Datasets:

michsethowusu
/

lomwe-speech-text

audio audioduration (s) 0.6 98.2	text stringlengths 7 938
	“Miyaano tti muteekho wa mpesa wawoona nave Attiitthaaka sika mwaneena a emata. Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo enimma ezipaso wi yimme ezipaso ddawaata. Nyuwaano mookhalla aweella khalle wonanko enthambi yoophadderiwa ekaamba ya mawu kuulleelleemini. Khallani mwa miyaano nave miyaano kikhalle mwa nyuwaano.
	Enthambi khenimma ezipaso mwa weekhiiwa yaahikhalla vamuteekhoni wa mpesa.
	Emoddamoddave yeeyo, nyuwaano khamuwora wimma ezipaso mwaahikhalla mwa miyaano. “Miyaano tti muteekho wa mpesa nave nyuwaano sika enthambi.
	Sika vano, asinnaka ni arokoraka nyuwaano tti ookondiwaaka nave kohuukhallellani munkhella.
	Munnakihakallalliha nave kinnuukotellani.
	Asinnaka ni arokoraka imellani moohitikheya mu eyaattano ni Apwiya. Yuwodiya ni Sinteke, kinimuuvekani wi mwiiwananeke wonanko athu okhulupilila. Nave weyaanottho, mukhwaaka oororomelleya, kinapaalla wi waakavihereke atthiyanaalla;
	vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na okumi. Hakallallani mu eyaattano ni Apwiya enthawi ddittheddene!
	Kinallotattho yeella wi, hakallallani!
	Mooniheke omaalleya wanyu wa arive muthu.
	Apwiya eneeroowa naanweene vaava. Muhikhupanyeke erive ello koma mumulleelleke Mulluku erive ello munapaalleenyu moovekella.
	Enthawi ddittheddene muvekeke ni murima woothokoza. Vano murendelle wa Mulluku, wookhwaranya mmo athu eniiweseselliiwa, oneeroweeriha mirima ddanyu ni maganizwaanyu ohikhupanya ekaamba ya Khrisitu Yesu. Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu.
	Sika ddeko ddawoona, ddoovahiwana olemu, ddaweella, ddooreera ni ddookondiwa. Mweereke nnddo mwaahuddenreenyu ni waakhella ovenyera mu mawaaka ni m'makhallellwaaka.
	Nave Mulluku oyo ananivaha murendelle akhalle ni nyuwaano. Apwiya yaakihakallalliha wunchichi kaambiwa viviralle enthawi yoorekama mohaambattho okuupuwella.
	Ddimallille nndda Yesu aheetella mu Galileya.
	Kinallota ddawoona nave nginoottha ekaamba kiri mu eyaattano ni Khrisitu.
	Yawuupusera murima yaaka, yoolamuliwa ni Munepa Waweella, ennakikhallella omboni wi nginoottha kaallotaka wi kookhalla ni ethakaraka ddinchichi, ovoreya wa m'murimani mwaka enthawi ddittheddene va athu aakaaka!
	Vawi kapaalla wi miyaano meekhaaka kitembeleliwe ni Mulluku ni omwallanihiwa ni Khrisitu ekaamba ya alliwaayo. Alliwaalla tti a Aisraele;
	aaweera anaaye nave ahuupullulla ntitimiho naye wa alliwa.
	Ahaavaha echipangano, malamulo, ollapella wawoona ni malonjezo. Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu.
	Mulluku oyo analamulella ddeko ddittheddene atitimihiwe enthawi yoohimalla!
	Amen. Nginaaka wi lonjezo na Mulluku naalepheleya vawi khe Aisraele attheene eri athu a Mulluku. Naari khe edduullu ddittheddene dda Abrahamu ddiri anaaye.
	Ovenyera wa miyaano Simoni Petro, mullupa mutteko ni murummwa a Yesu Khrisitu.
	Vatulli viwa Yesu aheetella mu matawoni ni m'mizi, allalleyaka othenga waphaama wa omwene wa Mulluku.
	Oohudderaaye khumi ni eelli yaamuthwara, navettho atthiyana anchichi.
	Atthiyana amodda yaachilihiwa o ereta ddiwa ni minepa ddoonanara:
	Mariya (ooromolliwa Magadalena) oyo mwaakhumihiwe minepa ddoonanara dditthanu ni miilli, Yoana, mwaariye a Kuza kapitawo a oophara mutteko mu enyumba ya Herode ni Suzana ni atthiyana amodda anchichi yaamurumeyella Yesu ni oohudderaaye ni eyuumiiwa. Athu anchichi oovenyera o matawoni mattheene yaanawa wa Yesu.
	Ovenyera wa miyaano Petro, murummwa a Yesu Khrisitu.
	Kinalembella wa athu ootthoolliwa a Mulluku ayo enakhalla wonanko athu oothawa owaniwa ayo epallalleyelle mu echigawo dda Ponto, Galatiya, Kapadokiya, Asiya ni Bitiniya. Mwaatthoolliwa moollikana ni yoolinga ya Mulluku Attiitthiinyu nave mwaheeriwa athu aweella ni Munepaaye, wi mumwiiwellelle Yesu Khrisitu ni weellihiwa ni nikhame naye.
	Echisomo yawaata ni murendelle munchichi ddikhalle ni nyuwaano. Nimuthokoze Mulluku Attiitthiiwa a Apwiihu Yesu Khrisitu!
	Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa. Sika vano ninatiyera waakhella madaliso ayo Mulluku anaasungelleeye athwaaye.
	Anuusungellani nyuwaano oddullu, wenko khenuunta apaalle woonongeya apaalle omalla. Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella. Hakallallani ni nnddo Mulluku eerilleeye, naari vano mukhallaka ookhupanya enthawi yooyeva ekaamba ya ohoosiwa ni weesiwa woohiyanahiyana. Ddoolinga ddiwa tti ddawi ddisimikize wi echikhulupilwaanyu tti yawoona.
	Naari golide, oyo anaworeya woonongeya, anneesiwa ni munllo.
	Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle.
	Sika muneerewaakhella ntitimiho va nllapo nawuupullulliwa Yesu Khrisitu. Munnamukonda, naari muhimonne nave munnakhulupilila mwa yooyo naari vano muhimonne.
	Sika munnahakallalla wuullupalli ni murimaanyu muttheene, kaambiiwa munnaakhella ovullusa wa okumaanyu, eyo eri yoolinga ya echikhulupilwaanyu mwa yooyo. Anamallotella yahaashaasha ni okoha phaama dda ovullusa wonngu nave yaallotella dda echisomo eyo Mulluku aneereeye uuvaheni. Yaheesa okoha wi enthawi enaakwakhwane niini nave enaawe mwawiidde.
	Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle. Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano.
	Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu.
	Nndda tti ddeko ddawi naari angelo yaapaalla wiiwesesa. Sika vano, maganizwaanyu ekhalle ookhozeka.
	Kahoona oddullu wanaanweene ni ellapo yavatthi yanaanweene.
	Oddullu ni ellapo yavatthi ddawaambanndde ddaarimeella nave enyanja kheyaariwottho. Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune. Kahiiwa mawu oowella ellotiwaka ovenyera ompandoni wa omwene awi, “Vano enyumba ya Mulluku eri variyari va athu!
	Aneerokhalla ni athwaayo navettho eneerokhalla athwaaye.
	Mulluku aneerokhallana vamodda nave aneerokhalla Mullukwiiwa. Olliye aneerowaavutta mintthori m'miitthoni mwiwa.
	Khowattho okhalla okhwa, winlla, wiiwa ovoreya, naari ekutho.
	Ddeko ddakhalle ddoovira.” Mulluku oyo akeraatthille vampandoni wa omwene aallota wi, “Vano kinatthattusa ddeko ddittheddene ddikhalle ddanaanweene!” Aallotattho wa miyaano wi, “Lemba ddenndda, vawi mawu yaalla tti awoona nave tti ororomelleya.” Olliyooyo aallota wi, “Woomalla!
	Miyaano tti awaambeella ni oomallihella, waamba ni omalliha.
	Wa muthu ari ni nthona kineeromuvaha moohillivella wi awirye maaddi oovenyera va neetuutu a maaddi ookumi. Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka. Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure.
	Yeella sika okhwa waneepiilli.” Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanankhosa.” Vano kaahoollelliwa ni Munepa Waweella nave mungeloolle aakikusella vaddullu va mwaango woorekama.
	Aakooniha Yerusalemu, muzinda waweella okitthaka ovenyera oddullu, wa Mulluku, nave waanawala ni ntitimiho na Mulluku.
	Owala wiwa waari wonanko nlluku na mutengo woowallamella, yasipi, nawooneya wonanko nigalasi noowala. Waakhalla ni esiri yoorekama ni yawiitivalla ni millako khumi ni miilli nave vamillakonimvo vaakhallattho angelo khumi ni eelli oowehera.
	Asinnaka ni arokoraka, ddawoona munniiwesesa kinaakeemi killote kaambiiwa attheenenyu munnadduwella malamulo.
	Malamulo ennaalamulella athu mallapo mattheene enakhalliiwa mukumi Hankoni niphwanaphwanihe ni mutthiyana ootthelliwa, olliye annapataana ni mamune ekaamba ya malamulo mallapo mattheene mullopwanooyo anakhalleeye mukumi.
	Koma mullopwanooyo akhwa, mutthiyanooyo oottaphulliwa o malamulo yaapataanihallaalle. Sika vano akona ni mullopwana mmodda mamune ari mukumi, aneeroromolliwa ooraruwa.
	Koma mamune akhwa, mutthiyanooyo asuzuliwa, sika khanararuwa atthelliwa ni mullopwana mmodda. Emoddamoddave yeeyottho nyuwaano, asinnaka ni arokoraka, malamulo khennattho masiva va nyuwaano.
	Muri wonanko ookhwa o masivaayo, ekaamba ya okhwa wa Khrisitu.
	Vano moopataana ni mmoddeene oyo aavenyihiwe wa ookhwa wi nimurumeyelle Mulluku. Vawi nalamulelliweehu ni omuthu, malamulo yaananeeriha wi nikhalle ni minkhella ddoochimwa.
	Minkhelanndda ddaanalamulella mwiillahu muttheene oneeriha wi nikhwe. Koma vano noottaphulliwa omalamuloni kaambiiwa niri wonanko ookhwa, omwallana ni malamulo ayo yaanimakille.
	Vano ninnamurumeyella Mulluku mu ettilla yanaanweene vawiiwellellani Munepaaye ohiri orumeyella mu ettilla yakhalle ya malamulo oolembiwa. Vano ninaallote tini?
	Ethiyo ninaallote wi malamulo tti machimo?
	Khe ddiiddo!
	Koma malamulo yaariki ehikhallewo, ngaadduwelle machimo.
	Nave ngaadduwelle osilila malamulo yaariki ehillote wi, “Ohisilile.” Koma ekaamba ya malamulo yaalla, machimo yaaphwanyellavo ekari yaakitthattusa oosilila wunchichi.
	Vawi voohikhalla malamulo, machimo khenna masiva. Khalle kaanakhalla mukumi malamulo ehiiwo koma malamulo yawiilliiwa, machimo yaakhalla ni masiva, nave yaakeeriha wi kikhwe.
	Sika malamulo ayo yaphwanenlle okeeriha wi kikhalle mukumi, yaakeeriha wi kikhwe. Vawi machimo yaaphwanyellavo ekari va malamulo sika yaakilleka nave ekiipha. Vano malamulo mattheene tti aweella, awoona navettho aphaama. Ethiyo ello yaphaameella sika yeerihalle okhwa waka?
	Khe ddiiddo!
	Yoochimwa sika yeerihalle.
	Voopharihani mutteko yaphaama yeella, machimo yaakiipha miyaano wi yawoona ya yoochimweeyo yuupullulliwe.
	Akhwaaka ookondiwa olla vano sika kalata aneepiilli oyo kuulembelleenyuni.
	Mu makalata meelli mattheenaalla kaheeseesa ollipiha maganizwaanyu voowuupusani dda ddeko ddenndda. Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu. Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerowooneya.
	Eneeroweerellani epewe nave eneerokoha wi, “Ethiyo Apwiinyu kheyaawuulonjezilleni wi eneeroowa?
	Eri wuuwi?
	Makhollwaahu aakhwa khalle nave erive ello eri wonanko mmo yaariiwa waambella ophatusiwa wa ellapo yavatthi!” Enatiwalla phudda ddawi khalle Mulluku mwawi malamula, aaphatusa oddullu ni ellapo yavatthi.
	Ellapo yavatthi yaaphatusiwa ovenyera omaaddini, mu ettilla ya maaddi, nave ellapo yavatthi yakhalle yahoonongiwa ni maaddi yaayo, maaddi oosefukella. Koma oddullu ni ellapo yavatthi erivweella ennasungiwa ni malamulo a Mulluku yaayo, wi yoonongiwe ni munllo.
	Ddinnasungelliwa nllapo nno athu oohimullapella Mulluku eneeriiwa yeeluziwe ni woonongiwa. Koma muhitiwalle ello emodda, akhwaaka ookondiwa!
	Khuwaavo ohiyana, wa nllapo nimodda ni miyakha , vamiitthoni va Apwiya.
	Wa olliye, piillinndda tti ddoophwanaphwana. Apwiya khenaselliwa weera nnddo yalonjezilliiwa, wonanko mmo amodda enaganizeriiwa.
	Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima. Koma nllapo na Apwiya nineerophiya wonanko mullupa wiiya.
	Va nllapo nenno oddullu oneeromalla ni okhuwa wuullupalli, ni ddeko dda oddullu Vawi ddeko ddittheddenenndda ddineerewoonongiwa mwawi ddiidda, munaakhalle athu a mutundu tini?
	Enthawi yeeyo Herode, oolamulella a o Galileya, ahiiwa dda epilli ya Yesu. Ahaalleella allupa muttekwaaye wi, “Yoolla tti Yohane, avenyille wa ookhwa.
	Vano Saulo aavirellellave owoopopiha oohuddera a Apwiya wi aneeroowiipha.
	Aaya wa mullupa mukutho muullupalli, amuveka makalata awi adduwelliwe mu enyumba ddamavekello o Damasiko.
	Vawi apaalla aaphwanyawo yakhalla moollikana ni ettilla ya Apwiya, allopwana naari atthiyana aamake aweena o Yerusalemu. Saulo aatamellaka o Damasiko, moorurumusa owala woovenyera oddullu waamwaapheella. Ahiikuha nave ahiiwa mawu awi, “Saulo, Saulo!
	Onakihoosella tini?” Olliye ahaakhulla wi, “Nyuwaano ttaani, Apwiya?” Mawaayo yahiiweya wi, “Miyaano tti Yesu onamuhooseewe.” “Koma venya wi wavollowe m'muzindanimmo nave eneerowuulleella yoophwanella wi weere.” Athu yaari ni Saulo voolendonoolla yaallakallakeya.
	Yahiiwa mawaayo koma kheyaamoonille muthu. Saulo aavenya koma khaaworille woona ello akhunuullalleeye miitthwaaye.
	Yesu aakhumamo mu enyumba ya Mulluku, vano aroweeye oohudderaaye yaawa emutthoonyihera enyumba ya Mullukweeyo. Nave Yesu aallota wi, “Munnoona ddittheddenenndda?
	Kinimuulleellani ddawoona wi, vaava khavikhalla nlluku naari nimodda va nikhwaaye nihinaakumulliwe.” Vano Yesu akeraatthille va Mwaango wa Olivi, oohudderaaye yaawa mwa weekhiiwa.
	Yaamukoha wi, “Nilleelleni ddittheddene ddenndda ddineereye niini?
	Nave echizindikiro ya enthawi ya owa wanyu waneepiilli ni omalla wa ellapo yavattheella enaakhalle yawiidde?” Yesu ahaakhulla wi, “Chenjerani wi muthu ahiwoottottheni. Vawi athu anchichi eneeerophiya mu nnddina naka ni ollota wi, ‘Miyaano tti Mesiya,’ nave eneerowoottottha athu anchichi. Nyuwaano muneerewiiwa dda ekhoto ni epilli ya ekhoto.
	Muhinahoowa m'murimani mwanyu, vawi tti ddoophwanella wi ddeereye koma emallihello khenaphiye. Mutundu ni mutundu mmodda oneerekowana navettho omwene ni omwene mmodda oneerokowana.
	Nave Saulo aaniiwanana ni wiiphiwa wa Sitefanonko.
	Nllapo nene nenno mpingo wa o Yerusalemu wahaamba ohoosiwa wunchichi.
	Vano Yesu ahaamba ollota m'maphwanaphwanihoni wi, “Waakhalla muthu mmodda aallimalle emataaye ya ezipaso dda mpesa.
	Naphiyalleehu phaama omutundani, nahiiwa wi echilumbeeyo nnddina niwa naari Melita. Athu yakhalla vaavwaayo yaaneerella ddaphaama wunchichi.
	Ethiyo vano okhalla Muyuda tti waphaama mwawiidde?
	Apaalle ophaddiwa onapindula tini?
	Okhala Muyuda tti waphaama mu ettilla ddittheddene!
	Vawaamba, Mulluku ahaavaha Ayuda mawaaye wi yaasunge. Koma amodda a yaayo yaariki oohiroromelleya, yeella khenattaphullella wi Mulluku tti oohiroromelleya?
	Khe ddiiddo!
	Mulluku tti awoona naari athu attheene eri awoottha.
	Mawu a Mulluku enallotattho wi, “Nyuwaano, Mulluku, mwaallotaka arive muthu annoona wi munnallota ddawoona, munnapambana mu orive mullatu.” Vano ddaweera ddahu ddoonanara ddooniha echilungamo ya Mulluku, ninaallote tini?
	Ethiyo ttuuwora ollota wi Mulluku khanna echilungamo voonillakani?

End of preview. Expand in Data Studio

Lomwe Speech-Text Parallel Dataset

This dataset is a collection of aligned audio-text pairs in Lomwe, extracted from the CMU Wilderness dataset. It is useful for tasks such as:

Speech recognition (ASR)
Text-to-speech (TTS)
Language modeling for low-resource languages

Dataset Structure

Each entry in the dataset contains:

audio: A .wav file sampled at 16kHz
text: A transcription of the spoken audio in Lomwe (digits removed)

Example

audio	text
`B04___15_John________LONBSMN2DA_00001.wav`	`“Miyaano tti muteekho wa mpesa wawoona nave Attiitthaaka sika mwaneena a emata. Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo enimma ezipaso wi yimme ezipaso ddawaata. Nyuwaano mookhalla aweella khalle wonanko enthambi yoophadderiwa ekaamba ya mawu kuulleelleemini. Khallani mwa miyaano nave miyaano kikhalle mwa nyuwaano.`
`B04___15_John________LONBSMN2DA_00002.wav`	`Enthambi khenimma ezipaso mwa weekhiiwa yaahikhalla vamuteekhoni wa mpesa.`
`B04___15_John________LONBSMN2DA_00003.wav`	`Emoddamoddave yeeyo, nyuwaano khamuwora wimma ezipaso mwaahikhalla mwa miyaano. “Miyaano tti muteekho wa mpesa nave nyuwaano sika enthambi.`

Language

Name: Lomwe
Language Family: Bantu (if applicable)
ISO 639-3: ngl (change if needed)

Source

This dataset is derived from:

CMU Wilderness: A multilingual Bible corpus for speech research, published by Carnegie Mellon University.

Preprocessing

Numeric digits have been stripped from text.
Audio and text are aligned by file ID.

License

MIT License or original CMU Wilderness license (depending on your use case).

Citation

@inproceedings{black2019cmu, title={CMU Wilderness Multilingual Speech Dataset}, author={Black, Alan W}, booktitle={ICASSP 2019-2019 IEEE International Conference on Acoustics, Speech and Signal Processing (ICASSP)}, year={2019}, organization={IEEE} }

Maintainer

@michsethowusu

Downloads last month: 13

Size of downloaded dataset files:

363 MB

Size of the auto-converted Parquet files:

363 MB

Number of rows:

983