunya pemati! Aku enggai agi kasihka bansa orang tu.\\n15 Taja pen orang Israel tumbuh baka rumput, Aku deka ngasuh ribut ti angat muput ari menua puang, lalu ribut nya deka ngerangkaika mata ai enggau telaga sida. Ribut nya deka ngambi abis lengis semua utai ti berega.\\n16 Samaria deka diukum laban iya udah angkat ngelaban Aku. Bala nembiak iya deka mati beperang. Anak mit deka diempaska ngagai tanah, lalu perut indu ke ngandung deka diperuti.”\\nHosea Ngumbuk Israel Pulai Baru\\n1 O kita orang Israel, pulai meh kita baru ngagai TUHAN Allah Taala kita. Dosa kita udah ngasuh kita tesangkut lalu tetingkap.\\n2 Pulai meh kita baru ngagai TUHAN, lalu awakka sampi tu nyadika piring kita ngagai Iya: “Buai semua dosa kami, lalu terima meh sampi kami, lalu kami deka muji Nuan munyi ti udah disemaya kami.\\n3 Asiria nadai ulih ngidupka kami, lalu kuda perang enda ulih nyaga kami. Kami enggai agi nyebut ngagai engkeramba kami, ngumbai sida nya Allah Taala kami. O TUHAN, Nuan kasihka orang ke nadai petara bukai alai sida ngadap.”\\nTUHAN Besemaya Deka Meri Pengidup Ti Baru Ngagai Israel\\n4 Ku TUHAN bejaku, “Aku deka mai bala nembiak Aku pulai baru ngagai Aku. Aku deka rinduka sida enggau pengabis ati Aku. Aku enda agi ringat ngagai sida.\\n5 Ba orang Israel, Aku deka nyadi baka ujan ti labuh ba tanah ti rangkai. Sida deka bekuntum baka bungai. Sida deka beurat tegap baka kayu di menua Lebanon.\\n6 Sida deka idup lalu nelesak baru, sereta manah gaya baka kayu kana. Sida deka bebau rengut baka kayu sidar di menua Lebanon.\\n7 Sekali agi sida deka idup dilindung Aku. Sida deka galak baka gandum lalu sida deka bebuah lebat baka kebun anggur. Sida deka beberita baka wain menua Lebanon.\\n8 Orang Israel enggai agi bekaul enggau engkeramba. Aku deka nyaut sampi sida, lalu ngibun sida. Baka kayu ti enda nemu layu, Aku deka ngelindung sida. Aku tu meh penatai semua berekat sida.”\\n9 Awakka sida ke bepenemu-dalam meretika utai ti ditulis ditu, lalu awakka sida nyimpan utai nya dalam ati sida. Jalai TUHAN endang ngena, lalu orang ke lurus sigi idup nitihka jalai nya, tang orang ke bedosa tesangkut lalu tetingkap laban sida enda begunaka jalai nya.","num_words":5562,"character_repetition_ratio":0.068,"word_repetition_ratio":0.001,"special_characters_ratio":0.209,"stopwords_ratio":0.359,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 3 BK - Tu ruang bilik Aron enggau Moses lebuh - Bible Search\\nPenyampau 2 Penyampau 4\\n1Tu ruang bilik Aron enggau Moses lebuh TUHAN bejaku ngagai Moses ba Bukit Sinai. 2 Tu nama anak lelaki Aron: Nadap anak tuai iya, Abihu, Eleasar, enggau Itamar. 3Sida tu udah ditata sereta dichiri nyadi imam, 4 tang Nadap seduai Abihu dibunuh TUHAN, lebuh seduai iya meri api ti enda kudus ngagai TUHAN, di menua puang Sinai; lalu seduai iya nadai purih. Nya alai Eleasar seduai Itamar bekereja nyadi imam sepemanjai umur apai seduai iya Aron.\\n5Ku TUHAN bejaku ngagai Moses, 6“Bai orang Lewi ke mua, lalu letak sida bekereja ke Imam Aron. 7Sida deka ngereja pengawa ke iya enggau ke semua orang Israel di mua Langkau Kain TUHAN, lebuh sida gawa dalam langkau sembiang. 8Sida deka ngemataka semua pekekas ke Langkau Kain TUHAN, lalu ngereja pengawa ke semua orang Israel, lebuh sida gawa dalam langkau sembiang. 9Lalu nuan enda tau enda nyerahka orang Lewi ngagai Aron enggau ngagai anak lelaki iya. Semua orang Lewi diserahka magang ngagai iya ari orang Israel. 10Lalu nuan enda tau enda ngeletak Aron enggau anak lelaki iya ngereja semua pengawa imam; tang enti orang bukai datai semak ngagai Langkau Kain TUHAN, orang nya enda tau enda dibunuh.”\\n11Ku TUHAN bejaku ngagai Moses, 12 “Dinga nuan, Aku udah ngambi orang Lewi ari orang Israel, kena nganti semua anak tuai orang Israel. Orang Lewi diempu Aku, 13laban semua anak tuai endang enggi Aku magang; lebuh Aku munuh anak tuai orang Ejip, Aku nyeraraka semua anak tuai orang Israel nyadika enggi Aku, nyengkaum anak tuai mensia enggau anak tuai jelu. Sida endang enggi Aku: Aku tu TUHAN.” 14Lalu ku TUHAN bejaku ngagai Moses di menua puang Sinai, 15 “Itung pemayuh tubuh orang Lewi, nitihka ruang bilik, enggau suku raban bansa sida; itung magang semua anak lelaki ari umur sebulan ke atas.” 16Moses lalu ngitung sida nitihka jaku pesan TUHAN. 17Baka tu ku nama anak lelaki Lewi: Gerson, Kohat enggau Merari. 18Lalu nama anak lelaki Gerson: Libni seduai Simei. 19Anak lelaki Kohat nitihka suku raban bansa sida: Amram, Isar, Hebron, enggau Usil. 20Lalu anak lelaki Merari nitihka suku raban bansa sida: Mahli enggau Musi. Sida tu orang ke nurunka ruang bilik orang Lewi.\\n21Gerson nurunka suku raban bansa Libni enggau Simei. Nya meh suku raban bansa ari peturun Gerson. 22Pemayuh semua orang lelaki ke umur sebulan ke atas, ke dituliska nama nya 7,500 iku. 23Bala suku raban bansa ari peturun Gerson diasuh nirika kem sida ari belakang langkau sembiang nya, muak ke barat, 24lalu sida iya diuluka Eliasap anak Lael. 25Lalu tanggungjawap peturun Gerson dalam Langkau Kain TUHAN nya ngemataka langkau sembiang, sereta enggau semua tudung ti di dalam, tudung ti di luar, kain tirai ti ba penama ngagai Langkau Kain TUHAN, 26kain tirai ke tengah laman ti ngelingi langkau sembiang enggau alta, enggau kain tirai ke pintu penama ngagai tengah laman Langkau nya. Sida mega betanggungjawapka semua pengawa ti besangkut-paut enggau semua utai nya.\\n27Kohat nurunka suku raban bansa Amram, Isar, Hebron enggau Usil. Sida tu meh suku raban bansa ti diturunka Kohat. 28Pemayuh orang ke umur sebulan ke atas, ke dituliska nama nya 8,600 iku, lalu sida nya deka bekereja dalam Langkau Kain TUHAN. 29Semua suku raban bansa ti diturunka Kohat deka nirika kem sida ba tisi selatan langkau sembiang, 30diuluka Elisapan anak Usil. 31Lalu bala sida tu betanggungjawapka Peti Lampang Batu Adat, mija, penuduk lampu, alta, enggau perengka ti dikena imam dalam Langkau Kain TUHAN, enggau kain tirai ti ba penama ngagai Endur ti Pemadu Kudus. Sida betanggungjawapka semua pengawa ti besangkut-paut enggau semua utai nya.\\n32Tuai ke semua orang Lewi nya Eleasar anak Imam Aron. Iya nyadi tuai ke orang ke bekereja dalam Langkau Kain TUHAN.\\n33Peturun Merari nyengkaum suku raban bansa Mahli enggau Musi. Nya meh peturun Merari. 34Pemayuh orang ke lelaki ari umur sebulan ke atas, ke dituliska nama nya 6,200 iku, 35lalu semua suku raban bansa tu diuluka Suril anak Abihail. Sida deka nirika kem sida ba tisi utara langkau sembiang. 36Lalu peturun Merari deka betanggungjawapka langkar langkau sembiang, alang dinding, tiang, pelasar, enggau semua utai ti dikena nirika Langkau nya. Sida betanggungjawapka semua pengawa ti besangkut-paut enggau semua utai nya. 37Sida mega betanggungjawapka tiang, pelasar, tiang bantil, enggau tali ti dikena ba tengah laman.\\n38Moses seduai Aron, enggau anak lelaki Aron deka nirika kem sida di mua langkau sembiang, muak ke timur, di mua Langkau Kain TUHAN tunga ngagai mata hari tumbuh. Sida betanggungjawap ngereja pengawa dalam Langkau Kain TUHAN, ke orang Israel. Enti orang bukai datai semak ngagai Langkau Kain TUHAN, orang nya enda tau enda dibunuh. 39Pemayuh semua orang Lewi ti lelaki, ke umur sebulan ke atas, ti udah diitung Moses seduai Aron nitihka pesan TUHAN, nya 22,000 iku.\\n40Lalu ku TUHAN bejaku ngagai Moses, “Itung lalu tuliska nama semua anak tuai orang Israel ti lelaki, ari umur sebulan ke atas. 41Ambi orang Lewi ke Aku, kena nganti sida. Lalu ambi semua jelu tupi orang Lewi kena nganti anak tuai jelu tupi ti lelaki ti diempu orang Israel. Aku tu TUHAN.” 42Moses lalu nuliska nama semua anak tuai orang Israel ti lelaki nitihka pesan TUHAN. 43Lalu semua anak tuai ti lelaki ke umur sebulan ke atas dituliska nama magang, lalu pemayuh sida nya 22,273 iku.\\n44Lalu ku TUHAN bejaku ngagai Moses, 45“Ambi orang Lewi kena nganti semua anak tuai orang Israel ti lelaki, enggau jelu tupi orang Lewi, kena nganti anak tuai jelu tupi ti lelaki ari orang Israel, ngambika orang Lewi diempu Aku. Aku tu TUHAN. 46Lalu kena nebus 273 iku anak tuai orang Israel ti lelaki, ke lebih ari pemayuh tubuh orang Lewi ti lelaki, 47kita enda tau enda ngambi lima singkap duit pirak ke genap iku sida, nitihka rega ti udah diletak dalam Langkau Kain TUHAN, 48lalu beri duit nya ngagai Aron enggau ngagai bala anak lelaki iya.” 49Nya alai Moses ngambi duit tebus ke 273 iku orang Israel ke mayuh agi ari orang Lewi; 50Iya ngambi duit tebus nya ari anak tuai ti lelaki orang Israel. Penyampau duit nya 1,365 singkap pirak, nitihka rega ti udah diletak dalam Langkau Kain TUHAN; 51lalu meri duit tebus nya ngagai Aron enggau bala anak lelaki iya, nitihka pesan TUHAN ngagai Moses.","num_words":1005,"character_repetition_ratio":0.105,"word_repetition_ratio":0.022,"special_characters_ratio":0.212,"stopwords_ratio":0.309,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"18 April 2019 - Hari Empat Kudus (Chrism Mass)\\n“Roh Tuhan bisi ba Aku, laban Iya udah nata Aku ngambika Aku nusui Berita Manah ngagai orang ke seranta. Iya udah ngasuh Aku madahka pengelepas ke orang ke kena tangkap enggau pengerai ke orang ke buta, pengelepas ke orang ke kena tekan lalu madahka maya udah datai alai Tuhan deka ngelepaska nembiak Iya.” -Luke 4: 16 - 21\\nBacha Ke Satu: Isaiah 61: 1 - 3A, 6A, 8B - 9\\nTUHAN ti Pemadu Tinggi udah ngiri aku enggau Roh Kudus Iya.\\nIya udah milih aku, lalu ngasuh aku mai berita manah ngagai orang ke seranta, nyumanka ati orang ke tusah, madahka pengelepas ke orang ke kena tangkap enggau pengelepas ke orang ke dalam rumah jil.\\nIya udah ngasuh aku madahka maya udah datai alai TUHAN deka nyelamatka nembiak Iya lalu ngalahka bala munsuh sida.\\nIya udah ngasuh aku merindang semua orang ke ngulit.\\nMeri ngagai sida ke ngulit di Sion pengaga enggau pengelantang, kena nganti ati ti tusah, pantun puji, kena nganti ati ti sinu.\\nLalu kita deka dikumbai bala imam TUHAN, bala nembiak Allah Taala kitai.\\nAku tetap deka ngupah bala nembiak Aku lalu ngaga sempekat ti meruan belama iya enggau sida.\\nSida deka tebilang nama ba semua bansa.\\nGenap iku orang ke meda sida deka nemu sida nya endang orang ke udah diberekatka Aku.”\\nMasmur Entara: Masmur 89: 20 - 21, 24 & 26\\nSaut (peda 1): Aku deka seruran belagu ngenang pemadas TUHAN.\\nAku udah nyiri nembiak Aku David nyadi raja\\nlebuh Aku nata iya ngena minyak ti kudus.\\nPengering Aku deka seruran enggau iya.\\nKuasa Aku deka ngasuh iya kering.\\nSaut: Aku deka seruran belagu ngenang pemadas TUHAN.\\nAku deka rinduka iya sereta tetap ati ngagai iya.\\nAku deka ngasuh iya seruran menang.\\nBacha Ke Dua: Pemandang 1: 5 - 8\\nAwakka berekat enggau pemaik ari Jesus Kristus, Saksi ke tetap ati, ke terubah diangkatka ari mati, ke merintah semua raja di dunya.\\nNgagai Iya ke rinduka kitai, lalu udah ngelepaska kitai ari dosa, ulih darah Iya, lalu udah ngaga kitai nyadi perintah imam ti bekereja ke Allah Taala Iya, ti Apai Iya, beri meh mulia enggau kuasa ngagai Iya belama-lama iya! Amin.\\nPeda! Iya datai dalam remang, lalu semua orang deka meda Iya, nyengkaum orang ke udah ngerejang Iya.\\nLalu semua bansa di dunya tu deka bekeduie nyabak ketegal Iya.\\nAwakka utai nya nyadi! Amin.\\n“Aku tu Pun enggau Pengujung, ku Tuhan Allah Taala ti Pemadu Bekuasa bejaku, Iya ti diatu, ti udah, enggau ti deka datai.\\nAklamasi sebedau Injil (Isaiah 61: 1 \/ Luke 4: 18):\\nRoh Tuhan bisi ba Aku, laban Iya udah ngasuh aku mai berita manah ngagai orang ke seranta.\\nBacha Injil: Luke 4: 16 - 21\\nLebuh Iya datai di Nasaret, alai Iya ke diau kenyau ari mit, Iya mansang ngagai balai gempuru baka selama lebuh hari Sabat.\\nIya bediri, deka macha ari Bup Kudus.\\nBup nabi Isaiah lalu disuaka ngagai Iya.\\nIya muka bup nya, lalu tetemuka siti endur alai jaku tu ditulis,\\n“Roh Tuhan bisi ba Aku, laban Iya udah nata Aku ngambika Aku nusui Berita Manah ngagai orang ke seranta. Iya udah ngasuh Aku madahka pengelepas ke orang ke kena tangkap enggau pengerai ke orang ke buta, pengelepas ke orang ke kena tekan lalu madahka maya udah datai alai Tuhan deka ngelepaska nembiak Iya.”\\nIya lalu duduk.\\nSemua orang dalam balai gempuru nya bela merening ngagai Iya magang.","num_words":506,"character_repetition_ratio":0.082,"word_repetition_ratio":0.169,"special_characters_ratio":0.221,"stopwords_ratio":0.409,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tiga atlit para ari Sarawak bekejang ke London - Suara Sarawak\\nTiga atlit para ari Sarawak bekejang ke London\\nKUCHING: Tiga atlit Para ari Sarawak mupuk bekejang ari Kuala Lumpur ke London pukul 9.00 pagi tu tadi.\\nSida tiga tu iya nya Julius Jeranding (Kategori S12), Jamery Siga (S5) enggau Mohammad Saiful (S5) ti deka ngarika Malaysia ba Pekit Nyemerai Para Dunya 2019.\\nLebuh dirandau Suara Sarawak, Julius minta sangkung semua rayat Malaysia dalam sampi awakka semua sida ti ngarika Malaysia ba lumba tu tau teulihka pemujur iya nya mai pulai sebarang midul.\\n“Aku ngarika kami sebuat minta saup semua rayat Malaysia besampika pejalai enggau juluk kami awakka teulihka pemujur ba pekit tu. Kami besemaya deka bebendar besemekih laban orang ke dilaban din ila endang orang ke tegar memegang,” ku iya.\\nPenatai asal sida tu, Julius ari Kapit, Jamery (Limbang) enggau Saiful (Kota Samarahan).\\nNadai notis kompaun diterima PRS\\nPembangunan generasi muda keutamaan kerajaan - PM\\nMorris Hii juara kejohanan muaythai di Bintulu\\nTerima kasih YB Datu Len Talif\\nJualan kenderaan turun 62 peratus pada Mei 2020 - MAA","num_words":162,"character_repetition_ratio":0.069,"word_repetition_ratio":0.0,"special_characters_ratio":0.2,"stopwords_ratio":0.204,"flagged_words_ratio":0.0,"lang_id_score":0.973,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tambahka penyuah servis penerebai bilun ke Limbang ari Kuching, Miri maya Gawai tu | Utusan Borneo Online\\nSelasa, 17 Mei 2022 - 11:04pm\\nHalaman Utama » Iban » Tambahka penyuah servis penerebai bilun ke Limbang ari Kuching, Miri maya Gawai tu\\nTambahka penyuah servis penerebai bilun ke Limbang ari Kuching, Miri maya Gawai tu\\nLIMBANG: MASwings dipinta ngambika nambah penyuah servis penerebai bilun ke Limbang ari Kuching enggau Miri ungkup pengerami Hari Gawai Dayak tu baka ti nambahka penerebai ti diatur ungkup pengerami Hari Raya Aidilfitri.\\nSapit Menteri Betanam Betupi Moden enggau Pemansang Kandang Menua Datuk Dr Abdul Rahman Ismail (gambar) madah, pengawa nambahka penyuah penerebai bilun ungkup sektor tu iya nya ungkup penerebai ari Limbang ke Kuching enggau Miri deka meri awak ngagai peranak di kandang menua utara nengeri tu pulai ngintu musin pengerami hari besai.\\n“Terima kasih ngagai semua raban, kelebih agi Opis Menteri Perengka Pengangkut Sarawak enggau Opis Menteri Perengka Pengangkut Malaysia (MOT) laban ti udah ninga enggau ngemendarka peminta rayat di utara Sarawak enggau nambah penyuah penerebai bilun Limbang ke Kuching enggau Miri.\\n“Penambah penerebai bilun tu endang mantu ungkup bala kaban pulai ngintu Hari Raya dalam timpuh dua minggu iya nya kena 28 April nyentukka 9 Mei,” ku iya madah ngagai pengarang berita kemari.\\nIya ti mega Kaban Kunsil Nengeri A(DUN) Bukit Kota nya mega minta MASwings nambahka penyuah penerebai bilun beserimbai enggau pengerami ngintu Hari Gawai lalu mega ulih nurunka rega tambang ungkup sektor tu.\\n“Tu mih siti aja pilih (penerebai bilun) ungkup rayat di utara Sarawak laban menua ti berimbai agi nutup garis entara menua,” ku iya nambah.\\nPia mega Dr Abdul Rahman ngarapka rega tambang ungkup sektor tu ulih diturunka ukai semina maya hari pengerami hari besai tang mega hari bukai.\\nSebedau tu MASwings nambahka penyuah servis penerebai bilun ke Limbang ari Kuching enggau Miri ungkup timpuh 28 April nyentuk 9 Mei.\\nUngkup pejalai Limbang ari Kuching, MASwings nyendiaka penerebai bilun tiga kali seminggu maya nya lalu ditambah enam kali penerebai ungkup timpuh nya.\\nPia mega ungkup pejalai ke Limbang ari Miri, MASwings nyendiaka bisi 28 kali penerebai diatu lalu ditambah 12 kali penerebai ungkup timpuh nya.","num_words":330,"character_repetition_ratio":0.124,"word_repetition_ratio":0.037,"special_characters_ratio":0.181,"stopwords_ratio":0.17,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ibi Uding Jauh Alah Di Belakang Robert Dan\\nAri berita ti diterima ari bala SB, diatu Robert Dan tinggal 1 mata di belakang Snowdan lawan. Nya alai enti Ibi Uding tu nadai gila kuasa, dia iya deka nyerah ke bala ti nyukong iya ngagai Robert Dan awak ke oleh ngelaboh ke Snowdan Lawan.\\nTu gaya sukong bala pengundi ngagai sida 6 iko ti minta dipilih baka ke taun tu.\\nPosted by Remaung Enam Renjer at 21:26 0 comments\\nLabels: Election Result, Robert Dan Giang, sarawak election\\nRobert Dan : Kempen Di N25-Balai Ringin Part I\\nSelamat Ngundi ngagai semua orang peranak menua Sarawak kelebih agi bala pengundi N25-Balai Ringin.\\nNyadi udah saritu tinggal 4 ari da agi endor bala ti deka betanding tau kempen.\\nNyadi baka Pengari kitai di N25-Balai Ringin ianya Robert Dan Giang, baka pengawa kempen udah digaga bebendar bemula ari ari enam tu tadia ianya kena 9 April 2011. Lalu baka menua ti kena tesau YB Robert Dan enggau Tim ianya bakatu :-\\nAri Keterubah - Saturday, 9th April 2011\\n(1) Miring - 2.00PM to 3.30PM\\nTim ti bisi enggau Miring...\\nRobert Dan : Go to the Basic...Antara pengidup moden enggau bebasa ke adat lama\\nTim Masang poster ti betungkus lumus ngelekat ke poster..\\n(2) Di Sapak, Pantu\\nRobert Dan : Jako ti keterubah maia kempen ke sekalitu..\\nSekayu rumah orang Sapak ti bisi datai lalu madah ke diri deka ngundi Robert Dan\\n(3) Di Ipoh, Pantu\\nKonvoi 6 iti 4 X 4 benong beranti di tengah jalai ngagai Ipoh...\\nDi Ipoh taja nganti penatai kami ari jam 12 tengahari, tang sida tetap sabar.\\nYB Robert Dan enggau Tuai Rumah Masa...\\nLaban ti udah kelalu laun ianya nyau pukul 12.00pm, dia bala kami sebuat lalu bemalam di Ipoh Pantu.\\nKati Baka Sukong Orang Sapak enggau Ipoh Pantu\\nAri randau bala kami enggau bala pengundi ari Sapak enggau Ipoh, rata-rata tuai rumah enggau nembiak sida meri sukong penuh ngagai YB Robert Dan. lalu ari nama kebuah sida nyukong kami laban sida nadai rindu ke YB Snowdan Lawan ti sumbong, malas serta nadai mai pemansang ngagai menua sida.\\nTaja sida rumah panjai tu nadai tentu bisi nitih ke cerita ti ditulis di internet tang sida iya nemu pasal rumah sida ti nadai pemansang dibanding ke enggau pemaju kampong orang Laut di Malaya.\\nLalu udah ke abis berandau ruai enggau bala ti bisi ngulu bala kami, dalam kandang jan 2.30AM dia kami sebuat lalu nindok ke diri. manah amat sambut TR Jais enggau nembiak iya, pia mega enggau TR kampong Sapak.\\nTaja tubuh lelak serta pedih, tang ati berasai gaga laban ke nerima sukong ke padu ari kedua iti buah rumah tu. Arap ke ati sida nadai kacau laban BOM orang BN.\\n11\/4\/2011 at 8.55PM\\nPosted by Remaung Enam Renjer at 20:57 0 comments\\nLabels: Election Campaign, sarawak election, sarawak election 2011, snapn25balairingin\\nN25-Balai Ringin Belaban Enam Sukut: Nama Kebuah Kini?\\nN25-Balai Ringin tu sigi ari tiga sitak ti dipegai Sitak Parlimen P202-Sri Aman. Sitak tu mula ditumbuh ke dalam pengawa bepilih taun 2006. Nyadi orang ti keterubah nyadi pengari ba sitak N25-Balai Ringin tunya Snowdan Lawan udah iya ti ngalah ke Ibi Uding enggau Cobbold John Lusoi dalam pengawa bepilih taun 2006.\\nNyadi maia bepilih ke sekali tu bisi enam iko sida deka belaban. Sida ti belabannya Snowdan Lawan (Barisan Nasional -PRS), Dan Giang (SNAP), Ibi Uding (PKR, taun 2006 bediri ngari ke SNAP), Lipih Mawi (Parti Cinta Malaysia), Sujal Gansi (PERSB) enggau Cobbold Lusoi ari parti Bebas.\\nNyadi nitih ke penerang ari opis SPR, N25-Balai Ringin tu bisi 8244 pengundi ti regista. lalu ari penyampau nya 86.7% pengundi Iban, Cina 8.5 %, Bidayuh 5.0 %, Melanau 0.2% enggau lain-lain bansa 0.01 %.\\nNama Kebuah maioh Amai Orang Belaban Ke Sekali Tu?\\nAri penemu bala maioh ti bisi di dinga SNAP-N25BALAI RINGIN , dia sida bisi bekenang ianya ketegal orang ti bediri di sitak N25-Balai Ringin ke sekali tu sampai enam iko, laban maioh pengundi di sitak tu nadai besetuju enggau Snowdan Lawan ti agi dipadu ke nyadi pengari dia. Ba penemu sida, sekumbang ke udah nyadi pengari di menua tu bepun ari pengawa bepilih taun 2006 suba sampai ke saritu, endang tak nadai bisi pemansang di bai iya ngagai menua tu.\\nEnti diperati ka, sebedau taun 2006, sitak N25-Balai Ringin tu di antara tempat ti pemadu mundur di Sarawak. Saritu udah lebih kurang lima taun Snowdan Lawan nyadi pengari dia tang kandang menua tu endang agi meruan baka taun 2006 kelia endang NADAI PEMANSANG.\\nBa penemu tauka ari peda sida iya Snowdan Lawan tu lebih mujur enti megai pengawa iya ke nyadi tuai Dayak Music Award DAMA, agipan YB tu endang sigi rindu agi ke pengawa main musik, ari ti nyadi ketuai rakyat ba sitak N25 Balai Ringin.\\nEnti Rakyat Maioh Nadai setuju YB Tu Nyadi Pengari Sida tang nama kebuah maia ngantung nama kena 6 April 2011 tu tadi maioh amai penyokong (Ukai Pengundi BN di Pantu ?\\nMaioh kebuah. Ari asil pansik kami, sekeda kebuah penyokong BN ti maioh ngenatai ke diri ngagai pengawa ngantung nama di Pantu kena 6 April 2011 tu tadi nya bakatu :-\\n1. Keterubah laban deka meda pengerami. Agipan tu meh keterubah pasar Pantu tu nyadi tempat kena nganjung nama ke pengawa bepilih besai.\\n2. Deka boleh baju tauka topi free. Laban bisi bala ti ngenatai ke diri ngagai Pantu maianya madah ke diri bisi diberi BN baju enggau topi. Nya alai bala penyokong SNAP enggau PKR ti bisi ngenatai ke diri madah udah diberi orang baju enggau topi BN (Ambi anang enda kena tindok nyamai mai baju nya laban nipis !). Nya ti kebuah penyokong BN baka ke maioh!\\n3. Ngarap ke Snowdan lawan bisi meri duit tau ke makai FREE. Nemu ajalah laban peruntukan BN ba pengawa bepilih raya tu endang besai. Dini sida bulih duit tau nanya Najib tauka Taib.\\n4. Laban diansak tuai rumah datai. Enti tuai rumah tu tadi dipeda enda oleh ngansak nembiak sida datai dia sida deka di anu Snowdan Lawan. Tauka enti sida empu nadai oleh datai..Abislah elaun RM 400 (jangka aku elaun tambah penyampau RM 400 deka dipadah maia kempen ke sekali tu).\\n5. Lalu kebuah ke penudi tauka kebuah ke besai sekalinya bala tuai rumah di N25-Balai Ringin di asoh Snowdan Lawan datai enggau nembiak sida lalu enti sida enda ngenatai ke diri dia sida iya deka diukum. Ingat tuai rumah maia ke diatu nya dipilih perintah BN. Barang sapa tuai rumah ti enda nyukong tuai rumah lalu deka dibuai..Lojik sejkali laban tuai rumah tu bis elaun diberi perintah..enti ngelaban dikena ke tindakan tatertib termasuk dibuai nyadi tuai rumah. Nya alai tuai rumah diatu ukai \"to Serve their people\" but \"to Serve BN's leaders\".;\\nKati Bisi Peluang bala PR, SNAP enggau bala parti Bebas Menang\\nMesti bisi peluang menang magang. Enti nemu diri enda oleh menang kapa ka bediri. Ukainya baka ke nadai bebayar. Tang enda mega aku nyangkung pengawa sida ti deka bediri tu laban ti deka minta beli oleh pengari BN baka ke nyadi ngagai siko indu ti bediri di sitak tu ditu dalam tun 2006 tang \"half-way\" bekempen tak lalu badu laban ti udah dibeli orang. Ti deka nemu enggau silik tau nanya TR Bidi tauka ngusung blog Rajahmas.\\nLalu enggau aku ngujung ke jako aku ke sekalitu, sekali agi aku ngingat lalu minta tolong ngagai bala maioh awak ke nyonteng pengari SNAP ianya Robert Dan Giang. Enti deka nemu enggau silik agi nama kebuah pengundi di sitak N25-Balai Ringin mesti ngundi pengari SNAP ianya Robert Dan ak Giang , kita tau klik ditui.\\nPosted by Remaung Enam Renjer at 16:01 0 comments\\nLabels: Barisan Nasional Loss in N25 Balai Ringin, n25 balai ringin, sarawak election, SNAP\\nRobert Dan Giang Bejanji Deka Ngubah Pengidup Orang Pesisir Di Menua N25-Balai Ringin\\nRobert Dan anak Giang : Pilih meh iya nyadi pengari kita ke sekali tu!\\nBaka ke udah disadang, Robert Dan Giang udah dipilih bediri di sitak menua N25-Balai Ringin ngari ke parti SNAP. Awak ke bisi ditemu bala pengundi di N25-Balai Ringin, parti SNAP tu endang parti keterubah ditumbuh ke kitai Iban lalu masuk pengawa politik menua Sarawak. Lalu pia mega ari parti tu meh kitai Iban oleh nyadi Kepala Menteri Sarawak ti keterubah ianya Datuk Stephen Kalong Ningkan. Nya alai anang beciping ati kita ngundi pengari Parti SNAP.\\nLalu keterubah tu deka nerang ke pasal pengari kitai tu ianya Robert Dan Giang. Robert Dan tu siko kitai Iban ti megai pengawa bisnis kelebih agi ia ke besangkut enggau pengawa pun sabun. Maia bepilih tu, Robert Dan deka belaban enggau 5 pengari ari parti PKR, Bebas, PERSB, BN, PCM enggau BN.\\nAri pasal pemandai pelajar sida ke bediri ditu, Robert Dan endang di muaenti dibanding ke enggau sida ke bukai, lalu iatu bisi ngembuan Master Degree.\\nAri asal pendiau, Robert Dan tu asal menua iya ti keterubahnya di Isu Pantu, lalu iya mega maia Primary School besekula di SRK Pantu, sebedau ke nyambung sekula iya di Sekolah Menengah Sultan Abdul Azis Shah (SAAS) Kajang, udahnya iya lalu nyambung pelajar iya di UPM.\\nLaban ke datai ari menua Pantu ianya menua pesisir serta mega siti tempat ti pemadu nadai maju di Sarawak, dia Robert Dan dalam pengawa bepilih sekali tu, bejanji enti iya menang dia iya deka ngubah pengidup orang pesisir di menua N25 Balai Ringin ngena jalai betanam betupi pun sabun. Laban menua N25 Balai Ringin endang kaya ari penatai tanah, pengawa nanam pun sabun endang dipelaba ke oleh ngubah pengidup orang pesisir di menua tu.\\nLalu sebedau aku ngujung ke jako aku baka ke sekali tu, aku sekali agi minta bala ti diau di menua dalam genturung N25-balai Ringin meri sukong ngagai Robert Dan anak Giang, ianya pengari ari Parti SNAP. Aram kita sama-sama ngingat ke pasal menua kitai tu udah dipegai perintah BN nyau deka semak 50 tahun, tang lalu nadai bisi pemansang.\\nPia mega enggai enda meri pengingat ngagai semua pasal pengari BN ti betanding sekali tu ianya Snowdan lawan. Snowdan Lawan enti semua kita agi ingat maia pengawa ngundi tun 2006, iaitu nyadi pengari laban ti dipilih Taib lalu ukai Jemut Masing. Pia mega aku deka nanya semua orang ke diau di menua N25-Balai Ringin , ngelama ke nyadi wakil rakyat di N25-balai Ringin, nama pemansang ke dibai Snowdan?\\nLalu enggau aku nutup jako aku ke sekali tu, aku ngarap ke kitai bala di N25-Balai Ringin oleh ngundi ROBERT DAN ANAK GIANG nyadi pengari kitai ke sekali tu.\\nPosted by Remaung Enam Renjer at 22:36 0 comments\\nLabels: Robert Dan anak Giang, sarawak election, sarawak election 2011, Taib Must Go\\nSNAPN25BALAIRINGIN KENA HACK\\nWednesday, 6th March 2011\\nKelebih agi minta ampun ngagai bala menyadi ari Parti PKR enti bisi tebaca ke posting benama Papa Jahat ti endang deka dikena ngenyai ketuai PKR Pusat Datuk Seri Anwar Ibrahim enggau Saudara Baru Bian.\\nSnapn25balairingin blogspot benong investigate sapa ti ngereja penyai nya.\\nKami pecaya pengawanya dikereja bala Cyber Trooper BN. Pia mega pengawa ke sama nyadi ngagai www.Bukittunggal.com.\\nLalu ngagai bala pemaca ti deka maca berita ngernang penyai BN tau ngusung weblog Bukittunggal ngena address http:\/\/remaung6renjer.blogspot.com\/\\nTerima Kasih semua laban ti agi meri sukong ngagai blogspot SNAPN25BALAIRINGIN tu.\\nPosted by Robert Dan Giang at 20:57 0 comments\\nLabels: bn cyber trooper, hacking, sarawak election, sarawak election 2011\\nEmail Address SNAP-N25BALAIRINGIN\\nNgagai bala ti bisi utai deka dipadah tauka dikongsi enggau SNAP-N25BALAIRINGIN.BLOGSPOT.COM tau nganjung iya ngagai email address dibaroh :\\nPosted by Robert Dan Giang at 14:43 0 comments\\nLabels: email, snapn25balairingin\\nJako Pemadah: Pengada Blog SNAP -N25 Balai Ringin\\nPENGADA BLOG SNAP N25 BALAI RINGIN\\nSelamat datai serta selamat bekelala ngagai bala pemaca ti bisi ngenatai ke diri ngagai blog tu. Nyadi enggau pengada blog SNAP-N25 Balai Ringin tu nya nanda ke dua iti utai ti besai reti nyadi ba kandang menua kena pegai N25- Balai Ringin.\\nNyadi berita manah ke terubah nyadi di N25-Balai Ringin nya nyadi maia 14 Mac 2011 leboh maia Dan anak Giang, ianya siko anak tulin menua Pantu di dalam genturung N25-Balai Ringin ti udah dipadu lalu dipadah ke oleh tuai parti Sarawak National Party (SNAP) Edwin Dundang deka nyadi pengari parti SNAP leboh maia pengawa bepilih kunsil negeri menua Sarawak ti deka datai tu.\\nLalu berita kedua ti nyadi di N25-Balai Ringin nya pasal pengada Blog SNAP-N25BalaiRingin ke nyadi saritu, ianya kena 17 Mac 2011.\\nNyadi baka blog tu deka mai berita ngagai bala orang di seluruh dunia kelebih agi bala pengundi di N25-balai Ringin pasal berita ti bisi nyadi di genturung N25-Balai Ringin.\\nEnti bala pemaca bisi deka bekongsi berita pasal nama utai ti nyadi di menua tu, tau nganjung e-mail ngagai kami di blog tu ngena email address tu : snapn25balairingin@gmail.com\\nSebedau kitai betemu baru, sekali agi meri terima kasih ngagai bala pemaca serta penyokong ti bisi ngenatai ke diri ditu.\\nPosted by Robert Dan Giang at 23:19 0 comments\\nLabels: Jako Pemuka, n25 balai ringin, sarawak politic, SNAP\\nTU CERITA PARTI KITAI SNAP\\nRobert Dan Giang\\nN25-Balai Ringin Belaban Enam Sukut: Nama Kebuah K...\\nRobert Dan Giang Bejanji Deka Ngubah Pengidup Oran...\\nBarisan Nasional Loss in N25 Balai Ringin (1)\\nbn cyber trooper (1)\\nJako Pemuka (1)\\nn25 balai ringin (2)\\nRobert Dan anak Giang (1)\\nRobert Dan Giang (1)\\nsarawak election (5)\\nsarawak election 2011 (3)\\nsarawak politic (1)\\nTaib Must Go (1)\\nKuching Monday, 11th April 2011 Selamat Ngundi ngagai semua orang peranak menua Sarawak kelebih agi bala pengundi N25-Balai Ringin. Nyad...\\nKuching Friday, 8th April 2011 N25-Balai Ringin tu sigi ari tiga sitak ti dipegai Sitak Parlimen P202-Sri Aman. Sitak tu mula ditumbuh ke...\\nKuching Monday, 11th April 2011 Ari berita ti diterima ari bala SB, diatu Robert Dan tinggal 1 mata di belakang Snowdan lawan. Nya alai e...\\nKuching Wednesday, 6th March 2011 Kelebih agi minta ampun ngagai bala menyadi ari Parti PKR enti bisi tebaca ke posting benama Papa Jahat...\\nNgagai bala ti bisi utai deka dipadah tauka dikongsi enggau SNAP-N25BALAIRINGIN.BLOGSPOT.COM tau nganjung iya ngagai email address dibaroh :...\\nKuching Thursday, 17th March 2011 PENGADA BLOG SNAP N25 BALAI RINGIN Selamat datai serta selamat bekelala ngagai bala pemaca ti bisi ng...\\nKuching Thursday, 7 April 2011 Robert Dan anak Giang : Pilih meh iya nyadi pengari kita ke sekali tu! Baka ke udah disadang, Robert D...","num_words":2187,"character_repetition_ratio":0.076,"word_repetition_ratio":0.032,"special_characters_ratio":0.219,"stopwords_ratio":0.204,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tiga kes pemati, 142 iku suman - Suara Sarawak\\nKUCHING: Sarawak ngerikod tiga kes pemati di Sibu ngujungka kes pemati nambah ngagai 33 kes.\\nSarawak ngerikod 205 kes baru positif Covid-19 iya nya 51 kes di Sibu, 41 kes di Kanowit, 32 kes di Miri, 22 kes di Dalat, 19 kes di Bintulu enggau 10 kes di Kuching sereta bela lima kes di Kapit enggau Lawas.\\nNambahka nya, bela empat kes di Sarikei enggau Julau, tiga kes di Simunjan, bela dua kes di Pakan, Betong enggau Meradong sereta bela siti kes di Samarahan, Saratok enggau Marudi ngujungka kes nambah ngagai 3,704.\\nChairman Komiti Penyangga Penusah Nengeri Sarawak (JPBNS), Datuk Amar Douglas Uggah Embas madahka kes pemati ke-31 nya kes ke-3,460 ngaul siku lelaki peranak menua beumur 59 taun kena 22 Januari tu tadi.\\n“Niang bisi kelai renga enggau batuk lalu ditukuka bebadi nyawa pukul 4.45 pagi kelimpah iya mega bisi sakit tinggi darah enggau atrial fibrilasi.\\n“Kes pemati ke-32 nya kes ke-3,461 ngaul siku lelaki peranak menua beumur 76 taun laban pedis enseput enggau bisi kelai renga enggau batuk bisi dak sebedau tu lalu ditukuka bebadi nyawa pukul 4.45 pagi, 25 Januari tu tadi.\\n“Kes pemati ke-33 nya kes ke-3,659 ngaul siku lelaki peranak menua beumur 91 taun ti diperubat ba Sepital Sibu kena 24 Januari tu tadi laban ditemu sida sebilik enda ngeleda.\\n“Orang tuai nya bebadi nyawa kena 25 Januari tu tadi lalu ditemu positif Covid-19 kelimpah iya bisi penyakit bukai baka penyakit tungkul sengayuh, tinggi darah enggau penyakit lempuang,” terang Uggah.\\nNaka tu, bisi 1,706 agi diperubat ba wad isolasyen ke alai 1,088 kes di Sepital Sibu, 304 kes di Sepital Miri, 162 kes di SGH, 97 kes di Sepital Bintulu, 40 kes di Sepital Kapit, 14 kes di Sepital Sarikei enggau siti kes di Sepital Limbang.","num_words":265,"character_repetition_ratio":0.082,"word_repetition_ratio":0.035,"special_characters_ratio":0.249,"stopwords_ratio":0.162,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: 19 June 2018 - Hari Dua ba Minggu Ke Sebelas Musim Selama\\nTang Aku madah ngagai kita: rinduka munsuh kita, lalu besampika orang ke merinsaka kita, ngambika kita nyadi anak Apai kita ti di serega.\\n19 June 2018 - Hari Dua ba Minggu Ke Sebelas Musim Selama\\n1 Raja 21: 17 - 29\\nUdah nya TUHAN lalu bejaku ngagai Elijah, siku nabi ari Tisbe,\\n“Alai nuan mansang ngagai Raja Ahap di Samaria. Nuan deka nemu iya ba kebun anggur Nabot, lebuh iya baru deka ngambu kebun nya.\\nSebut ngagai iya munyi tu, ‘Ku TUHAN bejaku: Kati nuan udah munuh orang lalu ngerampas pesaka iya?’ Udah nya sebut ngagai iya, ‘Ku TUHAN bejaku: Ba endur alai ukui ti nilat darah Nabot, dia mega ukui deka nilat darah nuan!’\\n“Lebuh Ahap meda Elijah, iya lalu bejaku, “O munsuh! Diatu baru nuan tetemuka aku.” “Amat,” ku Elijah nyaut. “Nuan udah, enggau pengabis ati nuan, angkun ngereja utai ti salah di mua TUHAN.\\nNya alai TUHAN nyebut ngagai nuan, ‘Aku deka ngasuh penusah ti besai ninggang nuan. Aku deka muai nuan, lalu muai semua orang ke lelaki, ke tuai enggau ke biak ari ruang bilik nuan.\\nRuang bilik nuan deka nyadi baka ruang bilik Raja Jeroboam anak Nebat, enggau baka ruang bilik Raja Baasa anak Ahijah, laban nuan udah ngeringatka ati Aku ketegal nuan udah nguluka orang Israel bedosa.’\\nNyadi pasal Jesebel, TUHAN madahka ukui deka makai bangkai iya di nengeri Jesril.\\nBarang sapa ari bala kaban belayan nuan mati di nengeri Jesril, sida deka diempa ukui, lalu sida ke mati ari luar nengeri, deka diempa burung.”\\n(Nadai orang bukai udah kala ngemendar Ahap angkun ngereja utai ti salah di mua TUHAN - semua utai nya nyadi magang ari ansak bini iya Jesebel.\\nIya ngereja dosa ti pemadu ngasuh malu, laban iya besembahka engkeramba, baka orang Amor ti udah diburu TUHAN ari menua nya, lebuh orang Israel nyerang.)\\nLebuh Elijah udah tembu bejaku, Ahap lalu nyarikka gari diri, lalu ngerasukka kain guni. Iya enggai makai. Iya tinduk ngena kain guni. Mua iya berupai tusah.\\nKu TUHAN bejaku ngagai nabi Elijah,\\n“Kati nuan bisi meda chara Ahap ngemaruhka diri di mua Aku? Laban iya udah ngemaruhka diri di mua Aku, Aku enggai ngasuh penusah ti besai ninggang iya lebuh iya agi idup. Penusah ti besai nya deka ninggang ruang bilik iya lebuh maya anak iya ila.”\\nMasmur 51: 1 - 2, 3 - 4AB, 9 & 14\\nSaut (peda 1a): Kasihka kami, O TUHAN, laban kami udah bedosa.\\nKasihka aku, O Allah Taala, laban pengerindu Nuan endang meruan.\\nLaban pengasih Nuan endang besai, buai meh dosa aku!\\nBuai abis semua penyai aku\\nlalu tuchi aku ari dosa aku!\\nSaut: Kasihka kami, O TUHAN, laban kami udah bedosa.\\nAku ngelala penyalah diri.\\nAku endang seruran nemu dosa diri.\\nAku udah bedosa ngelaban Nuan - ngelaban Nuan siku aja,\\nlalu udah ngereja utai ti dikumbai Nuan jai.\\nAmpun meh dosa aku\\nlalu buai abis semua penyai aku.\\nAnang munuh aku, O Allah Taala, lalu selamatka aku,\\nlalu aku deka gaga ati madahka pengelepas ti diberi Nuan.\\nAlleluia (peda John 13: 34)\\nAku meri kita pesan ti baru:\\nrinduka pangan diri, baka Aku ke udah rinduka kita.\\n“Kita udah ninga pasal jaku ti udah disebut, ‘Rinduka pangan kita, lalu begedika munsuh kita.’\\nTang Aku madah ngagai kita: rinduka munsuh kita, lalu besampika orang ke merinsaka kita, ngambika kita nyadi anak Apai kita ti di serega, laban Iya ngasuh mata panas manchar ngagai orang ke jai enggau ngagai orang ke manah, lalu ngasuh hari ujan ke orang ke lurus enggau ke orang ke jai.\\nEnti kita semina rinduka orang ke rinduka kita, nama upah kita? Indah sida pengumpul chukai deh nemu ngereja nya.\\nLalu enti kita semina nabi pangan kita, baka ni ku nya tau lebih ari utai ti dikereja orang bansa bukai? Indah orang bansa bukai deh nemu ngereja nya.\\nNya alai kita enda tau enda nyadi pemadu badas, baka Apai kita ti di serega.”","num_words":600,"character_repetition_ratio":0.048,"word_repetition_ratio":0.041,"special_characters_ratio":0.22,"stopwords_ratio":0.307,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"‘Panggaika Pengarap Kita ba Jehovah, lalu Kereja Utai ti Badas’—Masmur 37:3 | Dikena Belajar\\n‘Panggaika pengarap kita ba Jehovah, lalu kereja utai ti badas.’—MAS. 37:3.\\nNAMA ULIH DIPELAJARKA KITAI PASAL MANGGAIKA PENGARAP BA JEHOVAH ARI . . .\\nnembiak Petara ti tetap ati ke bukai?\\n1. Jehovah nempa mensia ngambika ngembuan penau ke baka ni?\\nJEHOVAH nempa mensia ngambika ngembuan penau ti spesial. Iya meri kitai penau ulih berunding ke nulung kitai mutarka penusah sereta merambu ke jemah ila. (J-lam. 2:11) Iya meri kitai pengering ngambika kitai ulih ngereja utai ke udah diperambu sereta nyapai juluk ati kitai. (Plp. 2:13) Jehovah mega meri kitai pengasai ati, iya nya pengasai nemu utai ke betul enggau ke salah ti bisi dalam kitai. Pengasai ati nulung kitai nyeliahka diri ari ngereja dosa sereta ngemetulka penyalah kitai.—Rom. 2:15.\\n2. Baka ni Jehovah dekaka kitai ngena penau kitai?\\n2 Jehovah dekaka kitai ngena penau kitai enggau chara ti manah. Nama kebuah? Laban Iya rinduka kitai sereta nemu kitai deka lantang ati enti kitai ngena pemeri ke udah diberi Iya. Ngambika chunto, dalam Bup Kudus jaku Hebrew, kitai macha: “Bejimat lebuh nuan ngaga pelan, nya baru nuan deka bulih mayuh utai,” sereta “kereja enggau bebendar sebarang pengawa ti dikereja nuan.” (J-lam. 21:5; P-jar. 9:10) Dalam Bup Kudus jaku Gerika, kitai macha: “Genap kali kitai bisi peluang, kereja pengawa ti badas ngagai semua orang,” lalu “genap iku [kitai] udah nerima pemeri, kena meh pemeri nya nulung pangan diri.” (Gal. 6:10; 1 Pet. 4:10, NW) Endang amat, Jehovah dekaka kitai enggau naka ulih ngereja utai ke tau mai penguntung ke kitai sereta orang bukai.\\n3. Nama tatak ke dikembuan mensia?\\n3 Jehovah dekaka kitai ngena penau kitai, tang Iya nemu kitai bisi tatak. Ngambika chunto, kitai enda ulih muai pengurang, dosa sereta pemati. (1 Raj. 8:46) Pia mega, kitai enda ulih ngaga pemutus ke orang bukai sereta nentuka baka ni sida patut ngatur pengidup diri. Lalu enda ngira ni pemayuh penemu tauka peneleba ke dikembuan kitai, kitai enda ulih telabanka enggi Jehovah.—Isa. 55:9.\\nLebuh nuan napi penanggul, panggaika pengarap ba Jehovah, lalu kereja utai ti badas\\n4. Nama deka diperatika kitai ba artikel tu?\\n4 Kitai patut seruran ngawakka Jehovah ngiring kitai, ngarapka Iya deka ngintu kitai sereta ngereja utai ke enda ulih dikereja kitai ke kitai empu. Taja pia, Jehovah mega dekaka kitai berundingka utai ke ulih dikereja kitai kena mutarka penusah sereta nulung orang bukai. (Mas. 37:3) Kitai patut ‘manggaika pengarap [kitai] ba Jehovah, lalu ngereja utai ti badas.’ Baka ni kitai ulih ngereja tu? Aram kitai beratika teladan Noah, David sereta nembiak Petara ti tetap ati ke bukai ke bepanggai ba Jehovah. Kitai deka beratika, bisi utai ke enda ulih dikereja sida tang sida milih betumpu ba utai ke ulih dikereja sida.\\nLEBUH KITAI DIKELINGI PENYAI\\n5. Terangka utai ke ditapi Noah.\\n5 Noah idup ba dunya ke penuh enggau “penyai” sereta ulah ti kamah. (P-kal. 6:4, 9-13) Taja pan Noah nemu Jehovah ngemunaska dunya ke jai nya, tang iya mega enggai meda pengawa ke dikereja orang maya nya. Ba pekara tu, Noah nemu bisi utai ke enda ulih sereta ke ulih dikereja iya.\\nPengawa nginjil kitai dilaban (Peda genteran 6-9)\\n6, 7. (a) Nama utai ke enda ulih dikereja Noah? (b) Baka ni utai ke ditapi kitai sama baka ke ditapi Noah?\\n6 Utai ke enda ulih dikereja Noah: Noah enggau tetap ati nusui jaku tangkan ari Jehovah, tang iya enda ulih ngansak orang nerima jaku tangkan nya. Lalu iya enda ulih ngasuh Bah Besai tumu agi datai. Noah patut arapka Jehovah deka ngamatka semaya Iya ngujungka penyai, lalu pechaya Jehovah deka ngereja nya ba maya ti ngena.—P-kal. 6:17.\\n7 Kitai mega idup ba dunya ti penuh enggau penyai, lalu kitai nemu Jehovah deka ngemunaska dunya ke jai nya. (1 Jhn. 2:17) Pia mega, kitai enda ulih ngansak orang bukai nerima ‘Berita Manah pasal Perintah Petara.’ Lalu kitai enda ulih ngasuh “penusah ti besai” berengkah tumu agi. (Mat. 24:14, 21) Baka Noah, kitai patut ngembuan pengarap ti kering, arapka Petara deka ngujungka semua penyai enda lama da agi. (Mas. 37:10, 11) Kitai pechaya, Jehovah enda ngelakka dunya ke jai tu mengkang bisi ngelui ari sehari.—Hab. 2:3.\\n8. Noah betumpu ba utai nama? (Peda gambar ba pun artikel.)\\n8 Utai ke ulih dikereja Noah: Ari ke lemi semengat ketegal utai ke enda ulih dikereja iya, Noah betumpu ba utai ke ulih dikereja iya. Noah enggau tetap ati nusui jaku tangkan ari Jehovah. (2 Pet. 2:5) Pengawa tu engka udah nulung iya ngeringka pengarap diri. Kelimpah ari nginjil, iya nitihka utai ti diasuh Jehovah lebuh ngaga bandung.—Bacha Hebrew 11:7.\\n9. Baka ni kitai ulih nunda teladan Noah?\\n9 Baka Noah, kitai mengkang kisuk ‘gawa ke Tuan.’ (1 Kor. 15:58) Ngambika chunto, kitai ulih nulung enggau pengawa nirika bengunan sereta nyaga Palan Gempuru enggau Palan Gempuru Besai kitai, sukarela ba gempuru besai sereta konvensyen, gawa ba pampang opis tauka ba opis penyalin. Keberat agi, kitai mengkang kisuk ba pengawa nginjil ke ngeringka pengadang kitai ke jemah ila. Seiku menyadi Kristian indu ke tetap ati madahka, lebuh iya berandau enggau orang bukai pasal berekat ke dibai Perintah Petara, iya nemu orang amat nadai pengadang lalu sida ngumbai penanggul sida enda ulih diputarka belama iya. Baka ke dipadah iya, kitai bisi pengadang lalu pengadang nya majak kering enti kitai madahka pengadang nya ngagai orang bukai. Pengadang tu nulung kitai mengkang ba lumba ke nuju ngagai pengidup ti meruan belama iya!—1 Kor. 9:24.\\nLEBUH KITAI BEDOSA\\n10. Terangka utai ke ditapi David.\\n10 Raja David nya orang ke tetap ati, lalu Jehovah balat rinduka iya. (SKR. 13:22) Taja pia, David udah beleman enggau Batseba. Nya dosa ti besai. Tang ke besai agi, iya nguji ngelalaika dosa iya enggau merambu deka munuh Uriah, laki Batseba, ba perang. David indah ngasuh Uriah nganjung surat ke ngembuan pesan ke bekaul enggau pemati diri! (2 Sam. 11:1-21) Nyau kelama, dosa David ditemu orang. (Mrk. 4:22) Nama digaga David lebuh dosa iya ditemu orang?\\nDosa lama (Peda genteran 11-14)\\n11, 12. (a) Nama utai ke enda ulih dikereja David pengudah iya bedosa? (b) Nama deka digaga Jehovah ke kitai enti kitai nesal ati?\\n11 Utai ke enda ulih dikereja David: David enda ulih muai utai ke udah dikereja iya. Indah iya deka merinsa ketegal sekeda penusah ke datai ari dosa iya nyentukka iya mati. (2 Sam. 12:10-12, 14) Nya alai, iya begunaka pengarap. Iya patut arap, enti iya amat udah nesal ati, Jehovah deka ngampun sereta nulung iya tan natka penusah ke datai ari pengawa iya.\\n12 Ketegal enda sempurna, semua kitai bedosa. Tang sekeda penyalah nya besai agi ari ke bukai, lalu ba sekeda pekara, kitai engka enda ulih muai penyalah kitai. Kitai mega engka merinsa ketegal pengawa ke dikereja kitai. (Gal. 6:7) Tang kitai arapka semaya Petara iya nya enti kitai nesal ati, Iya deka ngibun kitai lebuh napi maya ti tusah, taja pan penusah nya ketegal kitai empu.—Bacha Isaiah 1:18,19; Kereja Rasul 3:19.\\n13. Baka ni David ngemanahka kaul iya enggau Jehovah?\\n13 Utai ke ulih dikereja David: David deka ngemanahka kaul iya enggau Jehovah. Baka ni iya ngereja nya? David ngawakka Jehovah nulung iya. Ngambika chunto, iya nerima jaku lalau ari Natan, nabi Jehovah. (2 Sam. 12:13) David mega besampi ngagai Jehovah sereta ngaku dosa diri. Tu nunjukka iya amat deka Jehovah nerima iya baru. (Mas. 51:1-17) Ari ke berasai ditekan enggau penyalah diri, David belajar ari penyalah diri. Iya enda ngulang dosa ti besai nya. Betaun udah nya, David mati enggau tetap ati, lalu nya meh chara Jehovah ngenang iya.—Heb. 11:32-34.\\n14. Nama ulih dipelajarka kitai ari teladan David?\\n14 Nama ulih dipelajarka kitai ari teladan David? Enti kitai ngereja dosa ti besai, kitai patut nesal ari ati, ngaku dosa diri ngagai Jehovah, sereta minta ampun ari Iya. (1 Jhn. 1:9) Kitai mega patut berandau enggau tuai gempuru laban sida ulih nulung kitai ngemanahka kaul enggau Jehovah. (Bacha James 5:14-16.) Enti kitai nerima tulung ari Jehovah, kitai nunjukka diri arapka semaya Iya ti deka ngampun kitai. Nambahka nya, kitai patut belajar ari penyalah diri sereta terus nyembah Jehovah enggau ati ti andal.—Heb. 12:12, 13.\\nMAYA NAPI PENUSAH BUKAI\\nPenanggul ba pengerai (Peda genteran 15)\\n15. Nama dipelajarka kitai ari teladan Hanah?\\n15 Nuan engka ulih berundingka pasal nembiak ti tetap ati ke bukai dalam Bup Kudus, ke arapka Jehovah sereta ngereja utai ke ulih dikereja sida maya napi penusah. Ngambika chunto, Hanah enda ulih beranak. Iya enda ulih ngubah penanggul nya. Tang iya arapka Jehovah deka ngelantangka ati iya. Nya alai, iya mengkang nyembah Jehovah ba langkau sembiang sereta besampi madahka utai ti diasai iya ngagai Jehovah. (1 Sam. 1:9-11) Endang teladan ti manah ke kitai! Lebuh napi penanggul ba pengerai tauka penanggul bukai ke enda ulih diubah kitai, kitai nyerahka semua pengirau kitai ngagai Jehovah sereta arapka Iya deka ngibun kitai. (1 Pet. 5:6, 7) Lalu kitai bebendar deka bulih penguntung ari pengawa begempuru Kristian sereta program bukai ti disediaka gerempung Jehovah.—Heb. 10:24, 25.\\nBala anak ke udah ngetu nyembah Jehovah (Peda genteran 16)\\n16. Nama ulih dipelajarka apai indai ari Samuel?\\n16 Baka ni enggau apai indai ke tetap ati ti ngembuan anak ke udah ngetu nyembah Jehovah? Nabi Samuel enda ulih ngansak dua iku anak lelaki iya ke udah besai mengkang taluk ngagai Petara. (1 Sam. 8:1-3) Iya nyerahka pekara nya ngagai Jehovah. Taja pia, Samuel enggau naka ulih mengkang taluk ngagai Jehovah sereta ngelantangka ati Apai iya ti di serega. (J-lam 27:11) Kemaya hari tu, mayuh apai indai ke Kristian napi penusah ti sama. Sida pechaya, baka apai ba sempama pasal anak ke tesat ti dipadah Jesus, Jehovah endang seruran sedia nyambut orang bedosa ke nesal ati pulai baru. (Luk. 15:20) Pia mega, apai indai patut terus mengkang taluk ngagai Jehovah, ngambika teladan sida ulih meransang bala anak sida pulai baru ngagai Jehovah.\\nPenanggul ba duit (Peda genteran 17)\\n17. Nama kebuah teladan indu ke balu sereta seranta nya meransang ati?\\n17 Siti agi teladan manah iya nya indu ke balu sereta seranta maya jeman Jesus. (Bacha Luke 21:1-4.) Iya enda ulih mutarka pengawa ke enda lurus ke nyadi ba Rumah Sembiang tauka ngubah fakta iya endang seranta. (Mat. 21:12, 13) Tang pengarap iya ba Jehovah meransang iya nyukung sembah ti bendar. Iya gerah jari lalu meri “dua singkap duit engkeraju,” kengka duit ti dikemisi iya. Indu balu ke tetap ati nya nunjukka diri arapka Jehovah enggau pengabis ati. Iya nemu, enti iya ngenuluka sembah ngagai Jehovah, Jehovah deka nentuka iya bulih utai ti diguna iya. Pia mega, kitai pechaya Jehovah deka nentuka kitai bulih utai ti diguna kitai enti kitai ngenuluka Perintah Petara.—Mat. 6:33.\\n18. Beri siti chunto pasal seiku menyadi Kristian lelaki ke ngembuan runding ke betul.\\n18 Mayuh ari bala menyadi Kristian kitai kemaya hari tu ngayanka pengarap ti sama ngagai Jehovah enggau betumpu ba utai ke ulih dikereja sida, ukai betumpu ba utai ke enda ulih dikereja sida. Peratika seiku menyadi Kristian lelaki ke benama Malcom, ke mengkang tetap ati nyentuk ke iya mati ba taun 2015. Iya enggau bini iya udah betaun-taun nyembah Jehovah, lalu seduai iya bisi maya ti senang tauka tusah. Ku iya madahka: “Kekadang pengidup tusah dijangka, enda tentu, sereta tusah ditapi. Tang Jehovah merekatka orang ke bepanggai ba Iya.” Nama jaku ajar ari Malcom? “Besampi ngambika nuan ulih mengkang gawa ke Jehovah. Betumpu ba utai ke ulih dikereja nuan, ukai betumpu ba utai ke enda ulih dikereja nuan.” *—Peda nota kaki.\\n19. (a) Nama kebuah ayat taun 2017 kitai nya manah amat? (b) Baka ni nuan deka ngena ayat taun 2017 ba pengidup nuan?\\n19 Dunya ke jai tu deka majak “jai se-jai.” Nya alai kitai nemu, kitai deka napi mayuh agi penusah. (2 Tim 3:1, 13) Lebih ari ke udah, kitai enda tau ngelakka penusah ngalahka kitai. Tang kitai patut arap bendar ke Jehovah sereta betumpu ba utai ke ulih dikereja kitai. Nya kebuah ayat taun 2017 kitai nya manah amat: ‘Panggaika pengarap kita ba Jehovah, lalu kereja utai ti badas’!—Mas. 37:3.\\n^ per. 18 Peda Menara Pengawal, 15 Oktober 2013, lamb. 17- 20.\\nAyat taun kitai kena 2017: ‘Panggaika pengarap kita ba Jehovah, lalu kereja utai ti badas.’—Masmur 37:3","num_words":1894,"character_repetition_ratio":0.073,"word_repetition_ratio":0.001,"special_characters_ratio":0.232,"stopwords_ratio":0.361,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Sabak Kenang* ngundan lima bengkah sabak kenang pasal Jerusalem ti dirusak dalam taun 586 sebedau pengada Kristus, enggau pasal nengeri nya ti nyadi tembawai, lalu orang di nengeri nya dibuai ngagai menua bukai. Taja pen utai ti dalam bup tu munyi ti balat ngenusahka ati, tang orang agi ulih mengkang arapka Allah Taala, lalu bisi pengadang ke jemah ila. Leka sabak dalam bup tu dikena orang Judah nyembah Allah Taala lebuh sida bepasa sereta ngulit ngingatka penusah ti nyadi dalam taun 586 sebedau pengada Jesus.\\nPenusah Jerusalem (1.1-22)\\nUkum Jerusalem (2.1-22)\\nUkum enggau pengadang (3.1-66)\\nJerusalem nyadi tembawai (4.1-22)\\nSampi minta pengasih (5.1-22)\\nPenusah Nengeri Jerusalem\\n1 Sunyi amat meh nengeri Jerusalem diatu. Dulu menya iya penuh laban mensia! Dulu menya iya dibasa semua bansa, tang diatu iya nyau baka indu ke balu. Nengeri ti pemadu manah tu udah nyadi ulun.\\n2 Iya nyabak semalam-malam. Ai mata iya nyau nelusur kuyu iya. Ari semua bala pangan iya, nadai siku agi tinggal ngaum iya. Orang ke setanah enggau iya udah nipu iya, lalu semua sida ngelaban iya diatu.\\n3 Orang Judah nyau nyadi ulun ti nadai daya agi lalu dipejalka ninggalka menua diri. Sida diau di menua bukai, nadai agi menua ti tau dikumbai sida menua diri, dikelingi munsuh, lalu nadai jalai ngerarika diri.\\n4 Nadai agi orang datai ngagai Rumah Sembiang diatu lalu nyembah Allah Taala lebuh hari kudus. Bala indu ke biak ke belagu dia, natka pemerinsa, lalu bala imam semina ulih bedemuh aja. Pintu nengeri nadai orang nengah, lalu Sion natka diri pedis.\\n5 Bala munsuh iya udah menang, lalu merintah iya. TUHAN udah ngasuh iya merinsa ketegal semua dosa iya. Bala anak iya udah ditangkap lalu ditabanka ngagai menua bukai.\\n6 Pemanah gaya nengeri Jerusalem nyau nadai agi. Bala tuai iya nyau baka rusa ti lemi ketegal lapar, ke nyau deka abis pengering lebuh sida ngerarika diri ari orang ke ngasu.\\n7 Jerusalem diatu nyau nyadi tembawai, lalu iya ngingatka pemanah gaya diri ti dulu menya. Lebuh iya alah laban munsuh, nadai orang nulung iya. Orang ke ngalahka iya ketawaka iya lebuh iya alah.\\n8 Iya enda agi dibasa orang. Iya telanjai lalu dikeleseka orang. Iya bedemuh lalu mampul mua diri laban malu. Jerusalem udah ngamahka diri ngena dosa ti udu jai.\\n9 Pengamah iya nyata dipeda, tang iya enda irau mimit ke utai ti deka nyadi ba iya jemah ila. Iya balat amat alah. Nadai orang ulih ngaum iya. Bala munsuh iya udah menang, lalu iya nyabak minta TUHAN kasihka iya.\\n10 Bala munsuh udah ngerampas semua reta tengkira iya. Iya tepedaka sida tama ngagai Rumah Sembiang, ti enda disagi TUHAN pasuk orang bansa bukai.\\n11 Bala nembiak iya bedemuh lebuh sida begigaka utai diempa. Sida nyilih reta tengkira sida enggau pemakai kena sida beridup. “Peda aku tu, TUHAN,” ku nengeri nya nyabak. “Peda pemerinsa aku tu.”\\n12 “Malik ngagai aku!” ku iya nyabak nunga ngagai semua orang ke mansa. “Nadai orang udah kala pedis baka aku tu, pemedis ti udah diasuh TUHAN ninggang aku lebuh Iya ringat.\\n13 “Iya ngirumka api ari langit, api ti mau dalam aku. Iya nan panjuk kena nyintak aku, lalu ngerebahka aku ke tanah. Udah nya Iya ninggalka aku, lalu nejuka aku seruran pedis.\\n14 “Iya meda semua dosa aku, lalu merekaska sida nyadi siti berekas. Iya nanchangka berekas dosa nya ba rekung aku, lalu aku nyau lembut tulang ditating dosa nya. TUHAN nyerahka aku ngagai bala munsuh aku, lalu aku nadai daya ngelaban sida.\\n15 “TUHAN ketawaka semua soldadu aku ke pemadu kering. Iya ngirumka bala soldadu ngerusak bala soldadu aku ke agi biak. Iya ngeredakka bala aku baka ke mitan buah anggur.\\n16 “Nya kebuah ai mata aku nyau lilih. Nadai orang ulih ngaum aku, lalu nadai orang ngangkatka semengat aku. Bala munsuh udah ngalahka aku. Bala nembiak aku nyau nadai utai agi.\\n17 “Aku ngangkatka jari, tang nadai orang deka nulung aku. TUHAN udah mesanka bala munsuh ari sepiak-sepiak ngelaban aku. Sida ngaga aku baka utai ti kamah.\\n18 “Tang TUHAN endang lurus, laban aku udah enda ngasika Iya. Pendingka aku, kita di semua endur. Peda kita pemedis aku tu. Bala nembiak lelaki enggau bala nembiak indu aku ke biak, udah ditabanka nyadi orang tangkap.\\n19 “Aku ngangauka orang ke setanah enggau aku, tang sida enggai nulung aku. Bala imam enggau bala tuai bansa mati ba sebelah jalai raya di nengeri, begigaka pemakai kena beridup.\\n20 “Peda, O TUHAN, penusah ati aku, penusah semengat aku! Ati aku runtuh tusah ke dosa aku. Orang bebunuh ba sebelah jalai raya, lalu dalam rumah pen bisi mega pemati.\\n21 “Pendingka aku ke bedemuh. Nadai orang deka ngaum aku. Bala munsuh aku gaga ati meda Nuan ngasuh penusah ti besai tu ninggang aku. Asuh datai meh hari ti udah disemaya Nuan. Awakka bala munsuh aku merinsa baka aku.\\n22 “Peda Nuan semua penyai sida, lalu ukum meh sida baka Nuan ti udah ngukum aku ketegal dosa aku. Aku bedemuh ketegal merinsa, lalu ati aku balat tusah.”\\nTUHAN Ngukum Nengeri Jerusalem\\n1 TUHAN ringat lalu mungkur Sion ngena pemetang. Nengeri ti manah gaya nya udah diubah Iya nyadi tembawai. Indah Rumah Sembiang deh ditinggalka TUHAN lebuh Iya ringat.\\n2 TUHAN nadai pengasih mimit ngerusak semua genturung pendiau di menua Judah Lalu ngeruntuhka kuta ti dikena nyaga menua nya. Iya mechat perintah enggau bala orang ke megai perintah di menua nya.\\n3 TUHAN ngeransi lalu nganchurka pengering Israel. Iya enggai nulung kitai lebuh munsuh datai. Iya balat amat ngelaban kitai baka api, lalu ngerusak semua utai.\\n4 Iya nyelintingka laja Iya ngagai kitai baka munsuh. Iya munuh semua orang ke dikegagaka sereta dikerinduka kitai. Di Jerusalem ditu kitai ngasaika pengeringat Iya.\\n5 TUHAN udah nyadi baka munsuh. Iya udah ngerusak Israel. Iya udah ngaga semua kuta enggau istana di menua Israel nyadi tembawai. Iya udah ngasuh orang Judah enda ngetu-ngetu ditinggang penusah.\\n6 Iya udah ngerusak Rumah Sembiang alai kitai ti udah nyembah Iya. Iya enda ngasuh orang ngintu hari ti kudus enggau Hari Sabat. Raja enggau imam udah sama ngasaika pengeringat Iya.\\n7 TUHAN enggai agi begunaka alta Iya, lalu Iya ninggalka Rumah Sembiang Iya ti kudus. Iya nejuka munsuh ngeruntuhka dinding Rumah Sembiang. Sida manjung ke diri ke menang ba endur alai kitai, enggau ati ti gaga, udah besembah. 8 TUHAN udah mutuska runding deka ngeruntuhka dinding kuta Sion. Iya nyukat dinding kuta nya, kena nentuka semua dinding nya dirusak magang. Diatu menara enggau dinding kuta nya udah nyadi tembawai magang.\\n9 Pintu nengeri dilamun rapuh, lalu alang pintu redak magang. Raja enggau bala pemesai diatu udah dibuai ngagai menua bukai. Adat nadai agi diajar, lalu sida nabi nadai nerima genera ari TUHAN.\\n10 Orang ke tuai umur di Jerusalem duduk ba tanah, enda engkeretik. Pala sida dikerabuka enggau amau lalu sida begari ngena kain guni. Indu ke agi biak ngendukka pala sida ke tanah.\\n11 Mata aku nyau bangkung laban aku enda ngetu nyabak. Ati aku balat tusah. Ati aku balat tusah laban bala aku udah dirusak, laban sida ke nembiak enggau anak mit luput ba sebelah jalai raya.\\n12 Lapar sereta aus, sida nyabak minta pemakai enggau utai diirup ari indai sida. Sida rebah ba sebelah jalai raya baka ke bakal, dipangku indai sida, lalu mati.\\n13 O Jerusalem, Jerusalem ti dikesayauka aku, baka ni ku jalai aku bejaku? Baka ni ku jalai aku merindang nuan? Nadai orang patut merinsa baka tu. Penusah nuan nadai sekat baka tasik, nadai pengandal agi.\\n14 Bala nabi nuan nadai madahka utai bukai ngagai nuan, semina pemula aja. Jaku ajar sida semina nipu nuan, laban ajar nya enda kala madahka dosa nuan. Sida nyungkak nuan berunding ngumbai diri enda ibuh nesal ati ke dosa nuan.\\n15 Orang ke mansa nuan merening lalu ngeleseka nuan. Sida ngilikka pala, lalu ketawaka Jerusalem ke nyau nyadi tembawai: “Kati tu amat nengeri ti manah nya suba? Kati tu nengeri ti dikemegahka dunya?”\\n16 Semua bala munsuh nuan ngeleseka nuan, lalu melut mata begedika nuan. Sida enchebirka mulut lalu ngelese, “Kami udah ngerusak nengeri nya! Tu meh hari ti dianti kami ngelamatu!”\\n17 Diatu TUHAN udah ngereja utai ti deka dikereja Iya: Iya udah ngerusak kitai enggau nadai pengasih, nitihka jaku tangkan ti disebut Iya ngagai kitai dulu kelia. Iya ngasuh bala munsuh kitai menang, ngasuh sida gaga ati meda kitai alah.\\n18 O Jerusalem, asuh dinding kuta nuan nyabak ngangauka TUHAN! Awakka ai mata nuan lilih baka ai sungai ti rarat siang malam. Awakka nuan lelak nyabak tusah ati!\\n19 Awakka nuan semalam-malam enda ngetu angkat ngangauka TUHAN. Bantaika semua utai ari ati nuan ngagai TUHAN, minta Iya kasihka bala anak nuan, anak ke mati keberuran ba genap sukut jalai raya!\\n20 TUHAN, peda Nuan! Nama kebuah Nuan ngukum kami baka tu? Sida ke indu nyau bepakaika anak ke dikesayauka sida! Bala imam enggau bala nabi dibunuh dalam Rumah Sembiang!\\n21 Orang ke biak enggau ke tuai nyau betegaring mati ba sebelah jalai raya, Lelaki enggau indu ke biak, dibunuh munsuh ngena pedang. Nuan munuh sida enggau nadai pengasih lebuh Nuan ringat.\\n22 Nuan ngasuh bala munsuh aku begawai ngelingi aku lalu ngemba aku, Lalu nadai orang ulih ngerarika diri ba hari Nuan ringat. Bala munsuh munuh bala anak aku, ti udah ditupi sereta dikerinduka aku.\\nUkum, Nesal Ati, Enggau Pengadang\\n1 Aku tu orang ke udah ngasaika ukum Allah Taala.\\n2 Iya muru aku jauh-sejauh ke dalam pemetang;\\n3 lalu enda ngetu-ngetu malu aku.\\n4 Iya udah ngemakalka aku, lalu matahka tulang aku.\\n5 Iya udah nutup aku dalam rumah jil, lalu merinsa sereta ngenusah.\\n6 Iya udah mejalka aku diau dalam pemetang baka orang ke udah mati dulu kelia.\\n7 Iya udah nanchang aku ngena rantai. Aku tu orang tutup ti enda ulih ngerarika diri.\\n8 Aku nyabak rauh-rauh minta tulung, tang Allah Taala enggai mending.\\n9 Iya udah mempang jalai aku ngena lampang batu ti udah dipansap, Iya udah ngaga jalai aku bingkuk.\\n10 Iya ngipa aku baka beruang, baka singa ti deka nerekam aku.\\n11 Iya muru aku ari jalai raya, nyarikka tubuh aku, lalu ninggalka aku.\\n12 Iya ngambi panah, lalu nyelintingka laja Iya ngagai aku.\\n13 Iya nimbakka laja Iya dalam bendar masuk ngagai tubuh aku.\\n14 Orang ketawaka aku sepemanjai hari. Aku tu orang ke dikeleseka semua sida.\\n15 Iya udah balat merinsaka aku, baka orang ke dipejalka ngirup ai ti pemadu pait.\\n16 Iya nginsarka mua aku ngagai batu, lalu matahka ngeli aku.\\n17 Aku nyau nadai pengelantang agi; aku nyau enda ingatka utai ti dikumbai pemaik.\\n18 Aku enda lama agi idup, lalu aku nadai agi utai diadang ari TUHAN.\\n19 Lebuh aku berundingka pemerinsa diri, enggau pasal aku ti nadai rumah alai diau, utai nya pait baka rachun.\\n20 Aku seruran berundingka utai nya, lalu ati aku tusah.\\n21 Tang taja pia, pengadang datai baru lebuh aku ngingatka utai siti tu:\\n22 Pengerindu enggau pengasih TUHAN enda nemu abis,\\n23 nyadi baru belama tiap pagi, naka meh penetap ati Nuan.\\n24 Semina TUHAN aja ke dikemisi aku, nya alai aku manggaika pengadang aku ba Iya.\\n25 TUHAN endang manah enggau orang ke arapka Iya, enggau orang ke ngiga Iya.\\n26 Nya alai manah kitai nganti Iya enggau ati ti liat, nganti Iya ngidupka kitai.\\n27 Manah kitai belajar liat ati lebuh kitai agi biak.\\n28 Lebuh TUHAN ninggang kitai enggau pemerinsa, kitai patut duduk kediri enda bemunyi sereta liat ati.\\n29 Kitai patut meremika pala nunduk ngagai Iya, nyangka kitai agi bisi pengadang.\\n30 Taja pen kitai ditampar sereta dikeleseka orang, kitai patut nerima semua utai nya.\\n31 TUHAN endang kasihka kitai, lalu Iya enggai nulak kitai belama iya.\\n32 Iya nyangka ngasuh ati kitai tusah, tang pengerindu Iya ke kitai endang meruan sereta kering;\\n33 laban Iya ukai deka ngemerinsa tauka ngenusahka kitai.\\n34 TUHAN nemu lebuh kitai dalam rumah jil, ati kitai tusah.\\n35 Iya nemu lebuh orang ngerampas hak ti udah diberi Iya ngagai kitai.\\n36 Iya nemu lebuh orang meri atur ti enda lurus dalam kot.\\n37 Peneka TUHAN aja ti seruran dipejalaika.\\n38 Utai ti manah enggau utai ti jai dikereja nitihka jaku Iya.\\n39 Nama kebuah kitai mutap lebuh kitai diukum ketegal dosa kitai empu?\\n40 Aram kita meresa ulah diri, lalu pulai baru ngagai TUHAN.\\n41 Aram kitai muka ati kitai ngagai Allah Taala ti di serega, lalu besampi,\\n42 “Kami udah bedosa lalu udah angkat ngelaban Nuan, TUHAN, lalu Nuan apin ngampun kami.\\n43 “Nuan udah begagaika kami lalu munuh kami. Pengasih Nuan dilamun Nuan ngena pengeringat.\\n44 Ati Nuan dilamun Nuan ngena ransi, baka mua hari ti tebal, datai ke sampi kami enda ulih datai ba Nuan.\\n45 Nuan udah ngaga kami nyadi baka tugung uras, di mua semua orang.\\n46 “Kami dipechat sereta diketawaka semua munsuh kami.\\n47 Kami udah ditinggang pemedis enggau pemerinsa; kami diau tusah sereta takut.\\n48 Mata aku semampai basah laban ai mata, laban bansa aku dirusak.\\n49 “Ai mata aku deka lilih enda ngetu-ngetu,\\n50 datai ke TUHAN nilik ke baruh ari serega, lalu meda kami.\\n51 Ati aku balat tusah meda utai ti nyadi ba orang ke diau di nengeri nya.\\n52 “Aku tu baka burung, dipanjuk bala munsuh ke begedika aku enggau nadai kebuah.\\n53 Sida nikauka aku idup-idup ngagai lubang kebung, lalu nutup mua lubang kebung nya ngena batu.\\n54 Ai lalu belabuh ngampuhka aku, lalu aku ngumbai diri nyau deka mati.\\n55 “Ari buntut lubang kebung, aku nyabak ngangauka Nuan, O TUHAN!\\n56 Lalu lebuh aku minta Nuan mendingka sabak aku, Nuan ningaka aku.\\n57 Nuan nyaut aku, lalu Nuan enda ngasuh aku takut.\\n58 “Nuan datai lalu ngelepaska aku, TUHAN, lalu nebus aku.\\n59 Beri atur ti lurus lebuh Nuan ngakim aku. Nuan nemu utai ti salah ti udah dikereja orang ngagai aku.\\n60 Nuan nemu pemalat bala munsuh aku begedika aku, enggau jalai sida bepekat ngelaban aku.\\n61 “Nuan udah ninga sida mechat aku, O TUHAN. Nuan nemu semua akal sida.\\n62 Sida bejaku jai pasal aku sepemanjai hari, lalu bepekat.\\n63 Kenyau ari pagi nyentuk ngagai malam, sida beduan aku.\\n64 “O TUHAN, ukum sida ketegal utai ti udah dikereja sida.\\n65 Sumpah sida, lalu asuh sida tusah ati!\\n66 Buru sida, lalu rusak sida abis lengis ari dunya tu!”\\nJerusalem Udah Bekau Iya Ti Alah\\n1 Emas ti beperenching nyau enda beperenching agi. Batu ti udah dikena ngaga Rumah Sembiang nyau ngachir ba sebelah jalai raya.\\n2 Orang ke biak di Sion endang dikesayauka kami baka emas, tang diatu sida nyau digaga nyadi baka periuk tanah.\\n3 Indah indu ukui kampung deh nemu nusuka anak, tang bala nembiak aku baka burung unta, jai enggau anak diri.\\n4 Sida nejuka anak sida mati laban lapar enggau aus. Bala anak mit minta pemakai, tang nadai orang deka meri sida pemakai.\\n5 Orang ke udah teleba makai pemakai ti pemadu nyamai, diatu mati lapar ba sebelah jalai raya. Sida ke udah nyamai diau, diatu ngair ba tugung uras ngiga pemakai.\\n6 Bala nembiak aku udah balat agi diukum ari orang ke diau di Sodom, ke ngenyit dialahka Allah Taala.\\n7 Bala anak raja kami enda kamah, tang tuchi baka seleju, regas, kering, sereta bepengerai.\\n8 Diatu sida nyau betegaring ba sebelah jalai raya enda dikelala orang. Mua sida chelum agi ari aruk. Kulit sida rangkai baka kayu, ngeriut malut tulang sida.\\n9 Lantang agi orang ke mati beperang ari orang ke mati udah lepas nya, ke mati keberuran, laban sida nadai pemakai kena idup.\\n10 Penusah ti ninggang bala aku amat ngasuh geli. Sida ke indai manduk anak ke dikesayauka sida nyadika pemakai.\\n11 TUHAN mubuhka pengeringat Iya. Iya nunu Sion, lalu ngeretungka nengeri nya nyentuk ke tanah.\\n12 Nadai siku orang di semua endur, nyengkaum bala raja menua bukai, arapka orang ke nyerang ulih tama mua pintu nengeri Jerusalem.\\n13 Tang utai nya udah nyadi, laban bala nabi nengeri Jerusalem udah bedosa, lalu bala imam udah salah bebunuhka orang ke nadai penyalah.\\n14 Bala tuai nengeri nya bejalai segau-segau ba sebelah jalai raya baka ke buta, abis dibalut darah datai ke orang nyau enggai negu sida.\\n15 “Rari kita ari tu,” ku orang merak sida. “Kita tu kamah! Anang negu aku!” Nya alai sida segau-segau bejalai ari menua siti ngagai menua siti, enda diterima orang.\\n16 TUHAN enggai agi ibuhka sida. TUHAN Empu ke ngachirka sida. Iya enggai agi bebasaka bala imam enggau tuai kitai.\\n17 Kami gining-gining ngiga orang nyaup, tang nadai ga orang datai. Kami majak nganti tulung ari siti bansa, tang iya nadai ulih nulung kami.\\n18 Munsuh nengkilaka kami, datai ke kami nyau enda berani bejalai nengah jalai raya. Kami nyau deka mati. Seput kami nyau abis.\\n19 Bala munsuh begagaika kami laju agi ari menaul ti nyambar ari langit. Sida nyidi kami ba sebelah bukit. Sida negah kami di menua puang.\\n20 Sida ngalahka pun pengidup kami, raja ti udah dipilih TUHAN, ke dikarapka kami nyaga kami ari semua orang ke nyerang.\\n21 Ketawa meh kita, orang Edom enggau orang Us. Gaga ati meh kita kala lebuh kita agi ulih. Penusah ti besai deka mega ninggang kita. Kita deka mega bejalai guir-guir telanjai sereta malu.\\n22 Sion udah diukum ketegal dosa iya. TUHAN enggai agi nejuka kami diau di menua bukai. Tang nuan Edom, TUHAN deka ngukum nuan. Iya deka mandangka penyalah ti udah dikereja nuan.\\nSampi Minta Pengasih\\n1 TUHAN, kingatka utai ti udah nyadi ba kami. Malik ngagai kami, lalu peda pemalu kami.\\n2 Reta tengkira kami ba jari orang kampar. Orang ari menua bukai diatu diau dalam rumah kami.\\n3 Bala apai kami udah dibunuh munsuh, lalu diatu bala indai kami nyau balu.\\n4 Kami enda tau enda mayar rega ai ti diirup kami. Kami enda tau enda meli kayu api.\\n5 Kami dipejalka gawa baka keledai tauka unta, nya alai kami lelak, tang enda tau belelak.\\n6 Kami minta pemakai ari menua Ejip enggau ari menua Asiria ngambika kami ulih idup.\\n7 Aki ini kami bedosa, tang diatu sida iya nadai agi, lalu kami diatu merinsa ketegal dosa sida.\\n8 Kami diatu diperintah bala ulun, lalu nadai orang ulih ngelepaska kami ari jari sida.\\n9 Orang ke pemunuh nyau bekesegau bejalai ba sebelah menua pesisir. Kami berambunka nyawa lebuh kami begigaka pemakai. 10 Kami merinsa laban lapar datai ke kulit kami nyau angat baka dapur.\\n11 Bala bini kami udah dipasung orang ba Bukit Sion. Bala anak indu kami udah dipejalka nunduk ba genap buah genturung pendiau di menua Judah.\\n12 Bala tuai bansa kami udah ditabanka lalu digantung. Bala tuai kami enda dibasa orang.\\n13 Sida ke bujang dipejalka ngisar gandum baka ulun. Sida nembiak ti lelaki nyau guir-guir ngesan kayu.\\n14 Orang ke tuai umur nadai agi duduk ba mua pintu nengeri, lalu orang ke biak enda agi nebah musik.\\n15 Kami nyau nadai pengelantang agi. Kami nadai agi betanda, laban ati kami balat tusah.\\n16 Semua utai ti dikemegahka kami udah abis magang. Tulah meh kami tu, laban kami udah bedosa.\\n17 Ati kami balat tusah lalu mata kami nyau rapa laban ai mata kami,\\n18 laban Bukit Sion nadai agi diuan mensia, tang nyadi endur alai raban pasun bejalai.\\n19 Tang Nuan, O TUHAN, endang Raja belama iya lalu deka merintah nyentuk ngagai pengujung dunya.\\n20 Nama kebuah Nuan lama amat ngelengkaka kami? Kati Nuan deka ingatka kami baru?\\n21 Bai meh kami pulai ngagai Nuan baru, O TUHAN! Bai kami pulai baru! Pulaika baru mulia kami ke suba.\\n22 Kati Nuan deka nulak kami belama iya? Kati pengeringat Nuan nadai sekat?","num_words":3064,"character_repetition_ratio":0.048,"word_repetition_ratio":0.0,"special_characters_ratio":0.214,"stopwords_ratio":0.325,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bejaga—Sitan Deka Ngemunaska Nuan! (1 Peter 5:8) | Ke Mudah\\n“Bejaga! Sitan ti munsuh kita bejalai segau-segau baka singa ti negung, begigaka orang ke deka diempa iya.”—1 PET. 5:8.\\nBAKA NI SITAN NUNJUKKA IYA . . .\\n1. Terangka baka ni seiku melikat nyadi Sitan.\\nKETERUBAH, iya bisi kaul ti manah enggau Jehovah. Tang udah nya, melikat tu deka mensia nyembah iya. Ari ke nulak pengingin ti salah nya, iya nejuka pengingin tu tumbuh, lalu ngasuh iya bedosa. (Jas. 1:14, 15) Kitai enda nemu sapa nama iya, tang diatu kitai ngumbai iya Sitan. Iya “endang nadai kaul enggau pemendar.” Iya ngelaban Jehovah, lalu nyadi “apai pemula.”—Jhn. 8:44.\\n2, 3. Baka ni reti leka jaku “Sitan,” “Antu,” “ular ti tuai,” enggau “naga ti besai” nerangka pasal munsuh Jehovah ti pemadu besai?\\n2 Kenyau ari iya ke ngelaban, Sitan nyadi munsuh Jehovah ti pemadu besai. Iya mega nyadi munsuh semua mensia. Kitai ulih meda penyai Sitan ari chara Bup Kudus nerangka iya. Sitan reti iya “Penyakal.” Tu nunjukka melikat ti jai tu begedika chara Petara merintah, lalu ngena semua kuasa iya ngelaban chara merintah nya. Utai ti dikedeka Sitan iya nya meda kuasa merintah Jehovah nadai agi.\\n3 Ba Pemandang 12:9, Sitan dikumbai Antu. Reti iya “Pemula.” Sitan enda bebasaka Petara laban ngumbai Petara bula. Leka jaku “ular ti tuai” ngingatka kitai Sitan udah ngena ular nipu Hawa. Leka jaku “naga ti besai” mega chara bukai kena nerangka sapa Sitan nya. Iya nadai penyinu sereta jai. Iya deka nagang tuju Jehovah ari dikeamatka, lalu deka ngemunaska nembiak Petara.\\n4. Nama deka dikerandauka kitai ba pelajar tu?\\n4 Endang amat, Sitan nya munsuh ti pemadu besai ke deka ngerusak penetap ati kitai ngagai Jehovah. Nya kebuah Bup Kudus nangkan kitai: “Disiplin diri empu sereta bejaga! Sitan ti munsuh kita bejalai segau-segau baka singa ti negung, begigaka orang ke deka diempa iya.” (1 Pet. 5:8) Nya alai, pelajar tu deka berandauka tiga ulah Sitan ke nunjukka kebuah kitai patut nyaga diri ari munsuh Jehovah enggau munsuh nembiak Iya ke jai tu.\\nSITAN BISI KUASA\\n5, 6. (a) Beri chunto ke nunjukka bala melikat nya “kering sereta bekuasa.” (b) Baka ni Sitan nya “megai kuasa pemati”?\\n5 Bala melikat nya “kering sereta bekuasa.” (Mas. 103:20) Sida pintar sereta kering agi ari mensia. Endang amat, bala melikat ke tetap ati ngena kuasa sida enggau manah. Chunto, seiku ari melikat Jehovah ulih munuh 185,000 iku soldadu Asiria. Tang, tu enda ulih dikereja seiku mensia tauka tusah dikereja seraban soldadu. (2 Raj. 19:35) Bisi sekali, seiku melikat ngena pengelandik enggau kuasa iya ngelepaska bala rasul Jesus ari rumah jil. Taja pan bala jejaga bisi semak dia, sida enda meda melikat nya muka pintu, ngelepaska bala rasul nya, lalu ngunchi pintu nya baru!—SKR. 5:18-23.\\n6 Bala melikat ke tetap ati ngena kuasa sida enggau manah, tang Sitan ngena kuasa iya ngereja penyai. Sitan endang amat bisi kuasa ti besai. Bup Kudus ngumbai iya “merintah dunya tu” sereta “petara dunya.” (Jhn. 12:31; 2 Kor. 4:4) Sitan mega “megai kuasa pemati.” (Heb. 2:14) Tu ukai reti iya nyengala munuh semua orang. Nyadi, nama reti tu? Kesatu, dunya tu penuh enggau pemenchi sereta ulah ti kasar baka Sitan. Kedua, ketegal Hawa pechayaka pemula Sitan, sereta Adam enda ngasika Petara, semua mensia bedosa sereta mati. (Rom. 5:12) Munyi ku Jesus, Sitan nya “pemunuh.” (Jhn. 8:44) Iya endang munsuh ti bisi kuasa.\\n7. Baka ni bala antu nunjukka sida bisi kuasa?\\n7 Enti kitai ngelaban Sitan, kitai mega ngelaban semua ke nyukung iya enggau semua ke ngelaban chara Petara merintah. Sida tu nyengkaum mayuh melikat bukai ke dikumbai bala antu. (Pem. 12:3, 4) Sida suah nunjukka diri kering agi ari mensia, lalu ulih ngasuh mensia balat merinsa. (Mat. 8:28-32; Mrk. 5:1-5) Kingatka, bala antu enggau raja sida bisi kuasa. (Mat. 9:34) Kitai enda ulih menang ngelaban Sitan enti nadai tulung ari Jehovah.\\n8. (a) Nama dikedekaka Sitan? (Peda gambar ba pun pelajar.) (b) Ari utai ke dipeda nuan, baka ni dunya tu ngambarka penyai Sitan?\\n8 Rasul Peter ngumbai Sitan baka “singa ti negung.” Siti bup nerangka leka jaku Gerika ke dikena nyalin “negung” reti iya “tegung jelu mangah ke lapar.” Tu endang ngambarka ulah Sitan ke jai! Iya udah merintah serata dunya, tang tu enda chukup ba iya. Sitan baka singa lapar ke dekaka mayuh agi mansa. (1 Jhn. 5:19) Orang ke amat deka diserang iya, iya nya orang ke diiri ngena roh kudus ke agi diau ba dunya sereta bala “bedus ti bukai.” (Jhn. 10:16; Pem. 12:17) Sitan deka ngemunaska nembiak Jehovah. Orang Kristian ti bendar ke diperinsa ari kurun keterubah nyentuk ke diatu nunjukka Sitan nya amat jai.\\n9, 10. (a) Baka ni Sitan nyerang bansa Israel? (Beri chunto.) (b) Nama kebuah Sitan nyerang bansa Israel menya? (c) Ba penemu nuan, baka ni asai ati Sitan enti seiku ari nembiak Jehovah ngereja dosa ti besai kemaya hari tu?\\n9 Sitan mega nunjukka penyai iya ngena chara bukai. Singa ke lapar enda sinuka mansa iya. Iya enda sinu sebedau munuh, lalu iya mega enda berasai salah pengudah munuh. Baka nya mega enggau Sitan. Iya enda sinuka orang ke diserang iya. Chunto, ba runding nuan, baka ni asai ati Sitan tiap kali iya meda orang Israel nyerahka diri ngagai dosa, baka ngereja ulah seks ti kamah tauka pengamu? Ulih nuan ngambarka pengaga ati Sitan, maya iya meda penusah ke nyadi ketegal Sisa Imri ke ngereja ulah ti kamah enggau ketegal Gehasi ke amu?—P-pau. 25:6-8, 14, 15; 2 Raj. 5:20-27.\\nSitan balat gaga ati meda nembiak Petara ngereja dosa (Peda genteran 10)\\n10 Sitan bisi kebuah nyerang bansa Israel menya. Kingatka, Messiah deka datai ari bansa nya, lalu iya meh ti deka ngerusak Sitan sereta nunjukka Jehovah bisi hak merintah. (P-kal. 3:15) Sitan enggai orang Israel diterima Jehovah, nya alai iya enggau naka ulih ngasuh sida bedosa. Anang ngumbai Sitan berasai sinu ke David lebuh iya ngereja pengawa butang. Anang mega ngumbai iya bisi penyinu ke Moses, lebuh Moses lenyau peluang tama ngagai Menua ti Udah Disemaya. Iya ke bendar, Sitan balat gaga ati meda nembiak Petara ngereja dosa ti besai, lalu iya ngena pemenang nya ngeleseka Jehovah.—J-lam. 27:11.\\n11. Nama kebuah Sarah engka diserang Sitan?\\n11 Sitan balat begedika peturun ke ngadaka Messiah. Chunto, pikirka utai ke nyadi pengudah Jehovah madahka Abraham iya deka nyadi “bansa ti besai.” (P-kal. 12:1-3) Lebuh Abraham seduai Sarah ba Ejip, Raja Ejip mai Sarah ngagai rumah iya ngambika nyadi bini iya. Taja pia, Jehovah nyaga Sarah sereta nyelamatka iya ari penusah nya. (Bacha Pemungkal 12:14-20.) Pia mega maya ba menua Gerar sebedau Isak ada. (P-kal. 20:1-7) Kati nya Sitan ke ba belakang utai tu? Kingatka, Sarah udah ninggalka menua Ur ti kaya, lalu diau ba langkau kain. Kati Sitan deka narit ati iya ngena pemanah istana Raja Ejip enggau Raja Abimelek? Kati Sitan ngumbai iya deka ninggalka laki iya enggau Petara Jehovah, lalu jadi enggau seiku ari raja nya? Bup Kudus nadai madah, tang Sitan tentu gaga ati enti Sarah lenyau peluang nyadi peturun ke ngadaka Messiah. Sitan nadai berasai salah enti ruang bilik, nama manah, sereta kaul indu nya enggau Jehovah rusak. Naka meh penyai Sitan!\\n12, 13. (a) Baka ni Sitan nunjukka penyai iya pengudah Jesus ada? (b) Ba runding nuan, baka ni asai ati Sitan pasal orang biak ke rinduka Jehovah sereta deka nyembah Iya kemaya hari tu?\\n12 Jesus ada beratus taun pengudah Abraham. Anang ngumbai Sitan meda anak ke agi mit nya manah dipeda tauka ngerinduka ati. Sitan nemu anak nya deka mansang besai, lalu nyadi Messiah ti disemayaka. Jesus nya meh peturun Abraham ke deka “ngerusak pengawa Sitan.” (1 Jhn. 3:8) Kati Sitan ngumbai munuh anak mit nya utai ti jai? Enda. Iya enda beduli pasal utai ti betul tauka salah. Lalu iya berumban deka munuh Jesus ke agi mit. Baka ni?\\n13 Lebuh Raja Herod ninga orang ke pandai pasal bintang madahka “raja orang Judah” udah ada, iya balat pedis ati, lalu deka munuh anak nya. (Mat. 2:1-3, 13) Nya alai, iya ngasuh munuh semua anak mit lelaki ke beumur dua taun ke baruh ba Betlehem enggau ba menua ti ngelingi nengeri nya. (Bacha Matthew 2:13-18.) Jesus selamat ari dibunuh. Tang, nama ulih ditemu kitai pasal Sitan ari utai tu? Sitan enda ngumbai nyawa mensia berega. Iya mega enda bedulika anak mit. Sitan endang “singa ti negung.” Kingatka, iya amat jai!\\n14, 15. Baka ni Sitan udah “mampul runding orang ke enda arap”?\\n14 Siti chara ke semina ulih dikena Sitan ngelimpangka orang ari Petara Jehovah, iya nya enggau nipu sida. (1 Jhn. 4:8) Sitan nipu orang ngambika enda beminat deka nemu pemendar, iya nya pemendar pasal orang begunaka kaul enggau Petara. (Mat. 5:3) Sitan udah “mampul runding orang ke enda arap” ngambika sida enda ulih meda pemendar pasal Jehovah.—2 Kor. 4:4.\\n15 Siti ari chara ke pemadu mujur dikena Sitan nipu orang, iya nya ngena pengarap pelesu. Sitan nemu Jehovah deka mensia nyembah Iya aja. (P-sut. 20:5) Nyadi, pikirka pengaga ati Sitan lebuh iya meda orang nyembah bala peturun sida ke udah mati, jelu enggau utai bukai ke ba dunya, tang ukai nyembah Jehovah. Sayau amat, mayuh orang ngumbai sembah sida diterima Petara. Tang iya ke bendar, sida dipegai pengarap pelesu enggau adat mensia ke nadai guna. Orang Israel maya jeman Isaiah mega napi utai ti sama. Jehovah nanya sida: “Nama kebuah bebelika utai ti enda ngasuh kita kenyang? Nama kebuah ngena duit ari gaji kita, tang agi lapar? Pendingka Aku, lalu kereja utai ti diasuh Aku, nya baru kita deka makai pemakai ti pemadu manah.”—Isa. 55:2.\\n16, 17. (a) Nama kebuah Jesus bejaku ngagai Peter: ‘Rari ari aku, Sitan’? (b) Baka ni Sitan nipu kitai ngambika kitai ngetu ari bejaga?\\n16 Sitan mega ulih ngemelika nembiak Jehovah ke ransing ati nyembah Iya. Chunto, pikirka nama nyadi lebuh Jesus madahka murid iya enda lama da agi iya deka dibunuh. Ku rasul Peter ke rinduka Jesus: ‘Petara enda nyagi utai nya nyadi, Tuan! Utai nya enda tau sekali-kali nyadi ba nuan!’ Jesus bejaku ngagai Peter: ‘Rari ari aku, Sitan!’ (Mat. 16:22, 23) Nama kebuah Jesus ngumbai Peter “Sitan”? Laban Jesus nemu utai ke deka nyadi. Enda lama da agi, Jesus deka mati nyadika tebus, lalu nunjukka Sitan nya pemula. Tu maya ti pemadu berat dalam sejarah mensia, lalu nya ukai maya endur Jesus ngira diri empu. Sitan tentu gaga ati enti Jesus ngetu ari bejaga.\\n17 Pengujung dunya udah semak, nya alai kitai diau ba maya ti balat tusah. Sitan deka kitai ngira diri enggau beberatka pemujur ba dunya tu. Iya deka kitai enda ingatka diri benung diau ba hari ti penudi, lalu ngetu ari bejaga. Anang ngelakka utai tu nyadi ba nuan! Tang, terus “bejaga.” (Mat. 24:42) Anang sekali-kali pechayaka pemula Sitan ke ngumbai pengujung dunya agi jauh tauka enda datai.\\n18, 19. (a) Baka ni Sitan nguji nipu kitai, lalu ngasuh kitai bepikir kitai enda ulih nerima pengerindu ari Jehovah? (b) Baka ni Jehovah nulung kitai mengkang bejaga?\\n18 Sitan mega nguji nipu kitai ngena chara bukai. Sitan deka kitai pechaya kitai enda ulih nerima pengerindu ari Jehovah sereta Iya enggai ngampunka dosa kitai. Tang tu pemula ari Sitan. Uji pikirka tu, sapa ke endang enda ulih nerima pengerindu ari Jehovah? Tentu nya Sitan. Petara enda ngampunka sapa? Tentu nya Sitan. Tang pasal kitai, Bup Kudus madahka: ‘Petara ukai enda lurus. Iya deka mengkang ingatka pengawa ti udah dikereja kita, enggau pengerindu ti dipandangka kita.’ (Heb. 6:10) Jehovah ingatka semua pengawa ke udah digaga kitai kena ngerinduka ati Iya, lalu pengawa kitai ke Iya enda kala lebu. (Bacha 1 Korint 15:58.) Nya alai, anang alah dikemelika pemula Sitan.\\n19 Baka ke udah dipelajarka kitai, Sitan bisi kuasa, jai, sereta pemula. Baka ni kitai ulih menang ngelaban munsuh ke baka tu? Jehovah nulung kitai. Jaku Iya ngajar kitai pasal chara ke dikena Sitan ngambika kitai “nemu pelan iya.” (2 Kor. 2:11) Enti kitai nemu chara ke dikena Sitan nyerang kitai, kitai deka senang agi mengkang bejaga. Tang, semina nemu chara Sitan aja enda chukup. Bup Kudus madahka: “Laban meh Sitan, lalu iya deka rari ari kita.” (Jas. 4:7) Pelajar ke nangkanka tu deka berandauka tiga chara kitai ulih menang ngelaban Sitan.","num_words":1915,"character_repetition_ratio":0.039,"word_repetition_ratio":0.009,"special_characters_ratio":0.236,"stopwords_ratio":0.296,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Daniel* ditulis lebuh orang Judah benung balat diperinsa sereta ditekanka raja orang kapir. Orang ke nulis bup tu ngena mayuh macham jerita pasal genera kena meransang orang ngarapka Allah Taala deka muai raja ti jai nya, lalu ngasuh bala nembiak Allah Taala merintah diri baru.\\nBup tu dibagi ngagai dua iti sitak: 1) Jerita pasal Daniel enggau sekeda orang bukai ti udah dibuai sama enggau iya ngagai menua bukai, iya nya orang ke arap sereta ngasika Allah Taala, lalu menang ngelaban munsuh sida. Utai ti disebut dalam jerita tu nyadi ba rambau perintah Babilon enggau perintah Persia kelia. 2) Daniel meda mayuh macham genera. Genera nya nunjukka sekeda perintah deka menang enggau alah, berengkah ari perintah Babilon. Genera nya mega madahka orang kapir ke merinsaka orang Israel deka alah, lalu bala nembiak Allah Taala deka menang.\\nDaniel enggau sida pangan iya (1.1-6.28)\\nGenera Daniel (7.1-12.13)\\na. Empat iku jelu (7.1-28)\\nb. Bedus lelaki enggau kambin (8.1-9.27)\\nc. Seruan ari serega (10.1-11.45)\\nd. Timpuh ti penudi (12.1-13)\\nJerita Pasal Daniel Enggau Bala Pangan Iya (1.1-6.28)\\nEmpat Iku Bujang Orang Israel Dalam Istana Nebukadnesar\\n1 Dalam taun ti ketiga Jehoiakim nyadi raja menua Judah, dia Raja Nebukadnesar menua Babilon datai ngagai Jerusalem lalu ngelulung nengeri nya.\\n2 Lalu TUHAN nyerahka Raja Jehoiakim ngagai jari Raja Nebukadnesar sama enggau reta tengkira ti berega dalam Rumah Sembiang. Lalu Nebukadnesar nabanka sekeda orang tangkap ngagai menua Babilon. Iya mai lalu nyimpan reta tengkira dalam bilik setor rumah petara iya.\\n3 Raja nya ngasuh Aspenas, ti nyadi tuai ke bala pemesai iya, milih orang Israel ke agi biak, ke ari peturun raja, enggau ari peturun orang ke tinggi pangkat,\\n4 ke nadai penimpang, sigat, bepenemu-dalam sereta bepelajar, ke ulih bekereja dalam istana raja. Iya ngasuh Aspenas ngajar sida macha enggau nulis jaku orang Babilon.\\n5 Raja mega meri atur ngasuh sida tiap hari diberi pemakai enggau wain ti diberi ngagai raban orang ke di istana raja. Lebuh sida udah dilatih tiga taun, sida lalu dibai betemu enggau raja.\\n6 Bala sida nya nyengkaum Daniel, Hananiah, Misael, enggau Asariah, ke datai ari raban bansa Judah.\\n7 Tuai pemesai nya meri sida nama baru: Daniel dikumbai iya Beltesasar; Hananiah dikumbai iya Sadrak; Misael dikumbai iya Mesak; lalu Asariah dikumbai iya Abednego.\\n8 Daniel mutuska runding enggai ngamahka diri makai pemakai raja, tauka ngirup wain ti diirup raja, lalu iya minta Aspenas ngemendarka iya ngereja nya.\\n9 Lalu Allah Taala ngasuh Aspenas kasihka Daniel.\\n10 Tang ku Aspenas bejaku enggau Daniel, “Aku takutka raja; laban raja udah ngeletak utai ti patut diempa enggau diirup kita. Enti iya meda kita kurus agi ari orang bujang ke seumur enggau kita, iya tentu deka munuh aku.”\\n11 Udah nya Daniel lalu bejaku enggau orang jaga ti udah diasuh Aspenas ngemataka sida:\\n12 “Awakka nuan nguji kami dalam kandang sepuluh hari. Beri kami sayur enggau ai irup aja.\\n13 Udah nya nuan tau mandingka kami enggau orang bujang ke makai pemakai raja, lalu ngaga pemutus nuan beduduk ba utai ti dipeda nuan.”\\n14 Orang jaga nya besetuju nejuka sida Daniel ngujika diri dalam kandang sepuluh hari.\\n15 Lebuh timpuh nyau chukup, sida berupai manah agi gaya, sereta gemu agi ari semua orang bujang ke makai pemakai raja.\\n16 Nya alai, orang jaga nya ngambi pemakai raja ari sida, lalu meri sida sayur.\\n17 Allah Taala meri sida penemu macha enggau nulis, sereta meri sida penemu-dalam. Nambahka nya, Iya meri Daniel pengelandik nerangka reti genera enggau mimpi.\\n18 Ba ujung timpuh ti udah diletak raja, Aspenas mai semua orang bujang nya ngagai Nebukadnesar.\\n19 Raja berandau enggau semua sida, lalu iya puas agi ati enggau Daniel, Hananiah, Misael, enggau Asariah ari sida ti bukai. Nya alai sida empat lalu diletak nyadi raban orang ke bekereja di istana raja.\\n20 Dalam semua pekara pasal penemu-dalam enggau pasal meretika utai ti ditanyaka raja ngagai sida, raja nemu sida sepuluh kali pandai agi ari semua orang ke tau keramat, tauka orang ke nyadi lemambang ke di menua ti dipegai iya.\\n21 Daniel mengkang bekereja di istana raja nyentuk ngagai maya Raja Sairus.\\n1 Kedua taun Nebukadnesar udah nyadi raja, iya bisi mimpi. Mimpi nya balat amat ngasuh ati iya irau, datai ke nyau enda ulih tinduk.\\n2 Nya alai iya mesanka bala nembiak iya ke nemu betilitka nasit, orang ke tau keramat, sida dukun enggau sida manang, minta sida nerangka reti mimpi nya ngagai iya. Sida datai lalu bediri di mua raja.\\n3 Raja lalu bejaku enggau sida, “Ati aku balat irauka mimpi aku. Aku keran deka nemu reti mimpi nya.”\\n4 Ku sida nyaut raja ngena jaku orang Aram,“Awakka Tuan Raja idup belama iya! Padahka mimpi nuan ngagai kami, nya baru kami nemu nerangka reti mimpi nya ngagai nuan.”\\n5 Ku raja nyaut sida, “Aku udah mutuska runding deka ngasuh kita madahka mimpi nya ngagai aku. Udah nya baru kita nerangka reti mimpi nya ngagai aku. Enti kita enda ulih, aku deka ngasuh orang nyarikka tubuh kita, lalu rumah kita digaga nyadi tembawai.\\n6 Tang enti kita ulih madahka mimpi enggau reti mimpi nya ngagai aku, aku deka ngupah kita ngena pemeri enggau basa ti besai. Nya alai, padahka mimpi nya, enggau reti iya ngagai aku.”\\n7 Sida lalu nyaut raja nya baru, “Enti Tuan Raja deka madahka ngagai kami mimpi nya, nya baru kami nerangka reti iya.”\\n8 Lebuh raja ninga nya, iya lalu bejaku enggau nyawa ti inggar, “Betul sangka aku! Kita tu semina masau jam ngapa, laban kita nemu aku endang udah mutuska penemu\\n9 deka ngukum semua kita enti kita enda madahka mimpi nya ngagai aku. Kita udah besetuju enggau pangan diri deka ngemulaka aku, laban kita ngarapka aku deka ngubah runding diri. Padahka mimpi nya ngagai aku. Nya baru aku deka nemu kita amat nemu nerangka reti mimpi nya ngagai aku.”\\n10 Bala penyanding penemu raja lalu nyaut, “Nadai orang di dunya tu ulih madahka utai ti keran deka ditemu Tuan Raja. Nadai raja, nyengkaum raja ti pemadu besai sereta pemadu bekuasa, udah bisi kala minta utai ti munyi tu ari bala nembiak iya ti tau tilit, ti tau keramat, enggau ari bala manang.\\n11 Utai ti dipinta Tuan Raja nya kelalu mar dikereja. Semina petara aja ulih ngereja utai nya ke nuan, tang petara nadai diau begulai enggau mensia.”\\n12 Lebuh raja ninga jaku nya, iya ringat. Iya lalu ngasuh semua penyanding penemu raja di menua Babilon, dibunuh magang.\\n13 Nya alai atur lalu dipejalaika, ngasuh semua sida dibunuh magang, nyengkaum Daniel enggau bala pangan iya.\\nAllah Taala Nerangka Reti Mimpi Nya Ngagai Daniel\\n14 Udah nya Daniel lalu mansang ngagai Ariok, ti nyadi tuai ke bala jejaga raja, ti udah diberi atur bejalaika ukum nya. Daniel bejaku enggau bejimat,\\n15 lebuh iya nanya ngagai Ariok pasal kebuah raja ti udah meri atur ti kasar baka nya. Ariok lalu nusui ngagai Daniel pasal utai ti udah nyadi.\\n16 Daniel lalu tekala nya betemu enggau raja lalu minta raja nginsur timpuh nya panjai agi, ngambika iya ulih madahka reti mimpi nya ngagai raja.\\n17 Udah nya Daniel pulai, lalu nusui pasal utai ti udah nyadi ngagai pangan iya Hananiah, Misael, enggau Asariah.\\n18 Iya ngasuh sida besampi ngagai Allah Taala ti di serega minta pengasih ari Iya, lalu minta Iya nerangka misteri nya ngagai sida, ngambika sida enda kena bunuh sama enggau bala penyanding penemu ti bukai di menua Babilon.\\n19 Malam nya misteri nya lalu dipandangka ngagai Daniel ngena siti genera. Daniel lalu muji Allah Taala ti di serega:\\n20 “Allah Taala endang pintar sereta bekuasa! Pujika Iya belama lama iya.\\n21 Iya ngatur jam enggau musin. Iya ngeletak orang nyadi raja, lalu Iya mega muai raja. Iya meri penemu-dalam lalu ngasuh orang mereti.\\n22 Iya mandangka utai ti dalam sereta resia. Iya nemu utai ti dilalaika dalam pemetang, lalu Iya Empu diau dalam penampak.\\n23 Aku muji sereta ngemesaika Nuan, O Allah Taala aki ini aku. Nuan udah meri aku penemu-dalam enggau pengering. Nuan udah nyaut sampi aku lalu nunjukka ngagai kami utai ti patut dipadahka kami ngagai raja.”\\nDaniel Madah Sereta Nerangka Reti Mimpi Ngagai Raja\\n24 Daniel lalu mansang ngagai Ariok, ti udah diasuh raja munuh bala penyanding penemu raja. Ku Daniel bejaku enggau Ariok, “Anang munuh sida. Bai aku\\nngagai raja ngambika aku madahka reti mimpi nya ngagai iya.”\\n25 Ariok lalu tekala nya mai Daniel betemu enggau Raja Nebukadnesar, lalu madahka ngagai raja, “Aku bisi udah tetemuka siku orang Judah ti udah dibuai ari menua sida, ke ulih madahka reti mimpi Tuan Raja.”\\n26 Ku raja bejaku enggau Daniel (ke dikumbai Beltesasar), “Kati nuan ulih madahka mimpi aku, enggau reti iya?”\\n27 Ku Daniel nyaut, “Tuan Raja, nadai siku manang tauka orang ke tau keramat, tauka orang ke tau tilit, tauka landik pasal bintang, ulih madahka misteri nya ngagai nuan.\\n28 Tang di serega bisi Allah Taala ti mandangka utai ti resia. Iya udah madahka ngagai Tuan Raja utai ti deka nyadi jemah ila. Diatu aku deka madahka mimpi nya ngagai nuan, genera ti dipeda nuan lebuh nuan tinduk.\\n29 “Lebuh Tuan Raja benung tinduk, nuan bemimpika utai ti deka nyadi jemah ila, lalu Allah Taala, ke mandangka utai ti resia, nunjuk ke nuan utai ti deka nyadi.\\n30 Nyadi misteri tu udah dipandangka ngagai aku, ukai laban aku lebih agi bepenemu-dalam ari orang bukai, tang ngambika Tuan Raja nemu reti mimpi nya, lalu meretika runding ti udah datai ba ati nuan.\\n31 “Tuan Raja, dalam genera nuan nya, nuan meda, bediri di mua nuan, siku engkeramba ti besai, ti terang sereta beperenching, lalu balat ngenakutka.\\n32 Pala iya digaga ari emas ti pemadu tulin. Dada enggau lengan iya digaga ari pirak. Punggung enggau pun pah iya digaga ari temaga.\\n33 Betis iya digaga ari besi, lalu kaki iya digaga ari besi bechampur enggau tanah liat.\\n34 Lebuh nuan benung merening ngagai utai nya, sigi batu ti besai tingkil ari tingkah, lalu mangka ngagai kaki besi enggau tanah liat engkeramba nya, lalu ngeredakka kaki nya.\\n35 Tekala nya besi, tanah liat, temaga, pirak enggau emas nya lalu besepur baka amau ba endur alai nungku. Ribut lalu ngebuka semua amau nya. Tang batu nya mansang besai-sebesai lalu nyadi sigi bukit ti ngelamun semua dunya.\\n36 “Nya meh mimpi nuan. Diatu aku deka madahka reti mimpi nya ngagai nuan.\\n37 Tuan Raja, nuan tu raja ti besai agi ari semua raja. Allah Taala ti di serega udah ngasuh nuan nyadi raja, lalu udah meri ngagai nuan kuasa, pengering enggau basa.\\n38 Iya udah ngasuh nuan merintah semua dunya, sereta merintah semua jelu enggau burung. Pala emas nya ngambarka nuan empu.\\n39 Udah bekau nuan, siti agi perintah deka pegari, tang iya enda ngemesai perintah nuan, lalu udah bekau nya, perintah ti ketiga, iya nya perintah temaga, ti deka merintah semua dunya.\\n40 Udah nya bisi perintah ti keempat, ti kering baka besi, ti mechah lalu ngeredakka semua utai. Lalu baka besi ti mechahka semua utai, iya deka mechah lalu ngeredakka semua perintah ti dulu ari nya.\\n41 Nuan mega bisi meda kaki enggau tunjuk kaki nya digaga ari tanah liat enggau ari besi. Reti nya, perintah nya deka bebagi. Iya deka ngembuan pengering besi, laban besi bisi bechampur enggau tanah liat.\\n42 Tunjuk kaki - ti digaga ari besi enggau tanah liat - nunjukka perintah nya kering, tang bisi mega pengelemi.\\n43 Nuan mega meda besi nya udah dichampur enggau tanah liat. Reti nya, orang ke megai perintah di menua nya deka nguji berakupka ruang bilik sida ngena chara belaki bini bepasuk bansa, tang sida enda ulih, baka besi ti enda ulih bechampur enggau tanah liat.\\n44 Lebuh bala raja nya megai perintah, Allah Taala ti di serega deka numbuhka siti perintah ti enda nemu abis. Perintah nya ila enda ulih dialahka, tang iya deka ngerusak semua perintah bukai, lalu udah nya iya deka meruan belama iya.\\n45 Nuan bisi meda chara batu nya tingkil ari tingkah, nadai ditegu mensia, enggau chara batu nya mangka ngagai engkeramba ti digaga ari besi, temaga, tanah liat, pirak enggau emas. Utai nya kena Allah Taala ti besai madahka ngagai Tuan Raja utai ti deka nyadi jemah ila. Aku udah madahka mimpi nuan, lalu udah madahka reti mimpi nya ti bendar ngagai nuan.”\\nRaja Ngupah Daniel\\n46 Udah nya Raja Nebukadnesar nyungkurka diri ke tanah, lalu meri atur ngasuh piring enggau pemeri diberi ngagai Daniel.\\n47 Ku raja nya bejaku, “Allah Taala nuan besai agi ari semua petara. Iya TUHAN ke semua raja. Iya mandangka semua misteri. Aku nemu nya laban nuan udah ulih nerangka misteri tu.”\\n48 Raja nya lalu meri Daniel pangkat ti tinggi. Iya meri pemeri ti manah ngagai Daniel. Iya ngasuh Daniel nyadi tuai sitak menua Babilon, sereta ngasuh iya nyadi tuai semua penyanding penemu raja.\\n49 Nitihka pinta Daniel, raja lalu ngasuh Sadrak, Mesak, enggau Abednego nyadi tuai ngemataka pengawa perintah dalam sitak menua Babilon. Tang Daniel mengkang bekereja di istana raja.\\nNebukadnesar Ngasuh Semua Orang Nyembah Engkeramba Emas\\n1 Raja Nebukadnesar ngasuh orang ngaga engkeramba emas. Peninggi engkeramba nya dua puluh tujuh meter, lalu buka iya tiga meter. Raja nya ngasuh orang nirika engkeramba nya ba emperan Dura, dalam sitak menua Babilon.\\n2 Udah nya raja meri atur ngasuh semua bala pemesai iya begempuru - bala anak raja, bala tuan gabenor, sapit gabenor, orang ke ngemataka wang, bala hakim, majistret, enggau semua bala pemesai ari semua sitak menua. Sida diperintah datai ngagai pengerami nyerahka engkeramba ti udah didirika Raja Nebukadnesar.\\n3 Lebuh semua bala pemesai begempuru ba pengawa nyerahka engkeramba nya, sida bediri di mua engkeramba nya.\\n4 Siku orang lalu bejaku enggau nyawa ti inggar, “Kita ke datai ari semua menua, bansa enggau jaku!\\n5 Kita deka ninga munyi terumpit ditangkanka enggau munyi kesuling, engkeratung, sape enggau belikan, enggau munyi kereban musik ti bukai. Lebuh musik nya berengkah ditebah, kita enda tau enda meremi lalu nyembah engkeramba emas ti didirika Raja Nebukadnesar.\\n6 Barang sapa enda meremi lalu nyembah engkeramba nya deka tekala nya ditikauka ngagai serumbung api.”\\n7 Nya alai, lebuh orang ari semua menua, bansa enggau jaku ninga musik nya, sida meremi lalu nyembah engkeramba emas ti didirika Raja Nebukadnesar.\\nTiga Iku Pangan Daniel Ngelanggar Atur\\n8 Nya meh maya sekeda orang Babilon ngambi peluang besalah orang Judah.\\n9 Ku sida bejaku enggau Raja Nebukadnesar, “Awakka Tuan Raja idup belama iya!\\n10 Tuan Raja udah meri atur: lebuh musik berengkah ditebah, semua orang enda tau enda meremi lalu nyembah engkeramba emas nya,\\n11 lalu barang sapa enda meremi lalu nyembah engkeramba nya deka dibuai ngagai serumbung api.\\n12 Sekeda orang Judah ti udah diasuh nuan megai sitak menua Babilon - Sadrak, Mesak, enggau Abednego - udah enda ngasika atur Tuan Raja. Sida enda nyembah petara nuan tauka meremi ngagai engkeramba ti didirika nuan.”\\n13 Lebuh raja ninga nya, iya balat amat ringat, lalu ngasuh orang mai sida tiga nya ngagai iya.\\n14 Ku iya bejaku enggau sida, “Sadrak, Mesak, enggau Abednego, kati kita amat enggai nyembah petara aku, lalu enggai meremi ngagai engkeramba emas ti didirika aku?\\n15 Diatu, lebuh kita ninga munyi terumpit, kesuling, engkeratung, sape enggau belikan, enggau munyi semua kereban musik ti bukai, kita enda tau enda meremi lalu nyembah engkeramba nya. Enti kita enda, kita deka tekala nya ditikauka ngagai serumbung api. Kati kita bisi petara ti ulih ngelepaska kita ari jari aku?”\\n16 Sadrak, Mesak, enggau Abednego lalu nyaut, “O Tuan Raja, kami enda ibuh bejaku ngarika diri empu.\\n17 Enti Allah Taala ti dipetuaika kami ulih ngelepaska kami ari api ti mau nya, enggau ari kuasa nuan, awakka Iya meh ngelepaska kami, Tuan Raja.\\n18 Tang enti Iya enda ngelepaska kami, kami madahka ngagai nuan Tuan Raja, enggai meh kami nyembah petara nuan, lalu meremi ngagai engkeramba emas ti didirika nuan.”\\nPangan Daniel Ti Tiga Iku Diukum Bunuh\\n19 Nebukadnesar lalu balat amat ringat. Mua iya mirah, ringat ngagai Sadrak, Mesak enggau Abednego. Iya lalu ngasuh orang masang api dalam serumbung nya tujuh kali angat agi ari selama.\\n20 Iya lalu ngasuh orang ke pemadu kering ari bala soldadu iya nanchang sida tiga, lalu nikauka sida ngagai serumbung api nya.\\n21 Sida tiga lalu ditanchang mengkang ngena pekayan sida, iya nya baju, baju panjai, selapuk, enggau semua pekayan bukai. Sida tiga lalu ditikauka ngagai serumbung api nya.\\n22 Laban raja udah meri atur ngasuh orang masang api nya enggau naka pengangat, bala orang ke mai sida tiga ngagai serumbung api nya, lalu mati angus kena diang api nya.\\n23 Sadrak, Mesak, enggau Abednego, ti agi mengkang ditanchang, labuh ngagai tengah-tengah serumbung api ti mau nya.\\n24 Tekala nya Raja Nebukadnesar lalu bediri, laban iya alit ati. Ku iya nanya ngagai bala pemesai iya, “Ukai enda tiga iku orang ditanchang kita, lalu ditikauka kita ngagai serumbung api nya tadi?” Disaut sida, “Sigi amat, Tuan Raja.”\\n25 “Enti pia, nama kebuah aku meda empat iku orang bejalai ba tengah-tengah api nya?” ku iya nanya. “Sida nya enda ditanchang, lalu sida enda bebadi, lalu iya ti keempat nya baka gamal melikat.”\\nLelaki Tiga Iku Nya Dilepaska Lalu Ditikika Pangkat\\n26 Nebukadnesar lalu mansang semak ngagai mua pintu serumbung api nya, lalu ngangau, “Sadrak! Mesak! Abednego! Nembiak Allah Taala ti Pemadu Tinggi! Pansut kita!” Sida tiga lalu pansut ari api nya.\\n27 Semua anak raja, tuan gabenor, sapit gabenor, enggau pemesai raja ti bukai lalu begelumu meda orang tiga iku nya, ti enda bebadi laban api nya. Buk sida enda angus, gari sida enda diempa api, lalu sida nadai bebau asap.\\n28 Ku Nebukadnesar bejaku, “Pujika Allah Taala ti disembah Sadrak, Mesak enggau Abednego! Iya udah ngirumka melikat Iya, lalu ngelepaska sida tu ke betuai sereta arapka Iya. Sida udah ngelanggar atur aku, lalu berambunka nyawa enggai meremi sereta nyembah petara bukai tang semina Allah Taala sida empu.\\n29 “Diatu aku meri atur: enti orang ari sebarang menua, bansa enggau jaku, ngeleseka Allah Taala sida Sadrak, Mesak, enggau Abednego, tubuh orang nya deka dicharikka, lalu rumah iya deka digaga nyadi tembawai, laban nadai petara bukai ulih ngelepaska orang baka nya.”\\n30 Raja nya lalu nikika pangkat Sadrak, Mesak, enggau Abednego ngagai pangkat ti tinggi agi dalam sitak menua Babilon.\\nNebukadnesar Bemimpi Kedua Kali\\n1 Raja Nebukadnesar ngirumka pesan tu ngagai orang di semua menua, bansa enggau jaku di dunya tu: “Tabi!\\n2 Pendingka cherita aku pasal utai ti nyelai enggau kereja ajih ti udah diayanka Allah Taala ti Pemadu Tinggi ngagai aku.\\n3 “Naka meh pemesai kereja ti nyelai ti dipandangka Allah Taala ngagai kitai! Naka meh pemesai kereja ajih ti dikereja Iya! Allah Taala endang Raja belama iya. Iya deka merintah belama lama iya.\\n4 “Aku udah diau lantang senang dalam istana aku, sereta kaya-raja.\\n5 Tang aku bisi mimpi ti ngasuh ati aku rawan, enggau genera ti balat ngenakutka ati aku lebuh aku tinduk.\\n6 Aku lalu mesanka semua penyanding penemu di menua Babilon betemu enggau aku, lalu madahka reti mimpi nya ngagai aku.\\n7 Udah nya semua orang ke tau tilit, orang ke tau keramat, bala manang, enggau orang ke landik pasal bintang, dibai tama, lalu aku madahka mimpi aku ngagai sida. Tang sida enda ulih nerangka reti mimpi nya ngagai aku.\\n8 Udah nya Daniel datai. (Iya mega dikumbai Beltesasar, ngangkatka nama petara aku.) Roh bala petara ti kudus bisi dalam iya. Nya alai aku lalu madahka mimpi aku ngagai iya. Ku aku bejaku enggau iya:\\n9 Beltesasar, nuan tu tuai orang ke tau nilit nasit. Aku nemu roh bala petara ti kudus bisi dalam nuan, lalu nuan meretika semua misteri. Baka tu ku mimpi aku. Padahka reti mimpi nya ngagai aku.\\n10 “Lebuh aku tinduk, aku begenera meda sepun kayu ti besai bediri ba tengah-tengah dunya.\\n11 Kayu nya mansang besai-sebesai datai ke nyau nyentuk ke langit, lalu ulih dipeda semua mensia di dunya tu.\\n12 Daun iya manah, lalu buah iya lebat - chukup diempa semua mensia di dunya tu. Jelu babas belelak di baruh iya. Burung begagaka tansang ba dan iya, lalu genap macham utai ti idup bela makai buah iya.\\n13 “Lebuh aku benung berundingka genera nya, aku meda siku melikat nurun ari serega. Melikat nya endang seruran bejaga sereta sedia.\\n14 Iya bejaku enggau nyawa ti inggar, “Tebang kayu nya, lalu tetak dan iya. Gugurka daun iya, lalu taburka buah iya. Buru jelu ari baruh iya, enggau burung ari dan iya.\\n15 Tang awakka tuga iya tinggal ba tanah, dibelit ngena belulang besi enggau temaga. Awakka tuga nya mengkang ba padang nya dibalut rumput. “ ‘Awakka ambun labuh ninggang orang tu, lalu awakka iya diau di babas begulai enggau jelu.\\n16 Dalam kandang tujuh taun iya nadai agi ngembuan runding mensia, tang runding jelu.\\n17 Tu meh pemutus penemu bala melikat ke sedia sereta bejaga nya. Nya alai, awakka semua orang di semua endur nemu Allah Taala ti Pemadu Tinggi bisi kuasa atas perintah mensia, lalu Iya ulih meri perintah nya ngagai sebarang orang ke dipilih Iya - nyengkaum ngagai orang ke pemadu nadai guna.’\\n18 “Tu meh mimpi aku,” ku Raja Nebukadnesar bejaku. “Nya alai, Beltesasar, padahka reti mimpi nya ngagai aku. Nadai orang ari bala penyanding penemu aku ulih madahka reti mimpi nya ngagai aku, tang nuan ulih, laban roh bala petara ti kudus bisi dalam nuan.”\\nDaniel Nerangka Reti Mimpi\\n19 Lebuh iya ninga nya, Daniel, ke dikumbai Beltesasar, berasai balat amat irau ati, datai ke nyau enda ulih bejaku. Ku raja nya bejaku enggau iya, “Beltesasar, anang nejuka mimpi enggau pesan mimpi nya ngasuh ati nuan irau.” Ku Beltesasar nyaut, “Tuan Raja, naka meh pemanah enti sema mimpi enggau reti iya ditujuka ngagai bala munsuh nuan, lalu ukai ngagai nuan empu.\\n20 Kayu ti tinggi, datai ke nyau nyentuk ke langit, ulih dipeda semua mensia di dunya tu.\\n21 Daun iya manah, lalu buah iya chukup kena nupi semua dunya. Jelu babas belelak di baruh iya, lalu burung begagaka tansang ba dan iya.\\n22 “Tuan Raja, kayu ti tinggi sereta tegap nya ngambarka nuan empu. Nuan udah nyadi besai datai ke nuan nyau nyentuk ke langit, lalu kuasa nuan ngerembai di serata dunya.\\n23 Lebuh Tuan Raja benung ngemataka utai nya, siku melikat nurun ari serega lalu bejaku, ‘Tebang kayu nya, lalu rusak iya, tang awakka tuga iya mengkang ba tanah. Belit tuga nya ngena belulang besi enggau temaga, lalu tinggalka iya dia ba tanah dibalut rumput. Awakka ambun labuh ninggang orang tu, lalu awakka iya diau dia tujuh taun begulai enggau jelu.’\\n24 “Nya alai tu reti mimpi nuan, Tuan Raja. Tu utai ti udah dipadahka Allah Taala ti Pemadu Tinggi deka nyadi ba nuan.\\n25 Nuan deka diburu ari orang mayuh, lalu nuan deka diau begulai enggau jelu babas. Dalam pengelama tujuh taun nuan deka ngulam rumput baka sapi, lalu tinduk ba sebelah padang, ditinggang ambun. Udah nya baru nuan deka ngaku Allah Taala ti Pemadu Tinggi endang bekuasa atas semua perintah mensia, lalu iya ulih meri perintah nya ngagai sebarang orang ke dipilih Iya.\\n26 Melikat nya ngeletak tuga nya ditinggalka ba tanah. Reti nya, nuan deka nyadi raja baru lebuh nuan ngaku Allah Taala endang merintah semua dunya.\\n27 Nya alai titihka jaku lalau ti diberi aku, Tuan Raja. Badu agi bedosa. Kereja utai ti ngena, lalu kasihka orang ke seranta. Nya baru nuan deka mengkang kaya-raja.”\\n28 Semua utai nya lalu nyadi magang ba Raja Nebukadnesar.\\n29 Dua belas taun udah lepas nya, lebuh iya benung bejalai ba perabung istana iya di Babilon,\\n30 iya bejaku, “Peda pemanah nengeri Babilon! Aku udah ngaga iya nyadi indu nengeri aku, kena aku ngayanka kuasa, pengering, mulia enggau penampak nama aku ti nyadi raja.”\\n31 Sebedau leka jaku nya pansut ari nyawa iya, siti nyawa lalu bejaku ari serega, “Raja Nebukadnesar, pendingka jaku aku! Kuasa nuan ti nyadi raja diatu diambi ari nuan.\\n32 Nuan deka diburu ari orang mayuh, diau begulai enggau jelu babas, lalu makai rumput baka sapi dalam pengelama tujuh taun. Udah nya nuan deka ngaku Allah Taala ti Pemadu Tinggi bisi kuasa atas perintah mensia, lalu Iya ulih meri perintah nya ngagai sebarang orang ke dipilih Iya.”\\n33 Utai ti disebut nya lalu nyadi tekala nya. Nebukadnesar diburu ari orang mayuh, lalu makai rumput baka sapi. Ambun labuh ninggang tubuh iya, lalu buk iya mansang panjai sepemanjai hari baka bulu menaul, lalu kukut iya panjai baka kukut burung.\\nNebukadnesar Muji Allah Taala\\n34 Ku raja nya bejaku, “Lebuh tujuh taun nya nyau udah abis, aku engkadah ke langit, lalu aku badu agi gila. Aku lalu muji Allah Taala ti Pemadu Tinggi, lalu ngemesai sereta ngemuliaka Iya ke idup belama lama iya. “Iya deka merintah belama lama iya, lalu perintah Iya deka meruan belama lama iya.\\n35 Orang di dunya tu nadai reti ba Iya. Melikat di serega enggau mensia di dunya tu endang diperintah Iya magang. Nadai orang ulih ngelaban peneka Iya tauka nyakal utai ti dikereja Iya.\\n36 “Lebuh aku nyau udah badu agi gila, basa, pangkat aku ti nyadi raja, enggau mulia perintah aku lalu dipulaika baru ngagai aku. Bala pemesai, enggau bala aku ti tinggi pangkat nyambut penatai aku, lalu kuasa aku ti nyadi raja dipulaika baru ngagai aku, sereta enggau basa ti lebih agi ari ti dulu suba.\\n37 “Nya alai, diatu aku, Nebukadnesar, muji, ngemesai sereta ngemuliaka Raja Serega. Semua utai ti dikereja Iya endang ngena sereta lurus magang, lalu Iya ulih ngemaruhka sebarang orang ke ngenyumbungka diri.”\\nBelsasar Nyendiaka Pengerami Makai Besai\\n1 Nyadi sekali Raja Belsasar ngambi seribu iku orang ke tinggi pangkat ngagai siti pengerami makai besai, lalu sida begulai ngirup wain.\\n2 Lebuh sida benung ngirup, Belsasar ngasuh orang ngambi changkir enggau mangkuk emas enggau pirak ti udah ditabanka apai iya Nebukadnesar ari Rumah Sembiang di Jerusalem. Kebuah raja nya ngasuh orang ngambi mangkuk enggau changkir nya, ngambika iya, bala pemesai iya, bala bini iya, enggau bala indu simpan iya ulih ngirup ngena utai nya.\\n3 Changkir enggau mangkuk emas nya lalu tekala nya dibai ke dalam, lalu semua sida bela ngirup wain ngena changkir enggau mangkuk nya\\n4 lalu muji bala petara ti digaga ari emas, pirak, temaga, besi, kayu enggau batu.\\n5 Tekala nya siti jari mensia lalu pegari, lalu belabuh nulis ba dinding istana nya, ba endur ti pemadu terang dipanchar lampu. Raja empu meda jari nya nulis.\\n6 Raja balat amat takut. Mua iya puchat, lalu patung iya nyau getar-getar.\\n7 Iya manjung ngasuh orang ngangauka bala orang ke tau keramat, bala manang, enggau bala orang ke landik pasal bintang. Lebuh sida tama, raja lalu bejaku enggau sida, “Barang sapa nemu macha tulis tu, lalu madahka reti iya ngagai aku, deka diasuh begari ngena gari ungu raja, betenggakka rantai emas, lalu nyadi orang ke lumur tiga bekuasa dalam menua tu.”\\n8 Bala penyanding penemu raja lalu mansang ke mua, tang nadai siku sida nemu macha tulis nya, tauka madahka reti iya ngagai raja.\\n9 Raja Belsasar balat amat irau ati, lalu mua iya balat agi puchat, lalu bala pemesai iya nadai nemu utai ti patut dikereja sida.\\n10 Lebuh indai raja ninga raja enggau bala pemesai iya inggar, iya lalu tama ngagai balai endur makai besai nya. Ku iya, “Awakka Tuan Raja idup belama iya! Anang takut, lalu anang ngasuh mua nuan puchat baka nya.\\n11 Di menua ti diperintah nuan tu bisi siku lelaki ke ngembuan Roh Allah Taala dalam iya. Lebuh apai nuan nyadi raja, lelaki tu udah ngayanka diri nemu berunding, bisi penemu, enggau penemu-dalam baka bala petara. Lalu Raja Nebukadnesar, iya nya apai nuan udah ngasuh iya nyadi tuai bala orang ke nemu nilit nasit, ti tau keramat, bala manang, enggau orang ke landik pasal bintang.\\n12 Iya bisi pengelandik ti nyelai, lalu iya bepenemu-dalam, sereta landik nerangka reti mimpi, nerangka entelah, enggau nerangka utai ti resia. Nya alai, pesanka lelaki nya. Nama iya Daniel, tang raja udah ngumbai iya Beltesasar. Awakka Daniel madahka reti semua utai tu ngagai nuan.”\\nDaniel Nerangka Tulis Nya\\n13 Daniel lalu dibai betemu enggau raja, lalu ku raja bejaku enggau iya, “Kati nuan tu Daniel, orang Judah ti udah dibuai ari menua nuan empu, lalu ditabanka apai aku kitu ari menua Judah?\\n14 Aku bisi udah ninga berita pasal Roh Allah Taala ti kudus bisi dalam nuan, lalu nuan bisi pengelandik sereta bisi penemu enggau penemu-dalam.\\n15 Bala penyanding penemu enggau bala orang ke tau keramat udah dibai tama kitu, lalu diasuh macha tulis tu, ngambika sida madahka reti utai nya ngagai\\naku, tang sida enda nemu reti utai nya.\\n16 Nyadi aku udah bisi ninga pasal nuan ke nemu nerangka utai ti resia, lalu nemu nerangka utai ti mar diperatika. Enti nuan nemu macha tulis tu, lalu madahka reti utai nya ngagai aku, nuan deka dirasukka enggau gari ungu ti diraja, betenggakka rantai emas kena nandaka nuan dibasa orang, lalu nyadi orang ke lumur tiga bekuasa di menua tu.”\\n17 Ku Daniel nyaut, “Simpan nuan empu meh pemeri nuan nya, tauka beri ngagai orang bukai. Aku deka macha ke Tuan Raja utai ti udah ditulis nya, lalu madahka reti iya ngagai nuan.\\n18 “Allah Taala ti Pemadu Tinggi udah ngasuh apai nuan Nebukadnesar nyadi raja ti besai, lalu udah meri ngagai iya mulia enggau kuasa.\\n19 Iya udah besai amat kuasa datai ke orang ari semua menua, bansa, enggau jaku nyau getar-getar takutka iya. Enti iya deka munuh orang, iya munuh. Enti iya deka nejuka orang nya idup, iya nejuka orang nya idup. Iya mechat tauka ngemesaika orang nitihka peneka ati iya empu.\\n20 Tang laban iya sumbung, kieh ati sereta jai enggau orang, iya udah dibuai ari kerusi diraja iya, lalu nadai dibasa orang agi.\\n21 Iya udah diburu ari orang mayuh, lalu iya berunding baka jelu. Iya diau begulai enggau keledai kampung, ngulam rumput baka sapi, lalu tinduk ba sebelah padang, lalu iya nadai utai kena ngelindung diri ari ambun. Ke pengujung iya, iya ngaku Allah Taala ti Pemadu Tinggi endang bekuasa atas semua perintah mensia, lalu ulih meri perintah nya ngagai sebarang orang ke dipilih Iya.\\n22 “Tang nuan ke anak iya, enda ngemaruhka diri, taja pen nuan nemu semua utai tu.\\n23 Nuan ngereja utai ti ngelaban TUHAN ti di serega, lalu nuan udah mai ngagai endur tu changkir enggau mangkuk ti udah ditabanka ari Rumah Sembiang. Nuan enggau bala pemesai nuan, bala bini nuan, enggau bala indu simpan nuan bela ngirup wain ngena changkir enggau mangkuk nya, lalu muji bala petara ti digaga ari emas, pirak, temaga, besi, kayu enggau batu, petara ti enda ulih meda, enda ulih ninga, enda nemu utai. Tang nuan enda ngemesaika Allah Taala ti ngeletak nuan idup tauka mati, ke ngatur semua utai ti dikereja nuan.\\n24 Nya kebuah Allah Taala udah ngasuh jari nya nulis leka jaku tu.\\n25 “Tu utai ti udah ditulis: ‘Diitung, diitung, ditimbang, dibagi.’\\n26 Lalu tu reti utai ti ditulis nya: diitung:, Allah Taala udah ngitung penyampau hari perintah nuan, lalu udah ngabiska iya.\\n27 Ditimbang: Nuan udah ditimbang ngena dachin, lalu ditemu kelalu lempung.\\n28 Dibagi: Menua nuan deka dibagi, lalu diberi ngagai orang Media enggau orang Persia.”\\n29 Belsasar lalu ngasuh bala ulun iya ngerasukka gari diraja ti bechura ungu ba Daniel, lalu ngerasukka tenggak emas ba rekung iya kena nandaka iya dibasa. Lalu iya ngasuh Daniel nyadi orang ke lumur tiga bekuasa di menua nya.\\n30 Malam nya Raja Belsasar menua Babilon dibunuh.\\n31 Lalu Darius orang Media, ke umur 62 taun lebuh maya nya, ngerampas kuasa lalu nyadi raja menua nya.\\nDaniel Dalam Lubang Singa\\n1 Darius lalu mutuska runding deka ngeletak seratus dua puluh iku orang nyadi tuan gabenor di menua ti diperintah iya.\\n2 Nambahka nya, iya milih Daniel enggau dua iku orang bukai ngemataka bala tuan gabenor, enggau ngintu semua reta tengkira raja.\\n3 Enda lama udah bekau nya, Daniel ngayanka diri landik agi gawa ari orang dua iku ti bukai nya, enggau ari bala tuan gabenor. Laban Daniel berupai landik agi, raja lalu berunding deka ngasuh iya merintah semua menua nya.\\n4 Udah nya orang dua iku nya, sereta enggau bala gabenor nya nguji ngiga penyalah Daniel lebuh iya bejalaika pengawa perintah di menua nya. Tang sida nadai nemu penyalah iya, laban Daniel endang orang ke tau dikarapka, lalu enda ngereja utai ti salah tauka enda lurus.\\n5 Ku sida bejaku enggau pangan diri, “Kitai enda ulih ngiga utai kena besalahka Daniel, kelimpah ari utai ti besangkut-paut enggau agama iya empu”\\n6 Nya alai sida betemu enggau raja, lalu bejaku, “Raja Darius, awakka Tuan Raja idup belama iya!\\n7 Semua kami ke bejalaika pengawa perintah di menua tu - bala orang ke ngemataka pengawa gabenor, sida gabenor empu, sapit gabenor, enggau bala pemesai ti bukai - udah besetuju minta nuan, Tuan Raja, meri siti atur nagang semua orang minta utai ari sebarang petara, tauka ari mensia, dalam kandang tiga puluh hari, tang semina minta utai ari Tuan Raja aja. Atur tu deka dipejalaika enggau terit, lalu barang sapa ngelanggar atur tu deka dibuai ngagai lubang singa.\\n8 Nya alai, awakka Tuan Raja meri atur nya ngagai orang Media enggau orang Persia, lalu nyain atur nya, ngambika atur nya enda tau diubah.”\\n9 Raja Darius lalu nyain atur nya.\\n10 Lebuh Daniel nemu atur nya udah disain, iya lalu pulai ke rumah. Nyadi ba siti bilik ti di sadau rumah iya, mayuh jenila ti nunga ngagai Jerusalem. Endang baka selama, dalam bilik nya iya besugang ba mua jenila, lalu besampi ngagai Allah Taala tiga kali sehari.\\n11 Lebuh bala orang ke ngelaban Daniel meda iya besampi ngagai Allah Taala,\\n12 semua sida lalu mansang ngagai raja, deka bedawaka Daniel. Ku sida, “Tuan Raja, nuan udah nyain atur ngeletak barang sapa minta utai ari sebarang petara tauka mensia, tang semina ari Tuan Raja empu aja dalam kandang tiga puluh hari, deka dibuai ngagai lubang singa.” Ku raja nyaut, “Sigi amat! Nitihka adat orang Media enggau orang Persia, atur nya enda tau diubah.”\\n13 Udah nya sida lalu nyaut raja, “Siku ari orang ke udah dibuai ari menua Judah, ke benama Daniel, enda bebasaka Tuan Raja lalu enda ngasika atur ti diberi nuan. Iya besampi tiap hari, tiga kali sehari.”\\n14 Lebuh raja ninga nya, ati iya balat tusah, lalu iya enggau naka ulih ngiga jalai nyelamatka Daniel. Iya majak begigaka jalai nya nyentuk ngagai padam mata panas.\\n15 Udah nya bala orang ke bepekat ngelaban Daniel lalu datai baru ngagai raja, lalu bejaku enggau iya, “Tuan Raja nemu, nitihka adat orang Media enggau orang Persia, nadai atur ti diberi raja, tau diubah.”\\n16 Nya alai raja lalu meri atur ngasuh Daniel dibai lalu ditikauka ngagai lubang singa. Ku iya bejaku enggau Daniel, “Awakka Allah Taala nuan, ke dipetuaika nuan enggau ati ti taluk, ngidupka nuan.”\\n17 Sigi batu lalu diengkahka ba mua lubang nya, lalu raja ngelekatka chop tambit iya empu, enggau chop bala pemesai iya, ba batu nya, ngambika orang enda ulih ngelepaska Daniel.\\n18 Udah nya raja lalu pulai ngagai istana iya. Semalam-malam nya iya enda tinduk, enda makai, enda ngelantangka diri.\\n19 Ba urung rerak tawas, raja angkat lalu beguai-guai mansang ngagai lubang singa.\\n20 Lebuh iya datai dia, iya ngangau enggau ati ti irau, “Daniel, nembiak Allah Taala ti idup! Kati Allah Taala ti seruran dipetuaika nuan, ulih nyelamatka nuan ari bala singa?”\\n21 Daniel lalu nyaut, “Awakka Tuan Raja idup belama iya!\\n22 Allah Taala udah ngasuh melikat Iya nutup mulut singa, ngambika sida enda ngemediska aku. Iya ngereja nya laban Iya nemu aku endang nadai penyalah, enggau laban aku nadai udah ngereja utai ti salah ngelaban nuan, O Tuan Raja.”\\n23 Raja lalu gaga amat ati, lalu meri atur ngasuh orang narit Daniel pansut ari lubang singa. Sida lalu narit iya pansut. Dia sida meda iya nadai nama-nama, laban iya arapka Allah Taala.\\n24 Udah nya raja lalu meri atur ngasuh orang nangkap semua sida ke udah bedawaka Daniel, lalu ngasuh sida dibuai ngagai lubang singa nya, sama enggau bini anak sida. Sebedau sida terengkah ba buntut lubang nya, bala singa endang udah nyambarka sida, lalu ngeredakka semua tulang sida.\\n25 Udah nya Raja Darius nulis ngagai orang di semua menua, bansa enggau jaku di dunya tu. “Tabi!\\n26 Aku meri atur ngagai serata menua ti diperintah aku, ngeletak semua orang enda tau enda nangi sereta bebasaka Allah Taala ti dipetuaika Daniel. “Iya Allah Taala ti idup, lalu Iya deka merintah belama iya. Perintah Iya enda ulih dirusak, lalu kuasa Iya enda nemu abis.\\n27 Iya ngidup sereta ngelepas. Iya ngereja pengawa ti nyelai, enggau kereja ajih di serega enggau di dunya. Iya udah nyelamatka Daniel ari jelu singa.”\\n28 Daniel mujur dalam semua utai lebuh maya perintah Darius, enggau lebuh maya perintah Sairus ari Persia.\\nDaniel Begenera Meda Empat Iku Jelu\\n1 Nyadi sekali lebuh malam hari dalam taun ti keterubah Belsasar nyadi raja menua Babilon, aku bemimpi, lalu begenera. Aku lalu nuliska mimpi nya. Tu gaya utai\\n2 ti dipeda aku malam nya. Ribut muput ari semua endur lalu mangka ba tasik.\\n3 Empat iku jelu ti besai, ti enda sebaka gamal, lalu pansut ari tasik.\\n4 Jelu ti terubah nya baka gamal singa, tang bisi sayap baka menaul. Lebuh aku benung nengkilaka iya, sayap iya ditingkilka. Jelu nya lalu diangkatka, lalu diasuh bediri tegir-tegir baka mensia. Udah nya runding mensia lalu diberi ngagai iya.\\n5 Jelu ti kedua nya baka beruang ti bediri ngena kaki belakang iya. Iya manggum tiga iti tulang kerigai. Siti nyawa lalu bejaku ngagai beruang nya, “Alai nuan makai dagin nya enggau naka ulih nuan!”\\n6 Lebuh aku benung nengkila, siku agi jelu pegari. Gamal iya baka gamal engkuli, tang ba belakang iya bisi empat iti sayap, ti baka sayap burung, lalu iya bisi empat igi pala. Iya diberi kuasa merintah.\\n7 Lebuh aku benung nengkila, jelu ti keempat pegari. Iya kering, jai sereta balat ngenakutka. Iya ngeredakka utai ti digigit iya ngena ngeli besi ti besai, lalu udah nya iya ngelunjak sida. Iya enda baka tiga iku jelu ti bukai, laban iya bisi sepuluh iti tanduk.\\n8 Lebuh aku benung genung-genung merening ngagai tanduk nya, aku lalu tepedaka siti tanduk ti mit pansut ngimbai tanduk ti bukai. Tanduk ti mit nya lalu nyabut tiga iti tanduk ti bukai. Tanduk ti mit nya bisi mata mensia, enggau mulut ti temegah.\\nBegenera Meda Iya Ke Idup Belama Iya\\n9 Lebuh aku benung nengkila, mayuh kerusi diraja lalu diengkahka ba endur nya. Iya ke idup belama iya duduk ba siti ari kerusi diraja nya. Gari Iya burak baka seleju, lalu buk Iya baka bulu bedus ti tulin. Kerusi diraja Iya baka kerita ti beapi-api, lalu kaki kerita nya mau laban api.\\n10 Api lalu pansut ari kerusi diraja nya. Beribu-ribu iku orang bekereja ke Iya, lalu bejuta-juta iku orang bediri di mua Iya. Pengawa bechara lalu belabuh, lalu mayuh bengkah bup dibuka.\\n11 Lebuh aku benung nengkila, aku agi ulih ninga tanduk ti mit nya temegah mansutka penyumbung diri. Lebuh aku agi benung nengkila, jelu ti keempat nya lalu dibunuh, lalu bangkai iya dibuai ngagai api lalu ditunu.\\n12 Kuasa jelu ti bukai nya lalu dirampas ari sida, tang sida dikemendarka idup enda lama aja.\\n13 Dalam genera malam nya, aku tepedaka utai ti baka gamal anak mensia, datai dalam mua hari, lalu mansang ngagai Iya ke idup belama iya, lalu diserahka ngagai Iya.\\n14 Iya diberi kuasa, basa enggau mulia, ngambika orang ari semua menua, bansa, enggau jaku betuaika Iya magang. Kuasa Iya deka meruan belama iya, lalu perintah Iya enda nemu abis.\\n15 Genera ti dipeda aku, balat amat ngasuh ati aku irau, sereta takut.\\n16 Aku lalu mansang ngagai siku ari orang ke bediri dia, minta iya nerangka reti semua utai nya. Nya alai iya madahka reti utai nya ngagai aku.\\n17 Ku iya, “Jelu ti empat iku nya empat iku raja ti deka pegari di dunya.\\n18 Lalu bala nembiak Allah Taala ti Pemadu Tinggi deka nerima kuasa diraja, lalu kuasa nya deka diempu sida belama lama iya.”\\n19 Udah nya aku keran deka nemu pasal jelu ti keempat, ti enda sebaka enggau jelu ti bukai, jelu ti balat ngenakutka, ti ngeredakka utai ti diempa iya ngena kukut temaga, enggau ngena ngeli besi, lalu udah nya ngelunjak sida.\\n20 Lalu aku mega keran deka nemu pasal sepuluh iti tanduk ti ba pala iya, enggau pasal tanduk siti ti pansut udah bekau nya, ti nyabut tiga iti tanduk ti bukai. Iya bisi mata enggau nyawa, lalu iya temegahka diri empu. Tanduk ti mit nya balat agi ngasuh ati takut ari tanduk ti bukai.\\n21 Lebuh aku benung nengkila, tanduk ti mit nya lalu beperang ngelaban bala nembiak Allah Taala, lalu ngalahka sida.\\n22 Udah nya, Iya ke idup belama iya datai, ngakim sereta ngarika bala nembiak Allah Taala ti Pemadu Tinggi. Maya udah datai alai bala nembiak Allah Taala deka nerima kuasa diraja.\\n23 Tu penerang ti diberi ngagai aku: “Jelu ti keempat nya perintah ti keempat ti deka pegari di dunya, lalu iya lain agi ari semua perintah bukai. Iya deka ngeredakka, lalu ngelunjak semua dunya.\\n24 Tanduk ti sepuluh iti nya sepuluh iku raja, ti deka merintah di menua nya. Udah nya siku agi raja deka pegari. Iya lain agi ari sida raja ke dulu agi ari nya, lalu iya deka muai raja ke tiga iku nya.\\n25 Iya deka bejaku ngelaban Allah Taala ti Pemadu Tinggi, lalu nekanka pengidup bala nembiak Allah Taala. Iya deka nguji ngubah adat pengarap enggau gawai sida, lalu iya deka merintah bala nembiak Allah Taala tiga taun setengah.\\n26 Udah nya kot deka belabuh ngatur pechara; kuasa iya dirampas ari iya, lalu iya dirusak abis lengis.\\n27 Semua kuasa diraja enggau pengering semua perintah di dunya tu deka diserahka magang ngagai bala nembiak Allah Taala ti Pemadu Tinggi. Perintah sida deka meruan belama iya, lalu semua perintah di dunya tu deka betuaika sida lalu ngasika sida.”\\n28 Nya meh pengujung jerita tu. Aku balat amat takut, datai ke mua aku nyau tepuchat-kelat, lalu aku nadai madahka utai tu ngagai orang.\\nBegenera Meda Bedus Lelaki Enggau Kambin\\n1 Ketiga taun Belsasar udah nyadi raja, aku begenera kedua kali.\\n2 Dalam genera nya aku nemu diri dalam nengeri Susa ti bekuta, dalam sitak menua Elam. Aku bediri ba tebing Sungai Ulai,\\n3 lalu ba tebing sungai nya aku tepedaka siku bedus ti lelaki ti bisi dua iti tanduk ti panjai. Siti ari tanduk nya panjai agi sereta baru agi ari tanduk ti siti.\\n4 Aku nengkilaka bedus ti lelaki nya nanduk tunga ke barat, ke utara, enggau tunga ke selatan. Nadai siku jelu ulih nagang iya, tauka ulih ngerarika diri ari kuasa iya. Iya ngereja utai nitihka peneka ati iya empu, lalu iya sumbung.\\n5 Lebuh aku benung belematika reti utai nya, siku kambin datai belanda laju amat ari barat datai ke kaki iya nyau enda terengkah ba tanah. Iya bisi siti tanduk ti besai ba entara mata iya.\\n6 Iya mansang ngagai bedus ti lelaki ti dipeda aku bediri ba tebing sungai, lalu belanda nempuh iya enggau pengabis pengering iya.\\n7 Aku nengkilaka iya nyerang bedus ti lelaki nya. Iya balat amat ringat datai ke nanduk bedus ti lelaki nya enggau naka pemalat, lalu matahka kedua-dua iti tanduk bedus ti lelaki nya. Bedus ti lelaki nya enda ulih ngelaban iya, lalu rebah ke tanah, lalu dilunjak iya, lalu nadai orang ulih ngelepaska bedus ti lelaki nya ari kuasa iya.\\n8 Kambin nya majak balat agi sumbung, tang lebuh iya nyadi pemadu bekuasa, tanduk iya patah. Tanduk nya lalu diganti empat iti tanduk ti besai. Genap iti tanduk nya nunjuk kebukai magang.\\n9 Ari siti tanduk nya pansut siti tanduk ti mit, lalu kuasa tanduk ti mit tu ngerembai tunga ke selatan, enggau ke timur, enggau ngagai Menua Ti Udah Disemaya.\\n10 Tanduk nya nyadi kering datai ke ulih nyerang bala soldadu serega, nyerang bintang, lalu muai sekeda sida ke tanah, lalu ngelunjak sida.\\n11 Tanduk ti mit nya mega berani nyakap Anak Raja ti nyadi tuai soldadu serega, madamka semua pengawa ti beberika piring tiap hari ngagai Anak Raja nya, lalu ngerusak Rumah Sembiang.\\n12 Orang ngereja penyalah ba endur nya, ukai ngenjuk piring ti endang patut diberi tiap hari,lalu agama ti bendar dibuai ke tanah. Tanduk nya mujur dalam semua utai ti dikereja iya.\\n13 Udah nya aku ninga siku melikat betanya ngagai pangan diri, “Ni pengelama utai ti dipeda dalam genera tu agi majak nyadi? Ni pengelama dosa ti jai tu deka majak nganti piring ti diberi tiap hari? Ni pengelama bala soldadu serega enggau Rumah Sembiang tu diindik?”\\n14 Aku ninga melikat nya nyaut, “Utai tu deka majak nyadi 2,300 lemai enggau 2,300 pagi lebuh piring nya diberi. Udah nya baru Rumah Sembiang nya deka digaga baru.”\\nMelikat Gabriel Nerangka Genera Nya\\n15 Lebuh aku benung nguji berundingka reti genera nya, siku orang lalu tekala nya bediri di mua aku.\\n16 Aku lalu ninga siku melikat ngangau ari seberai Sungai Ulai, “Gabriel, terangka ngagai iya reti utai ti udah dipeda iya.”\\n17 Gabriel datai lalu bediri ngimbai aku. Aku lalu balat amat takut datai ke aku nyau rebah ke tanah.\\nKu Gabriel bejaku enggau aku, “Anak mensia, nuan enda tau enda nemu reti genera nya. Genera nya besangkut-paut enggau pengujung dunya.”\\n18 Lebuh iya benung bejaku, aku rebah ke tanah, luput. Tang iya megai aku, ngangkatka aku lalu nirika aku.\\n19 Lalu ku iya bejaku, “Aku ngayanka ngagai nuan utai ti deka nyadi ketegal pengeringat Allah Taala. Genera nya madahka pengujung dunya.\\n20 “Bedus lelaki ti bisi dua iti tanduk ti dipeda nuan, ngambarka perintah menua Media enggau menua Persia.\\n21 Kambin nya ngambarka perintah menua Gerika, lalu tanduk ti besai ba entara mata iya nya ngambarka raja ti keterubah.\\n22 Tanduk ti empat iti, ti pansut lebuh tanduk ti keterubah nya patah, ngambarka perintah nya deka dibagi ngagai empat bengkah perintah, ti enda sebaka pengering enggau perintah ti keterubah.\\n23 “Lebuh perintah empat bengkah nya baru deka abis, lalu nyau jai datai ke sida enda tau enda diukum, siku raja ke kieh sereta jai, deka pegari.\\n24 Iya deka nyadi kering, tang ukai laban kuasa iya empu. Iya deka balat ngerusak utai, lalu iya deka mujur dalam semua utai ti dikereja iya. Iya deka ngerusak orang ke bekuasa, enggau bala nembiak Allah Taala.\\n25 Laban iya pintar, iya ulih nipu orang. Iya deka temegahka diri empu, lalu ngerusak mayuh orang enggau ngenyit. Indah Raja ke pemadu besai ari semua raja deh dichakap iya, tang iya deka dirusak, tang ukai ngena kuasa mensia.\\n26 Genera pasal piring ti diberi lebuh lemai enggau pagi hari, ti udah diterangka ngagai nuan, deka dikamatka. Tang awakka utai nya nyadi resia diatu, laban utai nya deka dikamatka jemah ila.”\\n27 Aku tusah ati sereta sakit dalam kandang dua tiga hari nya. Udah nya aku angkat, lalu pulai baru ngagai pengawa ti udah diasuh raja kereja aku, tang aku agi mengkang alit ati ke genera nya, lalu enda nemu reti iya.\\nDaniel Besampi Ke Nembiak Iya\\n1 Darius anak Serses, orang Media, megai perintah di menua Babilon.\\n2 Dalam taun ti keterubah iya megai perintah, aku belajarka Bup Kudus, lalu berundingka tujuh puluh taun Jerusalem udah nyadi tembawai, nitihka utai ti udah dipadahka TUHAN ngagai nabi Jeremiah.\\n3 Aku lalu besampi enggau bebendar ngagai TUHAN Allah Taala, minta kasih ngagai Iya. Aku bepasa, lalu begari ngena kain guni, lalu duduk malai amau.\\n4 Aku besampi ngagai TUHAN Allah Taala aku, lalu ngaku dosa bansa aku empu.\\nKu aku, “TUHAN Allah Taala, Nuan endang besai, lalu kami nangika Nuan. Nuan endang tetap ati ngagai sempekat Nuan, lalu ngayanka pengerindu ti meruan ngagai orang ke rinduka Nuan sereta ngereja utai ti diasuh Nuan.\\n5 “Kami udah bedosa, kami udah jai, kami udah ngereja penyalah. Kami udah nulak utai ti diasuh Nuan kereja kami, lalu kami udah limpang ari utai ti ngena ti udah diayanka Nuan ngagai kami.\\n6 Kami enda mendingka bala nembiak Nuan, iya nya sida nabi, ke bejaku dalam nama Nuan ngagai bala raja kami, bala orang ke merintah kami, bala aki ini kami, enggau ngagai semua bansa kami.\\n7 Nuan, TUHAN, endang seruran ngereja utai ti ngena, tang kami udah ngemaluka diri empu. Utai tu endang amat ba semua bala kami ke diau di Judea enggau di Jerusalem, enggau ba semua orang Israel ti udah diachirka Nuan ba sebelah menua ti jauh enggau ti semak, ketegal sida udah enda tetap ati ngagai Nuan.\\n8 Bala raja kami, bala orang ke merintah kami, enggau bala aki ini kami udah ngereja utai ti balat ngemaluka kami empu, lalu udah bedosa ngelaban Nuan, O TUHAN.\\n9 Nuan endang penuh laban pengasih enggau pengampun, taja pen kami udah angkat ngelaban Nuan.\\n10 Kami enda mendingka Nuan, O TUHAN Allah Taala kami, lebuh Nuan ngasuh kami nitihka adat ti udah diberi Nuan ngagai kami nengah bala nembiak Nuan, iya nya sida nabi.\\n11 Semua orang Israel udah ngelanggar adat Nuan lalu enggai mendingka jaku Nuan. Kami udah bedosa ngelaban Nuan. Nya alai Nuan udah ngasuh kami ditinggang semua sumpah ti ditulis dalam Adat nembiak Nuan Moses.\\n12 Nuan udah ngereja utai ti deka dikereja Nuan ngagai kami enggau ngagai orang ke merintah kami. Nuan udah ngukum Jerusalem lebih balat agi ari Nuan ke ngukum nengeri bukai di dunya tu,\\n13 lalu ngasuh kami ditinggang semua ukum ti disebut dalam Adat Moses. Datai ke diatu, O TUHAN Allah Taala kami, kami apin nguji ngelengkaka dosa kami, tauka nitihka pemendar ti diberi Nuan ngagai kami lalu ngerinduka ati Nuan.\\n14 Nuan, O TUHAN Allah Taala kami, endang sedia deka ngukum kami, lalu Nuan udah ngukum kami, laban Nuan endang seruran ngereja utai ti ngena, lalu kami enda mendingka Nuan.\\n15 “O TUHAN Allah Taala kami, Nuan udah ngayanka kuasa Nuan lebuh Nuan mai bala nembiak Nuan pansut ari menua Ejip, lalu kuasa Nuan endang agi mengkang dikingatka kami. Kami udah bedosa. Kami udah salah.\\n16 Nuan udah bejaku ngarika kami dulu menya, nya alai anang agi ringat ngagai Jerusalem. Nengeri tu endang enggi Nuan, bukit Nuan ti kudus. Semua orang di menua ti ngelingi kami endang enda bebasaka Jerusalem, sereta ngeleseka bala nembiak Nuan ketegal dosa kami, enggau ketegal penyai ti udah dikereja bala aki ini kami.\\n17 O Allah Taala, dingaka sampi enggau peminta aku tu. Gaga baru meh Rumah Nuan ti udah rusak. Gaga iya baru ngambika semua orang deka nemu Nuan endang Allah Taala.\\n18 Pendingka kami, O Allah Taala. Malik ngagai kami, lalu peda meh penusah kami, enggau pemerinsa nengeri ti ngangkatka nama Nuan. Kami besampi ngagai Nuan laban Nuan endang kasih, ukai laban kami udah ngereja utai ti ngena.\\n19 TUHAN, pendingka kami. Ampun meh kami. Dingaka kami, lalu kereja meh utai ti dipinta kami! Anang betangguh, ngambika semua orang nemu Nuan endang Allah Taala. Nengeri tu enggau bala orang tu endang enggi Nuan magang.”\\nGabriel Nerangka Utai Ti Deka Nyadi\\n20 Aku majak besampi, ngaku dosa aku enggau dosa bansa aku, dosa orang Israel, lalu minta TUHAN Allah Taala aku nirika baru Rumah Sembiang Iya ti kudus.\\n21 Lebuh aku benung besampi, Gabriel, ti udah dipeda aku dalam genera ti dulu, datai terebai nurun ngagai aku. Nyadi jam ba urung nya endang maya orang ngenjuk piring lemai hari.\\n22 Ku Gabriel nerangka ngagai aku, “Daniel, aku datai laban aku deka meri nuan penemu-dalam enggau pengelandik meretika utai.\\n23 Lebuh nuan belabuh mantaika peminta nuan ngagai Allah Taala, Iya nyaut nuan. Iya rinduka nuan, nya alai aku udah datai ditu madahka saut ngagai nuan. Dingaka enggau manah lebuh aku nerangka genera nya.\\n24 “Tujuh kali tujuh puluh taun nya meh pengelama ti udah diletak Allah Taala kena Iya ngelepaska bansa nuan enggau nengeri kita ke kudus tu, ari dosa enggau penyai. Dosa deka diampun, lalu pengelurus ti meruan belama iya deka didudukka, ngambika genera, enggau jaku nabi dikamatka, lalu Rumah Sembiang ti kudus deka diserahka baru.\\n25 Peratika utai tu ngambika nuan mereti: Berengkah ari maya meri atur ngaga Jerusalem baru, nyentuk ngagai maya penatai tuai ke dipilih Allah Taala, tujuh kali tujuh taun deka lempus. Jerusalem deka digaga baru. Jalai raya enggau kuta ti tegap deka digaga baru, lalu nengeri nya deka mengkang bediri tujuh kali enam puluh dua taun, tang tu maya mayuh macham penusah nyadi.\\n26 Lalu ba pengujung timpuh nya, tuai ti udah dipilih Allah Taala deka dibunuh enggau nadai kebuah. Nengeri nya enggau Rumah Sembiang deka diserang lalu dirusak bala soldadu pemerintah ti bekuasa. Pengujung nya deka datai baka ai bah, mai perang enggau pengerusak ti udah disediaka Allah Taala.\\n27 Tuai nya deka ngaga siti sempekat enggau mayuh orang dalam kandang tujuh taun, lalu lebuh setengah ari timpuh nya udah lempus, iya deka madamka semua pengawa ti beberika piring enggau pemeri. Utai Ti Balat Jai deka diengkah ba legit Rumah Sembiang, lalu deka mengkang dia nyentuk ngagai maya orang ke ngengkahka iya dia besatup enggau penusah ti udah disediaka Allah Taala ke iya.”\\nDaniel Begenera Ba Tebing Sungai Tigris\\n1 Dalam taun ti ketiga Sairus udah nyadi raja besai menua Persia, siti pesan bisi dipandangka ngagai Daniel, ke dikumbai Belsasar. Pesan nya endang amat, tang kelalu mar diperatika. Pesan nya udah diterangka ngagai Daniel dalam genera.\\n2 Lebuh maya nya aku benung ngulit tiga minggu.\\n3 Aku enda makai pemakai ti nyamai, tauka dagin, enda ngirup wain, tauka nyugu buk aku datai ke tiga minggu nya udah lempus.\\n4 Kena dua puluh empat hari bulan ti kesatu taun nya, aku bediri ba tebing Sungai Tigris ti besai.\\n5 Aku engkadah lalu tepedaka siku orang ke ngena pekayan linin, enggau belulang ti digaga ari emas ti tulin.\\n6 Tubuh iya beperenching baka batu ti berega. Mua iya bepijar baka kilat, lalu mata iya baka daun api. Lengan enggau kaki iya beperenching baka temaga ti udah dipugar, lalu nyawa iya inggar munyi panjung bala mayuh.\\n7 Semina aku aja ke meda genera nya. Sida ke enggau aku nadai meda utai, tang sida balat takut, rari lalu belalai.\\n8 Semina aku aja agi tinggal dia, ke meda genera ti nyelai nya. Aku nyau lembut tulang, lalu mua aku puchat.\\n9 Lebuh aku ninga nyawa orang nya, aku luput lalu rebah tetingkap ke tanah.\\n10 Udah nya siti jari megai aku lalu ngangkatka aku, lalu aku angkat betunjang ngena jari enggau patung aku. Aku agi getar-getar.\\n11 Ku melikat nya bejaku enggau aku, “Daniel, Allah Taala rinduka nuan. Bediri nuan lalu pendingka enggau manah utai ti deka disebut aku. Aku udah diasuh betemu enggau nuan.” Lebuh iya nyebut nya, aku lalu bediri, tang agi getar-getar.\\n12 Udah nya ku iya bejaku, “Daniel, anang takut. Allah Taala udah ninga sampi nuan kenyau ari nuan ke terubah mutuska runding deka ngemaruhka diri ngambika nuan ulih meretika utai. Aku datai ditu laban aku deka nyaut sampi nuan.\\n13 Melikat ke megai menua Persia udah ngelaban aku dua puluh satu hari. Udah nya Mikael, siku ari bala tuai melikat, datai nulung aku, laban aku udah ditinggalka kediri-diri di menua Persia.\\n14 Aku udah datai ditu laban aku deka ngasuh nuan meretika utai ti deka nyadi ba bala nembiak nuan jemah ila. Genera tu nunjukka utai ti deka nyadi jemah ila.”\\n15 Lebuh iya udah nyebut nya, aku lalu tegenung merening ke tanah, enda tepansutka jaku.\\n16 Udah nya melikat nya, ke baka gamal mensia, ngangkatka jari iya lalu negu mulut aku. Ku aku bejaku enggau iya, “Tuan, genera tu ngasuh aku lembut tulang lalu aku enda ulih badu getar-getar.\\n17 Aku nyau baka ulun ke bediri di mua tuan iya. Baka ni ku aku ulih bejaku enggau nuan? Aku nyau lembut tulang lalu enda ulih enseput.”\\n18 Orang ke baka gamal mensia nya negu aku baru, lalu ngasuh aku berasai kering.\\n19 Ku iya bejaku, “Anang takut, menyadi. Nuan nadai utai ngawa. Nuan enda tau enda kering sereta berani!” Lebuh iya bejaku ngagai aku, aku berasai kering, lalu ku aku bejaku, “Bejaku meh nuan, tuan, laban nuan udah ngasuh aku kering.”\\n20 Iya lalu bejaku, “Kati nuan nemu kebuah aku datai ngagai nuan? Diatu aku enda tau enda pulai baru lalu beperang ngelaban melikat menua Persia, lalu lebuh aku udah ngalahka iya, melikat menua Gerika deka datai.\\n21 Tang aku deka madahka ngagai nuan utai ti ditulis dalam bup pemendar. Nadai orang bukai nulung aku ngelaban melikat dua iku nya, semina Mikael aja, melikat ke nyaga nuan.\\n1 Iya nya meh melikat ke nulung sereta nyaga aku.\\n2 Lalu utai ti deka dipadahka aku ngagai nuan nya utai ti amat.”\\nPerintah Menua Ejip Enggau Siria\\nKu melikat nya bejaku, “Tiga iku agi raja deka megai perintah di menua Persia, lalu ditangkanka raja ti keempat, ti deka nyadi kaya agi ari semua sida ti bukai. Lebuh iya udah nyadi kering laban pengaya iya, iya deka nyakap perintah menua Gerika.\\n3 “Udah nya siku raja ti berani deka pegari. Iya deka merintah sebuah menua ti besai, lalu iya deka ngereja utai nitihka peneka ati iya.\\n4 Tang lebuh kuasa iya nyau besai amat, menua ti diperintah iya deka pechah lalu dibagi empat. Bala raja ke ukai ari peturun iya deka merintah nganti iya, tang sida nya enda bekuasa baka iya.\\n5 “Raja menua Ejip deka nyadi kering. Tang siku ari tuai soldadu iya deka nyadi kering agi, lalu megai perintah di menua ti besai agi.\\n6 Nyau berapa taun udah bekau nya, raja menua Ejip deka beserakup enggau raja menua Siria, lalu ngasuh anak indu iya jadi enggau raja menua Siria. Tang penyerakup seduai nya enda tan lama, lalu anak indu raja menua Ejip nya, laki iya, anak iya, enggau bala ulun ke sama bejalai enggau iya, deka dibunuh magang.\\n7 Enda lama udah bekau nya, siku ari kaban belayan indu nya deka nyadi raja. Orang nya deka nyerang bala soldadu raja menua Siria, tama ngagai kuta sida, lalu ngalahka sida.\\n8 Orang nya deka mai pulai baru ngagai menua Ejip engkeramba petara sida enggau perengka emas enggau pirak ti udah diserahka ngagai bala petara nya. Lebuh menua nya udah bebaik dua tiga taun\\n9 raja menua Siria deka nyerang menua Ejip, tang iya deka dipejalka nyurutka diri.\\n10 “Bala anak lelaki raja menua Siria deka nyendiaka diri beperang, lalu ngempuruka mayuh bala soldadu. Siku ari bala anak raja nya deka ngalun baka ai bah, lalu nyerang kuta munsuh.\\n11 Raja menua Ejip deka ringat, lalu beperang ngelaban raja menua Siria, lalu nangkap bala soldadu raja menua Siria.\\n12 Raja menua Ejip deka temegahka diri ke menang, sereta temegahka pemayuh bala soldadu ti udah dibunuh iya, tang iya enda menang belama.\\n13 “Raja menua Siria deka pulai baru, lalu ngempuruka mayuh agi bala soldadu ari ti dulu. Ba maya ti ngena, iya deka datai baru mai bala soldadu ti mayuh bendar, ti chukup disikap enggau senyata.\\n14 Nya baru mayuh orang deka angkat ngelaban raja menua Ejip. Lalu sekeda orang ke mangah ari bansa nuan empu, Daniel, deka angkat ngelaban ketegal genera ti udah dipeda sida, tang sida deka alah.\\n15 Raja menua Siria deka ngelulung nengeri ti bekuta nya, lalu ngalahka nengeri nya. Bala soldadu menua Ejip lalu enggai agi ngelaban. Indah soldadu sida ke pemadu kering, deh nadai pengering agi.\\n16 Orang Siria ke nyerang nya deka merinsaka sida enggau sepeneka ati sida, lalu nadai orang tan ngelaban iya. Iya deka bediri di Menua Ti Udah Disemaya, lalu merintah menua nya.\\n17 “Raja menua Siria deka bekira nyerang ngena semua bala soldadu iya. Udah nya, ngambika iya ulih ngerusak menua munsuh, iya deka beserakup enggau munsuh nya, lalu ngasuh anak indu iya jadi enggau munsuh nya. Tang pelan iya enda mujur.\\n18 Udah bekau nya, raja menua Siria deka nyerang mayuh bengkah bansa ti ba tebing tasik, lalu ngalahka sida. Tang siku tuai orang menua bukai deka ngalahka iya, lalu madamka penyumbung iya. Tuai nya deka mutarka penyumbung raja Siria kena iya malas penyumbung raja nya empu.\\n19 Raja nya deka pulai baru ngagai kuta di menua iya empu, tang iya deka alah laban munsuh, lalu nya meh pengujung iya.\\n20 “Iya deka ditangkanka siku agi raja, ti deka ngasuh siku pemesai nekanka pengidup orang mayuh lalu mejalka sida mayar chukai, kena iya nambahka pengaya menua ti diperintah iya. Enda lama udah bekau nya iya deka dibunuh, tang ukai di mua orang mayuh, lalu ukai lebuh maya perang.”\\nRaja Ti Jai Ke Megai Menua Siria\\n21 Melikat nya lalu majak meri penerang: “Raja menua Siria ti deka nangkanka iya, nya orang ke jai lalu enda patut nyadi raja, tang iya deka datai lalu ngerampas kuasa ngena jalai tipu.\\n22 Barang sapa ngelaban iya, nyengkaum Imam Besai Allah Taala, deka dibuai lalu dibunuh.\\n23 Iya deka nyain sempekat enggau mayuh bengkah bansa bukai, lalu nipu sida, lalu iya deka mansang kering-sekering, taja pen iya megai perintah di menua ti mit.\\n24 Iya deka nyerang enggau ngenyit sitak menua ti kaya, lalu deka ngereja utai ti enda kala dikereja bala aki ini iya. Udah nya iya deka magi ngagai bala orang ke nitihka iya, barang enggau reta tengkira ti udah dirampas iya lebuh beperang. Iya deka bekira nyerang mayuh bengkah kuta, tang timpuh iya nyau deka abis enda lama da agi.\\n25 “Enggau ati ti berani iya deka ngempuruka mayuh bala soldadu kena iya nyerang raja menua Ejip ke sedia deka ngelaban iya ngena bala soldadu ti mayuh sereta kering. Tang raja menua Ejip deka kena tipu, lalu iya enda ulih mujur.\\n26 Bala penyanding penemu ti nyempil enggau iya, deka ngerusak iya. Bala soldadu iya deka lus dibunuh.\\n27 Udah nya raja dua iku nya deka duduk begulai makai ba siti mija, tang juluk ati seduai iya jai, lalu seduai iya deka ngemulaka pangan diri. Seduai iya nadai bulih utai ti dikinginka seduai iya, laban timpuh utai nya apin datai.\\n28 Raja menua Siria deka pulai baru ngagai menua iya empu mai semua perapasan ti udah dirampas iya, lalu udah mutuska runding deka ngerusak agama bala nembiak Allah Taala. Iya deka ngereja utai nitihka peneka ati iya, lalu udah nya pulai baru ngagai menua iya empu.\\n29 “Udah bekau nya iya deka nyerang menua Ejip baru, tang sekali tu utai ti deka nyadi nya lain agi ari ti dulu.\\n30 Orang bansa Rome deka datai ngena kapal lalu ngelaban iya, lalu iya deka takut.\\n“Udah nya iya deka nikal, mai ati ti balat ringat, lalu nguji ngerusak agama bala nembiak Allah Taala, nitihka jaku lalau ari orang ke udah ngelengkaka agama nya.\\n31 Sekeda bala soldadu iya deka ngamahka Rumah Sembiang. Sida deka madamka pengawa ti beberika piring tiap hari, lalu nirika Utai Ti Balat Jai.\\n32 Ngena jalai tipu, raja nya deka ngulihka sukung ari sida ke udah ngelengkaka agama sida, tang orang ke nitihka Allah Taala deka ngelaban sida.\\n33 Bala tuai ti bepenemu-dalam deka magi penemu-dalam ngagai mayuh orang bukai. Tang dalam berapa hari aja sekeda sida deka mati beperang, tauka mati ditunu, lalu sekeda deka dirumpak, lalu digaga nyadi orang tangkap.\\n34 Lebuh pengawa bebunuh nya benung nyadi, bala nembiak Allah Taala deka nerima tulung mimit, taja pen mayuh orang ke setanah enggau sida semina deka beserakup kena ngiga penguntung ke diri empu aja.\\n35 Sekeda bala tuai ti bepenemu-dalam deka dibunuh, tang pemati sida deka nuchi orang mayuh. Utai tu deka majak nyadi datai ke ujung, ba maya ti udah diletak Allah Taala.\\n36 “Raja menua Siria deka ngereja utai nitihka peneka ati iya empu. Iya deka temegah madahka diri besai agi ari sebarang petara, kering agi ari Allah Taala ti Pemadu Tinggi. Iya ulih ngereja utai nya nyentuk ngagai maya Allah Taala deka ngukum iya. Allah Taala deka ngereja utai nitihka pelan Allah Taala empu.\\n37 Raja nya enggai ibuhka petara ti udah dipetuaika bala aki ini iya, enggau petara ti dikerinduka sida ke indu. Iya ti bendar, iya enggai ibuhka semua petara, laban iya ngumbai diri besai agi ari sida.\\n38 Tang iya deka ngemesaika petara ti nyaga kuta. Iya deka meri emas, pirak, batu ti berega, enggau pemeri bukai ti berega ngagai petara ti enda kala disembah aki ini iya.\\n39 Iya deka ngasuh orang ke nyembah petara orang bansa bukai, nyaga kuta iya. Iya deka meri basa ti besai ngagai sida ke nerima iya nyadi raja, meri sida pangkat ti tinggi, lalu meri sida tanah nyadika upah sida.\\n40 “Lebuh timpuh raja menua Siria nyau deka abis, raja menua Ejip deka nyerang iya, lalu raja menua Siria deka ngelaban ngena semua kuasa iya, ngena kerita perang, kuda, enggau berapa buah kapal. Iya deka nyerang mayuh bengkah menua, baka ai bah.\\n41 Iya deka mega nyerang Menua Ti Udah Disemaya lalu munuh bepuluh ribu iku orang, tang menua Edom, Moap, enggau teda menua Amon, enda diserang.\\n42 Lebuh iya nyerang semua menua nya, iya enda ngalau menua Ejip.\\n43 Iya deka nabanka pengaya ti dilalaika ti digaga ari emas, pirak enggau utai bukai ti dikesayauka, ari menua Ejip. Iya deka ngalahka menua Libia enggau menua Etiopia.\\n44 Udah nya iya deka takut ninga berita ti datai ari timur enggau ari utara, lalu iya deka bebendar belaban, lalu munuh mayuh orang.\\n45 Iya deka nirika langkau kain diraja iya ti besai ba entara tasik enggau bukit ti kudus. Tang iya deka mati, nadai orang nulung.”\\n1 Ku melikat nya bejaku, “Lebuh maya nya ila, melikat Mikael, ke nyaga bala nuan, deka pegari. Udah nya penusah ti besai deka nyadi. Nadai penusah ti jai agi ari nya udah kala nyadi kenyau ari penumbuh bansa ti terubah menya. Lebuh maya nya ila, semua orang ari bansa nuan, ke bisi nama ditulis dalam bup Allah Taala, deka diidupka.\\n2 Mayuh sida ke udah mati, deka idup baru. Sekeda deka idup belama iya, lalu sekeda deka dipechat belama iya.\\n3 Bala tuai ti bepenemu-dalam deka manchar baka penampak langit. Lalu sida ke udah ngajar orang ngereja utai ti ngena, deka manchar baka bintang belama iya.”\\n4 Ku iya bejaku enggau aku, “Nya alai, Daniel, tutup bup nya, lalu lekatka chop tambit ba iya nyentuk ngagai pengujung dunya. Ba jam ke diatu, mayuh orang deka masau jam nguji meratika utai ti nyadi.”\\n5 Udah nya aku lalu tepedaka dua iku orang bediri ba tebing sungai, siku ba tebing seberai, lalu siku ba tebing seberai.\\n6 Siku ari seduai nya nanya melikat ke bediri ari ulu iya, “Ni pengelama baru utai ti nyelai nya badu agi nyadi?”\\n7 Melikat nya lalu ngedarka jari iya kedua piak ke langit, lalu besumpah dalam nama Allah Taala ti idup belama iya, lalu aku ninga iya nyebut, “Pengelama iya tiga taun setengah. Lebuh bala nembiak Allah Taala badu agi diperinsa, nya meh maya semua utai tu badu agi nyadi.”\\n8 Aku ninga utai ti disebut iya, tang aku enda meretika utai nya. Nya alai aku nanya, “Tang baka ni ku jalai semua utai tu deka badu agi nyadi, Tuan?”\\n9 Ku iya nyaut, “Nuan enda tau enda mupuk diatu, Daniel, laban leka jaku tu resia sereta dilalaika nyentuk ngagai pengujung dunya.\\n10 Mayuh orang deka dituchi. Sida ke jai enda ulih mereti, tang deka majak nyadi orang ke jai. Semina sida ke bepenemu-dalam aja deka mereti.\\n11 “Kenyau ari maya pengawa ngenjuk piring tiap hari nya dipadamka, reti nya, kenyau ari maya penatai Utai Ti Balat Jai nya, 1,290 hari deka lempus.\\n12 Beberekat meh orang ke mengkang tetap ati nyentuk ngagai 1,335 hari nya udah lempus!\\n13 “Lalu nuan, Daniel, enda tau enda tetap ati nyentuk ke ujung. Udah bekau nya nuan deka mati, tang nuan deka angkat idup baru lalu nerima upah nuan ba pengujung dunya.”","num_words":10745,"character_repetition_ratio":0.06,"word_repetition_ratio":0.006,"special_characters_ratio":0.208,"stopwords_ratio":0.358,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SK St Anne ngatur Jogathon dikena ngiga belanja – Suara Sarawak – Bukan Sekadar Akhbar\\nYou are here:Home-RUAI-SK St Anne ngatur Jogathon dikena ngiga belanja\\nSARIKEI: Urung 380 penyereta datai ari bala nembiak, pengajar, staf sekula enggau apai indai nembiak nyereta pelanda jogathon diatur Serakup Apai Indai enggau Pengajar (PIBG) Sekula Primari (SK) St Anne ditu tadi.\\nChairman PIBG SK St Anne, Hamidi Jelani madah, pelanda dibagi ngagai tiga kategori.\\nKu iya, Kategori Junior 2 kilometer (km) sekali meling, kategori Senior 6km (enam kali meling) enggau kategori Veteran 4km (dua kali meling) ti nerima semua penyereta nyengkaum peranak menua luar.\\n“Tuju kami ngatur pelanda tu deka ngiga belanja dikena nirika begunaka baru sekula tiga ringkat.\\n“Begunan tu deka bisi bilik pengajar, bilik aum, librari sekula, bilik muzik, bilik rekabentuk enggau teknologi, kantin, bilik bup teks, enggau klinik ngeli,” terang iya.\\nBy suaraswk|2019-11-16T15:31:24+08:00November 16th, 2019|Categories: RUAI|0 Comments","num_words":135,"character_repetition_ratio":0.07,"word_repetition_ratio":0.0,"special_characters_ratio":0.222,"stopwords_ratio":0.096,"flagged_words_ratio":0.0,"lang_id_score":0.976,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Balang Balai Nyabung & Temenggung Simpi – BORNEO MEDIA SOLUTIONS\\nAnak Berauh Ngumbang enggau Beredai ke benama Meradana (Dana) tu bebini jadi enggau Ganggung anak umbung Ambau seduai Remias. Nampung Mr. Jagit Anak Igang, penulis Jerita Bedalie ba Majalah Pegari Vol. 9-17, tusut Ganggung tu baka tu.\\nReplika Balang ke bensumbar Balai Nyabung\\nDulu kelia, bisi dih sepun kayu menalu, ke bebungkung ba batang iya. Pemuas ke dipuputka ribut, bungkung kayu tu tadi lalu ngadaka anak mensia. Laban anak mit tu ada ari bungkung kayu menalu, ari nya iya digagaka nama Guru Pintu Batu Lubang. Iya bebini jadi enggau Seriam Bunga Gelumbang Lelangan Apung Pasang, iya nya indu ti ditemu iya empu, pansut ari pupu gelumbang. Seduai iya beranakka Aki Tunggal Ngeli Sigi Seleka-Leka, Antu Rambuk Bulu Geliga Lubang Dada ti jadi enggau Kumang Lampang Temaga, Chungut Indai Melicha sereta beranakka Aji Seli Lang Gima seduai Aji Berani Niap Bulan, Raja Suka Menyawan. Aji Seli Lang Gima bebini jadi enggau Bechegi Mali Besangkut, Jelenggai Bungai Rumput sereta beranakka Segugum Tungku Besi, Segenggam Tapa Dada Jari. Iya bebini jadi enggau Benih Lela Tugal Temian, Bintang Kena Tumbuh Di Emperan sereta beranakka Simpulang Gana Serangkang Kirai, Raja Sua Sebasah Rangkai ti bebini jadi enggau Dayang Semelang Tanggi Buluh Sepengelayang Dandang Danggur Uma. Seduai iya beranakka Aji Berani Niap Bulan (Aji Biak) ti bebini jadi enggau Dayang Chelentang Jeragam, Endu Chelam Kerukam, anak Sengalang Burung sereta beranakka Bedalie.\\nBedalie tu bebini jadi enggau Dayang Kacha. Seduai iya nadai anak tang tetemuka telu dalam ruas buluh aur ti udah nya netas nyadi anak mit. Laban anak mit nya tadi berasal ari telu ti ditemu dalam ruas buluh aur, ari nya iya lalu diberi nama Telu Aur.\\nSilik pasal jerita tu tau dibacha ba bup tu\\nTelu Aur tu bebini jadi enggau Dayang Idah sereta beranakka Radin Tanjung, Demung Nutup, Demung Papan, Demung Suran, Demung Bada enggau Dayang Maya. Ari anak iya Demung Suran, Telu Aur tu nurunka Iban ke dikumbai Iban Dau ke diau di menua Embawang, Klauh, Melugu, Gua, Nyelan, Engkeramut, Selepong enggau Po Ai ba sitak Sri Aman ke diatu datai ke sehari tu.\\nRadin Tanjung bebini jadi enggau Dayang Nor sereta beranakka Ambau, tuai ti dulu mungkal Pengkalan Tabau di Batang Ai. Ari nya, iya suah disebut orang ke tuai ngena nama Ambau ke dulu mungkal Pengkalan Tabau, peling lanting Tawang bedagang tauka Ambau Tabau Pengkalan Tawang.\\nAmbau tu bebini jadi enggau Remias ke digelar orang Remias Indu Badas Tampak Dagang. Ambau enggau Remias beranakka Liang, Bambang, Pantas, Rimbas, Usin, Enteba (anak iru) enggau Ganggung ke belaki jadi enggau Meradana. Anak Ambau ke tuai ti benama Liang tu mega nurunka Iban Dau ke udah dikenang kitai baka ke di atas nya tadi.\\nMeradana seduai Ganggung beranakka Chiri, Jampi enggau Jalui. Chiri jadi enggau Singgah beranakka Temuna, Kuda enggau Empaga. Temuna bebinika Lemba (Lemok) sereta beranakka Saya (Saya’) seduai Saka. Saya tu diasuh Bungai Nuing jadi enggau Chepin sereta beranakka Jawa, Machan enggau Bangi. Machan bebini jadi enggau Mena beranakka Tami (Temenggung Rentap), Temenggung Simpi Pala, Karinchom enggau Mampak.\\nKebuah Tami tu digelar orang Temenggung Rentap laban raran para penyalai pala munsuh ke digaga iya ari kayu kemali di Pulau Gerenih, Indonesia runtuh tauka rentap ditepan pala munsuh sepemulai seduai iya Temenggung Simpi nyerang Batang Tawang di Indonesia ngalahka bala Abang Bujang seduai Pengiran Kesuma. Ba serang tu kelia, Tami empu parai laban besuruk rejang enggau Pengiran Kesuma. Seduai iya bela mati belah wi. Di rantu jalai pulai, Tami idup baru laban diidupka Indai Abang.\\nTemenggung Simpi bebini jadi enggau Jeburi beranakka Temenggung Demang (Buah Raya), Temenggung Engkabang (Guntor) enggau Bansok. Temenggung Demang ke tebilang agi disebut Temenggong Buah beranakka Ba (Temenggung Jemat) enggau Temenggung Runggah. Ba jadi enggau Bejau sereta beranakka Undi, Unai, Uni, Garong, Ja (Ja’), Ayum (Rimau Badang), Suai enggau Ena. Garong belaki diambi Jubang sereta beranakka Temenggung Koh ari Nanga Entawau, Balleh, Kapit. Temenggung Koh tu siku tuai ke pemadu beberita ari Batang Rajang kelia sepengudah Balang ke bensumbar Balai Nyabong.\\nSekeda ari keresa lama Temenggung Simpi ke diibun bala ba Sumpak Sengkuang, Emperan, Indonesia\\nKenu ku jerita, Temenggung Simpi nya mih keterubah Iban dititah tauka dichiri orang Panggau Libau nyadi temenggung. Niang aya kami Lemambang Likong Anak Ingkah, ari Rumah Itu, Sungai Pulang, Balleh, Kapit ke suah nemuai ngagai kaban belayan kami di Indonesia udah meda ngena mata iya empu bedil, tawak enggau menira (tambai) ke dikena orang ari Panggau Libau nitah tauka nyiri Simpi Pala nyadi temenggung ke disimpan kaban belayan kami di sepiak nyin. Kenu ku Jagit Anak Igang, tambai pengayau ke dibai Temenggung Simpi pulai ngemedung ari Panggau Libau agi bisi diibun peturun iya ke ngibun bilik Temenggung Simpi di Dusun Sadap, Batang Kanyau, Kalimantan, Indonesia datai ke sehari tu.\\nDuku ilang ke dibai Balang pulai ngemedung ari Panggau, agi diibun siku ari peturun iya empu ba Katibas\\nTuju aku nuliska jerita Balang tu ukai deka ngusai nyerungkaika utai ke lama tang ngambika bisi dipeda ditela, ke chuan ke peduman kitai ke rebak baru diatu laban bisi isi jerita tu tau pulai ke ajar ngagai kitai Iban. Nangkan ke nya, Balang ke bensumbar Balai Nyabong tu endang siku ari raja berani ke bisi udah nguan menua Sarawak tu dulu kelia lalu gambar tauka tugu (statue tauka portrait) iya endang meruan agi bisi dipeda kitai ba Tiang Pengingat Rajah Charles Brooke di Pengkalan Batu (Water Front), Kuching datai ke sehari tu.\\nDi Mijum Sarawak (Museum Tun Razak) ke dulu suba, kitai mega bisi meda gambar Balang (gambar lukis) sereta enggau jerita iya ditulis ngelansa. Diatu gambar nya nadai agi dipeda aku ba Mijum Sarawak lalu aku empu pan enda nemu kini ke tunga gambar nya diatu.\\nUdah macha jerita Balang tu, kita ke bisi kala rembus ke pasar Kapit tentu nemu nama kebuah siti jalai di pasar Kapit digagaka nama Jalan Panglima Balang, iya nya ba endur opis Kapit District Council ke diatu.\\nSiti agi kebuah ke balat endar ngasuh aku tekuing ati deka nulis jerita Balang tu laban ulah enggau utai ke dikereja Balang kelia jauh bendar nyelai ari enggi raja berani bukai ke sama bela jelai nama, pegari rita maya nya kelia laban Balang tu siku mensia setengah Petara. Iya tau engkeramat sereta bisi maya alai iya tau ajih.\\nNama Balang dirintaika dalam lis tau serang di Sarawak dalam kandang taun 1841-1941 begulai enggau sida Orang Kaya Pemancha Dana (Bayang), Linggir (Mali Lebu), Minggat, Munan (Pengulu Dalam), Ngumbang (Berauh Langit) enggau Kana baka ke ditulis Mr. Robert Pringle mansa bup iya Rajahs and Rebels “The Ibans of Sarawak under Brooke rule 1841-1941.”\\nPun jerita Balang tu baka tu. Dulu kelia, di Emperan Kawat tauka Emperan Engkeraju di Batang Kanyau, Indonesia ke diatu, bisi anak umbung siku benama Pok. Apai Pok tu benama Temenggung Engkabang ke bensumbar Guntor, iya nya anak Temenggung Simpi Pala enggau Jeburi ke dikenang kitai tadi. Taja nama iya baka ke nyelai didinga, Pok tu nangka pemajik enggau pemandai indu di Batang Kanyau maya nya kelia.\\nHari siti, dia lelaki siku ke benama Bulik bisi rembus ngagai menua orang di Emperan Kawat laban ke deka ngiga indu ke bini. Bulik tu datai ari Bila Sedi di Batang Kanyau. Bulik tu sigat, kering, tampak rita, pegari nama laban iya tu tau serang.\\nSeninjik bendar, Bulik lalu tetemuka Pok. Maya nya Pok baru ngangkatka diri dara, benung iya manah dikayam. Laban endang udah adat orang ke deka jadi melaki bini maya nya kelia, lelaki ke deka nanya indu ke bini enda tau enda diuji apai indai orang indu. Ari nya, Bulik pan kena uji Guntor. Guntor ngasuh Bulik nasau umai sida. Nyadi pemesai umai Guntor tu sekayu sungai siti, ulih pudik perau panjai tiga.\\nHari siti Bulik pan berengkah ga nasau umai Guntor. Tembu nasau, Bulik pan lalu berengkah ga nebang. Pemesai beliung ke dikena Bulik nebang umbas san tubuh siku. Umbang tebang Bulik aja bulih mesai chapan anak mit, umbas digagaka dulang pemakai uduk. Laban ke berantu, ari nya Bulik nembuka umai Guntor tu semina dalam pengelama sehari setengah aja.\\nNya alai, jadi mih Bulik enggau Pok. Kira sepiak taun Bulik enggau Pok udah begulai sejalai, dia bisi siti utai ke nyelai bendar nyadi. Lemai siti Bulik tinduk di ruai. Dia iya meda daun pintu sida tak semiak baka ke ditukangka orang. Keterubah iya, Bulik enda tentu irau ke utai nya laban iya nyangka pintu sida dipuputka ribut malam hari.\\nDua tiga malam udah nya, agi ga utai ke baka tu nyadi. Bulik nyau mupuk irau ati laban nyangka bini iya Pok bisi buyu. Bulik tulihka runding deka nengkilunka orang nya laban deka nemu sapa bagi orang ti bisi datai kia. Nam malam Bulik udah nengkilunka orang nya, nadai mih iya meda orang tauka apa nama datai ngagai bilik sida.\\nBa malam ketujuh, Bulik bisi mimpi asai ke betemu enggau lelaki siku. Bulik nadai kala meda lelaki ngering sereta ngenyigat nya ditambahka ngepan pekayan chukup magang. Iya lalu bejaku ngagai Bulik, “Ney Bulik, dini aku ulih tengkilun ke di, aku ga ukai mensia ti ulih peda ngena mata suman baka kita. Nyadi ke ngelama tu, aku mih ke ditengkilun ke di, ngayap bini di. Nya alai Bulik, diatu Pok nya bini tua. Tang taja pia Bulik, aku enda agi ngayap iya laban bini tua Pok nyau udah ribat. Nyadi anak tua nya ila lelaki Bulik lalu nama iya gaga ke nuan Balang ke bensumbar Balai Nyabong. Maya anak tua ada ila Bulik, nuan enda tau enda nyambut pengada iya ngena piring ngena ading; ngayang babi belang sereta munuh manuk labang ngambika iya enda alah serang laban Rajah. Balang tu mih ila Bulik deka nyadi raja ke bansa kita Iban nguan baruh hari tu. Enti sema bini tua Pok nyera deka makai utai, anang lembau nuan ngiga sera iya Bulik laban aku semampai nulung nuan. Baka nya mega Bulik, anak tua kedua ila indu lalu nama iya gaga ke nuan Charang. Charang tu mega agi darah getah aku. Charang tu mih nyadika pengibun enggau pengintu Balang. Seduai menyadi iya enda tau pambar ari pangan diri. Nyadi aku tu Ampa Jawa Setangga Tali, Bujang Sempiang Padi; aka tuai sida Keling ari Panggau Libau” ku lelaki nya madah ngagai Bulik. Bulik pan lalu tedani. Nya baru iya nemu diri bemimpi.\\nPagi nya Bulik nusi penyelai mimpi iya ngagai Pok. Pok pan baka nya ga, nusi diri bisi mimpi tujuh malam berunggu digayap Sempiang Padi ari Panggau Libau tang temati runding enda ulih madahka Bulik.\\nKenu ku jerita tuai, Sempiang Padi tauka Kemping Padi tu menyadi tuai sida Keling ke parai lulus. Iya bebini jadi enggau Endu Dara Duih Pemantis Ai Limban, Endu Kumang Lenggang Sebayan. Endu Dara Duih tu mega dikumbai orang Kumang Renging Bungai Angi tauka Kumang Lemping Sebayan. Iya tu menyadi tuai sida Kumang ari Gelung ke parai lulus.\\nKira tujuh bulan udah betubuh bisi, dia Pok berasai tetenguk deka makai tebu telu. Laban di menua sida di Emperan Kawat dia nadai tebu telu, ari nya Bulik lalu bejalai nuju Bukit Tawang. Di Bukit Tawang din mih alai Bulik bulih sera bini iya.\\nChukup bulan alai beranak, anak Pok pan lalu ada. Kenu ku jerita, anak mit ti ada tu mai rajut sekumbang punggung, ngepit nyabur muak ari kanan lalu ngepit terabai muak ari kiba. Semua utai tu tadi mit memagang tang mansang besai nyerumba pemansang Balang empu. Amat bendar ga mimpi Bulik, anak ke diadaka Pok nya amat lelaki.\\nBulik lalu nirika Gawai Kenyalang Anak dikena nyambut pengada anak iya. Anak mit nya tadi lalu diberi nama Balang ke bensumbar Balai Nyabong nitihka mimpi Bulik empu.\\nUdah Balang tu nyau bujang bendar, sida iya lalu pindah ari Emperan Kawat laban deka ngiga menua baru. Sida ke pindah tu tadi nengah Penyangkai Piang. Nyadi Penyangkai Piang tu entara menua ulu Katibas, Sarawak enggau Kalimantan ke diatu.\\nBala Balang ke pindah tu tadi lalu berumah ba Bukit Tunggal dalam sungai Bangkit. Sungai Bangkit tu benanga ba Batang Katibas, muak ari kiba enti kitai mudik ngulu Katibas. Sekumbang ke diau ba Bukit Tunggal dalam sungai Bangkit, Balang bisi nurun ngemedung ke Panggau Libau ari Bukit Panggau Dulang di entigis ulu Bangkit. Reti leka jaku ngemedung tu iya nya nemuai batang tubuh, nyengenda nyerupa ke menua-menua bukai ke ukai diwan kitai mensia baka ke Panggau Libau, ke Gelung, ke menua Sebayan, ke dalam ai, ke langit enggau menua-menua bukai ke enda ulih peda, enda ulih lawa kitai mensia diri tu. Pemulai ke ngemedung nya, Balang mai mayuh bendar macham pengaruh dikena ngayau baka batu pengansah ke bensumbar Batu Mali Lebu, Lelanjang Bungai Nuing enggau sekeda pengaruh ke bukai.\\nSekeda ari tuai-tuai kitai Iban ke bukai ke kala dipansa jerita lama ke sama tau menselit nengah pintu langit singkum rapit nadai meranggang, tau nelian lubang ujan teman geran laja puang, tau nyidi lubang ai ke bereni jampat mansang, tau nyegi matahari baka bunga besi ditenchang, tau nyelikap nengah pintu kilat baka kempat kanggan dagang baka Balang iya nya nyengkaum aki kitai Sera Gunting enggau Temenggung Simpi Pala.\\nAri Bukit Tunggal dalam sungai Bangkit, bala Balang surut kili agi sereta berumah baru ba emperan besai seberai Nanga Ririk, di tebing Batang Katibas.\\nNyadi maya tu menya, Batang Katibas endang diwan bansa Kayan. Tang laban Balang tu endang pugu Raja Berani, ari nya bala Kayan nadai tan dilaban bala Balang. Tu mih ngujungka bala Kayan enggai agi nguan menua Batang Katibas laban takut diserang Balang.\\nSekumbang ke diau di Nanga Ririk, Balang bisi nurun ngemedung baru. Ke sekali tu, iya ngemedung tujuh hari tujuh malam. Sebedau nurun ngemedung, iya bisi ninggalka pesan ngagai bala menyadi, petunggal, kaban belayan enggau sida serumah sereta sida semenua, minta sida nyambut pemulai iya ari Panggau Libau ngena piring ngena ading. Barang sapa sida ke bidik lansik, ba mua iya mih alai Balang mansutka diri.\\nChukup timpuh tujuh hari tujuh malam, sida ke tinggal di menua sama sampal magang nurun ke dalam kampung laban deka nyambut pemulai Balang ari Panggau Libau. Balang ke pulai ngemedung tu tadi lalu pansut ba mua Ayum di Linsing Kuning, di ulu sungai Bangkit laban Ayum tu tadi bisi mai babi belang enggau manuk labang. Ari nya, Balang lalu nyumpah Ayum ngasuh Ayum tau serang numbangka menua, tau kayau mulau bala.\\nBeduduk ari sumpah Balang nya tadi, nadai tan menua munsuh dikayau Ayum ke bensumbar Rimau Badang. Balang ke pulai ngemedung nya tadi bisi mai duku ilang sebilah, geguluk sebilah enggau tawak penutung iya nya tawak dikena ngangauka sida ari Panggau Libau selebuan.\\nSekumbang ke diau di emperan besai seberai Nanga Ririk, Balang bisi ninggalka kelai mayuh bendar. Siti ari kelai ke ditinggalka Balang iya nya iya bisi nanam embawang sepun ba teluk Kerangan Pulai Hari ke diatu. Nyadi penyelai embawang tu menya iya nya enti sema buah iya labuh ninggang ai Katibas, buah iya melepu tang enti sema buah iya ninggang tanah lalu udah nya bebelat ke ai Katibas, buah iya deka tengelam. Kebuah alai embawang tu baka tu laban iya udah diajihka Balang baka nya maya iya nanam embawang nya suba enda nyalah-nyalah embawang tanam Keling di Tembawai Bejuah ketungkah kitai Iban beserara enggau orang Panggau ke udah dikenang ba pun jerita tu. Buah embawang tanam Balang tu tau diempa tang diatu embawang tu udah nadai agi laban udah mati tuai.\\nKelimpah ari nya, Balang mega bisi nanam tubu sepun ba tembawai sida iya empu di Nanga Ririk. Nyadi penyelai tubu tu iya nya iya deka bedarah dipantap enti bisi orang mati di menua nya. Kenu ku Mr. Stanley Ngelambong, tubu tu mali diempa sereta agi idup datai ke sehari tu.\\nNyau pengelama ke diau di Nanga Ririk, nyadi sekali rumah sida Balang kena serang bala Kayan ke betuaika Taman Tanduk. Kenu ku jerita, Taman Tanduk tu bisi tanduk ba kening, sepemaut pemanjai iya. Maya bala Taman Tanduk tu ngalahka rumah Balang, Balang enggau pungka lelaki sida serumah nadai di rumah laban sampal ngabang gawai ngagai Rumah Ubong (Unchat) di Melipis dalam Batang Kanowit, kena pegai Batang Rajang.\\nSeninjik bendar, lebuh rumah sida baru betengan ditunu bala Taman Tanduk alai Charang pan datai di rumah laban iya pulai dulu ari sida bukai. Peda iya asap ngenjing chelum, alah asap orang ke nunu umai rimba.\\nCharang lalu ngerumban tama ke bilik sida iya empu ngambi rajut, pengaruh enggau reta tengkira ke dibai Balang ari Panggau Libau. Bala Kayan nadai siku tepedaka Charang laban sida kiruh ngeringak diri berangkutka perapasan.\\nUdah nya Charang lalu ngerumban madahka sida Balang ti benung ngabang di Melipis. Laban Charang tu mega anak Kemping Padi ari Panggau Libau, nya alai nadai pengelama iya ngenataika diri di Melipis ari Katibas. Iya lalu megau orang mayuh, madahka rumah sida udah retung ditunu munsuh. Orang pan lalu begau. Sida Balang pan lalu beguai mulaika diri.\\nDatai bala Balang di Nanga Ririk, bala Kayan udah ngerarika diri. Rumah sida Balang pan retung diempa api, semina tiang aja agi bekechuit tinggal.\\nNiang Benedict Sandin ba bup iya “Sea Dayak of Borneo Before White Rajah Rule” madahka rumah sida Balang ukai diserang Kayan tang diserang bansa Tanjong tauka bansa Kanowit. Jerita tuai Iban di Batang Rajang empu sigi madahka rumah sida Balang diserang bansa Kayan laban bansa Kayan ringat diserang bala Rajah ari Kuching dalam taun 1861. Uji peda bup “The Iban and Their Religion” ti ditulis Mr. Erik Jensen ba lambar ti ke-20.\\nPedis ati nyepi rumah diri ditunu munsuh, dia Balang mai bala iya bebalas. Balang enggau bala iya ke bebalas tu tadi ngili Batang Katibas, ngulu Batang Rajang sereta tama ke Batang Balleh nyentuk ke Nanga Merama, iya nya seberai SRK Nanga Sempili tauka ari ulu Nanga Pulang ke diatu. Semua menua enggau rumah munsuh ke bisi kena pansa bala Balang ke bebalas tu tadi nadai enda anchur magang diserang bala Balang.\\nMaya aku rembus ke Rumah Engkechong Anak Maju, ulu Menuan, Batang Rajang, Kapit dalam bulan Lima taun 1989 suba, Ex-Tuai Rumah Maju Anak Inyang bisi nusika aku tibak jerita Balang ke besatup enggau Taman Tanduk empu ba pulau batu banchak Nanga Pila, ari ulu Wung Pelagus dalam Batang Rajang (Balui). Bala Kayan baka ke beribun nubai berebut deka munuh Balang ke mansang siku aja ngagai tekang bala Kayan ke nganti iya. Sida tumbang memagang dipepat Balang. Meda baka nya, Taman Tanduk lalu merejuk ngasuh nembiak iya nyeliah laban Balang nya ukai mensia ulih laban orang sengapa. Iya lalu nanam diri minta tumbuk Balang tang Balang enggai numbuk iya dulu laban ingatka pesan Kumang ti enda ngasuh iya dulu numbuk Taman Tanduk enggaika tulah. Peda Balang Taman Tanduk tu besai, kering, tinggi sereta bisi tanduk dua iti ba kening.\\nMeda Balang enggai numbuk iya, Taman Tanduk lalu matak sangkuh iya ke bulih mesai daun pingan muda. Sangkuh nya lalu diasurka iya ngagai dada Balang. Ditatka Balang aja rejang sangkuh Taman Tanduk laban nitihka pesan Kumang ti deka nguji meda penuai bulu iya. Ngembul mimit aja bungai tusu Balang alai enteran sangkuh Taman Tanduk pan lalu patah. Balang enda kekebut, nanam diri baka tunggul. Udah nya Balang lalu nyapai sangkuh iya empu sereta ngerejang Taman Tanduk. Sangkuh Balang kena dada Taman Tanduk sereta rembus ke belakang.\\nLaban pulau batu ke alai Taman Tanduk enggau Balang ke belaban tu enda besai iga, ari nya Taman Tanduk lalu labuh ke ai. Sereta iya rebah, iya lalu ditangkap Balang di kaki enggaika tengelam. Pala iya lalu dipumpung Balang ngena nyabur.\\nDalam leka entelah sida ke tuai di Batang Rajang, pala Taman Tanduk tu kelia dilalaika orang munyi tu.\\nSempurai Gundai belabung tambai, betangka tangkai betampung tali. Kumbu Rayung Raja Sekundung betampung enggau tangkung kenyalang danji.\\nKenu ku Ex-Tuai Rumah Maju, nyabur Balang tu digaga orang Panggau Libau ari besi kuning ti dikumbai orang besi Bungai Nuing. Nya kebuah semua utai ti dipantap ngena nyabur nya nadai enda putus magang laban nyabur tu nadai ngira kebal. Ex-Tuai Rumah Maju mega nusika aku penyelai terabai enchepung enggi niang Balang tu menya. Enti disebut leka jaku ngayau tauka nyerang, pemanjai terabai enchepung Balang tu kelia tau nyulut sejengkal, pemesai iya nambah setempap lalu penebal iya mansang setunjuk.\\nBala munsuh balat bendar tebunsa diserang bala Balang. Tu mih ngujungka bansa Kayan enggai agi nguan menua ili laban sida iya takut diserang Balang.\\nUdah Libau Rentap alah di Bukit Sadok kena 28.10.1861, Rajah Charles Brooke bisi mudik ngulu Batang Ai melunggang sereta ngili Batang Katibas. Iban di Katibas maya nya serebana ngagai iya madahka sida suah diserang bansa Kayan ari ulu Batang Rajang. Ari umbuk Balang (Balai Nyabong) sereta ditambahka sida Kayan tu udah ngelindung Sawing, Sakalai enggau Talip ti munuh Charles Fox enggau Henry Steele di Kanowit kena 25.6.1859 (Buyong Bin Adil – Sejarah Sarawak); Rajah Muda Charles Brooke besetuju ngelancharka kayau besai kena 15.5.1863 begulai enggau bala pengayau Iban ti betubuh bisi lima belas ribu iku, mai lima ratus buah perau pengayau ti diuluka Balang (Balai Nyabong) ari Katibas enggau Orang Kaya Gasing ari Skrang.\\nKayau tu kelia dikumbai Kayau Kayan tauka The Great Kayan Expedition dalam jaku bansa ribai. Jerita ke silik agi pasal pengawa ke dipangku enggau dikereja Balang maya Kayau Kayan nya menya tau dibacha ari bup Ten Years in Sarawak (1866) ti ditulis Rajah Charles Brooke empu.\\nBa bup tu, Rajah Charles Brooke bisi nulis munyi tu:\\n“The first man to speak after I had finished was Balang of Katibas; an ugly, little broad man with the jowl of hog. He spoke exceedingly well and I wished from my heart my speech could have been so telling.”\\nKenu ku sida ke tuai, Balang kelia sigat, kering, jaku iya berenaing lalu mata iya chalung sigi ngipakka mata Raja Berani tang Rajah Charles Brooke ngumbai iya ugly, reti nya jai gamal. Pelaba aku, penyigat ba mata kitai Iban nyangka enda sebaka enggau penyigat ba mata orang putih laban tugu tauka gambar (potrait) Balang empu agi bisi nyadi ke tanda ke tau dipeda kitai datai ke sehari tu.\\nBa bup Ten Years in Sarawak, jaku ti dipansutka Balang ditulis Rajah Charles Brooke munyi tu:\\n“I have no wish to return if the force is not successful, and am prepared to stake everything on this attack. The enemy has deprived me of all my property already, and many of my relations and people have been killed; they may now cook my head, if I can’t get theirs.” He added, “The chiefs, as the Tuan says, should be responsible for their people; and I recommend others to follow my example, and beat their followers if they refuse to obey orders.” (M.G. Dickson – A Sarawak Anthology, rambal ke-202).\\nBa Kayau Kayan tu kelia, mayuh bendar Raja Berani enggau Bujang Berani kitai Iban sama enggau ngayau baka sida Nanang anak Orang Kaya Pemancha Dana (Bayang), Linggir (Mali Lebu), Pelima Bakir, Minggat (apai Runai), Chulo (Tarang), Pelima Mujah (Buah Raya), Ubong @ Unchat, Lintung (Muahari), Balang (Balai Nyabong), menyadi iya Ranggau, Unggat, Gerinang (Nitik) enggau Orang Kaya Gasing.\\nRaban ari Katibas ti betuaika Balang (Balai Nyabong), Ranggau, Unggat enggau Gerinang (Nitik) bulih pemadu mayuh pala, tangkap enggau perapasan datai ke enda ulih buat perau pengayau sida. Ari nya, sekeda ari pala, tangkap enggau perapasan ke ulih sida disakaika sida ba perau Mujah (Buah Raya).\\nRaban ari Kanowit ti betuaika Mujah (Buah Raya), Lintung (Muahari) enggau Ubong mega bulih mayuh bendar pala, tangkap enggau perapasan nangkanka raban ari Katibas.\\nRaban ari Skrang, Saribas enggau Kalaka ti betuaika Orang Kaya Gasing, Linggir (Mali Lebu), Nanang, Bakir, Minggat (apai Runai) enggau Chulo (Tarang) enda tentu bulih pala, tangkap enggau perapasan laban bedalihka diri enda tentu nemu pendiau munsuh, enda teleba rampa menua enggau gaya ai di ulu Batang Rajang.\\nBansa Orang Ulu tebunsa bendar maya Kayau Kayan tu kelia kelebih agi nya bansa Rajang (Tanjong), Kejaman, Sekapan, Lahanan, Punan, Kayan enggau Kenyah ti ngujungka sida iya mayuh rari ke ulu Anap, Tatau.\\nSebedau pulai ngayau ari ulu Batang Rajang, Rajah Charles Brooke meri menira Sarawak enggau leka meriam sigi ngagai siku indu Kayan ti ulih tangkap sida. Pemai seruan nya diasuh Rajah Charles Brooke nyua ke tambai enggau leka meriam nya ngagai tuai Kayan ti benama Oyong Hang. Enti Oyong Hang milih menira Sarawak, reti nya iya ngampun sereta mai bebaik lalu enti Oyong Hang milih leka meriam, reti nya iya mai beperang.\\nNyadi Iban ke bempu tangkap nya tadi berat bendar ati ngelepaska indu Kayan ti ditangkap iya nya laban kenu ku iya, sida Kayan udah munuh indai enggau menyadi indu iya. Nya alai, iya begunaka indu nya dikena nganti pemarai indai enggau menyadi indu iya. Taja pia, Rajah Charles Brooke tetap ngelepaska indu Kayan nya laban diasuh iya mai seruan ngagai Oyong Hang.\\nKira sebulan udah nya, Oyong Hang nurun ke Nanga Skrang mai tambai sereta enggau pala Talip seduai Sakalai ti udah dipumpung Oyong Hang empu. Sawing enda ulih bunuh iya laban sempat ngerarika diri. Udah nya pengawa bebaik entara bansa Iban enggau bansa Kayan diatur perintah di Kanowit, iya nya dalam bulan Sepuluh taun 1863.\\nBala nembiak Balang ke agi ringatka rumah panjai sida udah ditunu munsuh balat bendar menyati sereta merinsa ulun maya tu menya. Ketegal nya, dalam taun 1863 nya mega, Balang kena tunggu Rajah Charles Brooke dua belas igi tajau rusa (Derek Freeman – “Some Reflection On The Nature Of Iban Society” – lambar ke-62).\\nUdah bekau rumah iya di Nanga Ririk retung ditunu munsuh, Balang matak bala iya pindah baru ke Nanga Ngemah di Batang Rajang. Sekumbang ke berumah di Nanga Ngemah, sekali agi Balang bisi nurun ngemedung ke Panggau Libau ari Bukit Melapi di Tinting Simanggang. Pengawa Balang ke suah ngemedung ke Panggau Libau tu bisi dilalaika sida ke tuai dalam leka main Iban ke dikumbai entelah ke munyi tu:\\nBeketan Apai Makap belangguka kabu iku sirat, bejalai beguai-guai nengah tatai tanah lengkap. ”Oh lalu, ngetu dulu mih Beketan Apai Makap.”\\n“Eh, enda aku ngetu laban beguai ngerumban Unchat begawai kenyalang.”\\nBeketan Apai Makung belangguka kabu gempung jejabung, bejalai beguai-guai nengah tatai tanah langgung.\\n“Oh lalu, ngetu dulu mih Beketan Apai Makung.”\\n“Eh, enda aku ngetu laban beguai ngerumban Lepung Nyaru Adung endur tiung betimbung mandi melenang.”\\nPemulai ke ngemedung ke sekali tu, Balang nirika Gawai Burung ke pemadu besai ti dikumbai Gawai Gerasi Papa. Enggau tu Balang mih Iban ketiga sereta ke penudi udah nirika Gawai Gerasi Papa kelimpah ari Sera Gunting enggau Radin ke udah dikenang kitai dulu ari tu. Maya Gawai Gerasi Papa tu baru udah tembu, dia Balang bisi meda rajut dikaitka ba singka kawing (tanduk rusa) di ruai sida iya empu. Balang lalu ngerah orang mayuh, minta sida ke nembiak anang ragak chapuh rirah, minta sida ke tuai nginsit begadai surut nyeliah, minta sida ke bebuti belubah agi ngetu besengah. Udah bala nembiak badu ragak richah betegagap, udah sida ke tuai nginsit begadai nyeliah ngansat, udah sida ke bebuti belubah agi ngetu bekendap, Balang lalu nesau bala pengabang ke agi bisi tinggal, nanya ke sapa bempu pengaruh nya. Siku pan nadai mih pengabang bisi ngaku diri bempu pengaruh tauka rajut nya.\\nLelak begigaka orang bempu pengaruh nya, enda berasai Balang lalu ngantuk sereta asai ke bemimpi betemu enggau lelaki siku. Orang nya lalu bejaku, “Puas endar nuan Balang dipeda aku begigaka orang bempu pengaruh nya. Nyadi nya pengaruh aku tang ditinggalka aku laban diberi ke nuan. Enti nuan ngayau ke menua tasik ngena pengaruh nya Balang, nuan enggai betemu enggau munsuh tang mih nuan nadai apa nama. Lalu enti nuan ngayau adap ke matahari tumbuh ngena pengaruh nya, sigi nadai enchepaika jari munsuh dilaban nuan Balang. Nyadi aku tu Ribai, raja orang di menua tasik,” ku lelaki nya madah ngagai Balang.\\nSekumbang ke diau di Nanga Ngemah, Balang bisi ngereja siti pengawa ke nyelai bendar ti dipelabaka tau ngalitka ati kitai mayuh.\\nNyadi sekali, orang ba rumah panjai seberai Nanga Ngemah ke diatu bisi begawai. Balang tu tadi diasuh indai iya Pok minta buah pinang ngagai orang ti begawai nya. Iya pan lalu nurun mai sengayuh siti nuju pengkalan pendai sida iya. Datai din, peda iya nadai sebuah perau agi tinggal laban ambis dikena sida serumah ngabang ke seberai.\\nTang seninjik bendar, maya nya menyadi iya Charang benung masu tikai. Balang lalu nyingkau siti ari tikai pandan ke dibasu Charang. Meda ulah Balang ngenyelai nya, Charang lalu nanya.\\n“Kapa nuan tikai pandan nya dih aka?” ku iya.\\n“Eh, dikena aku ngelayang ke seberai, diasuh indai minta buah pinang ngagai sida ti begawai nyin,” ku Balang nyaut menyadi iya.\\nUdah nya Balang lalu nepan ba tikai pandan nya tadi sereta bekayuh ngelayang ai Batang Rajang ke seberai. Nyadi maya nya bala pengabang benung beratur niki ba pengkalan pendai sida ti begawai. Sama bela tebelenga bala pengabang baka ke ngemataka perua pasang menuh, sama temati kutu bala pengabang baka jelu kena lunju mata sangkuh, sama ngenung bala pengabang baka burung tiung ngemataka tugung kayu labuh meda Balang tu merau ngena tikai pandan. Berengkah ari sehari nya, Balang lalu ditemu orang tau merau ngena tikai pandan sereta agi nyadi ke buah mulut sida ke tuai di menua Batang Rajang datai ke sehari tu.\\nBalang tu tadi nyau majak tampak rita, pegari nama. Ari nya, dia dih mayuh tuai-tuai ari pupu raban bansa maya tu kelia pedis ati tauka chemuru ngagai Balang (Leonard Edwards – Short Histories of The Lawas and Kanowit Districts, rambal 120-121).\\nNyadi sekali, bini Unggat ke benama Sedungan bisi mimpi. Iya bemimpi diasuh antu butang enggau Balang. Enti iya udah butang enggau Balang, nya baru laki iya Unggat deka jelai nama, tampak rita baka Balang.\\nBerindik ari penyelai mimpi Sedungan tu tadi, Unggat pedis endar ati ngagai Balang. Sapa kitai lelaki tu enda pedis ati enti bengat dikeduan antu baka nya? Kenu ku jerita tuai, mimpi tu sengaja digaga ditempa Sedungan empu laban iya nadai agi chara bukai dikena ngulihka Balang. Pemacha mayuh, enda manah kita indu ngiga dalih ke baka tu taja dalam ati din tetenguk endar ke utai mali laban ulah ke baka tu ukai semina ngerusak kita empu tang mega ngerusak orang bukai.\\nNyadi Unggat tu mega siku ari bujang berani di Batang Katibas maya nya kelia, menyadi Gerinang ke bensumbar Nitik. Nampung Lemambang Alin Anak Lemambang Salih, dulu kelia bisi orang dua iku diri menyadi benama Singka enggau Saka. Singka bebini jadi enggau Reba. Reba tu buta tang iya bisi ulun siku benama Unyang nyadi ke mata iya laban Reba tu peturun anak raja. Singka enggau Reba bisi anak tiga iku ke benama Rimau, Naga enggau Sumping.\\nNaga beranakka Gerinang (Nitik) seduai Unggat tang Unggat diiru Sumping laban Sumping nadai anak. Rimau, Naga enggau Sumping tu endang peturun raja berani ke teleba muai unak muai lemetak, ngupas agang ngerumpang batang ku jaku tuai. Apai sida iya ke benama Singka nya mih keterubah Iban nemu ngaga peredah beliung ari ajar Bungai Nuing.\\nRimau bebini ngambi Payah beranakka Lasa, Sigau enggau Abang. Lasa bebini ngambi Inta beranakka Langkat, Inching, Belantau, Nabau enggau Kumbong ke bensumbar Keting Nguyu. Kumbong tu tebilang agi disebut orang Apai Bakum. Kumbong bebini jadi enggau Sindu. Sindu tu anak Ngelambong enggau Lanyun. Ngelambong tu anak Balang ke bensumbar Balai Nyabong enggau Rawa (Kumbau) ke dikenang kitai dalam jerita tu. Apai Lemambang Alin ke benama Salih tu anak Belantau seduai Nyawai. Belantau tu mega siku ari uchu Rimau, aka tuai Naga seduai Sumping.\\nNyadi dalam taun 1866, Balang deka nirika Gawai Besai; ngayang babi belang tujuh iku sereta munuh manuk labang tujuh iku dikena makai selamat madahka sida ari Panggau Libau ngabang.\\nNgena peluang Balang ke deka begawai nya tadi, Unggat ngaga petenah ngagai Rajah Muda Charles Brooke madahka Balang tu deka munuh Charles Brooke nyadika babi belang lalu Resident di Sibu (Rejang), iya nya J. B. Cruickshank nyadika manuk labang. Ari petenah tu, dia deh orang putih kelia ngumbai babi belang tu bansa orang putih (an European). Uji peda ”An Iban-English Dictionary” ke ditulis Mr. Anthony Richards (1988) ba genteran tauka entelian babi belang, rambal ke-21.\\nLeka timang Iban di Kapit bisi nyebut munyi tu:\\n“Nya baru engkelili rumbau nyadi, tubuh nyaduh dia orang belabuh mudi. Tu mantaika budi Iguh munuh Memaluh, empai mantap dudi munuh, dulu sapi enggau telu raung bungang. Mantaika budi Unggat, empai munuh dudi mantap, dulu sua ke kerat babi belang.”\\nKetegal kerat babi belang nya mih Charles Brooke pechayaka jaku budi Unggat, Balang tu sigi amat deka munuh orang putih.\\nNinga ripot Unggat munyi nya, Charles Brooke pedis amat ati. Dalam leka sanggai ngading Balang, orang bisi nyebut munyi tu, “Tuan Raja kelalu bisa, mua iya mirah baka sekubar” ( Mr. Anthony Richards – An Iban-English Dictionary, rambal ke-330). Charles Brooke lalu ngasuh bala sedadu iya mudik ngena kapal Zohara ngagai rumah Balang di Nanga Ngemah. Nyadi pengawa Balang ke deka begawai semina nangka udah ngepi tauka manduk beram aja.\\nDatai ba rumah Balang di Nanga Ngemah, bala sedadu Rajah tu tadi madahka sida diasuh Rajah ngambi Balang laban bisi aum besai deka diatur di Sarawak (Kuching). Salah mimit, Balang ke nurun ke sekali tu endang siku seorang-orang, sekayu sebatang-batang laban nadai disempulang bala menyadi tauka petunggal iya.\\nNyadi maya tu kelia, ukum bunuh endang dipejalaika perintah ba Pulau Selalau, iya nya pulau siti semak pasar Sibu ke diatu. Ba Pulau Selalau tu endang bisi disediaka siti lubang alai muai bangkai orang ke diukum bunuh ketegal ti ngelaban Rajah.\\nBaka sida bukai mega, Balang tu tadi kena bunuh ba Pulau Selalau (Mr. Benedict Sandin – Sea Dayaks of Borneo Before White Rajah Rule, rambal ke-88). Keterubah iya Balang diukum timbak. Meda enda ulih timbak, iya lalu diukum gantung lima hari lima malam (Leonard Edwards – The Short Histories of The Lawas and Kanowit Districts, rambal 120-121). Enda ulih mati digitang, Balang lalu direndam sida. Baka nya ga, enda mih Balang ulih mati.\\nNyadi ukum ke penudi sereta ukum ke pemadu berat maya nya kelia iya nya ukum gayang. Ukum gayang badu dikena di Sarawak dalam taun 1930 lalu ukum timbak badu dikena dalam taun 1946 tang ukum gantung agi dikena di menua kitai, Malaysia datai ke sehari tu.\\nKenu ku jerita, orang ke dipaduka ngayang Balang iya nya Abang Talip (Mr. Stanley Ngelambong – Berita Rayat No. 120). Terubah sida ngayang Balang, iya sigi enda ulih telih. Keba ba leka renung sida ke tuai ba tibak genteran Miau Pemandang bisi nyebut munyi tu:\\n“Ambis keris segundang luntang, papa besi sekayu nengeri Batang Rajang, peda semua ambis papa sebila pedang mata pedang. Anang digayang laban iya endang bisi ngembuan pengaruh lama, taring dua bekumbang. Kedua lulu temu antu bisi nginang. Imbai Sempandai, serayung Lulung, ibun Kumang. Endang embing Bunsu Telanjing mandi tengkeching utung rerajang. Endang orang randa betuaka aka Belang Pinggang datai ari Jangkang Kara Beringkat. Tulung Tegung Remaung Lubang ngemeranka tunjang Bukit Bangat. Temu Menyalu Bunsu Aki Lang Terebang, kindang-kindang mentachang mandi asap.”\\nUdah nya Balang lalu bejaku ngasuh sida muka rajut ba punggung iya. Udah rajut ambis dibuka sida, nya baru Balang ulih telih tang mih iya enda ulih mati.\\nPemacha mayuh, ba senentang tu siti agi ga utai ti dipelabaka aku tau ngalitka ati kitai mayuh tu bisi nyadi iya nya siku ural tedung, siku ural kendawang enggau siku burung ketupung semampai nepan ba dada Balang laban ngidupka iya. Kenu ku tusi sida ke tuai, tujuh kali mati tujuh kali idup, enda mih Balang ulih bunuh sida laban ural tedung, ural kendawang enggau burung ketupung nya seruran ngidupka Balang belama.\\nEnsepi diri enda ulih bunuh sida, dia Balang empu lalu bejaku.\\n“Merinsa amat aku digaga kita baka tu. Enti kita bengat keran deka munuh aku ke nadai penyalah tu, uji tampal kita ngena tanah kuning bubun aji (lubang aji) aku nya baru aku ulih parai tang rajut enggau duku ilang aku tu anjung kita pulai ke menua ngambika bisi nyadi pengingat bala peturun aku dudi ila. Utai bukai nadai ulih munuh aku laban udah sumpah sida apai aku ari Panggau Libau” ku iya.\\nUdah nya Abang Talip lalu nampal lubang aji Balang ngena tanah kuning. Nya baru Balang parai. Nyadi Balang ke mati tu tadi dalam taun 1866. Udah iya mati, pengaruh enggau duku ilang iya lalu dikirumka Rajah pulai ke menua. Meda utai tu datai di menua, nya baru orang di menua nemu Balang tu udah kena tipu.\\nBisi ga siti jerita madahka bala sedadu Rajah deka nangkap Lintong ke bensumbar Mua Hari laban Lintong tu kelia selalu ngaga pengachau. Maya ke ngiga Lintong, sida lalu tetangkapka Balang.\\nKenu ku Temenggung Koh nusi ke Tun Jugah, Balang ditangkap perintah lalu diukum bunuh laban seduai iya Kanyan deka nyerang bansa Kantu di Batang Empanang, Kapuas, kena pegai perintah Belanda maya nya kelia.\\nKenu ku Unggat, Balang tu dibunuh perintah laban iya ngayau ngalahka bansa Lusum (Lisum). Nyadi maya tu menya bansa Lusum endang bemunsuh enggau bansa Iban sereta empai nunduk ngagai perintah. Nya alai, semua bansa ke empai nunduk ngagai Rajah sigi nadai salah dikayau laban sida iya dikira munsuh perintah.\\nBaka ni kati pan jerita orang ngenang kebuah Balang tu mati digayang, tipan sejarah menua Sarawak madahka Balang tu diukum gayang ketegal ti deka munuh Resident di Sibu (Rejang) ke benama J. B. Cruickshank (Rasin). Ba kitai Iban, Balang tu kena bunuh Rajah endang ketegal ari jaku petenah ti digaga Unggat.\\nKena ngenang budi Unggat ti nyelamatka Rajah Charles Brooke enggau Resident J. B. Cruickshank ari ke nyadi babi belang enggau manuk labang Balang, dia perintah Rajah Brooke kelia meri pangkat pengulu ngagai anak Unggat ke benama Keling enggau Matahari (Unggang). Pengulu Keling diiru Gerinang (Nitik) laban Gerinang nadai anak. Pengulu Keling enggau Pengulu Matahari tu kelia entara tuai-tuai Iban ke dulu matak bala pindah ke Batang Balleh maya bala Enjop benung bebunuh ngelaban Rajah di Katibas, bebalaska pemati aka iya Balang.\\nJerita tuai ba penyadi bangkai Balang bisi enda sebaka tauka bisi bebida. Ketebal agi sida ke tuai semina nemu bangkai Balang dibai ke Kuching udah iya digayang di Pulau Selalau laban deka digambar nyadi ke lambang bansa Iban (model for the Iban figure). Gambar Balang ke digaga ari engkeraju (bronze) agi meruan ba Tiang Pengingat Rajah Charles Brooke (Rajah Charles Brooke Memorial) di Pengkalan Batu (Water Front) datai ke sehari tu ti dipilih nyadi ke lambang bansa Dayak\/Iban (Ho Ah Chon – Kuching In Pictures 1840s – 1960s enggau Anthony Richards – An Iban-English Dictionary, rambal ke-24).\\nNya alai, enti sema pemacha mayuh bisi rembus ke Pengkalan Batu (Water Front) di Kuching, nadai salah ga kita limpang enda lama enti deka meda gambar Balang Anak Kemping Padi tu enggau semak agi.\\nSiti jerita ke ditampung aku ari sida ke tuai madahka bangkai Balang dianjung bala menyadi iya ke Bukit Panggau Dulang di ulu Bangkit ke suah nyadi jalai iya ngemedung ke Panggau Libau sereta ngagai apai iya Sempiang Padi ke sebayan. Bangkai Balang enda ditumbakka sida tang lungun tauka sentubung iya semina dipantarka sida aja. Lebuh diabas sida lapan hari udah nya (pesan Balang ngasuh ngabas bangkai iya tujuh hari udah dianjung), dia sida nemu lungun tauka sentubung Balang udah puang lalu bangkai iya nadai dia agi. Malam nya sida bisi mimpi dipadahka Keling munyi tu, “Balang enda ulih giga kita laban iya udah diambi kami ke Panggau Libau, iya ga sigi anak kami. Nya alai, chukup tujuh kali peturun iya ngangkatka nama Balang, nya baru iya deka ada baru.”\\nJerita siti agi ke ditampung aku ari Mr. Stanley Ngelambong madahka bala menyadi enggau petunggal Balang tu undur ke Kuching (pasar Sarawak) ngambi bangkai Balang kira sebulan sepengudah Balang parai digayang. Bangkai Balang nya tadi disalung sida ba Bukit Chundong di ulu Batang Katibas, iya nya entara Katibas di Sarawak enggau Tekelan di Kalimantan, Indonesia ke diatu. Umur Balang maya ke parai tu tadi baru buban nulang ikan, kira umur empat puluh lima ngagai lima puluh taun baka nya lalu apai iya Bulik enggau indai iya Pok sama agi idup maya Balang ke parai digayang tang mih nyau udah tuai sereta enda tentu dapat agi.\\nUdah bekau pemati Balang dalam taun 1866, menyadi iya Enjop (Ranggau) lalu nirika serang ngelaban Rajah. Dalam taun 1868, Enjop belabuh matak bala nirika kayau ngelaban Rajah ke alai iya nguta Nanga Bangkit, Katibas. Sekumbang ke ngelaban Rajah, iya bisi empat kali kena serang bala Rajah ke dikumbai orang putih “Katibas Expedition.”\\nKeterubah iya diserang Rajah iya nya dalam taun 1868. Kedua kali iya diserang Rajah dalam bulan Nam taun 1870. Ketiga kali Rajah nyerang iya dalam bulan Tujuh taun 1871. Ke penudi Rajah nyerang iya dalam bulan Sepuluh taun 1876. Menyadi Minggat apai Runai ke benama Enchana ke bensumbar Letan Pepulas Mas parai lebuh enggau bala Rajah ngayau Enjop ba siti ari Kayau Katibas tu kelia.\\nEnjop ke ngelaban Rajah tu tadi disaup bala kaban belayan iya ari Ulu Batang Ai, ari Kanyau, ari Emperan enggau ari Lebuyan. Sekumbang tu Rajah bisi nyerang bala Enjop di Ulu Ai dua kali, iya nya dalam bulan Sepuluh enggau bulan Dua Belas taun 1875 ke dikumbai orang putih “Ulu Ai Expedition.”\\nUdah Enjop, Embuas ke tebilang enggau perau Bung Tekam enggau Ayum ke bensumbar Rimau Badang badu bebunuh ngelaban Rajah, menua Katibas ditutup Rajah sereta enda diasuh iya endur Iban diau laban takutka sida begempung baru ngelaban Rajah begulai enggau bala Iban ari Batang Ai, ari Kanyau, ari Emperan enggau ari Lebuyan baka ke udah. Kenu ku jerita tuai, perau pengayau ke benama Bung Tekam enggi Embuas tu kelia digaga ari kayu tekam ke udah diambu Balang di Penyangkai Piang, ulu Bangkit, iya nya ari ulu Lubuk Bila Ujang dalam sungai Bangkit ke diatu. Badu bebunuh ngelaban Rajah kelia, perau Bung Tekam Embuas tu tengelam nyadi ural nabau sereta agi nguan Batang Katibas datai ke sehari tu. Kenu ku jerita, perau pengayau Bung Tekam tu deka pansut baru enti sema menua Batang Katibas bisi kachau.\\nNyadi bala Iban ke empai tepantup ati bebunuh ngelaban Rajah lalu mudik ngulu Batang Rajang. Sekeda nya ke Yong, Cheremin, Bukit Batu enggau Bukit Salong di Mujong, Gaat enggau pati-pati ai ke bukai di Batang Rajang enggau Batang Balleh.\\nBala ke ngelaban Rajah di Bukit Batu dibatak Merum, Ajut enggau Ayum ke bensumbar Rimau Badang; di Bukit Salong enggau Gaat dibatak Lebun enggau Kumbong Apai Bakum. Dalam taun 1881, bala Rajah bisi ngayau dua kali ke Bukit Batu diuluka Minggat Apai Runai seduai Chulo (Tarang) Apai Dungkong. Rajah mega bisi ngayau ke Yong enggau Cheremin dalam taun 1894, ke Bukit Salong dalam taun 1915, ke Gaat dua kali dalam taun 1915 enggau 1919.\\nPengachau pukas di menua pegai Kapit ke diatu pengudah Rajah Vyner Brooke ngatur pengawa bebaik bebanchak babi (bepalit mata besapu mua) ke pemadu besai ke digulu lebih ari empat ribu iku tuai ari mayuh pupu raban bansa di pasar Kapit kena 16.11.1924. Ba pengerami tu mega Rajah nitah tauka nyiri Pengulu Koh nyadi Temenggung, iya nya kepala bansa kitai Iban di Sarawak.\\nKenu ku jerita tuai, kebuah Balang tu enda gayu laban baka tu. Nyadi sekali iya ngemedung ke Panggau Libau. Di rantu jalai, iya betemu enggau Bungai Nuing. Ku Bungai Nuing, “Balang enti nuan ninga babi baus maya nuan niki rumah panjai di Panggau Libau negi, anang sekali-kali nuan nilik ke baruh rumah.”\\nBenung Balang tu niki tangga rumah panjai sida aya iya Keling di Panggau Libau, dia iya ninga babi balat amat baus di baruh rumah. Iya pan lalu nilik ke baruh rumah sereta tepedaka Indai Lipai telanjai geganjang belanda di baruh rumah.\\n“Salah amat pengawa di tu Balang, mali baka tu anak mali mati digayang Tuan,” ku Bungai Nuing.\\nKejang Balang deka pulai ari Panggau Libau, Bungai Nuing bejaku baru. Ku iya, “Balang pemulai nuan tu lagi, nuan deka mansa siti lubuk endur ai keruh betemu enggau ai chiru. Anang sekali-kali nuan mandi dia.”\\nDalam rantu jalai pulai ngemedung ari Panggau Libau, Balang tetemuka lubuk endur ai keruh betemu enggau ai chiru. Sepi Balang isi iya peluh amat. Iya enda bedulika pesan Bungai Nuing sereta mandi ba entara ai keruh enggau ai chiru.\\n“Apu Balang, mali mandi ba lubuk entara ai keruh enggau ai chiru tu anak, mali mati setengah umur,” ku Bungai Nuing.\\nKetegal sumpah Bungai Nuing tu mih Balang enda gayu kenu ku jerita sida ke tuai.\\nNangkan ke nya, Balang udah ensuruk Pun Buluh Berani maya iya mansang ngemedung ke Panggau Libau. Orang ke udah ensuruk Pun Buluh Berani sigi amat berani, sigi amat beberita, sigi amat tau serang tang enda gayu enti nitihka ajar Sengalang Burung dalam leka timang tauka leka pengap sida ti nyadi lemambang laban Pun Buluh Berani tu kelalu changka.\\n“Ga dan lintang nyin udah disuruk niang Balang, nya mun ke iya mati digayang Tuan Raja,” ku Sengalang Burung dalam leka pengap Gawai Burung tauka Gawai Kenyalang Iban di Batang Saribas.\\nKelimpah ari ke ditulung dikarung sida ari Panggau Libau, apai iya Kemping Padi ari Sebayan, Ribai ari tasik, apai Sali (Balang bisi baju diberi apai Sali. Baju nya diatu diibun Pengulu Jampi, siku ari peturun Balang, di Nanga Entawau, Balleh, Kapit), Balang mega ditulung Biku Iman Bunsu Raja Petara, Pantan Inan Raja Jedia enggau anak Iya ke benama Iyak Tambak Bunga Jeranga Ngembuan Geluga Dulang Penyepuh, Endu Takang Temiang Ransa Ngemataka Nyawa Seput Mayuh enggau Iyak Tambak Bunga Jerami Ke Beati Sinu Kasih, Endu Tangkung Puchung Penguji Ke Mereti Tau Ajih.\\nNama Balang mayuh dipansa dalam leka sampi enggau leka timang tauka leka pengap Iban di Batang Rajang enggau Batang Saribas. Ambika banding, aba Timang Gawai Burung di Balleh, Kapit, iya nya ba genteran Berangkaika Reban, nama Balang bisi dipansa lemambang munyi tu:\\nBejaku Lang Entebalang Mekang, “Igat Geliga Tandang, akan Sepuntang Medang; enti kemarau enggau kitai ngerendang takang kayu tapang, kemarau Balang tau dianti, nya kemarau nyanggau panas miang, reban keru nadai meranggang, api nyadi mau ngenchembang, makai tiang balan tebelian.”\\nBa genteran Ngabas Pengerangkai Reban, nama Balang bisi dipansa sida lemambang munyi tu:\\nPandak Segatak seduai Nendak, bejalai ngerampai tatai nyeradak lebak, ngabas pengerangkai umai Sengalai Lang Julak, ke udah direndang kemarau Balang pandang panas Sandak. Peda kulit kayu pelepak, udah tekupak, nyau tesilak baka kain indu Kantu Sepak berumpak beribun nubai. Angkat Pungga seduai Ketupung Kiba, bejalai ngerampai tatai tanah lempa, ngabas pengerangkai umai Sengalai Lang Rimba, ke udah direndang kemarau Balang pandang panas Juna. Peda kulit kayu kedemba, udah tekupak, ambis tebuka baka kain indu Kantu Upa pansut kanda nempala ilai. Bungai Nuing Panggit seduai Ketupung Lasit, bejalai niti tatai tanah bukit, ngabas pengerangkai umai Sengalai Lang Lunyit, ke udah direndang kemarau Balang pandang panas Usit. Peda kulit kayu merekunyit, nyau tekelanit baka kain indu Ukit besila panjai.\\nBalang bebini jadi enggau Rawa (Kumbau) beranakka Ngelambong. Ngelambong jadi enggau Lanyun, beranakka Sindu. Sindu belaki jadi enggau Kumbong (Keting Nguyu) sereta beranakka Bakum (aki ex-Pengulu Laja di Katibas), Banta (Banta’) enggau Balu (Balu’). Banta belaki jadi enggau Ngelambai beranakka Abang (Chai tauka Belayong), Merang tauka Tuba, Patan, Mai, Latap, Kebang enggau Nili. Merang jadi enggau Mutang (Sedai) sereta beranakka Kulleh, Likong, Buda (apai Penulis) enggau Manggi.\\nPemacha mayuh, udah kitai macha Gempung Jerita Tuai Bansa Iban tu kenyau ari pun nyentuk ke ujung, kami dua arapka kitai anak Iban tu udah ulih berati sereta ngasaika pengeliat, penajam, pemutus, pengeransing, pemerani enggau pengempang ati aki ini kitai kelia berantuka nyawa mubuk menua ke Sarawak kitu.\\nAri nya kami dua arapka kitai sama ngembuan pengeliat, penajam, pemutus, pengeransing, pemerani enggau pengempang ati Iban kelia dikena ngemansangka diri dalam pemansang pelajar sekula laban pemansang pelajar sekula tu mih buku guna pemansang dudi ke senyata baru awakka;\\nDikena kitai peturun Iban tu nganti senyata aki ini kitai kelia baka Ningkah berani mangah jampat nyanggai, apai Senapang Patah enda kuyah kena beperang. Emperaja impun Kumang Menun mulut kuntum sepemalun sempa pinang tuai, indai Seterum leka petunang.\\nDikena peturun Iban nganti Jagit kaki beselumbit jampat ngagai, apai Sumpit Lasit rurus direjang. Emperaja jeling Kumang Cheraring, bengeli juring tajam begeremai, indai Juing laja dikedang.\\nDikena peturun Iban nganti Salan penguan pampang jalai, apai Sangkuh Suran pala sesuam buban penerang. Perembam dalam Sempidan Panjai Langgai, indai Dajap Tajam nyapan begelemang.\\nDikena peturun Iban nganti Gindau enda kala sabau mali rangkai, apai Sangkuh Bangkau pala kekitau besantuk tulang. Emperaja bungkur ke sesitur besanggul besimpul silai, indai Nyabur penganchur antu’ darah legang.\\nDikena peturun Iban nganti Nyambung pabung di patung, lempung bai bejalai, apai Gagung Birung pesit belawang. Emperaja sulu Kumang Benyu lanjut tusu; sepiak pandak, sepiak panjai, indai Ketapu Linga’ Lingu ujak lelanjang.\\nDikena peturun Iban nganti Bugi’ jai isi kurus ngerigai, apai Terabai Besai lantang di gelang. Emperaja biak Kumang Sinak bengeli rawak berapak jarai, indai Tukak entak di gerejak simbang jerungkang.\\nDikena peturun Iban nganti Suluk tegar merejuk lansau pejalai, apai Chiruk Seligi Pinang. Emperaja perut Kumang Binjut, tusu lanjut panjai chechibai, indai Kambut Putut beperamut tali tengang.\\nDikena peturun Iban nganti Selulut Ribut Ngusai, apai Kebal Tutup rerikut nangkup di ubut punjung jejumpung. Emperaja biak Dayang Sinak Kayak Tali Sentagai, indai Unsak gigi anak remaung lubang.\\nDikena peturun Iban nganti Beleli tan nugal sehari-hari sampai ke lemai, apai Api Nyadi Mau Rerendang. Emperaja bidik Dayang Satik kaki emperenjik jampat ngeranjai, indai Lutik chechendik mengkang arang.\\nLebuh kitai tinduk di retuk papan dibalan, bebungkur enggau langgur bali berinjan; kami dua besampika kitai bemimpi nyatu kalu rian keban, mimpi nyarau sibau mansau setandan, mimpi ngerarahka buah melanjan buban, mimpi ngeruruk tampuk ati bulan ngambi enti jai, kitai jai empili burit tajam, ngambi enti umang kitai umang kenyalang tansang meruan. Isa jai kitai jai empili juring puting, isa umang kitai umang kenyalang tangkung kekaling.\\nDalam dunya tu, kitai peturun Iban amat baka garam enda bulih segenggam, amat baka berau enda bulih sechapan, amat baka paku enda bulih se-emperan tang di Sarawak ditu, kitai beberita mayuh ari beluh nyaru arang, beberita banyak ari lemetak di Tinting Kedang tang mayuh peturun Iban enda nemu kenyalang tebilang ketegal tangkung, bukit beberita ketegal remaung, Iban dipebasaka enti begempung.\\nMayuh anak Iban enda nemu Kempat Tiang tebilang laban langgai, Sarawak tampak ketegal sungai, Iban kering enti begulai sejalai.\\nMayuh anak Iban enda nemu Kelingkang tebilang ketegal tinting, Panggau Libau beberita ketegal Keling, Iban bekuasa enti sama penemu saum runding.\\nMayuh anak Iban enda nemu Batang Lupar tebangkar ketegal Bujang Senang, rita Gelung begemung laban Kumang, Iban kering enti sama kuing saum singkang.\\nThis Month: 7577","num_words":8087,"character_repetition_ratio":0.05,"word_repetition_ratio":0.0,"special_characters_ratio":0.191,"stopwords_ratio":0.201,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ngayanka Pemanah Ati ngagai Orang ke Datai ari Menua Bukai—Hebrew 13:2 | Dikena Belajar\\n“Anang enda ngelaluka temuai.” —HEB. 13:2.\\nLAGU: 124, 79\\nNama kebuah kitai patut ngubah runding kitai pasal orang ke datai ari menua bukai?\\nBaka ni Boas neladan runding Jehovah pasal orang ke datai ari menua bukai?\\nBaka ni kitai ulih ngayanka pemanah ati ngagai orang ke datai ari menua bukai?\\n1, 2. (a) Nama penanggul ke ditapi orang ke datai ari menua bukai kemaya hari tu? (Peda gambar ba pun artikel.) (b) Nama jaku tangkan ke diberi rasul Paul, lalu nama tanya ke deka dikerandauka kitai?\\nLEBIH ari 30 taun ti udah, Osei, ke bedau nyadi Saksi-Saksi Jehovah, ninggalka rumah iya di menua Ghana lalu diau di menua bukai.  (Peda nota penutup.) Ku iya madahka: “Udah nya aku nemu, mayuh orang enda ibuhka aku. Gaya hari ba menua nya mega ngasuh aku tekenyit. Lebuh aku ninggalka padang bilun lalu ngasaika penyelap keterubah iya, aku nyabak.” Ketegal Osei tusah belajarka bansa jaku menua nya, iya begunaka lebih ari setaun ngiga kereja ke manah. Lalu ketegal iya jauh ari menua diri, iya enda betah diri sebilik sereta berasai sunyi.\\n2 Perundingka baka ni nuan deka orang nulung nuan enti nuan napi utai ti sama. Nuan tentu berasai gaga ati enti disambut orang ke rinduka nuan enggau manah ba Palan Gempuru enda ngira ari ni menua tauka chura kulit nuan. Endang amat, Bup Kudus ngasuh orang Kristian ke bendar “anang enda ngelaluka” orang ke datai ari menua bukai. (Heb. 13:2) Nya alai, aram kitai berandauka tanya ke baka tu: Baka ni asai ati Jehovah pasal orang ke datai ari menua bukai? Kati kitai patut ngubah asai ati kitai ngagai orang ke datai ari menua bukai? Lalu baka ni kitai ulih nulung orang ke datai ari menua bukai ngambika sida berasai diterima ba gempuru kitai?\\nRUNDING JEHOVAH PASAL ORANG KE DATAI ARI MENUA BUKAI\\n3, 4. Nitihka Pemansut 23:9, baka ni Petara dekaka orang Israel begulai enggau orang ke datai ari menua bukai, lalu nama kebuah?\\n3 Pengudah Jehovah ngelepaska nembiak Iya ari nyadi ulun di menua Ejip, Iya meri sida adat ke ngajar sida mandangka pemanah ati ngagai orang ari menua bukai ke nitihka sida. (P-sut. 12:38, 49; 22:21) Ketegal pengidup enda seruran senang ba orang ke datai ari menua bukai, nya alai Jehovah enggau pengerindu ngintu sida. Ngambika chunto, sida ulih ngetau utai ke ditinggalka orang ke ngetau.—Lew. 19:9, 10.\\n4 Jehovah ukai semina ngasuh orang Israel bebasaka orang ke datai ari menua bukai, tang Iya mega dekaka sida ingatka baka ni asai nyadi orang ke datai ari menua bukai. (Bacha Pemansut 23:9.) Indah sebedau orang Israel nyadi ulun di menua Ejip, orang Ejip enda rinduka sida laban chara pengidup sida enda sebaka. (P-kal. 43:32; 46:34; P-sut. 1:11-14) Pengidup orang Israel tusah lebuh sida nyadi orang ke datai ari menua bukai. Jehovah dekaka sida ingatka utai nya sereta dekaka sida manah enggau orang ke datai ari menua bukai ke bisi diau begulai enggau sida.—Lew. 19:33, 34.\\nJehovah ngayanka pemanah ati ngagai orang ke datai ari menua bukai\\n5. Nama ulih nulung kitai ngayanka pemanah ati ngagai orang ari menua bukai baka ke digaga Jehovah?\\n5 Jehovah enda berubah. Nya alai, lebuh orang ari menua bukai datai ngagai gempuru kitai, kitai anang enda ingat, Jehovah agi ngayanka pamanah ati ngagai sida. (U-dat. 10:17-19; Mal. 3:5, 6) Perundingka pasal penanggul ke ditapi orang ke datai ari menua bukai. Ngambika chunto, sida enda nemu bansa jaku ke baru tauka enda dikeibuhka orang. Aram kitai enggau naka ulih nulung sida sereta manah enggau sida.—1 Pet. 3:8.\\nKATI KITAI PATUT NGUBAH RUNDING KITAI PASAL ORANG KE DATAI ARI MENUA BUKAI?\\n6, 7. Nama nunjukka orang Kristian bansa Judah kurun keterubah belajar mutarka ulah ke enda manah?\\n6 Orang Kristian kurun keterubah belajar mutarka ulah enda manah ke bisi ba orang Judah. Kena Pentakos taun 33, orang Kristian bansa Judah ke diau ba Jerusalem ngayanka pemanah ati sereta ibuhka orang baru ke datai ari menua ti bebida. (SKR. 2:5, 44-47) Tu nunjukka orang Kristian bansa Judah nemu reti ngayanka pemanah ati ngagai orang ke datai ari menua bukai.\\n7 Taja pia, maya nya bisi utai nyadi. Orang Judah ke bejaku ngena jaku Gerika mutap laban bala indu balu sida enda dikeibuhka. (SKR. 6:1) Kena mutarka penanggul tu, bala rasul milih lalu nganjung tujuh iku lelaki kena nentuka semua orang diintu enggau manah. Bala rasul milih orang lelaki ke bisi nama Gerika, engka sida dekaka bala indu balu nya berasai nyamai agi ati.—SKR. 6:2-6.\\n8, 9. (a) Nama tanya ke ulih nulung kitai nemu sekalika kitai bisi ulah ke enda manah tauka temegahka bansa diri? (b) Nama utai ke enda tau enda dibuai kitai? (1 Pet. 1:22)\\n8 Sekalika kitai nemu tauka enda, chara pengidup balat ngachau semua kitai. (Rom. 12:2) Pia mega, kitai engka ninga orang ke diau semak enggau kitai, orang ke sama kereja, tauka orang ke sama sekula nyebut utai ke enda manah pasal gaya pengidup, bansa, tauka chura kulit. Ni pemalat utai tu ngachau runding kitai? Tauka baka ni gaya kitai enti orang ngeleseka menua kitai tauka sekeda ari chara pengidup kitai?\\n9 Bisi sekali, rasul Peter jai ulah enggau orang ke ukai bansa Judah. Tang iya belubah-lubah belajar muai asai ati ti enda manah nya. (SKR. 10:28, 34, 35; Gal. 2:11-14) Pia mega, enti kitai beratika diri bisi jai ulah tauka temegahka bansa diri, kitai patut bebendar muai iya. (Bacha 1 Peter 1:22.) Nama ulih nulung kitai ngereja nya? Kingatka, semua kitai enda sempurna enda ngira ari ni penatai kitai, lalu nadai seiku ari kitai patut diselamatka. (Rom. 3:9, 10, 21-24) Nya alai, kitai nadai kebuah ngasaika diri manah agi ari orang bukai! (1 Kor. 4:7) Kitai patut ngasaika utai ti sama baka Paul. Iya madahka ngagai bala menyadi Kristian iya, sida “ukai temuai agi, ukai orang kampar agi” tang ‘raban ruang bilik Petara.’ (Eps. 2:19) Semua kitai patut bebendar muai semua ulah ke enda rinduka bansa bukai ngambika kitai ulih nyadi mensia ti baru.—Kol. 3:10, 11.\\nCHARA NGAYANKA PEMANAH ATI NGAGAI ORANG KE DATAI ARI MENUA BUKAI\\n10, 11. Baka ni Boas neladan runding Jehovah pasal orang ke datai ari menua bukai?\\n10 Boas, seiku lelaki ke tetap ati, neladan runding Jehovah pasal orang ke datai ari menua bukai. Baka ni? Lebuh Boas meresa umai iya maya musin ngetau, iya tepedaka Rut, seiku indu ari menua Moap ke bebendar gawa ngumpul barli ke labuh ba tanah. Nitihka Adat Moses, Rut bisi hak ngetau. Tang lebuh Boas ninga pasal Rut ke udah minta pemendar ngetau ba umai iya, iya balat alit ati. Iya ngemendarka Rut ngumpul barli nyengkaum ba endur ke alai ngengkahka berekas tangkai barli.—Bacha Rut 2:5-7, 15, 16.\\n11 Utai ke nyadi udah nya enggau terang nunjukka Boas ibuhka Rut sereta penusah ke ditapi Rut nyadi orang ke datai ari menua bukai. Iya ngasuh Rut mengkang bekereja enggau sida ke indu ngambika iya enda dikachau sida ke lelaki ke gawa ba umai. Iya mega nentuka Rut bulih chukup pemakai enggau ai, sama baka bala pekereja iya empu. Boas ngayanka basa ngagai Rut ke datai ari menua bukai ti napi penusah tu sereta meransang iya.—Rut 2:8-10, 13, 14.\\n12. Nama asil iya enti kitai nunjukka pemanah ati ngagai orang ke datai ari menua bukai?\\n12 Boas ngayanka pemanah ati ngagai Rut ukai aja ketegal Rut bisi pengerindu ti taluk ngagai entua indu iya, Naomi, tang mega ketegal Rut udah berengkah nyembah Jehovah sereta ngiga pengelikun ba Jehovah. Lebuh Boas manah enggau Rut, ke bendar iya neladan pengerindu Jehovah ti taluk. (Rut 2:12, 20; J-lam. 19:17) Pia mega kemaya hari tu, enti kitai manah ati, kitai ulih nulung “semua mensia” belajarka pemendar sereta nulung sida nemu Jehovah balat rinduka sida.—1 Tim. 2:3, 4.\\nKati kitai ngelaluka orang ke datai ari menua bukai enggau manah lebuh sida datai ke Palan Gempuru? (Peda genteran 13, 14)\\n13, 14. (a) Nama kebuah kitai patut ngelaluka orang ke datai ari menua bukai ba Palan Gempuru? (b) Nama ulih nulung nuan berasai senang bejaku enggau orang ke bisi chara pengidup ke enda sebaka?\\n13 Kitai ulih ngayanka pemanah ati ngagai orang ke datai ari menua bukai enti kitai ngelaluka sida enggau gaga ati ba Palan Gempuru. Sida ke baru pindah ngagai siti-siti menua engka kekadang malu sereta deka agi kediri aja. Ketegal chara pengidup tauka status sida ba orang mayuh, sida engka ngasaika diri baruh ari bansa bukai tauka menua bukai. Nya alai, kitai patut dulu nanya sida, ngayanka pemanah ati sereta deka nemu pasal sida. Enti aplikasi JW Language bisi dalam bansa jaku nuan, tu ulih nulung nuan belajarka chara nanyaka berita dalam bansa jaku sida.—Bacha Pilipi 2:3, 4.\\n14 Nuan engka ngasaika diri tusah deka bejaku enggau orang ke bisi chara pengidup ke enda sebaka. Kena napi penanggul tu, nuan ulih madah ngagai iya siti-siti utai pasal nuan empu. Udah nya baru nuan nemu, nuan bisi mayuh utai ke sama enggau iya. Kingatka, tiap iti chara pengidup bisi pemanah tauka pengurang iya empu.\\nNULUNG SIDA BERASAI DITERIMA\\n15. Nama ulih nulung kitai meretika orang ke benung nelebaka diri enggau menua baru?\\n15 Kena nulung orang bukai berasai diterima ba gempuru, tanya diri empu, ‘Enti aku ba menua bukai, baka ni aku deka orang ngelaluka aku?’ (Mat. 7:12) Sabar meh enggau orang ke benung nelebaka diri enggau menua baru. Terubah iya, kitai engka enda entu meretika chara sida berunding tauka nerima siti-siti utai. Tang ari ke ngarapka sida berunding sereta ngereja utai baka orang ke sama chara pengidup enggau kitai, nama kebuah enda nerima sapa sida ke bendar?—Bacha Rome 15:7.\\nSabar meh enggau orang ke benung nelebaka diri enggau menua baru\\n16, 17. (a) Nama ulih digaga kitai ngambika berasai semak agi ngagai orang ke bisi chara pengidup ti enda sebaka? (b) Baka ni kitai ulih nulung orang ke pindah ngagai menua kitai ba gempuru kitai?\\n16 Enti kitai magi jam belajar pasal menua tauka chara pengidup orang ke datai ari menua bukai, kitai deka senang agi ngelala sida. Lebuh kitai belajarka Bup Kudus ba diri sebilik, kitai ulih mansik chara pengidup orang ke pindah ngagai menua kitai ke enggau kitai begempuru tauka ba kandang endur kitai nginjil. Siti agi chara kitai ulih semak agi ngagai sida, iya nya enggau mai sida makai ba rumah kitai. Jehovah udah “muka pintu pengarap ngagai orang bansa bukai,” nya alai kitai patut neladan Iya sereta ngelaluka bala menyadi Kristian kitai ke datai ari menua bukai ke rumah kitai.—SKR. 14:27; Gal. 6:10; Jop 31:32.\\nKati kitai ngayanka pemanah ati ngagai orang baru ke datai ari menua bukai? (Peda genteran 16, 17)\\n17 Lebuh kitai ngena jam begulai enggau siti ruang bilik ke udah pindah ngagai menua kitai, tu deka nulung kitai meretika sereta gaga ati enggau pengawa ke digaga sida kena nelebaka diri enggau chara pengidup kitai. Kitai ulih nemu, sida begunaka tulung ngambika ulih belajarka bansa jaku kitai. Kitai mega ulih nguluka sida ngagai gerempung ke ulih nulung sida ngiga rumah tauka kereja ti manah. Tulung ke baka tu beguna amat ba bala menyadi Kristian kitai.—J-lam. 3:27.\\n18. Chunto sapa ke ngayanka basa sereta terima kasih ke ulih diteladan orang ke pindah ngagai siti-siti menua kemaya hari tu?\\n18 Endang amat, orang ke pindah ngagai siti-siti menua patut enggau naka ulih nelebaka diri enggau chara pengidup ba menua baru. Rut netapka teladan ti manah ba pekara tu. Kesatu, iya ngayanka diri bebasaka adat ba menua baru enggau minta pemendar ngetau. (Rut 2:7) Iya enda ngumbai utai tu enda beguna tauka ngasaika orang bukai berutang ba iya. Kedua, iya jampat beterima kasih ngagai orang ketegal ngayanka pemanah ati ngagai iya. (Rut 2:13) Lebuh orang ke pindah ngagai siti-siti menua ngayanka ulah ti sama baka Rut, bala menyadi Kristian sida sereta orang bukai ke diau ba endur nya deka agi bebasaka sida.\\n19. Nama utai ke ulih ngasuh orang ke datai ari menua bukai berasai diterima?\\n19 Kitai balat gaga ati laban Jehovah udah ngayanka pemanah ati sereta ngawakka semua orang ningaka berita manah. Lebuh ba menua diri, sekeda orang engka enda ulih belajarka Bup Kudus tauka begempuru enggau nembiak Jehovah. Tang diatu sida bisi peluang begempuru enggau kitai, nya alai kitai patut nulung sida ngambika sida enda ngasaika diri baka orang ke datai ari menua bukai. Kitai engka nadai mayuh duit tauka enda ulih meri mayuh tulung ngagai sida. Tang enti kitai manah enggau sida, kitai neladan Jehovah ti rinduka sida. Kitai ‘nunda teladan Petara.’ Nya alai, aram meh kitai enggau naka ulih ngelaluka orang ke datai ari menua bukai ke bisi enggau kitai!—Eps. 5:1, 2.\\nNgetau: Ngumpul utai tanam ke ditinggalka orang ke ngetau. Nitihka Adat Petara, orang Israel enda diasuh ngetau ba tisi umai tauka ngumpul semua buah kana tauka buah anggur. Enggau tu, sida ke seranta, sekalika orang ke datai ari menua bukai, bala anak mit ke nadai apai indai, tauka bala indu balu, ulih ngetau pemakai","num_words":2026,"character_repetition_ratio":0.119,"word_repetition_ratio":0.007,"special_characters_ratio":0.224,"stopwords_ratio":0.352,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyiru Uncle Kentang ngagai anak Sarawak dipuji – Suara Sarawak – Bukan Sekadar Akhbar\\nYou are here:Home-RUAI-Penyiru Uncle Kentang ngagai anak Sarawak dipuji\\nKUCHING: Pemadas Kuan Chee Heng tauka dikangau Uncle Kentang nerima puji enggau terima kasih ari mensia mayuh berekat ari penyiru iya ke chukup besai reti nya.\\nDalam akaun media rama iya sehari tu, Uncle kentang mega meri terima kasih ngagai Orang Sarawak enggau mensia mayuh ti udah ngenang pemanah iya.\\n“Nadai ibuh kira pemesai pengawa ke digaga kami, enti kita tepedaka kes baka tu…nyema kita ulih, aku pechaya kita mega deka ngereja pekara ke sebaka enggau utai ke digaga kami ngambi iya ulih datai ba padang bilun.\\n“Enda patut kitai deka ngelakka iya bedarat. Duit RM200 nya enda ibuh dibayar pulai. Nya pemeri pengasih ari kami. Kasih ga meda nangika iya nadai makai enggau ngirup laban nadai duit,” ku iya.\\nDulu ari tu, Ales Lutas Anak Lenggeng asal ari Sarawak mutus ati bedarat ari Selayang ngagai KLIA ketegal putus pengawa berindik ari Atur Tagang Pejalai (PKP) dipejalaika Perintah ngambi nagang pengerekai Covid-19 ba Malaysia kenyau ari 18 March tu tadi.\\nNembiak lelaki nya mutus ati pulai ke menua pengudah putus pengawa laban kilang endur iya gawa udah badu beoperasyen kenyau ari tiga bulan ke udah.\\nSIRU NGAGAI ORANG TUSAH… Uncle Kentang (kanan) udah nulung siku anak Sarawak ti nguji bedarat ngelawa padang bilun (KLIA) ketegal ti suntuk belanja dikena mayar tambang teksi tauka bas ari Selayang, Selangor.\\nBy Isabella Inchang|2020-06-19T20:53:56+08:00June 19th, 2020|Categories: RUAI|0 Comments\\nARKIB Select Month December 2020 (45) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":262,"character_repetition_ratio":0.06,"word_repetition_ratio":0.008,"special_characters_ratio":0.303,"stopwords_ratio":0.218,"flagged_words_ratio":0.0,"lang_id_score":0.998,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"OKP Dana Bayang | It's My Life @ Ulu Sungai Galah\\nPEMANCHA DANA ‘BAYANG’\\nTusut Penatai enggau Peturun OK Dana Bayang\\n1 Raja Sempulang Gana x Endu Endun Serentum Tanah Tumboh = Cheremie (f)\\n2 Cheremie x Ajie (son of Sengalang Burung) = Lenya (f)\\n3 Lenya x Gambing = Begura\\n4 Begura x Bata (f) = Pagan\\n5 Pagan x Chanda (f) = Nantang\\n6 Nantang x Derang (f) = Tenang (f)\\n7 Tenang x Sukun = Kantan (f)\\n8 Kantan x Kutok “Kanan” = Nuai (f)\\n9 Nuai x Lassam (Isup) = Sukun\\n10 Sukun x Beragai (f) = Sawai (f), Tom\\n11 Tom x Telo (Bragai) (f) = OK Beti “Tajai Ngindang”\\n12 Betie “Tajai Ngindang” x Endau (f) = (Isik, Nawie (f), Senaang, Mandah (f), Kitang, Suma (f), Angkum) OKP Dana “Bayang”\\nO.K.P. DANA “Bayang” di Padeh tu anak biak Orang Kaya Betie seduai Endau. Rambau tu menya, semina siku iya aja ti pemadu iya besai bendar kuasa, serta dikarapka semua tuai Iban enggau tuai Kayau dalam menua bagi kedua. Nyadi pangkat iya nyadi tuai megai menua, digelar Orang Kaya Pemancha. Dana tu tau serang, iya tampak bendar berita, lalu suah nguluka Dayak nyerang mayuh bengkah menua, alah ngerampit ke menua ka kena pegai Sultan Pontianak. Serang iya enda kala sabau ke dikumhai nadai kala balang.\\nIya bisi enam iku anak lelaki, lalu tiga iku anak indu Sida tu iya nya : O.K.P Nanang, Luyoh, Aji (Saji), Unting, Buda, Umpu, Tiong (f), Landan (f) enggau Badong tauka “Kumang Badong”(f).Ari sida ke lelaki semina Orang Kaya Pemancha Nanang seduai Aji tau kayau, lalu sida bukai naka samina berani.\\nNyadi lebuh iya baru deka ngangkat ka din bujang, sekali baru udah tembu makai lemai, Dana tumu bendar tinduk, ti alai iya bemimpi bakatu: Dalam mimpi iya, Dana asai ka bejalai niti jalai tawas bendar. Lebuh iya bejalai tu, asai sepi iya, iya betemu enggau orang mayuh bendar bekakinding besan ka baur ginti; mansang deka nginti ngagai sungai. Apin sempat nanya sida, sida dulu nanya ka pejalai iya iya madahka din deka nernuai ka Gelong. Sida lalu ngumbuk mai iya enggau sida nginti. Dana madahka diri enggai, laban iya deka ka Gelong. “Nya nadai ko meh Dana,” ko sida, “enti nuan nginti, baka kami ga pemulih nuan ikan.” Iya lalu nanya ka jalai ka Gelong. Sida madahka jalai meh ke lurus dititi iya. Iya pan lalu mupuk bejalai baru.\\nEnda lama udah nya, alai iya meda orang rnaiuh bendar bejalai datai an rnoa iya, beka-kinding besan ka jarin. Apin iya nanya sida, sida ga dulu nanya ka pejalai iya. Iya madahka diri deka ka Gelong. Ninga saut iya. orang laW ngumbuk iya enggau sida nyarin. Iya madahka diri nadal han, laban iya beguai enggai enda datal di Gelong. “Nya nadai ko mcli Dana,” ko saut orang. “enti nuan nyarin, baka kami ga pernulih nuan rusa.” Iya lalu nanya ka jalai ka Gelong. Orang madah ngagai iya, jalai meh ke lurus ka dititi iya. iya pan lalu mupuk karnaia nya.\\nNyau ka lama tidali iya ngejang ka nya, alai iya tepeda ka bala orang rnaiuh bendar datai an mua iya, besan ka badal. Sereta meda iya orang lalu ngumbuk mai iya niadal. lya madahka diri nadai han limpang, laban iya beguai enggai enda datai di Gelong. “Nya nadai ko meh Dana,” ko saut orang ka dulu, “enti nuan madal baka kami ga pemulih nuan babi.” Iya lalu nanya ka jalai ka Gelong. Orang madah suh iya, jalai ke lurus dititi iya nya meh jalai kin. Iya pan lalu mupuk ga ngejang ka nya.\\nNyau ka lama-lama udah iya bejalai ama nurun ama niki bukit, peda iya mayuh bendar bala orang beka-kinding besandang ka duku datai an mua iya. Nyadi bulu pala ke ngentudi ka bala sida, peda iya nyau buban bendar. Apin iya nanya ka panurun sida, sida dulu nanya ka pejalai iya. Iya madahka diri deka ka Gelong. Sida enda ngasuh iya lalu, tang lalu mai iya mensiang jalai padi. Iya madab ka diri enggai, laban enggai enda lalu ka Gelong. “Nya nadai ko meh Dana,” ko orang ke buban bulu pala, “enti nuan bumai, baka kami ga pemulih nuan padi.” Iya laW nanya ka jalai ka Gelong. Orang madahka iya, jalai kin meh ke dititi iya.\\nIya pan lalu beguai-guai ga mupuk ngejang ka nya. Nyau kepuas iya udah bejalai alai iya lalu manggai di tinting. An nya peda iya ngenjing baka ka sakayu tinting pemanjai rumah orang ha tinting seberai. Iya )alu bejalai berari-ari alah datai ba kaki tangga orang. Datai iya dia ama ka niki ama enggai ga asai ati iya, nyau ka lama baru iya niki. Datai iya ha pala tangga, peda iya tak ngenjing puang rumah, ternpuan lurus baka lubang sumpit. Bejalai iya niti tempuan, datai ba tengah rumah, dia indu siku nyilak ka pintu lalu ngasuh iya tama ka bilik. Iya rnadah ka diri enda, laban beguai enggai enda datai di Gelong. Indu pan lalu pansut ka ruai, ngasuh iya duduk ka pantar. Iya enggai. tang nyau ka lama indu ngumbuk. iya pan lalu duduk.\\nApin lama udah iya duduk alai indu angkat lalunyilak ka pintu bulk. Peda iya enda nemu agi pemayuh pesaka-reta orang dalam bilik; tajau lama peda iya ngenjing beka-dugau di Juan. Iya lalu angkat lalu nanya ka sapa empu bilik. “Tu bilik Rangkang Kirai Raja Sua, Pepat Pudak Bujang Sempulang Gana, iya ke buban ngentudi ka bala orang ke betemu enggau nuan tadi,” ko saut indu. “Nuan enggai tama bilik kami,” ko iya, “tang enti nuan gawa, baka kami ga pemulih nuan pesaka-reta ila.” Indu lalu madahka diri bini Pulang Gana empu, ka benarna Endu Endun Serentum Tanah Tumbuh Gegaruh niti antara, Endu lyak Serindak Tanggi Buluh ngelayang di dandang danggor tima, anak Raja Semarugah.\\nIya lalu madahka diri deka mupuk. Indu ngasuh iya niti rumah lalu nurun an setak ngagai tuju mua iya. Bejalai iya an nya beguai-guai ama nurun ama niki bukit berari-ari. Nyau ka lama iya udah bejalai, iya pan nyau bisi ga ninga utai munyi sangap prang. Bejalai ga iya an nya, nyau ka lama baru iya bisi ninga auh kukuk manuk orang nyadi bendar. “Panjai endar rumah orang tu,” ko ati iya, “llama kukuk manuk nyau munyi ka sakayu tinting, kada enda tu rumah orang Gelong,” ko iya gut-gut bejaku kediri.\\nNyau ka lama iya ke bejalai, rumah orang pan nyau di-peda; peda iya panjai bendar rumah orang. panjai an rumah ke di-tiki iya dulu tadi. Iya pan nyau semak ka semak, dinga iya enda nemu agi munyi pangerami orang. bisi orang ke nebah belikan, bisi kenyayat engkerebap, bisi ke nyepu engkerurai enggau bisi ke rindang gendang pampat. Datai iya semak rurnah, ngenung iya meda panianjai rumah. Datai di kaki tangga, iya lalu ngangau nanya ka panyadi rumah. Indu siku nilik an menyawan ba tebelayar lalu ngasuh iya niki, madahka rurnah jadi. Iya pan lalu niki, datai ba pala tangga, malik iya ka pantar meda lelaki siku duduk, ke lalu ngasuh iya duduk ba ruai sida. Iya madahka diri enda duduk laban lalu deka ngagai ruai Keling. “Enti nuan kin, kaki iya nyin ke chuit-chuit gali di panggau ba tengah rumah,” ko lelaki madah suh iya. Iya lalu mupuk bejalai niti temuan mansang ngagai ruai Keling. Datai iya ha ruai ke katiga, dia iya tak tekenyit meda lelaki siku ganjang entepa ka jari enda ngasuh iya lalu. Iya muntang an ruai geli meda nya, datai iya dia meda siku ga orang entepa ka jari telanjai bediri tengah ruai. Ge1i baru iya meda nya, nya-aai iya ngelipak deka ngelaung nengah pantar. Diri siku ga mensia peda iya telanjai entepa ka jar enda ngasuh iya nengah nya. Dia iya nyau kalat-kalat enda nemu tunga jalai lalu ngagai ruai Keling.\\nNyau kepuas iya ka ngiga jalai enda temu, iya pan lalu nikal. Datai iya ba ruai orang ke di pala tangga tadi, alai indu lalu nyilak ka pintu ngasuh iya tama ka bulk. Iya madahka diri enda lalu. “Nya nadai ko meh Dana, nuan ga enggai lalu ngagai bilik Sempurai, enti nuan deka ngagai bulk sida Keling, nyin jalai nuan ngelaung an luan bilik. Din lagi, bisiindu siku ke niebabi makai. indu nya Indai Lippai. ulun tuai sida Ktiang,” ko indu madah ngagai iya.\\nIya lalu nitk bejalai ngelaung an Juan liIik. Nyau ka lama ah iya bejalai, peda iya indu siku jai bendar gamal bng men babi makai ha Juan bilik. urung senentangrngah rumah. Meda iya indu tuai nya lalu ngelaluh iya. “Enti nuan ka ngagai Keling,” ko Indai Lippai. rganti dulu, nganti aku udah tembu meri babi makai lagi tua sama sereta niki.” ko Indai Lippai. Kpan lalu nuduk ka diri nganti Indai Lippai tembu ner babi iya makai.\\nUdah ternbu Inidai Lippai meri babi iya makai, iya lalu mai Dana nikika rurnah nengah tangga ari luan bilik. Datai seduai ba bilik, iya lalu ngenung meda pemayuh perengkreta, tak chukop macham utai kebisi.Udh nya iya malik ka sadau. Peda iya iuanah endar gainal indu benung ngebat enda jauh an pala tangga sadau. eda nya iya tak enda berasai niki ka sadau, Daiaya ba pala tangga, malik iya baru, peda iya siku ga du manah agi rindang ngebat niuak ka dalam agi; iaaalu kin.\\nDatai iya dia kejang deka nuduk ka diri, peda iya Randi Ke benambar Rantal ke di-gelar Orang Kaya Panglima, endan ,idah nya ngah duduk nyandar semak indu ke ngebat. Kamaya nuan datai tuai?” ko Dana. “Baru apin laniniga udah datai aku tuai,” ko saut Randj, “Kena eiiiar tua betemu ditu” ko Dana. Tya pan lain duduk. Nyau h lama sida tiga udah berandau, alai indu madahka dri nyau lelak ngebat. Iya lalu nyandih lalu sama 1randau enggau seduai. Nyau ka lama sida tiga udih berandau, alai indu tak ngasuh Randi seduai Dana nesa panau ba dada iya. Randi pan lalu nesa, tang nima itung iya baru ka meraka arung dada indu, iya en[a tingat ka tiap diri agi. Iya berundang niap tiga kdi, lalu baka nya berari-ani, enti tiap iya udah merak arung dada indu, iya enda ingat agi ka panyampau.\\nTembu Randi, alai indu ngasuh Dana ga niap panau nya tail. hap Dana, tang enda ga iya ingat ka panyampau, enti itung iya udah meraka arung dada indu. Iya lerundang niap tiga kali, tang lalu enda ingat berari, nti tiap iya udah ngelui arung dada indu.\\nUdah bkau nya sida tiga berandau baru. Nyau ka lama sida udah berandau, alai indu ngaga ilum pinang dua born. horn siti engkah iya ba pah kiba, enggau siti Ia pah karian iya. Iya lalu ngasuh Randi nyeput ilum siti dulu. Jeput Randi ilum ka ha pah kiba. Udah nya Dana ga nyeput, lalu jeput iya ka an kanan. Tang lebuh iya nyeput ilum, Dana lalu ngetil pah irilu.\\nUdah sduai nyeput ilum, indu pan lalu bejaku. Ko iya, “N3adi seduai sama-sama tau serang, tang serang Rand. chelap agi. Nyadi serang nuan Dana terubah nuai nyerang ka angat, laban lebuh nuan nyeput ilum pinang ba pah aku, nuan bisi lain ati.” Indu lalu madahka seran Dana balat agi an serang Randi, laban ilum pinang ambi iya an kanan. “Tang laban seduai sama-sama enda tetiap ka panau ba dada aku, nya-alai bisi siku orang enda ulih alah ka seduai. Enda lama agi ila, iya deka datai an tisau langit an sapiak mata-hari mati. Iya nya Raja Ribai, idung iya manchung, kulit iya burak, mata iya bular lalu buk iya pirang. Iya enda ulih labaii seduai. Enti seduai tetiap ka panau ba dada aku, nya barn siku pan nadai meh orang berani nantai ka jari ngelaban seduai,” ko indu. Indu lalu ngasuh seduai ngelalau uchu ambu seduai, enda ngasuh sida ngelaban Ribai enggai ka parai.\\nUdah nya indu ngasuh seduai malik. Malik seduai peda tak ngenjing besebun langit baka ka laban asap maya nunu. Seduai nanya ka kebuah langit besebun. Indu madahka nya asap rumah munsuh tunu seduai. “Samua menua nunga ngagai matahari idup,” ko indu, “siku pan nadai meh enchepai ngelaban seduai.” Indu madah ngagai seduai samua orang ka chelom kulit naclai berani ngangkat ka jari ngelaban seduai. Iya lalu madahka diri Kumang.\\nUdah nya seduai baru ka angkat mutar ke diri ka pulai, alai Kumang ngasuh seduai duduk atas tanggoi seraung. Tak tegu Kumang tanggoi lalu ngelayang terebai. Tekenyit kesal asai Dana lain dani. Lebuh iya dani mata-hari urung tengan niki han siti. muamuaManuk sabung ti pemadu di karapka iya bendar nya : Sabok “Gila Berani” apai Mang, Uyu apai Ikum, Unal “Bulan”, Igoh apai Lamban, O.K. Akun (Bedindang), Isiek enggau Senaang. Laban pemerani sida manuk sabung tu, semua kayau O.K.P. Dana Bayang nadai kala enda mujor. Apin iya nyadi tuai tau serang lebuh iya benung ngangkat ka diri bujang, iya bisi mimpi. Dalam mimpi iya, asai ka di padah ka Kumang ti diau di tuchong Bukit Santubong, enda ngasuh iya munoh sebarang orang ka diau senebing Batang Saribas terus ngagai Luba Santubong nyengkaum Batang KayongTimor Selatan nengeri Pontianak. Nya alai kategal mimpi iya tu, sepamanjai umor iya endang nadai kala ngalahka Bansa Melanau ti diau sabelah luba Nanga Rajang enggau ngilah nya kin.Nya alai ari mimpi iya nya tadi, tiap-tiap kali mansa Luba Santubong dalam pejalai iya mansang nyerang ngagai menua ari luar nya, iya enda tau enda ngetu samalam dia, awak ka ulih niki ka Bukit Santubong, deka nanya ngagai Kumang pasal pemujur serang sida.\\nDalam bulan Tujoh taun 1800, OKP Dana Bayang mai perau 120 buah ari Batang Saribas enggau Skrang ngalahka Sungai Raya, dalam menua Kelimantan. Iya ngalahka mayuh Kampung enggau rumah panjai Melayu enggau Dayak Selakau serta munoh munsuh lebih 100 iku ba endur nya. Nambah ka nya, sida mega bulih mayuh bendar tangkap ke lalu dibai sida pulai ka menua.\\nUdah iya ka mujor bendar ngalahka Sungai Raya, OKP Dana Bayang mai tuai Melayu Saribas enggau Iban ari Skrang ngalahka nengeri Sambas dalam taun 1804. Sida babendar amat bamuk, serta mayuh bendar bulih dengah nyengkaum bansa Selakau enggau Dayak Lara ti diau nisau menua nya.\\nDua taun lepas nya, dalam taun 1806, iya nguluka bala besai Iban ari Saribas enggau Iban ari Skrang ngalahka China di pasar Sengkawang. Lebuh ka bamuk tu, mayuh bendar bansa China ti nan ka diri ngelaban ngena parang bingkok ti dikumbai “Tat” di bunoh sida. Barang sida ti ulih ngelari ka diri lalu lari ngagai nengeri Mentrado. Mayuh mega sida ditangkap lalu dibai pulai, lalu turun sida bedau diau di menua Saribas datai ka diatu.\\nKategal mayuh bendar munsuh udah lari ngagai menua Mentrado lebuh iya ka ngalahka Sengkawang, OKP Dana Bayang lalu ngalahka Mentrado dalam taun 1810, ngena perau pangayau 180 buah ari Saribas enggau Skrang. Lebuh bamuk ka sekali tu, nyau beratus-ratus china mati di dengah sida, lalu ka mimit aja tangkap olih sida lalu di bai sida pulai. Diatu turun sida mega agi mengkang diau di menua Saribas enggau Skrang, lalu sekeda bisi mega dijual ngagai tuai Melayu.\\nLima taun udah bekau ka ngalahka China Mentrado, dalam taun 1815, OKP Dana Bayang nguluka lebih 100 buah perau pengayau Melayu enggau Iban ari Saribas serta Skrang mansang ngalahka Nengeri Pontianak malam hari. Sida bamuk babendar amat ngalahka kandang nengeri. Sida besatup enggau bala munsuh ti tegap bendar, lalu munsuh agi nitih sida ka tasik ngena perau. Lebuh kayau tu, manuk sabung OKP Dana Bayang diulu ka Libau “Rentap” enggau bala iya ti badengah bulih sabuah perau pala Melayu Pontianak, serta bulih perapasan keris sebilah ti beulu ka mas.\\nDalam taun 1820, OKP Dana Bayang mai bala ngalahka bansa Selakau ti diau dalam garis menua Sarawak semak Tanjong Datu. Lebuh ka bamuk tu, laban munsuh ka di bantu bala Iban Lundu di ketuai ka OK Temenggong Jugah, anak lelaki Nyambong ti udah pindah enggau bala iya ngagai endur nya. Kebuah Iban Lundu masuk ka diri ngagai laya tu Iban Saribas enggau Dayak Selakau ari dendam lama antara Sebuyau enggau Saribas. Mayuh dengah ulih bala sida OKP Dana Bayang lebuh ka tu. Pia mega bala sida pan bisi mega kena bunoh munsuh dalam serang ka sekali tu.\\nDalam taun 1825, OKP Dana Bayang ngalahka Mempawah semak Sambas ke alai sida mayuh bendar badengah ka orang berikan.\\nSerta udah pukas kayau tu, mayuh bendar tuai-tuai Saribas baka sida OK Antau “Linggang Negeri” seduai menyadi iya OK Gun “Mangku Bumi” ari Rimbas ngalahka Iban Sebuyau enggau bala ti enda besai, bebalaska tegal Iban Sebuyau ti mantu bala balau ti barengkah ngelaban Iban Saribas ba menua sida iya empu di Rimbas, Paku enggau Padeh.\\nRambau benung pengachau tu baru nyadi dalam taun 1834 OKP Dana Bayang nguluka lebih 200 buah perau pengayau Iban ari Saribas enggau Skrang mansang ngalahka Sambas. Lebuh Kuta munsuh udah alah, OKP Dana Bayang lalu naban ka mariam siti ti ditinggal ka munsuh lari. Mariam tu ti digelar “Bujang Timpang Berang” lalu di bai sida pulai ka Saribas. Meriam tu mega ka lalu dikena OKP Nanang (anak OKP Dana Bayang) ninggang bala Libau “Rentap” lebuh ka nan ngelaban Rajah Brooke di tuchong Bukit Sadok datai ka maya sida nurun nundukka perintah dalam taun 1861.\\nSama taun OKP Dana Bayang ti ngalahka Sambas, OK Rabong ari Skrang ngayau ngalahka Balau Iban enggau Melayu ba Bukit Banting di Batang Lingga bebalaska bala Balau ti udah nyerang Iban Skrang di Nanga Skrang.\\nDua tiga taun udah OK Rabong ngalahka Balau Banting, Iban ari Undup enggau Iban Dau selalu bendar ngaga pengachau bekayau ka Iban ari Kumpang enggau Lemanak ke diau di sabelah ili Batang Ai. Ngasaika diri ka selalu kena kachau tu, sida lalu minta tulong OKP Dana Bayang bebalas nyerang Iban Undup enggau Dau. Keterubah iya OKP Dana Bayang bejaku madahka Iban Undup enggau Dau ukai munsuh iya, nya alai iya enggai ngemasuk ka diri ngagai laya tu. Tang orang Kumpang, Lemanak enggau Skrang keras bendar minta tulong iya, laban enti semina sida iya aja, tentu munsuh tu enda ulih di alah ka sida. Sida mega suah udah alah laban munsuh tu dalam kandang lima taun ti ka udah.\\nOKP Dana Bayang lalu nanya sida sapa orang ti deka di padu ka sida nyadi tuai kayau ngelaban munsuh tu. Sida Tuai Iban Skrang, Lemanak enggau Kumpang sama nadai mayuh jaku lalu setuju ngasuh OKP Dana Bayang nyadi ka tuai kayau sida.\\nNinga sida tak berat bendar minta bantu iya, OKP Dana Bayang pan sinu serta deka berunding ka peminta sida. Iya lalu madahka sida, sabedau iya nyanggup nguluka sida ngayau, iya dulu deka nanya semua bala Manuk Sabung iya dulu serta enggau semua Tuai Kayau bukai di Saribas laban deka nemu paneka sida enggau ngayau ka sekali tu.\\nOrang seruan ari Kumpang lalu diasuh OKP Dana Bayang nganti berita ari Manuk Sabung serta enggau Tuai Kayau bukai dalam kandang dua tiga hari nya.\\nDalam kandang dua tiga hari nya, tuai sida ari Ulu Layar iya nya Unal “Bulan” enggau manuk sabung iya Igoh apai Lamban enggau Uyu apai Ikum, datai madahka sida sama setuju deka enggau ngayau. Linggir “Mali Lebu” ari Paku pan madahka diri enggau bala manuk sabung iya deka enggau, tang sida iya apin sempat mindah nama apin abis nugal umai bukit.\\nSerta OKP Dana Bayang udah nemu runding semua Tuai Kayau Saribas bukai enggau Manuk Sabung sida ti setuju deka enggau ngalahka Undup, iya pan lalu ngasuh bala seruan ari Kumpang nya pulai awak ka madah ngagai bala sida din, iya enggau bala manuk sabung iya ari Padeh, Layar enggau Paku deka datai enda lama agi ka Kumpang.\\nLebuh semua pengawa ke nyendiaka kayau udah tembu diator, sida OKP Dana Bayang enggau beratus-ratus bala iya lalu angkat ari Padeh. Sida melunggang ka Skrang lalu bemalam samalam ba Nanga Lemanak. Hari siti sida lalu mupuk bejalai ka Kumpang. Lebuh sida datai din, sida meda nyau beribu-ribu bala endang udah nganti penatai sida. Penatai bala sida nya tadi ari Skrang, Seramat, Lemanak enggau Belambang.\\nMalam nya lebuh ka berandau enggau tuai-tuai bukai, OKP Dana lalu nanya ngagai sida berapa penyampau sida ari Skrang, Lemanak, Saramat, Belambang enggau Kumpang udah sedia deka enggau bala. Sida madahka iya bisi dua tiga ribu iku ti endang udah datai, lalu enda temu pemayuh ti agi deka datai. Udah ninga tu OKP Dana Bayang nanya sida baru sekali ka sida amat milih iya nguluka bala. Tuai sida lalu nyaut endang agi nitih ka semaya endang siga ngambi iya jadi ka tuai nguluka bala. OKP Bayang pan lalu madahka sida enda ngasuh sida angkat dulu, laban agi nganti penatai Linggir “Mali Lebu” enggau bala iya ari Paku ka agi nembu ka tugal umai sida. Nya alai sida Kumpang kiruh bendar ngintu bala pengayau dalam kandang dua minggu lebuh ka nganti penatai Linggir “Mali Lebu” enggau bala iya ari Batang Paku.\\nDua minggu lepas nya, baru bala Linggir “Mali Lebu” datai. Malam nya OKP Dana Bayang pan lalu mai orang barengkah baum ka pasal kayau. Dalam aum nya, iya lalu nusoi ngagai Linggir “Mali Lebu” pasal pemutus runding sida Batang Lupar ti udah nirika iya jadi ka tuai nguluka bala ngalahka Undup. Linggir “Mali Lebu” pan lalu setuju serta madahka atur nya betul bendar laban ko iya, ” nadai tuai bukai ditu bisi lebih agi ari nuan ti udah lama serta udah suah agi nguluka bala ngerja pengawa besai baka tu. Enti ukai nuan, OKP Dana “Bayang”, di padu nyadi ka tuai bala kitai, aku enggau bala manuk sabung aku nyangka enda enggau bebala tang lalu pulai ngintu pengawa umai di menua din,” ko Linggir “Mali Lebu” nampong jaku iya tadi.\\nUdah ninga saut Linggir “Mali Lebu” nya tadi, OKP Dana “Bayang” pan lantang bendar ati. Iya pan lalu madah ngagai semua tuai bukai utai ti enda tau enda di kerja dulu dikena nyandia ka Kayau. Iya ngatur dua iku ari tuai ka dia ngiga tambak burung (ka deka di bai sida ngayau jadi ka tanda burung sida). Tumu pagi hari siti, seduai pan lalu nurun ngiga tambak burung. Apin lama udah nurun, siku ari seduai lalu ninga Ketupong Kanan, lalu tuai ka siku agi lalu ninga Beragai Kiba.\\nUdah nya, pagi siti OKP Dana Bayang agi ngasuh tuai dua iku bejalai ka babas ngiga tambak burung baru nambah iya ka udah. Siku ari seduai iya ninga Pangkas Kanan, lalu enchabut anak kayu ka tambak burung. Iya ka siku agi lalu ninga Embuas Kiba. Udah tembu nya tadi, seduai lalu bejalai sama ngiga tambak Kelabu Papau Kiba.\\nLalu enggau tambak burung nya tadi, OKP Dana Bayang lalu madah ngagai bala tuai ka dia, “laban kitai bisi semua tambak burung tu, nama-nama pan burung bukai bisi didinga kitai lebuh kitai mansang nurun ngayau ila, nadai tau pulai ka pengachau kitai,” ko iya.\\nMalam udah tembu pengawa ngiga tambak burung, sida pan lalu ngadu ka piring ading dikena sida ngangauka Petara awak ka sida ulih nulung ngalahka munsuh enggau lantang. Udah tembu pengawa miring, lemambang dua iku lalu diasuh berenung kayau ngangauka orang Panggau Libau enggau Gelong datai nulung serta enggau sida iya ngayau ngalahka munsuh.\\nUdah tembu miring, dua iku lemambang lalu diasuh ngangauka renung kayau awak ka ngasuh orang ka berani ari Panggau Libau enggau Gelong datai nulung sida bamuk ngalahka munsuh. Lemambang ka berenung tu tadi endang mangkang mahligai pengaruh enggau senjata ti udah diengkah dalam mahligai awak ka orang ka bujang berani ari Panggau Libau enggau Gelong nyumpah semua utai ngambi ka iya pulai bisa ti lalu tau nulung sida. Lebuh lemambang udah badu berenung dinihari nya, sida pan lalu diberi orang ka bempu rumah makai pagi. Tembu makai, tuai rumah pan lalu ngempuru ka orang baum ba ruai iya laban deka nanya ka mimpi siku-siku malam nya.\\nUdah semua bala penguang nusoi mimpi diri, OKP Dana Bayang pan lalu nanya ka mimpi tuai rumah empu. Saut tuai rumah, “mimpi aku malam nya asai ka munoh kaban beruang, udah nya aku lalu malik serta meda mayuh bendar bangkai kaban beruang mati nyau baka garing kiba-kanan. Udah nya mega, aku asai ka ngalahka kaban nyumboh, lalu lebuh aku malik udah nya, peda aku bangkai nyumboh nyau baka garing sabelah tanah ngelingi aku dia.”\\nUdah ninga ka mimpi Tuai rumah nya tadi OKP Dana Bayang pan lalu ngasuh orang ti manah buah mimpi mupuk nurun mansang nyerang enggau iya. Lebuh sida bejalai nengah jalai nuju Undop, OKP Dana Bayang ngasuh bala ngetu enda lama, laban deka barengkah ngusok ka burung ka didinga sida serantau jalai sepagi nya (reti ngusok tu kena bebasa ka burung). Udah tembu ngusok, sida lalu majak ka pejalai sida, sampai ka sida datai ba endur sabengkah ti endur sida ngetu tiga malam beburung ka nyawa Ketupong kanan ka didinga lebuh ka ngambi tambak burung nya suba. Tembu tiga malam sida beburung ba endur nya, sida lalu majak ka pejalai sida baru sampai ngagai tengah hari ka endur sida ngetu samalam ngibun tambak burung Beragai Kiba.\\nTumu pagi siti, OKP Dana Bayang lalu ngerah bala bejalai baru ngagai antara menua enggau munsuh. Ba rantu jalai sida lalu ngetu samalam baru laban deka ngibun tambak burung Pangkas kiba. Hari siti sida lalu bejalai baru, lalu datai ba menua enggau munsuh tengah hari rapas. Dia sida lalu bedampa awak ka bisi endur sida diau. Lebuh orang ka biak agi tu benung bedampa, OKP Dana Bayang lalu ngasuh Sabok “Gila Berani” seduai Bedindang nguluka bala dua belas iku bejalai ka dalam babas ngikup ka bala pengayau sabelah menua nya dia ngagai jauh malam enggai ka dilanggar munsuh enggau ngenyit.\\nPulai sida ngikup malam nya, OKP Dana Bayang lalu nanya ka berita sida. Bedindang lalu madahka bala sida bejalai begadai-gadai dalam babas enda nengah arong jalai, lalu masuk ngagai menua munsuh. Sekeda sida niki puchok mengeris awak ka tampak endur sida meda ka endur rumah munsuh. Sida meda rumah panjai munsuh ari jauh. Udah tembu berati ka gaya rumah munsuh nya, sida lalu mulai ka diri ngagai tugong bala malam nya.\\nOKP Dana Bayang lalu nanya Bedindang, “Enti kitai angkat tumu ari tu, ni ka maya kitai datai nuntung ba rumah munsuh?”. Bedindang lalu madahka OKP Dana Bayang “Kitai tentu ulih datai din apin tengah hari. Kitai tau berapi dulu pagi nya enti kitai deka datai din maya tengah hari rapas.”\\nNinga nya OKP Dana Bayang lalu ngerah bala berapi udah tengah malam awak ka ulih bakejang ari nya rerak tawas. Iya mega madahka ngagai semua tuai-tuai bala, iya ukai semina deka ngalahka sabuah rumah munsuh aja, tang semua rumah panjai munsuh sekayu Batang Undup. “Nya alai udah kitai ngalahka sabuah rumah panjai munsuh ka tarubah iya tu, kitai lalu bepalan ari rumah nya ngalahka rumah panjai bukai,” ko iya madahka sida.\\nTumu pagi siti sida lalu angkat bejalai nuju antara menua ka semak rumah munsuh nya tadi. Datai sida ba pun kayu mengeris ti endur bala pematau ngila ka gaya rumah panjai munsuh dulu agi ari nya, OKP Dana Bayang lalu mai bala diau dia malam nya awak ka berandau ka atur deka negah munsuh.\\nLemai nya, OKP Dana Bayang lalu ngangau bala pamesai tuai kayau iya baum. Dalam aum nya, iya ngasuh Sabok “Gila Berani” seduai Bedindang mai dua iku bala bukai nyepai pemindah munsuh semak ka agi. Sekeda pengayau bukau diasuh iya jaga ngelingi dampa arau sida enggai ka dialah ka munsuh enda ngadang.\\nPagi siti, Sabok “Gila Berani” seduai Bedindang enggau dua iku sida bukai lalu nyau nurun mansang nyepai bala munsuh. Sida empat pulai ngagai dampa arau endang udah jauh lemai. Lemai nya OKP Dana Bayang lalu nanya rita sida empat ka nengkilun ka pendiau munsuh. Ko Bedindang, sida bejalai nengah jalai tang nadai batemu enggau munsuh. Semadi lebuh sida udah datai nyau semak bendar enggau rumah panjai munsuh, sida bisi ngemata ka ari puchok kayu. Pemanjai rumah dipeda sida bisi tiga-puluh pintu.\\nNinga rita nya, OKP Dana Bayang lalu ngasuh bala pengayau mengkang diau dia sahari da agi. Malam nya iya lalu ngerah bala tumu tindok ngiga mimpi. Bala ti ngambi kayu kena berapi diasuh ngambi kayu ti udah chukup mati serta rangkai bendar awak ka enda berasap enti dikena berapi laban sida udah semak bendar ari rumah munsuh.\\nHari siti lebuh bala pengayau ke biak nyau ngambi kayu api ka babas, tuai-tuai kayau serta enggau bala pengayau ti endang tau dikarap landik serta berani, lalu berunding ngiga jalai dikena ngalahka rumah panjai munsuh nya. Sida ke berandau dia diulu ka OKP Dana Bayang empu, ditangkan ka Linggir “Mali Lebu” enggau Unal “Bulan”. Semua atur udah putus magang ba aum malam nya, semina nganti ka barengkah agi. Dalam aum nya, OKP Dana Bayang mega nanya ka pemayuh rumah munsuh dalam Batang Undup ngagai orang Kumpang. Sida madahka ngagai iya rumah munsuh di Batang Undup mayuh lalu sekeda nya bisi udah dialah ka enggau jalai Kayau Anak.\\nNinga rita tu, OKP Dana Bayang lalu nerang ngagai sida ari Kumpang, ko iya “Laban aku udah minta bantu ari semua tuai kayau ari Batang Saribas ti berani serta bisi bendar paneleba dalam pengawa tu, aku enggai ngetu ngapa ngalah serta nyerang rumah munsuh datai ka semua sida alah magang nitih ka penembu ati aku.” Jaku OKP Dana tu tadi ngenyit ka ati tuai sida ari Kumpang, laban ko ati sida iya semina ngalahka rumah sabuah nya aja.\\nUdah badu makai malam nya, OKP Dana Bayang lalu ngerah semua tuai kayau nusoi mimpi diri malam nya ba mua mayuh. Udah abis bala mayuh betusui ka mimpi diri, OKP Dana Bayang lalu nanya ka mimpi bala tuai kayau ari Padeh, Paku enggau Layar. Sida bela madahka ngagai iya , semua lantang magang dalam mimpi.\\nUdah ninga ka semua utai tu, OKP Dana lalu bejaku enda ngasuh sida ka jai mimpi enggau bebala, tang pulai ngagai rumah diri empu. Iya lalu ngatur tuai-tuai kayau nyengkaum Linggir “Mali Lebu” seduai Unal “Bulan” nguluka bala mansang nyerang nengah tiga batang jalai baka tu:\\nManuk sabung Linggir “Mali Lebu” nengah jalai kanan.\\nManuk sabung Unal “Bulan” nengah jalai ari kiba.\\nManuk sabung orang ari Kumpang, Skrang, Lemanak, Seremat enggau Belembang diasuh diasuh bejalai ari belakang sida tu magang bebagi-bagi. Sabok “Gila Berani” seduai Bedindang bejalai dulu ka bala ba jalai tengah. OKP Dana nyemetak bendar jaku madahka bala ti ngena jalai tengah enda sekali-kali diasuh masuk ka dalam rumah munsuh. Sida semina ngipa munsuh ti pansut ari rumah.\\nSerta hari terbak tawas, benung munsuh makai pagi, sida lalu ngenyit ngelanggar rumah munsuh. Dalam serang tu, mayuh bendar bala munsuh parai, semina mimit aja ti bakal. Barang ti ulih lari, lalu ngelari ka diri. Perapasan mayuh bendar ulih sida, baka tajau lama, bedil temaga, bendai enggau setawak.\\nUdah OKP Dana ditusui ka Bedindang pasal serang sida tu, iya lalu ngasuh sida nguan rumah nya serta lalu dijaga enggau tegap awak ka likun ari langgar munsuh. Bedindang, Sabok “Gila Berani”, Isik & Senaang lalu nyau nguluka manuk sabung bukai bejalai nuju antara menua nya enggau rumah panjai sabuah agi berati ka bala munsuh enggai ka bala munsuh ngenyit malas lalu ngelanggar bala sida. Sida bukai ti tinggal lalu napuk perapasan sida sabelah babas ngelinggi rumah ti udah alah lalu diwan sida jadi ka palan.\\nUdah badu babela makai lemai lemai nya, OKP Dana lalu ngagau tuai-tuai kayau serta tuai bala bukai baum ba palan iya dalam rumah panjai nya. Sida bukai ka enda enggau baum diasuh iya jaga rumah ngelinggi nya dia. Dalam aum serak tu, iya ngasuh semua manuk sabung enggau bala bukai sama ngingat ka jalai enggau akal sida ka nyerang lalu ngalahka rumah panjai nya tadi lalu ngena atur nya nyerang rumah bukai ka deka diserang sida dia. OKP Dana lalu ngasuh Sabok seduai Bedindang bejalai serta nengkilun ka pendiau munsuh hari siti, apin sida barengkah nyerang.\\nDatai ba maya hari siti Sabok seduai Bedindang lalu mai bala dua tiga iku nengkilun ka bala munsuh ba rumah panjai ka ari ulu sida. Datai sida dia sida nadai meda orang siku laban orang dia udah lari dua tiga hari dulu ari nya.\\nLebuh sida pulai, sida lalu nusoi berita sida ka matau munsuh nya ngagai OKP Dana. Ninga rumah panjai munsuh nya nadai orang agi, iya pan lalu ngerah bala ngalahka rumah nya pagi siti. Sida angkat ari nya nyerumba rerak tawas. Atur sida bejalai baka atur ka pejalai ka dulu agi ari nya. Lebuh ka belangar tu, ka dua iku aja munsuh dibunuh sida. Rumah panjai tu alah enggau mudah laban munsuh udah ninggal ka rumah nya dulu ari nya. Bala sida lalu nguan rumah nya.\\nLebuh sida udah nguan rumah nya, bala manuk sabung lalu belatur nyaga rumah nya. Sabok seduai Bedindang lalu bejalai jauh ka dalam babas berati ka bala munsuh enggai ka bisi nginau sabelah menua nya lalu ngenyit nyerang bala sida. Lebuh seduai rembus ba umai orang, seduai lalu batemu enggau dua iku orang melaki bini ti mansang deka mantu munsuh. Lebuh tapeda ka seduai, bini lelaki nya nyau getar-getar takut. Sabok seduai Bedindang lalu nanya ka penunga seduai. Seduai melaki bini madahka diri datai ari Merakai, Kelimantan Indonesia laban bisi ninga berita Rumah Jarup di Ulu Undup dialah ka orang Kumpang. Sabok seduai Bedindang pan bisi ninga berita nya lalu deka nemu berita nya terang agi ari orang ka empu rumah nya. Orang melaki bini nya tadi lalu madahka ngagai Sabok seduai Bedindang, orang ti agi ulih ngelari ka diri ari langgar munsuh lalu lari ngagai rumah panjai Suring di Ulu Undup lalu diau serta belindung dia. Sida mega udah minta bantu bala Kantu ari Merakai nulung sida nan ka rumah ngelaban penyerang ari Kumpang.\\nUdah ninga semua rita tu, Bedindang seduai Sabok pan madahka diri deka pulai lengkas dulu awak ka ulih mantu bala Sureng nan ka diri ari langgar munsuh. Seduai pan lalu mulai ka diri ngagai bala sida lalu nusoi rita ti ulih seduai ngagai OKP Dana.\\nUdah ninga berita tu OKP Dana lalu bejaku nunga tuai orang Kumpang, lalu nanya ka runding sida pasal ka deka ngalahka rumah Sureng. Sida bela nyaut enda ulih meri penemu laban udah arap enggau penuh ka OKP Dana serta samua tuai bukai ari Saribas enggau bala manuk sabung sida nulung munas serta ngalahka sida ti selalu nyerang orang Kumpang dalam kandang empat lima taun ti udah lalu.\\nOKP Dana pan lalu nanya ka tuai sida ari Lemanak, Skrang, Seremat enggau Belembang pasal ti deka ngalahka rumag suring. Sida bela nyaut madahka diri endang nitih ka kayau OKP Dana ngagai sebarang kayau ti diulu ka iya.\\nUdah mending ka runding tuai kayau ari Batang Lupar, OKP Dana lalu nanya ka penemu Linggir “Mali Lebu” ari Paku serta Unal “Bulan” ari Layar. Linggir seduai Unal lalu mansut ka jaku. “Kami tu ga udah nitih ka kayau serta mantu bala OKP Dana ngelaban Undup, Kami duai enggai ninggal ka nuan sa-agi-agi nuan ngerja pengawa.”\\nUdah ninga runding bala mayuh, OKP Dana pan lalu bejaku, “Enti semua runding udah sagala munyi nya, kitai patut majak ka pengawa ti deka ngalahka Iban Undup. Kitai anang kakang nguluka bala ngelanggar rumah Sureng, ti endur bala munsuh udah nguta diri ari bantu bala Kantu enggau orang bukai ari menua Indonesia.”\\nMalam nya OKP Dana ngasuh sekeda bala manuk sabung iya bejaga jauh dalam babas ngelingi endur nya enggai ka bala munsuh bisi belalai matau bala sida. Iya mega ngelalau bala iya enda ngasuh munoh bala munsuh ti bisi meda bala munsuh dalam babas. Sida ka bejaga tu diulu ka Sabok “Gila Berang seduai Uyu Apai Ikum. Sekeda sida ngaga kuta ngelinggi nya kena nagang pemudah tempoh munsuh enti munsuh bisi datai. Sida mega lalu nan beribu-ribu tukak digaga ari batang nibong serta buluh temiang.\\nHari siti Bedindang seduai Uyu Apai Ikum bejalai ngagai umai orang ti endur Sabok seduai iya betemu enggau munsuh melaki bini dua hari dulu agi ari nya. Kebuah seduai bejalai kia nyangka munsuh enggau bini iya mengkang agi dia nganti bala Kantu bukai ti datai mantu bala Sureng di Ulu Undup. Datai dia seduai nadai agi meda munsuh nya dia. Nya alai seduai lalu majak ka pejalai seduai jauh agi sampai ngagai seduai rembus ba pendai semak rumah panjai Sureng.\\nLebuh seduai benung bejalai sabelah menua semak rumah munsuh nya, seduai lalu tapeda ka orang dua iku benung mungga kayu api ba tebing sungai. Seduai lalu nanya ka penatai sida tak bebala mayuh baka nya. Sida madahka Bedindang seduai Uyu, sida datai ari Merakai sama enggau pangan sida ti benung mandi dibaruh ba sungai. Bedindang lalu nanya ka pemayuh sida udah datai nguang Sureng. Siku ari munsuh nya tadi lalu lalu madahka orang ari mayuh buak rumah di Merakai bisi datai tiap-tiap hari nulung nan ka rumah Sureng.\\nUyu pan lalu nanya, sekali ka bala ari Merakai enggau bala Sureng semina deka nan ka rumah ari langgar munsuh aja tauka nyerang munsuh dulu. Orangnya lalu bejaku madahka semua parengka ti dikena bamuk udah tembu magang, lalu Sureng deka nguluka bala nempoh bala munsuh ba palan munsuh empu pagi pagila. Ninga tu Uyu seduai Bedindang pan lalu madahka diri deka mandi enggau pangan sida ba pendai di ili dia sabedau niki ka rumah Sureng. Seduai lalu beguai-guai mulai ka diri ngagai bala sida.\\nUdah datai ba langkau palan, OKP Dana enggau bala tuai bukai lalu ngulu Uyu seduai Bedindang nanya ka berita seduai ti udah pulai matau munsuh. Seduai lalu nerang ka sida pasal pejalai seduai ke datai ba pendai rumah Sureng ka endur seduai betemu serta berandau enggau orang dua iku ti madahka seduai iya bala Sureng dibantu bala penguang Kantu deka datai nyerang sida pagila lalu enda nan di rumah Sureng empu. “Nya alai kitai enda tau enda nyendiaka diri ngelanggar sida ba rumah sida empu tauka kitai nan ditu pagila,” ko Uyu nusoi berita ngagai OKP Dana enggau tuai-tuai ke bisi dia.\\nNya alai tak sahari-hari nya sida majak nguta palan sida enggau chukup tegap serta lalu nambah ka pemayuh tukak ditanam sida ba semua endur ari luar kuta sida.\\nUdah badu makai lemai nya, OKP Dana lalu ngangauka baum baru ba endur iya, awak ka mutus ka semua kerja ka nyendiaka diri. Dalam aum nya iya ngatur lapan iku manuk sabung ti dikarapka iya bendar diulu ka Bedindang seduai Uyu negah bala munsuh enggau ngenyit, tang nganti kira dua puluh iku udah masuk kandang antara enggau rumah panjai sida iya empu. Pia mega iya ngelalau bala mayuh enda ngasuh sida ngamok dulu, sebedau sida ti diasuh ngipa negah munsuh, baik ka munsuh nitih ka sida tau ka enda.\\nTumu pagi siti Uyu, Bedindang sama enggau Isik seduai Senaang enggau orang bukai ti udah diator nyempulang seduai lalu nyau ngagai endur sida ti negah, enda tentu jauh ari endur kuta sida. Udah tembu sida belatur, sida lalu barengkah ngeram ka ipa ba tisau jalai. Enda bangat lama udah sida ngeram ka ipa, nya baru bala besai munsuh datai mansa jalai sanentang sida ka ngeram ka ipa. Sida lalu angkat ari ti ngipa lalu negah bala munsuh serta nachah ka munsuh ti udu bendar tekenyit. Sida udu bendar bamuk enggau panjung-panjung. Lebuh ninga panjung sida, bala ka tinggal ba kuta lalu ngadang serta ngatur diri ba endur ti manah, nan ka rumah enggau kuta ari dalam pagar kuta. Sida bamuk udu bendar.\\nBala munsuh nyau enda nemu utai asai nya agi diansak ka bala pengipa. Enti sida surut, sida dijamah orang ka ba kuta. Sida nyau baka rauh, lebih agi lebuh sida kena tebak tukak apin sida datai ba senentang rumah panjai ti udah tegap bendar kena kuta sida OKP Dana. Bala munsuh mayuh bendar parai lalu iya ka bakal mega ditangkap sida.\\nUdah pukas sida ka bamuk tu tadi, OKP Dana lalu meda ka pemayuh bala iya ka bisi bakal. Bala sida ari Kumpang enggau Belambang bisi parai. Tang laban sida ka bamuk tu tumu tembu, nya alai bisi bendar hari sida numbak ka bangkai bala sida ti bisi parai udah tengah hari nya.\\nNyau udah makai lemai nya, OKP Dana lalu ngangauka baum baru. Dalam aum tu iya bejaku mai bala ngalahka rumah Sureng tumu pagi siti. Iya lalu ngasuh semua manuk sabung ti landik serta taleba nyendiaka diri lamai nya. Orang bukai ka enda ulih enggau nyerang diasuh nyaga kuta enggau orang ka bakal. Sabok lalu bejaku madahka nya bebuai dadu bendar ninggal ka sida baka nya laban enti munsuh datai baru nyerang kuta tu, tentu sida ka bakal serta sida bukai enda ulih enggau nyerang tu nadai penyadi. Tang ko OKP Dana, “munsuh tentu enda datai agi udah ka rusak bendar kena alah ka kitai pagi tadi. Udah sida alah bendar baka nya, semua penguang Sureng tentu pulai ngagai menua sida empu di Kelimantan Barat.”\\nOKP Dana lalu bejaku mai bala ngelanggar rumah munsuh ngintai ka maya sida makai pagi rerak tawas. Malam nya semua sida diasuh nat ka diri enggau chukup serta tindok tumu ngintai ka mimpi. Agi dinihari dalam, OKP Dana lalu nanya ka mimpi bala sida. Iya lalu ngasuh bala sida ka enda manah mimpi tinggal lalu nyaga bala sida ti bakal enggau sida ti enda enggau tadi. Iya samina mai semua sida ti manah mimpi enggau iya.\\nLebuh sida datai ba rumah panjai Sureng lebuh maya rerak tawas, OKP Dana lalu nguluka bala iya masuk ngagai rumah Sureng. Iya lalu dientudi ka Linggir “Mali Lebu” seduai Unal “Bulan”. Lebuh sida bejalai nengah ruai nyandang nyabur ba jari sida, sida nemu ka dua-tiga iku aja munsuh bisi diau ba rumah nya. Lebuh bamuk sida nyau ka munoh semua munsuh enggau nadai penangul. Sida lalu pulai ngagai palan sida enggau lantang laban nadai bisi siku bakal. Sida bulih bendar tajau lama, setawak, bendai, chapak lama enggau utai bukai jadi ka perapasan dibai sida pulai.\\nKena nanda pamenang iya ti ngalahka Undop, OKP Dana Bayang semina mai benda Guchi sigi ti agi mengkang disimpan peturun iya di Lubok Nibong, Baram, nambah ka benda menaga enggau benda rusa. Linggir “Mali Lebu” beperapasan ka benda menaga sigi ti diintu bala ichit iya di Matop, Paku. Bala manuk sabung ti bukai sama bela bulih perapasan magang, baka tajau lama enggau bedil temaga enggau parengka temaga bukai. Udah bekau tasah diserang bala OKP Dana Bayang enggau orang ari Kumpang, orang Undup lalu lari ngagai dua bengkah bagi menua. Mayuh agi sida ngagai Salimbau dalam Kelimantan Barat, lalu ti bukai nya lari ngagai Ulu Lingga lalu diau enggau bala Balau.\\nNyau kelama udah nya menya, lebuh Mr. Brereton megai kubau Skrang, sida diasuh pulai baru ka Undop, tang lebuh sida datai dia sida nemu menua Skrang Ili udah diwan orang ari Skrang, lalu di Ulu Undop udah diwan orang Kumpang. Dalam taun 1843 (11\/6\/43) lebuh Sir James Brooke seduai Admiral Keppel ngalahka Saribas ba Nanga Padeh. Udah ti alah belanggar di Nanga Padeh tu nya ngujung ka OKP Dana Bayang enggau Linggir “Mali Lebu” dikangauka Rajah James Brooke ngagai kapal iya di Tanjong Sabuloh dalam kandang Saribas Ili ngasuh seduai iya nyerah ka diri nundukka Parintah. Tang iya enggai nyain surat ti ngasuh iya nyerah laban iya agi enggai nunduk tau ka ngelala Perintah ti dipegai Rajah Brooke. Lalu maya nya mega Rajah James Brooke bisi nulis pasal seduai ti munyi tu:\\n…………….“Orang Kaya Pemancha Dana Bayang ari Saribas diatu bisi lalu ngagai aku …iya tu orang ti pemadu iya diketakut ka serta mega mutus berani. Iya enda besai gamal lalu pendiau iya likun serta umur iya nyau tuai. Lengan kanan iya singkong lalu tubuh iya penuh laban litan abi pantap serta abi tumbuk sangkuh. Aku deka bendar berati serta merening gamal iya, lalu ari semua tuai bukai dalam batang ai nya, ba runding aku, iya siku tuai ti pemadu pandai serta lurus ngiring bala anembiak iya.”………………\\n……………“Siku agi tuai bansa asal ti sama bisi lalu ngagai kapal aku iya nya Linggir. Tubuh iya baruh, manah bendar di peda. Mata iya gining-gining baka perening mata ular bisa lebuh iya duduk atas deck kapal. Aku enggai badu merening ulah iya ti likun laban ari perening mata iya ti tajam bisi pangering, pemintar lalu nemu beparagam ka utai dudi hari ila. Silak mata iya mit serta tajam indah enda baka jarum kompas.”…………………\\nNyau lama udah lepas ngalahka Undop, dalam taun 1853, Iban ti diau di Layar, Padeh enggau Paku Ili, bisi nangguk buntal ba Tanjong Kauk ari ulu Nanga Rimbas dalam Batang Saribas. Tiap-tiap taun ba sanentang nya endang maya buntal ngempas ka diri deka batelu. Nyau beratus-ratus bala Iban bebuntal dia nyengkaum OKP Dana Bayang enggau kaban iya.\\nSakali benung orang mayuh benung betangguk ngena perau ba sungai nya, peda datai bala Balau mudik ai Saribas ngena perau pengayau ngalahka sida ti benung berikan. Bala balau endang nemu sanentang nya endang endur orang betanggok maya nya taun. Sida lalu bamuk enggau munsuh besenjata ka sengayuh laban mayuh sida nadai mai duku, semina mai lungga kena nasa buntal. Bisi sida nutuk munsuh ngena turus enggau sebarang utai ti dikemisika sida di dalam perau. Ba endur bamuk tu mayuh bendar perau sida karam lalu sida mayuh lemas tauka parai dibunuh munsuh.\\nAri beratus orang ka berikan dia, semina OKP Dana enggau sekeda sida bukai ulih nan ka diri ngena duku ti enda panjai ti dikena sida nasa buntal. Udah semua kaban belayan iya nyengkaum Isik seduai Senaang parai lemas enggau kena bunoh, OKP Dana Bayang pan lalu terjun nyemerai ka tebing deka ngidup ka diri. Iya lalu dititih ka munsuh betubuh sabelas iku ti babendar amat nguji deka nangkap iya. Lebuh iya datai di tebing, iya lalu mutar ngelaban munsuh ngena duku mit ti mengkang digengam iya. Sida babendar amat ngelaban OKP Dana, tang munsuh tak enda tebakal ka iya, laban kulit iya kebal. Nyau kelama sida udah bamuk, bala Balau pan nyau mansang lembut salembut. Nyepi diri enda telaban ka iya sida lalu lari ninggal ka iya. Udah sida abis lari, OKP Dana pan lalu luput laban udah kelalu ikak. Iya dani tumu pagi siti lalu mupuk bejalai nengah pala pantai nebing ai Saribas datai ka iya batemu enggau Melayu siku ti endang taleba bendar enggau iya. Iya pan lalu pinta anjung Melayu nya pulai ngagai rumah sida di Padeh.\\nLepas bala Balau ti udah bebunuh ka orang berikan di Tanjong Kauk, OKP Dana Bayang lalu ngangauka Linggir “Mali Lebu” ari Paku seduai Unal “Bulan” ari Layar ngagai rumah iya di Padeh. Iya mai seduai nya berunding deka mai bala besai ngalahka Balau ba Bukit Banting nya empu. OKP Dana Bayang nanya seduai iya enti seduai sama setuju mantu iya enggau bala iya. Linggir “Mali Lebu” seduai Unal “Bulan” bela madahka diri sama setuju laban deka bebalaska pemati orang mayuh ka dibunuh bala Balau di Tanjong Kauk.\\nTang enda mukai-mukai, lebuh sida benung nyendiaka kayau tu, OKP Dana Bayang kena jangkit penyakit Tampuk Buah lalu parai ditambah ka penyakit bukai dalam taun 1854 lalu ditumbak ka di pendam Terusu dalam Padeh. Anak iya ti benama Umpu mega parai sama kena jangkit penyakit dalam taun nya.\\nUdah parai OKP Dana Bayang, iya lalu diganti anak lelaki iya ti benama Aji tauka Saji nyadi ka tuai di Padeh enggau Ulu Layar nyengkaum Spak. Taja Aji biak agi ari Nanang seduai Luyoh, tang iya berani serta landik agi megai orang ari aka tuai iya dua iku nya. Iya nyadi tuai enda lama, engka empat taun aja, laban iya parai lebuh ka betachah enggau munsuh ba Sungai Langit dalam bulan April, 1858. Iya lalu diganti menyadi iya OKP Nanang jadi ka tuai. OKP Nanang mai bala iya nundukka perintah Brooke dalam taun 1861 ba kaki Bukit Sadok udah Raja James Brooke besemaya mayar 400 igi rusa dikena nunduk serta bebaik. Iya lalu dibai Perintah Raja Brooke ngalahka Kayan di ulu Rajang dalam taun 1863. Laban pemerani iya serta enggau penaluk iya ka perintah Raja Brooke, iya diberi Rajah Brooke pangkat Orang Kaya Pemancha ba mua tuai-tuai bukai ke begempuru di Fort Alice, Simanggang dalam taun 1886.\\nMimpi Dana tu menya amat laban lebuh iya nyau tuai, enda dapat agi alai Rajah James Brooke datai lalu rnerintah rnenoa Sarawak. Jya ka sakali aja nguluka anembiak iya ngeIaban Rajah, lebuh iya nan di Nanga Padeh dalam Saribas dalain taun 1843. Udah parai iya, anak iya Nanang seduai Aji enggau Luyoh enda ngasika minipi apai, ngelaban Rajah di Nanga Padeh baru. Alah dia sida tiga nguta Nanga Spak, udah nya nan di Nanga Sungal Langit alai Aji parai negah dalam tauri 1858. Udah nya nan baru ga di Nanga Spak; alah dia haru niki ka Bukit Sadok ninggang Rentap ti alai sida nunduk kena 25 September, 1861. Udah nunduk Sadok alai anak Aji ka bennama Senabung seduai Timban agi nguji ngiga kebal ka Sabah kena bebalaska peinarai apai seduai. Datai din siku parai pedis perut, siku parai ditangkap baya lebuh nyemerai nitih ka pelanduk meraka Batang Kinabatangan.\\nthomas annes 24\/04\/2010 at 10:22 am | Reply\\nminta kita nusut aki ini aku ke pindah ari krian ke sg arip balingian laban sida ia bisi mai pengaruh bayang.\\nMABNangaTelik 25\/04\/2010 at 7:04 am | Reply\\nSapa aki nuan, lalu ari ni pengangkat iya di Krian? Enti tu temu nyangka ulih ditusut.\\nthomas annes 30\/04\/2010 at 4:22 pm | Reply\\ntusun aki ini aku: ulas(f)x…= tupu@andu(f) x mawan. Sida tu pindah ari krian. Laki ulas enda nemu ia ko cerita mati ngayau. Sangkoh bayang 2 bilah+1 pengaruh tanduk.\\nthomas annes 30\/04\/2010 at 4:33 pm | Reply\\nkami arip nemu magang pengaruh “bayang” tu tang siko nadai nemu baka ni sida ulas(f) tau ngembuan pengaruh tu. Nama kaitan ulas ngau bayang. Aku tu generasi ke 6 ari ulas.\\nthomas annes 30\/04\/2010 at 4:54 pm | Reply\\nEnda pasti laki Ulas(f) bc enggau pindah ari krian ka enda lalu enda nemu nama ia. Anak Ulas ianya Tupu@Andu(f) laki ia Mawan. Kubur sida 3 tu bc di arip ditu.\\nthomas annes 30\/04\/2010 at 5:18 pm | Reply\\nBisi bala kami di Arip tu suba ke nguji lalu nyandik pengaruh “bayang”tu leboh ke deka enggau minta masuk borderscout maia komunis suba (diatu agi idup ianya nyadi TR) ia pan lalu sakit ka parai. Nya meh kami di Arip nemu pengaruh nya sigi amat agi bisa.nadai berani orang deka nguji ngena ia agi.\\nMABNangaTelik 01\/05\/2010 at 8:58 am | Reply\\nAku diatu jauh ari menua ..nadai orang ka tuai alai betanya… Ila enti pulai Bulan 6 ila aku nanya ngagai orang ka tuai di menua…\\nTerima kasih ngagai nuan.\\nMersir Sarap 21\/02\/2012 at 6:42 pm | Reply\\nManah amat pansik nuan unggal.Ngarap ka nuan meruan mujur ngerembai ka penerang pasal bansa kitai Iban. Nyadi aku ka betanya ka enti unggal ulih nulung mansik ka aku sapa laki Tiong anak OKP Dana, laban aku diatu benung nembu ka tusut peturun kami sabilik ti enda ditemu aku. Nyadi penatai asal kami sabilik ari menua Krian ngentap diri ba rumah panjai Nanga Batang.Ngarap ka nuan ulih nulung aku unggal.Terima kasih.\\nuwa1971 27\/06\/2013 at 4:53 pm | Reply\\nSapa Orang Kaya Panglima Randi ti sama betemu Kumang ngau OKP Dana “Bayang” dalam mimpi ia datas nyak?\\nuwa1971 27\/06\/2013 at 5:07 pm | Reply\\nUlih madahka ari nuan bulih mimpi OKP Dana “Bayang” laban jerita ia dalam jako urang putih ba gmmawar.wordpress,com nadai nusoi mimpi tu?","num_words":8225,"character_repetition_ratio":0.059,"word_repetition_ratio":0.001,"special_characters_ratio":0.204,"stopwords_ratio":0.233,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Selampur Betong deka bisi karan 2021 - Suara Sarawak\\nBETONG: Selampur menua ba Zon Betong dipelaba bulih 100 peratus bungkur bekal kuasa karan taun baru (2021).\\nMenteri Utiliti Datuk Seri Dr. Stephen Rundi Utom madah, diatu bungkur karan manggai 95.3 peratus lalu 198 ruang bilik disambung enggau RES Last Mile sereta 136 ruang bilik disambung enggau Sares.\\n“Nya alai enti 1,475 ruang bilik ke agi nadai karan disambung enggau RES Last Mile nyadi tah baru sida tu di Betong bulih japai 100 peratus disambung karan,” ku iya.\\nIya ke mega Mandal Chairman PBB madah munyi nya ba atur bekunsi penemu beserimbai enggau Konvensyen Khas PBB Zon Betong di Dewan Sukan Tan Sri Datuk Amar Stephen Kalong Ningkan, kemari.\\nKu iya, selampur Sarawak nerima japai kuasa karan urung 97 peratus lalu ba sitak menua pesisir manggai 93 peratus.\\nNangkan nya, ku iya Perintah Sarawak nengah sekeda strategi (program) baka Projek Rakyat ke mungkur RES, Sares, ngaga sabstesyen enggau ALAF.\\nNgelansa pasal ALAF di Zon Betong, 52 projek udah tembu, lapan benung dipejalai enggau 120 projek agi nganti.\\nPendekatan baharu ekonomi Sarawak\\nHarap proses vaksinasi berjalan lancar\\nNanas Parit Bugis manis, laris\\nTunjuk bakat terpendam sempena Pesta Tasik Biru","num_words":174,"character_repetition_ratio":0.067,"word_repetition_ratio":0.0,"special_characters_ratio":0.21,"stopwords_ratio":0.126,"flagged_words_ratio":0.0,"lang_id_score":0.972,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"ADAT BANSA IBAN: ADAT IBAN 1993 - BAGI VI\\nADAT IBAN 1993 - BAGI VI\\nPosted by John Adam Gilbert at 4:15 PM\\nanthony ligok April 25, 2017 at 7:47 AM\\nAku bisi masalah pasal tanah. nyadi ka nanya nuan engka bisi adat senentang pekara tu. Baka tu ku masalah aku.\\nOrang ke berimbai enggau kami bisi nyual tanah, lebuh bebeda ke antara dia bala kami menyadi nadai enggau meda antara laban bisi masalah bukai ke enda tau enda di putar ka. Dia sida alu netep ka entara enggau kami. Nyadi entara nya enda betul baka ka di padah niang apai kami suba. Nyadi dia tu kami berunding enggu orang ka berimbai tanahnya( orang ke nyual tanah nya) ngasuh nginsur entaranya, tang ia enggai laban ko ia aku udah madah ngagai orang ke meli tanahnya tambah mega bisi orang tuai bukai ti sama berimbai tanah enggau kami dia nyadi saksi antara tanahnya ko ia madah.\\nNyadi soalan aku ka deka tanya aku baka tu.\\nKati sah ke enda orang ke meli tanah nya, enti antara tanahnya bedau di pesetuju ka kami ti sama berimbai tanahnya?\\nNama ti patut dikerja kami?\\nKati sah ka jako orong bukai bukai sama enggau bepeda ka antara tanahnya suba enti kami nadai meri surat kuasa ngagai orang nya? Kati ulih di tulak pemutus runding sidanya?\\nNyadi diatu orang ti meli tanah nya bekeras deka ke antara tanah ti ditetap ka sida lebuh mayanya suba. Soalan aku, kati bisi kuasa orang ke meli tanahnya kuasa ngagai tanahnya diatu sedangakan antara tanahnya bedau dipesetuju ka kami?\\nNama ti patut dikerja kami diatu?\\nNama hak kami ti berimbai tanah enggau orang ke nyual tanahnya?\\nNama hak orang ke nyual tanahnya?\\nKati bisi kuasa orang ke meli tanahnya diatu?\\nADAT IBAN 1993 - PART I\\nADAT IBAN 1993 - PART II\\nADAT IBAN 1993 - RIPIH GENTERAN ADAT\\nADAT IBAN 1993 - BAGI I\\nADAT IBAN 1993 - BAGI II\\nADAT IBAN 1993 - BAGI III\\nADAT IBAN 1993 - BAGI IV\\nADAT IBAN 1993 - BAGI V\\nADAT IBAN 1993 - BAGI VII\\nChuntu Surat Munoh Surat Iru Nitih Ke Adat Iban 19...\\nChuntu Surat Iru Nitih Ke Adat Iban 1993\\nChuntu Surat Sarak Nitih Ke Adat Iban 1993\\nChuntu Surat Tikah Nitih Ke Adat Iban 1993","num_words":325,"character_repetition_ratio":0.128,"word_repetition_ratio":0.0,"special_characters_ratio":0.238,"stopwords_ratio":0.203,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Engkilili patut diangkat nyadi Pelilih Menua - Suara Sarawak\\nDiatu Engkilili semina ditelah sebuah Pelilih Mit di baruh kuasa Opis Kuansil Pelillih Lubok Antu\\n“Nengah pemisi bemacham perengkaguna sereta projek pemansang ke benung dipejalai ba Dun Engkilili, nyadi engkeman amat endur Engkilili diangkat nyadi sebuah agi Pelilih Menua dalam pegai Bagi Menua Sri Aman.”\\nKUCHING: Sitak Engkilili patut diangkat nyadi sebuah Pelilih Menua, ku Kaban Kunsil Nengeri (Adun Engkilili-PSB) Dr Johnical Rayong Ngipa.\\nKu iya, diatu Engkilili semina ditelah sebuah Pelilih Mit di baruh kuasa Opis Kuansil Pelillih Lubok Antu.\\n“Nengah pemisi bemacham perengkaguna sereta projek pemansang ke benung dipejalai ba Dun Engkilili, nyadi engkeman amat endur Engkilili diangkat nyadi sebuah agi Pelilih Menua dalam pegai Bagi Menua Sri Aman.\\n“Perambu tu kala dikenatai maya aum sebedau tu laban iya tau dikumbai ‘pemeri’ ari Perintah Nengeri ke chukup lama dianti semua peranak Engkilili lalu ngarapka iya ulih diperunding sereta dikemendar,” ku iya.\\nIya madah munyi nya rambau bejuraika mosyen Meri Basa Ngagai Jaku TYT rambau bejadika Aum Dun Ke-18, kemari.\\nBerebak enggau nya, Dr Rayong mega ngenataika peminta rayat ti minta Palan ‘Service Centre’ Perintah digaga di Skim Skrang.\\n“Beduduk ari menua Skim Skrang bepalan ba endur ke strategik, nya alai engkeman amat palan Service Centre dibuka ba endur tu. Tambah mega, ditu udah bisi perengka guna pemun baka klinik, balai polis, librari enggau mayuh agi ke bukai.\\n“Skim Skrang seruran ditapatka mensia mayuh ke datai ari menua bukai,” ku iya.\\nKelimpah nya, Dr Rayong minta perintah ngelengkaska pengawa ngaga tiang telekomunikasyen dikena ngemanah agi servis arus penyambung di sitak Engkilli.\\n“Enti udah bisi tiang telekomunikasyen tu dia rayat ulih ngasaika perengkaguna ‘Jalur Lebar’ sereta nyapai juluk perintah bekaul enggau pemansang ba bidang Digital Ekonomi.\\n“Entara sitak ke patut endur nirika tiang telekomunikasyen tu iya nya menua dibungkur Batang Ai Engkilili rembus ke Skrang Ili, Ulu Skrang, Panchor, Entalau enggau Sungai Paya,” ku iya.","num_words":300,"character_repetition_ratio":0.07,"word_repetition_ratio":0.158,"special_characters_ratio":0.175,"stopwords_ratio":0.143,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pintu Dunya GerubiTuai: 09\/2006\\nDelima Anak Mensia...\\nNyau puas bekelukihka tempat sekula ti tau alai nampung pelajar tajapan naka pemayuh sekula ti tau endur nepan inggap setaun dua, datai ga surat madahka agi tau ulih nampung pelajar ba Tanjung Lobang. Jangka aku, laban tu sangka aja maya tu, enti nitihka peminta peneka tuansipol enggau pengajar bukai engka enda nama dilekatka ba papan tanda sekula ..munyi ku bala sekeda sida pom lima 1982 my junior kelia. If so, no love lost or merely translated as nadai tebasau pengerindu lenyau ku aku ga. \"Pulai baru meh nuan kin ila, jauh ari kami..tu enggau nya ..bakatu bakanya ulah nuan ..pedis nuan ila. Enda mujur tejanggul pengawa sekula nama utai ulih nuan? Nuan baka nuan ga..deka diketawa ka urang enda piga iga..rangkai ngeli urang ketawa ka kitai..udah ga nuan nadai apai,\" tu meh leka jaku tudah indai irau munyi tang dalam ati bisi ngunsai merechik enggau ai peransang. \"Maybe things nemu betukar..Enti aku pulai kin baru..I knowlah sekali tu,\" saut aku. \"Esss ..ila kami ti pedis laban nuan! Puas nerima surat tu nya ari sekula enggau upis pelajar laban kita tu,\"tudah indai mantah enggau mua enggau mata netak pandak penemu tudah aki Gerubi. \"Uji peratika bala kaban kaling ti enggau aku begulai di Tanjung deh..they are good students tajapan manchal serta tatau,\" just as convincing baka munsang ngipa manuk keluar ari tansang heheheh. Siku aja, tudah indai biak aku ti benama Evelyn Tra aja ti enda mayuh kelukih tajapan iya nemu gaya ulah aki Gerubi. Endang udah enchelak meda serta ninga gaya runding bala indai, menyadi aku siku, enggau kaban bukai ti sayauka aki Gerubi. Tu meh gaya kelukih apai indai nembiak ti endang amai amai meretika pemesai tuju pengawa sekula. \"Nama berita ti deka di ambi urang belajar ke menua tasik deh? Enda nyadi? Bakani ngatur iya deh aka,\" ku indai biak nanya. \" Enda ulih iya siku tu..umur agi alang alang..pelajar agi alang alang..nganti udah HSC ila meh..bla bla..,\" ku mummy nyaut iya. \"Akai daiii.. balat iya tu..tu siku ambis indu mem digayap iya ila,\" ku jaku tundi apai ambu aku, laki tudah indai biak aku, enggau seling leka tengking jaku sida tunga ke Nanga Ngemah. Laban tudah tuai iya ti enda bangat bejaku, tak muntang belama enggi iya deh. \" Masuk ITM dek! Enti enggai agi sekula mayuh peluang bekerja deh..nyadi polis tau meh..pengajar tau meh!\" ku tudah apai ambu. Tang meh penemu, akal aku siku jauh ngeluah ari nya! Eh..enda patut! Laban aku sida iya ti nyau beserekang betegang penemu deka ngatur pendiau aku!\\nTaun lapan puluhan tu agi kelalu muda alai besangkaka utai lebih agi far too often apai indai nembiak sekula ti bisi anak pom lima maya tu kelia semina andal ati, gaga meda anak semina pas ulih nyambung nampung pelajar ngagai pom enam. Ari perati aku, tajapan umur agi muda, bisi siku dua ari sepuluh ti nemu ngatur pejalai anak. Pemayuh iya semina gaga lalu tepantup ati enggau runding ngujungka sida apai indai enda berunding tempat ti patut alai anak sida. Mayuh ti ngembuan buah jaku 'nitih ka atur urang aja'. My folks were a bit different to an extend!!! selalu besegang penemu enti pasal pengawa sekula. Kami sebala tu nyau baka manuk di sabung nadai kelang laban udah bisi bala nyadi chuntu alai urang besemaka. \"Peda nuan bala sida uncle nuan sanu..bala aki nuan sanu..bala anak ini nuan sanu, anak apai tuai\/yak nuan sanu..bla bla bla...,\" ku munyi sema bala nyau munyi ti betapatka mangkuk pirak berebutka tempat enggau nama!! Tak ngembuan penemu enggau akal munyi ti enggai alah ari pangan diri...peransang nama main tabuh lagu jugit sida iya! Ari bala apai indai sida anak polis, bisi sekeda peda aku ti nemu nemu..jauh pejalai bala anak baka the Sigai's family. Chuntu bakatu meh ti nyadi teladan andau titi rawan sida ti dudi. \"Eh..asai bisi jalai..enselit deh kitai,\" ku tudah apai tuai Thomas Laman ..his favourite line applicable ba pengawa sekula enggau atur chara jalai pengidup bukai mega.\\nNyau mirah nadai beganjah biru nadai beginchu mua asai ke di salai, tepenat pending ninga telai, angkat mupuk junuk junuk baka imbuk niti rangkang, kejuk kejuk baka apek bayat nyukat kaki lima menua Simanggang nurun bejalai begulai enggau bala kaban lama ngiga endu dara indu engkerawai enggai ditanya lawa bula enggai berani ketuchum maya lemai. \"Pulai Tanjung agi kah dik Bee..sambung aja lah..peda kami tu ti adai nasit tu,\" ku bala sekeda bala kaban ti udah rarat tinggal laban perau ti dikemudika enda tetikika wong begirau punjung, enda tetanjakka ulak lubok lubang tedung. Kasih mega aku ninga bala sida iya ti pandak pejalai. Ka pan enda bekuli, ngeranjai baka manuk ulih sari empa sari. Sejai jai pan ulah sida iya tu dipeda mata urang mayuh, nemu meh sida iya sinu enda kurang penyiru baka sida ibu ke bala kaban bukai ti endang di sangka ditaga jauh pejalai ba pengawa sekula! Too bad that I couldn't share with them; however, being an empathetic being, I always tried to convince them that there's light at the end of the tunnel! Tu meh maya aku meri jaku goodbye betabi bekepai see you later selamat tinggal pagila lusa baru kitai ulih begulai ngajihka umur panjai bisi enggau nadai. Di belakang akal kerubung pala ngenang pesan hehehe 'Datin' as we used to called tudah Caroline Jabah Tawi Sli ti munyi tu hehehe..\"Nyabak beraie ke nuan Bian ila enti nuan enda pulai.\" Akai daiiii..but ya..laban mayuh mega utai bukai tinggal ti dikemataka Berinan Mail, siku nembiak ti ampit enggau begulai, siku kaling ari Tanjung Lobang datai ari hmmm somewhere ari Bawang Assan??!!?? Ita..dini menua asal Berinan neh? Ahhh anang irau I am almost certain of my second coming tajapan bedau mutuska penentu tunga diri..agi begantung gitang gitang baka pukat empelawa besanggit mayuh pampang.\\nTeritik perechik ai dawat GerubiTuai hari Wednesday, September 27, 2006 6 comments: Links to this post\\nPenentu Kuing Pejalai...\\n\"Dini nuan nampung pelajar udah result kita pansut tu ila,\" ku tanya uncle aku siku ti benama Thomas Laman ti begaut ngembing aku maya betemu ba pasar Simanggang. \"Eh..apai tuai..nama berita? Kini ke tuju pejalai nuan tumu amai pagi tu,\" ku aku ga ngelaungka diri ari tanya tudah. \" Sigi nurun aja, lagi udah mummy nuan ngetu tengahari baru aku limpang ngusung iya ke rumah, aram enggau aku enda lama,\" ku iya nyaut aku. Apai tuai aku siku tu meh ti seruran berani meri jaku ajar dini dini alai betemu laban penyentuk ati iya ke pengawa pelajar kami sekaban. \"Muyan agi matrikulasi meh diatu..Lubon agi dudi mimit ga nya..bendar meh aku ngansak seduai iya,\" ku tudah tuai ngenang bala anak iya empu sambil nyirut ai kupi ti agi berasap. Nyau tinggi mata panas, udah bebelika suratkabar, nyau ga aku ngansak iya, mai iya bejalai kaki pulai ke rumah. Nyamai deh laban bisi auntie Nora enggau auntie Molly bisi berapi di rumah. Mummy enggau apai tuai Thomas sigi nadai randau bukai deh..randau sekula anak dulu baru berandau ka utai bukai. Randau sekula tu enda tau enda pansut tiap tiap kali bala sida menyadi, sida sekaban duduk betunga enggau pangan diri. Tu meh gaya apai indai ti bendar bendar besai ati beraturka pelajar anak. Tudah aku..hmm iya ga nadai pengawa bukai, semina betundi enggau bala auntie di dapur deh. Mayuh kelukih bala kami ehh..mayuh utai ditanya urang. Munyi ku sempama jaku, nyau datai di gentung gelung raya utai ditanya deka diperunsaika sida iya..Tudah aku tak nadai kakang deh madah, nyau nadai utai diselalaika agi.\\n\"Peda nuan anak Tra siku ti enggau aku ditu..mati idup aku enda nyuruh iya ngambi aliran Bahasa Malaysia..siku iya da ti agi tinggal ngambi English..ke bukai huhhhh dipasukka apai iya ba BM magang..nama penyadi nya ila. Enda nyadi nembiak sekula nyadi guinea pig pilot programme sida iya..bla bla bla...\" ku tudah mummy besekang penemu enggau apai tuai Thomas ngenggaika penatai Bahasa Malaysia nyadi jaku penatai penuh dalam sekula. \"Aku sanu ..munyi nitihka penemu adi siku nya meh..aku pasukka ba sekula Bahasa magang laban tu meh jaku ti dikena kitai nyengulaka anak diatu,\" ku tudah apai tuai ga. \"Nadai nyadi nembiak sekula enti enda nemu English...bla bla bla,\" endang munyi letup ratai mansau enggi tudah indai ehh. \"Sanu enda ibuh laban ti deka dianjung ke overseas..endang English,\" ku apai tuai ga ngelimpangka tudah indai ti enggai badu badu, tatuk ngenang English enggau Bahasa Malaysia tu tadi. Kami ti di dapur lalu majak beundi nyau bekerakah ketawa. \"Meda baka meh sanu, lembau ngarap ke sanu (nyebut nama aku) laban ti mayuh ulah, semua utai ka, nadai utai dikenggaika, alah laban main ..masang majuka pemanchal,\" ku tudah mummy. \"Enti iya pil ila dia aku ngantung iya deh sanu,\" ku sambung indai bejaku nunjukka engkerarin datas pintu penama besai! \"Nadai nemu ngarapka iya nya belajar jauh entara tasik ari kitai. Kada enda lebih agi,\" ku mummy irau ngenang. Tudah aku enda bemunyi deh..tama ke bilik lalu macha suratkabar garing garing atas katil. Puas bebachaka berita, hmmm nyau mega nyerungkai ngumpul kengka surat di dikirumka bala kaban, JR Dana ari Sarikei, J. Saga ari Sibu, L Yong ari Penang, the Jones ari Kenada, Svetlana ari Yugoslavia, Maxwell enggau A. Maxwell ari Betong. Tu meh enggau diri merindang ati maya sunyi nganti pemutus penentu MCE. Musin buah, enti nadai bemalam di menua nyau ga dibai bala auntie pulai ngagai rumahpanjai sida di San, Sri Aman.\\nLemai hari bemain bol enggau bala anak polis enggau bala polis ti gagit deka bemain mega. Enti enda bakanya, nyau nurun nuju padang di baruh gerija Munggu Sabun bemain begulai enggau bala Melayu ari Kampung Tengah enggau Stawang..hhehehe begulai enggau bala sida Jali buntu, Gilbert enggau William Peter ari Kampung Resak..enggau bala ari Padang Bilun\/Sabu but nothing beat bemain enggau bala polis laban bala ti deka betundi begagai lemai hari serta bemain enggau bala ti bekalala ari pun masuk sekula sikinderi.\\nNyau chukup maya result peresa MCE pansut meh udah nya..hmmm..berasai enda nyamai ga ati. Tak dikumbai ngesal enda ga ngesal tang meh laban naka pemayuh tanya dalam kerubung pala ti nyuruh enda nyamai ati. Tajapan nadai tentu belajar tu tadi, aku ngasai serta nemu diri pas. Tuju udah ditemu result tu ti bedau temu sekali laban bisi dua tiga pusin kuing jalai ti tau ditengah. Laban pemanchal, bisi nya berita ti nyuruh entap di St. Thomas, Kuching. Tanjung Lobang was out of the picture for the time being laban enda ulih jaga ku urang tuai ga. Bisi ga berita tudah indai betukar tempat alai kerja ke Miri! Hmmmm tang enggai ga nyadi laban nadai urang ngundang utai dimenua. Hmmm pansut meh result..apooooo..laban BM ti enda kredit aduhhh nyau bekalih tunsang result aki gerubi! Bah lah..akai dai ukai main main leka meriam munyi bum ari perang pantai Normandy! Udah nasit..udah selatan ku kitai..So...what's next? Where to next? How to next? Overseas? Nadai jalai ku indai laban bedau nemu nyaga diri! Enggai ka nyau baka ulat bulu hehehe..I'll be good..I promise ku jaku.\\nTeritik perechik ai dawat GerubiTuai hari Sunday, September 24, 2006 4 comments: Links to this post\\nPulai Permisi Udah MCE...\\nSinu ngenang udah abis peresa MCE 1981 ninggalka bekau di Tanjung Lobang pulai nuju sarang diri empu. Dalam belakang runding bisi mega bekenangka enti tu enggau enti nya ngelama dua taun ti udah gayur gayur bebejur ayas pemujur diau di buding sekula Tanjung Lobang ti bempuka nama Kolej Tun Datu Tuanku Haji Bujang. Ngenang bala sida pom enam tinggi ti udah tepantup ba ujung pejalai sekula dikiraka enda ulih nikal datai enggau begulai nyemaka bisi nasit nyambung tembung titi bengkung beraut segala, nyambung leka panjung niki mansang sekula. Nadai ngawa laban pagila lusa ulih betemu baru sebelah pala tangga kaki lima kedai China, ulih betemu sebelah tempuan aya ruai besai anak mensia. Sinu ngenang bala pengajar ti nadai urang nundi beleman bali ulah mensia. Ah enda tusah kita deh cikgu Adi nadai kami naka pemayuh nembiak dudi ti nemu muka pelepa pun buah penti pemali. Tau di gayang peneka ati laban tu udah nyadi your country who cares what say you education ministry ti jauh di entigis menua bebagi. Ahh sayau meh ambai lalai ditinggalka nadai mukai mukai baka buah rian tembawai udah ditebuk tupai engkerabak chelum pala. Tak enda berasai diatu ngenang penyampau bala ti udah enggau begulai kemari bekumbai saritu beserara minta pulai. Folks, enam ratus lebih hari seemed a life long journey ..only to realize aku bemimpi maya nepan bilun pulai ke menua ari Miri after MCE!\\nSekumbang tiga bulan puang nganti pemutus peresa MCE tu sigi bendar deh bebitau bebayau nengah jalai Kuching Simanggang mansa Serian betemu enggau kaban sesama sekula ti udah enggau begulai ba sebelah rantau jalai. Di Simanggang tak nadai pengawa sekali enti udah ngalih hari laban pasar tak puang nadai urang. Ahh enti pagi bendar deh nyual mata enda laku nadai urang meli di pasar. Lemai hari nyau ga napatka bekau lama nguji enggau bala nembiak rebak baru bemain bol..enggau mansutka peluh meh nya. Pulai nyenguk rumahpanjai di menua Undop pan tak sunyi laban mensia ti regas regas udah nyau nurun pegi bekuli ke menua bukai. Tu meh gaya ekonumi dunya menua ulu 1981\/1982 laban enti enda bakanya nadai penatai belanja ngichaka bisi lebih ulih meri anak sekula tinggi ngelui ngeluah peraimeri lower sikinderi! Tu meh gaya deh..laban maya tu development enggau advancement tu jaku bala aliens ti munchung pala ari langit, ukai jaku kenang bala diri sebansa ari menua Undop. Siku dua ti nemu ngira diri besai singkang jauh pandang bisi mansang. Diri empu hmmm laban ti enggai jenuh enti di menua nyau ga nurun ke tanah maya buah. Ngujika pengeliut jari nangkal getah nulung tudah Lagak, siku mensia ti dibai datai diau begulai enggau kami sebilik ari umur iya angkat bujang. Endang pedis endang amai kamah but it was fun, nyadi peneleba ti enda ulih dibuai sampaika kitai tuai.\\nNyau puas diau di Simanggang..I wonder why Jakub ngumbai menua Sri Aman...too peaceful for me. The pace was unbelieveably too slow for a light footed soul. Nyau ga aku nurun ke Kuching ngichaka bisi insur mimit hehehe.. Diau enggau indai biak aku ba kem Penrissen better known as Kem Batu Lapan. Ditu meh aku bisi begulai enggau bala anak Melaya bemain bol ..and boy..they were good! Patut meh nembiak kitai menua Sarawak maya tu jauh naka penyauh tinggal nembiak Melaya enti betanding belumba enggau bemain bol! Bisi ga belajar siti dua ari sida iya. Ditu meh aku bekelala begulai enggau kaban ari Po' Ai\/Melugu ti ampit nasit bepegaika senyata nyadi soldadu Rinja, di kangauka kami menyadi Yak Jambi. Jarang enda di jung iya nginti enggau nyala ba sungai Landeh! Ditu mega endur alai aku terubah bekelala enggau bala anak soldadu rinja kesatu. Tu meh alai tudah aku muai jam betatukka gitar enggau bala anak indai biak aku ti udah besai besekula masuk sikinderi. Ditu meh alai aku betemu baru enggau apai ti udah muai enggai ngulai suah bepansa enda betanya deh. ..on becoming a young man on my own!\\nNurun bejegau ke pasar Kuching singgah belama ba Badruddin tama ngusung menyadi tuai ba balai polis. Nemu mega urang kasihka kitai nyuaka seringgit dua dikena ngalahka pengaus udah bejegau bebitau bebayau nurun niki rumah Elektra, Wisma Seberkas enggau Kuching Plaza nyukat pasar India! Enda mukai mukai tak bisi nyelai 'penusah' lalu mukul talipaun ngagai kaban , whom was true to his word..within minutes he and some others were at All Joy! Sida meh nyaga nyadi 'kaki pukul' as we used to call it nyuruh kaki jari enda kala kamah unless diri empu deka ngamahka iya! Puas duduk sebelah selepak tiang kaki lima nyau ga nguing mulai ke diri ngagai Batu Lapan. Malam hari nyau ga dibai menyadi enggau kaban iya nemuai tama ba \"The Lost Horizon\" hehehhe peda tak peda ngenyangka mata meh nya laban kitai ga dikumbai urang agi bebau lia!\\nTeritik perechik ai dawat GerubiTuai hari Friday, September 22, 2006 1 comment: Links to this post\\nNuju bala sebilik ti udah ditinggang penusah serta udah ngasai pemerinsa...Major, pementah enggau penyiru apai indai nuan, bala menyadi nuan enggau kita sebilik meruan dikenang aki gerubi.\\nTeritik perechik ai dawat GerubiTuai hari Monday, September 18, 2006 4 comments: Links to this post\\nSinu Ngenang Kedua....\\nSinu ngenang bekau pemanchal enggau penatau diri enggau kaban bukai ti bangat dikenggaika anak nembiak sekula ti enda ngelala tauka enda rindu bekelala enggau kami serta enggau pengajar ti bisi ampit ngajar enggau ngemataka pengawa kami. Minta ampun serta minta puji sigi enda laban nadai utai di ampun serta nadai utai di puji. Tu meh gaya nasit kami siku siku laban ti enda sama tempa, enda sama kambuh ti ngujungka penajam enggau penumpul duku ilang parang menyimbang enda setimbang sama luntang. Ari pemayuh pengingat dikenang, bukang tinggal bukang kemayang tinggal kemayang minta ditunda anang. Pengawa ti mit mit mesai kelikit dikempuk segala nyadi buah kenang gulung nyawa dalam pendiau pejalai anak mensia maya sekula serta nyadi bekau tunjik kerembang dunya.\\n\"Antu nyuruh nyadi mensia enda meh nyadi mensia,\" kenu ku jaku urang besemaka kitai enti ngembuan serta bejalaika ulah nyempelah beratus titah baka enggi aki gerubituai. Sinu ngenang bala bukai ti tau merana ati mawa merinsa ketegal siku dua ti nyelai berani ngeledengkang ketawa betanda ngerumpang pintu gerebang koperasi bansa; beluit besambung ka kerpau lama ari perang dunya kedua kelia ngambika nyamai tama nyerungkai nadai bebasa. Siti papung besi enggau tukul pemalu aji dikena bala sekeda ngambika kerpau ulih dikunchi tiap tiap hari nadai berupai tau di tarit sepiak jari tebuka ngangau mai tama. Pama ga laban bisi peneleba nyadi Tanjungneer when I rigged that sucker! Nadai kala ditangkap bah..maybe it taught me the value of timing hahahaha!!\\nSinu ngenang Pak Cik Jet muchau ligau ligau munyi semalau meling refactory laban mee maggie bekutak kutak lenyau ditabanka anak mensia lari. This was easy for everybody barang sapa ti berani ulih keluar tama laban lubang alai enselit udah sedandang di rumpang sapa lapar bisi maggie mee! Sinu ngenang nembiak bukai tau enda ampit laban penyempelah ulah bala. Tukang masak encik Rosli sigi enda bemunyi deh, tajapan nemu , laban ti suah begulai betibarka jala nguji nangkap ikan buntal nyuruh gatal anak pari ti suah mai begiri di tebing tasik teluk Luak. Enda ibuh meh aku nyepu terumpit nyebut ngerampit ngangauka nama bala ari pom empat ngagai pom enam tinggi ti bisi ampit ngerupit mee maggie refactory.\\nSinu ngenang bala ti balat suah palau masau belanja apai indai di buai tikau nuju pulau pala belebigau. Pama mega bala sekeda ti balat deka bepangan enggau bala sida endu meruap bepupu carlsberg butul kaca, sida ibu janda tuak masam mali mua; bepangan enggau bala sida igat langkau ti nyuruh patung lemi mai garing garing gali pendiau bebali. Gilai gilai pejalai baka kereniung tuai di puputka ribut rebah entap malai. Aduhh ..enti nyau maya bemain bol aduh aduhh nyau enda alah sebut nama bintang Malaysia dipeda mansang pulai enggai datai laban ti udah dipangkung butul hmmm belanda asai ti enda terengkah ditanah terebai asai. We Tanjongians in 1981 could handle our liquor equally well! Soon-to-be alcoholics tu meh tau nyuruh ekonumi bepusin nyuruh kaya laban mangkin sari mangkin nambah belipat ganda pemabuk national drinkers. Too bad laban ti nadai \"Pemabuk anonymous association\" maya tu. Lapa enda di ukum bala ti suah ngedar challenging pengajar deh? Hmmm enda meh nemu!!\\nSinu ngenang enti udah abis peresa MCE tu ila nadai begulai bekeretuk betabuhka gitar akustik maya malas enggai nginsit merindang diri ngemandakka hari. Sinu ngenang endang sinu ngenang laban tu meh ti nyuruh aki gerubi nemu kunchi key abc nebah lagu widuri lemai hari. Udah nasit udah selatan. Tu meh baka gamal kami pom lima A ti deka beperesa MCE.\\nTeritik perechik ai dawat GerubiTuai hari Sunday, September 17, 2006 4 comments: Links to this post\\nSinu Ngenang Kesatu....\\nAki Gerubi, laban ti udah nagaka diri empu di ambi besekula ke menua ribai belang ngelampai, nadai meh maioh macham..belajar nitihka urang tak bakanya aja anang enda...semadi ngaminka aja ku keda ti bisi duduk ngimbai seruran nelai. Engka baka munyi pesan ti ditinggalka pengajar ari Australia, Daud Kubu, \"school is a joke to BDFS\" dalam lambar karung bup pengingat sekula benama ensumbar Optima. Di luar nyelai lalu di dalam din sapa nemu nyagam enti enda diri empu, enda pia? Tak enda berasai mega tudah aki gerubi laban sinu ati meda anak mensia siku ti betawing bekaling enggau ganja nyuruh gila. Baru iya meh tu meda jelu antu semacham tu. Nyau melabat batang urat kelekuan tudah kaban laban ti ditanchang enggau kubal getah buatan negara; nyau bedemaram tudah lengan laban di rejang jarum mata belunchum. Din ditu, kia kia meh tudah aki gerubi ngemataka tudah kaban enggaika kur semengat..tak ngeliat bendar ngetat; enggaika tak bepeling naning belebigau mutah puang nyuruh telentang. Nemu mega urang malas budi basa kitai tajapan kitai ti dikumbai urang nembiak jai enda betabi. \" Jangan susah bah..mun ada apa apa hal di Kuching call aku ajak,\" ku pesan kaban. \"Jangan takut ehh..semua miak sitok mestinya singgah di Kuching one way or another..sound ajak ..kan jauh ya,\" ku munyi tangkan rentayan leka pesan maya kami. Sigi udah madahka diri pas pan iya pom lima sigi enda mulaika diri masuk Tanjung Lobang mega tudah kaban siku tu laban berat rat deka belajar tauka bekereja di Kuching, menua asal iya empu. A man of his word laban bisi dua tiga taun udah nya aku 'sound' tudah kaban siku tu di Kuching maya ti bisi becherengang gereginsa kudi ukai bebuti.\\nSekumbang ti udah mantu serta nyelamatka bala nembiak sekula ti tepekul laban tiki ai pasang gelumbang tu tak nadai pengawa bukai bala kami ti pom lima...belajar peresa belajar udah makai tinduk betundi enggau pangan diri. Padang pan nyau puang kurang urang laban pengawa beperesa tu..Sida pom enam atas pan bakanya mega; sama sama ngatika diri ngulihka kengka utai ti udah dipelajar. Siku dua ti berani nurunka padang nyuruh bala pengajar nyau munchung semunchung mulut laban dipeda baka ti enda ibuh ka pengawa peresa. Aki gerubi was one of them..enda ngelengka ka main lemai hari! Tu meh maya kami sebala beserara enda lama enggau bala sida pom enam baruh enggau pom empat. Datai kita taun siti tu ila, 1982, engka mayuh bala kami pom lima tu enda dipeda mua mata agi! Iya ti bisi pangan, bujang enggau dara, aduhhh nyau baka ti beserara nadai mimpi deh; bekepai bye bye see you later enti umur panjai menuku pejalai. Ahh ku bala, enti bisi nasit nikal pulai lapa enda napatka tembawai lama jerami memudai munggu berundai. Nya meh pesan endu dara menua tungaka Sarikei nuju aki gerubituai. Enti nemu ngalihka leka lagu 'maya permisi betemu baru' nyau ngalihka iya 'masuk sekula betemu baru' deh tang nadai daya. Berasai betuah ga aki gerubi laban ti bisi endu nyadi tawing ngembing ari sepiak. Enti enda, nadai iya, kada enda belipat ganda beribu gaya ulah. Pama ga nuan diatu ibu ngansak belajar bejaku enggau bup ari matahari pambar sampai ka pegu nyau gutak gutak lunggar. Beserara dulu meh tua endu...enti nasit manah taun siti ila tua begulai baru bekelukih baka tukih di panchar anak bulan gerempung bintang berandang.\\nBala sekeda pan lain mega kelukih maya bisi lapang puang; maya bala begempuru begelumu betungkunka insap ukai dibeli tang berutang ba Nyonya. \"Keni pan result kua ila, enda meh kua pulai kitu agi. Puas udah kua ngasai,\" ku Paul. \"Caluk balitka kalau pas,\" ku tanya Neilson malikka Enchaluk. \"Eh, don't know me..mungkin lah,\" ku saut tudah tuai iya. \"Ali, you coming back kah,\" ku tanya Phillip nuju Ali. \"Hahahhaa..apalah kitak tok..balit semua bah..mesti pass semua..sida nok ada bini tok memang balit sitok agik..kita apalah..balit nyuruh tok janggut pening kepala ajak cukuplah,\" ku Apin nyaut betundi. \"Buat apa? Kau sik puas kah jadi mangsa tuduhan..setan benar ko tok ehh..I sik mauk..I masuk ajak ITM,\" ku Ishak nenung pejalai diri. \"Hhehe mun kitak dapat 1 ada chance overseas ,\" ku aku ga..\"Ya lah..mem you mem,\" ku Ishak ngemanjaika jaku tundi. \"Sapa mok ngan kitak iya..gamal jai, makai rangka, mati enggai,\" ku Apin ketawa rakah rakah lalu ngujungka bala ketawa magang. Tajapan bakanya, kami nemu mayuh ari bala kami serambau endang enda mulaika diri nampung pelajar ba Tanjung Lobang taun 1982 ti deka datai tu ila laban tuju ati enggau juluk sengkuar siku siku nyelai enda sama. Nasit aki gerubi pan bedau meh temu...hmmmm. Tu meh baka kengka iching perening bala ti tau nyuruh aku siku nemu sinu ngenang.\\nSinu ngenang diri ti udah seperabung bekunsi lantai sepinggai bekunsi pemakai enggau bala ti udah enggau bekelala begulai asai diri menyadi. Maya bisi suntuk sandat seput tesat, maya bisi enda nyamai nadai pengerai, sida tu meh ti bisi datai mantu nemu ngenataika sampi penyelamat nyawa. Bala sida kaban bukai ti deka beperesa HSC, pom enam tinggi , pan bakanya mega. Sida tu ila, enti enda nampung pelajar tinggi agi engka meh nyelingkutka nasit nyelit urang begigaka kerja ipak diri empu, engka meh sida iya bekiraka deka belaki bebini nirika rumahtangga ngidupka diri empu. Things endang just going to be different tang pejalai majak nuju ke mua belama, nyingkang nitihka pemansang dunya. Endang gaya iya meh tu laban pejalai pengidup bedau tepantup ba bandir. Ari iching perening peda tela aku, semua sida ti deka ninggalka bekau ba Tanjung Lobang 1981 tu ila tau nyadi mensia menyana magang. Engka mayuh bala sida tu ila nyenguk UM, USM, UKM, UPM, enggau ITM serta mega tempat pelajar tinggi di menua tasik ti bukai. Ehhh kenama enda Ang sedekan nelan liur sembur jaku diri empu! Tu meh naka sinu ngenang renggat ti berapa?..ahh nadai ngitung ehh..udah nasit udah selatan.\\nTeritik perechik ai dawat GerubiTuai hari Tuesday, September 12, 2006 3 comments: Links to this post\\nLembu Empu Tusu, Chapi Empu Nama...\\nUjung taun 1981 tu suba mega taun ti nyadi penentu bagi kami anak sekula ti udah lama sangkai ngeradai betiti alai ba pom lima laban peresa MCE\/SPM ti deka datai enda lama agi. Tu meh taun dipesemaka bala taun enti niki tau menyana; taun enti labuh tau merinsa, nitihka pemandai serta pengelandik bejalai megai pengelikun pendiau diri nyadi anak sekula ti jauh ari apai indai laban bebansal bedunju ba emperan nyapa sekula. Tu meh maya nembiak ngasaika ati tegempar untak lunggar buku tulang begetar majak ngelunjak ngerebakka bup tek nota pengajar. Tu meh maya berasai lantang sinu ngenang enda berasai tegepang laban pagila lusa ngejang belayar nuju pulau repa penuh lemayar. Udah nasit udah selatan kami nembiak anak sekula ti bekiraka diri deka beperesa. Maya ti belajar malam sigi enda ngerinyik enda engkeretik bala didinga..sama sama beremasin ngiga ulih ngelampat masa. Kadang kadang tekenyit nyau engkechit bala mensia laban indu ridun malam sampuk pinang Tanjung Lobang ti terebai baka ketawir bilun engkabang terengkah ngenchayang ninggang mija papan bechunting tanda kenang. Tu meh ti ngeruga nyuruh ngetu belelak enda lama. Nama deh laban kitai ti dipegai Malaysia, sigi enda tebansu enda saru, sigi dulu meh jaku BM leka alpabit panjai ngelalaika Bahasa Malaysia muka tirai peredai peresa bansa.\\nAki Gerubi, laban ti udah nagaka diri empu di ambi besekula ke menua ribai belang ngelampai, nadai meh maioh macham..belajar nitihka urang tak bakanya aja anang enda...semadi ngaminka aja ku keda ti bisi duduk ngimbai seruran nelai. Tak enda berasai mega tudah aki gerubi laban sinu ati meda anak mensia siku ti betawing bekaling enggau ganja nyuruh gila. Baru iya meh tu meda jelu antu semacham tu. Nyau melabat batang urat kelekuan tudah kaban laban ti ditanchang enggau kubal getah buatan negara; nyau bedemaram tudah lengan laban di rejang jarum mata belunchum. Din ditu, kia kia meh tudah aki gerubi ngemataka tudah kaban enggaika kur semengat..tak ngeliat bendar ngetat; enggaika tak bepeling naning belebigau mutah puang nyuruh telentang. Nemu mega urang malas budi basa kitai tajapan kitai ti dikumbai urang nembiak jai enda betabi. \" Jangan susah bah..mun ada apa apa hal di Kuching call aku ajak,\" ku pesan kaban. \"Jangan takut ehh..semua miak sitok mestinya singgah di Kuching one way or another..sound ajak ..kan jauh ya,\" ku munyi tangkan rentayan leka pesan maya kami. A man of his word laban bisi dua tiga taun udah nya aku 'sound' tudah kaban siku tu di Kuching maya ti bisi becherengang gereginsa kudi ukai bebuti.\\nPagila deka berengkah beperesa meh bala. Lemai tu tak berasai puang laban pemayuh bala ti tumu udah nurun ke kelas ngasika leka pesan tuai serta meransang diri..diatu tauka nadai and it's now or never. Nyadi bala kami ti diau ba Cendrawasih, laban ti enda nemu jera, tak benung bekechuit duduk ngempang tangga penama . Palan ti dikumbai 'the den' ga jempuk basah di teritik ujan lemai. Tak enda mukai mukai, tang meh sekali tu anak mensia enda bekesebar lari meda ayas panchar lampu pichit ari sepiak belakang Chemistry Lab sekula. \"Nama meh ambi Lau Ung Ngie nya tak bangat nyempelah ngenumu tu ngiga mangsa neh,\" ku aku ga ngenang Lau. \"Nadai kua peduli...tangkap tangkap lah..abis exam cabut ila,\" ku tudah Paul nyurut asap lalu dikesuhka iya katas. \"Not Lau that one, someone else, \" ku Patrick. Nyau dipeda linga pelanda baru bala nemu nya ukai pengajar. Nyau sengah sengah tudah apai tuai ti sempat ngenataika jaku madahka diri ari Kem PPF; madahka diri siku ari bala pilpos ti bisi udah nguji ngelaban umbak besai ba baruh tebiang lighthouse tang karam enda ulih ngelayang mansa gelumbang Tanjung ari Brighton Beach! Betanya saut meh bala udah nya. Apooooo kasih meh ninga tudah apai tuai nya ti irau ati ketegal anak deh. \" We have been trying to cross from that side and that side,\" ku iya nunjuk tunga ka lighthouse enggau tunga ka rumah lutor Chan. \"My daugther is one of the students we have been trying to rescue, and I believe they are somewhere around this area,\" ku iya nyeremangka jari nunjuk ka tebing tasik.\\nNadai meh berunding dua tiga deh laban pengasih ninga pengirau ati apai tuai nya ka anak iya. Paul nyau belanda ke bilik ngambi lampu pichit. Patrick enggau Apin begigaka kasut. \"Come, we know the way down there,\" ku bala kami belanda ngensuruk pelepa munti pintu 'the den' lalu nurun nuju tebing tasik. Nadai meh nyangka gelumbang tasik tak ngemesai nya deh...Apai tuai siku tu kira nyangka alai endur bala nembiak sekula laban bisi dipadahka nembiak ti bisi udah tumu pulai. Nasit bala nemu nyemerai magang ngelaban umbak ngembing tebing. Nyau kepuas beratung nyemerai betayuk chepuk chepuk baka udok tengelam melepu jepu jepu tejapai japai rarat empai dibatak asur lelangan mansang nikal pulai datai ga bala kami be teluk ti bemunggu umbas pemanjai. Jempuk basah tubuh rajai nyerepeting nyerepedi enda berasai di teritik ujan bekeberai masu muai ai garam masin tasik besai. Tak enda berasai di pangka ka umbak sebelah tebing ti begeru bebatu tajam nyerumbu nyuruh belakang rajai. Sengah sengah meh bala lantang gaga selamat nadai apa nadai nama tajapan bala sekeda timpang kasut lenyau ditabanka ulak ngeleda. Nembiak raban anak sekula pan bisi ayas ayas didinga betelai berasai gaga laban pemantu ku jaku udah datai sedia. \"Bah keni tu deh? Bakani kitai mulaika diri? Enda ulih laban umbak,\" ku tanya Paul. Deka mulaika diri ngelaban lelangan umbak besai nuju pemansut jalai 'the den' endang sigi enda ulih laban ukai semina bala nembiak ti 'stranded' tepekul tu nyau lemi tulang ikak lelak piknik sari enggai bepanggang tang mayuh ari sida iya enda nemu nyemerai beratung anang agi ngelaban galun gelumbang niki mansang mangkin lama mangkin tinggi besai gereginsa gila nampar tebing batu tuai. Merening tunga ka sepiak Luak ngenang mua gua penama pemulai lubang batu sempit alai tu pan udah penuh ampuh nadai bemata benyawa; tak nadai jalai.\\nApai tuai nya bendar nguji manchar lampu pichit iya nungaka langit ngiga dan kayu enggau tanda pengelala bukai ti tau nyadi petanda ngichaka bala sida pilpos bukai ti bisi di atas tingkah nemu tempat alai bala nembiak sekula ti tepekul laban ai tasik niki tu. Enda berasai mega tudah aku nyuruh Patrick nyuluh tebing maya ti nguji bepaut ba rumput enggau batu ngiga jalai niki katas. Ukai nyamai begagaka tangga peniki enggau tumbik! Kasut ga hmmm entah dini alai nyau anyut ditabanka ai masin. Benasitka bisi ujan nyuruh tanah lemi mimit. \"We have to climb this cliff,\" ku tudah Apin. Nama deh, ngarapka lampu pichit dua iti enggau kaki jari bekeramak ka tanah enggau sepur batu pasir bebatak ka nembiak siku siku nadai betali tudah bala kami. Nyau bebagi mega bala kami; ke mit mimit di ma merap belakang; ke gemuk besai tak nadai mayuh macham deh..di asur disukulka ba burit nanjak tebiang bukit! Hmmm..udah datai di atas ga tudah George..selamat siku lalu ditangkanka dua tiga iku udah nya. Nurun baru ga bala ke baruh ngambi bala ti bukai tang benasitka bala sida pilpos bukai bisi datai enggau apai indai nembiak bukai mega. Diatu nyau bisi tali enggau betarit bepaut niki katas; nyau terang berandang laban lampu panchar bala polis pilpos. Nembiak sekula Tanjung Lobang ti belajar malam pan udah mega dikangauka taing luching madahka chukup jam.\\nApoooo udah datai di atas, nyau malut diri enggau selimut laban ti nyau chelap..tapak kaki tapal jari nyau ngeriut baka kulat tepik rangkai! Meri besai terima kasih meh bala nembiak..I forgot the exact number tang it was more than 30 of them, nembiak pom dua enggau satu ari sekula China Chung Hua Miri, enggau apai indai sida mega. Hehehe nyau munchung mulut Adi meda bala kami laban hmmm udah ga dikelala jai, punting nadai belajar malam ga agi..pagila deka peresa BM..akaiii..Empat iku kami nembiak penginsap but George! Tajapan kami lima iku tu ti berangkutka nembiak ti tepekul plus siku polis pilpos taun 1981 di siti teluk ba Tanjung Lobang; however, it was never made known to the public that some Tanjung Lobang students were the main rescuers! One, two, three, four and five of us!!!Berita ti pansut dalam suratkabar meri polis pilpos full credit nyadi pemantu penyelamat bala nembiak ti tepekul ba teluk semak sekula Tanjung Lobang. Sampai ka diatu..aku tak iran ati meda bala ti betabi enggau tuansipol meri terima kasih ka iya as if he was the guy who scaled that cliff with barehands! Not that we cared, but what's wrong with that picture? Ku aki gerubi,\"Lookiee here, ya'll need to think again..somethin' ain't quite right here.\" Benasitka kami ti manchal, nginsap enggau jai laban rindu ngerinau kempaun sekula; we knew every inch of it like it was our own backyard! Tempat alai belalai; tempat alai bujang dara begagai lemai; tempat alai nginsap semakau kritik made in Indonesia! And to those of you who knew, Aki Gerubi was one of those guys who came to the rescue! Those stranded kids must be in their mid thirties by now! Lama enda beches wes yes no tu ahh..ngalau cherita pengingat pejalai naka tu dulu meh..pagila lusa nyamah nachah iya baru.\\nTeritik perechik ai dawat GerubiTuai hari Saturday, September 09, 2006 3 comments: Links to this post","num_words":5689,"character_repetition_ratio":0.038,"word_repetition_ratio":0.062,"special_characters_ratio":0.196,"stopwords_ratio":0.147,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"11 August 2018 - Hari Enam ba Minggu Ke Lapan Belas Musim Selama (Memorial of Saint Clare, virgin) - Berita Iban Online | Laman Web Berita Kitai\\nHome \/ Injil Tuhan \/ 11 August 2018 - Hari Enam ba Minggu Ke Lapan Belas Musim Selama (Memorial of Saint Clare, virgin)\\n11 August 2018 - Hari Enam ba Minggu Ke Lapan Belas Musim Selama (Memorial of Saint Clare, virgin)\\nStaf @beritaibanMY Saturday, August 11, 2018 0\\nJesus lalu ngerara antu nya, lalu antu nya pansut ari nembiak nya, lalu nembiak nya gerai tekala nya. -Matthew 17: 14 - 20\\nHabakuk 1: 12 - 2: 4\\nTUHAN, kenyau ari pun, Nuan endang Allah Taala. Nuan Allah Taala aku. Nuan kudus sereta meruan belama iya. TUHAN Allah Taala enggau Penyaga aku, Nuan udah milih orang Babilon, lalu ngasuh sida kering ngambika sida ulih ngukum kami.\\nTang baka ni ku Nuan tan meda orang ke aum-juak, ti jai tu? Mata Nuan kelalu kudus merening ngagai penyai, lalu Nuan enda tan meda orang ngereja penyalah.\\nNya alai, nama kebuah Nuan enda bemunyi lebuh sida ngerusak orang ke lurus agi ari sida?\\nBaka ni ku Nuan ngaga mensia baka ke enggau ikan, tauka enggau bala indu utai ti nadai raja?\\nOrang Babilon nangkap orang ngena ginti baka ke nangkap ikan. Sida ngirit orang ngena jala, lalu manjung gaga ati ke orang ke ditangkap sida!\\nIndah pukat sida deh abis disembah sida, lalu sida ngenjuk piring ngagai pukat sida, laban pukat sida nya meri sida utai ti pemadu manah.\\nKati sida deka ngena pedang sida belama iya, lalu majak ngerusak semua bansa bukai enggau nadai pengasih?\\nAku deka niki menara ti alai aku jaga, lalu nganti TUHAN madahka ngagai aku utai ti deka diasuh Iya sebut aku, enggau saut ari Iya pasal serebana aku.\\nKu TUHAN nyaut aku:\\nTuliska enggau terang ba batu-tulis utai ti dipadahka Aku ngagai nuan, ngambika utai nya nyamai dibacha.\\nTuliska utai nya, laban utai nya apin dikamatka diatu. Tang maya deka datai enda lama da agi, alai utai ti dipadahka Aku ngagai nuan, deka dikamatka. Utai nya baka ke lubah nyadi, tang anti aja utai nya. Iya tetap deka nyadi, lalu iya enda masau jam.\\nTu pesan nya: ‘Orang ke jai enda ulih idup, tang orang ke lurus deka idup ngena pengarap sida.’\\nMasmur 9: 7 - 8, 9 - 10, 11 - 12\\nSaut (peda 10b): Nuan enda ninggalka orang ke datai ngagai Nuan, O TUHAN.\\nTang TUHAN endang Raja belama iya.\\nIya udah nudukka kerusi diraja Iya ba endur alai Iya ke ngakim.\\nIya merintah dunya ngena pengelurus.\\nIya ngakim semua bansa enggau lurus.\\nSaut: Nuan enda ninggalka orang ke datai ngagai Nuan, O TUHAN.\\nTUHAN nyadi kuta alai orang ngenduh lebuh sida kena perinsa, nyadi kuta alai sida diau lebuh maya tusah.\\nOrang ke nemu Nuan, TUHAN, deka manggaika pengarap sida ba Nuan.\\nNuan enda ninggalka orang ke datai ngagai Nuan.\\nBelagu pantun puji ke TUHAN ti diau di Sion!\\nTusui ngagai semua bansa utai ti udah dikereja Iya!\\nAllah Taala ingatka orang ke merinsa.\\nIya nadai kala enda ingatka sabak sida,\\nlalu Iya ngukum orang ke udah ngereja utai ti salah ngagai sida.\\nAlleluia (peda 2 Timoti 1: 10)\\nJuruselamat kitai, Jesus Kristus, ke udah ngerusak pemati, lalu udah mandangka pengidup ti meruan belama iya ulih Berita Manah.\\nLebuh sida datai ba bala mayuh, siku orang datai ngagai Jesus, besugang di mua Iya, lalu bejaku, “Tuhan, kasihka anak aku, laban iya sakit gila-babi, lalu balat amat merinsa. Iya suah udah rebah ngagai api, tauka ngagai ai.\\nAku udah mai iya ngagai sida murid Nuan, tang sida enda ulih ngeraika iya.”\\nJesus lalu nyaut, “Kita tu orang ke enda tetap ati sereta jai! Ni pengelama Aku enda tau enda begulai enggau kita? Ni pengelama Aku enda tau enda sabar enggau kita? Bai iya kitu ngagai Aku!”\\nJesus lalu ngerara antu nya, lalu antu nya pansut ari nembiak nya, lalu nembiak nya gerai tekala nya.\\nUdah nya sida murid datai kediri ngagai Jesus, lalu bejaku, “Nama kebuah kami enda ulih muru antu nya?”\\nDisaut Iya, “Laban kita mit pengarap. Laban, enggau bendar Aku madah ngagai kita, enti kita bisi pengarap ngemesai igi ensabi, kita ulih bejaku ngagai bukit tu, ‘Mindah ari tu ngagai nyin!’ lalu bukit nya deka mindah. Nadai utai enda ulih dikereja kita!”","num_words":643,"character_repetition_ratio":0.051,"word_repetition_ratio":0.046,"special_characters_ratio":0.225,"stopwords_ratio":0.393,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Marik empang dibantaika ba program pemandang di Australia - TVS\\nHomeBerita SarawakMarik empang dibantaika ba program pemandang di Australia\\nProgram Every Woman Expo diatur ninting taun ti ngaul pekara dagang, pengerai, gaya pengidup, fesyen, asil kraf jari enggau pekara ke bukai.\\nMarik empang dibantaika ba program pemandang di Australia\\nBerita Sarawak Malaysia Sarawak\\nKUCHING, 23 Jun: Marik empang tradisional enggau moden mujur dibai enggau dipandangka ba dalam program Every Woman Expo ti diatur ba Palan Konvensyen enggau Pemandang Perth, Australia.\\nKu pedagang chap Marik by Entayang, Debbie Entayang Ridi madah, iya chukup temegah ati laban komiti pengatur program milih iya ngambi bagi ba dalam program fesyen ti mantaika marik empang ke digaga iya empu.\\n“Komiti pengatur Every Woman Expo bisi betelefon minta aku ngambi bagi ba dalam program pemandang tu.\\n“Beduduk ari nya, bisi lapan iti marik empang ke digaga aku dikena model ba dalam program pemandang fesyen ti nyadi siti pelantar dikena mantaika marik empang kitai Iban di mata dunya,” ku iya madah.\\nDebbie ke udah mendam di Australia kenyau ari taun 2000 madahka, program Every Woman Expo diatur ninting taun ti ngaul pekara dagang, pengerai, gaya pengidup, fesyen, asil kraf jari enggau pekara ke bukai.\\nDebbie begulai enggau bala bakih iya lebuh program Every Woman Expo di Palan Konvensyen enggau Pemandang Perth, Australia.\\nEntara model ke ngena marik empang ti digaga Debbie\\n“Aku endang ngembuan pengerindu ngaga kraf jari lebih agi marik empang kenyau ari mit pengudah suah meda ini enggau ibu aku begagaka jagan, chapan, beranyam, betenun sereta nusuk manik.\\n“Tetiap kali bisi kemisi sekula, lebuh pulai ke rumah panjai aku sigi minta sida ngajar aku ngaga kraf jari,” ku iya madah ngagai pengarang berita TVS apin lama ke udah.\\nKelimpah ari nya, pengudah nelebaka diri ba pengawa dagang iya madahka diri seruran ngiga chara enggau peluang ti bisi disediaka dikena bedajaka produk Marik by Entayang ngagai tikas ke lebih tinggi.\\n“Ba penemu aku, sekumbang ke udah bedagang di menua Australia, peranak ba ditu endang rindu meda enggau meli produk ke digaga bansa kitai Iban laban ngembuan pemanah enggau penyelai ke jarang ditemu sida.\\n“Aku arapka produk ke digaga aku empu enggau pedagang bansa kitai ulih ngerembai ngagai menua bukai seraya nambahka kreativiti enggau kualiti awakka setanding enggau produk di menua bukai,” ku Debbie madah agi.\\nSebedau tu, Debbie kala ngambi ba dalam program pemandang ti diatur Kraftangan Malaysia, Borneo International Beads Conference 2019, Pasar Seni Mit Kuching, sereta sekeda program ke diatur ba Semenanjung Malaysia, Singapura, Brunei enggau di Australia.\\nIya mega kala dikangau ngajar, bekunsika penemu sereta pengelandik ba dalam woksyop negapka pengawa orang indu.\\nSiku ari peranak menua luar nguji ngena marik empang ti digaga Debbie\\nPrevious Post Keunikan budaya Sarawak kurang didokumentasikan#bm Berita Sarawak Malaysia SarawakJune 23, 2022\\nNext Post Highly infectious Omicron variant cases detected in Sarawak#English Berita Sarawak Daily UpdatesJune 23, 2022","num_words":443,"character_repetition_ratio":0.086,"word_repetition_ratio":0.051,"special_characters_ratio":0.178,"stopwords_ratio":0.192,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rahap Pechayaka Jehovah | Ajar Meh Anak Nuan\\nBACHA DALAM JAKU Abkhaz Abui Acholi Afrikaans Ahanta Ajië Albanian Altai Alur Amharic Arabic Armenian Assamese Aukan Aymara Azerbaijani Azerbaijani (Cyrillic) Bali Bambara Baoule Bashkir Basque Bassa (Cameroon) Bassa(Liberia) Batak (Karo) Batak (Simalungun) Batak (Toba) Bengali Biak Bicol Bislama Bomu Boulou Bulgarian Bété Cambodian Catalan Cebuano Changana (Mozambique) Chavacano Chichewa Chin (Hakha) Chin (Tiddim) Chin (Zotung) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chokwe Chol Chopi Chuabo Cibemba Cinamwanga Cinyanja Croatian Czech Dangme Danish Dayak Ngaju Digor Diola Douala Dusun Dutch Edo Efik Emberá (Catío) English Esan Estonian Ewe Faroese Fijian Finland Fon Frafra French Ga Galician Garifuna Georgian German Gitonga Greek Greenlandic Guarani Guarani (Bolivia) Guerze Gujarati Gun Guna Haitian Creole Hausa Hebrew Herero Hiligaynon Hindi Hiri Motu Hmong (Putih) Huastec (San Luis Potosi) Hungarian Iban Ibanag Ibinda Icelandic Igbo Iloko Indonesian Irish Isoko Italian Japanese Jawa Jerman Pennsylvania Jula Kabyle Kachin Kalanga (Zimbabwe) Kannada Karen (S'gaw) Kazakh Kazakh (Arabic) Kekchi Khana Kikamba Kikaonde Kikongo Kikuyu Kiluba Kimbundu Kinande Kinyarwanda Kipende Kirghiz Kiribati Kirundi Kisi Kisii Kongo Korean Kpelle Kreole Bissau Guinea Krio Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lamba Laotian Latvian Lenje Lhukonzo Lifu Lingala Lithuanian Lomwe Lovari Low German Luganda Lugbara Lunda Luo Luvale Macedonian Macua Malagasy Malayalam Maltese Mam Mambwe-Lungu Mandjak Maninkakan (Timur) Mapudungun Marathi Marshallese Mauritian Creole Maya Mazahua Mazatec (Huautla) Mbukushu Melayu Mende Miskito Mixe Mixtec (Guerrero) Mixtec (Huajuapan) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nengone Nepali Ngabere Ngangela Nias Nicobarese Niuean Norwegian Nyaneka Nyungwe Nzema Oromo Ossetian Otetela Otomi (Lembah Mezquital) Pangasinan Papiamento (Aruba) Papiamento (Curaçao) Pemon Piaroa Pijin (Cameroon) Pijin Nigeria Polish Portuguese Pular Punjabi Punjabi (Shahmukhi) Páez Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Quichua (Pastaza) Quichua (Santiago del Estero) Rapa Nui Rarotongan Romanian Romany (Bulgaria) Romany (Greece Selatan) Romany (Greece Utara) Romany (Macedonia) Romany (Macedonia) Cyrillic Romany (Slovakia Timur) Runyankore Russian Rutoro Samoan Sangir Sango Saramaccan Sarnami Sena Sepedi Serbian Serbian (Roman) Serer Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Soli Solomon Islands Pidgin Somali Spanish Sranantongo Sunda Susu Swahili Swati Swedish Tagalog Tahitian Tajiki Tamil Tandroy Tankarana Tarahumara Tarascan Tatar Telugu Tetun Dili Thai Tigrinya Tiv Tlapanec Toba Tojolabal Tok Pisin Tongan Toraja Totonac Tshiluba Tshwa Tsonga Turkish Turkmen Turkmen (Cyrillic) Tuvaluan Tuvinian Twi Tzeltal Tzotzil Uighur (Cyrillic) Ukrainian Umbundu Urdu Urhobo Uzbek Valencian Venda Vezo Vietnamese Wallisian Waray-Waray Wayuunaiki Welsh Wichi Wolaita Wolof Xhosa Xârâcùù Yoruba Zapotec (Isthmus) Zapotec (Lachiguiri) Zulu\\nPikirka enti kitai diau ba nengeri Jeriko. Nengeri nya ba menua Kanaan. Orang Kanaan enda pechayaka Jehovah. Rahap diau dia.\\nMaya Rahap agi biak, iya kala ninga cherita pasal Moses ngerangkaika Tasik Mirah, lalu mai orang Israel pansut ari menua Ejip. Iya mega ninga pasal baka ni Jehovah nulung sida ngalahka munsuh maya beperang. Diatu, iya ninga orang Israel nirika kem semak Jeriko!\\nRahap nyelamatka pematau nya laban iya pechayaka Jehovah\\nBisi sekali, dua iku orang Israel matau tauka ngintip nengeri Jeriko maya malam hari. Sida ngagai rumah Rahap. Rahap ngasuh seduai iya tama, lalu ngetu ba rumah iya. Malam nya mega, raja Jeriko nemu bisi pematau ba nengeri nya, lalu pematau nya udah ngagai rumah Rahap. Nya alai, raja nganjung orang nangkap pematau nya. Rahap ngelalaika dua iku pematau nya ba perabung rumah iya, lalu madah ngagai orang ke dikirum raja: ‘Sida amat bisi datai, tang sida udah mupuk ninggalka nengeri tu. Enti kita mupuk diatu, kita agi ulih nangkap sida!’ Nemu nuan nama kebuah Rahap nyelamatka pematau nya?— Laban iya pechayaka Jehovah, lalu nemu Jehovah deka nyerahka menua Kanaan ngagai orang Israel.\\nSebedau pematau nya ninggalka rumah Rahap, sida besemaya deka nyelamatka Rahap enggau sida sebilik maya Jeriko dianchurka. Nemu nuan nama diasuh sida gaga Rahap?— Ku sida: ‘Ambi tali mirah tu, lalu tanchang ba jenila. Enti nuan nitih, semua kita sebilik deka selamat.’ Rahap nitihka utai ti dipadah pematau nya. Nemu nuan nama nyadi udah nya?—\\nJehovah nyelamatka Rahap enggau sida sebilik\\nOrang Israel bejalai ngeliling nengeri Jeriko enggau enda bemunyi. Sida bejalai ngeliling nengeri nya sekali sehari, dalam enam hari. Tang, ba hari ketujuh, sida bejalai ngeliling nengeri nya tujuh kali. Udah nya, semua sida manjung enggau naka penginggar nyawa. Jehovah ngasuh dinding kuta nengeri nya runtuh. Tang, rumah ke bisi ­ditanchang tali mirah ba jenila enda runtuh! Ulih nuan meda ba gambar tu?— Rahap enggau sida sebilik selamat!\\nNama ulih dipelajar nuan ari Rahap?— Rahap udah belajarka utai ti manah pasal Petara. Nya alai, iya pechayaka Jehovah. Nuan mega benung belajarka utai ti manah pasal Jehovah. Kati nuan pechayaka Jehovah baka Rahap?— Kami nemu nuan pechaya!\\nNama cherita ti didinga Rahap maya iya agi biak?\\nBaka ni iya nulung dua iku pematau bansa Israel? Nama kebuah iya nulung sida?\\nNama semaya ti diberi pematau ngagai Rahap?\\nNama ulih dipelajar nuan ari Rahap?","num_words":804,"character_repetition_ratio":0.049,"word_repetition_ratio":0.0,"special_characters_ratio":0.175,"stopwords_ratio":0.144,"flagged_words_ratio":0.0,"lang_id_score":0.891,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Dr Noor Hisham muji penyikar JPBNS mutarka pengerekai Covid-19 - Suara Sarawak\\nKUALA LUMPUR: Atur terit dipejalai Sarawak lebuh nagang pengerekai Covid-19 nerima perati Ketuai Direktor Pengerai, Tan Sri Dr Noor Hisham Abdullah.\\nNoor Hisham madahka atur terit dipejalai Perintah Sarawak nengah Komiti Penyangga Penusah Sarawak (JPBNS) udah meri empas positif.\\n“Sarawak udah nyapai siti R-Naught tauka RT ke positif iya nya kurang ari 0.4 tauka kes agi ulih ditagang.\\n“Orang Sarawak ti pulai kemisi lebuh Hari Krismas enggau kemisi panjai mesti nitihka atur kuarantin pengelama sepuluh hari,” ku iya rambau aum pemberita Opis Menteri Pengerai Malaysia (KKM) tadi.\\nNambahka nya ku Noor Hisham, Sarawak ti neritka atur ba adan menua mega entara kebuah kes Covid-19 agi baruh ba menua tu.\\nBejimat meli produk jani ari menua luar\\nMedia Sarawak agi nganti timbal ari Perintah Besai\\nPentas terbaik uji pemain\\nGerija Methodist Iban di Sare nerima agih RM80, 000\\nRebut peluang kerja di Samalaju\\nJangan risau... bekalan makanan segera cukup\\nBantuan makanan terus diagih ke kawasan DUN Kakus\\nBanjir buruk di Vietnam ragut 18 nyawa, 14 masih hilang","num_words":161,"character_repetition_ratio":0.064,"word_repetition_ratio":0.0,"special_characters_ratio":0.193,"stopwords_ratio":0.106,"flagged_words_ratio":0.0,"lang_id_score":0.924,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Trend baru nyaga pengerai – Suara Sarawak – Bukan Sekadar Akhbar\\nYou are here:Home-RUAI-Trend baru nyaga pengerai\\n“Nya kebuah, aum besai tu meri peluang ngaul kerejasama ba selampur ASEAN nengah penemu pengerai enggau ulih nyendiaka rentayan ti nempa peluang dagang nyaga pengerai chara digital sereta dagang berubat entara menua ASEAN.”\\nKUCHING: Pengawa milih Kuching nyadi palan ngatur Aum Besai Pengerai Chara Digital ASEAN 2019 endang pekara ti patut.\\nKepala Menteri Datuk Patinggi Abang Johari Tun Openg madah, aum tu tau ngasuh pengerai enggau pengelantang temuai majak dikerindu lebih agi menua ke berimbai enggau Sarawak baka Kalimantan, Indonesia.\\n“Sida madahka aum besai tu ulih ngasuh kitai sedarka trend pemansang pemadu baru dalam industi nyaga pengerai dalam dunya digital enggau chara online lebuh sida ke landik bekunsika penemu pasal pengerai ari bala pakar ba menua ASEAN.\\n“Nya kebuah, aum besai tu meri peluang ngaul kerejasama ba selampur ASEAN nengah penemu pengerai enggau ulih nyendiaka rentayan ti nempa peluang dagang nyaga pengerai chara digital sereta dagang berubat entara menua ASEAN,” terang iya.\\nAbang Johari mansutka jaku nya rambau Aum Besai Pengerai Chara Digital ASEAN 2019 ti diatur Serakup Pedagang Asean-China di sebuah hotel tebilang, ditu ensanus.\\nNgelansa pekara ti sama, Abang Johari mega ngelanchar aplikasyen MaNaDr Malaysia ke alai tu sebengkah aplikasyen ngambika pesakit ulih ngiga servis nyaga pengerai ari rumah.\\nNengah aplikasyen nya, pesakit ulih berandau enggau diajar nengah video berubat enggau sida ti ulih dipechaya nyendiaka servis nyaga pengerai nya.\\nNangkan nya, pesakit mega ulih bulih pemutus peresa darah nengah telefon binching.\\nNyema begunaka sanding penemu tauka deka betemu enggau lutor, pesakit ulih ngena aplikasyen tu netapka haribulan sida deka ngagai klinik tauka pekara bukai.\\nBerebak enggau nya, Presiden Serakup Pedagang Asean-China Datuk Stanley Ling madah, aplikasyen nyaga pengerai nya deka mai Sarawak mansang ke mua dalam industri digital ngemujurka 47 perambu dalam inisiatif ekonomi digital ba menua tu.\\nSama datai Menteri Kaunsil Kandang Menua enggau Pengawa Berumah Datuk Seri Dr Sim Kui Hian sereta pengari bukai.\\nBy suaraswk|2019-11-18T19:14:00+08:00November 18th, 2019|Categories: RUAI|0 Comments","num_words":313,"character_repetition_ratio":0.076,"word_repetition_ratio":0.145,"special_characters_ratio":0.18,"stopwords_ratio":0.169,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ngemansangka Ulah ti Ulih Nagang Diri—Galatia 5:22, 23 | Dikena Belajar\\n‘Buah roh kudus nya . . . ulih nagang diri.’—GAL. 5:22, 23.\\nLAGU: 121, 36\\nNama dipelajarka kitai ari utai ke digaga Petara bekaul enggau pengawa Sitan ke ngelaban?\\nNama sekeda chunto ari Bup Kudus pasal orang ke ulih enggau ke enda ulih nagang diri?\\nBaka ni belajarka Bup Kudus ulih nulung kitai ngemansangka ulah ti ulih nagang diri?\\n1, 2. (a) Nama penyadi enti enda ulih nagang diri? (b) Nama kebuah kitai patut berandau pasal ulah ti ulih nagang diri?\\nULIH NAGANG DIRI nya ulah ti ulih dikemansangka kitai enggau bantu ari Petara Jehovah. (Gal. 5:22, 23) Jehovah ulih nagang diri enggau sempurna. Tang kitai enda ulih laban kitai enda sempurna. Kebendar, enda ulih nagang diri tau ngujungka mayuh penanggul nyadi ba orang kemaya hari tu. Ulah nya ulih ngasuh orang betangguh ngereja utai ti beguna tauka enda entu mujur ba sekula tauka ba endur kereja. Enda ulih nagang diri mega ulih ngujungka jaku ti jai, mabuk, kasar, sarak, udu berutang, gian, dijil, tusut runding, penyakit ke datai ari ulah seks, sereta kandung ke ukai dikedeka.—Mas. 34:11-14.\\n2 Orang ke enda ulih nagang diri ngenataika penusah ngagai diri empu sereta orang bukai. Lalu diatu kitai ulih meda orang majak enda ulih nagang diri. Taja pia tu enda ngasuh kitai tekenyit, laban Jaku Petara madahka ulah ti enda ulih nagang diri nunjukka kitai benung idup ba “hari ti penudi.”—2 Tim. 3:1-3.\\n3. Nama kebuah kitai begunaka ulah ti ulih nagang diri?\\n3 Nama kebuah kitai begunaka ulah ti ulih nagang diri? Bisi dua iti kebuah ti berat. Kesatu, orang ke ulih nagang asai ati sereta emosi diri selalu iya kurang napi penanggul. Sida mega senang agi bulih kaul ti menyana sereta nyeliahka asai ati ti tusah, ringat, tauka irau. Kedua, ngambika meruan nyadi pangan Petara, kitai patut ngelaban penguji sereta nagang pengingin ti salah. Nya meh utai ke enda ulih digaga Adam seduai Hawa. (P-kal. 3:6) Baka seduai iya, mayuh orang kemaya hari tu bisi penanggul ti besai laban sida enda ulih nagang diri.\\n4. Nama ulih meransang orang ke tusah deka nagang pengingin diri ti salah?\\n4 Jehovah nemu, kitai enda sempurna lalu tusah deka nagang diri. Tang Iya deka nulung kitai bekuasa atas pengingin diri ti salah. (1 Raj. 8:46-50) Laban Iya Pangan ti ngembuan pengerindu, Iya enggau siru meransang orang ti kekadang ngasaika diri tusah deka nagang asai ati sereta pengingin diri. Dalam artikel tu, kitai deka belajar pasal ulah ti ulih nagang diri ari chunto Jehovah. Kitai mega deka berandau pasal sekeda chunto ke manah enggau ke jai ari Bup Kudus, sereta beratika sekeda chara ke ulih nulung kitai.\\nJEHOVAH NETAPKA CHUNTO\\n5, 6. Nama chunto pasal ulah ti ulih nagang diri ke ditetapka Jehovah ngagai kitai?\\n5 Ulah ti ulih nagang diri ke dikembuan Jehovah endang sempurna laban Iya sempurna dalam semua utai ke dikereja Iya. (U-dat. 32:4) Tang kitai enda sempurna. Taja pia, kitai patut mansik chunto Iya ke bekaul enggau ulah ti ulih nagang diri ngambika kitai ulih neladan Iya enggau manah agi. Tu deka nulung kitai nemu utai ke patut digaga lebuh napi utai ke ulih ngasuh kitai tusah ati. Nama sekeda chunto ke nunjukka Jehovah ulih nagang diri?\\nUlah ti ulih nagang diri ke dikembuan Jehovah endang sempurna laban Iya sempurna dalam semua utai ke dikereja Iya\\n6 Pikirka nama digaga Jehovah lebuh Sitan ngelaban Iya di Kebun Eden. Endang amat, jaku tuduh Sitan ngasuh semua nembiak Petara ke taluk di serega berasai tekenyit, pedis ati, sereta begedi. Nuan engka ngasaika utai ti sama lebuh nuan berundingka semua pemerinsa ke datai ari Sitan. Tang Jehovah enda ngereja utai enggau enda berunding. Iya mutarka nya enggau chara ti patut. Jehovah lubah ringat sereta lurus lebuh mutarka pengawa Sitan ke ngelaban. (P-sut. 34:6; Jop 2:2-6) Nama kebuah? Jehovah udah meri awak laban Iya enggai orang dipunaska tang deka semua orang “nesal ati.”—2 Pet. 3:9.\\n7. Nama ulih dipelajarka kitai ari chunto Jehovah?\\n7 Ari chunto Jehovah, kitai belajar, kitai patut berunding enggau bejimat sebedau mansutka jaku sereta enda ngereja utai enggau beguai-guai. Nya alai lebuh nuan patut ngaga pemutus ti berat, beri awak ngagai diri empu berunding. Besampi minta penemu-dalam ngambika ulih nyebut tauka ngereja utai ti patut. (Mas. 141:3) Lebuh kitai ringat tauka pedis ati, kitai jampat deka ngelaban. Lalu nya meh kebuah mayuh orang nyau nesalka utai ti udah disebut tauka dikereja sida enggau enda berunding!—J-lam. 14:29; 15:28; 19:2.\\nCHUNTO KE MANAH ENGGAU KE JAI BA BALA NEMBIAK PETARA\\n8. (a) Dini kitai ulih tetemuka chunto manah pasal ulah ti ulih nagang diri? (b) Nama nulung Josep ngelaban penguji lebuh bini Potipar nguji ngumbuk iya? (Peda gambar ba pun artikel.)\\n8 Nama sekeda chunto ari Bup Kudus ke ngemeratka ulah ti ulih nagang diri? Siti chunto ke ulih diperundingka nuan iya nya anak Jakop, Josep. Iya ngelaban penguji lebuh iya gawa ba rumah Potipar ke nyadi kepala bala soldadu ke nyaga istana raja. Bini Potipar ngasaika Josep nya ngerinduka ati laban Josep “tegap sereta sigat gamal,” lalu bini Potipar ngumbuk Josep beberapa kali. Nama nulung Josep ngelaban penguji nya? Iya engka udah berunding dulu pasal utai ti deka nyadi enti iya alah diumbuk bini Potipar. Nya alai, lebuh bini Potipar narit baju Josep, Josep ngerarika diri ari iya. Ku Josep madahka: ‘Baka ni ku aku tau ngereja utai ti kamah tu, lalu bedosa ngelaban Petara?’—P-kal. 39:6, 9; bacha Jaku Dalam 1:10.\\nMinta Jehovah meri nuan penemu-dalam sereta ulah ti ulih nagang diri kena ngelaban penguji\\n9. Baka ni nuan ulih nyikap diri empu ngambika ulih ngelaban penguji?\\n9 Nama dipelajarka kitai ari chunto Josep? Enti kitai diuji ngambika enda nitihka siti ari adat Petara, kitai patut ngelaban penguji nya. Sebedau nyadi Saksi-Saksi Jehovah, sekeda orang tusah nagang diri makai, udu ngirup ai bisa, nginsap, salah nguna dadah, ulah seks ti kamah, tauka penusah ti bukai. Indah pengudah dibaptisa, sida engka kekadang bisi ati deka ngereja utai nya. Enti tu nyadi ba nuan, perundingka baka ni kaul nuan enggau Jehovah deka rusak enti nuan alah laban penguji nya. Nuan ulih nguji mansik utai ke tau ngelemika nuan sereta mikirka baka ni nuan ulih nyeliahka utai nya. (Mas. 26:4, 5; J-lam. 22:3) Enti nuan napi penguji ke baka nya, minta Jehovah meri nuan penemu-dalam sereta ulah ti ulih nagang diri kena ngelaban penguji nya.\\n10, 11. (a) Nama nyadi ba mayuh orang ke nembiak di sekula? (b) Nama ulih nulung bala menyadi Kristian ke biak ngelaban penguji ngambika enda ngelanggar adat Petara?\\n10 Utai ke nyadi ba Josep mega nyadi ba mayuh orang Kristian ke biak kemaya hari tu. Siti chunto nya Kimberly. Orang ke sekelas enggau iya suah bejaku begah pasal pengawa beleman ke dikereja sida maya ujung minggu. Kimberly nadai cherita baka nya ke deka ditusui. Iya ngaku, ketegal iya bebida ari sida, iya kekadang berasai “enda dikeibuh sereta puang” lalu orang ke sekelas ngumbai iya beli laban nadai bedating. Tang kebendar, Kimberly nunjukka diri pintar. Iya nemu, pengingin deka beleman tusah deka ditagang lebuh kitai agi biak. (2 Tim. 2:22) Bala nembiak ke bukai suah nanya sekalika iya agi dara bungas. Tu meri iya peluang nerangka kebuah iya enggai beleman. Kitai temegah ati ke bala menyadi Kristian biak ke bebendar ngelaban pengingin deka ngereja ulah seks ti kamah, lalu Jehovah mega temegah ati ke sida!\\n11 Bup Kudus mega meri kitai sekeda chunto pasal orang ke enda ngelaban penguji deka ngereja ulah seks ti kamah. Lalu Bup Kudus madah pasal penusah ke nyadi enti kitai enda ulih nagang diri. Enti nuan napi penanggul ti sama baka enggi Kimberly, perundingka pasal seiku lelaki biak ke beli ti disebut ba Jaku Dalam bab 7. Perundingka mega pasal Amnon sereta penusah ke nyadi ketegal ulah iya. (2 Sam. 13:1, 2, 10-15, 28-32) Apai indai ulih nulung bala anak sida ngemansangka penemu-dalam sereta ulah ti ulih nagang diri lebuh berandauka sekeda chunto nya maya belajarka Bup Kudus ba diri sebilik.\\n12. (a) Baka ni Josep nagang asai ati diri lebuh begulai enggau bala menyadi iya? (b) Ba pekara baka ni kitai patut nagang asai ati diri?\\n12 Josep sekali agi netapka chunto ti manah pasal ulah ti ulih nagang diri. Tu ulih dipeda lebuh bala menyadi iya datai ngagai menua Ejip meli pemakai. Kena nemu utai ke amat dirunding sida, Josep enda madahka diri menyadi sida. Lalu lebuh ati iya balat lelengauka sida, iya ninggalka sida ngambika ulih nyabak kediri. (P-kal. 43:30, 31; 45:1) Enti menyadi Kristian lelaki tauka indu ngereja siti-siti utai ke ngasuh nuan pedis ati, neladan ulah Josep ke ulih nagang diri deka nulung nuan nyeliah ari nyebut tauka ngereja siti-siti utai ke tau ngasuh nuan nesal dudi hari. (J-lam. 16:32; 17:27) Tauka nuan engka bisi kaban belayan ke udah dibuai ari gerempung. Enti bisi, nuan patut nagang asai ati diri ngambika ulih nyeliah ari betemu enggau sida enti nadai kebuah ti berat. Tu enda senang dikereja. Tang nya ulih diputarka enti nuan ngingatka diri neladan chunto Jehovah sereta ngereja utai ti diasuh Iya.\\nNadai seiku orang patut kelalu andalka diri empu, ngumbai diri kebal ari penguji\\n13. Nama ulih dipelajarka kitai ari utai ke nyadi ba pengidup Raja David?\\n13 Kitai mega bulih penguntung ari chunto Raja David. Lebuh Saul seduai Simei nyungkak David ringat, David enda ringat tauka ngena kuasa iya ngelaban seduai iya. (1 Sam. 26:9-11; 2 Sam. 16:5-10) Tang, David enda seruran ulih nagang diri. Kitai nemu tu ari macha pasal dosa iya enggau Batseba sereta utai ti digaga iya kena mutarka pengamu Nabal. (1 Sam. 25:10-13; 2 Sam. 11:2-4) Kitai ulih belajarka utai ti berega ari David. Kesatu, bala tuai ti ngemataka nembiak Petara kelebih agi patut nemu nagang diri ngambika enda salah nguna kuasa sida. Kedua, nadai seiku orang patut kelalu andalka diri empu, ngumbai diri kebal ari penguji.—1 Kor. 10:12.\\nUTAI KE ULIH DIKEREJA NUAN\\n14. Nama peneleba ke dikembuan seiku menyadi Kristian lelaki, lalu nama kebuah utai ke digaga kitai lebuh napi penusah ti sama beguna?\\n14 Nama ulih dikereja nuan kena ngemansangka ulah ti ulih nagang diri? Peratika utai ke nyadi ba Luigi. Sebuah kerita ngelantak belakang kerita Luigi. Taja pan deriba kerita nya ke ngasuh penusah nya nyadi, tang deriba nya ke merak Luigi lalu deka ngelaya iya. Luigi besampi ngagai Jehovah ngambika enda pedis ati sereta nguji ngenyelapka ati deriba nya. Tang deriba nya majak merak iya. Nya alai Luigi nuliska lumur plat kerita lelaki nya lalu mupuk, taja pan lelaki nya majak merak iya. Seminggu udah nya, Luigi datai ngabas seiku indu. Laki indu nya orang ke ngelantak kerita iya! Lelaki nya malu lalu minta ampun ke ulah diri ti jai. Iya deka ngiga kompeni ke ngurus insuran kerita Luigi ngambika Luigi ulih ngaduka kerita iya enggau lengkas. Lelaki nya sama enggau berandauka Bup Kudus, lalu iya rindu enggau randau nya. Ketegal tu, Luigi beratika manah amat iya enda ngelaban pengudah utai ke nyadi nya, lalu enti sema iya pedis ati tentu tu ngujungka penanggul ti besai.—Bacha 2 Korint 6:3, 4.\\nUtai ti dikereja kitai bekaul enggau pengawa nginjil kitai (Peda genteran 14)\\n15, 16. Baka ni belajarka Bup Kudus ulih nulung nuan enggau diri sebilik ngemansangka ulah ti ulih nagang diri?\\n15 Belajarka Bup Kudus enggau tetap sereta bisi tuju ulih nulung orang Kristian ngemansangka ulah ti ulih nagang diri. Kingatka utai ti dipadah Petara ngagai Josua: “Anang ngetu macha Bup Adat tu enggau nyawa ti enda inggar; belematika iya siang malam, ngambika nuan ngereja semua utai ti ditulis dalam Bup tu. Nya baru nuan deka mujur lalu nuan deka ngereja utai enggau pintar.” (Jos. 1:8, NW) Tang baka ni belajarka Bup Kudus ulih nulung nuan ngemansangka ulah ti ulih nagang diri?\\nBelajarka Bup Kudus enggau tetap ulih nulung nuan ngemansangka ulah ti ulih nagang diri\\n16 Kitai udah belajar, Bup Kudus bisi sekeda chunto ke nunjukka asil ti manah enti kitai ulih nagang diri sereta penusah ke nyadi enti kitai enda ulih nagang diri. Jehovah bisi kebuah ngasuh chunto tu ditulis. (Rom. 15:4) Endang manah enti kitai macha, belajar, sereta belematika chunto nya. Uji meretika baka ni chunto nya bekaul enggau nuan sereta diri sebilik. Minta Jehovah nulung nuan nitihka jaku lalau ari Bup Kudus. Enti nuan ngasaika diri enda ulih nagang diri ba sekeda pekara, anang nejuka iya. Besampi pasal utai nya, lalu bebendar beratika baka ni nuan ulih ngemansangka diri. (Jas. 1:5) Gaga pansik dalam litaricha kitai kena nemu jaku ajar ti ulih nulung nuan.\\n17. Baka ni apai indai ulih nulung anak sida ngemansangka ulah ti ulih nagang diri?\\n17 Baka ni nuan ulih nulung anak nuan ngemansangka ulah ti ulih nagang diri? Apai indai nemu, kualiti tu ukai datai kediri empu. Nya alai sida patut ngajar anak sida sekeda kualiti ti manah ngena chunto sida empu. (Eps. 6:4) Enti nuan beratika anak nuan enda ulih nagang diri, tanya diri empu sekalika nuan netapka chunto ti manah. Nuan ulih netapka chunto ti manah enggau seruran nginjil, datai begempuru, sereta ngiring pengawa belajarka Bup Kudus ba diri sebilik. Lalu anang takut nyebut enda tau ngagai anak nuan lebuh nuan ngasaika nya patut! Jehovah netapka tatak ngagai Adam seduai Hawa. Tatak nya ulih nulung seduai iya belajar masa kuasa Jehovah. Pia mega, lebuh apai indai disiplin anak sida sereta netapka chunto ti manah ke sida, nya ulih ngajar anak nemu nagang diri. Sekeda utai ti pemadu berega ke ulih dikemansangka nuan ba anak nuan iya nya bebasaka kuasa Jehovah sereta standard Iya.—Bacha Jaku Dalam 1:5, 7, 8.\\n18. Nama kebuah kitai patut milih bala pangan enggau pintar?\\n18 Sekalika kitai apai indai tauka ukai, semua kitai patut pintar milih bala pangan. Enti bala pangan nuan rinduka Jehovah, sida deka meransang nuan netapka juluk ati ti bisi reti sereta nyeliahka penusah. (J-lam. 13:20) Chunto sida ti manah deka meransang nuan neladan ulah sida ti ulih nagang diri. Lalu pendiau nuan ti manah tentu deka meransang sida. Ulah ti ulih nagang diri ke diulih kitai deka nulung kitai diterima Petara, lantang ati enggau pengidup kitai sereta bekunsi utai ti manah enggau orang ti dikerinduka kitai.","num_words":2225,"character_repetition_ratio":0.095,"word_repetition_ratio":0.012,"special_characters_ratio":0.215,"stopwords_ratio":0.324,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemerindang Puteri - Blog Anak Iban Belelang: January 2006\\nRandau Anak Iban\\nKeterubah iya aku enggau orang beforum tak rindu endar asai, lebih agi enggau bala orang ari Malaysia ti diau sebelah dunya. Chukop macam utai ti di kerandau, mayoh utai di pelajar tauka ka di temu ari ti begulai enggau orang ba forum.\\nTengok ga asai ati ka ngiga bala Iban enggau berandau. Engka tak bisi ga bala Iban beforum tang maya nya nadai nemu sapa bisi ngatur forum. Udah bekau aku tetemu ka James, nya aku lalu meda bisi 3 iti forum alai bala Iban begempuru. Gagit endar ati terubah iya aku bekelala enggau bala ba forum tu. Tang siti utai lain dipeda aku ba forum Iban ari forum bukai ti endor aku udah enggau beforum.\\nDi peda aku bala nembiak Iban nadai mayoh utai berat dikerandau. Bisi meh berapa iko ti rindu berandau pasal politik tang ke bukai nadai bisi pengerindu, engka enda entu nemu kati ko enggau orang berandau pasal politik meh nya.\\nBatang randau ti dikerindu nembiak Iban, randau pasal bujang dara, randau pasal main bul, bisi meh randau bukai, randau ngerichau bisi meh nya dia. Baka sekeda ti rindu endar mantai ka randau pasal seks. Enti orang ti baru nyengok ba forum nya, kumbai orang ooh .. orang ditu rindu berandau ka utai baka nya neh .. laban datai ka 10 lambar enti enda lebih, pemanjai randau nya enti udah pasal seks.\\nEngka laban ti umur udah tuai meh nya, nya kebuah ti enda rindu meda randau baka nya. Ba penemu aku, nadai mai penguntong randau baka nya. Mina ngasoh sekeda ti nadai nemu malu jegak enda tentu pasal ... Enti sekeda ti rindu macha pasal pengawa seks orang bukai, patut nanya diri, nama kebuah ka macha utai baka nya? Bala ti mantai randau baka nya ukai nya nembiak umur 13 tauka 14 taun. Enti nembiak umur baka nya, enda iran aku laban ti baru iya ngasai ka tubuh diri angkat bujang serta dara. Tu bala udah lebih 20 taun umur... maya aku ngerara, wah, ringat sekeda, abis utai bukai dibangkit. Nya sigi ulah orang ti pandak runding ba penemu aku, bedau nemu sapa ti enggau ringat nya tadi, biak ka, tuai ka, nemu agi pasal topik nya ka, nya enggai laun nimbak serta nuduh utai mapap.\\nUkai enggai, batang randau ti tebal agi nadai mai penguntong ti ngasoh aku lubah agi diatu ka beforum ba forum Iban. Nadai randau ti ngerindu ati aku dia. Mina ngabas serta merati ka ulah bala nembiak. Nama kebuah aku empu enda mantai randau ti ngerindu ati aku empu? Ukai nadai udah kala mantai, tang nya meh, nadai orang ti ka dibai berandau pasal utai ti lebih agi bisi reti. Nadai ko enggau meh, mensia ukai nya sama, pengerindu siko siko ukai nya sama.\\nEnda ngawa, diatu aku rindu agi betulis ka blog. Jako Iban aku pen nyau mansang pama meh! Heheh. Sekumbang ti udah betulis ka blog, mayoh endar ga orang ti udah enggau bekelala. Rindu agi bekelala enggau bala ti bisi blog, laban kitai sama meda, tiap iko ti bisi blog, mesti bisi utai ti ngerindu di tulis dia! Enda pia, Cuthess, Encha, Dara, Chris, Grace, Desmond, James, Bobby, Jerry, Vavai, Vynne etc? Heheh.\\nAku pen rindu endar meda jako Iban di kerembai sertai di kemesai ba dunya blog. Enti di banding enggau bansa bukai amat lubah kitai. Blog dalam jako Tagalog bejumbuh dia peda aku, jako bansa bukai enda kira agi. Nya meh, kedung sekeda kitai bisi pengerindu nulis blog ngena jako bansa Iban aram meh kitai majak ka pengawa tu.\\nDikarang Puteri kena 1\/25\/2006 11:53:00 AM 7 comments: Links to this post\\nDikarang Puteri kena 1\/23\/2006 11:02:00 PM 6 comments: Links to this post\\nDikarang Puteri kena 1\/20\/2006 03:20:00 PM No comments: Links to this post\\nDikarang Puteri kena 1\/20\/2006 10:23:00 AM 6 comments: Links to this post\\nDikarang Puteri kena 1\/18\/2006 11:03:00 PM No comments: Links to this post\\nInsomnia, jako English, reti nya mata enggai tindok. Berapa malam tu udah, enggai entu tindok mata aku .. mina lelap enda lama udah nya tedani. Lama udah aku enda baka tu. Amat merinsa asai tubuh enti mata enggai tindok ... semadi ka dani pagi hari. :-(\\nAku enda entu ka bepakai ka ubat ti tau nulong kitai tindok, laban enti udah makai ubat tu, tindok tentu tindok, tang tindok nya enda jenak, kelalu balat bemimpi! Siti ti ngasi ba aku .. ubat allergy. Enti aku udah makai ubat tu, jenak tindok, asai ka enggai dani ma udah pagi hari! :-) Ka pen enda, anak dua iko, kaung kaung minta pansut ari bilik! Ni ka minta tusu!\\nSekali aku amat amat insomnia .. tiga bulan mata aku enggai entu tindok. Macham macham utai di uji .. ngirup teh leka lotus (lotus seed tea) meh aku. Mina sahari dua aja iya ngasi ba aku, udah nya enda ngasi agi. Pengujong iya aku meli ubat ba pharmacy, ubat ngasoh tindok, tang pharmacist mina ka nyual 3 leka aja sekali .... enggai ka ubat nya kena munuh diri kenu! Chissss .. kitai ka tindok ukai munoh diri .. hahaha. Maya nya aku gawa ba Vietnam.\\nEngka malam tu aku makai ubat allergy aja. Berapa minggu tu udah isi aku nadai gatal .. hari udah chelap lalu bisi embun, reti iya enda rangkai asai isi. Engka gari di kena aku sahari tu ngasoh isi aku bisi gatal. Sambil ngubat isi gatal, ngubat mata enggai tindok meh aku ma bepakai ka ubat allergy nya.\\nSelamat malam ka kita samoa! Arap ka tindok jenak serta nadai bisi mimpi.\\nDikarang Puteri kena 1\/14\/2006 12:12:00 AM 1 comment: Links to this post\\nDikarang Puteri kena 1\/09\/2006 03:20:00 PM 2 comments: Links to this post\\nDikarang Puteri kena 1\/08\/2006 02:14:00 PM 3 comments: Links to this post\\nDikarang Puteri kena 1\/04\/2006 11:00:00 AM 2 comments: Links to this post\\nDikarang Puteri kena 1\/02\/2006 05:57:00 PM 5 comments: Links to this post\\nKWSP untuk suri rumah: Dua peratus daripada gaji suami, RM50 dana kerajaan","num_words":926,"character_repetition_ratio":0.093,"word_repetition_ratio":0.052,"special_characters_ratio":0.243,"stopwords_ratio":0.216,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"1 September 2018 - Hari Enam ba Minggu Ke Dua Puluh Satu Musim Selama\\nNgagai siku iya nyerahka lima ribu singkap duit emas, ngagai siku ti bukai dua ribu singkap, lalu ngagai siku, seribu singkap, nitihka pengelandik sida siku-siku. Udah nya iya mupuk.\\n1 Korint 1: 26 - 31\\nPeratika gaya kita suba, menyadi, lebuh Allah Taala ngangauka kita: nadai mayuh kita nya orang ke bepenemu-dalam enti dikira nitihka penemu mensia.\\nNadai mayuh kita nya orang ke bekuasa, nadai mayuh kita nya orang ke tinggi pangkat, tang Allah Taala udah milih orang ke beli di dunya tu kena Iya ngemaluka orang ke bepenemu-dalam.\\nIya udah milih utai ti lemi di dunya tu kena Iya ngemaluka utai ti kering.\\nAllah Taala udah milih orang ke baruh pendiau sereta dikeleseka dunya, ke nadai reti, kena Iya ngerusak utai ti endang udah bisi, ngambika nadai orang ulih temegah di mua Allah Taala.\\nAllah Taala nya ti pun pengidup kita dalam Jesus Kristus, ke nyadi penemu-dalam Allah Taala, nyadi pengelurus, pengudus enggau penebus kitai, ngambika, munyi ti udah ditulis,\\n“Awakka orang ke deka temegah, temegahka Tuhan.”\\nMasmur 33: 12 - 13, 18 - 19, 20 - 21\\nSaut (peda 12b): Beberekat meh orang ke udah dipilih TUHAN nyadika nembiak Iya.\\nLantang meh bansa ti ngaku TUHAN nyadika Allah Taala sida. Beberekat meh orang ke udah dipilih TUHAN nyadika nembiak Iya! TUHAN nilik ke baruh ari serega lalu meda semua kitai mensia.\\nSaut: Beberekat meh orang ke udah dipilih TUHAN nyadika nembiak Iya.\\nKitai andal ati ke TUHAN. Iya nyaga sereta nyaup kitai. Kitai gaga ati ketegal Iya. Kitai manggaika pengarap kitai ba nama Iya ti kudus.\\nAku meri kita pesan ti baru: rinduka pangan diri baka Aku ke udah rinduka kita.\\nJesus madahka jaku sempama tu ngagai sida murid Iya:\\n“Laban Perintah serega nya baka orang siku ke baru deka bejalai ngagai menua bukai. Iya ngangauka bala orang gaji iya, lalu ngasuh sida ngemataka reta tengkira iya.\\nOrang gaji ke nerima lima ribu singkap lalu tekala nya bedagang ngena duit nya, lalu bulih untung lima ribu singkap.\\nBaka nya mega orang gaji ke nerima dua ribu singkap. Iya bulih untung dua ribu singkap.\\nTang orang gaji ke nerima seribu singkap mupuk, numbak lubang ba tanah lalu ngelalaika duit tuan iya dalam lubang tanah nya.\\nNyau kelama udah bekau nya, tuan sida datai, lalu ngira akaun enggau sida.\\nLalu orang gaji ke nerima lima ribu singkap datai, mai lima ribu singkap nambahka nya.\\nKu iya, ‘Tuan, nuan udah nyerahka ngagai aku lima ribu singkap duit. Tu lima ribu singkap untung ti udah ulih aku.’\\nKu tuan iya bejaku ngagai iya, ‘Manah pengawa nuan! Nuan tu orang gaji ke manah sereta tetap ati. Nuan tau dikarapka ngemataka utai ti mimit, nya alai aku deka ngasuh nuan ngemataka utai ti mayuh. Tama ke dalam lalu sama gaga ati enggau aku!’\\nUdah nya orang gaji ke udah nerima dua ribu singkap duit datai, lalu bejaku, ‘Tuan, nuan udah nyerahka ngagai aku dua ribu singkap duit. Tu dua ribu singkap untung ti ulih aku.’\\nKu tuan iya bejaku ngagai iya, ‘Manah pengawa nuan! Nuan tu orang gaji ke manah sereta tetap ati! Nuan udah tau dikarapka ngemataka utai ti mimit, nya alai aku deka ngasuh nuan ngemataka mayuh utai. Tama ke dalam lalu sama gaga ati enggau aku!’\\nUdah nya, orang gaji ke nerima seribu singkap datai lalu bejaku, ‘Tuan, aku nemu nuan endang orang ke terit, ngetau utai ti ukai ditanam nuan, lalu ngumpul utai ti ukai ditaburka nuan, nya alai aku takut, lalu ngelalaika duit nuan dalam tanah. Tu duit nuan.’\\nTang ku tuan iya nyaut iya, ‘Nuan tu orang gaji ke jai sereta ngelusu! Nuan nemu aku ngetau utai ti ukai ditanam aku, lalu ngumpul utai ti ukai ditaburka aku,\\nEnti nuan nemu nya, nuan patut udah beranakka duit aku dalam bank, ngambika lebuh aku datai, aku ulih nerima duit nya enggau bungai iya.\\nNya alai ambi duit nya ari iya, lalu beri ngagai iya ke bisi sepuluh ribu singkap.\\nLaban, genap iku orang ke bisi utai, deka diberi mayuh agi, lalu iya deka ngembuan mayuh agi utai.\\nTang orang ke nadai utai, indah utai ti dikemisi iya deh deka dirampas ari iya.\\nLalu buai orang gaji ke nadai guna nya ke luar ngagai endur ti petang, alai iya deka nyabak sereta begerit ngeli.’","num_words":671,"character_repetition_ratio":0.092,"word_repetition_ratio":0.057,"special_characters_ratio":0.212,"stopwords_ratio":0.386,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"16 April 2020 - Hari Empat dalam Minggu ngagai Octave Paska | Thursday in the Octave of Easter -->\\nPun Laman › Bible › BupKudus › Catholic › Injil › JakuTuhanNintingHari › Prayer › RomanKatolik › SembiangKitai\\n16 April 2020 - Hari Empat dalam Minggu ngagai Octave Paska | Thursday in the Octave of Easter\\n“Awakka pemaik meruan enggau kita.” -Luke 24:36\\nSelamat pagi Hari Empat dalam Minggu ngagai Octave Paska (Thursday in the Octave of Easter) ngagai semua bala menyadi dalam kristus. Aram kitai sama nyendiaka diri lalu belabuh besembiang:\\nBacha Ke Satu: Kereja Rasul 3: 11 - 26\\nLebuh orang nya majak bepegai ba Peter seduai John, semua orang mayuh alit ati lalu belanda ngagai sida tiga ba endur ti dikumbai Serambi Solomon.\\nLebuh Peter meda orang mayuh datai, iya lalu bejaku ngagai sida, “Kita orang Israel, nama kebuah kita alit ati ke tu? Nama kebuah kita merening ngagai kami? Ukai kuasa kami tauka pengudus kami ti ngasuh orang tu ulih bejalai.\\nAllah Taala ke disembah Abraham, Isak enggau Jakop, Allah Taala ke disembah aki ini kitai, udah ngemuliaka Nembiak Iya Jesus, ke udah diserah lalu ditulak kita di mua Pilate, taja pen Pilate udah mutuska runding deka ngelepaska Iya.\\nTang kita nulak Iya ti kudus sereta lurus, lalu kita minta siku pemunuh diserahka ngagai kita, lalu kita munuh Iya ti Pun pengidup. Tang Allah Taala udah ngangkatka Iya ari mati.\\nKami empu nyadika saksi nya.\\nUlih pengarap ke nama Iya, ulih kuasa nama Iya, orang ke enda ulih bejalai tu, ke dipeda sereta dikelala kita empu, udah nyadi kering. Pengarap iya ke Jesus ti udah ngeraika iya, baka ke dipeda semua kita.\\n“Menyadi, aku nemu kita enggau bala tuai kita, udah ngereja utai nya laban kita enda nemu utai ti dikereja diri.\\nTu chara Allah Taala ngamatka semua utai ti udah disebut Iya ngena semua sida nabi, madahka Kristus enda tau enda kena perinsa.\\nNya alai, nesal ati meh kita lalu pulai baru ngagai Allah Taala, ngambika dosa kita diampun, ngambika maya deka datai alai kita deka ngasaika pengering ari Tuhan, sereta ngambika Iya ngirumka Kristus ngagai kita, iya nya Jesus ke udah dipilih Iya ke kita, ke enda tau enda diau di serega nyentuk ngagai maya Allah Taala udah ngaga semua utai nyadi baru magang, munyi ti udah dipadahka Iya ngena bala nabi Iya ti kudus dulu kelia.\\nKu Moses bejaku, ‘Tuhan Allah Taala kita deka milih siku nabi ke kita, ari bala kita empu, baka Iya ke udah milih aku.\\nKita enda tau enda mendingka semua utai ti dipadahka iya ngagai kita.\\nBarang sapa enda mendingka nabi nya deka dibuai ari raban nembiak Allah Taala.’\\nLalu semua nabi ke udah bejaku, berengkah ari Samuel, enggau nabi bukai ke datai dudi ari iya, udah mega madahka hari nya.\\nKita tu peturun sida nabi nya enggau peturun sempekat ti udah diberi Allah Taala ngagai aki ini kita, lebuh Iya bejaku ngagai Abraham, ‘Ulih peturun nuan semua mensia di dunya tu deka diberekatka.’\\nLebuh Allah Taala udah ngangkatka Nembiak Iya, Iya lalu ngirumka Iya ngagai kita dulu, ngambika Iya merekatka kita lebuh Iya nguingka genap iku kita ari penyai kita.”\\nMasmur Entara: Masmur 8: 1AB & 4, 5 - 6, 7 - 8\\nSaut (peda 2ab): O TUHAN, ti Allah Taala kami. Naka meh pemesai kuasa nama Nuan di serata dunya!\\nO TUHAN, ti TUHAN kami.\\nNaka meh pemesai kuasa nama Nuan di serata dunya!\\nSapa mensia, alai Nuan deka bedulika sida?\\nSapa anak mensia, alai Nuan deka ibuhka sida?\\nSaut: O TUHAN, ti Allah Taala kami. Naka meh pemesai kuasa nama Nuan di serata dunya!\\nTang taja pia, Nuan udah ngaga iya semina baruh mimit ari Nuan Empu,\\nlalu Nuan udah meri iya mulia enggau basa nyadika makota iya.\\nNuan udah ngasuh iya merintah semua utai ti digaga Nuan;\\nNuan udah ngengkahka semua utai di baruh kaki.\\nSemua jelu bedus enggau sapi, enggau jelu babas,\\nsemua burung enggau ikan enggau semua utai ti idup dalam tasik.\\nSaut: O TUHAN, ti Allah Taala kami. Naka meh pemesai kuasa nama Nuan di serata dunya!uasa nama Nuan di serata dunya!\\nAlleluia (peda Masmur 118: 24):\\nBacha Injil: Luke 24: 35 - 48\\nLebuh seduai iya benung nusui nya, Jesus Empu lalu tekala nya bediri ba tengah-tengah sida, lalu bejaku ngagai sida, “Awakka pemaik meruan enggau kita.”\\nTang sida tekenyit sereta balat takut, lalu ngumbai diri meda antu.\\nIya lalu bejaku ngagai sida, “Nama kebuah kita takut? Lalu nama kebuah ati kita kakang?\\nPeda jari enggau kaki Aku.\\nAku meh tu.\\nTegu Aku, lalu peda, laban antu nadai isi tauka tulang baka Aku.”\\nLebuh Iya udah nyebut nya, Iya lalu mandangka jari enggau kaki Iya ngagai sida.\\nLebuh sida agi mengkang enda arap laban sida balat gaga sereta alit ati, Iya lalu bejaku ngagai sida, “Kati kita bisi utai diempa ditu?”\\nSida lalu nyuaka ngagai Iya sekerat ikan ti udah dipanduk.\\nIya ngambi lalu makai ikan nya di mua sida.\\nUdah nya Iya lalu bejaku ngagai sida, “Tu meh utai ti udah dipadahka Aku ngagai kita lebuh Aku agi begulai enggau kita -- madahka semua utai ti udah ditulis pasal Aku dalam Adat Moses, dalam bup sida nabi, enggau dalam Masmur, enda tau enda dikamatka.”\\nUdah nya Iya lalu muka runding sida, ngambika sida meretika Bup Kudus, lalu ku Iya bejaku ngagai sida,\\n“Tu meh utai ti udah ditulis: Kristus enda tau enda natka pemerinsa, lalu angkat ari mati ba hari ti ketiga, lalu pesan pasal nesal ati, enggau pasal pengampun dosa dipadahka dalam nama Iya ngagai semua bansa, berengkah ari Jerusalem.\\nKita tu meh orang ke besaksika semua utai tu.\\n#Bible #BupKudus #Catholic #Injil #JakuTuhanNintingHari #Prayer #RomanKatolik #SembiangKitai","num_words":856,"character_repetition_ratio":0.073,"word_repetition_ratio":0.033,"special_characters_ratio":0.213,"stopwords_ratio":0.329,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Muzik Iban patut dibantai ba RWMF – Leez Zwita – Suara Sarawak – Bukan Sekadar Akhbar\\nYou are here:Home-RUAI-Muzik Iban patut dibantai ba RWMF – Leez Zwita\\nMuzik Iban patut dibantai ba RWMF – Leez Zwita\\n“Aku ninting taun nyereta festival tu lalu aku ngarapka muzik Iban ukai semina dipandang ngagai rayat Sarawak aja tang ngagai tikas dunya ngelala muzik bansa kitai.”\\nKUCHING: Leez Zwita ngarapka industri muzik Iban ulih dibai ngambi bagi ba ‘Festival Muzik Hutan Hujan Dunia’ (RWMF) ba awak ti deka datai.\\nPenanyi tebilang Iban enggau lagu Gerah Mata Undang ti udah mujur nerima 1.1 juta orang ti meda ba ‘youtube’ dua taun ti udah nya ngarapka jemah ila muzik Iban deka dipantaika ba RWMF.\\n“Aku ninting taun nyereta festival tu lalu aku ngarapka muzik Iban ukai semina dipandang ngagai rayat Sarawak aja tang ngagai tikas dunya ngelala muzik bansa kitai.\\n“Pia mega, kitai ulih belajar lalu ngaga muzik menua luar ngagai industri muzik Iban,” ku iya.\\nIya madah munyi nya lebuh ditanya pengari Suara Sarawak di RWMF 2019 ba Kampung Budaya Sarawak kemari.\\nLeez Zwita ti mega kala nerima anugerah Kulit Album Pemadu Manah ba Anugerah Muzik Dayak 2016 ba baruh pegai Masan Kaya datai berami enggau meda festival madah chukup gaga sereta gagit meda pemerindang muzik ti datai ari mayuh bengkah menua.\\n“Taun tu rami agi ari taun ti bukai enggau aku amat gagit ati meda pemerindang sida.\\n“Pupu bansa ari selampur dunya begempuru ditu meda pemerindang ari mayuh macham muzik enggau tanda,” ku iya nandu.\\nKelimpah ari nya, Leez Zwita madah iya deka ngeluarka album baru ba taun 2020.\\n“Aku deka ngeluarka album lagu baru ba 2020, tang siti ari lagu ba album nya udah bisi pansut ba media rama ‘youtube’,” ku iya.\\nLagu iya ti udah pansut ba ‘youtube’ kenyau tiga bulan ti lalu iya nya ‘Milih Lelaki’ udah nyapai 35,000 orang ti meda.\\nBy LYDIA AMAN|2019-07-14T18:09:21+08:00July 14th, 2019|Categories: RUAI|0 Comments","num_words":293,"character_repetition_ratio":0.07,"word_repetition_ratio":0.106,"special_characters_ratio":0.222,"stopwords_ratio":0.253,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tiga iku diri sebilik positif Covid-19 seharitu - Suara Sarawak\\nKUCHING: Tiga kes positif baru Covid-19 dirikod nyadi di Sarawak, seharitu.\\nSekretariat Komiti Penyangga Penusah Ngenyit Nengeri Sarawak (JPBNS) madah, kes positif nya ngaul tiga iku diri sebilik di Bintulu.\\nKes nya ditemu ari operasyen nyidi kaul semak kes Ke-557 apin lama ke udah.\\nBerindik ari tiga kes positif baru nya, bisi 560 kes positif baru Covid-19 dirikodka di Sarawak naka ke diatu.\\nJPBNS ba penerang nya mega madahka nadai kes baru suman sereta dikemendar pansut ari sepital, tadi.","num_words":82,"character_repetition_ratio":0.105,"word_repetition_ratio":0.0,"special_characters_ratio":0.208,"stopwords_ratio":0.134,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Rebut peluang landik mela pemakai asal - Suara Sarawak\\nKUCHING: Palan Pematih Pemansang Nembiak (Centexs) deka ngatur program khas dikumbai Pesaka Kulinari (Culinary Heritage) ba taun baru.\\nKetuai Pemesai Eksekutif Centexs Syeed Mohd Hussien Wan Abdul Rahman madahka program tu disedia dikena nyaga chara ngaga pemakai asal bansa ti majak lenyau.\\n“Program kulinari tu khas dikena ngiri penau ngagai nembiak baru ngaga pemakai asal dikemisi menua Asia.\\n“Kebuah pia laban kitai keran ngetanka pemakai asal ti majak enda dikelala rebak baru,” ku iya.\\nSyeed bejaku munyi nya lebuh ditanya pemberita maya ngelawa Pekit Teknologi Fasyen di Karnival Tvet Malaysia ba Palan Aum Borneo Kuching (BCCK) ditu tadi.\\nNERANG… Syeed Mohd Hussien nyaut tanya bala pemberita ba Pekit Teknologi Fasyen di Karnival TVET Malaysia ba Palan Aum Borneo Kuching (BCCK) ditu tadi.","num_words":124,"character_repetition_ratio":0.078,"word_repetition_ratio":0.087,"special_characters_ratio":0.176,"stopwords_ratio":0.105,"flagged_words_ratio":0.0,"lang_id_score":0.995,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"‘Runding Nuan ti Ditumpuka Ngagai Peneka Roh Kudus, Nuju Ngagai Pengidup Enggau Pemaik’ | Dikena Belajar\\n‘Orang ke idup nitihka peneka roh kudus berundingka utai ti dikedekaka roh kudus.’—ROM. 8:5.\\nLAGU: 57, 52\\nNama kebuah semua kitai tau bulih penguntung ari beratika Rome bab 8?\\nBaka ni orang Kristian engka berengkah numpuka runding “ngagai peneka mensia”?\\nNama reti ‘runding ti ditumpuka ngagai peneka roh kudus’?\\n1, 2. Nama kebuah orang Kristian ke diiri ngena roh kudus rinduka Rome bab 8?\\nLEBUH kitai ngingatka pemati Jesus, kitai engka bisi macha Rome 8:15-17. Ayat tu nerangka baka ni orang Kristian ke diiri ngena roh kudus nemu sida bisi pengadang idup belama iya di serega. Rome 8:1 (NW) nyebut pasal orang ke diiri ngena roh kudus nyadi “orang ke beserakup enggau Jesus.” Tang kati Rome bab 8 semina dituju ngagai orang ke diiri ngena roh kudus? Tauka ulih bab nya mega nulung orang ke bisi pengadang idup belama iya ba dunya?\\n2 Rome bab 8 ke batang iya ditulis nuju ngagai orang ke diiri ngena roh kudus. Sida nerima ‘roh kudus’ lalu nyadi orang ke “nganti diri diiru nyadi anak, reti nya dilepaska ari tubuh [fizikal sida].” (Rom. 8:23, NW) Jemah ila, sida deka nyadi anak Petara di serega. Jehovah udah ngampun dosa sida bepelasarka tebus. Iya udah madahka sida lurus ngambika ulih nyadi anak Iya.—Rom. 3:23-26; 4:25; 8:30.\\n3. Nama kebuah orang ke ngembuan pengadang idup belama iya ba dunya mega patut belajarka Rome bab 8?\\n3 Taja pia, ba pun bup Rome, Paul nulis pasal seiku orang ke ukai diiri ngena roh kudus, tang iya agi dikumbai Jehovah lurus. Orang nya Abraham. Lelaki ke tetap ati nya udah lama dulu idup sebedau Jesus meri nyawa diri nyadika tebus. (Bacha Rome 4:20-22.) Kemaya hari tu, Jehovah mega ulih ngumbai orang Kristian ke tetap ati ke ngembuan pengadang idup belama iya ba dunya nya lurus. Sida mega tau bulih penguntung ari jaku lalau ke bisi ba Rome bab 8.\\n4. Lebuh kitai macha Rome 8:21, nama patut ditanya kitai ngagai diri empu?\\n4 Ba Rome 8:21, kitai nemu Jehovah meri jamin, dunya baru Iya deka datai lalu mensia deka dilepaska ari dosa enggau pemati. Ayat tu madahka, sida deka bulih ‘pengelepas ti bemulia ti endang enggi bala anak Petara.’ Kati nuan meda diri empu bisi ba dunya baru nya? Aram kitai berandauka utai ti patut digaga kitai ngambika ulih idup dia.\\n“RUNDING TI DITUMPUKA NGAGAI PENEKA MENSIA”\\n5. Nama utai ke disebut Paul ba Rome 8:4-13?\\n5 Bacha Rome 8:4-13. Ba bab kelapan dalam bup Rome, Paul nyebut pasal dua bengkah bansa mensia; orang ke idup “nitihka peneka mensia” enggau orang ke idup ‘nitihka peneka roh kudus.’ Sekeda orang ngumbai Paul nyebut pasal orang ke ukai Kristian enggau orang ke Kristian. Tang ditu Paul nulis ngagai orang Kristian, ke “dikangauka nyadi nembiak Tuhan ti kudus.” (Rom. 1:7, NW) Nya alai, kedua-dua bengkah bansa orang ke idup “nitihka peneka mensia” enggau orang ke idup ‘nitihka peneka roh kudus’ nya orang Kristian. Baka ni sida bebida ari pangan diri?\\n6, 7. (a) Nama sekeda reti leka jaku ke disalin nyadi “peneka mensia” dalam Bup Kudus? (b) Baka ni leka jaku ke disalin nyadi “peneka mensia” dikena ba Rome 8:4-13?\\n6 Leka jaku Gerika ti asal ba ayat tu udah disalin nyadi “peneka mensia” ba sekeda ayat. Leka jaku tu mega reti iya batang tubuh kitai. (Rom. 2:28; 1 Kor. 15:39, 50) Reti iya mega nunjukka kaul ba diri sebilik. Ngambika chunto, Bup Kudus madahka Jesus nya “ari peturun David,” lalu Paul ngangauka orang Judah “kaban belayan” iya empu.—Rom. 1:3; 9:3.\\n7 Nya alai, nama reti utai ku Paul lebuh iya nyebut pasal orang ke idup “nitihka peneka mensia” ba Rome 8:4-13? Kena nemu saut iya, kitai ulih meda ba Rome 7:5 (NW). Paul nulis: “Lebuh kitai idup nitihka peneka mensia, pengingin kitai ti bedosa, ti disungkak Adat, mengkang bekereja dalam tubuh kitai.” Ditu Paul nerangka, orang ke idup “nitihka peneka mensia” nya orang ke beratika sereta nitihka pengingin sida ti bedosa, ngereja sebarang utai ti dikedekaka sida.\\n8. Nama kebuah Paul patut nagang orang Kristian ke diiri ngena roh kudus idup “nitihka peneka mensia”?\\n8 Nama kebuah Paul nagang orang Kristian ke diiri ngena roh kudus idup “nitihka peneka mensia”? Lalu nama kebuah semua orang Kristian kemaya hari tu begunaka jaku tangkan tu? Laban nembiak Petara ke tetap ati ulih berengkah ngemeratka pengingin diri ba pengidup iya. Ngambika chunto, Paul madahka sekeda bala menyadi Kristian ba Rome nyadi ulun “pengingin sida empu.” Reti utai ku Paul nya, sida ngemeratka seks, pemakai tauka utai bukai ke ngelantangka ati ba pengidup sida. (Rom. 16:17, 18; Plp. 3:18, 19; Jud. 4, 8, 12) Lalu ba siti timpuh, bisi utai ke nyadi ba eklisia di Korint. Seiku menyadi Kristian lelaki “tinduk enggau indai-tiri iya empu.” (1 Kor. 5:1) Endang amat, orang Kristian ba kurun keterubah begunaka jaku tangkan Paul pasal idup “nitihka peneka mensia.”—Rom. 8:5, 6.\\n9. Rome 8:6 enda berandau pasal nama?\\n9 Jaku tangkan tu mega dikena kemaya hari tu. Indah orang ke udah lama nyembah Jehovah engka berengkah idup “nitihka peneka mensia.” Nya alai, kati Paul ngumbai kitai enda patut berunding pasal pemakai, kereja, main tauka pekara ti romantik? Enda. Tu utai ke selalu digaga ba pengidup. Indah Jesus rindu ke pemakai sereta meri orang bukai makai. Iya mega nemu iya patut belelak. Lalu Paul nulis, pengawa besetubuh nya beguna ba pengawa jadi melaki-bini.\\nUtai ti dikerandauka kitai nunjukka nama? (Peda genteran 10, 11)\\n10. Nama reti rambai jaku “runding ti ditumpuka ngagai”?\\n10 Nama reti rambai jaku “runding ti ditumpuka ngagai” ke disebut Paul? Leka jaku Gerika ke dikena Paul nya reti iya orang numpuka semua runding enggau pelan iya ngagai sebengkah utai. Seiku pakar nerangka, rambai jaku nya dituju ngagai orang ke “balat rinduka, seruran bejaku pasal” sereta balat betumpu ngagai pengingin sida ti berundingka diri empu aja. Sida ngelakka pengingin ke baka nya bekuasa atas pengidup sida.\\nNama utai ti pemadu dikerinduka kitai ba pengidup?\\n11. Nama sekeda utai ke engka nyau beguna bendar ba kitai?\\n11 Orang Kristian ba Rome patut meresa sereta nguji nemu runding sida ditumpuka ngagai utai nama. Kati nya “utai ti dikinginka mensia”? Kemaya hari tu, kitai mega patut berundingka utai ti pemadu beguna ba kitai. Nama utai ti rindu dikerandauka kitai? Nama utai ti amat rindu dikereja kitai? Sekeda orang engka nyau nemu, sida seruran berunding deka nguji ngirup mayuh macham wain, ngias rumah, bebelika gari baru, nambahka duit tauka bekira deka raun. Utai tu enda salah. Utai tu engka utai ke selalu digaga ba pengidup kitai. Ngambika chunto, Jesus nyediaka wain ba pengerami tikah, lalu Paul ngasuh Timoti ngirup “wain mimit” ke pengerai iya. (1 Tim. 5:23; Jhn. 2:3-11) Tang wain ukai utai ti pemadu beguna ba pengidup seduai iya. Baka ni enggau kitai? Nama utai ti pemadu dikerinduka kitai ba pengidup?\\n12, 13. Nama kebuah kitai patut bejimat pasal utai ti ditumpuka kitai?\\n12 Paul nangkan: “Runding ti ditumpuka ngagai peneka mensia, nuju ngagai pemati.” (Rom. 8:6) Nama reti utai ku iya tu? Enti kitai idup “nitihka peneka mensia,” kitai lenyau kaul enggau Jehovah diatu sereta lenyau pengidup ke jemah ila. Tang tu enda patut nyadi. Orang ulih berubah. Agi nuan ingatka lelaki ke ngereja ulah ti kamah ba Korint ke udah dibuai ari gerempung? Iya berubah lalu badu nitihka pengingin iya ti kamah. Sekali agi, iya nyembah Jehovah enggau chara ti tuchi.—2 Kor. 2:6-8.\\n13 Lelaki nya orang ke idup “nitihka peneka mensia,” tang iya ulih berubah. Nya alai, enti orang Kristian kemaya hari tu nitihka pengingin iya ti bedosa ari ke nitihka standard Jehovah, iya mega ulih berubah. Ngingatka jaku tangkan ari Paul ulih meransang kitai ngaga sebarang ubah ke patut.\\n‘RUNDING TI DITUMPUKA NGAGAI PENEKA ROH KUDUS’\\n14, 15. (a) Paul ngasuh kitai numpuka runding ba utai nama? (b) Nama penemu ti salah pasal ‘runding ti ditumpuka ngagai peneka roh kudus’?\\n14 Pengudah Paul bejaku pasal penusah ke datai ari “runding ti ditumpuka ngagai peneka mensia,” iya nerangka: ‘Runding ti ditumpuka ngagai peneka roh kudus, nuju ngagai pengidup enggau pemaik.’ Naka meh pemanah upah ke deka diulih kitai!\\n15 Tang ‘runding ti ditumpuka ngagai peneka roh kudus’ ukai reti iya orang nya nadai kaul enggau utai ti nyata. Tu mega ukai reti iya orang nya semina berunding sereta bejaku pasal Jehovah tauka Bup Kudus. Ngambika chunto, nembiak Petara ba kurun keterubah ngembuan pengidup ti sama baka orang bukai. Sida rindu makai enggau ngirup, jadi melaki-bini, ngintu ruang bilik sereta bisi kereja.—1 Kor. 9:5; 1 Tes. 2:9.\\nUtai ti pemadu beguna ba pengidup Paul nya gawa ke Petara\\n16. Nama utai ti pemadu beguna ba pengidup Paul?\\n16 Tang Paul enggau orang Kristian kurun keterubah ke bukai enda ngelakka pengawa ke selalu digaga nyadi utai ti pemadu beguna ba pengidup sida. Ngambika chunto, kitai nemu Paul ngidupka diri enggau begagaka langkau kain. Tang kereja iya nya ukai utai ti pemadu beguna ba pengidup iya. Utai ti pemadu beguna ba pengidup Paul nya gawa ke Petara. Paul betumpu ba pengawa nginjil sereta ngajar. (Bacha Kereja Rasul 18:2-4; 20:20, 21, 34, 35.) Bala menyadi Kristian ba Rome patut neladan Paul, lalu pia mega enggau kitai.—Rom. 15:15, 16.\\n17. Nama penguntung enti runding kitai ‘ditumpuka ngagai peneka roh kudus’?\\n17 Baka ni gaya pengidup kitai enti kitai betumpu ba sembah ngagai Jehovah? Rome 8:6 madahka: ‘Runding ti ditumpuka ngagai peneka roh kudus, nuju ngagai pengidup enggau pemaik.’ Ngereja nya nyengkaum ngawakka runding kitai ti diiring roh kudus Jehovah sereta belajar berunding baka Iya. Jehovah besemaya deka meri pengidup ti lantang sereta ngemuaska ati ngagai kitai diatu sereta pengidup ti meruan belama iya ke jemah ila.\\nKitai beterima kasih ngagai Jehovah laban nulung kitai ngulihka pemaik ti bendar ba runding\\n18. Baka ni kitai tau bulih pemaik enti runding kitai ‘ditumpuka ngagai peneka roh kudus’?\\n18 Nama reti utai ku Paul lebuh iya nyebut ‘runding ti ditumpuka ngagai peneka roh kudus’ ulih ngenataika pemaik ke kitai? Semua orang dekaka pemaik, kelebih agi pemaik ba runding, tang mimit aja orang ke tetemuka iya. Kitai beterima kasih ngagai Jehovah laban nulung kitai ngulihka pemaik ti bendar ba runding. Kitai mega bisi pemaik enggau diri sebilik sereta enggau orang ba eklisia. Ketegal kitai enda sempurna, kekadang kitai deka bisi penanggul enggau bala menyadi Kristian kitai. Enti tu nyadi, kitai nitihka jaku ajar Jesus: “Bebaik dulu enggau iya [menyadi Kristian].” (Mat. 5:24) Anang enda ingat, menyadi Kristian lelaki tauka indu mega gawa ke Jehovah, ‘Petara, ke [‘meri,’ NW] pemaik.’—Rom. 15:33; 16:20.\\n19. Nama bansa pemaik ti ngalitka ati ke ulih diasaika kitai?\\n19 Enti runding kitai ‘ditumpuka ngagai peneka roh kudus,’ kitai mega deka bisi pemaik enggau Petara. Nabi Isaiah nulis: ‘Nuan, Jehovah, meri pemaik ti pemadu menyana ngagai orang ke ngembuan juluk ati ti tegap, sereta manggaika pengarap sida ba Nuan.’—Isa. 26:3; bacha Rome 5:1.\\n20. Nama kebuah nuan beterima kasih ke jaku lalau ba Rome bab 8?\\n20 Sekalika kitai bisi pengadang idup belama iya di serega tauka ba dunya, semua kitai tau bulih penguntung ari jaku ke bisi ba Rome bab 8. Kitai gaga ati laban Bup Kudus meransang kitai betumpu ba sembah ngagai Jehovah, ukai betumpu ba pengingin kitai empu. Kitai nemu, enti runding kitai ‘ditumpuka ngagai peneka roh kudus,’ kitai tau bulih upah ti ngerinduka ati. Paul nulis: ‘Pemeri ti diberi Petara pechuma nya pengidup ti meruan belama iya dalam Jesus Kristus Tuan kitai.’—Rom. 6:23.\\nRunding kitai ditumpuka ngagai peneka roh kudus: Kitai ngawakka runding kitai ti diiring roh kudus Jehovah sereta nguji berunding baka Iya. Kitai deka kaul kitai enggau Jehovah sereta sembah kitai ngagai Iya nyadi utai ti pemadu beguna ba pengidup kitai","num_words":1827,"character_repetition_ratio":0.097,"word_repetition_ratio":0.015,"special_characters_ratio":0.227,"stopwords_ratio":0.305,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"JPNS, kepala pengajar, prinsipal bisi kuasa ngetuka enda lama P&P nyema IPU lebih 200 | Utusan Borneo Online\\nHalaman Utama » Iban » JPNS, kepala pengajar, prinsipal bisi kuasa ngetuka enda lama P&P nyema IPU lebih 200\\nJPNS, kepala pengajar, prinsipal bisi kuasa ngetuka enda lama P&P nyema IPU lebih 200\\nNYAUT TANYA: Uggah lebuh dikerandau raban pemberita pengudah tembu pengerami betemu enggau penerima duit bantu Unit Pekara Jalai Pengarp Bukai (UNIFOR) Taun 2017 enggau 2018 enggau Kepala Menteri Datuk Patinggi Abang Johari Tun Openg, kemari. — Gambar Roystein Emmor\\nKUCHING: Opis Pelajar Nengeri (JPNS), kepala pengajar sereta prinsipal bisi kuasa ngetuka sementara sesi belajar enggau ngajar (P&P) nyema Indek Pengamah Angin (IPU) lebih 200 dalam timpuh 24 jam.\\nSapit Kepala Menteri, Datuk Amar Douglas Uggah Embas madahka pemutus nya ulih digaga JPNS, kepala pengajar sereta guru besar bepelasarka Prosedur Operasi Standard (SOP).\\n“Pemutus (ngetuka sementara sesi belajar enggau belajar) kitai serah ngagai Direktor JPNS, nentuka sekalika patut ditutp tauka enda.\\n“Kitai bisi SOP, enti IPU terus dalam timpuh 24 jam lebih ari 200 dia bala guru besar tauka kepala pengajar ulih ngaga pemutus nutup sekula. Aku nadai kuasa ngaga pemutus,” ku iya ti nyadi Chairman Komiti Mutarka Penusah Ngenyit Sarawak (JPBNS) dikerandau raban pemberita kemari.\\nIya dikerandau pengudah tembu pengerami betemu enggau penerima duit bantu Unit Pekara Jalai Pengarp Bukai (UNIFOR) Taun 2017 enggau 2018 enggau Kepala Menteri Datuk Patinggi Abang Johari Tun Openg, ti diatur UNIFOR ba sebuah hotel ditu.\\nBerebak enggau Uggah madahka bepelasarka aum begulai enggau ejensi ti bekaul baka Opis Rampa Menua Sarawak (JAS), Lembaga Sumber Asli dan Alam Sekitar (NREB), Jabatan Pertahanan Awam Malaysia (JPAM), sida nya deka nyendiaka tuping mua.\\n“NREB enggau JAS deka nyadung tuping mua, diatu udah bisi sekeda bekal. Lalu nya udah diberi ngagai Opis Pelajar, udah diberi tadi.\\n“Lalu sida (JPNS) deka nentuka bagi sekula ke diberi tuping mua nya, tagit kitai endang nembiak,” ku iya.\\nKelimpah ari nya Uggah ti mega Menteri Wang Kedua ngarapka perintah besai ngiga chara ti lebih engkeman enggau menua ti berimbai lebih agi Indonesia baka ni chara ulih madamka api ulih dipejalaika.\\nKuala Lumpur patut berandau enggau sida di Jakarta bakani ulih bekerejasama nitihka sempekat Roadmap on ASEAN CoorporationTowardsTransboundary Haze Pollution with Mean of Implemetation.\\nBa kitai Ku Uggah, enti penusah angus dalam menua tu empu lebih senang laban kitai ulih ngerah semua ejensi kitai bakani ulih betapi enggau penanggul tu baka di Miri enggau Sri Aman.\\n“Tang lebuh sebun asap tu ngelui tauka meraka gari antara menua, terebai ari Kalimatan, tu penanggul sereta majak balat agi laban angin bepuput tunga ngagai kitai kitu.\\n“Kitai deka terus bejaku enggau perintah besai sereta baka di Miri sida amat mantu kitai sida ngajung Bombadier dikena nulung kitai. Tang berandau enggau Jakarta tu tanggungpengawa perintah besai,” ku iya seraya mai sama besampi ngambika sebun asap tu ulih kurang.\\nLebuh ngenang pengawa menih remang ngambika ujan iya madahka pekara nya bepanggai ngagai remang sereta pengawa nya enda ulih mujur enti titik angat di Kalimantan agi mayuh asap sereta angin bepuput tunga ke nengeri tu.","num_words":477,"character_repetition_ratio":0.063,"word_repetition_ratio":0.092,"special_characters_ratio":0.19,"stopwords_ratio":0.178,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PKPB di Sarawak dilanjar baru, 173 kes baru positif - Suara Sarawak\\nKUCHING: Atur Mindah Betagang Belebas (PKPB) di Sarawak dilanjarka berengkah 16 Mac pukul 12.01 pagi nyentukka 29 Mac pukul 11.59 malam tu ila.\\nChairman Komiti Penyangga Penusah Ngenyit Nengeri (JPBN) Datuk Amar Douglas Uggah Embas madahka PKPB tu dilanjarkan laban kes positif Covid-19 di menua tu agi tinggi.\\n“JPBN dalam aum ngambi pemutus ngelanjarka PKPB di Sarawak berengkah 16 Mac pukul 12.01 pagi nyentukka 29 Mac pukul 11.59 malam pengudah beratika kes positif Covid-19 di menua tu agi tinggi.\\n“Taja pia, Atur Mindah Betagang Diteritka (PKPD) di Kampung Skim Pengentap Pendiau Baru Sentosa Fasa 2, Sibu udah diketuka laban nadai kes positif Covid-19 ditemu ba peresa ti kedua kelimpah nadai kelai bisi kes berampit ba palan nya,” ku iya.\\nUggah madah munyi nya ba Aum Media Covid-19 di Dun Lama ditu, tadi.\\nDulu ari nya, iya madahka Sarawak ngerikodka 173 kes positif baru Covid-19 kemari di Pelilih Menua Sibu (71), Miri (19), Bintulu (16), Kuching (15), Meradong (10), Serian (9), Julau (7), Kapit (5), Tanjung Manis (5), Betong (3), Belaga (2), Mukah (2), Sri Aman (2), Subis (2), Telang Usan (2), Dalat (1), Samarahan (1) enggau Sarikei (1).\\nKu iya, nya ngujungka penyampau kes positif Covid-19 di menua tu nambah 12,051 kes.\\nIya madahka, ari 173 kes positif baru Covid-19 tu, 19 iku orang ti positif nya bisi nunjukka kelai.","num_words":192,"character_repetition_ratio":0.093,"word_repetition_ratio":0.0,"special_characters_ratio":0.284,"stopwords_ratio":0.12,"flagged_words_ratio":0.0,"lang_id_score":0.97,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sarawak ulih bankrap, enti agi dipegai GPS, ku Guan Eng - Suara Sarawak\\nJune 22, 2019June 22, 2019\\n“Kebuah pia, dalam taun tu Perintah Sarawak udah bebelanja RM11 billion, kira kitak empu, dalam tiga taun deka datai sida (GPS) deka bebelanja urung RM30 billion… nadai utai tinggal agi.”\\nKUCHING: Sarawak ulih bankrap dalam kandang tiga taun enti agi ba baruh pegai perintah Gabungan Parti Sarawak (GPS).\\nMenteri Wang Malaysia Lim Guan Eng madah tu laban dalam mulaika hak Sarawak enggau Sabah nyadi sebagi ari siti entiti ba pekara Sempekat Malaysia (MA63) perintah besai udah deka ngemendarka ubah undang-undang nya ba Parlimen apin lama tang GPS enda nyukung.\\n“Nya alai, aku minta kitak (rayat) nyukung Pakatan Harapan dalam mulaika kuasa rayat Sarawak enggau Sabah laban enti enda… dalam kandang tiga taun deka datai Sarawak deka bankrap.\\n“Kebuah pia, dalam taun tu Perintah Sarawak udah bebelanja RM11 billion, kira kitak empu, dalam tiga taun deka datai sida (GPS) deka bebelanja urung RM30 billion… nadai utai tinggal agi,” ku iya.\\nIya mansut pekara nya ba Pengerami Makai Lemai Pengasih DAP ngena rambai jaku ‘Sarawak Here We Come’ ditu, ensanus.\\nKelimpah ari nya, iya ngarapka Sarawak enda nyadi sebaka enggau Nengeri Kelantan ti nadai tebayarka gaji pengereja pengawa ketegal nadai duit.\\n“Anang nyadi baka Nengeri Kelantan ti enda tebayarka gaji pengereja pengawa nengeri sida empu ti semina beungkus RM20 million.\\n“Lalu ngujungka sida minjau duit ari perintah besai dikena mayar gaji pengereja pengawa perintah nengeri sida,” ku iya.\\nNangkan nya, iya mega ngaku enda ulih mutarka semua penanggul menua munyi ti dipadah ba menifesto Pakatan Harapan dalam kandang setaun.\\n“Deka ngemujurka pekara ti udah dipegai perintah ti dulu megai 60 taun suba ngagai setaun ukai muntang.\\n“Tang sekeda ari nya udah digaga lalu Pakatan Harapan enda putus pengarap napatka danji sereta terus komited ngagai rayat,” ku iya.\\nSama ngulu pengerami nya Sapit Menteri Dagang dalam Menua enggau Pekara Bebelika Barang Chong Chieng Jen, Kaban Parlimen Bandar Kuching Kelvin Yii sereta Adun Pending Violet Yong Wui Wui.\\nAllen Charlie: Nengkebang Dunya Mansang\\nTurun padang dedahkan warga emas kampung kepada inisiatif KGC\\nChong akui janji palsu punca kekalahan PH\\nGalak pelaburan minyak dan gas\\nSarawak telah beri respons kepada Maszlee\\nPenganjuran sukan petanque jadi platform lahirkan pelapis wakili Bintulu\\nUggah: Mendiang Awang Raweng pejuang hebat\\nDaerah Serian, Bintulu dan Tanjung Manis bertukar menjadi status kuning\\nPantai Damai lubuk pemain\\nBila nak belanja saya nasi beriani kambing","num_words":372,"character_repetition_ratio":0.057,"word_repetition_ratio":0.105,"special_characters_ratio":0.188,"stopwords_ratio":0.167,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PKDBS patut ransing mantu komuniti Dayak di menua pesisir - Suara Sarawak\\nKUCHING: Serakup Pengintu Pengelantang Dayak Seati Sarawak (PKDBS) diperansang patut ransing agi bejalaika tanggungpengawa besai mantu mensia mayuh di Sarawak lebih agi komuniti Dayak di menua pesisir.\\nPenyanding Penemu PKDBS Datuk Dr Jerip Susil madah, arapka serakup tu terus chakah ngatur program-program ke ulih mantu nyungkak tikas pengidup komuniti Dayak ba semua sukut nyengkaum ekonomi, rama enggau enggau pekara pelajar.\\n“Teruska pengawa manah kita, mantu mensia mayuh lebih agi komuniti kitai (Dayak) ke diau di menua pesisir.\\n“Atur mayuh program ke ulih nyungkak tikas pengidup komuniti Dayak sekalika nya ba sukut ekonomi, rama enggau pekara pelajar,” ku iya ke mega Menteri Muda Perengka Pengangkut.\\nIya madah munyi nya rambau bejadika Aum Besai Ninting Taun Serakup Pengintu Pengelantang Dayak Seati Sarawak (PKDBS) ke diatur ba Rumah Jonathan Ugek, Sungai Janting, Bintangor, Sarikei apin lama ke ke udah.\\nBEJADI…Datuk Dr Jerip Susil mangkung tawak kelai bejadika Aum Besai Ninting Taun Serakup Pengintu Pengelantang Dayak Seati Sarawak (PKDBS) ke diatur ba Rumah Jonathan Ugek, Sungai Janting, Bintangor, Sarikei apin lama ke ke udah.\\nKaban Kunsil Nengeri (ADUN) Mambong nya mega meri terima kasih ngagai PKDBS laban udah nyiri iya nyadi penyanding penemu serakup.\\nDr Jerip dipadu nyadi penyanding penemu PKDBS kenyau ari penumbuh serakup kena 2 Disember 2011 ke dipenyadi ba Kampung Simuati, Ulu Padawan.\\nUrung 350 iku deligit PKDBS ari selampur Sarawak bisi ngulu pengerami tu ke berambaika jaku ‘Beserakup Begulai Nuju Pemansang’.\\nRaban deligit ke nyereta aum besai tu datai ari Pampang PKDBS Kuching, Sarikei, Kapit, Sibu, Bintulu, Miri enggau Limbang betuaika Presiden iya, Datuk Joseph Unggu.\\nBejaku ba pengerami tu, Joseph Unggu madah meri pengaga ati ngagai semua kaban serakup laban udah mujur nambahka penyampau kaban ba menua diri.\\nPANTUN…Temuai ke dipebasa enggau mensia mayuh mendingka leka pantun disadaka Puan Seripah Anak Suji (kanan) ari Nanga Antawau Baleh, Kapit.\\n“Naka tu penyampau semua kaban PKDBS ba serata Sarawak bisi 21,750.\\n“Taun tu, serakup udah ngelancharka Pilot Projek Nanam Nanas di Sungai Janting, Bintangor nengah Koperasyen Agrobiz Jaya Sdn Bhd.\\n“Gerempung kerejasama (koperasyen) tu ditumbuhka 57 iku kaban PKDBS Bintangor ba kebun urung 110 ekar pemesar.\\n“Asil kebun nanas tu mujur dijual nengah Serikat Athmar Al Barakah Holding di menua Brunei berekat ari buah penemu presiden enggau penyanding penemu serakup tu,” ku Joseph.\\nSEATI…Dr Jerip (tengah), Presiden PKDBS, Datuk Joseph Unggu (tiga kiba) enggau bala bukai begambar kenang pengudah bejadika pengerami ba Rumah Jonathan Ugek, apin lama ke udah.","num_words":387,"character_repetition_ratio":0.056,"word_repetition_ratio":0.09,"special_characters_ratio":0.184,"stopwords_ratio":0.16,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Juluk pengelanta­ng enggau pemansang patut ditegap agi - PressReader\\nJuluk pengelanta­ng enggau pemansang patut ditegap agi\\nRayat di Sarawak diperansan­g terus ngemeranka adat ngabang ngagai pangan diri taja bebida pengarap\\nKUCHING: Kepala Menteri Datuk Patinggi Tan Sri Adenan Satem minta rayat Sarawak ti mayuh pupu bansa enggau jalai pengarap terus ngenegapka juluk ke ulih mai pengelanta­ng enggau pemansang ngagai nengeri tu.\\nIya mansutka pekara nya dalam pesan Hari Krismas 2016 enggau Taun Baru 2017.\\nIya mega minta raban bansa ke ukai bepengarap Kristian, datai ngabang ngagai rumah tebuka raban ti bepengarap Kristian maya musim pengerami tu.\\n“Dalam pejalai kitai ke deka ninggalka taun 2016 sereta nyingkang ngagai taun baru 2017, aku mai semua kitai terus ngenegapka juluk diri nuju pengelanta­ng enggau pemansang ngagai Nengeri Sarawak enda ngira nama kapasiti enggau tanggungpe­ngawa.\\n“Lalu maya musin pengerami tu, aku minta semua raban bansa di nengeri tu terus ngemeranka adat ngabang ngagai pangan diri ti enda sama jalai pengarap tauka enda sama jalai pengidup enggau kitai.\\n“Aku enggau kami sebilik meri Selamat Hari Krismas ngagai semua orang ti ngerami Krismas enggau Selamat Taun Baru 2017 ngagai semua rayat Nengeri Sarawak,” ku iya.\\nNgenang pasal pemaik enggau pengelanta­ng rayat nengeri tu ti mayuh pupu bansa enggau jalai pengarap, Adenan madahka peranak Sarawak baka diri menyadi, bebasaka bansa enggau jalai pengarap pangan diri.\\nKu iya,sekeda menua di dunya tu benung charut tang rayat Sarawak lebih agi sekeda ruang bilik ulih diau dalam pengelanta­ng taja pan serumah nya bisi ke Kristian enggau Muslim.\\n“Sida ulih diau segulai sereta jalai pengarap ukai isu laban sida pechaya ‘ jalai pengarap nuan jalai pengarap nuan, lalu jalai pengarap aku iya nya jalai pengarap aku’.\\n“Nya meh chara kitai di Sarawak seratus taun ke udah, lalu nya meh chara ke patut dikemerank­a belama jemah ila,” ku iya.\\nBetaun lama ke udah ku iya, rayat Sarawak ulih milih barang bagi jalai pengarap ke deka dipegai, ambika chunto raban Kristian ulih ngena leka jaku Allah sereta nadai ‘Hudud’ di Sarawak.\\nDalam pejalai kitai ke deka ninggalka taun 2016 sereta nyingkang ngagai taun baru 2017, aku mai semua kitai terus ngenegapka juluk diri nuju pengelanta­ng enggau pemansang ngagai Nengeri Sarawak enda ngira nama kapasiti enggau tanggungpe­ngawa. Datuk Patinggi Tan Sri Adenan Satem Kepala Menteri Sarawak","num_words":350,"character_repetition_ratio":0.103,"word_repetition_ratio":0.129,"special_characters_ratio":0.184,"stopwords_ratio":0.226,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Baka Ni Nuan Ulih Nyadi Orang Kristian ke Mansang ba Pengarap? | Ke Mudah\\n“Nyadi orang ke besai tuai lalu nyadi sebaka enggau Kristus.”—EPS. 4:13.\\nLAGU: 69, 70\\nBaka ni orang Kristian ke mansang ba pengarap bulih penguntung ari penemu ti betul?\\nBaka ni orang Kristian ke mansang ba pengarap ngemansangka penyerakup ba gempuru?\\nBaka ni kawan ke betul ulih nulung kitai nyadi orang Kristian ke mansang ba pengarap?\\n1, 2. Nama juluk ati ke tiap iku orang Kristian? Beri siti chunto.\\nNAMA diperatika surirumah lebuh iya milih buah ke agi baru ba makit? Iya ukai ngiga buah ke pemadu besai tauka pemadu murah. Tang iya ngiga buah ke manah bau, agi baru sereta ulih terus diempa. Iya ngiga buah ke udah mansau, iya nya udah chukup tuai.\\n2 Pengudah seiku-seiku orang belajar pasal Jehovah, lalu mutuska diri deka dibaptisa, kaul iya enggau Jehovah deka majak semak. Juluk ati iya, iya nya deka nyadi orang Kristian ke mansang ba pengarap. Pemansang kitai ba pengarap ukai bepanggai ba umur. Tu bepanggai ba pemansang rohani, iya nya bisi kaul ti majak semak agi enggau Jehovah. Rasul Paul dekaka orang Kristian ba Epesus mansang ba pengarap. Iya ngasuh sida beserakup ba pengarap, lalu terus belajar pasal Jesus ngambika “nyadi orang ke besai tuai [mansang ba pengarap] lalu nyadi sebaka enggau Kristus.”—Eps. 4:13.\\n3. Baka ni nembiak Jehovah kemaya hari tu disamaka enggau gempuru ba Epesus?\\n3 Gempuru ba Epesus endang udah bisi lebuh Paul nulis surat ngagai sida. Mayuh ari bala menyadi Kristian ke dia udah bepe neleba, sereta mansang ba pengarap. Tang, bisi sekeda ari sida patut neguhka agi kaul sida enggau Jehovah. Baka nya mega kemaya hari tu, mayuh ari bala menyadi Kristan kitai udah lama nyembah Jehovah, lalu udah mansang ba pengarap. Taja pia, sekeda ari menyadi Kristian ba gempuru bedau mansang ba pengarap. Chunto, beribu iku udah dibaptisa ninting taun, nya alai sida patut mansang ba pengarap. Kati baka nuan empu?—Kol. 2:6, 7.\\nBAKA NI ORANG KRISTIAN ULIH MANSANG?\\n4, 5. Baka ni orang Kristian ke mansang ba pengarap bebida ari pangan diri, tang nama utai ke sebaka ba semua sida? (Peda gambar ba pun pelajar.)\\n4 Lebuh nuan meda buah ke mansau ba makit, nuan nemu buah nya enda sama gamal. Taja pia, bisi utai ke sebaka ba buah nya ke nunjukka iya udah mansau. Sama mega enggau orang Kristian ke mansang ba pengarap. Sida datai ari mayuh bengkah menua enggau chara pengidup. Sida enda sama umur, utai ti dikedeka, enggau utai ti dikenggai. Tang, semua orang Kristian ke mansang ba pengarap bisi kualiti ke sebaka enggau pangan diri ke nunjukka sida mansang ba pengarap. Nama sekeda kualiti tu?\\n5 Orang Kristian ke mansang ba pengarap neladan Jesus, lalu ‘nitihka singkang iya.’ (1 Pet. 2:21) Nitih ku Jesus, endang beguna enti orang rinduka Jehovah enggau pengabis ati, semengat, enggau runding sereta rinduka orang bukai baka rinduka diri empu. (Mat. 22:37-39) Orang Kristian ke mansang ba pengarap enggau naka ulih ngasika jaku lalau nya. Chara pengidup iya nunjukka kaul iya enggau Jehovah sereta penalam pengerindu iya ke orang bukai nya utai ke pemadu beguna ba iya.\\nMenyadi Kristian ke udah tuai ulih neladan pemaruh ati Jesus, enti sida nyukung bala menyadi Kristian ke biak ke nyadi pengiring diatu (Peda genteran 6)\\n6, 7. (a) Nama sekeda kualiti ke nunjukka orang Kristian nya mansang ba pengarap? (b) Nama patut ditanya kitai empu?\\n6 Pengerindu nya siti ari pemayuh kualiti ke diayanka orang Kristian ke mansang ba pengarap. (Gal. 5:22, 23) Iya mega ngayanka penelap, pengeliat ati sereta ulih nagang diri. Kualiti tu nulung iya enda ringat, taja pan bisi penanggul ti berat sereta nulung iya betan ngambika iya enda lenyau pengadang. Lebuh belajarka Bup Kudus kediri empu, orang Kristian ke mansang ba pengarap seruran mansik prinsip Bup Kudus ke nulung iya ngelala utai ti betul enggau utai ti salah. Udah nya, lebuh iya ngena pengasai ati ke udah dilatih ngena Bup Kudus, iya ulih ngaga pemutus ti betul. Orang Kristian ke mansang ba pengarap nya baruh ati, nya alai iya pechaya iring sereta standard ari Jehovah semampai manah agi ari enggi iya. * (Peda nota kaki.) Iya ngerembaika berita manah enggau ransing, lalu enggau naka ulih nulung gempuru mengkang beserakup.\\n7 Enda ngira ni pengelama kitai udah nyembah Jehovah, tiap iku kitai ulih nanya: ‘Kati bisi utai ti patut diubah aku ngambika ulih neladan Jesus enggau manah agi? Baka ni aku ulih ngemansangka diri?’\\n“ASI KERING NYA KE ORANG KE BESAI TUAI”\\n8. Naka ni Jesus nemu sereta meretika Bup Kudus?\\n8 Jesus Kristus nemu sereta meretika ayat Bup Kudus enggau manah. Indah lebuh iya beumur 12 taun, iya ngena ayat Bup Kudus lebuh iya bejaku enggau bala pengajar ba Rumah Sembiang. ‘Semua orang ke ninga iya balat alit ati ninga penalam penemu enggau saut iya.’ (Luk. 2:46, 47) Udah nya, lebuh nginjil, iya landik ngena Jaku Petara, lalu bala munsuh enda tesautka iya.—Mat. 22:41-46.\\n9. (a) Nama jadual belajar ke dikemisi orang Kristian ke mansang ba pengarap? (b) Nama kebuah kitai belajarka Bup Kudus?\\n9 Orang Kristian ke deka mansang ba pengarap nitihka teladan Jesus, lalu enggau naka ulih meretika Bup Kudus. Iya selalu mansik ayat Bup Kudus ngambika bulih penemu ti dalam, laban iya nemu “asi kering nya ke orang ke besai tuai.” (Heb. 5:14) Orang Kristian ke mansang ba pengarap deka ngembuan penemu ti betul ari Bup Kudus. (Eps. 4:13) Nya alai, tanya diri empu: ‘Kati aku macha Bup Kudus ninting hari? Kati aku bisi jadual belajarka Bup Kudus kediri empu? Kati aku bisi belajarka Bup Kudus ba diri sebilik ninting minggu?’ Lebuh nuan belajarka Bup Kudus, giga prinsip ke ulih nulung nuan nemu baka ni runding enggau asai ati Jehovah. Udah nya, kena prinsip tu lebuh nuan ngaga pemutus. Tu deka nulung nuan semak agi ngagai Jehovah.\\n10. Baka ni asai ati orang Kristian ke mansang ba pengarap pasal jaku lalau sereta prinsip ari Petara?\\n10 Orang Kristian ke mansang ba pengarap ukai semina nemu utai ke dipadah ba Bup Kudus. Iya enda tau enda rinduka jaku lalau sereta prinsip ari Petara. Iya ngayanka pengerindu tu enggau keran ngereja peneka Jehovah, ukai peneka iya empu. Indah iya sanggup ngubah chara pengidup, runding sereta ulah iya. Chunto, iya nela dan Jesus lalu nyadi mensia ti baru, iya nya ‘ditempa neladan gamal Petara lalu nyadi amat lurus sereta kudus.’ (Bacha Epesus 4:22-24.) Kingatka, Petara ngena roh kudus Iya ngiring bala penulis Bup Kudus. Nya alai, lebuh orang Kristian belajarka Bup Kudus, roh kudus Petara nulung iya mansang ba penemu, ba pengerindu, sereta ba kaul iya enggau Jehovah.\\n11. Nama utai diasaika Jesus lebuh iya ba dunya?\\n11 Jesus nya mensia ti sempurna. Taja pia, lebuh ba dunya, iya dikelingi orang ke enda sempurna. Apai indai enggau bala menyadi iya enda sempurna. Indah bala murid ke pemadu rapat enggau Jesus ngayanka penyumbung sereta berundingka diri empu. Chunto, malam sebedau iya mati, bala murid iya bekelikuhka sapa ari bala sida “ke tau dikumbai pemadu besai.” (Luk. 22:24) Taja pan chara berunding sida enda sempurna, Jesus nemu bala murid iya deka nyadi orang Kristian ke mansang ba pengarap, lalu numbuhka siti gempuru ke beserakup. Ba malam ti sama, Jesus besampi ngambika sida beserakup. Iya minta Apai iya ti di serega nyerakup semua sida. Ku iya: ‘Baka Nuan, Apai, ke dalam aku, lalu aku dalam Nuan.’ Ku iya agi: ‘Ngambika sida nyadi siku, baka tua ke endang siku.’—Jhn. 17:21, 22.\\n12, 13. (a) Nama juluk ati kitai ke nyadi orang Kristian? (b) Baka ni seiku menyadi Kristian ke lelaki ngemansangka penyerakup?\\n12 Orang Kristian ke mansang ba pengarap ngemansangka penyerakup ba gempuru. (Bacha Epesus 4:1-6, 15, 16.) Juluk ati kitai, iya nya “bejantilka semua perengka tubuh,” reti iya beserakup gawa. Ngambika beserakup, orang Kristian enda tau enda baruh ati. Nya alai, taja pan iya ngasaika diri tusah deka begulai enggau orang bukai, tang pengarap iya ke mansang nulung iya enggau naka ulih ngetanka penyerakup ba gempuru. Nyadi, tanya diri empu: ‘Baka ni gaya aku lebuh bala menyadi Kristian ngereja penyalah? Baka ni asai ati aku lebuh orang bukai ngemediska ati aku? Kati aku enggai bejaku enggau orang nya? Tauka aku nguji ngemanahka kaul enggau orang nya?’ Orang Kristian ke mansang ba pengarap nyeliahka penanggul, tang ukai nyadi penanggul ke orang bukai.\\n13 Peratika chunto Uwe. Suba, iya ngelakka pengurang bala menyadi Kristian ngasuh iya tusah ati. Udah nya, iya ngena Bup Kudus enggau Insight on the Scriptures kena belajar pasal pengidup David. Nama kebuah milih David? Laban David mega ngasaika penanggul begulai enggau sekeda ari nembiak Petara. Chunto, Raja Saul deka munuh David, sekeda orang deka nuku iya ngena batu, lalu bini iya empu ngemelika iya. (1 Sam. 19:9-11; 30:1-6; 2 Sam. 6:14-22) Enda ngira nama digaga orang ngagai iya, David mengkang rindu sereta arapka Jehovah. David mega ngayanka penyinu. Uwe nemu iya pan patut baka nya. Ari belajarka Bup Kudus, iya nemu iya patut ngubah asai ati iya pasal pengurang bala menyadi Kristian. Iya patut badu ngingatka penyalah sida, lalu ngemansangka penyerakup ba gempuru. Kati nuan bisi juluk ati ti sama?\\nMILIH ORANG KE NGEREJA PENEKA PETARA NYADIKA KAWAN\\n14. Baka ni Jesus milih kawan?\\n14 Jesus Kristus rindu begulai enggau orang. Lelaki enggau indu, tuai enggau biak, nyentukka anak mit pan rindu begulai enggau Jesus. Tang, iya bejimat milih kawan rapat. Ku iya madahka bala rasul: “Kita pangan aku enti kita ngasika pesan aku.” (Jhn. 15:14) Jesus milih orang ke tetap ati nitihka iya enggau sida ke rindu sereta nyembah Jehovah nyadika kawan rapat iya. Kati nuan milih kawan ke rinduka Jehovah enggau pengabis ati sida? Nama kebuah tu beguna?\\n15. Baka ni nembiak bulih penguntung ari begulai enggau orang Kristian ke mansang ba pengarap?\\n15 Mayuh buah mansau enggau manah maya hari panas. Baka nya mega, pengerindu bala menyadi Kristian ulih nulung nuan nyadi orang Kristian ke mansang ba pengarap. Kati nuan nya nembiak ke benung berunding pasal nama deka digaga ba pengidup? Enti pia, nuan patut milih kawan ke udah lama nyembah Jehovah sereta sida ke ngemansangka penyerakup ba gempuru. Sida tu engka bisi penanggul ba pengidup, tauka udah betan ngelaban penguji seraya nyembah Jehovah. Lebuh nuan begulai enggau sida, sida ulih nulung nuan milih chara pengidup ti pemadu manah, ngaga pemutus ti betul, sereta mansang ba pengarap.—Bacha Hebrew 5:14.\\n16. Baka ni menyadi Kristian ke tuai ba gempuru nulung seiku menyadi Kristian ke indu maya iya agi biak?\\n16 Helga agi ingat, maya taun ke penudi iya ba sekula, mayuh ari sida sekelas berandau pasal juluk ati sida ke dudi hari ila. Mayuh ari sida deka ngagai universiti ngambika bulih kereja ti manah. Taja pia, Helga berandau enggau bala kawan ke teguh ba pengarap ba gempuru iya. Ku iya: “Mayuh ari sida tuai ari aku, lalu sida mayuh meri tulung ngagai aku. Sida meransang aku bekereja ke Jehovah aja. Ketegal tu, aku ulih nyadi pengerintis pengelama lima taun. Diatu, pengudah betaun, aku gaga ati laban beberatka pengawa ke Jehovah maya aku agi biak. Aku enda kala nesal enggau pemutus tu.”\\n17, 18. Baka kitai ulih nyembah Jehovah enggau pemadu manah?\\n17 Enti kitai neladan Jesus, kitai deka nyadi orang Kristian ke mansang ba pengarap. Kitai deka semak agi ngagai Jehovah, lalu pengeran kitai deka nyembah Iya mega nambah. Kitai ulih nyembah Jehovah enggau pemadu manah enti kitai mansang ba pengarap. Jesus meransang bala murid iya: “Awakka penampak kita manchar ngagai orang, ngambika sida meda pemadas pengawa kita lalu ngemuliaka Apai kita ti di serega.”—Mat. 5:16.\\n18 Kitai udah belajar baka ni orang Kristian ke mansang ba pengarap ulih nyukung gempuru Kristian. Orang Kristian mega ngayanka pemansang sida ba pengarap ari chara sida ngena pengasai ati. Baka ni pengasai ati ulih nulung kitai ngaga pemutus ti betul? Lalu baka ni kitai ulih bebasaka pengasai ati orang bukai? Kitai deka nyaut tanya tu ba artikel pengudah tu.\\n^ per. 6 Chunto, menyadi Kristian lelaki ke udah tuai sereta bepeneleba engka diasuh ngelengkaka pengawa iya, lalu nyukung bala menyadi Kristian ke biak ke nganti iya.\\nOrang Kristian ke mansang ba pengarap rinduka jaku lalau Jehovah. Iya ngenuluka peneka Jehovah ari peneka diri empu, lalu iya neladan Jesus enggau manah ari ulah enggau chara iya bejaku. Iya mansik prinsip ari Bup Kudus ngambika ulih nulung iya ngelala bida entara utai ti betul enggau utai ti salah, lalu iya enggau naka ulih neguhka penyerakup ba gempuru","num_words":1970,"character_repetition_ratio":0.121,"word_repetition_ratio":0.0,"special_characters_ratio":0.211,"stopwords_ratio":0.34,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Maya PRU diatur ukai bepanggai ba pengawa ngaga garis entara sitak baru — SPR | DayakDaily\\nMaya PRU diatur ukai bepanggai ba pengawa ngaga garis entara sitak baru — SPR\\nDec 30, 2017 @ 19:58\\nSHAH ALAM, Dis 30: Komiti Pengawa Bepilih (SPR) ensana madahka maya pengawa bepilih besai ke-14 (PRU14) ukai bepanggai ba penembu pengawa ngaga garis entara baru sitak.\\n“Bisi bida entara pengawa ngaga garis entara sitak baru enggau pengawa bepilih. Pengawa ngaga garis entara sitak baru nya siti proses,pengawa bepilih besai nya siti proses. Pengawa Bepilih Besai ukai bepanggai ba pengawa ngaga garis entara baru,” ku Chairman SPR Tan Sri Mohd Hashim Abdullah madah ngagai pemberita.\\n“Pagila lusa pan Parlimen ulih direrak enda ngira pengawa ngaga garis entara sitak baru,” ku iya.\\nKe rekod, pelasar ngaga garis entara sitak baru nya nitihka Jadual 13 Konstitusyen Perintah Besai ke alai penyampau pengundi ba sesebengkah sitak nya enda kelalu mayuh, ngelui ari 100,000 laban nya deka ngenusahka pengari rayat.\\nPenyampau pengundi ba tetiap Parlimen tauka Kunsil Negeri (DUN) meseti diperunding sekalika na ba kandang pasar, setengah pasar tauka menua pesisir.\\nNitihka Pekara 113 (2)(ii) Konstitusyen Perintah Besai, garis entara baru tau digaga sepegudah timpuh lapan taun pengawa ngaga garis entara nya tembu lalu ke penudi endar proses tu digaga iya nya ba taun 2003, lebih 10 taun ke udah.\\nPengaga ngaga garis entara baru digaga dalam taun 1958, 1974, 1984, 1994 enggau 2003.\\nBisi sekeda orang melabaka PRU14 deka diatur sepengudah proses nya tembu dipejalaika. — DayakDaily\\nPrevious articlePL1M diperambu nyadi palan latih e-dagang\\nNext articleDua sampel positif Rabies ditemu di Matang","num_words":234,"character_repetition_ratio":0.16,"word_repetition_ratio":0.018,"special_characters_ratio":0.216,"stopwords_ratio":0.141,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"KSSR Tahun 1 Bahasa Iban | Website_Bahasa iban\\nHome25 model Karang PMR -Bahasa IbanAktiviti Peningkatan PMR 2013Carta Organisasi PanitiaInstrumen Standard Prestasi -MendingJaku SempamaKarang Bahasa Iban PMRKSSR Tahun 1 Bahasa IbanLanggur Ngajar Bhs.Iban Pom-2Langgur Ngajar Bhs.Iban Setaun- Pom 1Langgur Ngajar Bhs.Iban- Pom 3Latih PMR Minggu tu. (April 2013)Malin Karang Naratif Pom 1PBS (Pentaksiran Berasaskan Sekolah Bahasa Iban T.1)Pelan Strategik Bhs.Iban (Ting.1- Ting.5)Penggenap TesaPerancangan Panitia Bahasa Iban 2011Perancangan Strategik Bhs.Iban 2011Persediaan Mengajar Tg.1,2,3,4,5Program Dokumentari TV1: Perkembangan Bhs.Iban di sarawak.Tibang ArtikelTibang Jerpan (website_PPK)\\nKSSR Tahun 1 Bahasa Iban\\nBup Malin Pengajar Primari 1\\nBup malin pengajar tu ditulis ngambika bisi nyadika pesindang dikena pengajar ti diberi tanggung pengawa ngajar Jaku Iban ba kelas primari 1. Bup tu deka meri penerang senentang overbiu kurikulum baru (transformasyen kurikulum) ti diungkupka ngagai sekula primari berengkah ba primari 1. Bup tu disikap enggau penerang senentang kurikulum Jaku Iban ngena langkah rapat modular ti ngemerankan bungkur kurikulum nyerangkap standard isi enggau standard pelajar. Bup tu mega ngundan mayuh bengkah malin ti praktikal sereta tuduh penemu ti realistik. Kelimpah ari nya iya mega ngayankan ripih jalai ngajar ti besenutuk enggau peneka ti dikemeranka dalam turai pelajar. Taja pia, pengajar endang seruran diperansang ngambi penerang ari mayuh bengkah kereban bukai. Pengajar mega dikemendarka mali strategi sereta nyeriranka kereban ngambika tau dikena nitihka konteks rampa menua nembiak. Ngena chara ke baka tu pengajar dikarapka tau mujur agi ngilir profisiensi nembiak betarakka jaku Iban.\\nBup malin pengajar tu ditusun ngambika pengajar ti ngembuan opsyen enggau sida ti ukai opsyen ulih enggau mudah belematika program sereta aktiviti belajar. Penerang dalam bup tu mega ditagaka ngembuan koheren lalu pia mega mandangka kohesyen ti tinggi nitih standard pelajar ti befokus ngagai pengelandik jaku enggau sistem jaku.\\nStruktur Bup Malin Pengajar\\nBup Malin Pengajar Primari 1 bisi empat bagi:\\nBagi 1: Nyendiaka penerang ti silik senentang Kurikulum Standard Jaku Iban Sekula Primari (KSSR). Nambahka nya bagi tu mega ngaraka overbiu aplikasyen ngajar enggau belajar ti mungkur strategi mending enggau bejaku, macha, nulis enggau bungai jaku sepemanjai betarakka jaku Iban ba sekula primari seriran enggau bungkur turai pelajar primari 1.\\nBagi 2: Langgur pengawa ngajar sehari mega dipasukka dalam bup tu ngambika pengajar bisi chunto ke terang lalu nemu baka ni chara standard isi enggau standard pelajar ditarak dalam kelas. Pengajar ngena atur pengawa ti betapis sereta berurun ulih beratika kaul standard pelajar sepemanjai minggu. Pengajar mega patut betatika kohesyen enggau koherens semua pengelandik ke ditarak ngambika ulih dikena ngangkatka pengeregas nembiak. Langgur pengawa ngajar sehari mega disempulang enggau lambar kereja pengaya enggau seridi. Tisih enggau peresa ti nyengkaum ngena perati, buntis, nyerenih enggau sekeda strategi bukai mega dipejalaika dikena ngenegapka pengelandik ba pengujung aktiviti ngajar enggau belajar. Pengajar endang patut mega betatika nembiak ke lubah ngambika sida ulih diseridi.\\nRintai Leka Jaku\\nLeka jaku ti dipasukka dalam bup tu iya nya leka jaku ti seruran dikena enggau leka jaku ti bisi dalam tema lalu mungkur topik senentang dunya diri empu, dunya ensera enggau cherita sereta dunya penemu.\\nSemua leka jaku ti dirintaika dalam bup tu tau dikena nitihka sepematut bepanggai ba tema lalu enda semina dikena nitihka sesebengkah topik aja. Pengajar patut meri awak ngagai nembiak ngena leka jaku ti seriran sereta nadai besekat. Nembiak mega diperansang ngerembaika pengelandik sida ngena leka jaku ti nyemetak tauka betukuh terminologi.\\nBup malin pengajar tu nyendiaka tuduh aktiviti ti seriran enggau standard pelajar. Malin langgur ngajar sehari, tuduh aktiviti, enggau lambar kereja ke dikena dikarapka ulih ngenegapka kompetensi. Beserimbai enggau nya tuduh aktiviti seridi mega disediaka. Taja pia, pengajar endang seruran diperansang mali, nyeruri, sereta maras langgur ngajar sehari ke disempulang ditu ngambika iya nitihka pengadang nembiak sereta betimbangka penanggul ke disatup sida tauka seriran enggau rampa enggau gaya sekula. Pengelandik jaku iya nya mending enggau bejaku beguna bendar dikena matih pengelanchar nembiak primari 1. Sida patut diberi awak endur mending lalu mansutka jaku enggau nyemetak. Pengelandik macha enggau nulis mega patut dipetatika enggau lenak ngambika nembiak nerima latih ke chukup dikena ngilir kompetensi sida.\\nLebuh ngajar enggau belajarka bungai jaku pengajar tau ngatur langgur ngajar ti befokus ngagai elemen estetik ti mungkur tradisyen sereta waris daya idup. Pengajar ukai semina nelusur pekara ke udah dipansa lebuh ngajar mending, bejaku, macha enggau nulis. Pia mega, lebuh ngajar jalai jaku pengajar tau ngajar nitihka rurun tauka raban jaku, struktur enggau bansa ayat ngambika mudah diterima sereta nyemetak ba penemu nembiak. Nya alai ba selepak tu, pengajar diberi awak ngatur langgur ngajar bungai jaku enggau jalai jaku meali-ali kediri. Taja pia, pengajar patut seruran ingat, tema ke diajar ba minggu nya patut diteresa ngambika jalai jaku tauka bungai jaku ke diajar meruan nitihka konteks tauka tema ke dipilih. Pengajar diberi autonomi nentuka konstruk tauka struktur ayat ngambika mudah agi diterima nembiak enti iya ditarak meali-ali kediri. Reti nya pengelandik ke diajar ba bungai jaku tauka jalai jaku tau dibuntis ari pengelandik mending enggau bejaku, macha sereta nulis nitihka timbang penemu ke dipilih pengajar.\\nTisih formatif dalam kelas lebuh ngajar enggau belajar patut bendar dipetati ngambika nembiak tekalanya ulih ngemetulka penyilap diri. Ngena chara tu nembiak ulih ngangkatka potensi sereta sedarka pengulih diri secara maksimum. Pengajar mega patut fokus sereta maras tisih dalam kelas ngagai tikas ti ngenampakka asil ke udah ulih nembiak belajar tang ukai asil ketegal nembiak dipejal belajar. Ari tisih ke dipejalaika pengajar bulih penerang senentang kompetensi siku-siku nembiak lalu nya meri peluang alai iya beratika langkah rapat enggau ripih jalai ngajar ke semitan agi dikena ba nembiak. Pengajar mega ulih enggau mudah agi mansik, mali, nyeruri kereban sereta nyeriranka langgur ngajar nitihka peneka nembiak enggau gaya sekula. Disempulang enggau malin tu pengajar tau beratika sekeda pekara ti tau mantu pengajar bejalaika tisih dalam kelas baka tu:\\nNguji – Ujian\\nSerenih – Penilaian\\nMilih – Pemilihan\\nBerati – Pemerhatian\\nSeridi – Pemulihan\\nMansik – Penelitian\\nBetungkap – Mengkaji\/ Pengkajian\\nUsey – Penyiasatan\\nIring\/ Lalau – Bimbingan\\nBuntis – Pengasingan (pilih yang terbaik)\\nAri semua tuduh chara bejalaika tisih dalam kelas nya pengajar tau nyendiaka ripot tauka rekod profil nembiak. Nyadi rekod tu tau mantu pengajar enggau apai indai nembiak nimuh sereta nyeridi nembiak siku-siku.\\nBup Malin Pengajar tu dikarapka ulih mantu pengajar ke diberi tanggung pengawa ngajar Jaku Iban ba sekula primari. Pengajar dikarapka ulih narak nembiak nyadi orang ke ngembuan pengelandik dalam jaku Iban lalu nguna jaku Iban enggau betul sereta luas. Pengajar mega diperansang nambahka aktiviti lalu merambu langgur ngajar seminggu enggau langgur ngajar sehari enggau meruan nitihka konteks, pengulih nembiak sereta gaya sekula.\\nPEKARA KE ENCHABAR PENGAJAR\\nLandskap kurikulum Jaku Iban berubah enggau jampat dalam kandang beberapa dekad ti udah kenyau ari kurikulum struktural ngagai kurikulum komunikatif ti ngaraka mayuh bengkah atur enggau langkah rapat ngajar enggau belajar. Nya alai ubah paradigma dalam atur pelajar ngelama tu ditemu bisi nating sereta mai pengeribat ngagai bala pengajar ti ngajar mata pelajar tu di sekula. Nyadi sekeda pekara ti enchabar nya tau diperatika di baruh tu:\\nKonten (Isi Pelajar)\\n“Kelalu mayuh konten diajar dalam awak ti serekat” nya dilema ti seruran enchabar pengajar. Kurikulum ti padat, nating pengajar nyendiaka langgur ngajar, kereban bantu enggau aktiviti ke menyana dalam awak ti serekat dikena ngulihka juluk tauka asil belajar. Ngelama tu pengajar balat agi fokus ngagai “ngemayuh ni nembiak patut diajar” tang ukai “ngemulih ni nembiak belajar”. Nya alai pengajar suah bendar ngajar mayuh pekara dikena nangkup tisih enggau peresa. Ba nembiak ke belajar sida ngasaika diri ditating enggau kereja latih, tisih enggau peresa ke tampung-menampung dikena nentuka gred. Nya alai ubah paradigma ti dikedekaka diatu iya nya deka meda ngemulih ni nembiak belajar. Nambahka nya ubah ari segi pemai ulah enggau pengeregas nembiak asil ari ti belajar patut nyadi fokus pengajar ti ngajar dalam kelas.\\nNgajar – semina ngenataika isi kurikulum aja udah ditemu enda semitan ngasuh nembiak bulih pengelandik ke dipelajarka. Pengajar semina betimbangka pemayuh isi kurikulum enggau pengelandik sereta pengulih penemu ti nyadi ba nembiak. Nyadi ubah ke dikedaka diatu iya nya pengajar patut nyendiaka ruang alai nembiak ngereja aktiviti dikena ngenegapkaka pengelandik jaku, sistem jaku nyengkaum jalai jaku enggau bungai jaku. Nembiak diberi peluang senaka iya luas alai sida bejalaika aktiviti ngambika peluang belajar bepusat ba nembiak dipeda lebih autentik sereta mai reti ke dalam ba pengidup sida.\\nTisih enggau indikator pemulih\\nTisih – pekara ke beguna bendar dalam proses ngajar enggau belajar. Iya mega nyadi instrument dikena berati sekalika proses nya efektif tauka enda. Ubah dalam langkah rapat pedagogi dikena ngemansangka pengelandik sereta penemu nembiak ari “tisih nguji pemulih belajar” ditukar ngagai “tisih ngemeranka pelajar”. Tisih enda semina naka nyadi indikator dikena meda pengelandik pengajar\/ nembiak tang beguna bendar enti iya ulih nyadi seruan; iya nya iya ulih nusui, ngemadas ni aktiviti ngajar enggau belajar udah dipejalaika.\\nMERANSANG POTENSI NEMBIAK\\nSemua nembiak endang individu ti unik, bisi penau (talent) sereta ngembuan pengelandik. Nya alai tiap-tiap iku nembiak patut diberi peluang maju sereta nyadi orang ke menyana nitihka gentilang penau ti dikembuan sida. Nelusur jurai Howard Gardner (1983) enggau teori “pemintar bepampang” (multiple intelligence) dia alai iya betatika pemayuh chara individu tau dilatih enggau meruan nitihka pemintar sida neresa kurikulum ti ditagaka. Sekeda chara ti tau dikena ngemansangka nembiak iya nya baka tu:\\nPemintar tau dikemansangka neresa rampa pendiau.(environmental enrichment).\\nIndividu ngembuan dua tiga pemintar, nya tau ditempa nyadi siti kontinum ti tegap.\\nPengelandik tau dikerembaika ngena bantu teknologi.\\nTISIH ENGGAU PERESA\\nPeresa tradisional tauka peresa formal endang enda dilengkaka, tang tisih ke dipejalaika di dalam enggau di luar kelas sekumbang proses ngajar enggau belajar nya opsyen dikena nentuka pemansang nembiak. Reti nya tisih sepemanjai maya nya endang dikena ngemetulka penyilap konseptual lebuh nembiak belajar. Tisih bansa tu tau dipejalaika sechara formal ngambika pengajar nyamai betatika pengeregas individu. Iya mega begunaka nembiak nyadi partisipen ti aktif sekumbang proses ngajar enggau belajar dipejalaika. Sekeda tisih ti tau dipejalaika iya nya baka tu:\\nTisih ke bansa tu begunaka nembiak mantaika asil kereja ngena chara mansutka jaku tauka nusui proses ba sesebengkah aktiviti ti diberi pengajar. Nembiak nerangka definisyen, ngerintai proses, ngupas konsep enggau nelusur prosedur ngena slaid powerpoint, charta, kar minda etb. Dalam hal tu pengajar tau mandangka asil kereja ti manah ngambika nyadi peransang individu tauka raban nembiak ke bukai. Ba nembiak primar1, sida deka berasai temegah lalu individu ke empu asil kereja nya deka lebih agi teperansang belajar pekara baru. Sechara semula jadi nembiak deka besemekih enggau pangan diri ngasilka inovasyen baru.\\nAktiviti Praktikal – Pengelandik enggau Proses\\nAktiviti praktikal tu dikena nisih sereta nguji pengelandik psikomotor enggau pengelandik proses lebuh nembuka sesebengkah model\/ artifek. Latih “pemandai-jari” tau dikena nisih sekeda nembiak ti kurang pengerindu ngagai aktiviti akademik. Ngena chara nisih ti baka tu nembiak deka diuji baka ni proses tauka prosedur ngasilka model\/ artifek. Pengajar enggau bala bakih tau nanya enggau silik baka ni proses ngasilka model\/artifek nya.\\nAktiviti Beraban Aktiviti beraban tu dikena nguji nembiak belajar bekereja sama tauka bekolaborasyen lebuh nembuka projek. Nyata bendar dalam KSSR ti beteraska konsep 1 Malaysia bekereja sama lalu nanggam kaul ti tegap antara pupu raban bansa tau ditanam ba ati nembiak. Ari nya sida tau bekunsi penemu, betukar peneleba, bekomunikasyen sereta ngayankan tanggung jawab ngagai raban sida. Pengajar tau betanya ngagai tiap-tiap iku nembiak senaka ni siku-siku ari sida meri kereja sama. Nyadi tu chara dikena nentuka pengangkun siku-siku ngagai raban sida empu.\\nKritik Diri Empu (Bebandingka Pengulih Diri Empu enggau Bala Bakih)\\nNyadi tu peluang nembiak nemu ni naka pengelandik diri empu bebanding enggau bala bakih diri. Ba senentang tu nembiak dilalau mengkritik bakih diri enggau lurus ati ngambika ulih meri peluang ti meruan alai ngemetulka penyilap. Peluang patut diberi ngagai semua nembiak mengkritik ngambika sida ulih sama-sama besaup mantaika idea diri empu. Pengajar ti nyadi fasilitator tau bebandingka penemu siku-siku nembiak lalu besedia maras penemu enti sema bisi lunggar ari patut.\\nTisih Betulis Tisih “bup-tebuka” ba topik ti udah ditarak tau dipejalaika dikena beratika respons enggau pemereti nembiak. Tanya ke diberi mega tebuka, reti nya tanya ukai semina bepusat ba pekara ke bisi dalam teks aja enggau ngingatka fakta tang nyerangkap tanya aplikasyen. Reti nya tanya tau dikenataika dikena nentuka nembiak ulih ngena penemu ke dipelajarka sida dikena mutarka sesebengkah isu, nempa inovasi baru, mandangka pengelandik enggau kreativiti enggau mayuh ke bukai.\\nKurikulum betukuh modular ti digembar enggau mayuh mod tisih endang signifikan bendar ngasilka pemadas aktiviti ngajar enggau belajar. Nembiak ulih betarakka sesebengkah pekara enggau dalam sereta silik lebuh proses N&B ngelui tikas bilik kelas. Nembiak deka belinsur kurang-sekurang bepanggai ba bup teks tauka pengajar. Ari ti bejalaika pansik nembiak deka ngasaika diri bisi ngembuan penemu baru ti dikeangkunka diri empu.\\nBekereja dalam raban enggau iring ke betul deka meransang nembiak bekunsika peneleba enggau pengelandik baru. Belajar ngena chara bekolaborasyen ulih ngenegapka pengelandik sosial sereta pengelandik belajar bepusat ba pengidup ke bendar. Bejaku ba mua mayuh lebuh mantaika asil aktiviti tau meransang nembiak nyadi orang ke berani sereta tau dikarapka mansutka penemu ke dudi hari. Taja pen lebuh mantaika penemu keterubah iya nembiak berasai rawan tang lebuh sida suah diberi latih sida majak-semajak berani sereta ransing-seransing mantaika penemu diri. Latih ke bansa tu tau muka runding nembiak lalu sida ulih bebandingka pengeregas diri empu enggau bala bakih. Nembiak balat diperansang bekunsi peneleba dikena ngenajamka runding sereta maju dalam pelajar sida.\\nKurikulum ngena langkah rapat modular tu deka munaska ripih jalai ngajar ti bepegai ba monotoni tradisional “kapur tulis & bejaku” (chalk and talk) sereta ngurangka tisih enggau peresa ti semina nguji nembiak ngena “pen enggau keretas” (pen and paper). Nembiak deka ngasaika peneleba belajar ti meruan enti sida diberi awak berandau, bekereja sama, sereta mudah beinteraksyen enggau bala bakih tauka pengajar. Sida mega lebih fokus ngagai aktiviti lalu kurang agi berundingka berapa gred ti ulih diri dalam peresa. Nembiak ti kurang pengerindu ba bidang akademik ulih ngayanka pengelandik diri enti sida diberi tanggung pengawa nembuka projek lalu sida tau ulih ngayanka pengelebih tauka nyulut agi ba “pemandai jari”. Ari nya sida deka bebendar besemekih enggau bala bakih ke bukai. Nembiak dalam kategori tu ngasaika diri dikeibuhka sereta bisi diberi awak belajar ti meruan lalu enda berasai ditating enggau aktiviti ti ukai tangkup sida.\\nUbah paradigma ari kelas bepusat ba pengajar ngagai interaksyen ‘pengajar-nembiak’ meri ruang enggau peluang alai pengajar monitor pemai ulah nembiak. Pengajar ulih narak pemai ulah nembiak lalu ari padah balas sechara spontan ulih mutarka penanggul enggau lengkas sereta nyemetak.\\nKurikulum ngena langkah rapat modular meri awak sechara fleksibel sereta kreatif dalam ngatur strategi ngajar. Pengajar ulih besakumka mayuh langkah rapat ngajar sereta ngena idea baru ngambika aktiviti ngajar releven sereta meruan tuju. Nyadi nya tau ngasuh pengawa ngajar nya ngemuas sereta ngerinduka ati.\\nLebuh ngajar ngena kurikulum ke dulu ari tu pengajar dibesak ngabiska turai pelajar dikena nyendiaka nembiak napi peresa betulis. Nya alai transformasyen kurikulum tu diatur ngambika pengajar ulih ngajar enggau meruan nitihka peneka tauka pengeregas nembiak. Pengajar ulih ngena pemintar diri ngatur sechara optimum sumber ti dikemisi nitihka rampa menua enggau gaya sekula.\\nNgena mayuh bengkah strategi, aktiviti, mod tisih enggau peresa pengajar ulih nentu sekalika nembiak betul-betul meretika pekara ke diajar. Pengajar mega ulih beratika padah balas ari ti nguna strategi instruksyenal. Ari ti beratika padah balas nya pengajar ulih betatika sekalika kurikulum nya semitan tauka enda. Pengajar deka berasai puas sereta temegah enti nembiak ulih belajar nitihka tikas ti dikedeka pengajar. Pengajar patut bekunsika asil kereja ti manah digaga nembiak enggau pengajar bukai. Nyadi nya tau meri awak alai pengajar bukai beratika kriteria tisih enggau peresa ti patut dikemeranka dikena ngangkatka potensi nembiak.\\nJaku Iban tu jaku ti dipelajarka ba sekula primari enggau sekondari perintah. Dokumen Kurikulum Standard Sekula Primari (KSSR) nya dokumen ke ngaraka kurikulum enggau turai pelajar. Berindik ari ti ngembuan kurikulum ke menyana baka tu jaku Iban deka terus entap, tegap sereta seriran enggau semengat ‘Falasafah Pendidikan Kebangsaan’. Mata pelajar Jaku Iban ngembuan juluk deka nyikap nembiak ngemeranka pengelandik berunding tikas tinggi ngambika sida ulih mujur nyatup arus globalisasyen ba abad ke 21.\\nDalam arus kurikulum perdana Jaku Iban diungkupka status ‘bahasa elektif’. Iya dipasukka dalam gerim taga jam lalu tau dipelajarka semua nembiak ti rinduka mata pelajar tu. Ngajar enggau belajarka Jaku Iban di sekula mega endang dikena nentuka nembiak rebak baru seruran regas belematika waris daya idup, ngayanka peninggi adat basa sereta tradisyen turun-menurun bansa Iban. Nembiak bansa Iban kelebih agi patut bebendar betatika pemesai reti ngemeranka jaku, daya idup enggau adat basa ti dikena kenyau ari menya ngambika pemansang jaku Iban seruran seriran enggau arus pemansang global.\\nPengajar patut seruran ngemeranka pengelandik beukur tambah lebuh ngajar enggau belajar. Nembiak diperansang ngena teknologi pemadah enggau komunikasyen (ICT) lebuh ngereja aktiviti. Ari nya, iya tau nyungkak pengingin sida ngelala daya idup, adat basa enggau tradisyen mayuh bansa bukai di Malaysia. Pemereti ati ke baka tu meri awak endur peranak bansa Iban enggau bansa Malaysia ke bukai ulih ngenepaka kaul enggau diri sama diri. Nya alai ngajar enggau belajar jaku Iban patut besenutuk enggau rampa daya idup setempat sereta nitihka konteks dunya nyata.\\nDokumen KSSR tu mungkur tuju, objektif, prinsip pedagogi, aspek guna jaku, standard isi enggau standard pelajar. Turai pelajar mega ditusun bepelasar ba peneka pengerembai standard isi enggau standard pelajar ti patut ditarak lalu ditemu nembiak. Kurikulum standard tu mega betatika kaul jaul pengelandik jaku, guna jaku, nyerap penemu lalu ngemeranka ukur pemanah dikena besemekih ngemajuka diri sereta belajar sepemanjai umur.\\nNembiak deka ditarak sambil beperindang dikena ngenajamka potensi sereta matih pengelanchar sida bekomunikasyen ngena jaku Iban. Aktiviti kokurikulum mega patut diperambu ngambika tau nyadi pelasar dikena meransang pengerindu belajar, mandangka pengelandik soft-skills sereta nempa tukuh nyadi tuai. Nembiak patut ditimuh enggau semengat patrotik ngambika sida berasai temegah nyadi peranak menua Malaysia. Nembiak ti udah tembu belajar ba sekula primari dikarapka berani nyatup penanggul, ngembuan pengadang sereta berasai angkun ngemansangka diri empu.\\nSepenembu belajar ba primari enam nembiak patut\/ ulih:\\nNgembuan pengelanchar bekomunikasyen ba situasyen formal tauka enda formal.\\nMacha lalu meretika teks dikena ngulihka penerang sereta seruran ngemeranka pengerindu macha.\\nNulis mayuh bansa karang ngena gaya jaku ti engkeman.\\nBelamati karang kreatif dikena ngulihka penerang sereta meransang pengerindu macha.\\nNgena jaku Iban standard lebuh berandau enggau betulis.\\nDOKUMEN KURIKULUM STANDARD\\nDokumen Kurikulum Standard tu ngundan turai ti ngarakan Standard Isi enggau Standard Pelajar. Standard Isi ngaraka standard minimum penemu, pengelandik enggau peneleba ti patut dikembuan nembiak sepenembu sida belajar ba sekula primari. Standard pelajar nya ngayanka tikas penemu, pengelandik tauka tingkat profisiensi ti patut dikembuan nembiak ba setiap peringkat besekula ba sekula primari.\\nPRINSIP PEDAGOGI KURIKULUM STANDARD\\nLangkah rapat ngajar enggau belajar dalam KSSR tu bepelasar ba prinsip baka di baruh tu:\\ni. Nikal ke pun.\\nNembiak patut ditarak pengelandik mending, bejaku, macha sereta nulis enggau lenak laban nya nyadika pelasar dikena ngerembaika pengelandik jaku enggau guna jaku ngagai peringkat ke tinggi agi.\\nii. Belajar enggau ati gagit, rindu, meruan tuju sereta bisi reti.\\nAktiviti belajarka pengelandik jaku, sistem jaku, enggau bungai jaku ti ngasuh ati gagit sereta rindu nya datai ari konteks ke meruan lalu diperambu nitihka tuju ti nyata sereta terang. Nyadi nya deka meri reti ke dalam sereta peneleba ke bendar ngagai nembiak.\\niii. Belajar bepusat ba nembiak.\\nNembiak ngembuan pengeregas enggau penajam belajar ke bebida. Reti nya tiap-tiap iku nembiak nya individu ti unik. Nya alai langkah rapat ngajar, isi pelajar enggau kereban ti dikena patut seriran enggau pengulih nembiak. Strategi belajar masteri nya siti ari strategi ti tau dipilih dikena nentuka nembiak ulih nitihka pelajar.\\niv. Nguna Teknologi.\\nPengidup ba era globalisasyen beguna bendar ke teknologi pemadah enggau komunikasyen (ICT) dikena ngemudahka komunikasyen. Media elektronik enggau internet nya nyadi sumber ti dikena nembiak belajar, nyengkuran penerang ari dunya siber sereta ulih bekunsika penemu enggau pangan diri.\\nv. Nirika pemai ulah ti manah.\\nDalam kurikulum Jaku Iban, negika pemai ulah ti manah nya beguna bendar. Ngajar enggau belajar bepelasar ba ukur pemanah dikarapka ulih nempa nembiak ke betanggung jawab, ngembuan penyakah, bisi seregah lalu ulih mai pemujur ngagai ruang bilik sida empu, bansa enggau menua Malaysia.\\nKurikulum Standard Sekula Primari (KSSR) disediaka dikena napi atur transfomasyen kurikulum ti ditetapka dalam sistem pelajar ba semua sekula perintah di Malaysia. Dokumen Kurikulum Standard tu dibagi dua; bagi keterubah bungkur kurikulum lalu kedua nya standard pelajar enggau standard isi. Letak jam ngajar enggau belajar Jaku Iban ba sekula primari ditetapka 90 minit. Ba Peringkat 1 ( Primari 1 enggau 2) nembiak apin ditarak enggau nyemetak standard jalai jaku.\\nNembiak deka ditarak standard jalai jaku enggau bebatang lebuh nembiak manggai ba Peringkat 2 (Primari 3,4,5 enggau 6).\\nPeringkat 1 : Primari 1, enggau 2\\nPeringkat 2 : Primari 3, 4, 5 enggau 6\\nLANGKAH RAPAT KURIKULUM\\nNitihka peneka KSSR ngajar enggau belajar mata pelajar Jaku Iban ditetapka ngena langkah rapat modular. Chara tu betatika setiap pengelandik jaku iya nya mending enggau bejaku, macha, nulis, bungai jaku enggau sistem jaku diberi fokus ti sama rata. Reti nya pengajar ngatur langgur ngajar sehari nyemetak nitihka siti-siti pengelandik ti ditentuka diajar ba hari nya. Ambika chunto, minggu kesatu taga jam keterubah alai ngajar pengelandik mending enggau bejaku, kedua alai ngajar macha, ketiga alai ngajar nulis. Ditangkan enggau minggu kedua, taga jam keterubah alai ngajar pengelandik bungai jaku, kedua jalai jaku lalu ketiga alai bejalaika tisih sumatif tauka ngulang pelajar ti udah. Rurun tu deka beulang ba minggu-minggu bukai ke nangkan nya.\\nLangkah rapat modular dikemeranka ngambika semua pengelandik jaku enggau sistem jaku ulih dipesakumka sechara strategik baka ti dipeda dalam standard isi enggau standard pelajar. Ambika chunto, lebuh ngajar pengelandik macha, dia pengelandik jaku ke bukai baka mending, bejaku enggau nulis mega patut ditarak enggau menuku dalam awak nya tang fokus diberi ngagai pengelandik macha.\\nBa peringkat sekula primari fokus ti meruan patut diberi ngagai pengelandik jaku dikena ngangkatka profisiensi nembiak dalam jaku Iban. Langkah rapat KSSR ti betukuh modular betatika pengelandik ti baka tu:\\nPengelandik Mending enggau Bejaku\\nPengelandik Bungai Jaku\\nPengelandik Jalai Jaku\\nNya alai dikena nentuka pengawa belajarka Jaku Iban endang bisi reti sereta meruan tuju, dia ngajar enggau belajarka Jaku Iban bepelasar ba tiga domain guna jaku iya nya:\\nGuna Jaku Ari Segi Interpersonal\\nAri segi interpersonal, jaku diguna dikena beinteraksyen, mantaika buah runding, besara penemu, berunding enggau mayuh guna bukai dalam pengidup besehari-sehari. Pengelandik informasional tu nempa nembiak ngambika nemu nanggam kaul enggau diri sebilik, kaban belayan sereta orang bukai ti diau bekelingi. Kaul interpersonal betatika pengelandik nembiak ngena jaku enggau betul sereta nekanka lebas jaku ti seriran nitihka konteks. Pengelandik interpersonal tu akal chara dikena nempa kaliber enggau karisma nembiak.\\nGuna Jaku Ari Segi Informasional\\nAri segi informasional, jaku diguna dikena meretika idea, memproses lalu ngenataika penerang ngagai penerima ti datai ari mayuh macham latar belakang. Pengelandik informasional tu nempa nembiak regas nyengkuran penerang ari mayuh sumber. Sida tau ngulihka penerang ari jaku randau tauka interbiu, media chelak, teks, multimedia enggau ari internet. Penerang nya tau mungkur semua bidang, topik tauka isu kemaya hari tu. Pengelandik informasional nyungkak nembiak nanam pengerindu mansik sereta belajar sepemanjai umur.\\nGuna Jaku Ari Segi Estetik\\nAri segi estetik, jaku diguna dikena belemati sereta ngayanka pengangkun ngagai mayuh macham artikel, teks enggau kereban litaricha Iban. Pengelandik estetik tu nempa nembiak regas belematika elemen estetik, mantaika idea, ngayanka gerayak ati secara kreatif enggau imaginatif ngena jaku Iban ti meruan sereta menuku. Nembiak dikandalka seruran ngerembaika pengerindu macha, ngasilka karang kreatif sereta ngayanka pengangkun ngagai waris daya idup bansa Iban.\\nNya alai dikena ngisi tiap-tiap domain ke udah disebut, belajarka Jaku Iban endang bepelasar ba tema ti seriran enggau nembiak sekula primari. Tema ke patut dipetatika nya baka tu:\\nDunya diri empu\\nDunya ensera enggau cherita\\nPengajar diberi autonomi milik topik nitihka tema ti ditetapka. Pengajar patut milih topik ti bekaul enggau peneleba nembiak tauka isu kemaya hari dalam media massa enggau media elektronik. Ambika chunto,“Nginsap enggau Mungkang Besekula” nitihka tema “Dunya Diri Empu” tau diambi nyadika batang randau. Peneleba ti diasaika tauka dipeda nembiak tau muka runding sida ngiga chara nagang nginsap enggau mungkang besekula. Ukur pemanah baka bekereja sama, belajar bebendar sereta ngelalau nembiak bukai nyeliahka pengian nginsap tau nyadi pekara ti dikerandauka. Nyadi topik ti dipilih tau dikena ngajar enggau belajarka semua pengelandik jaku.\\nKURIKULUM JAKU IBAN PRIMARI 1\\nKSSR ungkup primari 1 ditusun nitihka Standard Isi enggau Standard Pelajar ti ditetapka nangkan tu. Standard Isi ngaraka penemu, pengelandik, enggau strategi belajar ti patut ditarak nembiak sekumbang ba sekula primari. Standard Pelajar ngaraka kualiti profisiensi jaku Iban ti patut dikemeranka nembiak besenutuk enggau Standard isi. Topik ti dipilih pengajar ari tema ti ditetapka mungkur semua domain guna jaku dikena ngulihka peneleba enggau pengelandik jaku Iban ba peringkat tu. Ba primari 1 nembiak patut ditarak sambil beperindang dikena nerenakka pengerindu ba jaku Iban.\\ni. Mending enggau Bejaku.\\nNembiak primari 1 patut ngembuan pengelandik mending ngambika sida ulih respons ngagai peransang (stimulus), ngayanka pemereti diri ngagai teks ti dipending, nemu berandau sereta ulih nitihka asuh tauka perintah. Nembiak patut mega nemu ngelala munyi, nyebut leka jaku, frasa enggau ayat ngena intonasyen ti engkeman nitihka konteks.\\nNembiak primari 1 patut ngembuan pengelandik macha ngambika sida ulih betatika pengelandik nyebut munyi urup, patah sebut enggau leka jaku. Udah nya nembiak dikarapka ulih macha ayat pandak. Pengelandik macha mesti disukung enggau kereban ti seriran enggau peringkat umur nembiak. Kereban bacha baka bup cherita fiksyen enggau ukai fiksyen, ensera enggau leka main tau nyungkak pengeransing nembiak macha.\\nNembiak primari 1 patut ngembuan pengelandik nulis. Nembiak berengkah ditarak enggau pengelandik pra-tulis. Peneleba tu ngelatih kordinasyen jari enggau mata nembiak. Udah nya sida dilatih tulis chelak enggau tulis tampung (cursive handwriting). Aktiviti nulis diperambu dikena meri peluang nembiak nulis nitihka tuju ti ditetapka dalam langgur pelajar.\\niv. Bungai Jaku.\\nNembiak primari 1 patut ngembuan pengelandik bungai jaku dikena merindang sereta ngenajamka imaginasyen. Aktiviti pengelandik bungai jaku mega ngembuan tuju nerenakka pengerindu macha kereban fiksyen enggau ukai fiksyen dikena ngangkatka daya pikir kreatif. Nembiak diberi awak ngeluluka watak, beperindang ngena leka main sereta bekaul-jaulka pekara ti dipelajarka sida dikena meransang pengelandik bepikir tikas tinggi.\\nv. Sistem Jaku\\nSistem jaku dibagi ngagai dua bidang ti besai iya nya morfologi enggau sintaksis. Nembiak primari 1 patut ngembuan pengelandik sistem jaku ti befokus ngagai pengaya leka jaku, sistem sepil, munyi enggau intonasyen, tanda bacha enggau pengenap tesa. Ngajar enggau belajarka sistem jaku meri awak ngagai nembiak nguna jaku Iban enggau betul. Jalai jaku tau diajar nitihka konteks.\\nMorfologi: Morfologi nya pampang penemu linguistik ti mansik struktur, tukuh enggau kelas jaku. Struktur jaku nya tusun tukuh munyi sebut tauka lambang tulis ke nyadi unit ti bisi manggum reti. Tukuh jaku nya unit jalai jaku sekalika iya leka jaku tunggal, bepenambah tauka betandu. Lalu pia mega, kelas jaku nya proses nentuka bansa leka jaku bepelasar ba tukuh sereta fungsi iya dalam kelas tauka raban jaku ke sama.\\nSintaksis nya pampang penemu linguistik ti mansik tukuh, struktur enggau proses nempa ayat, baka nusun leka jaku dalam ayat enggau kaul leka jaku dalam siti-siti ayat. Nyadi bidang sintaksis nya pansik sentang atur tauka ripih chara besakum tauka nusun leka jaku ngambika ulih nyadi ayat. Aspek sintaksis ke diperatika nya baka tukuh ayat, struktur ayat enggau proses nempa ayat.\\nvi. Tanda Bacha.\\nNembiak primari 1 patut ngembuan pengelandik tanda bacha ngambika sida betatika tanda bacha baka koma, tanda ngetu, tanda tekenyit enggau tanda tanya dikena enggau betul lebuh maya macha enggau nulis.\\nvii. Sistem Sepil\\nNembiak primari 1 patut ngembuan pengelandik nyepil nitihka sistem sepil ba bup ‘Sistem Jaku Iban di Sekula’ ti dikeluarka Bahagian Pembangunan Kurikulum (2007). Aspek sistem sepil nyengkaum:\\npengentap pola urup vokal\\nsepil jaku Iban asal\\nsepil jaku injau\\nviii. Sebut enggau Intonasyen Nembiak primari 1 patut ngembuan pengelandik munyi sebut enggau intonasyen. Sida dilatih ngatur pengengkah munyi leka jaku, frasa pia mega ayat enggau engkeman nitihka maya, konteks enggau tuju mansutka jaku.\\nix. Pengaya Leka Jaku\\nNembiak primari 1 patut ngembuan pengelandik pengaya leka jaku ngambika sida nemu nguna leka jaku ke engkeman dalam pengidup besehari-sehari. Leka jaku ari rintai ungkup primari tiga tau dikena beulang-ulang tauka nitihka konteks. Nembiak tau nambahka pengelandik pengaya leka jaku ari mayuh macham kereban bacha, kereban multimedia enggau internet.\\nNembiak primari 1 patut ngembuan pengelandik sempama ngambika sida nemu ngena jaku sema banding, enggau lalau pendiau enggau engkeman. Sempama ba primari satu tau ditarak sereta dibuntis ari ensera tauka cherita ke dibacha.\\nxi. Pengenap Tesa\\nNembiak primari 1 patut ngembuan pengelandik pengenap tesa ngambika sida nemu ngena leka jaku ti tau dikena madahka penyampau. Pengelandik pengenap tesa patut ditarak enggau meruan ngambika nembiak ulih madahka penyampau enggau betul nitihka konteks sereta konsep tesa dalam daya idup bansa Iban.\\nElemen ti dipasukka dalam pengisi kurikulum iya nya pemansang ke pemadu baru dalam dunya pelajar. Elemen tu diserap dalam pengawa ngajar enggau belajar dikena nyendiaka nembiak napi pengidup ke balat enchabar kemaya hari tu. Pengisi kurikulum ti diserap nya baka di baruh tu:\\nPenemu dalam pelajar Jaku Iban primari 1 mungkur mayuh disiplin baka penemu sains, matematik enggau geografi enggau mayuh penemu bukai ti tau dikena ngerembaika pengelandik jaku. Penemu nya mega pekara ti nyadi ba dunya kemaya hari tu ke datai ari mayuh macham sumber, media tauka peneleba ti tau diambi lalu ditapis dikena ngajar enggau belajar.\\nii. Ukur Pemanah Ukur pemanah dalam pelajar Jaku Iban primari 1 nya ukur ti didirika dikena meransang nembiak neladan ulah ti menuku ngambika sida bepegai ba lalau pendiau sereta adat basa bansa Iban. Nambahka nya, iya mega meransang nembiak arapka Petara, bebasaka diri sama diri ngambika sida ulih diau dalam pemaik enggau orang bukai.\\nNegika semengat patriotisme dalam pelajar Jaku Iban primari 1 nya endang dikena ngangkatka penaluk sereta pengangkun ngagai menua enggau bansa. Nambahka nya iya mega dikena nempa peranak menua Malaysia nyadi rayat ti ngembuan pemai ulah ti menuku sereta komited ngagai tanggung pengawa ti diberi.\\niv. Atur Sosio Daya Idup\\nAtur sosio daya idup dalam pelajar Jaku Iban primari 1 nya ngemeratka sebar lebuh mansutka jaku, ngena lebas sereta tingkat jaku ke betul. Nembiak mega diperansang ngena jaku sempama dikena ngayanka peninggi basa kelebih agi ba pengawa ti besangkut paut enggau adat tauka atur pengawa ti bekaul enggau tusun pengidup bansa Iban.\\nv. Pengelandik Beukur Tambah\\nPengelandik beukur tambah dalam pelajar Jaku Iban primari 1 nya Pengelandik Bepikir, Pengelandik Teknologi Pemadah enggau Komunikasyen (ICT), Pengelandik Belajar Chara Belajar, Pengelandik Futuristik, Pengelandik Pemintar Mayuh Chabang, Pengelandik Belajar Konstruktivisme, Pengelandik Belajar Kontekstual enggau Pengelandik Dagang. Penerang pasal pengelandik nya tau diperatika di baruh tu:\\na. Pengelandik Bepikir\\nPengelandik bepikir dalam pelajar Jaku Iban primari 1 betatika pengelandik nembiak betanya. Ngembuan pelandik betanya ulih nyungkak jalai bepikir sechara kritis sereta kreatif ba aktiviti mending, bejaku, macha enggau nulis. Pengelandik bepikir endang beguna bendar dikena negika konsep, mutarka penanggul tauka ngaga pemutus ba sesebengkah isu tauka perkara.\\nb. Pengelandik Belajar Chara Belajar\\nPengelandik belajar chara belajar dalam pelajar Jaku Iban primari 1 betatika teknik belajar ti betul. Pengelandik tu ulih mantu nembiak ngangkatka penemu, sikar napi latih sereta aktiviti dalam mata pelajar bukai. Pengelandik tu mega nyikap nembiak ngambika sida berani napi ubah dunya enggau teknologi lalu ngemeranka pengangkun belajar seumur idup.\\nc. Pengelandik Teknologi Pemadah enggau Komunikasyen (ICT)\\nPengelandik teknologi pemadah enggau komunikasyen (ICT) dalam pelajar Jaku Iban primari 1 ngambika sida ulih betarak ngena kereban multimedia, komputer sereta software ti didisediaka, ngirum enggau nerima e-mel, lalu pia mega akses ngagai penerang neresa jalur lebar.\\nd. Pengelandik Futuristik\\nPengelandik futuristik dalam pelajar Jaku Iban primari 1 betatika pengelandik nembiak menganalisis isu ti udah nyadi, tajam ati memanipulasyen ubah dunya jeman diatu lalu landik ngambi peluang ngemajuka inovasyen ba dunya ke dudi hari. Nembiak ditarak ngambika sida nemu ngaga jangka sereta mutarka isu berindik ari data tauka penerang ti nyadi kemaya hari tu enggau ti deka datai awakka tau pulai ke penguntung semua orang.\\ne. Pengelandik Pemintar Mayuh Chabang\\nPengelandik pemintar mayuh chabang dalam pelajar Jaku Iban primari 1 betatika penajam enggau pengeregas nembiak lebuh sida diberi ruang belajar nitihka pengerindu enggau rampa menua ti meransang sida. Ambika chunto, sida ulih ngena pengeregas interpersonal lebuh mansutka jaku ngambika enda ngemediska ati orang ke ninga. Nembiak mega ulih ngena pengeregas muzikal enggau kinestetik lebuh diberi ruang nyadaka leka main, belagu ngati diri tauka beraban, ngeluluka dialog tauka drama enggau gaya ti betul. Ngajar enggau belajar patut beseriran enggau pengerindu ngambika bulih asil belajar ti menyana.\\nf. Pengelandik Belajar Konstruktivisme\\nPengelandik belajar konstruktivisme dalam pelajar Jaku Iban primari 1 ngansak nembiak mintar penemu baru bepelasar ba peneleba sida. Belajar ngena chara tu ulih ngangkatka pengerawang ati, pngeregas enggau pengerindu belajar seumur idup.\\ng. Pengelandik Belajar Kontekstual\\nPengelandik belajar konstruktivisme dalam pelajar Jaku Iban primari 1 ulih ngansak nembiak mintar penemu baru bepelasar ba peneleba sida. Belajar ngena chara tu ulih ngangkatka pengerawang ati, pengeregas enggau pengerindu belajar seumur idup.\\nh. Pengelandik Dagang (Entrepreneurship)\\nPengelandik dagang dalam pelajar Jaku Iban primari 1 tu akal chara belajar ti nerenakka pengeregas enggau penyikar nembiak besemekih ba pengawa dagang berengkah ari umur sida agi biak. Sekeda elemen ti bekaul enggau pengelandik dagang nya kreativiti, inovasyen, enggau inisiatif ke nyadi tukuh ti patut dikembuan nembiak dikena nyungkak peninggi tikas pemansang ba pengidup nembiak empu. Elemen pengelandik dagang enggau bepikir sechara inovatif ti patut dipasukka dalam aktiviti belajar nya penyikar ngena pengelandik teknologi pemadah enggau komunikasyen, pengelandik dagang, penemu penguna barang, kereja beraban enggau pekit bepelasar ba projek.\\ni. Pengelandik Kreativiti\\nKreativiti dalam pelajar Jaku Iban primari 1 nya akal chara dikena ngasilka kereban baru tauka pengelandik nengkebang utai baru. Asil ke baru nya ulih ditentuka sereta dikelala ari rintai pengechik, kuiz, perati, demonstrasyen, tisih enggau peresa ti bekaul enggau standard isi pia mega standard pelajar. Nembiak dikelala udah bisi ngembuan kreativiti lebuh sida ngayankan pengerindu, penuh pengarap, berani, lalu ulih ngasilka kereban tauka inovasyen baru.\\nvi. Tisih enggau Peresa\\nTisih Formatif (Tisih terus-menerus)\\nTisih formatif dalam pelajar Jaku Iban primari 1 dipejalaika sepemanjai taun dikena beratika prestasi nembiak. Tisih tau dipejalaika ngena chara beratika pengulih nembiak ngambi bagi ba aktiviti kelas ti disediaka. Tisih ti bansa tu meri awak ngagai pengajar beratika pengeregas nembiak enggau penyukar aktiviti ti diberi. Ari nya pengajar ulih nyerenih tikas aktiviti sereta nyeriranka pedagogi ti dikena iya ngajar. Nembiak tau diasuh ngaga folio, pansik beraban, kuiz enggau mayuh ke bukai.\\nTisih Sumatif (Tisih\/peresa formal)\\nTisih sumatif dalam pelajar Jaku Iban primari 1 dipejalaika ari ti nguji tauka meri peresa formal. Tisih formatif mega dikena ngukur tikas profisiensi nembiak. Ngena tisih ti bansa tu pengajar ulih beratika pengulih enggau pemansang pelajar tiap-tiap iku nembiak. Pengajar patut nyendiaka dokumentasyen standard tauka rekod profil dikena nyimpan data ti bekaul enggau pengeregas sereta prestasi akademik nembiak.\\nStandard Isi ngaraka standard minimum pengelandik jaku ti patut ditarak sereta ditemu nembiak sepenembu belajar ba primari 6. Standard Pelajar nya standard minimum pengelandik jaku ti patut ditarak sereta ditemu nembiak sepenembu belajar ba primari 1.\\n1.1 Sepenembu belajar ba primari 6 nembiak ulih\\nmending, ngelala munyi leka jaku, nyebut leka jaku ngena intonasyen ti betul dikena ngenataika reti ti nyemetak.\\n1.1.1 Ulih mending lalu respons ngagai stimulus:\\nmunyi ari batang tubuh\\n1.1.2 Ulih mending, nyebut, mereti lalu bebidaka munyi leka jaku ti ngundan:\\nvokal besekat glottis\\n1.1.3 Ulih mending, nyebut, belagu sereta beperindang ngena leka main anak mit\/ lagu ngena iring ti meruan.\\n1.1.4 Ulih mending, mereti sereta respons ngagai stimulus enggau iring ti meruan.\\n1.1.5 Ulih nyebut leka jaku siti patah sebut enggau dua patah sebut ngena intonasyen ti betul.\\n1.2 Sepenembu belajar ba primari 6 nembiak ulih mending, mereti sereta meri respons ngagai jaku perintah, jaku tanya enggau jaku pesan.\\n1.3 Sepenembu belajar ba primari 6 nembiak ulih berandau sereta betanya saut pasal topik ti bekaul enggau tuju akademik, sosial enggau kreatif ngena jaku basa.\\n1.3.1 Ulih ngambi bagi dalam jaku randau ke dikena besehari-sehari baka:\\njaku tabi basa\\nngenataika peminta enggau siru\\nmeri terima kasih\\nminta ampun ketegal penyilap diri empu\\n1.3.2 Ulih mending, mereti lalu meri respons ti seriran ngagai jaku perintah:\\njaku perintah dalam bilik kelas\\nnemu nuju ngagai endur ti diasuh\\n1.3.3 Ulih mendingka ensera\/cherita, mereti lalu respons ngena saut pandak:\\nYa \/ ukai\\nBesetuju\/ enda besetuju\\n1.3.4 Ulih berandauka pekara ti bekaul enggau topik ti ngenang diri empu enggau diri sebilik\\n1.3.5 Ulih ngeluluka watak lalu dibantu enggau kereban ti seriran.\\n1.4 Sepenembu belajar ba primari 6 nembiak ulih mantaika pekara tauka topik ti bekaul enggau tuju akademik, sosial enggau kreatif ba mua orang mayuh\\n1.4.1 Ulih meretika teks ti didinga sereta meri respons verbal.\\n1.4.2 Ulih madahka juluk ati diri empu.\\n1.4.3 Ulih nyaut tanya mudah senentang pekara ti dicheritaka.\\n2.1 Sepenembu belajar ba primari 6\\nnembiak ulih nyepil lalu macha\\nenggau ekspresyen ti seriran\\ndikena ngenataika reti enggau\\n2.1.1 Ulih nentu sereta ngelala tukuh urup dalam\\nrintai urup roman.\\n2.1.2 Ulih nyepil nitihka patah sebut lalu macha\\ninggar leka jaku belalauka gambar.\\n2.1.3 Ulih nyepil nitihka pengentap munyi urup vokal.\\n2.1.4 Ulih nunjuk ngagai gambar ti betul lebuh teks\\n2.1.5 Ulih macha lalu ngeluluka diri nitihka watak\\ndalam teks\/ dialog.\\n2.2 Sepenembu belajar ba primari 6\\nnembiak ulih ngena mayuh\\nbengkah pengelandik enggau\\nstrategi macha dikena meretika\\nteks betukuh linear ari mayuh\\n2.2.1 Ulih beratika kulit bup, gambar lalu belabaka\\n2.2.2 Ulih macha lalu madahka reti sekeda leka jaku\\n2.2.3 Ulih macha lalu bekaulka peneleba diri enggau\\nteks ti dibacha.\\n2.2.4 Ulih macha beraban enggau iring ti meruan.\\n2.2.5 Ulih macha lalu betatika ajar manah ari teks.\\n2.3 Sepenembu belajar ba primari 6\\nnembiak ulih macha mayuh\\nmacham teks, cherita pandak\\nenggau artikel ti betemaka\\n2.3.1 Ulih macha lalu nemu nunjuk ngagai leka jaku ti\\nnijir leka jaku nitihka munyi enteli\\nnijir leka jaku nitihka raban jaku\\n2.3.2 Ulih macha beraban, meretika teks lalu nusun\\nidea nitihka rurun.\\n2.3.3 Ulih meretika ayat mudah ngena bantu gambar.\\n2.4 Sepenembu belajar ba primari 6\\nmacham kereban kreatif ti seriran\\ndikena nanam pengerindu macha\\nsereta ngulihka penemu.\\n2.4.1 Ulih nyepil leka jaku pengawa nitihka patah\\nsebut ti betul.\\n2.4.2 Ulih macha teks mudah enggau iring ti meruan:\\n3.1 Sepenembu belajar ba primari 6\\nnembiak ulih ngemeranka\\npelasar nulis leka jaku ngena\\nurup blok enggau urup mit lalu\\nnemu tulis chelak enggau tulis\\ntampung ti manah sereta betul.\\n3.1.1 Ulih ngayankan pengelembut tapa enggau tunjuk\\njari sebedau nulis:\\nmegai lalu ngedarka objek\\nngenggam, nyepit, mutar, megai objek dikena nulis.\\npengerentang tubuh (posture) sebedau nulis\\nlatih pola pra-tulis\\n3.1.2 Ulih nulis urup mit enggau urup besai ngena pola\\ntulis ti betul.\\npola pra-tulis ti ngabih tukuh urup\\ntulis huruf blok enggau urup mit\\n3.2 Sepenembu belajar ba primari 6\\nnembiak ulih nulis ayat ngena\\ntanda bacha ti betul sereta\\n3.2.1 Ulih nulis ngena tanda bacha ti betul sereta\\nurup besai ba pun ayat\\n3.2.2 Ulih nulis ayat mudah 3-5 leka jaku ngena tanda\\nbacha ti engkeman.\\n3.2.3 Ulih nulis ngena teknik ‘tunda-tulis’ leka jaku\\nenggau ayat mudah.\\n3.3 Sepenembu belajar ba primari 6\\nnembiak ulih nulis enggau\\nkoheren sereta ngena mayuh\\nbengkah strategi pengelandik\\n3.3.1 Ulih nulis informasyen enggau engkeman:\\npom turai juru ti betul\\n3.3.2 Ulih nulis ayat ngundan 3-5 leka jaku enggau iring\\n3.3.3 Ulih nyepil leka jaku nitihka:\\n3.4 Sepenembu belajar ba primari 6\\nnembiak ulih nulis karang enggau\\nkreatif ti ngayanka pengerembai\\n3.3.1 Ulih ngelukis kar tauka gambar belalauka ensera\\nenggau cherita ti ditusui.\\n3.3.2 Ulih nusun lalu nulis ayat enggau iring ti meruan:\\nkad hari pengada\\n3.3.4 Ulih nulis ayat nitihka gambar ti bekait enggau\\n4.1 Sepenembu belajar ba primari 6\\nnembiak ulih beperindang sereta\\nrinduka mayuh genreleka main.\\n4.1.1 Ulih beperindang ngena lagu enggau leka\\nmain anak mit:\\n4.1.2 Ulih mandangka aksyen baka lingguk tubuh,\\nkelis mua enggau perening mata lebuh\\nbelagu enggau nyadaka leka main.\\n4.1.3 Ulih ngeluluka diri nitihka empas leka lagu tauka\\nleka main enggau iring ti meruan lalu disukung\\nenggau kereban bantu.\\n4.2 Sepenembu belajar ba primari 6\\nnembiak ulih macha sereta\\nrespons ngagai ensera tauka\\ncherita ngena mayuh bengkah\\npengelandik enggau strategi.\\n4.2.1 Ulih nanam penyiru nyaga kereban bacha baka\\nbup, kad bacha, charta, bup besai enggau\\nkereban audio-visual ke bukai.\\n4.2.2 Ulih respons ngagai ensera\/cherita lalu beratika\\ngambar dalam bup\\n4.2.3 Ulih ngeluluka diri dalam raban nitihka watak\\ndalam ensera tauka cherita ke dibacha\\n4.3 Sepenembu belajar ba primari 6\\nnembiak ulih ngena patah nyawa\\nlebuh nyadaka leka main sereta\\nbetatika ukur pemanah.\\n4.3.1 Ulih nyebut entelian leka main nitihka rentak.\\n4.3.3 Ulih nyadaka leka main ke dipilih dikena\\n4.3.4 Ulih ngelala ukur pemanah ari ensera\/cherita ti\\n4.4 Sepenembu belajar ba primari 6 nembiak ulih\\nnulis enggau kreatif ngena mayuh bengkah\\n4.4.1 Ulih nuliska jaku adjektif ti nyeritaka tukuh watak:\\njaku adjektif betandu penuh\\njaku adjektif berentak\\n4.4.1 Ulih nulis ayat 3-5 leka jaku ari gambar ti bekaul enggau watak\\ndalam ensera tauka cherita ti dipilih.\\n4.4.2 Ulih ngena jaku sempama sema banding nyemakaka ulah\\ntauka pengawa watak dalam ensera tauka cherita ke dibacha.\\nSepenembu belajar ba primari 6 nembiak ulih mending, mereti sereta meri ngagai jaku perintah, jaku tanya enggau jaku pesan.\\nUlih ngambi bagi dalam jaku randau ke dikena besehari-sehari baka:\\nmeretika penerang biodata ti didinga ari tusui enggau dibacha.\\nbejaku ngena chara nusui penerang pasal diri empu ngena leka jaku\\nmilih lalu nanda penerang ke betul belalauka pekara ti didinga enggau dibacha ngena chara berandau enggau betulis\\nUkur Penemu: mereti, siru, bebasa\\nPengelandik Mayuh Chabang: Verbal linguistik, nusun idea, belajar\\nGambar enggau biodata siku nembiak, kad leka jaku, limpir kerja latih enggau kereban ICT (Komputer\/LCD)\\nPengajar ngayanka gambar siku nembiak lelaki ti ngena pekayan sekula lalu nusui biodata nembiaknya.\\nNembiak madahka penerang ngelansa pasal gambar, nitihka tanya ari pengajar.\\nPengajar madahka rurun penerang maya deka nusui biodata diri ngagai bala mayuh.\\nPengajar macha biodata nembiak ti dipandangka nengah kereban ICT ngambika didinga nembiak.\\nNembiak ke dipilih pengajar lalu dipinta nerangka biodata diri ngena chara berandau.\\nNgumpul penerang\/verbal linguistik\\nGambar diayanka ngena LCD\\nJuluk ati etb.\\nPengajar nanya sekeda bala nembiak pasal biodata sida.\\nNembiak nyaut tanya ngena ayat ti berurun.\\nNama juluk ati nuan?\\nNama aku Rentap.\\nAku deka nyadi lutur.\\nPengajar mai nembiak nyepil lalu macha biodata ari kereban ti disediaka lalu betanya saut pasal nya.\\nPengajar nyadung kereban kereja latih ngagai nembiak.\\nPengajar macha baru teks biodata lalu nyimpul pelajar ke ungkup sehari nya.\\nMereti, siru, bebasa ke pangan diri.\\nKereban kereja latih;\\nMilih penerang ti betul.\\nB. Kad Leka Jaku\\nC. Pilih lalu tanda ba penerang ti betul.\\nUmur Rentap lapan taun.\\nIya belajar ba Primari Satu.\\nIya diau di bagi menua Sri Aman.\\nRentap rindu bemain hoki.\\nJuluk ati iya nyadi lutur.\\nBaka Ni Kia\\nUlih mending, mereti lalu meri respons ti seriran ngagai jaku perintah:\\nmeretika kar lalu nyebut sekeda utai ke nyengala ayan dalam kar ti disediaka.\\nbejaku madahka tuju ngagai sesebengkah endur belalauka kar enggau iring pengajar.\\nnipakka penerang enggau simbol tuju sesebengkah endur.\\nPenemu: Lalau pendiau,\\nUkur Penemu: mereti, siru, likun\\nchara belajar, nyengkuran runding, ngumpul penerang.\\nKar pejalai ba genturung pendiau, kad frasa penunjuk tuju, limpir kerja latih.\\nPengajar nyadung limpir kar genturung pendiau ngagai bala nembiak.\\nNembiak betati lalu nyebut sekeda endur enggau palan pendiau ti bisi ba kar nya bemalinka pengajar.\\nLimpir kar genturung pendiau\\nPengajar nerangka tuju kar ti diadaka nya, dikena nentuka jalai nulung Akin nurun ke sekula ngena jalai ke betul.\\nNembiak bebala mayuh madahka tuju jalai ke betul penurun Akin ke sekula belalauka kar enggau iring pengajar ngena frasa jaku ti disediaka. Pengajar minta sekeda nembiak datai ke mua kelas lalu madahka tuju ke patut ditengah belaluka kar.\\nFrasa bekaul enggau tuju sesebengkah endur:\\nlimpang ke kanan\\nlimpang ke kiba\\nPengajar meri penerang ti engkeman belalauka kar ngagai bala nembiak.\\nNembiak dipinta madahka jalai ke berurun pejalai Akin ke sekula ngena ayat ti berurun belalauka kar enggau kad frasa penunjuk tuju.\\nUkur pendiau:Likun, mereti sereta siru\\nNembiak mendingka penerang ari pengajar\\nNgerintai leka jaku nyadi ayat ti berurun.\\nPengajar meri kereja latih ngagai nembiak.\\n(nipakka penerang enggau symbol tuju penunga sesebengkah endur)\\nPengajar nyimpul isi B\/N lalu disempulang enggau ukur pendiau.\\nLimpir kereja latih\\nA. Aram Berandau Jalai Bijat\\nJalai Rentap Taman Jaya\\nJalai Tun Jugah Peratika kar ba baruh tu.\\nAram tulung Akin nurun ke sekula.\\nKena leka jaku ba baruh tu: mansa\\nB. Tipakka penerang enggau simbol.\\nnyepil lalu nyebut inggar leka jaku dalam ayat enggau iring ke meruan.\\nmacha nitihka patah sebut ti betul sereta inggar teks ‘Rumah Aku’ bemalinka pengajar.\\nmeri reti sekeda leka jaku ari teks ti dibacha ngena chara berandau bemalinka pengajar.\\nnipakka penerang enggau gambar ti diberi ke kereja latih betulis.\\nPenemu: Lalau pendiau, nyengkuran runding\\nUkur Penemu: beterima kasih, temegah\\nGambar bansa rumah alai diau, teks ‘Rumah Aku’ enggau limpir kereja latih.\\nSepenembu belajar ba primari 6 nembiak ulih nyepil lalu macha enggau ekspresyen ti seriran dikena ngenataika reti enggau nyemetak.\\nSepenembu belajar ba primary nembiak ulih ngena mayuh bengkah pengelandik enggau strategi macha dikena meretika teks betukuh linea ari mayuh bengkah sumber.\\nUlih nyepil nitihka patah sebut lalu macha inggar leka jaku belalauka gambar.\\nUlih macha lalu madahka reti sekeda leka jaku dalam teks.\\nUlih macha beraban enggau iring ti meruan.\\nPengajar betanya saut enggau nembiak pasal bansa rumah endur diau lalu ngayanka sekeda gambar rumah.\\nNembiak madahka penerang ngelansa pasal bansa rumah endur sida diau.\\nPengajar madahka bansa rumah ke alai mensia diau nitihka raban bansa asal enggau rumah moden.\\nGambar sekeda bansa rumah.\\nRumah panjai, rumah sesebuah, rumah batu, enggau rumah teres.\\nPengajar nyadika malin nembiak nyepil lalu macha teks ‘Rumah Aku’ ti disediaka ba kad manila tauka ‘brown paper’.\\nNembiak dipinta nyepil lalu nyebut sekeda leka jaku ti dipilih pengajar ari teks ti dibacha lalu berandauka reti leka jaku nya nitihka konteks iya dalam ayat.\\nSekeda leka jaku;\\nPengajar ngasuh nembiak beraban macha teks ti disediaka.\\nNembiak enggau pengajar betanya saut pasal bansa rumah ke diwan pupu bansa ti bisi di menua Malaysia enggau nama bagi sitak dalam rumah.\\nChunto bansa rumah:\\nPengajar mai bala nembiak sampal macha baru teks ‘Rumah Aku’ lalu nyimpul pelajar ke ungkup sehari nya.\\nbeterima kasih, temegah\\nNusun urup ngambika nyadi leka jaku ti meruan belalauka gambar.\\nTu rumah aku.\\nRumah aku rumah papan.\\nAtap rumah aku bechura biru.\\nDinding rumah aku bechura kuning.\\nJenila rumah aku bechura gadung.\\nRumah aku manah serta beresi.\\nRintai leka jaku enggau penerang. (Ke malin pengajar)\\nReti enggau Penerang\\nPalan tauka endur mensia diau.\\nPenudung perabung rumah.\\nSapat penutup tisi rumah tauka antara sitak bilik.\\nPenyenguk tauka penjan.\\nGaya pendiau tauka endur ke enda kamah.\\nTipakka bansa rumah enggau gambar.\\nKantin Sekula Akin\\nSepenembu belajar ba primari 6 nembiak ulih macha mayuh macham kereban kreatif ti seriran dikena nanam pengerindu macha sereta ngulihka penemu.\\nUlih nyepil leka jaku pengawa nitihka patah sebut ti betul.\\nUlih macha teks mudah enggau iring ti meruan:\\nnyepil enggau betul lalu macha ayat dalam teks begambar ti disediaka.\\nnyepil lalu nyebut leka jaku pengawa ti bisi dalam ayat enggau iring pengajar.\\nvii. ngisi lapang dalam ayat ngena jaku pengawa ti disediaka.\\nUkur Penemu: mereti, beresi, bebasa\\nPengelandik Mayuh Chabang: Verbal linguistik, nusun idea.\\nGambar bepenerang, rintai leka jaku pengawa, limpir kereja latih.\\nPengajar ngidarka gambar ti bepenerang lalu betanya saut enggau nembiak pasal nama utai ke nyadi dalam gambar.\\nNembiak nelusur penerang ayat besangkut enggau sesebengkah situasyen dalam gambar.\\nGambar bepenerang pasal Kantin Sekula Akin.\\nPengajar nyadika malin nembiak nyepil lalu macha penerang ayat pasal gambar.\\nNembiak dipinta nyepil lalu macha kediri tauka beraban ayat ke bisi dalam kereban.\\nPengajar enggau nembiak nyepil lalu ngerintai ba papan tulis jaku pengawa ti bisi dikena dalam ayat.\\nPengajar deka ningaka pengelenak bacha nembiak.\\nChunto jaku pengawa:\\nPengajar erangka reti leka jaku pengawa lalu meri nembiak limpir kereja latih.\\nNembiak ngisi lapang dalam ayat belalauka rintai jaku pengawa sereta pengajar.\\nPengajar nyimpul B\/N sehari nya lalu meri lalau ukur pendiau.\\nNgaga kereja latih\\nKantin Sekula Akin. A. Sepil lalu bacha ayat ke bisi dalam gambar di atas.\\nB. Giga leka jaku pengawa enggau pengajar lalu rintaika\\nba papan tulis.\\nC. Kereja Latih\\nIsi lapang dalam ayat ngena leka jaku ti diberi.\\nLina benung …………………… kuih.\\n2. Mujuk ………………………lurus.\\n3. Adi udah nemu ………………………………\\n4. Anang ………………….. uras dia.\\n5. Mayau …………………… di baruh dapur.\\nSayauka Diri Sebilik\\nSepenembu belajar ba primari 6 nembiak ulih nulis enggau koheren sereta ngena mayuh bengkah strategi pengelandik nulis.\\nUlih nulis ayat ngundan 3-5 leka jaku enggau iring ti meruan.\\nUlih nusun lalu nulis ayat enggau iring ti meruan:\\nmacha (belagu) inggar lalu nemu reti sekeda leka jaku ti bisi dalam lagu enggau iring penerang ari pengajar.\\nBesaup nulis empat iti ayat mudah ba papan tulis belalauka gambar enggau iring ari pengajar.\\nngisi lapang nunda leka jaku ganti nama ti disediaka dalam limpir kerja latih.\\nUkur Penemu: beterima kasih, temegah enggau bebasa.\\nGambar diri sebilik, lirik lagu ‘Aku Sayau Ke Semua’ enggau limpir kereja latih.\\nA. Aram belagu\\nAku Sayauka Semua\\nSatu, satu aku sayauka indai,\\nDua, dua aku sayauka apai,\\nTiga, tiga sayau aka enggau adi.\\nSatu, dua, tiga sayauka semua sida.\\nTiun:’Satu satu saya sayang ibu’\\nB. Chunto ayat mudah ke ditulis ba papan tulis. (malin Pengajar)\\nAku sayauka indai.\\nApai aku siru amai.\\nAku bisi siku adi indu.\\nKami menyadi bisi tiga iku.\\nC. Aram nulis.\\nTulis baru nunda leka jaku ti diberi.\\nI n d a i\\nA k a l e l a k i\\nA k a i n d u\\nA k u e m p u\\nUlih nulis urup mit enggau urup besai ngena pola tulis ti betul.\\ntulis urup blok enggau urup mit\\ni. nulis tukuh urup ba papan tulis bemalinka pengajar.\\nii. nulis pola pra-tulis ti ngambi kabih tukuh urup ke udah ditanda ngena titik nyadi ke chuan nembiak.\\nii. Penemu: Lalau pendiau\\niii. Ukur Penemu: temegah enggau likun.\\niii. Pengelandik Mayuh Chabang: belajar chara belajar\\nTukuh urup, set urup mit, limpir kereja betulis.\\nPengajar ngasuh nembiak belagu ABC.\\nNembiak dipinta nyebut sekeda urup mit ti ditunjukka.\\nRintai urup mit a-z\\nPengajar ngiring nembiak nunjukka chara kebut jari ti betul maya nulis urup.\\nPengajar minta bala nembiak nulis nitihka langkar pola tukuh urup ba papan tulis.\\nRintai urup mit dipandangka Rurun 3\\nPengajar meri kereja betulis ngagai nembiak.\\nPengajar ngasuh nembiak belagu ABC sekali agi lalu nyimpul B\/N ke renggat nya.\\nTemegah sereta likun.\\nPola pra-tulis tukuh urup.\\nA. Aram belagu.\\nRintai urup abc.\\nh i j k l m n, o p q r s t u,\\nB. Aram nulis.\\nLeka Main Anak Mit (Puk Aruk-Aruk)\\nSepenembu belajar ba primari 6 nembiak ulih beperindang sereta rinduka mayuh genre leka main.\\nUlih beperindang ngena leka main anak mit.\\nUlih mandangka aksyen baka lingguk tubuh, kelis mua enggau perening mata lebuh nyadaka leka main.\\nNyadaka leka main nitihka rentak ke betul.\\nMandangka aksyen baka lingguk tubuh, kelis mua enggau perening mata lebuh nyadaka leka main.\\nNyalin pola tulis beselat enggau baris leka main.\\nLeka main: Puk Aruk Aruk, kad leka jaku enggau limpir kerja latih.\\nPengajar ngayanka gambar siku nembiak indu\/lelaki ke udah ngemas diri ngena pekayan sekula ke beresi.\\nNembiak meri penerang pasal gambar, nitihka tanya ari pengajar.\\nNembiak madahka ripih pengawa maya sida nyikap diri sebedau nurun ke sekula\\nPengajar nyaup nembiak ngerintai pengawa ke patut dikereja sebedau nurun ke sekula ninting pagi.\\nNembiak entudi pengajar nyebut leka main anak mit.(puk aruk)\\nBCB: Mending & bejaku sereta ngumpul penerang.\\nPengelandik ngemenyanaka mensia (kemahiran isaniah) Gambar dipandangka ngena LCD\\nNyebut leka main.\\nPengajar ngiring nembiak mandangka aksyen baka lingguk tubuh, kelis mua enggau perening mata lebuh nyadaka leka main.\\nNembiak sechara beraban mandangka aksyen lebuh nyadaka leka main.\\nNembiak begintir-gintir mandangka pengelandik diri nyadaka leka main sambil mandangka aksyen.\\nNembiak nyalin leka main beselat enggau pola tulis.\\nMandangka aksyen sechara individu.\\nA. Leka main anak mit\\nB. Tusun rurun pengawa nyikap diri sebedau nurun ke sekula ninting pagi.\\nRurun (1,2,3,4 enggau 5)\\nLagu (Rumah Aku)\\nUlih ngeluluka diri nitihka empas leka lagu enggau iring ti meruan lalu disukung enggau kereban bantu.\\nNyadaka belagu nitihka melodi ke betul.\\nviii. Mandangka aksyen baka lingguk tubuh, kelis mua enggau perening mata lebuh belagu.\\nNgeluluka diri nitihka empas leka lagu enggau iring ti meruan lalu disukung enggau kereban bantu.\\nUkur Pemanah: Bebasaka diri sama diri\\nAtur Sosio-daya idup: mereti, siru, bebasa nitihka tusun pengidup\\nGambar rumah, kad leka jaku, limpir kerja latih enggau kereban ICT (Komputer\/LCD)\\nPengajar ngayanka gambar sebuah rumah ke manah sereta beresi.\\nNembiak meri penerang pasal rumah nitihka tanya ari pengajar.\\nNembiak madahka bansa pengawa maya sida meresi rumah.\\nNembiak ngerintai pengawa ke patut dikereja lebuh meresi rumah.\\nNembiak entudi pengajar nyebut leka lagu.\\nNembiak betatika rentak enggau melodi lagu.\\nPengelandik Belajar Kontekstual\\nPengelandik Futuristik: rumah jeman dudi\\nPengelandik ngemenyanaka mensia (kemahiran isaniah) Gambar mayuh bansa rumah dipandangka ngena LCD\\nNyebut leka lagu.\\nPengajar ngiring nembiak mandangka aksyen baka lingguk tubuh, kelis mua enggau perening mata lebuh belagu\\nNembiak sechara beraban mandangka aksyen lebuh belagu.\\nMandangka aksyen sechara beraban\\nNembiak begintir-gintir mandangka pengelandik diri belagu sambil mandangka aksyen\/kelulu.\\nNembiak nyalin leka lagu beselat enggau pola tulis.\\nLagu: Rumah Aku (ngena tiun – Kereta Bapaku)\\nSebut leka jaku dibaruh tu\\npolly on January 15, 2012 at 3:21 pm said:\\nAku siku pengajar ti ngajar jaku iban. Aku minta kasih, ngagai bala penulis jaku iban arap ka ulih ngaga langgur pelajar setaun primari satu\\nReply ↓\\tSelan Laja @ Henry Selan on February 5, 2013 at 10:01 am said:\\nSearch nn ba kssr online…au\\nReply ↓\\tbhsiban on April 12, 2013 at 12:07 am said:\\nagnes mit anak johnny pising on January 16, 2012 at 5:28 am said:\\nManah mat tu. TQ\\nReply ↓\\tPolly anak Liben on February 23, 2013 at 7:28 am said:\\nmanah amai langgur pelajar tu, rindu endar ngajar enti sema bc di sediaka langgur pelajar setaun\\nReply ↓\\tbhsiban on April 12, 2013 at 12:06 am said:\\nFollow “Website_Bahasa iban”","num_words":8165,"character_repetition_ratio":0.073,"word_repetition_ratio":0.007,"special_characters_ratio":0.175,"stopwords_ratio":0.178,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pilih Bup enggau Bagi Bup:\\nPemungkal Pemansut Adat Lewi Pengyampau Ulang Adat Josua Pengulu Rut 1 Samuel 2 Samuel 1 Raja 2 Raja 1 Bansa Israel 2 Bansa Israel Esra Nehemiah Ester Jop Masmur Jaku-Dalam Pengajar Pelandai Solomon Isaiah Jeremiah Sabak Kenang Esekiel Daniel Hosea Joel Amos Obadiah Jonah Mikah Nahum Habakuk Sepaniah Hagai Sekariah Malaki Saint Matthew Saint Mark Saint Luke Saint John Surat Pasal Kereja Rasul Rome 1 Korint 2 Korint Galatia Epesus Pilipi Kolosi 1 Tesalonika 2 Tesalonika 1 Timoti 2 Timoti Titus Pilimon Hebrew Saint James 1 Saint Peter 2 Saint Peter 1 Saint John 2 Saint John 3 Saint John Saint Jude Pemandang Bagi 1 Bagi 2 Bagi 3 Bagi 4 Bagi 5 Bagi 6 Bagi 7 Bagi 8 Bagi 9 Bagi 10 Bagi 11 Bagi 12 Bagi 13 Bagi 14 Bagi 15 Bagi 16 Bagi 17 Bagi 18 Bagi 19 Bagi 20 Bagi 21 Bagi 22 Bagi 23 Bagi 24 Bagi 25 Bagi 26 Bagi 27 Bagi 28 Bagi 29 Bagi 30 Bagi 31 Bagi 32 Bagi 33 Bagi 34 Bagi 35 Bagi 36 Bagi 37 Bagi 38 Bagi 39 Bagi 40 Bagi 41 Bagi 42 Bagi 43 Bagi 44 Bagi 45 Bagi 46 Bagi 47 Bagi 48 Bagi 49 Bagi 50\\n©The Bible Society of Malaysia 2011.\\nBup Jop* nusui pasal siku orang ke badas, ke balat ditinggang penusah. Semua anak iya mati magang, lalu semua reta tengkira iya abis dirampas orang, lalu iya balat merinsa natka penyakit ti udu kamah. Udah nya, ngena tiga bengkah jaku ti bebungai, orang ke nulis bup tu ngayanka chara bala pangan Jop enggau Jop empu napi penusah nya. Ba pengujung iya, Allah Taala Empu, ke seruran bekaul enggau mensia, lalu nyadika buah jaku dalam randau tu, pegari di mua Jop.\\nBala pangan Jop nerangka pemerinsa iya ngena penemu asal ti datai ari pengarap sida. Ku penemu sida, laban Allah Taala endang seruran meri upah ngagai utai ti manah, lalu ngukum utai ti jai, pemerinsa ti ditatka Jop nya nunjukka Jop udah bedosa. Tang ba penemu Jop, utai nya enda ngemudah nya. Iya enda patut diukum ngemalat nya, laban iya orang ke badas sereta lurus. Iya enda meretika kebuah Allah Taala nejuka utai ti ngenyai nya nyadi ba orang ke baka iya, lalu iya berani nyakap Allah Taala. Jop enda muai pengarap iya ke Allah Taala, tang iya tetenguk minta diri digaga lurus di mua Allah Taala, lalu dibasa Allah Taala baru ketegal pemanah iya.\\nAllah Taala enda nyaut tanya Jop, tang Iya malas pengarap Jop ngena mayuh amat jaku ti bebungai ti mandangka kuasa enggau penemu-dalam ti dikembuan Allah Taala Empu. Udah nya Jop lalu ngemaruhka diri lalu ngaku Allah Taala endang bepenemu-dalam sereta besai, lalu iya nesal ati ke jaku ti enda menyana ti udah disebut iya.\\nJaku ti ngujungka bup tu madahka chara Jop pulai baru ngagai pengidup iya ti dulu, lalu nyadi mujur agi ari ti keterubah. Allah Taala nganu bala pangan Jop, laban sida enda meretika guna pemerinsa Jop. Semina Jop siku aja ti udah ngasaika Allah Taala nya besai agi ari ti dipadahka dalam pengarap asal.\\nRipih Isi Bup Tu\\nPun jaku (1.1-2.13)\\nJop enggau bala pangan iya (3.1-31.40)\\na. Jaku putap Jop (3.1-26)\\nb. Randau Jop ti keterubah (41-12.22)\\nc. Randau ti kedua (15.1-21.34)\\nd. Randau ti ketiga (22.1-27.23)\\ne. Muji penemu-dalam (28.1-28)\\nf. Jaku Jop ti penudi (29.1-31.40)\\nJaku Elihu (32.1-37.24)\\nTUHAN nyaut Jop (38.1-42.6)\\nJaku penutup (42.7-17)\\nSitan Nguji Jop\\n1 Dulu menya bisi orang siku benama Jop. Iya diau di menua Us, Iya tu orang ke badas sereta lurus, nangika Allah Taala sereta enggai ngereja penyai.\\n2 Iya bisi tujuh iku anak lelaki, enggau tiga iku anak indu.\\n3 Iya bisi tujuh ribu iku jelu bedus, tiga ribu iku unta, seribu iku sapi, enggau lima ratus iku keledai. Orang gaji iya mega mayuh, lalu iya orang ke pemadu kaya di Timur.\\n4 Bala anak lelaki Jop selalu begintir-gintir nyendiaka pengerami makai besai, lalu semua sida menyadi ti lelaki datai magang. Sida selalu mai menyadi indu sida ngagai pengerami nya.\\n5 Lebuh pengerami makai besai nya udah tembu, Jop mesanka sida lalu nuchi sida. Iya angkat tumu pagi lalu ngenjuk piring tunu ke genap iku bala anak iya, laban ku iya berunding, “Nyangka anak aku bisi udah bedosa lalu nyumpah Allah Taala dalam ati sida.’’ Nya meh utai ti selalu dikereja Jop.\\n6 Nyadi sekali lebuh bala orang serega datai ngadap TUHAN, Sitan bisi mega datai enggau sida.\\n7 TUHAN lalu nanya Sitan, “Datai ari ni nuan?’’ Sitan lalu nyaut, “Aku udah bejalai kia-kia, segau-segau nengah dunya tu.’’\\n8 TUHAN lalu nanya Sitan, “Kati nuan bisi udah berundingka nembiak Aku Jop? Nadai orang di dunya ke badas sereta lurus baka iya, ke nangika Allah Taala sereta nyeliahka penyai.’’\\n9 Sitan lalu nyaut, “Kati Jop deka nyembah Nuan enti iya nadai bulih utai ari nya?\\n10 Ukai enda Nuan ke seruran nyaga iya, nyaga ruang bilik enggau semua utai ti diempu iya? Nuan udah merekatka semua utai ti dikereja iya, lalu jelu bedus enggau jelu sapi iya udah nambah-menambah di menua tu.\\n11 Tang enti Nuan ngunjurka jari Nuan, lalu ngambi semua utai ti dikemisi iya, iya tetap deka nyumpah Nuan mua mata!’’\\n12 “Barang ku jaku,’’ ku TUHAN bejaku enggau Sitan, “semua utai ti dikemisi iya sigi ba jari nuan magang, tang nuan enda tau ngemediska Jop.’’ Sitan lalu mupuk.\\nBala Anak Jop Enggau Pengaya Iya Dirusak\\n13 Nyadi sekali, lebuh bala anak Jop benung ngintu pengerami makai besai ba rumah aka tuai sida,\\n14 siku seruan datai belanda ngagai Jop. Ku iya, “Kami benung ngeradu tanah ngena sapi, lalu raban keledai meruan ba padang rumput semak endur nya.\\n15 Orang Sabean lalu ngenyit nyerang kami lalu ngerampas semua jelu nya. Sida munuh semua bala orang gaji nuan. Semina aku aja ulih ngerarika diri lalu madahka tu ngagai nuan.’’\\n16 Lebuh orang gaji nya agi benung bejaku, siku agi orang gaji datai, lalu bejaku, “Jelu bedus enggau bala pengibun bedus udah dipangkaka ngitar, lalu semua sida mati magang. Ka semina aku aja agi idup lalu madahka utai tu ngagai nuan.’’\\n17 Lebuh orang gaji nya agi benung bejaku, siku agi orang gaji datai lalu bejaku, “Tiga bengkah raban soldadu penyelawai orang Kaldea udah nyerang kami, ngerampas jelu unta, lalu munuh semua bala orang gaji nuan. Ka semina aku aja ulih ngerarika diri lalu madahka utai tu ngagai nuan.’’\\n18 Lebuh orang gaji nya agi benung bejaku, siku agi orang gaji datai, lalu bejaku, “Lebuh bala anak lelaki enggau anak indu nuan agi benung ngintu pengerami makai besai ba rumah anak tuai nuan,\\n19 kabut ti besai datai lalu ngenyit mangka ari menua puang, numbangka rumah. Semua sida mati magang ditinggang rumah nya. Ka semina aku aja agi idup lalu madahka utai tu ngagai nuan.’’\\n20 Jop lalu angkat, nyarikka gari diri, ngukur pala iya, lalu nyungkurka diri ke tanah nyembah Allah Taala.\\n21 Ku iya bejaku, “Aku ada telanjai, lalu aku deka mati telanjai. TUHAN udah meri, lalu TUHAN udah ngambi. Pujika nama TUHAN!’’\\n22 Dalam semua utai nya, Jop enda bedosa, laban iya enda besalah Allah Taala.\\nSitan Nguji Jop Baru\\n1 Lebuh bala orang serega datai baru ngadap TUHAN, Sitan bisi mega datai enggau sida.\\n2 TUHAN lalu nanya Sitan, “Datai ari ni nuan?’’ Sitan lalu nyaut, “Aku udah bejalai kia-kia, segau-segau nengah dunya.’’\\n3 TUHAN lalu nanya Sitan, “Kati nuan bisi udah berundingka nembiak Aku Jop? Nadai orang dalam dunya tu badas sereta lurus baka iya, ke nangika Allah Taala sereta enggai ngereja penyai. Iya agi majak diau lurus, taja pen nuan udah nyungkak Aku ngelaban iya, lalu ngerusak iya enggau nadai kebuah.’’\\n4 Ku Sitan nyaut TUHAN, “Mensia deka ngelengkaka semua utai, asal nyawa iya idup.\\n5 Tang enti nuan ngemediska iya, lalu negu tulang enggau isi iya, iya tentu deka nyumpah Nuan mua mata!’’\\n6 TUHAN lalu bejaku, “Barang ku jaku, iya ba jari nuan, tang nuan enda tau munuh iya.’’\\n7 Udah nya Sitan lalu ninggalka TUHAN, lalu ngasuh penyakit rumbak nyelamar ba sebelah tubuh Jop.\\n8 Jop mupuk lalu duduk ba endur alai orang ke muai uras, lalu ngambi kerimpak periuk kena iya ngikis tubuh diri.\\n9 Ku bini iya bejaku enggau iya, “Kati nuan agi mengkang tetap ati? Nama kebuah nuan enda nyumpah Allah Taala, lalu mati?’’\\n10 Disaut Jop, “Nuan bejaku munyi indu ke beli! Kati kitai semina nerima utai ti manah ari jari Allah Taala, lalu enggai nerima utai ti jai?’’ Dalam semua utai nya Jop nadai bedosa ngena mulut iya.\\nBala Pangan Jop Datai\\n11 Jop bisi tiga iku pangan. Sida nya Elipas, ari nengeri Teman, Bildat, ari menua Suah, enggau Sopar, ari menua Naamah. Lebuh sida ninga Jop balat merinsa, sida berunding deka nemuai lalu merindang iya.\\n12 Lebuh sida tepedaka Jop ari jauh, sida nyau enda ngelala iya agi. Lebuh sida nyau ngelala iya, sida lalu bekeduie nyabak, nyarikka gari diri, lalu ngerabuka amau ngagai pala sida, laban sida balat tusah ati.\\n13 Udah nya sida lalu duduk enggau iya tujuh hari tujuh malam, nadai bejaku seleka, laban sida meda iya kelalu balat merinsa.\\nJop Mutap Ngelaban Allah Taala\\n1 Nyau kelama udah nya, nya baru Jop bejaku, lalu nyumpah hari iya ada.\\n2-3 O Allah Taala, sumpah meh hari aku ada. Sumpah mega malam aku dikandungka!\\n4 Asuh hari nya nyadi petang, Allah Taala. Anang agi ngingatka hari nya. Anang agi nejuka penampak manchar ngagai iya.\\n5 Asuh hari nya nyadi piam sereta petang enda dipeda achuk mata. Bungkur iya ngena mua hari, lalu lindung iya ari mata hari.\\n6 Buai malam nya ari taun, lalu anang ngitung iya agi.\\n7 Asuh malam nya kusung, nadai pengaga.\\n8 Asuh ti tau tepang nyumpah hari nya, sida ke nemu merintah naga.\\n9 Anang ngasuh bintang bendang-bendang tumbuh pagi hari. Anang ngasuh malam meda penampak dini hari.\\n10 Sumpah meh malam nya, laban iya udah nejuka aku ada, udah ngasuh aku natka pemerinsa enggau penusah.\\n11 Manah agi enti aku mati dalam kandung indai aku tauka mati lebuh aku baru ada.\\n12 Nama kebuah indai aku mangku aku? Nama kebuah iya nusuka aku?\\n13 Enti aku mati lebuh maya nya suba, aku tentu ulih diau jenuh belelak diatu,\\n14 Tinduk baka raja enggau bala pemerintah ke udah nirika baru istana ti lama.\\n15 Nya baru aku ulih tinduk baka anak raja ke ngisi rumah diri enggau perengka emas enggau pirak,\\n16 Tauka tinduk baka anak mit ke mati lulus.\\n17 Dalam kubur, orang ke jai badu agi ngereja pengawa ti jai, lalu orang ke bekereja ulih belelak.\\n18 Indah orang tutup deh nemu gaga ati diau dalam pemaik, nadai agi ninga jaku perak tauka jaku pejal ti kasar.\\n19 Semua orang bisi dia magang, orang ke tebilang nama enggau orang ke enda dikelala orang, lalu ulun dilepaska ari tuan sida.\\n20 Nama kebuah nejuka orang majak idup merinsa? Nama kebuah meri penampak ngagai orang ke tusah ati?\\n21 Sida nganti pemati, tang pemati nadai datai. Sida rindu agi ke kubur ari ti rinduka pengaya.\\n22 Sida lantang ati enti sida mati, lalu dikuburka.\\n23 Allah Taala ngelalaika penunga sida ke jemah ila lalu mempang sida.\\n24 Aku enda makai, tang ngulit, lalu aku enda badu bedemuh.\\n25 Semua utai ti diketakutka aku, nyadi magang ba aku.\\n26 Aku nadai pemaik, nadai ulih belelak, lalu penusah aku enda nemu abis.\\nJaku Randau Ti Keterubah\\n1-2 Jop, aku ngarapka nuan enda ringat ninga aku bejaku. Aku enda ulih natka diri enda bejaku.\\n3 Mayuh orang udah diajar nuan lalu nuan udah ngeringka jari ti lemi.\\n4 Lebuh orang tesangkut, lembut tulang sereta lelak, jaku nuan meransang orang nya bediri.\\n5 Diatu tu meh maya nuan empu deka ditinggang penusah, lalu nuan deka temati-kutu napi penusah nya.\\n6 Nuan udah nyembah Allah Taala, lalu pengidup nuan nadai jalai mantah. Nya alai nuan patut kempang ati sereta andal.\\n7 Uji kingatka utai ti udah, lalu sebut siti pekara alai orang ke lurus udah dituntung penusah.\\n8 Aku bisi udah meda orang ngeradu tanah penyai lalu nanam penyai baka ke nanam leka utai. Diatu sida ngetau penyai enggau penyalah.\\n9 Allah Taala ringat lalu ngerusak sida baka kabut.\\n10 Orang ke jai bejaku munyi singa ti negung, tang Allah Taala ngasuh sida badu agi bemunyi lalu matahka ngeli sida.\\n11 Sida mati baka singa ti nadai utai dipakai, lalu semua anak sida pambar pendiau magang.\\n12 Nyadi sekali siti pesan datai enda inggar, datai ke aku nyau deka enda ulih ninga iya.\\n13 Iya ngachau aku tinduk lalu ngasuh aku ngigau.\\n14 Aku getar-getar sereta digak-digak. Semua tubuh aku getar-getar takut.\\n15 Ribut ti enda deras muput ngagai mua aku, bulu aku lalu nyeregu laban aku takut.\\n16 Aku bisi meda utai bediri dia. Aku bebendar amat merening, tang aku enda ngelala utai nya. Udah nya aku lalu ninga munyi nyawa bejaku ari utai ti sunyi nya:\\n17 “Kati mensia ulih diau lurus di mua Allah Taala tauka diau tuchi di mua Allah Taala ti ngaga iya?\\n18 Allah Taala enda arapka bala nembiak Iya ke di serega. Indah bala melikat Iya deh dikumbai Iya bisi penyalah.\\n19 Kati nuan ngumbai Iya deka arapka utai ti ditempa ari tanah liat, utai ti datai ari amau ti ulih dipichit baka indu buyah?\\n20 Kitai nyangka idup lebuh pagi hari, tang kitai mati enda ditemu orang sebedau lemai hari.\\n21 Semua utai ti dikemisi kitai dirampas magang. Kitai mati, mengkang enda bepenemu-dalam.’’\\n1 Jop, uji nuan ngangau; kati orang bisi nyaut? Kati melikat bisi alai nuan ngadap?\\n2 Munuh diri ngena pengeringat nya utai ti beli, ti nadai reti.\\n3 Aku bisi udah kala meda orang ke beli, ti baka ke likun pendiau, tang tekala nya aku nyumpah rumah ti alai sida diau.\\n4 Bala anak sida nadai agi pengelikun. Nadai orang deka angkat bejaku ngarika sida dalam kot.\\n5 Orang ke lapar deka bepakaika utai ti ditanam orang ke beli nya nyengkaum gandum ti tumbuh ba madang duri lalu orang ke aus deka ngining pengaya orang ke beli nya.\\n6 Penyai ukai tumbuh ba tanah, lalu penusah pen ukai mega pansut ari tanah.\\n7 Ukai! Kitai empu ke ngasuh diri ditinggang penusah, baka murun api ti terebai ke langit.\\n8 Enti aku baka nuan, aku tentu deka nguing ngagai Allah Taala lalu mantaika pekara aku di mua Iya.\\n9 Kitai enda ulih meretika pemesai pengawa Allah Taala, lalu kereja ajih Iya endang enda nemu abis.\\n10 Iya ngasuh hari ujan lalu manjah tanah.\\n11 Sigi amat! Allah Taala ngangkatka orang ke baruh ati lalu ngelantangka ati semua orang ke ngulit.\\n12-13 Iya ngemuntanka pelan orang ke pintar, lalu manjuk orang ke bepenemu-dalam ngena akal sida empu, ngambika pengawa sida puntan.\\n14 Indah lebuh tengah hari deh sida besagam dalam petang.\\n15 Tang Allah Taala ngelepaska orang ke seranta ari kuasa pemati. Iya ngelepaska orang ke seranta ari kena tekan.\\n16 Iya meri pengandal ngagai orang ke seranta lalu ngasuh orang ke jai badu agi bemunyi.\\n17 Beberekat meh orang ke diajar Allah Taala! Anang ngenggai lebuh TUHAN ti Pemadu Bekuasa disiplin nuan.\\n18 Allah Taala ngemakal, lalu Iya mega malut bakal nya. Jari Iya ngemedis, lalu jari Iya mega ngerai.\\n19 Iya deka seruran ngelepaska nuan ari utai ti tau ngemedis.\\n20 Lebuh maya lapar pungkang, Iya deka nebus nuan ari pemati, lalu lebuh maya perang, Iya deka nebus nuan ari kuasa pedang.\\n21 Allah Taala deka ngelepaska nuan ari jaku petenah orang. Iya deka ngidupka nuan lebuh pengerusak nuntung.\\n22 Nuan deka ketawaka pengerusak enggau lapar pungkang lalu enda takutka jelu babas.\\n23 Tanah umai ti dichangkul nuan, enda bebatu. Jelu babas enda nerekam nuan.\\n24 Nuan deka diau likun dalam langkau kain nuan. Lebuh nuan meresa raban bedus nuan, nuan deka nemu sida likun.\\n25 Bala anak nuan deka mayuh baka daun rumput ti ba padang.\\n26 Baka gandum ti mansau nyentuk ngagai maya iya patut diketau, baka nya meh nuan deka gayu-guru gerai nyamai.\\n27 Jop, kami udah nemu utai tu laban kami lama udah belajarka iya. Utai tu amat, nya alai terima iya.\\n1-2 Enti penusah enggau pemerinsa aku ditimbang ngena dachin,\\n3 Sida deka berat agi ari pasir ti di tasik. Nya alai, jaku aku ti kasar enda patut ngasuh ati nuan tekenyit.\\n4 Allah Taala ti Pemadu Bekuasa udah nimbak aku ngena laja lalu ipuh laja nya nyerangkap ba sebelah tubuh aku. Allah Taala udah ngerintaika utai ti balat ngenakut kena Iya ngelaban aku.\\n5 Keledai puas ati lebuh iya ngulam rumput, lalu sapi enda bemunyi lebuh iya ngulam rumput ti rangkai.\\n6 Tang sapa ulih makai pemakai ti nadai asai, ti enda begaram? Baka ni ku asai telu burak?\\n7 Aku enda tetengukka pemakai ti baka nya, lalu semua utai ti diempa aku ngasuh aku mutah.\\n8 Nama kebuah Allah Taala enggai meri utai ti dipinta aku? Nama kebuah Iya enggai nyaut sampi aku?\\n9 Manah agi enti Iya terus munuh aku!\\n10 Enti aku nemu Iya deka munuh aku, aku deka ngingkak gaga ati, enda ngira pemalat pemedis ti ditatka aku. Aku nemu Allah Taala endang kudus. Aku nadai kala ngelaban pesan Iya.\\n11 Nama pengering kena aku idup? Nama guna aku majak idup enti aku nadai pengadang?\\n12 Kati aku digaga ari batu? Kati tubuh aku digaga ari temaga?\\n13 Aku nadai agi pengering kena aku ngidupka diri. Aku nadai nemu orang ke ulih nulung aku.\\n14 Lebuh aku dituntung penusah baka tu, aku begunaka penelap ari pangan, nemuka aku udah ninggalka Allah Taala tauka enda.\\n15 Tang kita ke pangan aku nipu aku baka sungai ti rangkai lebuh hari nadai ujan.\\n16 Sungai nya nyau sebat laban seleju enggau ais,\\n17 Tang lebuh hari nyau angat, sida lesap lalu buntut sungai nya rangkai.\\n18 Jelu unta ti narit kerita tesat begigaka ai. Sida segau-segau ngapa lalu mati di menua puang.\\n19 Jelu unta ti narit kerita ari Sheba enggau Tema datai begigaka ai\\n20 Tang sida asa ngapa ba tebing sungai ti rangkai.\\n21 Ba peda aku, kita tu baka sungai nya. Kita meda penusah aku, lalu kita takut.\\n22 Kati aku bisi udah kala minta pemeri ari kita tauka nyuap orang ngarika aku,\\n23 Tauka minta kita ngelepaska aku ari jari munsuh tauka ari jari raja ti nadai pengasih?\\n24 Barang ku jaku, ajar meh aku. Padahka penyalah aku. Aku enggai bemunyi tang mendingka kita.\\n25 Aku nyangka deka mendingka jaku ti menuku, tang jaku kita mapap.\\n26 Kita ngumbai aku bejaku ngapa. Enti baka nya, nama kebuah kita nimbal jaku serebana aku?\\n27 Kita sedia deka bechabut undi berebutka anak mit ti patu nyadi ulun kita lalu ngulihka pengaya pangan kita!\\n28 Peda kita mua aku. Aku enggai bula.\\n29 Penemu kita udah kelalu lunggar. Anang bingkuk penemu. Anang besalahka aku. Aku enda salah.\\n30 Tang kita ngumbai aku bula. Kita ngumbai aku enda nemu bida entara utai ti ngena enggau utai ti salah.\\n1 Pengidup mensia endang baka pengidup soldadu, baka pengidup orang ke dipejalka ngereja pengawa ti berat,\\n2 Baka ulun ke bisi ati deka belelak ba endur ti lindung, baka orang gaji ke nganti diri terima gaji.\\n3 Tiap bulan aku nadai kebuah idup. Tiap malam aku semina nemu pemerinsa.\\n4 Lebuh aku gali deka tinduk, jam asai ti panjai. Aku gali kasak-kasak semalam-malam nganti hari tawas.\\n5 Tubuh aku penuh laban ulat. Tubuh aku dibalut kerutup. Nanah nyau melilih pansut ari rumbak aku.\\n6 Aku mansang tuai-setuai, nadai pengadang agi, laju agi ari ripang ti dikena orang betenun.\\n7 Ingat, O Allah Taala, pengidup aku semina kesuh seput aja. Pengelantang ati aku nyau udah abis.\\n8 Diatu Nuan meda aku, tang jemah ila Nuan nadai agi meda aku. Enti Nuan ngiga aku, aku nadai agi.\\n9-10 Kami mensia mati, lalu enda pulai agi, baka mua hari ti majak ayas-seayas lalu lesap. Semua orang ke udah bekelala enggau kami, nadai agi ingatka kami.\\n11 Aku enda ulih nagang diri bejaku! Aku ringat sereta pedis ati. Aku enda tau enda bejaku.\\n12 Nama kebuah Nuan ngasuh aku dijaga orang? Kati Nuan ngumbai aku naga tasik?\\n13 Aku gali nguji belelak, ngarapka diri badu agi pedis.\\n14 Tang Nuan ngemba aku ngena mimpi. Nuan ngasuh aku begenera sereta ngigau,\\n15 Datai ke aku nyau minta diri dichekal lalu mati ari ke idup dalam tubuh ti merinsa tu.\\n16 Aku enggai agi idup. Aku nyau lelak idup. Awakka aku diau kediri. Pengidup aku nadai reti agi.\\n17 Nama kebuah mensia beguna ba Nuan? Nama kebuah Nuan ibuhka utai ti dikereja sida?\\n18 Nuan meresa sida tiap pagi lalu nguji sida tiap minit.\\n19 Kati Nuan enggai malik kebukai enda lama, chukup peluang alai aku nelan liur?\\n20 Kati dosa aku bisi ngemediska Nuan ke ngejil aku? Nama kebuah Nuan belatih nimbakka laja ngagai aku? Kati aku kelalu ngenusahka Nuan?\\n21 Kati Nuan enda ulih ngampun dosa aku? Kati Nuan enda ulih ngampun penyalah aku? Enda lama da agi aku deka diau dalam kubur lalu lebuh Nuan ngiga aku, Nuan enda tetemuka aku.\\n1-2 Kati nuan udah tembu bejaku?\\n3 Allah Taala enda kala meri atur ti enda lurus. Iya nadai kala enda ulih ngereja utai ti ngena.\\n4 Bala anak nuan tentu udah bedosa ngelaban Allah Taala. Nya alai Iya ngukum sida enggau pematut.\\n5 Tang diatu nuan enda tau enda ngadap ngagai Allah Taala ti Pemadu Bekuasa, lalu minta Iya kasihka nuan.\\n6 Enti nuan amat tau dikarapka sereta tuchi, nya baru Allah Taala deka datai nulung nuan lalu ngaduka ruang bilik nuan pulai baka selama, nyadika upah nuan.\\n7 Semua pengaya nuan ti udah lenyau, sigi nadai reti enti dibandingka enggau utai ti deka diberi Allah Taala ngagai nuan ila.\\n8 Uji peratika enda lama penemu-dalam ti disebut orang ke dulu kelia. Uji peratika utai ti bendar ti udah dipelajarka aki ini kitai kelia.\\n9 Kitai enda gayu lalu kitai nadai nemu utai. Kitai tu baka ayuk ti ngelansa meraka dunya.\\n10 Tang awakka orang ke bepenemu-dalam ke dulu kelia, ngajar nuan. Pendingka utai ti disebut sida:\\n11 “Temesing enda ulih tumbuh ba endur ti nadai ai. Sida nadai kala ditemu ba endur ti ukai paya.\\n12 Enti ai nyau nadai agi, buluh nya dulu agi layu ari babas bukai, lebuh sida agi kelalu mit dipantap lalu apin tau dikena.\\n13 Orang kapir sebaka enggau buluh nya. Pengadang sida lenyau lebuh sida enda agi ingatka Allah Taala.\\n14 Sida andal ati ke ubung, iya nya pukat empelawa.\\n15 Enti sida nyandih ba pukat empelawa, pukat empelawa nya enda tan alai sida nyandih. Enti sida nyapai ubung, ubung nya enda ulih dikena sida ngangkatka diri bediri.’’\\n16 Orang ke jai matuk baka rumput ti dipanchar mata hari, baka rumput ti nyerangkap ba sebelah kebun.\\n17 Urat sida malut batu lalu empakap ba genap igi batu.\\n18 Tang enti sida dichabut, nadai orang nemu sida udah bisi dia.\\n19 Semina nya aja meh pengaga orang ke jai. Diatu orang bukai nyau datai lalu nganti endur sida.\\n20 Tang Allah Taala enda sekali-kali ninggalka orang ke tetap ati ngagai Iya, tauka meri tulung ngagai orang ke jai.\\n21 Iya deka ngasuh nuan ketawa sereta manjung baru,\\n22 Tang Iya deka mechat orang ke begedika nuan, lalu rumah orang ke jai nya deka lesap.\\n1-2 Sigi amat. Aku bisi udah ninga semua utai nya suba. Tang baka ni ku mensia tau menang bechara ngelaban Allah Taala?\\n3 Kati mensia ulih bekelikuh enggau Iya? Iya tau nanyaka seribu macham tanya ti enda ulih disaut.\\n4 Allah Taala endang bepenemu-dalam sereta besai kuasa. Nadai orang tan ngelaban Iya.\\n5 Iya enda madahka Diri lebuh Iya nginsitka bukit lalu ngeruntuhka sida lebuh Iya ringat.\\n6 Allah Taala ngasuh tanah berenyang, lalu ngasuh tanah belinggang. Iya nguyat tiang ti nungkat dunya.\\n7 Iya ulih nagang mata hari tumbuh, ulih nagang bintang manchar lebuh malam hari.\\n8 Nadai orang nulung Allah Taala mintarka langit tauka ngelunjak belakang naga tasik.\\n9 Allah Taala ngantung Bintang Tiga di langit, Bintang Banyak, Bintang Tujuh, enggau Bintang Selatan.\\n10 Kitai enda meretika utai ti dikereja Iya, lalu kereja ajih Iya endang enda nemu abis.\\n11 Allah Taala mansa, tang aku enda ulih meda Iya.\\n12 Iya ngambi utai ti dikedekaka Iya, lalu nadai orang ulih nagang Iya. Nadai orang berani nanya Iya, “Nama utai ti dikereja Nuan?’’\\n13 Pengeringat Allah Taala endang enda berubah. Iya ngalahka bala munsuh ke udah nulung Rahap, iya nya naga tasik ti ngelaban Iya.\\n14 Nya alai, nama leka jaku kena aku nyaut Allah Taala?\\n15 Taja pen aku nadai penyalah, aku semina ulih minta kasih ari Allah Taala ti Hakim aku.\\n16 Tang taja pia, enti sema Iya ngasuh aku bejaku, enda meh aku arapka Iya deka mendingka aku.\\n17 Iya ngasuh kabut mangka lalu ngerajaika tubuh aku enggau nadai kebuah.\\n18 Iya nadai meri awak alai aku nyintak seput. Iya udah ngasuh aku balat pedis ati.\\n19 Enti utai tu pasal belaban ngena pengering, Iya endang kering. Enti utai tu pasal atur ti lurus, sapa ulih ngasuh Iya mansang ngagai kot?\\n20 Taja pen aku nadai penyalah sereta tetap ati, tang jaku aku munyi ti madahka aku bisi penyalah, lalu semua utai ti disebut aku, besalah aku magang.\\n21-22 Aku endang nadai penyalah, tang aku enggai ibuhka nya agi. Aku nyau leju idup. Semua utai nyau nadai guna agi. Nemuka kitai bepenyalah, tauka nadai penyalah, Allah Taala sigi deka ngerusak kitai.\\n23 Lebuh orang ke nadai penyalah mati ngenyit, Allah Taala ketawa.\\n24 Allah Taala nyerahka dunya tu ngagai orang ke jai. Iya ngasuh semua hakim buta lalu enti Allah Taala nadai udah ngereja nya, sapa deh?\\n25 Aku jampat belinsur tuai, tang sehari pen nadai ga aku kala lantang.\\n26 Penyampat aku belinsur tuai, baka perau ti pemadu laju, ngelaju menaul ti nyambarka tikus.\\n27-28 Enti aku tuchum lalu nguji ngelimpangka diri ari pemedis aku, semua pemerinsa aku datai baru lalu ngachau aku. Aku nemu Allah Taala endang ngumbai aku udah ngereja penyalah.\\n29 Laban aku dikumbai udah ngereja penyalah, kapa aku deka ibuhka nya?\\n30 Nadai sabun ulih muai dosa aku.\\n31 Allah Taala muai aku ngagai lubang ti penuh laban utai ti kamah, datai ke gari aku nyau malu ke aku.\\n32 Enti sema Allah Taala nya mensia, aku ulih nyaut Iya. Kami duai tau mutuska laya dalam kot.\\n33 Tang nadai orang ulih ngatur kami duai, nadai orang ulih ngakim Allah Taala enggau aku.\\n34 Badu agi ngukum aku, O Allah Taala! Anang agi ngemba aku!\\n35 Aku enda takut. Aku endang deka bejaku laban aku nemu runding ati diri.\\n1 Aku nyau leju idup. Pendingka pemalat putap aku.\\n2 Anang ngukum aku, O Allah Taala. Padahka penyalah aku ti dikena Nuan bedawaka aku?\\n3 Kati Nuan patut ngemalat nya merinsaka aku? Lalu mechat utai ti udah digaga Nuan Empu? Lalu udah nya tuchum meda pelan orang ke jai?\\n4 Kati Nuan meda utai baka chara kami?\\n5 Kati umur Nuan pandak baka umur kami?\\n6 Nama kebuah Nuan mansik dosa aku lalu begigaka semua penyalah aku?\\n7 Nuan nemu aku endang nadai penyalah. Nuan nemu orang sigi nadai ulih ngelepaska aku ari jari Nuan.\\n8 Jari Nuan Empu ti ngaga nempa aku, lalu diatu jari nya mega ngerusak aku.\\n9 Kingatka Diri ti udah ngaga aku ari tanah liat. Kati Nuan deka nginsarka aku nyadi amau baru?\\n10 Nuan udah meri pengering ngagai apai aku, ngambika aku dikandungka. Nuan udah ngasuh aku mansang besai dalam kandung indai aku.\\n11 Nuan udah ngaga tubuh aku ngena tulang enggau rakat lalu malut tulang nya ngena gumpal isi enggau kulit.\\n12 Nuan udah meri aku pengidup enggau pengerindu ti enda berubah lalu aku idup laban Nuan ngibun aku.\\n13 Tang diatu aku nyau nemu, nuan endang lama udah berunding deka ngemediska aku.\\n14 Nuan nengkilaka meda enti aku deka bedosa, ngambika Nuan enggai ngampun aku.\\n15 Lebuh aku bedosa, aku lalu kena laban penusah ketegal Nuan, tang lebuh aku ngereja utai ti ngena, aku enda ulih ngangkatka pala diri laban aku malu, sereta balat merinsa.\\n16 Lalu enti aku ulih ngangkatka pala diri nuan lalu baka singa, ngasu aku. Indah kereja ajih deh dikena nuan ngelaban aku.\\n17 Nuan endang seruran bisi saksi ngelaban aku. Pengeringat Nuan ngagai aku mansang balat-sebalat. Nuan endang seruran bekiraka chara kena Nuan nyerang aku.\\n18 O Allah Taala, nama kebuah Nuan ngelakka aku ada? Aku patut udah mati sebedau orang meda aku,\\n19 Lalu pansut ari kandung terus ngagai pendam baka ti nadai kala idup.\\n20 Umur aku nyau deka abis. Anang ngachau aku! Awakka aku ngelantangka diri kala lebuh aku agi idup.\\n21 Aku deka mupuk enda lama da agi, lalu enda pulai agi, mansang ngagai menua ti piam sereta petang,\\n22 Menua pemetang, alai ayuk enggau penyarut nyadi alai penampak empu nyadi pemetang.\\n1-2 Kati nadai orang deka nyaut semua jaku mapap tu? Kati jaku nuan ti enda nemu putus baka nya tau ngasuh nuan nyadi ngena?\\n3 Jop, kati nuan ngumbai kami enda ulih nyaut nuan? Lalu ngumbai jaku kelese nuan deka ngasuh kami enda tepansutka jaku?\\n4 Nuan ngumbai diri nyebut utai ti amat. Nuan ngumbai diri tuchi di mua Allah Taala.\\n5 Manah amat enti Allah Taala nyaut nuan!\\n6 Iya tetap deka madahka ngagai nuan mayuh macham penemu-dalam. Pekara ti kelalu dalam lalu enda ulih disagam mensia pen bisi. Ukum ti dikena Allah Taala ngukum nuan lempung agi ari ti patut.\\n7 Kati nuan nemu sekat pemesai enggau kuasa Allah Taala?\\n8 Allah Taala tinggi agi ari langit, tang nuan enda ulih nyengkau langit. Allah Taala nemu dunya pemati, tang nuan enda nemu dunya nya.\\n9 Pemesai Allah Taala lebih agi ari pemesai dunya, besai agi ari tasik.\\n10 Enti Allah Taala nangkap nuan, lalu mai nuan ngagai kot, sapa ulih nagang Iya?\\n11 Allah Taala nemu sapa orang ke nadai guna. Iya meda semua penyai ti dikereja sida.\\n12 Orang ke beli belabuh nyadi orang ke bepenemu-dalam lebuh keledai ti siga ada jinak.\\n13 Gaga betul ke ati nuan, Jop. Besampi ngagai Allah Taala.\\n14 Buai penyai enggau penyalah ari rumah nuan.\\n15 Udah nya baru nuan ulih ngeringka diri baru, tegap sereta berani.\\n16 Nya baru nuan enda agi ingatka semua penusah nuan, baka ai ti udah bah, lalu nadai dikingatka agi.\\n17 Pengidup nuan deka nyadi terang agi ari panchar mata hari lebuh tengah hari, lalu pemetang ti enda dipeda achuk mata ba pengidup nuan deka manchar baka rerak tawas.\\n18 Nuan deka diau likun sereta penuh enggau pengadang. Allah Taala deka nyaga nuan, lalu ngasuh nuan belelak.\\n19 Nuan enda takutka bala munsuh nuan. Mayuh orang deka minta nuan nulung sida.\\n20 Tang orang ke jai deka malik kia-kia tusah ati lalu nadai nemu jalai rari. Sida semina ngarapka diri deka mati.\\n1-2 Sigi amat. Nuan bejaku ngarika orang mayuh. Lebuh nuan mati, penemu-dalam ti dikembuan nuan deka ditabanka nuan mati.\\n3 Tang aku nemu berunding baka nuan. Aku enda kurang agi ari nuan. Semua utai ti disebut nuan endang udah ditemu semua orang.\\n4 Indah bala pangan aku deh ketawaka aku diatu. Sida ketawa taja pen aku lurus sereta nadai penyalah. Tang suba Allah Taala nyaut sampi aku.\\n5 Nuan nadai penusah, tang taja pia nuan beduan aku. Nuan mukut orang ke baru deka rebah.\\n6 Tang bala perumpak enggau orang ke enda nangika Allah Taala diau nadai utai ngachau, taja pen sida manggaika diri ba pengering sida empu.\\n7 Indah burung enggau jelu deh ulih ngajar nuan mayuh macham utai.\\n8 Uji tanyaka penemu-dalam ari utai ti idup di darat, enggau di tasik.\\n9 Semua sida nemu diri udah digaga TUHAN.\\n10 Allah Taala Empu ke ngatur pengidup utai ti digaga Iya. Allah Taala endang bekuasa atas seput semua mensia.\\n11 Tang baka dilah nuan ti ngasaika penyamai utai ti diempa, baka nya meh pending nuan deka lantang ninga leka jaku.\\n12-13 Orang ke tuai bisi penemu-dalam, tang Allah Taala bisi penemu-dalam enggau kuasa. Orang ke tuai bisi runding ti dalam, tang Allah Taala bisi runding ti dalam sereta bisi kuasa ngereja utai.\\n14 Lebuh Allah Taala ngeruntuh, sapa ulih nirika utai nya baru, lalu sapa ulih ngelepaska orang ke ditutup Allah Taala dalam rumah jil?\\n15 Kemarau nyadi lebuh Allah Taala nagang hari ujan. Bah nyadi lebuh Allah Taala ngasuh hari ujan.\\n16 Allah Taala endang kering sereta seruran menang. Orang ke ditipu enggau orang ke nipu endang di baruh kuasa Iya.\\n17 Iya muai penemu-dalam ari bala pemerintah lalu ngasuh bala tuai nyadi baka orang ke beli.\\n18 Iya muai raja ari kerusi diraja sida, lalu ngejil sida.\\n19 Iya ngemaruhka bala imam enggau orang ke bekuasa.\\n20 Iya ngasuh orang ke tau dikarapka, badu agi bejaku, lalu muai penemu-dalam ari orang ke tuai.\\n21 Iya mechat orang ke megai kuasa lalu muai pengering bala pemerintah.\\n22 Iya ngasuh penampak manchar ba endur ti pemadu petang.\\n23 Iya ngasuh mayuh bengkah bansa kering sereta bekuasa, tang udah nya Iya ngalahka sida lalu ngerusak sida.\\n24 Iya ngasuh bala tuai sida beli lalu nejuka sida segau-segau, charut runding sereta tesat.\\n25 Sida bejalai gama-gama dalam petang, guir-guir baka orang ke mabuk.\\n1 Mata aku udah meda semua utai tu. Pending aku udah ninga lalu meretika utai nya.\\n2 Utai ti ditemu nuan mega ditemu aku. Aku enda kurang ari nuan.\\n3 Tang aku deka bejaku enggau Allah Taala, ukai enggau nuan. Aku deka bejaku enggau Iya pasal pekara aku.\\n4 Nuan ngena pemula ngelalaika diri enda nemu utai. Nuan tu baka lutur ti enda nemu ngeraika orang.\\n5 Anang bejaku, nya baru orang ngumbai nuan bepenemu-dalam!\\n6 Pendingka aku lebuh aku madahka pekara aku.\\n7 Nama kebuah nuan bula? Kati nuan ngumbai pemula nuan ulih mai penguntung ngagai Allah Taala?\\n8 Kati nuan nguji bejaku ngarika Allah Taala? Kati nuan deka bejaku ngarika Iya dalam kot?\\n9 Enti Allah Taala meresa nuan, bisi enda ke Iya tetemuka utai ti manah ba nuan? Kati nuan ngumbai diri ulih ngemelika Allah Taala, baka nuan ke ngemelika mensia?\\n10 Taja pen nuan belalai bepilih mata, Iya deka nganu nuan,\\n11 lalu kuasa Iya deka ngenakutka nuan.\\n12 Jaku-dalam ti disebut nuan nadai guna baka amau. Jaku kelakar nuan lemi baka tanah liat.\\n13 Anang bemunyi, lalu beri aku peluang bejaku. Awakka utai nyadi ari jaku nya.\\n14 Aku sedia deka berambunka nyawa aku.\\n15 Aku nadai utai diadang agi, nya alai enda ngawa enti Allah Taala munuh aku. Aku deka bejaku ngarika diri empu di mua Iya.\\n16 Kada enda pemerani aku ulih ngelepaska aku, laban nadai orang ke jai berani bediri di mua Allah Taala.\\n17 Diatu pendingka jaku penerang ari aku.\\n18 Aku sedia deka mantaika pekara aku, laban aku nemu diri endang ngena.\\n19 Allah Taala, kati Nuan datai deka nyalah aku? Enti pia, aku sedia enggai bejaku lalu mati.\\n20 Awakka aku minta dua bengkah utai. Enti Nuan besetujuka utai nya, nya baru aku enda belalai ari Nuan.\\n21 Badu agi ngukum aku, lalu badu agi ngemba aku.\\n22 Bejaku dulu, O Allah Taala, ngambika aku nyaut. Tauka, awakka aku bejaku, lalu Nuan nyaut.\\n23 Nama dosa aku? Nama penyalah aku? Nama penyalah aku ti dikena Nuan bedawaka aku?\\n24 Nama kebuah Nuan ngelalaika mua Nuan ari aku? Nama kebuah Nuan ngaga aku baka munsuh?\\n25 Kati Nuan nguji ngemba aku? Aku tu orang ke nadai guna, semina daun ti dikebuka ribut. Nuan nyerang sebatang rumput ti rangkai.\\n26 Nuan balat amat nyalah aku. Indah penyalah ti dikereja aku lebuh aku agi biak, deh dikingatka Nuan semua.\\n27 Nuan nanchang kaki aku ngena rantai. Nuan nengkilaka genap singkang aku. Indah bekau kaki aku deh abis diperesa Nuan.\\n28 Ketegal nya, aku nyau repuk baka kayu ti buruk, baka baju ti abis diempa gegat.\\n1 Semua kitai tu endang ada lemi sereta nadai daya magang. Semua kitai endang enda panjai umur sereta ditinggang penusah seumur idup.\\n2 Kitai mansang besai tuai lalu jampat layu baka bungai. Kitai lesap baka ayuk.\\n3 Kati Nuan deka malik ngagai aku, Allah Taala? Tauka, nyara lalu ngakim aku?\\n4 Nadai utai ti tuchi ulih pansut ari utai ti enda tuchi baka mensia.\\n5 Umur mensia endang udah diletak Nuan. Penyampau bulan alai mensia idup endang udah ditetapka Nuan. Nuan endang udah ngeletak utai nya, lalu utai nya enda ulih diubah.\\n6 Anang malik ngagai kami, lalu anang ngachau kami. Awakka kami ngelantangka diri idup merinsa, enti kami ulih.\\n7 Kayu ti udah ditebang, agi bisi pengadang. Iya tau nelesak lalu tumbuh baru.\\n8 Taja pen urat iya nyau tuai, lalu pugu iya mati,\\n9 tang enti iya dipanjah, iya deka nelesak baru baka kayu ti muda.\\n10 Tang kami mati, lalu nya meh pengujung kami. Lebuh kami mati, dini alai kami?\\n11 Baka sungai ti badu agi rarat, enggau danau ti rangkai,\\n12 baka nya meh mensia mati, lalu enda angkat agi. Sida enda dani, seagi-agi langit meruan bisi. Sida enda ulih dani.\\n13 Naka meh pemanah enti Nuan ngelalaika aku di dunya pemati. Awakka aku dilalaika nyentuk ngagai maya Nuan badu agi ringat. Udah nya, letak meh maya alai Nuan ngingatka aku.\\n14 Enti orang mati, kati iya ulih angkat idup baru? Tang aku deka nganti maya ti manah agi, nganti maya penusah tu abis.\\n15 Nya baru Nuan deka ngangau, lalu aku deka nyaut, lalu Nuan deka gaga ati ke aku, ti udah digaga Nuan.\\n16 Udah nya baru Nuan deka nengkilaka genap singkang aku, tang enda nyidi dosa aku.\\n17 Nuan deka ngampun lalu muai dosa aku. Nuan deka muai semua penyalah aku.\\n18 Maya deka datai alai bukit deka runtuh lalu tingkah deka dibuai.\\n19 Ai deka numpurka batu, lalu ujan ti bangat deka nusurka tanah. Nya meh jalai Nuan ngerusak pengadang dalam pengidup kami.\\n20 Nuan ngalahka kami, lalu muai kami belama iya. Mua kami ngerecham lebuh kami mati.\\n21 Bala anak kami bulih basa, tang kami enda nemu nya, lalu orang pen nadai mega madahka ngagai kami, lebuh sida kena pechat.\\n22 Kami semina natka tubuh diri ti pedis enggau ati ti tusah.\\nJaku Randau Ti Kedua\\n1-2 Jaku nya nadai reti, Jop! Nadai reti!\\n3 Nadai orang ke bepenemu-dalam deka bejaku munyi nuan tauka bejaku ngarika diri empu ngena leka jaku ti nadai reti.\\n4 Enti nitihka peneka ati nuan, nadai orang deka nangika Allah Taala, lalu nadai mega orang deka besampi ngagai Iya.\\n5 Penyai nuan nyata ari utai ti disebut nuan. Nuan nguji ngelalaika penyai diri ngena pemintar nuan bejaku.\\n6 Aku enda ibuh ngukum nuan. Nuan diukum genap leka jaku ti disebut nuan empu.\\n7 Kati nuan ngumbai diri orang ke terubah ada? Kati nuan bisi dia lebuh Allah Taala ngaga bukit?\\n8 Kati nuan bisi ninga pelan ti digaga Allah Taala? Kati penemu-dalam semina bisi ba nuan siku aja?\\n9 Nadai utai ti ditemu nuan, ti enda ditemu kami.\\n10 Kami belajarka penemu-dalam ari orang ke buban bulu pala, orang ke dulu agi ada ari apai nuan.\\n11 Allah Taala deka ngelantangka ati nuan. Nama kebuah nuan agi nulak nya? Kami udah bejaku ngarika Iya ngena jaku ti alus.\\n12 Tang nuan isin, lalu melutka mata merening ngagai kami.\\n13 Nuan ringat ngagai Allah Taala, lalu ngelaban Iya.\\n14 Kati mensia ulih nyadi chukup tuchi? Kati orang ulih nyadi lurus di mua Allah Taala?\\n15 Indah bala melikat Iya deh enda dipechayaka Iya. Indah sida nya deh enda tuchi ba mata Iya.\\n16 Kitai ngirup penyai baka ke ngirup ai. Sigi amat. Kitai tu jai. Kitai tu nadai guna.\\n17 Jop, diatu pendingka utai ti ditemu aku.\\n18 Orang ke bepenemu-dalam udah ngajar utai ti bendar ngagai aku utai ti udah dipelajarka sida ari aki ini sida, lalu sida enda ngelalaika utai ti resia.\\n19 Menua sida nadai orang kampar. Orang nadai mai sida ninggalka Allah Taala.\\n20 Orang ke jai, ke nekanka pengidup orang bukai deka natka pemerinsa seumur idup.\\n21 Nyawa ti ngemba deka merak ba pending sida, lalu bala penyamun deka nyerang sida lebuh sida ngumbai diri likun.\\n22 Sida nadai jalai ngarapka diri ulih rari ari pemetang, laban siti pedang benung nganti, deka munuh sida,\\n23 lalu bala burung benung nganti, deka makai bangkai sida. Sida endang nemu diri deka merinsa.\\n24 Penusah ti besai, baka raja ti bekuasa, benung nganti deka nyerang sida.\\n25 Nya meh pengujung orang ke ngenggam lalu ngedarka jari ngelaban Allah Taala lalu nyakap Iya ti Pemadu Bekuasa.\\n26-27 Sida tu sumbung sereta seruran angkat ngelaban. Sida kieh lalu ngedarka terabai sida lalu belanda mansang ngelaban Allah Taala.\\n28 Sida nya meh orang ke ngalahka nengeri ti besai lalu ngerampas rumah ti udah ditinggalka orang rari. Tang semua nengeri enggau rumah nya deka dirusak lebuh maya perang.\\n29 Sida enda ulih lama kaya. Nadai utai ti dikembuan sida ulih tan lama. Indah ayuk sida deh deka lesap,\\n30 lalu sida enda ulih ngerarika diri ari pemetang. Sida deka nyadi baka dan kayu ti ditunu api, enggau bunga iti dikebuka ribut.\\n31 Enti sida chukup beli lalu arapka penyai, penyai meh deka nyadika upah sida.\\n32 Sebedau sida mati, sida deka layu, layu baka dan, lalu enda ulih idup baru.\\n33 Sida deka nyadi baka batang anggur ti gugur buah puda, baka kayu kana ti gugur bungai.\\n34 Orang ke enda arapka Allah Taala, nadai peturun, lalu api deka ngerusak rumah ti digaga ngena chara makai suap.\\n35 Sida bekira deka ngaga pengachau, enggau ngereja penyai. Ati sida seruran deka nipu.\\n1-2 Aku bisi udah ninga jaku ti munyi nya suba. Jaku ti dikena kita merindang aku semina ngasuh ati aku merinsa ngapa.\\n3 Kati kita enda nemu ngetu bejaku? Kati kita enda tau enda nyadi orang ke pengabis dudi badu bejaku?\\n4 Enti sema kita baka aku, lalu aku baka kita, aku pen ulih meh mansutka jaku munyi kita, nemu ngilikka pala baka orang ke bepenemu-dalam lalu ngujan kita ngena leka jaku.\\n5 Aku ulih ngeringka kita ngena jaku ajar lalu enda ngetu bejaku merindang kita.\\n6 Tang utai ti disebut aku nadai ulih nyaup aku, lalu enti aku enda engkeretik, nadai ga nya ulih ngasuh aku badu agi pedis.\\n7 Allah Taala, diatu Nuan udah ngasuh aku lelak. Nuan udah nejuka kami sebilik dibunuh.\\n8 Nuan udah nangkap aku. Nuan tu munsuh aku. Aku tu semina tinggal kulit enggau tulang aja, lalu orang ngumbai nya nunjukka penyalah aku.\\n9 Allah Taala ringat, lalu nyarikka tubuh aku. Iya begedika aku lalu melutka mata merening ngagai aku.\\n10 Orang enchebirka mulut ngeleseka aku. Sida besedul bekelingika aku, lalu nampar mua aku.\\n11 Allah Taala udah nyerahka aku ngagai jari orang ke jai.\\n12 Sebedau nya, aku udah diau nadai utai ngachau, tang Allah Taala nyekal rekung aku, mangkaka aku, lalu ngeredakka aku. Allah Taala ngaga aku nyadika alai Iya belajar nimbakka laja,\\n13 lalu Iya nimbakka laja ngagai aku ari semua endur, laja ti ngebuska isi lalu ngemakalka aku, tang taja pia Iya mengkang enda sinu ati ke aku.\\n14 Iya enda ngetu-ngetu ngemakalka aku. Iya nyerang aku baka soldadu ti gila laban pemenchi.\\n15 Aku ngulit lalu begari ngena kain guni, lalu duduk ditu malai amau laban aku alah.\\n16 Aku nyabak datai ke mua aku nyau mirah, lalu mata aku nyau bangkung,\\n17 tang aku nadai ngaga ulah ti kasar lalu sampi aku ngagai Allah Taala endang amat.\\n18 O dunya! Anang ngelalaika utai ti salah ti udah dikereja orang ngagai aku! Anang mampul kangau aku ke minta atur ti lurus!\\n19 Di serega bisi siku orang ti deka bejaku ngarika aku, lalu setanah enggau aku.\\n20 Bala pangan aku ngelanyaika aku. Aku nyabak minta tulung Allah Taala.\\n21 Aku begunaka orang bejaku ngarika aku ngagai Allah Taala, baka ke bejaku ngarika pangan.\\n22 Umur aku nyau deka abis, lalu aku enda pulai agi.\\n1 Aku nyau deka mati. Aku enda tentu ulih enseput agi. Aku nadai utai dianti agi, semina nganti kubur aja.\\n2 Aku meda pemalat orang ngelanyaika aku.\\n3 Aku endang betul ati, Allah Taala. Terima meh leka jaku aku. Nadai orang bukai deka nyukung utai ti disebut aku.\\n4 Nuan udah nutup ati sida ngambika sida enda mereti. Anang nejuka sida ngalahka aku diatu.\\n5 Jaku-dalam ti dulu kelia madahka siku orang nyual pangan iya kena ngulihka duit, lalu bala anak iya merinsa ketegal nya.\\n6 Diatu orang ngena jaku-dalam tu ngelaban aku. Sida datai lalu ngeludah mua aku.\\n7 Ati aku balat tusah datai ke mata aku nyau rapa. Semua tubuh aku balat amat kurus.\\n8 Orang ke ngumbai diri nadai penyalah tekenyit ati, lalu semua sida nuduhka aku enda arapka Allah Taala.\\n9 Orang ke ngumbai diri lurus majak ngumbai diri ngena.\\n10 Tang enti sema semua sida datai magang lalu bediri di mua aku, aku tetap nadai tetemuka sida nya bisi penemu-dalam.\\n11 Umur aku nyau deka abis. Perambu aku udah puntan magang. Aku nadai pengadang agi.\\n12 Tang bala pangan aku ngumbai malam siang hari. Sida ngumbai penampak nyau semak, tang aku nemu diri agi mengkang dalam pemetang.\\n13 Semina dunya pemati aja ti diadang aku, alai aku deka gali lalu tinduk dalam pemetang.\\n14 Aku deka ngumbai kubur nyadika apai aku, lalu ulat ti makai aku deka dikumbai aku indai enggau menyadi indu aku.\\n15 Nya alai dini alai pengadang aku? Sapa bisi meda pengadang aku?\\n16 Pengadang enda mupuk enggau aku lebuh aku nurun ngagai dunya pemati.\\n1-2 Jop, kati nuan enda nemu ngetu bejaku? Enti nuan ngetu bejaku lalu mending, nya baru kami ulih bejaku enggau nuan.\\n3 Nama kebuah nuan ngumbai kami tu beli baka sapi?\\n4 Nuan semina ngemediska diri empu aja ringat baka nya. Kati dunya tu deka nadai orang nguan laban nuan ringat? Kati Allah Taala deka nginsitka bukit kena ngemuaska ati nuan?\\n5 Penampak orang ke jai ulih dipadamka. Api iya enda ulih menyadi agi.\\n6 Lampu ti dalam langkau kain sida deka piam.\\n7 Sida amat kering bejalai, tang diatu sida tesangkut. Sida rebah, dipanjuk jaku lalau sida empu.\\n8 Sida bejalai nempuh jarin, lalu kaki sida kena sintak.\\n9 Panjuk nyintak tumbit sida, lalu nanchang sida.\\n10 Amba dilalaika ba tanah. Panjuk udah ditan ba jalai ti ditengah sida.\\n11 Sida dikelingi utai ti balat ngenakut. Utai nya betitihka sida genap kali sida nyingkang.\\n12 Dulu menya sida udah kaya, tang diatu sida lapar. Penusah ti besai bediri, lalu nganti ngimbai sida.\\n13 Penyakit ti tau munuh nyelamar ba sebelah tubuh sida lalu ngasuh jari enggau kaki sida buruk.\\n14 Sida ditarit ari langkau kain ti alai sida diau likun, lalu sida diirit ngagai Raja Pemati.\\n15 Diatu langkau kain sida nadai utai agi, merirang lalu ditaburka dalam langkau kain sida.\\n16 Urat enggau dan sida layu lalu rangkai.\\n17 Sida nadai agi didinga rita di menua tu enggau di menua bukai. Orang nadai agi ingatka sida.\\n18 Sida deka diburu ari menua orang ke idup, diburu ari penampak ngagai pemetang.\\n19 Sida nadai peturun, nadai telesak.\\n20 Ari timur nyentuk ke barat, semua orang ninga penusah sida lalu getar-getar takut.\\n21 Nya meh pengujung orang ke jai, pengujung orang ke enda nangika Allah Taala.\\n1-2 Nama kebuah nuan enda ngetu-ngetu merinsaka aku ngena jaku?\\n3 Nuan seruran mechat aku, lalu enda nemu malu ke jalai nuan ngayahka aku.\\n4 Enti sema aku bisi udah ngereja penyalah baka ni ku nya tau ngawa nuan?\\n5 Nuan ngumbai diri manah agi ari aku, lalu ngumbai penusah aku tu nunjukka aku udah ngereja penyalah.\\n6 Kati nuan enda nemu, semua utai tu udah dikereja Allah Taala? Iya udah nan panjuk kena Iya nyintak aku.\\n7 Aku nyakal ulah Iya ti kasar, tang nadai orang mendingka aku. Nadai orang ninga aku minta atur ti lurus.\\n8 Allah Taala udah mempang jalai aku, lalu aku enda ulih nengah jalai nya. Iya udah ngelalaika jalai aku dalam pemetang.\\n9 Iya udah ngambi semua pengaya aku lalu ngerusak pemanah nama aku.\\n10 Iya malu aku ba sebelah tubuh. Iya nyabut pengadang aku baka ke nyabut kayu lalu ninggalka aku layu lalu mati.\\n11 Allah Taala ringat lalu ngeransi ngelaban aku. Iya ngaga aku baka munsuh ti pemadu jai.\\n12 Iya ngasuh bala soldadu Iya nyerang aku. Sida ngaga parit ngelulung langkau kain aku.\\n13 Allah Taala udah nyungkak bala kami sebilik ninggalka aku. Aku nyau nyadi orang kampar ba orang ke ngelala aku.\\n14 Kaban belayan enggau bala pangan aku nyau nadai agi.\\n15 Orang ke nyadi temuai dalam rumah aku nyau nadai agi ingatka aku. Bala orang gaji aku ti indu ngaga aku baka orang kampar enggau baka orang bansa bukai.\\n16 Lebuh aku ngangauka orang gaji aku, iya enda nyaut taja pen aku minta iya nulung aku.\\n17 Bini aku enda tan nyium bau kesuh seput aku, lalu sida menyadi lelaki aku enggai datai semak ngagai aku.\\n18 Bala anak mit enda bebasaka aku, lalu ketawa lebuh sida meda aku.\\n19 Pangan rapat aku kejika aku. Orang ke pemadu dikerinduka aku, udah nguing ngelaban aku.\\n20 Aku tu semina tinggal kulit enggau tulang aja. Aku nyau deka enda ulih ngidupka nyawa diri.\\n21 Kita tu pangan aku! Kasihka aku! Jari Allah Taala udah nyamah aku.\\n22 Nama kebuah kita merinsaka aku baka chara Allah Taala? Kati kita enda udah chukup merinsaka aku?\\n23 Naka meh pemanah enti orang bisi ngingatka jaku aku lalu nuliska jaku nya dalam bup!\\n24 Tauka nebukka leka jaku nya ba batu ngena pat ngambika tan belama iya.\\n25 Laban aku nemu, aku bisi siku pengari ti idup ti deka bejaku ngarika aku ba pengujung dunya ila.\\n26 Lalu lebuh kulit aku udah abis diempa penyakit, ngena tubuh tu aku deka meda Allah Taala\\n27 ngimbai aku, lalu mata aku empu deka meda Iya ukai meda orang kampar. Ati enda sabar nganti!\\n28 Enti kita nyebut, “Baka ni ku jalai kitai deka merinsaka iya?’’ Lalu nyebut, “Semua pekara tu bepun ba iya magang’’;\\n29 kita patut takutka pedang, laban pedang mai pengeringat Allah Taala, ngambika kita nemu, Allah Taala Empu ke ngakim mensia.\\n1-2 Jop, nuan ngenusahka ati aku. Diatu aku enda liat ati nganti diri nyaut nuan.\\n3 Utai ti udah disebut nuan nya mechat aku, tang aku nemu jalai nyaut nuan.\\n4 Nuan tentu nemu, kenyau ari dulu kelia, lebuh mensia terubah diengkah ba dunya,\\n5 orang ke jai enda ulih lantang lama.\\n6 Sida nyangka ulih nyadi besai, bediri tinggi, datai ke pala sida nyau nyaruk remang,\\n7 tang sida deka dikebuka baka amau. Orang ke udah ngelala sida deka alit ati ke penunga sida lenyau.\\n8 Sida deka lesap baka mimpi, baka genera lebuh malam hari, lalu nadai dipeda agi.\\n9 Orang ke jai deka lesap ari endur alai sida diau,\\n10 lalu bala anak sida deka mulaika utai ti udah dichuri sida ari orang ke seranta.\\n11 Dulu suba tubuh sida biak sereta kering, tang enda lama da agi, sida deka nyadi amau.\\n12-13 Penyai asai ti nyamai disepi sida, datai ke sida nyau ngulum sekeda penyai nya dalam mulut sida, ngambika sida ngasaika penyamai iya.\\n14 Tang pemakai nya bebali nyadi pait dalam perut sida, pait baka rachun.\\n15 Orang ke jai ngemutahka pengaya ti dichuri sida. Allah Taala deka ngambi utai nya pulai baru, nyengkaum utai ti dalam perut sida.\\n16 Utai ti ditelan orang ke jai nya baka rachun. Utai nya munuh sida baka pantuk ular ti bisa.\\n17 Sida enda ulih idup lalu meda sungai minyak kana tauka sungai ti rarat ai tusu enggau ai manyi.\\n18 Sida enda tau enda ngelengkaka semua utai ti udah ulih sida. Sida nadai peluang ngelantangka diri ngena pengaya sida,\\n19 laban sida udah nekanka pengidup, sereta enda ngintu orang ke seranta lalu ngerampas rumah ti udah digaga orang bukai.\\n20 Sida enda nemu badu amu.\\n21 Lebuh sida makai, sida nadai ninggalka teda, tang diatu pengaya sida nyau abis.\\n22 Lebuh sida mujur semua pemerinsa deka ninggang sida.\\n23 Awakka sida ngemuaska diri bepakaika utai! Allah Taala deka ringat lalu ngukum sida.\\n24 Lebuh sida nguji ngerarika diri ari pedang besi, panah temaga deka nimbak sida.\\n25 Laja ngebuska tubuh sida. Darah sida beteritik ari ujung laja ti bekilap, lalu sida balat takut.\\n26 Semua utai ti udah ditaruh sida, dirusak magang. Api ti ukai ditungkun jari mensia nunu sida enggau semua sida sebilik.\\n27 Serega mandangka dosa sida, lalu dunya besaksi ngelaban sida.\\n28 Semua pengaya sida deka dirusak ulih pemalat pengeringat Allah Taala.\\n29 Nya meh pengujung orang ke jai ti udah diletak Allah Taala ke sida.\\n1-2 Pendingka jaku aku. Nya aja utai ti dipinta aku ari kita, kena aku merindang ati diri.\\n3 Beri aku peluang bejaku, lalu udah nya, lebuh aku udah bejaku, nya baru kita tau enchebirka mulut ngeleseka aku.\\n4 Aku ukai belaya enggau mensia. Aku bisi kebuah enda liat ati.\\n5 Peda aku tu, ngambika kita temati-kutu lalu enda bemunyi.\\n6 Lebuh aku berundingka utai ti udah nyadi ba aku, aku temati-kutu, lalu getar-getar.\\n7 Nama kebuah Allah Taala nejuka orang ke jai idup, nejuka sida panjai umur sereta kaya?\\n8 Sida ulih meda uchu ichit, lalu idup meda semua sida mansang besai tuai.\\n9 Allah Taala nadai ngasuh penusah nuntung rumah sida. Sida nadai kala takut.\\n10 Semua jelu sapi sida peridi magang lalu mudah beranak.\\n11 Bala anak sida belanda sereta bemain baka raban anak domba\\n12 lalu betanda nitihka rentak munyi belikan enggau kesuling.\\n13 Sida diau nadai utai ngachau lalu mati enda bemunyi, nadai merinsa.\\n14 Orang ke jai enda ngasuh Allah Taala ibuhka sida. Sida enggai nemu peneka Allah Taala dalam pengidup sida.\\n15 Dalam runding sida, nadai guna sida betuaika Allah Taala lalu nadai mega penguntung besampi ngagai Iya.\\n16 Sida ngumbai pengering sida ulih ngasuh sida mujur, tang Aku kejika pelan orang ke jai.\\n17 Kati penampak orang ke jai bisi kala dipadamka? Kati sida bisi udah kala dituntung penusah? Kati Allah Taala bisi udah kala ringat ngagai orang ke jai lalu ngukum sida?\\n18 Berapa penyuah sida udah baka rumput ti rangkai ti dikebuka ribut, baka ampa ti ditabanka kabut?\\n19 Kita ngumbai Allah Taala ngukum anak mit ketegal dosa apai iya. Tang ku aku, “Awakka Allah Taala ngukum orang ke bempu dosa. Awakka Allah Taala ngukum orang ke salah.\\n20 Awakka orang ke bedosa diukum ketegal dosa sida empu. Awakka sida ngasaika pengeringat Allah Taala ti Pemadu Bekuasa.\\n21 Lebuh kitai mati, kati kitai amat ibuhka pengelantang bala anak kitai tauka enda?\\n22 Kati mensia ulih ngajar Allah Taala? Indah melikat di serega deh diakim Iya.\\n23-24 Sekeda orang mengkang bepengerai nyentuk ngagai maya sida mati. Sida lantang ati lebuh sida mati, nadai irau mimit, lalu tubuh sida enda kurus.\\n25 Tang orang bukai nadai pengelantang. Sida idup lalu mati nabanka dendam.\\n26 Tang semua orang sebaka magang, mati lalu dikuburka. Semua sida dibalut ulat magang.\\n27 Aku nemu penyai runding kita.\\n28 Ku kita nanya, “Namaka penyadi rumah orang ke tinggi pangkat nya diatu, orang ke ngereja penyai?’’\\n29 Kati kita nadai udah kala berandau enggau orang ke seruran bejalai ngagai menua bukai? Kati kita enda nemu utai ti ditusui sida?\\n30 Lebuh Allah Taala ringat lalu ngukum, orang ke jai enda diukum Iya.\\n31 Nadai orang bedawaka orang ke jai tauka malas sida ketegal utai ti udah dikereja sida.\\n32 Lebuh sida dianjung ngagai pendam, ngagai lumbung sida ke chukup dijaga,\\n33 beribu-ribu iku orang enggau nganjung sida. Indah tanah deh nemu begadai-gadai ngelamun bangkai sida.\\n34 Tang kita nguji merindang aku ngena jaku ti mapap! Semua saut kita bula magang!\\nJaku Randau Ti Ketiga\\n1-2 Kati orang bisi tau diguna Allah Taala, nyengkaum orang ke pemadu pintar?\\n3 Kati Allah Taala bisi penguntung enti nuan ngereja utai ti lurus? Kati pemadas pendiau nuan ulih mai penguntung ngagai Allah Taala?\\n4 Nuan dianu lalu diakim Allah Taala ukai laban nuan nangika Allah Taala\\n5 tang laban nuan udah balat bedosa ketegal semua penyai ti dikereja nuan.\\n6 Kena nuan mejalka menyadi nuan mayar utang iya, nuan ngambi gari iya, lalu nejuka iya nadai gari dikena.\\n7 Nuan enggai meri ai ngagai orang ke aus, lalu enggai meri orang ke lapar makai.\\n8 Nuan ngerampas semua menua ngena kuasa enggau pangkat nuan.\\n9 Nuan ukai semina enggai nulung indu ke balu, tang nuan mega ngerumpak sereta merinsaka orang ke nadai apai indai.\\n10 Nya alai, diatu nuan dikelingi panjuk, lalu nuan ngenyit takut.\\n11 Hari nyau balat amat petang datai ke nuan nyau enda ulih meda utai, lalu bah besai ngelamun nuan.\\n12 Kati Allah Taala enda diau di serega ti pemadu tinggi lalu nilik ke baruh ngagai bintang, taja pen sida nya ba endur ti tinggi?\\n13 Lalu ku nuan nanya, “Nama utai ti ditemu Allah Taala? Iya dilindung mua hari, nya alai baka ni ku iya ulih ngakim kitai?’’\\n14 Nuan ngumbai mua hari ti tebal ulih ngasuh Iya enda ulih meda, lebuh Iya bejalai ba kebung langit.\\n15 Kati nuan mutus ati deka bejalai nengah jalai ti seruran ditengah orang ke jai?\\n16 Indah sebedau timpuh datai deh sida anyut ditabanka ai bah.\\n17 Ku sida bejaku ngagai Allah Taala, ‘Anang ngachau kami,’ lalu ku sida bejaku, ‘Nama utai ti ulih dikereja Allah Taala ti Pemadu Bekuasangagai kitai?’\\n18 Tang iya ti bendar, Allah Taala Empu ke ngasuh sida nyadi kaya-raja. Aku sigi kejika pelan orang ke jai.\\n19 Orang ke badas, gaga ati, lalu orang ke nadai penyalah, ketawa lebuh sida meda orang ke jai diukum.\\n20 Semua utai ti dikemisi orang ke jai, dirusak magang, lalu api nganguska utai bukai ti tinggal.\\n21 Jop, manah nuan bebaik enggau Allah Taala, lalu badu agi ngaga Iya nyadi munsuh, nya baru Iya deka merekatka nuan.\\n22 Terima meh ajar ti diberi Iya. Simpan leka jaku Iya dalam ati nuan.\\n23 Sigi amat. Nuan enda tau enda ngemaruhka diri lalu pulai baru ngagai Allah Taala lalu badu agi ngereja penyai ti dikereja dalam rumah nuan.\\n24 Buai semua emas nuan. Buai emas nuan ti pemadu tulin ngagai buntut sungai ti rangkai.\\n25 Awakka Allah Taala ti Pemadu Bekuasa nyadika emas nuan, lalu awakka Iya nyadika pirak nuan.\\n26 Nya baru nuan deka seruran manggaika pengarap nuan ba Allah Taala lalu nemu Iya endang penatai pengaga nuan.\\n27 Lebuh nuan besampi, Iya deka nyaut nuan, lalu nuan deka ngamatka sumpah ti udah digaga nuan.\\n28 Nuan deka mujur dalam semua utai ti dikereja nuan, lalu penampak deka manchar ba jalai ti ditengah nuan.\\n29 Allah Taala ngemaruhka orang ke sumbung lalu ngidupka orang ke baruh ati.\\n30 Iya deka ngelepaska nuan, enti nuan nadai penyalah, enti nuan ngereja utai ti ngena.\\n1-2 Aku agi angkat ngelaban, sereta mutap ngelaban Allah Taala. Aku enda tetagangka diri bedemuh.\\n3 Naka meh pemanah enti aku tetemuka endur alai aku ulih nemu Allah Taala, lalu nemu chara datai ngagai endur alai Iya.\\n4 Aku deka mantaika pekara aku di mua Iya lalu mantaika semua penemu kena aku bejaku ngarika diri empu.\\n5 Aku keran deka nemu utai ti deka disebut Iya enggau chara Iya nyaut aku.\\n6 Kati Allah Taala deka ngelaban aku enggau pengabis pengering Iya? Enda. Iya deka mending lebuh aku bejaku.\\n7 Aku endang betul ati, lalu aku ulih berandau enggau Allah Taala. Iya deka ngumbai aku nadai penyalah sekali aja enggau ke belama iya.\\n8 Aku udah begigaka Allah Taala di timur, tang Iya nadai dia. Aku nadai tetemuka Iya lebuh aku ngiga Iya di barat.\\n9 Allah Taala udah bekereja di utara enggau di selatan, tang aku mengkang nadai meda Iya.\\n10 Tang taja pia, Allah Taala nemu genap singkang aku. Enti Iya ngabas ati aku, Iya deka nemu ati aku tuchi.\\n11 Enggau ati ti tetap aku nengah jalai ti dipilih Iya lalu aku enda sekali-kali limpang ari jalai nya.\\n12 Aku seruran ngereja utai ti diasuh Allah Taala. Aku nitihka peneka Iya.\\n13 Allah Taala endang enda berubah. Nadai orang ulih nyakal penemu Iya tauka nagang Iya ngereja utai ti deka dikereja Iya.\\n14 Iya deka ngamatka utai ti udah diperambu Iya ke aku. Perambu nya siti ari pemayuh pelan Iya.\\n15 Aku getar-getar takut di mua Iya.\\n16-17 Allah Taala ti Pemadu Bekuasa udah ngerusak pemerani aku. Allah Taala Empu ke ngasuh aku takut, ukai pemetang, taja pen pemetang udah ngasuh aku enda ulih meda.\\n1 Nama kebuah Allah Taala enda ngeletak maya ngakim, hari alai Iya ngayanka atur ti lurus ngagai orang ke betuaika Iya?\\n2 Orang nginsitka kelai entara ngambika tanah sida besai agi. Sida ngenchuri jelu bedus, lalu nyimpan jelu nya ba raban jelu sida empu.\\n3 Sida ngambi keledai orang ke nadai apai indai, lalu nyimpan jelu sapi ti diempu indu ke balu nyentuk ngagai maya indu nya ulih mayar utang iya.\\n4 Sida nagang orang ke seranta nerima hak diri lalu mejalka orang ke seranta rari lalu belalai.\\n5 Nya alai orang ke seranta nyau baka jelu keledai begigaka pemakai di menua puang. Sida nadai endur bukai alai sida begigaka pemakai ke bala anak sida.\\n6 Sida dipejalka ngetau ba umai orang bukai, lalu begumpulka buah anggur ari kebun anggur orang ke jai.\\n7 Lebuh malam hari sida tinduk enda bepua, sereta nadai utai kena ngangatka tubuh.\\n8 Sida basah laban ujan ti labuh ba bukit, lalu sida engketut belindung ngimbai batu.\\n9 Orang ke jai beulunka anak mit ti nadai apai indai, lalu ngambi bala anak orang ke seranta nyadika bayar utang sida.\\n10 Tang orang ke seranta gawa nadai diberi gari. Sida enda diberi makai lebuh sida ngetau gandum.\\n11 Sida diasuh mitan buah kana ngulihka minyak, lalu mitan buah anggur ngulihka wain, tang sida empu aus.\\n12 Dalam mayuh bengkah nengeri orang ke bakal enggau orang ke nyau deka mati ngangau enggau sabak, tang Allah Taala enggai ibuhka sampi sida.\\n13 Orang nulak penampak. Sida enda meretika penampak, lalu enda nitihka iya.\\n14 Orang ke pemunuh angkat dini hari lalu bebunuhka orang ke seranta, lalu lebuh malam hari, iya ngenchuri.\\n15 Orang ke butang nganti hari petang. Iya ngelalaika mua diri ngambika orang enda ngelala iya.\\n16 Penchuri tama ngagai rumah orang lebuh malam hari, tang lebuh siang hari sida belalai, ngerarika diri ari penampak.\\n17 Sida takutka penampak siang hari, tang sida enda takutka pemetang.\\n18 Orang ke jai anyut ditabanka ai bah, lalu tanah sida disumpah Allah Taala. Sida nadai agi bekereja dalam kebun anggur sida empu.\\n19 Sida lela baka seleju ti dipanchar mata hari, enggau laban kemarau. Baka nya meh orang ke bedosa lesap ari dunya orang ke idup.\\n20 Indah indai sida empu deh enda agi ingatka sida diatu. Sida diempa ulat, lalu dirusak baka kayu ti udah rebah.\\n21 Utai nya nyadi laban sida merinsaka indu ke balu lalu enda ngayanka penelap ngagai sida indu ke nadai anak.\\n22 Ngena pengering Iya, Allah Taala ngerusak orang ke kering. Allah Taala bekereja, lalu orang ke jai mati.\\n23 Allah Taala tau nejuka sida idup likun, tang Iya seruran nengkilaka ulah sida.\\n24 Orang ke jai kaya enda lama, tang udah nya sida layu baka rumput, baka tangkai gandum ti udah ditetak.\\n25 Kati orang ulih ngumbai utai tu nadai udah nyadi? Kati orang ulih ngumbai aku bejaku bula?\\n1-2 Allah Taala endang amat bekuasa. Semua orang enda tau enda nangika Iya. Iya meri pemaik ngagai perintah Iya di serega.\\n3 Kati orang ulih ngitung bala melikat ke bekereja ke Iya? Kati bisi endur ti enda kena panchar penampak Allah Taala?\\n4 Baka ni ku orang ulih nyadi lurus di mua Allah Taala? Baka ni ku mensia tau nyadi tuchi?\\n5 Enti di mata Iya, bulan enda terang, lalu bintang enda tuchi,\\n6 baka ni ku anak mensia, ke semina ulat aja, enggau mensia ti semina belut aja!’’\\n1-2 Naka meh pemendar nuan nulung aku ke seranta, ke lemi tu!\\n3 Nuan meri jaku lalau ti manah lalu nuan magi penemu nuan ngagai orang ke beli baka aku tu!\\n4 Dalam pikir nuan, sapa deka ningaka semua jaku nuan? Sapa ngasuh nuan bejaku baka tu?\\n5 Roh orang ke mati begetar di dunya pemati.\\n6 Ba mata Allah Taala, dunya pemati endang tebuka. Nadai utai ngelindung dunya nya ari mata Iya.\\n7 Allah Taala mintarka langit utara lalu ngitang dunya ba langit ti puang.\\n8 Allah Taala ngisi mua hari enggau ai lalu nagang mua hari pambus laban pemerat ai nya.\\n9 Iya ngelalaika bulan peranama di belakang mua hari.\\n10 Iya nyeraraka penampak ari pemetang ngena siti chengkerung ti digaga ba atas ai.\\n11 Lebuh Iya ngemba tiang ti nungkat langit, tiang nya takut lalu berenyang sereta begetar.\\n12 Pengering Allah Taala ti ngalahka tasik. Iya ngena pemintar Iya ngerusak naga ke benama Rahap\\n13 Kesuh seput Allah Taala ti ngasuh langit terang, lalu jari Iya ti munuh naga ti rari nya.\\n14 Tang tu semina nunjukka mimit aja pemesai kuasa Iya, semina jaku telai ti udah didinga kitai. Sapa nemu pemesai kuasa Allah Taala?\\n1-2 Aku besumpah dalam nama Allah Taala ti Pemadu Bekuasa, ti idup, ke enggai meri aku atur ti lurus tang ngasuh pengidup aku balat tusah:\\n3 seagi-agi Allah Taala meri aku seput,\\n4 mulut aku enggai sekali-kali nyebut utai ti jai, dilah aku enggai sekali-kali madahka utai ti bula.\\n5 Aku enggai sekali-kali ngumbai kita ngena. Aku deka majak ngumbai diri nadai penyalah nyentuk ngagai maya aku mati.\\n6 Aku enggai sekali-kali badu ngumbai diri ngena. Aku endang nemu diri nadai udah ngereja utai ti salah.\\n7 Awakka semua orang ke nyakal sereta ngelaban aku diukum baka orang ke jai enggau orang ke enda lurus.\\n8 Nama utai ti diadang orang ke enda nangika Allah Taala, lebuh Allah Taala ngambi seput sida?\\n9 Lebuh penusah datai, kati Allah Taala deka ningaka sabak sida?\\n10 Sida patut udah keran deka bempu pengaga ti diberi Iya. Sida patut udah seruran besampi ngagai Iya.\\n11 Awakka aku ngajar kita pasal pemesai kuasa Allah Taala, lalu nerangka utai ti udah diperambu Allah Taala ti Pemadu Bekuasa.\\n12 Tang enda ibuh, laban kita empu udah meda utai nya. Nya alai nama kebuah kita bejaku mapap munyi nya?\\n13 Tu jalai Allah Taala ti Pemadu Bekuasa ngukum orang ke jai, orang ke mangah.\\n14 Sida nyangka mayuh anak lelaki, tang semua sida nya deka mati beperang. Bala anak sida seruran suntuk pemakai.\\n15 Sida ke agi idup, deka mati laban penyakit. Indah balu sida deh enggai ngulitka pemati sida.\\n16 Orang ke jai nyangka bisi pirak ti enda ulih itung sereta mayuh agi gari ari ti dipeguna orang,\\n17 tang sekeda orang ke badas deka ngena gari nya lalu orang ke lurus ati, deka bulih pirak nya.\\n18 Orang ke jai ngaga rumah baka pukat empelawa tauka baka langkau ulun ke nyaga umai.\\n19 Ba pengujung iya sida deka gali natka pengaya diri, lalu lebuh sida dani, sida deka nemu pengaya sida nyau nadai agi.\\n20 Utai ti balat ngenakut deka nuntung sida baka bah. Ribut ti muput malam hari deka ngebuka sida.\\n21 Ribut ari timur deka ngebuka sida ari rumah sida.\\n22 Ribut nya deka ngebuka sida balat amat lebuh sida enggau naka ulih ngerarika diri.\\n23 Kabut nya nyau guntam-guntam mangkaka sida lebuh sida belanda, ngenakutka sida ngena kuasa iya ti tau ngerusak.\\n1 Pirak endang diulihka ari lumbung pirak. Bisi mega endur alai nuchi emas.\\n2 Besi dikali ari tanah lalu engkeraju dilelaka orang ari batu.\\n3 Orang ngiga utai dalam lumbung ti pemadu petang. Sida ngiga di buntut dunya, lalu ngali batu dalam petang.\\n4 Sida numbak lumbung jauh ari endur alai orang diau, jauh ari endur ti udah kala ditengah mensia. Dia meh endur alai sida gawa kediri-diri, betayun ngena tali dalam lumbung nya.\\n5 Pemakai tumbuh ba tanah, tang di baruh tanah nya semua utai rumuh magang baka ke diempa api.\\n6 Batu ti dalam tanah ngundan batu nilam, lalu amau batu nya ngundan emas.\\n7 Menaul nadai nemu jalai tama ngagai lumbung nya, indah burung ti pemadu lansik deh enda kala meda lumbung nya.\\n8 Nadai singa tauka jelu bukai ti mangah kala nengah jalai ti sunyi nya.\\n9 Orang ngali batu ti pemadu kering, ngali nyentuk ngagai buntut bukit.\\n10 Lebuh sida nebuk lubang nengah batu, sida tetemuka batu ti berega.\\n11 Sida ngali tanah nyentuk ngagai entigis ulu sungai lalu tetemuka utai ti enda kala dipeda.\\n12 Tang dini alai kitai ulih tetemuka penemu-dalam? Dini alai kitai tau belajar ngambika kitai mereti?\\n13 Nadai mensia nemu jalai ngagai penemu-dalam, lalu iya nadai ditemu di menua mensia.\\n14 Tasik ti dalam enggau tasik ti mit madahka penemu-dalam nadai dalam sida.\\n15 Penemu-dalam enda ulih dibeli ngena pirak tauka emas.\\n16 Emas ti pemadu tulin enggau batu ti pemadu berega enda ulih dibandingka enggau iya.\\n17 Iya berega agi ari emas, lalu enda ulih disilih enggau emas ti tulin.\\n18 Penemu-dalam lebih agi berega ari batu karang tauka batu kristal, tauka batu rubi.\\n19 Batu jakut kuning ti pemadu manah, enggau emas ti pemadu tulin enda ulih dibandingka enggau penemu-dalam.\\n20 Nya alai, ari ni penatai penemu-dalam? Dini alai kitai belajar ngambika kitai mereti?\\n21 Nadai utai ti idup ulih meda iya. Indah burung ti terebai deh enda ulih meda iya.\\n22 Indah pemati enggau pengerusak deh madahka diri semina bisi udah ninga berita ngapa pasal iya.\\n23 Semina Allah Taala aja nemu jalai ngagai endur penemu-dalam,\\n24 Laban Iya meda pengujung dunya, meda semua utai di bap langit.\\n25 Lebuh Allah Taala meri kuasa ngagai ribut lalu ngeletak pemesai tasik,\\n26 lebuh Allah Taala ngeletak endur alai ai ujan labuh, enggau arus ti deka ditengah kilat enggau mua hari,\\n27 nya baru Allah Taala meda penemu-dalam, nguji iya, lalu ngemendarka iya.\\n28 Ku Allah Taala bejaku ngagai mensia, “Enti kita deka bepenemu-dalam, kita enda tau enda nangika TUHAN. Enti kita deka nemu reti utai, kita enda tau enda ngelengkaka penyai.’’\\nJop Nyimpul Jaku Diri\\n1 Jop lalu belabuh bejaku baru.\\n2 Naka meh pemanah enti pengidup aku ulih diulang baru baka lebuh maya Allah Taala ti ngibun aku.\\n3 Lebuh maya nya suba Allah Taala endang seruran enggau aku lalu meri aku penampak lebuh aku bejalai nengah petang.\\n4 Nya meh maya aku kaya-raja, lalu kaul aku enggau Allah Taala nyaga rumah aku.\\n5 Allah Taala ti Pemadu Bekuasa bisi enggau aku lebuh maya nya suba, lalu aku dikelingi semua anak aku.\\n6 Bala jelu sapi enggau kambin aku mansutka mayuh ai tusu, lalu aku bulih mayuh minyak kana ari pitan aku.\\n7 Genap kali bala tuai nengeri baum lalu aku duduk enggau sida,\\n8 bala orang ke biak meri awak jalai aku mansa lebuh sida meda aku, lalu orang ke tuai bediri masa aku.\\n9 Bala tuai orang mayuh lalu ngetu bejaku.\\n10 Indah orang ke pemadu tinggi pangkat, deh enda engkeretik.\\n11 Semua orang ke meda aku, tauka ninga pasal aku bela bejakuka pemanah utai ti udah dikereja aku.\\n12 Lebuh orang ke seranta ngangau, aku nulung sida. Aku nulung orang ke nadai apai indai, ti nadai orang nulung.\\n13 Orang ke pengabis merinsa idup, muji aku lalu aku nulung indu ke balu diau likun.\\n14 Aku endang seruran ngereja utai ti lurus, sereta enda bepilih mata.\\n15 Aku nyadi mata ke orang ke buta lalu nyadi kaki ke orang ke enda ulih bejalai.\\n16 Aku udah nyadi apai ke orang ke seranta lalu setanah enggau orang kampar ke kena laban penusah.\\n17 Aku ngerusak kuasa orang ke jai lalu ngelepaska orang ke diperinsaka sida.\\n18 Aku endang seruran ngadang diri panjai umur lalu mati di rumah diri enggau nyamai.\\n19 Aku tu baka kayu ti galak urat ti seruran chukup ai lalu dan seruran basah laban ambun.\\n20 Semua orang seruran muji aku, lalu pengering aku nadai kala ngelebuka aku.\\n21 Lebuh aku meri jaku lalau, orang enda engkeretik lalu diau jenuh mendingka jaku aku,\\n22 lalu lebuh aku udah badu bejaku, sida nadai ibuh nambahka jaku ngagai utai ti disebut aku. Leka jaku aku ngenyamaika ati sida baka leka ujan.\\n23 Genap iku sida bela gaga ati nerima jaku aku, baka orang bumai ke gaga ati ke ai ujan lebuh musin bungai.\\n24 Aku tuchum ngagai sida, lebuh sida enda kempang. Mua aku ti lantang, meransang sida.\\n25 Aku nyadi tuai sida, lalu meri pemutus penemu. Aku nguluka sida baka raja ke nguluka bala soldadu iya, lalu ngelantangka sida, lebuh ati sida tusah.\\n1 Tang diatu, lelaki ke biak agi ari aku, beduan aku! Apai sida endang nadai guna, datai ke aku enggai ngasuh sida nulung ukui aku ngibun bedus.\\n2 Sida nya orang ke nadai pengering agi, ke kelalu lembut tulang lalu enda ulih bekereja ke aku.\\n3 Sida iya kelalu seranta sereta keberuran datai ke sida nyau bekunyahka urat ti rangkai ba tanah lebuh malam hari, di menua ti nadai orang nguan.\\n4 Sida nyabut lalu makai sebarang utai ti tumbuh di menua puang. Indah urat utai ti enda nyamai, deh abis diempa sida!\\n5 Semua orang manjung muru sida, baka ke muru penchuri.\\n6 Sida diau dalam lubang gua, dalam lubang ti ba tingkah.\\n7 Lebuh sida dalam utan, sida meraung munyi jelu lalu bekempit duduk di baruh pun kayu.\\n8 Sida nya orang ke nadai guna! Sida udah dibuai ari menua tu.\\n9 Diatu sida datai lalu ketawaka aku. Ba sida, aku tu nadai reti tang semina orang ke diketawaka sida.\\n10 Sida nyau kejika aku. Sida ngumbai diri kelalu manah lalu enda patut begulai enggau aku, lalu ngeludah mua aku.\\n11 Laban Allah Taala udah ngasuh aku lemi sereta nadai daya agi, sida lalu ngelaban aku enggau naka pemalat.\\n12 Bala orang ke jai tu lalu nyerang aku ari mua. Sida muru aku. Sida sedia deka nyerang aku lalu ngerusak aku.\\n13 Sida mempang jalai aku rari, lalu ngerusak aku, lalu nadai orang nagang sida.\\n14 Sida beterudus tama nengah lubang ba dinding kuta aku lalu ninggang aku.\\n15 Aku balat amat takut. Pangkat aku lenyau, baka ke dikesuhka ribut, lalu pengandal aku ke diri deka menang, lesap baka mua hari.\\n16 Diatu aku nyau deka mati. Nadai utai ulih muai pemerinsa aku.\\n17 Lebuh malam hari, semua tulang aku pedis magang. Tubuh aku enda badu pedis.\\n18 Allah Taala ngeruntun rekung baju aku lalu mulaska gari aku nadai temu tunga.\\n19 Iya ngempaska aku ngagai luchak, datai ke aku nyau baka tanah.\\n20 Aku ngangauka Nuan, O Allah Taala, tang Nuan nadai kala nyaut, lalu lebuh aku besampi, nuan enda mending.\\n21 Nuan balat amat jai enggau aku. Nuan merinsaka aku ngena semua kuasa Nuan.\\n22 Nuan nejuka ribut ngebuka aku. Nuan ngelambungka aku ngena ribut biaubalai.\\n23 Aku nemu Nuan deka ngasuh aku mati, lalu muai aku ngagai endur ti endang udah digalau Nuan ke semua mensia.\\n24 Nama kebuah Nuan nyerang orang ke udah rusak, orang ke nadai daya agi, ke ngangau minta saup?\\n25 Kati aku enda kala nyabak enggau orang ke ditinggang penusah lalu berasai sinu ati ke orang ke suntuk?\\n26 Aku ngadang diri tau bulih pengelantang enggau penampak, tang penusah enggau pemetang datai.\\n27 Ati aku balat tusah laban pengirau enggau pemedis. Aku merinsa tiap hari.\\n28 Aku bejalai dalam petang, nadai dipanchar mata hari. Aku bediri di mua orang mayuh, minta saup orang.\\n29 Aku nyabak seilu-ilu tusah ati munyi nyawa pasun tauka burung unta.\\n30 Kulit aku nyau bebali chelum. Tubuh aku nyau angat laban penyakit.\\n31 Dulu menya aku ninga munyi musik ti ngasuh ati gaga, tang diatu aku semina ninga munyi orang ke ngulit enggau nyabak.\\n1 Aku udah besumpah madahka diri enggai merening ngagai indu enggau ati ti kanji.\\n2 Nama utai ti dikereja Allah Taala ti Pemadu Bekuasa ngagai kitai? Baka ni ku jalai Iya malas utai ti dikereja mensia?\\n3 Iya ngasuh penusah ti besai enggau pengerusak ninggang orang ke ngereja penyalah.\\n4 Allah Taala nemu semua utai ti dikereja aku. Iya meda semua singkang aku.\\n5 Aku besumpah madahka diri nadai kala ngereja penyai lalu nadai kala nipu orang.\\n6 Awakka Allah Taala nimbang aku ngena dachin ti betul, nya baru Iya deka nemu aku endang nadai penyalah.\\n7 Enti aku udah limpang ari jalai ti ngena tauka nejuka diri tetengukka penyai, enti jari aku udah kamah laban dosa,\\n8 awakka utai ti ditanam aku dirusak magang, tauka awakka orang bukai makai pemakai ti ditanam aku.\\n9 Enti aku udah kala inginka bini orang, lalu ngipa iya ba mua pintu iya,\\n10 awakka bini aku manduk pemakai ke lelaki bukai lalu tinduk ba peninduk lelaki bukai.\\n11 Penyai ti baka nya patut diukum ngena pemati.\\n12 Utai nya baka api ti ngerusak, ti datai ari neraka, ti nganguska semua utai ti dikemisi aku.\\n13 Lebuh orang gaji aku mutap ngelaban aku, aku mending lalu aku manah enggau sida.\\n14 Enti aku enda, baka ni ku aku ulih bediri di mua Allah Taala ila? Nama utai ti deka disebut aku lebuh Allah Taala datai ngakim aku?\\n15 Allah Taala ngaga aku lalu Iya mega ngaga orang gaji aku.\\n16 Aku nadai kala enggai nyaup orang ke seranta. Nadai aku kala nejuka indu ke balu diau tusah ati\\n17 tauka nejuka anak mit ti nadai apai indai lapar, lebuh aku makai.\\n18 Seumur idup, aku udah ngibun sida.\\n19 Lebuh aku tetemuka orang ke suntuk, ke kelalu seranta lalu enda ulih meli gari ke diri empu,\\n20 aku meri iya gari ti digaga ari bulu bedus ari raban bedus aku empu. Nya baru iya deka muji aku enggau pengabis ati iya.\\n21 Enti aku udah nipu anak mit ti nadai apai indai, ketegal aku nemu diri deka menang enti aku bechara dalam kot,\\n22 awakka lengan aku dipatahka. Awakka lengan aku diputuska ari bau aku.\\n23 Aku nangika ukum Allah Taala, nya kebuah aku enda ulih ngereja utai ti baka nya.\\n24 Aku nadai kala manggaika diri ba pengaya\\n25 tauka temegahka pengaya aku.\\n26 Aku nadai kala nyembah mata hari ti manchar terang tauka bulan ti manah gaya.\\n27 Aku nadai kala dibai tesat lalu ngemesaika sida besiumka jari diri ketegal bebasaka sida.\\n28 Dosa ti baka nya patut diukum ngena pemati, laban iya besangkalka Allah Taala ti Pemadu Bekuasa.\\n29 Aku nadai kala gaga ati lebuh munsuh aku merinsa, tauka lantang ati lebuh sida dituntung penusah.\\n30 Aku nadai kala bedosa besampi minta sida mati.\\n31 Semua orang ke bekereja ke aku nemu aku endang seruran ngelaluka temuai ngagai rumah aku.\\n32 Aku ngelaluka temuai tama ngagai rumah aku lalu aku enda kala nejuka sida tinduk ba jalai raya.\\n33 Orang bukai nguji ngelalaika dosa diri, tang aku nadai kala ngelalaika dosa aku.\\n34 Aku nadai kala nangika jaku orang. Aku nadai kala enda bemunyi, tauka diau di rumah, ketegal takutka diri dikeleseka sida.\\n35 Kati orang nadai deka mendingka utai ti disebut aku? Aku besumpah, semua utai ti disebut aku endang amat magang. Awakka Allah Taala ti Pemadu Bekuasa nyaut aku. Enti dawa ti dikena munsuh aku besalahka aku dituliska magang ngambika aku ulih meda dawa nya,\\n36 aku deka ngelekatka dawa nya ba bau aku lalu ngengkahka dawa nya nyadika makota ba pala aku.\\n37 Aku deka madahka ngagai Allah Taala semua utai ti udah dikereja aku lalu enda malu bediri di mua Iya.\\n38 Enti aku udah ngenchuri tanah ti dipumai aku lalu udah ngerampas tanah nya ari orang,\\n39 lalu enti aku udah bisi makai utai ti tumbuh ba tanah nya tang nejuka orang ke nanam utai nya, lapar\\n40 awakka umai aku tumbuh rumput enggau lalang lalu enda tumbuh gandum enggau barli. Baka nya ku pengujung jaku Jop.\\n1 Sida tiga lalu badu agi nyaut Jop, laban iya majak madahka diri nadai ngereja penyalah.\\n2 Tang siku orang ke bediri semak dia, ke benama Elihu, nyau enda ulih natka diri agi pedis ati, laban Jop beluruska diri empu lalu besalah Allah Taala. (Elihu nya anak Barakel, peturun Bus, ari raban peturun Ram.)\\n3 Iya mega pedis ati ngagai pangan Jop ke tiga iku nya, laban sida nadai nemu jalai nyaut Jop, ti ngujungka Allah Taala baka ke salah.\\n4 Elihu nya orang ke pengabis biak ke semua sida. Nya alai iya nejuka semua sida ke tuai bejaku dulu.\\n5 Lebuh iya meda sida tiga nya enda ulih nyaut Jop, iya pedis ati\\n6 lalu belabuh bejaku.\\nAku tu biak, lalu kita tuai. Nya kebuah aku enda berani mantaika runding diri ngagai kita,\\n7 laban dalam runding aku, kita patut bejaku dulu, lalu kita ke tuai patut bekunsika penemu-dalam ti dikembuan kita.\\n8 Tang iya ti bendar, Roh Allah Taala ti Pemadu Bekuasa ke meri penemu-dalam ngagai kitai.\\n9 Ukai penuai umur kitai ti ngasuh kitai bepenemu-dalam tauka nemu utai ti ngena.\\n10 Nya alai aku diatu minta kita mendingka aku madahka runding diri ngagai kita.\\n11 Aku udah liat ati mendingka kita bejaku lalu nganti kita begigaka jaku ti menyana agi.\\n12 Aku udah diau diri mendingka kita, lalu ninga kita alah penemu. Nadai siku kita ulih madahka jaku Jop salah.\\n13 Baka ni ku kita tau ngumbai diri udah tetemuka penemu-dalam? Allah Taala enda tau enda nyaut Jop, laban kita enda tesautka iya.\\n14 Jop bejaku ngagai kita, ukai ngagai aku, tang aku sigi enggai sekali-kali nyaut ngena chara kita.\\n15 Jop, sida udah alah jaku laban nuan, enda tesautka nuan.\\n16 Kati aku patut majak nganti baru aku tau bejaku? Sida enda bemunyi, bediri tegir-tegir, enda nemu utai ti patut disebut diri agi.\\n17 Aku deka nyaut nuan diatu lalu madahka runding aku ngagai nuan.\\n18 Aku enda ulih natka diri enda bejaku. Aku enda ulih nagang diri bejaku.\\n19 Enti aku nadai peluang bejaku, aku deka meletup baka kambut wain ti penuh laban wain ti baru.\\n20 Aku enda ulih natka diri agi. Aku enda tau enda bejaku.\\n21 Aku ukai ngarika sapa-sapa dalam randau tu, lalu aku pen enda mega muji sapa-sapa,\\n22 laban aku enda nemu chara muji orang, lalu Allah Taala deka ngukum aku enggau ngenyit, enti aku muji sapa-sapa.\\n1 Nya alai, Jop, pendingka enggau manah semua utai ti deka disebut aku.\\n2 Aku diatu udah sediaka mantaika runding diri.\\n3 Semua jaku aku tu endang datai ari ati aku empu, lalu aku nyebut utai ti bendar.\\n4 Roh Allah Taala udah ngaga aku lalu ngasuh aku idup.\\n5 Saut aku, enti nuan ulih. Sediaka penemu nuan.\\n6 Ba mata Allah Taala, tua tu sebaka. Tua tu sama ditempa ari tanah.\\n7 Nya alai nuan nadai kebuah takutka aku. Aku ukai deka ngalahka nuan.\\n8 Tu jaku nuan ti udah didinga aku:\\n9 “Aku enda salah. Aku nadai udah ngereja penyalah. Aku nadai penyalah, lalu aku enda bedosa.\\n10 Tang Allah Taala begigaka tegal kena Iya ngelaban aku lalu ngaga aku baka munsuh.\\n11 Iya nanchang kaki aku ngena rantai. Iya nengkilaka semua utai ti dikereja aku.’’\\n12 Tang, aku madahka ngagai nuan, Jop, nuan salah. Allah Taala bekuasa agi ari mensia.\\n13 Nama kebuah nuan besalah Allah Taala ngumbai Iya nadai kala nyaut jaku putap kitai?\\n14 Taja pen Allah Taala enda ngetu bejaku, nadai orang mendingka utai ti disebut Iya.\\n15 Lebuh orang tinduk malam hari, Allah Taala bejaku dalam mimpi enggau genera.\\n16 Iya ngasuh sida mendingka utai ti disebut Iya, lalu sida takut ninga jaku tangkan Iya.\\n17 Allah Taala bejaku ngasuh sida badu agi bedosa lalu nagang sida ngenyumbungka diri.\\n18 Iya enggai nejuka sida dirusak. Iya ngelepaska sida ari kuasa pemati.\\n19 Allah Taala nganu kitai ngena penyakit lalu ngisi tubuh kitai enggau pemedis.\\n20 Orang ke sakit enggai makai. Indah pemakai ti pemadu manah deh ngasuh sida mutah.\\n21 Tubuh sida mansang kurus-sekurus. Semua tulang sida ayan magang.\\n22 Sida baru deka mansang ngagai dunya pemati.\\n23 Nyangka ukur melikat bisi deka datai nyaup sida, siku ari beribu-ribu iku melikat Allah Taala, ke ngasuh kitai ingatka pengawa kitai.\\n24 Enggau ati ti kasih melikat nya bejaku, “Lepaska sida! Sida enda tau nurun ngagai dunya pemati. Tu tebus kena ngelepaska sida.’’\\n25 Tubuh sida deka mansang biak sereta kering baru.\\n26 Lebuh sida besampi, Allah Taala deka nyaut. Sida deka nyembah Allah Taala enggau ati ti gaga. Allah Taala deka ngaga utai ngena baru ke sida.\\n27 Genap iku sida deka bejaku di mua orang mayuh, “Aku udah bedosa. Aku nadai ngereja utai ti ngena, tang Allah Taala udah ngampun aku.\\n28 Iya udah nagang aku mansang ngagai dunya pemati, lalu aku mengkang idup.’’\\n29 Allah Taala endang seruran ngereja semua utai nya,\\n30 lalu ngidupka nyawa orang lalu ngasuh orang nya gaga idup.\\n31 Jop, diatu pendingka utai ti disebut aku. Anang bemunyi, lalu awakka aku bejaku.\\n32 Tang enti nuan bisi utai ti deka disebut nuan, awakka aku ningaka utai nya. Aku deka gaga ati ngumbai nuan ngena.\\n33 Tang enti nuan nadai utai disebut, anang bemunyi, lalu pendingka aku, ngambika aku ngajar nuan jalai nyadi orang ke bepenemu-dalam.\\n1 Udah nya Elihu lalu bejaku:\\n2 “Dingaka jaku aku, kita ke bepenemu-dalam, lalu singitka pending kita ngagai aku, kita ke nemu utai.\\n3 Peratika jaku aku baka nyawa ke meratika penyamai utai ti dipakai.\\n4 Awakka kitai milih utai ti ngena. Awakka kitai meri pemutus penemu pasal bagi utai ti manah.\\n5 Jop ngumbai diri nadai penyalah, lalu ngumbai Allah Taala enggai meri iya atur ti lurus.\\n6 Ku Jop nanya, ‘Baka ni ku aku ulih bula lalu ngumbai diri salah? Aku nyau deka mati laban bakal, tang aku enda bedosa.’\\n7 “Kati kita udah kala meda orang ke baka Jop ti nadai kala nangika Allah Taala.\\n8 Iya rindu begulai enggau orang ke jai lalu segau-segau bejalai enggau orang ke bedosa.\\n9 Ku Jop, ‘nadai guna kitai nguji nitihka peneka Allah Taala.’ ‘‘\\n10 “Pendingka aku, kita ke mereti! Kati Allah Taala ti Pemadu Bekuasa deka ngereja utai ti salah?\\n11 Iya ngupah orang nitihka utai ti dikereja sida lalu ngukum sida enggau pematut.\\n12 Allah Taala ti Pemadu Bekuasa enda ngereja penyai, lalu Iya enda kala meri atur ti enda lurus.\\n13 Sapa meri Allah Taala kuasa merintah dunya? Sapa ngengkahka dunya tu ba jari Iya?\\n14 Enti Allah Taala ngambi seput pengidup ari kitai, lalu ngambi seput nya pulai baru ngagai Iya Empu,\\n15 semua mensia deka mati magang lalu pulai nyadi amau baru.\\n16 “Pendingka aku diatu, enti kita amat bepenemu-dalam.\\n17 Kati orang ke begedika atur ti lurus, ulih megai perintah? Kati kita besalah Allah Taala ti lurus sereta bekuasa,\\n18 ke bejaku ngagai raja, ‘Nuan tu nadai guna,’ lalu bejaku ngagai orang ke tinggi pangkat, ‘Nuan tu orang ke jai’;\\n19 lalu enda ngemesaika orang ke kaya lebih agi ari orang ke seranta? Laban semua sida iya digaga Iya magang.\\n20 Enda lama da agi sida deka mati; Ba urung tengah malam sida digusak lalu mati, lalu orang ke bekuasa ukai dibunuh mensia.\\n21 “Laban Allah Taala nengkilaka semua ulah kitai, lalu meda semua singkang kitai.\\n22 Nadai pemetang ulih ngelalaika orang ke bedosa ari Allah Taala.\\n23 Laban Allah Taala enda ibuh ngeletak maya kitai mupuk lalu diakim ulih Iya.\\n24 Iya enda ibuh mansik orang ke bekuasa sebedau Iya nganchurka sida, lalu ngeletak orang bukai nganti sida\\n25 Laban Iya nemu utai ti dikereja sida, nya alai Iya muai lalu ngeredakka sida lebuh malam hari.\\n26 Iya nyamah sida di mua orang mayuh ketegal penyai ti dikereja sida,\\n27 laban sida enggai agi nitihka Iya lalu enda bedulika pesan Iya.\\n28 Ketegal sida, orang ke seranta nyabak ngangauka Allah Taala, lalu Iya ningaka kangau sida ke kena perinsa.\\n29 Lebuh Allah Taala enda ngereja utai, sapa ulih mantah Iya? Lebuh Iya ngelalaika mua Iya, sapa ulih meda Iya, nemuka nya bansa tauka orang?\\n30 Ngambika orang ke enda nangika Allah Taala, tauka orang ke nipu orang mayuh enda megai perintah.\\n31 “Jop, kati nuan udah ngaku dosa nuan di mua Allah Taala lalu besemaya enda agi bedosa?\\n32 Kati nuan bisi udah minta Allah Taala ngayanka penyalah nuan, lalu nuan besemaya enggai agi ngereja penyai?\\n33 Laban nuan nulak utai ti dikereja Allah Taala, kati nuan patut ngarapka Iya deka ngereja utai ti dikinginka nuan? Laban nuan empu ke patut milih, ukai aku; nya alai sebut utai ti ditemu nuan.\\n34 Orang ke mereti deka nyebut ngagai aku, lalu orang ke bepenemu-dalam ke ninga aku deka nyebut,\\n35 ‘Jop bejaku laban iya enda nemu utai lalu semua utai ti disebut iya sigi nadai reti magang.’\\n36 Manah amat enti Jop diuji enggau penuh, laban iya nyaut munyi orang ke jai.\\n37 Laban iya angkat ngelaban Allah Taala kena iya nambahka dosa diri. Iya betempap jari di mua semua kitai, lalu ngeleseka Allah Taala.’’\\n1-2 Jop, nuan enda patut ngumbai diri enda salah di mua Allah Taala.\\n3 Enti nuan nanya, ‘Baka ni ku dosa aku tau ngawa Nuan? Nama untung aku, enti aku enda bedosa?’\\n4 Aku deka nyaut nuan, enggau bala pangan nuan.\\n5 Peda nuan langit! Peda nuan mua hari ti tinggi agi ari nuan!\\n6 Enti nuan bedosa ngelaban Iya, nama utai ulih nuan ari nya? Enti nuan ngereja mayuh macham penyalah, nama utai ti dikereja nuan ngagai Iya?\\n7 Enti nuan lurus, nama utai ti diberi nuan ngagai Iya? Nama utai ti diterima Iya ari jari nuan?\\n8 Orang bukai nyau merinsa laban dosa nuan, lalu pengelurus nuan ulih mai penguntung ngagai orang bukai.\\n9 Lebuh orang kena tekan, sida bedemuh. Sida nyabak minta orang ngelepaska sida.\\n10 Tang sida enda nguing ngagai Allah Taala, ke ngaga sida, ke meri sida pengering lebuh malam hari,\\n11 ke ngajar sida lebih agi ari ke ngajar jelu di dunya tu, lalu ngasuh sida lebih agi pintar ari burung.\\n12 Sida nyabak minta tulung, tang Allah Taala enda nyaut, laban sida sumbung sereta jai.\\n13 Nadai guna sida ngangau. Allah Taala ti Pemadu Bekuasa enda meda tauka ninga sida.\\n14 Jop, nuan madahka diri enda ulih meda Allah Taala. Tang nuan patut nganti enggau ati ti liat. Pekara nuan bisi di mua Iya.\\n15 Nuan ngumbai Allah Taala enda ngukum, ngumbai Iya enda tentu ibuhka dosa.\\n16 Nadai guna nuan majak bejaku. Nuan endang nyata enda nemu utai ti disebut diri.\\n1-2 Anang enda liat ati, lalu pendingka lama agi utai ti disebut aku ngarika Allah Taala.\\n3 Penemu aku luas. Ngena utai ti ditemu aku, aku deka mandangka pengelurus Allah Taala ti udah ngaga aku.\\n4 Utai ti disebut aku ngagai nuan nadai bula siti. Orang ke di mua nuan nya orang ke amat bepenemu-dalam.\\n5 Allah Taala endang amat bekuasa, lalu Iya enda ngeleseka orang; Iya nemu semua utai.\\n6 Iya enda nejuka orang ke bedosa majak idup, lalu Iya meri atur ti lurus ngagai orang ke kena perinsa.\\n7 Iya nyaga orang ke lurus. Iya ngemendarka sida merintah baka raja lalu nejuka sida dibasa belama iya.\\n8 Lalu enti sida ditanchang ngena rantai, lalu kena perinsa ketegal utai ti udah dikereja sida,\\n9 Allah Taala deka madahka ngagai sida utai ti udah dikereja sida enggau penyalah sida, ti nunjukka sida udah ngenyumbungka diri.\\n10 Iya ngasuh sida mendingka jaku ajar Iya, lalu ngasuh sida ngelengkaka penyai.\\n11 Enti sida mending lalu betuaika Iya, sida deka bulih pengaya seumur idup, sereta nyamai diau.\\n12 Tang enti sida enda mendingka Iya, sida deka dipantap ngena pedang, lalu mati mengkang nadai nemu utai.\\n13 Orang ke enda arapka Allah Taala majak ringat; sida enda besampi minta tulung lebuh Iya nanchang sida.\\n14 Sida mati biak, nabanka ati ti malu.\\n15 Tang Allah Taala ngajar orang ngena pemerinsa lalu muka mata sida ngena penusah.\\n16 Allah Taala udah mai nuan pansut ari penusah ngagai endur ti luas ti nadai utai nekul, lalu pemakai ti pemadu manah ditugungka ba mija nuan.\\n17 Tang diatu nuan benung diukum nitihka pematut.\\n18 Bejimat nuan, enggai ke nuan kena tipu lalu makai suap, tauka pengaya nuan mai nuan limpang.\\n19 Nadai guna nuan ngangau minta tulung. Semua pengering nuan enda ulih nulung nuan diatu.\\n20 Anang ngajihka malam datai alai semua bansa deka mati.\\n21 Bejimat nuan, enggai ke nuan nguingka diri ngagai penyai. Pemerinsa nuan endang diasuh datai kena nagang nuan ari penyai.\\n22 Kingatka pemesai kuasa Allah Taala. Iya pengajar ti pemadu besai.\\n23 Nadai orang ulih madahka ngagai Allah Taala utai ti patut dikereja Iya tauka ngumbai Iya udah ngereja penyai.\\n24 Iya endang seruran dipuji ketegal utai ti dikereja Iya. Nuan empu pen enda tau enda mega muji Iya.\\n25 Semua mensia udah meda utai ti udah dikereja Iya, tang kitai semina ulih ninjau ari jauh.\\n26 Kitai enda ulih nemu enggau silik pasal pemesai kuasa Iya tauka ngitung umur Iya.\\n27 Allah Taala ngambi ai ari dalam tanah lalu ngaga ai nya nyadi leka ujan.\\n28 Iya ngasuh ujan labuh ari mua hari ti bekeberai ninggang semua mensia.\\n29 Nadai orang nemu jalai mua hari mindah tauka jalai guntur meletup di langit, ti alai Allah Taala diau.\\n30 Iya ngasuh kilat nyelar di langit, tang buntut tasik mengkang petang.\\n31 Nya meh chara Iya nupi mensia lalu meri pemakai ti mayuh.\\n32 Iya nangkap kilat ngena jari Iya lalu ngasuh kilat nya mangka ba endur ti udah diletak.\\n33 Guntur madahka hari deka kabut lalu jelu sapi nemu kabut nya deka datai.\\n1 Kabut ngasuh tungkul ati aku ketap-ketap.\\n2 Pendingka ulih semua kita, munyi nyawa Allah Taala, munyi guntur ti pansut ari nyawa Iya.\\n3 Iya ngasuh kilat nyelar di langit, ari ujung dunya siti ngagai ujung siti.\\n4 Nya baru auh nyawa Iya didinga, munyi guru guntur ti manah didinga, sekumbang kilat ti nyelar.\\n5 Lebuh Allah Taala bejaku, utai lalu nyadi, utai ti badas, ti enda ditemu kitai reti.\\n6 Iya ngasuh seleju labuh ke tanah, lalu ngasuh ujan bangat.\\n7 Iya ngasuh kitai badu gawa. Iya mandangka ngagai kitai utai ti ulih dikereja Iya.\\n8 Jelu babas pulai ngagai lubang sida.\\n9 Ribut biaubalai datai ari selatan, lalu ribut ti udu chelap datai ari utara.\\n10 Kesuh seput Allah Taala ngasuh ai meku, lalu ngasuh sida bebali nyadi ais.\\n11 Kilat nyelar ari mua hari,\\n12 nitihka peneka Allah Taala. Sida ngereja semua utai ti diasuh Allah Taala, di semua endur, di serata dunya.\\n13 Allah Taala ngasuh ujan ngemasahka tanah. Nyangka Iya ngukum kitai ngena ai ujan, tauka mandangka pengerindu Iya ke kitai.\\n14 Ngetu enda lama, Jop, lalu pendingka aku. Peratika utai ti badas ti dikereja Allah Taala.\\n15 Kati nuan nemu jalai Allah Taala meri pesan Iya lalu ngasuh kilat nyelar ari mua hari?\\n16 Kati nuan nemu jalai mua hari ulih melepung di langit, pengawa ti dikereja Allah Taala ngena pengelandik Iya?\\n17 Nuan enda nemu. Nuan semina merinsa natka pengangat lebuh ribut muput ari selatan.\\n18 Kati nuan ulih nulung Allah Taala mintarka langit lalu ngasuh langit nya kering baka besi ti dipugar?\\n19 Ajar kami utai ti patut disebut kami ngagai Allah Taala. Kami nadai penemu, nadai utai disebut.\\n20 Aku enggai minta diri bejaku enggau Allah Taala. Nama kebuah aku meri Iya peluang ngerusak aku?\\n21 Diatu penampak di langit nyau manchar terang, kelalu tampak lalu enda ulih diperening kitai, lalu langit udah beresi laban iya dipuputka ribut.\\n22 Panchar ti be-emas emas bisi dipeda di utara, lalu mulia Allah Taala ngasuh kitai nangi.\\n23 Kuasa Allah Taala endang besai, datai ke kitai enda ulih datai semak ngagai Iya. Iya endang lurus sereta betul dalam semua pengawa Iya enggau kitai.\\n24 Nya alai, semua orang endang patut nangika Iya. Iya enggai ibuhka orang ke ngumbai diri bepenemu-dalam.\\nTUHAN Nyaut Jop\\n1 Udah nya TUHAN lalu bejaku ngagai Jop ari biaubalai nya.\\n2 “Sapa nuan nya ti berani betanyaka penemu-dalam ari Aku, ngena jaku ti beli sereta kusung?\\n3 Bediri terit lalu saut tanya Aku.\\n4 Kati nuan bisi dia lebuh Aku ngaga dunya? Enti nuan amat mayuh penemu, padahka nya ngagai Aku.\\n5 Sapa ngeletak pemesai dunya? Sapa nerantingka tali kena nyukat pemesai dunya? Kati nuan nemu semua saut ke semua tanya nya?\\n6 Nama utai ti ngasuh tungkat dunya bediri? Sapa nudukka batu pemun dunya?\\n7 Pagi nya, semua bintang belagu sama sereta, lalu bala orang serega manjung gaga ati.\\n8 Sapa nikupka pintu kena nagang ai tasik masuk lebuh ai nya pansut ari pusat dunya?\\n9 Aku tu ke mungkur tasik ngena mua hari lalu mungkus iya ngena pemetang.\\n10 Aku tu ke ngeletak garis entara darat enggau tasik lalu nagang ai tasik tama nengah pintu ti bekalang.\\n11 Ku Aku bejaku enggau ai tasik, ‘Naka tu aja! Anang ngelui tu! Gelumbang nuan ti balat enda tau ngalun ngelui tu.’\\n12 Jop, kati nuan, dalam sepemanjai umur nuan, bisi udah kala ngasuh hari siang?\\n13 Kati nuan udah kala ngasuh merekah pajar merintah dunya lalu ngusak orang ke jai pansut ari endur alai sida ke belalai?\\n14 Penampak mata hari ngasuh bukit enggau lebak ayan nyata baka lepi kain, nyengala baka chop ti ditekanka ba tanah liat.\\n15 Penampak siang hari kelalu terang ke orang ke jai lalu nagang sida ngayanka pemangah sida.\\n16 Kati nuan bisi udah kala bejalai ngagai mata ai ti ba buntut tasik? Kati nuan udah kala bejalai nengah buntut tasik?\\n17 Kati orang bisi udah kala mandangka ngagai nuan pintu ti nyaga dunya pemati ti petang?\\n18 Kati nuan nemu pemesai dunya? Padahka ngagai Aku, enti nuan nemu semua utai nya.\\n19 Kati nuan nemu asal penatai penampak tauka asal penatai pemetang?\\n20 Kati nuan ulih madahka ikas entara pemetang enggau penampak, tauka ngasuh seduai iya pulai baru lebuh seduai iya udah datai?\\n21 Aku nemu nuan ulih ngereja nya, laban nuan tuai amat umur lalu nuan endang bisi dia lebuh dunya digaga!\\n22 Kati nuan udah kala tama ngagai bilik setor, endur alai Aku ke naruh seleju enggau ujan batu?\\n23 Aku naruh sida nyendiaka maya penusah nyadi maya orang beperang.\\n24 Kati nuan udah kala bejalai ngagai endur alai mata hari pansut, tauka ngagai endur alai penatai ribut ti muput ari timur?\\n25 Sapa ke numbak parit ke ujan ti lebat lalu ngelasi jalai keguntur enggau kilat?\\n26 Sapa ngasuh ai ujan labuh ba endur ti nadai mensia?\\n27 Sapa meri ai ngagai menua ti rangkai, sereta aus, lalu ngasuh rumput tumbuh?\\n28 Kati ujan tauka ambun bisi apai?\\n29 Sapa indai ais enggau batu seleju,\\n30 ti ngasuh ai bebali nyadi batu lalu ngasuh ai tasik meku?\\n31 Kati nuan ulih ngerempungka bintang tujuh tauka muka tanchang bintang banyak?\\n32 Kati nuan ulih ngatur pejalai bintang ari musin siti ngagai musin siti lalu ngatur pejalai bintang tiga enggau bintang tujuh?\\n33 Kati nuan nemu adat ti merintah langit. Kati nuan ulih neritka adat nya ngagai dunya?\\n34 Kati nuan ulih manjung merintah mua hari lalu ngasuh sida manjah nuan ngena ujan?\\n35 Lalu enti nuan ngasuh kilat nyelar, kati iya deka datai ngagai nuan, lalu bejaku, ‘Tu aku, tuan’?\\n36 Sapa madahka ngagai burung ibis tauka madahka ngagai manuk sabung hari deka ujan?\\n37 Sapa chukup bepenemu-dalam lalu ulih ngitung mua hari? Sapa ulih nyingitka mua hari ngambika sida mansutka ujan,\\n38 ujan ti ngasuh amau betekang?\\n39 Kati nuan ngiga pemakai ke singa, ngambika anak singa kenyang\\n40 lebuh sida belalai dalam lubang sida tauka gali ngipa ba alai sida ke belalai?\\n41 Sapa nupi burung kak lebuh sida terebai segau-segau lapar, lebuh anak sida nyabak minta pemakai ngagai Aku?\\n1 Kati nuan nemu maya kambin bukit ada? Kati nuan kala nengkilaka rusa beranak?\\n2 Kati nuan nemu pengelama sida ngandung? Kati nuan nemu maya anak sida patut ada?\\n3 Kati nuan nemu maya sida deka ningkap lalu beranak?\\n4 Anak sida mansang kering-sekering dalam babas. Sida angkat, lalu enda pulai agi.\\n5 Sapa udah ngelepaska keledai kampung? Sapa muka tanchang sida lalu ngasuh sida mawa?\\n6 Aku meri sida menua puang alai sida diau, lalu nejuka sida diau ba emperan garam.\\n7 Sida diau jauh ari nengeri ti inggar, lalu nadai orang ulih bejinakka sida, lalu ngena sida ngereja pengawa.\\n8 Padang rumput ba bukit nyadi endur alai sida ngulam, alai sida ngiga rumput.\\n9 Kati sapi ti siga deka bekereja ke nuan? Kati iya deka bemalam ba bansal jelu tupi nuan?\\n10 Kati nuan ulih nanchang sapi nya ngena tali, lalu mejalka iya ngeradu tanah? Tauka mejalka iya narit pengeradu tanah ba umai nuan?\\n11 Kati nuan ulih ngarapka pengering iya, lalu ngarapka iya ngereja pengawa ti berat ke nuan?\\n12 Kati nuan ngarapka iya ngetau umai nuan lalu mai gandum nuan ngagai endur alai nungku?\\n13 Naka meh penyampat kebap sayap burung unta! Tang burung unta enda ulih terebai baka burung bangau.\\n14 Burung unta ninggalka telu iya ba tanah ngambika telu nya angat laban pengangat tanah.\\n15 Iya enda nemu telu nya tau kena indik lalu redak tauka jelu babas mechahka sida.\\n16 Burung unta nya baka ke ngumbai telu nya ukai telu iya lalu enda irauka diri deka lebu ngapa betelu.\\n17 Aku Empu ti udah ngasuh iya beli lalu enda meri iya penemu-dalam.\\n18 Tang lebuh iya belabuh belanda, iya laju agi ari kuda enggau orang ke nepan kuda nya.\\n19 Kati nuan, Jop, bisi udah ngasuh kuda kering lalu meri sida bulu ti panjai melulur rekung sida?\\n20 Kati nuan bisi udah ngasuh sida merejuk baka buntak lalu ngasuh orang takut ninga munyi kesuh idung sida?\\n21 Sida ransing ngerumbak tanah ba lebak. Sida belanda mansang beperang enggau pengabis pengering sida.\\n22 Sida enda nemu reti takut, lalu pedang enda ulih ngasuh sida nikal.\\n23 Senyata ti dibai orang ke nepan sida begetar inggar sereta bekilap dipanchar mata hari.\\n24 Kuda betegitik isi ransing, lalu belanda mansang ke mua. Lebuh terumpit disepu, sida enda ulih diau jenuh.\\n25 Genap kali terumpit nya disepu, sida inggar ngesuhka seput. Sida nemu ngembau perang sebedau sida datai semak lalu sida ninga bala pemesai merakka nyawa meri atur.\\n26 Kati burung menaul bisi belajar ari nuan chara terebai lebuh iya ngerembaika sayap iya lalu nuju ke selatan?\\n27 Kati burung menaul nganti atur ari nuan sebedau iya ngaga tansang ba tuchung bukit?\\n28 Iya ngaga tansang ba tuchung bukit ti bebatu lalu ngaga tuchung ti tajam nya nyadika kuta iya.\\n29 Ari nya iya ninjau utai ti semak enggau ti jauh ngintaika utai ti tau dibunuh lalu diempa iya.\\n30 Menaul begempuru ngelingi bangkai lalu anak menaul ngirup darah.\\n1-2 Jop, nuan udah nyakap Allah Taala ti Pemadu Bekuasa. Kati nuan diatu deka ngalahka diri, tauka nyaut?\\n3-4 “Aku udah bejaku mapap, TUHAN. Baka ni ku jalai aku nyaut? Aku nadai nemu utai disebut agi.\\n5 Aku udah nyebut lebih ari ti patut.’’\\n6 Udah nya TUHAN lalu bejaku baru ngagai Jop ari kabut biaubalai.\\n7 “Bediri rurus lalu saut tanya Aku.\\n8 Kati nuan nguji ngumbai Aku enda lurus? Kati nuan deka besalah Aku, lalu ngumbai nuan empu ngena?\\n9 Kati nuan kering baka Aku? Kati nyawa nuan inggar munyi guntur baka nyawa Aku?\\n10 Enti pia, begari nuan lalu bediri ngena pangkat, basa, enggau mulia nuan.\\n11 Bantaika pengeringat nuan, lalu peda enti nuan ulih ngasuh orang ke sumbung nya baruh ati.\\n12 Peda sida ke sumbung nya, lalu alahka sida; Redakka sida ke jai nya ba endur alai sida ke bediri.\\n13 Tumbakka sida dalam tanah. Tanchang sida di dunya pemati.\\n14 Nya baru Aku deka ngumbai nuan menang ngena pengering nuan empu.\\n15 Peda nuan Behemot. Aku udah ngaga iya, lalu Aku udah mega ngaga nuan. Iya makai rumput baka sapi,\\n16 tang peda nuan pengering dalam tubuh iya, enggau kuasa dalam gumpal isi iya!\\n17 Iku iya bediri chegit-chegit baka kayu sidar, lalu gumpal isi dalam kaki iya amat kering.\\n18 Tulang iya kering baka temaga, lalu kaki iya baka lumpung besi.\\n19 Iya tu utai ti pemadu ngasuh ati iran ari semua utai ti idup ti digaga Aku! Semina Aku ti ngaga iya ulih ngalahka iya.\\n20 Rumput ti dikena nupi iya tumbuh ba bukit alai jelu babas bemain.\\n21 Iya gali di baruh madang duri, lalu belalai ba madang purun ti tumbuh ba paya.\\n22 Lalu iya belindung di baruh madang duri enggau madang kayu willow ti tumbuh ba tebing sungai.\\n23 Iya enda takutka ai sungai ti deras. Iya enda irau ati lebuh ai Sungai Jordan mangka mua iya.\\n24 Sapa ulih ngasuh iya buta, lalu nangkap iya? Tauka, sapa ulih nyintak junggur iya ngena panjuk?\\n1 “Kati nuan ulih ngulihka naga ngena ginti tauka nanchang dilah iya ngena tali?\\n2 Kati nuan ulih nanchangka tali ba junggur iya tauka ngaitka ginti ba rang iya?\\n3 Kati iya deka minta nuan ngelepaska iya? Kati iya deka minta nuan kasihka iya?\\n4 Kati iya deka ngaga sempekat enggau nuan lalu besemaya deka betuaika nuan belama iya?\\n5 Kati nuan deka nambat iya baka ke nambat burung ayam kena ngelantangka ati sida indu ke digaji nuan?\\n6 Kati orang berikan deka betawarka rega iya? Kati orang dagang deka ngelampang lalu nyual iya?\\n7 Kati nuan ulih ngebuska kulit iya ngena berayang tauka ngebuska pala iya ngena pendawan?\\n8 Tegu iya sekali, lalu nuan enggai agi negu iya. Nuan deka seruran ingatka diri ti udah belaban enggau iya!\\n9 Barang sapa meda naga deka takut lalu rebah.\\n10 Lebuh iya dikachau, iya mangah. Nadai orang berani bediri di mua iya.\\n11 Sapa ulih nyerang iya lalu enda bebadi? Nadai orang di serata dunya tu ulih ngereja nya. 12 Awakka aku nusui ngagai nuan pasal kaki naga nya lalu madahka pemesai enggau pengering iya.\\n13 Nadai orang ulih nyarikka baju iya tauka ngebuska baju kebal iya.\\n14 Sapa ulih mejalka iya nukangka rang ti penuh laban ngeli ti balat ngenakut?\\n15 Belakang iya digaga ari rintai terabai ti bejantil enggau pangan diri, lalu kering baka batu.\\n16 Terabai nya bejantil rapit enggau pangan diri datai ke angin enda ulih tama.\\n17 Semua terabai nya bejantil rapit amat datai ke nadai utai ulih ningkilka sida ari pangan diri.\\n18 Lebuh iya engkasi, penampak lalu bekilat, lalu mata iya mirah chinang-chinang baka mata hari ti tumbuh pagi hari.\\n19 Daun api nyelar ari nyawa iya lalu perechi api pansut.\\n20 Ari idung iya pansut asap, baka asap ti pansut ari rumput ti diempa api di baruh periuk.\\n21 Kesuh seput iya ngasuh api menyadi. Daun api nyelar ari nyawa iya.\\n22 Rekung iya kering datai ke semua orang ke betemu enggau iya bela takut magang.\\n23 Indah perengka tubuh iya ti pemadu lemi deh kering baka besi.\\n24 Ati iya baka batu, enda nemu takut, enda lembut tang kering baka batu kisar.\\n25 Lebuh iya angkat, indah utai ti pemadu kering deh takut. Sida nadai daya laban takut.\\n26 Nadai pedang ulih nelihka iya nadai sangkuh, tauka laja tauka lunju, ulih ngemediska iya.\\n27 Ba iya, besi lemi baka rumput ti rangkai, lalu temaga, baka kayu ti repuk.\\n28 Nadai panah ulih ngasuh iya rari. Batu ti ditikau ngagai iya baka rumput ti rangkai.\\n29 Ba iya, pemalu baka rumput ti rangkai, lalu iya ketawa lebuh orang numbukka sangkuh ngagai iya.\\n30 Tisik perut iya tajam baka kerimpak periuk. Tisik nya ngeraus tanah ti luchak baka pengeradu tanah.\\n31 Lebuh iya nyelam ke dalam tasik ai melidih baka minyak ti melidih dalam periuk,\\n32 lalu ai ti udah ditengah iya nyau begenyeling bepupu burak.\\n33 Nadai utai di dunya tu sebaka enggau iya. Iya enda nemu takut.\\n34 Iya nyadi raja ke semua jelu ti sumbung lalu iya ngira jelu bukai nadai guna magang.\\n1 Udah nya Jop lalu nyaut TUHAN.\\n2 “TUHAN, Aku nemu Nuan endang bekuasa ari atas semua, lalu Nuan ulih ngereja semua utai ti dikedekaka Nuan.\\n3 Nuan nanyaka kebuah aku kakang ati ke penemu-dalam Nuan taja pen aku nadai nemu utai. Aku bejakuka pasal utai ti enda ditemu aku, pasal utai ti nyelai ti\\nenda ulih ditemu aku.\\n4 Nuan udah ngasuh aku mendingka Nuan lebuh Nuan bejaku lalu ngasuh aku nguji nyaut tanya Nuan.\\n5 Dulu menya, aku semina nemu utai ti dipadahka orang ngagai aku, tang diatu aku udah meda Nuan ngena mata aku empu.\\n6 Nya alai aku malu ke semua utai ti udah disebut aku lalu aku nesal ati lalu ngerabu diri enggau amau enggau abus.\\n7 Lebuh TUHAN udah tembu bejaku ngagai Jop, Iya lalu bejaku ngagai Elipas, “Aku ringat ngagai nuan, enggau ngagai pangan seduai ke dua iku nya, laban nuan enda nyebut utai ti bendar pasal Aku, baka nembiak Aku Jop.\\n8 Nya alai bai diatu tujuh iku sapi ti lelaki, enggau tujuh iku bedus ti lelaki, ngagai Jop, lalu beri utai nya nyadika piring ke nuan empu. Jop deka besampika nuan, lalu Aku deka nyaut sampi iya, lalu enda ngukum nuan nitihka pemeli nuan. Nuan enda baka iya laban Nuan enda nyebut utai ti bendar pasal Aku.’’\\n9 Elipas, Bildat, enggau Sopar lalu ngereja utai ti diasuh TUHAN, lalu TUHAN nyaut sampi Jop.\\n10 Udah nya, lebuh Jop udah besampika pangan iya ke tiga iku nya, TUHAN lalu merekatka iya nyadi kaya-raja baru, lalu meri iya dua kali lipat mayuh agi utai ari ti dikemisi iya sebedau nya.\\n11 Semua sida menyadi lelaki enggau menyadi indu Jop, enggau semua pangan iya ke dulu suba, bela datai nemuai ngagai iya, lalu ngintu pengerami makai besai enggau iya ba rumah iya. Sida madahka penyinu ati sida ngagai iya, lalu merindang iya, ketegal semua penusah ti udah diasuh TUHAN ninggang iya. Genap iku sida bela meri iya sesingkap duit, enggau siti tinchin emas.\\n12 TUHAN merekatka pengidup Jop lebuh iya nyau tuai, lebih agi ari ti terubah. Jop bisi empat belas ribu iku jelu bedus, enam ribu iku unta, dua ribu iku jelu sapi, enggau seribu iku keledai.\\n13 Iya bisi tujuh iku anak lelaki enggau tiga iku anak indu.\\n14 Iya meri nama Jemimah ngagai anak indu iya ke tuai, iya ti kedua Kesiah, lalu iya ke pemadu biak Keren-hapuk.\\n15 Nadai indu di serata dunya tu ti bajik agi ari anak indu Jop. Apai sida meri sida ungkup ari pesaka iya, sebaka enggau ungkup ti diberi iya ngagai sida menyadi lelaki sida.\\n16 Udah bekau nya, Jop idup seratus empat puluh taun, lalu meda bala uchu enggau bala ichit diri.\\n17 Iya mati lebuh umur iya nyau tuai amat.","num_words":17088,"character_repetition_ratio":0.066,"word_repetition_ratio":0.007,"special_characters_ratio":0.22,"stopwords_ratio":0.339,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"aCiapAi...: NATASYA DEMKINA\\nNatasya Demkina to siko gadis ari menoa Saransk Russia, ke bc 'kuasa' ba mata ia. Mata ia umpama X-RAY laban ulih ngaga imbasan bala 'kereban' dalaman body kitai mensia..nya meh kebuah tudah tuai lalu d gelar sbagai “the girl with X-RAY eyes”\\nNatasya to diada kena bulan january 1987 lalu ia bulih 'kurniaan' ke luar biasa to maya umur ia manggai 10thn..kenu ko ia keterubah ia ngasai ke penyelai mata ia to ianya maya ia tak meda cahaya warna-warni ba tuboh urang d sekeliling ia..udah bakanya dia ia lalu ngaga imbasan body ngagai urang bukai. First urang ke di X-RAY olih ia ialah indai ia empu..start ari nama Natasya to alu terkenal ba pelusok menoa Russia lalu narit minat bala pengkaji ke ka nyelidik lalu mansik mata ia.\\nMaya bulan march 2004, siko ari producer Discovery Channel dbai bala Committee for the Scientific Investigation of the Pranormal (CSIOP) enggau Affiliated Commision for Scientific Medicine & Mental Health (CSMMH) ngaga kajian terhadap Natasya. Kajian dgaga ba City College New York. Kajian nya dgaga enggau 6 urang sukarelawan ke ngembuan macam2 penyakit..sida ia to ka mengenalpasti sama ada 6 iko subject nya bc ngembuan apendik tauka nadai.\\nTaja pia, kebolehan Natasya to dpertikaikan laban diagnosis ke digaga ianya tadi enda tepat 100%..\\n..................................nya meh ia serba ringkas cerita ku pasal NATASYA to..puji tuhan meh wai2!","num_words":216,"character_repetition_ratio":0.043,"word_repetition_ratio":0.0,"special_characters_ratio":0.228,"stopwords_ratio":0.125,"flagged_words_ratio":0.0,"lang_id_score":0.948,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemansut 22 BK - “Enti orang ngenchuri sapi, tauka - Bible Search\\nPemansut 21 Pemansut 23\\n1“Enti orang ngenchuri sapi, tauka bedus, lalu munuh jelu nya, tauka nyual iya, iya enda tau enda mayar sapi nya ngena lima iku sapi, tauka empat iku bedus kena mayar siku bedus. 2-4Iya enda tau enda mayar utai ti udah dichuri iya. Enti iya nadai utai kena mayar, iya deka dijual nyadi ulun kena mayar utai ti udah dichuri iya. Enti jelu ti udah dichuri iya, nemuka jelu nya sapi, keledai tauka bedus, bisi ditemu agi idup ba jari iya, iya enda tau enda mayar ngena dua iku jelu, ke genap iku jelu ti dichuri iya.\\n“Enti penchuri kena tangkap tama ngagai rumah orang lebuh malam hari, lalu iya mati dibunuh, orang ke munuh iya enda dikumbai salah. Tang enti utai nya nyadi lebuh siang hari, orang ke munuh iya deka dikumbai salah. 5“Enti orang nejuka jelu iya ngulam ba padang, tauka ba kebun anggur, lalu jelu nya mawa lalu ngulam utai ti ditanam ba umai orang bukai, orang ke bempu jelu nya enda tau enda mayar pengerugi orang ke bempu umai nya, ngena utai ari umai iya empu, tauka ari kebun anggur iya empu.\\n6Enti orang nyelup api ba tanah iya empu, lalu api nya nyerarai ngagai umai orang bukai, lalu nganguska gandum ti tumbuh dia, tauka gandum ti udah diketau lalu ditugungka dia, orang ke nyelup api nya enda tau enda mayar utai ti rusak nya.\\n7“Enti orang besetuju nyimpan utai ke pangan iya, nemuka utai nya duit, tauka utai ti berega, lalu utai nya kena churi ari rumah iya, penchuri nya, enti iya ditemu, enda tau enda mayar dua kali lipat. 8Tang enti penchuri nya enda ditemu, orang ke nyimpan utai ti berega nya enda tau enda dibai ngagai endur alai besembiang, lalu iya enda tau enda besumpah dia, madahka diri nadai ngenchuri utai pangan iya nya.\\n9“Dalam semua laya pasal pesaka, nemuka laya nya pasal jelu sapi, keledai, bedus, gari, tauka sebarang utai bukai ti lenyau, orang dua iku ke berebutka pesaka nya enda tau enda dibai ngagai endur alai besembiang. Orang ke dikumbai Allah Taala salah enda tau enda mayar dua kali lipat ngagai orang ke enggau iya berebutka pesaka nya.\\n10“Enti orang besetuju nyimpan keledai, sapi, bedus, tauka jelu bukai, ke pangan iya, lalu udah nya jelu nya mati, tauka bebadi, tauka ditabanka munsuh, lalu orang bukai pen nadai mega meda utai nya nyadi, 11orang ke nyimpan jelu nya enda tau enda mansang ngagai endur alai besembiang, lalu besumpah madahka diri nadai ngenchuri tauka munuh jelu nya, lalu orang ke bempu jelu nya deka betanggungjawapka pengerugi diri empu, lalu pangan iya ke nyimpan jelu nya enda ibuh mayar iya. 12Tang enti jelu nya udah kena churi, orang ke nyimpan jelu nya enda tau enda mayar orang ke bempu jelu nya. 13Enti jelu nya mati laban jelu babas, orang ke nyimpan jelu nya enda tau enda mai teda bangkai jelu nya kena nandaka jelu nya udah mati laban jelu babas, lalu iya enda ibuh bebayar ke jelu nya.\\n14“Enti orang nginjau jelu ari pangan iya, lalu jelu nya bebadi tauka mati lebuh orang ke bempu jelu nya nadai dia, orang ke nginjau jelu nya enda tau enda mayar rega jelu nya enggau penuh. 15Tang enti utai nya nyadi lebuh orang ke bempu jelu nya bisi dia, orang ke nginjau jelu nya enda ibuh mayar rega jelu nya. Enti jelu nya disua, semina suaka jelu nya aja ti patut dibayar.\\n16 “Enti lelaki nipu indu dara bungas, ti enda betunang, lalu bulih tubuh iya, lelaki nya enda tau enda meri derian, lalu jadi enggau indu nya. 17Tang enti apai indu nya enda ngemendarka lelaki nya jadi enggau indu nya, lelaki nya enda tau enda meri apai indu nya duit nyampau derian ti diberi ngagai indu ke agi dara bungas.\\n22Anang merinsaka indu ke balu enggau orang ke nadai apai indai. 23Enti kita merinsa tauka nekanka pengidup sida, Aku ti TUHAN, deka nyaut kangau sida, 24lalu Aku deka ringat lalu munuh kita ngena pedang. Bini kita deka balu, lalu anak kita nadai agi apai.\\n25 “Enti kita nyali duit ngagai bala nembiak Aku ke seranta, anang baka orang ke bejalika duit, lalu minta sida mayar bungai duit nya. 26 “Enti kita ngambi baju panjai ari pangan kita nyadika gadai utang iya, kita enda tau enda mulaika baju nya ngagai iya baru sebedau padam mata panas, 27laban semina baju nya aja ti dikemisi iya kena iya bebungkur. Nama utai bukai kena iya bebungkur lebuh iya tinduk? Lalu lebuh iya nyabak ngangauka Aku, Aku deka mending, laban Aku amat kasih.\\n29“Beri ngagai Aku piring gandum, wain, enggau ari minyak kana kita, ba maya ti udah diletak.\\n“Serahka anak tuai kita ke lelaki ngagai Aku. 30Serahka anak tuai jelu sapi kita, enggau bedus kita ngagai Aku. Awakka anak tuai ti lelaki mengkang begulai enggau indai iya tujuh hari, lalu ba hari ti kelapan, serahka iya ngagai Aku.","num_words":805,"character_repetition_ratio":0.106,"word_repetition_ratio":0.0,"special_characters_ratio":0.214,"stopwords_ratio":0.386,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nutup belanja JKKK, pemutus salah - Suara Sarawak\\n“Taja JKKK tu ari perintah nengeri tang pengawa ngemujur JKKK tu patut disaup perintah besai laban genturung pendiau ngembuan JKKK pemadu mayuh iya nya urung 6,000 iti.”\\nKUCHING: Pemutus Perintah Besai nutup agih belanja ungkup Komiti Pemansang enggau Pengelikun Genturung Pendiau (JKKK) siti pemutus ti salah.\\nMenteri Dagang Temuai, Seni, Main Asal ti mega Menteri Nembiak enggau Lumba (Asajaya-GPS) Datuk Abdul Karim Rahman Hamzah madahka agih belanja JKKK sebedau tu sebagi ari saup entara perintah besai enggau perintah nengeri.\\n“Nyekat agih belanja JKKK ngagai kampung enggau rumah panjai siti pemutus ti salah.\\n“Taja JKKK tu ari perintah nengeri tang pengawa ngemujur JKKK tu patut disaup perintah besai laban genturung pendiau ngembuan JKKK pemadu mayuh iya nya urung 6,000 iti,” ku iya.\\nAbdul Karim bejaku munyi nya lebuh bejaku ba aum pemberita maya Aum Kedua Renggat Keempat Dun Ke-18 ditu, kemari.\\nKu iya, pemutus narit agih belanja tu mantaika perintah besai nadai ati bebendar deka mantu rayat.\\n“Baka ni enti kitai nibuh mayar 95 peratus minyak enggau gis ngagai perintah besai?\\n“Sida patut besaup mantu perintah nengeri enti sida amai deka mantu rayat,” ku iya.\\nTandu iya, penumbuh Komiti Pengatur Genturung Pendiau Perintah Besai (MPKKP) nyangka deka ngelumpuhka kuasa perintah nengeri kediatu.\\n“Kitai di Sarawak digaga baka rayat Malaysia kelas kedua laban pengawa sida nguruska perintah baka nadai bejalai enggau manah.\\n“Nyangka mega sida deka mechah belahka menua laban sida nemu sukung besai perintah Gempung Parti Sarawak (GPS) ari rayat menua pesisir.\\n“Sida ngena strategi tu ngachau rayat ti ‘naif’ba menua pesisir lalu empas nya dudi ari ila pulai ngagai kami (GPS),” ku iya.\\nPenduduk Jalan Baji yang terjejas sekatan pergerakan terima bantuan","num_words":262,"character_repetition_ratio":0.081,"word_repetition_ratio":0.119,"special_characters_ratio":0.187,"stopwords_ratio":0.176,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lima palan gis hidrogen ditumbuh - Suara Sarawak\\nLima palan gis hidrogen ditumbuh\\nKUCHING: Perintah Sarawak merambu deka numbuhka palan hidrogen selampur menua tu.\\nKepala Menteri Datuk Patinggi Abang Johari Tun Openg madahka kerita ti ngena teknologi gis hidrogen mantu nyaga pemeresi rampa menua kelimpah ulih ngena pemansut asal ari ai menua tu ungkup pekara ti beguna.\\n“Tu sebagi ari pengawa pansik enggau pemansang (R&D) ke alai kitai ulih ngena ai ti nyadi pemansut asal pemadu mayuh ba Sarawak ti meri penguntung ngagai kitai.\\n“Taja pia, kami deka beratika pengulih ari R&D tu kelebih agi ba pemansut gis hidrogen ditu,” ku iya.\\nAbang Johari madah munyi nya lebuh dirandau raban pemberita pengudah bejadika pengawa nutup Sarawak Invention, Innovation & Design Expo (Siidex) 2019 di Palan Aum CIDB ditu tadi.\\nKebun Strawberi di Kpg Jaya Bakti manah dilawa\\nWartawan, anugerah dan tanggungjawab\\nIsrael mulakan kerja meroboh kediaman Palestin\\nAtlet renang Sarawak ditemui mati\\nPengari rayat GPS besaup mantu peranak Rumah Noh\\nPenatai nembiak baru Unimas disekat dulu\\nDr Zulkifli: Wanita kahwin pemain hoki, tunggu penjelasan pihak berkuasa agama\\nMesej palsu bertebaran di Whatapps\\nIkon baru jalai Lundu – Kuching\\nKuih bakul selera Melayu\\nATM komited sertai derma darah Hospital Umum Sarawak","num_words":179,"character_repetition_ratio":0.066,"word_repetition_ratio":0.0,"special_characters_ratio":0.173,"stopwords_ratio":0.112,"flagged_words_ratio":0.0,"lang_id_score":0.967,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup 1 Raja* nampung jerita lama pasal orang Israel ke dipegai raja. Jerita tu terubah ditulis dalam bup Samuel*. Bup 1 Raja* tau dibagi ngagai tiga iti sitak: (1) Pasal Solomon ke nganti apai iya David nyadi raja, enggau pasal pemati David. (2) Pasal perintah Solomon, enggau utai ti dikereja iya, kelebih agi pasal iya ke ngaga Rumah Sembiang di Jerusalem. (3) Pasal menua Israel ti dibagi ngagai perintah ti di utara enggau perintah ti di selatan, enggau jerita pasal bala raja ke megai perintah di menua dua bengkah nya, nyentuk ngagai kira setengan abad ti kesemilan sebedau pengada Jesus.\\nDalam bup 1 Raja* enggau 2 Raja*, siku-siku raja diakim nitihka penaluk sida ke Allah Taala, lalu pemujur menua Israel bepanggai ba penaluk bala raja nya ke Allah Taala. Tang pengawa besembahka engkeramba, enggau pengawa ti enda ngasika TUHAN, mai penusah. Semua raja ke merintah di utara nadai mujur siku, lalu sida ke merintah di selatan bisi mujur, tang bisi ga enda.\\nUtai ti nyengala nyata dalam bup 1 Raja* nya pasal bala nabi TUHAN ti berani madahka jaku Allah Taala ngagai orang ke enda ngasika Allah Taala lalu nagang sida besembahka engkeramba. Nabi ti tebilang nya Elijah. Peda bagi 18 alai iya ke ngelaban bala nabi Baal.\\nPengujung perintah David (1.1-2.12)\\nSolomon nyadi raja (2.13-46)\\nPerintah Solomon (3.1-11.43)\\na. Maya lebuh Solomon baru apin lama udah nyadi raja (3.1-4.34)\\nb. Ngaga Rumah Sembiang (5.1-8.66)\\nc. Maya ti nangkanka nya (9.1-11.43)\\nMenua Israel dibagi dua (12.1-22.53)\\na. Raban bansa ti di utara angkat ngelaban perintah (12.1-14.20)\\nb. Raja ke megai perintah di menua Judah enggau menua Israel (14.21-16.34)\\nc. Nabi Elijah (17.1-19.21)\\nd. Raja Ahap ke menua Israel (20.1-22.40)\\ne. Raja Jehosapat ke menua Judah enggau Raja Ahasiah ke menua Israel (22.41-53)\\nRaja David Lebuh Iya Nyau Tuai\\n1 Raja David diatu nyau tuai. Taja pen bala orang gaji iya mungkur iya ngena pua, iya seruran chelap tubuh.\\n2 Nya alai bala pemesai iya bejaku enggau iya, “Tuan Raja, awakka kami ngiga indu ke biak ke nuan, lalu ngintu nuan. Iya deka gali ngimbai nuan, ngambika nuan seruran angat isi.”\\n3 Sida lalu ngiga siku indu ke bajik di menua Israel. Sida lalu tetemuka siku di Sunem. Nama iya Abisak, lalu sida mai iya ngagai raja.\\n4 Abisak bajik amat gamal. Iya ngibun sereta ngintu raja, tang raja enda beleman enggau iya.\\nAdonijah Ngambu Diri Nyadi Raja\\n5-6 Laban Absalom udah mati, Adonijah, anak David seduai Hagit, nyadi anak tuai David ti agi meruan idup. Adonijah tu sigat amat gamal. David nadai kala nganu iya, lalu iya pen bisi amat ati deka nyadi raja. Iya nyendiaka kerita perang ke diri empu, kuda, enggau lima puluh iku orang ke nyaga iya lebuh iya bejalai.\\n7 Iya bejaku enggau Joap (indai Joap nya Seruiah). Iya mega bejaku enggau Imam Abiatar, lalu seduai iya besetuju deka nyukung iya.\\n8 Tang Imam Sadok, Benaiah anak Jehoiada, nabi Natan, Simei, Rei, enggau bala soldadu ke nyaga David, enggai nyukung Adonijah.\\n9 Nyadi sekali, Adonijah ngenjuk piring jelu bedus, sapi ti lelaki, enggau anak sapi ti gemu ba Batu Ular, semak mata ai di En-rogel. Iya mai anak lelaki David ti bukai, enggau bala pemesai raja ari menua Judah ngagai pengerami nya.\\n10 Tang iya enda mai menyadi-tiri iya Solomon tauka nabi Natan, tauka Benaiah, tauka bala soldadu ke nyaga raja.\\nSolomon Dichiri Nyadi Raja\\n11 Udah nya Natan lalu mansang ngagai Batseba, indai Solomon, lalu nanya ngagai iya, “Kati nuan nadai udah ninga pasal anak Hagit ke benama Adonijah, ti udah nyiri diri nyadi raja, lalu Raja David enda nemu pasal pekara nya?\\n12 Enti nuan deka ngidupka nyawa diri, enggau nyawa anak nuan Solomon, aku meri nuan siti jaku lalau. Mansang nuan\\n13 ngagai Raja David diatu, lalu tanya ngagai iya, ‘Tuan Raja, ukai enda nuan udah besemaya ngena sumpah madahka anak aku Solomon deka nganti nuan nyadi raja? Enti nuan amat udah besemaya, nama kebuah Adonijah diatu udah nyadi raja?’\\n14 Udah nya, lebuh nuan benung bejaku enggau Raja, aku tama, lalu madahka pengamat berita ti dibai nuan.”\\n15 Batseba lalu mansang betemu enggau raja dalam bilik tinduk raja. Raja udah tuai amat, lalu iya diintu Abisak, indu ke ari Sunem.\\n16 Batseba nyungkurka diri di mua raja. Raja lalu nanya, “Nama utai ti dikedekaka nuan?”\\n17 Batseba lalu nyaut, “Tuan Raja, nuan udah besumpah enggau aku dalam nama TUHAN Allah Taala nuan, madahka anak aku Solomon deka nganti nuan nyadi raja.\\n18 Tang diatu Adonijah udah nyadi raja, lalu nuan nadai nemu pasal pekara nya.\\n19 Iya udah meri sapi ti lelaki, bedus, enggau anak sapi ti gemu nyadika piring, lalu iya udah ngambi bala anak lelaki nuan, Imam Abiatar, enggau Joap ti nyadi tuai soldadu nuan, ngagai pengerami nya, tang iya enda mai anak nuan Solomon.\\n20 Tuan Raja, semua orang di menua Israel nganti nuan madahka sapa ti deka nganti nuan nyadi raja.\\n21 Enti nuan enda, lebuh nuan mati ila, kami duai Solomon deka digaga nyadi baka orang ke nyual bansa.”\\n22 Lebuh Batseba agi benung bejaku, Natan pen datai di istana.\\n23 Orang lalu madahka ngagai David, “Nabi Natan!” Natan tama, lalu nyungkurka diri di mua raja.\\n24 Udah nya Natan lalu bejaku, “Tuan Raja, kati nuan bisi udah madahka Adonijah deka nganti nuan nyadi raja?\\n25 Sehari tu iya udah mansang lalu ngenjuk piring jelu sapi ti lelaki, bedus enggau anak sapi ti gemu. Semua bala anak lelaki nuan, Joap ti nyadi tuai soldadu nuan, enggau Imam Abiatar udah diambi iya ngabang. Diatu sida benung ngintu pengerami makai besai enggau iya, sereta manjung ‘Gayu-guru Raja Adonijah!’\\n26 Tang, tuan, iya nadai ngambi aku, tauka Imam Sadok, tauka Benaiah, tauka Solomon ngagai pengerami nya.\\n27 Kati Tuan Raja bisi udah ngemendarka pengawa nya, lalu enda madahka ngagai bala pemesai nuan sapa ti deka nganti nuan nyadi raja?”\\n28 Ku Raja David bejaku, “Asuh Batseba tama kitu baru.” Batseba tama lalu bediri di mua raja.\\n29 David lalu bejaku enggau Betseba, “Aku besemaya enggau nuan, dalam nama TUHAN ti idup, ti udah ngelepaska aku ari semua penusah aku,\\n30 sehari tu aku deka ngamatka semaya ti udah digaga aku enggau nuan dalam nama TUHAN Allah Taala ke disembah orang Israel. Anak nuan Solomon deka nganti aku nyadi raja.”\\n31 Batseba lalu nyungkurka diri, lalu ku iya, “Awakka Tuan Raja aku idup belama iya!”\\n32 Udah nya raja lalu mesanka Sadok, Natan, enggau Benaiah. Lebuh sida tama,\\n33 raja lalu bejaku enggau sida, “Bai bala pemesai aku enggau kita. Asuh anak aku Solomon nepan keledai aku empu, lalu iring iya nurun ngagai Mata Ai di Gihon.\\n34 Dia Sadok, enggau Natan deka nata iya nyadi raja menua Israel. Udah nya sepu terumpit, lalu manjung, ‘Gayu-guru Raja Solomon!’\\n35 Titihka iya pulai kitu baru, lebuh iya datai lalu duduk ba kerusi diraja aku. Iya deka nganti aku nyadi raja, laban iya endang udah dipilih aku nyadi raja menua Israel enggau menua Judah.”\\n36 “Utai nya deka dikereja,” ku Benaiah nyaut, “lalu awakka TUHAN Allah Taala nuan ngamatka utai nya!\\n37 Baka TUHAN ti udah enggau Tuan Raja, awakka Iya mega enggau Solomon, lalu ngasuh perintah Solomon lebih agi kaya-raja ari perintah nuan.”\\n38 Nya alai Sadok, Natan, Benaiah, enggau bala soldadu ke nyaga raja lalu ngasuh Solomon nepan keledai Raja David, lalu ngiring iya ngagai Mata Ai di Gihon.\\n39 Sadok mai sarang minyak kana, ti udah dibai iya ari Langkau Kain TUHAN, lalu nata Solomon. Sida nyepu terumpit, lalu semua orang manjung magang, “Gayu-guru Raja Solomon!”\\n40 Udah nya semua sida lalu nitihka iya pulai, manjung gaga ati, nyepu kesuling, sereta richah, datai ke tanah nyau berenyang.\\n41 Lebuh Adonijah enggau semua pengabang iya udah tembu ngintu pengerami makai besai, sida lalu ninga utai inggar bemunyi. Lebuh Joap ninga munyi terumpit, iya lalu nanya, “Nama utai ti inggar nya di nengeri nya?”\\n42 Lebuh iya agi benung bejaku, Jonatan anak Imam Abiatar lalu datai. “Tama,” ku Adonijah bejaku enggau iya. “Nuan tu orang ke badas. Nuan tentu mai berita ti manah.”\\n43 “Ukai,” ku Jonatan nyaut. “Raja David udah ngaga Solomon nyadi raja.\\n44 Iya udah ngasuh Sadok, Natan enggau Benaiah enggau bala soldadu ke nyaga raja, ngiring iya. Iya udah ngasuh iya nepan keledai raja,\\n45 lalu Sadok enggau Natan udah nata iya nyadi raja ba Mata Ai di Gihon. Udah nya sida lalu tama ngagai nengeri, manjung gaga ati, lalu orang mayuh nyau richah magang. Nya utai ti didinga kita.\\n46 Solomon diatu udah nyadi raja.\\n47 Nambahka nya, bala pemesai ke bekereja dalam istana raja udah tama ngagai bilik raja, lalu meri tabi basa ngagai Raja David. Ku sida, ‘Awakka Allah Taala nuan ngasuh Solomon tebilang agi ari nuan, lalu awakka perintah Solomon lebih agi kaya-raja ari perintah nuan.’ Udah nya Raja David nyungkurka diri ba atas peninduk iya, nyembah Allah Taala.\\n48 Ku David besampi, ‘Pujika TUHAN Allah Taala ke disembah orang Israel ti udah sehari tu ngasuh siku ari peturun aku nganti aku nyadi raja, lalu udah ngasuh aku idup meda utai tu nyadi!’ “\\n49 Udah nya bala pengabang Adonijah lalu takut. Semua sida angkat, lalu mupuk magang.\\n50 Adonijah lalu takutka Solomon, lalu iya mansang ngagai Langkau Kain TUHAN, lalu megai sukut alta.\\n51 Orang lalu madahka ngagai Raja Solomon pasal Adonijah ke takutka iya, lalu bepegai ba sukut alta, lalu udah bejaku, “Terubah, aku deka ngasuh Raja Solomon besumpah minta iya enda munuh aku.”\\n52 Ku Solomon nyaut, “Enti iya taluk, selambar pen nadai meh buk iya deka ditegu. Tang enti iya enda taluk, iya deka mati.”\\n53 Udah nya Raja Solomon lalu mesanka Adonijah, lalu ngasuh orang mai iya nurun ari alta nya. Adonijah mansang lalu nyungkurka diri di mua raja, lalu ku raja bejaku enggau iya, “Pulai meh nuan ke rumah.”\\nAtur Ti Penudi Ari David Ngagai Solomon\\n1 Lebuh David baru deka ngapuska seput, iya mesanka anak iya Solomon, lalu meri jaku ajar ti penudi ngagai iya:\\n2 “Aku nyau deka mati. Nuan enda tau enda kering sereta berani,\\n3 lalu kereja semua utai ti diasuh TUHAN Allah Taala nuan. Nuan enda tau enda ngasika semua adat enggau pesan Iya, munyi ti ditulis dalam Adat Moses, ngambika, di sebarang endur nuan bejalai, nuan deka mujur dalam semua utai ti dikereja nuan.\\n4 Enti nuan ngasika TUHAN, Iya deka ngamatka semua semaya ti udah digaga Iya, lebuh Iya madahka peturun aku deka megai perintah di menua Israel, enti sida bejimat sereta tetap ati ngasika pesan Iya enggau pengabis ati sida sereta enggau pengabis semengat sida.\\n5 “Siti agi pekara. Nuan ingatka utai ti udah dikereja Joap ngagai aku, lebuh iya munuh dua iku tuai soldadu menua Israel, Abner anak Ner enggau Amasa anak Jeter. Nuan ingatka chara iya munuh seduai nya, lebuh maya nadai pengachau, kena iya bebalaska orang ke dibunuh Abner seduai Amasa lebuh maya beperang. Joap munuh orang ke nadai penyalah. Diatu aku betanggungjawapka utai ti udah dikereja iya, lalu aku kena laban penusah ketegal nya.\\n6 Nuan nemu utai ti patut dikereja diri. Nuan enda tau nejuka iya mati tuai.\\n7 Tang nuan enda tau enda manah enggau bala anak Barsilai ari Giliat, lalu ngibun sida, laban sida udah manah enggau aku, lebuh aku ngerarika diri ari menyadi nuan Absalom.\\n8 “Baka nya mega Simei anak Gera, ari nengeri Bahurim, di menua Benjamin. Iya balat amat nyumpah aku, lebuh aku mansang ngagai Mahanaim, tang lebuh iya betemu enggau aku ba Sungai Jordan, aku besumpah enggau iya dalam nama TUHAN madahka diri enda munuh iya.\\n9 Tang nuan enda tau enda ngukum iya. Nuan nemu utai ti patut dikereja diri, lalu nuan enda tau enda ngasuh orang munuh iya.”\\n10 David mati lalu dikuburka di Nengeri David.\\n11 Iya udah nyadi raja empat puluh taun. Iya udah merintah tujuh taun di Hebron, lalu tiga puluh tiga taun di Jerusalem.\\n12 Solomon lalu nganti apai iya nyadi raja, lalu kuasa iya kukuh.\\n13 Udah nya Adonijah (indai iya Hagit) lalu mansang ngagai Batseba, indai Solomon. “Kati nuan datai enggau ati ti manah?” ku Batseba nanya. “Enggau ati ti manah,” ku iya nyaut.\\n14 Lalu ku iya nambahka jaku diri, “Aku bisi utai ti deka dipinta aku ari nuan.” “Nama utai nya?” ku Batseba nanya.\\n15 Ku Adonijah nyaut, “Nuan nemu, aku endang patut nyadi raja. Semua orang di menua Israel endang ngadang nya magang. Tang utai ti nyadi nya lain agi ari nya, lalu menyadi aku nyadi raja, laban nya endang peneka TUHAN.\\n16 Nya alai diatu aku bisi utai ti deka dipinta aku. Aku minta nuan meri utai nya ngagai aku.” “Utai nama?” ku Batseba nanya.\\n17 Ku Adonijah nyaut, “Aku minta nuan nanya Raja Solomon enti aku tau bempu Abisak, indu ke datai ari Sunem, nyadika bini aku. Aku nemu Solomon enggai nyebut ‘enggai’ ngagai nuan.”\\n18 “Barang ku jaku,” ku Batseba nyaut. “Ila aku bejaku enggau raja ngarika nuan.”\\n19 Batseba lalu betemu enggau raja, deka bejaku enggau iya, ngarika Adonijah. Raja lalu bediri nyambut penatai indai iya, lalu nyungkurka diri di mua indai iya. Udah nya Solomon lalu duduk ba kerusi diraja iya, lalu ngasuh orang mai siti agi kerusi diraja, alai indai iya ke lalu nudukka diri ari kanan iya.\\n20 Ku indai iya bejaku, “Aku bisi siti utai ti deka dipinta aku ari nuan. Anang nulak utai ti dipinta aku.” “Utai nama, indai?” ku Solomon nanya. “Nadai aku nulak utai ti dipinta nuan.”\\n21 Ku indai iya nyaut, “Awakka menyadi nuan Adonijah bempu Abisak nyadika bini iya.”\\n22 “Nama kebuah nuan ngasuh aku meri Abisak ngagai iya?” ku Solomon nanya. “Manah agi enti nuan ngasuh aku meri kerusi diraja tu ngagai iya. Iya menyadi tuai aku, lalu Imam Abiatar enggau Joap setanah enggau iya!”\\n23 Udah nya Solomon lalu besumpah dalam nama TUHAN, “Awakka Allah Taala munuh aku enti aku enda munuh Adonijah ketegal iya minta utai tu!\\n24 TUHAN udah ngasuh aku duduk ba kerusi diraja apai aku David. Iya udah ngamatka semaya Iya, lalu udah meri perintah tu ngagai aku, enggau ngagai peturun aku. Aku besumpah dalam nama TUHAN ti idup, Adonijah deka mati sehari tu!”\\n25 Raja Solomon lalu meri atur ngagai Benaiah. Benaiah mansang lalu munuh Adonijah.\\nAbiatar Dibuai Ari Jerusalem; Joap Mati\\n26 Udah nya Raja Solomon lalu bejaku enggau Imam Abiatar, “Pulai nuan ngagai rumah nuan empu di Anatot. Nuan patut dibunuh, tang aku enggai ngasuh orang munuh nuan diatu, laban nuan ngemataka Peti Lampang Batu Adat TUHAN lebuh nuan agi enggau apai aku, lalu nuan udah sama enggau apai aku ngasaika semua penusah iya.”\\n27 Udah nya Solomon lalu muai Abiatar ari pengawa iya ti nyadi imam TUHAN. Tu ngamatka utai ti udah disebut TUHAN di Siloh, pasal Imam Eli enggau peturun iya.\\n28 Lebuh Joap ninga berita pasal utai ti udah nyadi, (iya udah nyukung Adonijah, tang enda nyukung Absalom.) iya lalu ngerarika diri ngagai Langkau Kain TUHAN, lalu bepegai ba sukut alta.\\n29 Lebuh Raja Solomon ninga Joap udah ngerarika diri ngagai Langkau Kain TUHAN, lalu bediri ngimbai alta, Solomon lalu ngasuh siku seruan mansang ngagai Joap, nanyaka kebuah iya ngerarika diri ngagai alta nya. Ku Joap, iya udah ngerarika diri ngagai TUHAN, laban iya takutka Solomon. Nya alai Raja Solomon lalu ngasuh Benaiah munuh Joap.\\n30 Benaiah lalu mansang ngagai Langkau Kain TUHAN, lalu bejaku enggau Joap, “Raja ngasuh nuan pansut.” “Enggai aku,” ku Joap nyaut. “Awakka aku mati ditu.” Benaiah pulai baru ngagai raja, lalu madahka jaku Joap ngagai iya.\\n31 “Kereja aja utai ti ku Joap,” ku Solomon nyaut. “Bunuh iya, lalu kuburka iya. Nya baru aku, tauka bala peturun David ti bukai, enda agi betanggungjawapka utai ti udah dikereja Joap lebuh iya munuh orang ke nadai penyalah.\\n32 TUHAN deka ngukum Joap ketegal iya udah munuh orang nya, lalu enda madahka ngagai apai aku. Joap udah munuh dua iku orang ke nadai penyalah, ke badas agi ari iya empu, Abner, tuai soldadu orang Israel, enggau Amasa, tuai soldadu orang Judah.\\n33 Ukum ketegal iya ti udah munuh orang nya deka ninggang Joap, enggau peturun iya belama iya. Tang TUHAN deka ngemujurka peturun David ke duduk ba kerusi diraja iya.”\\n34 Nya alai Benaiah lalu mansang ngagai Langkau Kain TUHAN, lalu munuh Joap. Joap lalu dikuburka di menua iya, ari luar nengeri.\\n35 Raja lalu ngasuh Benaiah nyadi tuai soldadu, nganti Joap, lalu ngasuh Sadok nyadi imam, nganti Abiatar.\\n36 Udah nya raja lalu mesanka Simei, lalu ku iya bejaku enggau Simei, “Gaga sebuah rumah ke diri empu ditu di Jerusalem. Diau dalam rumah nya, lalu anang angkat ari nengeri tu.\\n37 Enti nuan angkat ari tu ngilah sungai Kidron, nuan tetap deka mati, lalu nuan empu deka betanggungjawapka pemati diri.”\\n38 “Au, Tuan Raja,” ku Simei nyaut. “Aku deka ngereja utai ti ku nuan.” Nya alai iya diau lama di Jerusalem.\\n39 Tang tiga taun udah bekau nya, dua iku ulun Simei rari ngagai Raja Akis anak Maakah ti nyadi raja di Gat. Lebuh Simei ninga berita seduai iya bisi di Gat,\\n40 iya lalu nyendiaka keledai iya, lalu mansang ngagai Raja Akis di Gat, ngiga ulun iya. Iya lalu tetemuka seduai iya, lalu mai seduai iya pulai.\\n41 Lebuh Solomon ninga berita pasal utai ti udah dikereja Simei,\\n42 iya lalu mesanka Simei, lalu bejaku, “Aku udah ngasuh nuan besemaya di mua TUHAN, enda ninggalka Jerusalem. Lalu aku udah meri jaku tangkan ngagai nuan, enti nuan ninggalka Jerusalem, nuan tetap deka mati. Lalu nuan udah besetuju enggau nya, lalu madahka diri deka ngasika aku, ukai enda?\\n43 Nya alai, nama kebuah nuan mungkirka semaya nya, lalu enda ngasika pesan aku?\\n44 Nuan endang nemu semua utai ti salah, ti udah dikereja nuan ngagai apai aku David. Nya alai, TUHAN deka ngukum nuan ketegal utai nya.\\n45 Tang Iya deka merekatka aku, lalu deka ngasuh perintah David meruan belama iya.”\\n46 Udah nya raja lalu bejaku enggau Benaiah. Benaiah mansang, lalu munuh Simei. Nya alai, semua kuasa diatu ba jari Solomon magang.\\nSolomon Besampi Minta Penemu-dalam\\n1 Solomon ngaga sempekat enggau raja menua Ejip, lalu jadi enggau anak indu iya. Iya mai indu nya diau dalam Nengeri David, nyentuk ngagai maya iya udah tembu ngaga istana, Rumah Sembiang, enggau dinding kuta ti ngelingi Jerusalem.\\n2 Lebuh maya nya Rumah Sembiang apin digaga. Nya alai orang Israel agi ngenjuk piring sida ba mayuh bengkah alta.\\n3 Nyadi Solomon sigi rinduka TUHAN, lalu iya nitihka atur apai iya David, tang iya mega munuh jelu lalu ngenjuk sida nyadika piring ba mayuh bengkah alta.\\n4 Nyadi sekali, iya mansang ngagai Gibeon, deka ngenjuk piring dia, laban alta dia pemadu tebilang. Iya endang udah meri beratus ratus iti piring tunu ba endur nya dulu ari nya.\\n5 Malam nya TUHAN pegari di mua iya dalam mimpi, lalu nanya iya, “Nama utai ti dipinta nuan ari Aku?”\\n6 Solomon lalu nyaut, “Nuan endang seruran mandangka pengerindu ti besai ngagai apai aku David, ke nembiak Nuan, lalu iya orang ke badas, ke taluk, sereta tetap ati ngagai Nuan. Lalu Nuan udah majak ngayanka pengerindu Nuan ti meruan belama iya ngagai iya, lebuh Nuan meri iya siku anak lelaki, ke merintah nganti iya sehari tu.\\n7 O TUHAN Allah Taala, Nuan udah ngasuh aku nganti apai aku nyadi raja, taja pen aku tu agi biak, lalu enda nemu chara merintah.\\n8 Aku begulai enggau orang ke udah dipilih Nuan nyadi nembiak Nuan, bansa ti mayuh tubuh, ti enda ulih diitung.\\n9 Nya alai, beri aku penemu-dalam kena aku merintah bala nembiak Nuan enggau lurus, sereta dikena aku ngelala bagi utai ti manah enggau ti jai. Enti enda baka nya, baka ni ku aku ulih merintah bala nembiak Nuan ke mayuh tu?”\\n10 TUHAN gaga ati ninga Solomon minta nya.\\n11 Nya alai, ku Iya bejaku enggau Solomon, “Laban nuan udah minta penemu-dalam kena nuan merintah enggau lurus, lalu enda minta diri gayu-guru, tauka minta pengaya, tauka minta munsuh nuan dibunuh,\\n12 Aku deka ngereja utai ti udah dipinta nuan. Aku deka meri nuan penemu-dalam enggau pemereti ati lebih ari enggi orang bukai ke dulu tauka dudi ari nuan.\\n13 Aku deka mega meri ngagai nuan utai ti enda dipinta nuan. Nuan deka bulih pengaya enggau basa seumur idup, lebih ari enggi raja bukai.\\n14 Lalu enti nuan ngasika Aku, lalu nitihka adat enggau pesan Aku, baka apai nuan David, Aku deka ngasuh nuan panjai umur.”\\n15 Solomon lalu tedani. Nya baru iya nemu Allah Taala udah bejaku enggau iya dalam mimpi. Udah nya iya mansang ngagai Jerusalem, bediri di mua Peti Lampang Batu Adat TUHAN, lalu ngenjuk piring tunu enggau piring pemaik, ngagai TUHAN. Udah nya iya lalu nyendiaka pengerami makai besai ke semua pemesai iya.\\nSolomon Ngatur Pechara Ti Mar Diputarka\\n16 Nyadi sekali, dua iku indu sundal datai lalu bediri di mua Raja Solomon.\\n17 Ku siku bejaku, “Tuan Raja, kami duai indu tu sama begulai diau dalam sebuah rumah, lalu aku ngadaka anak lelaki siku di rumah lebuh indu nya bisi dia.\\n18 Dua hari udah bekau anak aku ada, iya mega ngadaka anak lelaki siku. Semina kami duai aja bisi di rumah nya. Orang bukai sigi nadai dia.\\n19 Nyadi sekali, lebuh malam hari, iya bekalih, lalu tetinggangka anak iya, lalu anak iya mati.\\n20 Iya angkat malam nya, ngambi anak aku ke dikimbit aku lebuh aku tinduk, lalu mai anak aku ngagai peninduk iya empu. Udah nya iya ngengkahka anak iya ti udah mati nya ba peninduk aku.\\n21 Pagi hari siti, lebuh aku dani, deka nusuka anak aku, aku meda iya udah mati. Aku lalu meresa iya enggau silik. Nya baru aku nemu iya ukai anak aku.”\\n22 Tang ku indu ke siku nya bejaku, “Ukai baka nya! Anak mit ke idup nya endang anak aku. Anak mit ke mati nya anak nuan!” Ku indu ke terubah bejaku nya nyaut, “Ukai baka nya! Anak mit ke mati nya endang anak nuan. Iya ti agi idup nya endang anak aku!” Nya meh munyi seduai iya bekelikuh di mua raja.\\n23 Udah nya Raja lalu bejaku, “Seduai sama ngumbai anak mit ke idup nya anak diri, lalu anak mit ke mati nya ukai anak seduai.”\\n24 Raja lalu ngasuh orang ngambi pedang. Lebuh pedang nya dibai ngagai iya,\\n25 raja lalu bejaku, “Belah dua anak mit ke idup nya, lalu beri setengah ngagai seduai iya siku-siku.”\\n26 Laban indai anak mit nya balat sayauka anak iya, nya alai iya lalu bejaku enggau raja, “Tuan Raja, anang munuh anak mit nya! Beri iya ngagai indu nya!” Tang ku indu nya bejaku, “Anang meri iya ngagai kami duai, tang awakka iya dibelah dua.”\\n27 Udah nya Solomon lalu bejaku, “Anang munuh anak mit nya! Beri iya ngagai indu ke terubah. Iya endang indai iya.”\\n28 Lebuh orang Israel ninga pasal pemutus penemu Solomon, sida balat amat bebasaka iya, laban sida nemu Allah Taala udah meri iya penemu-dalam kena iya meri atur ti lurus.\\nBala Pemesai Ke Bekereja Ke Solomon\\n1 Raja Solomon merintah semua menua Israel,\\n2 lalu tu bala pemesai iya ti tinggi pangkat: Imam: Asariah anak Sadok\\n3 Kerani kot: Elihorep seduai Ahijah, ke sama anak Sisa tukang tulis: Jehosapat anak Ahilut\\n4 Tuai soldadu: Sadok anak Abiatar\\n5 Kepala gabenor pelilih menua: Asariah anak Natan, penyanding penemu raja: Imam Sabut anak Natan\\n6 Orang ke nyadi tuai ngemataka bala orang gaji ke bekereja dalam istana: Ahisar orang ke nyadi tuai ngemataka orang ke dipejalka gawa ngereja pengawa ti berat: Adoniram anak Abda.\\n7 Solomon ngeletak dua belas iku orang nyadi gabenor ke pelilih menua di menua Israel. Sida tu diberi tanggungjawap meri, ari pelilih menua ti dipegai sida, pemakai ngagai raja enggau sida raja sebilik. Siku-siku sida meri pemakai sebulan aja dalam setaun.\\n8 Tu nama bala pemesai ke dua belas iku nya, enggau pelilih menua ti dipegai sida: Benhur: menua ti bebukit di menua Epraim\\n9 Ben-deker: di Makas, Sa-albim, Bet-semes, Elon, enggau Elon-bet-hanan\\n10 Ben-heset: di Arubot enggau Sokoh, enggau semua menua Heper\\n11 Ben-abinadap, ke jadi enggau anak indu Solomon ke benama Tapat: semua menua Dor\\n12 Bana anak Ahilut: di Taanak, Megido, enggau semua menua ti semak Bet-san, semak nengeri Saretan, tunga ke selatan nengeri Jesril, nyentuk ngagai nengeri Abel-meholah enggau nengeri Jokmim\\n13 Ben-geber: nengeri Ramot-giliat, enggau genturung pendiau di menua Giliat ti diempu raban peturun Jair, siti peturun Manasi, enggau menua Argop di Basan, enam puluh buah nengeri ti besai semua iya ke bisi dinding kuta, enggau alang temaga ba pintu nengeri\\n14 Ahinadap anak Ido: pelilih menua Mahanaim\\n15 Ahimas, ke jadi enggau Basemat, siku ari anak indu Solomon: menua Naptali\\n16 Bana anak Husai: menua Aser enggau nengeri Bealot\\n17 Jehosapat anak Paruah: menua Isakar\\n18 Simei anak Ela: menua Benjamin\\n19 Geba anak Uri: menua Giliat, ti udah dipegai raja orang Amor, Raja Sihon, enggau Raja Og di Basan . Kelimpah ari sida dua belas tu, bisi siku agi gabenor, ti nyadi gabenor ke semua menua Israel.\\nPemansang Perintah Solomon\\n20 Orang Judah enggau orang Israel nyau ngemayuh igi pasir ti ba tebing tasik. Sida makai ngirup, lalu lantang diau.\\n21 Menua ti dipegai Solomon nyengkaum semua menua ari Sungai Eupratis ngagai menua Pilistin, nyentuk ngagai entara menua Ejip. Sida mayar chukai ngagai iya, lalu nunduk ngagai iya seumur iya idup.\\n22 Utai ti dipeguna Solomon tiap hari nya 5,000 liter tepung ti alus enggau 10,000 liter tepung ti kasar,\\n23 Sepuluh iku jelu sapi ti ditupi dalam bansal, 20 iku sapi ti ditupi di padang, enggau 100 iku bedus, nambahka rusa, kijang, pelanduk enggau manuk.\\n24 Solomon merintah serata menua ti tunga ke barat Sungai Eupratis, ari Tipsah ti ba Sungai Eupratis nyentuk ngagai nengeri Gasa di barat. Semua raja tunga ke barat Sungai Eupratis nunduk magang ngagai iya, lalu iya diau bebaik enggau semua menua ti ngelingi menua ti dipegai iya.\\n25 Lebuh iya agi idup, orang Israel di serata menua Judah enggau menua Israel diau likun. Genap ruang bilik sida bela bisi kebun anggur enggau kebun buah kana ke diri empu.\\n26 Solomon bisi 40,000 buah bansal alai iya ngandang kuda ti dikena iya narit kerita perang iya, enggau 12,000 iku kuda kena beperang.\\n27 Ba bulan ti udah diletak, siku-siku gabenor meri pemakai ngagai Raja Solomon empu enggau ngagai semua orang ke makai dalam istana. Sida gabenor tu endang seruran meri utai ti dipeguna raja.\\n28 Genap iku gabenor mega meri barli enggau rumput ti rangkai, ngagai endur alai utai nya dipeguna, ke kuda ti narit kerita perang enggau ke jelu ti dikena ngereja pengawa.\\n29 Allah Taala meri Solomon penemu-dalam enggau runding ti dalam, enggau pemandai ti enda ulih disagam.\\n30 Solomon lebih agi bepenemu-dalam ari orang ke bepenemu-dalam di Timur, tauka ari orang ke bepenemu-dalam di menua Ejip.\\n31 Iya orang ke pemadu bepenemu-dalam ari semua orang, lebih agi bepenemu-dalam ari sida Etan orang Esrahi, enggau ari Heman, Kalkol, enggau Darda, bala anak lelaki Mahol. Lalu berita pasal iya ngelekai ngagai semua menua ti ngelingi menua iya.\\n32 Iya nulis tiga ribu iti jaku-dalam, enggau lebih seribu iti lagu.\\n33 Iya bejakuka pasal kayu enggau utai ti tumbuh, berengkah ari kayu sidar di Lebanon, nyentuk ngagai isop ti tumbuh ba dinding. Iya bejakuka pasal jelu, burung, ular enggau ikan.\\n34 Raja ari semua menua di dunya tu bela ninga berita pasal penemu-dalam ti dikembuan iya, lalu sida ngasuh orang mansang ngagai iya lalu mendingka iya.\\nSolomon Sedia Deka Ngaga Rumah Sembiang\\n1 Raja Hiram ari Tire endang pangan David. Nya alai lebuh iya ninga berita Solomon udah nganti apai iya David nyadi raja, iya lalu ngasuh bala pengari iya betemu enggau Solomon.\\n2 Solomon lalu ngirumka pesan tu ngagai Hiram:\\n3 “Nuan nemu, apai aku David endang selalu beperang ngelaban munsuh ke nyerang ari menua ti ngelingi menua kami. Nya alai laban TUHAN apin ngasuh apai aku menang ngelaban semua munsuh iya, iya apin ulih ngaga rumah alai nyembah TUHAN Allah Taala iya.\\n4 Tang diatu, TUHAN Allah Taala aku udah meri aku pemaik di serata menua ti dipegai aku. Aku nadai munsuh, lalu aku enda agi diserang orang.\\n5 TUHAN udah besemaya ngagai apai aku David, ku Iya, ‘Anak nuan, ti deka diletak Aku nyadi raja nganti nuan, deka ngaga Rumah ke Aku.’ Nya meh kebuah aku diatu udah mutuska runding deka ngaga rumah alai nyembah TUHAN Allah Taala aku.\\n6 Nya alai, asuh meh bala nembiak nuan mansang ngagai Lebanon lalu nebang kayu sidar ke aku. Bala nembiak aku deka gawa enggau sida, lalu aku deka mayar gaji ngagai bala nembiak nuan nitihka penyampau ti diletak nuan ke sida siku-siku. Nuan nemu, bala nembiak aku enda landik baka bala nembiak nuan nebang kayu.”\\n7 Hiram gaga amat ati nerima pesan ari Solomon, lalu ku iya, “Pujika TUHAN sehari tu laban Iya udah meri ngagai David anak ti bepenemu-dalam baka nya nganti iya nyadi raja ke menua ti bekuasa baka nya!”\\n8 Udah nya Hiram lalu ngirumka pesan tu ngagai Solomon: “Aku udah nerima pesan nuan, lalu aku diatu sedia deka ngereja utai ti dipinta nuan. Aku deka meri ngagai nuan kayu sidar, enggau kayu pain.\\n9 Bala nembiak aku deka narit kayu nya ari menua Lebanon ngagai tasik, lalu deka ngaga sida nyadi akit lalu beraratka sida nebing tasik ngagai endur ti dipilih nuan. Dia bala nembiak aku deka muka akit nya, lalu bala nembiak nuan deka betanggungjawapka kayu nya. Lalu aku minta nuan meri pemakai ngagai bala nembiak aku.”\\n10 Hiram lalu meri Solomon semua batang sidar enggau batang pain ti dipeguna iya,\\n11 lalu Solomon meri ngagai Hiram 322,500 kilogram gandum enggau 400,000 liter minyak kana ti tulin genap taun, kena Hiram meri bala nembiak iya makai.\\n12 TUHAN ngamatka semaya Iya, lalu meri penemu-dalam ngagai Solomon. Hiram seduai Solomon diau bebaik enggau pangan diri, lalu seduai iya ngaga sempekat enggau pangan diri.\\n13 Raja Solomon ngambi 30,000 iku orang ari serata menua Israel bekereja ngena jalai pejal,\\n14 lalu ngasuh Adoniram nyadi tuai sida. Adoniram lalu magi sida ngagai tiga bengkah raban, 10,000 iku dalam siti-siti raban, lalu siti-siti raban bekereja sebulan di Lebanon, enggau dua bulan di menua diri.\\n15 Solomon mega ngasuh 80,000 iku orang netak batu di menua ti bebukit, enggau 70,000 iku orang mai batu nya,\\n16 lalu ngasuh 3,300 iku mandur nyadi tuai ngemataka pengawa sida.\\n17 Nitihka pesan Solomon, sida lalu ningkuh batu ti alus nyadika batu pemun Rumah Sembiang.\\n18 Bala orang ke bekereja ke Solomon seduai Hiram, enggau bala orang ke datai ari nengeri Gebal lalu nyendiaka batu enggau ramu kena ngaga Rumah Sembiang.\\nSolomon Ngaga Rumah Sembiang\\n1 Empat ratus lapan puluh taun udah bekau orang Israel pansut ari menua Ejip, dalam taun ti keempat Solomon udah berengkah megai perintah di menua Israel, dalam bulan ti kedua, iya nya bulan Sib, Solomon lalu berengkah ngaga Rumah Sembiang.\\n2 Pemanjai iya, disukat ari dalam, 27 meter, buka iya 9 meter, lalu peninggi iya 13.5 meter.\\n3 Pemanjai bilik penama nya 4.5 meter, lalu buka iya 9 meter, ngemesai Endur ti Kudus empu.\\n4 Dinding Rumah Sembiang nya ditebuk, lalu lubang nya mit ari luar, besai ari dalam.\\n5 Dinding Rumah Sembiang ari luar, muak ari tisi sepiak-sepiak enggau ari belakang, digagaka tungking rumah ti tinggi tiga ringkat, peninggi seringkat 2.2 meter.\\n6 Bilik ti ba tingkat ti di baruh buka 2.2 meter, bilik ti ba tingkat ti kedua 2.7 meter buka, lalu ba tingkat ti di atas 3.1 meter buka. Dinding Rumah Sembiang nya mipau agi ba tingkat ti di atas, ari ba tingkat ti di baruh, ngambika siti-siti bilik nya duduk ba dinding, enda begunaka pengerat.\\n7 Batu ti dikena ngaga Rumah Sembiang udah digaga ba endur alai orang ke ngulihka batu nya empu, ngambika sida enda ibuh inggar bekenaka tukul, tauka kapak, tauka perengka besi ti bukai lebuh Rumah Sembiang nya benung digaga.\\n8 Pintu penama ngagai tingkat ti di baruh endar ke tungking rumah nya, nya muak ke tisi selatan Rumah Sembiang, lalu ari nya digagaka tangga nuju ngagai tingkat ti kedua enggau ketiga.\\n9 Nya meh jalai Raja Solomon nembuka pengawa begagaka Rumah Sembiang. Iya ngaga dek ke Rumah Sembiang ari papan kayu ara enggau papan kayu sidar.\\n10 Tungking ti tiga tingkat, siti-siti tingkat tinggi 2.2 meter, digaga nungking ba dinding luar Rumah Sembiang, lalu dilekatka ngagai dinding luar Rumah Sembiang nya ngena sanding ti digaga ari kayu sidar.\\n11 Ku TUHAN bejaku ngagai Solomon,\\n12 “Enti nuan ngasika semua adat enggau pesan Aku, Aku deka ngereja ke nuan utai ti udah disemaya Aku ngagai apai nuan David.\\n13 Aku deka diau enggau bala nembiak Aku dalam Rumah Sembiang ti digaga nuan tu, lalu Aku enggai sekali-kali ninggalka sida.”\\n14 Nya meh chara Solomon nembuka pengawa begagaka Rumah Sembiang nya.\\nPerengka Dalam Rumah Sembiang\\n15 Dinding ti muak ari dalam dilapis ngena papan kenyau ari geladak nyentuk ngagai dek, lalu geladak nya digaga ari kayu pain.\\n16 Bilik ti di dalam bendar, ti dikumbai Endur ti Pemadu Kudus, digaga di belakang Rumah Sembiang. Pemanjai iya 9 meter, lalu disapat ngena papan kayu sidar kenyau ari geladak nyentuk ngagai dek.\\n17 Bilik ti di mua Endur ti Pemadu Kudus nya panjai 18 meter.\\n18 Papan kayu sidar ti dalam Rumah Sembiang nya diukir enggau gamal randau enggau bungai. Semua dinding dalam Rumah Sembiang nya dilapis magang ngena kayu sidar, datai ke semua batu ti dikena ngaga dinding nya nadai ayan agi.\\n19 Di belakang Rumah Sembiang nya bisi digagaka sebuah bilik dalam, alai nyimpan Peti Lampang Batu Adat TUHAN.\\n20 Bilik ti di dalam tu nya panjai 9 meter, buka 9 meter, enggau peninggi 9 meter, lalu semua disampak magang enggau emas ti tulin. Alta nya disampak enggau papan kayu sidar.\\n21 Muak ari dalam, Rumah Sembiang nya disampak enggau emas. Rantai emas ditarikka meraka penama ngagai bilik ti di dalam. Bilik ti di dalam tu mega disampak enggau emas.\\n22 Semua utai dalam Rumah Sembiang disampak enggau emas magang, nyengkaum alta ti dalam Endur ti Pemadu Kudus.\\n23 Dua iku melikat cherub ti besayap, ke digaga ari kayu kana, siku-siku tinggi 4.4 meter, diengkahka dalam Endur ti Pemadu Kudus.\\n24-26 Dua iku melikat cherub tu sebaka pemesai, sebaka gamal. Siku-siku seduai nya bisi dua iti sayap. Lalu pemanjai siti-siti sayap nya 2.2 meter, ngambika penyauh ari puting sayap siti ngagai puting sayap siti nya 4.4 meter.\\n27 Melikat cherub ti dua iku tu diengkah berimbai enggau pangan diri dalam Endur ti Pemadu Kudus, ngambika puting sayap seduai iya betemu ba tengah-tengah bilik nya, lalu puting sayap seduai iya ari sepiak negu dinding bilik nya.\\n28 Dua iku melikat cherub ti besayap tu disampak enggau emas.\\n29 Dinding bilik besai enggau bilik ti di dalam semua diukir magang enggau gambar bala melikat cherub ti besayap, gambar kayu engkerema, enggau gambar bungai.\\n30 Indah geladak deh disampak enggau emas.\\n31 Pintu ti berimbai dua, ti digaga ari kayu kana, diengkahka ba penama ngagai Endur ti Pemadu Kudus. Puchuk penama tu digaga juring.\\n32 Pintu nya diukir enggau gambar bala melikat cherub ti besayap, gambar kayu engkerema, enggau gambar bungai. Pintu, melikat cherub ti besayap, enggau kayu engkerema nya disampak enggau emas.\\n33 Langkar pintu ti ba penama ngagai bilik besai nya besegi empat, lalu digaga ari kayu kana.\\n34 Pintu dia dua iti, belipat dua, digaga ari kayu pain\\n35 lalu diukir enggau gambar bala melikat cherub ti besayap, gambar kayu engkerema enggau bungai lalu disampak enggau emas, sama penebal.\\n36 Siti tengah laman bisi digaga di mua Rumah Sembiang, dikelingi dinding. Dinding nya digaga ari selapis kayu sidar beselat enggau tiga lapis batu.\\n37 Batu pemun ke Rumah Sembiang tu ditanam dalam bulan ti kedua, iya nya bulan Sib, keempat taun Solomon udah berengkah megai menua nya.\\n38 Dalam bulan ti kelapan, iya nya bulan Bul, kesebelas taun Solomon udah berengkah megai menua nya, Rumah Sembiang nya lalu tembu digaga, betul-betul nitihka pelan. Pengelama Solomon ngaga Rumah Sembiang nya tujuh taun.\\n1 Solomon mega ngaga istana ke iya empu. Pengelama iya ngaga istana nya tiga belas taun.\\n2-3 Pemanjai balai ti dikumbai Balai Utan Menua Lebanon nya 44 meter, buka iya 22 meter, lalu peninggi iya 13.5 meter. Balai nya bisi tiga iti rintai tiang ti besai ti digaga ari kayu sidar, lima belas batang tiang dalam siti-siti rintai, lalu bisi pengerat ti digaga ari kayu sidar nyengkar ba puchuk tiang nya. Dek nya digaga ari kayu sidar, ti nyengkar ari atas bilik alai nyimpan reta tengkira. Dek tu dipanggaika ba pala tiang nya.\\n4 Ba dua iti dinding bisi tiga rintai jenila.\\n5 Lubang pintu enggau lubang jenila bisi langkar ti besegi empat, lalu tiga iti rintai jenila ba dinding ti sepiak betapak enggau jenila ti ari sepiak.\\n6 Nyadi balai ti dikumbai Balai Tiang nya panjai 22 meter, lalu buka iya 13.5 meter. Balai nya bisi siti serambi ti ditungkat ngena tiang.\\n7 Bilik alai kerusi diraja, ti mega dikumbai Balai Pechara, alai Solomon ngatur pechara, didinding ngena papan kayu sidar kenyau ari geladak nyentuk ngagai perabung.\\n8 Rumah Solomon empu, ti ba siti tengah laman di belakang Balai Pechara, digaga baka rumah ti bukai. Iya mega ngaga rumah ti sebaka enggau nya ke bini iya, iya nya anak indu raja menua Ejip.\\n9 Semua rumah nya, enggau tengah laman ti besai digaga ari batu ti manah, berengkah ari batu pemun nyentuk ngagai kaki atap. Batu nya disediaka ba endur alai orang ke ngulihka batu, lalu ditetak ngena penyayat nitihka sukat ti diguna.\\n10 Batu pemun ke rumah nya digaga ari batu ti besai ti disediaka ba endur alai orang ke ngulihka batu. Sekeda batu nya 3.5 meter panjai, sekeda 4 meter.\\n11 Batu ti bukai, ti udah ditetak nitihka pemesai ti diguna, diengkahka ba atas batu ti besai nya, sama enggau sengkar ti digaga ari kayu sidar.\\n12 Dinding ke tengah laman istana, enggau tengah laman dalam Rumah Sembiang, enggau dinding ke bilik penama ngagai Rumah Sembiang, digaga ari selapis papan kayu sidar beselat enggau tiga lapis batu ti udah ditetak.\\n13 Raja Solomon mesanka orang siku ke benama Huram. Huram tu tukang ke diau di nengeri Tire. Iya landik begagaka utai ari temaga.\\n14 Niang apai iya datai ari Tire. Lalu apai iya mega landik begagaka utai ari temaga. Indai iya datai ari raban bansa Naptali. Huram tu tukang ke pandai sereta lama udah begagaka utai nya. Nya alai iya nyambut pinta raja ke ngasuh iya nyadi tuai semua orang ke bekereja begagaka utai ari temaga.\\nTiang Temaga Ti Dua Iti\\n15 Huram ngaga dua iti tiang temaga ngena chuan. Peninggi siti-siti tiang nya 8 meter, lalu sakap iya 5.3 meter. Tiang nya didirika iya ba penama ngagai Rumah Sembiang.\\n16 Iya mega ngaga dua iti tutup tiang ari temaga. Peninggi siti-siti tutup nya 2.2 meter. Tutup tu diengkahka ba puchuk tiang nya.\\n17 Puchuk tiang dua iti nya diukir ngena ukir ti baka rantai\\n18 enggau dua iti rintai buah delima ti digaga ari temaga.\\n19 Tutup tiang nya baka gamal bungai bakung, tinggi 1.8 meter,\\n20 ti dilekatka ngelingi tiang ti segala nya, ari atas ukir ti baka rantai. Dua ratus igi buah delima, berintai dua, melit siti-siti puchuk tiang nya.\\n21 Huram nirika tiang temaga dua batang nya ba penama ngagai Rumah Sembiang. Tiang ti muak ke selatan nya dikumbai Jachin lalu tiang ti muak ke utara nya dikumbai Boas.\\n22 Tutup pala tiang ti digaga ari temaga ti baka gamal bungai bakung nya diengkahka ba pala tiang nya. Nya alai pengawa ngaga tiang nya tembu.\\nTangki Ti Digaga Ari Temaga\\n23 Huram ngaga siti tangki ti segala ari temaga. Penalam iya 2.2 meter, buka iya 4.4 meter, lalu sakap iya 13.2 meter.\\n24 Ngelingi tisi tangki nya ari luar, bisi dua iti rintai buah labu ti digaga ari temaga. Buah tu digaga sama selajur enggau tangki nya empu.\\n25 Tangki nya duduk ba belakang dua belas iku sapi ti lelaki ti digaga ari temaga, ti nguing tunga ke luar, tiga iku nunga ke selatan, tiga nunga ke timur, tiga nunga ke utara, lalu tiga nunga ke barat.\\n26 Penebal tangki nya 75 milimeter. Lilit tisi iya baka lilit tisi mangkuk, nyerindak ke luar baka kuntum bungai bakung. Tangki nya ulih ngundan kira 40,000 liter.\\n27 Huram mega ngaga sepuluh buah kerita tarit ari temaga. Genap buah kerita nya 1.8 meter panjai 1.8 meter buka, enggau 1.3 meter peninggi.\\n28 Kerita nya digaga ari papan ti besegi empat, ti dilekatka ba langkar,\\n29 enggau gambar singa, sapi ti lelaki, enggau melikat cherub ti besayap diukirka ba papan nya. Lalu ba langkar ti ari atas enggau ari baruh singa, enggau sapi ti lelaki, bisi ukir ti bebelit.\\n30 Genap kerita nya bisi kaki temaga. Ba empat iti sukut bisi tiang alai ngengkahka bisin. Tiang nya dilagu ngena ukir ti bebelit.\\n31 Ba puchuk tiang nya bisi siti langkar ti segala alai ngengkahka bisin. Peninggi langkar nya ari atas kerita nya 44 sentimeter, enggau 22 sentimeter masuk ngagai kerita nya.\\n32 Peninggi kaki kerita nya 66 sentimeter. Kaki nya ari baruh dinding kerita nya, lalu utai ti alai kaki nya lekat, digaga selajur enggau kerita nya empu.\\n33 Kaki kerita nya baka kaki kerita perang. Semua perengka kaki kerita nya digaga ari temaga magang.\\n34 Di baruh empat iti sukut ke kerita nya bisi empat iti tungkat. Tungkat tu mega digaga selajur enggau temaga ti dikena ngaga kerita nya.\\n35 Puchuk siti-siti kerita nya bisi lilit. Buka siti-siti lilit nya 22 sentimeter. Tiang tungkat, enggau dinding kerita nya digaga selajur enggau kerita nya empu.\\n36 Tiang tungkat, enggau dinding ke kerita nya dilagu ngena gambar bala melikat cherub ti besayap, gambar singa, gambar kayu engkerema, ba sebarang endur ti bisi lapang alai ngengkahka sida, lalu dikelingi enggau ukir ti bebelit.\\n37 Nya meh chara kerita nya digaga. Semua kerita nya sebaka magang, sama sebaka pemesai, sama sebaka gaya.\\n38 Huram mega ngaga sepuluh iti bisin, siti bisin ke siti-siti kerita. Siti-siti bisin nya buka 1.8 meter, lalu ulih ngundan lapan ratus liter.\\n39 Iya ngengkahka lima buah kerita nya ba rusuk selatan Rumah Sembiang, enggau lima buah ti bukai ba rusuk utara. Tangki nya diengkahka iya ba sukut selatan.\\nPekekas Ti Dikena Dalam Rumah Sembiang\\n40-45 Huram mega ngaga periuk, sandak enggau mangkuk. Iya nembuka semua pengawa iya ke begagaka pekekas ke Rumah Sembiang ke Raja Solomon. Tu utai ti udah digaga iya:\\nDua batang tiang.\\nDua iti tutup tiang ti baka mangkuk, ti diengkah ba atas puchuk tiang.\\nUkir rantai ti besulam ba tutup tiang.\\nEmpat ratus igi buah delima ari temaga, dua iti rintai ngelingi siti-siti tutup tiang, empat ratus igi ba siti-siti rintai.\\nSepuluh buah kerita tarit.\\nSepuluh iti bisin.\\nDua belas iku sapi ti lelaki alai tangki nya duduk.\\nPeriuk, sandak, enggau mangkuk.\\nSemua perengka ke Rumah Sembiang, ti digaga Huram ke Raja Solomon, digaga magang ari temaga ti udah dipugar.\\n46 Raja ngasuh semua utai nya digaga ba endur alai orang ke ngeluluhka besi, ba entara Sukut enggau Saretan, di Lebak Jordan.\\n47 Solomon nadai ngasuh orang nimbang utai ti digaga ari temaga nya, laban utai nya kelalu mayuh. Nya alai semua utai nya nadai ditimbang.\\n48 Solomon mega ngasuh orang ngaga pekekas ari emas ke Rumah Sembiang. Pekekas nya nyengkaum alta, mija alai engkah roti ti diberi ngagai Allah Taala,\\n49 sepuluh iti penuduk lampu, ti bediri di mua Endur ti Pemadu Kudus, lima muak ke selatan, enggau lima muak ke utara, bungai, lampu, penyepit,\\n50 mangkuk, utai ti dikena madamka lampu, mangkuk, pinggai alai engkah menyan, enggau talam kena mai bara api, insil pintu ke Endur ti Pemadu Kudus, enggau insil ke pintu luar ke Rumah Sembiang. Semua perengka tu digaga ari emas magang.\\n51 Lebuh Raja Solomon udah nembuka semua pengawa begagaka Rumah Sembiang, iya lalu nyimpan semua utai ti udah diserahka apai iya David ngagai TUHAN, dalam bilik ti alai nyimpan semua utai. Utai nya nyengkaum pirak, emas enggau utai bukai.\\nPeti Lampang Batu Adat Dibai Ngagai Rumah Sembiang\\n1 Udah nya Raja Solomon lalu mesanka semua tuai raban bansa enggau tuai peturun orang Israel datai ngagai iya di Jerusalem laban iya deka mai Peti Lampang Batu Adat TUHAN ari Sion, iya nya nengeri David, ngagai Rumah Sembiang.\\n2 Semua sida lalu begempuru lebuh Gawai Belangkau dalam bulan ti ketujuh, iya nya bulan Etanim.\\n3 Lebuh semua bala tuai udah begempuru magang, bala imam lalu ngesan Peti Lampang Batu Adat\\n4 lalu mai iya ngagai Rumah Sembiang. Bala orang Lewi enggau bala sida imam mega mindahka Langkau Kain TUHAN, enggau semua pekekas Langkau Kain nya ngagai Rumah Sembiang.\\n5 Raja Solomon enggau semua orang Israel begempuru di mua Peti Lampang Batu Adat nya, lalu meri mayuh jelu bedus enggau jelu sapi nyadika piring, datai ke sida nyau enda ulih diitung agi.\\n6 Udah nya bala imam lalu mai Peti Lampang Batu Adat nya ngagai Rumah Sembiang, lalu ngengkahka iya ba Endur ti Pemadu Kudus, di baruh melikat cherub ti besayap.\\n7 Sayap ti dikerembaika dua iku melikat cherub nya mungkur Peti enggau kayu ti dikena ngesan Peti nya.\\n8 Puting kayu nya ulih dipeda orang ke bediri di mua Endur ti Pemadu Kudus, tang enda ulih dipeda ari endur bukai. (Kayu ti dikena ngaling peti nya agi mengkang dia nyentuk ngagai sehari tu.)\\n9 Utai bukai nadai disimpan dalam Peti Lampang Batu Adat nya, kelimpah ari dua iti lampang batu ti udah diengkah Moses dalam Peti nya ba Bukit Sinai, lebuh TUHAN ngaga sempekat enggau orang Israel, lebuh sida pansut ari menua Ejip.\\n10 Lebuh bala imam ninggalka Rumah Sembiang nya, mua hari lalu tekala nya ngemenuhka Rumah nya\\n11 datai ke sida imam nyau enda ulih bekereja dalam Rumah Sembiang nya ketegal mua hari nya; laban mulia TUHAN ngemenuhka Rumah Sembiang nya.\\n12 Udah nya Solomon lalu besampi: “Nuan, TUHAN, udah ngengkahka mata hari di langit, tang taja pia, Nuan milih mua hari enggau pemetang alai Nuan diau.\\n13 Diatu aku udah ngaga Rumah Sembiang ti manah tu ke Nuan, alai Nuan diau belama iya.”\\nJaku Solomon Ngagai Orang Mayuh\\n14 Lebuh orang mayuh agi benung bediri dia, Raja Solomon lalu nguing ngagai sida, lalu minta Allah Taala merekatka sida.\\n15 Ku iya bejaku, “Pujika TUHAN Allah Taala ke disembah orang Israel! Iya udah ngamatka semaya ti udah digaga Iya enggau apai aku David, lebuh Iya madahka ngagai David,\\n16 ‘Kenyau ari lebuh Aku mai bala nembiak Aku pansut ari menua Ejip, Aku apin milih nengeri di serata menua Israel, alai Rumah Sembiang patut digaga, alai kita deka nyembah Aku. Tang Aku milih nuan, David, merintah bala nembiak Aku.’ “\\n17 Ku Solomon nampung sampi iya, “Apai aku David udah bekira deka ngaga Rumah Sembiang alai orang tau nyembah TUHAN Allah Taala ke disembah orang Israel,\\n18 tang ku TUHAN bejaku ngagai iya, ‘Ngena amat nuan bisi ati deka ngaga Rumah Sembiang ke Aku,\\n19 tang ukai nuan ti deka ngaga Rumah Sembiang nya. Anak nuan, anak nuan empu, ti deka ngaga Rumah Sembiang nya ke Aku.’\\n20 “Diatu TUHAN udah ngamatka semaya Iya. Aku udah nganti apai aku nyadi raja menua Israel, lalu aku udah ngaga Rumah Sembiang alai TUHAN Allah Taala ke disembah orang Israel deka disembah.\\n21 Aku mega udah nyendiaka siti endur dalam Rumah Sembiang alai ngengkahka Peti Lampang Batu Adat ti ngundan lampang batu sempekat. Sempekat nya udah digaga TUHAN enggau bala aki ini kitai, lebuh Iya mai sida pansut ari menua Ejip.”\\n22 Udah nya, di mua orang mayuh, Solomon lalu mansang bediri di mua alta. Iya ngangkatka jari iya\\n23 lalu besampi, “TUHAN Allah Taala ke disembah orang Israel, nadai petara bukai ti baka Nuan, nemuka di serega di atas tauka di dunya di baruh! Nuan ngamatka sempekat Nuan enggau bala nembiak Nuan, lalu ngayanka pengerindu Nuan ke sida, lebuh sida ngasika Nuan enggau pengabis ati sida.\\n24 Nuan udah ngamatka semaya ti udah digaga Nuan enggau apai aku David. Sehari tu semua jaku nya udah dikamatka magang.\\n25 Nya alai diatu, TUHAN Allah Taala ke disembah orang Israel, aku besampi minta Nuan mega ngamatka semaya ti udah digaga Nuan enggau apai aku David, lebuh Nuan madahka siku ari peturun iya deka merintah nyadi raja di menua Israel, asal ga sida bejimat ngasika Nuan baka iya.\\n26 Nya alai, O Allah Taala ke disembah orang Israel, awakka semua utai ti udah disemaya Nuan ngagai apai aku David, dikamatka magang.\\n27 “Tang kati Nuan, O Allah Taala, amat ulih diau di dunya tu? Indah semua serega deh enda chukup alai Nuan diau. Nya alai, baka ni ku Rumah Sembiang tu, ti udah digaga aku, tau chukup alai Nuan diau?\\n28 TUHAN Allah Taala aku, aku tu nembiak Nuan. Pendingka sampi aku, lalu saut meh sampi ti disebut aku ngagai Nuan sehari tu.\\n29 Jaga meh Rumah Sembiang tu siang malam, endur ti udah dipilih Nuan alai Nuan deka disembah. Dingaka aku, lebuh aku ngadap ngagai Rumah Sembiang tu, lalu besampi.\\n30 Dingaka sampi aku, enggau sampi bala nembiak Nuan, lebuh sida ngadap ngagai endur tu, lalu besampi. Dingaka kami ari rumah Nuan di serega, lalu ampun meh kami.\\n31 “Lebuh orang kena dawa laban sida ngereja utai ti salah ngagai pangan diri, lalu dibai ngagai alta Nuan dalam Rumah Sembiang tu ngambika iya besumpah madahka diri nadai penyalah,\\n32 pendingka bala nembiak Nuan ari serega, O TUHAN, lalu akim meh iya. Ukum meh sapa ke salah, nitihka penyalah iya, lalu lepaska orang ke nadai penyalah.\\n33 “Lebuh bala nembiak Nuan Israel alah laban munsuh ketegal sida udah bedosa ngelaban Nuan, lalu lebuh sida nguing lalu datai ngagai Rumah Sembiang tu enggau ati ti baruh lalu besampi minta pengampun,\\n34 pendingka sida ari serega. Ampun dosa bala nembiak Nuan, lalu bai sida pulai baru ngagai menua ti udah diberi Nuan ngagai aki ini sida.\\n35 “Lebuh Nuan nagang hari ujan, ketegal bala nembiak Nuan udah bedosa ngelaban Nuan, lalu lebuh sida nesal ati lalu ngadap ngagai Rumah Sembiang tu enggau ati ti baruh lalu besampi ngagai Nuan,\\n36 pendingka sida ari serega. Ampun dosa raja enggau orang Israel, lalu ajar sida ngereja utai ti ngena. Udah nya, TUHAN, asuh hari ujan ba menua Nuan tu, ti udah diberi Nuan ngagai bala nembiak Nuan, nyadika pesaka sida belama iya.\\n37 “Lebuh lapar pungkang nyadi di menua tu, tauka penyakit bisi berampit, tauka utai ti ditanam bisi rusak laban ribut ti angat, tauka diserang raban buntak, tauka bala nembiak Nuan kena serang munsuh, tauka penyakit tauka pemedis bisi nyadi ba bala sida,\\n38 pendingka sampi sida. Enti orang Israel bisi ngangkatka jari besampi ngadap ngagai Rumah Sembiang tu, enggau ati ti tusah,\\n39 dingaka sampi sida. Dingaka sida ari rumah Nuan di serega, ampun sida, lalu tulung sida, laban semina Nuan siku aja ke nemu utai ti dalam ati mensia. Kereja meh utai ba siku-siku kami nitihka pematut,\\n40 ngambika bala nembiak Nuan seruran ngasika Nuan lebuh sida diau di menua ti udah diberi Nuan ngagai aki ini sida.\\n41-42 “Lebuh orang bansa bukai ke diau jauh di menua bukai, ninga pemanah berita pasal Nuan, enggau pasal utai ti besai ti udah dikereja Nuan ke bala nembiak Nuan, lalu iya datai nyembah Nuan, lalu besampi ba Rumah Sembiang tu,\\n43 pendingka sampi iya. Dingaka iya ari serega, alai Nuan ti diau, lalu kereja meh utai ti dipinta iya ari Nuan, ngambika semua orang di dunya tu nemu Nuan, lalu ngasika Nuan, baka bala nembiak Nuan orang Israel. Nya baru sida deka nemu, Rumah Sembiang ti udah digaga aku ba endur tu nya alai Nuan patut disembah.\\n44 “Lebuh Nuan ngasuh bala nembiak Nuan mansang beperang ngelaban munsuh sida, lalu sida besampi ngagai Nuan, di sebarang endur sida diau lalu nguingka diri tunga ngagai nengeri tu, ti udah dipilih Nuan alai Rumah Sembiang tu udah digaga aku ke Nuan,\\n45 pendingka sampi sida. Dingaka sida ari serega, lalu asuh sida menang.\\n46 “Lebuh bala nembiak Nuan bedosa ngelaban Nuan, laban nadai siku mensia ti enda bedosa, lalu Nuan ringat, lalu ngasuh munsuh sida ngalahka sida lalu nabanka sida nyadi orang tangkap ngagai menua bukai, taja pen menua nya jauh,\\n47 pendingka sampi bala nembiak Nuan. Enti di menua nya sida nesal ati, lalu besampi ngagai Nuan, ngaku pemesai penyalah enggau penyai sida, dingaka sampi sida, O TUHAN.\\n48 Enti di menua nya sida amat bebendar nesal ati lalu besampi ngagai Nuan, lebuh sida malik tunga ngagai menua tu ti udah diberi Nuan ngagai aki ini sida, tunga ngagai nengeri tu ti udah dipilih Nuan, enggau tunga ngagai Rumah Sembiang tu ti udah digaga aku ke Nuan,\\n49 pendingka sampi sida. Dingaka sida ari Rumah Nuan di serega, lalu ampun sida.\\n50 Ampun semua dosa sida, enggau penyalah sida ke udah angkat ngelaban Nuan, lalu asuh munsuh sida nelap enggau sida.\\n51 Sida tu bala nembiak Nuan Empu, ti udah dibai Nuan pansut ari menua Ejip, menua alai sida ke udah balat diperinsa.\\n52 “TUHAN ti Pemadu Tinggi, awakka Nuan seruran kasihka bala nembiak Nuan enggau raja sida, lalu dingaka sampi sida, lebuh sida ngangauka Nuan.\\n53 Nuan udah milih sida ari semua bansa, ngambika sida nyadi nembiak Nuan, munyi ti udah dipadahka Nuan ngagai sida ngena Moses, lebuh Nuan mai bala aki ini sida pansut ari menua Ejip.”\\nSampi Ti Penudi\\n54 Lebuh Solomon udah badu besampi ngagai TUHAN, iya bediri di mua alta, alai iya ti udah besugang ngangkatka jari iya.\\n55 Iya bejaku enggau nyawa ti inggar minta Allah Taala meri berekat ngagai semua orang ke begempuru dia. Ku iya,\\n56 “Pujika TUHAN ti udah meri pemaik ngagai bala nembiak Iya, munyi ti udah disemaya Iya. Iya udah ngamatka semua semaya ti udah digaga Iya nengah nembiak Iya Moses.\\n57 Awakka TUHAN Allah Taala kitai diau enggau kitai, baka Iya ti udah begulai enggau bala aki ini kitai. Awakka Iya enda ngelengkaka kitai, tauka ninggalka kitai.\\n58 Awakka Iya ngasuh kitai ngasika Iya, ngambika kitai deka seruran diau nitihka gaya ti dikedekaka Iya, ngasika semua adat enggau pesan ti diberi Iya ngagai aki ini kitai.\\n59 Awakka TUHAN Allah Taala kitai seruran ingatka sampi tu enggau peminta ti udah dibai aku ngagai Iya. Awakka Iya seruran ngampun bala nembiak Iya orang Israel, enggau raja sida, nitihka utai ti diguna sida tiap hari.\\n60 Nya baru semua bansa deka nemu, semina TUHAN siku aja ti Allah Taala, lalu nadai petara bukai.\\n61 Awakka kita ke nembiak Iya, seruran tetap ati ngagai TUHAN Allah Taala kitai, ngasika semua adat enggau pesan Iya, baka ke dikereja kita sehari tu.”\\nNyerahka Rumah Sembiang\\n62 Udah nya Raja Solomon enggau semua orang mayuh ke bisi dia lalu ngenjuk piring ngagai TUHAN.\\n63 Raja Solomon meri 22,000 iku sapi enggau 120,000 iku jelu bedus nyadika piring pemaik. Nya meh chara raja enggau semua orang mayuh nyerahka Rumah Sembiang nya.\\n64 Ba hari nya mega iya nyerahka endur ti ba tengah laman nya ngagai TUHAN, iya nya endur ti di mua Rumah Sembiang, lalu udah nya ngenjuk piring tunu segala ba endur nya, piring tepung, enggau lemak ari jelu nyadika piring pemaik. Iya ngereja nya laban alta ti digaga ari temaga nya kelalu mit, lalu enda ulih ngundan semua piring nya.\\n65 Rumah Sembiang nya meh endur alai Solomon enggau semua orang Israel ngerami Gawai Belangkau tujuh hari. Mayuh amat orang datai. Sida datai ari Lebo-hamat di utara, nyentuk ngagai ari gari entara menua enggau orang Ejip di selatan.\\n66 Ba hari ti kelapan, Solomon lalu ngasuh orang mayuh pulai. Semua sida bela muji Solomon, lalu pulai enggau ati ti lantang, ketegal semua berekat ti udah diberi TUHAN ngagai nembiak Iya David, enggau ngagai bala nembiak Iya orang Israel.\\nAllah Taala Pegari Baru Ngagai Solomon\\n1 Lebuh Raja Solomon udah tembu ngaga Rumah Sembiang, enggau istana, enggau semua utai bukai ti deka digaga iya,\\n2 TUHAN lalu pegari baru ngagai iya, baka ke nyadi di Gibeon.\\n3 Ku TUHAN bejaku ngagai iya, “Aku udah ninga sampi nuan. Aku udah nguduska Rumah Sembiang tu ti udah digaga nuan nyadi endur alai kita deka nyembah Aku belama iya. Aku deka ngemataka endur tu, lalu nyaga iya belama iya.\\n4 Enti nuan deka betuaika Aku ngena ati ti betul sereta rentang, baka apai nuan David, lalu enti nuan ngasika adat Aku, lalu ngereja semua utai ti udah dipadahka Aku ngagai nuan,\\n5 Aku deka ngamatka semaya ti udah digaga Aku enggau apai nuan David, lebuh Aku madahka orang Israel deka diperintah bala peturun iya.\\n6 Tang enti nuan, tauka peturun nuan badu agi nitihka Aku, enda ngasika adat enggau jaku ti dipesanka Aku ngagai nuan, lalu nyembah petara bukai,\\n7 Aku deka muai bala nembiak Aku orang Israel ari menua ti udah diberi Aku ngagai sida. Aku deka mega ninggalka Rumah Sembiang tu, ti udah dikuduska Aku alai kita deka nyembah Aku. Orang di semua endur deka ngelanyaika orang Israel, lalu enda bebasaka sida.\\n8 Rumah Sembiang tu deka nyadi tembawai, lalu semua orang ke mansa deka tekenyit sereta alit ati. ‘Nama kebuah TUHAN ngereja utai tu ngagai menua tu, enggau ngagai Rumah Sembiang tu?’ ku sida deka nanya.\\n9 Orang deka nyaut, ‘Laban sida udah ninggalka TUHAN Allah Taala sida ke udah mai aki ini sida pansut ari menua Ejip. Sida udah arapka lalu nyembah petara bukai. Nya kebuah TUHAN udah ngasuh penusah ti besai tu ninggang sida.’ “\\nSempekat Solomon Enggau Hiram\\n10 Solomon ngaga Rumah Sembiang enggau istana iya empu dua puluh taun.\\n11 Raja Hiram di Sidon udah meri ngagai iya semua kayu sidar enggau kayu pain enggau semua emas ti diguna iya kena iya ngereja pengawa nya. Lebuh pengawa nya udah tembu, Raja Solomon meri ngagai Hiram dua puluh buah nengeri di menua Galili.\\n12 Hiram mansang meda nengeri nya, lalu iya enda rinduka nengeri nya.\\n13 Nya alai ku iya bejaku enggau Solomon, “Kati tu nengeri ti diberi nuan ngagai aku, menyadi!” Nya kebuah menua nya dikumbai Kabul nyentuk ngagai diatu.\\n14 Hiram udah ngirumka nyau deka bulih 5 tan emas ngagai Solomon.\\nUtai Bukai Ti Dikereja Solomon\\n15 Raja Solomon mejalka orang ngaga Rumah Sembiang enggau istana, nambun tanah ba tisi timur nengeri nya, lalu ngaga dinding kuta ke nengeri nya. Iya mega mejalka sida ngaduka nengeri Hasor, Megido, enggau Geser. (\\n16 Raja menua Ejip endang udah nyerang lalu ngalahka nengeri Geser, munuh orang ke diau dia, lalu nunu nengeri nya. Udah nya iya lalu meri nengeri nya nyadika derian ngagai anak indu iya lebuh anak indu iya jadi enggau Solomon,\\n17 lalu Solomon nirika nengeri nya baru.) Solomon mega mejalka bala orang ngaduka nengeri Bet-horon Ili,\\n18 Baalat, Tamar ti di menua puang dalam menua Judah,\\n19 nyadi endur alai iya nyimpan semua utai ti diguna iya, alai iya nyimpan kuda enggau kerita perang iya, enggau semua utai bukai ti diguna iya kena iya ngaga utai di Jerusalem, di Lebanon, enggau ba endur bukai dalam menua ti dipegai iya.\\n20-21 Nyadi orang ke dipejalka Solomon bekereja ke iya nya peturun orang Kanaan, ti enda dibunuh orang Israel lebuh sida ngerampas menua nya. Orang Kanaan nyengkaum orang Amor, orang Iti, orang Peris, orang Ibi, enggau orang Jebus. Peturun sida tu mengkang nyadi ulun nyentuk ngagai sehari tu.\\n22 Solomon nadai ngaga orang Israel nyadi ulun iya. Sida nyadi bala soldadu iya, nyadi bala pemesai, tuai soldadu, orang ke nyadi kepala ke orang ke nepan kerita perang iya, enggau nyadi soldadu ke nepan kuda.\\n23 Lima ratus lima puluh iku pemesai nyadi kepala ngemataka bala orang ke dipejalka Solomon gawa begagaka rumah iya.\\n24 Solomon nambun tanah ba tisi ti muak ke timur nengeri nya, udah bekau bini iya, iya nya anak indu raja menua Ejip, ke mindah ari Nengeri David ngagai istana ti udah digaga Solomon ke iya.\\n25 Tiga kali dalam setaun Solomon ngenjuk piring tunu enggau piring pemaik, ba alta ti udah digaga iya ke TUHAN. Iya mega nunu menyan ke TUHAN. Nya meh chara iya nembuka Rumah Sembiang.\\n26 Raja Solomon mega ngaga berapa buah kapal di Esion-geber, enda jauh ari Elat ba tebing Teluk Akaba, di menua Edom.\\n27 Raja Hiram ngirumka bala kelasi ke bisi peneleba ari berapa buah kapal iya empu, ngambika sida bekereja enggau bala Solomon.\\n28 Sida belayar ngagai menua Opir, lalu mai ngagai Solomon kira 16 tan emas.\\nPenemuai Kuin Menua Sheba\\n1 Lebuh kuin menua Sheba ninga Solomon tebilang amat nama, iya lalu mansang ngagai Jerusalem deka nguji Solomon ngena tanya ti mar disaut.\\n2 Kuin nya mai mayuh bala pengiring, enggau raban jelu unta ti mai rempah, batu ti berega, enggau mayuh emas. Lebuh iya betemu enggau Solomon, iya lalu mantaika semua tanya ti dalam runding iya, ngagai Solomon.\\n3 Solomon nyaut semua tanya nya. Nadai utai ti enda ulih diterangka Solomon.\\n4 Kuin menua Sheba mendingka penemu-dalam ti disebut Solomon, lalu meda istana ti udah digaga iya.\\n5 Kuin nya meda pemakai ti disediaka ba mija Solomon, rumah alai bala pemesai iya diau, chara bala orang ke bekereja dalam istana nya diatur, enggau pekayan ti dikena sida, bala orang gaji ke bekereja ke iya lebuh iya ngintu pengerami makai besai, enggau piring ti diberi iya ba Rumah Sembiang. Kuin nya nyau alit ati.\\n6 Ku iya bejaku enggau Raja Solomon, “Utai ti udah didinga aku di menua aku empu pasal nuan enggau penemu-dalam ti dikembuan nuan, endang amat magang!\\n7 Tang aku enda arapka nya, sebedau aku empu datai lalu meda semua utai nya ke diri empu. Tang utai ti udah didinga aku nya ukai setengah ari utai ti dipeda enggau didinga aku. Penemu-dalam ti dikembuan nuan enggau pengaya nuan jauh besai agi ari utai ti udah dipadahka orang ngagai aku.\\n8 Naka meh penguntung bala bini nuan! Naka meh penguntung bala orang gaji nuan, ke seruran di mua nuan, lalu seruran bisi peluang mendingka penemu-dalam ti dibantaika nuan!\\n9 Pujika TUHAN Allah Taala nuan! Iya udah ngayanka pemesai pengaga ati Iya ke nuan, lebuh Iya ngaga nuan nyadi raja menua Israel. Laban pengerindu Iya ke orang Israel endang meruan belama iya, Iya udah ngaga nuan nyadi raja sida, ngambika nuan bejalaika atur ti lurus sereta betul.”\\n10 Kuin nya lalu meri Raja Solomon pemeri ti udah dibai iya. Pemeri nya nyengkaum nyau deka bulih lima tan emas, mayuh amat rempah, enggau batu ti berega. Pemayuh rempah ti diberi iya ngagai Solomon nya jauh mayuh agi ari ti udah kala diterima Solomon sekali. (\\n11 Kapal Raja Hiram, ti udah mai emas ari Opir, mega mai ari menua nya mayuh kayu juniper enggau batu ti berega.\\n12 Solomon ngena kayu nya begagaka lalau dalam Rumah Sembiang enggau dalam istana, enggau begagaka belikan, enggau engkeratung ke bala orang ke nebah musik. Kayu juniper nya kayu juniper ti pemadu manah udah kala dibeli menua Israel ari menua bukai. Nadai kayu ti ngemanah nya agi bisi dipeda udah lepas nya.)\\n13 Raja Solomon, enggau ati ti gerah mudah, lalu meri ngagai kuin menua Sheba semua utai ti dipinta kuin nya, nambahka pemeri bukai ti diberi Solomon ngagai iya. Udah nya kuin nya enggau bala pengiring iya lalu mulaika diri ngagai menua Sheba.\\nPengaya Raja Solomon\\n14 Raja Solomon nerima lebih 25 tan emas tiap taun,\\n15 nambahka chukai ti dibayar orang dagang, untung ari pengawa dagang, enggau chukai ti dibayar bala raja bansa Arab, enggau ari bala gabenor ke megai pelilih menua di menua Israel.\\n16 Solomon ngaga dua ratus iti terabai ti besai. Genap iti terabai nya disampak enggau kira 7 kilogram emas.\\n17 Iya mega ngaga tiga ratus iti terabai ti mit agi, nyampak genap iti terabai nya enggau kira dua kilogram emas. Semua terabai nya diengkah iya dalam Balai Utan Menua Lebanon.\\n18 Iya mega ngasuh orang ngaga siti kerusi diraja ti besai. Kerusi nya disampak enggau gading, sereta enggau emas ti tulin.\\n19-20 Enam iti tangkal tangga digaga nuju ngagai kerusi diraja nya. Ba dua iti puting ke genap iti tangkal nya bisi gamal jelu singa, dua belas iku semua iya. Di belakang kerusi diraja nya bisi siti gamal pala jelu sapi, lalu ngimbai dua iti tisi kerusi nya, ba endur alai ti manggaika lengan, bisi gamal singa. Nadai menua bukai bisi kerusi diraja ti baka nya.\\n21 Semua mangkuk ti dikena Solomon ngirup digaga ari emas magang, lalu semua pekekas dalam Balai Utan Lebanon digaga ari emas ti tulin magang. Pirak endang enda dikena, laban orang ngumbai pirak enda berega lebuh maya Solomon menya.\\n22 Iya mayuh kapal ti tau belayar ba tasik, lalu kapal nya belayar sama enggau kapal Hiram. Kapal iya pulai tiap tiga taun, mai emas, pirak, gading, nyumbuh enggau kera.\\n23 Raja Solomon lebih agi kaya, sereta dalam agi penemu ari semua raja bukai,\\n24 lalu semua dunya bisi ati deka datai lalu mendingka penemu-dalam ti udah diberi Allah Taala ngagai iya.\\n25 Genap iku orang ke datai bela mai pemeri ngagai iya. Pemeri nya nyengkaum pirak, emas, baju ti panjai, senyata, rempah, kuda, enggau keledai. Utai tu nyadi tiap-tiap taun.\\n26 Solomon bisi seribu empat ratus buah kerita perang, enggau dua belas ribu iku kuda kena beperang. Sekeda sida nya disimpan iya di Jerusalem, lalu sida ti bukai diasuh iya bepalan ba nengeri bukai.\\n27 Lebuh maya Solomon nyadi raja, pirak nyau mayuh baka batu, lalu kayu sidar nyau ngemayuh kayu sikamur ba kaki bukit menua Judah.\\n28 Orang dagang ke bekereja ke raja diberi kuasa meli kuda ari menua Musri enggau Silisia,\\n29 enggau meli kuda ari menua Ejip. Sida lalu nyual kuda enggau kerita perang nya ngagai raja orang Iti enggau raja orang Siria, ngena rega 600 singkap pirak ke sebuah kerita perang, enggau 150 singkap pirak ke siku kuda.\\nRaja Solomon Ninggalka TUHAN\\n1 Solomon rinduka mayuh indu orang bansa bukai. Kelimpah ari anak indu raja menua Ejip, iya mega jadi enggau indu orang Iti, indu orang Moap, Amon, Edom, enggau Sidon.\\n2 Iya jadi enggau sida taja pen TUHAN udah nagang orang Israel jadi enggau bansa orang nya, laban sida deka mai orang Israel taluk ngagai petara bukai.\\n3 Solomon jadi enggau tujuh ratus iku anak indu raja, lalu iya bisi mega tiga ratus iku indu simpan. Sida indu nya ke nyungkak iya ninggalka Allah Taala,\\n4 lalu lebuh umur iya nyau tuai, sida nguluka iya besembahka petara orang bansa bukai. Iya enda tetap ati ngagai TUHAN Allah Taala iya, enda baka apai iya David.\\n5 Iya nyembah Astarte, petara indu orang Sidon, enggau Molek, petara orang Amon.\\n6 Iya bedosa ngelaban TUHAN, lalu iya enda taluk ngagai TUHAN, enda baka apai iya David.\\n7 Ba bukit sigi muak ke timur nengeri Jerusalem iya ngaga siti palan alai nyembah Kemos, petara orang Moap, enggau siti palan alai nyembah Molek, petara orang Amon.\\n8 Iya mega ngaga mayuh bengkah endur alai semua bini iya ke ari bansa bukai ulih nunu menyan enggau ngenjuk piring ngagai petara sida.\\n9-10 Taja pen TUHAN Allah Taala ke disembah orang Israel udah ngayanka Diri dua kali ngagai Solomon, lalu udah nagang iya nyembah petara orang bansa bukai, Solomon mengkang enda ngasika TUHAN, tang ninggalka Iya. Nya alai TUHAN ringat ngagai Solomon\\n11 lalu bejaku enggau iya, “Laban nuan udah sengaja mungkir ari sempekat Aku enggau nuan, lalu enda ngasika pesan Aku, Aku deka ngerampas perintah orang Israel ari jari nuan, lalu meri perintah nya ngagai siku ari bala pemesai nuan.\\n12 Tang, ketegal apai nuan David, Aku enda ngereja nya lebuh nuan empu agi idup, tang lebuh anak nuan megai perintah.\\n13 Lalu Aku enda ngambi semua menua ti dipegai iya ari iya, tang Aku deka ninggalka siti aja raban bansa ke iya, ketegal nembiak Aku David, enggau ketegal Jerusalem, nengeri ti udah digaga Aku nyadika nengeri Aku Empu.”\\n14 Nya alai TUHAN ngasuh Hadat, siku orang ari ruang bilik raja Edom, ngelaban Solomon.\\n15-16 Sebedau nya, lebuh David udah ngalahka Edom, Joap ti nyadi tuai soldadu iya bisi udah bejalai ngagai menua nya deka nguburka orang ke mati. Iya enggau bala iya mengkang di menua nya enam bulan, lalu sekumbang sida ke dia, sida munuh semua orang ke lelaki di menua Edom.\\n17 Tang Hadat ti agi biak lebuh maya nya, enggau sekeda orang Edom ti nyadi orang gaji apai iya, ngerarika diri ngagai menua Ejip.\\n18 Sida angkat ari Midian lalu mansang ngagai Paran. Sekeda orang bukai mupuk enggau sida. Udah nya sida lalu bejalai ngagai menua Ejip, lalu betemu enggau raja menua nya. Raja nya meri tanah, sebuah rumah enggau pemakai ngagai Hadat.\\n19 Hadat nyau bepangan enggau raja, lalu raja meri ipar indu iya, iya nya menyadi indu kuin Papenes, nyadika bini Hadat.\\n20 Papenes ngadaka anak lelaki siku. Nama iya Genubat, lalu iya diibun kuin nya dalam istana, alai iya ti diau begulai enggau bala anak raja.\\n21 Lebuh Hadat ninga David, enggau Joap ti nyadi tuai soldadu orang Israel udah mati, Hadat lalu bejaku enggau raja, “Awakka aku pulai ngagai menua aku empu.”\\n22 “Lapa?” ku raja nanya. “Kati aku bisi udah enda meri nuan utai? Kati nya kebuah nuan keran deka pulai ngagai menua nuan empu?”\\n“Awakka aku mupuk,” ku Hadat nyaut raja. Iya lalu pulai ngagai menua iya empu. Lebuh Hadat nyadi raja menua Edom, iya lalu bemunsuh enggau orang Israel.\\n23 Allah Taala mega ngasuh Reson anak Eliada ngelaban Solomon. Reson udah rari ninggalka tuan iya, iya nya Raja Hadadeser ke merintah di Sobah,\\n24 lalu udah nyadi tuai bala orang ke enda beradat. (Utai tu nyadi udah bekau David ngalahka Hadadeser lalu udah munuh bala orang Siria ke setanah enggau Hadadeser.) Reson enggau bala iya mansang lalu diau di Damaskus. Dia orang ke nitihka iya lalu nyiri iya nyadi raja menua Siria.\\n25 Iya nyadi munsuh menua Israel sekumbang Solomon agi idup.\\nSemaya Allah Taala Ngagai Jeroboam\\n26 Siku agi orang angkat ngelaban Raja Solomon. Orang nya siku ari pemesai iya empu, ke benama Jeroboam anak Nebat, ari Seredah di menua Epraim. Indai iya Seruah, lalu Seruah balu.\\n27 Tu cherita pasal Jeroboam ke angkat ngelaban perintah. Nyadi Solomon agi benung nambun tanah ba tisi timur nengeri Jerusalem, sereta ngaduka dinding kuta nengeri.\\n28 Jeroboam agi biak umur sereta nemu gawa, lalu lebuh Solomon meda iya rajin gawa, iya lalu ngasuh iya nyadi tuai ngemataka semua orang ke dipejalka gawa dalam menua Manasi enggau Epraim.\\n29 Nyadi sekali, lebuh Jeroboam bejalai ari Jerusalem, nabi Ahijah ari Siloh betemu enggau iya kediri ba jalai raya di menua pesisir.\\n30 Ahijah lalu muka baju panjai ari tubuh iya empu, nyarikka baju nya ngagai dua belas iti chebik,\\n31 lalu bejaku enggau Jeroboam, “Bai sepuluh iti chebik ke nuan empu, laban tu utai ti disebut TUHAN Allah Taala ke disembah orang Israel ngagai nuan, ‘Aku deka ngerampas menua ti diperintah Solomon ari jari iya, lalu Aku deka meri sepuluh bengkah raban bansa ngagai nuan.\\n32 Solomon deka merintah siti aja raban bansa ketegal nembiak Aku David, enggau ketegal Jerusalem, nengeri ti udah dipilih Aku ari semua menua Israel nyadika nengeri Aku Empu.\\n33 Aku deka ngereja tu laban Solomon udah nulak Aku, lalu udah nyembah petara orang bansa bukai - petara Astarte, petara indu orang Sidon; Kemos, petara orang Moap; enggau Molek, petara orang Amon. Solomon udah enda ngasika Aku. Iya udah ngereja utai ti salah, lalu enda agi nitihka adat enggau pesan Aku, enda baka apai iya David.\\n34 Tang Aku enda ngerampas semua menua ti diperintah Solomon ari jari iya, lalu Aku deka ngasuh iya megai perintah sepemanjai umur iya. Aku deka ngereja tu ketegal nembiak Aku David, ti udah dipilih Aku, lalu udah ngasika adat enggau pesan Aku.\\n35 Aku deka ngerampas menua ti diperintah Solomon ari jari anak iya, lalu deka meri sepuluh bengkah raban bansa ngagai nuan,\\n36 tang Aku deka nejuka anak Solomon merintah siti raban bansa, ngambika Aku deka seruran bisi siti peturun ari nembiak Aku David merintah di Jerusalem, nengeri ti udah dipilih Aku nyadika palan alai Aku disembah.\\n37 Jeroboam, Aku deka ngaga nuan nyadi raja menua Israel, lalu nuan deka merintah semua menua ti dikinginka nuan.\\n38 Enti nuan ngasika Aku enggau pengabis ati nuan, idup nitihka jalai Aku, lalu ngereja utai ti ngena nitihka adat enggau pesan Aku, baka nembiak Aku David, Aku deka seruran enggau nuan. Aku deka ngaga nuan nyadi raja menua Israel, lalu Aku deka netapka peturun nuan merintah ngentudika nuan, baka ke udah dikereja Aku ngagai David.\\n39 Ketegal dosa Solomon, Aku deka ngukum peturun David, tang enda belama iya.’ “\\n40 Solomon lalu nguji munuh Jeroboam, tang Jeroboam ngerarika diri ngagai Raja Sisak di menua Ejip, lalu diau dia nyentuk ngagai pemati Solomon.\\n41 Semua utai ti udah dikereja Solomon, jalai pengidup iya, penemu-dalam ti dikembuan iya bisi dituliska magang dalam Jerita Lama Pasal Solomon.\\n42 Iya nyadi raja di Jerusalem merintah semua menua Israel empat puluh taun.\\n43 Iya mati lalu dikuburka di Nengeri David, lalu anak iya Rehoboam nganti iya nyadi raja.\\nRaban Bansa Ti Di Utara Angkat Ngelaban\\n1 Rehoboam mansang ngagai Sekem, alai semua orang Israel ti di utara udah begempuru deka nyiri iya nyadi raja.\\n2 Lebuh Jeroboam anak Nebat, ti udah rari ari Raja Solomon ngagai menua Ejip, ninga berita nya, iya lalu mulaika diri ari menua Ejip.\\n3 Orang Israel ari raban bansa ti di utara lalu mesanka Jeroboam, lalu Jeroboam enggau semua bala sida mansang deka betemu enggau Rehoboam, lalu bejaku enggau iya,\\n4 “Apai nuan Solomon udah kasar bendar enggau kami, lalu ngasuh kami ngereja pengawa ti berat. Enti nuan ngasuh pengawa kami lempung agi, lalu ngasuh pengidup kami nyamai agi, kami deka taluk ngagai nuan.”\\n5 “Aku minta kita datai kitu baru tiga hari da agi, nya baru aku meri saut aku ngagai kita,” ku iya nyaut. Sida lalu mupuk.\\n6 Raja Rehoboam lalu betanya ngagai orang ke tuai, ti udah bekereja nyadi penyanding penemu ke apai iya Solomon. “Dalam runding kita, nama saut ti patut diberi aku ngagai orang tu?” ku iya nanya.\\n7 Ku sida nyaut, “Enti nuan deka betuaika orang tu enggau manah, nuan enda tau enda meri saut ti menyana ngagai peminta sida. Nya baru sida deka seruran taluk betuaika nuan.”\\n8 Tang iya enda begunaka jaku lalau bala orang ke tuai. Iya mansang ngagai bala orang ke biak, ti udah besulu enggau iya kenyau ari mit, ti nyadi penyanding penemu iya diatu.\\n9 “Dalam runding kita, nama utai ti patut dikereja aku?” ku iya nanya sida. “Nama utai ti patut dikereja aku ngagai orang ke minta aku ngasuh pengawa sida lempung agi?”\\n10 Disaut sida, “Tu utai ti patut dipadahka nuan ngagai sida: ‘Tunjuk aku besai agi ari punggung apai aku!’\\n11 Padahka ngagai sida, ‘Apai aku udah ngasuh kita ngereja pengawa ti berat. Aku deka ngasuh pengawa kita berat agi ari nya. Iya udah nyipat kita ngena penyipat. Aku deka nyipat kita ngena penyipat ti bedurika besi!’ “\\n12 Tiga hari udah bekau nya, Jeroboam enggau semua orang lalu datai baru ngagai Raja Rehoboam, nitihka asuh Rehoboam empu.\\n13 Raja Rehoboam enda begunaka jaku lalau ti diberi orang ke tuai, lalu iya bejaku kasar enggau orang mayuh,\\n14 nitihka jaku lalau ari bala orang ke biak. Ku iya, “Apai aku ngasuh kita ngereja pengawa ti berat. Aku deka ngasuh pengawa kita berat agi. Iya udah nyipat kita ngena penyipat, tang Aku deka nyipat kita ngena penyipat ti bedurika besi!”\\n15 TUHAN endang deka ngamatka utai ti udah disebut Iya ngagai Jeroboam anak Nebat ngena Ahijah ke datai ari Siloh. Nya kebuah raja enggai ibuhka orang mayuh.\\n16 Lebuh orang mayuh meda raja nya enggai mendingka sida, sida lalu manjung, “Tumbangka David enggau peturun iya! Sida nadai udah ngereja utai ke kitai! Orang Israel, aram kitai pulai! Awakka Rehoboam ngidupka diri empu!” Nya alai, orang Israel angkat ngelaban,\\n17 lalu Rehoboam semina nyadi raja ke orang ke diau di menua Judah aja.\\n18 Udah nya Raja Rehoboam lalu ngasuh Adoniram, ti nyadi tuai ngemataka orang ke dipejalka ngereja pengawa ti berat, mansang ngagai orang Israel, tang sida nuku iya ngena batu datai ke mati. Rehoboam lalu beguai-guai nepan kerita perang iya lalu rari ngagai Jerusalem.\\n19 Kenyau ari nya, orang ke di utara menua Israel seruran ngelaban perintah peturun David.\\n20 Lebuh orang Israel ninga Jeroboam udah pulai ari menua Ejip, sida mai iya ngagai aum besai bala mayuh, lalu nyiri iya nyadi raja menua Israel. Semina raban bansa Judah aja agi taluk ngagai peturun David.\\n21 Lebuh Rehoboam anak Solomon datai di Jerusalem, iya lalu ngempuruka 180,000 iku soldadu ti pemadu kering ari raban bansa Judah enggau Benjamin, deka nyerang raban bansa ti di utara laban iya deka ngambi pulai baru kuasa iya ti nyadi raja atas raban bansa ti di utara.\\n22 Tang Allah Taala ngasuh nabi Semaiah\\n23 meri pesan tu ngagai Rehoboam anak Solomon, enggau ngagai semua orang ke ari raban bansa Judah enggau Benjamin:\\n24 “Anang nyerang kaban belayan kita orang Israel. Pulai semua kita. Utai nya nyadi ari asuh Aku.” Semua sida ngasika pesan TUHAN, lalu pulai.\\nJeroboam Ninggalka Allah Taala\\n25 Raja Jeroboam menua Israel lalu ngaga kuta ngelingi nengeri Sekem di menua ti bebukit di menua Epraim, lalu iya diau dia enda lama. Udah nya iya angkat ari Sekem lalu ngaga kuta ngelingi nengeri Penuel.\\n26-27 Ku runding iya, “Nitihka gaya utai ti diatu, enti bala nembiak aku mansang ngagai Jerusalem, lalu ngenjuk piring ngagai TUHAN dalam Rumah Sembiang din, sida deka taluk ngagai Raja Rehoboam menua Judah, lalu munuh aku.”\\n28 Lebuh iya udah berundingka pekara nya, iya lalu ngaga dua iku anak sapi ti lelaki ari emas, lalu ku iya bejaku enggau bala nembiak iya, “Orang Israel, kita udah chukup lama nyembah Allah Taala di Jerusalem. Nya alai, tu petara kita ke udah mai kita pansut ari menua Ejip!”\\n29 Iya lalu ngengkahka siku anak sapi emas di Betel, lalu siku di Dan.\\n30 Nya alai orang mayuh bedosa laban sida nyembah engkeramba nya di Betel enggau di Dan.\\n31 Jeroboam mega ngaga mayuh bengkah palan alai besembiang ba tuchung bukit, lalu iya milih orang ke ukai ari ruang bilik Lewi nyadi imam.\\nOrang Ke Nyembah Di Betel Kena Ukum\\n32 Jeroboam mega numbuhka siti gawai pengarap ti diintu kena lima belas hari bulan ti kelapan, baka gawai ti di menua Judah. Iya ngenjuk piring ba alta ngagai anak sapi emas ti udah digaga iya di Betel, lalu iya mega ngasuh bala imam gawa ba palan alai besembiang ti udah digaga iya.\\n33 Kena lima belas hari bulan ti kelapan, hari ti udah diletak iya empu, iya mansang ngagai Betel lalu ngenjuk piring ba alta, kena iya ngerami gawai ti udah ditumbuhka iya ke orang Israel.\\n1 Ari asuh TUHAN, siku nabi lalu bejalai ari menua Judah ngagai Betel. Iya datai dia lebuh Jeroboam benung bediri ngimbai alta, deka ngenjuk piring.\\n2 Ari asuh TUHAN, nabi nya lalu bejaku ngagai alta nya: “O alta, alta, tu utai ti disebut TUHAN: Siku anak mit ke benama Josiah, deka diadaka ari peturun David. Iya deka munuh ba atas nuan bala imam ke bekereja ba alta orang kapir ke ngenjuk piring ba atas nuan, lalu iya deka nunu tulang mensia ba atas nuan.”\\n3 Lalu ku nabi nya nampung jaku iya, “Alta tu deka diruntuhka, lalu amau ti ba atas iya deka diachirka. Nya baru nuan deka nemu TUHAN udah bejaku ngena aku.”\\n4 Lebuh Raja Jeroboam ninga nya, iya nunjuk ngagai nabi nya, lalu bejaku, “Tangkap orang nya!” Tekala nya lengan raja lalu enda ulih engkebut agi datai ke nyau enda ulih nekuka lengan iya pulai baru.\\n5 Alta nya lalu tekala nya runtuh, lalu amau labuh ke tanah, munyi ti udah dipadahka nabi nya dalam nama TUHAN.\\n6 Ku Raja Jeroboam bejaku enggau nabi nya, “Aku minta nuan besampika aku ngagai TUHAN, minta iya ngeraika lengan aku!” Nabi nya lalu besampi ngagai TUHAN, lalu lengan raja nya gerai.\\n7 Udah nya raja lalu bejaku enggau nabi nya, “Aram makai enggau aku. Aku deka ngupah nuan ketegal utai ti udah dikereja nuan.”\\n8 Disaut nabi nya, “Enti sema nuan meri aku setengah ari pengaya nuan, enggai meh aku bejalai enggau nuan, tauka makai, tauka ngirup enggau nuan,\\n9 laban TUHAN udah nagang aku makai, tauka ngirup, tauka pulai nengah jalai aku mansang.”\\n10 Nya alai nabi nya enda pulai nengah jalai iya mansang, tang nengah jalai bukai.\\nNabi Ti Tuai Di Betel\\n11 Lebuh maya nya, siku nabi bisi diau di Betel. Bala anak lelaki iya datai lalu nusui ngagai iya utai ti udah dikereja nabi ke datai ari menua Judah di Betel sehari nya, enggau jaku ti disebut nabi nya ngagai Raja Jeroboam.\\n12 “Ni jalai ditengah iya mupuk tadi?” ku nabi ke tuai nya nanya sida. Sida lalu nunjukka jalai nya ngagai iya.\\n13 Nabi ke tuai nya lalu ngasuh sida nyendiaka keledai iya. Sida ngereja nya lalu iya mupuk\\n14 nengah jalai nya, nitihka nabi ke datai ari menua Judah nya, lalu nemu iya duduk di baruh sepun kayu oak. “Kati nuan tu nabi ke datai ari menua Judah?” ku nabi ke tuai nya nanya. “Aku meh tu,” ku nabi ari menua Judah nya nyaut.\\n15 “Aram pulai lalu makai enggau aku,” ku nabi ke tuai nya bejaku.\\n16 Tang ku nabi ari menua Judah nya nyaut, “Aku enda tau pulai enggau nuan, tauka makai enggau nuan. Lalu aku enggai makai ngirup enggau nuan ditu,\\n17 laban TUHAN udah bejaku nagang aku makai, tauka ngirup, tauka pulai nengah jalai ti ditengah aku mansang.”\\n18 Ku nabi ke tuai ari Betel nya bejaku enggau iya, “Aku pen nabi baka nuan. Nitihka pesan TUHAN, siku melikat udah bejaku ngagai aku, ngasuh aku mai nuan ke rumah, lalu mai nuan makai enggau aku.” Tang nabi ke tuai nya bejaku bula.\\n19 Nabi ke datai ari menua Judah nya lalu pulai enggau nabi ke tuai nya, lalu makai enggau iya.\\n20 Lebuh seduai iya benung makai, jaku TUHAN lalu datai ba nabi ke tuai nya,\\n21 lalu ku nabi nya bejaku enggau nyawa ti inggar ngagai nabi ke datai ari menua Judah nya, “TUHAN madahka nuan enda ngasika Iya, lalu enda ngereja utai ti diasuh Iya.\\n22 Nuan udah pulai lalu makai ba endur ti enda disagi Iya. Ketegal nya, nuan deka dibunuh, lalu bangkai nuan deka dikuburka ba kubur kita sebilik.”\\n23 Lebuh seduai iya udah badu makai, nabi ke tuai nya lalu nyendiaka keledai ke nabi ke datai ari menua Judah nya.\\n24 Nabi nya lalu mupuk. Di rantau jalai, siku singa nerekam lalu nyamah iya. Bangkai iya lalu garing-garing ba tengah jalai raya nya, lalu keledai enggau singa nya sama bediri semak bangkai iya.\\n25 Sekeda orang bisi mansa, lalu meda bangkai nya ba jalai raya nya, enggau singa nya bediri semak bangkai nya. Sida majakka pejalai sida ngagai Betel lalu madahka pasal utai ti udah dipeda sida.\\n26 Lebuh nabi ke tuai nya ninga berita nya, iya lalu bejaku, “Nya nabi ti enda ngasika pesan TUHAN! Nya kebuah TUHAN ngasuh singa nya nerekam lalu nyamah iya, munyi ti udah dipadahka TUHAN.”\\n27 Udah nya iya lalu bejaku enggau bala anak lelaki iya, “Sediaka keledai aku.” Sida lalu nyendiaka keledai iya.\\n28 Iya lalu nepan keledai nya, mupuk, lalu nemu bangkai nabi nya garing-garing ba tengah jalai raya, enggau keledai enggau singa nya sama bediri semak bangkai nya. Singa nya enda makai bangkai orang nya, tauka nyambarka keledai nya.\\n29 Nabi ke tuai nya lalu nanggung bangkai nya, manggaika iya ba keledai iya empu, lalu mai bangkai nya pulai ngagai Betel, ngulit sereta nguburka iya.\\n30 Nabi tuai nya nguburka iya dalam kubur sida sebilik. Iya enggau bala anak iya lalu ngulitka nabi nya, ku iya, “O menyadi! O menyadi!”\\n31 Lebuh sida udah nguburka iya, nabi ke tuai nya lalu bejaku enggau bala anak iya, “Lebuh aku mati ila, kuburka aku ba kubur tu ngimbai bangkai iya.\\n32 Jaku ti disebut iya ari asuh TUHAN kena ngelaban alta ti di Betel, enggau kena ngelaban semua palan alai besembiang di menua Samaria, tetap deka dikamatka magang.”\\nJeroboam Bedosa Besai\\n33 Raja Jeroboam agi mengkang enggai ngelengkaka jalai iya ti jai, tang majak milih bala imam ari orang ke ukai ari peturun imam bekereja ba alta ti udah digaga iya. Iya nyiri sebarang orang ke bisi ati deka nyadi imam.\\n34 Dosa iya empu ti ngerusak semua perintah iya.\\nPemati Anak Lelaki Jeroboam\\n1 Ba urung maya nya, anak lelaki Jeroboam ke benama Abijah, sakit.\\n2 Ku Jeroboam bejaku enggau bini iya, “Nuan patut ngeluluka diri nyadi orang bukai, ngambika orang enda ngelala nuan. Udah nya bejalai nuan ngagai Siloh, alai nabi Ahijah diau, nabi ti udah madahka aku deka nyadi raja menua Israel.\\n3 Bai ngagai iya sepuluh iti tuku roti, kek, enggau sekebuk ai manyi, lalu bejalai nuan ngagai iya. Iya deka madahka ngagai nuan utai ti deka nyadi ba anak tua tu.”\\n4 Bini Jeroboam lalu mansang ngagai rumah Ahijah di Siloh. Nyadi Ahijah buta, laban iya nyau tuai.\\n5 TUHAN udah madahka ngagai iya pasal bini Jeroboam ti deka datai lalu nanya ngagai iya pasal anak Jeroboam ke sakit. TUHAN lalu madahka ngagai Ahijah utai ti patut disebut iya. Bini Jeroboam datai, ngeluluka diri nyadi orang bukai.\\n6 Tang lebuh Ahijah ninga iya tama, Ahijah lalu bejaku, “Tama meh, bini Jeroboam. Nama kebuah nuan ngeluluka gamal diri baka gamal orang bukai? Aku bisi berita ti enda manah ti deka dipadahka aku ngagai nuan.\\n7 Mupuk meh nuan, lalu padahka jaku TUHAN Allah Taala ke disembah orang Israel ngagai Jeroboam: ‘Aku udah milih nuan ari semua orang bukai, lalu ngasuh nuan merintah bala nembiak Aku Israel.\\n8 Aku udah ngambi perintah ari jari peturun David, lalu meri perintah nya ngagai nuan. Tang nuan enda baka nembiak Aku David, ke taluk ngagai Aku enggau pengabis ati iya, lalu ngasika pesan Aku, lalu semina ngereja utai ti dikemendarka Aku.\\n9 Nuan udah bedosa lebih ari orang ke dulu ari nuan nyadi raja. Nuan udah nulak Aku, lalu udah nyungkak Aku ringat, lebuh nuan ngaga engkeramba enggau anak patung ari besi ke disembah nuan.\\n10 Ketegal nya, Aku deka ngasuh penusah ti besai ninggang kita sebilik, lalu deka munuh semua peturun nuan ti lelaki, ke tuai enggau ke biak. Aku deka muai ruang bilik nuan baka ke muai tai sapi.\\n11 Kita sebilik ke mati di nengeri deka diempa ukui, lalu bala kita ke mati di menua pesisir, deka diempa burung ti bepakaika bangkai. Aku ti TUHAN, udah bejaku.’ “\\n12 Ku Ahijah nampung jaku iya ngagai bini Jeroboam, “Nya alai, pulai nuan diatu. Anak nuan deka mati lebuh nuan tama ngagai nengeri nya lagi.\\n13 Semua orang Israel deka ngulitka iya, lalu nguburka iya. Semina iya siku aja ari ruang bilik Jeroboam ti deka dikuburka ngena chara ti menyana, laban semina iya siku aja ke dikerinduka TUHAN Allah Taala ke disembah orang Israel.\\n14 TUHAN deka ngeletak siku raja megai perintah di menua Israel, ti deka madamka peturun Jeroboam nyadi raja.\\n15 TUHAN deka ngukum Israel, lalu Israel deka begetar baka bemban ti diteruju ai. TUHAN deka nyabut orang Israel ari menua ti manah tu, ti udah diberi Iya ngagai aki ini sida, lalu Iya deka ngachirka sida ngagai menua ngilah Sungai Eupratis, laban sida udah nyungkak TUHAN ringat, lebuh sida begagaka engkeramba ke petara indu Aserah.\\n16 TUHAN deka ninggalka orang Israel laban Jeroboam udah bedosa, lalu nguluka orang Israel bedosa.”\\n17 Bini Jeroboam lalu pulai ngagai Tirsah. Lebuh iya baru datai di rumah, anak mit nya lalu mati.\\n18 Orang Israel nyenggai lalu nguburka anak mit nya, munyi ti udah dipadahka TUHAN ngena nembiak Iya, nabi Ahijah.\\n19 Semua utai bukai ti udah dikereja Raja Jeroboam, pasal iya ke beperang, chara iya merintah, bisi dituliska magang dalam Jerita Lama Pasal Raja Menua Israel.\\n20 Jeroboam merintah nyadi raja dua puluh dua taun. Iya mati lalu dikuburka, lalu anak iya Nadap nganti iya nyadi raja.\\nRaja Rehoboam Menua Judah\\n21 Rehoboam anak Solomon, umur empat puluh satu taun lebuh iya nyadi raja menua Judah, lalu iya merintah tujuh belas taun di Jerusalem, nengeri ti udah dipilih TUHAN ari semua menua Israel nyadika palan alai Iya disembah. Indai Rehoboam nya Naamah ari Amon.\\n22 Orang Judah udah bedosa ngelaban TUHAN, lalu udah nyungkak TUHAN ringat ngena mayuh agi dosa, ari ti udah dikereja bala aki ini sida.\\n23 Sida udah ngaga palan alai nyembah petara ti pelesu, lalu udah nirika tiang batu enggau tanda Aserah ngambika bisi disembah ba bukit enggau ba palan ti lindung di baruh kayu.\\n24 Tang utai ti pemadu jai nya baka tu: orang ke lelaki enggau orang ke indu ke bekereja nyadi sundal ba endur alai orang kapir nyembah petara sida. Orang Judah ngereja semua utai ti ngemalu, ti dikereja orang ke diburu TUHAN ari menua nya, lebuh orang Israel nyerang.\\n25 Dalam taun ti kelima Rehoboam nyadi raja, Raja Sisak ari menua Ejip nyerang Jerusalem.\\n26 Raja Sisak nabanka semua utai ti berega ari Rumah Sembiang enggau ari istana, nyengkaum terabai emas ti digaga Solomon.\\n27 Kena iya nganti utai nya, Raja Rehoboam ngaga terabai temaga, lalu nyerahka utai nya ngagai bala pemesai ke betanggungjawap nyaga pintu penama ngagai istana nya.\\n28 Genap kali Raja Rehoboam mansang ngagai Rumah Sembiang, bala jejaga lalu mai terabai nya, lalu udah nya, mulaika terabai nya baru ngagai bilik jejaga.\\n29 Semua utai bukai ti udah dikereja Raja Rehoboam bisi dituliska magang dalam Jerita Lama Pasal Raja Menua Judah.\\n30 Sekumbang maya nya, Rehoboam enggau Jeroboam endang seruran beperang ngelaban pangan diri.\\n31 Rehoboam mati lalu dikuburka ba lumbung raja di Nengeri David, lalu anak iya Abijah nganti iya nyadi raja.\\nRaja Abijah Menua Judah\\n1 Dalam taun ti kelapan belas Jeroboam anak Nebat nyadi raja menua Israel, Abijah lalu berengkah nyadi raja menua Judah.\\n2 Iya merintah tiga taun di Jerusalem. Indai iya Maakah anak Absalom.\\n3 Iya bedosa baka apai iya, lalu iya enda tentu taluk ngagai TUHAN Allah Taala iya, enda baka aki ichit iya David.\\n4 Tang ketegal David, TUHAN Allah Taala iya meri iya anak lelaki siku, ngambika bisi nganti iya megai perintah di Jerusalem lalu mai pengelikun ngagai Jerusalem.\\n5 TUHAN ngereja nya laban David udah ngereja utai ti ngerinduka ati TUHAN, lalu enda kala enda ngasika pesan Iya, kelimpah ari pekara pasal Uriah orang Iti.\\n6 Perang ti endang udah belabuh entara Rehoboam enggau Jeroboam, majak nyadi sepemanjai umur Abijah.\\n7 Lalu semua utai bukai ti udah dikereja Abijah bisi dituliska magang dalam Jerita Lama Pasal Raja Menua Judah.\\n8 Abijah mati, lalu dikuburka di Nengeri David, lalu anak iya Asa nganti iya nyadi raja.\\nRaja Asa Menua Judah\\n9 Dalam taun ti kedua puluh Jeroboam nyadi raja menua Israel, Asa lalu berengkah nyadi raja menua Judah.\\n10 Iya merintah di Jerusalem empat puluh satu taun. Nama ini iya Maakah anak Absalom.\\n11 Asa ngereja utai ti ngerinduka ati TUHAN, baka aki iya David.\\n12 Iya muai ari menua nya semua lelaki enggau indu ke bekereja nyadi sundal ba palan alai orang kapir nyembah petara sida, lalu iya muai semua engkeramba ti udah digaga sida raja ke dulu agi ari iya.\\n13 Iya mega muai ini iya Maakah ari pangkat iya ti nyadi indai raja, laban iya udah ngaga engkeramba ke petara ti ngasuh peridi ke benama Aserah. Asa nebang engkeramba nya, lalu nunu iya ba Lebak Kidron.\\n14 Taja pen Asa enda ngerusak semua palan alai orang kapir nyembah petara sida, iya mengkang tetap ati ngagai TUHAN sepemanjai umur iya.\\n15 Iya ngengkahka dalam Rumah Sembiang semua utai ti udah diserahka apai iya ngagai Allah Taala, nyengkaum perengka emas enggau perengka pirak, ti udah diserahka iya empu.\\n16 Raja Asa menua Judah enggau Raja Baasa menua Israel endang seruran beperang ngelaban pangan diri sekumbang seduai iya ke megai kuasa.\\n17 Raja Baasa nyerang menua Judah lalu belabuh nguta nengeri Ramah, kena nagang orang tama-pansut ari menua Judah.\\n18 Nya alai Raja Asa lalu ngambi semua pirak enggau emas ti disimpan dalam Rumah Sembiang, enggau dalam istana, lalu ngirumka utai nya ngena sekeda bala pemesai iya ngagai Damaskus, ngagai raja menua Siria, Benhadat anak Tabrimom, uchu Hesion. Baka tu ku pesan Raja Asa:\\n19 “Manah tua beserakup baka apai tua menya. Pirak enggau emas tu diberi aku ngagai nuan. Anang agi beserakup enggau Raja Baasa menua Israel, ngambika iya mai bala soldadu iya pulai ari menua aku.”\\n20 Raja Benhadat besetuju enggau penemu Asa. Iya lalu ngasuh bala tuai soldadu iya enggau bala soldadu sida nyerang nengeri di menua Israel. Sida ngalahka Ijon, Dan, Abel Bet-maakah, menua ti semak Tasik Galili, enggau semua menua Naptali.\\n21 Lebuh Raja Baasa ninga pasal utai ti udah nyadi, iya lalu badu agi nguta Ramah, lalu mansang ngagai Tirsah.\\n22 Udah nya Raja Asa lalu ngirumka atur ngagai serata menua Judah ngasuh semua orang, enda milih sapa-sapa, mai ari Ramah batu enggau ramu ti udah dikena Raja Baasa nguta nengeri nya. Asa lalu ngena utai nya nguta nengeri Mispah enggau nengeri Geba, sebuah nengeri di menua Benjamin.\\n23 Semua utai bukai ti udah dikereja Raja Asa, pemerani iya, enggau nengeri ti dikuta iya, bisi dituliska magang dalam Jerita Lama Pasal Raja Menua Judah. Tang lebuh iya nyau tuai, iya enda ulih bejalai laban kaki iya diempa penyakit.\\n24 Asa mati lalu dikuburka ba lumbung raja di Nengeri David, lalu anak iya Jehosapat nganti iya nyadi raja.\\nRaja Nadap Menua Israel\\n25 Dalam taun ti kedua Raja Asa megai menua Judah, Nadap anak Raja Jeroboam berengkah nyadi raja menua Israel. Iya merintah dua taun.\\n26 Baka apai iya ke dulu ari iya, iya bedosa ngelaban TUHAN, lalu iya nguluka orang Israel bedosa.\\n27 Baasa anak Ahijah, ari raban bansa Isakar, lalu begigaka akal kena ngelaban Nadap, lalu iya munuh Nadap lebuh Nadap enggau bala soldadu iya benung ngelulung nengeri Gibeton di menua Pilistin.\\n28 Pekara tu nyadi dalam taun ti ketiga Raja Asa megai menua Judah. Nya alai Baasa nganti Nadap nyadi raja menua Israel.\\n29 Iya lalu tekala nya belabuh bebunuhka semua sida Jeroboam sebilik. Nitihka jaku ti udah disebut TUHAN ngena nembiak Iya nabi Ahijah ari Siloh, semua sida Jeroboam sebilik dibunuh magang. Nadai siku sida idup.\\n30 Pekara tu nyadi laban Jeroboam udah ngeringatka TUHAN Allah Taala ke disembah orang Israel, laban iya udah bedosa, lalu udah mai orang Israel bedosa.\\n31 Semua utai bukai ti udah dikereja Nadap bisi dituliska magang dalam Jerita Lama Pasal Raja Menua Israel.\\n32 Raja Asa menua Judah enggau Raja Baasa menua Israel endang seruran beperang ngelaban pangan diri lebuh seduai iya agi megai kuasa.\\nRaja Baasa Menua Israel\\n33 Dalam taun ti ketiga Raja Asa megai perintah di menua Judah, Baasa anak Ahijah berengkah nyadi raja ke semua menua Israel, lalu iya merintah di Tirsah dua puluh taun.\\n34 Baka Raja Jeroboam ke dulu agi ari iya, iya mega bedosa ngelaban TUHAN, lalu iya mega nguluka orang Israel bedosa.\\n1 TUHAN bejaku ngagai nabi Jehu anak Hanani, ngasuh iya meri pesan tu ngagai Baasa:\\n2 “Dulu suba nuan enda dikelala orang, tang Aku udah ngaga nuan nyadika tuai bansa orang Israel ti nembiak Aku. Lalu diatu nuan udah bedosa baka Jeroboam, lalu udah nguluka bala nembiak Aku bedosa. Dosa sida udah nyungkak Aku ringat.\\n3 Nya alai Aku deka muai nuan enggau kita sebilik, baka ke udah dikereja Aku ngagai Jeroboam.\\n4 Kita sebilik ke mati di nengeri, deka diempa ukui, lalu kita sebilik ke mati di menua pesisir, deka diempa burung.”\\n5 Semua utai bukai ti udah dikereja Raja Baasa, enggau pemerani iya, bisi dituliska magang dalam Jerita Lama Pasal Raja Menua Israel.\\n6 Raja Basa mati lalu dikuburka di Tirsah, lalu anak iya Elah nganti iya nyadi raja.\\n7 Pesan kena TUHAN ngelaban Baasa enggau sida sebilik, udah diberi nabi Jehu laban Baasa udah bedosa ngelaban TUHAN. Iya udah nyungkak TUHAN ringat, ukai semina laban utai ti jai ti udah dikereja iya, baka ke udah dikereja Raja Jeroboam dulu ari iya, tang mega laban iya udah munuh semua sida Jeroboam sebilik.\\nRaja Elah Menua Israel\\n8 Dalam taun ti kedua puluh enam Raja Asa megai perintah di menua Judah, Elah anak Baasa berengkah nyadi raja menua Israel, lalu iya merintah di Tirsah dua taun.\\n9 Simri, iya nya siku ari pemesai iya ti nyadi tuai ngemataka setengah ari kerita perang iya, lalu begigaka akal kena ngelaban iya. Nyadi sekali di Tirsah, Elah mabuk ba rumah Arsa ti nyadi tuai ngemataka istana.\\n10 Simri tama ngagai rumah nya, lalu munuh Elah. Iya lalu nganti Elah nyadi raja. Pekara tu nyadi dalam taun ti kedua puluh tujuh Raja Asa megai perintah di menua Judah.\\n11 Sepengelengkas Simri nyadi raja, iya lalu munuh semua sida Baasa sebilik. Semua kaban belayan enggau pangan Baasa ti lelaki dibunuh iya magang.\\n12 Nya alai, nitihka jaku ti disebut TUHAN ngagai Baasa ngena nabi Jehu, Simri munuh semua sida Baasa sebilik.\\n13 Laban sida besembahka engkeramba, enggau laban sida udah nguluka orang Israel bedosa, Baasa enggau anak iya Elah udah ngeringatka TUHAN Allah Taala ke disembah orang Israel.\\n14 Semua utai bukai ti udah dikereja Elah bisi dituliska magang dalam Jerita Lama Pasal Raja Menua Israel.\\nRaja Simri Menua Israel\\n15 Dalam taun ti kedua puluh tujuh Raja Asa megai menua Judah, Simri lalu belabuh megai perintah di menua Israel di Tirsah. Iya megai perintah tujuh hari aja. Lebuh maya nya bala soldadu orang Israel benung ngelulung nengeri Gibeton di menua Pilistin.\\n16 Lalu lebuh sida ninga Simri udah bepekat ngelaban raja, lalu udah munuh iya, sida lalu tekala nya, ba endur nya, nyiri tuai soldadu sida ke benama Omri nyadi raja menua Israel.\\n17 Omri enggau bala soldadu iya lalu angkat ari Gibeton, mansang ngagai Tirsah lalu ngelulung nengeri nya.\\n18 Lebuh Simri meda nengeri nya udah alah, iya lalu tama ngagai kuta ti dalam istana, nunu istana nya, lalu iya mati diempa api.\\n19 Utai tu nyadi laban Simri udah bedosa ngelaban TUHAN. Baka Jeroboam ke dulu ari iya, iya udah nyungkak TUHAN ringat laban dosa iya, enggau laban iya udah nguluka orang Israel bedosa.\\n20 Semua utai bukai ti udah dikereja Simri, nyengkaum cherita pasal iya ke angkat ngelaban, bisi dituliska magang dalam Jerita Lama Pasal Raja Menua Israel.\\nRaja Omri Menua Israel\\n21 Nyadi orang Israel beserekang penemu: sekeda sida deka nyiri Tibni anak Ginat nyadi raja, lalu sida ti bukai dekaka Omri.\\n22 Ke pengujung iya, sida ke dekaka Omri menang. Tibni mati, lalu Omri nyadi raja.\\n23 Nya alai dalam taun ti ketiga puluh satu Raja Asa megai perintah di menua Judah, Omri berengkah nyadi raja menua Israel, lalu iya merintah dua belas taun. Dalam enam taun ti keterubah, iya merintah di Tirsah.\\n24 Udah nya iya lalu meli bukit Samaria ngena enam ribu singkap duit pirak ari orang siku ke benama Semer. Omri lalu ngaga kuta ngelingi bukit nya, ngaga sebuah nengeri dia, lalu iya ngumbai nengeri nya Samaria, ngangkatka Semer, ke bempu bukit nya dulu ari nya.\\n25 Omri bedosa ngelaban TUHAN lebih agi ari orang ke dulu ari iya.\\n26 Baka Jeroboam ke dulu agi ari iya, iya ngeringatka TUHAN Allah Taala ke disembah orang Israel laban dosa iya, enggau laban iya nguluka orang Israel bedosa enggau besembahka engkeramba.\\n27 Semua utai bukai ti udah dikereja Omri, enggau semua utai ti ulih iya bisi dituliska magang dalam Jerita Lama Pasal Raja Menua Israel.\\n28 Omri mati lalu dikuburka di Samaria. Iya lalu diganti anak iya Ahap nyadi raja.\\nRaja Ahap Menua Israel\\n29 Dalam taun ti ketiga puluh lapan Raja Asa megai perintah di menua Judah, Ahap anak Omri berengkah nyadi raja menua Israel, lalu iya merintah di Samaria dua puluh dua taun.\\n30 Iya bedosa ngelaban TUHAN lebih agi ari semua orang ke dulu agi ari iya.\\n31 Iya enda puas ati bedosa baka Raja Jeroboam. Iya ngereja utai ti lebih agi jai ari ti udah dikereja Jeroboam: iya jadi enggau Jesebel, anak indu Raja Etbaal menua Sidon, lalu nyembah Baal.\\n32 Iya ngaga rumah sembiang Baal di Samaria, ngaga siti alta ke Baal, lalu ngengkahka alta nya dalam rumah sembiang nya.\\n33 Iya mega nirika siti engkeramba petara indu Aserah. Iya ngereja lebih mayuh agi dosa ari semua raja menua Israel ti bukai ke dulu agi ari iya. Ketegal nya TUHAN Allah Taala ke disembah orang Israel ringat.\\n34 Lebuh Ahap megai perintah, Hil ari Betel lalu nirika nengeri Jeriko baru. Munyi ti udah dipadahka TUHAN dulu ari nya ngena Josua anak Nun, anak tuai Hil ke benama Abiram mati lebuh iya nudukka batu pemun nengeri Jeriko, lalu anak bunsu iya ke benama Segup mega mati, lebuh iya ngaga pintu nengeri nya.\\nElijah Enggau Kemarau Panjai\\n1 Siku nabi ke benama Elijah, ke datai ari Tisbe di menua Giliat, bejaku ngagai Raja Ahap. Ku iya, “Dalam nama TUHAN Allah Taala ti idup, ke disembah orang Israel sereta dipetuaika aku, aku madahka ngagai nuan, menua Israel nadai ambun tauka ujan dalam dua tauka tiga taun ti deka datai tu, nyentuk ngagai maya aku ngasuh hari ujan.”\\n2 Udah nya TUHAN lalu bejaku ngagai Elijah,\\n3 “Angkat ari tu, lalu bejalai tunga ke timur, lalu belalai semak sungai Cherit, tunga ke timur ari Sungai Jordan.\\n4 Nuan deka ngirup ari sungai nya, lalu Aku udah ngasuh burung kak mai pemakai ngagai nuan dia.”\\n5 Elijah ngasika pesan TUHAN, mansang ngagai sungai Cherit, lalu diau dia.\\n6 Iya ngirup ari sungai nya, lalu burung kak mai roti enggau dagin tiap pagi enggau tiap lemai ngagai iya.\\n7 Nyau kelama, sungai nya pen rangkai, laban hari nadai ujan.\\nElijah Enggau Siku Indu Balu Di Sarepat\\n8 Udah nya TUHAN lalu bejaku ngagai Elijah,\\n9 “Alai nuan mansang diatu ngagai nengeri Sarepat, semak Sidon, lalu diau dia. Aku udah ngasuh siku indu balu, ti diau dia, nupi nuan.”\\n10 Nya alai Elijah mansang ngagai nengeri Sarepat. Lebuh iya datai ba mua pintu nengeri nya, iya tepedaka siku indu ke balu ngumpul kayu api. “Endu, uji bai ai irup ngagai aku,” ku Elijah bejaku enggau iya.\\n11 Lebuh indu nya baru deka mansang ngambi ai, Elijah lalu ngangau, “Lalu bai mega roti ke aku.”\\n12 Ku indu nya nyaut, “Aku besumpah dalam nama TUHAN Allah Taala nuan ti idup, aku nadai roti. Utai ti dikemisi aku nya semina segenggam aja tepung dalam sigi mangkuk, enggau minyak kana mimit dalam kebuk. Aku datai ditu deka ngumpul kayu api, lalu aku baru deka pulai ke rumah lalu nyendiaka utai ti mimit nya ke anak aku enggau ke aku empu. Nya meh naka kami duai ulih makai. Udah nya kami duai deka mati keberuran.”\\n13 “Anang irau, Endu,” ku Elijah bejaku enggau iya. “Mupuk meh nuan lalu sediaka pemakai nuan. Tang gaga dulu siti tuku roti ti mit ari utai ti dikemisi nuan, lalu bai utai nya ngagai aku. Udah nya baru nuan nyendiaka teda utai nya ke seduai menyanak.\\n14 Laban tu utai ti disebut TUHAN Allah Taala ke disembah orang Israel, ‘Mangkuk nya deka seruran bisi tepung, lalu kebuk nya deka seruran bisi minyak, sebedau Aku, ti TUHAN, ngasuh hari ujan.’ “\\n15 Indu balu nya mupuk lalu ngereja utai ti diasuh Elijah, lalu semua sida nadai kala suntuk pemakai.\\n16 Munyi jaku ti udah disebut TUHAN ngena Elijah, mangkuk nya enda kala nadai tepung, lalu kebuk nya enda kala nadai minyak.\\n17 Nyau kelama udah bekau nya, anak indu balu nya sakit. Iya majak balat-sebalat, lalu mati.\\n18 Ku indu nya bejaku enggau Elijah, “Nabi, nama kebuah nuan ngereja utai tu ngagai aku? Kati nuan datai ditu deka ngasuh Allah Taala ngingatka dosa aku, lalu ngasuh anak aku mati?”\\n19 “Beri nembiak nya ngagai aku,” ku Elijah bejaku. Iya lalu ngambi nembiak nya ari jari indu nya, mai iya ke sadau ngagai bilik ti alai Elijah diau, lalu ngalika nembiak nya ba katil.\\n20 Udah nya iya lalu besampi enggau nyawa ti inggar, “O TUHAN Allah Taala aku, nama kebuah Nuan udah ngereja utai ti ngenyai tu ngagai indu ke balu tu? Iya udah manah enggau aku lalu ngintu aku, lalu diatu Nuan udah munuh anak iya!”\\n21 Udah nya Elijah lalu nyuntaika diri atas nembiak nya tiga kali, lalu besampi, “O TUHAN Allah Taala aku, asuh nembiak tu idup baru!”\\n22 TUHAN nyaut sampi Elijah. Nembiak nya belabuh enseput baru, lalu idup.\\n23 Elijah lalu mai nembiak nya nurun ke baruh ngagai indai iya. Lalu ku Elijah bejaku enggau indai nembiak nya, “Tu anak nuan. Iya idup!”\\n24 Disaut indu nya, “Diatu baru aku nemu nuan tu amat nabi, lalu TUHAN sigi amat bejaku ngena nuan!”\\nElijah Enggau Bala Nabi Baal\\n1 Nyau kelama udah bekau nya, dalam taun ti ketiga menua nya udah kena laban kemarau, TUHAN bejaku ngagai Elijah, “Alai nuan betemu enggau Raja Ahap. Aku deka ngasuh hari ujan.”\\n2 Elijah lalu mupuk. Lapar pungkang di menua Samaria endang balat amat nyadi.\\n3 Nya alai Ahap ngangauka Obadiah, ti nyadi tuai ngemataka istana. (Obadiah nya orang ke angkunka TUHAN,\\n4 lalu lebuh Jesebel benung bebunuhka bala nabi TUHAN, Obadiah mai seratus iku bala nabi TUHAN, magi sida ngagai dua iti raban, lima puluh iku dalam siti-siti raban, ngelalaika sida dalam lubang gua, lalu meri sida pemakai enggau ai.)\\n5 Ku Ahap bejaku enggau Obadiah, “Aram kitai mupuk ngagai semua mata ai, enggau semua sungai di menua tu, nyangka ukur kitai bisi tetemuka rumput ke kuda enggau keledai, ngambika kitai enda ibuh munuh jelu kitai.”\\n6 Sida lalu magi menua ti deka dipatau sida siku-siku. Ahap mupuk kediri nuju ngagai endur siti, lalu Obadiah mupuk kediri nuju endur bukai.\\n7 Lebuh Obadiah benung di rantau jalai, Elijah betemu enggau iya. Obadiah ngelala Elijah, meremi di mua Elijah, lalu nanya, “Kati tu amat nuan, Elijah?”\\n8 “Aku meh tu,” ku Elijah nyaut. “Mupuk nuan, lalu padahka ngagai tuan nuan, ‘Elijah bisi ditu.’ “\\n9 Ku Obadiah nyaut, “Nama utai ti udah dikereja aku alai nuan ngasuh aku minta diri dibunuh Raja Ahap?\\n10 Dalam nama TUHAN ti idup, ti Allah Taala nuan, aku besumpah madahka ngagai nuan, raja nya udah begigaka nuan di semua menua di dunya tu. Lebuh orang ke merintah nengeri siti-siti madahka nuan nadai di nengeri nya, Ahap lalu ngasuh orang nya besumpah madahka nuan nadai ulih digiga di menua nya.\\n11 Lalu diatu nuan ngasuh aku mupuk lalu madahka nuan bisi ditu?\\n12 Kati enti Roh TUHAN nabanka nuan ngagai endur ti enda ditemu orang lebuh aku mupuk ari endur tu? Udah nya, lebuh aku madahka ngagai Ahap nuan bisi ditu, lalu iya nadai tetemuka nuan, iya deka munuh aku. Nuan ingat, aku tu orang ke angkun nyembah TUHAN kenyau ari aku agi biak.\\n13 Kati nuan nadai udah kala ninga pasal Jesebel ti munuh bala nabi TUHAN, lalu aku ngelalaika seratus iku sida dalam lubang gua, dalam dua iti raban, lima puluh iku dalam siti-siti raban, lalu meri sida pemakai enggau ai?\\n14 Nya alai, baka ni ku nuan tau ngasuh aku mupuk lalu madahka ngagai raja pasal nuan ke bisi ditu? Iya tentu deka munuh aku!”\\n15 Disaut Elijah, “Dalam nama TUHAN ti Pemadu Bekuasa, ke dipetuaika aku, aku besemaya deka betemu enggau raja sehari tu.”\\n16 Nya alai, Obadiah mansang ngagai Raja Ahap, lalu madahka ngagai Ahap. Ahap lalu mupuk, mansang betemu enggau Elijah.\\n17 Lebuh Ahap meda Elijah, Ahap lalu bejaku, “Nya orang ke ngaga pengachau di menua Israel!”\\n18 “Ukai aku ke ngaga pengachau,” ku Elijah nyaut. “Nuan empu ke ngaga pengachau - nuan enggau apai nuan. Nuan enda ngasika pesan TUHAN, lalu nyembah engkeramba Baal.\\n19 Nya alai, asuh semua orang Israel betemu enggau aku ba Bukit Karmel. Bai 450 iku bala nabi Baal, enggau 400 iku bala nabi petara Aserah ke sama begulai makai enggau Kuin Jesebel.”\\n20 Ahap lalu mesanka semua orang Israel enggau bala nabi Baal, ngasuh sida begempuru ba Bukit Karmel.\\n21 Elijah lalu mansang ngagai orang mayuh, lalu bejaku, “Ni pengelama baru kita deka ngaga pemutus penemu kita? Enti TUHAN nya Allah Taala, sembah meh Iya. Tang enti Baal nya Allah Taala, sembah meh iya!” Tang orang mayuh enda nyaut.\\n22 Udah nya Elijah bejaku, “Semina aku aja nabi TUHAN ti agi tinggal, tang Baal bisi 450 iku nabi.\\n23 Bai dua iku sapi ti lelaki. Awakka bala nabi Baal ngambi siku sapi, munuh iya, netak iya, lalu manggaika iya ba atas kayu, tang anang nyelup kayu nya. Aku deka ngereja baka nya ke sapi siku.\\n24 Udah nya awakka bala nabi Baal besampi ngagai petara sida, lalu aku deka besampi ngagai TUHAN. Iya ke nyaut ngena api, nya meh Allah Taala.” Orang mayuh manjung madahka sida besetuju.\\n25 Udah nya Elijah bejaku enggau bala nabi Baal, “Laban kita mayuh tubuh, awakka kita meh dulu ngambi siku sapi ti lelaki, lalu nyendiaka iya. Awakka kita besampi ngagai petara kita, tang anang nyelup kayu nya ngena api.”\\n26 Sida lalu ngambi sapi ti lelaki ti udah dibai ngagai sida, nyendiaka sapi nya, lalu besampi ngagai Baal nyentuk ngagai tengah hari. Ku sida ngangau enggau nyawa ti inggar, “Saut kami, Baal!” Sida majak betanda ngelingi alta ti udah digaga sida. Tang Baal nadai nyaut sida.\\n27 Ba urung tengah hari, Elijah lalu belabuh ngeleseka sida. “Besampi inggar agi! Iya petara, ukai enda? Kada enda iya benung bemimpi, tauka bira, tauka udah bejalai ngagai menua bukai! Enti iya tinduk, gerak iya!”\\n28 Bala nabi Baal lalu besampi inggar agi, lalu ngurik tubuh diri ngena duku enggau lungga, nitihka adat sida besembah, datai ke darah nyau nelusur tubuh sida.\\n29 Sida majak rauh-rauh besampi nyentuk ngagai ngalih hari. Tang nadai ga Baal nyaut sida. Siti pen nadai meh saut didinga.\\n30 Udah nya Elijah lalu bejaku ngagai orang mayuh, “Datai semak kitu ke agi ngagai aku.” Semua sida lalu begempuru ngelingi iya. Iya lalu belabuh ngaduka alta TUHAN ti udah runtuh.\\n31 Iya ngambi dua belas igi batu, sigi ke genap raban bansa orang Israel ti ngangkatka nama bala anak lelaki Jakop. Jakop udah diberi TUHAN nama Israel.\\n32 Iya lalu ngena batu nya ngaduka alta alai nyembah TUHAN. Iya ngeruang parit ngelingi alta nya. Parit nya ulih ngundan kira 15 liter ai.\\n33 Udah nya iya nusun kayu ba alta nya, netak sapi ti lelaki nya, lalu manggaika lampang sapi nya ba atas kayu nya. Ku iya, “Isi penuhka empat igi tepayan enggau ai, lalu tuang ai nya ba piring enggau ba kayu tu.” Sida lalu ngereja nitihka asuh iya,\\n34 lalu ku Elijah, “Beri mayuh agi ai.” Sida lalu nurutka jaku iya. “Kereja nya sekali agi,” ku iya bejaku. Sida lalu nurutka jaku iya baru.\\n35 Ai nya nyau lilih ari alta nya, lalu ngemenuhka parit ti ngelingi alta nya.\\n36 Ba urung ngalih hari, endang maya ngenjuk piring, nabi Elijah mansang ngagai alta, lalu besampi. Ku iya, “O TUHAN Allah Taala ke disembah Abraham, Isak enggau Jakop, beri tanda kena mandangka Nuan endang amat Allah Taala ke disembah orang Israel, lalu aku tu endang amat nembiak Nuan, ti udah ngereja semua utai tu nitihka pesan Nuan.\\n37 Saut aku, TUHAN, saut aku, ngambika orang tu nemu Nuan endang TUHAN Allah Taala, lalu Nuan deka mai sida pulai baru ngagai Nuan.”\\n38 TUHAN lalu ngasuh api nurun ari langit. Api nya lalu nganguska piring, kayu, enggau batu nya, ngasuh tanah dia angat, lalu ngerangkaika ai ti dalam parit nya.\\n39 Lebuh orang mayuh meda nya, sida lalu nyungkurka diri ke tanah, lalu bejaku enggau nyawa ti inggar, “TUHAN meh Allah Taala. Semina TUHAN siku aja ti Allah Taala!”\\n40 Elijah lalu bejaku ngagai sida, “Tangkap bala nabi Baal. Anang nejuka sida rari!” Orang mayuh lalu nangkap semua nabi Baal. Elijah lalu mai sida ngagai anak sungai Kison, lalu munuh sida dia.\\nHari Badu Agi Kemarau\\n41 Udah nya Elijah lalu bejaku ngagai Raja Ahap, “Alai nuan makai. Aku bisi ninga munyi auh ujan datai.”\\n42 Lebuh Ahap mansang makai, Elijah niki ngagai tuchung Bukit Karmel. Dia iya lalu meremika diri ke tanah. Pala iya ba entara patung iya.\\n43 Ku iya bejaku ngagai orang gaji iya, “Uji perening tunga ke tasik.” Orang gaji iya mupuk, lalu pulai baru. Ku iya, “Nadai aku meda utai.” Elijah ngasuh iya ninjau tujuh kali.\\n44 Chukup ketujuh kali, orang gaji nya pulai, lalu ku iya, “Aku bisi meda siti mua hari mesai tapa jari, datai ari tasik.”Elijah lalu bejaku ngagai orang gaji iya, “Alai nuan mansang ngagai Raja Ahap, lalu asuh iya nepan kerita perang iya, lalu pulai, enggai ke iya tepagang laban ujan.”\\n45 Enda lama udah nya langit nyau chelum laban mua hari. Ribut belabuh muput, lalu hari bangat amat ujan. Ahap nepan kerita perang iya, lalu mupuk pulai ngagai Jesril.\\n46 Kuasa TUHAN lalu datai ngagai Elijah. Iya nyintalka gari iya erat ba punggung iya, lalu belanda dulu ari Ahap nyentuk ngagai Jesril.\\nElijah Ba Bukit Sinai\\n1 Raja Ahap lalu madahka ngagai bini iya Jesebel pasal semua utai ti udah dikereja Elijah, enggau chara iya munuh semua nabi Baal.\\n2 Jesebel lalu ngirumka pesan ngagai Elijah, “Awakka bala petara munuh aku enti aku, lebuh maya tu pagila, enda ngereja ngagai nuan utai ti udah dikereja nuan ngagai bala nabi Baal.”\\n3 Elijah takut, lalu rari. Iya mai orang gaji iya, lalu mansang ngagai Beer-seba di menua Judah.\\nIya lalu ninggalka orang gaji iya dia.\\n4 Elijah bejalai sehari nya ngagai menua puang. Iya ngetu lalu duduk belindung di baruh sepun kayu, ngajihka diri mati. “Utai tu kelalu balat, TUHAN,” ku iya besampi. “Ambi nyawa aku. Manah agi aku mati!”\\n5 Iya gali di baruh kayu nya, lalu tinduk. Tekala nya siku melikat lalu negu iya, lalu ku melikat nya bejaku, “Dani, lalu makai.”\\n6 Elijah malik lalu tepedaka siti tuku roti enggau sigi kebuk ai semak pala iya. Iya makai, ngirup, lalu gali baru.\\n7 Melikat TUHAN datai baru, lalu ngerak iya kedua kali. Ku melikat nya bejaku, “Angkat lalu makai, enggai ke nuan enda ulih bejalai.”\\n8 Elijah angkat, makai, ngirup, lalu pemakai nya chukup ngasuh iya kering bejalai empat puluh hari ngagai Sinai, bukit ti kudus.\\n9 Iya lalu tama ngagai siti lubang gua, lalu bemalam dia. Tekala nya TUHAN lalu bejaku ngagai iya, “Elijah, nama pengawa nuan ditu?”\\n10 Ku Elijah nyaut, “TUHAN ti Pemadu Bekuasa, aku endang seruran betuaika Nuan siku aja. Tang orang Israel udah ngelanggar sempekat sida enggau Nuan, udah ngeruntuhka alta Nuan, lalu udah munuh semua bala nabi Nuan. Ka semina aku aja ti agi idup, lalu sida nguji munuh aku!”\\n11 “Pansut nuan, lalu bediri di mua Aku ba atas bukit,” ku TUHAN bejaku ngagai iya. Udah nya TUHAN mansa, lalu ngasuh ribut ti deras datai, ti mechahka bukit, lalu mambarka batu, tang TUHAN nadai dalam ribut nya. Ribut nya ngetu muput. Udah nya tanah lalu berenyang, tang TUHAN nadai dalam tanah ti berenyang nya.\\n12 Udah bekau tanah berenyang, api lalu datai, tang TUHAN nadai dalam api nya. Lebuh api udah datai, nyawa lalu bisi betelai.\\n13 Lebuh Elijah ninga nya, iya mampul mua diri ngena kelambi iya, lalu pansut, lalu bediri ba mua lubang gua nya. Nyawa siti lalu bejaku enggau iya, “Elijah, nama pengawa nuan ditu?”\\n14 Ku Elijah nyaut, “TUHAN ti Pemadu Bekuasa, aku endang seruran betuaika Nuan siku aja. Tang orang Israel udah ngelanggar sempekat sida enggau Nuan, udah ngeruntuhka alta Nuan, lalu munuh semua bala nabi Nuan. Ka semina siku aku aja agi tinggal, lalu sida nguji munuh aku.”\\n15 Ku TUHAN bejaku, “Alai nuan pulai ngagai menua puang semak Damaskus, udah nya tama ngagai nengeri nya, lalu tata Hasael nyadi raja menua Siria.\\n16 Tata mega Jehu anak Nimsi nyadi raja menua Israel, lalu tata mega Elisa anak Sapat ari Abel-meholah nganti nuan nyadi nabi.\\n17 Barang sapa enda kena bunuh Hasael, deka dibunuh Jehu, lalu barang sapa enda kena bunuh Jehu, deka dibunuh Elisa.\\n18 Tang Aku deka ngasuh tujuh ribu iku orang idup di menua Israel, iya nya semua orang ke taluk ngagai Aku, orang ke enda meremi ngagai Baal, tauka nyium engkeramba iya.”\\n19 Elijah angkat lalu nemu Elisa benung ngeradu tanah ngena sepasang jelu sapi ti lelaki. Sebelas pasang jelu sapi bejalai dulu ari iya. Pasang ti dikena iya ngeradu tanah nya pasang ti penudi. Elijah muka kelambi iya, lalu ngerasukka kelambi nya ba Elisa.\\n20 Elisa lalu ninggalka jelu sapi iya, belanda nitihka Elijah. Ku iya, “Awakka aku meri selamat tinggal ngagai apai enggau indai aku. Udah nya baru aku bejalai enggau nuan.” Disaut Elijah, “Pulai meh nuan dulu. Enda aku nagang nuan!”\\n21 Udah nya Elisa mansang ngagai sapi iya, munuh sapi dua iku nya, lalu manduk dagin jelu nya, ngena kungkung sapi nya empu nyadika kayu api. Iya meri dagin nya ngagai orang mayuh, lalu sida makai. Udah nya iya mupuk, lalu nitihka Elijah, lalu nyadi penulung iya.\\nPerang Ngelaban Menua Siria\\n1 Raja Benhadat menua Siria lalu ngempuruka semua bala soldadu iya. Iya disukung tiga puluh dua iku raja ti bukai enggau kuda enggau kerita kuda sida. Iya datai, ngelulung lalu nyerang nengeri Samaria.\\n2 Iya ngasuh bala seruan tama ngagai nengeri nya betemu enggau Raja Ahap menua Israel, mai pesan tu, “Raja Benhadat minta\\n3 nuan nyerahka ngagai iya pirak enggau emas nuan, bala indu kita, enggau bala anak kita ke pemadu kering.”\\n4 Raja Ahap lalu nyaut, “Padahka ngagai tuan aku, Raja Benhadat, aku besetuju. Iya tau bempu aku enggau semua utai aku.”\\n5 Udah nya bala seruan datai baru ngagai Ahap, mai siti agi peminta ari Benhadat, “Aku udah ngirumka pesan ngagai nuan, ngasuh nuan nyerahka ngagai aku pirak enggau emas nuan, bala indu ke diempu nuan, enggau bala anak nuan.\\n6 Tang diatu aku deka ngasuh bala pemesai aku nyerungkai istana nuan enggau rumah bala pemesai nuan, lalu ngambi semua utai ti dikira sida berega. Sida deka datai dia ba urung maya tu pagila.”\\n7 Raja Ahap lalu mesanka semua bala tuai dalam menua nya, lalu ku iya bejaku, “Kita nemu, orang tu deka ngerusak kitai. Iya udah ngirumka pesan ngagai aku, minta aku meri bala bini enggau bala anak aku, perengka pirak enggau perengka emas aku, lalu aku udah besetuju.”\\n8 Bala tuai enggau orang mayuh lalu nyaut, “Anang mendingka iya. Anang ngalahka diri.”\\n9 Nya alai Ahap lalu nyaut bala seruan Benhadat, “Padahka ngagai tuan raja aku, aku besetuju enggau peminta iya ti keterubah, tang aku enda besetuju enggau peminta iya ti kedua.” Bala seruan nya mupuk, lalu udah nya datai baru mai siti agi pesan\\n10 ari Benhadat: “Awakka bala petara munuh aku enti aku enda ngaga nengeri Samaria nyadi amau chukup kena ngisi tapa jari semua soldadu aku!”\\n11 Disaut Raja Ahap, “Padahka ngagai Raja Benhadat, orang ke amat nyadi soldadu semina temegah udah lepas perang, ukai sebedau beperang.”\\n12 Benhadat nerima saut ari Ahap lebuh iya, enggau sida raja ti bukai ke setanah enggau iya, agi benung ngirup dalam langkau kain sida. Iya lalu ngasuh bala soldadu iya sedia nyerang nengeri nya. Sida lalu belatur.\\n13 Lebuh maya nya, siku nabi betemu enggau Raja Ahap, lalu bejaku, “TUHAN bisi nyebut, ‘Anang takutka soldadu ti mayuh nya! Aku deka ngasuh nuan menang ngelaban bala soldadu nya sehari tu, ngambika nuan nemu, Aku tu endang TUHAN.’ “\\n14 “Sapa nguluka bala nyerang?” ku Ahap nanya.\\nDisaut nabi nya, “TUHAN madahka, bala soldadu ti agi biak, ke dipegai tuan gabenor pelilih menua deka nguluka bala.” Lalu ku Ahap nanya, “Sapa deka dulu ngelabuhka jari?” “Nuan,” ku nabi nya nyaut.\\n15 Raja lalu mesanka bala soldadu ti agi biak, ke diuluka bala gabenor pelilih menua, dua ratus tiga puluh dua iku semua sida. Udah nya iya lalu mesanka bala soldadu orang Israel, tujuh ribu iku semua sida.\\n16 Sida lalu nyerang munsuh ba urung tengah hari, lebuh Benhadat enggau tiga puluh dua iku raja bukai ke setanah enggau iya benung mabuk dalam langkau kain sida.\\n17 Bala soldadu ti agi biak bejalai dulu. Bala pematau ke diasuh Benhadat bejalai, madahka siti raban soldadu bisi pansut ari nengeri Samaria.\\n18 Benhadat lalu meri atur, “Tangkap sida idup-idup, nemuka sida nya datai deka nyerang, tauka mai kitai bebaik.”\\n19 Bala soldadu ti agi biak nya lalu nguluka orang nyerang, dientudika bala soldadu orang Israel,\\n20 lalu genap iku sida munuh orang ke dilaban sida. Orang Siria rari, digagai bala orang Israel, tang Benhadat rari nepan kuda, disempulang sekeda soldadu iya ke nepan kuda.\\n21 Raja Ahap lalu enggau orang betempuh, ngerampas kuda enggau kerita perang, lalu balat amat ngalahka orang Siria.\\n22 Udah nya nabi nya lalu mansang ngagai Raja Ahap, lalu bejaku, “Pulai nuan, tambahka bala soldadu nuan, lalu bejimat begagaka pelan, laban raja menua Siria deka nyerang baru lebuh musin bungai ti deka datai tu ila.”\\nOrang Siria Nyerang Kedua Kali\\n23 Ku bala pemesai Raja Benhadat bejaku enggau iya, “Bala petara orang Israel nya bekuasa di menua ti bebukit. Nya kebuah orang Israel ngalahka kitai. Tang kitai tetap deka ngalahka sida, enti kitai belaban enggau sida ba emperan.\\n24 Nya alai, anang agi ngasuh tiga puluh dua iku raja nyadi tuai bala. Ganti sida enggau bala tuai soldadu.\\n25 Udah nya pesanka bala soldadu ngemayuh sida ke udah rari ninggalka nuan, sereta enggau ngemayuh nya mega kuda enggau kerita perang. Kitai deka ngelaban orang Israel ba menua ti emperan. Sekali tu kitai deka ngalahka sida.” Raja Benhadat besetuju lalu nitihka jaku lalau sida.\\n26 Lebuh musin panas taun siti udah bekau nya, iya lalu mesanka bala iya, lalu bejalai enggau sida ngagai nengeri Apek, deka nyerang orang Israel.\\n27 Bala orang Israel lalu ditesau, lalu diberi senyata. Sida bejalai, dibagi ngagai dua iti raban, lalu nirika kem sida, betunga enggau bala soldadu orang Siria. Bala orang Israel baka dua raban kambin, enti dibandingka enggau bala orang Siria, ke ngachir ba sebelah endur ari luar nengeri nya.\\n28 Siku nabi lalu mansang ngagai Raja Ahap, lalu bejaku enggau iya, “Tu utai ti disebut TUHAN: ‘Laban orang Siria ngumbai Aku tu petara ti bekuasa di menua ti bebukit, lalu enda bekuasa ba menua ti emperan, Aku deka ngasuh kita menang, lalu ngalahka bala soldadu sida ke mayuh tu. Nya baru nuan enggau bala nuan deka nemu Aku endang TUHAN.”\\n29 Bala soldadu orang Siria enggau bala soldadu orang Israel diau dalam kem tujuh hari, betunga enggau pangan diri. Ba hari ti ketujuh sida lalu belabuh belaban, lalu bala orang Israel munuh seratus ribu iku orang Siria.\\n30 Bala orang Siria ti agi idup lalu rari ngagai nengeri Apek, alai dua puluh tujuh ribu iku sida ditinggang dinding kuta ti runtuh. Benhadat mega rari ngagai nengeri nya, lalu belalai dalam bilik di belakang sebuah rumah.\\n31 Bala pemesai iya betemu enggau iya, lalu ku sida bejaku, “Kami bisi udah ninga raja orang Israel nemu ngampun orang. Beri kami pemendar betemu enggau raja orang Israel, melitka kain guni ba punggung kami, enggau nanchangka tali ba rekung kami, nyangka ukur iya deka ngelakka nuan idup.”\\n32 Nya alai sida lalu melitka kain guni ba punggung sida, lalu nanchangka tali ba rekung sida, mansang ngagai Ahap, lalu bejaku, “Ulun nuan Benhadat minta nuan kasihka iya, lalu enda munuh iya.” Disaut Ahap, “Kati iya agi idup? Manah meh nya! Kami duai endang baka diri menyadi enggau pangan diri!”\\n33 Bala pemesai Benhadat endang nganti tanda ti manah. Nya alai, lebuh Ahap nyebut “menyadi,” sida lalu bepegai ba leka jaku nya, lalu ku sida, “Munyi ti ku nuan, Benhadat endang menyadi nuan!” “Bai iya ngagai aku,” ku Ahap bejaku enggau sida. Lebuh Benhadat datai, Ahap lalu mai iya nepan kerita perang iya.\\n34 Ku Benhadat bejaku enggau iya, “Aku deka mulaika ngagai nuan nengeri ti udah dirampas apai aku ari apai nuan, lalu nuan tau nirika siti endur alai bedagang di Damaskus, baka ke dikereja apai aku di Samaria.” Disaut Ahap, “Laban nuan deka ngereja utai nya, nya alai aku ngelepaska nuan.” Iya lalu ngaga siti sempekat enggau Benhadat, lalu ngelepaska iya.\\nSiku Nabi Besalah Ahap\\n35 Ari asuh TUHAN, siku ari bala sida nabi bejaku enggau pangan iya, ku iya, “Palu aku!” Tang orang nya enggai malu iya.\\n36 Lalu ku nabi nya bejaku enggau orang nya, “Laban nuan enda ngasika pesan TUHAN, siku jelu singa deka munuh nuan, lebuh nuan angkat ari tu.” Lebuh nabi nya mupuk, siku singa datai, lalu nerekam iya. Lalu iya mati.\\n37 Udah nya nabi ti udah ngasuh orang nya malu iya, mansang ngagai siku agi orang bukai, lalu bejaku, “Palu aku!” Orang nya lalu malu iya. Balat amat orang nya malu iya, lalu ngemediska iya.\\n38 Nabi nya lalu malut mua diri ngena kain, ngambika orang enda ngelala iya. Udah nya iya mupuk lalu bediri ba tisi jalai, nganti raja menua Israel mansa.\\n39 Lebuh raja mansa, nabi nya lalu ngangauka raja, ku iya, “Tuan Raja, aku udah enggau orang beperang. Siku soldadu udah mai ngagai aku siku munsuh ti udah kena tangkap, lalu ku soldadu nya bejaku enggau aku, ‘Jaga orang tu. Enti iya rari, nuan deka bebayarka nyawa iya ngena nyawa nuan empu, tauka diukum tiga ribu singkap duit pirak.’\\n40 Tang lebuh aku benung kiruh ngereja utai bukai, orang nya rari.”Disaut Raja Ahap, “Nuan udah ngukum diri empu. Nya alai nuan enda tau enda mayar ukum nya.”\\n41 Nabi nya lalu muka balut mua iya, lalu tekala nya Raja Ahap ngelala iya nya siku ari sida nabi.\\n42 Udah nya nabi nya lalu bejaku enggau raja, “Tu jaku TUHAN: ‘Laban nuan udah ngelepaska orang ke udah diasuh Aku bunuh nuan, nyawa nuan empu deka dikena nganti nyawa orang nya, lalu nyawa bala soldadu nuan deka dikena nganti nyawa bala soldadu orang nya.’ “\\n43 Raja Ahap lalu pulai ngagai nengeri Samaria, ringat pedis ati.\\n1 Semak istana Raja Ahap di Jesril bisi sebidang kebun anggur ti diempu orang siku ke benama Nabot.\\n2 Nyadi sekali Ahap bejaku enggau Nabot, “Beri kebun anggur nuan ngagai aku, laban kebun nuan semak istana aku, lalu aku deka ngena tanah nya alai aku nanam sayur. Aku deka meri nuan kebun anggur ti manah agi ari nya kena aku nyilih kebun nuan nya. Tauka, enti nuan deka, aku meli kebun nya enggau rega ti patut.”\\n3 “Kebun anggur nya pesaka ari aki ini aku,” ku Nabot nyaut. “Aku enda tau meri kebun nya ngagai Raja!”\\n4 Ahap lalu pulai, tusah ati sereta ringat ketegal jaku Nabot. Iya gali ba peninduk iya, nunga ngagai dinding, lalu enggai makai.\\n5 Bini iya Jesebel mansang ngagai iya, lalu nanya, “Nama kebuah nuan tusah ati, lalu enggai makai?”\\n6 Disaut Ahap, “Laban jaku Nabot enggau aku. Aku madahka diri deka meli kebun anggur iya, tauka, enti iya deka, aku meri iya sebidang kebun anggur ti bukai, kena aku nyilih kebun nya, tang iya madahka diri enggai!”\\n7 Disaut Jesebel, “Kati nuan tu raja tauka ukai? Angkat ari katil nya, lalu makai. Anang tusah ati. Ila aku ngulihka kebun anggur Nabot nya ke nuan!”\\n8 Udah nya Jesebel lalu nulis surat, nyain semua surat nya ngena nama Ahap, lalu ditanggam iya ngena chop Ahap. Udah nya iya lalu ngirumka surat nya ngagai bala pemesai enggau orang ke tinggi pangkat di Jesril.\\n9 Tu utai ti disebut dalam surat nya, “Letak hari alai bepasa. Kangauka orang mayuh begempuru, lalu asuh Nabot duduk ba penuduk orang ke tinggi pangkat.\\n10 Giga dua iku orang ke jai, lalu asuh seduai nya bedawaka iya mua mata madahka iya udah nyumpah Allah Taala sereta nyumpah raja. Udah nya, bai Nabot ke luar ari nengeri, lalu tuku iya ngena batu datai ke mati.”\\n11 Bala pemesai enggau orang ke tinggi pangkat di Jesril lalu ngereja utai ti diasuh Jesebel.\\n12 Sida ngeletak hari alai bepasa, ngangauka orang mayuh begempuru, lalu ngasuh Nabot duduk ba penuduk orang ke tinggi pangkat.\\n13 Orang dua iku ti jai nya lalu bedawaka Nabot di mua orang mayuh, madahka iya udah nyumpah Allah Taala sereta nyumpah raja. Nya alai Nabot dibai ke luar ari nengeri, dituku ngena batu, datai ke mati.\\n14 Pesan lalu dikirumka ngagai Jesebel, “Nabot udah dibunuh.”\\n15 Lebuh Jesebel nerima pesan nya, iya lalu bejaku enggau Ahap, “Nabot udah mati. Alai ambi kebun anggur iya.”\\n16 Ahap lalu tekala nya mansang ngagai kebun anggur nya lalu ngambu kebun nya ke iya empu.\\n17 Udah nya TUHAN lalu bejaku ngagai Elijah, siku nabi ari Tisbe,\\n18 “Alai nuan mansang ngagai Raja Ahap di Samaria. Nuan deka nemu iya ba kebun anggur Nabot, lebuh iya baru deka ngambu kebun nya.\\n19 Sebut ngagai iya munyi tu, ‘Ku TUHAN bejaku: Kati nuan udah munuh orang lalu ngerampas pesaka iya?’ Udah nya sebut ngagai iya, ‘Ku TUHAN bejaku: Ba endur alai ukui ti nilat darah Nabot, dia mega ukui deka nilat darah nuan!’ “\\n20 Lebuh Ahap meda Elijah, iya lalu bejaku, “O munsuh! Diatu baru nuan tetemuka aku.” “Amat,” ku Elijah nyaut. “Nuan udah, enggau pengabis ati nuan, angkun ngereja utai ti salah di mua TUHAN.\\n21 Nya alai TUHAN nyebut ngagai nuan, ‘Aku deka ngasuh penusah ti besai ninggang nuan. Aku deka muai nuan, lalu muai semua orang ke lelaki, ke tuai enggau ke biak ari ruang bilik nuan.\\n22 Ruang bilik nuan deka nyadi baka ruang bilik Raja Jeroboam anak Nebat, enggau baka ruang bilik Raja Baasa anak Ahijah, laban nuan udah ngeringatka ati Aku ketegal nuan udah nguluka orang Israel bedosa.’\\n23 Nyadi pasal Jesebel, TUHAN madahka ukui deka makai bangkai iya di nengeri Jesril.\\n24 Barang sapa ari bala kaban belayan nuan mati di nengeri Jesril, sida deka diempa ukui, lalu sida ke mati ari luar nengeri, deka diempa burung.”\\n25 (Nadai orang bukai udah kala ngemendar Ahap angkun ngereja utai ti salah di mua TUHAN - semua utai nya nyadi magang ari ansak bini iya Jesebel.\\n26 Iya ngereja dosa ti pemadu ngasuh malu, laban iya besembahka engkeramba, baka orang Amor ti udah diburu TUHAN ari menua nya, lebuh orang Israel nyerang.)\\n27 Lebuh Elijah udah tembu bejaku, Ahap lalu nyarikka gari diri, lalu ngerasukka kain guni. Iya enggai makai. Iya tinduk ngena kain guni. Mua iya berupai tusah.\\n28 Ku TUHAN bejaku ngagai nabi Elijah,\\n29 “Kati nuan bisi meda chara Ahap ngemaruhka diri di mua Aku? Laban iya udah ngemaruhka diri di mua Aku, Aku enggai ngasuh penusah ti besai ninggang iya lebuh iya agi idup. Penusah ti besai nya deka ninggang ruang bilik iya lebuh maya anak iya ila.”\\nNabi Mikaiah Meri Jaku Tangkan Ngagai Ahap\\n1 Dalam kandang dua taun udah bekau nya, menua Israel enggau menua Siria nadai beperang ngelaban pangan diri agi,\\n2 tang dalam taun ti ketiga Raja Jehosapat menua Judah betemu enggau Raja Ahap menua Israel.\\n3 Ahap lalu nanya ngagai bala pemesai iya, “Nama kebuah kitai lalu enda ngerampas pulai baru nengeri Ramot-giliat ari raja menua Siria? Nengeri nya endang enggi kitai!”\\n4 Ahap lalu nanya Jehosapat, “Kati nuan deka enggau aku nyerang Ramot?” “Aku sedia, enti nuan sedia,” ku Jehosapat nyaut. “Bala soldadu enggau bala soldadu ke nepan kuda mega sedia.\\n5 Tang manah kitai betanya dulu ngagai TUHAN.”\\n6 Ahap lalu mesanka bala nabi, kira empat ratus iku bala sida. Iya lalu nanya sida, “Kati patut tauka enda aku nyerang Ramot?” “Serang,” ku sida nyaut, “laban TUHAN deka ngasuh nuan menang.”\\n7 Tang ku Jehosapat nanya, “Ukai enda bisi siku agi nabi ti tau diasuh kitai betanya ngagai TUHAN?”\\n8 Ahap lalu nyaut, “Bisi. Mikaiah anak Imlah. Tang aku begedika iya, laban iya nadai kala benabika utai ti manah ke aku. Iya selalu nyebut utai ti jai.” “Nuan enda tau bejaku munyi nya!” ku Jehosapat nyaut.\\n9 Udah nya Ahap lalu mesanka siku pemesai ke bekereja dalam istana lalu ngasuh iya mesanka Mikaiah tekala nya.\\n10 Raja dua iku nya, ke ngena pekayan raja, duduk ba kerusi diraja seduai iya ba endur alai orang ke ngindik gandum, di luar pintu nengeri Samaria. Semua nabi lalu benabi di mua seduai iya.\\n11 Siku ari bala sida, Sedekiah anak Chenaana, ngaga berapa iti tanduk besi, lalu bejaku enggau Ahap, ku iya, “Tu utai ti disebut TUHAN: ‘Nuan deka ngena tanduk besi tu nyerang lalu ngalahka semua orang Siria.’ “\\n12 Semua nabi ti bukai bela nyebut nya magang. Ku sida, “Serang meh Ramot. Nuan deka menang. TUHAN deka ngasuh nuan menang.”\\n13 Lebuh maya nya mega, pemesai ti udah bejalai ngambi Mikaiah, benung bejaku enggau iya, “Semua nabi bukai udah benabi magang madahka raja deka mujur, nya alai manah nuan mega benabi baka sida.”\\n14 Tang ku Mikaiah nyaut, “Aku besumpah dalam nama TUHAN ti idup, aku besemaya deka nyebut semina utai ti diasuh TUHAN!”\\n15 Lebuh iya bediri di mua Raja Ahap, raja nya lalu nanya iya, “Mikaiah, kati kami duai Raja Jehosapat patut nyerang Ramot, tauka enda?” “Serang aja!” ku Mikaiah nyaut. “Seduai endang tetap deka menang. TUHAN deka ngasuh seduai menang.”\\n16 Tang ku Ahap nyaut, “Lebuh nuan bejaku ngagai aku dalam nama TUHAN, sebut utai ti bendar! Berapa kali aku enda tau enda madahka nya ngagai nuan?”\\n17 Mikaiah lalu nyaut, “Aku bisi meda bala soldadu orang Israel ngachir ba sebelah bukit baka raban jelu bedus ti nadai orang ngibun. Lalu ku TUHAN bejaku, ‘Orang tu nadai kepala. Asuh sida pulai enggau selamat.’ “\\n18 Ku Ahap bejaku enggau Jehosapat, “Nya utai ti ku aku tadi. Iya nadai kala benabika utai ti manah ke aku. Iya seruran nyebut utai ti jai!”\\n19 Lalu ku Mikaiah nampung jaku iya, “Diatu pendingka utai ti disebut TUHAN! Aku meda TUHAN duduk ba kerusi diraja Iya di serega, lalu semua melikat Iya bediri ngimbai Iya.\\n20 Ku TUHAN nanya, ‘Sapa deka nipu Ahap ngambika iya mupuk lalu dibunuh di Ramot?’ Sekeda bala melikat nyebut tu, sekeda sida ti bukai nyebut nya.\\n21 Udah nya siku roh mansang ke mua ngagai TUHAN, lalu bejaku, ‘Awakka aku nipu Ahap.’\\n22 ‘Baka ni ku chara nuan deka nipu iya?’ ku TUHAN nanya. Ku roh nya nyaut, ‘Aku deka mupuk lalu ngasuh semua bala nabi ke bekereja ke Ahap madahka utai ti bula.’ Lalu ku TUHAN bejaku, ‘Mupuk meh nuan. Tipu meh iya. Nuan deka mujur.’ “\\n23 Ku Mikaiah ngujungka jaku iya, “Tu meh utai ti udah nyadi. TUHAN udah ngasuh bala nabi nuan ngemulaka nuan. Tang TUHAN Empu udah ngeletak nuan deka dituntung penusah!”\\n24 Udah nya Sedekiah lalu mansang ngagai Mikaiah, nampar mua iya, lalu nanya, “Kemaya Roh TUHAN udah kala ninggalka aku, lalu bejaku enggau nuan?”\\n25 Disaut Mikaiah, “Nuan deka nemu nya lebuh nuan tama ngagai bilik di belakang rumah, deka belalai.”\\n26 Udah nya Raja Ahap lalu bejaku enggau siku ari bala pemesai iya. Ku iya, “Tangkap Mikaiah, lalu bai iya ngagai Amon, tuan gabenor nengeri nya, enggau ngagai Anak Raja Joas.\\n27 Asuh sida nutup iya dalam rumah jil, lalu asuh sida meri iya semina roti enggau ai aja, nyentuk ngagai maya aku udah pulai beperang enggau selamat.”\\n28 Ku Mikaiah, “Enti nuan ulih pulai baru enggau selamat, reti nya, TUHAN nadai udah bejaku ngena aku!” Lalu ku iya nambahka jaku iya, “Pendingka ulih semua kita, utai ti udah disebut aku!”\\n29 Udah nya Raja Ahap menua Israel enggau Raja Jehosapat menua Judah mansang nyerang nengeri Ramot-giliat.\\n30 Ku Ahap bejaku enggau Jehosapat, “Lebuh kitai nyerang, aku deka ngeluluka diri baka orang bukai, tang nuan ngena pekayan diraja nuan empu.” Nya alai raja menua Israel mansang beperang ngaga diri baka gamal orang bukai.\\n31 Nyadi raja menua Siria udah meri atur ngagai tiga puluh dua iku orang ke nyadi tuai bala ke nepan kerita perang, enda ngasuh sida nyerang orang bukai, tang semina raja menua Israel aja.\\n32 Nya alai, lebuh sida meda Raja Jehosapat, semua sida ngumbai iya raja menua Israel. Sida lalu nyerang iya. Tang lebuh iya nyerauh,\\n33 sida lalu nemu iya ukai raja menua Israel, lalu sida enda nyadi nyerang iya.\\n34 Tang seninjik amat, siku soldadu orang Siria nimbakka laja. Laja nya lalu kena ba sambung baju kebal Raja Ahap. “Bakal aku!” ku Ahap ngangau ngagai orang ke ngemudika kerita perang iya. “Nikal tua. Anang agi nyerang munsuh!”\\n35 Lebuh bala soldadu agi benung bamuk, Raja Ahap agi nyandih duduk dalam kerita perang iya, nunga ngagai bala orang Siria. Darah ari bakal iya pansut nelusur tubuh iya, lalu ngachir ba sebelah geladak kerita perang nya. Lemai nya iya mati.\\n36 Lebuh padam mata panas, atur lalu diberi ngagai semua soldadu orang Israel, “Pulai semua kita ngagai menua enggau nengeri kita empu!”\\n37 Nya meh gaya pemati Raja Ahap. Bangkai iya dibai ngagai Samaria, lalu dikuburka.\\n38 Kerita perang iya lalu dituchi ba siti telaga di Samaria. Ukui lalu bedilatka darah iya, ba endur alai bala indu sundal mandi, munyi ti udah disebut TUHAN.\\n39 Semua utai bukai ti udah dikereja Raja Ahap, nyengkaum cherita pasal istana iya ke dilagu iya ngena gading, enggau pasal semua nengeri ti udah digaga iya, bisi dituliska magang dalam Jerita Lama Pasal Raja Menua Israel.\\n40 Lebuh iya mati, anak iya Ahasiah nganti iya nyadi raja.\\nRaja Jehosapat Menua Judah\\n41 Dalam taun ti keempat Raja Ahap megai perintah di menua Israel, Jehosapat anak Asa nyadi raja menua Judah,\\n42 lebuh umur iya tiga puluh lima taun. Lalu iya merintah di Jerusalem dua puluh lima taun. Indai iya Asubah anak Silhi.\\n43 Baka apai iya Asa ke dulu ari iya, iya mega ngereja utai ti ngena di mua TUHAN. Tang semua palan alai besembiang enda dirusak, lalu orang mayuh majak ngenjuk piring lalu nunu menyan ba endur nya.\\n44 Jehosapat bebaik enggau raja menua Israel.\\n45 Semua utai bukai ti udah dikereja Jehosapat, enggau pasal pemerani iya beperang, bisi dituliska magang dalam Jerita Lama Pasal Raja Menua Judah.\\n46 Iya muai semua lelaki enggau indu ke bekereja nyadi sundal ba alta petara orang kapir ti agi tinggal ari maya apai iya Raja Asa.\\n47 Menua Edom nadai raja. Menua nya diperintah siku penulung raja ke diletak raja menua Judah.\\n48 Raja Jehosapat ngasuh orang ngaga kapal, ngambika bisi belayar ngagai menua Opir ngambi emas. Tang kapal nya karam di Esion-geber, lalu nadai kala belayar.\\n49 Udah nya Raja Ahasiah menua Israel madahka diri deka ngasuh bala kelasi iya nulung bala nembiak Jehosapat belayar. Tang Jehosapat enda nerima tulung nya.\\n50 Jehosapat mati lalu dikuburka ba lumbung bala raja di Nengeri David, lalu anak iya Jehoram nganti iya nyadi raja.\\nRaja Ahasiah Menua Israel\\n51 Dalam taun ti ketujuh belas Raja Jehosapat megai perintah di menua Judah, Ahasiah anak Ahap berengkah nyadi raja menua Israel, lalu iya merintah di Samaria dua taun.\\n52 Iya bedosa ngelaban TUHAN, nitihka teladan ti jai ari apai iya, ari indai iya Jesebel, enggau Raja Jeroboam, ti udah nguluka orang Israel bedosa.\\n53 Iya nyembah sereta betuaika Baal, lalu baka apai iya ke dulu ari iya, iya ngeringatka ati TUHAN Allah Taala ke disembah orang Israel.","num_words":21961,"character_repetition_ratio":0.07,"word_repetition_ratio":0.006,"special_characters_ratio":0.214,"stopwords_ratio":0.333,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Tesat Ba Kampung Puang\\nDulu kelia, bisi dua iku menyadi ti benama Balang enggau Banyau. Seduai menyadi diau kediri-diri sepengudah apai indai seduai iya udah mati ketegal ti sakit raya lebuh rumah sida diampuhka bah. Pengidup seduai menyadi tau disemaka baka pengidup apung balu rarat ke ili mudik ke ulu nadai endur tepanggai. Lebuh hari udah tawas pagi siti, Balang angkat deka nanggarka periuk asi ke bekal seduai menyadi ke kebun getah. Balang pan lalu ngerak menyadi iya ke agi benung tinduk. Banyau berasai liat ati deka dani tang deka pan enda iya takut dikena anu menyadi iya.\\nSepengudah sedaui ngintu diri, seduai pan beraduka rengka diri lalu mupuk ngagai kebun getah. Datai ba kebun getah, seduai pan lalu betangkinka raga, bebaika pat laban deka belabuh ngerejang getah. Tembu seduai menyadi ngerejang getah, seduai pan lalu mulaika diri ke langkau. Ketegal kelalu balat lelak, dia dih Balang lalu ngenindukka diri seraya ke nganti getah tau dibuat. Lebuh ti tinduk, enda memukai Balang bemimpi betemu enggau siku lelaki. Tubuh lelaki nya chukup kering sereta penyigat nadai alai endur nyema.\\nDalam mimpi Balang, lelaki nya madahka diri datai ari Daluh Bukit Rusa lalu madahka nama iya Keling Temuda. Penatai Keling ba mimpi iya laban deka ngasuh Balang jadi enggau siku indu ke pemadu bajik di menua nya. Indu nya benama Kumang Dayang Ranchak datai ari menua puang enda kala di dinga bala anak mensia. Menua nya di kumbai Selanyau Batu Guntur. Keling pan lalu madahka Balang, enti sema iya enda jadi enggau Kumang nya, dia dih pengidup iya meruan suntuk belama-lama sereta ulih ngunjungka iya lesi bebadi.\\nBalang pan lalu tedani sepengudah ninga jaku Keling nya tadi. Iya angkat lalau nyandih ba tisi langkau. Baka empelekung mabuk ambuh, baka puyu mabuk keruh mih tudah pendiau Balang ngenang mimpi iya nya tadi. Iya berasai tusah ati sekalika iya patut ngamatka jaku Keling nya tauka iya ngelakka baka nya aja. Kepuas ke berunding, Balang pan lalu angkat mai Banyau muat getah. Banyau alit ati meda ulah Balang baka nya. Sepengudah seduai tembu muat getah, seduai pan lalu beradu mupuk pulai laban enda ulih nganti getah nya tau diinjin.\\nLebuh seduai datai ba pala tangga, Balang ngetu ngenduh enda lama. Banyau ke ngentudika Balang semina nitih aja. Kepuas ti beperening mua pangan diri, Balang pan lalu nusui mimpi iya ngagai Banyau. Banyau ngenung enda lama ninga mimpi Balang nyelai amat didinga iya. Balang mutus ati deka mai menyadi iya belelang ngiga Kumang nya ba menua Selanyau Batu Guntur. Tajapan seduai enda kala ninga sereta tepansaka menua nya, tang seduai enda tau enda ngiga Kumang enggaika enda gayu nitihka dipadah dalam mimpi. Sepengudah seduai tembu mela diri,seduai pan lalu mupuk. Seduai bela anda nemu kini tunga seduai patut bejalai. Seduai semina nitihka singkang kaki diri ngichaka tepansa menua ke enda kala ditujah seduai iya.\\nLebuh ka bejalai, dia seduai tepeda ka utai ke nyelai amat. Alit meda tanah ke enda jauh ari endur seduai berindik tau amat bebali nyadi anak sungai. Seduai pan lalu majak ka pejalai seduai iya. Nyau ke lama-lama udah nya,seduai pan rembus ba menua ka enda kala di tujah bala anak mensia. Seduai sama bela mati kutu laban enda nemu kini tunga bejalai agi. Kaki pan nyau lelak pia mega hari nyau majak silau. Enda memukai seduai tedinga ka sada nyawa bala sida ka indu anda jauh ari pendai. Seduai pan lalu nitih ka sada nya nyentuk ka seduai tepeda ka bala sida ka dara benung betundi ba pendai nya. Enda jauh ari nya mega,seduai tepeda ka apai tuai orang benung tungging-tungging nanchang tali perau. Apai tuai nya tepeda ka seduai menyadi lalu nanya ka pejalai seduai iya tau amat rembus ngagai menua sida. Seduai pan madah ka diri tesat sereta enda nemu deka bejalai agi. Apai tuai nya pan mai seduai ngenduh ba rumah iya laban hari pan nyau udah silau malam.\\nDatai ba pala tangga,penatai seduai enda dipeduli ka bala orang rumah panjai nya. Seduai semina bejalai nangkan ka apai tuai nya. Penatai sida disambut bini apai tuai nya enggau chukup pengaga. Apai tuai nya tadi lalu mai seduai sama bebela enggau sida sebilik. Lebuh ka bebela,apai tuai nya lalu nanya tuju pejalai seduai iya ngenyauh nya sereta tau rembus ngagai menua sida. Balang pan lalu nyaut madah ka diri deka ngiga indu ka benama Kumang Dayang Racha. Enti sema iya enda nyadi enggau Kumang nya,dia dih pengidup seduai menyadi seruran suntuk belama-lama lalu ngujung ka seduai tau lesi bebadi.\\nApai tuai nya pan ngetu nyuap asi sepengudah iya ninga saut Balang nyemetak amat di dinga iya. Apai tuai nya pan alu nyaut madah ngagai Balang,indu dara ka di sebut iya tadi ending sigi anak iya. Balang pan tekenyit. Apai Kumang pab lalu beguai ngangau Kumang ngasuh iya nurun ari sadau. Lebuh Kumang nurun ari sadau, mata Balang enda engkesap mimit,tau di sema ka baka empelekung mabuk ambuh,baka puyu mabuk keruh meda pemajik Kumang ka nadai alai endur nyema.\\nKumang pan lalu ngenuduk ka kediri ngimbai apai iya. Apai iya pan lalu nusui tuju penatai temuai sida. Kumang pan sama bela tekenyit ninga mimpi Balang sama baka mimpi iya. Balang berasai amat gaga ati laban tetemuka indu patut d iambi ka bini. Tang sebedau seduai jadi melaki bini, apai Kumang pan madah ngagai Balang penti pemali ka enda tau dikereja Balang. Balang ena tau makai telu manuk lebuh maya bulan kembung,laban enggai ka Kumang enda ulih betubuh bisi. Pia mega,Balang enda tau nusui ngagai menua anak mensia asal penatai Kumang laban enggai ka Kumang tau lenyau sereta enda datai agi.\\nSeduai pan lalu penyadi melaki bini enggau piring adding sereta tiga iku jani. Pengidup Balang enggau Banyau udah enda suntuk agi sampai ke diatu.\\nEveline Line Pantin 5A\\nPosted by Ibantracker at 10:03 PG\\nLabels: Asil Tengkebang Nembiak\\nINTERNET MAI MAYUH PENGUNTUNG ARI PENGERUSAK\\nDiatu dunya kitai majak maju kelebih agi ba bidang teknologi pemadah enggau komunikasyen (ICT). Di Malaysia mega mayuh macham pemansang udah disediaka perintah nyengkaum ba bidang ICT. Mayuh macham pengawa ti tau mai penguntung ngagai kitai mensia enti ngena ICT.iya nya internet. Internet tu siti pemansang ti tau dikena kitai meda mayuh macham utai ari telefon binching sekalika ngena komputer. Internet tu tau mai penyenang ngagai kitai kemaya hari tu laban guna iya ti bemacham-macham ngagai kitai.\\nInternet tu tau mai mayuh penguntung baka dikena ngiga mayuh macham bengkah info tauka penerang baka gambar, lagu, teks ti deka dibacha enggau mayuh agi utai bukai. Chunto baka taun 2016 ke diatu mayuh bala nembiak Pom 3 benung kiruh ngiga kereban belajar ari dalam internet dikena ngiga gambar tauka teks dikena ngaga kereja kursus Sejarah enggau Geografi. Internet tu endang siti utai ti tau nulung bala nembiak Pom 3 senang agi enti lebuh sida begunaka internet.Internet mega tau ngasuh pengawa kitai mensia nyadi lempung agi. Baka kitai ti deka bebelika barang tauka kereban ngena internet, nganjung macham-macham utai nengah internet enggau kitai ti deka bedagang nengah internet, tu tau ngasuh kitai nyamai sereta jampat agi lalu enda kiruh bejalaika promosyen barang diri empu enggau enda ibuh bejalai ngagai kedai ti jauh bebelika barang. Enti lebuh kitai deka meda menua bukai chunto baka Korea Selatan, England enggau Perancis kitai tau ngiga pasal penerang gambar menua sida ngena internet. Tu tau ngasuh kitai nemu pasal semua info pasal menua sida enggau silik agi enti maya kitai deka raun kin.\\nInternet tu mega dikena ngiga peluang nyadi orang tebilang. Diatu mayuh macham pengawa ti udah dipandangka orang ba dalam internet. Chunto baka orang ti deka nyadi tebilang baka nyadi penyanyi, diatu orang udah mandangka macham-macham klip video ba Youtube. Enti kitai rindu belagu, kitai tau ngambi video lalu anjung ngagai Youtube. Bisi siti aplikasyen ti baru udah dipandangka oarang dalam taun tu, iya nya ‘Smule’. ‘Smule’ tu siti aplikasyen ti tau ngasuh kitai belagu bebala mayuh enda ngira enggau pangan diri tauka enggau bala penyanyi bukai. ‘Smule’ tu belagu ngena ‘headphone’ tauka ngena ‘earphone’ ti besambung enggau internet dikena belagu enggau orang bukai. Diatu mayuh orang udah bisi aplikasyen tu dikena muai pengelelak enggau dikena sida ngisi maya lepa lebuh nadai pengawa.\\nPenguntung kitai ngena internet mega ulih muntangka agi ngereja pengawa. Chunto kitai ulih nganjung teks ke udah digaga ngagai e-mail. Tu tau ngasuh kitai enda ibuh bejalai ngagai Opis Pos. Chunto baka pengawa ti tau dianjung ngena e-mail iya nya karang Jaku Iban ti benung dipekitka bala nembiak ke besekula di menua Sarawak. Nganjung karang Jaku Iban ngena e-mail tu tau nyenangka sereta muntangka agi pengawa kitai awakka enda kiruh beranjungka pengawa ti digaga kitai ngagai Opis Pelajar. Enti maya kitai deka bekunsi teks tauka cherita enggau bala kaban, kitai mega ulih nganjung teks enggau cherita ngagai kaban ngena e-mail.\\nTaja pan internet mai mayuh macham penguntung ngagai kitai, tang internet mega tau mai pengerusak ngagai kitai mensia. Baka ke diatu mensia mayuh ngena ‘broadband’ dikena nyambung internet ngena telefon pintar. Ngena ‘broadband’ tu tau ngerua duit kitai laban bebayar. Enti enda ulih dibayar internet lalu lubah tauka terus diputung. Tu mega tau ngasuh duit kitai tebasau. Duit kitai tau rua laban kitai mesti bebayar tauka nambahka data ti dikena kitai.\\nInternet tu mega tau ngerusak tauka ngeruga runding kelebih agi bala nembiak kemaya hari tu. Ambika chunto baka, nembiak selalu meda utai ke enda manah tauka utai ti enda menyana enggau salah guna baka ngaga video kamah ke mayah bendar dalam Youtube. Ambika banding mayuh mensia ti endang ngena internet enggau chara ti salah sereta nadai beradat ti ngujungka marit nembiak menua kitai. Internet mega tau ngasuh kitai enda kiruhka utai dipelajar ba sekula. Enti kitai majak masang internet kitai lalu makin buruk enda kiruhka pengawa sekula. Bala nembiak mega nyau majak buruk ketegal bisi aplikasyen ti dipasang ba internet iya nya baka WeChat, Whatsapp, Facebook,Instagram enggau ti bukai. Aplikasyen tu tau mai bala nembiak rebak baru kiruh agi ngeratan utai baka tu ari ti kiruhka utai bukai. Ba sekula mega sida enda ulih belajar enggau nyamai laban seruran ngingatka WeChat, Whatsapp, Facebook enggau Instagarm sida. Tu tau ngasuh sida iya ngelusu tauka buruk maya besekula. Aplikasyen tu mega mai pengerusak ngagainembiak rebak baru baka ngelaban jaku apai indai. Chunto enti maya sida benung kiruh berandau enggau bala kaban ba WeChat, Whatsapp, Facebook enggau Instagram, apai indai sida ngangauka sida pan dianu. Ulah tu tau nyadi laban apai indai sida nadai ulih ngerara ulah sida ti baka tu. Orang ke salah nya ukai anak tang apai indai laban tumu melika anak sida iya telefon.\\nKepenudi iya kena nutup karang tu, internet endang mayuh macham guna ngagai kitai mensia laban mayuh macham pengawa ke diatu digaga ngena mayuh macham aplikasyen dalam internet. Nya alai kitai mesti ngena internet enggau chara ti betul. Enti enda baka nya internet tu mai pengerusak ngagai kitai mensia. Baka ke diatu mensia mayuh endang sigi deka ngaga pengawa ngena chara ti muntang enggau jampat ari selama enda baka orang dulu kelia endang nadai pemansang teknologi dikena sida ngereja pengawa. Nya alai internet endang mayuh mai penguntung ari mai pengerusak ngagai kitai kemaya hari tu nyentukka dudi hari ila.\\nMOSES KARIN ANAK NAWIN 3B\\nPosted by Ibantracker at 10:01 PG\\nKALING TI NYADI TELADAN BA PENGIDUP AKU\\nAku bisi siku kaban ti benama Mark Edvenson. Mark tu udah mujur amat dalam pengidup. Iya udah ulih tebelika apai indai enggau bala menyadi iya rumah banglo 2 tingkat. Semua tu bepun ari ulah sereta pengeransing ati iya ti deka ngubah pengidup sida sebilik ti merinsa suba. Sida Mark bisi 6 iku menyadi lalu 3 iku ti agi mengkang belajar ba institut pelejar tinggi sereta besekula. Dua iku menyadi indu iya iya ba UNIMAS enggau iya ti lelaki ba SMK Matang Jaya,Kuching. Tiga iku menyadi iya tu agi besekula laban iya ti melanja ketegal ari penyuntuk ba apai indai iya. Sayau bendar menyadi indu iya ke dua iku nya enda ulih nyambung pelajar ngagai tikas ti lebih tinggi agi laban penyuntuk sida sebilik.\\nNyadi Mark tu benasit laban sepengudah bulih pemutus peresa ti manah ba STPM lalu dibantu perintah ba belanja iya nya Biasiswa Yayasan Sarawak. Tembu bekajar ba Univesiti Malaysia Sabah iya lalu ngiga kereja. Nasit iya manah laban bulih pengawa nyadi injinir ba siti kompeni ti pemadu iya tebilang iya nya Paradigma Holding.\\nMark berengkah ari baruh lebuh gawa ba Paradigma Holding. Nyau kelama-lama iya udah gawa dia, iya pan lalu niki pangkat. Gaji iya suah diberi ngagai apai indai enggau bala menyadi iya awakka sida bisi utai diempa enggau dikena. Kala sekali indai iya nanya,“Nama utai kena nuan dih,dom?” ku indai iya nanya. Iya semina nyaut, “Aku tau enda ibuh,indai”. “Tu mih maya aku malas utai ti udah dikereja seduai apai dikena melanja aku besekula sampai aku bulih kereja suba. Aku bejanji deka ngubah pengidup kitai nyadi senang. Aku deka meda seduai apai enggau bala menyadi aku gaga ati meda asil ti dikereja aku tu,” ku Mark nyaut indai iya. Indai iya enda ulih tepansutka jaku lalu nyabak merap Mark.\\nDuit ti digumpul iya pan nyau udah chukup mayuh asai dipeda iya. Iya lalu telefon ngagai apai indai enggau bala menyadi. Iya ngasuh sida bekemas nyimpan gari enggau ti bukai laban deka mai apai indai enggau bala menyadi iya raun ngagai Korea. Bala menyadi iya gaga ati lebuh ninga rita nya ari indai sida. Datai di Korea, sida bejalai ngagai Seoul, Gangnam, Busan, Incheon, Ilsan enggau Pulau Jeju. Semua utai dibayar Mark magang. Mayuh amat utai dibeli sida maya ba Korea. Mark enda kiruh beabis duit laban tu mih maya iya ngelantangka ati apai indai iya. Udah 5 hari diau di menua Korea,sida pan pulai ngagai Sarawak. Mark semina agi bisi 3 hari agi begulai enggau bala iya.\\nUdah 10 taun iya nyadi injinir ba Paradigma Holding, pangkat iya pan nyau makin niki nyadi CEO ba kompeni nya. Ba orang bukai, 10 taun nya agi pedis deka niki pangkat enti ukai bala sida ti empu kompeni tang Mark laban ti rajin sereta ngereja utai enggau manah, nya ngasuh semua orang rinduka pengawa iya. Ari nya, nitihka penemu Mark, kitai enda tau ninggika diri. Anang meda diri nyau niki pangkat kitai lalu deka ngemaruhka orang bukai. Nya ari jaku ajar apai iya ti dipegai iya ari biak suba. Iya semampai ngingatka pesan apai enggau indai iya, “Anang enda pulai ngagai menua enti bisi pengerami, kami tu nyau majak tuai, tu mih peluang kitai begulai. Anang sama bela nadai hari magang. Nesal dudi nadai reti, ajar apai Mark ngagai sida menyadi. Mark sigi enda muai peluang enti bisi peluang maya iya peremisi iya mai sida anak bini iya nemuai belama. Iya enggai nesal dudi hari.\\nPengidup apai indai iya pan nyau makin berubah. Ari merinsa, nyau nyadi senang munyi ku jaku sempama, lansar tau nyadi lubuk, lubuk tau nyadi lansar. Reti iya orang ti merinsa tau senang, orang ti senang tau mega nyadi merinsa. Orang ti suah bejaku jai enggau sida sebilik pan nyau tekenyit meda pengidup apai indai iya ti jauh lebih manah. Sida Mark serumah suah ngumbai iya ngereja utai ti enda menuku nya alai mayuh duit kenu ku sida serumah. Sida enda nemu utai ti amat. Gawai taun tu mih ngasuh sida serumah balat tekenyit meda Mark jauh udah berubah. Nyau bisi kerita besai sereta bekenaka baju ti manah-manah. Enda baka anak sida serumah, ukai nya deka gawa, diau di rumah panjai makai tinduk aja mih laban diatu lada balat berega. Taja pia Mark enda ringat enggau sida serumah ti bejai iya, laban iya nemu seagi sida serumah enda meda enggau mata ati ti tebuka dia sida enda ulih nerima orang bukai ti agi senang ari sida.\\nNya alai, Mark tu mih nyadi teladan ba pengidup aku. Mark ngembuan ulah ti chukup manah. Iya orang ti mentas sereta siru enggau diri sebilik sereta apai indai, ransing ngereja pengawa sereta enda mudah labuh lebuh ninga jaku petenah orang. Iya nemu nama utai ti dikereja. Nyadi enggau tu aku udah nerangka kebuah aku milih iya nyadika teladan pengidup aku.\\nDitulis: Winniefred Naie(3B)\\nPosted by Ibantracker at 10:00 PG\\nEMPAS INTERNET NGAGAI NEMBIAK REBAK BARU\\nDunya diatu iya nya dunya ba ujung tunjuk. Kebuah pia laban diatu internet udah nyadika jematan ti bejantilka semua menua enggau mensia di dunya tu ti ngujungka jeman ke diatu nya jeman dunya ti nadai sekat. Endang amat internet nya sebengkah ari perengka telekomunikasyen ti balat amat beguna bendar ngagai mensia mayuh. Nya alai, semua perkara ti nyadi di serata dunya kemaya hari tu ulih ditemu mensia lalu ngerembai dalam sekejap mata aja ketegal pengerembai guna internet. Sekejap mata penemu baru ditemu kitai, bereba ga penemu bukai ti datai nengah arus penemu dunya siber ti bepekunsika mensia.\\nInternet tu iya nya siti kereban ti ulih dikena kitai berandau, besadungka penemu, berita enggau pekara bukai ngagai pangan diri sekali ke semak tauka jauh. Chunto aplikasyen ke dikena kitai bekunsika penemu iya nya baka ‘Facebook’,’Twitter’,’Blog’ enggau mayuh agi ti bukai ke enda alah disebut alai kitai ulih sama meda penemu ti dipekunsika pangan diri. Ulih mega nanya ke berita bala kaban ti lama enda ditemu. Pia mega, apai indai ulih mantupka pengelengau sida ngagai bala anak ti lama enda pulai ke menua. Ambika banding,enti nyema bala apai indai nadai kredit kena telefon ngagai bala anak, dia apai indai ulih ngena arus internet ti murah agi.\\nKelimpah ari nya, ukai semina kena kitai berandau sereta begigaka penemu, internet endang udah dipeda ngenyenangka kitai bebelika barang tauka kereban. Enti kitai beratika, internet tu laku bendar dikena mensia mayuh meli mayuh bansa barang nengah e-shopping, e-lelong, e-bay enggau mayuh agi ti bukai. Ambika banding baka dikena meli telefon binching, gari, kerita, tanah, jam, beg, kamera, laptop enggau mayuh agi bansa barang ke ulih dibeli nengah internet. Nambahka nya, internet tu mega ulih dikena orang meli tiket bilun. Enda ibuh jauh bejalai, enda ibuh ngelelak kediri. Pengawa kitai mensia jeman diatu nyau majak mudah sereta jampat lebuh ngena internet tu. Nya mih penyamai iya jeman ke diatu. Enda baka suba, enti deka nanyaka berita pangan diri mesti bekirum surat tang surat nya enda datai tekala nya laban mayuh amat proses. Nambah ke nya, ukai siku dua ke bekirum surat. Orang ke nganjung surat nya pan bedau temu ulih nganjung surat nya tauka enda laban bepanggai enggau kereban pengangkut baka bas tauka van pos ti udah dipadu bejalaika pengawa nya. Diatu udah bisi internet, nadai penanggul agi.\\nBa penemu aku, taja internet tu mayuh mai penguntung ngagai bala mayuh tang empas iya ngagai nembiak rebak diatu chukup ngenyinuka ati. Enti sida enda nemu magi jam enggau manah, dia mih sida ke nembiak enda ngaga pengawa ke diasuh pengajar laban kelalu rindang bepedaka mayuh macham utai ba internet. Telefon pan kadang-kadang tusah deka ngelengka ketegal enggai tinggal berita ari bala kaban. Enti apai indai minta tulung sida, nadai kala deka. Tak lagi belama mih saut. Ujung-ujung lalu enda ga. Internet tu mega ulih mai pengerusak ngagai nembiak. Ambika banding, maya lepa sida seruran bepedaka utai ba internet. Enti ulah baka nya majak nyadi, tu ulih ngujungka sida nyau nadai ati agi deka belajar, ngaga pengawa ke diasuh pengajar enggau ti bukai Ketegal internet tu mega, sida iya sanggup tinduk laun ngujungka maya ba kelas sida enda ninga utai ke diajar pengajar ketegal ngantuk dalam kelas. Tu tau mai pengerusak ngagai pemutus peresa sida. Ukai nya aja, enti kitai laun tinduk belama pan tau ngujungka ke kitai sakit.\\nInternet tu mega bisi ruai tauka laman ti enda manah baka bisi gambar kamah tauka pornografi. Enti nembiak tepedaka ruai tauka laman nya, sida iya tentu tetarit ati lalu deka nunda. Nya mih ngujungka ulah muai anak tu majak nyadi. Orang ke selalu meda laman bakanya sigi tusah deka nerima ajar manah agi laban endang seruran berundingka utai ke peda sida iya nya belama. Tu ngujungka bala nembiak lelaki deka beleman enggau nembiak indu. Sida deka nguji sereta deka ngemuaska ati aja. Nama udah tekelanjur ba ulah tauka jalai pengidup baka nya sida nadai berundingka pengerugi diri agi. Nadai sapa ulih nagang sida iya meda utai ke baka nya. Nambahka nya, sida iya enggai kiruhka pengawa orang. Ambika banding, enti ba sekula bisi pengerami tauka lumba enggau main sida iya sigi enda datai laban deka main internet aja. Tu mih kebuah iya kurang bendar bala nembiak ngambi bagi enggau masuk pekit maya bisi pekit tauka pengerami. Enti sida iya enda aktif ba bidang lumba enggau main, dia dih tubuh sida enda cheregas sereta asai ke sakit belama. Tu mega ulih ngujungka sida enggai datai ngagai sekula. Mimit pedis lalu enggai sekula.\\nNambahka nya, internet tu mega ulih ngasuh orang belaya ketegal petenah ti digaga sebubu ngapa. Bisi sekeda nibarka jala enda betating ketegal deka diri empu aja nyamai ngujungka sanggup ngemediska orang bukai. Enda nya ngira diri menyadi tauka orang bukai. Sida nempaka cherita bula lalu dipekunsika ba facebook ngambika orang bukai macha. Pia mega bisi ke bejai bala kaban mih nya. Bisi sekeda nemu nya bula, tang bisi ga sekeda deka pechaya utai nya. Enda mansik enggau silik dulu. Tak sengapa rembang aja. Ambika chunto, enti bisi orang nimbal jaku iya, dia mih iya mai orang belaya lalu deka mantaika pengering diri. Semua utai tu enda nyadi enti nembiak nemu ngena internet enggau manah. Apai indai mega patut nyadika chuan tauka teladan ngagai bala anak sida. Anang bepegaika telefon behari-hari enti begulai enggau bala anak enggaika anak nunda.\\nNya alai, enti disebut pasal internet, nadai sapa enda nemu. Nyadi anang enda sama beratika utai tu. Internet tu tau mai pengerusak ngagai bala nembiak rebak baru enti enda dikemeratka pasal tu. Kitai patut ngembuan rampa runding ti besai lalu enda charut tauk beba laban pemansang teknologi nya endang bisi pemanah enggau penyai iya. Taja pia, semua utai nya endang bepanggai ba diri empu aja.\\nShara Dungan anak Bangkong 4Sains\\nPosted by Ibantracker at 9:57 PG\\nJANGKA & TINJAU 1JAKU 1IBAN 1SARAWAK 1MALAYSIA 1DUNYA?\\nLebuh ngenang kini ke penunga sereta tuju jaku Iban kitai tu dudi hari aku tusah amat ati berunding, nama kebuah pia? Kati enda dih? Ulih ka enda kitai ngadaka generasyen rebak diatu enggau rebak dudi ngena jaku Iban standard baka ke dikena belajar di sekula kemaya hari tu?\\nLebuh aku berandau enggau sekeda orang ke ukai pengajar di luar sekula, mayuh amat penemu ti enggai amat didinga pending senentang tuju, kuing sereta penunga jaku Iban kitai tu jemah ila. Sekeda ari penemu sida nya madahka nadai guna kitai ngajar jaku Iban di sekula laban ba runding sida baka tu; “ Uji nuan berunding, jaku nama ti dikena orang bekomunikasyen di luar sekula diatu? Bisi kitai ngena jaku Iban lebuh betemu enggau bansa bukai baka bansa Cina, Melayu, Dayak bukai? Tentu nadai, sekeda kitai Iban bejaku di nengeri, pasar, opis enggau dini-dini endur endang enda ngena jaku kitai Iban taja bisi kitai Iban dia? Enti siku bansa bukai dia enggau tiga empat iku Iban, jaku ke suah agi dikena kitai nya tentu jaku bansa bukai chunto iya jaku Melayu. Suah agi kitai ninga sida bejaku Melayu Sarawak tauka jaku Bahasa Malaysia tauka jaku ribai. Nya bepanggai ba sosial sida ke berandau nya. Enti ba situasyen enda formal sida suah agi bejaku champur (rojak). Sekejap jaku English + Iban + Melayu + jaku ti digaga sida empu (raban sida aja nemu). Enti ba situasyen formal baka ba opis kompeni enggau bejaku maya bekereja kitai suah agi ninga endang English ti dikena. Nadai sida ngena jaku Iban. Ni enda bala nembiak ke diajr kita di sekula enda rindu belajarka jaku Iban?” nya pejah penemu siku orang ti gawa ba kompeni ti berandau enggau aku.\\n“Amat nya , “ ku aku.\\n“Nama tuju kita ngajar nembiak jaku Iban,” ku iya.\\nBerunding baru aku baka ni deka nyaut; “Kami di sekula endang bisi tuju ngajar nembiak sekula, keterubah, ambika waris pesaka bansa iya nya jaku kitai tu enda lenyau ditelan arus pemansang dunya, kedua, enti enda kitai Iban ke ngetanka jaku kitai tu sapa dih? Nadai bansa bukai ti deka ngetanka bansa bukai?” ku aku. Tambah aku baru; “Bisi ga kitai Iban ti udah mansang, idup ba ekonomi ari jaku Iban chunto iya bala penyanyi Iban baka sida Jenny Tan, Andrewson Ngalai, Ricky El enggau sida bukai. Nya siti ari nilai komersil jaku Iban. Bisi mega sida penulis kitai Iban ngaga majalah, bup enggau video(vcd) ngena jaku Iban. Ulih ga sida tu bulih penguntung ari jaku Iban taja pan semina ba Sarawak. Nemu aku pasar ekonomi jaku kitai tu mit enda baka jaku Melayu, Cina enggau English tang nya pan pama mih kena kitai ngemujurka diri ba dagang,” ku aku.\\n“Enti kitai minta pengawa udah tembu sekula tauka universiti maya interbieu diatu semua ngena English?” ku pejah penemu iya.\\nNemu aku pengamat penemu iya nya, tang ukai reti aku setuju. Pengeransing aku ngajar sereta ngemajuka jaku Iban endang enda padam ketegal pejah penemu baka nya. Semimit nadai mih penemu nya nasalka pengeransing aku ngajar jaku Iban.\\nKala mega aku ninga siku ini orang ti ngasuh uchu iya bejaku ngena jaku bansa bukai baka Melayu, English tauka Cina ambika orang enda ngelala nama bansa uchu iya. Betul endar mega uchu iya enda belajarka jaku Iban di sekula laban ti disekulaka apai indai iya ba sekula Cina. Enti baka nya nama penyadi jaku bansa Iban dih? Ini orang nya udah enda sanggup ngasuh uchu iya ngayanka identiti Iban, anang ka ngasuh belajarka jaku Iban tauka main asal Iban tang ngasuh uchu iya muai identiti diri!?.\\nBa runding aku, nadai salah kitai nganjung anak kitai ba sekula Cina, Melayu, English, Tamil enggau ti bukai tang anang ngasuh anak uchu kitai muai identiti bansa diri. Mayuh agi jaku ditemu anak uchu kitai, nya manah agi tang anang mih ketegal deka ngayanka diri nemu jaku orang, jaku diri enda dipelajarka.\\nPenujung penemu, ni mih maya jaku Iban ulih nyadi jaku ti dikena kitai nyadi jaku Iban standard ti dikena sebaka di serata menua kitai Malaysia tu. Agi bisi ga sekeda kitai Iban ti ngumbai jaku sida enda dikena ba jaku Iban standard. Ketegal sebut di pelilih menua diri ti bisi lain ari sepil ba atur sepil di sekula sida ngumbai jaku sida enda dikena ba sekula. Kebendar iya enti kitai semua udah belajar ari mit jaku Iban di sekula enggau macha bup ti ngena jaku Iban standard sereta ngena sepil ti betul, kitai badu agi nyebut jaku Iban enggau entak sebut ari pelilih menua diri empu. Automatik jaku ti pansut ari mulut kitai nya udah nitihka sepil ukai nitihka sebut asal pelilih menua diri. Ambika banding, jaku Melayu pan bisi slang ari menua diri baka Melayu Kelantan, Terengganu, Johor endang enda sebaka, baka nya mega jaku Iban bisi penyelai mih mimit entara pelilih menua diri, tang lebuh sida ngena jaku Bahasa Melayu ti dikena ba Malaysia slang nya tau lenyau kediri empu, kelebih agi ba situasyen formal. Nya alai nya mih tuju jaku Iban diajar di sekula kena nyemakaka jaku Iban ti dikena kitai di Malaysia tu sebaka, nadai siku orang ti ngumbai diri Iban enda meretika utai disebut Iban bukai taja pan sida nya orang Lundu, Kuching, Betong, Sibu, Miri nyentukka Limbang tauka Lawas.\\nSimpul penemu, kena mih jaku Iban standard baka ke dikena ba sepil ti diajar di sekula ambika jaku Iban ila tau nyadi 1Jaku, 1Iban, 1Sarawak, 1Malaysia enggau 1Dunya.\\nPosted by Ibantracker at 8:21 PG\\nKeretas Peresa Sains UPSR 2014 Buchur\\nBuchur tu jaku ti diinjau aku ari jaku Melayu bocor. Ba penemu aku, enda salah kitai ngena leka jaku nya laban aku enda tetemuka leka jaku ti engkeman agi kena ngalihka reti bocor dalam jaku kitai Iban.\\nNama kebuah pekara tu nyadi? Kati alai pekara baka tu tau nyadi ba Sistem Pelajar Menua kitai Malaysia? Mayuh kitai ti bisi besangkut paut enggau sistem pelajar menua tu sama bela enggau aku berundingka pekara tu. Chunto iya, nembiak, apai indai, pengajar, pengelicha, pengereja pengawa perintah ti besangkut paut enggau opis pelajar, enggau menteri pelajar. Makin mayuh kitai berunding makin mayuh ga saut ti ukai saut ti datai engkabit ba runding kitai. Reti nya saut ukai saut tang saut nyau nyadi tanya baru ti nanya kitai empu nama kebuah utai tu tau nyadi. Sapa ti patut dipesalahka kitai ba pekara ti baka tu?\\nKeterubah, nembiak. Patutka enda kitai nyalah nembiak. Bisi ga biuh runding aku nyalah nembiak. Nama kebuah baka nya? Ba penemu aku, enti nembiak semua pandai magang enda patut sida beambi ulih enggau orang bukai ti enda beradat nya nerima tanya ti buchur nya lalu nyaut tanya nya enggau ati gaga. Enti nembiak enda nemu keretas ti diberi ngagai sida nya keretas tanya ke buchur sebedau peresa nya engka nya ukai salah nembiak. Salah sapa? \"Salah aku\" ku Ibau ba lagu iya. Sanggup kita ngaku penyalah diri baka Ibau. Kala kita ninga penchuri ngaku diri ngenchuri? Kala kita ninga orang ke majau indu ngaku diri majau? Sapa sanggup ngaku penyalah diri? Nyangka tanya tu ulih disaut enti nuan datai ba rumah sembiang baka gerija kini? Ngampun penyalah diri ba mua Petara?\\nKedua, enti tu pengawa bala pengajar? Lapa bisi pengajar kempang ati ngaga ulah tu dih? Sida ti ngereja penyalah tu tentu deka nyalah orang bukai mega, iya nya orang ti bisi besangkut paut enggau sistem pelajar? Mayuh orang kena pangki penyalah tu enti kitai ninga ari sukut runding bala pengajar. Tentu pengajar ke ngaga pekara tu deka bulih penguntungka diri empu, deka nguntungka sekula, opis pelajar pelilih menua, opis pelajar menua enggau mayuh agi. Ba penemu aku ti sama pengajar, enti pengajar ke muchurka keretas peresa tu, ketegal mayuh amat penanggul tauka kebuah:\\nKeterubah, pengajar munyi ku aku ari pun tadi tentu diansak kepala pengajar iya ngajar bebendar awakka bulih pemutus peresa ti manah sereta lati ari taun ke udah. Kepala pengajar diansak opis pelajar pelilih menua. Opis pelajar pelilih menua tentu diansak opis pelajar menua. Opis pelajar menua tentu diansak Opis Menteri Pelajar Menua (KPM). KPM tentu diansak Menteri Pelajar. Nyau baka lagu Bangau oh Bangau. Siku nyalahka siku. Ujung-ujung nadai pengujug cherita tu. Taun baru agi ga pekara tu nyadi.\\nNangkan nya, pengajar ti ngambi jalai muntang deka bulih pemutus peresa ti manah ari taun ti udah. Pengajar ti baka tu ba penemu aku iya nya pengajar ti enda ngajar enggau manah di sekula. Sida deka ngena chara muntang bulih pemutus peresa ti tinggi ari sekula bukai ambika bulih rita, puji enggau insentif mengal mit ari perintah. Sekeda penemu ti baka tu ti muntanka tuju pelajar ke bendar baka ke bisi dalam Falsafah Pendidikan Kebangsaan(FPM). Tuju pelajar sekula ke bendar dalam FPM iya nya ngasilka nembiak ti setimbang ari segi JERI, iya nya ari segi selangkuh tubuh, emosyen, rohani enggau intelek. Peresa UPSR tu semina ulih nisih nembiak ari segi intelek aja lalu ukai semua segi. Kati alai pengajar sanggup meda nembiak iya semina manah pemutus peresa tang enda setimbang ba segi bukai?\\nNambahka nya, pengawa ke baka tu endang enda nyereminka pengajar tu siku ari mensia ke bisi integriti. Semua pengereja pengawa perintah di menua tu endang bisi diberi kus integriti setiap taun. Kati sida enda nemu reti integriti lebuh ngereja pengawa tu? Tau amat sida ke ngereja pengawa tu lari ari tanggung pengawa diri ti nempa, ngasilka nembiak ti lati ba semua segi. Enda berunding sida tu pengawa sida nya endang nadai ngenataika penguntung? Nama penguntung kitai muchurka keretas peresa? Ba penemu aku, nadai? Kitai ti ngereja pengawa tu semina meri pemutus peresa ti pelesu (palsu) ngagai nembiak kitai. Pengarap kitai meda sida bulih A besai tang udah nya enti dipilih masuk ke sekula sekondari bisi ke enda nemu macha. Ambika banding, ba sekula MRSM di pelilih menua kitai ditu bisi nembiak ke masuk dia ditemu enda tentu nemu macha. Nama reti A ulih iya nya dih? Bisi penguntung? Enda malu kitai ti ngajar ba sekula nya dikejakuka orang ngasilka nembiak ti enda nemu macha taja bulih A ba semua mata pelajar ba tikas UPSR?\\nKelimpah ari nya, lebuh bekenangka pekara tu, ba penemu aku, sekeda sida ke ngereja penyalah tu endang orang ke teleba ngereja penyalah dalam pengidup iya. Iya ukai semina nipu ba pekara tu aja tang nipu mega kala nipu ba pekara bukai baka nipu ruang bilik diri, nipu anak bini, nipu kaban belayan enggau orang bukai mega. Nipu orang tu endang ukai pengawa ti tau dikereja enda milih nuan nya bisi pengarap baka pengarap Kristian, Islam, Buddha, Hindu enggau pengarap bukai. Nadai ajar Petara kitai di dunya tu ngemendarka pengawa nipu orang.\\nKepenudi iya, orang ti bisi besangkut paut enggau pengawa besekula? Aku endang ngembuan penemu ke muntang agi enti sema kitai deka bulih pemandai tauka meda anak kitai tauka nembiak kitai pandai, kitai mesti belajar, ngajar anak enggau nembiak kitai enggau naka ulih, ukai ngena jalai nipu ti mai pengerusak ke semua kitai. Anang beambi ulih meda sekeda pekara ti muntang ulih diakal kitai endur kitai ngereja penyalah baka tu. Ngagai opis Lembaga Peperiksaan Malaysia arapka kita merati sereta meretika nama kebuah utai tu tau nyadi. Anang nyadika pekara baka tu tau ngemuntan sistem peresa pelajar menua kitai. Nya alai arapka orang ti bekuasa ulih nasat sereta mansik sapa, nama kebuah sida ngereja pengawa tu enggau baka ni chara mutarka pekara tu dudi hari ila. Terima kasih.\\nPosted by Ibantracker at 12:40 PTG\\nPROGRAM MUHIBAH GURU DAN IBU BAPA & PROGRAM KHIDMAT BAKTI WARGA EMAS\\nBETONG-Sekula SMK Datuk Patinggi deka ngaga Program Begulai Sejalai Pengajar enggau Apai Indai sereta diserimbai enggau Program Meri Tulung Ngagai Orang Tuai ba RH. Mau. Enteban Ulu Skrang kena 26 Oktober 2013 tu ila. Berita pasal atur enggau pengerami din ila aku deka mantaika ngagai kitai semua.\\nBanner ti deka digantung ba Enteban ulu tu ila.\\nPosted by Ibantracker at 2:58 PTG","num_words":5472,"character_repetition_ratio":0.044,"word_repetition_ratio":0.0,"special_characters_ratio":0.188,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"18 December 2019 - Hari Tiga ba Minggu Ketiga Musim Penatai (Adven) -->\\nPun Laman › BupKudus › InjilTuhan › JakuTuhanNintingHari › RomanKatolik › SembiangKitai\\n18 December 2019 - Hari Tiga ba Minggu Ketiga Musim Penatai (Adven)\\nBacha Ke Satu: Jeremiah 23: 5 - 8\\nKu TUHAN bejaku, “Dinga nuan, maya deka datai alai Aku deka milih siku orang ke lurus ari peturun David, lalu iya deka merintah nyadi raja ti bepenemu-dalam lalu ngereja utai ti ngena sereta lurus di menua tu.\\nLebuh iya nyadi raja, Judah deka likun, lalu Israel deka diau dalam pemaik. Iya deka dikumbai ‘TUHAN ti pengelurus kitai.’\\nKu TUHAN bejaku, “Nya alai, dinga nuan, maya deka datai alai orang badu agi besumpah ngena nama Aku TUHAN ti idup, ti udah mai orang Israel pansut ari menua Ejip,\\ntang sida deka besumpah ngena nama Aku TUHAN ti idup, ti udah mai orang Israel pansut ari menua ti di utara, enggau ari semua menua bukai ti udah alai Aku ngachirka sida. Udah nya baru sida deka diau di menua sida empu.”\\nMasmur Entara: Masmur 72: 1 - 2, 12 - 13, 18 - 19\\nSaut (cf. 7): Awakka pengelurus ngerembai ngagai semua endur lebuh maya iya, lalu awakka pemaik tan belama iya.\\nAjar raja ngambika iya ngakim ngena pengelurus Nuan, O Allah Taala.\\nBagi ngagai iya atur Nuan ti lurus,\\nngambika iya megai bala nembiak Nuan enggau pengelurus\\nlalu merintah orang ke seranta ngena atur ti lurus.\\nSaut: Awakka pengelurus ngerembai ngagai semua endur lebuh maya iya, lalu awakka pemaik tan belama iya.\\nIya ngelepaska orang ke seranta, ke ngangauka iya,\\nenggau sida ke suntuk sereta enda dikibuhka orang.\\nIya sinu ati ke orang ke lemi sereta seranta.\\nIya ngidupka nyawa sida ke suntuk.\\nPujika TUHAN Allah Taala ke disembah orang Israel!\\nSemina Iya siku aja ti ngereja utai ti badas nya.\\nPujika nama Iya ti bemulia belama iya!\\nAwakka mulia Iya ngemenuhka dunya.\\nO Ketuai Rumah Orang Israel,\\nti meri Adat ngagai Moses ba Bukit Sinai:\\ndatai lalu selamatka kami enggau kuasa Nuan ti besai.\\nBacha Injil: Matthew 1: 18 - 25\\nBaka tu ku gaya pengada Jesus Kristus.\\nIndai Iya Maria udah betunang enggau Josep, tang sebedau seduai iya jadi melaki-bini, iya betubuh-bisi ulih kuasa Roh Kudus.\\nSemua utai tu nyadi kena ngamatka jaku ti udah disebut Tuhan beseruanka siku nabi,\\n“Siku dara bungas deka betubuh-bisi, lalu ngadaka anak lelaki siku, lalu iya deka dikumbai Imanuel” (reti nya, “Allah Taala enggau kitai”).\\nLebuh Josep dani, iya lalu nitihka jaku melikat Tuhan.\\nIya jadi enggau Maria, tang iya enda beleman enggau Maria sebedau Maria ngadaka anak iya.\\nJosep lalu meri anak mit nya nama Jesus.\\n#BupKudus #InjilTuhan #JakuTuhanNintingHari #RomanKatolik #SembiangKitai","num_words":384,"character_repetition_ratio":0.044,"word_repetition_ratio":0.059,"special_characters_ratio":0.219,"stopwords_ratio":0.328,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Covid-19 ba Sarawak nambah siti kes baru - Suara Sarawak\\nCovid-19 ba Sarawak nambah siti kes baru\\nby Indun Silong\\nKUCHING: Siti kes positif baru Covid-19 nambah ba Sarawak seharitu lalu nya ngujungka penyampau semua kes positif naka tu bisi 679 kes.\\nKomiti Penyaga Penusah Ngenyit Nengeri (JPBN) dalam penerang media seharitu madahka kes tu dirikotka ba Pelilih Menua Kuching enggau dikategori nyadi kes import.\\nKenu ku JPBN, kes ke-679 tu siku lelaki menua tu empu ti belajar ba menua Dar Al-Mustafa, Yaman.\\nIya pulai ari Cairo, Mesir ngagai Kuala Lumpur kena 1 Ogos tu tadi.\\nKes bisi singgah ba KLIA sebedau pulai ke Sarawak kena 2 Ogos ngena bilun lalu terus dianjung ngaga palan kuarantin di hotel sepengelama 14 hari.\\nTaja pia, kes nadai bisi nunjukka sebarang tanda penyakit Covid-19\\nJPBN madah, kes udah diperesa ngena RTK Antigen kena 2 Ogos di Kuala Lumpur tang pemutus madahka iya negatif.\\nUdah nya, kes lalu diambi peresa Swab ungkup peresa rT-PCR kena 3 Ogos lalu nganti pemutus nya ari Makmal Kesihatan Awam Kebangsaan (MKAK) Sungai Buloh kena 6 Ogos ti madahka iya positif Covid-19.\\nTandu JPBN, kes udah dipasukka ba wad kena 6 Ogos lalu orang ti bekaul enggau iya mega agi dipansik.\\nKelimpah ari nya, JPBN madahka agi bisi sepuluh kluster positif Covid-19 benung chakah maya tu nyengkaum kluster Serikat Kejuruteraaan lapan kes, kluster Mambong (7), kluster Pusat Perubatan (3) kluster Jupiter (3), kluster Pasar Stutong (7), kluster Jeti Kuching (2), kluster Sentosa (31), kluster PUI Melbourne (3), kluster Serikat Pembinaan Kuching (2) enggau kluster Pasar Satok (4).\\nSemua program dan aktiviti kerajaan ditangguhkan\\nBy suaraswk \/ April 18, 2021\\nKekuatan mental penting hadapi jangkitan Covid-19\\nOperasi Pasar malam Metrocity di tangguh sementara\\nFuad idam pingat emas di Para Sukma Johor\\nRebut tawaran hebat\\nCadang mansuh hukuman cubaan bunuh diri\\nJemputan ke Rumah Terbuka Tahun Baharu Cina PDP Sabtu ini\\nKerjasama, disiplin sosial kawal penularan COVID-19 - KP Kesihatan\\nPerayaan disambut secara kecil-kecilan\\nBantuan makanan selesai sepenuhnya\\nKejayaan terindah Surau Darul Ihsan Kampung Badong\\nTanjung Datu bersedia hadapi PRU, PRN\\nHuang calon pilihan hati rakyat Repok\\nServis Opis Perintah dikerembai ke Sri Aman, Serian tengan taun 2021\\nPeruntukan RM80 juta Baitulmal Sarawak bantu asnaf, fakir","num_words":317,"character_repetition_ratio":0.047,"word_repetition_ratio":0.0,"special_characters_ratio":0.206,"stopwords_ratio":0.132,"flagged_words_ratio":0.0,"lang_id_score":0.704,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Jalai-jalai ngiga pemakai...\\nJalai-jalai ngiga pemakai...\\nPagi tu tumu BA dani...udah tembu besiap, kami duai Rin breakfast makai asi guring dipandok mamy...eeemmm best. Tembu nya BA terus ke Batu 10 laban ka ngambi cigu bio enggau Ms Rachel Baba @ Tcil...ka bejegau bala kami.\\nDatai di umah uncle Unong...saduai udah siap, misi kami tiga breakfast di Batu 10...puas ka bepusin-pusin ngiga alai parking..kami tiga mutus ka parking ba tisi jalai ..line kuning...anang nyaman auk tuan JPJ...hee...hee\\nMs Rachel ngodar kueh chap...emmm nampak best ja PLUS mee kolo....larat ke??? Cigu bio biasalah..ngodar mee kolo. BA pan ngodar mee kolo manok...enda tauk makai dagin babe....hee..hee..\\nmee kolo manok lah..\\nUdah perut kenyang kami tiga lalu ngambi Rin di rumah ba Jalan Ong Tiang Swee...ia bedau ga ready...nganti sekejap. Kami dahnya terus ke Wisma Saberkas laban cigu bio ka ngambi gambar ka dituchi ia dia minggu nyin kemari. Kami enda lama dia laban kami plan ke bejegau ke Boulevard.\\nLaban ti udah tengahari maia kami di Boulevard..perut pan udah belagu kelaparan...kami nganjong diri makai ba Pizza Hut...lama udah enda makai dia...memang best...cigu bio enggau Ms Rachel udah kenyang endar...enda ga entu maioh diempa kami...sekeda pizza terpaksa ditapau...ongkos ia murah RM69.70 aja... enti dibanding maia kami makai di Pizza Hut Sibu suba RM99.00 ....\\nMs Rachel model part time ba Pizza Hut\\ncigu bio benong bingung...hee..he\\nBA alit ga ati meda menssia maioh amat ba Boulevard ditu...maioh ga duit bala mensia maia tasah kemelesetan ekonomi tu...BA enda kisah...maia tu meh kitai begasak spend duit...awak bisi pusingan tauka aliran tunai nyadi...baru ekonomi kitai bisi engkebut...\\nTembu bejegau ba Boulevard dia...jam udah pukul 4.00 lemai. BA udah bejanji enggau Mahathir kaban BA deka betemu di Rasa-Rasa enda jauh ari KWSP...bala kami ngirup baru...cigu bio siap ngodar canai susu...agi muat ga perut ia neh...kami empat Mahathir ngirup aja...hee...hee\\nEnda berasai puas ka berandau-randau jam udah pukul 6.00 lemai. Cigu bio bisi janji betemu enggau siko agi kaban kami duai...Fab. Kami bejanji deka betemu di kedai makai ba Jalai Song. Maia kami empat datai dia urang bedau maioh.\\nkami duai Rin ba Jalai Song\\nBisi setengah jam nganti Fab..ia pan datai ga..lama nadai betemu enggau Fab...nyau majak hensem ia diatu..berisi mimit...hee..hee...laban ti lama udah enda betemu maioh ga cherita bala kami. Rindu ningga cherita Fab bejalai ke manoa urang di Vietnam, Cambodia, Thailand, Bali, Jakarta, Bandong, Clark, Manila enggau diatu tadi ia baru pulai ari Singapore...apuuu...amat pama Fab...nya meh nikmat now everyone can fly...\\nBala kami makai baru dia...BA ngodar ikan pari bakar..disponsor cigu bio, Ms Rachel ngodar sutun bakar...eee sontong lah.. BA makai mee kuey tiaw, Rin makai fish ball soup, BA enda ingat nama utai diodar saduai cigu bio enggau Fab...tang sama. Ms Rachel enda makai...diet lah tu...\\nPerut BA nyau berangat....nya alai mai bala sida pulai...kami pan pulai. Kami duai Rin nganjong cigu bio enggau Ms Rachel ke Taman Cinmuk di Batu 10...semak jam 9.30pm kami duai Rin datai di rumah....heeee...kami duai makai baru...makai asi enggau lauk kari manok...mamy masak sedap...\\nOverall...sari tu...bala kami makai\/ngirup 6 kali...apppoooo...telebih sudah....mata pan dah ngantok..pagila BA dani jam 5.00am laban flight ke Miri jam 7.00am....ngantokkkk...\\nDikarang olih NyuWynn Glen Fordza @ Bujang Astana maia jam 11:07 PM","num_words":508,"character_repetition_ratio":0.048,"word_repetition_ratio":0.0,"special_characters_ratio":0.243,"stopwords_ratio":0.128,"flagged_words_ratio":0.0,"lang_id_score":0.894,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"PressReader - Utusan Borneo (Sarawak): 2019-10-10 - Ketua raban bansa di Limbang mantah MPKK ditumbuhka\\nKetua raban bansa di Limbang mantah MPKK ditumbuhka\\nMPKK bisi kaul politik lalu tau ngeruga pengelikun, pengelanta­ng enggau penegap adat nyiri ke sebedau tu\\nUtusan Borneo (Sarawak) - 2019-10-10 - Berita Iban -\\nLIMBANG: Kaul Ngatur Komuniti Genturung Pendiau (MPKK) ti dibantaika perintah Pakatan Harapan (PH) ngambika ditumbuh di Sarawak bisi kaul politik lalu tau ngeruga pengelikun, pengelanta­ng enggau penegap adat nyiri ke sebedau tu.\\nTemenggung Nicholas Buyok Pura madahka bala ketuai raban bansa di pelilih Limbang sepenemu mantah pengawa numbuhka MPKK di Limbang laban nya deka mayuh agi mai penyai ari pemaik.\\n“Nya kebuah kami semua ketuai raban bansa di Limbang bebendar mantah pengawa numbuhka MPKK di pelilih ini,”ku iya ba aum media kemari.\\nNyempulang iya Jun Silah, Pemancha Abu Tinggal, Pemancha Leong Boon Ming, Penghulu Ekit Awang enggau ketuai raban bansa ke bukai.\\nKu iya, Komiti Pemansang\\nNya kebuah kami semua ketuai raban bansa di Limbang bebendar mantah pengawa numbuhka MPKK di pelilih ini.\\nNicholas Buyok Pura\\nenggau Pengelikun Genturung Pendiau (JKKK) ke dichiri perintah nengeri ari baruh Ordinan Ketuai Raban Bansa enggau Ketuai Bansa 2004 ungkup tetiap genturung pendiau di pelilih Limbang sendangn ngembuan tanggungpe­ngawa kediri empu.\\n“JKKK seke diatu nyata chukup manah, agi relevan sereta ngasi amat ngenataika pemadah enggau matau projek genturung pendiau, bejalaika aktiviti sereta mutarka penanggul lalu ngintu pengelanta­ng pendiau peranak menua ngambika seruran gerai, selamat lalu ngiga penatai pemisi enggau likun,”ku iya.\\nTaja pia ku iya, bala ketuai raban bansa di Limbang nadai ngenggaika pemansang ti deka digaga perintah besai ba renggat nembiak redak. “Adih belanja nya tau diberi ngagai ejensi perintah besai ke bisi di Limbang tauka tau di b eri nen gah Opis Pelilih Menua enggau JKKK ke bisi diatu,” ku iya.\\nNgenang nya silik ku iya, pengawa numbuhka MPKK di Sarawak enda relevan laban besibil enggau tanggungpe­ngawa JKKK di genturung pendiau enggau rumah panjai.\\n“Nya bebida enggau pengawa numbuhka nya di Semenanjun­g, JKKK udah direrak perintah besai tang di Sarawak kitai agi bisi JKKK ti bejalaika epngawa nyadi jematan entara perintah nengri enggau perintah besai nyengkaum rayat ba enggat ke baruh,” ku iya.\\nLimbang bisi 163 ketuai raban bansa enggau tuai rumah lalu penyampau nya nyengkaum 72 ketuai raban bansa enggau tuai rumah di DUN Bukit Kota enggau 91 ketuai raban bansa enggau tuai rumah di DUN Batu Danau.\\nMANTAH MPKK: Nicholas (duduk, tujuh kiba) enggau Leong (duduk lima kiba), Jun, Willie, Abu sereta ketuai raban bansa enggau tuai rumah ke bukai ba aum nya kemari.","num_words":395,"character_repetition_ratio":0.103,"word_repetition_ratio":0.057,"special_characters_ratio":0.189,"stopwords_ratio":0.142,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penyampau 4 BK - Ku TUHAN bejaku ngagai Moses seduai - Bible Search\\nPenyampau 3 Penyampau 5\\nPengawa Orang Lewi Ke Ari Raban Peturun Kohat\\n1Ku TUHAN bejaku ngagai Moses seduai Aron, 2“Itung semua orang Lewi ti lelaki ari raban peturun Kohat, nitihka nama ruang bilik sida, 3ari umur tiga puluh ngagai umur lima puluh taun, ti tau bekereja dalam Langkau Kain TUHAN, ngambika sida gawa dalam Langkau Kain TUHAN. 4Nya meh pengawa ke bala peturun Kohat dalam Langkau Kain TUHAN: ngemataka utai ti pemadu kudus. 5Lebuh kita deka mindahka kem kita, Aron enggau bala anak lelaki iya deka tama ngagai Langkau Kain TUHAN, nurunka kain tirai ti di mua Peti Lampang Batu Adat, lalu mungkur Peti nya ngena kain tirai nya. 6Sida enda tau enda map utai nya ngena kulit jelu ti alus, ngerembaika kain ti bechura biru ba atas nya, lalu udah nya, ngerasukka kayu pengaling. 7Sida deka ngerembaika kain ti biru ba atas mija ti alai meri roti ngagai TUHAN, lalu ngengkahka ba atas mija nya semua pinggai, mangkuk alai engkah menyan, mangkuk alai engkah piring, enggau tepayan alai nyimpan piring wain. Roti enda tau enda seruran bisi ba mija nya. 8Sida deka mungkur semua utai nya ngena kain ti mirah, ngengkahka kulit jelu ti alus ba atas utai nya, lalu udah nya ngerasukka kayu pengaling. 9Sida deka ngambi kain ti biru, lalu mungkur penuduk lampu sama enggau lampu, sepit, talam, enggau semua utai ti alai nyimpan minyak kana. 10Sida deka mungkus utai nya, enggau semua pekekas iya, ngena kulit ti alus, lalu ngengkahka utai nya ba langkar ti dikena ngesan iya. 11Udah nya, sida deka mungkur alta emas ngena kain ti biru, ngengkahka kulit jelu ti alus ba atas alta nya, lalu udah nya, ngerasukka kayu pengaling. 12Sida deka ngambi semua perengka ti dikena dalam Langkau Kain TUHAN, malut utai nya ngena kain ti biru, ngengkahka kulit jelu ti alus ba atas sida, lalu ngengkahka utai nya ba kayu pengaling. 13Sida deka ngambi amau ti belemak ari alta nya, lalu mungkur utai nya ngena kain ungu. 14Sida deka ngengkahka ba atas utai nya semua pekekas ti dikena ngereja pengawa ba alta: talam bara api, pengait, sandak mit, enggau bisin. Udah nya sida deka map utai nya ngena kulit jelu ti alus, lalu ngerasukka kayu pengaling.\\n15Lebuh sida ngererak kem sida, bala raban peturun Kohat deka datai lalu ngesan utai ti kudus, lebuh Aron enggau bala anak lelaki iya udah tembu map semua utai nya sereta enggau pekekas sida. Bala raban peturun Kohat enda tau negu utai ti kudus nya, enggai ke sida mati. Nya meh tanggungjawap bala raban peturun Kohat lebuh Langkau Kain TUHAN dipindahka.\\n16“Lalu anak lelaki Imam Aron ke benama Eleasar deka betanggungjawapka semua langkau sembiang nya, minyak lampu, menyan, piring gandum, minyak tata, enggau semua utai bukai dalam Langkau Kain nya ti udah diseraraka ngagai TUHAN.”\\n17Ku TUHAN bejaku ngagai Moses seduai Aron, 18“Anang nejuka suku raban bansa Kohat 19datai semak ngagai utai ti pemadu kudus nya, enggai ke sida mati. Kena nagang sida mati, Aron enggau bala anak lelaki iya deka tama lalu ngagihka pengawa ngagai siku-siku sida, lalu madahka utai ti deka dibai sida. 20Tang enti orang ari raban peturun Kohat tama ngagai Langkau Kain TUHAN, lalu tepedaka bala imam nyendiaka utai ti kudus ti deka dibai, sida deka mati.”\\nPengawa Ke Orang Lewi Ke Ari Raban Peturun Gerson\\n21Ku TUHAN bejaku ngagai Moses, 22“Itung pemayuh tubuh semua orang Lewi ti lelaki ari suku raban bansa Gerson, nitihka ruang bilik sida, 23lalu tuliska nama sida ke umur entara tiga puluh ngagai lima puluh taun, ke nemu ngereja pengawa dalam Langkau Kain TUHAN. 24Sida deka betanggungjawap mai utai tu: 25Sida deka mai langkau sembiang, Langkau Kain TUHAN, tudung iya ti ari dalam, tudung iya ti ari luar, tudung iya ti digaga ari kulit jelu ti alus, tirai ke penama ngagai Langkau Kain TUHAN, 26tirai enggau tali ti dikena ba tengah laman ti ngelingi langkau sembiang enggau alta, kain tirai ke pintu penama ngagai tengah laman nya, enggau semua perengka ti dikena nirika semua utai nya. Sida deka ngereja semua pengawa ti diguna ke semua utai nya. 27Moses seduai Aron deka nentuka orang ari peturun Gerson ngereja semua pengawa nya, lalu mai semua utai ti diletak Aron enggau bala anak lelaki iya. 28Nya meh tanggungjawap bala suku raban bansa Gerson dalam Langkau Kain TUHAN. Sida deka ngereja tanggungjawap nya dikemataka Itamar anak Imam Aron.\\nPengawa Ke Orang Lewi Ke Ari Raban Peturun Merari\\n29“Nyadi pasal peturun Merari, nuan enda tau enda ngitung tubuh sida, nitihka suku raban bansa enggau ruang bilik sida, 30lalu tuliska nama semua lelaki ke umur entara tiga puluh ngagai lima puluh taun, ke nemu ngereja pengawa dalam Langkau Kain TUHAN. 31Sida deka betanggungjawap mai langkar, alang dinding, tiang, enggau pelasar ke langkau sembiang, 32sereta enggau tiang, pelasar, tiang bantil, enggau tali ti dikena ba tengah laman ti ngelingi Langkau Kain nya, sereta enggau semua utai ti dikena nirika utai nya. Genap iku sida deka betanggungjawap mai utai ti diletak ke sida siku-siku. 33Tu meh tanggungjawap bala suku raban bansa ari peturun Merari ti ngereja pengawa dalam Langkau Kain TUHAN. Sida deka bejalaika tanggungjawap nya dikemataka Itamar anak Imam Aron.”\\nNgitung Tubuh Orang Lewi\\n34-48Nitihka pesan TUHAN, Moses, Aron, enggau bala tuai orang mayuh lalu ngitung tubuh suku raban bansa Kohat, Gerson enggau Merari. Sida ngitung tubuh nitihka suku raban bansa enggau ruang bilik, lalu nuliska nama semua lelaki ke umur tiga puluh ngagai lima puluh taun, ke nemu ngereja pengawa dalam Langkau Kain TUHAN. Baka tu ku pemayuh tubuh sida:\\nRaban Peturun Pemayuh tubuh\\nSemua sida dipegulaika: 8,580\\n49Genap iku sida nya dituliska nama magang nitihka pesan TUHAN ngagai Moses. Lalu nitihka pesan TUHAN ngagai Moses, genap iku sida nya diberi tanggungjawap bekereja, tauka mai utai.","num_words":938,"character_repetition_ratio":0.092,"word_repetition_ratio":0.04,"special_characters_ratio":0.201,"stopwords_ratio":0.337,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Anak Simanggang berasai temegah - Suara Sarawak\\n“Semua peranak Simanggang tentu berasai temegah sereta meri ‘terima kasih’ besai ngagai Perintah Kerajaan Sarawak ke udah setuju ngemendarka ngena nama nya.”\\nSIMANGGANG: Pengawa nukar baru nama mengeri Sri Aman ngagai Simanggang nitihka udah digerah Kepala Menteri Datuk Patinggi Abang Johari Tun Openg kebendar ngembuan reti ke chukup besai.\\nKaban Parlimen Batang Lupar Dato Sri Rohani Abdul Karim madah, semua peranak Simanggang tentu berasai temegah sereta meri ‘terima kasih’ besai ngagai Perintah Kerajaan Sarawak ke udah setuju ngemendarka ngena nama nya.\\nKu iya, nama Simanggang endang nama asal enggau ngena baru nama nya meri siti kelai baru ngagai peranak mengeri Benak Malaysia tu.\\n“Aku ngarika semua peranak Mengeri Simanggang meri terima kasih ngagai Abang Johari.\\n“Aku empu ke nyadi siku ari orang ke ada ba Simanggang tentu nyukung pekara tu,” ku iya madah ngagai Suara Sarawak ditu kemari.\\nKu iya, pengudah merdeka Sarawak bisi penyarut enggau Indonesia lalu Simanggang napi laya ke chukup besai dibanding enggau sitak bukai.\\n“Nya alai, kena 13 Oktober 1973 Kepala Menteri Datuk Abdul Rahman Yaakub (maya nya) nerima surat ari Direktor Parti Komunis Kalimantan Utara (Paraku) minta ngetuka penyarut nya.”\\n“Surat Deklarasi Sri Aman udah disain kena 21 Oktober 1973 bepalan ba Rumah Segi Lapan (diatu dikumbai Rumah Sri Aman) lalu nama Simanggang ditukar ngagai Sri Aman dikena ngelai Sempekat Likun nya,” ku iya.\\nDulu ari nya, Rohani bekunsika tusun perintah Sri Aman lalu ku iya Perintah Brooke merintah Sarawak pengelama 100 tahun kenyau ari taun 1841 nyentuk 1941.\\nKenu ku iya, Rajah Charles Brooke nempa tiga sitak dikena neduhka penyarut lalu genap sitak betuaika siku Residen (pengari Rajah) seraya dibantai Pemesai Pelilih Menua.\\nDikena negapka kuasa, dia Perintah Brooke ngaga kuta ba tebing sungai ke engkeman lalu kena 1849, Kubu James didiri ba Nanga Skrang. Tang tumpur urung taun 1864 labu kereban iya dibai ngagai Simanggang.\\nBa taun ke sebaka, Kubu James digaga baru ba Simanggang, tang nadai ngembuan nama ungkup beberapa taun.\\nNyentuk taun 1870, kuta nya diberi nama Kubu Alice beserimbai enggau penatai Permaisuri Margaret Alice di Sarawak.\\nUdah nya, kena 1 Jun 1873, sistem merintah Residen ungkup sitak kedua ditumbuhka nengah Residen Keterubah James Brooke Cruickshank.\\nLepas serakup Malaysia ditumbuh, dia Perintah Sarawak ngetanka sistem merintah bagi menua.\\nNangkan nya, kena Mac 2002, perintah Sri Aman diatur baru lalu Pelilih Betong diangkat nyadi Bagi Menua ke-11 di Sarawak.","num_words":364,"character_repetition_ratio":0.062,"word_repetition_ratio":0.062,"special_characters_ratio":0.193,"stopwords_ratio":0.151,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama Reti Ngembuan Runding Petara? | Dikena Belajar\\nMenara Jaga—Edisyen Dikena Belajar | Februari 2018\\nBACHA DALAM JAKU Acholi Akha Aukan Baoule Batak (Karo) Batak (Simalungun) Batak (Toba) Biak Bislama Cambodian Chin (Hakha) Chokwe Chopi Chuabo Chuukese Dayak Ngaju English Greenlandic Hmong (Putih) Iban Ibinda Jawa Kachin Karen (S'gaw) Kazakh Kikongo Kimbundu Kisi Krio Laotian Lhukonzo Lifu Lomwe Macua Maltese Mapudungun Mauritian Creole Mizo Navajo Ndau Ngangela Nias Niuean Nyaneka Nyungwe Quechua (Ayacucho) Quechua (Cuzco) Quichua (Chimborazo) Quichua (Imbabura) Rarotongan Romany (Greece Selatan) Romany (Macedonia) Romany (Macedonia) Cyrillic Runyankore Rutoro Sangir Saramaccan Sena Seychelles Creole Sunda Tahitian Tshwa Uighur (Cyrillic) Umbundu Urdu Uruund Wallisian Wayuunaiki Welsh\\nNama Reti Ngembuan Runding Petara?\\n“Gaga runding kita sebaka enggau runding Jesus Kristus.”—PLP. 2:5.\\nLAGU: 17, 13\\nBaka ni kitai ulih ngelala orang ke ngembuan runding Petara?\\nNama ulih dipelajarka kitai ari teladan orang ke ngembuan runding Petara?\\nNama kebuah semua kitai patut ngembuan “runding Kristus”?\\n1, 2. (a) Nama asai ati bala menyadi Kristian pasal ngembuan runding Petara? (b) Nama sekeda tanya ti deka dikerandauka kitai dalam artikel tu?\\nSEIKU menyadi indu di Kanada madahka, ngembuan runding Petara ngasuh iya gaga ati sereta nulung iya mutarka penanggul ba pengidup. Seiku menyadi lelaki di Brazil madah, “Kami udah kawin sepengelama 23 taun. Kami bulih pengelantang laban bebendar nguji berunding baka Petara.” Seiku menyadi lelaki di Filipina madahka ngembuan runding Petara ngasuh iya berasai puas ati sereta nulung iya ulih begulai enggau bala menyadi ke datai ari gaya pengidup ti bebida.\\n2 Ari peneleba sida, kitai ulih meda mayuh penguntung enti berunding nitihka chara Petara. Baka ni kitai ulih nyadi orang ke ngembuan runding Petara lalu bulih penguntung baka sida? Keterubah, kitai patut meretika ajar Bup Kudus pasal orang ke berunding baka Jehovah sereta diiring roh kudus Iya. Dalam artikel tu, kitai deka nyaut tiga iti tanya. (1) Nama reti nyadi orang ke ngembuan runding Petara? (2) Nama teladan ke ulih negapka kaul kitai enggau Petara? (3) Baka ni ngembuan “runding Kristus” ulih nulung kitai ngembuan runding Petara?\\nNAMA RETI ORANG KE NGEMBUAN RUNDING PETARA?\\n3. Baka ni Bup Kudus nerangka bida entara orang ke ngembuan runding dunya enggau orang ke diiring roh kudus?\\n3 Rasul Paul nerangka bida entara “orang ke diiring roh kudus” enggau “orang ke ngembuan runding dunya.” (Bacha 1 Korint 2:14-16. *) Orang ke ngembuan runding dunya “enda ulih nerima pemeri ti diberi roh kudus Petara, laban utai nya baka ke beli ba iya, lalu iya enda ulih meretika utai nya.” Tang orang ke diiring roh kudus “meresa semua utai” sereta ngembuan “runding Kristus.” Reti nya, iya bebendar berunding baka Kristus. Paul meransang kitai ngambika diiring roh kudus. Nama bida bukai entara orang ke ngembuan runding dunya enggau orang ke diiring roh kudus?\\n4, 5. Baka ni kitai ulih ngelala orang ke ngembuan runding dunya?\\n4 Orang ke ngembuan runding dunya suah nitihka ulah dunya ti beberatka pengingin diri. Paul madahka ulah tu baka ‘roh ti benung bekereja ba orang ke enda ngasika Petara.’ (Eps. 2:2) Nya kebuah mayuh orang betundaka ulah pangan diri. Sida ngereja utai ti dikumbai sida betul, lalu enda ibuhka standard Petara. Kelebih agi sida ngenuluka utai ba dunya lalu ngasaika penuduk, duit, tauka hak sida berat agi ari utai bukai.\\n5 Runding dunya mega ngasuh orang ngereja pengingin ti bedosa. (Gal. 5:19-21) Dalam surat Paul ti keterubah ngagai orang Kristian ba Korint, iya nyebut pasal utai bukai ti dikereja orang ke ngembuan runding dunya. Sida nyukung orang belaya, nguji mechah-belahka orang, meransang orang ngelaban, mai pangan diri ngagai kot, enda bebasaka ketuai, sereta beberatka pemakai enggau ai irup ba pengidup. Sida enda ngelaban lebuh diuji ngereja utai ti salah. (J-lam. 7:21, 22) Jude madahka sida kelalu beberatka runding dunya nyentukka sida lenyau roh kudus Jehovah.—Jud. 18, 19.\\n6. Baka ni kitai ulih ngelala orang ke ngembuan runding Petara?\\n6 Orang ke ngembuan runding Petara bebida enggau orang ke ngembuan runding dunya. Iya beberatka kaul enggau Petara, nitihka iring roh kudus, lalu bebendar deka neladan Jehovah. (Eps. 5:1) Iya enggau naka ulih deka nemu chara Jehovah berunding sereta beratika siti-siti utai. Ba iya, Petara nya nyata. Enda baka orang ke ngembuan runding dunya, orang ke ngembuan runding Petara bebasaka standard Jehovah dalam pengidup. (Mas. 119:33; 143:10) Iya enda ngereja pengingin ti bedosa tang ngayanka ‘buah roh kudus.’ (Gal. 5:22, 23) Kena nerangka tu, uji perundingka: Orang ke landik ba dagang dikumbai pedagang, lalu orang ke amat ibuhka sembah iya ngagai Petara dikumbai orang ke ngembuan runding Petara.\\n7. Nama dipadah Bup Kudus pasal orang ke ngembuan runding Petara?\\n7 Jesus madahka, orang ke ngembuan runding Petara nya orang ke lantang ati. Ku Matthew 5:3, NW madahka: “Lantang meh orang ke nemu diri begunaka Petara.” Rome 8:6 nerangka kebuah kitai patut ngembuan runding Petara: ‘Runding ti ditumpuka ngagai peneka mensia, nuju ngagai pemati, tang runding ti ditumpuka ngagai peneka roh kudus, nuju ngagai pengidup enggau pemaik.’ Enti kitai beberatka utai ke bekaul enggau Petara, kitai deka rapat agi enggau Iya, berasai puas ati sereta bisi pengadang idup meruan belama iya.\\n8. Nama kebuah kitai tusah deka mengkang ngembuan runding Petara?\\n8 Taja pia, kitai benung idup ba dunya ti charut. Kitai dikelingi orang ke enda berunding baka Petara. Nya kebuah kitai patut bebendar nyaga runding diri. Enti kitai enda bebendar negapka diri ba pengarap, dunya deka ngelimpangka ulah enggau runding kitai. Baka ni kitai ulih nyeliahka nya? Baka ni kitai ulih negapka kaul enggau Petara?\\nBELAJAR ARI TELADAN TI MANAH\\n9. (a) Nama ulih nulung kitai ngembuan runding Petara? (b) Nama teladan manah ti deka dikerandauka kitai?\\n9 Anak mit suah belajar ari apai indai sereta nitihka teladan sida. Pia mega, kitai ulih belajar sereta neladan orang ke bisi kaul ti rapat enggau Jehovah. Tu ulih ngajar kitai ngambika berunding baka Petara. Tang lebuh beratika ulah orang ba dunya, kitai ulih nemu bagi utai ti enda patut digaga kitai. (1 Kor. 3:1-4) Dalam Bup Kudus bisi teladan ti manah enggau enda manah. Aram kitai meda sekeda teladan ti manah ari Jakop, Maria, enggau Jesus.\\nNama ulih dipelajarka kitai ari teladan Jakop? (Peda genteran 10)\\n10. Baka ni Jakop nunjukka diri ngembuan runding Petara?\\n10 Baka kitai, pengidup Jakop enda senang. Menyadi iya, Esau, deka munuh iya. Entua lelaki iya bebendar nguji deka ngakal sereta ngambi ulih ba iya. Tang pengarap Jakop ba semaya Jehovah ngagai Abraham semampai teguh. Jakop nemu ruang bilik iya bisi ungkup ba ngamatka semaya tu, nya alai iya ngintu sida enggau manah. (P-kal. 28:10-15) Jakop enda ngelakka ulah orang ngelimpangka runding iya ari semaya Jehovah. Ambika chunto, Jakop minta Jehovah nyelamatka iya lebuh iya ngasaika Esau deka ngemediska iya. Ku iya besampi: Nuan udah “besemaya deka ngasuh aku mujur dalam semua utai, lalu deka meri aku peturun ngemayuh igi pasir ti ba tebing tasik.” (P-kal. 32:6-12) Jakop amat arapka semaya Jehovah lalu idup sejalai enggau peneka sereta tuju Iya.\\nNama ulih dipelajarka kitai ari teladan Maria? (Peda genteran 11)\\n11. Baka ni kitai nemu Maria ngembuan runding Jehovah?\\n11 Diatu uji perundingka teladan Maria. Iya dipilih nyadi indai Jesus laban iya ngembuan runding Jehovah. Uji bacha utai ti dipadah Maria lebuh iya ngelawa kaban belayan iya, Sekariah enggau Elisabet. (Bacha Luke 1:46-55.) Jaku Maria ba ayat nya nunjukka iya rinduka Jaku Petara lalu iya nemu Bup Kudus jaku Hebrew enggau manah. (P-kal. 30:13; 1 Sam. 2:1-10; Mal. 3:12) Indah pengudah Maria jadi enggau Josep, iya enda beleman enggau Josep sebedau Jesus ada. Pengawa ke diberi Petara berat agi ari pengingin seduai iya empu. (Mat. 1:25) Maria mega beratika semua utai ke nyadi lebuh Jesus mansang besai lalu ningaka utai ke diajar Jesus. Maria “nyimpan semua utai nya dalam ati diri.” (Luk. 2:51) Tu nunjukka Maria rindu deka nemu semaya Petara pasal Messiah. Kati ulih kitai neladan Maria lalu bebendar deka ngereja peneka Petara?\\n12. (a) Baka ni Jesus neladan Apai iya? (b) Baka ni kitai ulih neladan Jesus? (Peda gambar ba pun artikel.)\\n12 Entara semua orang, Jesus nya teladan ti pemadu manah. Lebuh iya di bumi, iya ngayanka diri deka neladan Apai iya, Jehovah. Runding, asai ati, sereta ulah Jesus sebaka enggau enggi Jehovah. Iya mega ngereja peneka sereta nitihka standard Jehovah. (Jhn. 8:29; 14:9; 15:10) Ambika chunto, uji bandingka utai ti dipadah Isaiah pasal penyiru Jehovah enggau utai ti dipadah Mark pasal asai ati Jesus. (Bacha Isaiah 63:9; Mark 6:34.) Ulih kitai neladan Jesus lalu seruran ngayanka penyiru ngagai orang bukai? Baka Jesus, kati kitai ngenuluka pengawa nginjil sereta ngajar orang pasal berita manah? (Luk. 4:43) Orang ke ngembuan runding Jehovah bisi penyiru lalu deka nulung orang bukai.\\n13, 14. (a) Nama ulih dipelajarka kitai ari orang ke ngembuan runding Petara kemayaharitu? (b) Beri siti chunto.\\n13 Kelimpah ari teladan ba Bup Kudus, kemayaharitu kitai bisi mayuh bala menyadi Kristian ke bebendar deka neladan Jesus. Nuan engka beratika sida ransing nginjil, gerah jari, lalu siruka orang bukai. Taja pan sida enda sempurna, sida enggau naka ulih nguji ngemansangka kualiti ti manah sereta ngereja utai ti dikedekaka Jehovah. Rachel, seiku menyadi indu di Brazil madah: “Aku rindu nitihka pisin dunya. Tu ngasuh aku enda begari nitihka standard Jehovah. Tang pemendar meransang aku ngaga ubah ngambika ulih ngembuan runding Jehovah. Ngaga ubah tu enda senang, tang nya ngasuh aku gaga agi lalu bisi tuju ba pengidup.”\\n14 Reylene, seiku menyadi indu di Filipina, bisi penanggul bukai. Taja pan dalam pemendar, iya deka besekula tinggi lalu ngulihka kereja ti begaji besai. Nyau kelama, runding Reylene limpang ari juluk ati iya ba pengarap. Ku iya madah, “Aku ngasaika bisi utai kurang ba pengidup aku, iya nya utai ke beguna agi ari kereja aku.” Reylene ngubah runding diri lalu ngenuluka pengawa Jehovah ba pengidup. Diatu iya pechayaka semaya Jehovah ba Matthew 6:33, 34 lalu madah, “Aku nemu Jehovah tentu ngibun aku!” Nuan engka nemu bagi bala menyadi Kristian kitai ke ngaga ubah baka Reylene. Lebuh kitai meda sida neladan Kristus, enda ke kitai diperansang deka nitihka singkang sida?—1 Kor. 11:1; 2 Tes. 3:7.\\nNGEMBUAN “RUNDING KRISTUS”\\n15, 16. (a) Baka ni kitai ulih neladan Jesus? (b) Baka ni kitai ulih belajar berunding baka Jesus?\\n15 Baka ni kitai ulih neladan Jesus? Ayat Bup Kudus ba 1 Korint 2:16 madahka kitai patut ngembuan “runding Kristus.” Lalu ayat ba Pilipi 2:5 meransang kitai ‘ngaga runding kitai sebaka enggau runding Jesus Kristus.’ Nyadi enti deka neladan Jesus, kitai patut belajar pasal runding, asai ati, sereta ulah iya. Jesus ngemeratka kaul iya enggau Petara lebih agi ari utai bukai. Enti kitai neladan Jesus, reti nya kitai neladan Jehovah. Nya kebuah kitai patut belajar berunding baka Jesus.\\n16 Baka ni chara iya? Bala murid Jesus meda iya ngaga kereja ajih, mendingka iya ngajar orang mayuh, beratika chara iya begulai enggau orang, sereta beratika iya nitihka prinsip Jehovah. Sida madahka: ‘Kami udah meda semua utai ti udah dikereja iya.’ (SKR. 10:39) Seharitu, kitai enda ulih meda Jesus. Tang kitai bisi bup Injil ti nyebut pasal iya. Lebuh kitai macha sereta belematika utai ba bup Matthew, Mark, Luke, enggau John, kitai ulih belajarka chara Jesus berunding. Tu nulung kitai ‘nitihka singkang iya’ enggau semak agi ngambika ulih ngembuan runding ti “sebaka enggau runding Kristus.”—1 Pet. 2:21; 4:1.\\n17. Nama penguntung enti kitai berunding baka Jesus?\\n17 Nama penguntung enti kitai berunding baka Jesus? Pemakai ti manah ke pengerai ngeringka tubuh kitai. Pia mega, runding Jesus ulih nulung kitai rapat enggau Jehovah. Seraya kitai belematika teladan Jesus, kitai ulih nemu utai ti digaga iya lebuh napi siti-siti pekara. Nya ulih nulung kitai ngaga pemutus manah ti ngelantangka ati Petara sereta meri kitai ati ti beresi. Tu kebuah ti manah kitai patut neladan Tuan kitai Jesus Kristus. Kati nuan setuju?—Rom. 13:14.\\n18. Nama udah dipelajarka nuan pasal ngembuan runding Petara?\\n18 Artikel tu udah nerangka reti ngembuan runding Petara. Kitai mega udah berandauka teladan manah orang ke diiring roh kudus Petara. Kelimpah ari nya, kitai bisi belajar pasal “runding Kristus” ti ngajar kitai berunding baka Jehovah lalu ngerapatka kaul enggau Iya. Tang agi bisi mayuh utai ke ulih dipelajarka kitai. Ambika chunto: Baka ni kitai nemu sekalika kaul kitai enggau Jehovah tegap tauka enda? Nama ulih digaga kitai ngambika tegap ba pengarap? Lalu nama penguntung enti kitai bisi kaul ti rapat enggau Jehovah? Aram meh kitai meda saut iya ba artikel pengudah tu.\\n^ per. 3 1 Korint 2:14-16, NW: “Orang ke ngembuan runding dunya enda ulih nerima pemeri ti diberi roh kudus Petara, laban utai nya baka ke beli ba iya, lalu iya enda ulih meretika utai nya, laban utai nya semina ulih ditemu ari tulung roh kudus. Orang ke diiring roh kudus meresa semua utai, tang iya empu enda ulih diperagam orang ke ngembuan runding dunya. ‘Laban sapa nemu runding Jehovah, datai ke orang nya ulih ngajar Iya?’ Tang kitai bisi runding Kristus.”\\nMENARA JAGA—EDISYEN DIKENA BELAJAR\\nArap sereta Ngasi Baka Noah, Daniel, enggau Jop\\nKati Nuan Ngelala Jehovah Baka Noah, Daniel, enggau Jop?\\nMajak Ngembuan Runding Petara!\\nPengaga—Kualiti ti Diulih Kitai Ari Petara\\nText Chara download litaricha elektronik MENARA JAGA—EDISYEN DIKENA BELAJAR Februari 2018\\nMENARA JAGA—EDISYEN DIKENA BELAJAR Februari 2018","num_words":2048,"character_repetition_ratio":0.101,"word_repetition_ratio":0.023,"special_characters_ratio":0.213,"stopwords_ratio":0.298,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Merujizone4u: SASTERA IBAN...Ensera\\n\"Orang Iban sememangnya master of language kerana mereka pandai menggunakan bahasa di setiap baris ayat, mencipta dan membina puisi dengan cantik, bijak dalam memilih dan menyusun ayat serta mempunyai banyak jenis puisi yang menggunakan penyusunan ayat yang sesuai dengan bunyi seperti yang digunakan dalam poem dan prose Bahasa Inggeris\" Prof Derek Freeman, pengkaji bahasa Iban.\\n1. APAI SALI NURUN NYUMPIT\\n2. APAI SALI NAMPAL TANAH MEREKAH\\nLaban menua rambau kelia menya enda baka kitai kemaia hari tu, lalu nadai maioh kedai alai bejual bebeli ke semua rengka ti di kena kitai ngidup kediri besari sari. Tang bala sida ke indu endang udah nemu chara kena ngintu pengerai diri empu baik ba rengka bilik, pemakai enggau pemeresi tubuh diri empu.\\nNyadi enda mukai mukai hari siti dia tudah Enchelegit bini Apai Sali lalu nemu diri datai kain tang malu madah kediri datai kain ngagai Apai Sali lalu iya pan nemu diri nadai agi gari kain kena iya nampal pukak. Iya pan lalu berunding kati ko chara iya ngasoh Apai Sali nurun ngagai menua orang Panggau Libau ambi ke minta gari kain kena iya nyaga pemeresi diri nya tadi.\\n“Alai Apai Duat nuan mupok ngagai menua sida Keling di Panggau Libau, minta gari kain ngagai sida serumah. Padah ke gari kain nya ka di kena nampal tanah merekah.” Pia ko Enchelegit. “Au meh. Nganti aku tu udah badu makai lagi. Perut tu tak agi berasai lapar bender bekau ti turun ngabas taut tadi.” Pia ko saut Apai Sali.\\nUdah meh iya tembu makai dia iya lalu bekemas mai selabit siti laban ti ka nurun ngagai menua sida Keling di Panggau Libau, ari asoh bini iya Enchelegit ka minta gari kain di kena nampal tanah merekah. Bejalai keno ko iya berengkah ari pagi nyentok ke tengah hari nya baru iya datai ba pendai menua orang Panggau Libau Lendat Di Biau Takang Isang. Datai iya ba pendai sida Keling, dia iya meda indu dara siko ti naka iya pemajik ke benong mandi ba pendai nya. Ukai mudah ga pemanjai rumah sida Keling, ni enda maioh ga indu ke bajik dia.\\nNyau leboh Apai Sali semak indu ke baru ka pulai mandi nya tadi dia Apai Sali lalu nyapa. “Oh wai. Pama ga enti nuan ngasoh aku nulong nuan mai genok nya pulai ke rumah kita kin.” ko iya. Nama agi deh tak naka iya tekenyit indu dara nya ninga iya nyapa leboh ti baru ayan ba pendai sida. Indu dara tu tadi naka iya penakut laban ti nyangka Apai Sali tu penyamun laban ti enda kala meda serta ngelala iya. Indu tu pan lalu rari enda beapai, enda beindai ka iya.\\nTang sebedau iya ngelari kediri sempat ga indu dara nya nyaut iya enggau ati ti ringat. “Eh ! Gamal ke baka engkeratong nya nemu ka nundi kitai. Moa nyau pera pera baka moa kera.” ko indu dara nya nganu iya. Apai Sali pan lalu beguai ga nyaut, “Esss! Begah begah bender ga indu dara tu, iya bedau nemu sapa aku. Sebeginda Bujang tu enti nuan lalu bedau nemu.” pia ko iya.\\nNaka ka pemalu tudah Apai Sali di tempia ke indu dara orang Panggau Libau nya munyi nya tadi. Apai Sali lalu ngeludah ari belakang, “Poi !” ko iya. “Gamal bangkai utai baroh hari tu nemu ka ngaga aku munyi nya nganu kitai,” Indu dara nya pan lalu nyau ga pulai munyi ko ensera tadi. Udah nya baru Apai Sali ga mandi kediri ba pendai sida Keling. Udah tembu mandi dia Apai Sali lalu niki ngagai rumah sida Keling.\\nSekumbang iya ti bejalai niti tempuan rumah orang Panggau Libau dia bala orang ke bisi meda iya niki lalu berebut ngelalu ke iya lalu ngasoh iya duduk. Tang iya enggai nudok kediri ngapa enti iya bedau datai ba ruai sida Keling, laban iya ti endang udah teleba enggau sida Keling serumah. Leboh iya nyau datai ba ruai sida Keling, dia Keling lalu meda iya serta ngelalu ke iya.\\n“Dudok Aya,” pia ko Keling. “Enda iboh di asoh pan endang ka dudok ba ruai nuan meh aku Igat,” ko Apai Sali. Nama agi deh bala orang Panggau Libau lalu beguai nungga Apai Sali laban iya ti lama udah enda nemuai ngabas menua sida nya lalu ka nemu berita sida iya menyanak. Nyau kepuas udah berandau dia baru Keling nanya ka pejalai iya meda iya jarang nemuai.\\n“Nama pejalai nuan deh Aya meda nuan tak jarang bendar ngundang kami kitu ?” ko Keling. “Eh tak malu bendar ga aku madah ke pejalai diri tu Igat tang ga laban ke enda tau enda ari asoh Indai Sali pagi tadi. Asoh iya nemuai ngagai kita kitu minta gari kain ka kena nampal tanah merekah.” pia ko saut Apai Sali. Orang ke nungga iya dia lalu nanya iya baru, “Kati ko nya Aya , amat beguna ka gari kain ke dipinta nuan tu,” pia ko sida dia nentu ka ngagai Apai Sali. “Amat nya deh , amat gari kain ka kena nampal tanah merekah ko Enchelegit enti kita bisi tau meri aku.” pia ko iya ga nyaut baru.\\nNama agi deh Apai Sali, lalu berebut orang Panggau Libau meri iya gari kain. Ka diberi orang kain ke manah , enggai ga iya laban ukai nya ke di asoh Enchelegit laban iya nemu sayau ke kain orang nya. Nyau udah penuh selabit Apai Sali laban pemaioh gari kain ke di beri orang Panggau Libau sekayu kayu rumah, iya pan lalu madah kediri ka mupok ga mulai kediri enggai ke hari nyau majak jauh lemai.\\nIya meh bedau jauh udah ngejang ke rumah sida Keling, dia Apai Sali pan lalu belaboh ga betampal ke tanah merekah ke bisi di peda iya sepemanjai jalai nya ngena gari kain. Iya meh nyau kepuas serta sepenyauh iya ke udah Apai Sali betampal ke tanah merekah nya ngena gari kain sepanjai jalai, iya pan nyau datai ga ba pala tangga rumah sida empu. Datai iya ba pala tangga, tanah merekah pan tembu ga di tampal iya tang semua gari kain ke di bai iya ngena selabit nya pan abis maggang.\\nSereta Apai Sali nya tadi niki pala tangga, dia bini iya Enchelegit lalu beguai nanya meda selabit ke di bai iya nurun nya tak puang di bai iya pulai. “Ni gari kain ke asoh aku pinta nuan deh Apai Duat?” ko iya. “Esss ! Dini nya ka bisi agi, ga udah abis di kena aku nampal tanah merekah sepemanjai jalai aku pulai kitu tadi. Ninga nuan ke ngasoh aku nampal tanah merekah nya ngena gari kain ke di beri sida Keling serumah.” ko saut Apai Sali.\\n“Keba nuan tu tambap,” ko Enchelegit nganu iya. Apai Sali lalu ringat laban iya ke naka iya pengelelak kin kitu di asoh Enchelegit lalu beguai iya nyaut, “Nuan ke tambap. Aku nama penambap. Minta gari kain ka kena nampal tanah merekah ko nuan. Nya alai tanah merekah ga di tampal aku ngena gari kain nya.”\\nEnchelegit seduai Apai Sali pan lalu belaya ketegal gari kain ke udah di beri orang Panggau Libau nya udah abis kena iya nampal tanak merekah. Enchelegit pan lalu bejako, “Ukai utai enggau begulai orang baka nuan tu ! Sarak tua !” pia ko iya. “Enti sarak ko nuan Indai Duat, nya sarak meh tua. Aku nadai maioh jako, enda aku tu tak ngenyadi ke nuan ke bini,” ko Apai Sali nimbal. “Sarak meh tua,” pia ko Enchelegit ga majak mai sarak laban ringat ke semua gari kain nadai di kena iya maia ti datai kain nya.\\n“Au, sarak meh. Nuan di bilik. Aku di ruai. Semua keresa di bilik di empu nuan tang semua keresa ke di ruai di empu kami duai Sali maggang,” pia ko atur Apai Sali magi reta seduai iya Enchelegit. Enchelegit seduai Apai Sali pan lalu besemaia sarak melaki bini. Siko tindok di ruai lalu siko tindok di bilik. Iya meh hari nyau udah jauh malam, kejang orang maioh nyau ka tindok maggang dia Apai Sali lalu bejara di ruai merindang diri laban mata ti bedau ka tindok laban ti bedau nyamai ati.\\nNyadi baka tu ko munyi jara Apai Sali ke di dinga orang malam nya :\\n“Sembang ke enda jayong,\\nSembang ke enda jayong,\\nLapa partong Jawai tak nyerungkong,\\nKena rundung singgai pulai,\\nAih lah Jawai, Wai,”\\nLeboh Apai Sali ke bejara di ruai dia Enchelegit pan baka iya ga sama lalu bedau ka tindok. Indai Sali pan lalu bejako ninga bejara Apai Sali nya tak lain munyi. “Eh, bisi bendar utai di temu Apai Duat sehari tu tadi,” pia ko iya.\\nApai Sali lalu nyaut, “Nama enda utai ke di temu kami, kami ga mindah tadi. Kami ga bujang baru,” pia ko iya nimbal bini iya ba petang. Apai Sali pan lalu nampong leka bejara iya nya tadi munyi tu nganti mata iya ti ka tindok :\\n“Sium lah tachak,\\nUpa kimbit pakau kara,\\nPerasa aya pungga meda,\\nKa nyium lah enggai ga nuan wai,”\\nNyau kepuas Enchelegit ninga Apai Sali bejara di ruai ba petang, dia Enchelegit lalu mai Apai Sali jadi baru. Nyah ! Lapa deh ! Kumbai iya mudah anak lelaki siko tu. Apin nya ! Baru ninga aku bejara iya lalu udah ka mai aku jadi baru,” ko iya. Enchelegit seduai Apai Sali pan lalu jadi baru ga malam nya lalu semina sarak selemai aja ketegal ti belaya ke gari kain kena nampal tanah merekah.\\n3. APAI SALI MANDOK PAKU LAWANG\\nKira ke setahun nampun di bukit, lalu sebulan nandan di langit, udah bekau Apai Sali ke bam tauka rangka ka makai lelabi nengali kediri, dia iya lalu nemuai ngagai pangan tauka akan iya ti benama Apai Seumang Umang. Datai iya ba rumah Apai Seumang Umang, Apai Sali lalu nganggau nanya ke penyadi rumah Apai Seumang Umang tau enda kini di tiki enggai ke bisi penti pemali taja pan pelepa nadai di engkah ke Apai Seumang Umang ba pala tangga.\\nApai Seumang Umang pan lalu nyaut, “Niki unggal, Niki akan Apai Sali,” pia ko Apai Seumang Umang ngelalu ke iya enggau ati ti gaga laban seduai ti lama bendar udah nadai ngagai pangan diri. Nyadi ninga munyi nya dia Apai Sali pan nadai kakang ati lalu niki rumah Apai Seumang Umang laban seduai iya sigi teleba enggau pangan diri.\\nDatai ba rumah Apai Seumang Umang dia deh lalu pansut indu siko, nyadi indu nya nadai utai ngemajik majik nya leboh rambau nya kelia lalu mai tikai selambar serta lalu nganchau ke tikai bebuah ke naka iya pemanah ambi ke bisi alai Apai Sali duduk. Nyadi tudah Apai Sali leboh ke meda indu nya pansut nganchau tikai ba ruai endang tak tebelenga temati kutu pa pengerindu iya meda pemajik gamal indu nya tadi. Apai Sali pan lalu enda berasai sambil ti tebelenga nya sempat ga iya ngijap ke mata ngagai indu nya tadi.\\nMeda iya baka nya dia Apai Seumang Umang lalu nundi Apai Sali, “Tau nya digayap nuan deh akan,” ko iya bungah meda akan iya Apai Sali ti endang pama bungah enggau semua orang. Apai Sali pan lalu nyaut, “Anang ke semina deka ngayap ngagai iya aku akan, tak lalu nindok kediri enggau iya ka meh aku,” pia ko Apai Sali sambil tak malik ke tisi. Indu nya tadi pan lalu tuchum serta malik ke bukai laban malu malik ngagai Apai Sali ninga jako iya ti munyi nya tadi lalu sekumbang ti ka tama ke bilik ke baru sempat ga indu nya tadi nyeling belalai ngagai tudah Apai Sali ti benong duduk ba tikai ti di anchau ke indu nya tadi. Indu nya pan lalu sempat ga nibar ke jako ngagai Apai Sali sebedau iya tama ke bilik baru, “Anang pia meh nuan Apai Sali. Nuan ga udah bisi bini,” pia ko iya. Apai Sali pan lalu enda berasai ga nyaut indu nya, “Oh ti baka nya ukai enda tau bujang baru ga aku tu deh wai,” pia ko iya nyaut lalu ngetup ke ngeli iya laban tak abis ati meda indu nya.\\nUdah nya indu nya pan lalu pansut baru ga ke ruai nganjong baku alai sarang insap enggau sarang pinang ambi ke bisi di tungga Apai Sali sekumbang ti berandau enggau Apai Seumang Umang leboh ke berandau ba ruai dia. Maioh macham meh utai ti di kerandau ke seduai leboh maia nya. Apin lama udah seduai iya ti betungga dudok berandau dia, alai seduai iya lalu ninga orang indu tak nyau danggai danggai ngumbai mai makai ke bilik. Nyadi indu nya tadi anak dara Apai Seumang Umang.\\n“Makai aya, makai! Lapar nuan jangka aku laban ti pama diri ga penyauh rumah kita ari kami ditu.” Pia ko anak dara Apai Seumang Umang ngumbok Apai Sali mai makai ke bilik sida.“Au meh’” ko iya. “Eh anang ngaya ngaya ke pangan endu, agi bujang aku tu. Bujang baru,” pia deh ko Apai Sali. Kira ke sepengelama dilua ka iya sempa pinang dia Apai Sali nya pan lalu tama ke bilik laban pemakai sigi udah di enah ke anak Apai Seumang Umang nya tadi.\\nTak baru berengkah makai Apai Sali enggau Apai Seumang Umang dia Apai Sali lalu bejako nanya Apai Seumang Umang. “Nama batang enggau daun tu tak bengat ngenyamai nya deh akan,”. “Eh aya! Paku nyah nya, ulih aku ngiga di tembawai langkau ba belakang rumah kami tu,” pia ko anak dara Apai Seumang Umang. Apai Sali pan sempat ga nyaut, “ Eh, anang be aya aya. Tak kanggau ke unggal pia nyah. bujang baru deh aku tu,” pia ko iya..\\nBadu sida iya nya tadi makai dia Apai Sali lalu madah kediri ka pulai ngagai Apai Seumang Umang. Apai Sali pan lalu mupok mulai kediri ngagai rumah iya empu, lalu sepemanjai jalai iya ti mulai kediri, iya endang nadai jako bukai, iya nya beulang ulang nyebut “Paku! Paku! Paku! Nyamai amat paku. Sekayu kayu jalai iya nyentok ke nyau ka datai ba rumah iya laban enggai kediri enda ingat ke utai ke lauk ba rumah Apai Seumang Umang tengah hari nya tadi.\\nDatai Apai Sali ba sungai siti tak enda mukai mukai deh tudah Apai Sali laban ti beguai guai serta belanda betiti ka jalai, lalu belanda niti batang ti udah burok nyengkar sungai nya dia deh batang kayu nya lalu patah dua naban ke iya laboh ke ai. Serta meh iya nyau pansut ari sungai nya dia iya lalu nadai ingat ke nama utai ti ke lauk sida iya Apai Seumang Umang tengah hari nya tadi. Nyepi diri empu enda ingat ke lauk “Paku” nya tadi dia Apai Sali lalu nyelam dalam sungai ba alai batang nya ti patah tadi nyentok ke leka mata iya nyau merah baka buah kundong, tang lalu ga iya enda ingat kediri ti belauk ka “Paku” nya tadi.\\nApai Sali pan lalu nikal baru ga ngagai rumah Apai Seumang Umang laban ka nanya ke nama lauk sida iya tengah hari nya tadi. Leboh iya nyau datai ba pendai sida Apai Seumang Umang, iya benasib bender laban lalu betemu enggau anak dara Apai Seumang Umang ti benong nyauk ka labu. Apai Sali lalu beguai guai nanya anak dara Apai Seumang Umang,\\n“Eh nama penama lauk kitai tengah hari tadi deh, endu Wai?” ko iya. “Di sebut aku belama ga tadi, tang leboh aku ti belanda niti batang ke nyengkar ai nya tadi dia iya lalu patah naban ke aku laboh ke ai. Udah nya aku lalu enda ingat agi ke nama lauk kitai nya.” pia ko iya. “Kasih deh nuan. “Paku” nyah nya tadi ke lauk kitai, “Paku” keruan ga nuan enda beli,” pia ko anak dara Apai Seumang Umang madah ke Apai Sali. “Enda ga beli, tang tak enda ingat ke nama “Paku” nya,” ko iya nyaut.\\nMalu bender tudah Apai Sali, tang enda iboh kediri malu laban ti enda ingat ka nama “Paku”, laban nyawa tak sigi bam serta enda tentu tak iboh ke pemalu agi ga iya. Apai Sali pan lalu beguai guai ga belanda pulai baru ke rumah iya empu. Nyau ke puas iya ti belanda dia iya lalu ngetu ba tebing sungai laban ti kelalu lelak serta ikak bekau ti belanda nya. Leboh iya ti dudok ba tebing sungai nya dia iya lalu tepeda ka siko ikan Semah, nadai utai ngemesai mesai nya ngulap mansut ke mulut iya ke atas ai semak iya ti dudok nya tadi. Apai Sali pan lalu bejako kediri,”Apo! Besai bender ga ikan Semah tu! Naka meh penyamai ikan tu enti iya udah dipandok,” ko iya.\\nLeboh ti nyebut nya tadi dia iya lalu enda ingat ke “Paku” nya baru. Naka ka pemedis iya deh ati tudah Apai Sali ketegal ti enda ingat baru ke lauk ”Paku” nya tadi. Iya pan nyau enda berasai ga lalu ngetil mulut diri empu ketegal ti barang utai rara sekumbang ti ngetu belelak ba tebing sungai nya tadi. Leboh ke ngetil mulut diri dia iya lalu mengkakai, “Akai! Pedis amat ga,” ko iya. Mulut iya pan nyau bangor laban getil iya tak naka iya pengudu ketegal ti pedis ati nya tadi..\\nApai Sali pan lalu belanda baru ga ngagai rumah sida Apai Seumang Umang mai mulut diri empu ke nyau simbing laban bangor laban ti di getil iya tadi. Datai Apai Sali ba pendai sida Apai Seumang Umang, iya mega seninjik bendar laban leboh nya bisi tudah bini Apai Seumang Umang ga benong mandi. Iya lalu enda chamang chamang lalu nanya bini Apai Seumang Umang. “Nama lauk kitai pagi tadi Wai ?” ko iya. “Keba nuan tu tambap enda ingat ke utai. “Paku”, “Paku nyah nya tadi ke lauk kitai, Paku” ko bini Apai Seumang Umang.\\nKe sekali tu Apai Sali lalu mulai kediri ngagai rumah iya empu. Nama agi deh serta Apai Sali tu tadi datai ba rumah iya din, dia iya lalu beguai guai ngasoh Sali ngiga tukol enggau raga ka kena iya ngiga paku. Udah meh tukol engga raga nya di sua ke Sali ngagai apai iya, dia Apai Sali nyau berumban rumban ga mupok baru laban enggai ke hari malam lalu enggai kediri ke enda bolih paku laban ti agi belala makai paku ti di pandok anak dara Apai Seumang Umang nya tadi. Iya pan lalu mupok ngagai tungga tembawai langkau lama sida suba. Tang meh Apai Sali leboh ke makai nya tadi nadai nanya ke bakani bansa paku lalu sida Apai Seumang Umang pan nadai ga madah ngagai iya ni bagi bansa paku ke tau di empa, tak semina nyebut nama lauk nya “Paku” aja ke di empa sida ke di kumbai Apai Sali nya nyamai.\\nMeda pengawa iya ke beguai guai baka nya Enchelegit seduai Sali sigi enda bemunyi meda pengawa iya lalu enda nanya ke guna Apai Sali enggau tukol serta raga nya laban seduai iya nyangka iya ka ngaga langkau umai. Datai Apai Sali di tembawai langkau, iya lalu enda chamang chamang mabut semua paku lawang ke bisi di peda iya lekat ba ramu tembawai langkau nya. Nama agi deh tak nyau baka orang ke muar manyi gaya penyampat Apai Sali mabut paku dia. Enda lama peda nyau bolih seraga mit semua paku ke udah di babut iya maia nya. Apai Sali pan nyau lelak laban ti berumban kia kia serta lalu berunding mulai kediri ngagai rumah sida iya empu.\\nDatai di rumah, Apai Sali lalu enda chamang chamang lalu nanggar ke periok tanah sida iya, alai iya ngerebus paku ke olih iya ba tembawai nya tadi. Leboh maia nya Sali seduai indai iya udah nurun mandi ke ai. Leboh iya ti mandok paku nya dia iya meda ai paku lawang ti betegar nya nyau kuning pelepong tegar laban ai anggat. Enda nyalah nyalah baka ke bisi di gulai kari enggau santan pa penguning ai rebus paku lawang Apai Sali nya tadi.\\n“Apo! Amat gemu ga lauk Paku tu. Enda ngutok leboh iya di empa ba rumah sida Apai Seumang Umang tengah hari tadi tak naka iya penyamai. Tu baru iya naka iya penyamai lauk Paku serta kuah iya tu lagi,” pia ko Apai Sali bejako kediri merening rebus paku iya nya dalam periok tanah ke di tanggar ke iya.\\nKira nyau bolih stengah jam Apai Sali udah mandok Paku nya ba periok tanah, iya pan lalu beguai ga ka nyepi pemansau lauk Paku nya. Serta meh Paku nya di sepi, iya lalu nadai runding agi, lalu di kunyah iya Paku nya tadi. Sepi iya tak nadai utai bengat ngering nya asai Paku ke di kunyah iya, ngeli iya pan lalu patah serta dilah iya pan lalu betu, mulut pan nyau bangor laban anggat Paku nya tadi. Apai Sali pan pedis bendar ati meda Paku nya kering bendar di kunyah iya serta balat ngemedis ke iya. Apai Sali lalu angkat serta lalu nyipak periok tanah ke alai iya ngerebus paku nya tadi. Nama agi deh periok nya pan lalu sioh serta tebelungging manjah tapa kaki iya. Iya pan lalu rauh rauh manjong dalam bilik ba rumah iya nya munyi orang ti begau ke orang parai pa pemedis iya nat ke kaki iya ti betu serta maioh pemedis bukai ke olih iya ketegal ti bam ka makai belauk Paku.\\n“Akai Indai Duat!, Angat Indai Duat !” ko iya rauh rauh nyabak maring kediri ba sebelah bilik. Leboh iya ke tak benong ngelingkang baka belut nya dia Sali seduai indai iya baru pulai ari pendai udah ti mandi. Sali seduai indai iya sama enda engkeretik meda Apai Sali nya ti ngeransi sereta ringat laban enggai Kediri di anu iya ngapa. Dia meh tudah Apai Sali rauh rauh nadai orang ngaum nat ke pemedis.\\n“Akai Indai Duat !, Angat Indai Duat !” ko iya. Bini iya Enchelegit pan lalu nyaut, “Keba nuan tu tambap lap, lunggau tatau, mamau ! Sapa orang ke bisi makai belauk ka paku lawang,” \"Iya ga paku, ko anak dara Apai Seumang Umang madah ngagai aku tadi. Nya alai Paku ga ke di pandok aku nya tadi ka ke lauk,” ko Apai Sali nyaut Enchelegit. “Enggi orang ga ukai “Paku Lawang” ke lauk, “Paku Ikan” nya meh daun babas ke tau ke lauk kitai,” pia ko bini Apai Sali madah ke reti nya ngagai Apai Sali. Apai Sali pan lalu bepaut dagu, serta lalu ambi iya pua tekalong lalu pansut ke ruai bebungkor apus nat kediri gali ngicha ke mata ka tindok laban ngetat ka pemedis udah ti ka makai Paku.\\n4. APAI SALI MERAU NGENA KERUBONG LELABI\\nTumu pagi siti Apai Sali enggau anak iya ngaga bubu laban ti ka ngulih ke ikan tegal ti nadai utai ke lauk sida menyanak. Sehari hari seduai menyanak begaga ke bubu ba babas din lalu semua bubu ke ulih gaga seduai iya nya seratus iti. Lalu siti ari bubu ti digaga iya nya pengabis besai ari semua bubu bukai. Nyadi pemesai bubu nya, iya nya umbas alai Apai Sali empu bediri lalu peninggi iya nya nyentok ka datai ba sadau rumah panjai sida.\\nHari pan nyau ngalih alai Sali seduai Apai iya lalu mupok ngagai sungai ti ka alai seduai iya nan ka bubu ti udah tembu di gaga seduai nya tadi. Tan seduai iya bubu nya ari ulu mansang ke ili lalu chara Apai Sali nan ke bubu nya nyelai bendar iya nya mua bubu di tungga ke iya ke ulu lalu burit bubu nya di tungga ke iya ke ili. Iya meh bubu seduai menyanak nyau tembu di tan lalu hari pan nyau malam. Batang sungai ke alai seduai menyanak nan ke bubu pan nyau ka apus ga alai seduai iya ngetan ke semua bubu seratus iti nya.\\nUkai anchi anchi pemanjai batang sungai ti alai Sali seduai apai iya nampun ke semua bubu seratus iti nya tadi, lalu nyau ka enda alah seduai iya nembu ka tampun bubu nya. Nyadi bubu ke pengabis besai nya di tampun ke seduai iya ba nanga sungai. Nyadi nanga sungai tu tadi benanga ba tasik besai. Sepenembu seduai iya menyanak nan ke bubu ti pengabis besai nya Sali seduai apai iya lalu mulai kediri ke rumah laban nangi enggai kediri enda olih pulai ti hari nyau majak petang serta malam.\\nDatai Sali seduai apai iya di rumah, dia indai Sali ti benama Enchelegit lalu beguai berapi ke sida tiga menyanak enggai ke laun makai lemai. Nama agi deh naka iya penyampat iya nanggar ka asi serta bepandok ke lauk. Asi ke ditanggar pan mansau, sida tiga menyanak lalu belaboh makai lemai. Udah badu makai lemai, dia Apai Sali lalu nindok ka diri laban ti udah kelalu lelak begaga ke bubu serta nampun ke semua bubu seratus iti nya ba batang sungai semak alai seduai iya nampun ka bubu nya. Tambah mega iya ti beguai tindok nya ngarap ke diri tau bisi bolih mimpi manah udah ti bekau seduai iya nampun ka bubu lemai nya tadi. Iya ngarap ke semua bubu ti di tampun ke seduai iya Sali nya bolih ikan maioh pagi ila. Tak enda berasai laban ti kelalu lelak serta jenak dia iya lalu tekenyit serta tedani laban ninga manok mengkokok nanda ke hari nyau teberingkas tawas.\\n“Apo Duat dani ! tawas hari tu anak, aram tua mupok ngabas bubu ti ditampun tua kemari” Pia deh ko Apai Sali ngerak Sali enggai ke seduai iya laun mupok serta enda tebuat ke semua bubu ti ditampun seduai iya lemai kemari. “Manah bendar mimpi aku malam tu tadi, tak bemimpi asai ke di beri orang buah rampu dua lanji” ko iya. “Aram meh apai, ngicha ke bubu tua nya lagi bisi bolih ikan” pia deh ko saut anak iya Sali. “Oh Indai Duat ! Nuan berapi lagi anang ngena periok ka mit ke selalu di kena kitai tiga nya tang tanggar ke nuan sampau ke besai nyin. Nya kena nuan berapi enggai ke asi empa kitai tiga lagi enda umbas.” Ko Apai Sali madah ngagai bini iya Enchelegit.\\nUdah nya Sali seduai apai iya lalu mupok nurun ka batang sungai. Datai seduai iya ba batang sungai dia seduai iya lalu dulu ngabas bubu berengkah ari ulu, indah enda baka gaya seduai iya ti ngetan ke tampon bubu nya kemari. Nyah, lalu diangkat ka Apai Sali bubu ti keterubah mampul pengabis ulu bender tang lalu nadai ga bolih ikan. “Oh! Iga ga petara enda ngalih ke burit bubu aku ngasoh bolih ikan,” pia ko jako Apai Sali nya tadi. Udah nya datai ba bubu ti siti, lalu di angkat ka iya tang nadai ga bolih ikan.\\nNama agi nyau bejako kediri Apai Sali, “Akai apai ! Akai indai! Iga ga ikan tu tak bengat enggai tama ngagai bubu tua deh anak. Eh bula bender ga mimpi aku malam tadi,” pia ko iya bejako ngagai Sali ti nyau gisai gisai di empa kerengit ba tebing sungai nya. Datai seduai iya ba bubu siti muak ka ari ili nya nadai ga seduai iya bolih ikan. Nama deh utai ke olih seduai, iya ga semina daun serta raw aja ke bisi ngemenoh ka bubu seduai. Laban bubu ke ditampun ke seduai iya mua nya di tungga ke ulu. Bubu pan nyau abis di angkat ke seduai ari tampun tang siko ikan pan nadai ga olih seduai iya lalu ka tinggal bubu ti pengabis besai nya aja ti bedau diangkat ke seduai iya Sali ari tampun ba nanga sungai nya.\\nLeboh seduai iya Sali nyau datai ba nanga batang sungai nya, dia Apai Sali pan lalu beguai ngangkat ka bubu seduai iya ari tampon nya. Di angkat ka iya enda ga olih, lalu di uji ka iya baru ga ngangkat ka bubu nya enggau naka pengering tulang iya empu tang lalu bedau ga olih angkat ari ai. Nyau ke puas tudah Sali meda apai iya nyau kual kual nguji ngangkat ka bubu nya kediri dia Sali lalu terjun ka ai nulong apai iya ngangkat ka bubu nya ari tampon. Tak nyau bebendar serta seput seput seduai iya menyanak ngangkat ka bubu nya, nya baru bubu nya tadi olih di angkat ka seduai iya. Nama agi deh tak nyau semina ke enda luput seduai iya abis ati tekenyit meda ai nyau besimbor laban siko lelabi ti naka iya pemesai mesai tama dalam bubu ti di tampun ke Sali seduai apai iya nya tadi. Pemesai lelabi nya, iya nya kerubong kering serta lalu ngaum kapir nyau bolih tiga depa. Lalu pala lelabi nya nyau besai agi ari buah embawang.\\nSali pan lalu manjong ketegal ti kelalu gaga. “Apo apai! Besai amat lelabi olih bubu tua tu deh,” ko iya. “Eh ukai nya lelabi deh anak, daun mengkubong nya iga ga nuan enda ngelala,” pia ko Apai Sali ngemula ka Sali. “Ukai nya daun mengkubong deh apai, endang tak lelabi nyengenda raya nya. Peda nuan iya nya ngerayap deh,” pia ko Sali ga madah ngagai apai iya ti agi benong nan ka bubu nya tadi. “Kati ko enda ngerayap deh, bubu tu ga digusak aku, daun mengkubong nya, ukai utai bukai endang tak nyata daun mengkubong,” pia ko Apai Sali ga ngemendar ke jako diri bebula ka Sali.\\nLeboh Sali enggau apai iya datai di rumah, dia Apai Sali lalu beguai bekindu laban ti udah kelalu chelap ba berendam ba ai sepagi nya sekumbang ti ngabas bubu, nyau getar getar tudah Apai Ali tu nat kediri chelap. Leboh iya ti bekindu nya dia iya lalu sengaja nunu iko sirat iya ba api ti alai iya bekindu nya, iya lalu madah kediri pedis perut serta lalu ngasoh Sali ngambi kayu ba para enggau duku ke dikait ke iya ba tisi para. Sali pan nanya iya kena iya apa kayu enggau duku nya deh ti ka mansang bira. Apai Sali lalu madah ke kayu nya ka ke sengkilu iya lalu duku nya ka kena iya melah kayu nya nyadi ke sengkilu ambi ke mit agi. Tang iya ke bendar kayu nya ka di kena iya menyadi ke api laban api udah bisi ba iko sirat iya lalu duka nya ka di kena iya ngelampang lelabi ke olih seduai iya Sali ke di kumbai iya daun mengkubong. Nama agi deh udah kayu enggau duku nya di sua ka Sali ngagai apai iya dia Apai Sali lalu beguai guai mupok madah kediri ka bira laban iya ti ka naban ke api ke lekat ba iko sirat iya nya ke tebing batang ai, ambi ke bisi di kena iya nunu lelabi ke di peda seduai iya Sali tadi ti agi bedau tinggal dalam bubu.\\nUdah meh api nya ke alai iya bekindu nya tadi lekat ba iko sirat dia iya lalu nganggau ke Indai Sali, “Oh Indai Duat! Aku deka bira pedis amat perut tu chelap bai berendam ba ai sekumbang kami duai Sali ti ngabas bubu tadi. Seduai Sali anang nganti aku makai tengah hari lagi,” pia ko Apai Sali bejako enggau bini iya Enchelegit.\\nNama agi deh nyau beguai guai Apai Sali tu tadi belanda naban ke api ti lekat ba iko sirat iya nya laban enggai ke api nya padam. Datai ba tebing batang sungai enda jauh ari alai seduai iya Sali ngetan ke tampun bubu ti pengabis besai nya tadi dia iya lalu beguai guai ngenyadi ke api ngena api ti lekat ba iko sirat iya nya tadi ambi ke bisi di kena iya ngintu lelabi. Udah nya Apai Sali lalu beguai guai ga ngangkat ke bubu ari tampon lalu munoh lelabi nya tadi serta mela iya.\\nUdah Apai Sali ke madah kediri nurun bira ngagai Indai Sali dia Indai Sali lalu nanya Sali. “Kati ko Sali, bisi bolih ikan bubu seduai apai nuan pagi tadi,?” pia ko iya. “Bisi! bisi indai, bisi aku meda siko lelabi tadi besai bendar dalam bubu ti di angkat ka apai. Tang apai madah ngagai aku nya ukai lelabi tang duan mengkubong,” pia ko saut Sali.\\nNinga munyi nya Indai Sali pedis bendar ati, ninga Sali enggau iya ti udu dikemula ka Apai Sali ti madah ke seduai iya Sali pulai ngabas bubu nadai bolih utai. Indai Sali lalu mai Sali bepekat nitih ke Apai Sali ngagai tunga seduai iya Sali ti ngetan ke tampon bubu ke bisi bolih lelabi nya tadi. Datai Sali enggau indai iya ba semak alai Sali seduai apai iya ti ngetan ke tampon bubu nya dia Sali enggau indai iya meda Apai Sali nya tadi benong kiroh ngintu lelabi nya nengali. Indai Sali lalu mai Sali bepekat ngelulu ka diri nyadi ngingit.\\nSali enggau indai iya lalu belalai ba babas kira ka semeda ari alai Apai Sali ti nunu lelabi nya tadi. Sali enggau indai iya pan lalu berengkah ngelulu kediri munyi ngingit. “Ngit ! Ngit ! Ngit ! Ngit !. Meri aku pah lelabi nya sepiak ! Enti nuan enggai meri, lagi aku kerebok leka mata nuan,” pia ko Sali enggau indai iya ti ngelulu kediri nyadi ngingit ba babas nya.\\nApai Sali lalu takut ninga ngingit nya tadi lalu nimbal, “Oh! Antu nama, antu apa kita nya bengat bam bangam, nemu bepinta ka lelabi ti benong di intu aku tu. Enggai aku meri kita nya deh,” pia ko Apai Sali nimbal enggau nyawa tin aka iya pengingar. Indai Sali pan lalu nyaut madah Kediri nya Antu Bunsu Ngingit.\\nApai Sali pan naka iya penakut leboh ti ninga Antu Bunsu Ngingit nya tadi ti minta pah lelabi ari iya. Iya pan lalu nadai runding serta lalu beguai ngelampang pah lelabi nya serta lalu ditikau ke iya ngagai tungga ari ni alai penatai munyi ngingit ti minta nya tadi.\\nUdah nya Antu Bunsu Ngingit nya tadi agi ga bemunyi baru. “Ngit ! Ngit ! Ngit ! Ngit ! Meri aku pah lelabi nya sepiak agi ! Enti nuan enggai aku kerebok leka mata nuan sepiak da agi.\\nApai Sali pan lalu nyaut Antu Ngingit nya, “Eh nadai aku tu ka meri nuan nya agi deh”. Antu Bunsu Ngingit nya pan lalu nyaut, “Enti nuan enggai meri aku kerebok kedua dua piak ga leka mata nuan nya lagi,”.\\nNama agi deh Apai Sali lalu naka iya penakut, lalu beguai nikau ka lampang pah lelabi sepiak da agi ngagai tungga Antu Bunsu Ngingit ti bemunyi nya. Iya pan lalu beguai guai ga majak ngelampang lelabi nya serta nyau ginyah ginyah nguyas isi lelabi ke di tunu iya nya tadi laban enggai ke abis di pinta Antu Bunsu Ngingit.\\nTang enda lama udah nya iya lalu ngetu nguyas isi lelabi ke di intu iya nya laban Antu Bunsu Ngingit agi bemunyi baru. Lalu munyi Antu Bunsu Ngingit ke sekali tu iya nya, “Ngit ! Ngit ! Ngit ! Ngit ! Aku ka minta semua isi burit lelabi nya ! Enti nuan enggai meri aku ambi telu pelir nuan sepiak.\\nApai Sali pan lalu ringat serta nyaut Antu Bunsu Ngingit. “Nadai aku tu ka meri nuan agi deh, ni ke empu aku ke ngulih ke lelabi tu deh,” Antu Bunsu Ngingit lalu nyaut, “Enti nuan enggai meri, aku ambi kedua dua igi telu pelir nuan nya lagi.”\\nNya meh Apai Sali nya naka penakut lalu beguai nikau ka semua isi burit lelabi nya ngagai tungga Antu Bunsu Ngingit ti bemunyi nya tadi. Iya pan naka olih meh ngeruyas isi lelabi ke di tunu iya laban nemu diri sigi berebut enggau Antu Bunsu Ngingit. Apai Sali pan enda olih meda enggau terang ngagai alai Sali seduai indai iya ti belalai nyadi Antu Bunsu Ngingit laban asap iya ti nunu lelabi nya balat bender laban kayu ti di kena iya nunu nya basah.\\nUdah nya tadi lalu di kumbai Apai Sali udah rari Antu Bunsu Ngingit ti bepinta ke lelabi ari iya. Sekali dinga iya inggar agi ga munyi Antu Bunsu Ngingit nya munyi tu, “Ngit ! Ngit ! Ngit ! Ngit ! Aku minta tubuh lelabi nya, enti nuan enggai kaki nuan sepiak nya aku gigit.” Apai Sali lalu nyaut madah kediri endang enggai meri agi. Ninga Apai Sali ke madah kediri enggai agi meri lelabi dia Antu bunsu ngingit lalu madah kediri ka ngambi kedua dua piak kaki Apai Sali nya.\\nApai Sali pan nadai olih bejako maioh tang nurut ka utai ti di pinta Antu Bunsu Ngingit. Lalu ke pengabis iya semina utai ke enda di pinta Antu Bunsu Ngingit nya ari Apai Sali iya nya kerubong lelabi aja. Apai Sali pan nyau chukup lelak belanda kin kitu betikau ke lampang lelabi nya ngagai Antu Bunsu Ngigit. Iya pan nyau ka tengah hari dia iya lalu mulai kediri merau ngena kerubong lelabi laban ti nyau enda dapat agi bejalai tegal ti udah lelak serta pedis betis.\\nDatai Apai Sali di rumah, dia iya lalu nindok kediri laban ke lelak serta ti udah madah ngagai Sali seduai indai iya ti enda iboh nganti iya makai tengah hari nya. Leboh ke tindok Apai Sali jenak bender serta lalu bekuroh, lalu nyawa Apai Sali pan nyau ranggap ranggap baka nyawa baya ti ngeradai ba tebing sungai.\\nMeda baka nya tudah Indai Sali laban ti agi pedis ati lalu mai mangkok siti serta mai penyiar penyapu kena iya ngulih ke tingga ba selepak ngeli Apai Sali laban nyawa iya ti nyau ranggap ranggap maia tindok nya. Tingga Apai Sali nya tadi lalu di pandok Indai Sali ngena periuk batu.\\nIya meh nyau maia sida ka makai lemai dia Indai Sali lalu ngerak Apai Sali be bai makai lemai. Apai Sali pan lalu tedani serta nanya Indai Sali, “Nama utai ke lauk kitai lemai tu deh Indai Duat,” ko iya. Indai Sali lalu nyaut, “Bisi ! Bisi Apai Duat, bisi aku mandok telu manok dua igi tadi,” pia ko iya. Indai Sali lalu ngenah ka Apai Sali makai.\\nApai Sali pan lalu belaboh ga makai lemai belauk ka tingga ngeli diri empu. Benong ke makai nya dia Apai Sali lalu nanya bini iya Enchelegit. “Nama asai telu manok tu tak penat deh Indai Duat. Ti ngelama tu nyamai bender asai telu manok. Kada telu tu digulai nuan enggau garam deh tadi,” pia ko iya.\\nIndai Sali lalu bejako, “Keba nuan tu tambap, nuan tu lap. Enda ga nuan nemu diri makai tingga diri empu. Nuan ga udu rangka makai lelabi nya nengali kediri.” Pia ko tudah Enchelegit. Apai Sali lalu badu makai tekala nya serta pansut ka ruai. Iya udu ringat serta malu kediri empu laban ti rangka makai lelabi olih bubu seduai iya Sali nya nengali. Sali pan lalu ketawa nyau rakah rakah bepichit perut ninga indai iya ti madah ka apai iya bam makai lelabi nengali lalu makai belauk tingga diri empu.\\nNyau udah nya baru Indai Sali nuang ka ruas pansoh lelabi ke olih seduai iya Sali ngelulu ka diri nyadai Antu Bunsu Ngingit maia Apai Sali ti nunu lelabi. Sali enggau indai iya pan lalu belaboh makai lemai. Ninga Sali enggau indai iya belaboh makai di bilik dia Apai Sali lalu beguai tama baru ke bilik lalu nudok kediri enggau makai. Iya pan lalu tekenyit bender ati serta lalu nanya, “Nama lauk tu deh ? Pansoh nama tu deh ? Nama tu tak baka pansoh lelabi enti enda saru aku ? Dini nuan bolih lauk tu deh Indai Duat ? pia ko Apai Sali.\\nIndai Sali lalu nyaut, “Lelabi olih bubu ke di tan ke aku ba nanga batang sungai di ili din,” pia ko Enchelegit. “Essss ! Nuan tu ke ngaga diri nyadi Antu Bunsu Ngingit pia?” Enti aku nemu nya nuan ka ke sekerat pa enda meh aku tu meri nuan tadi,” pia ko Apai Sali.\\n“Keba nuan tu tambap, lap, makai utai nengali kediri,” ko Indai Sali. Ninga jako Indai Sali munyi nya dia Apai Sali lalu ringat baru serta pansut ke ruai lalu enggai enggau Sali\\n5. APAI SALI BESILIH RUMAH ENGGAU APAI SEUMANG UMANG\\nNyadi sekali dia deh tudah Apai Sali tak bersasai lelenggau bendar ati ka nemuai ngagai unggal iya Apai Seumang Umang. Iya pan lalu madah ngagai bini iya Enchelegit madah kediri ka nurun nemuai ngagai Apai Seumang Umang, laban naka iya ke bisi nemuai ngagai Apai Seumang Umang iya nya leboh iya ti dibai sida Apai Seumang Umang makai belauk paku. Udah nya iya lama enggai nemuai laban bedau nyamai ati ngumbai diri dikeduan sida Apai Seumang Umang tegal iya ti tuyu enda nemu bagi paku ke tau ke lauk, laban ti rangka lalu abis betu ka makai belauk ka paku lawang ke olih iya mabut ba langkau tembawai sida.\\nMupok meh kenu ko ensera Apai Sali ngejang ke rumah sida iya lalu enggau naka pengelantang ati. Nyau baka burong ko munyi ensong Apai Sali belagu betiti ka jalai laban ke merindang diri ngambi ke enda berasai datai ba rumah Apai Seumang Umang. Nyau umbas iya ga nyau perenching ko gamal kening Apai Sali laban peluh, iya pan lalu datai ga ba kaki tangga sida Apai Seumang Umang.\\n“Oi Unggal ! Nyadi rumah nuan tu. Tau ditiki kami temuai ga rumah nuan tu Unggal ? Eh ! Rumah ke nyau baka tansang manok pa penyai,” ko Apai Sali nganggau ari tanah.\\nAlai iya tak bengat ngenyai nya jako laban seduai iya Apai Seumang Umang endang nadai kala bejako manah nama betemu enggau pangan diri. Dulu munyi ke belaya baru kitai ninga seduai iya meruan utai dikerandau.\\n“Tau Unggal ah ! Anang takut ! Nadai penti nadai pemali rumah aku di tiki nuan sehari tu,” pia ko saut Apai Seumang Umang tekenyit ninga nyawa Apai Sali laban pa pengelama iya nadai ninga Apai Sali bejako. Apai Sali pan lalu niki ka rumah Apai Seumang Umang. Datai iya di rumah lalu didudok ka Apai Seumang Umang laban endang ke baka adat asal kitai Iban nundok ka temuai ke bisi datai.\\n“Lalu Unggal lalu, ditu tua dudok nungga sarang pinang tu,” pia ko Apai Seumang Umang gaga nyambut penatai unggal iya Apai Sali.\\n“Keba ka datai, endang sigi ka lalu, endang ka dudok meh aku, dini tua ka nyadi tak berandau bediri deh unggal baka adat China di pasar din. Apo lapa rumah nuan tu tak jai bendar deh Unggal. Nyau baka tansang manok peda aku” Pia ko Apai Sali.\\n“Eh nya meh Unggal, rumah ga baru temu. Rumban digaga kami menyanak sekumbang ke udah tembu ngetau tu tadi. Nadai ari begiga ke ramu manah kena berumah,” pia ko Apai Seumang Umang nyaut enda bebendar laban malu ninga rumah diri di bantah Apai Sali.\\nNyadi rumah Apai Seumang Umang tu digaga betiang ke buloh lalu dinding enggau gelegar iya nya digaga ari buloh payan tesap. Lalu Atap rumah nya daun mulong tusok. Semua batang tiang rumah Apai Seumang Umang tu nyau baka teling belubang ditebok bubok. Atap rumah iya pan nyau dipeda langit laban ti jarang bendar tusok atap nya digaga Apai Seumang Umang.\\nNama agi deh seduai iya pan lalu bekenang ke maioh macham cherita laban ti lama udah enda kala betemu. Nyau kelama seduai iya ke udah berandau dia Apai Sali nyau rindang diri laban nadai ka mindah ke bukai laban rumah Apai Seumang Umang nya chukup chelap leboh ti dipuput ribut. Chukup rindu iya diau ba rumah Apai Seumang Umang nya. Sekali tak lalu betiup angin ari timur barat mangka ka rumah Apai Seumang Umang. Nyau lelundai ko asai sanggol bok Apai Sali seduai Apai Seumang Umang ke betungga dudok nya di puput rebut.\\nSekali tak lalu bemunyi semua tiang rumah Apai Seumang Umang ke udah ditebok bubok nya tadi. Nadai utai ngemanah manah nya munyi. Nyau betimbal timbal munyi lubang tiang nya dipuput ribut. Tak tebelenga Apai Sali ninga munyi tiang nya laban nadai kala ninga tiang tau tak nyau nemu bemunyi serta ngerindu ka ati iya.\\n“Akai Unggal ! Dini nuan meli tiang rumah nuan tu tak ngemanah nya tau nemu bisi munyi kena merindang ati,” ko Apai Sali nanya Apai Seumang Umang.\\n“Eh nadai nya deh Unggal ! Tiang olih aku nguder ari menua tasik leboh maia sida Keling ke bisi nurun pegi suba. “ pia ko saut Apai Seumang Umang.\\n“Apoo pama nuan Unggal olih nguder tiang ari menua tasik.” ko Apai Sali\\n“Nya nuan tadi nemu ngumbai rumah aku tu nyau baka tansang manok. Enggi nuan din dini nya bisi baka rumah aku tu. Iya ga chelap serta nemu bemunyi enti dipuput rebut,” pia ko Apai Seumang Umang ga nimbal Apai Sali.\\n“Au enti baka tu Unggal, besilih rumah ga tua. Nuan beempu enggi aku nyin, sama ga nya rumah,” pia ko Apai Sali.\\nNyadi rumah Apai Sali di gaga betiang ke batang teras, lalu geladak iya nya digaga ari kayu naytu ti udah disayat nyadi ka papan. Lalu atap rumah iya nya ngena atap kajang ke diserak ngena atap mulong tusok. Tak naka iya pemesai serta penegap ko ensera gaya rumah Apai Sali tu tadi.\\n“Oh enggai aku Unggal, tak baru udah tembu rumah aku tu, iya ga nya rengka olih aku nguder ari menua tasik,” pia ko Apai Seumang Umang ngaga diri enggai.\\n“Eh ! nadai nya utai di ke enggai ke nuan Unggal. Kena aku nambah ke nya nuan beempu tajau aku tiga igi ga enggai ke nuan tak berasai rugi.” Pia ko Apai Sali ngumbokApai Seumang Umang.\\n“Enti munyi nya Unggal, nyadi meh tua besilih rumah tang nuan anang nganu aku ti nuan bisi rugi ila lusa tegal pengawa tua tu,” pia ko Apai Seumang Umang.\\n“Enda Unggal, terima kasih naka iya aku ke nuan ti kasih serta sinu ke aku ke ka di bai aku besilih rumah,” ko Apai Sali enggau ati gaga.\\nNama agi deh tak naka iya pengaga tudah Apai Sali nyepi diri olih ngumbok Apai Seumang Umang besilih rumah. Iya lalu beguai guai madah kediri ka pulai mai berita manah ngagai sida menyanak. Leboh ka nurun tangga rumah Apai Seumang Umang dia Apai Sali nyau tekait kaki ba pemetong lalu laboh ka tanah. Tang iya nadai berasai pedis laban kelalau gaga bisi rumah baru.\\nDatai di rumah Apai Sali lalu nusoi berita manah nya ngagai Enchelegit, madah ke seduai iya Apai Seumang Umang udah besilih rumah lalu mai sida menyanak nya pindah lemai nya. Nama agi deh lalu bekemas sida Apai Sali serta lalu pindah lemai nya mega laban rengka ti kena ngidup kediri sigi enda maioh.\\nUdah sida menyanak tembu makai lemai nya, dia sida Apai Sali sebilik lalu ka nindok ka diri laban ke udah lelak bekau berangkut pindah rumah. Iya meh baru ka lelap mata sida tindok alai enda mukai mukai hari pan lalu hujan. Nyadi angin ke bepuput pan naka iya pemalat ga laban ti lalu ditangkan ka hari kudi. Apai Sali nyau bepencha pa pengaga iya ninga lubang tiang rumah iya nya bemunyi. Nyau naka iya pengingar serta enda putus putus betimbal timbal enggau pangan diri. Sali seduai indai iya Enchelegit tak nyau tegenong meda ulah apai iya baka nya, meda iya nadai utai pengaga ngaga.\\nMakin angin balat bepuput Apai Sali pan lalu enggau panjong panjong ngumbai bunsu ribut ngambi ke udu balat agi bepuput laban rindu ke munyi lubang tiang. Sekali tak enda mukai mukai sepi sida tiga menyanak tak berenyut asai rumah ke alai sida nya diau. Apai Sali, Sali enggau Enchelegit pan lalu temati kutu, lama agi balat agi ga rumah sida nya berenyut serta lalu mupok chundong.\\nNyau kelama ke baka nya tudah Apai Sali pan nyau nadai nemu daya agi laban hari ke petang nadai peda achok mata serta malam. Nadai nemu daya minta sah orang bukai serta nadai nemu chara ngiga kayu kena nyukong rumah iya nya. Kepuas ke baka nya dia deh rumah Apai Sali pan lalu runtoh, tekebu jamah kabut serta enggau ujan ujan naban ke sida tiga menyanak ke dalam rumah nya.\\nAbis meh semua rengka kena sida ngidup kediri nyau abis pecah abis belah. Sida tiga pan nyau pepusu mega laban basah laban ujan. Nama agi deh nyau gegetar gamal sida tiga belindong beserayong ka tusok atap mulong ke agi bisi tau di ke nyadi kena sida tiga laban ti nganti hari tawas.\\n“Nadai meh penyadi kitai tiga tu Apai Sali,” pia ko bini iya Enchelegit.\\n“Rumah kitai ga abis runtuh, reta tengkira kitai ga abis basah, abis pecah. Ba nuan beli laban alah kelakar Apai Seumang Umang. Enggi kitai rumah digaga ari kayu teras, ramu manah tang enggi iya tu rumah ke digaga ari ramu ke enda menuku, “ ko iya bejako enggau Apai Sali, enggau sabak sabak sambil ke merap tudah Sali ke bepaut ba pah laban ti agi getar getar nat ke chelap laban ujan malam nya.\\nApai Sali lalu naka iya pengeringat laban baru nemu diri udah dikelakar Apai Seumang Umang.\\nTudah Apai Seumang Umang pan nama agi deh tak gali bepanggung patong pa pengelantang malam nya laban diau ba rumah manah ngenang diri diau ba rumah Apai Sali tin aka iya penegap. Sida Apai Sali menyanak pan lalu beramu baru kena ngaga langkau alai sida iya diau.\\nSida iya mantap daun pisang enggau daun pisang lengki ke atap. Udah nya tembu, sida menyanak lalu bejalai ngagai tuchong bukit ba tinting antara enggau jerami sida Apai Seumang Umang merening rumah sida ti udah di silih Apai Sali enggau Apai Seumang Umang.\\n“Aih deh deh ! Udu meh penyenang sida Apai Seumang Umang sebilik diau din diatu,” pia ko Indai Sali.\\nIya lalu rauh rauh nyabak sayau amat meda rumah sida ti diempu Apai Seumang Umang percuma baka nya. Nyadi munyi tu ko leka sabak Enchelegit, indai Sali :\\n“Sayau meh rumah aku digaga ngena teras bungas diambi ari kampong repa, lalu dilengka ka tudah Apai Sali laki aku tegal ti rindu ninga munyi lubang tiang ba rumah Apai Seumang Umang, iya nya rumah ti enda menuku. Nadai penyadi meh kitai tu Apai Sali, tusah agi idup, nyamai agi mati, gamal ga jai, mati ke enggai. Idup merinsa meh aku tu dibai nuan ka beli serta enda menuku runding serta pendiau.” pia ko leka sabak Indai Sali.\\n“Eh, nadai nya ngasoh kitai tussah deh. Diau ba rumah teras pan asai ke diau ba langkau daun lengki meh. Seput ke di idup ka kitai, ukai rumah, nama seput kitai idup kitai agi olih berumah baru ila,” pia ko saut Apai Sali ngering diri ti udah salah penemu.\\nNyadi udah nya nyau sepengelama ga sida menyanak ngidup kediri diau ba langkau daun pisang lengki nya, nat ke pemerinsa semina ke enda malai tanah pendiau. Nyau baka orang ke baru jadi melaki bini meh sida menyanak ngidup kediri udah nya nyau bepungkal ke semua reta tengkira kena nupi diri.\\n6. APAI SALI MANJOK BURONG\\nNyadi nitih ko ensera menya Apai Sali tu sigi orang ti rindu bendar nyumpit, tang hari siti iya tak enda mukai mukai, enda nemu main, serta enda nemu mimpi dia iya tak bisi ati ka manjok burong laban ngasai kediri ti udah enda mujor nurun nyumpit sebedau nya laban ti tetengok bendar ka makai burong.\\nEnsepi sida menyanak sehari nya tak nadai utai ke lauk dia iya lalu madah ngagai Enchelegit, madah kediri ka nurun manjok burong ba tisi umai sida iya ti kira ka sebatang ruku ari rumah sida.\\nIya meh leboh Apai Sali nyau datai ba tisi umai sida, dia iya gaga amat ati ninga burong tak nyau tachoh makai buah kara serta nyau bebesai dipeda iya berebut makai buah kara ti naka iya pengelebat. “Apo! Tu baru iya, enggai nyadi enda bulih burong aku majok sehari tu. Nya baru rindu ngema burong ngemaioh nya di bai pulai. Nadai aku kala meda burong bengat ngemesai mesai serta ngemaioh maioh tu.” ko iya bejako kediri berandau ngengali.\\nDatai ba pun kara nya dia iya lalu nadai ati dua tiga, sigi lalu beguai guai berumban niki pun kara nya enggai kediri enda bulih manjok burong serta laban hari ke nyau udah tinggi.Iya pan lalu belaboh begaga ke amba ba sebelah dan kayu kara nya. Udah meh semua amba iya nya tembu digaga serta ditan iya, iya pan lalu beguai guai ga nurun nganti ba pun kara nya ngalih ari sepiak enggai kediri empu dipeda burong. Enda lama iya udah nguan ba pun kara nya dia iya lalu meda burong nyau bebital kena sintak amba panjok iya nya tadi. Bulih bendar semua panjok iya nya dipeda iya ari baroh pun kara ke alai iya nguan. Iya lalu beguai guai niki pun kara nya baru ka ngulih ka semua burong ke udah ulih panjok iya nya tadi.\\n“Apo besai amat burong tu ! Ah, kati ko aku ka mai sida tu lagi pulai ? Ka aku munoh burong tu nangi ke iya tak buot. Eh, manah agi ti ditanchang ke ba ujong iko sirat, ngambi ke sida enda lepas serta agi idup dibai aku pulai.” pia ko iya bejako kediri.\\nIya meh semua burong ke udah ulih amba panjok iya nya tadi ditangkap lalu beguai ga tudah Apai Sali nanchang ke burong nya ba ujong iko sirat iya empu. Enda lama bulih ga panjok siti, lalu ditanchang ke iya baka nya mega burong nya tadi ba ujong iko sirat iya. Udah meh nya semakin lama semakin bulih ga panjok Apai Sali tu tadi lalu iya pan lalu majak betanchang ke semua burong ke ulih iya ba ujong iko sirat laban ka mai burong nya pulai idup idup laban enggai ke burong nya mati lalu buot datai di rumah ke lauk sida menyanak.\\nBulih siti lalu berumpan ga iya empu enggau naka pengelengkas ke olih diri. Iya meh kira ke nyau ka bulih lima puluh iko semua burong nya udah ditanchang ke iya ba ujong iko sirat iya ari mua enggau ari belakang. Lalu semua burong nya pan nadai siko ga di bunoh iya, Nyau baka chiap pengerichah burong ngelinggi iya. Burong pan nyau majak maioh semaioh ke ulih tanchang iya ba ujong iko sirat bekelinggi ke tuboh iya. Naka iya pengerindu serta ransing iya sehari nya meda utai ulih diri.\\nTak enda mukai mukai sekumbang ke benong kiroh betanchang ke burong ba ujong iko sirat iya, dia Apai Sali tak kesal serta tekenyit ati. Nyepi tak berenyut dan kara ke alai iya duduk nya tadi ko dikumbai iya di gusak antu, nadai ga meda utai nyelai. Sepi iya tuboh iya tak nyau majak terangkat, berinyut ari dan kayu kara nya tadi. Makin lama semakin tinggi ga asai tuboh iya nya tadi terangkat ari dan kara nya, nyau sampai ke iya nyau meda diri empu nyau udah ba atas puchok kara nya tadi.\\nUdah nya iya nyau meda diri empu nyau bela peninggi enggau bukit ke ba tisi umai sida. Nya baru iya nemu diri empu udah ditaban ke semua burong ke ditanchang iya ba ujong iko sirat nya terebai ke langit kin. Nyau meh tudah Apai Sali nyepi tubuh diri empu nyau beribut terebai ba atas semua utai naka iya peninggi ninggi serta naka iya penakut laban nangi kediri empu ti laboh sigi mati.\\n“Eh ! Eh ! Apo ! Apo !. Nyau meh aku tu ditaban ke burong ke langit kin. Badu meh aku tu agi meda Sali seduai Enchelegit Tisi Langit, Enchelegi Tisi Hari” ko Apai Sali bejako kediri enggau sabak sabak, sirut sirut laban ke takut serta rawan meda peninggi diri empu udah terbai di bai burong.\\nBurong ke naban ke iya pan lama agi tinggi agi ga penerbai, nyau tinggi setinggi. Nyau naka iya peninggi, rapas peda mata ari tanah, nyau bela enggau remang meh tudah Apai Sali ditaban ke burong terbai.\\nMakin lama selama dia enda mukai mukai tali ke kena Apai Sali nanchang burong nya pan nyau majak keru serta lalu putus laban ti enda tan. Burong pan lalu nyau siko siko ngelepas kediri ari ti ditanchang iya ba ujong iko sirat nya. Enda lama lalu lepas ga siko, lepas ga siko, lalu majak lepas, lepas, lepas, selepas meh semua burong ke udah ulih iya nya tadi.\\nTudah Apai Sali ke terbai ditaban ke burong pan nyau semakin lama agi semakin baroh sebaroh ga penerbai laban burong nyau semakin abis seabis ngelepas kediri. Iya pan nyau majak takut serta temati kutu nadai agi runding laban nemu diri sigi mati ti laboh terengkah ditanah. Kira ka meh nyau ka sepuloh iko da kini burong nya ke agi bedau ba tanchang iko sirat iya. Apai Sali pan lalu laboh enda nyalah nyalah baka punggu ke laboh ari puchok kayu. Nyau semerap meh munyi iya ti laboh nya tadi, dia tudah Apai Sali bisi bedemoh enda lama laban ti luput tegal ti laboh.\\nNyadi pengelaboh Apai Sali tu tadi seninjik bendar tak terengkah ba tanju sida Keling Gerasi Nading, Bujang Berani Kempang, Bebini Maioh Rambang di menua Panggau Libau Lendat Dibiau Takang Isang.\\n“Dop !” ko munyi Apai Sali laboh.\\n“Eh, nama nya tak Apai Sali ke laboh ari langit,” pia ko Indai Keling, ke benong nganchau padi ba tanju sida.\\n“Au ! Aku meh tu ti ditaban ke burong terbai ari puchok kara ke ba tisi umai kami,” ko iya madah ke cherita diri.\\n“Nama kebuah burong tau tak ulih naban ke nuan deh Dom ?” pia ko Indai Keling.\\n“Badu enda meh. Nyadi aku tadi manjok lalu bulih burong maioh amat. Ka ati aku munoh tang takut ke iya buot ti datai di rumah. Udah nya semua burong ke udah ulih aku tadi lalu ditanchang aku ba ujong iko sirat. Iya meh burong nya nyau kelalu maioh, sida pan lalu ulih naban ke aku terbai ka langit kin. Iya meh nyau lama kelama udah terbai dia tali ke dikena aku nanchang burong nya pan nyau putus seputus lalu burong pan nyau lepas selepas. Aku pan lalu laboh gab a tanju kita tu, “ pia ko iya nusoi cherita diri empu ke majok sehari nya.\\n“Nasip nuan laboh ba tanju kami ditu. Uji enti nuan tak laboh di ai tasik tauka ba tengah kampong, nya baru nuan parai,” pia ko orang maioh bejako enggau iya.\\nSemua orang Panggau Libau sekayu rumah nya pan lalu ketawa maggang maggang meda pemeli serta ninga cherita Apai Sali nya tadi. Udah nya iya lalu diasoh sida Keling sebilik tama ke rumah, lalu dudok ba ruai sida Keling berandau enggau orang maioh ke bisi nungga iya dia. Enda lama udah dudok ba ruai nya alai Kumang bini Keling lalu nganggau ke sida bebai makai ke bilik.\\n“Makai kitai aya,” “Au ! Aram meh makai. Lapar bendar perut tu,” pia ko Apai Sali nyaut Kumang.\\nSemua sida ke dia lalu tama ke bilik maggang maggang. Nyadi leboh ke makai nya, dia sida Keling nadai utai bukai ke lauk, tak semina daun subong aja. Iya meh baru ka nyengkau lauk Apai Sali tak enda mukai mukai mangkok lauk ke ka di kauk iya nya tadi tak lalu siuh nanjah pah iya ke benong duduk besila ke ka berengkah makai.\\n“Akai apai, akai indai ! Nyin langit tu tanah Pedis amat pah aku tu laban betu,” pia ko iya ti benong nyau ngerising neritik ai mata nat ka pemedis laban betu.\\nOrang ke enggau iya betungga makai dia pan lalu beguai ga mukong pah iya nya tadi enggau garam. Nyau tachoh sida Keling serumah begau jamah Apai Sali nya tadi serta lalu enda nyadi makai laban ti tembu begau ke iya ti balat betu.\\nKira dua tiga hari udah nya, betu pah Apai Sali pan nyau majak balat bendar. Semua abi betu nya pan nyau majak luloh serta ngeliti kulit, nyau chinang chinang merah serta meletur. Ka ati tudah Apai Sali tu pulai tang enggai ga nyadi di bai iya bejalai. Nyau enda alah tat ke iya agi nyepi diri empu udah lama ninggal ke rumah, iya pan lalu madah kediri ka pulai ngagai sida Keling.\\n“Oh ! Akan Keling ! Aku tu nyau ka pulai, tang meh enda dapat bejalai. Arap ke kita meh ulih nganjong aku lagi,” pia ko iya\\n“Enti nuan tak enda dapat bejalai, lak ke kami meh nganjong nuan pulai lagi aya,” pia ko Keling nyaut iya.\\nUdah nya Apai Sali pan lalu dianjong sida Keling mulai kediri ngagai rumah sida. Nyadi Keling ke nganjong iya nya tadi nadai chara bukai laban iya ti enda tau bejalai ka pan enda lalu di ma Keling ga iya ba belakang. Bedau lama udah Keling ti ngema iya, dia iya lalu madah kediri empu pedis bendar ga pah ti betu nya.\\n“Akai rai ! Enggai aku di ma baka tu, pedis bendar pah aku tu ti betu. Uji bai ma pakap engka nyamai agi jangka aku,” ko iya madah ngagai Keling.\\n“Nadai ma bukai nya aya, sigi ma pakap meh baka tu. Kati ko ma pakap ko nuan deh aya,” ko Keling nimbal iya.\\nMa sida Keling meh tudah Apai Sali tu tadi, nama nya diberap, nama nya di ma, nama nya di san meh iya nya tadi sepemanjai jalai ti pulai ke rumah. Nyadi tudah Apai Sali ke dianjong sida Keling nya tadi tak naka iya pengaga lalu tuchum ketawa kediri empu ti naka iya penyamai dianjong orang pulai ari Panggau Libau udah ti betu pah serta laboh ba tanju sida Keling. Iya meh kira penumbas iya dia Apai Sali lalu mai ngetu laban madah ke pah iya nyau majak pedis sepedis.\\n“Akai indai ! Akai apai ! Enggai nyadi di ma kita asai tu, tak naka iya pemedis pah aku tu. Enggai aku tu nyadi di ma pakap asai tu,” pia ko Apai Sali ti nyau kutap kutap majak ngumbai nya ukai ma pakap munyi ko ati iya.\\nNyadi orang ke nangjong iya nya nyau nadai penemu serta jako agi. Nyau puas sida ninga iya itok serta kutap kutap sepemanjai jalai ke pulai nya nyebut, ma pakap. Sida pan nyau naka iya pengelelak besilih ngema iya serta ikak laban panas. Keling pan nyau pedis ati ninga iya ti itok ka minta ma pakap munyi ko iya, lalu nyintak duku iya serta ngetas randau temedu ke ba tisi jalai ke alai sida ngetu laban ninga Apai Sali ke nyau rauh rauh madah kediri pedis.\\nKeling lalu ngambi randau nyau lalu nanchang Apai Sali. Sintak iya enggau randau ba punggung lalu di ma iya pelawik ke belakang, enda peduli ka Apai Sali ka tauka enggai laban ti udah pedis ati ke iya ti udu meraya ba sida ti ka nganjong iya pulai.\\n“Akai 1 Akai ! Lapa kita tak ka munoh aku ! Pedis bendar aku tu dipasong kita baka tu ! Mati aku tu ! Lepas ka aku tu ! Uji ba ma engok ba bau kita nya baru nyamai agi,” pia ko iya rauh rauh minta kasih ari sida Keling sambil ati Apai Sali tu sigi ka beduan sida Keling ke nganjong iya pulai.\\nNinga iya munyi nya Keling lalu muka tanchang temedu nya ari tubuh iya. Apai Sali pan nyau bebelat bebaring ari tuchong bukit ba tisi umai sida. Keling lalu mutap serta ngeransi.\\n“Kami tu tak di tundi nuan serta di kemeli. Makin kami udah manah ka nganjong nuan pulai, nuan tak ngambi peluang ka beduan kami. Agi ga nuan tak semina nemu nganu kami sepemanjai jalai tu. Nadai kami tu ulih nganjong nuan agi lalu nemu bansa ma ke ka nuan nya,” pia ko Keling.\\nTudah Apai Sali pan nyau gisai gisai nat kediri empu udah bekau ti bebelat bebaring ari tuchong bukit. Tubuh iya nyau abis rajai laban duri enggau babas. Betu bap ah iya nya pan nyau abis bedarah bai tepangka ba batu. Iya pan lalu mupok mulai kediri betungkat serta bekelansat ngagai rumah sida laban sida Keling nyau enggai nganjong iya agi.\\n7. APAI SALI NGINTI PELANDOK\\nApai Sali tu endang udah di temu kitai rita iya nya orang ti ka bendar ngereja pengawa nginti. Dulu ari tu suba aku udah nusoi ensera Apai Sali Nginti Lelabi enggau Apai Sali Nginti Burong Tiong. Nyadi ba ensera siti tu iya nya ngenang cherita Apai Sali Nginti Pelandok.\\nHari siti Apai Sali nyau berasai puang nadai pengawa agi di kerja laban padi sida ke di kumbai iya mansau nya endang bedau tau di ketau tang semina murai aja. Ka nurun nangkal nyelutong, ngasu beburu baka orang maioh pan iya nyau enda tentu ransing agi asai ati udah bekau semua utai ke di kerja iya sebedau tu tak nadai mujor maggang. Lama tudah Apai Sali duduk dunga dunga nunga Sali seduai indai iya Enchelegit ngemata ke iya nya nganyam sintong kena nyendia kediri ti ka ngetau padi ila.\\nApai Sali pan lalu madah ngagai Enchelegit, “Apo Indai Duat, naka iya enda nyamai asai ati aku sehari tu tak bemua ke akan aku Apai Seumang Umang udah bekau iya ke di tanjah aku ngena ai angat suba. Nama enda berita sida menyanak diatu ?”\\n“Nama main nuan tak munyi nya deh Apai Duat, bisi enda manah kenyap nuan ngagai iya malam tadi ?” pia ko saut Indai Sali.\\n“Enda Indai Duat, tak nyau setahun enggai tu kitai sebilik udah enda nemuai ngagai sida menyanak. Nya alai aku tu lagi ka nemuai ngagai sida. Enda patut iya bengat ringat ngagai aku ketegal betu nya deh laban iya ke beduan aku suba.” pia ko Apai Sali ga nimbal Enchelegit.\\n“Barang ko jako nuan ga Apai Duat, tang bejimat ke enggai ke nuan tak di keduan iya baru lagi. Sinu bendar aku meda nuan di keduan iya belama ngelama lama tu,” pia ko Enchelegit nangkan iya ke ngumbai diri ka nemuai nya tadi..\\nNama agi deh nyau sejengkal kenu ko ensera ka gamal mua tudah Apai Sali ninga bini iya Enchelegit nya enda naggang iya nemuai ngagai akan iya Apai Seumang Umang. Lalu beguai guai iya ngambi ema ke endang selalu di bai iya turun, tangkin iya duku ilang butuh kunding ke semampai mai nasib nama iya nurun begiga serta lalu san iya sumpit tapang ke digelar iya “Belalang Ngelayang Mali Lebu, Laja Terbang Nemu Jelu”. Lalu baka nya ga nyau kepik kepik ga temilah payan tangkin iya ba punggung alai iya nyimpan laja ke endang di kirai iya beremdan ba ipoh dirakit enggau rachun ular belalang enggau ular tedong ambi ke bisa agi kena munoh jelu.\\nBejalai kenu ko Apai Sali tu naka iya ka pengelantang ati nebing tisi serarai umai sida ninting ke bukit nuju rumah orang Panggau Libau Lendat Dibiau Takang Isang. Bejalai lubah kenu ka gaya Apai Sali tu enda nyalah baka singkang lemambang maia berayah. Leboh ke mansa batang melintang ba jalai lalu di simbang iya beluntang dua, leboh ke tesipak ke tunggul tuga lalu di bantun iya tuga nya lalu di tikau ke iya sampai ke nyau enda di peda. Ensong iya sepemanjai jalai nya nyau naka iya pengerami enda nyalah nyalah baka munyi burong ke makai buah kara, naka ka merdu munyi dinga nitih ko ensera.\\nNyau kelama ke baka nya tak enda berasai deh iya pan nyau datai ga ba kaki tangga rumah Apai Seumang Umang, iya nya rumah iya empu ke di bai seduai iya Apai Seumang Umang besilih suba. Apai Sali lalu enda kakang nanggau ke akan iya nya.\\n“Ooi Akan Apai Seumang Umang, nyadi rumah nuan sehari tu ?” pia ko kangau Apai Sali ari tanah.\\nNinga nya bisi temuai tudah Apai Seumang Umang ke benong gali pan lalu mensugau laban ke baru gali ketegal lelak baru pulai ngabas panjok pagi nya tadi. Nama agi deh nyau tepipir kenu ko gaya singkang kaki tudah Apai Seumang Umang beguai guai ngagai lubang penyengok ka nilik temuai ke datai sambil ngelalu ke orang nya niki.\\n“Lalu Akan lalu, niki meh, nadai penti nadai pemali rumah kami di tiki nuan ke sehari tu.” Pia ko tudah Apai Seumang Umang laban ke gaga bendar ati meda Apai Sali nemu ngundang iya taja pan seduai iya semampai ke belaya ketegal ti ngelakar tauka ngemedis pangan diri belama.\\nNama agi deh Apai Sali lalu beguai guai niki, seduai pan lalu beberap enggau pangan diri laban ke lama bendar enda betemu. Apai Sali pan mimit nadai meh nyangka Apai Seumang Umang nya agi ka alai iya nemuai. Sekumbang ke berandau nya seduai iya maioh macham utai di kenang nitih ke pendiau sida iya rambau nya kelia. Nyau enda berasai peda hari pan nyau mantar tengah hari, Apai Sali pan lalu madah kediri ka pulai laban ingat ke semaia diri ke madah ngagai Enchelgit, iya nya nemuai enda lama aja ngagai Apai Seumang Umang.\\n“Ka mupok aku tu Akan, laban ke endang madah kediri nemuai enda lama ngagai kita menyanak tu tadi,” pia ko Apai Sali.\\n“Lapa nya tak ngerampas deh Akan, nadai nya utai di seguai ke nuan deh,” pia ko Apai seumang Umang nan ke iya laban ke agi belala berandau.\\n“Kati ko enda baka nya deh Akan, aku tadi ga endang besemaia enda lama. Enggai ke Indai Duat tak irau ngapa ga nganti di rumah,” pia ko saut Apai Sali.\\n“Lagi meh Akan, nganti udah merarau enda aku nan ke nuan agi. Aku bisi bulih pelandok leboh ke nginti tadi,” pia ko Apai Seumang Umang bungah enggau Apai Sali.\\n“Amat nya Akan kitai belauk pelandok lagi,” pia ko Apai Sali.\\n“Dini nya ka bula deh Akan, merarau meh enggau kami dulu,” pia ko Apai Seumang Umang bendar nan ke iya mai merarau tengah hari nya.\\n“Au meh enti tak ngenyamai nya lauk, ka ga aku enggau kita merarau dulu enggai ke tak puni ngapa pulai ba serantu jalai lagi,” pia ko Apai Sali ga nyanggup ka enggau sida Apai Seumang Umang merarau.\\nNama agi deh Indai Seumang Umang ke berapi nya naka iya penyampat, Nyau dengut dengut munyi kesoh suling nya kena iya menyadi ke api ambi ke jampat agi mau ba dapur. Nama nya di surong nama nya ditarit iya kayu api nya ba dapur ambi ke jampat agi nyadi serta ngemansau ke semua utai. Sekumbang ke nganti Indai Seumang Umang nya berapi Apai Sali seduai Apai Seumang Umang pan lalu nampong randau seduai iya baru baka selama.\\n“Tak ngerichau ke randau tua aku tu Akan, tak nyelai munyi cherita nuan dinga aku tadi maia ke ngumbok mai aku merarau enggau kita tengah hari tu,” pia ko Apai Sali.\\n“Nama utai ke ka nuan nya deh Akan,” pia ko Apai Seumang Umang.\\n“Tadi nuan tak bisi nyebut diri nginti bulih pelandok, kati amat nya Akan,” pia ka Apai Sali laban ke irau ati enda kala ninga utai munyi nya.\\n“Kati ka nya bula deh Akan,” pia ko Apai Seumang Umang ngelanjur ke Apai Sali. Tang ke bendar pelandok nya ulih iya manjok ukai ulih nginti. Nyadi iya ke nyebut pelandok nya ulih nginti laban batang pejalai iya pagi nya endang ngabas ginti taut ke di tan iya ba kaki umai sida ke tahun nya. Nyadi benong ke mulai kediri dia iya lalu ngabas panjok ke endang lama udah di tan ke iya sabar ba tisi umai sida mega. Benasib bendar ga pagi nya panjok iya nya bulih pelandok ke lalu dibai iya pulai ke lauk sida.\\nApai Sali lalu itok nanya Apai Seumang Umang baru ga laban ka nemu baka ni chara iya tau nginti pelandok sedang ke utai baka tu sigi nadai kala dikerja sida serambau nya kelia.\\n“Baka ni chara nuan nginti pelandok nya deh Akan,” pia ko iya nanya Apai Seumang Umang.\\n“Nadai nya tak tentu beleman deh Akan, nitih ke ajar sida niang apai kelia.” ko Apai Seumang Umang nyaut iya.\\n“Padah ke meh Akan laban aku tu tak naka iya ka makai belauk pelandok,” ko Apai Sali.\\n“Eh nadai utai bukai nya Akan, mata ginti ke di kena kitai nya ukai mata ginti ke di kena kitai ke ngelama tu laban tu jelu diau ba darat enda sebaka enggau ikan ke diau dalam ai, mesti ngena mata ginti digaga ari bangkang tang ruit iya gaga besai ke,” pia ko Apai Seumang Umang ngajar serta ngemeli ke Apai Sali.\\n“Nama utai ke umpan iya nya deh Akan, ka nyadi ngena buah buan aja kini,” pia ko Apai Sali,\\n“Enggai iya nyadi baka nya Akan, ukai nya tak disimpan kitai dalam sangkar iya ngemudah nya ulih. Mesti ka beumpan ngena telu manok pandok mansau, asi pulut lulun, buah pisang tandok udah mansau, rangki, penganan iri enggau kelupis,” pia ko Apai Seumang Umang.\\n“Ba dini deh alai nuan nan ke ginti nya alai tak mudah bulih pelandok deh Akan,” ko Apai Sali ga laban ngumbai cherita Apai Seumang Umang tu bendar.\\n“Nya ba tingkah ungkap ba ujong antara umai kitai ba Nanga Batang Panggau,” ko Apai Seumang Umang nya majak ngemula ke Apai Sali.\\n“Enti baka tu ka meh aku nguji nginti munyi ko nuan nya Akan, pagi ila tumu aku nurun ngicha ke maioh ulih, “ ko Apai Sali.\\n“Nya meh nama nuan bisi meda tingkah ke bisi ditanchang aku ngena kain kesumba dia meh alai iya Akan, aku enda ulih ngulu ke nuan baka ke nginti burong tiong suba,” ko Apai Seumang Umang madah ke endor serta iya pan nangi kediri enggai ke Apai Sali nemu iya ngemula serta bulih pemedis baru.\\nSida sebuat pan lalu merarau udah semua utai di pandok Indai Seumang Umang nya mansau. Apai Sali bulih bendar makai nyau dua pinggai asi empa iya lalu pelandok ke di bantai ke lauk nya tak setengah endang empa iya siko. Nyau munyi kechap babi iya makai pa pemasuk iya belauk ke pelandok, gamal iya pan nyau kasak kasak baka orang ke nyera nangi kediri enda ampit lauk agi. Iya meh nyau tembu makai Apai Sali pan lalu madah kediri ka pulai laban ka nyendia ke umpan ke ka di kena iya nginti pelandok pagila.\\nDatai meh Apai Sali ba rumah, iya lalu nebang pun pisang tandok sida ba ujong tanju laban ke baka ke nemu lalu bisi mansau ga buah pisang tandok nya tadi. Telu manok ba kurungan di baroh rumah sida nyau abis di kerau iya alai ngiga telu manok. Iya lalu ngasoh Indai Sali ngaga penganan iri enggau kelupis. Iya pan lalu beguai ga ngelulun asi pulut.\\nNyau meda ulah Apai Sali tu tak nyelai dia Indai Sali lalu nanya.\\n“Kapa nuan utai ngemaioh tu deh Apai Duat, bisi ka nemuai sida Apai Seumang Umang,” ko Enchelegit nya tadi.\\n“Nadai nya utai di tanya ke nuan Indai Duat, nadai temuai tang ka di bai aku nginti pagila,” pia ko Apai Sali nyaut Enchelegit.\\nIndai Sali pan enda bemunyi tang ngereja utai munyi ka di asoh Apai Sali nya mega. Apai Sali lalu beguai ngamboh ngaga mata ginti ari bangkang laban enggai ke enda bulih enti enda nitih ke ajar Apai Seumang Umang. Rangki ke endang selalu di kena iya pan lalu di taruh iya manah enggai ke nadai ke umpan iya nginti pelandok.\\nTindok malam nya Apai Sali nadai tentu meruan laban ati iya kelalu gagit ka nurun nginti pelandok, nyau kasak kasak iya laban ke nganti hari tawas. Iya meh udah dinga munyi kukok manok iya lalu beguai guai ngemas rengka ke ka di bai iya nginti sehari nya. Udah hari nyau teberingkas tawas Apai Sali pan lalu nurun laban nangi kediri nadai utai ulih. Ema iya numbas iya ga pemerat laban umpan iya ke maioh macham.\\nTudah Apai Seumang Umang pan baka nya ga laban ke ka beambi ulih ba pemeli Apai Sali. Iya pan nadai tentu meruan tindok laban nganti hari tawas. Leboh hari udah siang Apai Seumang Umang lalu beguai guai mai ema serta nuju ungkap ba tingkah ke endang udah di kelai iya dulu ari nya. Ba serantu jalai ka mansang ngagai ungkap nya dia Apai Seumang Umang lalu ngumpul semua buah buan ke bisi di pansa iya.. Datai iya ba ungkap ba baruh tingkah nya lalu achir ke iya buah buan nya tadi ambi ke di kumbai Apai Sali bekau empa pelandok. Iya pan lalu belalai ba ungkap nya nganti Apai Sali ke datai nikau ke mata ginti ke bisi umpan munyi ko iy nya tadi.\\nDatai ba ungkap ke udah ditanda Apai Seumang Umang nya dia Apai Sali pan lalu ngait ke buah pisang tandok ba mata ginti bangkang nya lalu enda chamang chamang, lalu di tikau ke iya ngagai ungkap laban udah meda bekau buah buan nya tak baru bendar nyau beachir achir ba alai nya. Serta meh buah pisang nya dinga iya meredup terengkah ba baruh tingkah nya, dia sepi iya ginti iya nya tak ngentun. Tang lalu entun iya ga ginti tang umpan iya nya lalu abis serta ruit mginti nya pan lalu lurus.\\nLalu di bingkok ke tudah Apai Sali baru ga ruit ginti nya serta di kait ke iya umpan asi pulut lulun. Peda iya baka nya ga gaya utai ke nyadi. Lalu uji ke iya baru ga ngena umpan kelupis, tang tak semina naka entun aja ke bisi di asai ke iya. Dia nyau enda berasai tudah Apai Sali pedis ati laban lalu nadai utai ulih sepagi pagi nya. Iya pan lalu nguji baru ga ngena umpan telu manok mansau. Tang lalu agi lebu ga iya ke nginti sepagi nya serta chukup lelak laban nadai utai ulih munyi ko ati. Ke pengabis iya Apai Sali lalu semadi bendar ngerurut ke rangki ke di kena iya tang iya nyau nadai runding agi laban kelalu ngarap ke tusoi pangan iya Apai Seumang Umang. lalu melit rangki nya ba mata ginti lalu di tikau ke iya baka ke udah mega ngagai ungkap .\\nTang semua umpan Apai Sali pan nyau abis. Iya lalu mulai kediri laban berasai lelak serta rugi nadai bulih pelandok munyi ko tusoi Apai Seumang Umang. Datai iya di rumah Enchelegit lalu beguai nyerungkai ema iya tang tekenyit laban meda nadai utai ulih. Apai Sali pan lalu nusoi penungga iya ke nginti sepagi nya tadi. Ninga tusoi iya munyi nya dia Indai Sali lalu ketawa rakah rakah geli hati meda laki iya enda nemu diri di kelakar Apai Seumang Umang.\\nUdah meh nemu diri di kelakar Apai Seumang Umang dia Apai Sali lalu berunding ka malas Apai Seumang Umang baru baka cherita seduai ke nginti burong tiong menya. Iya pan lalu bejalai baru nemuai ngagai Apai Seumang Umang. Datai ba rumah Apai Seumang Umang dia Apai Sali lalu nusoi cherita bula madah kediri bisi bulih pelandok leboh nginti pagi nya. Apai Seumang Umang semina tuchum aja ninga cherita iya laban gaga kediri udah ngelakar Apai Sali.\\nApai Sali pan lalu madah kediri bisi nemu ungkap ke manah alai tau endor nginti pelandok iya nya ba Nanga Sungai Gelong Batu Nakong. Ninga cherita Apai Sali nya nyau ka sebaka dia Apai Seumang Umang lalu ngadang serta ka beduan iya baru mega.. Apai Seumang Umang pan madah kediri ka nguji nginti ba ungkap ke ka Apai Sali nya tadi tumu pagi ila.\\n“Nama utai ke umpan enti nginti dia deh Akan, ni nemu nyangka tak bidik bisi nasib bulih mudah ila,” pia ko Apai Seumang Umang nimbal.\\n“Penganan jala, lempis ikan, atau manok enggau pending babi,” pia ko Apai Sali nguji ka malas Apai Seumang Umang ke udah beduan iya.\\nNinga munyi nya Apai Seumang Umang lalu madah kediri ka pulai laban ka nyendia ke umpan ke ka dikena iya nginti tumu pagila. Arap bendar Apai Sali laban Apai Seumang Umang udah ulih dikemula ke iya enggau cherita nya. Apai Sali naka iya pengaga pulai lalu ketawa rakah rakah niti jalai Apai seumang Umang pan lalu beguai ga begiga ke utai ke umpan. Nyadi umpan ke digiga Apai Seumang Umang iya nya sarang kesa, sarang semada, telu matu enggau tai manok lintong ke udah rangkai ba selap kurungan ba baruh rumah sida. Lalu mata ginti ke ka di kena Apai Seumang Umang nya endang tak mata ginti lelabi ngulih ke ruit iya besai agi serta kering.\\nPagi hari siti Apai Sali tumu bendar dani laban ka ngipa Apai seumang Umang ba baruh ungkap laban ngarap kediri bulih umpan ke kena Apai Seumang Umang nginti. Apai Seumang Umang pan baka nya semina ke dudi mimit ari Apai Sali. Datai dia Apai Seumang Umang lalu ngait ke tai manok lintong ke udah rangkai ba selap kurungan lalu tikau ke iya nagagi baruh ungkap nya. Serta meh mata ginti nya udah terengkah dinga iya meredup, peda tak lalu beguai ngentun serta kitau kitau tali ginti nya kual kual. Lalu entun Apai Seumang Umang dinga iya bisi mengkakai utai adap ke tunga ginti nya.\\nKati ko enda mengkakai ga mata ginti nya ngait tapa jari tudah Apai Sali ke beguai guai nyambut umpan ke di kumbai iya utai meruan. Tang nasib ga laban iya jampat ngingkas ke mata ginti nya enti enda pia balat tapa jari iya charik entun Apai Seumang Umang. Nama nyau beketup ngeli Apai Sali udah ke mengkakai sekali nya tadi. Apai Seumang Umang semina tuchum aja betati ke utai ke nyadi.\\nUdah nya tikau ke Apai seumang Umang baru ga mata ginti iya ke beumpan ke telu matu. Iya meh serta ginti iya nya terengkah dinga iya tak ngapooo munyi utai serta lalu bedemoh. Kati ko enda baka nya ga telu matu nya serta ditikau lalu disambut Apai Sali tang salah lalu kena pala iya. Dini enda bedemoh nat ke seput ensium bau telu matu nya ke abis malut tuboh iya.\\nUdah nya ditikau ke Apai Seumang Umang baru ga ginti tang umpan iya ke sekali tu iya nya sarang kesa. Serta ginti iya nya terengkah dinga iya lalu baka setap munyi tempik utai ba baruh ungkap nya. Kati ko enda ga tudah Apai Sali betempik ke tubuh iya ke nyau abis balut kesa. Gamal Apai Sali pan nyau baka ringin laban ke balat dikeduan Apai Seumang Umang sepagi pagi nya.\\nUdah nya Apai Seumang Umang lalu nikau ke ginti iya ke beumpan ke sarang semada nya baru. Iya meh leboh ginti iya nyau udah terengkah ba ungkap nya dinga iya tak nyau rauh rauh lalu entun ginti nya pan balat bendar ari ke udah. Nama agi lalu kejut ke Apai Seumang Umang ginti iya nya tadi lalu entun iya enggau penapat inat. Dinga iya ingar agi ga rauh nyawa orang nya serta majak semak ke semak ngagai iya ke ngentun ginti nya. Iya meh nyau di peda tak enda mukai mukai nemu nya tak tudah Apai Sali ke kena kait ginti Apai Seumang Umang.\\nApai Sali pan lalu rauh ruah\\n“Umbas Akan umbas nuan ngentun ginti nya , aku tu akan nuan Apai Sali.,” pia ko iya.\\n“Nama main nuan ba ungkap nya deh Akan, dini enda pelandok ke ka diginti aku rari kachau nuan,” pia ko Apai Seumang Umang ngaga diri ringat sambil ketawa geli hati.\\n“Ukai Akan aku meh tu, badu agi nuan ngentun ginti nya, kasih ke aku. Peda nuan jari aku nyau abis telih. Tuboh aku nyau merah gigit kesa enggau semada lalu nyau bau bout laban telu matu,” pia ko Apai Sali enggau sabak sabak.\\nNama agi deh meda baka nya lalu ketas Apai Seumang Umang ga tali ginti iya nya, peda tak lalu tebelunging ga tudah Apai Sali laboh ari tingkah ngagai ungkap baru. Nya ga gaya tudah Apai Sali nitih ka sempama “Udah ga laboh lalu ditinggang lesong\", ga tudah tuai. Apai Seumang Umang pan lalu mulai kediri ninggal ke tudah Apai Sali dia. Apai Sali nyau naka iya pemerinsa ga mulai kediri laban uti Apai Seumang Umang.\\nJari Apai Sali nyau abis telih laban ginti Apai Seumang Umang laban Apai Seumang Umang ngena ginti lelabi lalu enggi Apai Sali nya ginti bangkang dini enda nyamai di pelurus ke Apai Seumang Umang. Umpan pan pia mega enggi iya utai diempa ke nyamai tang enggi Apai seumang Umang tak semua utai ke ngasoh Apai Sali tau pedis maggang.\\n8. APAI SALI NGETAU RUMPUT DI KUMBAI IYA PADI\\nIya meh benong rambau padi udah murai dia sida Apai Sali pan nyau lepa pengawa bumai betaun nganti maia padi ke mansau serta tau di ketau. Sida menyanak pan nadai tentu meruan pengawa kelimpah ari ti ngereja pengawa bukai baka orang maioh.\\nNyadi hari siti dia Apai Sali lalu mai Sali enggau iya meringa mulong laban ka ngulih ka sago mulong nya ambi ke bisi di empa sida menyanak laban maia nya nyau di kumbai orang kelia maia bulan begantong senduk. Reti nya maia ti naka iya penyuntok alai begiga ke utai di empa laban padi ti bedau mansau serta tau di ketau.\\n“Enggau aku nuan pagi tu Duat, nyin kin tua ngagai muak ke ulu ujong tanjung semak umai kitai di ulu dia. Meringa mulong tua pama ga ngulih ke sago iya lalu nyangka tindoh ka diau ba pun tuga iya nya ila bisi ga nya di giga kitai, “ pia ko Apai Sali mai Sali nurun enggau iya.\\n“Aram meh apai, lagi nuan mai kapak ke tua lalu aku mai raga nyangka tua bisi bulih lauk sekumbang ke nurun tu lagi, “ pia ko Sali ga nyaut apai iya.\\nApai Sali seduai Sali pan lalu nurun merau nuju ke ulu sungai mansa umai sida iya. Leboh ke merau nya dia Apai Sali lalu ngemudi ke perau lalu Sali di asoh iya bediri ba luan perau, ngeluan ke seduai iya laban maia nya ai benong anak pasang.\\nIya meh kira ke sebatang ruku seduai iya udah mansa umai sida, dia seduai iya pan datai ba madang mulong ke ka di bai Apai Sali di peringa seduai. Datai dia perau seduai pan lalu di tanchang ba pun pedada. Apai Sali pan lalu mupok dulu ke seduai iya ngerandang jalai nengah madang mulong nya. Nyau semerap munyi dan mulong enggau babas ba madang mulong nya di tebas Apai Sali. Pantap iya ke kiba perawai iya lima, lalu di pantap iya ke kanan di perawai iya lapan. Pantap iya ke mua di perawai iya tiga ga dan mulong ke nyengkar ba mua laban ke ka milih pun mulong ke di peda iya manah serta be perisi agi ambi ke bulih agi sago.\\nApai Sali lalu bejako, “ Lagi Duat, aku nebang, ngelumpong serta melah batang mulong ke tua, lalu nuan lagi ngangkut serta nugong ke iya. Ambi ke tua jampat bulih serta jampat mega marut mulong tu lagi,” pia ko iya ngajar Sali ambi ke seduai jampat serta maioh ulih leboh ke ngereja pengawa.\\nNyau ke puas seduai ke ngerembang madang mulong nya dia nya meh Apai Sali baru tetemu ke bagi pun mulong ke patut di tebang seduai iya Sali. Seduai pan lalu beguai guai berengkah nebang serta meringa mulong nya. Udah meh batang mulong nya tembu di peringa, dia Sali seduai apai iya lalu ngelumpong mulong nya serta melah iya dua. Udah meh batang mulong nya tembu di belah, dia seduai lalu berengkah ga marut mulong nya. Nama agi deh munyi ko ensera, nyau baka munggu sigi pa pemaioh tugong mulong nya ti udah di parut seduai iya sepagi pagi nya tadi.\\nTudah Sali pan nyau gisai gisai nat ke diri gatal laban balut linut getah mulong nya tadi serta di tutu kerengit. Apai Sali anang nyebut nama udah tembu lumpong mulong nya di parut seduai iya, iya pan lalu temepur ga muai diri ke ai laban nyelam kediri baka luak lumbi muai gatal balut linut getah mulong. Nya ga gaya pemaioh kerengit ke nutu seduai ke benong ngereja mulong nya, ke semampai rengong rengong belama betutu ke pending serta mata. Nama enda terjun ke ai lalu betampung batang ga insap ruku apong nya di tungkun Apai Sali leboh ke ngimbai tugong mulong ngicha ke kerengit ti nutu iya nya tau kurang.\\nNyau kelama seduai ke ngereja pengawa meringa mulong baka nya nengali besehari hari ngulih ke sago hari pan nyau majak lemai selemai. Sago ke ulih seduai pan bisi ga kira ke sepuluh guni tanchang. Nama gaga bendar meh ati Apai Sali meda seduai iya enda lebu nurun ngereja mulong sehari nya. Apai Sali pan lalu mai Sali ngetu ngereja mulong nya enggai ke seduai lagi nyau pulai ngelaban malam serta nangi ke maioh kayu nyengkar sungai leboh seduai ke pulai merau.\\nSeduai pan lalu nyimpan guni mulong nya manah manah ba ruang perau enggai ke perau seduai lagi karam ngapa enti sema iya enda manah tusun. Leboh seduai nyau ka mupok dia Apai Sali lalu bejako enggau Sali baru.\\n“Nuan ga ngemudi perau ke tua pulai tu Duat. Laban aku tu udah chukup lelak ngereja mulong, lalu lagi meh aku jaga luan ke tua enggai ke perau tua tak karam ngapa ngelangar kayu ke melintang sungai,” pia ko Apai Sali.\\n“Au meh apai, ukai nya pedis deh aku nguit ke kemudi laban tua ukai nya tentu tak bisi bekayuh pulai tu lagi. Ai pan nyau mupok surut ga diatu,” pia ko Sali nyaut apai iya.\\nApai Sali sekumbang seduai ke pulai nya tadi endang tak degi degi bediri ba luan perau laban ke nyaga luan enggai ke perau seduai iya ngelangar batang ba rantu jalai nya. Lalu tudah Sali pan baka nya ga dugau dugau dudok ngemudi perau ke seduai iya. Iya meh leboh seduai ke merau ngundur ke ai nya nyau mansa umai sida dia deh enda mukai mukai Apai Sali lalu ngasoh Sali ngetu bekayuh.\\n“Ngetu Duat ! Ngetu dulu tua. Apu jampat bendar padi kitai seberai nyin mansau ,” pia ko iya madah ke Sali meda tunga ngadap ke umai sida iya seberai nyin nyau kuning.\\n“Ukai nya padi ba umai kitai Apai, enti enda salah peda aku,” pia ko Sali nyaut apai iya.\\n“Enda Duat, endang tak padi nyengenda raya nya peda aku. Tuai aku tu udah enda patut enda ngelala padi enggau ukai,” pia ko Apai Sali ga madah baru.\\n“Uji bai kitu duku nuan nya ambi ke aku nyamai nangkal timbau perau tua tu. Ambi ke tua muai guni sago tu ke ai betanda ke abi tangkal ba perau tu, lalu tua lagi mupok ngetau padi kitai nyin,” pia deh ko Apai Sali madah ke Sali.\\nNama agi deh lalu beguai ga Sali nyurung ke duku ngagai apai iya. Apai Sali pan lalu beguai nangkal timbau perau seduai nya ambi ke nemu alai diri muai guni sago nya lagi. Seduai pan lalu muai semua guni sago ke udah ulih seduai sehari nya laban enggai ke perau seduai nya lagi tau sarat enti seduai nyau ka mai padi ke ulih seduai iya ngetua nya lagi pulai.\\nUdah meh semua guni sago nya di buai nitih ke abi tangkal ba timbau perau nya seduai pan lalu mupok ga bekayuh ke seberai nuju umai sida ke alai padi ke ko Apai Sali nya tadi. Datai meh seduai iya ba madang ke di kumbai padi nya Sali seduai apai iya lalu enda chamang chamang majak kediri ngetau laban ke enggai kediri enda bulih padi di bai pulai lemai nya. Udah meh ruang perau seduai nya penuh laban padi ke di ketau, seduai iya pan lalu mulai kediri ke rumah.\\nDatai di rumah Apai Sali lalu beguai nusoi utai ulih diri ngagai bini iya Enchelegit.\\n“Apo Indai Duat. Tak naka iya pemansau padi kitai di umai din diatu.” pia ko Apai Sali.\\n“Nadai nya patut ngenyampat nya lalu mansau deh Apai Duat. Tak benong murai padi ba umai kitai diatu,” pia ko Enchelegit nyaut Apai Sali.\\n“Enda Indai Duat, udah mansau padi ba umai kitai, tadi kami duai Duat mansa lalu ngerampas ngetau ba umai kitai. Nyau penuh ruang perau laban padi ke ulih kami duai pa pemalat iya mansau,” pia ko Apai Sali ga nimbal jako Enchelegit.\\n“Kati ko aku enda nemu padi kitai benong murai deh Apai Duat, tak baru kemari aku ngabas umai kitai. Kati ko aku enda nemu serta meda gaya umai kitai diatu,” pia ko saut Enchelegit baru.\\n“Enti nuan tak enda arap ke jako aku Indai Duat, uji peda nuan ba ruang perau kitai ba pendai din. Semua guni sago ke ulih kami duai Sali tadi udah di buai aku ke ai magang enggai ke nadai alai kami duai engkah padi ke di ketau kami duai Sali,” pia ko Apai Sali ngemendar ke berita diri.\\nSida tiga menyanak lalu betangkan tangkan bejalai niti jalai pendai sida ngagai alai perau sida ke di tanchang. Datai ba perau ke di tanchang ba pendai dia Indai Sali lalu manjong serta bejako.\\n“Apo Apai Duat ! Tu ke di kumbai nuan tadi padi ke di ketau nuan ba umai kitai, ke di kumbai nuan udah mansau,” pia ko Enchelegit ketawa rakah rakah serta bepichit perut geli hati.\\n“Nya meh padi ke di ketau kami duai Sali. Nama main nuan tak ketawa ke utai ulih kami duai deh,” pia ko Apai Sali ringat ke Enchelegit ke ngemendar nya ketawa.\\n“Kati ko aku enda ketawa deh. Nya ga ukai padi ke di ketau seduai. Nya ga rumput ke di kumbai seduai padi tadi. Nya meh ila semua anak kitai Iban lalu ngumbai rumput ke di kumbai nuan tu padi iya nya “Rumput Emnparak Padi Apai Sali”. Bah dini deh alai seduai tadi muai sago ke udah di simpan seduai ba guni nya deh,” pia ko Enchelegit.\\n“Buai aku ba abi tangkal ke bisi baru udah di pantap aku ba timbau perau nya,” pia ko Apai Sali nyaut serta jari iya nunjok ke timbau perau ti di pantap iya nya tadi.\\nNama bendar agi ga Indai Sali ketawa, nyau tebatuk batuk, tegari kemi serta nudok kediri ba tanah pa pemendar iya ketawa laban geli hati meda pengawa Apai Sali seduai Sali sehari nya tadi.\\n“Ba nuan tu Apai Sali, tambab lap, tuyu agu, dini nya ka bisi temu agi ti nuan muai sago nya ke ai betanda ke abi tangkal ba timbau perau. Ukai perau seduai nya tak enda mindah kin kitu udah sago nya ke di buai seduai tadi.” pia ko Indai Sali ketawa baru.\\nApai Sali pan malu bendar ke pemeli diri lalu beguai guai nyelam ba pendai sida lalu mulai kediri ke rumah, serta nindok kediri bebungkur apus.\\n9. APAI SALI BULIH RUSA\\nUdah nyau kemas pengawa umai dia sida Apai Sali menyanak pan nyau lepa ngereja pengawa bumai betaun baka orang bukai lalu nadai tentu pengawa agi meruan di kerja. Orang bukai ke diau ba rumah panjai pan maioh ngelimpang kediri ngereja pengawa nangkal nyelutong serta ngasu beburu, tauka masai nubai begiga ke jelu ke pemakai sida.\\nSida ke indu pan baka nya ga nyau nurun ba sebelah tanah begiga ke senggang enggau rotan kena begaga ke tikai enggau raga, enggau rengka bukai ke tau di anyam sida. Bala pungka lelaki nyau baka retok di dinga ba sebelah jalai pendai ngamboh duku ba langkau peputan. Nama agi deh tak nyau nadai diau semua sida semenua ba Pangau Libau dia laban maioh macham pengawa di kerja nganti maia sida ke ka nebas bumai beteaun berengkah baru.\\nApai Sali pan nyau regau meda orang tak nyau nurun niki ke ngereja bermacham macham pengawa kena ngidup kediri. Hari siti dia iya lalu bejako enggau bini iya Enchelegit.\\n“Akai Indai Duat ! Naka naka meh kitai semenua diatu nyau enda ngetu gawa udah ke bekau ngetau tu tadi. Ti baka tu aku pan ka meh turun ngiga utai ba sebelah babas ke tau ke guna kitai menyanak ngambi ke kitai tau sebaka pendiau enggau orang bukai ila.” pia ko Apai Sali.\\n“Nya meh penemu ke manah Apai Duat, ti nuan ka nurun begiga ke kitai. Tang aku tu enda ulih enggau nuan laban bisi pengawa bukai ke ka di kerja ba rumah kitai ditu. Nama enda seduai Sali nya aja ga turun ke kitai.” pia ko Indai Sali nyaut iya.\\n“Au meh enti munyi nya kami duai aja ga begiga ke kitai. Tak sebarang utai ke temu lagi meh di bai kami duai pulai asal ga tau di guna kitai menyanak.” pia ko Apai Sali ga nimbal Enchelegit.\\nNama agi deh Apai Sali seduai Sali lalu beguai guai nurun ke pendai laban ti ka ngundur ke perau sida laban ai ti nyau dakah pagi nya. Ema ke di bai seduai iya pan numbas iya ga pemesai di bai seduai laban ti ka bebendar ngiga lauk di babas ke pemakai sida menyanak. Seduai lalu nyan sumpit siti siko serta bebai ka ginti laban ke nadai tentu meruan batang pejalai ke ka ngiga lauk.\\nDatai seduai iya ba babas din nama agi deh nadai utai ngerindu rindu nya ati laban tak nadai lebu seduai ke nurun pagi nya. Seduai ke nginti pan bulih bendar ga ikan. Asal udah di ulur ke seduai peda lalu ngentun ga ikan makai umpan ke di tan ke seduai ba mata ginti. Apai Sali lalu ngasoh Sali menyadi ke api ambi ke bisi alai seduai nyalai serta nunu ikan nya lagi.\\n“Penyadi ke manah api nya lagi Duat ambi ke bisi bara, ambi ke nyamai alai tua nunu serta nyalai ikan ke ulih tua tu lagi. Nya baru bisi di bai tua pulai lalu ke di taruh kitai ila.” pia ko Apai Sali.\\nSali pan lalu beguai guai menyadi ke api serta begaga ke empara ambi ke bisi alai seduai iya nyalai ikan. Ikan pan nyau bebesai ulih seduai pagi nya. Tak nyau meretih api laban gemu ikan ke ulih seduai iya. Nama agi deh nyau beling mulut tudah Sali laban gemu ikan pa pemendar iya ke ngulam ikan ke di tunu serta di salai seduai apai iya pagi nya.\\nIya meh udah chukup maioh ikan udah ulih seduai, dia Apai Sali lalu ngasoh Sali tinggal kediri dia ngibun salai ikan enggai ke angus. Laban iya agi ka bejalai begiga ke lauk bukai ambi ke maioh agi di bai seduai iya pulai.\\n“Nuan anang mindah jauh Duat. Ditu meh nuan tinggal enda lama, laban aku ka nguji bejalai ngagai pun kara ari ulu nya nyangka bisi burung dia lagi ambi ke bisi di bai tua pulai.” pia ko iya ngajar Sali.\\n“Au meh apai. Ditu meh aku nganti nuan. Nadai nya utai di kirau ke nuan deh, nemu aku lagi”, pia ko Sali ga nimbal apai iya nya tadi.\\nApai Sali lalu mupok ga baru ninggal ke Sali ke ngibun salai ikan nya tadi laban ke enggai enda bulih burung ke di bai pulai. Datai iya ba pun kara nya peda iya nyau richah munyi burung nya bepakai ke buah kara. Iya pan lalu belaboh nyumpit burung ke bisi ayan di peda iya nya ari baroh. Nama agi nyau baka redup munyi burung ke kena sumpit iya nya labuh. Iya meh nyau ke penyuah ke nyumpit nya dia iya nyau enda berasai nemu laja iya pan nyau abis di kena. Burung ke udah ulih iya pan numbas iya ga pemaioh. Nyau bisi setengah ema ke di bai iya nya penuh laban burung.\\nTudah Apai Sali pan nyau nadai runding agi lalu ka mulai kediri laban ke enggai nyadi agi nyumpit burung laban laja ke udah abis magang di kena iya. Datai meh iya ba alai Sali ke ngibun salai ikan ke ulih seduai, dia iya lalu ngerak Sali ke benung tindok nyau bekuroh. Pa pemendar Sali ke tindok laban ke kelalu kenyang ngulam ikan ke ulih seduai apai iya.\\nNama agi deh pengaga ati Sali meda pemaioh bansa burung ke ulih apai iya nyumpit. Kayam iya siko leka ke ga, lalu ambi iya ga siko laban ke maioh ulih apai iya. Tak rindang diri Sali bayam burung ke ulih apai iya nya taja pan semua burung nya udah mati. Apai iya pan enda ga iboh ke Sali ke bayam burung nya laban ke ka mela burung nya enggai ke bout di bai seduai iya pulai.\\n“Nuan umbas bayam semua burung tu Duat, laban aku ka mela iya enggai ke nyau abis bout di temu indai nuan lagi. Abis tua di anu iya, ukai nuan enda nemu pemanggah indai nuan nya,” pia ko Apai Sali ngerara Sali ke bayam burung nya.\\nNama agi deh nyau baka orang ke muar kesa gaya penyampat jari Apai Sali nyabut bulu burung nya laban beguai enggai ke hari majak lemai enggai ke seduai iya tak pulai ngelaban petang.. Iya meh tembu bulu burung nya di babut iya, dia iya lalu nunu burung nya sampai ke penumbas iya pemansau ambi ke datai di rumah lagi tak semina makai iya aja. Udah meh semua utai ti di kerja Apai Sali tu tembu dia iya lalu ngasoh Sali ngemas semua utai ambi ke seduai iya mulai kediri.\\nSali seduai apai iya lalu mulai kediri betangkan tangkan niti jalai nuju alai seduai iya ke nanchang ke perau nya tadi. Iya meh nyau kira ke di peda perau ke di tanchang seduai dia Apai Sali lalu ngetu serta enda ngasoh Sali ingar agi.\\n“Apo Duat nya baru iya ! Peda nuan lauk tak udah nganti tua ba ruang perau nya,” pia ko Apai Sali madah ngagai Sali.\\n“Nama utai ko nuan nya deh apai ? Lauk apa ke udah nganti tua ba ruang perau nyin,” pia ko saut Sali ga.\\n“Tak naka iya lauk nya Duat. RUSA ! RUSA ! Anang ingar nuan bejako, lauk ke udah ulih tua tu tinggal ke ditu dulu,” pia ko Apai Sali.\\n“Kati enda lenyau lauk tua tu lagi di empa jelu bukai ti di tinggal ke tua pia aja apai,” pia ga ko Sali.\\n“Eh enti lenyau kapa enda deh, rusa nya deh lebih agi besai serta maioh agi isi di empa kitai ila. Datai di pendai kitai din lagi baru kitai munoh iya, laban rusa nya diatu benong tindok ba ruang perau tua,” pia ko Apai Sali.\\nSeduai iya pan lalu begadai gadai mansang ngagai perau ke di tanchang seduai nya. Udah meh tali perau nya di buka dia seduai iya lalu naka iya begadai gadai ngayuh ke perau nya mulai kediri. Semanjai jalai Sali seduai apai iya endang enda bejako laban enggai ke rusa nya lagi tedani lalu rari.\\nIya meh leboh seduai iya nyau mansa pendai orang Gelong Batu Nakong, iya nya menua sida Kumang dia orang lalu nyapa seduai ke mansa meda utai ti di bai seduai iya ba seberai nyin tak nyelai. Laban Apai Sali sigi enggai merau ngembing tebing seberai pendai orang Gelong laban enggai ke orang dia lagi ka enggau seduai iya Sali beempu ke rusa nya serta mega enggai ke rusa nya tedani lalu rari.\\n“Oo Apai Sali ! Nama utai di bai nuan ba luan perau dia ?,” pia ko orang Gelong nyapa iya ari pendai sida seberai nyin meda iya mansa.\\nApai Sali lalu nyaut tang enda ingar laban enggai ke rusa nya tedani. “Rusa !, Rusa !,”\\nNinga saut iya tak enda di dinga dia orang ke ba pendai nya lalu nyapa iya baru.\\n“Nama utai di bai nuan nya Apai Sali ?,” pia ko sida ga nanya iya baru\\n“Rusa !, Rusa !,” pia ko iya ga nimbal tang enda tentu ingar semina tak pama mimit didinga sida ke mandi ari seberai tang tak enda tentu nyemetak bendar.\\nNinga ga sida ke mandi nya iya nyebut rusa tang enda nyangka rusa nya tak tindok dalam ruang perau ke di kayuh ke seduai iya Sali nya tadi. Sida pan lalu nanya iya baru ga laban bedau puas ati ninga saut iya ke enda tentu nyemetak di dinga.\\n“Nama utai di bai nuan nya Apai Sali ? ,” pia ko sida iya ga ingar agi ngangau ke iya ari seberai nyin.\\nNama agi deh tak ringat Apai Sali ninga sida iya tak itok serta rauh rauh ngangau ke iya ari seberai nyin betanya ke nama utai ke di bai iya ba ruang perau nya, dia iya lalu nyaut serta merak ke nyawa iya ingar agi.\\n“RUSA ! RUSA ! RUSA !” pia ko Apai Sali merak ke nyawa nyaut sida iya nya.\\nNama agi deh tak tekenyit meh rusa ke tindok ba ruang perau seduai iya nya tadi, lalu engkechit rari ari perau nya ke ai. Naka iya pemalat meh belinggang perau lalu nyentok ke perau ke alai Sali seduai apai iya nya tadi lalu karam. Seduai iya pan nyau baka nama ga enchapak ngidup kediri belatong ba perau ke udah karam nya tadi.\\nKepuas ke baka nya seduai pan lalu ulih ga mai perau nya ke tebing lalu nungkup ke perau nya baru ambi ke nadai agi ai. Seduai iya pan lalu naka iya pemedis ati ngagai orang Gelong ke mandi ti nyapa seduai ke ngundan rusa nya tadi. Iya meh seduai iya ka nikal baru ka ngambi salai ikan enggau burung ke di tinggal ke seduai ba alai seduai ke nanchang ke perau pagi nya tadi enggai ga nyadi laban hari udah mupok petang serta nyau tumboh nyang. Tak pulai lebu meh Sali seduai apai iya lemai nya laban ti kelalu amu kediri ti ka mai rusa nya pulai idup idup ke rumah.\\n10. APAI SALI NYELAM BATU PERUNSUT\\nApai Sali ke benama Sebeginda Bujang enggau bini iya Enchelegit Tisi Langit, Enchelegi Tisi Hari endang ngidup kediri baka orang maioh di menua Panggau Libau Lendat Di Biau Takang Isang. Iya nya seduai iya endang ngidup kediri ninting tahun bumai betupi, mansai numbai. Amat meh seduai iya semina bisi anak siko iya nya Sali Pengudi Hari, Bujang Semampai Lelang.\\nNyadi tahun nya sida tiga menyanak bulih bendar padi lalu nyau tujuh igi kulit kayu semua meruap magang. Langkau umai sida tiga nyau singit pa pemaioh padi ulih sida tahun nya. Nyau ulih Apai Sali nungkat enggai ke langkau sida runtoh. Bedau kala sida tiga ngemulih nya padi ti dibanding ke enggau tahun ke udah udah. Ukai naka nya aja utai bukai ke ditanam sida ba umai baka buah rampu, jagong enggau ubi pan semua galak magang. Nadai utai ngerindu nya ati sida menyanak meda utai tumboh ba umai sida tak nyadi magang.\\nIya meh naka pemendar sida menua Panggau Libau dia bedurok enggau sida Apai Sali turun ngetau padi. Enda berasai alai nyau penuh sintong pa pemudah sida ke ngetau. Jengkau ke kiba raup lima, jengkau ke kanan raup lapan pa pemaioh tangkai padi ke ngimbai sida ke ngetau. Nyau lepi kenu ko gamal tudah Sali ke ngangkut lanji ke udah penuh laban padi ke udah di ketau nya nagai lankau umai sida.\\nKira seminggu sida semenua dia beturut turut hari ngetau umai nya alai umai pan nyau pupus ketau sida ari kaki umai nyentuk ke tinting ke beantara enggau umai sida Apai Seumang Umang. Nadai ngenang utai bukai sida semenua nama lemai hari leboh ke mandi ba pendai, endang tak berandau ngenang sida Apai Sali ke bulih bendar padi.\\nUdah meh tembu ngetau Apai Sali lalu nesau sida semenua baru nimpoh mai ngindik padi nya laban enggai nyadi lama natam padi nya ba langkau umai enggai ke di empa chit.\\n“Nyadi kitai ke ngetau pan udah ga tembu, lalu aku pan nangkan kitai maioh ke sama bisi ditu bebai ngindik padi kami tu kira ke tiga temuku ari sehari tu,” pia ko Apai Sali madah ke lepa tiga hari lalu hari keempat nya sida semenua lalu nyaup iya ngindik padi ga agi.\\n“Nadai nya utai di kirau ke nuan deh aya, ila meh kitai semenua nyaup nuan ngindik padi nya sampai ke tembu,” pia ko Keling nimbal aya iya nya.\\n“Nya meh utai ke ka didinga aku,” pia ko Apai Sali rakah rakah ketawa gaga ati.\\nIya meh nyau udah genap ke tiga hari lepa, lalu ba hari keempat semua sida semenua lalu datai baru ngagai langkau umai Apai Sali nyaup sida menyanak ngindik padi ke tujuh kulit kayu nya. Nama agi deh laban orang Panggau Libau endang munyi ko sema ba ensera, sigi beberita landik, kering serta jampat ngereja semua utai.\\nNaka ka pengerindu meda pemaioh sida iya ngindik padi sepagi nya. Apai Sali nyau begaru pala meda jamah sida semenua meda penyampat sida. Semua tikai idas ke di kemisi ke Apai Sali endang nadai digalau alai sida ngindik. Lalu baka nya ga pelangka ke alai sida ngusak padi ke udah di indik nyau tak semampai tayun tayun baka empeliau ke ba puchok kayu. Chapan sida ke niup padi pan nyau ke atas ke baroh, muput padi ke lalu di peribut ke sida nya tadi. Nyadi semua padi ke udah beresi di peribut ke sida, iya nya ka tinggal lima kulit kayu agi.\\nPeda nyau ngalih hari mimit, tak nyau kemas semua pengawa sida semenua nya ke mantu sida Apai Sali menyanak ngintu padi. Udah meh tembu pengawa nya dia Keling lalu ngerah sida serumah.\\n“Nya kitai sama meda pengawa kitai ke mantu Apai Sali sehari tu udah ga tembu. Lalu hari pan agi ga bisi alai kitai nulong iya ngangkut padi nya ke rumah,” pia ko Keling.\\n“Nadai nya salah deh Unggal, mesa ni ga kitai ke ngemaioh tu ngerinan semua padi ke lima kulit kayu nya baka semut,” pia ko Sempurai nimbal laban iya ke endang tak begah begah nama bejako enggau orang. Tang iya ke bejako nya endang ngipak ke jako iya mega laban iya empu ke endang kering ngereja semua utai.\\n“Nya ke manah Igat, ti semua pengawa ba umai aku tu lalu ulih di tembu ke kitai sehari tu,” ko Apai Sali ke nyau rising rising baka mua kera ke gaga kediri ti di beri kitai buah pisang. Nadai utai pengaga ngaga nya Apai Sali seduai bini iya Enchelegit ninga jako Keling seduai Sempurai ke bebai ngangkut padi nya ambi ke lalu tembu datai ba rumah sida iya.\\nNama agi deh tak nyau beribut kenu ko ensera gaya babas ke bekau sida menua Panggau Libau nya ngangkut padi sida Apai Sali ke rumah. Nyau lendat jalai sida ke berangkut nya tadi enda nyalah nyalah baka bekau jalai ke udah di titi orang ngabang maia Gawai Antu. Nadai mesa sida iya ngangkut padi ke ka lima kulit kayu nya tadi.\\nIya meh kira ke penumbas iya hari alai semua padi ke ba langkau umai sida Apai Sali pan kemas ga diangkut sida semenua. Nyau enda berasai alai hari sehari nya apus datai ke lemai laban sida ke gawa laban ke naka iya pengerindu meda utai ulih Apai Sali enggau sida sebilik. Bedau kala sida semenua meda padi ngemaioh nya ulih orang bumai betuboh tiga baka sida Apai Sali tahun nya.\\nUdah meh sida semenua nyau pulai magang bekau ke gawa nya dia Apai Sali lalu mai Sali seduai indai iya mandi ambi ke tumu bebela lemai nya laban ke udu lelak di bai Keling seduai Sempurai ngeruntu ngereja padi iya.\\n“Oh duat padah ke indai nuan, mandi kitai tiga. Ambi ke tumu ga makai lemai tu lagi,” pia ko Apai Sali.\\n“Dulu nuan apai, tak agi belala ka bemain enggau buntak ke ulih ba umai tadi aku tu,” pia ko Sali nyaut apai iya.\\n“Enti nuan bedau ka, indai nuan ga padah ke. Dini ka nyadi enda mandi utai ngemiang tu tubuh bekau belaban enggau padi sehari tu,” ko Apai Sali ga ngasoh Sali madah ke indai iya.\\nSali pan lalu belanda landa madah ke indai iya ke benong ngesai ke lanji sida ba tengah laman serta begiling ke tikai idas ke bekau sida iya gawa sehari nya tadi.\\n“Oh indai, nyin apai ka mai nuan mandi. Aku tu bedau ka laban agi ka bemain enggau buntak rusa tu,” ko Salai ngangau ke indai iya.\\nIndai Sali pan lalu badu ngemas semua utai lalu mansang ke pendai sida nitih ke Apai Sali ke endang udah mupok dulu ari iya. Datai iya di pendai, peda iya tudah Apai Sali naka pemendar ngunsut tubuh diri ngena kulit kerupak pau muai miang ke malut iya sehari nya.\\n“Nama main ngemalat nya nuan berunsut deh Apai Duat,” ko Indai Sali nyapa Apai Sali.\\n“Nya meh Indai Duat, bisi utai tusah bendar ga bisi di kemas. Enti nadai utai lagi lalu ka di kemeli serta di ketawa ke orang ga kitai,” ko iya nimbal mai ati ke gaga laban jarang bendar seduai iya Indai Sali begulai mandi laban ke sama maioh pengawa di kerja besari sari.\\nNama mandi meh seduai iya nengali, berandau kediri ngenang pendiau sida menyanak ke merinsa ngidup kediri ngelama tu ke semampai nyadi ke sema sida semenua. Ni ke di kedua ga baka iya ke semampai di keduan Akan iya Apai Seumang Umang. Sekali nyau kepuas seduai ke terunda runda berandau dia, dia deh batu perunsut Indai Sali lalu laboh ke ai.\\nNama agi deh lalu uji di selam Indai Sali ga batu perunsut nya tang lalu enda ga ditemu iya laban ai ke keroh bekau sida semenua ke mandi ari ulu rumah sida nya. Apai Sali pan lalu irau meda tudah Indai Sali nyau baka luak lumbi nyelam belama lama nadai tentu nimbal iya ke bejako nya tadi, iya pan lalu nanya Indai Sali.\\n“Nama utai ke di selam nuan ngemendar nya Indai Duat,” pia ko iya.\\n“Eh nyelam pukak aku laboh tadi aku Apai Duat,” ko Indai Sali nyaut iya.\\nNinga nya tak pukak Indai Sali ke laboh ke dalam ai, nama agi deh lalu nadai kakang kakang agi ati tudah Apai Sali lalu temepur terjun ke dalam ai nuju alai Indai Sali ke semampai nyelam belama lama nya tadi. Nama agi deh nyau tepelut mata Apai Sali baka mata temakol serta merah baka mata burong pilin pa pemedis mata iya bai menchelak dalam ai laban ngarap ke diri bisi tetemu ke pukak Indai Sali ke di padah ke laboh nya tadi.\\nIndai Sali ke beduan lalu ngasoh Apai Sali nyelam batu perunsut iya nya laban tak naka iya penyayau iya ke batu nya ti endang di kena iya ninting hari berunsut nama mandi. Tang iya sigi ka beduan Apai Sali laban lama enda kala betundi enggau iya, tambah ga maia nya ka seduai iya aja ke bisi mandi ba pendai. Nyau ke puas Apai Sali ke chungap chungap lelak bai nyelam nya tadi baru Indai Sali ketawa rakah rakah ba atas jelatong pendai sida nya.\\nMeda baka nya baru tudah Apai Sali ngetu nyelam lalu lama iya temati kutu meda bini iya tak naka iya pengaga meda iya ke nyau seput seput baka ke udah di gagai antu ko gamal.\\n\"Bisi temu nuan utai ke asoh aku selam nya Apai Duat,\" pia ko Indai Sali.\\n\"Lalu bedau temu tu ka semina batu perunsut tu bisi temu aku tadi ditu, tang pukak nuan ke laboh nya lalu bedau temu aku\" pia ko iya nyaut Indai Sali.\\n\"Uji beri ke aku deh batu perunsut nya Apai Duat,\" pia ko Enchelegit madah ngagai iya.\\n\"Nah ambi meh enti nuan tak beguna ke iya. Nama utai ngasoh nuan ketawa ngenyadi nyadi nya deh Indai Duat,\" pia ko Apai Sali nanya.\\n\"Dini aku enda ketawa ke nuan Apai Duat ba nuan tu tambab lap. Kemaia nuan kala ninga pukak tau berserara ari tuboh laban iya endang lekat dia enggau tuboh kitai,\" ko Enchelegit rakah rakah bendar agi ketawa enda olih tat ke agi.\\n\"Iya nama utai ke di selam nuan ngemendar nya tadi ga deh ti nya ukai pukak,\" ko Apai Sali ga itok nanya laban baru nemu diri diayah ke Indai Sali.\\n\"Aku tadi nyelam batu perunsut aku ke laboh deh Apai Duat, tang endang sigi ka ngayah ke nuan meda nuan tak lantang bendar ati peda aku lemai tu\" ko Indai Sali.\\nNama agi deh lalu beguai guai Apai Sali ngesai kediri pansut ari ai lalu mulai kediri mai ati ke ringat kediri empu ke udah dikeduan Enchelegit nya tadi. Datai di rumah Apai Sali lalu ngali kediri laban ke nyau lepi serta lelak bai gawa sehari nya tadi.\\n11. APAI SALI NGEMBUAH SIBAU ENGGAU APAI SEUMANG UMANG\\nIya meh hari beganti bulan, lalu bulan beganti tahun Apai Sali udah enda betemu enggau Apai Seumang Umang dia nyau berasai lelenggau ka betemu enggau akan iya nya taja pan seduai iya selalu bisi penyalah enggau pangan diri ketegal ti ngayah ke pangan tegal uti enggau pengingin ati ti enda lurus enggau pangan diri.\\nIya meh nyau kepuas Apai Sali ti dunga dunga duduk ba pala tangga berunding Kediri bejako nengali irau ati serta nangi, baka ni ko gamal tudah Apai Seumang Umang nya mulai kediri udah bekau ke di tanjah iya enggau ai angat ba lubang kayu benong ke ngelulu kediri nyadi burong tiong suba. Apai Sali pan nyau berasai sinu ati ke tudah Apai Seumang Umang enggai ke iya tak balat pedis serta enda menuku gamal tauka bakal bekau nya suba.\\nDia Apai Sali lalu madah ke ati diri ngagai Enchelegit.\\n“Oh Indai Duat ! Tak enda nemu main ati aku sehari tu tak enda lantang ngagai Apai Seumang Umang bekau iya ke udah di tanjah aku ngena ai angat suba ba lubang kayu. Kati enda kini gamal iya nya diatu, parai tudah tuai tak menawa serta enda tau gawa nupi sida menyanak. Kasih ga aku ke iya, nya alai aku berunding ka ngabas iya pagila,” pia ko Apai Sali madah ngagai bini iya.\\n“Nadai nya nyalah deh nuan ngabas iya lalu minta ampun madah kediri saru udah ngemedis iya sehari nya menya,” pia ko Indai Sali nyaut.\\nNyadi pagi hari siti dia Apai Sali lalu nurun ka nemuai ngagai Apai Seumang Umang. Bejalai kenu ko iya numbas iya pengelantang ga laban ti nyau bepantap ke anak kayu ti nyau repa meraka jalai sida iya nuju ngagai rumah sida Apai Seumang Umang. Kepuas iya ke nengah jalai nya dia iya lalu tepeda ke pun sibau sekayu nyau chirak chirak mansau ba tisi umai sida Keling, ba tebing ai Panggau Libau Lendat Dibiau Takang Isang seberai nyin. Tang ka iya ke seberai ngulih ke bauh sibau nya enggai ga nyadi laban iya ke nadai perau di kena nyemberai kia.\\nIya meh leboh Apai Sali nyau datai ba kaki tangga sida Apai Seumang Umang, dia iya tak naka iya penakut nakut. Nyau ka tegari kemi ko asai ati iya din laban ti nangi kediri enggai ke di jamah Apai Seumang Umang. Ka ati iya nikal mulai kediri enda nyadi niki rumah Apai Seumang Umang, tang sepi iya tak lembut ga ko asai pala patung iya nyingkang pulai. Numbas iya pengelama ga iya bediri tegi tegi dia ngarap ke sida Apai Seumang Umang sebilik bisi ninga iya datai, lalu bisi ngelalu ke iya.\\nApai Sali pan nyau nadai penemu bukai alai ke lalu ngangau ari tanah.\\n“Ooh Akan ! Nyadi rumah kita tu ? ko iya sambil jari iya endang udah besedia megai batang sumpit ka di kena iya betembung ngelaban Apai Seumang Umang enti Apai Seumang Umang nya lagi ka ngelaban iya.\\nDinga Apai Sali tak nyau rejat rejat munyi kaki orang belanda nuju pala tangga.\\n“Apo nuan nya tadi Akan ? Lama amat ga nuan udah enda ngundang aku tu. Lalu meh niki Akan, “ pia ko Apai Seumang Umang empu ngelalu ke Apai Sali.\\nNama agi deh tak tampak baka bulan purnama mua tudah Apai Sali meda Apai Seumang Umang tak mimit pan nadai meh mai mua ringat meda iya datai tang tak mai mua gaga serta rindu ke iya baka kelia. Ko ati Apai Sali tadi endang tak bejamah amat berekak enggau Apai Seumang Umang laban iya ke udah ngemakal ke Apai Seumang Umang. Tak nyau balat agi sinu iya meda pemanah Apai Seumang Umang ke nyambut penatai iya nya tadi ke enda baka ke diperagam ati iya ngelama tu.\\nNiki meh kenu tudah Apai Sali lalu nuduk kediri enda jauh ari mua pintu.\\n“Lapa nuan tak duduk dia deh Akan ? Tu tama kitu ke sama duduk ba tikai tu tua berandau.” Ko Apai Seumang Umang.\\n“Lagi meh akan. Agi ngulih ke puput angin aku ditu.” ko iya nimbal laban dia kelia sebedau seduai iya besilih rumah endang sigi semampai alai iya nuduk kediri ti iya nadai pengawa.\\nNyau ke puas seduai iya berandau sepagi pagi nya dia baru tudah Apai Sali teingat ke pun sibau sekayu ke bebuah lebat ba tebing Sungai Panggau Libau.\\n“Kati nuan akan bisi perau akan,” ko Apai Sali nanya.\\n“Kapa nuan perau deh akan, meda nuan tak udah datai ditu. Nadai nya utai di perau ka nuan deh enti pulai lagi ,” ko Apai Seumang Umnang.\\n“Enda Akan, ka di kena aku nyemberai Sungai Panggau Libau, ka ngulih ke buah sibau ari muak ke ulu seberai pendai kita dia.,” ko Apai Sali madah ngagai iya.\\n“Amat nya akan, lagi meh aku enggau nuan ngabas buah nya.” ko Apai Seumang Umang.\\nNama agi deh lalu bekemas seduai iya mai lanji siti siko ka di kena mai buah sibau ke ko Apai Sali nya tadi. Lalu mupok seduai iya begadai gadai niti jalai pendai nuju perau ke di tanchang dia. Seduai iya pan lalu mupok bekayuh ngulu ke ai nya laban nangi enggai ke hari majak lemai.\\nIya meh nyau semeda pun sibau nya ari seduai ke benong bekayuh dia Apai Sali lalu bejako.\\n“Nyin iya akan nyin !” ko iya gagit madah ngagai Apai Seumang Umang.\\n“Ukai nya akan ! Tak nyengenda raya daun getah narok nya ke chirak chirak ko nuan,” ko Apai Seumang Umang ngelaong ka Apai Sali laban iya lalu bisi ati baru ka ngelakar Apai Sali laban ka ngembuah sibau nya nengali.\\n“Saru nuan nya akan, iya ke di ke ingat ke aku, muak ke ili pendai kami nya baru bisi pun sibau, selalu nya alai kami nyempulut burong maia lepa nadai pengawa.” Ko Apai Seumang Umang ngaga cherita ngemula ke Apai Sali.\\n“Salah meh penungga ko aku nya tadi akan,” ko Apai Sali ga nimbal.\\n“Kati enda salah, lagi meh nuan merau nengali ke ili kin. Laban aku enggai nyadi lama laban ka ngangkut padi ari uymai lagi,” ko Apai Seumang Umang ngelimpang kediri ambi ke Apai Sali merau ke ili lalu enda bulih buah sibau.\\nNikal meh seduai iya kili baru. Lalu leboh ke mansa pendai orang Panggau Libau dia Apai Seumang Umang lalu nyangkai kediri enda enggau Apai Sali ngembuah agi. Iya meh nyau nadai di peda Apai Seumang Umang agi tudah Apai Sali ke merau ke ili nuju pun sibau ke ko iya nya tadi, dia iya lalu beguai guai naban ke perau sida serumah ke bisi di tanchang ba pendai sida. mansang ke ulu ka ngembuah sibau nya nengali.\\nNama agi deh nadai utai pengaga ngaga nya ati tudah Apai Seumang Umang ngulih ke buah sibau nya. Iya meh nyau abis buah sibau sekayu nya di ulih ke Apai Seumang Umang dia iya pan lalu mulai kediri. Leboh ke mulai kediri ngagai pendai sida dia Apai Seumang Umang tak tekenyit bendar ati meda Apai Sali endang tak rangak rangak benong ngali kediri ba jelatong pendai orang Panggau Libau laban enggai enda madah kediri enda bulih buah lalu madah kediri mulai ke perau Apai Seumang Umang.\\nKa ati Apai Seumang Umang nikal ngicha ke Apai Sali pulai dulu enggai ga nyadi. Ka pan enda tak pajak ke iya meh iya ke merau nya nuju pendai sida enda iboh ke Apai Sali. Iya meh sangkai iya ba pendai nya dia iya lalu nanya Apai Sali.\\n“Bisi udah bulih buah sibau ke ko aku nya nuan Akan,?” ko Apai Seumang Umang.\\n“Tak nadai meda utai aku akan sepemanjai ai kita tu ke ili kin,” Ko Apai Sali.\\n“Kada enda udah di tiki orang deh pun sibau nya ,” ko iya ga nyaut Apai Sali.\\n“Eh nadai nya maioh jako deh Akan, tak buah sibau ke ba perau nuan nya meh beri ke aku. Kasih ke aku tak pulai puang lagi,” ko Apai Sali minta ari Apai Seumang Umang.\\nNadai meh Apai Seumang Umang nemu jako agi enggau Apai Sali. Ka enda pan tak meri buah nya ngapa nadai pengiroh iya ngagai tudah Apai Sali laban ketegal iya ti amu ka ngembuah sibau nya nengali makai kediri. Apai Sali pan lalu senyum mulai kediri ngema lanji ke penuh buah sibau laban ke nadai enggau Apai Seumang Umang ngembuah tang bulih naka iya pemaioh.\\n12. APAI SALI NGINTI BURONG TIONG\\nIya meh nyau lepa pengawa udah tembu ngetau sida Apai Sali menyanak pan nyau nadai pengawa di kerja agi ba umai betaun baka orang bukai. Besari sari tudah Apai Sali tu duduk dunga dunga begaga ke sarung duku. Nyua sepengelama ke baka nya, nyau bisi tiga iti ga sarung duku nya udah tembu digaga iya. Nyadi pagi hari siti iya lalu madah ngagai bini iya Enchelegit Tisi Langit, Enchelegi Tisi Hari iya nya Indai Sali.\\n“Akai rai Indai Duat, lama bender ga aku tu udah enda nemuai ngagai akan aku Apai Seumang Umang udah kami duai ke bai iya besilih rumah hari nya.”\\nIndai Sali lalu nyaut “Ba nuan ka amat besulu enggau Apai Seumang Umang, enda nemu jera kediri empu. Setiap kali seduai besulu nuan enda tau enda bulih penusah”\\n“Eh ! Ukai nya lama aku nemuai ngagai iya deh. Aku enggai meh kedua kali dikeduan iya baka nya belama. Aku empu ke tambab mudah ka dikemeli ke iya” pia ko saut Apai Sali.\\nNama agi deh lalu jengkau iya duku iya ke dikait ke ba tandok rusa lalu ditangkin ke ba punggung. Lalu japai iya sumpit lalu san iya laban ke ka nemuai ngagai akan iya Apai Seumang Umang. Nadai beleman Apai Sali tu nurun laban enda ngasi ke jako rara bini iya Enchelegit.\\nBejalai iya kenu ko ensera ninting serarai umai sida lalu rembus ba sungai ba ulu lebak. Sambil ke bejalai nya Apai Sali endang tak kadah kadah gining gining malik ngagai puchok kayu ngicha kediri bisi meda kenaya burong tauka jelu laban ke lama nadai kala begiga ke lauk.\\nNyau kelama iya ke bejalai, bukit di turun bukit di tiki, bejalai meruan niti menasan jalai jani dia dinga iya nyau rami munyi kukok manok Apai Seumang Umang ba rumah ke udah di pesilih ke seduai iya tahun nyin suba. Lalu bejalai keno ko iya begadai gadai niti jalai pendai sida Apai Seumang Umang laban nemu diri sigi udah datai. Datai meh iya ba kaki tangga sida Apai Seumang Umang lalu nyapa nanya ke penyadi rumah Apai Seumang Umang nya alai iya nemuai.\\n“Oh Akan ! Nyadi rumah nuan sehari tu alai aku nemuai.” pia ko Apai Sali ngangau ari tanah. Udah nya lalu pedea Apai Sali pansut deh anak dara Apai Seumang Umang ngelalu ke iya.\\n“Lalu meh Aya, nadai rumah kami sehari tu bengat bisi penti bisi pemali di tiki. Lalu meh,” pia ko anak Apai Seumang Umang.\\nApai Sali pan lalu niki ke rumah. Iya pan lalu nudok kediri ba tikai ke udah di anchau ke anak Apai Seumang Umang. Anak dara Apai Seumang Umang lalu mupok ke dapur ga nampung pengawa iya ke bebela ka lauk. Kelama ke duduk nadai orang nunga nyau enda berasai Apai Sali nanya anak dara Apai Seumang Umang meda Apai Seumang Umang tak nadai ayan.\\n“Oh Umang ! Dini penunga apai enggau indai nuan deh tak nadai ayan betunga enggau aku ditu,” pia ko Apai Sali.\\n“Amat ga Aya, enda ingat madah ngagai nuan aku tadi. Nyau ka datai seduai iya tu pelaba ke aku. Laban tumu pagi tadi seduai iya nurun ngabas ginti ke di tan ke ba tisi kaki umai kami.” pia saut anak Apai Seumang Umang.\\n“Agi lama alai seduai tu pulai, enti enda pia mulai kediri dulu ga aku. Ila nemuai baru. Lelenggau bendar ke Akan aku nya.” pia ko Apai Sali.\\n“Duduk dulu meh Aya. Tu aku nyau udah mela lauk lalu nyangkong nuan merarau lagi. Nadai patut seduai tu tak bengat lama deh ti semina tak naka ngabas ginti.” pia ko anak Apai Seumang Umang nan ke tudah Apai Sali enggai ke lalu enda betemu enggau apai iya.\\nNama agi deh lalu ngali kediri tudah Apai Sali ba tikai idas ke dianchau anak Apai Seumang Umang. Sambil ke gali nyau nyau betampung batang ga daun ruku daun biru nya di insap iya. Nyau baka asap orang ke nepok landak ba lubang pa pemalat kesoh asap insap Apai Sali. Nyau enda berasai tudah Apai Sali lalu meliar ai mata meda pemanah rumah iya nya tak percuma di silih iya enggau Apai Seumang Umang laban ngingat ke pengelantang sida menyanak sekumbang ti diau ba utai ke ngemanah nya menya.\\nNyau meh penumbas iya Apai Sali ke nganti Apai Seumang Umang, dinga iya tak baka lukau orang berandau ngadap ke tunga pala tangga. Lalu beguai iya ensugau ngesai kediri ari ti gali nya laban ka nyengok ari lubang penyengok ka meda sapa orang ke bemunyi nya tadi. Nama agi deh pengaga ati Apai Sali meda Apai Seumang Umang seduai bini iya nyau betangkan tangkan baru datai ba pala tangga ka niki. Peda iya Apai Seumang Umang tak naka iya pengaga megai burong tiong ba jari iya nyau baka anak mit. Apai Sali pan lalu ngangau ari lubang penyengok nya.\\n“Apo Akan ! Kumbai aku enda datai seduai Indai Seumang Umang tadi. Udah ka mulai kediri aku tadi tang agi di tan ke Umang laban ti ngumbai seduai nyau ka pulai ngabas ginti ba tisi umai.” Pia ko Apai Sali.\\n“Eh dudok dulu meh Akan ! Lama bendar nuan udah enda nemuai ngagai kami menyanak. Aku tu ka limpang nyimpan burong tiong tu ba kurungan baroh rumah tu dulu.” Pia ko Apai Seumang Umang nyaut iya.\\nUdah meh Apai Seumang Umang tembu nyimpan burong tiong nya iya lalu niki ke rumah dudok nunga Apai Sali. Seduai iya endang baka selama tau bendar besulu enggau pangan diri lalu maioh macham cherita ti ka di kenang enggau pangan laban ke lama udah enda betemu. Nyau kepuas seduai iya ke berandau nya sekali dinga Apai Sali tak bejako orang ari baroh rumah tak nyau ngeragak nya nadai orang nimbal. Agi naka sekali orang nya bejako enda Apai Sali iboh, lalu perening iya ga gamal mua tudah Apai Seumang Umang ke berandau nunga iya. Peda iya tudah Apai Seumang Umang tak nadai apa nama, tak majak kediri berandau baka ke nadai ninga utai.\\nNyau ke leju ninga utai nyelai munyi nya dia Apai Sali lalu nanya Apai Seumang Umang.\\n“Akan bisi nuan ninga orang bejako kediri nadai orang nimbal tak nyau bekelukau ba baroh rumah nuan tu. Ukai antu sebayan nya kini ?” pia ko Apai Sali.\\n“Iya ke nyau radak radak bejako sebarang utai rara sekumbang tua ke berandau nya tadi ko nuan Akan,” pia ko saut Apai Seumang Umang.\\n“Au ah ! Di anti niki nadai ga niki. Nanya ke penyadi rumah nuan tu nadai ga di dinga nyapa. Tak geli ati aku ninga orang nya Akan,” pia ko Apai Sali ga agi irau ati.\\n“Eh nya meh burong tiong ke di bai kami duai Indai Seumang Umang pulai ngabas ginti tadi. Baru ulih kami duai laban ke semampai ninga iya bemunyi ba tisi umai sekumbang kami ti ngetau tu tadi,” pia ko Apai Seumang Umang.\\n‘Apo amat bidik nuan Akan ! Nurun nginti tau tak pulai bulih burong tiong ukai mai ikan.” pia ko Apai Sali majak irau ati ninga Apai Seumang Umang ke nurun nginti tau tak bulih burong. Ti tak sengapa burong enda ga iboh nya burong tiong ke udah nemu bejako munyi kitai mensia.\\n“Nadai aku bula ke nuan Akan. Endang amat ulih kami duai nginti burong tiong nya tadi. Ginti kami duai ba lubang pun kayu ba tisi umai kami nya.” Pia ko Apai Seumang Umang ngemendar ke cherita diri.\\n“Bah nama utai ke umpan di kena nuan nginti alai tau tak ulih nuan burong tiong nya deh ?” pia ko Apai Sali laban iya tak rindu ati ninga burong tiong nya nemu bendar bejako munyi kitai mensia..\\n“Nadai nya utai bukai deh Akan ! Bai ke nuan penganan jala, telu manok mansau, asi pulut lulun enggau penganan iri ka umpan, ka iya olih deh, baka enggi aku tadi,” pia ko Apai Seumang Umang.\\nNinga munyi nya lalu naka iya pengaga ati Apai Sali laban ngarap kediri tau bulih nginti burong tiong. Seduai iya Apai Seumang Umang pan lalu besemaia laban hari siti Apai Seumang Umang madah kediri ka nunjok ke Apai Sali madah ke dini bagi lubang pun kayu ke agi bisi alai burong tiong nya besarang.\\nUdah meh tembu merarau tengah hari nya dia Apai Sali lalu madah kediri ka pulai. Iya lalu berat rat bendar enggai ke Apai Seumang Umang bula enda nurun pagila ngulu ke iya nginti burong tiong munyi ke tusoi Apai Seumang Umang ngagai iya. Datai Apai Sali ba langkau iya empu dia iya lalu ngasoh bini iya Enchelegit ngaga penganan jala enggau penganan iri. Sali lalu diasoh iya ngambi telu manok sida ke di kemisi ke ba kurungan di baroh langkau. Iya pan lalu nurun begiga ke buloh ruas ambi ke bisi di kena iya belulun ka asi pulut laban semua utai tu endang semina nya aja ke tau nyadi ke umpan kena nginti burong tiong munyi ko tusoi Apai Seumang Umang.\\nIya meh tekerbak tawas pagi hari siti Apai Sali lalu beguai guai nyimpan semua utai ke umpan iya nya ke dalam raga serta mupok nuju tisi umai sida Apai Seumang Umang nitih ke semaia seduai. Datai iya ba tisi umai peda iya Apai Seumang Umang endang udah dugau dugau dudok nginsap ba pelasar dalam langkau umai sida. Naka iya pengeransing ati Apai Sali sehari nya laban nadai patut enda olih iya burong tiong enti nitih ko Apai Seumang Umang laban umpan kelalu maioh dibai iya nginti burong tiong.\\n“Bah Akan ni bagi pun kayu ke bisi lubang alai burong tiong nya besarang. Padah ke aku meh ambi ke hari enda tebasau enggai ke hari nyau tinggi lagi. Takut ke iya siga lalu terbai ke bukai.” Pia ko iya minta tunjok ke Apai Seumang Umang.\\n“Eh Nyin iya Akan ! Tang nuan nganti ditu dulu nganti nuan bisi ninga iya bemunyi baru nuan tau ngulur ke ginti nuan ngagai lubang pun kayu nya enggai ke burong tiong nya nadai dia. Aku ka ngiga lauk ke bukai asoh Indai Seumang Umang tadi,” pia ko saut Apai Seumang Umang ke endang udah be ema raga lalu mupok ngejang ninggal ke Apai Sali kediri.\\nNama agi deh lalu beguai guai Apai Seumang Umang ninggal ke Apai Sali ngelaung enggai ke di peda Apai Sali nuju ngagai pun kayu ke udah di tunjok ke iya nya tadi. Datai ba pun kayu nya tadi dia Apai Seumang Umang lalu rauh rauh ngaga diri munyi burong tiong ke bisi ba kurungan di baroh rumah iya. Apai Sali pan lalu beguai guai ga nuju lubang pun kayu nya lalu ngulur ka tali ginti iya ke dalam lubang munyi ko tusoi Apai Seumang Umang.\\nKeterubah iya Apai Sali ngulur ka telu manok mansau ke umpan iya. Iya meh nyau abis semua telu manok mansau ke bisi di bai iya nya lalu bedau ga burong tiong nya ulih iya. Apai Sali lalu bejako kediri meda burong tiong lalu bedau ulih.\\n“Bangar amat ga burong tiong tu lalu bedau ulih. Tu nama nyau abis telu manok mansau ke di bai aku tu,” pia ko iya mutap. Udah nya dinga iya tak nyaut ga Apai Seumang Umang ke belalai dalam lubang kayu nya nyaut ngelulu kediri nyadi burong tiong.\\n“Enggai agi aku beguna ka telu manok mansau. Tak nya belama. penganan iri ka aku,” ko Apai Seumang Umang ke nyadi burong tiong dalam lubang kayu nya.\\nNama lalu beguai guai ga iya ngulur ke ginti iya beumpan ke penganan iri ngarap ke ginti diri bulih burong tiong. Iya meh nyau abis penganan iri nya ke umpan iya burong tiong pan lalu bedau ga ulih. Naka iya pemedis ati tudah Apai Sali meda ginti diri lalu bedau bulih burong tiong, dia iya lalu bejako.\\n“Ah deh. Naka naka ga burong tiong tu lalu enda ulih. Telu mansau enggau penganan iri ke umpan aku pan udah ga abis, tak bulu burong tu lalu bedau meh aku meda. Anang ke tak mai tuboh iya,” pia ko iya muchau bejako kediri.\\nSekali dinga iya tak nemu nyaut deh burong tiong dalam pun kayu nya munyi tu :\\n“Selalu tu belama ke di empa ka kena ngumpan kami. Uji penganan jala nya baru iya,” pia ko Apai Seumang Umang nyaut dalam lubang kayu ngelulu kediri nyadi burong tiong.\\nNinga munyi nya lalu beguai ga tudah Apai Sali ngait ke penganan jala ba mata ginti iya lalu ngulur ke nya dalam lubang kayu ngarap kediri tau bulih nginti burong tiong. Ulur ke iya sekali peda abis ga umpan nya di empa burong, tang burong lalu bedau ulih. Umpan pan nyau majak abis seabis. Iya pan bejako kediri barandau nengali ngeransi meda diri lalu nadai utai udah ulih.\\n“Apo naka meh burong tu lalu enggai ulih. Tu deh nyau abis semua umpan aku. Pagila nama enda utai kena ngumpan ti semua nya tak dikumbai burong tiong tu selalu diempa iya,” ko iya kutap kutap ngeransi diri ke lalu nadai utai udah ulih. Sekali dinga iya lalu nyaut deh burong tiong dalam lubang nya.\\n“Buah pisang, dagin babi panggang enggau manok panggang baru kami ka makai,” pia ko saut Apai Seumang Umang ke dalam lubang kayu nya ngelulu kediri nyadi burong tiong.\\nApai Sali lalu mulai kediri ngagai langkau sida. Datai iya din, dia iya lalu ngasoh Sali nebang pisang sida lalu milih buah ti mansau aja. Bini iya Enchelegit lalu diasoh iya nangkap manok laban iya ka nangkap babi. Ninga Apai Sali ngasoh ngereja utai munyi nya dia Indai Sali lalu nanya kapa guna iya ka bebunoh ke babi manok nyangka bisi temuai ka datai ba rumah sida.\\n“Eh nadai nya utai di tanya ke nuan Indai Duat. Ka di kena aku nginti burong tiong ke umpan aku laban nya utai tau ke umpan ko burong tiong nya tadi leboh aku ke nginti ba tisi umai sida Apai Seumang Umang,” pia ko saut Apai Sali.\\nUdah nya baru Indai Sali nemu guna iya enggau telu manok mansau, penganan iri enggau penganan jala sehari nya tadi. Indai Sali pan lalu enda lantang ati ninga iya nyebut diri ngena umpan nya nitih ke padah Apai Seumang Umang.\\n“Apo Apai Duat. Salah nama baka tu, nadai apai indai, aki ini kitai tu kelia kala nginti burong lalu beumpan ke utai munyi ko Apai Seumang Umang nya tauka munyi ko burong tiong nya tadi. Uji abas nuan baru ngagai pun kayu nya tadi amat enda nya bisi burong tiong diau dia.” Pia ko Enchelegit tekenyit ninga cherita Apai Sali serta sinu ninga iya semampai di keduan Apai Seumang Umang.\\nNinga munyi nya Apai Sali lalu pedis amat ati laban nemu diri udah dikeduan Apai Seumang Umang baru. Iya lalu beguai guai ngabas ngagai pun kayu ke alai iya nginti pagi nya. Datai iya ba pun kayu nya lalu ngalih ke sepiak ari ke ukai uorng alai iya ngulor ke ginti. Sekali tak peda iya nyau denga denga pemesai lubang pun kayu nya tau alai mensia belalai. Peda iya kulit kerubong telu enggau repik penganan nyau betabur bekau Apai Seumang Umang makai umpan ke di ulur ke Apai Sali leboh ke ka nginti burong tiong pagi nya tadi. Naka iya pengeringat Apai Sali laban amat munyi ko bini iya Enchelegit iya sigi dikemula serta dikelakar Apai Seumang Umang baru.\\nTumu pagi hari siti iya pan lalu nurun baru ga ka nginti burong tiong nya nitih ke padah burong tiong nya kemari. Tang penurun iya pagi nya enda mai umpan babi panggang enggau manok panggang tang semina mai buah pisang lengki sigi aja serta enggau ruas payan ti naka iya pemesai alai iya nyimpan ai angat. Datai iya ba tisi umai sida Apai Seumang Umang peda iya Apai seumang Umang endang udah bisi dia ngelulu kediri matah ke daun ubi.\\n“Tumu bendar nuan pagi tu Akan,” ko Apai Seumang Umang nanya iya dulu.\\n“Enggai nyadi enda tu Akan, Bangar amat burong tiong nya nemu bendar milih utai diempa ke umpan, nya alai aku nguji baru sehari tu,” ko iya nyaut Apai Seumang Umang.\\n“Kapa nuan ruas ngemesai nya deh Akan. Nama umpan bai nuan sehari tu,” pia ko Apai Seumang Umang bejako sambil nyeling ke bukai laban ti ka ketawa kediri empu ti beduan Apai Sali.\\n“Eh munyi ke dipinta meh Akan. Mai manok panggang enggau babi panggang aku dalam ruas tu enggau buah pisang nitih ke pinta burong tiong nya kemari,” pia ko iya ga nyaut sambil ti tuchum laban ka malas Apai Seumang Umang. Apai Seumang Umang endang mimit pan nadai meh nyangka Apai Sali nemu diri udah di keduan iya kemari.\\nApai Sali lalu ngelulu kediri nginsap laban ngawak ke Apai Seumang Umang nya mupok dulu ngelaung ngagai pun kayu ke dikumbai bisi burong tiong besarang. Enda lama udah nya dinga iya tak nyau kaun kaung munyi burong tiong nya bejako nadai utai ngemanah manah nya ari munyi ke kemari. Apai Sali pan lalu beguai ga nuju pun kayu nya lalu ngulor ka buah pisang lengki ke nyadi ke umpan ka di kena iya nginti burong tiong nya. Udah nya peda iya enda lama buah pisang nya lalu abis, lalu dipeda iya semina kulit aja ke agi tekait ba mata ginti.\\n“Apo jampat amat burong tu makai. Umpan pan ka semina sigi tu aja bisi dibai aku,” ko iya bejako kediri beketup ngeli laban ti pedis ati ngagai Apai Seumang Umang.\\nDinga iya lalu nyaut deh burong tiong dalam lubang kayu nya tadi.\\n“Panggang babi baru kami ka makai, buah pisang nya enda nyamai,” pia ko Apai Seumang Umang ke belalai dalam lubang kayu ngelulu Kediri nyadi burong tiong.\\n“Au lagi meh ! Nganti aku udah ngulih ke ruas panggang tu ari ema ,” pia ko Apai Sali.\\nApai Seumang Umang pan lalu naka iya pengaga ninga Apai Sali baru ka ngulih ke ruas payan nadai utai ngemesai mesai nya dalam ema iya.\\n“Nyampau pemaioh lauk tu lagi, nya baru bebendar perut tu bentus kenyang makai sehari tu. Tau lalu lemai mulai kediri ke rumah,” ko Apai Seumang Umang bejako dalam ati diri.\\nApai Sali pan lalu beguai guai ngulih ke ruas payan ari ema iya enggai ke siuh laban ai angat ke dibai iya ari rumah nya endang tak semadi enggai angat agi dibai iya nurun pagi nya laban ka manjah Apai Seumang Umang ti selalu ngayah ke iya. Apai Sali pan lalu enda chamang chamang nyiuh ka ai angat nya ngagai lubang pun kayu ke alai Apai Seumang Umang nya belalai makai umpan ke di ulur ke iya. Serta meh ai angat nya udah dipanjah Apai Sali ngagai Apai Seumang Umang sekali dinga Apai Sali tak nyau munyi remaung negong pa pengingar nyawa Apai Seumang Umang manjong dalam lubang kayu ke alai iya belalai.\\n“Apo Akan ! Parai aku tu Akan dipanjah nuan ngena ai angat ngenyadi tu,” ko Apai Seumang Umang rauh rauh nyabak tuai nat kediri betu.\\nApai Sali lalu beguai guai ngebu kediri pulai belanda landa enggai kiroh ke Apai Seumang Umang ti nat ke pemedis laban betu ai angat nya tadi. Sambil ke belanda pulai iya pan naka iya pengaga laban udah tebalas ke Apai Seumang Umang ke selalau beduan iya.\\nLensa Kamera 2: Orkid\\nLensa Kamera 1: Buah\\nKampung Bau; Gambar Sebelah Ngelingi Rumah\\nPerkhemahan Tahunan Pra-U SEMEKAR 2013\\nGambar Kayu Buan\\nRahsia Bulan Kelahiran Januari & Februari Mac & April Mei & Jun Julai & Ogos September & Oktober November & Disember\\nCherita Penyelai Teras Mali","num_words":22982,"character_repetition_ratio":0.102,"word_repetition_ratio":0.0,"special_characters_ratio":0.206,"stopwords_ratio":0.259,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Gerija baru St Francis lantang endur sembiang - Suara Sarawak\\n“Kami beterima kasih ngagai Unifor ti udah meri bantu belanja RM1 juta ba taun 2017 dalam nirika begunan gerija baru tu.”\\nKOTA SAMARAHAN: Begunan baru Gerija St Francis beungkus RM5 juta dipenyadi Bishop Gerija Anglikan Sarawak enggau Brunei Darussalam Rt Revd Danald Jute, kemari.\\nVicar Gerija St Francis, Revd Canon Dennis Gimang madahka penumbuh begunan gerija baru nya berindik ari penyampau tubuh Kristian pegai gerija nya majak nambah ninting taun.\\n“Enti nitihka penyampau tubuh ke ulih nampung pemesai begunan gerija lama suba urung 350 iku aja.\\n“Tang ba begunan ke baru tu disadang ulih muat urung 1,200 iku Kristian ba pelilih Kota Samarahan,” ku iya.\\nCHUKUP MANAH… Begunan baru Gerija St Francis Kota Samarahan ulih nampung 1,200 iku raban Kristian pelilih Kota Samarahan.\\nRevd Dennis madah munyi nya lebuh dirandau Suara Sarawak ba Gerija St Francis ditu, kemari.\\nNangkan nya ku iya, sida udah ngaga mayuh pekara dikena nampung pemayuh tubuh raban Kristian ke besembiang ba gerija nya.\\n“Taja pia, nya mengkang enda ulih namoung pemayuh raban Kristian ba pelilih Kota Samarahan nyengkaum bala nembiak ke belajar ba Unimas enggau UiTM.\\n“Tu mih kebuah kami berundjng nirika begunan baru tu ngambika semua ke semak pelilih menua tu ulih besembiang enggau lantang ,” ku iya.\\nUdahnya ku Revd Dennis, taja baka ke udah tembu penuh, sida mengkang begunaka belanja RM3 juta dikena nyendiaka gerija nya enggau mayuh perengka guna.\\nNgelansa pun penumbuh gerija nya, Revd Dennis madahka raban Kristian pelilih Kota Samarahan kelebih agi sida ke ngena gerija nya alai besembiang mayuh udah meri bantu nirika begunan baru nya.\\n“Keterubah kami berunding deka numbuhka gerija tu suba, kami minta tiap ruang bilik meri bantu belanja nitihka pemisi diri.\\n“Puji Tuhan laban nengah pengawa nya kami mujur ngumpul belanja ba taun 2015 lalu nampung baru pengawa ngumpul belanja nya ba taun 2016,” ku iya.\\nKu Revd Dennis, kebuah sida ngumpul belanja ari raban Kristian pelilih menua nya laban sida enggai bepanggai ba bantu orang bukai.\\n“Enda patut alai kitai minta bantu ba orang bukai enti kitai empu enda ulih mantu gerija kitai empu,” ku iya madah nyemetak.\\nKelimpah ari bantu raban Kristian pelilih Kota Samarahan, begunan baru Gerija St Francis mega nerima bantu ari Unit Pekara Pengarap Bukai (Unifor).\\n“Kami beterima kasih ngagai Unifor ti udah meri bantu belanja RM1 juta ba taun 2017 dalam nirika begunan gerija baru tu,” ku iya.\\nNitihka penerang, Gerija St Francis Kota Samarahan bisi tiga misa Hari Minggu alai sembiang Jaku English (pukul 6.45 pagi) ulih ngungkupka 350 iku, sembiang Jaku Iban (pukul 8.30 pagi) ulih ngungkupka urung 700 iku lalu sembiang Jaku Melayu (pukul 5.30 lemai) diungkup ngagai raban nembiak universiti ba Kota Samarahan enggau penyampau 100 iku.\\nRambau pengawa bejadika gerija baru nya, urung 2,000 iku raban Kristian pelilih Kota Samarahan sama bisi datai meda hari besejarah nya.\\nLANTANG… Entara raban Kristian ke sampal datai ba pengawa bejadika begunan Gerija St Francis ke baru, kemari.","num_words":454,"character_repetition_ratio":0.105,"word_repetition_ratio":0.04,"special_characters_ratio":0.199,"stopwords_ratio":0.185,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jalai ai mutar jalai sekut - Suara Sarawak\\nKUCHING: Perintah merambu mutar penanggul jalai sekut ba kandang mengeri nengah jalai ai.\\nMenteri Perengka Pengangkut Datuk Lee Kim Shin madahka perambu tu dikena ngurangka penguna betengahka jalai alun sebaka enggau di menua China.\\n“Sarawak ngembuan mayuh sungai ke alai muntang endur mindah kin kia.\\n“Taja pia, sebedau perambu tu nyadi nyatam kitai deka berati enggau bejalaika pengawa nyeleti jelatung penyangkai ungkup perengkaguna pengangkut moden agi,” ku iya.\\nKim Shin bejaku munyi nya ba aum pemberita pengudah baum begulai enggau Pemesai Konsulat menua China enggau Menijar Besai Bank of China ba Begunan Baitul Makmur ditu tadi.\\nKE PENGINGAT… Datuk Lee Kim Shin (dua kiba) begambar kenang pengudah baum begulai enggau Pemesai Konsulat menua China enggau Menijar Besai Bank of China ba Begunan Baitul Makmur ditu, tadi. Gambar- GHAZALI BUJANG.","num_words":130,"character_repetition_ratio":0.064,"word_repetition_ratio":0.165,"special_characters_ratio":0.172,"stopwords_ratio":0.123,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup Ulang Adat* ditulis kena madahka jaku Moses ngagai orang Israel, lebuh sida di menua Moap, alai sida ke enda tau enda ngetu udah bekau sida ke lama udah bejalai nengah menua puang, lalu baru deka datai di menua Kanaan, lalu ngalahka menua nya.\\nPekara ti pemadu beguna, ti ditulis dalam bup tu nyengkaum: (1) Moses mai orang Israel ngingatka utai ti udah nyadi empat puluh taun ti dulu ari nya. Iya minta orang mayuh ngingatka chara Allah Taala udah nguluka sida bejalai nengah menua puang, lalu minta sida ngasi sereta taluk ngagai Allah Taala. (2) Moses ngulang Sepuluh Pesan Allah Taala, lalu madahka pemesai reti Pesan ti keterubah, lalu minta orang mayuh angkunka TUHAN siku aja. Udah nya iya lalu ngulang semua adat ti deka dikena merintah pengidup orang Israel lebuh sida diau ila di menua ti udah disemaya. (3) Moses ngasuh orang mayuh ngingatka reti sempekat entara Allah Taala enggau sida, lalu minta sida seruran taluk ngagai sempekat nya. (4) Josua diletak nganti Moses nyadi tuai bala nembiak Allah Taala. Udah bekau iya ke belagu muji penetap ati Allah Taala ke orang Israel, lalu merekatka orang Israel, Moses lalu mati di menua Moap, di timur Sungai Jordan.\\nBatang jaku ti dalam bup tu ngenang pasal Allah Taala ti udah ngelepas sereta merekatka bala nembiak Iya, ke dikerinduka Iya. Nya alai bala nembiak Iya enda tau enda ngingatka utai tu, lalu rinduka Iya sereta ngasika Iya, ngambika sida idup lalu majak ngasaika berekat ari Iya.\\nAyat ti pemadu besai reti dalam bup tu nya 6.4-6. Ayat tu ngundan jaku ti dikumbai Jesus pesan ti pemadu besai: “Rinduka TUHAN Allah Taala kita enggau pengabis ati kita, enggau pengabis semengat kita, enggau pengabis pengering kita.”\\nJaku Moses ti keterubah (1.1-4.49)\\nJaku Moses ti kedua (5.1-26.19)\\na. Sepuluh Pesan (5.1-10.22)\\nb. Adat, atur, enggau jaku tangkan (11.1-26.19)\\nAtur pasal tama ngagai menua Kanaan (27.1-28.68)\\nNgulang sempekat (29.1-30.20)\\nJaku Moses ti penudi (31.1-33.29)\\nPemati Moses (34.1-12)\\n1 Bup tu ngundan jaku Moses ngagai semua orang Israel lebuh sida di menua puang di timur Sungai Jordan. Sida iya benung ba Lebak Jordan, semak Sup, entara nengeri Paran ti muak ari sepiak enggau nengeri Topel, Laban, Haserot enggau Disahap muak ari sepiak.\\n2 (Penyauh Bukit Sinai ari Kades-barnea nya kira pejalai sebelas hari enti nengah menua ti bebukit di Edom.)\\n3 Kena satu hari bulan ti kesebelas dalam taun ti keempat puluh udah bekau sida pansut ari menua Ejip, Moses madahka ngagai orang Israel semua utai ti udah diasuh TUHAN padahka iya ngagai sida.\\n4 Utai tu nyadi udah bekau TUHAN ngalahka Raja Sihon, raja orang Amor, ke merintah di nengeri Hesbon, enggau Raja Og menua Basan, ke merintah di nengeri Astarot enggau nengeri Edrei.\\n5 Lebuh orang Israel benung di timur Sungai Jordan, di menua Moap, Moses belabuh nerangka adat enggau ajar Allah Taala. Ku iya,\\n6 “Lebuh kitai ba Bukit Sinai, TUHAN Allah Taala kitai bejaku enggau kitai: ‘Kita udah chukup lama diau ba bukit tu.\\n7 Rerak kem kita, lalu mupuk baru. Awakka kita mupuk ngagai menua ti bebukit di menua orang Amor, enggau ngagai menua ti ngelingi menua nya, iya nya, ngagai Lebak Jordan, ngagai menua ti bebukit enggau menua ti emperan, ngagai selatan menua nya, enggau ngagai tebing Tasik Tengah. Awakka kita mansang ngagai menua Kanaan, lalu bejalai terus ngilah Bukit ti di menua Lebanon, nyentuk ngagai Sungai Eupratis.\\n8 Tu meh semua menua ti udah disemaya deka diberi Aku ti TUHAN ngagai aki ini kita Abraham, Isak enggau Jakop, enggau ngagai peturun sida. Mupuk meh kita lalu alahka menua nya.’ “\\nMoses Ngeletak Orang Nyadi Hakim\\n9 Ku Moses bejaku enggau orang mayuh, “Lebuh kitai agi ba Bukit Sinai, aku madahka ngagai kita, ‘Tanggungjawap nguluka kita nya kelalu berat ke aku. Aku enda ulih ngereja pengawa nya kediri.\\n10 TUHAN Allah Taala kita udah ngasuh kita nambah-menambah datai ke kita nyau ngemayuh bintang ti di langit.\\n11 Awakka TUHAN Allah Taala aki ini kita ngasuh kita seribu kali mayuh agi tubuh, lalu ngasuh kita nyadi kaya-raja, munyi ti udah disemaya Iya!\\n12 Tang baka ni ku aku ulih mangku tanggungjawap mutarka penusah enggau laya kita, enti aku ngereja pengawa nya kediri?\\n13 Pilih orang ke bepenemu-dalam, ke nemu meretika utai, ke bisi peneleba, ari genap raban bansa kita, lalu aku deka ngeletak sida nyadi tuai kita.’\\n14 Kita lalu besetuju ngumbai penemu nya manah.\\n15 Nya alai aku lalu ngambi bala tuai raban bansa kita, orang ke bepenemu-dalam, ke bisi peneleba, lalu aku ngeletak sida nyadi tuai ke seribu iku orang, ke seratus iku, ke lima puluh iku, enggau ke sepuluh iku orang. Aku mega ngeletak pemesai bukai dalam semua raban bansa kita.\\n16 “Lebuh maya nya suba, aku ngajar sida munyi tu: ‘Pendingka semua laya ti nyadi ba entara bala kita. Putarka semua laya enggau lurus, nemuka laya nya entara bala kita empu, tauka enggau orang kampar ti diau begulai enggau kita.\\n17 Anang bepilih mata lebuh kita ngatur pechara. Semua orang enda tau enda dipendingka magang, enda milih sapa-sapa sida nya. Anang takut, laban pemutus penemu ti digaga kita endang datai ari Allah Taala. Enti pekara nya kelalu mar diputarka kita, bai pekara nya ngagai aku, lalu aku deka mutarka iya.’\\n18 Lebuh maya nya suba, aku mega ngatur semua utai ti deka dikereja kita.\\nBala Pematau Diasuh Bejalai Ari Kades-barnea\\n19 “Kitai lalu mupuk ari Bukit Sinai, lalu bejalai nengah menua puang ti besai rampa, menua ti ngenakutka ati, mansang ngagai menua ti bebukit di menua orang Amor. Lebuh kitai datai di Kades-bernea,\\n20-21 aku lalu madahka ngagai kita munyi tu: ‘Kita udah datai ba menua ti bebukit ti diempu orang Amor, menua ti diberi TUHAN Allah Taala ngagai kitai. Peda kita! Nyin menua nya. Mansang kita lalu alahka menua nya nitihka jaku ti udah dipesanka TUHAN ngagai kita. Anang takut tauka lemi semengat.’\\n22 “Tang kita datai ngagai aku lalu ku kita, ‘Awakka kitai ngasuh orang matau menua nya dulu, ngambika sida ulih madahka jalai ti deka ditengah kitai, enggau gaya nengeri di menua nya.’\\n23 “Utai nya baka ke manah ba penemu aku, nya alai aku lalu milih dua belas iku lelaki, siku ari siti-siti raban bansa.\\n24 Sida lalu bejalai ngagai menua ti bebukit nya, lalu matau menua nya nyentuk ngagai Lebak Eskol.\\n25 Lebuh sida pulai, sida mai buah ti ditemu sida dia, lalu madahka pasal pemanah menua ti diberi TUHAN Allah Taala kitai ngagai kitai.\\n26 “Tang kita enggai mansang ngagai menua nya, tang angkat ngelaban jaku TUHAN Allah Taala kita;\\n27 lalu kita mutap dalam langkau kain kita. Ku kita, ‘TUHAN begedika kitai, nya kebuah Iya udah mai kitai pansut ari menua Ejip, ngambika Iya ulih nyerahka kitai ngagai orang Amor, ngambika sida munuh kitai.\\n28 Nama guna kitai kin? Orang ke udah diasuh kitai matau menua nya udah ngasuh kitai lemi semengat kitai, madahka orang dia kering agi sereta tinggi agi ari kitai, lalu nengeri sida bisi kuta ti nyentuk ke langit. Sida bisi meda orang Anakim, orang ke besai gamal di menua nya!’\\n29 “Aku lalu bejaku ngagai kita, ‘Anang takutka orang nya.\\n30 TUHAN Allah Taala kita deka bejalai dulu ari kita, lalu Iya deka beperang ngarika kita, baka ke udah dipeda kita kereja Iya di menua Ejip,\\n31 enggau di menua puang, alai kita ke udah meda chara TUHAN Allah Taala kita mai kita, baka apai ke mai anak, sepemanjai jalai ti ditengah kita, nyentuk ngagai endur tu.’\\n32 Tang taja pen aku udah nyebut nya, kita mengkang enggai manggaika diri ba TUHAN Allah Taala kita,\\n33 ti udah bejalai dulu ari kita, dalam tiang api lebuh malam hari, enggau dalam gentilang remang lebuh siang hari, ngiga endur alai kita tau nirika kem kita.\\n34 “Lebuh TUHAN ninga jaku putap kita, Iya ringat lalu besumpah:\\n35 Ku Iya, ‘Nadai siku orang ke ari serak tu deka datai di menua ti ami nya, ti udah disemaya deka diberi Aku ngagai aki ini kita,\\n36 kelimpah ari Kalep anak Jepuneh; iya deka meda menua nya, lalu Aku deka meri ngagai iya, enggau ngagai anak uchu iya, menua ti udah diindik kaki iya, laban iya udah nitihka TUHAN enggau pengabis ati iya.’\\n37 TUHAN udah mega ringat ngagai aku, ketegal kita. Ku Iya, ‘Nuan pen enda meh tau datai ngagai menua nya;\\n38 Josua anak Nun, ke penulung nuan, deka tama ngagai menua nya. Peransang iya, laban iya deka nguluka orang Israel bempu menua nya.’\\n39 Lalu bala anak kita ke dikumbai kita deka nyadi orang tangkap, anak ke apin nemu bida entara utai ti manah enggau utai ti jai, deka tama ngagai menua nya. Aku deka meri menua nya ngagai sida, lalu sida deka bempu menua nya.\\n40 Tang kita enda tau enda nguing lalu bejalai ngagai menua puang tunga ngagai Tasik Mirah.’\\n41 “Udah nya kita lalu nyaut aku, “Kami udah bedosa ngelaban TUHAN. Kami deka nyerang, nitihka pesan TUHAN Allah Taala kitai.’ Genap iku kita lalu ngerasukka senyata, ngumbai pengawa nyerang menua ti bebukit nya mudah.\\n42 Lalu ku TUHAN bejaku ngagai aku, ‘Sebut ngagai sida, ‘Anang kin tauka nyerang, laban Aku enda enggau kita, enggai ke kita alah laban munsuh kita.’\\n43 Nya alai aku lalu bejaku ngagai kita, tang kita enggai mending. Kita lalu ngelaban jaku TUHAN, lalu mai penyumbung kita mansang nyerang menua ti bebukit.\\n44 Orang bansa Amor, ti diau di menua ti bebukit nya lalu ngelaban kita baka manyi, lalu begagaika kita kenyau ari Edom nyentuk ngagai Hormah.\\n45 Kita pulai lalu nyabak di mua TUHAN, tang TUHAN enggai ibuhka kita, tauka mendingka kita.\\n?46 Nya alai kita lama diau di Kades.\\n1 “Udah nya kitai lalu nguingka pejalai kitai ngagai menua puang tunga ngagai Tasik Mirah, nitihka pesan TUHAN ngagai aku, lalu kitai lama segau-segau ba sebelah menua ti bebukit di Edom.\\n2 “Udah nya TUHAN lalu bejaku ngagai aku,\\n3 ‘Kita lama udah segau-segau ba sebelah menua ti bebukit tu; bejalai tunga ke utara,\\n4 lalu beri atur tu ngagai orang Israel munyi tu: Kita baru deka bejalai nengah menua ti diuan kaban belayan kita empu, iya nya bala peturun Esau. Sida deka takutka kita, nya alai bejimat kita;\\n5 anang beperang ngelaban sida, laban Aku enggai meri menua sida ngagai kita, ngemesai tapa kaki pen tanah sida enggai meh Aku meri ngagai kita, laban Aku udah meri menua Edom ngagai Esau nyadika pesaka iya.\\n6 Kita enda tau enda meli pemakai ari sida, ngambika kita bisi utai diempa; lalu kita enda tau enda meli ai ari sida, ngambika kita bisi ai irup.\\n7 Laban TUHAN Allah Taala kita udah merekatka kita dalam semua utai ti dikereja kita. Iya udah ngintu kita lebuh kita segau-segau bejalai nengah menua puang ti besai rampa. Iya udah begulai enggau kita empat puluh taun, lalu kita nadai suntuk utai.’\\n8 “Nya alai kitai lalu majakka pejalai kitai lalu limpang ari jalai raya ti pansut ari nengeri Elat enggau ari nengeri Esion-geber ti nuju ngagai Tasik Mati. Kitai lalu nguing tunga ke utara nuju ngagai menua Moap.\\n9 Ku TUHAN bejaku ngagai aku, ‘Anang ngachau orang Moap, tauka ngepunka perang ngelaban sida, laban sida peturun Lot. Aku udah meri nengeri Ar ngagai sida, lalu Aku enggai meri menua sida ngagai kita.’”\\n10 (Dulu menya bansa orang ke besai gamal, ke dikumbai Emim bisi udah diau di Ar. Sida nya ngeninggi orang? Anakim, orang ke besai gamal.\\n11 Baka orang Anakim, sida nya mega dikumbai bansa Repaim, tang orang Moap ngumbai sida orang Emim.\\n12 Orang bansa Hori udah kala diau di Edom, tang bala peturun Esau muru sida ari menua nya, ngerusak bansa sida, lalu ngentapka diri di menua nya, baka chara orang Israel ti deka muru munsuh sida ari menua ti diberi TUHAN ngagai sida.)\\n13 “Udah nya kitai lalu meraka Sungai Seret, nitihka pesan TUHAN.\\n14 Utai tu nyadi tiga puluh lapan taun udah bekau kitai ninggalka Kades-bernea. Semua bala orang ke tau kayau ari rebak nya, udah mati magang, munyi ti ku TUHAN.\\n15 TUHAN majak ngelaban sida, datai ke Iya udah munuh semua sida.\\n16 “Lebuh semua sida udah mati magang,\\n17 TUHAN lalu bejaku enggau kitai,\\n18 ‘Sehari tu kita deka meraka garis entara menua Moap, ba Ar.\\n19 Lalu kita deka datai semak ngagai menua orang Amon, ti peturun Lot. Anang ngachau sida, tauka ngepunka perang ngelaban sida, laban Aku enggai meri kita menua ti udah diberi Aku ngagai sida.’ “ (\\n20 Menua tu mega dikumbai menua orang Repaim, iya nya nama bansa orang ke diau di menua nya. Orang Amon ngumbai sida Samsumim.\\n21 Orang tu tinggi gamal baka orang Anakim. Bala sida mayuh, lalu bansa sida kering. Tang TUHAN ngerusak sida, ngambika orang Amon bempu menua sida, lalu ngentapka diri dia.\\n22 TUHAN udah mega ngereja baka nya ke orang Edom, ti peturun Esau, ti diau di menua ti bebukit di Edom, lebuh Iya ngerusak orang? Hori, ngambika orang? Edom ngerampas menua sida, lalu ngentapka diri di menua nya, alai sida ke diau diatu.\\n23 Menua ti ngimbai tebing Tasik Tengah, udah diuan orang ke datai ari pulau Krit. Sida udah ngalahka orang? Abim, orang ke asal diau di menua nya, lalu udah ngerampas semua menua sida nyentuk ngagai nengeri Gasa di selatan.)\\n24 “Udah bekau kitai ke bejalai meraka menua Moap, TUHAN bejaku ngagai kitai, ‘Mupuk kita diatu, lalu peraka Sungai Arnon. Aku nyerahka Sihon, raja orang? Amor ke merintah di Hesbon, ngagai jari kita, sama enggau menua sida. Serang iya, lalu belabuh ngalahka menua iya.\\n25 Berengkah ari sehari tu, Aku deka ngasuh semua orang di semua menua, takutka kita. Semua orang deka getar-getar takut ninga nama kita disebut.’\\nOrang Israel Ngalahka Raja Sihon\\n26 “Aku lalu ngasuh bala seruan bejalai ari menua puang Kedemot betemu enggau Raja Sihon ke merintah di Hesbon, deka mai iya bebaik. Ku aku:\\n27 ‘Awakka kami bejalai nengah menua kita. Kami deka bejalai meraka terus, lalu enda limpang ari jalai raya.\\n28 Kami deka meli pemakai enggau ai irup ari kita. Awakka kami bejalai nengah menua kita,\\n29 baka ke disagi bala peturun Esau ti diau di Edom, enggau baka ke disagi orang Moap ti diau di Ar, datai ke kami udah meraka Sungai Jordan ngagai menua ti diberi TUHAN Allah Taala kami ngagai kami.’\\n30 “Tang Raja Sihon enda ngemendarka kitai bejalai nengah menua iya, laban TUHAN Allah Taala kitai udah ngasuh ati iya kieh sereta keras deka ngelaban, ngambika kitai ngalahka iya, lalu ngerampas menua iya. Menua nya agi benung dialahka kitai diatu.\\n31 Lalu ku TUHAN bejaku ngagai aku, ‘Peda nuan, Aku udah belabuh nyerahka Raja Sihon enggau menua iya ngagai jari nuan; berengkah ngerampas menua iya, ngambika kita nguan menua iya.’\\n32 Sihon lalu datai mai semua bala soldadu iya, lalu ngelaban kitai di Jahas.\\n33 TUHAN Allah Taala kitai lalu nyerahka iya ngagai jari kitai. Kitai lalu ngalahka iya, enggau bala anak lelaki iya, enggau semua bala soldadu iya.\\n34 Lalu kitai mega ngalah lalu ngerusak semua nengeri, lalu munuh semua orang ke lelaki, ti indu, enggau anak mit. Semua sida abis dibunuh kitai.\\n35 Kitai ngambi jelu tupi, lalu ngerampas utai ti dalam nengeri nya.\\n36 Kenyau ari Aroer ti ba tisi Lebak Arnon, enggau kenyau ari nengeri ti ba lebak nya, nyentuk ngagai Giliat, nadai nengeri ti bekuta ti enda ulih dialahka kitai; TUHAN Allah Taala kitai udah nyerahka semua nengeri nya ngagai jari kitai.\\n37 Semina menua peturun Amon aja enda tau ditengah kitai, iya nya semua menua ti nebing Sungai Jabok, enggau nengeri ti ba menua ti bebukit, enggau sebarang endur bukai ti enda disagi TUHAN tengah kitai.\\nOrang Israel Ngalahka Raja Og\\n1 “Udah nya kitai mindah tunga ke utara ngagai Basan, lalu Raja Og angkat enggau semua bala iya, mansang ngelaban kitai ba semak nengeri Edrei.\\n2 Tang ku TUHAN bejaku ngagai aku, ‘Anang takutka iya. Aku deka nyerahka iya, bala soldadu iya, enggau menua iya, ngagai nuan. Kereja ngagai iya baka ke udah dikereja nuan ngagai Sihon raja orang Amor ke merintah di Hesbon.’\\n3 Nya alai TUHAN mega nyerahka Raja Og enggau bala nembiak iya ngagai jari kitai, lalu kitai munuh semua sida.\\n4 Lebuh maya nya mega, kitai ngalahka semua nengeri iya. Nadai nengeri ti enda dialahka kitai. Enam puluh buah nengeri semua iya dialahka kitai. Semua menua Argop, ti alai Raja Og merintah, dialahka magang.\\n5 Semua nengeri nya didinding ngena kuta ti tinggi, bisi pintu, enggau alang penutup pintu, lalu mayuh mega genturung pendiau ti enda bekuta.\\n6 Kitai ngerusak semua nengeri, lalu munuh semua lelaki, indu enggau anak mit, baka ke udah dikereja kitai ngagai nengeri Raja Sihon ke merintah di Hesbon.\\n7 Kitai ngambi semua jelu tupi, lalu ngerumpak utai ari nengeri nya.\\n8 Nya alai kitai ngerampas ari raja bansa Amor ke dua iku nya, menua ti muak ke timur Sungai Jordan, berengkah ari Sungai Arnon nyentuk ngagai Bukit Hermon.\\n9 (Orang Sidon ngumbai Bukit nya Sirion, lalu orang Amor ngumbai bukit nya Senir.)\\n10 Kitai ngerampas semua menua Raja Og ke megai perintah di menua Basan, nyengkaum nengeri ti ba emperan atas, menua Giliat enggau menua Basan, nyentuk ngagai nengeri Salekah enggau nengeri Edrei.\\n11 (Raja Og nya pengabis orang ari bansa Repaim. Sentubung iya, Buka sentubung nya 2 meter, lalu pemanjai sentubung nya 4 meter, nitihka atur penyukat ti dikena. Sentubung nya agi ulih dipeda di nengeri orang Amon di Rabah.)\\nRaban Bansa Ke Ngentapka Diri Di Timur Sungai Jordan\\n12 “Lebuh kitai ngerampas menua nya, aku ngeletak raban bansa Reuben enggau raban bansa Gat bempu menua ti muak ke utara nengeri Aroer, semak Sungai Arnon, enggau sekeda menua ti bebukit di Giliat, sama enggau nengeri ti mit di menua nya.\\n13 Aku ngeletak setengah ari raban bansa Manasi bempu sebagi ari menua Giliat, enggau semua menua Basan, alai Raja Og ke merintah, reti nya, semua menua Argop. (Basan mega dikumbai menua orang Repaim.\\n14 Jair, ke ari raban bansa Manasi, ngerampas semua menua Argop, reti nya, Basan, nyentuk ngagai garis entara menua Gesur enggau Maakah. Iya meri nama iya empu ngagai genturung pendiau di menua nya, lalu genturung pendiau nya agi dikumbai Tumpuk Pendiau Jair nyentuk ngagai ke diatu.)\\n15 “Aku udah meri menua Giliat ngagai raban peturun Machir ke ari raban bansa Manasi.\\n16 Lalu ngagai raban bansa Reuben enggau Gat, aku udah meri menua berengkah ari Giliat nyentuk ngagai Sungai Arnon. Tengah sungai nya nyadika garis entara menua sida di selatan, lalu garis entara menua sida di utara nya Sungai Jabok. Sida mega bekunsika Sungai Jabok nyadika garis entara menua enggau orang Amon.\\n17 Muak ke barat, menua sida nganchau nyentuk ngagai Sungai Jordan, ari Tasik Galili di utara nyentuk ngagai Tasik Mati di selatan, enggau nyentuk ngagai kaki Bukit Pisgah di timur.\\n18 “Lebuh maya nya, aku mega meri atur tu ngagai kita: ‘Taja pen TUHAN Allah Taala kitai udah meri ngagai kita menua ti di timur Sungai Jordan, ngambika kita ngalahka menua nya, semua bala soldadu kita enda tau enda meraka Sungai Jordan dulu ari raban bansa orang Israel ti bukai.\\n19 Semina bini, anak enggau jelu tupi kita aja, deka tinggal dalam nengeri ti udah diberi aku ngagai kita. Aku nemu kita mayuh jelu tupi.\\n20 Saup orang Israel ti bukai, datai ke sida udah ngalahka menua ti diberi TUHAN ngagai sida di barat Sungai Jordan, nyentuk ngagai maya TUHAN ngasuh sida diau dia enggau selamat, baka ke udah dikereja Iya ngagai kita. Udah nya baru kita tau pulai baru ngagai menua tu ti udah diberi aku ngagai kita.’\\n21 “Lebuh maya nya aku lalu bejaku ngagai Josua, ‘Nuan udah meda semua utai ti udah dikereja TUHAN Allah Taala nuan ngagai raja dua iku nya, Sihon seduai Og. Iya deka ngereja baka nya mega ngagai semua menua bukai ti baru deka dipasuk kita.\\n22 Anang takutka sida, laban TUHAN Allah Taala kita, deka beperang ngarika kita.’\\nMoses Enda Disagi Datai Ngagai Menua Kanaan\\n23 “Lebuh maya nya aku bebendar amat besampi. Ku aku,\\n24 ‘O TUHAN ti Pemadu Tinggi, aku nemu Nuan udah mandangka ngagai aku semina pun aja ari utai ti besai sereta badas, ti deka dikereja Nuan. Nadai petara di langit, tauka di dunya, ulih ngereja pengawa ti besai baka ke udah dikereja Nuan!\\n25 O TUHAN, Awakka aku meraka Sungai Jordan, ngambika aku meda menua ti ami ba tebing seberai nyin, menua ti bebukit sereta manah, enggau menua Lebanon.’\\n26 Tang TUHAN udah ringat ngagai aku, ketegal kita, lalu Iya enggai mendingka aku. Ku Iya bejaku ngagai aku, ‘Umbas meh nya! Anang nyebut nya agi ngagai Aku!\\n27 Alai nuan niki ngagai tuchung Bukit Pisgah, lalu tinjau tunga ke utara, ke selatan, ke timur enggau ke barat. Perening enggau manah utai ti dipeda nuan, laban nuan enda tau meraka Sungai Jordan.\\n28 Beri atur ngagai Josua, lalu keringka ati iya, laban iya deka nguluka orang mayuh meraka lalu ngalahka menua ti dipeda nuan.’\\n29 Nya alai kitai mengkang diau ba lebak seberai nengeri Bet-peor.\\nMoses Ngansak Orang Israel Ngasi\\n1 Udah nya Moses lalu bejaku ngagai orang mayuh, “Kita enda tau enda ngasika semua adat ti diajar aku ngagai kita. Nya baru kita deka idup lalu ngalahka menua ti diberi TUHAN Allah Taala aki ini kita, ngagai kita.\\n2 Anang nambahka utai ngagai pesan ti diberi aku ngagai kita, lalu anang muai utai ari pesan nya. Kita enda tau enda ngasika pesan TUHAN Allah Taala kita, ti diberi aku ngagai kita.\\n3 Kita empu udah meda utai ti dikereja TUHAN ba Bukit Peor, munuh semua orang ke nyembah Baal ba endur nya,\\n4 tang bala kita ke tetap ati ngagai TUHAN Allah Taala kita, mengkang idup datai ke sehari tu.\\n5 “Aku udah ngajar kita semua adat, nitihka asuh TUHAN Allah Taala. Kita enda tau enda ngasika adat nya di menua ti baru deka dialah lalu diuan kita.\\n6 Kita enda tau enda ngasika semua adat nya, kena ngayanka ngagai orang bansa bukai penalam penemu kita. Lebuh sida ninga pasal semua adat nya, sida deka nyebut, ‘Naka meh penalam penemu enggau pemereti bansa orang tu!’\\n7 Laban nadai bansa bukai bisi petara ti diau semak sida ke tau dikangauka sida, baka TUHAN Allah Taala kitai.\\n8 Lalu nadai bansa bukai bisi adat ti lurus baka adat ti diajar aku ngagai kita sehari tu.\\n9 “Bejaga kita, lalu kingatka utai ti udah dipeda kita ngena mata kita empu, seagi-agi kita idup. Padahka utai nya ngagai anak uchu kita,\\n10 pasal kita ke bediri di mua TUHAN Allah Taala kita ba Bukit Sinai, lebuh Iya bejaku ngagai aku, ‘Gempuruka orang mayuh. Aku deka ngasuh sida ningaka utai ti disebut Aku, ngambika sida belajar ngasika Aku seumur idup, sereta ngambika sida ngajar anak sida ngereja nya mega.’\\n11 “Padahka ngagai anak kita pasal kita ke bediri ba kaki bukit nya ti dibalut asap ti tebal, enggau pasal api ti mau nyentuk ke langit.\\n12 Padahka ngagai sida pasal TUHAN ti bejaku ngagai kita ari dalam api, pasal kita ke ninga Iya bejaku, tang nadai meda Iya.\\n13 Iya madahka ngagai kita utai ti enda tau enda dikereja kita kena kita ngasika sempekat ti digaga Iya enggau kita, iya nya, pasal kita ke enda tau enda ngasika Sepuluh Pesan ti udah ditulis Iya ba dua iti lampang batu.\\n14 Lebuh maya nya TUHAN ngasuh aku ngajar kita semua adat ti enda tau enda dititihka kita di menua ti baru deka dialah lalu diuan kita.\\nAnang Nyembah Engkeramba\\n15 “Lebuh TUHAN bejaku ngagai kita ari dalam api ba Bukit Sinai, kita nadai meda Iya. Nya alai, ngambika utai tu pulai ke penguntung kita, kita enda tau enda nentuka\\n16 diri enda bedosa begagaka engkeramba ke diri empu neladan gamal utai, nemuka neladan gamal mensia ti lelaki tauka indu,\\n17 jelu tauka burung,\\n18 ular tauka ikan.\\n19 Anang nejuka diri diuji lalu nyembah sereta betuaika utai ti dipeda kita di langit, baka mata hari, bulan enggau bintang. TUHAN Allah Taala kita udah meri utai tu ngagai semua bansa bukai ngambika bisi disembah sida.\\n20 Tang kita tu orang ke udah dilepaska Iya ari menua Ejip, alai kita ke udah balat diperinsa. Iya udah mai kita pansut ngambika kita nyadi nembiak Iya, baka ke sehari tu.\\n21 Ketegal kita TUHAN Allah Taala kita udah ringat ngagai aku, lalu udah besumpah madahka aku enda ulih meraka Sungai Jordan lalu datai ngagai menua ti ami nya, ti diberi Iya ngagai kita.\\n22 Aku deka mati di menua tu, lalu enda meraka sungai nya, tang kita nyau deka meraka sungai nya, lalu ngalahka menua ti ami nya.\\n23 Kita enda tau enda nentuka diri seruran ingatka sempekat ti digaga TUHAN Allah Taala kita enggau kita. Kita enda tau enda ngasika pesan Iya, lalu enda ngaga engkeramba,\\n24 laban TUHAN Allah Taala kita baka api, Allah Taala ti chemburu.\\n25 “Indah lebuh kita lama udah nguan menua nya, lalu udah beranak betelesak, deh kita mengkang enda tau bedosa begagaka engkeramba ke diri empu neladan sebarang gamal utai. Utai tu jai di mua TUHAN, lalu Iya deka ringat ketegal nya.\\n26 Sehari tu aku ngangauka langit enggau tanah nyadika saksi ngelaban kita: enti kita enda ngasika aku, kita deka lengkas lesap ari menua nya. Kita deka pandak umur nguan menua ti di seberai Sungai Jordan ti baru deka dialahka kita. Semua kita deka abis dibunuh.\\n27 TUHAN deka ngachirka kita ngagai menua bukai. Ka semina mimit aja kita deka mengkang idup.\\n28 Dia meh alai kita deka nyembah petara ti digaga jari mensia, petara ti digaga ari kayu enggau batu, petara ti enda ulih meda, enda ulih ninga, enda ulih makai tauka nyium utai.\\n29 Dia meh alai kita deka ngiga TUHAN Allah Taala kita, lalu enti kita ngiga Iya enggau pengabis ati, enggau pengabis semengat kita, kita deka tetemuka Iya.\\n30 Lebuh kita dituntung penusah, lebuh semua utai nya udah nyadi ba kita jemah ila, nya baru kita deka nguingka diri baru ngagai TUHAN lalu ngasika Iya.\\n31 Iya Allah Taala ti kasih. Iya enda ninggalka kita, tauka ngerusak kita, lalu Iya deka ngingatka sempekat ti udah digaga Iya enggau aki ini kita.\\n32 “Peratika utai ti nyadi dulu kelia, sebedau kita ada, kenyau ari lebuh maya Allah Taala ngaga mensia di dunya tu. Peratika semua dunya tu. Kati utai ti ngemesai tu bisi udah kala nyadi dulu menya? Kati bisi orang udah kala ninga utai ti baka tu?\\n33 Kati orang ke ninga petara bejaku ngagai sida ari dalam api, bisi kala mengkang idup udah bekau nya baka kita?\\n34 Kati petara bukai udah bisi kala berani mansang lalu mai orang pansut ari menua bukai, lalu ngaga sida nyadi nembiak iya, baka ke dikereja TUHAN Allah Taala kita ke kita di menua Ejip? Kita empu udah meda Iya ngena kuasa enggau pengering Iya ti besai mai penyakit enggau perang, ngereja kereja ajih, enggau kereja ti nyelai, lalu ngasuh utai ti balat ngenakut nyadi.\\n35 TUHAN udah ngayanka utai tu ngagai kita, kena nunjukka Iya siku aja ti Allah Taala kita. Kita nadai petara bukai.\\n36 Iya nejuka kita ninga munyi nyawa Iya ari serega ngambika Iya ulih ngajar kita. Di dunya tu Iya nejuka kita meda api Iya ti kudus, lalu Iya bejaku ngagai kita ari dalam api nya.\\n37 Laban Iya rinduka aki ini kita, nya kebuah Iya udah milih kita, lalu ngena kuasa Iya ti besai, mai kita pansut ari menua Ejip.\\n38 Lebuh kita majakka pejalai kita, Iya muru bansa orang ke kering sereta bekuasa agi ari kita, ngambika Iya mai kita ngagai menua nya, lalu meri menua nya ngagai kita nyadika pesaka kita, nyentuk ngagai sehari tu.\\n39 Nya alai, ingatka hari tu, lalu kingatka tu dalam ati kita: TUHAN nya Allah Taala ti di serega enggau di dunya. Kita nadai petara bukai.\\n40 Kita enda tau enda ngasika semua adat Iya ti udah diberi aku ngagai kita sehari tu. Nya baru pengidup kita, enggau pengidup bala peturun kita deka mujur. Kita deka mengkang diau di menua ti diberi TUHAN Allah Taala kita ngagai kita nyadika pesaka kita belama iya.”\\nNengeri Alai Ngerarika Diri Di Timur Sungai Jordan\\n41 Udah nya Moses lalu ngeletak tiga buah nengeri di timur Sungai Jordan\\n42 nyadika nengeri alai orang tau ngerarika diri, lalu diau likun, enti orang nya tekelanjur tebunuhka orang ke ukai munsuh iya. Iya tau ngerarika diri ngagai nengeri nya, ngidupka nyawa diri.\\n43 Nengeri ti diletak ke raban bansa Reuben nya Beser ba emperan atas, di menua puang. Iya ngeletak Ramot-giliat ke raban bansa Gat. Lalu ke raban bansa Manasi, iya ngeletak Golan, di menua Basan.\\nMeri Adat Allah Taala\\n44 Moses meri adat enggau ajar Allah Taala ngagai orang Israel.\\n45-46 Iya meri adat nya lebuh sida udah pansut ari menua Ejip, lalu diau ba emperan di timur Sungai Jordan, seberai nengeri Bet-peor. Menua tu udah diempu Sihon raja orang Amor, ke merintah di nengeri Hesbon. Moses enggau orang Israel udah ngalahka iya lebuh sida pansut ari menua Ejip.\\n47 Sida nguan menua iya, enggau menua ti diempu Raja Og di Basan, siku agi raja orang Amor ti diau di timur Sungai Jordan.\\n48 Menua nya berengkah ari nengeri Aroer ba tebing Sungai Arnon, nyentuk ngagai Bukit Sirion\\n49 Menua nya mega nyengkaum semua menua ti di timur Sungai Jordan nyentuk ngagai Tasik Mati di selatan, lalu terus ke timur ngagai kaki Bukit Pisgah.\\n1 Moses ngempuruka semua orang Israel, lalu bejaku ngagai sida, ku iya, “O orang Israel, pendingka semua adat ti diberi aku ngagai kita sehari tu. Pelajar lalu titihka adat nya enggau ati ti tetap.\\n2 TUHAN Allah Taala kitai udah ngaga siti sempekat enggau kitai ba Bukit Sinai.\\n3 Iya ukai ngaga sempekat nya enggau bala aki ini kitai, tang enggau semua kitai ke idup diatu.\\n4 TUHAN bejaku betunga mua enggau kita ba bukit nya, ari dalam api,\\n5 lebuh aku bediri entara TUHAN enggau kita lebuh maya nya suba, lalu madahka jaku TUHAN ngagai kita; laban kita takutka api nya, lalu kita enda niki ngagai bukit nya. Ku Iya bejaku:\\n6 “ ‘Aku tu TUHAN Allah Taala kita, ti udah mai kita pansut ari menua Ejip, alai kita ke udah nyadi ulun.\\n7 “ ‘Anang nyembah petara bukai tang semina Aku siku aja.\\n8 “ ‘Anang ngaga engkeramba ke diri empu neladan gamal utai ti di langit tauka di tanah, tauka dalam ai ti di baruh tanah.\\n9 Anang meremi ngagai sida tauka nyembah sida; laban Aku tu TUHAN Allah Taala ti chemburu. Aku ngukum tiris-pantisorang ke begedika Aku datai ke ketiga enggau keempat serak peturun sida,\\n10 tang ngayanka pengerindu ti enda berubah ngagai beribu serak orang ke rinduka Aku, sereta ngasika pesan Aku.\\n11 “ ‘Anang empelita ngena nama TUHAN ti Allah Taala kita, laban TUHAN deka ngukum orang ke empelita ngena nama Iya.\\n12 “ ‘Intu Hari Sabat, lalu intu hari nya kudus, munyi ti udah dipesanka TUHAN Allah Taala kita, ngagai kita.\\n13 Kita gawa enam hari,\\n14 tang hari ti ketujuh nya Hari Sabat ti diserahka ngagai TUHAN Allah Taala kita. Ba hari nya kita enda tau gawa, nemuka kita empu, tauka anak lelaki, tauka anak indu, tauka ulun kita ke lelaki, tauka ulun kita ke indu, tauka jelu sapi kita, tauka keledai, tauka jelu tupi kita, tauka orang ke diau enggau kita, ngambika ulun kita ke lelaki enggau ulun kita ke indu, sereta enggau kita empu, belelak.\\n15 Kingatka diri ti udah nyadi ulun di menua Ejip, lalu TUHAN Allah Taala kita udah mai kita pansut ari menua nya ngena pemesai kuasa enggau pengering Iya. Nya kebuah TUHAN Allah Taala kita ngasuh kita ngintu Hari Sabat.\\n16 “ ‘Bebasaka apai indai kita nitihka pesan TUHAN Allah Taala kita, ngambika kita panjai umur sereta mujur nguan menua ti diberi TUHAN Allah Taala kita, ngagai kita.\\n17 “ ‘Anang munuh orang.\\n18 “ ‘Anang butang.\\n19 “ ‘Anang ngenchuri.\\n20 “ ‘Anang besaksi bula ngelaban orang.\\n21 “ ‘Anang inginka bini orang, tauka rumah orang, tauka tanah, ulun, jelu sapi, keledai, tauka sebarang utai orang.’\\n22 “Nya meh leka jaku ti disebut TUHAN enggau nyawa ti inggar ngagai semua kita ba bukit nya, ari dalam api, ari dalam mua hari, enggau ari dalam pemetang ti enda dipeda achuk mata. Iya nadai nyebut leka jaku bukai. Lalu Iya nuliska semua leka jaku nya ba dua iti lampang batu, lalu meri lampang batu nya ngagai aku.\\nOrang Mayuh Takut\\n23 “Lebuh kita ninga munyi nyawa nya bejaku ari dalam petang, lebuh bukit nya diempa api, kita, semua kepala raban bansa kita, enggau bala tuai kita lalu datai semak ngagai aku;\\n24 lalu ku kita bejaku, ‘TUHAN Allah Taala kitai udah ngayanka ngagai kitai mulia enggau pemesai kuasa Iya, lalu kitai udah ninga munyi nyawa Iya bejaku ari dalam api; sehari tu kitai udah meda Allah Taala bejaku enggau mensia, lalu mensia agi mengkang idup.\\n25 Nya alai, nama kebuah kitai patut mati? Laban api ti balat nya deka ngerusak kitai; enti kitai ninga munyi nyawa TUHAN Allah Taala kitai, kitai tetap mati.\\n26 Laban sapa udah kala ninga munyi nyawa Allah Taala ti idup bejaku ari dalam api, baka ke didinga kitai, lalu agi mengkang idup?\\n27 Alai nuan empu mansang semak kin, lalu mendingka semua utai ti disebut Allah Taala. Udah nya padahka ngagai kami utai ti disebut Iya ngagai nuan, lalu kami deka mending lalu ngasi.’\\n28 “TUHAN ninga jaku kita, lebuh kita bejaku ngagai aku; lalu ku TUHAN bejaku ngagai aku, ‘Aku udah ninga jaku orang tu, ti disebut sida ngagai nuan; sida endang nyebut utai ti ngena.\\n29 Naka meh pemanah enti sida berunding baka nya berari, nangika Aku sereta ngasika semua pesan Aku, ngambika sida enggau anak uchu sida mujur belama iya!\\n30 Alai asuh sida pulai ngagai langkau kain sida.\\n31 Tang nuan, Moses, Aku ngasuh nuan bediri ditu enggau Aku, laban Aku deka madahka ngagai nuan semua adat enggau pesan Aku, ti deka diajar nuan ngagai sida, ngambika sida ngasika semua adat enggau pesan nya di menua ti diberi Aku ngagai sida.’\\n32 “Nya alai kita enda tau enda ngereja semua utai ti udah dipesanka TUHAN Allah Taala kita ngagai kita. Anang limpang ke kiba tauka ke kanan.\\n33 Kita enda tau enda idup nitihka jalai ti udah dipesanka TUHAN Allah Taala kita ngagai kita, ngambika kita idup, sereta mujur, lalu gayu-guru nguan menua ti diempu kita.\\n1 “Nya meh adat ti diasuh TUHAN Allah Taala kita ajar aku ngagai kita. Titihka semua adat nya di menua ti deka digagai lalu dialahka kita;\\n2 ngambika kita enggau anak uchu kita nangika TUHAN Allah Taala kita sepemanjai umur kita, lalu ngasika semua adat enggau pesan Iya, ti dipadahka aku ngagai kita, ngambika kita panjai umur.\\n3 Nya alai, pendingka semua adat enggau pesan nya, kita orang Israel, lalu ngasi; ngambika kita mujur, lalu pemayuh tubuh kita nambah-menambah di menua ti kaya sereta ami, munyi ti udah disemaya TUHAN Allah Taala aki ini kita, ngagai kita.\\n4 “Dinga, kita orang Israel! TUHAN Allah Taala kita endang siku aja;\\n5 lalu kita enda tau enda rinduka TUHAN Allah Taala kita enggau pengabis ati kita, enggau pengabis semengat kita, enggau pengabis pengering kita.\\n6 Kingatka pesan ti diberi aku ngagai kita sehari tu.\\n7 Ajar pesan nya ngagai anak kita. Kita enda tau enda betanduka pesan nya lebuh kita di rumah, enggau lebuh kita bejalai kebukai, lebuh kita belelak, enggau lebuh kita gawa.\\n8 Tuliska sida lalu tanchangka ba lengan kita. Lekatka sida ba kening kita kena kita ngingatka sida.\\n9 Tuliska sida ba tiang pintu rumah kita, enggau ba pintu kuta kita.\\nAnang Enda Ngasi\\n10 “Munyi ti udah disemaya TUHAN Allah Taala kita ngagai aki ini kita Abraham, Isak enggau Jakop, Iya deka meri ngagai kita menua ti bisi nengeri ti besai sereta kaya-raja, ti ukai digaga kita.\\n11 Rumah dia deka penuh laban utai ti manah, ti ukai disimpan kita empu, lalu bisi telaga ti ukai ditumbak kita, enggau kebun anggur enggau kebun kana ti ukai ditanam kita. Lebuh TUHAN mai kita ngagai menua nya, lalu semua utai ti deka diempa kita bisi magang,\\n12 anang enda ingatka TUHAN ti udah mai kita pansut ari menua Ejip, alai kita ke udah nyadi ulun.\\n13 Kemesaika TUHAN Allah Taala kita. Sembah Iya siku aja, lalu gaga semaya kita atas nama Iya siku aja.\\n14 Anang nyembah petara bukai, petara orang bansa bukai ke ngelingi kita.\\n15 Enti kita nyembah petara bukai, TUHAN deka ringat ngagai kita baka api, lalu deka ngerusak semua kita, laban TUHAN Allah Taala, ti bisi enggau kita, nya Allah Taala ti chemburu.\\n16 “Anang nguji TUHAN Allah Taala kita, baka ke udah dikereja kita di Masah.\\n17 Kita enda tau enda ngasika semua adat ti udah diberi Iya ngagai kita.\\n18 Kereja semua utai ti ngena sereta manah ti diasuh TUHAN. Nya baru semua utai ti dikereja kita deka mujur magang. Kita ulih ngerampas menua ti ami nya, ti udah disemaya TUHAN ngagai aki ini kita,\\n19 lalu kita ulih muru munsuh kita, munyi ti udah disemaya Iya.\\n20 “Jemah ila anak kita deka nanya, ‘Nama kebuah TUHAN Allah Taala kitai ngasuh kitai ngasika semua adat nya?’\\n21 Lalu kita deka madahka ngagai sida, ‘Kitai udah nyadi ulun raja menua Ejip, lalu TUHAN udah mai kitai pansut ari menua nya ngena pemesai kuasa Iya.\\n22 Lalu kami udah meda Iya ngereja kereja ajih, sereta ngereja utai ti ngenakutka, ngagai orang Ejip, enggau ngagai raja sida, enggau ngagai semua bala pemesai raja.\\n23 Iya udah mai kitai pansut ari menua Ejip, mai kitai kitu, lalu meri menua tu ngagai kitai, munyi ti udah disemaya Iya ngagai aki ini kitai.\\n24 Udah nya, TUHAN Allah Taala kitai lalu ngasuh kitai ngasika semua adat nya, lalu nangika Iya. Enti kitai ngereja nya, Iya deka seruran ngemataka bansa kitai, lalu ngasuh bansa kitai seruran kaya-raja.\\n25 Enti kitai tetap ati ngasika semua utai ti udah dipesanka Allah Taala ngagai kitai, Iya deka gaga ati ke kitai.’\\nBala Nembiak TUHAN\\n1 “Lebuh TUHAN Allah Taala kita mai kita ngagai menua ti deka dialahka kita, lalu muru mayuh bengkah bansa ari mua kita, orang Iti, orang Girgas, orang Amor, orang Kanaan, orang Peris, orang Ibi enggau orang Jebus, tujuh bengkah bansa ti mayuh agi tubuh sereta kering agi ari kita,\\n2 lalu lebuh TUHAN Allah Taala kita nyerahka sida ngagai kita, lalu kita ngalahka sida, kita enda tau enda munuh semua sida. Kita enda tau begagaka sempekat enggau sida, tauka kasihka sida.\\n3 Kita enda tau jadi enggau sida, lalu enda tau nejuka anak kita jadi enggau sida,\\n4 laban sida deka mai anak kita limpang ari Aku, besembahka petara bukai. TUHAN deka ringat ngagai kita, lalu Iya deka tekala nya munuh kita.\\n5 Nya alai runtuhka alta sida, patahka tiang batu keramat sida. Tebang anak patung petara Aserah sida, lalu tunu semua engkeramba sida.\\n6 Laban kita tu orang ke kuduska TUHAN ti Allah Taala kita. TUHAN udah milih kita ari semua bansa di dunya tu, nyadika nembiak Iya.\\n7 “TUHAN ukai rinduka kita lalu milih kita laban kita mayuh agi tubuh ari orang bansa bukai; kita tu bansa ti pemadu mit.\\n8 Tang TUHAN rinduka kita, lalu deka ngamatka semaya ti udah digaga Iya enggau aki ini kita. Nya kebuah Iya mai kita pansut ngena pemesai pengering Iya, lalu nebus kita ari pengidup kita ke nyadi ulun raja menua Ejip.\\n9 Ingat: TUHAN Allah Taala kita endang siku aja. Ati Iya endang tetap. Iya deka ngingatka sempekat Iya, lalu ngayanka pengerindu Iya ti meruan belama iya ngagai beribu serak orang ke rinduka Iya, sereta ngasika pesan Iya,\\n10 tang Iya deka ngukum orang ke begedika Iya; Iya enda lubah ngukum orang ke begedika Iya, Iya deka ngukum sida.\\n11 Nya alai, kita enda tau enda ngasika semua pesan, enggau adat enggau atur ti diasuh aku titihka kita sehari tu.\\nBulih Berekat Enti Ngasi\\n12 “Enti kita mending lalu tetap ati ngasika pesan tu, nya baru TUHAN Allah Taala kita deka majak ingatka sempekat Iya enggau kita, lalu deka ngayanka pengerindu Iya ti enda berubah, munyi ti udah disemaya Iya ngagai aki ini kita.\\n13 Iya deka rinduka kita, lalu merekatka kita, ngambika pemayuh tubuh kita nambah-menambah. Kita deka mayuh anak, lalu Iya deka merekatka umai kita, ngambika kita bulih gandum, wain, enggau minyak kana. Iya deka nambahka pemayuh jelu sapi enggau jelu bedus kita di menua ti udah disemaya Iya enggau aki ini kita, ti deka diberi Iya ngagai kita.\\n14 Nadai bansa di dunya tu deka bulih mayuh agi berekat ari ti diberi Iya ngagai kita. Nadai siku kita, tauka jelu tupi kita, deka mandul.\\n15 Lalu TUHAN deka muai semua penyakit kita; lalu nadai penyakit ti jai ti nyadi di menua Ejip, ti ditemu kita menya, deka nyerang kita, tang Iya deka ngasuh penyakit nya nyerang orang ke begedika kita.\\n16 Lalu kita enda tau enda ngerusak semua bansa ti diserahka TUHAN Allah Taala kita ngagai jari kita, lalu anang kasihka sida. Lalu kita pen enda mega tau nyembah petara sida, laban utai nya deka manjuk kita.\\n17 “Anang berunding ngumbai orang nya mayuh agi tubuh ari kita, lalu kita ngumbai diri enda ulih muru sida.\\n18 Anang takutka sida. Kingatka utai ti udah dikereja TUHAN Allah Taala kita ngagai raja menua Ejip, enggau ngagai semua nembiak raja nya.\\n19 Kingatka penyakit ti dipeda mata kita empu, kereja ajih enggau kereja ti nyelai, enggau pemesai kuasa enggau pengering ti dikena TUHAN Allah Taala kita mai kita pansut. Baka nya meh chara TUHAN Allah Taala kita deka ngerusak semua bansa ti diketakutka kita.\\n20 Nambahka nya, TUHAN ti Allah Taala kita deka ngasuh indu gamang nyerang sida, datai ke orang ke agi idup, ke belalai ari kita, abis mati.\\n21 Anang takutka sida; laban TUHAN Allah Taala kita, Allah Taala ti bekuasa, ti balat diketakutka, bisi enggau kita.\\n22 Iya deka muru bansa orang nya mimit-mimit sekali, lebuh kita nyerang. Kita enda tau ngeluska semua sida sekali, enggai ke kita dikelingi kelalu mayuh jelu babas.\\n23 Tang TUHAN Allah Taala kita deka nyerahka sida ngagai jari kita, lalu ngasuh sida begau abis ati, datai ke sida dibunuh.\\n24 Lalu Iya deka nyerahka raja sida ngagai jari kita, lalu kita enda tau enda munuh sida. Nadai orang tan ngelaban kita. Kita deka munuh semua sida.\\n25 Tunu engkeramba sida. Anang inginka pirak tauka emas ti ba tubuh engkeramba nya, lalu anang ngambi utai nya ke kita empu, enggai ke kita dipanjuk utai nya; laban TUHAN begedika utai nya.\\n26 Lalu anang mai engkeramba nya ngagai rumah kita, enggai ke kita kena sumpah baka utai nya empu. Kita enda tau enda begedi sereta kejika utai nya; laban utai nya kena tinggang sumpah Allah Taala.\\nMenua Ti Manah Diuan\\n1 “Kita enda tau enda tetap ati ngasika semua adat ti udah diberi aku ngagai kita sehari tu, ngambika kita ulih idup, lalu pemayuh tubuh kita nambah-menambah, lalu kita ngalahka menua ti udah disemaya TUHAN ngagai aki ini kita.\\n2 Kingatka chara TUHAN Allah Taala kita udah nguluka kita bejalai nengah menua puang empat puluh taun tu ti udah, kena Iya ngemaruhka ati kita, sereta ngabas ati kita, laban Iya keran deka nemu utai ti dalam ati kita, sekalika kita deka tauka enggai ngasika pesan Iya.\\n3 Iya ngasuh kita lapar kena Iya ngemaruhka ati kita, lalu udah nya Iya meri kita mana nyadika pemakai kita, pemakai ti enda kala diempa kita, tauka diempa aki ini kita. Iya ngereja nya ngambika kita nemu, mensia ukai beridup makai roti aja, tang beridup ba genap leka jaku ti pansut ari mulut TUHAN.\\n4 Dalam empat puluh taun nya, gari kita enda luya, lalu kaki kita pen enda mega kembai.\\n5 Nya alai, kita patut nemu, TUHAN Allah Taala disiplin kita baka apai ke disiplin anak diri.\\n6 Nya alai, titihka semua pesan TUHAN Allah Taala kita; titihka jalai Iya, sereta nangika Iya.\\n7 Laban TUHAN Allah Taala kita mai kita ngagai menua ti ami, menua ti mayuh mata ai enggau ai sungai ti rarat nengah lebak enggau munggu,\\n8 menua ti mayuh gandum enggau barli, buah anggur, buah kayu ara, buah delima, kana enggau ai manyi,\\n9 menua ti alai kita nadai kala suntuk utai, alai kita bisi semua utai ti dipeguna kita, menua ti penuh laban besi, lalu nyamai alai ngulihka engkeraju ari bukit.\\n10 Lalu kita deka makai lalu kenyang, lalu kita deka muji TUHAN Allah Taala kita laban Iya udah meri menua ti manah ngagai kita.\\nAnang Enda Ingatka TUHAN\\n11 “Anang enda ingatka TUHAN Allah Taala kita; anang enda ngasika semua adat Iya ti diberi aku ngagai kita sehari tu,\\n12 enggai ke, lebuh kita udah makai lalu kenyang, lalu udah nirika rumah ti manah, lalu diau dalam rumah nya,\\n13 lalu jelu sapi enggau jelu bedus kita udah nambah-menambah, lalu pirak enggau emas kita udah nambah-menambah, lalu semua reta tengkira kita udah nambah-menambah,\\n14 kita lalu ngeninggika diri, lalu enda agi ingatka TUHAN Allah Taala kita, ti udah mai kita pansut ari menua Ejip, ari pengidup kita ke nyadi ulun,\\n15 ti udah nguluka kita bejalai nengah menua puang ti mar alai diau, menua ti mayuh ular enggau kala, menua ti nadai ai, alai Iya ke mansutka ai ari batu,\\n16 ti udah nupi kita di menua puang ngena mana, pemakai ti enda kala diempa aki ini kita, kena Iya ngemaruhka sereta ngabas ati kita, ti meri penguntung ngagai kita.\\n17 Nya alai, bejaga kita enggai ke kita nyebut dalam ati diri, ‘Kuasa enggau pengering aku empu ti ngasuh aku bulih pengeraja tu.’\\n18 Kita enda tau enda ingatka TUHAN Allah Taala kita, laban Iya ke meri kita kuasakena ngulihka pengaya, lalu netapka sempekat ti udah digaga Iya enggau aki ini kita, baka ke dikereja Iya sehari tu.\\n19 Enti kita enda ingatka TUHAN Allah Taala kita, lalu nitih sereta betuaika petara bukai lalu nyembah sida, aku meri kita jaku tangkan tu sehari tu: kita deka dibunuh.\\n20 Baka bansa bukai ti deka dirusak TUHAN di mua kita, baka nya mega kita deka dirusak, laban kita enda ngasika jaku TUHAN Allah Taala kita.\\nOrang Israel Enda Ngasi\\n1 “Dingaka tu, kita orang Israel! Sehari tu kita baru deka meraka Sungai Jordan, lalu ngalahka menua ti diempu bansa orang ke kering sereta bekuasa agi ari kita. Nengeri sida besai, sereta bisi kuta ti nyentuk ke langit.\\n2 Orang nya tinggi sereta kering, peturun orang? Anakim. Kita nemu sapa sida nya. Sida nya orang ke udah dikenang orang munyi tu, ‘Sapa tan ngelaban orang? Anakim?’\\n3 Nya alai kita enda tau enda nemu sehari tu, TUHAN Allah Taala kita deka bejalai dulu ari kita baka api ti mau. Iya deka ngalahka sida lebuh kita nyerang sida, ngambika kita muru lalu munuh sida enggau naka penyampat, munyi ti udah disemaya TUHAN.\\n4 “Lebuh TUHAN Allah Taala kita udah muru sida ari mua kita, anang bejaku dalam ati diri, ‘TUHAN udah mai aku kitu ngambika aku bempu menua tu, ketegal aku lurus’; Utai nya ukai baka nya: TUHAN muru semua bansa orang nya ari mua kita ketegal penyai sida.\\n5 Kita deka ngerampas menua sida ukai ketegal pengelurus tauka pemanah ati kita, tang laban TUHAN Allah Taala kita muru sida ari mua kita ketegal penyai sida, enggau laban TUHAN deka ngamatka semaya ti digaga Iya enggau aki kita Abraham, Isak enggau Jakop.\\n6 Kita enda tau enda nemu tu: TUHAN ukai meri menua ti manah tu ngagai kita ketegal pengelurus kita; laban kita tu bansa ti kieh.\\n7 “Anang enda ingatka jalai kita udah nyungkak TUHAN Allah Taala kita ringat di menua puang. Kenyau ari maya kita pansut ari menua Ejip, nyentuk ngagai hari kita datai ditu, kita udah ngelaban TUHAN.\\n8 Indah ba Bukit Sinai deh kita udah nyungkak TUHAN ringat, datai ke Iya nyau sedia deka munuh kita.\\n9 Lebuh aku niki ngagai bukit nya deka nerima lampang batu ti udah alai TUHAN nuliska sempekat entara Iya enggau kita, aku diau ba bukit nya empat puluh hari, empat puluh malam, nadai makai, nadai ngirup.\\n10 Lalu TUHAN meri ngagai aku dua iti lampang batu nya ngagai aku, alai Iya ti udah nulis ngena jari Iya Empu, jaku ti udah disebut Iya ngagai kita ari dalam api lebuh kita begempuru ba bukit nya.\\n11 Ba pengujung empat puluh hari empat puluh malam nya, TUHAN meri ngagai aku lampang batu dua iti nya, iya nya lampang batu adat.\\n12 “Udah nya TUHAN bejaku ngagai aku, ku Iya, ‘Angkat nuan, lalu nurun ari bukit tu enggau jampat, laban bala nembiak nuan, ti udah dibai nuan pansut ari menua Ejip, udah ngereja pengawa ti jai; sida udah limpang ari jalai Aku; sida udah ngaga engkeramba ke diri empu.’\\n13 “Nambahka nya, TUHAN mega bejaku ngagai aku, ku Iya, ‘Aku nemu orang tu bansa ti kieh.\\n14 Anang nguji nagang Aku. Aku deka munuh sida, ngambika sida enda agi dikingatka. Udah nya baru Aku deka ngasuh nuan nyadi apai ke siti bansa ti kering agi sereta mayuh agi tubuh ari sida.’\\n15 “Ninga nya, aku nguing lalu nurun ari bukit nya, lebuh bukit nya mau laban api; aku mai lampang batu dua iti nya ba jari aku.\\n16 Aku malik lalu tepedaka kita udah bedosa ngelaban TUHAN Allah Taala kita; kita udah ngaga engkeramba anak sapi ari emas ti diluluhka kita; kita jampat amat limpang ari jalai TUHAN.\\n17 Aku lalu ngempaska dua iti lampang batu adat nya di mua kita, lalu mechahka lampang batu nya.\\n18 Udah nya aku lalu ningkapka diri baru ba tanah di mua TUHAN empat puluh hari empat puluh malam baka ke dikereja aku dulu ari nya; aku nadai makai, nadai ngirup, ketegal semua dosa kita, laban kita udah ngereja utai ti jai di mua Iya, lalu udah nyungkak Iya ringat.\\n19 Aku takutka pengeringat TUHAN, laban Iya udah chukup pedis ati ngagai kita, datai ke Iya nyau deka munuh kita. Tang TUHAN mendingka aku baru lebuh maya nya.\\n20 TUHAN mega balat amat ringat ngagai Aron, datai ke Iya nyau deka munuh Aron. Aku lalu besampi mega ke Aron lebuh maya nya.\\n21 Aku lalu ngambi utai dosa nya, anak sapi ti udah digaga kita, lalu nunu utai nya, mechahka iya, lalu nginsarka iya nyadi amau, lalu naburka amau nya ngagai ai sungai ti rarat ari bukit nya.\\n22 “Kita mega nyungkak TUHAN Allah Taala kita ringat lebuh kita di Taberah, di Masah, enggau di Kibrot-hataba.\\n23 Lalu lebuh Iya ngasuh kita bejalai ari Kades-barnea, lalu ngasuh kita ngerampas menua ti diberi Iya ngagai kita, kita angkat ngelaban atur ti diberi TUHAN Allah Taala kita, lalu enda arapka? Iya tauka ngasika jaku Iya.\\n24 Sekumbang aku ti udah nemu kita, kita endang seruran ngelaban TUHAN.\\n25 “Nya alai aku ningkapka diri ba tanah di mua TUHAN empat puluh hari empat puluh malam, laban TUHAN udah madahka Diri deka munuh kita.\\n26 Aku lalu besampi ngagai TUHAN, ku aku: ‘O TUHAN Allah Taala, anang munuh bala nembiak Nuan enggau pesaka Nuan tu, ti udah ditebus Nuan ngena pemesai kuasa Nuan, ti udah dibai Nuan pansut ari menua Ejip ngena pengering Nuan.\\n27 Kingatka nembiak Nuan Abraham, Isak enggau Jakop, lalu anang bedulika pengekieh, tauka penyai, tauka dosa orang tu,\\n28 enggai ke orang Ejip bejaku munyi tu, ‘Laban TUHAN enda ulih mai sida ngagai menua ti udah disemaya Iya ngagai sida, enggau laban Iya begedika sida, nya kebuah Iya mai sida ngagai menua puang lalu munuh sida.’\\n29 Laban orang tu endang nembiak enggau pesaka Nuan, ke dibai Nuan pansut ngena pemesai kuasa, enggau ngena jari Nuan.”\\nMoses Nerima Sepuluh Pesan Kedua Kali\\n1 “Udah nya TUHAN bejaku ngagai aku, ‘Tingkuh dua igi lampang batu baka ti keterubah, lalu gaga siti peti kayu alai nyimpan batu nya. Udah nya niki ke atas ngagai Aku ba bukit tu.\\n2 Aku deka nulis ba lampang batu dua iti nya leka jaku ti udah ditulis ba lampang batu ti udah dipechahka nuan. Udah nya nuan enda tau enda nyimpan lampang batu nya dalam peti nya.’\\n3 “Nya alai aku ngaga Peti nya ari kayu akasia, lalu ningkuh dua iti lampang batu baka ke keterubah, lalu mai lampang batu nya niki ngagai bukit nya.\\n4 Udah nya TUHAN lalu nulis ba lampang batu nya leka jaku baka ke ditulis Iya ba lampang batu ti keterubah, iya nya Sepuluh Pesan ti diberi Iya ngagai kita, lebuh Iya bejaku ari dalam api lebuh kita begempuru ba bukit nya. TUHAN lalu meri lampang batu nya ngagai aku.\\n5 Aku nguing lalu nurun ari bukit nya. Udah nya, nitihka pesan TUHAN, aku lalu nyimpan lampang batu nya dalam Peti ti udah digaga aku, lalu lampang batu nya mengkang dia datai ke sehari tu.” (\\n6 Orang Israel lalu angkat ari telaga orang Jakan, sereta mansang ngagai Moserah. Aron mati dia lalu dikuburka. Anak iya Eleasar lalu nganti iya nyadi imam.\\n7 Ari nya sida mansang ngagai Gutgodah, lalu udah nya ngagai Jotbatah, alai ti mayuh ai.\\n8 Lebuh sida ba bukit nya TUHAN milih orang ke lelaki ari raban bansa Lewi ngesan Peti Lampang Batu Adat nya, bekereja nyadi imam, enggau merekatka orang dalam nama TUHAN, nyentuk ngagai diatu.\\n9 Nya alai raban bansa Lewi enda diberi pesaka tanah baka raban bansa orang Israel ti bukai, laban sida deka nerima semua utai ti disemaya TUHAN Allah Taala kita, ngagai sida.)\\n10 “Aku diau ba bukit nya empat puluh hari empat puluh malam, baka ke terubah. TUHAN mendingka aku baru, lalu besetuju enda nyadi munuh kita.\\n11 Udah nya Iya ngasuh aku mupuk, lalu nguluka kita, ngambika kita ulih ngerampas menua ti udah disemaya deka diberi Iya ngagai aki ini kita.\\nUtai Ti Dipinta Allah Taala\\n12 “Nya alai diatu, kita orang Israel, nama utai ti dipinta TUHAN Allah Taala kita, ari kita? Semina nangika TUHAN Allah Taala kita, idup nitihka jalai Iya, rinduka Iya, nyembah Iya enggau pengabis ati, enggau pengabis semengat kita,\\n13 lalu ngasika semua pesan enggau adat TUHAN, ti diberi aku ngagai kita sehari tu, ke penguntung kita.\\n14 Taja pen langit enggau serega, enggau dunya sereta enggau semua utai ti di dunya, diempu TUHAN Allah Taala kita,\\n15 tang TUHAN balat rinduka aki ini kita, datai ke Iya milih kita, ke peturun sida, ari semua bansa, baka ke sehari tu.\\n16 Nya alai, ngasi meh kita ke TUHAN, lalu badu agi kieh.\\n17 Laban TUHAN Allah Taala kita endang Allah Taala ari atas semua petara, TUHAN ari atas semua tuhan, Allah Taala ti bekuasa, ti kering ti diketakutka, ti enda bepilih mata, lalu enda makai suap,\\n18 ti meri atur ti lurus ngagai orang ke patu balu, ti rinduka orang kampar, lalu meri sida pemakai enggau gari.\\n19 Nya alai kita mega enda tau enda rinduka orang kampar, laban kita empu udah nyadi orang kampar di menua Ejip.\\n20 Kita enda tau enda nangika TUHAN Allah Taala kita; sembah Iya siku aja. Seruran bepegai teguh ba Iya, lalu sebut sumpah kita atas nama Iya.\\n21 Iya aja ti dipuji kita, laban semina Iya aja ti Allah Taala kita, ti udah ngereja utai ti besai sereta nyelai, baka ke udah dipeda kita.\\n22 Lebuh bala aki ini kita mansang ngagai menua Ejip, sida semina tujuh puluh iku aja. Tang diatu TUHAN Allah Taala kita udah ngasuh kita mayuh tubuh ngemayuh bintang ti di langit.\\nPemesai Kuasa TUHAN\\n1 “Rinduka TUHAN Allah Taala kita, lalu seruran ngasika semua adat Iya.\\n2 Kingatka sehari tu utai ti udah ditemu kita pasal TUHAN ari utai ti udah diasaika kita enggau Iya. Kita empu, ukai anak kita, ke ngasaika utai nya. Kita udah meda pemesai kuasa Iya, pengering Iya,\\n3 enggau kereja ajih Iya. Kita udah meda utai ti dikereja Iya ngagai raja di menua Ejip, enggau ngagai menua Ejip empu.\\n4 Kita udah meda chara TUHAN munaska semua bala soldadu orang Ejip, sama enggau kuda, kerita perang, lebuh Iya ngasuh sida lemas ba Tasik Mirah, lebuh sida begagaika kita.\\n5 Kita nemu utai ti udah dikereja TUHAN ti kita di menua puang sebedau kita datai ditu.\\n6 Kita tentu ingatka utai ti udah dikereja Iya ngagai Datan seduai Abiram, anak Eliap ke ari peturun Reuben. Dipeda orang mayuh tanah merekah lalu nelan seduai iya, enggau sida sebilik, langkau kain sida, enggau semua kuli seduai iya, enggau jelu tupi sida.\\n7 Kita nya meh orang ke meda semua utai ti besai ti udah dikereja TUHAN.\\nBerekat Di Menua Ti Disemaya\\n8 “Titihka semua pesan ti dipadahka aku ngagai kita sehari tu. Nya baru kita ulih ngelayang sungai lalu nguan menua ti baru deka dipasuk kita.\\n9 Lalu kita deka diau lama di menua ti kaya sereta ami ti udah disemaya deka diberi TUHAN ngagai aki ini enggau ngagai peturun sida.\\n10 Menua ti baru deka dialahka kita nya enda baka menua Ejip, alai kita ke diau menya. Di menua Ejip, lebuh kita nanam benih, kita bebendar bekereja meri ai ngagai umai kita.\\n11 Tang menua ti deka dipasuk kita nya menua ti bebukit enggau mayuh lebak, menua ti seruran bisi ujan.\\n12 TUHAN Allah Taala kita deka ngintu sereta ngemataka menua nya sepemanjai taun.\\n13 “Nya alai, titihka semua pesan ti diberi aku ngagai kita sehari tu. Rinduka TUHAN Allah Taala kita, lalu sembah Iya enggau pengabis ati kita, enggau pengabis semengat kita.\\n14 Enti kita ngereja nya, Iya deka ngasuh hari ujan di menua kita, lebuh kita begunaka ujan lebuh musin ruruh daun enggau lebuh musin bungai, ngambika kita bisi gandum, wain enggau minyak kana.\\n15 Iya deka meri kita rumput ke pemakai jelu tupi kita. Kita deka bisi semua pemakai ti dikedekaka kita.\\n16 Anang nejuka diri dibai orang limpang ari TUHAN besembah sereta betuaika petara bukai.\\n17 Enti kita ngereja, TUHAN deka ringat ngagai kita. Iya deka nagang hari ujan, lalu tanah kita deka nyadi kelalu rangkai, lalu utai ti ditanam kita enggai tumbuh. Ketegal nya kita jampat parai, taja pen menua ti diberi Iya ngagai nya ami.\\n18 “Kingatka pesan tu, lalu simpan sida dalam ati kita. Tuliska sida, lalu tanchangka sida ba lengan kita. Lekatka sida ba kening kita kena ngingatka sida.\\n19 Ajar sida ngagai anak kita. Kenang sida tu lebuh kita di rumah, enggau lebuh kita bejalai kebukai, lebuh kita gali, enggau lebuh kita gawa.\\n20 Tuliska sida ba tiang pintu rumah kita, enggau ba pintu kuta kita.\\n21 Nya baru kita enggau anak kita deka diau lama ba menua ti udah disemaya deka diberi TUHAN Allah Taala kita ngagai aki ini kita. Kita deka diau dia, seagi-agi langit map dunya.\\n22 “Titihka enggau ati ti tetap semua pesan ti udah dipadahka aku ngagai kita: Rinduka TUHAN Allah Taala kita, kereja semua utai ti diasuh Iya, lalu bepegai teguh ba Iya.\\n23 Nya baru Iya deka muru semua bansa ari mua kita, lalu kita deka ngalahka menua ti diempu bansa bukai ti besai agi sereta kering agi ari kita.\\n24 Semua endur ti ditengah kita deka diempu kita. Rampa menua kita deka berengkah ari menua puang di selatan ngagai Bukit Lebanon di utara, enggau ari Sungai Eupratis di timur ngagai Tasik Tengah di barat.\\n25 Di sebarang endur alai kita bejalai di menua nya, TUHAN Allah Taala kita deka ngasuh orang takutka kita, munyi ti udah disemaya Iya, lalu nadai orang ulih nagang kita.\\n26 “Pilih sehari tu entara berekat enggau sumpah.\\n27 Kita deka diberekatka enti kita ngasika pesan TUHAN Allah Taala kita ke dipadahka aku ngagai kita sehari tu.\\n28 Tang kita deka kena sumpah, enti kita enda ngasika pesan TUHAN Allah Taala kita, lalu limpang ari jalai TUHAN, lalu nyembah petara bukai ti enda kala disembah kita.\\n29 Lebuh TUHAN mai kita ngagai menua ti deka dialahka kita, kita enda tau enda nyada madahka berekat ari Bukit Gerisim, enggau madahka sumpah ari Bukit Ebal.\\n30 (Bukit dua igi tu ba tebing barat Sungai Jordan, di menua orang Kanaan ti diau ba Lebak Jordan. Bukit dua igi tu tunga ke barat, enda jauh ari kayu keramat di Moreh, semak nengeri Gilgal.)\\n31 Kita baru deka meraka Sungai Jordan, lalu ngalahka menua ti diberi TUHAN Allah Taala kita ngagai kita. Lebuh kita ngerampas menua nya, lalu ngentapka diri dia,\\n32 kita enda tau enda ngasika semua adat ti diberi aku ngagai kita sehari tu.\\nSiti Endur Alai Nyembah Allah Taala\\n1 “Tu adat ti enda tau enda dititihka kita seagi-agi kita idup di menua ti diberi TUHAN Allah Taala aki ini kita, ngagai kita. Titihka semua adat nya!\\n2 Rusak semua endur alai orang bansa bukai nyembah petara sida ba sebelah bukit ti tinggi, ba munggu, enggau di baruh kayu, dalam menua ti deka dirampas kita.\\n3 Runtuhka alta sida, lalu redakka tiang batu keramat sida. Tunu anak patung petara Aserah, lalu tebang engkeramba sida, ngambika sida nadai agi disembah ba endur nya.\\n4 “Anang nyembah TUHAN Allah Taala kita ngena chara nya.\\n5 TUHAN deka milih siti endur ari semua menua ti diempu raban bansa kita, alai orang deka datai lalu nyembah Iya.\\n6 Nya meh endur alai kita deka ngenjuk piring tunu, enggau piring ti bukai, pemeri sepuluh peratus, enggau pemeri kita, pemeri ti disemaya deka diberi kita ngagai TUHAN, piring ti diberi nitihka peneka ati diri, enggau anak tuai jelu sapi enggau jelu bedus kita.\\n7 Dia meh kita, enggau kita sebilik deka makai, di mua TUHAN Allah Taala kita, lalu ensepi penyamai semua utai ti manah ti udah diberekatka TUHAN ngagai kita.\\n8 Kita enda tau ngereja utai baka ke dikereja kita diatu, nitihka peneka ati diri,\\n9 laban kita apin datai di menua ti diberi TUHAN Allah Taala kita ngagai kita, alai kita ke deka diau likun.\\n10 Lebuh kita meraka Sungai Jordan, lalu diau di menua ti diberi TUHAN Allah Taala kita ngagai kita, lalu lebuh Iya meri kita pemaik ari semua munsuh ti ngelingi kita, ngambika kita diau likun,\\n11 nya baru kita deka mai semua utai ti diasuh aku bai kita ngagai endur ti deka dipilih TUHAN nyadi endur alai Iya deka diau. Utai ti deka dibai kita nya: piring tunu enggau piring ti bukai, pemeri sepuluh peratus kita, enggau pemeri kita, enggau pemeri ti udah disemaya kita enggau TUHAN.\\n12 Kita, enggau anak kita, orang gaji kita enggau orang Lewi (ti nadai pesaka tanah) ti diau dalam nengeri kita di menua nya, deka gaga ati magang di mua TUHAN.\\n13 Kita enda tau ngenjuk piring kita ba sebarang endur ti dipilih kita.\\n14 Kita semina ngenjuk piring nya ba siti endur ti deka dipilih TUHAN, dalam menua ti diempu siti ari raban bansa kita. Semina dia aja kita tau ngenjuk piring tunu, lalu ngereja semua utai ti dipadahka aku ngagai kita.\\n15 “Tang kita tau nyayat lalu makai jelu kita ba endur alai kita diau. Kita tau makai sepemayuh ti diberi TUHAN ngagai kita. Semua kita, nemuka kita nya tuchi tauka enda, tau makai jelu nya, baka ke makai dagin rusa tauka dagin kijang.\\n16 Tang kita enda tau makai darah jelu nya. Kita enda tau enda nuang darah nya ngagai tanah baka ke nuang ai.\\n17 Nadai utai ti diberi kita ngagai TUHAN tau diempa kita ba endur alai kita diau, nemuka utai nya pemeri sepuluh peratus ari gandum kita, ari wain kita, tauka ari minyak kana kita, tauka anak tuai jelu sapi enggau jelu bedus kita, enggau pemeri ti disemaya kita enggau TUHAN, piring ti diberi kita nitihka peneka ati diri, tauka piring ti bukai.\\n18 Kita enggau anak kita, enggau orang gaji kita, sereta enggau orang Lewi ti diau di nengeri kita, enda tau enda makai piring nya semina di mua TUHAN Allah Taala kita, ba siti endur alai besembiang ti dipilih TUHAN Allah Taala kita. Kita enda tau enda gaga ati dia, di mua TUHAN Allah Taala kita, ke semua utai ti udah dikereja kita.\\n19 Anang enda nemu ibuhka orang Lewi seagi-agi kita idup di menua kita.\\n20 “Lebuh TUHAN Allah Taala kita ngerembaika rampa menua kita, munyi ti udah disemaya Iya, kita tau makai dagin di sebarang endur kita deka.\\n21 Enti endur alai besembiang nya kelalu jauh, kita tau, ba sebarang maya kita deka, nyayat jelu sapi tauka bedus ti udah diberi TUHAN ngagai kita, lalu kita tau makai dagin jelu nya di rumah kita empu, munyi ti udah dipadahka aku ngagai kita.\\n22 Genap iku orang, nemuka iya nya tuchi tauka enda tuchi, tau makai dagin nya, baka ke makai dagin rusa tauka dagin kijang.\\n23 Tang kita enda tau makai dagin ti agi bedarah, laban darah ngundan seput, lalu kita enda tau makai seput sama enggau dagin.\\n24 Anang makai darah, tang tuang darah nya ngagai tanah baka ke nuang ai.\\n25 Enti kita ngasika pesan tu, TUHAN deka gaga ati ke kita, lalu kita, enggau peturun kita deka mujur diau.\\n26 Bai pemeri ti kudus ti udah disemaya kita enggau TUHAN, ngagai siti aja endur alai nyembah TUHAN.\\n27 Beri ba endur nya piring ti deka ditunu ba alta TUHAN. Beri mega piring ti bukai ti diempa kita dagin, lalu tuang darah ba alta.\\n28 Enggau ati ti tetap, titihka semua utai ti udah dipadahka aku ngagai kita. Nya baru kita enggau peturun kita deka lantang senang belama iya, laban kita ngereja utai ti ngena, ti ngerinduka ati TUHAN Allah Taala kita.\\n29 “TUHAN Allah Taala kita deka ngerusak orang bansa bukai lebuh kita nyerang menua sida, lalu kita deka nguan menua nya, lalu ngentapka diri dia.\\n30 Lebuh TUHAN udah ngerusak bansa orang nya, kita enda tau enda nentuka diri enda nitihka atur pengarap sida, laban nya deka munuh kita. Anang betanyaka chara sida nyembah petara sida, enggai ke kita nyembah TUHAN ngena chara nya.\\n31 Anang nyembah TUHAN Allah Taala kita ngena chara sida nyembah petara sida, laban lebuh sida nyembah petara sida, sida ngereja semua utai ti jai, ti dipegedika TUHAN. Indah anak sida empu deh diserahka sida nyadika piring ba api ti ba alta sida.\\n32 “Kereja semua utai ti udah dipadahka aku ngagai kita. Anang nambahka tauka muai utai ari jaku nya.\\n1 “Enti nabi tauka orang ke nemu nerangka mimpi bisi ba bala kita, lalu besemaya deka ngereja kereja ajih tauka kereja ti nyelai,\\n2 lalu kereja ajih tauka kereja ti nyelai nya bisi nyadi, lalu sida nyebut ngagai kita, “Aram kitai nitihka petara bukai,” (petara ti enda ditemu kita), “lalu nyembah sida,”\\n3 anang bedulika jaku sida nabi nya, tauka jaku orang ke nemu nerangka mimpi; laban TUHAN Allah Taala kita deka ngabas ati kita, deka nemu enti kita amat rinduka TUHAN Allah Taala kita enggau pengabis ati, enggau pengabis semengat kita.\\n4 Titihka TUHAN, lalu kemesaika Iya. Kita enda tau enda ngasika Iya, sereta nitihka pesan Iya. Sembah Iya, lalu seruran tetap ati ngagai Iya.\\n5 Tang bunuh sida nabi nya, tauka orang ke nerangka mimpi, laban sida udah bejaku busung ngelaban TUHAN Allah Taala kita ke udah mai kita pansut ari menua Ejip, lalu udah nebus kita ari pengidup kita ke nyadi ulun. Orang nya jai, lalu sida nguji mai kita limpang ari jalai pengidup ti udah diasuh TUHAN titihka kita. Sida nya enda tau enda dibunuh, ngambika penyai nya dibuai ari bala kita.\\n6 “Indah menyadi kita, tauka anak lelaki tauka anak indu, tauka bini ke dikesayauka kita, tauka pangan kita deh deka nguji, ngena chara belalai, meransang kita nyembah petara bukai ti enda kala disembah kita tauka disembah aki ini kita.\\n7 Sekeda sida nyangka deka meransang kita nyembah petara orang ke diau semak kita, tauka petara orang ke diau jauh ari kita.\\n8 Tang anang nejuka sida mujuk kita. Mendingka sida pen kita enda tau. Anang kasihka sida, tauka sinu ati ke sida, lalu anang nyaga sida.\\n9 Bunuh sida! Kita patut dulu agi ari orang bukai nuku sida ngena batu. Udah nya baru kita tau nejuka orang bukai nuku sida ngena batu.\\n10 Tuku sida ngena batu datai ke sida mati! Sida udah nguji mai kita limpang ari TUHAN Allah Taala kita ke udah mai kita pansut ari menua Ejip, alai kita ke udah nyadi ulun.\\n11 Nya baru semua orang Israel deka ninga berita pasal utai ti nyadi. Sida deka takut, lalu nadai agi orang berani ngereja utai ti ngenyai nya.\\n12 “Lebuh kita diau di nengeri ti diberi TUHAN Allah Taala kita ngagai kita, kita nyangka bisi ninga\\n13 pasal sekeda orang ke nadai guna ari bansa kita empu ti udah mai orang dalam nengeri sida limpang lalu nyembah petara ti nadai kala disembah kita.\\n14 Enti kita bisi ninga berita ti baka nya, pansik berita nya enggau silik, lalu enti utai ti jai nya amat udah nyadi,\\n15 bunuh semua orang dalam nengeri nya, enggau semua jelu tupi sida. Rusak abis nengeri nya.\\n16 Gempuruka semua reta tengkira orang ke diau dalam nengeri nya, lalu tugungka utai nya ba padang nengeri nya. Udah nya tunu nengeri nya, sama enggau utai ti dalam nengeri nya nyadika piring ti diserahka ngagai TUHAN Allah Taala kita. Nengeri nya enda tau enda ditejuka rusak belama iya, lalu enda tau digaga baru.\\n17 Anang nyimpan ke diri empu utai ti udah diletak deka dirusak. Nya baru TUHAN deka badu agi ringat, tang deka ngayanka pengasih Iya ngagai kita. Iya deka kasihka kita, lalu ngaga kita nyadi bansa ti besai, munyi ti udah disemaya Iya ngagai aki ini kita,\\n18 enti kita deka ngasika semua pesan Iya ti udah diberi aku ngagai kita sehari tu, lalu ngereja utai ti dikedekaka Iya.\\nPengawa Ti Enda Tau Dikereja Lebuh Ngulit\\n1 “Kita tu anak TUHAN Allah Taala kita. Kita enda tau ngurik tubuh diri tauka ngukur buk ti ba kening kita, lebuh kita ngulitka orang ke mati.\\n2 Laban kita tu orang ke kuduska TUHAN Allah Taala kita. Kita tu orang ke udah dipilih Iya ari semua bansa di dunya tu, nyadika pesaka ti dikesayauka Iya.\\nJelu Ti Tuchi Enggau Enda Tuchi\\n3 “Anang makai utai ti enda tuchi.\\n4 Tu bagi jelu ti tau diempa kita: sapi, bedus, kambin,\\n5 rusa, bedus utan, kambin utan, kijang,\\n6 jelu ti belah tunjing, ti ngunyah pemakai ti udah diluaka iya baru ari perut raya iya.\\n7 Jelu ti enda belah tunjing, lalu enda ngunyah pemakai ti udah diluaka iya baru ari perut raya iya, enda tau diempa. Kita enda tau makai jelu unta, tikus belanda, tauka badger batu. Sida nya enda tuchi. Sida amat ngunyah pemakai ti udah diluaka sida baru ari perut raya sida, tang tunjing sida enda belah.\\n8 Anang makai babi. Sida nya enda tuchi. Tunjing sida amat belah, tang sida enda ngunyah pemakai ti udah diluaka sida baru ari perut raya sida. Anang makai jelu nya, tauka negu bangkai sida.\\n9 “Kita tau makai semua macham ikan ti bisi pidin enggau tisik,\\n10 tang utai ti idup dalam ai ti enda bepidin, ti enda betisik, enda tau diempa kita. Sida nya enda tuchi ke kita.\\n11 “Kita tau makai burung ti tuchi.\\n12-18 Tang tu macham burung ti enda tau diempa kita: menaul, burung puk, burung unta, burung tasik, burung undan, burung bangau, burung kak,? enggau kusing.\\n19 “Semua indu utai ti besayap enda tuchi magang. Anang makai sida.\\n20 Kita tau makai sebarang indu utai ti tuchi.\\n21 “Anang makai jelu ti ditemu mati. Kita tau nejuka orang bansa bukai ke diau enggau kita makai utai nya, tauka kita nyual utai nya ngagai orang bansa bukai. Laban kita udah dikuduska TUHAN Allah Taala kita. “Anang manduk anak domba tauka anak kambin ngena ai tusu indai iya empu.\\nAtur Pasal Pemeri Sepuluh Peratus\\n22 “Seraraka pemeri sepuluh peratus kita ari utai ti diketau kita tiap taun.\\n23 Di mua TUHAN Allah Taala kita, ba endur ti deka dipilih Iya alai Iya patut disembah, empa pemeri sepuluh peratus ti diberi kita ari gandum, wain, minyak kita, sereta enggau anak tuai jelu sapi enggau jelu bedus kita, ngambika kita seruran belajar nangika TUHAN Allah Taala kita.\\n24 Tang enti endur alai nyembah TUHAN nya kelalu jauh ari rumah kita, lalu kita enda ulih mai pemeri sepuluh peratus ari utai ti udah diberekatka TUHAN ngagai kita, kita tau ngereja tu:\\n25 Jual utai ti ulih kita nya, lalu bai duit nya ngagai endur alai nyembah TUHAN.\\n26 Kita tau ngena duit nya bebelika utai ti ku ati kita, baka dagin sapi, anak domba, wain, ai ti bisa, tauka sebarang utai bukai ti dikedekaka kita, lalu di mua TUHAN Allah Taala kita, kita enggau kita sebilik tau makai utai nya lalu rami gaga dia.\\n27 Anang enda ibuhka orang Lewi ti diau dalam nengeri kita, laban sida iya nadai pesaka tanah baka kita.\\n28 “Ba genap ujung taun ti ketiga, bai pemeri sepuluh peratus ari semua utai ti diketau kita, lalu taruh utai nya dalam nengeri kita.\\n29 Orang Lewi, laban sida nadai tanah, orang kampar, enggau orang ke patu balu ti diau di nengeri kita, tau datai lalu makai utai nya lalu kenyang, ngambika TUHAN Allah Taala kita merekatka kita dalam semua pengawa ti dikereja kita.\\n1 “Ba genap ujung taun ti ketujuh, kita enda tau enda muai semua utang orang ke berutang ba kita.\\n2 Baka tu ku chara kita ngereja nya: genap iku kita ke udah nyali duit ngagai orang Israel, enda tau enda muai utang nya. Kita enda tau minta duit nya ari sida, laban TUHAN Empu udah madahka utang nya dibuai.\\n3 Kita tau minta orang bansa bukai mayar utang diri, tang kita enda tau minta bayar utang ari bansa kita empu.\\n4 “TUHAN Allah Taala kita deka merekatka kita di menua ti diberi Iya ngagai kita. Nadai siku kita deka seranta\\n5 enti kita ngasika TUHAN Allah Taala kita, lalu bejimat ngereja semua pesan ti diberi aku ngagai kita sehari tu.\\n6 Lebuh TUHAN Allah Taala kita merekatka kita, munyi ti udah disemaya Iya, kita deka nyali duit ngagai mayuh bengkah bansa, tang kita enda nginjau duit ari orang. Kita deka merintah mayuh bengkah bansa, tang sida enda merintah kita.\\n7 “Enti orang Israel bisi suntuk dalam nengeri ti diberi TUHAN Allah Taala kita ngagai kita, anang rangka lalu enggai nyaup sida.\\n8 Kita patut, enggau ati ti gerah mudah, nyali sida sebarang utai ti dipeguna sida.\\n9 Anang rangka, lalu berunding, “Taun ti ketujuh alai muai utang, nyau semak,” lalu kita jai enggau pangan diri, lalu enggai meri iya utai, lalu pangan nuan nya ngangauka TUHAN ngelaban kita, lalu kita deka dikumbai salah.\\n10 Beri enggau ati ti gerah mudah lebuh kita meri utai ngagai sida, lalu TUHAN deka merekatka kita dalam semua pengawa kita enggau dalam semua utai ti dikereja kita.\\n11 Laban orang ke suntuk endang seruran bisi di dunya tu, nya alai aku meri pesan tu ngagai kita, “Beri enggau ati ti gerah mudah ngagai pangan diri ke suntuk di menua kita.”\\nChara Ngintu Ulun\\n12 “Enti orang Israel, nemuka lelaki tauka indu, nyual diri? ngagai kita nyadi ulun, kita enda tau enda ngelepaska sida lebuh sida udah bekereja ke kita enam taun. Masuk taun ti ketujuh, kita enda tau enda ngelepaska sida.\\n13 Lebuh kita ngelepaska sida, anang ngasuh sida pulai puang.\\n14 Beri sida utai ti udah diberekatka TUHAN ngagai kita: jelu bedus, gandum enggau wain.\\n15 Kingatka diri ti udah nyadi ulun di menua Ejip, lalu TUHAN Allah Taala kita udah ngelepaska kita. Nya kebuah aku ngasuh kita ngereja nya.\\n16 “Tang ulun kita nyangka enggai ninggalka kita. Nyangka iya rinduka kita enggau ke kita sebilik, lalu keran deka diau enggau kita.\\n17 Enti pia, bai iya ngagai pintu rumah kita, lalu achuk rambing pending iya dia. Nya baru iya nyadi ulun kita seumur idup. Kereja baka nya mega ngagai ulun kita ti indu.\\n18 Anang pedis ati ketegal kita ngelepaska ulun kita. Sida udah bekereja ke kita enam taun, ngena setengah gaji. Lepaska sida, nya baru TUHAN Allah Taala kita deka merekatka kita dalam semua utai ti dikereja kita.\\nAnak Tuai Jelu Sapi Enggau Jelu Bedus\\n19 “Serahka ngagai TUHAN Allah Taala kita semua anak tuai ti lelaki ari jelu sapi enggau jelu bedus kita. Anang ngena jelu nya ngereja pengawa, lalu anang ngukur bedus nya.\\n20 Kita, enggau kita sebilik, enda tau enda makai jelu nya di mua TUHAN genap taun, ba endur ti deka dipilih TUHAN Allah Taala kita.\\n21 Tang enti jelu nya enda tentu menyana, enti sida nya kait-kupit, tauka buta, tauka bisi penimpang bukai, kita enda tau ngaga sida nyadika piring ti diberi ngagai TUHAN Allah Taala kita.\\n22 Kita tau makai jelu nya di rumah kita empu. Semua kita, nemuka kita nya tuchi tauka enda tuchi, tau makai jelu nya, baka ke makai dagin rusa tauka dagin kijang.\\n23 Tang anang makai darah sida. Tuang darah sida ngagai tanah baka ke nuang ai.\\n1 “Kemesaika TUHAN Allah Taala kita ngena Gawai Paska dalam bulan Abip, laban Iya udah mai kita pansut ari menua Ejip lebuh malam hari dalam bulan nya.\\n2 Mansang kita ngagai siti endur alai nyembah TUHAN, lalu sayat dia siku jelu bedus kita, tauka jelu sapi kita, ke Gawai Paska, kena ngemesaika TUHAN Allah Taala kita.\\n3 Lebuh kita makai pemakai nya, anang makai roti ti beragi. Tujuh hari kita deka makai roti ti enda beragi, baka ke dikereja kita lebuh kita beguai-guai angkat ari menua Ejip. Empa roti nya. Roti nya deka dikumbai roti pemerinsa, ngambika, seagi-agi kita meruan idup, kita deka ingatka hari kita pansut ari menua Ejip, alai kita ke udah kena perinsa.\\n4 Dalam kandang tujuh hari, nadai orang di menua kita tau nyimpan ragi dalam rumah sida. Lalu jelu ti disayat ba lemai ti keterubah, enda tau enda abis diempa kita malam nya.\\n5-6 “Sayat jelu ke Gawai Paska nya ba siti endur alai kita besembah, ukai ba endur bukai di menua ti deka diberi TUHAN Allah Taala kita ngagai kita. Kereja pengawa nya lebuh padam mata panas, laban nya jam kita angkat ari menua Ejip.\\n7 Panduk dagin nya, lalu empa iya ba siti endur alai kita besembiang. Pagi hari siti baru kita pulai ngagai rumah kita empu.\\n8 Dalam enam hari lepas nya kita deka makai roti ti enda beragi. Ba hari ti ketujuh kita enda tau enda besembiang bebala mayuh nyembah TUHAN Allah Taala kita, lalu enda gawa sehari nya.\\n9 “Itung tujuh minggu ari maya kita belabuh ngetau gandum kita,\\n10 lalu udah nya intu Gawai Ngetau kena ngemesaika TUHAN Allah Taala kita, lebuh kita mai ngagai Iya piring ti diberi nitihka peneka ati diri setipak enggau berekat ti udah diberi Iya ngagai kita.\\n11 Kita, anak kita, orang gaji kita, enggau orang Lewi, orang kampar, orang ke patu balu ti diau dalam nengeri kita, enda tau enda gaga ati ngintu Gawai nya di mua TUHAN. Kereja nya ba siti endur alai kita besembiang.\\n12 Kita enda tau enda ngasika pesan tu. Anang enda ingatka diri ti udah nyadi ulun di menua Ejip.\\n13 “Lebuh kita udah tembu ngindik semua gandum kita, lalu udah tembu mitan semua buah anggur kita, kita enda tau enda ngintu Gawai Belangkau tujuh hari.\\n14 Kita, anak kita, orang gaji kita, enggau orang Lewi, orang kampar, orang ke patu balu ti diau dalam nengeri kita, enda tau enda semua gaga ati ngerami Gawai nya.\\n15 Intu Gawai nya tujuh hari ba siti endur alai besembiang kena kita ngemesaika TUHAN Allah Taala kita. Kita enda tau enda gaga ati, laban TUHAN udah merekatka utai ti diketau kita, sereta merekatka pengawa kita.\\n16 “Semua lelaki dalam bansa kita enda tau enda datai nyembah TUHAN tiga kali setaun ba siti endur ti deka dipilih TUHAN, iya nya, lebuh Gawai Paska, Gawai Ngetau, enggau Gawai Belangkau. Genap iku sida enda tau enda meri pemeri\\n17 naka ti ulih diberi sida, nitihka pemayuh berekat ti udah diberi TUHAN ngagai sida siku-siku.\\nBejalaika Atur Ti Lurus\\n18 “Pilih orang nyadi hakim, enggau nyadi pemesai bukai, dalam semua nengeri ti diberi TUHAN Allah Taala kita ngagai kita. Orang tu enda tau enda ngatur pechara enggau enda bepilih mata.\\n19 Sida enda tau meri atur ti enda lurus, lalu enda tau bepilih mata. Sida enda tau makai suap, laban makai suap ngasuh orang ke bepenemu-dalam enda meda utai ti betul, lalu ngasuh sida meri atur ti salah.\\n20 Kita enda tau enda seruran meri atur ti lurus, ngambika kita ulih ngalahka lalu diau dalam menua ti diberi TUHAN Allah Taala kita ngagai kita.\\n21 “Lebuh kita ngaga alta ke TUHAN Allah Taala kita, anang nirika alta nya ngimbai tiang petara indu Aserah.\\n22 Lalu anang mega nirika tiang ti dipegedika TUHAN.\\n1 “Anang meri jelu sapi tauka jelu bedus ti bisi penimpang nyadika piring ngagai TUHAN Allah Taala kita. TUHAN begedika utai nya.\\n2 “Enti sema kita bisi ninga dalam nengeri kita, pasal lelaki tauka indu ke udah bedosa ngelaban TUHAN, lalu ngelanggar sempekat Iya\\n3 ketegal sida nyembah lalu betuaika petara bukai, nemuka nya mata hari, tauka bulan, tauka bintang, lalu ngelanggar pesan TUHAN,\\n4 lalu enti kita bisi ninga berita nya, kita enda tau enda mansik utai nya enggau silik, lebuh orang madahka utai nya ngagai kita. Enti utai ti jai nya amat udah nyadi dalam menua Israel,\\n5 bai orang nya pansut ke luar ari nengeri nya, lalu tuku sida ngena batu datai ke sida mati.\\n6 Tang sida semina tau dibunuh beduduk ba jaku saksi dua tauka mayuh agi orang. Sida enda tau dibunuh beduduk ba saksi siku orang aja.\\n7 Orang ke nyadika saksi enda tau enda dulu nukuka batu. Udah nya baru semua orang bukai tau nuku sida ngena batu. Nya meh jalai kita muai orang ke jai nya ari bala kita.\\n8 “Kadang-kadang pekara bisi kelalu mar diputarka bala hakim ke di nengeri nya, baka pekara pasal hak bempu pesaka, tauka pasal orang ke bakal, tauka pasal pekara munuh tauka tebunuhka orang. Ba pekara ti baka nya, kita enda tau enda mansang ngagai endur alai kita ke nyembah TUHAN ti udah dipilih TUHAN Allah Taala kita,\\n9 lalu mantaika pekara nya ngagai bala imam Lewi, enggau hakim ke bekereja lebuh maya nya, lalu awakka sida meri pemutus penemu ba pasal pekara nya.\\n10 Sida deka meri pemutus penemu sida, lalu kita enda tau enda ngereja utai nitihka atur sida.\\n11 Sambut meh pemutus penemu sida, lalu titihka atur sida enggau silik.\\n12 Barang sapa berani ngelaban atur hakim tauka imam ke bekereja sehari nya, deka dibunuh. Nya meh jalai kita muai orang ke jai nya ari bansa orang Israel.\\n13 Nya baru semua orang deka ninga pasal pekara nya, lalu takut. Nya baru orang nadai agi berani ngereja utai ti baka nya.\\nAtur Pasal Raja\\n14 “Lebuh kita udah ngerampas menua ti diberi TUHAN Allah Taala kita ngagai kita, lalu udah ngentapka diri di menua nya, kita deka berunding begunaka raja baka bansa bukai ti ngelingi kita.\\n15 Kita enda tau enda nentuka orang ke dipilih kita nyadi raja nya orang ke udah dipilih TUHAN. Iya enda tau enda datai ari bansa kita empu. Anang ngasuh orang kampar nyadika raja kita.\\n16 Raja nya enda tau ngembuan mayuh kuda ke bala soldadu iya empu, tauka ngasuh orang nikal ngagai menua Ejip bebelika kuda, laban TUHAN udah bejaku enda nyagi bala nembiak Iya nikal ngagai menua nya.\\n17 Raja nya enda tau mayuh bini, laban nya deka ngasuh iya ninggalka TUHAN; lalu iya enda tau ngaga diri kaya besimpanka pirak enggau emas.\\n18 Lebuh iya nyadi raja, iya enda tau enda bisi siti Bup Adat dituliska iya di mua bala imam Lewi.\\n19 Iya enda tau enda nyimpan bup nya semak iya empu, lalu macha bup nya seumur idup, ngambika iya nemu belajar nangika TUHAN, lalu tetap ati ngasika semua utai ti ditulis dalam bup nya.\\n20 Tu deka nagang iya berunding ngumbai diri manah agi ari orang Israel ti bukai, sereta nagang iya ngelanggar pesan TUHAN dalam semua utai. Nya baru iya enggau peturun iya deka lama megai perintah di menua Israel.\\n1 “Semua imam Lewi, semua raban bansa Lewi, enda tau nerima ungkup tanah tauka pesaka di menua Israel, tang sida deka beridup ba piring ti diberi ngagai TUHAN.\\n2 Sida enda tau bempu pesaka tanah baka raban bansa ti bukai. TUHAN Empu deka nyadika pesaka sida, munyi ti udah disemaya Iya ngagai sida.\\n3 “Tu ungkup ti diberi orang Israel ngagai sida imam ari piring ti diberi sida, nemuka piring nya jelu sapi tauka bedus: berang, rang enggau perut raya jelu nya.\\n4 Utai ti terubah ulih kita ari gandum, wain, enggau minyak kana kita, enggau bulu bedus ti terubah ulih kita ari bedus kita, enda tau enda diberi ngagai sida,\\n5 laban TUHAN Allah Taala kita udah milih raban bansa Lewi enggau peturun sida ari semua raban bansa kita, bekereja dalam nama TUHAN belama iya.\\n6 “Enti orang Lewi, sebarang maya iya deka, angkat ari sebarang nengeri ti udah alai iya diau di menua Israel, lalu datai ngagai endur ti deka dipilih TUHAN,\\n7 iya tau bekereja dia dalam nama TUHAN Allah Taala iya, baka orang Lewi ti bukai ke bekereja dia.\\n8 Iya enda tau enda diberi pemakai ngemayuh ti diberi ngagai imam ti bukai, taja pen iya bisi penatai duit ari rega reta tengkira ti dijual sida sebilik. Enda Tau Nunda Orang Ke Enda Nemu Allah Taala\\n9 “Lebuh kita datai di menua ti diberi TUHAN Allah Taala kita ngagai kita, kita enda tau nunda pengawa ti jai ti dikereja orang bansa bukai ke diau di menua nya.\\n10 Anang nyerahka anak kita lalu nunu sida ba alta nyadika piring. Lalu anang betilitka nasit, tauka beburung, tauka bedukun, tauka bemanang,\\n11 tauka bekenaka pengaruh, tauka betanya ngagai antu, tauka betanya ngagai semengat orang ke udah mati.\\n12 Laban TUHAN Allah Taala kita begedika orang ke ngereja utai ti jai baka nya. Nya kebuah Iya muru mayuh bengkah bansa ari mua kita.\\n13 Kita enda tau enda, enggau pengabis ati kita, mengkang taluk ngagai TUHAN Allah Taala kita.\\n14 Taja pen orang ke diau di menua ti baru deka dialahka kita, mendingka manang, mendingka orang ke betilitka nasit, tang TUHAN Allah Taala kita enda ngasuh kita ngereja nya.\\nSiku Nabi Baka Moses\\n15 “Lalu TUHAN Allah Taala kita deka meri kita siku nabi ke baka aku, ari bansa kita empu, lalu kita enda tau enda ngasika iya.\\n16 Laban tu utai ti dipinta kita ari TUHAN Allah Taala kita ba Bukit Sinai, alai kita ke begempuru bebala mayuh, lebuh kita nyebut, ‘Enti kami agi majak ninga munyi nyawa TUHAN Allah Taala kami, tauka meda api ti mau, kami tentu mati.’\\n17 Lalu ku TUHAN bejaku ngagai aku, ‘Jaku sida endang ngena.\\n18 Aku deka meri sida siku nabi ke baka nuan, ari bansa sida empu. Aku deka nepuka leka jaku Aku ke dalam mulut iya, lalu iya deka madahka semua pesan Aku ngagai sida.\\n19 Barang sapa enda mendingka jaku ti disebut nabi nya dalam nama Aku, Aku deka ngasuh orang nya betanggungjawapka diri empu.\\n20 Tang enti nabi berani bejaku mai pesan dalam nama petara bukai, tauka ngumbai diri bejaku dalam nama Aku, tang ukai ari asuh Aku, iya enda tau enda mati ketegal nya.’\\n21 “Kita nyangka berunding dalam ati diri, ‘Baka ni ku jalai kitai nemu jaku nya ukai jaku TUHAN?’\\n22 Enti nabi nya bejaku dalam nama TUHAN, tang utai ti ku iya nya nadai nyadi, nya nunjukka pesan nya ukai ari TUHAN. Nabi nya bejaku ngena kuasa iya empu. Anang takutka jaku nya.\\n1 “Lebuh TUHAN Allah Taala kita udah ngerusak orang ke bempu menua ti diberi Iya ngagai kita, lalu kita udah ngerampas nengeri enggau rumah sida lalu udah ngentapka diri dia,\\n2 kita enda tau enda ngeletak tiga buah nengeri alai ngerarika diri di menua ti diberi TUHAN Allah Taala kita ngagai kita.\\n3 Sukat penyauh nengeri nya, lalu bagi menua ti diberi TUHAN Allah Taala kita nyadika pesaka kita, ngagai tiga bagi, ngambika orang ke tekelanjur tebunuhka orang tau rari ngagai sebuah ari nengeri nya.\\n4 Tu pasal orang ke tekelanjur tebunuhka orang, lalu ngerarika diri ngagai nengeri nya, deka ngidupka nyawa diri, iya nya pasal orang ke tekelanjur tebunuhka orang ke ukai munsuh iya:\\n5 Ambika banding, enti dua iku orang ari bala kita bejalai ke babas deka ngambi kayu, lalu lebuh siku ari seduai nya nebang kayu, pala kapak iya ngelechut ari baur iya, lalu kena pangan iya, lalu pangan iya nya mati, iya ke tebunuhka pangan iya tau ngerarika diri ngagai sebuah ari nengeri nya, ngidupka nyawa diri.\\n6 Tang enti nengeri nya semina sebuah aja, nyangka nengeri nya kelalu jauh, lalu kaban belayan ti deka bebalaska pemati nya ulih tepegaika orang nya lalu, enggau ati ti balat ringat, munuh iya taja pen iya nadai penyalah. Laban iya ti bendar, iya ukai sengaja munuh pangan iya.\\n7 Nya kebuah aku ngasuh kita ngeletak tiga buah nengeri.\\n8 “Enti TUHAN Allah Taala kita ngerembaika rampa menua kita, munyi ti dipadahka Iya ngagai aki ini kita ngena sumpah, lalu Iya meri ngagai kita semua menua ti udah disemaya deka diberi Iya ngagai kita,\\n9 lalu kita ngasika semua pesan ti diberi aku ngagai kita sehari tu, iya nya rinduka TUHAN Allah Taala kita, sereta nitihka jalai Iya, nya baru kita tau nambahka tiga buah agi nengeri ngagai nengeri ti tiga buah nya,\\n10 ngambika orang ke nadai penyalah nya enda mati dalam menua ti diberi TUHAN Allah Taala kita nyadika pesaka kita, lalu ninggang kita enggau penyalah munuh orang.\\n11 “Tang enti sema kita endang sengaja munuh munsuh kita, lalu udah nya kita ngerarika diri ngagai nengeri nya, deka ngidupka nyawa diri,\\n12 bala tuai nengeri kita empu deka mesanka kita, lalu nyerahka kita ngagai kaban belayan ke ngiga balas ke pemati nya, ngambika kita dibunuh.\\n13 Nadai orang deka kasihka kita. Menua Israel enda tau enda muai semua orang ke munuh orang, ngambika kita diau lantang senang.\\nGaris Entara Tanah\\n14 “Anang mindahka pak kelai entara enggau tanah orang, ti lama udah diletak ba menua ti diberi TUHAN Allah Taala kita ngagai kita.\\nPasal Nyadi Saksi\\n15 “Saksi ari siku orang aja enda umbas kena nyalah orang. Abis kurang iya, dua iku saksi diguna, kena netapka orang nya salah.\\n16 Enti orang nguji ngemediska pangan diri ngena jaku petenah,\\n17 seduai iya enda tau enda sama mansang ngagai endur alai kita ke nyembah TUHAN, lalu diakim bala imam enggau bala hakim ke bekereja sehari nya.\\n18 Bala hakim deka mansik pekara nya enggau silik, lalu enti orang nya amat udah betenah,\\n19 iya deka diukum ngena ukum ti diletak ninggang pangan iya, enti sema pangan iya amat salah. Nya meh jalai bansa kita deka muai penyai nya.\\n20 Udah nya baru semua orang bukai deka ninga pasal pekara nya lalu takut, lalu nadai agi orang berani ngereja utai ti jai baka nya ba bala kita.\\n21 Anang kasihka orang nya: nyawa balas nyawa, mata balas mata, ngeli balas ngeli, jari balas jari, kaki balas kaki.\\nAtur Pasal Beperang\\n1 “Lebuh kita mansang ngelaban munsuh, lalu kita meda kerita perang enggau kuda, enggau bala soldadu sida mayuh agi ari bala soldadu kita, anang takutka sida. Laban TUHAN Allah Taala kita, ti udah mai kita pansut ari menua Ejip, deka meruan enggau kita.\\n2 Sebedau kita berengkah belaban, siku imam enda tau enda mansang ke mua, lalu nyebut ngagai bala soldadu munyi tu:\\n3 ‘Kita orang Israel, pendingka tu ulih kita! Sehari tu kita deka mansang beperang. Anang takutka munsuh, tauka lemi semengat, tauka begau abis ati,\\n4 laban TUHAN Allah Taala kita deka bejalai enggau kita, beperang ngarika kita, lalu meri kita pemenang.’\\n5 “Udah nya bala pemesai deka bejaku enggau bala soldadu munyi tu, ‘Kati bisi lelaki ditu ke baru udah ngaga rumah, tang apin nyerahka rumah nya? Enti iya apin, iya enda tau enda pulai, enggai ke iya mati beperang, lalu orang bukai deka nyerahka rumah iya.\\n6 Kati bisi lelaki ditu ke baru udah nanam kebun anggur, tang apin bisi peluang ngetau buah ari kebun nya? Enti iya apin, iya enda tau enda pulai, enggai ke iya mati beperang, lalu orang bukai deka ensepi penyamai buah anggur nya.\\n7 Kati bisi lelaki ditu ke betunang deka bebini? Enti bisi, iya enda tau enda pulai, enggai ke iya mati beperang, lalu orang bukai jadi enggau tunang iya.’\\n8 “Bala pemesai mega deka nyebut ngagai bala soldadu sida munyi tu, ‘Kati bisi lelaki ditu takut? Enti bisi, iya enda tau enda pulai, enggai ke iya marit orang bukai takut.’\\n9 Lebuh bala pemesai udah tembu bejaku ngagai bala soldadu, nya baru orang ke nyadi tuai ke siti-siti raban enda tau enda dipilih.\\n10 “Lebuh kita mansang nyerang sebuah nengeri, kita enda tau enda dulu meri peluang ngasuh orang dia nunduk.\\n11 Enti sida muka pintu nengeri lalu nunduk, semua sida deka nyadi ulun kita, lalu ngereja pengawa ti berat ke kita.\\n12 Tang enti orang dalam nengeri nya enggai nunduk, tang keras deka ngelaban, kelulung nengeri nya ngena bala soldadu kita.\\n13 Udah nya, lebuh TUHAN Allah Taala kita ngasuh kita ngalahka nengeri nya, bunuh semua lelaki ke dalam nengeri nya.\\n14 Tang kita tau ngambi indu, anak mit, jelu tupi enggau semua utai bukai dalam nengeri nya ke kita empu. Kita tau ngena utai ti diempu munsuh kita laban TUHAN udah meri utai nya ngagai kita.\\n15 Nya jalai kita ngereja utai ba nengeri ti jauh ari menua ti alai kita ngentapka diri.\\n16 “Tang lebuh kita ngalahka nengeri dalam menua ti diberi TUHAN Allah Taala kita ngagai kita, bunuh semua utai ti enseput dalam nengeri nya.\\n17 Luska semua orang Iti, orang Amor, orang Kanaan, orang Peris, orang Ibi, orang Jebus, munyi ti dipesanka TUHAN.\\n18 Bunuh sida ngambika sida enda mai kita bedosa ngelaban TUHAN ngena ajar ti ngasuh kita ngereja semua utai ti jai, ti dikereja sida lebuh sida nyembah petara sida.\\n19 “Lebuh kita nguji ngalahka nengeri, anang betebangka kayu buah dia, taja pen kita lama ngelulung nengeri nya. Empa buah nya, tang anang munuh kayu nya. Kayu nya ukai munsuh kita.\\n20 Kita tau nebang kayu bukai kena kita begagaka kuta ti dikena kita ngelulung nengeri nya, datai ke nengeri nya alah.\\nPasal Munuh Orang\\n1 “Enti orang bisi ditemu kena bunuh orang ba padang di menua ti deka diberi TUHAN Allah Taala kita ngagai kita, lalu kita enda nemu sapa munuh iya,\\n2 bala tuai bansa enggau bala hakim kita enda tau enda angkat lalu nyukat penyauh endur alai bangkai nya ditemu ngagai genap buah nengeri ti semak endur nya.\\n3 Udah nya bala tuai ke dalam nengeri ti pemadu semak, enda tau enda milih siku sapi ti indu ti agi biak, ti enda kala dikena ngereja pengawa.\\n4 Sida lalu mai sapi ti indu nya ngagai siti endur ti semak siti sungai ti nadai kala rangkai, lalu tanah dia pen nadai mega kala dichangkul tauka ditanam enggau utai. Dia sida deka matahka rekung sapi ti indu nya.\\n5 Bala imam Lewi deka mansang ke mua, laban TUHAN Allah Taala kita udah milih sida bekereja ke Iya, lalu madahka berekat dalam nama TUHAN, lalu ari pemutus penemu sida, semua laya diputarka magang.\\n6 Udah nya semua tuai ari nengeri ti pemadu semak ari endur alai bangkai orang nya ditemu, enda tau enda masu jari sida atas sapi ti indu ti udah dipatahka rekung nya\\n7 lalu nyebut, ‘Kami nadai munuh orang tu, lalu kami enda mega nemu sapa ti munuh iya.\\n8 TUHAN, ampun meh orang Israel, ti udah ditebus Nuan. Anang nejuka darah orang ke nadai penyalah ninggang nembiak Nuan orang Israel.’ Sida lalu diampun.\\n9 Nya alai, laban kita ngereja utai ti diasuh TUHAN, kita enda kena tinggang penyalah ketegal pemati orang nya.\\nPasal Indu Ke Ditangkap Lebuh Maya Perang\\n10 “Lebuh TUHAN Allah Taala kita meri kita pemenang lebuh beperang, lalu kita bulih orang tangkap,\\n11 kita nyangka bisi tepedaka, ba bala orang tangkap nya, indu ke bajik, ti deka diambi kita nyadika bini.\\n12 Bai iya ngagai rumah nuan. Dia iya enda tau enda ngukur ?buk iya, mipil kukut iya,\\n13 lalu nukar gari iya. Iya deka diau dalam rumah nuan, lalu ngulitka apai indai iya sebulan. Udah nya baru nuan tau jadi enggau iya.\\n14 Lepas nya, enti nuan enggai agi jadi enggau iya, nuan enda tau enda ngelepaska iya. Nyadi laban nuan udah mejalka iya beleman enggau nuan, nuan enda tau ngaga iya baka ke ngaga ulun lalu nyual iya.\\nPasal Pesaka Anak Tuai\\n15 “Enti sema orang bisi dua iku bini, lalu bini iya ke dua iku nya sama ngadaka anak lelaki, tang anak ke dulu agi ada nya ukai anak ari indu ke balat dikerinduka iya,\\n16 lebuh iya berundingka chara iya deka magi reta tengkira iya ngagai bala anak iya, iya enda tau semina berundingka anak ari bini ke balat agi dikerinduka iya, lalu meri iya ungkup ti endang patut diempu anak tuai iya.\\n17 Iya enda tau enda meri dua kali lipat mayuh agi ungkup ngagai anak tuai iya, taja pen anak tuai iya nya ukai anak ari bini ke balat agi dikerinduka iya. Apai enda tau enda ngaku anak tuai diri empu, lalu meri ngagai iya ungkup ti endang patut diempu iya ti nyadi anak tuai, nitihka adat.\\nPasal Anak Lelaki Ke Enda Ngasi\\n18 “Enti sema orang bisi siku anak lelaki ke kieh sereta deka ngelaban, ke enggai ngasika apai indai iya, taja pen seduai iya disiplin iya,\\n19 apai indai iya enda tau enda mai iya ngagai bala tuai di nengeri ti alai sida diau, lalu ngasuh iya kena pechara.\\n20 Apai indai orang nya deka nyebut ngagai bala tuai, ‘Anak kami duai tu kieh sereta deka ngelaban, lalu enggai ngasika kami duai. Iya bebasauka duit sereta pemabuk.’\\n21 Udah nya bala orang lelaki di nengeri nya lalu nuku iya ngena batu datai ke mati. Nya meh chara kita muai orang ke jai nya ari bala kita. Semua orang di menua Israel deka ninga berita pasal utai ti udah nyadi, lalu sida deka takut.\\nMayuh Bengkah Adat\\n22 “Enti orang udah kena ukum bunuh laban iya udah ngereja penyalah, lalu bangkai iya digantung ari sebatang tiang,\\n23 bangkai nya enda tau ditejuka begantung dia semalam-malam nya. Bangkai nya enda tau enda dikuburka sehari nya, laban bangkai orang ke digantung ari tiang, mai sumpah Allah Taala ngagai menua. Kuburka bangkai orang nya, ngambika kita enda ngamahka menua ti diberi TUHAN Allah Taala kita, ngagai kita.\\n1 “Enti kita bisi tepedaka sapi tauka bedus orang Israel lelang, anang enda ibuhka jelu nya. Bai jelu nya pulai baru ngagai orang ke bempu iya.\\n2 Tang enti orang ke bempu jelu nya diau jauh ari kita, tauka kita enda nemu sapa ke bempu jelu nya, bai jelu nya ngagai rumah kita. Lebuh orang ke bempu iya datai ngiga iya, beri jelu nya ngagai iya.\\n3 Kereja mega baka nya ba pasal keledai, gari, tauka utai bukai ti lenyau ari jari orang Israel.\\n4 “Enti keledai tauka sapi orang Israel rebah, anang enda ibuhka jelu nya. Saup orang nya ngangkatka jelu iya bediri baru.\\n5 “Indu enda tau ngena pekayan lelaki, lalu lelaki pen enda mega tau ngena pekayan indu. TUHAN Allah Taala kita begedika orang ke ngereja utai ti baka nya.\\n6 “Enti kita tetemuka sarang burung ba kayu, tauka ba tanah, lalu indu burung nya meram telu tauka anak iya, anang ngambi indu burung nya.\\n7 Kita tau ngambi anak burung nya, tang kita enda tau enda ngelepaska indu iya, ngambika kita gayu-guru sereta kaya-raja.\\n8 “Lebuh kita ngaga rumah baru, gaga reraga ba tisi perabung rumah nya. Nya baru kita enda betanggungjawap enti orang labuh ari perabung nya lalu mati.\\n9 “Anang nanam utai bukai ba kebun anggur kita. Enti kita nanam utai bukai dia, kita enda tau ngambi asil ari kebun nya, nemuka buah anggur tauka utai bukai.\\n10 “Anang begandinka jelu sapi enggau keledai lebuh kita ngeradu tanah.\\n11 “Anang ngena gari ti ditenun ari bulu bedus begulai enggau linin.\\n12 “Jait rambing ba empat iti sukut gari kita.\\nAdat Pasal Beleman\\n13 “Enti lelaki jadi enggau indu siku, lalu udah nya berunding enggai agi jadi enggau iya,\\n14 lalu iya ngaga mayuh macham petenah ngagai indu nya, madahka iya ukai dara bungas lebuh seduai iya jadi,\\n15 apai enggau indai indu nya enda tau enda nyerahka kelai ngagai bala tuai ba pintu kuta nengeri nya, kena netapka indu nya endang amat dara bungas.\\n16 Apai indu nya deka nyebut ngagai sida, ‘Aku ngasuh anak indu aku jadi enggau lelaki tu, lalu diatu lelaki tu enggai agi jadi enggau iya.\\n17 Iya udah betenahka iya, ngumbai iya ukai dara bungas lebuh seduai iya jadi enggau pangan diri. Tu tanda anak aku agi dara bungas lebuh seduai iya jadi enggau pangan diri. Peda kita bekau darah ba chadar tilam tu!’\\n18 Udah nya bala tuai nengeri nya deka mai laki indu nya, lalu malu iya.\\n19 Sida mega deka ngukum iya seratus singkap duit pirak, lalu meri duit nya ngagai apai indu nya, laban lelaki nya udah ngemaluka indu orang Israel. Nambahka nya, indu nya deka mengkang jadi enggau lelaki nya, lalu lelaki nya enda tau muai indu nya seagi-agi lelaki nya idup.\\n20 “Tang enti utai ti dipedawaka lelaki nya endang sigi amat, lalu tanda indu nya agi dara bungas pen nadai,\\n21 sida enda tau enda mai indu nya pansut ngagai pintu penama rumah apai iya, alai orang lelaki ke di nengeri nya deka nuku indu nya ngena batu datai ke mati. Iya udah ngereja utai ti ngemaluka bansa kitai, laban iya udah beleman enggau lelaki sebedau iya belaki lebuh iya agi diau dalam rumah apai iya. Nya meh jalai kita muai penyai nya ari bala kita.\\n22 “Enti lelaki kena tangkap beleman enggau bini orang bukai, seduai iya deka sama dibunuh. Nya meh jalai kita deka muai penyai nya ari menua Israel.\\n23 “Enti lelaki kena tangkap ba sebuah nengeri lebuh iya beleman enggau indu siku ke betunang enggau orang bukai,\\n24 kita enda tau enda mai seduai iya pansut ari nengeri nya, lalu nuku seduai iya ngena batu datai ke seduai iya mati. Indu nya enda tau enda dibunuh, laban iya nadai ngangau minta tulung, taja pen iya dalam nengeri, alai orang ulih ninga iya. Lalu lelaki nya enda tau enda mega dibunuh, laban iya beleman enggau orang ke betunang. Nya meh jalai kita muai penyai nya ari bala kita.\\n25 Enti lelaki masung indu siku dalam babas, lebuh indu nya benung betunang enggau lelaki bukai, semina lelaki ke masung iya nya aja deka dibunuh.\\n26 Kita enda tau ngereja sebarang utai ngagai indu nya, laban iya nadai ngereja dosa ti tau ngasuh iya diukum bunuh. Pekara nya sebaka enggau pekara pasal lelaki ke ngamuk lelaki siku, lalu munuh iya.\\n27 Lelaki nya masung indu nya dalam babas, lalu taja pen indu nya rauh-rauh minta tulung, tang orang nadai datai nyaup iya.\\n28 “Enti lelaki kena tangkap masung indu ke biak, ti enda betunang,\\n29 lelaki nya enda tau enda mayar derian lima puluh singkap duit pirak ngagai apai indu nya, lalu indu nya nyadika bini iya, laban iya udah mejalka indu nya beleman enggau iya. Lalu iya enda tau muai indu nya seumur idup.\\n30 “Lelaki enda tau beleman enggau bini apai iya, laban nya ngemaluka apai iya.\\nDibuai Ari Bansa Israel\\n1 “Orang ke udah dipeliri, tauka udah dikempat utai ti dilalaika lelaki, enda tau nyadi raban nembiak TUHAN.\\n2 “Anak ampang, tauka peturun anak ampang enda tau nyadi nembiak TUHAN. Indah nyentuk ngagai serak ti kesepuluh deh sida enda tau nyadi nembiak TUHAN.\\n3 “Orang bansa Amon, tauka orang Moap, tauka peturun sida, nyentuk ngagai serak ti kesepuluh, enda tau nyadi raban nembiak TUHAN,\\n4 laban sida enda meri kita pemakai enggau ai irup lebuh kita di rantau jalai pansut ari menua Ejip, lalu sida ngaji Balaam anak Beor, ari nengeri Petor di Mesopotamia, nyumpah kita.\\n5 Tang TUHAN Allah Taala kita enggai mendingka Balaam, lalu mutarka sumpah nya nyadika berekat, laban Iya rinduka kita.\\n6 Anang nulung bansa orang nya, tauka ngasuh sida kaya-raja, sepemanjai umur kita.\\n7 “Anang mechat orang Edom laban sida iya kaban belayan kita empu. Lalu anang mechat orang Ejip, laban kita udah diau nyadi orang kampar di menua sida.\\n8 Berengkah ari serak ti ketiga ke atas, peturun bansa orang nya tau nyadi raban nembiak TUHAN.\\nNgintu Kem Soldadu Tuchi\\n9 “Lebuh kita diau dalam kem deka mansang nyerang munsuh kita, kita enda tau enda nyeliahka utai ti tau ngasuh kita enda tuchi.\\n10 Enti lelaki nyadi enda tuchi laban iya bisi mansutka ai mani lebuh iya tinduk, iya enda tau enda pansut ari kem; iya enda tau tama ngagai kem.\\n11 Lebuh hari nyau lemai, iya enda tau enda masu diri ngena ai, lalu ba padam mata panas iya tau pulai baru ngagai kem.\\n12 “Kita enda tau enda bisi siti endur di luar kem alai kita kemi bira.\\n13 Siti ari pekekas ti dibai kita nya utai kena ngeruang tanah; lebuh kita asai ti deka kemi bira, kita tau ngeruang lubang ngena pengeruang tanah nya, lalu udah nya ngelamun tai kita.\\n14 Laban TUHAN Allah Taala kita bejalai enggau kem kita, nyaga kita lalu nyerahka munsuh kita ngagai jari kita, nya alai kem kita enda tau enda diintu kudus, ngambika Iya nadai meda utai ti enda menuku ba bala kita lalu nguingka belakang iya ngagai kita.\\nAdat Ti Bukai\\n15 “Enti ulun rari ari tuan iya, lalu iya datai ngagai kita, anang nganjung iya pulai baru.\\n16 Sida tau diau enggau kita, dalam nengeri ti dipilih sida nitihka peneka ati sida empu, lalu kita enda tau nekanka pengidup sida.\\n17 “Orang Israel, nemuka lelaki tauka indu, nadai tau nyadi sundal dalam rumah sembiang.\\n18 Kita enda tau mai duit ti ulih orang nyundal, tauka gaji lelaki ke nyundal, ngagai rumah TUHAN Allah Taala kita, kena kita ngamatka semaya, laban utai dua bengkah nya dipegedika TUHAN.\\n19 “Kita enda tau minta anak ari utai ti dijali kita ngagai orang Israel, nemuka utai nya duit, tauka pemakai, tauka utai bukai.\\n20 Kita tau minta anak ari duit ti dijali kita ngagai orang kampar, tang kita enda tau minta anak ari duit ti dijali kita ngagai orang Israel. Kita enda tau enda ngasika adat tu. Nya baru TUHAN Allah Taala kita deka merekatka semua utai ti dikereja kita di menua ti deka diempu kita.\\n21 “Lebuh kita ngaga semaya enggau TUHAN Allah Taala kita, anang laun ngamatka semaya nya. TUHAN enggai meda kita enda ngamatka semaya kita. Kita bedosa enti kita enda ngamatka semaya diri.\\n22 Kita enda salah enti kita enda ngaga semaya enggau TUHAN,\\n23 tang enti kita ngaga semaya laban kita endang deka, kita enda tau enda ngamatka semaya nya.\\n24 “Lebuh kita bejalai niti jalai ba kebun anggur orang bukai, kita tau makai buah anggur naka ti ulih empa kita, tang kita enda tau ngisi ma kita lalu mai buah nya kebukai.\\n25 Lebuh kita bejalai niti jalai nengah umai orang, kita tau makai gandum naka ti ulih dirurut kita, tang kita enda tau ngetau gandum nya ngena ketap.\\nPasal Sarak Enggau Pasal Bebini Baru\\n1 “Enti lelaki jadi enggau siku indu, lalu udah nya berunding enggai agi jadi enggau indu nya, laban iya bisi tetemuka utai pasal bini iya ti ngasuh ati iya enda lantang, iya tau nulis surat sarak, meri surat nya ngagai bini iya, lalu ngasuh bini iya angkat ari rumah nya.\\n2 Enti sema indu nya jadi enggau lelaki bukai,\\n3 lalu lelaki nya mega berunding enggai agi jadi enggau iya, lelaki nya enda tau enda nulis surat sarak, meri surat nya ngagai indu nya, lalu ngasuh iya angkat ari rumah nya (tauka, enti laki ke lumur dua nya mati).\\n4 Ba pekara dua bengkah tu, laki ke terubah enda tau jadi enggau indu nya baru, lebuh indu nya udah ngamahka diri; laban TUHAN begedika utai ti baka nya, lalu kita enda tau ngereja penyalah ti baka nya dalam menua ti udah diberi TUHAN Allah Taala kita nyadika pesaka kita.\\n5 “Lebuh lelaki baru udah jadi enggau bini iya, iya enda tau nyadi soldadu, tauka diasuh ngereja pengawa bukai ti besangkut-paut enggau pengawa soldadu. Iya tau pulai ke rumah setaun, lalu ngelantangka diri enggau bini ke baru udah enggau iya jadi.\\n6 “Lebuh kita nyali utai ngagai orang, kita enda tau minta kisar nyadika gadai utai nya, laban enti kita ngereja nya, kita ngambi utai ti dikena sida sebilik nyendiaka pemakai kena sida ngidupka diri.\\n7 “Enti kita nangkap lalu nabanka orang Israel, lalu ngaga sida nyadi ulun kita, tauka nyual sida nyadi ulun, kita enda tau enda dibunuh. Nya meh jalai kita muai penyai nya ari bansa kita.\\n8 “Lebuh kita ngidapka penyakit kulit ti tau ngerampit, kita enda tau enda ngereja utai munyi ti diasuh imam Lewi. Titihka atur ti udah diberi aku ngagai sida.\\n9 Kingatka utai ti udah dikereja TUHAN Allah Taala kita ngagai Miriam lebuh kita di rantau jalai pansut ari menua Ejip.\\n10 Lebuh kita nyali utai ngagai orang, anang tama ngagai rumah orang nya lalu ngambi tajung ti deka diberi iya nyadika gadai.\\n11 Anti iya di luar, nganti iya mai utai nya ngagai kita.\\n12 Enti iya seranta, anang ngasuh tajung nya bemalam ba jari kita.\\n13 Pulaika utai nya ngagai iya tiap lemai, ngambika iya bisi utai kena tinduk. Nya baru iya deka beterima kasih ngagai kita, lalu TUHAN Allah Taala kita deka lantang ati ngagai kita.\\n14 “Anang ngelakar orang gaji ke seranta, ke suntuk, nemuka sida nya orang Israel tauka orang kampar ti diau dalam nengeri kita.\\n15 Genap hari, sebedau padam mata panas, bayar gaji sida ke sehari nya. Sida begunaka duit nya, lalu ngarapka diri nerima duit nya. Enti kita enda mayar gaji sida, sida deka ngangauka TUHAN minta Iya ngelaban kita, lalu kita bedosa.\\n16 “Apai indai enda tau dibunuh ketegal penyalah anak sida, lalu anak pen enda mega tau dibunuh ketegal penyalah apai indai sida. Orang semina tau dibunuh ketegal penyalah sida empu.\\n17 “Anang ngerampas hak orang kampar, tauka hak orang ke nadai apai indai, lalu anang ngambi kain ari indu ke balu nyadika gadai utai ti dijali.\\n18 Kingatka diri ti udah nyadi ulun di menua Ejip, lalu TUHAN Allah Taala kita udah nebus kita ari menua nya. Nya kebuah aku meri kita pesan tu.\\n19 “Lebuh kita ngetau umai kita, lalu kita ninggalka sekeda gandum ti udah diketau kita, anang nikal baru lalu ngumpul utai nya. Tinggalka utai nya ke orang kampar, enggau ke orang ke patu balu, ngambika TUHAN Allah Taala kita merekatka kita dalam semua utai ti dikereja kita.\\n20 Lebuh kita udah ngetau buah kana kita sekali, anang ngulihka buah ti tinggal. Tinggalka buah nya ke orang kampar, enggau ke orang ke patu balu.\\n21 Lebuh kita udah ngumpul buah anggur kita sekali, anang mutik buah ti tinggal. Buah ti tinggal nya ungkup ke orang kampar, enggau ke orang ke patu balu.\\n22 Kingatka diri ti udah nyadi ulun di menua Ejip. Nya kebuah aku meri pesan tu ngagai kita.\\n1 “Enti dua iku orang Israel mansang ngagai kot minta orang ngatur laya seduai iya, lalu siku ari seduai iya nya dikumbai enda salah, lalu siku dikumbai salah,\\n2 lalu enti iya ke salah nya diukum sipat, hakim enda tau enda ngasuh iya tingkap ba tanah, lalu ngasuh iya disipat. Penyuah iya disipat deka bepanggai ba pemerat penyalah iya.\\n3 Iya tau disipat nyentuk ngagai empat puluh kali, tang enda tau lebih ari nya. Enti lebih ari nya, utai nya deka ngemaluka iya di mua orang mayuh.\\n4 “Anang mampul mulut sapi lebuh kita ngena sida nungku gandum.\\nTanggungjawap Ngagai Menyadi Ke Mati\\n5 “Enti orang dua iku diri menyadi diau ba sebidang tanah, lalu siku ari seduai nya mati, nadai ninggalka anak, balu menyadi ke mati nya enda tau jadi enggau lelaki bukai ke ukai ari ruang bilik laki iya. Menyadi lelaki orang ke udah mati nya betanggungjawap jadi enggau indu ke balu nya.\\n6 Anak tuai seduai iya deka dikumbai anak orang ke udah mati nya, ngambika iya enda putus purih di menua Israel.\\n7 Tang enti menyadi orang ke mati nya enggai jadi enggau indu nya, indu nya empu enda tau enda betemu enggau bala tuai di nengeri nya, lalu nyebut ngagai sida, ‘Menyadi laki aku enggai ngereja pengawa diri. Iya enggai meri menyadi iya purih dalam bansa orang Israel.’\\n8 Udah nya bala tuai di nengeri nya enda tau enda mesanka lelaki nya lalu bejaku enggau iya. Enti iya mengkang enggai jadi enggau indu nya,\\n9 balu menyadi iya enda tau enda betemu enggau iya, di mua semua bala tuai di nengeri nya, ningkilka kasut iya sepiak, ngeludah mua iya, lalu nyebut, ‘Tu utai ti nyadi ngagai orang ke enggai meri purih ngagai menyadi iya.’\\n10 Ruang bilik lelaki nya deka dikumbai ‘ruang bilik orang ke udah tingkil kasut.’\\n11 “Enti dua iku lelaki belaya, lalu bini lelaki ti siku nguji nyaup laki iya, lalu ngeremuk utai lelaki ti siku nya,\\n12 anang kasihka indu nya; tetak jari iya.\\n13-14 “Anang ngakal lebuh kita nimbang tauka nyukat utai.\\n15 Kena timbang enggau penyukat ti betul, ngambika kita gayu-guru nguan menua ti diberi TUHAN Allah Taala kita ngagai kita.\\n16 TUHAN begedika orang ke ngakal.\\nDiasuh Munuh Orang Amalek\\n17 “Kingatka utai ti udah dikereja orang Amalek ngagai kita, lebuh kita pansut ari menua Ejip,\\n18 pasal sida ke nyerang kita di rantau jalai, lebuh kita lepi sereta lelak, lalu munuh semua bala kita ke enda tetitihka bala mayuh bejalai; orang Amalek nya enda nangika Allah Taala.\\n19 Nya alai, lebuh TUHAN Allah Taala kita udah meri menua nya ngagai kita, lalu udah ngasuh kita diau likun ari semua munsuh ke ngelingi kita, kita enda tau enda munuh semua orang Amalek, ngambika sida enda agi dikingatka. Anang enda ingat ngereja nya!\\nPemeri Ti Diberi Lebuh Udah Badu Ngetau\\n1 “Lebuh kita udah ngambi menua ti diberi TUHAN Allah Taala kita ngagai kita, lalu udah ngentapka diri dia,\\n2 kita enda tau enda mai sekeda buah bungas ari utai ti ditanam kita, ti diketau kita di menua ti diberi TUHAN Allah Taala kita ngagai kita, lalu kita enda tau enda nyimpan utai nya dalam bakul, lalu mansang ngagai endur alai TUHAN Allah Taala kita disembah.\\n3 Mansang kita ngagai imam ke bekereja lebuh maya nya, lalu sebut ngagai iya, ‘Sehari tu aku ngaku ngagai TUHAN Allah Taala aku, aku udah datai di menua ti udah disemaya deka diberi Iya ngagai aki ini kitai.’\\n4 “Lebuh imam nya ngambi bakul nya ari jari kita, lalu ngengkahka bakul nya di mua alta TUHAN Allah Taala kita,\\n5 kita enda tau enda nyebut leka jaku tu di mua TUHAN Allah Taala kita: ‘Aki ini kami orang Aram ti diau segau-segau ba sebelah endur; iya enggau sida sebilik mansang ngagai menua Ejip, lalu diau dia nyadi orang kampar; sida nadai mayuh tubuh, tang sida nyadi bansa ti besai, ti kering sereta mayuh tubuh.\\n6 Lebuh orang Ejip jai enggau kami, lalu mejalka kami nyadi ulun,\\n7 kami nyabak ngangauka TUHAN Allah Taala aki ini kami; TUHAN ninga kami lalu meda pemedis, penusah enggau pemerinsa kami.\\n8 TUHAN lalu mai kami pansut ari menua Ejip ngena jari Iya ti kering, enggau ngena lengan ti diunjurka Iya, ngena kuasa ti besai ti dipandangka Iya, sereta enggau ngena kereja ajih, enggau kereja ti nyelai;\\n9 lalu Iya udah mai kami ngagai endur tu, lalu meri menua ti kaya sereta ami tu ngagai kami.\\n10 Nya alai diatu aku mai buah bungas ari utai ti ditanam aku ba tanah ti udah diberi Nuan, O TUHAN, ngagai aku.’\\nKita lalu ngengkahka bakul nya di mua TUHAN Allah Taala nuan, lalu meremi di mua Iya.\\n11 Udah nya kita, sama enggau orang Lewi, sereta enggau orang kampar ti diau begulai enggau kita, deka rami gaga ngena utai ti udah diberi TUHAN Allah Taala kita, ngagai kita, enggau ngagai kita sebilik.\\n12 “Lebuh kita udah tembu meri semua pemeri sepuluh peratus kita dalam taun ti ketiga (ti dikumbai taun alai meri pemeri sepuluh peratus), alai kita ke meri pemeri sepuluh peratus kita ngagai orang Lewi, ngagai orang kampar, ngagai orang ke patu balu, ngambika sida makai lalu kenyang dalam nengeri kita,\\n13 kita enda tau enda nyebut di mua TUHAN Allah Taala kita: ‘Aku udah mai pemeri sepuluh peratus ti kudus nya ari rumah aku, lalu aku udah meri pemeri nya ngagai orang Lewi, ngagai orang kampar ti diau begulai enggau kami, ngagai orang ke patu balu, nitihka semua pesan ti diberi Nuan ngagai kami; aku nadai ngelanggar tauka enda ingatka pesan Nuan:\\n14 Aku nadai makai utai nya lebuh aku ngulit; Aku nadai mai utai nya pansut ari rumah aku lebuh aku enda tuchi, lalu aku nadai udah meri utai nya nyadika piring ke orang ke udah mati. Aku udah ngasika TUHAN Allah Taala aku, ngereja semua utai ti udah dipesanka Nuan.\\n15 Malik ke baruh kitu ari endur Nuan ti kudus di serega, lalu berekatka bala nembiak Nuan Israel, enggau menua ti udah diberi Nuan ngagai kami ngena sumpah ngagai aki ini kami, menua ti kaya sereta ami.’\\n16 “Sehari tu TUHAN Allah Taala kita bejaku ngasuh kita ngasika semua adat Iya. Nya alai, kita enda tau enda tetap ati ngasika semua adat nya enggau pengabis ati, enggau pengabis semengat kita.\\n17 Sehari tu kita udah ngaku TUHAN nyadika Allah Taala kita. Kita udah besemaya deka ngasika Iya, nitihka semua adat Iya, lalu ngereja semua utai ti dipesanka Iya ngagai kita.\\n18 Sehari tu TUHAN udah nyambut kita nyadika nembiak Iya, munyi ti udah disemaya Iya ngagai kita, lalu Iya ngasuh kita ngasika semua adat Iya.\\n19 Iya deka ngaga kita nyadi bansa ti kering agi ari semua bansa bukai ti udah digaga Iya, lalu kita deka mai puji enggau basa ngagai nama Iya, lalu kita deka nyadi nembiak Iya, munyi ti udah disemaya Iya.”\\nAdat Allah Taala Dituliska Ba Batu\\n1 Udah nya Moses enggau bala tuai orang Israel, bejaku ngagai orang mayuh, “Kita enda tau enda ngasika semua pesan ti diberi aku ngagai kita sehari tu.\\n2 Lebuh kita udah meraka Sungai Jordan, lalu datai ba menua ti diberi TUHAN Allah Taala kita ngagai kita, kita enda tau enda nirika berapa igi lampang batu ti besai, ngechat batu nya enggau kapu.\\n3 Tuliska semua leka adat tu ba batu nya lebuh kita udah meraka sungai nya, deka mansang ngagai menua ti diberi TUHAN ngagai kita, menua ti kaya sereta ami, munyi ti udah disemaya TUHAN Allah Taala aki ini kita ngagai kita.\\n4 Nya alai lebuh kita udah meraka Sungai Jordan, dirika lampang batu nya ba Bukit Ebal, munyi ti diasuh aku kereja kita sehari tu, lalu chat batu nya enggau kapu.\\n5 Gaga siti alta ke TUHAN Allah Taala kita dia ari batu ti nadai kala dipansap ngena besi.\\n6 Giga batu ti tau dikena enda ibuh dipansap. Udah nya beri piring tunu kita ngagai TUHAN Allah Taala kita ba alta nya.\\n7 Beri mega piring pemaik, lalu empa piring nya dia, rami gaga di mua TUHAN Allah Taala kita.\\n8 Kita enda tau enda nuliska semua leka jaku adat tu enggau terang ba semua lampang batu nya.”\\n9 Udah nya Moses enggau bala imam Lewi lalu bejaku ngagai semua orang Israel, “Anang ragak, kita orang Israel, lalu pendingka aku. Sehari tu kita udah nyadi nembiak TUHAN Allah Taala kita.\\n10 Nya alai kita enda tau enda ngasika Iya lalu nitihka semua pesan enggau adat Iya ti diberi aku ngagai kita sehari tu.”\\nSumpah Enti Enda Ngasi\\n11 Sehari nya Moses mega bejaku ngagai orang Israel,\\n12 “Lebuh kita udah meraka Sungai Jordan, tu bagi raban bansa ti enda tau enda bediri ba Bukit Gerisim lebuh jaku berekat disebut: Raban bansa Simeon, Lewi, Judah, Isakar, Josep, enggau Benjamin.\\n13 Lalu tu bagi raban bansa ti deka bediri ba Bukit Ebal lebuh jaku sumpah disebut: Raban bansa Reuben, Gat, Aser, Sebulun, Dan enggau Naptali.\\n14 Udah nya orang Lewi deka nyebut leka jaku tu enggau nyawa ti inggar ngagai semua orang Israel:\\n15 “Barang sapa ngaga engkeramba, tauka ngaga anak patung, utai ti dipegedika TUHAN, lalu belalai nirika utai nya, deka tulah.” Lalu semua orang mayuh deka nyaut, “Amin!”\\n16 “Barang sapa enda bebasaka apai indai diri, deka tulah.” Lalu semua orang mayuh deka nyaut, “Amin!”\\n17 “Barang sapa mindahka pak kelai entara, deka tulah.” Lalu semua orang mayuh deka nyaut, “Amin!”\\n18 “Barang sapa nguluka orang ke buta nengah jalai ti salah, deka tulah.” Lalu semua orang mayuh deka nyaut, “Amin!”\\n19 “Barang sapa ngerampas hak orang kampar, orang ke patu balu, deka tulah.” Lalu semua orang mayuh deka nyaut, “Amin!”\\n20 “Barang sapa ngemaluka apai iya, laban iya beleman enggau siku ari bini apai iya, deka tulah.” Lalu semua orang mayuh deka nyaut, “Amin!”\\n21 “Barang sapa beleman enggau jelu, deka tulah.” Lalu semua orang mayuh deka nyaut, “Amin!”\\n22 “Barang sapa beleman enggau menyadi indu tauka menyadi indu tiri diri, deka tulah.” Lalu semua orang deka nyaut, “Amin!”\\n23 “Barang sapa beleman enggau mentua indu diri, deka tulah.” Lalu semua orang mayuh deka nyaut, “Amin!”\\n24 “Barang sapa udah belalai munuh orang, deka tulah.” Lalu semua orang mayuh deka nyaut, “Amin!”\\n25 “Barang sapa nerima gaji munuh orang ke nadai penyalah, deka tulah.” Lalu semua orang mayuh deka nyaut, “Amin!”\\n26 “Barang sapa enda ngasika semua adat tu, deka tulah ditinggang sumpah.” Lalu semua orang mayuh deka nyaut, “Amin!”\\nBerekat Enti Ngasi\\n1 “Enti kita ngasika TUHAN Allah Taala kita, lalu tetap ati nitihka semua pesan Iya ti diberi aku ngagai kita sehari tu, TUHAN Allah Taala kita deka ngaga kita nyadi bansa ti pemadu bekuasa di dunya tu.\\n2 Semua berekat tu deka diberi ngagai kita, enti kita ngasika TUHAN Allah Taala kita:\\n3 “Nengeri enggau umai kita deka diberekatka.\\n4 “Anak kita, utai ti ditanam kita, anak jelu tupi kita, nyengkaum anak sapi enggau anak domba kita, deka diberekatka.\\n5 “Bakul roti enggau bisin ti dikena kita ngaga roti, deka diberekatka.\\n6 “Kita deka diberekatka lebuh kita mupuk, enggau lebuh kita pulai.\\n7 “TUHAN deka ngasuh munsuh ke nyerang kita, alah laban kita. Sida deka datai nyerang kita nengah jalai siti, tang rari ari kita nengah tujuh bengkah jalai.\\n8 “TUHAN Allah Taala kita deka merekatka tibang kita, enggau semua pengawa ti dikereja kita; Iya deka merekatka kita di menua ti diberi TUHAN Allah Taala kita ngagai kita.\\n9 TUHAN deka ngaga kita nyadi bansa ti kudus, munyi ti udah disemaya Iya ngena sumpah, enti kita ngasika pesan ti diberi TUHAN Allah Taala kita, lalu idup nitihka jalai Iya.\\n10 Nya baru semua bansa di dunya tu deka nemu kita udah dipilih TUHAN nyadika nembiak Iya, lalu sida deka takutka kita.\\n11 TUHAN deka meri kita mayuh anak, mayuh jelu sapi, bulih mayuh asil ari utai ti ditanam kita, di menua ti udah disemaya Iya ngagai aki ini kita, ti deka diberi Iya ngagai kita.\\n12 TUHAN deka nukangka langit, alai Iya ke nyimpan ai ujan, lalu meri kita ai ujan nitihka musin, lalu merekatka semua pengawa kita. Kita deka nyali ngagai mayuh bengkah bansa, tang kita enda nginjau.\\n13 TUHAN deka ngaga kita nyadi pala, ukai nyadi iku; kita deka seruran kaya-raja, nadai kala miskin, enti kita ngasika pesan TUHAN Allah Taala kita, ti diberi aku ngagai kita sehari tu,\\n14 lalu enda limpang ke kiba tauka ke kanan ari sebarang jaku ti diberi aku ngagai kita sehari tu, sereta enda nitih tauka nyembah petara bukai.\\nUtai Ti Deka Nyadi Enti Enda Ngasi\\n15 “Tang enti kita enda ngasika TUHAN Allah Taala kita, lalu enda tetap ati ngereja semua pesan enggau adat Iya ti diberi aku ngagai kita sehari tu, semua leka jaku sumpah tu deka ninggang kita:\\n16 “Nengeri enggau umai kita deka ditinggang sumpah.\\n17 “Bakul roti kita enggau bisin ti dikena kita ngaga roti, deka tulah ditinggang sumpah.\\n18 “Anak kita, asil ti ulih kita ari umai kita, anak jelu sapi, enggau anak jelu bedus kita deka tulah ditinggang sumpah.\\n19 Kita deka tulah ditinggang sumpah lebuh kita mupuk, enggau lebuh kita pulai.\\n20 “TUHAN deka ngasuh kita dituntung penusah lalu begau abis atidalam semua utai ti dikereja kita, datai ke semua kita udah abis lengis enggau jampat, ketegal penyai ti dikereja kita, laban kita udah ninggalka Aku.\\n21 TUHAN deka ngasuh penyakit betangkan-tangkan nyerang kita, datai ke semua kita abis mati di menua ti deka diambi kita.\\n22 TUHAN deka merinsaka kita ngena sakit tibi, penyakit chelap-angat, penyakit bisul, ngena hari ti angat enggau kemarau, ngena penyakit kulat enggau penyakit bekuap. Penyakit nya deka nyerang kita, datai ke kita mati.\\n23 Hari enda ujan, lalu tanah kita deka rangkai baka besi.\\n24 TUHAN deka nganti ujan ngena amau lalu semina amau aja deka nurun ari langit, datai ke kita abis mati.\\n25 TUHAN deka ngasuh kita alah laban munsuh kita. Kita deka nyerang sida nengah jalai siti, lalu kita deka rari ari sida nengah tujuh bengkah jalai, lalu semua orang di dunya tu deka takut lebuh sida meda utai ti nyadi ba kita.\\n26 Bangkai kita deka nyadika pemakai burung enggau jelu babas, lalu nadai orang muru sida.\\n27 TUHAN deka merinsaka kita enggau penyakit pisa, baka ke dikereja Iya ngagai orang Ejip. Iya deka merinsaka kita ngena penyakit rumbak, penyakit kuris enggau penyakit gatal, ti enda ulih digeraika.\\n28 TUHAN deka merinsaka kita ngena penyakit gila, penyakit buta, enggau penyakit mamau.\\n29 Kita deka bejalai gapa-gapa lebuh siang hari baka orang ke buta, lalu kita enda nemu tunga diri bejalai; lalu kita deka seruran dikeduan, sereta dirumpak orang, lalu nadai orang deka nulung kita.\\n30 “Kita deka betunang enggau indu, tang orang bukai deka jadi enggau indu nya. Kita deka ngaga rumah, tang kita enda diau dalam rumah nya. Kita deka numbuhka kebun anggur, tang kita enda ngasaika penyamai buah anggur nya.\\n31 Jelu sapi kita deka disayat orang di mua kita empu, tang kita enda makai dagin jelu nya. Keledai kita deka dichuri orang lebuh kita tegenung merening, lalu jelu nya enda dipulaika baru ngagai kita. Jelu bedus kita deka diberi ngagai munsuh kita, lalu nadai orang deka nulung kita.\\n32 Anak lelaki enggau anak indu kita deka ditabanka munsuh ngagai menua bukai, lebuh kita genung-genung meda. Kita deka begigaka sida sepemanjai hari, tang nadai kuasa ngereja sebarang utai.\\n33 Orang ke enda dikelala kita deka makai utai ti ditanam kita enggau utai ti ulih kita; kita deka seruran dikeduan sereta diperinsa,\\n34 lalu nyadi gila meda utai ti dipeda kita.\\n35 TUHAN deka malu patung kita, lalu ngasuh kaki kita abis pedis diempa rumbak ti enda ulih digeraika, kenyau ari tapa kaki nyentuk ngagai punjung pala kita.\\n36 TUHAN deka mai kita, enggau raja kita ngagai menua bukai, ngagai bansa ti enda dikelala kita tauka dikelala aki ini kita, alai kita deka betuaika petara bukai ti digaga ari kayu enggau ari batu.\\n37 Orang di menua ti deka alai TUHAN muai kita, deka tekenyit ati meda utai ti nyadi ba kita; sida deka merinsa sereta beduan kita.\\n38 “Kita deka nanam mayuh benih, tang asil kita mimit, laban buntak deka makai utai ti ditanam kita.\\n39 Kita deka nanam kebun anggur, lalu ngintu kebun nya, tang kita enda ngetau buah anggur nya, tauka ngirup wain ari anggur nya, laban ulat deka makai batang anggur kita.\\n40 Kayu kana deka tumbuh di serata menua kita, tang kita nadai minyak kana kena kita ngunsut tubuh diri, laban buah kana nya deka gugur.\\n41 Kita deka bisi anak lelaki, anak indu, tang sida deka lenyau ari jari kita, laban sida deka ditabanka orang nyadi orang tangkap.\\n42 Semua kayu enggau utai ti ditanam kita deka diempa indu lukung.\\n43 “Orang bansa bukai ti diau di menua kita deka mansang kering-sekering, lalu kita deka mansang lembut-selembut.\\n44 Sida deka nyali kita duit, tang kita nadai duit dijali ngagai sida; sida deka nyadi pala, lalu kita nyadi iku.\\n45 “Semua sumpah tu deka ninggang kita, ngagai kita lalu ngalahka kita, datai ke kita dirusak, laban kita enda ngasika TUHAN Allah Taala kita, enda nitihka pesan enggau adat ti diberi aku ngagai kita.\\n46 Sumpah tu deka meruan enggau kita, sereta enggau peturun kita, kena nangkan kita belama iya.\\n47 TUHAN ngasuh kita kaya-raja dalam semua utai, tang kita enggai nyembah Iya enggau ati ti gaga sereta beterima kasih,\\n48 nya alai Iya deka ngasuh munsuh nyerang kita, lalu kita deka bekereja nyadi ulun sida. Kita deka lapar, aus, nadai gari, lalu suntuk semua utai. TUHAN deka nejuka munsuh kita merinsaka kita, datai ke kita mati.\\n49 TUHAN deka ngasuh siti bansa datai ari tisi dunya nyambarka kita baka menaul, bansa ti enda ditemu kita jaku,\\n50 bansa orang ke mangah, ti enda nemu bebasaka orang ke tuai, tauka kasihka orang ke biak.\\n51 Sida deka ngerampas semua jelu tupi kita, enggau semua utai ti ditanam kita, ngambika kita lapar, nadai ninggalka gandum, wain, minyak kana, jelu sapi, tauka jelu bedus ke kita, datai ke kita mati.\\n52 Sida deka ngelulung kita dalam semua nengeri kita, datai ke dinding kuta kita ke tinggi, ti dikarapka kita, runtuh di serata menua kita. Sida deka ngelulung kita dalam semua nengeri kita di serata menua ti udah diberi TUHAN Allah Taala kita, ngagai kita.\\n53 “Laban kita kelalu balat merinsa dikelulung munsuh, kita deka bepakaika anak kita empu, ti udah diberi TUHAN Allah Taala kita ngagai kita. Kita deka makai isi anak lelaki, isi anak indu kita.\\n54 Indah orang ke nelap sereta siru ari bala kita empu deh enggai magi pemakai nya ngagai menyadi iya empu, ngagai bini ke endang seruran diberap iya, enggau ngagai bala anak iya ti agi idup,\\n55 enggai meri ngagai sida isi anak ti diempa iya, laban iya nadai pemakai bukai, laban iya udah kelalu balat merinsa dikelulung munsuh dalam nengeri kita.\\n56 Indah indu ke nelap sereta siru ari bala kita empu, ti enda ngindikka kaki iya ngagai tanah, deh enggai meri pemakai nya ngagai laki ke endang seruran diberap iya, tauka ngagai anak lelaki iya, tauka ngagai anak indu iya.\\n57 Indah entemuni anak iya empu, enggau anak ke diadaka iya empu, deh iya enggai magi ngagai sida, laban iya belalai makai utai nya, laban iya nadai utai bukai diempa, empa pemalat kita udah merinsa dikelulung munsuh.\\n58 Ku Moses bejaku ngagai sida, “Enti kita enda tetap ati ngasika semua leka jaku ti ditulis dalam bup tu, lalu enda nangika pemesai mulia nama TUHAN Allah Taala kita,\\n59 TUHAN deka ngukum kita enggau peturun kita ngena penyakit ti balat, ti enda ulih digeraika.\\n60 Iya deka ngasuh semua penyakit ti udah nyadi di menua Ejip, ti balat diketakutka kita, lekat ba kita.\\n61 Semua penyakit enggau pemerinsa bukai, taja pen sida nadai ditulis dalam Bup Adat tu, deka dikena TUHAN merinsaka kita, datai ke kita mati.\\n62 Taja pen kita menya ngemayuh bintang ti di langit, tang semina mimit aja kita deka idup, laban kita enda ngasika TUHAN Allah Taala kita.\\n63 Baka TUHAN ti gaga ati deka ngasuh kita kaya-raja sereta mayuh tubuh, baka nya mega TUHAN deka gaga ati ngerusak kita; kita deka dichabut ari menua ti deka diambi kita.\\n64 TUHAN deka ngachirka kita ngagai semua bansa, di serata dunya, lalu dia kita deka nyembah petara bukai ti digaga ari kayu tauka ari batu, petara ti enda ditemu kita tauka ditemu aki ini kita.\\n65 Lebuh kita diau di menua bukai, kita nadai pemaik, nadai endur alai kita belelak. Dia TUHAN deka ngasuh tungkul ati kita ketap-ketap, mata kita rabun, lalu kita lemi semengat.\\n66 Kita nadai pengadang. Siang malam kita deka takut, nadai pengandal.\\n67 Lebuh pagi hari kita deka nyebut, “Naka meh pemanah enti tu lemai hari!” lalu lebuh lemai hari, kita deka nyebut, “Naka meh pemanah enti tu pagi hari!” Kita nyebut nya laban kita takutka utai ti deka ngasuh ati kita takut, sereta takutka utai ti deka dipeda kita.\\n68 TUHAN deka mai kita pulai baru ngagai menua Ejip ngena kapal, nengah menua ti dipadahka aku enda agi ditengah kita; lalu di menua nya kita deka nyual diri ngagai munsuh kita nyadika ulun lelaki tauka ulun indu sida, tang nadai siku orang deka meli kita.”\\nSempekat TUHAN Enggau Orang Israel Lebuh Sida Di Menua Moap\\n1 Tu leka jaku sempekat ti udah diasuh TUHAN gaga Moses enggau orang Israel di menua Moap, nambahka sempekat ti udah digaga TUHAN enggau sida lebuh sida ba Bukit Sinai.\\nSempekat Disebut Baru Lebuh Sida Di Menua Moap\\n2 Moses ngempuruka semua orang Israel, lalu bejaku ngagai sida, “Kita empu udah meda utai ti udah dikereja TUHAN ngagai raja menua Ejip, ngagai bala pemesai, enggau ngagai semua menua iya,\\n3 pemalat penyakit ti dipeda kita, kereja ajih, enggau kereja ti nyelai.\\n4 Tang nyentuk ngagai sehari tu TUHAN apin ngasuh kita meretika utai nya, apin ngasuh kita meda, apin ngasuh kita ninga.\\n5 Ku TUHAN bejaku ngagai kita, ‘Aku udah nguluka kita empat puluh taun nengah menua puang. Baju kita enggau kasut kita enda luya;\\n6 Kita nadai makai roti, lalu kita nadai ngirup wain, tauka ai ti bisa, ngambika kita nemu Aku tu TUHAN Allah Taala kita.’\\n7 Lebuh kitai datai ba endur tu, Raja Sihon di Hesbon, enggau Raja Og di Basan nyerang kitai, tang kitai ngalahka sida.\\n8 Kitai ngerampas lalu magi menua sida ngagai raban bansa Reuben enggau Gat, enggau setengah ari raban bansa Manasi.\\n9 Nya alai kita enda tau enda tetap ati ngasika semua leka jaku sempekat tu, ngambika kita mujur dalam semua utai ti dikereja kita.\\n10 “Semua kita begempuru sehari tu, kepala raban bansa kita, bala tuai kita, bala pemesai kita, enggau semua orang Israel,\\n11 bala anak kita, bala indu kita, enggau orang bansa bukai ke diau dalam kem kita, ke ngambi kayu enggau nyauk ai ke kita,\\n12 ngambika kita nerima sempekat ti digaga TUHAN Allah Taala kita enggau kita, lalu netapka sempekat nya ngena sumpah sehari tu,\\n13 ngambika Iya ngaga kita nyadika nembiak Iya sehari tu, lalu Iya nyadi Allah Taala kita, munyi ti udah disemaya Iya enggau kita, sereta enggau aki ini kita, Abraham, Isak enggau Jakop.\\n14 Aku ngaga sempekat tu ngena jaku sumpah, ukai semina enggau kita ke bediri enggau kami ditu sehari tu di mua TUHAN Allah Taala kita,\\n15 tang mega enggau semua orang ke nadai ditu enggau kitai sehari tu.\\n16 Kita nemu gaya pengidup kita di menua Ejip, enggau jalai kita bejalai nengah menua orang bansa bukai.\\n17 Kita udah meda engkeramba sida, ti digaga sida ari kayu, batu, pirak enggau emas.\\n18 Bala kita, nemuka lelaki tauka indu, tauka ruang bilik, tauka raban bansa kita, nyangka bisi limpang ari TUHAN Allah Taala kita lalu nyembah petara orang bansa bukai. Nyangka siku ari bala kita bisi baka urat ti tumbuh nyadi kayu ti pait sereta berachun.\\n19 Semua orang ke ninga jaku sumpah tu, lalu merekatka diri empu, berunding dalam ati diri, “Kitai nadai utai ngawa, taja pen kitai kieh” (lalu ketegal nya, ngasuh penusah ti besai nyadi ba tanah ti mayuh ai enggau ba tanah ti rangkai),\\n20 TUHAN enggai ngampun orang ke baka nya, tang pengeringat TUHAN deka mau ngelaban iya, lalu semua jaku sumpah ti ditulis dalam bup tu deka ninggang iya magang, datai ke TUHAN udah ngerusak iya abis lengis.\\n21 TUHAN deka ngaga iya nyadika teladan ke semua raban bansa orang Israel, lalu ngukum iya ngena sumpah ti disebut dalam sempekat ti ditulis dalam Bup Adat TUHAN tu.\\n22 Jemah ila, peturun kita, enggau orang bansa bukai ke datai ari menua jauh, deka meda penusah ti besai enggau pemerinsa ti udah dikena TUHAN ninggang menua kita.\\n23 Tanah kita nadai tumbuh utai, dilamun merirang enggau garam. Nadai utai ulih tumbuh dia. Indah rumput deh enggai tumbuh dia. Menua kita deka nyadi baka nengeri Sodom enggau Gomorah, baka nengeri Admah enggau nengeri Seboim, ti dirusak TUHAN lebuh Iya ringat.\\n24 Semua dunya deka alit ati lalu nanya, ‘Nama kebuah TUHAN ngereja utai baka nya ngagai menua sida? Nama kebuah Iya ngemalat nya ringat?’\\n25 Lalu saut iya munyi tu, ‘Laban bala nembiak TUHAN udah ngelanggar sempekat ti udah digaga sida enggau Iya ti Allah Taala aki ini sida, lebuh Iya mai sida pansut ari menua Ejip.\\n26 Sida udah betuaika, lalu nyembah petara bukai ti nadai kala disembah sida menya, petara ti enda diasuh TUHAN sembah sida.\\n27 Nya kebuah TUHAN ringat ngagai nembiak Iya, lalu ninggang sida ngena semua sumpah ti ditulis dalam bup tu.\\n28 TUHAN nyabut sida ari menua sida empu laban Iya balat ringat, lalu ngeransi, lalu Iya muai sida ngagai menua bukai, ti alai sida diau diatu.’\\n29 Utai ti resia endang enggi TUHAN Allah Taala kitai, tang utai ti dipandangka endang enggi kita, enggau ke peturun kitai, ngambika kitai nitihka semua leka jaku ti dalam Adat nya belama iya.\\nBerekat Ti Diberi TUHAN Ngagai Orang Ke Nesal Ati\\n1 Ku Moses bejaku, “Aku diatu udah ngasuh kita milih entara berekat enggau sumpah. Lebuh semua utai tu udah nyadi ba kita ila, lalu kita diau begulai enggau bansa bukai, alai TUHAN Allah Taala kita ke udah ngachirka kita, kita deka ingatka utai ti udah diasuh aku pilih kita.\\n2 Enti kita, tauka peturun kita, deka pulai baru ngagai TUHAN, lalu enggau pengabis ati kita ngasika pesan Iya ti diberi aku ngagai kita sehari tu,\\n3 nya baru TUHAN Allah Taala kita deka kasihka kita. Iya deka mai kita pulai baru ari menua ti alai Iya udah ngachirka kita, lalu Iya deka ngasuh kita kaya-raja baru.\\n4 Taja pen kita diachirka jauh ngagai sukut dunya, TUHAN Allah Taala kita deka ngempuruka kita, lalu mai kita pulai baru,\\n5 ngambika kita tau bempu menua ti diuan aki ini kita kelia. Lalu Iya deka ngasuh kita lebih agi kaya-raja, sereta mayuh agi tubuh ari bala aki ini kita kelia.\\n6 TUHAN Allah Taala kita deka meri ati ti ngasi ngagai kita enggau ngagai peturun kita, ngambika kita deka rinduka Iya enggau pengabis ati kita, lalu kita deka mengkang diau di menua nya.\\n7 Iya deka nguingka semua sumpah nya ngagai munsuh kita ke begedi sereta merinsaka kita.\\n8 Lalu kita deka ngasika Iya baru, sereta nitihka semua pesan Iya ti diberi aku ngagai kita sehari tu.\\n9 TUHAN deka ngasuh kita kaya-raja dalam semua utai ti dikereja kita. Kita deka mayuh anak, enggau mayuh jelu tupi, lalu tanah kita deka mansutka mayuh asil. Iya deka gaga ati ngasuh kita kaya-raja, baka Iya ti udah gaga ati ngasuh aki ini kita kaya-raja,\\n10 tang kita enda tau enda ngasika Iya, lalu nitihka semua adat Iya ti ditulis dalam Bup Adat Iya tu. Kita enda tau enda nguingka diri ngagai Iya enggau pengabis ati kita.\\n11 Ku Moses bejaku, “Pesan ti diberi aku ngagai kita sehari tu ukai utai ti kelalu mar dititihka kita, tauka enda ulih dijengkau kita.\\n12 Iya ukai di langit din, lalu kita enda ibuh nanya, ‘Sapa deka niki ke atas lalu mai iya nurun ngagai kitai, ngambika kitai ulih ninga iya, lalu ngasika iya?’\\n13 Iya ukai mega di seberai tasik ti besai. Nya alai kita enda ibuh nanya, ‘Sapa deka ngelayang tasik ti besai tu lalu mai iya ngagai kitai, ngambika kitai ulih ninga iya, lalu ngasika iya?’\\n14 Jaku nya semak kita. Iya diau dalam nyawa enggau dalam ati kita, ngambika kita ngasika iya.\\n15 Ku Moses bejaku, “Sehari tu aku ngasuh kita milih entara pemadas enggau penyai, entara pengidup enggau pemati.\\n16 Enti kita ngasika pesan TUHAN Allah Taala kita, ti diberi aku ngagai kita sehari tu, enti kita rinduka Iya, ngasika Iya, lalu nitihka semua adat Iya, nya baru kita deka bulih pengaya lalu nyadi bansa ti kering. TUHAN Allah Taala kita deka merekatka kita di menua ti baru deka diempu kita.\\n17 Tang enti kita enda ngasi, lalu enggai mending, lalu dibai limpang besembahka petara bukai,\\n18 kita deka dirusak. Aku meri jaku tangkan tu ngagai kita diatu: kita enda panjai umur nguan menua ti di seberai Sungai Jordan din, ti baru deka diempu kita.\\n19 Aku diatu ngasuh kita milih entara pengidup enggau pemati, entara berekat enggau sumpah, lalu aku ngangauka langit enggau tanah nyadika saksi utai ti dipilih kita. Pilih pengidup.\\n20 Rinduka TUHAN Allah Taala kita. Titihka Iya, lalu tetap ati arapka Iya. Nya baru kita enggau peturun kita deka gayu-guru nguan menua ti udah disemaya deka diberi Iya ngagai aki ini kita, Abraham, Isak, enggau Jakop.”\\nJosua Nganti Moses\\n1 Lebuh Moses udah nyebut jaku nya ngagai semua orang Israel,\\n2 iya lalu bejaku ngagai sida, ku iya, “Umur aku diatu nyau seratus dua puluh taun, lalu aku enda ulih nyadi tuai kita agi. Nambahka nya, TUHAN udah madahka aku enda tau meraka Sungai Jordan.\\n3 TUHAN Allah Taala kita deka meraka dulu ari kita, lalu ngerusak bansa orang ke diau dia, lalu kita deka ngalahka menua sida. Lalu Josua deka nyadi tuai kita, munyi ti udah disemaya TUHAN.\\n4 TUHAN deka ngerusak bansa orang nya, baka Iya ti ngalahka Sihon seduai Og, raja orang Amor, lalu ngerusak menua sida.\\n5 TUHAN deka ngasuh kita menang ngelaban sida, lalu kita enda tau enda ngereja ngagai sida nitihka pesan ti diberi aku ngagai kita.\\n6 Kita enda tau enda kering sereta berani. Anang takutka sida. TUHAN Allah Taala kita, deka bejalai enggau kita. Iya enda ngasuh kita lebu ngapa, tauka ninggalka kita.”\\n7 Udah nya Moses ngangauka Josua, lalu bejaku enggau iya di mua semua orang Israel, “Nuan enda tau enda kering sereta berani, laban nuan deka bejalai enggau orang tu ngagai menua ti udah disemaya TUHAN ngagai aki ini sida, deka diberi Iya ngagai sida; lalu nuan deka meri menua nya ngagai sida.\\n8 TUHAN Empu deka bejalai dulu ari kita. Iya deka meruan enggau kita. Iya enda ngasuh kita lebu ngapa, tauka ninggalka kita. Nya alai anang takut tauka lemi semengat.”\\nAdat Dibacha Genap Taun Ti Ketujuh\\n9 Udah nya Moses nuliska semua Adat nya, lalu meri Adat nya ngagai bala imam Lewi ke ngesan Peti Lampang Batu Adat TUHAN, enggau ngagai bala tuai orang Israel.\\n10 Ku Moses bejaku enggau sida, “Ba genap ujung taun ti ketujuh, lebuh gawai belangkau,\\n11 lebuh semua orang Israel datai nyembah TUHAN Allah Taala kita ba siti endur ti deka dipilih Iya, bacha Adat tu enggau nyawa ti inggar ngagai orang Israel.\\n12 Gempuruka semua lelaki, indu, nembiak, enggau orang kampar ti diau dalam nengeri kita, ngambika semua sida ulih ninga Adat nya dibacha, lalu belajar nangika TUHAN Allah Taala kita, sereta tetap ati ngasika Adat nya.\\n13 Nya meh jalai peturun kita, ti enda nemu Adat nya, ulih ninga lalu belajar nangika TUHAN Allah Taala kita seumur idup di menua ti baru deka diempu kita di seberai Sungai Jordan.”\\nMoses Seduai Josua Nerima Atur TUHAN\\n14 Udah nya TUHAN bejaku ngagai Moses, “Nuan enda lama agi idup. Kangauka Josua, lalu bai iya ngagai Langkau Kain TUHAN, ngambika Aku meri iya pengawa.” Moses seduai Josua lalu mansang ngagai Langkau Kain TUHAN.\\n15 TUHAN lalu pegari di mua seduai iya dalam gentilang remang ti bediri ngimbai pintu Langkau Kain nya.\\n16 TUHAN lalu bejaku ngagai Moses, “Enda lama da agi nuan deka mati. Orang tu deka nyembah petara orang bansa bukai di menua ti deka digagai sida. Sida deka ninggalka Aku, ngelanggar sempekat ti udah digaga Aku enggau sida.\\n17 Aku deka ringat ngagai sida lebuh maya nya ila. Aku deka ninggalka sida, lalu ngelalaika mua Aku ari sida; sida deka mudah dialahka munsuh, lalu mayuh macham penusah ti besai deka ninggang sida. Lebuh maya nya ila sida deka nyebut, ‘Penusah tu ninggang kitai, laban TUHAN nadai enggau kitai, ukai enda?’\\n18 Lebuh maya nya ila, Aku deka ngelalaika mua Aku ari sida ketegal semua penyai ti dikereja sida laban sida nguingka diri ngagai petara bukai.\\n19 Nya alai, tuliska lagu tu, lalu ajar iya ngagai orang Israel; simpan lagu tu ngagai mulut sida, ngambika lagu tu nyadika saksi kena ngelaban sida.\\n20 Laban lebuh Aku udah mai sida ngagai menua ti kaya sereta ami nya, munyi ti udah disemaya Aku ngagai aki ini sida, lalu sida udah kenyang lalu gemu, sida deka nguing lalu nyembah petara bukai, lalu ngeleseka Aku, sereta ngelanggar sempekat Aku.\\n21 Lalu lebuh mayuh penusah ti besai ninggang sida, lagu tu deka nyadika saksi kena ngelaban sida, laban lagu tu deka mengkang dalam mulut peturun sida. Indah diatu deh Aku nemu utai ti deka dikereja sida, sebedau Aku mai sida ngagai menua ti udah disemaya Aku ngena sumpah, ti deka diberi Aku ngagai sida.”\\n22 Sehari nya Moses lalu nuliska leka lagu nya, lalu ngajar lagu nya ngagai orang Israel.\\n23 Udah nya TUHAN lalu meri Josua anak Nun pengawa, lalu bejaku, “Nuan enda tau enda kering sereta berani; laban nuan deka mai orang Israel mansang ngagai menua ti udah disemaya Aku ngagai sida; Aku deka meruan enggau nuan.”\\n24 Lebuh Moses udah tembu nuliska Adat Allah Taala dalam siti bup nyentuk ke ujung,\\n25 Moses lalu bejaku ngagai orang Lewi ke ngesan Peti Lampang Batu Adat TUHAN,\\n26 ku iya, “Bai Bup Adat tu, lalu engkahka iya ngimbai Peti Lampang Batu Adat TUHAN Allah Taala kita; awakka bup nya meruan dia nyadika saksi kena ngelaban kita.\\n27 Laban aku nemu kita seruran deka ngelaban, lalu aku nemu kita endang kieh. Enti kita seruran deka ngelaban TUHAN lebuh aku agi idup begulai enggau kita, baka ni ku gaya kita lebuh aku udah mati!\\n28 Gempuruka semua tuai raban bansa kita, enggau bala pemesai kita di mua aku, ngambika aku ulih madahka jaku tu ngagai sida, lalu ngangauka langit enggau tanah nyadika saksi kena ngelaban sida.\\n29 Laban aku nemu, lebuh aku udah mati, kita deka ngereja penyai, limpang ari pesan ti udah diberi aku ngagai kita. Jemah ila penusah ti besai deka ninggang kita, laban kita deka ngereja penyai di mua TUHAN, nyungkak Iya ringat ngena utai ti digaga jari kita.”\\n30 Udah nya Moses lalu nyebut semua leka lagu nya, nyentuk ke ujung, lalu semua orang Israel bela mendingka iya:\\n1 “Pendingka aku, langit, laban aku deka bejaku; awakka tanah ninga jaku ti disebut aku.\\n2 Awakka jaku ajar aku labuh baka ujan, awakka jaku aku nurun baka ambun, baka ai ujan ti beberis ninggang rumput, baka ujan ti lebat ninggang rumput ti baru udah tumbuh.\\n3 Laban aku deka muji nama TUHAN, lalu bala nembiak Iya deka madahka pemesai kuasa Iya.\\n4 “TUHAN nya meh penyaga kita ke kering, lalu semua jalai Iya endang lurus magang. Allah Taala ti tetap ati, enda nipu. Iya ngereja utai ti ngena sereta lurus.\\n5 Tang bala anak Iya ti jai, udah bulaka Iya, bansa ti bedosa, ti penipu.\\n6 Kati nya jalai kita malas pemanah TUHAN, O kita ke beli, ke nadai nemu utai? Kati Iya ukai Apai kita, ti udah ngaga kita, ti udah nirika kita nyadi siti bansa?\\n7 “Kingatka utai ti udah nyadi kelia menya; tanyaka ngagai apai kita, lalu iya deka madahka ngagai kita; tanyaka ngagai bala tuai bansa kita, lalu sida deka nusui ngagai kita.\\n8 Lebuh Iya ti Pemadu Tinggi udah meri menua ngagai genap bengkah bansa, lebuh Iya magi bansa mensia, Iya ngeletak garis entara menua ke siti-siti bansa nitihka pemayuh petara sida;\\n9 Tang TUHAN milih peturun Jakop ke Iya Empu.\\n10 “Iya tetemuka sida segau-segau di menua puang, menua puang ti balat dipuputka ribut. Iya ngelindung sida, ngibun sida, nyaga sida laban Iya balat rinduka sida.\\n11 Baka menaul ti ngajar anak iya terebai, lalu terebai enda mindah ari atas sida; Iya ngerembaika sayap iya, lalu mai sida ke atas, lalu nyambut sida ngena belakang iya.\\n12 TUHAN siku aja ke nguluka bala nembiak Iya; nadai petara orang bansa bukai nulung Iya.\\n13 “Iya ngasuh sida merintah di menua ti bebukit, lalu nupi sida ngena utai ti tumbuh ba umai; Iya nupi sida ngena ai manyi ari sebelah selikap batu, ngena minyak ari kayu kana ti tumbuh galak ba tanah ti bebatu.\\n14 Iya nupi sida ngena ai tusu sapi ti meku, enggau ngena ai tusu kambin, ngena lemak anak domba enggau lemak bedus ti lelaki; Iya nupi sida ngena sapi ti lelaki enggau kambin ari Basan, ngena gandum ti pemadu alus, enggau ngena wain ti pemadu manah ari kebun anggur sida.\\n15 “Bala nembiak TUHAN nyadi kaya-raja, tang sida seruran deka ngelaban. Sida gemu, gentung perut, seruran kenyang. Sida ninggalka Allah Taala ti udah ngaga sida lalu nulak Penebus sida ke kering.\\n16 Pengawa sida ke besembahka engkeramba, nyungkak TUHAN ninding. TUHAN ringat ketegal engkeramba sida.\\n17 Sida ngenjuk piring ngagai antu, ukai ngagai Allah Taala, ngagai bala petara ti nadai kala ditemu sida,\\nbala petara ti baru, ti nadai kala dikenangika aki ini sida.\\n18 Sida enda agi ingatka Allah Taala sida, Penebus sida ke kering, ti udah meri sida pengidup.\\n19 Lebuh TUHAN meda nya, Iya ringat lalu nulak bala anak lelaki enggau bala anak indu Iya.\\n20 Ku Iya bejaku, ‘Aku deka ngelalaika mua Aku ari sida. Aku deka meda pengujung sida, laban orang tu jai, sereta enda tetap ati.\\n21 Sida udah nyungkak Aku chemburulaban sida nyembah utai ti ukai petara, nyungkak Aku ringat ketegal engkeramba sida. Nya alai Aku deka ngasuh sida ringat ngena siti bansa. Aku deka ngasuh sida chemburu ngena siti bansa ti beli.\\n22 Pengeringat Aku deka mau baka api lalu nunu semua utai di dunya tu, nyentuk ngagai dunya ti di baruh ?lalu nganguska pugu bukit.\\n23 “ ‘Aku deka ngasuh sida betangkan-tangkan ditinggang penusah ti besai, lalu nimbakka semua panah Aku ngelaban sida.\\n24 Sida deka mati lapar, sereta mati laban penyakit chelap-angat, enggau laban penyakit ti balat. Aku deka ngirumka jelu babas ngelaban sida, sereta ngasuh ular ti bisa mantuk sida.\\n25 Ba sebelah jalai raya, pedang deka mantap lalu munuh sida, lalu dalam rumah, orang ke bujang enggau orang ke dara, anak mit enggau orang ke tuai deka mati laban kelalu balat takut.\\n26 Aku bisi ati deka ngachirka sida, ngambika orang nadai agi ingatka sida;\\n27 Tang Aku enggai ke munsuh sida temegah, enggai ke munsuh sida salah sangka lalu nyebut, ‘Kitai menang; TUHAN Empu ti ngereja semua nya.’\\n28 “Israel nya bansa ti enda nemu berunding. Sida enda mereti.\\n29 Enti sida nya orang ke bepenemu-dalam, sida ulih meretika tu; sida tentu nemu namaka penyadi sida.\\n30 Baka ni ku siku munsuh ulih ngalahka seribu iku, lalu dua iku munsuh ulih ngalahka sepuluh ribu iku, enti TUHAN Allah Taala sida nadai udah nyual sida ngagai munsuh, enti TUHAN nadai udah ngelengkaka sida?\\n31 Petara sida enda baka Allah Taala kitai; Munsuh kitai beli.\\n32 Munsuh kitai jai baka Sodom enggau Gomorah, buah anggur sida bisi rachun, tangkai anggur sida pait;\\n33 wain sida digaga ari rachun ular.\\n34 Ku TUHAN bejaku, “Utai ti deka dikereja Aku ngagai orang Israel enggau ngagai munsuh sida, sigi enda dipadahka Aku.\\n35 Laban maya Aku malas sereta ngukum deka datai enda lama da agi; laban maya sida deka kena laban penusah ti besai nyau semak, maya sida dirusak deka datai enggau jampat.\\n36 TUHAN deka sinu ati ke nembiak Iya, lalu ngumbai sida nadai penyalah, lebuh Iya meda sida nadai kuasa agi, sereta abis mati, nemuka sida nya ulun tauka ukai ulun.\\n37 Udah nya TUHAN deka nanya bala nembiak Iya, ‘Kini ke tunga bala petara ti kering nya ti alai kita manggaika diri,\\n38 ke makai lemak ari piring kita, lalu ngirup wain ti diberi nyadika genselan sida? Awakka sida datai nyaup kita diatu. Awakka sida datai lalu nyaga kita.\\n39 “ ‘Semina Aku aja ti Allah Taala. Kita nadai petara bukai tang semina Aku aja. Aku munuh, lalu Aku mega ngidup; Aku ngemakal, lalu Aku mega nyuman; Nadai orang ulih ngelepaska orang ari jari Aku.\\n40 Laban Aku tu Allah Taala ti idup belama iya, Aku ngedarka jari Aku lalu besumpah,\\n41 lebuh Aku ngansah pedang Aku ti bekilap, lalu nentuka atur ti lurus tu dikena; Aku deka malas munsuh Aku, lalu ngukum orang ke begedika Aku.\\n42 Panah Aku deka neritik darah, lalu pedang Aku deka munuh semua orang ke ngelaban Aku. Aku enda ngalau orang ke beperang ngelaban Aku; Indah orang ke bakal enggau orang tangkap deh deka dibunuh.\\n43 Ku Moses bejaku, “Puji meh bala nembiak TUHAN, semua kita bansa bukai. Sembah meh TUHAN, semua kita petara! Laban Iya deka bebalaska nyawa bala nembiak Iya, lalu malas semua munsuh Iya; Iya deka mayar orang ke begedika Iya, lalu nuchi menua nembiak Iya ari penyai ti datai ari dosa sida.\\n44 Moses seduai Josua anak Nun lalu nyebut leka lagu tu di mua semua orang Israel, ngambika sida ninga.\\nAtur Ti Penudi Diberi Moses\\n45 Lebuh Moses udah tembu nyebut leka lagu nya ngagai semua orang Israel,\\n46 iya lalu bejaku ngagai sida, “Kingatka semua leka lagu tu ti nyadika saksi kena ngelaban kita sehari tu; beri pesan nya ngagai anak kita, ngambika sida nitihka semua leka jaku ti dalam adat tu enggau ati ti tetap.\\n47 Jaku tu ukai jaku ngapa, tang pengidup kita; enti kita nitihka jaku tu, kita deka panjai umur nguan menua di seberai Sungai Jordan ti baru deka diempu kita.”\\nTUHAN Madahka Moses Deka Mati\\n48 Ba hari nya mega TUHAN bejaku ngagai Moses munyi tu:\\n49 “Alai nuan niki ngagai Bukit Nebo ba gerinjing Bukit Abarim di menua Moap, di seberai nengeri Jeriko, lalu tinjau menua Kanaan ti baru deka diberi Aku ngagai orang Israel.\\n50 Nuan deka mati ba bukit ti ditiki nuan nya, baka menyadi nuan Aron ti mati ba Bukit Hor;\\n51 laban seduai udah sama enda tetap ati ngagai Aku di mua orang Israel, lebuh kita ba ai Meribah, semak nengeri Kades, di menua puang Sin, laban seduai enda bebasaka pengudus Aku di mua orang Israel.\\n52 Taja pen nuan ulih ninjau menua nya ari jauh, tang nuan enda tau tama ngagai menua nya, menua ti diberi Aku ngagai orang Israel.”\\nMoses Merekatka Raban Bansa Orang Israel\\n1 Tu berekat ti disebut nabi Moses ngagai orang Israel sebedau iya mati.\\n2 Ku iya bejaku: “TUHAN datai ari Bukit Sinai mansang nulung nembiak Iya; Iya angkat baka penumbuh mata hari lalu manchar ngagai nembiak Iya ari Edom. Lalu penampak Iya manchar ari Bukit Paran. Beribu-ribu iku melikat datai enggau Iya, lalu kilat nyelar ari jari kanan Iya.\\n3 TUHAN rinduka nembiak Iya lalu nyaga orang ke diempu Iya. Nya alai kitai meremi di kaki Iya lalu ngasika pesan Iya.\\n4-5 Lebuh semua orang Israel begempuru, Aku meri kita Adat Allah Taala, pesaka ti pemadu dikesayauka bansa kitai. Udah nya TUHAN lalu nyadi raja orang Israel.\\n6 Awakka raban bansa Reuben enda abis, taja pen sida enda mayuh tubuh.\\n7 Tu utai ti disebut iya pasal raban bansa Judah: “O TUHAN, pendingka Judah, lalu bai iya ngagai bansa iya empu; Asuh jari iya kering, lalu saup iya ngelaban munsuh iya.\\n8 Lalu ku iya bejakuka pasal raban bansa Lewi: “Pandangka ngagai orang Lewi peneka Nuan TUHAN ngena Urim enggau Tumim? ngagai bala nembiak Nuan ke taluk ngagai Nuan, ti udah diabas Nuan ati di Masah, ti udah ngelaban Nuan ba ai di Meribah;\\n9 ke madahka diri lebih agi taluk ngagai Nuan ari sida ke taluk ngagai apai indai, menyadi, tauka anak sida. Laban sida nitihka pesan Nuan, lalu tetap ati ngagai sempekat Nuan.\\n10 Sida ngajar Jakop atur Nuan, lalu ngajar orang Israel Adat Nuan, sida ngengkahka menyan di mua Nuan, enggau piring tunu segala ba alta Nuan.\\n11 O TUHAN, berekatka raban bansa tu, lalu sambut meh semua utai ti dikereja sida; Rusak semua munsuh sida, orang ke begedika sida, ngambika munsuh nya enda angkat agi.\\n12 Ba pasal raban bansa Benjamin, iya nyebut: “Tu meh raban bansa ti dikerinduka sereta dijaga TUHAN. Iya nyaga sida siang malam, lalu Iya diau begulai enggau sida.\\n13 Ba pasal raban bansa Josep, iya nyebut: “Awakka TUHAN merekatka menua sida ngena ujan enggau ngena ai ti datai ari dalam tanah;\\n14 ngena buah ti pemadu manah ti mansau laban mata hari, enggau ngena buah ti pemadu manah genap musin;\\n15 ngena asil ti pemadu manah ari bukit ti tuai, enggau ari asil ti pemadu mayuh ari munggu ti meruan belama iya;\\n16 ngena semua pemeri ti pemadu manah ari tanah, enggau ngena pengasih Iya ti diau ba Bukit Sinai. Awakka semua berekat nya diberi ngagai Josep, ba kening iya ti udah nyadi raja ke semua bala menyadi iya.\\n17 Josep kering baka sapi ti lelaki ti pengabis dulu ada, bisi tanduk baka sapi ti siga, ti dikena iya nanduk bansa bukai ngagai ujung dunya; baka nya ku utai ti dikereja bepuluh ribu iku peturun Epraim, enggau beribu iku peturun Manasi.\\n18 Ba pasal raban bansa Sebulun enggau raban bansa Isakar, iya nyebut: “Awakka Sebulun kaya-raja bedagang di tasik, lalu awakka pengaya Isakar nambah-menambah di menua.\\n19 Sida mai orang bansa bukai ngagai bukit sida lalu dia sida ngenjuk piring ti ngena. Sida bulih pengaya ari tasik enggau ari pasir ti ba tebing tasik.\\n20 Ba pasal raban bansa Gat, iya nyebut: “Pujika Allah Taala, ti udah ngerembaika rampa menua sida. Gat diau baka singa; iya nyarikka lengan tauka kulit pala.\\n21 Iya ngambi menua ti pemadu manah ke iya empu, laban nya endang ungkup ke orang ke nyadi tuai; iya nguluka bala nembiak iya, iya bejalaika atur ti lurus ari TUHAN enggau adat ti diberi TUHAN ngagai orang Israel.\\n22 Ba pasal raban bansa Dan, iya nyebut: “Dan tu singa ti agi biak, ti merejuk pansut ari Basan.\\n23 Ba pasal raban bansa Naptali, iya nyebut: “Naptali ke dikerindu sereta diberekatka TUHAN, deka bempu menua ti tunga ke barat enggau ke selatan menua kita.\\n24 Ba pasal raban bansa Aser, iya nyebut: “Aser diberi mayuh agi berekat ari sida menyadi ti bukai; Awakka iya mengkang lebih agi dikerinduka Allah Taala ari bala menyadi iya, lalu awakka menua iya penuh laban kayu kana.\\n25 Awakka nengeri iya dijaga ngena pintu besi, lalu awakka iya diau likun sepemanjai umur iya.\\n26 O kita orang Israel! Nadai petara ti baka Allah Taala kita, ke bejalai nengah langit mansang nyaup kita, ke bemulia bejalai nengah langit.\\n27 Iya ngalahka petara ti lama, nganchurka semua kuasa ti lama; Iya muru munsuh kita lebuh kita majakka pejalai kita, lalu bejaku, ‘Rusak sida!’\\n28 Nya alai peturun Jakop diau likun nadai utai ngachau, di menua ti penuh laban gandum enggau wain, alai ambun ti datai ari langit ngemasahka tanah.\\n29 O Israel! Naka meh pengelantang ati kita! Nadai orang ti baka kita, bansa ti diselamatka TUHAN ti nyadi terabai kena nyaup kita, ti nyadi pedang ti meri kita pemenang. Bala munsuh kita deka datai minta kasih ngagai kita, lalu kita deka ngindik belakang sida.\\n1 Udah nya Moses angkat ari emperan menua Moap, lalu niki ngagai Bukit Nebo, ngagai tuchung Bukit Pisgah tunga ke timur nengeri Jeriko. Dia TUHAN lalu mandangka ngagai iya semua menua nya: menua Giliat nyentuk ngagai nengeri Dan di utara,\\n2 semua menua Naptali, menua Epraim enggau menua Manasi, menua Judah nyentuk ngagai Tasik Tengah di barat,\\n3 sitak selatan menua Judah, enggau emperan ti nganchau berengkah ari Soar nyentuk ngagai Jeriko, iya nya nengeri ti mayuh kayu engkerema.\\n4 Ku TUHAN bejaku ngagai iya, “Tu meh menua ti udah disemaya Aku ngagai Abraham, Isak enggau Jakop, ti deka diberi Aku ngagai peturun sida. Aku udah nejuka nuan meda menua nya ngena mata nuan empu, tang nuan enda tau meraka ngagai menua nya.”\\n5 Udah nya Moses, ti ulun TUHAN, mati dia di menua Moap, munyi ti udah dipadahka TUHAN.\\n6 TUHAN lalu nguburka iya ba siti lebak di menua Moap, seberai nengeri Bet-peor. Tang nyentuk ngagai sehari tu, nadai orang nemu endur alai kubur iya.\\n7 Umur Moses 120 taun lebuh iya mati. Iya mengkang kering baka selama, lalu mata iya agi lansik.\\n8 Orang Israel ngulitka iya tiga puluh hari ba emperan menua Moap. Udah nya sida badu agi ngulitka iya.\\n9 Josua anak Nun penuh laban penemu-dalam, laban Moses udah ngengkahka jari iya atas iya; nya alai orang Israel ngasika Josua, lalu ngereja utai ti udah dipesanka TUHAN ngagai Moses.\\n10 Nadai nabi udah bisi kala baka Moses di menua Israel, ke bejaku betunga mua enggau TUHAN.\\n11 Nadai nabi bukai bisi udah kala ngereja kereja ajih enggau kereja ti nyelai baka ke diasuh TUHAN kereja Moses kena ngelaban raja menua Ejip, ngelaban bala pemesai enggau semua menua nya.\\n12 Nadai nabi bukai udah ulih ngereja utai ti besai, ti balat ngenakutka ati, baka ti dikereja Moses di mua semua orang Israel.","num_words":25513,"character_repetition_ratio":0.104,"word_repetition_ratio":0.012,"special_characters_ratio":0.213,"stopwords_ratio":0.322,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Penjurai Apaienduq: Terebai (Part 1)\\nLama ga udah enda ensepi terebai, agi mit suba bendar kami terebai ngena tali tau ka ngena akar ari tebing lubuk. Sida ti berani agi nyau betiki ka puchuk\/ujung dan ensurai, minta puji kini!!!! Merejuk baka Sukma baka Olimpik nya meh kami sebuat suba.Sekali tu, terebai di bai kaban, nguji ngena heli twin engine, asai asai kurang ga nangi. Kala ngena heli single engine tak suah agi nyau temepap munyi propeller.Nasip ga bisi peluang bejalai ka pengawa ngena heli ari Kuching ke Bintulu lalu bemalam di Miri. Pagi ari Miri ngabas menua di Dulit Range Ulu Baram. Nikal baru ke Miri ngisi minyak lalu ke Limbang mansa Gunung Mulu enggau Gunung Buda. Makai tengahari sereta ngisi minyak heli di Limbang enda lama.Lemai nya ari Limbang, terebai baru mansa Gunung Buda enggau Gunung Mulu mulai ka diri ke Bintulu sebedau pukul 6 lemai.Terima kasih ngagai Pilot, Cpt. Surezza laban ti offer duduk semak iya. Peluang besai meh nya asai sepi aku. Kala ga bisi offer duduk ba penduduk Co-Pilot ngena Forker lebuh pengawa sida di Miri Airport tersilap nyimpan nama. Tiket ari Miri pulai ke Sibu, tang engkah sida ba boarding pass Miri-Bintulu. Lebuh ti transit Bintulu kaban pan nadai kebut-kebut laban ti enda nemu nama utai ti nyadi, baka selama duduk dugau dugau macha. Enda lama udah nya, \"boleh tengok pass Encik\". Kenapa ko aku ga, \"emmmm tuan sudah tiba di Bintulu, seat ini untuk penumpang dari Bintulu ke Sibu\" Ohhhh sori, saya ke Sibu bukan ke Bintulu ini teket saya......amat ga teket aku sigi ke Sibu tang boarding pass naka Bintulu. Sori saya tak beli teket sampai Bintulu...agi nyaut kaban enggai ngalah ka diri, semadi meda indai tuai nya beberap ka anak kira umur setahun. Angkat ga kaban tang mati mati enggai nurun ari bilun.Nyau pemuas bekelikuh enggau Ground staff, kira bisi 5 minit, Capt\/Pilot pan lalu pansut, betanya \"what s the problem?\" ...\"Cpt. Encik ini penumpang dari Miri sampai Bintulu, tapi mengikut teket, dia memang ka Sibu, tapi seat semua penuh\" .....\"alright I want detail report on this problem, Mr. XXX, I hope you don't mind to seat with us in the front, our co Pilot will wait for the next flight\"....orait sir, ko saut kaban, this is a guldien chaaance for me to seat at Co-Pilut Seat. think kiyu sir.Ha ha ha nya cherita lama ti nyadi kandang dalam taun 1997-1998 suba. Maya nya suba 6 iku dalam siti bilun ari Kuching ke Sibu pan kala. Sekali maya ka pulai ke Sibu, udah masuk departure lounge, di kangau orang pansut asuh ngambi teket first flight pagi siti kena nikal ke Kuching baru pan udah nyadi. Macham-macham meh utai ti tau nyadi. Anthony Banyan, Cptn Surezza, Nunsong Ebah & Bennet Baja at Kuching Airport Masuk hari pertama sudah dapat sijil Pilot tapi tiada lesen terbang, layak jadi penumpang Pama meh, ila meli bilun ti mit, tupi dulu, lama lama ulih meh tepan, ulih terebai belakang kira Pulau Saduka enda jauh ari Pasar Lingga, mayuh baya, endur benak belabuhJambatan Durin, Jalai baruh jambatan nya ti bisi kena rimbas pending udah di tukar nadai betanya, ngagai \"Jalan Nyim Sin Na\" suba Jalan Stabau-Salim nitih ka nama menua dia ti kedir agi di wan bansa Dayak Iban Posted by","num_words":537,"character_repetition_ratio":0.037,"word_repetition_ratio":0.0,"special_characters_ratio":0.212,"stopwords_ratio":0.132,"flagged_words_ratio":0.0,"lang_id_score":0.99,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lawas udah status gadung – Suara Sarawak – Bukan Sekadar Akhbar\\nYou are here:Home-RUAI-Lawas udah status gadung\\nKUCHING: Pelilih Lawas diatu bestatus gadung pengudah nadai ngerikod sebarang kes positif Covid-19 sekumbang 14 hari ke udah.\\nNitihka penerang Komiti Penyangga Penusah Ngenyit Nengeri (JPBN) Sarawak, Pelilih Kuching, Sibu, Bintulu enggau Lubok Antu agi mengkang ba status kuning enggau penyampau 12 kes ti udah dirikod 14 hari lalu.\\n“Tu ngujungka penyampau pelilih ti ba status kuning mungkur empat pelilih enggau 36 pelilih bukai di Sarawak mengkang ba status gadung ti nyengkaum siti pelilih baru nambah pengudah nadai ngerikod kes positif Covid-19 ba timpuh 14 hari keudah.\\nKu penerang JPBNS, kemari nadai ngerikod kes baru positif COVID-19 diripot di Sarawak ngujungka kes mengkang 751 kes.\\nNangkan nya, kemari mega nadai kluster baru nambah ti ngujungka kluster agi mengkang dua kluster iya nya Kluster Bah Arnab di Pelilih Kuching enggau Kluster Putra di Pelilih Bintulu.\\n“Kluster Bah Arnab di Pelilih Kuching tu agi mengkang ngerikod empat kes positif Covid-19 enggau lima kes positif Covid-19 di Kluster Putra di Pelilih Bintulu,” ku penerang nya.\\nBerebak enggau nya, nadai kes baru udah suman enggau dikemendar pansut ari sepital ngujungka kes positif Covid-19 udah suman enggau dikemendar pansut ari sepital mengkang 685 iku tauka 91. 21 peratus.\\nKes diperubat di sepital mega mengkang 47 kes iya nya 28 di Sepital Besai Sarawak, lapan di Sepital Miri, empat di Sepital Sibu enggau tujuh di Sepital Bintulu.\\nBa penerang JPBNS mega madah nadai kes Covid-19 ti berubat ba ICU enggau kes pemati mengkang 19 iku tauka 2.53 peratus seraya dua PUI baru diripot enggau nadai kes PUI nganti pemutus makmal.\\nUngkup penerang, Opis Pengerai Nengeri Sarawak udah nukar nama Kluster Taman Putrajaya nyadi Putra.\\nNukar nama kluster baru tu ketegal nama Putrajaya nya lebih dikelala nama palan ba Kuala Lumpur iya nya Putrajaya.\\n“Nukar nama kluster tu mega deka nyemelaka data enggau penerang entara JPBNS enggau ‘Pusat Kesiapsiagaan dan Tindak Cepat (CPRC), Opis Menteri Pengerai Malaysia,” ku penerang JPBNS.\\nBy Jonathan Jip|2020-10-12T15:29:41+08:00October 12th, 2020|Categories: RUAI|0 Comments\\nARKIB Select Month October 2020 (717) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":333,"character_repetition_ratio":0.074,"word_repetition_ratio":0.0,"special_characters_ratio":0.279,"stopwords_ratio":0.138,"flagged_words_ratio":0.0,"lang_id_score":0.977,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 40 BK - Nyau ke lama udah bekau nya, orang ke - Bible Search\\nPemungkal 39 Pemungkal 41\\nJosep Madahka Reti Mimpi Orang Tutup\\n1Nyau ke lama udah bekau nya, orang ke nyaga wain raja, enggau kepala orang ke ngaga roti raja, bisi ngereja penyalah. 2Raja ringat ngagai seduai iya 3lalu nutup seduai iya dalam rumah jil. Rumah tutup nya dalam rumah kepala orang ke nyaga rumah jil, ba endur alai Josep ke ditutup. 4Lama amat seduai iya ditutup dalam rumah jil, lalu kepala orang ke nyaga rumah jil nya ngasuh Josep nyadi ulun seduai iya.\\n5Nyadi sekali, lebuh malam hari, orang ke nyaga wain raja, enggau kepala orang ke ngaga roti raja, sama bisi mimpi, tang mimpi seduai iya enda sebaka. 6Lebuh Josep datai ngagai seduai iya pagi nya, seduai iya berupai tusah ati. 7Iya lalu nanya seduai iya, “Nama kebuah seduai baka ke irau ati sehari tu?”\\n8Disaut seduai iya, “Kami duai sama bisi mimpi, lalu orang ditu nadai ulih nerangka reti mimpi nya.”\\nKu Josep, “Allah Taala aja ke meri penau kena nerangka mimpi. Padahka mimpi seduai ngagai aku.”\\n9Orang ke nyaga wain raja lalu bejaku, “Dalam mimpi aku, aku tepedaka sebatang anggur di mua aku. 10Batang anggur nya bisi tiga iti dan. Lebuh batang anggur nya mansutka daun, iya bebungai, lalu buah anggur nya mansau. 11Aku megai mangkuk raja ba jari aku. Nya alai aku ngambi lalu merah buah anggur nya dalam mangkuk. Aku lalu nyuaka mangkuk nya ngagai raja.”\\n12Ku Josep bejaku, “Tu reti mimpi nya: tiga iti dan nya tiga hari. 13Tiga hari da agi, raja deka ngelepaska nuan, ngampun nuan, lalu ngasuh nuan pulai baru ngagai pengawa nuan. Nuan deka nyuaka mangkuk raja ngagai raja empu, baka ke dikereja nuan suba lebuh nuan mai mangkuk wain iya. 14Tang lebuh nuan udah pansut ila, anang enda ingatka aku. Kenang pasal aku ngagai raja, lalu tulung aku pansut ari rumah jil tu. 15Laban dulu menya aku udah ditangkap lalu ditabanka orang ari menua orang Hebrew. Indah di menua Ejip ditu deh aku nadai udah ngereja penyalah ti tau ngasuh aku patut kena tutup.”\\n16Lebuh kepala orang ke ngaga roti ke raja ninga penerang pasal mimpi orang ke nyaga wain raja nya munyi ti betul, iya lalu bejaku enggau Josep, “Aku pen bisi mega mimpi. Aku bemimpi mai tiga iti bakul ba atas pala aku. 17Bakul ti di atas bendar ngundan semua macham pemakai ti udah dipanggang ke raja. Burung datai lalu makai utai nya.”\\n18Disaut Josep, “Tu reti mimpi nya: tiga iti bakul nya tiga hari. 19Tiga hari da agi, raja deka ngelepaska nuan, lalu iya deka ngasuh orang mumpung pala nuan! Udah nya iya deka ngantung bangkai nuan ari siti tiang, lalu burung deka datai lalu makai isi nuan.”\\n20Ba hari pengada raja tiga hari udah bekau nya, raja nyendiaka pengerami makai besai ke semua bala pemesai iya. Iya lalu ngelepaska orang ke nyaga wain iya, enggau kepala orang ke ngaga roti ke raja, lalu mai seduai iya ngagai mua bala pemesai iya. 21Raja lalu ngasuh orang ke mai mangkuk wain iya pulai baru ngagai pengawa iya ti dulu suba, 22tang iya munuh kepala orang ke ngaga roti ke iya. Semua utai nya nyadi munyi ti dipadahka Josep. 23Tang orang ke mai mangkuk wain raja nadai berundingka pasal Josep. Iya terus enda ingatka Josep.","num_words":536,"character_repetition_ratio":0.089,"word_repetition_ratio":0.019,"special_characters_ratio":0.217,"stopwords_ratio":0.343,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"RDDA pengenap pemansang di Sarawak | Utusan Borneo Online\\nSabtu, 25 Jun 2022 - 10:37pm\\nHalaman Utama » Iban » RDDA pengenap pemansang di Sarawak\\nRDDA pengenap pemansang di Sarawak\\nSebaka enggau ejensi pemansang bukai engagu juluk kena ngaduka pemansang ba kandang menua ti udah ditetapka\\nLen Talif (kanan) maya aum media pengudah bejadi Pengerami Nyuaka Gazet Rizab Komunal Bumiputera di Dewan Suarah, ditu kemari. Sama bisi di peda dia Rubiah (kiba).\\n\"Terima kasih ngagai Premier Sarawak Datuk Patinggi Tan Sri Abang Johari Tun Openg laban udah ngaduka pengawa numbuhka RDDA ti lalu ulih ngaduka pemansang ba kandang menua nya.”\\nSapit Menteri Perambu Mengeri, Pengatur Tanah enggau Rampa Menua\\nKOTA SAMARAHAN: Pengawa numbuhka koridor pemansang baru Ejensi Pemansang Delta Rajang (RDDA) enggau Ejensi Pemansang Betong nyadi pengenap ngagai 'missing link' pemansang ti digaga diserata Sarawak.\\nSapit Menteri Perambu Mengeri,Pengatur Tanah enggau Rampa Menua Datu Len Talif Salleh madah, nya sebaka enggau ejensi pemansang bukai baka Ejensi Pemansang Beserakup Samarahan (IRSDA), Ejensi Pemansang Tanah Tinggi (HDA) enggau ke bukai ti ngembuan juluk kena ngaduka pemansang ba kandang menua ti udah ditetapka.\\nKu iya nengah pengawa numbuhka ejensi baru nya, nya deka nyadi pengenap ngagai pemansang 'missing link' ti benung digaga di serata Sarawak.\\n\"Terima kasih ngagai Premier Sarawak Datuk Patinggi Tan Sri Abang Johari Tun Openg laban udah ngaduka pengawa numbuhka RDDA ti lalu ulih ngaduka pemansang ba kandang menua nya.\\n\"Kelimpah ari nya, ari baruh RDDA nya mega deka meri fokus ngagai pemansang infrastruktur baka jalai alaun, ai, elekterik enggau ke bukai,\" ku iya.\\nIya madah munyi nya pengudah Pengerami Nyuaka Gazet Rizab Komunal Bumiputera di Dewan Suarah, ditu kemari.\\nLen Talif ti dichiri nyadi Chairman RDDA nya madah, nengah pengawa numbuhka RDDA, nya udah tentu ulih ngaduka pemansang perengkaguna ke bukai kelimpah ari pemansang infrastruktur sereta ulih ngerembaika baru aktiviti ekonomi peranak menua nya.\\nKu iya, tetiap koridor (ejensi pemansang) ngembuan penyelai pemansang kediri empu sekalika pemansang ba kandang menua tebing tasik, pemansang ba kandang menua tanah tinggi enggau ke bukai.\\n\"Kelimpah ari nya, ejensi nya mega bejalaika pengawa ambika projek pemansang enda besibil enggau projek pemansang ke bukai.\\n\"Kebuah pia laban kitai bisi Kaban Parlimen, kitai bisi Kaban Kunsil Negeri lalu sida bisi projek empu ba sitak sida empu.\\n\"Nya alai, ejensi pemansang koridor ke baka deka bejalaika pengawa ngaduka projek pemansang awakka enda besibil,\" ku iya.\\nBerebak enggau nya, Len Talif mega madahka mayuh macham pemar ti ditapi maya ngemansangka sesebengkah sitak baka barang mata, pengereja pengawa ti begunaka timpuh ngemansangka sesebengkah kandang menua.","num_words":392,"character_repetition_ratio":0.102,"word_repetition_ratio":0.094,"special_characters_ratio":0.176,"stopwords_ratio":0.194,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"11 May 2020 - Hari Satu ba Minggu Ke-Lima Musim Paska -->\\n11 May 2020 - Hari Satu ba Minggu Ke-Lima Musim Paska\\n“Tang Penyaup, iya nya Roh Kudus, ke deka dikirumka Apai dalam nama Aku, deka ngajar kita semua utai, lalu ngasuh kita ingatka semua utai ti udah disebut Aku ngagai kita.” John 14:26\\nSelamat pagi ‘Hari Satu ba Minggu Ke-Lima Musim Paska’ ngagai semua bala pemacha @beritaibanMY | beritaiban.com 😇\\nNgarapka kitai mujur bejalaika semua pengawa nitihka pelin ti udah diperambu. Tuhan merekat semua 🙏\\nBacha Ke Satu: Surat Pasal Kereja Rasul 14: 5-18\\nLalu lebuh orang bansa bukai, enggau orang Judah, enggau bala tuai sida deka nguji ngemediska seduai iya, lalu deka nuku seduai iya ngena batu, seduai iya nemu pasal nya lalu rari ngagai Listra enggau Derbe di menua Likonia, enggau ngagai menua ti ngelingi nya, lalu majakka pengawa nusui Berita Manah dia.\\nNyadi di Listra bisi siku lelaki ke enda ulih bejalai, ke udah lemi kenyau ari ada, lalu nadai kala bejalai.\\nIya mendingka Paul bejaku.\\nPaul lalu merening ngagai iya, lalu lebuh iya meda orang nya bisi pengarap kena ngeraika,\\nPaul lalu bejaku enggau nyawa ti inggar, “Bediri nuan!”\\nOrang nya lalu engkejuk angkat, lalu belabuh bejalai.\\nLebuh orang mayuh meda utai ti udah dikereja Paul, sida lalu manjung ngena jaku orang Bansa Likonia, “Bala petara udah nurun ngagai kitai baka gamal mensia!”\\nSida lalu ngumbai Barnabas Seus, lalu Paul dikumbai sida Hermis, laban iya orang ke bejaku ngarika seduai iya.\\nImam petara Seus, (rumah sembiang Seus enda jauh ari luar nengeri), lalu mai jelu sapi ti lelaki enggau sengkilung bunga ngagai pintu nengeri, laban iya: “enggau orang mayuh deka ngenjuk piring ngagai rasul dua iku nya.”\\nTang lebuh rasul Barnabas seduai Paul ninga nya, seduai iya lalu nyarikka gari diri, lalu belanda ngagai tekang bala mayuh,\\nlalu bejaku enggau nyawa ti inggar, “Nama kebuah kita ngereja utai tu?\\nKami duai tu mensia baka kita, lalu kami mai Berita Manah ngagai kita, ngambika kita ngelengkaka utai ti nadai guna tu lalu nguingka diri ngagai Allah Taala ti idup, ke udah ngaga langit, tanah, tasik, enggau semua utai ti dalam sida.\\nDulu menya Iya nejuka semua bansa idup nitihka peneka ati sida empu, tang taja pia, Iya enda nejuka Diri nadai saksi ke utai ti manah ti dikereja Iya -- Iya meri kita ujan, ngasuh utai ti ditanam kita bebuah lebat nitihka musin, lalu ngemuaska kita ngena pemakai lalu ngemenuhka ati kita enggau pengaga.”\\nTang taja pen seduai iya bejaku munyi nya, seduai iya nyauka enda ulih nagang orang mayuh meri seduai iya piring.\\nMasmur Entara: Masmur 115: 1-2, 3 - 4, 15-16\\nSaut (1ab): Ukai kami, O TUHAN, tang Nuan siku aja ke patut dipuji.\\nUkai kami, O TUHAN, ukai kami,\\ntang Nuan siku aja ke patut dipuji,\\nlaban pengerindu enggau penetap ati Nuan endang meruan belama iya!\\nNama kebuah semua bansa nanya,\\n“Dini alai Allah Taala sida?”\\nSaut: Ukai kami, O TUHAN, tang Nuan siku aja ke patut dipuji.\\nAllah Taala kami di serega.\\nIya ngereja sebarang utai ti dikedekaka Iya.\\nEngkeramba sida digaga ari pirak enggau emas,\\nditempa jari mensia.\\nAwakka kita diberekatka TUHAN\\nti udah ngaga langit enggau dunya!\\nSerega endang enggi TUHAN siku aja,\\ntang Iya meri dunya ngagai kitai mensia.\\nAlleluia (peda John 14:26)\\nRoh Kudus deka ngajar kita semua utai,\\nBacha Injil: John 14: 21-26\\n“Orang ke nerima lalu ngasika pesan Aku, nya meh orang ke rinduka Aku.\\nLalu orang ke rinduka Aku deka dikerinduka Apai Aku, lalu Aku deka rinduka sida, lalu mandangka Diri ngagai sida.”\\nJudas, (ukai Judas Iskariot) lalu bejaku ngagai Iya, “Tuhan, nama kebuah Nuan deka mandangka Diri ngagai kami, lalu enda ngagai dunya?”\\nKu Jesus nyaut iya, “Orang ke rinduka Aku deka ngasika pesan Aku, lalu Apai Aku deka rinduka iya, lalu kami duai Apai deka datai ngagai iya, lalu diau enggau iya.\\nBarang sapa enda rinduka Aku, enggai ngasika jaku Aku.\\nLalu jaku ti didinga kita nya ukai jaku Aku, tang jaku Apai ke ngirumka Aku.\\n“Aku udah nyebut utai tu lebuh Aku agi enggau kita.\\nTang Penyaup, iya nya Roh Kudus, ke deka dikirumka Apai dalam nama Aku, deka ngajar kita semua utai, lalu ngasuh kita ingatka semua utai ti udah disebut Aku ngagai kita.”","num_words":644,"character_repetition_ratio":0.052,"word_repetition_ratio":0.066,"special_characters_ratio":0.217,"stopwords_ratio":0.342,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sapa Saksi-Saksi Jehovah? Penerang Ari Endur ti Ulih Dikearapka\\n“Aku udah betaun ngelala Mike. Iya seiku ari Saksi-Saksi Jehovah. Tang pengarap iya suah ngasuh aku bingung. Sapa Jehovah? Nama kebuah bala Saksi enda ngintu hari besai? Kati Mike enggau pengarap tesat?”—Becky, California, U.S.A.\\n“Lebuh dua iku melaki-bini ke diau semak rumah aku berengkah belajarka Bup Kudus enggau Saksi-Saksi Jehovah, aku berunding: ‘Saksi-Saksi Jehovah, nama reti nya? Nyelai endar nama pengarap nya!’”—Zenon, Ontario, Kanada.\\n“Aku enggau bini aku ngumbai Saksi-Saksi Jehovah ngambi ulih ari asai ati kami ti besalah, laban kami nadai enggau orang ngagai gerija. Lalu kami ngumbai enti utai ti digiga kami nadai ba gerija-gerija besai, tentu utai ti digiga kami nadai ba pengarap ke nyelai baka Saksi-Saksi Jehovah.”—Kent, Washington, U.S.A.\\n“Aku amat enda nemu sapa sida enggau nama utai ti dipechaya sida.”—Cecilie, Esbjerg, Denmark.\\nNuan engka kala meda sida nginjil ari rumah ke rumah tauka ba endur orang mayuh, nyadung litaricha Bup Kudus, sereta ngajar orang Bup Kudus enggau pechuma. Nuan engka udah nerima majalah tu ari seiku ari sida. Tang, nuan engka agi berunding, sapa Saksi-Saksi Jehovah nya. Runding nuan engka sama enggau seiku ari sida ke ba atas nya.\\nEnti nuan bisi utai ti ditanya sereta dikirauka pasal Saksi-Saksi Jehovah, dini nuan tau bulih saut iya? Baka ni nuan ulih nemu nama utai ti dipechaya Saksi-Saksi Jehovah, baka ni pengawa nginjil enggau endur alai sida nyembah Petara dipelanja, sereta nama kebuah sida nginjil ke rumah nuan enggau ba endur orang mayuh?\\n“Aku macha mayuh cherita pasal Saksi-Saksi Jehovah ba Internet,” ku Cecilie, ke dipadah ba atas tadi. “Aku ninga cherita ngapa sereta cherita ti enda betul. Ketegal tu, aku bisi runding ti enda manah pasal Saksi-Saksi Jehovah.” Tang udah nya, iya empu bejaku enggau Saksi-Saksi Jehovah, lalu bulih saut ti ngemuaska ati ngagai tanya iya.\\nKati nuan deka bulih saut ti betul ngagai tanya nuan pasal Saksi-Saksi Jehovah? Kami meransang nuan ngulihka saut iya ari endur ti pemadu ulih dikearapka—Saksi-Saksi Jehovah empu, ke ngeluarka majalah tu. (Jaku Dalam 14:15) Kami arapka artikel ke pengudah tu deka nulung nuan ngelala sapa kami, nama utai ti dipechayaka kami enggau pengawa ke dikereja kami.","num_words":346,"character_repetition_ratio":0.119,"word_repetition_ratio":0.0,"special_characters_ratio":0.2,"stopwords_ratio":0.327,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Koir rasmi Menua Betong...D day\\nKoir rasmi Menua Betong...D day\\nteam koir 1Malaysia Betong\\nHari satu tadi 17hb August, bala kami sebuat perform maia hari pelancaran Logo An Honour To Serve. Bala kami belagu Negaraku, Ibu Pertiwiku, theme song - Timang Pemansang, Berjasa Berbakti enggau siti lagu by request, Malaysiaku Gemilang.\\nSebedau kami berengkah pagi nya, bala kami sigi udah besedia begari serta ngator diri di Dewan Kenyalang. Macham-macham ulah bala bekena ka kostum...bisi ti mit, sendat..serta ti nadai saiz...sorry Ayu....hee..heee\\nAO Yati, Ayu & Prince\\nUdah tembu belagu dua iti national songs nya, kami bediri lebih dua jam nganti VIP tembu speech...kaki asai ti ka patah...tang ditat aja. Tuan kami merning aja-aja laban ti irau ka kami ti bediri kelalu lama. Enggai ka abis luput. Nasib bala kami nya teleba pengawa nya.\\natas-bala VIP begambar udah ti bejadi logo An Honour To Serve\\nbaroh- VIP ngusung booth pameran sida Rin\\nUdah tembu pengawa belagu, BA nyikap diri laban ti ka mupok ke Kuching lemai nya bisi Bengkel ict di Santubong Resort. Laun kami duai Ao Crispin mupok, tunda udi kereta enggau kami duai AAO Sophia ari Saratok.\\nDikarang olih NyuWynn Glen Fordza @ Bujang Astana maia jam 11:26 PM","num_words":191,"character_repetition_ratio":0.056,"word_repetition_ratio":0.0,"special_characters_ratio":0.212,"stopwords_ratio":0.099,"flagged_words_ratio":0.0,"lang_id_score":0.97,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemutus Soon Koh dipebasa - Suara Sarawak\\n“Singkang politik PSB engka enda setimbal lalu bisi nyimpang ari pejalai perintah kitai ke diatu” – Abang Johari.\\nKUCHING: Kitai patut bebasaka pemutus Datuk Seri Wong Soon Koh, ku Kepala Menteri Datuk Patinggi Abang Johari Tun Openg.\\nAbang Johari mansutka jaku tu lebuh nyaut tanya bekaul enggau pemutus Menteri Wang Kedua nyurutka diri ari kabinet nengeri kemari.\\n“Pemutus nya datai ari iya (Wong) empu lalu patut dipebasa.\\n“Aku pechaya, nyadi siku ari kaban ngembuan mayuh peneleba enggau penau ba dunya politik, iya patut nemu agi pangka ari pemutus nya.\\n“Bisi kebuah ti patut iya ngaga pemutus baka nya lalu semina iya aja nemu,” ku Abang Johari madah nyemetak.\\nAbang Johari dirandau pemberita pengudah bejadika Aum Besai Entarabansa Ke-11 Pasal Teknologi Pemadah di Asia (Cita 2019) ba sebuah hotel tebilang ditu pagi tadi.\\nTambah mega ku iya, pejalai politik parti dipungkal Soon Koh empu, Parti Sarawak Bersatu (PSB), engka enda sejalai enggau perintah ke bisi diatu.\\n“Taja pia, enda ulih dikenggai Soon Koh udah mayuh nabur jasa ngagai rayat enggau menua tu.\\n“Iya ukai semina nyadi kaban kabinet aja tang mega bebendar ngemai peminta rayat ngagai Aum Kunsil Nengeri (Dun),” ku iya nampung.\\nAbang Johari dirandau pemberita pengudah bejadika Aum Besai Entarabansa Ke-11 Pasal Teknologi Pemadah di Asia (Cita 2019) ba sebuah hotel tebilang ditu pagi tadi","num_words":208,"character_repetition_ratio":0.063,"word_repetition_ratio":0.121,"special_characters_ratio":0.196,"stopwords_ratio":0.183,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Isabella Inchang – Page 2 – Suara Sarawak – Bukan Sekadar Akhbar\\nSo far Isabella Inchang has created 47 blog entries.\\nTusun kedua… NAMPUNG kenang silik agi pasal Adat Pemati Iban Saribas ke dikeluar minggu dulu, graduet bidang Sains Sosial ari Universiti Malaysia Sabah (UMS), Nicholas J. Ugik serak tu mai kitai nyidi dunya dikumbai batang mandai, dunya sebayan. Raban bansa Iban ba Sarawak kelebih agi ba Saribas endang arapka bisi dunya bukai pengudah kitai parai\\nBy Isabella Inchang|2020-04-29T08:43:37+08:00April 29th, 2020|Categories: RUAI|0 Comments\\nBEPUN ari rindu meda pemanah asil skirt burie bakih nengah Facebook iya, siku pengajar SMK Melugu benama Caroline Jegai nguji enggau orang ngaga kain burie. Lebuh nadai pengawa ba rumah, bala indu sigi ngepunka pengawa ngasilka bemacham asil keranjai jari kelimpah ari dedunga ba rumah ngambika jam sida enda tebasau pia aja. Sigi enda nyamai\\nBy Isabella Inchang|2020-04-25T11:22:48+08:00April 25th, 2020|Categories: RUAI|0 Comments\\nKUCHING: Bisi 50 iku staf perubat Kuching dikenuku positif Covid-19 enggau 20 iku ari sida nya bekaul Kluster Kuching Conference seraya laluh 30 iku nya bekaul enggau kluster mit, ku Datuk Amar Douglas Uggah Embas. Sapit Kepala Menteri ti mega Chairman Komiti Penyangga Penusah Ngenyit Nengeri (JBPN) nya madah, Sarawak sehari tu ngerikod semilan kes\\nBy Isabella Inchang|2020-04-24T17:16:14+08:00April 24th, 2020|Categories: RUAI|0 Comments\\nMENUA Kalimantan tu endang agi tubah pengeraja asal enggau kampung ba menua nya sigi agi mayuh bansa utai tumbuh ti dijaga peranak ba menua nya ngambi ulih dikelala bala nembiak rebak dudi. Orang kelia sigi begunaka daun babas dikena nambahka asai lauk laban nadai biching baka kitai kemaya hari. Lain menua lain ga bansa utai\\nBy Isabella Inchang|2020-04-23T10:18:53+08:00April 23rd, 2020|Categories: RUAI|0 Comments\\nSEKALI tu, kitai ngenang pasal adat pemati komuniti Iban Saribas ngambika kitai nemu sentang tusun pejalai adat pemati nya dataika ngenang niang ke udah midang ninggalka kaban belayan ba menua tu. Adat pemati bansa Iban Saribas tu bisi bida enggau pejalai adat Iban lalu nya kebuah, kitai patut nyerungkai enggau nusui baru pejalai tu ngambika\\nSIMANGGANG: Kitai jarang orang lelaki landik berapi kelebih agi begaga bemacham bansa kuei tang sekumbang PKP, enda ngira indu tauka lelaki sama ngena awak tu mantaika pengelandik diri enggau nguji ngaga bemacham bansa kuei ke muntang digaga. Nya kebuah, ba media rama baka Facebook, Instagram enggau ke bukai suah amat kitai meda orang bekunsika bansa\\nBy Isabella Inchang|2020-04-22T13:02:13+08:00April 22nd, 2020|Categories: RUAI|0 Comments\\nRABAN Masterpiece udah ngeluarka lagu baru baru nengah pelasar media rama ungkup bala peminat ti lama udah nganti single baru ari raban tu. Kena 16 April tu tadi, raban Masterpiece udah ngeluarka single baru Redak Seribu nengah Youtube Channel Depha Masterpiece enggau udah diped lebih ari 80,000 taja baru tiga hari dikeluarka nengah Youtube nya.\\nBy Isabella Inchang|2020-04-19T15:17:57+08:00April 19th, 2020|Categories: RUAI|0 Comments\\nPULAU Kalimantan tauka tampak agi dikumbai Borneo ngembuan mayuh pesaka asal sekalika ari gaya pengidup, adat enggau main asal ngujungka iya suah ditapatka mensia ari serata dunya laban deka ngasaika peneleba gaya pengidup bansa asal tu. Lebuh nemuai ngagai sebengkah menua tauka rumah panjai, peranak ke diau dia deka ngambat penatai kitai kelai pengaga nerima\\nBy Isabella Inchang|2020-04-16T09:27:11+08:00April 16th, 2020|Categories: RUAI|0 Comments\\n“Mimit tulung tua, besai mih reti ba orang bukai.” Tibak jaku tu datai ari pengeran siku penyanyi Iban, Depha (Masterpiece) teulihka runding ngepunka pengawa dikumbai Tabung Covid Depha Masterpiece. Ku Depha, pengawa iya nerima sukung manah enggau kerejasama ari Tabung Susu Dan Kemanusiaan Bumi Kenyalang ti digelar sida HUGS Project, orang ti ngembuan juluk enggau\\nBy Isabella Inchang|2020-04-15T12:02:30+08:00April 15th, 2020|Categories: RUAI|0 Comments\\nSIKU penanyi Iban ke ngembuan patah nyawa ke chukup manah sereta udah suah nerima bemacham anugerah, Eqka Saiful chukup kemerah dirandau pemberita nyerumba kemisi Atur Tagang Pejalai (PKP) jam ke diatu. Taja baru ba dunya pemerindang, tang nama iya majak pegari ba industri muzik Dayak laban ngembuan vokal pemadu manah sereta lagu iya mega ngembuan\\nBy Isabella Inchang|2020-04-05T14:56:30+08:00April 5th, 2020|Categories: RUAI|0 Comments","num_words":604,"character_repetition_ratio":0.118,"word_repetition_ratio":0.0,"special_characters_ratio":0.232,"stopwords_ratio":0.171,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Injau dulu RM350 juta nganti dikemendar – Suara Sarawak – Bukan Sekadar Akhbar\\nYou are here:Home-RUAI-Injau dulu RM350 juta nganti dikemendar\\nInjau dulu RM350 juta nganti dikemendar\\nTEBEDU: Menteri Pelajar, Sains enggau Pansik Teknologi Sarawak, Datuk Sri Michael Manyin Jawong madah injau dulu RM350 juta dikena nyeleti sekula repuk di menua tu datai ba renggat randau kepenudi.\\nKenu ku iya, pemesai ari opis menteri iya udah berandau enggau bala pemesai ari Opis Menteri Wang enggau Opis Menteri Pelajar minggu nyin tadi.\\n“Asil randau nya, sekeda pekara udah diputus nyengkaum bayar pinjau dulu RM350 juta.\\n“Aku ngarapka tu chun ba jam iya laban pekara tu patut dibai dulu agi ngagai Parlimen ngambika dikemendar,” ku iya nerang.\\nIya mansutka jaku nya ngagai pemberita pengudah bejadika Program Bantu Uniform Sekula ba Sekula Sekondari (SMK) Tebedu ditu, kemari.\\nManyin ti mega Adun Tebedu nerang, sekula gempuru deka dulu diberi pemerat ngena belanja RM350 juta nya.\\n“Nya alai sekula ti nadai entu nembiak deka ditutup lalu dipindah ngagai sekula gempuru.\\n“Lalu sekula gempuru keterubah ba sitak Tebedu iya nya Sekula Primari (SK) Kujang Mawang ti ngempuruka bala nembiak ari SK Tesu, SK Gahat Mawang, SK Kujang Sain enggau SK Daha,” ku iya madah nyemetak.\\nIya mega madahka asil ari randau begulai enggau Serakup Apai Indai enggau Pengajar (PIBG) di Tebedu udah sepenemu ngempuruka sekula ba SK Kujang Mawang.\\n“Kelimpah ari nya, dua sekula gempuru bukai ditumbuh ba sitak dipegai Sapit Kepala Menteri, Datuk Amar Douglas Uggah Embas.\\n“Nya kebuah, chara ngempuruka sekula tu ngelimat belanja nyeleti laban bisi sekeda sekula semina bisi lima tauka sepuluh nembiak aja,” ku iya.\\nBy suaraswk|2019-07-26T17:47:01+08:00July 26th, 2019|Categories: RUAI|0 Comments\\nARKIB Select Month November 2020 (669) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":280,"character_repetition_ratio":0.076,"word_repetition_ratio":0.0,"special_characters_ratio":0.295,"stopwords_ratio":0.154,"flagged_words_ratio":0.0,"lang_id_score":0.994,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 16 BK - Udah bekau anak lelaki Aron ke dua - Bible Search\\nAdat Lewi 15 Adat Lewi 17\\nAdat Lewi 16\\n1Udah bekau anak lelaki Aron ke dua iku kena bunuh lebuh seduai iya meri api ti enda kudus ngagai TUHAN, TUHAN lalu bejaku ngagai Moses. 2 Ku Iya, “Padahka ngagai menyadi nuan, Aron, iya tau tama ngagai Langkau Kain TUHAN di belakang tirai semina ba maya ti patut aja, laban endur nya alai Aku pegari dalam mua hari ari atas tudung Peti Lampang Batu Adat. Enti iya enda ngasi, iya deka dibunuh. 3 Iya semina tau tama ngagai Endur ti Pemadu Kudus lebuh iya udah mai siku sapi ti lelaki ti biak nyadika piring pengampun dosa, enggau siku bedus ti lelaki nyadika piring tunu.\\n4Sebedau Aron mansang ngagai Endur ti Pemadu Kudus, iya enda tau enda mandi, lalu ngerasukka pekayan imam, iya nya, baju panjai enggau tanchut pandak ti digaga ari kain linin, belulang, enggau labung.\\n5Orang Israel deka meri ngagai Aron dua iku kambin ti lelaki nyadika piring pengampun dosa, enggau siku bedus ti lelaki nyadika piring tunu. 6Iya deka meri siku sapi ti lelaki nyadika piring pengampun dosa ke iya empu, enggau ke sida sebilik. 7Udah nya iya deka mai kambin ti dua iku nya ngagai penama Langkau Kain TUHAN. 8Iya deka bechabut undi dia, ngena dua igi batu. Sigi dikelai ngena leka jaku “Ke TUHAN” lalu sigi “Ke Asasel” 9Aron deka meri kambin ti diundi ke TUHAN, nyadika piring pengampun dosa. 10Kambin ti diundi ke Asasel deka diberi idup-idup ngagai TUHAN, lalu dilepaska di menua puang ngagai Asasel, ngambika iya nabanka dosa orang mayuh.\\n11Lebuh Aron meri sapi ti lelaki nyadika piring pengampun dosa ke iya empu enggau ke sida sebilik, 12iya deka mai siti talam ti penuh laban bara api ari alta, enggau dua genggam menyan ti alus, lalu mai semua utai nya ngagai Endur ti Pemadu Kudus. 13Di mua TUHAN dia, iya deka nabakka menyan nya ngagai api nya, lalu asap menyan nya deka ngelalaika tudung Peti Lampang Batu Adat, ngambika Aron enda meda tudung nya, enggai ke iya mati. 14Iya deka ngambi sekeda darah sapi ti lelaki nya, lalu mechikka darah nya di mua tudung nya, lalu udah nya, mechikka darah nya tujuh kali di mua Peti Lampang Batu Adat nya.\\n15 Udah nya, iya deka nyayat kambin nya nyadika piring pengampun dosa ke orang mayuh, mai darah jelu nya ngagai Endur ti Pemadu Kudus, lalu mechikka darah nya ngagai tudung Peti Lampang Batu Adat, lalu udah nya, di mua Peti nya, baka chara iya ke ngena darah sapi. 16Nya meh chara iya nuchi Langkau Kain TUHAN ari pengamah orang Israel, enggau ari semua dosa sida. Iya enda tau enda ngereja nya ngagai Langkau Kain TUHAN, laban Langkau Kain nya bediri ba tengah-tengah kem ti enda tuchi nya. 17Kenyau ari maya Aron tama ngagai Langkau Kain TUHAN ngereja pengawa nuchi bansa, nyentuk ngagai maya iya pansut, orang nadai tau mengkang dalam Langkau Kain TUHAN. Lebuh iya udah ngereja pengawa nuchi diri empu, enggau sida sebilik, enggau semua orang Israel, 18iya enda tau enda pansut ngagai alta alai ti nunu piring, lalu nuchi alta nya. Iya enda tau enda mai sekeda darah sapi ti lelaki nya, enggau sekeda darah kambin, lalu malitka darah nya ngagai tanduk sukut alta nya. 19Iya enda tau enda mechikka darah nya ngena tunjuk iya tujuh kali ngagai alta nya. Nya meh chara iya nuchi alta nya ari dosa orang Israel, ngambika alta nya kudus.\\n20Lebuh Aron udah tembu ngereja pengawa nuchi Endur ti Pemadu Kudus, enggau semua endur ti bukai dalam Langkau Kain TUHAN, enggau alta nya, iya deka meri ngagai TUHAN siku kambin ti idup, ti udah diundi ke Asasel.21Iya deka ngengkahka jari iya kedua piak ba pala kambin nya, lalu ngaku atas pala kambin nya semua penyai, dosa, enggau ulah orang Israel ke ngelaban TUHAN, ngambika mindahka semua utai nya ngagai pala kambin nya. Udah nya, kambin nya enda tau enda diburu ngagai menua puang, ulih orang ke udah dipaduka ngereja pengawa nya. 22Kambin nya deka mai semua dosa sida ngagai endur ti nadai mensia.\\n23 Udah nya, Aron deka tama ngagai Langkau Kain TUHAN, muka pekayan imam ti udah dikena iya sebedau iya tama ngagai Endur ti Pemadu Kudus, lalu ninggalka pekayan nya dia. 24Iya enda tau enda mandi ba Endur ti Kudus, lalu ngerasukka gari iya empu. Udah nya, iya deka pansut lalu ngenjuk piring tunu, kena muai dosa iya empu, enggau dosa orang mayuh. 25Iya deka nunu, ba alta nya, lemak jelu ti nyadika piring pengampun dosa. 26Orang ke muru kambin nya ngagai Asasel di menua puang, enda tau enda masu gari diri, lalu mandi, sebedau iya tama ngagai kem. 27 Sapi lelaki enggau kambin ti nyadika piring pengampun dosa, ti bempu darah ti udah dibai ngagai Endur ti Pemadu Kudus kena muai dosa, deka dibai ke luar ari kem nya, lalu ditunu. Kulit, isi, enggau perengka dalam jelu nya deka ditunu magang. 28Orang ke nunu utai nya enda tau enda masu gari diri, lalu mandi, sebedau iya pulai ngagai kem.\\n29 Adat tu enda tau enda dititihka belama iya. Kena sepuluh hari bulan ti ketujuh, orang Israel enggau orang bansa bukai ke diau begulai enggau sida, enda tau enda bepasa, lalu enda tau gawa. 30Ba hari nya, Imam Besai deka ngereja pengawa nuchi orang mayuh ari semua dosa sida. 31Hari nya deka diintu nyadika hari ti amat kudus, hari sida bepasa lalu enda gawa. Adat tu enda tau enda dititihka belama iya. 32Imam Besai, ti udah dichiri lalu diserahka ngagai TUHAN ngambika bisi nganti apai iya, deka ngereja pengawa nuchi orang ari semua dosa sida. Iya deka ngerasukka pekayan imam 33lalu ngereja pengawa nuchi Endur ti Pemadu Kudus, endur bukai dalam Langkau Kain TUHAN, alta, bala imam, enggau semua orang Israel. 34Adat tu enda tau enda dititihka belama iya. Pengawa tu enda tau enda dikereja sekali setaun, kena nuchi orang Israel ari dosa sida.”\\nNya alai Moses ngereja utai ti diasuh TUHAN.","num_words":974,"character_repetition_ratio":0.101,"word_repetition_ratio":0.017,"special_characters_ratio":0.211,"stopwords_ratio":0.371,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"NATIVE CUSTOMARY RIGHT LAND (NCR) INDIGENOUS & PERIMETER SURVEY (TANAH ADAT)\\nReti NCR dalam jako Ribai:\\n' *Native Customary Rights* to land consisted of *rights* to cultivate the land, *rights* to the produce of the jungle, hunting and fishing *rights* , *rights* to use the land for burial and ceremonial purposes, and *rights* of inheritance and transfer.\\n1) Enti Tanah NCR di sukat Perimeter Survey lalu udah nya di sukat individu serta diberi Section 18 perpetuity.\\ni) Plan nya amat Manah dalam surat (on paper) lalu enti amat nyadi.\\nii) Tang pengawa nyukat semua Tanah ke diaku Perintah sebagai NCR lalu disukat ngena Perimeter Survey nya bisi *1.5 juta* hektar enti sema disukat abis. Nyadi pengawa nyukat semua Tanah nya enti based on budget *RM40 juta!* \/ *setaun* ... beguna ke pengalama lebih 100 taun.\\nTanya ia-arap ke enda kitai Perintah sanggup melanja duit menua RM40 juta\/setaun untuk pengalama lebih 100 taun?...kelebih agi enti sema rakyat bela diau diri magang? Diatu pan Perintah udah betalat begiga ke duit antara Perintah Sarawak & Perintah Besai? Baru beberapa taun-bedau agi 100 taun. Tambah agi baka kes menua ba Bagi-Kedua...endang udah bisi pengawa nyukat Tanah ngena Section 18 dalam taun 80an-90an...tang diketu ke dalam Taun 2000. Program nya ba menua Kaki Wong enda datai 10%...udah ngetu.\\niii) Enti sema Perintah enda tersukat ke semua tanah nya \/ tauka Project ngetu sebedau 100 taun-tanah sapa ke agi tinggal ba Section 6?\\nDiatu udah terang Hakim madah ke reti Tanah Section 6 nya Tanah Perintah ukai Tanah NCR. Kes sida Nicholas Mujah-lepas lebih 50 taun...Perintah nguji ngambi tanah Section 6 ke udah diberi ngagai sida..ba Bukit Bediri & Bukit Stika di menoa Ai Sebangan. Tang ba peda mata kitai-ngambi Tanah ke udah disukat Perimeter Survey nyangka lubah-tang Tanah nya nyadi ladang JV enggau company sigi muntang. Laban orang asal nadai jalai nagang agi nengah Court. Enti baka menua di Kaki Wong-setengah endah udah dikelaung ari sukat laban reserve ke Pemansang Tanah NCR.\\nNama reti Pemansang Tanah NCR?....empu Kompeni Ladang Sawit ke besai nya meh reti ia.\\niv) Anang enda ingat mega-sukat Tanah NCR Perimeter Survey nya digaga ngena definition L&S. Nama ngena definition L&S reti ia semua Tanah PL ke udah dikeluar deka dikelaung. Tang enda semua ga menua kena. Tang enti menua nya bisi udah dikeluar Tanah PL...kira ke officially nadai agi meh Tanah nya apabila udah disukat Perimeter.\\nBakanya mega sukat Tanah NTD@Section 6A. Sukat tu ukai semina enda tau besai ari *1,000 hektar* ke siti-siti *PMPG* (ukai untuk setiap Rumah Panjai... nya semina penemu bayangan perintah aja... ba Forum NCR Roadshow sida madah ke enggau terang ukai untuk siti-siti Rumah Panjai).\\nSukat Tanah NTD tu mega ngelaung ke Tanah PL ke udah dikeluar. Enti kitai meda ba *>400 iti kes* ke benong ba Court... majoriti carut ketegal Tanah PL ngerengkap Tanah NCR. Retinya Tanah PL endang sengaja dikeluar ka ba atas Tanah NCR... lalu enggau pengawa nyukat Perimeter Survey & Sukat NTD nya kena Perintah menghalalkan Tanah PL ba Court.\\nArap Tuhan Merkat Sarawak\\nCentral Committee Member\\n(Native Rights Committee)\\nParti Bumi Kenyalang\\n简体中文 Afrikaans Shqip العربية Հայերեն 繁體中文 Dansk Nederlands English Filipino Suomi Français Deutsch Ελληνικά हिन्दी Bahasa Indonesia Gaelige Italiano 日本語 ភាសាខ្មែរ 한국어 ພາສາລາວ Македонски јазик Bahasa Melayu മലയാളം Norsk bokmål Português Română Русский Español Svenska தமிழ் ไทย Türkçe Tiếng Việt Cymraeg\\nChinese Contents Menu 中文目录\\nCurrent Affair 时事\\nLocal Issue Comments 犀声\\nLocal News 犀乡\\nImportant character 人物\\nParti Bumi Keyalang 肯雅兰全民党\\nParty emblem 党徽\\nParty Flag 党旗\\nParty name meaning 党名称含义\\nPolicy documents 政策文件\\nSong music 歌曲音乐\\nSarawak Legislative Assembly Constituency 砂拉越立法议会选区\\nSarawak Constituency Name and Number砂选区名称及号码\\nSarawak Constituency Map 砂选区地图\\nMalaysian Parliamentary Constituency 马来西亚国会选区\\nParliamentary district name and number 国会选区名称及号码\\nParliamentary constituency map 国会选区地图\\nApplication Form 党员申请表格\\nFacebook (English) 面子书（英）\\nFacebook (Chinese) 面子书（华）\\nMost Read 最多人阅读的文章排行版\\nKuching Forum on Malaysia Agreement - P. Waythamoorthy\\n10 unlikeable things about Dr M\\nQR Code 肯雅兰之声二维码\\nTotal Viewers Since 1 Dec 2018 从2018年12月1日至今总拜访人数\\nVoice Of Kenyalang copyrights 2018","num_words":590,"character_repetition_ratio":0.057,"word_repetition_ratio":0.0,"special_characters_ratio":0.204,"stopwords_ratio":0.132,"flagged_words_ratio":0.0,"lang_id_score":0.954,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Aras nyukung komiti ngumpul royalti ditumbuh - Suara Sarawak\\nKUCHING: Perambu numbuhka sebuah komiti ngumpul bayar royalti muzik ba Sarawak enggau Sabah nerima sukung manah.\\nGerempung Armada Anak Seni Sarawak (Aras) nerima manah perambu Opis Menteri Dagang Dalam Menua enggau Pekara Penguna (KPDNHEP) nyukung penumbuh komiti nya.\\nBa siti penerang media kemari, perambu numbuhka komiti nya datai ari Gerempung Komposer Muzik enggau Penengkebang Video Muzik Sabah (Score).\\nSida nya minta komiti belisin ditumbuh ngambi ulih ngumpul bayar royalti muzik khas di Sabah.\\nSiku komposer popular Patrick Kamis lalu mansutka buah runding tu ngujungka pekara nya disukung komposer, penanyi, pemuzik enggau serikat rekoding menua di Sarawak.","num_words":99,"character_repetition_ratio":0.072,"word_repetition_ratio":0.0,"special_characters_ratio":0.163,"stopwords_ratio":0.121,"flagged_words_ratio":0.0,"lang_id_score":0.957,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat & Pengawa Melah Pinang | Iban Cultural Heritage\\nPENGAWA MELAH PINANG\\nPUN JAKO ARI PENULIS ASAL.\\nJERITA KE ditulis aku dalam bup tu nusoi adat lama kitai Iban pasal jalai belaki bebini ke dikumbai Melah Pinang. Adat tu di tusoi aku beripih-ripih ari pun nyentok ka ujong.\\nJulok ati aku nulis bup tu awak ka sida rebak ti dudi agi ari diatu nyentok ka jemah ila nemu ripih adat asal bansa diri empu ba senentang Melah Pinang. Endang ari peda mata diri empu, pengerami belaki bebini ngena adat Melah Pinang kamaia hari tu nyau mupok berubah ari kalia, laban nitih ka pemansang dunya, ko jako kitai muntang iya. Bungkah iya ke nyengala agi ba mata kitai, baka pengerami ngajat enggau mencha endang main kitai ari kalia, tang kamaia hari tu suah diganti enggau betanda, nunda main Melayu. Ukai kitai ngumbai nya salah, lalu enda mega kitai ulih nagang iya, laban nya nitih ka ni bagi iya ti dikerindu ka mensia lebih agi tauka muntang agi. Tang laban bansa kitai endang bisi adat lama, adat asal ari aki ini kitai kalia, asai ti manah ga kitai agi ngingat, lalu nemu sekeda adat nya. Bakatu asai iya dalam ati aku, enti jerita kitai udah ditulis dalam surat baka tu, nya baru iya tegoh ditaroh, nadai tau nyau agi, lalu sabarang deka nemu, deka belajar tau macha iya dalam surat. Nambah ka nya, diatu nyau maioh ga bansa kitai udah masok pengarap bukai; lalu adat enggau pengerami melah pinang mansang enda dikena, lalu diganti enggau pengerami baru. Nya alai dalam penemu aku siko, asai kai nadai pulai ka penyalah tauka penyai enti kitai belajar ka adat lama bansa diri empu, laban nya endang pesaka asal, pesaka bansa kitai empu.\\nSamoa jerita ke ditulis aku ditu nitih ka gaya pengerami melah pinang ti dikena kitai Iban ba menoa Kalaka, dalam Bagi Kadua. Dalam pia jako aku nyerangkong samoa menoa kena pegai Kalaka, ukai mega adat enggau ator dalam rumah panjai sabuah-sabuah di menoa nya nadai sibil mimit-mimit enggau pangan, laban ator enggau adat enda ulih gaga sama sabaka. Tang iya ke ditulis aku tu tentu tebal dikena dalam menoa nya. Nya alai nyangka bisi sekeda utai ditulis aku ditu enda salubang enggau iya ke di menoa kita tauka enggau pengingat kita, nya ukai ati aku deka ngelimpang ka iya, tang tu nitih ka utai ti dikingat aku empu.\\nSamoa jerita ke ditulis aku ditu endang tebal agi pengingat aku empu didinga enggau dipeda aku maia pengerami melah pinang. Nambah ka nya bisi ga iya ulih aku betanya ari orang kai tuai ti endang bepenemu pasal nya, tang nama sida enda ulih rintai ditu.\\nNya alai apin aku ngelengka ka genteran pun jako tu, dulu aku enda tau enda ngenang Benedict Sandin ti udah nyaup aku berurus jerita tu.\\nA. ALLI MAJANG\\nSibu, 23 March, 1962.\\n(A) Penyalah Jadi Mali\\n(B) Penyalah Jadi Mali\\nMansang Ngambi Indu.\\nMasa Orang Empu Rumah.\\nJako Melah Pinang\\nBerisan enggau Bungah\\nNgirup Kupi enggau Makai Asi\\n(A) PENYALAH JADI MALI.\\nNYADI TERUBAH Iban nemu mantang orang jadi salah serak ari ajar Sengalang Burong leboh Sera Gunting beleman enggau ibu serta menyadi indai iya empu ke benama Dayang Langit ke digelar Dara Chempaka Tempurong Alang.\\nNyadi ko Sengalang Burong nganu Sera Gunting. “Nuan enda tau enda kena pantang, laban nuan beleman enggau ibu nuan empu.”\\nTang ko kaban menantu Sengalang Burong. “Nya amat aya, laban Sera Gunting endang amat uchu nuan, tang iya ke diau ba nuan ditu semina nemuai aja. Nya alai enti iya dibunoh, kasatu nadai mai berita pulai ka menoa iya empu, enggau kadua enti iya dibunoh kitai ditu, apai indai iya din enda nemu tunga iya. Tang dalam pia kitai enda mantang seduai iya, adat diadu ka kitai, awak ka seduai betimbang. Nyadi pemesai adat nya barang ko nuan empu ngator.”\\nNya alai ninga runding kaban menantu iya munyi nya, Sengalang Burong lalu bejako, ko iya. “Enti munyi tu bunoh ka babi delapan, ka ganti darah seduai, nyabur delapan ka tungkat dunya ngambi ka enda beguyat. Nyadi pekasi menoa enggi lelaki sigi rusa, enggi indu sigi alas ngerang, tang anak seduai dibunoh, enggai ka ngachau menoa.”\\nUdah nya Sengalang Burong lalu ngasoh Sera Gunting ngingat ka adat kena ngadu ka menoa sida din enti leman bisi ngemesai tu:\\n(a) Enti beleman enggau anak (ukai jadi) kena pantang.\\n(b) Enti jadi enggau mentua, indai bini tauka apai laki, kena pantang.\\n(c) Enti beleman enggau anak bendar tauka anak iru, tauka anak tiri, enti udah nyadi anak kitai, kena pantang.\\n(d) Enti beleman enggau mentua, menyadi indai bini tauka apai laki kitai; lelaki kena tunggu babi siko, sangkar babi semilan, enggi indu babi siko, sangkar babi tujoh igi jabir. Seduai tau jadi.\\n(e) Enti serak satu enggau serak dua babi siko ari lelaki, benda semilan igi jabir; enggi indu babi siko benda tujoh igi jabir. Seduai tau jadi. Babi bunoh enggau nyabur.\\n(f) Nyadi enti serak dua enggau serak tiga ari lelaki babi siko benda sigi alas ngerang; enggi indu babi siko benda sigi panding. Babi bunoh enggau nyabor.\\n(g) Enti serak tiga enggau serak empat, lelaki babi siko, benda sigi panding, tu ke benama ‘kalih di darat.’ Babi bunoh enggau duku tang bebutoh kunding ka beliong.\\nSerak ka lebih ari tu semina agi bisi adat kena ngering ka samengat.\\nNyadi adat tu dikena tujoh serak. Nya alai datai ba tuboh Beti ke digelar Bujang Berauh Ngumbang dia bisi baru orang beleman, Abang enggau Dayang Tali Bunga. Nyadi Tali Bunga nya anak petunggal Abang. Seduai tu patut disapat, tang enda tisi ka adat, nya alai deka dipantang Beti. Kejang deka mantang dia sida meda antu bejalai mansa, lalu ngangau nanya ka pengawa sida Beti. Beti lalu madah ka diri deka mantang Abang enggau Dayang Tali Bunga, laban seduai jadi serak satu enggau dua. Ninga munyi nya antu lalu bejako.\\n“Enti baka tu jalai nuan ngator mensia, Beti, abis samoa mensia mati.”\\nBeti lalu nanya ka adat.\\n“Adat,” ko Antu, “babi dua bunoh kita; siko bunoh di ai enggau siko bunoh di darat kena nasih ai enggau tanah. Nyadi benda enggi lelaki semilan igi jabir, enggi indu tujoh igi jabir, laban Abang jadi enggau anak petunggal iya empu ke baru sakali petunggal enggau iya.\\nAntu lalu enda ngasoh agi ngena adat bepantang. Enti orang beleman enggau serak ari atas tu endang enda tau jadi. Kamaiatu enti didawa ngagai perintah dijail; tang enda ga tau jadi. Enti beleman ari serak tu ka baroh sapat ka ai magang baka adat ke disebut dia tadi.\\n(B) PENYALAH JADI MALI.\\nNYADI JEMAN dulu kalia kitai I ban enti jadi mali baka anak jadi enggau apai tauka indai, tauka jadi enggau ay a enggau ibu, tauka mentua jadi enggau menantu, tauka menantu jadi enggau mentua indu tauka lelaki, ukum iya kena bunoh kadua-dua seduai ke ngaga penyalah nya, jalai munoh enggau buloh aur ke udah dilancham tajam bendar lalu dipantang ka ba seduai begembar-gembar, indu ari baroh lalu lelaki ari atas. Lalu dia mega seduai lain ditumbak lalu buloh aur ditanam atas bangkai seduai kena ngingat ka alai bangkai. Nya alai di sebelah menoa kitai bisi buloh dikumbai aur pantang, dipeda turun menurun kitai Iban nyentok ka kamaia hari tu datai ka belama-lama iya ila.\\nKabuah alai badu agi ngena ukum bepantang enggau buloh aur, bepun ari jerita indu siko benama Simbah dulu kalia nambah ka ajar Sengalang Burong ti baru udah dibacha ba pun dia tadi. Laban jerita tu enda bepun ari tusut nya alai enda nemu ka iya amat tauka bula. Nyadi Simbah nya dara, tang nyau kalama iya dipeda orang ngandong. Meda iya ngandong bakanya lalu ditanya orang sapa ke ngayap iya. Tang laban Simbah digayap menyadi iya empu, nya alai iya enggai madah ka orang laban takut ka diri dipantang orang enggau aur. Kandong iya pan nyau chukop bulan, iya lalu beranak tang menoa balat kudi, siang malam ujan enggau kabut nadai ngetu. Tanah tusor balat bendar di maioh bengkah endor, lalu mensia pan nadai masok gawa laban hari selalu jai. Meda hari enda badu kudi, dia apai indai iya enggau orang maioh, mint a iya enda tau enda madah ka lelaki ke enggau iya beleman. Enti iya enda madah, orang semaia deka munoh iya, meda kudi lain enda badu. Nyau hari siti apin orang deka munoh iya, iya berua nimang anak iya di ruai, lalu didinga orang.\\nTu munyi leka timang iya:\\nAdu-adu anak aku ukai nadai apai,\\nEndang bisi orang ngayap.\\nTang deka aku madah,\\nTakut ka adat berat.\\nAnang munoh aku,\\nEnti salah tau betimbang\\nBesapat di ai besapat di darat.\\nBunoh ka babi siko di darat\\nLalu siko di ai, babi emperingat.\\nAmbi ka duku siti kena mantap urat lensat.\\nBeliong lajong kena mungga urat melabat.\\nJalong jebong kena nudong\\nTekuyong baroh ungkap.\\nPua kumbu muau kena kitai miau\\nMoahari balat betakat.\\nSumpit tapang kena ngerejang lubang kilat.\\nUdah nya baru ukum benda rusa\\nKena besapat ngambi ka kena muai pemali.\\nNinga leka timang iya munyi nya sida sarumah lalu berunding tekala nya. Lalu sida madah ka enda munoh iya enti iya madah ka bagi lelaki ke enggau iya salah, tang ngereja nitih ka leka timang iya. Iya lalu madah ka lelaki ka enggau iya beleman nya Lamit, menyadi iya empu ti ngayap iya lalu ngasoh iya ngandong. Udah nemu nya, orang maioh lalu ngereja nitih ka samoa utai ke dipadah ka iya nunda buah timang iya tadi. Sereta udah tembu sida ngereja nya, hari pan lalu baik baka ka dibuai empeleman. Simbah seduai Lamit enda jadi, laban seduai bangat diri menyadi tampong pala. Nyadi pengudi hari nyau tedoh udah bekau leman seduai ke diadu ka ngena adat nitih ka munyi leka timang Simbah.\\nAdat tu bedau ditampong Iban nyentok ka diatu. Enti orang bisi jadi belaki bebini salah serak tauka butang betumbang enggau pangkat anak tauka apai, tauka indai, tauka mentua enda tau enda diukum ngena adat lama tu, bunoh ka babi kena besapat awak ka menoa enda kudi.\\nUkum Perintah nya siti ga jalai ke baru kamaia hari tu, lalu enda tau enda ninggang. Enti orang ke salah nadai utai kena betimbang iya ditutup Perintah. Satu nangga dua nya anak salah tauka jadi enggau aya sapat di darat enggau di ai. Enti nitih ka jerita tu anak tau jadi enggau aya tauka ibu menyadi apai tauka menyadi indai, Tang adat Perintah diatu seduai enda tau jadi. Dua nangga tiga, reti nya anak jadi enggau petunggal apai tauka petunggal indai besapat di darat aja enggau babi sepa sereta ukum benda sigi alas. Adat Perintah, lelaki kena ukum tigapuloh keti, lalu indii duapuloh keti pulai ka Perintah tang seduai tau jadi.\\nAri jerita tu alai kitai diatu badu agi man tang orang ke jadi tauka beleman enggau pangan salah serak. Agi mega iya ke bendar bepun ari ajar Sengalang Burong ngagai Sera Gunting leboh Sera Gunting beleman enggau ibu, menyadi indai iya empu ke benama Dayang Langit ke digelar Dara Chempaka Tempurong Alang ti udah dibacha kitai ba pun dia tadi. Agi mega ba tusut Sengalang Burong deka dibacha kita dalam lambar 30 dia kita macha pasal Puntang Raga ngajar Beti enda ngasoh iya mantang Abang ke deka jadi salah serak enggau Dayang Tali Bunga laban kategal nadai kena betimbang.\\nBenda tunggu pulai ngagai nyawa duit dikena dalam menoa Bagi Kadua kamaia hari tu:\\nBenda = Penyampau ba mata duit.\\nSigi Menukul pulai ngagai nyawa duit = 50 sen.\\nSigi Jabir pulai ngagai nyawa duit = $1.00\\nSigi Pan ding pulai ngagai nyawa duit = $2.00\\nSigi Alas muda pulai ngagai nyawa duit = $4.00\\nSigi Alas Ngerang ngagai nyawa duit = $5,00\\nSigi Rusa pulai ngagai nyawa duit = $8.00\\nKabuah alai madah ka pemesai sekeda adat tunggu benda pulai ka nyawa duit diatu laban jerita tu bisi mansa sekeda sida. Kenu ko jerita dulu kalia tunggu kitai Iban nadai disebut ngagai nyawa duit nyangka laban apin bisi Perintah tauka nadai duit leboh maia nya. Rintai tunggu nya samina teba ba tengah aja, bisi mit ari nya ngagai sasingkap mangkok lalu bisi mega besai agi. Tang selalu dikena diatu samoa sida ke disebut dia tadi. Tunggu endang sigi nitih ka baka gaya enggau pemesai penyalah orang. Bisi penyalah baka pemalu samina tunggu benda aja nadai enggau manok enggau babi. BIsi mega enggau manok tauka babi aja enda bebenda lalu bisi mega tunggu enggau manok tauka babi sereta enggau benda baka ke disebut tadi dikumbai sangkar. Ka tambah nya nitih ka gaya penyalah, bisi mega tambah besi, lungga, duku tauka nyabur, ka keris samengat enggau benda mega ka kurong samengat. Disebut ngena jako pandak duit nya tauka ganti benda diatu nitih ka pemesai nyawa sida ngagai mata duit baka ke diator datas dia tadi, Taja diatu enggau duit, tang nama benda agi disebut, enti enda nya nyau ukum Perintah disebut keti tauka pikul.\\nADAT BELAKI BEBINI.\\nNITIH KA adat Iban ukai siti jalai orang tau jadi melaki-bini, bisi rami bisi ga enda nitih ka peneka ati, ni ti deka dikena. Tang baik ka rami tauka enda enti orang jadi enda tau enda beterang ngagai tuai rumah enggau apai indai. Umor alai tau bebini, belaki enda tentu temu nitih ka peneka, amat ga adat Perintah abis biak alai tau belaki bebini umor limabelas taun. Tang nadai orang ke bebini belaki udah kena salah laban jadi apin chukop umor, agi mega maioh enda nemu umor diri ke betul. Kenu ko orang rebak ke tuai agi sida laun agi bebini belaki ari rebak ke diatu, tang aku enggai nusoi kabuah alai pia.\\nSemina ditu aku deka nusoi macham jalai orang tau jadi belaki bebini:\\n(a) Melah Pinang. Enti melah pinang enda tau enda rami. Tu meh pemadu pemesai pengawa dalam adat belaki bebini.\\n(b) Anjong lelaki. Enti lelaki dianjong ngagai rumah indu, kurang ari pengerami melah pinang, lalu jalai iya pan lain mega. Ama mega bebala maioh mai orang rumah bukai lalu suah mega empat lima iko aja orang nganjong lelaki, nitih ka pengelantang pemisi enggau peneka ati.\\n(c) Lelaki nama kadiri ngagai bilik indu sama an ator apai indai.\\nTu nadai pengerami, samina beterang ngagai tuai rumah aja, lalu enti deka tau ngempuru ka orang sarumah nya aja, enti enggai tau enda.\\n(d) Lelaki nama kadiri ngagai bilik indu ari ator enggau pengeras ati iya empu, lalu nadai terang ari apai indai iya. Nadai pengerami, tang samina beterang ngagai tuai rumah enti apai indai sama nadai nagang. Enti apai indai bisi enda ngasoh nya pulai ka pengachau dudi.\\n(e) Indu nama kadiri ngagai bilik lelaki tuboh puang. Enti lelaki enggau apai indai iya nerima, lalu apai indai indu mega nadai nagang, samina beterang ngagai tuai rumah, seduai lalu jadi. Enti apai indai seduai bisi nagang, tentu pengachau tau nyadi.\\n(f) Indu Nuntong Ka Kandong. Enti kandong apin dipansut enggau apin dibunoh ka manok jadi ke enselan kena mansut ka kandong, indu enda tau dianjong ngagai rumah lelaki.\\nEnti manok udah mati kena enselan kandong, nya baru tau nganjong indu ngagai lelaki. Mansut ka butang” sama jalai tu. Mansut ka kandong enggau butang enda tau ba rumah orang.\\nNya samoa macham jalai kitai Iban tau bebini belaki. Melah Pinang nya endang pemadu manah ari samoa, tang taja pia maioh ga orang ke jadi keran, jadi betaban, tau begulai melaki-bini semanjai umor, lalu orang ke bebelah pinang bisi mega sarak. Diatu aku deka nusoi ripih pengerami pengawa melah pinang bepun ari nanya indu nyentok ka sarak baru udah lepas melah pinang.\\nNYADI NANYA bini bisi tiga bengkah penumboh iya. Sabengkah nya, indu endang sigi deka ka lelaki nya laban udah digayap iya, lalu apai indai indu pan endang sigi deka mega. Sakalika udah ditinggal ka iya utai laban iya endang keran deka jadi.\\nNyadi sabengkah penumboh iya ari bungah enggau sabong apai indai indu enggau lelaki tauka kaban belayan. seduai. Nyau mansau bungah apai indai lelaki lalu nanya ka peneka anak seduai ka indu nya. Enti iya deka sida lalu beribut ka jako tauka lalu nganjong seruan madah ka hari deka datai nanya.\\nNyadi jalai sabengkah agl dikumbai ngerambang, laban indu enggau apai indai iya apin temu deka tauka enggai, laban nadai kala beribut ka jako dulu, lelaki pan nadai ga kala ngayap.\\nApin nurun nanya bini, dia apai indai lelaki ngempuru ka kaban belayan ti dikaberat ka sida sama enggau samoa sida sarumah, madah ka pengawa diri deka nanya bini. Enti kaban belayan nadai nagang nya baru nimpoh hari nurun. Tang sabedau nurun seruan dulu dianjong ngagai apai indai indu awak ka sida ngadang penatai sida lalu enda mindah ka bukai hari nya. Nyadi penyampau tuboh orang nanya indu nadai beletak, tang jarang kurang ari lima iko, lalu jarang mega lebih ari duapuloh iko.\\nDulu kalia nadai tentu beleman nanya bini, tang kamaia hari tu nyau nitih ka pemisi utai. bebai ka arak enggau kupi, roti mega, Enti tanya nya ukai ngerambang samoa utai ke dibai sida ka nanya dibai tama ngagai bilik indu leboh sida datai. Tang bisi ga dipeda aku orang ka nanya ngerambang samoa utai ke dibai sida baka arak dilalai ka sebelah tanah tauka engkah sebelah bilik orang bukai dulu. Kabuah alai pia, enti jako enda diterima utai ke dibai sida enda diserungkai dia, tang bai pulai.\\nBisi mega orang ke enda bulih nanya bini tak pulai malam enti rumah sida enda tentu bangat jauh. Jangka ati aku alai sida bangat tak pulai malam laban malu ka diri enda bulih. Leboh bala sida ke nanya bini tu tadi datai ba ruai indu ti deka ditanya lalu dilalu ka baka ke enggau temuai mega, Udah badu makai lemai, dia apai indai indu lalu ngumbai orang sarumah nya. Sida ka indu pan dikumbai pansut ari bilik ka ruai.\\nUdah samoa orang sampal dudok, nya baru apai indai indu bejako nanya ka pejalai ngagai sida ke datai. Enti apai indai indu nya enda tentu nemu bejako iya tau ngasoh barang orang ke landik bejako ngari ka iya. Enti bisi nemu, leboh maia tu selalu bisi jako bekarong panjai. Enti apai indai indu nerima jako cli ruai nya baru ngasoh dua tiga iko indu nanya indu empu ka bilik, laban deka pan apai indai enti indu empu enggai, nadai ga penyadi. Enti indu nyaut deka, nya baru nyadi meh kereja. Leboh maia nya mega mutus ka sapa seduai ke nguai ka pangan. Udah putus jako apai indai lelaki ke nanya lalu ninggal ka utai, baka tinchin, lampit tauka utai bukai ke pengamat samoa jako sida. Lalu ari maia nya indu ke ditanya nya enda tau digayap orang bukai agi. Udah nya, baru mutus ka timpoh hari alai melah pinang. Enti sama lantang utai pan bela bisi sedia magang, timpoh digaga serekat agi, kira chukop ngemansau ka tuak, itong ari dua ngagai tiga minggu bakanya, tang selalu ngintai ka bulan mansang.\\nUdah tawas hari, badu makai pagi, bala sida ke nanya bini pulai magang enggau ati gaga laban sida bulih. Leboh datai di rumah diri empu, orang maioh lalu ngulu sida nanya ka penunga pejalai sida. Dia iya ke empu anak ti ditanya ka bini enggau ati gaga nusoi samoa rita sida lalu mega madah ka timpoh ngagai orang maioh maia nurun ngambi indu awak ka samoa ngadang ngering ka pengerami nya. Lalu kaban belayan rumah bukai ti jauh agi dikeberat ka dipadah tauka kirum ka temuku tali.\\nSamoa buah rumah ti kena padah ka endang udah dipaum ka leboh malam ke nanya. Rumah ke semak rumah indu dipadah ka sida apai indai indu, lalu sama enggau nganti pengabang, lalu samoa rumah ke dipadah ka lelaki sama ke bala pengabang nambah ka orang empu rumah ke pun kereja. Empat lima hari apin ke nurun orang ka indu betutok ka tepong lalu begaga penganan jala ke dibai. Rumah indu nya anang disebut agi laban endang pun, ukai semina sida ke empu kereja aja, tang sarumah-rumah nya sama rugi, lebih agi enti pengawa besai lalu orang maioh dipadah ka ngagai pengerami nya.\\nSAHARI APIN nurun ngambi bini, kaban belayan lelaki ari rumah tauka menoa bukai datai di rurnah lelaki. Leboh sida datai, sida nyua ka tulong baka arak tauka duit ngagai apai indai lelaki, Malam ke deka nurun dia apai indai lelaki ngempuru ka orang maioh sarumah nya berunding ka ator pengawa nya dulu, baka ngator sapa ke dipadu ka bejako enggau utai bukai mega. Badu berandau lalu ditampong pengerami bukai samalam-malam nya, baka ngirup, ngajat berenong enggau main bukai naka peneka ati.\\nNyau dinihari dia orang ka biak indu enggau lelaki nurun ngelulun asi pulut ka bekal bala enggau ka dibai ngagai rumah indu mega. Leboh rnaia ngelulun asi dia sida ka bujang enggau sida ka dara tepantup bendar ati bungah enggau pangan diri. Sida ka indu nyimpan beras ka dalam ruas lalu sida ka lelaki menyadi ka api lalu ngelulun asi. Udah mansau, sida pulai jampat enggai ka enda sempat alai nyikap ngepan diri alai nurun. Hari pan nyau tawas mega leboh maia sida badu.\\nUdah samoa orang badu makai pagi, samoa orang ke enggau lalu beradu magang, sereta gendang pan ditebah kena ngelagu orang ke beradu. Biak tuai, mit besai samoa nyikap ngepan diri empu. Ngepan ke naka pemanah, duku ngepan diri empu ditangkin, lalu samoa ke bisi nyan senapang diri ernpu. Enti merau orang ka indu bengepan Iban dipasok ka di rumah, tang enti bedarat enda dipasok nganti datai semak rumah indu. Perau ke alai bala indu dikajang enggau pua kumbu sereta dilagu enggau menira enggau utai bukai, lalu dia mega alai sida ke begendang. Tang ditu aku deka nusoi pengerami ngambi indu bedarat kira ka pengumbas iya penyauh.\\nLeboh samoa orang udah sedia magang, nya baru tuai kayau begerah bebai nurun. Tuai kayau nya, apai indai lelaki ke empu bini deka diambi. Laban pengawa ngambi indu disema ka ngagai ngayau. Sida ke biak begendang bejalai niti rumah kena ngansak orang ke beradu lalu meransang barang sida ka lembau nurun awak deka. Udah tuai kayau begerah setak-kasetak iya lalu nurun ngenulu ka bala nyan menira sereta nangkin pedang tauka malat barang ti kebisi iya. Udah nya lalu ditangkan ka orang bukai enggau sida ke begendang. Orang ke begendang endang selalu ba tengah-tengah bala. Barang sapa sida ke nebah gendang nyau lelak iya minta silih pangan bukai lalu samanjai jalai sida besilih-silih.\\nKabuah begendang ka besai agi, ukai semina ka pengerami aja, tang enggai ka ninga burong jai, tambah mega, awak ka antu babas antu keranggas mindah, nyeliah ninga gendang. Enti menoa nu’mbas penyauh kira pejalai clua tiga jam, datai kira tengan jalai ba endor ke bisi ai sereta manah alai ngetu, dia tuai kayau mai bala iya ngetu merarau. Utai kena merarau asi pulut ti endang udah dilulun pagi nya enggau lauk babi, manok tauka utai bukai. Tang chapak mangkok endang nadai kala mai kengka ke udah dipeda aku. Nya alai daun inch kena nyadong pemakai. Enti menoa jauh kira ka pejalai sahari suah agi ngetu lalu merarau bechuan ka matahari maia tengah hari. Tuai kayau tau enda iboh meri bala merarau enti menoa semak disebut ka nadai penyauh. Udah bala badu makai lain mupok baru bejalai sereta enggau gendang nyentok ka datai.\\nLeboh bala datai semak rumah, di pengkalan tauka ba sabarang ai ke tunga ngagai jalai penatai, sida lalu ngetu mandi enggau belelak. Badu mandi lalu beradu masok ka ngepan manah, lalu sida ke bengepan, Iban lama agi nganti tembu, lebih agi lubah orang ka indu, laban maioh agi macham ngepan. Ukai main pengerindu enggau pengeransing ati leboh tu laban gendang enggau pengerami orang ke di rumah nyau udah didinga lebih agi baka sida ka bujang enggau ka dara ngemata ka pangan diri beradu.\\nLeboh maia ngetu enggau beradu pengari orang ke empu rumah datai ngalu pengabang ngagai endor ke beradu mai manok, piring, menira enggau gendang. Dia mega sida ngasoh sabarang sida ke tuai miring kena ninggal ka burong enggau samoa utai ka jai awak ka enda datai ka rumah. Udah samoa orang badu beradu, pengari ke ari rumah lalu angkat bejalai ngenulu ka bala lalu ditangkan ka tuai kayau, udah nya betangkan-tangkan tuai agi dulu agi, pupus lelaki ditangkan ka bala indu. Orang ke begendang ba tengah-tengah bala, nadai ngetu begendang nimbal enggi orang an rumah. Singkang pejalai belubah-lubah nitih ka gendang lalu orang ke bengepan indu enggau lelaki ngelingut ka pejalai diri mandang ka pemanah gamal. Samoa ma enggau utai bukai di angkut orang ke empu rumah ka rumah.\\nLEBOH BALA datai cii tengah laman, orang ke empu rumah lalu nimbak ka bedil, senapang enggau merechun. Lalu pia mega bala ke datai ngalah, samoa ke mai senapang ditimbak ka magang nuju ka langit nimbal enggi orang ke empu rumah. Enti bedil maioh, munyi ka runtoh langit. Aku empu udah meda lebih duapuloh batang bedil besai enggau mit dipasang enggau senapang ukai ke empat lima puloh batang. Aku enda nemu kabuah bukai alai betimbak ka bedil enggau senapang leboh rami melah pinang lebih agi ari ngerindu ka ati. Dipelaba aku aja nyangka lahan rami melah pinang dikelulu enggau disema ka baka ngayau.\\nDi kaki tangga di pelintang ka babi, lalu digayang kena pengabang niki enggau bedil sabatang dipelintang ka di pala tangga. Lain di pala tangga mega di engkah ka dulang ke bisi ai enggau batu perunsut. Samoa pengabang ke niki nyepoh ka kaki sida magang ka dalam dulang nya leboh sida nyingkang ari pala tangga. Ba penama nya, orang ke empu rumah miau pala pengabang enggau manok kena masa sida, tang enda mega tiap iko pengabang dibiau.\\nAri kaki tangga nyentok ka pala tangga, ari punggang setak dikajang enggau pua kumbu lain samoa pengabang ngensurok nya samanjai ruai rumah nya. Bakanya mega pantar diredai pua kumbu samanjai rumah enti pengabang maioh, lalu penyandih mega diredai pua kumbu ka alai pengabang nyandih. Enti enda chukop pua sengapus rumah bulong ka semina pantar orang ke empu pengawa enggau sapintu dua ke ngapit ruai nya.\\nPengabang diwong enggau arak enggau tuak leboh sida dipejalai ka orang empu rumah niti ruai datai ka dua tiga iko indu enggau lelaki sereta nyua ka changkir arak tauka tuak ngagai siko. Lain samanjai-manjai rumah nya dua tiga ba sapintu orang ke nyua ka changkir tuak enggau arak. Kadang kadang mega bisi telaga di tengah rumah, reti nya pasu tauka tajau alai tuak enda tau enda di irup pengabang enggau takar mangkok ke besai.\\nLeboh diwong, pengabang enda tentu ulih nyeliah ngirup datai ka mutah, nya ngamah ka dinding enggau tempuan. Tang nya endang adat dikerindu ke orang empu rumah. Enti rumah orang nya panjai nyau berasai ngelu pala ngirup baru rumah apus. Ukai mudah-mudah pengerichah cnggau pengerami leboh maia pengabang baru niki, ngenjing nadai didinga utai kiba kanan laban pengerichah enggau umba munyi ngepan orang ka indu.\\nUdah apus ruai, nya baru badu nguwong pengabang, tang agi pengabang dipejalai ka niti panggau rumah abis kurang tiga kali besundang, dikenulu ka enggau gendang sereta bisi orang ngajat tauka mencha kena ngelagu pejalai sida. Kabuah alai ngasoh pengabang bejalai besundang niti rumah kena masa sida, agi mega enggai ka sida lebu ngena ngepan ngena utai manah awak ka samoa orang meda pemanah sida ngena ngepan. Udah chukop sundang niti rumah nya baru orang ke empu rumah lalu nudok ka samoa pengabang berengkah ari pantar orang ke empu pengawa ngagai enggi orang bukai datai ba penyukop iya alai samoa pengabang.\\nOrang ke tuai enggau orang ke belambar agi dudok ba pantar orang ke pun kereja lalu biak agi ngejang agi ga ari ruai nya, endang nitih ka ripih adat basa. Lalu bala pengabang indu samoa tama bilik indu ke diambi mega. Di bilik din pan baka gaya di ruai diredai ka pua kumbu enggau maioh macham utai bukai kena ngelagu bilik baka bungai keretas. Lelaki ngadu ka lelaki di ruai lalu indu empu rumah nya ngadu ka samoa pengabang indu di bilik. Tang semina indu ke diambi nadai di bilik nya laban endang adat iya belalai sebelah bilik orang bukai ti ngejang ari nya leboh maia pengabang ke ngambi iya baru datai.\\nUdah samoa pengabang terenah dudok nya baru orang ke empu rumah ngasoh sida pengabang ke tuai agi bedara. Lepas nya baru rneri ai basu kaki tauka ai aus, ukai ai amat tang tuak tauka arak. Udah pupus samoa pengabang diberi ngirup ai aus, nya baru orang empu rumah betanggong ka utai ari bilik, samoa macham utai di empa maia begawai mega, baka penganan, penyaran pulut letup enggau lauk babi, manok, chapi tauka kerebau nitih ka pemisi utai. Samoa utai nya disedia dalam chapak dalam mangkok atas tabak atas talam. Naka ulih orang ke empu rumah ngadu ka samoa utai nya di moa pengabang, bisi nanggong ari bilik, lain bisi mega ngator di ruai. Dia pengabang endang udah sedia dudok berintai nganti orang ke empu rumah tembu ngadu ka pemakai di tengah ruai.\\nBenda rumbang tuak endang udah sedia ditanchang ngelingi tiang ruai dikelingi mangkok tauka jalong takar, bisi besai, bisi mit. Lalu dia bisi jalong siti ke besai bendar kira umbas nangkup pala pemesai moa iya, lalu nya dikumbai indu jalong. Bisi mega empat lima iti jalong ke mit agi ngelingi iya, lalu nya dikumbai anak jalong, Orang ke tuai enggau orang ke belambar agi end a tau enda ngirup indu sereta enggau anak jalong nya nitih ka pematut ungkup iya. Orang ke diasoh megai takar endang orang ke teleba sereta berekat laban tuak lubah abis dipegai iya, kenu ko orang. Udah nya baru orang ke empu rumah nyambut pengabang nanya ka burong sida ngena jako karong panjai tauka jako pandak. Enti jako panjai tu munyi iya:\\nTabi manok sabong, Pengabang,\\nEnggau samoa orang katuai,\\nTi dudok ari atas.\\nAi buah tu aya-unggal apong beguyah\\nKa bebuah selampor tuai.\\nAi tangkai apong nyelelai\\nKa ngererai takusai bungai,\\nNya alai perenchit ka aku mimit\\nDalam chubit changkir bebungai,\\nLalu disua ka aku enggau tapa jari megai.\\nNya alai nyangka kita\\nBisi ditanya Pungga aya kitai,\\nBisi ditentang Puntang Medang\\nAri pengerang rapi umai,\\nNyangka apai Sebalu Jantau bisi ngangau\\nKa kita ari pulau rapi serarai,\\nNyangka Ketupong bisi ensirong raup Beragai,\\nBatang bisi melintang tengah jalai,\\nNya alai nyangka kita bisi betangga\\nKa berayang ke dikumbai kitai mata gansai.\\nNanya ka burong ngena ai tuak:\\nTabi samoa kita katuai dudok ari atas.\\nTu ai buah melanjan manjah\\nKa bebuah selampor mansau.\\nAi sempuli tanah nyadi,\\nDiberi Sempeti Api Raja Petara.\\nDipie dara tinggi dalam pendi periok temaga,\\nLalu disarap dara nelap enggau lipat kain kesumba,\\nLalu dituang Endun Kumang dalam balang jebul segala.\\nNya alai diatu diperenchit ka aku mimit\\nDalam chubit chawan bebunga,\\nLalu disua ka aku ngagai kita\\nEnggau tapa jari dua.\\nNya alai tu, nyangka kita\\nBisi ditanya aya kitai Pungga\\nAri temuda rapi pulau,\\nNyangka kita bisi ditentang Puntang Medang\\nLalu dikangau ka Apai Sebalu Jantau,\\nNyangka Ketupong bisi ensirong raup ensirau,\\nBatang bisi melintang tuntun atau.\\nNya alai tu nyangka kita ke betangga\\nKa isau ganjau dikumbai kitai nyabur panjai.\\nTuak tauka arak nya tadi lalu di irup orang ke nyaut. Iya nya endang udah dipadu ka dulu nyadi tukang saut. Tang orang ke nyaut leboh tu suah agi ngena jako pandak, kabuah pia enggai ka laun makai utai. Enti bisi burong samoa dipadah ka iya dia, lalu ari nya orang ke empu rumah berunding ka burong lalu ngiga berapa iko manok ti kena miau pengabang nitih ka baka burong. Enti bisi burong bisa, pengabang diasoh ngirup ai takar atas lesong kena nabar ka burong. Udah manok sedia orang ke diasoh miau pengabang bediri megai kaki manok lalu samoa orang maioh diau jenoh enda ragak mending ka leka biau iya. Tu munyi leka biau iya.\\nIya bediri nunga ngagai orang katuai lalu nabi sida ngena manok kunchit munyi tu:\\nSa, dua, tiga, empat, lima, enam, tu-u-u-joh!\\nHo—o—ha! Ho—o—o—ha! Ho-—o—o—-ha!\\nNya alai aku ke bediri chegit-chegit\\nNyingkang ka kaki,\\nNginsit ka tumbit,\\nMansa moa kita kemumok dudok bekempit,\\nNengah kelasah tikai lampit.\\nUkai aku rnai ati jai ati kudi,\\nTang mai ati gaga rindu gagit,\\nMiau kita enggau selanjau manok kunchit,\\nDiasoh orang ke empu kereja pun pengawa,\\nBebelah ka jeragang pinang sa-seit.\\nNya alai aku miau yang, miau semang,\\nAri belakang mulai ka tumbit.\\nNgambi ka yang ganggam kita\\nEnda mai ati tajam\\nBaka balan mata binit,\\nYang tinggi kita\\nEnda mai ati jai ngeransi ngenyit.\\nNya alai meda kita ka endang tuga tunggul bait,\\nEnti bumai enda kala alai\\nNgisi mengkabai tibang sengepit.\\nJari sapiak enggi kita teleba matak setawak,\\nJari chawit kita lanchat bulih duit.\\nEnti berumah kita aya endang teleba\\nNiri ka kah lamba bait,\\nPanggau kita enda kala pungkang\\nAnchau tikai lampit,\\nMalam enda kala padam dian lampu pichit.\\nNya alai tu aya, ukai biau ngapa biau pia aja,\\nTu ga nunda biau Apai Sabit Bekait\\nAka Bujang Beruang Langit\\nDikumbai kitai sapit Raja Petara.\\nIya bediri nunga ngagai orang katuai ti ngejang agi ari ka dulu tadi lalu nabi sida ngena manok tawai munyi tu:\\nNya alai aku ke bediri giai-giai\\nNyingkang ka bulang kaki bejalai,\\nMansa moa kita ti kemumok dudok berintai,\\nNengah kelasah anchau tikai.\\nUkai aku mai ati jai, ati kudi.\\nTang aku mai ati gaga rindu rimai,\\nMiau kita enggau selanjau manok tawai.\\nNya alai nasit tu bisi mimit\\nTuah mua pemesai.\\nBulu nyeregu balat amai,\\nDada bekaka iko kelabu panjai merundai.\\nNya alai kena aku miau yang,\\nMiau semang ari belakang mulai ka gundai.\\nEnda mai ati tajam baka balan mata bilai,\\nYang tinggi kita enda mai\\nAti kudi ngeransi besai.\\nNya alai laban meda kita\\nKa endang tuga tunggul tuai.\\nEnti berumah endang teleba\\nNiri ka kah teras ragai,\\nPanggau enda pungkang anchau lambar tikai,\\nMalam kita enda kala padam dian lampu kedai.\\nEnti bumai enda kala alai enda berasai\\nNgisi tibang sapengindang penoh engkabai.\\nMeda jari sapiak kita endang teleba\\nMatak setawak raban bebendai,\\nJari chawit kita teleba nyerepit duit ringgit bungai,\\nLalu bau kita teleba nyan kuntu bedil besai.\\nNya alai tu ukai biau ngapa, biau pia,\\nTu ga nunda biau Sempandai\\nPengaga samoa kitai Ka dikumbai kitai Allah Taala.\\nIya lalu bediri nunga ngagai orang katuai dudok ngejang agi ari ka dulu tadi lalu nabi sida ngena manok jelayan munyi tu:\\nAku ke bediri jendam-jendam\\nNyingkang enggau bulang kaki kanan,\\nMansa moa kita ti kemumok dudok betipan,\\nNengah kelasah tikai rutan.\\nUkai aku mai ati jai, ati kudi,\\nTang mai ati gaga rindu ka pangan.\\nLaban diasoh orang ke empu kereja\\nBebelah ka jeragang pinang kejekan.\\nAku miau kita enggau selanjau manok jelayan.\\nNya alai nasit tu bisi mimit nyelit kaki kanan,\\nBulu manah udu jelayan enseriban.\\nTu kena aku miau yang\\nMiau semang kita\\nAri belakang mulai ka pisan.\\nNgambi ka yang tinggi kita\\nEnda mai ati jai ngeransi kebawan,\\nYang ganggam kita enda mai ati tajam.\\nLaban meda kita\\nEndang tuga tunggul tebelian\\nDayak tuai bansa Iban.\\nEnti berumah kita endang teleba\\nNiri ka kah lamba tebelian.\\nPanggau enda kala pungkang\\nAnchau tikai pandan,\\nApi kita enda kala padam.\\nEnti bumai kita enda kala alai,\\nEnda berasai ngisi mengkabai\\nJari chawit endang teleba\\nNyerepit ciuit ringgit kujam,\\nBau kita teleba nyan Kelutu bedil meriam.\\nNya alal tu ukal biau ngapa biau pia,\\nTu ga nunda biau Inan Pantan Jagia Biku Bunsu Petara.\\nIya ke bediri lalu nunga sida ka agi biak lalu nabi sida enggau manok lia munyi tu:\\nAku ke bediri duga-duga\\nBejalai mansa kita kemumok dudok betunga,\\nNengah kelasah tikai anyam lima.\\nUkai aku mai ati jai\\nTang mai ati gaga rindu katawa,\\nMiau kita enggau selanjau manok lia\\nAri asoh orang ka tuai gawai empu pengawa.\\nNya alai aku miau yang, miau semang kita\\nAri belakang mulai ka pala.\\nBaka balan mata lungga,\\nEnda mai ati jai ngeransi nyida.\\nNya alai meda kita\\nKa agi biak apin bisi pengawa,\\nTang nyangka dudi hari ila,\\nPagila lusa kita tau nyadi tuai bansa kitai,\\nKepala bansa Dayak.\\nSekeda kita ke besekula pandai tinggi tangga.\\nLalu tau gawa ngintu kubu buka lima\\nSadepa delapan belas sirang.\\nNya naka biau aku,\\nNya alai sayat manok tu.\\nSamoa manok ke kena bebiau disayat lalu chabut empat lima lambar bulu sayap digelut enggau darah kena ngenselan samoa pengabang. Ba pengawa melah pinang genselan diendal ka ba tapa jari.\\nSereta udah genselan lalu keraroh munyi utai kiba kanan laban samoa pengabang belaboh makai utai nyamai ke lama udah ayan di moa sida. Nyau ujong makai utai, nya baru belaboh ngirup ai takar, Orang ka empu rumah matak pengabang, udah siko-siko ga nitih ka penuai umor ngagai endor ke betakar. Indu takar jalong samoa ngirup, tang anak bisi kena tiga bisi lima nitih ka pematut enggau penuai umor.\\nOrang ka anembiak bendar enda iboh ngirup anak, lalu dudi mega sida ngirup. Ukai mudah pengerami leboh maia ngirup takar ti kena niki, tikai dikelanit ka awak ka bisi alai orang mutah. Orang ka tuai ditulong bala anak, bala menantu iya, ke bediri ari belakang iya, sedia deka nyaup iya ngirup. Enti orang maioh menantu enggau anak suah tak baru ditumpil ka mulut iya ngagai mangkok takar lalu dipesambut ka kaban sida menantu anak iya ke bediri ari belakang. Balat pengerami leboh ngirup ai takar kena niki. Nya alai, sema ka kitai enti utai inggar ragak, ‘munyi ka betakar.’ Ngenjing riuh munyi utai setak-setak laban orang ngirup, lalu bisi mabok enggau ngelu pala, bisi mabak pemanggai ngusok tikai mega dia. Sekeda ke nakal enda mabok, masong orang ke mengkasak lalu ngintu sida enggai ka pedis, enggai ka utai orang rusak.\\nMaioh agi mabok rindu agi ati orang ka empu rumah, Pemakai enda nemu enda abis laban apin abis apin badu makai. Orang ke meri ngirup endang enda betagang, lalu orang ke ngirup nguji ka penan diri empu enda mabok. Orang ke tegar ngirup selalu muji diri, lalu orang bukai mega muji iya. Orang ke nyambut pengabang nadai betagang meri orang utai diempa enggau utai diempa datai ka pengabis utai, lebih agi tuak enggau arak. Sida malu enti ruai diri enda basah enda rami. Nya alai jako ke didinga kejang pengabang pulai munyi tu, ‘ngabis ka ai.’\\nNya alai adat Iban enda ulih disabaka ka enggau enggi orang bansa bukai dalam dunya tu ba makai enggau ngirup leboh maia gawai. Utai ke naka pemanah ko kitai, jai ko bansa bukai. Udah badu makai utai enggau ngirup ai takar ke kena niki, samoa teda utai enggau chapak mangkok ditanggong pulai kabilik lalu di kemas orang ka indu din magang. Bakanya mega bala pengabang indu di bilik pan udah tembu ditiki ka enggau naka pengerami sida sabuat.\\nLepas nya, sida ka biak agi di ruai, barang ke manchal agi, sereta ngelu pala numboh ka pemungah madah ka jari diri lekat lalu minta basu orang ka indu, orang ka dara. Sereta ninga nya, orang ka empu ruai lalu ngiga indu dara tauka bini orang lalu mai sida pansut minching sarang tuak tauka arak. Datai sida di ruai, bala sida ke lekat jari lalu manjong samoa gaga ati. Lelaki ka empu rumah mai indu lalu megai sarang tuak lalu ngisi ka ngagai gelas tauka changkir ti ba jari indu, lalu nyua ngagai sida, Enti sida lembau nyambut enggau jari lalu dibantil mega. Dia maioh macham jako bungah ngalah ka pangan awak ka ngirup. Ama mega ari penumboh nya lalu berengkah bepantun tauka besanggai, pia mega pengabang bukai setak-kasetak rami bukai, bungah begagai nganti maia makai asi.\\nEnda bengat lama udah nya, orang ka empu rumah betanggong asi ka ruai meri pengabang makai. Tang makai deka beguai mimit laban enggai ka suntok ngator pengerami bukai. Kadua pengabang maioh enda makai laban nyau ngelu pala, agi mega bedau kenyang laban baru udah ditiki. Badu makai, samoa utai ditanggong pulai ka bilik baru, alai iya lalu disikap sida ka indu. Pengabang indu mega makai di bilik sereta lelaki ke makai di ruai dibela bala indu ka empu rumah.\\nENDA LAMA udah badu makai, tembu nginsap enggau makai pinang bala pengabang belaboh ngator orang ke empu rumah dudok, laban deka bebalas ngintu tauka dikumbai niki ka sida, Samoa utai baka tuak, arak enggau utai bukai ti dibai pengabang diempuru, lalu disedia ka ba bilik orang ke empu pengawa. Udah utai sedia magang nya baru bala betanggong ka ruai baka ator orang ke udah ngintu sida dulu tadi. Tang pengingat aku ngintu orang empu rumah enda dibiau enggau manok baka ngintu pengabang. Enti hari nyau lemai orang beguai mimit enggai ka suntok alai ngator pengawa bukai. Enti menoa jauh lalu bala datai nyau malam, nya enda iboh disebut laban maioh agi pengawa ke patut dikelaung ka tegal suntok hari nadai alai ngerintai magang. Tang enti menoa jauh jarang rami besai laban orang enda tentu rajin enggau ngabang.\\nUdah utai sedia magang siko ari pengabang ti dikarap ka sida lalu bejako enggau orang ka empu rumah lain ngasoh sida makai utai. Udah nya baru ngasoh sida ngirup ai takar ti kena niki ka sida mega nitih ka ator niki ka pengabang. Tang selalu dipeda aku kurang agi pemaioh utai enggau pengerami ari gaya ti niki ka pengabang ti datai, tang enda tau enda nitih ka adat. Badu makai utai enggau ngirup takar, utai ditanggong pulai ka bilik baru, alai iya dikemas orang ka indu nganti maia mansut ka baru nitih ka ripih kereja udah nya.\\nUdah kemas niki ka orang empu rumah ditangkan ka nyibur tauka dikumbai masu orang. Reti tu ngiring bala orang ka indu, maioh agi sida ka dara ti bengepan bejalai niti rumah enggau gendang meri orang ngirup tuak tauka arak. Bala dikenulu ka orang ti ngajat tauka mencha enggau gendang ngenjing begagap, kenudi ka bala indu dara ti bengepan naka iya enggau lelaki mega beselat-selat. Indu minching gelas tauka changkir, lalu lelaki ti semak iya minching butol tuak tauka kendi sarang tuak. Datai ba tiap-tiap iko orang, lelaki nyalin ka ai tuak tauka arak ngagai changkir ti dipegai indu, lalu indu nyua ngagai orang ti diberi iya tiap-tiap iko. Orang dudok berintai-rmtai ari atas lalu enda tau enda ngirup datai ka sabarang naka ti ulih enti indu maioh. Barang ke lembau ngirup abis dipanjah orang ka indu datai ka sida ka lelaki nya abis basah.\\nTerubah orang ka empu rumah masu pengabang, udah nya baru pengabang malas masu orang ka empu rumah enggau bala indu sida. Tang enti hari suntok tau ga sereta begulai sakali. Ukai main pengerami leboh tu, ngenjing tumboh asai bulu lalu idup asai isi ninga gendang sereta enggau ngepan orang ka indu ngenjing bekasering sereta enggau katawa enggau panjong orang mega meransang enggau ngumba pangan diri. Lalu umba pengerami nya ke ngasoh orang enda nemu lembau ngirup datai ka pala ngelu, lebih agi orang ka bujang meda pemanah gamal enggau umba ngepan sida ka dara. Enti baka menoa jauh lalu lelaki enggau indu jarang tauka enda kala bepeda enggau pangan diri, pemulai nya lelaki bujang ngingat ka pemanah garnal indu, lalu enti ati udu keras enda ulih tat pemulai rami nya iya lalu ngundang indu nya. Lalu ari pengerami bakanya numboh ka jadi belaki bebini, nya meh pemanah iya. Udah serap samoa orang diberi ngirup, bala sida ka indu lalu mulai ka diri ka bilik ke alai diri empu diau.\\nLeboh badu nyibur hari nyau lemai, pengingat aku suah agi nyau udah petang bendar lalu api udah ditungkun magang. Leboh aku baru ingat menya lampu gantong dikena orang, udah nya nyau bisi lampu gas, tang apin maioh. Leboh maia perang Jipun taun 1941 nyau sampal bendar orang bisi lampu gas, lalu datai ka diatu nyau bisi dua tiga iti kemisi sapintu bilik. Nyau kamaia hari tu leboh bisi pengerami besai abis kurang tiga iti lampu gas dikena sapintu bilik siti di bilik besai, siti di bilik dapor, siti di ruai. Enti diri empu nadai chukop tau nginjau ngagai pangan di rumah bukai. Tang dulu kalia rebak sida aki enggau ini kitai apin bisi minyak gas enggau lampu nya alai kenu ko padah sida, leboh maia bisi pengerami tauka gawai sida ngena kelasau tauka dikumbai kitai dambar nya ditungkun ka sida ba bedilang. Tentu puas bendar sida nyaga enti bisi orang mengkasak mabok; rumah pan tentu nyau chelurn ga laban along enggau asap.\\nSereta udah badu nyibur tadi, dua tiga iko orang ka empu rumah endang udah dipadu ka dulu jaga jam maia makai lalu meresa pemansau enggau pengapin utai ti dipandok orang ka indu tiap-tiap pintu. Iya bejalai begerah ka orang ka indu ngasoh sida besungkit enti samoa utai udah mansau, Udah nya sida begerah ngasoh ngator\\nsamoa orang dudok bedijir sedia deka makai. Udah samoa orang dudok, nya baru betanggong utai ari bilik lalu diator naka pemanah, Enti utai udah sedia magang, samoa orang belaboh makai sereta magang. Apin makai, samoa pengabang dipedua dulu awak ka tiap-tiap pintu sama ampit pengabang diberi makai. Samoa lelaki makai cli ruai lalu indu makai di bilik. Indu ti empu rumah begiga ka indu pengabang sebelah bilik orang mai sida makai. Badu makai samoa teda pemakai enggau chapak mangkok ditanggong pulai ka bilik magang lalu disikap orang ka indu.\\nJAKO MELAH PINANG.\\nUDAH BADU makai, hari pan nyau udah lama lemai orang ka empu rumah begerah ngasoh orang maioh betugong ngagai ruai orang ka empu pengawa awak ka meda sereta ninga pengerami enggau jako orang ke melah pinang, laban nya endang pun pengawa sahari nya. Orang ke bungah ngirup enti enggai badu diasoh mindah ngagai ruai ti ngejang agi ari ruai ke alai melah pinang. Pi a mega enti bisi orang ka biak mencha, ngajat tauka betanda diasoh mindah ka punggang setak rumah enggai ka ragak semak nya. Tang enti rumah pandak tak asoh ngetu sakali sida ke begendang. Udah samoa orang sampal dudok magang enggau sida ka indu pan udah pansut dudok sama di ruai, penganan, penyaram, tuak enggau utai bukai ditanggong enggau talam enggau tabak pansut ka ruai dipangkang orang ke dudok, Orang ti dipadu ka bejako ngari ka ari lelaki dudok ari atas lalu iya ke dipadu ka ngari ka indu dudok nunga iya ari baroh mangkang tuak enggau arak.\\nMaia pan nyau chukop alai berengkah bejako lalu samoa orang maioh ngetu randau bukai. Iya ke ngari ka indu enggau orang ti. empu rumah dulu bejako nanya ka pejalai sida ke datai mai bala besai bakanya. Tang dulu orang siko ngansah iya enggau tuak tauka arak. Udah iya bejako nanya ka pejalai, ka kabuah sida datai, iya ngiri ka-tuak tauka arak dalam changkir kena ngansah awak ka iya ke bejako madah ka pejalai enda kakang mansut ka jako lalu enda mega malu. Ai tu dikumbai ai kena ngansah. Nya alai tu munyi sekeda leka ansah iya:\\nNya alai tu aya – unggal\\nAi telesai tu datai ari sungai\\nPandi indai Raja Petara.\\nDalam pendi periok temaga,\\nLalu disarap dara nelap\\nUdah nya lain dituang\\nLain perenchit ka aku mimit\\nDalam chubit chawan bebunga.\\nNya alai, dipeda tak lejah-lejah\\nNgensara ka moa kita\\nNgensara ka tugong bala.\\nNya alai tu ko aku\\nAi keduka ayam raja,\\nEndang lumor satu pemadu bisa,\\nNya alai tu ga endang teleba kena aku\\nNgansah terinting puting dabong saleka\\nEnggi Keling seduai Laja.\\nTang ke lemai tu kena aku\\nNgansah terinting puting dabong saleka,\\nEnggi nuan aya – unggal,\\nNgambi ka nuan bejako Inggar didinga nusoi rita,\\nAwak ka munyi geruda\\nIrup meh tu, aya – unggal.\\nIya lalu ngirupai ansah nya. Orang maioh lalu nempap ka jari gaga ati lalu meransang iya.\\nEnda lama udah nya, iya ke baru udah ngirup nya tadi bejako ngari ka lelaki lalu nyaut. Tang tuak tauka arak dulu disalin ka iya dalam changkir kena iya malas meri iya ke baru udah bejako tadi ba pengabis genteran jako saut iya lagi. Nya alai kira ka munyi tu jako iya belaboh dulu:\\nNya alai nyerumba buli\\nKa cheli-cheli tumboh lemai,\\nKami bisi datai ditu\\nNganjong telinsu langgu buah binjai.\\nNya alai di engkah kami di kelasah\\nAnchau tikai enda sengapa alai.\\nLalu disua ka kami ngagai kita\\nKemumok dudok berintai tengah ruai,\\nLalu disambut kita enggau kukut,\\nTerima enggau tapa jari megai.\\nNya alai lalu ditaroh kita tegoh-tegoh\\nEnda sengapa alai.\\nNya meh ka sengkeram jako kitai\\nNgasoh kami datai\\nMai bala nitih ka semaia.\\nNya alai nyerumba buli ka cheli-cheli,\\nBisi kami datai ditu suba\\nNganjong telinsu langgu buah kemantan.\\nDibai kami ari batang Seblak tebing kanan.\\nDatai kami ditu lalu disua ngagai kita\\nKe kemumok dudok betipan\\nPenoh ruai datai di tempuan.\\nUdah nya, lalu disambut kita\\nEnggau kukut jari kanan.\\nTaroh tegoh-tegoh simpan dalam tepayan.\\nNya alai nya meh ka sengkeram jako kitai\\nAlai kami ke datai saharitu,\\nMai bala sampal enggau anak\\nNebah setawak nerantang ka gendang.\\nDeka besulu ka resu garu melitan,\\nDeka begulai ka peratai bungai tanam,\\nNyemaka ka lunda jayau Kedayan.\\nNya alai pagila deka dibai kami pulai\\nKa batang Seblak tebing kanan.\\nDatai din ila dibiau kami\\nEnggau selanjau manok jelayan,\\nDigayang ka kami belalang babi dupan.\\nDeka begulai ka peratai bungai beta,\\nDeka nyemaka ka lunda minyak lala,\\nDeka besulu ka resu garu baga.\\nNya alai pagila dibai kami pulai\\nKa batang Seblak tebing kiba.\\nDatai din ila digayang ka kami\\nBabi belalang mesai pala,\\nLalu dibiau enggau selanjau manok lia.\\nUdah nya baru iya ka ngari ka orang ke empu rumah bejako baru, lalu disaut siko, udah siko saut siko seduai belaban ngena jako karong panjai. Orang maioh tak mending ka seduai. Enti pangan bukai bisi nemu tau mega nyaup pangan bejako. Enti lelaki nguai lain agi jalai jako, lalu lain mega enti iya matak indu nguai. Nya alai, nyau ka pengujong jako seduai nya, baru iya ke ngari ka lelaki bejako ngiring adat belaki bebini ari kalia menya ti ditampong kitai turun menurun datai ka kamaia hari tu. Ditu aku semina nusoi pun jako kena ngiring adat, ngujong ka iya nya penau diri empu ngerintai nitih ka aki ini diri empu. Dalam jako ngiring adat samoa pengudi orang katuai dulu kalia ti dikingat ka kitai diatu disebut magang.\\nKabuah alai sida kalia bisi pengudi kenu ko cherita tuai laban sida apin nemu adat belaki bebini, Nya alai tu munyi pun jako iya ngiring adat:\\nDeka nyimpong semambu ngandong\\nTumboh di perabong rumah raya,\\nSengkilong tedong ular naga.\\nNya alai pala tak kunda-kunda\\nNyua ka jangka tampok adat.\\nNya alai nampong kenang burong achang\\nBungkok belakang ngeruang dada.\\nNampong jako burong apu\\nKa dulu meda menoa.\\nNampong telah burong idah\\nSiti dilah tiga lubang nyawa.\\nNya alai nampong adat aki kitai\\nRekaya Lengidi ka buyan\\nTakut mati parai betu\\nMangkang tisi antara menoa.\\nNampong adat aki kitai Kumbang Marau\\nPengirau danau lepong Majang,\\nPenebang batang alu penguji,\\nEntak ka tanah dalam tujoh,\\nSagu ka langit tinggi sapuloh.\\nKe benama Rekaya Limping\\nBerumah di tuchong\\nMenyaing Bukit Banting.\\nUdah nya beripih-ripih nyentok ka datai ba tuai menoa ti alai melah pinang.\\nABIS JAKO panjai, nya baru tampong betusut. Betusut enda tau enda awak ka nemu penyauh enggau penyemak seduai ka jadi, sakali ka bisi bebelit tauka nadai. Enti sema bisi bebelit dia orang katuai ngadu ka enggau adat kena muai pemali. Enti seduai ka jadi nya endang ditemu ukai orang bukai enggau pangan, lalu enda bebelit nadai tentu guna betusut dalam, tang semina nusut ari ni iya serara awak ka orang maioh nemu penyauh enggau penyemak seduai. Enti sema orang jadi enggau petunggal diri menyadi orang nadai nyebut betusut.\\nTusut dalam maioh penatai, tang samoa pun ari antu magang, baka ari Sengalang Burong, ari Kumpang Bedarah, ari Beji enggau ari maioh pun bukai. Tang ditu aku deka nusoi tusut ari Sengalang Burong ari pun ngagai tuboh Beti. Ari Beti ngujong ka ngagai aki ini kitai empu.\\nAbu datai ari munggu tinggang guntur beranak ka Nising datai ari perenching pandang lambor. Nising beranak ka Bedali bejulok tiang balang besegi sarat muat balang bedabong bebini ngambi Antok Nyinok Langgong Tibilong, Dayang Kumang gasing merengong beranak ka Beda’am ngembuan perugan danan gelong ka bengkong bebini ngambi Jawai Mupong bepadong tujoh ringkat, Mau ka tinjau bekabelap beranak ka Beda’ang bejulok api mandang sundang surong, bebini ngambi Dara Saur pengukor mata isau pengundor bala nyerang beranak ka Aki Lang Sengalang Burong, Aki Jugu Menaul Tuntong bebini ngambi Indai Kechendai bepantak jerak, Dara Entaba balun kupak. Tang iya tabin bebirin enda pengerai, sakit lengit enda nvamai, pedera renga nadai asai. Dipesaut ka Manang Likup, dipelian ka Jaban, dipetawai ka Gendai, mindah nama disebut orang Endu Sudan Berinjan Bungkong, Endu Diu Tiong Menyalong beranak ka Dara Tinchin Temaga, Endu Cherebok Mangkok China belaki diambi Menggin beranak ka Sera Gunting bebini ngambi Seri Ngiang beranak ka Sera Kempat bebini ngambi Ranjau beranak ka Ridoh datai ari buloh bauh rejang belambang belaki di ambi Bada beranak ka Gupi anak umbong, belaki diambi Belang Pinggang Antu Gerasi, beranak ka Geraman bebini ngambi Tebari beranak ka Chundau bebini ngambi Beragai beranak ka Beti digelar Bujang Berauh Ngumbang bebini ngambi Duri beranak ka Talak. Beti tujoh kali bebini, tujoh kali balu.\\nLalu Beti ke diajar Puntang Raga enda agi ngasoh mantang orang ke beleman salah serak. Ari ajar Puntang Raga tu nya kabuah Beti enda nyadi mantang Abang ke deka jadi salah serak enggau Dayang Tali Bunga.\\nNaka tu tusut tusoi aku lalu ari tu iya mechah kia-kia nabor sebelah menoa. Tusut beserara laban orang kalia baka kitai ke diatu maioh diri menyadi. Nya alai orang ti nemu tusut nyamai bendar nemu kaban diri. Asai sepi aku, patut samoa kitai ngajar anak-uchu kitai betusut, enda iboh tusut dalam, amat ga nemu nusun aki ini diri empu ngagai empat lima serak. Enti orang ke biak enda diajar nama aki enggau ini ti ngada ka apai enggau indai pan enda ga sida nemu. Lebih agi anak kitai ti diau di nengeri lalu begulai enggau bansa bukai. Indah jako diri empu deh enda tentu terus agi disebut sekeda ti udah dipeda aku empu. Umbas aku ngenang pemanah betusut, nya alai diatu kitai pulai baru ngagai pengerami melah pinang.\\nUDAH ORANG tembu betusut, enti bisi salah, bisi bebelit lalu diadu enggau adat awak ka nadai agi pemali. Enti sema ukum penyalah bisi pulai ngagai ukum duit, lalu dipedua samoa orang katuai dia ti ngator, tang enti mimit aja bebelit semina lungga bebelit aja dipinta ngagai iya ti melit. Udah nya baru apai indai indu tauka orang ti dikarap ka iya bejako madah ka adat diri empu baka derian enggau bunga pinang. Enti apai indai lelaki nerima adat nya nitih ka pinta apai indai indu, sida lalu nyua ka samoa utai nya dia. Udah nya baru ari lelaki malas madah ka pemesai adat aki ini diri, baka penudok penyandih enggau utai bukai enti bisi. Lalu apai indai indu mega nyua ka samoa adat ti dipinta enti sida nerima. Enti adat indu enggau lelaki enda dipadah ka dulu, melah pinang apin tau dipenyadi. Iya tau numboh ka pengachau enggau laya.\\nLepas nya, baru ngator melah pinang. Terubah milih indu siko enggau lelaki siko ti endang pemulih utai, chukop penuai, maioh anak sereta ripih seduai pan ngena, reti nya pangkat unggal. Udah mutus ka berapa sirap pinang enggi lelaki enggau enggi indu, nya baru seduai tama ka bilik lalu miring dia.\\nPiring nya tadi disimpan begulai dalam selok bebuah dibelit enggau lampit enggau sengkiling laban endang asal bansa Iban keran ka anak tuai nya indu. Nya kabuah ngelagu selok nya nitih ka pekayan indu. Udah chukop adu baka pendiau anak mit dipeda, lalu disandik indu ti dipilih tadi enggau pua kumbu tauka belantan lalu begadai pansut ka ruai. Lelaki tangkup iya tadi udah nganti dudok ba tengah bala di ruai sedia deka nyambut anak nya. Leboh nya indu pansut nyandik selok ka ruai dia iya ngelulu ka diri nyabak munyi anak mit ti baru ada, lalu ditimang iya mega. Indu bukai mega bisi nulong iya ngaga diri nyabak munyi anak mit. Lalu samoa orang maioh begau katawa geli ati ka iya dipeda tak bendar gaya. Datai di ruai anak nya lalu disambut apai iya lelaki ti udah dipadu ka tadi. Apai iya lalu naka penau ngelulu ka diri lalu betimang awak ka orang rami katawa. Udah nya anak nya tadi lalu dikujok enggau pua kumbu di tengah ruai.\\nRipih pengawa udah nya, orang ngiga orang ke landik nimang diasoh nindok enggau ngerak anak nya tadi. Udah bulih orang ti diasoh nimang, samoa pengabang maioh jenoh enda inggar mending ka pemanah nyawa enggau leka timang. lya ke nimang nya dudok nunga kujok anak nya. Munyi tu leka timang iya:\\nNINDOK KA ANAK .\\nNyerumba linda sabong malam,\\nNyerumba petang penyarang\\nPasang gitang lampu dian.\\nNaka pengelembau aku ngangau\\nKa tempalau dabong lancham.\\nNaka pemalu tudah aku\\nDi lempedu kandang dalam.\\nLaban penemu enggi aku\\nNadai temu tuku kiba kanan.\\nAgi ga nyawa aku nadai didinga\\nEnda nyaris nekis inggar daderam.\\nTang semadi tu ukai lambu aku\\nNgelulu ka sida sanu ibu uman.\\nUkai jawang aku nimang\\nSulu timang ambai dalam.\\nTang semadi gumi aku\\nDiasoh sida ke empu pengerami\\nDiasoh jayok nindok ka selok\\nKa bebuah ngambi gambar miga dudok\\nKa belingkok ngelong besimpan.\\nSemadi lumbi aku diasoh kita\\nNindok ka selok ka bebuah manah nyelai,\\nNgambi gambar reni baya ngereman.\\nNya alai ditindok ka aku\\nNunda orang nindok Ka\\nEndu Kumang Subang Betandok,\\nEndu Achin Cheremin burit mangkok\\nAmbai Beragai Bini Tuchok\\nDatai ari puchok raba narok,\\nJalai Laja nampok\\nBulih tandok Telanjing burok\\nNunda orang nindok\\nKa Endu Buku Kandong\\nSemambu buntat gamala,\\nEndu Kumang Kajang menoa\\nBini Bujang Sempulang Gana,\\nAntu kelalu raja ke anda\\nBalat jedian kejekan.\\nNya alai gali galai\\nNuan selantang anak tuai\\nDi tikai janit anyam,\\nDikujok enggau pelepok\\nBebungkor ka jadam,\\nBepanggal ka intan\\nDikumbai uman lambu gasan,\\nBula limpan tekang la-gempanang wai….\\nDani nuan sendia anak seridi,\\nKa gali galai di tikai anyam diri,\\nBebungkor enggau menyetor\\nSerayong indai Mendong\\nEnggau tajong batik betawi.\\nEnggau punggang bali menyeti,\\nKemilai sida indai di kerigai rusok tisi.\\nNya alai digela sida mengua karong beridi,\\nNgagai anak kunchit kemali,\\nMandi pentali panchor ulak bebuli.\\nTang enti tinda nuan deh endun dara\\nNyau udah jementa dara mereti,\\nPandai di chunggai ujong jari,\\nGawa nadai saga enda betanya\\nNgagai sida mengua karong beridi.\\nPanau belakang nuan endun Kumang\\nNyau udah terang\\nMandang bujang anak lelaki.\\nNya alai nuan digela sida\\nMengua karong beridi\\nNgagai sumbu lampu api\\nKe pegari tampak terang.\\nNya alai enti tinda nuan\\nNyau udah jementa dara memetat.\\nPanau isi beranti pati pusat,\\nPanau bangi sajari nadai rarat.\\nPandai nuan di chunggai tunjok empat,\\nGawa enda saga nadai betanya\\nNgagai sida mengua karong menyimat.\\nNya alai digela sida mengua karong menyimat\\nNgagai jerumat jarum kawat\\nTak rejat-rejat nancham lipat ara tajong.\\nNya alai, enti tinda nuan\\nDeh kau lantang anak sendia\\nNyau udah jementa dara lempong.\\nPandai di chunggai ujong kudong,\\nBisa di penyura nyawa ujong dabong.\\nGawa pan nuan nadai saga\\nEnda betanya ngagai sida\\nMengua karong kerubong.\\nNya alai nuan disabaka ka orang\\nEnggau bini Linggir benama Anong,\\nBini Bayang Indai Tiong\\nPandai di chunggai jari ujong.\\nLandik ngama ai lia\\nDi pala dulang midong,\\nLandik nyagam ai garam\\nBengaran ka delapan buloh laung.\\nNya alai samoa kita digela ka orang\\nNgagai jenuar kapal lambong\\nMunyi sayap burong\\nNya alai agi ga kita disema ka orang\\nNgagai menyanggit bukit Santubong,\\nKaki alun gigi gumbang besabong,\\nAri sapiak gulu karak batu anggong.\\nPunggang setak tumboh kara jemera riong,\\nPunggang setak tumboh bunga ketula raung\\nDi inang Kumang seduai Lulong,\\nIndu sida di Liu Nyatu Padi.\\nDiambi ka dujong,\\nKo aku — lah — sanggul lintang — wai.\\nO-o-o-wai —— ah.\\nNaka penyuma aku nelenga\\nKa rasa dabong gigi.\\nNyerumba linda lemai hari,\\nTang ukai jawang aku\\nKa nimang sulu tunang ambai ati.\\nUkai lambu aku ngelulu\\nKa sida sanu ibu kedi.\\nTang semadi tinda aku\\nUdah alah asoh sida ke empu kereja\\nBebelah ka jeragang pinang penguji.\\nNya alai seit pinang kunchit\\nAlit di burit lega di ati,\\nLeka pinang segala dibelah dara Jata\\nDi baroh singka miga ngeledi.\\nKumang ka tebilang tambun puji,\\nLalu disimpan sida ibu uman\\nDalam jelanan tanggam demam resam ransi.\\nUdah nya baru tembai bejalai pansut ka ruai\\nNgiga apai tangkai mengadi.\\nLalu besangin indai mempulu lilin\\nMunyi Baketan palin ngua lilin madu rari,\\nLalu muchau indai burong bangau\\nMunyi Melanau nimbau tukau tanjong Keladi.\\nOh! Ni kita deh Sapungga, Sapuntang Medang\\nKe udah ngundang aku di simbang papan paji,\\nEnda ninga kita anak tua endun dara\\nNebah nyawa nyabak berai.\\nOh! Nama kabuah enda ninga deh indai dara,\\nUji surong kitu deh indai endu bini kami.\\nTak lalu disua ka indai puna bangka\\nLantang anak randa enggau tapa jari beresi,\\nLalu sambut apai sempidan bangkut\\nEnggau kukut ujong jari.\\nLalu betimang apai Kumang\\nAdu-adu kemah ko iya,\\nAnak aku tak lalendu\\nBaka lamba batang kayu peru\\nTumboh di ulu Seblak menchegi.\\nLinga-linga kera lantang anak randa\\nBaka lamba batang kayu kara\\nKe tumboh di ulu dia\\nPumpong sadepa rarah jelenga\\nPangka ka bua pusin bebuli.\\nMelan-melan salantang anak pinan\\nBaka lamba batang kayu tekam\\nTundan delapan semilan begulor tali.\\nLenggi-lenggi anak diri indah enda baka\\nLamba batang kayu tuwi\\nKe tumboh menoa ili ngerapi madang papi,\\nKemah ko timang sida menimang karong beridi.\\nNya alai, diatu deh Endun Dara\\nKe agi meraya nebah nyawa nyabak berai,\\nTang enti tinda iya\\nNyau udah jementa dara mereti.\\nNyau udah tinggi di lepi sanggul diri,\\nPandai di chunggai ujong jari.\\nUkai enda iya digela kitai\\nKaban mengua karong beridi\\nNgagai anak pekaban\\nIkan enseriban padi,\\nKe begamal lanji-lanji\\nBetanjak di kaki\\nWai —— ii.\\nBERISAN ENGGAU BUNGAH.\\nSERETA UDAH badu nimang anak samoa orang lalu richah laban berisan, ngirup enggau makai utai ti endang udah lama ayan. Samoa sida ke pangkat apai indai, pangkat aya enggau ibu seduai ke dibelah ka pinang lalu begempuru dudok belaban berisan, Bebalas-balas sida meri pangan ngirup, beripih samoa kaban lelaki ngelaban kaban indu. Balat bendar pengerami, nambah ka sida ke berisan samoa orang bukai numboh ka pemungah ngirup enggau pengerami bukai baka mencha enggau ngajat. Sekeda pengabang barang ke bisi mai ai tuak tauka arak ngambi utai nya kena sida bebalas meri orang ka empu rumah. Laban pengerami balat, nya ngasoh orang enda berasai ngelu pala lalu mabok. Enti pala udah ngelu, barang ke bisi mantai ka ubat enda mabok, lalu meri pangan ke nadai. Barang orang ti gali diangkat ka lalu beri ngirup. Sekeda bala ke mabok di intu kaban iya enggai ka pedis. Barang ke minta indu enggau minta bungai diasoh enggau diperansang orang ka empu rumah. Enti leboh orang balat bungah begagai, suah mega peda aku orang ka empu rumah, empu ruai ngulu ka pengabang mabak pemanggai enggau dinding iya empu ukai enggau ati pedis, tang empa pemalat rindu ati. Tang nyau kamaia hari tu jarang bendar bungah kasar bakanya laban rumah nyau udah kukoh udah tegoh, rumah papan rumah tebelian lalu jarang bisi pemanggai ulih babak. Nya alai orang rebak biak diatu, laban enda teleba tauka enda kala meda bungah bansa nya jampat deka pedis ati lalu belaya leboh sida meda pemungah baka gaya kera dipeda sida.\\nSiti ari pemaioh macham pemungah ti enda agi dikena kamaia hari tu iya nya ngetas pintu. Bala orang bejalai niti rumah beketas ka pintu. Udah sida ngetas pintu, sida dudok ba tempuan nganti orang ke empu bilik meri sida arak tauka tuak enggau penganan. Lalu siti agi jarang mega iya nya manjok. Pengabang nan panjok di moa pintu lalu orang ka empu bilik meri tuak enggau arak enggau manok nya ke disintak panjok sida. Barang ke enda nakal ngirup sigi lembau enggau orang bungah macham tu enggai ka mabok.\\nNGIRUP KUPI ENGGAU MAKAI ASI.\\nUDAH JAM chukop maia ngirup kupi, orang ti jaga jam lalu begerah ngasoh orang betanggong enti utai udah sedia. Samoa pengabang diator dudok lalu orang ke bungah diasoh ngetu. Tang bisi mega sekeda ti enda ulih asoh ngetu majak bebuti enggau tuak laban pala nyau ngelu. Kitai nemu enti pala nyau udah ngelu tentu enda ngasi ka rara orang. Udah utai ditanggong ka ruai samoa pengabang lalu ngirup magang. Bala orang ka indu ngirup kupi makai roti mega di bilik. Udah orang badu, samoa utai ditanggong pulai ka bilik magang. Enda lama takah udah nya orang belaboh baru bungah, birup ka tuak enggau arak, pia mega orang ke ngajat, mencha tauka bepantun belaboh baru.\\nOrang ti jaga jam maia makai lalu bejalai tama tiap-tiap pintu ngerah orang ka indu berapi. Kira pengumbas iya pengelama udah nya sida bejalai baru meresa pemansau utai ti dipandok. Enti samoa udah mansau, nya baru sida begerah ngasoh orang ka indu besungkit. Udah nya baru orang ka lelaki betanggong baru ka ruai, hari pan nyau ka tawas maia nya. Samoa orang ke ngirup enggau main bukai diasoh ngetu magang enggai ka enda makai. Udah samoa pengabang diator dudok baka ke udah, lalu pemakai pan udah ga chukop ator, nya baru ngasoh pengabang makai belubah-iubah. Badu makai samoa utai ditanggong pulai ka bilik. Samoa pengabang makai naka pengenyang enggai ka pulai lapar.\\nBadu makai belaboh baru ngirup ngabis ka ai, Samoa ai dibantai ka magang awak ka pengabang ngabis ka ai. Maioh bendar ruai alai orang nudok ka takar, bisi mit bisi besai takar, pia mega asai ai bisi nyamai bisi enda nadai sabaka. Ukai main pengerami leboh orang betakar ngabis ka ai tuak.\\nNya alai sema jako kitai munyi ke “ngabis ka ai” tauka “ngalah ka takar” enti orang ragak.\\nOrang ke empu rumah naka ulih meransang pengabang ngirup awak ka sida mabok lalu enda ulih pulai. Enti orang mabok gaga bendar ati orang empu rumah. Tang pengabang mega naka ulih nguji ka ubat enda mabok barang ke bisi. Enti hari nyau tawas lalu ai agi maioh, suah dipelintang ka orang empu rumah alu ba pala tangga enggai ka pengabang pulai.\\nNYAU TAWAS hari, samoa pengabang besikap enggau ati gaga mulai ka diri mai indu. Sida ka biak begendang niti rumah ari setak ka setak ngerah samoa pengabang bebai pulai lalu ngansak sida ka indu beradu masok ka ngepan. Sapagi-pagi nya indu ke diambi enggau indu pengabang ke be ngepan beradu magang. Udah samoa sida tembu lalu dipejalai ka niti rumah dua tiga kali besundang enggau gendang awak ka samoa orang meda pemanah gamal sida enggau pemanah ngepan. Badu bejalai niti rumah lalu nurun ka tanah begadai-gadai nitih ka pangkong gendang. Samoa pengabang pulai magang enggau ati gaga ati rindu mai indu enggau panjong enggau katawa. Barang pangan ti agi mabok di ma pangan iya, lalu sabarang ke ngelu pala ngirit diri di iring pangan, ama rebah ama terap. Nya ti ngerami bala serantu jalai.\\nEnda jauh udah ngejang ka rumah bala ngetu awak ka indu ke bengepan muka ngepan sida lalu begari ngena gari kena bejalai. Tang enti merau ngepan indu enda dibuka nyentok ka datai ba pengkalan rumah lelaki. Udah tembu bebuka ka ngepan bala mupok bejalai begadai-gadai datai ka pengumbas iya alai ngetu belelak tauka merarau. Sida ke begendang nadai ngetu udah siko-siko besilih-silih nebah gendang. Nyau datai ba semak rumah tauka ba pemandi tauka pengkalan, dia bala ngetu magang mandi enggau begari ngena gari manah. Orang ke enda enggau tinggal di rumah endang udah sedia nganti bala datai. Rumah udah disikap sida kenyau ari pagi hari nya. Tempuan, ruai, pantar enggau bilik dianchau ka tikai magang lalu tempuan dikajang pua kumbu magang samanjai rumah. Pia mega bilik, endang udah dipadu ka alai indu tama dulu enggau bilik laki iya udah mega dilagu sereta dianchau pua kumbu naka pemanah. Dulang enggau batu pengunsut udah disedia ka ba pala tangga enggau babi ke digayang kena bala niki udah garing-garing ba kaki tangga.\\nBadu mandi samoa orang beradu sedia deka niki, samoa ngepan dipasok ka baru. Orang ke beradu besak ati laban gendang bala sida timbal gendang bala ke nganti di rumah. Tembu beradu bala lalu bejalai belubah-lubah nitih ka gendang, kenulu ka orang ka tuai betangkan-tangkan nitih ka penuai. Datai ba kaki tangga lalu apai indai indu tauka barang orang bukai ti patut enggau ari rumah indu lalu diasoh ngayang babi ke lama udah garing-garing dia.\\nUdah babi mati, nya baru bala niki tang enda diwong baka niki ba rumah indu, semina dipejalai ka besundang niti rumah awak ka orang maioh meda indu ti diambi enggau indu bukai mega ti bengepan. Chukop sundang dua tiga kali indu lalu dibai tama ba bilik orang bukai dulu ti endang udah disedia ka orang alai iya tama.\\nNyau kalama, udah ngirup indah ba bilik nya, bala indu lalu mai iya ngagai bilik laki iya. Indu ti diambi endang selalu dipeda malu moa iya, tang ati iya di dalam enda kitai nemu. Udah dudok udah indah, nya baru iya muka ngepan iya lalu begari ngena kain baju ke manah.\\nEndang sigi adat leboh indu baru datai ba rumah laki iya, iya dibai tama bilik orang bukai dulu. Bakanya mega endang sigi adat, lelaki ti empu bini di ambi enda tau di rumah leboh bini iya niki, tang belalai sebelah babas tauka ba langkau ti semak rumah nya, Kabuah alai pia, orang ka tuai nadai madah ka kabuah enggau pemali.\\nNyau udah malam hari nya baru lelaki nya datai niki ka rumah ngena gari naka pemanah ti kemisi iya. Udah hari nyau petang, orang ka indu di bilik nyerungkai sarang gari indu lalu ngeredai samoa iya dalam bilik awak ka orang samoa meda laban tu endang sigi adat.\\nLemai nya samoa orang ka lelaki makai di ruai lalu indu makai di bilik. Nya tanggong orang ti empu kereja. Udah babi ti kena orang niki tadi tembu bela, asi pan udah ga mansau orang lalu bekumbai makai. Samoa orang dudok di ruai lalu asi enggau lauk ditanggong ka ruai, lalu chapak mangkok disadong nyelinting tuboh. Diatu samoa orang makai majak ka diri. Badu makai enti bisi agi ai tuak enggau arak lalu belaboh ngirup. Pengerami pulai ngambi indu nitih ka pemisi utai enggau peneka orang ti pun pengawa.\\nUDAH BADU makai lemai kira jam pukol semilan tauka pukol sapuloh, indu ti diambi enggau dua tiga iko indu ke empu rumah beradu masok ka ngepan laban sedia deka bebiau. Pia mega lelaki ti empu bini enggau dua tiga iko orang ka bujang beradu ngerias diri. Udah sida sama tembu orang lalu ngumbai lelaki tama ka bilik. Lelaki tama enggau sida ti ngulu ka iya, lalu samoa sida enggau indu mega dudok atas satawak ti dibap enggau pua kumbu genap tuboh sida. Tau mega dudok atas kerusi dibungkor pua kumbu enti bisi kerusi chukop tuboh sida. Dia sida dudok betunga moa tauka berimbai-rimbai nitih ka ator orang ti ngator sida. Malu bendar moa indu dipeda, ama mirah, ama puchat gamal moa iya dipeda, lelaki pan pia mega. Orang maioh bendar ngenjing penoh bilik, sekeda nilik ari sadau lalu sekeda bediri ari ruai enggau nyengok ari lubang penyengok ti ngimbai bilik nyau berebut deka meda. Enti rumah enda tegap tentu enda tan laban pemaioh orang. Dia orang rami bendar, barang ke bungah, bungah, barang ke katawa, katawa, sama gaga ati.\\nEnda lama udah nya orang ke diasoh miau seduai lalu datai. Orang lalu nyua ka manok ti kena bebiau ngagai iya lalu digerempong ka iya kaki manok nya. Udah nya iya lalu bediri nyebut leka biau, orang maioh diau jenoh enda ragak mending ka leka biau, Nya alai pun biau iya munyi pun biau bukai mega, ari:\\nSa, dua, tiga, empat,\\nLima, enam, tu-u-u-joh!\\nAku ngangau ka Petara Aki,\\nPetara Ini, Petara Apai, Petara Indai,\\nSempandai ke ngaga kitai.\\nMinta tulong minta sukong,\\nMinta tela minta peda,\\nMinta iching minta perening.\\nAwak ka bekebong baka langit,\\nBetuchong baka bukit.\\nBepunchak baka jala,\\nBetuchong baka Lingga.\\nBulih mudah, bulih gerah.\\nBaka tebu lulong tambak,\\nBaka pisang lulong anak.\\nGerai nyamai, gayu guru,\\nNadai apa ko Petara.\\nPengabis leka biau manok lalu disayat, orang pan lalu begau nempap ka jari gaga ati. Udah nya darah manok tadi lalu kena ngenselan seduai melaki bini. Lepas nya orang ngirup, bungah enggau makai utai naka pemisi utai dia. Lelaki ti dibiau tadi pansut ka ruai lalu indu mengkang diau di bilik nya mega. Nyau jauh malarn orang sarumah nya pulai tindok ngagai bilik diri empu magang nat ka pengelelak ulih dua hari ke udah. Tang lelaki ke bebini apin patut tindok ka bilik begulai enggau bini iya malam nya.\\nTIGA MALAM ka empat hari indu udah datai ba rumah lelaki alai seduai melaki bini nurun nyundang pinang ngagai rumah indu. Bisi siko dua orang ke bujang ngulu ka seduai lalu nulong mai gari, penganan tauka utai bukai ke temu orang ti ngulu penatai seduai di rumah indu. Taja pan timpoh endang tiga malam alai nyundang pinang, enti enda lantang jai mimpi, bisi ninga burong jai tauka ninga orang bisi parai, apin ga nyadi sahari nya, tang nganti hari bukai ke lantang. Enti bisi orang parai didinga rita sekumbang apin nemuai, nya enda manah. Tang udah nya seduai tau belega enda begulai sabulan clua. Pia mega enti bisi mimpi enggau burong jai dalam kandang pemali, seduai diasoh belega dulu tauka asoh empa orang ke sigi tau makai burong, makai mimpi awak ka nadai apa-nama. Pia mega enti sema burong tauka mimpi balat jai diabas enggau atau babi kena nyenaga iya. Enti atau babi jai seduai enda tau jadi. Tang utai ke bakatu jarang bendar nyadi laban enti burong balat jai datai ka dua tiga iko orang di asoh makai awak ka tabar lalu enda nganu.\\nTang tau mega nyadi enti lelaki tauka indu madah ka diri bisi mimpi jai ditempa ka ngapa laban enggai jadi tang takut betimbang. Tang utai bakanya mar bendar kitai nyagam. Nyangka laban endang enda tentu deka ka pangan, tang laban alah pejal apai indai.\\nTu pulai ngagai penurun seduai ke mansang nyundang pinang baru. Serantu jalai sida bejalai mending lalu berati ka burong. Enti lelaki endang nemu burong sida manah, iya enggai nusoi ngagai orang bukai laban endang temu iya manah enggai ka kabau. Leboh datai di rumah sida niki baka temuai bukai mega. Udah begari udah dudok indah orang maioh sarumah nya datai ngulu penatai sida. Orang ka indu begulu di bilik, lalu orang ka lelaki begulu di ruai mega. Samoa utai di empa ti dibai sida diserungkai lalu di empa orang ke ngulu dia. Sarang gari lelaki diserungkai lalu samoa gari iya di redai di ruai awak ka orang meda pemaioh enggau pemanah, laban tu endang adat. Maioh pan gari lelaki iya enda tau enda nginjau salambar dua gari orang bukai nitih ka adat. Tiga hari, tiga malam gari mengkang diredai di ruai.\\nSekumbang tiga malam nya lelaki patut tindok di ruai. Enti iya nemu reti, patut iya anang beguai tindok dulu ari orang ke empu rumah tang naka ulih tiga lemai nya nat ka diri. Kabuah pia, laban enti samoa orang udah tindok magang, iya bisi ninga rusa, kijang, pelandok, punggu laboh tauka burong bukai enti orang bukai sarumah nya nadai ninga, tang semina iya aja. Nya manah bendar burong ngasoh kaya ngasoh raja ngasoh panjai umor tauka berani. Tang enti orang bukai sarumah nya bisi ninga lalu bisi nyebut pagi, burong nya enda manah lalu enda tau enda asoh empa orang, tauka seduai iya belega.\\nEnti lantang udah lepas tiga malam seduai iya mulai ka diri. Sida ke nganjong seduai udah pulai dulu naka samalam aja, Udah seduai angkat, samanjai jalai seduai bejalai enggau lantang mending ka burong engka bisi burong manah nyentok ka datai di rumah diri empu. Enti sema bisi burong salah tauka jai diasoh empa orang, awak ka tabar nadai ngapa, nadai nama.\\nUdah seduai datai di rumah pulai nyundang pinang nya meh pengabis adat melah pinang lalu nadai pementi nadai pemali agi ke betimpoh nemuai. Udah nya nemuai lantang ati, nitih ka pengelantang enggau peneka ati seduai melaki bini. Enti baka lelaki nguai ka indu, udah lepas nyundang pinang nya baru seduai mulai ka diri nitih ka pengelantang ngagai rumah indu. Ator ke manah sataun nya seduai gawa kia, gawa kia, reti nya ngelama nya ba bilik indu, lalu ngelama nya ba bilik lelaki sekumbang ke agi rumpas, enti nienoa enda bengat jauh. Pisit agi nemuai manah agi sataun nya, ukai belama iya. Siti kabuah manah ari pisit nemuai sakumbang taun baru jadi laban samoa diri sabilik ti ditinggal ka belaki tauka bebini enda nyamai ati, lalu enti bejarit nemuai enda tentu balat berasai ati enggau lelengau. Leboh menantu enggau anak bam datai nemuai balat bendar pengaga ati, ukai ba siko aja tang samoa mensia, ngembuan ati nya magang.\\nENTI ORANG sarak baru udah melah pinang, sakalika lelaki tauka indu enggai ka pangan agi enggau nadai tentu tegal, sapa seduai muai pangan kena tinggang penyalah nitih ka pemesai ukum di menoa nya. Enti sema lelaki muai indu, penyalah iya besai agi ari enggi indu. Nambah ka ukum Perintah iya mega di pinta mayar pemalu ngagai iya ti dibuai, nitih ka pemesai adat ti selalu dikena di menoa nya. Bisi mega sekeda lalu apin begulai, enda tanti ka nyundang pinang alai muai pangan, tang jarang ke bansa nya. Utai ke bakatu selalu nyadi enti ati barang sapa seduai ka jadi nya endang enggai, sakalika enggai ka gamal, bisi orang bukai dikadeka tauka tegal bukai, tang alai nyadi melah pinang laban pejal apai indai. Kabuah alai minta pemalu ngagai iya ke muai, laban tu dikumbai semina ngabas ruang bilik orang, nya kabuah apai indai malu. Kereja bansa nya endang jai, semina beduan, ngayah, ngasa lalu ngemalu orang. Suah mega apai indai iya ti dibuai minta bayar pengerugi ti udah kena melah pinang.\\nEnti sema sarak nyau udah antara bulan antara taun taja nadai tentu tegal lempong agi ga penyalah lalu pemalu nadai dipinta apai indai. Tang enti sema sarak maia nyau bisi anak lain agi ga adat. Temu aku jarang orang ke sarak enti nyau udah bisi anak enti nadai tegal ti besai laban ati nyau lebih agi ngerunding anak. Iya ke diatu adat Iban muai pangan kelalu lempong, nya alai orang mudah bendar ngelengka ka pangan. Bisi mega aku nemu runding sekeda orang endang rindu ka maioh rambang, laban nya manah ko sida. Kabuah alai manah ko sida laban maioh orang deka, lalu sida ngemenang ka diri tampak bebini tampak belaki. Pelaba aku nyangka maioh orang setuju enggau aku ngumbai ati enggau runding ti bakanya salah bendar lalu enda tau enda diubah.\\nJangka aku orang ke jadi enggau jalai melah pinang lubah agi sarak enti chukop jako, chukop aum apai indai enggau seduai ke jadi, laban ngenang pengerugi enggau pengiroh diri empu enggau kabari belayan kulu kili ti udah besaup ka pengerami nya. Nya alai enti ulih anang ngudah ka din bebini belaki laban enda lebu asai bisi pengiroh enggau pengerugi.\\nExtracted & recompiled from a book Melah Pinang, originally written by late Mr. Alli Majang of Lichok, Sabelak, Saratok.\\nEdited for weblog publication by Gregory N. Mawar.\\non November 23, 2017 at 6:53 am | Reply Dayak Wanderer\\nGood job.. Keep it up. Rindu macha\\non October 11, 2016 at 3:26 pm | Reply Adeh ak Bau\\nEnggau Tabi basa ti besai, ngagai nn unggal laban aku deka minta bekunsi ke penemu ari nn meri aku siti chunto jako wedding speech ka patut dikena aku dlm jako iban kena aku bejako ngari ka aku empu tau ka ngari ka kaban belayan leboh maya bisi pengawa belah pinang jemah ila. Lalu aku minta nuan unggal email contohnya ngagai aku ngena emel aku tu, adehbau6561@gmail.comThomas Timbang@gmail.com ambi ka ulih dikena ka aku bulan december tu. Tq.\\non September 24, 2015 at 9:57 am | Reply Thomas Timbang\\nTabi basa ti besai, ngagai nn laban aku deka minta bagi penemu ari nn siti chunto wedding speech for my daughter in iban or english.Laban kabuah pia aku empu deka bejako ngari ka aku empu enggau kami sebilik , enti ulih tau email ngagai aku Thomas Timbang@gmail.com laban ujung taun tu aku guna tai nya ba Tanamas Hotel Sibu Tq.\\non February 12, 2015 at 3:34 pm | Reply Simon\\nnama buku tok apa?ka meli\\non September 13, 2013 at 4:55 pm | Reply SANDY ANITH\\nAku cg udah lama ngiga artikel t baka tok…salute ak iban..\\non March 1, 2013 at 4:19 pm | Reply e-lieyz berth fayiera\\nbest la..ulih gak nulung aku ngaga asngmnt ku\\non September 3, 2012 at 12:16 pm | Reply nelson\\ngood job,,,,amai manah penemu n adat iban ya ke enda temu kitai nembiak baru diatu….\\non May 18, 2012 at 1:42 pm | Reply boy\\nNguai??patut ke nda kemaya ari tok?\\non April 2, 2012 at 1:30 pm | Reply kumang ati\\napo… nyak ya bulih…… cg rindu ku macha pasal adat asal kitai iban….lbn aku nadai entu nemu pasal adat kitai….\\non March 16, 2012 at 10:13 am | Reply Ir Indit\\nselamat bejurai ke penemu bangsa kitai……\\nketerubah tok aku minta ampun enti nyema utai tanya tauka ka dipadah aku tok enda berapa ba penemu kita ke tuai….\\n1.)Patut ke enda adat ngugi@nguai ngagai pangan diri nya di terus ke??\\non March 9, 2012 at 10:18 am | Reply Daniel L S\\nmanah amat laman web tu alai kitai ngiga penemu senentang adat kitai iban. thank you\\non February 8, 2012 at 3:17 pm | Reply Nigga\\nNasit amat bisi blog tu, terima kasih aya gnmawaR laban nulis adat kitai Iban\\non December 15, 2011 at 11:21 am | Reply Veronica Sandak\\ntabi…manah rindu aku macha adat& pengawa asal iban\\non January 24, 2014 at 12:59 pm | Reply Veronica Sandak\\nManah meh nya indu dara enti ka macha adat lama’ …\\non December 11, 2011 at 10:07 pm | Reply endu niga\\nTabi ke nuan aya…\\ndini aku ulih ngiga bub pasal adat nguai? bub ti bisi nulis enggau nyentuk pasal adat nguai..\\non December 11, 2011 at 9:47 pm | Reply endu niga\\nTabi basa ngagai nuan aya…aku deka ngaga tesis pasal adat nguai…dini aku ulih ngiga buku melah pinang nya? bisi di jual ka nya?\\non September 21, 2011 at 3:09 pm | Reply apai endu\\naku nanya nuan nama utai ti tau enggau utai ti enda tau entara adat iban enggau adat kristian pasal pengawa melah pinang tu? engka bisi enda sebaka.\\non September 25, 2011 at 10:26 pm | Reply gnmawar\\nPasal melah pinang, orang Christain enggai meda kitai Iban bebiau merkat orang ke jadi melaki bini.\\non August 11, 2011 at 11:40 pm | Reply gnmawar\\nUji bacha nuan topic pasal melah pinang di atas dia.\\non August 10, 2011 at 5:04 pm | Reply Deb\\nbc cherita nusi pasal adat ktai iban dulok suba..pasal adat ngajung tichin ke urang induk egau ngakat burit….\\non July 20, 2011 at 11:11 pm | Reply gnmawar\\nTun Jugah Foundation di Kuching bisi jangka aku nyual Iban-English dictionary …\\non July 19, 2011 at 2:25 pm | Reply mamie jang\\namat manah pengawa nuan ti bakatu..tang aku tu gawa nyadi jurubahasa lalu pedis amai asai ti ninga tauka mending ke jako tuai maia deka nukar jako nya alam jako English. pia mega aku bisi ngaga pengawa translation dokumen,arap nuan ulih meri jako ajar tauka runding nama patut gaga aku keterubah ari belajar ngena dictionary jako iban – english..alu siti agi,dini ulih ku ngiga dictionary iban-english?\\non May 24, 2011 at 6:07 am | Reply allexcise jayong\\nkelimpah ari ba tun jugah foundation kuching… dini agi endur bukai dh ka bisi nyual bup nya dh?.. jauh amat ga aku tu ari kuching ar.. aku bak tawau sabah tu… belah miri dia nadai ka? trima kash aya laban udah nydia ka utai ka manah baka tu….. selamat ari gawai 2011…\\non April 14, 2011 at 11:27 am | Reply Sony\\nTabi En. gnmawar,\\nTerubah tu meri tabi basa ngagai nuan. Manah amat RUAI nuan tu ti mantai ke adat asal kitai iban. Semua tu amat beguna ngagai kami nembiak rebak baru, laban diatu pengawa ke bakatu nyau makin lama nyau ka lenyau pia aja. Keterubah tanya aku En. gnmawar. Ulih tau ke enda ngambi sekeda leka main ba Ruai nuan tu kena ngaga pansik tauka ba jaku laut (kajian) kami. Kedua nya, dini tau endur kitai bulih tauka ulih meli bup bekenang ka adat asal kitai Iban.DIKELALA BUAH ARI LANGGU, DIKELALA BANSA ARI JAKU.Terima kasih.\\non April 14, 2011 at 11:13 pm | Reply gnmawar\\nSemua article aku ditu nadai salah dikena kita ngaga research kita. Enti deka meli bup Iban, bisi dijual ba Tun Jugah Foundation Kuching.\\non June 29, 2011 at 4:13 pm JELINA\\nAya Gnmawar, aku deka nynya nuan..bsi bala aku jdi sma dri mnyadi..tang,bala aku nya ndai bsi bebunuh ke jani..entik semak adt bka nya ndai di adu,ndai ngwa kh@seduai begulai jemah ila ndai nama2??aku suah amat ninga org tuai..entik sda mda org jdi sesama mnyadi,sda aru mdh jani bsi bunuh..udh nya sda aru mdah mndi ngna aie drah jani nya kna muai pmali??amat bka nya kh aya?\\non December 11, 2010 at 10:51 pm | Reply asintau\\ndiatu Jaku Iban diajar ba primary 1 belabuh ari taun 2011 di Sekolah Kebangsaan (SK) nyadi elective subject beside Bahasa Cina, Bahasa Tamil, Bahasa Arab and Bahasa Kedazan Dusun, 3 periods per week or 90 minutes. mesti di ajar ba primary school. with reference to Surat Pekeliling Bilangan II Tahun 2010. Perlaksanaan Kurikulum Standard Sekolah Rendah (KSSR) Tahap 1 Mulai 2011. Nya meh tuai.. pemesai guna jaku kitai diatu. arap ka nuan ulih magi penemu ngagai bala curriculum designers ngaga Textbook n module etc…etc…even CD Pelajar Jaku Iban kena ngajar. Nya meh…enti nuan bisi hari..\\non November 3, 2010 at 9:11 pm | Reply Uchu Merom\\ntq tuai GnMawar laban meri penerang enggau jaku serta adat ti kebendar ia kelalau aku ke deka melah pinang..minta nuan madah ke silik agi ba senentang adat nguai …tq,,,,\\non October 29, 2010 at 10:33 pm | Reply Dom Anddin\\nLAM346…aku amat nyukong utai ko nuan nya ngall….mri besai terima kasih ngagaiUnggal ka empu ruai tu…..terima kasih maioh2 laban ka bisi mantai ka utai baka tu……\\non September 6, 2010 at 12:47 pm | Reply LAM346\\nMANAH AMAT TUSUN ADAT DITU. AKU BARU NEMU BLOG NUAN TU EN. gnmawar. Nya pan sebarang utai tekan aku ke sari tu laban boring duduk ba ofis…tang betul amat ga alu tetemu ke blog nuan tu. Amat manah tusun nya unggal.\\nEndang nyemetak magang utai ditusi nuan diak. aku tu enti pasal adat sigi agi buta. nyau pengudah macha nya baru aku tu enseling mimit. Terima KASIH KE NUAN UNGGAL..pajak ke nuan nulis utai dalam blog tu. aku sigi nyukung nuan.\\non August 30, 2010 at 8:14 am | Reply dayanglaing\\nBrother Greg…Ulih nuan nerang ke reti Adat Nguai tu enggau cara ba pengidup orang ke diatu enggau menya?\\non August 21, 2010 at 2:52 pm | Reply Suzianti Niga\\nTerima kasih laban bc nyediakan alai ti pemadu beguna bakatu. Aku endang sigi amat begunaka semua maklumat pasal utai tu dikena ngaga projek research. Aku mega arapka nuan ulih meri penemu madahka pasal perubahan ti udah nyadi dalam adat melah pinang kemaya hari tu,enggau kebuah nama utai nya tau nyadi.\\non August 26, 2010 at 8:43 pm | Reply gnmawar\\nPerubahan Pasal melah pinang tu sigi mayuh udah berubah ari jalai orang ke dulu kelia. Nuan tau mansik perubahan ari segi pengarap, civil marriage ba court, nikah ba rumah panjai kediatu, etc. Arap ka nuan mujur dalam research project nuan.\\non June 21, 2010 at 8:41 pm | Reply bc\\nbakih,kati bisi nuan nyimpan bup sengalang burong ti lama,lalu bup nya tusah amat d giga.terima kasih.\\non March 11, 2010 at 2:09 pm | Reply LANG NYANGAI\\nTERIMA KASIH KA PENGIRUH NUAN BETULIS SERETA MANTAIKA ADAT ASAL KITAI IBAN. AKU AMAT NYUKUNG PENGAWA BAKA TU, ENGGAIKA IYA NYAU LESAP PIA AJA. AKU RINDU BEBACHA KA KARANG BAKATU TAJA AKU EMPU ENDA TENTU NEMU NUSUN ADAT LAMA. NGAGAI PEMACHA IYA KE BUKAI, ENTI KITA BISI PENEMU SENENTANG ADAT KITAI IBAN, ANANG LEMBAU BEKUNSIKA IYA ENGGAU BANSA KITAI LEBIH AGI ANEMBIAK REBAK BARU. NYA AJA. TERIMA KASIH. MAJU KITAI IBAN\\non March 4, 2010 at 10:19 am | Reply eithy\\nthanks.ulih minta tunjuk ajar pasal leka sampi maya melah pinang @ gawai lelabi ti mudah n ringkas.\\non December 24, 2009 at 11:49 am | Reply anak temuai\\nCongratulation tegal ti ulih nugong ka ripih adat Iban cukup manah bakatu. Pajak ka pengawa badas nuan tu.\\nBai ti kelalu angkun ka adat lama bansa Iban, maia agi dara suba (sebedau taun 2003), aku naka ulih ngiga artikel pasal adat melah pinang Iban tu, ngicha ka maia belaki ila aku ulih ngena adatnya ba batang tuboh aku empu. Tang maianya aku tetemu ka semina mimit aja artikel pasal adat melah pinang Iban tu ari S’wak Museum Journal. Ba internet sigi jarang amat bisi artikel ti baka tu. Nyangka bau lia aku endang udah diatur Petara jadi enggau Iban bisi bebida mimit adat ari pangan diri (aku orang Miri – asal ari Sarikei, laki aku orang Simunjan), nya alai tusah mimit aku deka ngena adat melah pinang munyi ti diripih ka nuan tu laban adat ti enda tentu sebaka dikena pangan diri. Berindik arinya aku suba ngambi jalai muntang ngena ripih pengawa ti pemadu muntang serta nyamai dititih ka maia melah pinang. Aku cukup nesal maianya laban enda ulih ngena adat melah pinang tu ba aku empu suba. Taja pia aku arap ka diri empu ulih bejalai adat tu ngagai ba anembiak rebak dudi, ngicha ka ia enda lenyau dibai ari.\\non December 15, 2009 at 4:36 pm | Reply pamela\\naku ka nemu kati enti bejadi ngena adat iban..sain ba penghulu..enti laki udah ninggal ke bini anak nyau lebih ari dua bulan nadai ngiru berita.. nama hukum ulih diatur ba laki nya\\non November 13, 2009 at 1:20 pm | Reply Dom\\nwow… manah amat website tok.. taja jauh ari menua, tang baka semak meda website tok..\\nmanah amat pengawa ka di bantai ka kita…\\non September 29, 2009 at 10:35 am | Reply silver\\nmanah amat nyak aya….tik agi bc penemu madah ka kami anembiak awak ka adat nyak nda lenyau ari bansa kitai iban….tik ulh gaga siti bub awak ulh kami maca ya enggau nemu adat kitai iban menyak…..tq..\\non September 26, 2009 at 10:24 am | Reply tajau\\nunggal BESI,cerita nuan nyak bisi endar sebaka enggau kaban aku tok.nama nama main seduai selalu entua masuk campur sampai nyau berutang menantu tegal sida.leboh maia suntok bebeli ke barang dapur enggau susu anak,laki gak disalah.kasih gak ngenang nasib kaban aku tok\\non September 26, 2009 at 10:17 am | Reply tajau\\nwai,aku bisi siko kaban ti balat amat penusah.aku deka nulong tang nama meh daya lagi dituduh orang macam2.aku mina ulih ninga sebana ia aja.bini ia bangat amai ninga jaku indai.hari2 ngiga laya.tegal agi sayau ke bini enggau kasih ke anak ia enda kempang ngiga laya.mina ulih diau aja…pedis pan ati ia ninga,tat ke aja…balat agi bini nyebut ke penyalah laki balat agi gak entua nyebut ka penyalah menantu.mimit pulai laun dituduh bisi indu simpan.bisi sekali bini ia betemu enggau aku madahka penyalah laki ia bisi indu,selalu nginsah ia sampai nyau masuk hospital,enda meri duit belanja,enda ibuh ke anak..lebih2 agi kempang gak ati bini ia nusoi ke penyai laki ngagai balai polis.aku nanya kaban aku tok,amat ke enda cerita bini ia,ia madah enda betul.enti amat ia dah enda sayau ke bini anak,gila ngau indu,nginsah bini…dah lama aku muai ia sereta ngelak ka sida menyana idup merempat ko ia.entua ngasuh bini ia mai sarak tang ia enggai laban agi sayau ke anak.bini mega bangat mai sarak.dalam runding aku ditok,lapa kebuah bini ia sanggup bejai ke laki diri nusoi ke penanggul seduai enggau ngaga cerita sebarang endor ngagai orang ti nadai besangkut paut dalam hal seduai. aku nemu ulah kaban aku tok,ia nadai gila enggau indu mina ia gila kerja aja.punca seduai sarak bepun ari apai indai.ti nitihka adat kitai suba,bakani gaya ukum ya?\\non July 15, 2009 at 10:53 am | Reply ucin68\\nManah amat tusun adat & Pengawa Melah Pinang ia ka dikeluar ka nuan.\\nTerima kasih maoh.Terus ka!\\non July 15, 2009 at 10:50 am | Reply ucin68\\nAku ngasuh nuan ngeluarka jaku ngetan ka kota orang ngambi indu enggau jaku muka kuta ngena jaku dalam.\\non June 12, 2009 at 2:08 am | Reply BESI\\nterima kasih aya…………ko kitai amat munyi nya meh aya,tang sayau seduai iya empu enda kering ati napi nya,salah jako seleka seduai iya enda nitih ke pengeran ati ti ka ke pangan suba.nadai jalai ngajar agi,seduai iya udah sarak pagi tu tadi,anak di bai iya ke indu iya nya ipar aku.nyangka tak agi bisi jalai begulai meh seduai iya kira aku kemari,nya alai aku betanya ke buah runding ngagai nuan.nyangka udah nasib seduai iya begulai nangka tu aja di atur petara.aku tu nyau urang bukai semina ke ngait ke diri nyadi ipar sida iya aja,pemandai sida iya meh ngati ke diri,sida udah enda ulih di pujur ke agi.terima kasih aya sekali agi………nya meh pengerusak rumahtangga, enti apai indai nyau kelalu balat masuk campur dalam pengidup anak.sinu ngenang anak seduai iya ke baru tau manchal……..\\non June 11, 2009 at 3:49 pm | Reply GNMawar\\nKasih amai kaban kita nya. Apai Indai enggau Mentua patut nulong anak ngadu enggau ngemaju ka ruang bilik, ukai ngerusak ruang bilik bala anak-uchu. Kitai idup ka masa depan anak-uchu kitai.\\non June 11, 2009 at 2:26 am | Reply BESI\\nselamat pagi aya………nyadi aku tu bisi tanya ba senentang atur sarak melaki bini nitih ka adat kitai Iban.penanggul tu bisi nyadi ba menyadi bini aku,seduai iya laki iya udah jadi enggau pangan diri enda kurang ari 3 taun ti udah,lalu bisi siko anak indu.seduai iya laki iya ke deka sarak enggau pangan diri ukai ketegal ke bisi laya tauka penyarut ti besai enggau pangan diri.penanggul seduai iya ke begulai ngelama tu,beduduk ari laki iya ke kelalu balat mending ke jako apai indai iya.nama nama main seduai iya melaki bini,apai indai laki iya selalu deka masuk campur.ba senentang duit mega laki iya nadai ngira ruang bilik diri empu,udah gaji ninting bulan laki iya lalu meri duit gaji ngagai apai indai iya,nyentuk ka seduai iya empu nyau berutang ke pemakai sebelah kedai ke semak alai gawa.apai indai laki iya ke di menoa,nadai kala ngira penyuntuk sida iya semenyanak ke beridup ke diri sebelah nengeri.enti nitih ke tusoi iya,entua iya balat ngeloan utai baka sida nyemari,kerusi,meja enggau macam macam rengka rumah kebukai,lalu udah nya ngasuh laki iya mayar semua nya ninting bulan.laban bai ati iya enda tan agi,diak ipar aku tu tadi lalu enggai nanya laki iya kandang ke berapa ari tu tadi,tang ngintu rumahtangga iya sigi bisi.meda baka nya,laki iya lalu madah ke apai indai iya pengawa seduai iya melaki bini.malam kemari entua iya lalu bisi rembus asuh seduai iya,datai din entua iya lalu majak muru tudah tuai pansut ari rumah nya.tang jako laki iya sigi madah kediri endang enggai sarak,laban nadai laya sereta sayau ke anak.udah nya entua iya lalu mulai kediri ke menoa,lalu bebai ke surat tikah seduai iya,deka nginsil nya kediri din.seari ari tu tadi nyau majak ga bala sida entua iya beranjung ke msg enda rindu sereta ngasuh iya angkat ari rumah seduai iya.laban nyangka nyau enda tan agi,ipar aku tu tadi lalu mulai kediri asuh rumah menyadi iya,anak seduai iya dibai sama.ba runding nuan kati ko atur ngadu ke seduai tu?kati ke anak ulih di empu ipar aku nya?(salah mimit,ipar aku bisi mansut ke leka jako mai sarak,laki iya endang enggai,semina entua iya aja ke ngasuh sarak)nyema jako seduai iya enda nyadi sarak,nama adat kitai Iban ke ulih dikena nagang entua iya ngachau rumahtangga seduai iya?kati ulih kini entua iya nginsil surat tikah seduai iya taja seduai ke bempu tubuh nadai enggau?ngarap ke nuan aya ulih meri aku buah runding ngambi ke ulih dikena aku mutar ke penanggul seduai tu,laban kami duai melaki bini sinu ke anak seduai iya ke agi mit amat nya.ngarap ke nuan ulih bejurai ke penanggul tu enggau silik………..laban aku pechaya ke penemu nuan ba senentang pengawa kitai bansa endang iya chukup tinggi sereta dalam…………\\non May 11, 2009 at 4:22 pm | Reply lawrene\\naku pan siku ari nembiak ti beasal ari menua kitai di batang paku…taja aku lama di menua ribai tang semampai enda bebali jaku laban endang angkat betungkat ka adat penatai diri empu…manah bendar pengawa nuan ti nyimpan penemu lama kitai..aku gaga amat ati lalu meruan nyukung pengawa tu lalu ti bisi peluang aku endang enda belampung nyaup nuaN dalam nerus betambah ka pengingat adat ba tibang penemu nuan tu…terima kasih…\\non May 12, 2009 at 7:47 am | Reply GNMawar\\nNo problem… padah ka dia jalai nulong pangan. Kirat bendar ngerja pengawa bakatu enti nadai orang nulong.\\non April 27, 2009 at 2:33 pm | Reply Pengajar Bawie\\nnuan benung ngaga PHD?\\nnuan pengajar ?\\nmanah agi nuan nanya ngagai bala sida ke tuai- tuai..\\nukai aku tu kerah kerah ngasuh nuan ngaga pengawa tang enggai ka penemu bala manang kitai ke majak tuai nya puntan ila.\\nkitai pan sama nemu mayuh endar kitai iban nadai agi ngena manang diatu laban ke udah mayuh megai pengarap.\\non April 21, 2009 at 10:46 am | Reply GNMawar\\nPasal pelian manang … agi benong ngaga research. Apin ulih dipublish ditu.\\non April 20, 2009 at 3:21 pm | Reply Nes_Harun\\nmeri besai trma kasih ngagai nuan laban udh meri mayuh penemu serta adat kitai iban. semua utai ti ditulis nuan mayuh nulung aku dalam pengaga nulis tesis aku tentang adat dalam masyarakat iban..\\nsiti adat ti ka dasuh ku tusi nuan ianya adat ke pasal manang nginga semengat orang ke benung sakit..tauka adat belian kitai iban.\\non March 31, 2009 at 1:43 pm | Reply Pengajar Bawie\\nterima kasih aya papung unggat..\\nterima kasih laban meri info ngagai aku..\\nterima kasih mega ngagai nuan aya GM..\\nPengawa kitai ke kiruh nengkebang penemu bansa kitai Iban endang ulih disema baka pengawa bala aki kitai beumai beterumpang ka kampung , beban ke perau , beasu ke jelu , ngiga menalan baru awakka bisi jalai bala nembiak rebak baru neresa jalai kita ke udah dulu.\\nSapa meh ti ulih dikarapka kitai agi enti sema enda bepun ari kitai ke bisi pengeran ati ngemansang jaku enggau adat bansa diri.\\nBala YB endang enda ulih kitai anti .\\nYB endang enda ulih dititihka kitai penemu laban sida kelalu ribat , berat ditating ke penemu politik enggau ransingka duit mata wang.\\nAku taja ari menua saribas , tang laban ke gawa ngajar di menua pegai batang Igan berupai amai ngelala menua orang enggau menua diri.\\nJauh amat Iban di Batang Igan melakang ke adat enggau pengawa kitai iban kelia . Nembiak rebak baru jauh agi.\\nSinu endar ngenang utai baka tu.\\nBisi awak enggau peluang aku nampun baru penemu aku tu.\\non March 31, 2009 at 12:43 am | Reply papung unggat\\nsiti ari sekeda adat ngintu pemati.\\non March 27, 2009 at 10:05 pm | Reply Pengajar Bawie\\nSelamat lemai Tuai Pengarang ,\\nPenemu kitai iban kelia endang besai guna laban iya nyaraka adat enggau basa kita ngagai sapa – sapa ke bisi begulai enggau kitai iban. Dikelala orang kita bepun ari jaku enggau basa bansa ti chukup .\\nJaku ngelalu pengabang pia mega besai endar .Kebuah pia , iya nyadi kelalau nembiak rebak baru dikena kami berindik ke adat , nyempulang pengawa sida ke tuai suba ditunda kami ngambi enda punas , enda lela ditaban ambun besebun pagi , enda padam dibai matahari , tengelam padam bulan .\\nNya alai , aku minta nuan tuai magi mimit adat basa ngintu pemati bansa kitai Iban . Adat tu sama ditemu kitai endang enda sama nitih ke ai siti – siti menua. Menua di Saribas , Sibu , Kapit engka enda sama. Penemu tu endang besai reti ngagai kami ke rebak baru awakka iya tau betampung dikembuan kami nyadi ke panggal tinduk kami.\\nNya aja Tuai .\\non March 29, 2009 at 12:52 pm | Reply gnmawar\\nTq ka jako nuan. Pasal adat pemati tu bisi udah ditulis aku dalam “Early Iban Way of Life”. Tang amai munyi ko nuan, maioh anembiak kemaia hari tu enda tentu nemu pasal tuju adat bansa tu. Ba sanentang tu, adat pemati kitai iban endang dikena kitai meri basa ngagai orang ke parai, dikena kitai beserara enggau sida ke udah nadai awak ka sida mega lantang ninggal ka kitai, lalu kitai mega lantang ngadu ka pengidup baru. Pengawa tu endang maioh rengat, nya ka tanda iya kitai bebasa amat ngagai orang ke udah bekunsi pengidup enggau kitai, baka apai, indai, aki-ini kitai.\\non March 12, 2009 at 7:47 pm | Reply GNMawar\\nManah agi nuan sain ba court kena nyaga diri empu. Penghulu nadai penemu pasal ngatur penusah tauka penyarut rumah tangga.\\non March 11, 2009 at 7:20 pm | Reply Qumang\\nselamat lemai gnmawar…\\naku ka minta pendapat nuan pasal adat tikah…nama beza org ka nikah, sida sain depan penghulu enggau sain dlm court? ni manah antara dua tok? laban aku diatu benung berunding,laki ke mai aku jadi enggai di bai aku sain bak court ia lebih suka sain depan penghulu. tang family aku ngansak kami duai sain court…aku diatok serba salah…\\nngarap ka nuan ulih nulong aku…\\non May 20, 2009 at 11:45 am | Reply noralizah tuah\\nku ka mu pasal adat jadi mali urang iban…ulih meri ku penemu tentang penti pemali jadi mali\\non May 20, 2009 at 3:51 pm GNMawar\\nCheck it out on my article bertajuk “Origin of Adat Iban Part 5 -Incest Law”. Regards.\\non December 15, 2008 at 3:57 am | Reply ibankiih\\nSekali agi meri besai terima kasih ngagai nn aya….\\nterang enggau sara nuan nya cukup manah serta rentang bendar munyi…enti munyi nya lantang meh asai ati aku..\\n……idup adat Iban….\\non December 14, 2008 at 11:56 pm | Reply GNMawar\\nNuan tau madah ngagai mentua nuan kitai Iban endang bisi adat. Lalu adat kitai ukai digaga ngapa tang endang bisi penatai.\\nEnti kelia orang deka betampil enggau orang ke udah bemunsoh enggau pangan diri, kitai bederian ka antu pala agi bedarah.\\nEnti kitai jadi enggau bansa bukai marentas menoa, nuan tau minta adat ngena adat Belang Pinggang jadi enggau Gupi – Bedil ka jembatan, sumpit tapang ka lalau, satawak\/bendai ka penyandih nuan awak ka nuan nakal dudok nunga mentua nuan, baku ka kurong samengat, pedang sabilah ka kering samengat. Nyadi utai tu tau di beri nuan rega enti sida nadai utai ka disebut datas tadi. Rega nya digaga ka nuan kurang lebih enggau rega adat disebut sida.\\non December 14, 2008 at 12:13 am | Reply ibankiih\\nBesai terima kasih ngagai nn aya ke saut tanya aku.siti agi nambah baku enggau bedil nya,ianya sumpit iya.enda pia?\\nsiti agi tanya aku;aku lama udah jadi enggau indu bansa kedazandusun,Sabah.semua cara enggau adat bejadi belaki bini sida, endang di isi aku magang nyenkaum ia ke disebut sida BERIAN..\\nnyadi diatu bala apai indai aku minta aku bejaku ke pasal adat DERIAN kitai Iban ngagai sida.Ukai meh ketegal apai indai aku tu tadi keran minta apa nama tang sida semina enggai enda ditemu tauka enggai dikumbai org bansa bukai,kitai Iban tu ngenjing balat nadai adat bijadi melaki bini.\\ntanya aku;patut tauka enda aku ngenatai ke peminta bala apai indai aku lalu bakani cara aku deka ngasuh sida entua aku mereti ka gaya adat Derian kitai?\\non December 9, 2008 at 2:09 am | Reply ibankiih\\nTabi aya Gym,\\nrindu bendar maca article tu..well done!!,aku deka nanya siti,dalam maioh ripih ke ditusui nn nya,ba senentang ni maia ari sepiak indu enggau lelaki ngisi adat melaki- bebini ke disebut kitai DERIAN?,nitih ke jalai ke di ajar Belang Pinggang ke jadi enggau Gupi,ke bederian bedil&baku nyadi ke jamban.\\non December 13, 2008 at 1:29 pm | Reply gnmawar\\nDerian tu dipersetuju serta disua sabedau orang melaki-bini nya dipejadi ka, tauka sabedau pinang nya dibelah dua. Amat ga Belang Pinggang minta bedil enggau Baku nyadi ka jambatan iya, utai nya enda kala dibai iya pulai ngagai menoa iya. Utai nya nyadi ka pengering samengat iya idup begulai sajalai enggau bala mentua iya.\\non November 27, 2008 at 8:02 am | Reply chgtmwr\\nBa Sekula, Cikgu mesti di ajar ngena jako Iban serta pronounciation ke betul sebedau sida ngajar bala nembiak sekula…”Train the Trainer” dulu baru ngagai peringkat nembiak.\\nDiatu sistem Pelajar Iban lebih agi ngagai “sepil baru” ari ngagai cara ngena grammar ke betul.Sepil nya nadai meri gurantee grammar ke betul.\\nTaja pia jako Iban ba Sekula bisi pemangsang enti di banding enggau taun-taun ke udah.Terima kasih ngagai bala cikgu ke udah bertungkus lumus…\\non November 24, 2008 at 1:24 pm | Reply bulanpegari\\nTabi basa ngagai nuan aya. Aku ngarap amai enti Bahasa Iban tok di ajar lebih tinggi ke agi enti di banding enggau ke diatu. Aku peda, bansa kitai mayuh agi leka main enggau adat ari bansa bukai, tang sayau semina siko dua aja ti rindu ke bansa diri baka urang iban mega empu. Diatu, dalam sekula mega bansa kitai iban enda entu di ajar enggau betul. Aku cukup sayau ke bansa leka jako kitai iban. Eti di dinga, jako kitai cukup manah enti di banding eggau bansa kitai.\\non November 18, 2008 at 10:02 am | Reply gnmawar\\nRefer ngagai article aku bertajuk “Leka Jako dikena dalam pengawa melah pinang”.\\non November 17, 2008 at 11:15 pm | Reply embam\\nAku ka minta chunto speech for my sister wedding in Iban language. Kabuah nya aku deka bejako ngari ka apai aku enggau kami sebilik. aku udah lama diau ba KL lalu jarang begulai enggau iban, nya alai aku enda nemu nusun leka jako aku dalam basa iban. enti nuan bisi, tau email ka aku. I really appriciate it. anyway the reception will be on next week. Thanks\\non November 12, 2008 at 3:22 pm | Reply anthony\\nteruka pengawa nuanka mantaika adat kitai iban. awakka bisi nyadika lalau sidaka dudi ari ila. Laban ti nadai kerejaka manah baka enggi nuan tu adat kiai tau lela baka gula lalu anchur baka kacha.\\non November 12, 2008 at 12:47 pm | Reply jesz\\nBk kmi k rebak diatu ndai entu terang k pasal adat melah pinang n bkni muai pemali nti jadi mali..sepengudah ku maca ruang tu baru ku nemu..thanks n terus k agi ngemansang bansa ktai iban anang alah lbn bansa bukai..\\non October 15, 2008 at 5:00 am | Reply bunyak\\nmanah amat penumu nuan aya…cgi bguna amat dikena bala nembiak iban kemaya hari ngetan k adat bansa iban\\non September 7, 2008 at 1:58 pm | Reply quien\\ngood job……….. give me more information about iban culture……….\\non May 28, 2008 at 12:24 pm | Reply victoria melody\\ngood..give me information about ‘adat’..give us more!!\\non May 15, 2008 at 12:23 am | Reply Pengajar Tungkat Lemambang\\nWell done, for the keeping our heritage and to publish the Iban as a world class academician.\\non March 13, 2008 at 11:55 pm | Reply angela\\nAsai aku ,kami ke rebak baru tauka biak tu mayuh enda nemu tusut pengawa melah pinang tu..ari ka maca tu baru aku nemu tusut melah pinang kitai iban ka bendar.Diatu ke suah agi peda aku,mayuh ngena cara moden.TQ.\\n‘Agi Idup Agi Ngelaban’\\non March 7, 2008 at 10:25 pm | Reply wyatt\\nminta nuan ngeluar ka jako kena “speech’ macham-macham event. TQ\\non November 27, 2007 at 1:33 am | Reply Selanj\\nManah amai utai tulil nuan ditu bakih, terus ke pengawa nuan nya ambi ke bisi di baca serta di kenang bala ke dudi ari ila..amat pin mayuh bansa kitai udah megai pengarap bukai tang adat kitai bansa endang nda berubah, pengarap enggau adat ba aku enda tau d i sama ke ia.Ti bisi adat ke enda entu manah serta enda sejalai enggau maya pemansang kediatu tau engkah ketisau tang anang muai sekali.\\nBansa Iban terus maju.\\non October 29, 2007 at 3:25 pm | Reply GNMawar\\non October 29, 2007 at 1:31 pm | Reply michael\\nmanah mai utai gaga kta tok kaban…angkat ke belama meh bansa ktai au…agi idup agi ngelaban,angkat maju bansa iban…\\non August 14, 2007 at 7:20 am | Reply GNMawar\\nHope you do well in your studies.\\non August 13, 2007 at 2:46 pm | Reply stephy\\ngood job…teruskan…its help me in my assignment this sem.\\nLeave a Reply to endu niga Cancel reply","num_words":16706,"character_repetition_ratio":0.044,"word_repetition_ratio":0.001,"special_characters_ratio":0.203,"stopwords_ratio":0.206,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"16 February 2019 - Hari Enam ba Minggu Kelima Musim Selama -->\\n16 February 2019 - Hari Enam ba Minggu Kelima Musim Selama\\nIya lalu ngasuh orang mayuh duduk ba tanah. Iya ngambi tujuh iti tuku roti nya, lalu lebuh Iya udah meri terima kasih, Iya mechahka roti nya, lalu nyuaka roti nya ngagai sida murid Iya, ngambika sida nyadung utai nya ngagai orang mayuh.\\nBacha Ke Satu: Pemungkal 3: 9 - 24\\nTUHAN Allah Taala ngangauka lelaki nya, ku Iya, “Dini alai nuan?”\\nLelaki nya lalu nyaut, “Aku ninga Nuan bisi dalam kebun, lalu aku takut, laban aku telanjai. Nya alai aku belalai.”\\nTUHAN Allah Taala lalu nanya iya, “Sapa madahka nuan telanjai? Kati nuan bisi udah makai buah ti enda disagi Aku empa nuan?”\\nLelaki nya lalu nyaut, “Indu ke diberi Nuan nyadika tawing kaling aku, ke meri buah ari kayu nya ngagai aku, lalu aku makai.”\\nTUHAN Allah Taala lalu bejaku ngagai indu nya, “Nama kebuah nuan ngereja nya?” Indu nya lalu nyaut, “Ular nya ti nipu aku, lalu aku makai buah nya.”\\nTUHAN Allah Taala lalu bejaku ngagai ular nya, “Laban nuan udah ngereja nya, nuan deka kena sumpah. Ari semua bansa jelu, ka semina nuan aja deka ditinggang sumpah tu. Kenyau ari diatu nuan deka ngerayap ngena perut nuan, lalu nuan deka makai amau seumur idup.\\nAku deka ngasuh nuan enggau indu tu begedika pangan diri. Anak iya enggau anak nuan deka seruran bemunsuh enggau pangan diri. Anak iya deka ngeredakka pala nuan, lalu nuan deka mantuk tumbit anak iya.”\\nTUHAN Allah Taala lalu bejaku ngagai indu nya, “Aku deka nambahka pemerinsa nuan lebuh nuan ngandung, lalu nambahka pemedis nuan lebuh nuan beranak, tang taja pia, nuan deka seruran inginka laki nuan, lalu iya deka bekuasa atas nuan.”\\nTUHAN Allah Taala lalu bejaku ngagai lelaki nya, “Laban nuan udah mendingka jaku bini nuan, lalu udah makai buah ti enda disagi Aku, nya alai tanah deka kena sumpah, lalu nuan deka bebendar gawa ngulihka pemakai ari tanah seumur nuan idup.\\nTanah deka tumbuh rumput enggau duri, lalu nuan deka bepakaika utai ti diambi ari babas.\\nNuan deka bepeluh tusur ngulihka asil ari tanah, nyentuk ngagai maya nuan pulai baru ngagai tanah, laban nuan endang ditempa ari tanah. Nuan endang digaga ari amau, nya alai ngagai amau meh nuan pulai.”\\nAdam ngumbai bini iya Awa, laban iya indai semua mensia.\\nTUHAN Allah Taala lalu ngaga gari ari kulit jelu ke Adam enggau bini iya, lalu ngerasukka gari nya ba seduai iya.\\nTUHAN Allah Taala lalu bejaku, “Mensia nyau sebaka enggau Kitai, nemu bagi utai ti manah enggau utai ti jai. Sida enda tau ngambi buah ari kayu pengidup, enggai ke sida makai buah nya, lalu idup belama iya.”\\nNya alai TUHAN Allah Taala muai seduai iya ari kebun Eden lalu ngasuh seduai iya gawa beridup ba tanah ti udah dikena nempa seduai iya empu.\\nUdah nya TUHAN Allah Taala ngengkahka melikat cherubim enggau pedang ti beapi-api, ti mantap kia-kia, ba tisi timur kebun nya kena nyaga jalai ngagai kayu pengidup nya.\\nMasmur Entara: Masmur 90: 2, 3 - 4, 5 - 6, 12 - 13\\nSaut (peda 1): O TUHAN, Nuan endang seruran nyadika rumah kami.\\nSebedau Nuan nempa bukit tauka nempa dunya,\\nNuan endang Allah Taala ti meruan belama iya, nadai pun nadai ujung,\\nlalu Nuan deka nyadi Allah Taala belama iya.\\nSaut: O TUHAN, Nuan endang seruran nyadika rumah kami.\\nNuan udah ngasuh kami pulai ngagai gaya asal kami.\\nNuan ngubah kami nyadi amau baru.\\nBa Nuan, seribu taun baka sehari.\\nSida iya baka kemari ti nadai agi,\\nbaka ke sejam lebuh malam hari.\\nNuan nabanka kami baka ai bah.\\nKami tu baka mimpi, enda tan lama.\\nKami tu baka rumput ti matuk pagi hari,\\ntumbuh lalu bebungai lebuh pagi hari,\\nlalu udah nya, rangkai lalu mati lemai nya.\\nngambika kami tau nyadi orang ke pintar.\\nNi pengelama Nuan agi ringat?\\nKasihka kami ke nembiak Nuan, O TUHAN!\\nAlleluia \/ Aklamasi sebedau Injil (peda Matthew 4: 4B)\\nBacha Injil: Mark 8: 1 - 10\\nLebuh maya nya, mayuh amat orang begempuru, lalu sida nadai utai diempa.\\nNya alai Iya ngangauka sida murid Iya, lalu bejaku ngagai sida, “Aku sinu ati ke bala orang tu, laban sida udah enggau Aku tiga hari, lalu nadai utai diempa.\\nEnti Aku ngasuh sida pulai lapar, sida deka lepi di rantau jalai, lalu sekeda sida datai ari jauh.”\\nKu sida murid nyaut Iya, “Baka ni ku kitai meri bala orang tu makai di menua puang tu?”\\nIya lalu ngasuh orang mayuh duduk ba tanah. Iya ngambi tujuh iti tuku roti nya, lalu lebuh Iya udah meri terima kasih, Iya mechahka roti nya, lalu nyuaka roti nya ngagai sida murid Iya, ngambika sida nyadung utai nya ngagai orang mayuh. Sida lalu nyadung roti nya.\\nSida mega bisi dua tiga iku ikan ti mit. Lebuh Iya udah merekatka ikan nya, Iya mega ngasuh sida murid nyadung ikan nya.\\nSemua sida makai, lalu kenyang magang. Sida lalu ngumpul tujuh bakul penuh teda repik pemakai nya.\\nOrang ke makai nya kira empat ribu iku. Iya lalu ngasuh orang mayuh pulai.\\nIya nepan perau enggau sida murid Iya, lalu mupuk ngagai pelilih menua Dalmanuta.","num_words":786,"character_repetition_ratio":0.077,"word_repetition_ratio":0.08,"special_characters_ratio":0.218,"stopwords_ratio":0.377,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"main asal iban – Iban2U\\n18\/09\/2009 Timberland J\\nadat asal kaum iban\\nDikena bala iban meri basa ngagai pangan diri tauka pemesai perintah lebuh maia bisi pengawa. Leka main tu mega dikena bebuti enggau pangan diri awak ka pengawa ti dikerejanya rami agi.\\n4. Tanya indu\\n5. Renung adat\\n6. Kujuk panggang\\n7. Nan \/ muka kuta\\nDikena dalam pengawa ti bisi bekaul enggau pengarap asal bansa iban.\\n7. Sugi sakit\\n8. Renung sakit\\n9. Pelandai sakit\\nKena ngelantangka ati, bungah, muji, ngelugi enggau ngelangkung.\\n1. Ai ansah\\n7. Jaku berambai\\n8. Jaku karung\\n10. Main anak mit\\n12. Pantun bulan\\n13. Pelandai ara\\n16. Renung semain\\nPrevious my family\\nNext aku sayau ke nuan sulu\\n17\/11\/2009 at 08:09\\nnama kebuah main asal kitai iban makin jarang di bantai ba anembiak baru.","num_words":107,"character_repetition_ratio":0.029,"word_repetition_ratio":0.0,"special_characters_ratio":0.255,"stopwords_ratio":0.121,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"3 kg syabu dirampas ba Op Benteng - Suara Sarawak\\nKUCHING: Tiga kilogram (kg) dadah bansa syabu enggau 19,516 igi pil ecstacy mujur dirampas Pasukan Gerakan Am (PGA) Batu Kawa lebuh Op Benteng kena 26 Disember tu tadi.\\nSapit Kepala Polis Sarawak Datuk Fisol Salleh madahka semua dadah ke dirampas tu dipelaba berega RM720,400.\\n“Lebuh Op Benteng di garis entara menua Sungai Paoh, Serian raban PGA tepeda sebuah kerita baka bisi salah pengawa lalu ngampir kerita nya.\\n“Bisi tiga iku lelaki dalam kerita nya, dua iku mujur ngelarika diri lalu siku beumur 19 taun rayat Indonesia ulih ditangkap,” ku iya.\\nFisol bejaku munyi nya ngagai pemberita ba aum media di Indu Opis Polis Kontinjen Sarawak ditu, tadi.","num_words":107,"character_repetition_ratio":0.034,"word_repetition_ratio":0.0,"special_characters_ratio":0.215,"stopwords_ratio":0.112,"flagged_words_ratio":0.0,"lang_id_score":0.993,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Meda Filem Hancock\\nMeda Filem Hancock\\nUdah meda Hancock? Kami duai Cigu Bio meda cerita nya ti dilakon ka Will Smith lemai kemari di cineplex di Sibu. Kami duai ti tejanggal lama di Perodua Service Centre di Sarikei nyau laun angkat ke Sibu. Tumu angkat ari Betong...jam 6 pagi.\\nKereta Kancil Cigu Bio maioh amat utai perlu ditukar temasuk timing belt. Enggai ka ia putus tusah laban ia.\\nKami duai datai di cineplex sepiak Hotel Premier jam 5.00 lemai alu meda show jam 5.15 lemai. Cerita nya manah ga..tang kelalu jampat. Engka laban tu pengenalan ila sida ngaga sekuel ia manah agi. Tang lakonan Will Smith endang sigi manah belama..rindu meda ia nemu terebai nulong orang ti tusah. Anang enda meda filem nya...laban ukai semina Hancock aja ti bisi super power tang bisi indu siko mega...ex bini ia..emmm..\\nLabels: astana pengerindu, happy day, shopping","num_words":141,"character_repetition_ratio":0.055,"word_repetition_ratio":0.0,"special_characters_ratio":0.212,"stopwords_ratio":0.092,"flagged_words_ratio":0.0,"lang_id_score":0.987,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ensera Asal Penatai Apai Aloi (Iban Version) | Iban Cultural Heritage\\nENSERA ASAL PENATAI APAI ALOI:\\nNyadi cherita Apai Aloi bepun ari indu siko ke nama Rutih. Nyadi Rutih tu diau enggau sida apai indai iya di menoa sida di Nanga Engkaramoh, ari ili Gellong. Iya belaki Tunang Rebuam. Tunang Rebuam tu diau ba lobang batu, nadai rumah. Tunang Rebuam nya ke nyadi Antu Nguap. Nyau kalama ke begulai, dia deh Rutih nyau betuboh bisi, lalu beranak ka anak indu ke benama Sarai.\\nLeboh iya nyau dara dia iya deka turun ka temuda deka ngali bunga. Apin iya mupok dia indai iya berat-rat enda ngasoh iya ngambi bunga ke ba pun tapang, laban iya enda nemu penatai bunga nya. Tang leboh Sarai datai di temuda dia iya nemu panggal benih sida nadai agi, tak samina telesak bunga ke agi bisi dia. Ensepi diri enda bulih bunga ka di bai pulai, dia iya lalu mai bunga ke ba pun tapang, iya ti enda di asoh indai iya bai. Maioh bendar macham bunga dia baka bunga limau enggau bunga setangan. Udah iya mai bunga dia iya ninga utai tak ngenjing beguru, nadai utai ngemalat nya. Ka iya ngumbai nya ribut nadai ga iya meda kayu beguat; kumbai iya tanah berenyang ukai ga nya. Rari iya belanda-landa, dia deh bunga iya bisi berayan. Datai iya di rumah nadai ga iya ninga utai ke beguru nya agi.\\nAntara tiga malam udah nya dia iya bisi digayap orang. Orang ngayap nya nadai di kelala, meda pan nadai meh iya kala. Iya lalu nanya.\\n“Sapa nuan tu? Kukut nuan tu tak asai lungga, tunjok nuan asai laja, betis nuan tu asai belia?”\\n“Aku meh tu, nemuai ngagai nuan laban nuan udah ngambi bunga kami, udah megai taju aku. Aku tu datai tu deka bebini nuan,” ko orang nya.\\n“Sapa nama nuan tu deh?”, ko Sarai.\\n“Aku tu meh ke benama Gadu“, ko orang nya nyaut iya.\\n“Ari ni penatai nuan tu deh?”, ko Sarai.\\n“Jaoh, datai ari tisau langit kuning”, ko Gadu madah ngagai iya.\\nGadu lalu madah ka diri deka jadi enggau Sarai enti apai indai iya satuju. Sarai lalu angkat nanya indai iya enti sida iya satuju enggau jako Gadu. Sida indai Sarai nadai maioh jako pasal seduai iya ke deka jadi amat ga seduai iya ka jadi manah enggau pangan diri. Lalu jadi melaki bini meh Sarai enggau Gadu tu tadi.\\nNyau kelama ke begulai dia seduai lalu beranak, beranak ka anak lelaki nadai utai ngenyigat nya gamal, baka apai iya empu. Dia apai iya meri anak iya nama Raja Beginda. Leboh Raja Beginda nyau besai, dia iya nyau rangka, bepakai ka macham-macham utai, baka ansang keli, kelupa baung nya ke ngujong ka iya nyadi lap. Meda iya bakanya iya lalu diberi orang nama Tambap. Leboh Tambap nyau besai dia apai iya Gadu madah ka diri deka pulai ngagai menoa sida di tisi langit, laban iya samina tau diau tujoh tahun enggau sida dia. Apin iya pulai dia iya ninggal ka benda Indai Ranai sigi, sirat luai selambar, badi andai sabilah, sumpit sapuchok enggau selapok marik siti, ka Tambap. Udah nya iya pan lalu mupok pulai ngagai menoa iya di Perenching Tisi Langit Kuning baka Siring Tangkong Burong, Selesa Ujan Nyala Baka Tangga Gempong Jabong.\\nNyau kelama apai iya udah pulai ari menoa sida, Tambap pan nyau besai bendar. Ari siti dia iya madah ngagai indai iya, diri ti deka nemuai ngagai apai iya. Indai iya ngasoh, tang enda tau lama, ngambi ka sabulan pia, laban nadai orang enggau iya betupi. Hari iya ke mupok, dia iya lalu beradu. Pasok ka iya simpai kima iya enggau sirat luai. Ambi iya badi andai lalu tangkin iya, udah nya baru iya ngambi sumpit. Udah iya abis bekemas, baru iya mupok ari menoa sida di Nanga Engkaramoh, ari ili rumah sida Tutong kai di Gellong. Bejalai iya sehari-hari nya. Nyau lemai hari baru iya datai ba kaki Gunong Nyemugut. Iya pan lalu bemalam dia malam nya.\\nNyau pagi hari siti baru iya mupok majak ka pejalai diri niki Gunong Nyemugut nya. Kira tengah hari, dia iya bisi ninga orang ngagau.\\n“Oh ngetu Tambap”, ko orang nya dinga iya.\\n“Enda aku ngetu, laban beguai bendar”, ko iya.\\n“Nya pan ngetu enda lama”, ko orang.\\n“Sapa kita nya deh?”, ko Tambap.\\n“Aku tu meh ke dikumbai orang Bunsu Ruai, Dara Bajik kelandik Kaban Temuai, Dara Bunsu Mandi Tumu Besepar Rangkai”, ko orang nya madah ka nama diri ngagai iya. “Lalu ngetu”, meh ko orang nya nan ka iya.\\n“Enggai aku ngetu”, ko iya.\\n“Enti nuan enggai ngetu nuan puni ila, puni tusu madu aku baka lua burong kenyalang, puni kuyu aku baka telu manok kepayang”, ko Bunsu Ruai.\\n“Enda”, ko iya, “Tusu nuan enda manah baka tampok kepayang padong, kuyu enda manah balut tai manok lintong”, ko iya. Iya pan lalu nyau mupok.\\nBejalai iya sahari-hari nya, iya pan datai ba tuchong bukit sigi. Ba tuchong bukit nya iya meda maioh bendar orang berumah. Tang iya niki rumah orang ke sapintu salawang-lawang, siko sa-atap senukang. Leboh iya datai ba kaki tangga dia iya lalu nyapa nanya ka penyadi rumah?\\n“Jadi rumah kita ini?”, ko iya ngagau.\\n“Jadi uchu, niki meh, tang nadai orang enggau nuan di ruai dia, lalu ka bilek kitu”, ko orang nya nyaut iya.\\nDatai iya di bilek iya lalu nudok kai diri. Indai tuai orang nya lalu ngelalu kai iya sereta lalu nanya kai penatai iya.\\n“Ari ni penatai nuan tu deh uchu?”, ko indai tuai orang nya nanya iya.\\n“Aku tu datai, ari menoa kami di Nanga Engkaramoh ari ili Gellong”, ko iya.\\n“Nama main nuan deh?”, ko orang nya ga nanya.\\n“Aku tu ka nemuai ngagai apai aku kai benama Gadu”, ko iya.\\n“Oh Gadu nya anak menyadi aku”, ko ini orang nya.\\n“Oh sapa nuan tu deh?”, ko iya ga nanya.\\n“Aku tu meh Ini Jelebok. Ti nuan anak Gadu, uchu aku meh nuan tu”, ko ini orang nya bejako enggau Tambap. Ini Jelebok pen lalu ngangau kai anak iya kai betenun di sadau kai benama Nain Kai Bekain Mali Rimpi, Besandol Andol Kai Besanggol Lepi Sakali. Endu Nain pan nurun ga ari sadau.\\n“Oh bisi datai nuan anak!”, ko iya bejako enggau Tambap.\\n“Bisi meh ibu,” ko iya.\\nNyadi Tambap lalu bemalam dia malam nya. Hari nyau jauh lemai tindok mega sida. Pagi siti apin iya mupok, dia iya lalu nanya ka nama menoa nya ngagai ini iya ke benama Ini Jelebok. Ini iya madahka menoa nya dikumbai orang Bukit Tandok Labong. Kejang iya deka mupok dia ini iya meri iya ubat sangga bunoh ke lalu di-unsut ini iya ba tuboh iya ka bekal iya bejalai. Lepas nya baru iya ngejang ka menoa sida ini iya. Bejalai meh tudah Tambap sahari-hari nya, nyau tengah hari engkarabak alai iya tak nyerungkong rebah tetanam tunsang. Rebah kanan saka enteran, rebah kiba sakal ulu tulang, rebah ka moa saka tanda paya lebang. Tak lalu luput meh nya dia.\\nLeboh iya ke luput, dia deh Bunsu Langau tak bira ba nyawa, ba pending, ba idong iya. Dia iya pan lalu tedani laban tai langau. Leboh iya dani, iya meda orang tak ketawa ka iya. Nyadi nama Bunsu Langau nya Dara Nyerida Tau Tepat, Kumang Tukang Tau Keramat. Lalu ka di sumpit iya Bunsu Langau.\\n“0h anang nuan nyumpit aku”, ko indu nya bejako. “Ila kami meri nuan ubat batu pending enggau ubat batu bidik ngambi ka nuan bidik baka kami”. Lalu di-unsut orang nya batu pending enggau batu bidik ba jari iya. Benong ngunsut ka batu ubat nya tadi, dia orang nya lalu bejako.\\n“Tu bakanya ga Tambap, nama agi didinga panjong, agi nuan ninga jako orang, baka kami ke nemu buot”, ko orang nya.\\nUdah nya baru Tambap ngejang ka menoa nya lalu mupok bejalai baru. Bejalai iya sahari-hari nya, alai iya tak rembus ba rumah orang di tuchong bukit nya. Iya lalu bejalai nuju kaki tangga orang nya. Datai iya dia iya lalu nyapa.\\n“Jadi rumah kita tu?”, ko iya ari tanah.\\n“Jadi meh uchu”, ko orang nya. “Lalu niki ka rumah kitu ka”. Ngenjing besalalut ga tudah indai tuai orang nya ngelalu ka iya.\\n“Ari ni penatai nuan tu deh uchu, lalu ka kini ka nuan tu deh?”, ko orang nya nanya iya.\\n“Aku tu datai ari Nanga Engkaramoh ari ili Gellong lalu ka nemuai ngagai apai aku Gadu ke diau di Perenching Tisi Langit Kuning baka Siring Tangkong Burong, Di Selesa Ujan Nyala Baka Tangga Gempong Jabong”,ko Tambap madah ke diri ngagai indai tuai nya.\\n“Oh uchu kami meh nuan tu. Gadu nya anak menyadi aku. Nyadi aku tu meh ke dikumbai orang Antu Ribam”, ko indai tuai orang nya. Iya lalu ngangau ka anak iya Dayang Ketupong Dayang Lingkau, Endu Berunu Pandau Ligau, ke betenun di sadau. Lalu nurun meh ga anak iya ari sadau lalu berandau enggau Tambap dia. Tambap lalu bemalam ba ini iya dia malam nya. Nyau keleju ke udah berandau, dia ini iya madah ka nama menoa nya ngagai iya. Nyadi menoa tu dikumbai orang Bukit Alun Tenun.\\nPagi siti lalu mupok meh tudah Tambap nampong pejalai iya ke deka nemuai ngagai apai iya. Tang enda mukai mukai deh iya tak betemu enggau Antu Lembak Puki, apin tentu jauh ari rumah ini iya Antu Ribam. Dia antu Lembak Puki nya tak ka manching iya kemi. Takut bendar tudah Tambap meda utai bakanya. Iya pan lalu nikal ga ngagai rumah ini iya Antu Ribam. Datai iya dia, iya madah ngagai ibu iya pasal Antu Lembak Puki ke deka manching iya. Ibu iya lalu meri iya batu pukak.\\n“Enti nuan bidik, ai kemi antu nya lagi tau jadi batu, tang enti nuan enda bidik tak basah ngapa meh nuan lagi laban kesing iya”, ko ibu iya madah ngagai iya.\\nUdah nya iya nyau mupok mai batu puki nya tadi. Tang nasit bendar ga antu nya nadai agi ngachau iya.\\nBejalai kenu tudah Tambap sahari-hari nya, nyau lemai hari iya datai ba kaki bukit. Agi jauh, dia iya meda maioh bendar rumah orang, ngenjing baka daun bukau empa pemaioh, tang meh nadai betampong panjai. Dia iya lalu nuju rumah ti betampong tiga pintu. Datai iya ba kaki tangga iya lalu ngangau.\\n“Jadi rumah kita?”, ko iya.\\n“Jadi meh Igat,” ko orang nyaut iya. “Lalu, niki meh”.\\nNyau lama ke berandau, dia apai tuai lalu nanya ka penatai iya.\\n“Ari ni penatai nuan deh Igat? Lalu ka kini ka nuan tu deh?”, ko orang nya nanya iya.\\n“Aku tu datai ari Nanga Engkaramoh ari ili Gellong lalu ka nemuai ngagai apai aku Gadu”, ko iya nyaut orang nya.\\n“Oh petunggal aku Gadu nya. Kaban meh kitai tu. Nyadi aku tu Bunsu Kamba”, ko orang nya madah ka diri ngagai iya.\\nNyau ka pemanjai randau dia iya nanya ke kabuah sida dia enda betam¬pong panjai.\\n“Ukai utai”, ko orang nya. “Agi menya kami tu bisi ka di-kayau orang, Nya alai kami enda betampong panjai. Enti sema kami ka sebuah rumah di tunu orang, sebuah ga agi tinggal, enti sebuah di tunu, sebuah ga agi”, ko orang nya madah.\\n“Kati alai orang deka ngayau kita deh?”, ko iya nanya.\\n“Kami menya bisi ngelalai ka utai baka tajau, chapak, mangkok, tekang mas bisi mesai tuboh kijang, ba pun kayu melebu. Kati nuan ngelala kayu melebu?”, ko orang nya nanya iya.\\n“Enda tentu ngelala”, ko iya. “Ngelala-ngelala ka bakanya meh. Batang iya ka burak-burak lalu bandir iya ka mipis-mipis, daun iya begalong. Pia ko orang ke nusoi ngagai aku”, ko iya nyaut.\\nNyadi malam nya iya bemalam dia. Malam nya orang lalu ngumbok iya enggau sida iya ngiga kayu melebu pagi siti.\\nNyau pagi siti tumu sida iya mupok ngagai puak kampong kin ka ngiga kayu melebu. Maioh ga kayu melebu ditemu sida, tang meh agi mit magang. Nyau kelama baru sida iya tetemu ka iya ke nyau dua pemerap pemesai batang. Datai dia sida lalu belaboh ngair-ngair pun kayu nya ngiga utai. Dia sida tetemu ka maioh macham chapak ke manah baka chapak kerugi, chapak kemuja, pinggai beturus, pinggai tebal enggau maioh utai bukai ke manah. Tang alah ngagai hari nyau lemai, tekang mas ke mesai tuboh kijang lalu nadai temu. Sida pan lalu pulai. Lemai nya udah badu makai dia iya madah ka diri enda ulih enggau sida iya agi ngiga pagi siti laban lalu ka nerus ke pejalai iya. Mina chapak enggau pinggai ulih iya dia.\\nPagi siti iya lalu mupok. Apin iya ke mupok, dia Bunsu Kamba ngasoh anak dara iya ke benama Endu Temuku Tampok Lemba, Dayang Ketupang Bunga Taya nganjong Tambap. Bejalai seduai iya ngejang ka menoa Bunsu Kamba lalu rembus ba pun kara. Dia Tambap lalu nyumpit. Burong ke ulih iya nya diberi iya ngagai anak Bunsu Kamba. Nyau kelama seduai iya ke udah nyumpit dia anak Bunsu Kamba madah ka diri naka nya nganjong iya. Seduai iya lalu besarara dia. Manah ga anak Bunsu Kamba nya enda beduan iya mai iya tesat.\\nBejalai iya ari pun kara nya, alai iya tak rembus ba danau siti. Ka iya nyemerai ka seberai, takut ga ati iya, laban ai nya ka dalam-dalam mimit. Dia iya lalu besampi munyi Menani Manang Chelong, mutap munyi kedadap telok kampong.\\n“Ni petara kai ngemata kai aku, Ke ngadu ka aku? Aku tu ka nemuai ngagai apai aku Gadu”, ko sampi tudah Tambap.\\nEnda lama udah nya alai datai burong undan ke madah ka diri deka nyangkai ka iya ka seberai. Iya lalu nepan ba belakang burong undan nya. Nying entachang burong undan nya mai iya terebai ka seberai nya ti ngasoh sapiak tuboh tudah Tambap nya basah. Datai di seberai iya lalu bejemboi. Leboh ka bejemboi, dia iya ninga orang tak reding-reding. Jauh ga orang nya ari iya, tang laban iya ke bisi batu pending ke diberi Bunsu Langau ulih ga iya ninga. Dia iya ninga orang bejako.\\n“Nama pengawa nuan dia wai?” ko orang nya dinga iya.\\n“Aku tu ngelalai ka telu aku sapuloh igi tu enggai ka di empa Ini Gumba, enggau Aki Gumba, enggai nyadi enda di-lalai ka”, ko orang nya nyaut didinga iya. Udah nya mansang Tambap ngagai tunga orang ka bejako nya. Datai iya dia iya meda Bunsu Beluku ke lalu nanya iya.\\n“Ka kini nuan Tambap?”, ko Bunsu Beluku nanya iya.\\n“Aku tu ka nemuai ngagai apai aku, lalu aku tu minta anjong nuan”, ko Tambap nyaut.\\n“Enggai aku”, ko Bunsu Beluku nyaut.\\n“Enti nuan enggai aku ka madah ka telu nuan sapuloh igi ke di-lalai ka nuan tadi ngagai Aki Gumba”, ko iya nyaut.\\nNyadi tudah Bunsu Beluku tu tadi, laban sayau ka telu diri diambi Aki Gumba, deka mega iya nganjong Tambap. Iya lalu dianjong Bunsu Beluku alah nyau semak rumah Aki Gumba. Dia iya madah ka diri naka nya nganjong Tambap, laban takut ka diempa Gumba. Ninga redup tungkat Gumba bala Beluku lalu terejun ka ai.\\nUdah Bunsu Beluku mulai ka diri. Tambap pan gadai-gadai ga bejalai nuju rumah aki iya. Niki iya peda iya dugau-dugau aki iya ba ruai. Pala baka rintong, mata baka buah terong, ngeli iya baka lengki di kaki wong, nadai utai ngemesai nya, pala iya ga lalak. Sereta meda iya aki iya lalu ngelalu ka iya.\\n“Lalu uchu lalu”, ko iya. Iya lalu ngangau ka bini iya.\\n“Untong tua lemai tu baka beliong ulih ngamboh, betuah tua lemai tu baka peredah ulih ningkoh. Bisi datai uchu tua lemai tu”, ko Antu Sepapa nya gaga ka Tambap ke bisi datai lemai nya. Lalu pansut ga bini Antu Sepapa nya ari bilik lalu merap Tambap gaga ka iya ke bisi datai lemai nya.\\n“Kini ka nuan tu deh uchu?”, ko bini Antu Sepapa nanya Tambap.\\n“Aku tu ka nemuai ngagai apai kau Gadu”, ko iya nyaut.\\n“Enti Gadu nya anak petunggal kami”, ko ini iya nyaut.\\nNyadi Tambap tu lalu asoh Antu Sepapa diau ba seduai iya dulu, apin asoh seduai melaki bini mupok. Diau dia meh tudah Tambap. Sekumbang iya ke diau dia, dia iya meda maioh bendar salai, kasam tang meh balat bendar gamal. Nambah ka nya mega, Antu dua iko nya tak nadai makai asi. Apin bangat lama iya udah diau dia, alai Antu Sepapa nya madah ka seduai melaki bini deka tindok. Seduai tu endang ka baka, tindok sapiak bulan lalu dani sapiak bulan ga. Apin seduai iya tindok, dia seduai iya madah ka kasam enggau salai ke empa Tambap sekumbang seduai iya tindok nya. Antu nya pan lalu meri iya alu siti kena ngerak seduai iya enti bisi tuntong penusah. Udah nya baru seduai iya lalu tindok.\\nKira bisi tiga malam meh antu dua iko nya tindok alai tudah Tambap di tuntong penusah. Enda mukai-mukai ga iya tindok mai kasam enda jauh ari iya ke tindok. Ensium utai ke manah bendar bau, datai tikus belanda tak lalu ngigit tungkul idong iya ti ngasoh idong iya lalu rumpong. Nyau rauh-rauh tudah Tambap laban idong iya ke nyau nyengut. Dia iya lalu ngambi alu lalu di entong iya ngagai dada antu nya ngerak seduai iya. Dani seduai iya lalu diadu-adu seduai iya tungkul idong Tambap. Nyau ke lama jadi ga tungkul idong iya, tang meh lubong idong iya agi bedau siti aja, tak agi sedandang, nya ti ngasoh iya lalu idol jako selama iya. Kira dua tiga hari udah nya alai iya madah ka diri deka lalu nerus ka pejalai iya nemuai ngagai apai iya.\\nPagi siti lalu mupok iya ngejang ka menoa Antu Sepapa nya ke alai idong iya sedandang. Bejalai iya sahari-hari nya ka diri-diri. Nyadi menoa nya tak entap baka padang tang meh kayu tak bebesai magang. Nyau ka lemai hari alai iya rembus ba sungai siti ke alai iya betemu enggau indu siko ke benong mandi. Indu nya tak ngena selong semua, bulu pala iya baru beselat uban. Indu nya lalu mai iya sama mandi. Tang iya enggai laban bulu iya chelap. Leboh indu nya ke mandi dia seduai iya berandau. Iya lalu madah ka diri datai ari Nanga Engkaramoh ari ili Gellong, mansang nemuai ngagai apai iya Gadu. Tekenyit indu nya ninga iya tak anak laki iya empu. Indu nya lalu madah ka diri bini Gadu. Udah iya tembu mandi, indu nya lalu mai iya niki ka rumah. Datai di rumah din gaga bendar apai iya Gadu meda anak iya nyau besai, ke lalu bisi datai nemuai ngagai iya. Iboh bendar apai iya enggau indai tiri iya ka iya ke nemuai nya, nyau baka ke endang anak iya empu. Pemakai pan manah ga enda baka ka ba rumah Antu Sepapa tang meh jako iya tak lalu idol.\\nKira empat hari iya udah diau enggau apai seduai indai tiri, iya pan lalu madah ka diri deka pulai, laban nyau irau ka indai iya ke tinggal ke diri di Nanga Engkaramoh. Tang meh apai seduai indai tiri iya agi nan ka iya ngambi dua hari agi. Lemai iya ke madah ka diri deka pulai nya, dia deh enda mukai-mukai ga tak bemunyi ngingit. Ngingit tu Manang Mengayan gila ka ngerebok mata orang enti orang tindok. Leboh ngingit ke bemunyi, dia indai tiri iya lalu ngangau madah ka sida iya agi dani.\\n“Agi dani kami tu, agi dani”, ko iya.\\nNyadi Tambap ninga ngingit deka bendar ngerebok mata orang ti tindok takut endar ati iya. Nya ke lalu mun ke iya ti takut endar ka ngingit.\\nNyau kedua hari udah nya alai iya pan madah ka diri enda tau enda mulai ka diri. Apin iya pulai dia apai iya Gadu ngasoh iya milih ni duku ti dikerindu iya, laban iya empu endang tukang kamboh. Tang meh Tambap samina kamai keris sabilah aja, ka penguju ko iya, selapok ujok bok siti enggau baju kechepak salambar. Ari indai tiri iya samina minta siti sendok. Iya enggai empu ubat jedian. Nyadi sendok nya, ko indai tiri iya enti agi tujoh malam enda lapar enti udah nilat ujong sendok nya. Udah iya bekemas enggau beberi ka utai, nya baru apai enggau indai tiri iya nganjong iya ngagai pangkalan. Nyadi iya ke pulai tu nengah ai, merau ngena perau jong sebuah, kira panjai tiga enggau buka iya sedepa.\\nUdah nya lalu mupok meh tudah Tambap tu berarat kili. Apin lama endar udah nya, alai iya betemu enggau burong undan.\\n“Oh nuan Tambap, bisi pulau batu sigi nyin, anang nuan mansa nya enggai ka kudi. Pulau Kudi Mayau nya”, ko burong undan madah ngagai iya. Tang meh iya tak baka ke enda iboh. Lalu bepeling-peling dia meh iya. Keleju ke bakanya alai perau iya tak tepangka ba batu nya. Tak lalu kudi meh hari dia. Nyau baka ke deka tungkup perau Tambap laban gelumbang. Nyau udah pama agi hari, alai iya tak rembus ba Nengeri Ribai Dayak. Ba pangkalan nya bisi bandong sebuah. Perau iya lalu di sangkai ka iya ba tumpang bandong nya, laban hari ke agi jai enda ulih disangkai iya ka tebing.\\nSemalam nya dia meh tudah iya ninga Laut ke empu bandong nya bejako. Nyadi bala Laut nya datai ari menoa Raja Suran, ari baroh Gunong Mesuat. Sida iya mansang ka “belujum” ka buah lebih seratus sapuloh leka ngelaban orang di nengeri Ribai Dayak. Enti orang dia ulih nyangka penyampau buah nya, bandong sida Laut nya di empu orang nya. Tang enti sangka sida salah, sida laut bempu Kayu Sagu Alu, ia nya kayu pengajih siti ti bisi tumboh ba menoa sida dia. Tak nama utai deka di pinta kitai ulih magang laban kayu nya ngada ka semua utai nya. Angkat ninga deh Tambap jako Laut ke madah ka buah lebih sida iya seratus sapuloh leka nya. Pagi siti iya lalu tumu niki ngagai jembatan ke enda jauh ari nya ke alai orang deka belujum. Iya ke mupok ka tebing nya ngena selapok ujok bok enggau baju kechepak. Iya ga tinggi iya ga selapok ringka, iya ga besai iya ga bebaju taya. Sigat bendar gamal iya.\\n“Lalu meh tuan”, ko bala Laut ngelalu ka iya. “Aram lalu belujum kitai tu”, ko orang bejako enggau iya.\\n“Nama reti belujum”, ko iya ngaga diri enda nemu.\\n“Belujum meh, enti nuan nemu penyampau buah lebih dalam guni tu nuan empu bandong kami, enti nuan enda nemu kami empu kayu Sagu Alu”, ko orang.\\nDia iya lalu bepusin-bepusin ngena keris ke diberi apai iya. Iya endang agi ingat ka penyampau buah lebih nya.\\n“Saratus sepuloh leka!”, ko iya.\\n“Alah meh kami tu”, ko orang nya. “Nya alai bandong tu lalu di empu nuan meh”.\\n“Aku enggai empu bandong nya nadai di kena kita pulai”, ko iya. Iya semina ngambi barang temaga, reta baka setawak, engkarumong, dumbak ke lalu di-bantai iya ngagai perau iya. Udah nya iya lalu mupok ga ngejang ka menoa Ribai Dayak, ke alai iya bulih reta enggau mudah.\\nNyau kelama iya ke udah bedayong, dia iya lalu datai ba menoa Batu Titi ke Bepampang Tujoh Nanga, Saka Ulak Jawa, Ai Beranti Tujoh Nanga. Iya lalu nyangkai ka perau iya ba jematan lalu terus bejalai ka rumah orang. Datai iya ba rumah dia alai iya betemu enggau Simpulang Gana.\\n“Oh lama udah tua enda betemu”, ko Simpulang Gana ngelalu kai Tambap.\\n“Au, lama endar meh tua udah enda betemu”, ko Tambap ga nyaut. “Nama main nuan tu tak bisi di menoa orang deh?”, ko iya nanya Simpulang Gana.\\n“Bakatu”, ko Simpulang Gana. “Aku tu suba bebini ngambi Endu Serentum Tanah Tumboh. Udah nya leboh kami dua udah nyundang pinang kami dua lalu nemuai ngagai rumah aka aku empu, Dayang Putong Kempat. Nyadi leboh iya mandi, dia iya tak mandi ari ili bini aku. Di rara aku enda ulih. Udah bekau nya isi iya tak lalu murok. Kami enda nemu ngubat iya agi, nya alai iya lalu di perarat ka. Iya lalu di apong Ini Manang ke lalu nempa iya baru. Iya pen lalu pulai bajik baru. Udah nya iya lalu dibeli Pati Melayu Puteri Bunsu ke empu menoa tu ngena Batu Pengajih ari Ini Manang. Nya alai aku ke bisi di temu nuan ditu”, ko Simpulang Gana becherita ngagai iya. “Nya alai sida tu”, ko Simpulang Gana nampong cherita iya, beperang ngelaban Raja Kumbang, tang lalu enda ulih alah ka, laban sida ke enda ta-irup ka ai salabu ke selalu di binti bala Kumbang. Enti nuan tak bisi runding ni enda pama!”, ko Simpulang Gana madah ngagai Tambap.\\n“Enti kita beguna ka penemu enggau tulong aku, deka ga aku enggau”, ko Tambap bejako enggau Simpulang Gana.\\nMalam nya Tambap lalu ngasoh sida ngumpul buah entawa maioh bendar, lalu di tabur sida ngagai kuta Raja Kumbang. Pagi siti bala Raja Kumbang lalu begau berebut ka buah entawa nya tadi, ngumbai buah entawa nya mas. Laban sida ke balat bendar berebut nya ti ngujong ka kuta sida lalu terumpang. Udah kuta sida iya terumpang nyamai bendar bala Tambap, bala Simpulang Gana tama ke dalam. Nya ti ngujong ka Raja Kumbang lalu alah, sereta lalu kena tangkap. Tang iya minta kasih ngagai sida Simpulang Gana anang munoh iya enggau kaban iya. Ka ganti nyawa sida iya, Raja Kumbang laban iya ke tukang, semaia deka meri Simpulang Gana perau, laban iya ke bisi Gadin penyarin dandang umai, bisi Meliba nyala nanga sungai. Bisi Mawing ngiling enda nginsap, bisi Mambu bebaju ke udu balat gerenyap nya orang kaban Raja Kumbang magang ke nemu ngereja samua macham utai.\\nNyadi Tambap udah nya nyau bipar ka Pati Melayu Puteri Bunsu, laban ka udah enggau iya ngalah ka Raja Kumbang.\\nAngkat Tambap ari menoa Pati Melayu nya, iya lalu mudik Batang Gellong. Simpulang Gana lalu masok Nanga Sungai Limau Janting. Datai iya ba Nanga Engkaramoh, orang begau meda iya ke datai mai utai ngamaioh nya. Udah nya orang pan lalu mantai ka utai ke ulih iya nya. Gaga bendar indai iya meda penatai iya mai perengka enggau reta.\\nApin lama iya ke udah pulai nemuai ari apai iya, ke alai iya bulih reta, dia iya lalu di asoh indai iya bebini. Iya bebini ngambi Chelegit, indu orang Gellong. Laban iya ke kaya taja pan jako iya idol, sida Keling, sida Sempurai enggau Pungga nadai jako. Rumah bisi ga iya, tiang teras magang. Nya iya lalu beranak ka sida Kumang Begok, Aloi, Atop, Imba. Laban nya iya lalu dikumbai orang Apai Aloi. Tambah mega pengawa iya tak jauh endar lain ari pengawa enggau penemu orang bukai ke menyana.\\nEnsera asal ditusoi niang Lemambang Luat Anak Jabu (1886 – 1980) ari Rumah Panjai Senunok, Ulu Paku, Saribas. Digumpul serta ditulis Professor Clifford Sather dibantu Niang Benedict Sandin.\\non November 5, 2016 at 1:58 pm | Reply enduk sayur campur\\nBaru nemu penatai apai saloi tu. Selalu dengar orang tuai cerita tapi enda dipadah asal usul apai saloi ari ni. Thank you ke orang ti sanggup luah masa bercerita ke asal usul apai saloi.\\non November 23, 2013 at 10:17 am | Reply bunsu semalu\\napai saloi,apai aloi, apai sali, sama kh?\\non November 24, 2013 at 1:53 am | Reply uwa1971\\nSama ja. Dikumbai Tambab mega.\\non October 1, 2013 at 4:08 pm | Reply boy kenyalang\\nRindu ndar aku macha ensera tu..perfect…\\non September 14, 2013 at 10:53 pm | Reply indu iban\\nManah ensera tok…\\non June 17, 2013 at 3:00 am | Reply uwa1971\\nSatu lagi jenis ajat lelaki yang saya pernah lihat semasa melah pinang yang membentangkan kedua-dua belah tangan kanan dan kiri dengan jari-jemarinya dikucupkan seperti paruh burong kenyalang dan diarahkan ke bawah ke lantai tapi saya tidak dapat namakan jenis ajat ini sehingga sekarang. Mungkin ada pembaca yang tahu.\\non June 17, 2013 at 2:54 am | Reply uwa1971\\nSaya pernah melihat ajat lelaki yang sungguh akrobatik dengan bunga-bunga berikut:\\n– menggigit sebilah parang,\\n– mengimbangi parang itu di atas bahu,\\n– melompat ke depan dan ke belakang beberapa langkah untuk menepis serangan musuh\\n– melompat untuk menyerang musuh sambil menjerit dan menghentam parang itu di atas lantai supaya ada bunyi hentaman,\\n– akhirnya mengimbangkan parang itu di atas bahu seklai lagi dan berlari ke hadapan mungkin 10 langkah tanpa parang itu jatuh ke bawah.\\nAda satu contoh ajat lelaki dengan gaya bujang berani menyerang lawan yang agak klasik di sini:\\non June 17, 2013 at 2:37 am | Reply uwa1971\\nAda beberapa jenis ajat lain seperti ngerandang jalai, ngelalau jalai, ngalu pengabang, berayah jika di cari dalam Youtube.com.\\non June 17, 2013 at 2:20 am | Reply uwa1971\\nDi dalam Youtube.com, ada ngajat Panggau Libau seperti ini:\\non June 17, 2013 at 2:15 am | Reply uwa1971\\non June 17, 2013 at 2:11 am | Reply uwa1971\\non June 17, 2013 at 2:09 am | Reply uwa1971\\nApa itu ajat tuai kayau? Adakah ianya ajat raja berani?\\non June 17, 2013 at 2:07 am | Reply uwa1971\\nIni satu lagi tulisan tentang jenis-jenis ajat:\\non June 17, 2013 at 2:06 am | Reply uwa1971\\nJenis-jenis ajat dan taboh Iban boleh dibaca dari tulisan Jumbun Tawai di sini:\\non June 17, 2013 at 1:43 am | Reply uwa1971\\nDi bawah ada dibicarakan jenis-jenis ajat orang Iban:\\non March 20, 2009 at 10:38 pm | Reply Luciana Eddy\\nSelamat lemai Sir.\\nMinta ampun laban aku agi perluka runding Sir senentang jenis-jenis ngajat ti bisi ditemu ku ba artikel2 ari website bukai. taja pia nadai entu maioh maklumat ti di beri.\\nNyadi aku enggau besai ati enti Sir agi ulih mri ku information bagi beberapa jenis ngajat diatu.\\na) Ngajat Induk (who,what,when,where & how it performs)\\nb) Ngajat bebunoh (who,what,when,where & how it performs)\\nc) Ngajat Lesong (who,what,when,where & how it performs)\\nd) Ngajat Semain (who,what,when,where & how it performs)\\ne) Ngajat Berayah (who,what,when,where & how it performs)\\nf) Ngajat “Ngemai antu pala”\\ne) Perbezaan antara ngajat indu ngau laki\\nKu berarap amat enti Sir ulih nulung ku agi.\\non March 22, 2009 at 1:53 am | Reply gnmawar\\nEnda semua pasal ajat kitai Iban ditemu aku. Aku semina nyimpan record naka ka udah di research orang ke dulu. Tang aku empu nadai kala meda sakeda ajat nya. Aku arap ka bisi scholars tau bejalai begiga serta ngaga record pasal utai tu enggau silik agi e.g. ngena video. Tq.\\non April 10, 2013 at 1:59 am | Reply uwa1971\\nUlih aku nguji nyaut tanya nuan nyak?\\n– tu ajat orang indu, bugai ngau gerak ia mesti lembut baka manuk indu. Peda ajat ba tu internet. Tutor DAM bisi alam youtube. Tauka beli VCD kajat ANP.\\n– tu ajat raja ngau bujang berani (pahlawan), nyadi gerak ia baka ke benong bamok ngena duku ilangtauka nyabor ngau terebai. Bisi alam youtube ngau VCD ANP.\\n– ajat ngetup tauka manggom lesung ngena ngeli. Bisi alam youtube ngau VCD ANP.\\n– Selalu ia ajat indu semain baka kena ngalu temuai tauka pengabang. Bisi alam youtube ngau VCD ANP.\\nBisi ga ajat semain lelaki ngau indu maya niti ruai nikike pengabang.\\nPeda aku ba Youtube bisi ajat panggau libau ti seraban bala lelaki.\\n– ajat berayah kena ngerandang ngau ngelalau jalai alu taboh ia ngena gendang rayah, ukai taboh ajat rama.\\n– Tu enda kala aku ninga ajat tu. Enti naku antu pala bisi tang tu ukai ajat, semina leka main aja. Ari ni nuan bulih bengkah ajat tu?\\nTu ajat orang indu tauka lelaki?\\nEnti maya mai antu pala pulai ngayau, engka orang lelaki ngajat alu megai igi balang ia kini, engka atas perau ba luan tauaka ba tanah baka ba kerangan.\\nUdah nya, antu pala disuah agai orang indu baka bini tauka ambai. Engka nyak alu ngajat kini sida ke nerima igi balang nyak tanda gaga ati bulih ayam ti pemadu manah baka leka main naku (nyangkah) ti muji orang ke bulih dengah nyak.\\n– Amatkah ajat orang indu lembut agi ari ajat lelaki.\\nAjat indu enda tauka jarang ngena senjata enda baka ajat lelaki ti selalu ngena duku ngau terebai tauka pinggai, pinggai ngau kerubong strum kena ngetuk pinggai bemunyi. Bisi ga kala meda indu mincing pereca maya ngajat tang nya aja.\\nTang ajat indu endang bisi nganyun ke jari ari tisi ke moa baka manuk nitir.\\nGerak ajat lelaki mayuh nunda gerak burong kaki kenyalang alu enti maya ngetas buah ranyai, ulih nunda gaya kenyalang ngulihke buah ngena paroh iya ti panjai.\\non April 20, 2013 at 4:23 am js\\nBis aku baru maca ba blog siti Apairosa madahka antu pala dibai ngajat ti nyingkang ke mua tang ka kiba kanan.\\non June 11, 2013 at 9:09 pm | Reply Willy Aghata Heramus Mangan\\nSalam budaya… Saya Willy, Iban Kapuas Hulu, Kalimantan Barat. Cerita Ensera dalam bahasa Indonesia dalam bentuk buku bisa saya dapatkan di mana? Saya sedang mengkaji kebudayaan Iban untuk karya penciptaan tari saya. Dan oia, saya sedang kuliah penciptaan tari di Fakultas Seni Pertunjukan, Institut Seni Indonesia Yogyakarta… Apabila saudara ada yang ingin memberikan informasi, bisa mengubungi saya melalui Fbook : Willy Heramus (Mangan) atau kontak via mobile +6285252014299. Terima kasih…\\non June 12, 2013 at 3:29 am | Reply uwa1971\\nNgak bisa ngomong bahasa Iban ka?\\non June 15, 2013 at 11:20 pm Willy Aghata Heramus Mangan\\nHmm.. Belum terlalu mahir karena saya baru bertemu dengan Ayah kandung saya yang orang Iban setahun yang lalu saat berusia 21 tahun. Saya tumbuh dan besar di lingkungan keluarga Tionghoa Ibu saya. Dan kebetulan saya sedang malanjutkan studi penciptaan tari saat ini, dan tertarik untuk mengangkat soal kebudayaan Iban.\\non April 24, 2013 at 1:38 pm | Reply zyeme\\ncerita iban meri anembiak nemu cerita kelia menyak…..\\non November 1, 2012 at 9:29 am | Reply ratucantik\\nnithka legend tu,bisi pengering,bisi nasib,bisi pengelandik meh kitai iban…tang nama meh pendiau kitai ba dunia moden tu enda tulihka akal,ka kuasa baka sida apai olui tu….\\nnama sigi enda diturunka sida penemu tu kini?\\non November 1, 2012 at 8:16 pm | Reply gnmawar\\norang ke nyadi tuai kitai patut selalu ditukar, ngambi ka selalu mansang belama.\\non August 10, 2012 at 11:48 am | Reply DANIEL\\ncukup manah jerita tu,,sayau meh utai ke baka tu nadai dipansut ke orang ba bup kitai daya..bisi ari ila tau dikeluar ke ba bup utai kebaka tu uncle.?\\non February 14, 2012 at 1:45 pm | Reply natalia ame\\nmnah amt cerita tok…bru q nmu..penatai apai aloi k amt endar…\\non October 13, 2011 at 8:38 pm | Reply Dorothy Dumeng\\nkahkahkah…sampai saritu apai saloi ambi ka sebut..aku tu peturun ari Penghulu Langi ak Jilap..ngau Balang..asal kami ari Jerai..\\non September 3, 2011 at 12:04 pm | Reply apai sali\\noooo nya cerita pasal penatai aloi neh.terima kasih ngagai nuan aya\\non September 3, 2011 at 12:01 pm | Reply apai sali\\nmanah amat ensera tu. indu endar macha iyo.\\non October 1, 2010 at 1:13 am | Reply MICHAEL ANAK JANGI\\nMayuh org IBAN ka Kerja ba endur kita SHELL dia?\\non October 28, 2009 at 2:06 pm | Reply peter\\nsida keling tu bansa ribai tauka iban\\non November 11, 2009 at 9:37 am | Reply gnmawar\\nAsal Keling tu Iban, anak Si Gundi, turun ari sida Bejie.","num_words":5434,"character_repetition_ratio":0.052,"word_repetition_ratio":0.007,"special_characters_ratio":0.226,"stopwords_ratio":0.254,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"CCRC baru tau dikena enda lama agi - PressReader\\nPalan baru nya muat endur penyampau ti mayuh agi ari palan ti lama\\n2020-11-25 - Dikarang Rengenyan Labang Sarawak · Bintulu · Sibu · Miri\\nKUCHING: Cure and Care Rehabilita­tion Centre (CCRC) baru ba Jalai Puncak Borneo dipelaba deka beoperasye­n enda lama agi.\\nMenteri Pengintu Pengelanta­ng Pendiau,Pengelanta­ng Raban Bansa, Orang Indu, Ruang Bilik enggau Pemansang Nembiak Mit Dato Sri Fatimah Abdullah madah,palan ke baru nya muat endur penyampau ti mayuh agi ari palan ti lama.\\n“CCRC baru ba Jalai Puncak Borneo dipelaba deka beoperasye­n enda lama agi.\\n“Palan tu bisi kapasiti alai ngubat enggau mulaika baru pemanah ulah dalam institusye­n ungkup 250 iku klien dalan siti timpuh, tauka penyampau kapasiti nambah sepenyampa­u 100 enti dibandingk­a enggau CCRC ti lama (ungkup 150 iku klien),” ku iya ti enda madah timpuh kebendar.\\nFatimah mansutka pekara nya ba aum pengarang berita “Laporan Berkala One Stop Committee Bagi Menangani Isu Dadah dan Substance (OSC MIDS)” ungkup bulan Oktober 2020 ti diatur ba Bilik Media, KWPKP Begunan Baitulmakm­ur 2 ditu, kemari.\\nLebuh ti ngenang pemayuh klien ti berubat enggau digeraika ba CCRS, iya madahka dalam timpuh 1 ngagai 30 Oktober 2020 bisi 165 klien benung ti diperubat enggau dipulaika pemanah ulah ba CCRC nengah perintah kort lalu bisi 24 klien benung berubat ketegal peneka diri ba Klinik Cure and Care (C&C) Kuching ti dipejalaik­a Agensi Anti Dadah Kebangsaan (AADK) Sarawak.\\nNambahka nya bekaul enggau One Stop Centre for Addiction (OSCA), dalam timpuh bulan Oktober bisi 13 iku bisi ngambi ‘substance’, datai ke diri empu berubat ba palan nya ti dipejalaik­a Opis Pengerai Nengeri Sarawak ba Klinik Pengerai Tudan di\\nMenteri Pengintu Pen g e lantang Pen d iau, Pen g e lantang Raban Bansa, Orang Indu, Ruang Bilik enggau Pemansang Nembiak Mi t\\nMiri, ku iya.\\n“Dalam timpuh Januari ngagai Oktober 2020 bisi 7,947 iku datai ngajung diri berubat ketegal gian substance baka alkohol enggau semakau ba fasiliti Opis Pengerai di Sarawak,” ku iya.\\nBerebak enggau tu, lebuh ti ngenang bekaul enggau salah nguna dadah enggau substance ba bala nembiak, ku iya, ba renggat sekula sekondari ari baruh Opis Pelajar Nengeri Sarawak, bisi 80 iku nembiak udah ditemu positif ai kemi dalam taun 2020.\\n“Ari penyampau nya, 11.25 peratus (9 iku) udah mujur badu ari salah nguna dadah lebuh ai kemi sida ditemu negatif ba peresa kedua kali enggau ketiga sekumbang sesi berubat, mulaika pengerai enggau kaunseling ba sekula,” ku iya.\\nKelimpah ari nya, Fatimah mega ngenang ripot penerita adat aktiviti salah nguna dadah enggau substance nitihka pelilih menua ba Sarawak.\\nKu iya sepanjai taun 2020, Sarawak ngerikodka 10,201 pengawa nangkap bekaul enggau aktiviti salah nguna dadah ngena substance asil ari operasyen dipejalaik­a PDRM nengahOpis Mansik Pengawa Jai Narkotik (JSJN) enggau Angensi Anti Dadah kebangsaan (AADK) Sarawak.\\nAri penyampau semua pengawa nangkap ti dipejalaik­a nya, Pelilih Menua Kuching ngerikod penyampau ke ditangkap pemadu tinggi, iya nya 3,251 ditangkap (31.8 peratus), ditangkan Pelilih Menua Miri (1,065 ditangkap (10.4 peratus), Pelilih Menua Bintulu (980 ditangkap (9.6 peratus), Pelilih Menua Sibu (830 ditangkap (8.1 peratus) enggau Pelilih Menua Samarahan 509 ditangkap (4.0 peratus).\\nSama bisi ba aum pengarang berita nya kemari, Menteri Muda Pengelatan­g Pendiau Raban Bansa Datuk Francis Harden Hollis, Menteri Muda Orang Indu, Ruang Bilik enggau Pemansang Nembiak Mit Datuk Rosey Yunus enggau sida ke bukai.\\nPalan tu bisi kapasiti alai ngubat enggau mulaika baru pemanah ulah dalam institusye­n ungkup 250 iku klien dalan siti timpuh, tauka penyampau kapasiti nambah sepenyampa­u 100 enti dibandingk­a enggau CCRC ti lama\\n(ungkup 150 iku klien).\\n— Gambar Roystein Emmor TAU DIKENA ENDA LAMA AGI: Fatimah meri penerang pandak bekaul enggau CCRC baru ba Jalai Puncak Borneo nyerumba aum pengarang berita ‘Laporan Berkala One Stop Committee Bagi Menangani Isu Dadah dan Substance (OSC MIDS’), seraya disempulan­g Harden (kiba) enggau Rosey (kanan), kemari.","num_words":574,"character_repetition_ratio":0.055,"word_repetition_ratio":0.103,"special_characters_ratio":0.213,"stopwords_ratio":0.174,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Astana Pengerindu [astana of love]: Randau sebedau pulai ke Betong...\\nRandau sebedau pulai ke Betong...\\nHari baru badu ujan ga diluar dia di menua Kuching ditu...selalu ujan menua ditu enti dibanding enggau di Betong. Lemai tu lagi kami duai Rin pulai ke Betong.\\nEnda sabar ka betemu enggau Benjy...kaseh ka ia kadiri-diri empat hari tu udah...tentu ia lelenggau ka kami duai...minta dipurus meh ia.\\nSebedau pulai tu agi bisi dua tiga tempat agi perlu digagai...ke bank bebayar,ke tHe Spring ka meli pemakai bai pulai,ke Animal Kingdom meli pemakai Benjy...apuu...sempat enda kah masa tu lagi...tentu laun angkat ari Kuching. Enda ngawa ga, dribo belubah nengah jalai...empat jam.\\nBegedi ga asai ati ka pulai...agi belalak ditu. Pagila tentu BA busy call samoa Bahagian bukai confirm transport VVIP dikena function...big function hari satu 22hb Feb tu ila....lelak endar ney...dah lah hari enam tu bisi meeting di rumah panjai din di menua Saratok.\\ndalam bilik siti rumah panjai di menua Saratok...\\nnemu dini alai rumah panjai tuk?..Ila BA cherita lepas 22hb Feb\\nTang apa boleh buat...udah tugas...gaji dibayar perintah...so, gawa ka perintah meh kitai...enti dibanding enggau kaban ka gawa enggau private pedis agi...tusah ka pemisi,enti pemisi bnadai gaji...kaseh sida ia.\\nOklah...BA ka nyambong pengawa meda TV seraya ka nganti Rin mandi. Ko jako ka singgah di rumah Aunty Mary meh pulai tu enti sempat lagi...\\nDikarang olih NyuWynn Glen Fordza @ Bujang Astana maia jam 11:51 AM","num_words":221,"character_repetition_ratio":0.063,"word_repetition_ratio":0.0,"special_characters_ratio":0.225,"stopwords_ratio":0.095,"flagged_words_ratio":0.0,"lang_id_score":0.989,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Surat Saint Paul Ngagai Orang Di ROME\\nSurat Saint Paul Ngagai Orang Di Rome* ditulis iya kena iya nyendiaka pejalai diri ngagai eklisia di Rome. Iya berunding deka bekereja ba bala orang Kristian di nengeri nya enda lama, ngambika sida ulih nulung iya nyendiaka pejalai iya ngagai menua Spain. Iya nulis surat tu kena iya nerangka utai ti ditemu iya pasal pengarap orang Kristian, enggau jalai pengarap nya tau dikena sida dalam pengidup sida tiap hari. Surat tu ngundan pesan ti pemadu silik ari Paul enti dibandingka enggau semua surat iya ti bukai.\\nLebuh Paul udah meri tabi basa ngagai eklisia di Rome, lalu madahka diri ke besampika sida, iya lalu madahka batang pesan ti disebut iya dalam surat tu, iya nya: “Injil mandangka jalai Allah Taala ngaga mensia nyadi lurus di mua Iya: iya nya, ulih pengarap, kenyau ari pun datai ke ujung” (1.17).\\nUdah nya Paul lalu ngerembaika batang jaku iya, iya nya, semua mensia, nyengkaum orang Judah enggau orang bansa bukai, enda tau enda digaga lurus di mua Allah Taala, laban semua sida bela di perintah dosa. Mensia semina ulih digaga lurus di mua Allah Taala ulih pengarap sida ke Jesus Kristus. Udah nya Paul lalu madahka pasal pengidup ti baru dalam Kristus, ti datai ari kaul ti baru enggau Allah Taala. Orang ke arap udah bebaik enggau Allah Taala, lalu dilepaska ulih Roh Allah Taala ari kuasa dosa enggau pemati. Dalam bagi 5 ngagai bagi 8 Paul mega madahka pasal tuju adat Allah Taala, enggau kuasa Roh Allah Taala, dalam pengidup sida ke arap. Udah nya Paul lalu bejakuka pasal jalai orang Judah enggau orang bansa bukai ulih diau begulai enggau pangan diri nitihka pelan Allah Taala ke semua mensia. Kena Paul ngujungka surat iya, iya madahka orang Judah enggai nerima Jesus. Nyadi nya endang pelan Allah Taala, kena Iya mai semua mensia datai semak ngagai pengasih Iya dalam Jesus Kristus, lalu ari nya, iya ngarapka orang Judah enda seruran nulak Jesus. Kena Paul ngujungka jaku iya, iya madahka jalai pengidup orang Kristian, kelebih agi pasal sida ke patut rinduka orang bukai. Paul ngenang pasal jalai orang Kristian betuaika Allah Taala, pasal utai ti enda tau enda dikereja orang Kristian ke menua enggau ke pangan diri, enggau pekara pasal ati ti beresi. Iya ngujungka surat iya ngena pesan ti datai ari ati iya empu, enggau ngena jaku puji ngagai Allah Taala.\\nSurat tu ditulis Paul dalam taun 57 A.D.\\nPun jaku enggau batang pesan (1.1-17)\\nSemua mensia begunaka pengelepas (1.18-3.20)\\nJalai Allah Taala meri pengelepas (3.21-4.25)\\nPengidup ti baru dalam Kristus (5.1-8.39)\\nOrang Israel dalam pelan Allah Taala (9.1-11.36)\\nPerangai orang Kristian (12.1-15.13)\\nPenutup jaku enggau pesan ari Paul empu (15.14-16.27)\\n1 Surat ari Paul, ulun Jesus Kristus, ke dikangauka nyadi rasul, lalu dilih nusui Berita Manah Allah Taala,\\n2 ti udah disemaya Allah Taala dulu kelia nengah sida nabi Iya, dalam Bup Kudus,\\n3 iya nya Berita Manah pasal Anak Iya, ke ada nyadi mensia ari peturun David;\\n4 lalu dikumbai Anak Allah Taala ulih Roh pengudus, laban pengangkat Jesus Kristus Tuhan kitai ari mati.\\n5 Ulih Iya, Allah Taala udah meri kami pengasih enggau pengawa nyadi rasul mai semua orang bansa bukai arap sereta ngasika nama Iya,\\n6 nyengkaum kita ke dikangauka nyadi nembiak Jesus Kristus.\\n7 Ngagai semua kita ke dikerinduka Allah Taala di Rome, ke udah dikangauka nyadi nembiak Tuhan:\\nAwakka Allah Taala ti Apai kitai enggau Tuhan Jesus Kristus meri kita pengasih enggau pemaik.\\n8 Tang aku enda tau enda dulu meri terima kasih ngagai Allah Taala aku dalam nama Jesus Kristus, ke semua bala kita, laban pengarap kita benung ditusui di serata dunya.\\n9 Laban Allah Taala, ke detuaika aku enggau pengabis ati aku lebuh aku nusui Berita Manah pasal Anak Iya, nemu aku endang enda ngetu ingatka kita dalam sampi aku,\\n10 minta Allah Taala, ari peneka Iya Empu, ngasuh aku ulih nemuai ngagai kita,\\n11 laban aku balat lelengauka kita, ngambika aku ulih bekunsika berekat Roh enggau kita, kena ngeringka kita.\\n12 Utai ti ku aku nya, ngambika kitai sama deransang ulih pengarap pangan diri, iya nya pengarap kita, enggau pengarap aku.\\n13 Aku dekaka kita nemu, menyadi, aku suah udah deka nemuai ngagai kita ngambika aku ulih mai orang ari bala kita arap, baka ti udah dikereja aku ba orang bansa bukai. Tang aku seruran bisi utai nanggul.\\n14 Aku bisi tanggungjawap atas semua orang, orang ke udah mansang, enggau orang ke apin mansang, orang ke bisi pelajar, enggau orang ke nadai pelajar.\\n15 Nya kebuah aku keran mega deka nusui Berita Manah ngagai kita ke diau di Rome.\\n16 Laban aku enda malu ke Berita Manah, laban nya kuasa Allah Taala kena nyelamatka genap iku orang ke arap, keterubah orang Judah, lalu mega orang bansa bukai.\\n17 Laban Berita Manah mandangka chara Allah Taala ngasuh orang bebaik enggau Iya, iya nya nengah pengarap kenyau ari pun datai ke ujung.Munyi ti ditulis, “Orang ke lurus deka idup ngena pengarap.\\n18 Laban pengeringat Allah Taala dandangka ari serega ngelaban semua dosa enggau penyai mensia ti nagang sida nemu pemendar.\\n19 Laban utai ti patut ditemu sida pasal Allah Taala, endang nyata ba sida, laban Allah Taala udah ngayanka utai nya ngagai sida.\\n20 Kenyau ari penumbuh dunya, kuasa Allah Taala ti meruan belama iya enggau kualiti Iya ti enda ulih deda, udah ditemu sereta deda mensia ari utai ti digaga Iya. Nya alai sida nadai kebuah enda nemu;\\n21 laban taja pen sida nemu Allah Taala, tang sida enda ngemesaika Iya nyadika Allah Taala sida, tauka meri terima kasih ngagai Iya, tang sida berundingka utai ti nadai guna, lalu runding sida mapap sereta penuh laban pemetang.\\n22 Sida ngumbai diri bepenemu-dalam, tang sida beli,\\n23 lalu sida nyilih mulia Allah Taala ti idup belama iya, enggau engkeramba ti digaga neladan gamal mensia ti enda ulih idup belama iya, tauka neladan gamal burung, tauka jelu, tauka ular.\\n24 Nya alai, Allah Taala nejuka sida ngereja ulah ti kamah ti dikinginka sida, ngambika sida ngamahka tubuh diri enggau pangan diri,\\n25 laban sida nyilih pemendar pasal Allah Taala enggau pemula, lalu nyembah sereta betuaika utai ti digaga Allah Taala, ukai nyembah Allah Taala Empu ke ngaga semua utai lalu patut duji belama iya! Amin. 26 Nya kebuah Allah Taala nejuka sida nurutka pengingin sida ti jai. Indu beleman enggau indu;\\n27 lalu baka nya mega lelaki enggai beleman enggau indu. Lelaki tetengukka lelaki, lalu sida enda nemu malu beleman enggau orang ke sama lelaki baka sida empu, lalu sida nerima ukum ba tubuh sida empu ketegal penyalah sida.\\n28 Nyadi laban sida ngumbai diri tau enda ibuh nemu Allah Taala, nya alai Iya nejuka sida derintah runding ti jai, ngambika sida ngereja utai ti enda patut dikereja sida.\\n29 Sida penuh laban genap macham penyalah, penyai, pengamu, ati ti begedika orang. Sida kepapas, munuh orang, belaya, ngelakar, bedendam, bejakuka orang,\\n30 bejai orang, begedika Allah Taala, nadai nemu bebasaka orang, sumbung, temegah, ngaga penyai, ngelaban apai indai,\\n31 beli, enda tetap ati, nadai nemu berundingka orang, nadai nemu kasihka orang.\\n32 Sida nemu adat Allah Taala endang madahka orang ke ngereja utai nya patut dibunuh, tang sida ukai semina ngereja utai nya aja, tang sida mega meransang orang bukai ngereja utai nya.\\nPengelurus Ukum Allah Taala\\n1 Nya alai, enda milih sapa-sapa kita nya, kita nadai kebuah ngakim pangan diri, laban lebuh kita ngakim orang, kita ngukum diri empu, laban kita ke ngakim orang, mega ngereja utai ti dikereja sida.\\n2 Ku kita, “Kitai endang nemu, ukum ti diberi Allah Taala ngagai orang ke ngereja utai nya, endang beduduk ba pemendar.”\\n3 Enda milih sapa-sapa kita nya, kati kita ngumbai diri ulih nyeliahka ukum Allah Taala ketegal kita ngakim orang ke ngereja utai nya, tang kita empu ngereja utai nya baka sida?\\n4 Tauka kita ngeleseka pemesai penelap Allah Taala, pengetan enggau pengeliat ati Iya? Kati kita enda nemu, Iya nelap enggau kita laban Iya dekaka kita nesal ati ke dosa kita?\\n5 Tang laban kita kieh lalu enggai nesal ati, kita nugungka ukum ke diri empu lebuh Hari Pechara, lebuh pengelurus ukum Allah Taala dandangka.\\n6 Laban Iya deka ngupah orang nitihka utai ti dikereja sida siku-siku.\\n7 Orang ke liat ati ngereja pemadas, lalu ngiga mulia, basa enggau pengidup ti meruan, deka diberi Iya pengidup ti meruan belama iya.\\n8 Tang orang ke semina berundingka diri empu aja, lalu enda ngasika pemendar, tang ngasika penyai, deka natka pengeringat enggau pemedis ati Allah Taala.\\n9 Pemerinsa enggau penusah deka ditatka semua orang ke ngereja penyai, keterubah orang Judah, lalu mega orang bansa bukai,\\n10 tang mulia, basa enggau pemaik deka diberi ngagai genap iku orang ke ngereja pemadas, keterubah orang Judah, lalu mega orang bansa bukai.\\n11 Laban Allah Taala enda bepilih mata.\\n12 Semua orang ke bedosa ari luar Adat, deka mati ari luar Adat, lalu semua orang ke bedosa di baruh Adat, deka diakim Adat.\\n13 Laban ukai orang ke mendingka Adat ke dikumbai Allah Taala lurus, tang orang ke ngasika Adat.\\n14 Orang bansa bukai nadai ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat.\\n15 Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah\\n16 lebuh hari nya datai, nitihka Berita Manah ti ditusui aku, lebuh Allah Taala, ulih Jesus Kristus, ngakim resia runding semua mensia.\\nOrang Judah Enggau Adat Moses\\n17 Tang enti kita ngumbai diri orang Judah, lalu manggaika diri ba Adat, lalu temegahka kaul kita enggau Allah Taala\\n18 lalu nemu peneka Iya, lalu nemu ngira utai ti manah laban kita diajar pasal Adat,\\n19 lalu enti kita nemu diri nyadi malin ke orang ke buta, nyadi penampak ke orang ke diau dalam pemetang,\\n20 nyadi pengajar ke orang ke beli, enggau nyadi pengajar ke orang ke mit, laban Adat kita ngembuan semua penemu enggau pemendar,\\n21 lalu udah nya kita ngajar orang bukai, kati kita enda ngajar diri empu? Kita ngajar orang, enda nyagi orang ngenchuri, kati kita ngenchuri?\\n22 Kita ke enda nyagi orang butang, kati kita butang? Kita ke begedika engkeramba, kati kita ngerumpak rumah sembiang engkeramba?\\n23 Kita ke temegahka Adat, kati kita ngelanggar Adat lalu ngeleseka Allah Taala?\\n24 Laban endang udah ditulis, “Nama Allah Taala dikeleseka orang bansa bukai laban kita.”\\n25 Betutus endang bisi reti ba kita enti kita ngasika Adat, tang enti kita ngelanggar Adat, tutus nya nadai guna.\\n26 Nya alai, enti orang bansa bukai ke enda ditutus, ngasika Adat, enda ka Allah Taala deka ngira iya sebaka enggau orang ke udah ditutus?\\n27 Nya alai orang bansa bukai ke ngasika Adat deka ngumbai kita orang Judah, ke bisi Adat sereta udah ditutus, salah laban kita ngelanggar Adat.\\n28 Laban sapa orang Judah ke bendar, ke amat udah ditutus? Orang Judah ke bendar nya ukai orang ke semina ditutus ba batang tubuh.\\n29 Orang Judah ke bendar nya orang ke ngaku diri orang Judah dalam ati iya. Lalu tutus ti bendar nya tutus dalam ati ukai ba batang tubuh. Tu pekara roh, ukai pekara tubuh. Orang ke baka nya ukai nerima puji ari mensia, tang ari Allah Taala.\\n1 Enti pia, nama penguntung ke orang Judah? Tauka, nama guna betutus?\\n2 Mayuh penguntung! Kesatu, orang Judah udah diberi pesan Allah Taala.\\n3 Tang kati enti sekeda orang Judah enda tetap ati? Kati nya tau ngasuh Allah Taala enda tetap ati?\\n4 Enda! Taja pen semua mensia bula, tang Allah Taala enda bula, munyi ti ditulis, “Ngambika Nuan ditemu lurus lebuh Nuan bejaku, lalu menang lebuh Nuan diakim.”\\n5 Tang enti penyai kitai nunjukka pengelurus Allah Taala, baka ni ku jalai kitai bejaku? Kati kitai tau ngumbai Allah Taala enda lurus laban Iya ringat ngagai kitai? (Aku bejaku ngena chara mensia.)\\n6 Enda tau! Laban enti Iya enda lurus, baka ni ku Iya ulih ngakim dunya?\\n7 Tang enti pemula aku ngasuh pemendar pasal Allah Taala nyata agi, ke mulia nama Iya, nama kebuah aku agi dikumbai bedosa?\\n8 Lalu nama kebuah enda nyebut -- sekeda orang betenah ngumbai kami bisi nyebut tu -- “Aram kitai ngereja penyai ngambika pemadas datai”? Awakka sida diukum.\\nNadai Siku Ke Lurus\\n9 Nama deh? Kati kitai manah agi?Enda! Laban aku udah madah, orang Judah enggau orang bansa bukai endang di baruh kuasa dosa,\\n10 munyi ti udah ditulis: “Nadai siku ke lurus, siku pen nadai.\\n11 nadai siku ke mereti, nadai siku ke ngiga Allah Taala.\\n12 Semua bela udah limpang magang. Semua sida nadai guna magang. Nadai siku ke ngereja utai ti badas, siku pen nadai.\\n13 Nyawa sida merangap baka lubang kubur ti enda ditutup. Sida nu orang ngena dilah sida. Rachun liur ular ti bisa di baruh bibir mulut sida.\\n14 Nyawa sida penuh laban jaku sumpah enggau pemenchi.\\n15 Sida jampat deka munuh.\\n16 Sida ngerusak sereta ngemerinsa,\\n17 lalu sida nadai nemu jalai pemaik.\\n18 Sida enda nangika Allah Taala.”\\n19 Diatu baru kitai nemu, semua utai ti disebut Adat endang ditujuka magang ngagai orang ke di baruh Adat, ngambika semua mulut badu agi bejaku, lalu semua dunya diakim Allah Taala.\\n20 Laban nadai siku ke lurus di mua Allah Taala ketegal nitihka Adat, laban Adat semina ngasuh kitai nemu pasal dosa.\\nJalai Kitai Ulih Digaga Lurus Di Mua Allah Taala\\n21 Tang diatu pengelurus Allah Taala udah dandangka, ari luar Adat, lalu Adat enggau sida nabi besaksika pasal pengelurus nya.\\n22 Pengelurus ti ari Allah Taala nya datai ulih pengarap ke Jesus Kristus,ngagai semua orang ke arap. Laban semua mensia nadai bida ari pangan diri,\\n23 aban semua bela udah bedosa magang lalu jauh ari mulia Allah Taala.\\n24 Diatu sida digaga lurus ulih pengasih ti diberi Iya pechuma, lebuh sida ditebus Jesus Kristus.\\n25 Allah Taala nyerahka Iya nyadika genselan kena muai dosa, ulih darah Iya, ti diterima ngena pengarap. Allah Taala ngereja nya kena Iya mandangka\\npengelurus Iya, laban ulih pengeliat ati Iya, Iya enda ngukum dosa ti udah dikereja dulu ari nya.\\n26 Iya ngereja nya diatu kena Iya nunjukka Diri amat lurus, lalu ngaga orang ke arapka Jesus Kristus, nyadi lurus.\\n27 Enti pia, nama utai dikemegahka kitai? Nadai! Laban kitai ngasika Adat? Ukai, tang laban adat pengarap.\\n28 Laban kitai nemu, orang digaga lurus ulih pengarap, ukai laban iya ngasika Adat.\\n29 Kati Allah Taala nya semina ke orang Judah aja? Kati Iya ukai Allah Taala ke orang bansa bukai mega? Iya mega Allah Taala ke orang bansa bukai,\\n30 laban Allah Taala semina siku aja, lalu Iya deka ngaga orang Judah enggau orang bansa bukai lurus, ulih pengarap siti nya aja.\\n31 Enti pia, kati kitai muai Adat laban kitai bisi pengarap tu? Enda! Kitai ngeringka Adat.\\nTeladan Ari Abraham\\n1 Enti pia, baka ni ku kitai bejakuka pasal Abraham ke nurunka bansa kitai?\\n2 Laban enti Abraham udah digaga lurus ulih pengawa ti dikereja iya, iya bisi utai ti tau dikemegahka iya, tang ukai di mua Allah Taala.\\n3 Laban nama utai ti disebut Bup Kudus? “Abraham arapka Allah Taala, lalu ketegal nya, Allah Taala ngumbai iya lurus.”\\n4 Ba orang ke bekereja, gaji ukai dikumbai pemeri, tang upah.\\n5 Tang orang ke enda ngereja pengawa, tang manggaika pengarap iya ba Allah Taala ke ngaga orang ke jai nyadi lurus, orang nya deka dikumbai lurus ketegal pengarap iya.\\n6 Nya meh gaya utai ti disebut David lebuh iya merekatka orang ke dikumbai Allah Taala lurus, enda ngira utai ti dikereja orang nya. Ku iya,\\n7 “Beberekat meh orang ke udah diampun ari penyalah sida, lalu dosa sida dilamun.\\n8 Beberekat meh orang ke bempu dosa ti enda dikingatka Tuhan!”\\n9 Kati berekat nya semina diberi ngagai orang ke udah ditutus, tauka diberi mega ngagai orang ke enda ditutus? Kami udah madahka Abraham dikumbai lurus ketegal pengarap iya.\\n10 Kemaya Abraham dikumbai lurus? Sebedau tauka udah bekau iya ditutus? Iya dikumbai lurus ukai lebuh iya udah ditutus, tang sebedau iya ditutus.\\n11 Iya ditutus dudi agi ari nya, lalu tutus nya kena nanggam pengelurus iya ketegal pengarap iya lebuh iya apin ditutus. Nya alai Abraham nyadika apai semua orang ke arap, ke dikumbai Allah Taala lurus ketegal pengarap, taja pen sida enda ditutus.\\n12 Lalu Abraham mega nyadi apai ke orang ke ditutus, ke ukai semina ditutus aja, tang idup neladan pengarap ti dikembuan apai kitai Abraham sebedau iya ditutus.\\nSemaya Allah Taala Diterima Ngena Pengarap\\n13 Laban semaya ti madahka Abraham deka bempu dunya ukai datai ngagai iya tauka ngagai peturun iya ulih Adat, tang ulih pengelurus ti datai ulih pengarap.\\n14 Laban enti waris nya diberi ngagai orang ke nitihka Adat, reti nya, pengarap nadai reti, lalu semaya nya mega nadai guna.\\n15 Laban Adat mai pengeringat Allah Taala. Tang enti Adat nadai, penyalah mega nadai.\\n16 Nya alai semaya nya bepanggai ba pengarap, ngambika semaya nya beduduk ba pengasih lalu dijamin deka diberi ngagai semua peturun Abraham, ukai semina ngagai orang ke nitihka Adat, tang mega ngagai orang ke bisi pengarap baka enggi Abraham, laban iya apai semua kitai,\\n17 munyi ti udah ditulis, “Aku udah ngaga nuan nyadi apai ke mayuh bengkah bansa.” Nya meh jalai Allah Taala ti dikarapka Abraham ngaga semaya Iya enggau Abraham. Iya nya meh Allah Taala ke ngangkatka orang ari mati, ke ngasuh semua utai ti nadai, nyadi bisi.\\n18 Abraham arap lalu andal ati, lalu iya nyadi Apai ke mayuh bengkah bansa, munyi ti udah dadahka ngagai iya, “Baka nya meh pemayuh peturun nuan.”\\n19 Pengarap iya enda lemi lebuh iya berundingka tubuh diri ti nyau deka mati, (laban umur iya kira seratus taun), tauka lebuh iya berundingka Sarah ke mandul.\\n20 Iya nadai kakang mimit arapka semaya Allah Taala, tang mansang kering sekering dalam pengarap lalu ngemuliaka Allah Taala,\\n21 laban iya nemu Allah Taala ulih ngereja utai ti udah disemaya Iya.\\n22 Nya alai ketegal pengarap iya, “Abraham dikumbai lurus.”\\n23 Nyadi leka jaku “dikumbai lurus” ukai semina ditulis ke Abraham aja,\\n24 tang ke kitai mega. Kitai deka dikumbai lurus enti kitai arapka Allah Taala udah ngangkatka Jesus Tuhan kitai ari mati.\\n25 Iya udah dibunuh ketegal dosa kitai, lalu udah diangkatka ari mati ngambika kitai digaga lurus di mua Allah Taala.\\nLurus Di Mua Allah Taala\\n1 Nya alai, laban kitai digaga lurus ulih pengarap, kitai diau dalam pemaik enggau Allah Taala ulih Jesus Kristus Tuhan kitai.\\n2 Ulih Iya kitai udah ulih datai ngagai pengasih ti alai kitai bediri diatu, lalu kitai deka temegahka pengadang kitai ke deka enggau bempu mulia Allah Taala.\\n3 Lalu ukai semina nya aja, tang kitai mega deka temegahka diri ke natka pemerinsa, laban kitai nemu pemerinsa deka ngadaka ati ti tan,\\n4 lalu ati ti tan deka ngadaka perangai ti manah, lalu perangai ti manah deka ngadaka pengadang,\\n5 lalu pengadang enda ngelebuka kitai, laban pengerindu Allah Taala udah dituang ke dalam ati kitai ulih Roh Kudus ke udah diberi ngagai kitai.\\n6 Laban lebuh kitai agi lemi, ba maya ti patut, Kristus mati ke orang ke jai.\\n7 Iya ti bendar, jarang orang deka mati ngarika orang ke lurus. Nyangka orang berani mati ngarika orang ke manah.\\n8 Tang Allah Taala udah ngayanka pengerindu Iya ke kitai, iya nya lebuh kitai agi nyadi orang ke bedosa, Kristus mati ngarika kitai!\\n9 Nya alai, laban kitai diatu udah digaga lurus ulih darah Kristus, tentu lebih agi ga kitai deka diselamatka ulih Iya ari pengeringat Allah Taala!\\n10 Laban enti kitai, lebuh kitai agi nyadi munsuh Allah Taala, dibai bebaik enggau Iya ulih pemati Anak Iya, tentu lebih agi ga kitai deka diselamatka ulih nyawa Iya lebuh kitai udah dibai bebaik enggau Iya.\\n11 Tang ukai semina nya aja; tang kitai mega rami gaga ati ke utai ti udah dikereja Allah Taala ulih Jesus Kristus Tuhan kitai, laban Iya udah mai kitai bebaik enggau Allah Taala.\\nAdam Enggau Kristus\\n12 Nya alai, baka dosa ti datai ngagai dunya nengah orang siku, lalu pemati datai laban dosa, nya alai pemati ngelekai ngagai semua mensia, laban semua bela udah bedosa.\\n13 Iya ti bendar, dosa endang udah bisi di dunya sebedau Adat diberi, tang dosa nadai kena itung laban Adat apin bisi.\\n14 Tang taja pia, pemati endang udah merintah kenyau ari Adam nyentuk ngagai maya Moses, nyengkaum orang ke bempu dosa ti enda sebaka enggau penyalah Adam, ti ngambarka gaya orang siku ke deka datai.\\n15 Tang pemeri ti diberi pechuma nya enda baka dosa Adam. Laban enti mayuh orang mati ketegal dosa orang siku nya, tentu mayuh agi ga pengasih Allah Taala enggau pemeri ti diberi pechuma deka diberi ngagai orang mayuh, ulih orang siku, iya nya Jesus Kristus.\\n16 Lalu pemeri ti diberi pechuma nya enda baka dosa orang siku nya. Laban atur ti diberi udah bekau dosa siti nya nyadi, mai ukum, tang pemeri ti diberi pechuma udah bekau mayuh dosa nyadi, mai pengelurus.\\n17 Enti ketegal dosa orang siku, pemati merintah ulih orang siku nya, tentu lebih agi ga orang ke nerima pengasih enggau pengelurus ti diberi pechuma deka merintah dalam pengidup tu, ulih orang siku, iya nya Jesus Kristus.\\n18 Nya alai, baka dosa orang siku ti mai ukum ngagai semua mensia, baka nya mega pengawa ti lurus ti dikereja orang siku deka mai pengelurus enggau pengidup ngagai semua mensia.\\n19 Laban baka orang siku ke enda ngasi nya mai mayuh orang bedosa, baka nya mega mayuh orang deka digaga lurus laban orang siku ngasi.\\n20 Tang Adat datai, lalu tu ngasuh penyalah betambah; tang lebuh dosa betambah, pengasih Allah Taala betambah mayuh agi,\\n21 ngambika, baka dosa ti merintah ngena pemati, baka nya mega pengasih merintah ngena pengelurus lalu mai ngagai pengidup ti meruan belama iya, ulih Jesus Kristus Tuhan kitai.\\nMati Ke Dosa Tang Idup Dalam Kristus\\n1 Nya alai, baka ni ku jalai kitai bejaku? Kati kitai majak bedosa, ngambika pengasih nambah-menambah?\\n2 Enda! Baka ni ku kitai ke udah mati ke dosa, tau majak diau dalam dosa?\\n3 Kati kita enda nemu, semua kitai ke udah dibaptisa ke dalam Jesus Kristus, udah mega dibaptisa ke dalam pemati Iya?\\n4 Nya alai, kitai udah dikuburka sama enggau Iya laban kitai udah dibaptisa ke dalam pemati Iya, ngambika baka Kristus ke diangkatka ari pemati ulih mulia Apai, baka nya mega kitai deka idup dalam pengidup ti baru.\\n5 Laban enti kitai udah begempung enggau Iya dalam pemati Iya, kitai tetap mega deka begempung enggau Iya dalam pengangkat Iya ari mati.\\n6 Kitai nemu, pendiau kitai ti lama udah diregang sama enggau Iya, ngambika tubuh ti bedosa dirusak, lalu kitai enda agi nyadi ulun dosa.\\n7 Laban barang sapa mati, dilepaska ari dosa.\\n8 Tang enti kitai udah mati enggau Kristus, kitai mega arapka diri deka idup enggau Iya.\\n9 Kitai nemu, Kristus ke diangkatka ari mati, enda agi mati. Pemati nadai agi kuasa atas Iya.\\n10 Pemati ti ditatka Iya nya pemati ke dosa, sekali aja, tang pengidup ti diasaika Iya diatu nya pengidup Iya ke Allah Taala.\\n11 Nya alai kita enda tau enda ngumbai diri mati ke dosa, lalu idup ke Allah Taala dalam Jesus Kristus.\\n12 Nya alai, anang nejuka dosa merintah tubuh kita, ti ngasuh kita ngasika pengingin tubuh.\\n13 Anang agi nyerahka tubuh kita ngagai dosa, nyadika senyata kena ngereja penyai, tang serahka diri ngagai Allah Taala baka orang ke udah dibai ari pemati ngagai pengidup, lalu serahka tubuh kita ngagai Allah Taala nyadika senyata kena ngereja pengelurus.\\n14 Laban dosa nadai agi merintah kita, laban kita ukai di baruh Adat, tang di baruh pengasih.\\n15 Nama deh? Kati patut kitai bedosa laban kitai ukai di baruh Adat, tang di baruh pengasih? Enda tau sekali-kali!\\n16 Kati kita enda nemu, enti kita nyerahka diri ngagai orang ngambika kita ngasika iya baka ulun, kita nyadi ulun orang ke dikasika kita, nemuka kita nyadi ulun dosa ti mai ngagai pemati, tauka ngasika Allah Taala ti mai ngagai pengelurus?\\n17 Tang terima kasih ngagai Allah Taala, laban taja pen kita suba udah nyadi ulun dosa, tang kita, enggau pengabis ati kita, udah ngasika ajar ti bendar ti udah diberi ngagai kita,\\n18 lalu laban kita udah dilepaska ari dosa, kita diatu udah nyadi ulun pengelurus.\\n19 Aku bejaku ngena penemu mensia, laban kita lemi. Laban baka kita suba ke udah nyerahka tubuh kita nyadika ulun pengamah, sereta majak balat-sebalat nyadika ulun penyai, baka nya mega kita diatu enda tau enda nyerahka tubuh kita nyadika ulun pengelurus, ngambika kita nyadi kudus.\\n20 Lebuh kita nyadi ulun dosa, kita enda derintah pengelurus.\\n21 Tang nama penguntung kita suba, lebuh kita ngereja utai ti dikemaluka kita diatu? Semua utai nya ngujung ngagai pemati magang!\\n22 Tang laban kita diatu udah dilepaska ari dosa, lalu nyadi ulun Allah Taala, penguntung kita nya pengudus, ti ngujung ngagai pengidup ti meruan belama iya.\\n23 Laban upah dosa nya pemati, tang pemeri ti diberi Allah Taala pechuma nya pengidup ti meruan belama iya dalam Jesus Kristus Tuhan kitai.\\nTeladan Ari Orang Ke Jadi Melaki-bini\\n1 Kati kita enda nemu, menyadi--aku bejaku ngagai orang ke nemu Adat--Adat semina bekuasa atas orang lebuh orang nya agi idup?\\n2 Ambika banding, indu ke bisi laki, ditanchang adat ngagai laki iya, seagi-agi laki iya idup; tang enti laki iya mati, iya dilepaska ari adat ti nanchang iya ngagai laki iya.\\n3 Lalu iya deka dikumbai butang enti iya diau enggau lelaki bukai lebuh laki iya empu agi idup. Tang enti laki iya mati, iya dilepaska ari tanchang adat nya, lalu enti iya belaki baru, iya enda butang.\\n4 Baka nya mega kita, menyadi. Kita udah mati ke Adat, laban kita diatu udah nyadi raban tubuh Kristus, ngambika kita seraban enggau pangan diri, diempu Iya ke udah diangkatka idup baru ari mati, ngambika kitai bebuah ke Allah Taala.\\n5 Lebuh kitai idup dalam tubuh kitai tu, pengingin kitai ti bedosa, ti disungkak Adat, mengkang bekereja dalam tubuh kitai, lalu ngeluarka buah ke pemati.\\n6 Tang diatu kitai udah dilepaska ari Adat, mati ari utai ti udah nanchang kitai suba, ngambika kitai enda agi nyadi ulun Adat ti lama udah ditulis, tang nitihka jalai ti baru ti diberi Roh Kudus.\\nAdat Enggau Dosa\\n7 Enti pia, baka ni ku jalai kitai bejaku? Kati kitai ngumbai Adat nya dosa? Enda! Enti nadai Adat, aku tentu enda nemu utai ti dikumbai dosa. Aku tentu enda nemu reti utai ti dikumbai inginka utai orang, enti Adat nadai udah nyebut, “Anang inginka utai orang.”\\n8 Tang dosa udah tetemuka peluang dalam Adat, lalu ngaga semua macham pengingin ke utai orang dalam ati aku. Enti nadai Adat, dosa mati.\\n9 Aku menya udah idup ari luar Adat, tang lebuh pesan datai, dosa idup baru\\n10 lalu aku mati, lalu pesan ti besemaya deka meri pengidup, udah munuh aku.\\n11 Laban dosa, lebuh iya udah tetemuka peluang dalam pesan nya, nu aku lalu munuh aku ngena peluang nya.\\n12 Nya alai, Adat endang kudus, lalu pesan endang kudus, lurus, sereta badas.\\n13 Enti pia, kati utai ti badas mai pemati ngagai aku? Enda! Dosa ti mai pemati ngagai aku, ngena utai ti badas, ngambika dosa dandangka endang amat dosa, lalu ulih pesan, dosa nya dandangka amat utai ti pemadu jai.\\nPenyarut Ti Dalam Kitai\\n14 Laban kitai nemu, Adat endang asal ari Roh Allah Taala, tang asal aku ari mensia ke dijual nyadika ulun dosa.\\n15 Aku enda nemu utai ti dikereja diri, laban aku enda ngereja utai ti dikedekaka aku, tang ngereja utai ti degedika aku.\\n16 Nyadi enti aku ngereja utai ti dikenggaika aku, reti nya aku besetuju ngumbai Adat nya badas.\\n17 Nya alai, ukai aku ke ngereja utai nya, tang dosa ti diau dalam aku.\\n18 Laban aku nemu, nadai utai ti badas diau dalam aku, reti nya, dalam tubuh aku. Aku keran deka ngereja utai ti ngena, tang aku enda ulih ngereja utai nya.\\n19 Laban aku ukai ngereja utai ti badas ti dikedekaka aku, tang ngereja utai ti jai ti dikenggaika aku.\\n20 Enti aku ngereja utai ti dikenggaika aku, ukai aku ke ngereja utai nya, tang dosa ti diau dalam aku.\\n21 Nya alai, aku nemu, tu amat adat ba aku: lebuh aku deka ngereja utai ti badas, aku lalu milih penyai.\\n22 Laban dalam ati aku, aku endang rinduka adat Allah Taala,\\n23 tang aku meda dalam tubuh aku, adat bukai beperang ngelaban Adat ti dalam ati aku lalu nanchang aku ngena adat dosa, ti diau dalam tubuh aku.\\n24 Naka meh penusah aku tu! Sapa deka ngelepaska aku ari tubuh tu ti mai aku ngagai pemati?\\n25 Aku meri terima kasih ngagai Allah Taala ulih Jesus Kristus Tuhan kitai! Nya alai, ngena runding aku, aku nyadi ulun adat Allah Taala, tang ngena tubuh aku, aku nyadi ulun adat dosa.\\nIdup Nitihka Iring Roh Kudus\\n1 Nya alai diatu orang ke dalam Jesus Kristus nadai kena ukum agi,\\n2 laban adat Roh ti meri pengidup dalam Jesus Kristus, udah ngelepaska aku ari adat dosa enggau pemati.\\n3 Laban Allah Taala udah ngereja utai ti enda ulih dikereja Adat laban mensia lemi. Nya alai Iya ngirumka Anak Iya Empu ngena gamal mensia ti bedosa, ngambika Iya muai dosa, ngukum dosa dalam tubuh mensia\\n4 ngambika atur ti lurus ti dibai Adat dikamatka dalam kitai ke idup nitihka peneka Roh Kudus, ukai nitihka peneka mensia.\\n5 Laban orang ke idup nitihka peneka mensia berundingka utai ti dikinginka mensia, tang orang ke idup nitihka peneka Roh Kudus berundingka utai ti dikedekaka Roh Kudus.\\n6 Runding ti ditumpuka ngagai peneka mensia, nuju ngagai pemati, tang runding ti ditumpuka ngagai peneka Roh Kudus, nuju ngagai pengidup enggau pemaik.\\n7 Nya kebuah runding ti ditumpuka ngagai peneka mensia, bemunsuh ngelaban Allah Taala. Iya enda nunduk ngagai adat Allah Taala, laban iya ti bendar, iya endang enda ulih nunduk ngagai Adat nya,\\n8 lalu orang ke nurutka peneka mensia, enda ulih ngerinduka ati Allah Taala.\\n9 Tang kita ukai idup nitihka peneka mensia. Kita idup nitihka peneka Roh, laban Roh Allah Taala diau dalam kita. Barang sapa nadai Roh Kristus, ukai nembiak Kristus.\\n10 Tang enti Kristus diau dalam kita, taja pen tubuh kita mati laban dosa, Roh Allah Taala meri kita pengidup laban pengelurus.\\n11 Enti Roh Iya ke udah ngangkatka Jesus ari mati, diau dalam kita, Iya ke udah ngangkatka Kristus ari mati, deka mega meri pengidup ngagai tubuh kita ti nemu mati, ulih Roh Iya ke diau dalam kita.\\n12 Nya alai, menyadi, kitai berutang, tang ukai ba mensia lalu idup nitihka peneka mensia,\\n13 laban enti kita idup nitihka peneka mensia, kita deka mati, tang enti, ulih Roh Kudus, kita munuh pengawa ti bedosa ti dikereja tubuh kita, kita deka idup.\\n14 Laban semua orang ke diiring Roh Allah Taala endang anak Allah Taala.\\n15 Laban kita ukai nerima roh ti ngasuh kita nyadi ulun penakut baru, tang kita udah nerima Roh ti ngiru kita nyadi anak Allah Taala. Lebuh kitai ngangau, “Abba! Apai!”\\n16 iya nya Roh Kudus Empu ke besaksi ngagai roh kitai, madahka kitai tu anak Allah Taala,\\n17 lalu enti kitai tu anak Allah Taala, kitai bempu waris enggau Kristus, laban enti kitai amat merinsa sama enggau Kristus, kitai deka mega dimuliaka sama enggau Iya.\\nMulia Ke Jemah Ila\\n18 Aku ngira, pemerinsa ti ditatka kitai diatu, enda ulih dibandingka enggau mulia ti deka dandangka ngagai kitai.\\n19 Laban semua utai ti udah digaga Allah Taala endang balat lelengau nganti Allah Taala mandangka bala anak Iya,\\n20 laban semua utai ti udah digaga Allah Taala endang ditaga nadai reti agi, ukai ulih peneka sida empu, tang ulih peneka Allah Taala ke ngaga iya baka nya, ngarapka\\n21 semua utai ti udah digaga Allah Taala dilepaska ari tubuh sida ti nemu buruk, lalu bulih pengelepas ti bemulia ti endang enggi bala anak Allah Taala.\\n22 Kitai nemu, semua utai ti digaga Allah Taala, bedemuh magang natka diri pedis nyentuk ngagai diatu, baka indu ke radai deka beranak.\\n23 Lalu ukai semina nya aja, tang kitai empu ke terubah diberi Roh Kudus mega bedemuh dalam ati kitai nganti diri diiru nyadi anak, reti nya tubuh kitai ditebus.\\n24 Kitai diselamatka laban pengadang. Utai ti dikumbai pengadang nya ukai utai ti deda kitai. Laban sapa ngadangka utai ti udah deda iya?\\n25 Tang enti kitai ngadangka utai ti apin deda kitai, kitai nganti iya enggau ati ti liat.\\n26 Baka nya meh chara Roh Kudus nulung kitai lebuh kitai lemi. Kitai enda nemu chara kitai patut besampi, tang Roh Kudus minta ngagai Allah Taala ngarika kitai ngena demuh ti enda ulih ditelah.\\n27 Lalu Allah Taala, ke mansik ati kitai, nemu runding Roh Kudus, laban Roh Kudus minta ngarika nembiak Tuhan nitihka peneka Allah Taala.\\n28 Kitai nemu, dalam semua utai, Allah Taala endang bekereja ke penguntung orang ke rinduka Iya, ke dikangauka Iya nitihka juluk ati Iya.\\n29 Laban orang ke udah dikelala Allah Taala kenyau ari pun, mega diletak Iya nyadi sebaka enggau Anak Iya, ngambika Anak Iya nyadi Aka Tuai ke sida menyadi Iya dalam ruang bilik ti besai nya.\\n30 Lalu orang ke udah diletak Iya nyadi sebaka enggau Anak Iya, mega dikangauka Iya; lalu orang ke dikangauka Iya mega digaga Iya lurus; lalu orang ke digaga Iya lurus, mega diberi Iya mulia.\\nPengerindu Allah Taala Dalam Jesus Kristus\\n31 Enti pia, baka ni ku jalai kitai bejakuka pasal utai tu? Enti Allah Taala setanah enggau kitai, sapa ulih ngelaban kitai?\\n32 Allah Taala enda ngalau Anak Iya Empu, tang nyerahka Iya ke kitai semua. Enda ka Iya enggau Jesus Kristus deka mega meri kitai semua utai bukai?\\n33 Sapa ulih bedawaka orang ke udah dilih Allah Taala? Allah Taala Empu ke ngumbai kitai nadai penyalah!\\n34 Sapa ulih ngukum kitai? Jesus Kristus ke udah mati, ke udah diangkatka idup baru, ke duduk muak ari kanan Allah Taala, ke deka bejaku ngarika kitai.\\n35 Sapa ulih nyeraraka kitai ari pengerindu Kristus? Kati penusah, tauka pemedis, tauka pemerinsa, tauka lapar pungkang, tauka penyeranta, tauka utai ti tau nganu nyawa, tauka pedang, ulih nyeraraka kitai ari pengerindu Kristus?\\n36 Munyi ti udah ditulis, “Ketegal Nuan meh kami dibunuh sepemanjai hari. Kami tu baka bedus ti deka disayat.”\\n37 Nadai! Dalam semua utai nya kitai lebih ari pemenang, ulih Iya ke rinduka kitai!\\n38 Laban aku nemu, nadai utai, nemuka pemati, tauka pengidup, tauka melikat, tauka bala pemerintah, tauka utai ti diatu, tauka utai ti jemah ila, tauka kuasa,\\n39 tauka dunya ti di atas enggau dunya ti di baruh, tauka semua utai bukai ti udah digaga Allah Taala, ulih nyeraraka kitai ari pengerindu Allah Taala dalam Jesus Kristus Tuhan kitai.\\nAllah Taala Enggau Nembiak Iya\\n1 Aku bejakuka pasal utai ti bendar dalam Kristus.nAku enda bula. Ati aku ti beresi diiring Roh Kudus lebuh aku besaksi\\n2 madahka penyinu enggau penusah ati aku.\\n3 Laban manah agi aku kena sumpah lalu diseraraka ari Kristus, ketegal bansa aku empu, ketegal kaban belayan aku empu.\\n4 Sida nya orang Israel, ke diiru nyadi anak Allah Taala, ke bempu mulia, sempekat, ke diberi Adat, diberi hak nyembah Allah Taala, enggau diberi semaya.\\n5 Sida nya peturun orang Hebrew ke tebilang nama, ke nyadi aki ini Kristus lebuh Iya nyadi mensia, ke endang Allah Taala ti bekuasa atas semua. Awakka Allah Taala duji belama iya. Amin.\\n6 Ukai reti nya semaya Allah Taala udah puntan. Laban ukai semua orang Israel nya orang Israel ti bendar.\\n7 Lalu ukai semua peturun Abraham nya peturun Abraham ti bendar; tang “Semina peturun ari Isak aja deka dikumbai peturun nuan.”\\n8 Reti nya, ukai anak ke diadaka mensia ke deka nyadi nembiak Allah Taala, tang anak ke datai ari semaya aja ke deka nyadi peturun Abraham ti bendar.\\n9 Laban baka tu ku utai ti disebut semaya nya: “Ba urung maya tu Aku deka datai baru, lalu Sarah deka ngadaka anak lelaki siku.”\\n10 Lalu ukai semina nya aja. Utai ti sebaka enggau nya mega nyadi ba Rebekah, lebuh iya ngandungka anak iya ke besapit dua, ke aki kitai Isak.\\n11 Taja pen seduai iya apin ada, tauka apin ngereja sebarang utai, nemuka utai ti badas tauka jai (ngambika juluk ati Allah Taala ti milih seduai iya, dikamatka,\\n12 ukai nitihka pengawa ti dikereja mensia, tang nitihka kangau Allah Taala), Rebekah udah dadahka munyi tu: “Iya ke tuai deka bekereja ke iya ti biak.”\\n13 Munyi ti ditulis, “Aku rinduka Jakop, tang Aku begedika Esau.”\\n14 Enti pia, baka ni ku jalai kitai bejaku? Kati Allah Taala enda lurus? Ukai!\\n15 Laban ku Iya nyebut ngagai Moses, “Aku deka kasihka orang ke dikasihka Aku, lalu Aku deka sinu ati ke orang ke dikesinuka Aku.”\\n16 Nya alai, utai nya ukai bepanggai ba peneka tauka ba pengawa mensia, tang bepanggai ba pengasih Allah Taala.\\n17 Laban ku Bup Kudus nyebut ngagai raja menua Ej, “Aku udah ngaga nuan nyadi raja kena Aku mandangka kuasa Aku, ngambika nama Aku dadahka di serata dunya.”\\n18 Nya alai, Allah Taala kasihka sebarang orang ke dikedekaka Iya, lalu Iya ngasuh orang kieh ati, sebarang orang ti patut ku Iya.\\nPengeringat Enggau Pengasih Allah Taala\\n19 Kita nyangka deka nyebut ngagai aku, “Enti pia, nama kebuah Allah Taala agi begigaka penyalah kitai? Laban sapa ulih nyakal peneka Iya?”\\n20 Tang sapa nuan nya, ke semina mensia aja, ke berani bekelikuh ngelaban Allah Taala? Kati utai ti ditempa deka bejaku ngagai orang ke nempa iya, “Nama kebuah nuan ngaga aku baka tu?”\\n21 Kati tukang periuk nadai kuasa atas tanah liat, lalu ngaga ari tanah liat nya sigi periuk ti dikena lebuh maya rami, lalu sigi dikena tiap hari?\\n22 Kati enti Allah Taala, ke lama udah sabar enggau utai ti digaga Iya, deka mandangka pengeringat Iya lalu ngayanka kuasa Iya, ngagai utai ti nyungkak Iya ringat, ti deka dirusak Iya?\\n23 Lalu kati enti Iya ngereja nya kena Iya mandangka pemesai mulia Iya ngagai orang ke dikasihka Iya, ke udah disediaka Iya nerima mulia ari Iya,\\n24 nyengkaum kitai ke udah dikangauka Iya, ukai semina ari bansa orang Judah aja, tang mega ari orang bansa bukai?\\n25 Munyi ti disebut Iya dalam bup Hosea: “Orang ke ukai nembiak Aku deka dikumbai Aku ‘Nembiak Aku.’ Lalu orang ke enda dikerinduka Aku deka dikumbai Aku ‘Orang ke dikerinduka Aku.’\\n26 “Lalu ba endur alai orang dadahka, ‘Kita ukai nembiak Aku,’ dia sida deka dikumbai ‘anak Allah Taala ti idup.’ “\\n27 Lalu ku Isaiah bejaku enggau nyawa ti inggar pasal orang Israel: “Taja pen orang Israel ngemayuh pasir ti ba tebing tasik, semina teda sida aja deka diselamatka,\\n28 laban Tuhan deka lengkas ngukum dunya.”\\n29 Munyi ti udah dadahka Isaiah, “Enti Tuhan ti Pemadu Bekuasa enda ngalau sekeda peturun ke kitai, kitai tentu udah nyadi baka Sodom enggau Gomorah.”\\nIsrael Enggau Berita Manah\\n30 Enti pia, baka ni ku jalai kitai bejaku? Orang bansa bukai ke enda begigaka pengelurus, udah bulih pengelurus ulih pengarap;\\n31 tang orang Israel ke begigaka pengelurus beduduk ba Adat, enda ulih nitihka Adat nya.\\n32 Nama kebuah? Laban sida enda ngiga pengelurus beduduk ba pengarap, tang beduduk ba utai ti dikereja sida. Sida udah tesangkut ba “batu ti ngasuh tesangkut,”\\n33 munyi ti udah ditulis, “Peda kita, Aku ngengkahka sigi batu di Sion, batu ti deka ngasuh orang tesangkut, batu ti besai ti deka ngasuh sida rebah, lalu barang sapa arapka Iya, enda malu.”\\n1 Menyadi, utai ti dikinginka ati aku, enggau sampi aku ngagai Allah Taala ke sida, iya nya, minta sida diselamatka.\\n2 Aku berani besaksi madahka sida balat angkunka Allah Taala, tang pengangkun sida ke Iya ukai beduduk ba penemu ti bendar,\\n3 laban sida enda nemu pengelurus ti datai ari Allah Taala. Nya alai sida numbuhka penemu ke diri empu lalu enda nunduk ngagai pengelurus Allah Taala.\\n4 Laban Kristus mai pengujung ngagai Adat, ngambika genap iku orang digaga lurus ulih pengarap sida ke Iya.\\nPengelepas Ke Semua Mensia\\n5 Moses bisi nuliska pasal pengelurus ti datai ari Adat, ku iya, “Orang ke ngiga pengelurus beduduk ba Adat, enda tau enda idup nitihka Adat.”\\n6 Tang pengelurus ti datai ari pengarap madah: “Anang nyebut dalam ati kita, ‘Sapa deka niki ke serega?’ (reti nya, mai Kristus nurun).\\n7 “Tauka ‘Sapa deka nurun ngagai dunya ti di baruh?’ “ (reti nya, ngangkatka Kristus ari mati).\\n8 Utai ti disebut Bup Kudus nya munyi tu: “Jaku nya semak kita, ba mulut kita enggau dalam ati kita.” Nya meh pesan pengarap ti dadahka kami,\\n9 laban enti kita ngaku ngena mulut kita Jesus nya Tuhan, lalu dalam ati kita arapka Allah Taala udah ngangkatka Iya ari mati, kita deka diselamatka.\\n10 Laban kita arap ngena ati kita, lalu digaga lurus, lalu kita ngaku ngena mulut kita, lalu diselamatka.\\n11 Munyi ti disebut Bup Kudus, “Orang ke arapka Iya sigi enda asa ngapa.”\\n12 Laban orang Judah enggau orang bansa bukai sigi nadai bida ari pangan diri; Tuhan siku nya aja ke nyadi Tuhan ke semua mensia, lalu Iya gerah mudah meri berekat ngagai semua orang ke ngangauka Iya.\\n13 Laban, “Genap iku orang ke ngangauka nama Tuhan, deka diselamatka.”\\n14 Tang baka ni ku orang ulih ngangauka Iya, enti sida apin arap? Lalu baka ni ku sida ulih arapka Iya, enti sida apin ninga pasal Iya? Lalu baka ni ku sida ulih ninga, enti orang nadai madahka pasal Iya ngagai sida?\\n15 Lalu baka ni ku orang ulih madahka pasal Iya, enti orang nya enda diasuh? Munyi ti ditulis, “Naka meh pemanah kaki orang ke nusui Berita Manah!”\\n16 Tang ukai semua sida nya udah ngasika Berita Manah, laban Isaiah bisi nyebut, “Tuhan, sapa udah arapka pesan kami?”\\n17 Nya alai, pengarap datai ari ke ningaka pesan, lalu pesan didinga ari berita pasal Kristus.\\n18 Tang aku nanya: kati sida nadai udah ninga? Sida endang udah ninga, laban Bup Kudus bisi nyebut, “Munyi nyawa sida udah ngelekai di serata dunya, lalu leka jaku sida udah ngelekai nyentuk ngagai ujung dunya.”\\n19 Aku nanya baru: Kati orang Israel enda mereti? Orang ke terubah bejaku nya Moses, “Aku deka ngasuh kita kepapaska orang ke ukai dikumbai bansa. Aku deka ngasuh kita ringat ngena siti bansa ti beli.”\\n20 Udah nya Isaiah bejaku berani agi ari nya lebuh iya nyebut, “Aku udah ditemu orang ke enda ngiga Aku. Aku udah mandangka Diri ngagai orang ke enda nanyaka Aku.”\\n21 Tang ba pasal orang Israel, Iya nyebut, “Sepemanjai hari Aku ngangkatka jari Aku ngagai orang ke enda ngasi sereta ngelaban.”\\nPengasih Allah Taala Ke Orang Israel\\n1 Nya alai aku nanya: Kati Allah Taala udah nulak nembiak Iya? Enda! Aku empu tu orang Israel, peturun Abraham, ari raban bansa Benjamin.\\n2 Allah Taala enda nulak nembiak Iya, ke udah dilih Iya kenyau ari pun. Kati kita enda nemu utai ti disebut Bup Kudus pasal Elijah, pasal iya ke bebendar besampi ngagai Allah Taala ngelaban orang Israel? Ku iya:\\n3 “Tuhan, sida udah munuh bala nabi Nuan, sida udah ngeruntuhka alta Nuan. Semina aku siku aja agi tinggal, lalu sida nguji munuh aku.”\\n4 Tang nama saut Allah Taala ngagai iya? “Aku udah ngalau ke Aku Empu tujuh ribu iku orang ke nadai udah besugang ngagai Baal.”\\n5 Nya alai baka nya mega diatu: semina mimit aja orang agi tinggal, ke udah dilih ulih pengasih.\\n6 Tang enti sida udah dilih ulih pengasih, reti nya sida ukai dilih beduduk ba pengawa ti dikereja sida, laban enti sida dilih beduduk ba pengawa ti dikereja sida, reti nya pengasih ukai pengasih.\\n7 Nama deh? Orang Israel nadai bulih utai ti digiga sida. Orang ke dilih Allah Taala bulih utai nya, tang sida ti bukai kieh,\\n8 munyi ti ditulis, “Allah Taala udah meri sida roh luput, mata ti enda meda enggau pending ti enda ninga, nyentuk ngagai sehari tu.”\\n9 Lalu ku David nyebut, “Awakka mija sida nyadika panjuk, nyadika perangkap, enggau nyadika ukum sida.\\n10 Awakka mata sida buta, ngambika sida enda ulih meda. Lalu awakka sida bungkuk belama iya.”\\n11 Nya alai aku nanya: kati sida udah tesangkut ngambika sida enda ulih angkat agi? Ukai! Tang ari penyalah sida, pengelepas udah datai ngagai orang bansa bukai, ngambika orang Israel kepapas.\\n12 Enti penyalah orang Israel udah mai berekat ti besai ngagai dunya, lalu penyeranta sida dalam roh, udah mai berekat ti besai ngagai orang bansa bukai, tentu besai agi ga berekat deka datai lebuh semua orang Israel dibai magang ngagai Tuhan!\\nPengelepas Ke Orang Bansa Bukai\\n13 Aku diatu bejaku ngagai kita ke orang bansa bukai. Seagi-agi aku nyadi rasul ke orang bansa bukai, aku deka temegahka pengawa aku,\\n14 ngambika bansa aku empu kepapas, lalu ari nya, nyelamatka sekeda sida.\\n15 Laban enti ari sida ke ditulak, semua dunya dibai bebaik enggau Allah Taala, namaka utai ti deka nyadi, lebuh semua sida diterima magang? Tentu pengidup ke orang ke mati!\\n16 Enti roti ti keterubah nya kudus, semua tuku roti nya mega kudus. Lalu enti urat kayu nya kudus, dan kayu nya mega kudus.\\n17 Tang enti sekeda dan kayu kana nya ditetak, lalu kita ke dan kayu kana ti tumbuh-diri dalam babas, dikawinka ngagai batang kana nya, ba endur alai dan nya, lalu bulih pengidup ari kayu nya,\\n18 anang temegahka diri ti udah ngambi endur sida. Enti kita temegah, kingatka tu: ukai kita ke meri urat makai, tang urat ti meri kita makai.\\n19 Tang kita nyangka deka nyebut, “Dan nya udah ditetak ngambika aku ulih dikawinka ngagai batang kana nya.”\\n20 Nya amat. Sida udah dibuai laban sida enda arap, tang kita mengkang ba endur kita, laban kita arap. Nya alai anang sumbung ketegal nya, tang semina nangi aja.\\n21 Laban enti Allah Taala enda ngalau dan ti asal, Iya pen enda mega ngalau kita.\\n22 Nya alai, peratika penelap enggau penerit Allah Taala. Iya terit enggau orang ke udah rebah, tang Iya nelap enggau kita, enti kita meruan dalam penelap Iya. Tang enti kita enda, kita deka mega dibuai ari batang.\\n23 Lalu enti orang Israel ngelengkaka ati sida ti enda arap, sida deka dikawinka baru ngagai endur asal sida, laban Allah Taala bisi kuasa ngawinka sida baru.\\n24 Laban enti kita udah ditetak ari kayu kana ti tumbuh-diri dalam babas, lalu dikawinka ngagai batang kayu kana ti ditanam, ti enda patut ulih nyadi, tentu nyamai agi dan asal dikawinka baru ngagai batang asal sida.\\nPengasih Allah Taala Ke Semua Mensia\\n25 Aku enggai ke kita enda nemu misteri tu, menyadi, ngambika kita enda sumbung: sekeda orang Israel deka mengkang kieh datai ke semua orang bansa bukai udah sampal magang datai ngagai Allah Taala.\\n26 Nya alai semua orang Israel deka diselamatka magang, munyi ti udah ditulis, “Juruselamat deka datai ari Sion, Iya deka muai semua penyai ari peturun Jakop.\\n27 Tu meh sempekat Aku enggau sida lebuh Aku muai dosa sida.”\\n28 Ba pasal Berita Manah, orang Israel nyadi munsuh Allah Taala, ke penguntung kita. Tang ba pasal nyadi orang ke dilih Allah Taala, sida iya dikerinduka Allah Taala, ketegal aki ini sida.\\n29 Laban pemeri enggau kangau Allah Taala enda ulih diubah.\\n30 Baka kita ke enda ngasi dulu menya, tang diatu kita udah bulih pengasih laban sida enda ngasi,\\n31 baka nya mega sida diatu enda ngasi, ngambika ulih pengasih ti udah diayanka ngagai kita, sida mega tau nerima pengasih.\\n32 Laban Allah Taala udah ngasuh semua mensia enda ngasi, ngambika Iya ulih ngayanka pengasih ngagai semua.\\nPuji Ke Allah Taala\\n33 Naka meh pemesai pengaya Allah Taala! Naka meh pemintar enggau penalam penemu Iya! Nadai orang tetemuka atur enggau jalai Iya!\\n34 “Laban sapa nemu runding Tuhan? Sapa ulih ngajar Iya?\\n35 “Sapa udah kala meri Iya utai, datai ke Iya nyau enda tau enda mayar utai nya?”\\n36 Laban semua utai endang datai ari Iya, digaga ulih Iya, nyadika enggi Iya. Puji meh Iya belama iya! Amin.\\nPiring Ti Idup\\n1 Nya alai, menyadi, ulih pengasih Allah Taala, aku minta kita nyerahka tubuh kita nyadi piring ti idup, ti kudus, ti dikerinduka Allah Taala. Nya meh jalai kita patut nyembah Iya.\\n2 Anang nitihka chara dunya, tang awakka Allah Taala ngubah chara kita berunding, ngambika kita nemu peneka Iya--iya nya utai ti badas, ti ngerinduka ati Iya, ti pemadu menyana.\\n3 Laban ulih pengasih ti diberi Allah Taala ngagai aku, aku bejaku ngagai genap iku kita: anang ngumbai diri pama agi ari ti patut, tang enggau ati ti baruh, peresa diri empu nitihka pemesai pengarap ti diberi Allah Taala ngagai kita siku-siku.\\n4 Laban baka tubuh kitai ti mayuh perengka, lalu pengawa ti dikereja sida siti-siti endang enda sebaka,\\n5 baka nya mega kitai; taja pen kitai tu mayuh, tang kitai tu nyadi siti tubuh dalam Kristus, seraban enggau pangan diri.\\n6 Kitai bisi pemeri ti enda sebaka, tang nitihka pengasih ti udah diberi ngagai kitai. Enti kitai bisi pemeri kena benabi,awakka kitai benabi nitihka pemesai pengarap kitai;\\n7 enti kitai bisi pemeri mela orang, awakka kitai mela orang; enti kitai bisi pemeri ngajar orang, awakka kitai ngajar orang;\\n8 enti kitai bisi pemeri meransang orang, awakka kitai meransang orang; enti kitai bisi pemeri ngenjuk utai ngagai orang, awakka kitai ngenjuk utai ngagai orang enggau ati ti gerah mudah; enti kitai bisi pemeri nulung orang, awakka kitai nulung orang enggau ati ti ransing; enti kitai bisi pemeri ngayanka pengasih ngagai orang, awakka kitai ngereja nya enggau ati ti gaga.\\n9 Rindu enggau pengabis ati; begedika penyai; bepegai teguh ba utai ti badas;\\n10 rinduka pangan diri enggau ati ti angkun laban kita diri menyadi enggau pangan diri; awakka kita berebut ngayanka basa ngagai pangan diri.\\n11 Anang lembau, seruran rajin nitihka Roh Kudus, bekereja ke Tuhan.\\n12 Gaga ati ke pengadang kita, liat ati natka pemerinsa, majak besampi.\\n13 Beri utai ngagai nembiak Tuhan ke suntuk, lalu sambut temuai ngagai rumah kita.\\n14 Berekatka orang ke merinsaka kita; berekatka sida, anang nyumpah sida.\\n15 Rami gaga enggau orang ke rami gaga, nyabak enggau orang ke nyabak.\\n16 Diau bepangan enggau diri sama diri; anang ngeninggika diri, tang begulai enggau orang ke baruh ati; anang sumbung.\\n17 Anang malas penyai ngena penyai, tang kereja utai ti ngena deda semua orang.\\n18 Enti ulih, seagi-agi utai nya bepanggai ba kita, diau bebaik enggau semua orang.\\n19 Menyadi, anang malas, tang awakka Allah Taala ngayanka pengeringat Iya; laban endang udah ditulis, “Aku ke malas, Aku deka mayar, ku Tuhan bejaku.”\\n20 Anang. “Enti munsuh kita lapar, beri iya makai. Enti iya aus, beri iya ngirup, laban lebuh kita ngereja nya, kita nugungka bara api ba puchuk pala iya.”\\n21 Anang alah laban penyai, tang alahka penyai ngena pemadas.\\nNunduk Ngagai Perintah\\n1 Awakka semua orang nunduk ngagai perintah ti megai menua; laban perintah nadai tau bisi enti enda ari Allah Taala, lalu perintah ti bisi nya didudukka Allah Taala.\\n2 Nya alai barang sapa ngelaban perintah, ngelaban utai ti udah didudukka Allah Taala, lalu orang ke ngelaban perintah deka diukum.\\n3 Laban orang ke megai perintah ukai ngenakutka orang ke manah ulah, tang ngenakutka orang ke jai. Kati kita enggai ke diri takutka orang ke megai perintah? Enti pia, kereja utai ti badas. Nya baru kita deka nerima puji,\\n4 laban orang ke megai perintah nya ulun Allah Taala, bekereja ke penguntung kita. Tang enti kita ngereja penyalah, kita patut takut, laban iya ukai bisi kuasa ngapa. Iya ulun Allah Taala ke bejalaika ukumnAllah Taala ba orang ke ngereja penyalah.\\n5 Nya alai, kita enda tau enda nunduk ngagai perintah, ukai semina laban kita deka nyeliahka pengeringat Allah Taala, tang laban kita beresi ati.\\n6 Nya mega kebuah kita mayar chukai, laban orang ke megai perintah bekereja ke Allah Taala, bejalaika pengawa nya.\\n7 Bayar ngagai sida utai ti patut dibayar kita. Bayar chukai ngagai orang ke patut alai kita mayar chukai, duit pupu ngagai orang ke patut alai kita mayar duit pupu, lalu beri basa ngagai orang ke patut dibasa kita.\\nTanggungjawap Ke Pangan Diri\\n8 Anang berutang ba orang, kelimpah ari berutang pengerindu ba pangan diri, laban orang ke rinduka pangan diri, udah ngamatka Adat.\\n9 Pesan ti nyebut, “Anang butang; anang munuh orang; anang ngenchuri; anang inginka utai orang,” enggau semua pesan bukai, tau disimpul ngena jaku tu, “Rinduka pangan diri baka nuan ke rinduka diri empu.”\\n10 Pengerindu enda ngemediska orang. Nya alai pengerindu ngamatka Adat.\\n11 Kelimpah ari nya, kita nemu, tu meh maya alai kita enda tau enda dani. Laban pengelepas diatu nyau datai semak agi ngagai kitai ari lebuh kita ke terubah arap suba.\\n12 Hari nyau udah jauh malam, lalu nyau deka siang. Nya alai aram kitai muai semua pengawa pemetang, lalu ngerasukka senyata penampak;\\n13 aram kitai diau menyana baka ke diau lebuh siang hari, ukai berami enda beiga-iga, ukai mabuk, ukai ngereja ulah ti kamah, ukai jai ulah, ukai belaya, ukai kepapas.\\n14 Tang rasukka Tuhan Jesus Kristus, lalu anang berundingka jalai ngemuaska pengingin dosa.\\nAnang Ngakim Pangan Diri\\n1 Sambut orang ke lemi pengarap, tang ukai laban kita deka bekelikuhka pasal runding sida.\\n2 Sekeda orang ngumbai diri tau makai sebarang utai, tang orang ke lemi pengarap semina makai sayur aja.\\n3 Orang ke makai sebarang utai, enda tau mechat orang ke enda, lalu orang ke enda makai sebarang utai, enda tau ngakim orang ke makai sebarang utai, laban Allah Taala udah nerima orang nya.\\n4 Sapa kita nya, alai kita berani ngakim ulun orang bukai? Tuan sida empu ke deka mutuska penemu sekalika orang nya rebah tauka bediri. Lalu iya deka bediri, laban Tuhanbulih ngasuh iya bediri.\\n5 Sekeda orang ngumbai hari siti besai agi ari hari ti bukai, lalu orang bukai ngumbai semua hari sebaka magang. Genap iku kitai patut mutuska penemu pasal nya ke diri empu.\\n6 Orang ke ngintu hari nya, ngereja nya kena iya ngemesaika Tuhan. Orang ke makai utai ngereja nya kena iya ngemesaika Tuhan, laban iya meri terima kasih ngagai Allah Taala; lalu orang ke enggai makai, ngereja nya kena iya ngemesaika Tuhan, lalu meri terima kasih ngagai Allah Taala.\\n7 Kitai ukai idup ke diri empu, lalu kitai ukai mati ke diri empu.\\n8 Enti kitai idup, kitai idup ke Tuhan, lalu enti kitai mati, kitai mati ke Tuhan. Nya alai, nemuka kitai idup tauka mati, kitai endang enggi Tuhan.\\n9 Nya kebuah Kristus mati lalu angkat idup baru, ngambika Iya nyadi Tuhan ke orang ke idup enggau ke orang ke mati.\\n10 Nama kebuah kita ngakim orang bukai? Lalu nama kebuah kita mechat menyadi kita? Laban semua kitai deka bediri di mua Allah Taala, lalu diakim Iya.\\n11 Laban endang udah ditulis, “Laban Aku endang idup, ku Tuhan bejaku, genap iku orang deka besugang di mua Aku, lalu genap iku orang deka muji Allah Taala.”\\n12 Nya alai, genap iku kitai deka madahka pasal diri empu ngagai Allah Taala.\\nAnang Ngasuh Pangan Diri Bedosa\\n13 Nya alai, aram kitai badu agi ngakim pangan diri, tang mutus ati enggai sekali-kali ngereja utai ti tau ngasuh orang bukai tesangkut tauka bedosa.\\n14 Laban aku diau dalam Tuhan Jesus, aku nemu, nadai pemakai ti enda tuchi. Tang pemakai nya nyadi enda tuchi ke orang, enti orang nya ngumbai iya enda tuchi.\\n15 Enti menyadi nuan enda nyamai ati ketegal utai ti diempa nuan, reti nya nuan ukai ngereja utai nya beduduk ba pengerindu. Anang nejuka utai ti diempa nuan ngerusak orang, laban Kristus udah mati ngarika iya.\\n16 Nya alai, anang nejuka utai ti dikumbai nuan manah, dejai orang.\\n17 Laban Perintah Allah Taala ukai pasal pemakai enggau utai ti diirup, tang pasal pengelurus, pemaik enggau pengaga dalam Roh Kudus.\\n18 Orang ke bekereja ke Kristus baka nya dikerinduka Allah Taala, sereta dikerinduka mensia.\\n19 Nya alai, aram kitai ngereja utai ti mai pemaik, enggau utai ti tau ngeringka pangan diri.\\n20 Anang ngerusak utai ti udah dikereja Allah Taala ketegal pemakai. Semua pemakaif tuchi magang, tang kitai salah enti kitai ngereja utai ti tau ngasuh orang bukai bedosa.\\n21 Kitai ngereja utai ti ngena enti kitai enda makai dagin, tauka enda ngirup wain, tauka enda ngereja utai ti tau ngasuh menyadi kita bedosa.\\n22 Utai ti dikarapka kita ba pasal pekara tu, nya semina entara kita enggau Allah Taala. Beberekat meh orang ke enda besalah diri empu, lebuh sida ngereja utai ti ngena ba ati sida empu!\\n23 Tang orang ke kakang ati deka diukum enti sida makai, laban sida ukai ngereja nya ari pengarap, laban semua utai ti ukai datai ari pengarap, nya dosa magang.\\nNgelantangka Orang Bukai, Ukai Ngelantangka Kita Empu\\n1 Kitai ke kering patut sabar enggau orang ke lemi, lalu ukai deka ngelantangka diri empu aja.\\n2 Genap iku kitai patut ngelantangka ati pangan kitai, kena nulung sida mansang.\\n3 Laban Kristus ukai datai ngelantangka Diri tang, munyi ti udah ditulis, “Jaku orang ke mechat kita, udah ninggang Aku.”\\n4 Laban semua utai ti udah ditulis dulu kelia endang ditulis kena ngajar kitai, ngambika ulih pengeliat ati kitai enggau ulih peransang ari Bup Kudus, kitai bisi pengadang.\\n5 Awakka Allah Taala, ke pun pengeliat ati enggau peransang, ngiring kita idup seati enggau pangan diri, nitihka teladan Jesus Kristus,\\n6 ngambika semua kita ngemuliaka Allah Taala ti Apai Jesus Kristus Tuhan kitai.\\nBerita Manah Ti Dadahka Ngagai Orang Bansa Bukai\\n7 Nya alai, sambut pangan diri, baka Kristus ke udah nyambut kita, kena ngemuliaka Allah Taala.\\n8 Laban, aku madah ngagai kita, Kristus bekereja ke orang Judah, kena mandangka Allah Taala endang tau dikarapka, ngambika Iya ngamatka semaya ti udah digaga Iya enggau aki ini sida,\\n9 sereta ngambika orang bansa bukai ulih ngemuliaka Allah Taala ketegal pengasih Iya. Munyi ti udah ditulis, “Nya alai aku deka ngaku Nuan di mua orang bansa bukai, lalu belagu muji nama Nuan.”\\n10 Bup Kudus mega bisi nyebut, “Rami gaga ati meh kita orang bansa bukai, sama enggau bala nembiak Tuhan!”\\n11 Lalu Bup Kudus mega nyebut, “Puji meh Tuhan, semua kita orang bansa bukai, lalu awakka semua mensia muji Iya!”\\n12 Lalu Isaiah mega nyebut, “Siku peturun Jesi deka datai. Iya ke angkat lalu merintah orang bansa bukai. Sida deka manggaika pengadang sida ba Iya.\\n13 Awakka Allah Taala, ti pun pengadang, ngemenuhka kita enggau semua pengaga enggau pemaik ketegal pengarap kita, ngambika ulih kuasa Roh Kudus kita penuh laban pengadang.\\nKebuah Paul Nulis Enggau Nyemetak Munyi Tu\\n14 Menyadi, aku nemu kita penuh laban pemadas, ngembuan semua penemu, lalu ulih ngajar pangan diri.\\n15 Tang ba pasal sekeda pekara, aku bisi udah nulis ngagai kita enggau nadai bepampul penemu, ngambika kita ingat, laban pengasih ti udah diberi Allah Taala ngagai aku,\\n16 ngasuh aku bekereja ke Kristus ba orang bansa bukai, ngereja pengawa imam betusuika Berita Manah Allah Taala, ngambika orang bansa bukai nyadi pemeri ti dikerinduka Allah Taala, ti dituchi Roh Kudus.\\n17 Nya alai, dalam Jesus Kristus, aku bisi kebuah temegahka pengawa ti dikereja aku ke Allah Taala.\\n18 Laban aku enggai bejakuka pasal utai bukai tang semina pasal utai ti udah dikereja Kristus ngena aku, kena mai orang bansa bukai ngasika Iya, ulih jaku enggau ulih utai ti dikereja Iya,\\n19 ulih kuasa kereja ajih enggau kereja ti nyelai, enggau ulih kuasa Roh Kudus. Nya alai aku udah nusui semua Berita Manah pasal Kristus berengkah ari Jerusalem nyentuk ngagai Ilirikum.\\n20 Nya alai juluk ati aku endang seruran deka nusui Berita Manah, ukai ba endur alai orang bukai udah madahka pasal Kristus, enggai ke aku nirika eklisia ba pugu ti didudukka orang bukai,\\n21 tang, munyi ti udah ditulis, “Orang ke nadai udah kala dadahka pasal Iya, deka meda lalu orang ke apin kala ninga pasal Iya, deka mereti.”\\nPaul Berunding Deka Nemuai Ngagai Rome\\n22 Nya kebuah aku suah enda ulih nemuai ngagai kita.\\n23 Tang diatu, laban aku nadai agi utai dikereja di menua nya, lalu laban aku lama udah lelengauka kita, aku deka nemuai ngagai kita\\n24 lebuh aku mupuk ngagai menua Spain. Laban aku endang ngarapka diri betemu enggau kita lebuh aku mansang kin, ngambika kita ulih nulung aku mupuk kin, lebuh aku udah ngelantangka diri begulai enggau kita enda lama.\\n25 Tang diatu, aku deka mupuk ngagai Jerusalem, ngereja pengawa ke bala nembiak Tuhan din;\\n26 laban Masedonia enggau Akaia udah gaga ati magi pemisi sida ngagai bala nembiak Tuhan ke suntuk di Jerusalem.\\n27 Sida gaga ati ngereja nya. Iya ti bendar, sida berutang-budi ba orang Judah, laban enti orang Judah udah magi berekat Roh ngagai orang bansa bukai, orang bansa bukai patut mega ngena pengaya sida merekatka orang Judah.\\n28 Nya alai lebuh aku udah nembuka pengawa tu, lalu udah nganjung ngagai sida semua duit ti udah digumpul, aku deka nemuai ngagai kita lebuh aku mansang ngagai menua Spain;\\n29 lalu aku nemu, lebuh aku betemu enggau kita, aku deka mai semua berekat Kristus.\\n30 Dalam nama Jesus Kristus, enggau ulih pengerindu Roh Kudus, aku minta kita, menyadi, sama bebendar besampi enggau aku ngagai Allah Taala, ke aku empu,\\n31 ngambika aku dilepaska ari jari orang ke enda arap di menua Judea, sereta ngambika pengawa ti dikereja aku di Jerusalem diterima bala nembiak Tuhan din,\\n32 ngambika, ulih peneka Allah Taala, aku ulih betemu enggau kita enggau ati ti gaga, lalu ngelantangka diri begulai enggau kita.\\n33 Awakka Allah Taala, ke pun pemaik, meruan enggau kita semua. Amin.\\nJaku Tabi Ari Paul Empu\\n1 Aku ngasuh kita bekelala enggau menyadi indu kitai, Poebe, ke bekereja nyadi dikon ke eklisia di Kenkria,\\n2 ngambika kita nyambut iya dalam nama Tuhan, baka ti patut dikereja ke nembiak Tuhan, lalu nulung iya enggau sebarang utai ti deguna iya ari kita, laban iya udah nulung mayuh orang, nyengkaum nulung aku empu.\\n3 Aku ngirumka tabi basa ngagai Prisila seduai Akuila, ke sama bekereja enggau aku ke Jesus Kristus,\\n4 ke udah berambunka nyawa ketegal aku. Aku enggau semua eklisia orang bansa bukai bela meri terima kasih ngagai seduai iya.\\n5 Aku ngirumka tabi basa ngagai raban eklisia ke begempuru dalam rumah seduai iya.\\nAku meri tabi basa ngagai pangan aku Epinetus, orang ke terubah-rubah arapka Kristus di menua Asia.\\n6 Aku ngirumka tabi basa ngagai Maria, ke udah bebendar amat bekereja ba bala kita.\\n7 Aku ngirumka tabi basa ngagai Andronikus seduai Junia, ti kaban belayan aku empu, lalu udah sama kena jil enggau aku. Seduai tu orang ke dikelala sida rasul, lalu seduai iya dulu agi ari aku nyadi orang Kristian.\\n8 Aku ngirumka tabi basa ngagai Ampliatus, pangan ke dikerinduka aku dalam Tuhan.\\n9 Aku meri tabi basa mega ngagai Urbanus, ke sama gawa enggau kitai ke Kristus, enggau ngagai Stakis pangan ke dikerinduka aku.\\n10 Tabi basa mega ngagai Apeles, ke udah ditemu taluk ke Kristus. Aku mega ngirumka tabi basa ngagai bala sida Aristobulus sebilik.\\n11 Tabi basa mega ngagai Herodion, ke sama sebansa enggau aku empu, enggau ngagai orang Kristian ke dalam ruang bilik Narsisus.\\n12 Aku ngirumka tabi basa ngagai Trina seduai Trosa, ke bekereja ke Tuhan, enggau ngagai Persis, pangan ke dikerinduka aku, ke udah bebendar bekereja ke Tuhan.\\n13 Aku ngirumka tabi basa ngagai Rupus ke landik bekereja ke Tuhan, enggau ngagai indai iya ke seruran ngintu aku baka ke ngintu anak iya empu.\\n14 Aku mega ngirumka tabi basa ngagai Asinkritus, Plegon, Hermes, Patrobas, Hermas, enggau semua orang Kristian ke begulai enggau sida.\\n15 Tabi basa mega ngagai Pilologus enggau Julia, ngagai Nereus enggau menyadi indu iya, ngagai Olimpas enggau ngagai semua nembiak Tuhan ke begulai enggau sida.\\n16 Beri tabi pengerindu ngagai pangan diri. Semua eklisia Kristus bela ngirumka tabi basa ngagai kita.\\n17 Menyadi, aku minta kita bejaga ari orang ke mai penyerekang lalu mechahka gerija, ke ngelaban ajar ti udah diajar ngagai kita. Anang begulai enggau sida!\\n18 Laban orang ke baka nya ukai bekereja ke Kristus Tuhan kitai, tang bekereja nitihka pengingin sida empu. Ngena jaku ti manis enggau jaku kelangkung sida nipu orang ke enda nemu berunding.\\n19 Laban taja pen semua orang udah bela ninga kita udah ngasi, datai ke ati aku empu nyau gaga ati ketegal kita, aku dekaka kita nyadi orang ke bepenemu- dalam ba pasal utai ti badas, sereta diau tuchi ba pasal utai ti jai;\\n20 nya baru Allah Taala, ke pun pemaik, deka ngeredakka Sitan di baruh kaki kita enda lama da agi. Awakka pengasih Tuhan Jesus meruan enggau kita.\\n21 Timoti, ke sama bekereja enggau aku, ngirumka tabi basa ngagai kita, lalu pia mega Lusius, Jason, enggau Sosater, ke kaban belayan aku.\\n22 Aku, Tertius, ke nyadi tukang tulis ke surat tu, ngirumka tabi basa ngagai kita dalam Tuhan.\\n23 Gaius, ke bempu rumah ti alai aku diau enggau alai raban eklisia begempuru, ngirumka tabi basa ngagai kita. Erastus, ke nyadi tukang wang ke nengeri tu, enggau menyadi kitai Kuartus, ngirumka tabi basa ngagai kita.\\n24 Awakka pengasih Jesus Kristus Tuhan kitai meruan enggau kita semua. Amin.\\n25 Aram kitai ngemuliaka Allah Taala ke ulih ngeringka kita, nitihka Berita Manah ti ditusui aku enggau nitihka ajar Jesus Kristus, nitihka pemandang pasal misteri ti lama udah dilalaika dulu kelia\\n26 tang diatu, ari asuh Allah Taala ti meruan belama iya, udah diayanka, lalu ulih jaku ti ditulis sida nabi, dadahka ngagai semua orang bansa bukai ngambika semua orang tau arap lalu ngasi.\\n27 Ngagai Allah Taala ti siku aja, ke nemu semua utai, beri meh mulia belama-lama iya, ulih Jesus Kristus! Amin.","num_words":10338,"character_repetition_ratio":0.079,"word_repetition_ratio":0.001,"special_characters_ratio":0.21,"stopwords_ratio":0.332,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"IT kereban pemadu beguna maya Covid-19 – Suara Sarawak – Bukan Sekadar Akhbar\\nYou are here:Home-RUAI-IT kereban pemadu beguna maya Covid-19\\nIT kereban pemadu beguna maya Covid-19\\nKUCHING: “Lebuh dunya napi pengerekai pandemik Covid-19, Teknologi Pemadah (IT) nyadi kereban pemadu beguna dalam neruska pengidup, neruska pengawa ngiga belanja sereta ngetanka ekonomi, “ku Datuk Seri Fatimah Abdullah.\\nMenteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit nya madahka pejalai entara menua maya pengerekai Covid-19 maya nya mayuh disekat ti ngujungka pejalai mindah entara pelilih menua enda ulih digaga.\\n“Nengah bantu IT, mayuh aplikasyen digital, peminta enggau pesan barang mata, peminta barang pemakai enggau belajarka resipi baru nengah online dipejalai enggau luas maya tu.\\n“Siku indai tunggal ba Dalat ulih ngelakuka murtabak digaga iya nyentukka ngagai menua Bintulu ngena aplikasyen ‘whatsapp’, pia mega siku indai ngagai nembiak nyelai pendiau (OKU) ulih bejual ‘belangga sagu’ iya nengah aplikasyen digital,” ku iya.\\nFatimah bejaku munyi nya lebuh ba Pengerami Ngintu Hari Orang Indu Sarawak 2020 di Palan Aum Borneo Kuching (BCCK) seharitu.\\nKenu ku iya, nengah Opis Orang Indu enggau Ruang Bilik Sarawak (JWKS), opis menteri iya udah ngena enggau manah pekara digital dalam negapka orang indu di menua tu.\\n“Kami negapka sida nengah kus , bengkel, latih pengelandik, negapka institusyen ruang bilik, makit enggau dagang nengah online baka WWTC@Online Learning ti ngena aplikasyen ‘zoom’.\\n“Bagi latih kulinari, spa enggau ngurut serta pemajik gamal bisi 58 latih udah digaga dalam online ti meri pemaik ngagai 1,099 iku penyereta lebuh dipejalai dalam timpuh Atur Tagang Pejalai (PKP) ari 14 Mei ngagai 24 Ogos tu tadi.\\n“Kelimpah ari nya, dalam negapka instutusyen ruang bilik bisi 187 pasang laki bini enggau 70 iku individu nitihka kus tikah dalam online ti diatur Alpha Malaysia (Sarawak) enggau UWAiS Followership Academy PLT (Borneo).\\n“Semua tu digaga ngambika orang indu enda tingal dalam dunya digital ti endang nyadi juluk ati Perintah Sarawak dalam ngemansangka ekonomi sereta nambahka penatai pemisi menua datai ngagai taun 2030 ila,” ku iya.\\nBy Indun Silong|2020-08-29T17:48:11+08:00August 29th, 2020|Categories: RUAI|0 Comments\\nYB mesti rajin turun padang\\nPetronas jadi rakan strategik bomba Sarawak\\nPKN mantu dua kru ke bebadi nyawa\\nSiti kluster baru di Pelilih Kuching\\nRega minyak sawit mata niki RM3,180 setan\\nSemina raban gawa ba luan aja dikemendar nganjung bantu\\n600 iku pengajar Sains enggau Matematik dilatih baru\\nBawa harapan kepada kanak-kanak khas di Sarawak\\nPatuh SOP sepenuhnya antara langkah kekang COVID-19\\n14 ahli sindiket perjudian dalam talian ditangkap\\nIngat pengorbanan barisan hadapan\\nCadangan kongsi rezeki di atas 100 ekar tanah\\nBayi terdedah dengan jutaan mikroplastik\\nKita jaga penyu dengan baik, populasi penyu meningkat\\nPemimpin berintegriti, negara maju membangun\\nFauziah Cafe nafi berita palsu berhubung jangkitan Covid-19, bakal ambil tindakan undang-undang\\nKetepikan dulu perebutan kuasa\\nPembangkang Thailand kelar lengan minta kerajaan selesai situasi politik\\nIndustri penerbangan tidak akan dapat kurangkan terlalu banyak kos\\nSemua pusat hiburan ditutup\\nARKIB Select Month October 2020 (688) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":453,"character_repetition_ratio":0.048,"word_repetition_ratio":0.0,"special_characters_ratio":0.247,"stopwords_ratio":0.11,"flagged_words_ratio":0.0,"lang_id_score":0.975,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kemeratka peranak nengeri tu gawa ba kompeni minyak, gis Kemeratka peranak nengeri tu gawa ba kompeni minyak, gis | Utusan Borneo Online\\nSabtu, 19 September 2020 - 2:16pm\\nHalaman Utama » Iban » Kemeratka peranak nengeri tu gawa ba kompeni minyak, gis Kemeratka peranak nengeri tu gawa ba kompeni minyak, gis\\nKemeratka peranak nengeri tu gawa ba kompeni minyak, gis Kemeratka peranak nengeri tu gawa ba kompeni minyak, gis\\nNUNTUT HAK: Elias (duduk empat kanan) enggau ke bukai begambar pengudah aum media di Miri, kemari.\\nMIRI: Perintah nengeri diansak mansik baru polisi sekeda kompeni minyak enggau gis ti beroperasyen di Sarawak ngambika lebih ngemeratka peranak nengeri tu lebuh ke ngambi orang gawa, pia ku Presiden Serakup Dayak Think-Tank Sarawak Elias Lipi Mat.\\nIya ngarika beberapa Gerempung Ukai Dikuasa Perintah (NGO) Dayak ba aum media kemari deka ke peluang kereja enggau pangku pengawa dalam kompeni minyak enggau gis diberi enggau lurus sereta enda besiping ngagai peranak nengeri tu.\\n“Pekara ke baka tu patut dikemeratka kelebih agi ba sekeda kompeni minyak enggau gis ke beoperasyen ditu ngambika meri mayuh agi peluang ngagai peranak nengeri tu abis nadai 70 peratus ungkup pekereja ba renggat ngaduka pengawa enggau pemesai operasyen ba palan kereja.\\n“Anang semina dikuasa siti bansa aja tauka dikerengkun pekereja ari Semenanjung Malaysia. 70 peratus pekereja nyapatut mungkur pupu bansa ke bisi di nengeri kitai tu,” ku iya.\\nBa aum media nya, Elias bela bisi ngenang pasal semilan iku ti diketuka gawa sebuah kompeni minyak enggau gis ke beoperasyen di Bintulu ti nadai enggau kebuah ti tegap sereta patut.\\nKu Elias, sida tekenyit sereta asa ati meda ulah opis kompeni nya ti ngetuka semilan iku nya ti nadai meri kebuah nyata.\\n“Kelimpah ngansak perintah nengeri mansik polisi kompeni minyak enggau gis ke beroperasyen ditu, kami mega minta perintah nengeri nyaup negika sida ti diketu kompeni nye kereja.\\n“Sida baka ke diguna maya ke bisi guna lalu diketu pia aja enggau nadai kebuah. Tu disemaka baka kitai mai tebu, abis manis lalu dibuai,” ku Elias.\\nKelimpah ari nya ku Elias, kompeni minyak enggau gis ti beroperasyen di Sarawak mega patu bisi opis kompeni ditu lalu ukai semina ngiga rayat nengeri tu ke landik gawa tang opis sida di Semenanjung Malaysia.\\n“Abis nadai ba seksyen ngatur pengawa, kitai tau meri peluang ngagai peranak nengri tu ngambika ngaduka nya. Ukai kitai enggaika pekereja ari Semenanjung Malaysia, tang ke pemadu beguna iya nya ngemeratka rayat diri empu dulu.\\n“Kami enggaika nasit rayat kitai kelebih agi bansa Dayak terus nyadi baru baka nasit semilan iku nya jemah ila. Nya alai, kami amat ngarapka perintah nengeri nyaup lalu mutarka penanggul tu sereta nyendiaka garis lalau sentang polisi ke patut ngagai sekeda kompeni ke bekaul,” tambah iya.\\nSama bisi ba aum media nya Presiden Serakup Iban Sarawak (PAIS) Samuel Suring, MandalPresiden Terabai Menua Ugik Jalit enggau bala pengari ari Serakup Pekereja Minyak enggau Gis Sarawak.\\nEntara isu ti dibantaika baka gaji laun dibayar ngagai pekereja offshore, penyampau gaji ke be bida dibayar entara pekereja Sarawak enggau Semenanjung Malaysia sama kereja enggau kompeni, isu nyain sempekat ungkup sida ke gawa ke menua tasik sebedau gawa lalu ukai maya gawa enggau isu Opis Imigresyen ke patut patut siru agi ngagai permit kereja.","num_words":506,"character_repetition_ratio":0.119,"word_repetition_ratio":0.046,"special_characters_ratio":0.181,"stopwords_ratio":0.213,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Sarawak ngerikod 166 kes baru positif COVID-19 | Utusan Borneo Online\\nKhamis, 28 Januari 2021 - 10:13pm\\nHalaman Utama » Iban » Sarawak ngerikod 166 kes baru positif COVID-19\\nSarawak ngerikod 166 kes baru positif COVID-19\\nMAJAK NAMBAH: Statistik pemadu baru COVID-19 ba Sarawak, kemari.\\nKUCHING: Bisi 166 kes baru positif COVID-19 diripotka di Sarawak ti tebal agi ditemu ba Pelilih Menua Sibu, iya nya 94 kes.\\nSekretariat Komiti Mutarka Penusah Ngenyit Nengeri Sarawak (JPBNS) nengah penerang berita madah, nya nyadika penyampau kes positif COVID-19 di Sarawak bisi 1,740 kes.\\n“Sehari tu (kemari) bisi 166 kes baru positif COVID-19 ditemu di Sarawak ti nyengkaum ba Sibu (94), Miri (48), Kuching (15), Beluru (4), Bintulu (3), Belaga (1) enggau Samarahan (1). Tu ngujungka penyampau semua kes positif COVID-19 ba Sarawak nambah nyadi 1,740 kes.\\n“Kes positif COVID-19 baru di Sibu, ari 94 kes nya nyengkaum 88 kes ti diperesa bekaul enggau Klsuter Pasai, 4 kes diperesa bekaul enggau kontak ngagai kes positif COVID-19 enggau dua kes asil peresa ke bukai COVID-19.\\n“Lalu, 48 kes baru di Miri nyengkaum tujuh kes ti diperesa maya pulai ari kandang endur berisiko rampit COVID-19 (Kelantan (2), Kuala Lumpur (2), Labuan (1), Melaka (1) enggau Selangor (1)); 4 kes ti diperesa bekaul enggau Kluster Bah Sayap; 3 kes diperesa bekaul enggau Kluster Pasai; 1 kes diperesa bekaul enggau Kluster Stutong; 1 kes diperesa maya pulai ari menua luar (Brunei) ti bekaul enggau peranak Malaysia (rayat Sarawak) enggau 32 kes bekaul enggau beperesa bukai COVID-19,” ku JPBNS, kemari.\\nNambahka nya, 4 kes positif COVID-19 di Beluru bekaul enggau kontak ngagai kes positif COVID-19; 1 kes di Pelilih Menua Samarahan ti diperesa bekaul enggau Kluster Stutong lalu siti kes ke dirikotka ba Pelilih Menua Belaga ti bekaul enggau Kluster Pasai.\\n“Bisi 15 kes baru positif COVID-19 di Kuching (kemari) iya nya nyangkaum 10 kes ke diperesa maya pulai ari kandang menua berisiko rampit COVID-19 (Selangor (5), Luala Lumpur (2), kedah (1), Sabah (1) enggau Negeri Sembilan (1); 2 kes diperesa bekaul enggau Kluster Stutong; 1 kes diperesa bekaul enggau Kluster Keranji Tabuan enggau 2 kes bekaul enggau beperesa bukai ti bekaul enggau COVID-19.\\n“Tiga kes positif COVID-19 baru (kemari) di Bintulu iya nya nyengkaum dua kes diperesa bekaul enggau kes positif COVID-19 enggau siti kes diperesa pulai ari kandang endur berisiko rampit COVID-19 di Melaka,” ku JPBNS.\\nNambahka nya JPBNS madah kemari bisi tujuh kluster COVID-19 agi aktif ba Sarawak iya nya Kluster Bukit Sekubong, Sebauh; Kluster Jelita , Miri; Kluster Pasai, Sibu; Kluster Keranji Tabuan, Kuching; Kluster Bah Sayap, Miri; Kluster Stutong, Kuching enggau Kluster Mador, Meradong.\\nBekaul enggau status nitihka pelilih menua di Sarawak, nitihku penerang berita JPBNS, kemari, Pelilih Menua Kuching, Sibu enggau Merah agi bestatus Mirah enggau penyampau 449 kes berampit dalam tiga pelilih menua nya dalam timpuh 14 hari ke udah.\\nPelilih Menua Sebauh agi bestatus Oren enggau 21 kes.\\nPelilih Menua Beluru, Dalat, Selangau, Samarahan, Sri Aman, Bukit Mabong, Meradong, Bintulu sereta Limbang agi bestatus Kuning enggau penyampau 34 kes berampit dalam pelilih menua tu dalam timpuh 14 hari ke udah sereta bisi 27 pelilih menua ke bukai ba Sarawak agi bestatus Gadung.\\nKelimpah ari nya, JPBNS ngeripotka kemari bisi empat kes baru udah gerai sereta dikemendarka pansut ari Sepital Miri, tu ngujungka penyampau semua kes positif COVID-19 ti udah gerai sereta dikemendarka pansut ari sepital nambah nyadi 1,122 tauka 64.48 peratus ari penyampau semua kes COVID-19 ba Sarawak.\\n“Penyampau semua kes ti agi diperubat enggu diengkah kediri ba sepital bisi 597 iku nyengkaum 296 kes ba Sepital Sibu; 181 kes ba Sepital Miri; 93 kes ba Sepital Besai Sarawak enggau 27 kes ba Sepital Bintulu.\\n“Sehari tu (kemari) bisi 268 PUI baru udah diripotka enggau 53 PUI ke agi nganti pemutus peresa makmal,” ku JPBNS.\\nBisi 307 Person Under Surveillance (PUS) udah ngerejista tama sereta dikuarantin ba hotel, ti ngujungka penyampau semua PUS ba 52 buah hotel enggau SC Ukai hotel naka kemari bisi 5,123 iku.","num_words":569,"character_repetition_ratio":0.13,"word_repetition_ratio":0.0,"special_characters_ratio":0.242,"stopwords_ratio":0.178,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Wahyu 4 (IBAN)\\n1Udah nya aku malik, lalu tepedaka siti pintu tebuka di serega. Nyawa ti terubah bejaku munyi terumpit lalu bejaku ngagai aku, \"Niki ke atas kitu. Aku deka nunjuk ke nuan utai ti enda tau enda nyadi udah lepas tu.\"\\n2Tekala nya Roh Kudus lalu bekuasa ba aku, lalu aku tepedaka siti kerusi diraja di serega, enggau siku orang duduk ba kerusi diraja nya!\\n3Orang ke duduk ba kerusi diraja nya baka batu asija enggau batu akek mirah, lalu ngelingi kerusi diraja nya bisi anakraja ti bechura baka batu samerut.\\n4Ngelingi kerusi diraja nya bisi dua puluh empat iti kerusi diraja ti bukai, lalu duduk ba kerusi diraja nya bisi dua puluh empat iku tuai, ke ngena gari burak, enggau makota emas ba pala sida.\\n5Ari kerusi diraja nya pansut kilat, enggau munyi guru enggau letup guntur, lalu di mua kerusi diraja nya bisi tujuh iti sempun ti mau, iya nya tujuh iku roh Allah Taala.\\n6Lalu di mua kerusi diraja nya bisi siti utai ti baka tasik ti digaga ari cheremin, ti baka batu kristal. Lalu ngelingi kerusi diraja nya, ari sepiak-sepiak, bisi empat iku utai ti idup, ti penuh laban mata ari mua enggau ari belakang.\\n7Iya ti keterubah nya baka gamal singa. Iya ti kedua, baka gamal sapi. Iya ti ketiga baka mua mensia, lalu iya ti keempat baka menaul ti terebai.\\n8Lalu genap iku utai ti idup nya bisi enam iti sayap, lalu genap iku sida penuh laban mata di dalam enggau di luar, lalu sida belagu siang malam, ku sida: \"Kudus, kudus, kudus meh Tuhan Allah Taala ti Pemadu Bekuasa, ti udah bisi, ti bisi diatu enggau ti deka datai.\"\\n9Lalu genap kali empat iku utai ti idup nya belagu ngemuliaka sereta meri basa enggau terima kasih ngagai Iya ke duduk ba kerusi diraja nya, ke idup belama-lama iya.\\n10Bala tuai ke dua puluh empat iku nya lalu nyungkurka diri di mua Iya ke duduk ba kerusi diraja nya, lalu nyembah Iya ke idup belama-lama iya. Sida ngengkahka makota sida di mua kerusi diraja nya, lalu belagu,\\n11\"O Tuhan Allah Taala kami, Nuan endang patut nerima mulia, basa enggau kuasa, laban Nuan udah ngaga semua utai, lalu ulih peneka Nuan, sida ditempa, lalu diberi pengidup.\"","num_words":360,"character_repetition_ratio":0.125,"word_repetition_ratio":0.0,"special_characters_ratio":0.213,"stopwords_ratio":0.347,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"11 April 2020 - Hari Enam Kudus (Malam Paska \/ Easter Vigil) -->\\nPun Laman › Bible › BupKudus › Catholic › EasterVigil › Injil › JakuTuhanNintingHari › MalamPaska › Prayer › RomanKatolik › SembiangKitai\\n11 April 2020 - Hari Enam Kudus (Malam Paska \/ Easter Vigil)\\nAdmin | beritaiban@gmail.com\\nSelamat pagi Hari Enam Kudus (Malam Paska \/ Easter Vigil) ngagai semua bala menyadi dalam kristus. Aram kitai sama nyendiaka diri lalu belabuh besembiang:\\nBacha Ke Satu: Pemungkal 1: 1 - 2: 2\\nBa pun iya kelia, * lebuh Allah Taala berengkah ngaga langit enggau dunya,\\ndunya endang apin bisi bakal tauka gamal sereta nadai utai nguan.\\nSemina ribut ti deras ari Allah Taala aja ti bepuput atas tasik ti agi petang.\\nAllah Taala lalu bejaku, “Awakka penampak pegari.”\\nPenampak lalu pegari.\\nAllah Taala meda penampak nya manah; lalu Iya nyeraraka penampak nya ari pemetang.\\nIya ngumbai penampak nya “Siang” lalu pemetang nya dikumbai Iya “Malam.”\\nLemai abis lalu pagi pen datai.\\nNya hari ti keterubah.\\nLalu ku Allah Taala bejaku, “Awakka kebung pegari kena nyeraraka ai ti di atas ari ai ti di baruh.\\nNya alai Allah Taala ngaga kebung nya lalu nyeraraka ai ti di baruh kebung nya ari ai ti ari atas kebung nya. Utai nya lalu nyadi.\\nIya ngumbai kebung nya “Langit.”\\nNya hari ti kedua.\\nUdah nya Allah Taala bejaku, “Awakka ai ti di baruh langit begelumu ba siti endur, ngambika tanah pegari.”\\nUtai nya lalu nyadi.\\nIya ngumbai tanah “Darat,” lalu ai ti begelumu dikumbai Iya “Tasik.”\\nLalu Allah Taala meda utai nya manah.\\nUdah nya Iya bejaku, “Awakka tanah mansutka semua macham utai ti tumbuh: utai ti mansutka leka, enggau semua macham kayu ti mansutka buah ti bisi leka.”\\nNya alai, tanah mansutka semua macham utai ti tumbuh, lalu Allah Taala meda utai nya manah.\\nNya hari ti ketiga.\\nUdah nya Allah Taala bejaku, “Awakka mayuh macham penampak pegari di langit, kena nyeraraka siang ari malam, enggau kena nunjukka maya hari, taun enggau maya gawai belabuh.\\nSida deka manchar di langit lalu meri penampak ngagai dunya.” Utai nya lalu nyadi.\\nNya alai Allah Taala ngaga dua igi penampak ti besai, iya nya mata hari ti bekuasa lebuh siang hari, enggau bulan ti bekuasa lebuh malam hari.\\nIya mega ngaga bintang.\\nIya ngengkahka semua penampak nya di langit, ngambika sida manchar ngagai dunya, bekuasa lebuh siang enggau lebuh malam hari, sereta nyeraraka penampak ari pemetang.\\nLemai abis lalu pagi pen datai. Nya hari ti keempat.\\nUdah nya Allah Taala bejaku, “Awakka ai penuh laban semua bansa utai ti idup, lalu awakka burung terebai di langit.”\\nNya alai Allah Taala ngaga jelu ti besai sereta nyelai di tasik, semua bansa utai ti idup dalam ai, enggau semua bansa burung.\\nIya merekatka semua sida, lalu ngasuh utai ti idup dalam ai beranak betelesak, lalu ngemenuhka tasik.\\nIya mega ngasuh burung beranak betelesak di dunya.\\nNya hari ti kelima.\\nUdah nya Allah Taala bejaku, “Awakka dunya mansutka semua bansa jelu ti idup: jelu tupi, jelu babas, enggau jelu ti ngerayap.”\\nNya alai Allah Taala ngaga semua bansa jelu, lalu Iya meda semua utai nya manah magang.\\nUdah nya Allah Taala bejaku, “Aram Kitai ngaga mensia neladan gamal Kitai Empu, baka gamal Kitai Empu; lalu awakka sida bekuasa atas ikan, burung, enggau semua jelu di dunya tu, enggau semua utai ti ngerayap ba tanah.”\\nNya alai Allah Taala ngaga mensia neladan gamal Iya Empu; Iya ngaga sida lelaki enggau indu.\\nAllah Taala merekatka sida, lalu bejaku ngagai sida, “Beranak betelesak lalu ngemenuhka dunya meh kita sereta bekuasa atas iya; perintah meh ikan, burung, enggau semua utai ti idup di dunya.”\\nKu Allah Taala bejaku, “Aku meri kita semua macham leka utai enggau semua macham buah nyadika pemakai kita;\\nlalu ke semua bansa jelu babas ti di dunya, enggau ke semua bansa burung, Aku meri sida rumput enggau utai ti bisi daun nyadika pemakai sida.”\\nAllah Taala meda semua utai ti udah digaga Iya manah magang.\\nLemai abis lalu pagi pen datai. Nya hari ti keenam.\\nNya alai langit enggau dunya, enggau semua utai ti dalam sida tembu magang digaga.\\nBa hari ti ketujuh Allah Taala tembu ngereja semua pengawa Iya, lalu ngetu gawa.\\nMasmur Entara: Masmur 104: 1 - 2, 5 - 6, 10 & 12, 13 - 14, 24 & 35\\nSaut (peda 30): Kirum ke Roh Nuan TUHAN, lalu beri pengidup ti baru ngagai dunya.\\nPuji meh TUHAN, O semengat aku!\\nO TUHAN Allah Taala aku, naka meh pemesai kuasa Nuan!\\nNuan ngerasukka mulia raja.\\nNuan nyerayung Diri ngena penampak.\\nNuan udah mintarka langit baka langkau kain.\\nSaut: Kirum ke Roh Nuan TUHAN, lalu beri pengidup ti baru ngagai dunya.\\nNuan udah ngengkahka dunya tegap ba pugu iya,\\nlalu iya enda dikinsitka.\\nNuan udah ngengkahka tasik ba atas pugu dunya baka baju panjai,\\nlalu ai ngelamun bukit.\\nNuan ngasuh mata ai mansutka ai ba lebak,\\nlalu sungai rarat ba entara bukit.\\nBa kayu ti semak nya,\\nburung ngaga sarang lalu belagu.\\nAri langit Nuan ngasuh ai ujan labuh ninggang bukit,\\nlalu dunya penuh laban berekat Nuan.\\nNuan ngasuh rumput tumbuh ngambika bisi diempa jelu sapi,\\nlalu meri kami utai ngambika bisi ditanam kami,\\nngambika kami bulih asil ari tanah.\\nTUHAN, Nuan udah ngaga mayuh macham utai!\\nNaka meh pemintar Nuan ngaga semua utai nya!\\nDunya nyau penuh laban utai ti idup ti digaga Nuan.\\nAwakka orang ke bedosa dibuai ari dunya.\\nAwakka orang ke jai abis lengis.\\nPuji meh TUHAN, O semengat aku! Puji meh TUHAN!\\nBacha Ke Dua: Pemungkal 22: 1 - 18\\nNyau kelama udah bekau nya, Allah Taala nguji Abraham. Ku Iya bejaku ngagai Abraham, “Abraham!”\\nAbraham lalu nyaut, “Tu aku!”\\nKu Allah Taala bejaku, “Bai anak nuan, anak tunggal nuan Isak, ke balat dikerinduka nuan, lalu mansang nuan ngagai menua Moriah, lalu serahka iya dia nyadika piring tunu ba bukit ti deka ditunjukka Aku ngagai nuan.”\\nNya alai Abraham angkat tumu pagi hari siti, nyendiaka keledai iya, lalu mai dua iku ari orang gaji iya, sama enggau anak iya Isak; iya lalu netak kayu kena nunu piring, lalu mupuk ngagai endur ti jauh ti udah ditunjukka Allah Taala ngagai iya.\\nBa hari ti ketiga, Abraham tepedaka endur nya ari jauh.\\nUdah nya iya lalu bejaku ngagai orang gaji iya, “Seduai nganti ditu, ngemataka keledai. Aku enggau anak aku deka kin, lalu nyembah Allah Taala, lalu udah nya kami duai deka pulai baru ngagai seduai.”\\nAbraham lalu ngasuh Isak ngesan kayu ti deka dikena nunu piring, lalu iya empu mai sebilah duku, enggau bara api.\\nLebuh seduai iya benung bejalai,\\nIsak lalu bejaku, “Apai!” “Nama, anak?” ku Abraham nyaut.\\nIsak lalu nanya, “Tua bisi bara api enggau kayu, tang dini alai anak domba nyadika piring tunu?”\\nDisaut Abraham, “Allah Taala Empu deka meri siku anak domba nyadika piring nya.”\\nSeduai iya majak bejalai.\\nLebuh seduai iya datai ba endur ti udah dipadahka Allah Taala ngagai Abraham, Abraham lalu ngaga siti alta, lalu nugungka kayu api ba alta nya.\\nIya lalu nanchang anak iya Isak, lalu ngengkahka iya ba atas tugung kayu nya.\\nUdah nya Abraham lalu ngambi duku, deka ngelar anak iya.\\nTang melikat TUHAN ngangauka iya ari serega, ku iya, “Abraham! Abraham!”\\n“Anang ngemediska nembiak nya, tauka ngereja sebarang utai ngagai iya,”\\nku melikat nya bejaku, “laban diatu Aku nemu nuan amat nangika Allah Taala, laban nuan enda sayauka anak tunggal nuan tang nyerahka iya ngagai Allah Taala.”\\nAbraham malik, lalu tepedaka siku bedus ti lelaki tekait tanduk ba babas. Iya mansang lalu ngambi bedus nya, lalu nyerahka bedus nya nyadika piring tunu kena nyilih anak iya.\\nAbraham lalu ngumbai endur nya “TUHAN Nyendia.”\\nNyentuk ngagai sehari tu, orang agi nyebut, “TUHAN deka nyendiaka utai ba bukit Iya.”\\nMelikat TUHAN lalu ngangauka Abraham ari serega kedua kali,\\nKu Iya bejaku, “Aku ti TUHAN besumpah atas nama Aku Empu, Aku deka meri berekat ti besai ngagai nuan, laban nuan udah ngereja utai tu, lalu enda sayauka anak tunggal nuan tang nyerahka iya ngagai Aku.\\nAku besemaya deka meri nuan mayuh peturun, ngemayuh bintang ti di langit, tauka ngemayuh pasir ti ba tebing tasik.\\nPeturun nuan deka ngalahka munsuh sida.\\nSemua bansa deka minta Aku merekatka sida, baka Aku ti udah merekatka peturun nuan, ketegal nuan udah ngasika jaku Aku.”\\nMasmur Entara: Masmur 16: 5 & 8, 9 - 10, 11\\nSaut (peda 5a): Nuan meh ke dikemisi aku, O TUHAN.\\nSemina Nuan aja, TUHAN, ke dikemisi aku\\nlalu Nuan meri aku semua utai ti dipeguna aku.\\nPengidup aku ba jari Nuan.\\nAku seruran nemu TUHAN bisi enggau aku.\\nIya semak aku, lalu nadai utai ulih ngelebuka aku.\\nSaut: Nuan meh ke dikemisi aku, O TUHAN.\\nNya alai aku meri terima kasih sereta gaga ati,\\nlalu aku berasai likun,\\nlaban Nuan nyaga aku ari kuasa pemati.\\nAku udah betuaika Nuan enggau ati ti tetap,\\nlalu Nuan enda ninggalka aku di dunya pemati.\\nNuan nunjukka ngagai aku jalai ti nuju ngagai pengidup.\\nAti aku gaga laban Nuan bisi enggau aku\\nlalu ati aku lantang belama iya.\\nBacha Ke Tiga: Pemansut 14: 15 - 15: 1\\nKu TUHAN bejaku ngagai Moses, “Nama kebuah nuan nyabak minta saup? Asuh orang Israel bejalai.\\nAngkatka tungkat nuan, lalu kedarka iya atas tasik. Ai nya deka bebagi, lalu orang Israel ulih bejalai nengah tasik nya nengah tanah ti rangkai.\\nAku deka ngasuh ati orang Ejip kieh, datai ke sida deka mansang ngagai tasik nya, begagaika sida, lalu Aku deka bulih mulia ketegal Aku menang ngelaban raja menua Ejip enggau bala soldadu iya, kerita perang iya, enggau orang ke nepan kerita perang iya.\\nLebuh Aku udah ngalahka sida, nya baru orang Ejip deka nemu Aku endang TUHAN.”\\nMelikat TUHAN ti udah bejalai dulu ari bala soldadu orang Israel lalu mindah tunga kebelakang bala orang Israel.\\nTiang mua hari nya mega mindah lalu\\nnyeraraka bala orang Ejip ari bala orang Israel.\\nPemetang mua hari nya mungkus orang Israel, tang lebuh malam hari iya meri sida penampak.\\nNya alai semalam-malam nya bala soldadu dua bengkah nya enda ulih datai semak ngagai pangan diri.\\nMoses ngedarka jari iya atas tasik nya, lalu TUHAN muputka ai tasik nya ngena ribut ti deras ari timur.\\nnya muput semalam-malam nya, lalu ngasuh tasik nya rangkai.\\nAi nya bebagi dua, lalu orang Israel bejalai nengah tasik nya nengah tanah ti rangkai. Ai nya nyau bedinding ari sepiak-sepiak sida.\\nOrang Ejip lalu begagaika sida nengah tasik nya, mai semua kuda, kerita perang, enggau bala orang ke nepan kerita perang.\\nLebuh hari nyau deka tawas, TUHAN merening ke baruh ari tiang api enggau ari gentilang remang, ngagai bala soldadu orang Ejip, lalu sida begau abis ati.\\nTUHAN ngasuh kaki kerita perang sida lekat, ngambika kaki kerita perang sida enda tentu ulih bepusin.\\nKu orang Ejip bejaku, “TUHAN ti beperang ngelaban kitai ngarika orang Israel. Aram kitai rari ari tu!”\\nTUHAN lalu bejaku ngagai Moses, “Kedarka jari nuan atas tasik nya, ngambika ai pulai baru lalu ngelamun orang Ejip enggau kerita perang enggau orang ke nepan kerita perang.”\\nMoses lalu ngedarka jari iya atas tasik nya, lalu ba rerak tawas pagi nya, ai nya lalu pulai baru ngenalam iya ti dulu.\\nOrang Ejip nguji ngerarika diri ari ai nya, tang TUHAN nikauka sida ngagai tasik nya.\\nAi tasik nya pulai baru, lalu ngelamun kerita perang, orang ke nepan kerita perang, enggau semua bala soldadu orang Ejip ti udah begagaika orang Israel ngagai tasik nya. Nadai siku sida idup.\\nTang orang Israel bejalai nengah tasik nya nengah tanah ti rangkai, lalu ai nyau bedinding ari sepiak-sepiak sida.\\nNya alai sehari nya TUHAN nyelamatka orang Israel ari orang Ejip, lalu orang Israel meda bangkai orang Ejip nyau betegaring ba sebelah tebing tasik nya.\\nLebuh orang Israel meda pemesai kuasa ti dikena TUHAN ngalahka orang Ejip, sida lalu nangika TUHAN. Sida arapka TUHAN, sereta arapka nembiak Iya, Moses.\\nUdah nya Moses enggau orang Israel lalu nyanyi lagu tu kena muji TUHAN: “Aku deka belagu muji TUHAN, laban Iya udah menang. Iya udah nikauka kuda enggau orang ke nepan kuda ngagai tasik.\\nMasmur Entara: Pemansut 15: 1 - 2, 3 - 5, 6 - 7, 17 - 18\\nSaut (peda 1): Aram kitai belagu muji TUHAN, laban Iya udah menang.\\nAku deka belagu muji TUHAN, laban Iya udah menang.\\nIya udah nikauka kuda enggau orang ke nepan kuda ngagai tasik.\\nTUHAN endang penyaga aku ti kering ti udah ngelepaska aku.\\nIya Allah Taala aku, lalu aku deka muji Iya ti Allah Taala apai aku,\\nlalu aku deka belagu ngemesaika nama Iya.\\nSaut: Aram kitai belagu muji TUHAN, laban Iya udah menang.\\nTUHAN endang tau serang. TUHAN meh nama Iya.\\nIya udah nikauka bala soldadu orang Ejip\\nenggau kerita perang sida ngagai tasik.\\nBala pemesai soldadu ti berani udah lemas dalam Tasik Mirah.\\nTasik ti dalam udah ngelamun sida.\\nSida tengelam ngagai buntut tasik baka batu.\\nJari kanan Nuan, TUHAN, endang bekuasa,\\nti ngeredakka munsuh.\\nNuan ngena kuasa diraja Nuan ngalahka munsuh Nuan.\\nPengeringat Nuan mau baka api lalu nunu sida baka jerami.\\nNuan mai sida tama, lalu nanam sida ba bukit Nuan,\\nba endur ti udah dipilih Nuan nyadika endur alai rumah Nuan,\\niya nya Langkau Kain TUHAN ti udah digaga Nuan Empu.\\nNuan, TUHAN, deka nyadi Raja belama lama iya.\\nBacha Ke Empat: Isaiah 54: 5 - 14\\nKu TUHAN bejaku:\\nAllah Taala ti ngaga nuan deka nyadika laki nuan. Nama Iya TUHAN ti Pemadu Bekuasa. Allah Taala ke disembah orang Israel ti kudus deka nebus nuan. Iya nya ke merintah semua dunya.\\nIsrael, nuan baka bini ke agi biak, ke ditinggalka laki, lalu balat tusah ati.\\nTang TUHAN ngangauka nuan pulai baru ngagai Iya. Ku iya:\\n“Aku ninggalka nuan sekejap aja. Aku deka ngambi nuan pulai baru enggau ati ti balat rindu.\\nAku nguingka Diri ari nuan enda lama, laban Aku ringat, tang Aku deka ngayanka pengerindu Aku ngagai nuan belama iya.”\\nPia ku TUHAN ti nebus nuan bejaku.\\n“Lebuh maya Noah menya, Aku besemaya enda agi ngampuhka dunya ngena ai bah.\\nDiatu Aku besemaya enda agi ringat ngagai nuan.\\nAku enda nganu tauka ngukum nuan.\\nBukit enggau munggu nyangka tau tumpur, tang pengerindu Aku ke nuan enda nemu abis.\\nAku deka ngingatka sempekat pemaik Aku belama iya.”\\nPia ku TUHAN ti rinduka nuan bejaku.\\nKu TUHAN bejaku, “O Jerusalem, nuan nengeri ti merinsa, ti nadai daya, ti nadai orang merindang.\\nAku deka ngaga pugu nuan baru ngena batu ti berega.\\nAku deka ngaga menara nuan ngena batu sejabu pintu kuta nuan ngena batu ti beperenching baka api, enggau dinding ti ngelingi nuan ngena batu ti berega.\\n“Aku Empu deka ngajar bala nembiak nuan lalu meri sida pengaya enggau pemaik.\\nAtur ti betul enggau pengelurus deka ngasuh nuan kering.\\nNuan deka diau likun ari orang ke nekanka pengidup enggau ari utai ti balat ngenakut.\\nMasmur Entara: Masmur 30: 1 & 3, 4 - 5, 10 - 12\\nSaut (peda 1a): Aku muji Nuan, O TUHAN, laban Nuan udah ngidupka aku.\\nAku muji Nuan, O TUHAN, laban Nuan udah ngidupka aku lalu enda nyagi munsuh aku ketawaka aku.\\nNuan nagang aku mati; lebuh aku mansang ngagai dunya pemati,\\nNuan ngidupka aku baru.\\nSaut: Aku muji Nuan, O TUHAN, laban Nuan udah ngidupka aku.\\nBelagu muji TUHAN semua kita ke nembiak Iya!\\nKingatka utai ti udah dikereja Iya ti Kudus,\\nlalu beri terima kasih ngagai Iya!\\nIya ringat enda lama, tang pemadas Iya tan seumur idup.\\nAi mata nyangka lilih lebuh malam hari,\\ntang pengaga datai lebuh pagi hari.\\nDingaka aku, TUHAN, lalu kasihka aku! Tulung aku, TUHAN!\\nNuan udah ngubah ati aku ti tusah lalu ngasuh aku betanda gaga ati.\\nNuan udah muai ati aku ti tusah lalu malut aku ngena pengaga.\\nNya alai aku enda tau enda bemunyi.\\nAku deka belagu muji Nuan.\\nO TUHAN, Nuan meh Allah Taala aku.\\nAku deka meri terima kasih ngagai Nuan belama iya.\\nBacha Ke Lima: Isaiah 55: 1 - 11\\nKu TUHAN bejaku, “Datai kitu, semua kita ke aus, tu ai amat! Datai kitu, kita ke nadai duit, terima meh gandum enggau enda bebayar, lalu empa! Datai kitu! Irup wain enggau ai tusu, enggau enda bebayar!\\nNama kebuah bebelika utai ti enda ngasuh kita kenyang? Nama kebuah ngena duit ari gaji kita, tang agi lapar?\\nPending Aku, lalu kereja utai ti diasuh Aku, nya baru kita deka makai pemakai ti pemadu manah.\\n“Anang enda mending diatu, kita ke nembiak Aku, lalu datai ngagai Aku.\\nDatai ngagai Aku, lalu kita deka bulih pengidup! Aku deka ngaga siti sempekat ti meruan belama iya enggau kita lalu meri kita berekat ti udah disemaya Aku ngagai David.\\nAku udah ngaga David nyadi tuai, enggau nyadika kepala ke mayuh bengkah bansa, lalu ulih iya, Aku udah ngayanka kuasa Aku ngagai sida.\\nDiatu kita deka mesanka semua bansa ti enda ditemu kita. Dulu suba sida enda nemu kita, tang diatu sida deka belanda datai lalu begulai enggau kita! Aku TUHAN Allah Taala kita, Allah Taala ke disembah orang Israel ti kudus, deka ngasuh semua utai tu nyadi. Aku deka meri kita basa enggau mulia.”\\nKuingka diri ngagai TUHAN, lalu besampi ngagai Iya, laban Iya diatu nyau semak.\\nAwakka orang ke jai, ninggalka jalai pengidup sida lalu ngubah chara sida berunding.\\nAwakka sida nguingka diri ngagai TUHAN Allah Taala kitai.\\nIya endang kasih, lalu jampat ngampun.\\nKu TUHAN bejaku, “Runding Aku enda baka runding kita, lalu jalai Aku enda baka jalai kita.\\nBaka langit ti tinggi ari atas tanah, baka nya meh jalai enggau runding Aku tinggi agi ari jalai enggau runding kita.\\n“Leka jaku Aku baka seleju enggau ujan ti labuh ari langit lalu meri ai ngagai dunya.\\nSida ngasuh utai ti ditanam tumbuh lalu mansutka benih ngambika bisi ditanam, enggau pemakai ngambika bisi diempa.\\nBaka nya meh jaku ti pansut ari mulut Aku. Iya tetap deka mujur ngereja utai ti udah diperambu Aku ke iya.\\nIya deka ngereja utai ti diasuh Aku kereja iya.\\nMasmur Entara: Isaiah 12: 2 - 3, 4, 5 - 6\\nSaut (peda 3a): Baka ai ti ngasuh orang ke aus gaga, bala nembiak Allah Taala deka rami gaga lebuh Iya ngelepaska sida.\\nAllah Taala endang Juruselamat aku;\\nAku deka manggaika pengarap aku ba Iya lalu enda takut.\\nTUHAN meri aku kuasa enggau pengering.\\nIya endang Juruselamat aku.\\nBaka ai ti ngasuh orang ke aus gaga,\\nbaka nya meh bala nembiak Allah Taala deka rami gaga lebuh Iya ngelepaska sida.\\nSaut: Baka ai ti ngasuh orang ke aus gaga, bala nembiak Allah Taala deka rami gaga lebuh Iya ngelepaska sida.\\nMaya deka datai alai orang mayuh deka belagu,\\n“Beri terima kasih ngagai TUHAN!\\nKangauka Iya minta Iya nulung kita!\\nPadahka ngagai semua bansa utai ti udah dikereja Iya!\\nPadahka ngagai sida pasal pemesai kuasa Iya!\\nBelagu muji TUHAN, ketegal utai ti besai ti udah dikereja Iya.\\nAwakka semua dunya ninga berita nya.\\nAwakka semua orang ke diau di Sion manjung lalu belagu!\\nAllah Taala ke disembah orang Israel ti kudus endang besai kuasa,\\nlalu Iya diau enggau bala nembiak Iya.”\\nBacha Ke Enam: Baruk 3: 9 - 15, 32 - 4: 4\\nO Israel, dingaka semua pengasuh ti meri pengidup, lalu peratika semua utai nya ngambika kita bepenemu.\\nO Israel, nama kebuah nuan ba menua munsuh? Nama kebuah nuan nyau tuai di menua orang bukai? Nama kebuah nuan ngamahka diri baka orang ke mati, lalu begulai enggau raban orang ke mati? Nuan baka nya laban nuan udah ninggalka pun penemu-dalam! Enti sema nuan nitihka peneka Allah Taala, tentu pengidup nuan deka bisi pemaik ke selama-lama iya.\\nBelajar meh ba sebarang endur ti bisi penemu-dalam, pengering enggau pemereti ati, lalu nuan deka terus nemu endur ngulihka umur panjai enggau pengelantang, penampak ti meri penerang ngagai pengidup enggau pemaik.\\nSapa udah tetemuka endur penemu-dalam tauka udah tama ngagai rumah endur pengaya reta iya?\\nSemina Allah Taala siku aja ti nemu semua utai tetemuka penemu-dalam ngena pemereti ati Iya. Iya ngaga dunya ti meruan belama, lalu ngisi iya enggau mayuh macham jelu.\\nIya ngangauka penampak, lalu penampak gegetar datai. Iya ngirumka penampak, penampak ningaka Iya, lalu mansang.\\nSemua bintang bekebelik manchar naka pemanah, penuh enggau pengaga ba endur sida. Lebuh Tuhan ngangau, semua bintang nyaut enggau jampat; sida bekebelik manchar, lalu ngerinduka Iya ti ngaga sida. Iya meh Allah Taala kitai, lalu siku pen nadai baka Iya.\\nIya meh ke nemu semua jalai nuju penemu-dalam, lalu meri iya ngagai orang Israel, nembiak ke dikerindu Iya.\\nKenyau ari nya, penemu-dalam bisi dipeda di dunya, lalu begulai enggau mensia.\\nPenemu-dalam nya bup pengasuh Allah Taala, Adat Moses ti meruan selama-lama iya.\\nSemua orang ke bepegai ba Adat nya deka idup, tang orang ke ninggalka iya deka mati.\\nO Israel, pulai meh, lalu bepegai teguh ba penemu-dalam nya.\\nBejalai meh nuju penampak ti dipancharka iya. Anang nyerahka mulia enggau ungkup kita ngagai bansa bukai.\\nBeberekat amat meh kitai orang Israel laban kitai nemu utai ti dikedeka Tuhan ti Allah Taala.\\nMasmur Entara: Masmur 19: 7, 8, 9, 10\\nSaut (peda John 6: 68C): TUHAN, Nuan ngembuan jaku ti meri pengidup ti meruan belama iya.\\nAdat TUHAN endang pemadu badas.\\nIya meri pengering ti baru.\\nPesan TUHAN endang tau dikarapka\\nmeri penemu-dalam ngagai orang ke nadai penemu-dalam.\\nSaut: TUHAN, Nuan ngembuan jaku ti meri pengidup ti meruan belama iya.\\nAdat TUHAN endang ngena, lalu ngelantangka ati.\\nPesan TUHAN endang terang lalu iya ngasuh orang meretika utai.\\nBebasaka TUHAN nya utai ti manah,\\nlalu basa nya deka majak belama iya.\\nAtur ti diberi TUHAN endang lurus.\\nAtur nya endang nadai kala berat sepiak.\\nSaut: TUHAN, Nuan ngembuan jaku ti meri pengidup ti meruan belama iya. meri pengidup ti meruan belama iya.\\nUtai nya lebih agi dikinginka ari emas ti pemadu manah,\\nmanis agi ari ai manyi ti pemadu tulin.\\nBacha Ke Tujuh: Esekiel 36: 16 - 28\\nKu TUHAN bejaku ngagai aku,\\n“Anak mensia, lebuh orang Israel diau di menua sida empu, sida ngamahka menua nya ngena chara sida idup enggau ngereja utai.\\nAku ngumbai ulah sida enda tuchi, baka pengamah indu ke datai kain.\\nAku nejuka sida ngasaika pengeringat Aku ketegal pengawa sida ke udah bebunuhka orang di menua tu, enggau ketegal engkeramba ti udah dikena sida ngamah menua tu.\\nAku ngukum sida ketegal jalai sida idup, enggau ulah sida, lalu Aku mambarka sida ngagai menua bukai.\\nEnda milih kini ke tunga sida bejalai, sida mai pemalu ngagai nama Aku ti kudus, laban orang deka nyebut, ‘Tu bala nembiak TUHAN, tang sida dipejalka ninggalka menua diri.’\\nUtai tu ngasuh ati Aku irauka nama Aku ti kudus, laban orang Israel udah mai pemalu ngagai nama Aku di sebarang endur sida bejalai.\\n“Nya alai, beri pesan Aku TUHAN Allah Taala ngagai orang Israel: Utai ti deka dikereja Aku nya ukai ke penguntung kita orang Israel, tang ketegal nama Aku ti kudus, ti udah kamah laban kita di semua menua ti udah digagai kita.\\nLebuh Aku mandangka pengudus nama Aku ti besai, nama ti udah kamah laban kita di semua menua nya, nya baru sida deka nemu Aku endang TUHAN.\\nAku TUHAN Allah Taala udah bejaku.\\nAku deka ngena kita nunjukka pengudus Aku ngagai semua bansa.\\nAku deka ngambi kita ari semua bansa enggau menua, lalu mai kita pulai baru ngagai menua kita empu.\\nAku deka mechikka ai ti beresi ngagai kita, lalu nuchi kita ari semua engkeramba, enggau ari semua utai bukai ti udah ngamahka kita.\\nAku deka meri kita ati ti baru, enggau runding ti baru.\\nAku deka muai ati kita ti kieh ti digaga ari batu, lalu meri kita ati ti ngasi.\\nAku deka nyimpan Roh Aku dalam kita, lalu Aku deka ngasuh kita nitihka Adat Aku, lalu bejimat ngasika semua pesan ti udah diberi Aku ngagai kita.\\nNya baru kita deka diau di menua ti udah diberi Aku ngagai aki ini kita.\\nKita deka nyadi nembiak Aku, lalu Aku deka nyadi Allah Taala kita.\\nMasmur Entara: Masmur 42: 2, 4; 43: 3, 4\\nSaut (peda 42: 1): Baka rusa ti tetengukka ai sungai ti chelap, baka nya meh aku lelengauka Nuan, O Allah Taala aku.\\nAku aus ke Nuan, O Allah Taala ti idup.\\nKemaya aku ulih besembah di mua Nuan?\\nSaut: Baka rusa ti tetengukka ai sungai ti chelap, baka nya meh aku lelengauka Nuan, O Allah Taala aku.\\nAti aku balat tusah lebuh aku ngingatka utai ti udah,\\nlebuh aku bejalai enggau orang ngagai rumah Allah Taala\\nlalu nguluka sida lebuh sida bejalai, bala orang ke lantang ati,\\nke belagu sereta manjung muji Allah Taala.\\nAsuh penampak enggau pemendar Nuan\\nnguluka aku lalu mai aku pulai baru ngagai Sion, bukit Nuan ti kudus,\\nenggau ngagai Rumah Sembiang Nuan, ti alai Nuan diau.\\nNya baru aku deka mansang ngagai alta Nuan, O Allah Taala,\\nngagai Allah Taala ti penatai pengelantang ati aku.\\nAku deka nebah belikan aku, lalu belagu muji Nuan, O Allah Taala, Allah Taala aku.\\nBacha ari Bup Sempekat Baru (Epistle): Rome 6: 3 - 11\\nKati kita enda nemu, semua kitai ke udah dibaptisa ke dalam Jesus Kristus, udah mega dibaptisa ke dalam pemati Iya?\\nNya alai, kitai udah dikuburka sama enggau Iya laban kitai udah dibaptisa ke dalam pemati Iya, ngambika baka Kristus ke diangkatka ari pemati ulih mulia Apai, baka nya mega kitai deka idup dalam pengidup ti baru.\\nLaban enti kitai udah begempung enggau Iya dalam pemati Iya, kitai tetap mega deka begempung enggau Iya dalam pengangkat Iya ari mati.\\nKitai nemu, pendiau kitai ti lama udah diregang sama enggau Iya, ngambika tubuh ti bedosa dirusak, lalu kitai enda agi nyadi ulun dosa.\\nLaban barang sapa mati, dilepaska ari dosa.\\nTang enti kitai udah mati enggau Kristus, kitai mega arapka diri deka idup enggau Iya.\\nKitai nemu, Kristus ke diangkatka ari mati, enda agi mati. Pemati nadai agi kuasa atas Iya.\\nPemati ti ditatka Iya nya pemati ke dosa, sekali aja, tang pengidup ti diasaika Iya diatu nya pengidup Iya ke Allah Taala.\\nNya alai kita enda tau enda ngumbai diri mati ke dosa, lalu idup ke Allah Taala dalam Jesus Kristus.\\nMasmur Entara: Masmur 118: 1 - 2, 16 - 17, 22 - 23\\nSaut: Alleluia, alleluia, alleluia!\\nBeri meh terima kasih ngagai TUHAN, laban Iya endang badas;\\npengerindu Iya meruan belama iya.\\nAwakka orang Israel nyebut, “Pengerindu Iya endang meruan belama iya.”\\nJari kanan TUHAN ti patut dipuji, jari kanan TUHAN udah menang!”\\nAku enda mati, tang deka idup lalu nusui pasal utai ti udah dikereja TUHAN.\\nBatu ti enda diguna tukang rumah udah nyadi batu ti pemadu beguna.\\nUtai tu udah dikereja TUHAN; Utai nya manah gaya dipeda kitai!\\nBacha Injil: Matthew 28: 1 - 10\\n1 Udah lepas hari Sabat, tumu pagi hari Minggu, Maria Magdalin enggau Maria ti siku nya, mansang ngagai kubur.\\n2 Tekala nya tanah lalu balat amat berenyang, laban siku melikat Tuhan nurun ari serega, datai lalu maringka batu ari mua kubur nya, lalu duduk ba batu nya.\\n3 Gamal melikat nya baka kilat, lalu gari iya burak baka seleju.\\n4 Bala jejaga balat amat takutka iya datai ke sida nyau getar-getar lalu baka orang ke mati.\\n5 Tang ku melikat nya bejaku ngagai indu dua iku nya, “Anang takut. Aku nemu seduai ngiga Jesus, ke udah diregang.\\n6 Iya nadai ditu laban Iya udah diangkatka ari mati, munyi ti udah dipadahka Iya. Datai kitu, lalu peda endur alai Iya gali.\\n7 Udah nya mupuk seduai enggau jampat, lalu padahka ngagai sida murid Iya, ‘Iya udah diangkatka ari mati, lalu Iya diatu mansang ngagai Galili dulu ari kita. Din kita deka meda Iya!’ Tu pesan aku ngagai seduai.”\\n8 Seduai iya lalu beguai-guai mupuk ari kubur nya, takut tang gaga ati, lalu belanda madahka sida murid Iya.\\n9 Tekala nya Jesus betemu enggau seduai iya, lalu bejaku, “Tabi ke seduai.” Seduai iya lalu mansang ngagai Iya, megai kaki Iya, lalu nyembah Iya.\\n10 Lalu ku Jesus bejaku ngagai seduai iya, “Anang takut. Mupuk meh seduai, lalu asuh bala menyadi Aku mupuk ngagai Galili. Din sida deka meda Aku.”\\nBERUNDINGKA INJIL SEHARITU:\\nBula enda tekenyit enti pangan kitai ti udah parai ngenyit ngayanka diri ba kitai di pendam. Baka nya meh Maria Magdalene enggau Maria siku da tekenyit bendar meda Jesus ngenyit ngayanka diri ba seduai, ngasuh seduai iya madah ngagai sida murid Iya, Iya deka betemu enggau sida di Galili.\\nPengudah pengangkat iya, Jesus bisi enggau nuan di sebarang endur nuan: di rumah tauka di tanah, tauka benung bejalai ke Damascus baka Paul. Augustine betemu enggau iya benung macha Bup Kudus. Ignatius betemu enggau Jesus lebuh mansang gerai ari telih.\\nIya tau deka ngenyit bisi enggau nuan maya nuan pedis, maya runding nuan kachau, maya nuan kena penguji tauka maya nuan enggau ati berani nyelamatka orang. Iya bisi dia nganu tauka ngemetulka nuan, meransang tauka ngeregaska nuan, merindang tauka ngupah nuan.\\nNeh dalam penusah ti besai amat baka diatu, Iya madahka diri ibuhka kitai, baka Iya ti bejaku enggau sida rasul, lebuh Iya nyebut, “Anang takut.”\\nMalam tu, maya kitai ngintu Vigil Paska tauka Nguan Malam Paska, taja asai sepi kitai lain ari selama, laban kitai enda ngintu iya dalam gerija, aram kitai enggau ati arap, andalka diri ulih betemu enggau Jesus maya Bup Kudus dibacha, enggau dalam Ukaristia taja kitai semina nyambut Iya dalam komuni Roh aja.\\nARAM BESAMPI KITAI:\\nTuhan Jesus, aku muji nyembah nuan, gaga ati meri terima kasih ngagai laban nuan selalu bisi enggau aku taja aku enda meda nuan. Anang ninggalka aku Tuhan laban aku beguna amat ke nuan. Nuan Tuhan aku enggau pengidup aku. Amen. 🙏\\n#Bible #BupKudus #Catholic #EasterVigil #Injil #JakuTuhanNintingHari #MalamPaska #Prayer #RomanKatolik #SembiangKitai\\nSelamat Hari Gawai.. Gayu jani, jelu tupi taun tu wai...\\nSelamat Hari Gawai 2020! (#AnakBorneo Picha) Selamat tengahari ngagai semua bala menyadi, nama pengawa kita wai?. Udah berengkah bebela...\\nSiku lelaki ditemu parai ba bilik suwa iya di Sibu\\nACP Stanley Jonathan Ringgit Siku lelaki ditemu parai ba bilik suwa iya di tingkat 2 sebuah rumah kedai di Jalai Lebuh Tinggi, Sibu, le...\\nUkai 'rezeki' enti enchuri..\\nTENAKO-NAKO: Sekeda ari 'status' enggau komen ti udah di 'screenshoot' orang ke ngena internet (netizen), lemai tu tadi. ...\\nOrang gawa ba opis perintah, servis pemadu beguna enda ibuh minta permit ari polis\\nDatuk Amar Douglas Uggah Embas Komiti Mutarka Penusah Ngenyit Nengeri Sarawak (JPBNS) udah meri jaku gerah, berindik ari Atur Mindah Be...\\nUkai kami deka ngemulaka kita semua, tang...\\nILLUSTRASYEN PICHA: Bas benung paking ba penyangkai Bas Express. (Sarawak Bus & Truck Community picha) Notis Bas Express ti patut ...\\nUdah bisi bas bejalai berengkah ari sehari tu..\\nILLUSTRASYEN PICHA: Bas benung paking ba penyangkai Bas Express. (Sarawak Bus & Truck Community picha) Udah bisi bas bejalai beren...\\nArtikel ke Baru..\\n© 2017 - Berita Iban Online. All Rights Reserved.","num_words":4573,"character_repetition_ratio":0.056,"word_repetition_ratio":0.013,"special_characters_ratio":0.211,"stopwords_ratio":0.328,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 5 BK - Piring kena muai dosa diguna ba semua - Bible Search\\nAdat Lewi 4 Adat Lewi 6\\nAdat Lewi 5\\n1Piring kena muai dosa diguna ba semua pekara tu.\\nEnti orang dipanggil ngagai kot nyadika saksi, lalu iya enda madahka utai ti udah dipeda tauka didinga iya, iya deka betanggungjawapka penyalah diri. 2Enti orang, enggau enda sengaja, teteguka utai ti enda tuchi, baka bangkai jelu, orang nya nyadi enda tuchi sereta salah lebuh iya nemu diri udah teteguka utai nya.\\n3Enti orang, enggau enda sengaja teteguka sebarang utai ti enda tuchi ti pansut ari tubuh mensia, enda milih nama utai nya, iya salah lebuh iya nemu diri udah teteguka utai nya.\\n4Enti orang ngaga semaya ti enda menuku, enda milih nama utai ti disemaya ke iya, iya salah lebuh iya nemu diri udah ngereja utai nya.\\n5Dalam semua pekara tu, orang ke salah nya enda tau enda ngaku dosa diri, 6lalu kena iya mayar ukum ketegal dosa nya, iya enda tau enda mai ngagai TUHAN, siku jelu bedus ti indu, tauka kambin, nyadika piring iya. Imam deka nyerahka piring nya ke dosa orang nya.\\n7Enti orang nya enda ulih meri siku jelu bedus tauka kambin, iya enda tau enda mai ngagai TUHAN, kena iya nebus diri ari dosa nya, dua iku burung achang, tauka dua iku burung puna, siku nyadika piring pengampun dosa, lalu siku nyadika piring tunu. 8Iya enda tau enda mai burung dua iku nya ngagai imam, lalu utai ti terubah dikereja imam nya ngenjuk burung nya nyadika piring pengampun dosa. Iya deka mulaska rekung burung nya, tang enda mutuska rekung burung nya, 9lalu mechikka darah burung nya ngagai tisi alta nya. Teda darah nya deka ditejuka neritik ba kaki alta nya. Tu piring pengampun dosa. 10Udah nya, iya deka meri burung ti kedua nyadika piring tunu nitihka adat. Nya meh chara imam ngenjuk piring ke dosa orang nya, ngambika iya diampun.\\n11Enti orang nya enda ulih meri dua iku burung achang, tauka dua iku burung puna, iya enda tau enda mai sekilogram tepung nyadika piring pengampun dosa. Iya enda tau nyampurka minyak kana tauka menyan ngagai tepung nya, laban tepung nya piring pengampun dosa. 12Iya enda tau enda mai utai nya ngagai imam, ti deka ngambi segenggam ari tepung nya, kena nandaka utai nya udah diserahka ngagai TUHAN, lalu imam nya deka nunu utai nya ba alta nyadika piring ti diberi ngena api. Tu piring pengampun dosa. 13Nya meh chara imam ngenjuk piring ke dosa orang nya, ngambika orang nya diampun. Teda tepung nya deka diempu imam, baka piring gandum.\\n14TUHAN meri adat tu ngagai Moses. 15Enti orang, enggau enda sengaja, bedosa laban iya enda nyuaka bayar ti kudus ngagai TUHAN, iya enda tau enda mai ngagai TUHAN siku jelu bedus ti lelaki tauka kambin ti lelaki, ti nadai penimpang, nyadika piring kena mayar ukum penyalah. Utai nya dikira ngena duit pirak nitihka atur ti udah diletak dalam Langkau Kain TUHAN. Tu piring kena mayar ukum penyalah. 16Iya enda tau enda mayar utai ti enda disuaka iya, ditambahka enggau dua puluh peratus da agi. Iya enda tau enda meri utai nya ngagai imam, lalu imam deka meri jelu nya nyadika piring kena muai penyalah iya, ngambika iya diampun.\\n17Enti orang, enggau enda sengaja, bedosa ngelanggar sebarang pesan TUHAN, iya salah, lalu enda tau enda mayar ukum. 18Iya enda tau enda mai ngagai imam, siku jelu bedus ti lelaki tauka kambin ti lelaki, ti nadai penimpang, nyadika piring kena mayar ukum penyalah. Imam nya deka ngenjuk piring nya kena muai penyalah ti udah dikereja orang nya enggau enda sengaja, ngambika iya diampun. 19Nya piring kena mayar ukum penyalah ti udah dikereja iya ngelaban TUHAN.","num_words":595,"character_repetition_ratio":0.105,"word_repetition_ratio":0.044,"special_characters_ratio":0.205,"stopwords_ratio":0.382,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"13 April 2019 - Hari Enam ba Minggu Ke Lima Musim Lent\\nTang siku ari bala sida, ke benama Kaiapas, ke nyadi imam besai taun nya, lalu bejaku ngagai sida, “Kita nadai nemu utai! Kita enda nemu, manah agi enti siku orang mati ngarika orang mayuh, ari ke nejuka semua bansa kitai dirusak.” - John 11 : 45 - 56\\nBacha Ke Satu: Esekiel 37: 21 - 28\\nKu TUHAN bejaku ngagai aku baru: Udah nya padahka ngagai sida, Aku TUHAN Allah Taala deka ngambi semua nembiak Aku ari semua menua ti udah alai sida pambar, ngempuruka sida, lalu mai sida pulai baru ngagai menua sida empu.\\nAku deka ngempung sida nyadi siti bansa di menua tu, ba bukit ti di menua Israel.\\nSida deka bisi siku aja raja merintah sida, lalu sida enda agi dibagi ngagai dua bengkah bansa, tauka belah dua nyadi dua bengkah perintah.\\nSida enda agi ngamahka diri ngena engkeramba, tauka ngamahka diri ngena dosa.\\nAku deka ngelepaska sida ari semua jalai ti dikena sida bedosa, ti nyual Aku. Aku deka nuchi sida.\\nSida deka nyadi nembiak Aku, lalu Aku deka nyadi Allah Taala sida.\\nSiku raja ke sebaka enggau nembiak Aku David deka nyadika raja sida.\\nSemua sida deka begempung di baruh siku raja nya lalu sida deka, enggau ati ti tetap, ngasika Adat Aku.\\nSida deka diau di menua ti udah diberi Aku ngagai nembiak Aku Jakop, menua ti udah endur alai bala aki ini sida diau menya.\\nSida deka diau dia belama iya, lalu baka nya mega bala anak enggau peturun sida.\\nSiku raja ke sebaka enggau nembiak Aku David deka merintah sida belama iya.\\nAku deka ngaga siti sempekat enggau sida kena nyamin pengelikun sida belama iya.\\nAku deka ngentapka sida diau dia, lalu nambahka pemayuh tubuh sida, lalu netapka Rumah Aku bediri belama iya di menua sida.\\nAku deka diau dia begulai enggau sida. Aku deka nyadi Allah Taala sida, lalu sida deka nyadi nembiak Aku.\\nLebuh Aku nirika Rumah Aku dia ba tengah-tengah sida belama iya, nya baru semua bansa deka nemu Aku ti TUHAN udah milih orang Israel nyadika nembiak Aku.”\\nMasmur Entara: Jeremiah 31: 10, 11 - 12ABCD, 13\\nSaut (peda 10d): TUHAN deka nyaga kitai, baka pengibun bedus ke nyaga raban bedus iya.\\nPendingka Aku, semua kita bansa bukai,\\nlalu padahka jaku Aku di seberai tasik.\\nAku udah ngachirka bala nembiak Aku,\\ntang Aku deka ngempuruka sida baru lalu nyaga sida\\nbaka pengibun bedus ke nyaga raban bedus iya.\\nSaut: TUHAN deka nyaga kitai, baka pengibun bedus ke nyaga raban bedus iya.\\nAku udah nebus orang Israel\\nlalu udah nebus sida ari siti bansa ti kering.\\nSida deka datai lalu belagu gaga ati ba Bukit Sion\\nlalu deka gaga ke pemeri Aku, iya nya gandum, enggau wain,\\nenggau minyak kana, bedus enggau sapi.\\nUdah nya sida indu ke agi biak, deka betanda sereta lantang ati\\nlalu sida ke lelaki, ke biak enggau ke tuai, deka rami gaga.\\nAku deka merindang sida, lalu nukar ulit sida nyadi pengaga,\\nngubah ati sida ke balat tusah nyadi lantang.\\nBacha Injil: John 11: 45 - 56\\nNya alai, mayuh orang Judah ke udah datai enggau Maria, lalu udah meda utai ti dikereja Jesus, arapka Iya.\\nTang sekeda sida mansang ngagai orang Parisi, lalu madahka utai ti udah dikereja Iya.\\nNya alai sida tuai imam enggau orang Parisi lalu mai raban Kunsil baum, lalu bejaku, “Nama utai ti patut dikereja kitai? Orang tu ngereja mayuh kereja ajih.\\nEnti kitai nejuka Iya majak ngereja nya, semua orang deka arapka Iya, lalu orang Rome deka datai lalu ngerusak Rumah Sembiang enggau bansa kitai.”\\nTang siku ari bala sida, ke benama Kaiapas, ke nyadi imam besai taun nya, lalu bejaku ngagai sida, “Kita nadai nemu utai! Kita enda nemu, manah agi enti siku orang mati ngarika orang mayuh, ari ke nejuka semua bansa kitai dirusak.”\\nKaiapas ukai nyebut nya ari peneka iya empu, tang laban iya nyadi imam besai taun nya, iya benabi madahka Jesus deka mati ngarika bansa orang Judah, lalu ukai semina ke bansa orang Judah aja, tang kena ngempuruka semua nembiak Allah Taala ke ngachir pendiau.\\nNya alai berengkah ari nya, sida lalu bekira deka munuh Iya.\\nNya alai Jesus enda agi ngayanka Diri begulai enggau orang Judah, tang mupuk ari nya ngagai nengeri Epraim ba menua ti semak menua puang, lalu diau dia enggau sida murid Iya.\\nNyadi Gawai Paska nyau semak, lalu mayuh orang datai ari menua pesisir ngagai Jerusalem, deka nuchi diri sebedau Gawai Paska.\\nSida begigaka Jesus, lalu bejaku enggau pangan diri lebuh sida bediri dalam Rumah Sembiang, “Nama pikir kita? Kati Iya deka datai ngagai Gawai tu?”","num_words":707,"character_repetition_ratio":0.058,"word_repetition_ratio":0.092,"special_characters_ratio":0.213,"stopwords_ratio":0.373,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"7 April 2019 - Hari Minggu Ke Lima Musim Lent\\nOrang ke mati nya lalu pansut. Kaki jari iya ditanchang ngena urik kain, lalu mua iya dibalut ngena kain. Jesus lalu bejaku ngagai sida, “Buka kain nya ari iya, ngambika iya ulih bejalai.” - John 11: 1 - 45\\nBacha Ke Satu: Isaiah 43: 16 - 21\\nDulu kelia TUHAN ngaga jalai raya nengah tasik, jalai nengah ai ti bebuli.\\nIya ngerusak bala soldadu ti kering, bala soldadu ke nepan kerita perang enggau kuda. Sida rebah, lalu enda angkat agi, dipadamka baka api kelita!\\nTang ku TUHAN bejaku, “Anang ingatka utai ti udah nyadi menya tauka berundingka utai ti udah nyadi dulu kelia.\\nPeratika utai ti baru, ti deka dikereja Aku.\\nUtai nya benung nyadi, lalu kita ulih meda utai nya diatu! Aku deka ngaga jalai raya nengah menua puang lalu meri kita ai sungai di menua puang nya.\\nIndah jelu babas deh deka ngemesaika Aku. Jelu pasun enggau burung unta deka muji Aku lebuh Aku deka ngasuh sungai rarat di menua puang kena meri ai ngagai bala nembiak ke dipilih Aku.\\nSida nya orang ke ditempa Aku ke Aku Empu, lalu sida deka belagu muji Aku!”\\nMasmur Entara: Masmur 126: 1 - 2A, 2B - 3, 4 - 5, 6\\nSaut (3): TUHAN endang udah ngereja utai ti besai ke kitai. Nya kebuah kitai gaga!\\nSaut: TUHAN endang udah ngereja utai ti besai ke kitai. Nya kebuah kitai gaga!\\nBacha Ke Dua: Pilipi 3: 8 - 14\\nLebih agi ari nya, aku ngira semua utai pengerugi magang enti dibandingka enggau utai ti lebih agi beguna, iya nya nemu Jesus Kristus Tuhan aku.\\nKetegal Iya, aku udah muai semua utai, lalu ngira semua utai nya uras magang, ngambika aku tau bempu Kristus, lalu diau dalam Iya, ukai ngembuan pengelurus ke aku empu ti datai ari Adat, tang pengelurus ti datai ulih pengarap ke Kristus, pengelurus ti datai ari Allah Taala, ti beduduk ba pengarap.\\nAku ingin deka nemu Kristus, sereta nemu kuasa pengangkat Iya ari mati, lalu sama enggau Iya ngasaika pemerinsa Iya, lalu nyadi sebaka enggau Iya dalam pemati Iya,\\nngambika, enti ulih, aku diangkatka idup baru ari mati.\\nUkai reti nya aku udah bulih semua utai nya, tauka udah datai ba adan.\\nTang aku majak bebendar ngulihka prais nya, laban Kristus udah bempu aku.\\nMenyadi, aku ukai ngumbai diri udah bulih prais nya. Utai ti dikereja aku nya, aku badu agi ngingatka utai ti udah, lalu bebendar ngulihka utai ti di mua.\\nAku majak belanda terus ngagai adan, ngulihka prais, iya nya kangau Allah Taala, ulih Jesus Kristus, ke mai aku ke serega.\\nAklamasi sebedau Injil (peda Joel 2: 12 - 13):\\nTang taja pia, ku TUHAN bejaku,\\npulai baru meh kita diatu ngagai Aku enggau pengabis ati kita;\\nlaban Aku nelap sereta penuh pengasih.\\nBacha Injil: John 8: 1 - 11\\nJesus lalu mupuk ngagai Bukit Kana.\\nTumu pagi hari siti, Iya datai baru ba Rumah Sembiang.\\nSemua orang datai ngagai Iya. Iya lalu duduk, lalu belabuh ngajar sida.\\nSida pengajar Adat, enggau sida orang Parisi lalu mai siku indu ke udah ditangkap butang, lalu ngasuh indu nya bediri di mua semua sida, lalu bejaku ngagai Jesus,\\n“Pengajar, indu tu udah ditangkap butang.\\nNyadi dalam Adat, Moses ngasuh kitai nuku orang ke baka tu ngena batu. Baka ni ku penemu Nuan?”\\nSida nyebut nya kena sida nguji Iya, ngambika sida ulih bedawaka Iya.\\nJesus meremi, lalu nulis ba tanah ngena tunjuk Iya.\\nNinga sida ituk nanya Iya, Iya bediri lalu bejaku ngagai sida, “Awakka orang ke enda kala bedosa ari bala kita, dulu nuku iya ngena batu.”\\nIya lalu meremi baru, lalu nulis ba tanah ngena tunjuk Iya.\\nLebuh sida ninga nya, siku-siku sida lalu mupuk ari endur nya, berengkah ari sida ke tuai.\\nSemina Jesus aja agi tinggal, enggau indu ke bediri di mua Iya.\\nJesus bediri lalu bejaku enggau indu nya, “Indu, ni bala sida nya tadi? Kati orang nadai udah ngukum nuan?”\\nIndu nya lalu nyaut, “Nadai, Tuhan.”\\nLalu ku Jesus bejaku, “Aku pen enda meh ngukum nuan. Mupuk meh nuan, tang anang agi bedosa.”\\nBacha Ke Satu: Esekiel 37: 12 - 14\\nKu TUHAN Allah Taala bejaku:\\nNya alai benabi nuan ngagai nembiak Aku Israel, lalu padahka ngagai sida, Aku TUHAN Allah Taala deka muka kubur sida.\\nAku deka ngambi sida pansut, lalu mai sida pulai baru ngagai menua Israel.\\nLebuh Aku muka kubur alai bala nembiak Aku udah dikuburka, lalu mai sida pansut, nya baru sida deka nemu Aku endang TUHAN.\\nAku deka ngesuhka seput Aku ke dalam sida, ngambika sida idup baru, lalu nejuka sida diau di menua sida empu.\\nNya baru sida deka nemu Aku endang TUHAN.\\nAku udah besemaya deka ngereja utai tu, lalu Aku endang deka ngereja iya. Aku ti TUHAN udah bejaku.”\\nMasmur Entara: Masmur 130: 1 - 2, 3 - 4, 5 - 6, 7 - 8\\nSaut (peda 7): Ba TUHAN, pengasih Iya endang meruan belama iya lalu Iya seruran nebus.\\nSaut: Ba TUHAN, pengasih Iya endang meruan belama iya lalu Iya seruran nebus.\\nEnti Nuan, O TUHAN nuliska dosa kami, sapa tan?\\nIsrael, panggaika pengadang kita ba TUHAN,\\nlaban pengerindu Iya endang meruan belama iya lalu Iya seruran nebus.\\nBacha Ke Dua: Rome 8: 8 - 11\\nLalu orang ke nurutka peneka mensia, enda ulih ngerinduka ati Allah Taala.\\nTang kita ukai idup nitihka peneka mensia. Kita idup nitihka peneka Roh, laban Roh Allah Taala diau dalam kita. Barang sapa nadai Roh Kristus, ukai nembiak Kristus.\\nTang enti Kristus diau dalam kita, taja pen tubuh kita mati laban dosa, Roh Allah Taala meri kita pengidup laban pengelurus.\\nEnti Roh Iya ke udah ngangkatka Jesus ari mati, diau dalam kita, Iya ke udah ngangkatka Kristus ari mati, deka mega meri pengidup ngagai tubuh kita ti nemu mati, ulih Roh Iya ke diau dalam kita.\\nAklamasi sebedau Injil (peda John 11: 25A):\\norang ke arapka Aku, deka idup taja pen sida mati.\\nBacha Injil: John 11: 1 - 45\\nSiku orang ke benama Lasarus sakit di Betani, genturung pendiau ti alai Maria enggau menyadi indu iya Marta diau.\\n(Maria nya meh indu ke udah nata Tuhan ngena minyak wangi lalu ngendas kaki Tuhan ngena buk iya. Menyadi lelaki iya ke benama Lasarus sakit.)\\nNya alai Maria seduai Marta mesanka Jesus.\\nKu seduai iya, “Tuhan, iya ke dikesayauka Nuan, sakit.”\\nTang lebuh Jesus nerima pesan nya, Iya bejaku, “Penyakit tu enda ngujung ngagai pemati. Utai tu nyadi kena ngemuliaka Allah Taala, ngambika Anak Allah Taala dimuliaka ulih nya.”\\nNya alai, taja pen Jesus rinduka Marta, Maria enggau Lasarus, lebuh Iya ninga Lasarus sakit, Iya mengkang diau dua hari da agi ba endur ti alai Iya diau.\\nUdah lepas nya Iya lalu bejaku ngagai sida murid, “Aram kitai pulai baru ngagai Judea.”\\nKu sida murid bejaku enggau Iya, “Pengajar, baru apin lama tu ti udah orang Judah deka nuku Nuan ngena batu, lalu Nuan deka kin ke baru?”\\nDisaut Jesus, “Kitai semina bisi dua belas jam aja hari siang, ukai enda? Orang ke bejalai lebuh siang hari, enda tesangkut, laban sida meda penampak dunya tu.\\nTang orang ke bejalai lebuh malam hari tesangkut, laban penampak nadai dalam sida.”\\nLebuh Iya udah nyebut nya Iya lalu madah ngagai sida, “Pangan kitai Lasarus udah tinduk, tang Aku deka kin lalu ngerak iya.”\\nKu sida murid bejaku ngagai Iya, “Tuhan, enti iya tinduk, iya deka gerai.”\\nTang Jesus bejakuka pasal pemati Lasarus, tang sida ngumbai Iya madahka Lasarus tinduk.\\nJesus lalu bejaku enggau terang ngagai sida, “Lasarus udah mati. Aku gaga ke Diri nadai dia enggau iya, ngambika kita arap, ke penguntung kita. Tang aram kitai mupuk ngagai iya.”\\nThomas, ke digelar Besapit,lalu bejaku ngagai murid ti bukai, “Aram kitai mupuk, ngambika kitai mati sama enggau iya.”\\nLebuh Jesus datai, Iya nemu Lasarus empat hari udah dikuburka.\\nNyadi Betani nya kira tiga kilometer ari Jerusalem, lalu mayuh orang Judah udah nemuai ngagai Marta seduai Maria, deka merindang seduai iya ketegal pemati menyadi lelaki seduai iya.\\nLebuh Marta ninga Jesus baru deka datai, iya lalu ngambat Jesus, tang Maria tinggal di rumah.\\nMarta lalu bejaku ngagai Jesus, “Tuhan, enti Nuan bisi ditu lebuh maya nya, menyadi aku tentu enda mati! Tang indah diatu deh aku nemu Allah Taala deka meri Nuan sebarang utai ti dipinta Nuan ari Iya.”\\nJesus lalu bejaku ngagai iya, “Menyadi nuan deka angkat idup baru.”\\nKu Marta bejaku ngagai Iya, “Aku nemu iya deka angkat idup baru lebuh pengangkat orang ari mati ba pengujung dunya.”\\nJesus lalu bejaku ngagai iya, “Aku tu meh pengangkat enggau pengidup. Orang ke arapka Aku, deka idup taja pen sida mati, lalu semua orang ke idup lalu arapka Aku, enda mati. Kati nuan arapka nya?”\\nMaria lalu nyaut Iya, “Aku arap, Tuhan! Aku arapka Nuan tu Kristus, Anak Allah Taala, ke datai ngagai dunya.”\\nLebuh Marta udah nyebut nya, iya pulai ke rumah, lalu betelai enggau menyadi iya Maria. Ku iya, “Pengajar bisi ditu, lalu Iya ngangauka nuan.”\\nLebuh Maria ninga nya, iya lalu beguai-guai angkat lalu mansang ngagai Jesus.\\nNyadi lebuh maya nya Jesus apin datai ba genturung pendiau nya, tang agi ba endur alai Marta ke betemu enggau Iya.\\nLebuh orang Judah ke merindang Maria di rumah meda iya beguai-guai angkat lalu pansut, sida lalu nitihka iya, laban sida ngumbai iya deka mansang ngagai kubur lalu nyabak dia.\\nLebuh Maria datai ba endur alai Jesus, lalu meda Iya, iya lalu nyungkurka diri di kaki Jesus, lalu bejaku ngagai Iya, “Tuhan, enti Nuan bisi ditu lebuh maya nya, menyadi aku tentu enda mati!”\\nLebuh Jesus meda Maria nyabak, lalu meda orang Judah ke enggau iya mega nyabak, ati Iya balat sinu sereta tusah.\\nLalu ku Iya nanya sida, “Dini alai kita nguburka iya?” Sida lalu nyaut Iya, “Tuhan, aram kitai meda.”\\nOrang Judah lalu bejaku, “Peda pemalat Iya rinduka iya!”\\nTang ku sekeda bala sida bejaku, “Kati Iya ke ulih ngeraika orang ke buta, enda ulih nagang orang tu mati?”\\nJesus balat amat sinu ati baru, lalu datai ba kubur. Nyadi kubur nya lubang gua, ti ditutup ngena sigi batu.\\nJesus lalu bejaku, “Baringka batu nya ke tisi!” Marta, menyadi orang ke mati nya, lalu bejaku, “Tuhan, iya tentu udah bau but, laban iya empat hari udah mati!”\\nJesus lalu bejaku ngagai Marta, “Kati Aku nadai udah madah ngagai nuan, enti nuan arap, nuan deka meda mulia Allah Taala?”\\nNya alai sida lalu maringka batu nya ke tisi. Jesus engkadah lalu bejaku, “Apai, Aku meri terima kasih ngagai Nuan, laban Nuan udah ninga Aku.\\nAku nemu Nuan endang seruran ninga Aku, tang Aku udah nyebut tu ke penguntung sida ke bediri ditu, ngambika sida nemu arapka Nuan udah ngirumka Aku.”\\nLebuh Iya udah nyebut nya, Iya lalu ngangau enggau nyawa ti inggar, “Lasarus, pansut nuan!”\\nOrang ke mati nya lalu pansut. Kaki jari iya ditanchang ngena urik kain, lalu mua iya dibalut ngena kain. Jesus lalu bejaku ngagai sida, “Buka kain nya ari iya, ngambika iya ulih bejalai.”\\nNaya alai, mayuh orang Judah ke udah datai enggau Maria, lalu udah meda utai ti dikereja Jesus, arapka Iya.\\nTauka: John 11: 3 - 7, 17, 20 - 27, 33B - 45\\nNya alai Maria seduai Marta mesanka Jesus. Ku seduai iya, “Tuhan, iya ke dikesayauka Nuan, sakit.”\\nMarta lalu bejaku ngagai Jesus, “Tuhan, enti Nuan bisi ditu lebuh maya nya, menyadi aku tentu enda mati!\\nTang indah diatu deh aku nemu Allah Taala deka meri Nuan sebarang utai ti dipinta Nuan ari Iya.”\\nAti Iya balat sinu sereta tusah.","num_words":1738,"character_repetition_ratio":0.055,"word_repetition_ratio":0.049,"special_characters_ratio":0.223,"stopwords_ratio":0.365,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 11 BK - Terubah iya kelia, orang di dunya tu - Bible Search\\nPemungkal 10 Pemungkal 12\\n1Terubah iya kelia, orang di dunya tu bejaku ngena siti aja jaku. 2Lebuh sida segau-segau bejalai di Timur, sida datai ba emperan menua Babilon, lalu ngentapka diri dia. 3Ku sida berandau enggau pangan diri, “Aram kitai ngaga batu bata, lalu nunu batu bata nya ngambika kering.” Nya alai sida bisi batu bata ti dipejantilka sida ngena tar. 4Ku sida bejaku, “Aram kitai ngaga sebuah nengeri, enggau sebuah menara ti bediri nyentuk ke langit, ngambika kitai tampak nama, lalu enda pambar di serata dunya.”\\n5Udah nya TUHAN nurun, deka meda nengeri enggau menara ti udah digaga sida, 6lalu ku Iya bejaku, “Sida tu sama sebansa magang, lalu bejaku ngena siti aja jaku. Tu semina pun ke semua utai ti deka dikereja sida. Enda lama da agi sida ulih ngaga sebarang utai ti dikedekaka sida! 7Aram Kitai nurun lalu nyarutka jaku sida, ngambika sida enda meretika utai ti disebut pangan diri.” 8Nya alai TUHAN ngachirka sida di serata dunya, lalu sida badu agi ngaga nengeri nya. 9Nengeri nya dikumbai Babel, laban TUHAN udah nyarutka jaku semua mensia di nengeri nya, lalu ari nya Iya ngachirka sida di serata dunya.\\n(1 Bansa Israel 1.24-27)\\n10Baka tu ku peturun Sem. Dua taun udah bekau bah besai, lebuh umur Sem 100 taun, iya bisi siku anak lelaki ke benama Arpaksat. 11Udah bekau nya, iya mengkang idup 500 taun da agi, lalu bisi anak ti bukai.\\n12Lebuh Arpaksat umur 35 taun, iya bisi siku anak lelaki benama Selah. 13Udah bekau nya, iya mengkang idup 403 taun da agi, lalu bisi anak ti bukai.\\n14Lebuh Selah umur 30 taun, iya bisi siku anak lelaki benama Eber. 15Udah bekau nya, iya mengkang idup 403 taun da agi, lalu bisi anak ti bukai.\\n16Lebuh Eber umur 34 taun, iya bisi siku anak lelaki benama Pelek. 17Udah bekau nya, iya mengkang idup 430 taun da agi, lalu bisi anak ti bukai.\\n18Lebuh umur Pelek 30 taun, iya bisi siku anak lelaki benama Reu. 19Udah bekau nya iya mengkang idup 209 taun da agi, lalu bisi anak ti bukai.\\n20Lebuh umur Reu 32 taun, iya bisi siku anak lelaki benama Seruk. 21Udah bekau nya iya mengkang idup 207 taun da agi, lalu bisi anak ti bukai.\\n22Lebuh Seruk umur 30 taun, iya bisi siku anak lelaki benama Nahor. 23Udah nya iya mengkang idup 200 taun da agi, lalu bisi anak ti bukai.\\n24Lebuh Nahor umur 29 taun, iya bisi siku anak lelaki benama Terah. 25Udah nya iya mengkang idup 119 taun da agi, lalu bisi anak ti bukai.\\n26Lebuh umur Terah udah manggai 70 taun, iya nyadi apai Abram, Nahor, enggau Haran.\\n27Tu peturun Terah apai Abram, Nahor enggau Haran. Haran nya apai Lot, 28lalu Haran mati ba nengeri ada iya di Ur, dalam menua Babilon, lebuh apai iya Terah agi idup. 29Abram jadi enggau Sarai, lalu Nahor jadi enggau Milkah, anak indu Haran. Haran mega apai Iskah. 30Nyadi Sarai mandul.\\n31Terah mai anak iya Abram, uchu iya Lot, iya nya anak Haran, enggau menantu indu iya, Sarai, iya nya bini Abram, angkat ari nengeri Ur di menua Babilon lalu pindah ngagai menua Kanaan. Sida bejalai naka Haran lalu ngentapka diri dia. 32Dia meh endur alai Terah mati lebuh umur iya 205 taun.","num_words":513,"character_repetition_ratio":0.122,"word_repetition_ratio":0.06,"special_characters_ratio":0.246,"stopwords_ratio":0.287,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jerita iban | Anda mara – Iban2U\\n03\/08\/2012 Timberland J\\nCherita antu enggau ensera pasal orang jeman kelia endang sigi nyadi batang pemerindang maya baka kami sebuat agi mit kelia, baka lugang enda bebaju enda betanchut empa pengagit ninga tusui ari sida niang ini enggau aki bilik sepiak.\\nNya alai lebuh ke nyau besai tuai, sereta nemu macha enggau nulis baka diatu, tudah pangan endang semampai rindu ninga sereta macha cherita enggau ensera baka ke ditusui sida ini menya.\\nSiti ari bup Iban Pong Kapong ke ditulis Kadir Umbat kala dipansa aku ngelama tu pasal cherita burung nya ke timpang kaki sepiak laban ditegam ikan juak maya baru diberi mandi ba ai sungai. Nyadi ba bagi kedua bup nya bisi cherita ke balat endar ngerinduka ati ditulis G. Nunong Madang, ke nyerita pasal antu gerasi enggau bala anak iya. Bantai ensera ke ditulis aku ditu bisi nginjau mimit ari ensera nya.\\nNyadi dalam ensera nya, Gerasi Tekup Tendai bisi tujuh iku anak. Sida enam iku ke tuai nya baka gamal antu gerasi bukai. Mina iya ke biak ka sida menyadi nya bisi lain agi gamal ari sida bukai.\\nSereta iya ada, pala iya belang baka rekung, lalu terus ke punjung pala sampai ka buok iya pan belang magang. Ari pala patung terus ke tapa kaki iya belang kedua-dua piak. Jari ari buku siku sampai ke ujung tunjuk belang kedua-dua piak.\\n“Naka penyelai-lai ga uchu aku tu. Iya tu mih ila ke tau nyadi Raja semua utai ke menseput dalam dunya tu, laban bulu belang iya tuai ari semua utai menseput. Nya alai aku ngaga nama iya Raja Anda Mara Pengibun Dunya Pusat Bumi,” ku aki iya Gerasi Muga Ke Bemata Mesai Jalung, Gerasi Mugak Ke Bepala Mesai Rintung\\nKira umur Anda Mara setaun, dia aki iya Gerasi Muga parai, tang pemarai iya enda mati baka kitai. Iya tak lesap ninggalka rumah enda temu penunga.\\nTinggal sida mapai-indai enggau kaban menyadi iya di rumah sida ba puchuk kara bingkuk wan biguk jelu jangkit, di kara dapan tepan bayan burung entelit.\\nUdah nya menyadi Anda Mara ke tau bebini belaki nguai ngagai orang magang. Tinggal siku iya aja ke agi begulai enggau apai seduai indai iya diau di menua nya.\\nAnda Mara mansang besai sebesai sampai ka bujang. Iya bebini ngambi indu siku penama Gading ke betaring baka lungga. Kebuah iya betaring laban endang baka bansa gerasi betaring.\\nBedau bangat lama iya udah bebini alai apai enggau indai iya pan parai ga. Nya alai tinggal Anda Mara enggau bini iya aja ke diau nguan menua nya.\\nNya kelama, dia bini iya Gading pan beranak, tang ngadaka anak nadai leka mata. Udah nya taun dudi beranak baru ga bini iya. Sekali tu anak iya nadai berang sepiak.Taun siti udah nya beranak baru ga Gading tang anak iya nombor tiga nya nadai kaki sepiak.\\nNaka penusah-nusah ati mih seduai melaki bini meda anak seduai tiga iku nya tak menawa magang.\\n“Bisi anak baka ke nadai mih, nadai nulung ngereja pengawa,” pia ku seduai. Dini bisi ulih ngereja pengawa, ga timpang pendiau magang.\\nNyadi Anda Mara genap hari turun ngiga pemakai, nyumpit, ngasu, manjuk, bebubu-buba, besenga laban sida enda nemu bumai. Sida beridup makai jelu, makai ikan.\\nKadang-kadang iya bulih ga jelu chukup ka empa sehari, dua hari. Kadang-kadang endang tak nadai bulih sampai beminggu. Lebuh ke nadai bulih tak ngenatka diri lapar engkerau perut mih sida menyanak.\\nSuah ga Anda Mara ke ngasu nya nyau semampai bemalam ba babas lalu nadai ga bulih jelu. Dia mih sida menyanak natka pemerinsa tak nadai alai mandingka iya agi lebih ari nya.\\nLemai siti Anda Mara tusah ati. Duduk pan enda ga nyamai, gali pan nadai ga asai. Iya balat endar berundingka pemerinsa ngidup bini-anak.\\nNyau kelama, dia iya madahka diri deka nyagam Sungai Senayan, ke endang ditemu alai padung ikan jelawai, endang sungai beberita mayuh ikan enggau lelabi.\\nMaya nyau dinihari, dia Anda Mara lalu nurun bejalai ngelaban petang. Kira udah tinggi\\nmatapanas pagi nya, iya pan datai ba lubuk lepung mai tiruk enggau serampang dikena iya numbuk ikan. Iya pan lalu nutuk ke kiba, nutuk ke kanan. Tutuk tiruk kulu-kili sehari ari nya, tang tiruk iya nya tak nadai kena ikan.\\nDia iya meda ikan tak rari meda tiruk iya; ikan mesai pala, mesai gantang, mesai piso tang merejuk magang, tang tisik pan nadai mih lekat ba mata tiruk.\\nNyau deka padam matapanas lemai nya, meda ikan lalu nadai bulih siku, dia Anda Mara lalu niki ke tebing. Iya lalu duduk ba batu siti ba tebing nya berundingka nama kebuah ikan ngemayuh nya tau tak nadai ulih siku.\\nApin lama udah nya, dinga iya bisi orang datai ari ulu Sungai Senayan nya. Orang nya ngenjing chebur-chebur bejalai ngili sungai. Dinga iya tak mansang semak ke semak, lalu datai ba Anda Mara ke duduk ba batu. Anda Mara lalu nanya orang nya. “Ari ni penatai nuan tu dih orang tuai?” ku iya.\\n“Aku tu datai ari Bukit Dugan endang deka betemu enggau nuan. Aku deka ngasuh nuan nemuai ngagai aku ba tuchung Bukit Dugan ke tumbuh batang semambu tanam, ngambi terebu baku Beketan, endang baku ungkup nuan, sarang pepatat ubat seribu macham, pesaka dunya. Aku nyau puas nyaga pesaka nya. Nya alai aku ngasuh nuan ngambi ubat jedian mali langkang,” ku saut apai tuai orang nya.\\nLebuh Anda Mara ninga jaku orang tuai nya tak mujur ngasuh iya ngambi ubat pesaka ti endang udah diungkupka iya, dia iya lalu nanya orang tuai nya. “Kati alai nuan tau tak nemu aku? Lalu sapa nuan tu dih orang tuai?” pia ku Anda Mara.\\n“Aku tu aki nuan. Muga nama aku, bemata mesai jalung, Mugak bepala mesai rintung. Tang nuan uchu baru umur setaun, lebuh aku mati ninggalka kita. Aku mati pulai ke tuchung Bukit Dugan, laban aku enda tau enda ngibun terebu baku kansat sarang ubat seribu guna, enggau akar kelingkar dunya pematak barang. Pesaka nya enda tau dibun orang bukai semina nuan aja tau bempu iya,” pia ku jaku aki iya enggau Anda Mara.\\n“Kada aku nemu jalai, lalu kini ka tunga menua Bukit Dugan nya dih aki?” pia ku tanya Anda Mara. “Lalu enti aku ninggalka menua, tentu bini anak aku mati enda makai,” ku iya.\\n“Bini enggau anak nuan uchu, enda mati lapar tinggal nuan. Tu batu ai tusu, tinggalka sida lebuh nuan nurun bejalai ila. Asuh tusu sida maya sida lapar. Sida tau kenyang nadai berasai lapar agi. Batu sigi tu bai nuan bejalai ila.Lebuh nuan berasai lapar tauka ikak, tusu ulih nuan. Iya tau ngasuh nuan kering belama,” pia ku aki iya.\\nAnda Mara lalu nyambut batu ai tusu ti diberi aki iya. Udah iya nyambut batu ai tusu, dia aki iya lalu nyuaka nyabur sebilah enggau sarang. Peda jejabung ngenjing birui-birui bauh ngelegatang, sedepa manjai lengan. Peda kekambu selampur bulu buok selampur uban. Peda kekambu bulu kenyali papan di ujung serangan, sereta enggau pelalung rajut udah dibalut kerupak danan.\\n“Duku nyabur aku tu uchu kena nuan bejalai neresa menua orang. Nya alai semua orang ke dipansa nuan ila alah laban nuan magang, laban nyabur chudur nuan tajam pegerenyam makai tulang tu, tauka pengundur dagang legang,” ku Muga nganu uchu iya.\\nLalu disuaka aki iya baju kerekam langit enda masuk besi seligi pinang. Udah tembu nya, dia aki iya lalu madah diri deka pulai. Aki iya lalu bediri, peda tak lesap lalu nadai temu penunga agi.\\nUdah nya Anda Mara pan lalu mulaika diri ke rumah. Datai di rumah sida menyanak pan lalu betunuka rusa ke ulih iya pulai lemai nya.\\nTembu sida makai rusa, nya baru Anda Mara nusui rita diri bisi betemu enggau aki iya. Iya lalu madahka jaku aki iya ti ngasuh iya ngambi baku sarang ubat pesaka dunya di punchak Bukit Dugan.\\n“Pagi aku deka nurun ngambi baku pesaka ba Bukit Dugan. Kita tinggal, tang anang tusah ati, laban aki bisi meri batu ai tusu. Enti kita lapar batu ai tusu tu tusu ulih kita. Kita tau berasai kenyang. Aku bisi ga siti batu nya ka bekal aku,” pia ku Anda Mara ngajar bini anak iya.\\nNyau tawas hari pagi siti, dia iya besikap, lalu begari. Udah begari lalu ditangkin iya nyabur chudur tajam pegerenyam makai tulang, pelawikka iya sap basung melintang. San iya enteran sumpit tapang.\\nIya lalu nurun ari rumah sida di puchuk kara bingkuk peninduk jelu sinang. Dia iya singkang jampat putus urat randau tengang, pejalai pelanda baka perejuk rusa lalang.\\nLembang dipelakang pulai ke ai, bukit diturun, bukit ditiki, sungai diulu, sungai diili. Nyau nengah kampung baung puang nyelambang, nengah kampung rapak puang nadai orang.\\nBejalai malam betenggauka semulau bulan pegari, bejalai siang betanggauka suluh matahari. Nyau nuntung di tuchung langgung tanah tumbuh batang kara rakah, menua Gerasi Mangah belabung dilah dua kali bekumbang.\\nMayuh menua dipansa Anda Mara, nya baru iya nuntung ba tengah laman rumah aki iya di Bukit Dugan. Iya lalu niki ngagai rumah, peda iya aki iya endang udah duduk nyandar di ruai, bepanggalka sengkilung ular belalang, baya ke jaga ba belakang aki iya benung nukangka rang iya.\\nGaga bendar aki iya meda Anda Mara datai. Uchu iya pan lalu mansang semak merugang nyembah aki iya Muga.\\nGerasi Muga pan lalu muka baku. Taka tekebak mih baku Berunai sarang pepatat ubat besai, dinga tak lekai-lekai mih batu telu beragai besaut enggau batu telu ketupung.\\nTekerebak mih baku terebu baku jelapa sarang pepatat ubat seribu guna, dinga tak lekak-lekak batu telu burung gaga besaut enggau batu telu burung bejampung.\\nLalu dibantaika aki iya batu pusat ai, iya nya ubat mali langkang. Bantaika iya batu pengait ka ubat pematak barang. Bantaika iya batu kapir langit, nya ga ubat mali midang. Bantaika iya buluh pengerindu nya dikena bejaku ngelaban orang. Mayuh mih bansa ubat bukai enda ulih tesa enggau jari magang.\\nUdah nya, aki iya lalu madah chara ngena enggau guna semua bansa ubat ke bisi dalam baku nya. Baku nya pan lalu disuaka iya ngagai uchu iya Anda Mara. Sereta telengka ari jari aki iya baku nya, Gerasi Muga pan lalu bebali nyadi chelum baka kain kanggan lalu terus mati nyadi asap pulai ke langit kin. Meda baka nya, Anda Mara lalu belatur deka mulaika diri ari Bukit Dugan.\\nSimpan iya batu gemala bulih mesai buah entimun batang, simpan iya batu intan bulih mesai buah embawang. Simpan iya batu pusat ai besintak langkang, batu pusat dunya belinggang. Udah semua pesaka aki disimpan iya dalam baku, nya baru iya mantaika baku ngagai panggau kenyali pansap.\\nUdah nya baru iya ngangau raban bala jelu ke diasuh aki iya sama bai nyadi pengibun rumah, ngasuh sida sama tama ngagai kenyali pansap. Bala sida nya nyengkaum Asu Rangka, Remaung, Engkuli, Ular Naga enggau Tedung Bulan.\\nIya mih sida nya udah tama magang Anda Mara lalu duduk muak ari pala, sereta lalu ngangauka guntur, kabut, ribut enggau ujan ngasuh sida nanggung nabanka kenyali pansap mai iya pulai ngagai menua asal iya di puchuk kara bingkuk peninduk biguk jelu jangkit, di puchuk kara dapan penepan bayan burung entelit.\\nDatai di rumah sida, iya lalu mantaika baku sarang pesaka, lalu ngambi ubat penampung tulang.\\nNya lalu dunsutka iya ba kaki anak ke nadai kaki sepiak, peda lalu bisi kedua-dua piak, Unsut iya ba berang anak ke nadai berang peda tak lalu nyulur bisi berang enggau jari-jari. Unsutka iya ga mata anak ke buta, peda lalu bisi mata kedua-dua piak.\\nUdah tembu berubat, nya baru iya mai sida menyanak pindah ngagai menua tasik besai, menua Raja Pengibai. Sida pan lalu diau di menua nya selama-lama iya.\\nDalam leka sampi tauka pengap enggau jaku lemambang, Anda Mara tu kekadang disebut Anda Mara Raja Pengibai.\\nPrevious Muatturun lagu iban popular\\nNext Jerepan Iban- Pemegi Nuan Nadai Ganti\\nJerita Anda Mara Raja Pengibai – siti agi iya | Ibanology says:\\n[…] https:\/\/bizniz87.wordpress.com\/2012\/08\/03\/jerita-iban-anda-mara\/comment-page-1\/#comment-2914 […]\\nuchu rekaya randi says:\\n21\/04\/2013 at 14:13\\nkati ku ba tusut anda mara urang ke raja nadai penimpang ti bemenyadika aki lai sengalang burung, aki jugu menaul tuntung?. iya tu meh nguji Buddha maya Buddha nerima Pencerahan Agung maya Hari Wesak nitihka pengarap Buddha. Nyadi ba Kitai Iban Iya selalu dikangau kitai maya Gawai Namaka Tajau enggau Gawai Tuah. Iya tu diau di sungai kapar bendai bekerangau minta gantung, lebak kapar tawak betekiak minta pangkung, rantau kapar tajau kekerangau minta tanggung. iya mega dikangauka kitai gangga Ganggai penatai jalai raja, gangga ganggung penyadung jalai kaya.\\nAri ni nuan ngal bulih jerita datas nyak?\\nAmatka Raja Anda Mara ti nguji Buddha maya nerima Pencerahan Agung maya Ari Wesak nithka pengarap BUddha?\\nQuote: Nyadi dalam ensera nya, Gerasi Tekup Tendai bisi tujuh iku anak. Sida enam iku ke tuai nya baka gamal antu gerasi bukai. Mina iya ke biak ka sida menyadi nya bisi lain agi gamal ari sida bukai.\\nNama penatai Raja Anda Mara dalam ensera tu lain agi jerita Petara 7 iko kitai Iban ti madahke Raja Anda Mara tu siko ari 7 iko diri menyadi sida Sengalang Burong, Biku Bunsu Petara, Menjaya, Simpulang Gana, Ini Inee, ngau siko dah agi?\\nUlih nuan nerangka ngau silik agi? Sama kah Raja Anda Mara dalam ensera nuan nyak ngau Raja Anda Mara ti disembah bala Iban?\\nsebana ari melaya says:\\nTepantup lelengau maca ensera,agi mit suba penuh ruai ninga ensera iban bekongsi siti radio ba rumah panjai besuluh ka pelita.dj nemu amai nundi bala peninga sebedau besambung minggu dudi..mupuk bala ensia nyumpah ia. manah amai laman nuan tu TUAI RUMAH..teruskan ngidup ka jako IBAN","num_words":2148,"character_repetition_ratio":0.04,"word_repetition_ratio":0.024,"special_characters_ratio":0.199,"stopwords_ratio":0.222,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"“Majak Rinduka Diri Menyadi Dalam Kristus”—Hebrew 13:1 | Ke Mudah\\n“Majak rinduka diri menyadi dalam Kristus.”—HEB. 13:1.\\nNama reti rinduka diri menyadi dalam Kristus?\\nNama kebuah kitai patut majak ngayanka diri rinduka menyadi dalam Kristus?\\nBaka ni kitai ulih ngayanka diri rinduka menyadi dalam Kristus?\\n1, 2. Nama kebuah Paul nulis surat ngagai orang Kristian Hebrew?\\nKENA taun 61, orang Kristian ba Israel ngasaika pemaik. Taja pan rasul Paul dijil ba Rome, tang iya ngarapka diri ulih jampat dilepaska. Timoti, kaling ke enggau iya bejalai jauh baru udah dilepaska ari jil, lalu seduai iya ngarapka diri ulih nemuai ngagai bala menyadi Kristian ba menua Judea. (Heb. 13:23) Taja pia, dalam kandang lima taun, orang Kristian ba menua Judea, kelebih agi sida ke diau ba nengeri Jerusalem patut besedia ngerarika diri. Nama kebuah? Dulu agi ari nya, Jesus udah madah ngagai bala murid iya, lebuh sida meda nengeri Jerusalem dikelulung bala soldadu, sida enda tau enda rari.—Luk. 21:20-24.\\n2 Jesus meri jaku tangkan nya ngagai bala murid iya 28 taun ti udah. Maya nya, orang Kristian ba Israel mengkang tetap ati taja pan napi mayuh pemerinsa enggau penguji. (Heb. 10:32-34) Tang Paul deka nulung sida besedia enggau utai ti deka nyadi dudi hari ila. Sida deka ngasaika siti ari penguji ti pemadu besai ke nguji pengarap sida. (Mat. 24:20, 21; Heb. 12:4) Sida deka begunaka ati ti liat sereta pengarap ke tegap agi ari ke udah ngambika ulih ngasika jaku tangkan Jesus ke ngasuh sida ngerarika diri, lalu pengidup sida bepanggai ba utai tu. (Bacha Hebrew 10:36-39.) Nya alai, Jehovah ngasuh Paul nulis surat ngagai bala menyadi Kristian ti dikesayau nya. Surat nya, ke dikumbai bup Hebrew diatu, ditulis kena ngeringka pengarap sida ngambika ulih napi utai ti deka nyadi.\\n3. Nama kebuah kitai patut nemu utai ti dipadah ba bup Hebrew?\\n3 Kitai ke nyadi nembiak Petara kemaya hari tu patut nemu utai ti dipadah ba bup Hebrew. Nama kebuah? Laban kitai napi utai ti sama baka orang Kristian ba menua Judea. Kitai idup “ba hari ti penudi mayuh macham penusah,” lalu mayuh ari bala kitai udah enggau tetap ati natka penguji tauka pemerinsa ti balat. (2 Tim. 3:1, 12) Tang, mayuh ari kitai ngasaika pemaik sereta nadai diperinsa. Nya alai, baka orang Kristian maya jeman Paul, kitai patut bejaga. Nama kebuah? Enda lama da agi, kitai deka ngasaika penguji ti pemadu besai ke nguji pengarap kitai!—Bacha Luke 21:34-36.\\n4. Nama ayat taun 2016, lalu nama kebuah iya tau dikena?\\n4 Nama ulih nulung kitai besedia napi utai ti deka nyadi dudi hari ila? Ba bup Hebrew, Paul madahka mayuh utai ke ulih nulung kitai ngeringka pengarap. Siti pesan ke pemadu berat bisi ba Hebrew 13:1. Ayat nya meransang kitai: “Majak rinduka diri menyadi dalam Kristus.” Ayat nya udah dipilih nyadi ayat taun 2016.\\nAyat taun kitai ke 2016: “Majak rinduka diri menyadi dalam Kristus.” —Hebrew 13:1\\n5. Nama reti rinduka diri menyadi dalam Kristus?\\n5 Nama reti rinduka diri menyadi dalam Kristus? Rinduka diri menyadi dalam Kristus nya asai ati ke balat rindu entara diri sebilik tauka kawan rapat. (Jhn. 11:36) Kitai enda pepura nyadi diri menyadi. Kitai endang diri menyadi. (Mat. 23:8) Paul madahka: “Rinduka pangan diri enggau ati ti angkun laban kita diri menyadi enggau pangan diri; awakka kita berebut ngayanka basa ngagai pangan diri.” (Rom. 12:10) Jaku tu nunjukka pemalat pengerindu kitai ke bala menyadi Kristian kitai. Pengerindu ngagai diri menyadi dalam Kristus enggau pengerindu Kristian, nulung nembiak Petara semak agi ngagai pangan diri sereta beserakup.\\n6. Ngagai sapa orang Kristian ti bendar ngayanka pengerindu, lalu nama kebuah?\\n6 Rambai jaku “rinduka diri menyadi dalam Kristus” suah dikena dalam litaricha orang Kristian. Orang Judah menya ngena leka jaku “menyadi” kena nunjukka orang nya kaban belayan, lalu kekadang kena nunjukka orang nya ukai ari diri sebilik. Tang leka jaku tu enda dikena ba orang ke ukai bansa Judah. Taja pia, kitai ngumbai semua orang Kristian ti bendar “menyadi” kitai, enda ngira ari ni menua sida. (Rom. 10:12) Jehovah udah ngasuh kitai rinduka pangan diri baka diri menyadi. (1 Tes. 4:9) Tang, nama kebuah patut majak ngayanka pengerindu ngagai diri menyadi dalam Kristus?\\n7. (a) Nama kebuah kitai patut ngayanka diri rinduka menyadi dalam Kristus? (b) Padahka siti da agi kebuah kitai patut ngeringka pengerindu kitai ngagai pangan diri.\\n7 Kitai patut ngayanka diri rinduka menyadi dalam Kristus laban Jehovah ke ngasuh kitai rinduka sida. Kitai enda rinduka Jehovah enti kitai enggai rinduka bala menyadi Kristian kitai. (1 Jhn. 4:7, 20, 21) Siti da agi kebuah iya nya kitai begunaka pangan diri, kelebih agi maya bisi penusah. Lebuh Paul nulis surat ngagai orang Kristian Hebrew, iya nemu enda lama da agi sekeda ari sida deka ninggalka rumah enggau utai ti dikemisi diri. Jesus udah nerangka, maya nya ila deka balat tusah. (Mrk. 13:14- 18; Luk. 21:21-23) Nya alai, sebedau maya nya datai, sida patut ngeringka pengerindu sida ngagai pangan diri.—Rom. 12:9.\\n8. Nama patut digaga kitai diatu sebedau penusah ti besai berengkah?\\n8 Penusah ti amat besai dalam sejarah mensia deka nyadi enda lama da agi. (Mrk. 13:19; Pem. 7:1-3) Kitai patut ngasika jaku lalau tu: ‘Pulai ngagai rumah kita empu, kita ke nembiak aku, lalu tutup pintu kita. Belalai enda lama, nganti pengeringat Petara badu.’ (Isa. 26:20) “Rumah” nya ngambarka gempuru kitai. Nya endur alai kitai enggau bala menyadi Kristian kitai nyembah Jehovah. Tang semina begempuru enggau tetap enggau pangan diri aja enda chukup. Paul ngasuh orang Kristian Hebrew ngayanka pengerindu sereta ngereja pengawa ti badas ngagai pangan diri. (Heb. 10:24, 25) Kitai patut ngeringka pengerindu ngagai menyadi dalam Kristus diatu, laban tu ulih nulung kitai natka sebarang penguji ke deka ditapi kitai dudi hari ila.\\n9. (a) Kemaya hari tu, nama peluang ke dikemisi kitai ngambika ulih ngayanka pengerindu ngagai menyadi dalam Kristus? (b) Padahka baka ni nembiak Jehovah ngayanka pengerindu ngagai menyadi dalam Kristus.\\n9 Indah kemaya hari tu, kitai bisi mayuh peluang ngayanka diri rinduka menyadi dalam Kristus, sebedau penusah ti besai berengkah. Mayuh ari bala menyadi Kristian kitai merinsa ketegal tanah berenyang, bah besai, ribut taufan, tsunami, tauka penusah bukai ke datai ari kuasa alam. Sekeda ari sida natka pemerinsa. (Mat. 24:6-9) Lalu bisi penanggul ba penatai pemisi ketegal diau ba dunya ke enda lurus. (Pem. 6:5, 6) Taja pia, mayuh agi penusah ke ditapi bala menyadi Kristian kitai, mayuh agi peluang kitai ngayanka diri rinduka sida. Taja pan dunya tu nadai ngayanka pengerindu, tang kitai patut majak ngayanka diri rinduka menyadi dalam Kristus. (Mat. 24:12) —Peda nota penutup.\\nBAKA NI KITAI ULIH MAJAK RINDUKA DIRI MENYADI DALAM KRISTUS?\\n10. Nama deka dikerandauka kitai diatu?\\n10 Enda ngira nama penusah ke dikemisi kitai, baka ni kitai ulih nentuka diri majak ngayanka pengerindu ngagai menyadi dalam Kristus? Baka ni kitai ulih nunjukka diri bisi pengerindu ke baka tu ngagai bala menyadi Kristian kitai? Pengudah nyebut, “majak rinduka diri menyadi dalam Kristus,” rasul Paul madahka sekeda chara orang Kristian ulih ngereja nya. Aram kitai berandauka enam iti chara nya diatu.\\n11, 12. Nama reti ngelaluka temuai? (Peda gambar ba pun artikel.)\\n11 “Anang enda ngelaluka temuai ngagai rumah kita.” (Bacha Hebrew 13:2.) Rambai jaku tu ngingatka kitai pasal Abraham enggau Lot. Seduai iya ngayanka pemanah diri ngagai temuai ke enda dikelala seduai iya. Udah nya baru seduai iya nemu, orang ke enda dikelala seduai iya nya bala melikat. (P-kal. 18:2-5; 19:1-3) Chunto tu meransang orang Kristian Hebrew ngayanka diri rinduka bala menyadi dalam Kristus ngena chara ngelaluka temuai.\\n12 Baka ni kitai ulih nunjukka diri ngelaluka temuai? Kitai ulih mai bala menyadi Kristian kitai datai ke rumah ngambika ulih sama makai tauka meransang pangan diri. Taja pan kitai enda entu ngelala tuai ti ngabas enggau bini iya, kitai ulih mai seduai iya makai lebuh seduai iya datai ngabas gempuru kitai. (3 Jhn. 5-8) Kitai enda ibuh makai besai tauka nyediaka pemakai ti kelalu mar. Juluk ati kitai iya nya deka meransang bala menyadi Kristian, ukai minta dipuji. Lalu kitai ukai semina mai orang ke ulih malas pemanah kitai aja. (Luk. 10:42; 14:12-14) Utai ke pemadu beguna iya nya seruran bisi awak ngayanka diri deka nerima temuai!\\n13, 14. Baka ni kitai ulih ‘ingatka orang ke dalam jil’?\\n13 “Kingatka orang ke dalam jil.” (Bacha Hebrew 13:3.) Lebuh Paul nulis utai tu, iya nyebut pasal bala menyadi Kristian ke dijil ketegal pengarap sida. Paul muji bala menyadi Kristian laban sida udah ngayanka diri “kasihka orang ke ditutup dalam rumah jil.” (Heb. 10:34) Sekeda bala menyadi Kristian nulung Paul lebuh iya dijil empat taun, tang sida ke bukai nulung iya ari jauh. Baka ni sida ulih nulung Paul? Sida seruran besampi ke iya.—Plp. 1:12-14; Heb. 13:18, 19.\\n14 Kemaya hari tu, mayuh Saksi dijil ketegal pengarap sida. Bala menyadi Kristian ke diau semak ulih nulung sida enggau nyediaka utai ti diguna sida. Tang mayuh ari kitai diau jauh ari rumah jil. Baka ni kitai ulih nulung sereta seruran ingatka sida? Pengerindu ngagai menyadi dalam Kristus deka meransang kitai seruran besampika sida. Ngambika chunto, kitai ulih besampika bala menyadi Kristian ke lelaki, indu sereta bala anak mit ke dijil di menua Eritrea. Tu nyengkaum Paulos Eyassu, Isaac Mogos, enggau Negede Teklemariam, ke agi dijil pengudah 20 taun.\\n15. Baka ni kitai ulih bebasaka adat melaki-bini?\\n15 “Awakka adat melaki-bini dibasa semua orang.” (Bacha Hebrew 13:4.) Kitai mega ulih ngayanka diri rinduka menyadi dalam Kristus ngena ulah kitai ti tuchi. (1 Tim. 5:1, 2) Chunto, enti kitai ngereja ulah seks ti kamah enggau menyadi Kristian, kitai ngenusahka iya enggau sida sebilik. Bala menyadi Kristian ke bukai enda agi arapka kitai. (1 Tes. 4:3-8) Pikirka mega, baka ni asai ati bini enti iya nemu laki iya meda pornografi. Kati iya deka ngumbai laki iya rinduka iya sereta bebasaka adat melaki-bini?—Mat. 5:28.\\n16. Baka ni asai ati ti puas nulung kitai ngayanka pengerindu ngagai menyadi dalam Kristus?\\n16 “Nemu puas ati ke utai ti dikemisi kita.” (Bacha Hebrew 13:5.) Arapka Jehovah ulih nulung kitai puas ati enggau utai ti dikemisi kitai. Baka ni tu nulung kitai ngayanka pengerindu ngagai menyadi dalam Kristus? Lebuh kitai puas ati, kitai deka ingatka, bala menyadi Kristian kitai nya beguna agi ari duit tauka utai bukai. (1 Tim. 6:6-8) Kitai enda ngiga penyalah sida tauka besebana pasal pengidup kitai. Lalu kitai enda chemburu ngagai sida tauka amu. Tang lebuh kitai puas ati, kitai deka gerah jari.—1 Tim. 6:17-19.\\n17. Baka ni “ati ti berani” nulung kitai ngayanka pengerindu ngagai menyadi dalam Kristus?\\n17 “Kempang ati [ati ti berani].” (Bacha Hebrew 13:6.) Arapka Jehovah meri kitai pemerani kena natka penguji ti besai. Pemerani tu nulung kitai ngembuan runding ti betul. Lalu lebuh runding kitai betul, kitai ulih ngayanka pengerindu ngagai menyadi dalam Kristus enggau meransang sereta ngelantangka ati sida. (1 Tes. 5:14, 15) Indah lebuh maya penusah ti besai, kitai ulih berani laban nemu pengelepas kitai nyau semak.—Luk. 21:25-28.\\n18. Baka ni kitai ulih ngeringka pengerindu kitai ngagai bala tuai gempuru?\\n18 “Kingatka bala tuai kita.” (Bacha Hebrew 13:7, 17.) Bala tuai gempuru ngena awak sida bebendar gawa ke kitai. Lebuh kitai berundingka semua utai ke udah digaga sida, pengerindu enggau terima kasih kitai ngagai sida nambah. Kitai enggai sida lenyau pengaga ati tauka ngasuh sida tusah ati enggau utai ke digaga kitai. Tang kitai deka ngasika sida. Enggau tu kitai meri “basa enggau pengerindu ti pemadu besai ngagai sida ketegal pengawa sida.”—1 Tes. 5:13.\\nKati nuan beterima kasih ke pengawa ti digaga bala tuai gempuru ke kitai? (Peda genteran 18)\\nMAJAK NGEREJA LEBIH AGI ARI NYA\\n19, 20. Baka ni kitai ulih majak rinduka diri menyadi dalam Kristus enggau lebih agi?\\n19 Nembiak Jehovah dikelala ketegal pengerindu sida ngagai menyadi dalam Kristus. Sama mega maya jeman Paul. Tang Paul meransang bala menyadi Kristian ngayanka pengerindu enggau chara ti lebih agi. Iya madahka: “Majak ngereja lebih agi ari nya.” (1 Tes. 4:9, 10) Endang amat, kitai seruran bisi peluang ngayanka pengerindu nya!\\n20 Nya alai, lebuh kitai meda ayat taun kitai ba Palan Gempuru sepemanjai taun tu, aram meh kitai belematika tanya tu: Ulih aku ngelaluka mayuh agi temuai? Baka ni aku ulih nulung bala menyadi Kristian ke ba dalam jil? Kati aku bebasaka adat melaki-bini ari Petara? Nama ulih nulung aku puas ati? Baka ni aku ulih arap agi ke Jehovah? Baka ni aku ulih ngasi agi ngagai sida ke ngiring? Enti kitai deka ngemansangka diri ngena enam iti chara tu, ayat taun ke dilekat ba dinding ukai semina papan tanda aja, tang iya ngasuh kitai ngasika jaku Paul: “Majak rinduka diri menyadi dalam Kristus.”—Heb. 13:1.\\n^  (genteran 9) Sekeda chunto ke nunjukka chara Saksi-Saksi Jehovah ngayanka diri rinduka menyadi dalam Kristus maya bisi penusah besai, peda Video Gerempung Bala Menyadi Kristian Kitai.\\nRinduka diri menyadi dalam Kristus: Asai ati ke balat rindu entara diri sebilik tauka kawan rapat. Kitai ke nyadi Saksi-Saksi Jehovah enda pepura nyadi diri menyadi. Kitai endang diri menyadi","num_words":2008,"character_repetition_ratio":0.124,"word_repetition_ratio":0.002,"special_characters_ratio":0.226,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Chara Nuan Ulih Nembuka Pengawa ti Udah Diperambu Nuan | Menara Jaga Dikena Belajar\\nMenara Jaga—Edisyen Dikena Belajar | November 2019\\nBACHA DALAM JAKU Abua Acholi Afrikaans Aja Akha Albanian Altai Alur Amharic Amis Arabic Armenia Armenian (West) Aukan Aymara Azerbaijani Azerbaijani (Cyrillic) Bahasa Isyarat Congo Bahasa Isyarat Nigeria Bahasa Isyarat Salvador Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Benggali Biak Bicol Bislama Boulou Bulgarian Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuukese Chuvash Cibemba Cina Kantonis (Ringkas) Cinyanja Croatian Czech Damara Dangme Danish Digor Duala Dutch Edo Efik English Esan Estonian Ewe Fante Fijian Finland Fon French Ga Garifuna Georgian German Gitonga Gokana Greek Greenlandic Guadeloupean Kreol Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (Putih) Hungarian Iban Ibanag Ibinda Icelandic Igbo Igede Iloko Indonesian Isoko Italian Jaku Orang Bisu Afrika Selatan Jaku Orang Bisu Amerika Jaku Orang Bisu Argentina Jaku Orang Bisu Australia Jaku Orang Bisu Bolivia Jaku Orang Bisu Brazil Jaku Orang Bisu Britain Jaku Orang Bisu Chile Jaku Orang Bisu China Jaku Orang Bisu Colombia Jaku Orang Bisu Costa Rica Jaku Orang Bisu Croatia Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Greece Jaku Orang Bisu Guatemala Jaku Orang Bisu Honduras Jaku Orang Bisu Hungary Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Kenya Jaku Orang Bisu Korea Jaku Orang Bisu Malawi Jaku Orang Bisu Mexico Jaku Orang Bisu Mozambique Jaku Orang Bisu Nicaragua Jaku Orang Bisu Panama Jaku Orang Bisu Paraguay Jaku Orang Bisu Perancis Jaku Orang Bisu Peru Jaku Orang Bisu Philippines Jaku Orang Bisu Poland Jaku Orang Bisu Portugal Jaku Orang Bisu Quebec Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Taiwan Jaku Orang Bisu Thailand Jaku Orang Bisu Venezuela Jaku Orang Bisu Zambia Jaku Orang Bisu Zimbabwe Japanese Jawa Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Konkani (Roman) Korean Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lifu Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Melayu Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Pangasinan Papiamento (Curaçao) Persian Pijin (Afrika Barat) Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Greece Selatan) Romany (Macedonia) Romany (Macedonia) Cyrillic Romany (Serbia) Ronga Runyankore Russian Rutoro Samoan Sangir Sango Saramaccan Sena Sepedi Sepulana Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Rumi) Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nARTIKEL DIPELAJAR 48\\nTembuka Pengawa Nuan\\n“Tembuka pengawa.”—2 KOR. 8:11.\\nLAGU 35 “Nemu Milih Utai ti Pemadu Badas”\\n1. Nama utai ti dikemendarka Jehovah gaga kitai?\\nJEHOVAH ngemendarka kitai ngaga pemutus dalam pengidup kitai empu. Iya ngajar kitai chara ngaga pemutus enggau manah. Lebuh kitai ngaga pemutus ti ngelantangka ati Iya, Iya ulih nulung kitai mujur. (Mas. 119:173) Nya alai lebuh kitai ngena penemu ari Bup Kudus, kitai ulih ngaga pemutus enggau manah agi.—Heb. 5:14.\\n2. Nama penanggul ke engka ditapi kitai pengudah ngaga pemutus?\\n2 Indah lebuh kitai udah ngaga pemutus enggau manah, kitai engka tusah deka nembuka pengawa ti udah diperambu kitai. Ambika chunto: Seiku menyadi Kristian lelaki ke agi biak ngaga pemutus deka macha Bup Kudus. Iya mujur ngereja nya beberapa minggu, tang udah nya iya nyau ngetu macha. Seiku menyadi Kristian indu ngaga pemutus deka nyadi pengerintis, tang iya suah betangguh deka berengkah ngereja nya. Bala tuai gempuru ngaga pemutus deka suah agi ngereja pengawa datai meransang bala menyadi ba eklisia. Tang beberapa bulan udah nya, sida enda agi ngereja nya. Taja pan tiga iti chunto nya bebida, tang bisi siti utai ke sama. Sida ngaga pemutus tang enda nembuka pengawa ti udah diperambu sida. Orang Kristian di Korint ba abad keterubah mega napi penanggul ti sebaka. Aram kitai berandauka utai ke ulih dipelajar ari sida.\\n3. Nama pemutus ke digaga bala menyadi ba Korint? Tang nama penyadi?\\n3 Ba urung 55 M., bala menyadi ba Korint ngaga siti pemutus ti berat. Sida nemu bala menyadi ba Jerusalem enggau Judea napi penanggul sereta balat seranta. Lalu bala menyadi ari eklisia bukai benung ngumpul duit kena nulung bala menyadi ke seranta. Bala menyadi ba Korint manah ati sereta gerah jari. Sida mega berunding deka nulung bala menyadi ke seranta. Nya alai sida nanya rasul Paul chara sida tau nulung. Paul meri iring ngagai sida lalu milih Titus nulung sida ngumpul duit. (1 Kor. 16:1; 2 Kor. 8:6) Tang beberapa bulan udah nya, Paul nyau nemu, bala menyadi ba Korint bedau agi ngumpul duit. Ketegal tu, pemeri sida enggau pemeri ari bala menyadi ke bukai enda ulih dianjung ngagai Jerusalem ba maya ti udah ditetapka.—2 Kor. 9:4, 5.\\n4. Baka ke dipadah ba 2 Korint 8:7, 10, 11, nama utai ti diasuh Paul gaga bala menyadi ba Korint?\\n4 Bala menyadi ba Korint udah ngaga pemutus enggau manah. Paul muji pengarap sida ti tegap sereta ulah sida ti keran deka gerah jari. Tang Paul mega meransang sida nembuka pengawa ti udah diperambu sida. (Bacha 2 Korint 8:7, 10, 11.) Ari peneleba sida kitai nemu, indah orang Kristian ke tetap ati engka tusah deka nembuka utai ti udah diperambu sida.\\n5. Nama tanya ke patut disaut kitai?\\n5 Baka bala menyadi ba Korint, kitai engka tusah deka ngereja utai ti udah diperambu kitai. Nama kebuah? Ketegal enda sempurna, kitai engka deka betangguh ngereja siti-siti pengawa. Tauka utai ti enda disadang engka nyadi lalu ngasuh kitai tusah deka nembuka pengawa kitai. (P-jar. 9:11; Rom. 7:18) Baka ni kitai ulih meresa siti-siti pemutus ke udah digaga, lalu nentuka sekalika pemutus nya patut diubah tauka enda? Lalu baka ni nentuka diri ulih mujur nembuka pengawa ti udah diperambu kitai?\\nSEBEDAU NGAGA PEMUTUS\\n6. Kemaya kitai engka patut ngubah siti-siti pemutus?\\n6 Sekeda pemutus ke udah digaga enda diubah kitai. Ambika chunto, kitai mutuska diri deka nyembah Jehovah sereta keran deka tetap ati ngagai kaling pengidup kitai. (Mat. 16:24; 19:6) Tang bisi sekeda pemutus patut diubah kitai. Nama kebuah? Laban gaya pengidup kitai ulih berubah. Nama ulih nulung kitai ngaga pemutus enggau manah agi?\\n7. Nama patut disampi kitai, lalu nama kebuah?\\n7 Besampi minta penemu-dalam. Jehovah ngena roh kudus Iya ngasuh James nulis: ‘Enti kita [“kurang,” NWT] penemu-dalam, pinta ngagai Petara ke meri enggau gerah mudah.’ (Jas. 1:5) Ba sekeda pekara, penemu-dalam kitai amat kurang. Nya alai, besampi meh ngagai Jehovah ngambika Iya nulung nuan ngaga pemutus tauka ngubah pemutus ke udah digaga nuan. Nya baru Jehovah deka mantu nuan ngaga pemutus ti manah.\\n8. Nama pansik ke patut digaga kitai sebedau ngaga pemutus?\\n8 Gaga pansik enggau silik. Giga iring ari Bup Kudus enggau litaricha ke disediaka gerempung kitai sereta bejaku enggau orang ke ulih meri nuan jaku lalau. (J-lam. 20:18) Pengawa ngaga pansik beguna sebedau ngaga pemutus bekaul enggau nukar kereja, pindah ngagai endur bukai, tauka milih bidang pelajar ke ulih nulung nuan ngiga belanja lalu ulih terus nyembah Jehovah.\\n9. Nama asil ke diulih enti kitai lurus enggau diri empu?\\n9 Meresa tuju ngaga siti-siti pemutus. Jehovah deka nemu tuju kitai ngereja siti-siti pekara. (J-lam. 16:2) Iya deka kitai lurus ba semua pekara. Nya alai lebuh ngaga pemutus, kitai deka lurus enggau diri empu sereta orang bukai pasal tuju kitai ngereja pengawa nya. Enti kitai enda tentu lurus, kitai engka tusah nitihka pemutus ke udah digaga kitai. Ambika chunto, seiku menyadi Kristian lelaki ke agi biak engka ngaga pemutus deka nyadi pengerintis. Tang enda lama udah nya, iya tusah deka nembuka jam ba pengawa nginjil. Iya nyau enda tentu agi gaga ati nyadi pengerintis. Iya engka ngumbai tuju iya nyadi pengerintis nya ketegal iya deka ngelantangka ati Jehovah. Tang ke amat, iya engka ngereja nya ketegal deka ngelantangka ati apai indai iya tauka orang bukai.\\n10. Nama patut bisi ba kitai enti deka ngaga ubah?\\n10 Peratika chunto pasal seiku pemelajar Bup Kudus ke deka badu nginsap. Iya nguji enda nginsap pengelama seminggu tauka dua, taja pan nya tusah ba iya. Tang udah nya iya nginsap baru. Taja pia nyau kelama, iya ulih badu nginsap! Pengerindu ke Jehovah enggau pengeran ke deka ngelantangka ati Jehovah udah nulung iya mujur muai pengawa ke enda manah nya.—Kol. 1:10; 3:23.\\n11. Nama kebuah kitai patut bisi tuju ti nyemetak?\\n11 Bisi tuju ti nyemetak. Tu deka nulung nuan senang agi nembuka pengawa ke udah diperambu nuan. Ambika chunto, nuan engka berunding deka suah agi macha Bup Kudus. Tang enti nadai jadual ti nyemetak, nuan engka tusah deka ngereja nya. * Tauka bala tuai gempuru engka berunding deka suah agi ngereja pengawa datai meransang bala menyadi Kristian, tang enda lama udah nya, sida enda nitihka utai ti udah diperambu sida. Ngambika ulih mujur, sida ulih nanya sekeda tanya tu: “Sapa ke begunaka peransang? Kati kitai udah netapka jam alai kitai ulih datai meransang sida?”\\n12. Nama utai ke engka patut digaga kitai, lalu nama kebuah?\\n12 Nemu tatak diri. Nadai seiku ari kitai bisi chukup awak, utai, tauka pengering kena ngereja semua utai ti dikedekaka kitai. Nya alai, kitai patut nemu tatak diri. Enti pia, nuan tau ngubah pemutus ke udah digaga enti nuan nemu diri sigi enda ulih nembuka pengawa nya. (P-jar. 3:6) Enti nuan meresa baru pemutus ke udah digaga lalu ngaga ubah ti patut, nuan engka ngasaika diri ulih nembuka pengawa ti udah diperambu. Peratika lima iti chara ke ulih nulung nuan nembuka pengawa ti udah diperambu nuan.\\nBesampi minta penemu-dalam\\nNgaga pansik enggau silik\\nMeresa tuju ngaga siti-siti pemutus\\nBisi tuju ti nyemetak\\nNemu tatak diri\\nPENGUDAH NGAGA PEMUTUS\\nBesampi minta pengering\\nBebendar nembuka pengawa ti udah diperambu nuan\\nNgatur jam enggau manah\\nPikirka asil manah ti diulih\\nCHARA NEMBUKA PENGAWA TI UDAH DIPERAMBU NUAN\\n13. Baka ni nuan tau bulih pengering kena ngereja pengawa ti udah diperambu nuan?\\n13 Besampi minta pengering ngambika ulih nembuka pengawa ti udah diperambu. Jehovah ulih meri nuan pengering kena ngereja pengawa ti udah diperambu nuan. (Plp. 2:13) Nya alai besampi meh minta roh kudus ari Jehovah ngambika Iya ulih meri nuan pengering kena ngereja nya. Anang ngetu besampi enti nuan ngasaika sampi nuan bedau disaut. Jesus madahka enti kitai enda ngetu minta, kitai deka bulih roh kudus.—Luk. 11:9, 13.\\n14. Baka ni prinsip ba Jaku Dalam 21:5 ulih nulung nuan nembuka pengawa ti udah diperambu nuan?\\n14 Ngaga pelan. (Bacha Jaku Dalam 21:5.) Kena nembuka siti-siti pengawa, nuan begunaka pelan tauka perambu. Udah nya nuan patut nitihka iya. Pia mega lebuh nuan ngaga pemutus, tuliska semua utai ke patut dikereja nuan ngambika ulih nembuka pengawa nya. Enti pengawa nya mar, pupuk ngereja iya ngambika nuan nyamai nembuka iya. Paul meransang bala menyadi ba Korint ngalau lalu naruh duit ba “hari ti keterubah tiap minggu” ari ke ngumpul duit nya maya iya datai dudi hari. (1 Kor. 16:2) Mupuk-mupuk ngereja pengawa ti mar mega ulih nyeliahka nuan ari irauka diri enda ulih nembuka pengawa nya.\\n15. Nama kebuah nya manah enti nuan nuliska utai ti deka digaga nuan?\\n15 Enti nuan nuliska utai ti deka digaga nuan, tu deka nulung nuan senang agi nembuka pengawa ti udah diperambu nuan. (1 Kor. 14:40) Ambika chunto, raban tuai gempuru diasuh milih seiku tuai gempuru ngambika nulis semua utai ke deka digaga bala tuai gempuru, nyengkaum sapa ke diasuh ngereja siti-siti pengawa lalu kemaya sida patut nembuka pengawa nya. Tu deka nulung sida senang agi nitihka utai ti udah diperambu sida. (1 Kor. 9:26) Nuan mega ulih ngereja utai ti sebaka lebuh nuan deka ngaga siti-siti pengawa ba pengidup besehari-sehari. Ambika chunto, nuan ulih nuliska utai ke deka digaga nuan ninting hari lalu nentuka utai ke deka digaga nuan dulu sehari nya. Tu ukai aja nulung nuan nembuka utai ti udah diperambu nuan, tang mega nulung nuan ngereja mayuh agi utai.\\n16. (a) Nama patut digaga nuan enggau pengawa ti udah diperambu nuan? (b) Baka ni Rome 12:11 nunjukka nya amat?\\n16 Bebendar nembuka pengawa ti udah diperambu nuan. Anang lembau nitihka pelan sereta nembuka pengawa ti udah diperambu nuan. (Bacha Rome 12:11.) Paul ngasuh Timoti majak ngereja pengawa nyadi pengajar ti landik. Kitai mega ulih nitihka jaku lalau Paul lebuh ngereja sebarang pengawa ke Jehovah.—1 Tim. 4:13, 16.\\n17. Baka ni nuan ulih nitihka Epesus 5:15, 16 lebuh ngereja pengawa ti udah diperambu nuan?\\n17 Ngatur jam enggau manah. (Bacha Epesus 5:15, 16 enggau nota kaki ba Bup Kudus Baru.) Tetapka jam alai nuan deka nembuka pengawa ti udah diperambu nuan lalu anang ngubah iya. Anang betangguh. Nyeliah ari nganti maya ti ngena deka nembuka pengawa nya. (P-jar. 11:4) Anang ngelakka pengawa bukai ti enda tentu beguna masau jam enggau pengering nuan. (Plp. 1:10) Enti ulih, kereja pengawa nya lebuh nadai tentu utai nekul nuan. Padah ngagai orang, nuan benung kisuk. Tutup talipaun, lalu anang meresa email tauka media sosial maya nya. *\\n18-19. Nama ulih nulung nuan nembuka pengawa ti udah diperambu nuan taja pan nya enda senang dikereja?\\n18 Pikirka asil manah ti diulih. Asil ari pemutus ke digaga nuan ulih disemaka baka ngagai endur ke deka dituju nuan. Taja pan jalai ngagai endur ke dituju nuan ditutup, nuan tentu deka ngena jalai bukai ngambika ulih datai ba endur nya. Pia mega, enti kitai mikirka asil manah ke diulih pengudah nembuka siti-siti pengawa, kitai tentu enggai mantul lebuh napi utai ti tau nekul.—Gal. 6:9.\\n19 Ngaga pemutus ti manah sereta nembuka pengawa ti udah diperambu, ukai utai ti senang dikereja. Tang enggau saup ari Jehovah, nuan tau bulih penemu-dalam sereta pengering kena nembuka pengawa ti udah diperambu nuan.\\nNama penanggul ke engka ditapi kitai pengudah ngaga pemutus?\\nNama chara ke ulih nulung kitai meresa baru pemutus ke udah digaga?\\nNama chara ke ulih nulung kitai nembuka pengawa ti udah diperambu kitai?\\nLAGU 65 Mansang meh ke Mua!\\n^ per. 5 Kati nuan kala berasai nesal enggau pemutus ke udah digaga nuan? Tauka kati nuan kadang-kadang tusah deka ngaga pemutus enggau manah sereta ngereja utai ti udah diperambu nuan? Artikel tu deka nulung nuan mutarka penanggul nya sereta nembuka pengawa ti udah diperambu nuan.\\n^ per. 11 Kena nulung nuan ngaga jadual macha Bup Kudus kediri empu, nuan tau ngena “Jadual untuk Pembacaan Bible” ke bisi ba jw.org®, dalam jaku Melayu. Peda ba BAHAN TERBITAN > BUKU & BROSUR.\\n^ per. 17 Kena nemu mayuh agi chara nuan ulih ngatur jam diri, peda artikel “20 Cara Menciptakan Lebih Banyak Waktu” kena April 2010, ba majalah Sedarlah!, dalam jaku Indonesia.\\nTegapka Kaul enggau Bala Menyadi Kristian Sebedau Pengujung Datai\\nChara Roh Kudus Petara Ulih Nulung Kitai\\nKati Kita Nyaga Pengarap Diri?\\nUtai ke Ulih Dipelajarka Kitai Ari Bup Adat Lewi\\nText Chara download litaricha elektronik MENARA JAGA—EDISYEN DIKENA BELAJAR November 2019\\nMENARA JAGA—EDISYEN DIKENA BELAJAR November 2019","num_words":2483,"character_repetition_ratio":0.115,"word_repetition_ratio":0.001,"special_characters_ratio":0.201,"stopwords_ratio":0.264,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"SMK Wira Penrissen ditutup seminggu bepun seharitu – Suara Sarawak – Bukan Sekadar Akhbar\\nYou are here:Home-RUAI-SMK Wira Penrissen ditutup seminggu bepun seharitu\\nKUCHING: Sekula Sekondari (SMK) Wira Penrissen diasuh tutup bepun seharitu (26 Oktober) pengelama tujuh hari pengudah siku pelajar dia dikenuku positif Covid-19.\\nDirektor Pelajar Sarawak, Abang Mat Ali Abang Masagus madah, nutup sekula nya ti deka ngulihka pengawa meresi enggau infeksyen dipejalai ba sekula nya.\\n” Opis Pengerai Nengeri udah ngenukuka siku pelajar SMK Wira Penrissen positif Covid-19.\\n“Nya alai, sekula nya diasuh tutup pengelama tujuh hari ti bepun 26 Oktober (seharitu) nyentuk 1 November bulan baru,” ku iya.\\nAbang Mat bejaku munyi nya ba sebengkah penerang dikunsi iya enggau media, seharitu.\\nKenu ku iya, pengetua patut nentuka bala pengajar gawa ari rumah enggau bejalaika pengawa ‘pengajaran dan pembelajaran’ ari rumah.\\n“Pekara nya bepelasarka pengulih enggau engkeman akses ngagai komunikasyen pelajar sepanjai timpuh nutup sekula nya,” ku tandu iya.\\nSebedau tu, Opis Menteri Pelajar Malaysia (KPM) nengah sebengkah penerang madah ba Mesyuarat Khas Kaunsil Pengelikun Menua (MKN) bekaul Pengatur Covid-19 ti dipengerusi Menteri Besai Tan Sri Muhyiddin Yassin bisi madah, dedini sekula di selampur menua tu ti bisi ngerikod kes positif Covid-19 patut ditutup ba timpuh tujuh hari kelimpah enda nganti raban pemeresa ari Opis Menteri Pengerai Malaysia (KKM).\\nBy suaraswk|2020-10-25T19:45:08+08:00October 25th, 2020|Categories: RUAI|0 Comments\\nARKIB Select Month December 2020 (58) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":230,"character_repetition_ratio":0.069,"word_repetition_ratio":0.009,"special_characters_ratio":0.304,"stopwords_ratio":0.122,"flagged_words_ratio":0.0,"lang_id_score":0.918,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Gawai Sakit | Ibanology\\nGuntam-guntam anak lelangan,Ngampoh ke meruan pasir langkang.Nya baru anak bujang lemambang Puan,Nuntong di menalan nyapan,Dibandong luyam madang sabang.Nya baru anak bujang Lemambang Luong,Nuntong di menalan jebong,Dianti sida Endu Dara Lempong,Enggau pamping piring tepongJantau jentawang.\\nNya baru tebang petai di langgai sungai,Nyadoh ka tuboh kitai mupok bejalai.Tak nyau lama ngenong meh,Anak bujang Lemambang Luong,Meda kepai satunggul gantong,Enggi sida di Batang Paku matong,Enggi sida di tiku Semambu Nyengkong,Nampong perabong pematang pinang.Lalu nampai menira belachu mehAnak bujang Lemambang Tepong Bulu,Enggi sida di Batang Bangkit lelingu,Baka manok indu meram tansang.Tangga dituja lalu ditiki,Lalau dijengkau purus sakali.Lalu tenjan-tenjan kaki kanan,Enggi anak bujang lemambang Puan,Berindik di tempuan nyapan,Dikelalin anggam kuku kijang.Nyau mansa dinding,Ke perenching linsu terang,Nyau mansa pintu,Ke belagu anak orang.Lalu begelih enggau ripih,Tiang medang lamba lulai,Pun iya disungkur mamunBabi ngelampai,Ba tengan batang iya tanchangKa gelanggang manok Tawai,Ukai enda ba puchok iya,Teleba alai endu TerunaDara Pandai,Ngeredai punggai bali tengkebang.Lalu begelih enggau ripih,Tiang lamba midong,Ukai enda pun iya,Disungkur mamun babi bindong,Ba tengan batang tanchangGelanggang manok sabong,Ba ujong alai sida TerunaDara Lempong,Ngeredai labong mansau menyaang. Nya baru bejalai niti penyuraiRumah panjang.Kaki berindik dibidai besaiPakan melintang.Lalu berindik di idas badasTekalong kangkang.Lalu berindik di tikai rutan,Anyam Baketan bukir lenganSelang embawang.Nyau nengah tikai lingkok,Anyam endu Teruna Dara Lemok,Neladan liok lulong bintang.Nya baru nengah tikai sapar tiga,Anyam Endu Dara Cherida,Indu ke lesi bebadi dulu laya,Datai ari nanga Buara Rumpang.Nyau nengah tikai sapar empat,Anyam Endu Dara Belangkat,Indu ari Sedarat Randang Bangkang.\\nNya baru rengai-rengai jaloh nyerarai,Nyadoh ka tuboh lemambang ke dataiNgiga ruai.\\nTu baru nemu ruai orangKe lelabi indu gumba,Penanjak ai deras.Tu baru nemu ruai orangKe beragok rimpak moa,Naban ka rebaan manok bangkas.Nya baru nemu ruai orangKe tedong indu kacha,Masai nerumbu di benong tajau alas.Tu baru nemu ruai orangKe sawa indu sawaa,Masai nyengkilong di pun kayu kempas.\\nNya baru lentok-lentok langgai manok,Nyadoh ka tuboh Lemambang ke dataiDeka dudok.\\nPUN PENGAPPun Pengap Lemambang agi dudok.\\nAnak nuan Bengkang,Besulu diri sama bengkang,Dua iko diri menyadi,Mati besumpah parai beludah,Belaya ka buah mansau tekalong.Anak nuan Pelandok,Dua iko diri menyadi,Bejalai junok-junok,Pulai ngerupai ka keri Tebu belong.\\nLapa rumah enggi kitai salemai tu,Lama udah rimai rami richah,Munyi ka nunggah raja Jegedong?Lapa jungkar luarEnggi kitai salemai tu,Lama udah getar-getar,Tepan selanggai manok sabong?\\nNya baru aku ngading enggau tempuling,Pintu langit kuning,Baka siring tangkong burong.Tak seletak tisau langit tampak,Berak-berak neladan pantakKuling labong.\\nNya baru isau unding belading unding,Taing-taing ngerinding patingTebelian ngerang.Nya baru kadua kali undingBelading unding,Ngerinding puting beliong kabang.\\nTak suma aku nelengaKa rasa ujong dabong,Nelenga ka nyawa akuGensera kaung-kaung.Semadi aku ngangauKa anak lyang akuLemambang Empeliau,Seduai Bujang Kuang Kapong,Ari menoa raya sida iya,Ari bungkong emperawan ngandong,Ke ditempap sigi rengong-rengong,Munyi ketebong Empong kaban manang.Tang kitai anang telenggaLama ngetu ngenong,Kitai ke diasoh orang nyapaMenjaya raja Keliong,Ke berumah di kebong langit landong,Baka lumpong tajong bekandang.Enggai ka kitai disema ka orang,Ngagai rintong tak katong-katong,Enda ngentong di bejong dan lintang.\\nTak suma aku nelengaKa rasa dabong jurai,Nyerumba linda sabong lemai,Enggau nyawa ke begenseraKangai-kangai,Semadi aku ngading lyang aku,Lemambang Penjuang Tangga Lulai,Ke datai ari menoa iya di sungai,Kena tinggang tangkaiKetunsong ngembang.Tang kitai ga udah dudokBesarok berintai,Kitai ke diasoh orang nyapaMenjaya Manang Tuai,Ke berumah di selepai langit landai,Neladan pantak langgai Ruai Lalang.Enggai ka kitai ila disema ka orang,Ngagai berangai bangkong panjai,Ke enda datai di penyangkai Tanchang likang.\\nNyerayong pandong.Nya baru taung-taung belumpong nibong,Nyadoh ka tuboh nyerayong pandong.Tak lalu ketawa nelengaKa rasa ujong dabong,Indai Tengkuai Ruai Rimbong,Mantai ka tengkebangAmpang belumpongKeba alai punggang iya,Bebuah ngambi gambar Bajau Lelang,Ke ringang-ringang nyingkangKa bulang ujong kudong,Tengah ke bebuahNgambi gambar lintah,Ke bedilah melit rekong.Puting ke begenyelingNgambi gambar Manang Iling,Tau merening malik ngenong.Nya ka diembun sida Indai Endun,Sataun mangun ka pun padi nibong.Dikebat sida Indai Endat bejari jampat,Betenggau ka jelap kilatKekijap petang lindong.Tang deh tu baru pulai lemai kemari,Bekau injau Balu Jantau seduai Tutong,Kena sida nyerayong leka begumbaBalang bedabong,Ke mangun gupong jila isang.Tang ka lemai tu dinjau sidaDi Batang Paku matong,Kena sida nyerayong meligai gantong,Betiang meligai manangKa begeri tajau lempaong,Kena iya ngandangApai Tengkuai Ruai Rimbong,Ke lama udah sakit nyerak kulitpati punggong,Tang enti udah diserayong enggau tu,Antu penyakit rari nengkanjong,Mindah ngagai arong menoa orang.Udah nya kena sida nyerayong,Pamping piring tepong,Ke beranggong masak pisang.\\nLalu ketawa nelengaKa rasa dabong landai,Indai Tengkechong Burong Ruai,Gaga mantai ka tengkebangAmpang belulai,Ke diembun sida indai endun,Sataun mangun ka pun padi nubai.Nya alai pantang sida Indai Kumang,Enggau belia bandir tapang,Ke rentang-rentangMunyi pantok belatok tawang,Mantang batang lamba mikai.\\nNya alai tak tembuKayu kumbu ampang begajai,Peda tisi pua lebor api,Ungki kachi ke digelagi benang cherai,Naka pemanah buah begajah ampang belulai,Laban iya baru pulai lemai kemari,Dinjau Papau seduai Beragai,Kena sida nyerayongLeka begumba igi ranyai,Ke bakarundai manggum tangkaiJila isang.\\nTang ka lemai tu kena medongNyerayong meligai gantong,Ka rerenjong tengah ruai.Kena iya ngandang meligai Manang,Betiang ka begeri tajau rawai,Kena iya ngandang piring rendai,Munyi api makai reban ujong petebang.\\nTebang melingkat pampat di urat,Luntang batang iya,Nyadoh ka tuboh belaboh angkat,Ke sarikat kaki nyingkang.\\nKitai angkat jimat-jimat,Enggai ka kitai tedadangNyingkang terap,Tesangkut di urat dandi liat,Urat iya ke merabat mesai gantang.\\nSuma asai aku mai moa malu,Nebal gerugu galang melintang.Suma asai aku mai moa mirah,Baka darah nekang jerenang.\\nNya baru terai-terai betenchang ratai,Nyadoh ka tuboh beranchau tikai.Lalu kembai ka tikai rutan,Anyam Endu Dara Ngian,Ke bebuah chukop macham,Neladan gambar indu Kayan,Bukir lengan selang embawang.\\nLalu kembai ka tikai lampit,Anyam teruna Dara Demit,Ke bebuah neladan jeritLangit neraja nentang.\\nNya baru jepu-jepu apong tematu,Nyadoh ka tuboh mantai ka baku.Lalu batak baku pirak,Ke belupak maioh ruang.Lalu sepit ka seit pinang belubang.\\nTebang melingkat pampat di urat,Nyadoh ka tuboh bebai ubat.\\nUbat enda layu tu udah digenggam,Aku enggau petangan tunjok dua,Nabat tinda aku tesebut ka entuaBerada rambang.\\nUbat enda busong udah digenggam,Aku enggau petangan tunjok ujong,Nabat aku bisi tetigong ka patongBala pengabang.\\nNya baru kechik-kechik lelayang tasik,Nyadoh ka tuboh tama ka bilik.\\nTak enda busong anak BujangLemambang Kuang Kapong,Bejamban ka berinjan ampang belumpong,Keba deh punggang ampang tengkebang,Enggi kita ditu tak rendang-rendang,Mandang entilang remang nyerapong.\\nJerit tu mua pemisit dua betampong,Keba deh ubat enda layu tu deh,Tu ga batu terutu rajang begitang.Tu baru aku nunda kelingiIndai aku Jelapi,Ke mali diri Manang Empong,Ke sidi di jari tunjok ujong,Bisa di nyawa ujong dabong,Beiyang ka tegong Remaung Lubang.\\nAku nunda kelingi indai aku Jelapi,Mali diri Manang Menani,Ke bisa di rasa ujong jari.Keba alai indai kitaiJelapi Manang Menani,Beiyang ka lelabiBelang jari nyembayau berang.\\nTaung-taung belumpong nibong,Nyadoh ka tuboh muru antu busong.\\nEnti nuan busong lunggong,Deh apai Tengkuai Ruai Rimbong,Alai nuan sakit lengit,Nyerak kulit pati punggong,Lekat di arong ruang belakang.Keba deh anak Bujang LemambangKuang Kapong tu,Udah nimbang nuanNgena piring tepong,Ke beranggong mansau pisang.Nya alai nuan antu busongLari nengkanjong,Mindah ngagai arong menoa orang.\\nEnti nuan busong pambu,Deh apai Tengkuai Kelabu runggu,Alai nuan sakit riyerak kulit pati dagu,Keba deh anak Bujang LemambangTepong Bulu tu,Udah nimbang nuan ngena piring teluManok indu nekang kepayang.\\nAngkat jimat-jimat nuanApai Tengkuai Ruai Berambat,Ngejang ka gentilang bilik entap,Ke baka jong sarat ke muat macham barang.\\nAngkat nengkanjong nuanApai Tengkuai Ruai Rimbong,Ngejang ka gentilang bilik jebong,Ke dibandong benong menaga bujang.\\nNGERINTAI TUAINote: Orang ke sakit di-iring Lemambang ka ruai, belalau belachu panjai dua depa. Datai di ruai., iya lalu tama ka dalam meligai. Udah nya Lemambang lalu nyampi. Sampi iya munyi ke udah dirintai ba pun tadi. Tembu nya Lemambang mengap ngerintai tuai munyi tu:\\nNya baru terai-terai betenchang ratai,Nyadoh ka tuboh ngerintai tuai.\\nAku ngangkat ka kitaKe lama udah tetumpat,Tinggang urat sebangki api.Aku nyungkang ka kitaKe lama udah tumbang,Tinggang batang tebelian wi.\\nKangau ka Sera Gindah,Orang ke tau ngaga tanah,Mesai buah embawang lanja.Kangau ka Sera Gindi,Orang ke tau ngaga ai,Ke bepati enda sabaka nanga.Kangau ka Chabu ari ujong Tanjong Datu,Tikam temuku tali tekang,Keba alai Chabu ngulu ka orangNyerang Kantu Batang Empanang.Kangau ka Dami,Ke datai ari Karang Batu Api,Ke menjadi rendang-rendang.\\nNya baru nyapa Lau Moa,Orang ke berumpang nanga arong Skrang.Kangau ka tuai benama Mawar,Ke bejulok Teladok Luar,Kechit-kechit nyumpit ka langit,Ngilah lilit entilang remang.Lalu kangau ka Ambau,Datai ari Rantau Tabau,Peling lanting Tawang bedagang.\\nNya baru tebang salumbar lumpak lejar,Nyadoh ka tuboh ngerintai tuai Layar.Lalu separ ka Gelagar Tuai Layar,Mungkal senggal kapar batang.Ni nuan Niun Ke datai ari pulauAjau Mali terumpang,Ke bejulok Pumpun Temiang Ngerang.\\nNya baru tebang bu menalu nusu,Nyadoh ka tuboh ngerintai Tuai Paku.Kangau ka kitai Nyawai,Mungkal sungai Bangkit Nyawang,Enggau Temegoh betuboh maioh,Tiga puloh ngaum pengurang.Kangau ka EntingiDatai ari Saban Tinggi,Diau kadiri nadai nenjang.Kangau ka kitai Entigu,Datai ari ulu Paku Remawang.\\nNya baru tebang libas di rapi babas,Nyadoh ka tuboh ngerintai Tuai Rimbas.Kangau ka Padang Laki Suyah,Parai rebah rnati tetumpah,Ditaban ka dungan ikan tapah,Bejanggut mirah ka jadam mau gempanang.Kangau ka KanyongDatai ari Tuchong Legong,Peninggal ma basong puang.\\nNya baru tebang kempan berangan ujan,Nyadoh ka tuboh ngerintai Tuai Krian.Kangau ka Seguat datai ari tuchongLanggong Tengalat,Perepat ruap bunga pasang.Kangau ka Tangai,Ke dulu mungkal tataiLanggong Tabujang.\\nNya baru entun ka Senaun tuai Rajang,Serabungkok bejari ketok,Penebok tiang tembang.\\nNya naka tuai Dayak asoh aku nenguaNurun ngabang,Nya naka gelai orang ketuai,Diasoh aku betandai nurun masang.\\nNgerintai tuai Laut.Benyut-benyut mambong di Laut,Nyadoh ka tuboh ngerintai Tuai Laut,Ke disebut nama Abang.\\nPatinggi Datu Intai,Pen udah ga nuntong datai ditu,Udah enggau kitai besarok dudok berimbai,Datai ari gilik tasik besai ledong lelinang.Nya alai ambi ka kitai kandi baku Brunai,Dibelah ka kitai belabah pinang tuai,Dia iya nusoi rita diri empu ka kelia,Leboh iya ke diuji Bah Duli,Diasoh iya ngusai ka beras sabelansai,Dikusai ka pagi peda lemai tak kepai-kepai,Nyadi kesulai bujang kebembang.\\nNya alai Patinggi Datu Merdan,Pen udah ga nuntong datai ditu,Ke lalu dikembai ka kitaiTikai janit anyam,Dipangkang ka kitaiPengedang baku Bekatan,Dibelah ka kitai buah pinang kajekan.Dia iya nusi penyidi diri,Leboh iya ka diuji Bah Duli,Diasoh iya nyulok bulan,Ngena enteran bebalang tunsang.\\nNgerintai tuai orang Panggau enggau orang Gelong.Nya baru ritu-ritu mumban di batu,Nyadoh ka tuboh ngerintai Tuai Antu.\\nNi nuan Gila Gundi Sepit Api,Ke bejari rangang-rangang,Nya tuai orang ke nadai dulu lesi,Alah di kaki lembang muang.Nya ga berada apai nuan Keling Aji,Ke berani tau serang.\\nNurun ka Petara Manang ari Langit.Mesit-mesit ujan ari langit,Silup enggau daun kumpang belembang.Nyadoh kitai betuboh nurun ka Petara Bukit,Tangkup langit entilang remang.\\nLalu ninga Petara Sada Manang Jarah,Ari menyaong tuchong gunong Ubah,Tampong titi gunong Berapi,Tampong tatai gunong Panjai,Lemai rimai pagi richah.Punggang ari setakWan saginu antu mangah,Belabong dilah bejuntah rang.\\nLalu ninga Petara Sada Manang Jelapi,Ari menyaong tuchong gunong cherai,Kena kelingi ai tebang Dagang,Leboh tandang iya ke ngambi Kumang,Di puchok batu peredah patah beliong,Pumpong iya bulih sabuah barong Rajang.Peda nuan penyelai batu siti mipau senayau,Jamban Kumang mandi ka tasik ledong linang.\\nLalu ninga Manang Ini Tali Liong,Ninga tutok tepong taung-taung,Munyi ke ngentong lesong bambang belubang.Ninga lidih piring rendai nyamai,Munyi api makai ke nyerarai ujong petebang.\\nLalu nuntong di ai bala Ini Tali Liong,Tak enda mandi nyepoh layang,Nuntong di lubok bala Ini Tali Liong,Ke enda jempok nipok belakang.Tak lalu datai bala Ini Tali Liong,Jegak-jegak munyi manok bagak,Ke teratak ngenjun gelanggang.Tak jelas-jelas bala Ini Tali Liong,Baka ukoi pas betu peransang.Lalu betigong ka patong nyurong,Enggau Endu Dara Lulong Adi Tutong,Tuai orang di Gelong Batu Benang.Lalu berimbai enggau Endu Dara Jawai,Adi Ngelai tuai orangDi Meligai Pungga Pungkang.Lalu bejako Endu Dara Lulong,Enti betawai sapa kitai ditu pandai,Nantai ka burai pelangka gitang?Enti ngenjun bangun sapa kitai dituTau Apai Dom,Betiang ka irun benda belubang?\\nBetimba baru aku tau ko Ini Tali LiongNgeruga ruang!Belian bejereki kandong baru aku tau,Ko Ini Tali Liong,Baru kelala orang!\\nNGAMBI NGABANGNgiga orang di-injau ngambi Menjaya Manang Raja ngabang.\\nNya baru sapa randa kitai ditu,Tau diasa ka nengua ngarabi masang?Sapa gelai kitai tau betandai ngambi ngabang?\\nSapa ke tau ngambi Jelapi Manang Bali,Ke menyadi Aki Lang?Sapa kitai tau nyapa Menjaya Manang Raja,Ke betelaga nyambut nyawa baroh rang?\\nUji gagai orang di batu pesok,Teman tebok tinchin bemata.Uji gagai orang di batu cheling,Ke pesok teling-teling,Teman puting beliong baja.Nya menoa dipangkang Entawai,Ke terebai lapu-lapu.Nya menoa dipangkang Kusing,Ke landik nyelinting lubang batu.\\nKati randa nuan aki,Tau di-injau kami nenguaNgambi ngabang?Kati gelai nuan aki,Tau diasoh kami betandaiNgambi masang?\\nAnang guai dulu nganti aku udah nanya,Indai aku Sabang Benang,Dikena Manang ke betiup langkang peloh.Orang indai nginjau randa aku,Nengua ngambi ngabang.\\nNya endang diadang aku anak,Kenyau ari aku nyera ka nuan menya,Di dada pati punggong,Kenyau ari aku bepenti ka nuan menya,Mali makai lelabi gumba melepong.Diatu tandang nuan udah nyau bujang,Ke ranyang benong lempong,Nyau tau diasoh aku nigong,Menjaya Raja Manang Empong,Orang ke berumah di selandong langit jebong,Ke begamal lepong-lepong,Baka sempayong raja dagang.\\nNya endang diadangKenyau ari aku nyera,Ka nuan di selangka pati kerigai,Kenyau ari aku bepenti ka nuan,Mali makai lelabi gumba nyemerai.Diatu tandang nuan nyau bujang,Ke ranyang benong besai,Endang disadang aku nyapaiMenjaya Raja Manang Tuai.Orang ke berumah di selepai langitRuang lalang.\\nNya baru tebang kempan berangan ujan,Nyadoh tua betuboh bepasok ngepan.\\nLalu pasok ka Entawai ujok buok,Neladan puchok lemiding danjang.Naka pemanah ngepanLagu nuan Buat Wai,Ko jako Kusing,Baka kelukor ayam Imbok,Ke bebuok pugok galong ngelagetang.\\nLalu pasok ka iya simpai rangki,Naring jani babi belang.Nakah pemanah ngepanLagu nuan Buat Wai,Ko jako Kusing,Baka kelukor ayam duan burong Kenyali,Ke tau melali moa lubang.\\nNya baru ritu-ritu mumban dibatu,Nyadoh ka tuboh tua bepasok baju.Sapa matan kerakam baju ujan benang tebok,Enggi seduai deh Entawai Bujang Kusing?Keba deh punggang baju sampang nya,Ke sigi rendang-rendang,Mandang gentilang nyang jempok,Tisi baju engkari ungki kachi benang tusok.Nya nadai ditanya ka nuan Buat Wai,Nya ga dibatan perembamAmbai dalam sulu rusok,Iya ga digaga ambai aku Bunsu Tuchok,Ke tindok baroh sumbok rajang gemuong.\\nSapa matan kerakam baju ujan benang kebatEnggi tua wai buat?Peda nuan punggang baju sampang,Tak bendang-bendangMandang gentilang nyang entap,Tisi baju engkari,Ungki kachi benang kebat.Nya ga digaga ambai aku Bunsu Ingkat,Ke tau tindok tingkap,Ari baroh singkap tulang perabong.\\nLalu san Entawai sumpitan sumpit tapang,Peda tak lalu kebu-kebukambu bulu kenyalang.\\nNgejang ka panggau Bujang Entawai,Ke belinsu mansauNgambi likau nabau samenang,Lalu begelih enggau ripihTiang lamba medang.\\nDatai di punggai puting setak,Dinga nyapa Endu lyakKerimpak Batu Cheling,Endu Tabu Baning Bekingking.\\nNgetu dulu seduai pebayu sulu sangkong,Aku deka mekal seduai unggal,Enggau tual bunga belitong.Aku deka ngilum ka seduai ambai angkun,Ilum gendum pinang ipong.Laban aku ninga tandangSeduai ambai tulang,Diasoh orang ngambi ngabangMansang nyurong.Enggai ka randa seduai ninga Kamba,Ke berua di paya maram kampong.Enggai ka lupu seduai ninga antu,Besan ka lunjuDatai ari puchok tapang betenong.Enggai ka seduai ninga Buau,Ke bekangau telok kampong.Enggai ka seduai rari ka gambi,Ke beserigi ngili ka ai muntang tanjong.Enggai ka tandang seduai kaju kakang,Nyingkang ka bulang gerempong kudong.Enggai ka gumi seduai mati lari,Niti sentali jalai belong.Enggai ka seduai ngemalu sida beradaKarong kerubong,Enggai ka nyupan ka sida pekedam dalamAmbai sangkong seduaiNinga rita seduai enda datai ba rumahMenjaya Raja Manang Empong,Ke berumah di selandong langit jebong,Baka lumpong tajong bekandang.\\nDatai di punggang puting setak,Nyapa lyak bemoa tampak,Digelar aku Kerimpak Batu Cheling,Endu Tabu Baning Bekingking.Uji ngetu dulu seduai pebayu sulu ambai,Laban aku ninga tandang seduai,Deh ambai tulang diasoh orangNgambi ngabang mansang nandai.Aku deka mekal seduai unggal,Enggau gepal bunga rangkai.Aku deka nyelit ka seduai bangkitMinyak nyamai,Enggai ka seduai ninga Remaung negong,Dikampong babas tuai,Enggai ka seduai ninga Buau,Ke bekangau nyerumba kilau hari lemai.Enggai ka seduai ninga Gerasi,Datai ngadi ari puchok tapang bekumbai.Enggai ka seduai lari ka antu Gambi,Ke serigi ngeli ngili ka ai ngulu sungai.Enggai ka tandang seduai mati rengkang,Kaju kakang nyingkang ka bulang kaki bejalai.Enggai ka gumi seduai tak mati rari,Ngemalu sida beradi tangkai indai.Enggai ka supan sida pekedam ambai lalai seduai,Enggai ka randa seduai berayan tempuga bulu ruai,Enggai ka seduai disangka orang enda datai,Ba rumah Menjaya Manang Matai,Ke berumah di selepai langit landai,Baka bingkai sundang menarang.\\nLengka ka jako nya,Lalu nurun tangga tampun,Numpu ka pun nangka lamun,Bebuah bakatayun tuntun berang.Nya ditepan tok-uauBangkong mata karau nyawa,Nyabak ka senayau bulan mandang.Lalu betapak moa enggau engkeramba baba,Ke ketawa rising-rising,Nelenga ka berinja dabong jarang.Nya baru Entawai terebai lapu-lapu,Kusing ke landik nyelinting lubang batu.\\nKejang ka ari nya,Manggai di menoa orangDi tanah luchak,Entak kachukak baur temaga.Manggai di tanah bariBaka igi asi teda bala.Nya dipangkang Pagun,Sidi di jari tunjok pun,Manang Ridun chelum gadong.Nya menoa dipangkang Bidu,Ke berua laju bebaju putong.\\nTerebai ari nya Entawai lapu-lapu,Kusing ke nyelinting lubang batu.Lalu tepanggai di menoaOrang di resam resa,Palan Laja nyimpai nemurak.Manggai di batu Tandok Tuchok,Ke bemunyi rikok-rikok,Munyi kiok manok ngiring anak.\\nNya menoa dipangkang Manang Jarah,Ke sidi di jari tunjok tengah,Digelar kitai Manang Galah,Ke berumah nadai ruai.Kadua bali nama iya Manang Jaban,Ke bisi tempuan nadai pemanggai.\\nNya baru rentang-rentangBujang Entawai,Ke ngambi ngabang,Mantang ulu tulang pantang jerening.\\nTak rengong-rengong,Gensuong pala patong Bujang Entawai,Ke betandai ngambi ngabang,Munyi kelapong tali ruding.\\nNya baru manggai ba menoa orang,Di babas tawas nadai uras mesai empeleman,Ba menalan lantangKe nadai agang masok kesukan.\\nNya menoa dipangkang Bunyi,Indu ke tumu mandi besepan rangkai.Nya menoa dipangkang Bunyee,Indu tumu dani sentaai landai.Nya ke dikumbai kitai Satatai Rimbong,Kadua bali nama iyaSamatai Manang Burong.\\nTak lalu terebai singit Entawai,Baka tarit jit layar mutu,Entawai ke terebai lapu-lapu.\\nNya baru manggai di menoa orang,Di rajang nunggang nansang belinsi,Bungkong ngembong kabong burong pandi madi.\\nNya menoa dipangkang Ini Manang Guyak,Ke besanggul sintak bebatak laing.Kadua ball nama iya Manang Lansu,Bekuyu gemu besiring kuning.\\nAri nya terebai baru Entawai,Ke terebai lapu-lapu.Kusing ke landik nyelintingLubang batu.\\nManggai di menoa Menggong,Ke ngelapong tinggi kekitang.Manggai di menoa Menggu,Ke ngelabu nengan remang.\\nKejang ka ari nya,Manggai di menoa ambunNurun nali gulok,Manggai di rajang nunggang,Ke begitang mesai sampok.Nya menoa dipangkangSuka Anda Genali,Kadua nama iya Aki Ungkok,Betah dudok ngapus ka hari.\\nPeransang ambai tulang iya,Endu Kumang digelar aku,Takang Bintang Gerenyap.Pekedam ambai dalam iya,Ditelah aku Engkeleman Bulan Sedap.\\nNya baru kemunting umang simbang sakali,Nyadoh ka tuboh tua belator niki.\\nTak lalu malik nyengok Bujang Entawai,Tepeda ka Aki Ungkok,Bayam cherebok nyiur muni.Malik nentang ngagai bulang pugu tanju,Meda Aki Ungkok bayam penyampu tubai mati.\\nNya baru nampai ruai besai iya,Ampar tikai baka ke nganti gawaiNgidan pengabang.Nyau tetapak ka rumah pandak enggi iya,Ke sasetak nyilup remang.Nya baru lalu di-imbai Entawai,Enggau kerigai rusok marang,Dibandong iya enggau serungkongDenjang saringgang.\\nNi jalai nyapa Aki Menjaya Manang Raja,Ke betelaga nyambut nyawa baroh rekong.Kami nanya ka jalaiNgambi Jelapi Manang Bali,Menyadi Aki Sengalang Burong.\\nO, tumboh tempulor lambor jempok,Leboh ujan ke nelian laboh besepok,Nyerimbai tawai kukok manok,Aku uchu nadai hari madah ka kitaPepatah arong jalai.Laban aku agi gawaDiau di genturan papan tebok,Aku agi ngurak tali pandak,Agi ngusai ka tali panjai,Agi murok ka tali ijok.\\nTali siti tikam aku kulu Batang Ai,Ngumbang reni Nanga Delok.Tali lama tikam lengka,Aku ka rampa Saba lelenok,Bumpan ka kusok balong lawang.Peda aku tak berentak meh tali pandak,Tak tekusai tali panjai,Ngenjing berenyut tali taut.Nya alai lalu dibatak aku besak-besak,Enggau petangan ujong tunjok,Kumbai aku nyintak tapah ikan belidok,Enda nemu nya tak nyintakKebok jambu betunjang.\\nTumboh tempulor lambor cherai,Leboh ujan ke nelian laboh bekaberai,Nyerumba kukok manok tawai,Aku nadai hari madah ka seduai,Pepatah arong jalai,Laban aku agi gawaDi genturan papan lekai.Aku agi ngurak tali pandak,Aku agi ngusai ka tali panjai.Tali ubong tikam tempalong ka aku,Laboh di sekong arong Brunai.Tali lama aku tikam lengka,Ngagai rampa Sada landai.Peda aku tak berentak tali pandak,Peda aku tak tekusai tali panjai.Lalu dibatak aku besak-besak,Tarit berebut enggau kukut jari megai,Dikumbai aku nyintak tapah semah sungai,Enda nemu nya tak nyintak bebendai besai,Bukir berantai beburong rindang.\\nJalai Mudu baru aku nemu uchu,Ari baroh deru guntor betinggang.Jalai Nengkalong Laki baru aku nemu,Ari baroh segi matahari,Ke lanji-lanji tampak terang.\\nNama nuan aki tak lain utai ditanya,Lain dipadah, ko Entawai,Nuan tak bejako nyambil ngayah!\\nEnti jalai lama uchu nadai ditanya,Bedau nyeruran.Enti jalai besai uchu nadai ditanya,Betampong tempuan.\\nKejang ka Entawai ari nya,Manggai di jerit kebong langit,Ke singkong rapitBaka tambit peti belulang.Manggai di genilongKebong langit landong,Baka lumpong tajong bekandang.\\nTak lalu dipangkang Entawai semak,Sepi tak angat dang-dang.Nama sukat kejang ka jauh,Sepi tak chelap nengkidang kangkang.\\nNya baru kembaiKa Entawai sempayong besai,Bulih sabelah umai luar dandang.Nya baru bedunju iyaEnggau ubat enda layu,Batu terutu rajang begitang.Lalu bedujong ngena ubat mali busong,Nyangkong genturong kampong Lemambang.Tak lalu berasai nyamai seput lantang,Asai ke menya apin besai,Di-wa indai tangkai menimang.\\nKejang ka seduai ari nya,Lalu ngelaung ka menoa Manang Ingkat,Pengibun selapat lubang guntor.Lalu ngelaung ka menoa Manang Bengkang,Pengibun selambang pintu lambor.\\nLalu tepanggai di tanjongNgelingkong melit,Pasong sengkilong ular naga.Manggai di pantai renjan landai,Baka ke kena kerekai panas bisa.Nya dipangkang Menjaya Manang Raja,Ke betelaga nyambut nyawa baroh rekong.Nya dipangkang Jelapi Manang Bali,Menyadi Aki Sengalang Burong.\\nO, amat tebekan mehMenjaya Manang Buban,Peda pendai iya bekerangan,Ka kelam pelaga batang.Peda pengkalan iya bekeresik,Ka marik mau magang.\\nDia tak enda mandi Bujang Entawai,Semina bepesi isi,Muai daki dakah miang.Tak semina betipok Bujang Entawai,Enda jempok arong belakang.\\nNya baru seduai berindikDi panti landi,Ke pengaki manok menang.Bejalai niti jalai rinda,Pengada gumba lelabi belang.Nya baru tepeda ka menalan nyapan,Enggi Menjaya Manang Buban,Buras ka tandan mayang pinang.Lalu nampai menalan besai,Enggi Menjaya Manang Tuai,Buras ka burai pelangka gitang.\\nNya baru tangga ditunjan lalu ditiki,Lalau dijengkau purus sakali.Lalu tetampai ka ruai besai,Enggi Menjaya Manang Tuai,Ampar tikai baka ka ngantiGawai nginang pengabang.Peda baku tak begerugu sarang pinang.\\nLalu malik nyeling Kusing,Meda Menjaya Manang Linsing,Tak kinding-kindingBayam taring babi lelaki.Malik meda Bujang Entawai,Tepeda ka Menjaya Manang Nyara,Bepampai pua bali menyeti.Lalu dibandong Bujang Entawai,Enggau serungkong denjang seringgang,Di-imbai iya enggau kerigai rusok marang.\\nNama seduai uchu tak mai peloh nerusan dai,Mai latak nyelepak awak tapa kaki?\\nKami din aki bisi sakit ampir deka mati,Bisi renga di pala bubun aji.\\nNama kita din bisiManang Tali Liong deh uchu?\\nAmat Manang Tali Liong din bisi,Tang iya nadai ngembuanPuchong penampong seput!\\nNama kita din bisiManang Tali Liong deh uchu,Ngumbai diri sidi di jari tapa kiba?\\nAmat Manang Tali Liong din bisiKo Entawai,Tang iya nadai sega sadepaKa penyukat umor idup!\\nEnti seduai uchu betuboh ngambi aku,Ubat aku ke serangkap genap nadai ditu,Pengaroh enggi aku amat maioh,Tang enda begempuru!Puchong ke beranggong tujoh ringkat,Batu lua Bekubu telu Bidat,Udah di-injau isan aku Bunsu Kepiat,Kena iya belian ka pangan iyaDanjan sulai lenyap,Sendat di engkilat ijap bubu.Pemandang batu kinyang enggi aku,Ke betuboh maioh nadai ditu,Udah di-injau isan aku Bunsu Undang,Ke danjan sulai tumbang,Tama lubang batang tensang rau.\\nKati ko nuan ngambi batu bangkai,Enggi nuan Menjaya Manang Tuai,Ngasoh iya datai nyerupa raya?Kati ko nuan ngangau ka pemandang,Batu ilau nuan deh Menjaya Raja Manang,Ngasoh iya mansang datai sereta?\\nLalu taung-taungBelumpong nibong ko Menjaya,Terantang ka aku gendang,Pangkong ka aku tutong.\\nLalu ditanggong Menjaya Manang Raja,Tutong lama kelia iya,Tutong besai salama jaga.Peda tak rembuyan tutong Manang Jaban,Ka kelam leka pelaga.Tak betambit tutong Manang Disit,Ka sabit bekaul leka.Tak bepasak tutong Manang Guyak,Ka tebak bari baja.\\nNya alai enti agi renggangTutong Raja Manang,Seli tensang enggau lampang leka pelaga.Nya baru tembu perengka keresa tutong,Udah tembu sambang rumbang ketebong.\\nSapa kitai tau malu nuku mangkong tutong,Sapa tau nenchang sambang rumbang ketebong?\\nNya baru angkat BekikikBujang bidik mai nunu,Selai-Lai pemalai abu.Dinga tak redup-redupTutong pugu entemut,Enggi Menjaya Raja Manang Likup,Dudi pengaroh Menjaya ninga,Dulu ninga Manang Jamut,Ari seraput lubang ribut,Munyi puput putan puang.\\nLalu bantai ka Menjaya Manang Besai,Tutong lama kelia iya,Tutong besai selama jaga.Nya alai pasak tutong Manang Guyak,Ka tetak pelaga rawai.Berembuyan tutong Manang Jaban,Ka keban mua pemanjai.\\nUdah tembu keresa perengka tutong,Udah terit kulitEnggi Disit Manang Empong.Lalu kangau ka iya Bekikik,Bujang bidik mai nunu,Kangau ka iya Selai-Lai,Pemalai abu.Dinga tak rengai-rengai,Tutong Jelapi Bali Manang Tuai.\\nDulu penyampu pugu tubaiMenjaya ninga,Dulu ninga Manang Matai,Ari selepai langit landai,Baka bingkai sundang menarang.Lalu ninga Manang Raja,Kadua bali nama iya Manang Semparang.Lalu ditanggong Manang JamutLupong enda besap,Lupong Manang DisitKe besanggit tujoh ringkat.Peda lupong enggi Manang Empong,Nyurong ka patong gambar bengkang.Peda sap lupong Manang Rechap,Besap ka singkap engkerawai midang.\\nNama utai dikangau ka nuan Menjaya,Ke ngangau enda badu-badu?Nama utai dikangau ka nuan Menjaya,Ke rengai-rengai enda tembu-tembu?\\nAlai aku ngangau ka nuan,Laban anak mensiaBisi macham nguan menoa,Bisi renga di kura selangka dada!Manang Semparang mai ngabang nguang tutong Menjaya.\\nEnti munyi nya,Tebang batang galau gerunggangKo Semparang,Nyadoh kitai betuboh nurun ngabang.\\nKati ko tua ngabang deh ambai wai,Nama nya lupong lama enggi tua,Apin di-wa ading ditimang.Nama nya pengaroh dulu,Enggau ubat batu penyampu enggi tua,Apin dikelulu main diperindang.\\nNya baru sua-sua empaiya muda,Dan tebelengka laboh di lempaRuang muang.Nyadoh kitai betuboh ngua betimang.\\nNGUA PENGAROHManang besuda ngua Pengaroh.\\nNya baru lenga-lenga,Anak dupan duan burong puna,Samalam tu udah bemunyi lenga-lenga,Ngua amba reribu tengang.Ukai aku ngintu nuanSemilu batu lada,Ukai aku nimang nuanBatu takang engkenyang upa.Aku ga ngua genselu batu tapa,Enggi Menjaya Raja Manang Maga,Ke lama udah tebelengkaAri tapa jari ngengkang.Kena randa iya ke belian betimba,Gawai manang bebungkar ruang.\\nTak kiak-kiak terinting putingDabong tachak,Enggi Menjaya Raja Manang Guyak,Laban iya nimang beruru batu unak,Ke pematak Iban ngambi seruan,Ke belian ngambi ngabang.\\nNya baru angkatEndu Satu Dara Empina,Endu Kumang Ampang Sentaba.Lalu masok ka beringan kain selendam,Peling ka iya sengkiling ringgit ayam.Peda rawai rinyai enggiMenjaya Manang Tuai,Lempai ka di kerigai rusok kanan,Ara ka iya tumpa gelang ayam.Tak lalu unsai iya beringan buok panjai,Baka sentaba mulai merundai nurun dan.Lalu dipalit ka iya mimit,Pugai rakit minyak jematan,Lalu simpul iya sanggul,Baka menaul angkat nepan.Silak sekang ka iya sanggul lintang,Enggi Bini Menjaya Raja Manang,Enggau takang rajang ensebam.Lalu diseradak ka iya moa tampak,Ke ngenjing berak-berak,Baka senayak terang bulan.\\nEnti bakatu agi repa meh aku wai asa,Baka temuda bekau rampa litan uman.Tak agi asai tinda aku menya,Ke agi dara ngelanta benong jejempan,Asai leboh tembai aku,Ke agi bisi perinyai ambai sulu dalam.\\nNya baru jari iya muka peti,Ke menyanyi ranggong semilan,Jari sapiak matak tengkebangAmpang belantan,Ke lalu dilempai ka dipunggai bau kanan.Lalu kebu ka iya bedaruPintu bandir tekam,Kaki sapiak enggi iyaNgindik idas badas,Ke berias manah pakan.Keba alai punggang ditap orangEnggau tikai bekuang,Tinggang pengedang baku besuran.\\nMalik iya kakibaTepeda ka pesina sulu lama,Enggi iya Raja Menjaya Manang Nyara,Ke ditelah aka Manang Jaban.Lalu tepeda ka tali waNyau kunda-kunda,Mungga di jangka puling tepaan.Gerempong kudong enggi iya,Nanggong lumpong kupak enteli ruman,Lalu berua indai randa buan-uan.Ketawa muchau iya munyi wa Melanau,Ke nimbau tukau indu langkan.Wa indong enggi biniMenjaya Manang Empong,Munyi wa Bunsu Kelatan Utong,Ke dua kali ngabongNepan di puchok tapang tekam.Wa sampi enggi iya badi-adi,Munyi wa Indai Ketampi lelaki,Nyerumba hari petang keleti sabong malam.\\nApin tembu wa iya enggau rasa dabong geman,Alai tak lalu nyapa lantang iya,Ari pengala papan ban.Endu Kumang ke bemoa terang,Ditelah aku seregang pasang malam.Endu Anggu Tali Kalindan.\\nNama gaga nuan rnunyi nya,Deh mengua karong menyimpan?Ka aku ngumbai nuan gila,Nadai ga aku ninga nuan,Ngambat peranama terang bulan.Ka aku ngumbai nuan memandai,Deh lantang indai,Nadai ga aku ninga nuan,Ngempuru ka ratai bungai tanam.Ka aku ngumbai nuan bekana,Nadai ga aku ninga nuan,Ngerara Laja seduai Renggan.Ka aku ngumbai nuan betusut,Nadai ga aku ninga nuan nyebut,Orang ke luput laya danjan.\\nO, anang meh lantang nuan,Ngaga aku munyi nya.Gerempong kudong enggi nuan,Endu teruna Dara Lempong,Semina naka nemu nuchong seraongSundang anyam.Tapa kiba enggi nuanEndu Dara Nganta,Semina udah nemu belaba,Ka ai lia di pala dulang tekam.Tunjok anak enggi nuan lantang lyak,Semina udah nemu nyubak bulu landak,Ngaga menyeti bali berinjan.\\nAmat tudah aku nyerumba lemai sabong malam,Nadai mejam ka suloh mata kanan.Laban medong aku agi ngua lumpongKarong kupak enteli ruman.Laban tandang aku agi nimang,Pengaroh laki aku Raja Manang,Batu takang rajang ensebam.Laban aku agi nindok ka batu kalok,Ditelah aku cherebok nyiur tanam.Laban lambu aku agi deka ngelulu,Ka enggau jako penyampu pugu entemut redam.Laban aku agi deka ngading,Gerinjing taring babi dupan.Laban iya apin tembu biau aku,Enggau selanjau manok jelayan,Bau iya ke begeranBuya anak sematong tapang.\\nDinga tak lalu nengkanjongBatu raong,Niki sukong gembar enam.Lalu engkasak batu engkatak,Niti belabak tikai pandan.Dinga aku ubat tak lama udah,Bechakap nyerumba sedap bulan padam.Dinga batu penyampu lama udah bejako,Ke ditelah aku batu pugu tubai tanam.\\nEnti bakatu agi ngasi meh,Pengaroh laki akuMenani Manang Jaban.Deka ditandang ka iya ngabang,Ka Batang Paku Renjan.Dibai iya mudik teresitBangkit tebing kanan,Ke lalu diturun ka sidaPagun Manang Menjayan,Nyerumba ambun ke besebunLaboh nelian,Nyerumba kukok manok jelayan.\\nUdah nya dibai sidaMansa kejatu punggu rian,Ke sataun udah mabun sulai danjan.Dia gumi sida nguji ka pengaroh ngasi,Ubat sidi ngena jari tunjok kanan.Dipelian ka iya samalam-malam tudah rian,Peda pagi tak udah bebatang jendam-jendam,Bepuchok sebam-sebam bebuah nempangan,Baka terikan rangki labang.Kejang ka sida ari nya,Dibai mansa rangkah ikanIsi iya nyau udah kadiri kiba kanan,Ke udah digerami garam,Simpan dalam tepayan letong belubang.Dia gumi sida nguji ka penyidi jari diri,Ngena jari tunjok kanan,Ba rangkah tulang ikan.Lalu paut sida ari perutPulai ka lengan,Gama sida ari tapa jari kanan.Peda pagi tudah rangkah tulang ikan,Nyau begamal jempan-jempan,Tau ngulu ka orang ngempas ngaban,Di kerangan lansar nunggang.\\nKejang ka ari nya,Datai di peretang rumah jejempan,Enggi sida kepit Bangkit tebing kanan,Peda tak bisi renjong-renjong meligai gantong,Enggi apai Tenkuai Ruai Rimbong,Betiang ka benong tajau Palawan.Lalu ditentang bala Raja Manang,Enggau bulang mata kanan.Dinga seput Apai Lang Laut,Tak duot-duot pansutAri mulut simpan geman.\\nO, enti bakatu amat sakit,Meh apai Entelit LangitDi kulit rusok kanan.\\nLalu dituang ka Raja Manang,Pemandang batu kinyang iya,Di singkap pinggai pemakan.Lalu digama iya ngenaTapa jari ngenggam,Digama iya ari pala pulai ka pisan,Paut iya ari perut rusok kanan.Udah nya baru lupu iya,Miau ngena batu pampang saribu,Ubat gayu pengarohBidu Manang Jaban.Dia tinda iya nguji ka pemisa,Ubat Menjaya penyangga nyawa anak mensia,Ke mali bekata laya danjan.\\nAntu penyakit lalu rariBetarit angkat beraban.Pemedis nyau abis nadai memacham,Nya alai gerai meh Apai Burong Ruai,Tinda iya ke nguan menoa baka selama,Ari baroh peranama kurong bulan.Ngasoh jayak Apai Tengkuai Tuntong Buntak,Nyau tampak di seletak panau ikan,Nyau ngasoh iya tinggiDi suli labong ari kanan.Nya alai iya nyau tau enggau kitai,Nyeridi ka simpuli padi rutan,Ke tumboh di emperan tanah nunggang.Nya alai udah bekau tinda iya,Digama Menjaya Manang Jaban,Nya mun iya ke tau ngutaBenda mangkok lapan,Nya mun jamat Apai Ruai Berambat,Tak nyau tingat ka adat beribu macham.Nya alai iya lalu disema ka orang,Ba sakayu perunu rumah jejempan,Ngagai menyaung tuchong Satugan Bulan,Ke enda kala kena tutok ujan,Ke nelian laboh jarang.Tang iya ukai semina naka nya,Iya ga disema ka kitai ngagai,Jempayan batang tapang tekam,Ke tumboh di pengabis tanah renjan.Pun iya ke ditambunEndu Teruna Dara Pantun,Enggau berurun bunga tanam.Batang iya ke ngenjing bendang-bendang,Sakum gempanang tekang intan,Ke betelaga mesai kuran,Ke betengkebok mesai chapan,Nyadi ka pendaiWan Bujang Geliga Tandang.Kitai ga sama ninga beritaPuchok tapang tekam,Ke niap pagi nyelinting bulan,Ke seruran enda puang,Ditepan kaban manyi midang.\\nNURUN NGABANGBala manang nurun ngabang ari rumah Menjaya Raja Manang.\\nLengka ka berua main betimang.Ubat pen lalu bechakap mai ngabang.Nya baru tebang batang galau gerunggang,Nyadoh kitai betuboh aram nurun ngabang.\\nMansa menoa Burong Bangau.Kejang ka ari nya,Nuntong di batang lenyak lenyang,Endor menyang berumpak lelak.Manggai di titi kawi nunggang,Palan beruang besandik anak.Peransang tulang iya,Dulang Medang Penerima Ambun,Kadua bali nama iya,Belia Bandir Tapang,Ke rerentang pemantang tunun.Nya aka Bangau labang bagak teratak,Kaak Dendang betugang burak.\\nKejang ka ari nya,Manggai di pun lemba bumbun,Ka bebalun mesai sintong.Birit-irit rau nyumpit,Baka penerebai kaban lunyong.Nya menoa Engkeramba Baba,Ke ketawa rising-rising,Nelenga ka rasa dabong jarang.Sapa apai tudah tuai?Sapa aka tudah nya?Indai Bejit Manai,Ke bekain mali lengka,Petunggal aka adau melunggang.\\nKejang ka ari nya,Bala Menjaya nurun ngabang.Enda sempat alai manggai,Di emperan entap nyapan,Kena panchar pajar bulan,Ke serepan kerarang bin tang.Enda sempat alai manggaiDi tanah langgong,Ngeruang ngebong ke ngeruyong mesai gantang.Nya menoa Manang Empelawa,Ka digela Manang Jagang.Buok iya pugok betolBela galong ngelagetang.Keba alai Jaban landik belian,Betali wa laju gila,Dikena manang betayun tunsang.Jari kanan iya ngenggamJuran pentik kara,Ke laju gilaPenegar tulang mansang.\\nKejang ka ari nya,Manggai di jamban titi Nuyan,Ditampong jelatong jamban midong.Dipungga Nyara dilumpong Empong,Ambi ka bangkong pengala manang.Betampong enggau titi lunggak lunggi,Ke di-indik gilik-gilik benyut-benyut,Ke tau telentang tau tungkup.Naka penyelai jamban siti,Kati ko enda bakanya ko Menjaya,Iya ga kena kurong lalau nyengkong,Nya ke ngasoh ujong iya rengong-rengong,Munyi gerunong salah sambong tuang tukang.\\nNumpu ka danau karau letong adau,Penumboh randau jerangau pantai.Numpu ka danau keroh letong amboh,Baka kerugoh pulai mansai,Beguai ka hari lemai tegayam petang.Tang diturus dalam saratus,Enti dituroh dalam sapuloh,Di-indik benyut-benyut,Enda tampoh ka lalik tapa kaki.Nya selikap ungkap nudong,Dipadong tedong ular berani.\\nKejang ka ari nya,Manggai di genturong kampong lia belong,Enggi Menjaya Raja Manang Empong,Ke satanjong rurus belamatang.Nuntong di genturong kampong jerangau,Enggi Menjaya Manang Rendau,Ke berandau panjai kerang.\\nSapa ngibun kebun jerangau,Enggi Menjaya Manang Rendau,Ke berandau maioh memadang?\\nTinggal nuan nandai nandang ngabang,Ka Batang Bangkit Gegiau,Tinggal nuan ngerarahKa pelepah sabang mansau,Tinggal nuan ngenjun bangun,Enggi sida Apai Dom,Betiang ka irun benda tajau?Nya nadai ditanya ka nuan,Ko Menjaya Manang Rendau,lya ga di-ibun Endu lyakDigelar aku kerupak Buloh Mipau.lya ke teleba ngulu ka kamiBidu Manang Rendau,Belian ka pangan ke deka danjanSulai lenyau,Ari baroh pun sandau liau,Ke kekitau nyari lang.\\nSapa ngibun kebun lia nuan deh,Menjaya Raja Manang Nyara,Tinggal tandang nuan nandai ngabang,Ka Batang Bangkit Lelinga,Tinggal tinda nuan gawai gaga,Ngulor unda pelangka gaga?\\nNya nadai ditanya ka nuan,lya ga di-ibun Endu Petabu Benang Chura,Endu Satembul Kaul Tampok Lemba,lya ke teleba ngulu ka kami Manang Nyara,Belian ka pangan ke danjan sulai lela,Enggau orang ka bedega nyarang takang.\\nKejang ka ari nya,Nuntong di lebakBatak serepak engkuti uma,Manggai di tatai panjai,Kena rintai tangkai leka sangga.Nya menoa dipangkang Ini Manang Ayang,Menyadi Bujang Simpulang Gana.Nya menoa Manang Matai,Menyadi Bujang Rangkang Kirai,Ngembuan utai saribu guna.Laki iya Aji ka Pati Payang,Ke penginang pengibun ulun.Digelar Bujang Menteri Mamang,Ke penginang pengibun jaum.\\nKejang ka bala Menjaya ari nya,Manggai di-ai pengani aning,Pendai Keling tumboh pating bunga sangga,Nya orang ke berambang maioh bini.Manggai disungai letang reba nyegang,Lepong batang pendai Kumang,Antu ke berambang maioh laki.\\nNya baru datai di lengkap sungai nanap,Tumboh engkalat dikempat urat ruatSimbang ka panchong.Manggai di dauh sungai buloh,Bulu tumboh ketunsong ranggong.Nya pendai Aki Lang,Ke bejulok Pandok MeranggangNadai Bepapong.Nya ga pendai Aki Lang Menaul Jugu,Kelabu kuju bepisan adong.\\nKejang ka bala Menjaya ari nya,Lalu bebatak bala banyak,Baka unak jelayan jarang.Tak bapit-apit sida,Baka seit pinang belubang.Enda sempat alai manggai,Di tembawai lama kelia iya,Di tembawai besai selama jaga.Keba di tingkah tanah maring,Di genturong keban rian lusing,Nya tembawai kitai sida Keling,Tang kamaiatu Keling udah pindah,Ngagai tinting Kaling Alu,Laban iya udah belaya,Enggau Apai Sambang Rumbang Kesuling,Berebut ka taring tengiling,Tau ka aning simpai lengan.Keba deh tingkah tanah nerenjok,Ba genturong kampong rian pugok,Nya tembawai kitai ke agi begulai,Enggau Aki Nyakai Lang Bengok.Tang kamaiatu iya udah pulai,Ka puchok tekam tandok,Laban iya udah belaya,Enggau Apai Selulut Ribut Ngusok,Berebut ka batu tandok pelandok,Tau ka penundok madam ka seruan.Tu ba tingkah tanah lada,Ba tebiang nunggang belakang lempa,Tembawai kitai ke agi begulai kelia,Enggau Laja seduai Pungga,Tang kamaiatu seduai udah pulai,Ka Nanga Nelenga Takang.Laban sida belayaNgelaban Apai Bua Buga,Berebut ka batu punggong kesa,Mesai ma takaran Kayan.Keba ba tingkah tanah langgong,Dia endor tembawai kitaiKe agi begulai,Enggau Ngelai seduai Tutong.Tang kamaiatu seduai udah pulai,Ke Gelong Batu Besundang.Laban seduai belaya enggauApai Sambang Rumbang Ketebong,Berebut ka batu tandok adong raja ikan.\\nOrang ke dulu bala Lansu,Nyau bekaul langgu ketapu lai.Orang ke dudi tak nyau sakaki,Enda putus rintai.Nyau tepanggai ba menoa orangDi tuga penanga jelai,Di tinting manding jalai tedai,Jalai orang ke beraraiMansang berarang.\\nNya betampong enggauTuchong Biru Nakong,Palan Keling ke berenongNgading Kumang.Betampong tuchong enggauBukit Balai Nyabong,Ke bereba papong kepongGerempong tali bulang.\\nNya baru rembu-rembu tangga batu,Nuju ka serunggu langkau kayau,Kena pansa antu ke begaluMansang ngabang.Nya menoa dipangkang Manang Jaban,Ke enda kala belian,Peda luan enggi iya jendam-jendam,Penoh laban tengkulan burit tajau.Kadua ball nama iya dipangkang,Manang ke enda kala belelang,Tang manang ke endang mengkangBepanggal mau.\\nKejang ka bala Menjaya ari nya,Manggai di pun kemali lelaki,Ke tak chegi-chegi ngebus ka hariKebong langit.Manggai di punggang remang bediri,Baka tempaong tibong sumpit.Nya menoa Nisi ke betul ati,Ke berani mutus kempang.Kadua bali nama iya,Digela Duat Igat Bujang Jegalang.\\nKati ko randa nuan,Enda enggau kami nengua,Nurun ngabang? Ko Menjaya.\\nEnda, aku agi ngemataKa tengah laman,Entak raran asi ja.Tisau umai aku dia,Agi redai punggai kajang pengipa.Sakali menya Menjaya aku udah,Enggau apai aku ngabangKa simpang menoa ili,Ngabang asi jantau jentawang.Datai din sepi aku,Tak peruti rapi perut raya.Sakali ga aku menya dibai apai,Ngabang ka simpang tebing kiba,Dibai apai ngabang lintin jaBuah pisang.Datai din deka dempa,Peda aku tak tekura selangka dada.\\nKejang ka bala Menjaya ari nya,Manggai di kampong baung,Nadai didinga kesuong kunding labang.Manggai di kampong sunyi,Nadai didinga ketampi buau orang.Mansa pun buloh berani.Nya baru nuntongDi tuchong Biru Nakong,Mansa moa bujang berani.Nuntong di tanjong buloh belong,Nudong sempayong bubun aji.Tak lalu lengang bala manang,Ninga rauh batang temiang ransi.Tak lalu ngendoh bala maioh,Ninga rauh buloh beteri.Kita ka bujang anang nentang aur tulang,Enggai ka lambang enda bebini.Kita ka dara anang ngerara buloh bala,Enggai ka luba enda belaki.\\nKejang ka bala Menjaya ari nya,Manggai di tanah nempok,Baka tandok jambu betusu.Manggai di tatai panjai,Kena lempai sengkawai anggu baju.Nya baru manggai di labu nyepuTeladok batu,Ke kebu-kebu baka bulu manok menang.Nya menoa dipangkang Silit-Ilit,Ngemata ka bukit sanggit gerunjong.Nya dipangkang Silik-Ilik,Ngemata ka tasik linang ledong.\\nNya baru manggai di batu teladok,Ari tu kitai mai ngempok,Enggau batu nasan ari tu kitai ngerinan,Batu tukol ari tu kitai mai,Enggau batu tempan.\\nKejang ka bala Menjaya ari nya,Manggai di menoa orang di pengerang nadai legai,Manggai di munggu teda puguJerenang rambai.Nya dipangkang Bujang Mekang,Ke melintang rang belingkah dilah.Nya dipangkang Bujang Agu,Ke bejako tegar nyumpah.Nya alai lalu ngelaung kili,Bala Jelapi sapuntang nubai.Ngelaung kulu ka bala Bidu,Sadandang umai.Angkat bisi meda deh orang.Aku enggau kita ngabang ko iya,Dini nuan tau enggau kami ngabangKo Menjaya,Enti nuan mansa pisang,Iya lalu bebali jadi lengki.Nuan enda tau enggau kami ngabang,Enti nuan mansa buloh,Sahari iya lalu bebali jadi munti.\\nKejang ka bala Menjaya ari nya,Manggai di batu pechah,Ke begagah inggar bebaring.Manggai dibatu perak,Keterak inggar beranaing.Nya dipangkang Bujang Sajalang JalikTali Marau ke ngerakau ngelingkong tasik.Nya orang ngemeran ka batu ansah,Ke betuah mali lebu.Nya orang ngemeran ka batu anggong,Ke kekaung ngiga empu.\\nDatai Entawai tak enda ngabai-ngabaiAti ngansah,Datai Kusing angkat nyeging muai tumah.Lapa kita ngansah di kah batu aku,Nadai enggau padah jako pinta?Lapa kita ngansahBa ngepan batu tajam aku,Enda enggau pesan jako tanya?Besai pemusong kita ila nguan menoa,Besai penulah kita anak mensia.Enti kami busong buta,Kami tau ka Bangka,Ngiga leka mata.Enti kami busong kapak,Kami tau ka Sarawak,Ngiga anak lutor Raja.\\nO, tu bakanya ga uchu,Lain jako bekalih sumpah,Mulut aku nyebut tang salah padah,Enti kita uchu busong bedagang,Ngasoh kita menang bebeli.Enti kita busong ngayau,Ngasoh kita mulau bulih pemerani.\\nLalu kejang ka bala Menjaya ari nya,Peda tak lenggi-lenggi semambu ai,Daun nyeruran patah jelepi,Baka ke lelai ngagai rumah Sera Gindi,Ke tau ngaga ai bepatiEnda sabaka nanga.Tak bilah-ilah semambu rebah,Pating iya tekuing dan terengkah,Baka ke lelai ngagai rumah Semarugah,Ke tau ngaga tanahBetingkah jadi kerapa.\\nKati ko iya enda bakanyaKo Raja Menjaya,Iya ga ayong lindongKena bandong semambu ngandong,Ke bedaun lemi nakong,Ke bebatang gendong-gendong,Baka tudong sempayong bulan gelana.Kena bandong batang tekam nuyang,Ke bebatang mekat-mekat,Ke bedaun kedil mua pengerapat,Nadai alai nyelitKa jarumat jarum temaga.\\nManggai di tebing rarik lungga,Manggai di tebing rarik lunggai.Manggai di lembang ruang muang,Munyi jelap api ngempa,Munyi jelap api makai.Nya menoa dipangkang bujang sigat,Ke kebelap selampor panau.Nya ke ditelah tandang,Ko lemambang Bujang Gelau.\\nTak lalu nyapa deh Menjaya,Sama randa kitai nengua nurun ngabang,Sama gelai kitai betandai nurun memanang.\\nLalu nyaut Endu Dara Cherida,Ke beberita tau engkeramat.Bulan sigi nyin kemari aka aku Gelau,Endang udah betuboh nurun ngabang,Tang iya lubah laun datai,Nyangka iya bisi ngetuBa menasan jalai jani,Nyangka bisi mati pangka petiBuloh gerempong.Aka aku Gelau udah nenguaNurun masang,Tang iya laun datai dehMenjaya Manang tuai,Nyangka iya inggaBa menasan jalai rusa,Nyangka ka bisiSintak amba jarin begantong.\\nEnti munyi nyaTelu bai ka aka aku Gelau,Manok indu mekang kepayang,Ja bai kita jantau jentawang.\\nKejang ka bala Menjaya ari nya,Manggai di tatai panjai,Endor tupai ke begagai bansak-ansak,Besandik anak lantang ditimang.Manggai di bungkong ngembong,Dikabong burong indu pantak,Ke bakasetak mintih idang.Nya menoa dipangkang Manang Guyak,Ke ngembuan batu unak,Pematak serak macham barang.Menoa Manang Disit Ke ngembuan batu pengait,Penarit duit wang gudang.\\nKejang ka bala Menjaya ari nya,Manggai di tinting paling ruat,Baka kempat pematang pinang.Bebandong enggau tuchong sandong entap,Ke bemunyi rejat-rejat,Munyi entak tungkat Lemambang Manang.Nya menoa dipangkang Manang ChelumTau burak,Dipangkang manang tuai tau biak,Laban iya ngembuan genselu batu minyak,Enggau batu kupak melaban mipau umbang.Kadua agi laban iya ngembuan puchong,Ke beranggong dua besapak,Diberi perembam dalam iya Dara Biak,Ulih ngupak ari serak kerang kepayang.\\nKejang ka bala Menjaya ari nya,Manggai di batu Sempalang Subang,Nyandih ngagai karang penangkal miga.Manggai di bukit enggal sigi,Baka lenggi moa benda.Nya dipangkang Utan nengan menoa,Dipangkang Biku Bunsu Petara,Ke pemadu nama raja manang mansang.Nya orang ngembuan batu puchong,Ka penampong lubang seput,Orang ke ngembuan sega sadepa,Ka penyukat umor idup.\\nLengka ka ari nya,Manggai di munggu dunju putan,Manggai di lebak bambak menasan.Nya dipangkang Raja Selampeta,Bejulok Tukol Lenda ke betempaRentang-rentang.Nya dipangkang Raja Selampetoh,Ke tau ngamboh tuboh,Nyentok ka Maloh Langgai Tawang.\\nLengka ka bala Menjaya ari nya,Manggai di kerangan ansau bulan,Baka singkap kerang kepayang.Manggai di jerit tisau langit,Baka tambit peti belulang.Nya dipangkang Keling Nyeling Hari,Pengibun kunchi pintu langit.Dipangkang bujang Nyeling Remang,Pengibun selambang bintang berakit.Peda pintu langit tak alit nadai bepesu,Peda pintu remang tak petang kelabu bulu.Tu baru kitai puntan baka menasan jalai jelu,Tu baru kitai labah baka buah merunjau ulu.\\nTak lalu bejako Ini Manang Matai,Enti aku nemu kitai enda nyadi ngabangMansang nandai,Lembau aku ninggal ka langgur pemansai,Ke diredai apin tembu anyam.\\nLalu bejako Ini Manang Tunggi,Enti aku nemu kitai enda lalu ngabang,Lembau aku ninggal ka langgur bila lanji,Enggai ka iya ditensang manyi nyeruan labang.\\nNya baru bejako Menjaya Manang Raja,Enti bala menantu aku ke saribu bisi ditu,Anak tuai aku rintai dulu digelumu.\\nLalu bejako Endu Dara Tinchin Temaga,Sayau adi aku Aji nadai ditu.Sakali iya menya udah diengkah,Ka orang ba tisi langit lati,Nadai gerasi berani ka datai majoh!Kati ko iya enda bakanya,Laban sida bapa udah beraku diri menyadi.\\nSakali ga iya menya udah diengkah,Orang ba puchok tapang undang,Sabulan kitang-kitang,Ke begitang mali laboh.Kati ko iya enda bakanya,Laban sida bapa bisi ngembuan batu labang,Ke selang labit manyi.\\nSayau adi aku Aji nadai ditu,Ko Endu Dara Tinchin Temaga.Sakali iya menyaDiasoh orang nanjak wong,Ke beranggong tujoh ringkat,Enda iya kala patah dendanBatang sengayoh.Kati ko iya enda bakanya,Laban sida bapa bisi ngembuan,Batu pengelemi ai.\\nSakali menya iya direndam orang,Ba lubok dalam enam,Nadai baya berani datai munoh.Kati ko iya enda bakanya,Laban sida bapa bisi ngembuan,Ubat mali puni.\\nLalu nyaut deh Ketupong,Nama ngapa adi nuan Aji,Lebih aku laki nuan Ketupong,Sakali aku mumpong orang dalam kibong,Putus saratus tujoh puloh.Udah nya parai sidaJenawang bujang lempong,Leboh iya ke nyerungkongDani tindok.\\nNama ngapa adi nuan Aji,Lebih agi aku Beragai,Sakali aku nyelai orangDalam daun gawai,Putus saratus enampuloh,Bekau nya parai sidaTeruna dara pandai,Leboh ka ngeragensai angkat nutok.\\nNama ngapa adi nuan Aji,Lebih agi aku Geliga Tandang,Sakali aku ngeluntangOrang dalam tibang,Leboh ke lugang ngauk padi,Putus saratus lima-pulohBekau nya parai sida bujang mekang,Ke sedendang rebah mabok.\\nNama ngapa adi nuan Aji,Lebih agi aku Embuas,Sakali aku ngerampas Orang atas panti,Putus saratus duapuloh,Bekau nya mati sidaMelanyi dara rumpas,Benong kebas nurun nyauk.\\nNama ngapa menantu sabong aku,Ko Menjaya seduai Aki Lang.Samoa rampa tebing kanan,Semina dibiau ka aku lengan,Nadai sida pandai angkat malas.Bejako baru Menjaya seduai Aki Lang,Nama ngapa kita menantu sabong aku,Samoa sekong arong tebing kiba,Semina dibiau ka aku lengan abis punas.\\nPintu langit tu enda tau,Alai kita bepekit nguji ka ati.Pintu remang tu enda tau,Alai kita beperansangNguji ka pemerani.\\nNya baru tak lalu digulu,Sida enggau penyampu tuba bejenong,Diseging sida enggau taringBegelong ujong.Peda tak lalu tebukaPintu langit lada,Tau endor tama berimbai dua.Lalu terumpang pintu remang,Tau endor ngabang sama sereta.Lalu tekinsit pintu langit rapit,Lalu ngauk tegok burong kelatan,Lalu ngangau tok-uau Bunsu Berujan.\\nKati randa nuan enggau kami,Nengua nandai ngabang?Kati tembai nuan enggau kami,Nemuai nansang memanang?\\nAku enda, laban pengawaAku bereba nguan menoa,Pengasok aku nyumbok leka mata.Aku rindang nyadongKayu ka ulu Lundu,Tang kayu enda ulih aku pangku,Bedau di nanga arong Sadong.Kelia iya kayu, tang kamaiatuUdah bebali jadi genturong kampong tapang.Aku rindang nyadong ai ka ulu langgai Sedi,Tang ai enda ulih aku bai,Ditinggal ka akuDi pun pauh laba berendam.Kelia iya ai tang kamaiatuBebali jadi igi leka gumbang.\\nLalu betangga Manang Nyara,Ka sawa benyut-benyut,Belalau ka nabau kebut-kebut.\\nLengka ka sida ari nya,Nya baru sida manggaiDi menoa Siba Iba,Nengan menoa dipangkang manang,Pengibun pengelimpang jalai raya.\\nKati randa nuanEnggau nengua nurun ngabang?Kati gelai nuanEnggau betandai mansang memanang?Aku enda, peda nuan ari moa aku,Gunting nyaing aku baka karis tunggol tebang,Peda nuan ari belakang aku,Baka tangkal buah pedalai tuai,Sirat aku ari moa bechapTanda repaya labang.Ari belakang tampong tekalongChagai chagai.Enti lemai aku begawai,Pagi aku ngulit,Laban aku nyadong asi nyeli,Ke melanjan mansau sigi,Diambi ka sepi sera nyawa.Laban aku nyadong asi jawa,Ke melanjan mansau mata,Ambi ka empa pajoh pana.\\nNya baru sida terengkah,Di puchok penyarok gading,Di dan perugan gasing.Nya menoa dipangkang,Bujang biak Kenyak Kenyalang,Aka Serandau Letong Lalau.\\nDini kitai tumboh ko bala maioh,Dini kitai diau ko Randau Letong Lalau.Ka aku tumboh ba belakang tinting,Aka aku deka tang adi aku enggai,Takut ka aping nyumbok enteran.Ka aku tumboh ba belakang munggu,Aka aku deka, adi aku enggai,Takut ka sungkur indu babi dupan.Ka aku tumboh ba jalai pendai,Takut ka sengki labu tanam.Ka aku tumboh ba kaki atap,Takut ka kebap langgai manok jelayan.\\nTak lalu gayak-gayak buloh minyak,Nyelepak ba awak arong tempuan.Tak lalu nengkanjong buloh laung,Dudok atas lupong manang belian.\\nKejang ka bala Menjaya ari nya,Lalu terengkah di tanah,Palan Raja Sera Gindah,Ke narah chandi begelong.Nya baru terengkah di peniki,Palan Raja Sera Gindi,Beban igi Kenyali rakong.\\nNya menoa dipangkang,Ukoi kaka nada gerinjing,Ukoi mangah ngekah ngerising.\\nKejang ka sida ari nya,Manggai di paling kempas kuning,Munyi kesuling tebah dilah.Manggai di dan emperawan dapan,Nunjok ngagai sedan bulan senawah.Nya menoa Tunggok Tok-uau,Ke benyawa rangau-rangau,Nyabak ka senulau bulan tiga.Nya menoa dipangkang Tunggok,Ke nyabak sikok-sikok,Nyabak ka rayok bulan peranama.\\nKejang ka bala Menjaya ari nya,Manggai di Kendi Aji dua berimbaiBepalang Undang.Endor nentang anak temuai.Peda urat nyau terangkat nulang raung,Peda rau tak selabubu mulu burong.Udah nyau meh orang Panggau Libau tu deh,Nama nya bisi kelai gensarau takang isang.Udah jiyau meh orang Gelong tu deh,Nama nya bisi kelai jabongRundong runggang sarang.Peda kepapa nyau rundong,Pumpong abis nyelenga,Palan apai Pungga ngait ka tempugaBulu kenyalang.Peda kechupak nyau rundong abis ruyak,Palan Apai Pandak Sera Gatak,Ngait ka unsak remaung lubang.\\nKejang ka bala Menjaya ari nya,Manggai di Nanga Jawa Jingan,Palan Lawai datai tekerembai kajang.Manggai di batang titi tebelian,Numpu ka sukan tangga bintang.Nya menoa dipangkang Bunsu Petara,Orang ke ngemata ka kitai sadunyaBaroh remang.Kadua iya ngemata ka orang ke raja,Enggau orang ke umang.\\nKejang ka bala Menjaya ari nya,Manggai di tebing Limau Janting,Di puru pugu entemu lalang.Manggai di segera pangka sumping,Mandang tebing jila isang.Nya menoa Raja Menggong,Ke ngelampong tinggi begitang.Nya menoa Raja Menggu,Ke ngelabu nengan remang.Pekedam dalam ambai inak iya,Endu lyak bemoa tampak bepasak paji;Kadua bali nama iya,Endu Dara Tunai bebuok panjai,Ditampong tali.\\nBA RUMAH ORANG KE BEGAWAI.Datai ba pendai orang he begawai.\\nTu baru betebang belinsi tundan tinggi,Nyadoh ka tuboh nuntong di pendai.\\nNi ai endor kitai mandi niki ngabang?Sungai Chekor baru tau alai kitai mandi,Ke bechampor Sungai Garu,Nya ngasoh tuboh kitai bebau balu-alu,Disium pengabang.Sungai Kunyit ka sapit Sungai Entemu,Baru tau endor kitai mandi,Ngasoh tuboh kitai kuning,Ke perenching nyendaun lalang.\\nLalu mandi Menjaya Raja Manang Empong,Nyelam di kerangan nyapan empas kabanIkan adong.Anti pansut enda ga iya pansut,Kada enda parai aki tuai enggi kitaiSulai ilang pumpong?Peda tak pansut iya ari julut batu anggong,Lalu mantai ke jeliu petutu ikan adong.Lalu diengkah iya di tingkah tanah langgong,Peda tak ukai jeliu petutu ikan adong,Ke bebali nyadi pechelap ubat nyurong,Ka penampak lupong manang belelang.\\nLalu mandi meh Bali JelapiMenjaya manang tuai,Lalu nyelam iya di riamDalam lubok besai.Anti pansut enda ga pansut,Peda tak pansut ari julut batu chanai,Mantai ka jeliu petutu ikan enseluai.Lalu diengkah iya di tingkah pala landai,Peda tak bebali jadi penchelap ubat besai,Nyadi pengaroh tuaiNgambi ka mali sulaiJengkarang midang.\\nLalu belit ka MenjayaLampit sirat panjai,Nyambong kerigai rusok marang.Lalu pasok ka iya tingga ngena,Mansa janga bau nukang.Lalu pasok ka iya simpai rangki,Baka kenyali nepan di rangkang.Lalu belit ka iya selabin lalong,Baka sengkilong tedong tiang.Lalu tangkin iya berangin sarang pedang,Lalu disan iya genteran sumpit tapang.\\nNya baru depor-depor betebang mudor,Nyadoh ka tuboh betunda sanggul.Sapa empu sanggulKe lentur laur ditunda,Ke teladan kena kitai?\\nSanggul sida di gelenggang Bangkit Matong,Baru tau ditunda ke manah lepong-lepong,Baka tangkong burong kenyali lia.Sanggol sida di gelenggang Bangkit Landai,Baru tau ditunda kita lantang anak wai,Ko Menjaya Raja Manang Tuai,Ke begamal lempai-lempai,Baka penerebai Aki Lang NyakaiMenaul Rimba.\\nGari jai kita anang mai niki ngabang,Tinggal ka ba rumah Manang Jambi Alang.Gari basah kitai anang mai ngabang,Tinggal ka ba rumah Ini Manang Jarah,Ke berumah di tingkah kumpang belembang.\\nNya baru serap-serap,Munyi serangkap tibar jala.Bala manang ke niki ngabangNgerara nyawa.Sapa empu jako ke taing-taing,Di peretang penyarang rumah geginting?Nya jako Keling ke bejulok Ipoh Kinying,Sumpit ka langit tak kechit-kechit,Ngeruroh ka kaban duan jelu bigok.Sapa empu jako ke terai-terai nya deh,Di peretang penyarang rumah panjai?Nya nadai ditanya ka kita,Nya jako Ngelai tuai orang,Di Meligai Pungga Pungkang,Ke bejulok Resu Garu Kirai,Kena dara pandai ngembai ka tikaiNepok penindok.Belator dulu niki.\\nNya baru dua kali serap-serap,Munyi serangkap tibar jala,Tandang kitai ke ngabang,Sapa tukang ngerumpang kuta?\\nSapa kitai teleba di tapa jari kanan,Teleba ngerumpang kuta piring penganan,Enggi sida di Batang Bangkit renjan,Ke begamal melan-melan,Baka engkeleman bulan mansang?Sapa kitai pandai tapa kiba,Teleba ngerumpang piring asi jaJantau jentawang?\\nTebang salumbar lumpak lejar,Manang ke ngabang madah ka ensumbar.Manang Duau tu baru datai nandai ngabang,Ke bensumbar Sintau Kemarau Urik Hari,Sigi rendang-rendang mandang ka dagangNengeri China.Gelanyang Manang EmpongMadah ka ensumbar diri,Bejulok Putan GandongKe rengong-rengongBetuntong tujoh,Bepuput duot-duotNgepong ka andong besi kemuja.\\nLalu ditunjan Menjaya raja manang,Tangga ban kali lamba lulai,Ke diban Renggan dibatan Ngelai,Ke bengkeramba jelu nemu anak tupai,Ka tau begagai di tembawai madang pinang.Laga enggi aya mua pengena,Ngena umba bulu tajai.Ngepan ka nyeruran nadai alai,Gerempong kudong ngempong ubat besai,Pengaroh tuai saribu takang.Lalu ditunjan aya tangga ban,Kayu chenaga diban Renggan dibatan Laja,Engkah ka seduai engkeramba jeluNemu anak baya,Ke segenda manggum bukang.Laga enggi aya mua pengenaKe bumba manah gaya,Gerempong kudong.Jari megai enggi nuan,Ngenggam ubat bisaEnggau ubat ngasoh rajaPemandang dagang.\\nNya alai menyaTangga ditiki aku singit,Tang kamaiatu telentang gadak-gadak.Laban aku bisi maiBatu atak beliong kabang.Lalau dijengkau aku menya chelumTang kamaiatu burak,Laban aku bisi maiBatu belapak bintang.\\nNya baru giau-giau gagang empelanjau,Bala manang ke ngabang belaboh minta biau.Angkat Tutong lalu nanggong manok tuntong,Kena miau Menjaya Manang Empong,Punggong ke geritong tuntong belaja.Angkat Pau lalu miauEnggau selanjau manok sidu,Bulu iya ke nyeregu nansang ka pala.\\nNya baru kepai-kepaiManjaya Manang Tuai,Berejang peretang rumah panjai,Baka kesulai terebai nyerimbai petang.Lanji-lanji Menjaya Manang Sidi,Berejang peretang rumah lelanji,Baka kunchit kemali niti sentali dan lintang.\\nNya baru lentok-lentok Gemayang takang ijok,Dan puchok ke besarok Ngerejang takang.Nya baru manang ke ngabangBelator deka dudok,Dudok bagong-agongMenjaya Manang Empong,Di peretang penyarang rumah jebong,Mandong meligai gantong,Tempuga enggi Gelanyang Manang Nyara,Mua pengena-ngenaUmba laga tandok labong,Ke ngelingi pulas uchongTujoh kendayang.\\nLalu betugong meh balaMenjaya Manang Empong,Di peretang penyarang rumah jebong,Baka lempaong ngambong ka batang.Lalu gelumu meh balaMenjaya Mansang Lansu,Baka tematu kerang bindang.\\nRuya-ruya raba bebunga,Dan dua ke sabaka ngulor nengkuang.Nama rita nuan Menjaya Manang Raja,Alai nuan laun betandai datai ngabang?\\nTumu ga aku ari nyin kemari uchu,Nyerumba kukok manok jelayanNyerumba ambun ke besebun laboh nelian,Betenggau ka beliau api dian.Tang aku ngetu ba tembawai lama kitai menya,Terubah endor kitai ke beseraraBaka ira tali temeran,Ba endor kitai ke pambarBaka tempiar leka ujan.\\nBa tembawai pun rian keban.Ukai enda leka iya menya,Ulih apai nuan ke berarai,Ka pantai tebing kanan,Ke lalu ditanam kitaiBa tembawai Nanga Nuyan.Keba deh batang iyaBaka batang dalok embawang,Puchok iya baka puchok dalok asam.Dijarau aku sakali menya uchu sibau,Jengkau aku peda tak bebali jadi rambutan.Ditiki aku sakali menya uchu engkeranji,Peda tak bebali jadi sanjan,Ke bebuah saribu machamNyelinting takang.\\nNya alai dia aku ninga kangau,Anak Bujang Lemambang Empeliau,Nyerumba kilau petang silam,Ninga tunggah gendang rayah,Ke deduah ngeluah ari seregahRumah jejempan.Nya alai nuan apai Sabit Bekait,Kitai ga udah nuntong datai ditu,Ari menoa kitai di tisau langit,Baka lilit labong kanggan.Nuan ninggal ka beruru batu pengait,Penarit duit wang ayam.Nuan Keling datai ari menoa nuan empu,Ari tinting Panggau Libau,Nuan ninggal ba beruru batu taring,Ubat penyelinting pengelurus tikam.Nuan Raja Tandok datai ariLubok ai nyurok,Ninggal ka taring uting tandok pelandok,Ubat penundok madam ka seruan.Nuan Tutong datai ariGelong Batu Nakong,Ninggal ka beruru batu anggong,Ubat beruntong kena besimpan.Nya alai aku empu ko Menjaya,Ninggal ka beruru batu segala,Tampong genuling taring uting ngeli baya,Nya ga ubat bisa pemadu nama saribu sakang.\\nMenjaya Raja Manang ngamboh tuboh orang ka sakit ditanju.Nya baru dayoh-dayoh betebang ipoh,Nyadoh ka tuboh kitai mansang ngamboh.Kati ko kitai ngamboh nadai putan,Kati ko kitai nempa nadai tempan?Nya baru betukol ka chambul raban kuran,Betetak ka chagak bedil meriam.Tebang batang galau gerungang,Nyadoh ka tuboh ngiga arang.Bantai ka rangki naban ka beringan,Bantai ka pelaga leka kelam.Sapa randa kitai dituTau nempa kepala tukang?Uji kangau ka Silit-Ilit,Ngemata ka tasik ledong linang.Enti ngamboh Selampandai,Anang ngayah nyambil beduan.Enti nuan ngamboh nempa Selampeta,Anang ngasa beduan pangan.Nuan anang baka ke ngambohSida Batang Lupar,Agi salah pijar bilai tenchang.Pemulai nya bisi rita datai ba aku,Nya mun sida Batang Lupar,Tak abis kedal tangkal belakang.Enti nuan ngamboh Selampetoh,Anang baka nuan ke ngambohSida Lemanak,Agi salah kelubak genting pinggang.Nya mun sida LemanakKe abis kapak tumbong beruang.\\nNyangka amat meh nya MenjayaKo Selampandai,Agi kelia rambau menya aku besirat,Bechap tanda repaya labang.Tang diatu aku nyau belanchongSelong besetik rangki.Nyadi rambau kelia agi menya,Amat aku agi betingga tampong gerunjong,Ke bekelapong tating bangkang,Tang kamaiatu aku udah jadiChelong Manang Bali.\\nNya baru benyut-benyut daun ensunut,Nyadoh ka tubohSapa tandang kitai tau muput?\\nUji kangau ka DanggutKe berakal chukop serak semilan.Uji kangau ka DanggohPangkoh tuboh lemi dekuan.Nya alai puput dengutEnggi tudah Danggut,Munyi terantang gendang Laut,Ke seranyut nindok ka tuan.Puput lubah enggi tudah Danggut,Munyi terantang gendang rayah,Ke belubah ngelaki lanjan.Peda tak nyau chinang-chinang,Besi undang melakang ketam,Tak kijap-kijap besi umatMansau redam.Lalu japai besi bilai,Dipanggai ka ba tempan.Lalu ditanggong besi salumpong,Dipanggai ka ba menasan.Baru tempa tatok tudah Selampandai,Munyi belatok nerantang dan.Tempa empit enggi Selampandai,Baka kepit labi bulan.Nya baru tak bebinat besi umat,Ke bebinat mesai chapan.Peda tak lalu bebatakBesi pandak manjai lengan.\\nNya baru dayuh-dayuh betebang ipoh,Tandang kitai sapa tukang landik nyepoh?Tak sepoh kuning enggi SelampandaiBesiring gadong,Sepoh sayat ngambi ka iyaNgarat sampai ka ujong.\\nLalu digama SelampandaiEnggau tapa jari kanan,Nama tu ukai lampangBelembang besi balan deh?Nama tu tak Apai Tengkuai Nepan,Ke lama udah sakitNyerak kulit rusok kanan.Tang enti iya udah dikamboh Selampetoh,Udah ditempa SelampetaUdah digulai Selampandai,Nya baru antu penyakit rariBetarit angkat ngaban.Nya alai udah bekau nyaBaru iya begamal melan-melan,Disema ka kitai ngagaiMenyaung tuchong Satugan Bulan,Ke enda kala kena tutokTelian ujan laboh jarang.\\nNya baru iya ngamaEnggau tapa jari megai,Nama tandang tu ukai lampang besi bilai,Nama tu tak Indai Tengkechong Burong Ruai,Ke lama udah sakit nyerak kulit enda nyamai?Tang enti iya udah dikamboh Selampetoh,Udah ditempa SelampetaUdah digulai Selampandai,Nya baru jayak iya tampakDi seletak panau bungai,Nya baru jali iya tinggiDi lepi sanggul silai.Nya baru kitai nyema ka iya,Di sakayu perunu rumah panjai,Ngagai jempayang batang tapang bekumbai,Pun iya ke ditambun berurun rampang bungai,Ke betelaga mesai pinggai,Betengkebok mesai ruai,Pendai Beragai Jaloh nerantang.Kitai ga sama ninga beritaPuchok tapang bekumbai,Tiap hari ninting lemai,Seruran bemunyi rengai-rengai,Mesan ka bentai tali tekang.\\nNya baru anak pitak ke kebak,Mantang di awak buku siku.Nyadoh kitai betuboh,Mulai ka Bunsu Antu.Apai Keling gaga pulai,Ngagai menoa raya iya empu,Ka Tinting Kaling Alu.Apai Tutong gaga pulai,Ka menoa raya iya empu,Ka Tuchong Tangkong Saribu.Raja Menjaya pulai sereta,Ka menoa iya empu,Ka Engkeleman Bulan Baru.Jelapi Manang Bali sama pulai,Ka tempiri Langit Tinggi,Mai menyadi iya Bunsu Antu.\\nNya baru tebang gerunggang Ruyak di batang,Nyadoh ka tubohMulai ka samengat Lemambang.\\nLemambang Sampang Gading,Pulai ka menoa iya empu,Ka Tinting Pinang Muring,Ke bebuah nyelinting takang.Pinta bekal sida di gelenggang,Batang Bangkit lada,Enggau ja jantau jentawang.Nya baru chuat-chuat bunga lensat,Pechal duat lemambang tupai.\\nNyadoh kitai betuboh mulai ka samengat,Pulai samengat ka tempiri langit landai,Baka lepi sanggul silai.Pulai samengat ka landong langit jebong,Ke begamal lepong-lepong,Baka jerubong bangkong panjai,Sama nyelinting menoa kitai.Sama betunda udi sakaki,Sama sarintai.Nya baru nuja tangga,Ke bengkeramba anak tupai,Ngembing dinding sanggitKeriring bunchol bebendai.Nya baru nepan ngagaiJematan Bujang Rangkang Kirai,Sama nangga ujan nyala,Ke nerata laboh bekaberai.\\nSama nengkanjong tuboh lempong,Nampok di tuchong Rabong Gegiai,Lebih gayu kitai ko antu,Bunsu Selampandai.\\nPosted by Iban Dulu Kelia at 00:21 No comments:\\n← Asal Iban nemu ngena atau babi Gawai Batu →","num_words":8526,"character_repetition_ratio":0.049,"word_repetition_ratio":0.0,"special_characters_ratio":0.164,"stopwords_ratio":0.104,"flagged_words_ratio":0.0,"lang_id_score":0.978,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Adat Lewi 8 BK - Ku TUHAN bejaku ngagai Moses, “Bai - Bible Search\\nAdat Lewi 7 Adat Lewi 9\\nAdat Lewi 8\\nNyiri Aron Enggau Bala Anak Lelaki Iya Nyadi Imam\\n1Ku TUHAN bejaku ngagai Moses, 2“Bai Aron enggau bala anak lelaki iya ngagai mua pintu Langkau Kain Aku, lalu bai pekayan imam, minyak tata, siku sapi ti lelaki ti agi biak nyadika piring pengampun dosa, dua iku bedus ti lelaki, enggau bakul ti ngundan roti ti enda beragi, 3lalu gempuruka semua orang Israel ba penama ngagai Langkau Kain TUHAN.”\\n4Moses lalu ngereja nitihka pesan TUHAN, lalu ngempuruka semua orang Israel ba penama ngagai Langkau Kain TUHAN. 5Moses lalu bejaku enggau sida, “Utai ti baru deka dikereja aku diatu nya utai ti udah diasuh TUHAN kereja aku.”\\n6Moses lalu mai Aron enggau bala anak lelaki iya ke mua, lalu ngasuh sida mandi. 7Iya ngerasukka baju enggau baju ti panjai ba Aron, enggau belulang ba punggung iya. Iya ngengkahka epod ba Aron, lalu nanchangka epod nya erat ngena belulang ti melit punggung Aron. 8Iya ngengkahka terabai dada ba Aron, lalu nyimpan Urim enggau Tumim dalam terabai dada nya. 9Moses ngerasukka labung ba pala Aron, lalu ba mua labung nya Moses ngelekatka perengka emas nyadika tanda ti kudus kena ngelai Aron udah diserahka ngagai TUHAN nitihka pesan TUHAN ngagai Moses.\\n10Udah nya Moses ngambi minyak tata, lalu nata langkau sembiang nya, enggau ngagai semua utai ti dalam langkau sembiang nya, kena nyerahka semua utai nya ngagai TUHAN. 11Moses ngambi sekeda minyak tata nya, lalu mechikka minyak nya tujuh kali ngagai alta, enggau ngagai semua pekekas alta nya, sereta enggau ngagai bisin enggau penuduk iya, kena nyerahka semua utai nya ngagai TUHAN. 12Moses nuang sekeda minyak tata nya ba pala Aron, kena iya nyiri Aron. 13Udah nya, Moses mai bala anak lelaki Aron ke mua, lalu ngerasukka baju ba sida, melitka belulang ba punggung sida, lalu nanchangka selapuk ba pala sida, nitihka pesan TUHAN.\\n14Udah nya Moses lalu mai siku jelu sapi ti lelaki, ti agi biak nyadika piring pengampun dosa. Aron enggau bala anak iya ngengkahka jari sida ba pala jelu nya. 15Moses lalu nyayat jelu nya, lalu ngambi sekeda darah nya, lalu ngena tunjuk iya, malitka darah nya ngagai tanduk alta, kena nyerahka alta nya ngagai TUHAN. Udah nya iya nuang teda darah nya ba kaki alta nya. Nya meh chara iya nyerahka alta nya ngagai TUHAN. 16Moses lalu ngambi semua lemak ti malut semua perengka dalam, isi ti pemadu manah ari atau jelu nya, enggau semua tungkul sengayuh, sereta enggau semua lemak ti malut tungkul sengayuh nya empu, lalu nunu semua utai nya retung ba alta. 17Iya ngambi teda bangkai jelu sapi nya, nyengkaum kulit, isi, enggau sengkilung perut, lalu nunu utai nya di luar kem, nitihka pesan TUHAN.\\n18Udah nya, Moses mai siku bedus ti lelaki nyadika piring tunu. Aron enggau bala anak lelaki iya lalu ngengkahka jari sida ba pala jelu nya. 19Moses lalu nyayat jelu nya, lalu ngunsaika semua darah jelu nya ngagai semua empat iti tisi alta nya. 20-21Iya netak bedus nya, masu perengka dalam, enggau kaki belakang, lalu nunu pala, lemak, enggau perengka bukai ba alta, nitihka pesan TUHAN. Piring ti ditunu tu nyadika piring ti diberi ngena api ngagai TUHAN, lalu bau iya ngerinduka ati TUHAN.\\n22Udah nya, Moses mai bedus ti lelaki ti kedua, ti udah diungkup kena nyiri orang nyadi imam, lalu Aron enggau bala anak lelaki iya ngengkahka jari sida ba pala jelu nya. 23Moses lalu nyayat jelu nya, ngambi sekeda darah iya, lalu malitka darah nya ngagai rambing pending kanan Aron, ngagai tunjuk indu jari kanan iya, enggau ngagai tunjuk indu kaki kanan iya. 24Udah nya, Moses mai bala anak lelaki Aron ke mua, lalu malitka darah nya mimit ngagai rambing pending kanan sida, ngagai tunjuk indu jari kanan, enggau tunjuk indu kaki kanan sida. Udah nya Moses ngunsaika teda darah nya ngagai semua empat iti tisi alta. 25Iya ngambi lemak, lemak ti ba pun iku, semua lemak ti malut semua perengka dalam, isi atau ti pemadu manah, semua tungkul sengayuh, enggau lemak ti malut sida, enggau kaki belakang ti ari kanan. 26Udah nya iya ngambi siti tuku roti ari bakul ti ngundan roti ti enda beragi, ti udah diserahka ngagai TUHAN, siti tuku roti ti digaga ngena minyak, enggau sesingkap roti ti mipau, lalu ngengkahka semua utai nya ba atas lemak enggau kaki belakang ti ari kanan. 27Iya ngengkahka semua pemakai nya ba jari Aron, enggau ba jari bala anak lelaki iya, lalu sida nyerahka semua utai nya nyadika piring ngagai TUHAN. 28Udah nya Moses ngambi pemakai nya ari sida, lalu nunu utai nya ba alta, atas piring tunu, nyadika piring kena nyiri sida. Tu nyadika piring ti diberi ngena api, lalu bau iya ngerinduka ati TUHAN. 29Udah nya Moses lalu ngambi isi dada, lalu nyerahka utai nya ngagai TUHAN nyadika pemeri ti manah. Tu ungkup ke Moses ari bedus ti dikena nyiri bala imam. Moses ngereja semua utai nya nitihka pesan TUHAN. 30Moses lalu ngambi minyak tata, enggau darah ari alta, lalu mechikka utai nya ngagai Aron enggau ngagai bala anak lelaki iya, enggau ngagai pekayan sida. Nya meh chara Moses nyerahka sida enggau pekayan sida ngagai TUHAN.\\n31Ku Moses bejaku enggau Aron enggau bala anak lelaki iya, “Bai isi dagin nya ngagai penama Langkau Kain TUHAN. Panduk dagin nya, lalu empa iya dia, sama enggau roti ti ari bakul piring ti dikena nyiri bala imam, nitihka pesan TUHAN. 32Tunu teda dagin tauka teda roti. 33Kita enda tau angkat ari penama ngagai Langkau Kain TUHAN dalam kandang tujuh hari, nyentuk ngagai maya pengawa nyiri imam udah tembu. 34TUHAN udah ngasuh kitai ngereja utai baka ke udah dikereja kitai sehari tu tadi, kena muai dosa kita. 35Kita enda tau enda diau ba penama ngagai Langkau Kain TUHAN, siang malam, dalam kandang tujuh hari, ngereja utai ti udah diasuh TUHAN. Enti kita enda, kita deka mati. Tu utai ti udah dipadahka TUHAN ngagai aku.” 36Nya alai Aron enggau bala anak lelaki iya, ngereja semua utai ti udah dipadahka TUHAN ngena Moses.","num_words":987,"character_repetition_ratio":0.088,"word_repetition_ratio":0.019,"special_characters_ratio":0.207,"stopwords_ratio":0.357,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"RUU puntan ketegal pengelemi atur sekretariat - KM - Suara Sarawak\\nRUU puntan ketegal pengelemi atur sekretariat – KM\\n“Enti sida sekretariat ti bejalaika ubah tu manah ngereja pengawa sida, tentu ulih mai pemujur lalu bisi pemutus ti manah entara kededua piak.”\\nKUCHING: Pemuntan ubah dalam Rang Undang-Undang (RUU) Konstitusyen Perintah Besai (Ubah) 2019 ketegal ari pengelemi sida sekretariat ngatur pengawa.\\nKepala Menteri Abang Johari Tun Openg madah Menteri Besai Tun Dr Mahathir Mohamad chukup lurus bekaul enggau ubah tauka pengawa ngadu baru Sempekat Malaysia 1963 (MA63).\\n“Enti sida sekretariat ti bejalaika ubah tu manah ngereja pengawa sida, tentu ulih mai pemujur lalu bisi pemutus ti manah entara kededua piak.\\n“Ubah tu patut bisi pengawa berandau betunga mua enggau manah,” ku Abang Johari rambau pengarang berita pengudah pengawa nutup Program Certified Intergrity Officer (CeIO) ba begunan Kaunsil Nengeri (Dun) Lama, kemari.\\nIya madah ba pun randau pasal pindaan nya, semua bejalai enggau manah.\\n“Tang lebuh kami meda ubah nya enda baka pekara dipinta kami, nya kebuah kami bisi pemutus baka ke diatu.\\n“Pekara ti patut bisi dalam ubah nya iya nya entara konstitusyen enggau MA63,” ku iya madah.\\nLebuh dirandau raban media, Abang Johari madah deka bisi aum baru bekaul enggau pekara nya dudi hari.\\nNERANG… Abang Johari lebuh dirandau raban media begunan Dun Lama, kemari.","num_words":200,"character_repetition_ratio":0.073,"word_repetition_ratio":0.126,"special_characters_ratio":0.193,"stopwords_ratio":0.18,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Lagu 96—​Bup Ari Petara​—Reta Ti Berega | Lagu Kristian\\nBACHA DALAM JAKU Afrikaans Albanian Amharic Armenian Aymara Azerbaijani Azerbaijani (Cyrillic) Baoule Bassa (Cameroon) Bicol Bislama Boulou Bulgarian Cebuano Chichewa Chitonga Chitonga (Malawi) Chitumbuka Chiyao Cibemba Cinyanja Croatian Dangme Douala Dutch English Ewe Fijian Fon French Ga German Greek Guarani Gun Haitian Creole Hiligaynon Hungarian Iban Icelandic Iloko Italian Karen (S'gaw) Kikaonde Kikongo Kikuyu Kiluba Kinyarwanda Kirghiz Kiribati Kirundi Korean Krio Kurdish Kurmanji (Caucasus) Kwangali Kwanyama Latvian Lhukonzo Lingala Lithuanian Luganda Luvale Macedonian Macua Malagasy Mambwe-Lungu Mapudungun Mauritian Creole Melayu Myanmar Ndau Ngangela Nias Norwegian Nzema Oromo Ossetian Otetela Pangasinan Papiamento (Curaçao) Persian Pijin (Cameroon) Polish Ponapean Portuguese Quechua (Ayacucho) Quechua (Cuzco) Russian Samoan Sena Serbian Serbian (Roman) Seychelles Creole Shona Silozi Sinhala Spanish Swahili Swedish Tagalog Tahitian Tatar Telugu Thai Tigrinya Tshiluba Turkish Twi Ukrainian Wolaita Yoruba\\nBup Ari Petara​—Reta Ti Berega\\n(Jaku Dalam 2:1)\\n1. Bisi siti bup ti mayuh belambar,\\nTi mai pengelantang ke mensia.\\nBisi kuasa ngembuan runding manah;\\nMeri pengadang enggau penampak\\nBup Kudus tu endang ari Petara.\\nSemua Jaku Iya ditulis mensia,\\nAri sida ti rinduka Jehovah,\\nke diiri roh kudus Petara.\\n2. Sida nulis utai digaga Iya,\\nBaka ni dunya raya ditempa.\\nMensia keterubah enda bedosa,\\nTang kati Paradais ulih lenyau.\\nSida mega nulis pasal melikat,\\nke ngelaban ’ngau nyakal kuasa Iya.\\nTu ngujungka dosa enggau penusah,\\nTang tentu Jehovah deka menang.\\n3. Maya nya kitai deka gaga ati:\\nJehovah udah milih Raja Iya.\\nDiatu kitai madah berita manah,\\nPasal pengadang enggau berekat.\\nAri bup tu tetemuka pengaga;\\n’Ngau mayuh pemendar tau dikunsi.\\nTu meri pengelantang ngagai mensia;\\nReta tu patut dibacha semua.\\n(Peda mega 2 Tim. 3:16; 2 Pet. 1:21.)\\nBup Ari Petara​—Reta Ti Berega (Lagu 96)","num_words":250,"character_repetition_ratio":0.054,"word_repetition_ratio":0.0,"special_characters_ratio":0.186,"stopwords_ratio":0.116,"flagged_words_ratio":0.0,"lang_id_score":0.959,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nembiak umur dua taun dirampit Covid-19 ari Kluster Besi – Suara Sarawak – Bukan Sekadar Akhbar\\nYou are here:Home-RUAI-Nembiak umur dua taun dirampit Covid-19 ari Kluster Besi\\nKUCHING: Nembiak umur dua taun entara siku ari enam kes baru kena rampit Covid-19 ngaul Kluster Besi ngujungka bisi 11 iku nyengkaum kes indeks.\\nNaka 12 tengahari kemari, bisi 301 iku udah diperesa ke alai 11 kes ditemu positif (enam kes baru), 284 iku negatif enggau enam iku agi nganti pemutus.\\nSekretariat Komiti Penyangga Penusah Ngenyit Nengeri Sarawak (JPBNS) madahka Sarawak ngerikod lapan kes baru nya enam kes ba Kuching enggau dua kes ba Miri ngujungka kes nambah ngagai 1,053.\\nKu iya, kes ke 1046 nya siku nembiak lelaki pulai ari Kuala Lumpur enggau sangkai ba Padang Bilun Miri enggau udah dipasuk ba palan kuarantin pengelama 14 hari.\\nPia mega ku iya, kes ke 1047 nya siku indu peranak menua ditemu positif nengah pengawa nyidi kontak semak iya nya kes ke 987 enggau menyadi indu k eke 987 tu tadi.\\nBekaul enam kes baru ba Pelilih Kuching nya, kes ke-1048 ngagai 1053 nya diri sebilik ti diau sebilik enggau bisi kontak semak ngagai kes ke-1043 enggau 1044 sereta semua sida udah dipasuk ba wad isolasyen Sepital Besai Sarawak (SGH).\\nSemua kes nya peranak menua ti mega apai, indai, diri menyadi enggau anak menyadi ngagai kes ke-1043 enggau 1044 ke alai sida tu siku lelaki enggau lima iku indu beumur dua ngagai 56 taun.\\nNaka kemari, bisi enam kluster agi ngerekai baka Kluster Besi, Kluster Jalan Abell, Kluster Baki, Kluster Seladah, Kluster Greenhill enggau Kluster Wisma Saberkas.\\nKemari, 16 kes baru udah suman enggau dikemendar pansut ari sepital ngujungka kes suman nambah ngagai 962 iku tauka 91.36 peratus.\\nBisi 72 iku agi diperubat ba wad isolasyen ke alai 63 kes ba SGH enggau semilan kes ba Sepital Miri lalu siti kes agi begunaka kereban kena enseput ba SGH.\\n21 PUI baru dirikodka enggau dua PUI agi nganti pemutus makmal seraya kes pemati mengkang 19 iku tauka 1.80 peratus.\\nBy Isabella Inchang|2020-11-20T17:11:02+08:00November 20th, 2020|Categories: RUAI|0 Comments\\nARKIB Select Month January 2021 (804) December 2020 (684) November 2020 (779) October 2020 (744) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":333,"character_repetition_ratio":0.06,"word_repetition_ratio":0.012,"special_characters_ratio":0.317,"stopwords_ratio":0.195,"flagged_words_ratio":0.0,"lang_id_score":0.997,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bup 1 Samuel* madahka pasal utai ti nyadi entara rambau menua Israel dipegai bala pengulu enggau dipegai raja. Ubah ti nyadi ba pengidup orang Israel besangkut-paut enggau tiga iku orang: Samuel, ti nyadi pengulu ti penudi; Saul, ti nyadi raja ti keterubah; enggau David. Utai ti dikereja David sebedau iya nyadi raja berasuk enggau cherita pasal pengidup Samuel seduai Saul.\\nTema bup tu, baka jerita bukai dalam Sempekat Lama, madahka penetap ati mensia ngagai Allah Taala tau ngasuh pengidup orang nya mujur. Tang pengidup ti enda ngasika Allah Taala mai pengerusak. Tu terang amat disebut dalam pesan ngagai imam Eli dalam 2.30: “Aku deka bebasaka orang ke ngemesaika Aku, lalu Aku enggai bebasaka orang ke enda ngemesaika Aku.”\\nBup tu madahka pasal orang ke minta diri dipegai raja, enggau orang ke enggai dipegai raja. Iya ti bendar, TUHAN Empu ti nyadi Raja orang Israel. Tang laban orang Israel minta TUHAN meri sida raja, Iya lalu milih siku raja ke sida. Tang utai ti enda tau enda ditemu nya, raja ke megai sida, enggau orang Israel ke dipegai iya, endang di baruh Perintah Allah Taala magang (2.7-10). Dalam adat Allah Taala, hak semua mensia, nemuka sida nya kaya, tauka seranta, endang enda tau dibuai.\\nSamuel nyadi pengulu orang Israel (1.1-7.17)\\nSaul nyadi raja (8.1-10.27)\\nUtai ti nyadi lebuh Saul belabuh nyadi raja (11.1-15.35)\\nDavid enggau Saul (16.1-30.31)\\nPemati Saul enggau anak lelaki iya (31.1-13)\\nElkanah Enggau Sida Sebilik Di Siloh\\n1 Nyadi di nengeri Ramah, di menua ti bebukit di menua Epraim, bisi siku lelaki benama Elkanah anak Jeroham, uchu Elihu, ari ruang bilik Tohu, ari raban peturun Sup.\\n2 Elkanah bisi dua iku bini; nama siku Hanah, lalu nama siku Peninah. Peninah bisi anak, tang Hanah nadai anak.\\n3 Elkanah bejalai tiap taun ari Ramah mansang nyembah lalu ngenjuk piring ngagai TUHAN ti Pemadu Bekuasa di Siloh, alai dua iku anak lelaki Eli, Hopni seduai Pinehas ke bekereja nyadi imam TUHAN.\\n4 Genap kali Elkanah ngenjuk piring, iya meri siti ungkup ari dagin nya ngagai bini iya, Peninah, enggau siti ungkup ngagai genap iku anak lelaki enggau anak indu Peninah.\\n5 Tang taja pen Elkanah rinduka bini iya Hanah, iya semina meri siti aja ungkup ngagai Hanah, laban TUHAN udah nagang Hanah bisi anak.\\n6 Peninah selalu ngeleseka Hanah ngambika iya ringat, laban TUHAN nagang Hanah beranak.\\n7 Utai tu nyadi ari taun siti ngagai taun siti. Genap kali Hanah mansang ngagai Rumah TUHAN, Peninah selalu ngeleseka iya, datai ke Hanah nyau nyabak, lalu enggai makai.\\n8 Laki iya selalu nanya iya, “Hanah, nama kebuah nuan nyabak, enda makai, lalu selalu tusah ati? Kati aku tu kurang agi beguna ba nuan ari sepuluh iku anak lelaki?”\\nHanah Seduai Eli\\n9 Nyadi sekali, lebuh sida udah badu makai ngirup di Siloh, Hanah angkat. Nyadi imam Eli duduk ngimbai tiang pintu rumah TUHAN.\\n10 Ati Hanah balat amat tusah, lalu iya balat amat nyabak besampi ngagai TUHAN.\\n11 Hanah lalu besumpah, ku iya, “TUHAN ti Pemadu Bekuasa, enti Nuan deka merening ngagai pemerinsa aku ke nembiak Nuan, lalu ingatka aku, lalu meri aku siku anak lelaki, aku deka nyerahka iya ngagai TUHAN sepemanjai umur iya, lalu buk iya deka digalau enda diguntin.”\\n12 Hanah majak besampi ngagai TUHAN, lalu Eli beratika mulut iya.\\n13 Iya besampi dalam ati diri; semina mulut iya aja ti kimut-kimut, tang iya enda bemunyi. Nya alai Eli ngumbai iya mabuk,\\n14 lalu ku Eli bejaku enggau iya, “Ni pengelama nuan mandangka diri mabuk baka tu? Anang agi ngirup!”\\n15 Tang ku Hanah nyaut, “Aku ukai mabuk, tuan; ati aku balat tusah; aku nadai ngirup wain tauka ai ti bisa; aku semina mantaika penusah aku ngagai TUHAN.\\n16 Anang ngumbai aku jai. Aku besembiang baka tu laban ati aku balat irau sereta tusah.”\\n17 Eli lalu nyaut iya, “Mupuk meh nuan enggau selamat. Awakka Allah Taala ke disembah orang Israel meri ngagai nuan utai ti dipinta nuan.”\\n18 Lalu ku Hanah bejaku ngagai Eli, “Awakka nuan selalu manah runding pasal aku.” Hanah lalu mupuk, makai mimit, lalu mua iya enda agi tusah.\\nSamuel Ada Lalu Diserahka Ngagai TUHAN\\n19 Elkanah enggau sida sebilik dani tumu pagi hari siti, lalu nyembah TUHAN; udah nya sida mulaika diri ke Ramah. Elkanah beleman enggau bini iya Hanah, lalu TUHAN ingatka Hanah.\\n20 Hanah ngandung, lalu ngadaka anak lelaki siku, lalu iya meri iya nama Samuel. Ku Hanah, “Aku udah minta iya ari TUHAN.”\\n21 Maya pen datai alai Elkanah enggau sida sebilik deka mansang baru ngagai Siloh, lalu ngenjuk piring ti diberi sida ninting taun ngagai TUHAN, enggau siti piring ti pemadu manah ti udah disemaya iya.\\n22 Tang sekali tu Hanah enda enggau sida. Ku iya madahka ngagai laki iya, “Lebuh anak mit tu udah badu nusu ila, aku deka mai iya ngagai rumah TUHAN, lalu iya deka diau dia seumur idup.”\\n23 Disaut Elkanah, “Barang ku jaku. Kereja aja utai ti ku ati nuan, nganti nuan udah badu agi nusuka iya. Awakka TUHAN ngamatka semaya Iya.” Nya alai Hanah diau di rumah, nusuka anak iya, nyentuk ngagai maya iya badu nusu.\\n24 Lebuh Hanah udah badu agi nusuka anak mit nya, iya lalu mai anak mit nya ngagai Siloh, mai siku sapi ti lelaki ti umur tiga taun, sepuluh kilogram tepung, enggau sekambut wain. Iya mai Samuel ngagai Rumah TUHAN di Siloh, taja pen Samuel agi biak.\\n25 Lebuh sida udah nyayat jelu sapi nya, sida lalu mai anak mit nya ngagai Eli.\\n26 Ku Hanah bejaku enggau Eli, “Tuan, aku tu meh indu ke dipeda nuan bediri ditu besampi ngagai TUHAN.\\n27 Iya tu meh anak ke dipinta aku ari TUHAN, lalu TUHAN udah nyaut sampi aku.\\n28 Nya alai aku diatu nyerahka iya ngagai TUHAN. Seagi-agi iya idup, iya diserahka ngagai TUHAN.” Hanah lalu ninggalka Samuel dia ke TUHAN.\\n1 Hanah lalu besampi: “TUHAN meri aku pengaga,\\n2 enggau pengering; Aku ketawaka munsuh aku, laban aku gaga ati ke pengelepas aku. “Nadai orang ke kudus baka TUHAN, nadai orang ke sebaka enggau Nuan; nadai orang ke nyaga baka Allah Taala kami.\\n3 Badu agi nuan temegah bejaku. Anang agi nuan bejaku sumbung, laban TUHAN nya Allah Taala ti nemu semua utai, lalu Iya ngakim semua utai ti dikereja orang.\\n4 Panah bala soldadu ti kering udah patah, tang orang ke lemi nyadi kering.\\n5 Orang ke udah kenyang dulu suba diatu minta orang ngaji sida ngambika sida bisi utai dipakai, tang orang ke lapar, enda agi lapar. Indu ke mandul udah ngadaka tujuh iku anak, tang indai ke mayuh anak, nyau nadai agi anak.\\n6 TUHAN munuh, lalu TUHAN mega ngidup. TUHAN mai orang ngagai dunya pemati lalu Iya mega ngangkatka sida.\\n7 Iya ngasuh sekeda orang seranta, lalu sida ti bukai kaya. Iya ngemaruhka sekeda, lalu ngeninggika sekeda.\\n8 Iya ngangkatka orang ke seranta ari amau lalu ngangkatka orang ke seranta ari pemerinsa sida, lalu ngasuh sida duduk begulai enggau bala raja,lalu ngasuh sida dibasa orang. Pugu dunya tu endang enggi TUHAN, lalu Iya udah nudukka dunya ba atas pugu nya.\\n9 “Iya nyaga bala nembiak Iya ke tetap ati ngagai Iya, tang orang ke jai deka dibuai ngagai dunya pemati; laban orang enda ulih menang ngena pengering diri empu.\\n10 TUHAN deka ngerusak munsuh Iya. Iya deka meletup munyi guntur ngelaban sida ari serega. TUHAN deka ngakim semua dunya. Iya deka meri pengering ngagai raja ke dipilih Iya. Iya deka meri kuasa ngagai raja ke dipilih Iya.”\\n11 Udah nya Elkanah pulai ngagai rumah iya di Ramah, tang anak mit nya, Samuel, diau di Siloh, lalu bekereja ke TUHAN di baruh imam Eli.\\nBala Anak Lelaki Eli\\n12 Nyadi anak lelaki Eli ke dua iku nya orang ke jai. Seduai iya enda bebasaka TUHAN,\\n13 Adat asal entara sida imam enggau orang mayuh nya baka tu: lebuh orang ngenjuk piring, ulun imam datai, lebuh dagin nya benung melidih dipanduk,\\n14 iya ngerejangka serampang ti bemata tiga ngagai dagin ti benung dipanduk nya, lalu sebarang utai ti ulih direjang serampang nya diempu imam. Nya alai nya adat asal ti dipejalaika sida di Siloh ngagai semua orang Israel.\\n15 Nambahka nya, sebedau lemak ditunu, ulun imam datai, lalu bejaku ngagai orang ke ngenjuk piring, “Beri dagin ngambika bisi dipanggang imam; laban iya enggai nerima dagin ti udah dipanduk, tang dagin ti agi mata.”\\n16 Lalu enti orang ke ngenjuk piring nya nyaut, “Awakka sida nunu lemak dulu. Udah nya baru nuan tau ngambi sepemayuh ti dikedekaka nuan,” ulun imam nya deka bejaku, “Anang baka nya; nuan enda tau enda meri dagin nya diatu; enti nuan enggai, utai nya aku rampas ari nuan lagi!”\\n17 Nya alai, di mua TUHAN, dosa ti dikereja anak lelaki Eli ke dua iku nya besai amat, laban seduai iya enda bebasaka piring TUHAN.\\nSamuel Di Siloh\\n18 Lebuh maya nya, Samuel, ti agi benung nembiak, majak bekereja ke TUHAN. Iya ngena epod ti digaga ari kain linin.\\n19 Lalu indai iya tiap taun ngaga selambar baju panjai ti mit ke Samuel, lalu mai baju nya ngagai Samuel, lebuh iya nyempulang laki iya ngenjuk piring ti diberi genap taun.\\n20 Eli lalu merekatka Elkanah enggau bini iya, ku iya, “Awakka TUHAN meri ngagai nuan anak ti bukai ulih bini nuan, kena nganti siku tu ti udah diserahka bini nuan ngagai TUHAN.” Udah nya, seduai iya pulai ke rumah.\\n21 TUHAN merekatka Hanah, lalu iya ngadaka tiga iku agi anak lelaki, enggau dua iku anak indu. Samuel mansang besai, sereta majak bekereja ke TUHAN.\\nEli Enggau Anak Lelaki Iya\\n22 Nyadi Eli diatu nyau tuai. Iya selalu ninga pasal semua utai ti dikereja anak lelaki iya ngagai orang Israel, pasal seduai iya ke tinduk enggau sida indu ke bekereja ba penama ngagai Langkau Kain TUHAN.\\n23 Lalu ku iya bejaku enggau seduai iya, “Nama kebuah seduai ngereja utai tu? Laban aku ninga semua orang bela nusui penyai ti dikereja seduai.\\n24 Seduai enda tau baka nya, anak. Berita pasal seduai ngelekai ngagai semua nembiak TUHAN, lalu berita nya enda manah.\\n25 Enti orang bedosa ngelaban pangan diri, Allah Taala ulih bejaku ngarika iya. Tang enti orang bedosa ngelaban TUHAN, sapa ulih bejaku ngarika orang nya?” Tang seduai iya enggai mendingka apai seduai, laban TUHAN endang deka munuh seduai iya.\\n26 Samuel mansang besai, sereta dikerinduka TUHAN enggau mensia.\\nJaku TI Benabi Ninggang Ruang Bilik Eli\\n27 Siku nabi lalu datai ngagai Eli mai pesan tu ari TUHAN: “Lebuh aki ini nuan Aron enggau sida sebilik agi nyadi ulun raja menua Ejip, Aku udah mandangka Diri ngagai Aron.\\n28 lalu Aku milih ruang bilik iya ari semua raban bansa orang Israel nyadika imam Aku, bekereja ba alta, nunu menyan, lalu ngena epod betanyaka utai ngagai Aku. Lalu Aku udah meri ngagai ruang bilik iya hak nyimpan sebagi ari piring tunu ba alta nya.\\n29 Nya alai, nama kebuah kita amuka piring enggau pemeri ti dipinta Aku ari bala nembiak Aku? Nama kebuah nuan, Eli, lebih agi bebasaka anak lelaki nuan ari nuan ke bebasaka Aku, lalu nejuka seduai iya gemu bepakaika ungkup ti pemadu manah ari semua piring ti diberi bala nembiak Aku ngagai Aku?\\n30 Aku, TUHAN Allah Taala ke disembah orang Israel, udah besemaya dulu kelia, madahka ruang nuan enggau raban peturun nuan deka bekereja ke Aku nyadi imam belama iya. Tang diatu Aku madahka ngagai nuan, Aku enda begunaka semaya nya agi; laban Aku bebasaka orang ke bebasaka Aku, lalu Aku nyumpah orang ke enda bebasaka Aku.\\n31 Dinga nuan, maya deka datai alai Aku deka munuh semua orang bujang dalam ruang bilik nuan, enggau dalam raban peturun nuan, ngambika nadai siku lelaki ari ruang bilik nuan deka panjai umur.\\n32 Kita deka tusah ati lalu deka ngining semua berekat ti deka diberi Aku ngagai orang Israel ti bukai, tang nadai siku kita sebilik deka panjai umur.\\n33 Tang taja pia, Aku deka ngasuh siku ari peturun nuan idup, lalu iya deka bekereja ke Aku nyadi imam. Tang iya deka buta, sereta nadai pengandal, lalu semua peturun nuan deka mati dibunuh ngena pedang.\\n34 Anak lelaki nuan ke dua iku, Hopni seduai Pinehas, deka mati sama hari, kena nunjuk ke nuan, semua utai ti udah disebut Aku deka dikamatka magang.\\n35 Aku deka milih siku imam ti deka tetap ati ngagai Aku, ti deka ngereja semua utai ti diasuh Aku. Aku deka meri iya peturun, ke seruran deka bekereja di mua raja ke dipilih Aku.\\n36 Semua bala peturun nuan ti agi idup, deka mansang ngagai imam nya lalu minta duit enggau pemakai, sereta minta pemendar nyaup bala imam, kena sida ngulihka pemakai.”\\nTUHAN Pegari Ngagai Samuel\\n1 Lebuh maya nya menya, lebuh Samuel agi biak, lalu bekereja ke TUHAN di baruh Eli, nadai mayuh pesan datai ari TUHAN, lalu genera pen jarang mega dipeda.\\n2 Nyadi sekali, lebuh Eli, ke nyau deka buta, tinduk dalam bilik iya,\\n3 lampu Allah Taala apin dipadamka, Samuel tinduk ba Endur ti Kudus, alai Peti Lampang Batu Adat Allah Taala disimpan.\\n4 TUHAN ngangauka Samuel. Samuel lalu nyaut, “Au, tuan!”\\n5 Iya lalu belanda ngagai Eli, ku iya, “Nuan bisi ngangauka aku: tu aku.” Tang ku Eli nyaut, “Nadai aku ngangauka nuan. Tinduk meh nuan.” Samuel lalu pulai lalu gali baru.\\n6 TUHAN lalu ngangauka Samuel baru. Samuel angkat lalu mansang ngagai Eli, lalu bejaku, “Nuan bisi ngangauka aku. Tu aku.” Tang ku Eli bejaku, “Nadai aku ngangauka nuan, anak. Tinduk meh nuan.”\\n7 Nyadi Samuel apin nemu TUHAN, lalu jaku TUHAN pen apin mega dipandangka ngagai iya.\\n8 TUHAN lalu ngangauka Samuel ketiga kali. Samuel angkat, mansang ngagai Eli, lalu bejaku, “Nuan bisi ngangauka aku; tu aku.” Nya baru Eli nemu, TUHAN Empu ke ngangauka nembiak nya.\\n9 Nya alai iya lalu bejaku enggau Samuel, “Pulai nuan ngagai peninduk nuan. Enti Iya ngangauka nuan baru, sebut, ‘Bejaku meh TUHAN. Nembiak Nuan mending.’ “ Samuel lalu pulai baru ngagai peninduk iya.\\n10 TUHAN datai lalu bediri dia, lalu Iya ngangau baka ke dulu, “Samuel! Samuel!” Samuel lalu nyaut, “Bejaku meh, TUHAN. Nembiak Nuan mending.”\\n11 TUHAN lalu bejaku ngagai Samuel, “Dinga nuan, Aku baru deka ngereja utai ngagai orang Israel, datai ke semua orang ke ninga pasal utai nya deka temati-kutu.\\n12 Ba hari nya ila Aku deka ngukum ruang bilik Eli, munyi ti udah disemaya Aku.\\n13 Aku madahka ngagai iya, Aku deka ngukum ruang bilik iya belama iya, ketegal penyai ti ditemu iya, laban anak lelaki iya bejaku busung ngelaban Allah Taala, lalu iya enda nagang seduai iya.\\n14 Nya alai Aku besumpah ngelaban ruang bilik Eli, madahka penyai ti dikereja ruang bilik iya enda ulih dibuai ngena genselan tauka piring datai ke belama iya.”\\n15 Samuel mengkang gali nyentuk ngagai pagi. Udah nya iya muka pintu rumah TUHAN. Iya takut madahka genera nya ngagai Eli.\\n16 Tang Eli ngangauka iya, “Samuel, anak!” “Tu aku,” ku Samuel nyaut.\\n17 Eli lalu bejaku, “Nama utai ti dipadahka TUHAN ngagai nuan? Anang ngelalaika utai nya ari aku. Awakka Allah Taala ngukum nuan, enti nuan ngelalaika utai ti dipadahka Iya ngagai nuan.”\\n18 Samuel lalu madahka semua utai ngagai iya. Iya enda ngelalaika utai ari Eli. Ku Eli, “Iya endang TUHAN. Awakka Iya ngereja utai ti manah ba ati Iya.”\\n19 Samuel mansang besai tuai, lalu TUHAN meruan enggau iya, lalu ngamatka semua utai ti disebut Samuel.\\n20 Lalu semua orang Israel kenyau ari Dan nyentuk ngagai Berseba bela nemu Samuel endang amat nabi TUHAN.\\n21 Lalu TUHAN mandangka Diri baru di Siloh, alai Iya ke pegari di mua Samuel ngena jaku TUHAN.\\nPeti Lampang Batu Adat Dirampas Munsuh\\n1 Semua orang Israel bela mendingka jaku Samuel. Lebuh maya nya, orang Israel deka mansang nyerang orang Pilistin; sida nirika kem sida di Ebeneser, lalu orang Pilistin nirika kem sida di Apek.\\n2 Orang Pilistin lalu nyerang orang Israel. Lebuh sida udah bebendar amat belaban, orang Israel lalu alah laban orang Pilistin; kira empat ribu iku orang Israel mati laban orang Pilistin ba endur alai sida ke betempuh nya.\\n3 Lebuh orang Israel pulai ngagai kem sida, bala tuai orang Israel lalu nanya, “Nama kebuah TUHAN nejuka kitai alah laban orang Pilistin sehari tu? Aram kitai ngambi Peti Lampang Batu Adat TUHAN ari Siloh, ngambika TUHAN bejalai enggau kitai, lalu ngelepaska kitai ari kuasa munsuh kitai.”\\n4 Sida lalu ngasuh bala seruan ngambi Peti Lampang Batu Adat TUHAN ari Siloh, laban kerusi diraja TUHAN ti Pemadu Bekuasa bisi ba atas Peti Lampang Batu Adat nya. Anak lelaki Eli ke dua iku, Hopni seduai Pinehas, datai sama enggau Peti Lampang Batu Adat nya.\\n5 Lebuh Peti Lampang Batu Adat nya datai ba kem, orang Israel lalu manjung datai ke tanah nyau berenyang empa penginggar panjung sida.\\n6 Lebuh orang Pilistin ninga orang Israel manjung, sida lalu nanya, “Nama utai ti dipanjungka orang Hebrew?” Lebuh sida ninga Peti Lampang Batu Adat TUHAN udah datai ba kem orang Hebrew,\\n7 sida lalu takut. Ku sida, “Siku petara udah datai ba kem sida! Nadai meh penyadi kitai tu! Nadai utai baka tu udah kala nyadi menya!\\n8 Tulah meh kitai tu! Sapa ulih ngelepaska kitai ari bala petara ti bekuasa nya? Sida nya meh petara ti munuh orang Ejip ngena semua macham penyakit di menua puang!\\n9 Anang takut, kita orang Pilistin! Awakka kita beperang baka anak lelaki, enggai ke kitai nyadi ulun orang Hebrew, baka sida ke udah nyadi ulun kita. Beperang baka anak lelaki!”\\n10 Nya alai orang Pilistin nyerang, lalu orang Israel alah laban sida. Orang Israel lalu rari ngagai rumah diri empu. Mayuh amat orang Israel mati. Tiga puluh ribu iku sida mati.\\n11 Peti Lampang Batu Adat Allah Taala lalu ditabanka munsuh. Anak Eli, Hopni seduai Pinehas, mega mati.\\n12 Siku orang Benjamin belanda ari endur ti betempuh lalu datai di Siloh sehari nya. Gari iya nyau abis charik lalu pala iya abis dibalut tanah.\\n13 Lebuh iya datai, Eli benung duduk ba kerusi iya ngimbai jalai raya, ngemata, laban iya irau ati ke Peti Lampang Batu Adat Allah Taala. Lebuh orang nya datai di nengeri nya, lalu nusui berita nya, semua orang di nengeri nya lalu nyabak magang.\\n14 Lebuh Eli ninga munyi orang balat amat nyabak, iya lalu nanya, “Nama kebuah orang inggar?” Orang nya lalu beguai-guai mansang ngagai Eli, lalu madahka ngagai iya. (\\n15 Umur Eli nyau semilan puluh lapan taun, lalu mata iya nyau rabun lalu enda lansik agi.)\\n16 Ku orang nya madahka ngagai Eli, “Aku udah ngerarika diri ari endur alai kami ke betempuh enggau munsuh, lalu udah belanda kitu sehari tu.” Eli lalu nanya iya, “Kati ku baka perang nya, anak?”\\n17 Seruan nya lalu nyaut, “Orang Israel udah rari ari orang Pilistin. Mayuh amat bala kami mati! Anak lelaki nuan, Hopni seduai Pinehas, mega mati, lalu Peti Lampang Batu Adat Allah Taala udah ditabanka munsuh!”\\n18 Lebuh orang nya madahka pasal Peti Lampang Batu Adat nya, Eli lalu rebah telentang ari kerusi iya ngimbai pintu penama nya. Pegu iya patah lalu iya mati, laban iya nyau tuai sereta kelalu gemu. Iya udah nyadi pengulu orang Israel empat puluh taun.\\nPemati Balu Pinehas\\n19 Nyadi menantu indu Eli, iya nya bini Pinehas, benung betubuh-bisi, lalu nyau deka beranak. Lebuh iya ninga Peti Lampang Batu Adat Allah Taala udah ditabanka munsuh, lalu mentua iya ti lelaki enggau laki iya pen udah mega mati, iya pedis perut, lalu beranak.\\n20 Lebuh iya baru deka ngapuska seput, bala bidan ke nyaup iya lalu bejaku enggau iya, “Anang tusah ati! Nuan bisi siku anak lelaki!” Tang iya enggai mendingka utai ti disebut sida, lalu iya enda nyaut.\\n21 Iya meri anak mit nya nama Ikabot. Ku iya nerangka nama nya, “Mulia Allah Taala udah ninggalka orang Israel.” Iya bejakuka pasal Peti Lampang Batu Adat ti udah ditabanka munsuh, enggau pasal pemati mentua iya ti lelaki, enggau pemati laki iya.\\n22 Ku iya bejaku, “Mulia Allah Taala udah ninggalka orang Israel, laban Peti Lampang Batu Adat Allah Taala udah ditabanka munsuh.”\\nPeti Lampang Batu Adat Ba Jari Orang Pilistin\\n1 Lebuh orang Pilistin udah nabanka Peti Lampang Batu Adat nya, sida lalu mai peti nya ari Ebeneser ngagai Asdot.\\n2 Sida lalu mai Peti Lampang Batu Adat nya ngagai rumah sembiang petara sida ke benama Dagon, lalu ngengkahka Peti nya ngimbai engkeramba Dagon.\\n3 Tumu pagi hari siti, orang di Asdot meda engkeramba Dagon rebah tingkap ba tanah di mua Peti Lampang Batu Adat TUHAN. Sida lalu ngangkatka engkeramba nya, lalu nirika iya baru.\\n4 Tang lebuh sida dani tumu pagi hari siti, sida meda engkeramba nya udah rebah baru di mua Peti Lampang Batu Adat nya. Sekali tu pala enggau lengan dua piak engkeramba nya udah putus, lalu garing-garing ba pintu penama. Ka semina bukang tubuh engkeramba nya aja agi tinggal. (\\n5 Nya kebuah nyentuk ngagai sehari tu, bala imam Dagon enggau semua orang ke nyembah iya, enda tau ngindik semetung mua pintu rumah sembiang Dagon.)\\n6 TUHAN balat amat ngukum orang Asdot, sereta ngenakutka sida. Iya ngukum sida, enggau orang ke diau di menua ti ngelingi nengeri nya, ngena penyakit bengkak.\\n7 Lebuh sida meda utai nya balat amat nyadi, sida lalu bejaku, “Kitai enda tau nyimpan Peti Lampang Batu Adat tu agi; laban Allah Taala ke disembah orang Israel balat amat ngukum kitai.”\\n8 Nya alai sida mesanka semua raja orang Pilistin, lalu nanya ngagai sida, “Kati ku kitai enggau Peti Lampang Batu Adat Allah Taala ke disembah orang Israel tu?” Sida raja nya lalu nyaut, “Bai Peti nya ngagai Gat.” Nya alai sida lalu mai Peti nya ngagai nengeri Gat.\\n9 Tang lebuh Peti Lampang Batu Adat nya datai dia, TUHAN mega ngukum orang di nengeri nya, ti ngujungka orang dia balat amat begau abis ati. TUHAN ngukum sida ngena penyakit bengkak ti tumbuh ba semua orang ke biak enggau ke tuai di nengeri nya.\\n10 Nya alai sida lalu nganjung Peti Lampang Batu Adat nya ngagai Ekron. Tang lebuh Peti nya datai di Ekron, orang dia lalu bejaku, “Sida udah mai Peti Lampang Batu Adat Allah Taala ke disembah orang Israel kitu, ngambika Peti nya munuh kitai semua!”\\n11 Sida lalu mesanka semua raja orang Pilistin baru, ku sida, “Anjung Peti Lampang Batu Adat orang Israel nya pulai ngagai endur iya empu, ngambika iya enda munuh kitai enggau ruang bilik kitai.” Laban semua orang di nengeri nya begau abis ati laban Allah Taala balat amat ngukum sida.\\n12 Indah orang ke enda mati deh diempa bengkak, datai ke sida nyau nyabak minta tulung petara sida.\\nPeti Lampang Batu Adat Dipulaika Baru\\n1 Peti Lampang Batu Adat TUHAN disimpan orang Pilistin tujuh bulan.\\n2 Orang Pilistin lalu mesanka bala imam enggau bala orang ke tau keramat, lalu nanya ngagai sida, “Kati ku kitai enggau Peti Lampang Batu Adat TUHAN tu? Padahka ngagai kami, nama utai ti deka diberi kitai lebuh kitai nganjung Peti nya pulai?”\\n3 Disaut sida, “Enti kita nganjung Peti Lampang Batu Adat Allah Taala ke disembah orang Israel nya pulai, kita enda tau nejuka Peti nya pulai puang, tang ngenjuk piring kena muai penyalah. Nya baru kita digeraika, lalu nemu kebuah Allah Taala ke disembah orang Israel udah ngukum kita.”\\n4 “Nama piring ti deka diberi kitai ngagai Allah Taala nya?” ku orang mayuh nanya. “Lima iti anak patung bengkak ti digaga ari emas, enggau lima iku anak patung tikus ti digaga ari emas, siti ke siku raja orang Pilistin. Penyakit nya udah nyerang semua kita, nyengkaum raja empu.\\n5 Kita enda tau enda ngaga anak patung ke bengkak enggau tikus ti ngerusak menua kita, lalu ngemuliaka Allah Taala ke disembah orang Israel, nyangka Iya deka badu agi ngukum kita, ngukum petara enggau menua kita.\\n6 Nama kebuah kita ngekiehka diri baka orang Ejip enggau raja sida? Anang enda ingatka chara Allah Taala udah ngemelika sida, datai ke sida nyau nejuka orang Israel angkat ari menua Ejip.\\n7 Nya alai sediaka kerita ti baru, enggau dua iku sapi ti indu, ti nadai kala dikungkung. Tanchangka kerita nya ngagai jelu dua iku nya, tang buru anak sapi nya pulai ngagai bansal.\\n8 Ambi Peti Lampang Batu Adat TUHAN, lalu engkahka Peti nya dalam kerita nya. Simpan dalam siti peti anak patung ti dikirumka nyadika piring kena muai penyalah, lalu engkahka peti nya ngimbai Peti Lampang Batu Adat nya. Buru sapi dua iku nya ngambika seduai iya mupuk lalu narit kerita nya.\\n9 Kemataka kerita nya mupuk. Enti kerita nya mansang tunga ngagai nengeri Bet-semes, nya nunjukka Allah Taala ke disembah orang Israel Empu udah ninggang kitai enggau penusah ti besai tu. Tang enti kerita nya enda mansang tunga ngagai nengeri Bet-semes, nya baru kita nemu TUHAN nadai ngukum kitai ngena penyakit tu. Utai tu endang nyadi pia aja.”\\n10 Sida lalu ngereja nya, ngambi dua iku sapi ti indu, lalu nanchangka kerita ngagai sapi dua iku nya, lalu ngandang anak sapi nya dalam bansal.\\n11 Sida ngengkahka Peti Lampang Batu Adat nya dalam kerita nya, sama enggau siti peti ti ngundan anak patung tikus enggau anak patung bengkak ti digaga ari emas.\\n12 Sapi nya lalu mupuk nengah jalai raya nuju ngagai Bet-semes. Sapi dua iku nya enda ngetu bemunyi lebuh seduai iya bejalai. Bala raja orang Pilistin nitihka sapi dua iku nya nyentuk ngagai garis entara menua enggau Bet-semes.\\n13 Nyadi orang ke diau di Bet-semes benung ngetau gandum ba lebak. Lebuh sida malik, lalu tepedaka Peti Lampang Batu Adat TUHAN, sida lalu rami gaga meda Peti Lampang Batu Adat nya.\\n14 Kerita nya lalu datai ba umai Josua, ti diau di Bet-semes, lalu ngetu dia. Nyadi ba endur nya bisi sigi batu ti besai; lalu sida melah kayu ari kerita nya kena menyadika api, lalu sida ngenjuk sapi dua iku nya nyadika piring ngagai TUHAN.\\n15 Orang Lewi lalu nurunka Peti Lampang Batu Adat TUHAN, enggau peti ti ngundan anak patung ti digaga ari emas, lalu ngengkahka Peti Lampang Batu Adat enggau peti ti ngundan anak patung nya ba batu ti besai nya. Udah nya orang ke diau di Bet-semes lalu ngenjuk piring tunu enggau piring bukai ngagai TUHAN.\\n16 Lebuh raja orang Pilistin ke lima iku nya udah meda nya, sida lalu mulaika diri sehari nya ngagai Ekron.\\n17 Nya meh lima igi engkeramba bengkak ti digaga ari emas, ti diberi orang Pilistin ngagai TUHAN nyadika piring kena muai penyalah sida, sigi ke genap nengeri Asdot, Gasa, Askelon, Gat enggau Ekron.\\n18 Sida mega meri engkeramba tikus ti digaga ari emas, siku ke genap buah nengeri ti dipegai raja Pilistin ke lima iku nya, nyengkaum nengeri ti mit ti bekuta enggau genturung pendiau ti enda bekuta. Batu ti besai nya, ti ba umai Josua, ti alai sida ngengkahka Peti Lampang Batu Adat TUHAN, agi mengkang dia nyadika saksi utai ti udah nyadi.\\n19 TUHAN munuh tujuh puluh iku lelaki ari Bet-semes, laban sida bisi nilik ke dalam Peti Lampang Batu Adat nya. Orang mayuh lalu ngulit, laban TUHAN udah munuh mayuh amat bala sida.\\nPeti Lampang Batu Adat Di Kiriat-jearim\\n20 Ku orang di Bet-semes bejaku, “Sapa ulih bediri di mua TUHAN Allah Taala ti kudus? Kini ke tunga Peti nya deka mupuk?”\\n21 Nya alai sida lalu ngasuh bala seruan bejalai ngagai orang ke diau di Kiriat-jearim, “Orang Pilistin udah mulaika Peti Lampang Batu Adat TUHAN. Datai kitu lalu ambi Peti nya.”\\n1 Orang ke di Kiriat-jearim datai lalu ngambi Peti Lampang Batu Adat TUHAN, lalu mai Peti nya ngagai rumah orang siku ke benama Abinadap, ti diau ba sigi munggu. Sida lalu ngasuh anak iya ke benama Eleasar ngibun Peti nya.\\nSamuel Merintah Menua Israel\\n2 Peti Lampang Batu Adat TUHAN nya lama disimpan di Kiriat-jearim, kira dua puluh taun. Sekumbang maya nya semua orang Israel nyabak ngangauka TUHAN.\\n3 Samuel lalu bejaku ngagai semua orang Israel, “Enti kita pulai baru ngagai TUHAN enggau pengabis ati kita, kita enda tau enda muai semua petara orang bansa bukai, enggau engkeramba petara indu Astarte. Serahka diri enggau pengabis ati kita ngagai TUHAN, lalu sembah Iya siku aja; nya baru Iya deka ngelepaska kita ari jari orang Pilistin.”\\n4 Orang Israel lalu muai semua engkeramba Baal enggau Astarte, lalu nyembah semina TUHAN siku aja.\\n5 Udah nya Samuel bejaku, “Asuh semua orang Israel begempuru di Mispah; aku deka besampi ngarika kita ngagai TUHAN.”\\n6 Semua orang Israel lalu begempuru di Mispah. Sida nyauk ai, lalu nuang ai nya ngagai piring ti diserahka ngagai TUHAN, lalu bepasa sehari nya. Ku sida, “Kami udah bedosa ngelaban TUHAN.” (Mispah nya meh endur alai Samuel ti nyadi tuai orang Israel.)\\n7 Lebuh orang Pilistin ninga orang Israel udah begempuru di Mispah, raja orang Pilistin ke lima iku nya lalu mansang nyerang orang Israel. Lebuh orang Israel ninga nya, sida lalu takut.\\n8 Orang Israel lalu bejaku enggau Samuel, “Anang ngetu besampi ngagai TUHAN Allah Taala kitai, ngarika semua kitai, ngambika Iya ngelepaska kitai ari jari orang Pilistin.”\\n9 Samuel lalu nyayat siku anak domba ti agi nusu, lalu nyerahka jelu nya nyadika piring tunu ngagai TUHAN. Udah nya iya lalu besampi ngagai TUHAN ti orang Israel; TUHAN lalu nyaut sampi iya.\\n10 Lebuh Samuel benung ngenjuk piring tunu ngagai TUHAN, orang Pilistin lalu nyerang. Tang TUHAN meletup munyi guntur ari langit ngelaban sida. Orang Pilistin lalu begau abis ati, lalu rari ari orang Israel.\\n11 Bala orang Israel lalu mupuk ari Mispah, begagaika orang Pilistin, lalu munuh sida nyentuk ngagai semak ngagai Bet-kar.\\n12 Udah nya Samuel ngambi sigi batu, ngengkahka batu nya entara Mispah enggau Sen, lalu ku iya bejaku, “TUHAN udah nyaup kitai sepemanjai jalai tu.” Iya lalu ngumbai batu nya “Batu Penyaup.”\\n13 Orang Pilistin alah, lalu sida nadai agi tama ngagai menua orang Israel. Jari TUHAN mengkang ngelaban orang Pilistin sepemanjai umur Samuel.\\n14 Semua nengeri ti udah dirampas orang Pilistin ari orang Israel, dipulaika magang ngagai orang Israel, berengkah ari Ekron nyentuk ngagai Gat. Nya alai orang Israel ngerampas menua sida empu ari jari orang Pilistin. Orang Israel enggau orang Amor lalu diau bebaik enggau pangan diri.\\n15 Samuel nyadi tuai menua Israel seumur idup.\\n16 Iya nemuai genap taun ngagai nengeri Betel, Gilgal enggau Mispah, lalu ngatur pechara orang ba genap buah nengeri nya.\\n17 Udah nya iya pulai baru ngagai rumah iya di Ramah, alai iya ke mega nyadi hakim. Iya ngaga siti alta di Ramah ke TUHAN.\\nOrang Israel Minta Siku Raja\\n1 Lebuh Samuel nyau tuai, iya ngeletak anak lelaki iya nyadi hakim di menua Israel.\\n2 Nama anak tuai iya Joel, lalu iya ke biak agi Abijah. Seduai iya nyadi hakim di Beer-seba.\\n3 Tang taja pia, seduai iya enda nitihka teladan apai seduai, tang limpang begigaka pengaya; seduai iya makai suap, lalu meri atur ti enda lurus lebuh seduai iya ngatur pechara.\\n4 Bala tuai orang Israel begempuru, lalu mansang ngagai Ramah deka betemu enggau Samuel.\\n5 Ku sida bejaku enggau iya, “Dinga nuan, nuan nyau tuai, lalu anak nuan enda nitihka teladan nuan. Nya alai letak siku orang nyadika raja kami, ngambika kami bisi raja baka bansa bukai.”\\n6 Samuel enda lantang ati ninga peminta sida, nya alai iya besampi ngagai TUHAN.\\n7 TUHAN lalu bejaku enggau Samuel, “Pendingka semua utai ti disebut sida ngagai nuan; laban sida ukai nulak nuan, tang nulak Aku ke endang Raja sida.\\n8 Kenyau ari Aku udah mai sida pansut ari menua Ejip, sida udah ninggalka Aku, lalu nyembah petara bukai, lalu diatu sida ngereja ngagai nuan utai ti seruran deka dikereja sida ngagai Aku.\\n9 Nya alai, pendingka sida, tang nuan enda tau enda meri sida jaku tangkan ngena sumpah, lalu padahka jalai raja sida deka megai sida.”\\n10 Samuel lalu madahka jaku TUHAN ngagai orang ke minta iya meri sida siku raja.\\n11 Ku iya bejaku, “Baka tu ku gaya raja ti deka megai kita: iya deka ngambi anak lelaki kita lalu ngasuh sida ngemudika kerita perang iya, nyadi soldadu ti nepan kuda, lalu sida ti bukai deka belanda ari mua kerita perang iya.\\n12 Iya deka ngasuh sekeda sida nyadi kepala ke beribu iku soldadu, nyadi kepala ke lima puluh iku, lalu sekeda deka diasuh iya ngeradu tanah ba umai iya, ngetau utai ti ditanam ba umai iya, enggau begagaka senyata perang enggau pekekas ke kerita perang iya.\\n13 Iya deka ngambi anak indu kita ngambika sida bisi ngaga minyak wangi ke iya, berapi ke iya, ngaga roti ke iya.\\n14 Iya deka ngambi tanah kita ke pemadu manah, kebun anggur kita, kebun buah kana kita, lalu meri utai nya ngagai bala pemesai iya.\\n15 Iya deka ngambi sepuluh peratus ari gandum kita, ari buah anggur kita, lalu meri utai nya ngagai bala pemesai iya, enggau ngagai bala orang gaji iya.\\n16 Iya deka ngambi orang gaji kita, jelu sapi ti pemadu manah enggau keledai kita, lalu ngasuh sida gawa ke iya.\\n17 Iya deka ngambi sepuluh peratus ari jelu tupi kita, lalu kita empu deka nyadi ulun iya.\\n18 Lebuh maya nya ila, kita deka balat mutap ketegal raja ti udah dipilih kita empu, tang TUHAN enggai mendingka putap kita.”\\n19 Tang orang mayuh enggai mendingka Samuel. Ku sida, “Kami minta siku raja,\\n20 ngambika kami sebaka enggau bansa bukai, bisi raja ke diri empu merintah kami, lalu nguluka kami beperang, lalu belaban ngarika kami.”\\n21 Lebuh Samuel udah mendingka jaku orang mayuh, iya lalu madahka semua jaku sida ngagai TUHAN.\\n22 Lalu ku TUHAN bejaku ngagai Samuel, “Pendingka jaku sida, lalu beri sida siku raja.” Udah nya Samuel lalu ngasuh semua orang pulai.\\nSaul Betemu Enggau Samuel\\n1 Nyadi di menua nya bisi siku lelaki ke kaya, ke dibasa orang mayuh. Nama iya Kis anak Abiel, uchu Seror, uchu Bekorat, uchu Apiah, ari raban bansa Benjamin;\\n2 lalu iya bisi siku anak lelaki benama Saul, ke sigat gamal, sereta agi benung orang. Nadai orang di menua Israel ke sigat agi ari iya; iya sekaki tinggi agi ari semua orang bukai di menua Israel.\\n3 Nyadi sekali sekeda jelu keledai Kis bisi lelang. Nya alai iya bejaku enggau Saul, “Bai siku orang gaji enggau nuan, lalu giga keledai nya.”\\n4 Saul enggau orang gaji nya lalu bejalai nengah semua menua ti bebukit di menua Epraim, enggau menua Salisah, tang nadai tetemuka jelu nya. Nya alai seduai iya lalu bejalai nengah menua Saalim, tang keledai nya nadai dia. Udah nya seduai iya bejalai nengah menua Benjamin, tang seduai iya mengkang nadai tetemuka keledai nya.\\n5 Lebuh seduai iya datai di menua Sup, Saul bejaku enggau orang gaji iya, “Aram tua pulai, enggai ke apai balat agi irauka tua, ari ke irauka keledai nya.”\\n6 Ku orang gaji nya nyaut, “Dinga nuan, di nengeri tu bisi siku nabi, ke balat dibasa orang, laban semua utai ti disebut iya dikamatka magang. Manah tua betemu enggau iya, nyangka iya ulih madahka endur alai tua tau nemu keledai nya.”\\n7 Saul lalu nanya iya, “Enti tua deka betemu enggau iya, nama utai ti tau diberi tua ngagai iya? Laban bekal tua nyau udah abis, lalu tua pen nadai mega utai ti tau diberi tua ngagai iya. Nama utai ti dikemisi tua?”\\n8 Ku orang gaji nya nyaut, “Aku bisi sesingkap duit pirak. Aku tau meri duit nya ngagai iya, ngambika iya madahka endur alai tua tau nemu keledai nya.”\\n9-11 Ku Saul nyaut, “Manah penemu nuan nya! Aram tua mupuk.” Seduai iya lalu mansang ngagai nengeri nya ti alai nabi nya diau. Lebuh seduai iya benung niki bukit mansang ngagai nengeri nya, seduai iya betemu enggau bala indu ke mansang nyauk. Seduai iya lalu nanya sida indu nya, “Kati tukang tujum bisi di nengeri tu?” (Lebuh maya nya kelia, nabi dikumbai tukang tujum. Nya alai lebuh orang deka nanyaka utai ngagai Allah Taala, sida selalu nyebut, “Aram betemu enggau tukang tujum.”)\\n12 “Bisi,” ku sida indu nya nyaut. “Nyin iya bejalai dulu ari seduai. Laju agi seduai; iya baru datai, laban orang ditu deka miring ba endur alai besembiang sehari tu lagi.\\n13 Lebuh seduai tama ngagai nengeri lagi, seduai ulih nemu iya, sebedau iya mansang makai ngagai endur alai besembiang; laban orang mayuh enggai makai sebedau iya datai, laban iya enda tau enda merekatka piring. Udah nya baru bala pengabang makai. Mupuk meh seduai, ngambika seduai ulih betemu enggau iya.”\\n14 Saul enggau orang gaji iya lalu niki ngagai nengeri nya. Lebuh seduai iya tama ngagai nengeri nya, seduai iya lalu tepedaka Samuel pansut nuju seduai iya, deka mansang ngagai endur alai besembiang.\\n15 Nyadi sehari sebedau nya, TUHAN endang udah madahka ngagai Samuel munyi tu,\\n16 “Ba urung maya tu pagila, Aku deka ngasuh siku lelaki ari raban bansa Benjamin betemu enggau nuan. Tata iya nyadi raja ke bala nembiak Aku Israel. Iya deka ngelepaska sida ari orang Pilistin. Aku udah meda pemerinsa bala nembiak Aku, lalu Aku udah ninga sabak sida ke minta Aku nyaup sida.”\\n17 Lebuh Samuel meda Saul, TUHAN lalu bejaku enggau iya, “Nya meh lelaki ke dipadahka Aku ngagai nuan. Iya deka merintah bala nembiak Aku.”\\n18 Saul lalu mansang ngagai Samuel semak pintu penama nengeri nya, lalu nanya ngagai Samuel, “Padahka ngagai aku, dini alai tukang tujum diau?”\\n19 Ku Samuel nyaut, “Aku tu meh tukang tujum. Alai seduai bejalai dulu ngagai endur alai kitai deka nyembah TUHAN. Seduai deka makai enggau aku sehari tu. Pagila aku deka nyaut semua tanya nuan, lalu ngasuh seduai mupuk.\\n20 Nyadi pasal keledai ti lenyau tiga hari tu udah, anang irauka sida. Sida udah ditemu. Tang orang ke balat dikedekaka orang Israel, nya nuan enggau ruang bilik apai nuan.”\\n21 Ku Saul nyaut, “Aku datai ari raban bansa Benjamin, raban bansa ti pemadu mit di menua Israel, lalu ruang bilik aku enda tentu dikibuhka orang dalam raban bansa kami. Nya alai, nama kebuah nuan bejaku munyi tu ngagai aku?”\\n22 Samuel lalu nguluka Saul enggau orang gaji iya ngagai bilik siti ti besai, lalu ngasuh seduai iya duduk ba penuduk ba ujung mija, ti alai kira tiga puluh iku pengabang duduk.\\n23 Samuel lalu bejaku enggau orang ke berapi, “Bai dagin ti udah diberi aku ngagai nuan, ti udah diasuh aku galau nuan.”\\n24 Orang ke berapi nya lalu mai dagin ti endang udah dipilih, ti diambi ari isi kaki jelu, lalu ngengkahka dagin nya di mua Saul. Samuel lalu bejaku, “Tu dagin ti udah digalau aku ke nuan. Empa dagin nya. Aku udah ngalau dagin nya ke nuan ngambika bisi diempa nuan diatu begulai enggau orang ke diambi aku ngabang. Nya alai sehari nya Saul begulai makai enggau Samuel.\\n25 Lebuh sida nurun ari endur alai orang Israel ti nyembah TUHAN lalu mansang ngagai nengeri, orang nyendiaka siti peninduk ke Saul ba perabung rumah.\\n26 Saul lalu tinduk dia.\\nSamuel Nata Saul Nyadi Raja\\nBa urung dini hari, Samuel ngangauka Saul ke ba perabung rumah nya, “Saul, angkat. Aku deka ngasuh nuan pulai.” Saul angkat, lalu seduai iya Samuel sama pansut ngagai jalai raya.\\n27 Lebuh seduai iya datai ba tisi nengeri, Samuel lalu bejaku enggau Saul, “Asuh orang gaji nya bejalai dulu ari tua.” Orang gaji nya lalu mupuk, lalu ku Samuel nampung jaku iya, “Nganti ditu enda lama. Aku deka madahka ngagai nuan utai ti udah disebut Allah Taala.”\\n1 Udah nya Samuel ngambi sebutul mit minyak kana, lalu nuang minyak nya ba pala Saul, nyium Saul, lalu ku iya, “TUHAN nata nuan nyadi raja ke nembiak Iya orang Israel. Nuan deka merintah nembiak Iya, lalu nyaga sida ari semua munsuh sida. Tu tanda kena nunjukka nuan udah dipilih TUHAN nyadi raja ke bala nembiak Iya:\\n2 Lebuh tua beserara sehari tu lagi, nuan deka betemu enggau dua iku orang semak lumbung Rachel di Selsah, di menua Benjamin. Seduai iya deka madahka keledai ti digiga nuan udah ditemu, ngambika apai nuan enda agi irau ati ke keledai nya. Tang iya irau ati ke nuan. Iya seruran nanya, ‘Baka ni ku aku enggau anak aku nya?’\\n3 Nuan deka angkat ari endur nya lalu datai ba sepun kayu oak di Tabor. Dia nuan deka betemu enggau tiga iku orang ke mansang ngenjuk piring ngagai Allah Taala di Betel. Siku ari sida nya deka mai tiga iku kambin, siku deka mai tiga iti tuku roti, lalu iya ti ketiga deka mai siti kambut ti penuh laban wain.\\n4 Sida tiga nya deka nabi nuan, lalu meri ngagai nuan dua ari tiga iti tuku roti nya, lalu nuan enda tau enda nyambut roti nya.\\n5 Udah nya nuan deka bejalai ngagai bukit Allah Taala di Gibe-ah, alai ti bisi kem orang Pilistin. Ba pintu kuta nengeri nya nuan deka betemu enggau bala nabi ke nurun ari alta ti ba bukit nya. Sida nabi nya deka nebah belikan, dedumbak, kesuling, enggau engkeratung. Sida deka betanda sereta benabi.\\n6 Roh TUHAN deka tekala nya bekuasa ba nuan, lalu nuan deka betanda sereta manjung sama enggau sida, lalu nuan deka berubah lalu enda agi baka selama.\\n7 Lebuh utai tu nyadi, kereja aja sebarang utai ti diasuh Allah Taala kereja nuan.\\n8 Nuan deka bejalai dulu ari aku ngagai Gilgal. Aku deka betemu enggau nuan din, lalu ngenjuk piring tunu enggau piring pemaik. Nuan enda tau enda nganti tujuh hari din, nyentuk ngagai maya aku udah datai din, lalu madahka utai ti enda tau enda dikereja nuan.”\\n9 Lebuh Saul nguing deka beserara ari Samuel, Allah Taala ngubah Saul, lalu semua utai ti udah dipadahka Samuel, nyadi magang sehari nya.\\n10 Lebuh Saul enggau orang gaji iya datai di Gibe-ah, seraban bala nabi betemu enggau iya. Roh Allah Taala lalu tekala nya bekuasa ba Saul, lalu iya enggau bala nabi betanda sereta manjung.\\n11 Lebuh orang ke udah nemu iya dulu ari nya, meda iya ngereja nya, sida lalu nanya ngagai pangan diri, “Nama utai ti udah nyadi ba anak Kis? Kati Saul udah nyadi nabi?”\\n12 Siku orang ke diau dia lalu nanya, “Kati ku baka nabi ti bukai tu - sapa apai sida tu ku pikir kita?” Tu meh penatai jaku, “Kati Saul udah nyadi nabi?”\\n13 Lebuh Saul udah badu betanda lalu badu agi manjung, iya lalu mansang ngagai alta ti ba atas bukit nya.\\n14 Lebuh aya Saul meda Saul enggau orang gaji iya, iya lalu nanya, “Kini ke seduai tadi?” “Ngiga keledai,” ku Saul nyaut. “Lebuh kami duai nadai tetemuka raban keledai nya, kami duai lalu mansang ngagai Samuel.”\\n15 “Nama utai ti dipadahka iya ngagai nuan?” ku aya Saul nanya.\\n16 “Iya madahka jelu nya udah ditemu,” ku Saul nyaut, tang iya enda madahka ngagai aya iya utai ti udah disebut Samuel pasal iya ti deka nyadi raja.\\nSaul Dichiri Nyadi Raja\\n17 Samuel lalu mesanka orang mayuh begempuru di mua TUHAN di Mispah,\\n18 lalu ku iya bejaku enggau sida, “TUHAN Allah Taala ke disembah orang Israel bejaku munyi tu, ‘Aku udah mai kita pansut ari menua Ejip, lalu udah ngelepaska kita ari pengidup kita ke nyadi ulun orang Ejip, enggau ari semua orang ke udah nekanka pengidup kita.\\n19 Aku tu Allah Taala kita ke udah ngelepaska kita ari semua penusah enggau pemerinsa kita, tang sehari tu kita udah nulak Aku, lalu udah minta Aku meri kita siku raja. Barang ku jaku! Begempuru meh kita di mua TUHAN nitihka ripih raban bansa enggau ripih suku raban bansa kita.’ “\\n20 Udah nya Samuel lalu ngasuh siti-siti raban bansa mansang ke mua, lalu TUHAN milih raban bansa Benjamin.\\n21 Udah nya Samuel ngasuh ruang bilik ari raban bansa Benjamin mansang ke mua, lalu ruang bilik Matri kena pilih. Udah nya, bala lelaki ari ruang bilik Matri datai ke mua, lalu Saul anak Kis kena pilih. Sida lalu ngiga iya, tang lebuh sida nadai tetemuka iya,\\n22 sida lalu nanya ngagai TUHAN, “Kati bisi agi orang bukai?” TUHAN lalu nyaut, “Saul bisi din, belalai ba tugung pekekas.”\\n23 Sida lalu belanda kia, lalu mai Saul pansut betemu enggau orang mayuh, lalu sida meda iya sekaki tinggi agi ari orang bukai.\\n24 Ku Samuel bejaku enggau orang mayuh, “Tu meh orang ke udah dipilih TUHAN! Nadai orang bukai baka iya ba bala kitai tu.” Semua orang lalu manjung, “Gayu-guru raja!”\\n25 Samuel lalu nerangka ngagai orang mayuh pasal hak enggau pengawa raja. Udah nya iya nuliska utai nya dalam siti bup, ti diengkah iya ba endur ti kudus. Udah nya iya lalu ngasuh semua orang pulai.\\n26 Saul mega pulai ngagai Gibe-ah. Sekeda orang ke kering, ti udah ditegu Allah Taala ati, mupuk sama enggau Saul.\\n27 Tang ku sekeda orang ke nadai guna bejaku, “Baka ni ku orang tu tau meri penguntung ngagai kitai?” Sida mechat Saul, lalu enda mai pemeri ngagai iya.\\nSaul Ngalahka Orang Amon\\n1 Kira sebulan udah bekau nya, Raja Nahas orang Amon lalu nguluka bala soldadu iya nyerang lalu ngelulung nengeri Jabes di menua Giliat. Orang ke lelaki di Jabes lalu bejaku enggau Nahas, “Gaga siti sempekat enggau kami, nya baru kami deka nerima nuan nyadika raja kami.”\\n2 Disaut Nahas, “Aku endang deka ngaga siti sempekat enggau kita, tang nitihka atur tu: aku deka ngeruk igi mata kanan semua kita, kena ngemaluka semua orang Israel.”\\n3 Lalu ku bala tuai orang di Jabes bejaku, “Beri kami timpuh tujuh hari alai kami ngasuh bala seruan bejalai ngagai serata menua Israel. Enti orang nadai deka nyaup kami, nya baru kami nyerahka diri ngagai nuan.”\\n4 Bala seruan lalu datai di Gibe-ah, endur alai Saul diau; sida lalu madahka pekara nya ngagai orang mayuh; semua sida lalu bekeduie nyabak.\\n5 Nyadi lebuh maya nya Saul baru udah pulai ari umai mai dua iku sapi. Iya lalu nanya, “Nama utai ti ngenusahka ati kita? Nama kebuah kita nyabak?” Sida lalu madahka ngagai iya utai ti udah dipadahka bala seruan ke datai ari Jabes.\\n6 Roh Allah Taala lalu bekuasa ba iya, lalu iya pedis ati.\\n7 Iya lalu ngambi dua iku sapi nya, ngelampang tubuh jelu dua iku nya, lalu ngasuh bala seruan mai lampang jelu nya, enggau jaku tangkan tu, ngagai serata menua Israel. “Barang sapa enda nitihka Saul enggau Samuel mansang beperang, sapi sida deka digaga baka tu!” Orang Israel lalu takutka utai ti deka dikereja TUHAN. Nya alai semua sida lalu nitihka Saul enggau Samuel mansang beperang.\\n8 Saul lalu ngempuruka sida di Besek, tiga ratus ribu iku ari Israel, enggau tujuh puluh ribu iku ari Judah.\\n9 Ku sida bejaku enggau bala seruan ke datai ari Jabes, “Padahka ngagai bala kita, sebedau tengah hari pagila, sida deka dilepaska.” Lebuh orang di Jabes nerima pesan nya, sida gaga amat ati.\\n10 Lalu ku sida bejaku enggau Nahas, “Kami deka nyerahka diri ngagai nuan pagila, lalu ngelakka nuan ngereja sebarang utai ti deka dikereja nuan ngagai kami.”\\n11 Malam nya Saul lalu magi bala iya ngagai tiga bengkah raban. Tumu pagi sida lalu mansang ngagai kem munsuh lalu nyerang orang Amon. Ba urung tengah hari, sida pen tembu bebunuhka bala orang Amon. Bala orang Amon ti agi idup lalu pambar, rari ngatika diri.\\n12 Udah nya orang Israel bejaku enggau Samuel, “Ni orang ke madahka Saul enda tau nyadi raja kitai? Serahka sida ngagai kami, ngambika kami munuh sida!”\\n13 Tang ku Saul, “Nadai orang tau dibunuh sehari tu, laban sehari tu TUHAN udah ngelepaska orang Israel.”\\n14 Lalu ku Samuel bejaku enggau sida, “Aram kitai mansang ngagai Gilgal, lalu sekali agi nyiri Saul nyadi raja kitai.”\\n15 Nya alai semua sida lalu mansang ngagai Gilgal. Sida lalu nyiri Saul nyadi raja ba endur ti kudus dia. Sida lalu ngenjuk piring pemaik. Saul enggau orang Israel lalu ngerami pengawa nya.\\nSamuel Bejaku Enggau Orang Israel\\n1 Udah nya Samuel lalu bejaku enggau orang Israel, “Aku udah ngereja utai ti dipinta kita. Aku udah meri kita raja ngambika bisi merintah kita.\\n2 Diatu iya bisi nguluka kita. Tang aku empu nyau tuai, nyau buban bulu pala, lalu bala anak aku bisi enggau kita. Aku udah nguluka kita kenyau ari aku agi bujang, nyentuk ngagai diatu.\\n3 Diatu aku bediri di mua kita. Enti aku bisi udah ngereja penyalah ngagai kita, awakka kita bedawaka aku diatu di mua TUHAN, enggau di mua raja ti udah dipilih Iya. Kati aku bisi udah kala ngambi sapi tauka keledai kita? Kati aku bisi udah kala nipu tauka nekanka pengidup kita? Kati aku bisi udah kala makai suap? Enti aku bisi udah ngereja utai nya, aku deka mayar utai ti udah diambi aku.”\\n4 Orang mayuh lalu nyaut, “Nadai kala. Nuan nadai kala nipu, tauka nekanka pengidup kami. Nuan nadai kala ngambi utai ari kami.”\\n5 Samuel lalu nyaut, “TUHAN enggau raja ti udah dipilih Iya deka nyadika saksi sehari tu ke kita ke nemu aku nadai penyalah.” “Awakka TUHAN nyadika saksi kami,” ku sida nyaut.\\n6 Ku Samuel nampung jaku iya, “TUHAN udah milih Moses seduai Aron, lalu udah mai aki ini kita pansut ari menua Ejip.\\n7 Nya alai anang mindah, laban aku deka bedawaka kita di mua TUHAN. Aku deka ngasuh kita ngingat ke semua kereja ti besai ti udah dikereja TUHAN kena Iya ngidupka nyawa kita enggau nyawa aki ini kita.\\n8 Lebuh Jakop enggau sida sebilik mansang ngagai menua Ejip, lalu orang Ejip nekanka pengidup sida, bala aki ini kita nyabak ngangauka TUHAN minta Iya nyaup sida. TUHAN lalu ngirumka Moses seduai Aron, lalu seduai iya mai sida pansut ari menua Ejip, lalu ngentapka sida diau di menua tu.\\n9 Tang orang mayuh enda ingatka TUHAN Allah Taala sida. Nya alai Iya lalu nejuka orang Pilistin enggau raja menua Moap, enggau Sisera, tuai soldadu ke di nengeri Hasor, nyerang aki ini kita lalu ngalahka sida.\\n10 Udah nya sida lalu nyabak minta saup TUHAN. Ku sida, ‘Kami udah bedosa, laban kami udah ninggalka Nuan, TUHAN, lalu udah nyembah engkeramba Baal enggau engkeramba Astarte. Lepaska kami ari munsuh kami, ngambika kami nyembah Nuan!’\\n11TUHAN lalu ngirumka Gideon, Barak, Jeptah, lalu ke pengujung iya, Iya ngirumka aku empu. Genap iku bala kami bela udah ngelepaska kita ari jari munsuh kita, lalu kita udah diau likun.\\n12 Tang lebuh kita meda Nahas, raja orang Amon baru deka nyerang kita, kita lalu nyingkirka TUHAN ti endang Raja kita, lalu ku kita bejaku enggau aku, ‘Kami minta siku raja ngambika iya bisi merintah kami.’\\n13 “Nya alai, tu raja ti udah dipilih kita. Kita udah minta iya, lalu diatu TUHAN udah meri iya ngagai kita.\\n14 Pengidup kita deka mujur enti kita nangika TUHAN Allah Taala kita, betuaika Iya, mendingka Iya, lalu ngasika pesan Iya, lalu kita enggau raja kita nitihka Iya.\\n15 Tang enti kita enda mendingka TUHAN, lalu enda ngasika pesan Iya, Iya deka nyerang kita enggau raja kita.\\n16 Nya alai, anang beguai-guai mupuk, ngambika kita ulih meda pengawa ti besai ti deka dikereja TUHAN.\\n17 Tu musin kemarau, ukai enda? Tang aku deka besampi, lalu TUHAN deka ngasuh hari beguntur sereta ujan. Lebuh utai nya nyadi, nya baru kita deka nemu pemesai penyalah diri ngelaban TUHAN lebuh kita minta Iya meri kita raja.”\\n18 Samuel lalu besampi, lalu sehari nya TUHAN ngasuh hari beguntur sereta ujan. Udah nya semua orang mayuh takutka TUHAN enggau ke Samuel,\\n19 lalu ku sida bejaku enggau Samuel, “Tuan, kami minta nuan besampi ngagai TUHAN Allah Taala kitai, ngarika kami, ngambika kami enda mati. Diatu baru kami nemu, kelimpah ari dosa kami ke bukai, kami udah bedosa, laban kami udah minta siku raja.”\\n20 Ku Samuel nyaut, “Anang takut. Taja pen kita udah ngereja utai ti jai baka tu, anang mega kita ninggalka TUHAN, tang betuaika Iya enggau pengabis ati kita.\\n21 Anang nyembah engkeramba, laban sida enda ulih nyaup tauka ngidupka kita, laban sida nya ukai utai ti bendar.\\n22 TUHAN udah besumpah enggai ninggalka kita, laban Iya udah mutuska penemu deka ngaga kita nyadika nembiak Iya.\\n23 Nyadi pasal aku empu, aku bedosa ngelaban TUHAN enti aku badu agi besampika kita. Lalu aku deka ngajar kita pasal utai ti manah sereta ngena, ti patut dikereja kita.\\n24 Kita enda tau enda nangika TUHAN lalu tetap ati betuaika Iya enggau pengabis ati kita. Kingatka utai ti besai ti udah dikereja Iya ke kita.\\n25 Tang enti kita majak bedosa, kita enggau raja kita deka dirusak.”\\nBeperang Ngelaban Orang Pilistin\\n1 Saul umur..”..taun lebuh iya berengkah megai perintah; lalu iya merintah ... dua taun.\\n2 iya milih tiga ribu iku lelaki, lalu ngeletak dua ribu iku sida diau enggau iya di Mikmas, enggau di menua ti bebukit di Betel. Iya ngirumka seribu iku sida ti bukai ngagai anak lelaki iya Jonatan di Gibe-ah, di menua Benjamin. Lelaki ti bukai diasuh Saul pulai.\\n3 Jonatan munuh tuai soldadu orang Pilistindi Geba, lalu semua orang Pilistin ninga berita nya. Udah nya Saul lalu ngasuh bala seruan nyepu terumpit di serata menua nya kena nesau orang Hebrew mansang beperang.\\n4 Semua orang Israel udah dipadahka magang pasal Saul ti udah munuh tuai soldadu orang Pilistin, enggau pasal orang Pilistin ke begedika orang Israel. Nya alai orang mayuh bela nyaut tesau nya, lalu datai ngagai Saul di Gilgal.\\n5 Orang Pilistin lalu begempuru deka nyerang orang Israel. Sida bisi tiga puluh ribu buah kerita perang, enam ribu iku bala soldadu ke nepan kuda, lalu bala soldadu sida ngemayuh igi pasir ti ba tebing tasik. Sida mansang ngagai Mikmas, tunga ke timur ari Bet-aben, lalu nirika kem sida dia.\\n6 Udah nya sida bebendar amat nyerang orang Israel, ti ngasuh orang Israel nyau genting seput. Sekeda orang Israel belalai dalam gua, enggau dalam lubang, ba sebelah selikap batu, tauka dalam lubang tanah tauka telaga.\\n7 Sida ke bukai meraka Sungai Jordan ngagai menua Gat enggau Giliat. Saul agi mengkang di Gilgal, lalu orang ke enggau iya nyau getar-getar takut.\\n8 Iya nganti Samuel tujuh hari, nitihka atur Samuel. Tang Samuel lalu apin datai di Gilgal. Bala orang mayuh lalu belabuh ninggalka Saul.\\n9 Nya alai, ku iya bejaku enggau sida, “Bai ngagai aku piring tunu, enggau piring pemaik.” Iya lalu ngenjuk piring tunu,\\n10 lalu lebuh iya baru udah tembu ngereja nya, Samuel pen datai. Saul lalu mansang ngambat iya, lalu ngelaluka penatai iya.\\n11 Tang ku Samuel bejaku, “Nama utai tu ti udah dikereja nuan, Raja?” Saul lalu nyaut, “Orang mayuh nyau ninggalka aku, lalu nuan pen apin mega datai, enda nitihka semaya nuan. Nambahka nya, orang Pilistin nyau betatam di Mikmas.\\n12 Nya alai aku berunding, ‘Orang Pilistin deka nyerang aku di Gilgal ditu, lalu aku apin minta kasih ari TUHAN.’ Nya alai aku lalu berunding deka ngenjuk piring.”\\n13 Samuel lalu nyaut, “Nya pengawa ti beli. Nuan enda ngasika pesan TUHAN Allah Taala nuan. Enti nuan udah ngasi, Iya tentu deka ngasuh nuan, enggau peturun nuan, megai perintah di menua Israel belama iya.\\n14 Tang diatu, perintah nuan deka abis. Laban nuan enda ngasika TUHAN, Iya deka ngiga siku orang ke dikedekaka Iya, lalu ngasuh orang nya merintah bala nembiak TUHAN.”\\n15 Samuel angkat lalu mupuk ari Gilgal. Orang Israel ti bukai nitihka Saul lebuh iya pulai baru ngagai bala soldadu iya. Sida angkat ari Gilgal ngagai Gibe-ah, di menua Benjamin. Saul lalu ngitung bala soldadu iya, kira enam ratus iku semua sida.\\n16 Saul, enggau anak iya Jonatan, enggau bala sida nirika kem di Geba, di menua Benjamin. Orang Pilistin bepalan ba kem sida di Mikmas.\\n17 Bala soldadu orang Pilistin mansang nyerang ari kem sida ngena tiga iti raban. Seraban mansang ngagai Oprah di menua Sual;\\n18 seraban mansang ngagai Bet-horon; lalu seraban ngagai garis entara menua ti ari atas Lebak Seboim enggau menua puang.\\n19 Nyadi menua Israel nadai orang tukang besi, laban orang Pilistin bebendar nagang orang Israel begagaka pedang enggau sangkuh.\\n20 (Orang Israel enda tau enda mai pengeradu tanah, changkul, kapak enggau lungga kena ngetau ngagai orang Pilistin, ngambika orang Pilistin ngansah utai nya ke sida.\\n21 Upah ngansah siti kapak, enggau ngaduka tungkat ti dikena ngachuk sapi nya sesingkap duit ti mit. Upah ngansah pengeradu tanah enggau changkul nya dua singkap duit ti mit.)\\n22 Nya alai lebuh sida beperang sehari nya, orang Israel nadai pedang tauka sangkuh, kelimpah ari Saul enggau anak iya Jonatan.\\n23 Orang Pilistin ngirumka seraban soldadu nan ba Genting Mikmas.\\n1 Nyadi sekali, Jonatan bejaku enggau siku orang bujang ke mai senyata ke iya, “Aram tua meraka ngagai kem orang Pilistin.” Tang Jonatan enda madahka pekara nya ngagai apai iya.\\n2 Nyadi apai iya bepalan ba kem di baruh sekayu buah delima di Mogron, enda jauh ari Gibe-ah. Iya bisi kira enam ratus iku soldadu enggau iya.\\n3 (Imam ke mai epod nya Ahijah, anak menyadi Ichabot ke benama Ahitup anak Pinehas, uchu Eli, ti udah nyadi imam TUHAN di Siloh.) Bala soldadu enda nemu Jonatan udah mupuk.\\n4 Nyadi ba Genting Mikmas, ti deka ditengah Jonatan mansang ngagai kem orang Pilistin, bisi dua igi batu ti besai, sigi ari sepiak, lalu sigi ari sepiak jalai nya. Sigi dikumbai Boses, lalu sigi dikumbai Seneh.\\n5 Sigi batu nya ba tisi utara jalai nya, nunga ngagai Mikmas, lalu sigi ba tisi selatan jalai nya, nunga ngagai Geba.\\n6 Ku Jonatan bejaku enggau orang bujang nya, “Aram tua meraka ngagai kem orang kapir nya. Nyangka TUHAN deka nyaup tua. Enti Iya nyaup tua, nadai utai ulih nagang Iya ngasuh tua menang, enda ngira pemimit tubuh kitai.”\\n7 Ku orang bujang nya nyaut, “Aku sigi enggau nuan, sebarang utai ti deka dikereja nuan.”\\n8 “Barang ku jaku,” ku Jonatan nyaut. “Tua deka meraka, lalu ngayanka diri ngagai orang Pilistin.\\n9 Enti sida ngasuh tua nganti sida, tua nganti.\\n10 Tang enti sida ngangauka tua mansang ngagai sida, tua mansang, laban nya nunjukka TUHAN udah ngasuh tua menang ngelaban sida.”\\n11 Nya alai seduai iya lalu ngayanka diri ngagai orang Pilistin, lalu ku orang Pilistin, “Peda nyin! Orang Hebrew pansut ari lubang alai sida belalai!”\\n12 Udah nya sida ngangauka Jonatan enggau orang bujang nya, “Datai kitu! Kami bisi utai ti deka dipadahka ngagai seduai!”\\nKu Jonatan bejaku enggau orang bujang nya, “Titihka aku. TUHAN udah ngasuh orang Israel menang ngelaban sida.”\\n13 Jonatan lalu pansut ari Genting nya meragau, lalu orang bujang nya nitihka iya. Jonatan lalu nyerang orang Pilistin lalu ngalahka sida. Orang bujang nya lalu munuh sida.\\n14 Lebuh sida terubah bamuk, Jonatan enggau orang bujang nya munuh kira dua puluh iku orang Pilistin ba endur kira setengah ikar.\\n15 Semua orang Pilistin ti diau di menua pesisir nyau takut magang. Bala orang ke ngayau enggau bala soldadu ke bepalan ba kem nya nyau getar-getar takut. Tanah berenyang, lalu sida begau abis ati.\\nOrang Pilistin Alah\\n16 Bala Saul ke nyaga kem sida di Gibe-ah di menua Benjamin tepedaka bala orang Pilistin belanda enda temu tunga.\\n17 Saul lalu bejaku enggau bala iya, “Itung bala soldadu kitai. Sapa nadai ditu?” Sida lalu ngitung tubuh lalu nemu Jonatan, enggau orang bujang ke mai senyata ke Jonatan, nadai dia.\\n18 “Bai epodkitu,” ku Saul bejaku enggau Imam Ahijah. (Nyadi sehari nya Ahijah udah dipaduka bejalai mai epod nya dulu ari mua orang Israel.)\\n19 Lebuh Saul agi benung bejaku enggau Imam Ahijah, bala orang di kem orang Pilistin majak balat agi begau. Lalu ku Saul bejaku, “Nadai kitai hari betanya ngagai TUHAN!”\\n20 Udah nya iya enggau bala iya lalu mansang nyerang orang Pilistin, ti agi benung charut belaban enggau pangan diri.\\n21 Sekeda orang Hebrew ti udah ngalih ari orang Pilistin, ti udah diau enggau orang Pilistin ba kem nya, lalu ngalih ari Saul seduai Jonatan.\\n22 Bala sida bukai ti udah belalai ba sebelah bukit di menua Epraim, lebuh sida ninga pasal orang Pilistin ke rari, mega enggau belaban lalu nyerang orang Pilistin.\\n23 Sida belaban di serantu jalai nyentuk ngagai ngilah Bet-aben. Sehari nya TUHAN ngelepaska orang Israel.\\nUtai Ti Nyadi Udah Bekau Sida Bamuk\\n24 Nyadi sehari nya orang Israel nyau lembut tulang laban lapar, laban Saul udah besumpah, “Awakka orang ke makai sehari tu sebedau aku malas munsuh aku, tulah.” Nya alai nadai siku sida makai sehari nya.\\n25 Semua sida lalu datai ba siti pulau utan, lalu nemu ai manyi di serata endur nya.\\n26 Babas dia nyau penuh laban ai manyi, tang nadai orang makai ai manyi nya, laban sida takut ditinggang sumpah Saul.\\n27 Tang Jonatan nadai udah ninga pasal apai iya ti udah ngemba orang mayuh ngena sumpah. Nya alai iya lalu ngedarka tungkat ti dibai iya, ngachukka tungkat nya ngagai idang manyi, lalu makai ai manyi nya mimit. Iya lalu berasai kering.\\n28 Tang siku ari bala sida madahka ngagai Jonatan, “Semua kitai tu lembut tulang laban lapar, tang apai nuan udah ngemba kami, ku iya, ‘Awakka orang ke makai utai sehari tu, tulah.’ “\\n29 Ku Jonatan nyaut, “Naka meh penyai utai ti dikereja apai ngagai bala kitai! Peda kita, aku berasai kering agi lebuh aku udah makai ai manyi nya mimit!\\n30 Kada enda manah agi sehari tu, enti bala kitai makai bekal ti dirampas kitai ari orang Pilistin. Uji nuan ngira, tentu mayuh agi orang Pilistin ulih bunuh kitai!”\\n31 Sehari nya orang Israel ngalahka orang Pilistin, ngamuk sida di serantau-rantau jalai ari Mikmas nyentuk ngagai Aijalon. Tang orang Israel nyau lembut tulang laban sida lapar.\\n32 Nya alai sida lalu belanda ngagai utai ti udah dirampas sida ari munsuh, ngambi jelu bedus enggau sapi, lalu munuh jelu nya dia, lalu makai dagin ti agi bedarah.\\n33 Orang lalu madahka ngagai Saul, “Peda nuan, orang mayuh bedosa ngelaban TUHAN, bepakaika dagin ti agi bedarah.”\\nSaul lalu merak sida, “Kita tu nyual bansa! Baringka sigi batu ti besai kitu ngagai aku.”\\n34 Udah nya iya lalu meri siti agi atur, “Bejalai kita ngagai orang mayuh, lalu asuh semua sida mai jelu sapi enggau jelu bedus kitu. Sida enda tau enda munuh jelu nya lalu makai jelu nya ditu. Sida enda tau bedosa ngelaban TUHAN bepakaika dagin ti agi bedarah.” Nya alai, malam nya semua sida mai jelu sapi, lalu munuh jelu nya dia.\\n35 Saul ngaga siti alta ke TUHAN, alta ti keterubah iya digaga iya.\\n36 Ku Saul bejaku enggau bala iya, “Aram kitai nurun lalu nyerang orang Pilistin malam tu, ngamuk sida nyentuk ngagai pagi, lalu munuh semua sida.”\\n“Kereja aja meh utai ti pemadu manah ba runding nuan,” ku sida nyaut. Tang ku imam bejaku, “Manah kitai betanya ngagai Allah Taala dulu.”\\n37 Nya alai Saul lalu betanya ngagai Allah Taala, “Kati tau aku nyerang orang Pilistin? Kati Nuan deka nyerahka sida ngagai jari kami?” Tang sehari nya Allah Taala enda nyaut iya.\\n38 Udah nya Saul lalu bejaku enggau bala tuai orang mayuh, “Datai kitu lalu pansik dosa ti udah dikereja sehari tu.\\n39 Aku besemaya dalam nama Allah Taala ti idup ke ngasuh orang Israel menang, barang sapa salah, enda ngira enti iya nya anak aku Jonatan, deka dibunuh.\\n40 Udah nya Saul bejaku enggau sida, “Semua kita bediri din. Aku enggau Jonatan bediri ditu.” “Kereja aja utai ti manah ku ati nuan,” ku sida nyaut.\\n41 Saul lalu bejaku enggau TUHAN Allah Taala ke disembah orang Israel, “TUHAN, nama kebuah Nuan enda nyaut aku sehari tu? TUHAN Allah Taala ke disembah orang Israel, saut aku ngena batu ti kudus. Enti Jonatan udah salah, tauka aku udah salah, saut ngena Urim, tang enti penyalah nya enggi bala nembiak Nuan orang Israel, saut ngena Tumim.” Saut nya lalu nunjuk ngagai Jonatan seduai Saul. Orang mayuh nadai salah siku.\\n42 Udah nya Saul lalu bejaku, “Pilih entara anak aku Jonatan enggau aku empu.” Jonatan lalu kena pilih.\\n43 Udah nya Saul lalu nanya Jonatan, “Nama utai ti udah dikereja nuan?” Jonatan lalu nyaut, “Aku udah makai ai manyi mimit ngena tungkat ti dipegai aku. Aku sedia deka mati.”\\n44 Ku Saul bejaku enggau iya, “Awakka Allah Taala munuh aku enti nuan enda dibunuh!”\\n45 Tang ku orang mayuh bejaku enggau Saul, “Kati Jonatan ti udah menang ngarika orang Israel deka diukum bunuh? Enda patut! Kami besemaya dalam nama TUHAN ti idup, nadai selambar buk ari pala iya deka lenyau. Utai ti udah dikereja iya sehari tu udah dikereja iya ari tulung Allah Taala.” Nya meh chara orang mayuh ngelepaska Jonatan ari ukum bunuh.\\n46 Udah bekau nya, Saul lalu badu agi begagaika orang Pilistin, lalu sida pulai ngagai menua sida empu.\\nPerintah Saul Enggau Sida Sebilik\\n47 Lebuh Saul nyadi raja orang Israel, iya ngelaban semua munsuh iya di semua endur, nyengkaum orang Moap, orang Amon, orang Edom, bala raja di Sobah, enggau orang Pilistin. Iya seruran menang di semua endur alai iya beperang.\\n48 Iya berani ngelaban munsuh. Indah orang Amalek deh dialahka iya. Iya nyaga orang Israel ari semua munsuh.\\n49 Nama anak lelaki Saul nya Jonatan, Isbi enggau Malkisua. Anak indu iya ke tuai agi nya benama Merap, lalu anak indu iya ke biak agi nya Mikal.\\n50 Bini Saul nya Ahinoam anak Ahimas. Orang ke nyadi tuai soldadu Saul nya petunggal iya empu, Abner, anak aya iya Ner.\\n51 Nyadi apai Saul, Kis, enggau apai Abner, Ner, nya anak lelaki Abiel.\\n52 Saul suah bamuk ngelaban orang Pilistin sepemanjai umur iya. Nya alai lebuh iya tetemuka orang lelaki ti kering tauka berani, iya ngambi orang nya nyadika soldadu iya.\\nBeperang Ngelaban Orang Amalek\\n1 Ku Samuel bejaku enggau Saul, “Aku udah diasuh TUHAN nata nuan nyadi raja ke bala nembiak Iya Israel. Nya alai pendingka utai ti disebut TUHAN ti Pemadu Bekuasa.\\n2 Iya deka ngukum orang Amalek, laban aki ini sida udah ngelaban orang Israel lebuh orang Israel datai ari menua Ejip.\\n3 Nya alai serang meh orang Amalek, lalu rusak abis lengis semua utai ti dikemisi sida. Anang nejuka siti utai enda dirusak. Bunuh semua lelaki, indu, nembiak enggau anak mit, jelu sapi, jelu bedus, unta enggau keledai.”\\n4 Saul lalu ngempuruka bala soldadu iya, lalu ngitung sida di Telem. Tubuh sida dua ratus ribu iku ari Israel enggau sepuluh ribu iku ari Judah.\\n5 Udah nya iya nguluka bala iya mansang ngagai nengeri orang Amalek, lalu ngipa munsuh ba buntut sungai siti ti udah rangkai.\\n6 Iya lalu ngirumka jaku tangkan ngagai orang Ken, uchu orang ke udah manah enggau orang Israel lebuh sida datai ari menua Ejip, “Angkat lalu tinggalka orang Amalek, ngambika aku enda munuh kita sama enggau sida.” Orang Ken lalu angkat.\\n7 Saul lalu ngalahka orang Amalek, belaban di serantau-rantau jalai kenyau ari Habilah nyentuk ngagai Sur, tunga ke timur menua Ejip.\\n8 Iya nangkap Agak, raja orang Amalek, lalu munuh semua orang Amalek.\\n9 Tang Saul enggau bala iya enda munuh Agak, lalu enda mega munuh jelu bedus enggau jelu sapi, anak sapi enggau anak domba ti pemadu manah, tauka utai bukai ti manah. Sida semina ngerusak utai ti nadai guna tauka enda berega.\\n10 TUHAN lalu bejaku ngagai Samuel,\\n11 “Aku nesal udah ngasuh Saul nyadi raja. Iya udah ninggalka Aku, lalu enda ngasika pesan Aku.” Samuel lalu ringat. Semalam-malam nya iya bejaku minta kasih ngagai TUHAN.\\n12 Tumu pagi hari siti iya lalu mupuk ngiga Saul. Iya lalu ninga Saul udah mansang ngagai nengeri Karmel, alai iya ti udah ngaga siti tiang pengingat ke diri empu, lalu udah bekau nya, mansang ngagai Gilgal.\\n13 Samuel mansang ngagai Saul. Saul lalu ngambat iya, ku iya, “TUHAN merekatka nuan, Samuel! Aku udah ngasika pesan TUHAN.”\\n14 Samuel lalu nanya, “Enti pia, nama kebuah aku bisi ninga munyi sapi enggau bedus?”\\n15 Disaut Saul, “Bala aku udah ngerampas sida ari orang Amalek. Sida ngambi bedus enggau sapi ti pemadu manah, ngambika bisi diberi nyadika piring ngagai TUHAN Allah Taala nuan. Sida ke bukai udah abis dibunuh kami.”\\n16 Ku Samuel, “Badu agi nuan bejaku. Aku deka madahka ngagai nuan utai ti udah disebut TUHAN ngagai aku dimalam.” “Padahka meh,” ku Saul nyaut.\\n17 Disaut Samuel, “Taja pen nuan ngumbai diri orang ke enda dipeguna orang, tang nuan nyadi tuai ke semua raban bansa orang Israel. TUHAN udah nata nuan nyadi raja orang Israel,\\n18 lalu Iya udah ngasuh nuan ngerusak orang Amalek ti jai nya. Iya udah ngasuh nuan ngelaban sida, datai ke nuan udah munuh semua sida.\\n19 Nya alai, nama kebuah nuan enda ngasika TUHAN? Nama kebuah nuan beguai-guai ngerampas perapasan, lalu ngereja utai ti jai di mua TUHAN?”\\n20 “Aku udah ngasika TUHAN,” ku Saul nyaut. “Aku udah mupuk nitihka asuh TUHAN, mai Raja Agak pulai baru, lalu munuh semua orang Amalek.\\n21 Tang bala soldadu aku enda munuh jelu bedus enggau jelu sapi ti pemadu manah ti ditangkap sida. Sida mai jelu nya kitu ngagai Gilgal, nyadika piring ti diberi ngagai TUHAN Allah Taala nuan.”\\n22 Ku Samuel, “Ni bagi utai ti dikedekaka TUHAN? Ngasika Iya, tauka piring? Manah agi ngasika Iya ari ke meri bedus ti pemadu manah nyadika piring.\\n23 Pengawa ngelaban TUHAN nya ngenyai pengawa betilitka nasit, lalu ati ti sumbung nya ngenyai dosa besembahka engkeramba. Nuan udah nulak pesan TUHAN, nya alai diatu Iya udah nulak nuan nyadi raja.”\\n24 Disaut Saul, “Aku amat udah bedosa. Aku udah enda ngasika pesan TUHAN, enggau atur nuan. Aku takutka bala aku, lalu aku ngereja utai ti dipinta sida.\\n25 Tang diatu aku minta kasih ngagai nuan, ampun dosa aku, lalu pulai sama enggau aku, ngambika aku ulih nyembah TUHAN.”\\n26 Samuel lalu nyaut, “Aku sigi enda pulai enggau nuan; laban nuan udah nulak pesan TUHAN, lalu Iya udah nulak nuan ti nyadi raja orang Israel.”\\n27 Samuel nguing lalu mupuk, tang Saul bepegai ba baju Samuel, lalu baju nya charik.\\n28 Ku Samuel bejaku enggau iya, “TUHAN udah nyarikka perintah orang Israel ari nuan sehari tu, lalu udah meri perintah nya ngagai orang ke badas agi ari nuan.\\n29 Allah Taala ti bemulia, ke disembah orang Israel, enda bula; Iya enda ngubah runding Diri; Iya ukai mensia; Iya enda ngubah runding Diri.”\\n30 Ku Saul nyaut, “Aku udah bedosa, tang taja pia, ayanka meh basa nuan ngagai aku di mua bala tuai soldadu aku, enggau di mua semua orang Israel. Pulai enggau aku, ngambika aku ulih nyembah TUHAN Allah Taala nuan.”\\n31 Samuel lalu pulai sama enggau iya. Saul lalu nyembah TUHAN.\\n32 “Bai Raja Agak ngagai aku kitu, “ ku Samuel bejaku. Agak lalu datai ngagai Samuel, getar-getar takut, laban ku runding iya, “Naka meh pemedis mati!”\\n33 Ku Samuel bejaku, “Laban pedang nuan udah ngasuh mayuh orang ke indu lenyau anak, nya alai indai nuan empu diatu deka mega lenyau anak.” Samuel lalu mepat Agak di mua alta di Gilgal.\\n34 Udah nya Samuel lalu mupuk ngagai Ramah, lalu Raja Saul pulai ngagai Gibe-ah.\\n35 Samuel nadai agi betemu enggau Saul nyentuk ngagai hari iya mati, tang iya sinu ati ke Saul. TUHAN nesal ati ke Diri ti udah ngasuh Saul nyadi raja orang Israel.\\nDavid Ditata Nyadi Raja\\n1 Ku TUHAN bejaku ngagai Samuel, “Ni pengelama nuan agi tusah ati ke Saul? Aku udah nulak iya nyadi raja orang Israel. Diatu ambi minyak kana, lalu mansang ngagai Betlehem, ngagai orang siku ke benama Jesi, laban Aku udah milih siku ari anak lelaki iya nyadi raja.”\\n2 Samuel lalu nanya, “Baka ni ku aku ulih ngereja nya? Enti Saul ninga nya, iya tentu deka munuh aku!” Disaut TUHAN, “Bai siku anak sapi, lalu padahka ngagai Saul nuan deka ngenjuk piring ngagai TUHAN din.\\n3 Bai Jesi ngagai pengawa miring nya. Ila Aku deka madahka utai ti deka dikereja nuan. Nuan deka nata orang siku ti deka dipadahka Aku ngagai nuan, ngambika iya nyadi raja.”\\n4 Samuel lalu ngereja utai ti diasuh TUHAN. Iya mansang ngagai Betlehem. Bala tuai nengeri nya nyau getar-getar ngambat iya. Ku sida nanya, “Kati nuan nemuai mai pemaik, tukang tujum?”\\n5 Disaut Samuel, “Aku datai laban aku deka meri piring ngagai TUHAN. Tuchi diri empu lalu mupuk sama enggau aku.” Iya mega ngasuh Jesi enggau bala anak lelaki iya nuchi diri, lalu mai sida ngagai pengawa nya.\\n6 Lebuh sida datai, Samuel meda anak Jesi ke benama Eliap, lalu ku iya berunding dalam ati diri, “Orang ke bediri di mua TUHAN tu tentu orang ke udah dipilih Iya.”\\n7 Tang ku TUHAN bejaku enggau Samuel, “Anang ngira peninggi tauka penyigat gamal orang. Aku udah nulak iya, laban Aku enda ngira mensia ngena chara mensia. Mensia meda gamal, tang Aku meda ati.”\\n8 Udah nya Jesi ngangauka anak iya ke benama Abinadap, lalu mai iya ngagai Samuel. Tang ku Samuel, “Ukai. TUHAN enda milih iya.”\\n9 Udah nya Jesi lalu mai Samah. Tang ku Samuel, “Ukai. TUHAN enda milih iya.”\\n10 Nya alai Jesi mai tujuh iku ari bala anak lelaki iya ngagai Samuel. Tang ku Samuel bejaku enggau Jesi, “Ukai. TUHAN enda milih bala sida tu.”\\n11 Udah nya Samuel lalu nanya Jesi, “Kati nuan agi bisi anak lelaki bukai?” Disaut Jesi, “Bisi. Siku ke bunsu, tang iya benung ngibun bedus.” Ku Samuel, “Asuh iya datai kitu. Kitai enda meri piring sebedau iya datai.”\\n12 Jesi lalu mesanka anak bunsu iya. Gamal iya sigat amat, bepengerai, lalu mata iya tajam. Ku TUHAN bejaku ngagai Samuel, “Nya meh iya. Tata iya!”\\n13 Samuel lalu ngambi minyak kana, lalu nata David di mua bala menyadi iya. Tekala nya Roh TUHAN lalu bekuasa ba David, lalu berengkah ari nya Roh TUHAN meruan enggau iya. Udah nya Samuel pulai ngagai Ramah.\\nDavid Dalam Bilik Saul\\n14 Roh TUHAN ninggalka Saul, lalu roh ti jai ti dikirumka TUHAN datai, lalu merinsaka iya.\\n15 Ku bala orang gaji Saul bejaku enggau Saul empu, “Roh ti jai, ti dikirumka Allah Taala, nya ti merinsaka nuan.\\n16 Nya alai asuh kami, tuan, ngiga orang siku ke nemu nebah belikan. Lebuh roh ti jai nya merinsaka nuan, orang nya tau nebah belikan iya, lalu nuan deka gerai baru.”\\n17 Saul lalu bejaku enggau sida, “Giga siku orang ke landik nebah belikan, lalu bai iya kitu ngagai aku.”\\n18 Ku siku orang gaji bejaku, “Jesi ari nengeri Betlehem bisi siku anak lelaki, ti landik nebah musik. Iya mega orang ke berani, sereta sigat gamal, soldadu ti manah, sereta lanchar bejaku. TUHAN bisi enggau iya.”\\n19 Saul lalu ngasuh bala seruan mai pesan tu ngagai Jesi, “Asuh anak lelaki nuan ke benama David, ke ngibun bedus, datai ngagai aku.”\\n20 Jesi lalu ngambi siku keledai. Iya ngengkahka roti enggau sekambut wain ba belakang keledai nya, lalu ngasuh anak iya David nganjung utai nya, enggau siku anak kambin, ngagai Saul.\\n21 Lebuh David datai ba istana Saul, iya lalu belabuh bekereja ke Saul. Saul balat amat rinduka David, lalu David nyadi orang ke mai senyata ke iya.\\n22 Udah nya Saul lalu ngirumka pesan ngagai Jesi, “Awakka David bekereja ke aku, laban aku rinduka iya.”\\n23 Lebuh roh ti jai, ti dikirumka Allah Taala, merinsaka Saul, David ngambi belikan iya, lalu nebah belikan nya. Saul lalu berasai nyamai, sereta gerai, lalu roh ti jai nya ninggalka iya.\\nGoliat Nyakap Orang Israel\\n1 Orang Pilistin begempuru di Sokoh, sebuah nengeri di menua Judah, sedia deka beperang. Sida nirika kem sida ba endur siti ke benama Epes-damim, ba entara Sokoh enggau Asekah.\\n2 Saul enggau orang Israel begempuru lalu nirika kem sida ba Lebak Elah, lalu berintai deka beperang ngelaban orang Pilistin.\\n3 Bala orang Pilistin bediri berintai ba bukit sigi lalu orang Israel ba bukit sigi, diseraraka siti lebak.\\n4 Siku orang ke benama Goliat, ari nengeri Gat, pansut ari kem orang Pilistin, lalu nyakap orang Israel. Peninggi iya kira tiga meter,\\n5 lalu iya ngena baju kebal ti digaga ari temaga, ti berat lima puluh semilan kilogram, enggau selapuk kebal ti digaga ari temaga.\\n6 Kaki iya mega disarung enggau temaga, lalu iya mai siti sangkuh ti digaga ari temaga, ti disan iya.\\n7 Enteran sangkuh iya ngemesai tendai ti dikena orang betenun. Mata sangkuh iya digaga ari besi lalu pemerat mata sangkuh iya nya kira tujuh kilogram. Lalu orang ke mai senyata iya, bejalai dulu ari iya.\\n8 Goliat bediri lalu ngangauka orang Israel, “Nama kebuah kita berintai deka beperang? Kati aku tu ukai orang Pilistin, lalu kita nya ulun Saul? Pilih siku ari bala kita, lalu awakka iya nurun kitu ngagai aku.\\n9 Enti iya ulih ngelaban aku, lalu tebunuhka aku, awakka kami meh nyadi ulun kita. Tang enti aku menang ngelaban iya, lalu tebunuhka iya, kita meh nyadi ulun kami.\\n10 Sehari tu aku nyakap kita soldadu orang Israel. Asuh siku ari bala kita ngelaban aku!”\\n11 Lebuh Saul enggau bala iya ninga nya, sida tusah ati sereta balat amat takut.\\nDavid Ba Kem Saul\\n12 Nyadi David nya anak Jesi, ari raban peturun Eprat, ti diau di Betlehem, di menua Judah. Jesi bisi lapan iku anak lelaki. Lebuh Saul nyadi raja, Jesi endang udah tuai umur.\\n13 Anak iya tiga iku ke tuai agi udah mupuk enggau Saul mansang beperang. Iya ke tuai nya Eliap, ditangkanka Abinadap, lalu iya ti ketiga nya Samah.\\n14 David nya anak bunsu Jesi. Lebuh sida tiga ke tuai agi nya enggau Saul,\\n15 David selalu kuang-kuit mansang ngagai Saul lalu pulai baru ngagai raban bedus apai iya di Betlehem.\\n16 Goliat nyakap orang Israel tiap pagi lemai dalam kandang empat puluh hari.\\n17 Nyadi sekali Jesi bejaku enggau David, “Bai sepuluh kilogram kemping enggau sepuluh iti tuku roti lalu anjung enggau jampat ngagai menyadi nuan di kem.\\n18 Lalu bai mega sepuluh igi tuku engkiju ngagai tuai soldadu. Tanyaka gaya pendiau bala menyadi nuan, lalu bai siti utai kena nandaka sida agi gerai nyamai magang.\\n19 Raja Saul, bala menyadi nuan, enggau semua orang Israel ti bukai diatu benung ba Lebak Elah, beperang ngelaban orang Pilistin.”\\n20 David angkat tumu pagi hari siti, ngasuh orang bukai ngibun raban bedus, lalu nganjung pemakai nitihka asuh apai iya Jesi. Iya datai ba kem lebuh orang Israel benung manjung mansang ngagai endur alai sida ke berintai deka beperang.\\n21 Orang Pilistin enggau orang Israel lalu besedia deka belaban, betunga mua enggau pangan diri.\\n22 David lalu ninggalka pemakai ba orang ke ngibun bekal, belanda ngagai rintai orang ke deka belaban, mansang ngagai bala menyadi iya, lalu nanyaka gaya pendiau sida sebuat.\\n23 Lebuh iya agi benung bejaku enggau sida, Goliat mansang ke mua ari bala orang Pilistin, lalu nyakap orang Israel, baka selama. Lalu David ninga iya.\\n24 Lebuh orang Israel meda Goliat, sida lalu rari takut.\\n25 “Peda iya nya!” ku sida bejaku enggau pangan diri. “Pendingka ulih kita jaku chakap iya! Raja Saul udah besemaya deka meri upah ti besai ngagai orang ke tebunuhka Goliat. Raja deka mega meri anak dara iya nyadika bini orang nya, lalu ruang bilik apai orang nya enda ibuh mayar chukai.”\\n26 David lalu nanya bala orang ke semak iya, “Nama utai ti deka diberi ngagai orang ke tebunuhka orang Pilistin tu, lalu ngelepaska orang Israel ari pemalu tu? Berani amat orang kapir tu nyakap bala soldadu Allah Taala ti idup!”\\n27 Sida lalu madahka ngagai iya utai ti deka dikereja ngagai orang ke tebunuhka Goliat.\\n28 Eliap, menyadi David ke pengabis tuai, bisi ninga David bejaku enggau bala orang nya. Iya lalu pedis ati ngagai David, lalu ku iya, “Nama pengawa nuan ditu? Sapa ngibun bedus nuan di menua puang din? Nuan tu ngemintarka diri aja. Nuan datai ditu laban nuan ingin deka meda orang belaban!”\\n29 “Nama penyalah aku?” ku David nanya. “Nama kebuah aku enda tau bejaku?”\\n30 Iya nguing ngagai orang bukai, lalu nanya munyi ti dulu. Genap kali iya nanya, saut sida sebaka magang.\\n31 Sekeda orang ke ninga jaku David, madahka ngagai Saul. Saul lalu mesanka David.\\n32 Lalu ku David bejaku enggau Saul, “Tuan Raja, anang nejuka orang takutka orang Pilistin nya! Awakka aku ngelaban iya.”\\n33 Saul lalu bejaku enggau David, “Nuan enda ulih ngelaban orang Pilistin nya, laban nuan agi biak, lalu iya enda udah nyadi soldadu kenyau ari iya agi bujang.”\\n34 Tang ku David nyaut Saul, “Tuan Raja, aku endang selalu ngibun bedus apai aku. Genap kali jelu singa tauka beruang nabanka anak domba,\\n35 aku nitihka iya, lalu munuh iya, lalu ngelepaska anak domba nya. Lalu enti jelu singa tauka beruang nya mutar ngelaban aku, aku nyekal iya, malu iya lalu munuh iya.\\n36 Aku udah munuh jelu singa enggau beruang, lalu aku deka munuh orang kapir tu baka aku ti munuh jelu, laban iya udah nyakap bala soldadu Allah Taala ti idup.\\n37 TUHAN ke udah nyelamatka aku ari singa enggau beruang, deka mega nyelamatka aku ari jari orang Pilistin nya.” “Barang ku jaku,” ku Saul nyaut. “Mupuk meh nuan. TUHAN deka meruan enggau nuan.”\\n38 Saul lalu ngerasukka perengka perang iya empu ba David; iya ngerasukka selapuk kebal ti digaga ari temaga ba pala David, enggau baju kebal iya.\\n39 David lalu nanchangka pedang Saul atas baju kebal nya, lalu nguji bejalai, tang enda ulih, laban iya enda teleba ngena utai ti baka nya. David lalu bejaku ngagai Saul, “Aku enda ulih belaban ngena semua utai tu, laban aku enda teleba ngena utai tu.” Iya lalu muka utai nya ari tubuh iya.\\n40 Iya lalu mai tungkat ti dikena iya ngibun bedus, lalu milih lima igi batu ti segala ari sungai, lalu nyimpan batu nya dalam kambut iya. Iya megai pangwang iya, lalu mansang ngagai Goliat.\\nDavid Ngalahka Goliat\\n41 Orang Pilistin nya lalu belabuh mansang ngagai David. Orang ke mai terabai iya bejalai dulu ari iya.\\n42 Lebuh Goliat udah meratika David, iya ngeleseka David, laban David agi biak umur, agi biring sereta sigat gamal.\\n43 Ku iya bejaku ngagai David, “Kati aku tu ukui alai nuan mansang ngagai aku mai tungkat?” Iya lalu nyumpah David dalam nama petara iya empu.\\n44 Ku iya nyakap David, “Mansang kitu, ngambika aku nyerahka bangkai nuan ngagai burung enggau jelu.”\\n45 Disaut David, “Nuan mansang ngelaban aku ngena pedang, sangkuh enggau perambut, tang aku mansang ngelaban nuan dalam nama TUHAN ti Pemadu Bekuasa, Allah Taala bala soldadu orang Israel ti udah dikeleseka nuan.\\n46 Sehari tu TUHAN deka nyerahka nuan ngagai jari aku, lalu aku deka munuh nuan, lalu mumpung pala nuan. Lalu sehari tu aku deka nyerahka bangkai bala soldadu orang Pilistin ngagai burung enggau jelu ngambika semua mensia nemu orang Israel bisi Allah Taala,\\n47 lalu semua orang ditu deka nemu TUHAN ukai ngelepas ngena pedang tauka sangkuh, laban perang tu perang TUHAN, lalu Iya deka nyerahka kita ngagai jari kami.”\\n48 Lebuh Goliat angkat lalu mansang semak ngagai David, David lalu belanda ngagai rintai bala orang Pilistin, deka ngelaban Goliat.\\n49 David nyelukka jari iya ke dalam kambut iya, lalu ngambi sigi batu, ti ditimbakka iya ngena pangwang iya ngagai Goliat. Batu nya lalu kena kening Goliat, ngebuska kening iya. Goliat lalu rebah tetingkap.\\n50 Nya meh gaya David ngalahka Goliat lalu munuh iya, ukai ngena pedang, tang ngena pangwang enggau batu! David nadai mai pedang.\\n51 David lalu belanda ngagai Goliat, bediri atas iya, nyintak pedang Goliat empu, mumpung pala iya, lalu munuh iya. Lebuh orang Pilistin meda bujang berani sida udah mati, sida lalu rari.\\n52 Bala orang Israel enggau orang Judah lalu manjung begagaika orang Pilistin nyentuk ngagai Gatenggau nyentuk ngagai pintu penama nengeri Ekron. Orang Pilistin rebah bakal di serantau-rantau jalai ti nuju ngagai Saraim, nyentuk ngagai Gat enggau Ekron.\\n53 Lebuh orang Israel pulai begagaika orang Pilistin, sida ngerumpak kem orang Pilistin.\\n54 David ngambi pala Goliat, lalu mai pala nya ngagai Jerusalem, tang iya nyimpan senyata Goliat dalam langkau kain iya empu.\\nDavid Dibai Betemu Enggau Saul\\n55 Lebuh Saul meda David mansang ngelaban Goliat, iya lalu nanya Abner, ti nyadi tuai soldadu iya, “Abner, anak sapa nembiak nya?” “Entah, enda aku nemu, Tuan Raja,” ku Abner nyaut.\\n56 “Alai nuan nanya ngagai orang,” ku Saul bejaku enggau Abner.\\n57 Nya alai, lebuh David pulai ngagai kem udah bekau iya ti munuh Goliat, Abner lalu mai iya ngagai Saul. David agi minching pala Goliat.\\n58 Saul lalu nanya iya, “Anak sapa nuan tu?” “Aku tu anak nembiak nuan Jesi ari Betlehem,” ku David nyaut.\\n1 Lebuh Saul udah bejaku enggau David, anak Saul ke benama Jonatan balat amat tetarit ati ngagai David, lalu belabuh rinduka iya baka ke rinduka diri empu.\\n2 Kenyau ari nya, Saul mai David begulai enggau iya, lalu enggai ngelakka iya pulai ngagai rumah apai iya.\\n3 Jonatan ngaga siti sempekat enggau David, laban iya rinduka David baka iya ti rinduka diri empu.\\n4 Jonatan lalu muka baju panjai ti dikena iya, lalu meri baju panjai nya ngagai David, sama enggau baju kebal, sereta enggau pedang, panah enggau belulang iya.\\n5 David mujur belama ba semua kayau ti diasuh Saul kereja iya. Nya alai Saul ngaga iya nyadi kepala ke bala soldadu iya. Semua orang Israel enggau semua pemesai bala soldadu Saul gaga ati meda nya.\\nSaul Kepapaska David\\n6 Lebuh sida pulai ke rumah, udah bekau David ti munuh Goliat, orang ke indu lalu datai ari semua nengeri di menua Israel mansang ngambat Raja Saul. Sida belagu gaga ati, betanda, sereta nebah tamborin enggau engkeratung.\\n7 Ku sida belagu: “Saul udah munuh beribu iku, tang David udah munuh bepuluh ribu iku.”\\n8 Saul lalu enda rindu ninga nya, lalu iya balat amat ringat. Ku iya, “Sida ngumbai David udah munuh bepuluh ribu iku, tang aku semina munuh beribu iku aja. Enda lama da agi iya deka ngerampas perintah tu ari jari aku!”\\n9 Nya alai berengkah ari sehari nya Saul belabuh kepapaska David.\\nSaul Nguji Munuh David\\n10 Hari siti siku roh ti jai, ti dikirumka Allah Taala ngenyit merinsaka Saul. Iya lalu mutap inggar amat dalam rumah iya, lebuh David benung nebah belikan baka ke dikereja iya tiap. Saul megai sangkuh.\\n11 Ku runding Saul, “Lagi aku ngentumka iya ngagai dinding.” Saul lalu numbukka sangkuh nya ngagai David, dua kali, tang David nyilat iya belama.\\n12 Saul takutka David, laban TUHAN bisi enggau David, tang udah ninggalka Saul.\\n13 Nya alai Saul enggai agi meda David, lalu ngaga iya nyadi tuai ke seribu iku soldadu. David lalu nguluka bala iya beperang.\\n14 David mujur dalam semua utai ti dikereja iya, laban TUHAN bisi enggau iya.\\n15 Lebuh Saul meda David mujur amat, iya majak balat agi takutka David.\\n16 Tang semua orang di menua Israel enggau di menua Judah rindu magang ke David, laban iya mujur nyadi tuai sida.\\nDavid Jadi Enggau Anak Indu Saul\\n17 Udah nya Saul lalu bejaku enggau David, “Tu Merap, anak indu aku ke tuai agi. Aku deka meri iya nyadika bini nuan, enti nuan deka bekereja ke aku nyadi soldadu ti berani sereta taluk, lalu beperang ngelaban munsuh TUHAN.” (Laban kenu ku runding Saul, “Aku empu enggai ngedarka jari ngelaban iya; awakka orang Pilistin munuh iya.)\\n18 Disaut David, “Sapa aku tu, lalu purih sapa aku tu, alai aku tau nyadika menantu raja?”\\n19 Tang lebuh maya udah chukup alai Merap patut diberi ngagai David, Merap lalu diberi ngagai lelaki siku ke benama Adril, ke datai ari Meholah.\\n20 Tang anak indu Saul ke benama Mikal rinduka David; orang lalu madahka nya ngagai Saul, lalu iya gaga ati ke nya.\\n21 Ku iya runding iya, “Awakka aku meri Mikal ngagai David, kena aku manjuk iya, sereta ngambika orang Pilistin munuh iya.” Nya alai tu kedua kali Saul nyebut ngagai David, “Nuan deka nyadika menantu aku.”\\n22 Iya lalu bejaku enggau bala pemesai iya, “Awakka kita bejaku kediri enggau David munyi tu, ‘Raja rinduka nuan, lalu semua pemesai iya rinduka nuan. Awakka nuan nyadika menantu raja.’ “\\n23 Nya alai sida lalu nyebut jaku nya ngagai David, lalu ku David nyaut, “Kati kita ngumbai nyadika menantu raja nya pekara ti mit, laban aku tu orang ke seranta, ti enda dikelala orang.”\\n24 Bala pemesai lalu madahka jaku David ngagai Saul.\\n25 Saul lalu bejaku ngagai sida, “Bejaku kita enggau David munyi tu, ‘Derian ti dipinta raja nya seratus iti ujung kulup orang Pilistin, kena malas munsuh iya.’ “ (Dalam runding Saul, nya jalai ngasuh David dibunuh orang Pilistin.)\\n26 Lebuh bala pemesai Saul madahka jaku Saul ngagai David, David lalu gaga ati deka nyadika menantu raja. Sebedau hari nikah,\\n27 David enggau bala iya mansang lalu munuh dua ratus iku orang Pilistin. Iya mai ujung kulup orang Pilistin nya ngagai raja, lalu ngitung semua utai nya di mua raja, ngambika iya tau nyadika menantu raja. Saul lalu meri anak indu iya Mikal nyadika bini David.\\n28 Nya baru Saul nyemetak nemu TUHAN bisi enggau David, lalu nemu semua orang Israel rinduka David.\\n29 Saul majak balat agi takutka David, lalu kenyau ari nya iya ngaga diri nyadi munsuh David.\\n30 Bala soldadu orang Pilistin selalu datai, lalu nyerang, lalu genap kali sida nyerang, David mujur agi ari bala pemesai bukai. Nya lalu ngujungka David tebilang nama.\\nSaul Merinsaka David\\n1 Saul lalu bejaku enggau anak iya Jonatan, sereta enggau semua pemesai iya, ngasuh sida munuh David. Tang Jonatan balat rinduka David.\\n2 Jonatan lalu madahka ngagai David, “Apai aku deka munuh nuan. Bejimat nuan pagila. Belalai ba endur ti enda ditemu orang, lalu diau dia.\\n3 Aku deka bediri semak apai aku ba padang ti alai nuan belalai, lalu aku deka ngenang pasal nuan ngagai iya. Enti aku bisi tetemuka utai ari randau kami duai, aku deka madahka nya ngagai nuan.”\\n4 Jonatan muji David di mua Saul, lalu ku iya, “Tuan, anang besalah David, laban iya nadai kala ngereja utai ti salah ngagai nuan. Semua utai ti udah dikereja iya sigi bisi guna magang ba nuan.\\n5 Iya berambunka nyawa diri lebuh iya munuh Goliat, lalu TUHAN ngasuh orang Israel menang. Lebuh nuan meda nya, ati nuan gaga. Nya alai, nama kebuah nuan deka ngereja utai ti salah ngagai orang ke nadai penyalah, lalu deka munuh David enggau nadai kebuah?”\\n6 Saul ngasika jaku Jonatan, lalu besumpah dalam nama TUHAN madahka diri enggai munuh David.\\n7 Jonatan lalu ngangauka David, lalu madahka semua utai nya ngagai iya. Udah nya iya lalu mai David betemu enggau Saul. David lalu begulai enggau Saul baka ke dulu.\\n8 Perang lalu nyadi baru. David lalu nyerang orang Pilistin, lalu munuh mayuh amat orang Pilistin, lalu sida rari ari iya.\\n9 Udah nya roh ti jai ari TUHAN bekuasa ba Saul, lebuh iya benung duduk di rumah megai sangkuh iya, lalu David benung nebah belikan iya.\\n10 Saul numbukka sangkuh iya ngagai David, tang David nyilat, lalu sangkuh nya lekat ba dinding. David lalu belanda rari.\\n11 Malam nya Saul ngasuh sekeda bala iya nengkilaka rumah David, laban iya deka munuh David pagi hari siti. Tang Mikal, iya nya bini David, madahka ngagai David, “Enti nuan enda rari malam tu, nuan mati pagila.”\\n12 Mikal lalu ngulurka David ari jenila ke tanah. David lalu belanda rari.\\n13 Udah nya Mikal ngambi engkeramba sida sebilik, ngengkahka engkeramba nya ba peninduk David, lalu ngengkahka panggal ti digaga ari bulu kambin, ba pala engkeramba nya, lalu mungkur iya.\\n14 Lebuh bala nembiak Saul datai deka ngambi David, Mikal lalu bejaku, “Iya sakit.”\\n15 Tang Saul ngasuh sida mansang baru, ku iya, “Bai iya kitu ngena peninduk iya empu, ngambika aku munuh iya.”\\n16 Lebuh sida tama, sida lalu tepedaka engkeramba ba peninduk nya, enggau panggal ti digaga ari bulu kambin ba pala engkeramba nya.\\n17 Saul lalu nanya Mikal, “Nama kebuah nuan nipu aku baka tu, lalu ngelakka munsuh aku rari?” Disaut Mikal, “Iya madahka dirika munuh aku, enti aku enda nyaup iya rari.”\\n18 David rari lalu mansang ngagai Samuel di Ramah, lalu madahka ngagai Samuel semua utai ti udah dikereja Saul ngagai iya. Udah nya David seduai Samuel mupuk ngagai Naiot, lalu diau dia.\\n19 Orang lalu madahka ngagai Saul David bisi di Naiot, semak Ramah.\\n20 Nya alai iya lalu ngasuh orang nangkap David. Lebuh sida meda bala nabi betanda sereta benabi, diuluka Samuel, Roh Allah Taala lalu bekuasa ba bala nembiak Saul, lalu sida mega belabuh betanda sereta benabi.\\n21 Lebuh orang madahka nya ngagai Saul, iya lalu ngirumka mayuh agi seruan iya. Sida nya mega belabuh betanda sereta benabi. Iya lalu ngirumka bala seruan ketiga kali. Sida nya mega betanda sereta benabi.\\n22 Udah nya, Saul empu mupuk ngagai Ramah. Lebuh iya datai ba telaga ti besai di Seku, iya lalu nanya ngagai orang endur alai Samuel seduai David diau. Orang lalu madahka ngagai iya, “Seduai nya di Naiot, di Ramah.”\\n23 Lebuh iya benung mansang ngagai Naiot di Ramah, Roh Allah Taala lalu bekuasa ba iya. Lalu lebuh iya benung bejalai, iya betanda sereta benabi, nyentuk ngagai iya datai di Naiot.\\n24 Iya muka gari iya, lalu iya mega betanda sereta benabi di mua Samuel, garing-garing gali telanjai sehari-hari, semalam-malam nya. (Tu meh penatai jaku, “Kati Saul udah nyadi nabi?”)\\nJonatan Nulung David\\n1 Udah nya David rari ari Naiot, lalu mansang ngagai Jonatan. Iya lalu nanya, “Nama utai ti udah dikereja aku? Nama penyalah aku? Nama dosa ti udah dikereja aku ngagai apai nuan, datai ke nyau keran deka munuh aku?”\\n2 Jonatan lalu nyaut David, “Nuan enda mati! Dinga nuan, apai aku enda ngereja utai sebedau iya madahka ngagai aku, nemuka utai nya besai tauka mit. Lalu iya nadai kebuah ngelalaika pekara tu ari aku.”\\n3 Tang ku David nyaut, “Apai nuan nemu nuan balat rinduka aku, lalu iya udah mutuska runding enggai nejuka nuan nemu utai ti deka dikereja iya, laban nya deka ngenusahka ati nuan. Aku besumpah madahka ngagai nuan dalam nama TUHAN ti idup, aku nyau deka mati!”\\n4 Ku Jonatan madahka ngagai David, “Aku deka ngereja sebarang utai ti diasuh nuan.”\\n5 Disaut David, “Dinga nuan, Gawai Anak Bulan deka nyadi pagila, lalu aku enda tau enda makai sama enggau raja. Enti nuan besetuju, aku deka belalai ba padang datai ngagai lemai lusa.\\n6 Enti apai nuan meda aku nadai ba mija nya, padahka ngagai iya, aku udah minta pemendar ari nuan begaut pulai ngagai Betlehem, laban tu maya semua kami sebilik ngenjuk piring ti diberi genap taun.\\n7 Enti iya nyebut, ‘Enda ngawa,’ aku deka likun. Tang enti iya ringat, nuan deka nemu iya endang keras deka ngemediska aku.\\n8 Nya alai, aku minta nuan ngereja nya ke aku, lalu ngamatka sempekat ti kudus ti udah digaga nuan enggau aku. Tang enti aku bisi salah, awakka nuan empu munuh aku, tang anang nyerahka aku ngagai apai nuan.”\\n9 “Anang irau!” ku Jonatan nyaut. “Enti aku nemu apai aku udah mutuska runding deka munuh nuan, aku deka madahka nya ngagai nuan.”\\n10 David lalu nanya, “Sapa orang ke deka madahka ngagai aku enti apai nuan ringat nyaut nuan?”\\n11 “Aram tua bejalai ngagai padang,” ku Jonatan nyaut. Seduai iya lalu mupuk,\\n12 lalu ku Jonatan bejaku enggau David, “Awakka TUHAN Allah Taala ke disembah orang Israel nyadika saksi tua! Lebuh maya tu pagila, enggau lusa, aku deka nanya apai aku. Enti perangai iya manah ngagai nuan, aku deka mesanka nuan.\\n13 Enti iya bisi ati deka ngemediska nuan, awakka TUHAN munuh aku, enti aku enda madahka nya ngagai nuan, lalu mai nuan kebukai ngagai endur ti likun. Awakka TUHAN meruan enggau nuan baka Iya ti udah enggau apai aku!\\n14 Lalu enti aku agi mengkang idup, aku minta nuan ngayanka pengerindu TUHAN ngagai aku, ngambika aku enda mati.\\n15 Lalu pandangka penaluk nuan ngagai kami sebilik belama iya. Lebuh TUHAN udah ngeluska semua munsuh nuan,\\n16 anang enda ingatka kami sebilik. Awakka TUHAN malas semua munsuh David.”\\n17 Jonatan lalu ngasuh David besumpah baru madahka diri rinduka iya, laban Jonatan rinduka David baka iya ti rinduka diri empu.\\n18 Udah nya Jonatan bejaku enggau iya, “Pagila Gawai Anak Bulan, nuan deka nyata nadai dia, laban kerusi nuan puang.\\n19 Lusa orang deka lebih agi nemu nuan nadai datai! Nya alai, mupuk nuan ngagai endur alai nuan ke belalai suba, lalu belalai ari belakang tugung batu dia.\\n20 Aku deka nimbakka tiga iti laja ngagai batu nya, ngeluluka diri baka ke nyelinting batu nya.\\n21 Udah nya aku deka ngasuh ulun aku ngiga panah nya. Enti aku madahka ngagai iya, ‘Laja nya tunga kitu. Ambi iya,’ reti nya, nuan nadai utai ngawa, lalu tau pansut ari endur alai nuan ke belalai. Aku besumpah dalam nama TUHAN ti idup, nadai utai ulih nganu nuan.\\n22 Tang enti aku madahka ngagai iya, ‘Panah nya ngilah nuan kin agi,’ nuan enda tau enda mupuk, laban TUHAN ngasuh nuan mupuk.\\n23 Pasal semaya ti udah digaga tua enggau pangan diri, TUHAN deka nentuka tua ingatka semaya nya belama iya.”\\n24 Nya alai David lalu belalai di padang. Lebuh Gawai Anak Bulan nyadi, Raja Saul datai ngagai pengerami makai besai nya\\n25 lalu duduk ba endur alai iya ke duduk selama ngimbai dinding, lalu Jonatan duduk betunga mua enggau iya ari sepiak mija nya, lalu Abner duduk ngimbai Saul, tang penuduk David puang,\\n26 Tang taja pia Saul nadai nyebut utai sehari nya, laban ku pikir iya, “Utai bisi udah nyadi ba iya ti ngasuh iya enda tuchi.”\\n27 Tang ba hari ti kedua, iya nya sehari udah bekau Gawai Anak Bulan, penuduk David mega puang. Saul lalu nanya Jonatan, “Nama kebuah David nadai datai makai kemari enggau sehari tu?”\\n28 Disaut Jonatan, “Iya udah minta aku ngemendarka iya mupuk ngagai Betlehem;\\n29 ku iya, ‘Awakka aku mupuk, laban kami sebilik deka meri piring ngagai TUHAN, lalu bala menyadi aku udah mesanka aku datai. Nya alai, enti nuan amat pangan aku, awakka aku mupuk betemu enggau kaban belayan aku.’ Nya kebuah iya nadai duduk ba endur iya ba mija Raja.”\\n30 Saul lalu pedis ati ngagai Jonatan, lalu ku iya bejaku ngagai Jonatan, “Nuan tu anak ti nadai guna! Diatu baru aku nemu nuan setanah enggau David, lalu ngemaluka diri empu sereta ngemaluka indai nuan!\\n31 Seagi-agi David mengkang idup, nuan enda ulih nyadi raja menua tu. Nya alai, asuh orang ngambi iya lalu bai iya ngagai aku, laban iya enda tau enda mati.”\\n32 Jonatan lalu nyaut apai iya, Saul, “Nama kebuah iya enda tau enda mati? Nama utai ti udah dikereja iya?”\\n33 Ninga iya bejaku munyi nya, Saul lalu numbuk Jonatan ngena sangkuh iya, deka munuh iya. Nya baru Jonatan nemu apai iya amat keran deka munuh David.\\n34 Jonatan balat amat ringat, lalu angkat ari mija nya, lalu nadai makai utai sehari nya, iya nya ba hari ti kedua Gawai Anak Bulan nya. Ati iya balat tusah ke David, laban Saul udah mechat David.\\n35 Pagi hari siti Jonatan lalu mansang ngagai padang nya, deka betemu enggau David nitihka semaya seduai iya. Iya mai siku nembiak enggau iya,\\n36 lalu ku iya bejaku enggau nembiak nya, “Alai nuan belanda kin lalu giga laja ti deka ditimbakka aku.” Nembiak nya lalu belanda. Jonatan lalu nimbakka laja ngelui nembiak nya.\\n37 Lebuh nembiak nya datai ba endur alai laja nya udah labuh, Jonatan lalu ngangauka iya, “Laja nya jauh agi ari nya!\\n38 Anang bediri tegir-tegir ngapa! Jampat agi!” Nembiak nya lalu ngambi laja nya, lalu pulai baru ngagai tuan iya.\\n39 Tang iya enda nemu reti semua utai nya. Semina Jonatan seduai David aja nemu.\\n40 Jonatan lalu nyuaka senyata iya ngagai nembiak nya, lalu ngasuh iya mai senyata nya pulai ngagai nengeri.\\n41 Lebuh nembiak nya udah mupuk, David angkat ari belakang tugung batu nya, besugang, lalu nyungkurka diri ke tanah tiga kali. Seduai iya Jonatan sama nyabak lebuh seduai iya nyium pangan diri, tang David balat agi tusah ati ari Jonatan.\\n42 Jonatan lalu bejaku enggau David, “Allah Taala deka meruan enggau nuan. TUHAN deka nentuka tua, enggau peturun tua, deka ngingatka sempekat ti udah digaga tua enggau pangan diri.” David lalu mupuk, lalu Jonatan mulaika diri ngagai nengeri.\\nDavid Rari Ari Saul\\n1 David lalu mansang ngagai imam Ahimelek di Nop. Ahimelek nyau getar-getar mansang ngambat iya, lalu nanya, “Nama kebuah nuan datai ditu kediri?”\\n2 “Aku datai ditu ari asuh raja,” ku David nyaut. “Iya enda ngasuh aku madahka ngagai orang utai ti diasuh iya kereja aku. Nyadi pasal bala aku, aku udah ngasuh sida betemu enggau aku ba endur siti.\\n3 Kati nuan bisi bekal ke aku? Beri aku lima iti tuku roti, tauka sebarang utai bukai ti dikemisi nuan”\\n4 Ku imam nya bejaku, “Aku nadai roti, semina roti ti kudus. Nuan tau ngambi roti nya, enti bala nuan nadai udah beleman enggau indu dalam dua tiga hari tu ti udah.”\\n5 “Nadai sida udah ngereja nya,” ku David nyaut. “Bala aku endang semampai ngintu diri tuchi lebuh kami bejalai, anang kenang lebuh kami bejalai baka tu!”\\n6 Imam nya lalu meri roti ti kudus nya ngagai David, laban iya semina bisi roti ti udah diberi ngagai Allah Taala, ti udah dipindahka ari mija ti kudus nya, lalu diganti enggau roti ti baru. (\\n7 Nyadi tuai orang ke ngibun jelu tupi Saul, ke benama Doek, ke asal ari Edom, enda mukai-mukai bisi dia sehari nya, ngereja pengawa pengarap ti enda tau enda dikereja iya.)\\n8 Ku David bejaku enggau Ahimelek, “Kati nuan bisi sangkuh tauka pedang? Aku nadai mai pedang tauka senyata bukai, laban raja ngenyit ngasuh aku mupuk.”\\n9 Disaut Ahimelek, “Aku bisi pedang Goliat orang Pilistin, ke dibunuh nuan ba Lebak Elah. Pedang nya ari belakang epod, dibalut ngena kain. Enti nuan begunaka pedang nya, bai aja. Ka semina nya aja senyata ti bisi ditu.” Lalu ku David bejaku, “Beri nya ngagai aku. Nadai pedang ti manah agi ari nya!”\\n10 David lalu mupuk, ngerarika diri ari Saul. Iya lalu mansang ngagai Raja Akis di Gat.\\n11 Bala pemesai raja Akis lalu bejaku enggau raja, “Ukai enda iya tu David, ti nyadi raja di menua iya empu? Tu meh orang ke dikenang bala indu ngena lagu lebuh sida betanda, ‘Saul udah munuh beribu iku, tang David udah munuh bepuluh ribu iku.’ “\\n12 Leka jaku nya balat ngirauka ati David, lalu iya takut amat ke Raja Akis.\\n13 Nya alai di mua sida, iya ngaga diri baka ke gila. Lebuh sida deka masung iya, iya lalu jukat. Iya ngurik pintu penama nengeri nya, lalu nejuka liur iya rarat nurun ragum iya.\\n14 Nya alai, ku Akis bejaku enggau bala pemesai iya, “Peda nya! Iya tu gila! Nama kebuah kita mai iya ngagai aku?\\n15 Kati aku nadai chukup orang gila ditu? Nama kebuah kita mai siku agi orang gila ngagai rumah aku, lalu nejuka iya ngiruh aku ngena ulah ti tuyu?”\\nBala Imam Dibunuh\\n1 David rari ari nengeri Gat, lalu mansang ngagai lubang gua Adulam. Lebuh bala menyadi iya enggau semua sida sebilik ninga iya bisi dia, sida lalu mansang ngagai iya.\\n2 Orang ke kena tekan, tauka berutang, semua orang ke bisi utai ti ngasuh sida pedis ati, mansang ngagai iya, kira empat ratus iku semua sida, lalu iya nyadi tuai sida.\\n3 Ari Gat David bejalai ngagai Mispah di menua Moap, lalu ku iya bejaku enggau raja menua Moap, “Aku minta nuan ngelakka apai enggau indai aku datai lalu diau enggau nuan, nganti aku udah nemu utai ti deka dikereja Allah Taala ke aku.”\\n4 Nya alai David ninggalka apai indai iya enggau raja menua Moap. Seduai iya diau dia sekumbang David ke belalai dalam lubang gua.\\n5 Udah nya, nabi Gat datai ngagai David lalu bejaku, “Anang diau ditu. Mupuk nuan diatu ngagai menua Judah.” David mupuk, lalu mansang ngagai utan Heret.\\nSaul Munuh Bala Imam Di Nop\\n6 Nyadi sekali lebuh Saul di Gibe-ah, iya duduk di baruh sebatang kayu tamaris ba sigi munggu, megai sangkuh, dikelingi bala pemesai iya. Orang lalu madahka ngagai iya David enggau bala iya udah ditemu.\\n7 Ku iya bejaku ngagai bala pemesai iya, “Kita orang Benjamin, pendingka tu ulih kita! Kati kita ngumbai David deka meri umai enggau kebun anggur ngagai semua kita, lalu ngaga kita nyadi pemesai ke bala soldadu iya?\\n8 Kati nya kebuah kita bepekat ngelaban aku? Siku pen nadai ga kita deka madahka ngagai aku pasal anak aku empu ti udah setanah enggau David. Siku pen nadai ga kita deka ibuhka aku, tauka madahka pasal David, siku ari bala soldadu aku empu ke benung ngiga peluang munuh aku, enggau pasal anak aku ke meransang iya!”\\n9 Nyadi Doek bisi bediri dia begulai enggau bala pemesai Saul, lalu ku iya bejaku, “Aku bisi meda David mansang ngagai Ahimelek anak Ahitup di Nop.\\n10 Ahimelek nanya ngagai TUHAN utai ti patut dikereja David. Udah nya iya lalu meri David bekal, enggau pedang Goliat orang Pilistin.”\\n11 Raja Saul lalu mesanka Imam Ahimelek enggau semua kaban belayan iya ke sama nyadi imam di Nop. Sida lalu betemu enggau Saul.\\n12 Ku Saul bejaku enggau Ahimelek, “Pendingka tu ulih nuan, Ahimelek!” “Tuan,” ku Ahimelek nyaut.\\n13 Saul lalu nanya iya, “Nama kebuah nuan enggau David bepekat ngelaban aku? Nama kebuah nuan meri iya bekal enggau pedang, lalu betanya ngagai Allah Taala ngarika iya? Diatu iya udah nguing ngelaban aku, lalu nganti peluang alai iya munuh aku!”\\n14 Ku Ahimelek nyaut, “David nya pemesai ke pemadu tetap ati ngagai nuan! Iya menantu nuan. Iya tuai soldadu ke nyaga nuan. Lalu iya endang dibasa semua orang ke bekereja di istana raja.\\n15 Aku amat bisi betanya ngagai Allah Taala ngarika iya, lalu nya ukai terubah iya aku ngereja nya. Nyadi pasal bepekat ngelaban nuan, Tuan Raja enda tau nuduhka aku tauka orang bukai ari ruang bilik aku. Aku nadai nemu pasal pekara tu!”\\n16 Ku raja, “Ahimelek, nuan enggau semua kita sekaban enda tau enda dibunuh magang.”\\n17 Iya lalu bejaku enggau jejaga ke bediri semak iya, “Bunuh bala imam TUHAN! Sida udah bepekat enggau David, lalu sida enda madahka pasal iya ke rari, taja pen sida nemu nya kenyau ari pun.” Tang jejaga nya enggai ngangkatka jari munuh imam TUHAN.\\n18 Saul lalu bejaku enggau Doek, “Bunuh sida!” Doek lalu munuh semua sida. Dalam sehari nya iya munuh lapan puluh lima iku imam. Semua sida nya tau mai epod magang.\\n19 Saul mega ngasuh semua orang ke diau di Nop, iya nya nengeri ti alai imam nya diau, dibunuh magang, nyengkaum orang ke lelaki, sida ke indu, bala nembiak enggau anak mit, jelu sapi, keledai enggau jelu bedus. Semua sida dibunuh magang.\\n20 Tang Abiatar, siku ari bala anak lelaki Ahimelek, rari lalu mansang ngagai David.\\n21 Iya madahka ngagai David chara Saul udah munuh bala imam TUHAN.\\n22 Ku David bejaku enggau iya, “Lebuh aku meda Doek bisi dia sehari nya, aku nemu iya deka madahka utai ngagai Saul. Nya alai, aku betanggungjawapka pemati semua kaban belayan nuan.\\n23 Diau enggau aku. Anang takut. Saul bisi ati deka munuh tua, tang nuan deka likun enti nuan diau enggau aku.\\nDavid Ngelepaska Nengeri Keilah\\n1 Orang lalu madahka ngagai David, “Dinga nuan, orang Pilistin nyerang nengeri Keilah, lalu ngenchuri gandum ti baru udah diketau.”\\n2 David lalu betanya ngagai TUHAN, “Kati tau aku mansang lalu nyerang orang Pilistin?”\\n“Tau,” ku TUHAN nyaut. “Serang meh sida, lalu lepaska Keilah.”\\n3 Tang ku bala David bejaku enggau iya, “Dinga nuan, indah di menua Judah tu deh kitai takut. Kitai tentu deka balat agi takut enti kitai mansang ngagai Keilah lalu nyerang bala soldadu orang Pilistin din.”\\n4 David lalu betanya baru ngagai TUHAN, lalu ku TUHAN bejaku ngagai iya, “Mupuk nuan lalu serang Keilah, laban Aku deka ngasuh nuan menang ngelaban orang Pilistin.”\\n5 Nya alai David enggau bala iya mansang ngagai Keilah, lalu nyerang orang Pilistin. Sida munuh mayuh amat orang Pilistin, lalu ngerampas jelu tupi sida. Nya meh jalai David ngelepaska nengeri nya ari kuasa munsuh.\\n6 Lebuh Abiatar anak Ahimelek rari lalu mansang ngagai bala David di Keilah, iya bisi mai epod.\\n7 Orang lalu madahka ngagai Saul pasal David ti udah mansang ngagai Keilah. Ku Saul, “Allah Taala udah nyerahka iya ngagai jari aku. David udah tepekul, laban iya tama ngagai nengeri ti bekuta, ti bisi pintu ti kukuh.”\\n8 Saul lalu nguluka bala soldadu iya nyerang Keilah, lalu ngelulung David enggau bala iya.\\n9 Lebuh David ninga Saul bekira deka nyerang iya, iya lalu bejaku enggau Imam Abiatar, “Bai epod nya kitu.”\\n10 Lalu ku iya bejaku, “TUHAN Allah Taala ke disembah orang Israel, aku bisi ninga Saul deka datai di Keilah, lalu ngerusak nengeri tu, ketegal aku, ke nembiak Nuan.\\n11 Kati orang di Keilah deka nyerahka aku ngagai Saul? Kati Saul amat deka datai, munyi ti didinga aku? TUHAN Allah Taala ke disembah orang Israel, aku minta Nuan nyaut aku!” Ku TUHAN nyaut, “Saul deka datai.”\\n12 “Kati orang Keilah deka nyerahka aku enggau bala aku ngagai Saul?” ku David nanya baru. “Sida deka,” ku TUHAN nyaut.\\n13 Nya alai David enggau bala iya, kira enam ratus iku semua sida, lalu tekala nya angkat ari Keilah, lalu rari ngagai sebarang endur ti deka digusung sida. Lebuh Saul ninga David udah rari ari Keilah, iya lalu badu agi nyerang David.\\nDavid Di Menua Ti Bebukit\\n14 David belalai di menua ti bebukit, di menua puang semak Sip. Saul endang seruran nguji ngiga David, tang Allah Taala enda nyerahka David ngagai jari iya.\\n15 David bisi di Hores, di menua puang semak Sip, lebuh iya ninga Saul deka datai munuh iya.\\n16 Jonatan anak Saul mupuk lalu betemu enggau David di Hores; iya meransang David lebuh David madahka ngagai iya pasal Allah Taala ti deka nyaga David.\\n17 Ku Jonatan bejaku enggau David, “Anang takut. Apai aku Saul enda ulih ngemediska nuan. Iya sigi nemu nuan deka nyadi raja orang Israel, lalu aku deka nyadi lumur dua nuan.”\\n18 Seduai iya lalu ngaga siti sempekat di mua TUHAN; David diau di Hores, lalu Jonatan pulai ke rumah.\\n19 Sekeda orang ari Sip betemu enggau Saul di Gibe-ah, lalu ku sida, “David belalai di menua kami di Hores, ba Bukit Hakilah, di selatan menua puang Judea.\\n20 Tuan Raja, kami nemu pemendar nuan ke nguji nangkap iya. Nya alai, manah nuan datai ngagai menua kami. Kami deka nentuka nuan ulih nangkap iya.”\\n21 Disaut Saul, “Awakka TUHAN merekatka kita, laban kita udah manah enggau aku!\\n22 Mupuk meh kita lalu tentuka utai nya sekali agi. Giga endur alai iya, lalu giga orang ke udah meda iya dia. Aku ninga iya pintar amat.\\n23 Giga endur alai iya belalai, lalu padahka ngagai aku tekala nya. Nya baru aku deka bejalai enggau kita, lalu enti iya agi di menua nya, aku deka ngiga iya, nyengkaum di serata menua Judah.\\n24 Nya alai sida angkat lalu pulai ngagai Sip, dulu ari Saul. Nyadi David enggau bala iya bisi di menua puang Maon, ba lebak siti ti nadai orang nguan, di selatan menua puang Judea.\\n25 Saul enggau bala iya lalu angkat begigaka David. Tang lebuh David ninga nya, iya lalu mupuk ngagai menua ti bebukit ti bebatu di menua puang Maon, lalu diau dia. Lebuh Saul ninga nya, iya lalu nitihka David.\\n26 Saul enggau bala iya diseraraka bukit sigi ari bala David. David enggau bala iya lalu beguai-guai rari ari Saul, lebuh bala Saul nyau deka ngelikupka bala David.\\n27 Lebuh maya nya siku seruan datai, lalu bejaku enggau Saul, “Pulai diatu, laban orang Pilistin nyerang menua kitai!”\\n28 Saul lalu enda nyadi nitihka David; iya lalu nyerang orang Pilistin. Nya kebuah endur nya dikumbai “Bukit Alai Beserara.”\\n29 David angkat ari endur nya lalu belalai di menua En-gedi.\\nDavid Enggai Munuh Saul\\n1 Lebuh Saul pulai beperang ngelaban orang Pilistin, orang bisi madahka ngagai iya pasal David ke bisi di menua puang semak En-gedi.\\n2 Saul lalu mai tiga ribu iku soldadu ke pemadu kering ari menua Israel, lalu mupuk begigaka David enggau bala iya tunga ke timur Batu Kambin Babas.\\n3 Iya datai ba siti lubang gua ti semak kandang bedus, ngimbai jalai raya, lalu tama ngagai lubang gua nya, deka bira. Nyadi David enggau bala iya bisi belalai ba buntut lubang gua nya.\\n4 Ku sida bejaku enggau David, “Tu peluang nuan! TUHAN udah madahka Iya deka nyerahka munsuh nuan ngagai jari nuan, lalu nuan tau ngereja sebarang utai ti dikedekaka nuan ngagai iya.” David nyubuk Saul, lalu belalai netak puting baju panjai iya.\\n5 Tang David belabuh enda nyamai ati,\\n6 lalu ku iya bejaku enggau bala iya, “Awakka TUHAN nagang aku ngemediska tuan aku, ti udah dipilih TUHAN nyadi raja! Mimit pen enda meh aku tau ngemediska iya, laban iya raja ti udah dipilih TUHAN!”\\n7 Ngena jaku nya David ulih nguingka ati bala iya, lalu iya enda nyagi sida ngamuk Saul.\\nSaul angkat, ninggalka lubang gua nya, lalu mupuk.\\n8 Udah nya David pansut ari lubang gua nya, lalu ngangauka Saul, “Tuan Raja!” Lebuh Saul malik kebelakang, David lalu nyungkurka diri ke tanah masa Saul.\\n9 David lalu bejaku ngagai Saul, ku iya, “Nama kebuah nuan mendingka orang ke ngumbai aku nguji ngemediska nuan?\\n10 Dinga nuan, sehari tu nuan udah meda jalai TUHAN nyerahka nuan ngagai jari aku dalam lubang gua tu. Sekeda orang ari bala aku ngasuh aku munuh nuan, tang aku enggai munuh nuan. Aku bejaku ngagai bala aku madahka aku enda tau sekali-kali ngemediska nuan, laban nuan udah dipilih TUHAN nyadi raja.\\n11 Apai, peda nuan puting baju panjai nuan tu! Aku ulih munuh nuan, tang aku semina netak puting baju panjai nuan, lalu enda munuh nuan. Nuan patut nemu aku nadai ati deka ngelaban nuan. Aku nadai bedosa ngelaban nuan, taja pen nuan begagaika aku, deka munuh aku.\\n12 Awakka TUHAN ngakim entara tua! Awakka Iya malas nuan ngarika aku; tang aku sigi enggai ngelaban nuan.\\n13 Munyi ti disebut Jaku-dalam, ‘Orang ke jai mansutka penyai.’ Tang aku enggai ngelaban nuan.\\n14 Sapa ke digagai raja orang Israel? Begagaika bangkai ukui? Begagaika empiras?\\n15 Awakka TUHAN ngakim, lalu meri atur sapa tua ke salah. Awakka Iya meratika pekara tu, nyaga aku, lalu ngelepaska aku ari jari nuan.”\\n16 Lebuh David udah bejaku, Saul lalu bejaku, “Kati nya amat nuan, David, anak?” Iya lalu belabuh nyabak.\\n17 Udah nya iya lalu bejaku ngagai David, “Nuan endang amat lurus agi ari aku, laban nuan udah malas penyai aku ngena pemanah, tang aku udah malas nuan ngena penyai.\\n18 Sehari tu nuan udah mandangka pemanah nuan ngagai aku, laban nuan enda munuh aku, taja pen TUHAN udah nyerahka aku ngagai jari nuan.\\n19 Laban lebuh orang tetemuka munsuh, iya enda nejuka munsuh nya idup. Nya alai awakka TUHAN meri upah ti manah ngagai nuan ketegal utai ti udah dikereja nuan ngagai aku sehari tu.\\n20 Diatu baru aku nemu nuan deka nyadi raja, lalu menua Israel deka diserahka ngagai jari nuan.\\n21 Nya alai aku minta nuan besumpah di mua TUHAN, enda munuh uchu-ambu aku, ngambika waris kami sebilik enda putus.”\\n22 David lalu ngaga sumpah nya. Udah nya Saul pulai ke rumah, lalu David enggau bala iya pulai ngagai endur alai sida ke belalai.\\n1 Samuel mati, lalu semua orang Israel begempuru magang ngulitka iya, lalu sida nguburka iya ba rumah iya di Ramah.\\nDavid Enggau Abigail\\nDavid angkat lalu mupuk ngagai menua puang Paran.\\n2-3 Nyadi di Maon bisi orang siku benama Nabal. Nabal tu ari raban peturun Kalep. Iya bisi tanah semak nengeri Karmel. Nabal tu kaya bendar. Iya bisi tiga ribu iku jelu bedus, enggau seribu iku kambin. Bini iya Abigail bajik sereta tajam berunding, tang Nabal nya orang ke jai perangai sereta lengkar.\\n4 Lebuh David di menua puang, iya ninga pasal Nabal ke ngukur bedus iya.\\n5 Nya alai David ngasuh sepuluh iku nembiak iya mansang ngagai Nabal di Karmel. Ku David bejaku enggau sida, “Mansang kita ngagai Nabal di Karmel, lalu beri tabi basa ari aku ngagai iya.\\n6 Sebut ngagai iya: ‘David ngirumka pesan tabi basa ngagai nuan. Iya ngajihka nuan enggau kita sebilik, enggau semua bala nuan bela gerai nyamai magang.\\n7 Iya bisi ninga pasal nuan ke ngukur jelu bedus, lalu iya madahka ngagai nuan, bala pengibun bedus nuan udah bisi begulai enggau kami, lalu kami nadai ngachau sida, lalu nadai kala ngenchuri utai sida sekumbang sida di Karmel.\\n8 Tanya sida empu lalu sida deka madahka ngagai nuan. David mega minta nuan nyambut bala kami enggau manah, laban kami deka datai kitu lebuh maya gawai, laban pangan nuan David enggau kami ke nembiak nuan, minta beri nuan makai.’ “\\n9 Lebuh bala David datai, sida lalu nyebut semua pesan David ngagai Nabal. Udah nya sida lalu nganti.\\n10 Ku Nabal nyaut bala David, “Sapa David? Nadai aku kala ninga nama nya! Diatu mayuh amat ulun rari ninggalka tuan sida.\\n11 Kati aku patut mai roti enggau ai aku, enggau dagin jelu ti udah disayat aku ke bala orang ke ngukur bedus aku, lalu meri utai nya ngagai orang ke enda ditemu aku penatai?”\\n12 Bala David lalu pulai, lalu madahka ngagai iya semua utai nya.\\n13 David lalu bejaku ngagai bala iya, “Tangkin pedang kita!” Semua sida lalu nangkin pedang magang. David mega nangkin pedang iya; kira empat ratus iku orang nitihka David. Iya ninggalka dua ratus iku ngibun bekal sida.\\n14 Tang siku ari bala Nabal bejaku enggau bini Nabal, Abigail, “Dinga nuan, David bisi ngirumka bala seruan ari menua puang mai pesan tabi basa ngagai tuan kami, lalu iya ngeleseka sida,\\n15 taja pen bala orang tu udah manah amat enggau kami, sida nadai kala ngachau kami, lalu nadai kala ngenchuri utai kami sekumbang kami ke begulai enggau sida.\\n16 Sida nyaga kami siang malam, sekumbang kami ke begulai enggau sida, lebuh kami ngibun bedus kitai.\\n17 Nya alai nuan enda tau enda nemu tu, lalu bekiraka utai ti patut dikereja; laban penusah ti besai deka ninggang tuan kami enggau ruang bilik iya. Iya kelalu jai perangai datai ke nadai siku orang ulih bejaku enggau iya.”\\n18 Abigail lalu beguai-guai ngambi dua ratus iti tuku roti, dua iti kambut ti penuh laban wain, lima iku bedus ti udah disediaka, tujuh belas kilogram kemping, seratus iti gupung buah anggur ti udah disalai, enggau dua ratus igi roti buah ara, lalu ngundanka semua utai nya ba berapa iku keledai.\\n19 Udah nya iya bejaku enggau bala orang gaji iya, “Kita bejalai dulu. Lagi aku nitihka kita.” Tang iya enda madahka nya ngagai laki iya Nabal.\\n20 Lebuh iya nepan keledai iya musin serimbing bukit, David, enggau bala iya mansang ngagai iya, lalu iya betemu enggau sida.\\n21 Nyadi David udah bejaku, “Lebu ngapa aku udah nyaga utai orang tu di menua puang tu. Utai iya nadai kena churi; lalu iya malas pemanah aku ngena penyai.\\n22 Awakka Allah Taala munuh akuenti aku enda munuh semua bala orang nya sebedau rerak tawas pagila!”\\n23 Lebuh Abigail meda David, iya lalu beguai-guai nurun ari keledai iya, lalu nyungkurka diri ke tanah\\n24 semak kaki David, lalu bejaku enggau iya, “Tuan, aku minta nuan mendingka aku! Awakka penyalah nya ninggang aku.\\n25 Anang bedulika Nabal ti nadai guna nya! Reti nama iya nya beli lalu iya empu endang beli! Lebuh bala ke dikirumka nuan datai, aku nadai betemu enggau sida.\\n26 TUHAN Empu ti udah nagang nuan malas lalu munuh munsuh nuan. Nya alai, diatu aku besumpah dalam nama Allah Taala ti idup, awakka munsuh nuan enggau semua orang ke deka ngemediska nuan, diukum baka Nabal.\\n27 Nyadi diatu awakka pemeri ti udah dibai aku ngagai nuan, tuan, diberi ngagai bala nuan.\\n28 Aku minta nuan, tuan, ngampun penyalah aku; laban TUHAN tetap deka ngaga nuan, enggau peturun nuan, nyadi raja, laban nuan beperang ngarika TUHAN. Lalu nadai penusah deka ninggang nuan sepemanjai umur nuan.\\n29 Enti orang angkat ngelaban nuan, begagaika nuan, lalu nguji munuh nuan, TUHAN Allah Taala nuan deka nyaga nuan, baka ke nyaga pesaka ti berega. Tang bala munsuh nuan deka dibuai TUHAN, baka ke nikauka batu ngena pangwang.\\n30 Lalu lebuh TUHAN udah ngereja semua utai ti manah ti udah disemaya Iya ngagai nuan, lalu udah ngaga nuan nyadi raja menua Israel,\\n31 nuan nadai agi kebuah tusah tauka nesal ati ketegal nuan udah munuh orang enggau nadai kebuah, tauka ngiga balas. Lalu lebuh TUHAN udah merekatka nuan, tuan, anang enda ingatka aku.”\\n32 David lalu bejaku enggau Abigail, “Puji TUHAN Allah Taala ke disembah orang Israel ti udah ngasuh nuan betemu enggau aku sehari tu!\\n33 Awakka Allah Taala merekatka nuan, laban sehari tu nuan udah nagang aku munuh orang, sereta nagang aku malas ngena jari aku empu.\\n34 TUHAN udah nagang aku ngemediska nuan. Tang aku besumpah dalam nama Allah Taala ke disembah orang Israel ti idup, enti nuan enda udah jampat betemu enggau aku, semua bala Nabal tetap mati magang tumu pagila!”\\n35 Udah nya David lalu nyambut ari Abigail utai ti dibai Abigail ngagai iya. Lalu ku iya bejaku enggau Abigail, “Pulai meh nuan enggau selamat. Aku udah mendingka nuan, lalu aku udah ngereja utai ti dipinta nuan.”\\n36 Abigail lalu pulai ngagai Nabal, ke benung rami makai besai baka raja. Nabal balat amat ngelantangka diri, laban iya mabuk, sereta bebuti enggau orang. Nya alai Abigail enda madahka utai ngagai iya nyentuk ngagai pagi hari siti.\\n37 Pagi hari siti, lebuh Nabal udah gerai mabuk, Abigail lalu madahka semua utai nya ngagai iya. Iya lalu mati tubuh, lalu enda ulih engkebut.\\n38 Kira sepuluh hari udah bekau nya, TUHAN munuh Nabal, lalu iya mati.\\n39 Lebuh David ninga Nabal udah mati, iya lalu bejaku, “Puji TUHAN ti udah malas Nabal laban Nabal udah ngeleseka aku, lalu udah nagang aku ngereja utai ti salah. TUHAN udah ngukum Nabal ketegal penyai ti udah dikereja iya empu.” Udah nya David lalu ngirumka pesan minta Abigail jadi enggau iya.\\n40 Lebuh bala orang gaji David betemu enggau Abigail di Karmel, sida lalu nyebut ngagai iya, “David udah ngasuh kami betemu enggau nuan, lalu mai nuan nyadika bini iya.”\\n41 Abigail lalu nyungkurka diri ke tanah, lalu bejaku, “Aku tu ulun iya. Aku sedia deka masu kaki bala orang gaji iya.”\\n42 Iya lalu beguai-guai angkat, lalu nepan keledai iya, disempulang lima iku orang gaji iya, mupuk enggau bala orang gaji David, lalu nyadi bini David.\\n43 David udah mega jadi enggau Ahinoam ari Jesril. Diatu Abigail seduai Ahinoam sama nyadika bini iya.\\n44 * Laban Saul udah meri anak indu iya Mikal, ti udah nyadi bini David, ngagai Palti anak Lais, ke datai ari nengeri Galim.\\nKedua Kali David Enggai Munuh Saul\\n1 Sekeda orang ari Sip datai ngagai Saul di Gibe-ah, lalu madahka ngagai iya pasal David ke belalai ba Bukit Hakilah, ba tisi menua puang menua Judea.\\n2 Saul lalu angkat tekala nya, lalu mansang ngagai menua puang Sip, mai tiga ribu iku bala soldadu ke pemadu kering di menua Israel, ngiga David.\\n3 Iya lalu nirika kem ba tisi jalai ba Bukit Hakilah. Tang David mengkang diau di menua puang, lalu lebuh iya ninga Saul nyau deka datai ngiga iya,\\n4 iya lalu ngasuh bala pematau nentuka Saul amat bisi dia.\\n5 David lalu mupuk ngagai endur alai Saul udah nirika kem iya, lalu David tepedaka endur alai Saul tinduk enggau Abner anak Ner, ti nyadi tuai soldadu. Saul tinduk dalam kem nya, dikelingi bala soldadu iya.\\n6 Udah nya David lalu nanya ngagai Ahimelek, orang Iti, enggau ngagai menyadi Joap, Abisai anak Seruiah, “Sapa deka enggau aku mansang ngagai kem Saul?” “Aku,” ku Abisai nyaut.\\n7 Nya alai, malam nya David seduai Abisai mansang ngagai kem Saul, lalu nemu Saul tinduk dalam kem nya. Sangkuh iya diunjamka iya ba tanah semak puchuk pala iya; lalu Abner enggau bala soldadu tinduk ngelingi iya.\\n8 Ku Abisai bejaku enggau David, “Allah Taala udah nyerahka munsuh nuan ngagai jari nuan malam tu. Awakka aku ngentumka sangkuh iya empu ngagai iya, sekali aja, enda ibuh ditandu.”\\n9 Tang ku David bejaku ngagai Abisai, “Anang munuh iya, laban TUHAN deka ngukum orang ke ngenataika jari ba raja ti udah dipilih Iya.”\\n10 Lalu ku David, “Aku besumpah dalam nama TUHAN ti idup, TUHAN Empu deka munuh iya, nemuka lebuh iya mati tuai, tauka mati beperang.\\n11 TUHAN enda ngasuh aku ngenataika jari ngagai orang ke udah ditata TUHAN nyadi raja! Tang awakka tua semina ngambi sangkuh enggau tepayan ai iya, lalu mupuk ari tu.”\\n12 David lalu ngambi sangkuh, enggau tepayan ai ari semak pala Saul; lalu seduai iya mupuk. Nadai orang meda tauka nemu utai nya udah nyadi, tauka tedani; laban TUHAN udah ngasuh semua sida tinduk jenak magang.\\n13 David lalu meraka ke seberai, lalu bediri ba tuchung bukit, jauh ari Saul.\\n14 David lalu ngangauka bala soldadu Saul, enggau Abner, ku iya, “Abner! Kati nuan ulih ninga aku?”\\nAbner lalu nyaut, “Sapa nuan nya ke ngangauka raja?”\\n15 David lalu nyaut, “Abner, kati nuan ukai anak lelaki? Sapa orang bisi baka nuan di menua Israel? Nya alai nama kebuah nuan enda nyaga raja nuan? Laban siku orang udah tama ngagai kem kita, deka munuh tuan nuan.\\n16 Utai ti dikereja nuan nya enda manah. Aku besumpah dalam nama TUHAN ti idup, nuan patut diukum bunuh, laban nuan enda nyaga tuan nuan, ti udah ditata TUHAN. Uji peda nuan diatu, dini alai sangkuh raja enggau tepayan ai ti ngimbai pala iya?”\\n17 Saul ngelala munyi nyawa David, lalu iya nanya, “David, kati nya nuan, anak?” “Aku meh tu, Tuan Raja,” ku David nyaut.\\n18 Lalu ku David bejaku, “Tuan, nama kebuah nuan begagaika nembiak nuan? Nama utai ti udah dikereja aku ngagai nuan? Nama penyalah aku?\\n19 Nya alai awakka Tuan Raja, mendingka jaku aku. Enti sema TUHAN udah nyungkak nuan ngelaban aku, awakka Iya nerima siti piring; tang enti nuan disungkak mensia, awakka orang nya kena sumpah di mua TUHAN, laban sida sehari tu udah muru aku ari menua TUHAN, lalu ngasuh aku nyembah petara orang bansa bukai.\\n20 Nya alai, anang munuh aku jauh ari TUHAN; laban raja orang Israel keras deka munuh aku, baka ke ngasu burung ba sebelah bukit.”\\n21 Disaut Saul, “Aku udah salah. Pulai kitu, David, anak aku, laban aku enggai agi ngemediska nuan, laban nuan sayauka nyawa aku sehari tu. Dinga nuan, aku udah beli, lalu udah ngereja utai ti balat jai!”\\n22 Disaut David, “Tu sangkuh nuan, Tuan Raja. Asuh siku ari bala nuan mansang kitu, ngambi sangkuh tu.\\n23 TUHAN ngupah genap iku orang ke tetap ati sereta lurus; laban sehari tu TUHAN udah nyerahka nuan ngagai jari aku, tang aku enda ngenataika jari ngagai orang ke udah ditata TUHAN.\\n24 Dinga nuan, laban sehari tu aku udah sayauka nyawa nuan, awakka TUHAN mega sayauka nyawa aku, lalu awakka Iya ngelepaska aku ari semua penusah.”\\n25 Lalu ku Saul bejaku enggau David, “Beberekat meh nuan, David, anak aku! Nuan deka ngereja mayuh macham utai, lalu nuan deka mujur dalam semua utai nya.” David mupuk, lalu Saul pulai ke rumah.\\nDavid Diau Enggau Orang Pilistin\\n1 Ku David berunding dalam ati diri, “Saul tetap deka munuh aku ila. Manah aku rari ngagai menua Pilistin. Nya baru Saul deka badu agi begigaka aku di menua Israel, lalu aku rari ari jari iya.”\\n2 Nya alai David enggau enam ratus iku bala iya angkat tekala nya lalu mansang ngagai Akis anak Maok, raja nengeri Gat.\\n3 David enggau bala iya sereta enggau bini anak sida lalu diau di Gat. David mai bini iya ke dua iku enggau iya, Ahinoam ke asal ari Jesril, enggau Abigail, balu niang Nabal, ke asal ari Karmel.\\n4 Lebuh Saul ninga David udah rari ngagai Gat, iya lalu enggai agi begigaka iya.\\n5 Ku David bejaku enggau Akis, “Enti nuan amat pangan aku, beri aku siti nengeri alai aku diau. Aku enda ibuh diau begulai enggau nuan ba indu nengeri tu, tuan.”\\n6 Nya alai Akis meri iya nengeri Siklak. Nya meh kebuah Siklak diempu raja orang Judah nyentuk ngagai sehari tu.\\n7 David diau di menua Pilistin setaun empat bulan.\\n8 Sekumbang iya ti diau dia, David enggau bala iya selalu nyerang orang Gesur, Girsi, enggau Amalek. Orang tu endang lama udah diau di menua nya. Iya ngayau ngagai menua nya nyentuk ngagai Sur, terus ngagai menua Ejip,\\n9 munuh semua orang ke lelaki, sida ke indu, lalu ngambi jelu bedus, jelu sapi, keledai enggau unta, nyengkaum kain baju. Udah nya iya pulai baru ngagai Akis.\\n10 Lalu ku Akis nanya iya, “Kini ke nuan udah ngayau sekali tu?” David lalu madahka diri udah ngayau ngagai selatan menua Judah, tauka ngagai menua raban peturun Jerahmil, tauka ngagai menua orang Ken.\\n11 David selalu munuh semua orang, lelaki enggau indu, ngambika sida nadai mai berita ngagai Gat, enggai ke sida madahka utai ti udah dikereja iya enggau bala iya. Nya meh utai ti dikereja David sekumbang iya ti diau di menua Pilistin.\\n12 Tang Akis ngarapka David, ku iya berunding, “David balat dipegedika bansa iya empu di menua Israel. Nya kebuah iya deka bekereja ke aku seumur idup.”\\n1 Nyau kelama udah bekau nya, orang Pilistin ngempuruka bala soldadu sida, deka nyerang orang Israel, lalu ku Akis bejaku enggau David, “Nuan nemu, nuan enggau bala nuan, deka enggau aku mansang beperang.”\\n2 Ku David bejaku enggau Akis, “Barang ku jaku; ila baru nuan meda jamah aku.” Lalu ku Akis bejaku enggau David, “Manah nya! Aku deka ngasuh nuan nyadi jejaga aku seumur idup.”\\nSaul Betanya Ngagai Manang\\n3 Lebuh maya nya Samuel endang udah mati. Lalu semua orang Israel udah ngulit lalu nguburka iya di nengeri iya empu di Ramah, lalu Saul endang udah muru semua orang ke tau tujum enggau semua manang ari menua Israel.\\n4 Bala soldadu orang Pilistin begempuru lalu nirika kem sida di Sumen. Saul lalu ngempuruka orang Israel lalu nirika kem ba Bukit Gilboa.\\n5 Lebuh Saul meda bala soldadu orang Pilistin, iya balat takut.\\n6 Lalu lebuh Saul betanya ngagai TUHAN, TUHAN enda nyaut iya, nemuka dalam mimpi, tauka ngena Urim enggau Tumim, tauka ngenanabi.\\n7 Udah nya Saul lalu bejaku enggau bala pemesai iya, “Giga siku indu ke tau tujum, ngambika aku betanya ngagai iya.” “Bisi siku di Endor,” ku sida nyaut iya.\\n8 Saul lalu nukar gari diri, kena iya nyaru diri baka gamal orang bukai. Lebuh hari nyau petang, iya mai dua iku orang ari bala iya, lalu mansang betemu enggau indu nya. “Tanyaka ngagai semengat orang ke udah mati, lalu padahka ngagai aku utai ti deka nyadi,” ku iya bejaku enggau indu nya. “Kangauka semengat orang ke disebut aku nama.”\\n9 Ku indu nya nyaut, “Nuan tentu nemu utai ti udah dikereja Saul, pasal iya ke muai semua orang ke tau tujum, enggau sida manang ari menua Israel. Nya alai, nama kebuah nuan deka manjuk aku, lalu ngasuh aku diukum bunuh?”\\n10 Udah nya Saul lalu besumpah. “Aku besemaya dalam nama TUHAN ti idup, nuan enda kena ukum ketegal utai tu,” ku iya madahka ngagai indu nya.\\n11 “Sapa orang ke patut dikangauka aku?” ku indu nya nanya. “Samuel,” ku Saul nyaut.\\n12 Lebuh indu nya meda Samuel, iya nyerauh, lalu bejaku enggau Saul, “Nama kebuah nuan nipu aku? Nuan tu Raja Saul!”\\n13 “Anang takut!” ku Saul bejaku enggau iya. “Nama utai ti dipeda nuan?” “Aku meda semengat siku orang pansut ari dalam tanah,” ku indu nya nyaut.\\n14 “Baka ni ku gamal semengat orang nya?” ku Saul nanya. “Orang nya tuai,” ku indu nya nyaut. “Iya ngena siti baju ti panjai.” Nya baru Saul nemu orang nya Samuel. Iya lalu nyungkurka diri ke tanah, masa iya.\\n15 Ku Samuel bejaku enggau Saul, “Nama kebuah nuan ngachau aku, lalu ngasuh aku pulai baru?” Disaut Saul, “Aku balat kena laban penusah! Orang Pilistin nyerang aku, lalu Allah Taala udah ninggalka aku. Iya nadai agi nyaut aku, nemuka ngena sida nabi tauka ngena mimpi. Nya alai aku ngangauka nuan, minta nuan madahka utai ti patut dikereja aku.”\\n16 Ku Samuel bejaku, “Nama kebuah nuan ngangauka aku lebuh TUHAN udah ninggalka nuan, lalu nyadi munsuh nuan?\\n17 TUHAN udah ngereja ngagai nuan, utai ti diasuh Iya padahka aku ngagai nuan. Iya udah ngambi perintah ari jari nuan, lalu udah meri perintah nya ngagai David.\\n18 Nuan enda ngasika pesan TUHAN, lalu enda ngeluska orang Amalek, sama enggau semua utai ti dikembuan sida. Nya kebuah TUHAN ngereja utai tu ngagai nuan diatu.\\n19 Iya deka nyerahka nuan enggau orang Israel ngagai orang Pilistin. Pagila nuan enggau bala anak nuan deka begulai enggau aku, lalu TUHAN mega deka nyerahka bala soldadu orang Israel ngagai orang Pilistin.”\\n20 Saul lalu tekala nya rebah lalu garing-garing ba tanah, laban iya takutka utai ti udah disebut Samuel. Iya lembut tulang, laban iya nadai makai utai sehari nya, enggau semalam-malam nya.\\n21 Indu nya lalu mansang ngagai iya, lalu lebuh iya meda Saul balat amat takut, iya lalu bejaku enggau Saul, “Tuan, aku berambunka nyawa ngereja utai ti diasuh nuan.\\n22 Aku diatu minta nuan ngereja utai ti dipinta aku; awakka aku nyendiaka pemakai ke nuan. Nuan enda tau enda makai, ngambika nuan ulih bejalai.”\\n23 Saul lalu madahka diri enggai makai, ku iya, “Aku enggai makai.” Tang bala pemesai iya, enggau indu nya mujuk iya makai. Nyau kelama, nya baru iya nurutka jaku sida, angkat ari tanah, lalu duduk ba katil.\\n24 Indu nya lalu beguai-guai munuh siku anak sapi, ti udah digalau iya. Udah nya iya lalu ngambi tepung, nyendiaka tepung nya, lalu manggang roti ti enda beragi.\\n25 Iya lalu ngenahka pemakai nya di mua Saul enggau bala pemesai iya makai. Sida lalu makai. Malam nya sida lalu mupuk.\\nDavid Ditulak Orang Pilistin\\n1 Orang Pilistin lalu ngempuruka semua bala soldadu sida di Apek, lalu orang Israel nirika kem sida ba mata ai ba Lebak Jesril.\\n2 Raja orang Pilistin ke lima iku nya lalu mansang mai bala sida, beratus iku enggau beribu iku dalam siti-siti raban. David enggau bala iya bejalai di belakang, sama enggau Raja Akis.\\n3 Bala kepala soldadu orang Pilistin tepedaka seduai iya, lalu nanya, “Nama pengawa orang Hebrew nya ditu?” Akis lalu nyaut, “Iya tu David, siku pemesai Raja Saul orang Israel. Iya endang lama udah enggau aku. Aku nadai kala nemu iya bisi udah ngereja penyalah kenyau ari iya datai ngagai aku.”\\n4 Tang bala tuai soldadu orang Pilistin pedis ati ngagai Akis, lalu ku sida bejaku enggau iya, “Asuh orang nya pulai ngagai nengeri ti udah diberi nuan ngagai iya. Anang ngasuh iya enggau kitai beperang. Kada enda iya deka nguing ngelaban kitai lebuh kitai bamuk lagi. Tu peluang ti manah kena iya munuh bala kitai lalu minta diri dikerinduka tuan iya.\\n5 Iya tu David, orang ke dipuji sida ke indu ngena lagu lebuh sida betanda, “Saul udah munuh beribu iku, tang David udah munuh bepuluh ribu iku.’ “\\n6 Akis lalu mesanka David, lalu ku iya bejaku enggau David, “Aku besumpah dalam nama Allah Taala ti idup, ke disembah orang Israel. Nuan udah taluk ngagai aku. Aku endang gaga ati deka mai nuan mansang beperang. Aku nadai kala nemu nuan bisi udah ngereja penyalah kenyau ari nuan datai kitu ngagai aku. Tang sida raja ti bukai enda ngasuh nuan.\\n7 Nya alai, pulai meh nuan enggau selamat ke rumah, lalu anang ngereja utai ti tau ngasuh sida enda lantang ati.”\\n8 David lalu nyaut, “Nama penyalah aku, tuan? Enti munyi ku nuan, aku endang nadai udah kala ngereja penyalah kenyau ari terubah hari aku bekereja ke nuan, nama kebuah aku enda tau enggau nuan ngelaban munsuh nuan? Nuan endang tuan enggau raja aku. “\\n9 “Aku besetuju,” ku Akis nyaut. “Aku ngira nuan taluk baka melikat Allah Taala. Tang sida raja ti bukai udah bejaku madahka nuan enda tau enggau kami beperang.\\n10 Nya alai, David, semua kita ke udah ninggalka Saul lalu udah datai ngagai aku, angkat tumu pagila, lalu mupuk ari tu rerak tawas pagila.”\\n11 Nya alai David enggau bala iya lalu mupuk tumu pagi hari siti, deka mulaika diri ngagai menua Pilistin. Orang Pilistin lalu mupuk ngagai Jesril.\\n1 Dua hari udah bekau nya, David enggau bala iya lalu datai baru di Siklak. Orang bansa Amalek udah nyerang selatan menua Judah, enggau nengeri Siklak, nunu nengeri nya\\n2 lalu nangkap semua orang ke indu. Sida nadai munuh orang, tang nabanka semua orang lebuh sida ninggalka nengeri nya.\\n3 Lebuh David enggau bala iya datai dia, sida nemu nengeri nya udah ditunu, lalu bini sida, anak lelaki enggau anak indu sida udah ditabanka munsuh.\\n4 David enggau bala iya lalu enda ngetu-ngetu nyabak datai ke sida nyau lepi.\\n5 Indah bini David ke dua iku, Ahinoam seduai Abigail, deh ditabanka munsuh.\\n6 David balat tusah, laban bala iya balat amat ringat ketegal sida lenyau anak bini, lalu sida deka nuku iya ngena batu. Tang David bekering ba TUHAN Allah Taala iya.\\n7 Lalu ku David bejaku enggau Imam Abiatar anak Ahimelek, “Bai epod kitu ngagai aku.” Abiatar lalu mai epod ngagai iya.\\n8 David lalu betanya ngagai TUHAN, “Kati tau aku ngagai bala perumpak nya? Kati aku ulih tetitihka sida?” Ku TUHAN nyaut, “Titihka sida. Nuan ulih tetitihka sida, lalu ngelepaska bala orang ke ditangkap sida.”\\n9 Nya alai David enggau enam ratus iku bala iya lalu mupuk. Lebuh sida datai ba sungai Besor, sekeda sida lalu tinggal dia.\\n10 David enggau empat ratus iku bala iya lalu majakka pejalai sida. Nyadi sida ke dua ratus iku nya nyau kelalu lelak, enda ulih meraka sungai nya, lalu sida ninggalka diri.\\n11 Bala David lalu tetemuka siku orang Ejip di menua nya, lalu sida mai iya ngagai David. Sida meri iya makai enggau ai irup,\\n12 meri iya salai buah ara mimit, enggau dua gupung salai buah anggur. Lebuh iya udah badu makai, iya lalu berasai kering baru. Iya nadai makai, nadai ngirup tiga hari terit.\\n13 David lalu nanya iya, “Sapa nama tuan nuan, lalu ari ni penatai nuan?” “Aku tu orang Ejip, ulun orang Amalek,” ku iya nyaut. “Tuan aku ninggalka aku tiga hari tu udah, laban aku sakit.\\n14 Kami udah ngerumpak menua Kereti di selatan menua Judah, enggau menua raban peturun Kalep, lalu kami nunu Siklak.”\\n15 “Kati nuan deka nguluka aku ngagai bala perumpak nya?” ku David nanya iya. “Ka, enti nuan besemaya dalam nama Allah Taala, enda munuh aku, tauka nyerahka aku ngagai tuan aku,” ku iya nyaut.\\n16 Iya lalu nguluka David ngagai sida. Nyadi bala perumpak nya udah ngachir ba sebelah menua nya, makai, ngirup, lalu ngerami diri ti udah ngerampas mayuh amat perapasan ari menua Pilistin enggau menua Judah.\\n17 Tumu pagi hari siti, David lalu nyerang sida, ngelaban sida nyentuk ngagai lemai hari nya. Kelimpah ari empat ratus iku orang ke nepan unta, ke ngerarika diri, nadai siku sida ulih rari.\\n18 David lalu ngambi pulai baru semua orang enggau semua utai ti udah ditabanka orang Amalek, nyengkaum bini iya ke dua iku.\\n19 Utai sida nadai lenyau siti. David lalu mai semua anak lekaki enggau anak indu bala iya pulai, enggau semua utai ti udah dirampas orang Amalek.\\n20 Iya mega ngambi pulai baru semua jelu bedus, enggau semua jelu sapi. Bala iya lalu ngasuh raban jelu tupi bejalai dulu ari sida. Ku sida, “Tu enggi David magang!”\\n21 Udah nya David lalu pulai ngagai dua ratus iku bala iya ke kelalu lepi bejalai enggau iya, lalu udah ninggalka diri ba sungai Besor. Sida mansang ngambat David enggau bala iya. David lalu mansang ngagai sida, lalu betabi enggau sida, gaga ati.\\n22 Tang sekeda orang ke jai, ti udah bejalai enggau David lalu bejaku, “Sida nadai bejalai enggau kitai, nya alai kami enggai meri sida perapasan ti udah ulih kami, tang sida tau ngambi bini enggau anak sida, lalu angkat ari tu.”\\n23 Tang ku David nyaut, “Menyadi, enggai nyadi kita baka nya enggau utai ti udah diberi TUHAN ngagai kitai! Iya udah nyaga kitai, lalu udah nyerahka bala perumpak ngagai jari kitai.\\n24 Nadai orang deka mendingka kita ba pekara tu! Semua utai enda tau enda dibagi bela. Orang ke tinggal ngemataka bekal, diberi ungkup ngemayuh enggi orang ke enggau beperang.”\\n25 David ngaga tu nyadika adat, lalu berengkah ari nya, adat nya mengkang dititihka orang Israel.\\n26 Lebuh David pulai ngagai Siklak, iya ngirumka sekeda perapasan nya ngagai pangan iya, iya nya bala tuai orang Judah, ngena pesan tu, “Tu pemeri ke nuan, ari perapasan ti udah dirampas aku ari bala munsuh TUHAN.”\\n27 Iya ngirumka utai nya ngagai orang di Betel, orang di Ramah di selatan menua Judah, enggau ngagai orang di nengeri Jatir,\\n28 Aroer, Sipmot, Estemoa,\\n29 enggau di Rakal, ngagai raban peturun Jerahmil, Ken,\\n30 enggau ngagai orang di nengeri Hormah, Borasan, Atak,\\n31 enggau Hebron. Iya ngirumka utai nya ngagai semua endur ti udah ditengah iya enggau bala iya.\\nPemati Saul Enggau Bala Anak Lelaki Iya\\n1 Nyadi orang Pilistin bamuk ngelaban orang Israel ba Bukit Gilboa. Mayuh amat orang Israel mati dia.\\n2 Orang Pilistin lalu ulih tetitihka Saul enggau anak lelaki iya, lalu munuh Jonatan, Abinadap, enggau Malkisua, anak lelaki Saul ke tiga iku.\\n3 Balat amat orang bamuk ngelingi Saul, lalu Saul empu kena laban laja munsuh, lalu balat amat bakal.\\n4 Ku iya bejaku enggau nembiak ke mai senyata iya, “Sintak pedang nuan, lalu rejangka pedang nya ngagai aku, enggai ke orang kapir nya beduan aku.” Tang nembiak nya enggai. Nya alai Saul lalu ngambi pedang iya empu, lalu ngerejang diri ngena pedang nya.\\n5 Lebuh nembiak nya meda Saul udah mati, iya mega ngerejang diri ngena pedang iya empu, lalu mati sama enggau Saul.\\n6 Nya meh gaya Saul, anak lelaki iya ke tiga iku, nembiak ke mai senyata ke iya, enggau semua bala Saul mati sehari nya.\\n7 Lebuh orang Israel ke ba sepiak-sepiak Lebak Jesril, enggau di timur Sungai Jordan, ninga bala soldadu orang Israel udah rari, lalu Saul enggau bala anak iya udah mati, sida lalu ninggalka nengeri sida, lalu rari. Udah nya orang Pilistin datai, lalu nguan nengeri nya.\\n8 Sehari udah bekau sida ke bamuk, orang Pilistin lalu ngambi utai ari bangkai orang ke mati. Sida lalu nemu bangkai Saul enggau anak lelaki iya ke tiga iku ba Bukit Gilboa.\\n9 Sida mumpung pala Saul, muka baju kebal iya, lalu ngasuh bala seruan mai utai nya ngagai semua menua Pilistin, madahka berita manah nya ngagai engkeramba enggau ngagai orang Pilistin.\\n10 Udah nya sida ngengkahka senyata Saul dalam rumah sembiang petara Astarte, lalu ngelantakka bangkai iya ba dinding nengeri Bet-san ngena paku lawang.\\n11 Tang lebuh orang di Jabes, di menua Giliat ninga utai ti udah dikereja orang Pilistin ngagai Saul,\\n12 semua orang ke berani angkat lalu bejalai semalam-malam nya ngagai Bet-san. Sida nurunka bangkai Saul enggau anak lelaki iya ari dinding nya, mai sida pulai baru ngagai Jabes, lalu nunu bangkai sida dia.\\n13 Udah nya sida ngambi tulang sida, lalu nguburka tulang nya di baruh kayu tamaris di nengeri nya, lalu bepasa tujuh hari.","num_words":22619,"character_repetition_ratio":0.081,"word_repetition_ratio":0.002,"special_characters_ratio":0.215,"stopwords_ratio":0.351,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Cerita aku meh towk J\\nAri towk dh seminggu dh ku bk rumah..seminggu meh udh km cuti sem..nda nemu nama main bk rumah,nyadi driver akak, n sempat meh nulis bk blog..hahaha\\nSekumbang udh cuti towk asai lain mat2 cuti laban suba enti maia pulai cuti mesti diau bk rumah dirik empu tp cuti kali towk lain..pulai agai rumah urng bukai,pulai agai rumah auntie ku(madi apak) laban rumah dh diroboh ke n benung alm proses ngaga rumah baru.\\nNda sabar mat ka meda rumah tembu bh, nda nyamai mat nyerak pgidup urng bukai, ukai auntie ku jai dehh..ia manah cuma ku jk ngasai nda nyamai ngenusah ke urng bukai. Meda bka rumah din gik bedau rangka ajk peda ku ari nya..ni nda, urng ke ngaga rumah nyk nda ngaga rumah manah2..nurun ngaga rumah kol 10 pg dh nyk relax kol 12..kol 3 br start keja baru..hermmm..keni ka tembuk enti bka nyak..sabar jk la kn ngau urng kenyk.\\nSedih mat maia bru tai lebuh nyk meda tapak rumah jk bka padang ndur main bol jk..kayu2 rumah ke udh dibukak jk bc dipeda..tiang2 pn udh diroboh mehh..sedih mat laban nda sempat meda rumah kena roboh lebuh nyk..just sempat meda video rakam akak bk alam kamera jk tp gik meh nda puas hati kn?? Laban mata dirik mpu nda meda urng ngeroboh ia..hermmm..ka nyabak pn bc meh asai maia ia.\\nTowk meh padah urng dugaan, kitai perlu bsabar jk, cg amat nyk..taun 2011 mcm2 cubaan atai agai ku ngau family..dh la ku nda bulih kolej gik sem depan, dini meh ka diau..dh la 2 taun gik bk kuching, ngemedih ke untak jk fkir mcm2..hermmm..\\nOk nyk jk auk..ka print gmbr2 mural lowk..ka ngelukis bk dinding skul prasekolah ari sabtu n ahad towk..nyk ia keja br kami duai akak..hahaha..ngarap ke nyadi mehh lukisan nyk, ka ngambik semangat ke nyau..hahaha..ila bc ku engkah bk alm blog gmbr lukisan ku nyk ila..nti nyadi mehhh.. J\\nWasalam..ila btemu baru gk..ngarap ke bulih kesabaran ngau dugaan towk..amin3\\nPosted by CikP at 8:15 PM\\nnorsheila_she May 22, 2011 at 2:25 AM\\nlukis mnah2 k.......hrap tbah mghdpi smua ya....smile frenz................upload gmbr nya ila\\nphieya May 26, 2011 at 4:29 PM\\nthanks sheila..mpai tembu cat ku lukisan nya..nganti cuti skali ko akak..ila bc gk ku upload..hahaha\\nyuppp..ngarap tbh mghadapi cubaan towk ^_^","num_words":355,"character_repetition_ratio":0.047,"word_repetition_ratio":0.0,"special_characters_ratio":0.252,"stopwords_ratio":0.037,"flagged_words_ratio":0.0,"lang_id_score":0.65,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"21 October 2018 - Hari Minggu Ke Dua Puluh Sembilan Musim Selama\\nTang ku Jesus bejaku ngagai seduai iya, “Seduai enda nemu utai ti dipinta diri. Kati seduai ulih ngirup ari mangkuk ti diirup Aku, tauka dibaptisa ngena baptisa ti dikena maptisa Aku?”\\nBacha Ke Satu: Isaiah 53: 10 - 11\\nKu TUHAN bejaku, “Ari peneka Aku, iya natka pemerinsa; pemati iya nyadika genselan ti mai pengampun. Nya alai iya deka meda peturun diri. Iya deka panjai umur lalu ulih iya, juluk ati Aku deka mujur.\\nLebuh iya udah natka pemerinsa, iya deka gaga ati baru. Iya deka nemu diri enda lebu merinsa. Nembiak Aku ke angkun tu, ke dikerinduka Aku, deka nanggung ukum orang mayuh lalu ketegal iya, Aku deka ngampun sida.”\\nMasmur 33: 4 - 5, 18 - 19, 20 & 22\\nSaut (peda 22): Awakka pengasih Nuan enggau kami, O TUHAN, lebuh kami manggaika pengandal ati kami ba Nuan.\\nLaban jaku TUHAN endang amat, lalu semua pengawa Iya endang dikereja Iya enggau ati ti tetap. TUHAN rinduka atur ti lurus sereta betul. Dunya penuh laban pengerindu Iya ti meruan belama iya.\\nSaut: Awakka pengasih Nuan enggau kami, O TUHAN, lebuh kami manggaika pengandal ati kami ba Nuan.\\nTUHAN ngemataka semua orang ke ngasika Iya, ke manggaika diri ba pengerindu Iya ti meruan belama iya. Iya ngelepaska sida ari pemati. Iya ngidupka sida lebuh maya lapar pungkang.\\nKitai andal ati ke TUHAN. Iya nyaga sereta nyaup kitai. Awakka pengerindu Nuan meruan enggau kami, O TUHAN,\\nlebuh kami manggaika pengandal ati kami ba Nuan.\\nBacha Ke Dua:\\nHebrew 4: 14 - 16\\nNya alai, laban kitai bisi Imam Besai ti Pemadu Tinggi, ke udah pulai ke serega, iya nya Jesus, ti Anak Allah Taala, aram kitai bepegai teguh ba pengarap kitai.\\nLaban Imam Besai kitai ukai enda nemu sinu ati ke pengelemi kitai. Iya udah diuji ngena semua macham chara baka kitai empu, tang Iya enda bedosa.\\nNya alai, aram kitai mansang enggau ati ti kempang ngagai kerusi diraja Allah Taala ti kasih, ngambika kitai ulih nerima pengasih lalu nemu berekat, kena nulung kitai lebuh kitai begunaka iya.\\nAlleluia (peda Mark 10: 45)\\nAnak Mensia datai deka mela lalu nyerahka nyawa Diri kena nebus orang mayuh.\\nBacha Injil: Mark 10: 35 - 45\\nUdah nya James seduai John, anak Sebedi, datai ngagai Jesus, lalu bejaku, “Pengajar, kami duai bisi utai ti deka dipinta kami duai ari Nuan.”\\nIya lalu nanya seduai iya, “Nama utai ti dipinta seduai?”\\nKu seduai iya, “Awakka kami duai enggau Nuan dalam Perintah Nuan, siku duduk ari kanan lalu siku ari kiba Nuan.”\\n“Ulih,” ku seduai iya nyaut.\\nJesus lalu bejaku ngagai seduai iya, “Seduai deka ngirup ari mangkuk ti diirup Aku, lalu seduai deka dibaptisa ngena baptisa ti dikena maptisa Aku.\\nTang ukai Aku ke ngeletak sapa ke duduk muak ari kanan tauka ari kiba Aku.\\nPenuduk nya endang disedia ke orang ke patut duduk dia.”\\nLebuh murid ke sepuluh iku ninga nya, sida lalu pedis ati ngagai James seduai John.\\nJesus lalu ngangauka sida lalu bejaku ngagai sida, “Kita nemu, orang ke merintah orang bansa bukai, nekanka pengidup orang ke dipegai sida, lalu bala tuai sida merinsaka sida.\\nTang iya ukai baka nya ba bala kita. Barang sapa deka nyadi besai dalam bala kita, enda tau enda nyadi kuli kita, lalu barang sapa ari bala kita deka nyadi dulu, enda tau enda nyadika ulun semua kita.\\nLaban Anak Mensia ukai datai minta Diri dibela, tang ngambika Iya mela, lalu nyerahka nyawa Diri kena nebus orang mayuh.”\\nTauka: Mark 10: 42 - 45","num_words":531,"character_repetition_ratio":0.051,"word_repetition_ratio":0.019,"special_characters_ratio":0.224,"stopwords_ratio":0.36,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"15 August 2018 - Hari Tiga ba Minggu Ke Sembilan Belas Musim Selama (Solemnity of the Assumption of the Blessed Virgin Mary - Mass during the Day)\\nINJIL SEHARI TU: Lebuh Elisabet ninga jaku tabi Maria, anak mit ti dalam kandung Elisabet lalu engkebut. Penuh laban Roh Kudus, Elisabet lalu bejaku enggau nyawa ti inggar, “Beberekat meh nuan ari semua indu bukai, lalu beberekat meh anak ke dikandungka nuan! - Luke 1 : 39 -56\\nPemandang 11: 19A; 12: 1 - 6A, 10AB\\nRumah Sembiang Allah Taala di serega lalu dibuka, lalu Peti Lampang Batu Adat bisi dipeda dalam Rumah Sembiang nya.\\nUdah nya siti tanda ti besai lalu pegari di langit, iya nya siku indu ke begari ngena mata hari, lalu kaki iya bepelasarka bulan, lalu ba pala iya bisi siti makota ti digaga ari dua belas igi bintang.\\nIya ngandung lalu nyabak laban iya radai deka beranak.\\nSiti agi tanda pegari di langit, iya nya siku naga ti besai ti bechura mirah, ti bisi tujuh igi pala enggau sepuluh iti tanduk, enggau tujuh iti makota ba pala iya.\\nIya narit sebagi ari tiga bagi bintang ti di langit ngena iku iya, lalu nikauka sida ke baruh ngagai dunya. Naga nya lalu bediri di mua indu ke baru deka beranak nya, deka makai anak indu nya lebuh anak mit nya ada.\\nIndu nya lalu ngadaka anak lelaki siku, ti deka merintah semua bansa ngena sebatang besi. Tang anak iya dirampas lalu dibai ngagai Allah Taala enggau ngagai kerusi diraja Iya.\\nIndu nya lalu rari ngagai menua puang, ngagai siti endur ti udah disedia Allah Taala ke iya.\\nAku lalu ninga nyawa ti inggar bejaku di serega, “Diatu pengelepas, kuasa enggau Perintah Allah Taala kitai, enggau kuasa Kristus Iya, udah datai.”\\nMasmur 45: 9, 10, 11, 15\\nSaut (peda 9bc): Kuin ke bengepan ngena emas ti pemadu manah bediri ari kanan kerusi diraja nuan.\\nBala anak indu raja bukai sama begulai enggau bala anak indu nuan;\\nkuin ke bengepan ngena emas ti pemadu manah bediri ari kanan kerusi diraja nuan.\\nSaut: Kuin ke bengepan ngena emas ti pemadu manah bediri ari kanan kerusi diraja nuan.\\nNuan ti deka nyadi bini raja, pendingka utai ti disebut aku:\\nanang agi ingatka bala nembiak nuan enggau kaban belayan nuan.\\nPemajik nuan deka ngasuh raja ingin rinduka nuan. Iya tuan nuan, nya alai nuan enda tau enda ngasika iya.\\nEnggau ati ti lantang sereta gaga sida datai lalu tama ngagai istana raja.\\n1 Korint 15: 20 - 27\\nTang iya ti bendar, Kristus udah diangkatka ari mati, nyadi orang ke terubah diangkatka idup baru ari bala orang ke udah mati.\\nLaban enti pemati datai ulih siku mensia, pengangkat ari mati mega datai ulih siku mensia, laban semua mensia mati dibai Adam, nya alai semua mensia deka idup dibai Kristus.\\nTang genap iku deka diangkatka begintir-gintir: keterubah, Kristus ke buah bungas, lalu lebuh Kristus datai baru, nya baru bala nembiak Kristus.\\nUdah nya baru pengujung datai, lebuh Kristus nyerahka Perintah ngagai Allah Taala ti Apai, lebuh Iya udah ngerusak semua pemerintah, perintah enggau kuasa.\\nLaban Iya enda tau enda merintah nyentuk ngagai maya Allah Taala udah ngengkahka semua munsuh Iya di baruh kaki Iya.\\nMunsuh ti pemadu dudi dirusak nya pemati.\\nLaban “Allah Taala udah ngengkahka semua utai di baruh kaki Kristus.” Tang leka jaku “semua utai” sigi terang enda nyengkaum Allah Taala Empu, ke ngengkahka semua utai di baruh kaki Kristus.\\nMaria dibai nikika serega bala melikat cukup pengaga ati.\\nMaria angkat lalu beguai-guai mupuk ngagai sebuah nengeri di menua Judah ti bebukit, tama ngagai rumah Sekariah, lalu meri tabi basa ngagai Elisabet.\\nLebuh Elisabet ninga jaku tabi Maria, anak mit ti dalam kandung Elisabet lalu engkebut. Penuh laban Roh Kudus, Elisabet lalu bejaku enggau nyawa ti inggar, “Beberekat meh nuan ari semua indu bukai, lalu beberekat meh anak ke dikandungka nuan!\\nLalu nama kebuah utai tu nyadi ba aku, datai ke indai Tuhan aku nyau nemuai ngagai aku?\\nLaban lebuh aku ninga jaku tabi nuan tadi, anak mit ke dalam kandung aku engkebut gaga ati.\\nBeberekat meh iya ke arapka jaku Tuhan deka dikamatka!”\\nMaria lalu bejaku, “Semengat aku ngemesaika Tuhan, lalu ati aku gaga ke Allah Taala ti Juruselamat aku, laban Iya udah kasihka nembiak Iya ke baruh ati.\\nBelabuh ari diatu semua serak deka ngumbai aku beberekat laban Allah Taala ti bekuasa udah ngereja utai ti besai ke aku. Kudus meh nama Iya.\\nIya mandangka pengasih Iya ngagai orang ke nangika Iya, ari serak siti ngagai serak siti.\\nIya udah mandangka pengering Iya ngena lengan Iya lalu udah mambarka orang ke sumbung enggau semua pelan sida.\\nIya udah muai raja ti bekuasa ari kerusi diraja sida, lalu ngeninggika orang ke baruh ati.\\nIya udah ngenyangka orang ke lapar enggau utai ti manah, lalu muru sida ke kaya pulai puang.\\nIya udah nulung nembiak Iya Israel, kena Iya ngingatka pengasih Iya, nitihka semaya ti digaga Iya enggau aki ini kitai, ngagai Abraham enggau ngagai peturun iya belama iya.”\\nMaria lalu diau enggau Elisabet kira tiga bulan. Udah nya iya pulai ngagai rumah iya empu.","num_words":782,"character_repetition_ratio":0.053,"word_repetition_ratio":0.087,"special_characters_ratio":0.205,"stopwords_ratio":0.315,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Isu dadah: Kerejasama komuniti pemadu beguna 275 penyual dadah ditangkap dalam pun taun tu - Suara Sarawak\\n“Sarawak ba penuduk ke-12 ari 14 menua ba taun 2017, ba tiga bulan keterubah tu Sarawak niki dua penuduk lalu tu chukup ngirauka kitai.”\\nKUCHING: Urung 275 iku orang ke nyual dadah udah ditangkap dalam pun taun tu aja.\\nKetuai Opis Pansik Penyalah Narkotik Sarawak, Superintendan Sahar Abdul Latif madah penyampau sida tu ditangkap berengkah ari bulan Januari ngagai March taun tu.\\n“Pengawa nangkap sida ke nyual dadah tu nyau ka setengan ari pengawa nangkap sida ke nyual dua taun ke udah.\\n“Rega dadah ke dirampas dalam timpuh tiga bulan taun tu nyau deka manggai 1 juta lalu ba bulan Mei tu dijangka urung 3 juta dirampas nengah mayuh bengkah atur,” ku iya madah.\\nSahar madah nya rambau pengarang berita Pemantapan Perambu Atur Mutar Isu Dadah enggau Ke Bukai (MIDS) di Sarawak ba Opis Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit di begunan Baitul Makmur, kemari.\\nBESAUP MUTAR PENANGGUL DADAH…Sahar lebuh nerang pasal isu dadah rambau aum pengarang berita ba Baitul Makmur, kemari.\\nNaka ke diatu ku Sahar sida nembiak sekula ke bisi dirikod gian dadah nitihka statistik sida Opis Narkotik iya nya 118 iku nembiak berengkah ari Januari ngagai March taun tu.\\n“Tang sida tu enda disengkaum sama enggau sida ke bukai, kes sida tu dikira ‘special kes’.\\n“Sida tu indikator ti enda manah laban sida agi biak udah dipantaika enggau pengawa gian dadah,” ku iya madah.\\nKelimpah ari nya, ba taun tu aja, urung 658 iku orang ke gian dadah udah kena tangkap, lalu pemadu biak kena tangkap iya nya nembiak berumur 14 taun.\\n“Sarawak ba penuduk ke-12 ari 14 menua ba taun 2017, ba tiga bulan keterubah tu Sarawak niki dua penuduk lalu tu chukup ngirauka kitai.\\n“Pemayuh tu majak niki ninting taun laban komuniti sedar pasal penyai dibai ari gian enggau nyual dadah lalu ngeripot pekara nya ngagai bala sida pnerit adat,” ku Sahar madah.\\nSama bisi ngulu pengarang berita nya Menteri Muda Pengelantang Komuniti, Datuk Francis Harden, Menteri Muda Orang Indu, Ruang Bilik enggau Pemansang Anak Mit Datuk Rosey Yunus, Ketuai Opis Pansik Penyalah Komersial DSP Moliza Tauk sereta bala bukai.","num_words":342,"character_repetition_ratio":0.052,"word_repetition_ratio":0.066,"special_characters_ratio":0.202,"stopwords_ratio":0.257,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 18 BK - TUHAN pegari di mua Abraham ngimbai - Bible Search\\nPemungkal 17 Pemungkal 19\\nAllah Taala Deka Meri Siku Anak Lelaki Ngagai Abraham\\n1TUHAN pegari di mua Abraham ngimbai kayu ti besai di Mamre. Lebuh maya nya Abraham benung duduk ba penama ngagai langkau kain iya, laban hari balat amat angat. 2 Iya malik lalu tepedaka tiga iku lelaki bediri enda jauh ari iya. Lebuh iya meda sida, iya lalu belanda ngambat sida. Iya nyungkurka diri ke tanah, 3lalu bejaku, “Tuan, anang semina mansa rumah aku lalu enda ngetu. Aku sedia deka ngintu kita tiga. 4Awakka aku mai ai kena kita tiga masu kaki. Kita tau ngetu lalu belelak di baruh pun kayu tu. 5Aku deka mega mai pemakai, ngambika kita kering majakka pejalai diri. Kita udah datai ba rumah aku, nya alai awakka aku ngintu kita tiga.”\\nKu sida tiga nyaut iya, “Kereja aja utai ti ku nuan.”\\n6Abraham lalu beguai-guai tama ngagai langkau kain iya, lalu bejaku enggau Sarah, “Jampat! Ambi tepung nuan ti pemadu alus, lalu panggang roti.” 7Udah nya iya lalu belanda ngagai raban jelu sapi lalu nangkap siku anak sapi ti gemu, lalu nyerahka jelu nya ngagai ulun iya. Ulun nya lalu beguai-guai mela jelu nya. 8Iya ngambi lemak tusu, ai tusu, enggau dagin, lalu ngenahka pemakai nya di mua sida tiga. Di baruh pun kayu nya meh endur alai iya ke meri sida tiga makai, lalu sida tiga makai.\\n9Udah nya sida lalu nanya iya, “Dini alai bini nuan Sarah?”\\n“Dalam langkau kain,” ku Abraham nyaut.\\n10Siku ari sida tiga lalu bejaku, “Ba urung maya tu taun baru tu ila Aku deka datai baru, lalu bini nuan Sarah deka ngadaka anak lelaki siku.”\\nNyadi Sarah bisi ari belakang orang nya, ba mua pintu langkau kain nya, mendingka orang nya bejaku. 11Abraham seduai Sarah sama udah tuai amat umur, lalu Sarah udah badu agi datai kain. 12 Nya alai Sarah ketawa dalam ati diri, ku iya, “Aku diatu nyau tuai. Baka ni ku aku agi ulih beleman enggau laki aku? Nambahka nya, laki aku pen nyau tuai.”\\n13Udah nya TUHAN lalu nanya Abraham, “Nama kebuah Sarah ketawa lalu nyebut, ‘Baka ni ku aku ulih beranak lebuh aku nyau tuai baka tu?’ 14Kati TUHAN enda ulih ngereja sebarang utai? Munyi ti disebut Aku, semilan bulan ari diatu aku deka datai ditu baru, lalu Sarah deka ngadaka anak lelaki siku.”\\n15Sarah takut lalu besangkalka diri ti udah ketawa. “Nadai aku ketawa,” ku iya bejaku.\\nTUHAN lalu nyaut. “Sigi amat, nuan udah ketawa tadi.”\\nAbraham Bejaku Ngarika Sodom\\n16Udah nya sida tiga mupuk, lalu mansang ngagai siti endur alai sida ke ulih ninjau ke baruh ngagai nengeri Sodom, lalu Abraham bejalai enggau sida, deka meda sida tiga mupuk. 17Lalu ku TUHAN bejaku dalam ati Diri, “Aku enggai ngelalaika ari Abraham utai ti deka dikereja Aku. 18Peturun iya deka nyadi bansa ti besai sereta kering, lalu Aku deka merekatka semua bansa ngena iya. 19Aku udah milih iya, ngambika iya ngasuh bala anak iya enggau peturun iya ngasika Aku, lalu ngereja utai ti ngena sereta lurus. Enti sida ngereja nya, nya baru Aku deka ngereja ke Abraham semua utai ti udah disemaya Aku.”\\n20Udah nya TUHAN lalu bejaku, “Sodom enggau Gomorah sama udah kena dawa laban seduai iya udah ngereja utai ti amat jai, lalu dosa seduai iya amat besai. 21Aku enda tau enda nurun kin, deka nentuka enti jaku dawa ti didinga Aku nya amat tauka enda.”\\n22Udah nya orang dua iku nya lalu mansang ngagai Sodom, tang TUHAN ninggalka Diri enggau Abraham. 23Abraham mansang ngagai TUHAN, lalu nanya, “Kati Nuan amat deka munuh orang ke nadai penyalah sama enggau orang ke bepenyalah? 24Enti sema lima puluh iku orang ke nadai penyalah bisi dalam nengeri nya, kati nuan deka ngerusak semua nengeri nya? Kati Nuan enggai ngalau nengeri nya ngambika sida ke lima puluh iku nya enda kena bunuh? 25Nuan tentu enggai munuh sida ke nadai penyalah sama enggau sida ke bepenyalah. Enggai nyadi baka nya! Nuan enda tau munuh sida! Enti Nuan munuh sida, orang ke nadai penyalah deka kena ukum sama enggau sida. Enggai nyadi sekali-kali baka nya! Hakim ke ngakim semua dunya enda tau enda ngakim enggau lurus.”\\n26Ku TUHAN nyaut, “Enti sema Aku bisi tetemuka lima puluh iku orang ke nadai penyalah di nengeri Sodom, Aku enda nyadi ngerusak nengeri nya ketegal sida.”\\n27Abraham lalu bejaku baru: “TUHAN, aku minta Nuan ngampun aku ke changka bejaku ngagai Nuan baka tu. Aku tu semina mensia aja, lalu enda patut bejaku. 28Tang kada enda semina empat puluh lima iku aja orang ke nadai penyalah, ukai lima puluh iku. Kati Nuan deka ngerusak semua nengeri nya, laban sida kurang lima iku?”\\nKu TUHAN nyaut, “Aku enggai ngerusak nengeri nya enti Aku bisi tetemuka empat puluh lima iku orang ke nadai penyalah dia.”\\n29Abraham lalu bejaku baru, “Kada enda semina empat puluh iku aja orang ke nadai penyalah bisi dia.”\\nDisaut TUHAN, “Aku enggai ngerusak nengeri nya enti Aku bisi tetemuka empat puluh iku aja orang ke nadai penyalah dia.”\\n30Ku Abraham, “Anang ringat, TUHAN, tang aku enda tau enda bejaku baru. Kati enti semina tiga puluh iku aja orang ke nadai penyalah dia?”\\nKu TUHAN nyaut, “Aku enggai ngerusak nengeri nya enti Aku bisi tetemuka tiga puluh iku aja dia.”\\n31Ku Abraham, “TUHAN, ampun aku ke changka bejaku ngagai Nuan baka tu. Kati enti semina dua puluh iku aja bisi ditemu dia?”\\nKu TUHAN nyaut, “Aku enggai ngerusak nengeri nya enti Aku bisi tetemuka dua puluh iku aja orang ke nadai penyalah dia.”\\n32Ku Abraham, “Anang ringat ngagai aku, TUHAN. Aku deka bejaku sekali agi. Kati enti semina sepuluh iku aja bisi ditemu dia?”\\nKu TUHAN nyaut, “Aku enggai ngerusak nengeri nya enti Aku bisi tetemuka sepuluh iku aja dia.” 33Lebuh TUHAN udah tembu bejaku enggau Abraham, Iya mupuk, lalu Abraham pulai.","num_words":934,"character_repetition_ratio":0.089,"word_repetition_ratio":0.025,"special_characters_ratio":0.218,"stopwords_ratio":0.338,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Ali Biju nyadi Chairman Komiti Rumah Panjai KPKT - Suara Sarawak\\nKUCHING: Kaban Ahli Parlimen Saratok, Ali Biju dipaduka Opis Menteri Pengawa Berumah enggau Kaunsil Kandang Menua (KPKT) nyadi Chairman Komiti Rumah Panjai Menua.\\nMenteri iya, Zuraida Kamaruddin madah tuju nyirika pangku pengawa tu ngambi beratika sistem berumah orang asli enggau mansik baru sistem berumah ke lebih moden laban mayuh rayat Sarawak diau ba rumah panjai.\\n“Pengawa nyiri tu deka ngelempaika pangku pengawa ngagai Ali Biju ngambi beratika sistem berumah orang asli enggau mansik baru sistem berumah ke lebih moden laban mayuh rayat Sarawak diau ba rumah panjai.\\n“Komiti tu ditumbuh ngambi ulih nguluka komuniti sereta mantu sida ba perambu polisi KPKT ungkup pemansang rumah panjai ngambi sida enda tinggal,” ku iya.\\nIya mansutka pekara nya rambau pengawa nemuai ngagai Sarawak seraya mansik, meresa enggau ngemendar projek di Sarawak, kemari.\\nKELAI KEREJASAMA… Zuraida Kamaruddin begambar ungkup kenang begulai enggau Wilie Mongin sereta Ali Biju (kiba).\\nZuraida mega madahka penemuai iya kitu seraya mansik enggau beratika peminta projek ari Kaban Parlimen Puncak Borneo enggau Kaban Parlimen Mas Gading.\\n“Aku udah ngemendar tiga projek ba tiga sitak iya ba Puncak Borneo penyampau RM3 juta dikena masang lampu jalai sepanjai 32 km ari Jalai Kota Padawan ngagai Kampung Annah Rais.\\n“Pia mega, projek ti udah dikemendar iya nya ba Pasar Bau dibaruh Parlimen Mas Gading ngaga sistem parit ti manah ngambika penusah bah enda nyadi lalu projek nya beungkus RM3 juta,” ku Zuraida.\\nMandal Presiden Parti Keadilan Rakyat (PKR) mega madahka ungkup Parlimen Mas Gading, piak KPKT mega meri agih belanja penyampau RM500,000 dikena nyeleti jematan pemesai 30 meter ba Kampung Bodam.\\n“Piak KPKT udah ngemendar projek beungkus RM1 juta ti deka diberi ngagai Kampung Pinang Jawa dikena nyeleti jematan kampung ti udah repuk nya ngambika sebarang penusah enda nyadi enggau ngemuntangka pengawa rayat,” ku iya nambah.\\nSama datai Kaban Parlimen Puncak Borneo, Willie Mongin enggau Kaban Parlimen Saratok, Ali Baju.","num_words":303,"character_repetition_ratio":0.066,"word_repetition_ratio":0.082,"special_characters_ratio":0.178,"stopwords_ratio":0.182,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Siti kluster baru di Sarawak digelar Kluster Bah Arnab – Suara Sarawak – Bukan Sekadar Akhbar\\nYou are here:Home-RUAI-Siti kluster baru di Sarawak digelar Kluster Bah Arnab\\nKUCHING: Opis Pengerai Nengeri Sarawak (JPNS) ngenukuka Sarawak ngerikod siti kluster baru iya nya Kluster Bah Arnab ba Pelilih Kuching.\\nKluster Bah Arnab tu ditukuka kemari mungkur empat kes positif Covid-19.\\nKluster tu ngaul kes ke-719 ti udah ditukuka positif kena 6 Oktober tu tadi enggau bisi sejarah pulai ari Sabah.\\nBisi 16 iku kaul udah diperesa kena 6 September tu tadi enggau 3 iku ari kaul nya ditemu positif Covid-19 kena 8 Oktober (kemari) iya nya kes ke-729, 730 enggau 731.\\nNaka tu, Kluster Bah Arnab nya agi dipatau lalu semina ngaul diri sebilik aja tang pengawa nyidi kaul bukai benung chakah dipejalai JPNS ngambi enda ngerekai.\\nKemari, Sarawak ngerikod lapan kes baru positif Covid-19 ke alai lima kes ba Pelilih Kuching, dua kes ba Pelilih Miri enggau siti kes ba Pelilih Bintulu ngujungka kes positif Covid-19 nambah 732 kes.\\nAri lapan kes nya, JPNS madahka empat kes nya kes berampit dalam menua, dua kes import A enggau dua kes import B.\\nKes ke-725 nya kaul ngagai kes ke-724 ti ditukuka positif Covid-19 kena 7 Oktober tu tadi lalu ditemu positif ba hari iya beperesa rT-PCR.\\nKes mega nadai mantaika kelai kena rampit lalu udah dipasuk ngagai Sepital Bintulu.\\nJPNS mega madahka kes tu dikategori kes berampit dalam menua iya nya kena rampit ari kes ke-724 entara 27 September nyentuk 7 Oktober tu tadi.\\nKaul bukai ngagai kes ke-724 nya ditukuka negatif enggau deka beperesa kedua kali ba hari ke-10.\\nNambahka nya, kes ke-726 enggau kes ke-727 nya dua iku lelaki peranak India ti tama ke Sarawak enggau gawa ba sebuah serikat peribit di Miri.\\nSeduai ditemu positif Covid-19 kena 7 Oktober pengudah beperesa rT-PCR ba sebuah sepital peribit di Miri ba hari ti sama kelimpah dikategori kes import A laban kena rampit ba menua asal enggau pengawa nyidi kaul benung dipejalai.\\nKes ke-728 nya siku lelaki peranak menua ti udah bejalai ngagai Kelana Jaya, Selangor kena 22 ngagai 27 September tu tadi laban deka ngabas sida sebilik.\\nKes ditemu positif Covid-19 kena 8 Oktober pengudah ngasaika diri renga enggau beperesa Covid-19 kena 6 Oktober tu tadi.\\nKes deka dipasuk ngagai Sepital Besai Sarawak (SGH) enggau dikategori kes import B laban kena rampit ba Selangor sereta pengawa nyidi benung dipejalai.\\nKelimpah ari nya, kes ke-729, 730 enggau 730 nya kaul ngagai kes ke-719 ti udah ditukuka positif Covid-19 kena 6 Oktober tu tadi lalu sida tiga nya diri sebilik.\\nSemua kes nadai mantaika kelai enggau udah dipasuk ngagai SGH lalu 13 iku agi kaul ngagai kes ke-719 nya ditemu negatif ungkup beperesa keterubah lalu kaul bukai deka beperesa kedua kali ba hari ke-10.\\nNangkan nya, kes ke-732 nya siku lelaki peranak menua ke bisi sejarah pulai ngagai Sabah kena 19 ngagai 27 September laban pengawa dagang.\\nKes udah ditemu positif Covid-19 kena 7 Oktober lebuh beperesa ba hari ke-10 kena 6 Oktober lalu nadai mantaika kelai kelimpah dikategori kes import B.\\nNadai kes baru ti udah suman enggau dikemendar pansut ari sepital ngujungka bisi 684 iku tauka 93.44 peratus.\\nKes ti agi diperubat ba wad isolasyen ba sepital nambah lapan iku iya nya 16 iku ba SGH, lapan iku ba Sepital Miri, tiga iku ba Sepital Sibu enggau dua iku ba Sepital Bintulu.\\nKes pemati mengkang 19 iku tauka 2.60 peratus enggau bisi 16 PUI baru enggau empat PUI agi nganti pemutus makmal.\\nBy Isabella Inchang|2020-10-09T14:34:29+08:00October 9th, 2020|Categories: RUAI|0 Comments\\nARKIB Select Month October 2020 (742) September 2020 (548) August 2020 (813) July 2020 (831) June 2020 (703) May 2020 (575) April 2020 (815) March 2020 (630) February 2020 (635) January 2020 (500) December 2019 (468) November 2019 (448) October 2019 (424) September 2019 (405) August 2019 (566) July 2019 (786) June 2019 (529) May 2019 (514) April 2019 (413) March 2019 (208) August 2018 (1) July 2018 (18) October 2015 (24)","num_words":557,"character_repetition_ratio":0.082,"word_repetition_ratio":0.0,"special_characters_ratio":0.275,"stopwords_ratio":0.241,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pekara ti ditusui dalam bup Ester* nyadi lebuh musin chelap ba istana raja besai menua Persia. Orang ke tebilang dalam cherita tu nya siku indu orang Judah ke benama Ester, ti berani sereta angkunka bansa iya empu lalu ngelepaska sida ari jari munsuh. Bup tu nerangka pun enggau reti gawai Purim orang Judah.\\nEster nyadi kuin (1.1-2.23)\\nHaman bepekat (3.1-5.14)\\nHaman dibunuh (6.1-7.10)\\nOrang Judah ngalahka munsuh sida (8.1-10.3)\\nKuin Basti Ngelaban Atur Raja Serses\\n1-2 Raja Serses merintah nyadi raja ari Susa, indu nengeri menua Persia. Iya merintah 127 sitak menua kenyau ari India nyentuk ngagai menua Etiopia.\\n3 Dalam taun ti ketiga iya megai perintah, iya nyendiaka siti pengerami makai besai ke bala pemesai enggau ke orang ke bejalaika pengawa perintah. Bala soldadu menua Persia enggau Media bela bisi datai, lalu pia mega tuan gabenor enggau orang ke tinggi pangkat ari mayuh bengkah sitak menua.\\n4 Sekumbang enam bulan pengerami nya diintu, Raja Serses ngayanka pengaya, pemanah enggau pemesai istana raja.\\n5 Udah bekau nya, raja lalu ngaga siti pengerami makai besai ke semua orang ke kaya enggau ke seranta di Susa, indu nengeri menua nya. Pengelama pengerami nya seminggu, lalu dibuka ba kebun istana raja.\\n6 Tengah laman ba endur nya dilagu enggau kain tirai ti bechura biru enggau burak. Kain tirai nya ditanchang ngena tali linin ti alus sereta bechura ungu, ngagai chengkerung pirak ti lekat ba tiang batu burak. Kerusi ti digaga ari emas enggau pirak bisi diatur ba tengah laman nya. Nyadi geladak tengah laman nya disampak enggau batu burak, batu mirah ti berega, batu mutiara ti beperenching, enggau batu berega ti biru.\\n7 Utai ti diirup diengkah dalam changkir emas. Nadai siti changkir nya sebaka enggau changkir ti bukai, lalu raja nya nadai sayau mimit ke wain iya.\\n8 Utai ti diirup endang enda disekat. Raja udah meri atur ngagai bala orang ke bekereja dalam istana ngasuh sida meri semua orang ngirup enggau nadai betagang, tang nitihka peneka sida empu.\\n9 Lebuh maya nya, Kuin Basti mega nyamu sida ke indu dalam istana.\\n10 Ba hari ti ketujuh, raja ngirup sereta gaga ati, lalu iya mesanka tujuh iku orang gaji iya, ti udah dipeliri. Nama sida nya Mehuman, Bista, Harbona, Bikta, Abakta, Setar, enggau Charkas.\\n11 Iya ngasuh sida mai Kuin Basti ngagai iya, bengepan ngena makota. Kuin nya bajik amat gamal, lalu raja deka ngasuh bala pemesai enggau semua bala pengabang iya meda pemajik kuin.\\n12 Tang lebuh bala orang gaji nya madahka utai ti dipinta raja ngagai Kuin Basti, iya enggai datai. Raja lalu pedis ati.\\n13 Nyadi raja endang selalu betanyaka pasal adat ngagai orang ke pandai pasal adat. Nya alai iya lalu mesanka bala penyanding penemu iya laban sida patut nemu utai ti patut dikereja.\\n14 Orang ke suah alai iya betanya nya Karsena, Setar, Admata, Tarsis, Meres, Marsena, enggau Memukan, iya nya tujuh iku pemesai menua Persia enggau Media ke pemadu tinggi pangkat dalam perintah menua nya.\\n15 Ku iya bejaku enggau sida, “Aku, Raja Serses, udah ngasuh bala orang gaji aku mai siti pesan ngagai Kuin Basti, tang iya enda ngasika pesan nya! Nama utai ti disebut adat, ti patut dikereja ngagai iya?”\\n16 Memukan lalu bejaku enggau raja sereta enggau bala pemesai iya: “Kuin Basti udah enda bebasaka raja, enggau bala pemesai raja. Iya ti bendar, iya udah ngeleseka semua lelaki dalam menua ti diperintah raja!\\n17 Semua indu dalam menua tu deka belabuh enggai bebasaka laki sida, lebuh sida ninga pasal utai ti udah dikereja kuin. Sida deka nyebut, ‘Indah kuin Basti deh enggai datai lebuh Raja Serses mesanka iya.’\\n18 Lebuh bini bala pemesai raja di menua Persia enggau Media ninga pasal ulah Kuin Basti, sida deka madahka pekara nya ngagai laki sida sebedau padam mata panas lemai tu. Semua bini di semua endur deka badu agi bebasaka laki diri, lalu laki sida deka ringat ngagai sida.\\n19 Enti Tuan Raja besetuju, nuan tau madahka ngagai orang mayuh pasal Basti ti enda agi tau betemu enggau raja. Asuh atur nya ditulis nyadika adat menua Persia enggau Media, ngambika atur nya enda diubah agi. Udah nya beri pangkat kuin ngagai indu ke manah agi ari iya.\\n20 Lebuh semua orang dalam menua ti besai ti diperintah nuan tu nemu atur nya, semua indu deka bebasaka laki sida, nemuka laki sida kaya tauka seranta.”\\n21 Raja enggau bala pemesai iya rindu ninga penemu nya, lalu raja ngereja nitihka penemu Memukan.\\n22 Iya ngirumka pesan ngagai genap sitak menua ti dipegai iya, ngena jaku enggau chara ti dikena orang nulis surat dalam sitak menua siti-siti, madahka semua laki enda tau enda nyadi tuai ke ruang bilik sida empu.\\nEster Nyadi Kuin\\n1 Udah bekau nya, lebuh Raja Serses nyau enda agi ringat, iya ingatka Basti, enggau utai ti udah dikereja Basti enggau adat ti udah digaga kena ngelaban iya.\\n2 Udah nya sekeda bala penyanding penemu raja bejaku enggau raja, “Awakka orang ngiga indu ke dara bungas ke Raja.\\n3 Lalu awakka nuan ngasuh bala pemesai dalam genap sitak menua ti dipegai nuan, mai semua indu ke bajik, ti agi dara bungas, ngagai rumah alai nuan ke nyimpan semua indu simpan nuan di Susa. Asuh Hegai, lelaki ti udah dipeliri, ke ngemataka semua indu nuan, ngintu sida ngambika gamal sida bajik.\\n4 Lalu awakka indu ke pemadu ngerinduka ati nuan nganti Basti nyadi kuin.” Raja rinduka penemu nya, lalu iya nitihka penemu nya.\\n5 Nyadi di Sisa bisi siku orang Judah ke benama Mordikai anak Jair, uchu Semei, uchu Kis ari raban bansa Benjamin.\\n6 Nyadi Kis udah ditabanka Raja Nebukadnesar menua Babilon nyadi orang tangkap ari nengeri Jerusalem sama enggau Raja Jehoiakin menua Judah ari Jerusalem, sama enggau orang tangkap ti bukai.\\n7 Mordikai bisi siku petunggal, ke benama Ester. Nama Hebrew Ester nya Hadasah. Iya indu ke bajik, sereta manah raras tubuh. Lebuh apai indai Ester mati, Mordikai ngiru iya nyadika anak.\\n8 Lebuh raja udah meri atur tu, lalu mayuh indu ke agi biak dibai ngagai Susa, Ester bisi enggau sida. Iya mega diasuh diau di istana, diintu Hegai, ke ngintu semua indu simpan raja.\\n9 Hegai gaga ati meda Ester, lalu beguai belabuh ngereja pengawa ngemajikka Ester ngena pengawa urut enggau pemakai. Iya meri Ester endur ti pemadu manah alai diau dalam rumah indu simpan raja, lalu ngeletak tujuh iku indu ke biak ke endang dipilih ari istana raja, ngintu Ester.\\n10 Ester enda madahka bansa diri, laban Mordikai udah bejaku nagang iya madahka bansa diri ngagai orang.\\n11 Tiap hari Mordikai bejalai ba tengah laman rumah alai indu simpan raja diau, keran deka nemu pasal Ester enggau namaka penyadi iya.\\n12 Pengawa ngemajikka indu dikereja setaun: 6 bulan diurut ngena minyak mur, lalu 6 bulan udah bekau nya diurut ngena minyak balsam. Udah nya, siku-siku indu nya dibai ngagai Raja Serses.\\n13 Lebuh Ester bejalai ari rumah alai indu simpan raja diau, mansang ngagai istana, iya diberi sebarang gari ti dikedekaka iya.\\n14 Iya selalu kin lebuh lemai hari, lalu pagi hari siti iya dibai ngagai sebuah rumah bukai ti alai bala indu simpan raja diau, lalu diintu Sasgas, orang siku ti udah dipeliri lalu diasuh ngintu indu simpan raja. Ester enda betemu enggau raja baru, enti raja enda chukup rinduka iya lalu minta iya datai.\\n15 Nyadi maya pen nyau datai alai Ester patut betemu enggau raja. Ester tu anak indu Abihail, lalu iya mega petunggal Mordikai, ti udah ngiru iya nyadika anak. Ester dipuji semua orang ke meda iya. Lebuh gintir iya datai, iya ngena gari ti diletak Hegai ke ngintu bala indu simpan raja.\\n16 Nya alai, dalam bulan ti kesepuluh, iya nya bulan Tebet, dalam taun ti ketujuh Serses nyadi raja, Ester lalu dibai betemu enggau Raja Serses di istana.\\n17 Raja rindu sereta sayauka Ester lebih ari semua indu bukai. Raja lalu ngengkahka makota diraja ba pala Ester, lalu nyiri iya nyadi Kuin nganti Basti.\\n18 Udah nya raja nyendiaka pengerami makai besai kena iya masa Ester, lalu ngambi semua bala pemesai iya enggau orang ke bekereja perintah ngabang ngagai pengerami nya. Iya ngeletak hari nya nyadika hari besai ke semua menua ti dipegai raja, lalu nyadung mayuh pemeri ti manah ngagai orang mayuh.\\nMordikai Nyelamatka Nyawa Raja\\n19 Sekumbang utai tu benung nyadi, Mordikai udah diberi raja pangkat nyadi pemesai perintah.\\n20 Nyadi Ester apin madahka diri indu orang Judah laban Mordikai enda ngasuh iya madahka nya ngagai orang, lalu Ester ngasika iya baka iya ti udah ngasika Mordikai lebuh iya agi mit.\\n21 Lebuh Mordikai bekereja di istana, Biktana seduai Teres, dua iku lelaki ti udah dipeliri, ke nyaga pintu bilik raja, begedika Raja Serses, lalu bepekat deka munuh iya.\\n22 Mordikai nemu pasal pekara nya, lalu iya madahka ngagai Kuin Ester. Ester lalu madahka ngagai raja utai ti udah ditemu Mordikai.\\n23 Pekara nya lalu dipansik, lalu ditemu amat. Nya alai orang dua iku nya diukum gantung. Raja ngasuh cherita pasal pekara tu ditulis dalam cherita pasal perintah menua.\\nHaman Bepekat Deka Munuh Orang Judah\\n1 Apin tentu lama udah bekau nya, Raja Serses nikika pangkat orang siku ke benama Haman, ngasuh iya nyadi perdana menteri. Haman nya anak Hamedata, ari peturun Agak.\\n2 Raja lalu meri atur ngasuh semua bala pemesai ke bekereja ke iya, besugang lalu meremi di mua Haman, kena sida mandangka diri bebasaka Haman. Semua sida besugang sereta meremi magang, kelimpah ari Mordikai.\\n3 Bala pemesai ti bukai, ke bekereja ke raja, nanyaka kebuah iya enda ngasika atur raja.\\n4 Tiap hari sida ngasuh Mordikai nitihka atur nya, tang iya enggai mendingka sida. Ku iya nerangka diri, “Aku tu orang Judah. Aku enda tau meremi ngagai mensia.” Sida lalu madahka pekara nya ngagai Haman laban sida keran deka nemu utai ti deka dikereja Haman ngagai Mordikai.\\n5 Haman pedis ati lebuh iya nemu Mordikai enggai besugang lalu meremi di mua iya.\\n6 Lebuh iya nemu Mordikai nya orang Judah, iya lalu mutuska runding deka ngereja lebih ari semina ngukum Mordikai siku aja. Iya bekira deka munuh semua orang Judah di serata menua ti dipegai raja besai menua Persia.\\n7 Dalam bulan ti kesatu, iya nya bulan Nisan, kedua belas taun Raja Serses megai perintah, Haman meri atur ngasuh undi dichabut (dikumbai “purim”) kena nemu hari enggau bulan ti ngena alai iya bejalaika akal iya. Hari ti dipilih iya nya tiga belas hari bulan ti kedua belas, iya nya bulan Adar.\\n8 Haman lalu madahka ngagai raja, “Tuan Raja, di menua ti dipegai nuan tu bisi siti bansa ti diau ngachir ba semua sitak menua. Sida tu nitihka adat asal ti enda sebaka enggau adat asal orang bansa bukai. Nambahka nya, sida enda ngasika adat menua ti dipegai nuan. Nya alai nuan enda tau nejuka sida tu enda diukum.\\n9 Enti Tuan Raja besetuju, awakka Tuan Raja ngaga siti adat ngasuh sida dibunuh. Enti nuan meri adat nya, aku tetap ulih nyimpan 375 tan pirak ngagai sarang reta raja kena bejalaika pengawa perintah di menua tu.”\\n10 Raja lalu merurutka tinchin ti dikena ngechop surat atur perintah, lalu meri tinchin nya ngagai munsuh besai orang Judah, iya nya Haman anak Hamedata, ke peturun Agak.\\n11 Ku raja bejaku enggau iya, “Sida nya, sereta enggau duit sida, endang enggi nuan. Kereja aja sebarang utai ti deka dikereja nuan ba sida.”\\n12 Nya alai, kena tiga belas hari bulan ti kesatu Haman mesanka bala kerani raja, lalu ngasuh sida nulis surat, ti enda tau enda disalin ngagai semua jaku bansa ti dikena dalam menua siti-siti, lalu ngirumka surat nya ngagai semua pemerintah, tuan gabenor, enggau bala pemesai perintah. Surat nya ditulis dalam nama Raja Serses, lalu dichop ngena tinchin raja empu.\\n13 Orang lalu nganjung surat nya ngagai semua sitak menua ti dipegai raja. Surat nya meri atur, dalam sehari aja, iya nya kena tiga belas hari bulan Adar, semua orang Judah ke biak enggau ke tuai, indu enggau anak mit, enda tau enda dibunuh. Sida enda tau dikesinuka, tang dibunuh, lalu semua reta tengkira sida dirampas magang.\\n14 Utai ti disebut dalam surat nya enda tau enda dipadahka ngagai orang mayuh di semua sitak menua, ngambika semua orang sedia magang lebuh hari nya.\\n15 Nitihka atur raja, adat nya lalu dipadahka ngagai orang mayuh ba indu nengeri Susa, lalu orang mai berita nya ngagai semua sitak menua. Raja enggau Haman duduk lalu ngirup, tang orang di nengeri Susa begau lebuh sida ninga berita nya.\\nMordikai Minta Tulung Ester\\n1 Lebuh Mordikai ninga pasal semua utai ti udah dikereja, iya nyarikka gari diri, lalu ngerasukka kain guni, sereta ngerabu pala iya enggau amau, lalu bejalai duie-duie nyabak nengah nengeri nya,\\n2 nyentuk ngagai penama ngagai istana. Tang iya enda tama, laban orang ke ngena kain guni sigi enda dikemendarka tama.\\n3 Di serata semua sitak menua nya, lebuh atur raja nya dibacha, orang Judah nyau bekeduie nyabak. Sida bepasa, duie-duie nyabak, lalu mayuh ari bala sida begari ngena kain guni, lalu gali malai amau.\\n4 Lebuh bala indu ke digaji Ester, enggau bala lelaki ti udah dipeliri, madahka ngagai Ester utai ti udah dikereja Mordikai, iya balat amat irau ati. Iya ngirumka gari ngagai Mordikai, kena Mordikai nganti kain guni iya, tang Mordikai enggai nerima gari nya.\\n5 Udah nya iya ngangauka Hatak, siku ari sida lelaki ti udah dipeliri, ti udah diletak raja nyadi orang gaji Ester. Iya ngasuh Hatak mansang ngagai Mordikai lalu nanyaka utai ti udah nyadi, enggau kebuah utai nya nyadi.\\n6 Hatak mansang ngagai Mordikai ba padang nengeri, ba penama ngagai istana.\\n7 Mordikai madahka ngagai Hatak semua utai ti udah nyadi ba iya, enggau penyampau duit ti udah disemaya deka disimpan Haman ngagai sarang reta raja, enti semua orang Judah dibunuh magang.\\n8 Iya meri siti salin surat raja ti udah dikeluarka di Susa kena meri atur ngasuh orang Judah dibunuh. Mordikai lalu ngasuh Hatak mai surat nya ngagai Ester, nerangka pekara nya ngagai Ester, lalu minta Ester bejaku enggau raja, minta raja kasihka orang ke ari bansa Ester empu.\\n9 Hatak lalu ngereja nya\\n10 lalu Ester ngasuh Hatak mai pesan tu ngagai Mordikai:\\n11 “Enti lelaki tauka indu bisi tama ngagai tengah laman istana, deka betemu enggau raja, tang ukai ari panggil raja, orang nya enda tau enda dibunuh. Tu endang adat, lalu semua orang, kenyau ari penyanding penemu raja nyentuk ngagai orang mayuh ti diau di semua sitak menua tu, bela nemu adat nya magang. Semina siti aja jalai adat nya ulih diseliahka: iya nya, enti raja ngedarka tungkat emas iya ngagai orang nya. Enti raja ngereja nya, orang nya enda dibunuh. Tang dalam sebulan tu raja nadai udah mesanka aku.”\\n12 Lebuh Mordikai nerima pesan Ester,\\n13 iya lalu ngirumka jaku tangkan tu ngagai Ester: “Anang ngumbai diri lebih agi likun ari orang Judah ti bukai, ketegal nuan diau di istana raja.\\n14 Enti nuan enda bemunyi lebuh maya ti baka tu, penyaup deka datai ari serega ngagai orang Judah, lalu sida deka diselamatka, tang nuan deka mati, lalu ruang bilik apai nuan deka lus. Tang kitai enda nemu, nyangka tu meh kebuah nuan udah dichiri nyadi kuin!”\\n15 Ester ngirumka saut tu ngagai Mordikai:\\n16 “Mupuk meh nuan lalu gempuruka semua orang Judah ti diau di Susa, bepasa lalu besampika aku. Anang makai tauka ngirup utai tiga hari tiga malam. Bala indu ke digaji aku enggau aku empu deka mega bepasa. Udah bekau nya, aku deka betemu enggau raja, taja pen nya ngelanggar adat. Enti aku mati ketegal ngereja nya, awakka aku mati.”\\n17 Udah nya Mordikai mupuk lalu ngereja semua utai ti diasuh Ester.\\nEster Ngambi Raja Enggau Haman Ngabang Ngagai Pengerami Makai Besai\\n1 Ba hari ti ketiga iya bepasa, Ester ngerasukka gari diraja iya, mansang lalu bediri ba tengah laman istana, nunga ngagai bilik kerusi diraja. Raja bisi di dalam, duduk ba kerusi diraja, nunga ngagai mua pintu.\\n2 Lebuh raja meda Kuin Ester bediri di luar, iya gaga meda iya, lalu iya ngedarka tungkat emas ngagai Ester. Udah nya Ester niki, lalu negu puting tungkat nya.\\n3 “Nama utai, Kuin Ester?” ku raja nanya. “Padahka ngagai aku utai ti dipinta nuan, lalu nuan deka nerima utai nya. Indah setengah ari menua ti dipegai aku deh deka aku meri ngagai nuan.”\\n4 Ku Ester nyaut, “Enti Tuan Raja deka, aku minta nuan enggau Haman ngabang ngagai pengerami makai besai ti disediaka aku ke nuan.”\\n5 Udah nya raja lalu mesanka Haman datai enggau jampat, ngambika seduai iya tau ngabang ngagai Ester. Nya alai raja seduai Haman datai ngagai pengerami makai besai ti disediaka Ester.\\n6 Lebuh sida benung ngirup wain, raja lalu nanya Ester, “Padahka ngagai aku utai ti dipinta nuan, lalu nuan deka nerima utai nya. Aku deka meri ngagai nuan utai ti dipinta nuan. Enti sema nuan minta setengah ari menua ti dipegai aku, nya pen deka meh aku meri ngagai nuan.”\\n7 Ku Ester nyaut,\\n8 “Enti Tuan Raja lantang ati enggau aku lalu deka meri utai ti dipinta aku, aku minta nuan enggau Haman nyadi pengabang aku baru ba siti agi pengerami makai besai ti deka disediaka aku ke nuan pagila. Dia ila baru aku madahka utai ti dipinta aku.”\\nHaman Bepekat Deka Munuh Mordikai\\n9 Lebuh Haman pulai ari pengerami nya, iya berupai lantang sereta gaga. Tang lebuh iya tepedaka Mordikai ba pintu penama ngagai istana, lalu meda Mordikai enda bediri, tauka ngayanka diri masa Haman lebuh Haman mansa, Haman lalu pedis ati ngagai Mordikai.\\n10 Tang iya nagang ati diri ti pedis lalu pulai ke rumah. Udah nya iya mesanka pangan iya ngagai rumah iya, lalu minta bini iya Seres begempuru enggau sida.\\n11 Haman lalu temegah madahka diri kaya, madahka pemayuh anak lelaki iya, madahka raja udah nikika pangkat iya, sereta madahka raja begunaka iya lebih ari pemesai bukai.\\n12 “Nambahka nya,” ku Haman nampung jaku iya, “Kuin Ester udah nyendiaka pengerami makai besai, ukai ke orang bukai, tang ke kami duai raja, lalu kami duai ngabang baru pagila.\\n13 Tang semua utai tu nadai reti ba aku seagi-agi aku meda orang Judah ke benama Mordikai nya duduk ba mua pintu istana.”\\n14 Bini iya enggau semua pangan iya lalu meri iya penemu, “Nama kebuah nuan enda ngasuh orang ngaga siti palan alai ngantung orang, peninggi dua puluh dua meter? Tumu pagila nuan tau minta raja ngemendarka Mordikai diukum gantung ba endur nya. Nya baru nuan deka gaga ati mansang ngagai pengerami makai besai nya. Haman gaga ninga penemu nya, nya alai iya lalu ngasuh orang ngaga palan nya.\\nRaja Meri Basa Ngagai Mordikai\\n1 Malam nya raja enda ulih tinduk, lalu iya ngasuh orang mai sereta macha ngagai iya cherita pasal perintah menua nya.\\n2 Bagi ti dibacha sida nya madahka pasal Mordikai ke tetemuka orang ke bepekat deka munuh raja, iya nya Biktana seduai Tares, dua iku lelaki ti udah dipeliri, ke bekereja nyaga bilik raja.\\n3 Raja lalu nanya, “Kati Mordikai bisi udah diberi basa ketegal utai tu?” Ku orang gaji iya nyaut, “Nadai.”\\n4 “Kati bala pemesai bisi dalam istana diatu?” ku raja nanya. Nyadi Haman baru udah tama ngagai tengah laman. Iya datai laban iya deka minta raja ngemendarka Mordikai diukum gantung ba endur ti udah disediaka.\\n5 Bala orang gaji lalu nyaut, “Haman bisi ditu. Iya deka betemu enggau nuan.” “Asuh iya tama,” ku raja bejaku.\\n6 Haman lalu tama, lalu ku raja bejaku enggau iya, “Aku deka meri basa ngagai orang siku. Nama utai ti patut dikereja aku ke orang nya?”\\nHaman lalu berunding dalam ati diri, “Sapa orang ke deka dibasa raja? Nadai patut orang bukai kelimpah ari aku.”\\n7-8 Nya alai ku iya nyaut raja, “Asuh orang mai baju panjai diraja ngagai orang nya, baju panjai ti dikena nuan empu. Asuh orang ngengkahka pengias diraja ba kuda nuan.\\n9 Udah nya asuh siku orang ke ari peturun orang ke tinggi pangkat ngerasukka pekayan nya ba orang nya, ngasuh iya nepan kuda, lalu nguluka iya nengah padang nengeri. Asuh orang ke tinggi pangkat nya nyada, lebuh sida bejalai, “Peda jalai raja bebasaka orang ke dibasa iya!”\\n10 Udah nya raja lalu bejaku enggau Haman, “Jampat ambi baju panjai enggau kuda, lalu beri basa ngagai orang Judah ke benama Mordikai. Kereja ngagai iya semua utai ti udah disebut nuan. Nuan deka nemu iya duduk ba mua pintu istana.”\\n11 Haman lalu ngambi baju panjai enggau kuda, lalu ngerasukka baju panjai nya ba Mordikai. Mordikai lalu nepan kuda nya. Haman lalu nguluka iya nengah padang nengeri, nyada ngagai orang mayuh lebuh seduai iya bejalai, “Peda jalai raja bebasaka orang ke dibasa iya!”\\n12 Udah nya Mordikai pulai baru ngagai mua pintu istana, lalu Haman beguai-guai pulai, ngelalaika mua diri ke malu.\\n13 Iya lalu madahka ngagai bini iya enggau ngagai semua pangan iya pasal semua utai ti udah nyadi ba iya. Udah nya bini iya enggau pangan iya ti bepenemu-dalam nya lalu madahka ngagai iya, “Mordikai diatu baru deka ngerampas kuasa ari nuan. Iya orang Judah, lalu nuan enda ulih ngalahka iya. Iya tetap deka ngalahka nuan.”\\nHaman Diukum Bunuh\\n14 Lebuh sida agi benung bejaku, lelaki ti udah dipeliri lalu beguai-guai datai ari istana, ngambi Haman ngabang ngagai pengerami makai besai ti udah disediaka Ester.\\n1 Raja enggau Haman lalu mansang makai enggau Ester\\n2 kedua kali. Lebuh sida benung ngirup wain, raja lalu nanya Ester baru, “Kuin Ester, nama utai ti dipinta nuan? Padahka ngagai aku, lalu nuan deka nerima utai nya. Indah setengah ari menua ti dipegai aku deh deka aku beri ngagai nuan.”\\n3 Ku Kuin Ester nyaut, “Enti Tuan Raja deka meri utai ti dipinta aku, aku minta aku empu enggau orang ari bansa aku meruan idup.\\n4 Aku enggau bansa aku udah dijual ngambika kami dibunuh. Enti pekara tu semina pasal kami ke dijual nyadi ulun, aku tentu enda bemunyi lalu enda ngiruh nuan, tang kami tu baru deka dibunuh abis lengis!”\\n5 Raja Serses lalu nanya Kuin Ester, “Sapa orang ke berani ngereja utai baka nya? Dini alai orang nya?”\\n6 Ester lalu nyaut, “Munsuh kami, ke merinsaka kami nya orang ke jai. Nama iya Haman!” Haman lalu merening ngagai raja enggau ngagai kuin, enggau mua ti pemadu takut.\\n7 Raja lalu angkat, balat amat ringat, pansut ari bilik nya ngagai kebun istana. Haman nemu raja endang keras deka munuh iya. Nya alai iya mengkang di istana, minta Ester nulung iya ngambika iya enda dibunuh.\\n8 Lebuh raja pulai ari kebun ngagai bilik nya baru, Haman baru udah nyungkurka diri ba kerusi Ester, minta kasih ari iya. Lebuh raja meda nya, iya lalu merak bejaku, “Kati orang tu masung kuin di mua aku empu, dalam istana aku empu?”\\nLebuh raja baru udah nyebut jaku nya, bala lelaki ti udah dipeliri ke gawa dalam istana nya lalu mampul mua Haman.\\n9 Udah nya siku ari bala sida ke benama Harborah lalu bejaku, “Haman udah ngaga endur alai ngantung orang, alai iya deka ngantung Mordikai ti udah ngidupka nyawa raja. Peninggi palan gantung nya dua puluh dua meter!” Raja lalu bejaku enggau sida, “Gantung Haman ba endur nya!”\\n10 Nya alai Haman digantung ba endur ti udah digaga iya empu ke Mordikai. Nya baru raja badu agi ringat.\\nOrang Judah Diasuh Ngelaban Munsuh\\n1 Sehari nya Raja Serses meri semua reta tengkira Haman, ti udah nyadi munsuh orang Judah, ngagai Kuin Ester. Ester bejaku enggau raja madahka diri kaban belayan Mordikai. Belabuh ari nya Mordikai dikemendarka betemu enggau raja.\\n2 Raja lalu merurutka tinchin chop iya (ti udah diambi iya pulai baru ari Haman) lalu meri tinchin nya ngagai Mordikai. Ester lalu ngasuh Mordikai ngemataka reta tengkira Haman.\\n3 Udah nya Ester bejaku baru ngagai raja, nyungkurka diri semak kaki raja, nyabak. Iya minta raja madamka akal ti jai ti udah digaga Haman, ke ari peturun Agak \\_f d \\_fr 8.3 \\_ft Agak; \\_fq Peda 3.1\\_f* kena Haman ngelaban orang Judah.\\n4 Raja lalu ngedarka tungkat emas ngagai Ester. Ester bediri, lalu bejaku,\\n5 “Enti Tuan Raja deka, lalu enti nuan sayauka aku, lalu enti utai tu ngena ba ati nuan, aku minta nuan meri atur nagang orang bejalaika atur ti udah diberi Haman anak Hamedata, ke peturun Agak, ti udah ngeletak semua orang Judah di menua tu dibunuh magang.\\n6 Baka ni ku aku ulih natka ati diri enti penusah ti besai tu ninggang bansa aku, lalu kaban belayan aku empu kena bunuh?”\\n7 Raja Serses lalu bejaku enggau Kuin Ester seduai Mordikai, ti bansa orang Judah, “Aku udah ngantung Haman ketegal pekat iya ngelaban orang Judah, lalu aku udah meri ngagai Ester semua reta tengkira Haman.\\n8 Tang atur ti dikeluarka dalam nama raja, lalu dichop ngena chop diraja, enda ulih diubah. Tang seduai tau nulis ngagai orang Judah sebarang utai ti dikedekaka seduai, lalu seduai tau nulis surat nya dalam nama aku, lalu nambit surat nya ngena chop diraja.”\\n9 Utai tu nyadi kena dua puluh tiga hari bulan ti ketiga, iya nya bulan Siban. Mordikai mesanka bala kerani raja, lalu ngasuh sida nulis surat ngena leka jaku ti disebut iya ngagai orang Judah enggau ngagai bala tuan gabenor, bala orang ke bekereja perintah, enggau bala pemesai dalam semua 127 sitak menua kenyau ari India nyentuk ngagai Etiopia. Surat nya ditulis ngagai siti-siti sitak menua ngena jaku enggau chara tulis ti dikena dalam sitak menua nya empu, enggau ngagai orang Judah ngena jaku enggau chara orang Judah nulis surat.\\n10 Mordikai ngasuh surat nya ditulis dalam nama Raja Serses, lalu nambit surat nya ngena chop diraja. Surat nya lalu dianjung bala orang ke nepan kuda, ngena kuda ti laju, ti diambi ari raban kuda raja.\\n11 Surat nya nerangka pasal raja ke ngemendarka orang Judah dalam semua nengeri, begempuru lalu nyaga nyawa diri. Enti orang ke besenyata datai ari sebarang macham bansa, dalam sebarang sitak menua, lalu nyerang orang Judah ti lelaki, bala anak sida, tauka bala indu sida, orang Judah tau ngelaban, lalu munuh orang nya. Sida tau munuh orang nya abis lengis, lalu ngerampas reta tengkira sida.\\n12 Atur tu dipejalaika di serata menua ti dipegai raja besai menua Persia, ba hari ti udah diletak alai orang Judah deka dibunuh, iya nya kena tiga belas hari bulan Adar, iya nya bulan ti kedua Belas.\\n13 Atur tu deka digaga nyadika adat, lalu deka dipadahka ngagai semua mensia dalam semua sitak menua, ngambika orang Judah sedia ngelaban munsuh sida lebuh hari nya.\\n14 Nitihka atur raja, bala orang ke nepan kuda lalu mupuk enggau naka pengelaju. Atur nya mega dipadahka ngagai orang mayuh di Susa, indu nengeri menua nya.\\n15 Mordikai ninggalka istana, ngena baju panjai diraja, ti bechura biru enggau burak, baju luar ti digaga ari kain linin ti alus, ti bechura ungu, enggau siti makota emas ti manah. Udah nya orang di sebelah jalai raya nengeri Susa lalu manjung gaga ati.\\n16 Orang Judah gaga ati, nadai agi pengirau, lantang sereta nemu diri deka menang.\\n17 Ba genap buah nengeri dalam semua sitak menua, lebuh atur raja nya dibacha, orang Judah lalu ngaga hari nya nyadika hari besai alai sida ngaga pengerami makai besai enggau ati ti lantang. Mayuh orang ari bansa bukai masuk nyadi bansa orang Judah, laban sida diatu nyau takutka orang Judah.\\nOrang Judah Munuh Munsuh Sida\\n1 Kena tiga belas hari bulan Adar, atur ti diberi raja lalu dipejalaika, iya nya hari alai munsuh orang Judah ngarapka diri ulih ngalahka orang Judah. Tang enda mukai-mukai, orang Judah empu ti ngalahka sida.\\n2 Ba genturung pendiau orang Judah dalam genap buah nengeri di menua nya, orang Judah begempuru deka ngelaban orang ke nguji munuh sida. Semua orang di semua endur takut magang ke sida, lalu nadai orang tan ngelaban sida.\\n3 Iya ti bendar, bala pemesai perintah ke bekereja di semua sitak menua, iya nya bala tuan gabenor, orang ke bekereja perintah, enggau pengari raja, bela nulung orang Judah, laban semua sida takut magang ke Mordikai.\\n4 Semua orang di serata menua nya bela nemu Mordikai nya orang ke bekuasa dalam istana raja, lalu kuasa iya majak nambah-menambah.\\n5 Nya alai orang Judah ulih ngereja sebarang utai ti deka dikereja sida ngagai munsuh sida. Sida mantap munsuh sida ngena pedang, lalu munuh sida.\\n6 Di Susa, iya nya indu nengeri menua nya, orang Judah munuh lima ratus iku orang.\\n7-10 Bala orang ke dibunuh nya nyengkaum sepuluh iku anak lelaki Haman, munsuh besai orang Judah. Nama sida nya: Parsandata, Dalpon, Aspata, Porata, Adalia, Aridata, Parmasta, Arisai, Aridai enggau Baisata. Tang reta tengkira sida enda dirumpak.\\n11 Ba hari nya mega, pemayuh orang ke dibunuh di Susa bisi dipadahka ngagai raja.\\n12 Udah nya raja lalu bejaku enggau Kuin Ester, “Orang Judah di Susa udah munuh lima ratus iku orang, nyengkaum sepuluh iku anak lelaki Haman. Kada enda mayuh agi ari nya orang udah dibunuh sida ba sebelah sitak menua! Kati nuan agi bisi utai dipinta? Padahka ngagai aku utai bukai ti dipinta nuan, ngambika aku ngereja nya ke nuan.”\\n13 Ku Ester nyaut, “Enti Tuan Raja besetuju, awakka orang Judah di Susa ngereja baru pagila utai ti udah dikereja sida sehari tu. Lalu awakka bangkai sepuluh iku anak lelaki Haman digantung ari palan gantung.”\\n14 Raja lalu ngemendarka nya, lalu atur nya dikeluarka di Susa. Bangkai sepuluh iku anak lelaki Haman lalu digantung.\\n15 Kena empat belas hari bulan Adar, orang Judah di Susa lalu begempuru baru, lalu munuh tiga ratus iku agi orang di nengeri nya. Sekali tu sida enda mega ngerumpak utai orang nya.\\n16 Bala orang Judah di sebelah sitak menua mega begempuru nyaga nyawa diri. Sida ngalahka bala munsuh sida, lebuh sida munuh tujuh puluh lima ribu iku orang ke begedika sida. Tang sida enda ngerumpak utai munsuh.\\n17 Utai tu nyadi kena tiga belas hari bulan Adar. Hari siti, iya nya kena empat belas hari bulan nya, orang nadai agi dibunuh, lalu sida ngaga hari nya nyadika hari alai sida ngintu pengerami makai besai.\\n18 Tang orang Judah di Susa ngaga lima belas hari bulan Adar nyadika hari besai, laban sida udah munuh munsuh sida kena tiga belas enggau empat belas hari bulan nya, lalu udah nya, badu bebunuhka orang kena lima belas hari bulan nya.\\n19 Nya kebuah bala orang Judah ti diau di nengeri ti mit ngintu empat belas hari bulan Adar nyadika hari besai, alai sida ngintu pengerami makai besai, enggau beberika pemakai ngagai pangan diri.\\n20 Mordikai ngasuh orang nuliska semua utai ti nyadi, lalu ngirumka surat nya ngagai semua orang Judah ke semak enggau ke jauh, di serata menua ti dipegai raja besai menua Persia,\\n21 ngasuh sida ngintu empat belas enggau lima belas hari bulan Adar nyadika hari besai ninting taun.\\n22 Nya meh hari alai orang Judah udah ngalahka munsuh sida. Tu meh bulan alai penusah enggau pengirau udah bebali nyadi pengaga enggau pengelantang. Sida diasuh ngintu hari nya ngena pengerami makai besai, enggau pengerami bukai, beberika pemakai ngagai pangan diri enggau ngagai orang ke seranta.\\n23 Orang Judah lalu nitihka atur Mordikai, lalu pengerami nya digaga nyadika adat asal ti diintu ninting taun.\\n24 Nyadi Haman anak Hamedata, ke datai ari peturun Agak, ti nyadi munsuh besai orang Judah, udah enchabut undi (ti dikumbai “purim,”) kena nentuka hari alai sida deka munuh orang Judah. Iya udah bekira deka ngeluska orang Judah.\\n25 Tang Ester betemu enggau raja, lalu raja nulis surat meri atur ti ngujungka Haman empu dibunuh baka ke udah diperambu iya ke orang Judah. Iya enggau bala anak lelaki iya digantung ba palan gantung.\\n26 Nya kebuah hari besai nya dikumbai Purim. Ketegal surat Mordikai, enggau ketegal semua utai ti udah nyadi ba orang Judah,\\n27 sida ngaga siti atur ke sida empu, ke peturun sida, enggau ke barang sapa ti deka nyadi orang Judah, ngeletak dua hari nya diintu ninting taun, nitihka atur Mordikai.\\n28 Sida ngaga siti atur ngeletak genap ruang bilik orang Judah dalam genap iti serak, di semua sitak menua, enggau dalam genap buah nengeri, bela ngingatka, sereta ngintu hari Purim belama iya.\\n29 Udah nya Kuin Ester anak Abihail, enggau Mordikai, mega nulis siti surat kena nyukung surat pasal Purim, ti udah ditulis Mordikai dulu agi ari nya.\\n30 Surat nya ditujuka ngagai semua orang Judah, lalu salin surat nya dikirumka ngagai semua 127 sitak menua dalam menua ti dipegai raja besai menua Persia. Surat nya ngajihka orang Judah diau dalam pemaik enggau pengelikun\\n31 lalu ngasuh sida enggau peturun sida ngintu hari Purim nya ba maya ti udah diletak, baka sida ke udah nerima atur kena bepasa, enggau maya ngulit. Atur tu udah diberi Mordikai seduai Kuin Ester.\\n32 Atur ti dikeluarka Ester, ti netapka adat pasal Purim, bisi ditulis dalam siti surat.\\nPemesai Kuasa Serses Seduai Mordikai\\n1 Raja Serses mejalka orang ke diau ba sebelah tebing tasik di menua ti dipegai iya, enggau orang ke diau di menua ulu, bekereja nyadi ulun.\\n2 Semua utai ti besai sereta badas ti udah dikereja iya, enggau semua cherita pasal iya ke ngasuh Mordikai bekereja ba opis ti tinggi, bisi dituliska magang dalam cherita pasal raja besai menua Persia enggau Media.\\n3 Mordikai, ti bansa orang Judah, lalu nyadi lumur satu pemesai ari belakang Raja Serses empu. Iya dibasa sereta dikerinduka orang Judah ti bukai. Iya bekereja ke penguntung bansa iya empu, enggau ke pengelikun semua peturun sida.","num_words":5309,"character_repetition_ratio":0.068,"word_repetition_ratio":0.005,"special_characters_ratio":0.205,"stopwords_ratio":0.325,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Pemungkal 39 BK - Nyadi orang Ismail nya udah mai Josep - Bible Search\\nPemungkal 38 Pemungkal 40\\nJosep Enggau Bini Potipar\\n1Nyadi orang Ismail nya udah mai Josep ngagai menua Ejip, lalu nyual iya ngagai Potipar, siku pemesai raja, ti nyadi kepala orang ke nyaga istana. 2 TUHAN bisi enggau Josep, lalu ngasuh iya mujur dalam semua utai. Iya diau dalam rumah tuan iya. 3Lebuh Potipar nemu TUHAN bisi enggau Josep, lalu ngasuh iya mujur dalam semua utai ti dikereja iya, 4Potipar gaga ati ke Josep, lalu ngasuh Josep ngemataka rumah iya, enggau semua reta tengkira iya. 5Belabuh ari nya, ketegal Josep, TUHAN merekatka ruang bilik orang Ejip nya, enggau semua utai ti dikemisi iya dalam rumah enggau ba umai iya. 6Potipar ngasuh Josep ngemataka semua utai iya. Nya alai iya enda ibuh ngiruh diri agi bekiraka utai, kelimpah ari pemakai iya empu.\\nNyadi Josep tu orang ke tegap sereta sigat gamal. 7Nyau ke lama, bini Potipar lalu bisi ati ke Josep, lalu nguji mai Josep tinduk. 8Tang Josep enggai. Ku iya bejaku enggau bini Potipar, “Laki nuan nadai agi ibuh ngiruh diri bekiraka sebarang utai dalam rumah tu, laban aku bisi ditu. Iya udah ngasuh aku ngemataka semua utai iya. 9Kuasa aku dalam rumah tu ngemesai kuasa iya empu, lalu iya nadai nagang aku ngena semua utai dalam rumah tu, kelimpah ari nuan empu. Nya alai, baka ni ku aku tau ngereja utai ti kamah tu, lalu bedosa ngelaban Allah Taala?” 10Nya alai, taja pen bini Potipar tiap hari ngumbuk Josep, tang Josep mengkang enggai.\\n11Tang sekali, lebuh Josep tama ngagai rumah nya deka mansang gawa, bala orang gaji nadai dia. 12Bini Potipar lalu narit Josep ba baju panjai iya, ku iya, “Aram tinduk enggau aku.” Tang Josep ngerarika diri, lalu belanda ke luar. Tang baju panjai iya ditarit bini Potipar ari tubuh Josep lalu tinggal ba jari indu nya. 13Lebuh bini Potipar meda Josep udah ninggalka baju panjai iya, lalu belanda ke luar ari rumah nya, 14iya lalu ngangauka bala orang gaji. Ku iya, “Peda kita! Orang Hebrew ke dibai laki aku ngagai rumah tu, udah ngeleseka kitai. Iya tama ngagai bilik aku, lalu nguji masung aku, tang aku nyerauh enggau naka penginggar nyawa aku. 15Lebuh iya ninga aku nyerauh, iya belanda ke luar, ninggalka baju panjai iya ngimbai aku.”\\n16Bini Potipar nyimpan baju panjai Josep, nyentuk ngagai maya Potipar datai di rumah. 17Udah nya iya lalu nusui cherita nya ngagai laki iya. Ku iya, “Orang Hebrew ti nyadi ulun, ke dibai nuan kitu, tama ngagai bilik aku, lalu masung aku. 18Tang lebuh aku nyerauh, iya belanda ke luar, ninggalka baju panjai iya ngimbai aku.”\\n19Potipar lalu pedis ati. 20Iya lalu ngasuh orang nangkap Josep, lalu nutup iya dalam rumah jil, ba endur alai bala orang jil ke ditutup raja. Dia meh endur alai Josep diau. 21 Tang TUHAN bisi enggau Josep lalu merekatka iya, datai ke kepala orang ke nyaga rumah jil nya nyau rinduka iya. 22Orang nya ngasuh Josep nyadi tuai ke bala orang jil ti bukai, lalu ngasuh iya betanggungjawapka semua utai ti dikereja dalam rumah jil nya. 23Kepala rumah jil nya enda agi ibuh ngemataka pengawa Josep, laban TUHAN bisi enggau Josep, lalu ngasuh iya mujur dalam semua utai ti dikereja iya.","num_words":526,"character_repetition_ratio":0.085,"word_repetition_ratio":0.031,"special_characters_ratio":0.215,"stopwords_ratio":0.363,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Injil Seharitu: Hari Empat, 24 Haribulan 5, 2018 ba Minggu Ketujuh Musim Selama - Berita Iban Online | Laman Web Berita Kitai\\nHome \/ Injil Tuhan \/ Injil Seharitu: Hari Empat, 24 Haribulan 5, 2018 ba Minggu Ketujuh Musim Selama\\nInjil Seharitu: Hari Empat, 24 Haribulan 5, 2018 ba Minggu Ketujuh Musim Selama\\nStaf @beritaibanMY Thursday, May 24, 2018 0\\nInjil Seharitu: Hari Empat, 24 Haribulan 5, 2018 ba Minggu Ketujuh Musim Selama.\\n“Laban enggau bendar Aku madah ngagai kita, barang sapa meri kita ai irup ketegal kita nembiak Aku, deka nerima upah.\\n“Barang sapa ngasuh siku ari sida ke mit tu, ke arapka Aku, bedosa, manah agi enti batu kisar ti besai ditanchangka ba rekung orang nya, lalu iya dibuai ngagai tasik.\\nEnti jari nuan mai nuan bedosa, tetak iya! Manah agi nuan tama ngagai pengidup nadai jari sepiak, ari ke bisi dua piak jari, lalu nuan dibuai ngagai neraka,ngagai api ti enda nemu padam, alai ulat ti makai sida enda nemu mati, lalu api enda nemu padam.\\nLalu enti kaki nuan mai nuan bedosa, tetak iya! Manah agi nuan tama ngagai pengidup nadai kaki sepiak, ari ke bisi dua piak kaki, lalu nuan dibuai ngagai neraka alai ulat ti makai sida enda nemu mati, lalu api enda nemu padam.\\nLalu enti mata nuan mai nuan bedosa, keruk iya! Manah agi nuan tama ngagai Perintah Allah Taala mai sigi aja leka mata, ari ke bisi dua igi leka mata, lalu nuan dibuai ngagai neraka, alai ulat ti makai sida enda nemu mati, lalu api ti makai sida enda nemu padam.\\n“Laban semua orang deka dituchi ngena api, baka piring ti dituchi ngena garam.\\nGaram endang manah, tang enti iya nadai agi masin, baka ni ku jalai ngaga iya masin baru? Awakka kita masin baka garam, lalu diau bebaik enggau pangan diri.”","num_words":273,"character_repetition_ratio":0.081,"word_repetition_ratio":0.11,"special_characters_ratio":0.232,"stopwords_ratio":0.286,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Nama Kebuah Beterima Kasih? | Menara Jaga Dikena Belajar\\nARTIKEL DIPELAJAR 8\\n“Seruran beterima kasih.”—KOL. 3:15.\\nLAGU 46 Terima Kasih Jehovah\\n1. Nama digaga seiku orang Samaria ke udah digeraika Jesus?\\nSEPULUH iku orang ke kena sakit lan balat tusah laban sida ngumbai diri enda ulih gerai. Tang bisi sekali, sida meda Jesus ari jauh. Lebuh sida ninga pasal Jesus ke ulih ngeraika semua macham penyakit, sida arapka iya ulih ngeraika sida. Nya alai, semua sida ngangauka iya enggau nyawa ti inggar: “Jesus! Pengajar! Kasihka kami!” Udah nya, semua sida digeraika magang. Sida tentu berasai beterima kasih. Tang seiku ari sida, orang Samaria, ukai semina berasai beterima kasih. Iya ngayanka diri beterima kasih ngagai Jesus. Meda diri udah gerai, iya muji Petara “enggau nyawa ti inggar.”—Luk. 17:12-19.\\n2-3. (a) Nama kebuah kitai enda ingat beterima kasih? (b) Nama deka dikerandauka kitai ba artikel tu?\\n2 Baka orang Samaria nya, kitai deka ngayanka terima kasih ngagai orang ke manah enggau kitai. Tang kadang-kadang, kitai engka enda ingat beterima kasih.\\n3 Ba artikel tu, kitai deka berandauka kebuah patut ngayanka terima kasih ari jaku enggau pengawa. Kitai mega deka belajar pasal orang ke beterima kasih sereta orang ke enda. Kelimpah ari nya, kitai deka berandauka chara kitai ulih ngayanka terima kasih.\\nNAMA KEBUAH KITAI BETERIMA KASIH?\\n4-5. Nama kebuah kitai patut beterima kasih?\\n4 Jehovah nyadi teladan ke kitai. Siti chara Iya ngayanka terima kasih iya nya, lebuh Iya merekatka orang ti ngagaka ati Iya. (2 Sam. 22:21; Mas. 13:6; Mat. 10:40, 41) Indah Bup Kudus meransang kitai ‘nunda teladan Petara, laban kitai tu anak ke dikesayauka Iya.’ (Eps. 5:1) Nya kebuah kitai deka beterima kasih.\\n5 Peratika siti agi kebuah kitai beterima kasih. Lebuh kitai nemu orang beterima kasih ke utai ti udah digaga kitai, kitai gaga ati. Lebuh kitai beterima kasih ke utai ti udah digaga orang ke kitai, sida gaga ati. Orang ke alai kitai beterima kasih ulih beratika, bantu ke diberi sida amat beguna ba kitai. Asil iya, kaul kitai enggau sida deka rapat agi.\\n6. Nama utai ke sama entara jaku terima kasih enggau emas?\\n6 Ulah kitai ti nemu beterima kasih nya utai ti manah. Bup Kudus madahka: “Penemu ti terang disebut sebaka enggau emas ti disangkumka enggau pirak.” (J-lam. 25:11) Uji gambarka, emas endang utai ti manah, tang iya engka manah agi enti disangkumka enggau pirak! Nyadi tu tentu utai ti manah! Baka ni asai ati nuan lebuh nerima pemeri ke baka nya? Jaku terima kasih ke disebut nuan tentu utai ti manah. Lalu pikirka tu, emas nya utai ke ulih tan lama. Pia mega, jaku terima kasih ke disebut nuan deka seruran dikingat sereta dikenang orang.\\nSIDA NGAYANKA TERIMA KASIH\\n7. Nitihka Masmur 27:4, baka ni David enggau penulis masmur ke bukai ngayanka terima kasih?\\n7 Mayuh nembiak Jehovah kelia ngayanka terima kasih. Seiku ari sida nya David. (Bacha Masmur 27:4.) David ngumbai sembah ti tuchi nya beguna bendar lalu iya nunjukka nya ari utai ti digaga iya. Iya mega meri mayuh utai ti berega kena ngaga Rumah Sembiang Jehovah. Peturun Asap mega ngayanka terima kasih. Chara iya, sida nulis Masmur, tauka lagu puji. Siti ari lagu puji nya, meri terima kasih ngagai Jehovah sereta muji “utai ti badas ti udah dikereja” Jehovah. (Mas. 75:1) David enggau peturun Asap keran ngayanka terima kasih ke semua berekat ti diulih sida ari Jehovah. Kati enggau nuan? Ulih nuan mikirka chara deka neladan sida?\\nAri surat Paul ke nuju bala menyadi Kristian ba Rome, nama ulih dipelajarka kitai pasal ngayanka terima kasih? (Peda genteran 8-9) *\\n8-9. Baka ni rasul Paul ngayanka terima kasih ngagai bala menyadi Kristian? Nama asil iya?\\n8 Rasul Paul ngayanka terima kasih ngagai bala menyadi Kristian ari utai ti disebut iya. Ari sampi enggau surat ke ditulis iya, iya madahka diri beterima kasih ngagai sida. Ba lima belas iti ayat ti keterubah dalam bup Rome bagi 16, Paul nyebut nama 27 iku menyadi Kristian. Iya nyebut pasal Prisila enggau Akuila “ke berambunka nyawa” ketegal iya, sereta nyebut pasal Poebe ke “udah nulung mayuh orang,” nyengkaum Paul empu. Paul mega muji bala menyadi Kristian ke bagas.—Rom. 16:1-15.\\n9 Paul nemu bala menyadi Kristian enda sempurna. Tang ba pengujung surat ke nuju bala menyadi ba Rome, iya muji kualiti manah ke dikembuan sida. Nama asil iya? Bala menyadi berasai diperansang lebuh ninga jaku puji nya dibacha ba eklisia. Lalu kaul sida enggau Paul majak rapat. Baka ni enggau nuan? Kati nuan beterima kasih ke utai manah ti disebut sereta digaga bala menyadi Kristian?\\n10. Nama ulih dipelajar kitai ari Jesus ke beterima kasih ngagai bala murid iya?\\n10 Ba pesan ke dituju Jesus ngagai bala murid iya di Asia Minor (diatu dikumbai Turki), iya madahka terima kasih ngagai sida. Ku Jesus ngepunka pesan ngagai bala murid iya ba Tiatira: “Aku nemu utai ti dikereja nuan, pengerindu nuan, pengarap nuan, pengawa ti dikereja nuan, pasal ati nuan ti liat sereta tan. Aku nemu utai ti dikereja nuan diatu besai agi ari utai ti udah dikereja nuan terubah iya suba.” (Pem. 2:19) Jesus muji sida laban sida ransing gawa ke Petara sereta ngembuan kualiti ti manah. Taja pan pesan Jesus bisi ngembuan jaku tangkan, tang ba pun sereta ujung pesan nya, iya meri jaku peransang ngagai sida. (Pem. 2:25-28) Jesus nya kepala eklisia. Enti nitihka, Jesus tau enda ibuh beterima kasih ke pengawa kitai. Tang iya deka beterima kasih. Tu teladan ti manah ke tuai gempuru!\\nSIDA ENDA BETERIMA KASIH\\n11. Nitihka Hebrew 12:16, nama digaga Esau bekaul enggau utai ti kudus?\\n11 Sayau amat, sekeda orang ke bisi disebut ba Bup Kudus enda nemu beterima kasih. Ambika chunto, Esau. Iya dibesaika apai indai ke rindu sereta bebasaka Jehovah. Tang Esau “enda beterima kasih ke utai ti kudus.” (Bacha Hebrew 12:16 ari nota kaki.) * Nama digaga iya? Iya nyual hak iya ti nyadi anak tuai ngagai menyadi iya, Jakop, ketegal semangkuk bubur kachang. (P-kal. 25:30-34) Udah nya, Esau balat tusah ati ke pengawa ti udah digaga iya. Tang laban iya udah enda beterima kasih ke hak iya ti nyadi anak tuai, iya enda patut mutap enti nadai bulih hak nya baru.\\n12-13. Baka ni orang Israel nunjukka diri enda beterima kasih? Nama nyadi ngagai sida?\\n12 Bisi mayuh utai ke ngasuh orang Israel beterima kasih. Sida dilepaska ari nyadi ulun pengudah Jehovah ngena Sepuluh Tulah nyerang menua Ejip. Udah nya Iya nyelamatka sida lebuh Iya munaska semua soldadu Ejip ba Tasik Mirah. Ketegal balat beterima kasih, orang Israel belagu muji Jehovah. Kati sida mengkang beterima kasih?\\n13 Lebuh orang Israel napi penanggul ti baru, sida enda ingatka utai ti manah ke udah digaga Jehovah ke sida. Sida ngayanka diri enda beterima kasih. (Mas. 106:7) Baka ni? “Semua sida mutap ngelaban Moses seduai Aron.” Tang kebendar iya, sida ngelaban Jehovah. (P-sut. 16:2, 8) Jehovah tusah ati laban sida enda beterima kasih. Udah nya Iya madahka, semua orang Israel ke bukai deka mati magang di menua puang, kelimpah ari Josua seduai Kalep. (P-pau. 14:22-24; 26:65) Aram kitai beratika baka ni kitai ulih nyeliahka chunto ti enda manah nya, tang nitihka teladan ti manah.\\nNGAYANKA TERIMA KASIH KEMAYAHARITU\\n14-15. (a) Baka ni laki bini ulih ngayanka terima kasih ngagai pangan diri? (b) Baka ni apai indai ulih ngajar anak beterima kasih?\\n14 Ba ruang bilik. Diri sebilik bulih penguntung enti genap iku orang ba ruang bilik beterima kasih. Laki bini ke selalu beterima kasih ngagai pangan diri, bisi kaul ti rapat agi. Seduai iya mega senang ngampun penyalah pangan diri. Laki ke beterima kasih meda utai ti manah ke disebut sereta digaga bini. Laki mega “muji iya.” (J-lam. 31:10, 28) Lalu bini ke badas, madahka utai ke ngasuh iya beterima kasih ngagai laki.\\n15 Kita ke apai indai, baka ni kita ulih ngajar anak beterima kasih? Kingatka, anak nunda utai ti disebut sereta digaga kita. Nya alai, kita patut nyadi teladan ti manah ke anak. Kita nyebut terima kasih ngagai anak lebuh sida ngereja utai ke kita. Ajar anak nyebut terima kasih lebuh orang nulung sida. Padah ngagai anak, jaku terima kasih patut ari ati laban nya ulih ngagaka ati orang. Ambika chunto, seiku indu benama Clary madahka: “Lebuh indai beumur 32 taun, iya kediri aja ngemesaika kami tiga menyadi. Lebuh aku beumur 32 taun, aku ulih ngasaika penusah indai maya nya. Nya alai aku madahka diri balat beterima kasih ke utai ti udah digaga iya suba. Bedau lama ti udah, indai madahka jaku aku nya besai reti ba iya, lalu iya selalu ngenang jaku aku. Nya ngagaka ati iya.”\\nAjar anak nuan ngayanka terima kasih (Peda genteran 15) *\\n16. Padahka siti chunto pasal baka ni ulah ke beterima kasih ulih meransang orang bukai.\\n16 Ba eklisia. Kitai meransang ati bala menyadi Kristian lebuh kitai nyebut terima kasih ngagai sida. Ambika chunto, Jorge, seiku tuai gempuru ke beumur 28 taun, udah balat sakit. Sebulan iya enda ulih datai begempuru. Lebuh datai begempuru baru, iya agi enda ulih ngambi bagi ba gempuru. Ku Jorge: “Aku berasai enda beguna laban enda ulih bejalaika tanggung pengawa ba eklisia. Tang bisi sekali pengudah begempuru, seiku menyadi lelaki madah ngagai aku: ‘Aku deka beterima kasih ngagai nuan laban udah meri teladan ti manah ngagai kami sebilik. Kami rindu ninga cheramah ke udah diberi nuan suba. Cheramah nya nulung kami mansang ba pengarap.’ Pengudah ninga jaku iya, ati aku berasai ditegu lalu enda berasai ai mata aku labuh. Nya meh jaku peransang ti deka didinga aku.”\\n17. Nitihka Kolosi 3:15, baka ni kitai ngayanka terima kasih ngagai Jehovah?\\n17 Beterima kasih ngagai Petara kitai ti gerah jari. Jehovah udah meri mayuh utai ti beguna ke pengarap kitai. Ambika chunto, kitai nerima iring ari gempuru, majalah, sereta laman web kitai. Lebuh nuan ninga cheramah, macha artikel, tauka meda Berita JW, nuan engka kala ngasaika, nya meh utai ti diguna nuan. Baka ni kitai ngayanka terima kasih ngagai Jehovah? (Bacha Kolosi 3:15.) Siti chara nya, kitai ulih seruran nyebut terima kasih ngagai Jehovah dalam sampi.—Jas. 1:17.\\nNulung ba pengawa meresi Palan Gempuru nya chara ti pemadu manah kena ngayanka terima kasih (Peda genteran 18)\\n18. Baka ni chara kitai ngayanka terima kasih bekaul enggau Palan Gempuru kitai?\\n18 Kitai mega ngayanka terima kasih ngagai Jehovah lebuh kitai nyaga Palan Gempuru ngambika beresi sereta kemas. Kitai deka meresi sereta nyaga endur nya enggau tetap. Pia mega, bala menyadi ke bisi pengawa ba begian audio enggau video, bejimat lebuh ngena perengka nya. Enti kitai nyaga Palan Gempuru enggau manah, palan kitai ulih tan lama lalu pengawa nyeruri pan kurang. Enggau nya, kitai ulih ngelimat duit lalu duit nya ulih dikena nirika sereta nyeruri Palan Gempuru ba serata dunya.\\n19. Nama ulih dipelajar nuan ari utai ke nyadi ba seiku tuai ti ngabas enggau bini iya?\\n19 Beterima kasih ngagai sida ke bebendar gawa ke kitai. Jaku terima kasih kitai mega ulih ngubah runding orang pasal utai ke ditapi sida. Peratika utai ke nyadi ba seiku tuai ti ngabas enggau bini iya. Pengudah sepemanjai hari ba pengawa nginjil lebuh musin chelap, seduai iya pulai ngagai endur alai diau. Seduai iya berasai lelak. Maya nya amat chelap nyentukka bini iya terus tinduk ngena baju tebal ke dikena iya pulai nginjil. Lebuh dani pagi hari siti, bini iya madahka diri enda ulih agi neruska pengawa seduai iya. Lalu pagi nya mega, bisi surat datai ari pampang opis nuju bini iya. Dalam surat nya, bala menyadi ari pampang opis muji pengawa nginjil sereta pengeliat ati iya. Sida nemu nya enda senang, laban ninting minggu patut mindah ngagai endur bukai. Laki iya madahka: “Jaku puji nya amat negu ati bini aku. Iya nadai agi nyebut pasal deka badu. Indah lebuh aku berunding deka badu, iya meransang aku neruska pengawa kami.” Seduai iya terus ba pengawa ngabas eklisia kira-kira 40 taun.\\n20. Nama utai ke patut digaga kitai ninting hari? Nama kebuah kitai patut ngereja nya?\\n20 Aram meh kitai terus ngayanka terima kasih ari jaku sereta pengawa kitai ninting hari. Nya ulih nulung orang napi penanggul ba pengidup, laban kitai diau ba dunya ke alai semina mimit aja orang ke nemu beterima kasih. Ulah ti beterima kasih mega ngerapatka kaul kitai enggau orang bukai. Tang keberat agi, kitai neladan Apai kitai, Jehovah, ti gerah jari sereta nemu beterima kasih.\\nNama kebuah kitai patut beterima kasih ngagai orang bukai?\\nBaka ni sekeda orang ke bisi disebut dalam Bup Kudus ngayanka terima kasih?\\nBaka ni kitai ulih ngayanka terima kasih kemayaharitu?\\nLAGU 20 Nuan Meri Anak ti Dikerinduka\\n^ per. 5 Nama ulih dipelajarka kitai pasal ngayanka terima kasih ari Jehovah, Jesus, enggau orang Samaria ke sakit lan? Ba artikel tu, kitai deka beratika teladan sida sereta chunto ke bukai. Kitai mega deka berandauka kebuah patut beterima kasih sereta chara kitai nunjukka nya.\\n^ per. 11 Hebrew 12:16, NW: “Bejimat meh ngambika nadai seiku ari kita ngereja ulah seks ti kamah tauka enda beterima kasih ke utai ti kudus baka Esau. Iya ngelepaska hak iya ti nyadi anak tuai ketegal pemakai ti mimit.”\\n^ per. 55 PENERANG PASAL GAMBAR: Surat Paul dibacha ngagai bala menyadi Kristian ba Rome; Akuila, Prisila, Poebe, enggau sida ke bukai gaga ati lebuh ninga nama sida bisi disebut.\\n^ per. 57 PENERANG PASAL GAMBAR: Seiku indai ngajar anak iya chara ngayanka terima kasih ngagai seiku menyadi Kristian indu ke tuai ke nunjukka teladan ti manah.","num_words":2112,"character_repetition_ratio":0.104,"word_repetition_ratio":0.001,"special_characters_ratio":0.216,"stopwords_ratio":0.32,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Saut tanya ngagai SNAP | \"Mangkang Menua,Mangkang Dunya,Ngetan Ke Bansa!!\"\\nSaut tanya ngagai SNAP\\nFiled under: Pakatan Rakyat,Sarawak Politics,State Election — Pengayau @ 11:03 am\\nSNAP diatu ukai baka SNAP maia zaman niang Stephen Kalong Ningkan kelia.SNAP diatu semina kena BN mecah ke Undi Dayak alu nyadi Ulun BN!!!\\n1.Uji tanya ngagai Edwin Dundang,amat tauka enda 4 iku Ketuai ari SNAP udah di beri mata duit RM20,00 siku kena meli entuka 4wd?\\n2.Uji tanya ngagai Pemuda SNAP,amat tauka enda sida udah nerima mata duit RM200,00 ari siku Tukey Cina ari Malaya?\\n3.Uji tanya ngagai SNAP nama kebuah Malaysian Civil Liberties Movement (MCLM) ti betuaika Harris Ibrahim mutus ka semua kaul enggau sida iya?\\n4.Uji tanya ngagai SNAP nama kebuah Movement Of Change Sarawak (MOCS) ti betuaika Francis Siah mutus ka semua kaul enggau sida iya?\\n5.Uji tanya ngagai SNAP nama kebuah sida enda nyadi ngaga Training PACA(Polling Agent,Counting Agent) kena 9 aribulan March 2011 ti udah di atur alu di pesutuju ka sida enggau MCLM di Miri tang nyentuk ka saritu alu bedau madah ka kebuah?\\n6.Uji tanya ngagai SNAP nama kebuah SNAP mansut ka nama calon sebedau di tapis dulu ulih MCLM laban SNAP sigi udah bejanji deka minta tulung MCLM napis calon sida iya ngambi ka semua calon sida iya nya calon ti berkualiti tauka berkaliber?\\n7.Uji tanya ngagai SNAP,amat tauka enda Paul Kadang bc nerima duit RM50K kena sida ngaga symposium di Miri,Sibu enggau di Kuching sarinya?\\n8.Uji tanya ngagai SNAP nama kebuah sida alu bedau meri nyaut saut tanya ari Francis Siah ti meri sida iya 48 jam sebedau iya mecah ke rahsia SNAP?\\n9.Uji tanya ngagai SNAP amat tauka enda bala calon sarinya di janji tauka udah di beri mata duit RM10K siku alu mayuh agi deka di beri tauka di janji lebuh maia pengawa bepilih ila?\\n10.Uji tanya ngagai SNAP amat tauka enda sida bisi ngaga sempekat enggau bala UMNO Malaya kena mechah ke Undi Dayak maia pengawa bepilih tu ila\\n11.Uji tanya ngagai SNAP,dini sida bulih duit kena bejalai ka pengawa Parti sida tu tang suba madah ke diri nadai duit?\\n12.Uji tanya ngagai SNAP nama kebuah bala Ketuai dalam SNAP enggai ngangkat talipaun ari Francis Siah tauka Radio Free Sarawak kenyau ari berita tu pansut sarinya?\\n13.Uji tanya ngagai SNAP nama kebuah sida selalu enda datai maia baum Pakatan Rakyat enggau bala Raban ari DAP,PAS enggau PKR senentang bebagi ka penuduk?\\n14.Uji tanya ngagai SNAP,amat tauka enda siku Ketuai sida kala nginjau duit ari Ketua Cabang PKR Miri suba kena bejalai ke pengawa SNAP tang nyentuk ka diatu alu bedau di bayar?\\n15.Uji tanya ngagai SNAP amat tauka enda sida udah bisi Election Machinery sereta mayuh sukung ari bala Dayak?\\n16.Uji tanya ngagai SNAP amat tauka enda sida iya suba semina minta sereta bersetuju enggau 3 iti seat ianya Marudi(Edwin Dundang),Bukit Saban(Darrel Walter) enggau Telang Usan(Kebing Wan) maia keterubah iya berunding ka penuduk enggau Baru Bian ari PKR suba?\\n17.Uji tanya ngagai bala SNAP nama jaku sida maia nya suba?\\n“Auk,enda ngawa,3 iti seat nya pan cukup meh laban kami SNAP ndai duit”\\n1. Edwin Dundang (Marudi) SNAP President,Former District Officer of Baram,Lost to Robert Lawson Chuat in Bukit Saban in 2006 Sarawak State Election\\n2. Kebing Wan (Telang Usan) SNAP Acting Deputy President,Lost to Lihan Jok 2006 Sarawak State Election\\n3. Augustine Liom (Machan) Ex Industrial Court Judge,Lawyer,Former Policy Director of PKR Sarawak,Former SNAP candidate in Sarawak State Election 2006 and lost to Joseph Mauh Ikeh in Tamin\\n4. Anthony Liman Sujang (Krian) Lawyer,Former Treasure General of PBDS\\n5. Dayrell Walter Entrie (Bukit Saban) SNAP Youth Chief,Lost to to Alfred Jabu Layar in 2006 Sarawak State Election\\n8. Richard Peter Munai (Bengoh) Former Personal Assistant of Dr Jerip Susil\\n9. Sylvester Belayong (Kedup) Lost to Ritchard Riot Jaem in Serian in 2008 Parliamentary Election\\n10. Abang Othman Abang Gom (Lingga) Former PKR candidate in Sarawak State Election 2006 and lost to Simoi Peri\\n11. Dan Giang (Balai Ringgin) Former campaign manager for Cobbold John in 2006 Sarawak state election\\n12. Joe Unggang (Layar) Former bank employee in Sri Aman\\n13. Tedong Gunda alias Jamal Abdullah (Pakan) SNAP member,associate himself with PKR with hope to contest in Pakan and now back to SNAP\\n14. George Lagong (Baleh) Half brother of Datuk Sng Chee Hua\\n15. John Bampa (Belaga) Former SNAP candidate in Sarawak State Election 2006 and lost in 3 corner fight with Liwan Lawang,Stanly Ajang Batok.Managed to secure only 912 votes\\n16. Johari Bujang (Lambir) Former District Officer of Miri\\n18. Ateng Jeros (Tarat) Lawyer based in Kuching\\n19. Anthony Nais (Tebedu) Businessman\\n20. Ivanhoe Anthony Belon (Bukit Begunan) Businessman\\n21. Bakin Umpa (Meluan) Farmer\\n22. Alexius Douglas (Ngemah) Self Employed\\n23. Munan John Andrew (Tamin) Self Employed\\n24. Adang Jirau (Kakus) Farmer\\n25. Douglas Alau (Pelagus) Businessman,Ex Lecturer,former PBDS candidate in Sarawak State Election 1991,stand as Independent in 2001 but lost in both attempt to Gramong Juna in Machan\\n26. Toh Heng San (Katibas) Ex Assemblymen and SUPP Chairman for Engkilili\\n27. Rosnah Mohamad (Jepak) Businesswoman, Former exco of Angkatan Muda Keadilann (AMK) Sarawak\\n28. Lawrence Cosmas Sundang (Batu Danau) Government Pentioner\\n29.Thony Badak (Bekenu) Shell employee,SPDP member and Councilor in Miri","num_words":795,"character_repetition_ratio":0.106,"word_repetition_ratio":0.0,"special_characters_ratio":0.219,"stopwords_ratio":0.125,"flagged_words_ratio":0.0,"lang_id_score":0.859,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Jehovah Ulih Ngasuh Kitai Deka Ngereja Peneka Iya | Menara Jaga Dikena Belajar\\nMenara Jaga—Edisyen Dikena Belajar | Oktober 2019\\nBACHA DALAM JAKU Abua Acholi Afrikaans Aja Akha Albanian Altai Alur Amharic Amis Arabic Armenia Armenian (West) Aukan Aymara Azerbaijani Azerbaijani (Cyrillic) Bahasa Isyarat Congo Bahasa Isyarat Nigeria Bahasa Isyarat Salvador Baoule Bashkir Bassa (Cameroon) Batak (Karo) Batak (Simalungun) Batak (Toba) Belize Kriol Benggali Biak Bicol Bislama Boulou Bulgarian Cakchiquel Cambodian Catalan Cebuano Changana (Mozambique) Chavacano Chichewa Chin (Hakha) Chinese (Cantonese) Chinese (Simplified) Chinese (Traditional) Chitonga Chitonga (Malawi) Chitonga (Zimbabwe) Chitumbuka Chiyao Chokwe Chol Chopi Chuabo Chuukese Chuvash Cibemba Cina Kantonis (Ringkas) Cinyanja Croatian Czech Damara Dangme Danish Digor Duala Dutch Edo Efik English Esan Estonian Ewe Fijian Finland Fon French Ga Garifuna Georgian German Gitonga Gokana Greek Greenlandic Guadeloupean Kreol Guarani Gujarati Gun Haitian Creole Hausa Hebrew Herero Hiligaynon Hindi Hiri Motu Hmong (Putih) Hungarian Iban Ibanag Ibinda Icelandic Idoma Igbo Igede Iloko Indonesian Isoko Italian Jaku Orang Bisu Afrika Selatan Jaku Orang Bisu Amerika Jaku Orang Bisu Angola Jaku Orang Bisu Argentina Jaku Orang Bisu Australia Jaku Orang Bisu Bolivia Jaku Orang Bisu Brazil Jaku Orang Bisu Britain Jaku Orang Bisu Chile Jaku Orang Bisu China Jaku Orang Bisu Colombia Jaku Orang Bisu Costa Rica Jaku Orang Bisu Croatia Jaku Orang Bisu Cuba Jaku Orang Bisu Czech Jaku Orang Bisu Ecuador Jaku Orang Bisu Finland Jaku Orang Bisu Greece Jaku Orang Bisu Guatemala Jaku Orang Bisu Honduras Jaku Orang Bisu Hungary Jaku Orang Bisu India Jaku Orang Bisu Indonesia Jaku Orang Bisu Italy Jaku Orang Bisu Jepun Jaku Orang Bisu Jerman Jaku Orang Bisu Kenya Jaku Orang Bisu Korea Jaku Orang Bisu Malawi Jaku Orang Bisu Mexico Jaku Orang Bisu Mozambique Jaku Orang Bisu Nicaragua Jaku Orang Bisu Panama Jaku Orang Bisu Paraguay Jaku Orang Bisu Perancis Jaku Orang Bisu Peru Jaku Orang Bisu Philippines Jaku Orang Bisu Poland Jaku Orang Bisu Portugal Jaku Orang Bisu Quebec Jaku Orang Bisu Romania Jaku Orang Bisu Russia Jaku Orang Bisu Slovakia Jaku Orang Bisu Spain Jaku Orang Bisu Taiwan Jaku Orang Bisu Thailand Jaku Orang Bisu Venezuela Jaku Orang Bisu Zambia Jaku Orang Bisu Zimbabwe Japanese Jawa Jula Kabiye Kabuverdianu Kachin Kannada Karen (S'gaw) Kazakh Kazakh (Arabic) Kekchi Khana Kikamba Kikaonde Kikongo Kikuyu Kiluba Kimbundu Kinyarwanda Kipende Kirghiz Kiribati Kirundi Kisi Kisonge Kongo Korean Krio Kurdish Kurmanji Kurdish Kurmanji (Caucasus) Kurdish Kurmanji (Cyrillic) Kwangali Kwanyama Kyangonde Lahu Laotian Latvian Lenje Lhukonzo Lifu Lingala Lithuanian Lomwe Low German Luganda Lunda Luo Luvale Macedonian Macua Makhuwa-Meetto Malagasy Malayalam Maltese Mam Mambwe-Lungu Mapudungun Marathi Marshallese Mauritian Creole Maya Mazatec (Huautla) Mbunda Melayu Mingrelian Mixe Mixtec (Guerrero) Mizo Mongolian Moore Motu Myanmar Nahuatl (Central) Nahuatl (Guerrero) Nahuatl (Huasteca) Nahuatl (Northern Puebla) Navajo Ndau Ndebele Ndebele (Zimbabwe) Ndonga Nepali Ngabere Ngangela Nias Niuean Norwegian Nyaneka Nyungwe Nzema Okpe Oromo Ossetian Otetela Palauan Pangasinan Papiamento (Curaçao) Persian Pijin (Afrika Barat) Polish Ponapean Portuguese Portuguese (Portugal) Punjabi Quechua (Ancash) Quechua (Ayacucho) Quechua (Bolivia) Quechua (Cuzco) Quiche Quichua (Chimborazo) Quichua (Imbabura) Rarotongan Romanian Romany (Greece Selatan) Romany (Macedonia) Romany (Macedonia) Cyrillic Romany (Serbia) Ronga Runyankore Russian Rutoro Samoan Sangir Sango Saramaccan Sena Sepedi Sepulana Serbian Serbian (Roman) Sesotho (Afrika Selatan) Sesotho (Lesotho) Setswana Seychelles Creole Shona Sidama Silozi Sinhala Slovak Slovenian Solomon Islands Pidgin Spanish Sranantongo Sunda Swahili Swahili (Congo) Swati Swedish Tagalog Tahitian Tajiki Tamil Tarascan Tatar Telugu Tetun Dili Thai Tigrinya Tiv Tlapanec Tojolabal Tok Pisin Tongan Totonac Tshiluba Tshwa Tsonga Turkish Turkmen Tuvaluan Twi Tzeltal Tzotzil Uighur (Arabic) Uighur (Cyrillic) Ukrainian Umbundu Urdu Urhobo Uruund Uzbek Uzbek (Rumi) Venda Vietnamese Wallisian Waray-Waray Wayuunaiki Welsh Wolaita Xhosa Yapese Yoruba Zande Zapotec (Isthmus) Zulu\\nARTIKEL DIPELAJAR 42\\nJehovah Ulih Ngasuh Kitai Deka Ngereja Peneka Iya\\n‘Petara ke bekereja dalam kita ti ngasuh kita deka sereta ulih ngereja utai ti ngerinduka ati Iya.’—PLP. 2:13.\\nLAGU 104 Roh Kudus—Pemeri ari Petara\\n1. Nama ulih digaga Jehovah kena ngemujurka tuju Iya?\\nJEHOVAH ulih nyadi sebarang utai ti dikedekaka Iya kena ngemujurka tuju Iya. Ambika chunto, Iya Pengajar, Apai ti meri pengelantang, enggau Penginjil. Nya meh sekeda ari pengawa ke dikereja Iya. (Isa. 48:17; 2 Kor. 7:6; Gal. 3:8) Taja pia, Jehovah suah ngena mensia ngereja tuju Iya. (Mat. 24:14; 28:19, 20; 2 Kor. 1:3, 4) Iya mega ulih meri kitai penemu-dalam enggau pengering ngambika ulih ngereja peneka Iya. Semua tu nerangka chara Jehovah ulih ngasuh kitai nyadi sebarang utai ti dikedekaka Iya kena ngemujurka tuju Iya.\\n2. (a) Nama kebuah kadang-kadang kitai kakang sekalika Jehovah agi ngena kitai? (b) Nama deka dipejuraika kitai ba artikel tu?\\n2 Semua kitai deka Jehovah ngena kitai ngereja peneka Iya. Tang sekeda ari kitai engka kakang sekalika Jehovah agi ngena sida. Nama kebuah? Laban sida ngasaika diri enda ulih ngereja mayuh agi baka ti dikedekaka sida ketegal udah tuai, utai ke nyadi ba pengidup, tauka ngasaika diri enda landik. Tang, bisi sekeda nya engka ngasaika diri udah ngereja mayuh pengawa ke Jehovah lalu enda ibuh ngereja mayuh agi. Ba artikel tu, kitai deka bejuraika chara Jehovah ulih nyikap kitai ngemujurka tuju Iya. Udah nya kitai deka mansik cherita Bup Kudus pasal Jehovah ke ngasuh bala nembiak Iya deka sereta ulih ngereja peneka Iya. Ke penudi, kitai deka berandauka chara kitai ulih ngawakka diri dikena Jehovah.\\nCHARA JEHOVAH NYIKAP KITAI\\n3. Baka ke dipadah dalam Pilipi 2:13, baka ni Jehovah ngasuh kitai deka ngereja peneka Iya?\\n3 Bacha Pilipi 2:13. * Jehovah ulih ngasuh kitai deka ngereja pengawa ke Iya. Baka ni Iya ngereja nya? Ambika chunto, kitai engka nemu orang ba eklisia kitai begunaka tulung tauka pengawa bukai ke patut dikereja. Tauka bala tuai gempuru macha surat ari pampang opis ke madahka bisi begunaka tulung ngereja pengawa teokratik ba endur bukai. Kitai engka nanya diri empu, ‘Nama ulih dikereja aku kena nulung?’ Tauka kitai engka diberi sekeda pengawa ti tusah lalu kitai enda nemu sekalika ulih ngereja nya enggau manah tauka enda. Tauka pengudah macha sekeda ayat dalam Bup Kudus kitai engka nanya diri empu, ‘Baka ni aku ulih ngena ayat Bup Kudus tu nulung orang?’ Jehovah enda ngansak kitai ngereja siti-siti utai. Tang lebuh Jehovah meda kitai deka ngereja siti-siti pengawa ke Iya, Iya tentu deka nulung kitai ngereja nya.\\n4. Baka ni Jehovah ngasuh kitai ulih ngereja peneka Iya?\\n4 Jehovah mega ngasuh kitai ulih ngereja peneka Iya. (Isa. 40:29) Iya ulih meri kitai roh kudus kena ngemansangka pengelandik ke dikembuan kitai. (P-sut. 35:30-35) Jehovah ulih ngena gerempung Iya ngajar kitai ngereja pengawa. Enti nuan enda nemu baka ni ngereja siti-siti pengawa, nuan patut minta tulung. Pia mega, besampi ngagai Jehovah ngambika Iya ulih meri kitai “kuasa ti besai” kena ngereja peneka Iya. (2 Kor. 4:7; Luk. 11:13) Bup Kudus ngundan mayuh chunto pasal baka ni Jehovah udah ngasuh bala nembiak Iya deka sereta ulih ngereja pengawa ke diberi Iya. Seraya kitai beratika sekeda chunto tu, pikirka chara Jehovah ulih ngena nuan, baka Iya ke udah ngena bala nembiak Iya menya.\\nCHARA JEHOVAH NGENA NEMBIAK IYA KE LELAKI\\n5. Nama ulih dipelajarka kitai ari chara sereta maya Jehovah ngena Moses ngelepaska orang Israel ari menua Ejip?\\n5 Jehovah ngena Moses ngelepaska orang Israel ari menua Ejip. Tang kemaya Jehovah ngena iya? Jehovah enda ngena Moses maya iya ngumbai diri udah besedia pengudah iya “diajar semua penemu-dalam orang Ejip.” (SKR. 7:22-25) Tang, Jehovah ngena Moses pengudah Iya nulung Moses nyadi orang ke baruh ati. (SKR. 7:30, 34-36) Jehovah meri Moses pemerani bejaku enggau raja Ejip. (P-sut. 9:13-19) Nama ulih dipelajarka kitai ari chara sereta maya Jehovah ngena Moses? Jehovah ngena orang ke nguji neladan pemanah Iya sereta bepanggai ba Iya kena ngulihka pengering.​—Plp. 4:13.\\n6. Nama dipelajarka kitai ari chara Jehovah ke ngena Barsilai nulung raja David?\\n6 Beratus taun udah nya, Jehovah ngena Barsilai nulung raja David enggau bala iya ke “lapar, aus, sereta lelak” lebuh sida ngerarika diri ari Absalom, anak David. Barsilai ke udah tuai enggau sida ke bukai berambunka nyawa diri nulung David enggau bala iya. Barsilai enda ngumbai Jehovah badu ngena iya ketegal iya udah tuai. Tang iya enggau gerah jari ngena utai ke dikemisi iya nulung nembiak Jehovah. (2 Sam. 17:27-29) Nama dipelajarka kitai? Enda ngira ni penuai umur kitai, Jehovah agi ulih ngena kitai nyediaka utai ti diguna nembiak Iya, sekalika nya ba menua kitai empu tauka ba menua bukai. (J-lam. 3:27, 28; 19:17) Kitai empu engka enda ulih datai nulung sida, tang kitai engka ulih nulung bala menyadi kitai ba serata dunya nengah pemeri ke diberi kitai.​—2 Kor. 8:14, 15; 9:11.\\n7. Baka ni Jehovah ngena Simeon? Nama kebuah nemu pasal tu meransang kitai?\\n7 Simeon seiku lelaki tuai ke taluk ba Jerusalem. Jehovah besemaya, Simeon deka meda Messiah sebedau iya madamka seput. Semaya nya tentu udah meransang Simeon laban iya udah betaun-taun nganti penatai Messiah. Jehovah merekatka iya ketegal taluk sereta liat ati. Bisi sekali, ‘nitihka iring roh kudus’ Simeon datai mansang ngagai Rumah Sembiang. Lebuh dia, iya meda Jesus ke agi mit, lalu Jehovah ngena iya madahka anak mit nya deka nyadi Kristus. (Luk. 2:25-35) Taja pan Simeon enda sempat meda Jesus bejalaika pengawa nginjil, iya tentu beterima kasih laban Jehovah udah ngena iya. Lalu iya deka bulih mayuh agi berekat jemah ila. Iya deka meda baka ni perintah Jesus merekatka semua ruang bilik ba dunya baru. (P-kal. 22:18) Kitai mega tentu beterima kasih ke sebarang peluang ti diberi Jehovah lebuh gawa ke Iya.\\n8. Baka ni Jehovah ngena kitai baka Iya ke ngena Barnabas?\\n8 Ba abad keterubah Masihi, seiku lelaki ke gerah jari benama Josep ngawakka diri dikena Jehovah. (SKR. 4:36, 37) Engka ketegal Josep landik ngelantangka ati orang, bala rasul ngumbai iya Barnabas, ke mai reti “Anak Peransang.” Ambika chunto, pengudah Saul nyadi orang Kristian, mayuh bala menyadi takut deka semak enggau iya laban iya kala merinsaka bala menyadi Kristian. Tang Barnabas nulung sereta ngelantangka ati Saul. Saul tentu beterima kasihka utai tu. (SKR. 9:21, 26-28) Enda lama udah nya, bala tuai ba Jerusalem deka meri peransang ngagai bala menyadi ke diau jauh ba Antiok, Siria. Sapa dianjung sida? Barnabas! Nya pemutus ti manah! Ari Bup Kudus, kitai nemu Barnabas ‘meransang semua sida meruan tetap ati ngagai Tuan enggau pengabis ati sida.’ (SKR. 11:22-24) Pia mega kemayaharitu, Jehovah ulih ngena kitai ngelantangka ati bala menyadi Kristian kitai. Ambika chunto, iya engka ngena kitai ngelantangka ati sida ke udah mati orang ti dikesayau. Tauka iya engka meransang kitai ngusung tauka betalipaun ngagai sida ke sakit tauka tusah ati ngambika ulih ngelantangka ati sida. Kati nuan deka ngawakka diri dikena Jehovah, baka ke digaga Barnabas?​—1 Tes. 5:14.\\n9. Nama dipelajarka kitai ari chara Jehovah nulung Vasily nyadi tuai gempuru ti landik?\\n9 Jehovah nulung seiku menyadi lelaki ke benama Vasily nyadi tuai gempuru ti landik. Lebuh iya nyadi tuai gempuru maya beumur 26 taun, iya irau sereta ngumbai diri nadai chukup peneleba kena nulung bala menyadi, kelebih agi sida ke benung napi penanggul. Tang, iya bulih latih ari bala tuai ti bepeneleba sereta ari Sekula Bup Kudus ke Menyadi ke Dipilih. Vasily bebendar ngaga pemansang. Ambika chunto, iya nulis sekeda juluk ati mit ke ulih dijapai iya. Lebuh iya udah nyapai tiap iti juluk ati nya, iya belubah-lubah mutarka asai ati iya ti irau. Iya nyau andal agi ke diri empu. Ku iya madah: “Utai ti ngasuh aku irau suba diatu nyau ngagaka ati aku. Lebuh Jehovah nulung aku tetemuka ayat ti engkeman kena nulung bala menyadi Kristian ba eklisia, tu ngasuh ati aku berasai puas.” Bala menyadi ke lelaki, enti kita neladan Vasily lalu ngawakka diri dikena Jehovah, Iya ulih meri kita pengelandik kena bejalaika tanggung pengawa ke berat agi ba eklisia.\\nCHARA JEHOVAH NGENA NEMBIAK IYA KE INDU\\n10. Nama digaga Abigail? Nama dipelajar nuan ari teladan iya?\\n10 David enggau bala iya ngerarika diri ari digagai Raja Saul, lalu sida begunaka tulung. David ngasuh sekeda ari bala iya minta mimit pemakai ari seiku orang Israel ti kaya ke benama Nabal. Sida ngasaika diri nadai salah minta pemakai laban sida nulung nyaga jelu tupi Nabal ba menua puang. Tang Nabal ke berundingka diri empu enggai meri sida pemakai. David lalu pedis ati sereta deka munuh Nabal enggau semua bala lelaki ke bisi ba rumah iya. (1 Sam. 25:3-13, 22) Tang Abigail, bini Nabal nya seiku indu ke bajik sereta tajam runding. Enggau berani, iya nyungkurka diri semak kaki David lalu minta David enda munuh Nabal enggau semua bala lelaki ba rumah iya ngambika enda berutang darah. Iya enggau nelap ngasuh David andalka Jehovah ulih nulung. Jaku Abigail ti siru sereta ulah iya ti bebasa negu ati David. Nya kebuah David nyau nemu Jehovah ke udah nganjung Abigail. (1 Sam. 25:23-28, 32-34) Abigail udah ngemansangka pemanah baka pemaruh ati, pemerani sereta tajam runding ke ngasuh iya ulih dikena Jehovah. Pia mega, bala menyadi Kristian indu ke tajam runding sereta nemu meri jaku lalau enggau chara ti manah ulih dikena Jehovah negapka diri sebilik sereta orang bukai ba gempuru.​—J-lam. 24:3; Tit. 2:3-5.\\n11. Nama digaga anak indu Salum? Sapa neladan sida kemayaharitu?\\n11 Beratus taun udah nya, bala anak indu Salum nya entara orang ke dikena Jehovah ngaga dinding kuta Jerusalem. (Neh. 2:20; 3:12) Taja pan Salum nya orang ke megai setengah pelilih menua Jerusalem, bala anak indu iya deka ngereja utai ti mar sereta tau ngasuh bebadi. (Neh. 4:15-18) Sida enda baka bala tuai ari Tekoa ke “enggai ngereja ungkup ti udah diasuh kereja sida.” (Neh. 3:5) Uji gambarka pengaga ati bala anak Salum lebuh pengawa nya tembu magang pengudah 52 hari! (Neh. 6:15) Kemayaharitu, bala menyadi indu gaga ati nulung ba pengawa nirika sereta nyeruri bengunan ke diserahka ngagai Jehovah. Nya alai, pengelandik, pengeransing enggau penaluk sida beguna kena ngemujurka pengawa tu.\\n12. Baka ni Jehovah ulih ngena kitai baka Iya ke udah ngena Tabita?\\n12 Jehovah meransang Tabita “ngereja utai ti manah, sereta nulung orang ke seranta,” kelebih agi ngagai sida ke balu. (SKR. 9:36) Ketegal iya balat gerah jari sereta nelap, mayuh orang tusah ati lebuh iya udah nadai. Tang sida gaga ati lebuh rasul Peter ngangkatka iya idup baru. (SKR. 9:39-41) Nama dipelajarka kitai ari Tabita? Enda ngira tuai tauka biak, lelaki tauka indu, semua kitai ulih ngereja utai ti beguna kena nulung bala menyadi kitai.​—Heb. 13:16.\\n13. Baka ni Jehovah ngena seiku menyadi indu ti pemalu ke benama Ruth? Nama dipadah iya pasal Jehovah?\\n13 Seiku menyadi indu ti pemalu ke benama Ruth deka nyadi pengerintis seberai tasik. Lebuh iya agi biak, enggau ati ti ransing iya berumban nyadung surat mit ngagai orang ari rumah ke rumah. Ku iya madah, “Aku rindu ngereja pengawa tu.” Tang iya ngasaika diri tusah deka berandau enggau orang pasal Perintah Petara lebuh nginjil. Taja pan Ruth pemalu, iya nyadi pengerintis biasa lebuh beumur 18 taun. Ba taun 1946, iya enggau Sekula Gilead lalu udah nya gawa ke Jehovah ba Hawaii enggau Jepun. Jehovah ngena iya ba pengawa nginjil ba menua nya. Pengudah nyauka 80 taun ba pengawa nginjil, ku Ruth madah: “Jehovah endang seruran ngeringka aku. Iya udah nulung aku nyadi berani. Aku amat pechaya Jehovah ulih ngena tiap iku orang ke andalka Iya.”\\nNGAWAKKA DIRI DIKENA JEHOVAH\\n14. Nitihka Kolosi 1:29, nama patut digaga kitai enti deka dikena Jehovah?\\n14 Kenyau ari kelia, Jehovah udah ngena nembiak Iya dalam mayuh chara. Baka ni Iya deka ngena nuan? Nya bepanggai ba sekalika nuan deka bebendar gawa tauka enda. (Bacha Kolosi 1:29.) Enti nuan ngawakka diri dikena Jehovah, Iya ulih ngasuh nuan nyadi penginjil ti ransing, pengajar ti landik, orang ti landik meransang orang bukai, pekereja ti landik, bakih ke ulih nyukung, tauka sebarang utai bukai ti dikedekaka Iya kena ngemujurka peneka Iya.\\nJEHOVAH NGASUH KITAI “DEKA SERETA ULIH NGEREJA UTAI TI NGERINDUKA ATI IYA”​—PILIPI 2:13\\nEnti nuan ngawakka diri dikena Jehovah, Iya ulih ngasuh nuan nyadi penginjil ti ransing, pengajar ti landik, orang ti landik meransang orang bukai, pekereja ti landik, bakih ke ulih nyukung, tauka sebarang utai bukai ti dikedekaka Iya kena ngemujurka peneka Iya (Peda genteran 14-16)\\n15. Baka ke dipadah ba 1 Timoti 4:12, 15, nama bantu ke patut dipinta bala nembiak lelaki ke agi biak ari Jehovah?\\n15 Baka ni enggau bala menyadi lelaki ke agi biak? Gerempung kitai begunaka menyadi lelaki ti regas nyadi penulung gempuru. Ba mayuh eklisia, penyampau bala tuai gempuru mayuh agi ari penulung gempuru. Kati ulih kita ngereja mayuh agi tanggung pengawa ba eklisia? Kadang-kadang sekeda bala menyadi ke lelaki madahka, “Aku gaga ati enti nyadi penginjil aja.” Enti tu utai ke diasai nuan, besampi minta Jehovah nulung nuan ngemansangka pengingin ngambika ulih nyadi penulung gempuru. Pia mega, minta Iya meri nuan pengelandik ngereja pengawa ke diberi Iya enggau naka ulih. (P-jar. 12:1) Kami begunaka bantu ari kita!​—Bacha 1 Timoti 4:12, 15.\\n16. Nama utai ke patut dipinta kitai ari Jehovah, lalu nama kebuah?\\n16 Jehovah ulih ngasuh nuan nyadi sebarang utai ti dikedekaka Iya kena ngemujurka peneka Iya. Nya alai, minta Iya ngasuh nuan deka sereta ulih ngereja peneka Iya. Enda ngira tuai tauka biak, kena meh jam, pengering enggau pengelandik nuan ngemuliaka Jehovah ari diatu. (P-jar. 9:10) Lebuh nuan diberi peluang ngereja mayuh agi pengawa ke Jehovah, anang beguai nulak ketegal ngumbai diri enda ulih ngereja pengawa nya. Endang peluang ti besai ulih ngereja sebarang utai ke tau ngenataika mulia enggau basa ngagai Jehovah!\\nBaka ni Jehovah nyikap kitai gawa ke Iya?\\nNi bagi teladan orang ba Bup Kudus dalam artikel tu ke ngerinduka ati nuan, lalu nama kebuah?\\nNama pengeran ke patut dikemansangka bala menyadi lelaki ke agi biak?\\nLAGU 127 ‘Baka Ni Gaya Aku Patut Idup?’\\n^ per. 5 Kati nuan ngasaika diri ngereja mimit aja pengawa ke Jehovah? Kati nuan ngasaika diri enda agi dikena Iya? Tauka kati nuan ngasaika diri enda ibuh ngereja mayuh agi pengawa ke Iya? Artikel tu deka bejuraika sekeda chara Jehovah ngasuh kitai deka sereta ulih ngereja peneka Iya.\\n^ per. 3 Taja pan Paul nulis surat ngagai orang Kristian ba jeman iya, tang prinsip ke ditulis iya ba surat nya agi ulih dikena semua nembiak Jehovah kemayaharitu.\\n1919—Seratus Taun ti Udah\\nPengawa Ngakim Ari Petara—Kati Iya Seruran Meri Orang Chukup Awak Kena Ngasika Jaku Tangkan Ari Iya?\\nMengkang Kisuk Ngereja Peneka Petara Maya “Hari ti Penudi”\\nMengkang Tetap Ati Maya ‘Penusah ti Besai’\\nNyembah Jehovah Seiku Aja\\nText Chara download litaricha elektronik MENARA JAGA—EDISYEN DIKENA BELAJAR Oktober 2019\\nMENARA JAGA—EDISYEN DIKENA BELAJAR Oktober 2019","num_words":2896,"character_repetition_ratio":0.076,"word_repetition_ratio":0.022,"special_characters_ratio":0.205,"stopwords_ratio":0.258,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Bersatu sepenemu Dr M nampung pengawa - Suara Sarawak\\n“Dikena ngetanka penegap ekonomi, politik enggau pengidup rama, rayat Malaysia kelebih agi rayat Sarawak tu empu agi randakka ketuai dipegai Tun Dr Mahathir Mohamad.” – Jaziri Alkaf.\\nKUCHING: Bersatu Sarawak dekaka timpuh pangku pengawa Menteri Besai Malaysia Tun Dr Mahathir Mohamad ditampung dataika abis pengggal.\\nSida mega madahka diri sepenemu lalu setujuka perambu nya enggau nadai bechiping penemu bala bukai.\\n“Bekalih kuasa Menteri Besai enda patut dipejalai enggau berumban kelebih agi maya menua deka napi Pengawa Bepilih Nengeri (PRN) Sarawak.\\n“PRN tu dipelaba dipejalai abis tumu ba taun baru lalu kitai patut nyendiaka diri ari semua sukut nentuka juluk gempung parti Pakatan Harapa ulih dijapai,” ku Sekretari Besai Interim Bersatu Sarawak Jaziri Alkaf Suffian.\\nSUKUNG TEGUT… Jaziri Alkaf Suffian (dua kiba) ngempung penemu ti setujuka perambu Menteri Besai Tun Dr Mahathir ditampung dataika abis penggal.\\nPia mega ku Jaziri, Bersatu Sarawak ngarap chara gawa bekunsika pengelantang ti ditibak ari penemu Tun Dr Mahathir patut diterenak ngagai genap serak komuniti.\\n“Pekara tu enda patut semina diperati ari sukut bekunsika asil menua aja tang patut panjai agi runding, jauh agi tinjau ke mua.\\n“Bekunsika pengelantang tu deka meri pemaik ukai semina ngagai pemansang serap menua aja, tang nentuka tunga kuing rebak dudi ngemai nama menua gah ba mata dunya,” ku iya madah nyemetak.\\nNya alai ku iya, dikena ngetanka penegap ekonomi, politik enggau pengidup rama, rayat Malaysia kelebih agi rayat Sarawak tu empu agi randakka ketuai dipegai Tun Dr Mahathir Mohamad.\\nAgi tubah peminta enggau peneka rayat apin ditangkup taja udah 50 lebih taun Malaysia ditumbuh ngena nama Sempekat Malaysia 1963 (MA63).\\n“Gempung Parti Sarawak (GPS) patut fokus agi ngagai pekara menua tu baka penanggul tanah adat bansa asal ti agi nekul rayat Sarawak kenyau ari bepuluh taun ke udah.\\n“Perintah Besai mega bisi pangku pengawa besai gawaka rayat Sarawak lalu tuju pengawa tu enda patut dikelese Perintah Sarawak,” ku Jaziri nandu.","num_words":302,"character_repetition_ratio":0.071,"word_repetition_ratio":0.089,"special_characters_ratio":0.179,"stopwords_ratio":0.132,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"RM81.58j dikemendar ungkup 303 projek infrastruktur - Suara Sarawak\\nKUCHING: Agih bantu sepenyampau RM81.58 juta udah dikemendar Perintah Sarawak taun tu ungkup piak kaunsil kandang menua (PBT) dikena ngemujurka 303 projek infastruktur.\\nMenteri Kaunsil Kandang Menua Datuk Prof. Dr. Sim Kui Hian madah, bantu ti dikemendar tu nyengkaum ungkup Majlis Bandaraya Kuching Selatan (MBKS).\\nProjek tu nyengkaum ngaga lampu jalai, lampu trafik, jalai orang bedarat, agu mensia mayuh, librari, pengkalan enggau taman rekreasyen.\\nKe diatu 17 projek udah tembu enggau 97 projek agi ba mayuh bengkah renggat dipejalaika sereta 189 projek agi pra-kunterik.\\nKui Hian nambah, penyampau RM657.13 juta dikemendar dikena ngaga 88 Projek Rayat ti digaga Opis Parit enggau Entali Ai (DID), Kaunsil Pemansang Pengawa Berumah (HDC), Opis Kereja Raya (JKR) enggau piak penerit adat lalu 12 ari 88 projek udah tembu.\\nUNGKUP RAYAT…Datuk Prof. Dr. Sim Kui Hian (kanan) enggau Menteri Muda Kaunsil Kandang Menua Datuk Dr Penguang Manggil bela beratika isi simpul mosyen Opis Menteri Kaunsil Kandang Menua di Dun, kemari.pix: RAMIDI\\nBa baruh Projek Mit Pemansang Menua Pesisir (RTP), ku iya, 564 projek berega RM83.15 juta udah dikemendarka ungkup taun tu.\\n“Ba baruh Komiti Kabinet ungkup Trasformasyen Menua Pesisir, opis Menteri aku udah nerima RM13.1 juta taun tu ungkup 11 projek tebatan banjir.\\n“Naka tu, siti projek udah tembu, tujuh projek diperambu tembu taun tu lalu tiga projek agi diperambu tembu ba taun 2020,” ku iya rambau nyimpulka mosyen Opis Menteri Kaunsil Kandang Menua di Dun, kemari.\\nKui Hian mega madah, ba baruh Sistem Infomasyen Rikod Jalai Alun Malaysia (Marris) sepenyampau RM322.6 juta udah dikemendar ungkup ba baruh tanggungpengawa 24 piak bekuasa pelilih menua.\\n“Nyentuk 31 Mac tu tadi, sepenyampau RM141.3 juta udah dikeluarka Sekretari Pekara Wang Nengeri lalu RM24.8 juta udah dikena,” ku iya.\\nOpis Menteri Kaunsil Kandang Menua (KPKT) mega meri bantu RM30.34 juta ungkup semua 26 PBT di Sarawak ngambi bejalaika 106 projek infrastruktur mit.","num_words":284,"character_repetition_ratio":0.092,"word_repetition_ratio":0.0,"special_characters_ratio":0.221,"stopwords_ratio":0.123,"flagged_words_ratio":0.0,"lang_id_score":0.987,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"#InjilSeharitu: 14 June 2018, Hari Empat ba Minggu Ke Sepuluh Musim Selama - Berita Iban Online | Laman Web Berita Kitai\\nHome \/ Injil Tuhan \/ #InjilSeharitu: 14 June 2018, Hari Empat ba Minggu Ke Sepuluh Musim Selama\\n#InjilSeharitu: 14 June 2018, Hari Empat ba Minggu Ke Sepuluh Musim Selama\\nStaf @beritaibanMY Thursday, June 14, 2018 0\\nKu Jesus bejaku ngagai bala murid Iya:“Laban, Aku madah ngagai kita, enti kita enda lebih agi lurus ari sida pengajar Adat enggau orang Parisi, kita enda ulih tama Perintah serega. - Matthew 5: 20 - 26\\n14 June 2018 - Hari Empat ba Minggu Ke Sepuluh Musim Selama\\n1 Raja 18: 41 - 46\\nUdah nya Elijah lalu bejaku ngagai Raja Ahap, “Alai nuan makai. Aku bisi ninga munyi auh ujan datai.”\\nLebuh Ahap mansang makai, Elijah niki ngagai tuchung Bukit Karmel. Dia iya lalu meremika diri ke tanah. Pala iya ba entara patung iya.\\nKu iya bejaku ngagai orang gaji iya, “Uji perening tunga ke tasik.” Orang gaji iya mupuk, lalu pulai baru. Ku iya, “Nadai aku meda utai.” Elijah ngasuh iya ninjau tujuh kali.\\nChukup ketujuh kali, orang gaji nya pulai, lalu ku iya, “Aku bisi meda siti mua hari mesai tapa jari, datai ari tasik.” Elijah lalu bejaku ngagai orang gaji iya, “Alai nuan mansang ngagai Raja Ahap, lalu asuh iya nepan kerita perang iya, lalu pulai, enggai ke iya tepagang laban ujan.”\\nEnda lama udah nya langit nyau chelum laban mua hari. Ribut belabuh muput, lalu hari bangat amat ujan. Ahap nepan kerita perang iya, lalu mupuk pulai ngagai Jesril.\\nKuasa TUHAN lalu datai ngagai Elijah. Iya nyintalka gari iya erat ba punggung iya, lalu belanda dulu ari Ahap nyentuk ngagai Jesril.\\nMasmur 65: 9, 10, 11 - 12\\nSaut (peda 1a): O Allah Taala, kami endang patut muji Nuan di Sion.\\nNuan ngayanka diri sinu ati ke menua lebuh Nuan ngasuh hari ujan.\\nNuan ngasuh menua ami.\\nNuan ngisi sungai enggau ai.\\nNuan ngasuh utai tumbuh.\\nSaut: O Allah Taala, kami endang patut muji Nuan di Sion.\\nNuan ngasuh ai ujan manjah tanah ti udah dichangkul lalu ngasuh tanah serap diisi ai.\\nNuan ngasuh tanah lembut ngena ujan ti mesi-mesi lalu ngasuh utai ti ditanam tumbuh.\\nNaka meh pemayuh utai ti diasuh Nuan ketau kami!\\nNuan meri kami mayuh utai di sebarang endur Nuan bejalai.\\nPadang rumput nyau penuh laban jelu tupi.\\nSerimbing bukit nyau penuh laban pengaga.\\nrinduka pangan diri baka Aku ke udah rinduka kita.\\n“Laban, Aku madah ngagai kita, enti kita enda lebih agi lurus ari sida pengajar Adat enggau orang Parisi, kita enda ulih tama Perintah serega.\\nKita udah ninga pasal utai ti udah dipadahka ngagai orang ke dulu kelia, ‘Anang munuh orang; barang sapa munuh orang deka kena pechara.’\\nTang Aku madah ngagai kita, enti kita ringat ngagai menyadi lelaki tauka menyadi indu kita enggau nadai kebuah-buah, kita deka kena pechara; lalu enti kita ngeleseka menyadi kita, kita deka dibai ngagai Kunsil; lalu enti kita nyebut, ‘Nuan tu beli’, kita deka dibuai ngagai api neraka.\\nNya alai lebuh kita deka meri pemeri kita ba alta, lalu teingatka menyadi lelaki tauka menyadi indu kita bisi enda nyamai ati ngagai kita, tinggalka pemeri kita dia di mua alta, bebaik dulu enggau iya, udah nya baru kita mansang lalu meri pemeri kita.\\nBebaik enggau naka penyampat enggau orang ke bedawaka kita, lebuh kita benung mansang ngagai kot, enggai ke iya nyerahka kita ngagai hakim, lalu hakim nyerahka kita ngagai jejaga, lalu kita ditutup dalam rumah jil.\\nEnggau bendar Aku madah ngagai kita, kita enda ulih pansut ari rumah jil nya datai ke kita udah mayar semua utang kita.”","num_words":544,"character_repetition_ratio":0.064,"word_repetition_ratio":0.052,"special_characters_ratio":0.223,"stopwords_ratio":0.29,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Kes koronavirus: Lapan agi nganti pemutus - Suara Sarawak\\nKUCHING: Lapan agi dipelaba kes koronavirus 2019-nCoV dirikod ba Sarawak diatu agi nganti pemutus chunto darah, pia ku Chairman Komiti Penyangga Penusah Ngenyit Nengeri (JPBN), Datuk Amar Douglas Uggah Embas.\\nKu Uggah, lapan kes dipelaba nya ngaul enam di Kuching seraya bela siti kes ba Bintulu enggau Miri.\\n“Ba Kuching, lima kes peranak menua tu seraya siku ari rayat China.\\n“Naka 3 Februari tu, bisi 32 kes dipelaba penyakit novel koronavirus ke alai 24 ari nya negatif seraya lapan agi nganti pemutus chunto darah,” ku iya.\\nUggah mansutka jaku nya ba aum pemberita pengudah ngetuaika aum keempat JPBN ba Wisma Bapa Malaysia ditu tadi.\\nSarawak ngerumban pemansang infrastruktur\\nTR Nyegang dan anak saudara maut kereta terjunam ke dalam sungai\\nPemutus kes NCR Dayak ngasaka ati\\nHadiah untuk rakyat Sarawak\\nBukit Assek meseti dikemansang baru\\nJika Belanjawan 2021 tidak lulus akan berlaku ‘Government Shutdown’","num_words":136,"character_repetition_ratio":0.077,"word_repetition_ratio":0.0,"special_characters_ratio":0.19,"stopwords_ratio":0.103,"flagged_words_ratio":0.0,"lang_id_score":0.975,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Berita surat kabar mengkang dipilih mensia mayuh - Suara Sarawak\\nBerita surat kabar mengkang dipilih mensia mayuh\\n“Ba berita ti ngasuh charut tu, mensia mayuh begunaka penerang ti betul baka media laban ripot nya bempu tanggungpengawa.”\\nKUCHING: Berita ari media baka surat kabar Suara Sarawak mengkang dipilih mensia mayuh ngulihka penerang ke betul lebuh bisi penyarut politik ti nyadi, apin lama ke udah.\\nMenteri ba Opis Kepala Menteri (Integriti enggau Ombudsman) Datuk Talib Zulpilip madah, penyarut politik ba Perintah Besai ngasuh mensia mayuh saru penemu kelimpah begunaka penerang ti betul ngambi nemu sebarang berita pemadu baru sentang pekara nya.\\n“Apin lama, nama chalun Menteri Besai kelapan betukar, bisi madah Anwar (Ketuai Pakatan Harapan-PH) tauka Mahathir (ex-Menteri Besai, Tun Dr Mahathir Mohamad) lalu kepenudi iya, Tan Sri Muhyiddin Yasin.\\n“Ba berita ti ngasuh charut tu, mensia mayuh begunaka penerang ti betul baka media laban ripot nya bempu tanggungpengawa,” ku iya.\\nIya mansutka jaku nya lebuh bejaku ngarika Kepala Menteri Datuk Patinggi Abang Johari Tun Openg beserimbai enggau Pengerami Makai Taun Keterubah Surat Kabar Suara Sarawak ba sebuah hotel tebilang, ditu malam tadi.\\nBisi mega diatur pengawa ngelanchar e-paper Suara Sarawak enggau surat kabar begulai, New Sarawak Tribune.\\nTerang Talib, pengudah Menteri Besai kelapan angkat sumpah ensanus, berita bula agi ngerembai sebelah media rama ti madahka kemari kemisi.\\n“Tang nya semina berita bula enggau chukup kitai ngerami aja, nibuh kemisi.\\n“Nambahka nya, media baka surat kabar Suara Sarawak chakah ngiarka berita bula baka nya,” terang iya.\\nTalib nyemetak madah, mensia mayuh mega begunaka berita ti engkeman lebuh nyadi mata enggau pending ngagai perintah.\\n“Ripot ke manah deka nempa bansa ukai nya berita bula ke tau ngasuh orang bukai charut.\\n“Nya kebuah, mensia mayuh begunaka media ti ngembuan tanggungpengawa ba semua ripot sida,” terang iya.\\nBerebak enggau nya, Talib ngarapka surat kabar Suara Sarawak mansang nyadi sebuah organisasyen ke alai diatu bisi 109 staf.\\nKu iya, pemansang surat kabar Suara Sarawak deka meri peluang gawa ngagai nembiak ba menua tu.\\nSama datai Menteri Muda ba Opis Kepala Menteri (Pekara islam enggau Dewan Bandaraya Kuching Utara (DBKU) Datuk Abdul Rahman Junaidi, Menteri Muda Pemansang Palan Penyangkai Kapal enggau Infrastruktur, Datuk Julaihi Narawi sereta Ketuai Pemesai Eksekutif SV News Sdn. Bhd, Dr. Jeniri Amir.\\nMaklumkan pelajar bas sekolah percuma\\n160 peserta pelbagai pertubuhan hadiri forum di Bintulu\\nEmpangan Hidroelektrik Bakun milik Sarawak\\nPengalaman berharga wartawan pelatih\\nProgram pusat cemerlang berjaya lahirkan lima pemain elit\\nKanak-kanak perempuan rentung dalam kebakaran di Miri","num_words":381,"character_repetition_ratio":0.085,"word_repetition_ratio":0.043,"special_characters_ratio":0.174,"stopwords_ratio":0.129,"flagged_words_ratio":0.0,"lang_id_score":0.999,"perplexity_score":500.0,"cluster_detection":-1}
+{"url":"","collection":"madlad400","source":"CC 20220801","original_code":"iba","text":"Cherpen Iban Bambu Isan – Iban2U\\n16\/01\/2012 19\/09\/2012 Timberland J\\nCherpen Iban Bambu Isan\\nPengerindu Bambu Isan\\nUjan lemai enggai badu-badu. Nitar kudi enda ga pansut baka ngilah ensana. Mua ari agi mambam tunga kulu kin. Puput ribut agi liut maut nyepu penyelap isi kulit lembut anak mensia. Palik ka ai, ai sungai mansang besai, deras ngerarat ka diri. Duan kayu enggau batang nyau berapat-apat anyut benung ai. Buah ensurai nyau bekesepar labuh disepu ribut. Daun kayu kekepai nitih ka tiup ribut. Pun engkabang seberai rumah panjai sida Nana beguyang liut lundai ngelembai merindang babas tanda menua agi kampung empai kusi jamah lipan. Pun rian aki dadun seberai beketepak buah labuh, enda diambi, ambi pan nadai guna enda alah empa. Kadang-kadang bisi ga peda bala sida apai emah, apai ngeriut enggau aki frenky nimba perau, nangi ka karam. Pengujan nya mega ngemai rita ti enda manah ba sida Nana sebilik, belaya lemai pengudah ka Nana datai pukul 3 lemai tadi.\\n“Nama utai ko dek tadi mang” ko indai Nana merak anak siku iya nya. Duduk nyau ensugau, ninga rita ngenyit dibai anak dara iya nya. Enda iya nyadang endu nya bisi runding ka bakanya.\\n“Aku ka kawin, ka niri ka rumah tangga” saut Nana merani ka diri, nyada ka utai dalam ati iya din. Apai iya enda memunyi duduk meda astro ba tisi, bekena ka baju panjai lengan cap Petra, baju kabarol kerja ke laut iya suba, duduk ba bangku kayu.\\n“Kawin !!…Umur baru berapa aja dah ka kawin..Nama nyau gatal pia, nya meh aku enda ngasuh dek gawa ba kedai gari ba sibu suba. Enda apai dek nya ka ngasuh..” mata ngelintu nyeling ngagai laki iya.\\n“Nama enda tau pia.. Umur udah ga chukup.. ukai nya dek ka belaki.. “ ko Nana majak ngelaban indai iya. Dalam ati iya din, enda ngasuh pan indai enggau apai iya, jadi meh iya enggau sulu ati iya, bujang menua sibu, Justin.\\n“Ukai enda tau, tang empai maya. Enti dek bangat ka, ila tua apai dek ngiga ka dek laki. Aku enda pechaya ka laki dipilih dek nya. Lebih-lebih agi laki temu dek sengapa sebelah pasar sibu.”\\n“Nama sida linda bahagia meh, sida kawin enggau laki ba sibu meh. Nadai mayuh macham. Bisi anak dua ulih ngelun kereta”\\n“Apu dek tu anak bangat enda ninga jaku. Alai meh dek jadi enggau laki dipilih dek nya. Tang aku madah ka dek, aku sigi enda nerima seduai diau ditu. Nguai ka urang dek. Maya kawin dek enda ibuh padah kan gagai aku. Enti dek mending ka jaku, badu dek gila enggau laki nya. Padah ka aku sapa lelaki ka bangat nyayau dek”\\n“Nama bangat kibuh ka dek nya. Kapa iya enda belaki deh. Pengidup iya nya.” Ko apai Nana nyaut ari tisi. Iya nemu anak indu iya nya sigi enda alah tagang ka belaki. Enda alah endu nya bisi anak tang nadai apai, ngandung ngampang. Laki jai laki manah, nya meh ka deka enda, kapa iya iruh betagang ka endu Nana nya.\\nNana enda nyaut jaku indai iya. Makin majak iya bejaku, makin majak indai iya meri iya leca, meri iya jaku ceramah, ngemadis ka ati empu. Jaku indai iya nyematak madah enggai, enda ngasuh iya belaki tumu. Dalam ati iya din enda ibuh sebutka, naka pemedis ati, irau ka diri enda jadi enggau laki ka deka ati iya, ka baru madu pengerindu enggau iya empat bulan ka udah. Kumbai iya pemulai nya ngemai pengaga ngagai apai enggau indai iya, nemu nya ngemai pemalu, dituduh indu gatal. Nya ti ngasuh ati iya balat kudi, tang iya enda memunyi. Panjai runding Nana malam nya, ngenang diri enda ulih jadi seidup sejalai enggau Justin.\\nPagi nya Nana pulai baru ka sibu. Nepan perau aki Banyan. Nasib ai besai, laju undur kili nadai ibuh ringkuh-ringkuh bepegai ka suar sengayuh. Datai ba pangkalan nanga entabai, nepan van meribit dia. Bedau sangkai udah mayuh bala driba van meribit nanya ka nepan. Pangkalan nanga entabai sigi udu mayuh urang sarinya, laban ari minggu, seretai nembiak sekula pulai. Perau nyau betusun-tusun ngempit enggi pangan diri, barang perau ka mit, sigi karam diempit ka kaga. Nya meh alai apai etin ngaga perau enggai mit ko iya, nangi ka alah ayu laban sida ka bukai. nembiak sekula lembau nyebut, bisi nyamit bisi nya besai, betundi nepan perau, berandau enggai badu-badu. Ka benung ngangkat ka diri bujang dara, mata enggai badu engkining bepeda ka pangan diri, betilik engka deka ngiga sulu ati. Bisi nya udah ngegap diri ari ulu sungia nyin, nya meh enggai kena perecik ai lebuh merau, ni enda kedua lebuh mansa wong, mansa rantau bediri nangi ka diri kena imbur. Iya ka bujang lembau nusi, bepantai ka kunci kereta ngisin diri bisi keresa, ngambi bala indu dara ngining lalu teraju labuh pengerindu.\\nDatai ba sibu. Nana enda lalu talipun ngagai daling iya. Enda baka selama, betalipun nyau bejam-jam. Sehari enda talipun, deka dianu iya sulu ati, ni enda jam bejalai bangat tak kelalu lama pama dah labuh pengerindu. Duit kredit nadai alah kira, abis beratus ringgit sebulan, enda iya beduli janji ati bahagia ko iya. Sekalitu iya deka minta putus ari Justin, minta seduai beserara, iya lebih sayau agi ka apai enggau indai iya. Kada meh ati iya kempang. Ngelengka ka urang tuai ka ngada ngidup ka iya ngelamatu.\\nDing dang dut… ko munyi hanpon Nana. Tiun hanpon lagu dangdut. Lama Nana asaika enggai ngangkat ka hanpon iya nya. Endang nya ka di anti iya bemunyi, nganti daling iya nya kol iya. Iya sengaja enggai kol siku nya dulu, ngichaka iya ulih mupuk ngelupa ka siku nya. Badu ingat ka penyingat Justin. Ko iya sigat meh Justin nya, tang ba urang bukai enda, sedang-sedang aja, pama meh nya ko jaku bala sida. Badu rindu ka cinta seduai ti udah ngerembai, tejuka ngambi bungai labuh enda nyadi.\\nTang ati iya majak keran sayau ka siku nya. Sari enda betemu pan asai ka gila, asai ka disepu enggau jayau aki buban menua indonesia. Bisa penemu mabuk pengerindu sanggup mati baka julit enggau rumeo. Nyema enti dunya kena tsunami, sanggup iya mati nisi Justin, ngicha ka ulih begulai ba sebayan. Ati iya bebagi, sekali ka nerus niat iya tauka ninggal ka Justin. Semua nya pemulai ngagai pemerani seduai, enti Justin sanggup bai iya jadi tumu, sanggup iya nitih ka Justin, beridup ka diri empu. Nyema nadai rumah biar seduai nyewa. Enggai meh iya enda jadi enggau Justin. Ati iya sigi enda ulih ngemula ka iya empu. Runding iya din amat meh madah ka jalai ti rasional ko melayu, beserara aja ari Justin, laban kenu ko runding ba kamus chinta madah ka chinta enda semestinya ngempu tubuh, idup segulai sejalai, tang chinta ditangam teguh dalam ati, dibai mati. Baka ka siku Justin nya aja lelaki ti setipak enggau iya ba dunya tu. Tang ati iya takut mai enda segulai enggau bujang ati iya nya.\\n“Wai sulu.. lapa laun amat nuan ngangkat ka talipun.. kini ka nuan tadi..” ko sada ati Justin ka bisi merajuk mimit. Ngelamatu bedau sempat engkah ba pending talipun, udah bisi nyua didinga nyebut alau sulu. Tang sekalitu laun mimit, muti ke ka sulu iya nya nyaut.\\n“Nadai bejalai aku sulu… diau aja ngenang pekara tua. Tusah aku ngira”\\n“nama hal deh wai sulu.. “\\n“wai Justin.. aku rasa tua enda ulih idup sejalai.. enda ngasuh sida indai aku..”\\n“Apuuu…ila meh aku bai ka jayau tanduk pelanduk indai nuan nya..haha””\\n“serius ka..urang ukai amat-amat iya main-main..”\\n“sori wai sulu.. kati deh..nama penyadi tua deh..”\\n“dek laki..dek meh bekira ka pengawa tua.. nama suba dek sanggup nengah semua penguji deh.. enti baka dek nadai runding.. putus aja meh tua..” Ko Nana meri waning ngagai daling iya nya. ka bendar iya enggai agi, ditinggal ka siku nya, nya mina jaku emba iya aja, ngambi siku berunding.\\n“Anang guai bakanya sulu.. bakani ka tua ka jadi enti utai bangat enggai nyadi. Nya meh aku enggai berumban bai dek jadi. Duit empai chukup ga kena tua niri ka rumah tangga…”\\n“Nama dek bisi indu bukai pia.. selalu aja meri alasan.. enti enggai padah enggai.. ngambi badu aku nganti dek. Dinga dek wai Justin.. enti baka tua enda tumu jadi. Aku deka ditkah ka sida indai enggau urang bukai, laki giga iya empu. Enti dek sayau ka aku.. pujur ka dek jalai tua. Aku sigi enda, enda enggau dek ngatur pengawa tua. Nya suba dek ga bangat ka aku..diatu mesti betanggungjawab. Suba enggai aku dibai dek bepangan…”\\n“Lapa jaku nuan munyi nya sulu. Sayau meh aku ka nuan. Enggai meh aku sanggup beserara ari nuan. Badu nuan munyi nya, anang nunda ka jaku manggah. Ila nemu meh aku berunding ka tua. “\\n“Nama ari suba-suba dek be-ila-ila.. Taja indai aku enggai, sanggup meh aku belaya bai iya, empa pengeran aku ka dek.. tang dek ngambi sambil lewa aja tentang tua. Enti dek amai keran.. ujung minggu tu ila. Bai bala dek nanya aku.” Ko Nana mutus ati. Enti indai enda setuju, apai ga setuju. Kenu ko dalam ati iya din, enti sida enda setuju biar iya nitih ka urang laki, jadi betaban sain ba upis perintah aja.\\n“Enda kelalu jampat tua tu wai sulu.. anang berumban baban.”\\n“Pedis amat bejaku enggau dek tu.. nama dek enda chukup umur pia. Nama dek bangat takut nunga apai indai aku pia. Enti takut lapa berani nguntik anak urang dek.. ” Ko Nana majak merak. Pama urang indu, pama ati dah kelalu keran, sigi nekan sida ka laki datai nanya.\\nRandau seduai ngetu nakanya. Diatu Nana baka nengah dua iti jalai. Jalai terubah iya mai Justin betaban jadi, nya pan enti Justin setuju. Jalai dua seduai putus, bela ngintu diri, merinsa sama merinsa, senang sama senang ngemai nasit diri ti lemi.\\nPulai ngagai Justin. Justin anak tuai Entakit, kerja ba kompeni, pangkat asistant manager. Umur baru manggai 27 tahun. Terubah bekelala enggau Nana maya pengerami funfair ba dataran wisma sanyan sibu. Maya meda embat lala belagu meradak ka nyawa kenyut-kenyut jejengkak. Seduai bela labuh pengerindu pengudah ka bekelala nengah pesbuk. Gaji tudah tuai enda bangat besai, chukup-chukup kena ngidup ka diri lalu ngelun kerita saga. Laban ka ditekan sulu ati mai jadi, dia deh Justin pulai berandau enggau apai iya pengudah abis kerja ari enam.\\n“Apai.. Kati ulih dek nanya ka aku indu”\\n“Ulih anak.. sapa indu ka deka ati dek nya.. kati chukup belanja dek ka alai dek nyau ka nembu ka pengidup bujang dek. Kati dek amat udah sedia. Anang aja ila udah kawin enda tetupi ka bini anak. Aku sigi ulih melanja anak dek, kengka ka tusu anak dek ulih ga beli ka aku. Tang melanja seduai, enda” Ko apai bejaku meri jaku ajar ti ngemai ati Justin gaga.\\n“Udah sedia meh aku tu.. nya meh nyau ka ngidup ka diri. Nyau ka bebini.”\\n“Pia..manah meh nya jang. Sapa indu nya deh.. enda tua indai dek milih menantu deh..ni ka deka dek”\\n“Tang apai….Bisi tusah mimit. Laban indai iya enggai ka aku..Nama indu nya Nana..urang menua ulu mujok..diau ba nanga kesindu.”\\n“Apu..Lapa meh iya enggai ka dek deh anak..Pantang amat aku ninga urang bangat enggai ka peturun aku. Nama peturun aku tu umang. Peturun aku tu urang merinsa pia. Ila iya ensepi aku laya iya.. kumbai iya bangat ka anak iya endar kita tu.. kumbai iya bangat anak iya aja indu menua tu.” Ko saut Entakit nyau ka ringat ninga urang enggai ka anak iya.\\n“Anang munyi nya dek apai”\\n“Kati deh.. enti iya enggai ka anak aku..aku enggai meh ka anak iya. Kapa nya jang. Kapa milih anak iya. Enti dek amat ka bebini, aku ngiga ka dek indu. Nya entayang dulu nya, anak ibuk dek, naka iya nya. Nya tau meh diambi dek ka bini. Enda lebu dek jadi enggau iya, staf nas nya. udah ga bajik.”\\n“Apai..anang munyi nya dek. Aku ka jadi enggau iya setegal chinta. Iga ga dek enda faham.”\\n“Faham aku anak.. kapa nya enti urang enggai. Nyau ka jai munyi jaku.. belaya tua iya enti aku nanya anak iya.. enggai aku nanya iya jang..enda aku nyagi dek jadi enggau anak iya. Kumbai dek nyamai jadi enggau anak urang mangah.”\\n“Anang munyi nya apai..tulung meh aku.. “\\n“Jang.. iga ga dek lalu enda mereti ka jaku aku. Enggai aku jang be-isan ka urang mangah bakanya. Reti nya aku enda ngasuh meh seduai jadi. Aku enggai meh kumbai iya deka amat ka anak iya. Enda alah kumbai urang kitai tu enda nemu diri”\\nJustin enda nemu bekira agi. Iya enggai majak ngumbuk apai iya nanya indu. Iya nemu apai iya sigi enggai, indai iya enda ibuh kira agi, enda ibuh ka iya. Selamatu apai iya aja kiruh ka sida madi, indai iya nama, gauk ka kerja aja. Besari-sari bejual ba maket sibu. Pulai lemai nyau ka ngintu utai ka dijual pagi siti da ga. Ni nya nemu ibuh ka bala anak. Jauh ka baka enggi urang, ngemai anak bejual. Biar anak betegaring gali ba maket, sambil bejual.\\nPemulai ari ka betemu enggau apai iya. Justin ngemai ati ti enda lantang. Semalam-malam mata iya enggai tinduk ngenang nama penyadi pengerindu seduai iya Nana. Nitih ka ati iya, singin meh iya mutus aja badu betundi enggau Nana. Badu kiruh ka utai ti bangat enggai nyadi. Tang dalam dada iya sigi sayau ka Nana, ni meh iya ulih tetemu ka indu ngemajik Nana nya, engka tak nadai indu ulih nganti siku nya. Enda sanggup iya meda indu dara nya diempu urang bukai. sanggup iya enda bebini ngapa enti siku nya diempu urang, sema jaku enti udah dikerenkunka urang, sanggup iya nganti siku nya janda.\\n“Bakani deh” ko Miya nanya Justin lebuh seduai betemu malam hari ba wisma sanyan, seraya ka bediri nilik ka baruh meda kedayau bala mensia ka datai ngundang.\\n“Nadai jalai tua sulu..Apai aku munyi indai nuan meh dara..Enggai nanya nuan. Ko iya enti indai nuan enggai, iya pan enggai. Nadai penyadi tua sulu”\\n“Enti pia. Betaban jadi ga tua. Kapa kiruh ka sida..” ko Nana kempang ngelengka ka apai indai iya setegal chinta pengerindu ka empai temu tuju laun. Rarat kili enggai mudik kulu dientung batang melintang ngempang pengerindu ti agi kitang-kitang.\\n“Enda berani aku bakanya wai dara. Enda sanggup aku ngelengka ka bala aku. Enggai aku muai sida. Budi sida empai ulih ku balas. Enti enda sida, enda aku bulih pangkat baka ka diatu, bulih degree baka tu. Enda aku kempang wai dara” Ko Justin megai jari siku nya.\\n“Enti pia.. badu dek ngiga aku. Badu tua bepangan enti dek bangat enda kempang. Penakut” Ko Nana jaku tinggi seraya ngusaika jari siku nya.\\n“Wai sulu… anang munyi nya. Ukai nya maksud ko aku. Belubah meh tua, ngiga jalai bukai ga kena nunduk ka sida.”\\n“Dinga dek wai Justin… Enti pagila lusa dek enda mutus ka runding diri. Enti dalam kandang seminggu tu tua enda jadi, enda ngira nya chara betul tauka salah. Enti dek agi be-ila-ila, tinggal ka meh aku. Bakani tua deka jadi bakani tua kawin, nya pemandai deh meh. Aku enda ngira. Nya dek ka endar nyebut diri bisi degree.. urang pandai kunon, masalah tua enda ga alah adu ka dek.. Enti enda.. nemu-nemu meh dek…ingat Justin” Ko Nana lalu ninggal ka Justin ka agi kapa-kapa berunding ka sulu dikesayauka iya nya. Lama iya sigi nemu, sulu ati iya Nana sigi mangah, sigi enggai alah, nah iya kala dianu Nana maya iya nguntik siku nya suba, tang iya nemu indu nya sigi indu mereti, patut diambi ka sulu enggau jadi.\\nSeminggu udah nya. Seduai bela jadi diri melaki bini. Kawin kuboi aja. Nadai bepadah ka urang bukai. seduai diau serumah baka urang bukai meh, baka ka udah jadi. Ninga nya tadi apai Justin datai ngesah berita nya, ngabas ngagai sibu deka betagang ka pekara nya. Ati bisi ka ke kudi ninga anak bujang iya nya enda jaku, majak ka runding diri, melakang ka urang tuai deka jadi.\\nIndai Nana lebih agi. Pemedis ati asaika ka nganu urang aja. Nya abis laki iya endur iya mantai ka pemedis ati iya. Kenu ko iya, apai Nana nya meh kelalu ngasi ka anak, sampai enda ninga jaku. Iya pan deka nitih ka sibu kin. Deka datai lalu nyarak seduai, nyema enti dua iku nya udah telanjur, sanggup meh iya ngempu uchu, ka nadai apai. Nana meseti dibai iya pulai ke menua, badu nurun gawa di sibu agi, diau mendam ba menua aja.\\nDatai indai Nana ba rumah sewa Justin enggau Nana, iya lalu ngeleca seduai nya. Anu iya meh seduai ka jadi bakanya. Iya sigi enda nyagi seduai jadi. Enda ngaku seduai jadi, enda sah ko iya. Ati naka pengeringat ingin meh ati iya ka malu seduai nya. Tang bangat enda kempang.\\nPenatai apai Justin ba endur nya. Iya lalu enda checamang muka jaku.\\n“Ni jang.. sapa bangat ngelaya dek penapat inat. Uji aku enggau ngelaya” Ko Entakit meda anak iya dilaya indai urang indu.\\n“Tu aku.. Kitu meh dek.. Nama dek nya apai Justin.. nama dek nya ngajar anak dek enda mereti, naban ka anak urang jadi sengapa” Ko Indai Nana.\\n“Apu amat pama indai tuai urang tu” Ko apai Justin ga nyaut..apai Justin mansang semak ka agi. Ngelanda sida tiga nya tadi.\\nMakin semak indai tuai urang nya, apai Justin makin asai ka ngelala indai tuai urang nya. Gamal agi bajik tuai, agi bulih tahan. Iya ngetu enda lama. Untak iya berunding enda lama sapa meh tu. Asai ka ngelala, ingat-ingat lalat, gamal ka bakanya suba asai ka idup ba tali pengingat untak iya din. Tang sapa meh indai nya. Indai Nana pan baka nya. Iya nyau enda nunda ka pemangah iya deka ngelaya apai urang bujang, taja ati iya agi angat. Sapa meh apai tuai urang tu ko iya ga, nama meh gamal bujang tuai nya baka rambang sulu ati iya menya.\\n“Ukai Miya dek tu” ko apai Justin, Entakit dulu nanya seraya ka nunjuk ka jari, mua mantai ka tanda tanya, agi ngingat ka pekara ti lama.\\n“Dek sapa dek.. Kada enda Entakit” Ko Miya ga nyaut bela peli-peli, baka ka amat ngelala.\\n“ekkk… iya meh..aku meh Entakit”\\n“Apuuu… mit amat meh dunya tu.. aku meh Miya”\\nSeduai bela ketawa ka pangan diri. Ngenang diri ka kala bekelala dulu suba. Enda seduai ibuh ka anak seduai bela tegenung meda pendiau seduai. Ko jaku ka belaya nemu nya enda nyadi. naka meh pengirau ati anak seduai ti ka meda seduai nya ti ka belaya. Nemu nya laya betukar ketawa ti enggai badu-badu.\\n“Lapa deh apai..” Ko Justin nundi meda apai iya majak tuchum tuchum ketawa meda pendiau indai tuai ka bela betunga mua enggau iya duduk ba ruang tamu.\\n“Ngelala aya nya dek indai.. Nama seduai bangat baka nya” Ko Nana ga nanya indai iya ti benama Miya.\\n“Nadai endu.. sigi baka dini kitai belaya bakatu” ko Miya ngemula ka anak iya nya. Naka meh pemalu iya ti udah dulu ngelaya, enda nemu nya apai tuai nya tadi urang ti kala dikelala iya.\\n“Aku ngaga ai dulu indai.. berandau meh seduai,, anang aja belaya “ ko Nana meda indai iya baka chukup gaga nyabak pengudah ka betemu enggau bakal entua iya.\\nLebuh Entakit enggau Miya berandau kediri. Pulai baru meh pengingat antara seduai. Pengingat ti kala nyadi lebih 30 tahun ti udah. Sapa meh enda ingat ka rambang sulu ati ti kala idup ba pengidup siku-siku mensia.\\n“Endai anak dek nya tadi wai.. enda nyangka tua tau betemu baru baka kediatu” Ko Entakit dulu nanya.\\n“Iya wai..” Ko Miya agi malu-malu ngingat ka utai ti udah lama. Lama chukup lama cerita antara seduai kala nyadi. nya diatu anak seduai udah besai. Baka ka diambi mimpi seduai betemu, kira seduai siku antara seduai udah mupuk dulu ngejung ka batang madai, nya meh alai nyau enda betemu dalam kandang 30 tahun.\\n“Berapa lama udah wai..err tua enda kala betemu.. bisi 30 taun kini?” ko Entakit\\n“Bisi jangka aku.. juduh anak tua ngemai betemu baru..haha” ko Miya agi geledi ati enti iya mikir ka utai kala nyadi antara seduai.\\n“Emmm.. ulih aku betanya wai Miya” Ko Entakit asai ka umur biak baru, agi ngeromantik ka diri..\\n“Nama nya wai?” ko Miya..\\n“Nadai tentang pengawa tua suba..Kati ulih”\\n“Tanya ka dia meh”\\n“Kati amat dek suba nadai pengerindu ngagai aku suba.. Lama amat udah aku berunding ka nya. Lalu nadai jaku saut.. amat kini dek suba nadai chinta ngagai aku” Ko Entakit ingat ka pekara ti empai kala apus dipansik iya.\\n“Enda ibuh meh tua berandau ka utai udah..utai udah udah meh”\\n“Kati deh.. enda alah aku parai enda nemu saut nya. Suba bedau biak enda kempang nanya dek.. surat aku nadai ga dibalas dek. “\\n“Kapa nya wai.. perandau ka nadai meh guna.. tua udah ga tuai..udah nadai daya mutar ka jam ke pun baru” ko Miya agi enggai nyaut. Iya agi malu ka penyalah diri, penyalah diri suba ti udah ngemula ka siku nya. Ngumbai diri nadai chinta, tang selalu meri pengarap ngagai Entakit betitih ka iya berumpan-umpan. Ni enda Entakit terunda-runda deka ka iya.\\n“Saut meh wai.. sekali ka suba aku amat nempap jari sepiak tauka enda. Nadai dikenggai nya wai, enti amat dek enggai suba, ngambi aku nemu ga.”\\nMiya agi ingat, iya pan baka Entakit sama ngemai ati keran deka idup segulai sejalai. Tang iya enda milih siku nya, ketegal nitih ka jaku bala iya. Iya lebih sayau agi ka bala iya ari chinta, kapa enda chinta iya mati mendam jauh ditaruh selepak ati iya din. Jadi pan iya suba enggau Entakit enti bala iya enggai nguna. Enda alah iya nadai apai nadai indai nadai kaban aya ibuk. Pulai baru ngagai pengingat lama 30taun ka udah…………\\n“Endu aku ukai nagang dek ka jadi enggau laki sulu ati dek nya. Tang nama aku ninga cerita tusi urang iya nya nadai pelajar, balat ngenchuri lalu jai pendiau. Nadai aku ka bemenantu ka urang baka nya” Ko apai Miya nagang.\\n“Ukai nya kita ka jadi enggau iya..aku”\\n“Alai meh enti dek ka jadi enggau laki baka nya. Tang enti dek keluar ari rumah tu. Badu ngembu aku apai agi dek” Ko apai Miya.\\nNya ti ngasuh Miya enda kempang nitih ka Entakit. Taja iya nemu sulu ati iya ukai bangat ngenyai nya, tang jaku petenah urang, iya alah. Nya alai iya kempang ngemula ka sulu ati iya, iya nadai pengerindu. Taja ngelematu seduai selalu begulai kin kia, enda melengka, mina iya enda kala madah ka chinta diri. Tang ari gaya iya nyengulai Entakit, sapa enda nemu iya sigi keran besulu enggau siku nya. Tang apa daya engka nadai juduh kini.\\n“Wai Miya..wai Miya.. Lapa dek enda nyaut” Ko Entakit meda siku nya tegenung enda bemunyi.\\n“Nama utai ko dek tadi.. nyau enda ninga..mar nyau udah enda entu ninga aku diatu” Ko Miya ngemula..\\n“Auk..Amat dek nadai chinta ngagai aku suba”\\n“Ohh.. terubah aku minta ampun ngagai dek wai Entakit.. Ukai aku enggai ka dek suba.. tang bala aku enda nerima. Amat aku bisi pengerindu ngagai dek, tang aku alah, aku lebih sayau ka urang tuai aku. Chinta enda ibuh sebut, chinta aku suba asai ka sanggup munuh diri nelan racun, empa penalam chinta aku. Tang ukai ko munyi jaku wai.. tua ga nadai juduh suba..”\\n“Pia.. sangka aku bangat enggai dek suba wai.. nadai ngawa ga.. tua udah ga bela tuai. Kapa enda jam nulung tua nelan ai sungai chinta tua suba.”\\n“Aku minta ampun amat-amat wai.. taja aku ngemula dek suba. Tang seumur idup tu aku nesal diri tegal muai dek ari pengidup aku. aku nyau asai ka nadai pengidup agi tegal chinta lama udah mati.”\\n“kapa nya wai. Lama utai nya dah lenyau ari pengidup aku. urang bukai bakanya meh, bepangan andal ka jadi, enda meh jadi”\\n“auk pia meh”\\nPagi siti sida empat bela betugung ba rumah sewa Justin enggau Nana.\\n“Bisi endar rahsia antara seduai apai enggau ibuk nya” Ko Justin dulu muka jaku.\\n“Bisi anak.. cerita lama..”\\n“cerita nama nya ayak, enda ibuh berahsia agi” ko Nana ga nanya.\\n“ehh.. lembau ka nyebut..pandak jaku. Kami duai suba kala buya baka seduai. Tang ditagang jadi bala apai indai” ko Entakit nusi.\\n“ohh.. pia.. nya baka nya meh kami duai Justin ka ditagang seduai jadi. Kami duai enggai baka seduai.” Ko Nana ngungkit ka jaku nya\\n“Aku enda nagang endu.. indai dek nya dulu ngengai ka anak aku.. enti urang aku pan enggai.. indai dek nya tanya, enti iya ngasuh aku pan ngasuh” Ko Entakit nyaut bakal menantu iya nya, seraya nyeling ngagai rambang temawai lama iya kelia, mantai ka tuchum geledi asai ka agi ka ngempu.\\n“Ehh aku ga disalah ka iya.. seduai jadi.. nadai nya alah tagang agi..” ko iya enggai agi nagang anak indu iya ka deka belaki, laban iya kala ngasai ka diri kala ditagang apai indai kelia, ni enda idup merampau sepemanjai idup.\\n“Reti nya ngasuh meh tu” Ko Justin, ati gaga. Kira iya tak naka nya aja meh seduai ulih begulai, nemu nya nyau ngasuh seduai tau jadi agi.\\n“Ngasuh aku igat.. Aku minta ampun udah nganu seduai. Enti bakatu gawai 2012 tu.. datai meh ngerami seduai ba rumah kami.”\\n“haha..pia meh endu.. ila aku datai nanya lalu ngemai dek ka menantu aku..Kira ka BAMBU ISAN tua wai.. taja suba kala buya, chinta turun ngagai darah getah tua ga.. haha’\\nPrevious Lada putih\\nNext Lagu Iban Terbilang 2012\\nEsther Eda says:\\ngood luck to u my brother…manah amt cerpen 2.. God Bless U..\\n16\/02\/2013 at 08:05\\nenda jadi nundi ari bambu isan pama meh…sinu ninga cerita tu..\\n25\/06\/2012 at 20:49\\napooo.. parai kitai… nti pia meh indai aku baka indai nana nya nda aku nemu agi….. ngagai Justin nda ku kisah apai nuan ngai nda meh tusah.. aku pan bc pemandai besai gk ari staf nurse.. ( lawak ja nya..admin ang ngambi ksah au…peace)..v^___^v.. btw bc moral of the story cerpen towk…\\ndara asi says:\\nmanah amt dibacha urg ke endang minta macha.. lebih agi bala dara enggau bujang. ang enda berani nguji .. gud luck.\\n29\/02\/2012 at 05:44\\nkomen meh wai..\\n23\/03\/2012 at 04:47\\ncerita ti bc amt nydi ba pngidup ktai mnsia..nti urg ngai ndai ngwa ko ktai..ukai nasib mhnya..\\n09\/06\/2012 at 08:17\\npndai mai nulis cerpen. ku minat meyh nulis tang ndak pandai. myh idea nyak meyh td..ndak pndai nulis cerpen atau novel","num_words":4203,"character_repetition_ratio":0.033,"word_repetition_ratio":0.0,"special_characters_ratio":0.224,"stopwords_ratio":0.2,"flagged_words_ratio":0.0,"lang_id_score":1.0,"perplexity_score":500.0,"cluster_detection":-1}